CLOSE WINDOW

D2539
བོད་ཡིག

/ //paN+Dita de nyid kyis rang 'gyur du mdzad pa'o/[ ]@##/ /rgya gar skad du/ Ar+ya many+dzu shrI nA ma saM gI ti u pa de sha nA ma br-i te/ bod skad du/ 'phags pa 'jam dpal gyi mtshan yang dag par brjod pa'i man ngag gi 'grel pa zhes bya ba/'jam dpal ye shes sems dpa' la phyag 'tshal lo/ /rang bzhin dri med gdod nas gnyis med sangs rgyas shing / /dri mas ma gos yon tan mtshungs med rab byed pas/ /dam chos gzhir gyur longs spyod gzugs dang ldan spyod pa//yang dag sprul pa skye 'gyur de la phyag 'tshal nas/ /mchog tu dri med gzod nas zhi ba'i ngo bo nyid/ /sems can don la gsal 'gyur mtshan yang dag brjod pa/ /sangs rgyas byang chub sems dpa' de la yon tan mnyam med pa/ /gzod nas grangs 'das kyis gsungs pa yi mtshan don bri bar bya//de la dus gsum sangs rgyas thams cad kyi yul/ rgyud sde thams cad kyi rtsa ba/ bstan pa kun gyi dngos gzhi/ sde snod kun gyi me long / nam mkha' dang mnyam pa'i 'grel pa'o/ /dgos pa la sogs pa gang zhe na/ mtshan don dkyil 'khor drug la sogs pa'i lta ba dang sgom pa'i bye brag ni brjod bya/de bstan pa ni dgos pa/ khyad par du gyur pa las 'bras bu sku lnga thob pa ni dgos pa'i dgos pa/ 'brel pa ni thabs dang thabs las byung ba'i 'brel pa'o/ /de la rigs kyi bu'am rigs kyi bu mo gang la las sangs rgyas bye ba phrag 'bum gyi mtshan bzung na yon tan ji tsam zhe na/de la tshad med dpag tu med do/ /gang la las 'jam dpal gzhon nur gyur pa'i mtshan bstan nas bzung na bsod nams ji tsam zhe na/ de ni gong ma las kyang dpag tu med cing bgrang ba las 'das pa'o//de ci'i phyir zhe na/ 'phags pa 'jam dpal ni de bzhin gshegs pa thams cad kyi dge ba'i bshes gnyen du gyur pa'i phyir ro/ /de nyid kyang cis she na/ 'phags pa 'jam dpal gzhon nur gyur pas bskal pa re re'i sems can gyi don byas pa de lta bu'i dka' ba spyad pa ni sangs rgyas bye ba khrag khrig 'bum gyis kyang ma mdzad do//de nyid kyang 'jam dpal gzhon nur gyur pa'i smon lam grub pa tshad med do/ /'jam dpal gyi yon tan gyi khyad par la tshad med do/ /'jam dpal gzhon nur gyur pa ni sangs rgyas bye ba khrag khrig brgya stong gi yab dang yum lta bu'o//'phags pa 'jam dpal ni sangs rgyas bye ba khrag khrig brgya stong la gdams ngag ston pa'o/ /'phags pa 'jam dpal ni phyogs bcu'i 'jig rten gyi khams na ming gi 'khor lo rgyas par byed pa'o/ /'jam dpal gzhon nur gyur pa ni de bzhin gshegs pa'i dkyil 'khor gyi gtam gyi skyes bur gyur pa'o//'jam dpal ni de bzhin gshegs pa thams cad kyis bstod cing bsngags pa'o zhes pa la sogs rgya cher 'byung ngo / /de ltar phan yon che ba ji lta bu'i dka' ba spyad ce na/ 'di'i tshul ni dpal sgyu 'phrul dra ba dang nges pa'i don gyi mdo las bstan te/dang po so so'i skye bo mang du thos pa zhes bya bas chos thams cad rtag par go nas kun la de ltar bsgrags pas thams cad rtag par lta ba la btsud pa'o/ /dus tshod der khye'u thos sgrogs zhes bya bas chos thams cad med par go nas kun la med par bstan te/de ltar sde gnyis su chad nas rtsod pa byung ngo / /de'i rnam smin gyis gnyis ka dmyal bar skyes so/ /de gnyis kyi 'khor rnams kyang lcags kyi thu lum 'bar ba za bar 'gyur te/ 'khor dang bcas pa de nas thar nas mthar 'dab chags byar skyes so/ /de yang mang du thos pa me mar 'obs su grogs po cig gis zhag nyi shu rtsa gcig tu bskyur ba las mang du thos pas dmyal dpon pa zhag bzhi bcu rtsa gnyis su ngo bor la 'di thos pa byas pas khyod rang gis bzod na rung zer nas/des bskyur bas bsam pa bzang pos zhag bdun lon nas tshe 'phos nas khyim bdag gi bu sbyin pa zhes bya bar gyur to//khye'u thos sgrogs ni grogs so cig dang gnyis dmyal dpon gyi shing rta 'dren pa la grogs pos ma nus nas/ dmyal dpon la 'di zhog ngas drang byas pas khyod kyis 'drongs sam zer nas mgo bo la tho ba brgyab nas tshe 'phos nas rdza mkhan snang byed kyi bur skyes so//des shAkya thub pa la 'jam gang phul nas sems bskyed nas sangs rgyas kyi mthus khyim bdag gi bu de tshe snga ma dran pa'i shes pa byung nas sbyin pa yongs su rdzogs par byas pa'o/ /de nas dge slong ye shes rgyal por gyur nas tshul khrims rdzogs par byas so//de nas bram ze dri med du gyur nas bzod pa rdzogs par byas pa'o/ /de nas rgyal po mu khyud kyi bur gyur nas brtson 'grus rdzogs par byas so/ /rgyal po dad yod du gyur pa'i dus su bsam gtan rdzogs par byas so/ /dge slong chos kyi rgyal mtshan du gyur pa'i dus su shes rab rdzogs par byas so//rgyal po nam mkhar gyur pa'i dus su shes rab dang thabs rdzogs par byas so/ /drang srong rgyal po'i dus su ye shes rdzogs par byas so/ /'di nyid la/ pha rol phyin bcu thob pa ste/ /zhes gsungs so/ /de ltar yang nas yang du dka' ba spyad pas mngon par rdzogs par sangs rgyas so//'di nyid la/ skad cig gcig gis rdzogs sangs rgyas/ /mchog gi dang po sku gsum 'chang / /sangs rgyas sku lnga'i bdag nyid can/ /zhes gsungs so/ /de ltar sku nyid gnyis med kyi ye shes de las longs spyod rdzogs pa'i sku mtshan dang dpe byad dang ldan pas/longs spyod rdzogs sku kun gyi rgyal/ /sum cu rtsa gnyis mtshan 'chang / /zhes gsungs te/ sum cu'i byang chub sems dpa' rnams la lha dang lha mor snang ste/ dkyil 'khor chen po yangs pa yin/ /kha dog sna tshogs 'bar ba'i 'od//ces gsungs so/ /de'i rjes kyi ye shes bya ba grub pa dang / kha dog sems pa de la gzigs pa drug gi tshul du gzigs nas ma rig sgo nga'i sbubs na gnas pa'i don bya ba'i phyir/ don dam pa stong pa yi ge a dkar po'i rang bzhin las lhun po rin chen gyi steng du byon la byin rlabs rdo rje chen po dang mchod rten chen po dang /chos 'byung dang / gzhal yas khang dkyil 'khor drug gi snang ba gdul bya la so sor byung ste/ de yang 'jam dpal sgyu 'phrul dra ba las/ bde gshegs dri med ye shes nyid/ a li byin rlabs chen po las//lhun po'i steng du rnam 'phrul snang / /dkyil 'khor drug gi ji bzhin no/ /zhes gsungs te/ skal ba dang ldan pa'i gdul bya drug la snang ba'o/ /gzugs rnams ma lus 'chang ba po/ /gzugs rnams sna tshogs kun du ston/ /ji bzhin 'gro ba'i don byed pa//sprul pa'i 'khor lo sna tshogs 'chang / /zhes gsungs so/ /gang la cis ni 'dul mdzad pa/ /thabs kyis 'dren pa'i gtso la phyag 'tshal bstod/ /rim pa bzhin du 'jug bya'i phyir/ /skal ba ji ltar 'tsham pa bzhin/ /de ltar rnam 'phrul mdzad pa'o/ /de ltar phan yon che ba gang zhe na/'di skad bdag gis zhes pa nas gsungs pa la mngon par bstod do zhes pas ston no/ /de gsungs pa'i gnas ni la la dag gzhan 'phrul dbang byed la sogs par gsungs par 'dod/ sgyu 'phrul dra ba las/ bya rgod ri yi gnas mchog tu//gsang ba dam pa rab bshad pa/ /zhes gsungs pas na/ bya rgod phung po'i ri la sangs rgyas dang byang chub sems dpa' phyag na rdo rje la sogs pa bsam gyis mi khyab pa 'dus nas so/ /de'i dus su lha'i bu rin chen gyis zhu ba'i bsam pa mkhyen nas/ 'phags pa 'jam dpal 'di rnams yon tan dang byin rlabs dang /ji ltar sgrub bar zhu bar 'dod pas gsung 'tshal zhes zhus pas/ 'jam dpal na re nga rang la yon tan brjod na bdag la bdag gis bstod par mchi bas lha dang mi'i ston pa bcom ldan 'das shAkya thub pas gsung 'tshal zhes zhus so//ston pas cang mi gsung ba'i dus su byang chub sems dpa' phyag na rdo rje khro bo lnga brgya dang thabs cig tu zhus so/ /der ston pas 'jam dpal sgyu 'phrul dra ba le'u khri drug stong rnal 'byor chen po'i rgyud bka' stsal to/ /de'i rjes la zab pa dang rgya che ba'i rdo rje'i glur blangs pa'i don dgrol ba'i phyir mtshan yang dag par brjod pa 'di rdo rje'i tshig tu gsungs so//de nas zhes pa ni de ma thag pa la sbyor ro/ /de yang sgyu 'phrul dra bar dkyil 'khor dang lha dang / dbang dang rab gnas la sogs pa'i rim pa kun bstan nas/ rje btsun gyi rang bzhin dang mdzad pa'i phrin las dang yon tan bstan pa'i phyir de nas so//'di la tshigs bcad sum brgya bcu gnyis kyis bstan pa 'di skabs bcu bzhir bstan pa de dang mi 'gal bar bya ba'i phyir dang / sngon gyi lo rgyus kyi don dang dris lan phan yon 'thad pa dang bcas pa bstan par bya'o//de la dpal ldan rdo rje 'chang nas zhu ba po dang 'khor rnams bstan te/ de yang sngon ston pa shAkya thub pa 'khor phyag na rdo rje la sogs pa bzhugs pa'i dus su sems can rnams kyi lo tog med/ tshe thung nad mang po byung nas sdug bsngal ba'i dus su ston pas ting nge 'dzin la snyoms par zhugs nas/klu'i rgyal po sog ma med kyis gnod pa byas par gzigs nas thugs ka nas 'od zer gyis bskul bas klu'i rgyal po'i lus zhum nas/ kye ma nga la gnod pa byed cing stobs 'gyed pa ni su yin zer nas bzhin la sogs pa bsgyur/khros pa'i sgra sgrogs shing nam mkha' la song nas sprin nag po'i gseb nas thog dang ser ba dbab par 'dod nas zhe sdang drag po skyes te/ de nas bcom ldan 'das kyis gsang ba'i bdag po bka' bsgos te/ gsang ba'i bdag po klu'i rgyal po 'di thul zhes bka' stsal to//de nas gsang ba'i bdag pos rdo rje nam mkha' la gsor zhing rig pa brjod pas klu'i gnas dang khyim kun du me 'bar ro/ /der klu na re khyed dang nga gnyis stobs dgye yis zer nas da lta nyid du brlag par bya'o zer nas khros pa'i nga ro sgrogs so/ / de nas gsang ba'i bdag po phyag na rdo rjes rdo rje lan gsum du gsor nas ri khyim la bsnun pas me 'bar bar gyur te/ der klu'i rgyal po khyab 'jug rang gi gnas su bros so/ /der byon nas khyab 'jug btul lo/ /der sa blar ma hA de ba'i sar bros pas yang btul lo/ / der sa steng lha tshangs pa'i gnas su bros pas yang btul lo/ /der thugs ma thub nas srog snying phul dam bcas so/ /des na gdul dka' sogs so/ /'khor gyis kyang gtso bo bzhin no/ /ston pa gang la zhus she na de bzhin gshegs pa sogs so/ /dgos pa ci yod na khyab bdag sogs rang don gzhan don no//ston pa'i mtshan dang yon tan zhe na/ rdzogs pa'i sangs rgyas sogs pas bstan no/ /'gro ba'i bla ma la sogs pa yon tan dang gzhan don bstan no/ /de yang chos kyi mtshan nyid ji lta bu zhe na/ bcom ldan 'das 'jam dpal ye shes zhes pa brjod bya don gyi 'jam dpal ye shes lnga'i rang bzhin du bstan no//ming ni nas rab zhi ba'i bar gyis rjod byed tshig gi 'jam dpal thun mong ma yin pa bstan no/ /de gang gi yul yin na thog ma nas yang nas yang du gsungs pa zhes pas dus gsum gyi sangs rgyas kyi yul du bstan no//chos kyi mtshan nyid gang zhe na/ rgyud chen la sogs pa'o/ /dgos pa ni rdo rje 'chang chen la sogs so/ /ston pas shod cig par gdams pa sdud pa pos kyang dam bcas pa mgon po nas gsang 'dzin par ro/ /de yang sngon rgyal po yul 'khor skyong gdung chad du nye ba na rgyal po de'i spyi bo nas sha'i wa ba cig skyes de la mya ngan byas pas sha de bog pa las nam mkha' las sgra byung ste/rgyal po chen po rin po che'i mchod rten cig rtsigs la de'i bum pa'i nang du rin po che'i mchod rten gyi za ma tog stong rtsa gnyis kyi nang du sha dum bu re tshud la mchod pa chen po gyis shig//khyad par du 'phags pa'i rgyal bu 'byung ngo zer nas de bzhin du byas pa las/ dus tshod cig tu rgyal bu stong rtsa gnyis mtshan dang bcas pa byung ngo / /de rnams bskal pa bzang po'i sangs rgyas stong rtsa gnyis chos kyi 'khor lo bskor bar zhal gyis bzhes so//de rnams kyi nang gi chen po lha tshangs pas nu bo tsho'i chos kyi 'khor lo bskor ba'i zhu ba dbul bar byas/ tha chungs phyag na rdo rjes gsang sngags kyi sdud pa po bya bar byas te dam bca' byas pas gsang 'dzin no/ /nges par 'byung nas spyan sngar 'dug gis chos spyod pa'i tshul bstan/zhus nas gnang ba'i tshul ni de nas bcom ldan 'das nas yid kyis nyon gyis bstan no/ /bcom ldan 'das kyi byung tshul ni gong gi khye'u thos sgrogs rdza mkhan snang byed kyi bur gyur/ shAkya thub pa chen po la 'jam gang phul nas sems bskyed nas rim par sa bcu thob nas/dam pa tog dkar du gyur nas lha rnams la chos ston cing bzhugs pa las nam mkha' nas sgra byung ste/ skyes bu chen po bcom ldan 'das/ /sems can kun la phan don du/ /mi yi yul du gshegs su gsol//mi yi yul du gshegs nas kyang / /chos kyi 'khor lo bskor du gsol/ /zhes bskul te/ dga' ldan lha mi pham mgon po la dbu rgyan bskon nas ri rab kyi steng du byon nas gzigs pa bzhi la gzigs te/ yab dang yum dang rigs dang grong khyer la gzigs nas mdzad pa bcu gnyis kyis 'gro ba'i don mdzad par dgongs te/'jig rten pa'i lnga/ 'das pa'i lnga/ bla na med pa'i mdzad pa gnyis te bcu gnyis so/ /yum gyi lhums su zhugs/ byi ba lo'i dpyid zla ra ba'i nya'i nang par bltams/ gzhon nu rol rtsed mdzad/ shAkya lag na be con can gyi bu mo khab tu bzhes rgyal srid la mnga' mdzad sras bltams/ rgyal bu 'khor ba la skyo ba skyes nas rab tu byung / lho phyogs gyad kyi yul chu bo nai rany+dza na'i 'gram du dka' thub lo bdun mdzad/ srod la bdud btul/ tho rangs mngon par sangs rgyas/ byang chub kyi shing p+lak+Sha la gzigs/ dam pa'i chos btsun par bya ba'i phyir zhag bdun du cang mi gsung bar bzhugs/ dam pa'i chos kyi 'khor lo bskor/ der bka'i 'khor lo rim pa gsum bskor ba ni nyid kyi zhal nas zhes so/ chos gsung ba'i snga ltas bstan pa'o/ /snying rje la sogs bsdus pa'i yon tan dang mtshan gyi yon tan dang / spro ba bskyed pa dang nyon cig par gdams pa'o/ /rgyud 'byung ba'i phyed dgongs pa la bzhag nas rigs drug la gzigs so/ /de yang rigs spyi dang / bye brag tu rigs dang / ye shes dang / gdul bya dang / dkyil 'khor dang / lha dang / mtshan dang / phrin las dang / gang la gang 'dul la cher gzigs pa'o/ /de nas dgongs pa las bzhengs nas tshig gi bdag pos tsheg par bdun ma'i tshigs su bcad nas gsungs so//de'i don gsang sngags rgyal po drug sku dang ye shes drug go/ /de ltar gnas sam zhe na/ gnyis su med par byung ste/ gnyis med ye shes rang rig pa ste/ de yang sems dngos por grub pa ma yin te/ mi skye chos can zhes ni sems skye ba med pa stong pa nyid do//stong pa nyid de tshad mar mi 'gyur ram zhe na/ mi skye chos can 'di gsungs pa ste/ sems skye ba med pa nyid rig pa sna tshogs su gsal ba/ rang bzhin gyis 'od gsal ba'o/ /de gang gis rtogs par bya zhe na/ yi ge bcu gnyis kyis nye bar mtshon te/ a A ni gdod nas ma skyes pa/ i I ni de la ye shes chen po 'pho ba'o/ /u U ni byang chub sems bde ba chen po'o/ /e ai ni chos thams cad bsam brjod dang bral ba'o/ /o au ni sems kyi sprul pa sna tshogs su shar ba'o/ /aM ni skye 'gag med pa'o/ /aHni skye med las 'das so//snang ba chos can 'di nyid sna tshogs su snang ste/ de nyid rgyu rkyen las skyes pa'i phyir stong pa'o/ /stong pa gtan med pa ma yin te/ nyams su myong ba dang ldan pas so/ /de dbyer med pa ni ye shes so/ /de yang sgro 'dogs gcod pa'i dus su tshad ma spyi'i mtshan nyid bcad pa'i yul la skyes bu mi slu ba nyid do//de lam du khyer ba mngon sum gyi mtshan nyid rtog pa dang bral zhing ma 'khrul pa nyid do/ /'di sgrub pa ni dgag sgrub dang bral ba'i sgro ma btags pa'i shes pas grub po/ /don gnyis med kyi ye shes te/ sems can dang sangs rgyas la khyad med de sems can las ma rig pas bsgribs so//s+thI to nas brti naM gyis dus gsum gyi sangs rgyas kyi thugs ka na sku dang ye shes kyi tshul gyis bzhugs par bstan no/ /sku dang po bud+d+ha dang 'khor lo dang / ye shes sems dpa' dang / zla ba dang a'o/ / de nyams su len na/ oM badzra tIk+Sh+Na nas ya te na maHsku drug dang dkyil 'khor drug dang / de la brten nas dbang dang rab gnas dang sbyin sreg dang tsha tsha dang bzlas pa dang sgom pa'i tshul gyis nyams su blang ngo / /de la a ra pa tsa na'i don 'di ltar nas tshul gyi mchog gis bstan te/ 'dir lha dang sbyar ba yang yin la da res chos nyid byang chub sems de a yis mtshon te skye med las byung ba'o/ /skye med de la dbye ba dgag bya'i sgo nas phye na rnam par thar pa'i sgo bzhi ste khong nas gsal bar byed kyis bstan no/ /de ltar rtogs na dug lnga ye shes lngar gyur pa ni mchod pa nas sel bar byed kyis bstan te/'di la gdul bya'i dbang du lo rgyus re re dag 'byung ste/ ri rab kyi steng na lha'i dbang po brgya byin zhes bya ba/ rnam par rgyal ba'i khang bzangs dang grong khyer blta na sdug dang chung ma dang 'khor la sogs pa la chags pa de rje btsun gyis de gzigs nas 'jam dpal 'od dpag tu med pa'i lha tshogs kyi snang ba bstan nas/de'i 'dod chags log ste so sor rtog pa'i ye shes skyes te mchod pa nas dga' bar byed pa'o/ /la la dag dbang phyug dang u ma gnyis la yang zer ro/ / zhe sdang zhes pa ni sngon drang srong cig nags khrod cig na bsgoms pa las lta ba log nas zhe sdang skye ste shi'o/ /der shar phyogs kyi 'byung po dge ba'i bu gtogs 'dod can zhes bya bar skyes nas yang 'byung po'i lus 'dis ci bya mi lus 'dod pas mi'i mngal skyug bro nas/ bram ze'i bu su tra zhes bya ba mgo nas sprugs pas sha rus zangs kyis song ba'i sbubs su song nas mi dang 'grogs ma shes nas dur khrod du ro mang po zos pas ru trar song nas grong khyer gsum phung bar byas/ de tshe 'phos pas lha ma hA de bar gyur te 'jig rten na mthu che ba ri rab glad la bskor ba/rgya mtsho hub kyis 'thung ba/ lha mo u ma dang gnyis rtag tu 'khyud pa ri rab kyi byang shar mtshams na thod pa dgu brtsegs kyi nang na 'khor dpag tu med pa dang bcas pa dus kun du tshe 'phrog mi nad phyugs nad mang po gtong / drag po nyi shu rtsa bzhis 'dzam bu'i gling nyi shu rtsa bzhir spyan drangs nas log pa'i tshogs 'khor byed pa de rje btsun gyis gzigs nas zhe sdang mi bskyod pa'i khro bo'i lha tshogs sprul te btul bas der thul te zhabs 'og mnan pa las grol ba ni 'og nas kyang bstan no//la la khyab 'jug 'dul ba'i phyir bstan te/'og nas ha la ha la'i skabs nas ston no/ /gsum pa gti mug blo ste la sogs pa ni sngon lha tshangs pa zhes bya ba dbang che zhes kun la dbang sgyur zhing yang las rgyu 'bras mi shes nas gti mug ste/ de gdul ba'i phyir gti mug rnam par snang mdzad kyi lha tshogs bstan te/chos kyi dbyings rnam par dag pa'i ye shes skyes so/ /bzhi pa/ mchod pa chen po khro ba che/ /zhes pa ni lha tshogs bdag ces pa ma hA de ba la/ chung ma gsum yod pa'i 'bring mo klu mo yid 'ong dga' ma la bu bzang sdug la 'od chags pa kun gyis blta yang mi bra ba gcig yod pa de seng ge'i khri la lag na rin po che thogs nas yod pa la/de u mas zas zhim po khyer nas bltar 'ongs pas sgo bcad/ tshogs bdag na re nga'i byad legs mo 'di mos mthong na da la mo chags pa skye/ mo dmod pa che bas snyam nas glang po che cig gi sna bcad nas tshogs bdag gi sna la glan pas der u mas mthong nas nga dga' nas zas khyer nas blta ba la mi sdug pa byed pa khyod la dus rtag tu glang snar shog cig /lag gi rin po che la phug tu song cig /seng ge'i khri byi lar song cig zer nas/ de ltar song nas shin tu ngo tsha nas/ su byung ba la rdeg /khro bo de gdul ba'i phyir khro bo don yod grub pa'i lha tshogs bstan/ der bya ba grub pa'i ye shes skyes so/ /la la dag gza' brgyad dang klu gdug pa can gdul ba'i phyir zer ro/ /lnga ni mchod pa chen po nas sel bar byed ces pa ni lha nor lha gdul ba'i phyir te/sngon lha dang lha ma yin 'thab pas lhas ma thub nas brgya byin gyis rmi lam brtags pas ri rab kyi zom na drang srong mthu bo che cig yod pa la/ de lha mo cig gis bslus nas de la bu tsha ming sring gsum yod/ de las gnyis kyis lha ma yin thub ste 'ong par rmis/der kun gyis gros byas nas lha'i mdangs las sprul pa'i u ma zhes bya ba mdzes pa cig drung du btang bas drang srong na re khyed gang nas 'ongs gar 'gro zer/ nga khyed kyi byan mo la 'ongs byas pas lo gsum chags pa spyad pas ma phrel nas/ shar lho'i me lhas me'i 'khor lo cig bar du sbar bas phrel lo//ming sring gsum gyi chen po mgon po nag pos g.yas su drangs/ dpal lha mos g.yon du drangs nas lha ma yin phung bar byas/ tha chungs nor lha Ar+ya dzam+b+ha la yin te/ kho la nor bu rin po che ne'u le'i rkyal bu gang yod pas/ ma rig pa nga rgyal gyi ser snas chags so//de 'dul ba'i phyir rin chen 'byung ldan lha tshogs kun sprul pas/ ser sna log ste mnyam pa nyid kyi ye shes skyes so/ /'o na byang sems rdo rje la dgos pa ci yod ce na/ de yang nyon mongs pa lnga 'dul ba lha gzhon nu gdong drug gi skabs su 'byung ngo //de ltar ye shes lnga po nyams ci zhe na/ 'dod pa nas mgu ba'i bar du'o/ /de yang sngon 'phags pa 'jam dpal bram ze dri med du bzhugs pa sangs rgyas rnga sgra dbyangs kyi rgyal po la gdams ngag zhu ba'i dus su/ yon med nas nor tshol du 'ongs pas kAR+ShA pa Na gser zho gnyis tsam rnyed pas lam ma chod nas brag phug stong pa cig tu nyal bas/rkun mo gsum byung nas khyod mi bsad kyis nor blang zer nas nga la med byas pas ma nyan rnyed pa'i gser byin pas/ da rung blang zer mi ster na mig 'byin zer/ da nga la med byas pas mig phyung ngo //der byang chub sems dang ma bral lo/ /dus der yul gyi lha ma yin rnams na re bya ba mi rigs pa de ltar byed pa zer nas bsad snyam nas brdung du phyin pas de shin tu mdangs dang kha dog dang ldan par 'dug nas lus bong che zhes pa'o/ /de'i 'bras bu gang zhe na/ming nas gsal ba che ba'i bar ro/ /de yang 'phags pa 'jam dpal gyi zhing khams dang sangs rgyas pa'i mtshan ston te ming yang che zhing rgya che ba ni/ mtshan sangs rgyas kun du gzigs zhes bya ba chos nyid kun la gzigs pa dang gdul bya kun la gzigs so/ / de yang yangs pa ni zhing khams te/ smon lam yongs su rdzogs pa zhing dag pa la rdul med par bsags pa zhes bya ba rin po che'i rgyu las grub ste/ byang chub kyi shing gi 'od kyi me tog kha bye zum pa las nyin mtshan gyi ming med pa zhing de'i steng gi bar snang las rol mo'i sgra byang chub sems dpa'i sde snod dang 'jam dpal mtshan brjod pa'i sgra rgyun mi 'chad pa/nyan thos dang / rang sangs rgyas dang bud med kyi ming mi grag /sangs rgyas dang byang chub sems dpa' sha stag bzhugs pa/ sdug bsngal gyi ming mi grag pa che la yangs te ni snang ba mtha' yas kyi zhing khams ni til gyi dong gang nas gcig phyung ba tsam mo//zhing khams de ni til gyi dong tsam mo/ /phyi ma rnams ni gzhung dang sbyar ro/ /de ltar rtog pa spyod pa gang zhe na/ mkhas pa chen po la sogs pas bstan te/ 'di la sngon rje btsun 'jam dpal rgyal po'i pho brang rin chen na rgyal po'i mchod gnas byed cing bzhugs pa la 'khor rnams kyis phra ma bcug ste/'jam dpal jo bo la dpya yin 'dug byas pas rgyal po bsam ngan skyes nas gros byas pa mchod gnas kyis mkhyen nas/ rA dza la gcugs la ma nyan ma bsad nga la de lta bu'i skyon med na byas pas rgyal po ma nyan nas/der rgyal pos phag tu mi mang po gsod du btang bas der 'jam dpal gyis rang 'dra bas yul thams cad gang bar byas pas gsod ngo ma shes nas/ der 'gyod pa skyes nas zhu ba phul bas ma gnang nas/ der yul gzhan zhig tu phyin nas kun nang pa sangs rgyas pa'i bstan pa la btsud de dkyus dang sbyar ro//de rnams nyid grol lam zhe na mi grol te/ rkyen pha rol phyin pa bcu dgos par ston to/ /'di rnams la gong bzhin du lo rgyus re re ston to/ /sbyin bdag chen po sngon khyim bdag dad pa'i bus sangs rgyas pa'i lha la gdams ngag zhus sbyin pa rdzogs par bya bar 'dod nas/rdzas med nas rgya mtsho nas nor bu rin po che blangs nas der sbyin pa btang sa thun mong du sbyin pa sum cu rtsa gnyis rdzogs par byas/ ma dag pa sum cu rtsa gnyis spangs/ mi zad pa nyi shu rtsa bdun rdzogs par byas so//de nas rgyal po rin chen du gyur nas yul du chos ston pa med nas der btsal bas sangs rgyas ri rab 'od bzhugs pa thos nas de la tshul khrims kyi gdams ngag zhus te/ spyir tshul khrims drug cu rtsa lnga rdzogs par byas/ mi zad pa'i tshul khrims nyi shu rtsa gcig rdzogs par byas so//zad pa'i tshul khrims brgyad spangs so/ /de nas bram ze dri med du gyur nas bzod pa rdzogs par bya bar 'dod nas zhus btsal bas sangs rgyas rgyal par dga' la zhus te ma dag pa'i bzod pa bcu gnyis spangs te/ spyod pa'i bzod pa bcu gnyis khyad par gyi bzod pa nyi shu rtsa gcig rdzogs par byas so/ /de nas rgyal po mu khyud kyi bur skyes nas sangs rgyas rnga sgra dbyangs kyi rgyal po la zhus nas spyi'i lnga dang khyad par brtson 'grus gsum rdzogs par byas te zhib tu 'og nas ston/de nas rgyal bu don yod du gyur pa'i dus su sangs rgyas stobs kyi rgyal po la bsam gtan rdzogs par zhus te/ khyad par gyi bsam gtan mnyam pa nyid bzhi rdzogs par byas so/ /de nas rgyal po grags par gyur pa'i dus su sangs rgyas don yod rgyal po la spyi'i shes rab brgyad cu rtsa bzhi/tshul sbyin shes rab sum cu rtsa gnyis rdzogs par byas so/ /stobs bcu yang rdzogs par byas so/ /de nas rgyal po nam mkhar gyur pa'i dus su sangs rgyas 'brug sgra dbyangs kyi rgyal po la smon lam bcu gnyis dang / thabs brgyad yongs su rdzogs par byas so//de nas drang srong rgyas par gyur pa'i dus su sangs rgyas dri ma med par grags pa la ye shes rdzogs par byas te ye shes skye ba'i rkyen bdun/ rgyu lnga bcu rdzogs par byas so/ /de ltar sbyin bdag chen po nas ye shes rgya mtsho'i bar du sbyar ro/ /grogs gang zhe na/ byams chen nas tshad thabs zhes pa tshad med pa bzhi ston te/'di la sngon rje btsun yul lum+bi ni'i rgyal po legs byin zhes bya ba tshad med pa bzhi bsgoms pa la/ yul der mkha' 'gro ma bdun gyis mi thams cad za bar byed pa la/ rje btsun gyis byams snying rje bsgoms pas ma mos sems can za ba'i sems dang bral nas//nged cag kyang byams dang snying rje bsgom ste bzar med zer ba la der dam la btags te gtor ma byin nas bstan pa bsrung bar byas pas ma mo bdun dang zhes pa yin no/ /de ltar bsgoms pa'i 'bras bu gang zhe na/ rdzu 'phrul chen po nas 'jigs par byed pa'i bar gyis rje btsun gyis gdul bya zhe sdang can 'dul ba'i phyir drag po'i skur bstan pa'o//de yang sngon lho phyogs gyad yul na mu stegs ral pa can lnga brgya yod de/ de rnams kyis thams cad log lta las bsgyur nas chad lta la bkod do/ /nang pa sangs rgyas pa'i bstan pa yang nyams dmas pa'i dus su yul de na sangs rgyas pa'i chos la mos pa cig yod pas des rmi lam btab ste/sangs rgyas pa'i chos bden na rmi lam du mthong bar shog cig /de ltar byung na yon bdag byas la yang dag pa'i lta ba la dgod snyam pa la/ rmi lam du ston pa sku gser btso ma'i kha dog 'dra ba lta bas chog mi shes pa'i sku gcig byung nas/khyod kyis yon bdag gyis shig zla ba gnyis nas nga yong gi gsungs nas/ der gnyid sad nas shin tu dga' nas btsun mo la bzlas pas/ mu stegs kyi dpon mo ma trang ga na re 'di su yang min sangs rgyas pa'i 'jam dpal smra ba'i seng ge bya ba cig grong khyer yangs pa can na yod zer gyis de kha yin pas/'dir 'ong na lam gyi mdo bcad/ nags tshal la dga' bas nags tshal breg /dgon pa shig /gtsug lag khang shig /'phrang du gyad rnams kyis bsrung /kho la rdzu 'phrul yod na lha dbang phyug chen po bsgrubs la byung ba dang thog dang ser ba dbab par gros byas so/ /der byon pas rdzu 'phrul gyis 'phrang bcad pa ni steng du mnyam por song / lung pa rtsi shing nags tshal gyis gang ngo / /der nam mkha' la dge slong dge 'dun dpag tu med pa byon nas ral pa can sogs byams pa'i sems bskyed nas bdag med kyi lta ba la btsud do//khros pa'i khro bo'i skus bdud la sogs thog ser 'bebs pa shes pa bsgyur nas brgyal lo/ /der bdag cag kyang rjes su bzung 'tshal/ rdzu 'phrul dang cho 'phrul dang rnam par 'phrul pa 'di bdag med kyi lta ba rtogs pa las byung bas kun de la btsud pas mgon po nas bla ma'o//de ltar drag po'i skur ston kyang thugs theg pa chen po'i snying rje dang shes rab las ma g.yos so/ /a ra pa tsa na'i don rdo rje dbyings kyi dkyil 'khor gyi che ba'i yon tan bstan pa'o// //da ni chos kyi dbyings kyi ye shes de nyid gti mug can gdul ba'i phyir shes rab ye shes spyi gtsug can gyi skur bstan pa'i byin rlabs ni sangs rgyas nas zhags pa che'i ston te/ de la rje btsun de'i yon tan gang zhe na/ rnam par snang mdzad ni sa bcu'i byang sems la snang ba theg pa chen po'i chos kho na ston pa/thugs yang dag pa'i ye shes che ba/ spang bya mtha' dag spangs nas lus ngag gi spyod pa thub pa'o/ /de'i rgyu gang zhe na/ gsang sngags dang tshul chen te/ thabs shes rab gnyis med las byung ba'o/ / gzhan yang pha rol phyin pa bcu las byung ba gong bzhin no/ /de bzhin du sa bcu dang stobs bcur ldan pa'o/ /shes bcu'i rtog pa'i spros pa dang bral bas spros med bdag go/ /de ltar brjod pa dang bral na ji ltar gzung na bden pa nas gnas zhes bstan te/ 'di la sngon ma ga d+hA'i dgon pa snying po byang chub kyi gnas su 'jam dpal theg pa chen po'i chos zhu ba'i 'khor gyi gtso bo sangs rgyas nor dpal dang /rin chen dpal dang / yon tan dpal dang / mig gi dpal dang / brtson 'grus dpal dang / ye shes dpal dang / bzang po'i dpal gyis de kho na nyid kyi don zhus pas mnyam pa nyid kyi don dam par gnyis su med pa de ltar bstan te/yang dag pa'i mtha' la gnas pa'o/ /gnyis su med pa gang zhe na/ bdag med nas ngan 'jigs byed pa ste/ dper na seng ge'i sgras ri dwags skrag pa bzhin du bdag med pa'i sgras mu stegs skrag par byed do//spyir mu stegs la lta ba sum brgya drug cu/ de las bsdus pa log pa'i ri bo nyi shu/ de mu stegs rtag chad gnyis su 'dus so/ /ya mtshan can dgu bcu la sogs pa yod kyang ston pa ste drug nas brtsi'o/ /'di la sngon ri pi ri la na rgyal po gzugs can snying po lings pa la 'ongs pas ci yang ma rnyed nas log tsam na drang srong cig 'dug nas ngas ri dwags ma sod pa 'dis lan zer nas gsod pa la/der drang srong gis dmod pa bor ba ni/ nga bur skyes la khyod kyi bdud du shog shig byas pas/ der btsun mo la bu skyes pas lcags kyi mdzer pa can cig byung bas phas gzhibs pas pha ma'i lce yang skrangs ming yang ma skyes dgrar btags so//kho cher skyes nas/ pha sgyugs/ phas yul gzhan du chos thos phyir la 'ongs tsam na/ bu la gdams ngag bya snyams te phyin pas bu'i snying nas nga la gnod pa byed snyam nas der pha dong du bcug go//mas lo rgyus byas pas bu 'gyod pa skyes nas dong nas 'don du phyin pas/ phas bsams pa/ gsod pa yin bsams nas lcebs nas shi'o/ /der ma skyes dgra'i lus la 'brum nag byung nas/ der mya ngan byas pa la bsams pas mu stegs kyi ston pa drug bzhugs pa la sogs pa'i thabs zhu snyam nas blon po drug pos nas zla ba'i grags pa/snying po stobs/ bde ba/ don thob/ bkra shis/ 'jigs med/ drug po la zhus pas/ rgyal po pha bsad pa la ni sdig pa mi 'ong / pha bsad dang mi shi ba mir skye bas sngon gyi dus na pha ma bsad pa yongs su sangs rgyas pas/de 'o na ston pa drug da lta bzhugs pas dris dang / de yang 'od srungs rdzogs byed dang / phyugs lhas kyi bu ka ri dang / be ra'i bu kun du rgyal dang / ka ta'i bu nog can dang / mi pham skra'i la ba can dang / gcer bu gnyen gyi bu dang drug la zhus pas/rgyal po rtag tu mya ngan ma byed cig /rtag tu mya ngan su byed pa/ phyis kyang mya ngan byed par 'gyur/ /gnyid dang chang la'ang de bzhin no/ /zer nas rgyal po pha bsad pas ni slar thar pa'i bde ba ster/ pha bsad pa'i sdig pas mi gos kyi zer nas so/ / der ma skyes dgras sman 'tsho byed gzhon nu dang phrad nas zhus pas/ rgyal po mya ngan byed pa legs/ /pha bsad pa yi sdig pa ni/ /de las che ba yod pa min/ /'gyod pa shin tu cher skyes shig /de bshags pa'i thabs ni grong khyer ser skya na rgyal bu don thams cad grub pa zhes bya ba yod kyis de la dris dang /ston pa de rnams ni log par ston pa yin byas pas/ de la yon tan ci yod de'i yon tan ni lha'i dbang po brgya byin la 'chi ltas lnga byung ba yang ston pa la zhus pas ma shi/ sor phreng can gyis dgu brgya bsad pa dang / rgyal bu pu tas yan lag bcad pa dang / mi lnga brgya mig phyung ba dang /kun ston pa la zhus pas kun sangs rgyas so/ /dus der ston pa mya ngan las 'das su nye ba na/ nam mkha' la sgra byung nas rgyal po myur bar song / khyod da ste zhag bdun na shi nas dmyal khams bco brgyad du 'gro'o zer nas/ khyed su yin byas pas nga pha gzugs can snying po yin zer nas song /ma skyes dgra der brgyal/ brgyal ba sangs nas/ der 'khor mang po bcas pas ston pa la zhus pas/ 'phags pa 'jam dpal la zhus zer nas 'jam dpal gyis chos thams cad gnyis su med pa sgyu ma lta bu'o zhes rgyas par bshad pas der rgyal po 'khor dang bcas pa lus sems dga' ldan lha dang 'dra bar gyur to//de ltar ston pa drug po des grong khyer stong lta ba log pa la btsud pa la/ rje btsun 'jam dpal gyis mu stegs kar+Na kar brdzus nas thams cad sun byung nas bdag med pa'i lta ba la kun btsud do//de lta bu don mdzad pa des 'dul bas na don de thugs kyi dgongs pa tsam gyis byon pas yid mgyogs so/ /de yang sgrib pa gnyis las rgyal bas na'o/ /'dul lugs ji ltar 'dul zhe na/ 'khor los sgyur ba stobs po che/ /zhes sngon grong khyer 'od 'phro can na rgyal po dpa' ba'i blo gros bya ba grong khyer bye ba phrag bcu/bud med stong phrag gsum/ /de la sras gzi byin chen po la sogs pa lnga brgya/ sras gzi byin chen po la chung ma lta na sdug pa stong phrag bcu yod pa gling bzhi la dbang ba rin po che sna bdun dang ldan pa dus de'i tshe sangs rgyas ri rab dpal nam mkha' la phar bzhud pa mthong bas rgyal srid mchil ma'i thal ba bzhin bor nas 'gro ba la yab kyis ma 'gro byas pas ma nyan pas/de 'khor dang bcas pas bud+d+ha la mchod pa byas nas chos zhus pas kun thar pa thob po/ /gzhan rnams la ji ltar ston zhe na/tshogs kyi nas dbang ldan zhes pas nyan rang byang sems rnams la 'gro ba'i don mdzad pa'o/ /tshul chen gzhan gyi dring mi 'jog pa ni sngon gyi rgyal po bzhin bzangs zhes pa ri bo dan tig na dgongs pa mdzad pa la bdud bye ba khrag khrig brgya stong gis drag po gnod pa byas pas ma tshugs nas/der bdud de tshos bud med nyi khri sprul nas 'dod pa'i yon tan lngas ci 'gyur byas pas ma tshugs so/ /ji ltar ston zhe na/ tshig rje zhes pa nas ston pa po'i zhes pas 'jam dpal gyis byang chub sems dpa' la sogs pa rnams la 'jig rten gyi khams kyi sangs rgyas kyi mtshan gyi rnam grangs mi 'dra ba mang po so sor rig pa'i tshul du bshad do//bstan lugs ni phyir mi nas rgyu gcig po zhes pas gang la mtshan bstan pa ste/ nyan thos dang rang rgyal dang byang chub sems dpa' rnams la ston pas theg pa kun gyi 'byung gnas sam rgyu'o//de spang bya gang spangs pas byung zhe na/ dge slong dgra bcom nas las byung bas rje btsun spang bya mtha' dag spangs nas bde ba'i ye shes 'phags lam brgyad dang ldan pas ji lta ba rig pa zung du 'jug pas 'khor ba'i 'dam las brgal nas mya ngan las 'das pa'i skam sar byon pa'i ye shes te/de yang sngon rje btsun rgyal po nam mkhar gyur pa'i dus su rgyal po lha la sras de 'khrungs nas 'khor los sgyur ba'i rgyal po gling bzhi la dbang ba btsun mo drug khri dang bcas phyi blon nang blon la sogs pa dpag tu med pa yod pa la/ yab rgyal po sa'i lha ni 'dzam bu'i gling gi 'dod pas ma tshim nas sum cu rtsa gsum gyi dbang po brgya byin gyi stan phyed kyis ma tshim nas yong 'dod pa'i bsam pas rin po che dang bral te 'dzam bu'i gling du song nas shi'o//der bu rgyal po nam mkha' 'khor ba la skyo ba skyes nas/ rgyal pos dbu rtse nas bltas pas sgo bzhin par 'chi ba dang skye ba dang rgas pa dang na ba mi 'chad pa mthong nas rgyal srid la yid byung nas/btsun mo dam pa la nga snying ma dga' nas 'gyel nas 'gro na byas pas/ 'o na mu stegs kyi ston pa mi pham la chos thabs zhus zer bas/ des nga'i nad mi sos/ nad 'di mi gsum 'dom pa'i nad yin byas pas/ dam pa'i chos la 'ongs na sos te'ang / de min na 'chi gsungs pas/ btsun mo na re de skad ma gsung dus de'i tshe na sangs rgyas 'brug sgra dbyangs kyi rgyal po bya ba bzhugs pa la chos kyi 'khor lo bskor zer nas/ sangs rgyas de la lo brgyad khrir chos kyi 'khor lo bskor nas sems bskyed nas smon lam mang po zhus nas mchod pa mang po byas so//de nas rgyal pos g.yog 'khor rnams spangs nas gcig pu nags gseb tu bsgom du 'ongs pas/ ga re dge ba de tsam byas pas/ de bsngo ba ma byas pas/ bsngo ba ji skad byas la bsngo'am/ tshangs par bsngo'am/ brgya byin du bsngo'am/ nyan thos dang rang sangs rgyas su bsngo'am snyam nas yod pa la nam mkha' las me tog gi char byung nas/ rgyal po chen po snyan gson dang bsngo ba rnam par dag pa ni byang chub chen po yin rgyal po chen po shes par gyis zer nas/de'i dus na chos thams cad sgyu ma lta bur mthong zhing rtogs nas sa dang po'i mthong lam skyes so/ /de'i rjes la ye shes 'ba' zhig las byung bas bsgom pa'i lam thob pas khyad par du 'gyur ro/ /gzhan don mdzad pa ni shes rab mtshon nas lam ni ston pa po zhes pa ni rab tu 'byed pa'i shes rab lung man ngag gis gzhan la ston te/ma rig pa bsal nas chos thams cad dbang rnyed pas na dman pa rnams la lam phyin ci ma log par ston no/ /'di yang sngon gyi dus na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong brgya stong gi dge 'dun chen po dang /byang chub sems dpa' khri nyis stong dang / lha'i bu dpag tu med pa dang / lha ma srin sde brgyad la sogs pa dang / thabs cig tu bzhugs so/ /dus de'i tshe na 'phags pa 'jam dpal gzhon nur gyur pa bcom ldan 'das kyi g.yas rol du bzhugs so//dus de'i tshe lha'i bu rin chen mchog ces bya bas bsams pa/ 'jam dpal 'dis nges pa'i lam phyin ci ma log pa'i chos cig bstan na ci ma rung snyam mo/ /dus der bcom ldan 'das kyis mkhyen nas 'jam dpal la zhus so//'jam dpal gyi zhal nas chos thams cad brjod du med pa la bshad du yod dam gsungs/ bcom ldan 'das kyi zhal nas brjod du med pa la brjod par go bas shod gsungs/ 'jam dpal gyi zhal nas brjod du med pa la ji skad bshad lags/bcom ldan 'das kyis bka' stsal pa/ chos kyi dbyings rnam par dag pa la brtsams nas shod gsungs/ 'jam dpal gyis gsol pa/ chos kyi dbyings rnam par dag pa la ni kun nas nyon mongs pa dang / rnam par byang ba dang dbyer med pa chos thams cad mnyam pa nyid yin na blo gros dman pa dag skrag cing dngang bar mi 'gyur ram zhe na/ston pa'i zhal nas skrag cing dngang ba rang 'jug pa'i lam yin pas ston cig gsung / de nas 'phags pa 'jam dpal gyis seng ge'i khri la bzhugs te/ rigs kyi bu'am rigs kyi bu mo gang la la dag chos thams cad mnyam pa nyid de 'khor ba dang mya ngan las 'das pa dbyer med/'khor ba nyid mya ngan las 'das pa yin/ mya ngan las 'das pa nyid 'khor ba nyid yin te/ de ci'i phyir zhe na/ 'khor ba'i chos nyid mya ngan las 'das pa yin la/mya ngan las 'das pa'i ngo bo de nyid 'khor ba la snang ba'o/ /dus der dbang po rnon po dang ldan pa dag mi skye ba'i chos la bzod pa thob/ dbang po dman pa rnams de nyid du langs nas/ de ltar yin na rab tu byung ma byung dang med/ tshul khrims bsrungs ma bsrungs dang gnyis med do//chos de byar med zer nas bros song ngo / /der 'jam dpal gyis sprul pa'i dge slong gcig tu sprul te lam gyi bzhi mdor bsdad do/ /der nyan thos kyi rigs de la gang nas 'ongs byas pas/ 'jam dpal la 'khor 'das dbyer med thos pas skrag pa'i lo rgyus byas pas so//khyed gar 'gro zer/ nga 'phags pa 'jam dpal gam du 'gro byas pas/ ma 'gro kho na re chos thams cad mnyam pa nyid yin zer bas de ltar song na dge sdig 'dra bas skyon mang po yod zer/ der sprul pa'i dge slong des 'o na der sdod dang / da ltar snang ba 'di sems nyid snang bar 'dug gam/bems po snang bar 'dug gam dpyod dang byas pas/ de tshos dpyad pas sems nyid snang bar 'dug /'o na so so rang re'i sems 'di phyi na 'dug gam nang na 'dug /gnyi ga'am kha dog gam dbyibs la sogs pa gang du 'dug dpyod dang / sems 'di dang po gang nas 'ongs/da lta gang na 'dug /tha ma gar 'gro dpyod dang / khyod rang gi yang spyi gtsug nas rkang mthil bar gang na 'dug rtog dang byas pas/ de ltar so so rang res brtags pas ma rnyed zer ro/ /'o na med dam byas pas gsal ba tsam du 'dug /'o na te ma rnyed pa de ka'i ngo bo la 'khor ba'am mya ngan las 'das pa'am gnyis kyi rnam par 'dug gam mi 'dug byas pas/de'i ngo bo la mi 'dug zer/ der sprul pa'i dge slong na re 'o na 'jam dpal gyis bshad pa yang de lta bu la dgongs pa yin pas 'thad dam mi 'thad gsungs pas/shin tu 'thad zer nas de zhu ru 'deng byas nas 'ongs so/ /sprul pa'i dge slong de seng khri'i steng du bzhugs pas nyan thos de rnams mgo phur nas byung bas cis nyes byas pas/ da ci bros pa ngo tsha zer nas/ der chos thams cad mnyam pa nyid la ngo tsha ba yod pa ma yin pas/da legs par nyon cig gsungs nas/ lam phyin ci ma log pa'i don bshad pas legs pa'i lam ni ston pa'o/ /lam phyin ci ma log par ston pas rang don grub/ gzhan gyi bsam pa grub/ de ltar yin phan chad du 'dzin pa med pas kun du rtog pa thams cad spangs pa'o//'o na rnam par mi rtog pa la sku ji ltar 'byung zhe na/ zad mi shes pa 'byung ngo / /de la rgyu tshogs dgos pas bsod nams ldan pa ye shes tshogs te/ pha rol phyin pa bcu'o/ /ye shes kyi khyad par dang yod med shes zhes pa theg pa'i khyad par te/'di ni dpe bstan pa ni sngon yul a nyu ta zhes pa'i lung pa dgon pa cig na phar mi rgod lnga phyin pas shin tu skom pa la/ rdzing bu cig gi 'gram na shing cig la sbrul nag po chen po cig 'dug pa'i gzugs brnyan chu nang du byung ba la mi rnams chu 'thung ba'i blo che chung gis gcig na re sbrul dngos yin zer nas chu 'thung ma nus/gcig na re gzugs brnyan dag yin te chu 'thungs na gnod pa 'ong bas dug sngags btab na phan zer ro/ /gcig na re gzugs brnyan yin na 'thung dang zer/ gcig na re 'di rdog pas brdzis la btung zer/ blo dang ldan pa gcig na re 'di gzugs brnyan yin pas ci yang bya mi dgos pas de ga rang du zhog la chu btung zer nas khos 'thungs so//de bzhin du theg pa'i khyad par la sbyar ro/ /tshogs gnyis tshogs ni bsags pa po/ /zhes pa ni sngon 'jam dpal rgyal po mig bzangs su gyur tsam na/rgyal po'i chad pas sems can stong btson rar bcug pa las/ bu smad yul 'khor byin nas btson ra nas bton no/ /rgyal po mi pham pa'i dus su lus sbyin par btang ngo / /rgyal po gtsug na rin chen gyis mgo sbyin par btang / rgyal po zla ba 'od kyi dus su mig byin/rgyal po gtogs so'i dus su dbang po lnga sbyin par btang / rgyal bu thams cad gtong bar grags pa'i dus su rkang dang khrag sbyin par btang bas des na rje btsun gyi tshogs gnyis bsags pa'o/ /de thams cad kyang rnal 'byor ram ting nge 'dzin dam pa la brten pas rtag par kun rgyal nas mi g.yo ba zhes pas bstan/'di yang sngon bya rgod phung po'i ri la bcom ldan 'das 'khor dpag tu med pa la chos ston pa'i dus su/ 'phags pa 'jam dpal ting nge 'dzin las bzhengs nas 'chag tu byon pa dang / gnas brtan shA ri'i bu yang dag thugs la sgom pa byed pa gzigs nas/khyod bsam gtan byed dam byas pas byed zer nas/ khyod nyon mongs pa spang ba'i phyir byed dam/ de bzhin byed zer na 'o na khyod dus gsum gang la gnas nas byed dam/ yul lnga la gnas nas byed dam/ dbang po lnga la gnas nas byed dam/ khams gsum la gnas nas byed dam/ de thams cad ni mnyam pa nyid yin/ khyod la bsgom bya sgom byed kyi sgom pa ji ltar yin dris pas/ lan du nga rtog pa spong ba tsam du sgom zer/ 'o na rtog pa dang sems gcig gam tha dad rtog pa dang / sems la tha dad med pas brtags na ci yang rnyed pa ma yin no/ /de'i dus su kha cig ni ma mos nas ngu 'bod kyi dmyal bar thang cig skyes/ de nas dga' ldan du skyes so/ /'jam dpal bsam gtan de gang zhe na/ chos thams cad mi dmigs pa'o/ /mi dmigs pa de mi rtog pa/ mi dpyod pa spros pa nye bar zhi ba de ga la yod do zhe'am/ gnyis ka'o zhe'am/ gnyis ka ma yin par zhe'am gang du yang khas blang du med pa/ dmigs pa thams cad dang bral ba/ sems pa med cing sems dang bral ba ste/ 'dus ma byas la gang rtog dang / /mya ngan 'das le gang rtog pa//gnyis ka bdud kyi las yin zhing / /sangs rgyas rnams kyis rab tu bshad/ /ces gsungs pas thams cad kyang dgra bcom pa thob po/ /des na rje btsun 'khor ba ji srid du bzhugs shing rnal 'byor dam pa dang ldan pa zhes bya'o/ / de'i 'bras bu gang zhe na/ sku gsum dang / sku lnga dang / ye shes lnga dang / rigs lnga dang / spyan lnga dang ldan par bstan pa'o/ /phrin las bstan pa ni/ sangs rgyas thams cad bskyed pa'o/ /zhes pas sangs rgyas kun chos nyid las skyes pa dang / thams cad la ma nor bar bstan pas de la sangs rgyas 'byung ba'o//rje btsun nyid kyang gnyis med las skyes pas na sras po mchog /don mdzad kyang nyes pas mi gos te/ chos rnams sgyu ma lta bur shes pas srid pa mi len pa'o/ /'o na 'gro don ji ltar mdzad na gnyis med las gzugs sku gnyis byung nas srid pa sel lo//'gran zla med pa'i sku skye 'chi dang bral ba sku byung ma thag tu 'gro ba'i don mdzad pa'o/ /sku ni gzha' tshon lta bu la mtshan dpes spras pa ste/ stong pa nyid las byung ba'i sku de ye shes lnga'i ngo bo ste/ shes rab ye shes nas 'od gsal bas ye shes lngas don mdzad pa'o//rang don du shes skyob gnyis mchog bdag po/ gzhan don dang phrin las mdzad pas rig sngags nas don zhes pa'o/ /rje btsun dbu la ye shes lnga'i gtsug tor spro bsdus bzhugs/ sku'i dpe nam mkha' la kun 'byung ba bzhin no/ /gong du bstan pa bzhin du khyad par du gyur pas 'gro ba kun la spyan gyis gzigs nas gdul bya ji ltar 'dul ba bzhin du skye ba ston pas na sna tshogs gzugs can bskyed pa'o//drang srong che dgus mchod cing brjod pa ni sngon ston pa lha'i dbang po dbang sgyur gyi gnas na sangs rgyas byang chub sems dpa' mang po bzhugs pa la kun chos kyi 'gro ba mdzad pa la/'jam dpal gyis ma gsungs par gzhan mi gsung ba la sus kyang ma spobs nas/ byang chub sems dpa' bcu drug gis/ dpal gyi 'byung gnas 'jam dpal kun gyi dpal/ /la sogs pa tshigs bcad bcu drug gis re re bstod do//phyogs bcu'i sangs rgyas kyis kyang / nyid kyi mdangs bzang sems kyi ni/ /la sogs pas bstod do/ /dus de nyid du lha dang lha mo la sogs pa dpag tu med pa rnams kyis mchod pa sna tshogs pas mchod/ /bstod pa kun gyis bstod nas zab mo'i don mang du zhus so/ /yon tan yod pas bstod pa nas sku gsung thugs dang shes skyob gnyis yod pa can no//thugs yang dag pa'i ye shes gsang sngags kyi bstan pa 'dzin pa des na gtso bo ste/ dkon mchog gsum dang theg pa gsum ston pa gong bzhin no/ /des na 'gro ba'i don thugs rje zhags pas thun mong ma yin pa des 'dzin te/des sems can mi gtong bas zhags pa dang sems can 'dzin pas lcags kyu dang 'dra'o/ /des 'ching bas zhags pa che zhes bya'o/ /'phags pa 'jam dpal shes rab ye shes spyi gtsug gi yon tan bstan pa'o/ /da ni me long lta bu'i ye shes de gdul bya zhe sdang can gdul ba'i phyir khams gsum rnam par rgyal ba la sogs pa khro bo'i tshogs dpag tu med pa rnams bstan pa ni/rdo rje ni me long lta bu de las 'jigs par byed pa'i sku gang zhe na/ khro bo'i rgyal po gdong drug 'jigs/ /mig drug lag drug stobs dang ldan pa ni pha rol phyin pa drug dang /rjes su dran pa drug dang / mngon shes drug gi ngo bo ste/ 'di la sngon lha dang lha ma yin 'thab pa'i dus su ma hA de ba yab yum ma phrel ba me lhas phral bas/ me lha'i kha la pho mtshan brgyab pas/ me lha bu che nas ston pa la thabs zhus nas khos me'i dkyil 'khor du bsgoms nas mdun du bum pa drug bsgoms te khong pa'i sa bon byabs nas bum par blugs pas/bum pa drug sbrum nas der gcig tu 'byar nas de'i nang nas gdong pa drug pa gcig byung ste gzhon nu mig ces kyang bya/ gzhon nu gdong drug zhes kyang bya/ de'i bu dbang ldan drag po bya ba 'khor dang bcas pas skye 'gro kun la dbang byed pa yod pa de gdul ba'i phyir/ rje btsun gyis khro bo gdong drug tu sprul pas na des 'jigs pas na 'jigs zhes bya'o/ /keng rus mche ba gtsigs pa po/ / zhes bya ba ni lha mo u ma la bu gsum ni/ kArti ka dang / b+h+r-ing+gi ri ti dang / kar+Ni ka gsum yod pa las/ ma srin mo'i spyod pa byed pas phas sbas te/ nam zhig kArti ka shin tu bzang sdug la 'od che nas mos bltar 'ongs pas bu bros te/ ded pas zin nas sha 'dod pa rus pa phas khyer zer nas sha bkros nas zos te song ngo //phas phyin tsam na shi la khad nas 'dug pa la rtsi ma gi ta btab pas ma shi nas de shin tu drag rtsal che la zhe sdang tshad du phyin pa cig byung / de gdul ba'i phyir keng rus mche ba gtsigs pa'i khro bo'o/ /ha la ha la gdong brgya pa ni sngar 'jig rten pa'i lha chen po dang /byang chub sems dpa' bcu drug dang / lha ma srin sde brgyad tshogs nas gros byas pas/ phyi'i rgya mtsho 'di na rin po che yod pas 'di dbyung ba'i thabs la ri rab la srub ma byas la skrog par chad/ klu chen po brgyad kyis srub thag byas/lha chen po brgyad kyis 'then pas sna la rin po che mang po byung nas lha'i rgyan byas/ de nas dug lnga byung ste/ btsan dug /dbyig dug /mche ba'i dug /mthong ba'i dug /thos pa'i dug ha la ha la byung ngo / /btsan dug dbyig dug bzhag go/ /mche ba'i dug sems can la gnod kyis dogs nas rgyal po mig mi bzang gis 'thungs pas sha'i spyan long nas ye shes kyi spyan mnga' bas des kun la bltas na gnod pas lag tu mchod rten bzhag go//mthong ba'i dug byung nas 'phags pa spyan ras gzigs kyis 'thungs pas khong par ma tshugs nas ske nas tsar gyis phyung nas kro d+ha mgrin sngon gdug pa sel bya'o//de nas ha la ha la su'i rna bar thos pa 'chi ba na 'phags pa 'jam dpal gyis zhal brgya tham par sprul nas 'thungs te/ thub nas sems can rnams la phan par byas so/ /de'i ngo bo bstan pa ni/gshin rje gshed po bgegs kyi rgyal/ /zhes bya ba ni sngon tshe lo dpag tu med pa thub pa'i dus su/ thub pa bgegs kyi rgyal po bi nA ya ga zhes bya ba byol song gi gzugs la lto ba che ba mgo lcags ri'i ngos la gtad/ rkang pa ri rab kyi ngos la gtad nas skye 'gro kun la bar du gcod pa yod do//de gdul ba'i don du sgyu 'phrul gsus po cher sprul nas de'i steng du bzhugs pas/ lcid lan gsum du phab pas 'khun ma byung nas/ der bsam gtan dang por sleb pa'i lus kyis mnan pas bred nas chos skyong ba'i srung mar dam bcas so/ /khro bo'i rgyu gang zhe na rdo rje las byung ba de la de skad ces bya ba'o//ngo bo'am rang bzhin nam mkha' lta bu gang gis dang por ma gos pa'o/ /dbu skra kham nag gyen du brdzes pa sbrul gyi rgyan khro bo'i rgyan dang gsung dang thugs bstan pa ni/ glang chen nas gad rgyangs ha ha zhes sgrogs pa zhes pa ni/ glang lpags gos/ gsung ha ha dang hi hi dang rdo rje'i gad rgyangs so/ /'o na khro bo de nyid zhe sdang 'ba' zhig gam zhe na ma yin te/ thugs bde ba chen po las ma g.yos so/ /gsung rdo rje hUM ste hUM zhes sgrogs so/ /phyag mtshan mtshon du rdo rje mda' gzhu dang / rdo rje ral gri dang / rdo rje rtse gcig pa dang /rtse lnga pa dang / g.yul sel ba rdo rje mdung la sogs pa dpag tu med do/ /spyan rdo rje 'bar ba'i mig /dbu skra rdo rje/ rdo rje 'bebs pa 'od du 'byung ba'o/ /gong gi gdong brgya la mig dang do/ /lus kyi ba spu 'ang rdo rje'o/ /gcig pu'i lus ni skye shi med pa'i sku'o//pags pa yang rdo rje/ phyag rgya lnga yang rdo rjes brgyan pa/ gsung ha ha sgrogs pa ci sgrogs na yi ge drug pa ste/ oM ya mAn+ta ka hUM ni khro bo'i yang snying ngo / /de'i don ni 'di yin te sngon ri rab kyi steng chos bzang lha'i 'dun sar/ sangs rgyas dang byang chub sems dpa' mang po tshogs so//dus de'i tshe na lha dbang phyug chen po dang yum u ma drag po'i 'khor pho nyi shu rtsa gcig dang mo nyi shu rtsa gcig yod de de yang khyab 'jug dang / gzhon nu kArti ka dang / tshangs pa dang / dbang po dang / nyi ma dang / zla ba dang / spen pa dang / mig dmar dang / tshogs kyi bdag po dang / sbrang rtsir byed pa dang / rgyal bar byed pa dang / nor sbyin dang / rlung lha dang / me lha dang / lus ngan po dang / 'phags skyes po dang / gshin rje dang / tshogs bdag dang / chu lha dang / b+h+r-ing+gi ri ti dang / dga' byed dbang phyug rnams ni pho 'khor ro//mo rnams ni u ma dang / rdo rje rgyal mo dang / drug ldan ma dang / tshangs ma dang / dbang mo dang / mi'am ci ma dang / ro hi ni dang / dbugs 'dzin ma dang / skye ba 'phrog ma dang / gsod ma dang / zab mo dang / 'gro ma dang / dga' ma dang / zhi ba mo dang /rlung gi mo dang / me ma mo dang / lus ngan mo dang / phag mo dang / tsa muN+Di dang / sna chen ma dang / chu lha mo dang rtsa gcig go/ /lha ma srin sde brgyad dang / tshangs ma la sogs pa ma mo bcu gnyis dang / bar chad ldan ma la sogs pa ma bdun dang / gtum po la sogs pa gnod sbyin lnga dang /srin mo 'phrog ma la sogs pa bcu dang / 'phyang ma la sogs pa mo gnyis dang / der yang ma zad de'i nye 'khor ni ma mo bcu gnyis dang / ma rungs ma'i tshogs dang / 'phra men ma'i tshogs dang / rims bdag mo'i tshogs dang / ngan song gsum gyi tshogs kyi tshogs dang bcas pa rnams ri rab kyi byang shar mtshams na thod pa dgu brtsegs zhes bya ba'i pho brang na gnas nas/zla dus khyad par can la kun tshogs shing sems can mang po gsod cing sbyin sreg byed/ lo thog la ser ba 'bebs/ mi nad phyugs nad mang po gtong /su dge ba byed pa'i bar du gcod pa dang / ri rab klad la bskor ba/ rgya mtsho hub kyis 'debs pa de lta bu zhe sdang chen po'i ru tra de lta bu yod do/ /dus de'i tshe sangs rgyas rnams 'dus nas 'phags pa 'jam dpal la gsol ba btab pa/ zhi bas byang chub 'grub 'gyur yang //yang dag byang chub thob byed pa/ /gtum po rnams ni gdul ba'i phyir/ /rang rig drag po bskyed 'gyur mdzod/ /ces zhus so/ /lan du/ byang chub yang dag thob byed pa'i/ /sems can 'di rnams snod min te/ /nyon mongs rnams ni me ltar 'bar/ /nga yis gdul ba'i snod min no//zhes pas yang bka' stsal pa/ khyed ni dus gsum sangs rgyas kyi/ /thugs kyi sras te gtso bo che/ /gdug pa 'dul ba'i dpa' bo ste/ /rang rig drag po bskyed du gsol/ /zhes zhus pas/ de nas rje btsun nyid kun du 'bar ba'i snying po khro gnyer can smin ma bcum pa mche ba lhag ge phyung ba/shin tu gtsigs pa zhal dang phyag mtshan dang sku mdog sna tshogs par gyur nas/ de bzhin gshegs pa rnams ma 'tshal lags so zer nas/ der sangs rgyas rnams kyis dbang phyug chen po la sogs pa ma rungs pa mchis pa 'di thul gsungs nas/de nas gzhung bzhin du ha ha la sogs pa'i sgras khro bo gnas nyi shu rtsa brgyad nas re re spro zhing bkug pas/ la la khang pa nas thon/ la las bcom ldan 'das kyi khang pa'i rtsar phyin pa la sogs pa du ma byas/ de nas thugs ka nas khro bo me ltar 'bar ba phyung nas 'gugs su btang bas/ma hA de ba yab yum zhags pas bcings nas gshin rje gshed po'i zhabs g.yas pa'i 'og tu dbang phyug chen po bcug /g.yon pa'i 'og tu lha mo u ma gan rkyal du bcug go/ /der 'khor thams cad la 'o dod mang po phyung nas 'jig rten gyi drag po thams cad kyis bcom ldan 'das kyi drung du gnod pa sna tshogs byas pa las/nam mkha' la ral gri'i char phab nas kun shin tu bred nas 'dus so/ /nye ba'i 'khor pho rnams 'khor gyi khro bo rnams kyi zhabs 'og tu bcug go/ /der shin tu bred A yuH zhes slar bslang nas khro bo rnams kyi zhabs kyis reg pas khyad par du gyur pa'i bde ba khyad par skyes so//de ltar lha chen po na re/ e ma sangs rgyas thams cad kyi/ /sangs rgyas ye shes bla na med/ /zhabs mthil gyis ni mnan nas ni/ /mya ngan 'das la rab bzhag nas/ / zer nas der lha chen po yab yum dam tshig la phog nas gsum la skyabs su 'gro ba bstan nas chos skyong srung mar dam bcas so/ /der ma rungs pa'i tshogs rnams khro bo'i tshogs kyis sgra ha ha zhes pas btul lo/ /'phra men gyi tshogs rnams hi hi zhes pas btul lo/ /ngan song rnams rdo rje gad mos btul lo//de rnams la dam tshig dang sdom pa phog pas bdag cag rnams zas skal med pas nged rnams 'chi na zer nas/ sgrub pa po rnams kyis gtor ma dang dkyil 'khor ster zer za ba dang / dam tshig nyams pa dang bstan pa 'jig pa'i snying khrag dron mo sbyin par bya ste dam bcas so//rje btsun gyi yon tan bshad pa nas/ mar 'jig rten pa brgya lnga bcu dang / nyi shu rtsa lnga kun de ru dam bcas pa yin no/ /de tsam gyi rnam par 'phrul pa mdzad pa su yin zhe na/ 'jam pa'i dbyangs nyid yin no//dus der ha ha dang hi hi dang sgra drag po'i hUM rnams phul/ ri rab steng du mdzad pa de bzhin du khams gsum dus gcig tu khyab po/ /der ma zad nam mkhas gar khyab pa'i 'jig rten gyi khams thams cad du rnam 'phrul dang drag po hUM sgra dus gcig tu mdzad do/ /des na rje btsun 'jam dpal/sgra dang ldan pa rnams kyi mchog /ces bya'o/ /sngon shar phyogs bde ba can na sangs rgyas 'od kyi tog 'khor mang po la chos ston pa'i sar/ 'jam dpal byang chub sems dpa' brgya stong phrag mang po dang lha'i bu mang po phyir 'brangs nas/ 'jam dpal gyis 'od gsal ba'i sgras stong gsum bkang nas/bdud spa bkong ba yin pa sangs rgyas de'i 'khor nyan thos yo rlung dmar gyis khyer ba ltar 'gyel lo/ /der sangs rgyas de la zhus pas/ 'di ni 'jam dpal bdud spa bkong ba'i sgra yin gsungs/ der nged cag blta zer nas chos zhus so//des na yang sgra dang ldan pa rnams kyi mchog go/ /la la dag na re keng rus mche ba gtsigs pa'i skabs su/ sngon mi cig rgya mtsho'i 'gram du phyin pas bud med nag mo cig gis ded nas der chad nas yod pa las khos mi'i 'gram rus cig rnyed nas lag tu blangs pa tsam gyis bud med de skad ngan dang bcas te bros so//der ded pas phug cig tu bros so/ /der phyin pas srin mo'i bu lnga brgya 'dug ste yo bred nas da khyod ci zer nyan zer nas/ der khyed cag ci la bred byas pas lag na mi'i rus pa de la gri mang po thogs pa 'dug zer nas/ der mi des khyed cag ma smad kyang da phyin cad mi ma gsod byas nas/der drang srong mngon par shes pa dang ldan pa la dris pas/ 'di sngon 'jam dpal 'don pa'i mi cig gi 'gram rus yin gyi/ 'di la mchod gnas kyis la 'jam dpal thon dang dngos grub thob kyis zer nas de ltar byas pas thob po//yang 'di ni 'jam dpal bsgom par 'thad do/ /mche ba gtsigs pa po la/ sngon mi tshon po cig yod pa la yul de na mkha' 'gro ma bdun yod pas gcig btang nas sang nub khyod la za res 'bab pas nged cag 'ong ngo zer nas song ngo / /der mi des lung pa cig na yar bros nas phug cig tu yibs snyam nas phyin pas/thod pa so rtseg ge ba cig 'dug te phang du thogs nas 'dug pas/ mkha' 'gro mas rjes chod nas byung bas thod pa mthong bas gan cing bub cing bros te/ khos ded/ da ci zer ba nyan zer/ ci la 'bros byas pas thod pa'i so par na tshur khro bo kha gdangs pa mang po 'dug zer/der mkha' 'gro ma bdun po kho'i grogs su bcas so/ /der drang srong mngon par shes pa la dris pas/ 'di 'jam dpal sgom pa cig phung po bor nas sangs rgyas pa'i mgo bo yin pas de sgrubs dang 'jam dpal zhal mthong ngo zer ro//de ni sngon byung ngo / /'phags pa 'jam dpal khro bos sdug bsngal gcod pa'i yon tan bstan pa'o// //da ni rje btsun 'jam dpal de nyid so sor rtog pa'i ye shes de 'jam dpal rnon po'i skur bstan pa ni/ gdul bya 'dod chags can gdul ba'i phyir sku dang gsung dang thugs dang yon tan dang phrin las kyi khyad par gsungs pa ni/yang dag bdag med ces pa nas 'od 'bar gsal zhes pas ston te/ de la so sor rtog pa'i ngo bo gang zhe na/ yang dag pa'i bdag rnam pa gnyis kyis stong pa'i de bzhin nyid de glo bur gyi dri ma dang bral ba'i shes pa ma 'dres pa rang gsal ba'o//de lta bu de gzhan la ji ltar ston zhe na/ stong nyid ces pa nas mya ngan 'das pa po zhes pas ston te/ sngon rje btsun 'jam dpal rgyal po'i pho brang 'od 'phro can na bzhugs pa'i dus su byang chub sems dpa' bzhin bzangs la sogs pa zab cing rgya che ba'i chos stong pa nyid kyi ngo bo zhur 'ongs pas/phyogs kun nas kun du btsal bas thang chad nas yi mug ste ma mthong nas ston pa shAkya thub pa la zhus pas rje btsun gyi yon tan mang du bshad nas khyed rnams rje btsun la phyag 'tshol la gsol ba thob dang byin rlabs 'char gsungs nas/der byang chub sems dpa' bzhin bzangs kyis grogs po rnams la de ltar slob nas/ kun gyis de ltar byas pa dang ma mthong nas yang shAkya thub pa la zhus pas/ chos thams cad mnyam pa nyid du zhog gsungs nas bzhin bzangs kyis thams cad mnyam pa nyid du sems zhog dang yon tan mthong ngo zer nas/de ltar byas pas zhag bdun gyi nang par rje btsun pad+ma'i steng na sku gser gyi gtan pa phyis pa bzhin du bzhugs pa mthong ma thag tu sku las 'od zer byung ste 'jig rten gyi khams thams cad bkang ste/sangs rgyas dang byang chub sems dpa' dang nyan thos dang rang sangs rgyas la sogs pa la mdzad pa bcu gnyis la sogs pa so so'i rnam par thar pa bstan nas bzhugs pa'i dus su nam mkha' las me tog la sogs pa'i char byung ngo / /dus der zab cing rgya che ba'i chos phyogs bcu thams cad du nye ring med par chos kyi dung bus/gaN+DI dang chos kyi rnga brdungs nas kun thar pa la bkod pas mi gnas pa'i mya ngan las 'das pa rje btsun khyod yin zhes pa'o/ /sku ji lta bu zhe na chos sku gzugs med las/ longs sku gzugs bzangs mtshan dpes brgyan pa/sprul sku cir yang ston pas na/ gzugs med nas snang ba'i dpal zhes bya'o/ /'o na mi dogs sam zhe na/ gzugs rnams ma lus 'chang ba po/ /zhes pa rje btsun gyis sems sgyu ma lta bur shes/ 'jig rten rmi lam lta bur shes/ smon lam dang sangs rgyas ni mig yor lta bur shes/chos thams cad sprul pa lta bur shes/ tshig thams cad brag ca lta bur shes/ skye shi thams cad 'khrul 'khor du 'du shes/ snang srid thams cad dri za'i grong khyer du 'du shes/ de ltar rtogs nas cis kyang mi tshugs pas na/ tshugs pa med cing che bar grags pa ste sngon rje btsun byang chub shing drung na bzhugs pa'i dus su/bdud sdig to can shin tu 'jigs pa mang mos nam mkha' la thog la sogs pa dang / la las ri la sogs pa mdung dang / shak+ti dang sna tshogs pa brdeg pa la/ rje btsun gyi ba spu las 'od zer byung bas bdud rnams la phog pas shin tu brgyal nas sa la 'gyel lo//der skyabs btsal bas kun thar pa la bkod do/ /des na 'phags lam shin tu mtho la gnas pa dang dam pa'i chos dar ba'i rtse mo yin pas tog go/ /'o na 'gro don mdzad sku dngos gang yin zhe na/ 'jig rten gsum na mdzes pa ste sku gzhon pa dang rgan pas 'jigs pas ci yang ston to/sdu gu 'jig rten gsum na mdzes/ /zhes pa sngon lho phyogs gyad yul na sdig spyod kyi rgyal po dpal sbyin bya ba mtshams med pa lnga'i las byed pa sus kyang ma thul ba cig yod/ de la bu mo mdzes pa cig yod pa la khyim thab tu rung ba ma rnyed pas rje btsun gyi sku blta bas chog mi shes pa de bu mo'i gam du phyin pas/bu mos mthong nas rje btsun la mig mi 'dzums par blta'o/ /der rje btsun gyis khyod ci la lta gsungs pas/ nga khyed la khyim thab tu re zer/ rje btsun gyis bu mo khyod gzhan gyi dbang du ma bzung na nga mi 'dod gsungs pas/nga'i khyim thab tu rung ba'i khyo ga med pas nga la bdag po med zer nas/ 'o na ngas smras pa'i tshig 'di nyan nam gsungs pas/ ci gsungs nyan zer nas/ 'o na bu mo'i pha rgyal po dpa' byin nang par nga'i gam du sdom pa 'dzin nus sam byas pas/ngas yab la zhu ba dbul gyis zer nas der zhu ba phul bas ma gnang ngo / /bu mos lceb tshul bstan pas yab kyis gnang nas/ der yab dam pa'i chos la bkod do/ /bu mo la rje btsun ci 'dra pa cig sprul nas bzhag pas sras gsum byung zhing ma sangs rgyas so//la las dus shes sems can dbang po shes kyi skabs su sbyor ba snang ngo / /'gro don ji ltar mdzad ce na/ 'jig rten shes legs nas zhi byed pa zhes pas bstan no/ /'khor 'das sgyu ma lta bur zhes pas skyon gang gis nga mi 'jigs/ 'gro ba kun la phan 'dogs shing zad mi shes kyis ma rig pa'i ye shes sgo nga lta bu 'byed de nyon mongs pa thams cad spong ngo / /'di la rje btsun sngon rgyal po dge ba zhes bya ba'i pho brang rin chen sgron zhes bya ba na 'khor los sgyur ba'i rgyal po chos thams cad kyi nga ro'i gdugs kyi dkyil 'khor rab tu sgrogs pa'i sgra dbyangs zhes bya ba de la btsun mo stong phrag bcu yod/sras stong phrag bdun yod/ blon po lnga brgya yod/ kun kyang ma rmos pa'i lo tog za/ kun kyang dam pa'i chos spyod pa sha stag go/ /de'i tshe smad la bskal pa bar ma zad du nye ba na snyigs ma lnga'i dus la bab/mi dge ba bcu byung sems can la nyes pa sna tshogs pa byung / ltogs pa skom pa 'khyags pa gcig la gcig gsod pa byung nas kun 'o dod 'bod cho nges 'debs shing rgyal po'i sar tshogs so/ /der kun rgyal po chen po bdag la mgon dang skyabs dang dpung gnyen med pas mgon skyabs dang dpung gnyen zhu 'tshal zer ro//rgyal pos pho brang rtse nas gzigs pas shin tu snying rje bar 'dug nas bshums so/ /der nang du log nas snying rje'i sems bcu bskyed nas phyi sgor phyin nas/ rnga bo che bsgrags nas thams cad 'dus shig byas nas ci dang ci 'dod pa la sbyin pa rgya chen po btang ngo //mthar bu dang chung ma dang yul 'khor btang / de nas mgo dang rkang lag dang / sha khrag la sogs pa kun btang nas mthar mngon par rdzogs par byang chub pas 'khor ba'i 'dam las pha rol phyin no//dbu la ye shes lnga'i rtags rgyal ba rigs lnga'i dbu rgyan byung bas/ ye shes dbang bskur cod pan can/ /rdzogs pa'i sangs rgyas rgyan du thogs/ /zhes pas so/ /'du byed la sogs sdug bsngal gsum zhi nas de sel ba'i gnyen po 'gog pa'i lam mtha' yas pa'i theg pa gsum thob po//des na sgrib pa kun nas nyon mongs pa la sogs pa spangs nas phyogs ris med pa nam mkha' ltar gnas so/ /de bas na nyon mongs dri ma kun las 'das nas dus gsum dbyer med du rtogs so/ /des na kun gyi nang na gtso bo che ba'i yon tan thams cad kyi nang na che bas yon tan thod do//sku de ni 'gro ba'i rigs gang gis lus las 'das pa ste 'ja' tshon lta bu skye shi med pa'i sku'o/ /nam mkha'i lam la rab gnas pa/ /zhes pa don dam du chos kun nam mkha' ltar rtogs kyang kun rdzob tu tshong dpon gyi bus 'jam dpal tshol du 'ongs pas/nam mkha' la pad+ma'i sdong po mang po'i steng na skyil mo krung bcas nas lha dang lha mo mang pos bskor nas phyag dang mchod pa byed pa mthong nas gdams ngag zhus so/ /yid bzhin nor bu chen pos sems can gyi bsam pa sgrub pa yin la/ chen po ni rdzogs pa'i byang chub la mnga' ba'o//thugs rje la phyogs med pa'i rin po che sna bdun gyi nang na mchog go/ /dpag bsam shing chen rgyas pa ste ni sngon bskal ba gong ma'i dus su mu ge'i bskal pa byung nas kun 'chi la thug pas/ rje btsun gyis sa chen po de'i mdor dpag bsam shing chen po rgyas pa gcig tu sprul nas sems can ci 'dod pa la thams cad lo stong du tshim par byas so//bum pa bzang po kun don byed/ /ces pa ni sngon bskal pa gong ma'i dus su sems can la char ming mi grag pa'i dus byung ste/ des lo tog med nas btung ba'i chu yang med pa'i dus byung /rje btsun snying rje chen po skyes nas yul de'i phu ru brag cig gi rtsar bum pa'i gzugs cig byung / kun gyis bltas pas je che je che la nam mkha' dang mnyam pa cig tu gyur nas/ de'i kha dang logs dang zhabs las chu'i phung po byung nas mthar bza' ba dang bgo ba thams cad byung ngo //des na rje btsun kun la phan 'dogs shing mnyes gshin pa dang / rigs bzang ngan dang 'dul ba'i dus shes shing 'dus pa'i dus shes pa dang ldan/ dus shes sems can dbang po shes pa'o/ / der ma zad theg pa gsum gyis 'dul ba la mkhas te/ ji ltar na sngon dze ta'i tshal mgon med zas sbyin gyi kun dga' ra ba'i gnas su/ dus gsum gyi sangs rgyas dang byang chub sems dpa' mang po tshogs te chos kyi bgro ba mdzad do/ /de na 'dug pa'i nyan thos rnams kyis gting ma rtogs/dus de'i tshe 'phags pa 'jam dpal gzhal med kyi khang pa na bzhugs pa las 'khor lag na rdo rje la sogs pa dpag tu med pa dang lha ma srin sde brgyad la sogs pa dang bcas te/ lho phyogs su bzhud pa tshe dang ldan pa shA ri'i bu la sogs pa nyan thos drug cu tsam gyis mthong nas phyir phyin no//der lam du shA ri'i bus dge slong rnams la 'jam dpal gyi yon tan mang du bshad pas des kyang sgrib pa srab par gyur to/ /de nas 'ongs pas lam du 'jam dpal dang mjal nas rje btsun la shA ri'i bus dge slong 'di rnams ni khyed blta bar 'dod pas/der rje btsun gyis glang chen lta stangs kyis gzigs pa/ dge slong rnams kyis gdams ngag zhus pas/ rje btsun gyis yongs su mi skyo ba'i chos bcu bshad/ sangs rgyas mchod pa la mi skyo ba dang / chos tshol ba dang / byang chub tu sems bskyed pa dang / pha rol phyin bcu dang / ting nge 'dzin sgrub pa dang / thos pa gcig nas gcig tu bya ba dang sangs rgyas kyi zhing spyod ba dang / sems can smin pa dang / lha bsgom pa dang / sangs rgyas kyi stobs la sogs pa bsgrub ba la mi skyo ba dang bcu bshad nas dge slong rnams rdzogs pa'i byang chub la bkod nas/der skyid pa'i 'byung gnas grong khyer na nags tshal chen po sna tshogs kyis brgyan par mdo sde chos kyi dbyings kyi tshul rab tu snang ba zhes bya ba/ mdo sde bye ba khrag khrig brgya stong phrag bcu thun mong du bshad/ dus de'i tshe rgya mtsho'i klu rnams kyis chos mnyan pa dang lha dang mi'i lus thob po/ /dus de'i tshe 'jig rten gyi khams thams cad du yang theg pa gsum gyis 'dul bar snang ngo / /dus de'i tshe skyid pa'i 'byung gnas kyi mi thams cad dang tshong dpon nor bu bzang po la sogs pas rje btsun la phyag dang bskor ba byas nas 'khod pa las/de la khyad par du tshong dpon gyi bu nor bzangs la gzigs nas rje btsun gyis gnyis med kyi ye shes bstan no/ /de lta bu'i rje btsun de rang gi yon tan ci dang ldan na yon tan shes pas chos shes bkra shis pa'o/ / bkra shis kyi rdzas brgyad 'byung ba'o/ /bkra shis kun gyi nang na rje btsun bkra shis so/ /grags pa nas skyabs su 'os zhes pa ni/ sngon rje btsun rgyal bu thams cad sgrol zhes bya bar gyur pa'i dus su chu bo chen po'i 'gram na bzhugs pa la srog chags mang po ma thar nas 'dug pas/rje btsun chu 'gram na 'dug pas rgyal bu de rang 'dra ba du mar sprul nas gcig la gcig 'jus nas zam pa byas nas kun bton te dbugs phyung ngo / /der de na yod pa kun gyis lan ldon pa la/ rje btsun gyis nga la lan glan mi dgos kyi nga'i gdams ngag 'di zung shig gsungs nas chos kyi ston mo mdzad pa'i chos gcig ni byang chub kyi sems mi gtong ba'o//gnyis pa ni thos pas mi ngoms pa dang / tshul bzhin du bsgom pa'o/ /gsum pa ni sdig pa spong ba dang / dge ba la brtson pa dang / bsngo ba la mkhas pa'o/ /bzhi pa ni tshul khrims dag pa/lta ba dag pa/ sems dag pa/ shes rab dag pa'o/ /lnga pa ni byang chub la zhugs pa/ bden par smra ba/ g.yo med pa/ phrag dog med pa/ kun la sems snyoms pa'o/ /drug pa ni slob dpon bsten pa/ sdig pa'i grogs po spong ba/ chos kyi khas mi 'dren pa/ dben pa la gnas pa/ byams pa mi gtong ba/ sems can la snying rje che ba'o/ /bdun pa ni zhi gnas tshol ba/ lhag mthong tshol ba/ bzo'i gnas shes pa/ rten 'brel shes pa/ don grub pa/ lam tshol ba/ le lo med pa'o/ /brgyad pa ni las su rung ba/ tshor ba la rtog pa/chos la blta ba/ sdig pa skyes pa spong ba/ ma skyes pa mi bskyed pa/ dge ba skyes pa spel ba/ ma skyes pa bskyed pa'o/ /dgu pa ni dus gsum la rtog pa gsum/ mtshan ma med pa rtog /dus la ma zhen/ chos zab mo bzod/ stong pa nyid mi spong / tshad med pa bzhi sgom/bsam pa bzhin du byed pa'o/ /bcu pa ni bdag med pa dang / srog med pa dang / gang zag med pa dang / mi rtag par yid ches pa dang / skye ba la dug tu 'du shes pa dang / phung po rnams la gshed mar 'du shes pa dang / khams la sbrul gdug par 'du shes pa dang /skye mched la grong stong par 'du shes pa dang / srid pa rnams la chu zlar 'du shes pa dang / mya ngan las 'das pa la skam sar 'du shes pa dang bcu gsungs pa'o/ /de lta bu'i rje btsun de bkur sti la sogs pa'i gnas su gyur pa nas skyabs su 'os zhes so/ /cis 'os na 'jig rten gyi dgra sel bas na'o//'di yang rje btsun gyis sngon seng ge dang glang po che dang me dang sbrul dang rkun mo dang rgyal po dang nye bar 'tshe ba re re bzlog pa phan yon gyi skabs su 'byung ngo / /ji ltar bstan na 'jigs pa sel zhe na/ sku cir yang ston te gtsug phud ces pa nas/bram ze tshangs pa shes pa ni phyi rol mu stegs nas bzung nas dri za dang rab tu byung ba dang sbyangs pa'i yon tan dang / bram ze dang rig byed dang / lha tshangs pa'i smrang 'don pa la sogs pa nas thams cad mkhyen pa nas tshangs pa thob ces bya ba'o/ /de'i ngo bo gang zhe na/rnam par grol ba lus/ chags bral ma lus 'dul ba po/ /zhes pas bstan te/ nyan thos kyi mya ngan las 'das pa las mi gnas pa'i mya ngan las 'das pa'o/ /bde sdug ni rtog pa kun dang bral nas chags bral gzugs khams kyi lus las 'das pa'o//sku'i mtshan nyid dngos gang zhe na/ 'di ni gnyis su bstan te/ zab mo'i dbang du ni/ thub pa med cing nas sad pa'i bdag ces pas ston te/ chos sku de rtog pas mi thub pa la 'di yin pa dpe med/ mi rtog pa la mi mngon gsal ba'i rkyen med pas so/ /skyon med pas mi 'gyur kun la khyab par gnas rtogs par dka' ba'i dri mas ma gos pa/nyes pa rdul tsam yang med pas nyan thos rang rgyal byang chub sems dpa' las shin tu sad pas sad pa'i bdag go/ /sku la de nyid bsgre'o/ /mkhyen pa'i ye shes kun shes nas/ /dus gsum sangs rgyas las byed pas bstan te/kun shes la sogs pa ji snyed dang ji lta ba shes pas gzung 'dzin las 'das pa gnyis su med pas mi rtog pa lhun gyis grub pa'i dus gsum sangs rgyas kun gyi las yin pas de mdzad pa'o/ /de'i chos nyid de'i sems nyid sangs rgyas yin te/sangs rgyas nas de bzhin gshegs pa zhes pas bstan te/ rig pa byang chub sems 'di dang po bar dang tha ma btsal na ma rnyed pa nyid sna tshogs su snang / snang tsam nyid na stong pa las ma g.yos pas/ chu zla lta bu de ni/ ye shes mig gcig dri ma med/ / ces pa lta bu'i ye shes mig gcig ni bsgom pa'i dus na dri med 'od gsal lta ba'i dus na rig pa 'dus ma byas 'phel 'grib dang bral ba snang stong dbyer med spyod pa'i dus na mnyam gzhag chen po'i spyod pa bya'o/ /'bras bu sku lnga thob pa'o/ /de ltar rtogs pas ye shes lus can de bzhin gshegs pa'o//des chos ji ltar gsungs she na/ tshig gi nas tshugs pa med ces pas bstan te/ rje btsun smra ba'i seng ge ste/ 'di yang sngon rje btsun yul ma ga d+hA'i pho brang dgon pa snying po byang chub na bzhugs pa gdan seng ge'i khri pad+ma'i steng na bzhugs nas/byang chub sems dpa' bye ba khrag khrig brjod du med pa la nges pa don gyi chos ston te/ kun la bag mi tsha bas na'o/ /de lta bu'i rje btsun de thugs rje phyogs med cing sku dang 'od zer khyad par du 'phags pas na kun nas blta na sdug ces bya'o/ /'o na gang nas byung na thugs ka'i dpal gyi be'u nas byung ba'o//lag na 'od 'bar snang ba po/ /zhes pa rje btsun gyi phyag la bya ste/ sngon tshong dpon gyi bu nor bzangs kyis chos zhus/ dge ba'i bshes gnyen mang pos lung bstan nas mthar byams pa dang 'jam dpal la man ngag zhus nas/grong khyer yid bde ba mngon du gyur pa na tshong dpon gyi bu yod pa la 'jam dpal gyis dpag tshad brgyad cu'i pha rol nas phyag gser gyi mdog can brkyang nas nor bzangs kyi spyi bor bzhag nas/ de las 'od zer 'phros pas 'gro ba kun bde ba la bkod de gdams ngag byas so//sman pa che mchog gtso bo ste/ /zhes pa zug rngu 'byin pa bla na med/ /ces pas rje btsun sems can kun gyi nad 'byin pa ste/ sngon grong khyer yangs pa can na nad skya rbab bya ba byung nas kun 'chi ba la thug nas/ sman pa gang gis kyang phan ma thogs nas rje btsun gyis blon po sman pa bya bar sprul nas nad kun zhi bar byas so//sman rnams ma lus ljon pa'i shing / /nad do cog gi dgra che ba/ /zhes pa ni sngon nad kyi bskal pa byung ba'i dus sems can thams cad kha btag pa las/ rje btsun gyis nya ro hi tar sprul nas de'i sha su zos pa nad las thar te/don nyon mongs pa'i nad thams cad kyi gnyen po rje btsun sdu gu 'jig rten gsum na mchog go/ /dpal ldan rgyu skar dkyil 'khor can/ /zhes pa ni sngon lha dbang phyug chen po 'dul ba'i dus su kho'i 'khor dang nye 'khor thams cad bran du bcad chos skyong srung mar dam phog pa las/gza' chen po brgyad dang rgyu skar nyi shu rtsa brgyad gros byas te/ gza' khyab 'jug byung nas 'o cag bka' nyan pa 'di mi bya byas pas/ 'o cag yo hUM mdzad la bsdo zer ba la/ rgyu skar nyi shu rtsa brgyad ni bud med yin pas nged kyis cang thub bam zer ba la gza' chen po brgyad ma nyan nas der nam mkha' nas thog dang ser ba phab pas/rje btsun gyis gza' dang rgyu skar gyi steng du dkyil 'khor gyi dbus na rdo rje 'jigs byed bzhugs pa de la gza' brgyad kyis bskor ba/ khyams la rgyu skar bdun bdun gyis bskor ba lta bas chog mi shes pa de lta bu cig de tsho'i steng du bsgoms nas thog ser btang ba bred de srog gi snying po phul dam bcas dkyil 'khor du bcug ste/des na/ dpal ldan rgyu skar dkyil 'khor can/ /zhes bya'o/ /der ma zad phyogs bcu nam mkha'i mthar thug pa//chos kyi rgyal mtshan legs par 'dzugs/ /zhes pa ni sngon grong khyer chen po spang ri zhes pa na rje btsun 'jam dpal byang chub sems dpa'i 'khor stong phrag bcu dang ldan pa la theg pa chen po'i chos thams cad ston pa'i dus su/ zhabs kyi mthil nas 'od zer 'phros nas dmyal ba rnams la chos 'chad/de bzhin du pus mo nas yi dwags/ lte ba nas byol song / rtsib logs nas gshin rje/ phyag mthil nas mi/ smin phrag nas lha ma yin/ rgyab nas nyan thos/ zhal nas rang rgyal smin mtshams nas byang sems la/spyi gtsug nas sangs rgyas la chos kyi rgyal mtshan legs par 'dzugs so/ /la la dag sprul pa'i 'khor lo sna tshogs 'chang du sbyor ro/ /chos kyi rgyal mtshan legs par 'dzugs pa ni rje btsun gyi zhabs las byang chub sems dpa' snang ba mdzod kyi snying po sprul nas 'og gi phyogs su chos ston/byin pa las byang chub sems dpa' gsang ba'i mdzod du sprul nas shar gyi phyogs su chos ston/ pus mo las byang chub sems dpa' dpal gyi mdzod du sprul nas ston/ sta zur las byang chub sems dpa' sprin sgra zab mo'i mdzod/ lte ba las byang chub sems dpa' rdo rje mi phyed pa'i gtsug gi mdzod/thugs ka nas byang chub sems dpa' gzi brjid chos kyi mdzod/ phrag pa las byang sems grags pa 'od kyi mdzod/ zhal nas byang sems ri rab g.yo ba'i mdzod/ smin mtshams nas byang sems kun du lta ba gzi brjid mdzod/dbu las byang chub sems dpa' thub pa med pa'i mdzod/ steng gi phyogs kyi 'jig rten gyi khams su ston to/ /des 'gro ba drug la nyi ma bzhin du phyogs ris med pas na 'gro na gdugs gcig yangs pa ste/ byams dang snying rje'i dkyil 'khor can tshad med pas gang ba'o//zhi bas mi 'dul na pad+ma gar gyi dbang phyug tu 'gro ba 'dul ba kun la gzugs zhal stong phyag stong spyan stong du sprul nas don mdzad pas pad+ma gar gyi dbang phyug go/ /rin chen dgos 'dod skong ba nyi ma bzhin du snyoms pas na khyab bdag chen po rin chen gdugs so//sangs rgyas kyi gzi brjid che ste sprul pa spro ba'o/ /sangs rgyas sku 'chang ba ni gnyis med ye shes la kun skyes pas so/ /rnal 'byor ni thabs dang shes rab gnyis su med pa'o/ /kun gyi bstan pa gcig ni yul gcig pa'o//rdo rje rigs nas thugs brtse ba ni rje btsun de yab lnga yum lnga'i rang bzhin du bstan no/ /rje btsun don dam par sangs rgyas thams cad kyi thugs kho na'o/ /dus gsum sangs rgyas kun gyi sku bas lhag pas na sku che ba'o/ /kun gyi smra ba rnams kyi seng ger gyur pas na gsung yang dag pa yin no//rdo rje nyi ma snang ba che ni dper na nyi ma 'char ba ri mtho mtho nas rim pas 'char yang nyi ma la mtho dman med do/ /de bzhin du rje btsun gyi thugs rje snang lugs kyi snod rim pa bzang ngan du snang yang rje btsun nyid la rtog pa med do/ /rdo rje zla ba dri med 'od//ces pa dper na zla ba la chos bzhi yod de/ skar ma zil gyis gnon pa dang / 'phel 'grib ston pa dang / chu dngas pa'i nang du 'char ba dang / kun la mngon sum du snang yang zla ba la rtog pa med do/ /de bzhin du rje btsun gyi sku zla ba lta bu ste/ slob pa man chad zil gyis gnon pa dang / gdul bya la sku tshe ring thung gis ston pa dang / 'phel 'grib ston pa dang / mos pa la gzugs brnyan snang ba dang / so sor mos pa byas nas bsgom pa'o/ /rje btsun la de'i rtog pa med do/ /chags bral la sogs chags pa che ni gdul bya thams cad bsdus na chags bral dang chags bcas de kho na nyid kyi gang zag go//rje btsun gyi sku kha dog sna tshogs spros pas chos kyi rgyal mtshan 'dzugs pa'o/ /rje btsun byang chub shing drung na bzhugs pa'i dus su 'od sna tshogs spro ba dang / rdo rje skyil krung bcas nas 'gro ba ris drug la chos ston pa'o//dpal ldan sangs rgyas pad+ma skyes/ /zhes pa ni sngon rgyal po'i pho brang rin chen sgron ma zhes bya ba na rgyal po dpal gyi gtsug phud bya bas 'khor los sgyur ba'i rgyal po pad+ma'i sdong po las rdzus te byung ba mtshan dang dpe byad kyis brgyan pa de la btsun mo phrag bcu/bu stong / blon po phrag bcu yod pa kun dang ldan pa dkar po'i chos la spyod pa sha stag go/ /dus de tsam na sems can gdul dka' ba de dag 'dul ba'i dus la bab pa las/ dus der rje btsun gyis cho 'phrul bsam gyis mi khyab pa'i sgo nas skad cig re re la sangs rgyas thams cad kyi chos kyi 'khor lo bsgrags pa zhes bya ba'i ye shes kyi mdzod bshad do//kun mkhyen ye shes mdzod 'dzin pa/ /zhes pa tshong dpon gyi bus phyin tsam na khyad par du 'phags pa'i khang pa rim khang bcu'i dang po na bza' btung gis kun tshim par byed pa mthong /gnyis pa na gos sna tshogs kyis thams cad tshim par byed pa mthong / gsum pa na rgyan dang lhab lhub kyis/ bzhi pa na btsun mo rin po ches tshogs kyi yo byad shom/ lnga pa na sa la gnas pa'i byang sems kyis 'gro ba la phan 'dogs/ drug pa na byang chub sems dpa' rnams bka' shes rab kyi pha rol tu phyin pas phan 'dogs/bdun pa na byang chub sems dpa' chos thams cad sgra brnyan lta bu'i bzod pa bsgom pa mthong / brgyad pa na byang chub sems dpa' 'khor los sgyur ba'i cha lugs kyis sngags 'chad pa mthong /dgu pa na byang chub sems dpa' skye ba gcig gis thogs pa 'gro ba'i don mdzad pa mthong / rim khang bcu pa na yang dag par rdzogs pa'i sangs rgyas rnams mdzad pa bcu gnyis kyis don mdzad pa mthong nas/ de nyid kyi tshe mthong lam skyes pas/ kun mkhyen ye shes mdzod 'dzin pa//zhes pas so/ /rgyal po sgyu 'phrul sna tshogs 'chang / /zhes pa nas rdo rje chos zhes pas sngon byang chub sems dpa' rgyal bar dka' bas 'phags pa 'jam dpal la gdams ngag zhur 'ongs pas pho brang gcig na ting nge 'dzin la bzhugs nas lus bsrangs te/dbugs rgyu ba med par sgom pa mdzad pa'i dus su/ de'i ba spu'i spu re re las kha dog bsam gyis mi khyab pa'i rnam par 'phrul pa dpag tu med pa mang po bkye ste/ zhabs kyi mthil nas tshong dpon la sogs pa spros nas bza' ba rnam pa mang pos kun tshim par byas so//pus mo gnyis nas rgyal rigs la sogs pa spro/ lte ba nas drang srong dang bram ze gtsug phud la sogs pa mang po spro/ rtsib logs nas klu la sogs pa mang po spro/ thugs ka nas lha dang lha ma yin mang po spro/ rgyab nas nyan thos dang rang rgyal mang po spro/ phrag pa nas gnod sbyin mang po spro/dpral ba nas mi'am ci mang po spro/ zhal nas 'khor los sgyur ba mang po spro/ mig nas nyi zla mang po spro/ dpral ba nas tshangs pa'i tshogs spro/ spyi gtsug nas dus gsum gyi sangs rgyas mang po spro/ de'i tshe ba spu las kyang de snyed spro ba mthong nas de nyid du mthong ba'i lam skyes so//des na che ba'i gsang sngags dang rig sngags 'chang ba'o/ /phyag mtshan rdo rje rnon po dang ral gri la sogs pa'i rnam pa'am rtags bstan pa'o/ /thugs kyi mkhyen pa gnyis med ni dzi na dzika go/ /rdo rje blo gros gnyis med ye shes rig pa pha rol phyin pa bcu sa bcu rdzogs/don ni rnam dag bdag med pa'i ye shes thugs kyi me long ngo / /rgyud kyi mtshan nyid ni brtson chen sgyu 'phrul dra ba ste/ rgyud kun gyi ni theg pa kun gyi rtsa ba'o/ /rdo rje gdan ni ma lus ldan ni rigs lnga'i gdan yin pa dang / sna tshogs rdo rje la zer ro//'di la sngon rje btsun gzhan 'phrul dbang byed kyi gnas na bzhugs pa'i dus su sangs rgyas dang byang chub sems dpa' mang po rnam par 'phrul pa mdzad pa la rje btsun gyi spyi gtsug nas rnal 'byor chen po'i dkyil 'khor spro/ smin mtshams nas rnal 'byor rgyud kyi lha tshogs spro/zhal dang lte ba nas dkyil 'khor gyi lha tshogs mang po spro/ gsang ba nas nyan thos la sogs spro ba mdzad nas so/ /don dam par stong pa nyid kyi mchog la de nyid kyi snang ba 'dzin pa'o/ /des na skye ba de nyid sna tshogs su skye bar rtog pas na rje btsun chos sku 'chang ba'o/ / ji ltar 'chang na chos thams cad shes rab chen por skyu ru ra lag tu bzhag pa dang 'dra bar mthong spang sgom spang gi nyon mongs pa spangs nas 'byung ba sel lo/ /dus de nas rtog pa gang gis kyang mi g.yo la gsal ba rdzogs pa'i byang chub la mngon sum du rtogs te zhing khams thams cad du rang rig pa mngon sum du rtogs pas ye shes chen po rab tu rgyas pa'o//'jam dpal rnon po'i yon tan bstan pa'o// //da ni mnyam nyid kyi ye shes de nyid gdul bya ser sna can gdul ba'i phyir 'jam dpal ngag gi dbang phyug gi skur bstan pa ni/ 'dod pa'i don grub nas nor bu rin chen tog ces pa 'dis sku gsung thugs yon tan phrin las bstan pa'o/ /mnyam pa nyid kyi ye shes kyi ngo bo gang zhe na/ sems can thams cad kyi 'dod pa'i don sgrub par byed pa'o/ /ngan song nas dregs pas 'joms zhes pas ni phrin las bstan te/'di la sngon rgyal bu legs sbyin bskyod ces bya bas mtshams med pa lnga byas pa'i rnam smin gyis mnar med pa'i sems can dmyal bar skyes so/ /de la rje btsun 'jam dpal gyis byang chub sems dpa' legs sbyin du sprul nas ngan song sbyong ba'i dkyil 'khor sprul nas rigs drug nas bton nas mthar sangs rgyas so//blo ldan nas rtse nas gnon zhes pas ni dregs pa can gdul ba'i phrin las ston te/ 'di la lha dang lha ma yin 'thab pa'i dus su lha ma yin gyi dbang po sgra gcan 'dzin bya ba lus dpag tshad khri phrag drug cu rtsa brgyad yod pa de'i lus phyed rgya mtsho'i nang du 'dug nas rked pa yan chad kyis gzhan 'phrul dbang byed la mgo reg pa/ri rab klad la bskor ba rgya mtsho hub kyis 'thung ba cig yod pa des lha kun pham par byas nas zhe sdang tshad du phyin pa de gdul ba'i phyir/ rje btsun gyis gzhung bzhin du sku bstan pas btul lo/ /'o na de ltar dngos po la gnas sam zhe na/ don dam du gcig ste gnyis su med pa'i chos kyi don to/ /de ltar rtogs na gang la yang bag mi tsha bas 'jigs pa med do/ /rje btsun gnyis su med pa'i tshogs ye shes lngar gyur pas na rnam rig nas rgyud dang ldan pa'o//rje btsun snang stong gnyis la dgyes pa na/ dngos don nas chos kyi blo zhes pas bstan no/ /'o na mi dgos sam zhe na srid pa nas chen po pa zhes pas so/ /sku dngos gang zhe na/ sprin dkar nas rgyan dang ldan pas bstan te/'di la sngon rgyal po'i khab na ston pas 'khor dpag tu med pa la chos ston pa'i dus su/ smad 'tshong ma'i bu mo gser mchog 'od dpag med bya ba yon tan mtha' dag dang ldan pa cig yod/ mo gang du phyin par mi kun 'du ba cig yod do/ /bu mo des tshong dpon gyi bu 'jigs byin bya ba grogs su btsal te 'khor mang po dang skyed mos tshal du phyin pas/dus de'i tshe 'jam dpal nang du yang dag 'jog las langs nas phyir byon pas bu mo'i mtshan ma gzigs nas/ de 'dul ba'i dus la bab par mkhyen nas sprin dkar la sogs pa'i sku bstan nas/sku'i 'od kyis nyi zla yang mog mog bor byas nas bu mo'i mdun du sku bstan pas tshong dpon bu dang bu mo rang yang mog mog por song bas der rang re'i lus la yi mug go/ /bu mos bsams pa tshong dpon gyi bus ci bya/ bdag nyid shing rta las bab la khyad par du gyur pa'i mi 'di la gos kyang bslang khyo yang bya snyam mo//de lta bu'i bsam pa ngan pa skyes pa'i dus der rgyal po chen po bzhi mi'i lus su sprul nas/ bu mo khyod de lta bu bsam ngan ma skyed cig /skyes bu 'di ni 'dod pa don du gnyer ba ma yin/ bu mo na re su yin ji skad bya ba yin byas pas/'di ni 'phags pa 'jam dpal bya ba yin byas pas/ bu mo na re 'jam dpal bya ba'i don ci yin byas pas/ 'di gang su la yang nyes pa'i zug rngu bral bas 'jam dpal lo/ /bu mos bsams pa'o na gos 'di bslang yang slar ster bsam mo//der bslangs pas bu mo khyod yang dag pa'i byang chub la 'jug nus na ngas sbyin gsungs pas bu mo na re byang chub kyi don ji lta bu yin zhus pas/ lan du gnyis su med pa'i ye shes stong pa nyid spros pa thams cad dang bral ba yin gsungs pas bu mos drod thob po/ /de nas bu mos shing rta las babs nas rje btsun la bstod pa dang phyag dang skor ba byas nas rab tu byung bar zhu ba phul bas/bu mo rab tu ma byung bar shing rta la zhon la nags stug por song la/ mi 'jigs sbyin gyi gam du song la lus sbyin par gyis gsungs nas/ der bu mos skyed mos tshal du shing rta la zhon nas phyin nas tshong dpon gyi bu dang dga' ba'i rtsed mo mang du byas so//dus de'i tshe 'jam dpal gyis 'khor dpag tu med pa la dam pa'i chos kyis tshim par byas so/ /der bu mo des na ba'i tshul bstan nas tshong dpon gyi bu'i phang par mgo bor ro/ der lus kun rnyings/ rul mnam/ bam nas tshong dpon gyi bus mya ngan chen po byas/ der tshong dpon bu skrag nas bzhag la 'bros snyam pas rgyal po ma skyes dgras chad pa gcod du 'ong snyam nas 'khor kun dang 'o dod 'bod pa las/ de nas rje btsun gyi byin gyis brlabs pa las shing gi lha mos bskul nas tshigs bcad 'di byung ngo //'jig rten thams cad yang dag min/ /ji ltar mthong ba sgyu ma bzhin/ /khye'u ji ltar mthong 'gyur ba/ /chos rnams de yi rang bzhin las/ /'di ni mi rtag mtshan nyid yin/ /zhes pa la sogs pa'i sgra byung bas tshong dpon gyi bus chos thams cad sgyu ma lta bur go nas/ro de bor nas nags su sgom du 'ong ba rje btsun dang mjal nas gdams ngag byin nas der bu des dgra bcom pa'i 'bras bu thob po/ /'jig rten khams brgya kun bskyod pa ni rje btsun nyid 'gro don mdzad pas/ sa dang po nas bcu pa'i bar du sbyar ro//der ma zad rdzu 'phrul gyi rkang pa bzhi dang / dran pa bcu bzhi dang / yan lag bdun dang / ma 'dres ba bzhi bcu dang / 'phags lam brgyad dang / des na yang dag lam rig pa'o/ /'gro ba'i don mdzad tshul ni sems can nas 'phrog ces pa ste/rje btsun sems can la ji ltar don mdzad na sems can kun la zhes pa'o/ /sems can ji ltar chags na sems can yid nas 'phrog pa zhes pas bstan te/ sngon dri med kyi bskal pa la rgyal po glog sbyin la bu mo khyad par du gyur pa cig yod de/ bu mo g.yog dang khang steng du nyal tsam na nam mkha' la skar ma lta zhing yod pa la snang ngor rje btsun la 'khor rdo rje 'dzin pa stong gis bskor nas song ba mthong ngo //'od zer gyis nam mkha' gang bar mthong nas bu mo la 'od phog pas bde ba thob po/ /der bu mos langs nas thal mo sbyar phyag btsal gsol ba btab pas rje btsun mdun gyi nam mkha' la byon nas bu mo la chos bshad do//dus der srog chags khri phrag drug cu 'dus pas la las sku mthong bas grol/ la las gsung thos pas/ la las reg pas/ la las 'od zer gyis/ la las 'o byas pas/ la las mthong bas/la las bzhad pas/ la la la thugs kyi dgongs pas dgra bcom pa'i 'bras bu thob/ la la grol bar gyur to/ /des na ma lus yid 'phrog pa'o/ /phung po lnga yang sgyu mar shes/ /rnam dag lnga 'chang bas mthar thug la gnas shing de mkhas pas na de kun ston pa'o//rten 'brel bcu gnyis spangs pa'i dag pa bcu gnyis yod pa/ bden pa bzhi dang bcu gnyis dang bcu drug dang stong pa nyid nyi shu dang ldan pas kun rig mchog go/ /sprul sku mang po mkhyen cing sems can gyi rtog pa kun rdzob tu theg pa gsum la don dam du theg pa gcig tu rtogs pas na dri ma mtha' dag zad pas ni nyon mongs nas gtan spangs pa'o zhes pas bstan no//don mdzad pa'i thabs snying rje dang shes rab gnyis kyis 'gro don mdzad pa'o/ /'du shes don gzung 'dzin rnam shes don dam zhen pa dang bral bas sangs rgyas dang sems can rtogs pas kun rdzob tu 'dod pa sgrub pa ni/yid nas 'khrul pa med ces pas bstan te/ sngon rgyal po gsal stobs la sras blta na sdug pa cig byung ste/ dus tshod cig na skyed mos tshal du 'ongs pas lam na yi dwags mang po 'dug nas bskal par chu'i sgra mi grag par mthong nas der kun slong ba la rgyal bus sprul pa byas te kun gyis ma mthong /der pha ma la nor mang po blangs nas sbyin pa byas pas kun tshim par byas/ de yi dwags kyis yog tshad zos pas kun gsus pa gas/der rgyal bus smon lam btab pas kun sum cu rtsa gsum du skyes so/ /de nas dbul po cig gi khyim du 'ongs pas kun phyug por gyur nas der sbyin pa mang po gtong du bcug kun tshim par byas/ der dus tshod cig na rgyal pos chad pa bcad pa'i mi cig la yan lag bcad nas lam na 'dug pa de na re/khyod la bsod nams dang stobs yin nam zer nas yin byas pas nga la phan thogs zer nas rgyal bu snying rje skyes nas rang gi rkang lag bcad nas de la btags pas 'byar ro/ /der brgya byin 'ongs nas 'chi ba yin byas pas nga da rung bskal par lus gtong zer nas der brgya byin ya mtshan skyes nas smon lam btab pas lus snga ma ltar gyur to//sems can yid nas 'khrul pa med pas na dus gsum gyi bdag go/ /phung po'i don skad cig mas sgyu ma lta bur rtogs pas na/ skad cig gcig gis rdzogs sangs rgyas so//sangs rgyas kun gyi rang bzhin ni gnyis med 'chang ngo / /lus dang lus kyi mchog dang kun tu ston no/ /'bras bu sku gsum/ rin chen tog ni kun gyi nang nas 'phags pa tog go/ /rtse mo ste mnyam pa nyid kyi ye shes so/ /'jam dpal ngag gi dbang phyug gi yon tan no// //da ni bya ba nan tan gyi ye shes de nyid 'gro ba gdul ba'i phyir/ 'jam dpal ye shes sku can gyi skur bsten pa ni/ sangs rgyas nas dpal dang ldan pa'i mchog gis bstan te/ bya ba nan tan gyi ya shes kyi mtshan nyid ni/ sangs rgyas kun gyis rtogs par bya ba ni/ byang chub bla na med pa'o/ /de'i sku gang zhe na/ gsang sngags las byung ba'o/ /'o na dngos po ci yod ce na/ yi ge med de brjod pa dang bral ba'o/ /kun rdzob tu sku gsung thugs bskyed pa dang / phrin las bzhi'i don bskyed pa'o/ /bcu drug nas/ rgyud rig pa zhes pas/ gang zag gsum gyi 'jug lugs bstan te/ bla ma'i zhal la rag las so/ /kun rdzob tu sku gsung thugs yon tan phrin las bzhi'i don bskyed pa'o/ /don la thig le brjod pa dang bral ba stong pa chen po yi ge lnga mtshon pa'o//yi ge drug ni yi ge drug tu mtshon pa'o/ /de'i dngos po rnam par snang mdzad la sogs pa rigs lnga yang man ngag gis rnam par bstod pa'o/ /de'i thabs gang gis rtogs par bya na/ ting nge 'dzin nas dbang phyug po zhes pas sku gnyis dang sprul sku rgyas par bstan pa'o//de lta bu srid pa spangs pa las byung ba na srid pa nas sbyin bdag chen po zhes pas bstan te/ 'di la sngon rgyal po mu khyud 'dzin bya ba 'khor los sgyur ba gling bzhi la dbang byed pa kun la mnyam pa nyid du byed pa bde ba la 'god pa cig byung / de lta bu de sum cu rtsa gsum nas chos bzangs lha'i 'dun sar spyan drangs nas lha rnams kyi dbang pos stan phyed bshugs pa las ma bsdad de bzhud nas mthar sangs rgyas so//de la sras gnyis yod pa la chos bzangs dang chos shes gnyis 'khrungs nas rgyal srid bzung nas yod pa la/chos bzangs kyis 'khor ba'i mtshan nyid la skyo ba skyes nas/ der sangs rgyas mngon 'phags thos nas/ nu bo la 'dir shog dang byas pas byung nas/ nu bo'o cag gnyis bros la chos la 'deng byas pas/ nu bo btsun mo la chags nas 'gro ma nus/ chos bzangs kyis gser srang bye ba khyer nas mkhar las mchongs te/ sangs rgyas mngon 'phags la phul nas rab tu byung lo bcu gnyis su chos nyan nas yul du phyin nas bu smad dang 'khor kun la mi rtag pa'i mtshan nyid bshad pas kun thar pa la bkod do/ / nu bo chos shes la mi sdug pa bsgom pa'i thabs bstan pas der yid byung nas rab tu byung / der chos bzangs kyis 'gro ba kun la chos dang zang zing gi sbyin pas kun tshim par byas nas phyogs thams cad du chos kyi 'khor lo bskor ro/ /mthar mngon par sangs rgyas so/ /chos shes byang chub sems dpa' rin chen mchog tu gyur nas 'jam dpal la lo stong du chos kyi 'khor lo bskor nas sems can thams cad la chos kyi sbyin bdag byas so//rje btsun gyi phrin las kyi yon tan ni byams pa'i go cha nas 'jig rten 'dren zhes pas bstan te/ 'di ni rje btsun mig ser na zhugs pa'i dus su byang chub sems dpa' zla mdzes bya ba gdams ngag zhur 'ongs pas/yul de na bdud dang mu stegs mang po yod pa gdul ba'i phyir/ rje btsun gyis rgyal por sprul nas spyod pa mdzad do/ /de yang btson khang pa mang po'i nang na sems can mig phyung ba dang /yan lag bcad pa mang po bcug /la la lcags thag la brgyus/ mi la la bsad pa dang / rke bcad pa'i mgo mang po bcer ba mthong / la la 'khun/ la la 'o dod 'bod pa mang po thos nas/ de'i tshe byang chub sems dpa' des rje btsun tshol du 'ongs pas mi la dris pas grong khyer na spyod pa mdzad zer nas de rnams mthong bas skrag nas phyir log pas/nam mkha' nas mar lha'i bu rnams na re/ skal bar ldan pa'i gang zag khyed/ /zab mo'i gdams ngag khyed 'dod na/ /rje btsun spyod pa mdzad pa yin//the tshom ma za gdams ngag zhus/ /zer nas nang du phyin tsam na rje btsun seng ge'i khri la bzhugs nas ral gri dang mda' gzhu dang po ti bsnams nas bzhugs pa mthong ngo / /de'i tshe nyam nga ba'i 'jigs pa de tsho med nas/ der chos zhus pas chos thams cad sgyu ma la sogs par bstan pas bdud dang mu stegs la sogs pa bred nas thar pa la bkod do//rdzogs pa'i sangs rgyas kyi thabs des 'gro ba 'dren pa'o/ /de lta bu rje btsun de mchod pa'i gnas bstod pa dang phyag dang rim gro dang bkur sti'i gnas yin pas na bla ma'o/ /'jig rten gsum po rnam par gnon ni sngon gyi dus na lha tshangs pa chen po des khams gsum gyi sems can sprul tsam na kho'i sgo nga las byung bas na kun la dbang byed pa yod do//de'i dregs pa gdul ba'i phyir rje btsun gyis khams gsum du gom pa gcig gis brkyang nas mnan pa'i skus khams gsum dus gcig tu nam mkha'i khams gang bas mnan pas lha tshangs pa'i dregs pa zhi'o//bram ze'i spyod pa mdzad pas gsum rig go/ /mngon shes drug rjes dran drug dang ldan pas byang chub sems dpa' sems dpa' che'o/ /gong ma lta bu'i rdzu 'phrul mdzad do/ / rtogs pa'i ye shes shes rab kyi pha rol tu phyin pa'i don gnyis med thob po/ /rang gzhan don gnyis rdzogs pas kun la phan pa dpe las 'das pa'o/ /shes dang shes bya dbyings dang ye shes gnyis ka'i bdag po mchog go/ /gtso bo chos kyi sbyin bdag nas don ston pa zhes pas sngon bskal pa dgu bcu rtsa gcig 'das pa'i dus na sangs rgyas rnam gzigs kyi bskal pa la sdig pa byed pa'i dge slong drug byung /shin tu mthong dang / nye lha dang / dga' byed dang / dge byed dang / grags pa dang / me sbyin drug byung / khong tshos mi khyim lnga brgya log lta la bkod par dam bcas so//ma 'khod pa bsad par byas so/ /de chos rtags kyi phyag rgya bzhi mi rtag pa/ sdug bsngal ba/ stong pa/ bdag med pa las log nas/ rtag pa bde ba/ yod pa kun la bstan no/ /sangs rgyas rnam gzigs kyi dge slong gzhan rnams kyis//'dus byas thams cad mi rtag la/ /chos kun la ni bdag med cing / /bdag med ther zug med do zhes/ /'dren pa rnams kyis mngon par bshad/ /byas shing sgor bsod snyoms byas pas/ la las bsad/ la las bzung ngo / /de'i khyim bdag bde ba bya ba'i chung ma 'od 'phro can bya ba la bu mtshan dang ldan pa cig byung /btsas ma thag tu bdag lta ba log pa can du skyol zer nas/ ma bred nas mngon shes can la bstan snyam pa la/ ma gcig bstan mi dgos lta ba log pa 'di rnams lta ba ma log par bya snyam pa yin/ rdzas dang yo byad kun sangs rgyas rnam par gzigs la phul zer nas/de ltar byas nas sems can thams cad chos rtags kyi phyag rgya chen po bzhi la bkod do/ /dge slong drug po shi nas dmyal bar skyes so/ /dmyal ba de yang lus nya mgo tsam/ lce dpag tshad tsam du gyur nas rmon dor lnga brgya lnga brgyas rmo ba/lus de la mdung thung stong gis brdeg pa/ kha na mar lcags kyi thu lum 'bar ba za bar gyur to/ /des na gtso bo chos kyi sbyin bdag ste/ phyag rgya bzhi po'i don ston/ de ltar bstan nas kun thar pa la bkod pas 'gro ba'i bsnyen bkur rnams kyi mchog go//gong du bstan pa'i yon tan de lta bu dang ldan pas nges 'byung nas rnam dag dpal lo/ /de lta bu'i rje btsun 'jam dpal 'di dpal/ gang zag ji lta bu'i lag tu 'ong zhe na/ 'jig rten na skal ba bzang po'i lag tu 'ong ngo / /'di dang su phrad pa la dpal ldan 'dis 'byor pa kun ster bas na/'jam dpal dpal dang ldan pa'i mchog go/ /rje btsun ye shes sku can gyi yon tan bstan pa'o// //da ni ye shes sems dpa' drug po la ye shes lnga'i sgo nas bstod pa bstan pa ni/ mchog sbyin la sogs pa me long lta bu'i sgo nas so//sangs rgyas chags pa la sogs pas chos kyi dbyings kyi rang bzhin gyi sgo nas so/ /sangs rgyas 'dzum pa la sogs pas so sor kun du rtog pa'i ye shes kyi sgo nas so/ /med pa las byung la sogs pas mnyam pa nyid kyi ye shes kyi sgo nas so/ /sgyu 'phrul dra ba la sogs pas bya ba nan tan gyi ye shes kyi sgo nas bstod do//'dud nyi shus bstod pa'o/ /da ni phan yon gyi rnam par gzhag pa ni/ rje btsun 'jam dpal ye shes sems dpa'i mtshan brjod pas yon tan gzhung nas 'byung ba bzhin rigs kyi bu'am rigs kyi bu mo rjes su 'jug pa rnams la 'byung ngo //rje btsun gyi phan yon gyi yon tan bstan pa'o// //sngags kyi don ni gsum ste/ rtsa ba'i sngags dang / dam bca' ba'i sngags dang / phreng ba'i sngags so/ /rtsa ba'i sngags ni oM nas a yis bstan no/ /don ni chos thams cad 'byung ba'i rang bzhin/rnam par dag pa'i rang bzhin/ rnam par thar pa'i sgo bzhis rgyas btab pa nas rtsa ba'o/ /dam bca' ba ni pra kr-i nas ya te'i bar te/ lhun gyis grub pa'i chos thams cad yongs su dag pa/ phung po la sogs pa thams cad de bzhin gshegs pa thams cad chos kyi dbyings kyi rang bzhin gang yin pa khas blangs pa'o//phreng sngags ni a A nas gar+b+ha aH'i bar gyis bstan pa ni don dam par skye med kyi ye shes spros bral lo/ /kun rdzob tu ngag gi dbang phyug la sogs pa sku'i rnam par bstan pa'o/ /sngags kyi yon tan bstan pa'o// //de ltar rje btsun 'jam dpal gyi rang bzhin ston pa sangs rgyas bcom ldan 'das shAkya thub pas bshad pa la/ 'khor phyag na rdo rje la sogs pa dga' nas ston pa la dga' ba'i bstod pa'o/ /sku gsung thugs dang yon tan phrin las dag /bdag don gzhan don ma lus rdzogs mdzad cing //'khor rnams thar pa nyid la 'god mdzad pa'i/ /lha mi'i ston pa khyod la phyag 'tshal bstod/ /ces bstod nas legs pa'i yon tan brjod/ thar pa 'dod pa bdag cag rnams la sogs go sla'o/ /zab ste sangs rgyas rnams kyi spyod yul yin gyi nyan thos la sogs pa rnams kyi ma yin no//'gro don ni thugs rjes bzung ba'o/ /rdzogs pa'i sangs rgyas kun ni dus gsum gyi sangs rgyas rnams kyis bshad pa'o/ /bsdu ba'i rim pa'o/ /mtshan brjod rdo rje'i tshig 'di ni/ /dgrol bar nus pa ma yin kyang //bla ma'i gdams ngag rim pa yis/ /'di byas 'gro ba rnams la bsngo/ /'phags pa 'jam dpal gyi mtshan yang dag par brjod pa'i man ngag gi 'grel pa zhes bya ba/ rgya gar gyi mkhan po gzhon nu grags pas mdzad pa rdzogs so// //rgya gar gyi mkhan po de ba rA dza dang /bod kyi lo tsA ba shes rab bla mas bsgyur ba'o/[ ]@##/ /rgya gar skad du/ Ar+ya many+dzu shrI nA ma sang+gI ti pany+tsi kA/ bod skad du/ 'phags pa 'jam dpal gyi mtshan yang dag par brjod pa'i dka' 'grel/ 'jam dpal gzhon nur gyur pa la gus pas phyag 'tshal lo//gang zhig rang dang gzhan dang gnyi ga'i gzhi/ /gang 'di yin zhes brjod par nus min nyid/ /'ga' yis nges par shes rtogs rang bzhin phyir/ /gang de'i ched du de la phyag 'tshal lo/ /gang zhig srid pa gsum na zab mo brjod med chen por gyur pa bcom ldan 'das//bdag nyid gcig pu tshig ni rnam par 'byed par mdzad la gsal ba'i blo ldan pa/ /de bzhin 'dir yang ring nas goms shing gnas pa'i yid kyi mun pa mun nag dag /gzhom par bya dang bdag gi bsam pa skye med blo la gzung bar bya phyir ro//mtshan ni yang dag brjod pa yi/ /don rnams phal cher bsdus byas nas/ /dbu ma la ni dga' ba yis/ /dka' 'grel nyung ngu 'di ni bri/ /'dir rigs kyi bu gang la la zhig gis gang+gA'i klung gi bye ma snyed kyi de bzhin gshegs pa rnams kyi mtshan bskal pa'am bskal pa las lhag par brjod la/dad pa'i rigs kyi bu gzhan zhig gis 'jam dpal gzhon nur gyur pa la phyag 'tshal lo zhes mtshan lan cig bzung na/ 'dis ni snga ma las bsod nams ches mang du skyed do/ /de ci'i phyir zhe na/ 'jam dpal ni de bzhin gshegs pa mtha' yas pa'i dge ba'i bshes gnyen du gyur pa'i phyir ro//de yang 'jam dpal gyis sngon gang+gA'i klung gi bye ma snyed kyi sangs rgyas bcom ldan 'das rnams la byang chub tu sems bskyed pa dang / sbyin pa la sogs pa'i pha rol tu phyin pa'i rim gyis sangs rgyas la gzhag pas shAkya thub pas rab tu bsngags pa gsungs pa la/la la dag ci 'di don ji lta ba nyid yin nam/ yang na gus pa skyed pa'i phyir bstod par mdzad pa yin zhes rnam par rtog par 'gyur te/ de bsal ba'i phyir phyag na rdo rjes de bzhin gshegs pa la gsol ba btab ste de yang dag par brjod pa'i rnam pa gsungs pa ni/de nas dpal ldan rdo rje 'chang / /zhes pa la sogs pa'o/ /de lta bu ni re zhig pha rol tu phyin pa'i tshul la'o/ /sngags kyi tshul la ni sgyu 'phrul dra ba'i rgyud chen po'i ting nge 'dzin gyi le'ur dkyil 'khor pa thams cad kyi ting nge 'dzin gyi khyad par bcom ldan 'das kyis yang dag par brjod pa'i rnam 'grel lo//de'i 'og tu skabs rnyed pa dang / rje btsun 'jam dpal gyi ting nge 'dzin thams cad kyi ngo bo nyid mtshan yang dag par brjod pa'i sgo nas bstan pa'i phyir/ byang chub sems dpa' chen po phyag na rdo rjes de bzhin gshegs pa la gsol ba btab pa de gsungs pa ni/de nas dpal ldan rdo rje 'chang / /zhes pa la sogs pa'o/ /de la dang po re zhig nyan pa po skye bo 'jug pa'i yan lag tu brjod bya la sogs pa nye bar bstan par bya'o/ /ta thA hi/ de la sangs rgyas thams cad kyi yon tan gyi rang bzhin mtshan yang dag par brjod pa'i don gyi ngo bo nyid shin tu rnam par dag pa'i chos kyi dbyings kyi rang bzhin rje btsun gsung gi dbang phyug ni brjod par bya ba yin la/de ston par byed pa'i mtshan yang dag par brjod pa'i gzhung ni brjod par bya ste/ de dag brjod bya dang rjod byed kyi mtshan nyid ni 'grel pa'o//mtshan gyi don gang yang rung ba bsgom pa rab kyi mthar phyin pa na bdag nyid rje btsun 'jam dpal gyi gzugs su rdzogs par gyur pa ni dgos pa'o/ /de grub nas mi gnas pa'i mya ngan las 'das pa nyid kyis sprul pa'i 'od zer sna tshogs pas 'gro ba ma lus pa'i mi shes pa'i mun pa mun nag sel bar byed pa ni dgos pa'i yang dgos pa'o//de la de nas dpal ldan rdo rje 'chang / /spyan sngar 'dug ste 'di skad gsol/ /zhes 'brel te me long lta bu la sogs pa'i ye shes ni/ dpa' bar 'gro ba dang nam mkha' mdzod dang dri ma med pa dang seng ge rnam par rol pa dang rdo rje lta bu ste/ting nge 'dzin lnga po gcig pa steng dang 'og tu rtse mo lnga pa'i rdo rje lag mthil du bzhag pa bzhin du mngon du mdzad par bstan te de de'i bdag nyid du 'dzin pas rdo rje 'chang ngo / /de skad du yang / sra zhing snying po khong stong med/ /mi chod mi phyed mtshan nyid can/ /bsreg tu med cing gzhom du med/