CLOSE WINDOW

D2520
བོད་ཡིག

/sems can kun la phan phyir dang / /bla med 'bras bu thob bya'i phyir/ /rin chen bzang pos bsgyur ba yin//[ ]@/ /dpal mchog dang po'i dkyil 'khor gyi cho ga bzhugs/ @##/ /dpal mchog dang po'i dkyil 'khor gyi cho ga zhes bya ba/dpal rdo rje sems dpa' la phyag 'tshal lo/ /sngon du bsnyen pa byas nas/ nyin re'am/ zla re'am/ lo re zhing rnal 'byor chen po nyid kyis dkyil 'khor chen po bri bar bya'o/ /de la dang po kho nar yo byad thams cad dang yang dag par ldan pas/mngon par 'dod pa'i sa'i dbus su mi rus kyi phye ma'i sbyin sreg dang mngon spyod kyi sbyin sreg gi cho gas dkyil 'khor gyi bgegs bzlog la/ bdag dang slob ma'i bgegs zhi bar byed pa'i sbyin sreg bya'o/ /de nas rdo rje gnod sbyin gyis sems can gdug pa can rnams bskrad la gnas bsrung bar bya ste/yang de nyid kyi sngags lan bdun bzlas pa'i nyungs kar dang chu dang thal ba rnams kyis gtor la/ sa'i phyogs der khru gang tsam mam/ 'dom gang tsam brkos la/ steng 'og bzlog la/ skra dang rus pa dang / zhog ma dang /thal ba la sogs pa bsal te/ dag cing dri zhim pa'i sas bkang la/ rdo rje rtse mo yongs su bzlas pa'i spos chus spang zhing 'thas par bcag par bya'o/ /shin tu mnyam pa'i sgo bzhi pa'i khang pa brtsegs pa'i nang du chud par rta babs bzhis mdzes par byas pa/sgo bzhi sgo glegs bzang pos bskor ba'i gnas su/ /slob ma shin tu mkhas pas shar phyogs nas brtsams te/ rdo rje gnod sbyin gyi sngags bzlas pa'i ba'i rnam lngas legs par byug cing de nyid yongs su bzlas pa'i spos chus bsang gtor bya ba dang / de nyid yongs su bzlas pa'i rin po che dang /'bru dang sman thams cad de'i dbus su gzhag par bya ste/ sa yongs su sbyang ba'i cho ga'o/ /de las yongs su sbyangs shing 'thas par bcags zin pa rdo rje gnod sbyin gyis bgegs bsal la/ nyungs kar dang / chu dang thal ba rnams la rdo rje gnod sbyin gyi sngags lan bdun bzlas pas mngon par gtor bar bya'o//de nas yang slob ma shin tu mkhas pas rdo rje gnod sbyin gyi sngags lan bdun bzlas pa'i ba'i rnam lngas legs par byug cing / spos chus kyang phyogs nger bsang gtor bya'o/ / de nas rin po che dang / 'bru sman thams cad la bzlas brjod lan bdun byas pas de'i dbus su gzhug par bya ste/ 'di yis 'dir sa sbyang ba'i cho ga'o/ /de nas yang slob ma shin tu mkhas pas sa'i shar phyogs nas brtsams te/ rdo rje gnod sbyin gyi sngags yongs su bzlas pa'i dris legs par byug par bya'o//de nas lugs ma dang / 'bur du brkos pa dang / ris su bris pa'i sangs rgyas dang byang chub sems dpa' rnams dang / dbang phyug che sogs phyag rgya yis/ /grub pa'i rdo rje cher bstod pas/ /rigs pa'i tshogs rnams kyis brgyan cing //tha mar mtshon gyi ra bas nye bar mdzes par bya ba dang / rgyal mtshan gyi dam pa dang / bla re'i mchog dril bu btags pa bre ba dang / me tog dang mar me dang / me tog gi chun 'phyang dang / dra ba dang dra ba phyed pa dang / zla ba phyed pa dang / zla ba rdo rje dang / rin po che dang / ba dan dang phreng ba rnams dang / sgo bzhi dang mtshams bzhir spos khang bzhag pa dang / rol mo dang / glu dang / gar rnams kyis yang dag par mchod nas/ sa la lag pa bzhag ste/ hU~M dang yi ge brgya pa lan bdun bzlas brjod bya'o//sa yongs su gzung ba'i cho ga'o/ /de nas dkyil 'khor gyi sa'i dbus su 'dug la/ bgegs gzhom pa la sogs pa ji lta ba bzhin du byas te/ dang po'i rdo rjes dkyil 'khor gyi yul la phyag bya ba la sogs pa sngon du 'gro bas sdom pa bzung nas lha'i rnal 'byor dang /gzhal yas khang dang / gdan rnams bskyed de/ dbus su sems dpa'i skyil mo krung gis 'dug la/ 'di ltar bdag nyid spro ba bskyed par bya ste/ deng du bdag tshe 'bras bu yod/ /bdag gi gson pa 'bras bur bcas/ /lha dang dam tshig gis mnyam par//gyur par bdag ni som nyi med/ /byang chub sems dang sems gcig las/ /mi ldog par ni bdag 'gyur te/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla na med//sangs rgyas thams cad spyan 'dren pas/ /deng bdag 'dus pa'i mchog yin no/ /de nas lus thams cad kyis phyag byas la/ bdug spos phul te sangs rgyas thams cad la gsol ba gdab par bya'o/ /ma lus phyogs na bzhugs pa yi/ /sangs rgyas thams cad dgongs su gsol//bdag ming 'di zhes bgyi ba yis/ /rdo rje can gyi dkyil 'khor bri/ /deng 'dir sangs rgyas kun gshegs te/ /dngos grub 'di ni stsal du gsol/ /zhes brjod de yan lag thams cad kyis phyag byas te/ dang po'i sbyor ba dang / dkyil 'khor gyi phyogs dang las kyi mchog ces bya ba'i ting nge 'dzin bsgoms la/snga ma bzhin du cho ga thams cad rjes su spyad de/ hU~M zlos pa la brtson zhing phyag rgya chen po bsgom par bya'o/ /de nas dkyil 'khor bri bar bya ba'i phyir/ /bdag nyid la de bzhin gshegs pa thams cad kyis gsol ba btab par gyur par bsams te/bcom ldan khyod la gsol ba ni/ /'dod chags chen po bde ba che/ /snying po 'di ni rtag pa nyid/ /bde chen myur du bsgrub par mdzod/ /ces bya bas gsol ba btab par bsam mo/ /de nas de las langs te/ de bzhin gshegs pa thams cad kyi zhabs la phyag 'tshal te/de bzhin gshegs pa thams cad kyis nam mkha' kun du gang bar bsams la/ bdag ni rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag nyid/ /rnal 'byor dbang phyug rgyal po bdag /phyag na rdo rje bstan bdag ste/ /bdag po rdo rje chen po bdag /byin gyis brlabs pa mi 'dor ro/ /hU~M zhes brjod par bya'o/ /mchog tu dam tshig gsum thob pa'i/ /slob dpon rang gi phyag rgya yis/ /rdo rje dril bu 'chang bya zhing / /'khor lo'i cho ga thams cad bya//rtog pa kun la snyoms 'jug pas/ /dkyil 'khor thams cad bsgrub par bya/ /dam tshig che gsum ces bya ba'i/ /rgya 'di gsang sngags sgrub byed pa'o/ /dngos grub kun gyi cho ga la/ /rdo rje dril bu rab bskul bas/ /cho ga lhag gam ma tshang na//'grub par 'gyur te smad mi bya/ /de nas dkyil 'khor thams cad mngon du byas la/ dang po'i rdo rje hU~M badzra u tiSh+Tha ma hA maN+Dal u tha pa la zhes brjod do/ /bar snang gi phyogs su dkyil 'khor bzhag la/ bdag nyid bdag po'i rdo rje de nyid hU~M gis byin gyis brlabs la/ yang phyag rgya chen po bsams te/ oM badzra tiSh+Tha ma Ta zhes bya ba mig gnyis su bkod de/ de bzhin du langs la phyag rgyas gnas pas thams cad du bltas te/ bsnyems pas hU~M 'don zhing song la rkang pa gnyis kyi 'og tu a las sna tshogs rdo rje bsams te/ rkang pa nas brtsams nas nam mkha'i khams ma lus pa dang mnyam par gnas pa'i sa'i cha rdo rjer gyur par lhag par mos par byas la/rdo rje'i lta bas kyang g.yon par bgegs bsal te/ bskor phyogs dang steng phyogs dang nam mkha'i phyogs thams cad du dkyil 'khor mtshams bcad pa dang /rab dang dra ba dag bya'o/ /de nas sgo dbye ba'i phyag rgyas sgo phye la/ rdo rje rgyu'i ngo bo zhal bzhi pa// phyag bzhi pa'i gsang ba'i gzugs can gyis dkyil 'khor phyag rgya dang / sngags 'di dang ldan pas dgug par bya'o/ /oM ma hA badzra maN+Da la hU~M dzaH rdo rje khu tshur gnyis las mthe bong dang mdzub mo rdo rjer bya ba ni dkyil 'khor thams cad dgug par byed pa rdo rje 'khor lo zhes bya ba'i phyag rgya'o//oM badzra tsakra a d+hi tiSh+Tha sid+d+haM hUM/ zhes bya ba'i phyag rgya 'di dang ldan pas dkyil 'khor yang byin gyis brlab par bya'o/ /rdo rje khu tshur gnyis 'khor lo bskor ba'i tshul du mgal me bskor ba ltar bya ba ni 'di'i phyag rgya'o//de nas seng ldeng gi rdo rje phur bu mtha' yas dang rnam par rgyal ba dang / sprin sgra dang gsus po che rgyal ba zhes bya ba dang / rim pa bzhin du steng gi 'khor los sgyur ba dang / rdo rje hUM mdzad dang /'phags pa 'jam dpal dang / gshin rje gshed dang / rdo rje chen po dang / rta mgrin lta bu la 'og rdo rje rtse gcig pa lta bur bskyed la tsan+dan dmar po byug cing / srad bu dmar po dang / me tog gi phreng ba dmar pos bcings la/ oM ko ta ya tri ya ta ma/ tsi ta tra ti ta ma Ta zhes bya ba brgya rtsa brgyad bzlas brjod byas te/ de g.yon pa'i rdo rje khu tshur gyis bzung la/ phyi'i dkyil 'khor gyi grwa bzhir dbang ldan gyi phyogs nas brtsams te/ rdo rje thal mos brdung bar bya'o/ /de nas rdo rje gnod sbyin gyis bgegs bsal la/ srung ba byas te de bzhin du rdo rje khu tshur gyis sgo bcad la rdo rje gnod sbyin gyi srung bas yang dag par bsrungs te/rdo rje gnod sbyin yongs su bzlas pa'i bum pa dkyil 'khor gyi skor bsang gtor bya ba'i phyir gzhag par bya'o/ /de nas spos chu la rdo rje gnod sbyin gyi bzlas pa de nyid 'don cing /spos chus dkyil 'khor gyis gzhi byug par bya'o/ /de nas lha thams cad kyi gnas su dri'i dkyil 'khor byas la/ lag pas bran la hU~M lan bdun de dag la bzlas la/ de rnams su dpal rdo rje sems dpa' la sogs pa nam mkha'i phyogs nas phab ste/hU~M nyid kyis bcug la mchod pa rnam pa lngas mchod do/ de nas phyi rol du gtor ma byin la/ rnam par rgyal ba'i bum pa ji skad du bshad pa'i mtshan nyid rnams dang ldan pa sman dang 'bru dang rin po che la sogs pa yang dag par ldan par byas la/ chu nyung zad blugs te rdo rje gnod sbyin dang /rdo rje me ltar rab tu 'bar ba dang / rdo rje sems dpa' la re re zhing yang lan brgya rtsa brgyad bzlas pa'i/ mchod yon bum pa'i steng du bzhag la/ rang gi dam tshig gi phyag rgyas bzung ba'i rdo rje dang / /me tog gi yal ga phreng ba re re zhing yang nyi ma gnyis pa la de dus gsum du bzlas brjod bya'o//de ltar bum pa'i bsnyen pa byas nas rdo rje gnod sbyin dang / rdo rje sems dpa' dang / sangs rgyas spyan gyi mar la sogs pa'i sbyin sreg re re zhing brgya rtsa brgyad byas te 'di ni lag par gnas pa'i sbyin sreg gi cho ga'o//de nas bcom ldan 'das la mtshan brgya rtsa brgyad kyis yang dag par bstod la/ mchod pa bcu gnyis kyis 'khor dang bcas pa yang dag par legs par mchod la snga ma bzhin du phyag byas nas mchod yon phul te/ slob ma lhag par gnas pa'i cho ga bya'o//de la dang por lag na me tog thogs pa'i slob mas slob dpon la phyag byas la 'di skad ces brjod par bya ste/ dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa'i tshul bstan pa/ /mgon po chen po bdag 'tshal lo//dam tshig de nyid stsal du gsol/ /byang chub sems kyang stsal du gsol/ /sangs rgyas chos dang dge 'dun te/ /skyabs gsum dag ni bdag la stsol/ /zla ba'i dkyil 'khor bskyed la/ de'i steng du hU~M las rdo rje rtse lnga pa bsams la/ lag pa g.yas pas rdo rje blangs te/su ra ta sa ma ya s+t+waM ho badzra sid+d+hi ya thA su khaM/ zhes bya ba'i snying pos de'i snying gar rdo rje gzhag par bya'o/ /de nas sdig pa bshags pa la sogs pa byed du gzhug par bya ste/ rtog pa ma lus legs par bsdus nas ni/ /shin tu bsam pa bzang por ldan pas nyon//brjed ngas blo la rdo rje sems stsogs pa'i/ /bde bar gshegs pa rnams kyis byin mi rlob/ /dbang med bdag gis mi dge bgyis pa dang / /rjes su yi rang yang na bgyid stsal gang / /de dag thams cad byang chub mchog gi ni/ /spyan sngar ma lus de dag so sor bshags//bde gshegs rnams kyi tshogs gnyis bsags pa dang / /sras rnams kyis ni zab cing mtha' med pa'i/ /'gro ba ma lus don rnams grub mdzad dang / /de las gzhan pa'ang bdag ni yi rang gi/ /thugs rjes gdung ba'i thabs dang ldan gyur cig /blo gros sdig med gti mug tshogs kun bcom/ /ma lus rigs kyi pad+ma'i nang bzhugs pa/ /bde bar gshegs pa rnams la skyabs su mchi/ /rab mchog blo yi kun dga' ra ba ste/ /dman pa 'jigs par byed pas 'khor lo'i tshul/ /srid pa'i 'byor pa zil gyis gnon pa'i phul//gsung mchog chos kyi mchog la skyabs su mchi/ /'dod chags la sogs dug gi sbrul bcom zhing / /blo gros rnam rgyas thugs rje chen po'i yid/ /brtul zhugs dbang po'i tshogs la skyabs gsol zhing / /srid dang bral ba rnams la bdag phyag 'tshal//rgyu yi rjes thogs bdag po'i yul nyid la/ /'bras bu'i nus pas dgra yi tshogs las rgyal/ /so sor rig dang snying rje'i rtsa ba mchog /byang chub yang dag rig pa bdag gis gzung / /sems can rnams ni yongs su smin phyir dang //bskyab pa'i phyir ram yang na bdag gi sems/ /yang dag nyid du dag par bya ba'i phyir/ /thams cad rtswa mchog nyid du ltos pa med par sbyin/ /de bzhin tshul khrims bzod dang brtson 'grus dang / /bsam gtan dang ni shes rab bla med pa/ /bdag dang gzhan rnams dag par bya phyir 'di//skad cig re re zhing yang bsgom par bgyi/ /bde gshegs sngags la rgya cher mkhas pa dang / /chos rgyal rtag tu lhun gyis grub pa ni/ /'gro 'di rnams kyis thob par bya ba'i phyir/ /'di na mkha' bzhin du ni gnas par bgyid/ /ces lan gsum brjod do//bdag gi dge ba'i rtsa ba yang dag par bsdus pa 'di/ bdag gis thams cad yongs su gtang bar bgyi'o/ /bdag gis sems can thams cad la mnyam pa'i sems bskyed par bgyi'o/ /bdag gis sems can thams cad la theg pa thams cad dang thabs kyi bye brag thams cad kyis btul nas/mi gnas pa'i mya ngan las 'das pa'i dbyings la rab tu gzhag par bya'o/ /bdag gis sems can thams cad yongs su mya ngan las 'das par gyur kyang / sems can 'ga' yang mya ngan 'das par gyur pa med do/ / zhes sems bskyed par bgyi'o/ /bdag gis chos thams cad la skye ba med pa nyid du rjes su rtogs par bgyi'o/ /bdag gis ma yengs pa'i sems dang thams cad mkhyen pa'i ye shes kyi sems kyi pha rol tu phyin pa drug la bslab par bgyi'o/ /bdag gis theg pa gcig gi tshul du gnas par yang rtogs par bgyi'o//bdag gis byang chub kyi phyogs kyi chos sum cu rtsa bdun la gnas pa so sor rtog pa'i phyir bslab par bgyi'o/ /bdag gis stobs bcu dang / mi 'jigs pa dang / so so yang dag par rig pa bzhi dang / sangs rgyas kyi chos ma 'dres pa rnams so sor rtogs par bya ba'i phyir mngon par brtson par bgyi'o//de bzhin du bdag gis sangs rgyas kyi chos tshad med pa ma lus pa la mngon par gnas shing bsgrub par bgyi'o/ /'di ni byang chub sems dpa' rnams kyis rdo rje lta bur byang chub chen por sems bskyed pa yin te/de bzhin gshegs pa thams cad kyi yab dang / de bzhin gshegs pa thams cad kyi bka' bzhin byed pa dang / de bzhin gshegs pa thams cad kyi sras kyi thu bo ste/ 'di nyid kyis bcom ldan 'das kun du bzang po'o/ /de ji lta ba bzhin du yang dag par byas pa'i dge ba'i stobs kyis bdag sems bskyed pa 'di la gnas pas bde ba mtha' yas pa la gnas pa'i kun du bzang po'i spyod pa zhes bya ba rdzogs pa la gdul bar bya ba'i skye bo'i tshogs ma lus pa la bde ba'i dbang phyug gi rab tu dbye ba mang po yang dag par bstan pas smin par bya zhing /rab tu dga' ba'i gzengs bstod pa la nges par sbyar bar bya'o/ /de nas dpal chen mos slob ma'i lag tu dri phyin pa dang / rab tu dag pas me tog /rab tu dga' bas bdug spos/ spyan gyis mar me sbyin zhing badzra ha sa zhes bya ba mngon par bzlas shing /phyag rgya mchog gis bsrung ba byas pa'i a shwa t+tha las byas pa dris bsgos shing me tog gis bcings pa'i so shing dang / badzra tI k+ShA zhes bya ba bzlas pa'i ku sha gsar pa slob ma la sbyin par bya'o/ /de nas dpung pa g.yon par mdud pa gsum dang ldan pa'i srung skud la oM badzra ra k+Sha haM zhes bya ba'i sngags 'di bzlas la bdag nyid kyis yang dag par bcing bar bya'o//de nas oM bud+d+ha mai tri badzra rak+Sha haM zhes bya ba mdud pa dang ldan pa'i sngags byams pa'i go chas go bskon par bya'o/ /de la phyag rgya ni 'di yin te/ rdo rje khu tshur gnyis bcings la//mdzub mo gnyis kyi mdud pa dang / /bdag gam gzhan la go bskon na/ /bdag po yi ni bsrung bar 'gyur/ /yang oM badzra satwa uSh+NI Sha hU~M phaT/ zhes bya ba slob ma'i spyi gtsug tu dgod do/ /de nas 'di'i phyag rgya bshad de/ rdo rje bsdams pa dam byas la/ / mthe bo bsnyams pa bcug nas su/ /mdzub mo rtse mo bkab pas ni/ /sems dpa'i gtsug tor zhes byar grags/ /de nas slob ma la 'di skad ces brjod par bya ste/ bzhin bzangs dag longs la de bzhin gshegs pa rnams la phyag gyis shig /nang par sems dpa' chen po'i grong khyer mthong bar 'gyur ro//slob ma lhag par gnas pa'i cho ga'o/ /de nas mchod pa byas la bdug spos gtul te/ bcom ldan 'das 'khor dang bcas pa nye bar snyan gsan dbab pa spyan drangs la bya'o/ /rdo rje sems dpa' bcom ldan 'das/ /rig sngags rgyal la phyag 'tshal lo//bdag ni brtse bar gyur nas su/ /slob ma rnams la brtse ba dang / /khyed rnams la yang mchod pa'i phyir/ /sang ni dkyil 'khor 'dri bar 'tshal/ /bcom ldan bdag ni gus pa la/ /de bas gnang ba mdzad par rigs/ /sangs rgyas 'jig rten mgon brtse bas//byang chub sems dpa'i dgra bcom dang / /gsang sngags lha gzhan gang lags dang / /'jig rten skyong ba'i lha rnams dang / /gang yang 'byung po mthu chen dang / /gang su lha yi spyan mnga' ba'i/ /sems can bstan la dga' ba rnams/ /bdag la dgongs par mdzad du gsol//bdag ming 'di zhes bgyi ba yis/ /sang ni dkyil 'khor bzang po'i ming / /'di zhes bgyi ba ci nus kyis/ /cho ga bzhin du 'dri lags na/ /bdag dang slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du//byin gyis brlab pa mdzad du gsol/ /zhes lan gsum brjod do/ /lha lhag par gnas pa'i cho ga'o/ /de nas bcom ldan 'das la phyag byas la/ /mtshan brgya rtsa brgyad pas bstod de/ mchod yon phul ba sngon du 'gro bas yang dag par mchod la phyag byas te/slob ma rnams la zab cing rgya che ba'i chos bshad pa byas nas/ slob ma'i tshogs dang bcas pa slob dpon gyi dkyil 'khor gyi sa'i mtha' logs su nyal bar bya'o/ /de nas skya rengs shar ba'i dus su khrus bya ba sngon du 'gro bas lha'i rnal 'byor byas la/ nyi ma shar ba'i dus su dkyil 'khor bri ba brtsam par byas te/de bzhin du dang po'i rdo rjer bskyed nas/ dang po kho nar srad bu tshon dmar po dang / ljang gu dang / sngon po dang / ser po dang / dkar po dri zhim pos so sor btso bar bya'o/ /de nas rim pa de nyid kyis bzhag la/ hrIHoM hU~M trAM a zhes bya ba'i sa bon gyi yi ge rnams las de bzhin gshegs pa 'od dpag med dang /don yod grub pa dang / mi bskyod pa dang / rin chen 'byung ldan dang / rnam par snang mdzad srad bu la rnam par bsams la/ de bzhin gshegs pa 'od dpag med la sogs pa rang rang gi phyogs na bzhugs pa rang gi sa bon gyi 'od zer srad bu rang rang gi thugs ka las yang dag par gtong bar bsam par bya'o//de nas de rnams 'bar ba'i lta ba dang / dza hri zhes bya ba mig gnyis su bkod la/ 'bar ba'i lta ba dang / lcags kyus bkug nas rang gi lag pa gnyis su bzhag la/rang gi lag par bzhag pa de rnams kyi phyi rol gyi srad bu la kun du gang bar bsams la bsgril bar bya ste/ a n+yo n+ya a nu ga ta sarba d+harmA s+pha ra s+pha ra a nu pra biSh+Ta sarba d+harmA hU~M/ a t+yan ta a nu pra biSh+Ti sarba d+harmA hU~M/ zhes brjod par bya'o/ /de nas dri bzang pos byugs pa'i gser la sogs pa'i snod du bzhag la/me tog gis gtor te yang dag par mchod la/ oM badzra sa ma ya sU tra mA ti kra ma hU~M/ zhes bya ba zlos shing rdo rje khu tshur gyis bzung la/ bzlas brjod brgya rtsa brgyad bya'o/ /de nas dkyil 'khor gyis dri zhim pos byug la/me tog gi sil ma gtor te/ nam mkha' la bzhugs pa'i bcom ldan 'das me tog la sogs pa dang / glu dang rol mo la sogs pas yang dag par mchod la/ mig g.yas g.yon du dza gnyis las nyi ma dang zla ba kha dog ser po bskyed de/ yid la hU~M 'don cing rnam par snang mdzad du bsgyur nas/badzra karma zhes brjod de/ rang gi snying ga las sgrub pa'i grogs mchog rdo rje las kyi gzugs su drangs la phyung ste/ hU~M zhes bya ba 'don cing yang rdo rje 'dzin pa chen por bdag nyid bsams la dri zhim po dang / yungs kar dang ldan pa'i tshon dkar po dang lhan cig bsgos te/srad bu de dang po'i rdo rje khu tshur gyis bzung la/ phyi nas ci bder bya ba dang / rim pa 'dis thig gdab par bya'o/ /de la dang po kho nar de bzhin gshegs pa thams cad la phyag bya ste/ yi ge dzas sgrub pa'i grogs mchog rdo rje las kyi gzugs can gyi lag tu gtad la/phyogs thams cad mnyam pa nyid du dmigs nas slob dpon nub tu gnas nas shar du bltas te/ tshangs pa'i thig gdab par bya'o/ /yang lho phyogs su gnas nas/ byang phyogs su bltas te/ tshangs pa'i thig gnyis pa gdab par bya'o/ /de nas shar lho'i mtshams su gnas nas byang du bltas te/phyi'i dkyil 'khor gyi shar phyogs kyi logs thig gdab par bya'o/ /de nas nub byang mtshams su gnas nas lho phyogs su kha bltas te/ nub phyogs kyi logs thig gdab par bya'o/ /de bzhin du gnas nas shar du kha bltas te byang phyogs kyi logs thig gdab par bya'o//yang shar lho mtshams kyi chal 'dug nas/ nub phyogs su bltas te lho phyogs kyi logs thig gdab par bya'o/ /de bzhin du khyams kyi thig dang / lha'i snam bu'i thig gdab par shes par bya'o/ /thams cad du slob dpon dang sgrub pa'i grogs mchog ni g.yas su bskor ba'i tshul gyis 'gro bar shes par bya'o//de nas shar lho'i mtshams su gnas nas/ nub byang mtshams kyi bar du srad bu brkyang ste thig gdab pa dang / yang lho nub mtshams su 'dug la byang shar mtshams su srad bu brkyang ste thig gdab par shes par bya'o//de nas sgo dang sgo khyud gdab ste/ de la thig gi sngags ni 'di yin te/ oM badzra su tra sa ma ya sU tra mA ti kra ma hU~M zhes bya'o/ /dza dza dza zhes bya ba'i dza gsum dang / sgrub pa'i grogs mchog gis srang bu drang bar bya'o/ /de la sgo thams cad dang sgo khyud ni brgyad char bya'o//sgo 'gram dang / kha khyer dang lha'i snam bu ni sgo'i phyed kyi tshad do/ /tshon sna lnga'i sa ni kha khyer gyi phyed kyi tshad do/ /rta babs ni sgo'i sum 'gyur du bya'o/ /phyi'i dkyil 'khor gyi phyed ni nang gi dkyil 'khor te/zur bzhi pa/ sgo bzhi pa/ ka ba brgyad dang / rta babs med par legs par thig gdab la/ dkyil 'khor gyi dbus su seng ldeng gi phur bu 'og rdo rje rtse gcig pa lta bu la/ steng rdo rje rtse lnga lta bur byas te/ hU~M las bskyed la/ oM badzra kI li kI li ya sarba bi g+h+nA baM hUM phaT/ces brgya rtsa brgyad bzlas te rdo rjes brdung bar bya'o/ /de la btags pa'i srad bus nang gi dkyil 'khor gyi phyi rol gyi rdo rje phreng ba'i thig gdab par bya'o/ /de la dkyil 'khor brgyad 'dra ba'i ka ba brgyad kyi thig cha mnyam par thig gdab par bya ste/ shar phyogs kyi phyi'i ka ba'i thig ni/lho phyogs kyi char 'dug la byang du bltas te thig gdab par bya'o/ /nub phyogs kyi cha'i ka ba'i thig ni byang phyogs kyi char gnas la lho phyogs su bltas te gdab bo/ /byang phyogs kyi cha'i ka ba'i thig ni nub phyogs su 'dug la shar gyi phyogs su bltas te gdab par bya ste/lho phyogs kyi cha'i ka ba'i thig ni shar phyogs kyi char 'dug la nub tu bltas te gdab bo/ /da ni lung las gsungs pa'i thig gdab pa'i cho ga bshad par bya ste/ de nas thig ni gdab bya ba/ /srad bu nyis 'gyur dag gis te//nam mkha' thams cad char 'gyur bas/ /tshad med pa ni tshad yin no/ /bzang po sangs rgyas kun gyi gnas/ /phyogs rnams thams cad mnyam pa nyid/ /shar dang nub dang byang dang lhor/ /thig bzhi btab pas dkyil 'khor brgyad//zur bzhi pa la sgo bzhi pa/ /khyams rnams kyis ni legs par bskor/ /rta babs bzhi dang yang dag ldan/ /'od zer 'bar bas 'khrigs pa yi/ /dkyil 'khor kun gyi grwa rnams dang / /sgo dang sgo khyud mtshams rnams su/ /zla ba phyed la rab gnas pa'i//rdo rje rin chen rnams kyis spras/ /mi mnyam med pas zur bzhi ste/ /dran dang dbang po sgo bzhi'o/ /bsam gtan rnams ni rta babs bzhi/ /ting 'dzin kha khyer shes par bya/ /kha khyer la brten rdo rje'i bdag /gzugs rnams lha mos mchod pa yin/ /rgyan rnams kun gyis dgram pa yang //bsam pa thams cad rdzogs byed pa'o/ /gdul bya spyod pa sna tshogs mchog /dar 'phan dril bu sgrogs pa yin/ /me long ye shes rtags me long / /byang chub yan lag me tog phreng / /dra ba dra phyed rin chen mchog /nyi ma zla ba yang dag ldan/ /kun grub mi zad bde ba ste//bde ba chen po zhes grags pa'o/ /phyi'i dkyil 'khor ro/ /de yi nang gi dkyil 'khor ni/ /dkyil 'khor brgyad pa dag dang mtshungs/ /rdo rje'i thig ni yongs btab pas/ /rdo rje 'khor lo zhes byar grags/ /byang chub sems ni theg pa che/ /rdo rje'i thig ni rab bskor bas//rdo rje'i thig ni yongs btab la/ /rdo rje 'khor lo yang dag bri/ /yang dag bris te kun gyi mchog /thar pa chen po'i rang bzhin 'gro/ /thog ma med cing mchog nyid pas/ /phyogs rnams thams cad mnyam pa yin/ /oM sum+b+ha ni sum+b+ha hU~M/ gr-ih+Na gr-ih+Na hU~M/gr-ih+NA pa ya gr-ih+NA pa ya hU~M/ A na ya ho/ /b+ha ga bAn badzra rA dza hU~M phaT ces brjod la/ dkyil 'khor lte ba la gnas pa'i phur bu phyung la/ 'og nas bshad pa'i tshon sna lngas phur bu'i kha bkang ste mnyam par bya'o/ /de nas mig gnyis su hrIHlas zla ba dang nyi ma bskyed la/khro bo'i lta bas kun du bltas te sgo rnams dbye'o/ /de nas tshon sbyangs pa bshad par bya ste/ oM tsi tra sa ma ye hU~M zhes bya bas/ phyag rgya 'di dang ldan pas tshon thams cad la lan bdun bzlas na/ rdo rje'i rang bzhin du 'gyur ro zhes bcom ldan 'das rdo rje 'chang chen pos gsungs so/ / de la phyag rgya ni 'di yin te/ rdo rje'i phyag rgya gnyis las ni/ /mdzub mo'i rtse mo mnyam sbyar bas/ /byas la tshon rtsi thams cad ni/ /'bar ba'i lta bas dgug par bya/ /hrIHzhes bya ba'i mthar khro bo ti rIn+ti ri'i phyag rgya bcings la sbrel bar bya'o/ /de la tshon rtsi dkar po la ni/ de bzhin gshegs pa dkar po'i phra rab rnams gzhug par bya'o/ /ser po la ni ser po'o/ /sngon po la ni sngon po'o/ /ljang gu la ni ljang gu'o/ /dmar po la ni dmar po bcug nas/ ji skad du bshad pa'i 'bar ba'i lta bas/ mngon par sbyangs pa'i dus su yang dang po'i rdo rje'i thog mar tshon dgye ba brtsam par bya'o//tshon thams cad dbang ldan gyi phyogs nas brtsams te bskor phyogs su hU~M zlos shing dgye la/ de'i 'og tu ji ltar dga' bas tshon dgye bar bya'o/ /de la tshon dgye ba'i rim pa ni 'di yin te/ dmar po dang / ljang gu dang / sngon po dang / ser po ste/dkar po ni thams cad kyi nang rol du'o/ /de ltar dkyil 'khor bris nas/ dkyil 'khor gyi lte bar sna tshogs pad+ma'i gdan la/ dpal rdo rje sems dpa' mtshan nyid sngar bshad pa lta bu'i lugs ma la sogs pa'i gzugs bkod la hU~M gis kyang bar snang gi phyogs nas spyan drangs nas/gzugs dang gcig tu bsre bar bya'o/ /de bzhin du thams cad la'ang shes par bya'o/ gang gi phyir lha thams cad kyi yang dgod pa'i snying po ni hU~M 'di nyid do/ /de la de'i mdun du rdo rje yid las byung ba sku mdog dmar skya/ de bzhin gshegs pa lnga'i cod pan can/g.yon pa'i rdo rje khu tshur gyis me tog can gyi gzhu bsnams pa/ phyag g.yas pa rdo rje rtse gcig pa'i mde'u can gyi mda' gsor ba la brtson pa'o/ /de'i g.yas logs su rdo rje kI li kI li sku mdog rdo rje yid las byung ba dang mthun pas/ rdo rje khu tshur bcings pa'i phyag gnyis kyis rang gi thugs ka'i phyogs su dang po'i rdo rje rtse lnga pa mdog dmar po bsnams nas 'khyud pa'i tshul du bzhugs pa'o//de'i rgyab tu rdo rje dran pa sku mdog dmar skya/ phyag g.yas na chu srin gyi rgyal mtshan bsnams pa phyag g.yon gyi ba dan la bsnyems pa dang bcas pas bzhugs pa'o//de'i g.yon logs su rdo rje bsnyems pa dang bcas pa'i gser btso ma lta bu'i mdog can/ rdo rje khu tshur gyis rdo rje rtse lnga pa gnyis bsnams te/ dku gnyis su bsnyems pa dang bcas pa dbu g.yon du cung zad 'dud la sgeg pa dang bcas pa'o//nang gi dkyil 'khor gyi de nyid kyi shar lho'i mtshams su rab tu dga' ba sku mdog rdo rje yid las byung ba dang mthun pa'o/ /lho nub mtshams su rab tu dga' ba sku mdog kI li kI li dang mthun pa'o/ /nub byang mtshams su spyan ma sku mdog rdo rje dran pa dang mthun pa'o//byang shar mtshams su dpal chen mo rdo rje bsnyems pa dang mthun pa'o/ /de dag kyang go rims ji lta ba bzhin du/ me tog gi za ma tog dang / spos khang dang / mar me'i sdong bu dang / dri'i dung chos rang gi spyi bo'i phyogs su thal mo kha phye bas 'dzin pa'o//rdo rje phreng ba'i phyi rol gyi nang du shar phyogs su bcom ldan 'das mi bskyod pa sku mdog dkar po rtse lnga pa bsnams pa sa gnon gyi phyag rgyas bzhugs pa'o/ /de'i g.yas phyogs su phyag na rdo rje dang dril bu bsnams shing g.yon bsnyems pa dang bcas pa'o/ /g.yon du 'jam dpal gzhon nur gyur pa nam mkha'i mdog can/gzhon nu'i cha lugs 'chang ba/ 'dzum pa dang bcas pa phyag bzhi ral gri bzhi de bzhin gshegs pa rnams la 'debs pa'o/ /rdo rje phreng ba'i nang gi lho phyogs su rin chen 'byung ldan bai DUr+ya sdo bsangs lta bu'i mdog can/rdo rje rin po che mchog sbyin pa'i phyag gis bsnams pa'o/ /de'i g.yas logs su byang chub sems dpa' nam mkha'i snying po sku mdog margad lta bu rang gi mgo la dbang bskur ba'i phreng ba rang nyid kyis 'ching ba zhal rnam par bzhad pa'o/ /g.yon logs su nam mkha' mdzod sku mdog sna tshogs pa/phyag na rdo rje dang / sna tshogs dril bu bsnams nas rdo rje bsnyems pa 'gying nas bzhugs pa zhal rnam par bzhad par mdzad pa'o/ /rdo rje phreng ba'i nang gi nub phyogs su 'od dpag tu med pa gser btso ma lta bu'i mdog can pad+ma bsnams pa chos kyi 'khor lo'i phyag rgyas chos ston par mdzad pa'o//de'i g.yas logs su 'jig rten dbang phyug sku mdog dmar skya/ g.yon bsnyems pas pad+ma'i sdong bu 'dzin pa phyag g.yas pas rang gi thugs kar pad+ma kha 'byed par mdzad pa'o/ /g.yon logs su sems bskyed ma thag tu chos kyi 'khor lo bskor ba gser gyi mdog can/phyag g.yon pa gdan la brten pa/ phyag g.yas pa'i gung mo'i rtse mor rdo rje 'khor lo rtsibs brgyad pa rang gi thugs ka'i phyogs su bskor ba'i tshul du bsnams pa zhal rnam par bzhad pas bzhugs pa'o//rdo rje phreng ba'i nang gi byang phyogs su don yod grub pa sku mdog sna tshogs pa mi 'jigs pa sbyin pa'i phyag rgyas sna tshogs rdo rje bsnams pa'o/ /de'i g.yas logs su rdo rje khu tshur gser gyi mdog can dam tshig gi khu tshur gyis rdo rje rtse lnga pa bsnams nas zhal rnam par bzhad nas bzhugs pa'o//de'i g.yas logs su rdo rje gnod sbyin sku mdog sngon po rdo rje mche ba rnam par gtsigs pa 'bar ba'i phreng ba kun du 'khrigs pa'i 'od mnga' ba 'jigs par mdzad pa/ ha ha zhes gsal bar bzhad pa'i zhal gyis bzhugs shing /rdo rje khu tshur gnyis kyis rdo rje mche ba'i mtshon cha bsnams nas zhal gyi grwa gnyis su 'jog par bzhugs pa'o/ /phyi'i dkyil 'khor gyi lha'i snam bu la shar lho mtshams kyi phyogs su rdo rje sgeg mo rdo rje yid las byung ba'i mdog can/ rdo rje khu tshur gnyis kyis rdo rje rtse lnga pa gnyis bsnams nas gnyis ka bsnyems par byas te dbu g.yon du 'dud pas phyag 'tshal ba'o//lho nub mtshams su rdo rje bzhad pa rdo rje kI li kI li dang mdog 'dra ba phyag g.yas na so'i phreng ba gnyis dang ldan pa'i rdo rje gnyis bsnams nas bzhad pa'i tshul du mdzad pa g.yon gyi gdan la brten te bzhugs pa'o//nub byang du rdo rje glu ma chen mo sku mdog rdo rje dran pa dang mthun pa/ rdo rje pi wang brdung ba la brtson par mdzad pa'o/ /byang shar mtshams su rdo rje gar ma rdo rje bsnyems pa dang mthun pa phyag gnyis kyis rtse gsum pa bsnams te gar mdzad pa'o//nang dang phyi rol du bcas pa'i shar gyi sgo gnyis su rdo rje gzugs sku mdog rdo rje yid las byung ba dang mthun pa/ phyag na me long bsnams pa'o/ /lho phyogs kyi sgo gnyis su rdo rje sgra sku mdog kI li kI la dang mthun pa/ byang phyogs kyi sgo gnyis su rdo rje ro sku mdog rdo rje bsnyems pa dang mthun pa/phyag na ro'i snod bsnams pa'o/ /de'i phyir 'di dag ni rdo rje lcags kyu la sogs pa nyid yin par 'dod de/ me long dang / pi wang dang / dri'i snod dang / ro'i snod ni gzugs la sogs pa'i phyag mtshan yin la/ rdo rje lcags kyu la sogs pa'i phyag mtshan no zhes rtsa ba'i rgyud las gsungs pa yin pas so//phyi'i dkyil 'khor gyi shar gyi khyams kyi nang du/ 'dod pa'i khams kyi dbang phyug dang / /tshangs pa dang / lha chen po dang / khyab 'jug dang / brgya byin chung ma dang bcas pa bri'o/ /lhor nyi ma dang / zla ba dang / sben pa dang /mig dmar ro/ /nub tu stobs kyi lha/ dpyid kyi lha/ rgyal ba/ rgyal ba nor sbyin/ rlung lha/ me lha/ lus ngan po rnams bri'o/ byang du 'phags pa dang / gshin rje tshogs kyi bdag po dang / chu lha la sogs pa rnams sngar bshad pa'i rim gyis chu lha'i mthar thug gi bar du chung ma dang bcas par 'phags pa de kho na nyid bsdus pa las gsungs pa'i phyag rgya chen pos bri bar bya'o//de la dpal rdo rje sems dpa' la sogs pa nas rdo rje gzugs kyi bar du ni sems dpa'i skyil mo krung gis bzhugs pa'o/ /rdo rje sems dpa' ni shar phyogs su gzigs nas bzhugs pa'o//lhag ma rnams ni rang gi bdag po la gzigs par bri bar bya'o/ /de ltar dkyil 'khor chen po bris nas phyi dro'i dus su mtshams la babs pa na/ dpal rdo rje hU~M mdzad kyi sbyor ba byas la khro bo ti rIn+ti ri bcings te/ badzra dang hU~M bzhi zlos shing dkyil 'khor chen por 'jug par bya'o//de nas bskor ba lan bdun byas la lhag pa dang ma tshang ba rnams kyi nyes pa zhi bar bya ba'i phyir/ rdo rje dril bu dkrol la dkyil 'khor la blta bar bya'o/ /de nas me tog gi phreng ba bcom ldan 'das la phul la/ gar bya ba'i tshul gyis blangs te/phreng bas dbang bskur ba'i sngags kyis rang gi mgo la bcings nas sgo dbye ba ji lta ba bzhin bya'o/ /de nas dpal rdo rje sems dpa'i rnal 'byor byas la/ su ra ta badzro haM zhes bya ba la sogs pa dang / gzhan yang rang gi ming brjod cing bcom ldan 'das rdo rje sems dpa'i phyag rgya chen po bcings te/hU~M a zhes bya ba dang / dpal rdo rje sems dpa'i dkyil 'khor gyi lte bar rang gi rdo rje'i gzugs su bsam par bya'o/ /de nas hU~M badzra haM zhes rdo rje'i nga rgyal du rnam par bsams la hU~M badzra s+t+wa hU~M zhes bya bas/ rdo rje de rdo rje sems dpa'i phyag rgya chen po'i ngo bo nyid du bdag nyid bsam par bya'o//de bzhin du rdo rje ro'i bar gyi phyag rgya chen po bcings la hU~M a zhes bya ba dang / rdo rje'i gzugs su ro'i snod bsam mo/ /de nas hU~M badzra ra sa b+ha dza no haM zhes bya ba dang / phyag rgya'i nga rgyal du bsams la/ hU~M badzra ra sa ro haM zhes bya bas phyag rgya'i gzugs de rdo rje ro'i phyag rgya chen po'i ngo bo nyid du bdag nyid bsam par bya'o/ /de nas rdo rje bsdu ba dang mtshan brgya rtsa brgyad kyis bstod pa de bzhin byas la/ rdo rje can gyi spyan sngar rdo rje sems dpa'i skyil mo krung gis 'dug la/ yongs su brtags pa'i dkyil 'khor der gsang ba'i lcags kyus bcom ldan 'das 'khor dang bcas pa spyan drangs la/de bzhin du rdo rje gnod sbyin gyis bgegs bskrad pa la sogs pa byas te/ rdo rje khu tshur gyis sgo bcad la/ rdo rje gnod sbyin gyis srung bas thams cad yang dag par bsrungs te/de bzhin du mchod yon phul nas dang po'i rdo rje bsgrub par bya'o/ /de nas de bzhin du lha thams cad kyi ljags la hU~M bsams nas/ dpal rdo rje sems dpa' la sogs pa nas/ chu lha'i mthar thug pa'i bar du las kyi phyag rgya dang / phyag rgya chen po nye bar bstan nas dbang bskur ba'i phyag rgya rnams kyis de rnams dbang bskur la mchod yon phul te/bum pa gang ba la sogs pas bcom ldan 'das 'khor dang bcas pa mchod par bya'o/ /dril bu mchog brtag rgyal mtshan dag /grwa rnams su ni gzhag par bya/ phyi yi mtshams kyi gnas su ni//bum pa yal gar bcas pas mdzes/ /phyag na rdo rje'i spyan sngar yang / /bum pa spos chus gang ba gzhag /gang zhig rdo rjer bcas pa la/ /nags kyi lcug mas bzlas pa brjod bya/ /'di skad ston par 'gyur te/ rtsa ba nag po ra ri med pa/ lto ba che ba/ mgrin pa mtho ba/mchu 'phyang ba/ byu ru dang / gser dang dngul dang / dung dang / mu tig dang / pad+ma rA ga ste/ rin po che thams cad dang / br-i ha ti dang / kaN+Da ka ri dang / ha sa dang / daN+Da ut+pal dang / a pa ra dzi ta dkar po ste sman thams cad dang / 'bras sA lu dang / nas dang / gro dang til dang ma sha ste 'bru thams cad dang /tsan+dan dkar po la sogs pa dang ldan pa'i chu dang / me tog dkar po dang / dri shin tu zhim pa rnams kyis yongs su bkang la/ phyi rol kun du dri zhim pos byugs te/ me tog gi phreng ba btags la/ rang gi lha'i phyag rgyas mtshan pa dang / mgul par ras tsam pa dkar pos dkris la/ 'bras bu dang lo ma bzang po dang ldan pa'i yal gas kha brgyan pa/ dang po'i rdo rjes yongs su bzung ba'i me tog gi lcug ma la brgya rtsa brgyad kyi bar du bzlas shid hU~M yang bzlas la/ phyi rol kun du lha re re zhing dbul bar bya ste/ de la dang por dpal rdo rje sems dpa'i mdun du gcig dbul bar bya'o//yang bum pa gcig 'jug pa'i sgor mngon du phyogs par gzhag go/ /de ltar bum pa phul nas bum pa gang ba yang so sor dbul bar bya'o/ /de ltar 'byor bar ma gyur na bcom ldan 'das la bum pa gcig / lhag ma rnams la bum pa bcu dang / bum pa gang ba yang dbul bar bya ste/ bcu las ni nyung bar mi bya'o zhes gsungs pa'i phyir ro/ /de ltar bum pa rnams dang / bum pa gang ba yang phul nas/ ras zung 'bum mam/ khri'am/ stong phrag gcig gam/ lha re re zhing re re rdo rje rin po che dang hU~M gnyis bzlas la dbul ba dang /bla re rgyal mtshan dang / ba dan sna tshogs pa rnams kyang bcom ldan 'das 'khor dang bcas pa rnams la dbul bar bya'o/ /me tog gi shing brgya'am/ bzhi'am/ me tog thams cad sngar bshad pa'i me tog gi rig sngags kyis dbul ba dang /dri thams cad kyang dri'i rig sngags kyis dbul ba dang / ga pur dang / a ga ru dang / tu ru ska dang / tsan+dan la sogs pa bdug pa rnams ni bdug pa'i rigs so/ /kha zas rob rgyal sogs pa ni a kA ro zhes bya ba la sogs pas so/ /mar me la sogs pa ni mar me'i rig sngags mngon par bzlas la/badzra s+pha ra Na khaM zhes brjod la bcom ldan 'das 'khor dang bcas pa la dbul bar bya'o/ /ma 'byor na bcu las nyung bar mi bya'o/ /mar me'i sdong bu dang bcas pa'i snod chen po stong gzhag par bya ste/ tha na mar me'i snod chen po bzhi mar me'i rig sngags nyid bzlas la dbul bar bya'o//rol mo brgya stong ngam rol mo sil snyan hU~M gis rol mo'i phyag rgya dang ldan pas bzlas la dbul te/ rdo rje khu tshur gnyis kyi lag pa'i sor mo rnams kyis rol mo brdung ba rnam pa bcu po 'di lta ste/ pi wang dang / gling bu dang /rnga dang / mu kun+da dang / cha lang dang / rnga bo che dang / rdza rnga dang / rnga rings dang / kun dza dang / ti mi li brdung ba'i tshul du byed pa'o/ /phyi rol gyi gar la sogs pa yang hU~M nyid kyis dbul bar bya'o/ /dar dpyangs 'phyang ba dang / me tog gi chun po dang / rnga yab kyis rnam par brgyan pa dang /dra ba dang / dra ba phyed pas spras pa dang / zla ba phyed pa dang bcas pas nye bar mdzes par byas pa dang / rta dang / glang po che dang / ba glang gi khyu mchog shin tu brtags pa rnams kyang dbul bar bya'o/ /rta babs yid du 'ong ba dril bu la sogs pa dang bcas pa yang dbul bar bya'o//de nas rdo rje mtshon cha ma la sogs pa las kyi phyag rgya rnam pa bcu gnyis 'og nas bshad pa'i mtshan nyid dang ldan pas bcom ldan 'das 'khor dang bcas pa yang dag par mchod la/ oM gyis rin po che sna bdun dang / / dpag bsam gyi shing dang / kha zas ro brgya dang glu dang gar la sogs pa'i sprin rnams sprul la/ dpral ba'i phyogs su thal mo khong stong du sbyar la/ oM sarba bid pU ra a brta ya a brta ya ho/ /zhes bya bas de rnams dbul bar bya'o/ /de nas oM a kA ro mu khaM sarba d+harma NAM/ A d+ya nut+pan+na twA ta/ces pas mngon par bzlas la/ 'di nyid brjod cing phyi rol du gtor ma sbyin par bya'o/ /de nas rdo rje me ltar rab tu 'bar ba dang / rdo rje gnod sbyin dang / rdo rje spyan la sogs pas sbyin sreg byas la dpal rdo rje sems dpa'i dkyil 'khor gyi tshul gyis thab kyi dbus su me tog gis bzhugs su gsol lo//hU~M zlos shing mar la sogs pa'i rdzas la sbyin sreg brgya rtsa brgyad dbul bar bya'o/ /de nas rdo rje yid las byung ba la sogs pa nas/ rdo rje ro'i bar/ a hU~M zlos shing re re la sbyin sreg bdun bdun dbul bar bya'o/ /de nas phyag 'tshal ba la sogs pa sngon du 'gro bas sdom pa bzung la/oM sarba yo ga tsit+ta u t+pA da yA mi zhes bya bas byang chub chen po'i sems bskyed la/ g.yas pa'i rdo rje khu tshur gyis dang po'i rdo rje blangs nas/ rang gi snying gar legs par bzhag ste/ hU~M zhes bya bas rdo rje bskyed la/ 'di skad ces brjod par bya ste/su ra ta sa ma ya s+t+wa~M ho/ badzra sid+d+ha ya thA su khaM/ de nas sgor bzhag pa'i bum pa'i chus bdag nyid la dbang bskur la/ ras dmar po'i gos zung gon zhing me tog phreng ba btags pa dang / gdong dri zhim pos byugs la/ ji skad du bshad pa'i gar las byung ba'i rdo rje thal mo bcings nas de dang me tog blangs te/de snying ga'i phyogs su bskor nas bzhag la/ badzra badzra hU~M zhes bya bas zlos shing slob dpon 'jug par bya'o/ /shar phyogs kyi sgor badzra aM ku sha dzaHzhes brjod la rdo rje lcags kyus bdag nyid dgug par bya'o/ /yang lho phyogs kyi sgor dkyil 'khor chen po der de bzhin du 'jug par bya ste/badzra pA sha hU~M zhes brjod la/ rdo rje bsdams pa las zhags pas bdag nyid gzhug par bya'o/ /de nas nub phyogs kyi sgor de bzhin du bdag nyid zhugs la/ badzra s+pho Ta baM zhes bya bas rdo rje lcags sgrog bcings te bdag nyid bcing bar bya'o//yang byang phyogs kyi sgor zhugs la badzra A be sha aHzhes bya bas bdag nyid dbang du bya'o/ /yang shar phyogs kyi sgor zhugs la/ ma hA ra ta su Di D+ha su to Sh+ya su bo Sh+yo badzra s+t+wa a d+h+ya si d+h+ya maM zhes brjod de/ rdo rje gar las byung ba'i bcom ldan 'das kyi phyag rgya chen po bcings la phyag bya'o//de skad zhugs nas mgon la phyag byas te/ g.yon pa'i rdo rje mig dang ni/ /g.yon bsnyems 'dzum pa'i mchog gi ni/ /rol pa'i mig ni btsum par bya/ /zhes gsungs pa'i phyir ro/ /oM pa ra ma su khaM a sha ya/ su la li ta bi la s+ya na mi ta ta mi to ta/ b+ha ga bAn tam dzaHhUM baM hoHhi hi hi hi hi hi pra tIts+tsha ku su ma any+tsa linA tha zhes bya ba ni phyag 'tshal ba'i rig sngags so//yang gzhug pa'i phyag rgya bcings la/ dkyil 'khor la lan gsum bskor ba bya'o/ /de nas yang mdun du 'dug la de kho na nyid 'di lan cig brjod par bya ste/ 'dod chags chen po bde ba che//rdo rje chos ni nor che zhing / /ye shes chen po las che ba/ /rdo rje sems dpa' deng bdag 'grub/ /dzaH hU~M paM hoHpra sid+d+ha maM/ de nas rdo rje chu 'thungs la/ /as bdag nyid la dbab par byas te/ a/ yang g.yon pa'i rdo rje khu tshur gyis rdo rje sems ma bdag nyid la dbab par bya ste/oM a zhes bya ba lan brgya rtsa brgyad bzlas la/ bcom ldan 'das rdo rje sems dpas bdag nyid kun du gang bar bsam mo/ /de nas hU~M gis me tog gi phreng ba dor la/ de slar blangs te rang gi mgo la de nyid bcing bar bya'o/ /de nas de nyid kyi gdong g.yogs bkrol la/de nyid zlos shing rdo rje sems dpa' nas brtsams te/ rdo rje gzugs kyi bar gyis dkyil 'khor blta bar bya'o/ /tiSh+Tha badzra zhes bya ba la sogs pa gzhug pa'i phyag rgya snying gar dgrol bar bya'o/ /de nas bcom ldan 'das kyi phyag rgya chen po bcing bar bya'o/ /bcom ldan 'das la rdo rje'i lta bas blta zhing /ji srid bcom ldan 'das kyi mthong ba snang nas dngos grub thams cad stsol ba de srid kyi bar du bzlas par bya'o/ /de nas rdo rje thal mo bskor la 'dug /shis pa brjod pa'i tshul gyis bdag nyid snying gar bzhag la/ mtshan brgya rtsa brgyad la sogs pa'i bstod pa byas la/ 'dod chags rdo rje la sogs pa/ gsang ba'i mchod pa bzhis bcom ldan 'das yang dag par mchod de/ glu dang rol mo la sogs pas kyang mchod la/ yang bcom ldan 'das kyi phyag rgya chen po bcings te/ bcom ldan 'das la rdo rje'i lta bas bltas nas rdo rje thal mos bskor bas bcom ldan 'das la phyag bya'o//phyag byas nas kyang / me tog la sogs pa'i dbang bskur ba blang bar bya ste/ de yang dang po kho nar dang po rdo rjes bzung ba'i me tog gi yal ga las rnam par rgyal ba'i bum pa la sngags 'di bzlas brjod nyi shu rtsa gcig bya ste/oM ma hA su kha badzra a mo g+ha sa ma yo da ka sid+d+ha a b+hi Shiny+tsa/ sarba su kha so ma na s+ya ni a ni a da da ku ru ku ru dzaHhU~M baM hoHde nas rdo rje sems dpar bdag nyid byin gyis brlabs la/ dam tshig gi phyag rgyas rang gi rnal 'byor chen po las bshad pa'i gnas rnams su lha thams cad dgod par bya ste/phyi rol gyi dkyil 'khor gyi nang du sna tshogs pad+ma'i steng du phyag rgya chen pos 'dug la/ me tog la sogs pas bdag nyid yang dag par mchod de/ mchod yon blangs nas dpal rdo rje sems dpa'i sku gzugs rang gi mgo la bzhag ste/mtshan brgya rtsa brgyad pas bstod la/ rdo rje khu tshur gyis rnam par rgyal ba'i bum pa blangs la/ oM badzra a b+hiShiny+tsa hU~M zhes brjod de/ des bdag nyid dbang bskur bar bya zhing chu de btung bar bya'o/ /oM ma hA su kha badzra satwa dzaHhUM baM hoHsu ra ta s+t+waM zhes bya bas/thog mar rdo rje rang gi mgo la bcings te/ bzlas brjod brgya rtsa brgyad bya'o/ /de nas sngar bshad pa'i phyag rnams ni dbang bskur thams cad yang dag par blangs te/ lugs ma'am/ brkos ma'am/ bris pa'am/ byas pa'i sangs rgyas kyi phreng ba la sogs pa dang ldan pa'i cod pan rdo rje rin po che'i sngags dang /phreng ba'i dbang bskur ba'i sngags bzlas pas bdag nyid la dbang bskur bar bya'o/ /de nas rdo rje dang / bdag po dang / ming gi dbang bskur blangs la/ dngos grub kyi brtul zhugs blang bar bya'o/ /de nas me tog la sogs pa dang /phyag rgya'i mchod pa bcu gnyis kyis bdag nyid mchod par bya'o/ /de nas de kho na nyid kyis bzung la/ chos kyi dril bu dkrol bar bya zhing / dam tshig gi phyag rgya chen por byin gyis brlabs la/ hU~M zhes bya ba brjod par bya'o/ /de nas bcom ldan 'das la phyag byas la sngags bzung ste/ tshigs su bcad pa lngas rjes su gnad pa dang / gzengs bstod pa dang / lung bstan pa blang bar bya'o/ /bdag la byin gyis brlab par bya ste/ ji ltar 'dod pa'i cho gas bcom ldan 'das rab tu bsgrubs la phyir dbyung bar bya'o/ /slob dpon gyi las kyi cho ga rgyas pa rdzogs so// // de nas sngar bshad pa'i cho gnyid kyis slob ma gzhug par bya ste/ slob dpon gyis lnga po bcas pa 'di nyid bcings la/ slar yang gzhug ste/ cho ga thams cad rjes su spyad nas/ bcom ldan 'das la phyag byas nas/ 'di skad ces brjod par bya ste/ khyod sngon khyim la dga' ba yis//srid pa'i dge ba dag pa'i phyir/ /'dod pa kun gyi dngos grub ces/ /'gro ba kun kyang grub par gyis/ /de nas bcom ldan 'das la mchod pa thams cad yang dag par mchod de/ slob ma gzhug par bya'o/ /de la bslab pa'i gzhi lnga blangs pa'am/ dge slong ngam/dge slong gi bslab pa yongs su bzung bas sdom pa bzung la/ des slob dpon la phyag byas nas 'di skad ces brjod par bya ste/ dga' chen khyod bdag ston pa bas/ /slob dpon khyod ni dgongs su gsol/ /byang chub sems ni tshul bstan pa/ /mgon po chen po bdag 'tshal lo//dam tshig de nyid bdag la gsol/ /sdom pa rnams kyang stsal du gsol/ /de nas rdo rje gnod sbyin yongs su bzlas pa'i ras dmar po bzang po gcig gis smad g.yogs bya/ /gcig gis stod g.yogs byas la/ yang rdo rje lcags kyu dang / zhags pa dang /lcags sgrog dang / rdo rje 'bebs pa'i gdong g.yogs la yongs su bzlas la des slob ma gdong g.yogs pa dang / me tog gi phreng ba gdags shing / gdong dri zhim pos byugs la/ phyag bzhi byed du gzhug go/ /yang lag na me tog thogs pa nyid kyis sdig pa bshags pa dang /rjes su yi rang ba bskul ba dang / gsol ba gdab pa byas nas/ slob mas 'di skad brjod par bya ste/ thub pa nyi ma ma lus pa/ /sangs rgyas rnams ni bdag la dgongs/ /bdag ming 'di zhes bya ba yis/ /slob dpon dpang du gnas pa la/ /sangs rgyas rol mo las byung ba//mi ldog pa yi 'khor lo sbyor/ /thar pa chen po'i grong khyer che/ /gsang ba chen por 'jug par bgyi/ /gsang ba thams cad bsdus pa ni/ /slob dpon chen po bdag 'jug mdzod/ /mi ldog pa yi dbang bskur ba/ /skal ba chen po bdag la stsol//mtshan rnams kun gyis rgyab btab cing / /dpe byad rnams dang yang dag ldan/ /sangs rgyas sku ni yid 'ong ba/ /slob dpon chen po bdag la stsol/ /dbang bskur chen po rmad byung ba/ /sems can kun gyi don gyi phyir/ /bdag ni rtag tu slob dpon 'gyur/ / slob dpon chen po bdag la stsol/ /de nas slob dpon gyis dkyil 'khor gyi lha thams cad la gsol ba gdab par bya ste/ che ge zhes pa 'di nyid ni/ /byang chub sems ni yongs 'dzin pa/ /dam tshig mchog dang gsang ba 'di/ /'khor lo 'di ni 'jug par 'tshal/ /de nas slob dpon gyis 'di skad brjod par bya ste/bdag nyid chen po khyod/ gsang ba chen po'i rigs dag pa/ /shin tu sbas pa yongs su 'dzin par 'dod dam zhes dri bar bya'o/ /des kyang bdag 'tshal zhes brjod par bya'o/ /de nas yang slob dpon gyis 'di skad ces brjod par bya'o/ /sangs rgyas chos dang dge 'dun te//dkon mchog gsum la skyabs su song / /'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu phyag rgya yang / /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes grags so//slob dpon khyod kyis gzung bar bya/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par grags/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams//sbyin pa rnam bzhi rtag tu sbyin/ /phyi nang gsang ba'i theg pa gsum/ /dam chos khyod kyis gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi//mchod pa'i las kyang ci nus bya/ /gzhan yang bcu bzhi 'di dag ni/ /phas pham par ni yang dag bshad/ /spang zhing dor bar mi bya ste/ /rtsa ba'i ltung bar shes par bya/ /nyin dang mtshan mo lan gsum du/ /nyin re zhing ni bzlas par bya/ /gang tshe nyams na rnal 'byor ba//kha na ma tho chen por 'gyur/ /khyod kyis srog chags gsad mi bya/ /ma byin par yang mi blang ngo / /'dod la log par ma spyad cig /brdzun du smra bar mi bya'o/ /phung khrol kun gyi rtsa ba ni/ /chang ni rab tu spang bar bya/ /sems can 'dul phyir ma gtogs pa//bya ba ma yin thams cad spangs/ /dam pa nye bar brten bya zhing / /rnal 'byor pa rnams bsnyen bkur bya/ /lus kyi las ni rnam gsum dang / /ngag gi rnam pa bzhi dag dang / /yid kyi rnam pa gsum dag ni/ /ci nus par ni rjes su skyong / /theg pa dman pa 'don mi bya//sems can don la rgyab phyogs min/ /'khor ba dag kyang yongs mi spong / /rtag tu mya ngan 'das mi chags/ /lha dang lha min gsang ba pa/ /khyod kyis brnyas par mi bya zhing / /phyag rgya bzhon pa mtshon cha dang / /mtshan ma 'gong bar mi bya'o/ /'di dag dam tshig yin par bshad//khyod kyis rtag tu bsrung bar bya/ /des kyang 'di skad brjod par bya'o/ /slob dpon 'di ni bdag la gson/ /gtso bos ji skad bka' stsal ba/ /de ltar bdag ni bgyid par 'tshal/ /ji ltar dus gsum mgon po rnams/ /zhes pa nas brtsams te/ sems can mya ngan 'das la dgod/ /ces bya ba'i bar du brjod par bya'o/ /de nas de la oM sarba yo ga tsit+ta ut+pa da yA mi/ zhes bya bas byang chub sems bskyed du bcug la/ de'i snying gar de bzhin du/ /rdo rje bskyed nas/ rdo rje sems dpar byin gyis brlab pa 'di skad ces brjod par bya'o//deng khyod la bcom ldan 'das kyis byin gyis brlab par 'gyur gyis/ deng khyod kyis de bzhin gshegs pa thams cad kyi gsang ba'i dkyil 'khor ma mthong ba rnams la smra bar ma byed cig /dad pa med pa rnams la smra bar yang ma yin no/ /de nas lnga po bsdus pa'i phyag rgya bcings la/'di skad ces brjod par bya'o/ /'di ni dam tshig rtsa ba ste/ /sangs rgyas thams cad rab bsgrubs pas/ /gal te dkyil 'khor ma mthong smras/ /rigs rnams thams cad de brlag 'gyur/ /oM ma hA su kha ha na sa ma ya a ti kri mi NaM su ra s+t+waM/ de nas yon gyi mchog blangs la/sgor bzhag pa'i bum pa'i chus dbang bskur nas/ dang po rang nyid gzhug pa'i cho gas gzhug par bya'o/ /zhugs nas 'di skad ces brjod par bya ste/ ma hA ra d+hi su tra d+hi/ su to sh+ya/ su su kho/ /badzra satwa ad+h+ya sid+d+h+ya mAM/ zhes smros shig ces bsgo'o/ /de nas yang 'di skad ces brjod par ste/deng khyod de bzhin gshegs pa thams cad kyi rigs su zhugs kyis/ ngas khyod la ye shes gang gis de bzhin gshegs pa thams cad du 'grub pa yang thob na/ dngos grub gzhan lta smos kyang ci dgos te/ de lta bu'i ye shes bskyed par bya yis/ khyod kyis dkyil 'khor chen po ma mthong ba rnams la ma smra zhig /khyod dam tshig nyams par gyur ta re/ de nas rdo rje slob dpon rang nyid kyis sems ma rdo rje ma'i phyag rgya kha thur du bstan pa dang / gyen du bstan pa bcings la/ rdo rje slob ma'i spyi bor bzhag ste/ 'di skad ces brjod par bya ste/'di ni khyod kyi rdo rje'i dam tshig yin gyi gal te 'ga' zhig la smras na klad pa 'gas par 'gyur ro/ /de nas dam tshig gi phyag rgya de nyid dang mna'i snying po chu la yongs su bzlas la/ slob ma de 'thung du gzhug go/ /de la mna'i snying po 'di yin te/ rdo rje sems dpa' nyid khyod kyi/de ni snying la yang dag zhugs/ /gal te tshul 'di smras na ni/ /de ma thag tu dral te gshegs/ /badzro da ka Tha/ de nas slob ma la 'di skad bsgo shig /deng phyin chad khyod kyi phyag na rdo rje yang nga yin gyis/ ngas 'di byos shig ces bsgo ba gang yin pa de khyod kyis bya dgos so//khyod kyis nga la brnyas par ma byed cig /mi bde ba ma spangs par khyod dus byas nas dmyal bar ltung bar gyur ta re zhes smras la/ de nas 'di skad ces brjod par bya ste/ de bzhin gshegs pa thams cad kyis byin gyis rlobs la/ rdo rje sems dpa' bdag la 'bab par gyur cig /ces brjod du gzhug go/ /de nas slob dpon gyis myur du sems dpa'i rdo rje phyag rgya bcings la/ de'i snying gar gzhag ste/ 'di skad ces brjod du gzhug go/ /'di ni rdo rje'i dam tshig ste/ /rdo rje sems dpa' yin par grags/ /rdo rje ye shes bla med 'di//de ring nyid du 'bab par shog /de nas badzra A be sha aHzhes bya ba 'di lan brgya zlos su gzhug go/ /yang g.yon pa'i khro bo'i khu tshur bcings la/ sems dpa' rdo rje'i phyag rgya phye ste/ hU~M aHaHa zhes bya ba lan brgya zlos su gzhug go/ /sbyor ba gnyis ka yang 'od zer dmar po 'bar ba'i 'od kyis kun nas 'khrigs pa'i rdo rje sems dpa' kun du gang bar bsams na nges par 'bab par 'gyur ro//lha'i ye shes kyang 'di las skye bar 'gyur ro/ /de nas me tog gi phreng bas dbang bskur ba dang / gdong g.yogs dgrol zhing dkyil 'khor bstan pa dang /'jug pa'i phyag rgyas dgrol ba dang / slob dpon gyi las kyi cho gar bstan pa'i sbyor bas byed du gzhug go/ /de nas de bzhin du pad+ma bris la/ slob ma de rdo rje sems dpar byin gyis brlabs te/ pad+ma de la rdo rje sems dpa'i phyag rgya chen pos nye bar bzhag la/ yon gyi mchog blangs te/ mchod yon byin la ma tog la sogs pas yang dag par mchod de/ rnam par rgyal ba'i bum pa las rdo rje khu tshur gyis chu blangs te/ slob dpon gyi cho gas dbang bskur zhing chu de 'thung du bcug ste 'di skad ces brjod do/ /'di ni sems can dmyal ba'i chu//dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /rdo rje dril bu'i phyag rgya rnams/ /gal te dkyil 'khor ma mthong smras/ /skye bo 'dus pa'i nang gnas shing / /dad pa med pas bgad par 'gyur/ / de nas phyag rgya'i dbang bskur ba dang / /cod pan gyi dbang bskur ba dang / rdo rje dang bdag po dang / ming gi dbang bskur ba dang / rang gi dngos grub kyi rdo rje brtul zhugs dang / chos dang de kho na nyid kyi dam tshig rnams sbyin par bya'o/ /de nas me tog la sogs pa dang rdo rje mtshon cha la sogs pas de yang dag par mchod la/de la snying po byin te/ dang por mna' 'dor du bcug la lha'i phyag rgya bzhi bslab par bya'o/ /de nas gsang ba'i dbang bskur ba bshad de/ slob dpon du dbang bskur bar 'os pa bcug la/ slob dpon gyi las kyi cho ga thams cad dang / dkyil 'khor dang / lha'i de kho na nyid bstan par bya'o/ /'di dag gis ni dbang bskur bar gyur pa yin no/ /de nas dbang bskur ba'i cho ga rgyas par bshad par bya ste/ rtsa ba'i dkyil 'khor las rab tu khru do dor la dbang bskur ba'i dkyil 'khor shar phyogs kyi sgor bltas pas/ nang gi dkyil 'khor gyi tshad tsam zur bzhi pa sgo nub tu bltas la/tshon gyi phye ma sna lngas bri bar bya ste/ dkyil 'khor de'i dbus su pad+ma 'dab ma brgyad pa/ de'i steng du dang po'i rdo rje kha dog dmar po bri bar bya'o/ /de nas dkyil 'khor de me tog la sogs pas yang dag par mchod la/ sna tshogs pad+ma dang /ras kyis g.yogs pa'i seng ge'i gdan nam/ stan nang tshangs can rdo rje rtse mo mngon par bzlas pa der bzhag ste/ de yang dbang bskur bar bya ste/ dpal rdo rje sems dpar byin gyis brlabs te/ de'i lus la lha thams cad kyi gnas su snga ma bzhin du pad+ma'i gdan bsams nas/ gdan de rnams la dang po'i rdo rje snying po dang bcas pas dpal rdo rje sems dpa' la sogs pa bskyed de/gdan de la dpal rdo rje sems dpa'i phyag rgya chen por 'dug nas/ dang po'i rdo rje de nyid dang / rdo rje sems dpa' la sogs pas snying ga dang / smin mtshams dang / lkog ma dang / spyi bo rnams su byin gyis brlab pa dang /seng ge'i gdan gyi steng du bla re bre zhing / g.yas logs su dar dang / me tog chun pos brgyan pa'i gdugs dkar po rin po che'i tog can la hU~M bzlas pa bzhag pa dang / g.yon gyi phyogs kyi char dar sna tshogs kyi rgyal mtshan dang / ba dan la nam mkha' mdzod kyi sngags bzlas pa bzhag la mchod yon phul te/me tog la sogs pas yang dag par mchod nas/ dung dang / rnga rings dang / rnga bo che dang / ru dud la sogs pa'i rol mo rnams rol mo'i phyag rgyas byin gyi brlabs kyi bslab pa'i sgra dang / phyi rol du glu dang gar rnams bya ba dang / rdo rje mtshon cha la sogs pas mchod de/de nas yon gyi mchog blangs la/ dpal rdo rje sems dpa' sku gzugs de'i spyi bor bzhag la/ bkra shis kyi tshigs su bcad pa gdon par bya'o/ /de la bkra shis kyi tshigs su bcad pa ni 'di yin te/ phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa//sangs rgyas pad+ma rgyas pa 'dra ba'i spyan mnga' ba/ /bkra shis des ni skye dgu zhi byed dang po'o/ /de yi nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ / 'di ni 'jig rten dge ba'i bkra shis gnyis pa'o/ /dge 'dun dam pa chos ldan thob pa'i bkra shis phyug /mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi zhing / /de ni 'jig rten dge ba'i bkra shis gsum pa'o/ /sems can kun la phan phyir byang chub mnga' ba'o//don rnams thams cad 'grub par brtul ba yongs ldan pa/ /tshogs kyi las dgyes thub pa'i bkra shis gang byung ba/ /bkra shis des ni skye dgu rnams la zhi byed shog /'gro la phan phyir de bzhin gshegs pa dga' ldan lha'i/ /gzhal med khang gi snying po nas ni 'dir gshegs te//dbang bcas lhas bskor ba yi bkra shis gang byung ba/ /bkra shis des ni skye dgu rnams la zhi byed shog /lo ma me tog 'od 'bar lum+bi'i tshal/ /lha mo dag gis brten par mgon po bltams pa na/ /srid pa mthar phyin pa yi bkra shis gang byung ba/ /bkra shis des ni skye dgu rnams la zhi byed shog /grong khyer ser skya'i gnas nas rgyal po'i pho brang du/ /lhums na bltams pa ston pa bde gshegs zas gtsang sras/ /myur bskrun bdud rtsi'i chus gtor ba yi bkra shis gang / /bkra shis des ni skye dgu rnams la zhi byed shog /grong khyer dam pa ser skya'i gnas zhes bya bar ni//rmad du grags pa che ba lha yis mngon bstod pa/ /bsam yas dge bsgrubs bsod nams phung po'i bkra shis gang / /bkra shis des ni skye dgu rnams la zhi byed shog /dgyes shing nam phyed grong khyer mchog nas mngon byung ste/ /dka' thub tshal du mngon par gshegs shing tshangs la sogs//lha yi tshogs kyis yongs su bskor ba'i bkra shis gang / /bkra shis des ni skye dgu rnams la zhi byed shog /bai DUr+ya ltar sngo ba'i rtswa bting steng bzhugs te/ /skyil mo krung bcas mi g.yo mchog gi bkra shis gang / /bkra shis des ni skye dgu rnams la zhi byed shog /chu bo'i 'gram na rtswa sha'i phreng gis yongs bskor ba/ /shin tu rmad du byung ba srid pa sel mdzad pa/ /klu yi rgyal pos phyag byas pa yi bkra shis gang / /bkra shis des ni skye dgu rnams la zhi byed shog /shing rgyal drung gshegs byams pa'i stobs kyis bdud kyi phyogs/ / mang po btul tshe sa steng dang ni nam mkha' la/ /bcom ldan bkra shis rnam pa sna tshogs gang byung ba/ /bkra shis des ni skye dgu rnams la zhi byed shog /sdug bsngal mtha' dag gzhig phyir rdo rje gdan bzhugs te/ nam gyi tho rangs bdud bzhi po dag rnams 'dul ba/ ston pa bde bar gshegs pa'i bkra shis gang byung ba//bkra shis des ni skye dgu rnams la zhi byed shog /grong khyer bA rA Na sIr grong khyer mchog zhugs nas/ /chos kyi 'khor lo mchog bskor ba yi bkra shis gang / /lha yul dang 'dir shin tu rmad du byung 'gyur ba/ /bkra shis des ni skye dgu rnams la zhi byed shog /bkra shis gang zhig phan byed dam pa dag byed pas/ /bsod nams bya byed 'phags pa'i skye bos mngon bstod pa/ /bcom ldan shAkya thub pa seng ges kun gsungs pa/ /bkra shis des ni skye dgu rnams la zhi byed shog /mu stegs byed pa kun gyi nga rgyal gzhom pa dang / /'gro la bde ba bskyed pa'i cho 'phrul dam pa dag /nye bar ston pa rgyal ba'i bkra shis gang byung ba/ /bkra shis des ni skye dgu rnams la zhi byed shog /'gro la phan phyir mtho ris gnas nas 'dir gshegs te/ /tshangs pa la sogs lha tshogs lag na rnga yab gdugs/ /sna tshogs thogs pas yongs su bskor ba'i bkra shis gang //bkra shis des ni skye dgu rnams la zhi byed shog /de bzhin gshegs pa zhi ba mchog tu nyer gshegs pa/ /man+dA ra ba'i me tog mang pos mngon mchod pa/ /lha mchog rnams kyis mngon par bstod pa'i bkra shis gang / /bkra shis des ni skye dgu rnams la zhi byed shog /lha dbang klu dang mi yi dbang pos phyag byas pa/ /nam mkha'i gnod sbyin dri za'i dbang pos mchod gyur pa/ /de bzhin gshegs pa stobs bcu ldan pa'i bkra shis gang / /bkra shis des ni skye dgu rnams la zhi byed shog /de nas mtshan brgya rtsa brgyad pas yang dag par bstod la/dang por bum pa gang ba dang / rdo rje gzugs la sogs pa de dag dang / de nas bum pa de rnams kyis so/ /de'i 'og tu rnam par rgyal ba'i bum pa las chu blangs la/ de bzhin du dbang bskur bar bya zhing gzung du yang gzhug go/ /de nas phyag rgya'i dbang bskur ba dang /cod pan dang / dar dpyangs kyi dbang bskur ba dang / rdo rje dang / bdag po dang / ming gi dbang bskur ba yang byin la/ dngos grub kyi rdo rje brtul zhugs yang sbyin par bya'o/ /de nas me tog la sogs pa dang / rdo rje mtshon cha la sogs pa'i mchod pa'i phyag rgya rnam pa bcu gnyis dum bu gnyis pa'i rtsa ba'i dkyil 'khor du bshad pa rnams kyis yang dag par mchod la/chos dang de kho na nyid kyi dam tshig rnams sbyin par bya'o/ /de bzhin gshegs pa'i rigs kyi dkyil 'khor du yang mchod pa bcu gnyis po de nyid de bzhin gshegs pa'i khu tshur gnyis las byung ba'o//rdo rje rigs las khro bo'i khu tshur gnyis las byung ba'o/ /pad+ma'i rigs las pad+ma'i khu tshur gnyis las byung ba'o/ /rin po che'i rigs las ni rin po che'i khu tshur gnyis las byung ba gzung bar bya'o/ /rdo rje sems dpa'i dkyil 'khor la ni kha dog sna tshogs pa'o/ de bzhin gshegs pa'i dkyil 'khor la ni dkar po'o/ /rdo rje dkyil 'khor la ni sngon po'o/ /pad+ma'i dkyil 'khor la ni dmar po'o/ /rin po che'i dkyil 'khor la ni ser por shes par bya'o/ /de nas snga ma bzhin du cho ga rnams bzhin rjes su spyad la/ yi ge phras byin gyis brlabs pa'i rin po che'i thur ma'am/gser gyi thur ma blangs la/ slob ma'i mig gnyis su pra bkod de/ thur ma des de'i mig tu byugs la 'di skad ces brjod par bya'o/ /ji ltar mig mkhan rgyal po yis/ /'jig rten rab rib bsal ba ltar/ /bu khyod kyis ni mi shes pa'i/ /rab rib rgyal ba rnams kyis bsal//oM badzra ni tra a pa ha ra pa Ta laM hrIH/ de nas me long la sogs la chos kyi mtshan nyid bstan par bya ste/ chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las byung ba ste/ /ngo bo nyid med gnas med par/ / de ltar chos nyid shes nas su/ /sems can don ni bla med byos/ /'on kyang sangs rgyas sras su skye/ /de nas yi ge hos mda' dang bcas pa'i gzhu byin la/ de bzhin gshegs pa thams cad rjes su mnyes par gyis shig ces brjod la/ phyogs bzhir mda' bzhi phan du gzhug /steng du yang 'phen du gzhug la/oM badzra rA ga hoHzhes kyang smrar gzhug par bya'o/ /de nas a badzra satwa/ zhes pas me long bstan la/ 'di skad ces brjod par bya ste/ rdo rje sems dpa' me long bzhin/ /dag cing gsal la rnyog pa med/ /sangs rgyas kun bdag rang nyid ni/ /bu khyod kyi ni snying la zhugs//de bzhin gshegs pa kun bdag gang / /byang chub sems 'dir shes par gyis/ /de nas badzra he tu maM/ zhes bya bas chos kyi 'khor lo rkang pa gnyis su dgod pa dang / badzra b+ha Sha raM zhes bya ba dang / dung lag pa g.yas par byin la 'di skad ces brjod par bya ste/ de ring phan chad 'jig rten la//skyob pa rnams ni 'khor lo bskor/ /chos kyi dung ni bla med pas/ /kun du ma lus gang bar gyis/ /som nyi yid gnyis mi bya zhing / /dogs pa med pa'i sems kyis su/ /gsang sngags spyod pa'i tshul gyi mchog /'jig rten 'di la rab tu sgrogs/ /de ltar byas na sangs rgyas la//phan 'dogs drin du gzo zhes bya/ /rdo rje 'dzin pa de kun kyang / /kun du khyod la srung bar byed/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa/ /chos kyi 'khor lo rab tu bskor/ /mdor na 'jig rten thams cad du/ /sems can kun la phan pa'i phyir//ji ltar 'dul ba sna tshogs pa'i/ /rdo rje'i 'khor lo rab tu bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /khro bo'i 'khor lo rab tu bskor/ /mdor na 'jig rten thams cad du/ /sems can kun la phan pa'i phyir//ji ltar 'dul ba sna tshogs pa'i/ /pad+ma'i 'khor lo rab tu bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /nor bu'i 'khor lo rab tu bskor/ /zhes bya ba nas de bzhin gshegs pa dang / rdo rje sems dpa' dang /rdo rje hU~M mdzad dang / 'jig rten dbang phyug dang / nam mkha' snying po'i nga rgyal dang / tshigs su bcad pa 'di rnams kyis rjes su gnang ba byin la/ rang gi lha'i snying po sbyin par bya'o/ /de nas phyag rgya bzhi'i ye shes bslab par bya'o/ /gzengs bstod pa'i phyag rgya bcings la/slob ma thams cad la dbang bskur bar bya'o/ /oM 'di ni ngas khyod lung bstan pa/ /rdo rje sems dpa' de bzhin gshegs/ /srid pa gsum du grub pa'i phyir/ /srid pa'i ngan 'gro dag las bton/ /kye rdo rje che ge mo zhes bya ba'i de bzhin gshegs pa sid+d+hi sa ma satwaM b+hur b+hu ba swaHde la gzengs bstod pa ni 'di yin te/de bzhin gshegs pa'i khu tshur gnyis bcings la/ g.yon pa chos gos kyi mthar 'dzin pa'i tshul dang g.yas pa mi 'jigs pa'i tshul byas la/ cho ga lhag ma rnams ni dum bu gnyis pa las shes par bya'o/ /rjes su bsgrub pa dang /rjes su bsgrub pa'i yang de bzhin du shes par bya'o/ /de nas sbyin sreg bya ste/ slob ma bsang gtor byas la/ g.yon logs su bzhag ste/ de'i g.yas pa'i mthe bong lag pa g.yas pa g.yon pas bzung nas/ hU~M gis mar gyi sbyin sreg lan bdun byas la/ blugs gzar gyis slob ma la bskor ba bya ste/de nyid kyis dgang blugs gsum dbul bar bya'o/ /de nas sangs rgyas spyan gyi de bzhin du sbyin sreg bya'o/ /de nas slob ma'i lag par rdo rje gnod sbyin bzlas pa'i gdu bu btags la/ de nyid bzlas pa'i chus bsang gtor bya'o/ /oM ru ru spu ru dz+wa la tiSh+Tha sid+d+ha lo tsa ni sarba ar+tha sA d+ha ni swA hA/zhes bya ba sangs rgyas spyan gyi sngags dang / snying gar byugs te slob ma gtang bar bya ba ni/ slob ma'i thun mong gi cho ga'o/ /gang zhig slob dpon gyi dbang bskur ba la ni de la dmigs te/ mar gyi sreg blugs brgya hU~M zhes bya ba dang sbyin sreg bya'o/ / de nas sangs rgyas spyan gyi yang sbrang rtsi dang / mar dang zho dang bsres pa'i til gyis sbyin sreg brgya rtsa brgyad sangs rgyas spyan gyi sngags nyid kyis dbul lo/ /de nas de bzhin du gdu bu btags la bsang gtor byas te/ snying gar byugs nas yang snga ma bzhin du thab kyi nang du dkyil 'khor bsams la/ dkyil 'khor pa'i lha rnams la sbyin sreg phul nas/ yang dkyil 'khor la bzhugs pa'i bcom ldan 'das la mtshan brgya rtsa brgyad pas bstod nas/ mchod pa thams cad kyis yang dag par mchod de/ /phyi rol du gtor ma byin la nye reg bya ste/ phyag rgya dgrol ba la sogs pa sngar bshad pa'i cho ga rnams rjes su spyad nas/bcom ldan 'das 'khor dang bcas pa gshegs su gsol bar bya'o/ /de nas de bzhin du rang gi lus la sprul pa'i dkyil 'khor bcug la/ shes rab kyi pha rol tu phyin pa mtha' yas ba nyid pas/ de bzhin gshegs pa mtha' yas pa nyid do/ /shes rab kyi pha rol tu phyin pa mu med pa nyid pas/rdo rje thams cad mu med pa nyid do/ /shes rab kyi pha rol tu phyin pa du ma nyid pas/ chos thams cad du ma nyid do/ /shes rab kyi pha rol tu phyin pa mthar thug pa nyid pas/ las thams cad mthar thug pa med pa nyid do/ /sems can chen po legs so legs/