CLOSE WINDOW

D2528
བོད་ཡིག

@##/ /rab tu gnas pa'i cho ga rab gnas kyi rgyal po bzhugs/ @##/ /bcom ldan 'das dpal rdo rje sems dpa' la phyag 'tshal lo/ /dpal ldan rdo rje sems dpa' la/ /kun nas dang bas phyag 'tshal te/ /rgyud rnams thams cad las bsdus te/ / rab gnas cho ga bshad par bya/ /de la dang por re zhig rnal 'byor pa dkyil 'khor du zhugs shing dbang thob pa/ rig pa'i sdom pa gzung ba/ gsang ba'i mchod pa'i bya ba shes pa/ dpa' la brtan pa spro ba che ba/ dul ba phrin las rnam pa bzhi'i spyod pa dang ldan pa/ gsang ba'i ye shes bslabs pa/ phyag rgya bzhi bsgom par mos pa'i rnal 'byor pa dang / sgrub pa'i grogs po byang chub tu sems bskyed pa/ gsang ba'i cho ga'i bya ba shes pa/ gtsang ma/ gsang ba'i bya ba la mkhas pa/ blo dang ldan pa dang / snying stobs dang ldan pa'i rnal 'byor pas/grong khyer ram grong rdal lam/ nags tshal lam/ ljongs sam/ kun dga' ra ba'am/ gtsug lag khang du lugs su blugs pa'am/ 'bur du brkos pa'am/ ri mor bris pa zhi ba'am/ dbang ngam rgyas pa'am/ mngon spyod la sogs pa'i sku rab tu gnas pa byed par 'dod na/ dkyil 'khor gyis gzhi'i nye 'khor du dris nye bar byugs nas dkon mchog gsum dang / rab tu gnas par byed pa'i lha dang / rdo rje slob dpon la dmigs te/ maN+Dal lnga byas nas mchod pa lnga bshams nas stod g.yogs dang smad g.yogs bgos nas cod pan dang rgyan btags te/phreng ba dang dag byed dang ldan pas/ skar ma rgyal dang gza' phur bu'i nyin par khrus byas shing zas dkar gsum zos pa/ gdugs dang rgyal mtshan dang ba dan dang dril bu rnams bris te/ gu gul gyi dud pas bdugs pa dang /yungs kar gyis bgegs bzlog nas bsnyen pa dang / de la re zhig rnam par rtog pa shas chung na/ stong pa nyid kyis khrus bya ba/ lce byin gyis brlab pa dang / lag pa byin gyis brlab pa dang / khro bo bzhi'i lus bskyed pa dang / khro bo gsum gyis bgegs bsal ba dang /khro bo drug gis phyogs bcing ba dang / khro bo gsum gyis ra ba dang dra ba byas la/ mchod pa byin gyis brlabs nas/ rdo rje 'khor los dkyil 'khor sprul la/ mchod pa dang phyag btsal ba dang / sdig pa bshags pa dang / rjes su yi rang ba dang /chos kyi 'khor lo bskor bar bskul ba dang / mya ngan las mi 'da' bar gsol ba gdab pa dang / mchod pa'i sprin dang lus dbul ba dang / dge ba'i rtsa ba bsngo ba dang / byang chub tu sems bskyed pa dang / sdom pa gzung ba dang / gzugs brnyan gyi lhar bskyed nas mnyam pa'i thal mo dang /rdo rje thal mo dang / rdo rje bsdams pa dang / bsdams pa dral ba dang / ye shes dbab pa dang / dbab pa nye bar bsdu ba dang / ngan song dgug cing sdig pa dral ba dang / dkyil 'khor snying gar bsdu ba dang / mngon par byang chub lngas lhar bskyed la/ byin gyis brlab pa dang / ting nge 'dzin gyi bsgom pa dang / snying gar dbang bskur ba dang / phrin las kyi rdo rje'i brtul zhugs blang ba dang / rnal 'byor chen po bskyed pa dang / rjes su rnal 'byor de bzhin gshegs pa'i khams gzhug pa dang /byin gyis brlab pa dang / dbang bskur ba dang / mchod pa dang bstod pa byas la/ bdag nyid thabs kyi 'khor lo rdzogs par byas la/ ye shes kyis sbyong ba stong pa nyid bsgoms pa dang / rdo rje'i sa sbyang ba 'byung ba rim brtsegs gzhal yas khang gdan dang bcas pa bskyed pa dang /'chi ba'i srid pa ri rab kyi rtse mor lus gzhag pa dang / srid pa bar ma do bsam gtan gzugs med pa bsgom pa dang / skye ba'i rnal 'byor byang chub sems dpa' don grub tu bskyed pa dang / mi g.yo ba'i ting nge 'dzin las bslangs nas dang po'i sbyor ba dang / dkyil 'khor rgyal po mchog dang / las rgyal mchog bsgoms la/ ye shes sems dpa' zhugs pa'i las brgyad kyi ye shes sems dpa' bcug la/ rgyas btab nas dbang bskur ba dang / mchod pa thams cad kyis mchod la/ ji lta ba bzhin du bsgom par bya'o/ /de ltar mtshan ma ma thob kyi bar du bsgom pa'am/gtso bo la 'bum dang / 'khor rnams la khri khri bzlas pa dbul ba dang / rgyud phyi ma'i phyi ma bzhin du/ zla ba bzhi 'am zla ba drug tu bsnyen pa bya'o/ /de ltar bsnyen pa byas nas sa sbyang ba'am/ ma sbyangs pa'i gnas sa'i cho ga ji lta ba bzhin du byas te/lhag par gnas par bya'o/ /de la mchod pa bsham pa dang / rdzas bsags la rgyan thams cad kyis brgyan la gdong dri zhim par byas la/ me tog gi phreng ba btags te/ rgyu skar rgyal gyi zhag dang gza' phur bu la srung ba'i 'khor lo rten dang bcas pa dang / tshogs sogs pa'i dmigs pa'i yul dang bcas pa dang / tshogs kyi lam dngos sems bskyed pa dang bcas pa dang / rdo rje dbab pa cho ga bzhin du bya ba dang / phyag rgya chen po cho ga bzhin du bcing ba dang / mdun du sems dpa' cho ga bzhin du bskyed de bdag nyid rdzogs par byas nas/'byung ba ri rab dang bcas pa bskyed pa'i steng du sa'i lha mo spyan drangs la/ cho ga bzhin du de nas dpang du gsol te ji ltar bzhin du spro ba bskyed par bya'o/ /de nas bsam gtan dang gzugs med kyi ting nge 'dzin mngon sum du byas nas/ 'og min du don grub kyi gzugs su skyes par bsams la/ phyogs bcu'i sangs rgyas thams cad spyan drang bar bya'o/ /de nas dang por sbyor ba dang / dkyil 'khor rgyal mchog dang / las rgyal mchog bsgoms la/ bsod nams kyi tshogs sogs pa'i cho ga ji lta ba bzhin du byas nas/sgrub pa'i grogs kyis mtshan brgya rtsa brgyad pas gsol ba btab la/ bdag nyid 'khor los sgyur ba'i ched du brjod par bya ste/ dkyil 'khor nam mkha' la khro bo'i bstod pa dang / bgegs la bka' bsgo ba byas nas/ rdo rje'i lta bas rab dang / dra ba byas nas/ stang stabs kyis bgegs bsal ba dang / sngags dang phyag rgyas srung ba'i 'khor lo byas la/ gsang ba'i dkyil 'khor bkug nas/ de'i yan lag phur bu ji lta ba bzhin du btab nas/ rdo rje gnod sbyin gyis bgegs bsal la dri'i thig le dang me tog tshom bu bkod la/lha lhag par gnas par bya'o/ /de nas bum pa lhag par gnas pa dang / sbyin sreg lhag par gnas pa dang / gtor ma lhag par gnas pa ji lta ba bzhin du bya'o/ /de nas shing bu gru gsum gyi nang du kham phor bzhag nas/ der me blugs la zur gsum du bag zan gyis kong bu gsum byas te/der me mar btang nas bag zan gyi chang pa gsum byas nas/ rdo rje gtsug tor gyi sngags sam/ rdo rje gnod sbyin gyi sngags kyis yungs kar gyis bgegs bzlog par bya'o/ /sku gzugs sam glegs bam la sogs pa rab gnas gang byed pa de ras kyis g.yogs la/hUM b+h+rUM hrIHgsum gyis bsrungs nas gzhag par bya'o/ /de nas snyan gsan dbab par bya ste/ ji ltar sangs rgyas thams cad kyis/ /dga' ldan du ni bzhugs pa na/ /lha mo sgyu 'phrul lhums zhugs ltar/ /de bzhin gzugs brnyan 'dir bzhugs shig /'di ru mgon po brtan bzhugs nas/ /byang chub sems ni bskyed pa dang / /che ge mo yi don slad du/ /bdag ni 'byor pa nyid kyis ni/ /ci 'byor pa yis mchod pa rnams/ me tog la sogs 'di bzhes shig /bdag dang slob mar bcas pa la/ rjes su brtse bar dgongs su gsol//kun gyis 'di la byin brlab cing / /de nyid du ni bzhugs par rigs/ /de nas nyi ma shar ba na dkyil 'khor gyi thig btab la/ tshon dgye zhing lha dgod pa'i dkyil 'khor gyi cho ga las bshad pa bzhin byas la/ rdzas bsags nas dkyil 'khor gyi mthar bkram ste/lhag pa dang ma tshang ba bskang la/ bum pa gzhug par bya'o/ /dkyil 'khor gyi byang phyogs su khrus kyi khang pa yid du 'ong ba/ shel gyi sa gzhi la rin po che'i ka bas brgyan pa/ mu tig dang rin po ches spras pa brtsigs pa'am bris la/ rab tu gnas pa byed par 'dod pas/thog mar khrus kyi khang pa der lha spyan drangs la/ khri'i steng du gzhag pa'am/ ras ris pu sti la sogs pa yin na mdun du bzhag la/ me long bstan la bum pa rnams kyis sku khrus gsol ba bstod dbyangs dang bcas pa bya ste/ de la bstod dbyangs ni/ ji ltar bltams pa tsam gyis ni//lha yi chu ni dag pa yis/ /de bzhin gshegs kun khrus gsol ltar/ /de bzhin bdag gis sku khrus gsol/ /oM sarba ta thA ga ta a b+hi She ka ta sa ma ya shri ye hU~M/ de nas/ rnam pa kun gyi mchog dang ldan pa'i/ lha yi sku la gnas gsum du/ yi ge oM AHhU~M gsum gyis byin gyis brlabs la/gser dngul lam zangs las byas pa bum pa lto ba yangs pa mgrin pa ring ba mchu 'phyad ba/ sman dang 'bru dang rin po che lnga dang ldan pa/ ras sar pas mgul pa bcings pa/ ldu bcas lcug mas kha brgyan la/ sngar bsnyen pa byas pa'i dri'i chus gang ba slob dpon gyis yongs su bzung nas/me long dri'i thig le lnga dang / til mar thigs pa lnga dang / me tog gi tshom bu lnga dang / 'dag chal dang bcas pa'i pir gyis sbyangs la/ bkra shis kyi tshigs su bcad pa dang / rdza rnga la sogs pa rol mo'i sgra dang bcas bas sku khrus gsol bar bya'o//de la til mar gyi sngags ni/ oM sar+b+ba thA ga ta kA ya bi sho d+ha na ye swA hA/ dri'i sngags ni/ gan+d+ha mal ya swA hA/ dUr ba'i pir gyi sngags ni/ oM ma lA saM sho d+ha ne swA hA/ de nas sku khrus gsol ba'i bstod dbyangs ni/ / gzugs kyi phung po rnam dag pa/ /nyon mongs gti mug sbyong byed pa/ /me long lta bu'i ye shes kyis/ /dpal ldan sku yi khrus gsol lo/ /tshor ba'i phung po rnam dag pa/ /nyon mongs nga rgyal sbyong byed pa'i/ /mnyam pa nyid kyi ye shes kyis/ /dpal ldan yon tan dbang bskur ro//'du shes phung po rnam dag pa/ /nyon mongs 'dod chags sbyong byed pa'i/ /so sor rtog pa'i ye shes kyis/ /dpal ldan gsung gi dbang bskur ro/ /'du byed phung po rnam dag pa/ /nyon mongs phrag dog sbyong byed pa/ /bya ba nan tan ye shes kyis/ / dpal ldan phrin las dbang bskur ro/ /rnam shes phung po rnam dag pa/ /nyon mongs zhe sdang sbyong byed pa'i/ /chos kyi dbyings kyi ye shes kyis/ /dpal ldan thugs kyi dbang bskur ro/ /ji ltar dam pa tog dkar dga' ldan nas/ /lha mdzes lhums nas bltams la khrus gsol ltar//sku gdung ring bsrel dri ma med par bcas/ /sprul sku yid 'ong rnams la khrus gsol lo/ /zhes bya ba dang / oM sarba ta thA ga ta su na su pra tiSh+Tha swA hA/ zhes byabs sran phye dang / bag phye'i chal dang / yung ba dang / 'bras yos dang / til mar dang / sbrang rtsi dang / 'o ma dang / gan+d+ha b+ha dra dang bcas pa sku gzugs nyid dam/ me long gi steng du btab la/ tsan+dan dang ga bur gyi dri'i thig le byas la/ me tog dang bcas pa la ku sha'i pir gyis bkru bar bya'o/ /de ltar sku la sogs pa lan gsum mam lnga lngar bkrus nas/ gos gtsang ma'i dris bsgos pas sku phyis te/ de bzhin gshegs pa'i sku gzugs rnams la ni/ /bla gos dang snam sbyar gsol bar bya'o/ /byang chub sems dpa' rnams la gos sna tshogs pa dang / khro bo rnams la ni gos sngon po dang / dmar po dbul zhing bkra shis kyi tshigs su bcad pa gdon par bya'o//de la snam sbyar gsol ba'i sngags ni/ oM dI pa bra ba ye swA hA/ de la dri dbul ba'i sngags ni/ oM badzra gan+d+he swA hA/ de la byang chub sems dpa' la sogs pa la rgyan dbul ba'i sngags ni/ oM A ba ra Na bi b+hu Sha ne swA hA/ de nas dkyil 'khor chen po spyan drangs la gtsug lag khang yin na mdun nam phyogs su ma yo zhing drang bar sku gzugs mdzes par bkod la/dkyil 'khor gyi lha rnams gtso bo dang bcas pa mdun der bstan la dkyil 'khor bsgrubs nas bdag dang gtso bo dang tha mi dad par bsgoms la pU dza bya'o/ /de ltar bdag nyid kyi dkyil 'khor/pU dza rdzogs pa'i rjes la rab gnas kyi lha la pU dza lnga phul nas dam tshig sems dpa' yi ge hU~M gis bsal bar byas la/ ye shes sems dpa' spyan drangs te rgyud las 'byung ba'i phyag rgya bzhis rgyas btab la dbang bskur nas dngos su 'byor pa'i pU dza lnga dang /yid kyis sprul pa brgyad dang / rig ma bcu drug gis mchod par bya'o/ /de la me tog dbul ba'i tshigs su bcad pa ni/ chu dang thang las skyes pa yi/ /me tog dam pa mchog 'di dag /mchog tu dad pas 'bul lags na/ /khyod kyis ci bder bzhes su gsol/ / oM badzra puSh+pe AHhU~M/ lhan cig skyes dang sbyar byung ba'i/ /lha rdzas dam pa'i bdug pa 'di/ /mchog tu dad pas 'bul lags na/ /khyed kyis ci bder bzhes su gsol/ /oM badzra d+hU pe AHhU~M/ lhan cig skyes dang sbyar byung ba'i/ /lha dang mi yi dri mchog 'di/ / mchog tu dang bas 'bul lags na/ /ci bder bar ni bzhes su gsol/ /oM badzra gan+d+he AHhU~M/ bza' dang bca' ba phun tshogs pa'i/ /kha dog dri dang ro ldan pa'i/ /thams cad 'byor ba'i zhal zas 'di/ /bdag gis 'bul gyis bzhes su gsol/ /oM badzra nai bi d+ye AHhU~M/ sgeg mo la sogs pa'i tshigs su bcad pa ni/ /rdo rje sems dpa' bsdus pa na/ /rdo rje rin chen bla na med/ /rdo rje chos kyi glu blangs pas/ /rdo rje las rnams byed par shog /ces brjod cing / badzra satwa su saM gra ha ta/ ces pa la sogs pa glu blang bar bya'o/ /rdo rje dbyangs kyi las kyi dkyil 'khor nas byung ba'i rig ma bcu drug gi phyag rgya dang bcas pas kyang mchod par bya'o//de nas gzugs rin chen sna bdun dang / dpag bsam gyi shing dang / bum pa bzang po dang / 'dod 'jo'i ba dang / bkra shis kyi rdzas brgyad dang /sgra rol mo cha byad bcu dang / dri'i snod brgya'am stong ngam/ ro'i snod brgya'am stong ngam/ reg bya ras zung brgya'am stong ngam/ tha ma yang spyir zung gcig dbul lo/ /de ltar 'dod pa'i yon tan thams cad kyis mchod la/ sbyin sreg dang gtor ma byas la/ nyin mo nyal nas/phyi de nang par nyi ma shar kar spyan dbye bar bya ste/ ji ltar mig mkhan rgyal po yis/ /'jig rten ling tog bsal ba ltar/ /de bzhin rgyal ba rnams kyi spyan/ /sems can don du dbye bar bgyi/ /oM tsak+Shu tsak+Shu sa man+ta tsak+Shu bi shod+ha ni swAhA/ zhes bya bas gser la sogs pa'i thur mas spyan dbye bar bya'o//de nas snyan dbye bar bya ste/ gser la sogs pa'i rna 'bru thogs la/ 'gro rnams thos pas phongs gyur ba/ /rgyal bas chos kyi rnga brdungs ltar/ /de bzhin sems can don gyi phyir/ /rgyal ba'i snyan ni dbye bar bgyi/ /oM dI bya kar+Na ye swA hA/de nas shangs dbye bar bya ste/ gser la sogs pa'i smad tsher thogs te/ zag bcas phung po dri spangs pa'i/ /'gro ba'i sems can don bgyid phyir/ /rnam par dag pa dri brnyes ltar/ /rgyal ba'i shangs ni dbye bar bya/ /dI bya g+ha Na ye swA hA/ de nas thur ma thogs la zhal dbye bar bya ste/'gro ba thams cad tshim mdzad ltar/ /ro mchog brgya ldan zhal zas dam pa 'di/ /dbul zhing zhi ba'i zhal ni dbye bar bya/ /oM di bya mo kha ye swA hA/ de nas spu gri thogs la/ rab tu byung ba'i gzugs yin na/ /skra bzhar ba ltar byas te/ ji ltar rang byung mchod rten drung / /ston pas khyim pa'i rtags spangs ltar/ /'gro ba sems can don gyi phyir/ /khyim pa'i rtags rnams spang bar bya/ /snam sbyar dang / sham thabs dang / bla gos gsol nas/ ji ltar sman pa'i rgyal po 'tsho byed kyis/ /rgyal ba'i sku lan bza' gsol ba ltar//de bzhin 'gro ba rnams la phan bya'i phyir/ /ngo tsha khrel yod gos mchog gsol bar bgyi/ /oM di bya ba s+t+ra Na ye swA hA/ chu tshags dang / lhung bzed thogs la/ oM i mu yu ga sa pa ri kar ye swA hA/ de nas thugs kar rdo rje bzung la/ mtshan dang dpe byad la sogs bskyed pa'i phyir//dung dang dpal be'u g.yung drung 'khyil ba dang / /bkra shis rdzas brgyad dag gis rnam brgyan pa/ /rgyal ba'i thugs la rnam par brgyan par shog /oM dwa triM sha da ma hA pu ru Sha lak+Sha Ni shi ti a nu byany+tsa nA ya swA hA/ po ti dang glegs bam yin na yi ge AH hrIHlas rdo rje chos sam snang ba mtha' yas kyi skur bskyed pa'am/yang na yi ge b+h+rUM las yum shes rab kyi pha rol tu phyin ma zhal gcig phyag gnyis pa'am/ zhal gcig phyag bzhi ma/ phyag dang po gnyis chos kyi 'khor lo bskor ba'i phyag rgya 'dzin pa/ g.yas kyi gnyis pa na bgrang phreng / g.yon gyi gnyis pa na pad+ma'i steng na shes rab kyi pha rol tu phyin pa'i glegs bam bsnams pa bskyed la/ ye shes sems dpa' bcug nas rgyas btab ste/ dbang bskur nas mchod pa thams cad kyis mchod la/ byang chub kyi yan lag bdun gyis na bza' gsol te/rgya rim pa bdun gyis gdab ste yig 'bru'i rang bzhin du zhu bar bsam mo/ /de la na bza' dbul ba'i sngags ni/ di bya bas+t+ra ye swA hA/ na bza'i steng du mdud pa btab la/ spra tshil las sin d+hu ra'i rgyas btab la/ oM badzra mu dra ban+d+ha ya a d+hi tiSh+Tha swA hA/zhes brjod do/ /na bza' dbul ba'i tshigs su bcad pa ni/ byang chub yan lag rnam dag pa'i/ /dam chos gsung gi 'od zer gyis/ /na bza' dri ma med pa 'di/ /dam pa'i chos la dbul bar bya/ /zhes brjod de/ mchod rten yin na/rigs rnam pa lnga'i sprul ba'i skur bskyed la/ ye shes sems dpa' bcug nas/ rgyas btab cing dbang bskur nas/ mchod pa thams cad kyis mchod la/ mthar mchod rten gyi tshul du bzhugs pa la/ oM A ra dze bi ra dze swA hA/ zhes bya bas sa dkar gsol lo/ /oM ha ra ma ye swA hA/zhes bya bas bre gzugs par bya'o/ /tsakra ba ra tsa ta nA ye swA hA/ zhes pas 'khor lo gzugs pa dang / oM ts+tsha traM ye swA hA/ zhes gdugs gzugs pa dang / oM kuM b+hi ra d+h+wa dza ye swA hA/ zhes pas chu srin gyi rgyal mtshan gzugs pa dang / oM pa taM ka ye swA hA/zhes pas ba dan gzugs pa dang / oM pa Ta laM b+ha ye swA hA/ zhes bya bas dar dpyangs bcings pa dang / oM puSh+pa mA la ye swA hA/ zhes bya bas me tog gi phreng ba gdags pa dang / oM tsA ma ra ya swA hA/ zhes pas rnga yab kyis g.yab par bya'o/ /byang chub sems dpa'i cha lugs yin na so mangs dang /khab dang / snyung bu dang / gri dang / chu gri rnams phul la/ 'gro ba sems can kun la phan pa'i phyir/ /rig pa'i gnas lnga dag la bslab bya zhes/ /ji ltar thugs dam rgya che bzhes pa bzhin/ /'khor ba'i yo byad rnams ni dbul bar bya//oM a pa yu ka sa pa ri ka ra ye swA hA/ de nas de bzhin gshegs pa'am/ byang chub sems dpa' thun mong du rin po che sna bdun dang / bkra shis kyi rdzas brgyad dang / 'jig rten pa la bkra shis pa'i bil ba dang / starga dang / zho dang / ras yug dkar po dang / gdugs gser gyi yu ba can rnams dbul bar bya ste/dang por las thams cad pa'i chus bsangs la dri'i thig le dang / me tog gi tshom bu bkod nas/ ji ltar mi dbang 'khor los sgyur ba yis/ /rin chen sna bdun tshogs dang bcas pa ltar/ /rgyal ba rnams dang byang chub sems dpa' la//rin chen sna bdun tshogs ni dbul bar bya/ /lha yi dbang po lha min g.yul rgyal nas/ /bkra shis lha mo brgyad kyis mchod par bgyis/ /rgyal ba rnams dang byang chub sems dpa' rnams/ /bkra shis rdzas brgyad dag gis mchod par bgyi/ /'jig rten khyim bdag rnams kyis dpal rnyed na//bil ba starga bum pa bzang dang bcas/ /mdun du bdar nas bkra shis byed pa ltar/ /rgyal ba sras dang bcas la dbul par bgyi/ /de nas 'byor pa yod na sbyin sreg bya'o/ /med na sgyed pu dkar po gsum btsugs la/ /sa las byas pa'i snod gtsang mar//dkar gsum dang / mngar gsum gyi gzhi la sman sna tshogs btab ste/ sbyin sreg gi me'am/ rig pa'i me la yi ge brgya pa zlos shing bskol bar bya'o/ /de nas tsA ru dbul bar bya'o/ /de nas dkyil 'khor gyi lha gshegs su gsol ba ni/ rdzogs sangs rgyas dang de yi sras//tshangs sogs lha yi tshogs rnams dang / /gang dag cho ga ma tshang ba/ /de dag bzod pa mdzad par rigs/ /kun du zhi dang rgyas dang ni/ /yon bdag tshe la rab mdzad nas/ /sangs rgyas yul du gshegs nas kyang / /slar yang byon par mdzad du gsol//sa dang chu dang me rlung gis/ /ji srid bskal bar 'jig par du/ /lha rnams kun gyi sku gzugs la/ /de srid bcom ldan bsrung bar mdzod/ /thugs bzang dgyes par gyur pa yis/ /slob dpon slob mar bcas pa yi/ /bu dang tsha bo bsrung mdzad nas//rang gnas dge bar gshegs su gsol/ /de nas dam tshig sems dpa' rang la bsdu'o/ /de nas yon bdag dang slob dpon gnyis kas sku'i gdan khri nas bzung nas me tog gi phreng ba phul te/ ji srid me dang chu dang ni/ /rlung gis bskal ba 'jig par du/ / sems can kun gyi don gyi phyir/ /bcom ldan khyod ni bzhugs par mdzod/ /de nas phyogs skyong ngam/ ma hA kA la dang / yul gyi bgegs la gtor ma byin la/ 'gro ba sems can don slad du/ /bde gshegs rnams ni bzhugs kyi bar/ /bdag dang gzhan gyi don gyi phyir//sprul pa'i gzugs brnyan bsrung bar mdzod/ /ces bya ba dang / bcom ldan 'das phyag na rdo rje la yang mchod pa phul la/ bde bar gshegs pa'i sprul pa'i sku/ bsrung bar zhal gyis bzhes pas ji srid bcom ldan bzhugs kyi bar du srung bar mdzad du gsol/ zhes brjod pa dang / rab tu bsrung ba'i gnas brtan dang / /khyim pa'i gtso bo rnams la yang / /snyigs ma lnga'i dus kyi sprul pa'i sku ni 'di yin gyis/ /'di khyod kyis mnyams par srungs zhes brjod par byas la/ lugs ma'am/ ras ris sam/ pu sti yin na/ na bza' bzang pos drangs la/shing rta la bskyon nas dri'i thig la byas te/ 'gro ba rnams dad par bya ba'i phyir grong khyer rnams bskor bar bya'o/ /yon gyi bdag po rnams kyang glu dang / gar dang / rgyan gdags pa dang / bkra shis pa rnams bya'o//de la rab gnas kyi dus ni/ dpyid zlar ba'am 'brid po'am/ zhes pa nas/ skye dang skye ba 'grub par 'gyur/ /zhes pa'i bar de/ rgyud dang mthun no/ /gsang sngags rdo rje theg pa la/ /bstan pa'i snying po ma nus pas/ /rnal 'byor so so'i mos pa yis/ / 'dzam gling 'di ru sprul pa'i sku/ /ji ltar 'dod bzhin gshegs pa'i sku/ /lugs sku la sogs gzugs brnyan la/ /rab tu gnas pa'i cho ga ni/ /byas pas sprul sku thob par shog /rnal 'byor gyi rgyud kyi rab tu gnas pa'i cho ga /rab gnas kyi rgyal po zhes bya ba rdzogs so/