CLOSE WINDOW

D2524
བོད་ཡིག

rgya gar gyi mkhan po shrad+d+hA ka ra warma dang / /lo tsA ba chen po dge slong rin chen bzang pos bsgyur cing zhus te gtan la phab pa//[ ]@##/ /rgya gar skad du/ kA ru No da ya nA ma b+hA ba rdza ba bid+hiH/ bod skad du/ thugs rje 'byung ba zhes bya ba bsgom pa dang bzlas pa'i cho ga//bcom ldan 'das dpal rnam par snang mdzad la phyag 'tshal lo/ /bcom ldan bsgom dang bzlas pa'i lam ni rdo rje slob dpon dag gis rab mdzad pa'i/ bstan bcos shin tu zab dang bcas phyir thub pa'i gsung bzhin de nyid mi rtogs te/ /rang blo'i rnam par rol pas mi gsal dpe dang theg pa gzhan rnams dang ni gcig byed pa//slob ma'i tshogs gnyis dag gis byin brlabs theg pa la ni chen por 'dzin mi byed/ /chos rnams yang dag ston cing cho ga ma lus 'chad pa 'gal med la/ /ser snas byang chub 'jig cing ma bshad yul ni ye shes dag las nyams 'gyur phyir//snying rjes byams chos slob dpon ye shes rdo rje gzhan yang pad dkar zhes bya bas/ /byis pa legs rtogs tshig gis sku dang phyag rgya sngags rnams cho ga bzhin bshad bya/ /de la dang por de bzhin gshegs pa thams cad kyi de kho na nyid bsdus pa la sogs pa'i dkyil 'khor chen po dang /gzungs kyi dkyil 'khor dang chos kyi dkyil 'khor dang / las kyi dkyil 'khor rnams su dbang bskur ba thob pa/ /dpal rnam par snang mdzad kyi gsang sngags gzung ba dang / rig pa'i dbang bskur ba dang / mnyan pa'i dbang bskur ba dang /rjes su gnang ba'i dbang bskur ba dang / slob dpon gyi dbang bskur ba dang / lung bstan pa'i dbang bskur ba thob cing / bsgom pa dang zlos par 'dod pas/ dang po kho nar yid du 'ong ba'i gnas sgra'i tsher ma la sogs pa dang bral bar stan shin tu 'jam po la 'dug ste/kha shar ram nub tu lta ba'am/ ji ltar dga' bar bltas te/ rdo rje'i skyil mo krung dang / skyil mo krung phyed pa dang / sems dpa'i skyil mo krung dang / bkra shis kyi 'dug stangs dang / bzang po'i 'dug stangs kyis thal mo mnyam par sbyar ba'i zla ba phyed pas kun du bzang po zhes bya ba'i stan de gang yang rung bas 'bad pa med par lag pa gnyis rdo rje'i bcing ba byas la lus drang por bsrang ste/mgrin pa bstod la sos so mnan pa spu rtse tsam gyis so'i thad kar lce rdo rje ltar mi g.yo bar bzhag la/nags kyi ri dwags bag phebs nas nyal ba ltar mig cung zad btsums te/ mig gnyis sna'i rtse mor gtad par bya'o/ /de nas rim pa 'dis gnas bsrung bar bya ste/ rang gi lus rang gi lha'i skur bsams la/ lag pa gnyis su yi ge hU~M gnyis las rdo rje gnyis rnam par bsams te/sor mo lnga'i tshigs rtse mo'i rnam par bsgom par bya'o/ /de rnams kyi dbus su de bzhin gshegs pa lnga'i sa bon gyi yi ge rnam par dgod par bya ste/ de la gung mo la ni yi ge oM/ mdzub mo la ni hU~M/ srin lag la trAM/ mthe'u chung la hrIH/mthe bo la ni yi ge a'o/ /lag pa g.yon pa la yang de bzhin du dgod do/ /de nas lag pa g.yas par gnas pa rnams ni rnam par snang mdzad la sogs pa de bzhin gshegs pa'i skur bsam par byas la/ lag pa g.yon pa la gnas pa rnams kyang rdo rje dbyings kyi dbang phyug ma la sogs pa'i skur bsams nas/phan tshun thabs dang shes rab dag dang bcas pa'i mngon par 'dod pas mngon du phyogs pa'i thal mo mnyam par byas la/ a n+yo n+ya a nu gtA sarba d+harmAHzhes brjod do/ /de nas sor mo de rnams shin tu yang bcer te/lha mo rnams kyi thugs kar zhugs par gyur pa rnam par bsams la/ at+yan+ta a nu pra biSh+Ta sarba d+harmAHzhes brjod do/ /de'i 'og tu rdo rje bsdams pa bcings la/ sangs rgyas thams cad kyi yon tan yang dag par bskyed pa/ bsod nams dang ye shes kyi tshogs dpag tu med pa bsags par bsams la/ badzra ban+d+ha hUM zhes brjod par bya'o/ /de nas snying gar badzra ban+d+ha traT ces lan gsum brjod la dgrol lo/ /de nas rang gi lus la de bzhin gshegs pa thams cad kyi phyag rgya'i tshogs zhugs par gyur par bsams la/badzra A be sha aH/ zhes lan gsum brjod do/ /rdo rje bsdams pa bcings te srin lag dang mthe'u chung gi rtsa ba'i bar du mthe bo gnyis bcug la snying gar bskyed pa ni rdo rje dbab pa'i phyag rgya'o/ /de nas rdo rje bsdams pa bcings la phye ste kha thur du bstan te sa la gzhag la/oM badzri b+ha ba hU~M zhes kyang brjod do/ /de nas rdo rje bsdams pa las byung ba'i yi ge hU~M gi tshogs me lce shin tu 'phro ba'i tshogs rnams kyis sa gzhi'i gtan pa la thug gi bar du ma lus pa'i sa la sogs pa'i rdul phra rab de dag dang / sems can de rnams rdo rje 'bar ba'i gzugs can lta bur bsam par bya'o//de nas nam mkha'i phyogs su yi ge hU~M rnam par 'phro ba dang bcas par bsams la de nyid yongs su gyur pa las/ lte ba yan chad rdo rje hU~M mdzad lta bu la/ de man chad rtse gcig pa lta bus bgegs rnams kun du 'bigs par bsams la kun nas kyang 'jig pa'i dus kyi me 'bar ba lta bus khebs par gyur pa'i gnas kyi sa la zhugs par gyur par bsams nas/oM badzra kI li kI la ya/ sarba big+h+nan ban+d+ha hU~M phaT ces kyang brjod la/ rdo rje 'bar ba rnams kyis gdug pa rnams rab tu tshig par gyur cing 'byer bar gyur par bsam mo//de'i steng du yi ge oM las rab tu grags pa'i nyi ma stong bas lhag pa'i 'od dang ldan zhing / 'jig rten gyi khams dpag tu med pa khyab par byed pa'i nyi ma'i dkyil 'khor chen po bsam par bya'o//de nas de bzhin gshegs pa thams cad kyi dkyil 'khor du zhugs la/ de bzhin gshegs pa thams cad kyi dam tshig blang bar bya ste/ rang gi lus yi ge maM dmar po tsam du bsams la/ de nyid 'khor lo rtsibs bcu drug bar bsams te/ steng gi rtsibs gnyis ni mgo bo//de'i ngos gnyis kyi rtsibs gnyis ni dpung pa/ yang ngos gnyis kyi rtsibs gnyis lte ba dang bcas pa ni snying ga dang rtsib logs gnyis so/ /yang ngos gnyis kyi rtsibs gnyis ni brla dang byin pa gnyis so/ /rtsibs lhag ma gnyis ni mtshan te rdo rje zhes bya ba bskyed par bya'o//de ltar bcom ldan 'das rdo rje 'khor lo'i sku mdog dmar po thugs ka'i zla ba'i dbus na gnas pa'i 'khor lo'i nang du chud pa'i chos kyi phyag rgya'i snying po la sna tshogs rdo rje'i steng du yi ge maM dmar po shin tu 'phro bas phyogs bcu'i 'jig rten gyi khams kun du 'gengs shing phyogs bcu'i 'jig rten gyi khams dpag tu med pa'i de bzhin gshegs pa'i dkyil 'khor gyi sprin gyi rgya mtsho rnams dang /sems can thams cad kyi dkyil 'khor de rnams su zhugs par gyur cing de bzhin gshegs pa thams cad kyis dbang bskur bas dbang bskur bar gyur la/bdag nyid kyang de bzhin gshegs pa'i dkyil 'khor de rnams nyid slar byon pas dbang bskur bar gyur nas rang gi lus la zhugs nas byin gyis brlabs par gyur bar bsams la/ rdo rje 'khor lo'i dam tshig gi phyag rgya bcing bar bya zhing /sngags kyang brjod par bya ste/ oM badzra tsakra hU~M/ rdo rje khu tshur gnyis bcings la/ /mdzub mo dang mthe'u chung gnyis lcags sgrog bcing ba'i tshul du mdud nas de'i dbus su maM gyis mtshan pa'i 'khor lo bsams te/ snying ga'i tha dkar 'khor lo bzhin du yongs su bskor nas kha'i steng du bzhag la/sngar gyi sngags brjod par bya ste/ des ni dam tshig nyams pa rnams kyang de bzhin gshegs pa thams cad kyi dam tshig thob par 'gyur ro/ /dam tshig chen po nyams pas ni stong rtsa brgyad bzlas par bya'o/ /'bring la ni brgya rtsa brgyad do//phra mo la ni nyi shu rtsa gcig bzlas par bya'o/ /de nas sbyor ba gnyis po 'dis sdig pa dral bar bya ste/ lte ba'i phyogs su nyi ma'i dkyil 'khor gyi steng du yi ge hU~M 'od zer dang bcas pa bsam pa dang / snying gar yi ge ka kha dog nag po sgrib pa gsum gyi bag chags kyi sa bon bsams nas/yi ge hU~M gi sgra dang gyen du 'phro ba'i 'od zer rnams kyis 'byin par gyur pa dang / yi ge hU~M yang steng du song nas rang gi 'od zer gyi tshogs kyis yi ge ka phyi rol du phyung la/ gang gi tshe 'di snying ga'i phyogs su kun du gnas pa de'i tshe yi ge ka sna'i rtse mor byung ste/mi dge ba ma lus pa'i gzugs sha za'i lus can gdong rnam par 'gyur ba sha med pa skra gyen du brdzes pa/ lag pa gnam du brkyang ba gcer bu ba mdog gnag pa 'jigs pas khyab cing rab tu 'dar ba'i gzugs can brgyal bar gyur par bsam par bya'o//yi ge hUM yang rang gi 'od zer gyi tshogs kyis rdo rjer gyur nas 'bar ba rnon po'i tshogs de nyid las rang gi gzugs su yongs su gyur te/ rdo rje gnod sbyin gyi gzugs can zhal mche ba rnam par gtsigs pa/ 'bar ba'i tshogs kyis rnam par dkrigs pa de bzhin gshegs pa thams cad kyi rnam par dag pa'i bsod nams kyi tshogs kyis yongs su 'bar bar gyur ba'i 'bar ba'i me'i ngo bo nyid du yongs su bsam par bya'o//de'i nang na yod pa'i rdo rje'i lte ba'i dbus su rdo rje gnod sbyin dang 'dra ba g.yon brkyang ba'i gnas pas bzhugs pa dang /sna rtse'i gnas su gnas pa'i rdo rje phra mo 'bar bar gyur cing me 'bar ba'i nang du chud pa'i lcags kyi gong bu lta bu/ bcom ldan 'das de nyid kyi chos kyi rgyu mthun pa las byung ba/ zhal rnam par gdangs shing / sna khung dang /mkhur tshos rnam par 'gyur ba/ g.yon pa'i khro bo'i khu tshur gyis sdigs mdzub byed cing / g.yas pa'i dpung pa bteg nas khro bo'i khu tshur gyis rdo rje 'bar ba 'dzin pa/ khro gnyer bsnyer ba'i khro bo'i khu tshur gyis rnam par brgyan pa/ badzra muH zhes bya bas phyung la/khams gsum 'bar bar byas pas/ sdig pa'i lus skad cig gis 'jigs shing rab tu 'dar ba dang / byer bar gyur nas/ rgya mtsho chen por lhung bar gyur la kun du 'bar ba'i rdo rje des nges par bsregs nas rdo rje des slar blangs te/ rang gi snying ga'i rdo rje'i nang du chud par bsam mo/ /de nas dam tshig gi phyag rgya bcings la/ sngags brjod par bya ste/ de la phyag rgya ni 'di yin no/ /rdo rje bsdams pa de dam du bcings la/ /mthe'u chung gnyis rnam par phye ste/ so sor bzhag nas mdzub mo gnyis kyang gdu bu lta bur byas te/mthe bo gnyis bskum nas rang gi kha 'gram gyi gnas gnyis su ji lta ba bzhin du bzhag la/ kha dang / sna khung dang / mkhur ba dang / mig rnam par gdangs shing / phyag rgya 'di bcings la/ lan gsum nas bdun gyi bar du sngags hU~M badzra yak+Sha khA da ya/sarba pA baM ni me hU~M zhes brjod par bya'o/ /de nas yi ge hU~M bzhi rdo rje'i nang du chud par bsams la nam mkha'i khams ma lus par khyab pa'i dus mtha'i me mang po 'bar ba'i tshogs rnams las rdo rje hU~M mdzad kyi gzugs su bdag nyid bsams la khams gsum rnam par rgyal ba'i phyag rgya'am//rdo rje ti rIn+ti ri'i phyag rgyas byin gyis brlabs la/ sdig pa thams cad dgug pa'i sngags dang phyag rgya dang bcas pas ngan 'gro'i 'gro bar gtogs pa'i sems can snod dang bcas par bkug la sdig pa dral ba'i phyag rgya sngags dang bcas pas sgrib pa thams cad dang bral bar bya ste/oM sarba pA paM A kaR+Sha Na bi sho d+ha badzra sa ma ya hU~M phaT ces bya ba ni sngags so/ /rdo rje khu tshur gnyis bcings la mdzub mo gnyis bsgrengs te mnyam por byas nas 'og nas 'dren pa'i tshul gyis steng du bteg la/mdzub mo de gnyis mdud pa'i tshul du bcing bar bya ste/ phyag rgya 'di sngar bshad pa'i sngags dang bcas pa ni dgug pa'o/ /rdo rje bsdams pa bcings la gung mo gnyis sbyar te/ g.yas dang g.yon gyi mthe bo dang / mthe'u chung gnyis kyi thur du bltas par sbyar bar bya'o//'di yang snying gar bcings nas gung mo sbyar ba sngags kyi mthar dgrol bar bya ste/ de rnams kyis sgrib pa rnams zad par bsams la/ sems can de rnams kyang sgrib pa dang bral nas de bzhin gshegs pa'i zhabs drung du skyes par gyur cing snod kyi 'jig rten de yang rgya mtshor lhung bar gyur par bsam par bya'o//de la sngags ni 'di yin te/ oM badzra pA N-i bi s+pho Ta ya/ sarba pA pa bad+d+hA nA ni/ pra mo k+Sha ya/ sarbA pa ya ga te b+h+yaHsarba satwa na/ sarba ta thA ga ta badzra sa ma ya traT/ de nas phyag rgya 'di mgo bor bzhag la sngags brjod par bya ste/khyad par ni maM zhes bya ba'o/ /'dis ni rang gi las kyi sgrib pa rnams kyang nges par bzlog par 'gyur ro/ /des na 'dod pa'i rgyal po snying gar bsams la/ 'dod chags dang bral bar gzhig par bya ste/ rdo rje bsdams pa bcings la mthe bo dang mthe'u chung sbyar te/ kha gyen du bltas par byas la/lhag ma rnams rnam par phye ste/ 'khor lo lta bur bya ba ni 'khor lo rtsibs brgyad pa lta bu'i phyag rgya ste/ sngags kyi mthar snying gar dgrol bar bya'o/ /hUM Ta k+ki s+pho Ta ya ma hA bi rA ga badzra/ badzra d+ha ra sa t+ye nA tha/ de nas rab tu dga' ba'i rdo rje bcings la/ sngags brjod par bya ste/ oM ma hA duHkha badzra satwa sA da ya/ sarba satwe b+h+yo ma h+yan tsa dzaHhU~M baM hoH/ rdo rje bsdams pa dam bcings te/ /g.yon pa'i mtheb mdzub mngal du ni/ /g.yas pa yi ni mthe bo'i mtshan/ /bcug la bskyed cing btsir bar bya/ /de nas rdo rje hU~M mdzad kyi sbyor ba dang /gnas pa nyid kyi mdzub mo'i tshigs dang po la/ oM las nyi ma'i dkyil 'khor bskyed la/ de'i steng du hU~M las 'jig rten gyi khams dpag tu med pa khyab par byed pa 'od zer rnon po 'bar ba'i tshogs kyis kun nas dkrigs pa'i rdo rje chen po'i gzugs kun du bskor bas ma rungs pa thams cad dang /bgegs thams cad der byer bar gyur te/ phyogs bcur song bar gyur par bsams la/ de nas rdo rje chen po de nyid shin tu 'bar bar gyur bar bsam zhing / de nyid kyi yan lag dang / nying lag rnams kyang shin tu rno zhing 'bar bar gyur ba rdo rje me lta bu phra ba'i tshad can gyis phyogs bcu'i 'jig rten gyi khams bsam gyis mi khyab par gyur cing /rdo rje thams cad kyi nang na yod pa'i yi ge hU~M gi sgra las nye bar gyur pa'i ca co'i tshogs chen pos bar mtshams med pa'i rdo rje'i tshogs phan tshun 'dres par gyur pa dang / rdo rje 'bar ba'i rlabs lta bus 'gro ba thams cad khyab par byed pa'i rdo rje chen po'i rgya mtsho bsam par bya'o//des kyang gdug pa thams cad snga ma bzhin du 'byer bar gyur cing sems can gzhan rnams yongs su sbyangs te/ nyon mongs pa rnams kyi lus thal bar byas nas de bzhin gshegs pa'i bsod nams dang ye shes kyi tshogs kyi ngo bo nyid kyi sku thob par bsams la/de nyid bsdus nas bsgrub pa las rang ji tsam 'dod pa'i mthar thug pa'i rdo rje chen po'i dra ba bsam par bya'o/ /de'i 'og tu yang rang gi mdzub mo g.yon pa'i rtse mor a las zla ba'i dkyil 'khor de'i steng du hU~M las zhi ba'i rdo rje dri ma med pa'i ye shes kyi rang bzhin rnam par bsams la snga ma bzhin du spros te/rdo rje shin tu phra ba las bsgrub pa rdo rje dra ba'i nang dang 'dabs 'byor par zhi ba'i rdo rje'i dra ba bsam par bya'o/ /de nyid kyi steng du baM 'od zer dang bcas pa'i gzugs can rnam par bsams la/oM badzra muSh+Ti baM zhes brjod de rgya mtshor byin gyis brlab par bya'o/ /de nas badzra dr-i D+ha tiSh+Tha zhes bya ba 'dis brtan par bya ste/ srung ba chen po 'di ni rtag tu byas na gal te sangs rgyas thams cad bdud nyid du mdzad kyang gzhig par mi spyod na gdug pa gzhan rnams kyis lta smos kyang ci dgos//de nas rnam par snang mdzad 'di ni nga la dad pas sems can thams cad kyi don du bsgom pa dang bzlas pa la rab tu 'jug pa yin no zhes shin tu dgyes par gyur nas rang la byin gyis brlab pa'i phyir mdun du byon par bsams la/rdo rje phra mor gyur te rang gi lus la zhugs nas rim pa ji lta ba bzhin du dbang du byas shing zhugs par gyur pas sdig pa thams cad 'joms shing bdag nyid bsrung bar gyur par sngags dang phyag rgya'i sbyor ba 'dis bsam par bya ste/rdo rje thal mo sbyar la/ rang gi yi ge ngo bo nyid rang gi sa bon lag pa gnyis kyi mthil du hU~M hoHhrIH zhes bya ba dmar po dang / rang gi sa bon dmar po nyid dang / rang gi lus dmar po'i se gol gtogs pa las byung ba'i tshogs dmar po rnams kyis/oM badzra d+hA tu dzaHhU~M baM hoH/ ba shaM ku ru ma me ya AHzhes brjod la/ rdo rje thal mo yang dal bus brdabs nas bsam mo/ /de nas rdo rje bsdams pa byas la/ de'i lag mthil gnyis su ho a ho zhes bya ba rnam par bkod de/ thal mo dal bus brdabs la/de'i 'od kyi tshogs kyis lus thams cad khyab par gyur cing brgyal zhing myos par gyur la/ lus thams cad kyi gshis kyi mtshan zhig nas rim gyis byung bar gyur cing ye shes phul du byung bas 'gro ba ma lus pa'i ngo bo nyid mngon sum du gyur nas yongs su dag pa'i rnam par snang mdzad chen po'i sku yongs su rdzogs pa'i ye shes babs par gyur par rim gyis bsams te/oM badzra d+hA tu dzaHhU~M baM hoH a badzra A be sha aH/ zhes kyang brjod cing bsgom par bya'o/ /de nas rdo rje bsdams pa nyid las mdzub mo gnyis bsgrengs te/lag mthil gnyis kyang brdab pa byas nas hU~M phaT ces bya ba rnam par bkod la sgrib pa lhag ma rnams zad par gyur par bsgom zhing / oM badzra d+hA tu dzaHhU~M baM hoHphaT badzra ha na hU~M phaT a zhes kyang brjod la bsgom par bya'o/ /de nas rdo rje bsdams pa bkrol la/ rak+Sha haM rak+Sha zhes bya ba rnam par bkod pas yongs su dag pa'i lus de nyid bsrungs par gyur par bsams la/oM badzra d+hA tu dzaHhU~M baM hoHrak+Sha haM rak+Sha a zhes brjod do/ /de nas 'di ni bdag dang mnyam pa'o zhes de nyid du byin gyis brlab par mdzad par bsam par bya'o/ /de nas byin gyis brlabs pa de'i mthus de bzhin gshegs pa'i 'od zer dpag tu med pa'i dbang bskur bas bdag nyid dbang bskur bar shes nas sems can thams cad mgron du bos te sangs rgyas kyi ye shes mngon du phyogs par byed pas rdo rje'i dbang po'i gnas su 'gro'o//de yang rdo rje dbyings kyi dkyil 'khor chen po mthong nas sbyor ba 'dis phyag rnam pa bzhi bya ste/ rang gi snying ga dang / dpral ba dang / lce dang spyi gtsug tu yi ge a las zla ba'i dkyil 'khor bskyed de/ de rnams la yang rdo rje dang / rin po che dang / pad+ma dang sna tshogs rdo rje hUM trAM hr-IHa zhes bya ba las bskyed la/shar phyogs su lus thams cad phab ste/ rdo rje thal mo sbyar na snying gar gnas pa'i rdo rjes phyag bya ste/ oM sarba ta thA ga ta pA dzo pas thA nA ya/ At+ma nAM ni r+yA ta yA mi/ sarba ta thA ga ta badzra satwa a d+hi tiSh+Tha swa mAM/ de nas mi bskyod pa la rjes su gnang ba thob nas rang gi rigs lus la bcug ste/bdag nyid kyang mi bskyod pa'i sku la zhugs nas de yang blangs te rang gi snying ga'i rdo rje la zhugs shing yi ge hU~M de nyid la thim par gyur par bsam mo/ /rdo rje sems dpa' spros pas kyang byin gyis brlabs pa'i 'bras bur gyur pas sems can thams cad rdo rje sems dpa'i sku thob par bsams la/bsdu ba dang / gnas pa dang / brtan par gyur cing sngar spros pas rdo rje sems dpa'i skur bskyed par bya'o/ /de nas lho phyogs su song nas rdo rje thal mo snying gar sbyar la/dpral bar gnas pa'i rin po ches phyag bya ste/ oM sarba ta thA ga ta pU dza a b+hi She kA ya/ At+ma nAM ni R+YA ta yA mi/ sarba ta thA ga ta badzra rat+na a b+hi Shiny+tsa mAM/ de bzhin du gnang ba sngon du 'gro bas rin po che'i rigs thams cad dpral bar gnas pa'i rin po che la zhugs shing / yi ge trAM spros pas kyang sngar rdo rje sems dpa'i sku bskyed pa rnams la de bzhin gshegs pa thams cad kyi rin po che'i dbang bskur bas/bsdu ba dang / gnas pa dang / brtan par gyur par bya'o/ /de nas nub phyogs su song ste/ rdo rje thal mo spyi bor sbyar la snying gar gnas pa'i pad+mas chos kyi rigs la phyag bya ste/oM sarba ta thA ga ta pU dza pra brta nA ya/ At+ma nAM ni r+yA ta yA mi/ sarba ta thA ga tA badzra d+harma pra brta ya mAM/ de bzhin du gnang ba sngon du 'gro bas chos kyi rigs thams cad la zhugs shing spros pas sngar rdo rje sems dpa'i sku byung ba rnams la dbang bskur nas/'di spros pas kyang rang bzhin gyis rnam par dag pa'i chos kyi 'khor lo rab tu bskor ba'i ngo bo nyid du byas la rang gi kha la gnas pa'i yi ge hrIHla bsdu ba dang / gnas pa dang / brtan par gyur par bya'o/ /de nas byang phyogs su song ste/thal mo snying gar sbyar la spyi gtsug na gnas pa'i sna tshogs rdo rjes phyag bya ste/ oM sarba ta thA ga ta pU dza karma Ne At+ma nAM nir+yA ta yA mi/ sarba ta thA ga ta badzra karma ku ru mAM/ de bzhin du rigs thams cad la zhugs pa dang / spros pas kyang rdo rje sems dpa'i sku thob cing dbang bskur ba dang /chos kyi 'khor lo rab tu bskor ba'i rang bzhin can rnams la phyi dang gsang ba'i mchod pa spro zhing spyi gtsug na gnas pa'i sna tshogs rdo rje la bsdu ba dang gnas pa dang / brtan par gyur par bya'o/ /de ltar rigs bzhi'i ngo bo nyid du gyur nas rnam par snang mdzad kyi thugs kar dpal be'u lta bur zhugs te/rdo rje phra mo'i gzugs kyis de nyid sku dang / gsung dang thugs rdo rje dang dbyer med par gyur te/ seng ge'i gdan gyi steng du 'dug par bya'o/ /de nas yid du 'ong ba'i phan yon la sogs pa'i sgo nas byams pa la sogs pa'i tshangs pa'i gnas pa bzhi mngon du bya ste/oM sarba ta thA ga ta/ shan si tA sarba sid+d+ha ya/ saM pad d+yan ta ma/ sarba ta thA ga ta a d+hi tiSh+Tha na ta/ zhes bya ba 'di ni bde ba bskyed pa'i mtshan nyid can byams pa bstan pa yin no/ /swa b+hA wa shud+d+haH sarba d+harmAHswa b+hA ba shud+d+hou0f85haM zhes bya ba 'dis kyang stong pa nyid kyi ngo bo nyid la dmigs pa las byung ba'i mgu ba ste/dga' ba ston pa yin no/ /ngo bo nyid dag par sems can rnams kyis mi shes pa la de ma shes pas mi 'dod pa'i sdug bsngal nges par zhugs par gyur pa de dang bral bar 'dod pa ni snying rje ste/'di ni snying rje'i sems skye bar ston to/ /de nas de bsgral bar bya'o zhes pa 'dis kyang khyad par can gyi dus la sdod pas gnas shing nus pa thob cing bar du btang snyoms su byed pa ston to/ /de nas sangs rgyas kyi ye shes mngon sum du byed pas de bzhin gshegs pa'i ye shes kyis byin gyis brlabs pa'i 'jig rten pa'i bsam gtan rnams mngon sum du byas te rnam par snang mdzad kyi byang chub chen po'i ye shes mchog rim pa 'dis mngon sum du bya'o//de la dang po kho nar phyogs bcu'i 'jig rten gyi khams mtha' yas pa rnams su rin chen sems mas bskyed pa'i zad par sa bsgom par bya'o//de nas sa'i rdul de nyid me'i phra rab kyis bshigs nas rdo rje sems mas rab tu bsgrubs pa'i zad par me bsgom par bya'o/ /me'i phra rab de nyid chu'i rdul phra rab kyis khyer nas chos kyi sems mas bsgrubs pa'i zad par chu bsgom par bya'o//chu'i rdul phra rab de nyid kyang rlung gi rdul phra rab rnams kyis rab tu bskams te/ las kyi sems mas rab tu bsgrubs pa'i zad par rlung du bsgom par bya'o/ /rlung gi rdul phra rab de nyid nam mkha'i phra rab rnams kyi nang du thim nas 'gro ba thams cad nam mkha' tsam du rnam par bsgoms la zad par nam mkha' la 'jug pa de nyid ni rnam par snang mdzad kyis byin gyis brlab pa'i ngo bo'o//nam mkha' de nyid kyi phra rab rnam par shes pa'i phra rab tu mi snang bar byas shing mi bskyod par byin gyis brlabs pa'i rnam shes mtha' yas skye mched bsgom par bya'o//rnam par shes pa nyid kyang rnam par mi rtog pa'i ye shes kyis mi snang bar byas nas/ 'od dpag tu med pa dang / rin chen 'byung ldan gyis byin gyis brlabs par rab tu bsgrubs pa'i ci yang med pa'i skye mched rnam par bsgom par bya'o//thams cad khyab pa'i phyir mnyam pa nyid kyi ye shes de yang don yod par grub pa'i ngo bo nyid bskyed pa yin no/ /de nas bag chags la goms pa'i dbang gis 'du shes chung ngu thob cing slar yang de kho na nyid la bcug nas stong pa nyid chen po rnam par bsgom mo/ /de rnam par bsgom pa la ni/bsod nams kyi tshogs shin tu yang med pas nyan thos kyi yul la 'jug pa'am/ ci yang med par rtog pa'am/ mi g.yo ba'i ting nge 'dzin thob nas de yang 'khor ba'i bde ba'i cha tsam yang med par thal bar 'gyur ba ste/ gnyi ga yang mdzes pa ma yin par 'gro ba'i don du bdag nyid byang chub kyi snying po la 'dug ste/der de bzhin gshegs pa thams cad nye bar lhags nas longs spyod rdzogs pa'i sku bstan te/ se gol gtogs pas slong bar mdzad par bsams te/ rigs kyi bu ji ltar na khyed de bzhin gshegs pa thams cad kyi de kho na nyid mngon par ma rtogs par shin tu dka' ba la spyod pas/bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes bya ba'i tshig 'di gsungs par gyur par bsam mo/ /de nas sems can thams cad de bzhin gshegs pa thams cad kyis yongs su gang bar bsams la/de'i grangs dang mnyam pa'i lus spros la mchog tu gus pas rang nyid kyis phyag rgya bzhis de bzhin gshegs pa'i phyag rgya bzhi'i phyag byas te/ oM sarba ta thA ga ta kA ya wAka tsit+ta/badzra ban+da nAM ka ro mi zhes brjod par bya'o/ de nas 'dug la gsol ba gdab par bya ste/ bcom ldan 'das de bzhin gshegs pa thams cad kyi de kho na nyid ma 'tshal na/ bcom ldan 'das de kho na nyid de dka' stsal du gsol/ /gang gis rnam par snang mdzad chen po'i ye shes kun du bsgrubs nas sems can thams cad sangs rgyas kyi ye shes bskyed par bya'o zhes brjod par bya'o//de nas de bzhin gshegs pa thams cad kyi gsung sngon du 'gro ba 'di nas bzung ste/ mngon par byang chub pa rnam pa lnga rim pa 'dis yang dag par bskyed par bya'o//dang po kho nar rang gi lus dang / 'khor bar 'jug pa'i dngos po rnams yi ge shaM gis stong par byas la yang dag pa'i mtha'i ting nge 'dzin la dus cung zad cig 'jug par bya'o/ /de nas rang ye shes tsam la nyi ma'i dkyil 'khor rnam par dag pa lta bu'i thig le tsam dpag tu med pa'i snying rje'i snang ba'i rgyud yongs su 'gyur bzhin pa las yi ge a'i ngo bo nyid du bsams la sa bon gyi yi ge de nyid de bzhin gshegs pa thams cad kyi yon tan gyi rang bzhin gyis byin gyis brlabs pa'i mthus/de nyid byang chub kyi sems rdo rje dang / lha'i sku dang rigs rnams dang / dkyil 'khor dang / 'gro ba dang / sems can dang / dus gsum dang / srid pa gsum dang mchog gsum dang / 'jig rten gsum gyi mchog dang / khams gsum dang / 'khor ba dang /mya ngan las 'das pa nyid dang / 'dod chags dang thar pa yang de nyid do/ /de nyid yongs su gyur pa las sems so sor rtog pa'i rnam par bsgom par bya ste/ nyi ma'i cha gyen khar gnas pa/ rno ba ye shes kyi ngo bo nyid/ rnam par dag pa'i ye shes kyi rang bzhin thig le de'i gdan du gyur pa/nyi ma stong bas lhag pa'i 'od kyis snang ba'i lus can te des gnyi ga yang pad+ma'i sdong bu'i snal ma bkas pa tsam gyi ri mo dkar pos gyen du phug pa'i gnas skabs ni skye ba med pa nyid du ston pa'i gnas skabs te mtha' med pa nyid du blta'o//thabs dang shes rab de gnyis ni ma skyes pa nyid du ston cing gnas par bshad la/ ye shes kyi mtshan nyid can gyi dbus kyi phra ba'i sku ni ye shes tsam gyi ngo bo nyid de/ nyon mongs pa dang / nye ba'i nyon mongs pa dang / shes bya'i sgrib pa la sogs pa bag chags thams cad dang bral bas bde bar gnas pa/mya ngan las 'das pa'i mchog gi bde ba chen po'i rang bzhin rnam par snang mdzad chen po'o/ /thig le yang de nyid kyi 'od kyi dkyil 'khor ro/ /ri mo de nyid kyis tshangs pa'i ri mo bzhin du sku'i dbus phug cing rdo rje'i skyil mo krung gis bzhugs par mnyam par 'jog par bsgom par bya'o//'di ni sems so sor rtog pa sku gsum gyi ngo bo nyid dang / de kho na nyid gsang zhing sba ba'i rang bzhin te/ rang sems de bzhin gshegs pa'i rigs su bskyed pa la so sor rtog pa ni rab tu chud cing 'jug pa'o//sems can thams cad kyi srid pa bar mar skye ba bzhin te/ don 'di nyid sngags kyis gsungs pa yin pas de nyid kyis 'dir byin gyis brlab par bya ste/ oM tsit+ta pra ti bya d+haM ka ro mi zhes brjod par bya'o/ /de nas de bzhin gshegs pa'i gsung sngon du 'gro bar byang chub kyi sems stong pa nyid bcu drug gi ngo bo nyid dang /des byin gyis brlabs pa'i rdo rje sems dpa' la sogs pa'i ngo bo nyid bsgom par bya'o/ /de la man ngag ni 'di yin te/ a A/ i I/ u U/ r-i r-I/ l-i l-I/ e ai/ o au/ aM aHzhes bya ba'i yi ge bcu drug po'i sa bon gyi yi ge rnams kyis sems so sor rtog pa yongs su bskor la shar la sogs pa phyogs brgyad kyi phyogs re re zhing yi ge gnyis gnyis kyi phreng ba kun nas zlum pa'i tshul gyis bzhag nas de nas de nyid yongs su gyur pa las nyi ma'i cha lta bu snga ma bzhin du ye shes kyi thig le'i gzugs can shes rab dang /snying rje'i rgyu mthun pa las byung ba la snga ma bzhin du de'i nang du chud pa'i rdo rje sems dpa' la sogs pa'i gzugs su byung bar gyur par bsams la/ sems so sor rtog pa'i rnam par snang mdzad kyi thugs ka'i nang na yod pa'i ri mo'i rgyab kyi cha la rgyab dang nye bar yi ge a gnas par bsams la/de nyid kyi thad kar nyi ma'i cha lta bur yongs su gyur par rnam par bsams te/ de'i 'od kyis reg pa nyid kyis bdag nyid kyi gzugs rdo rje sems dpa'i gzugs su yongs su gyur par bsams te/mdun na gnas pa'i nyi ma'i cha la gnas pa'i rdo rje sems dpa' bkug nas rang gi lus la bcug ste/ gcig tu byas nas bcing ba dang dbang du byas te/ yid kyis dzaHhU~M baM hoHzhes bya bas gzhag par bya'o/ /mdun na gnas pa'i nyi ma'i cha yang de'i rgyab nyid du 'ongs nas nyi ma'i dkyil 'khor gyi phyogs gcig tu gyur par bsam mo//sems so sor rtog pa'i cha la yi ge a'i cha steng du bltas pas lhag par gyur pa'i 'od kyi dkyil 'khor gyi gzugs kyis rdo rje sems dpa'i sku cung zad rgyas par gyur par bsam mo//de nas yi ge a rdo rje sems dpa'i thugs kar gnas pa nyi ma'i cha dang nye bar gnas pa nyid du bsams la yongs su gyur pa las thad ka'i cha gzhan snga ma dang lhan cig tha mi dad par gyur pas dus gcig tu rang gi gzugs rdo rje rgyal po'i gzugs su gyur par bsams la/phyi rol na gnas pa'i nyi ma'i cha la bzhugs pa'i rdo rje rgyal po bkug la rang gi lus la bcug ste/ bcings nas dbang du byas pas lus cung zad kyis rgyas pas gyur par bsams la/ bdag nyid kyang A nyid kyi 'od kyis dkyil 'khor gyi cha las cha gzhan bsams nas rgyas par gyur par bsam mo//de ltar rim gyis cha brgyad po thugs ka'i ri mo'i rgyab kyi cha dang / mdun gyi cha la cha brgyad po nyid bsams la/ cha gsum pa nas brtsams te/ i la sogs pa'i yi ge rnams rim gyis rdo rje chags pa la sogs pa'i gzugs su gyur pa la mdun na gnas pa'i rdo rje chags pa la sogs pa dgug pa la sogs pa bya zhing rjes su 'gro ba'i nyi ma'i cha rnams kyis nyi ma'i dkyil 'khor gyi yan lag rdzogs par bskyed la i la sogs pa nyid kyi 'od kyis dkyil 'khor la sogs pa'i cha rgyas par byas te/i la sogs pa nyid kyis rang gi snying ga'i cha rdzogs par bskyed de/ rdo rje khu tshur gyi mthar thug pa'i bar gyis rang gi lus rgyas par bya'o/ /des kyang gdan dang / thugs ka dang / rgyab tu nyi ma'i dkyil 'khor yongs su gang bar bsam par bya'o//yang snying gar yi ge a la sngar bshad pa'i nyi ma'i dkyil 'khor gyi steng du gnyis pa bskyed la de gnyis yang gcig tu bya'o/ /gdan dang 'od kyi dkyil 'khor yang de nyid kyis byin gyis brlabs pa byas la/ rang gi lus de bzhin gshegs pa'i yon tan gyis yongs su gang zhing /sngon ma byung ba'i byang chub kyi sems kyi ngo bo nyid 'gro ba ma lus pa'i mi shes pa 'jig cing / dga' bar byed pa ri mos phug pa'i skyes bu chen po'i skur byang chub kyi sems bsgoms la/ 'di skad du bo d+hi tsit+taM ut+pA da yA mi/zhes lan gsum brjod la byin gyis brlab par bya'o/ /snying ga'i nyi ma'i dkyil 'khor gyi steng du yi ge a chos kyi ri mos phug pa ye shes kyi 'od zer rnon po'i tshogs 'phro ba sngon du 'gro ba'i snang ba'i tshogs kyi rdul phra rab kyi ngo bo mi g.yo ba'i ting nge 'dzin gyi mthus brtan par gyur pa nam mkha'i khams ma lus par kun du khyab pa'i tshad dang ldan pa'i rdo rje chen po'i gzugs sa bon gyi yi ges mtshan pa 'jig rten gyi khams dpag tu med pa'i rdul phra rab kyi grangs dang mnyam pa'i nyi ma'i dkyil 'khor bas lhag pa'i 'od dang ldan pa'i sngar byung ba'i nyi ma'i dkyil 'khor gyi steng du de bzhin gshegs pa thams cad kyi dam tshig gi phyag rgya'i ngo bo nyid bsams la/oM tiSh+Tha badzra zhes lan gsum brjod la byin gyis brlab par bya zhing / de dag kyang de bzhin gshegs pa'i gsung sngon du 'gro bar bya ste 'og ma rnams la yang de bzhin no//de nas de nyid kyi gzugs brnyan du gyur pa'i phyir chos kyi ri mos phug pa nyid kun du bzang po'i dpral ba'i phyogs su yi ge a nyi ma 'char ka'i 'od dang ldan pas nam mkha'i phyogs thams cad kun du gang bar gyur par kun du bsams la/de'i 'od kyis reg ma thag tu nam mkha' ma lus pa'i khongs su gtogs pa'i de bzhin gshegs pa thams cad kyi sku dang / gsung dang / thugs kyi rdo rje'i dbyings phyag rgya rnam pa bzhi'i ngo bo nyid de bzhin gshegs pa'i sa bon gyi yi ges byin gyis brlabs pa'i mthu las rdo rje chen po de'i lte ba'i dbus su zhugs par gyur par bsams la/'od kyi tshogs de rnams las kyang phyi rol tu rtse lnga pa'i rdo rje chen po rnam par bsam mo/ /des kyang de bzhin gshegs pa dpag tu med pa'i phyag rgya'i gzugs kyis dpag tu med pa'i de bzhin gshegs pa'i rang bzhin nyid du bcom ldan 'das dam tshig sems dpa'i mchog rdo rje sems dpa' zhi ba rgyan med pa/ting nge 'dzin la snyoms par zhugs pa/ ye shes rdo rje'i ngo bo nyid la sna rtser rdo rje phra mo yod pa/ral pa dang thor tshugs dkar po 'chang ba/ bde ba chen po'i ngo bo nyid rnam par snang mdzad chen po chos kyi phyag rgya'i rang bzhin du yang dag par byung bar bsam mo/ /'di'i thugs kar yang yi ge a dpral ba dang / lkog mar yang yi ge AHdang po ri mos phug pa bsams la/oM badzra At+ma kou0f85haM/ zhes len gsum brjod par bya'o/ /de nas de nyid kyi spyi gtsug tu yi ge a chos kyi ri mo de nyid kyis phug par bsams la/ rang gi lus kyi yan lag dang nying lag rnams las 'od zer rnam par 'phro bar b sam mo//de nas spyi gtsug nas 'od zer dkar po/ snying ga'i phyogs nas nag po/ kha nas dmar po/ dpral ba nas ser po/ lus kyi 'og dang / lus kyi phan tshun gyi ba spu'i bu ga la sogs pa las ljang gu byung ste/ 'jig rten gyi khams dpag tu med pa rnams su kha dog dang spyod lam sna tshogs pa'i rnam par snang mdzad dang /rdo rje hUM mdzad dang / 'gro ba 'dul ba dang / rin chen 'byung ldan dang / mtshon cha mchog dang / dpal mchog dang po dang / bde ba chen po la sogs pa'i sku dpag tu med pa byung nas zhi ba dang drag po la sogs pa'i bsam pa sna tshogs pas phye ba rnams kyi don mdzad nas slar yang gcig tu gyur te/'dus nas rnam par snang mdzad chen po'i phyag rgya chen po'i skur gyur nas 'od zer gyi rang bzhin gyi tshogs kyi phyi rol du gnas te/ nyi ma'i dkyil 'khor gyi dbus dang /zhi ba'i sems dpa'i thugs ka dang / las kyi phyag rgya dang / de ltar phyag rgya bzhi phyag rgya'i gzugs kyis sam/ rang gi gzugs kyis skul byed ma'i gzungs zlos pa bzhin du bsgom par bya'o/ /phyi rol gyi lha'i sku thugs kar zla ba las a/lkog mar oM de nyid kyi dpral bar AH/ de nyid kyi gtsug tu yi ge a ste/ de dag thams cad nges par 'bigs shing nam mkha' la rjes su rgyu ba'i chos kyi ri mo bsam par bya zhing / phyag rgya bzhi po 'di nyid dang / yi ge a bzhi po phug nas/ 'og tu yang lte ba'i bar du song nas gnyis su gyur te/byin pa gnyis kyi dbus nas song nas mthe bo'i rtse mo nas byung ste/ yang gcig tu gyur nas 'og tu mtha' med par song bar bsam mo/ /de nas rang gi lus dang / yid so sor rtog pa la sogs pa'i yon tan thob pa'i dus nas brtsams te/sems can thams cad kyang rang gi lus bskyed pa'i dus su rnam par snang mdzad kyi skur gyur bar bsam mo/ /de yang yi ge dzaH'i lcags kyus drangs la rang gi lus la bcug ste/ byin gyis brlabs nas yongs su mnyes par bya zhing / dzaHhUM baM hoH zhes bya ba 'di dang /oM ya dA sarba ta thA ga ta s+thA tha a zhes bya bas byin gyis brlab po/ /de nas byin gyis brlab par gsol bar bya ste/ bcom ldan 'das de bzhin gshegs pa thams cad kyis bdag byin gyis brlab tu gsol/ mngon par byang chub pa 'di yang brtan par mdzod cig ces bya'o//de nas rang gi lus dang 'dra bar bskyed pa'i mi bskyod pa la sogs pa sangs rgyas bzhis rdo rje dbyings zhes rdo rje ming gi dbang bskur bar gyur par bsam mo/ /de nas de rnams rang gi lus la rjes su zhugs te/ mi bskyod pa dang / rin chen 'byung ldan dang /'od dpag tu med pa dang / don yod par grub pas phyag rgya chen po dang / dam tshig dang / chos dang / las kyi phyag rgyas byin gyis brlabs nas grangs ji lta ba bzhin du bzhugs par bsam mo/ /de nas rang gi lus de dang 'dra bar mdun du yi ge a las zla ba'i dkyil 'khor bsams te/der rang gi lus dang 'dra bar rnam par snang mdzad bskyed la rdo rje dbyings kyi dbang phyug ma'i phyag rgyas bskul bar bya'o/ /rdo rje thal mo dam du bsdams nas gung mo gnyis mnyam por sbyar te/ mdzub mo gnyis rtse sprad nas bum pa lta bur byas la/gung mo gnyis kyi tshigs dbu ma la sbyar la bzhag /mthe bo gnyis skyil mo krung lta bur byas pa las g.yon pa cung zad phab ste/ de'i steng du g.yas pa'i mthe bo gdan lta bur bzhag la/ mchod rten lta bur rnam par gsal ba ni rdo rje dbyings kyi dbang phyug ma'i phyag rgya ste/de nye bar bstan nas sa ma ya s+t+waM zhes bskul bar bya'o/ /yang 'di nyid bcings la badzra dz+nyA nas ma ya ho su ra ta s+t+waM zhes pas kyang bskul bar bya'o/ /de nas sngar bshad pa'i rim gyis/ rdo rje bsdams pa bcings la snying gar dgrol zhing / oM badzra ban+d+ha tra Ta ces bya ba sngags len gsum brjod par bya'o//de ltar dkyil 'khor thams cad kyi phyag rgya gzhug pa'i phyir rang gi lus yang dag par sbyangs la rim pa 'dis bcom ldan 'das dgug pa dang gzhug par bya'o/ /rdo rje bsdams pa bcings la mthe bo sgeg pa'i tshul du nang du bcug nas bskyod la/badzra aM ku sha dzaHzhes lan gsum brjod pa 'dis spyan drangs nas/ snying ga dang nye bar zhugs par bsam mo/ /srin lag dang mthe'u chung gnyis kyi rtsa ba'i bar du mthe bo gnyis bcug la cung zad bskyod nas badzra pA sha hUM/zhes len gsum brjod pa 'dis rang gi lus thams cad du zhugs nas byin gyis brlabs te gcig tu gyur nas zhugs par bsam mo/ /yang dag par 'dres nas badzra s+pho Ta baM zhes brjod pa 'di dang / rdo rje bsdams pa nyid kyis brtan par gyur nas zhugs par bsam mo//mthe bo gnyis kyi rgyab tu rang rang gi mdzub mo gnyis ji lta ba bzhin du bzhag ste/ badzra g+ha N+De hoH/ zhes brjod pa 'dis yongs su mnyes par bsam mo/ /de nas lan gsum mam bdun yi ge brgya pa bzlas pas brtan par bya ste/ oM badzra d+hA tu sa ma ya ma nu pA la ya/ badzra d+hA tu twe no pa/ tiSh+Tha dr-i D+ho me b+ha ba/ su to Sh+yo me b+ha ba/ a nu ra k+to me b+ha ba/ su po Sh+yo me b+ha ba/ sarba sid+b+hi m+me pra yats+tsha/ sarba karma su tsa me/ tsi t+taM shre yaM/ ku ru hU~M ha ha ha ha hoH b+ha ba bAn sarba ta thA ga ta/ badzra mA me muny+tsa badzrI b+ha ba ma hA sa ma ya satwa aHde nas rim pa 'dis byin gyis brlab par bya ste/snying gar rdo rje la yi ge hUM ngam mi bskyod pa'i sku shin tu dang ba hU~M gis mtshan pa dang / dpral ba dang / lce dang / spyi gtsug tu rin po che dang / pad+ma dang / sna tshogs rdo rje rnam grangs ji lta ba bzhin du trAM hrIHa zhes bya ba 'di dag las rin chen 'byung ldan dang /'od dpag tu med pa dang / don yod par grub pa yi ge de dag nyid kyis mtshan pa'am/ yi ge 'ba' zhig bsgom par bya'o/ /de nas gzungs kyi dkyil 'khor gyi mi bskyod pa'i gnas kyi phyag rgya de/ snying gar bcings la yi ge hU~M las byung ba bcom ldan 'das yum rgyan thams cad yongs su rdzogs pa/sangs rgyas lnga'i cod pan dang ldan pa/ sku mdog gsal ba ye shes kyi pha rol tu phyin pa'i ngo bo nyid mchog tu dgyes pas rang gi snying gar zhugs nas mi bskyod pa la yang dag par 'khyud nas zhugs nas/de dang bcas par gcig tu gyur nas sa bon gyi yi ge la thim par gyur cing / dpag tu med pa'i bsod nams dang ye shes kyi tshogs kyi ngo bo nyid dpal be'u lta bus gnas shing rnam par 'phro bar bsams la/oM badzra badzri Ni dzaHhU~M baM hoH/ badzra dz+nyA na a d+hi tiSh+Tha swa mAM hU~M zhes brjod do/ /de nas rin chen 'byung ldan gyi phyag rgya dpral bar bcings la de nyid du bcom ldan 'das yum yi ge trAM las byung ba/ sku mdog ser mo dpral ba'i rin po che la zhugs nas bcom ldan 'das dang bcas par sa bon gyi yi ge la thim par gyur pa nas lcags kyu'i gzugs kyi mdog dkar po/g.yas su 'khyil ba de bzhin gshegs pa'i yon tan gyi tshogs yang dag par 'gugs pa la brtson pa/ mdzod spu lta bur gnas par gyur par bsams la/ oM rat+na badzri Ni dzaHhU~M baM hoH/badzra dz+nyA na a d+hi tiSh+Tha swa mAM trAM zhes brjod do/ /de nas 'od dpag tu med pa'i phyag rgya khar bzhag la/ phyag rgya bcing ba de las bcom ldan 'das yum sku mdog dmar mo khar zhugs nas bcom ldan 'das dang bcas par sa bon gyi yi ge la thim par gyur nas/de bzhin gshegs pa thams cad kyi chos kyi rgyu mthun pa las byung bar gyur par lce'i gzugs zla ba kham pa lta bus gnas par bsams la/ oM d+harma badzri Ni dzaHhUM baM hoH/ badzra dz+nyA na a d+hi tiSh+Tha swa mAM hrIHzhes brjod do/ /de nas don yod par grub pa'i phyag rgya bcings la spyi bor bzhag ste/bcom ldan 'das la yum zhugs nas/ rje btsun dang bcas par thim par gyur te/ spyi gtsug na gnas pa'i rdo rje'i sa bon gyi yi ge'i nang du zhugs nas spyi gtsug bltar mi mthong ba lta bur gnas par gyur par bsams la/oM sarba badzri ni dzaHhU~M baM hoH/ badzra dz+nyA na a d+hi tiSh+Tha swa mAM a zhes brjod do/ /de nas rdo rje dbyings kyi dbang phyug ma'i phyag rgya snying gar bcings la/ phyag rgya bcings pa de nyid las bsod nams dang ye shes kyi tshogs dpag tu med pas byin gyis brlabs pa'i chos nyid rnam par dag pa'i ngo bo nyid sangs rgyas lnga'i cod pan can mdangs rnam par 'phro ba phyung la/rang gi lus kyi yan lag dang nying lag thams cad dang / ba spu'i bu ga thams cad dang / mtshan dang dpe byad thams cad la zhugs nas chos kyi 'khor lo lta bur gyur te/lus thams cad dang / phyag rgya rnam pa bzhi dang / khong stong du gnas pa rnams ye shes kyi ngo bo nyid du byin gyis brlabs nas/ 'od kyi dkyil 'khor du gyur te/ bsod nams dang ye shes rnam par dag pa'i 'od zer gyis 'gro ba gnang bar byas nas gnas par bsams la/oM badzra d+hA twI shwa ri hU~M badzri Ni dzaHhU~M baM hoH/ a d+hi tiSh+Tha swa mAM a zhes brjod do/ /de nas oM hU~M trAM hrIHa zhes bya ba 'di dag phyogs bzhi dang / steng ste gnas lngar rtag pa la sogs pa dkar po dang / nag po dang / ser po dang / dmar po dang / ljang gu la byang chub mchog dang / sa gnon dang / mchog sbyin dang / ting nge 'dzin mchog dang / mi 'jigs pa sbyin pa'i phyag rgyas bzhugs par bskyed la de dag nyid thugs kar gnas par shin tu gsal bar gyur par bsam mo/ /de nas phyag rgya de dag nyid dang / rim pa 'dis dbang bskur bar bya ste/ rdo rje dbyings kyi dbang phyug ma bcings la dbu rgyan gyi steng gi phyogs rtag pa'i gnas su phyag rgya de bcings pa las/ bcom ldan 'das rang gi sa bon gyis mtshan pa byung bar bsams nas de'i phyag rgya yi ge baM las bum pa bsams te/bum pa'i dbus su yi ge a rnam par bsgoms la bdud rtsi 'bab par gyur pa dang / bdag nyid kyi snying gar yi ge a bsams la bdud rtsis dbang bskur bar gyur par bsam mo/ /de nas rang gi lus kyi rdul phra rab la bsod nams dang ye shes kyi tshogs kyi bdud rtsi zhugs par gyur par bsams la/oM badzra d+hA twI shwa ri dzaHhU~M baM hoH/ a b+hi Shiny+tsa swa mAM a zhes bya ba'i sngags brjod pas/ rtag pa de'ang lus la zhugs par bsam par bya'o/ /de yongs su gyur nas yi ge hU~M las mi bskyod par gyur te/mi bskyod pa'i phyag rgya lag pas bcings la dpral ba'i steng du rnam par snang mdzad kyi 'og tu mi bskyod pa'i gnas su bzhag la snga ma bzhin du dbang bskur bar bya ste/ oM badzra badzri Ni dzaHhU~M baM hoH/ a b+hi Shiny+tsa mAM hU~M zhes pa'i sngags 'di yang brjod par bya'o//de bzhin du thams cad la yang sbyar te/ rin chen 'byung ldan la sogs pa'i skur gyur nas de'i yi ges mtshan cing phyag rgya lag pas bcings la de las byung ba'i lha mo rnams kyis rang gi sa bon gyi bdud rtsis dbang bskur bar blang bar bya zhing /de rnams kyang sangs rgyas rnams kyi thugs kar zhugs par bsam mo/ /rin chen 'byung ldan gyi phyag rgya bcings la/ rna ba g.yas pa'i steng du bzhag ste/ oM badzra rat+na badzra Ni dzaHhU~M baM hoH/ a b+hi Shiny+tsa swa mAM trAM zhes brjod par bya'o/ /'od dpag tu med pa'i phyag rgya bcings la/mgo bo'i rgyab tu bzhag ste/ oM badzra d+harma badzra Ni dzaHhU~M baM hoH/ a b+hi Shiny+tsa swa mAM hrIH/ zhes bya ba'i sngags brjod par bya'o/ /don yod par grub pa'i phyag rgya rna ba g.yon pa'i steng du bzhag la/ oM badzra karma badzri Ni dzaHhUM baM hoH/a b+hi Shiny+tsa swa mAM a zhes brjod par bya'o/ /de nas de rnams kyi phyag rgya'i mtshan nyid bshad par bya ste/ rdo rje dbyings kyi dbang phyug ma ni sngar bshad pa nyid do/ /gzhan dag gi brjod par bya ste/ rdo rje'i thal mo bcings la gung mo gnyis lto sbyar la bcings pa ni mi bskyod pa'i gsang ba'i phyag rgya'o//de nyid las gung mo gnyis rin po che lta bur bkug pa ni rin chen 'byung ldan gyi gsang ba'i phyag rgya'o/ /de nyid las gung mo dang srin lag mthe'u chung pad+ma'i 'dab ma 'dra bar bkug nas bzhag pa ni 'od dpag tu med pa'i gsang ba'i phyag rgya'o//de nyid las mdzub mo gnyis gdu bur byas te 'dab ma lta bur gung mo'i drung du bzhag pa ni don yod par grub pa'i gsang ba'i phyag rgya ste/ gzungs kyi dkyil 'khor gyi sngags dang phyag rgya rnams ni shin tu yang byin gyis rlob par byed pas sngags dang phyag rgya de dag nyid byin gyis brlab pa dang /dbang bskur ba dag la bstan pa yin no/ /dkyil 'khor chen po sngags dang phyag rgya yang phyis bya ba la nyes pa med de/ der yang sngags dang phyag rgya dag gi man ngag med pas yid mgu bar ma gyur pa las man ngag ji lta ba bzhin du bstan par bya ste/rdo rje bsdams pa bcings la gung mo gnyis nang du bcug nas lag pa'i mthil du thad kar bzhag ste/ mthe bo dang mthe'u chung gnyis kyi rtse mo phyogs bzhir blta ba bzhin du sbyar ba sems dpa'i rdo rje zhes bya ba rdo rje sems dpa'i phyag rgya'o//'di bstan par byas nas gung mo gnyis gyen du bsgrengs la/ rtse mo'i tshul du bzhag pa ni rtag pa'i phyag rgya ste/ oM badzra d+hA tu dzaHhU~M baM hoH/ badzra dz+nyA na a d+hi tiSh+Tha swa mAM oM zhes brjod do/ /de nyid las tshigs dbus ma bcag ste sor mo nang du bkug la g.yas pa'i mdzub mo g.yon pa'i ngos su bzhag /g.yon pas g.yas pa'i srin lag gi ngos su bzhag pa ni mi bskyod pa'i phyag rgya'o/ /oM badzra d+hA tu dzaHhU~M baM hoH/ badzra dz+nyA na a d+hi tiSh+Tha swa mAM hU~M zhes kyang brjod par bya'o/ /de nyid las gung mo gnyis bsgrengs la rin po che lta bur bkug nas bzhag pa ni rin chen 'byung ldan gyi phyag rgya ste/oM badzra d+hA tu dzaHhU~M baM hoHbadzra dz+nyA na a d+hi tiSh+Tha swa mAM trAM zhes brjod do/ /phyag rgya de nyid las gung mo gnyis pad+ma'i 'dab ma ltar bkug pa ni 'od dpag tu med pa'i phyag rgya ste/ oM badzra d+hA tu dzaHhU~M baM hoHbadzra dz+nyA na a d+hi tiSh+Tha swa mAM hrIHzhes brjod do//phyag rgya de nyid las gung mo gnyis lag pa'i mthil du bzhag la/ mdzub mo gnyis bkug ste rang gi gung mo gnyis kyi ngos la ji lta ba bzhin du bzhag pa ni don yod par grub pa'i phyag rgya ste/ oM badzra d+hA tu dzaHhU~M baM hoH/badzra dz+nyA na a d+hi tiSh+Tha swa mAM a zhes brjod par bya ste/ sngags 'di dag dang bcas pas dang po byin gyis brlab par byas la/ de'i 'og tu gzungs kyi dkyil 'khor gyis byin gyis brlab pa dang dbang bskur ba dag bya'o/ /dkyil 'khor chen po las gsungs pa ni ma byas kyang nyes par mi 'gyur ro//byas su zin kyang der shin tu byin gyis rlob par 'gyur ro/ /gzungs kyi dkyil 'khor las gsungs pa rnams kyang nges par bya ba yin pas dbang bskur ba la a b+hi Shiny+tsa mAM/ /zhes bya ba'i khyad par 'dis bya'o//dkyil 'khor chen po las gsungs pa'i rdo rje sems dpa' la sogs pa sems dpa' rnams kyi sngags thugs ka la sogs par bkod pas byin gyis brlab pa dang / dbang bskur ba ni rgyud las gsungs pa'i rim pas bya ste/ snying ga rtsib logs rgyab sbyor dang //de bzhin dpral ba la sogs dang / /kha dang rna ba ltag pa dang / /spyi bo dpral ba kha rked bzhag /ces bya ba dang / snying ga dpral ba kha spyi gtsug /mdoms dang mig dang brang dang ni/ /brla gnyis dang ni pus mo gnyis/ /byin pa gnyis dang rkang gnyis so//zhes bya ba'o/ /de la lkog ma'i phyogs su yi ge raM las dung bsams la/ rnam par dag pa'i ye shes kyi 'od zer gyi rang bzhin can de'i kha'i cha las byung ba'i lce hrIHlas byung ba byin gyis brlab par byas la/ oM pad+ma sar swa ti sad d+ya ma barma ta ya sho d+ha ya hU~M hrIHzhes brjod la lce de'i dbus su yi ge hU~M las rdo rje lce'i khams kyi gzugs can chur gnas pa de'i chang zungs kyi dbus su yi ge hrIHlas pad+ma de nyid kyi ye shes kyi lte ba'i nang du 'od dpag med ting nge 'dzin la snyoms par zhugs pa'i ye shes kyi sku de'i thugs kar yi ge hrIHthams cad du khyab par byed pa'o//rdo rje'i rtse mo dbus ma la yi ge raM/ rdo rje mdun du/ oM g+h+yaHaHsaHzhes bya ba'i phreng ba dkar po/ rdo rje'i g.yas su traM raM kraM nAHzhes bya ba ser po/ rdo rje'i rgyab tu khaM shaM hUM hi zhes bya ba dmar po/ rdo rje'i g.yon du sho ro si saM zhes bya ba ljang gu ste phyogs bzhi nas rdo rje bskor nas gnas pa dang /lce'i rtse mo la yi ge ho mdog dmar po me tog ban d+hu ka lta bu dang / de dang 'dra ba'i 'od zer rnams kyis tshig smra ba'i dus su phyi bzhin rnam par 'phro ba'i rang gi sa bon yi ge AHbsam par bya'o//de nas hU~M bzhi bcu las steng dang / 'og gi dbye bas so sor nyi shu ste/ rdo rje bzhi bcu bsgom par bya'o/ /de nas hUM ha hU~Mzhes bya ba rdo rje bzhad par byin gyis rlob par byed par bsams la/ mtshan thams cad dang ldan pa'i so'i phreng ba bsgom par bya zhing /so gsal bas rnam par spras pa'i kha la mdun so gnyis su yi ge ho gnyis/ 'og tu yang gnyis po nyid 'od zer dmar po'i tshogs kyi bkod pas rnam par 'phro ba bsam mo/ /mig g.yas su hU~M ma hU~M las rdo rje nyi ma rdo rje phreng du gnas pa'i chang zungs kyi dbus su rnam par 'phro ba rnon pos dkrigs pa'i nyi ma'i dkyil 'khor bsam par bya'o//mig g.yon par hU~M Ta hU~M zhes bya ba 'di las rdo rje phreng du gnas pa'i dbus su 'od zer dkar po rnam par dkrigs pa'i zla ba'i dkyil 'khor chen po bsgom par bya'o//de gnyis kyi bar du yi ge ho rgya skyegs kyi me tog lta bu 'od zer stong phrag gis khyab pa mthong ba rnams kyang de lta bu'i rnam par dkrugs shing gzings pa de nyid rang gi lus la zhugs pas zhi ba thob par bsam mo/ /hU~M zhes bya ba 'dis bsams la/gtsug tor bskyed par bya'o/ /de'i dbus su yaM ge b+h+rUM dus mtha'i me sbar ba ltar snang ba'i 'od kyis 'gro ba ma lus par bkang bar bsam mo/ /de nas kaM haM kaM zhes bya bas dbu rgyan gyi rtse mo'i mtha' nas brtsams te/ 'od zer ljang gu rnam par 'phro bas brgyan pa'i sna tshogs rdo rje'i tshogs kyi go cha chen po bkang ba'i mthar thug gi bar du bsgoms la/rdo rje bsrung ba'i phyag rgya bcings nas sngags brjod nas byin gyis brlab par bya ste/ rdo rje khu tshur gnyis bcings la snying ga dang / dpral ba gnyis su go cha'i tshul du bzhag la/haM badzra rak+Sha dzaHhU~M baM hoH/ nir b+ha ya s+t+waM zhes brjod par bya'o/ /cho ga'i 'og tu rkang pa'i mthar thug par rab tu 'phyang ba/ rin po che dam pa'i skud pas brgyus pa'i de bzhin gshegs pa dang / rdo rje dang / rin po che dang / pad+ma dang /sna tshogs rdo rje'i phreng ba gser gyis rnam par spras pa lnga sa bon 'di rnams las bsgom par bya ste/ oM baM hU~M baM tAM baM hrIHbaM a baM zhes bya ba las de bzhin gshegs pa'i phreng ba dang / rdo rje'i phreng ba dang / rin po che'i phreng ba dang / pad+ma'i phreng ba dang / las kyi phreng ba ste/mthar rim pa ji lta ba bzhin du a b+hi Shiny+tsa mAM zhes thun mong du brjod par bya'o/ /de nas phyag rgya bzhi rang gi lus la bsams la/ nga rgyal bskyed par bya ste/ ma hA sa ma ya satwa haM/ b+ha ga wAn badzra d+hA tu zhes brjod par bya'o/ /gdan du yi ge hrIHlas pad+ma/a las zla ba'i dkyil 'khor dang 'od kyi dkyil 'khor bsam mo/ /de nas rang gi seng ge'i gdan/ a siM a zhes bya ba 'dis byin gyis brlabs la/ phyogs rnams su hU~M ga hUM/ tra ba traHhrIHmaHhrIHa ga a zhes bya ba 'di dag las grangs ji lta ba bzhin du/glang po dang / rta dang / rma bya dang / nam mkha' lding gi gdan bskyed par bya'o/ /de nas mtshams rnams kyi phyi rol gyi dkyil 'khor gyi grwa dang / sgo rnams su yi ge hrIHlas pad+ma bskyed la/ de rnams kyi steng du a las zla ba'i dkyil 'khor bsams nas/de'i 'og tu dkyil 'khor dbus ma'i phyogs rnams su rdo rje sems ma la sogs pa/ hU~M hrAM hrIHa zhes bya ba 'di dag las bskyed par bya'o/ /mtshams rnams su lha mo sgeg mo la sogs pa ho ra Ta gI krita ces bya ba las bskyed par bya'o//phyi'i dkyil 'khor gyi mtshams rnams su rdo rje bdug pa ma la sogs pa aHtraHd+hIHbaHzhes bya ba 'di dag las bskyed par bya'o/ /rdo rje sgo rnams su rdo rje lcags kyu la sogs pa dzaHhU~M baM hoHzhes bya ba 'di dag las bskyed la sngar bshad pa'i zla ba'i dkyil 'khor nyid kyi steng du bsam par bya ste/'di dag kyang sems so sor rtog pa la sogs pa'i rim gyis mngon par byang chub pa lngas rang gi sku'i tshul thob pa/ phyag rgya bzhi'i dkyil 'khor gyi tshul gyis bzhugs par bsam par bya ba'am/ yi ge shin tu gsal zhing 'od kyi tshogs 'phro ba 'dus par gyur pa las lha'i sku bsam par bya'o//yang na rang gi lus las phyung ste sngar bshad pa'i sngags kyis thugs kar mtshan nas gzhag par bya'o/ /de nas de ltar phyag rgya bzhi'i dkyil 'khor bskyed la phyogs bzhir sangs rgyas bzhi po 'khor gyi tshogs dang bcas pa rang gi lus la bcug ste de phyung nas/rdo rje sems ma la sogs pa bzhugs te byin gyis brlabs nas bzhugs par bsam mo/ /byams pa la sogs pa 'khor gyi tshogs rnams kyang phyogs bzhir phyi rol gyi snam bu la bsam par bya ste/de rnams kyang ming gi yi ge dang po las byung ba'o/ /de la 'di dag ni byams pa la sogs pa ste/ 'di lta ste/ byams pa dang / mthong ba don yod dang / ngan song kun 'dren dang / mya ngan dang mun pa thams cad nges par 'joms pa'i blo gros dang /spos kyi glang po dang / dpa' bar 'gro ba dang / nam mkha' mdzod dang / ye shes tog dang / 'od dpag tu med pa dang / zla ba'i 'od dang / bzang skyong dang / dra ba can gyi 'od dang / snying rje chen po dang / blo gros mi zad pa dang / spobs pa brtsegs pa dang /kun du bzang po dang / de dag la sogs pa dkyil 'khor gyi lha rnams kyis bdag nyid mchod par gyur par bsam mo/ /de nas yi ge shaM gis 'gro ba thams cad stong par byas nas rdo rje rlung gi dkyil 'khor nas brtsams te/ de bzhin gshegs pa'i yon tan gyi tshogs bskyed pa'i ngo bo nyid du rim pa 'dis bskyed la/'gro ba rnams byin gyis brlab par bya ste/ hU~M yaM hU~M zhes bya ba rdo rje rlung gi dkyil 'khor gyi'o/ /hU~MbaM hU~M zhes bya ba ni de nyid kyi steng du chu'i dkyil 'khor gyi'o/ /hU~M raM hU~M zhes bya ba ni de nyid kyi steng du me'i dkyil 'khor gyi'o//de'i steng du yi ge khaM las rnam par snang mdzad bsams la/ de nyid kyi sku'i yan lag dang nying lag gi ba spu'i bu ga rnams las byung ba'i char gyi rgyun sbom po dpag tu med pa 'bebs pa gtong bas snod kyi 'jig rten ma lus par chus yongs su gang bar byas te/bcom ldan 'das kyang de nyid du thim par gyur par bsams nas/ me dang chu'i dkyil 'khor dag gi bar du hU~M laM hU~M zhes bya ba bkod la/ de bskol ba sngon du 'gro bas/ 'dus pa'i ting nge 'dzin brtan par gyur pa'i mthus/sa'i dkyil 'khor dpag tu med par bsam par bya'o/ /de'i steng du yi ge khaM las phyogs bcu'i 'jig rten gyi khams ma lus pa khyab pa'i gzhal yas khang chen po rnam par bsam par bya'o/ /de'i dbus su seng ge'i gdan chen po la sogs pa phyag rgya bzhi'i dkyil 'khor gyi lha rnams kyi grangs dang mnyam par sngar bshad pa'i sa bon gyi yi ge las bskyed par bya'o//de nas 'jig rten gyis khams dpag tu med pa las yang dag par 'dus par gyur pa'i sangs rgyas dang byang chub sems dpa' rnams dang /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po la sogs pa'i sems can gyi tshogs rnams kyis yongs su bskor cing mchod par gyur pa dang / bstod par gyur cing gdugs dang /rgyal mtshan dang / ba dan la sogs pa rnams dang / glu dang / gar dang / rol mo la sogs pa rnams kyis dkyil 'khor pa thams cad kyi bdag por gyur pa rjes su thob cing 'gro ba'i don la de 'jug par gyur par bdag nyid bsam mo//der zhugs nas 'dug ste gnas ji lta ba bzhin du mdun du gzhal yas khang chen po bsams te/ sngar bshad pa'i sa bon nyid las stan dang / phyag rgya bzhi'i dkyil 'khor gyi lha'i sku bskyed la/ rim pa 'dis lha rnams spyan drang bar bya ste/ rdo rje se gol gyi phyag rgya bcings la/ rang gi snying ga las yi ge ho dang / AHbadzra d+hA tu hoHdzaHzhes bya ba 'di dag las rim pa ji lta ba bzhin du steng gi phyogs su song bar gyur par bsams la/ bcom ldan 'das rnam par snang mdzad kyi thugs kar rjes su zhugs par bsam par bya'o//de la yi ge hoHzhugs nas yongs su mnyes par byed do/ /yi ge aHyis des rdzogs par byed pa byin gyis rlob pa dang / gzi byin bskyed pa dang / thugs su chud par bya ba dag byed do/ /badzra d+hA tu zhes bya ba'i sgras ni rigs bzhi'i ngo bo nyid du byin gyis rlob par byed do//yi ge hoHyis ni yang yongs su mnyes par byed do/ /yi ge dzaHni de nyid kyi snying po'i yi ge aHbcings nas 'gugs par byed do/ /rdo rje bsdu ba'i phyag rgya bcings la/ bcom ldan 'das bsdu ba sku mdog dkar po 'od zer gyi tshogs kyis khams gsum ma lus par 'gengs pa de las byung ba rang gi rnam pa lta bu'i lha'i gzugs rnam par bsams la rang nyid kyang yi ge dzaHlas byung ba'i rdo rje lcags kyu phyag na bsnams pa bcom ldan 'das kyi thugs kar zhugs la/gzhan rnams ni lha gzhan gyi thugs ka dang /'jig rten pa rnams la zhugs pas bcom ldan 'das 'gro ba thams cad kyi dkyil 'khor gyis yongs su bskor bar spyan 'dren par bsam mo/ /bcom ldan 'das byon pa nam mkha'i ngos la 'od zer gyi tshogs 'byin par mdzad pas sems can thams cad sangs rgyas nyid la sogs pa dngos grub kyi mchog thob par mdzad cing /zhal rab tu 'dzum pa dang / nyid kyi dkyil 'khor la mngon par phyogs te byon nas dkyil 'khor gyi steng du bsam mo/ /de nas yid kyis rang gi phyag rgya bzhi bzhag nas/yang bcom ldan 'das la rdo rje 'chang gis glu dang mtshan brgya rtsa brgyad kyi bstod par bya ste/ rdo rje dbyings kyi sems dpa' che/ /sems can don mchog bdag nyid de/ /shAkya'i rgyal po ye shes che/ /rdo rje bdag nyid khyod phyag 'tshal/ / sems dpa' 'byung ba de nyid don/ /sems can rgyu ste tshul chen po/ /sems can don chen dgongs pa'i don/ /sems dpa' sems dpa' khyod phyag 'tshal/ /sangs rgyas chos te chos chen po/ /chos kyi 'khor lo rab bskor ba/ /smra ba chen po'i rang rigs mchog /sems dpa' chen po khyod phyag 'tshal/ /las chen bsrung ba chen po ste/ /las rnams thams cad rab bsgrub pa/ /nyid chen sems can spyod pa mchog /sems dpa' rgyu khyod phyag 'tshal lo/ /pha rol phyin pa kun brnyes pa//kun mkhyen ye shes mkhyen pa po/ /shes rab chen po khyod phyag 'tshal/ /thugs rje chen po mchog gi mchog /thugs rje thugs rje'i bdag nyid de/ /thams cad gtong ba byams pa che/ /kun mdzad khyed la phyag 'tshal lo/ /shAkya seng ge shAkya che/ / shAkya'i thub pa shAkya che/ /'dul ba chen po khyab pa po/ /'gro don 'dul mchog khyod phyag 'tshal/ /chos kyi dbyings dang mnyam brnyes pa/ /chos dbyings de bzhin gshegs pa ste/ /rdo rje mgon po mgon chen po/ /sems can tshogs ni khyod phyag 'tshal//'od chen snang ba chen po ste/ /brtson 'grus chen po stobs chen po/ /dpa' bo chen po rab dpa' mchog /bde spyod dpa' ba khyod phyag 'tshal/ /tshangs pa rang byung bcom ldan 'das/ /shAkya dpa' bo thub pa che/ /kun bdag thub pa dag pa yi//chos rgyal khyod la phyag 'tshal lo/ /nam mkha'i sku ste sku yi mchog /sku gsum sku min ston pa po/ /kun gyi sku de sku che ba/ /rdo rje'i sku khyod phyag 'tshal lo/ /gsung min gsung ste gsung gi mchog /gsung gsum gsung min ston pa po//gsung kun shin tu gsung che ba/ /rdo rje'i gsung khyod phyag 'tshal lo/ /sems min sems te sems kyi mchog /sems gsum sems min ston pa po/ /kun gyi sems te sems che ba/ /rdo rje'i sems khyod phyag 'tshal lo//rdo rje ma yin rdo rje'i mchog /rdo rje gsum pa rdo rje sbyong / /rdo rje thams cad rdo rje che/ /rdo rje rdo rje khyod phyag 'tshal/ /kun khyab srid pa'i rtse mo mchog /bde gshegs bdag po rgyal ba ni/ /khams gsum pa yi rgyal po che/ /snang mdzad khyod la phyag 'tshal lo//mtshan brgya rtsa brgyad 'di dag ni/ /gang gis lan cig nyan byed dam/ /klog gam yang na bsgom yang rung / /kun gyis sangs rgyas nyid thob 'gyur/ /de nas rim pa 'di phab ste/ /gzugs brnyan la gzhug pa dang / bcing ba dang / mnyes par byas nas bzhugs su gsol lo//rdo rje khu tshur bcings la lag pa g.yas pa mdzub mo lcags kyur byas te/ kha phyir bltas par bzhag la/ g.yon pa'i mthe'u chung bkug ste g.yas pa'i mdzub mo'i drung du bzhag la dgug par bya zhing de yang lha rnams spyan 'dren pa'i tshul gyis gzhag pa ni rdo rje lcags kyu'i phyag rgya ste/'di'i sngags ni badzra aM ku sha dzaHzhes bya ba ste 'dis bkug nas/ rang gi sku'i gzugs brnyan gyi mdun du thugs ka dang nye bar bzhugs par bsam mo/ /rdo rje khu tshur gnyis gshibs la rgyab sbyar te/ mje'u chung gnyis lcags sgrog ltar mdud la mdzub mo'i rtse mo sbyar nas zhags pa dang 'dra bar bzhag pa ni rdo rje zhags pa'i phyag rgya ste/'di'i sngags ni oM badzra pA sha hU~M zhes bya ba ste/ 'dis rang gi sku'i gzugs brnyan ji lta ba bzhin du rjes su mthun pa rnams la yang dag par zhugs par gyur par bsam mo//rdo rje khu tshur gnyis po nyid kyi mdzub mo gnyis dang mthe'u chung gnyis lcags sgrog bcings pa'i tshul du bcing ba ni rdo rje lcags sgrog gi phyag rgya ste/ 'di'i sngags ni oM badzra s+pho Ta baM zhes bya ba ste/ 'dis byin gyis brlabs par gyur par bsam mo//de nyid las lag pa'i rgyab gnyis dril bu bzhin du spyod pa ni rdo rje dril bu'i phyag rgya ste/ 'di'i sngags ni oM badzra g+haN+De hoHzhes bya ba ste/ 'dis dngos su brnyes par gyur par bsam mo/ /de nas dam tshig gi phyag rgyas dam tshig las mi 'da' bar bya ba'i phyir byin gyis brlabs la/de'i 'og tu rang gi las la sbyar bar bya ste/ byin gyis rlob par ma byas par las rnams 'phel bar sbyar ba ni nam mkha'i me tog dang 'dra bas na/ dang por dam tshig gi phyag rgya nyid bstan par bya'o//lha dang lha mo 'di dag thams cad kyi rang gi dam tshig gi phyag rgya ni thugs kar rang rang gi sa bon gyi yi ge rnams bsams la/ sngags dang bcas pa brjod par bya'o/ /de la 'di dag ni dam tshig gi phyag rgya dang / sa bon gyi yi ge ste/thams cad kyi thugs kar zla ba'i dkyil 'khor bsam mo/ /de la rnam par snang mdzad kyi thugs kar ni rdo rje mchod rten byin gyis brlabs la/ de'i nang du chos kyi phyag rgya ni ting nge 'dzin gyi sems dpa'i ngo bo nyid do/ /de'i nang du sna tshogs rdo rje chang zungs kyi dbus su yi ge AHrnam par 'tsher zhing 'od zer dkar pos bcom ldan 'das nye bar gsal bas snang bar byas par bsam mo//de ltar lha'i khyad par thams cad du 'ang phyag rgya bzhi dang sbyar bar khong du chud par bya ba'am/ gzugs can nyid du bsam par bya'o//dam tshig gi phyag rgya bcing ba'i dus su ni dam tshig gi phyag rgya la yid kyis dmigs par bya'o/ /las kyi phyag rgya bstan pa'i dus su ni las kyi phyag rgya rnams kyis te 'di ni khyad par yin no/ /rdo rje sgeg mo ni rdo rje dang yi ge ho'o/ / rdo rje phreng ba ma ni rdo rje'i phreng ba dang yi ge raM mo/ /rdo rje glu ma'i ni pad+ma dang yi ge gi'o/ /rdo rje gar mkhan ma'i ni sna tshogs rdo rje dang / yi ge krim mo/ /rdo rje bdug pa ma'i rdo rje dang yi ge AH'o/ /rdo rje me tog ma'i ni rin po che dang tra'o/ /rdo rje mar me ma'i ni pad+ma dang yi ge d+hi'o//rdo rje byug pa ma'i ni sna tshogs rdo rje dang yi ge baM mo/ /rdo rje lcags kyu ma'i ni rdo rje lcags kyu dang yi ge dzaH'o/ /rdo rje zhags pa ma'i ni rdo rje zhags pa dang yi ge hU~M ngo / /rdo rje lcags sgrog gi ni rdo rje lcags sgrog dang yi ge baM mo/ /rdo rje dril bu'i ni rdo rje dril bu dang yi ge hoH'o//rdo rje sems ma'i phyag rgya bzhi'i ngo bo ni lha mo sgeg mo'i gzugs can la thugs kar rdo rje dang yi ge hU~M ngo / /rdo rje rin chen ma ni phreng ba ma'i gzugs can te thugs kar rin po che dang yi ge trAM ngo / /rdo rje chos ma ni glu mkhan ma'i gzugs can te/thugs kar pad+ma dang yi ge hrIH'o/ /rdo rje las ma'i ni gar mkhan ma'i gzugs can te/ thugs kar sna tshogs rdo rje dang yi ge a ste/ phyag rgya de rnams kyang zla ba'i dkyil 'khor gyi steng du sna tshogs rdo rje'i nang du chud pa'i sa bon gyi yi ge bsam par shes par bya'o//de ltar so sor bsams la rim pa 'dis dam tshig gi phyag rgya bstan par bya'o/ /rnam par snang mdzad kyi dam tshig gi phyag rgya sngar bshad pa'i dam tshig rdo rje dbyings kyi dbang phyug ma'i phyag rgya bcings la/ oM badzra d+hA tu dzaHhU~M baM hoHbadzra dz+nyA na zhes brjod par bya'o//sems ma rdo rje la sogs pa ni dkyil 'khor chen po'i tshul gyis gnas pa med pas dam tshig gi phyag rgya dang las kyi phyag rgya dag med de/ de'i bdag po'i phyag rgya nyid bcings la sngags brjod par bya ste/ mi bskyod pa'i phyag rgya bcings pa'am sngar bshad pa'i gzungs kyi dkyil 'khor gyi sems ma rdo rje'i phyag rgya bcings la/hU~M satwa badzra dzaHhU~M baM hoHbadzra dz+nyA na zhes brjod par bya'o/ /rin chen 'byung ldan gyi phyag rgya'am/ rin chen sems ma'i phyag rgya bcings la/ tra rat+na badzri dzaHhU~M baM hoHbadzra dz+nyA na zhes brjod par bya'o//'od dpag tu med pa'am chos kyi sems ma'i phyag rgya bcings la/ hrIHd+harma badzri dzaHhU~M baM hoHbadzra dz+nyA na zhes brjod par bya'o/ /don yod par grub pa'am las kyi sems ma'i phyag rgya bcings la/ a karma badzri dzaHhU~M baM hoHbadzra dz+nyA na zhes brjod par bya'o//rdo rje bsdams pa bcings la mthe bo mnyam par byas te/ snying gar bzhag pa ni rdo rje sgeg mo'i phyag rgya ste 'di'i sngags ni hoHbadzra lA se dzaHhU~M baM hoHmo ha ra ti zhes bya'o/ /rdo rje bsdams pa bcings la dpral ba'i phyogs su bzhag la phye ste/me tog gi phreng ba 'ching ba ltar byed cing rang gi mgo bo'i rgyab tu mdud pa bor ba ni rdo rje phreng ba ma'i phyag rgya ste/ 'di'i sngags ni rat+na badzra ma le dzaHhU~M baM hoHrU pa sho pe zhes bya'o/ /rdo rje bsdams pa bcings la/sor mo thams cad gyen du bltas par byas te/ phan tshun bltas par bsgrengs pa ni rdo rje glu mkhan ma'i phyag rgya ste/ 'di'i sngags ni gAHbadzra gI ti dzaHhU~M baM hoH shrota sau khya zhes bya ba'o/ /de nas rtsib logs gnyis mnyam zhing rked pa dang mgrin pa bde blag tu gnas te/rdo rje bsdams pa bcings la de nas dal ba nyid du rdo rje bsdams pa snying gar dkrol ba lag pa gang dang gang du 'gro ba de dang der smin ma 'degs shing rol pa dang bcas pa'i lta bas bltas la/ dang por g.yon logs su rdo rje bsdams pa dgrol la lag pa g.yas pa mthe'u chung la sogs pa'i sor mo lag pa g.yon pa'i steng du lag pa'i mthil la mngon par phyogs par bkug nas/lag pa g.yon pa'i rgyab tu drangs la/ lag pa g.yon pa'i sor mo nyid kyang mthe'u chung la sogs pa nas lag pa'i mthil du bskum ste lag pa g.yas pa'i rgyab kyi cha nyid la lag pa g.yon pa'i rgyab sprad la g.yon logs su blta ba dang bcas par mgo cung zad btud la khu tshur gnyis cung zad mngon du phyogs pa las mdzub mo dang mthe'u chung legs par mngon du phyogs pa bzhag la/'og tu phyogs pa'i lag pa g.yon pa'i khu tshur gyi mdzub mo la sogs pa dang / steng na gnas pa'i lag pa g.yas pa'i mthe'u chung la sogs pa nas rim gyis sor mo rnams dgrol bar byas la lag pa gnyis blta ba dang bcas par bskor la rim gyis snying ga'i phyogs su bsdus te pad+ma lta bur bzhag la pad+ma bskor bar bya'o//de nas de nyid dgrol la g.yas par bya ba g.yon gyis byas la/ g.yon par bya ba g.yas kyis byas nas/ khu tshur gnyis g.yas logs su drangs te/ de bzhin du dgrol la snying ga'i phyogs su pad+ma byas la/de nas de nyid gyen du bteg la mthong ba'i spyod yul gyi bar du mig gis bltas la/ lta bas phyag byed cing spyi gtsug gi phyogs su gzhag par bya ba ni rdo rje gar mkhan gyi phyag rgya ste/ 'di'i sngags ni kriM badzra nri t+ya dzaHhU~M baM hoHsarba pU dze zhes bya ba'o//rdo rje bsdams pa bcings la bdug spos kyi rgyun 'byung ba ltar bya ba ni rdo rje bdug pa ma'i phyag rgya ste/ 'di'i sngags ni AHbadzra hUM pe dzaHhU~M baM hoHpra hA la dA ni zhes bya'o/ /rdo rje bsdams pa bcings la thal mos me tog 'thor ba'i tshul du byas la gyen du dgrol ba ni rdo rje me tog ma'i phyag rgya ste/'di'i sngags ni traHbadzra puSh+be dzaHhU~M baM hoHpha la ga me zhes bya ba'o/ /rdo rje bsdams pa bcings la mthe bo gnyis gshibs te bsgrengs la mnyam por byas nas gyen du bltas par mar me'i rtse ltar bzhag pa ni rdo rje mar me'i phyag rgya ste/'di'i sngags ni dIHbadzra A lo ke dzaHhU~M baM hoHsu de dzA gri zhes bya'o/ /rdo rje bsdams pa bcings la mdun du snying gar bkrol la byug pa'i tshul du bya ba ni rdo rje dri'i phyag rgya ste/ 'di'i sngags ni baM badzra gan+d+he dzaHhU~M baM hoHsu gan+d+h+raM gi zhes bya ba'o/ /rdo rje bsdams pa bcings la g.yas pa'i mdzub mo lcags kyur byas te 'gugs pa'i tshul du spyod pa ni rdo rje lcags kyu'i phyag rgya ste/'di nyid kyi sngags ni dzaHbadzra aM ku sha dzaHhU~M baM hoHA ya hi dzaHzhes bya ba'o/ /rdo rje bsdams pa bcings la mthe bo gnyis mdud par bya ba ni rdo rje zhags pa'i phyag rgya ste/'di nyid kyi sngags ni hU~M badzra pA sha dzaHhU~M baM hoHA ya hi hU~M hU~M zhes bya ba'o/ /rdo rje bsdams pa bcings la rang gi mthe bo dang / mdzub mo gnyis rtse sbyar te go cha'i gdu bu bzhin du byas la sbyar ba ni rdo rje lcags sgrog gi phyag rgya ste/ 'di'i sngags ni baM badzra s+pho Ta dzaHhU~M baM hoHhe s+pho Ta baM zhes bya ba'o//rdo rje bsdams pa bcings la mthe bo gnyis nang du bcug ste/ mdzub mo gnyis zlum por bkug la ji lta ba bzhin du btsir te bkrol ba'i bsam pas gzhag pa ni rdo rje dril bu'i phyag rgya ste/ 'di'i sngags ni hoHbadzra g+haN+Da dzaHhU~M baM hoHg+haN+Da a a zhes bya ba'o//de ltar dam tshig gi phyag rgya sngags dang bcas pas byin gyis brlabs la las kyi phyag rgya sngar bshad pa'i gsang sngags dang bcas pa nyid kyis phyag rgya bzhi'i dkyil 'khor ba'i lha rnams la nges par sbyar ba'o//de la las ni 'di dag yin te/ bcom ldan 'das ni byang chub mchog gi phyag rgyas sems can thams cad kyi de bzhin gshegs pa thams cad kyi sku dang gsung dang thugs rdo rje 'gro ba byin gyis brlabs nas/ sems can thams cad kyi skyabs mdzad pa rnam par dag pa nyid mdzad par bsam par bya'o//rdo rje sems ma ni rdo rje'i nang du chud pa sku mdog dkar ba de bzhin gshegs pa lnga'i cod pan can/ rgyan thams cad kyis rnam par brgyan pa/ bcom ldan 'das mi bskyod pa'i rdo rje rigs byin gyis brlab par mdzad pa gnas shing sa gnon gyi phyag rgyas bzhugs par bsam par bya'o//rin chen sems ma ni rin po che'i nang du chud pa sku mdog ser ba/ de bzhin gshegs pa lnga'i cod pan dang ldan pa/ rgyan thams cad kyis rnam par brgyan pa/ mtshan dang dpe byad thams cad kyang thun mong ste khyad par brjod par bya'o//bcom ldan 'das ni rgyan thams cad kyis brgyan pa/ bcom ldan 'das kyi dam tshig gi phyag rgya bdag la byin gyis rlob par bzhed pa/ mchog sbyin gyi phyag rgyas bzhugs par bsam mo/ /chos kyi sems ma ni pad+ma'i nang du chud pa/sku mdog dmar ba/ bcom ldan 'das kyi chos kyi phyag rgyas byin gyis brlab pa dang / chos kyi rigs kyi dbang bskur bar byed pa'i ting nge 'dzin mchog gi phyag rgyas bzhugs par bya'o/ /las kyi sems ma ni sna tshogs rdo rje'i nang du chud pa bcom ldan 'das kyi las kyi phyag rgyas byin gyis rlob par byed pa dang /las kyi rigs kyi dbang bskur ba stsol ba mi 'jigs pa sbyin pa'i phyag rgyas bzhugs par bsam par bya'o/ /rdo rje sgeg mo ni sku mdog dkar mo bcom ldan 'das la sgeg pa la sogs pas dga'i ba'i mchod pa byed pa/g.yon phyogs su cung zad 'dud par byed cing mngon par 'dod pa dang bcas pas lta bar byed par bsam mo/ /rdo rje phreng ba ma ni mdog ser mo rdo rjes mtshan pa'i me tog gi phreng ba phyag gi pad+ma gnyis kyis bsnams pa/ bcom ldan 'das rin po che'i dbang bskur ba ston pa bsam par bya'o//rdo rje glu mkhan ma ni sku mdog dmar mo rdo rjes mtshan pa'i pi wang thogs te de bzhin gshegs pa thams cad kyi chos kyi phung po ston par byed pa ste/ ji ltar pad+ma rab dmar ba/ /zhes bya ba la sogs pa de kho na nyid ston pa'i tshig gi de kho na nyid ston par bsam par bya'o//rdo rje gar mkhan ma ni sku mdog ljang gu me tog gi thal mo la sogs pa'i gar thabs kyis dga' ba'i yid 'phrog pa'i yan lag bskyod pa dang rjes su 'brel ba yan lag can dam tshig can dang /rjes su mtshon pa dang / sems dpa'i tshul gyis sgeg pa'i chags pa'i nyams dang ldan pas de bzhin gshegs pa'i gar gyi 'khor los 'jig rten gyi khams dpag tu med par gar mdzad pa/ de bzhin gshegs pa ma lus pa byang chub sems dpa'i 'khor gyi dkyil 'khor dang bcas pa la rab tu 'jug cing sgeg pa la sogs pa'i mchod pa'ang byed par bsam par bya'o//lha mo bdug pa ma ni ut+pal sngon po'i 'dab ma lta bu'i mdog can bdug spos kyi sprin rab tu 'dzin cing 'jig rten gyi khams thams cad kyi sangs rgyas dang byang chub sems dpa' rnams kyi thugs kyi de bzhin gshegs pa thams cad kyi ye shes bskul bar bya bar bsam par bya'o//rdo rje me tog ma ni sku mdog ser mo/ de bzhin gshegs pa thams cad kyi yon tan gyi me tog gis sangs rgyas dang byang chub sems dpa' thams cad la kun du 'thor bar byed par bsam par bya'o//rdo rje mar me ma ni sku mdog dmar mo phyag na mar me thogs te/ de nyid nas 'jig rten gyi khams dpag tu med par nyi ma dang zla ba'i dkyil 'khor dang /yid bzhin gyi nor bu'i 'od la sogs pa sangs rgyas kyi ye shes kyi ngo bo nyid kyis sangs rgyas dang byang chub sems dpa' dang bcas pa dang / nyan thos dang / rang rgyal ba dang / lha dang / klu thams cad dang / de las gzhan pa snod kyi 'jig rten dag kyang shin tu gsal bar gyur par bsam par bya'o//rdo rje dri ni mdog ljang gu de bzhin gshegs pa thams cad kyi tshul khrims dang / ting nge 'dzin dang / shes rab dang / rnam par grol ba'i ye shes mthong ba de bzhin gshegs pa rnams kyi dri chen po sems can thams cad la byug par byed par bsam par bya'o//rdo rje lcags kyu ni sku mdog dkar po/ de bzhin gshegs pa thams cad spyan 'dren par byed pa/ sems can thams cad mu stegs kyi lam las bzlog ste/ de bzhin gshegs pa'i ye shes la mngon par phyogs par sems 'dren par byed par bsam par bya'o//rdo rje zhags pa ni sku mdog ser po zhags pas de bzhin gshegs pa thams cad kyi dkyil 'khor du bzhugs te/ sems can thams cad kyang sangs rgyas kyi lam la 'dzud par bsam par bya'o//rdo rje lcags sgrog ni sku mdog dmar ba rdo rje lcags sgrog gis de bzhin gshegs pa thams cad byin gyis rlob par byed pa dang / sems can thams cad sangs rgyas kyi lam la 'jog par byed par bsam par bya'o/ /rdo rje dril bu ni sku mdog ljang gu snying rje dang shes rab kyi rang bzhin gyi rdo rje dril bus de bzhin gshegs pa thams cad yongs su mnyes par byed pa dang /sems can rnams kyang sangs rgyas kyi lam la gnas par byed par bsam par bya'o/ /de dag gi las kyi phyag rgya ni 'di dag yin te/rdo rje khu tshur gnyis bcings la g.yon pa'i mdzub mo bsgrengs la g.yas pa'i khu tshur gyi nang du bcug pa 'di ni byang chub mchog gi phyag rgya zhes bya ste/ 'di ni bcom ldan 'das kyi phrin las kyi ngo bo nyid do/ /rang gi snying gar sna tshogs rdo rje dang / bcom ldan 'das kyi thugs kar yang sna tshogs rdo rje bsams la/ lce'i dbus su yi ge hU~M las rdo rje rtse lnga pa bsgoms te/ las kyi phyag rgya bstan par bya zhing / sngar bstan pa'i sngags brjod par bya ste/ de bzhin du las kyi phyag rgya thams cad la yang shes par bya'o//rdo rje sems ma la sogs pa rnams kyis gzungs kyi dkyil 'khor du dam tshig gi phyag rgya med cing las kyi phyag rgya yang bstan pa med pas/ mi bskyod pa la sogs pa'i dam tshig gi phyag rgya dang / de bzhin du las kyi phyag rgya de dag kyang de dang tha mi dad par yin par shes par bya'o//rdo rje khu tshur gnyis bcings la g.yon pa'i rdo rje khu tshur brla g.yon pa'i rtsa bar bzhag la/ g.yas pa pus mo g.yas pa'i steng du brkyang nas lag pa thur du bltas pas sa la reg pa lta bur bzhag pa ni sa gnon gyi phyag rgya'o/ / phyag rgya 'di nyid bcings la/ lag pa g.yas pa gan rkyal du byas te/ lag pa g.yas pa la gnas pa'i yid bzhin gyi nor bu'i char 'bebs pas mchog stsol ba'i tshul du bzhag pa ni mchog sbyin gyi phyag rgya'o/ /rdo rje khu tshur gnyis pang par bzhag ste snyoms par zhugs pa bzhin du gnas pa ni ting nge 'dzin mchog gi phyag rgya'o//rdo rje khu tshur gnyis bcings la g.yon pa g.yon logs su snga ma bzhin du bzhag nas/ g.yas pa ba dan gyi lag pa'i tshul du bzhag la mi 'jigs sbyin pa ltar bdag dang nye bar 'jug pa ni mi 'jigs pa sbyin pa'i phyag rgya ste/'di dag ni rim pa ji lta ba bzhin du rdo rje sems ma la sogs pa'i phyag rgya'o/ /rdo rje khu tshur gnyis bcings la/ brla gnyis su bzhag ste g.yon phyogs su btud la sna tshogs rdo rje la sogs pa rnams kyang sngar bshad pa bzhin du bsam par bya'o//de bzhin du 'og ma rnams la yang mgo la phreng ba 'ching ba'i tshul du las kyi phyag rgya snga ma bzhin du shes par bya ste/ de rnams kyi dam tshig gi phyag rgya ni rdo rje bsdams pa las byung ba yin la/ 'di dag ni rdo rje khu tshur las byung ba yin pas na khyad par ni de dag yod do//de nas rim pa 'dis rdo rje bdug pa ma la sogs pa phyi rol gyi mchod pa rnams kyis yang dag par mchod cing dkyil 'khor gsang ba'i mchod pa rnams kyis kyang mchod par bya ste/ snying gar sna tshogs rdo rje bsams la de'i 'og tu rdo rje bdug pa ma la sogs pa'i sa bon gyi yi ge bsams la/ de spros pa las bdag nyid rdo rje bdug pa ma la sogs pa'i gzugs su yongs su gyur par bsams nas lag pas las kyi phyag rgya bcings te/ de'i dus su de nyid kyi sngags 'don cing 'khor ba thams cad du spros nas rdo rje bdug pa ma la sogs pa'i gzugs kyis sngar bshad pa'i las rnams byas nas mchod par bya'o//de na yang dag par bsdus nas bcom ldan 'das kyis dkyil 'khor gyi nang na gnas pa'i rdo rje bdug pa ma la sogs pa la gzhug cing bcing ba dang /dbang du byas te gzhag par bya'o/ /de bzhin du rdo rje gar mkhan ma'i bar thams cad kyis mchod par byas te/ rang gi sa bon gyi yi ge yongs su gyur pa'i sngon du song ba las rang gi lha'i gzugs su gyur te snga ma bzhin du gnas so//de nas bstod pas mchod par bya ste/ rdo rje sems dpa' bsdus pa na/ /rdo rje rin chen bla na med/ /rdo rje chos ni glu blangs pa/ /rdo rje las kun byed pa'o/ /zhes bya ba'i rkang pa re re dang gsang ba'i mchod pa'i dus su sgeg mo la sogs pa dang rim pa ji lta ba bzhin du rkang pa bzhi dang glu blangs par shes par bya'o//gzugs sogs 'dod pa'i bde ba dam pa'i thugs/ /bcom ldan khyod ni dga' bar bsdus pa ste/ /bdag la deng ni dga' bde kun mdzod cig /dam pa'i bdag nyid cho ga bzhin myur 'grub//de nas bsgom pa 'di dag byas nas/ de bzhin gshegs pa thams cad kyis byin gyis rlob par mdzad pa/ bsod nams kyi tshogs dpag tu med pa la rab tu 'jug pa'i glu chen po de bzhin gshegs pa thams cad byin gyis brlabs pa glu len cing bstod pas mchod par bya'o//rdo rje sgeg mo la sogs pa'ang rang gis bon las spro bar bya ste/ de bzhin gshegs pa thams cad kyis rig pa'i lha mo rnams kyi rang rang gi nga rgyal dang ldan pas rang dang rjes su mthun pa'i mchod pa la brtson pas 'gro ba ma lus par bkang la glu blang bar bya'o ji skad du/de nas de nyid dam pa yis/ /thar pa thams cad rmongs pa yi/ /rdo rje sems dpa'i bdag nyid la/ /glu 'di yis ni bskul bar bya/ /rjes su chags pa'i rnam mang dga' ba'i pad+mo yi/ /rnam par dag pa'i mchod pas gsal bar rjes su mchod byas pa//mchog tu rtag pa'i rnal 'byor bde bas bde ba grub par mdzod/ /kye ma'o mchog tu bde ba dam tshig ngo bo nyid/ /mchog tu bde ba'i shin tu rnal 'byor skal bzang mchog dgyes pa/ /rang gi dam tshig skyon med rtag la rol cig rol cig ho//kye ma'o mchog tu gsang ba'i bdag po rang gi dam tshig yin pa'i phyir/ /rab tu gsang ba'i lha mo mchog rnams so/ /'gro ba'i rgyud ni rnam pa sna tshogs gdul bar gsal bar mkhyen/ /dam tshig thams cad dngos po brtan g.yo kun gyi ngo bor gyur//rgyal ba kun gyi bdag nyid rnal 'byor bde ba mkha' 'gro sgyu ma ho/ /kye ma dam pa rtag pa'i dngos grub chen po rab tu bsgrubs la ston/ /dzaHhU~M baM hoHkye ma'o bde mchog bde ba drongs/ /rnam par sprul hU~M rnam par mdzod/ /a la la ho//de bzhin gshegs pa thams cad kyi/ mkha' 'gro sgyu ma sna tshogs kyis/ /slob ma gzhug tu gsol/ glu yi rgyal po 'di dag gis/ /rdo rje sems dpa' dpal la bstod/ /kun gyi sgyu ma bde ba'i mchog /ma lus lus pa med pa 'grub/ /glu 'di dag ni len pa na//dkyil 'khor dag ni thams cad du/ /sangs rgyas thams cad rnam 'phrul pa/ /ma lus lus pa med pa 'grub/ /rab tu dga' ba'i bdag la phyag 'tshal lo/ /de bzhin gshegs pa'i dam pa 'grub par mdzod/ /oM hU~M/ dam tshig dam pa 'grub par mdzad du gsol//mchod pa chen po thams cad 'grub par mdzod/ /oM hU~M/ mchod pa chen po thams cad 'grub par mdzod/ /glu yi phyag rgya 'di ni dpal/ /rdo rje sems dpa' la gnas te/ /mchod pa ma lus lus med pa'i//rab 'byams las la sbyar du rung / /gang dag 'grub par ma gyur dang / /mchod pa dag kyang mi 'byor pa/ /phyag rgya 'di yis mchod byas pa/ /mchod pa thams cad myur du 'grub/ /de nas dkyil 'khor 'di dag thams cad rang rang gi snying ga'i dam tshig gi phyag rgya la gzhug par bya'o//de nas rdo rje dbyings kyi dbang phyug ma'i phyag rgya bcings la/ AHbadzra d+hA tu dzaHhU~M baM hoHbadzra dz+nyA na zhes bya ba brgya rtsa brgyad brjod par bya'o/ /de nas rim pa 'dis grub pa'i dkyil 'khor phyung la gzhag par bya ste/ rnam par snang mdzad kyi spyi gtsug nas phyung ste snga ma bzhin du bzhag la/sngags brjod nas de'i mthar Di D+ha badzra tiSh+Tha zhes brjod la brtan par bya'o/ /oM badzra muSh+Ti baM zhes bya ba phyag rgya dang bcas pas kyang byin gyis brlab par bya'o/ /phyag rgya yang rdo rje dril bu dang 'dra bar thad kar btsir bar shes par bya'o//de ltar dkyil 'khor bzhag nas dbang bskur bar 'dod na/ dung gi nang du spos kyi chu sngar bshad pa'i gsang sngags brgya rtsa brgyad bzlas pa bzhag la rdo rje dbyings kyi dbang phyug ma dkyil 'khor du 'jug par bya'o//der spos chus phyag rgya bzhi'i lha rnams kyis byin gyis brlab pa'i dbang bskur ba yang blang bar bya zhing bcom ldan 'das 'khor dang bcas pa'i/ yang dag par rdzogs pa'i sangs rgyas kyi 'od zer pad+ma'i dra ba stong phrag gis dbang bskur bar gyur cing byin gyis brlab pa bdag nyid bsam par bya'o//de nas rgyud phyi ma'i rim pas dkyil 'khor gyi sgo'i phyogs gcig tu 'dug la bsgom par bya ba'am/ rdo rje bzlas pas bzlas brjod bya'o/ /de nas bsgom pa yang dag par bsdus la bcom ldan 'das rnam par snang mdzad kyi phyag rgya chen po de nyid du gzhug par bya'o//lha gzhan rnams ni rang gi dkyil 'khor gyi lha'i nang nyid du gzhug la/ de ltar gnyis su med pa'i sbyor ba tha mi dad par gyur nas rang gi lus byin gyis rlob par byed pa'i de bzhin gshegs pa rnams byin gyis rlob par mdzad pa'i phyir dang /gzi byin srung bar mdzad pa'i phyir dang / gzi byin bskyed par bya ba'i phyir dang / bskul bar bya ba'i phyir dang / rang gi lus nyid kyis mchog tu dga' ba'i bde ba bskyed par bya ba'i phyir yang dag par bsgom par bya ste/baM aM AH oM hU~M/ zhes bya ba 'di kha sbyar gyi sbyor bas bdag dang dkyil 'khor bsgom par bya'o/ /rgyud phyi ma las gsungs pa'i sangs rgyas nyid du bsgrub pa bshad par bya ste/ phyogs bcu'i 'jig rten gyi khams dpag tu med pa'i sa'i rdul phra rab kyi tshul nam mkha' dang rnam par shes pa la sogs par bsgom pa rnams kyi snang ba'i ngo bo nyid du bsams la/rang gi sa bon gyi yi ge spros pa las phyag rgya'i lha'i sku rang gi lha'i gzugs byin gyis brlabs nas/ yang rang gi lus kyi phyag rgya chen po la bcug la/ de'i bde ba'i reg pa nyams su myong ba'i rang gi sa bon gyi yi ge snying gar bzhag la byin gyis brlab par bya'o/ /de ltar ji srid lan gnyis lan gsum gyi bar du byas na 'di dag thams cad brtan par 'gyur te/ bag chags tsam du yang 'gro ba gzhan yin par bsam par mi bya'o/ /de ltar brlabs na rim gyis ting nge 'dzin dang / gzungs dang / so so yang dag par rig pa dang / rnam pa thar pa dang / sa dang / ye shes rim gyis 'byung ba la rtsom par 'gyur ro/ /de la ro myong bar gyur nas rim gyis sangs rgyas nyid thob par 'gyur ro//gal te de ltar mi 'dod na de'i tshe snying gar zla ba'i cha sa bon gyi yi ge las bskyed la de nyid brtan par bya'o/ /de nas byang chub kyi sems rdo rje dang / chos kyi phyag rgya dang / las kyi phyag rgya rnams snga ma snga ma brtan par byas la rim gyis bsgrub par bya'o//gal te rdo rje phra mo bsgoms pas sems nyid brtan par bya bar bsgrub par 'dod na/ de'i tshe dpal rdo rje 'byung ba'i rim pa'i man ngag gis rdo rje phra mo bskyed pa bslabs la bsgom par bya ste/ gzhan du na mig la sogs pa'i dbang po rnams rnam par g.yeng bar 'gyur ba byin gyis brlab par mi 'gyur zhing dngos grub 'grub par yang mi 'gyur ro//de ltar ji srid du rim pa 'di nyid kyis bsgoms na mtshams med pa lnga byed pa'am/ dam pa'i chos spong ba rnams kyang lo gcig gis sangs rgyas su 'grub par 'gyur ro//gzhan du na rdo rje slob dpon smod pa rnams ni ma yin no/ /gal te de kho na nyid gsang ba'i de kho na nyid sbas pa'i rim gyis myur du sangs rgyas nyid thob par 'dod na/ de'i tshe dpal rdo rje 'byung ba nyid lan mang du mnyam par byas la/ de nyid kyi tshig 'di dag legs par rtogs nas/ de nyid kyi rim pa nyid kyis sems so sor rtog pa la sogs pa'i rim pas bdag nyid bskyed la de las bshad pa'i bsgom pa nyid kyis sangs rgyas nyid bsgom par bya zhing / de las bshad pa'i sangs rgyas kyis dang / sangs rgyas kyi pha rol tu phyin pa dang /bcu gnyis pa rdo rje 'dzin pa'i sa bskyed par bya ba'i phyir bsgom pa'i rim pa de yang 'di nyid du shes par bya ste/ dang po kho nar rang gi lha'i rnal 'byor yang dag par rdzogs par gyur pa rjes su dran la/ 'dod pa'i rgyal po'i dam tshig gi phyag rgya lag pas bcings nas/Tak+ki hU~M dzaHzhes brjod la/ bcom ldan 'das spros nas srid pa gsum po ma lus par 'bar ba kun du bkang ste/ bdag nyid kyis gzugs kyi dkyil 'khor ba thams cad du 'jug pa'i 'jig rten gyi khams su yang dag par 'phro bar gyur cing /lag pa bzhi las lag pa'i dkyil 'khor gyis 'dod chags kyi mda' rna ba'i mthar thug gi bar du 'dren cing 'dzin pa dang / lag pa gzhan gyis rdo rje 'bar ba dang / rdo rje lcags kyu'i dril bu 'dzin cing smin ma 'degs par byed pa dang / dpral ba'i dbyes bsnyer bas rnam par 'phro zhing thugs rjes gnod mdzes lta bur g.yon brkyang ba'i gnas par byed pa dang /phun sum tshogs pa dang / rjes su mthun pa'i spyod pa rnams kyis drag po'i nyams phyi rol tu gsal bar byed cing sangs rgyas dang byang chub sems dpa' rnams kyi 'khor gyi dkyil 'khor dpag tu med pa rnams su phyogs bcur yang song ste/bskal pa grangs med pa gsum mam/ bdun gyi bar gyis gang pha rol tu phyin pa bcu dang / sa bcu yongs su thob par sbyang bar byas te/ sangs rgyas kyi rdo rje 'dzin pa'i sa rnams su de rnams kyi sems 'dod chags kyi mdas rab tu bsnun la rdo rje lcags kyus drangs nas/rdo rje dril bus mnyes par byas te/ spyan drangs nas mdun du yang dag par bzhag ste/ brtan par byas nas gnas par gyur par bsam par bya'o//de yang 'dod pa'i rgyal po'i gzugs kyi rang gi snying gar zhugs par bsam par bya'o/ /de nas rim gyi pha rol tu phyin pa dang / sa nas brtsams te/ grangs ji lta ba bzhin du 'og nas bshad pa'i sa bon rnams las sa dang pha rol tu phyin pa rnams bskyed la/rang gi phyag rgya bzhi la gzhug par bya zhing thim par gyur par bsam par bya ste/ de la dang po kho nar pha rol tu phyin pa dang po gcig tu gzhug par bya'o/ /de'i 'og tu sa dang po de'i 'og tu pha rol tu phyin pa gnyis pa/ de'i 'og tu sa gnyis pa ste/ de bzhin du bzhugs pa'i rim pa thams cad la yang shes par bya'o//de la pha rol tu phyin pa rnams ni rdo rje phreng ba ma'i gzugs kyis zhugs par bsam par bya'o/ /sa rnams kyang rdo rje sgeg mo'i gzugs kyis gzhug par bya'o zhes man ngag las bshad do/ /de nas de rnams bcug la thams cad kyi 'og tu rdo rje 'dzin pa'i sgeg mo la sogs pa'i rim gyis rdo rje dbyings kyi dbang phyug ma'i bar du ste/de dag kyang sangs rgyas lnga'i dbu rgyan la gnas pas dbang bskur ba byas la snga ma bzhin du byin gyis brlabs nas bzhugs par bsam par bya'o//de nas rdo rje rin chen gyi phyag rgya snying ga nas byung bas bdag nyid dbang bskur bar byas la snying po 'dis brtan par bya ste/ oM badzra rat+na a b+hi Shiny+tsa sarba mu draM mai tri D+hI ku ru ba ra ka ba tse na baM/ zhes bya'o/ /nyin re zhing yang sbyor ba 'dis bsgoms par gyur na/de bzhin gshegs pa thams cad rang nyid byon nas 'khor ba thams cad kyi bsod nams dang ye shes la dbang byed pa'i ngo bo nyid de bzhin gshegs pa thams cad kyis dbang bskur bar gyur pa ni rgyun mi 'chad pa dang mi 'jigs pa'i man ngag go//de nas de rnams kyi sa bon gyi yi ge rnams ni 'di dag yin te/ daM shaM k+ShaM baM d+haM praHoM hraM i eM aM ni pha rol tu phyin pa rnams kyi'o/ /thaM b+hUM b+h+raM b+h+raHb+h+ro b+h+ra b+h+ri b+h+rU b+h+riHb+h+ruM b+h+ruM/ zhes bya ba ni kun du bzang po'i mthar thug pa'i sa rnams kyi'o/ /hU~M trAM hrIHaM AM/zhes pa ni rdo rje sems ma nas rdo rje dbyings kyi dbang phyug ma'i mthar thug pa'i bar gyi ste/ de dag thams cad kyis bcu gnyis pa rdo rje 'dzin pa'i sa nyid shes par bya ste/ gang sangs rgyas thams cad dang mnyam par sbyor ba'i rgyud las kyang / sems dpa' sangs rgyas kun gyi dngos//rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /zhes bya ba la sogs pa gsungs pa'i phyir ro/ /lha'i khang pa nas langs pa na yang / phung po lnga rnams la de bzhin gshegs pa rnams byin gyis brlabs la ldang bar bya'o//langs nas kyang g.yon pa rdo rje khu tshur gos kyis g.yogs la/ bsgom pa'am bzlas pa bya zhing 'jig rten gyi tha snyad thams cad kyang mnyam par ma bzhag pa'i sbyor bas spyod lam rnam bzhir bya ste/ ji skad du dpal mchog dang po'i rgyud las kyang / 'greng ngam yang na 'dug kyang rung / /'chag gam ji ltar gnas pa dang / /dgod dam rab tu smra ba'am/ /gang dang gang yin ji lta bar/ /dang po rdo rje khu tshur bcing / /g.yon pa'i lag pa g.yogs nas ni/ / mnyam par ma bzhag sbyor ba yis/ /snying po don du bzlas pa bya/ /cho ga 'di ni 'dod pa bzhi'i sbyor ba la sogs pas bya ste/ khyad par gyi ye shes phul du byung bas thob pas ni lan cig mngon par 'dus byas nas bsgom pa rgyun mi 'chad pa'i sems kyis bya ba la nyes pa med do/ /thugs rje 'byung ba zhes bya ba bsgom pa dang bzlas pa'i cho ga slob dpon chen po ye shes rdo rje'i zhal snga nas mdzad pa rdzogs so// //rgya gar gyi mkhan po shrad+d+hA ka ra barma dang / zhu chen gyi lo tsA ba dge slong rin chen bzang pos bcos shing bsgyur te gtan la phab pa//