CLOSE WINDOW

D2527
བོད་ཡིག

/rdo rje sems dpa' mchog 'grub shog /dpal ldan rgya che ba zhes bya ba'i dkyil 'khor gyi cho ga rdzogs so//[ ]@##/ /rgya gar skad du/ sa man+ta b+ha dra nA ma ho ma lo bi ka /bod skad du/ kun du bzang po zhes bya ba'i sbyin sreg gi cho ga//bcom ldan 'das ngag gi dbang phyug la phyag 'tshal lo/ /byang chub sems brtan las byung ba/ /rdo rje hUM mdzad phyag 'tshal te/ /dngos grub thams cad kun bsdus pa/ /sbyin sreg de nyid bdag gis bshad/ /de nyid rigs pas sbyin sreg la/ / dgos pa dang po kun byas te/ /grogs bzang bya ba nges pa dang / /phyi nas sbyin sreg rab tu bya/ /gtsug lag khang dang grong rdal dang / /kun dga' grong ngam grong khyer ni/ /shar dang byang du blta ba ste/ /lho dang nub tu ma yin no/ /shis shing sngon ni ston pa yi/ / sa ni mkhas pas bgrod par bya/ /yang na yid ni dga' 'gyur ba/ /gang yin der ni brtsam par bya/ /dkyil 'khor gnas ni sbyangs nas su/ /dkyil 'khor mchog ni bri bya ste/ /zur bzhi pa la sgo bzhi pa/ /rta babs bzhis ni mdzes byas la/ /thig bzhi dang ni yang dag ldan//dar dang me tog phreng bas brgyan/ /grwa yi phyogs ni thams cad dang / /sgo khyud kyi ni mtshams rnams su/ /rdo rje rin chen sbras par ni/ /dkyil 'khor phyi rim thig gdab bo/ /de yi rim pa'i nang zhugs la/ /sbyin sreg thab ni bri bar bya/ /kun nas zur ni bzhi pa la//khru gnyis par ni yongs su bsgrags/ /zabs su khru gang tsam la ni/ /kha khyer bzhi ni bskor ba'o/ /dbus su gtsug tor dgod bya zhing / /de yi shar du lhung bzed do/ /lho phyogs na ni rin chen te/ /nub kyi phyogs su pad+ma bri/ /byang du rdo rje hU~M mdzad ni/ / gdug pa thams cad zlog pa'o/ /mtshams kyi cha ni thams cad du/ /gsang ba'i mchod pa bstan pa dgod/ /de ltar thab khung nges byas nas/ /kha khyer la ni 'jug par bya/ /dang po la ni sems dpa' che/ /bcu drug nyid du bsgrags pa yin/ /de yi rgyar ni sor brgyad la/ / dpangs su sor ni bzhi pa'o/ /kha khyer gnyis par gyur pa dag /de yang rgyar ni sor brgyad de/ /dpangs su sor ni brgyad par bshad/ /de dgongs bdag gis bshad par bya/ /shar phyogs nas brtsams rim bzhin du/ /pad+ma nags kyi mjug ma dang / /bgrang phreng ril ba spyi blugs dang //a dze na yi phyag rgya ni/ /tri shU la dang zla ba phyed/ /ral pa mig dang rgyal mtshan che/ /mdzes shing bde ba'i phyag rgya che/ /lho yi phyogs su gzhag par bya/ /dung dang 'khor lo be con dang / /ral gri dang ni de bzhin phub/ /phag dang seng ge gshibs pa ni//nub kyi phyogs su bri bar bya/ /mdung dang dril bu ba dan dang / /rma bya de bzhin ra skyes dang / /khyim bya lang tshos myos pa ni/ /byang gi phyogs su bri bar bya/ /kha khyer gsum par gyur ba dag /de yang rgyar ni sor brgyad pa/ /dpangs su sor ni bcu drug pa//sgo glegs dang ni gtan par bcas/ /de yi phyogs bzhir rta babs dang / /bcas pa'i sgo rnams bya ba dang / /dra ba dra phyed me long bcas/ /ba dan la sogs rnams kyis bskor/ /kha khyer bzhi par bshad pa ni/ /khor yug lta bur yang dag gnas/ /rgya ru sor ni bcu gnyis pa//dpangs su sor ni drug pa'o/ /de yang rdo rje phreng bas brgyan/ /'bar ba'i phreng ba 'od 'khrugs pa/ /'di ni bsrung ba'i mchog yin zhes/ /rdo rje can gyis sngon gsungs so/ /sdig kun 'phrog cing bsod nams dang / /dag byed dngos grub thams cad ster//bkra shis pa nyid yin bshad pa/ /'di ni thab khung yin par bsgrags/ /gang yang brgya rtsa bcu pa yis/ /thab khung bzang po bshad pa rnams/ /spyi yi thab khung gang yin pa/ /bye brag can bzhin gnas pa yin/ /thab khung gi mtshan nyid do/ /dgang gzar dang blugs gzar gyi mtshan nyid ni 'di yin te/dgang gzar gyi yu ba ni rgyal po'i lag pa'i tshad kyis sor bcu drug kun nas sor bzhi pa/ dgang gzar gyi zabs su sor gnyis pa/ steng du sor bzhi pa/ dbus su rdo rje rtse lngas mtshan pa/ /yu ba'i 'og tu rdo rje dang rin po ches mtshan pa ni dgang gzar gyi mtshan nyid do//blugs gzar gyi mtshan nyid ni khru gang tsam la steng du pad+ma'i 'dab ma 'dra ba sor gnyis pa la/ dbus rdo rje rtse lnga pas mtshan pa ni blugs gzar gyi mtshan nyid do/ /khrus dang nye reg la 'bad nas/ rtag tu sbyin sreg khang par 'jug /de nas bgegs rnams nyer zhi'i phyir/ /khro bo'i rgyal po rjes dran bya/ /de la khro bo'i rgyal po ni 'di yin te/ khro bo ti rIn+tI ri'i phyag rgya bcings la/ hU~M badzra a na la ha na da ha pa tsa ma tha b+hany+dza ra Na hU~M phaT/ khro bo ti rI n+ti ri'i phyag rgya ni 'di yin te/ rdo rje bcing ba nang du bcings la/mthe bong gnyis po mnyam pas/ sor mo'i rtse mo thams cad btsir bar bya ste/ 'dis ni bdud la sogs pa bgegs thams cad bcom par 'gyur ro/ /de nas go cha 'dis phyogs bcing bar bya ste/ rdo rje gtsug tor dang / rdo rje zhags pas shar phyogs bcing ngo //rdo rje khu tshur gnyis bcings nas/ /mthe'u chung gcig la gcig sbrel te/ mdzub mo gnyis rtse sbyar nas rtse mo bzlog ste/ spyi gtsug tu gzhag pa ni gtsug tor gyi phyag rgya ste/ sngags la oM hU~M ban+d+ha hU~M/ zhes kyang smros/ rdo rje gtsug tor nyid zlum por byas pa ni rdo rje zhags pa'i phyag rgya ste sngags la hrIHbadzra pA sha hU~M/de nas rdo rje ba dan gyis nub phyogs bcing bar bya ste/ rdo rje bsdams pa bcings la mthe bo gnyis sems dpa'i skyil mo krung du bya/ mdzub mo gnyis dang mthe'u chung gnyis brkyang pa 'di ni rdo rje ba dan gyi phyag rgya ste sngags la oM badzra pa tang+ki pa tang+ki ni ra Ta/de nas rdo rje nag pos byang dang 'og dang steng dang mtshams rnams bcings te/ rdo rje thal mo sbyar ba bcings la mthe bo brkyang ste/ mdzub mo gnyis mche ba 'dra bar byas pa ni rdo rje nag po'i phyag rgya ste/ sngags la hrIHbadzra kA li ru Ta ma Ta/de nas rdo rje rtse mos lho phyogs bcings te/ rdo rje khu tshur gnyis bcings la/ /rtse mo ltar steng du gzhag pa ni rdo rje rtse mo'i phyag rgya ste/ sngags la oM badzra shi Sha re ru Ta ma Ta/ de nas rdo rje spyan gyi sngags dang phyag rgya dang rdo rje me ltar rab tu 'bar bas bgegs bcing bar bya ste/rdo rje bsdams pa byas la/ mthe bo gnyis brkyang ste mnyam por gzhag pa ni/ rdo rje spyan gyi phyag rgya ste/ /sngags la oM badzra nai tri ban+d+ha sar+b+ba big+h+dAM rdo rje bsdams pa bcings la mthe bo gnyis brkyang pa ni rdo rje ti rIn+ti ri'i phyag rgya ste/ 'dis spyi bo nas brtsams te bdag nyid dbang bskur ba byas la dar dpyangs pa'i tshul du bkrol nas mnyam pa'i thal mos mnyes par bya'o//rdo rje khu tshur gnyis bcings la/ /rdo rje khu tshur g.yon pa snying gar gzhag /rdo rje khu tshur g.yas pa bsor ba'i tshul du gzhag pa ni rdo rje me ltar rab tu 'bar ba'i phyag rgya ste/bcom ldan 'das rdo rje me ltar rab tu 'bar bas bdud la sogs pa'i bgegs thams cad bsregs pa dang 'tshed pa dang thal bar byed pa la sogs pa la khyab par byas te/ sngags la oM badzra dz+wA la a na lArka hU~M/ rdo rje las kyi phyag rgya bcings la/ g.yas nas bskor bas phyogs bcing shing / dkyil 'khor bcing ba byas nas rdo rje hU~M mdzad kyi steng du rdo rje rab byas na dkyil 'khor bcing ba byas par 'gyur ro/ /de nas sa gzhi bcings bar bya ste/ rdo rje bsdams pa kha thur du bstan te sa la bzhag nas sa'i gzhi rnams rdo rje'i rang bzhin du 'gyur te/rang bzhin ngan pa rnams kyis 'jug par dka' bar 'gyur ro/ /sngags ni oM badzra dr-i D+ho me b+hA ba ra kaSha sar+b+baM swA hA/ zhes pa 'dis sa bcing bar bya'o/ /de nas rdo rje gnod sbyin gyi phyag rgyas nam mkha' bcing bar bya ste/rdo rje gnod sbyin gyi phyag rgya ni rdo rje nag mo'i phyag rgya nyid do/ /sngags ni oM badzra yak+Sha hU~M/ de nas rdo rje 'jigs byed kyi mig gi phyag rgyas steng bcing bar bya ste/ rdo rje khu tshur gnyis bcings la mgal me bskor ba'i tshul du bskor te mgo bo'i steng du mdzub mo lcags kyu 'dra bar gzhag pa ni rdo rje 'jigs byed kyi spyan gyi phyag rgya'o//sngags ni oM hu lu hu lu hU~M phaT/ de nas rdo rje bsdams pas rdo rje'i dra ba bya ste/ rdo rje bsdams pa ni rdo rje bsdams pa'i phyag rgya'o/ /sngags ni oM badzra ban+d+ha/ de nas dogs pa med par gyur par byas nas mchod pa bya ste/rdo rje thal mo brkyang nas lus thams cad kyis phyag bya'o/ /oM sar+b+ba ta thA ga ta pU dzo pas+tha nA ya/ At+ma nAM nir+yA ta yA mi/ sarba ta thA ga ta badzra satwa a d+hi tiSh+Tha swa mAM/ de nas de bzhin du gnas la rdo rje thal mo snying gar gzhag ste dpral bas phyag bya ste/oM sarba ta thA ga ta pU dza a b+hi She kA ya At+ma nAM ni r+yA ta yA mi/ sarba ta thA ga ta badzra rat+na a b+hi Shiny+tsa mAM/ de nas rdo rje thal mo spyi bor bzhag la khas phyag bya'o/ /oM sarba ta thA ga ta pU dza pra brtan ya At+ma nAM ni R+Ya ta yA mi/ sarba ta thA ga ta badzra d+har+m+ma pra brta ya mAM/de nas de bzhin du rdo rje thal mo spyi bo nas phab ste/ snying gar bzhag nas mgos phyag bya ste/ oM sarba ta thA ga ta pU dza kar+m+ma Ni At+ma nAM nir+yA ta yA mi/ sar+b+ba ta thA ga ta badzra kar+m+ma ku ru mAM/ des ni mchod pa bye ba byas par 'gyur ro/ /lag pa gnyis rdo rje bsdams pa bcings la/pus mo gnyis sa la btsugs te/ spyi bo sa la gtugs pa ni phyag bya ba'i phyag rgya ste/ sngags ni oM sarba ta thA ga ta kA ya bAka tsit+ta pA da ban+d+ha naM ka ro mi zhes bya'o/ /bdug spos kyi phyag rgya bcings la/ lha'i bdug pa'i mchod pa rnams dran bzhin du sngags 'di brjod do/ / oM sarba ta thA ga ta d+hU pe pU dza me g+ha sa mu dra s+pha ra Na sa ma ye hU~M/ de nas me tog gi phyag rgya bcings la/ thang las skyes pa dang chu las skyes pa'i me tog gi sprin rnams spros te/ oM sar+b+ba ta thA ga ta puSh+pe pU dza me g+ha sa mu dra s+pha ra Na sa ma ye hU~M/ de nas mar me'i phyag rgya bcings la/ nyi ma'i snang ba dbul bar bya ste/oM sar+b+ba ta thA ga ta A lo ke pU dza me g+ha sa mu dra s+pha ra Na sa ma ye hU~M/ byug pa'i phyag rgya bcings la/ lha la sogs pa'i spos kyi sprin rnams dbul bar bya ste/ oM sarba ta thA ga ta gan+d+he pU dza me g+ha sa mu dra s+pha ra Na sa ma ye hU~M/ de nas rin po che'i bye brag la sogs pa rnams dbul te/oM sar+b+ba ta thA ga ta po d+h+yaM ga rat+nA laM kA ra pU dza me g+ha sa mu dra s+pha ra Na sa ma ye hU~M/ de nas rtsed mo'i bde ba thams cad dbul te/ oM sarba ta thA ga ta hA s+ya lA s+ya kr-i Da ra ti sau khya a nut+ta ra pU dza me g+ha sa mu dra s+pha ra Na sa ma ye hU~M/ de nas gos kyi mchod pa rnams dbul te/oM sarba ta thA ga ta bo d+h+yA laM ka ra bas+t+ra pU dza me g+ha sa mu dra s+pha ra Na sa ma ye hU~M/ de nas ting nge 'dzin gyi phyag rgya bcings te/ sems can thams cad kyi tshangs pa chen po'i gnas bzhi thob par gyur cig ces brjod la de dbul te/ oM sarba ta thA ga ta tsa tur ma hA brah+ma bi ha ra pU dza me g+ha sa mu dra s+pha ra Na sa ma ye hU~M/de nas rdo rje bsnyems pa'i phyag rgya bcings te/ sems can thams cad kyang byang chub kyi sems la gnas par gyur cig ces brjod nas de dbul te/ oM sar+b+ba ta thA ga ta bo d+hi tsit+ta pU dza mi g+ha sa mu dra s+pha ra Na sa ma ye hU~M/sems can thams cad sbyin pa'i pha rol tu phyin pa dang ldan par gyur cig ces brjod la de dbul te/ oM sarba ta thA ga ta badzrod b+ha bA dA na pA ra mi tA pU dza me g+ha sa mu dra s+pha ra Na sa ma ye hU~M/ sbyin pa'i pha rol tu phyin pa'i phyag rgya ni rdo rje sgeg mo'i phyag rgya'o/ /sems can thams cad tshul khrims kyi pha rol tu phyin pa dang ldan par gyur cig ces brjod la de dbul te/oM sarba ta thA ga ta ma hA bo d+ha d+ya har shI la pA ra mi tA pU dza ma g+ha sa mu dra s+pha ra Na sa ma ye hU~M/ tshul khrims kyi pha rol tu phyin pa'i phyag rgya ni rdo rje phreng ba ma'i phyag rgya'o/ /sems can thams cad bzod pa'i pha rol tu phyin pa dang ldan par gyur cig ces brjod la de dbul te/oM sar+b+ba ta thA ga ta d+har+m+ma a ba bo d+hi k+Shan ti pA ra mi tA pU dza mi g+ha sa mu dra s+pha ra Na sa ma ye hU~M/ bzod pa'i pha rol tu phyin pa'i phyag rgya ni rdo rje glu mkhan ma'i phyag rgya'o/ /sems can thams cad 'khor ba yangs su spong ba'i brtson 'grus kyi pha rol tu phyin pa dang ldan par gyur cig ces brjod la de dbul te/oM sarba ta thA ga ta san sA rA pA ri t+yaM ka bIr+ya pA ra mi tA pU dza me g+ha sa mu dra s+pha ra Na sa ma ye hU~M/ brtson 'grus kyi pha rol tu phyin pa'i phyag rgya ni rdo rje gar mkhan ma'i phyag rgya'o//sems can thams cad bsam gtan bzhi dang ldan zhing sems zhi bar gyur cig ces brjod la/ bdag gis bsam gtan sangs rgyas thams cad la dbul te/ oM sarba ta thA ga ta sau khya bi hA ra d+ya na pA ra mi tA pU dza me g+ha sa mu dra s+pha ra Na sa ma ye hU~M/ bsam gtan gyi pha rol tu phyin pa'i phyag rgya ni rdo rje me tog ma'i phyag rgya'o//sems can thams cad nyon mongs pa dang bral ba'i shes rab kyi pha rol tu phyin pa rtogs par khong du chud pa dang ldan par gyur cig ces brjod la/ sangs rgyas thams cad la mchod pa'i phyir de dran par bya ste/ oM sarba ta thA ga ta kle shats+tshe da sa man+ta pradz+nyA pA ra mi tA pU dza me g+ha sa mu dra s+pha ra Na sa ma ye hU~M/ shes rab kyi pha rol tu phyin pa'i phyag rgya ni rdo rje bdug pa ma'i phyag rgya'o/ /bdag nyid 'jig rten gyi khams thams cad kyi tshad dang mnyam par bsams la btud par bya ste/ oM sarba ta thA ga ta kA ya ni r+ya ta na pU dza me g+ha sa mu dra s+pha ra Na sa ma ye hU~M/'jig rten gyi khams thams cad kyi tshad dang mnyam pa'i lce bsams la bstod pas mchod pa bya ste/ oM sarba ta thA ga ta bAka pra brtan pU dza me g+ha sa mu dra s+pha ra Na sa ma ye hU~M/ bsod nams de rnams bsdus la sems can thams cad la nye bar bsngo bar bya ste/oM sar+b+ba tha thA ga ta tsit+ta ni r+yA ta na pU dza me g+ha sa mu dra s+pha ra Na sa ma ye hU~M/ mchod pa nyi shu rdzogs so/ /de ltar mchod pa byas nas dam tshig dang sdom pa blang bar bya ste/ sangs rgyas dang byang chub sems dpa' thams cad bdag la dgongs su gsol/bdag ming 'di zhes bgyi ba dus 'di nas bzung ste/ byang chub kyi snying po la mchis kyi bar du/ ji ltar dus gsum mgon po rnams/ /byang chub tu ni nges byas pa'i/ /byang chub sems ni bla med pa/ /dam pa bdag gis bskyed bar bgyi//sangs rgyas rnal 'byor sdom pa la/ /tshul khrims kyi ni bslab pa dang / dge ba'i chos ni bsdu ba dang / /sems can don byed tshul khrims gsum/ /de bzhin brtan par gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum//deng nas brtsams te gzung bar bgyi/ /nam du yang ni mi spong ngo / /rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la//nyin re zhing ni dus drug tu/ /sbyin pa rnam bzhi rab tu sbyin/ /byang chub chen po las byung ba/ /pad+ma'i rigs mchog dam pa la/ /phyi nang gsang ba theg pa gsum/ /dam pa'i chos ni gzung bar bgyi/ /las kyi rigs mchog chen po la//sdom pa thams cad ldan pa ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed nas ni/ /sems can rnams kyi don gyi phyir/ /bdag gis sdom pa ma lus gzung //ma brgal ba rnams bsgral bar bgyi/ /ma grol ba rnams dgrol bar bgyi/ /dbugs ma phyin pa dbugs dbyung zhing / /sems can mya ngan 'das gzhag bgyi/ /sdom pa'i cho ga'o/ /de nas rdo rje slob dpon gyis/ dam tshig mchog gi phyag rgya ni//cho ga bzhin bcings zhugs nas kyang / /s+pho Ta'i phyag rgyas dbab par bgyi/ /de la dam tshig mchog gi phyag rgya ni 'di yin te/ zla ba lta bu'i lag gnyis kyi/ /gung mo btang bar gyur pa yi/ /mthe bo mthe'u chung so sor bsgreng / /sems dpa'i rdo rje rdo rje bsgreng / /shar phyogs kyi sgor rdo rje lcags kyu'i phyag rgya bcings la/gsang sngags 'di brjod par bya'o/ /badzra aM ku sha dzaH/ lho phyogs kyi sgor rdo rje zhags pas bskul bar bya ste/ badzra bA sha hU~M/ nub phyogs kyi sgor rdo rje lcags sgrog rjes su dran par bya ste/ badzra s+pho Ta baM/ byang phyogs kyi sgor rdo rje dril bu brjod par bya ste/badzra A be sha aH/ rdo rje 'bebs pa rjes su dran pas bskor ba lan gsum bya'o/ /oM badzra be gA ku ma hU~M/ rdo rje sems ma'i snying po ni/ sa ma ya s+t+waM oM sa ma ya hU~M/ snying po 'dis sbyin sreg gi khang par rtag tu 'jug par bya'o/ / oM sa ma ya pra be sha ya mi hU~M/ oM pad+ma s+pho Ta a d+hi tiSh+Tha swa ba a/ gsang sngags 'di dang / rdo rje sems ma'i phyag rgya bcing ba sbyar ba byas la ye shes bskyed par bya'o/ /a zhes bya ba lan brgya bzlas na bab par 'gyur ro/ /theg pa chen po mngon par rtogs pa yang ci 'dod par bzlas par bya'o//gsol ba btab la/ phyag rgya de snying gar bcings nas/ snying po 'dis dgrol bar bya'o/ /oM tiSh+Tha badzra dr-i D+ho me b+ha ba/ su to Sh+yo me b+ha ba/ shA shwa to me b+ha ba/ a nu rak+to me b+ha ba/ su po Sh+yo me b+ha ba/ hr-i da ya me a d+hi tiSh+Tha sarba sid+d+hi m+me pra yats+tsha/ sarba kar+m+ma su tsa me tsi t+taM shre yaHku ru hU~M ha ha ha ha hoH/ da nas phreng ba de thab khung du snying po 'dis dor bar bya'o/ /oM pra tI ts+tsha badzra hoHde nas phreng ba de rang gi mgo la snying po 'dis bcing bar bya'o/ /pra tI gr-ih+Na swA mi maM satwa ma hA ba la/ de nas snying po 'dis rang gi gdong g.yogs dgrol bar bya'o//oM badzra satwa swa yaM te d+h+ya/ tsak+Shu ud+d+ha Ta na ta d+ha ba ra/ ud+g+ha Ta ya te sar+b+ba k+Sho badzra tsak+Shur a nut+ta ra ma he badzra pA sh+ya de nas rdo rjes byin gyis brlabs pa'i bum pa'i spos chu dang / snying po 'dis bdag nyid dbang bskur bar bya'o/ /oM badzra a b+hi Shiny+tsa/ de nas rdo rje dbyings kyi dbang phyug ma la sogs pa'i sangs rgyas kyi phyag rgya rnams kyis bdag nyid dbang bskur bar bya'o//de la de rnams kyi phyag rgya ni 'di yin te/ mthe bo gnyis ni bsnol nas ni/ /mdzub mo rtse mo bkug nas ni/ /gung mo mnyam pa'i tshigs su sbyar/ /rdo rje dbyings kyi dbang mor bshad//de nyid gung mo rdo rjer bya/ /gung mo gnyis ni nor bur bya/ /pad+mo srin lag mthe'u chung gung / lag pa'i sor mo rab tu brkyang / /de la de rnams kyi rig pa ni 'di yin te/ oM badzra d+hA ti shwa ri hU~M/ oM badzra badzri ni hU~M/ oM rat+na badzra ni hU~M/ oM d+har+m+ma badzri ni hU~M/oM karma badzra ni hU~M/ de nas rang gi rdo rje lag tu bzhag nas/ 'di skad ces brjod par bya'o/ /sangs rgyas rnams kyi rdo rje'i dbang / /de ring khyod ni bskur bar 'gyur/ /sangs rgyas kun du rab bsgrub phyir/ /rdo rje 'di ni khyod kyis long / /oM badzra a d+hi pa ti twaM/ a b+hi Shiny+tsA mi tiSh+Tha badzra sa ma ya s+t+waM/de nas snying po 'dis rdo rje ming gi dbang bskur bas dbang bskur ro/ /oM badzra satwa twaM ma hA a b+hi Shiny+tsa mAM badzra na ma a b+hi She ka ta he badzra nA ma/ de nas de bzhin gshegs pa thams cad kyi dngos grub rdo rje'i brtul zhugs blang bar bya'o/ /'di ni sangs rgyas thams cad de//rdo rje sems dpa'i lag na 'dug /khyod kyis kyang ni rtag tu bcang / /phyag na rdo rje'i brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra yA mi/ badzra satwa hi hi hi hi hU~M/ bdag la byin gyis brlab la sogs/ /ji lta bar ni bka' nod do//de ltar bgyis nas bdag ming brjod/ /de nas rdo rje bsgrub par bgyi/ /zhes gang gsungs pa de slar yang bshad pa de dag yin no/ /rdo rje slob dpon sems dpa' yi/ /rdo rje lcags kyu bcings nas ni/ /se gol mang po brdab bgyis la//sangs rgyas thams cad bsdu bar bgyi/ /dzaHhU~M baM hoH/ snying po 'di lan nyi shu rtsa gcig bzlas na/ des sangs rgyas thams cad sras dang bcas pa dang / 'khor gyi dkyil 'khor dang bcas pa gshegs par 'gyur na/ gzhan rnams lta smos kyang ci dgos/ de nas rdo rje sems dpa' yi/ /phyag rgya chen po sgom byed cing / /ming brgya rtsa brgyad dam pa ni/ /lan cig rab tu brjod par bgyi/ /de nas sgo rnams thams cad du/ /lcags kyu la sogs las bgyis nas/ /las chen mchog gi phyag rgya yin/ /dam tshig rnams ni gzhug par bgyi//dam tshig mchog gi phyag rgya dang / /sems dpa' rdo rje la sogs pas/ /de ltar sems dpa' chen po bsgrub/ /dzaHhUM baM hoH/ zhes brjod cing / de nas sangs rgyas la sogs pa/ /sems dpa' chen po kun bsdu bar/ /spyan drangs nas ni rab tu bcug /bcings nas de yi dbang du 'gyur/ /de nas bdag nyid chen po rnams/ /gsang ba'i mchod pas mnyes bgyis la/ /thams cad don kun 'grub pa'i phyir/ /thams cad mdzod ces gsol ba bgyi/ /de nas sbyin sreg gi yo byad thams cad rdo rje'i rtse mo'i sngags kyis bsangs la g.yas phyogs su gzhag go//mchod yon gyi snod ni g.yon du bzhag nas/ rnam par snang mdzad la sogs pa de bzhin gshegs pa thams cad kyis ye shes kyi ngo bo nyid kyi gsang sngags ni 'dis dgang blugs gsum dbul lo/ /oM badzra dz+wa la ag+ne/pra dIp+ta A kaR+Sha ya sar+b+ba ta thA ga ta ma hA sa ma ya badzra hU~M dzaHde nas zhi ba'i sbyin sreg bya ste/ bcom ldan 'das rnam par snang mdzad thab kyi dbus su ji lta ba bzhin du bsgoms la/ byang chub mchog gi phyag rgya bcings nas/ til gyi sreg blugs dbul lo//yam shing dmar po rnams kyi me/ /rab sbar rdo rje khro bo yi/ /mnyam par gzhag par snyoms zhugs par/ /til bsregs pas ni sdig bsregs shing / /gsang sngags ni 'dis bya ste/ oM sar+b+ba pA paM da ha na badzrA ya swA hA/ khyim rgyas par 'dod pas bcom ldan 'das rin chen 'byung ldan thab kyi dbus su bsgoms la/mar gyi dgang blugs gsum dbul lo/ /yam shing de dag nyid kyis ni/ /me ni rab tu spar nas kyang / /rtag tu 'bras ni sreg byas na/ /gdon mi za bar khyim rgyas 'gyur/ /gsang sngags ni 'dis bya ste/oM badzra puSh+TA ye swA hA/ de nas tshe ring bar 'dod pas/ bcom ldan 'das tshe dpag tu med pa thab kyi dbus su bsams la/ mar gyi dgang blugs gsum dbul lo/ /yam shing dmar po rnams kyis kyang / /mkhas pas rtag tu me sbar te/dUr ba'i myu gu mar bcas pas/ /sbyin sreg byas na tshe 'phel 'gyur/ /gsang sngags ni 'dis bya ste/ oM badzra A yu She swA hA/ de nas bdag gam gzhan rnams bsrung bar 'dod pas/ bcom ldan 'das don yod grub pa thab kyi dbus su bsgoms la/ til mar gyi [(]dgangs [,]dgang [)]blugs gsum dbul lo/ /yam shing de dag nyid kyis ni/ /me ni rab tu spar byas la/ /ku sha'i yal ga 'bru mar gyis/ /sbyin sreg byas na nges par bsrung / gsang sngags ni 'dis bya ste/ oM a pra ti ha ta badzrA ya swA hA/ de nas rang gi lha thab kyi dbus su bsams la til dang 'bras dang mar dang dUr ba dang til mar dang /ku sha'i myu gu la sogs pa dbul ba dang / dgang blugs dang po dang rdzogs khar dbul bar bya'o/ /zhi ba phal cher srod la bya'o/ /rgyas pa snga dro bya ba yin/ /mngon spyod nyi ma gung la ste/ sgrub pa pos ni mdor bsdus pa'o/ /zhi la kha dog dkar po ste/ /rgyas la ser por snang ba yin/ /rjes su chags la kha dog dmar/ /mngon spyod la ni sngo dang gnag /de'i dngos grub kyi mtshan ma ni 'di dag yin te/ rdo rje lcags kyu mda' dgu dang / /rin chen nyi ma rgyal mtshan 'dzum//pad+ma ral gri 'khor lo gzung / /las dang go cha 'jigs byed bcang / /zhes bya ba la sogs pa dang / /dUr ba dang dri'i mtshan mar gyur pa rnams te de rnam par mthong nas/ dgang blugs phul la sbyin sreg bya'o/ /sbyin sreg gi lha rnams tshim par byas nas bya ba thams cad 'grub par 'gyur ro zhes bcom ldan 'das rdo rje 'chang chen pos gsungs so//de bas na nus pa med pas kyang ci nus pas sbyin sreg bya'o/ /nus pa med pa'i phyir brjod par bya ste/ rang gi khang pa'i byang shar gyi phyogs su thab khung zur bzhi'am/ zlum por khru gang tsam la zabs su mtho gang tsam brkos te thab kyi dbus su rdo rje rtse lnga pa sor brgyad pa'i tshad la dpangs su sor bzhi pa bzhag thab kyi ngos la dpangs su sor bzhi pa'i grwa bzhir rdo rjes mtshan par bya'o//de la phyag rgya mdor bsdus pa ni 'di yin te/ thal mo dam du sbyar ba las//sor mo thams cad bsnol ba ni/ /de bzhin gshegs pa thams cad kyi/ /rdo rje thal mo'i phyag rgya'o/ /rdo rje 'chang chen po la sogs pa'i phyag rgya yang dam tshig gi phyag rgya'i rim pa rnams nye bar bstan te/ rdo rje bcing bas phyag rgya thams cad bcing ngo / rdo rje thal mo'i phyag rgya de nyid bcings nas/ rab tu bsdams pa ni rdo rje bsdams pa ste snying gar dgrol lo/ /badzra b+han+d+ha tra Ta/ de nas phyag rgya thams cad bcings la rang la byin gyis brlab pa nas ji srid rdo rje rjes su dran pa dang dgug pa la sogs pa bsgrub pa'i bye brag rnams rang gi lus dang ngag yid rdo rje la dgug pa dang /gzhug pa dang / bcing ba dang / dbang du byas par 'gyur ro/ /de nas rdo rje 'bebs pa'i phyag rgya bcings la snying po 'di brjod par bya'o/ /a rdo rje khu tshur gyis mdzub mo sbyar ba ni rdo rje 'bebs pa'i dam tshig gi phyag rgya'o/ / de nas zhugs nas rang la byin gyis brlab pa nas ji srid sgrub pa'i khyad par gyis mdza' bo nyid du gnas par 'gyur ro/ /de nas dam tshig chen po'i sems dpa' rjes su dran la/ snying po 'di brjod par bya'o/ /sa ma ya satwa haM/ 'dis ni rdo rje rgyal po la sogs pa'i rdo rje'i phyag rgyas dam tshig chen po'i sems dpa' dang gcig tu gyur pa nyid du 'gyur ro//phyag rgya thams cad kyi cho ga rgyas pa'o/ /de nas thun mong gi sgrub pa'i cho ga rgyas pa ni 'di yin te/ bcom ldan 'das dam tshig sems dpa' chen po de nyid rang gi lus la brten cing zla ba'i dkyil 'khor thams cad la bzhugs shing /rdo rje rgyal po la sogs pa'i sku bdag nyid du snying po 'dis bsgom par bya'o/ /sa ma ya haM/ de nas rang gi phyag rgya'i sems dpar bdag nyid rnam par bsams la sngags 'dis der byin gyis brlab par bya'o/ /sa ma ya satwa a d+hi tiSh+Tha swa mAM/de nas rang gi lha snga ma bzhin du thab kyi dbus su bsams la sbyin sreg ji lta ba bzhin du bya ste/ mchod nas snying po 'dis gshegs su gsol lo/ /badzra muHde nas rang gi snying ga las byung ba'i rdo rje rin chen gyi phyag rgya rang gi dbang bskur ba'i gnas na gnas pas dbang bskur la mdzub mo gnyis kyi phreng ba bcings shing de bzhin du snying po 'dis bcing bar bya'o//oM badzra rat+na a b+hi Shiny+tsa sar+b+ba mu dra mai tri D+hi ku ru ba ra ka pa tse na baM/ rin chen sems ma'i phyag rgya ni 'di yin te/ rin chen rdo rje las mthe bo mnyam ste mdzub mo bkug pa dang rtse sbyar ba'o//de nas yang go cha'i mthar phreng ba bcing ba de bkrol la snying po 'di dang mnyam pa'i thal mos mnyes par bya'o/ /badzra tu Sh+ya hoH/ go cha 'dis phyag rgya dgrol ba dang / dbang bskur ba bcing zhing mnyes par bya ba'am/ rdo rje sems dpas kyang rdo rje nyid du nye bar dgrol bar 'gyur ro//de nas gsang ba'i mchod pa brjod la/ gsang ba'i mchod pa bzhi bya'o/ /rdo rje 'gying pa'i tshul gyis su/ /bsam pa g.yos pas gdung bar bya/ /phreng ba bcing dang kha nas byung / /rdo rje gar ni bskor ba yin/ / rdo rje khu tshur sbyor ba yis/ /spos la sogs pa de bzhin dbul/ /thur du blugs dang gyen du gtor/ /bskor dang de bzhin byug pa'o/ /badzra lA s+ye/ badzra mA le/ badzra gI ti/ badzra nr-i t+ye/ badzra d+hU pe/ badzra puSh+pe/ badzra A lo ke/ badzra gan+d+he/ rdo rje bstod pa'i glu ni 'di yin te/oM badzra satwa su saM gra haM/ badzra rat+na ma nut+ta raM/ badzra d+har+m+ma gA ya nai/ badzra kar+m+ma ka rot+b+ha be/ rdo rje bstod pa'i glu 'di dang glu blangs la/ lag ba'i rtse mos gar byas nas/ /mchod pa thams cad bya'o/ /rab dang 'bad pas khrus byas te/ /rtag tu sbyin sreg khang par zhugs//zhes ji skad du bshad pa de ma smras so zhe na/ de brjod par bya ste/ rnam rtog khrus kyi sbyor ba 'di/ /rdo rje slob dpon gyis bshad pa/ /de ni rnam rtog tsam yin pas/ /de la blo ni 'jug mi bya/ /de bas sngags dang phyag rgya yis/ /legs byas khrus ni bshad par bya//rnam rtog la ni spyod bzhin du/ /gang gi bgegs ni mi 'jug pa'o/ /zhes bcom ldan 'das rdo rje 'chang chen pos gsungs so/ /khro bo ti rIn+ti ri'i phyag rgya bcings la snying gar bzhag ste/ lus 'bar ba'i gsang sngags bzla'o/ /oM ku pi ku pi kA ya ku pi pra dz+wa la ni swA hA/de nas cho ga 'di dang / dang po'i yi ge'i go chas go bgo ste rdo rje khu tshur gnyis bcings te/ snying gar mdzub mo gnyis kyis mdud pa byas la rgyab tu drangs te mdud pa bya slar yang snying gar drangs te mdud pa bya/ de bzhin du lkog ma'i steng du mdud pa bya ba dang /dpral bar mdud pa bya ba dang ltag par mdud pa byas nas/ rna ba gnyis kyi gong du mtha' nas dgrol bas dar dpyangs bya ste/ mnyam pa'i thal mos mnyes par bya'o/ /de la gsang sngags ni 'di yin te/ oM TuM rdo rje gnod sbyin gyis gdug pa thams cad bza' bar bya zhing /mche ba'i phyag rgya bcings la/ gsang sngags brjod par bya'o/ /hU~M de nas bdud rtsi thab sbyor gyi gsang sngags brjod de/ a bdud rtsi thab sbyor gyi phyag rgya ni rdo rje mche ba'i phyag rgya'o/ /de nas gsang sngags 'dis chu snyim pa gsum gyen du gtor bar bya'o//oM b+hur dz+wa la hU~M swA hA/ rig sngags 'dis cha gsum du bya ste/ gcig gis ni dge ba'i gtsang sbra bya'o/ /gnyis pas lus kyi gtsang sbra bya'o/ /gsum pas ni khrus dang nye reg bya zhing / rang gi mgor rang gi gsang sngags dang phyag rgyas chu gtor na/rang gi rnam par rtog pa las skyes pa'i bgegs mi 'byung ste/ sems can 'tshe ba'am sdig pa dag khyed la med kyi ma 'jigs shig /rig pa las byung dge ba bzhin/ /bgegs ni rang gi sems las byung / /khrus byas nas ni sbyin sreg gi/ /cho ga thams cad spyad par bya'o//de nas dam tshig gi phyag rgya bcings te/ snying po 'dis gyen du dgrol lo/ /oM khyed kyis 'gro ba'i don kun mdzad/ /dngos grub ji bzhin gsol lags kyis/ /sangs rgyas yul du gshegs su gsol/ badzra satwa muH/ de nas thog ma dang tha ma med pa'i byang chub kyi sems chen po rjes su dran la/ci bde bar gnas par bya'o/ /rdo rje sems dpa'i ming tsam zhig /lan cig yongs su gzung bas kyang / /'di ni bsrung ba dam pa ste/ /mi zad rtag pa'i dngos grub ster/ /mkhas pa ngang pa'i rgyal pos rtogs par bya ba'i phyir//'dir ni sbyin sreg cho ga bris pas dge ba gang bsags pa/ des ni srid gsum tsher ma 'byin cing zhi bzhi rtog ldan pa/ rgyal ba lnga yi cod pan 'dzin dang 'gro ba rjes su mnyam par shog /kun du bzang po zhes bya ba'i sbyin sreg gi cho ga rdzogs so// //