CLOSE WINDOW

D2533
བོད་ཡིག

/ //rgya gar gyi mkhan po shrad+d+hA ka ra warma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa/[ ]@##/ /rgya gar skad du/ Ar+ya nA ma saM gI ti TI kA nA ma man+t+rAr+thA ba lo ki ni nA ma/ bod skad du/ 'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba/ rje btsun sgrol ma la phyag 'tshal lo/ /dus gsum skyob pa'i ye shes zla/ /'phags pa 'jam dpal phyag 'tshal te/ zab cing rgya che'i chos ldan pa/ de bzhin yang dag mtshan brjod 'di'o/ /rnal 'byor spyod dang bya ba'i rgyud/ /de bzhin pha rol phyin pa'i tshul/ /mdo sde chos mngon sde snod dang / /rnam 'grel gzhan yang bltas pa dang / /da ltar 'das dang skyes rabs te/ /stod byed gzhung dang de bzhin du/ /sems tsam smra ba thams cad dang //de bzhin dbu ma'i gang yin dang / /'jig rten gtsug lag de bzhin te/ /bla ma brgyud pa'i rim 'ongs pa'i/ /man ngag kyang ni legs dran te/ /gsol ba 'debs pas bdag gis de/ /sems can blo zhan rnams la ni/ /snying rjes brlan pa'i sems kyis su/ /shin tu zab cing rgya che ba//de yi rnam par bshad par bya/ /de nas da ni mtshan yang dag par brjod pa 'di'i lus rnam par gzhag pa mngon par brjod par bya'o/ /'di lta ste zhus pa dang / slar gsungs pa dang / rigs drug la gzigs pa dang / sgyu 'phrul dra ba'i mngon par rdzogs par byang chub pa'i rim pa dang /byang chub kyi sems dpal rdo rje sems dpa'i sgo nas dang / rang bzhin gyis shin tu rnam par dag pa'i chos kyi dbyings kyi ye shes rnam par snang mdzad chen po'i sgo nas dang / me long lta bu'i ye shes mi bskyod pa'i sgo nas dang so sor kun du rtog pa'i ye shes snang ba mtha' yas kyi sgo nas dang /mnyam pa nyid kyi ye shes rin chen 'byung ldan gyi sgo nas dang / bya ba nan tan gyi ye shes don yod grub pa'i sgo nas dang / de bzhin gshegs pa lnga'i sgo nas ye shes lnga la bstod pa dang / yon tan dang / sngags dgod pa dang / nye bar bsdu ba rnams te/ lus kyi don bcu bzhi'o//de la dang po ni/ de nas dpal ldan rdo rje 'chang / /zhes pa dang po nas brtsams te/ /lus btud nas ni spyan sngar 'dug/ /ces pa'i bar gyi tshigs bcad bcu drug gis zhus pa'o/ /de nas bcom ldan shAkya thub/ /ces pa dang po nas brtsams te//bcom ldan de ni legs zhes gsol/ /zhes pa'i bar gyi tshigs bcad drug gis ni slar gsungs pa'o/ /de nas bcom ldan shAkya thub/ /gsang sngags rigs chen thams cad dang / /zhes pa dang po nas brtsams te/ /rigs chen gtsug tor cher gzigs nas/ /zhes pa'i bar gyi tshigs bcad gnyis kyis ni rigs drug la gzigs pa'o//tshig gi bdag pos tshigs su bcad/ /ces pa dang po nas brtsams te/ a ra pa tsa na ya te na maH zhes pa'i bar gyi tshigs bcad gsum gyis sgyu 'phrul dra ba'i mngon par rdzogs par byang chub pa'i rim pa gsungs so/ / 'di ltar zhes pa dang po nas brtsams te/ theg pa chen po'i tshul gyi mchog/ /ces pa'i bar gyi tshigs bcad bcu bzhis rdo rje dbyings kyi dkyil 'khor chen po'i sgo nas byang chub kyi sems rdo rje mngon par brjod pa'o/ /sangs rgyas rnam par snang mdzad che/ /zhes pa dang po nas brtsams te/ / rdo rje lcags kyu zhags pa che/ /zhes pa'i bar gyi tshig rkang gcig ma tshang ba'i tshigs bcad nyi shu rtsa lngas shin tu rnam par dag pa'i chos kyi dbyings kyi ye shes kyi sgo nas bstod pa'o/ /rdo rje 'jigs byed 'jigs par byed/ /ces pa dang po nas brtsams te/ sgra dang ldan pa rnams kyi mchog/ /ces pa'i bar gyi tshigs bcad bcus me long lta bu'i ye shes kyi sgo nas bstod pa'o//yang dag bdag med de bzhin nyid/ /ces pa dang po nas brtsams te/ /ye shes me lce 'od 'bar gsal/ /zhes pa'i bar gyi tshigs bcad bzhi bcu rtsa gnyis kyis so sor kun du rtog pa'i ye shes kyi sgo nas bstod pa'o//'dod pa'i don grub dam pa ste/ /zhes pa dang po nas brtsams te/ nor bu chen po rin chen tog /ces pa'i bar gyi tshigs bcad nyi shu rtsa bzhis mnyam pa nyid kyi ye shes kyi sgo nas bstod pa'o/ /sangs rgyas kun gyis rtogs bya ba/ /zhes pa dang po nas brtsams te/ 'jam dpal dpal dang ldan pa'i mchog /ces pa'i bar gyi tshigs bcad bco lngas bya ba nan tan gyi ye shes kyi sgo nas bstod pa'o/ /mchog sbyin rdo rje mchog khyod 'dud/ /ces pa dang po nas brtsams te/ /ye shes sku nyid khyod la 'dud/ /ces pa'i bar gyi tshigs bcad lngas de bzhin gshegs pa lnga'i sgo nas ye shes lnga la bstod pa'o//lag na rdo rje rdo rje 'chang 'di ni zhes pa dang po nas brtsams te/ /chos kyi rgyal po thob po zhes pa'i bar gyis ni yon tan gyi sgo nas bstod pa'o/ /oM sarba d+harmA zhes pa dang po nas brtsams te/ d+harma d+hA tu dz+nyA na gar+b+ha AHzhes bya ba'i bar tshigs bcad gsum dang tshig rkang gnyis dang yi ge bzhis ni sngags kyi sgo nas bstod pa'o//de nas dpal ldan rdo rje 'chang / /zhes pa dang po nas brtsams te/ /rdzogs pa'i sangs rgyas kun gyis bshad/ /ces pa'i bar gyi tshigs bcad lngas ni nye bar bsdus pa'i sgo nas bstod pa'o//de ltar de dag gcig tu bsdus nas tshigs su bcad pa brgya drug cu rtsa gnyis rnams dang / yon tan brgya lnga bcu'i gzhung gis bcom ldan 'das de bzhin gshegs pa thams cad kyi ye shes kyi sku 'jam dpal ye shes sems dpa'i mtshan yang dag par brjod pa'i don bsdus pa'o// // 'dir tshig gi don la the tshom gyis thams cad la 'brel pa dang / brjod bya dang dgos pa dang / dgos pa'i yang dgos pa'i dbang gis rtog pa sngon du gtong ba rnams 'jug pas na mtshan yang dag par brjod pa 'di 'brel pa la sogs pa yang brjod par bya'o/ /de ltar yang 'di'i 'brel pa dang / brjod bya ci ste ma bstan na de'i tshe smyon pa'i tshig bzhin du ma 'brel pa dang /don med par yang dogs pa'i rtog pa sngon du gtong ba rnams nyan par mi 'gyur te/ de'i phyir na 'di'i 'brel pa dang / brjod bya gdon mi za bar brjod dgos so/ /dad pa dang ldan pa rnams ni bcom ldan 'das kyi bka' tshad mar byas te 'jug pa nyid yin pas de la brjod bya la sogs pa smos ci dgos te/ci'i phyir smos mi dgos she na/ de rnams kyi dad pa tsam gyis rab tu 'jug pa'i phyir ro/ /de la 'dir brjod bya ni gnyis su med pa'i ye shes so/ /yon tan las kyang de skad gsungs te/ ji skad gsungs pa/ chos gnyis su med pa gzung ba'i don du mtshan gzung bar bstan to zhes so//rjod byed ni mtshan yang dag par brjod pa'o/ /bklag pa ni brjod pa ste/ yang dag par brjod pa'i mtshan rnams ni yang dag par brjod pa ste/ /mtshan yang dag par brjod pa'o/ /mtshan ni rnal 'byor dang /bya ba'i rgyud dang spyod pa'i rgyud dang / gsung rab mdo sde mtha' dag dang / chos mngon pa dang / 'dul ba dang / 'jig rten dang 'jig rten las 'das pa dang / g.yo ba dang mi g.yo ba thams cad de/ de rnams kyi mtshan yang dag par brjod pa ni gtso bo ma yin pas gnas pa ste don dam par ma yin no//kun rdzob ni/ kun nas srid rtses yongs bcad pa/ /'di dag thams cad ming tsam mo/ /zhes pa'i rigs pas so/ /'di dag ni rjod byed dang brjod bya'i mtshan nyid dam/ thabs dang thabs las byung ba'i mtshan nyid kyi 'brel pa'o/ /dgos pa yang gsang sngags kyi sgo nas spyod pa'i byang chub sems dpa' rnams kyi mos pa dang /de kho na nyid yid la byed pa gnyis kyis chos thams cad so sor rtogs pa lhur len pa rtog pa med pa'i shes rab kyis 'byed pa dang / dad pas mngon du byed pas gnyis su med pa'i chos ye shes thob par byed pa'o/ /de nas yang sgom pa mchog tu mthar phyin pa de bzhin gshegs pa'i go 'phang brnyes pa dgos pa'i dgos pa zhes sbyar bar bya'o//da ni tshig gi don yang bshad par bya ste/ de nas zhes bya ba ni rdo rje 'dzin pa'i dbang du byas nas gsungs pa ste/ de ni gsol ba 'debs pa nyid kyi skabs su bab pa'i phyir ro/ / 'phags pa sgyu 'phrul dra ba khri drug stong pa rnal 'byor chen po'i rgyud kyi nang nas ting nge 'dzin dra ba'i le'u las bcom ldan 'das shAkya thub pas gsungs pa/ bcom ldan 'das 'jam dpal ye shes sems dpa'i don dam pa'i mtshan yang dag par brjod pa gang yin pa de bcom ldan 'das rdo rje 'chang gis gsol ba 'debs pa yin no//dbang po rtul po'i sems can rjes su gzung ba'i don du'o/ /yang na de nas zhes gsungs pa'i/ de nas zhes bya ba'i sgra ni de ma thag pa'o/ /de nas rdo rje 'chang khro gnyer rim par ldan la sogs pa dang lhan cig tu/ mgon po sangs rgyas bcom ldan 'das//de bzhin gshegs la phyag 'tshal te/ /thal mo sbyar ba byas nas kyang / /spyan sngar 'dug ste 'di skad gsol/ /zhes 'brel to/ /rdo rje 'dzin pa'i phyir na rdo rje 'chang ba'o/ /tshig 'dis ni phyogs bshad pa'o/ /dpal ni lha mo'o/ /de gang la yod pa de ni dpal ldan no//'dis ni rgya che ba gsungs pa'o/ /'dis ci zhig ston par 'gyur zhe na/ thabs dang shes rab kyi bdag nyid bcom ldan 'das rdo rje 'dzin pa zhes bstan pa yin no/ /'di nyid dpal bde mchog gi rgyud las gsungs pa ste/ nam mkha' kun gyi skabs na dpal/ /rdo rje sems dpa' de bzhin gshegs//zhes so/ /sdug bsngal gyis 'dul ba ni gdul dka' ba ste/ dbang phyug la sogs pa'o/ /de dag rnams kyis 'dul ba ni ston pa ste/ rdo rje 'dzin nyid kyis 'dul ba'i phyir ro/ /dbang phyug la sogs pa de dag rnams kyi nang na dam pa nyid pas rdo rje 'dzin pa ni mchog go/ / 'jig rten gsum zhes pa ni sa 'og gi 'jig rten dang / sa bla'i 'jig rten dang / sa steng gi 'jig rten no/ /de rnams las rgyal ba'i ngang tshul 'di la mnga' bas na 'jig rten gsum las rgyal lo/ /yang na rgyal bar byed pa dang / sbrang rtsir byed pa dang / don thams cad grub par byed pa gsum ni 'jig rten gsum mo//de rnams las rgyal ba'i ngang tshul 'di la mnga' bas na 'jig rten gsum las rgyal ba'o/ /de nyid kyi phyir na bcom ldan 'das rdo rje 'dzin pa de ni dpa' bo ste/ gzhan gyi zil gyis mnan par bya ba ma yin pa'i phyir ro/ /rdo rje dbang phyug ces pa ni/ rdo rje ni rtse lnga pa'i rdo rje'o//de'i dbang phyug ni gtso bo ste/ rdo rje dbang phyug ni bcom ldan 'das rdo rje 'dzin pa'o/ /dpal de nyid 'dus pa las gsang ba lnga brjod de/ ji lta ji ltar 'dul 'gyur ba/ sems can rnams kyi rang bzhin las/ /de lta de ltar sems can don/ /'dod chags la sogs gtsang bas bya//sems can kun la phan don du/ /sangs rgyas bstan pa'i rgyu yi phyir/ /sems can thams cad bsad na yang / /de ni sdig gis mi gos so/ /sems can kun la phan don du/ /sangs rgyas sku dang sbyor ba las/ /gzhan gyi nor rnams 'phrog na yang / de ni sdig gis mi gos so/ /'dod chags lta bu'i bde ba med/ /de ni rgyal ba rnams la 'bul/ /sems can don du gzhan bud med/ /bsten pas bsod nams thob par 'gyur/ /sems can kun la phan don du/ /sangs rgyas bstan pa rgyu yin phyir/ /las rnams thams cad byas pa yis//bsod nams rnam pa mang po brnyes/ /zhes so/ /gsang ba lnga po de dag rnams kyi rgyal po yin pas gsang ba'i rgyal po'o/ /yang na gsang ba pa las rgyal ba'i phyir gsang ba'i rgyal po'o/ /thal mo sbyar ba byas nas ni/ /spyan sngar 'dug ste 'di skad gsol/ /zhes pa 'og nas 'byung ba'i 'brel tshig kun la sbyar bar bya'o//pad+ma dkar po zhes pa ni dkar po'i pad+ma'o/ /rgyas pa ni kha bye ba'o/ /spyan ni mig go/ /'di'i tshig sbyar ba ni pad+ma dkar po yang de yin la rgyas pa yang de yin pas pad+ma dkar po rgyas pa'o/ /de 'dra ba'i spyan dang ldan pa gang yin pa de ni de skad ces gsungs so/ /pad+ma rab tu rgyas pa'i zhal//zhes pa ni/ pad+ma ni pad+ma nyid do/ /legs par kha bye ba ni rab tu rgyas pa'o/ /zhal ni bzhin no/ /pad+ma rab tu rgyas pa dang 'dra ba'i zhal dang ldan pa gang yin pa de la de skad ces gsungs so/ /rdo rje'i dbus nas lag pas bzung nas yang dang yang du rdo rje gyen du bsgyur nas gzung ba ni/ rang gi lag gis rdo rje mchog/ /yang dang yang du gsor byed pa'o/ /'di skad gsol to zhes pa dang 'brel to/ /dpal phyag na rdo rje dbang bskur ba'i rgyud las/ dpal rdo rje 'chang gi rjes su spyod pa khro gnyer rim par ldan pa la sogs pa khro bo'i tshogs lnga brgya brjod do/ /de rnams dang lhan cig tu bcom ldan 'das rdo rje 'dzin pas phyag 'tshal nas 'di skad gsol zhes pa dang 'brel lo//khro bo'i tshigs de rnams kyang don mtha' yas pas de'i phyir gsungs pa/ lag na rdo rje mtha' yas pa/ /zhes so/ /rdo rje 'dzin pa bzhin du de rnams kyang gdul dka' ba 'dul pas de'i phyir gsungs pa/ /gdul dka' 'dul ba po zhes gsungs so//de nyid kyi phyir dpa' bo ste/ de de rnams kyis zil gyis mnan par mi nus pa'i phyir ro/ /de'i phyir gsungs pa dpa' bo zhes so/ /nyams ci zhig ce na/ dpa' bo'i tshul lo/ /gzugs ci 'dra zhe na/ 'jigs su rung ba'i gzugs so/ /de nyid kyi phyir gsungs pa/'jigs su rung ba'i dpa' byad can/ /zhes so/ /rdo rje rtse mo rab 'phro ba/ /zhes pa ni rab tu 'phro ba'i rdo rje'i rtse mo ste/ thog ma'i cha dang gang ldan pa de ni/ rdo rje rtse mor ba 'phro ba/ /zhes so/ /gsor byed pa zhes bya ba ni gyen du sgyur ba'o/ /gang gis she na/ rang gi lag gis so/ /de rnams kyi bdag nyid gang zhe na/snying rje che dang shes rab dang / thabs kyis 'gro ba rnams kyi don byed pa'i bdag nyid dang ldan pa yin pa de rnams ni/ snying rje dang shes rab dang thabs kyis 'gro don byed pa ste/ de la snying rje dang ldan pas snying rje'o/ /bde ba 'gog par byed pas snying rje ste/ snying rje can ni gzhan gyi sdug bsngal gyis sdug bsngal bas bdag gi bde ba 'gog pa ni snying rje'o//bdag gi bde ba mi 'phel bas na snying rje yang de yin la chen po yang de yin pas snying rje chen po ste/ mi dmigs pa'i bdag nyid kyi phyir ro/ /chos thams cad rab tu 'byed pa ni shes rab bo/ /thabs ni 'jig rten las 'das pa ma lus pa'i ting nge 'dzin ston pa'i sgo nas skal ba ji lta bu dang ldan pa'i sems can rnams kyi don byed pa'o//'gro bas 'gro ba ste khams gsum pa rnams so/ /de rnams kyi don ni dgos pa'o/ /de'i phyir gsungs pa/ snying rje che dang shes rab dang / /thabs kyis 'gro don byed pa'i mchog/ /ces so/ /de nyid kyi phyir na khro bo de rnams dam pa yin pas mchog ste/de'i phyir gsungs pa/ mchog ces so/ /rang bzhin gang zhe na/ dga' mgu rangs pa'i bsam pa'i rang bzhin no/ /de la dga' ba ni sems kyi bsam pa'i sgo nas so/ /mgu ba ni lus kyi sgo nas so/ /bsam pa ni blos so/ /de'i don ni 'di lta ste/dga' ba dang mgu ba'i bsam pa dang ldan pa gang yin pa de rnams dga' mgu'i bsam pa can zhes bya'o/ /de nyid kyi phyir na rangs pa ni spro ba ste/ sems can gyi don byed pa'i phyir ro/ /de nyid gsungs pa/ rangs pa zhes so/ /lus kyi gzugs ni khro bo'i gzugs so/ /khro bo'i lus kyi gzugs ci 'dra zhe na/'jigs byed chen po dang / drag tu bzhad pa dang / dbu dang phyag dang zhabs du ma dang / spyan mi sdug cing skra khams gyen du 'greng ba dang / rdzi ma ser ba dang / khro gnyer dang thod pa'i phreng bas brgyan par byed pa dang / sbrul gyi rgyan dang / stag lpags kyi smad g.yogs la sogs pa de rnams gang la yod pa de ni khro bo'i lus kyi gzugs ldan pa ste/de'i phyir gsungs pa/ khro bo'i lus kyi gzugs ldan pa/ /zhes so/ /sangs rgyas rnams kyi bya ba ni sangs rgyas kyi phrin las so/ /byed pa ni mdzad pa ste/ gsungs pa/ sangs rgyas phrin las byed pa zhes so//de nyid kyi phyir na mgon po ste/ ston pa sangs rgyas kyi phrin las byed pas na de bas na mgon zhes so/ /gang rnams kyis lus btud pa ni/ lus btud pa ste/ lus btud pa de rnams dang lhan cig tu bcom ldan 'das rdo rje 'dzin pas 'di ltar 'og nas 'byung ba'i gsol zhes pa dang 'brel lo/ /ci byas nas she na/phyag byas nas so/ /gang la zhe na/ mgon po la'o/ /mgon med pa'i 'jig rten pa rnams la rjes su ston pa'i phyir na gtso bo ni mgon po'o/ /mgon po yang ci 'dra ba'i mgon po yin zhe na/ gsungs pa/ de bzhin gshegs pa zhes so/ /de la de bzhin ni de bzhin nyid do/ /de mkhyen pas de bzhin gshegs pa'o//yang na de bzhin gshegs pa rnams ji ltar byon cing gshegs pa de bzhin du gshegs pas na de bzhin gshegs pa'o/ /ji lta bu zhe na/ bcom ldan 'das zhes pa ni skal ba phun sum tshogs pas na bcom ldan 'das sam/ bdud bzhi 'joms pas so/ /de skad yang gsungs pa/nyon mongs las dang de bzhin skye/ /de bzhin nyon mongs shes bya'i sgrib/ /mi mthun phyogs chos gang yin pa/ /'joms pas de 'dir bcom ldan 'dod/ /de ltar nges tshig gi rim pas nyon mongs pa la sogs pa 'joms pas ni bcom ldan 'das so/ /yang na dbang phyug la sogs pa'i yon tan dang ldan pa'i phyir te/de skad yang gsungs pa/ dbang phyug dang ni gzugs bzangs dang / /grags dang dpal dang rab mchog dang / /de nas ye shes brtson 'grus dang / /drug po rnams la ldan par bshad/ /gzhan yang mgon po ji lta bu zhe na/ rdzogs pa'i sangs rgyas zhes pa ni yang dag par rdzogs par sangs rgyas pa ste/nyan thos dang rang sangs rgyas ma yin pa'i phyir ro/ /phyag btsal nas zhes pa ni gong ma dang 'brel to/ thal mo sbyar ba byas nas ni/ /spyan sngar 'dug pa ni bcom ldan 'das rdo rje 'dzin pas bdag la phan pa la sogs pa'i don du 'di skad gsol to//khyab bdag bdag la sman pa dang / bdag la sman pa zhes pa ni bdag la phan pa ste/ ma 'ongs pa'i dus na bdag la sman pa nyid kyi phyir ro/ /bdag don ni bdag la dgos pa'i phyir ro/ /bdag la ni bdag gi ste/ kye khyab bdag la thugs brtse'i phyir te/ phan gdags pa'i phyir rim pa ji lta ba 'dis bdag gis thob par mdzod cig pa'o/ /gang gis thob par bya zhe na/ gsungs pa/ sgyu 'phrul dra bas mngon rdzogs pa'i/ /byang chub ci nas bdag thob pa ni sgyu 'phrul dra ba'i mngon par rdzogs par byang chub pa zhes bya ba'i rim pa de ci nas kyang bdag gis thob par 'gyur ba de ltar kye bcom ldan 'das bshad du gsol zhes phyis 'byung ba'i byed pa'i tshig dang 'brel to//sems can de rnams ji lta bu zhe na/ nyon mongs pas ni sems dkrugs shing / /zhes pa ni nyon mongs pa drug go/ /de skad mngon pa'i chos las gsungs te/ nga rgyal lta ba the tshom dang //'dod chags zhe sdang gti mug go/ /zhes gsungs so/ /nyon mongs pa de rnams kyis sems rnam par dkrugs pa'i sems can gang yin pa de rnams ni nyon mongs pas ni sems dkrugs shing ste/ de'i phyir na de rnams bla na med pa'i 'bras bu thob pa'i don du bcom ldan 'das kyis bshad du gsol zhes pa dang 'brel to//gzhan yang khyad par ci 'dra ba'i sems can zhe na/ mi shes 'dam du bying ba yi/ /sems can kun la sman pa dang / /zhes pa ste/ de la mi shes pa ni ma rig pa ste/ de nyid thogs pa'i gnas nyid kyi phyir ram/ thar dka' bas na 'dam dang 'dra bas 'dam mo//der bying ba'i sems can gang yin pa rnams la phan pa'i phyir bshad du gsol zhes pa'i tshig dang 'brel to/ /bla med 'bras bu thob bya'i phyir/ /zhes pa ni bla na med pa'i 'bras bu ni sangs rgyas nyid do/ /de thob pa ni rab tu rnyed pa'o/ /de'i don ni de thob pa'i phyir zhes bya'o/ / bcom ldan 'das kyis bshad du gsol/ /zhes bya ba la sogs pa dang / rdzogs pa'i sangs rgyas zhes pa ni rtag pa'i sgo nas so/ /'gro ba'i bla ma zhes pa ni 'gro ba rnams kyi bla ma pas 'gro ba'i bla ma ste/ rin chen 'byung ldan gyi sgo nas so/ /ston pa zhes pa ni 'gro ba la rjes su ston pa ste/ / mi bskyod pa'i sgo nas so/ /dam tshig ni bcom ldan 'das rdo rje sems dpa' ste/ chen po yang de yin la dam tshig kyang de yin pas dam tshig chen po'o/ /de'i de nyid ni dam tshig chen po de nyid do/ /de shes pas na/ dam tshig chen po de nyid mkhyen/ /zhes pa ste/ snang ba mtha' yas kyi sgo nas so/ /dbang po zhes pa ni rtul po dang 'bring po dang rnon po rnams te/ de rnams kyi bsam pa ni mno bsam mo/ /de shes pas na/ dbang po bsam pa mkhyen zhes pa ste/ don yod grub pa'i sgo nas so/ /de ltar de bzhin gshegs pa lnga'i bdag nyid las bcom ldan 'das ni dam pa yin pas mchog ste/bshad du gsol zhes pa dang 'brel to/ /de nas/ bcom ldan 'das kyi ye shes sku/ /zhes bya ba la sogs pas ni/ kye bcom ldan 'das 'jam dpal ye shes sems dpa' dang 'brel pa'i mtshan yang dag par brjod pa gang yin pa de bdag gis gzung ngo zhes phyi nas 'byung ba'i tshig dang 'brel to//khyad par ci 'dra ba zhig ye shes sku zhe na/ ye shes kyi sku yin pas ye shes sku ste/ ye shes sku de'o/ /de ni me long lta bu'i ye shes kyi sgo nas so/ /gtsug tor chen po zhes pa ni chen po'i gtsug ni gtsug tor chen po ste/ gtsug tor chen po de'o//de ni mnyam pa nyid kyi ye shes kyi sgo nas so/ /de bzhin gshegs pa thams cad kyi dbang bskur ba'i bdag nyid kyi phyir gtsug tor chen po'o/ /tshig gi bdag po zhes pa ni tshig ni sgra'o/ /bdag po ni mnga' bdag ste tshig gi bdag po de'o/ /tshig gi bdag po ni so sor kun du rtog pa'i ye shes kyi sgo nas so//ye shes sku zhes pa ni ye shes nyid sku yin pas na ye shes sku'o/ /bya ba nan tan gyi ye shes kyi sgo nas so/ /rang byung zhes pa ni rang byung ba rang byung ste/ bsgoms pa'i stobs las byung zhes pa'i tha tshig go/ /de skad du yang dpal mchog dang po'i rgyud las gsungs pa/ kun du bzang po ye shes kyi/ /bdag nyid mngon par byang chub po/ zhes so/ /de'i phyir na de nyid rang 'byung zhes pa ste/ shin tu rnam par dag pa chos kyi dbyings kyi ye shes kyi sgo nas so/ /des ci gsungs pa 'byung bar 'gyur zhe na/ 'jam dpal ye shes sems dpa' ye shes lnga dang ldan pa bstan to//'jam dpal ye shes sems dpa' zhes pa ni/ 'jam pa ni mnyen pa dang / dpal dang ldan pa gang yin pa de ni 'jam dpal lo/ /ye shes sems dpa' zhes pa ni de bzhin gshegs pa thams cad kyi thugs ka na gnas pa'i phyir ro/ /'jam dpal yang de yin la ye shes sems dpa' yang de nyid yin pas 'jam dpal ye shes sems dpa' ste/de sa bcu'i dbang phyug gi byang chub sems dpa' ni ma yin no/ /de lta na de su zhig yin zhe na/ gnyis su med pa'i ye shes shes rab kyi pha rol tu phyin pa de nyid 'jam dpal ye shes sems dpa' ste/ de nyid kyi phyir na phyogs kyi glang po'i zhal snga nas kyis gsungs pa/shes rab pha rol phyin gnyis med/ /ye shes de ni de bzhin gshegs/ /zhes so/ /ye shes lnga'i bdag nyid 'jam dpal ye shes sems dpa' de dang 'brel pa'i mtshan yang dag par brjod pa de bdag gis gzung ngo zhes pa dang 'brel lo/ /khyad par ci 'dra ba zhig ce na/gsungs pa/ mtshan ni yang dag brjod pa'i mchog /ces bya ba la sogs pa ste/ de'i don ni bshad zin to/ /don zab ces pa ni zab mo yang de yin la don yang de nyid yin pas na don zab ste/ stong pa nyid kyi don to/ /de la don dang zab pa yod pa de'i phyir bdag gis gzung zhes pa'o//don ni rgya che zhing zhes pa ni rab tu rgyas pa'i don to/ /de gang la yod pa de ni don ni rgya che zhing zhes so/ /don chen zhes pa ni che ba'i don gang yin pa de ni don chen po nyid de/ sems can gyi khams ma lus pa'i bsam pa thams cad yongs su rdzogs pa'i phyir ro/ /mtshungs med ces pa ni mnyam pa med pa gang yin pa de ni mtshungs med do//gang gi phyir mtshungs pa med pa yin zhe na/ chos kyi dbyings kyi rang bzhin nyid kyi phyir ro/ /rab zhi zhes pa ni spros pa thams cad nye bar zhi ba nyid kyi phyir ro/ /thog ma bar dang mthar dge ba/ /zhes pa ni thos pa dang bsam pa dang / sgom pa dus rnams la spro ba dang dga' ba dang shin tu sbyangs pa thob pa'i phyir te/ dge ba gsum po de bdag gis gzung ngo zhes pa dang 'brel to/ /khyad par gzhan yang ci 'dra ba zhe na/ gsungs pa/ 'das pa'i sangs rgyas rnams kyis gsungs/ /zhes pa la sogs pa ste/ 'das pa'i sangs rgyas rnams kyis gang gsungs pa dang /ma 'ongs pa'i yang dag par rdzogs pa'i sangs rgyas rnams kyis gsung bar 'gyur ba gang yin pa dang / yang da ltar byung ba'i sangs rgyas bcom ldan 'das rnams yang dang yang du gsungs pa gang yin pa'i zhes bya'o/ / des 'di skad gsung par 'gyur te/ dus gsum gyi de bzhin gshegs pa rnams kyis mtshan yang dag par brjod pa gsungs pa de'i phyir chos kyi rnam grangs 'di ni nam mkha' dang 'dra bar bstan pa yin te/ de skad du yang gsungs pa/ de bzhin gshegs pa rnams byung yang rung ma byung yang rung chos nyid ni kun du gnas pa'o zhes bstan par 'gyur ro zhes so//yang ci 'dra ba zhe na/ rgyud chen sgyu 'phrul dra ba las/ /zhes pa la sogs pa ni sgyu 'phrul dra ba'i rgyud chen po 'di la dpag tu med pa'i rdo rje 'dzin pa chen pos gsang sngags chen po 'dzin pa rnams dga' nas yang dag par glu blangs pa gang yin pa de bdag gis gzung zhes pa dang 'brel lo/ / mgon po rdzogs sangs rgyas kun gyi/ /zhes pa la sogs pa ni/ kye mgon po ji lta ba bzhin du rdzogs pa'i sangs rgyas kun gyi gsang ba 'dzin par bdag 'gyur ba de bzhin du bshad par gsol zhes gong ma dang 'brel to/ /'dzin zhes bya ba 'di ni chos kyi skad do/ /nges par 'byung ba'i bar du 'di/ bdag gis bsam pa brtan pos gzung //zhes pa ni bdag gis mtshan yang dag par brjod pa 'di'i nges par 'byung ba ma thob kyi bar du gzung ngo / /nges par 'byung zhes pa ni mya ngan las 'das pa'o/ /ci 'dra bar gzung zhe na/ bsam pa brtan pos so/ /bsam pa ni mno bsam mo/ /brtan po ni mi g.yo ba'o/ / de dang ldan pa gang yin pa de ni bsam pa brtan pa'o/ /ji lta ba bzhin du bdag gis de rtogs nas sems can thams cad kyi bsam pa'i khyad par ji lta ba bzhin du bshad par 'tshal lo zhes 'og ma dang 'brel lo/ /gang gi don du zhe na/ gsungs pa/ nyon mongs ma lus bsal ba dang / /mi shes ma lus spangs pa'i phyir/ / zhes pa ste/ de la nyon mongs pa ma lus pa ni nyon mongs pa dang nye ba'i nyon mongs pa gzung ngo / /de rnams zad pa'i don ni nyon mongs ma lus bsal ba'o/ /ma lus pa'i dngos po mi shes pa ni mi shes ma lus te/ /de gzhom par bya ba ni mi shes ma lus spang ba'i phyir te/ de yi don du bshad par 'tshal/ /zhes bya ba dang 'brel to//bsam pa'i khyad par ji bzhin du/ /sems can rnams la bshad par 'tshal/ /zhes pa ni ji lta ba bzhin du bdag gis rtogs nas sems can thams cad kyi bsam pa'i khyad par ji lta ba bzhin du bdag gis rab tu bshad par 'tshal lo zhes pa'i tha tshig go/ /gsang dbang lag na rdo rje yis//zhes pa ni/ de la gsang ba ni lcang lo can gyi pho brang zhes bya ba la gnas pa'i gnod sbyin rnams so/ /de rnams kyi rgyal po'i phyir na gsang dbang zhes gsungs so/ /de bzhin gshegs pa de skad du/ /zhes pa ni de skad de rnam pa 'di lta bus bcom ldan 'das gsang ba'i bdag po lag na rdo rjes de bzhin gshegs pa la gsol to//gsol nas ji ltar byas she na/ thal mo sbyar ba byas nas ni/ /lus btud nas ni spyan sngar 'dug /ces pa ni lus btud nas spyan sngar gnas zhes so/ /bkur ba sngon du byas nas don du gnyer ba ni gsol ba 'debs pa ste/ bkur ba ni phyag 'tshal ba la sogs pa'o/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes pa las zhus pa'i rim par phye ba dang po ste tshigs bcad bcu drug go// //de nas zhus pa'i de ma thag tu gsungs pa/ de nas bcom ldan shAkya thub/ /ces pa la sogs pa ste/ de la de nas ni zhus pa'i de ma thag tu slar gsungs pa'o//bcom ldan 'das ni bshad zin to/ /shAkya'i rigs rnams kyi thub pa ni shAkya thub pa'o/ /sku gsung thugs thub pas na yang thub pa'o/ /rdzogs pa'i sangs rgyas rkang gnyis mchog /ces pa ni rdzogs pa'i sangs rgyas ni bshad zin to/ /rkang gnyis ni lha dang mi'o/ /de rnams kyi mchog ni rab ces pa'i don to//nyid kyi zhal nas zhes pa ni shAkya thub pa nyid kyi zhal nas so/ /ljags bzang ba ni g.yas su 'khyil pa'i dung dang 'dra zhing chos thams cad kyi gnas yin pa'i phyir ro/ /ring zhing yangs par brkyang mdzad de/ /zhes pa ni rang gi zhal nas ring zhing yangs pa'i rang gi lce sprul pa mdzad nas bsdus pa'i phyir ro//ci zhig mdzad ce na/ 'jig rten gsum po snang byed cing / /zhes pa la sogs pa ste/ sa 'og dang sa stengs dang sa bla'i 'jig rten gsum la snang zhing gsal bar byed pa'i 'dzum pa bstan nas phyag na rdo rje la slar gsungs so zhes par 'brel to/ /yang 'dzum pa'i khyad par ci 'dra zhe na/gsungs pa/ bdud bzhi'i dgra rnams 'dul byed pa/ /zhes pa bdud bzhi ni phung po dang / nyon mongs pa dang / lha'i bu'i bdud dang / 'chi bdag gi bdud rnams so/ /de rnams nyid dgra rnams te/ de rnams 'dul ba ni rjes su mthun par 'dul zhing tshar gcod pa'i 'dzum pa bstan nas phyag na rdo rje la slar gsungs so zhes pa dang 'brel to//sems can rnams kyi ngan song gsum/ /sbyong bar byed pa'i 'dzum bstan nas/ /zhes pa ni 'jig rten pa'i sems can ngan song gsum gyi dmyal ba dang yi dags dang dud 'gro'o/ /de dag par sbyang par byed pa'i 'dzum bstan te phyag na rdo rje la slar gsungs zhes pa dang 'brel to//de bzhin gshegs pa rnams kyis chos bstan pa'i dus na rtags gsum ste/ 'di lta ste/ 'dzum pa dang / gzigs pa dang / 'od zer gyis bskul ba'o/ /kha cig tu gcig gam/ kha cig tu gnyis sam/ kha cig tu gsum du 'gyur te/'di lta ste/ dpal sgyu 'phrul dra ba'i rgyud las gnyis gsungs te/ 'dzum pa dang gzigs pa'o/ /kha cig las gsum la 'di lta ste/ shes rab kyi pha rol tu phyin pa stong phrag nyi shu lnga pa las/ byams pa la gzigs pa dang / 'dzum pa'i zhal dang / 'od zer spros pa'o/ /kha cig las gcig ni 'di lta ste/mtshan yang dag par brjod pa gnyis las so/ /'dzum pa bstan nas zhes pa ni/ /'dzum pa de ni rnam pa bzhi ste/ yan lag dang nying lag las 'phro ba dang / ba spu las 'phro ba dang / rang bzhin gyis 'od 'phro ba dang / ljags kyi dbang po las 'od 'phro ba ste/ 'dir ni ljags kyi dbang po'i rdzu 'phrul bstan pa sngon du 'gro ba'i rtags so//tshig ci 'dra zhe na/ tshangs pa'i gsung zhes pa ste/ tshangs pa'i sgra dang ldan pa'i phyir tshangs pa'i gsung ngo / /tshangs pa'i sgra ni che ba dang / yon tan che ba'i tshig bla dgas te/ ji skad du/ tshangs ldan bsod nams rab skye ba'o//zhes bshad pa lta bu'o/ /stong phrag du ma rnams las te/ stong phrag gi sgra ni stong gsum gyi stong chen po'i 'jig rten gyi khams la shes par bya ste/ stong phrag du ma'i rang bzhin gyi dkyil 'khor zhes ston to/ /ji skad gsungs pa/ stong gsum gyi stong chen po'i 'jig rten gyi khams sgras gang bar byed do zhes so//ji ltar nang na thos pa de bzhin du phyi rol na yang shes te/ de la nang gang yin pa de ni stong gsum gyi stong chen po 'di la gnas pa rnams so/ /phyi rol ni 'jig rten gyi khams gzhan gang yin pa rnams te/ de bas na che ba'i phyir tshangs pa'i gsung ngo / /yang na tshangs pa ni bcom ldan 'das shAkya thub pa'o//tshangs pa de'i tshig 'di nyid tshangs pa'i gsung ngo / /snyan pa yis zhes pa ni mnyan na bde ba nyid kyi phyir ro/ /'jig rten gsum po kun bkang nas/ /zhes pa ni de'i las tshangs pa'i gsung gcig kho nas 'jig rten gsum rnam par khyab pa'i gsung gis phyag na rdo rje la slar gsungs pa dang 'brel to//de skad du gsungs pa/ srid pa 'joms pa'i gsung ni gcig po yang / /theg pa sna tshogs rab bstan phye ba yis/ /ji lta ji ltar skye bo thams cad kyis/ /rtogs pa'i rgyur gyur skyon med rnam par gsal/ /zhes so/ /snying rje che dang ldan gyur pas/ /zhes pa la sogs pa ni/lag na rdo rje khyod legs so/ /kye dpal ldan rdo rje 'chang gang dang gang gi phyir khyod 'jam dpal ye shes sems dpa'i sku dang 'brel pa'i mtshan yang dag par brjod pa gang yin pa de nga las nyan par brtson pa de dang de'i phyir gsang ba'i bdag po la legs par bstan par bya zhes pa dang 'brel to/ / khyod kyis ci'i don du nga las dris pa yin zhe na/ 'gro la phan pa'i don du ni/ /zhes pa ste/ 'gro ba la nye bar phan gdags pa'i phyir snying rje chen po dang ldan par gyur pas so/ /khyad par ji lta bu'i mtshan yang dag par brjod pa nyan par brtson zhe na/ dag par byed cing sdig sel ba/ /zhes pa ste/ de la dag par byed cing zhes pa ni bkra shis pa'o//sdig sel ba zhes pa ni mi dge ba 'joms pa'o/ /khyod ni rtse gcig yid kyis nyon/ /zhes pa ni de yis 'di skad gsungs par 'gyur te/ bum pa kha bub pa dang / bum pa zhabs rdol ba dang / bum pa mi gtsang ba bzhin du mi rung ngo zhes pa'i tha tshig go//'o na ji ltar zhe na/ legs par nyon cig ces pa'o/ /bcom ldan 'das nyid kyis gsungs ma thag tu rdo rje 'dzin pas gsol pa/ bcom ldan de ni legs zhes gsol/ /zhes pa ni bcom ldan 'das ni shAkya thub pa'o/ /de ni de ltar mnyan par bgyi'o zhes pa'i don to/ /legs zhes pa ni ji ltar gsungs pa nyid kyi rim pas bdag gis mnyan to zhes pa'i tha tshig go//'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las slar gsungs pa'i rim par phye ba ste gnyis pa tshigs bcad drug pa'o// //da ni slar gsungs pa'i de ma thag tu rigs drug la gzigs pa'i rim par phye ba gsungs pa/ de nas bcom ldan shAkya thub/ /ces pa la sogs pa ste/ de la/ gsang sngags rigs chen thams cad dang / /zhes pa ni sdud par byed pa'i tshig 'di ni spyir bstan pa'o//'dir de dang de la rnam par gzigs te/ tshig gi bdag po 'jam dpal ye shes sems dpa' dang 'brel pa'i skye ba med pa'i chos can tshigs su bcad pa 'di gsungs so zhes phyis 'byung ba'i tshig dang lhan cig tu 'brel to/ /gsang sngags rig sngags 'chang ba'i rigs/ /zhes pa ni rig sngags 'dzin pas na rig sngags 'chang ba'o//gsang sngags kyi bdag nyid kyang de yin la rig sngags 'chang ba yang de nyid yin pas na gsang sngags rig sngags 'chang ba ni 'dzin pa'i bdag nyid do/ /de'i rigs ni gsang sngags rig sngags 'chang ba'i rigs te/ las kyi rigs zhes pa'i don to/ / rigs gsum la ni rnam par gzigs/ /zhes pa ni sku dang gsung dang thugs kyi rang bzhin nyid pas rnam par snang mdzad kyi rigs zhes pa'i don to/ /'jig rten 'jig rten 'das pa'i rigs/ /zhes pa ni 'jig rten la lta bas na 'jig rten no/ /de'i rigs ni 'jig rten 'jig rten 'das pa'i rigs te/ pad+ma'i rigs so zhes bya ba'i tha tshig go/ /'jig rten snang byed rigs chen dang / /zhes pa ni 'jig rten rnams la gsal bar byed pa ni 'jig rten snang byed de me long lta bu'i ye shes kyi bdag nyid pas mi bskyod pa'o/ /de'i rigs ni/ 'jig rten snang byed rigs chen dang / /zhes pa ste/ rdo rje'i rigs so/ / phyag rgya chen po'i rigs mchog dang / /zhes pa ni byang sems rdo rje'i rigs so/ /de nyid kyi phyir na mchog ste/ rnam par snang mdzad la sogs pa'i byang chub kyi sems kyi rang bzhin nyid kyi phyir ro/ /de'i rigs ni phyag rgya chen po'i rigs mchog go/ /rigs chen gtsug tor cher gzigs nas/ / zhes pa ni/ de bzhin gshegs pa thams cad kyis khams gsum gyi rgyal por dbang bskur bas na gtsug tor chen po ste/ de'i rigs ni rigs chen gtsug tor che ste/ rin po che'i rigs zhes bya ba'i don to/ /cher gzigs pa'i don ni gong du bshad zin to/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las rigs drug la gzigs pa'i rim par phye ba ste gsum pa tshigs bcad gnyis pa'o// //da ni dpal sgyu 'phrul dra ba'i mngon par rdzogs par byang chub pa'i rim pa bla ma gcig nas gcig tu brgyud pa bshad de/de yang dpal sgyu 'phrul dra ba'i le'u khri drug stong gi nang nas byung ba yin no/ /de la dang por re zhig sngags kyi sgor zhugs nas spyad pa spyod pas/ bcom ldan 'das 'jam dpal ye shes sems dpa' de bzhin gshegs pa thams cad kyi ye shes kyi spyi gtsug gnyis su med pa don dam pa'i mtshan yang dag par brjod pa zhes pa gtsug gi nor bu 'di mngon du byed 'dod pa'i byang chub sems dpa' ma lus shing lus pa med pa'i sems can gyi khams thams cad yongs su sgrol ba'i bsam pa dang /byang chub chen por smon pa'i sems dang / thabs dang shes rab kyi bdag nyid dang ldan pas bsdu ba'i dngos po bzhis sems can rnams bsdus te/bla na med pa yang dag par rdzogs pa'i byang chub tu sems bskyed par bya'o/ /'di skad kyang brjod de/ sangs rgyas dang byang chub sems dpa' thams cad kyis bdag la dgongs su gsol/ bdag che ge mo zhes bya ba dus 'di nas gzung nas ji tsam byang chub kyi snying po la gnas kyi bar du bla na med pa'i byang chub mchog gi sems bskyed par bgyi'o//ji ltar dus gsum mgon po rnams/ /byang chub nyid du nges byas pa'i/ /byang chub sems ni bla med pa/ /dam pa bdag gis bskyed par bgyi/ /tshul khrims kyi ni bslab pa dang / /dge ba'i chos ni sdud pa dang //sems can don byed tshul khrims rnams/ /brtan por bdag gis so sor gzung / /sangs rgyas chos dang dge 'dun dang / /bla med mchog gi dkon mchog gsum/ /deng nas brtsams te gzung bar bgyi/ /nam du yang ni mi gtong ngo / /sdom pa sangs rgyas sbyor bskyed pa/ /deng nas brtan par gzung bar bgyi//rdo rje rigs mchog chen po yi/ /rdo rje dril bu'i phyag rgya dag /de nyid kho nas so sor gzung / /slob dpon yang ni gzung bar bgyi/ /drug tu byas te nyin re la/ /sbyin pa rnam bzhi rab tu sbyin/ /rin chen rigs mchog chen po yi/ /yid dga' ba yi dam tshig go//phyi dang gsang ba'i theg pa gsum/ /dam pa'i chos kyang gzung bar bgyi/ /pad+ma'i rigs mchog dag pa yi/ /byang chub chen po las byung ba'o/ /las kyi rigs mchog chen po la/ /sdom pa thams cad rab ldan pa/ /so sor yang dag gzung bar bgyi/ /mchod pa'i las kyang ci nus bgyi//las kyi rigs mchog chen po la'o/ /bla na med pa'i byang chub sems/ /bskyed par byas te bdag gis ni/ /sems can kun gyi don du ni/ /sdom pa ma lus gzung bar bgyi/ /ma rgal ba rnams bsgral bar bgyi/ /ma grol ba rnams bdag gis dgrol/ /dbugs ma byung ba dbugs dbyung ste//mya ngan 'das la sems can dgod/ /sdom pa gzung ba sngon du 'gro bas byang chub tu sems bskyed par bya ste/ /mngon par byang chub pa lnga'i rim pa 'dis bsgom par bya'o/ /dang por re zhig me long lta bu'i ye shes kyi gzugs brnyan gyi sbyor bas bsgom par bya ste/ ji ltar yongs su dag pa'i me long gi dkyil 'khor la de'i drung gi yul dang dus kyi dngos po'i rig pa rnams so sor snang ba de ltar shin tu rnam par dag pa chos kyi dbyings kyi rgyu mthun pa byang chub kyi sems chen po la 'gro ba dang yul dang skye gnas kyi dbye bas phye ba'i sems can gyi khams snang ste/de rnams shin tu dri ma med pa'i me long lta bu'i ye shes de la yang bltas te de'i phyi nas sems can la dmigs pa'i snying rje bskyed par bya ste/e ma'o sems can 'di rnams mgon med pa/ skyabs med pa/ dpung gnyen med pas sdug bsngal ba rnams 'khor ba'i rgya mtshor bying ba de rnams kyi don du ji ltar bdag nyid ltar thams cad kyi thams cad du sdug bsngal las bsgral bar bya ste/ji ltar zug rngu can gyi sems can thams cad me long lta bu'i ye shes la sems can rnams kun rdzob tu snang bar bya'o/ /de nas mnyam pa nyid kyi ye shes la mos par byas te/ chos thams cad bdag med pa'i mnyam pa nyid du sbyor bas/ ji ltar chos rnams stong pa dang bdag med pa de ltar bdag kyang stong pa dang bdag med pa zhes bsgoms te/chos thams cad bdag med pa la gzung bar bya'o/ /de skad kyang gsungs pa/ bdag ci 'dra ba de 'drar sems can thams cad shes/ /sems can thams cad ci 'dra de 'drar chos kun shes/ /zhes pa la sogs pa'o//de nas chos thams cad bdag med pa'i rang bzhin du rtogs pas chos la dmigs pa'i snying rje mnyam pa nyid kyi ye shes kyis bskyed par bya'o/ /de nas a kA ro mu khaM sarba d+harmA NAM Ad+ya nut+pan+na twAta ces sngags brjod nas/ /ma lus par ni mdor bsdus te/ /sngags pa sngags don bsgoms nas su/ / dmigs pa med dang lhan cig tu/ /chos bdag med pa rnam par bsgom/ /de ltar so sor kun du rtog pa'i ye shes de lta bu'i de ma thag pa nyid du dmigs pa med pa'i snying rje chen po'i rjes su song ba/ gzung 'dzin kun las rnam par grol ba/ rang bzhin gyis 'od gsal ba/ cha shas kyi rang bzhin las 'das pa/shin tu rnam par dag pa'i chos kyi dbyings stong pa nyid kyi ye shes bsgom par bya'o/ /de nas yang sems can thams cad kyi don byed pa dang bral bas na rnal 'byor pas sngon gyi smon lam gyis bsgoms pa'i sems kyi rgyun gyi dbang gis langs te/ mi dmigs pa'i snying rje chen pos bya ba nan tan gyi ye shes mngon du bya'o/ / rnam par mi rtog pa'i ye shes kyi rjes la thob pa dag pa 'jig rten pa'i ye shes nyid kyi phyir de'i de nyid kyis sems can gyi don thams cad yongs su rdzogs par byed do/ /de'ang 'jug pa'i mtshan nyid kyi byang chub kyi sems kun rdzob dang don dam pa'i rang bzhin gyi rnam par byang ba'i byang chub kyi sems zhes bya bar rig par bya'o//de nas rnal 'byor pas sems nyid sgyu ma'i rnam pa nam mkha'i phyogs su gnas pa rang bzhin gyis 'od gsal ba skar ma'i rnam pa 'dra ba'i a bsams te/ de las byung ba khro bo 'bar ba'i phreng bas 'khrigs pa sngon po mdog du ma'i 'od zer brgya stong gis yongs su bskor ba ming gzhan kun du bzang po mchog tu dga' ba'i bdag nyid yi ge hUM chen po bsgom par bya'o//yi ge hUM de las rnam pa du ma'i 'od rnams phyung ste/ 'od kyi rtse mo de las de bzhin gshegs pa thams cad sprul nas/ de bzhin gshegs pa de dag thams cad kyis sangs rgyas kyi zhing thams cad du gshegs te/ ma lus zhing lus pa med pa'i 'jig rten gyi khams thams cad du sems can gyi khams thams cad yang dag par sbyangs te/byang chub kyi sems bskyed pa la sogs pa yang byas nas ji srid sangs rgyas thams cad kyi rnam par 'phrul pa'i bar yang bstan te/ yang slar log nas yi ge hUM de la zhugs par bsam par bya'o//de las gyur pa'i sngon po la sogs pa'i kha dog drug po mngon du dga' ba la sogs pa sangs rgyas kyi zhing drug tu khyab pas 'bar ba'i gzi brjid kyis bdud thams cad kyi dgras thub par dka' ba sgo drug la rtse lnga pa'i ye shes kyi rdo rje bsgom par bya'o/ /de'i bum pa'i nang na gnas pa'i yi ge b+h+rUM dkar po bsam ste/de las gyur pa'i rin po che sna bzhi'i rang bzhin stong gsum gyi stong chen po'i 'jig rten gyi tshad mchod rten bsgoms la/ de 'i nang du yi ge hrIHlas chos kyi 'byung gnas/de'i steng du yi ge a las sna tshogs rdo rje/ des kyang rdo rje'i dngos mdog dkar po'i sa gzhir byin gyis brlab par bya'o//de nas yi ge b+h+rUM gyis rtse mo rdo rje dang nor bu rin po che'i khang pa brtsegs pa'i gzhal yas khang rnam par bsgom mo/ de'ang ci 'dra zhe na/ gru bzhi pa la sgo bzhi pa/ /twa ra na bzhis brgyan pa'o/ /dril bu dar dang 'phan la sogs/ /me tog phreng dang rnga yab bklubs/ / grwa mtshams dag ni thams cad dang / /sgo khyams kyi ni mtshams su yang / /rdo rje rin chen rnams dang ni/ /zla gam rnams kyis yang dag brgyan/ /dra ba dra phyed bkod pa la/ /sna tshogs gzugs kyis bklubs pa'o/ /rdul tshon kha dog lnga yis kyang / /phyi yi dkyil 'khor bri bar bya/ /dkyil 'khor de yi gnas skabs su//chud nas nang gi gzhal yas khang / /rdo rje dbyings zhes brjod pa ni/ /de nas gnyis pa dgod par bya/ /rdo rje phreng bas yongs bskor ba/ /ka ba brgyad kyis rnam brgyan pa/ /rdul tshon lnga po nyid kyis ni/ /dra ba dra phyed la sogs bklubs/ /dkyil 'khor gyi ni phyi rol yang / /ji skad gsungs pa'i mtshan nyid kun//khyad par du ni mdor bsdus nas/ de yi nang du thams cad bya/ /sgo yi mtshams dang twa ra na/ /gcig nyid du ni mi bya'o/ /de phyir de yi sgo rnams ni/ /twa ra na rnams brtag mi bya/ /go rims bzhin du lha rnams kyi/ /gdan ni phyi nas dgod par bya/ /lha rnams ji bzhin rim pas so//de nas dbus su bkod pa nyid/ /gtso bo yi ni gdan yin no/ /shar la sogs pa'i phyogs kun la/ /mi bskyod la sogs rnams kyi gdan/ /rang gi sa bon las grub pa/ /sbyor ba'i rim pas brtag par bya/ /de la gdan rnams brtag pa ni dbus su seng ge'i gdan dang / shar du glang po che'i gdan dang / lho ru rta'i gdan dang / nub tu rma bya'i gdan dang / byang du nam mkha' lding gi gdan zhes so/ /rdo rje sems dpa' nas brtsams te rdo rje 'bebs pa'i mthar thug pa'i bar gyi yi ge a las bskyed pa'i zla ba'i dkyil 'khor rnams rnam par bsgom mo/ /de nas yang gtso bo'i gdan la yi ge a las yongs su bskyed pa'i rnam par snang mdzad chen po'o//gang gi phyir sems gang yin pa kho na gzung ba la sogs pa dang bral bas chos kyi dbyings kyi rang bzhin no/ /de nyid zhal bzhi pa ste/ stong pa nyid la sogs pa'i rnam par thar pa bzhi'o/ /chos kyi dbyings la dmigs pa nyid kyis ting nge 'dzin thams cad rab tu skye ba'i rgyu yin pa'i phyir sku mdog dkar po'o//chos kyi dbyings kyi rang bzhin nyid kyi phyir ral pa'i dbu rgyan dang ldan pa'o/ /zhi ba'i sems nyid kyi phyir sku la rgyan mi mnga' ba'o/ /thabs dang shes rab kyi bdag nyid kyi phyir byang chub mchog gi phyag rgya dang ldan pa'o//de lta bu'i dngos po rnam par snang mdzad chen por bdag nyid mos par bya ste/ sangs rgyas bzhi'i gdan gyi sbyor bas so/ /de'i thugs kar zla ba'i dkyil 'khor gyi steng na yi ge d+hIHlas yongs su bskyed pa'i bcom ldan 'das dang po'i sangs rgyas zhal lnga pa gtsug phud lnga dang ldan pa de nyid kyi phyir/gdong lnga gtsug phud lnga dang ldan/ /zhes gsungs so/ /mdog lnga dang ldan te de nyid dang 'brel ba'i gtsug phud lnga pa'i zur phud can no/ /shar sngon po/ lhor ser po/ nub dmar po/ byang ljang gu/ dbu steng na rta mchog gi zhal bzhin du gnas pa'i zhal dkar po zhi ba byis pa'i rgyan gyis brgyan pa/sgeg pa dang ldan pa/ sna tshogs kyi na bza' mnabs pa/ phyag brgyad la shes rab kyi pha rol tu phyin pa stong phrag brgya pa kha bzhir bgos nas phyag bzhis thugs kar yang dag par 'dzin pa/ phyag gzhan bzhis ni shes rab kyi ral gri 'debs pa'i tshul gyis 'dzin pa/ sangs rgyas bzhi'i gdan gyi sbyor bas bzhugs pa bsgom mo//'dir de bzhin gshegs pa'i sa bcu gnyis nye bar mtshon pa/ tshig gi bdag pos tshigs su bcad/ /ces pa dang 'brel to/ /ji lta bur gyur pa zhe na/ gsang sngags rgyal po drug ldan zhing / /zhes pa ni phyis 'byung ba'i sngags drug dang ldan pa la bya'o//bdag nyid ci zhe na/ gnyis su med par 'byung ba dang / /zhes pa la/ gnyis ni gzung 'dzin no/ /de med pa gang yin pa de ni gnyis su med pa'o/ /de las 'byung ba ni skye ba'o/ /gnyis su med par 'byung ba ni gnyis su med par 'byung ba'o/ /tshigs bcad gang la yod pa de ni gnyis su med par 'byung ba dang ldan pa'i tshigs bcad do//gzhan yang khyad par ci 'dra zhe na/ mi skye chos can 'di gsungs pa/ /zhes pa ni chos kyi dbyings kyi rang bzhin dang stong pa nyid kyi rang bzhin zhes pa'i don to/ /'di gsungs pa zhes pa ni bshad pa'i don to/ /dpal rdo rje snying po rgyan gyi rgyud las de bzhin gshegs pa'i sa bcu gnyis su gsungs te/kun du 'od kyi sa chen po'o/ /de ni nyi ma'i dkyil 'khor 'dra/ /bdud rtsi 'od ni gnyis pa ste/ /shin tu 'od gsal zla ba 'dra/ /nam mkha'i 'od ni gsum pa ste/ /nam mkha'i gzhi bzhin rab tu gnas/ /rdo rje 'od ni bzhi pa ste/ /sa de 'od ni dga' ba'o//lhag pa'i bsam pa brtan sbyor bas/ /rdo rje zhes ni yongs su brtags/ /lnga pa rin 'od ces bya ba/ /dbang bskur ba la rab tu gnas/ /pad+ma'i 'od ces drug pa ste/ /pad+ma bzhin du rab tu skye/ /rang bzhin dag pa chos nyid phyir/ /dri ma med cing yongs 'dzin med/ /bdun pa las kyi 'od ces pa//sangs rgyas phrin las byed par 'dod/ /brgyad pa dpe med ces bya ba/ /de la dpe ni yod ma yin/ /dpe ldan zhes pa dgu pa ste/ /thams cad dpe ni so sor rtogs/ /bcu pa shes rab 'od ces pa/ /sangs rgyas sa ni bla na med/ /bcu gcig thams cad mkhyen pa nyid/ /sa chen rab tu 'od gsal ba//bcu gnyis so sor rig pa pa/ /rnal 'byor ye shes rab tu rdzogs/ /zhes so/ /de rnams ni de bzhin gshegs pa'i sa bcu gnyis a la sogs pa'i sgra'i yi ge bcu gnyis su yongs su rdzogs pa nyid du rig par bya'o/ /dus gsum bzhugs pa'i sangs rgyas kyi/ /zhes pa ni 'das pa dang ma 'ongs pa dang da ltar gyi dus gsum gyi sangs rgyas rnams kyi'o//thugs la gnas lnga ni zhes pa ni de bzhin gshegs pa thams cad kyi thugs kar gnas pa'i phyir ro/ /ye shes kyi sku zhes pa ni ye shes kyi sku'i rang bzhin nyid kyi phyir ro/ /sangs rgyas zhes pa ni ji ltar gnas pa'i dngos po'i don rtogs pa'i phyir ro//da ni dang po'i sangs rgyas de'i thugs kar shes rab kyi 'khor lo bsgom par bya ste/ ci 'dra ba zhig gsungs she na/ rten cing 'brel par 'byung ba'i don ston par byed pa'o/ /de bzhin yang bshad pa/ /rtsibs kyi lte ba yang dag 'dzin/ /rtsibs rnams lte ba la yang brten/ rten cing 'brel par 'byung sbyor bar/ /'khor lo 'di ni rab tu bskor/ /zhes so/ /yi ge as bskyed pa'i kha dog drug dang ldan pa rtsibs drug pa/ mu khyud bzhi dang ldan pa/ shin tu bkod pa'i lte ba de'i dkyil na yi ge a bsams te/ bcom ldan 'das ye shes sems dpa'i rtsa ba'i sngags la sogs pa sngags rnams mu khyud bzhi la mdog dkar po kho na bsgom par bya'o//de la dang po'i mu khyud la/ oM sarba d+harmA a b+hA ba swa b+hA ba bi shud+d+ha badzra a A aM aH/ de'i phyi rol du mu khyud gnyis pa la de bzhin gshegs pa'i sa bcu gnyis brjod pa'i sgra'i yi ge bcu gnyis bsgom par bya'o/ / de nas dang po'i lce nas brtsams nas ji tsam du sngags drug po bkod pa'i rigs kyi mdog rim par bya'o/ /'di lta ste dang po la oM badzra tI k+Sh+NA ya te na maH/ gnyis pa la oM duHkha ts+tshe dA ya te na maH/ gsum pa la oM pradz+nyA dz+nyA na mUrtA ya te na maH/ bzhi pa la oM dz+nyA na kA yA ya te na maH/ lnga pa la oM bA gI shwa rA ya te na maH/drug pa la oM a ra pa tsa nA ya te na maH/ 'khor lo'i phyi rol mu khyud la bcom ldan 'das de bzhin gshegs pa thams cad kyi ye shes kyi sku'i phreng ba'i sngags bkod de/ a AHoM sarba ta thA ga ta hr-i da ya/ ha ra ha ra/ oM hUM hrIHb+ha ga wAn/ dz+nyA na mUrti/ bA gI shwa ra/ma hA wA tsa/ sarba d+harmA ga ga na a ma la su pa ri shud+d+ha d+harma d+hA tu dz+nyA na gar+b+ha AH/ phyi rol gyi mu khyud gnyis pa la ka la sogs pa ha'i mthar thug pa'i yi ge dgod par bya'o/ /de ni 'khor lo'i sngags dgod pa'i rim pa'o/ /'khor lo de'i dbus na gnas pa'i yi ge a las bskyed pa'i bcom ldan 'das ye shes sems dpa' zhal drug pa/ston ka'i zla ba'i mdog can/ in+d+ra nI la mchog gi gtsug phud nyi ma 'char ka'i dkyil ltar 'od kyi dkyil 'khor gyis bskor ba/ de bzhin gshegs pa thams cad kyi rang bzhin gyi rgyan gyi ting nge 'dzin la snyoms par zhugs pa//sna tshogs pad+ma'i gdan la bzhugs pa/ phyag gnyis kyis ut+pal dmar po dang ut+pal sngon po gnyis la brten nas gnas pa'i shes rab kyi pha rol tu phyin pa'i glegs bam gnyis 'dzin pa/ zhi ba'i tshul dang ldan pa'i bdag nyid bsams te/ de'i thugs kar zla ba'i dkyil 'khor bsgoms nas/de'i steng du shes rab kyi pha rol tu phyin pa'i rang bzhin thams cad mkhyen pa'i ye shes 'byung ba'i byed rgyu/ nyan thos dang rang sangs rgyas thams cad bskyed par gyur pa/ byang chub sems dpa' chen po thams cad kyi bsod nams dang ye shes kyi tshogs su gyur pa/ don dam pa'i ye shes thams cad kyi byed rgyur gyur pa'i yi ge a bkod de/de nas 'khor lo la gnas pa'i sngags kyi yi ge gang yin pa rnams ji ltar gsungs pa'i kha dog dang ldan pa shin tu rnam par bkod pa mi shes pa'i ri bo 'joms par nus pa'i 'od dang ldan par bsgoms te/ 'od de rnams kyis rang gi lus la snang bar byed pa bsgom mo/ /'od kyis snang bar byas ma thag tu zhal bzhi las phyung ste/mi mjed 'jig rten gyi khams snang bar byas nas/ de nas rdo rje'i sgo drug nas 'od zer kha dog drug phyung ste/ nam mkha'i khams thams cad du khyab pas sangs rgyas kyi zhing sna tshogs pa rnams su song nas ma lus shing lus pa med pa'i sems can gyi khams kyi don byas nas/de bzhin gshegs pa thams cad dang / byang chub sems dpa' dang / nyan thos dang / rang sangs rgyas kyi dkyil 'khor yang snang bar byas te/ de rnams kyi zhal nas zhugs pas de dag gi thugs ka'i rdo rje la bskor ba byas te/ de dag gi shes rab kyi ye shes de drangs nas chos bdag med pa mnyam pa nyid kyis rang gi kha nas zhugs te/rang gi snying ga la gnas pa'i zla ba la sngags kyi yi ge dang gcig tu gyur nas gnas par bsgom par bya'o/ /de ltar rgyun du zhugs pa bsgom pa la gnas pa sngags kyi sgo nas spyad pa spyod pa'i byang chub sems dpas bcom ldan 'das 'jam dpal ye shes sems dpa'i gzugs ye shes kyi sku'i sgo nas dmigs so zhes pa dang /zla ba'i dkyil 'khor gyi dbyibs kyi sgo nas de'i gzugs rjes su bsam mo zhes pa dang / yi ge a'i gzugs kyi sgo nas de'i gzugs rjes su bsgom mo zhes so/ /de ltar rnam pa gsum gyi tshul gyis bsgoms pas de nyid kyi sprul pa'i gzugs kyi sku dus ring po ma yin pa kho nar 'dul ba'i dbang nye bar gzung ste/mthong bar 'gyur ba dang / nam mkha'i gzhi la gnas pa'i sangs rgyas dang byang chub sems dpa' thams cad kyi sprul pa'i gzugs kyi sku dang ldan par gyur pa rnams mthong bar 'gyur ro zhes bya ba ste/de yang bsgom pa'i dbang de las tshe 'di kho na la sangs rgyas pa nyid dang rdo rje sems dpa' nyid 'thob bo zhes pa'i don to/ /de ltar rim pa 'dis sgyu 'phrul dra ba'i mngon par rdzogs par byang chub pa'i rim par gsungs pa yin no/ /de ni 'di'i rigs kyi dbye bas shes rab kyi 'khor logazhanadrug rnams kyang bshad de/de la re zhig dang po'i rnal 'byor thams cad sngon du byas la/ bcom ldan 'das rnam par snang mdzad chen po'i dkyil 'khor gyi dbus na gnas pa bsdus te/ de'i gnas su yi ge hrIHlas bskyed pa'i snang ba mtha' yas sku mdog dmar po ting nge 'dzin gyi phyag rgya dang ldan pa'i ting nge 'dzin gyis gnas par bsams la/de'i thugs kar dang po'i sangs rgyas de bzhin du bsgoms nas/ de'i thugs kar yang rtsibs brgyad pa'i 'khor lo mu khyud bzhi dang ldan pa rtsa ba'i sngags la sogs pas yongs su bskor ba bsgom par bya'o/ /de nas yang rtsibs brgyad la sa bon rnams ni oM badzra tIk+Sh+NA ya te na maHzhes bkod de/'khor lo'i lte ba'i dbus na yi ge hrIHlas gyur pa'i sku rdo rje rnon po zhes bya ba sku mdog dmar po byis pa'i rgyan dang ldan pa/ gtsug phud lngas dbu brgyan pa/ dar sna tshogs kyi na bza' mnabs pa/ phyag g.yon pas pad+ma 'dzin pa/ g.yas kyi shes rab kyi ral gri 'dzin pa bsgoms te/de'i thugs kar sngon bzhin du zla ba'i dkyil 'khor gyi steng du hrIHbsgoms te/ spro ba dang bsdu ba gong ma bzhin du rim par byas nas bsgom par bya'o/ /de kho na nyid bzhin du yang dkyil 'khor gyi dbus su yi ge hUM las bskyed pa'i mi bskyod pa sku mdog sngon pos gnon gyi phyag rgya dang ldan pa bsgoms nas/de'i thugs kar yang dang po'i sangs rgyas dang de bzhin du 'khor lo rtsibs brgyad pa bsgoms te/ sngon bzhin du sngags dgod par bya'o/ /oM duHkha ts+tshe dA ya te na maHzhes pa'i sa bon brgyad rtsibs rnams la bkod nas/ lte ba la yi ge hUM las bskyed pa'i bcom ldan 'das 'jam dpal sdug bsngal gcod pa sku mdog sngon po gzhon nu'i gzugs can byis pa'i rgyan thams cad kyis brgyan pa/zur phud lnga pa/ rgya nag gi dar mnabs pa/ g.yon gyis rdo rje/ g.yas kyis ral gri 'dzin pa bsgoms nas/ de'i thugs kar zla ba'i dkyil 'khor gyi steng du yi ge hUM bsgoms te/de bzhin du spro ba la sogs pa bya'o/ /yang de kho na bzhin du dkyil 'khor gyi dbus su yi ge a las bskyed pa'i rnam par snang mdzad sku mdog dkar po byang chub mchog gi phyag rgya dang ldan pa bsgoms te/ de'i thugs kar dang po'i sangs rgyas/ de kho na bzhin du 'khor lo rtsibs bcu pa la oM pradz+nyA dz+nyA na mUrtA ya te maHzhes pa'i sa bon gyi yi ge rnams rtsibs bcu la bkod nas/'khor lo'i lte ba la yi ge a las byung ba'i bcom ldan 'das shes rab ye shes sku mdog dkar po/ zur phud lnga pa/ byis pa'i rgyan dang ldan pa/ sna tshogs kyi gos kyis brgyan pa/ g.yon gyis 'khor lo//g.yas kyis shes rab kyi ral gri 'dzin pa bsgoms nas/ de'i thugs kar zla ba'i steng na yi ge a bsgoms te/ de kho na bzhin du spro ba la sogs pa bya'o/ /de kho na bzhin du dkyil 'khor gyi dbus na yi ge sa bon a las byung ba'i don yod grub pa sku mdog ljang gu mi 'jigs pa'i phyag rgya dang ldan pa bsgoms te/de'i thugs kar dang po'i sangs rgyas/ de'i thugs kar 'khor lo rtsibs brgyad pa/ sngon bzhin du rtsa ba'i sngags la sogs pa rnam par dgod par bya ba bsgoms nas/ de nas yang rtsibs brgyad pa la oM dz+nyA na kA yA ya te na maHzhes pa'i sa bon brgyad bkod de/ 'khor lo'i lte ba la yi ge a las gyur pa'i bcom ldan 'das ye shes kyi sku mdog ljang gu/gzhon nu'i rgyan dang / gtsug phud lngas dbu brgyan pa/ g.yon gyis sna tshogs rdo rje/ g.yas kyis shes rab kyi ral gri 'dzin pa bsgoms te/ de'i thugs kar zla ba'i steng na yi ge a bsgoms nas/ de kho na bzhin du spro ba dang bsdu ba byas nas bsgom par bya'o//yang kho na bzhin du dkyil 'khor gyi dbus su yi ge oM las byung ba'i rin chen 'byung ldan sku mdog ser po mchog sbyin gyi phyag rgya dang ldan par bsgoms nas/ de'i thugs kar dang po'i sangs rgyas de kho na bzhin du 'khor lo rtsibs brgyad la rtsa ba'i sngags la sogs pa dang ldan par bsgoms te/de'i rtsibs brgyad la o wA gI shwa rA ya te na maHzhes pa'i sa bon bkod nas/ 'khor lo lte ba la sa bon yi ge oM las bskyed pa'i bcom ldan 'das ngag gi dbang phyug sku mdog ser po/ rgyan thams cad dang ldan pa/ zur phud lnga pa/sna tshogs kyi na bza' mnabs pa/ g.yon gyis rin po che/ g.yas kyis shes rab kyi ral gri 'dzin pa bsgoms te/ de'i thugs kar zla ba'i dkyil 'khor gyi steng du yi ge oM bsgoms nas/ de bzhin du spro ba dang bsdu ba la sogs pa bya'o/ /de kho na bzhin du dkyil 'khor gyi dbus na yi ge a las gyur pa'i byang chub kyi sems rdo rje sku mdog dkar po//'jo sgeg gi tshul dang ldan pa/ rigs lnga'i dbu rgyan can/ rdo rje snyems pas bzhugs pa/ rgyan thams cad kyis bklubs pa/ rdo rje dang dril bu 'dzin pa bsgoms nas/ de'i thugs kar bcom ldan 'das dang po'i sangs rgyas bsgoms te/de'i thugs kar 'khor lo rtsibs dgu pa rtsa ba'i sngags la sogs pa bkod pa'i rtsibs la oM a ra pa tsa nA ya te na maHzhes pa'i sa bon gyi yi ge dgu rnams bkod nas/ 'khor lo'i lte ba la yi ge a las bskyed pa bcom ldan 'das a ra pa tsa na zhes bya ba ye shes sems dpa' sku mdog dkar po/byis pa'i rgyan gyis brgyan pa/ zur phud lnga pa can/ sna tshogs kyi na bza' mnabs pa/ phyag na po ti dang ral gri 'dzin pa bsgoms te/ de'i thugs kar zla ba'i steng na yi ge a bsgoms nas gong ma bzhin du spro ba dang bsdu ba dang zhugs pa dang gnas pa brtan par gyur pa la sogs pa byas nas bsgom par bya'o zhes kun la sbyar bar bya'o//'dir yang rigs kyi dbye bas dpal sgyu 'phrul dra bas mngon par rdzogs par byang chub pa'i rim pa drug tu rig par bya'o/ /de nyid kyi phyir na 'phags pa mtshan yang dag par brjod pa la 'khor lo bdun rigs bdun du 'gyur te/de rnams kyang bla ma'i man ngag las shes par bya'o/ /de rnams dang ldan pa ni sgyu 'phrul dra bas mngon par rdzogs par byang chub pa'i rim pa'o/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las sgyu 'phrul dra bas mngon par rdzogs par byang chub pa'i rim pa'i dbang du byas pa ste bzhi pa tshigs su bcad pa gsum pa'o// //de nas da ni rdo rje dbyings kyi dkyil 'khor chen po'i sgo nas byang chub kyi sems rdo rje spro ba la sogs pa gsungs pa ni/ 'di ltar sangs rgyas bcom ldan 'das//zhes pa la sogs pa'o/ /de la sangs rgyas bcom ldan 'das kyi don bshad zin to/ /rdzogs pa'i sangs rgyas a las byung / /zhes pa ni/ de la rdzogs pa'i sangs rgyas kyi don ni bshad zin to/ /a las byung ba ni yi ge a las bskyed pa ste/ bcom ldan 'das ye shes sems dpa' yongs su dag pa de bzhin gshegs pa'i ye shes kyi sku'i rang bzhin yin pa'i phyir ro//da ni de'i thugs ka'i zla ba'i dkyil 'khor gyi steng gi gang yin pa yi ge a de'i khyad par gsungs pa/ a ni yig 'bru kun gyi mchog /ces pa ste/ rab tu gyur pa ni mchog ste/ mchog gi dngos po nyid ni mchog nyid do//yi ge kun ni yi ge thams cad do/ /de'i mchog ni rab ste/ de rnams kyi sgo nyid kyi phyir ro/ /don chen zhes pa la/ don yang yin la chen po yang de nyid yin pas don chen te/ 'gro ba kun la phan par byed pa'i rgyu nyid kyi phyir ro/ /yi ge dam pa yin zhes pa ni/ /rnam grangs gzhan dang gzhan gyis mi 'gyur ba'i phyir na ste/yang dag pa'i mtha'i ngo bo nyid kyis mi g.yo ba nyid kyi phyir ro/ /yi ge yang de yin la dam pa yang de nyid yin pas yi ge dam pa yin zhes so/ /rim pa 'dis kyang ye shes sems dpa' la sogs pa'i yi ge ngag gi rang bzhin brjod pa gsungs pa ste/de dag nyid re re yang rnal 'byor pa rang gi sems las byung ba'i dkyil 'khor gyi lha thams cad kyi rang bzhin mi mthun pa'i phyogs ma lus pa las bzlog pa'i ngo bo nyid du so sor brtag par bya ba ni/ de ltar rang gi ting nge 'dzin rnams dang de'i phyin ci log mi dmigs par ston pa nyid kyi phyir dmigs pa mi mthun pa'i phyogs kyi gnyen po stong pa nyid kyi rnam par thar pa'i sgo'i mtshan nyid do//de ltar mtshan ma dang / log pa'i smon pa dang / phyin ci log gi 'du byed dang ldan pa rnams kyi gnyen po'i phyogs kyi ngo bo rim pa bzhin du mtshan ma med pa dang / smon pa med pa dang /mngon par 'du byed pa med pa'i rnam par thar pa'i sgo'i bdag nyid rnams bya ste/ de la yang go rims bzhin du rdo rje sems ma la sogs pa'i rigs kyi yum gyi rang bzhin gyi dbang du byas nas gsungs pa/ khong nas 'byung ba skye ba med/ /ces bya ba ni sems ma rdo rje ma'i rang bzhin no//de la yang khong nas 'byung ba ni yi ge a'o/ /de yang skye ba med pa'i rang bzhin te/ de ni chos kyi dbyings kyi ngo bo nyid kyi phyir dang me long lta bu'i ye shes kyi rgyu nyid kyi phyir ro/ /tshig tu brjod pa spangs pa ste/ /zhes pa ni rin chen rdo rje ma'i sgo nas te/ tshig rnams brjod pa ni tshig tu brjod pa ste/de med pa ni spangs pa ste/ mnyam pa nyid kyi ye shes la tshig gi rtsol ba med pa'i phyir ro/ /brjod pa kun gyi rgyu yi mchog /ces pa ni chos kyi rdo rje ma'i sgo nas so/ /mngon par brjod pa ni brjod pa ste/ phung po la sogs pa'i rang bzhin chos thams cad kyi mngon par brjod pa ni brjod pa kun te/de'i rgyu ni byed rgyu ste/ so sor kun du rtog pa'i ye shes so/ /de nyid kyi phyir mchog ste/ gtso bo zhes pa'i don to/ /tshig kun rab tu gsal bar byed/ /ces pa ni las kyi rdo rje ma'i rang bzhin gyis te/ tshig kyang de yin la don kun yang de yin pas tshig kun te/ 'di lta ste/ lha'i skad dang klu'i skad dang gnod sbyin skad ces pa la sogs pa lta bu'o//de nyid kyi phyir rab tu gsal bar byed pa zhes bya ba ste/ ji ltar skal ba dang ldan pa'i sems can thams cad kyi rgyud la so sor snang ba 'byung bas so/ /sgo tha dad pa'i chos bstan pa yang bya ba nan tan gyi ye shes kyi rang bzhin nyid kyi phyir ro//de'i phyir na rdo rje sems ma la sogs pa pha rol tu phyin pa bzhi po 'di rnams ni/ a A aM aHzhes pa'i yi ge bzhi las bskyed par bya'o/ /de nas yang sems gang kho na chos kyi dbyings kyi rang bzhin tha mal pa'i gzung ba la sogs pa'i rnam pa dang bral bas de nyid kho na glo bur gyi dri ma med cing 'od gsal ba nyid kyi phyir dang /ye shes gzhan 'byung ba'i mtshan ma nyid kyi phyir na me long lta bu'i ye shes kyi bdag nyid do/ /chos la dmigs pa'i snying rje la sogs pa'i bdag nyid kyis rgyud gzhan du byed pa la mchog tu mi 'dzin pa'i phyir na mnyam pa nyid kyi ye shes so//shes bya thams cad la phyin ci ma log pas so sor kun du rtog pa'i ye shes so/ /'jig rten kun la phan pa'i rgyu nyid kyi phyir bya ba nan tan gyi ye shes kyi bdag nyid do/ /'di dag kyang go rims bzhin du rtag pa la sogs pa gtso bo'o/ /rang bzhin no/ /de nyid gsungs pa/mchod pa chen po 'dod chags che/ /zhes pa la sogs pa'o/ /de la yang dang por snang ba mtha' yas kyis nye bar gzung ba ni 'dod chags gtso bor gyur pas gzung ba'i don te/ de nyid gsungs pa/ 'dod chags zhe sdang gti mug dang / /zhes pa'o/ /de bzhin gshegs pa thams cad kyi nam mkha' kun la khyab pa'i mchod pa bstan pa'i dus la ni mchod pa chen po zhes gsungs so//ma hA'i sgra ni mchod pa la brjod pa yin no/ /chen po'i bdag nyid kyi 'dod chags dang 'dod chags chen po'o/ /mchod pa yang de yin la 'dod chags chen po yang de yin pas/ mchod pa chen po 'dod chags che//zhes pa'o/ /de la 'dod chags che ni sems can smin cing grol ba'i mtshan nyid do/ /de yang bcom ldan 'das dpal rdo rje sems dpa'i mtshan nyid yin te/ 'dod chags chen po bcom ldan 'das/ /rdo rje sems dpa' de bzhin gshegs/ /zhes 'byung ba'i phyir ro/ /sems can thams cad dga' bar byed//ces pa ni 'dod chags la spyod pa'i sems can dga' zhing mgu la bde ba chen po'i bdag nyid byed pas na/ sems can thams cad dga' bar byed pa ste/ snang ba mtha' yas kyi rang bzhin no/ /zhe sdang la spyod pa'i dbang du byas nas gsungs pa/ mchod pa chen po zhe sdang che//nyon mongs kun gyi dgra che ba/ /zhes pa ste/ mchod pa chen po zhes pa'i don ni bshad zin to/ /zhe sdang che ni mi bskyod pa'o/ /de yang nyon mongs kun gyi dgra che ba yin te/ nyon mongs pa dang nye ba'i nyon mongs pa rnams kyi dgra chen po zhes pa'i don to/ /gti mug la spyod pa'i dbang du byas nas gsungs pa/mchod pa chen po gti mug che/ /gti mug blo ste gti mug sel/ /zhes pa ste/ mchod pa chen po ni gong ma bzhin no/ /gti mug chen po ni rnam par snang mdzad do/ /blo la gti mug pa ni gti mug gi blo ste/ gti mug kyang de yin la blo yang de nyid yin pas gti mug blo'o/ / de sel bar byed pa ni 'joms par byed pa'o/ /khro ba la spyod pa'i dbang du byas nas gsungs pa/ mchod pa chen po khro ba che/ /khro ba chen po dgra che ba/ /zhes pa ste/ mchod pa chen po ni gong ma bzhin no/ /khro ba chen po ni don yod grub pa'o/ /khro ba chen po dgra che ba/ /sems can dang sems can ma yin pa'i yul gyi phyir khro ba chen po ste/de nyid kyi dgra chen po zhes so/ /chags par byed pa'i dbang du byas nas gsungs pa/ mchod pa chen po chags pa che/ /chags pa thams cad sel bar byed/ /ces pa ste/ mchod pa chen po'i don ni gong ma bzhin du bshad do/ /chags pa chen po ni rin chen 'byung ldan no//chags pa thams cad sel bar byed pa ni 'jig rten dang 'jig rten las 'das pa thams cad kyi phun sum tshogs pa yongs su dag par byed pa'i don nyid kyi phyir ro/ /stong pa nyid la sogs pa'i rnam par thar pa'i sgo bzhi rnams dang / chos dbyings kyi skye mched kyi sgo nas ting nge 'dzin thams cad kyi rgyu nyid kyi phyir na de nyid kyang yang nang du phyin ci log pa dang mi mthun pa'i gnyen po nang stong pa nyid kyi rnam pa dang /phyi rol du dmigs pa dang bral bas na phyi stong pa nyid kyi rang bzhin dang / de dag gi rten dang lus mi dmigs pa'i rang bzhin nyid kyis phyi nang stong pa nyid kyi bdag nyid dang / snod kyi 'jig rten la lhag par chags pa dang bral ba nyid kyis chen po stong pa nyid kyi mtshan nyid de//de dag kho na me long lta bu'i ye shes la brten pa rdo rje sems dpa' la sogs pa'i ting nge 'dzin bzhi'i bdag nyid ces pa 'di gsungs pa/ 'dod pa chen po bde ba che/ /dga' ba chen po mgu ba che/ /zhes pa ni/de la 'dod pa chen po ni rdo rje sems dpa'o/ /'dod par byed pa ni 'dod pa ste/ 'dun pa zhes pa'i don to/ /bde ba chen po ni rdo rje rgyal po'o/ /dga' ba chen po ni rdo rje chags pa'o/ /mgu ba chen po ni rdo rje legs pa'o/ /de nyid kyis mig dang gzugs la sogs pa'i bag chags gnas gyur pa'i rang bzhin me long lta bu'i ye shes las grub pa ste/nang gi bdag nyid mi dmigs pa la sogs pa'i byin gyis brlabs pa nyid kyi phyir ro/ /ji ltar rang rang gi phyin ci log gi mi mthun pa'i phyogs bzlog pa nyid kyang de dag gis byang chub kyi sems 'byung ba dang / dgug pa dang /rjes su chags pa dang / legs pa'i dngos po'i rgyud kyi phyir na yang de rnams kyi go rims so/ /de ltar stong pa nyid kyi ye shes de nyid la yang mtshan ma med pa'i phyir na stong pa nyid stong pa nyid dang / don dam pa'i mtshan ma la yang mchog tu mi 'dzin pa'i phyir na don dam pa stong pa nyid dang / 'dus byas pa'i bsod nams kyi tshogs kyi mtshan ma yongs su mi 'dzin pa'i phyir na 'dus byas stong pa nyid dang /'dus ma byas pa'i byang chub kyi tshogs la yang mtshan mar mchog tu mi 'dzin pa'i phyir na 'dus ma byas stong pa nyid rnams te/ de nyid kyi phyir na gsungs pa/ gzugs che lus kyang che ba ste/ /kha dog che zhing lus bong che//ming yang che zhing rgya che ba/ /dkyil 'khor chen po yangs pa yin/ /zhes pa'o/ /de la gzugs che lus kyang che ba ni rdo rje rin chen no/ /gzugs su rung bas na gzugs te/ mi rtag ces pa'i don to/ /gzugs chen po dang ldan pa gang yin pa de ni gzugs chen po ste/ che ba nyid ni yid bzhin gyi nor bu'i gzugs nyid kyis de bzhin gshegs pa thams cad kyi khams gsum pa chos kyi rgyal por dbang bskur ba'i bdag nyid yin pa'i phyir ro//de nyid kyi phyir na lus che zhes pa ste/ gzhal du med pa'i sangs rgyas kyi zhing na snang bar byed pa nyid kyi phyir ro/ /kha dog che zhing lus bong che/ /zhes pa ni rdo rje nyi ma ste/kha dog kyang de yin la che ba yang de nyid yin pas kha dog che ba ste/ gdong drug dang ldan pa'i phyir ro/ /lus bong chen po dang ldan pa gang yin pa de ni lus bong che ste/ shin tu rnam par dag pa thos pa dang bsam pa dang bsgom pa rnams kyi dngos po ye shes kyi 'od kyi dkyil 'khor nyid kyi phyir ro//ming yang che zhing rgya che ba ni rdo rje tog go/ /ming yang che ba dang gang ldan pa de ni ming yang che zhing ste/ grags pa chen po zhes bya ba'i don to/ /gang las she na/ sbyin pa'i pha rol tu phyin pa mchog tu mthar phyin pa'i phyir na'o/ /de'i phyir na yang rgya che ba ni rgya yang de yin la chen po yang de yin pas rgya chen po ste/thams cad sbyin pa'i phyir ro/ /dkyil 'khor chen po yangs pa ni rdo rje bzhad pa'o/ /dkyil ni rgyan dang chas par byed pas na dkyil lo/ /dkyil de len par byed pas na 'khor te/ dkyil 'khor ro/ /yangs pa ni rgyas pa ste/ 'jig rten gyi khams kun la khyab par byed pa'i phyir ro//gang gi bshad pa'i yangs pa chen po'i dkyil 'khor gyi snying po de ni dkyil 'khor chen po yangs pa yin te/ khams gsum snang bar byed pa nyid kyi phyir ro/ /de dag kyang mnyam pa nyid kyi ye shes kyi 'khor rdo rje rin chen la sogs pa bzhi'i bdag nyid de/ nyon mongs pa can gyi yid gnas gyur pa'i bdag nyid mnyam nyid ye shes la gzung 'dzin dag pa la sogs pa'i sgo nas ji ltar gsungs pa'i mtshan ma med pa'i phyir dang /ji ltar rang gi mi mthun pa'i phyogs spangs pa'i sgo nas kyang dbang bskur ba dang / 'od 'phel ba dang / sbyin pa'i pha rol tu phyin pa la sbyor ba dang / rab tu dga' ba bsgrub pa'i phyir na rdo rje rin chen la sogs pa bzhi po de dag gi go rims so//de nyid mtha' dang ldan pa'i sems can gyi smon lam la mngon par zhen pa med pa'i phyir na mtha' las 'das pa stong pa nyid dang / bdag gi thog ma dang tha ma med pa'i 'khor ba dor bar mi bya'o zhes pa'i smon lam kun du mi 'dzin pas na thog ma dang tha ma med pa stong pa nyid dang /bdag gis lhag ma med pa'i mya ngan las 'das pa'i dbyings la dge ba ched du dor bar mi bya zhes pa la mngon par ma zhen pa'i phyir na dor ba med pa stong pa nyid dang / rang bzhin gyi mtshan nyid dam rigs bdag gis dag par bya'o zhes pa don du gnyer ba dang bral ba'i phyir na rang bzhin gyis stong pa nyid rnams so//de nyid kyi phyir na gsungs pa/ shes rab mtshon chen 'chang ba ste/ /nyon mongs lcags kyu che ba'i mchog /grags chen snyan grags chen po ste/ /snang ba chen po gsal ba che/ /zhes so/ /de la shes rab mtshon chen 'chang ba ni rdo rje chos so//de la shes rab ni so sor kun du rtog pa'i ye shes te/ de nyid mtshon te mtshon cha'o/ /de 'dzin pas na shes rab mtshon chen 'chang ba ste/ de nyid ye shes kyi rang bzhin nyid kyi phyir ro/ /shes rab mtshon chen 'chang ba yang de yin la chen po yang de nyid yin pas shes rab mtshon chen 'chang ba'o//nyon mongs lcags kyu che ba'i mchog ni rdo rje rnon po'o/ /nyon mongs pa ni 'dod chags la sogs pa'o/ /de rnams kyi lcags kyur gyur pa nyid kyi phyir na nyon mongs lcags kyu'o/ /lcags kyu dang 'dra bas lcags kyu ste/ nyon mongs pa la dbang thob pa nyid kyi phyir ro//nyon mongs pa'i lcags kyu yang de nyid yin la chen po yang de nyid yin pas nyon mongs lcags kyu che'o/ /de nyid kyi phyir na yang mchog ste/ rab ces bya ba'i don to/ /grags chen snyan grags chen po ni rdo rje rgyu ste/ sems can yongs su smin par byed pa'i thabs su gyur pa'i dkyil 'khor thams cad rgyud las bstan pa de la 'khor los sgyur ba'i rang bzhin nyid kyi phyir grags pa chen po dang gang ldan pa de ni grags chen no//de nyid kyi phyir na ma lus shing lus pa med pa'i 'jig rten gyi khams la khyab par snyan grags dang gang ldan pa de ni snyan grags chen po zhes so/ / snang ba chen po gsal ba che ni rdo rje smra pa'o/ /khams gsum khyab par snang ba'i 'od zer chen po dang gang ldan pa de ni snang ba chen po'o/ /de nas yang tshig gi nyes pa myur ba dang thogs pa dang bar ma rnams yongs su spangs te mi smra ba'i rang bzhin gyis bzlas pa'i dus na sems can thams cad kyi rgyud la rgya cher snang ba nyid kyi phyir na gsal ba che'o//de rnams kyang rnam par rtog pa'i yid gnas gyur pa'i mtshan nyid so sor kun du rtog pa'i ye shes la brten pa'i rdo rje chos la sogs pa'i rang bzhin te/ so sor kun du rtog pa'i ye shes la ji ltar gsungs pa'i phyin ci log byang bas chos thams cad kyi de kho na nyid so sor kun du rtog pa'i phyir de'i sgo nas rang bzhin dag pa'i chos nyid dang /shes rab ye shes dang / phyir mi ldog pa dang / dgongs pa'i don ma lus pa yongs su shes pa rnams kyi rgyud nyid kyi phyir na 'di nyid rdo rje chos la sogs pa de rnams kyi go rims so/ /de nyid mtshan dang dpe byad kyi bdag nyid kyi gzugs kyi sku la 'du byed pa'i phyir rang gi mtshan nyid stong pa nyid dang /stobs dang mi 'jigs pa la sogs pa'i rang bzhin gyi chos kyi sku la 'du mi byed pa'i phyir na chos thams cad stong pa nyid dang / gang zag dang chos la sgro 'dogs par 'du mi byed pa'i phyir na dngos po med pa stong pa nyid dang /ji skad gsungs pa'i stong pa nyid kyi mtshan nyid la skur pa 'debs pa dang mngon par 'du mi byed pa'i phyir na dngos po med pa'i ngo bo nyid stong pa nyid rnams so/ /de nyid gsungs pa/ mkhas pa sgyu 'phrul chen po 'chang / /sgyu 'phrul chen po'i don grub pa/ /sgyu 'phrul chen po dga' bas dga'/ / sgyu 'phrul chen po'i mig 'phrul can/ /zhes pa ste/ de la mkhas pa sgyu 'phrul chen po 'chang ni rdo rje las so/ /de la sgyu 'phrul ni de bzhin gshegs pa thams cad kyi sna tshogs shing rgyas pa'i mchod pa mang po'i sprul pa'o/ /de 'dzin pa'i phyir na sgyu 'phrul 'chang ba ste/ chen po yang de yin la sgyu 'phrul yang de nyid yin pas sgyu 'phrul chen po 'chang ba'o/ /de nyid kyi phyir na mkhas pa paN+Di ta ste/ mchod pa'i las des bsod nams kyi tshogs bsags pa'i phyir ro/ /sgyu 'phrul chen po'i don grub pa ni rdo rje bsrung ba'o/ /de la sgyu 'phrul gyi don ni sprul pa'i don to/ /de yis sems can le lo can rnams rab tu spro ba sgrub par byed pas na sgyu 'phrul don grub ste/chen po yang de yin la sgyu 'phrul don grub kyang de nyid yin pas sgyu 'phrul chen po'i don grub pa'o/ /sgyu 'phrul chen po dga' bas dga' ni rdo rje gnod sbyin no/ /sgyu 'phrul la dga' ba ni sgyu 'phrul la dga' ba ste/de bzhin gshegs pa'i mchod pa'i sprul pa la dga' ba zhes pa'i don to/ /sgyu 'phrul dga' ba la chags pa ni dga' ba ste/ sgyu 'phrul dga' bas dga'o/ /chen po yang de yin la sgyu 'phrul dga' bas dga' ba yang de nyid yin pas sgyu 'phrul chen po dga' bas dga'o/ /sgyu 'phrul chen po mig 'phrul can ni rdo rje khu tshur ro//mig 'phrul can ni sprul pa'i tshogs te/ sku gsung thugs rdo rje rnams gcig tu gyur pa'o/ /de mkhyen pa ni mig 'phrul can no/ /sgyu 'phrul chen po yang de nyid yin la mig 'phrul can yang de nyid yin pas sgyu 'phrul chen po mig 'phrul can no//'di la ni dam pa'i chos kyi tshig yin pa'i phyir na ring po med par rig par bya'o/ /de rnams kyang bya ba nan tan gyi ye shes la brten pa dang / rdo rje la sogs pa bzhi'i bdag nyid de/ mig la sogs pa'i shes pa gnas gyur pa'i bdag nyid bya ba nan tan gyi ye shes su gnas pa ste/ ji skad gsungs pa'i phyin ci log spangs pa'i sgo nas bde bar gshegs pa kun mchod pa dang / mngon par srung bar byed pa dang / bgegs nye bar zhi bar byed pa dang / sku la sogs pa stong pa nyid dang / ye shes byed pa nyid kyi phyir dang / de nyid kyi phyir rdo rje la sogs pa de rnams kyi las kyi go rims zhes bya'o//de bzhin du ser sna dang / tshul khrims 'chal pa dang / mi bzod pa dang / le lo rnams kyi gnyen po'i phyogs nyid kyis de nyid sbyin pa dang / tshul khrims dang / bzod pa dang / brtson 'grus kyi pha rol tu phyin pa'i bdag nyid de/de'i phyir gsungs pa/ sbyin bdag chen po gtso bo ste/ /tshul khrims chen po 'chang ba'i mchog /bzod chen 'chang ba brtan pa po/ /brtson 'grus chen po brtul ba yin/ /zhes so/ /de la/ sbyin bdag chen po gtso bo ste/ /zhes pa rdo rje sgeg mo'o/ /mchod pa dang rjes su 'dzin pa'i 'dod pa'i sbyin pas na sbyin pa'o//sbyin pa de'i bdag po ni sbyin bdag ste/ sbyin bdag de yin la chen po yang de yin pas na sbyin bdag chen po ste/ zang zing dang / skyabs dang / chos dang / dbang bskur ba'i bdag nyid sbyin pa zhig gtong bar byed pa'i phyir ro/ / de'i phyir gtso bo ste/ 'jig rten thams cad kyi rab kyi phyir ro/ /tshul khrims chen po 'chang ba'i mchog ni rdo rje phreng ba ma'o/ /lus ngag yid gsum mnyam par gzhag pas na tshul khrims ni mnyam par gzhag pa'o zhes pa'i skad kyi dbyings zhes pa'i don to/ /mi dge ba bcu spangs pa'i mtshan nyid dang /so sor thar pa'i rang bzhin te/ de dag 'dzin pas na tshul khrims 'chang ba'o/ /chen po yang de yin la tshul khrims 'chang ba yang de nyid yin pas tshul khrims chen po 'chang ba'o/ /de nyid kyi phyir mchog ste mngon du 'gro ba'i phyir ro/ /bzod chen 'chang ba brtan pa po ni rdo rje dbyangs len ma'o//sran tshugs par byas pas na bzod pa ste/ de 'dzin pas na bzod pa 'chang ba'o/ /chen po yang de nyid yin la bzod pa yang de nyid yin pas na bzod chen 'chang ba'o/ /de nyid kyang brtan po ste/ sdug bsngal chen po la brtan par sran thub pa'i phyir ro/ /brtson 'grus chen po brtul ba yin ni rdo rje gar ma'o//brtson 'grus che ba ni dge ba la spro ba ste/ sdig pa la sogs pa la spro ba ni dam pa'i phyir na le lo nyid de brtson 'grus ma yin no/ /de'i brtul ba ni 'jig rten dang 'jig rten las 'das pa thams cad kyi dge ba'i rtsa ba las yongs su rdzogs par byed pa'o//de'i phyir gsang ba'i mchod pa bzhi'i bdag nyid go rims bzhin du me long lta bu'i ye shes la sogs pa las grub par rang gi rnam par thar pa'i sgo rnam par dag pa'i stobs kyis lhun gyis grub pa mngon par dga' ba'i khyad par du gyur par byed pa'i phyir ro/ /de nyid shes rab 'chal pa dang /rnam par g.yeng ba dang / yang dag pa'i smon lam med pa dang / nyam chung ba rnams dang / mi mthun pa'i phyogs zil gyis gnon pa la dga' ba nyid kyis gsungs pa/ bsam gtan chen po ting 'dzin gnas/ /shes rab chen po lus 'chang ba/ /stobs po che la thabs che ba//smon lam ye shes rgya mtsho che/ /zhes pa'o/ /de la tshigs bcad 'di la ni bsam gtan dang shes rab gnyis bsnor bar shes par bya'o/ /de'i phyir na don 'di lta ste/ shes rab chen po lus 'chang ba ni rdo rje bdug pa ma'o/ /shes rab chen po ni shes rab chen po ste/ de nyid kyi lus de 'dzin pas na shes rab chen po lus 'chang ba'o/ /bsam gtan chen po ting 'dzin gnas ni rdo rje me tog ma'o/ /ting nge 'dzin ni sems rtse gcig pa'i mtshan nyid do/ /de la brten pas na ting 'dzin gnas te/ che ba yang de yin la bsam gtan yang de nyid yin pas na bsam gtan chen po'o//chen po ni bsam gtan bzhi'i bdag nyid kyi phyir te/ bsam gtan bzhi po de rnams kyi ting nge 'dzin la gnas pa'o/ /smon lam ni rdo rje mar me'o/ /smon par byed pas na smon lam ste/ byang chub sems dpa' rnams ni smon lam gyi dbang gis skye ba'o//thabs che ba ni rdo rje dri chab ma'o/ /chen po yang de yin la thabs kyang de yin pas thabs che ba ste/ thabs nyid dbang gis ma lus shing mi lus pa'i 'jig rten gyi khams kyi re ba dang bsam pa ji lta ba yongs su rdzogs par byed pa'i phyir ro/ /de nyid ni shes rab dang / bsam gtan dang / smon lam dang / thabs kyi pha rol tu phyin pa rnams kyi mtshan nyid kyis phyi'i mchod pa'i bdag nyid bzhi rnams so/ /longs spyod dang bcas pa'i lam la dga' ba'i rgyu'i dngos pos stobs dang / ye shes gnyis kyi chos kyi dbyings la 'jug pa'i rang bzhin gyi phyir/stobs dang ye shes de dag rab tu rnam par dbye ba ste/ de la stobs ni dad pa la sogs pa lnga'o/ /ye shes ni mthong ba'i lam dang bsgom pa'i lam ste/ de la mthong ba'i lam ni byang chub kyi yan lag bdun no/ /bsgom pa'i lam ni 'phags pa'i lam yan lag brgyad do//de dag kyang dad pa dang / brtson 'grus dang / dran pa dang / ting nge 'dzin gyi ngo bo nyid sgo srung bzhi'i bdag nyid de/ theg pa chen po la mngon par yid ches pa dang / 'jug pa dang / de rgyun mi 'chad pa dang / yang dag par mgu bar byed pa nyid kyi phyir ro/ /de nyid shes rab yongs su dag pa tsam la ltos pa'i stong pa nyid kyi rab tu dbye ba ji skad bstan pa'i sgo nas byams pa la sogs bcu drug gi ting nge 'dzin gyi bdag nyid do//de'i phyir gsungs pa/ byams chen rang bzhin dpag tu med/ /snying rje chen po blo yi mchog /shes rab chen po blo chen ldan/ / mkhas pa chen po thabs che ba/ /zhes pa'o/ /de la byams chen rang bzhin dpag tu med ni byams pa ste/ 'di la mdza' ba yod pa ni mdza' ba can te/ mjug ni de'i rkyen dang ldan pa'o/ /de ni sems can thams cad la mdza' ba dang ldan pa'i rang bzhin te/ che ba yang de yin la byams pa'i rang bzhin yang de nyid yin pas byams chen rang bzhin no//de nyid kyi phyir na dpag tu med pa ste/ 'jig rten gyi khams kun la bu gcig pa bzhin du byams pa nyid kyi phyir ro/ /snying rje chen po blo yi mchog ni 'jam dpal lo/ /snying rje chen po ni mi dmigs pa'i bdag nyid do/ /de gang la yod pa de ni snying rje chen po can no//blo'i mchog ni shin tu rnam par dag pa'i chos kyi dbyings kyi ye shes yin no/ /des ni 'di skad gsungs par 'gyur te/ zab cing rgya che ba'i bdag nyid de bcom ldan 'das yin no zhes so/ /shes rab chen po blo chen ldan ni spos kyi glang po ste/ shes rab chen po ste chos rnam par 'byed pa'i bdag nyid do//'di dang gang ldan pa de ni shes rab can te/ chen po yang de yin la shes rab kyang de yin pas shes rab chen po nyid blo chen no/ /mkhas pa chen po thabs chab ni ye shes tog go/ /gang zhig thabs che ba yin pa de ni thabs che pa'o//de la mkhas pa chen po ni blo rdzogs pa chen po'o/ /sems can thams cad kyi bsam pa dang bag la nyal ba shes pas dam pa'i chos ston par byed pa nyid kyi phyir ro/ /rdzu 'phrul chen po stobs dang ldan/ /shugs chen mgyogs pa chen po ste/ /rdzu 'phrul chen po cher grags pa/stobs chen pha rol gnon pa po/ /zhes de la rdzu 'phrul chen po stobs dang ldan ni bzang skyong ngo / /rdzu 'phrul gyi stobs ni rdzu 'phrul stobs te/ de dang ldan pa ni rdzu 'phrul gyi stobs dang ldan pa'o/ /chen po yang de yin la rdzu 'phrul gyi stobs dang ldan pa yang de nyid yin pas rdzu 'phrul chen po'i stobs dang ldan pa'o//shugs chen mgyogs pa chen po ste blo gros rgya mtsho'o/ /shugs chen pos 'gro ba gang yin pa de ni shugs chen te/ de bzhin gshegs pa thams cad la mchod pa dang sri zhu'i don du du ma'i 'jig rten du bskyod pa'i phyir ro/ /de nyid kyi phyir na mgyogs pa chen po zhes gsungs so//rdzu 'phrul chen po cher grags pa ni blo gros mi zad pa ste/ 'jig rten dang nyan thos dang rang sangs rgyas kyi bsod nams dang ye shes kyi tshogs dang ldan pa'i phyir na rdzu 'phrul chen po'o/ /de bzhin gshegs pa thams cad kyi bsod nams dang ye shes kyi tshogs yongs su rdzogs pa'i phyir na cher grags so//stobs chen pha rol gnon pa po ni spobs pa brtsegs pa'o/ /chen po yang de yin la stobs kyang de nyid yin pas de bzhin gshegs pa'i stobs bcu gnas dang gnas ma yin pa mkhyen pa la sogs pa phyis 'byung ba rnams gzung ngo / /de rnams kyi pha rol gnon pa ni de'i brtson 'grus brtsams pa dang gang ldan pa de stobs chen pha rol gnon pa po'o//srid pa'i ri bo chen po 'joms/ /mkhregs chen rdo rje chen po 'chang / /drag po chen po drag shul che/ /'jigs chen 'jigs par byed pa po/ /zhes pa ni/ de la srid pa'i ri bo chen po 'joms pa ni mthu chen po thob pa'o//srid pa ni nye bar len pa'i phung po lnga'o/ /de nyid ri bo ste/ mi shes pa'i brag nyid kyi phyir ro/ /de dag yang dag par phyin ci ma log pa'i ye shes thob pas 'joms pa'i tshul dang gang ldan pa de ni 'joms pa'o/ /chen po yang de yin la srid pa'i ri bo 'joms pa yang de nyid yin pas/srid pa'i ri bo chen po 'joms/ /zhes so/ /mkhregs chen rdo rje chen po 'chang ba ni ngan song kun 'dren no/ /rdo rje chen po ni kun du bzang po'i ye shes te/ de 'dzin pas na rdo rje ni chen po 'chang ngo / /sra ba'i phyir dang lus dang ldan pa'i phyir na mkhregs pa'o/ / drag po chen po drag shul che ba ni mya ngan gyi mun pa kun 'joms pa'i blo gros so/ /chen po yang yin la drag po yang de nyid yin pas na drag po chen po ste/ gdul dka' ba'i sems can rnams la khro bo chen po'i gzugs ston pa'i phyir ro/ /drag shul che ni bcom ldan 'das 'jam dpal de zhi ba yin yang sems can gdul ba'i phyir drag shul can du yang ston zhes pa'i don to//'jigs chen 'jigs par byed pa po ni dra ba can gyi 'od do/ /'jigs chen ni 'jigs byed chen po'i gzugs 'dzin pas na 'jigs chen no/ /de yang 'jigs par byed pas na 'jigs chen 'jigs par byed pa'o/ /mgon po rigs mchog chen po ste//bla ma gsang sngags che ba'i mchog /theg pa chen po'i tshul la gnas/ /theg pa chen po'i tshul gyi mchog /ces pa ni/ de la mgon po rigs mchog chen po ni zla 'od gzhon nu'o/ /chen po yang de yin la rigs kyang de nyid yin pas rigs mchog chen po ste/ gzungs bzhi'o//de yang tshig dang / don dang sngags dang / phyag rgya'i bdag nyid rnams so/ /de nyid ni mgon po ste/ sems can thams cad kyi lus ngag yid la kun du spyod pa'i sdig pa ma lus par yang dag par sbyong ba'i phyir ro/ /bla ma gsang sngags che ba'i mchog ni 'od dpag tu med pa'o/ /chen po yang de nyid yin la gsang sngags kyang de nyid yin pas gsang sngags che ba ste/phyag rgya chen po'i bdag nyid do/ /de'i mchog ni gtso bo zhes pa'i don to/ /de nyid bla ma ste/ sems can thams cad kyi bsam pa dang bag la nyal ji lta ba bzhin du shes nas mngon par rtogs pa nye bar ston pa'i phyir ro//theg pa chen po'i tshul la gnas ni nam mkha'i mdzod do/ /theg pa chen po ni 'og nas gsungs pa ste/ de'i tshul ni lam mo/ /de zhon pa ni gnas pa'i don to/ /theg pa chen po'i tshul gyi mchog ni sgrib pa rnam par sel ba'o/ /'khor ba dang mya ngan las 'das pa gnyis brjod du med pa'i chos nyid du khong du chud pa'i rtog pa med pa'i ye shes ni theg pa chen po zhes so//yang na 'khor ba'i gnas thabs dang spyod yul dang rten gyi rang bzhin te/ bla na med pa rnam pa gsum gyis theg pa chen po bsdus pa yin zhes so/ /gal te de ltar yin na ni de'i chen po ji ltar yin zhe na/ gang dag 'jig rten thams cad la phan par byed pa sangs rgyas bcom ldan 'das des de che ba nyid de/de rnams kyi theg pa 'di ni bskyed pa'i don dam nges par 'byung ba'i don du sgrub pa'o/ /de'i phyir na de dang lhan cig pa'i chen po'i theg pa yin pas theg pa chen po'am/ chen po nyid kyi theg pa pas theg pa chen po'o//yang na chen po rnam pa bdun gyi phyir te/ dmigs pa dang / sgrub pa dang / ye shes dang / brtson 'grus dang / thabs dang / yang dag par grub pa dang / las che ba nyid kyi phyir theg pa chen po'o/ /chen po yang de yin la theg pa yang de nyid yin pas theg pa chen po ste/theg pa gzhan la de rnams med pa'i phyir ro/ /de bas na de mdor bsdus nas theg pa chen po ni rnam pa gsum ste/ rgyu dang yul dang / rten gyi rang bzhin rnams yongs su snang ba'i don du rig par bya'o/ /de nyid thabs tsam la ltos pas sam/ ma lus pa'i 'jig rten dang 'jig rten las 'das pa'i rang bzhin gyi phyir bcom ldan 'das 'jam dpal ye shes sems dpa' de bzhin gshegs pa'i ye shes kyi sku'o//'di ltar sangs rgyas bcom ldan 'das/ /rdzogs pa'i sangs rgyas a las byung / /zhes pa nyid la sogs pa mtshan gyi sngags kyi yi ge tshigs bcad gzhung tshig gi bye brag gi khyad par can 'brel tshig med pa rnams kyis khyad par du byas pa'i ye shes sems dpa' de bzhin gshegs pa thams cad kyi thugs la gnas pa 'jam dpal ye shes sems dpa' 'jam dpal dpal dang ldan pa'i mchog ces bya bar blta'o//dkyil 'khor gyi lha sems ma rdo rje ma la sogs pa de rnams kyang phyag rgya chen por sbyor bas rang rang gi sku mdog dang phyag mtshan du ldan pa phyung ste/phyung nas kyang 'jig rten gyi khams kun gyi sems can rnams la sangs rgyas kyi mdzad pa byas te/ yang phyir log nas mtshan gyi sngags kyi yi ge rnams kyi rang rang gi rigs kyi mdog dang ldan par bsgyur te/ji ltar don gyi rim pas rdo rje dbyings kyi dkyil 'khor chen po lngar bkod pa'i zla ba'i dkyil 'khor rnams la bzhugs par bsgoms nas/ 'khor lo de'i lte ba la gnas pa de bzhin gshegs pa thams cad kyi ye shes kyi sku 'jam dpal ye shes sems dpa'i gzugs gong nas gsungs pa bzhin du bdag nyid mos te/bcom ldan 'das ye shes kyi sku de nyid kyi gnyis su med pa'i yang dag pa'i don dam pa'i mtshan yang dag par brjod pa mtshan gyi gtsug gi nor bu 'di rigs kyi bu'am rigs kyi bu mo gang yang rung ba sngags kyi sgo nas spyad pa spyod pa'i byang chub sems dpas dus gsum du kha ton du byed pa'am/glegs bam du byas pa la klog cing 'don pa dang / gtsang ba dang mi gtsang bar gyur pas te/ ci yang mi smra bar ji lta ba bzhin du sus kyang mi thos par mtshan gyi sngags kyi yi ge tshigs bcad de ltar klog pa ni ring por mi thogs pa kho nar yon tan las brjod pa'i yon tan gyi tshogs dang /gzhan yang 'grub par 'gyur ro/ /don dam pa'i mtshan yang dag par brjod pa yang dag par 'dzin pa'i skyes bu gang zag de ni bsod nams dang ye shes kyi tshogs shin tu bsags te/ shin tu myur bar sangs rgyas thams cad kyi yon tan rnams la yang dag par gyur nas bla na med pa yang dag par rdzogs pa'i byang chub mngon par rdzogs par 'tshang rgya zhing /bskal pa mang por yongs su mya ngan las mi 'da' ba'i chos su 'gyur la/ sems can thams cad la bla na med pa'i chos ston par byed la/ phyogs bcur dam pa'i chos kyi rnga sgra sgrogs pa'i chos kyi rgyal por 'gyur ro//rdo rje dbyings kyi dkyil 'khor chen po de'i mtshan gyi sngags kyi yi ge'i tshig rnams gcig tu bsdu ba byas nas mtshan brgyad cu rtsa drug rnams yin te/ de rnams kyang dkyil 'khor chen po'i lha rnams la rnam par phye nas sbyar bar bya'o/ /de la bzhi ni ye shes sems dpa' dang zla ba'i dkyil 'khor gyi'o//yi ge a ni gsum mo/ /rdo rje sems ma la sogs pa dang / rtag pa la sogs pa rnams kyi bcu gcig go/ /dang po rdo rje sems dpa' nas brtsams te/ ji tsam sgrib pa thams cad rnam par sel ba'i mthar thug gi bar du ma lus pa'i mtshan gyi sngags kyi yi ge'i tshig gi khyad par dang khyad par can gyi ngo bos go rims bzhin du sbyar bar bya'o//tshigs bcad ni bcu bzhi ste/ mtshan gyi sngags kyi yi ge'i tshig rnams ni brgyad cu rtsa drug ste/ de ni man ngag yin no/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las byang chub kyi sems rdo rje rdo rje dbyings kyi dkyil 'khor chen po'i rim pa'i dbang du byas pa ste lnga pa'o// //da ni gnyis pa rnam par snang mdzad kyi 'khor lo bshad de/ de yang 'jam dpal ye shes sems dpa' de bzhin gshegs pa thams cad kyi ye shes kyi sku rdo rje dbyings kyi dkyil 'khor chen po'i lha rnams bkod pa'i rim pas che ba'i bdag nyid bstan nas/da ni shin tu rnam par dag pa chos kyi dbyings kyi ye shes rnam par snang mdzad chen po'i sgo nas dngos po thams cad kyi rang bzhin khyad par bstan par 'dod pas rang gi rnam par thar pa'i sgo nas gti mug la spyod pa'i sems can rnams gdul ba'i don du rang gi 'khor lo dgod pa gsungs pa'o//de la yang rnam par snang mdzad dang rnam par snang mdzad chen po'i khyad par du bya ba ji lta bu zhe na/ de mi shes pas de gsungs pa/ rang bzhin can gzugs kyi sku'i rgyu mthun pa'i gnas su gyur pa'i mtshan nyid 'og min lha'i rgyal po'i gnas der/lha'i rigs su skyes pa'i byang chub sems dpa' rnams kyis chos kyi longs spyod rdzogs pa so sor nyams su myong bar byed pa'i don du mngon par rdzogs par byang chub pa'i ting nge 'dzin gyi rim pas rnam par smin pa'i skur gyur pa yongs su dag pa'i ye shes kyi so sor snang ba'i mtshan nyid rgyu mthun pa'i sku ste/ gnas de nyid na byang chub sems dpa' sems dpa' chen po'i tshogs kyis bskor ba'i ston pa gang yin pa de ni bcom ldan 'das rnam par snang mdzad do//de ltar zla gsang thig le'i rgyud las gsungs pa/ gnas gtsang ma rnams spangs pa'o/ /'og min gnas ni nyams dga' bar/ /rdzogs pa'i sangs rgyas de sangs rgyas//sprul pa po ni 'dir sangs rgyas/ /zhes tshigs su bcad do/ /rnam par snang mdzad chen po ni ye shes kyi rang bzhin gyi sku nyon mongs pa dang shes bya'i sgrib pa gnyis las shin tu rnam par grol ba dngos po thams cad kyi rang bzhin du snang zhing ston par nus pa'o/ / bcom ldan 'das de kho na nyid kyi rang bzhin de nyid las dngos po thams cad ston par nus par ji ltar 'gyur zhe na/ de ltar dpal rnam par snang mdzad mngon par byang chub pa'i rgyud las gsungs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyis thams cad mkhyen pa'i ye shes brnyes nas thams cad mkhyen pa'i ye shes de sems can thams cad la rnam par phye ste/tshul sna tshogs dang / bsam pa sna tshogs dang / thabs sna tshogs dag gis chos ston te/ kha cig la ni nyan thos kyi theg pa'i tshul/ kha cig la ni rang sangs rgyas kyi theg pa'i tshul/ kha cig la ni theg pa chen po'i tshul/kha cig la ni mngon par shes pa lnga'i tshul lo/ /kha cig la ni lhar skye bar bya ba dang / kha cig la ni mir skye bar bya ba dang / ji srid du lto 'phye chen po dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi'am cir skye bar bya ba'i bar du chos ston to//de la sems can la la sangs rgyas kyis gdul bar bya ba rnams la sangs rgyas kyi gzugs su mthong / /la las ni nyan thos kyi gzugs su/ la las ni rang sangs rgyas kyi gzugs su/ la las ni byang chub sems dpa'i gzugs su/ la las ni dbang phyug chen po'i gzugs su/la las ni tshangs pa'i gzugs su/ la las ni sred med kyi bu'i gzugs su/ la las ni rnam thos kyi bu'i gzugs su/ /la las ni lto 'phye chen po dang mi dang mi ma yin pa'i bar du mthong ste/ rang rang gi tshig brjod pa'i tshul dang / spyod lam la rnam par gnas pa ste/ thams cad mkhyen pa'i ye shes de'ang 'di ltar de bzhin gshegs pa'i rnam par grol ba'i ror ro gcig pa'o zhes gsungs so//de'i phyir gsungs pa/ sangs rgyas rnam par snang mdzad che/ /zhes pa ni/ de la sangs rgyas ni ji ltar gnas pa'i dngos po kun mkhyen pa'o/ /rnam par snang mdzad che ni rnam par gsal bas na rnam par snang mdzad de/rnam par snang ba kho nar byed pas na rnam par snang mdzad de/ rang gi don la 'phel bar byed pa'i phyir ro/ /chen po yang de yin la rnam par snang mdzad kyang de nyid yin pas rnam par snang mdzad che zhes pa'o/ /thub pa chen po ni sku gsung thugs thub pa dang ldan pa ste/chen po yang de yin la thub pa yang de nyid yin pas thub pa chen po'o/ /thub pa chen po zhes bya ba ji ltar zhe na/ rtag tu mnyam par gzhag pa nyid kyi phyir ro/ /de ltar yang gsungs pa/ sangs rgyas bcom ldan 'das rnams ni rtag tu mnyam par gzhag pa'o zhes pa'i tshig gi phyir ro//lus la sogs par son pa'i gnas ngan len med pa'i phyir ro/ /de gang la yod pa de ni thub chen ldan no/ /chen po yang de yin la thub pa yang de nyid yin pas thub chen te/ gnas 'jog dang / ri byi dang / grog mkhar la sogs pa drang srong rnams yin no/ /des 'dul ba rnams la de lta bu'i gzugs su so sor snang ba'i phyir na thub pa chen po zhes gsungs so//gsang sngags tshul chen las byung ba/ /zhes pa la/ gsang sngags tshul chen ni theg pa chen po ste/ gsang sngags tshul de las byung bas na gsang sngags tshul chen las byung ba'o/ /chen po yang de yin la gsang sngags las byung ba yang de nyid yin pas/gsang sngags tshul chen las byung ba/ /zhes pa ste/ de nyid las grub pa'o/ /de nyid kyi phyir na/ gsang sngags tshul chen bdag nyid can/ /zhes pa ste/ rdo rje theg pa chen po'i rang bzhin zhes pa'i don to/ /de yang rnam par snang mdzad che//zhes pa la sogs pas kyang bcom ldan 'das 'jam dpal dpal dang ldan pa'i mchog ces pa'i bar la brjod par bya'o/ /pha rol phyin bcu thob pa ste/ /pha rol phyin pa bcu la gnas/ /pha rol phyin bcu dag pa ste/ /pha rol phyin pa bcu yi tshul/ /zhes pa ni/ de la pha rol tu phyin pa rnams thob pa'i bsam pa rnam par dag pa'i lam rnams kyi sgo nas bstan pa gsungs pa/pha rol phyin bcu thob pa ste/ /zhes pa de la yang pha rol tu phyin pa rnams ston pa ni 'di ltar dbus dang mtha' rnam par 'byed pa las gsungs pa/ /sbyin dang tshul khrims bzod brtson 'grus/ /bsam gtan dang ni shes rab thabs//smon lam stobs dang ye shes dang / /'di dag pha rol phyin bcur 'dod/ /ces so/ /de la sbyin pa rnam pa gsum ste/ /zang zing gi sbyin pa dang / skyabs kyi sbyin pa dang / chos kyi sbyin pa'o/ /tshul khrims la rnam pa gsum ste/ sdom pa'i tshul khrims dang / dge ba'i chos sdud pa'i tshul khrims dang / sems can gyi don byed pa'i tshul khrims so/ /bzod pa la rnam pa gsum ste/ sdug bsngal dang du len pa'i bzod pa dang / gzhan gyi gnod pa byed pa la ji mi snyam pa'i bzod pa dang / chos la nges par sems pa'i bzod pa'o//brtson 'grus la rnam pa gsum ste/ go cha'i brtson 'grus dang / sbyor ba'i brtson 'grus dang / yongs su mthar phyin pa'i brtson 'grus so/ /bsam gtan la rnam pa gsum ste/ nyes pa spong ba dang / rnam par gnas pa can dang / dbang sbyor ba can no//shes rab la rnam pa gsum ste/ thos pa las byung ba dang / bsams pa las byung ba dang / bsgoms pa las byung ba'o/ /thabs la rnam pa gsum ste/ rang gi skyon spong ba dang / sems can 'jug par byed pa dang / myur du mngon par rdzogs par byang chub ba'o/ / smon lam la rnam pa gsum ste/ rang gi tshogs dang 'brel pa can dang / sems can gyi don dang rjes su 'brel pa can dang / sangs rgyas kyi zhing yongs su sbyong ba'o/ /stobs la rnam pa gsum ste/ las ldog par byed pa dang / nyon mongs pa spong bar byed pa dang / bdud dang pha rol rgol ba ldog par byed pa'o//ye shes la rnam pa gsum ste/ rnam par mi rtog pa dang / rnam par rtog pa mnyam pa nyid du khong du chud pa dang / thabs thams cad las lkog tu ma gyur pa'o/ /sbyin pa la sogs pa de dag rdzogs pa'i byang chub kyi sems yongs su rdzogs par byed pa dang /sems can thams cad la byams pa'i bsam pa yongs su bsgoms pas na pha rol tu phyin pa'i ming tho ba'o/ /de rnams kyang 'jig rten dang 'jig rten las 'das pa ste/ de la bdag la sogs pa dmigs pa ma spangs pa ni 'jig rten pa'i pha rol tu phyin pa'o/ /'jig rten las 'das pa yang phung po la sogs pa la bdag med pa la sogs par mos pas 'jug pa dang /de kho na nyid rtogs pas 'jug pa ste/ de nyid dbu ma la 'jug pa las zla ba grags pas gsungs pa/ sbyin dang len pa sbyin pa pos stong pa/ /sbyin pa 'jig rten las 'das pha rol phyin//de la gang na gzhin pa skyes gyur pa/ /'jig rten pa yi pha rol phyin par bstan/ /zhes so/ /thos pa dang / bsam pa dang / bsgom pa'i dngos po las ye shes 'byung ba'i rim pas rnam pa thams cad mkhyen pa'i rtogs pa rab kyi mthar phyin pa ni pha rol gyi don yin la/ phyin pa'i don ni de'i ngo bo ste/dngos po'i rkyen yin no/ /de bzhin du sbyin pa nyid la pha rol tu phyin pa'o/ /de ltar tshul khrims la sogs pa la yang sbyar bar bya'o/ /de'i phyir yangs la gnas pa'i byang chub sems dpa' rnams kyi 'khor gsum yongs su dag pa'i mtshan nyid kyi sbyin pa gang yin pa'i sbyin pa de ni sbyin pa'i pha rol tu phyin pa'o//gang so so'i skye bo rnams kyi sbyin pa ni sbyin pa kho na'o/ /pha rol tu phyin pa ni ma yin te/ /'khor gsum yongs su dag pa'i shes rab dang bral ba'i phyir ro/ /de'i phyir na yang shes rab kyi pha rol tu phyin pa ni sbyin pa la sogs pa'i pha rol tu phyin pa rnams kyi mig kho nar shes par bya'o//de nyid kyi phyir na dbu ma la 'jug pa las zla ba grags pas gsungs pa/ mig ldan skyes bu gcig gis ji ltar 'dod pa'i sar/ /long ba'i tshogs rnams thams cad bde bar khrid par 'gyur/ /de bzhin du ni de la dmigs bu med pa rnams/ /blo yis bzung nas yon tan rgyal ba nyid du 'gro//zhes so/ /de lta bur gyur pa'i pha rol tu phyin pa bcu thob pa ste/ de ltar rtogs par gyur pa'i bcom ldan 'das de la 'di skad ces bshad do/ /pha rol phyin pa bcu la gnas/ /zhes pa/ de la gnas ni rten yin te/ pha rol tu phyin pa bcu po de dag nyid rten gyi ngo bo nyid kyi phyir ro//de dag brten pa yin pa'i phyir te/ des ni 'di skad gsungs bar 'gyur te/ rten dang brten pa phan tshun 'brel pa yin pa'i phyir rten cing 'brel par 'byung ba'i don du bstan par 'gyur ro/ /pha rol phyin bcu dag pa ste/ /zhes pa ni 'khor gsum yongs su dag pa'i phyir te/sbyin pa'i rdzas dang / sbyin pa'i bdag po dang / len pa po mi dmigs pas pha rol tu phyin pa bcu dag pa zhes bya'o/ /pha rol phyin pa bcu yi tshul/ /zhes pa ni pha rol tu phyin pa bcu kho na'i tshul dang / lam dang thabs gang gi yin pa de la de skad gsungs so//de rnams kyang sa la sbyor ba 'di lta ste/ sa rab tu dga' ba la sbyin pa'i pha rol tu phyin pa shas che bar 'gyur ba dang / dri ma med pa la tshul khrims kyi pha rol tu phyin pa dang / 'od byed pa la bzod pa'i pha rol tu phyin pa dang / 'od 'phro ba can la brtson 'grus kyi pha rol tu phyin pa dang /sbyang dka' ba la bsam gtan gyi pha rol tu phyin pa dang / mngon du gyur pa la shes rab kyi pha rol tu phyin pa dang / ring du song ba la thabs kyi pha rol tu phyin pa dang / mi g.yo ba la smon lam gyi pha rol tu phyin pa dang / legs pa'i blo gros la stobs kyi pha rol tu phyin pa dang /chos kyi sprin la ye shes kyi pha rol tu phyin pa'o zhes so/ /de ltar sa 'di rnams la chos la bdag med pa dang / byams pa'i rtogs pa khyad par can med kyang sbyin pa la sogs pa'i pha rol tu phyin pa rnam par dag pas lhag par byin gyis brlabs pas khyad par so sor thob bo//nyan thos la sogs pa thams cad che ba ni smon lam gyi stobs kyis de rnams las mtha' yas pa thun mong ma yin par gyur pa yin no/ /de las zhes pa ni ye shes kyi gnas skabs te spyod yul zhes pa'i bar du'o/ /de la rtogs shing khong du chud pa'i khyad par las gong ma gong ma'i ye shes la rab tu gnas pa'i sbyong bas ye shes de dang yon tan gyi rten gyi sbyor bas kyang sa zhes gsungs so//thams cad du sems can gyi khams kyi spyi'i mtshan nyid kyi phyir te/ gang gi phyir/ chos kyi dbyings las ma gtogs pa/ /'di ltar chos yod ma yin te/ /zhes so/ /de bas bdag nyid dang mnyam pa nyid du 'thob ste/bdag med pa la khyad par med pa'i phyir ro/ /'di'i gnas skabs kyi khyad par gyis ye shes gcig la'ang bcu zhes gsungs so/ /de nyid gsungs pa/ mgon po sa bcu'i dbang phyug ste/ /sa bcu la ni gnas pa po/ /zhes pa ni rab tu dga' ba la sogs pa'i sa bcu'i dbang phyug ste/bdag po zhes pa'i don to/ /de nyid sa gang dang gang du sbyin pa la sogs pa'i pha rol tu phyin pa la dbang thob pa'i phyir na mgon po zhes gsungs so/ /sa bcu de dag nyid la so sor gnas pa'i phyir na/ sa bcu la ni gnas pa po/ /zhes gsungs so//shes bcu rnam dag ces pa ni shes pa bcu'i rnam grangs ni chos shes pa dang / rjes su rtogs pa'i shes pa dang / pha rol gyi sems shes pa dang / kun rdzob shes pa dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa'o/ /de la chos shes pa gang zhe na/ 'dod pa'i khams dang mtshungs par ldan pa'i 'du byed rnams la gang zag pa med pa'i shes pa gang yin pa dang / 'dod pa'i khams dang mtshungs par ldan pa'i 'du byed kyi rgyu la gang zag pa med pa'i shes pa dang / 'dod pa'i khams dang mtshungs par ldan pa'i 'du byed rnams kyi 'gog pa la gang zag pa med pa'i shes pa dang / 'dod pa'i khams dang mtshungs par ldan pa'i 'du byed rnams 'joms pa'i don du lam la gang zag pa med pa'i shes pa rnams so/ /yang chos kyi shes pa dang / chos kyi shes pa'i sa la gang zag pa med pa'i shes pa de nyid chos shes pa zhes brjod do//rjes su shes pa'i rtogs pa gang zhe na/ gzugs dang gzugs med pa'i khams dang mtshungs par ldan pa'i 'du byed rnams la gang zag pa med pa'i shes pa dang / gzugs dang gzugs med pa'i khams dang mtshungs par ldan pa'i 'du byed rnams kyi rgyu la gang zag pa med pa'i shes pa dang /gzugs dang gzugs med pa'i khams dang mtshungs par ldan pa'i 'du byed rnams kyi 'gog pa la zag pa med pa'i shes pa rnams dang / gzugs dang gzugs med pa'i khams dang mtshungs par ldan pa'i 'du byed rnams 'joms pa'i don du lam la gang zag pa med pa'i shes pa rnams dang /yang rjes su rtogs pa'i shes pa dang / rjes su rtogs pa'i shes pa'i sa la zag pa med pa'i shes pa zhes gsungs pa de nyid rjes su rtogs pa shes pa'o/ /pha rol gyi sems shes pa gang zhe na/ sgom pa'i rang bzhin gyi shes pa gang yin pa'i bsgoms pa'i 'bras bu bsgom pas bgrod par bya ba so sor thob cing bral ba'i shes pa gang gis 'dod pa na spyod pa dang /gzugs na spyod pa rnams kyi mnyam par gzhag pa mngon du gyur pa ste/ pha rol rnams kyi sems dang sems las byung ba'i chos rnams shes pa sde tshan gcig tu byas te/zag pa med pa'i chos 'di ni pha rol gyi sems shes pa'o/ /kun rdzob shes pa gang zhe na/ zag pa dang bcas pa shes pa'o/ /sdug bsngal shes pa gang zhe na/ nye bar len pa'i phung po lnga la mi rtag pa nyid dang / sdug bsngal ba nyid dang /stong pa nyid dang / bdag med pa nyid yid la byed pa'i gang zag pa med pa'i shes pa 'di ni sdug bsngal shes pa'o/ /kun 'byung ba shes pa gang zhe na/ zag pa dang bcas pa'i rgyu la rgyu dang / kun 'byung ba dang / rab tu skye ba dang / rkyen rnams su yid la byed pas gang zag pa med pa'i shes pa gang yin pa de ni kun 'byung shes pa'o//'gog pa shes pa gang zhe na/ 'gog pa la 'gog pa dang / zhi ba dang / gya nom pa dang / nges par 'byung ba rnams yid la byed pa gang zag pa med pa'i shes pa zhes gsungs pa de ni 'gog pa shes pa'o/ /lam shes pa gang zhe na/ lam la lam dang /rig pa dang / sgrub pa dang / nges par 'byin pa rnams su yid la byed pas gang zag pa med pa'i shes pa zhes gang gsungs pa de ni lam shes pa'o/ /zad pa shes pa gang zhe na/ bdag gis sdug bsngal yongs su shes so zhes pa dang / bdag gis kun 'byung spangs so/ / bdag gis 'gog pa mngon du byas so/ /bdag gis lam bsgoms zin pas slar bsgom du med do zhes shes pa de nyid nye bar gzung ba'i shes pa dang / mthong ba dang / rig pa dang / rtogs pa dang / shes rab kyi snang ba dang / mngon par rtogs pa de gsungs pa ni zad pa shes pa'o/ /mi skye ba shes pa gang zhe na/bdag gis sdug bsngal yongs su shes so/ /yang yongs su shes par byar med do zhes pa dang / kun 'byung rab tu spangs so/ /yang spang du med pa dang / 'gog pa mngon du byas so/ /yang mngon du byar med pa dang / lam bsgoms so/ /yang bsgom par byar med do/ / zhes shes pa de nye bar gzung ste/ shes pa dang / mthong ba dang / rig pa dang / rtogs pa dang / shes rab kyi snang ba dang / mngon par rtogs pa 'di ni mi skye ba'i shes pa'o/ /de nyid gsungs pa/ shes bcu rnam dag bdag nyid can/ /shes bcu rnam dag 'chang ba po/ /zhes so//de bas na shes pa bcu po de dag gis rnam par dag pa'i bdag nyid kyi rang bzhin dang gang ldan pa'i bcom ldan 'das de ni/ shes bcu rnam dag bdag nyid can/ /zhes so/ /shes pa bcu po de rnams kyi rnam par dag pa rang bzhin gyis 'od gsal ba'i ye shes 'dzin pas na/ shes bcu rnam dag 'chang ba po//zhes pa ste mtshan ma thams cad dang bral ba'i phyir ro/ /rnam pa bcu zhes pa ni 'di ltar dbus dang mtha' rnam par 'byed pa las gsungs pa/ gcig dang rgyu dang za ba dang / /byed pa dang ni dbang bsgyur dang / /bdag po don dang rtag pa dang / /nyon mongs pa dang dag pa'i gnas//rnal 'byor can dang ma grol grol/ /'di dag la ni bdag tu lta/ /zhes so/ /rnam pa bcu po ni 'di rnams bdag tu 'dzin pas phung po la sogs pa la rab tu 'jug pa 'di lta ste/ gcig pur 'dzin pa dang / rgyur 'dzin pa dang / za bar 'dzin pa dang / byed par 'dzin pa dang /rang dbang du 'dzin pa dang / bdag por 'dzin pa dang / rtag par 'dzin pa dang / kun nas nyon mongs pa dang / rnam par byang bar 'dzin pa dang / rnal 'byor can du 'dzin pa dang / ma grol ba grol bar 'dzin pa'o/ /de'i phyir gsungs pa/ rnam pa bcu po zhes gsungs so//de rnams ting nge 'dzin gyi sems phung po la sogs pa la kun du rnam par g.yeng bar byed pa'i rnam pa bdag tu 'dzin pa bcu'o/ /de nyid kyi phyir na don bsdus pa las phyogs kyi glang po'i zhabs kyis gsungs pa/ rnam par g.yeng ba'i sems bcu yis/ /sems g.yeng rnams kyis gzhan yin na//gnyis med ye shes bsgrub pa la/ /byis pa rnams ni skal mi ldan/ /zhes so/ /de'i phyir bdag tu 'dzin pa rnam pa bcu po de gang gi yin pa'i bcom ldan 'das te/ de ltar gsungs so/ /ci'i phyir zhe na/ mi mthun pa'i phyogs kyi rnam pa thams cad kyis so sor snang ba'i phyir ro//don bcu zhes pa ni/ de'i gnyen po'i don bcu yang de nyid la brjod de/ rtsa ba'i mtshan nyid de kho na/ /phyin ci ma log mtshan nyid dang / /'bras bu rgyu yi de kho na/ /phra ba dang ni rags pa dang / /grags dang rnam par dag yul dang / /bsdu dang dbye ba'i mtshan nyid dang //mkhas de kho na rnam bcu ste/ /bdag tu lta ba'i gnyen po'o/ /zhes bya ba 'di dag go/ /de kho na rnam pa bcu ste/ /'di lta ste/ rtsa ba'i de kho na nyid dang / mtshan nyid kyi de kho na nyid dang / phyin ci ma log pa'i de kho na nyid dang / 'bras bu dang rgyu'i de kho na nyid dang /rags pa dang phra ba'i de kho na nyid dang / grags pa'i de kho na dang / rnam par dag pa'i spyod yul gyi de kho na dang / bsdu ba'i de kho na dang / dbye ba'i de kho na dang / mkhas pa'i de kho na dang / rnam pa bcu po de dag bdag tu 'dzin pa rnam pa bcu'i gnyen por rig par bya'o//de'i phyir gsungs pa/ don bcu'i don zhes so/ /de la mkhas pa'i don bcu po 'di rnams de'i gnyen po'i phyogs 'byung bar 'gyur ba'i don gyi de kho na ste/ don du gnyer bar bya bas don te/ dam pa'i rang bzhin gyi phyir ro/ /de'i phyir bcu po de dag gi don bcu po ni mkhas pa'i de kho na nyid de/bdag tu lta ba'i gnyen por rig par bya'o/ /rgyas par de nyid du gsungs so/ /'dir gzhung mangs su dogs nas ma bris so/ /rnam pa bcu po don bcu'i don/ /zhes pa des ji skad gsungs par 'gyur zhe na/ mi mthun pa'i phyogs dang gnyen po'i phyogs thams cad kyi rang bzhin du bcom ldan 'das de nyid rig par bya'o zhes pa'i don to//thub dbang zhes pa ni/ de la phyin ci ma log par rten cing 'brel par 'byung ba'i don nye bar ston cing / bsod nams dang ye shes kyi tshogs ma lus par bsags pa'i dbang phyug yang dag par 'phen pa bla na med pa'i ston pa/nyan thos dang rang sangs rgyas kyi thub pa rnams kyi bdag po ni thub pa'i dbang po de nyid de/ rnyed par dka' ba'i phyir ro/ de'i phyir gsungs pa/ thub dbang zhes so/ /de nyid kyi phyir na 'phags pa klu sgrub snying po'i zhal snga nas kyis gsungs pa/ gang gis skye dang 'jig pa dag /'di yi tshul gyis rab spangs pa//rten cing 'brel 'byung gsungs pa yi/ /thub dbang de la phyag 'tshal te/ /zhes so/ /stobs bcu zhes pa ni/ de la de bzhin gshegs pa'i stobs bcu rnams ni 'di lta ste/ gnas dang gnas ma yin pa mkhyen pa'i stobs dang / dbang po mchog dang mchog ma yin pa mkhyen pa'i stobs dang /khams sna tshogs mkhyen pa'i stobs dang / ting nge 'dzin dang snyoms par 'jug pa sna tshogs mkhyen pa'i stobs dang / kun nas nyon mongs pa dang rnam par byang ba mkhyen pa'i stobs dang / las kyi rnam par smin pa mkhyen pa'i stobs dang /thams cad du 'gro ba'i lam mkhyen pa'i stobs dang / sngon gyi gnas rjes su dran pa mkhyen pa'i stobs dang / 'chi 'pho dang skye ba mkhyen pa'i stobs dang / zag pa zad pa mkhyen pa'i stobs te/ de ni ye shes kyi stobs rnam pa bcu po 'di yang bcom ldan 'das kyis mthu stobs kyi khyad par rab tu bsgoms pa'i phyir dang /rtog pa med pa mnyam pa nyid kyis gnas la sogs pa'i spros pa thugs su chud pa'i phyir ro/ /de'i phyir gsungs pa/ stobs bcu zhes pa ste/ de bzhin gshegs pa'i stobs bcu po de dag thams cad dang gang ldan pa de ni de skad ces gsungs so//de nyid kyi phyir na khyab bdag ni bdag nyid chen po ste/ g.yo ba dang mi g.yo ba thams cad kyi dngos po'i rang bzhin nyid kyi phyir ro/ /kun gyi don ni ma lus byed/ /ces pa ni ma lus shing lus pa med pa'i 'gro ba'i don byed pa ni/ kun gyi don ni ma lus byed/ /ces so/ /de byed pa'i tshul dang gang ldan pa de ni/kun gyi don ni ma lus byed/ /ces pa ste/ bcom ldan 'das so/ /rnam bcu dbang ldan che ba po/ /zhes pa ni/ /de la rnam bcu ni dbang bcu'o/ /'di lta ste/ tshe la dbang ba dang / las la dbang ba dang / yo byad la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / skye ba la dbang ba dang / chos la dbang ba dang / sems la dbang ba dang / ye shes la dbang ba zhes so/ /dbang ba rnam pa bcu po de dag gi mtshan nyid chos rnams la dbang du gyur pa'i tshul dang gang ldan pa de ni rnam bcu dbang ldan te/de'i phyir yang thams cad la dbang ba'i chos brnyes pa'i phyir che ba po zhes gsungs so/ /thog ma med pa zhes pa ni thog ma ste skye ba med pa gang yin pa de ni thog ma med pa'o/ /skye ba med pa'i phyir na 'jig pa'ang med par don gyi shugs las shes par bya'o//mi gnas pa'i mya ngan las 'das pa'i ye shes thob pa'i phyir thog ma dang tha ma bcom pa zhes pa'i don to/ /spros med bdag ces pa ni spros pa ni phung po dang khams dang skye mched dang / gzung 'dzin gyi mtshan nyid kyi chos de rnams kyi bdag nyid de rang gi ngo bo dang bral ba ni/ gang gi phyir 'di spros pa med pa'i bdag nyid yin pa de nyid kyi phyir na/de bzhin nyid bdag ces pa ni de la de bzhin nyid ni gzhan du mi 'gyur bas na de bzhin nyid kyi don to/ /rtag pa dang de bzhin nyid ces bya bar byas pas na de bzhin nyid kyi bdag nyid de rang bzhin gang yin pa de ni de bzhin nyid bdag ste/ stong pa nyid kyi rang bzhin zhes pa'i don to//de nyid kyi phyir na dag pa'i bdag ces pa ste/ glo bur gyi dri ma med pa'i phyir te/ de'i rang bzhin ni gzhan du mi 'gyur ba'i phyir ro/ /bden par smra zhing zhes pa ni/ de la bden pa ni 'phags pa'i bden pa bzhi'o/ /de rnams smra bar byed pa'i tshul dang gang ldan pa de la de skad ces bya'o//yang na rten cing 'brel par 'byung ba zab mo'i don ni bden pa'i don to/ /de smra bar byed pa ni gong ma dang 'dra'o/ /de nyid 'phags pa klu sgrub snying po'i zhabs kyis gsungs pa/ 'di la bsal ba ci yang med/ /gzhag par bya ba ci yang med/ /yang dag nyid la yang dag lta//yang dag mthong na rnam par grol/ /zhes so/ /tshig mi 'gyur zhes pa ni sems can thams cad la rigs ji lta ba bzhin du phyin ci ma log pa'i chos kyi 'khor lo bskor ba'i phyir ro/ /ji skad smras pa de bzhin byed/ /ces pa ni/ ji ltar chos thams cad stong pa dang / bdag med pa dang /sgyu ma dang / rmi lam dang / smig rgyu dang / dri za'i grong khyer dang / chu zla lta bu zhes ston cing de bzhin du yid la'ang byed pa'i phyir na/ ji skad smras pa de bzhin byed/ /ces gsungs so/ /de nyid kyi phyir tshig mi 'gyur zhes te/ bden pa'i tshig gis sems can thams cad la rigs ji lta ba bzhin du phyin ci ma log pa'i chos kyi 'khor lo bskor ba nyid kyi phyir ro//gnyis med ces pa ni gzung 'dzin gnyis med pa ste/ de'i med pa'i dngos po ni gnyis med ces gsungs te/ de ni bcom ldan 'das de nyid do/ /don dam par gnyis med na yang kun rdzob tu gnyis su ston pa'o zhes so//yang dag mtha' la rnam par gnas/ /zhes pa ni phyin ci ma log pa'i don gyis yang dag mtha' ste/ phyin ci log gi gzhi med pa'i phyir ro/ /yang dag pa'i mtha' de la rnam par gnas pa de ni de'i rang bzhin dang dbyer med pa'i phyir ro/ /bdag med seng ge'i sgra dang ldan/ / zhes pa ni/ de la bdag med pa ni rnam pa gsum ste/ mtshan nyid med pas bdag med pa dang / mi mthun pa'i mtshan nyid kyis bdag med pa dang / rang gi mtshan nyid kyis bdag med pa'o/ /bdag med pa gsum po de nyid seng ge bas na/ bdag med seng ge ste/ kun la nyam mi nga ba nyid kyi phyir seng ge dang 'dra bas seng ge ste/bdag med pa'i seng ge'i sgra ni bdag med seng ge'i sgra'o/ /de dang gang ldan pa de bdag med seng ge'i sgra dang ldan zhes gsungs so/ /mu stegs ri dgas ngan 'jigs byed/ /ces pa ni mya ngan las 'das pa'i rgya mtshor 'jug pa'i don gyis lam ni mu dang stegs te/des na mu yang yin la mu stegs kyang yin pas mu stegs ngan pa'o/ /de nyid kyi phyir na ri dgas te/ bdag med pa'i seng ge'i sgras 'jigs pa'i phyir ro/ /'jigs par byed pa'i tshul gang yin pa de ni 'jigs par byed pa ste/ mu stegs ri dgas ngan pa rnams 'jigs par byed pa ni mu stegs te ri drags ngan pa 'jigs byed do//de ltar gsungs pa/ stong pa nyid kyi yi ge sgras/ /rgol ba thams cad skrag par 'gyur/ /gang dang gang la 'jug na yang / /de dang de la stong pa nyid/ /ces so/ /kun du 'gro ba zhes pa ni byin rlabs las byung ba'i shes pa bzhin du kun du 'gro bas na sprul pa'i sku ste/de ltar bdag brtags pa'i phyir ro/ /yang na kun du 'gro ba ni lnga kun 'gro ba ste/ de la 'di rnams ni sa chen po zhes bya ste/ sa chen po'i ris thams cad kyi sems las byung bar gyur pa ste/ de la yang re zhig reg pa dang / yid la byed pa dang / tshor ba dang /'du shes dang / sems pa'i bdag nyid kyi chos rnams so/ /de rnams dang gang ldan pa de ni kun du 'gro ba zhes so/ /don yod stabs zhes pa ni don yod ni bcings pa med pa'o/ /stabs ni 'gro ba ste/ de dang gang ldan pa de ni don yod stabs so/ /de bzhin gshegs pa'i yid ltar mgyogs/ / zhes pa ni skad cig ma gcig kho nas gzhal du med pa'i 'jig rten gyi khams kun du 'gro ba'i phyir ro/ /rgyal ba zhes pa ni mi dge ba'i chos rnams las 'dis rgyal ba'i phyir na rgyal ba zhes gsungs so/ /rnam rgyal zhes pa ni rnam par rgyal ba dang ldan pa yin pas na rnam rgyal lo//dgra las rgyal zhes pa ni dgra ni nyon mongs pa rnams so/ /'dis de las rgyal ba'i phyir na dgra las rgyal lo/ /'khor los sgyur ba zhes pa ni chos mngon pa las 'khor los sgyur ba bzhi zhes brjod do/ /de rnams kyi yang 'byung ba'i dus ni gang 'khor lo ni ji lta bu dang ldan/cig car 'byung ngam ji lta bu'i 'gro ba yin zhe na/ de'i phyir dbyig gnyen zhabs kyis gsungs pa/ 'khor los sgyur ba 'byung ba ni/ /stong phrag brgyad cu las mi 'phyi/ /gser dngul zangs lcags 'khor lo can/ /de dag gling gcig gling gnyis dang //gsum dang bzhi lam rim pa bzhin/ /phas bsu rang 'gro g.yul bshams dang / /mtshon brtsams pas rgyal gnod pa med/ /lhan cig gnyis min sangs rgyas bzhin/ /zhes so/ /de'i tshul gyis so sor snang ba'i 'khor los sgyur ba'o/ /yang na dpal bde mchog gi rgyud las gsungs pa/'khor los sgyur ba'i gzugs nyid kyi phyir na 'khor los sgyur ba'o/ /de nyid kyi phyir stobs po che zhes pa ste/ chen po yang de yin la stobs kyang de yin pas stobs chen ni dpung gi tshogs yan lag bzhi'o/ /de dang gang ldan pa de stobs po che zhes gsungs so/ /tshogs kyi slob dpon tshogs kyi mchog /tshogs rje tshogs bdag dbang dang ldan/ /zhes pa ni/ de la tshogs ni nyan thos kyi tshogs so/ /de rnams kyi mchog ni tshogs kyi mchog ste gtso bo zhes pa'i don to/ /tshogs kyi slob dpon ni tshogs ni rang rgyal gyi tshogs so/ /de rnams kyi phyin ci ma log pa'i man ngag ston pa'i phyir na slob dpon te 'jam dpal nyid do//tshogs rje zhes pa la tshogs ni byang chub sems dpa'i tshogs te/ de rnams kyi rje bo ni tshogs rje'o/ /tshogs bdag ces pa ni/ tshogs ni de bzhin gshegs pa'i tshogs so/ /de rnams kyi bdag po ni rje bo ste/ byang chub kyi sems kyi rang bzhin nyid kyi phyir ro//de nyid kyi phyir na dbang ldan te/ de dang de'i rang bzhin yang dag par bstan pa nyid kyis thams cad kyi rang bzhin bstan pa'i phyir ro/ /mthu chen gces pa 'dzin pa ste/ /tshul chen gzhan gyi dring mi 'jog /ces pa ni/ de la mthu chen zhes pa ni/ /che ba'i bdag nyid do/ / che ba yang de yin la mthu yang de nyid yin pas mthu chen no/ /gces pa 'dzin zhes pa ni gces pa ni legs pa'i chos 'dzin pa'o/ /tshul chen ni chen po yang de yin la tshul yang de nyid yin pas tshul chen te/ thabs chen zhes pa'i don to/ /gzhan gyi dring mi 'jog pa ni gzhan gyi dring mi 'jog pa ste/ chos zab mo la mos pa nyid kyi phyir ro/ /de ltar yang mos pa gtso bo yin pa'i phyir rang gi grub pa'i mtha' las rgol ba gzhan rnams kyis dbrog par mi nus pas de ni gzhan gyi dring mi 'jog pa'o/ /tshig rje tshig bdag smra mkhas pa/ /tshig la dbang ba tshig mtha' yas/ /zhes pa ni/ de la tshig rje ni tshig rnams kyi rje bo ni tshig rje ste/don so so yang dag par rig pa thob pa'i phyir ro/ /tshig bdag ni tshig kun gyi gtso bo zhes pa'i don to/ /nges pa'i tshig so so yang dag par rig pa thob pa'i phyir ro/ /smra mkhas pa ni chos so so yang dag par rig pa thob pa'i phyir ro/ /tshig la dbang ba ni spobs pa so so yang dag par rig pa thob pa'i phyir ro//sa legs pa'i blo gros la so so yang dag par rig pa bzhi thob pas na chos brjod par mkhas pa zhes bya'o zhes gsungs so/ /de nyid kyi phyir tshig mtha' yas zhes gsungs so/ /mtha' yas pa'i tshig gi ngag dang ldan pa de ni tshig mtha' yas te/skad thams cad kyis sems can thams cad la ji ltar skal pa dang ldan pa nyid du chos kyi 'khor lo bskor ba nyid kyi phyir ro/ /tshig bden bden par smra ba ste/ /bden pa bzhi ni ston pa po/ /zhes pa ni/ de la tshig bden pa ni bden pa gnyis te/ 'di ltar kun rdzob kyi bden pa dang /don dam pa'i bden pa'o/ /de la kun rdzob la rnam pa gsum ste/ brtags pa'i kun rdzob dang / shes pa'i kun rdzob dang / brjod pa'i kun rdzob ste/ de rnams kyi bden pa'o/ /don dam pa'i bden pa ni gcig pu yongs su grub pa las rig par bya'o//de yang don dam pa rnam pa gsum ste/ don dam pa dang / thob pa don dam pa dang / sgrub pa don dam pa'o/ /de la don don dam pa ni de bzhin nyid de/ dam pa'i ye shes kyi don zhes bya bas so/ /thob pa don dam pa ni mya ngan las 'das pa ste/ dam pa'i don zhes bya bas so/ / sgrub pa don dam pa ni lam ste/ 'di don dam pa zhes bya bas so/ /bden pa de gnyis la brten nas 'jug pa'i tshig de ni bden pa'i tshig ces gsungs so/ /de ltar yang dbu ma'i rtsa ba las 'phags pa klu sgrub zhabs kyis gsungs pa/ sangs rgyas rnams kyis chos bstan pa/ /bden pa gnyis la yang dag brten//'jig rten kun rdzob bden pa dang / /dam pa'i don gyi bden pa'o/ /gang dag bden pa de gnyis kyi/ /rnam dbye rnam par mi shes pa/ /de yis sangs rgyas bstan pa yi/ /zab mo'i de nyid rnam mi shes/ /zhes so/ /de yang bden par smra ba ste zhes pa ni bden pa ni yang dag pa stong pa nyid kyi rang bzhin no//de ltar smra ba'i tshul dang gang ldan pa de ni bden par smra ba ste zhes pa'o/ /bden pa bzhi ni ston pa po/ /zhes pa ni/ de la bden pa ni shes bya kun mdor bsdus pa'i mtshan nyid rnams te bden pa bzhi'o/ /sdug bsngal gyi bden pa ni phung po la sogs pa la phyin ci log pa'i mtshan nyid de/'phags pa dang mi mthun pa'i phyir ro/ /kun 'byung ba'i bden pa ni mdor bsdu na ji skad gsungs pa'i sdug bsngal nyid ma rig pa'i rkyen gyis 'du byed la sogs pa'i rkyen nyid kyis bden pa ste/ sdug bsngal gyi rgyu nyid kyi phyir ro/ /'gog pa'i bden pa ni ji lta ji ltar brtags pa'i chos thams cad ji ltar skye ba med pa'i mtshan nyid kyi phyir bcom ldan 'das so//gti mug gi mi mthun pa'i phyogs kyi gnyen por gyur pa de rtogs pa yang lam gyi bden pa ste/ rdzogs pa'i byang chub yongs su rdzogs par byed pa byams pa'i mthus gtong ba la sogs pa ste/ de rnams ston pa ni bden pa bzhi ston pa po'o/ /phyir mi ldog pa phyir mi 'ong / /'dren pa rang rgyal bse ru'i tshul/ /zhes pa ni/ de la phyir mi ldog pa ni bla na med pa yang dag par rdzogs pa'i byang chub las phyir mi ldog pa gang yin pa de ni phyir mi ldog pa zhes gsungs so/ /ji ltar nyan thos kyi rigs ltar phyir mi ldog cing de la gsal bar byed pas na phyir mi ldog pa ste/sa brgyad pa mi g.yo ba la lung bstan pa thob pa'i phyir ro/ /phyir mi 'ong ba ni dad pa dang mthong bas thob pa de las gang zhig 'dod pa na spyod pa'i nyon mongs pa rnam pa dgu byang ba de ni phyir mi 'ong ba zhes gsungs so//de ltar yang gsungs pa/ 'dod pa'i rnam pa brgyad dang ni/ /dgu pa yang ni zad pa yis/ /lan cig phyir ni 'ong ba dang / /gang zag phyir mi 'ong ba skye/ /zhes so/ /rang sangs rgyas ni rnam pa gnyis te/ bse ru lta bur spyod pa dang / tshogs na spyod pa'o/ /de la bse ru lta bu'i dbang du byas nas gsungs pa/bse ru zhes pa ni bse ru dang 'dra bas bse ru ste/ bse zhes pa ni sems can bse nyid de/ de ni mgo la rwa gcig kho nar 'gyur ro/ /de dang 'dra ba'i phyir na sangs rgyas gcig pur ston pas bse ru'i tshul zhes gsungs so/ /'dren pa rang rgyal ni tshogs na spyod pa'o//so so re rer gtso bo yin pas 'dren pa ste/ tshogs na spyod pa nyid kyi phyir ro/ /nges 'byung sna tshogs las byung ba/ /'byung ba chen po rgyu gcig po/ /zhes pa ni/ de la/ nges 'byung sna tshogs las byung ba/ /zhes pa la nges 'byung sna tshogs ni nyan thos la sogs pa'i mya ngan las 'das pa'o//de rnams kyis nges par 'byung bas na nges 'byung ste/ gang zhig gdul bya'i sems can rnams kyi sems kyi rgyud la de'i gzugs su 'byung ba so sor snang ba nyid kyi phyir ro/ /'byung ba chen po rgyu gcig po/ /zhes pa ni/ de la 'byung ba ni sa la sogs pa bzhi'o/ /nam mkha' yang 'byung ba chen po nyid kyi phyir na 'byung ba chen po lnga yin pa las bzhi zhes gsungs pa ci'i phyir zhe na/de rnams ni chen po yang yin la 'byung ba yang yin pas 'byung ba chen po ste/ nam mkha'i yul dang phyogs la rgyas par mnan nas gnas pa'i phyir na sa'i khams la sogs pa chen po nyid do/ /yang sa'i khams la sogs pa bzhi po de rnams ni thun mong ma yin pa'i las kyi khyad par las 'byung ba nyid kyi phyir na 'byung ba nyid do//de bas nam mkha' ni chen po nyid du yod de/ gzugs thams cad skye ba'i go 'byed pa nyid kyi phyir ro/ /'byung ba nyid ni ma yin te/ 'dus ma byas pa nyid kyi phyir dang /gang gi phyir 'byung ba'i don ni dngos po'i don yin pas na/ de'i phyir nam mkha' ni 'byung ba chen po ma yin no/ /de'i phyir na 'byung ba chen po ni bzhi kho na'o/ /'byung ba chen po bzhi po de dag ni rgyu ste byed rgyu gcig bu gnyis su med pa gang yin pa de ni de la de ltar gsungs so//dge slong dgra bcom zad pa zad/ 'dod chags bral bas dbang po thul/ /zhes pa ni/ de la dge slong ni chos mngon pa las dge slong bzhi brjod de/ 'di lta ste ming gi dge slong dang / slong ba'i dge slong dang / bcas pa'i dge slong dang / /don dam pa'i dge slong ngo / /bzhi po de rnams las 'di ni don dam pa'i dge slong ste/nyon mongs pa dang bral ba nyid kyi phyir dang / bdud thams cad kyis mi phyed pa'i phyir ro/ /dgra bcom pa zhes pa ni dgra ni nyon mongs pa ste/ de rnams bcom pa dang ldan pas na dgra bcom pa'o/ /'khor bar slar nyams par mi 'gyur ba'i chos nyid kyis sam/don ma lus par yongs su rdzogs pa'i phyir gzhan rnams la rjes su ston par byed pa 'os par nus pa zhes pas sam/ sangs rgyas dang chos dang dge 'dun dkon mchog tu 'os pa zhes pas sam/ khams gsum gyi gtso bo rnams kyis rnam pa du mas mchod par bya bar 'os pa zhes pas sam/bla na med pa'i de bzhin gshegs pa rnams la sgrub pa'i mchod par 'os pa'i phyir na dgra bcom pa zhes bshad de/ bcom ldan 'das so/ /zag pa zad pa zhes pa ni/ de la mi dge ba'i chos kyi rtsa ba bzhi ni zag cing skye bar byed pa'i phyir ram/ /nyon mongs pa'i rnag zag pa zhes bya ste/srid pa'i rtse mo nas bzung nas ji tsam mnar med pa'i bar du skye mched drug gi rma nas sems can rnams nyon mongs par byed/ gnod par byed pas nyon mongs pa'i zag pa rnams so/ /gzugs la sogs pa'i yul lnga dang / ma rig pa dang lhan cig skyes pa dang kun tu brtags pa las byung ba'i rang bzhin gyis yongs su brtags pa nyid dang /lta ba drug cu rtsa gnyis rnams ni ma rig pa zhes bya'o/ /'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa rnams zhes gsungs so/ /mi slob pa'i tshul khrims dang /ting nge 'dzin gyi phung pos ni 'dod pa'i zag pa zad do/ /mi slob pa'i shes rab kyi phung pos ni lta ba'i zag pa zad do/ /mi slob pa'i rnam par grol ba'i phung pos ni srid pa'i zag pa zad do/ /mi slob pa'i rnam par grol ba'i ye shes kyi phung pos ni ma rig pa'i zag pa zad do/ / tshul khrims yongs su rdzogs pa'i sa la'am/ mthong ba'i sa la yang dag par lta bas ni lta ba'i zag pa zad do/ /ting nge 'dzin yongs su rdzogs pa'i sa la'am/ phyir mi ldog pa'i lam la yang dag pa'i ting nge 'dzin gyis 'dod pa'i zag pa zad do/ /shes rab yongs su rdzogs pa'i sa la'am/dgra bcom pa'i lam la yang dag pa'i rnam par grol bas ni ma rig pa'i zag pa zad do/ /rnam par grol ba yongs su rdzogs pa'i sa la'am/ zad pa dang mi skye ba'i ye shes gnyis kyis srid pa'i zag pa zad do/ /dgra bcom pa'i lam la'am/ /'dod pa'i nyon mongs pa yongs su shes pa'i phyir na 'dod pa'i zag pa zad do//'du byed kyi phung po yongs su shes pa'i phyir na ma rig pa'i zag pa zad do/ /ma rig pa'i rkyen gyis 'du byed pa'i phyir ro/ /nyon mongs pa'i phung po yongs su shes pa'i phyir na lta ba'i zag pa zad do/ /phung po'i rdzas yongs su shes pa'i phyir na srid pa'i zag pa zad do//sdug bsngal gyi bden pa yongs su shes pa'i phyir na lta ba'i zag pa zad do/ /lta ba thams cad nye bar len pa'i phung po lnga la dmigs pa yin no/ /sdug bsngal gyi bden pa dang / kun 'byung gi bden pa thams cad spangs pa'i phyir na 'dod pa'i zag pa zad do//'gog pa'i bden pa mngon du byas pa'i phyir na srid pa'i zag pa zad do/ /lam gyi bden pa bsgoms pa nyid kyis ma rig pa'i zag pa zad do/ /'dod pa'i zag pa spangs pa'i phyir na lha'i bu'i bdud bcom par gyur to/ /srid pa'i zag pa zad pa'i phyir na 'chi bdag gi bdud bcom par gyur to//ma rig pa spangs pa'i phyir na nyon mongs pa'i bdud bcom par gyur to/ /lta ba'i zag pa zad pa'i phyir na phung po'i bdud bcom par gyur to/ /bdud bzhi las mchog tu rgyal bas bcom ldan 'das 'jam dpal ni zag pa zad do zhes so/ /de'i phyir zag pa 'di dag zad pa gang yin pa de la de skad ces bya'o//'dod chags bral ba zhes pa 'dis ni khams gsum na kun du gnas pa'i nyon mongs pa rnams 'phags pa'i bden pa bzhi rnam pa bcu drug gi dbye bas nyon mongs pa rnam pa dgu bcu rtsa brgyad mthong ba dang bsgom pa'i lam gnyis kyis spangs pa'i phyir/'dod chags dang bral ba zhes gsungs so/ /de nyid kyi phyir na dbang po thul zhes pa ste/ spyod yul thams cad kyis zil gyis mi gnon pa nyid kyi phyir ro/ /bde ba rnyed pas 'jigs med thob/ /bsil bar gyur pas rnyog pa med/ /ces pa ni/ de la bde ba rnyed pa ni bde ba ni lus kyi las te/de rnyed pa gang yin pa de ni bde ba rnyed pa'o/ /'jigs pa ni skrag pa ste/ gang la de med pa ni 'jigs pa med pa'o/ /'jigs pa med pa ngag gi las te/ ngag gi las kyi tshig thams cad skyon med pa'i phyir ro/ /ngag gi las thob pa ni 'jigs med thob pa'o/ / bsil bar gyur pa ni 'dis bsil ba ste/ zhi ba nyid kyis bdag nyid sems g.yo ba las thams cad med par gzigs te/ dang po 'dod chags la sogs pas zil gyis gnon par gyur la phyis de spangs pa'i phyir na bsil bar gyur pa'o/ /de nyid kyis lus ngag yid skyo ba med pa'i phyir na rnyog pa med ces gsungs so//rig pa dang ni rkang par ldan/ /bde gshegs 'jig rten rig pa'i mchog /ces pa la/ de la rig pa dang rkang par ldan ni/ des ni ye shes sems dpa' de ston pa phun sum tshogs pa thob pa'i rgyu ston par byed de/ rig pa dang rkang pa ni 'phags pa'i lam yan lag brgyad las yang dag pa'i lta ba ni rig pa ste/yan lag gzhan ni rkang pa'o/ /ma mthong zhing rkang pa med na 'gro bar mi nus zhes bya bas so/ /bslab pa gsum ni rig pa dang / rkang pa ste/ lhag pa shes rab kyi bslab pa dang / lhag pa tshul khrims kyi bslab pa dang / lhag pa sems kyi bslab pa'o//de la shes rab ni rig pa'o/ /gnyis ni rkang pa'o/ /shes rab kyis sngon du byas nas bskyod pa ni rkang pa zhes bya'o/ /rig pa sngon du gzung ngo / /de yongs su dag pa'i tshul khrims dang / ting nge 'dzin yongs su dag pa ste/ 'di ltar shes rab kyi spyan nyid kyis bltas nas tshul khrims dang ting nge 'dzin rkang pa dang 'dra bas 'di dag gis 'gro zhing bgrod par bya bas mthun par bslabs pas na rig pa dang /rkang pa'i sgras bslab pa gsum nges par bstan pa yin no/ /de'i phyir rig pa la sogs pa dang ldan pas/ rig pa dang ni rkang par ldan/ /zhes gsungs so//bde gshegs zhes bya ba des kyang ji ltar bgrod par bya ba dang / 'gro ba la ston te/ shin tu legs par 'gro bas bder gshegs te/ phyir mi ldog pa'i don gyis na ste/ dper na tsha ba'i nad shin tu byang ba bzhin no/ /yang na lus pa med par gshegs pas na bder gshegs te/shes bya ma lus par shes pa'i don gyis na ste/ dper na bum pa legs par gang ba bzhin no/ /don de gnyis ni phyi rol pa dang nyan thos la sogs pa las khyad par du gyur pa'o zhes pa'i don to/ /ci'i phyir zhe na/ phyi rol pa ni mthar thug par gshegs pa ma yin te/ phyir ldog pa'i phyir ro//nyan thos la sogs pa rnams ni so so'i skye bo'i skal pa dang mi ldan pa'i phyir mthar thug par song ba yin kyang ma lus par song ba ma yin te/ shes bya thams cad la ye shes thogs pa'i phyir ro/ /de ltar rig pa dang rkang par ldan pa dang / legs par dang / ma lus par gshegs pa ston pa phun sum tshogs pa bcom ldan 'das ye shes sems dpa' yin zhes ston pa'o//ston pa de'i phrin las ni/ 'jig rten rig pa'i mchog ces pa'i tshig gnyis kyis ston te/ de yang ston pa'i las rnam pa gnyis te/ skal pa dang ldan pa dang / skal ba dang mi ldan pa'i 'jig rten la gzigs pa dang /skal ba dang ldan pa 'dul ba'o/ /de la 'jig rten rig pa zhes pa des ni skal ba dang ldan pa dang / skal ba dang mi ldan pa'i 'jig rten la gzigs pa ston to/ /'jig rten rtogs pa ni 'jig rten rig pas te/ skal ba dang ldan pa dang skal pa dang mi ldan pa'i 'jig rten yongs su shes pa'i phyir na de ni 'jig rten rig pa zhes bya'o//'di lta ste/ bcom ldan 'das 'jam dpal gyis nyin lan gsum mtshan lan gsum du shes rab kyi spyan gyis gzigs te/ su ni rgud/ su ni 'byor/ su ni ngan song la gzhol/ gang zhig ngan song las bton te mtho ris dang thar pa 'di la gzhag /gang gis dge ba'i rtsa ba ma bskrun pa de bskrun par bya ba dang / gang dge ba'i rtsa ba bskrun pa rnams yongs su rdzogs par bya ba dang / gang yongs su ma smin pa rnams yongs su smin par bya'o zhes pa'o/ /de nyid kyi phyir na mchog ste/ dam pa ni bcom ldan 'di'o/ /bdag gir mi 'dzin ngar mi 'dzin/ /bden pa gnyis kyi tshul la gnas/ /zhes pa ni/ de la bdag gir mi 'dzin pa zhes pa'i tshig des ni gzung ba'i phyogs bkag pa'o/ /ngar mi 'dzin zhes bya ba des kyang 'dzin pa'i phyogs bkag pa ste/ de gnyis kyang log par so sor snang ba'i phyir ro//de ltar 'phags pa klu sgrub snying po'i zhabs kyis rin po che'i phreng ba las gsungs pa/ bdag dang bdag gi gnyis ka yang / /don dam par ni 'di dag log /yang dag ji bzhin yongs shes pas/ /gang phyir gnyi ga med pas so/ /zhes so/ / bden pa gnyis kyi tshul la gnas/ /zhes pa'i don ni bshad zin to/ /'khor ba'i pha rol mthar son pa/ /bya ba byas pa skam sar gnas/ /zhes pa ni/ de la/ 'khor ba'i pha rol mthar son pa/ /zhes des 'di ltar ston te/ 'khor ba ni dngos po'i rang bzhin te/ nye bar len pa'i phung po lnga nyid yin pa'i phyir nye bar len pa'i phung po lnga ni nyon mongs pa dang /las kyis 'brel zhing 'gro ba dag tu 'gro zhing song la/ 'gro bar byed pas na 'khor ba pa zhes gsungs so/ /'khor ba ni tshu rol/ de'i pha rol ni mya ngan las 'das pa ste/ de'ang dngos po med pa'i ngo bo'o/ /'khor ba dang pha rol ni 'khor ba dang pha rol gnyis te/de gnyis kyi mtha' ni 'khor ba dang pha rol gyi mtha'o/ /de la gnas pas na 'khor ba'i pha rol mthar son pa'o/ /des 'di gsungs par 'gyur te/ dngos po dang dngos po med pa'i rang bzhin gnyis la bcom ldan 'das 'jam dpal de ni kun rdzob tu gnas pa ste/don dam par ni ma yin no/ /ci'i phyir zhe na/ de gnyis kyi chos phra ba nyid kyang mi dmigs pa'i phyir ro/ /de ltar gsungs pa/ mya ngan las 'das mtha' ma gang / 'khor ba'i mtha' ma de nyid de/ /de gnyis bye brag 'ga' zhig kyang / /shin tu phra ba yang med do/ / zhes so/ /bya ba byas zhes pa ni gdon mi za bar bya ba ni bya ba zhes gsungs so/ /de la tshul khrims dang / ting nge 'dzin dang / shes rab yongs su bsags pas sdug bsngal thams cad las rnam par grol ba ni las kyi gtso bo ste/ de yongs su rdzogs pas na bya ba byas zhes gsungs so//'dod pa chung bas 'jug pa dang / yan lag bsdams pas 'jug pa dang / yang dag par chags par bya ba bsdams pa zhes bya ba la sogs pa bsdams pa'i khyad par rnams rdzogs par bya ba ni byas pa ste/ 'dis ni de ni bya ba byas par bstan to/ /skam sar gnas zhes pa ni skam sa ni mya ngan las 'das pa ste/bde ba'i gnas nyid kyi phyir ro/ /de la gnas pa ni thams cad chos kyi sku'i rang bzhin nyid kyi phyir dang / gnyis su med pa'i chos nyid la cher gnas pa'i phyir ro/ /ye shes 'ba' zhig las byung ba zhes pa ni/ de la 'ba' zhig ni dag pa ste/ de 'byung ba 'ba' zhig pa'o//de las skyes pa'i ye shes so/ /'ba' zhig kyang de yin la ye shes kyang de yin pas ye shes 'ba' zhig kyang de'o/ /de las skyes pa ni de las byung ba ste/ de de ltar gsungs so/ /shes rab mtshon chas rnam 'joms pa/ /zhes pa ni/ de la shes rab ni chos rab tu rnam par 'byed pa'i mtshan nyid kyi bdag nyid do//de nyid mtshon cha ste nyon mongs pa thams cad gcod pa'i phyir ro/ /shes rab kyi mtshon des chos thams cad la spong ba dang blang ba'i rnam par 'byed pa shes pas na de la de ltar gsungs so/ /dam chos chos rgyal gsal bar ldan/ / 'jig rten snang bar byed pa'i mchog /ces pa ste/ de la dam pa'i chos ni gnyis te/ gtso bo ma yin pa dang gtso bo'o/ /de la dam pa rnam pa gnyis kyi chos ni dam pa'i chos te/ dam pa ni sangs rgyas dang byang chub sems dpa' rnams so/ /de rnams kyi chos ni gsung rab yan lag bcu gnyis so//de la yan lag bcu gnyis ni 'di lta ste/ mdo'i sde dang / dbyangs kyis bsnyad pa'i sde dang / tshigs su bcad pa'i sde dang / /lung du bstan pa'i sde dang / ched du brjod pa'i sde dang / rtogs pa brjod pa'i sde dang / skyes pa rabs kyi sde dang /chos rmad du byung ba'i sde dang / gling gzhi'i sde dang / shin tu rgyas pa'i sde dang / gtan la phab pa'i sde dang / da ltar dang 'das pa'i sde zhes bya ba yan lag de rnams yi ge rab tu gsal bas glegs bam la gnas pa ni gtso bo ma yin pa'i chos so zhes gsungs so/ /gtso bo'i chos ni chos rgyal zhes pa ste/chos kyi dbyings kyi rang bzhin ni brjod par bya ba dang / rjod par byed pa dang bral ba nyid kyi phyir ro/ /de ni shes par byar med de/ 'di ltar shes rab sum brgya pa nas gsungs pa/ sangs rgyas rnams ni chos nyid lta/ /'dren pa rnams ni chos kyi sku/ / chos nyid yang ni shes bya min/ /de ni shes par mi nus so/ /zhes so/ /de'i phyir na yang gsungs pa/ gsal bar ldan zhes pa ste/ chos de gnyis ka yang ma rig pa'i phyi nang gi mun pa sel bar byed pa'i phyir ro/ /'jig rten snang bar byed pa'i zhes pa ni 'jig rten pa'i mi shes pa'i mun pas bsgribs pa rnams la ji ltar kun du gnas pa'i chos rab tu bstan pa'i phyir na 'jig rten snang bar byed pa'o//de yang mchog ste gtso bo ni bcom ldan 'das de nyid do/ /chos kyi dbang phyug chos kyi rgyal/ /legs pa'i lam ni ston pa po/ /zhes pa ni/ de la chos kyi dbang phyug ni dge ba bcu'i las kyi lam gyis chos rnams la dbang byed pas na chos kyi dbang phyug go//de ltar yang gsungs pa/ mi dge bcu la mi 'jug dang / /rtag tu dge la rab tu 'jug /sems kyi las dang lus ngag gi /chos 'di rnam pa gsum du 'dod/ /ces so/ /chos kyi rgyal ni phyi nang gsang ba'i theg pa rnam pa gsum du dbye bas phye ba'i chos kyi rgyal po bas chos kyi rgyal po'o//legs pa'i lam ni ston pa po ni legs pa nyid kyi lam ni legs pa'i lam ste/ de so sor sgrub par byed pa'i chos ni legs pa'i lam du gsungs so/ /ston par byed pa ni legs pa'i lam ni ston pa po ste/bcom ldan 'das so/ /de ltar yang rin po che'i phreng ba las gsungs pa/ nges par legs pa'i chos kyang ni/ /phra dang zab mo ston byed pa/ /byis pa thos dang mi ldan rnams/ /rgyal bas gsungs la skrag par byed/ /ces so/ /don grub bsam pa grub pa ste/ /kun du rtog pa thams cad spangs//zhes pa ni/ de la don du gnyer bas na don te gzugs la sogs pa'i yul lo/ /de yang gzung ba dang 'dzin pa'i dngos pos 'jig rten pa la shin tu grags te/ don yang de yin la grub pa yang de yin pas don grub po/ /'di ni phyi'i don nyid du rnam par rtog pa goms pa rnams kyi gzugs la sogs pa dang /bdag dang spyi dang / yon tan dang / bya ba la sogs pa'am/ mtshan nyid rnams la de kho na nyid du mngon par zhen pa ni kun du brtags pa'i ngo bo nyid do/ /de ltar slob dpon dbyig gnyen zhabs kyis gsungs pa/ rnam par rtog pa gang gang gis//dngos po gang gang rnam brtags pa/ /de nyid kun du brtags pa yi/ /ngo bo nyid de de med do/ /zhes so/ /bsam pa grub pa ni bsam pa nyid pas bsam pa'o/ /bsam pa yang de yin la grub pa yang de nyid yin pas bsam pa grub pa ste/ gzhan dbang gi ngo bo nyid do/ /rgyu dang rkyen dag la rag las pas na gzhan dbang ngo //de ltar yang dge ba dang mi dge ba dang mi g.yo ba dang 'du byed la sogs pa bag chags rnam pa mang po rjes su 'brang bar rang gi byed rgyu'i tshogs las skad cig so so la skye bar 'gyur ba'i de kho na nyid la rmongs nas gnyis su snang ba'i sems dang sems las byung ba'i rtog pa'i mtshan nyid kyi gzhan gyi dbang gang yin pa mi rtag pa nyid dang rgyu nyid de/yul nyid du rnam par rtog pa de ni gzhan dbang ngo / /'di ltar gsungs pa/ gzhan gyi dbang gi ngo bo nyid/ /rnam rtog yin te rkyen las byung / /zhes so/ /kun du rtog pa thams cad spangs/ /zhes pa ni yongs su grub pa'i ngo bo nyid de/gzhan dbang 'di rang bzhin gyis lam rnam par dag pa'am/ sgrib pa'i dri ma thams cad dang bral ba gnyis su med pa'i stong pa ni yongs su grub pa'i ngo bo nyid do/ /de ltar yang gsungs pa/ grub ni de la snga ma'o/ /rtag tu med par 'gyur de yin/ /zhes so/ / de'i phyir na ngo bo nyid rnam pa gsum ste/ bcom ldan 'das de bzhin gshegs pa thams cad kyi ye shes sems dpa'o/ /rnam par mi rtog dbyings mi zad/ /chos dbyings dam pa zad mi shes/ /zhes pa ni/ de la rnam par mi rtog pa ni yongs su grub pa'i ye shes la rnam par rtog pa med pa'i phyir ro//de ltar yang gsungs pa/ rnam par rtog las ma gtogs pa/ /'khor ba zhes bya yod ma yin/ /de phyir rtog dang mi ldan pa/ /rtag tu khyod ni mya ngan 'das/ /zhes so/ /dbyings zhes pa ni skye ba dang ldan pa'i 'du byed thams cad kyi rgyu'i dngos po nyid kyi phyir ro//'dir ni dbyings kyi don ni rgyu'i don to/ /mi zad ces pa ni stong pa nyid de/ nam mkha' dang mnyam pa nyid kyi phyir ro/ /chos dbyings ni 'phags pa'i chos rnams de la dmigs na skye ba nyid kyi phyir ro/ /dam pa zhes pa ni phyi rol pa dang nyan thos la sogs pa las khyad par nyid kyi phyir ro//zad mi shes pa ni 'dus ma byas pa nyid kyi phyir ro/ /bsod nams ldan pas bsod nams tshogs/ /ye shes ye shes khyad par che/ /zhes pa ni/ de la gso zhing gnas pas na bsod nams te/ de de la yod pas bsod nams ldan pa'o/ /bsod nams tshogs ni yang dag par bsags pa de ni tshogs te/bsod nams kyi tshogs ni bsod nams kyi tshogs so/ /de'i phyir na 'dir tshig gnyis kyis 'di ltar gsung bar 'gyur la/ 'jig rten dang 'jig rten las 'das pa'i bsod nams kyi tshogs dang mi ldan pa ma yin no zhes pa'i don to/ /ye shes zhes pa ni phyi rol pa dang nyan thos la sogs pa'i ye shes so//ye shes khyad par zhes pa ni phyi rol pa dang / nyan thos la sogs pa'i ye shes de las gzhan pa'i ye shes ni ye shes khyad par te/ shin tu rnam par dag pa'i chos kyi dbyings kyi ye shes so/ /ye shes der ma gtogs pa ni sems yin te/ phyi'i don ni tshad ma dang 'gal ba'i phyir dang /tshad ma dang 'gal ba yang rgyas par sgrub pa'i phyir ro/ /kye rgyal ba'i sras khams gsum po 'di ni sems tsam mo zhes lung las 'byung ba'i phyir dang / dngos po thams cad mthong ba yang tshad ma thams cad dang 'gal ba'i phyir ye shes khyad par can te/de nyid kyi phyir na che ba zhes pa ste ma lus shing lus pa med pa'i sems can gyi khams gsum yongs su bskyab pa'i bsam pa can gyi phyir ro/ /ye shes ldan pa yod med shes/ /tshogs gnyis tshogs ni bsags pa po/ /zhes pa ni/ de la ye shes ldan pa ni de 'dra ba'i dngos po'i ye shes dang gang ldan pa de ni ye shes ldan pa'o//yod med shes pa ni yod pa dang med pa ni yod med do/ /de gnyis shes pa ni yod med shes pa'o/ /de de la yod pas na yod med shes te/ de ltar slob dpon 'phags pa lha'i zhabs kyis gsungs pa/ yod med yod med ces pa ni//phyogs gnyis la yang yod min la/ /nye bar dmigs pa ring nas kyang / /de ni brjod par nus pa min/ /zhes so/ /tshogs gnyis tshogs ni bsags pa po ni gong du gsungs pa'i tshogs gnyis bsags pa ste/ yongs su rdzogs pa zhes pa'i don to/ /rtag pa kun rgyal rnal 'byor can//bsam gtan bsam bya blo ldan mchog /ces pa ni/ de la rtag pa ni rgyun gyi rtag pa 'khor ba ji srid kyi bar du gnas pa'i phyir te/ chos kyi dbyings kyi rang bzhin gyis mi 'da' ba'o zhes pa'i don to/ /kun rgyal zhes pa ni/ kun ni 'gro ba sna tshogs te/ rgyal ba ni snang ba'i don to//kun gyi rgyal po ni kun te g.yo ba dang mi g.yo ba'i dngos po thams cad kyi rang bzhin gyi phyir ro/ /rnal 'byor can ni/ ye shes tsam la snyoms zhugs pa/ rnal 'byor zhes ni bshad pa yin/ /zhes pa'i tshig gi phyir na/ rnal 'byor ni gnyis su med pa'i ye shes so/ / de de la yod pas na rnal 'byor can no/ /bsam gtan ni bsam gtan bzhi'i bdag nyid kyi phyir ro/ /bsam bya ni bsam par bya ba'i yul nyid kyi phyir ro/ /blo ldan mchog ni blo gros so/ /blo rnams kyi mchog ni gtso bo ste/ de bzhin gshegs pa thams cad kyi ye shes kyi sku'i rang bzhin nyid kyi phyir ro//so so rang rig mi g.yo ba/ mchog gi dang po sku gsum 'chang / /zhes pa ni so so rang gis rig par bya bas na so so rang rig ste/ chos kyi dbyings kyi ye shes kyis rang rig pa nyid kyi phyir ro/ /dper na bu mo shin tu dga' ba'i bde ba bzhin du gzhan rnams la bstan par mi 'byor pa'i phyir ro//de ltar yang gsungs pa/ gcig min du ma ma yin bdag dang gzhan la phan pa phun tshogs chen po'i gzhir gyur pa/ /dngos dang dngos med ma yin nam mkha' bzhin du ro mnyam rtogs dka'i rang bzhin can/ /gos pa med cing mi 'gyur gzhi la mi mnyam mnyam la khyab pa po ste spros med pa//so so rang rig dpe med rgyal ba rnams kyi chos sku de la bdag ni phyag 'tshal lo/ /zhes so/ /de nyid kyi phyir na mi g.yo ba zhes pa ni gang gi phyir zhes pa'i don to/ /de nyid kyi phyir na yang bcom ldan 'das 'jam dpal de nyid mi g.yo ba ste/ rtog pa kun gyi yul ma yin pa nyid kyi phyir ro//mchog gi dang po ni dang po'i dngos po ste/ mchog kyang de yin la dang po yang yin pas mchog gi dang po'o/ /de ni bcom ldan 'das dpal rdo rje sems dpa'o/ /sku gsum 'chang ni sku gsum ni chos dang longs spyod rdzogs pa dang sprul pa'i mtshan nyid can gyi sku gsum rnams so//de dag 'dzin pas na sku gsum 'chang ngo / /sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can/ /spyan lnga chags pa med pa 'chang / /zhes pa ni/ de la sangs rgyas ni bshad zin to/ /sku lnga'i bdag nyid ces pa ni ngo bo nyid dang longs spyod rdzogs pa dang /rnam par smin pa dang / sprul pa dang / chos kyi sku'i bdag nyid rnams te sku lnga'o/ /de'i bdag nyid kyi rang bzhin gang dang ldan pa de ni sku lnga'i bdag nyid can no/ /khyab bdag ni bshad zin to/ /ye shes lnga'i bdag ni me long lta bu dang /mnyam pa nyid dang / so sor kun du rtog pa dang / bya ba grub pa dang / shin tu rnam par dag pa'i chos kyi dbyings kyi ye shes de dag ni ye shes lnga'o/ /de rnams kyi bdag nyid kyi rang bzhin dang gang ldan pa de ni ye shes lnga'i bdag go/ /sangs rgyas lnga bdag cod pan can ni mi bskyod pa dang /rin chen 'byung ldan dang / snang ba mtha' yas dang / don yod grub pa dang / rnam par snang mdzad rnams ni sangs rgyas lnga'o/ /de nyid kyi bdag nyid dang de'i rang bzhin gyis dbu rgyan dang gang ldan pa de ni sangs rgyas lnga bdag dbu rgyan can no/ /spyan lnga ni sha dang / lha dang /shes rab dang / chos dang / sangs rgyas kyi spyan rnams gang la mnga' ba de ni spyan lnga'o/ /de nyid kyi phyir na chags pa med pa 'chang ste/ shes bya thams cad la chags pa med pa dang / thogs pa med la 'khrul pa med par gzigs pa gang yin pa de ni chags pa med pa gzigs pa'o//de ltar chos mngon pa las gsungs pa/ dgra bcom bse ru ston rnams kyis/ /stong gnyis gnyis dang grangs med mthong / /zhes so/ /sangs rgyas thams cad skyed pa po/ /sangs rgyas sras po dam pa'i mchog /ces pa ni/ de la sangs rgyas thams cad skyed pa po ni 'byung ba po ste/sangs rgyas thams cad kyi byang chub kyi sems kyi rang bzhin gyi phyir ro/ /de ltar yang de nyid 'dus pa las gsungs pa/ byung dang 'byung bar 'gyur ba yi/ /de bzhin gshegs rnams khyod la brten/ /zhes so/ /sangs rgyas sras po ni sgrib pa'i bag chags thams cad las rnam par grol ba rnam pa thams cad du chos thams cad mkhyen pa dang /sems can thams cad kyi rten du gyur pa'i dngos po rnam par rtog pa med pa'i ye shes kyi khyad par ni sangs rgyas te/ de'i sras po ni sangs rgyas sras po ste/ sras ni bdag las skyes pas so/ / de'ang bdag nyid ni don dam par de bzhin nyid las rab tu byung ba'am/ rtog pa med pa'i ye shes so sor rtog pa las byung bas na sangs rgyas su bshad de/ don des byang chub sems dpa' ni sangs rgyas sras zhes gsungs so/ /dam pa ni rab nyid kyi phyir ro/ /mchog ni mngon par 'gro bar bya ba rnams kyi nang na ma nor ba mchog nyid do//shes rab srid 'byung skye gnas nyid/ /chos kyi 'byung gnas srid pa sel/ /zhes pa ni/ de la shes rab ni chos rab tu rnam par 'byed pa ste/ de yang 'jig rten las 'das pa'i chos dang gang zag gnyis kyis rnam par dben pa'o/ /shes rab srid pa ni dag pa'i phung po lnga ste/tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rnams so/ /de rnams las 'byung ba ni shes rab srid 'byung zhes bcom ldan 'das la gsungs so/ /skye gnas ni byed rgyu ste/skye ba dang ldan zhing bsgrub bya dang ldan pa'i chos rnams kyi skyed byed de/ chos rnams 'byung ba zhes pa la/ chos rnams kyi skye gnas ni chos kyi 'byung gnas te/ chos ni zag pa med pa'i dge ba'i las kyi lam rnams so/ /de rnams kyi 'byung ba'i gnas ni rgyu zhes pa'i don to//srid pa sel ni srid pa ni 'khor ba ste/ de mthar byed pa ni srid mthar byed do/ /gcig pu sra mkhregs rdo rje'i bdag /skyes ma thag tu 'gro ba'i bdag /ces pa ni/ de la gcig pu sra mkhregs ni gcig pu sra ba yang de yin la mkhregs pa yang de yin pas gcig pu sra mkhregs so//sra ba ni brtan pa ste bar chad med pa de nyid kyi phyir ro/ /mkhregs pa ni nyon mongs pa'i dri ma med pa'i phyir ro/ /de nyid kyi phyir na rdo rje'i bdag ces pa ste/ rdo rje lta bu'i ye shes mi phyed pa nyid kyi phyir ro/ /de'i bdag nyid kyi rang bzhin gang dang ldan pa de rdo rje'i bdag ste/de bzhin gshegs pa thams cad kyi ye shes kyi sku nyid kyi phyir ro/ /skyes ma thag ni gang dang gang du sems can gyi don mthong ba de dang der skad cig nyid la skye ba yongs su bzhes pa'i phyir na skyes ma thag ces gsungs te/ skye ba la dbang thob pa'i phyir ro/ /'gro ba'i bdag ni 'gro ba rnams kyi bdag po ni 'gro ba'i bdag ste/'gro ba'i rje bo zhes pa'i don te/ de rnams kyi phun sum tshogs pa thams cad kyi rten yin pa'i phyir na/ nam mkha' las byung rang byung ba/ /shes rab ye shes me bo che/ /zhes pa ni/ de la nam mkha' las byung ba ni nam mkha' ni stong pa nyid kyi ye shes te/de las byung bas nam mkha' las byung ba'o/ /rang byung ni rang byung bas na rang byung ste/ byang chub sems rdo rje'i bdag nyid yin pa'i phyir ro/ /shes rab ye shes me bo che/ /zhes pa ni/ shes rab ni gnyis su med pa'i ye shes kyi mtshan nyid ni shes rab ye shes te/rtog pa med pa'i bdag nyid kyi ye shes so/ /de nyid me ste bag chags dang bcas pa'i nyon mongs pa'i bud shing sreg par nus pa nyid kyi phyir ro/ /che zhes pa ni sa dang / chu dang / me dang / rlung dang / mchod sbyin bya ba dang / nam mkha' dang / nyi ma dang / zla ba zhes pa brgyad kyi spyi gzugs nyid pas chen po'o//yang na ye shes dang / brtson 'grus dang / stobs dang / gzi brjid dang / nus pa dang / dbang phyug rnams te/ yon tan drug dang ldan pas so/ /'od chen rnam par snang bar byed/ /ye shes skar ma lam me ba/ /zhes pa ni/ de la 'od chen ni cher gsal bar byed pas na 'od chen te/shin tu rnam par dag pa'i ye shes kyi sgo nas te/ 'od ni shes bya gsal bar byed pas chos mthun pa'o/ /rnam par snang bar byed pa'i don ni bshad zin to/ /ye shes skar ma ni gzung 'dzin med pa'i phyir na gnyis su med pa'i ye shes de'i skar ma ni ye shes skar ma zhes bya ste/me long lta bu'i ya shes kyi rang bzhin nyid kyi phyir ro/ /lam me ba ni gsal zhing lam me ba ste/ longs spyod rdzogs pa'i skus 'gro ba kun gyi don byed pa'i phyir ro/ /'gro ba'i mar me ye shes sgron/ /gzi brjid chen po 'od gsal ba/ /zhes pa ni/ de la 'gro ba'i mar me ni 'gro ba rnams kyi mar me dang 'dra bas 'gro ba'i mar me ste/so sor kun du rtog pa'i ye shes kyi ngo bo nyid kyi phyir ro/ /ye shes sgron me zhes pa ni ye shes kyi sgron me'i 'od dang ldan pa de ni ye shes sgron te/ mnyam pa nyid kyi ye shes kyi rang bzhin no/ /gzi brjid chen po ni gzi brjid chen po'i 'od dang gang ldan pa de gzi brjid chen po ste/bya ba nan tan gyi ye shes kyi sgo nas so/ /'od gsal ba ni phul du byung bas rab tu gsal ba ste/ ye shes lnga'i bdag nyid kyi phyir ro/ /kun nas snang ba'i tshul dang ldan pa bcom ldan 'das 'jam dpal yin no/ /sngags mchog mnga' bdag rig sngags rgyal//gsang sngags rgyal po don chen byed/ /ces pa ni/ de la sngags mchog mnga' bdag ni sngags kyang de yin la mchog kyang de yin pas na sngags mchog ste/ de'i bdag ni gtso bo ste/ 'dir sngags mchog mnga' bdag ni yi ge hUM las shes par bya'o/ /de'i phyag rgya chen po'i bdag nyid kyi phyir ro//rig sngags rgyal ni rig sngags rnams kyi rgyal po ni rig rgyal te/ thams cad du rig sngags te gzungs kyi dkyil 'khor du gyur pa rnams kyis skyed pa po yin pa'i phyir ro/ /gsang sngags rgyal po ni chos kyi dkyil 'khor las gsungs pa'i gsang sngags rnams kyi rgyal po ni gsang sngags rgyal po'o//don chen byed ni don yang de yin la chen po yang de yin pas don chen no/ /de byed pas na don chen byed de las kyi dkyil 'khor las gsungs pa'i 'jig rten dang 'jig rten las 'das pa'i mchod pa ma lus pa phyi dang gsang ba dang sems las byung ba gsum gyis de bzhin gshegs pa thams cad mchod par byed pa nyid kyis gzhal du med pa'i bsod nams kyi tshogs nye bar sogs par byed pas na sems can thams cad kyi don byed pa'i phyir ro//gtsug tor chen po rmad byung gtsug /nam mkha'i bdag po sna tshogs ston//zhes pa ni/ de la gtsug tor chen po ni gtsug tor yang de yin la chen po yang de nyid yin pas na gtsug tor chen po ste/ de bzhin gshegs pa thams cad kyi gtsug tor gyi rnam pas phung por gyur cing 'phungs par gyur par rnam par gnas pa'i phyir ro/ /de bzhin gshegs pa thams cad kyi spyi gtsug yin pas de'i phyir yang gtsug tor chen po zhes gsungs so//rmad byung gtsug ni gzi brjid spungs pa'i sgo nas gang bcom ldan 'das de bzhin gshegs pa thams cad dang ye shes sems dpa' gang yin pa 'di gzi brjid kyi phung po'i sgo nas de bzhin gshegs pa thams cad kyi gtsug tor las spros pa'i rdo rje'i tshul du spyi bor gnas pa gang yin pa de ni rmad byung gtsug ces gsungs so//nam mkha' bdag po ni nam mkha' ni nam mkha' ste/ nam mkha' de'i bdag po ste stong pa nyid kyi bdag po zhes bya ba'i don to/ /de ltar yang gsungs pa/ dmigs pa dang ni bral ba'i sems//nam mkha'i mtshan nyid la gnas te/ /nam mkha' sgom par byed pa 'di/ /stong pa nyid ni bsgom par 'dod/ /ces so/ /sna tshogs ston ni 'jig rten dang 'jig rten las 'das pa thams cad kyi ting nge 'dzin gyi rang bzhin sna tshogs te/ rnam pa tha dad pa'i ting nge 'dzin dang rnam par thar pa'i sgo ston par byed pa'i tshul dang gang ldan pa de sna tshogs ston zhes pa'o//sangs rgyas kun bdag ngo bo mchog /'gro kun dga' ba'i mig dang ldan/ /zhes pa ni/ de la sangs rgyas kun bdag ngo bo mchog ni sangs rgyas kyang de yin la kun kyang de yin pas sangs rgyas kun te/rtag pa la sogs pa de rnams kyi bdag nyid ni sangs rgyas kun bdag go/ /sangs rgyas kun bdag de'i ngo bo ni rang bzhin no/ /sangs rgyas kun gyi bdag nyid kyi ngo bo yod pa ni chos kyi dbyings te/ mchog gi dngos po ni mchog nyid do/ /sangs rgyas kun bdag ngo bos de'i de bzhin nyid du ro gcig pa nyid kyis bcom ldan 'das 'jam dpal te/bcom ldan 'das de bzhin gshegs pa thams cad kyi ye shes kyi sku nyid kyi phyir ro/ /'gro kun dga' ba'i mig dang ldan/ /zhes pa ni 'gro ba thams cad dga' ba ni 'gro ba dga' ba ste/ de'i mig dang ldan pa ni bcom ldan 'das 'jam dpal te/gang gis blang ba dang / spong ba rab tu rnam par 'byed pa'i snang bas na shes rab kyi spyan no/ /sna tshogs gzugs can yid las byung / /mchod 'os brjod 'os drang srong che/ /zhes pa ni/ de la sna tshogs gzugs can ni g.yo ba dang / mi g.yo ba'i dngos po thams cad kyi rang bzhin nyid kyis na gzugs sna tshogs pa ston pa nyid kyi phyir ro//skyed pa po ni sems can thams cad ji ltar skal ba dang ldan pa'i gzugs nyid kyi sngags dang phyag rgya dang dam tshig dang dkyil 'khor thams cad bskyed pa'i phyir ro/ /drang srong che ni drang srong yang de yin la che ba yang de nyid yin pas drang srong che ste/sangs rgyas bcom ldan 'das ni drang srong che zhes so/ /mchod 'os zhes pa ni 'jig rten dang 'jig rten las 'das pa kun gyis mchod par 'os pa nyid kyis mchod 'os te/ mchod par bya ba'o/ /de nyid kyi phyir brjod 'os te sems can thams cad kyis bstod pa'o/ /rigs gsum 'chang ba gsang sngags 'chang //dam tshig chen po gsang sngags 'dzin/ /zhes pa ni/ de la rigs gsum 'chang ba ni sku gsung thugs kyi dbye bas de 'dzin pa ni rigs gsum 'chang ba'o/ /gsang sngags 'chang ba ni 'jig rten dang 'jig rten las 'das pa'i gsang sngags te/ de rnams dang gang ldan pa de ni gsang sngags can te/de nyid bcom ldan 'das ye shes sems dpa' ste/ gsang sngags kyi sku thams cad 'chang ba nyid kyi phyir ro/ /dam tshig chen po gsang sngags 'dzin ni dam tshig kyang de yin la chen po yang de yin pas dam tshig chen po ste/ de ni bcom ldan 'das byang chub kyi sems rdo rje'i ngo bo'o//de'i sngags ni shes shing skyob bas gsang sngags te/ ye shes dang snying rje'i bdag nyid kyi phyir ro/ /de 'dzin pas na dam tshig chen po gsang sngags 'dzin ni bcom ldan 'das de bzhin gshegs pa thams cad kyi ye shes kyi sku'o//gtso bo dkon mchog gsum 'dzin pa/ /theg pa mchog gsum ston pa po/ /zhes pa ni/ de la gtso bo ni mngon par 'gro ba thams cad kyi nang na gang dang por shin tu mngon par 'gro bar 'os pa ni de gtso bor gsungs te/ de yang bcom ldan 'das 'jam dpal lo/ / dkon mchog gsum ni dkon mchog rnams ni gsum ste/ thob dka' ba'i phyir dang / rin thang che ba'i phyir dang / rab tu gsal bar byed pa nyid kyi phyir ro/ /rin po che dang 'dra bas dkon mchog go/ /gsum ni sangs rgyas dang / chos dang / dge 'dun rnams so/ /de rnams 'dzin pas na dkon mchog gsum 'dzin pa zhes bya'o//theg pa mchog gsum ston pa po ni nyan thos dang / rang sangs rgyas dang / theg pa chen po gsum rab tu ston pa ste/ sems can gyi rigs thams cad la dbang po dang / bsam pa dang / bag la nyal ba mkhyen pa'i sgo nas ston pa'i phyir ro//don yod zhags pa rnam par rgyal/ /'dzin pa chen po rdo rje zhags/ /rdo rje lcags kyu zhags pa che/ /zhes pa ni/ de la don yod zhags pa ni don yod pa ni 'bras bu yod pa'o/ /zhags pa dang 'dra bas na zhags pa ste/ /de gang dang ldan pa de ni don yod zhags pa ste/ byang chub kyi sems rdo rjes 'dul ba'i sems can rnams la de bzhin du so sor snang ba'i phyir ro//rnam par rgyal ba ni 'jig rten gsum las rnam par rgyal ba'i ting nge 'dzin gyi sgo nas so/ /'dzin pa chen po zhes pa ni 'dzin par byed pas na 'dzin pa ste/ 'dzin pa yang de yin la chen po yang de nyid yin pas 'dzin pa chen po ni rdo rje lcags sgrog go//de yang snang ba mtha' yas kyi rang bzhin gyi sgo nas so/ /rdo rje zhags pa ni rin chen 'byung ldan gyi sgo nas so/ /rdo rje lcags kyu ni mi bskyod pa'i ngo bo nyid kyi sgo nas so/ /zhags pa che zhes pa ni zhags pa dang sdom zhes pa 'bebs pa'i rnam grangs te/zhags pa yang de yin la chen po yang de nyid yin pas zhags pa che ni rdo rje 'bebs pa'o/ /de yang don yod grub pa'i ngo bos so/ /de nas bcom ldan 'das 'dir/ sangs rgyas rnam par snang mdzad che/ /zhes pa la sogs pa mngon par rjod par byed pa'i sgra'i tshogs rnams kyis sngags kyi yig 'bru'i rnam par dbye ba dang po'i mtha' can gyi bstan pa brjod par bya bar shes par bya'o//de nas 'dir yang sngon bzhin du rnam par snang mdzad chen po la sogs pa sku mdog dkar po dang / 'khor lo dang ral gri phyag na 'dzin par gyur pa rnams phyung ste/ phyung nas kyang sangs rgyas kyi zhing thams cad du song ste/sems can thams cad rang gi rnam par thar pa'i sgo nas dag par byas te/ yang phyir log nas mtshan gyi sngags kyi yig 'brur gyur nas rang gi 'khor lo la 'khor lo can du gyur te gnas par blta bar bya'o/ /de nas gong ma bzhin du sngags kyi sgo nas spyad pa spyod pa'i byang chub sems dpas mtshan yang dag par brjod pa bklag par bya ste/de yon tan gyi tshogs pa bkod pa de rnams nyid thob par 'gyur ro/ /rnam par snang mdzad chen po'i 'khor lo gnyis pa la mtshan gyi sngags kyi yi ge'i gzhi rnams ni rtag pa la sogs pa rigs kyi dbye bas sum cu rtsa drug tu rnam par phye ste/gong ma bzhin du thams cad sngags su bsgrub po zhes pa ni man ngag go/ /tshigs bcad ni tshig rkang gcig ma tshang ba dang nyi shu rtsa lnga ste/ mtshan gyi sngags kyi yi ge rnams ni brgya brgyad cu rtsa gcig brtsis pa yin no/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las shin tu rnam par dag pa chos kyi dbyings kyi ye shes la bstod pa'i rim pa'i dbang du byas pa ste drug pa'o// //da ni gsum pa khro bo'i dkyil 'khor me long lta bu'i ye shes kyi rang bzhin khams gsum rnam par rgyal ba'i gzugs kyis bcom ldan 'das de bzhin gshegs pa thams cad kyi sku la bstod pa gsungs te/rdo rje 'jigs byed 'jigs par byed/ /ces pa ni zlas dbye ba bstan te/ de'i phyir don ni 'di ltar 'gyur te/ rdo rje 'jigs byed dang 'jigs par byed pa ni rdo rje 'jigs byed 'jigs par byed de/dpal rdo rje 'jigs byed kyi rgyud las 'di gnyis su yongs su brjod pa'i phyir ro/ /'di lta ste/ rdo rje 'jigs byed dang 'jigs par byed pa de ni gnyis nyid kyi rang bzhin dang gang ldan pa de 'jigs byed 'jigs par byed de bcom ldan 'das 'jam dpal lo//de ci'i phyir zhe na/ gsungs pa/ zhe sdang gis 'dul ba rnams zhi ba'i rjes su mi 'tsham pa ste/ de ltar yang dpal bde mchog gi rgyud las gsungs pa/ shin tu khro zhing gtum pa la/ /zhi bas phan par mi 'gyur te/ /shes rab thabs kyi ngo bo las//khro bor de bzhin gshegs kun mdzad/ /ces so/ /khro bo'i rgyal po gdong drug 'jigs/ /mig drug lag drug stobs dang ldan/ /zhes pa ni/ de la khro bo'i rgyal po ni dpal khro bo rnam par rgyal ba'i rgyud las gsungs so/ /khro bo'i rgyal po ni khro bo'i rgyal po ste/ da ltar yang gsungs pa/de nas 'jam pa'i dbyangs 'di ni/ /khro bo'i ming ni gshin rje gshed/ /drag la mthu rtsal ldan pa po/ /de mthong nas ni khro bo gzhan/ /thams cad kyis ni lag cha 'chor/ /zhes pa de nyid kyi phyir ni khro bo'i rgyal po'o/ /gdong drug ni dpal sgyu 'phrul dra ba'i rgyud las gsungs te/gdong pa drug dang gang ldan pa de ni gdong drug ste/ zhabs dang phyag gnyis kyang don gyis drug nyid du rig par bya'o/ /de yang bcom ldan 'das so/ /'jigs zhes pa ni phyag na rdo rje dbang bskur ba'i rgyud las te/ 'jigs pa ni 'jigs su rung ba'o/ /de ltar yang yan lag thams cad dang ba spu'i bu ga thams cad las rdo rje'i gzi brjid la sogs pa'i dkyil 'khor 'thon zhing de rnams kyis khro bo'i rgyal po rnam pa sna tshogs kyi gzugs dang sna tshogs kyi mtshon cha dang ldan pa/smin mtshams kyi khro gnyer gyi rlabs bskyod pa'i dpral ba dang sma ra gzed pa/ mche ba gtsigs pa dang / mig bgrad pa'i zhal dang ldan pa rnam par spros te/ 'jigs pa nye bar ston pa'i phyir na 'jigs pa zhes gsungs so/ /mig drug ni de nyid las te/ mig drug dang gang ldan pa de mig drug ste/ de la phyogs gcig gis bstod pa ste/ yan lag la spyi nye bar btags pa ste/dper na 'jigs pa'i sde la 'jigs pa dang bden snang la snang ba zhes pa lta bu'o/ /lag drug ni dpal rdo rje snying po'i rgyan gyi rgyud las te/ phyag drug dang ldan pa ni yan lag drug go/ /stobs dang ldan ni stobs ni lus las byung ba'i nus pa ste/ de dang gang ldan pa ni stobs dang ldan pa ste/dpal rig pa mchog gi rgyud chen po las stobs po che zhes rab tu grags so/ /keng rus mche ba gtsigs pa po/ /ha la ha la gdong brgya pa/ /zhes pa ni/ de la keng rus ni dpal bde mchog 'khor lo'i rgyud las so/ /mche ba gtsigs pa ni dpal rdo rje stug po bsdus pa las te/mche ba gtsigs shing ma rungs pa 'jigs par byed pa dang gang ldan pa de mche ba gtsigs pa'o/ /ha la ha la gdong brgya pa/ /zhes pa ni/ de yang gong ma bzhin du zlas dbye bas bstan te/ ha la ha la ni don yod zhags pa'i rgyud las so/ /gdong brgya pa ni dpal rdo rje rtse mo'i rgyud las te/gdong ste zhal brgya dang gang ldan pa de gdong brgya'o/ /gshin rje gshed po bgegs kyi rgyal/ /rdo rje shugs can 'jigs byed pa/ /zhes pa ni/ de la gshin rje gshed po ni dpal gsang ba 'dus pa las te/ gshin rje gshed po ste/ phung bar byed pa ni gshin rje gshed do//bgegs kyi rgyal ni rgyal po yin pas rgyal po ste/ tshogs bdag la sogs pa'i bgegs rnams kyi rgyal po las bgegs kyi rgyal po ste/ bdud rtsi 'khyil ba'o/ /de rnam par snang mdzad sgyu 'phrul dra ba la sogs pa'i rgyud las grags so/ /rdo rje shugs 'chang ni dpal dam tshig chen po'i rgyud las te/rdo rje shugs ni rdo rje shugs so/ /de 'dra ba'i shugs dang gang ldan pa de ni rdo rje shugs 'chang ngo / /'jigs par byed pa ni dpal zla gsang thig le'i rgyud las gsungs te/ sdang ba thams cad 'jigs par byed cing skrag par byed pa'i phyir ro/ / rdo rje grags pa rdo rje'i snying / sgyu 'phrul rdo rje gsus po che/ /zhes pa ni/ rdo rje grags pa gnyis su med par mnyam pa nyid rnam par sbyong ba'i rgyud las so/ /khyad par du grags pa rdo rje grags pa ste/ sgra chen zhes pa'i don to/ /de nyid rdo rje ste mi shigs pa'i phyir ro/ /de gang dang ldan pa de rdo rje grags pa'o//rdo rje snying ni dpal zla gsang thig le nyid las te/ gang rdo rje'i snying yin pa de rdo rje'i snying ngo / /sgyu 'phrul rdo rje ni khri drug stong pa nyid las gsungs te/ sgyu 'phrul ni sprul pa'o/ /de nyid rdo rje ste mi phyed pa'i gzugs nyid kyi phyir ro//de gang dang ldan pa de ni sgyu 'phrul rdo rje'o/ /gsus po che zhes pa ni de kho na las te/ gsus pa chen po dang gang ldan pa de ni gsus po che'o/ /rdo rje skye gnas rdo rje'i bdag /rdo rje snying po mkha' 'dra ba/ /zhes pa ni/ de la rdo rje'i skye gnas ni dpal 'byung po 'dul byed kyi rgyud las te/rdo rje skye gnas te rgyu gang yin pa de rdo rje'i skye gnas so/ /rdo rje'i bdag ni rdo rje ni de'i bdag po gtso bo zhes pa'i don to/ /de yang dpal rdo rje sa 'og gi rgyud las so/ /rdo rje snying po ni dpal rdo rje snying po rgyan gyi rgyud las so/ rdo rje snying po ni rdo rje snying po ste snying khu zhes pa'i don to//mkha' 'dra ba ni dpal gsang ba mdzod kyi rgyud las so/ /mi 'gyur bas nam mkha' ste skye ba dang ldan pa'i go skabs ster ba'i phyir ro/ /rang nyid kyang 'dus ma byas pa nyid kyi phyir na 'byung ba med do zhes pa'i don to/ /de yang stong pa nyid kyi ngo bo ste/ de'i dpe dang gang ldan pa de de ltar gsungs te stong pa nyid kyi dpe zhes pa'i don to//mi g.yo ral pa gcig gis bsgyings/ /glang chen ko rlon gos su gyon/ /zhes pa ni/ de la/ mi g.yo ral pa gcig gis bsgyings/ /zhes pa ni zlas dbye ba bstan to/ /de'i phyir 'di'i don ni mi g.yo ba dang ral pa gcig gis bsgyings pa ste/mi g.yo ral pa gcig gis bsgyings so/ /de la mi g.yo ba ni dpal sgyu 'phrul dra ba la sogs pa las te/ bdud thams cad kyis mi g.yo zhing mi dngangs pas na mi g.yo ba'o/ /ral pa gcig gis bsgyings zhes pa ni dpal rdo rje cod pan gyi rgyud las so/ /ral pa yang de yin la gcig kyang de nyid yin pas ral pa gcig go//de bsgyings pa ni bsgyings pa ste/ ral pa gcig gis bsgyings ba'o/ /glang chen ko rlon gos su gyon/ /zhes pa ni dpal 'khor lo bde mchog gi rgyud las te/ glang po che'i ko ba ni glang chen ko ba ste/ glang chen ko ba yang de yin la rlon pa yang de nyid yin pas glang chen ko rlon no//glang po che'i ko rlon nyid gyon pa yin pas glang chen ko rlon gos su gyon pa ste/ de 'dzin pas na/ glang chen ko rlon gos su gyon/ /zhes pa'o/ /drag chen ha ha zhes sgrogs pa/ /hi hi zhes sgrogs 'jigs par byed/ /ces pa ni/ de la drag chen ni dpal khro bo rnam par rgyal ba'i rgyud las te/drag po yang de yin la chen po yang de nyid yin pas drag chen no/ /ha ha zhes sgrogs zhes pa ni rgyud de nyid kyi ha har gyur pa zhes bya ba'i dkyil 'khor de la ha ha byas nas gnas pas ha ha zhes sgrogs zhes gsungs so/ /hi hi zhes sgrogs ni dpal khro bo zla ba'i thig le'i rgyud de las gsungs te/de rjes su byed pas langs pa'i phyir ro/ /'jigs par byed pa ni dpal rgyud kun las btus pa las gsungs so/ /gad mo chen po gad rgyangs can/ /rdo rje gad mo cher sgrogs pa/ /zhes pa ni/ de la gad mo chen po ni rgyun chad pa med pa'i don to//de la dpal thun mong ma yin pa'i gsang ba'i rgyan bkod pa'i rgyud las te/ gad rgyangs can ni gad mo ni dgod pa'o/ /gad rgyangs te gsang mthon pos bzhad pa ni gad rgyangs so/ /rdo rje gad mo ni ye shes kyi bshad pa ste/ de yang yid kyi'o/ /cher sgrogs pa ni 'jig rten gsum gang bar byed pa ste/chen po yang de yin la sgrogs pa yang de nyid yin pas cher sgrogs pa'o/ /bzhi po 'di yang rgyud de nyid las bstan to/ /rdo rje sems dpa' sems dpa' che/ /rdo rje rgyal po bde ba che/ /zhes pa ni/ de la rdo rje sems dpa' ni dpal mchog dang po'i rgyud las so//sems dpa' che ni rdo rje 'dzin pa chen po ste/ dpal gsang ba 'dus pa las gsungs so/ /rdo rje rgyal po ni dpal gsang ba mdzod kyi rgyud las so/ /bde ba chen po ni dpal bde mchog gi rgyud las so/ /de la bde ba chen po zhes pa ni/ de bzhin gshegs pa'i zag pa med pa'i bde ba gang yin pa de ni bde ba chen po zhes gsungs so//de nyid las gsungs pa'ang bde ba ni saM zhes pa la sogs pa'o/ /rdo rje drag po dga' ba che/ /rdo rje hUM ste hUM zhes sgrogs/ /zhes pa ni/ de la rdo rje drag po ni dpal rdo rje gsang ba'i rgyan gyi rgyud las gsungs so/ / rdo rje drag po ni rdo rje drag po ste/ drag po ni shugs chen zhes gsungs te/ mthu myur bar 'gro ba nyid kyi phyir ro/ /dga' ba chen po ni dpal nor bu gsang ba'i thig le'i rgyud las so/ /dga' ba yang de yin la che ba yang de nyid yin pas dga' ba che zhes pa'o/ / rdo rje hUM ste hUM zhes sgrogs/ /zhes pa ni dpal de nyid 'dus pa'i rgyud las te/ rdo rje hUM hUM zhes sgrogs pa ni hUM bzhi sgrogs pa ste/ de rnams dang gang ldan pa de ni/ rdo rje hUM ste hUM zhes sgrogs pa'o/ /mtshon du rdo rje mda' thogs pa/ /rdo rje ral gris ma lus gcod/ /ces pa ni/ de la mtshon du rdo rje mda' thogs pa ni dpal dam tshig chen po'i rgyud las te/rdo rjes mtshon pa'i mda' dang gzhu de dag nyid mtshon cha ste/ de 'dzin pas na mtshon du rdo rje mda' thogs pa'o/ /rdo rje ral gri ni dpal sgyu 'phrul dra ba'i rgyud las te/ rdo rje dang ral gri ni rdo rje ral gri'o/ /mtshon cha de gnyis dang gang ldan pa de rdo rje ral gri'o//ma lus gcod pa'ang de nyid la bya'o/ /rdo rje kun 'chang rdo rje can/ /rdo rje gcig pu g.yul sel ba/ /zhes pa ni/ de la sna tshogs rdo rje 'chang ni dpal rnam par snang mdzad mngon par byang chub pa'i rgyud las te/ sna tshogs rdo rje ni rdo rje rgya gram ste/ /de 'dzin pas na sna tshogs rdo rje 'chang ngo //rdo rje can ni rgyud de nyid las so/ /de nyid rdo rje dang 'dra bas rdo rje ni ye shes te/ mi phyed pa nyid kyi phyir ro/ /rdo rje gcig pu ni dpal gnyis su med pa mnyam pa nyid rnam par rgyal pa'i rgyud las so/ /rdo rje yang de yin la gcig pu yang de nyid yin pas rdo rje gcig pu ste/gnyis su med pa'i ye shes kyi ngo bo nyid yin pa'i phyir ro/ /g.yul sel ba ni dpal khams gsum rnam par rgyal ba'i rgyud las te/ g.yul ni 'thab pa ste/ nyon mongs pa rnams dang lhan cig 'thab pa'o/ /de 'joms pas na g.yul sel ba'o/ /rdo rje 'bar ba mig mi bzad//skra yang rdo rje 'bar ba ste/ /zhes pa ni dpal rdo rje 'jigs byed kyi rgyud las te/ de la rdo rje 'bar ba ni rdo rje 'bar ba'o/ /de dang 'dra ba'i mi bzad pa'i mig dang gang ldan pa de/ rdo rje 'bar ba mig mi bzad/ /ces pa'o/ /skra yang rdo rje 'bar ba ste/ /zhes pa ni mgo las skyes pas na mgo skyes te skra'o//rdo rje 'bar ba dang 'dra ba'i skra gang dang ldan pa de/ skra yang rdo rje 'bar ba ste/ /zhes so/ /rdo rje 'bebs pa 'bebs pa che/ /mig brgya pa ste rdo rje'i mig /ces pa ni dpal phyag na rdo rje dbang bskur ba'i rgyud las khro bo 'di bzhir brjod do/ /de la rdo rje 'bebs pa ni rdo rje 'bebs pa ste/ye shes kyi byin rlabs zhes pa'i don to/ /de dang gang ldan pa de ni rdo rje 'bebs pa'o/ /'bebs pa che ba ni dngos po thams cad kyi rang bzhin gyi phyir ro/ /mig brgya pa ni mig brgya dang gang ldan pa de ni mig brgya pa'o/ /rdo rje'i mig ni rdo rje dang 'dra ba'i spyan dang gang ldan pa de ni rdo rje mig go//rdo rje'i ba spu myu gu'i lus/ /rdo rje spu ni gcig pu lus/ /zhes pa ni/ de gnyis ni dpal rdo rje snying po rgyan gyi rgyud las gsungs te/ de la rdo rje'i ba spu myu gu'i lus ni rdo rje dngos po'i ba spu ste/ de rnams kyi myu gur gyur cing phur bur gyur pa'i lus dang gang ldan pa de ni rdo rje ba spu myu gu'i lus so//rdo rje spu ni gcig pu lus ni gcig pu yang de yin la lus kyang de nyid yin pas gcig pu lus so/ /rdo rje spu ni gcig pu ye shes kyi spu'o/ /des mtshon pa'i lus gcig pu dang gang ldan pa de rdo rje ba spu ni gcig pu lus so/ /sen mo brtsams pa rdo rje'i rtse/ rdo rje'i snying po pags pa mkhregs/ /zhes pa ni dpal rdo rje rtse mo'i rgyud las de gnyis gsungs te/ de la/ sen mo brtsams pa rdo rje rtse/ /zhes pa la/ rdo rje rtse mo ste rtse mo ni thog ma'i cha yin no/ /de 'dra ba'i sen mo ni rdo rje rtse mo'i sen mo can no/ /de rnams brtsams pa skyes pa de dang gang ldan pa de sen mo brtsams pa rdo rje'i rtse mo'o//rdo rje snying po pags pa mkhregs ni rdo rje snying po dang 'dra ba sra zhing mkhregs pa'i pags pa dang gang ldan pa rdo rje snying po pags pa mkhregs so/ /rdo rje phreng thogs dpal dang ldan/ /rdo rje rgyan gyis brgyan pa ste/ /zhes pa ni dpal khro bo rnam par rgyal ba'i rgyud las/ ha la'i 'khor lo las 'di gnyis gsungs te/ 'di lta ste/ rdo rje phreng thogs dpal dang ldan/ /rdo rje rgyan gyis brgyan pa ste/ /zhes pa'o/ /rdo rje phreng ba 'dzin pas na rdo rje phreng thogs so/ /dpal ldan ni de nyid kyi khyad par te/ skal pa phun sum tshogs pa'i phyir ro/ /rdo rje'i rgyan gyis brgyan pa ste ni rdo rje nyid rgyan yin pas na rdo rje'i rgyan no//des brgyan cing bklubs pas na/ rdo rje'i rgyan gyis brgyan pa ste/ /zhes gsungs so/ /gad rgyangs ha ha sgra bral sgrogs/ /yi ge drug pa rdo rje'i sgra/ /zhes pa ni/ de la gad rgyangs ha ha zhes pa ni dpal dbung bzangs kyi rgyud las te/gad rgyangs ni skad gsang mthon por bzhad pa ste/ ha ha zhes byas nas bzhad pa ni gad rgyangs ha ha'o/ /sgra bral ba ni dpal legs par grub par byed pa'i rgyud las so/ /sgra dang bral ba ni sgra dang bral ba ste/ nang du phyogs pa kho na sgra zhes pa'i don to/ /yi ge drug pa ni dpal ye shes drug dang dam tshig yi ge bde mchog gi rgyud las te/yi ge drug pa dang ldan pa de yi ge drug go/ /rdo rje'i sgra ni dpal stong phrag brgya pa de nyid 'dus pa'i rgyud las so/ /rdo rje thog gi sgra lta bu'i sgra dang gang ldan pa de rdo rje'i sgra'o/ /'jam dbyangs chen po sgra che ba/ 'jig rten gsum na sgra gcig pa//zhes pa ni/ de la 'jam dbyangs ni 'phags pa 'jam dpal gyi rgyud las te/ 'jam zhing mnyen pa'i dbyangs dang gang ldan pa de 'jam dbyangs so/ /de nyid kyi phyir na chen po zhes gsungs so/ /sgra che ba zhes pa ni dpal mngon par rtogs pa'i rgyan gyi rgyud las gsungs te sgra yang de yin la che ba yang de nyid yin pas sgra che'o//'jig rten gsum na sgra gcig pa ni khams gsum rnam par rgyal ba'i rgyud nyid las so/ /'jig rten gsum ni sa 'og dang sa bla dang sa stengs so/ /de la gcig pu gnyis su med pa'i sgra grag pa dang gang ldan pa de ni 'jig rten gsum na sgra gcig pa'o//nam mkha'i mtha' klas sgra sgrogs pa/ /zhes pa ni 'phags pa 'jam dpal gyi rgyud de nyid las te/ gang gi tshe bcom ldan 'das shAkya thub pas gshin rje gshed la bka' stsal te/ sems can thams cad kyi don du stong gsum gyi stong chen po'i steng du sngags kyi tshul 'jam dpal gyis bstan pa de'i tshe bcom ldan 'das gshin rje gshed des ri rab ri'i rtse mo de nyid la gnas te/sgra chen po gcig kho na bsgrags par gyur te/ sgra gang gis nam mkha'i mtha' klas pa thos pa'i sgras yang dag par go bar byas te/ de nas gsungs pa/ nam mkha'i mtha' klas sgra sgrogs pa//zhes so/ /de nyid kyi phyir bcom ldan 'das de sgra dang ldan pa rnams kyi mchog ces pa ste/ sgra de gang la yod pa gang yin pa de ni sgra dang ldan pa rnams te/ sgra dang gang ldan pa de rnams kyi nang na dam pa dang phul du byung ba zhes pa'i don to/ /de nas da ni 'khor lo gsum pa'i spro ba'i cho ga bstan te/de bzhin gshegs pa thams cad kyi ye shes sems dpa'i thugs ka'i yi ge las/ bcom ldan 'das 'jam dpal de nyid ni zhe sdang spyod pa'i sems can de nyid rjes su gzung ba'i don du rnal 'byor dang / spyod pa dang / bya ba'i rgyud rnams las gsungs pa'i khro bo'i gzugs su dmigs nas 'jig rten gsum 'dul ba'i don du de dag kyang rang gi lus las rnam par 'thon pa ni kun du 'bar ba'i snying po can/smin mtshams kyi khro gnyer gyi rlabs bskyod cing bsnyer ba'i dpral ba dang / 'jigs pa'i mche ba gtsigs pa'i zhal dang ldan pa rnams rdo rje dang lcags kyu dang zhags pa la sogs pa rdo rje 'bar ba'i me 'bar ba'i phyag mtshan gyis phyag mtshan pa rnam pa du ma'i mdog dang rgyan can cha byad rnam pa sna tshogs pa 'chang ba'i khro bo'i sku rnam par phyung nas 'jig rten gyi khams thams cad du gdug pa can thams cad gdul bar byas te/yang slar log nas rdo rje dbyings kyi dkyil 'khor gyi phyi rol du dkyil 'khor gnyis pa la mtshan gyi sngags kyi yi ge bdun cu rtsa gcig rnams rang gi rigs kyi kha dog dang gzugs rnams su gyur te ji lta ba'i rim pas yang dag par gnas par bsam par bya'o//de rnams rnam pa lngar bgos te/ sangs rgyas hUM mdzad la sogs pa re re'i rigs la bcu bzhi bcu bzhi'i mtshan gyi sngags kyi yi ge'i tshig rnams byas te/spro ba dang bsdu ba la sogs mthun par mdzad nas/ gong du gsungs pa'i rim pas mtshan gyi sngags kyi yi ge'i tshig tu bdag nyid mos pas mtshan yang dag par brjod pa bklag ste/ yon tan gyi tshogs mtha' yas pa'i rnam pa 'thob po zhes man ngag go//tshigs bcad 'di ni tshig rkang gcig gis lhag pa'i bcu tham pa'o/ /mtshan gyi sngags kyi yi ge ni bdun cu rtsa gcig gi mtshan yin no/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las me long lta bu'i ye shes kyi rang bzhin gyis bstod pa'i rim pa'i dbang du byas pa ste bdun pa'o// //da ni so sor kun du rtog pa'i ye shes kyi sgo nas bcom ldan 'das ye shes kyi sku 'jam dpal ye shes sems dpa'i bstod pa gsungs pa/yang dag bdag med de bzhin nyid/ /yang dag mtha' ste yi ge med/ /ces pa ni/ de la de bzhin nyid ni rang bzhin gyis gzung ba la sogs pa'i rnam pa dang bral ba ste/ shes pa dang shes pa ma yin pa'i gnas skabs gnyis la mnyam pa'i ngo bo nyid kyi phyir ro/ / de nyid ni yang dag pa'i mtha' mchog ste/ tshad ma thams cad kyis mi slu ba'i phyir dang / bdag la sogs par rtog pa yang rtogs par gnod pa nyid kyi phyir ro/ /de nyid kyi phyir na 'jam dpal de bzhin gshegs pa thams cad kyi ye shes sems dpa' ni phung po la sogs pa'i bdag la sogs par nye bar mi dmigs pa kho nas mchog tu tshad ma nyid kyis nye bar bstan to//yang dag ni bden pa dang / de bzhin nyid dang / rtogs pa med pa tsam nyid kyi phyir ro/ /'di ltar gal te bdag la sogs pa'i dngos po med na chos rnams kyi rang bzhin ni ci yin/ 'bras bu ni gang yin zhes the tshom za bar bya ba ma yin te/ci'i phyir zhe na/ 'di kho na chos dang gang zag la sogs pa nyid kyis rnam par dben pa'i mtshan nyid gcig pa dang / rnam par rtog pa can gyi bdag gis so sor snang ba'i chos thams cad kyi khams su gyur pa don dam pa can gyi g.yo ba'i rang bzhin no/ /'bras bu'i chos stobs la sogs pa'i mtshan nyid rnams kyi'ang rgyu de nyid yin pa'i phyir ro//de'i lam gyi chos rnams kyang rgyu dang khams te/ de'i phyir na bdag med pa ni chos kyi dbyings zhes gsungs so/ /gang gi phyir de bzhin nyid la sogs pa 'di dag rnams ni me long lta bu'i ye shes chos rnams kyi sgo ste/gang gi phyir de bzhin nyid kyi byed pa'i sgo nas chos thams cad kyi ngo bo nyid la 'jug cing / de yang stobs rnams rab tu byung bas me long lta bu'i ye shes ni yang dag mtha' ste zhes gsungs te/ de rtogs pa'i phul du byung ba'i phyir ro/ /de nyid kyi phyir na de rnams bzhi ni me long lta bu'i ye shes dang /mnyam pa nyid dang / so sor kun du rtog pa dang / bya ba nan tan gyi ye shes kyi mtshan nyid bzhi po 'di rnams gang dang ldan pa'i bcom ldan 'das 'jam dpal de ni/ yang dag bdag med de bzhin nyid/ /yang dag mtha' ste zhes gsungs so/ /yi ge med ni rnams grangs gzhan gyis 'gyur ba med pas na mi 'gyur ba ste/chos kyi dbyings kyi ngo bo nyid kyi phyir ro/ /stong nyid smra ba'i khyu mchog ste/ /zab cing rgya che'i sgra sgrog pa/ /zhes pa ni/ de la stong pa nyid smra ba'i khyu mchog ni stong pa nyid rnam pa gsum ste/ dngos po med pa stong pa nyid dang / de'i dngos po ma yin pa'i ngo bo nyid dang /rang bzhin stong pa nyid do/ /de la dngos po med pa stong pa nyid ni kun brtags kyi mtshan nyid do/ /rnam pa gang zhig gis kyang yod pa ma yin pas na dngos po med pa stong pa nyid do/ /de'i dngos po med pa'i phyir stong pa nyid ni gzhan dbang gi mtshan nyid de/ ji ltar brtags pa bzhin du de ltar med de/de thams cad du yang med pa ma yin pas na de'i dngos po ma yin pa stong pa nyid do/ /rang bzhin stong pa nyid ni yongs su grub pa'i mtshan nyid de/ stong pa nyid kyi rang bzhin yin pas na de'i rang bzhin stong pa nyid do/ /de'i phyir na stong pa nyid rnam pa gsum smra ba'i tshul gang dang ldan pa de stong pa nyid smra ba'o//khyu mchog ni gtso bo zhes pa'i don to/ /thams cad kyis gces par 'dzin pa nyid kyi phyir ro/ /stong pa nyid smra ba'ang de yin la khyu mchog kyang de nyid yin pas stong pa nyid smra ba'i khyu mchog go/ /zab cing rgya che ba'i sgra sgrogs pa ni zab cing ni gzung 'dzin la sogs pa'i rnam par rtog pa dang bral ba shes rab kyi rang bzhin no//rgya che ba ni sprul pa sna tshogs pa'i rjes su 'brang bas 'od kun tu spro ba ste/ kun du bzang po'i ngo bo nyid sangs rgyas kyi skus sems can gyi don gyi bya ba byed pa'o/ /gang gi phyir rgya che ba'i thabs kyang rang gi sems su mtshan nyid gcig mod kyi/ ldog pa'i bye brag gis tha dad par rnam par gzhag ste/de'i phyir na zab cing rgya che ba gnyis kyi sgra sgrogs pas mu stegs pa la sogs pa thams cad kyi lta ba zil gyis gnon par byed pa dang gang ldan pa de ni de ltar gsungs so/ /chos kyi dung ste sgra chen ldan/ /chos kyi ga N+DI sgra bo che/ /zhes pa ni/ de ltar chos kyi dung ni gang gi tshe lha'i rigs dga' ldan nas 'dzam bu'i gling du 'bab par 'dod pa de'i tshe bcom ldan 'das de bzhin gshegs pa thams cad kyi ye shes sems dpa' chos kyi dung bus nas babs pa yin no//de'i phyir bcom ldan 'das 'di ni chos kyi dung zhes so/ /gzhan yang khyad par ci 'dra zhe na/gsungs pa/ sgra chen ldan zhes pa ste/ stong gsum gyi stong chen po'i 'jig rten gyi khams kun dang khams gsum kun du thos pa'i phyir ro/ /chos kyi gaN+DI ni bdud bzhi las mchog tu rgyal bar byas nas zad pa dang mi skye ba'i ye shes mngon du byas te/ chos nyid de yang shes dka' bar rig nas bcom ldan 'das kyis gsungs pa/rig par dka' ba bdag gis chos rig pa'i sems can thams cad la mi bstan te/ rig par dka' ba de nyid kyi phyir na thugs khral chung bar gnas par gyur to/ /de'i tshe tshangs pa chen po 'ongs nas bskul ba bcom ldan 'das sems can rnams dbang po rno ba dge ba'i rtsa ba nye bar bsags pa mgo smos pas go ba dang dad pa dang ldan pa rnams kyang yod do//de'i phyir bcom ldan 'das kyis bshad du gsol/ de'i tshe bcom ldan 'das chos kyi 'khor lor nye bar zhugs nas chos bsgrags pa'i don du gaN+DI sgra bsgrags par gyur ba de'i phyir gsungs pa/chos kyi gaN+DI zhes so/ /de nyid kyi phyir yang khyad par gsungs pa/ sgra bo zhes te/ chen po yang de yin la sgra yang de nyid yin pas sgra bo che'o/ /des ni yang 'di skad gsungs par gyur te/ chos kyi dung la sogs pa'i rang bzhin de nyid bcom ldan 'das su shes par bya'o/ /mi gnas mya ngan 'das pa po//phyogs bcur chos kyi rnga bo che/ /zhes pa ni/ de la mi gnas mya ngan 'das pa po ni srid pa'i 'khor ba dang / rnam pa thams cad du rgyun chad med pa'i mya ngan las 'das pa ltar de dag la mi gnas pas gnyis la gnas pa yang ma yin pa'i phyir ro/ /srid pa la mi gnas te srid pa'i skyon gyis ma gos pa'i phyir ro//mya ngan las 'das pa yang ma yin te/ snying rjes gzhan dbang nyid kyis 'khor ba ji srid bar du cher gnas pa'i phyir ro/ /de ltar yang gsungs pa/ nyes pa mthong ba srid la min/ /snying rjes mya ngan 'das la min/ /gzhan gyi don 'byung mthong bas na/ srid par zhugs shing mi bzhugs pa'o/ /zhes so/ /des na mi gnas pa'i mya ngan las 'das par gsungs so/ /srid pa dang mya ngan las 'das pa de dag tu dbye bar rtog pa med pa'i phyir stong pa nyid du ro gcig pa gnyi gar yang dbyer med pa'i dmigs pa ste/ de ltar yang gsungs pa/ 'khor ba mya ngan las 'das pa'i/gang tshe yang dag ye shes skyes/ /'khor nyid mya ngan 'das pa ni/ /de tshe 'di yi 'dir 'gyur ro/ /zhes so/ /de 'dra ba'i bcom ldan 'das 'jam dpal 'di ni mi gnas pa'i mya ngan las 'das pa zhes gsungs so/ /phyogs bcur chos kyi rnga bo ni chos kyi rnga bo che ste/ phyogs bcur chos kyi rnga bo che bsgrags pa dang ldan pa de ni de ltar ro/ /gzugs med gzugs ldan dam pa ste/ /sna tshogs gzugs can yid las skyes/ /zhes pa ste/ de la gzugs med ni chos kyi sku'i rang bzhin nyid yin pa'i phyir ro/ /gzugs ldan ni longs spyod rdzogs pa'i sku'i rang bzhin nyid yin pa'i phyir ro//dam pa ste chos kyi rgyu mthun pa nyid kyi phyir ro/ /sna tshogs gzugs can ni sprul pa'i sku'i ngo bo nyid kyi phyir ro/ /yid las skyes pa ni de dag gi ye shes kyi bdag nyid kyi phyir ro/ /de nyid kyis na gzugs kyi lus la sogs pa de rnams kyi chos 'di dag ni bcom ldan 'das de bzhin gshegs pa thams cad kyi ye shes kyi skur shes par bya ste/de'i rang bzhin nyid kyi phyir na bcom ldan 'das 'jam dpal lo/ /gzugs rnams thams cad snang ba'i dpal/ /gzugs brnyan ma lus 'chang ba po/ /zhes pa ni/ de la gzugs rnams thams cad snang ba'i dpal ni 'gro ba 'dul ba'i rang bzhin gyis so//gzugs rnam pa sna tshogs thams cad snang ba'i dpal ni gzugs rnams thams cad du snang ba ste/ gzugs rnams thams cad snang ba'i dpal de dang gang ldan pa de ni de ltar ro/ /gzugs brnyan ma lus 'chang ba po ni ma lus pa rnams kyi gzugs brnyan ni gzugs brnyan ma lus pa'o//de 'dzin pas na gzugs brnyan ma lus 'dzin pa'o/ /tshugs pa med cing cher grags pa/ /khams gsum dbang phyug chen po ste/ /zhes pa ni/ de la tshugs pa med pa ni gzhan rnams kyis zil gyis mi non pa nyid kyi phyir ro/ /cher grags pa ni bsod nams kyi tshogs mi zad pa'i tshogs bsags pa'i phyir ro//khams gsum dbang phyug chen po ni 'dod pa dang gzugs dang gzugs med pa ni khams gsum ste/ khams gsum po nyid ni khams gsum pa ste khams gsum der dbang phyug chen po ni chen po yang de yin la dbang phyug kyang de yin pas dbang phyug chen po'o//'phags lam shin tu mtho la gnas/ /dar ba chen po chos kyi tog/ /ces pa ni/ de la 'phags lam shin tu mtho la gnas pa ni/ yang dag par mtho zhing bstod par gyur pa'i 'phags pa'i lam yan lag brgyad po gang yin pa de ni 'phags lam shin tu mtho ba ste/de la gnas pa ni 'phags lam shin tu mtho la gnas so/ /dar ba chen po ni de las 'byung bas na dar ba ste/ chen po yang de yin la dar ba yang de nyid yin pas dar ba chen po ste/ cher 'phel ba zhes pa'i don to/ /chos kyi tog ni chos rnams kyi tog ste/ chos kyi rgyal mtshan zhes pa'i don to//'jig rten gsum na gzhon lus gcig /gnas brtan rgan po skye dgu'i bdag /ces pa ni/ de la 'jig rten gsum na gzhon lus gcig ni gong nas gsungs pa'i mtshan nyid ni 'jig rten gsum mo/ /de la gcig pu gnyis su med pa kho nar gzhon nu'i lus dang 'dra ba'i sku dang ldan pa de ni 'jig rten gsum na gzhon lus gcig go//gnas brtan ni nyan thos la sogs pa de rnams la de'i chos nye bar bstan pa'i phyir ro/ /rgan po ni rang sangs rgyas rnams kyi mchog nyid kyi phyir dang / de'i chos ston pa nyid kyi phyir ro/ /skye dgu'i bdag po ni so so so sor skye bas na skye dgu ni byang chub sems dpa' rnams so//de rnams kyi bdag ni skye dgu'i bdag ste/ rje bo ni 'jam dpal nyid do/ /sum cu rtsa gnyis mtshan 'chad pa/ /sdu gu 'jig rten gsum na mdzes/ /zhes pa ni/ de la sum cu rtsa gnyis mtshan 'chang ba ni phyag dang zhabs 'khor lo'i mtshan dang ldan pa nyid dang /zhabs shin tu gnas pa nyid dang / phyag dang zhabs kyi sor mo dra bar 'brel ba nyid dang / phyag dang zhabs 'jam zhing gzhon sha chags pa nyid dang / bdun ma tho ba nyid dang / sor mo ring ba nyid dang / rting ba yangs pa nyid dang / sku che zhing drang ba nyid dang /zhabs long bu mi mngon pa nyid dang / sku'i spu gyen du phyogs pa nyid dang / byin pa ri dwags e na ya lta bu nyid dang / phyag ring zhing mdzes pa nyid dang / mdoms kyi sba ba sbubs su nub pa nyid dang / mdog gser dang 'dra ba nyid dang / pags pa srab pa nyid dang / sbu re re nas g.yas su 'khyil ba nyid dang / zhal mdzod spus brgyan pa nyid dang / ro stod seng ge'i 'dra ba nyid dang / dpung mgo shin tu zlum pa nyid dang / thal gong rgyas pa nyid dang / ro bro ba'i mchog mkhyen pa nyid dang / shing n+ya gro d+ha ltar chu zheng gab pa nyid dang / dbu gtsug tor dang ldan pa nyid dang /ljags ring ba nyid dang / tshangs pa'i dbyangs dang ldan pa nyid dang / 'gram pa seng ge'i 'dra ba nyid dang / tshems dkar ba nyid dang / tshems mnyam pa nyid dang / tshems thags bzang ba nyid dang / tshems bzhi bcu mnga' ba nyid dang / spyan mthon mthing dang / rdzi ma ba'i lta bu nyid do//skyes bu chen po'i mtshan sum cu rtsa gnyis de rnams 'khor los sgyur ba'i rgyal po dang / nyan thos la sogs pa dang mi mnyam pa thams cad mkhyen pa'i sa bon las byung ba'i skyes bu chen po'i mtshan rnams ni 'od 'bar ba dang / rdzogs pa dang / gsal la gnas par gyur pa yin no/ /de ltar yang chos mngon pa las gsungs pa/gsal la gnas pa 'phags 'bar ba/ /rdzogs pa'i mtshan ni thub chen gyi/ /zhes so/ /sdu gu ni sdug pa ste/ 'dod par bya ba ste/ sems can thams cad kyis 'dun pa skye ba'i phyir ro/ /'jig rten gsum na mdzes pa ni/ /'jig rten gsum ni gong ma bzhin no//de la mdzes pa ni blta na sdug pa ste/ blta bas mi ngoms pa'i gzugs can gyi phyir ro/ /de la blta bas mi ngoms pa ni rten gyi khyad par nyid las blta bas mi bra bar shes par bya ste/ bcom ldan 'das kyi yan lag dang nying lag de ni dus ring du lta na yang sngon ma mthong ba bzhin du mthong la/dga' bas blta bas mi ngoms pa'o/ /blta bas mi ngoms pa'i gzugs so zhes gsungs so/ /'jig rten shes legs slob dpon te/ /'jig rten slob dpon 'jig pa med/ /ces pa ni/ de la 'jig rten shes legs slob dpon ni shes pa dang / legs pa rnams ni shes legs so//'jig rten rnams kyi shes legs ni 'jig rten shes legs te/ de rnams kyi slob dpon ni bcom ldan 'das zhes so/ /'jig rten slob dpon ni lha dang mi la sogs pa rnams la skal ba ji lta ba bzhin du dam pa'i lam nye bar ston pas na 'jig rten slob dpon zhes gsungs so//'jigs pa med pa ni sprul pa sna tshogs kyi gzugs bstan pa'i sgo nas 'gro ba'i don ma lus par byed pa'i phyir na 'jigs pa med pa ste/ bag tsha ba med pa'i don to/ /mgon skyob 'jig rten yid gcugs pa/ /skyabs dang skyob pa bla na med/ /ces pa ni/ de la mgon ni mgon med pa'i sems can 'khor ba'i rgya mtshor bying ba rnams kyi mgon du gyur pa'i phyir ro//skyob pa ni srung ba dang skyabs 'dod pa rnams skyob pa'i rang bzhin nyid kyi phyir ro/ /'jig rten gsum gyi yid gcugs pa ni/ /'jig rten yid gcugs pa ste/ rnam pa thams cad du stong pa nyid chen po rab tu bstan pa nyid kyis lta ba ngan pa'i thibs po'i 'gro ba ma lus pa 'joms pa nyid kyi phyir ro//skyabs ni skyabs 'dod pa'i sems can rnams kyi skyabs nyid kyi phyir ro/ /skyob pa ni de bzhin gshegs pa'i gdung rgyun mi 'chad pa nyid kyi phyir ro/ /bla na med pa ni de bzhin gshegs pa thams cad kyi bla na med pa'i ye shes thob pa nyid kyi phyir ro//nam mkha'i longs spyod yang dag spyod/ /thams cad mkhyen pa'i ye shes mtsho/ /zhes pa ni/ de la nam mkha'i longs spyod yang dag spyod ni nam mkha' dang mnyam pa nyid kyi ye shes kyi rjes su longs spyod pa ni legs par gnas pa'i ye shes kyi mthu'o/ / yang dag par longs spyod pa ni yang dag par longs spyod de/ nam mkha'i longs spyod yang dag spyod do/ /nam mkha'i longs spyod yang dag spyod ni khams gsum gyi chos kyi rgyal srid la dbang sgyur ba'i gtso bo'i phyir ro/ /thams cad mkhyen pa'i ye shes mtsho ni thams cad mkhyen pas na thams cad mkhyen pa ste//de'i ye shes ni thams cad mkhyen pa'i ye shes te/ zad pa dang mi skye ba shes pa'i ye shes so/ /de nyid mtsho ste shin tu rgya che ba nyid kyi phyir ro/ /ma rig sgo nga'i sbubs 'byed pa/ /srid pa'i dra ba 'joms pa po/ /zhes pa ni/ de la ma rig pa ni las dang 'bras bu bden pa dang dkon mchog rnams mi shes pa'i bdag nyid kyi gti mug ste/de nyid rten cing 'brel par 'byung ba'i dang po nyid kyi phyir dang / 'gro ba 'byung ba'i rgyud nyid kyi phyir na ma rig sgo nga'i sbubs zhes gsungs so/ /de 'byed pa ni 'joms pa'i tshul dang gang ldan pa ste/ 'dral ba'i ngo bo nyid kyi phyir ro//de nyid kyi phyir na/ srid pa'i dra ba 'joms pa po/ /zhes pa ste/ srid pa ni nye bar len pa'i phung po lnga'o/ /de nyid dra ba ste mi thar ba'i gnas nyid kyi phyir ro/ /de 'joms pa ni yang dag pa'i don bsgoms pas mchog tu yongs su mthar phyin pa nyid kyi phyir ro/ /nyon mongs ma lus zhi byed pa//'khor ba'i rgya mtsho'i pha rol phyin/ /zhes pa ni/ de la nyon mongs pa ma lus pa ni rnam pa gsum ste/ nyon mongs pa'i kun nas nyon mongs pa dang / las kyi kun nas nyon mongs pa dang / skye ba'i kun nas nyon mongs pa'o/ /de la nyon mongs pa'i kun nas nyon mongs pa ni ma rig pa dang /sred pa dang / len pa'o/ /las kyi kun nas nyon mongs pa ni 'du byed dang / srid pa'o/ /skye ba'i kun nas nyon mongs pa ni yan lag lhag ma rnams so/ /yang na nyon mongs pa ni rnam pa gnyis te/ rgyu'i kun nas nyon mongs pa dang / 'bras bu'i kun nas nyon mongs pa'o/ /de la rgyu'i kun nas nyon mongs pa ni nyon mongs pa dang /las kyi rang bzhin gyi yan lag rnams so/ /'bras bu'i kun nas nyon mongs pa ni yan lag lhag ma rnams so/ /yang na nyon mongs pa rnam pa bdun ni rgyu rnam pa bdun te/ phyin ci log pa'i rgyu ni ma rig pa'o/ /zag pa med pa'i rgyu ni 'du byed do/ / nye bar sbyor ba'i rgyu ni rnam par shes pa'o/ /yongs su 'dzin pa'i rgyu ni ming dang gzugs dang skye mched drug go/ /nye bar spyod pa'i rgyu ni reg pa dang tshor ba'o/ /'dren pa'i rgyu ni sred pa dang / len pa dang / srid pa'o/ /yid 'byung ba'i rgyu ni skye ba dang / rga shi ste/ nyon mongs pa de dag ni yang dag pa ma yin pa'i kun du rtog pa las byung ba'o//ma lus zhi byed ni ma lus mi lus pa'i nyon mongs pa thams cad nye bar zhi ba dang gang ldan pa de ni de ltar ro/ /gang gi phyir de lta yin pa de'i phyir/ 'khor ba'i rgya mtsho'i pha rol phyin/ /zhes gsungs so/ /ye shes dbang bskur dbu rgyan can/ yang dag rdzogs pa'i sangs rgyas rgyan//zhes pa ni de la ye shes dbang bskur dbu rgyan can ni dbang bskur ba'i don gyi dbu rgyan ni dbang bskur dbu rgyan can no/ /kun du bzang po'i ye shes kyi dbang bskur ba'i cod pan de dang gang ldan pa de ni ye shes dbang bskur dbu rgyan can no/ /de yang dbu rgyan ni//yang dag rdzogs pa'i sangs rgyas rgyan/ /zhes pa ste/ de rnams kyis brgyan pa nyid kyi phyir ro/ /sdug bsngal gsum gyi sdug bsngal zhi/ /gsum sel mtha' yas grol gsum 'gro/ /zhes pa ni/ de la sdug bsngal gsum gyi sdug bsngal zhi ni gnyis bstan te/ sdug bsngal gsum ni sdug bsngal gyi sdug bsngal dang /nye bar len pa'i sdug bsngal dang / mtshan gyi sdug bsngal lo/ /sdug bsngal gyi bden pa'i tshor ba rgyu dang bcas pa'i don de/ gang cung zad myong ba de ni 'dir sdug bsngal zhes bya ba'i phyir ro/ /yang tshor ba'i rgyu ni tshor ba'i gnas su 'os pa'i chos rnams rig par bya'o//de ltar gsungs pa/ sdug bsngal ni 'khor ba'i phung po rnams so zhes so/ /sdug bsngal ni de'i rgyu grub pa kun 'byung gi bden pa ste/ sdug bsngal gyi bden pa'i rgyu ni grub byed gang yin pa'o/ /zhi ba ni de gnyis ni zhi ba'i don gyis na 'gog pa'i bden pa'o/ /de'i phyir gsungs pa/ sdug bsngal gsum gyi sdug bsngal zhi/ /zhes gsungs pa ni/ bcom ldan 'das 'jam dpal zhes so/ /gsum mtha' ni bden pa gsum gyi mtha' ma yin pas na gsum mtha' zhes bya ste/ lam gyi bden pa'o/ /de yang chos kyi phung po brgyad khri bzhi stong lam gyi bden pa zhes bya ba'i tshig gi phyir na'o//de la sems can rnams kyi sems kyi spyod pa brgyad khri bzhi stong gi gnyen por gyur bas chos kyi phung po brgyad khri bzhi stong nye bar bstan pa ste/ de'i phyir gsungs pa/ mtha' yas zhes so/ /grol gsum 'gro ni grol gsum ni nyan thos la sogs pas phye ba'i grol bar 'gro bas na grol gsum 'gro ste/bcom ldan 'das 'jam dpal lo/ /sgrib pa kun las nges par grol/ /mkha' ltar mnyam pa nyid la gnas/ /zhes pa ni/ de la sgrib pa kun las nges par grol ni kun yang de yin la sgrib pa yang de yin pas sgrib pa kun te/ nyon mongs pa dang las dang rnam par smin pa dang shes bya dang nyon mongs par 'jug pa'i sgrib pa rnams phye nas/lnga po rnams ni sgrib pa kun/ /zhes gsungs so/ /de rnams las rnam par grol ba ni bcom ldan 'das de bzhin gshegs pa thams cad kyi ye shes kyi sku'o/ /de nyid kyi phyir na gsungs pa/ mkha' ltar mnyam pa nyid la gnas//zhes pa ste/ sgrib pa thams cad las nges par grol ba nyid kyi phyir ro/ /nyon mongs dri ma kun las 'das/ /dus gsum dus med rtogs pa po/ /zhes pa ni/ de la nyon mongs dri ma kun las 'das ni nyon mongs kun ni gong du bshad pa'i mtshan nyid rnams te/ de rnams nyid dri ma rnams so//de dag las 'das pa ni thal ba ste/ nyon mongs pa dang / nye ba'i nyon mongs pa'i dri ma thams cad dang bral ba'i phyir ro/ /dus gsum ni 'das pa dang / ma 'ongs pa dang / da ltar gyi rang bzhin gyi phyir na ste/ gsum gyi dus kyis so/ /dus med rtogs pa po ni dus med pas na dus med pa ste/de'i phyir na'ang 'das pa ni 'das pa nyid kyi phyir dang / ma 'ongs pa ni/ ma thob pa nyid kyi phyir dang / da ltar ni gnyis ka med pa'i phyir gnas pa med do/ /de'i phyir na dus gsum mi 'grub ste/ dus de dag med par rtogs pas na dus gsum dus med rtogs pa po'o/ / sems can kun gyi klu chen po/ /yon tan thod can rnams kyi thod/ /ces pa ni/ de la sems can kun gyi klu chen ni rtogs pa khyad par can gyi chos de rnyed pa'i phyir na klu chen po'o/ /chen po ni sems can kun gyi klu ste/ dpon zhes pa'i don to/ /de nyid kyi phyir na/ yon tan thod can rnams kyi thod//ces so/ /'jig rten dang 'jig rten las 'das pa kun gyi mngon par 'gro bar bya ba la sogs pa yon tan rnams kyi thod de/ gtsug gi nor bu ni/ /yon tan thod can rnams kyi thod/ /ces gsungs so/ /dper na me tog rnams spyi bor bzhag na/ 'jig rten na thod ces grags pa de bzhin du de ltar yon tan gyi tshogs thams cad kyi steng na gnas pa'i phyir na yon tan thod can rnams kyi thod ces so//lus kun las ni rnam grol zhing / /nam mkha'i lam la rab gnas pa/ /zhes pa ni/ de la lus kun las ni rnam grol ba ni lus ni bzhi ste/ chos dang / nor dang / 'dod pa dang / 'jug pa'i mtshan nyid rnams so/ /chos de bzhi rnams las kyang grol ba nyid kyi phyir na lus kun las ni rnam grol ba'o/ /chos thams cad kyis mi 'jigs pa nyid kyi phyir dang / mi 'gyur ba nyid kyi phyir ro/ /nam mkha'i lam la rab gnas pa ni nam mkha'i lam shes rab kyi pha rol tu phyin pa la shin tu gnas pa'i phyir ro//de ltar yang 'phags pa shes rab kyi pha rol tu phyin pa brgyad stong pa las gsungs pa/ rab 'byor 'di lta ste/ nam mkha' bsgom pa rnam par bsgom pa ni shes rab kyi pha rol tu phyin pa bsgom pa rnam par bsgom pa'o zhes so//yid bzhin nor bu chen po 'chang / /khab bdag rin chen kun gyi mchog/ /ces pa ni/ de la yid bzhin nor bu chen po 'chang ni yid bzhin nor bu yang de yin la chen po yang de nyid yin pas yid bzhin nor bu chen po ste/ 'di ltar 'dod pa'i don yang dag par grub par byed pa'i phyir ro/ / de 'dzin pas na yid bzhin nor bu chen po 'chang ngo / /de nyid kyi phyir/ rin chen kun gyi mchog ces pa ste/ rin po che thams cad kyi nang na mchog tu gyur pa'i phyir ro/ /khyab bdag gi don ni bshad zin to/ /dpag bsam shing chen rgyas pa ste/ bum pa bzang po che ba'i mchog/ /ces pa ni/ de la dpag bsam shing chen rgyas pa ni dpag bsam gyi shing yang de yin la chen po yang de nyid yin pas dpag bsam shing chen te/mngon par 'dod pa'i don gyi dngos grub rab tu sbyin pa nyid kyi phyir ro/ /de nyid kyi phyir na rgyas pa ste/ thams cad yang dag par 'phel ba nyid kyi phyir ro/ /bum pa bzang po che ba'i mchog ni bum pa bzang po che ba yang de yin la mchog kyang de nyid yin pas bum pa bzang po che ba'i mchog go//byed pa sems can kun don byed/ /phan 'dogs sems can mnyes gshin pa/ /zhes pa ni/ de la sems can kun don byed pa ni yid bzhin gyi nor bu la sogs pa de rnams kyis sems can thams cad kyi don byed pa'i phyir na sems can kun don byed de 'jam dpal lo//de nyid kyi phyir na dge bsnyen tsan+d+ra go mi'i zhabs kyis dzam+b+ha la'i bstod pa gsungs pa/ bum pa bzang po dang ni dpag bsam shing / /yid bzhin nor rnams sems dang mi ldan yang / /des kyang sems can rnams ni bde 'gyur na//snying rjes dbang med bcom ldan smos ci dgos/ /zhes pa ste/ sems can 'dul dbang gis mi g.yo ba rnams kyi gzugs kyis kyang so sor snang ba nyid kyi phyir ro/ /byed pa skal ba ji lta ba dang bsam pa'i dbang nyid kyis chos nye bar ston pa nyid kyi phyir ro//phan 'dogs pa ni phyi mar phan pa nyid kyi phyir ro/ /de ston pa'i tshul dang gang ldan pa de phan 'dogs so/ /sems can mnyes gshin pa ni 'gro ba la bu gcig pa bzhin du byams pa nyid kyi phyir ro/ /bzang ngan shes shing dus shes la/ /khyab bdag dam shes dam tshig ldan//zhes pa ni/ de la bzang ngan shes shing ni bzang po dang ngan pa ni bzang ngan te/ dge ba dang mi dge ba'i don to/ /de mkhyen pas na bzang ngan shes pa bcom ldan 'das 'jam dpal lo/ /kha cig tu mi dge ba yang shes te/ sems can gyi don gyi dbang gi phyir ro/ /de ltar yang gsungs pa//snying brtser byas na nyes pa med/ /ces so/ /dus shes pa ni dus mkhyen pas na dus shes pa'o/ /de ni 'jug pa'i dus so/ /'di ni chos bstan pa'i dus so/ /'di ni sems can gyi don bya ba'i dus so/ /'di ni btang snyoms kyi dus so/ /'di ni mya ngan las 'das pa'i dus so zhes de lta bu'i cha dang mthun pa'o//khyab bdag gi don ni bshad zin to/ /dam shes ni snying po dang / phyag rgya dang / sngags dang / rig pa rnams kyi ngo bo nyid shes shing rtogs pas na dam shes so/ /de nyid kyi phyir na dam tshig ldan zhes so/ /dus shes sems can dbang don shes/ / rnam grol gsum la mkhas pa po/ /zhes pa ni/ de la dus shes ni dus rnams shes pas dus shes te/ slong ba'i sems can rnams kyi bsam pa shes nas dus su sbyin pa la sogs pa'i sbyin pa ni mi zad pa'i phyir ro/ /sems can dbang don shes ni sems can rnams kyi dbang po ste/ sems can thams cad dang 'brel ba'i dbang po rtul po la sogs pa de rnams mkhyen pas na sems can dbang po shes so//rnam grol gsum la mkhas pa po ni nyan thos la sogs pa rnam par grol ba gsum gyi char brtag pa'i mtshan nyid la zhib tu mkhyen pa nyid kyi phyir na mkhas pa po zhes gsungs so//yon tan ldan zhing yon tan shes/ /chos shes bkra shis bkra shis 'byung / /zhes pa ni de la yon tan ldan zhing ni rang gi'o/ /yon tan shes ni phyi rol pa dang / nyan thos pa rnams kyi yon tan mkhyen pas na yon tan shes so/ /chos shes ni 'jig rten dang 'jig rten las 'das pa'i chos rnams mkhyen pas na chos shes so//bkra shis ni thun mong ma yin pa'i skyes bu chen po la sogs pa'i mtshan dang ldan pa'i phyir ro/ /bkra shis 'byung ni 'di las 'byung ba ste/ 'jig rten la sogs pa'i bkra shis rnams de las byung bas na bkra shis 'byung ste/bcom ldan 'das 'jam dpal lo/ /bkra shis kun gyi bkra shis pa/ /grags pa'i bkra shis snyan grags dge /zhes pa ni/ de la bkra shis kun gyi bkra shis pa ni bkra shis kyi nang nas legs pa bkra shis so/ /bkra shis kun te shin tu dga' bar byed pa'i nang nas bkra shis pa'i phyir ro/ / grags pa ni rgyal bu thams cad sgrol dang / ri bong gi lus kyis rmad du byung ba du mas sems can gyi don byed pa'i phyir na deng sang yang mi nyams par grags pa zhes pa ni bcom ldan 'das de'i ste/ de'i mi zad pa'i lus yin pa'i phyir ro/ /bkra shis ni sems rtse gcig tu bsgom pa la brtson pa'i rigs kyi bu la sogs pa rnams kyi phun sum tshogs pa thams cad kyi rten du gyur pa nyid kyi phyir na bkra shis te/bcom ldan 'das 'jam dpal lo/ /snyan grags ni sbyin pa la sogs pa mchog tu yongs su mthar phyin pa'i phyir dang / dri ma'i skyon thams cad med pa'i phyir dang / dri ma med pa'i grags pa'i phung po nyid kyi phyir na yang snyan grags zhes gsungs so//dge zhes pa ni dge ba bcu'i las kyi lam gyi bdag nyid kyi phyir ro/ /dbugs 'byin chen po dga' ston che/ /dga' chen rol mo chen po ste/ /zhes pa ni/ de la dbugs 'byin chen po ni dbugs 'byin pas na dbugs 'byin pa ste/dbugs 'byin pa yang de yin la chen po yang de nyid yin pas dbugs 'byin chen po ste/ dpal rdo rje sems dpa' la sogs pa'i ting nge 'dzin gyis 'dod chags la sogs pa la mos pa'i sems can rnams la yang dag par dbugs 'byin pa'i phyir de skad ces bya'o/ /dga' ston che ni dga' ba yang de yin la chen po yang de yin pas dga' ston che ste/mchod sbyin mchog tu gsungs so/ /lo re rjes mthun dad pa yis/ /gang zhig cho ga ji bzhin byed/ /rtag tu mchod sbyin la 'jug pa/ /de ni mchod sbyin mchog tu bshad/ /gzhan du thar pa'i lam du gshegs/ / rtag tu mchod sbyin mchog rig pa'o/ /zhes te/ rnam pa gnyis ka ltar yang bcom ldan 'das 'jam dpal nyid mchog tu 'gro ba ste/ rtag tu sbyin pa la 'jug pa'i phyir dang / rtag tu mya ngan las 'das pa'i lam nyid du gshegs pa'i phyir dang / dge ba'i phyogs la gzhol bas na dga' ston che ba'i phyir ro//dga' chen ni dga' ba yang de yin la chen po yang de nyid yin pas dga' chen te/ 'jig rten thams cad kyi skal pa ji lta ba bzhin gyi gzugs nyid kyis bla na med pa'i chos ston par byed pas dga' ba skyes pa nyid kyi phyir ro/ /rol mo chen po ste ni rol mo chen po'i dga' ba zag pa med pa'i mtshan nyid dang gang ldan pa de rol mo chen po ste bcom ldan 'das de'o//bkur sti rim gro phun sum tshogs/ mchog tu dga' ba grags bdag dpal/ /zhes pa ni/ de la bkur sti ni khams gsum du dam pa'i bkur sti dang mchod par 'os pa'i phyir ro/ /byed pa ni rim gro ste/ rim gro mchog ni nyan thos la sogs pa gang yin pa de rnams kyi mchod pa ji ltar 'os pa grub pas na dam pa ste/de ltar yang gsungs pa/ rim gro mchog gi lung dpog dang / ji bzhin yan lag bcas par rig /sngags don yang ni rnam par dpyad/ /rim gro mchog tu de brjod do/ /zhes so/ /bcom ldan 'das 'jam dpal yang mchog byed pa ste/don dam pa'i rig pa dang / gsung rab yan lag bcu gnyis kyi lung dpog pa dang / sngags thams cad kyi don rnam par dpyod pa'i phyir na yang mchog ces gsungs so/ /phun sum tshogs pa'i phun sum tshogs pa thams cad kyi rten gyi ngo bo nyid kyi phyir ro/ /mchog tu dga' ba ni rab tu dga' ba thams cad kyi rang bzhin nyid kyi phyir ro//grags bdag dpal zhes pa la/ dpal ni lha mo ste/ de'i grags pa ni bde ba dang yid bde ba rnams so/ /de rnams kyi bdag po ste/ gtso bo ni bcom ldan 'das so/ /mchog ldan mchog sbyin gtso bo ste/ /skyabs kyi dam pa skyabs su 'os//zhes pa ni/ de la mchog ldan ni mngon par 'gro bar bya ba rnams kyi nang na mchog nyid kyi phyir ro/ /mchog sbyin ni mchog sbyin pas na mchog sbyin te/ bsam pa ji lta ba bzhin du yongs su rdzogs par byed pa'i phyir ro/ /gtso bo ste ni phyi rol pa dang nyan thos la sogs pa thams cad kyi nang na mchog tu gyur ba'i phyir ro//skyabs su 'os pa ni dman zhing sdug bsngal ba dang skyabs med pa rnams kyi skyabs su 'os pa nyid kyi phyir ro/ /de nyid kyi phyir na skyabs kyi dam pa'o/ /'jigs chen dgra ste rab kyi mchog /'jigs pa ma lus sel ba po//zhes pa ni/ de la 'jigs chen dgra ni gnam gyis bskos pa la sogs pa 'jigs pa chen po brgyad de/ nad dang / 'chi ba dang / mu ge dang / me dang / chu dang / srin po dang / chag ba dang / byi ba rnams so/ /de rnams kyi dgra ste/ nad la sogs pa nges par 'joms pa nyid kyis yams dang nye bar 'tshe ba rnams zad par byed pa nyid kyi phyir ro//de nyid kyi phyir na rab kyi mchog ces gsungs so/ /'jigs pa ma lus sel ba po ni lus pa med pa'i 'jigs pa chen po brgyad de/ de dag ni seng ge dang / glang po che dang / me dang / sbrul dang / rkun ma dang /rgyal po'i chad pa dang / mtshon dang / lce 'bab pa rnams la sogs pa'o/ /'jigs pa de rnams ma lus par sel bar byed pa nyid kyi phyir na/ 'jigs pa ma lus sel ba po ste/ bcom ldan 'das 'jam dpal te/ de rjes su dran pa tsam gyis 'jigs pa ma lus pa zad par byed pa'i phyir ro//da ni sems can thams cad la 'gro ba 'dul ba'i rang bzhin gyis gang la gus pa rnams la de'i gzugs kyis kyang snang bar byed par bstan pa'i phyir ro/ /gtsug phud phud bu lcang lo can/ /ral pa muny+dzi cod pan thogs/ /zhes pa ste/ de la gtsug phud ni 'di la gtsug phud yod pas na gtsug phud can te/kha cig tu byis pa'i gzugs su snang ba'o/ /phud bu ni lha gzhon nu'i gzugs so/ /lcang lo ni lcang lo dang gang ldan pa de lcang lo can te/ ral pa can gyi gzugs kyis so/ /ral pa ni thor tshugs gcig pa'i gzugs kyis so/ /muny+dza ni mgo bo 'chang ba'i gzugs kyis so//cod pan thogs ni cod pan ni dbu rgyan no/ /de dang gang ldan pa de ni cod pan thogs te nyi ma la sogs pa'i gzugs kyis so/ /gang dang gang gis 'dul ba'i gzugs can rnams la de dang de'i gzugs kyis de rnams kyi sems kyi rgyud la so sor snang bar byed pa'i phyir na de ltar gsungs so//gdong lnga gtsug phud lnga dang ldan/ /zur phud lnga pa me tog thod/ /ces pa ni tshig bdun pa'i tshigs su bcad pa phyed pos ni bla ma'i man ngag gis dang po sangs rgyas kyi sbyor ba dang po'i bsgom khog de kho na las shes par bya zhing de yang bshad zin pa nyid kyi phyir na yang 'dir yang ma bshad do//brtul zhugs che 'chang mun dza can/ /tshangs par spyod pa brtul zhugs mchog /ces pa ni/ de la mun dza zhes pa ni rtswa mun dza'i ske rags can gyi brtul zhugs 'dzin pa'i gzugs kyis brtul zhugs chen po pa ni la las phyag rgya lnga'i rgyan dang ldan par so sor snang ba'i phyir ro//tshangs par spyod pa ni bskal pa mtha' yas par tshangs par spyod pa la cher spyod pa'i phyir rnam par 'gyur ba'i rgyu gang yin pa 'di mi 'gyur ba de nyid kyis na bcom ldan 'das 'jam dpal tshangs par spyod pa'i gzugs kyis kha cig tu so sor snang ngo //brtul zhugs mchog ni de yongs su 'os pa ste/ so sor shes pa'i lo bcu gnyis su tshangs par spyod pa la spyad pas so sor nyams su myong ba yongs su mthar thug pas chog gis khyim du ngal so ba ma byas pa nyid du slong mo byed pa nyid dam/ nags khrod na gnas pa'i dngos po nyid kyis gang zhig skye ba ma lus drangs pa dang ldan zhing smyung bas chog pa de ni tshangs par spyod par bshad de/brtul zhugs mchog ni de nyid kyi phyir na brtul zhugs thams cad kyi nang na mchog tu gyur pa nyid kyi phyir na 'jam dpal kho na la rigs te/ bskal pa grangs med par ye shes kyi spyod pa la spyad pa'i phyir ro//dka' thub mthar phyin dka' thub che/ /gtsang gnas dam pa gau ta ma/ /zhes pa ni/ de la dka' thub mthar phyin ni 'jig rten thams cad kyi dka' thub ni gang dbang po nye bar zhi bar byed pa'i mtshan nyid de na dka' thub po/ /de mthar phyin pa rdzogs pa dang gang ldan pa de ni dka' thub mthar phyin te/de la yang 'jam dpal lo/ /dka' thub chen po ni dka' thub chen po dang gang ldan pa de ni dka' thub chen po ste/ lo drug til phyed phyed gsol nas dka' thub kyi spyod pa la spyi cher gnas pa'i phyir te/ de rab tu bstan pa'ang des 'dul ba rnams gzung ba'i phyir ro//de'i phyir yang bcom ldan 'das 'jam dpal de dka' thub che zhes gsungs so/ /gtsang gnas ni rig byed 'don pa dang / brtul zhugs gsum rdzogs pa ni gtsang gnas te/ brtul zhugs thams cad dang rig byed thams cad yongs su mthar phyin pa'i phyir na 'phags pa 'jam dpal nyid gtsang gnas zhes gsungs so//gau ta ma ni rigs kyi mtshan des bcom ldan 'das de la btags pa'o/ /de nyid kyi phyir na dam pa zhes pa ste/ thams cad mkhyen pa'i ye shes thob pa'i phyir dang / rang gi rigs la gong na med pa'i phyir ro/ /bram ze tshangs pa tshangs pa shes//mya ngan 'das pa tshangs pa thob/ /ces pa ni/ de la bram ze ni/ /dka' thub thos dang skye gnas te/ /'di dag bram ze byed pa'o/ /zhes so/ /gang gi phyir bcom ldan 'das nyid dus mtha' yas pa las skyes pas dka' thub dang ldan pa dang / /yongs su mthar thug pa med pa'i thos pa dang ldan pa'i phyir dang zag pa med pa'i lam las skyes pa'i skye gnas kyi phyir te/yon tan gsum dang ldan pas na gzhan du ni bram ze ni bcom ldan 'das yin no/ /yang na sngags dang bram ze rnams dbye bas na gnyis su dbye ba rnam pa gnyis te/ de la gang bram ze'i bdag nyid rig pa ste 'di ni bcom ldan 'das 'jam dpal te/de dag gis bsgrub par bya ba'i 'bras bu ni bcom ldan 'das kho na bsgrub par bya ba nyid yin pa nyid kyi phyir ro/ /kha cig tu de dag gi gzugs kyis kyang snang bar byed pa'i phyir ro/ /tshangs pa ni gzugs khams kyi bsam gtan dang po grub pa tshangs pa gzung ste/de'i gzugs kyis kyang snang bar byed pa'i phyir ro/ /tshangs pa shes pa ni tshangs pa'i sgra ni rig byed du bshad de/ de mkhyen pas na tshangs pa shes pa'o/ /tshangs pa la sogs pa'i rjes su brjod pa la bshad par grags te/ rjes su brjod pa rnams ni 'di ltar dran par bya'o/ / khyab 'jug dang / dbang phyug chen po de dag gis mchog tu dang po rig byed nam mkha' la gnas pa rjes su rtogs te bshad par gyur pa 'di ni skye dgu'i bdag po la'o/ /skye dgu'i bdag pos ni dbang po la'o/ /dbang pos ni drang srong gnas 'jog la'o/ /drang srong gnas 'jog gis rtsib logs skyes la'o//rtsib logs skyes kyis kr-iSh+Na rde ba ya na la'o/ /kr-iSh+Na rde ba ya nas ni rgyal dpog pa la'o/ /zhes pa la sogs pa ste/ de lta bu'i mtshan nyid ni bcom ldan 'das 'jam dpal kho na ste rjes su brjod par rigs so/ /gang gi phyir bcom ldan 'das kyis thos pa gsum du 'dus pa'i gsung rab ma lus par rjes su rtogs shing 'dul ba rnams la brjod pas na/de'i phyir na 'jam dpal de tshangs pa shes pa'i gzugs kyang de la gus pa rnams so sor snang zhes so/ /mya ngan 'das pa tshangs pa thob ni tshangs pa'i mya ngan las 'das pa ni tshangs pa mya ngan las 'das pa'o//tshangs pa'i mya ngan las 'das pa yang dga' ba'o/ /de ltar yang gsungs pa/ dga' ba tshangs pa'i ngo bo ste/ 'di min 'di min zhes gsungs so/ /zhes so/ /'di gzugs kyis kyang bcom ldan 'das nyid do/ /gcugs ldan ni mi slu bas na gcugs ldan te/de ltar yang gsungs pa/ pha dang grogs la sogs gcugs ni/ /dka' ba dga' yang byed mod kyi/ /thams cad mkhyen pa'i dbang don la/ /'phro ba'o zhe na bcos ma min/ /zhes so/ /'jam dpal yang thun mong ma yin pa'i ye shes kyi rjes su 'dzin pa dang ldan pas na mchog tu yid gcugs pa ste/de gang la yod pa de gcugs pa dang ldan zhes bya'o/ /grol pa thar pa rnam grol lus/ /rnam grol zhi ba zhi ba nyid/ /ces pa ni de la grol ba ni stong pa mthong ba'o/ /de ltar yang chos kyi grags pas gsungs pa/ stong nyid mthong ba grol ba yin/ / bsgom pa ma lus de yi don/ /zhes so/ /de yang bcom ldan 'das kho na grol ba ste/ stong pa nyid rnam par dbye ba las 'jug pa'i phyir ro/ /thar pa ni chags pa dang bral ba nyid la zhugs pa'i rnal 'byor pa de'i don so so yang dag par rig pa dang / chos so so yang dag par rig pa skye ba na rab tu mgu ba dang /rab tu dga' ba dang tshim pa 'byung zhing yid dga' ba'i lus shin tu sbyangs par 'gyur ro/ /lus shin tu sbyangs pas bde ba tshor ro/ /bde bar gyur pa'i sems mnyam par 'jog go/ /mnyam par gzhag pa'i sems kyis yang dag pa ji lta ba bzhin du shes shing /yang dag pa ji lta ba bzhin du mthong ngo / /yang dag pa ji lta ba bzhin du shes shing yang dag pa ji lta ba bzhin du mthong nas yid 'byung ngo / /yid byung bas chags pa dang bral lo/ /chags pa dang bral nas rnam par grol ba yang dag pa ji lta ba bzhin du mthong ba ni bcom ldan 'das kyis rnam par grol ba'i sems nyid cher gzhag ste/de yang dag par mthong ba'i phyir ro/ /de ltar gsungs pa/ bying ba med pa'i lus kyis ni/ /tshor ba sta gon gnas par bya/ /mar me 'dra bar mya ngan 'das/ /de yi sems ni rnam par thar/ /zhes so/ /slob dpon ka ma la tsar+yas kyang gsungs pa/'dod chags la sogs bskor sems ni/ /'khor ba'o de la chags bral ba/ /sgrib med sems ni thar pa ste/ /mdor bsdus nas ni rgyal bas bshad/ /ces so/ /de lta bu'i tshul gyis nyan thos la sogs pa'i theg pa la bcom ldan 'das rnam par gzhag ste/de yang bcom ldan 'das 'jam dpal nyid du rig par bya ste/ de bzhin gshegs pa thams cad de'i yin pa'i phyir ro/ /grol yan lag ni rnam par thar pa'i yan lag rnams ni grol yan lag ste/ rnam par thar pa ni byang chub po/ /de'i yan lag ni byang chub kyi yan lag bdun rnams dang /'phags pa'i lam yan lag brgyad rnams so/ /ji ltar gsungs pa/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ 'di dag ni yang dag pa byang chub kyi yan lag dang cha shas su gyur pa ste/ byang chub kyi yan lag rnams so/ /nyon mongs pa'i sgrib pa'i gnyen po'i dngos po de rnams las gzhan shes bya'i sgrib pa 'joms pa'i don du bsgom pa'i lam rab tu goms pa'i 'phags pa'i lam yan lag brgyad po rnams so//'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang /yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin rnams te/ 'di ltar de dag ni mthong ba'i lam dang / bsgom pa'i lam la rnam par thar pa byang chub kyi yan lag rnams te/ kha cig tu bcom ldan 'das 'jam dpal de grol yan lag ces gsungs so//de gnyis su de'i rang bzhin nyid kyi phyir ro/ /rnam grol ni 'dod chags la sogs pa'i bcings pa las so/ /'di lta ste/ bcings pa ni gsum ste/ 'dod chags kyis 'ching ba dang / zhe sdang gis 'ching ba dang / gti mug gis 'ching ba'o//de rnams kyis bcings pas khams gsum las mi 'da' ba'i phyir na 'ching ba rnams te/ rnam par grol bar byed pas na rnam grol zhes gsungs so/ /de ltar yang 'dir yon tan phyi nas gsungs pa/ 'ching ba thams cad las rnam par grol ba'o zhes gsungs so//zhi ba ni 'gog pa la sogs pa rtsod pa'i dpa'i gnas brgyad po rnams las rnam par grol ba gang rten cing 'brel par 'byung ba spros pa thams cad nye bar zhi ba'i mtshan nyid zhi ba'o/ /de yang bcom ldan 'das de bzhin gshegs pa thams cad kyi ye shes sems dpa' stong pa nyid kyi ye shes kyi rang bzhin nyid kyi phyir na zhi ba zhes gsungs so//de ltar yang slob dpon klu sgrub zhabs kyis gsungs pa/ gang gis rten cing 'brel par 'byung / /'gag pa med pa skye med pa/ /rtag pa med pa chad med pa/ /tha dad don med don gcig min/ /'ong ba med pas 'gro med pa/ /spros pa nyer zhi zhi spyod pa//rdzogs pa'i sangs rgyas smra rnams kyi/ /dam pa de la phyag 'tshal lo/ /zhes so/ /zhi ba nyid ni sems kyi nye bar g.yo ba gzung 'dzin la sogs pa'i rnam par rtog pa thams cad nye bar zhi ba nyid kyi phyir na zhi ba nyid ces gsungs so/ /mya ngan 'das pa mya ngan zhi/ legs par nges 'byung mthar 'gro ba//bde sdug mthar byed mthar thug pa/ /chags bral lus ni zad pa po/ /zhes pa ni de la mya ngan las 'das pa ni mdor bstan pa ste/ lhag ma'i tshigs bcad rnams ni rigs kyi dbye bas de'i rnam par bshad do/ /rin po che'i phreng ba las mya ngan las 'das pa'i mtshan nyid gsungs pa/yod pa'ang mya ngan las 'das min/ /med pa nyid lta ga la yin/ /dngos po dngos med mchog 'dzin pa'i/ /zad pa mya ngan med par gsungs/ /mya ngan ni mya ngan las 'das pa ste/ de'ang phyi rol pa rnams kyis te/ /de rnams kyis de tsam la dmigs pa'i phyir ro//zhi ba ni zhi ba nyid pas zhi ba ste/ de ni nyan thos pa rnams kyi'o/ /legs par nges par 'byung ni legs par nges par 'byung ba ste/ sangs rgyas rnams kyi'o/ /mthar 'gro ba ni mtha' ste/ rnam par 'jig par 'gro zhing 'gyur bas na mthar 'gro ba ni mi bskyod pa ste/zhe sdang la spyod pa rnams rang gi rnam par thar pa'i sgo nas yang dag par spyod pa nyid kyi phyir ro/ /bde sdug mthar byed ni rin chen 'byung ldan te/ ser sna la spyod pa'i sems can rnams sbyin pa rnam par dag par rab tu sbyin pa'i rang bzhin gyis de rnams kyi bde ba dang sdug bsngal mthar byed pa'i phyir ro//mthar thug pa ni snang ba mtha' yas te/ 'dod chags la spyod pa'i sems can rnams 'dod chags rnam par dag pa'i chos nyid rab tu bstan pa'i sgo nas so sor kun du rtog pa'i ye shes mthar thug par son pa'i phyir ro/ /chags bral ni don yod grub pa ste/ le lo la spyod pa'i sems can rnams rang gi rnam par thar pa'i gzugs kyis de rnams la chags pa dang bral ba bskyed nas dge ba'i phyogs la sems nges par sbyor ba ste/mya ngan las 'das pa'i lam rab tu ston par byed pa'i phyir ro/ /lus ni zad pa po ni rnam par snang mdzad de/ lus ni bag chags so/ / de'i zad pa ni rnam par 'jig par byed pa ste/ gti mug la spyod pa'i sems can rnams yang dag pa ji lta ba'i chos bstan pa'i sgo nas shin tu rnam par dag pa'i chos kyi dbyings kyi ye shes gsal bar byed pa'i phyir ro/ /de yang thar pa rnam pa gnyis te/ phung po lhag ma dang bcas pa dang / phung po lhag ma med pa'o/ /de la phyi pa la sogs pa rnams kyis lhag ma dang bcas pa'o/ /yang dag par rdzogs pa'i sangs rgyas kyi ni lhag ma med pa'o/ /de nyid kyi phyir na gsungs pa/ /bag chags bcas pa'i skyon rnams te/ /skyob pa khyod kyi skyon rnams ni/ /bag chags bcas par gcig mi mnga'//de'i phyir mya ngan 'das gnyis dang / /rang bzhin gyis ni de nyid do/ /zhes gsungs so/ /de gnyis ka'i rang bzhin gyis kyang bcom ldan 'das 'jam dpal nyid la shes par bya'o/ /de'i phyir na gsungs te/ mya ngan las 'das pa la sogs pa'o/ /tshugs pa med pa dpe med pa//mi mngon mi snang gsal byed min/ /zhes pa ni de la tshugs pa med pa ni gzhan rnams kyis dbang bya bar mi nus pas na tshugs pa med pa'o/ /dpe med pa ni dpe thams cad med pa'i phyir ro/ /mi mngon pa ni bud med la sogs pa'i gzugs med pa'i phyir ro/ /mi snang ba ni snang ba dang bral ba'i phyir ro//gsal byed min ni gos pa med pa'i phyir ro/ /gang gi phyir bcom ldan 'das de nyid don dam pa'i rang bzhin gyi phyir na khyad par gyi tshig lngas bzung ba'o/ /mi 'gyur kun 'gro khyab pa po/ /phra zhing zag med sa bon bral/ /zhes pa ni de la mi 'gyur ba ni 'gyur ba dang bral ba'i phyir ro/ / kun 'gro ni thams cad du song ba'i phyir ro/ /khyab pa ni g.yo ba dang mi g.yo ba'i don gyi rang bzhin gyi phyir ro/ /rdul phran ni phra ba'i phyir na phra zhing ngo / /zag med ni lam gyi bden pa'i rang bzhin gyi phyir ro/ /yang na 'dus ma byas pa bzhi'i rang bzhin gyi phyir ro/ /de rnam pa bzhi ni nam mkha' dang / so sor brtags pa'i 'gog pa dang //so sor brtags pa ma yin pa'i 'gog pa dang / de bzhin nyid do/ /sa bon ni chos dang chos ma yin pa dang mi g.yo ba'i sa bon bsags pa kun gzhi rnam par shes pa'o/ /de nyid kyang bcom ldan 'das de'i rang bzhin yin pa'i phyir ro/ /rdul med rdul bral dri ma med/ / nyes pa spangs pa skyon med pa/ /zhes pa ni de la rdul med ni 'dod chags la sogs pa'i rdul dang bral ba nyid kyi phyir ro/ /rdul bral ni de bzhin nyid rnam par dag pa las gzhan du gyur pa med pa'i phyir ro/ /dri ma med ni chos thams cad stong pa nyid la dri ma ni glo bur ba'i phyir na/ bcom ldan 'das de nyid dri ma dang bral ba zhes gsungs so//nyes pa spangs pa ni 'dod chags la sogs pa'i nyes pa gang gis bor ba de ni nyes pa spangs pa ste/ de nyid kyi phyir na skyon med pa zhes pa ste/ skyon nad las 'das pa gang yin pa de ni skyon med pa'o/ /de 'dra pa'i yon tan gyi don khyad par can yang bcom ldan 'das de nyid do//shin tu sad pa rnam sad bdag /kun shes kun rig dam pa'o/ /zhes pa ni de la kun shes pa ni shin tu legs shing phul du byung bas shin tu sad pa ste/ ji bzhin du gnas pa'i dngos po phyin ci ma log par mkhyen pa'i phyir ro/ / rnam sad bdag ni nyan thos la sogs pa las khyad par du sad pa ni sad pa ste/ de'i bdag nyid ni stong pa nyid kyi rang bzhin no/ /de nyid gang dang gang ldan pa de rnams sad pa'i bdag go/ /kun shes ni kun te ma lus pa'i shes bya mkhyen pa nyid kyi phyir na kun shes so/ /kun rig ni sems can thams cad kyi sems kyi spyod pa bsam pa dang bag la nyal rig pas na kun rig ste/de nyid kyi phyir na dam pa po ni rab ste bcom ldan 'das de nyid do/ /rnam par shes pa chos dbyings 'das/ /ye shes gnyis med tshul 'chang ba/ /zhes pa ni de la rnam par shes pa chos nyid 'das ni rnam par shes pa ni mig la sogs pa ma gtogs pa kun gzhi rnam par shes pa yod de/de nyid kyang sa bon thams cad pa yin gyi/ mig la sogs pa'i rnam par shes pa ni ma yin no/ /de ji ltar shes par bya zhe na/ lung dang rigs pas so/ /de la rigs pa ni sgo du mas rgyas pa dang bcas pa bsgrubs pas 'dir ma bris so/ / lung la ni rtsod pa'i gzhi dang bral ba'i phyir dang / tshig nyung ba nyid kyi phyir yang brjod do/ /de'i phyir gsungs pa/ de yang chos mngon pa'i mdo las/ thog ma med pa dus kyi dbyings/ /chos rnams kun gyi gnas yin te/ /de yod pas na 'gro kun dang / /mya ngan 'das pa'ang thob pa yin/ /zhes so/ de'i chos nyid ni rnam par shes pa'i chos nyid do//de yis 'das pa ni 'das pa ste/ de yang mi dmigs pa'i phyir ro/ /ye shes ni thams cad du yang bdag por bsgoms pa'i phyir shin tu rnam par dag pa chos nyid las te/ de nyid kyi phyir na gnyis med tshul 'chang ba zhes pa ste/ zab cing rgya che ba'i bdag nyid kyi phyir ro//rnam par rtog med lhun gyis grub/ /dus gsum sangs rgyas don byed pa/ /zhes pa ni/ de la rnam par rtog med ni don dam par rnam par rtog pa la yang mi rtog pa nyid kyi phyir ro/ /de ltar yang gsungs pa/ don dam pa yi rnam rtog la'ang / /mkhas pas rtag tu bying mi byed/ / dge ba dang yang mi dge ba'i/ /rnam par rtog la dbyer ci yod/ /ces so/ /de'i phyir na bcom ldan 'das de nyid rnam par rtog med do/ /lhun gyis grub ni mngon par 'du byed pa med ces bya ba'i don to/ /rtsol ba dang bral bas na lhun gyis grub pa ste/ de yang don 'dir 'gyur te/ sngon gyi dus na mngon par 'du byed pa dang bcas pa'i 'jug pa'i shes rab kyis rab tu dpyad pas smon lam gang yin pa yid bzhin gyi nor bu bzhin du rtog pa med na yang mnyam par skal ba ji lta ba bzhin du sems can gyi don phyis byed par gyur cig ces gang sngon gyi smon lam 'debs pa des mngon par 'dod pas 'phags pa rtag tu 'jug pa lhun gyis grub pa nan tan med pas gzhan gyi don bya ba dang gang ldan pa de de bzhin gshegs pa thams cad kyi ye shes kyi sku thams cad lhun gyis grub pa gsungs so//tshig de gnyis kyis thabs dang shes rab kyi bdag nyid bcom ldan 'das zhes gsungs par 'gyur ro/ /de ltar yang gsungs pa/sngon gyi smon lam gyis 'phangs rtag tu ni/ /lhun gyis grub pas gzhan gyi don rnams 'byung / /zhes so/ /dus gsum sangs rgyas don byed pa ni dus gsum gyi rdzogs pa'i sangs rgyas rnams ni dus gsum sangs rgyas te/ /bcom ldan 'das de nyid do/ /sangs rgyas thog ma tha ma med/ / dang po'i sangs rgyas rgyu med pa/ /zhes pa ni de la sangs rgyas zhes bya ba la 'on te/ sangs rgyas zhes bya ba 'di ji ltar na sangs rgyas la 'jug par 'gyur zhe na/ ci ste mi 'gyur te/ sangs rgyas ni ye shes kyi don nyid kyi phyir ro/ /de yang gcig nyid kyis dngos po dang las gnyis su sbyor ba mthong ngo / / lha sbyin sangs rgyas la rag las par gyur to/ /lha sbyin gyis sangs rgyas bstan zhing bcos so/ /las su yang sangs rgyas kyi dgrar 'dod de/ 'di ni sangs rgyas dang ldan no/ /las thams cad ces bya bas na sangs rgyas te/ sangs rgyas 'di ni dngos po thams cad shes pa'i blo dang gang ldan pa de'o//yi ge a ni ldan pa'i don dang / phul du byung ba'i don to/ /yang na sangs rgyas ni thugs su chud pa'i don yin la phul du byung ba yang rtogs pa ste/ rtogs pa'i don du yang gsungs so/ /dngos po dang las dang byed par 'gyur ba las byed pa gang yin pa yang las thams cad de/rang gi mtshan nyid dang spyi'i mtshan nyid shes pa dang ldan pa ni sangs rgyas te/ bcom ldan 'das so/ thog ma tha ma med pa ni thog ma dang tha ma ni thog ma dang tha ma gnyis so/ /thog ma dang tha ma med pa gang dang ldan pa de thog ma dang tha ma med pa ste/ bcom ldan 'das de skye ba dang 'gag pa dang bral ba'i phyir ro//dang po'i sangs rgyas ni dang po kho na'i sangs rgyas te/ de yang ye shes lnga'i bdag nyid do/ /gal te ji lta zhe na/ de'i phyir gsungs pa/ stobs kyis rab tu bsgoms pa ni/ /me long lta bu'i ye shes so/ /de la stobs ni lnga ste/ dad pa dang / dran pa dang / brtson 'grus dang / ting nge 'dzin dang / shes rab kyis nye bar mtshon pa rnams te/ de rnams kyis rab tu bsgoms pa nyid kyi phyir na yang dag pa'i mtha' thugs su chud pa'i phul du byung ba'o/ /mi 'jigs pa'i mtshan nyid ni mnyam pa nyid kyi ye shes so/ /de la mi 'jigs pa rnams ni ye shes la mi 'jigs pa rnams dang /zag pa zad pa la mi 'jigs pa dang / nyon mongs pa'i rgyu nye bar bstan pa la mi 'jigs pa dang / rnam par byang ba'i rgyu bstan pa la mi 'jigs pa ste/ de bas na mi 'jigs pa bzhis mnyam pa nyid kyi ye shes thob bo/ /kun du mtshan ma med pas shin tu phra ba'i rtog pa rnam par dag pa de'i phyir so so yang dag par rig pa'i rang bzhin ni so sor kun du rtog pa'i ye shes so//de la so so yang dag par rig pa bzhi ni don dang / chos dang / nges pa'i tshig dang / spobs pa rnams kyi tshul gyis so/ /de rnams kyis so sor kun du rtog pa'i ye shes thob pa'i phyir ro//chos kyi dbyings kyi chos thams cad kyi snying po nyid lhag par mos pa'i bsam pa yang ste/ de'i phyir snying rje chen po dang byams pa'i tshul ni bya ba nan tan gyi ye shes so/ /bdag po thams cad shes pa ni shin tu rnam par dag pa'i chos kyi dbyings kyi ye shes te/ da ltar ye shes lnga'i bdag nyid dang / rigs lnga'i bdag nyid ni bcom ldan 'das 'di lta ste/ chos thams cad mnyam pa nyid kyi sgo nas dmigs pa gcig pa nyid du blta bar bya'o/ /de'ang 'jam dpal kho na ste/ 'di ni rgyud med pa zhes bya ba'o/ /rgyud ni rim pa ste/ rgyud dang rim pa gang la med pa de ni rgyud med pa ste/skye ba dang 'gag pa med pa'i phyir ro/ /ye shes mig gcig dri ma med/ /ye shes lus can de bzhin gshegs/ /zhes pa ni de la ye shes mig gcig ni ye shes nyid gcig pu'i mig dang gang ldan pa de ni ye shes mig gcig go/ /de nyid kyi phyir na dri ma med ces pa ste/'dod chags la sogs pa'i dri ma med pa'i phyir ro/ /ye shes lus can zhes pa ni ye shes nyid lus te/ gzugs la sogs pa med pa gang yin pa de/ ye shes lus can no/ /de nyid de bzhin gshegs pa ste/ de'i don ni bshad zin to/ /tshig gi dbang phyug smra ba che/ /smra ba'i skye mchog smra ba'i rgyal//smra ba'i dam pa mchog gi gnas/ /smra ba'i seng ge tshugs pa med/ /ces pa ni de la tshig gi dbang phyug la sogs pa'i tshig brgyad po rnams kyis rgyu dang rgyu las byung ba can gyi dngos pos 'bras bu mchog tu yod pa la sogs pa bshad de/ de yang gsungs pa tshig gi dbang phyug ni tshig rnams kyi dbang phyug go//de nyid kyi phyir na smra ba che ste/ /smra ba yang de chen po yang de nyid yin pas smra ba che'o/ /de nyid kyi phyir na smra ba'i skyes mchog yin no/ /de nyid kyi phyir na/ smra ba'i rgyal zhes pa la mdzes pas na rgyal po ste/ smra ba rnams kyi rgyal po ni smra ba'i rgyal po'o/ /de nyid kyi phyir na smra ba'i dam pa ste/gtso bo zhes gsungs te/ smra ba rnams kyi dam pa ni smra ba'i dam pa'o/ /de nyid kyi phyir na mchog gi gnas so/ /de nyid kyi phyir na smra ba'i seng ge zhes so/ /de nyid kyi phyir na tshugs pa med pa ste/ gzhan rnams kyis mi tshugs pas na tshugs pa med do/ /de nyid kyi yon tan gyi khyad par yang bcom ldan 'das 'jam dpal lo//kun du lta ba mchog tu dga'/ /gzi brjid phung po blta na sdug/ /ces pa ni de la kun du lta ba ni kun nas lta ba'i tshul dang gang ldan pa de kun du lta ba ste/ kun du bzang po'i ye shes brnyes pa'i phyir ro/ /de nyid kyi phyir na bcom ldan 'das kun du spro ba mkhyen pa'o//mchog tu dga' ni don dang chos so so yang dag par rig pa'i phyir ro/ /gzi brjid phung po ni gzi brjid ni 'od do/ /phung po ni phreng ba'o/ gzi brjid phung po gang dang ldan pa de gzi brjid phung po'o/ /blta na sdug ni ye shes mdzes pa dang gang ldan pa de blta na sdug ste/sdu gu ma zhes pa ni rig pa dang gang ldan pa de nyid kyi phyir ro/ /'od bzangs 'bar ba dpal gyi be'u/ /lag pa 'od 'bar snang ba po/ /zhes pa ni/ de la 'od bzangs ni 'od bzang pos dkyil 'khor byas nas rnam par gnas pa'i phyir ro/ /'bar ba ni ma lus shing lus pa med pa'i 'jig rten la cher snang ba'i phyir ro//dpal gyi be'u ni de bzhin gshegs pa thams cad kyi thugs kan na dpal be'u'i gzugs can nyan thos la sogs pa thams cad dang thun mong ma yin pa thams cad mkhyen pa nyid kyi sa bon las byung ba'i dngos po 'gro ba thams cad skyed par byed pa de bzhin gshegs pa'i mtshan yod do//de yang thun mong ma yin pa'i phyir na bcom ldan 'das de bzhin gshegs pa thams cad kyi ye shes sems dpa' kho na ste/ de rnams kyi thugs kar gnas pa'i phyir ro/ /lag pa 'od 'bar snang ba po ni 'od kyi sgra ni gzi brjid kyi rnam grangs te/ mtha' na yang yi ge a yod pa'o//lag pa yang de 'od kyang de nyid yin pas lag pa'i 'od rnams ni khro bo 'bar ba'i 'od kyis lag pa 'bar ba ni lag pa'i 'od 'bar ba ste/ de rnams kyi snang ba ni lag pa'i 'od 'bar snang ba po'o/ /de khro bos 'dul ba'i sems can rnams la de'i gzugs 'od zer 'phro ba'i sgo nas 'dul bar byed pa'i don te/'di lta bu'i bcom ldan 'das lag pa'i 'od 'bar snang ba po zhes gsungs so/ /sman pa che mchog gtso bo ste/ /zug rngu 'byin pa bla na med/ /ces pa ni de la sman pa che ni sman pa yang de yin la chen po yang de nyid yin pas sman pa che ni sman pa'i rgyal po che zhes pa'i don to/ /'dod chags la sogs pa'i nad thams cad 'joms pa nyid kyi phyir ro//mchog ni mi shes pa'i nad rab tu zhi bar byed pa'i don du phyin ci ma log pa'i man ngag gi sman gtong bar byed pa'i phyir na/ mchog ces gsungs so/ /de nyid kyi phyir na gtso bo zhes pa ste/ 'gro ba thams cad mngon par 'don pa'i phyir ro//zug rngu 'byin pa ni zug rngu 'byin mkhan no/ /zug rngu 'byin pa'i tshul dang gang ldan pa ste/ sems can thams cad kyi 'dod chags la sogs pa'i snying gi zug rngu 'byin par byed pa'i phyir yang dag pa ji lta ba bzhin du de'i gnyen po chos nyid rab tu bstan pa'i phyir ro/ /de nyid kyi phyir na bla na med ces te/bcom ldan 'das 'jam dpal lo/ /sman rnams ma lus ljon pa'i shing / /nad do cog gi dgra che ba/ /zhes pa ni de la sman rnams ma lus ljon pa'i shing ni ma lus shing lus pa med pa'i sman rnams ni sman rnams so/ /de rnams kyi ljon shing ni sman rnams ma lus ljon pa'i shing ngo //gang gi phyir bcom ldan 'das des 'gro ba kun rjes su gzung ba'i don du sman rnams kyi rgyal po chen por gyur par so sor snang ngo / /de ltar yang gsungs pa/ de dag dgon chen ljon pa'i shing du gyur/ /zhes so/ /nad do cog gi dgra che ba ni 'dod chags la sogs pa nyon mongs pa de nad de yin pas nad do cog go//de rnams kyi dgra chen te de'i gnyen po chos nyid rab tu bstan pa'i phyir ro/ /sdu gu 'jig rten gsum na mdzes/ /dpal ldan rgyu skar dkyil 'khor can/ /zhes pa ni de la sdu gu'i don ni bshad zin to/ /'jig rten gsum na mdzes ni 'gro ba thams cad dang mi mnyam pas 'jig rten gsum gyi spyi gtsug dbu rgyan thub pa nyid kyi phyir na de de ltar gsungs so//dpal ldan ni de bzhin no/ /rgyu skar dkyil 'khor can ni/ rgyu skar rnams kyi dkyil 'khor ro/ /de 'dra ba'i gzugs dang gang ldan pa bcom ldan 'das de ni rgyu skar dkyil 'khor can te de'i rang bzhin yin pa'i phyir ro//phyogs bcu nam mkha'i mtha' gtugs par/ /chos kyi rgyal mtshan legs par 'dzugs/ /zhes pa ni de la phyogs bcu rnams kyi nam mkha' ni phyogs bcu'i nam mkha' ste/ de yongs su mthar thug pa ni phyogs bcu nam mkha' mtha' gtugs pa'o/ / chos kyi rgyal mtshan yin pas na chos kyi rgyal mtshan te/ chen po yang de yin la 'dzugs pa yang de yin pas chen po 'dzugs so/ /de'i don ni 'di lta ste/ phyogs bcu nam mkha' mthar thug pa rnams su chos kyi rgyal mtshan chen po bsgreng ba dang gang ldan pa de ni de ltar gsungs te/ 'jig rten thams cad bsod nams dang ye shes kyi tshogs rnam par 'phel ba'i rgyal mtshan btsugs pa nyid kyi phyir ro//'gro ba'i gdugs gcig yangs pa ste/ byams dang snying rje'i dkyil 'khor can/ /zhes pa ni de la 'gro ba'i gdugs gcig yangs pa ste ni 'gro ba rnams la gdugs ni 'gro ba'i gdugs te/gcig pu ni gnyis su med pa'o/ /yangs pa ste rgya che ba gang yin pa ste/ bcom ldan 'das 'gro ba'i gdugs gcig yangs pa ste/ nyon mongs pa'i gdung ba thams cad 'joms pa'i phyir ro/ /byams dang snying rje'i dkyil 'khor can ni byams dang snying rje ste/de rnams kyi dkyil 'khor ni de'i snying po len pa'i phyir ro/ /dpal ldan pad+ma gar gyi bdag /khyab bdag chen po rin chen gdugs/ /zhes pa de la dpal ldan gyi don ni bshad zin to/ /pad+ma gar gyi bdag ni ting nge 'dzin rtogs pa ste/ de yang bcom ldan 'das so/ /khyab bdag chen po ni khyab bdag kyang de yin la chen po yang de nyid yin pas khyab bdag chen po ste/dngos po thams cad kyi rang bzhin nyid kyi phyir ro/ /rin chen gdugs ni rin chen thams cad kyi dam tshig nyid kyi phyir ro/ /sangs rgyas kun gyi rgyal po che/ /sangs rgyas kun bdag ngo bo 'chang / /zhes pa ni de la sangs rgyas kun gyi rgyal po che ni rgyal po yang de yin la chen po yang de nyid yin pas rgyal po che'o//dus gsum gyi sangs rgyas thams cad kyi rgyal po chen po ni sangs rgyas kun gyi rgyal po che ste/ byang chub kyi sems rdo rje'i rang bzhin nyid kyi phyir ro/ /sangs rgyas kun bdag ngo bo 'chang ni sangs rgyas thams cad kyi bdag nyid ni sangs rgyas kun bdag ste/chos thams cad stong pa nyid kyi phyir ro/ /de'i ngo bo ni yod pa'o/ /de 'dzin pas na sangs rgyas kun bdag ngo bo 'chang ngo / /sangs rgyas kun gyi rnal 'byor che/ /sangs rgyas kun gyi bstan pa gcig/ /ces pa ni de la sangs rgyas kun gyi rnal 'byor che ni rnal 'byor yang de yin la chen po yang de yin pas rnal 'byor che'o//sangs rgyas thams cad kyi rnal 'byor chen po ni sangs rgyas kun gyi rnal 'byor che ste/ de bzhin gshegs pa thams cad kyi thugs kar gnas pa nyid kyi phyir ro/ /'di lta ste/ yang gsungs pa/ rnal 'byor chen po bcom ldan 'das/ /rdo rje sems dpa' de bzhin gshegs//zhes so/ /de de ltar gsungs so/ /sangs rgyas kun gyi bstan pa gcig ni dus gsum gyi sangs rgyas thams cad kyi bstan pa gcig ste/ theg pa chen po gang yin pa de ni sangs rgyas kun gyi bstan pa gcig go/ /de ltar theg pa ni gcig kho na ste/ 'di ltar theg pa chen po zhes gsungs pa'i phyir ro//rdo rje rin chen dbang bskur dpal/ /rin chen kun bdag dbang phyug ste/ 'jig rten kun gyi dbang phyug rje/ /rdo rje 'chang ba kun gyi bdag/ /sangs rgyas kun gyi thugs che ba/ /zhes pa ni de la rdo rje rin che ni mi bskyod pa'o/ /de bzhin du dbang bskur dpal ni rdo rje sems ma'o//rin chen kun bdag dbang phyug ste ni rin chen kun ni rin chen 'byung ldan no/ /de'i bdag po dang dbang phyug ni rin chen rdo rje ma'o/ /'jig rten kun gyi dbang phyug ni snang ba mtha' yas so/ /de'i rje bo ni chos kyi rdo rje ma'o/ /rdo rje 'chang ba kun gyi bdag ni rdo rje 'chang ba kun ni don yod grub pa'o/ / de'i bdag ni las kyi rdo rje ma'o/ /sangs rgyas kun gyi thugs che ba ni sangs rgyas kun ni rnam par snang mdzad do/ /de'i thugs che ba ni rdo rje dbyings kyi dbang phyug ma'o/ /de yang don 'di ltar 'gyur te/ rdo rje rin chen la sogs pa de bzhin gshegs pa lnga dang gang 'brel pa de rnams kyi rigs kyi yum lnga gang yin pa de'i rang bzhin bcom ldan 'das 'jam dpal te/rdo rje dang / rin po che dang / pad+ma dang / sna tshogs rdo rje dang / 'khor lo rnams thob pa'i phyir ro/ /sangs rgyas kun gyi thugs la gnas/ /sangs rgyas kun gyi sku che ba/ /sangs rgyas kun gyi gsung yang yin/ /zhes pa ni de la sangs rgyas kun gyi thugs la gnas ni thugs kyi rang bzhin nyid kyi phyir ro//sangs rgyas kun gyi sku che ba ni sku'i rang bzhin nyid kyi phyir ro/ /sangs rgyas kun gyi gsung yang yin ni/ gsung gi rang bzhin nyid kyi phyir ro/ /de nyid kyi phyir na dpal gsang ba 'dus pa'i rgyud las gsungs pa/ de bzhin gshegs pa thams cad kyi sku dang gsung dang thugs rdo rje zhes so//de yang bcom ldan 'das de bzhin gshegs pa thams cad kyi ye shes sems dpa'o/ /rdo rje nyi ma snang ba che/ /rdo rje zla ba dri med 'od/ /ces pa ni de la rdo rje nyi ma snang ba che ni rdo rje nyi ma ni ye shes kyi snang ba chen pos khams gsum pa thams cad cher snang bar byed pa nyid kyi phyir de la de skad ces gsungs so//rdo rje zla ba dri med 'od/ /ces pa ni rdo rje zla ba ni ye shes zla ba ste/ de'i dri ma med pa ni nyon mongs pa thams cad kyi bag chags kyi skyon thams cad dang bral ba nyid kyi phyir ro/ /'od ni gsal ba ste grangs med pa'i 'jig rten gyi khams snang bar byed pa dang gang ldan pa de la de ltar gsungs so//tshig de gnyis ni 'di ltar bstan par 'gyur te/ sngags kyi sgo nas spyad pa spyod pa'i rigs kyi bu la sogs par rang gi snying gar nyi ma'i dkyil 'khor ram zla ba'i dkyil 'khor bstan par byas te/ de'i steng du yi ge a bsams nas ming gi don gzhan dang gzhan so so gang yang rung ba don mngon du byas te 'phags pa mtshan yang dag par brjod pa bklag par bya'o zhes man ngag tu'o//chags bral la sogs chags pa che/ /kha dog sna tshogs 'bar ba'i 'od/ /ces pa la/ de la chags bral la sogs chags pa che//zhes pa ni/ des ni rnal 'byor pa rnams kyi rang bzhin phye ba gsungs te/ 'dod chags dang 'dod chags dang bral ba la zhugs pa ni pha rol tu phyin pa la spyod pa dang / sngags kyi sgo nas spyad pa spyod pa rnams kyi de'i rang bzhin med pa de kho na la bcom ldan 'das so/ / kha dog sna tshogs 'bar ba'i 'od/ /ces pa la kha dog sna tshogs ni kha dog sna tshogs pa ste/ de'i 'bar ba'i 'od ni mun pa thams cad rnam par 'joms shing gsal ba gang la yod pa de la de skad ces bya'o/ /de ltar yang 'dir bcom ldan 'das 'jam dpal de nyid kyis 'od sna tshogs pa'i sgo rnams kyis sna tshogs pa'i 'jig rten gyi khams na gnas pa'i gdul bya sna tshogs pa'i rigs dang /bsam pa dang / spyod pa dang / mos pa dang / dbang po rnams skad cig gis dus gcig kho nar mi rtag pa dag sdug bsngal ba dang / mi skye ba dang / mi 'gag pa la sogs pa zhi ba dang rang bzhin gyis mya ngan las 'das pa la sogs pa'i dbye ba dang /phung po dang khams dang / skye mched dang / rten cing 'brel par 'byung ba dang / 'phags pa'i bden pa la sogs par phye ba dang / dran pa nye bar gzhag pa nas yang dag par spong ba dang / rdzu 'phrul gyi rkang pa dang / dbang po la sogs pa'i dbye bas dang /stobs bcu dang mi 'jigs pa la sogs pa'i sangs rgyas kyi chos rnams kyi dbye bas dang / skad sna tshogs dang sgo sna tshogs dang / mngon par brjod pa sna tshogs pa dang / cho 'phrul sna tshogs dang / 'jug pa sna tshogs dang / theg pa sna tshogs dang / 'bras bu rtogs pa sna tshogs rnams kyis skad cig ma de nyid kho na la bstan pa'i mkhyen pas chos rab tu bstan par mdzad pas na/ kha dog sna tshogs 'bar ba'i 'od/ /ces bya ba 'di gsungs so/ /mtshan gyi sngags kyi tshig 'di yang bla mas bstan pa'i man ngag gang las bcom ldan 'das de bzhin gshegs pa thams cad kyi ye shes sems dpa' la sbyar bar bya'o zhes so//rdo rje skyil krung rdzogs sangs rgyas/ /sangs rgyas 'gro ba'i chos 'dzin pa/ /zhes pa ni de la rdo rje skyil krung rdzogs sangs rgyas ni bcom ldan 'das rdzogs pa'i sangs rgyas shAkya thub pa'i rdo rje skyil krung ni rdo rje skyil krung rdzogs sangs rgyas zhes so//bcom ldan 'das gang yin pa 'dis bdud bzhi las mchog tu rgyal bas na zad pa dang mi skye ba mkhyen pa mngon du byed pa dang ldan pa'i phyir de yang bcom ldan 'das de nyid do/ /sangs rgyas 'gro ba'i chos 'dzin pa ni 'gro bar mdzad pas na 'gro ba ste/ sangs rgyas rnams kyi 'gro ba ni sangs rgyas rnams kyi 'gro ba'o//de ltar yang 'gro bar bya zhing bdag gis brtsad par bya'o zhes gsungs pa'i phyir ro/ /de nyid kyi chos te de 'dzin pas na sangs rgyas 'gro ba'i chos 'dzin te de yang bcom ldan 'das de nyid do/ /dpal ldan sangs rgyas pad+ma skyes/ /kun mkhyen ye shes mdzod 'dzin pa//zhes pa na de la dpal ldan ni bshad zin to/ /sangs rgyas pad+ma skyes ni sangs rgyas nyid pad+ma bas sangs rgyas pad+ma rnams te/ nyon mongs pa'i bag chags kyi dri ma rnams kyis nye bar ma gos pa'i phyir ro/ /de las byung bas na sangs rgyas pad+ma skyes so/ /de nyid bcom ldan 'das so/ /kun mkhyen ye shes mdzod 'dzin pa ni thams cad mkhyen pa'i ye shes ni kun mkhyen ye shes so//de nyid mdzod dang snod khyim ste/ de 'chang bas na kun mkhyen ye shes mdzod 'dzin no/ /rgyal po sgyu 'phrul sna tshogs 'chang / /che ba sangs rgyas rig sngags 'chang / /zhes pa ni de la rgyal po ni dge ba bcu'i las kyi lam bstan cing legs par bshad pa dag gis 'jig rten la bsgo bar byed pas na rgyal po ste/de nyid bcom ldan 'das so/ /sgyu 'phrul sna tshogs 'chang ni sgyu 'phrul sna tshogs pa ste/ sprul pa rnam pa sna tshogs pa'o/ /de 'dzin pas na sgyu 'phrul sna tshogs 'chang ngo //che ba sangs rgyas rig sngags 'chang / /zhes pa la sangs rgyas rnams kyi rig sngags ni sangs rgyas rig sngags te/ sangs rgyas rig sngags ni gzungs bzhi ste/ chos dang don dang sngags dang bzod pa'i mtshan nyid rnams so/ /de rnams 'dzin pas ni 'di sangs rgyas rig sngags 'chang ngo //de nyid che ba zhes pa ste/ /kun du 'gro ba nyid kyi phyir ro/ /rdo rje rnon po ral gri che/ /yi ge mchog ste rnam par dag /ces pa ni de la rdo rje rnon po ni phyag rgya chen po'i ngo bos so/ /ral gri che ni las kyi phyag rgya'i rang bzhin no/ /rnam par dag pa ni shes rab kyi pha rol tu phyin pa'i glegs bam ste/de yang dam tshig gi phyag rgya'i sgo nas so/ /yi ge mchog ni chos kyi phyag rgya'i sgo nas so/ /de yang bcom ldan 'das dang po'i sangs rgyas de kho na phyag rgya bzhis rgyas btab pas rdo rje rnon po zhes gsungs so/ /theg pa chen po sdug bsngal gcod/ /mtshon cha chen po rdo rje chos/ /zhes pa ni de la sdug bsngal ni nye bar len pa'i phung po rnams te/de rnams gcod pas na sdug bsngal gcod pa'o/ /de nyid theg pa chen po ste/ lam gyi bden pa nyid kyi phyir ro/ /de'i rdo rje chos ni ye shes kyi chos te/ chos de mi mthun pa'i phyogs gcod pa'i phyir mtshon cha chen po'o//de dang gang ldan pa de ni/ theg pa chen po sdug bsngal gcod/ /mtshon cha chen po rdo rje chos te/ bcom ldan 'das so/ /rdo rje zab mo dzin dzika /rdo rje blo gros don bzhin rig /ces pa ni de la rdo rje zab mo rdo rje ste/ ye shes zab mo 'di rdo rje zab mo'o/ /yang na zab mo ni gzung 'dzin la sogs pa'i rnam par rtog pa dang bral ba shes rab kyi rang bzhin dang gang ldan pa de la de ltar gsungs so//dzi na ni de bzhin gshegs pa mi bskyod pa la sogs pa rnams so/ /de rnams las rgyal ba dang zil gyis gnon pa la bdag po yin pas na dzi na dzika ste/ bcom ldan 'das rnam par snang mdzad de/ de yang bcom ldan 'das 'jam dpal nyid do/ /rdo rje blo gros ni rdo rje 'dra ba'i mi phyed pa'i blo gros dang gang ldan pa de rdo rje blo gros te/ gzung 'dzin la sogs pa'i rnam par rtog pas bsdus pa thams cad kyis mi phyed pa nyid kyi phyir ro/ /don bzhin rig ni ji ltar gnas pa'i don rnam par rig pas don bzhin rig go//pha rol phyin pa kun rdzogs pa/ /sa rnams kun gyi rgyan dang ldan/ /zhes pa la pha rol phyin pa kun rdzogs pa ni pha rol phyin pa kun ni sbyin pa la sogs pa rnams so/ /de rnams rdzogs pa'i tshul dang gang ldan pa de la de ltar gsungs so/ /sa rnams kun gyi rgyan dang ldan ni sa rnams kun ni rab tu dga' ba la sogs pa rnams so//de nyid kyi rgyan te dkyil 'khor gang yin pa de la de ltar gsungs so/ /rnam par dag pa chos bdag med/ /yang dag ye shes zla 'od bzang / /zhes pa ni de la rnam par dag pa'i chos ni rnam par dag pa so sor rtog pa'i mtshan nyid grub pa ste/bdag med pa ni snang ba med par byed pa'o/ /yang dag pa'i ye shes de nyid zla ba ste/ kun du bzang po'i sems bskyed pa ste/ de bzhin gshegs pa thams cad kyi ye shes kyi sku nyid kyi phyir te/ de nyid bcom ldan 'das so/ /'od bzang ba ni zla ba'i dkyil 'khor gyi gzugs rang bzhin gyis 'od gsal ba'i ye shes te de dang gang ldan pa de la de ltar ro//brtson chen sgyu 'phrul dra ba ste/ rgyud kun gyi ni bdag po mchog /zhes pa ni de la/ brtson chen sgyu 'phrul dra ba ste/ /zhes pa ni/ sgyu 'phrul dra ba ni sprul pa'i tshogs te/ brtson chen dang gang ldan pa de la de ltar ro/ /rgyud kun gyi ni bdag po ni rgyud kun ni rnal 'byor gyi rgyud la sogs pa'i bdag po ni gtso bo ste/de'i rang bzhin nyid kyi phyir ro/ /mchog ni bshad zin to/ /rdo rje gdan ni ma lus ldan/ /ye shes sku rnams ma lus 'chang / /zhes pa ni ma lus shing lus pa med pa'i ting nge 'dzin gyi rang bzhin gyi skyil mo krung dang gang ldan pa de ni rdo rje gdan ni ma lus ldan no//de nyid kyi phyir/ ye shes sku rnams ma lus 'chang / /zhes pa ste/ ye shes lnga po ma lus pa'i sku rnams ma lus 'chang ngo / /kun du bzang po blo gros bzang / /sa yi mngal te 'gro ba 'dzin/ /zhes pa ni de la kun du bzang po ni kun las bzang zhing dge ba gang yin pa de ni kun du bzang po ste/byang chub kyi sems rdo rje'i bdag nyid kyi phyir ro/ /blo gros bzang ni legs pa'i blo gros ni blo gros bzang po ste/ rtog pa'i dra ba thams cad med pa'i phyir ro/ /sa'i mngal zhes pa ni/ de la sa'i khams te snod kyi 'jig rten no/ /de'i mngal ni skyed par byed pa gang yin pa de sa'i mngal lo//'gro ba 'dzin ni 'gro ba ni sems can gyi 'jig rten no/ /de 'dzin pa ni 'dzin par byed pas na 'gro ba 'dzin te 'gro ba kun gyi rten zhes pa'i don to/ /tshig de gnyis kyis g.yo ba dang mi g.yo ba'i dngos po thams cad kyi rang bzhin de yin pa'i phyir ro/ / sangs rgyas kun gyi snying po che/ /sprul pa'i 'khor lo sna tshogs 'chang / /zhes pa ni de la sangs rgyas kun gyi snying po che ni dus gsum gyi de bzhin gshegs pa thams cad kyi bskyed pa'i rgyu nyid kyi phyir te/ gang gi phyir bcom ldan 'das de byang chub kyi sems rdo rje'i bdag nyid yin pa de'i phyir/ sangs rgyas kun gyi snying po che//zhes gsungs so/ /de nyid kyi phyir na/ sprul pa'i 'khor lo sna tshogs 'chang / /zhes pa sna tshogs ni rnam pa sna tshogs pa'o/ /'jig rten dang 'jig rten las 'das pa'i lha rnams yang dag par ston pa'i bdag nyid kyi sprul pa ni sna tshogs sprul pa'o/ /de'i 'khor lo ni sprul pa'i 'khor lo ste dkyil 'khor ro//de 'dzin pas na sprul pa'i 'khor lo sna tshogs 'chang ngo / /dngos po kun gyi rang bzhin mchog /dngos po kun gyi rang bzhin 'dzin/ /zhes pa ni de la dngos po kun gyi rang bzhin mchog ni dngos po yang de yin la kun yang de yin pas dngos po kun ni g.yo ba dang mi g.yo ba la sogs pa rnams so//de rnams kyi rang bzhin ni dngos po kun gyi rang bzhin te/ dngos po kun gyi rang bzhin yang de yin la mchog kyang de nyid yin pas dngos po kun gyi rang bzhin mchog go/ /de ji ltar zhe na/ bcom ldan 'das de'i yang dag pa'i mtha'i de bzhin nyid kyi yongs su dag pa'i de bzhin nyid kyi ye shes kyi sku'i rang bzhin nyid kyi phyir ro//dngos po kun gyi rang bzhin 'dzin ni de nyid kyi phyir na dngos po kun gyi rang bzhin te/ chos thams cad bdag med par 'jug pa 'dzin pas na dngos po kun gyi rang bzhin 'dzin te/ rnam pa thams cad du chen po stong pa nyid kyi phyir ro/ /skye med chos de sna tshogs don//chos kun ngo bo nyid 'chang ba/ /zhes pa ni de la skye med chos ni skye ba med cing rang bzhin med pa'i chos dang gang ldan pa de skye med chos te/ rten cing 'brel par 'byung ba nyid ni don dam par skye ba med pa'i phyir ro/ /sna tshogs don ni kun rdzob tu 'gro ba thams cad rjes su 'dzin pa'i don byed pa nyid kyi phyir ro//chos kun ngo bo nyid 'chang ba ni de la chos kun gang zhe na/ 'di lta ste/ phung po dang / khams dang / skye mched dang / rten cing 'brel par 'byung ba dang / pha rol tu phyin pa dang / sa dang / stong pa nyid dang / byang chub kyi phyogs dang / bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa dang / mngon par shes pa dang / ting nge 'dzin dang / gzungs kyi sgo dang / stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa dang /dge sbyong gi 'bras bu dang / rnam pa thams cad mkhyen pa dang / de bzhin nyid dang / yang dag pa'i mtha' dang / mtshan ma med pa dang / don dam pa dang / chos kyi dbyings zhes bya ba chos de rnams kyi rang bzhin ni chos kun rang bzhin te/ de yang ji lta ba bzhin du yongs su shes nas de 'dzin pas na chos kun ngo bo nyid 'chang ngo //de ltar yang ye shes zhabs kyis gsungs pa/ yang dag byang chub sems bskyed nas/ /byams pa chen por rab sbyar te/ /chos rnams thams cad bdag med pa/ /de ltar shes na rnam par grol/ /zhes so/ /shes rab chen po'i skad cig la/ /chos kun mngon par rtogs pa 'chang //zhes pa ni de la shes rab kyang de yin la chen po yang de nyid yin pas shes rab chen po ste/ chos thams cad rnam par 'byed pa'i bdag nyid do/ /skad cig kyang de yin la gcig kyang de nyid yin pas skad cig go/ /de bas na de'i don ni 'di ltar 'gyur te/ dus kyi skad cig ma nyid la shes rab chen po nyid kyis ji ltar gsungs pa'i chos thams cad du shes pa'i phyir na/shes rab chen po'i skad cig la/ /chos kun khong du chud pa'o/ /de 'dzin pas na shes rab chen po'i skad cig la chos kun mngon par rtogs pa 'chang ngo / /chos kun mngon par rtogs pa ste/ yang dag mthar thug mchog gi blo//zhes pa ni/ de la chos kun mngon par rtogs pa zhes pa la/ chos thams cad kyi rang bzhin mngon par rtogs pa ni chos kun mngon par rtogs pa ste/ yang dag par thugs su chud pa dang gang ldan pa de ni chos kun mngon par rtogs pa'o/ / yang dag mthar thug ces pa la yang dag pa ni bden pa ste/ de bzhin nyid ces pa'i bar du'o/ /de'i mtha' ni yang dag mtha'o/ /mthar thug pa yang de yin la yang dag mtha' yang de nyid yin pas yang dag mthar thug go/ /de nyid kyi phyir na mchog gi blo ni rnal 'byor can gyi ye shes te/ yang dag pa'i don bsgoms pas rab kyi mthar phyin pa yin pa'i phyir ro//mi g.yo rab tu dang ba'i bdag /yang dag rdzogs pa'i byang chub 'chang / /zhes pa ni de la mi g.yo ba ni ting nge 'dzin gyi mi mthun pa'i phyogs su song ba'i bying ba dang rgod pa med pa'i phyir ro/ /de nyid kyi phyir na rab tu dang ba'i bdag ces pa ste/ting nge 'dzin gyi bar chad gnyis med pa'i phyir ro/ /yang dag rdzogs pa'i byang chub 'chang ni bla na med pa yang dag par rdzogs pa'i byang chub 'dzin pa'i phyir na bcom ldan 'das de yang dag par rdzogs pa'i byang chub 'chang zhes gsungs so/ /sangs rgyas kun gyi mngon sum pa/ /ye shes me lce 'od rab gsal//zhes pa la/ de la/ sangs rgyas kun gyi mngon sum pa/ /zhes pa ni dus gsum gyi sangs rgyas thams cad kyi mngon sum pa ni yang dag par rang gis rig pa nyid kyi phyir ro/ /ye shes me lce ni shes rab kyi mar me'o/ /'od rab gsal ni brjod kyis mi lang ba'i sangs rgyas kyi zhing kun du snang bar byed pa'i phyir ro//de nyid kyi phyir na bcom ldan 'das de bzhin gshegs pa thams cad kyi ye shes kyi sku 'gro ba thams cad la phan pa'i rang bzhin gyis dbang po 'ang rab 'bring tha chungs kyi sems can gdul bya rnams la phan 'dogs pas na 'jig rten las 'das pa thams cad kyi ting nge 'dzin bstan pa'i sgo nas bsod nams dang ye shes kyi tshogs dang /sa dang pha rol tu phyin pa rnams kyi 'bras bu rab tu rdzogs pa'i don du gzugs sna tshogs ston par byed pa yin no/ /de la dbang po rtul po'i sems can 'ga' zhig 'dul ba la tshangs pa'i gzugs kyis dang / dbang po 'bring po nyan thos dang rang sangs rgyas kyi rigs rnams kha cig la phan 'dogs pa'i don du de'i gzugs kyis kyang snang ngo //dbang po rnon po byang chub sems dpa'i rigs rnams la 'ga' zhig tu byang chub sems dpa' dang / tshogs dang / sa dang / pha rol tu phyin pa'i rim pas bdag gi dngos po bstan pas dang /'ga' zhig tu bla na med pa yang dag par rdzogs pa'i sangs rgyas kyi ngo bo dang / 'ga' zhig tu 'jig rten dang 'jig rten las 'das pa'i ye shes kyi bdag nyid rnams dang / sems can bkres pa rnams kha cig la phan 'dogs pa'i don du bum pa bzang po la sogs pa'i gzugs kyis dang /nad chen pos gzir ba'i sems can kha cig la sman chen po la sogs pa'i gzugs kyis dang / de la sogs pa rnams kyis g.yo ba dang mi g.yo ba la sogs pa'i dngos po thams cad kyis 'gro ba la phan 'dogs pa'i don du rjes su sgrub par byed pa'i sngags kyi yi ge tshig nyis brgya bdun cu rtsa lngar rnam par spros te/de rnams kyi rigs kyi dbye bas rnam pa lngar phye la/ rigs re re la yang mtshan gyi sngags kyi yi ge'i tshig lnga bcu rtsa lngar sbyar nas mtshan gyi sngags kyi yi ge de rnams kyis kyang phyogs bcu mtha' yas pa'i sangs rgyas kyi zhing rnams su song ste/ de bzhin gshegs pa thams cad kyi mdzad pa mthun par bsgrubs nas de bzhin gshegs pa thams cad kyi 'khor dang / byang chub sems dpa' thams cad kyi 'khor yang snang bar byas nas 'dod chags la spyod pa'i sems can rnams rang gi rnam par thar pa'i sgo nas dag par byas te/ rang gi rigs kyi kha dog gis nye bar bsgos pa rnams yang phyir log nas rdo rje dbyings kyi dkyil 'khor chen po'i phyi rol 'khor lo gsum pa la ji lta ba'i rim pas rnam par gnas par blta'o//de bas na sngags kyi sgo nas spyad pa spyod pa'i rigs kyi bu'am rigs kyi bu mos sngar bstan pa'i gzugs rnam pa gsum du dmigs te/'phags pa mtshan yang dag par brjod pa bklag go/ /yon tan gyi tshogs thob bo zhes pa ni man ngag go/ /tshigs bcad ni bzhi bcu rtsa gnyis te/ mtshan gyi sngags kyi sgo yi ge'i tshig ni nyis brgya bdun cu rtsa lnga ste grangs so/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba las so sor kun du rtog pa'i ye shes kyi sgo nas bstod pa'i rim par phye ba ste brgyad pa'o// //de ni mnyam pa nyid kyi ye shes kyi sgo nas bcom ldan 'das de bzhin gshegs pa thams cad kyi ye shes sems dpa' 'jam dpal ye shes kyi sku'i bstod pa'i dbang du byas nas gsungs pa/'dod pa'i don grub dam pa ste/ /ngan song thams cad rnam sbyong ba/ /mgon po sems can kun gyi mchog /sems can thams cad rab grol byed/ /ces pa la sogs pa ste/ de la 'dod pa'i don grub ni don du gnyer bar bya bas na don te/'dod pa yang de yin la don yang de nyid pas 'dod pa'i don te/ de sgrub par byed cing skyed par byed pa ni rin chen 'byung ldan te/ ser snas sdug bsngal ba'i sems can rnams la rnam par dag pa'i sbyin pa'i sgo nas yang dag par sbyor bar byed pa nyid kyi phyir na de yang bcom ldan 'das nyid do//de nyid kyi phyir na yang dam pa ste/ 'khor gsum yongs su dag pa'i sbyin pa rab tu 'jug pa'i phyir ro/ /ngan song thams cad rnam sbyong ba/ /zhes pa la/ ngan song thams cad ni dmyal ba dang / yi dags dang / byol song rnams so/ /de rnams rnam par sbyong ba ni der 'jug pa'i las yang dag par sbyor bas de dag ngan song las 'don par bsgrub pa'i phyir ro//de nyid kyi phyir na sems can thams cad kyi mchog ste/ gzhan don bya ba la mngon par brtson pa nyid kyi phyir ro/ /de nyid kyi phyir yang mgon med pa'i sems can gyi mgon zhes gsungs so/ / sems can thams cad rab grol byed ni gdul bya'i rigs dang / spyod pa dang / bag la nyal dang / mos pa dang / dbang po rnams kyis 'dul ba rnams la nyan thos la sogs pa'i byang chub kyi lam gyi man ngag rab tu sbyin pa'i sgo nas rab tu grol bar byed pa nyid kyi phyir ro/ /nyon mongs g.yul du gcig dpa' ba//mi shes dgra yi dregs pa 'joms/ /dpal ldan d+hIHste sgeg 'chang zhing / dpa' bo mi sdug gzugs 'chang ba/ /zhes pa ni de la nyon mongs pa'i g.yul du gcig dpa' ba ni nyon mongs pa ni 'dod chags la sogs pa de rnams dang lhan cig 'thab pa gang yin pa de nyon mongs g.yul der dpa' bo gcig pu kho na gnyis su med pa ni nyon mongs pa'i g.yul du gcig dpa' ba ste/nyon mongs pa dang nye ba'i nyon mongs pa thams cad ro mnyam par yongs su sbyong bar rtsom zhing chos rdzogs par byed pa'i phyir ro/ /mi shes dgra yi dregs pa 'joms ni mi shes pa ni gti mug ste/bden pa la sogs pa la blo phyin ci log gang yin pa'o/ /de nyid dgra ste dge ba'i phyogs so sor 'ching ba nyid kyi phyir ro/ /de'i nga rgyal ni dregs pa'o/ /de 'joms pas na mi shes dgra'i dregs pa 'joms so/ /dpal ldan ni bshad zin to/ /d+hIHzhes bya ba ni dang po sangs rgyas bskyed pa'i sa bon te/de nyid sgeg par ldan te/ sgeg pa ni shu kra'o/ /kun nas bskyed pa dang 'byin pas na sgeg 'chang ste/ de yang dbang po la khyab par byed pa nyid kyi phyir de 'dzin pas na de la de skad ces bya'o/ /dpa' bo mi sdug gzugs 'chang ba ni dpa' bo'i nyams dang ldan pa dang / mi sdug pa'i nyams dang ldan pa'i khro bo'i khyad par gang yin pa de rnams kyi gzugs ni dpa' bo mi sdug gzugs te/de 'dzin pas na dpa' bo mi sdug gzugs 'chang ba'o/ /lag pa brgya po kun bskyod cing / /gom pa'i stobs kyis gar byed pa/ /dpal ldan lag pa brgyas rtsol ba/ /nam mkha' khyab par gar byed pa//zhes pa ni/ de la lag pa brgya po kun bskyod cing / gom pa'i stabs kyis gar byed pa ni lag pa brgya po rnams kun bskyod cing zhes pa ni/ lag pa brgya po rnams kun du bskyod pas phyi rol du bskor zhing gom pa'i gnas la g.yas brkyang pa la sogs pa'o/ /de'i stobs kyis mtho lnga la sogs par bskyod pa ste/lag pa brgya po kun bskyod pa dang gom pa'i stabs de gnyis kyis gar byed pa dang gang ldan pa de de ltar ro/ /sa la spyod pa'i gar bstan nas gzhan yang nam mkha' la spyod pa'i gar bstan par 'dod pas gsungs pa/ dpal ldan lag pa brgyas rtsol ba//nam mkha' khyab par gar byed pa/ /dpal ldan ni pad+ma gar gyi dbang phyug go/ /de'i lag pa brgya ni dpal ldan lag pa brgya pa'o/ /de rnams kyis rtsol ba ni mdzes par gnas pa ste/ dpal ldan lag pa brgyas rtsol ba'o/ /des nam mkha'i ste nam mkha' la kun du rtsol zhing yongs su bskor ba'i phyag rgya dang gang ldan pa de la de ltar gsungs so//sa yi dkyil 'khor gzhi gnon pa/ /rkang pa ya gcig mthil gyis gnon/ /rkang mtheb sen mo'i khyon gyis kyang / /tshangs pa'i yul sa rtse nas gnon/ zhes pa de la/ sa yi dkyil 'khor gzhi gnon pa/rkang pa ya gcig mthil gyis gnon/ /zhes pa la/ sa'i dkyil 'khor gzhi ni sa'i dkyil 'khor ngos te/ 'khor gyi sgra mi snang bar byas nas 'dir bstan pa'am/ dam pa'i chos kyi tshig gi yang phyir ro/ /rkang pa'ang de yin la ya gcig kyang de nyid yin pas rkang pa ya gcig ste/de'i mthil ni rkang pa ya gcig gi mthil lo/ /rkang pa ya gcig mthil gyis sa'i dkyil 'khor gzhi gnas pa gnon pa ni sa'i dkyil 'khor ngos gnas pa/ rkang pa ya gcig mthil gyis gnon pa ste/ sa'i dkyil 'khor ngos gnon pa dang gang ldan pa de sa'i dkyil 'khor ngos gnon pa'o//rtsom pa'i las gsungs pa/ rkang mtheb sen mo'i khyon gyis kyang / /tshangs pa'i yul sa rtse nas gnon ni rkang pa'i mtheb mo ni rkang pa'i mthe bo ste/ de'i sen mo ni rkang mtheb sen mo'o/ /tshangs pa'i yul gyi sa'i rtse mo ni tshangs pa'i yul sa'i rtse mo'o/ /des gnon pas rkang mtheb sen mos gnon pa dang gang ldan pa de rkang mtheb sen mo khyon gyis kyang /tshangs pa'i yul sa rtse nas gnon te/ tshig de gnyis kyis ni des 'dul ba'i skye bo la phan gdags pa'i don du bcom ldan 'das de'i rdzu 'phrul rab tu bstan pa yin no/ /don gcig gnyis med chos kyi don/dam pa'i don de 'jigs pa med/ /rnam rig sna tshogs gzugs don can/ /sems dang rnam par shes pa'i rgyud/ /ces pa ni de la don gcig ni yang dag pa'i don dam pa'i rang bzhin gyi phyir ro/ /de nyid kyi phyir na gnyis med chos kyi don zhes te/ gzung 'dzin gnyis mi 'thad pa'i phyir ro//dam pa'i don ni don dang / thob pa dang / sgrub pa dag las thob pa don dam pa nyid do/ /'jigs pa med ni nam mkha' dang 'dra ba nyid kyi phyir ro/ /rnam rig sna tshogs gzugs don can ni 'jug pa'i rnam par shes pa drug go/ /sems ni kun gzhi rnam par shes pa'o/ / rnam par shes pa ni nyon mongs pa can gyi yid do/ /de yang rim pa 'di yin te/ sems kun gzhi rnam par shes pa'i mtshan nyid las nyon mongs pa can gyi yid do/ /de las kyang 'jug pa'i rnam par shes pa drug rnams te/ yul la rnam par g.yo ba'i mtshan nyid rnams so/ /yang de'i bag chags kun gzhi rnam par shes pa la bsgos pa kun gzhi rnam par shes pa las kyang nyon mongs pa can gyi yid de/de las kyang yang 'jug pa'i rnam par shes pa drug go/ /de ltar rten cing 'brel par 'byung pa'i 'khor lo phra mo yongs su 'khor ro/ /de ltar yang gsungs pa/ rnam par smin dang ngar sems dang /yul la rnam par rig pa'o/ /zhes so/ /des ci gsung bar 'gyur zhe na/ gang yul rig pa'i mtshan nyid rnams la ngar sems dang / gang nyon mongs pa can gyi yid de/ de rnams ni bcom ldan 'das de nyid do/ /dngos don ma lus rnams la dga'/ /stong pa nyid dga' mchog gi blo//srid pa'i 'dod chags sogs las 'das/ /srid gsum dga' ba chen po pa/ /zhes pa ni de la dngos don ma lus rnams la dga' ni ma lus shing lus pa med pa'i dngos bo'i don rnams te gnas pa la sogs pa de rnams la dga' ba ni spro ba ste/ 'jig rten gyi tha snyad kyi dbang gi phyir ro//de ltar yang klu sgrub zhabs kyis gsungs pa/ /gnas dang skye dang 'jig rten yod med dang / /dman dang mnyam dang khyab par gang yang rung / /'jig rten tha snyad dbang gis sangs rgyas rnams/ /gsung gi yang dag dbang las ma yin no/ /zhes so/ /stong pa nyid dga' ni stong pa nyid la dga' zhing spro ba ste/stong pa nyid dga' ste/ chos thams cad kyi chos nyid de bzhin nyid kyi phyir ro/ /don dam par ni de yang nye bar mi dmigs pa'i phyir ro/ /de nyid kyi phyir na mchog gi blo zhes so/ /srid pa'i 'dod chags sogs las 'das ni/ de 'dod pa'i srid pa dang / gzugs kyi srid pa dang / gzugs med pa'i srid pa gsum las 'dod chags so/ /gzugs dang gzugs med pa'i srid pa ni srid pa'i 'dod chags kho na ste/ 'dod pa'i 'dod chags ni ma yin no/ /de ltar yang chos mngon pa las gsungs pa/ khams gnyis las skyes srid 'dod chags//zhes so/ /de de ltar 'dod pa'i 'dod chags la sogs pa las 'das shing brgal bas na/ srid pa'i 'dod chags sogs las 'das/ /zhes gsungs te/ de nyid bcom ldan 'das 'jam dpal lo/ /srid gsum dga' ba chen po pa ni 'dod pa'i khams la sogs pa'i srid pa gsum po yang snga ma de bzhin te/sa de las skyes pa'i lha'i bu rnams la phan gdags pa'i don du de dang de ru skye ba bstan pa'i phyir na/ srid gsum dga' ba chen po pa/ /zhes so/ /sprin dkar dag pa bzhin du dkar/ /'od bzangs ston ka'i zla ba'i 'od/ /nyi ma 'char ka'i dkyil ltar mdzes//sen mo'i 'od ni shas cher dmar/ /cod pan bzang po mthon ka'i rtse/ /skra mchog mthon ka chen po 'chang / /nor bu chen po 'od chags dpal/ /sangs rgyas sprul pa'i rgyan dang ldan/ /zhes pa ni de la dag pa ni ma rig pa'i dri ma spangs pa'i phyir ro/ /lhag ma tshigs bcad rnams ni shes rab kyi 'khor lo'i nang du gtogs pa de bzhin gshegs pa thams cad kyi ye shes kyi sku'i rnal 'byor dang po las bshad pa'i tshig khyad par can gzhan rnams yin pa de bas na 'dir ma bkrol lo//'jig rten khams brgya kun bskyod pa/ /rdzu 'phrul rkang pa'i stobs dang ldan/ / de nyid dran pa chen po 'chang / /dran pa bzhi po ting 'dzin rgyal/ /zhes pa ni de la 'jig rten khams brgya kun bskyod pa ni 'jig rten khams brgya rnams ni 'jig rten khams brgya'o/ /de kun bskyod pa'i tshul dang gang ldan pa de 'jig rten gyi khams brgya kun bskyod pa'o/ /des ni sa rab tu dga' ba la rnam par gnas pa'i byang chub sems dpa'i rdzu 'phrul gyi che ba'i bdag nyid bstan pa yin no//de ltar yang zla ba grags pa'i zhabs kyis gsungs pa/ 'di ni de bzhin gshegs pa'i rigs su skye 'gyur zhing / /de yi kun sbyor gsum yang thams cad zad par byas/ /'jig rten khams brgya g.yo ba skyed par nus pa ste//gzhan yang dga' ba rnams 'chang de ni byang chub sems dpa'o/ /zhes so/ /rdzu 'phrul rkang pa'i stobs chen ldan ni lus dang sems rnam par dben pa la brten te/ mi mthun pa'i phyogs la 'dod chags dang bral ba dang / 'gog pa la yang dag par bstan nas mngon par 'du bya ba med par 'jug pa yongs su mthar phyin par byed pa rnams ni rdzu 'phrul gyi rkang pa bzhi rnams so//rdzu 'phrul gyi rkang pa de rnams kyi stobs chen po dang gang ldan pa pha rol gnon pa gang yin pa de rdzu 'phrul rkang pa'i stobs chen ldan no/ /de nyid kun brtags dang / gzhan dbang dang /yongs su grub pa nyid kyi phyir ro/ /ngo bo nyid gsum po 'di la de nyid du ci ltar 'dod ce na/ ngo bo nyid gsum rtag med dang / /yod dang kho na ma yin dang / /yod dang med de kho na ste/ ngo bo nyid ni gsum du 'dod/ /ces so/ /kun brtags kyi mtshan nyid ni rtag tu med pa'o/ /de ni kun brtags pa'i mtshan nyid la kho na zhes bya ste/phyin ci ma log pa'i phyir ro/ /gzhan gyi dbang gi mtshan nyid ni yod kyang yang dag pa ma yin te 'khrul pa'i phyir ro/ /de bas na 'di ni gzhan gyi dbang gi ngo bo nyid kyi de kho na zhes bya'o/ /yongs su grub pa'i mtshan nyid ni yod pa dang med pa kho na ste/ de bas 'di ni yongs su grub pa'i mtshan nyid kyi de kho na nyid la de kho na nyid de/de kho na gsum sbyor bas bcom ldan 'das de nyid la de nyid ces gsungs so/ /dran pa chen po 'chang ni shin tu che ba'i dran pa ni dran pa chen po ste/ de yang 'dres pa'i dngos po ma brjed pa'i mtshan nyid do/ /de 'dzin pas na de la de skad gsungs so//dran pa bzhi po ting 'dzin rgyal ni dran pa nye bar gzhag pa bzhi'o/ /'di lta ste/ lus dran pa nye bar gzhag pa ni yan lag sna tshogs pa la zhen pa tsam gyi dngos po ni ma lus te/ gzung ba la sogs pa rnams dben pa nyid kyi mtshan nyid do zhes lus dran pa nye bar gzhag pa'o/ /de ltar tshor ba dran pa nye bar gzhag pa dang /chos dran pa nye bar gzhag pa'o/ /rnam pa bzhi char la yang brtson 'grus dang / ting nge 'dzin dang / dran pa dang / shes bzhin du sbyor ba'i phyir ro/ /ting nge 'dzin ni sems rtse gcig pa'o/ /de rgyal bas rgyal ba'o/ /dran pa nye bar gzhag pa bzhi po rnams kyi ting nge 'dzin rgyal ba ni dran pa bzhi po ting nge 'dzin rgyal te/bcom ldan 'das de nyid do/ /byang chub yan lag me tog dga'/ /de bzhin gshegs pa'i yon tan mtsho/ /lam gyi yan lag brgyad tshul rig /yang dag sangs rgyas lam rig pa/ /zhes pa ni de la byang chub yan lag me tog dga' ni mngon par 'dus ma byas par 'jug cing mchog tu gyur pa'i dad pa la sogs pa rnams mthong ba'i lam yongs su chub pa chos kyi dbyings kyi spyod yul byang chub kyi yan lag bdun po gsungs pa'i mtshan nyid de rnams nyid ni me tog ste/bsgom pa'i lam 'bras bu'i rgyu'i dngos po nyid kyi phyir na byang chub kyi yan lag ni me tog rnams zhes gsungs so//de rnams kyi dga' ba ni thos pa'i rang bzhin gyi ye shes kyis rig pa'i ngo bo nyid kyis 'gro ba rnams rmi lam dang / smig rgyu dang / dri za'i grong khyer rnams kyi tshul du so sor snang ba'i mtshan nyid kyi mthong ba'i lam de mngon du byed pa nyid kyi phyir sems rab tu dga' bar gyur pas na/byang chub yan lag me tog dga'/ /zhes gsungs so/ /de bzhin gshegs pa'i yon tan mtsho ni de bzhin gshegs pa'i yon tan rnams ni de bzhin gshegs pa'i yon tan rnams te/ ma 'dres pa bco brgyad la sogs pa sangs rgyas kyi chos rnams so//de rnams nyid mtsho ste rgya che ba'i phyir dang / gzhan yon tan rin po che rnams kyi yang 'byung gnas yin pa'i phyir na de bzhin gshegs pa'i yon tan mtsho ni bcom ldan 'das so/ /lam gyi yan lag brgyad tshul rig ni bsgom pa'i lam rab tu bsgoms pa'i 'phags pa'i lam yan lag brgyad sngon du bshad pa rnams so//de rnams kyi tshul ni lam ste/ thabs zhes ba'i bar du ste/ de rig cing shes pa ni lam gyi yan lag brgyad tshul rig go/ /yang dag sangs rgyas lam rig pa ni yang dag sangs rgyas ni gzhan gyis man ngag nye bar ma bstan par rang nyid kyis de kho na thugs su chud pa'i phyir dang /dam pa'i lam kun du rtogs pa'i phyir ro/ /yang dag par rdzogs pa'i sangs rgyas de'i lam ni chos kyi dbyings so/ /de shes pas na yang dag sangs rgyas lam rig ste/ de nyid bcom ldan 'das so/ /sems can kun la shas cher chags/ /nam mkha' lta bur chags pa med//sems can kun gyi yid las skyes/ /sems can kun gyi yid ltar mgyogs/ /zhes pa ni de la sems can kun la shas cher chags ni chen po yang de yin la chags pa yang de yin pas na shas cher chags pa ste/ sems can kun la shas cher chags pa ni sems can kun la shas cher chags so//de la bsdu ba'i dngos po ni bzhi ste/ sbyin pa dang / snyan par smra ba dang / don mthun pa dang / don bzhin spyod pa rnams las sbyin pa ni rdzas shes pa'o/ /snyan par smra ba ni dus shes pa'o/ /don mthun pa ni 'khor shes pa'o/ /don spyod pa ni chos shes pa'o//sems can mchog dang mchog ma yin pa shes par bsgrub pa bsdu ba'i dngos po de rnams kyis sems can thams cad la bdag nyid mngon du byed pas na/ sems can kun la shas cher chags/ /zhes gsungs so/ /bcom ldan 'das de nyid kun rdzob tu'o/ /don dam par ni bcom ldan 'das de nyid chags pa med pa zhes pa ste/stong pa nyid kyi ngo bo nyid kyi phyir ro/ /de nyid kyi phyir na bcom ldan 'das nam mkha' lta bu zhes te/ shes rab kyi pha rol tu phyin pa'i bdag nyid kyi phyir ro/ /sems can kun gyi yid las skyes pa ni sems can gyi yid las skyes so/ / de ltar yang gsungs pa/ sems can thams cad ni de bzhin gshegs pa'i snying po can zhes so/ /sems can kun gyi yid ltar mgyogs ni de bzhin gshegs pa'i shugs zhes gsungs pa ste/ sems can thams cad kyi yid ltar mgyogs pa ni sems can thams cad kyi yid ltar mgyogs pa ste/sems can thams cad kyi sems kyi spyod pa la 'jug pas so/ /sems can kun gyi dbang don shes/ /sems can kun gyi yid 'phrogs pa/ /phung po lnga don de nyid shes/ /rnam dag phung po lnga 'chang ba/ /zhes pa ni de la sems can kun gyi dbang don shes ni sems can thams cad kyi dbang bo rtul po dang /'bring po dang / rnon po de rnams kyi don ni sems can gyi dbang don te/ de mkhyen pas na sems can gyi dbang don shes te/ de nyid bcom ldan 'das so/ /sems can kun gyi yid 'phrogs pa ni sems can thams cad kyi yid kyi cha ste/ sems can rnams kyi skal ba ji lta ba bzhin du chos bstan pa'i sgo nas 'phrogs pas de de la de skad ces bya'o//phung po lnga don de nyid shes ni/ de la phung po lnga ni gzugs dang / tshor ba dang / 'du shes dang / 'du byed dang / rnam par shes pa rnams kyi mtshan nyid do/ /de la gzugs kyi phung po ni mig dang / rna ba dang / sna dang / lce dang / lus dang / gzugs dang / sgra dang / dri dang / ro dang / reg bya rnams dang / rnam par rig byed ma yin pa rnams kyi mtshan nyid do/ /tshor ba'i phung po ni bde ba dang / sdug bsngal dang / gnyis ka ma yin pa'i rang bzhin no/ /'du shes kyi phung po ni yul la mtshan mar 'dzin pa'i mtshan nyid do//'du byed kyi phung po ni sems dang mtshungs par ldan pa ma yin pa nyid do/ /rnam par shes pa'i phung po ni rnam par shes pa tshogs brgyad rnams so/ /de rnams kyi don ni phung po lnga'i don te/ de yang spungs pa'i don to/ /de'i de nyid ni rnam par dben pa'i don du khong du chud par bya ste/phung po lnga don de nyid de/ de yang gcig la sogs pa'i mtshan nyid de log pa ni bdag med pa ste/ de las ni lhag ma med pa'i mya ngan las 'das pa thob par 'gyur ro/ /de de ltar gyur pa'i phung po lnga'i don mkhyen pas na phung po lnga'i don de nyid shes te/ de nyid bcom ldan 'das so//de ltar yang slob dpon dbyig gnyen zhabs kyis gsungs pa/ chos rnams rab tu rnam 'byed med par nyon mongs rnams/ /gang phyir nye bar zhi bar bya ba'i thabs med pa/ /nyon mongs las kyang 'jig rten srid mtsho 'dir 'khyams te/ /de bas de'i phyir 'di ni ston pas gsungs so lo//zhes pa la sogs pa'o/ /rnam dag phung po lnga 'chang ni rnam par dag pa yang de yin phung po yang de nyid yin pas rnam dag phung po lnga ste/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i mtshan nyid rnams so//de rnams 'dzin pas na rnam dag phung po lnga 'chang ba ste/ de nyid bcom ldan 'das so/ /nges 'byung kun gyi mtha' la gnas/ /nges par 'byung ba kun la mkhas/ /nges 'byung kun gyi lam la gnas/ /nges par 'byung ba kun ston pa/ /zhes pa ni de la nges 'byung kun gyi mtha' la gnas ni 'jig rten gyi mya ngan las 'das pa gang cung zad de rnams kyi mthar thug par gyur pa'o//de la gnas pas na nges 'byung kun gyi mtha' la gnas so/ /nges par 'byung ba kun la mkhas ni nyan thos rnams kyi mya ngan las 'das pa la mkhas shing byang bas na nges par 'byung ba kun la mkhas so//nges 'byung kun gyi lam la gnas ni rang sangs rgyas rnams kyi mya ngan las 'das pa'i lam la gnas pa ste/ /nges 'byung kun gyi lam la gnas so/ /nges par 'byung ba kun ston pa ni yang dag par rdzogs pa'i sangs rgyas rnams kyi mya ngan las 'das pa ni nges par 'byung ba kun no//de ston pa ni rab tu ston pa ste/ de nyid bcom ldan 'das so/ /yan lag bcu gnyis srid rtsa bton/ /dag pa rnam pa bcu gnyis 'chang / /bden bzhi'i tshul gyi rnam pa can/ /shes pa brgyad po rtogs pa 'chang / /zhes pa la de la yan lag bcu gnyis srid rtsa bton ni/ /yan lag bcu gnyis rnams ni 'di lta ste/ma rig pa dang / 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi rnams so/ /de la de kho na nyid la sgrib pa'i phyir na ma rig pa ni ji ltar mngon par 'dod pa'i don mthong ba la gegs byed pa nyid kyi phyir de kho na nyid la sgrib pa'o//'debs pa'i phyir na 'du byed de/ des rnam par shes pa la las kyi bag chags so sor 'jog pa'i phyir ro/ /khrid pa'i phyir na rnam par shes pa ste/ skye ba'i sar phyin par byed pa'i phyir ro/ /kun 'dzin par byed pa'i phyir na ming dang gzugs so//bdag gi dngos po rdzogs par byed pa'i phyir na skye mched drug go/ /gsum 'dus nas yongs su gcod pa'i phyir na reg pa'o/ /nye bar spyod pa'i phyir na tshor ba'o/ /sdud pa'i phyir na srid pa'o/ /las kyis 'phangs pa'i srid pa phyi ma dang sbyar ba'i phyir na len pa'o//rnam par shes pa skye ba dang mthun pa'i 'dod chags la sogs pa mngon du byed pa'i phyir na srid pa ste/ las byas pa'i srid pa phyi ma la rnam par smin pa 'byung zhing mngon du byed pa'i phyir ro/ /sdug bsngal gyi phyir na skye ba dang rga shi rnams so/ /de bas na yan lag bcu gnyis te/ de rnams kyi 'khor ba'i srid rtsa ni nye bar len pa'i phyir phung po lnga'i bdag nyid do//de gang gis rtsa nas phyung zhing bton pa de/ yan lag bcu gnyis srid rtsa bton/ /zhes gsungs so/ /de ltar yang dbus dang mtha' rnam par 'byed pa las gsungs pa/ sgrib pa'i phyir dang 'debs pa dang / /khrid pa'i phyir dang / 'dzin pa'i phyir/ /rdzogs byed phyir dang gsum gcod phyir/ /nye bar spyod cing sdud pa'i phyir/ /sbyor ba'i phyir dang mngon du'i phyir/ /sdug bsngal phyir na 'gro nyon mongs/ /zhes so/ /dag pa rnam pa bcu gnyis 'chang ni/ /rnam pa bcu gnyis ni skye mched bcu gnyis rnam par dag pa ste/gzung 'dzin gyi rnam par rtog pa gnyis dben pa'i phyir ro/ /de rnams 'dzin pas na dag pa rnam pa bcu gnyis 'chang ngo / /bden bzhi'i tshul gyi rnam pa can ni sdug bsngal dang / kun 'byung dang / 'gog pa dang / lam rnams ni 'phags pa'i bden pa rnams so/ /bden pa bzhi po de rnams kyi tshul ni lam mo//de nyid kyi rnam pa'i tshul dang gang ldan pa de bden bzhi'i tshul gyi rnam pa can te/ de nyid bcom ldan 'das so/ /shes pa brgyad po rtogs pa 'chang ni/ de la shes pa brgyad ni ji skad gsungs pa'i chos shes pa dang / rjes su shes pa dang / sdug bsngal shes pa dang /kun 'byung shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa rnams so/ /de rnams rtogs pa ni mngon du byed pa'o/ /de 'dzin pas na shes pa brgyad po rtogs pa 'chang ste/ de nyid bcom ldan 'das so/ /bden don rnam pa bcu gnyis ldan//de nyid rnam pa bcu drug rig /rnam pa nyi shus byang chub pa/ /rnam pa sangs rgyas kun rig mchog /ces pa ni de la bden don rnam pa bcu gnyis ldan ni bden pa rnams kyi don ni bden pa'i don te/ de dag pa rnam pa bcu gnyis kyis rab tu rnam par 'byed pas chos kyi 'khor lo rnam pa bcu gnyis lan gsum du bskor ba ni 'di lta ste/sdug bsngal gyi bden pa la mi rtag pa dang / sdug bsngal ba dang / stong pa'o/ /kun 'byung gi bden pa la kun 'byung ba dang / rgyu dang rab tu skyed pa'o/ /'gog pa'i bden pa la 'gog pa dang / zhi ba dang / gya nom pa'o/ /lam gyi bden pa la lam dang /rigs pa dang / sgrub pa'o/ /de de ltar gyur pa skal ba ji lta ba bzhin du bden pa rnam pa bcu gnyis kyi chos kyi 'khor lo bskor ba'i phyir na bcom ldan 'das 'di ni/ bden don rnam pa bcu gnyis ldan/ /zhes gsungs so/ /de nyid rnam pa bcu drug rig ni/ de la 'dod pa na spyod pa'i sdug bsngal gyi bden pa la mi rtag pa dang /sdug bsngal ba dang / stong pa dang / bdag med pa rnams yid la byed pas sdug bsngal la chos shes pa'i bzod pa dang / sdug bsngal la chos shes pa 'byung ngo / /de nyid kyis kyang 'dod pa na spyod pa'i nyon mongs pa bcu po de rnams rab tu spong ngo / /gzugs dang gzugs med pa na spyod pa'i sdug bsngal gyi bden pa la de bzhin du yid la byed pas sdug bsngal la rjes su chos shes pa'i bzod pa dang /sdug bsngal la rjes su shes pa 'byung ngo / /de gnyis kyis kyang de rnams nyid las khong khro ma gtogs pa gzugs na spyod pa dgu dang / gzugs med pa na spyod pa dgu ste/ de ltar bco brgyad yod par 'gyur ro//de ltar khams gsum gyi sdug bsngal gyi bden pa mngon par rtogs pas na chos dang / rjes su dang / bzod pa dang / shes pa'i mtshan nyid bzhi rnams kyi phra rgyas nyi shu rtsa brgyad ni sdug bsngal gyi bden pa mthong ba las spong bar 'gyur ro/ /phra rgyas bcu po 'di rnams nyid las 'jig tshogs kyi lta ba dang /mthar 'dzin pa'i lta ba dang / tshul khrims dang brtul zhugs mchog tu 'dzin pa rnams ma gtogs par 'dod pa'i khams kyi gzhan phra rgyas bdun ni 'dod pa na spyod pa'i kun 'byung gi bden pa la rgyu dang kun 'byung ba dang rab tu bskyed pa dang rkyen nyid du yid la byed pas de nyid kun 'byung la chos shes pa'i bzod pa dang /chos shes pa de gnyis kyis spong bar 'gyur ro/ /de rnams nyid las khong khro ma gtogs pa khams gnyis la phra rgyas bcu gnyis kun 'byung gi bden pa mthong bas te kun 'byung la rjes su shes pa'i bzod pa dang / shes pa gnyis kyis spong bar 'gyur bas na de de ltar phra rgyas dgu bcu kun 'byung gi bden pa mthong bas spong bar 'gyur ro//de bzhin du 'dod pa na spyod pa'i sdug bsngal 'gog pa'i bden pa la 'gog pa dang / zhi ba dang / gya nom pa dang / nges par 'byung ba bzhir yid la byas pas kun 'byung la gsungs pa'i phra rgyas bdun po de kho na 'gog pa la chos shes pa'i bzod pa dang /chos shes pa gnyis kyis yongs su spong bar 'gyur ro/ /de ltar rjes su bzod pa dang / rjes su shes pa gnyis kyis gzugs dang gzugs med pa na spyod pa'i phra rgyas bcu gnyis spong bar byed pas na khams gsum gyi phra rgyas bcu dgu sdug bsngal 'gog pa'i bden pa mthong ba las spong bar 'gyur ro//de bzhin du 'dod pa na spyod pa'i sdug bsngal 'gog par 'gro ba'i lam gyi bden pa lam dang / rigs pa dang / nges par 'byin pa dang / sgrub pa dang / rnam pa bzhir yid la byas pas lam la chos shes pa'i bzod pa dang / chos shes pa de gnyis kyi gong du gsungs pa'i bdun kho na la tshul khrims dang / brtul zhugs mchog tu 'dzin pa bsnan pas brgyad ni lam gyi bden pa mthong bas spong bar 'gyur ro/ /lam la rjes su bzod pa dang / shes pa gnyis kyi gzugs dang gzugs med pa na spyod pa bcu bzhi ni lam mthong ba las spong bar 'gyur bas na de ltar na phra rgyas nyi shu rtsa gnyis lam gyi bden pa mthong bas spong bar 'gyur ro//de lta bas na rnam pa bcu drug gis 'phags pa'i bden pa bzhi mngon du byed pas khams gsum pa'i nyon mongs pa med cing phyin ci ma log pa'i dngos po rtogs pa'i de kho na skye ba ste/ de rig cing mkhyen pas na/de nyid rnam pa bcu drug rig ste/ de nyid bcom ldan 'das so/ /rnam pa nyi shus byang chub pa ni phung po lnga rnams rnam pa nyi shur so sor kun du rtog pa'i rnam pas yang dag par rdzogs pa'i byang chub mngon du mdzad pa ni 'di lta ste/ gzugs nyid bdag yin/ gzugs la bdag gnas/gzugs bdag gi yin/ bdag gzugs dang ldan/ tshor ba bdag yin/ tshor ba la bdag gnas/ tshor ba bdag gi yin/ bdag tshor ba dang ldan/ 'du shes bdag yin/ 'du shes la bdag gnas/ 'du shes bdag gi yin/ bdag 'du shes dang ldan/ 'du byed bdag yin/'du byed la bdag gnas/ 'du byed bdag gi yin/ bdag 'du byed dang ldan/ rnam par shes pa bdag yin/ rnam par shes pa la bdag gnas/ rnam par shes pa bdag gi yin/ bdag rnam par shes pa dang ldan pa'o/ /de ltar phye ba'i rnam pa nyi shu rnams kyis gang gis rdzogs pa'i byang chub rtog pa med pa'i ye shes la lhag par rtogs pa ste/de rnam pa nyi shus byang chub pa zhes gsungs so/ /de ltar klu sgrub zhabs kyis gsungs pa/ rig pa yis ni rnam dpyad na/ /phung po las ni gzhan kun na/ /mu stegs rnams kyis gang brtags pa'i/ / bdag ni 'ga' yang yod ma yin/ /phung po yin na de mi rtag/ /de yang bdag gi tshul ma yin/ /rtag dang mi rtag med pa'i phyir/ rten dang brten pa'ang nam yang med/ /ces so/ /rnam par sangs rgyas kun rig mchog gi tshig gsum gyi don ni bshad zin to/ /sangs rgyas kun gyi sprul pa'i sku//dpag med mtha' yas 'byed pa po/ /skad cig thams cad mngon par rtogs/ /sems kyi skad cig don kun rig/ /ces pa ni de la dpag tu med pa'i sangs rgyas kyi sprul pa'i sku rnams ni dpag med sangs rgyas sprul pa ste/ de rnams kyi sku ni 'dus pa ste/ dpag med sangs rgyas sprul pa'i sku'o//ji lta ji ltar 'dul ba'i sems can rnams yongs su smin pa'i dbang gi phyir na dpag tu med pa'i sangs rgyas kyi sprul pa'i mtha' 'gyed par byed pa ste/ 'phro ba gang yin pa de nyid bcom ldan 'das kho na yin pas na/ sangs rgyas rnams kyi sprul pa'i sku/ /dpag med mtha' yas 'gyed pa po//zhes gsungs so/ /skad cig thams cad mngon par rtogs pa ni skad cig kyang de yin la/ thams cad kyang de yin pas skad cig thams cad de/ skad cig bcu drug gi bdag nyid rnams so/ /de rnams shes pa ni rgyun du zhugs pa'i mngon par rtogs pa ste/ de nyid bcom ldan 'das so/ / de ltar yang chos mngon pa las gsungs pa/ go rims bzhin du cher 'jug pa/ /skad cig bcu drug mthong lam gyis/ /de yi 'bras bu spangs pa'o/ /zhes so/ /sems kyi skad cig don kun rig ni sems can thams cad kyi skad cig kun no/ /de'i don mkhyen pas ni sems kyi skad cig don kun rig ste/de nyid bcom ldan 'das so/ /theg pa sna tshogs thabs tshul gyis/ /'gro ba'i don la 'phro bar byed/ /theg pa gsum gyis nges 'byung la/ /theg pa gcig gis 'bras bur gnas/ /zhes pa ste/ de la theg pa sna tshogs zhes pa la sogs pa ni sna tshogs par gyur pa'i theg pa ni theg pa sna tshogs te/nyan thos la sogs pa rnams kyi'o/ /de rnams kyi tshul ni lam mo/ /de'i thabs ni theg pa sna tshogs thabs kyi tshul lo/ /de'i phyir theg pa sna tshogs thabs kyi tshul des 'gro ba rnams kyi don byed pa ni 'gro don te/ de la rnam par rtogs shing 'phro bas na/ /theg pa sna tshogs thabs tshul gyis//'gro ba'i don la 'phro bar byed do/ /theg pa gsum gyis nges 'byung la ni 'dul ba'i dbang gis theg pa gsum gyis nges par 'byung bas na theg pa gsum gyis nges par 'byung ba la'o/ /don dam par ni theg pa gcig gis 'bras bur gnas zhes pa ste/ gcig kho na'i theg pa ni theg pa gcig go//de'i 'bras bu ni bla na med pa yang dag par rdzogs pa'i byang chub kyi mtshan nyid do/ /de la gnas pas na theg pa gcig gis 'bras bur gnas te/ de ltar yang theg pa ni gcig kho na ste/ 'di lta ste/ theg pa chen po'o zhes so/ /de ltar yang kam+pa la'i zhal snga nas gsungs pa/'thab pa'i glang chen mgon po bor nas mgon med bong bu'i theg pas su zhig 'gro/ /rigs ldan phyug po'i bud med khyad par spang nas smad 'tshong 'dod pa bzhin/ /zhes so/ /nyon mongs khams rnams dag pa'i bdag /las kyi khams rnams zad byed pa/ / chu bo rgya mtsho kun las brgal/ /sbyor ba'i dgon pa las byung ba/ /zhes pa ni de la nyon mongs khams dag pa'i bdag ni nyon mongs pa'i bdag nyid kyi khams rnams ni nyon mongs khams rnams te/ khams bco brgyad do/ /de'i phyir na de rnams las rnam par dag pa'i bdag nyid gang yin pa de ni nyon mongs khams rnams dag pa'i bdag go//las kyi khams rnams zad byed pa ni dge ba la sogs pa'i las kyi khams rnams ni las kyi khams rnams te/ 'dod pa dang gzugs dang gzugs med pa'i khams zhes bya'o/ /de rnams zad par byed pas na zad par byed pa ste/ 'joms par byed pas zhes pa'i don te/de rnams 'jig par 'gyur ba'i las byed pa'i phyir ro/ /chu bo rgya mtsho kun las brgal ba ni chu bo ni bzhi ste/ 'dod pa'i chu bo dang / srid pa'i chu bo dang / lta ba'i chu bo dang / ma rig pa'i chu bo'o/ /de la lta ba dang ma rig pa las gzhan la 'dod pa'i zag pa nyid 'dod pa'i chu bo rnams te/rdzas nyi shu rtsa dgu rnams so/ /srid pa'i zag pa nyid srid pa'i chu bo ste/ /rdzas nyi shu rtsa brgyad rnams so/ /khams gsum gyi lta ba rnams ni lta ba'i chu bo ste rdzas sum cu rtsa drug rnams so/ /ma rig pa'i zag pa nyid ma rig pa'i chu bo rnams te rdzas bco lnga rnams so/ /de nyid rgya mtsho ste/mang ba nyid kyi phyir ro/ /chu bo rgya mtsho de rnams las gang gis yang dag par brgal ba de de ltar gsungs te/ nyon mongs pa dang nye ba'i nyon mongs pa thams cad kyi pha rol tu phyin pa nyid kyi phyir ro/ /sbyor ba'i dgon pa las byung ba/ /ye shes tsam la snyoms 'jug pa/ /rnal 'byor zhes ni mngon par bshad//ces pa ni de nyid dgon pa ste/ shes dka' ba'i phyir dang / rgal dka' ba'i phyir ro/ /de las nges par 'byung ba ni brgal ba ste/ 'jig rten dang 'jig rten las 'das pa'i sbyor ba rnams kyi yongs su mthar phyin pa nyid kyi phyir na sbyor ba'i dgon pa las byung ba ste/ de nyid bcom ldan 'das so/ /nyon mongs nye ba'i kun nyon mongs/ /bag chags bcas par gtan spangs pa/ /snying rje chen po shes rab thabs/ /don yod 'gro ba'i don byed pa/ /zhes pa ni de la nyon mongs nye ba'i kun nyon mongs la sogs pa ni/ nyon mongs pa ni 'dod chags la sogs pa drug go//nye ba'i nyon mongs pa ni khro ba la sogs pa nyi shu rtsa bzhi'o/ /kun nyon mongs ni sdug bsngal bdun no/ /nyon mongs pa dang nye ba'i nyon mongs pa dang kun nas nyon mongs pa'i chos de rnams nyid bag chags dang bcas par gtan du spangs pa dang gang ldan pa de ni/ nyon mongs nye ba'i kun nyon mongs//bag chags bcas par gtan spangs pa/ /zhes gsungs so/ /yang na nyon mongs pa ni ma rig pa dang / srid pa dang / len pa rnams so/ /nye ba'i nyon mongs pa ni 'du byed dang / srid pa'o/ /gzhan rnams ni gong ma bzhin no/ /snying rje che dang shes rab thabs/ /zhes pa ni shes rab dang thabs ni shes rab dang thabs te/snying rje yang de yin la shes rab chen po yang de yin pas snying rje chen po'o/ /shes rab dang thabs dang snying rje chen po gang yin pa de ni/ snying rje dang shes rab thabs te/ de ni bcom ldan 'das so/ /don yod 'gro ba'i don byed pa ni don yod pa ni 'bras bu yod pa'o//don yod kyang de yin la 'gro ba'i don yang de nyid yin pas don yod 'gro ba'i don byed pa'o/ /de byed pas na don yod 'gro ba'i don byed pa ste/ de nyid bcom ldan 'das so/ /'du shes kun gyi don spangs shing / /rnam shes don ni 'gog par 'dzin/ /sems can kun yid yul dang ldan//sangs rgyas kun gyi thugs rig pa/ /zhes pa ni/ de la 'du shes kun gyi don spangs ni 'du shes med pa'i snyoms par 'jug pa dang / 'du shes med pa dang / 'gog pa'i snyoms par 'jug pa rnams te/ gzugs kyi khams su'o/ /gzugs med pa'i khams su yang nye bar skye ba'i gnas dang po ni nam mkha' mtha' yas skye mched de/de rnams gsum ni 'du shes kyi sgrar gsungs so/ /'du shes gsum po de rnams kyis spangs pa'i sems dang sems las byung ba'i don gang yin pa de 'du shes don spangs shing ste/ de nyid bcom ldan 'das so//rnam shes don ni rnam par shes pa'i don yin pas rnam shes te/ gzugs med pa'i khams nyid do/ /skye ba'i gnas gnyis po ni rnam shes mtha' yas skye mched de/ de rnam par shes pa kho na la dmigs par byed pa nyid kyi phyir ro/ /de nyid kyi don dang gang ldan pa de rnam shes te de nyid bcom ldan 'das so//'gog pa 'dzin ni de nyid kyis skye ba'i gnas bzhi pa dang / 'gog pa'i snyoms par 'jug pa ni zhes gsungs te/ de 'dzin pas na 'gog pa 'dzin te/ de nyid bcom ldan 'das so/ /sems can kun yid yul dang ldan ni sems can thams cad kyi yid ni nyon mongs pa can gyi yid de/sems can kun gyi yid do/ /de nyid yul dang gang ldan pa de sems can kun yid yul dang ldan te/ de nyid bcom ldan 'das so/ /sangs rgyas kun gyi thugs rig pa ni dus gsum na gnas pa'i sangs rgyas thams cad kyi thugs ni shin tu rnam par dag pa'i chos kyi dbyings kyi ye shes so//de rig pas na sangs rgyas kun gyi thugs rig pa'o/ /de ltar yang gsungs pa/ kun nas nyon mongs rnam par dag /de ni drir bcas dri ma med/ /chu khams gser dang nam mkha' rnams/ /dag pa bzhin du dag par 'dod/ /ces so/ /sems can kun gyi yid la gnas/de dag sems ni mnyam nyid son/ /sems can kun yid tshim par byed/ /sems can kun gyi yid dga' ba/ /zhes pa ni de la sems can kun gyi yid la gnas ni sems can thams cad kyi yid ni sems so/ /de'i dkyil du gnas pas na sems can kun gyi yid la gnas te/de nyid bcom ldan 'das so/ /de nyid kyi phyir na de dag sems ni mnyam nyid son te/ sems can de dag gi sems ni mnyam pa nyid de dag sems dang mnyam nyid de/ de bzhin nyid stong pa nyid kyi bar du'o/ /de ltar yang shes rab brgyad stong pa las gsungs pa/ gang so so'i skye bo'i de bzhin nyid dang /gang nyan thos kyi de bzhin nyid dang / gang rang sangs rgyas kyi de bzhin nyid dang / gang byang chub sems dpa'i de bzhin nyid dang / gang yang dag par rdzogs pa'i sangs rgyas kyi de bzhin nyid rnams ni de bzhin nyid gcig kho na'o zhes gsungs pa de ltar byas nas sems can kun gyi sems kyi de bzhin dang /de dag mnyam pa nyid du son par thob pa de ni de bzhin nyid do/ /de'i phyir na/ sems can kun yid tshim par byed/ /ces te/ sems can de dag nyid phyin ci log las 'das pas bde ba chen po'i ye shes bskyed pa nyid kyis sems can kun gyi yid tshim par byed ces gsungs so//de nyid kyi phyir na/ sems can kun gyi yid dga' ba/ /zhes gsungs te/ sems can thams cad kyi yid dga' ba ni thams cad de bzhin gshegs pa'i zag pa med pa'i bde ba'o/ /ngo bo lhag par chags pas bskyod pas g.yo ba dang mi g.yo ba'i dngos po thams cad bdag nyid kho na'o zhes yid kyi 'du byed kyi dbye bas lhag par chags pa kho nas rab tu 'jug pa'o//grub pa'i mtha' la 'khrul pa med/ /nor pa thams cad rnam par spangs/ /don gsum the tshom med pa'i blo/ /kun don yon tan gsum gyi bdag /ces pa ni de la grub pa'i mtha' la 'khrul pa med ni grub pa'i mtha' ste/brtsams pa'i mtha' de la 'khrul ba med cing ma nges pa'i blo gros bral ba gang yin pa de ni grub pa'i mtha' la 'khrul pa med pa ni de nyid do/ /de nyid kyi phyir na/ nor pa thams cad rnam par spangs/ /zhes pa ste/ don gyi rang bzhin ji ltar gnas pa yongs su shes pa'i phyir ro//yang / don gsum the tshom med pa'i blo/ /zhes pa la the tshom med pa'i blo dang gang ldan pa de ni the tshom med pa'i blo ste/ 'jig rten dang 'jig rten las 'das pa'i grub pa'i mtha' yongs su shes pa'i phyir ro/ /don gsum ni 'das pa dang ma 'ongs pa dang / da ltar gyi don te/ de'i rang bzhin yang 'jam dpal lo/ /kun don ni g.yo ba dang mi g.yo ba'i dngos po'i rang bzhin yin pa'i phyir ro/ /yon tan gsum gyi bdag nyid ni snying stobs dang rdul dang / mun pa la 'jug pa'i phyir ro/ /de ltar yang gsungs pa/ snying stobs dang rdul dang mun pa yang //gang phyir sems can don du gyur/ /de phyir kun du bzang po'i bdag /byang chub spyod pa ji bzhin 'gro/ /zhes so/ /phung po lnga don dus gsum du/ /skad cig thams cad bye brag phyed/ skad cig gcig gis rdzogs byang chub/ /sangs rgyas kun gyi rang bzhin 'chang / /zhes pa ni de la phung po lnga don dus gsum du ni phung po lnga rnams kyi don ni dus gsum gyi rnam grangs kyi bdag nyid kyi phyir na/phung po lnga don dus gsum nyid/ /ces so/ /de ltar yang chos mngon pa las gsungs pa/ 'dus byas chos rnams de dag kyang / /gzugs la sogs pa'i phung po lnga/ /de dag nyid dus gtam bzhi dang //nges par 'byung bcas bzhi dang bcas/ /gang dag zag bcas nyer len pa'i/ /phung po'ang de dag 'thab bcas dang / /sdug bsngal kun 'byung 'jig rten dang / /lha bcas srid pa'ang de dag yin/ /zhes so/ /skad cig thams cad bye brag phyed ni rgyu'i gnas skabs na sbyin pa'i pha rol tu phyin pa la sogs pa'i dge pa'i rtsa ba bsags pa'i dge ba'i rtsa ba bsags shing thos pa dang bsams pa dang bsgoms pa las byung ba'i thabs dang shes rab kyi chos thams cad rig pas na/skad cig thams cad bye brag phyed/ /ces gsungs so/ /'bras bu'i gnas skabs su ni/ skad cig gcig mngon rdzogs byang chub ste/skad cig kyang de yin la gcig kyang de yin pas skad cig gcig go/ /gang gis skad cig ma gcig kho na la zad pa'i ye shes dang mi skye ba'i ye shes kun du bzang po zhes bya ba mngon du byed pa de ni skad cig gcig gis rdzogs sangs rgyas so/ /sangs rgyas kun gyi rang bzhin 'chang ni dus gsum du gnas pa'i sangs rgyas thams cad kyi rang bzhin 'di kho na ste/'di ltar/ skad cig gcig mngon rdzogs byang chub/ /ces bya ba'o/ /de 'dzin pas sangs rgyas kun gyi rang bzhin 'chang ngo / /de ltar yang gsungs pa/ sangs rgyas thams cad tshogs dang ni//chos sku 'gro ba'i don spyod pas/ /mnyam pa nyid du sku tshe dang / /rigs dang sku bong tshad dag min/ /zhes so/ /lus med lus te lus kyi mchog /lus ni bye ba 'phro bar byed/ /gzugs rnams ma lus ston pa po/ /nor bu chen po rin chen tog /ces pa ni de la lus med lus te ni lus yod pa ma yin pa ni lus med de/med pa'i lus dang gang ldan pa de lus med lus te/ chos kyi dbyings kyi rang bzhin nyid kyi phyir ro/ /de nyid kyi phyir na lus kyi mchog ste/ longs spyod rdzogs pa la sogs pa'i sku'i nang na mchog ste/ rab ces pa'i don to/ /lus rnams te sku bye ba ni lus bye ba grangs med pa'o//de rnams 'gro bar byed pa ste/ 'phro bar byed pas na lus ni bye ba 'phro bar byed pa'o/ /de nyid kyi phyir na/ gzugs rnams ma lus ston pa po/ /zhes te/ ma lus shing lus pa med pa'i gzugs kyis 'dul ba rnams la yang dag par ston pa'i tshul dang gang ldan pa de gzugs rnams ma lus ston pa po ste/de nyid bcom ldan 'das so/ /rin chen tog ni 'gro ba thams cad chags par byed pa'i don gyis rin chen no/ /rin chen des mtshan pa'i tog go/ /de nyid phyag rgya ste/ de 'dzin pa yang bcom ldan 'das te/ sbyin pa'i pha rol tu phyin pa nyid kyis bsam pa thams cad yongs su rdzogs pa'i phyir dang /de bzhin gshegs pa thams cad sbyin pa'i pha rol tu phyin pa la nges par sbyor ba nyid kyi phyir na rin chen tog ni 'jam dpal zhes so/ /da ni rin chen 'byung ldan gyi rang bzhin du yang bcom ldan 'das de bstan pa nye bar bsdu ba gsungs pa/ nor bu chen po zhes te/de bzhin gshegs pa thams cad mtha' yas pa nyid kyis 'di ltar gsungs par 'gyur te/ de bzhin gshegs pa mtha' yas pa nor bu chen po las byung ba'i phyir na mnyam pa nyid kyi ye shes te/ des kyang de bzhin gshegs pa thams cad mngon par rdzogs par sangs rgyas pa rnams rang gi phyag rgyas khams gsum pa'i chos kyi rgyal po chen por dbang bskur ba sbyin par byed pas na de'i phyir na nor bu chen po zhes gsungs te/bcom ldan 'das 'jam dpal nyid do/ /de nas da ni nam mkha'i snying po'i ting nge 'dzin la gnas pa'i bcom ldan 'das 'jam dpal phyogs bcu mtha' yas 'byam klas pa'i sangs rgyas kyi zhing du gshegs nas sems can gyi khams rnams kyi ser sna bcom ste/rang gi rnam par thar pa'i sgo nas dag par byas nas gang mtshan gyi sngags kyi yi ge'i tshig brgya rtsa bzhi de rnams rtag pa la sogs pa'i rigs kyi dbye bas rnam pa lngar bgos te/rigs re re las nyi shu rtsa re rer mtshan pa rnams rjes su sbyar te/ de rnams kyis kyang sangs rgyas kyi mdzad pa byas te/ yang slar log nas rdo rje dbyings kyi dkyil 'khor chen po'i phyi rol 'khor lo bzhi pa la rang rang gi kha dog gis kha dog bsgyur ba'i yi ge rnams su gyur te/ ji ltar go rims bzhin du rnam par gzhag go//de ltar yang gong du gsungs pa'i gzugs rnam pa gsum du bdag nyid dmigs te/ sngags kyi sgo nas spyad pa spyod pa'i rigs kyi bu 'am rigs kyi bu mos 'phags pa mtshan yang dag par brjod pa klog pas ni 'og nas gsungs pa'i yon tan cher thob ces man ngag go//tshigs su bcad pa ni nyi shu rtsa bzhi'o/ /mtshan gyi sngags kyi yi ge grangs ni brgya rtsa bzhi'o/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes pa las mnyam pa nyid kyi ye shes kyi rang bzhin gyi bstod pa'i rim pa'i dbang du byas pa ste dgu pa'o// //da ni bya ba nan tan gyi ye shes kyi sgo nas bcom ldan 'das de bzhin gshegs pa thams cad kyi ye shes kyi sku'i bstod pa 'di brjod pa'i dbang du byas nas gsungs pa/ /sangs rgyas kun gyis rtogs bya ba/ /sangs rgyas byang chub bla na med/ /gsang sngags las byung yi ge med//gsang sngags chen po rigs gsum pa/ /zhes pa ni/ de la sangs rgyas kun gyis rtogs bya ba ni dus gsum du bzhugs pa'i sangs rgyas thams cad kyis rtogs par bya zhing shes par bya ba mngon du bya ba ni bcom ldan 'das de nyid yin pas sangs rgyas kun gyis rtogs bya ba'o//de ltar yang dpal de nyid 'dus pa las gsungs pa/ /mngon par byang chub khyed la brten/ /khyed ni kun gzigs yab yin te/ /byung dang 'byung bar 'gyur ba yi/ /de bzhin gshegs rnams khyed la brten/ /zhes so/ /sangs rgyas byang chub ni nyan thos la sogs pa gsum po'i byang chub ni sangs rgyas byang chub po//'di lta ste/ byang chub rnam pa gsum ni ji skad gsungs pa'i nyan thos kyi byang chub dang / rang sangs rgyas kyi byang chub dang / yang dag par rdzogs pa'i byang chub rnams so/ /rnam pa gsum yin yang de nyid bla na med pa zhes bya ba ste/ 'di las bla na med pas bla na med pa'o//gsang sngags las byung ba ni 'jig rten dang 'jig rten las 'das pa'i gsang sngags rnams kyi skye ba'i gnas nyid kyi phyir na gsang sngags 'byung ba ste/ byed rgyu zhes pa'i don to/ /yi ge med ni gang la brjod par bya ba dang / brjod pa'i mtshan nyid kyi yi ge rnams med pa de ni yi ge rnams med pa ste/chos kyi dbyings kyi rang bzhin gyi phyir ro/ /gsang sngags chen po rigs gsum pa ni gsang sngags kyang de yin la chen po yang de nyid yin pas gsang sngags chen po ste/ rtag pa dang / mi bskyod pa dang / snang ba mtha' yas te rigs gsum po rnams ni rigs gsum mo//gsang sngags chen po'i bdag nyid rigs gsum dang gang ldan pa de ni gsang sngags chen po rigs gsum pa ste/ sku gsung thugs nam mkha' dang mnyam pa nyid kyi phyir ro/ /de yang dpal gsang ba 'dus pa las/ de nas byang chub sems dpa' sems dpa' chen po de dag gis de bzhin gshegs pa thams cad kyi sku dang gsung dang thugs rdo rje nam mkha'i tshul nges par sbyor zhing ched du brjod pa 'di ched du brjod do zhes so//gsang sngags don kun skyed pa po/ /thig le chen po yi ge med/ /stong pa chen po yi ge lnga/ /thig le stong pa yi ge drug /ces pa ni de la gsang sngags don kun skyed pa po ni 'jig rten dang 'jig rten las 'das pa'i gsang sngags thams cad kyi don te/de skyed pa ni 'byin par byed pa ste/ de nyid bcom ldan 'das so/ /thig le chen po ni dang po'i yi ge a nas ha la thug pa'i bar du dbyangs dang gsal byed rnams ni thig le chen po zhes gsungs te/de yang bcom ldan 'das nyid do/ /yi ge med ni don dam pa'i ngo bo nyid kyi phyir ro/ /stong pa chen po ni stong pa nyid rnam pa bcu drug gi rang bzhin nyid kyi phyir ro/ /yi ge lnga ni rtag pa la sogs pa'i yi ge 'bru A oM hUM hrIHaHzhes pa'i bdag nyid kyi phyir na yi ge a zhes gsungs so/ / thig le stong pa zhes pa la thig le ni sa bon gyi yi ge'o/ /de la don dam par mi dmigs pa'i rang bzhin gyi phyir ro/ /yi ge drug ni oM wA gI shwa ri muM zhes te yi ge drug pa'i bdag nyid kyi phyir ro/ /rnam pa kun gyi rnam pa med/ /bcu drug phyed phyed thig le can/ /yan lag med pa'i rtsis las 'das//bsam gtan bzhi yi rtse mo can/ /zhes pa ni de la rnam pa kun gyi rnam pa med ni rnam pa kun ni skyes bu chen po'i mtshan sum cu rtsa gnyis la sogs pa'i chos de rnams kun gang yin pa las 'das shing med pa'i rnam pa'i yan lag dang gang ldan pa de la de ltar gsungs so/ / de ltar yang 'phags pa shes rab kyi pha rol tu phyin pa sum brgya pa las gsungs pa/ rab 'byor de ji snyam du sems/ mtshan phun sum tshogs pas de bzhin gshegs par blta'am/ rab 'byor gyis gsol pa/ bcom ldan 'das mtshan phun sum tshogs pas de bzhin gshegs par blta bar bya ba 'di ni ma lags so//de ci'i phyir zhe na/ gang mtshan phun sum tshogs pa de bzhin gshegs pas gsungs pa de nyid mtshan phun sum tshogs pa ma lags pa'i slad du'o/ /bcom ldan 'das kyis tshe dang ldan pa rab 'byor la bka' stsal pa/ rab 'byor ji srid du mtshan phun sum tshogs pa de srid du brdzun no//ji srid du mtshan phun sum tshogs pa med pa de srid du brdzun pa ma lags so/ /de ci'i phyir zhe na/ de bzhin gshegs pa'i mtshan ma yin par blta bar bya'o zhes te/ de kun rdzob dang don dam pa'i rang bzhin yin pa'i phyir ro/ /bcu drug phyed phyed thig le can/ /yan lag med pa'i rtsis las 'das//bsam gtan bzhi yi rtse mo can ni de bdag gi bla ma'i lung yin pa'i phyir na tshig rkang gsum gyi don bdag gis ma bshad do/ /de'i phyir na bdag cag gi bla mas ji lta ba bzhin du bdag la gsungs pa/ sngags kyi sgo nas spyad pa spyod pa las thams cad so sor rtogs pa dad pa dang yang dag par ldan pa'i slob ma rnams dus ring por mnyes par byed pa'i bsam pa'i khyad par las sgyu 'phrul dra ba'i mngon par byang chub pa'i bla ma'i man ngag snyan khung nas snyan khung du brgyud pa rab tu bstan par bya'o//de'i phyir de'i sbyor ba 'tsham pa bgoms pas/ / 'jigs pas TI kA las 'di rnam par ma spros so/ /bsam gtan yan lag kun shes shing / /ting 'dzin rigs dang rgyud 'chang ba/ /ting 'dzin lus can lus kyi mchog /longs spyod rdzogs sku kun gyi rgyal/ /zhes pa ni de la bsam gtan yan lag kun shes shing ni bsam gtan kun ni bzhi rnams te/rtog pa dang / dpyod pa dang / dga' ba dang / bde ba zhes pa rnams las so/ /de la rtog pa dang bcas/ dpyod pa dang bcas/ dben pa las skyes pa'i dga' ba dang bde ba can ni bsam gtan dang po'o/ /rtog pa dang dpyod pa spangs pa ni bsam gtan gnyis pa'o/ /dga' ba yang med cing btang snyoms dang dran pa yang dag par ldan pa ni bsam gtan gsum pa'o//sdug bsngal yang ma yin bde ba yang ma yin pa'i btang snyoms dang dran pa yongs su dag pa ni bsam gtan bzhi pa'o/ /bsam gtan bzhi po de dag gi yan lag ste cha shas 'di rnams so/ /de shes na ni mkhas pa ste/bsam gtan de rab tu 'byed pa la yang sbyor ba'i phyir te/ de la mos pa'i sems can kun du bzang po'i don yin no/ /de ltar yang gsungs pa/ byang chub sems dpa' rnams kyis bsam gtan dang po la sogs pa mngon du byed de/ sems can gyi don gyis gnas pas na de'i dbang gis skye ba ni ma yin no//de bzhin du 'og nas bshad pa las kyang lha tshe ring por mi skye bar shes pa ste/ de rnams su skye ba la dbang thob pa'i phyir ro/ /ting 'dzin rigs dang rgyud 'chang ba ni ting nge 'dzin rnams ni de yang mchog tu dge ba la rtse gcig pa'i rnam par bsgom pa nyid kyi phyir na bsam gtan dang po la sogs pa'i mtshan nyid do//go rims bzhin du rang gi ming dang don gyi rjes su dran pa'i rab tu dbye ba dpag tu med de/ de bas na de rnams kyi rigs dang rgyud ni gdon mi za bar nyan thos la sogs pa ste/ de 'dzin pas na ting 'dzin rigs dang rgyud 'chang ba'o/ /ting 'dzin lus can lus kyi mchog ni ting nge 'dzin gyi lus ni lus kyi sku'o//de nyid kyi phyir sprul pa la sogs pa'i lus thams cad las mchog dang rab yin pas na ting 'dzin lus can lus kyi mchog ste/ de nyid bcom ldan 'das so/ /longs spyod rdzogs sku kun gyi rgyal ni longs spyod rdzogs pa'i sku thams cad du gyur pa bcom ldan 'das 'jam dpal 'khor thams cad kyi nang na che ba'i bdag nyid phun sum tshogs pa bden pa'i don 'bras bu dang bcas pa sna tshogs pa bsam du med pa'i 'jig rten las 'das pa'i byang chub sems dpa' thams cad dga' ba'i rgyu rab tu ston par byed pa'i phyir na bstan to//de'ang de nyid bstan pa'i sgo nas mdzes shing 'bar bas na longs spyod rdzogs sku kun gyi rgyal lo/ /de ltar yang gsungs pa/ bdag gi sbyor ba 'jig rten las 'das bsam gyis mi khyab legs mdzad legs pa'i 'bru/ /blo chen rnams kyi dga' ba'i rgyu ni 'khor ba'i nang du sna tshogs rab ston cing //dam pa'i chos kyi sgra chen rtag tu 'jig rten khams rnams kun du rab 'phro ba/ /sangs rgyas chos kyi rgyal srid che la bzhugs pa de la 'dir ni phyag 'tshal lo/ /zhes so/ /sprul pa'i sku ste sku yi mchog /sangs rgyas sprul pa'i rgyud 'chang ba//phyogs bcur sprul pa sna tshogs 'gyed/ /ji bzhin 'gro ba'i don byed pa/ /zhes pa ni de la sprul pa'i sku ste sku'i mchog ni sprul pa'i bdag nyid kyi sku ni sprul pa'i sku'o/ /de'ang gzhan 'jig rten pa'i sprul pa rnams kyi nang na rab kyi phyir na sku'i mchog ces gsungs so//de ltar yang gsungs pa/ sems can rnams kyi smin pa'i rgyu phyir la lar 'bar pa'i me bzhin gang snang zhing / /la lar yang ni rdzogs byang chub dang chos kyi 'khor lo rab bzhir gang snang ba/ /rnam pa du mar 'jug cing srid gsum rab 'dzin sna tshogs thabs kyis 'joms mdzad pa/ /thub pa rnams kyi don chen phyogs bcur rjes mngon sprul sku de la phyag 'tshal lo//zhes so/ /sangs rgyas sprul pa'i rgyud 'chang ba ni dus gsum na bzhugs pa'i sangs rgyas rnams kyi sprul pa de rnams kyi rgyud ni rim pa ste/ sangs rgyas sprul pa'i rgyud do/ /de 'dzin pas na sangs rgyas sprul pa'i rgyud 'chang ba ste/de bzhin gshegs pa thams cad kyi gdung rgyun mi gcod pa nyid kyi phyir ro/ /phyogs bcur sprul pa sna tshogs pa ni phyogs bcu po rnams su rnam pa sna tshogs tha dad pa'i sprul pa'i cho 'phrul dang gang ldan pa de phyogs bcur sprul pa sna tshogs 'gyed pa'o/ / de nyid kyi phyir na ji bzhin 'gro ba'i don byed pa ste/ /ji bzhin phyin ci ma log par don bstan pa'i sgo nas 'gro ba'i don byed pas na ji bzhin 'gro ba'i byed pa'o/ /lha yi dbang po lha yi lha/ /lha min dbang po lha min bdag /'chi med dbang po lha yi bla/ /'joms byed 'joms byed dbang phyug po//zhes pa ni de la lha'i dbang po ni khyab 'jug gi rang bzhin nyid kyi phyir ro/ /lha'i lha ni tshangs pa'i bdag nyid kyi phyir ro/ /lha min dbang po ni rnam par snang byed 'be le'i gzugs kyis so/ /lha min bdag ni gza' rA hu la'i rang bzhin nyid kyi phyir ro/ /'chi med dbang po ni grong khyer 'jig gi gzugs nyid kyi phyir ro//lha'i bla ni gza' phur bu'i gzugs nyid kyi phyir ro/ /'joms byed ni tshogs bdag gi rang bzhin nyid kyi phyir ro/ /'joms byed dbang phyug ni ma hA de wa'i rang bzhin nyid kyi phyir ro/ /lha'i dbang po la sogs pa rnams kyis bcom ldan 'das de nyid la mngon par brjod par bya'o//srid pa'i dgon pa las brgal ba/ /ston pa gcig po 'gro ba'i bla/ /'jig rten phyogs bcur rab grags pa/ /chos kyi sbyin bdag che ba po/ /zhes pa ni de la srid pa'i dgon pa las brgal ba ni srid pa ni 'khor ba'o/ /de nyid kyi dgon pa ste brgal dka' ba nyid kyi phyir na srid pa'i dgon pa'o//gang gis srid pa'i dgon pa las brgal ba de ni srid pa'i dgon pa las brgal ba'o/ /gcig pu ni gnyis su med pa ste/ /de dang 'dra ba med pa'i phyir ro/ /de nyid kyi phyir na ston pa zhes pa ste/ ston pa ni gang sems can thams cad kyi bya ba ston par byed pas na ston pa yin no/ / de la sems can thams cad kyi ston pa ni khyad par med pa bcom ldan 'das 'jam dpal de nyid de/ sems can thams cad kyi bya ba ston par byed pa nyid kyis byed pa'o/ /'di lta ste/ ngan song du skyes pa rnams la yang de bzhin gshegs pa'i sku yi 'od zer las de bzhin gshegs pa'i sku bstan pas rab tu dang bar byas te mtho ris la so sor 'jog par byed do//mtho ris su skyes pa rnams la yang skal ba dang mi ldan pa kha cig rnams la gong du gsungs pa'i tshogs bsam pa yongs su dag par byas nas 'khor ba'i bde ba'i las sbyin pa la sogs pa la so sor 'jog par byed de//skal ba dang ldan pa rigs rnams la yang bsam pa rnam pa gnyis kyis nye bar ston pa rnams kyis te/ dge ba'i rtsa ba ma bsags pa rnams kya dge ba'i rtsa ba bskrun par bya ba dang / dge ba'i rtsa ba yongs su bskrun pa rnams ni dge ba'i rtsa ba yongs su smin par byed do//dge ba'i rtsa ba yongs su smin pa rnams ni yongs su grol bar byas te/ rigs ji lta ba bzhin du nyan thos la sogs pa la so sor 'jog go/ /da ltar ngan song dang mtho ris su skyes pa rnams kyi skal ba dang ldan pa dang mi ldan pa'i rigs rnams la bya ba mthun par bsgrub pa'i phyir na de nyid sems can thams cad kyi ston pa zhes gsungs so//de nyid kyi phyir na 'gro ba'i bla ma ste/ 'gro ba rnams kyi bla ma yin pas 'gro ba'i bla ma'o/ /'jig rten phyogs bcur rab grags pa/ /chos kyi sbyin bdag ni phyogs bcu rnams kyi 'jig rten ni phyogs bcu'i 'jig rten no/ /phyogs bcu'i 'jig rten kyang de yin la rab grags kyang de nyid yin pas 'jig rten phyogs bcur rab grags pa ste/'jig rten na phyogs bcur grags pa ste/ de rnams la chos kyi sbyin bdag gang yin pa de/ 'jig rten phyogs bcur rab grags pa/ /chos kyi sbyin bdag go/ /de nyid che ba po zhes te//g.yo ba dang mi g.yo ba'i dngos po rnams la khyab pa'i phyir ro/ /de ltar yang dpal bde mchog gi rgyud las gsungs pa/ kun du kun nas thams cad du/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por bdag gyur to/ /zhes so/ / byams pa'i go cha chas pa ste/ /snying rje yi ni ya lad bgos/ /shes rab ral gri mda' gzhu thogs/ /nyon mongs mi shes g.yul ngo sel/ /zhes pa ni de la byams pa'i go cha chas pa ste ni/ byams pa ni sems can thams cad la bshes dang grogs dang bu gcig pa bzhin du byams pa rnams so//byams pa des go cha ni byams pa'i go cha gang gis chas pa ste/ byams pa'i go cha chas pa'o/ /snying rje yi ni ya lad bgos ni snying rje ni ji snyed gsungs pa'i mtshan nyid do/ /de nyid ya lad de snying rje'i ya lad do/ /snying rje'i ya lad de bgos pas bsrung ba gang yin de snying rje'i ya lad bgos so//shes rab ral gri mda' gzhu thogs ni/ shes rab ni shes rab kyi pha rol tu phyin pa'i pu sti'o/ /ral gri ni ye shes kyi ral gri'o/ /mda' ni sems phra mo yongs su 'bigs pa'i bdag nyid do/ /gzhu ni rdo rje'i gzhu'o/ /des kyang ci gsung bar 'gyur zhe na/ byams pa'i go cha chas shing snying rje'i ya lad kyis bsrungs pa'i shes rab la sogs pa'i phyag rgya dang ldan pa nyon mongs pa'i mi shes pa ni 'dod chags pa'i gti mug go//de nyid g.yul te 'thab mo'o/ /de sel zhing spong bas na bcom ldan 'das dngos po de nyon mongs mi shes g.yul ngo sel ba yin no/ / man ngag ni 'di'o/ /mdog dmar ba dang phyag bzhi par shes par bya'o/ /dpa' bo bdud dgra bdud 'dul ba/ /bdud bzhi'i 'jigs pa sel bar byed/ /bdud kyi dpung rnams pham par byed/ /rdzogs pa'i sangs rgyas 'jig rten 'dren/ /zhes pa ni de la bdud dgra ni bdud rnams te bgegs kyi dgra ste bdud dgra'o//de nyid bdud 'dul zhes pa ste/ rdo rje gdan la bzhugs nas bdud mi mthun pa'i phyogs rnams 'joms pas na bdud 'dul ba'o/ /de nyid kyi phyir na dpa' bo ste/ mi mthun pa'i phyogs gzhan rnams kyis zil mi non pa nyid kyi phyir ro/ /bdud bzhi'i 'jigs pa sel bar byed ni bdud rnams ni bdud bzhi'o//de rnams 'jigs pa ni bdud bzhi 'jigs so/ /de sel bar byed cing med par byed pas na bdud bzhi'i 'jigs pa sel bar byed do/ /bdud kyi dpung rnams pham byed pa ni bdud thams cad kyi dpung ni bdud kyi dpung ste de'o/ /de pham par byed pa'i tshul dang gang ldan pa de ni bdud kyi dpung rnams pham byed pa'o//rdzogs pa'i sangs rgyas ni mtshan rnams nye bar bsdu ba gsungs pa yin no/ /'di ltar sangs rgyas bcom ldan 'das/ /rdzogs pa'i sangs rgyas zhes pa dang po nas ji tsam 'di'i mthar thug pa'i bar du na 'jam dpal gyi mtshan yang dag par brjod pa phal cher la gsungs pa'o//'jig rten 'dren ni 'jig rten rnams kyi 'dren pa po 'jig rten 'dren te/ 'gro ba kun mngon par 'dod pa'i phyir ro/ /mchod 'os bstod 'os phyag gi gnas/ /rtag tu ri mor bya ba'i 'os/ /bkur 'os rjed par bya ba'i 'os/ /phyag byar 'os pa bla ma'i rab/ /ces pa ni de la mchod 'os ni thos pa dang dran pa rnams yongs su mthar phyin pa ni mchod 'os zhes brjod pa/bcom ldan 'das 'jam dpal yang grub pa'i mtha' thams cad kyi pha rol tu son pa'i phyir na mchod 'os zhes gsungs so/ /bstod 'os ni bstod par 'os pa nyid kyi phyir ro//phyag gi gnas ni lha rnams dang bcas pa'i 'jig rten rnams kyis phyag bya bar 'os pa nyid kyi phyir ro/ /rtag tu ri mor bya ba'i 'os ni nyan thos la sogs pa thams cad kyis ri mor bya bar 'os pa nyid kyi phyir ro/ /bkur 'os ni yon tan thams cad yongs su rdzogs pa nyid kyi phyir na 'jam dpal nyid byang chub sems dpa' thams cad kyis so//rjed par bya ba'i mchog ni de bzhin gshegs pa thams cad kyis rjed par bya ba nyid kyi phyir ro/ /phyag byar 'os pa ni sngags kyi sgo spyad pa spyod pa rnams kyis phyag byar 'os pa nyid kyi phyir ro/ /bla ma ni sems can 'di dag thams cad la rjes su ston pa'i phyir dang /de bzhin gshegs pa thams cad kyi thugs kar gnas pa nyid kyi phyir ro/ /de nyid kyi phyir na rab ni mchog gi phyir te/ de nyid bcom ldan 'das so/ /'jig rten gsum nyid gom gcig bgrod/ /mkha' ltar mtha' med rnam par gnon/ /gsum rig gtsang ma dag pa ste//mngon shes drug ldan rjes dran drug /ces pa ni de la 'jig rten gsum nyid gom gcig bgrod ni 'jig rten gsum po rnams mnyam por bsdus pa ni 'jig rten gsum ste/ 'jig rten gsum nyid ni 'jig rten gsum mo/ /'jig rten gsum po de la gom pa gcig kho nas bgrod pa'i zhabs dang gang ldan pa de 'jig rten gsum nyid gom gcig bgrod do//des ni bcom ldan 'das de'i rdzu 'phrul chen po'i bdag nyid yang dag par bstan pa yin no/ /mkha' ltar mtha' med rnam par gnon ni mkha' ni mkha'o/ /de yongs su mtha' yas pa ni mkha' ltar mtha' med pa'o/ /de rnam par gnon pa ni pha rol gnon pa gang yin pa de ni mkha' ltar mtha' med rnam par gnon no//tshig des kyang bcom ldan 'das de'i sems can gyi don du gnon pa nges par ston pa yin no/ /gsum rig ni rig byed rig par bstan pa gsum ste/ nges brjod dang / mchod sbyin dang / snyan ngag gi mtshan nyid rnams ni rig byed gsum po gsum ldan dang /rjes su lta ba dang / gtam gyi mtshan nyid kyang rung ba bsgrub pa'am rig pas na gsum rig go/ /de'i rang bzhin yang bcom ldan 'das so/ /yang na theg pa gsum po nyid kyis bsdus pa ste sde snod gsum gyi rang bzhin rig pa ni gsum po sgrub pas sam rig pas na'o//yang rdzu 'phrul dang / pha rol gyi sems shes pa dang / zag pa zad pa'i mngon par shes pa'i rang bzhin rig pas na gsum rig pa'o/ /de nyid kyi phyir na gtsang ma zhes pa ste/ rig byed rig pa'i rang bzhin lta ba yin la/ 'dun pas 'dod phyir na gtsang ma zhes gsungs so//bcom ldan 'das 'jam dpal yang grangs med pa'i theg pa la 'dun pas 'dod pa'i phyir na gtsang ma zhes gsungs so/ /dag pa ni des dag par byed pas na dag pa ste/ dag pa'i rgyu yin pa'i phyir ro/ /de ltar yang bshad pa chen po las gsungs so/ /sa la chu'i sa yongs su dag /chu la'ang sngags rnams mchog tu dag /de yang dus tshod tshogs pas dag /drang srong chen pos lung bstan gsungs/ /zhes gsungs so/ /de ltar yang bcom ldan 'das dag pa nyid kyi phyir na dag pa zhes gsungs so/ /mngon shes drug ldan ni lha'i rna ba dang pha rol gyi sems shes pa dang /sngon gyi gnas rjes su dran pa dang / rdzu 'phrul dang / zag pa zad pa'i mngon par shes pa rnams so/ /mngon par shes pa de rnams drug dang gang ldan pa de mngon shes drug ldan no/ /rjes dran drug ni ji snyed gsungs pa'i sangs rgyas rjes su dran pa dang / chos rjes su dran pa dang / dge 'dun rjes su dran pa dang / rigs rjes su dran pa dang / khro bo rjes su dran pa dang / dam tshig rjes su dran pa rnams so/ /de'i phyir rjes su dran pa dang gang ldan pa de la de skad ces gsungs so/ /byang chub sems dpa' sems dpa' che/ /rdzu 'phrul chen po 'jig rten 'das/ /shes rab pha rol phyin pa'i mtha'//shes rab de nyid de nyid thob/ /ces pa ni de la byang chub sems dpa' ni chos thams cad la chags pa med pas byang chub ste/ rang gi don phun sum tshogs pa la sems dpa'i blo dang gang ldan pa de byang chub sems dpa'o/ /de ltar yin na nyan thos la thal bar 'gyur ro/ /de'i phyir gsungs pa/sems dpa' che zhes pa ste/ gzhan gyi don phun sum tshogs pa chen po la sems dpa'i blo dang gang ldan pa de sems dpa' che'o/ /chen po yang gzhan du 'gyur te/ mu stegs kyi skye bo bzang po lta bu'o zhe na/ de'i phyir byang chub sems dpa' zhes gsungs so//de bas na tshig de gnyis kyis nye bar mtshon pa ni bcom ldan 'das de nyid yin no/ /de yang 'jig rten 'das zhes pa ste/ 'khor ba'i chu bo chen po'i rgyud las kun du brgal ba'i phyir ro/ /rdzu 'phrul chen po ni bsod nams dang ye shes kyi tshogs yongs su rdzogs pa'i phyir ro/ shes rab kyi pha rol tu phyin pa'i mtha' ni chos rab tu rnam par 'byed pa'i mtshan nyid shes rab kyi pha rol tu phyin pa ni shes rab kyi pha rol tu phyin pa'o/ /de'i mtha' ni mthar phyin cing mjug brtul bar son pa gang yin pa de shes rab kyi pha rol tu phyin pa'i mtha'o/ /shes rab de nyid ni shes rab de kho na ste/shes rab gnyis su med pa'i ye shes te/ bcom ldan 'das de nyid do/ /de nyid thob pa ni gnyis su med pa'i ye shes kho na ste/ de thob cing mngon du gyur pa gang yin pa de la de skad ces gsungs so/ /bdag rig gzhan rig thams cad pa/ /kun la phan pa'i gang zag mchog/ / dper bya kun las 'das pa ste/ shes dang shes bya'i bdag po mchog /ces pa ni de la bdag rig ni bdag nyid rig pas na bdag rig go/ /gzhan rig ni gzhan rnams rig pas na gzhan rig go/ /thams cad ni ma lus pa'i dngos po bstan pa'i phyir ro/ /kun la phan pa ni thams cad la phan pa byed pas na kun la phan pa ste/'gro ba kun la bu gcig pa bzhin du byams pa'i phyir ro/ /rgyu de'i phyir na gang zag mchog ste/ bcom ldan 'das so/ /dper bya kun las 'das pa ste ni dngos po 'di thams cad kyi dper bya kun no/ /dper bya de kun las 'das pa shin tu 'das pa gang yin pa de ni dper bya kun las 'das so zhes bya ba ni gzung ba'i ngo bo nyid kyi phyir ro//shes pa'i bdag po ni 'dzin pa po'i rang bzhin gyi phyir ro/ /mchog ni rab nyid kyi phyir ro/ /chos kyi sbyin bdag gtso bo ste/ /phyag rgya bzhi po'i don ston pa/ 'gro ba'i bsnyen bkur gnas kyi mchog/ / nges 'byung gsum po bgrod pa po/ /zhes pa ni/ de la chos kyi sbyin bdag ni skal ba ji lta ba bzhin du phyin ci ma log par chos kyi sbyin pa sbyin pa'i phyir ro/ /de nyid kyi phyir na gtso bo zhes bya ba ste/ mngon par 'gro bar bya ba rnams kyi nang na mchog ste/ bcom ldan 'das de nyid do/ /phyag rgya bzhi po'i don ston pa ni phyag rgya chen po la sogs pa bzhi rnams kyi don ni phyag rgya bzhi'i don te/de'i ston pa po ni rab tu ston pa po'o/ /de bzhin gshegs pa thams cad kyi ye shes kyi sku'i rang bzhin nyid kyi phyir/ 'gro ba'i bsnyen bkur gnas kyi mchog/ /ces bya'o/ /nges 'byung gsum po ni nyan thos la sogs pa'i nges par 'byung ba ste/des bgrod pa'i tshul dang gang ldan pa de ni nges 'byung gsum gyis bgrod pa'o/ /de bas na nges 'byung gsum gyis bgrod ba'i 'gro ba thams cad kyi bsnyen bkur gyi gnas ni bcom ldan 'das de nyid de/ thar pa thams cad kyi rang bzhin nyid kyi phyir ro/ /don gyi dam pa rnam dag dpal//'jig rten gsum na skal bzang che/ /dpal ldan 'byor pa kun byed pa/ /'jam dpal dpal dang ldan pa'i mchog /ces pa ni de la don dam chos kyi dbyings kyi rnam par dag pa'i dpal dang gang ldan pa de ni don gyi dam pa rnam dag dpal te/ thabs dang shes rab kyi bdag nyid kyi phyir ro//de nyid kyi phyir na 'jig rten gsum na skal bzang ni 'jig rten gsum kho na la skal ba bzang po ste/ sems can kun gyi don byed pa'i phyir ro/ /de ltar yang dpal bde mchog gi rgyud las gsungs pa/ sems can kun don byed phyir na/ /skal bzang bcom ldan rdo rje can//gtan du mya ngan 'das phyir na/ /nyan thos thams cad skal ngan yin/ /zhes gsungs so/ /che ni kun la khyab pa nyid kyi phyir ro/ /dpal ldan ni skal ba phun sum tshogs pa dang ldan pa nyid kyi phyir ro/ /'byor pa kun byed pa ni phun sum tshogs pa thams cad kyi rten gyi dngos po nyid kyi phyir ro//'jam dpal ni mtshan brjod pa yin no/ /dpal dang ldan pa'i mchog ni de dang ldan pa'i nang na rab ces pa'i don to/ /de ltar de nas de ni bya ba nan tan gyi ye shes kyi rang bzhin gyis bcom ldan 'das de nyid de bzhin gshegs pa thams cad kyi ye shes sems dpa' de bzhin gshegs pa thams cad kyi phyag rgya kun yang dag par rig pa'i bya ba sna tshogs mdzad pa'i phyir ma lus shing lus pa med pa'i sems can gyi khams thams cad la bsam pa kun yongs su rdzogs par byed pa de nyid phyogs bcu mtha' yas mu med pa'i 'jig rten gyi khams thams cad yongs su khyab par son pas/mtshan gyi sngags kyi yi ge tshig dgu bcu rtsa lnga rnams rigs kyi dbye bas rnam pa lngar bgos te/ rnam pa re re zhing yang mtshan gyi yi ger gyur pa rnam pa bcu dgu bcu dgur byas te/ de rnams kyis sems can thams cad kyi le lo med par byas nas dge ba'i phyogs la gnas par byas te/rang gi rnam par thar pa'i sgo nas de'i 'od kyis yang de bzhin gshegs pa'i 'khor gyi dkyil 'khor thams cad gsal bar byas nas yang de rnams slar log nas gong du gsungs pa'i mtshan nyid rnams kyi sngags kyi yi ge'i tshig rnams su gyur te/ rdo rje dbyings kyi dkyil 'khor chen po'i phyi rol 'khor lo lnga pa la ji lta ba'i rim pas rnam par gnas so//yang ji ltar gsungs pa'i gzugs su bdag nyid dmigs te/ sngags kyi sgo nas spyad pa spyod pa'i rigs kyi bu 'am rigs kyi bu mo 'phags pa mtshan yang dag par brjod pa klog pas 'og nas 'byung ba'i yon tan thob po zhes pa ni man ngag go//'di la tshigs bcad ni bco lnga'o/ /mtshan gyi sngags kyi tshig rnams ni dgu bcu rtsa lnga ste grangs so/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba las bya ba nan tan gyi ye shes kyi sgo nas bstod pa'i rim pa'i dbang du byas pa ste bcu pa'o// //da ni rnam par snang mdzad chen po la sogs pa de bzhin gshegs pa lnga'i bdag nyid kyi tshigs bcad rnams kyis bcom ldan 'das kyi ye shes kyi sku rdo rje dbyings kyi dkyil 'khor chen po'i dbus na bzhugs pa la bstod pa 'di lta ste/mchog sbyin la sogs pas ni me long lta bu'i ye shes kyi sgo nas so/ /sangs rgyas chags pa la sogs pas ni chos kyi dbyings kyi rang bzhin gyi sgo nas so/ /sangs rgyas 'dzum pa la sogs pas ni so sor kun du rtog pa'i ye shes kyi sgo nas so/ /med pa las byung la sogs pas ni mnyam pa nyid kyi ye shes kyi sgo nas so//sgyu 'phrul dra ba la sogs pas ni bya ba nan tan gyi ye shes kyi sgo nas so/ /tshigs bcad lnga'o/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba las nye bar bsdu ba'i sgo nas bstod pa'i rim pa'i dbang du byas pa bcu gcig pa ste yongs su rdzogs so// //de nas da ni yon tan gyi sgo nas bstod pa la/ de la re zhig rdo rje dbyings kyi dkyil 'khor dang po'i sgo nas yon tan gsungs pa/ phyag na rdo rje rdo rje 'chang zhes pa la sogs pa ste/ bcom ldan 'das shAkya thub pas rdo rje 'dzin pa pos pa ni de kho nas gsol ba btab pa'i phyir ro//de kho na la bos pa mdzad de/ mtshan yang dag par brjod pa yon tan dang bcas pa gsungs pa ni dad pa dang ldan pa rab tu 'jug pa'i phyir na gsungs pa ste/ phyag na rdo rje rdo rje 'chang 'di dang 'di ni zhes pa ni/ 'di dang 'di ni mtshan yang dag par brjod pa'o//kye phyag na rdo rje zhes pa ni dbang bskur ba'i sgo nas so/ /rdo rje 'chang ni ye shes kyi sgo nas so/ /yon tan de gnyis dang ldan pas sdud par byed pa nyid kyi dbang du byas pa'i phyir ro/ /bcom ldan 'das ye shes kyi sku/ de bzhin gshegs pa thams cad kyi sku 'jam dpal ye shes sems dpa' dang 'brel pa'i mtshan yang dag par brjod pa yin te/ci 'dra ba zhig ce na/ thun mong ma yin pa'i yongs su dag pa zhes pa ni/ de la thun mong ni nyon mongs pa dang 'dres pa'o/ /nyon mongs pa rnams dang lhan cig ma 'dres pa ni thun mong ma yin pa ste/dag pa'i rang bzhin ni/ srid pa dang ma 'dres pa yongs su dag pa'i mtshan yang dag par brjod pa de dag gis zhes bstan to zhes phyis 'byung ba'i tshig dang 'brel pa/ ci'i don du zhe na/ gsungs pa/ khyod kyis dga' ba dang / dang ba dang / mgu ba chen po bla na med pa bskyed pa'i don dang zhes pa ni/de la dga' ba ni spro ba'o/ /dad pa ni dad pa ste/ de yang las dang / 'bras bu dang / bden pa dang / dkon mchog rnams la yid ches pa'o/ /mgu ba chen po ni brtson 'grus so/ /de yang dge ba'i chos la mngon par spro ba'o/ /phyag na rdo rje khyod kyis de rnams bskyed pa ni 'byung bar bya ba'i don du'o//lus dang ngag dang yid kyis gsang ba yongs su dag par bya ba'i don dang zhes pa la/ lus ngag yid rnams kyi gsang ba ni byang chub sems rdo rje'i rang bzhin te/ de yongs su dag par bya ba'i don du'o/ /yongs su ma rdzogs pa'i dang / yongs su ma dag pa'i sa dang pha rol tu phyin pa dang / bsod nams dang ye shes kyi tshogs de yongs su rdzogs pa dang yongs su dag par bya ba dang zhes pa/ yongs su ma rdzogs pa'i sa rnams dang yongs su dag pa ni pha rol tu phyin pa rnams te/ yongs su ma rdzogs pa rnams dang / yongs su ma dag pa'i sa dang /pha rol tu phyin pa rnams so/ /de rnams kyi bsod nams dang ye shes kyi tshogs de yongs su rdzogs pa dang yongs su dag par byed pa'i don du'o/ /bla na med pa'i don ma rtogs pa rtogs par bya ba dang zhes pa ni bla na med pa'i don yang de yin la ma rtogs pa yang de nyid yin pas bla na med pa'i don ma rtogs pa ste/de rtogs par bya ba'i don du'o/ /ma thob pa thob par bya ba dang zhes pa ni ma thob pa'i sangs rgyas kyi chos la sogs pa thob par bya ba'i don du'o/ /ji srid de bzhin gshegs pa thams cad kyi chos kyi tshul yang dag par gzung ba'i phyir zhes pa ni ji srid kyi sgra'i rim pa la ltos pa'o//de bzhin gshegs pa thams cad kyi dam pa'i chos kyi tshul ni shes rab kyi pha rol tu phyin pa ste/ de gnyis su med pa'i ye shes kyi rang bzhin gyis yang dag par gzung bar bya ba'i don du ngas bshad cing zhes pa ni byang chub sems rdo rje'i rang bzhin gyi sgo nas so/ /bstan te zhes pa ni shin tu rnam par dag pa'i chos kyi dbyings kyi ye shes kyi sgo nas so//bkrol zhing zhes pa ni me long lta bu'i ye shes kyi sgo nas so/ /rnam par phye la zhes pa ni mnyam pa nyid kyi ye shes kyi sgo nas so/ /byin gyis brlab par bya'o zhes pa ni bya ba nan tan gyi ye shes kyi sgo nas so/ /kye lag na rdo rje zhes pa ni bod pa'i don to//'di ni zhes pa ni mtshan yang dag par brjod pa'i zhes pa'i don to/ /ngas zhes pa ni shAkya thub pa ngas zhes pa'i don to/ /khyod kyi rgyud la zhes pa ni khyod kyi sems kyi rgyud la'o zhes pa'i don to/ /gsang sngags thams cad kyi chos nyid kyi byin gyi rlabs kyis brlab po zhes pa ni gsang sngags thams cad kyi chos nyid ni gsang sngags thams cad kyi chos nyid de/stong pa nyid do/ /de byin gyis brlabs pa ni brtan par byed pa'o/ /'khor lo dang po'i yon tan te/ tshigs bcad bcu gcig ste grangs so/ /da ni 'khor lo gnyis pa'i phan yon gyi dbang du byas te gsungs pa/lag na rdo rje rdo rje 'chang gzhan yang mtshan yang dag par brjod pa 'di ni de bzhin gshegs pa thams cad kyi shin tu dag cing yongs su byang ba'i thams cad mkhyen pa'i ye shes dang / sku dang gsung dang thugs gsang bar gyur pa'o zhes pa la/ kun nas yongs su byang ba ni shin tu yongs su dag cing yongs su byang ba yang de yin la thams cad mkhyen pa'i ye shes kyang de nyid yin pas shin tu dag cing yongs su byang ba'i thams cad mkhyen pa'i ye shes so//de'i sku gsung thugs kyi cha de rnams gsang bar gyur pa ni snang ba ma yin pa'i ngo bo nyid kyi phyir ro/ /sangs rgyas kyi byang chub bo zhes pa ni sangs rgyas rnams kyi byang chub ni/sangs rgyas kyi byang chub ste/ nyan thos kyi byang chub ma yin zhes pa'i don to/ /yang dag par rdzogs pa'i sangs rgyas rnams kyis mngon par rtogs pa'o zhes pa ni mngon par rtogs pa ni ye shes te/ thams cad mkhyen pa'i ye shes so/ / de bzhin gshegs pa thams cad bla na med pa'o zhes pa ni de'i gong na med pa'i phyir bla na med pa'o/ /bde bar gshegs pa rnams kyi chos kyi dbyings thugs su chud pa'o zhes pa ni stong pa nyid kyi ngo bo nyid kyi phyir ro/ /rgyal ba rnams kyis bdud kyi stobs thams cad pham par mdzad pa'o zhes pa ni/ bdud bzhi'i stobs kyis mi thub pa'i phyir ro//stobs bcu dang ldan pa thams cad kyi stobs bcu nyid do zhes pa ni stobs bcu ni gong du gsungs pa'i mtshan nyid do/ /de rnams dang mtshan yang dag par brjod pa dang ldan pa de stobs bcu'o/ /de'i dngos po ni stobs bcu nyid do/ /thams cad mkhyen pa'i ye shes rnams ni thams cad mkhyen pa nyid do zhes pa ni thams cad shes pas na thams cad mkhyen pa'o//de'i ngo bo ni thams cad mkhyen pa nyid do/ /sangs rgyas kyi chos thams cad kyi lung ngo zhes bya ba ni gzhan las 'ongs pa'i phyir lung ngo / /de yang rnam pa gnyis te/ lung gi mtshan nyid dang / rtogs pa'i mtshan nyid do/ /sangs rgyas thams cad kyis yang dag par grub pa'o zhes pa ni nyan thos la sogs pa'i sangs rgyas rnams kyis te/ nyan thos la sogs pa'i sangs rgyas kyi rang gi ngo bos mngon du byed pa'i phyir ro/ /byang chub sems dpa' chen po thams cad kyi bsod nams dang ye shes kyi tshogs yongs su rdzogs pa'i dri ma med cing shin tu rnam par dag pa'o zhes pa ni/shin tu rnam par dag pa yang de yin la dri ma med pa yang de nyid yin pas na dri ma med cing shin tu rnam par dag pa ste/ de nyid bsod nams dang ye shes kyi tshogs de yin la dri ma med cing shin tu rnam par dag pa yang de nyid yin pas na dri ma med cing shin tu rnam par dag pa'i bsod nams dang ye shes kyi tshogs yongs su rdzogs pa'i dri ma med cing shin tu rnam par dag pa'o//de yongs su rdzogs pa gang yin pa de ni mtshan yang dag par brjod pa ste/ de dang gang ldan pa de la de skad ces gsungs so//nyan thos dang rang sangs rgyas thams cad kyi skye gnas ni de rnams kyi 'byung ba'i gnas nyid kyi phyir ro/ /lha dang mi thams cad kyi phun sum tshogs pa thams cad kyi zhing ngo zhes pa ni/ de la zhing ni phun sum tshogs pa thams cad kyi 'byung gnas kyi phyir ro/ /theg pa chen po'i gzhi'o zhes pa ni sngar mtshan nyid gsungs pa'i theg pa chen po'i gnas pa'i ngo bo nyid kyi phyir ro//byang chub sems dpa'i spyod pa rnams kyi 'byung khungs so zhes pa ni/ de la 'byung khungs ni skye ba'i gnas nyid kyi phyir ro/ /'phags pa'i lam thams cad kyi mtha'o zhes pa ni/ de la mtha' ni mjug bsdu ba'o/ / rnam par grol ba rnams kyi brtag pa'o zhes pa ni de la brtag pa ni yongs su brtag pa'i gnas te/ ji ltar gser la sreg pa dang bcad pa dang bdar ba'i gnas lta bu'o/ /nges par 'byung ba'i lam skye ba'i gnas so zhes pa ni mya ngan las 'das pa'i thabs kyi rgyur gyur pa yin pa'i phyir ro/ / de bzhin gshegs pa thams cad kyi gdung mi 'chad pa'o zhes pa ni/ de la gdung mi 'chad pa ni rgyun rnam par mi 'chad pa ste/ de bzhin gshegs pa'i bya ba byed pa'i phyir ro/ /byang chub sems dpa' sems dpa' chen po'i rigs dang rgyud rab tu 'phel ba'o zhes pa ni de kho nar phul du byung bas mchog tu dga' ba 'phel bar 'gyur ro//pha rol rgol ba thams cad tshar gcod pa'o zhes pa ni gang gis tshar gcod par byed pa ni gcod pa'o/ /de ltar yang dpal bde mchog gi rgyud las gsungs pa/ kha cig pha rol mu stegs rnams/ /chos dang mthun par tshar gcod do/ / zhes so/ /mu stegs thams cad rnam par 'joms pa'o zhes pa ni/ de la 'joms pa ni rang gi che ba'i bdag nyid rab tu bstan pa'i sgo nas spa 'gong bar byed pa ste/ dper na lha las babs pa'i tshe lta bu'o/ /bdud bzhi'i stobs kyi dpung dang sde pham par byed pa'o zhes pa ni/ de la stobs ni yan lag bzhi'i stobs so//dpung ni rnam par bkod pa'o/ /de ni bsdus pa'o/ /de'i phyir na don 'di ltar 'gyur ro/ /bdud bzhi rnams kyi stobs dang dpung dang sde pham par byed pa'i mtshan yang dag par brjod pa de'o/ /sems can thams cad yang dag par sdud pa'o zhes pa ni de la sbyin pa dang /snyan par smra ba dang / don spyod pa dang / don mthun pa'i mtshan nyid de/ de nyid des bsdus pa ni bsdus pa'o/ /nges par 'byung ba bgrod pa thams cad kyi 'phags pa'i lam yongs su smin pa'o zhes pa dang / de la 'phags pa'i lam yongs su smin pa ni 'phags pa'i lam yan lag brgyad pa yongs su smin pa nyid do//tshangs pa'i gnas pa bzhi la gnas pa rnams kyi ting nge 'dzin to zhes pa ni/ de la ting nge 'dzin ni nye bar brtags pa'i gzhi la sems rtse gcig pa'o/ /de yang byams pa dang / snying rje dang / dga' ba dang / btang snyoms rnams kyi'o/ /sems rtse gcig pa rnams kyi bsam gtan no zhes pa ni/de la bsam gtan ni rtog dpyod dang dga' bde zhes bya ba'o/ /lus dang ngag dang yid 'dul ba la brtson pa rnams kyi rnal 'byor ro zhes pa ni/ de la rnal 'byor ni sems tsam la snyoms par 'jug pa'o/ /kun du sbyor ba thams cad dang bral ba'o zhes pa ni/ de la kun du sbyor ba dgu dang bral ba ste/ kun du sbyor ba dgu ni rjes su chags pa'i kun du sbyor ba dang / khong khro ba'i kun du sbyor ba dang / nga rgyal gyi kun du sbyor ba dang / ma rig pa'i kun du sbyor ba dang / lta ba'i kun du sbyor ba dang / mchog tu 'dzin pa'i kun du sbyor ba dang / the tshom gyi kun du sbyor ba dang /phrag dog gi kun du sbyor ba dang / ser sna'i kun du sbyor ba rnams so/ /nyon mongs pa dang / nye ba'i nyon mongs pa thams cad spong pa'o zhes pa ni 'dod chags la sogs pa dang khong khro ba la sogs pa rnams spong ba'o/ /sgrib pa thams cad nye bar zhi ba'o zhes pa ni shes bya dang nyon mongs pa dang las dang rnam par smin pa'i sgrib pa rnams gtan du med pa'o//'ching ba thams cad las rnam par grol ba'o zhes pa ni 'dod chags dang zhe sdang dang gti mug gi 'ching ba rnams las rnam par grol ba'i rgyu nyid kyi phyir ro/ /phung po thams cad las thar pa'o zhes pa ni lhag ma dang bcas pa dang lhag ma med pa'i mtshan nyid de/de dag gi rang bzhin nyid kyi phyir ro/ /sems kyi g.yeng ba thams cad zhi ba'o zhes pa ni zhi bar byed pas zhi ba ste zhi bar gnas pa nyid kyi phyir ro/ /'byor ba thams cad kyi 'byung gnas so zhes pa ni 'jig rten dang 'jig rten las 'das pa thams cad kyi 'byor pa'i 'byung gnas nyid kyi phyir ro//rgud pa thams cad sel ba'o zhes pa ni skyon thams cad spong ba'i ngo bo nyid kyi phyir ro/ /ngan song gi sgo thams cad gcod pa'o zhes pa ni dmyal ba dang / yi dags dang / byol song gi bdag nyid kyi ngan song gi sgo rnams gcod pa'i phyir ro//rnam par grol ba'i grong khyer gyi lam bzang po'o zhes pa ni lam rnams kyang de yin la bzang po yang de nyid yin pas lam bzang po'o/ /'khor ba'i 'khor lor mi 'jug pa'o zhes pa ni rab tu 'jug pa ni 'jug pa'o/ /'jug pa med pa ni mi 'jug pa'o/ /chos kyi 'khor lo bskor ba'o zhes pa ni skal ba ji lta ba bzhin du chos kyi 'khor lo bskor ba'i phyir ro//de bzhin gshegs pa'i bstan pa'i gdugs dang rgyal mtshan dang ba dan bsgreng ba'o zhes pa ni/ phyi rol pa dang nyan thos la sogs pa rnams kyi bsod nams zil gyis gnon pa'i gdugs dang rgyal mtshan dang /ba dan bsgreng ba ni mtshan yang dag par brjod pa nyid kyi phyir ro/ /chos thams cad bstan pa'i gnas so zhes pa ni gnas ni bstan par byed pa'o/ /byang chub sems dpa' gsang sngags kyi sgo'i spyad pa spyod pa rnams kyi myur du 'grub pa'o zhes pa la/ de la myur du 'grub pa ni yang spyod pa la mi ltos pa nyid kyis myur du 'grub pa'o//byang chub sems dpa' shes rab kyi pha rol tu phyin pa la mngon par brtson pa rnams kyi sgom pa rtogs pa'o zhes pa la/ bsgom pa ni yang dang yang du goms pa'o/ /rtogs pa ni mngon du byed pa'o/ /gnyis su med par so sor rtogs pa bsgom pa la mngon par brtson pa rnams kyi stong pa nyid so sor rtogs pa ni yang dang yang du 'bigs pa'o//stong pa nyid la so sor rtogs pa ni stong pa nyid la so sor rtogs pa'o/ /pha rol tu phyin pa dang tshogs thams cad nges par 'grub pa'o zhes pa la nges par 'grub pa ni phun sum tshogs pa rdzogs pa'o//sa thams cad yongs su rdzogs pa yongs su dag pa'o zhes pa ni/ kun du yongs su dag pa'i yongs su dag pa'o/ /'phags pa'i bden pa bzhi po yang dag pa'o zhes pa ni grub pa'i rtogs pa'o/ /chos thams cad kyi dran pa nye bar gzhag pa bzhi po rnams kyi chos thams cad sems rtse gcig gis rtogs pa'o zhes pa ni/de la chos thams cad ni nye bar len pa'i phung po lnga'o/ /de rnams la sems rtse gcig gi dmigs pa nyid kyis de rtogs pa'o/ /de'i don ni bshad zin to/ /mtshan yang dag par brjod pa 'di ni sangs rgyas kyi yon tan thams cad kyi bar du yongs su rdzogs par byed pa'o zhes pa'i bar du'o//rnam par snang mdzad chen po'i 'khor lo gnyis pa'i yon tan te tshig rkang lnga bcu rtsa gnyis so/ /de nas da ni 'khor lo gsum pa'i yon tan gyi dbang du byas nas gsungs pa/ lag na rdo rje rdo rje 'chang gzhan yang mtshan yang dag par brjod pa 'di ni sems can thams cad kyi lus dang ngag dang yid la kun du spyod pa'i sdig pa ma lus par rab tu zhi bar byed pa'o zhes pa ni ma lus mi lus pa'i lus ngag yid gsum gyi spyod pa ste/lus dang ngag dang yid kyi las kyi sdig pa gang yin pa zhi bar byed pa'o/ /sems can thams cad kyi ngan song thams cad rnam par sbyong ba'o//ngan 'gro thams cad bzlog pa'o zhes pa ni ngan 'gro thams cad las te gsum las bzlog pa ni ngan 'gro thams cad las bzlog pa'o/ /las kyi sgrib pa thams cad yang dag par gcod pa'o zhes pa ni las kyi sgrib pa thams cad yang dag par gcod pa'i phyir ro//mi khom pa brgyad po thams cad kyi skye ba'i rgyun mi skye bar byed pa'o zhes pa ni/ de la mi khom pa thams cad ni/ khom pa dang go skabs yod pa dang long yod pa zhes pa ni don gyi rnam grangs te/ mngon par rtogs pa'i sgrub pa'i go skabs med pa'i phyir na mi khom pa zhes gsungs so//de yang brgyad de/ 'di lta ste/ dmyal bar skye ba dang / byol song du skye ba dang / yi dags su skye ba dang / mtha' 'khob tu skye ba dang / gzugs med pa dang 'du shes med pa'i srid par skye ba dang / long ba dang 'on pa dang glen pa la sogs par skye bar 'gyur ba dang /lta ba log pa nyid dang / sangs rgyas med pa'i skal ba la skyes pa rnams so/ /'jigs pa chen po brgyad rnam par zhi bar byed pa'o/ /rmi lam ngan pa thams cad sel bar byed pa'o/ /lta ba ngan pa thams cad sel bar byed pa'o/ /sdang ba dang dgra bgegs thams cad zhi bar byed pa'o//bdud kyi dgra'i las thams cad ring du spong bar byed pa'o/ /dge ba'i rtsa ba dang bsod nams thams cad 'phel bar byed pa'o zhes pa rnams kyi don go bar zad do/ /tshul bzhin ma yin pa yid la byed pa thams cad mi skye bar byed pa'o zhes pa ni tshul bzhin ma yin pa yid la byed pa ni ting nge 'dzin gyi mi mthun pa'i phyogs su gyur pa rnams med par byed pa'i phyir ro//rgyags pa dang / dregs pa dang / nga rgyal dang / nga yir 'dzin pa thams cad ma lus par 'joms par byed pa'o zhes pa ni/ de la rgyags pa ni rang gi phun sum tshogs pa la chags pa dang dga' ba'i sems kyi zhen pa'o//dregs pa ni bdag tu 'dzin pa'o/ /nga rgyal ni khengs pa'o/ /nga yir 'dzin pa ni bdag gir 'dzin pa'o/ /de rnams ma lus par 'joms par byed pa de la de ltar gsungs so/ /sdug bsngal ba dang yid mi bde ba thams cad mi skye bar byed pa'o zhes pa ni/ de la lus dang yid las skyes pa'i sdug bsngal ba dang yid mi bde ba thams cad mi skye bar byed pa'i phyir ro//de bzhin gshegs pa thams cad kyi snying por gyur pa'o zhes pa ni 'di las skyes pa'i phyir ro/ /byang chub sems dpa' thams cad kyi gsang bar 'gyur ba ni sba bar bya ba nyid kyi phyir ro/ /nyan thos dang rang sangs rgyas thams cad kyi gsang chen du gyur pa ni rab tu ma bstan pa'i phyir ro//phyag rgya dang gsang sngags thams cad do zhes pa ni phyag rgya thams cad ni phyag rgya bzhi'o/ /gsang sngags thams cad ni snying po la sogs pa rnams te/ de'i bdag nyid yin pa'i phyir ro/ /chos thams cad brjod du med pa'i smra ba rnams kyi dran pa dang shes bzhin yang dag par bskyed pa'o zhes pa ni/chos thams cad ni phung po la sogs pa rnams so/ /de rnams kyi brjod pa ni brjod par bya ba ma yin pa nyid do/ /de smra ba'i tshul dang gang ldan pa de de ltar gsungs so/ /de bas na de rnams kyi dran pa ni 'dris pa'i dngos po la sems kyis mi brjod par sems kyis mngon par brjod pa nyid do//shes bzhin ni lus ngag gi rang dbang du gnas pa ste/ de gnyis yang dag par bskyed par bya ba'i don to/ /bla na med pa'i shes rab bskyed pa dang yid gzhungs par byed pa'o zhes pa ni shes rab dang yid gzhungs par byed pa gnyis ni shes rab dang yid gzhungs pa'o//ba na med pa'i shes rab dang yid gzhungs par byed pa'i tshul dang gang ldan pa de la de ltar ro/ /nad med pa dang / stobs dang / dbang phyug phun sum tshogs par byed pa'o zhes pa ni/ de la nad med par byed pa ni nad med pa nyid do/ /stobs ni lus kyi nus pa'o//dbang phyug ni glang po che dang rta la sogs pa'o/ /phun sum tshogs pa ni nor dang 'bru la sogs pa'o/ /de kun bya ba'i tshul dang gang ldan pa de la de ltar gsungs so/ /dpal dang / dga' ba dang / zhi ba dang / legs par rab tu 'phel bar byed pa'o zhes pa ni/ de la dpal ni g.yang ngo //dge ba ni bzang po'o/ /zhi ba ni bde legs so/ /legs pa ni bkra shis te de rnams rab tu 'phel bar byed pa'i phyir ro/ /grags pa dang / snyan pa dang / tshigs su bcad pa dang / bstod pa grags par byed pa'o zhes pa ni/ de la snyan pa ni chos kyi sbyin pa'i sgo nas so/ /grags pa ni zang zing gi sbyin pa'i sgo nas so//tshigs su bcad pa ni mi 'jigs pa'i sbyin pas so/ /bstod pa ni dbang bskur ba'i sbyin pas so/ /de yang de rnams kyi sbyin pa bzhi po 'di rnams rab tu ston par byed pa'i phyir ro/ /nad dang 'jigs pa chen po thams cad rab tu zhi bar byed pa'o zhes pa ni nad thams cad kho na 'jigs pa chen po rnams yin pas nad nyid 'jigs pa chen po'o//de rnams rab tu zhi bar byed pa'o/ /shin tu rnam par dag pa rnams kyi yang shin tu rnam par dag pa'o/ /shin tu dag par byed pa rnams kyi yang shin tu dag par byed pa'o zhes pa ni/ha ri ni rkyen gyi sgo nas so/ /rab tu byang ba rnams kyi yang rab tu byang ba'o/ /rab tu bkra shis pa thams cad kyi yang rab tu bkra shis pa'o zhes pa ni ta ma'i rkyen gyi rang bzhin bstan pa yin no/ /skyabs 'dod pa rnams kyi yang skyabs so zhes pa ni skyabs nyid do/ /gnas med pa rnams kyi gnas so zhes pa ni cher gnas pa nyid do//skyob pa 'dod pa rnams kyi yang rab tu bya zhes pa ni srung ba nyid do/ /dpung gnyen 'dod pa rnams kyi yang dpung gnyen no zhes pa ni gzhan don nyid do/ /gling 'dod pa rnams kyi gling ngo zhes pa ni/ de las chus bskor ba ni gling ngo / /gling 'dod pa rnams la de ltar gyur pa nyid do//'khras 'dod pa rnams kyi 'khras bla na med pa'o zhes pa ni bla na med pa'i 'khras nyid kyi phyir ro/ /srid pa'i rgya mtsho'i pha rol tu 'gro ba rnams kyi gru'o zhes pa ni chos kyi pha rol tu 'gro ba'i ngo bo nyid kyi phyir ro/ /nad thams cad sel ba'i sman gyi rgyal po'o zhes pa ni don go bar zad do//blang ba dang / dor ba'i dngos po bye brag phyed pa'i rgyu nyid kyi phyir ro zhes pa ni blang ba dang dor ba ni go bar byed pa rnams kyi rgyu nyid kyi phyir ro/ /lta ba ngan pa'i mun nag thams cad sel ba'i ye shes kyi snang ba'o zhes pa ni de'i phyir na de de ltar gsungs so/ /sems can thams cad kyi sems kyi bsams pa ji lta ba bzhin du yongs su rdzogs par byed pa'i yid bzhin gyi nor bu lta bu'o zhes pa ni sems can thams cad kyi yid la 'dod pa yongs su rdzogs pa nyid kyi phyir ro//'jam dpal ye shes kyi ska thob par bya ba thams cad mkhyen pa'i ye shes so zhes pa ni ye shes dang mtshungs par ldan pa nyid kyi phyir ro/ / spyan lnga thob par bya ba'i phyir ye shes mthong ba yongs su thob pa'o zhes pa ni/ spyan de las mtshungs par ldan pa'i bdag nyid kyi phyir ro/ /zang zing dang mi 'jigs pa dang chos kyi sbyin pa gtong ba'i phyir pha rol tu phyin pa drug yongs su rdzogs pa'o zhes pa ni/ sbyin pa'i pha rol tu phyin pa la sogs pa rnams mthar son pa'i phyir ro//bsod nams dang ye shes kyi tshogs dang ting nge 'dzin yongs su rdzogs pa'i phyir sa bcu thob pa'o zhes pa ni/ bsod nams la sogs pa rnams yongs su mthar phyin pa'i phyir ro/ /chos gnyis dang bral ba'i phyir gnyis su med pa'i chos nyid do zhes pa ni gzung 'dzin gnyis su med pa'i phyir ro//sgro btags pa med pa'i phyir de bzhin nyid kyi rang bzhin dang gzhan ma yin pa'i chos nyid do zhes pa ni sgro 'dogs pa dang skur ba 'debs pa'i mtha' las 'das pa'i phyir ro/ /de bzhin gshegs pa'i ye shes yongs su dag pa'i ngo bo nyid yin pa'i phyir yang dag pa'i mtha'i rang bzhin nyid do zhes pa ni chos kyi dbyings kyi rang bzhin nyid kyi phyir ro//lta ba ngan pa'i tshang tshing brgya stong du ma ma lus par sel ba'i phyir rnam pa thams cad mkhyen pa stong pa nyid kyi rang bzhin no zhes pa ni de de ltar ro/ /mtshan yang dag par brjod pa 'di ni 'di lta ste gnyis su med pa'i chos nyid kyi don gyi mtshan yang dag par 'dzin pa ston pa'i phyir chos thams cad brjod du med pa'i rang bzhin nyid do zhes pa ni/de la chos gnyis su med pa ni stong pa nyid do/ /de la 'jug pa'i don du mtshan rnam par 'dzin pa de'i ston pa ste rgyur gyur pa nyid do/ /de ni 'khor lo gsum pa'i yon tan te/de'i tshig rnams ni lnga bcu rtsa gnyis grangs so/ /'khor lo bzhi pa'i yon tan gyi dbang du byas nas gsungs pa/ lag na rdo rje rdo rje 'chang gzhan yang zhes pa la sogs pa ste/ de la smad pa la sogs pa dang 'brel ba'i skye ba las bzlog pa de rigs te/ rgyal rigs la sogs pa de rgyal bar byed cing brtan par byed bdag 'khor ba las brgal ba'i don gyis na bu ste/rigs kyi bu dang rigs kyi bu mo'o/ /rigs kyi bu'am rigs kyi bu mo gsang sngags kyi sgo nas spyad pa spyod pa gang la las bcom ldan 'das 'jam dpal ye shes sems dpa'i de bzhin gshegs pa thams cad kyi thams cad mkhyen pa'i ye shes kyi sku gnyis su med pa'i don dam pa'i mtshan yang dag par brjod pa mtshan gyi gtsug gi nor bu 'di ni thams cad yongs su rdzogs pa dang /ma nyams shing lhag chad med pas tshigs su bcad pa'i tshig dang yig 'bru 'di dag nyid kyis zhes pa ni/ de la 'di ni gong du gsungs pa rnams kyis so/ / nyin gcig bzhin du ni nyi ma re re zhing ngo / /dus gsum du 'chang ba dang zhes pa ni gzhung dang don gyis so/ /klog pa dang zhes pa ni glegs bam klog pa'o/ /kun chub par byed pa dang zhes pa ni bsam pa'o/ /tshul bzhin yid la byed pa dang gzhan la yang zhes pa ni 'dul ba rnams la'o//dam tshig ji lta ba bzhin du bstan pa dang zhes pa ni dus ji lta ba bzhin du phyin ci ma log par bstan to zhes pa'i don to/ /mtshan gyi don gang yang rung ba re re nas kyang zhes pa ni/ mtshan rnams kyi don ni mtshan gyi don to/ /'jam dpal ye shes sems dpa'i sku la dmigs te sems rtse gcig tu bsgom pa zhes pa ni/de la sems rtse gcig ni mnyam par gzhag pa'i yid do/ /kun nas sgo'i gnas pas gnas pa dang zhes pa la sogs pa ni/ de la mos pa ni de bzhin du 'dzin pa'o/ /de kho na nyid ni phyin ci ma log pa'o/ /de bas na mos pa dang de kho na nyid gnyis yid la byed pas kun nas sgo'i gnas pas gnas pa zhes pa'o//chos thams cad rtogs pa ni zhes pa ni/ de la chos thams cad ni phung po la sogs pa'o/ /de rnams rtogs pa'i bdag nyid kyi dad pas so/ /des ci 'dra ba zhe na/ mchog ni rab bo/ /rnyog pa med pa ni skyon med pa'o/ /shes rab rjes su 'bigs pa'i dad pa dang zhes pa ni/de ltar yang gsungs pa/ dad pa nyid kyis chos ston to/ /shes rab kyis ni de nyid rig /de gnyis la yang shes rab gtso/ /de'i yang sngon du dad pa 'gro/ /zhes so/ /ldan bzhin ni gsang sngags kyi sgo nas spyad pa spyod pa can gyi'o/ / de la dus gsum gyi dus med pa ni dus gsum ni dus rnam pa gsum mo/ /de la dus med pa'o/ /ldan pa ni yongs su 'brel par byed pa dang ldan pa'o/ /sangs rgyas dang byang chub sems dpa' thams cad 'dus te gshegs nas ni zhes pa ni 'dus nas 'gro ba'i don to/ /chos kyi sgo thams cad ni stong pa nyid dang /mtshan ma med pa dang / smon pa med pa'i rnam par thar pa'i sgo'o/ /rtogs par mdzad de sku yang ston to zhes so/ /ma rungs pa 'dul ba khro bo'i rgyal po chen po rnams dang / rdo rje 'chang chen po la sogs pa 'gro ba yongs su skyob pa rnams kyang sprul pa'i lus kyi gzugs sna tshogs dang mdangs dang stobs dang zhes pa ni stobs ni shed mo'o//gzi brjid zil gyis mi non pa dang zhes pa ni gzi brjid zil gyis mi gnon zhing mi 'phrogs pa'o/ /gsang sngags dang phyag rgya rnams kyi mngon par rtogs pa'i dkyil 'khor rnams zhes pa ni rdo rje dbyings la sogs pa rnams so//de rnams sgrub par byed pa'o zhes pa'o/ /gsang sngags dang rig sngags kyi rgyal po ma lus pa dang / bgegs dang / log 'dren dang / bdud kyi dgra dang / phyir rgol pa dang / gzhan gyis mi tshugs pa chen po thams cad kyang nyin mtshan phyed par skad cig re re la zhes pa ni/de la ma lus pa ni lus pa med pa'o/ /mtshan mo dang lhan cig tu gyur pas na nyin mtshan phyed do/ /skad cig ma re re ni skad cig dang skad cig nyid pas skad cig re re'o/ /spyod lam thams cad ni bzhi la'o/ /srung ba dang skyob pa dang sbed pa byed do zhes pa ni srung ba yang de skyob pa yang de rnams nyid do//de rnams kyi sbed pa de byed pa zhes so/ /sangs rgyas dang byang chub sems dpa' thams cad kyis byin gyis rlob par mdzad do/ /sku gsung thugs thams cad kyis de'i rgyud la yang dag par byin gyis rlob bo/ /sangs rgyas dang byang chub sems dpa' thams cad kyis phan gdags pas kyang phan gdags par mdzad de/chos thams cad la mi 'jigs pa'i spobs pa yang grub par mdzad do zhes pa ni/ de la chos thams cad kyi mi 'jigs pa de'i spobs pa ni chos thams cad la mi 'jigs pa'i spobs pa'o/ /de sgrub par mdzad pas dbul bar mdzad ces pa'i don to//dgra bcom pa dang / nyan thos dang / rang sangs rgyas thams cad kyang 'phags pa'i chos la sdug par 'dzin pa'i bsam pas lus ston par byed do zhes pa ni 'phags pa rnams kyi chos ni 'phags pa'i chos so/ /de la sdug pa ni byams pa'i blo nyid kyis rang gi lus kyi ngo bo nyid de yang nye bar bstan to//tshangs pa dang / dbang po dang / nye dbang dang / drag po dang / tshan po che dang / kun 'gyed gzhon nu dang / dbang phyug chen po dang / smin drug gi bu dang / nag po chen po dang / dga' byed dbang phyug dang / gshin rje dang / chu lha dang / ku be ra dang / 'phrog ma dang / phyogs bcu'i 'jig rten skyong pa gang yin pa de dag kyang rtag tu rgyun mi 'chad par ni dus thams cad du'o/ /nyin mtshan phyad par 'gro yang rung / 'greng yang rung / 'dug kyang rung / nyal yang rung / gnyid log kyang rung / ma log kyang rung ba na srung ba dang /skyob pa dang / sbed pa byed par 'gyur ro/ /mnyam par bzhag kyang rung / ma bzhag kyang rung / gcig pur 'dug kyang rung / skye bo mang po'i nang du 'dug kyang rung ste/ grong ni grong khyer gyi phyi rol gyi mtha' ma'o/ /grong khyer dang grong rdal ni yul lo/ ljongs ni dpya 'du ba'i sa'o//yul 'khor dang / rgyal po'i pho brang dang / sra dang / sra chung dang / grong khyer gyi sgo dang / khri lam ni rgyal bo 'gro ba'i lam mo/ /srang dang bzhi mdo ni lam kha brag go/ /sum mdo ni lam sum mdo'o/ /grong bar dang tshong khang ni 'tshong bar byed pa'i rdzas 'tshong ba'o/ / de'i mdzod ni tshong khang ngo / /de la 'dug pa ni 'dug pa'o/ /khang stong dang / ri dang / chu klung dang / nags tshal dang / nags tshang tshing ni nags kyi tshang tshing ngo / /'dug kyang rung / gtsang sbra ma byas pa dang / ra ro ni chang gis gzhan du 'gyur ba'o/ /bag med pa ni dbang phyug gis gzhan du gyur pa'i phyir ro//rtag tu rnam pa thams cad du ci'i sgo nas kyang mchog tu srung ba dang / skyob pa dang / sbed par byed do/ /nyin mtshan du yang mchog tu bde legs su 'gyur bar byed do/ /lha dang / klu dang / gnod sbyin dang / dri za dang / lha ma yin dang / nam mkha' lding dang /mi'am ci dang / lto 'phye chen po dang / zhes pa dang / de la lto 'phye chen po ni klu'i rigs brgyad do/ /mi dang mi ma yin pa ni yi dwags la sogs pa'o/ /gzhan dag kyang gza' dang / rgyu skar dang / ma mo rnams dang / tshogs kyi bdag po gzhan dang / ma mo bdun po gang yin pa rnams dang /gnod sbyin mo dang / srin mo dang / sha za mo gang yin pa de dag kyang 'du zhing zhes pa ni tshogs pa'o/ /gcig tu mthun pa yongs su rdzogs pa'i dpung dang bcas pa ni yan lag gi stobs bzhi'o/ /'khor dang bcas pa ni rjes su 'brang ba dang bcas pa'o//srung ba dang skyob pa dang sbed pa thams cad byed par 'gyur ro/ /mdangs dang stobs dang gzi brjid mchog kyang de'i lus la 'jug par byed do/ /nad med pa dang stobs dang tshe nur pa yang 'grub par byed do zhes pa ni rjes su 'dogs par bya ba'i don te/ /'khor lo bzhi pa'i yon tan te de'i tshig rnams ni grangs bcu dgu'o//de nas da ni 'khor lo lnga pa'i yon tan gyi dbang du byas nas gsungs pa/ lag na rdo rje rdo rje 'chang zhes pa la sogs pa ste/ gzhan yang mtshan gyi gtsug gi nor bu gang gis nyin gcig bzhin du zhes pa ni nyi ma re re'o/ /dus gsum du mnyam par yi dam du lan gsum du ni sum 'gyur du byas pa'o//kha don du 'don tam glegs bam du byas pa klog cing brjod pa ni klog pa'o/ /bcom ldan 'das 'jam dpal ye shes sems dpa'i gzugs yid la dmigs shing / gzugs dang mthun par sems te/ de'i gzugs dang mthun par bsam gtan byed pa ni zhes pa ni gong du gsungs pa'i rim pas gzugs rnam pa gsum du rjes su bsams nas bklag par bya'o//'dul ba'i dbang gi phyir ring po mi thogs pa de nyid sprul pa'i gzugs kyi lus mthong bar 'gyur ro zhes pa ni sems kyi bsam pa'i dbang gis mthong ngo / /sangs rgyas dang byang chub sems dpa' thams cad kyi gzugs kyi sku rnam pa sna tshogs dang ldan pa nam mkha'i dkyil na bzhugs pa dag kyang mthong bar 'gyur ro//sems can chen po de ni nam yang ji ltar gyur kyang ngan 'gro ngan song du ltung bar mi 'gyur ro/ /rigs ngan du skye bar mi 'gyur ro zhes pa ni gdol pa la sogs pa'o//yul mtha' 'khob tu skye bar mi 'gyur ro zhes pa ni grong gi mtha' gang na sangs rgyas kyi sgra mi shes pa der skye bar mi 'gyur ro/ /dbang po ma tshang bar skye bar mi 'gyur ro/ /mig long ba dang 'on pa dang / glen pa la sogs pa'i ngo bor mi 'gyur ro/ /log par lta ba dang /lta ba ngan pa'i rigs su skye bar mi 'gyur ro ni lta ba log pa ni med par lta ba ste/ lta ba thams cad rtsad nas 'byin pa'o/ /de'i rigs ni lta ba log pa'i rigs so/ /de de la mi skye bar 'gyur ro/ /sangs rgyas mi bzhugs pa'i sangs rgyas kyi zhing du skye bar mi 'gyur ro/ /sangs rgyas bzhugs na yang des bstan pa'i chos spong ba dang bskal par mi 'gyur ro//sangs rgyas 'byung ba dang mi mjal ba dang de yis bstan pa'i chos dang ma phrad par mi 'gyur ro/ /lha tshe ring po rnams kyi nang du skye bar mi 'gyur ro/ /mu ge dang nad dang mtshon gyi bskal pa'i nang du skye bar mi 'gyur ro//de ltar yang chos mngon pa mdzod las gsungs pa/ bskal pa mtshon dang nad dang ni/ /mu ges nges par mthar 'byin no/ /zhag rnams dang ni zla ba dang / /lo bdun dag tu go rims bzhin/ /zhes so/ /de rnams la yang skye par mi 'gyur ba'o/ / snyigs ma lnga'i dus su yang skye bar mi 'gyur ro ni snyigs ma lnga ni sems can dang / tshe dang / lta ba dang / bskal pa dang / nyon mongs pa la sogs pa nyid do/ /snyigs ma'i dbyings ni snyigs ma'i phyir dang / gzir ba'i phyir ni snyigs ma zhes gsungs so/ /de'i dus la yang skye bar mi 'gyur ro//rgyal po dang dgra dang chom rkun gyi 'jigs pa yang 'byung bar mi 'gyur ro/ /ci nas kyang dman pa dang dbul ba'i 'jigs pa yang 'byung bar mi 'gyur ro/ /gos la sogs pa'i yo byad thams cad dang bral ba'i dbul ba'i 'jigs pa de yang 'byung bar mi 'gyur ro/ /dri ngas dang / skur pa dang / smad pa dang / mi snyan pa dang / gtam ngan gyi 'jigs pa 'byung bar mi 'gyur ro/ /dri ngas la sogs pa ni bshad zin to/ /de yang bskal pa stong gi bar du yang de'i 'jigs pa 'byung bar mi 'gyur ro/ /rgyud dang rus dang / rigs bzang po dang yang ldan par 'gyur ro/ /kun nas mdzes pa dang gzugs dang kha dog dang ldan par 'gyur ro ni//kun ni thams cad do/ /de rnams kyis ldan par 'gyur ro/ /'jig rten rnams la sdug pa ni tshig 'jam pa'o/ /yid du 'ong ba ni sems can thams cad kyi yid la khyab pa'o/ /'grogs na bde ba ni sdug bsngal med pa'i phyir ro/ /mthong ba dga' bar 'gyur ro ni mdzes pa'i gzugs nyid kyi phyir ro//sems can gyi 'jig rten rnams la'o/ /skal ba dang ldan pa dang tshig btsan par yang 'gyur ro ni gang dge ba'i skal ba dang ldan pa dang tshig btsan pa de de ltar sbyar ro/ /gang dang gang du skye ba de dang der yang tshe rabs dran par 'gyur ro//longs spyod kyi gzhi chen po ni nor dang 'bru la sogs pa rnams kyis so/ /'khor mang ba ni bran g.yog dang skye bo mang po phun sum tshogs pa'o/ /longs spyod kyi gzhi mi zad pa dang 'khor mi zad par 'gyur ro ni ji tsam 'tsho'i par du rgyun mi 'chad pa'i phyir ro/ /sems can thams cad kyi mchog tu ni mdun du 'gro ba'o//yon tan gyi mchog dang ldan par 'gyur ro ni 'byor pa nyid do/ /rang bzhin gyis kyang pha rol tu phyin pa drug gi yon tan dang ldan par 'gyur ro/ /tshangs pa'i gnas bzhi la yang gnas par 'gyur ro/ /dran pa dang shes bzhin dang thabs dang stobs dang smon lam dang ye shes dang ldan par 'gyur ro ni de dag gi don go bar zad do//bstan bcos thams cad la 'jigs pa med pa ni mi skrag pa'o/ /smra mkhas par yang 'gyur ro/ /mi blun pa ni shes rab dang ldan par 'gyur ba'o/ /tshig gsal ba ni gsal por smra ba'o/ /sgrin por yang 'gyur ro ni spobs pa dang ldan pa'o//shes nyen can ni byas pa kun la mos pa dang ldan pa'o/ /le lo med pa ni dge ba'i phyogs la brtson pa'o/ /chog shes pa ni 'dod pa chung ba nyid kyi phyir ro/ /don che ba ni sems can thams cad kyi don byed pa nyid kyi phyir ro/ /srid pa med par yang 'gyur ro ni yul thams cad la mi lta ba'o//sems can thams cad kyi mchog tu yid brtan par bya ba ni gdon mi za bar bya ba'o/ /slob dpon dang bla ma bkur bar yang 'gyur ro ni bkur 'dod pa'o/ /des sngon ma thos pa'i bzo dang / sgyu rtsal dang / mngon par shes pa dang / bstan bcos thams cad kyang don dang yi ge'i sgo nas shes par 'gyur ro//de dag ni don go bar zad do/ /tshul khrims dang / 'tsho ba dang / kun du spyod pa shin tu yongs su dag par spyod pa dang / legs par rab tu byung ba dang / legs par bsnyen par rdzogs par 'gyur ro zhes pa la legs par yongs su dag pa ni shin tu yongs su dag pa'i tshul khrims dang ldan pa des 'tsho bar gnas pa de nyid kyis yang dag par spyod pa'i tha snyad des spyod pa'i tshul dang gang ldan pa de de ltar te/log par 'tsho ba med pa'i phyir ro/ /legs par rab tu byung ba ni tshul khrims mnyam pa'i phyir ro//legs par bsnyen par rdzogs par byung ba ni tshul khrims la ral ba med pa'o/ /thams cad mkhyen pa nyid kyi byang chub kyi sems kyang mi brjod par 'gyur ro zhes pa la/ mi brjed pa ni thams cad mkhyen pa'i byang chub kyi sems dang gang ldan pa de de ltar ro//nyan thos dang / dgra bcom pa dang / rang sangs rgyas kyi nges pa la nams kyang 'jug par mi 'gyur ro/ /nyan thos dang dgra bcom pa dang rang sangs rgyas kyi nges pa de'i byang chub myur ba rnams kyang mi 'gyur ro/ /lag na rdo rje rdo rje 'chang zhes pa ni bsdus pa'i sgo nas yon tan rnams kyi mthar gsungs pa'o//de ltar yang yon tan dpag tu med pa dang ldan par 'gyur ro/ /gsang sngags kyi sgo nas spyad pa spyod pa de ltar yang thob par 'gyur ro/ /gzhan yang rnam pa de lta bu'i yon tan gyi tshogs dpag tu med pa ni de dang rigs mthun pa'o/ /gzhan dang yang ldan par 'gyur ro//lag na rdo rje rdo rje 'chang don dam pa'i mtshan yang dag par brjod pa 'di yang dag par 'dzin pa'i skyes bu gang zag de ni gtso bo zhes pa'i don to/ /de nyid kyi phyir na/ bsod nams dang ye shes kyi tshogs yang dag par bsags shing sangs rgyas kyi yon tan rnams shin tu myur du ni thogs pa med pa'o//bsgrubs pa ni bzung ba'o/ /ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /bskal pa mang por yongs su mya ngan las 'da' ba'i chos su mi 'gyur bar sems can thams cad la bla na med pa'i chos ston pa dang /phyogs bcur dam pa'i chos kyi rnga sgra chen po rgyun mi 'chad par sgrogs pa'i chos kyi rgyal po chen por 'gyur ro zhes so/ /'khor lo lnga pa'i yon tan te/ de'i tshigs bcad kyi grangs lnga bcu rtsa gcig go/ /de nas lag na rdo rje zhes pa nas brtsams te/ ji tsam chos kyi rgyal po zhes pa'i bar du yon tan rnam pa gcig tu byas te/'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba las yon tan gyi rim par phye ba ste bcu gnyis pa'o// //de nas da ni drug pa byang chub kyi sems rdo rje shes rab kyi 'khor lo'i dang po sangs rgyas kyi thugs kar bsgoms pa gang yin pa de la bkod pa'i sngags kyi dbang du byas nas gsungs pa/oM sar+b+ba d+harmA b+hA ba swa b+hA wa bi shud+d+ha badzra a A oM aH/ zhes pa de mtshan yang dag par brjod pa de'i rtsa ba'i sngags so/ /pra kr-i ti pa ri shud+d+haHsar+b+ba d+ha rmA zhes pa ni lhun gyis grub pa rang bzhin gyis yongs su dag pa ni/pra kr-i ta pa ri shud+d+ha de gang zhe na/ sarba d+harmA ste/ phung po la sogs pa'i chos thams cad do/ /ya du ta sar+b+ba ta thA ga ta dz+nyA na ka ya many+dzu shrI pa ri shud+d+hi tA ni yongs su dag pa'i chos kyi dbyings kyi rang bzhin gang yin pa de/ mu pA dA ya ti ni khas blang ngo / /gzung bar bya'o zhes pa'o/ /a AHoM sarba ta thA ga ta hr-i da ya/ ha ra ha ra/ oM hUM hrIH/ b+ha ga bAn/ dz+nyA na murti/ wA gI shwa ra/ ma hA wA tsa/ sarba d+harmA/ ga ga na/ a ma la su pa ri shud+d+ha d+harma d+hA tu dz+nyA na gar+b+ha yAHzhes pa ni 'phags pa mtshan yang dag par brjod pa'i sngags kyi phreng ba'o//'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba las shes rab kyi 'khor lo la bkod pa'i sngags kyi rim par phye ba ste bcu gsum pa'o// //de nas da ni bsdus pa'i sgo nas bcom ldan 'das rdo rje 'dzin pas lag na rdo rje mang po dang lhan cig gis mgon po zhes pa ni me long lta bu'i ye shes kyi bdag nyid do//bcom ldan 'das zhes pa ni so sor kun du rtog pa'i ye shes kyi rang bzhin no/ /de bzhin gshegs pa zhes pa ni bya ba nan tan gyi ye shes kyi ngo bo nyid do/ /rdzogs pa'i sangs rgyas zhes pa ni mnyam pa nyid kyi ye shes kyi gzugs so//de ltar ye shes bzhi'i bdag nyid shAkya thub pa la phyag 'tshal nas/ gsang bstod nas ni tshig 'di gsol/ /zhes pa dang 'brel to/ /de'i phyir gsungs pa/ de nas dpal ldan rdo rje 'chang / /dga' zhing mgu nas thal mo sbyar//mgon po bcom ldan de bzhin gshegs/ /rdzogs sangs rgyas la phyag 'tshal nas/ /de ni mgon po gsang ba'i bdag /lag na rdo rje khro bo'i rgyal/ /sna tshogs gzhan dang lhan cig tu/ /gsang bstod nas ni tshig 'di gsol/ /mgon pa bdag cag yi rang ngo //legs so legs so legs par gsungs/ /bdag cag yang dag rdzogs pa yi/ /byang chub thob pa'i don chen mdzad/ /ces pa ni de la/ /kye mgon po bdag cag yi rang ngo / /legs so legs so legs par gsungs so/ /shin tu gsungs pa ni legs par gsungs so//bdag cag gi don chen byas so/ /don ci 'dra ba zhe na gsungs pa/ yang dag rdzogs pa'i byang chub thob pa ni sangs rgyas thob par byed pa'o/ /rnam grol 'bras bu 'tshal ba yi/ /'gro ba mgon med rnams kyi yang / /sgyu 'phrul dra ba'i tshul ston pa/ / 'di ni rnam dag legs pa'i lam/ /zhes pa ni de la bdag cag nyi tshe'i ma yin te/ mgon po sgyu 'phrul dra ba'i tshul 'di ni/ /rnam grol 'bras bu 'dod pa yi/ /'gro ba mgon med rnams kyi yang don chen yin no/ /de ci 'dra zhe na/ rnam dag ces te/ chos kyi dbyings kyi rang bzhin nyid kyi phyir ro//legs pa'i lam ni mya ngan las 'das pa'i rgyu nyid kyi phyir ro/ /zab cing yangs la rgya che ste/ /don chen 'gro ba'i don byed pa/ /sangs rgyas rnams kyi yul 'di ni/ /rdzogs pa'i sangs rgyas kun gyis bshad/ /ces pa ni de la don ci'i phyir na zab cing yangs pa'i don che ba yin pa de'i phyir sangs rgyas rnams kyi spyod yul yin te/nyan thos la sogs pa gzhan rnams kyi ni ma yin na/ de ci 'dra zhe na/ 'gro ba'i don byed pa zhes pa ste/ snying rje chen pos yongs su bzung ba nyid kyi phyir ro/ /rdzogs pa'i sangs rgyas kun gyis bshad/ /ces pa ni dus gsum la gnas pa'i rdzogs pa'i sangs rgyas rnams kyis 'di bshad pa yin no//'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba las bsdus pa'i rim par phye ba ste bcu bzhi pa'o// //bdag gi blo gros 'dra ba'i nus pas mtshan yang dag par brjod pa'i tshul la ni//blo gros zhan pas gzung bar dka' ba'i rim pas rnam par 'grel pa byas pa yin/ /de yi dge bas dri ma med pa grangs med thob pas sems can sdug bsngal ba'i/ /srid pa'i 'dod chags zhi bar byas nas mchog gi byang chub dam pa thob gyur cig//'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba rgya gar gyi mkhan po sgeg pa'i rdo rje nyi ma can gyi rin po che gling na bzhugs pa dpal ldan byang chub mchog gi skal ba dang ldan pa gang gi mtshan dpal sna tshogs gzugs can du grags pa des mdzad pa rdzogs so// //rgya gar gyi mkhan po smr-i ti dz+nyA na kI rtis bsgyur te bshad nas gtan la phab pa'o/ /phyis rgya gar gyi mkhan po phyag na rdo rje dang / lo tsA ba klog skya shes rab brtsegs kyis bcos nas gtan la phab pa'o/