CLOSE WINDOW

D2519
བོད་ཡིག

/[ ]@##/ /rgya gar skad du/ /shrI trai lo kya bi dza ya maN+Da lo pa yi ka Ar+ya tat+t+wa saM graha tan+t+ro d+di d+hi ta/ bod skad du/ dpal khams gsum rnam par rgyal ba'i dkyil 'khor gyi cho ga 'phags pa de kho na nyid bsdus pa'i rgyud las btus pa/mgon po 'jam pa'i dbyangs la phyag 'tshal lo/ /bcom ldan 'das rdo rje sems dpa' la phyag 'tshal lo/ /khyab bdag gdul dka' 'dul ba bo/ /rdo rje hUM mdzad phyag 'tshal te/ /'jig rten gsum rgyal 'byung ba yi/ /dkyil 'khor cho ga bshad par bya/ /de la re zhig slob dpon gsang ba'i dkyil 'khor du zhugs shing dbang thob pa rigs pa'i sdoms pa yongs su bzung ba/gsang ba'i cho ga thams cad kyi bya ba shes pa/ /dpa' ba brtan pa/ spro ba/ che ba/ mkhas pa/ dul ba/ 'dul ba'i kun du sbyor ba la gnas pa/ dad pa dang ldan pa/ chos zab mo la lhag par mos pa/sems can thams cad yongs su skyob pa'i blo can/ lus dang srog la ltos pa med pa/ grogs kyi dkyil 'khor mthong ba/ dad pas byang chub tu sems bskyed pa/ /gsang ba'i tshul gyis cho ga'i bya ba shes pa/ gtsang zhing gtsang mar spyod pa/ gsang ba'i cho ga'i bya ba la mkhas pa/ snying stobs dang ldan pa/ blo brtan pa dang lhan cig gam/ yang na grogs bzang med pa ri bo'am/ nags sam/ chu 'gram mam/ skyed mos tshal lam/ gtsug lag khang la sogs pa'i yid dang rjes su mthun pa'i gnas su sngon du bsnyen pa bya'o//de la dang por re zhig rim pa 'dis rnam par rtog pa la spyod pa'i khrus brtsam par bya'o/ /khro bo ti rIn+ti ri'i phyag rgya bcings la/ snying gar bzhag ste/ oM d+hu pe d+hu pe pi kA ya d+hu pi pra dz+wa la ni swA hA/ zhes zlos shing bdag nyid 'bar bar bya'o/ /oM TuM zhes bya bas go bgos la rdo rje gnod sbyin gyi mche ba'i phyag rgya bcings te/bgegs thams cad bza' bar bya'o/ /yang de nyid dang a zhes bya ba zlos shing bdud rtsi thab sbyor gyis yang oM b+hu ra dz+wa la hUM swA hA/ zhes zlos shing spyi bor chu khyor ba gsum blugs par bya'o/ /rig pa 'di nyid kyis sa gtsang ma blangs la cha gsum du byas te/cha gcig gis rked pa man chad bkru/ gnyis pas lus thams cad bkru'o/ /gsum pas lag pa bkrus la nye reg byas te/ rang gi sngags dang phyag rgyas spyi bor chu blugs la/ bdag nyid rdo rje hUM mdzad du byin gyis brlabs te/ chu las langs nas rdo rje sems dpa' zlos shing chu'i bsrung ba bsal la/hUM bzhi rdo rje'i tshig gis yid la zlos shing lha'i khang pa'am/ ri bo la sogs pa'i gnas su 'ang khrus dang nye reg byas te/ rdo rje rtse mo mngon par bzlas pa'i chus gos la sogs pa la bsang gtor byas la/ gnas khang la sogs par chu de nyid kyis lha'i khang pa'i nang kun du bgegs bsal bar byas nas stan bde ba la sogs par ji ltar bde bar 'dug ste/ rdo rje bsdams pa nang du bcings la/ mdzub mo gnyis gshibs te rtse mor byas nas/ mthe bong gnyis gyen du bltas par gshibs te/ skyil mo krung gi steng du bzhag la/ oM sarba bi shud+d+he d+harma tA badzra sid+d+hi hU~M zhes lan gsum bzlas par bya'o/ /de nas lkog ma'i phyogs su hrIHlas pad+ma 'dab ma brgyad pa bsams pa'i lce'i pad+ma'i 'dab mar hUM las rdo rje rtse lnga pa dkar po bsams la/ badzra dzi hwa zhes bya ba'i rig pa 'dis byin gyis brlab par bya'o//lag pa gnyis su yang a las zla ba'i dkyil 'khor gnyis bsams la/ de gnyis kyi steng du hUM gnyis la rdo rje bsam zhing lag pa'i sor mo yang rdo rje rtse mor bskyed la/ 'og nas bshad pa'i rim pas bgegs gzhom pa la sogs pa byas nas rdo rje 'khor lo'i phyag rgya bcings la/oM badzra tsakra hUM zhes brjod par bya'o/ /de la phyag rgya ni 'di yin te/ rdo rje khu tshur gyis bcings nas/ /mdzub mo mthe'u chung rdo rje mdud/ /rdo rje 'khor lo zhes grags te/ /dkyil 'khor thams cad sgrub byed yin//rigs thams cad kyi 'khor lo bskor ba 'dis phyogs thams cad du g.yas nas bskor la khar bzhag nas lta bzhin du sngags lan brgya rtsa brgyad du bzlas na/ rigs thams cad kyi dkyil 'khor du zhugs par 'gyur ro/ /de nas dkyil 'khor blos mngon sum lta bur dmigs la me tog la sogs pas lha thams cad yang dag par mchod de phyogs thams cad nas dkyil 'khor lnga pa dang 'dis phyag bya'o//oM sarba ta thA ga ta kA ya wAka tsit+ta pra Na me na badzra ban+da naM ka ro mi/ de nas phyag bzhi bya ste/ 'di ltar rdo rje thal mo brkyang la sngags 'di dang lus thams cad kyis phyag bya'o//oM sarba ta thA ga ta pu dzo pas+tha nA ya At+ma naM ni r+yA ta yA mi sarba ta thA ga ta badzra satwa a d+hi tiSh+Tha swa maM/ de nas de bzhin du gnas pa las rdo rje thal mo snying gar sbyar la/ 'dis dpral bas phyag bya'o/ /oM sarba ta thA ga ta pU dza a b+hi She ka At+ma nAM ni r+ya ta yA mi sarba ta thA ga ta badzra rat+na a b+hi Shi ny+tsa mAM/de nas de bzhin du gnas pa la rdo rje thal mo spyi bor bzhag ste 'di dang khas phyag bya'o/ /oM sarba ta thA ga ta pU dza pra brta nA ya At+ma nAM ni r+yA ta yA mi sarba ta thA ga ta badzra d+har+m+ma pra brta ya mAM/ de nas de bzhin du gnas pa las rdo rje thal mo spyi bo nas phab ste snying gar sbyar la byang phyogs su spyi bo sa la reg par byas nas 'dis phyag bya'o//oM sarba ta thA ga ta pU dza kar+m+ma Ne At+ma nAM ni r+yA ta yA mi sarba ta thA ga ta badzra kar+m+ma ku ru mAM/ phyag 'tshal ba'i phyag rgya bcings nas sdig pa thams cad bshags par bgyi'o//phyogs bcu'i sangs rgyas dang byang chub sems dpa' dang / de bzhin gshegs pa dang / rdo rje dang / rin po che dang / pad+ma dang / las kyi rigs su bzhugs pa thams cad dang / snying po dang / phyag rgya dang / gsang sngags dang / rig sngags kyi lha thams cad bdag la dgongs su gsol/bdag ming 'di zhes bgyi ba phyogs bcu'i sangs rgyas dang / byang chub sems dpa' thams cad dang / de bzhin gshegs pa dang / rdo rje dang / rin po che dang / pad+ma dang / las kyi rigs su bzhugs pa thams cad dang / snying po dang phyag rgya dang / gsang sngags dang rig sngags kyi lha thams cad kyi spyan sngar sdig pa thams cad bla na med pas so sor bshags par bgyi'o/ /phyogs bcu na 'das pa dang / ma 'ongs pa dang / da ltar byung ba'i sangs rgyas dang byang chub sems dpa' rnams dang / rang sangs rgyas dang / / 'phags pa nyan thos yang dag par song ba dang / yang dag par zhugs pa rnams dang / sems can gyi tshogs thams cad kyi bsod nams thams cad la rgya cher rjes su yi rang bar bgyi'o/ /phyogs bcu'i sangs rgyas bcom ldan 'das chos kyi 'khor lo bskor bar mi mdzad pa thams cad la chos kyi 'khor lo bskor bar bya ba'i phyir bskul bar bgyi'o//phyogs bcu'i sangs rgyas bcom ldan 'das yongs su mya ngan las 'da' bar bzhed pa gang yin pa de thams cad la mya ngan las mi 'da' bar gsol bar 'tshal lo/ /de nas me tog gi phyag rgya bcings la 'di skad ces brjod par bya ste/gang yang 'jig rten khams 'di 'am/ /gang yang phyogs bcu'i 'jig rten gyi khams thams cad na lha dang mi rnams kyi me tog gi bye brag yid las byung ba'am/ chu las skyes pa'am/ thang las skyes pa gang dag yod pa de rnams 'di lta ste/ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha thams cad la dbul bar bgyi'o/ /oM sarba ta thA ga ta puSh+pe pU dza me g+ha sa mu dra s+pha ra Na sa ma ye hUM/ bdug pa'i phyag rgya bcings te 'di skad ces brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na lha dang mi rnams kyi bdug pa'i bye brag lhan cig skyes pa'am/yang dag par sbyar ba'am/ yongs su gyur pa can gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang /byang chub sems dpa' zhes bya ba la sogs pa snga ma bzhin no/ /oM sarba ta thA ga ta d+hU pe pU dza me g+ha sa mu dra s+pha Na sa ma ye hUM/ mar me'i phyag rgya bcings la 'di skad ces brjod par bya ste/ gang yang 'jig rten gyi khams 'di'am/gang yang phyogs bcu'i 'jig rten gyi khams thams cad na lha dang mi rnams kyi snang ba'i bye brag yid las byung ba'am/ rin po che'i 'od dam/ mar me'i snang ba la sogs pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang byang chub sems dpa' zhes bya ba la sogs pa snga ma bzhin no//oM sarba ta thA ga ta A lo ke pU dza me g+ha sa mu dra s+pha Na sa ma ye hUM/ dri'i phyag rgya bcings la/ 'di skad ces brjod par bya ste/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na lha dang mi rnams kyi dri'i bye brag lhan cig skyes pa'am/ yang dag par sbyar ba'am/ yongs su gyur ba can gang dag yod pa de rnams 'di lta ste/ zhes bya ba la sogs pa'o//oM sarba ta thA ga ta gan+d+he pU dza me g+ha sa mu dra s+pha ra Na sa ye hUM/ phyag 'tshal ba'i thal mo spyi bor bzhag la 'di skad ces brjod par bya ste/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na lha dang mi rnams kyi rin po che'i ri bo'am/rgya mtsho chen po'i tshogs gang dag yod pa de thams cad ces bya ba la sogs pa'o/ /oM sarba ta thA ga ta bo d+h+yaM ga rat+na A laM ka ra pU dza me g+ha sa mu dra s+pha Na sa ma ye hUM/ de nas bzhad pa'i phyag rgya bcings la/ 'di skad ces brjod par bya ste/ gang yang 'jig rten gyi khams 'di'am/gang yang phyogs bcu'i 'jig rten gyi khams thams cad na lha dang mi rnams kyi dgod pa dang / sgeg pa dang / dga' ba dang / rtsed 'jo'i bde ba'i bye brag gang dag yod pa de dag 'di lta ste zhes bya ba la sogs pa'o/ /oM sarba ta thA ga ta ha s+ya lA s+ya rA ti krI Da sau khya a nu t+ta ra pU dza me g+ha sa mu dra s+pha ra Na sa ma ye hUM/bzhad pa'i phyag rgya de nyid rdo rje thal mo bskor ba spyi bor bzhag la/ yang thal mo khong stong du sbyar ba bcings nas 'di skad ces brjod par bya ste/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/dpag bsam gyi shing ngam gos kyi shing gang dag yod pa de thams cad 'di lta ste zhes bya ba la sogs pa'o/ /oM sarba ta thA ga ta a nut+ta ra bo d+hi A laM ka ra was+t+ra pU dza me g+ha sa mu dra s+pha Na sa ma ye hUM/ de nas bcom ldan 'das rdo rje sems dpa'i las kyi phyag rgya bcings la/sems can thams cad kyi 'khor ba'i sdug bsngal rjes su dran par byas nas/ snying rje'i dbang gis sems can thams cad bsgral bar bya ba'i phyir byang chub kyi sems bskyed de/ ma bsgal ba rnams bsgral bar bya ba'i phyir dang / ma grol ba rnams dgrol bar bya ba'i phyir dang /dbugs ma phyung ba rnams dbugs dbyung bar bya ba'i phyir dang / yongs su mya ngan las ma 'das pa rnams yongs su mya ngan la 'da' bar bya ba'i phyir dang / sems can gyi khams ma lus pa 'khor ba'i rgya mtsho las yang dag par bsgral bar bya ba'i phyir byang chub tu sems bskyed par bgyi'o//oM sarba ta thA ga ta badzra bo d+hi tsit+ta pU dza me g+ha sa mu dra s+pha sa ma ye hUM/ sgeg mo'i phyag rgya bcings la 'di skad ces brjod par bya ste/ sems can thams cad yo byad thams cad kyis yang dag par 'byor cing / phun sum tshogs pa thams cad 'dod pa tsam la rag lus par gyur cig /oM sarba ta thA ga ta ma hA badzrod b+ha ba dA na pA ra mi ta pU dza me g+ha sa mu dra s+pha ra Na sa ma ye hUM/ rdo rje phreng ba ma'i phyag rgya bcings la 'di skad ces brjod par bya ste/ sems can thams cad kyi mi dge ba'i lus dang ngag dang yid kyi las kyi mtha' thams cad dang yang dag par bral bar gyur cig /dge ba'i lus dang ngag dang yid kyi las kyi mtha' thams cad dang yang dag par ldan par gyur cig /oM sarba ta thA ga ta a nut+ta ra ma hA bo d+h+ya hA ra shI la pA ra mi ta pU dza me g+ha sa mu dra s+pha ra Na sa ma ye hUM/rdo rje glu mkhan ma'i phyag rgya bcings la 'di skad ces brjod par bya ste/ sems can thams cad mtshan dang dpe byad thams cad kyis yang dag par brgyan par byas pa dang / rtag tu phan tshun 'jigs pa med pa dang / zhe 'gras pa med par zhugs shing mig dang yid mngon par dga' ba dang /chos zab mo la bzod pa thob pa dang ldan par gyur cig /oM sarba ta thA ga ta a nut+ta ra mahA d+har+m+ma a ba bo d+hi kaShA n+ti pA ra mi ta pU dza mi g+ha sa mu dra s+pha ra Na sa ma ye hUM/ gar mkhan ma'i phyag rgya bcings la 'di skad ces brjod par bya ste/ sems can thams cad byang chub sems dpa'i spyod pa la mngon par brtson pa dang ldan pa dang /sangs rgyas nyid du yongs su gzhol zhing 'khor ba yongs su spong ba'i brtson 'grus dang ldan par gyur cig /oM sarba ta thA ga ta san sA rA pa ri t+yaM ka a nut+ta ra mahA bIr+ya pA ra me ta pU dza me g+ha sa mu dra s+pha ra Na sa ma ye hUM/de nas me tog gi phyag rgya bcings la 'di skad ces brjod par bya ste/ sems can thams cad nyon mongs pa dang nye ba'i nyon mongs pa rnams dang bral bar gyur cig /bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa rnams dang / rig pa thams cad dbang du gyur pa phun sum tshogs par gyur cig /oM sarba ta thA ga ta a nut+ta ra ma hA sau khya bi hA ra d+h+ya na pA ra mi ta pU dza me g+ha sa mu dra s+pha ra Na sa ma ye hUM/ bdug spos kyi phyag rgya bcings la 'di skad ces brjod par bya ste/ sems can thams cad 'jig rten dang 'jig rten las 'das pa'i shes rab dang ye shes rnams dang yang dag par ldan par gyur cig /so so yang dag par rig pa bzhi thob ste/ bzo dang bstan bcos thams cad shes shing sgyu rtsal dang ldan la gsang ba'i cho ga shes pa dang / de kho na nyid mthong ste/ nyon mongs pa dang shes bya'i sgrib pa thams cad yang dag par gcod pa'i ye shes thob par gyur cig /oM sarba ta thA ga ta a nut+ta ra kle sha ts+tshe da sarba d+har+m+ma sa man+ta dz+nyA na mahA pradz+nyA pA ra mi ta pU dza me g+ha sa mu dra spa ra Na sa ma ye hUM/ lus kyis bsnyen bkur bya ba'i phyir bdag nyid phyogs bcu'i 'jig rten gyi khams ma lus pa'i de bzhin gshegs pa thams cad kyi zhabs drung du phyin par lhag par mos pa byas la/oM sarba ta thA ga ta kA ya ni r+yA ta na pU dza me g+ha sa mu dra s+pha ra Na sa ma ye hUM/ rdo rje thal mo bskor ba shis pa rjod par byed pa'i tshul du bcings la thams cad du lce brgya stong phrag snyed kyi sgo nas mnyam nyid mi g.yo zhes bya ba la sogs pa'i bstod pa'i mchod pas lhag par mos par byas la 'di skad ces brjod par bya ste/oM sarba ta thA ga ta wAka ni r+yA ta na pU dza mi g+ha sa mu dra s+pha ra Na sa ma ye hUM/ byang chub sems dpa' thams cad dang bsam pa gcig pa'i sbyor bas chos thams cad mnyam pa nyid la lhag par mos par byas la/oM sarba ta thA ga ta tsit+ta ni r+yA ta na pU dza me g+ha sa mu dra s+pha ra Na sa ma ye hUM/ chos thams cad ni dngos po med pa'i ngo bo nyid dang / stong pa nyid dang / mtshan ma med pa dang / smon pa med pa'i rnam pas lhag par mos par byas la 'di skad ces brjod par bya ste/oM sarba ta thA ga ta gu h+ya pU dzam g+he sa mu dra s+pha na Na sa ma ye hUM/ de ltar de bzhin gshegs pa thams cad yang dag par mchod nas bdag nyid dbul bar bya'o/ /sangs rgyas dang byang chub sems dpa' thams cad la bdag nyid 'bul gyis/bdag dus thams cad dang rnam pa thams cad du so sor bzhes su gsol/ thugs rje chen po dang ldan pa'i mgon po khyed rnams kyis/ dam tshig chen po'i dngos grub bdag la stsal du gsol/ zhes brjod la/ dge ba'i rtsa ba de yang sems can thams cad dang thun mong du byas te/dge ba'i rtsa ba 'di bdag dang sems can thams cad 'jig rten dang 'jig rten las 'das pa'i rgud pa thams cad bral bar gyur cig /'jig rten dang 'jig rten las 'das pa'i phun sum tshogs pa thams cad dang yang dag par ldan pa'i bde ba nyid dang /yid bde ba nyid kyis mi'i mchog sangs rgyas nyid du tshe 'di nyid la gyur cig /bdag ni dge ba'i las rnams 'di dag gis/ /'jig rten du ni myur du sangs rgyas shog /'gro la phan phyir chos rnams ston bgyid cing / /sems can sdug bsngal mang pos gzir las dgrol//zhes bla na med pa yang dag par rdzogs pa'i byang chub tu yongs su bsngos la/ sdom pa gzung bar bgyi'o/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pas/ /dam pa bdag gis bskyed par bgyi//sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum//deng nas brtsams te gzung bar bgyi/ /nam du yang ni mi spang ngo / /rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la//nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba/ /pad+ma'i rigs mchog dam pa la/ /phyi nang gsang ba'i theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni//yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pas/ /dam pa bdag gis bskyed bgyi zhing / /sems can kun gyi don gyi phyir/ /bdag gi sdom pa ma lus gzung / /ma grol ba ni dgrol bar bgyi/ /ma rgal ba ni bsgral bar bgyi//dbugs ma phyung ba dbugs dbyung zhing / /sems can mya ngan 'das la dgod/ /ces brjod do/ /de nas de bzhin gshegs pa dang / lha mo rnams kyi sku bdag nyid la gzugs brnyan du snang bas rgyal po'i bka' ltar 'da' bar dka' zhing gzhig mi nus pas phyag rgya bcing ba dang /sngags brjod pa thams cad la rgyal ba thams cad kyis kyang rdo rje ltar 'da' bar mi mdzad pa'i lha'i nga rgyal mngon du bskyed cing phyag rgya bcing bar bgyi'o/ /de la phyag rgya bcing ba ni 'di yin te thal mo sbyar bar byed pa na/ 'di skad ces brjod par bya'o/ / a n+yo n+ya a nu ga ta sarba d+harmAHsor mo phan tshun bcer ba na/ s+phar s+phar a nu pra biSh+Ti sarba d+harmAHbadzra any+dza li/ rab tu bsdams phyir rdo rje bsdams/ /a t+yan ta a nu pra biSh+Ti sarba d+harma badzra ban+d+ha/ zhes bya ba 'dis lha rnams reg pa dang / phan tshun rjes su zhugs pa dang / gcig tu gyur par mos pas spyod pa'i nges par 'byed pa'i sa'i cha'i rang bzhin du lhag par mos par bya'o//de nas badzra ban+d+ha traT zhes zlos shing snying gar rdo rje bcing ba dral bar bya'o/ /de bzhin gshegs pa thams cad kyang bgegs rnams gzhom pa'i phyir khros par gyur cig / hUM Tak+ki s+pho Ta ya ma hA bIr ga tsakraM badzra d+ha ra sar+ya na thA zhes bya bas dam pa'i chos kyi 'khor lo'i phyag rgya dral bar bya'o/ /rdo rje bsdams las mthe bong dang / /mthe'u chung gnyis ni snyoms te bsgreng / /dbus ma gsum bsgreng kha phye la/ /'khor lo dam chos 'khor lo yin/ /de nas lnga po bsdus pa bcings la 'di skad ces brjod do//oM ma hA su kha badzra sad+d+hA ya sarba satwa b+h+yo dzaHhUM phaM hoH rdo rje bsdams pa bcings nas su/ /mdzub mo mthe bo'i skye gnas su/ /g.yas pa'i mthe bo'i mtshan ma ni/ /bcug la bskyod de bcir bar bya/ /zhes bya ba 'di ni lnga po bsdus pa'o//oM badzra A be sha zhes bya bas rdo rje dbab pa'i phyag rgya bcings la a zhes bya bas bdag nyid la dbab par bya'o/ /rdo rje khu tshur gyi rtse mo gnyis sbyar ba ni rdo rje dbab pa'o/ /dbab pa de yang 'dis brtan par bya'o/ /tiSh+Tha badzra dr-i D+ho me b+ha ba shA shwa to me b+ha ba/ hr-i da ya me a d+hi tiSh+Tha sarba sid+d+haM me pra yats+tsha sarba karma su tsa me tsit+taM shre yaHku ru hUM ha ha ha ha hoH//de nas badzra muSh+Ti zhes bya bas rdo rje khu tshur gyi phyag rgya bcings la/ oM badzra muSh+Ti baM zhes brjod par bya'o/ /rdo rje bsdams pa'i mdzub mo gnyis kyi bar du mthe bong rtse mo bcug la mdzub mo gnyis kyis btsir ba ni rdo rje khu tshur gyi mtshan nyid do//de dag sdig pa dral ba'i phyag rgyas sdig pa ji lta ba bzhin du yang dag par dral bar bya'o/ /de nas dpal rnam par snang mdzad la sogs pa'i dam tshig gi phyag rgya bcings la/ de'i sngags lan gsum brjod cing oM badzra muHzhes pas rang gi snying gar dgrol bar bya'o//de nas rang gi snying gar gnas pa'i sems dpa'i rdo rje la yi ge hUM yid kyis mngon par bris la de nyid yid la zlos shing bdag med par bsgom par bya'o/ /de nyid las stong gsum pa'i sangs rgyas kyi zhing gi tshad tsam gyi zla ba'i dkyil 'khor de'i steng du de nyid las zla ba'i dkyil 'khor gnyis pa/yang de hUM dang bcas pa las rdo rje rtse lnga pa 'bar ba las/ de'i dbus su yang yi ge hUM bkod la de nyid zlos shing / sems dpa' ji lta ba'i phyag rgya de bzhin te bdag kyang de bzhin no zhes rdo rje'i nga rgyal sgom zhing rdo rje de las de'i rigs thams cad spros la/ des gdug pa thams cad btul nas/de thams cad rdo rje der bcug la/ sems dpar grags pa kun gyi bdag /bdag nyid bdag la yang dag gnas/ /de bas na badzra haM zhes zlos shing / rdo rje de rdo rje sems dpa' bsnyems pa dang bcas pas rdo rje bsor zhing badzra satwa haM zhes brjod par bya'o/ / yang yi ge hUM zlos shing de nyid rdo rje hUM mdzad du lhag par mos la/ ma hA sa ya satwa haM zhes brjod par bya'o/ /'di ni thog ma dang tha ma med pa'i sems sgom pa'o/ /de nas khams gsum rnam par rgyal ba'i phyag rgya bcings la 'di skad ces brjod par bya'o/ /sa ma ya haM/ 'di yang skur bsgom pa ste/yang khams gsum rnam par rgyal ba'i phyag rgya de nyid kyis snying ga dang / dpral ba dang / lkog ma dang / spyi bo byin gyis brlabs la/ sa ma ya s+t+waM a d+hi tiSh+Tha swa mAM zhes brjod par bya'o/ /de nas phyag rgya chen po bcing bar bya'o/ /de nas ma ya a zhes brjod de mdun du zla ba'i dkyil 'khor sprul la/hUM a zhes bya ba 'dis de'i steng du rdo rje 'bar ba bdag nyid dbab par bya'o/ /de nas badzro zhes rdo rje'i nga rgyal du rnam par bsgoms la/ rdo rje de nyid badzra hUM ka ro haM/ zhes zlos shing rdo rje hUM mdzad du bsgoms par bya'o/ /de nas de nyid du bcom ldan 'das khro bo rdo rje lcags kyu la sogs pa dgug pa dang /gzhug pa dang / bcing ba dang / dbang du byas nas khams gsum rnam par rgyal ba'i phyag rgya bcings la/ oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya ho/ /b+ha ga bAn badzra hUM phaT/ dr-i sh+ya zhes pas blta bar bya'o/ / ye shes sems dpa' de mthong nas/ /rang gi lus la rab tu bsgom/ /dgug cing bcug la bcing ba dang / /dbang du byas te bsgrub par bya/ /dzaHhUM baM hoHzhes zlos shing khams gsum rnam par rgyal ba'i phyag rgya bcings la/ de nyid dang sa ma ya s+t+waM hrIHzhes brjod cing rgyab tu zla ba'i dkyil 'khor bskyed la/de nyid dang sa ma ya s+t+waM a haM zhes brjod de/ der bdag nyid dpal rdo rje hUM mdzad du bsgom par bya'o/ /g.yon brkyang ba yis legs par bzhugs/ /'bar ba'i phreng ba 'khrugs pa'i 'od/ /shin tu gdul dka' drag po'i lus/ /g.yon pa'i zhabs kyis yang dag mnan//g.yas pa yis ni u ma yi/ /nu ma rgyas pa gnon par bsam/ /spyan 'bar 'jigs su rung ba ste/ /ut+pal sngon po chen po'i mdog /rdo rje hUM mdzad bsdus pa yin/ /zhal gdangs mche ba cung zad gtsigs/ /khro bcas zhal ni bzhad pa yin/ /zhal bzhi pa la phyag brgyad pa//phyag gnyis kyis ni thugs ka ru/ /khams gsum rnam rgyal phyag rgya yis/ /rdo rje dril bu bsdams par mdzad/ /phyag gnyis na ni mda' gzhu bsnams/ /gnyis na ral gri lcags kyu bsnams/ /gnyis na rdo rje zhags pa bsnams/ /sangs rgyas chun 'phyang phreng ba can//de bzhin gshegs pa rin chen phreng / /pad+ma rdo rje dar dpyangs kyi/ /dbang bskur dang ldan sna tshogs pa'i/ /rgyan rnams kun gyis rab brgyan pa'o/ /yang na kro d+ha dr-iSh+ti hrIHzhes bya ba mig tu bkod la/ zhal gcig pa khams gsum rnam par rgyal ba'i phyag rgya dang ldan par bya'o//snga ma bzhin du lce la rdo rje hUM dang bcas par bsam par bya'o/ /de nas bcom ldan 'das kyi las kyi phyag rgya dang / phyag rgya chen po yang ji lta ba bzhin du bcing bar bya'o/ /de'i rjes la bsdu ba'i phyag rgya bcings la/ dzaHhUM baM hoHzhes brjod do/ /yid kyi legs pa'i sbyor bas rang gi lus la sangs rgyas thams cad gzhug par bya ste/badzra d+hA tu dr-i sh+ya dzaHhUM baM hoHsa ma ya s+t+waM sa ma ya s+t+waM a haM zhes bya ba dang / rang gi sngags kyang len gsum brjod la/ dam tshig gi phyag rgya bsgrub par bya'o/ /oM sarba ta thA ga ta ma hA yo gI shwa ra hUM/ zhes bya ba ni bcom ldan 'das rnam par snang mdzad kyi sngags so//oM badzra satwa hUM zhes bya ba ni mi bskyod pa'i sngags so/ /oM badzra rat+na hUM zhes bya ba ni rin chen 'byung ldan gyi sngags so/ /oM badzra d+harma hU~M zhes bya ba ni snang ba mtha' yas kyi sngags so/ /oM badzra karma hUM zhes bya ba ni don yod grub pa'i sngags so//de nas de rnams kyi dam tshig gi phyag rgya bshad de/ /rdo rje bsdams pa las byung ba'i sems ma rdo rje ma bstan par byas la/ gung mo gnyis bsgrengs te myu gu ltar mnyam par bsgreng ba ni rnam par snang mdzad kyi'o/ /gung mo nang du gshibs pa ni mi bskyod pa'i'o/ /gung mo dang mthe bong gnyis rin po che ltar byas pa ni rin chen 'byung ldan gyi'o//gung mo pad+ma 'dra bar byas pa ni 'od dpag tu med pa'i'o/ /de bzhin du mdzub mo bkug pa ni/ don yod grub pa'i dam tshig gi phyag rgya'o/ /mi bskyod pa la sogs pa'i phyag rgya bzhi po 'di dag ni rnam par snang mdzad kyi phyag rgya las byung ba yin no//de nas badzra dz+nyA na zhes bya ba de bzhin gshegs pa thams cad kyi ljags la bsam par bya'o/ /de nas de bzhin gshegs pa thams cad kyi las kyi phyag rgya bcing bar bya'o/ /de la 'di ni rdo rje khu tshur las byung ba ste/ g.yon pa'i rdo rje mdzub mo ni/ /g.yas pa'i nang du bsgreng bar bya//byang chub mchog gi phyag rgya che/ /sangs rgyas byang chub sbyin byed pa'o/ /rnam par snang mdzad kyi'o/ /g.yon pa'i khu tshur gyis chos gos kyi mtha' ma 'dzin pa'i tshul du snying gar bzhag la/ g.yas pa'i sor mo brkyang bas sa la reg pa'i tshul du bya ba ni mi bskyod pa'i'o//'di nyid lag pa g.yas pa mchog sbyin pa ni rin chen 'byung ldan gyi'o/ /rdo rje khu tshur gnyis kyi lag pa gnyis kyi sor mo brkyang la lhung bzed 'dzin pa'i tshul du pang bar bzhag pa 'di ni ting nge 'dzin mchog ces bya ste/ 'od dpag tu med pa'i'o/ /mi bskyod pa'i phyag rgya las lag pa g.yas pa mi 'jigs pa'i tshul du byas nas bzhag pa ni don yod grub pa'i'o//de nas rang gi snying gar rdo rje bsams la/ de bzhin gshegs pa thams cad kyi phyag rgya chen po bcing bar bya'o/ /ji skad du bshad pa'i byang chub mchog gi phyag rgya ni rnam par snang mdzad kyi'o//ting 'dzin mchog gi phyag rgya bcings la/ lag pa g.yas pa sa la reg pa ni mi bskyod pa'i'o/ /de las phyag g.yas pa mchog sbyin pa ni rin chen 'byung ldan gyi'o/ /ting nge 'dzin mchog ni 'od dpag tu med pa'i'o/ /mi bskyod pa'i phyag rgya las phyag g.yas pa mi 'jigs pa sbyin pa'i tshul du bya ba ni don yod grub pa'i phyag rgya chen po ste/'di dag ni phyag mtshan dang bcas pa yin no/ /de nas khams gsum rnam par rgyal ba'i phyag rgya dang / hUM bzhis snying ga dang / dpral ba dang / lkog ma dang / spyi bor bdag nyid byin gyis brlab par bya'o//de nas snying gar rdo rje sems ma'i phyag rgyas dpral bar rdo rje rin chen mas/ lkog mar rdo rje chos mas/ spyi bor rdo rje las mas byin gyis brlabs la/ oM badzra satwa sa ma ya ma nu pA la ya/ badzra satwa twe no pa/ tiSh+Tha dr-i D+ho me b+ha ba/ su to Sh+yo me b+ha ba/ a nu rak+to me b+ha ba/su po Sh+yo me b+ha ba/ sarba sid+d+hi m+me pra yats+tshaHsarba karma su tsa me/ tsit+taM shre yaH ku ru hUM/ ha ha ha ha hoHb+ha ga bAn sarba ta thA ga ta badzra mA me muny+tsa badzri b+ha ba mahA sa ma ya satwa AHzhes bya ba yi ge brgya ba lan gsum bzlas pas brtan par byas nas srung ba chen po bya ba'i phyir/ oM badzra uSh+Ni Sha hUM phaT/ces bya ba'i rig pa 'dis phyag rgya dang bcas pa gtsug tor du dgod par bya'o/ /rdo rje bcing ba dam bcings te/ /mthe bong nang du sbyar nas ni/ /mdzub mo bkug ste gnyis gas dgab/ /sems dpa'i gtsug tor zhes bya'o/ /zhes bya ba ni 'di'i phyag rgya'o/ /yid gtsug tor gyi steng du sngags 'di'i phyag rgya dang ldan pas gzi brjid phung po 'bar ba'i 'khor lo'i phyag rgya gzhag par bya'o//oM na maHsarba ta thA ga ta uSh+NI Sha te dzo ra shi a na pa li ki nA mur+d+ha hUM/ dza la ta ka bi d+ha ka d+ha ra bi d+ha ra tshin+d+ha bin+d+ha huM phaT/ rdo rje bcing ba byas nas ni/ /mthe bong gung mo mthe'u bsgreng //gzi brjid phung po zhes bya ste/ /dngos grub myur du sbyin byed pa'o/ /de nas rdo rje dbyings kyi dbang phyug ma bcings la/ spyi gtsug tu a las rnam par snang mdzad bskyed la 'di skad ces brjod par bya'o/ /oM badzra d+hA twI shwa ri hUM badzri Ni ab+hiShi ny+tsa mAM/mi bskyod pa'i phyag rgya bcings la/ yi ge hUM las dpral ba'i steng du mi bskyod pa ste/ oM badzra badzri Ni hUM a b+hiSh-iny+tsa mAM/ rin chen 'byung ldan gyi phyag rgya bcings la/ yi ge trAM las rna ba g.yas pa'i steng du rin chen 'byung ldan no/ /oM rat+na badzri Ni hUM a b+hi Sh-iny+tsa mAM/ 'od dpag tu med pa'i phyag rgya bcings la/yi ge hrIHlas rgyab tu ni 'od dpag tu med pa'o/ /oM d+harma badzri Ni hUM a b+hi Shiny+tsa mAM/ don yod grub pa'i phyag rgya bcings la/ rna ba g.yon pa'i steng du yi ge a las don yod grub pa bskyed la 'di skad ces brjod do/ /oM karma badzri Ni hU~M a b+hi Shiny+tsa mAM/ rdo rje thal mo bcings la/mthe bo gnyis ni bsnol byas la/ /mdzub mo rtse mo bkug pas ni/ /gung mo snyam pa'i tshigs su sbyar/ /rdo rje dbyings kyi dbang mor bshad/ /de nyid gung mo rdo rjer bya/ /gung mo gnyis ni nor bur bya/ /pad+mor srin lag mthe'u chung gung / lag pa sor mo rab tu brkyang / /zhes bya'o//oM badzra dz+wa la a na lArka hUM a b+hi Shiny+tsa mAM zhes brjod la/ rdo rje rIn+ti ri'i phyag rgyas rdo rje me ltar 'bar ba'i dbang bskur ba blang bar bya'o/ /rdo rje bsdams pa nang bcings nas/ /yid kyis khros nas dgab bya ba/ /rdo rje mthe bo dam po ste/ /khro bo ti rIn+ti rir bshad/ /'dis spyi bo nas brtsams te phyogs bzhi rdo rje phreng ba bcing pa'i tshul du byas la/dpral bar gzhag go/ /oM TuM zhes bya ba ni phyag rgya dang ldan pas go cha bcing bar bya'o/ /rdo rje khu tshur gnyis kyis snying gar 'dud pa'i tshul du bya ba dang / de bzhin du mgrin pa dang / ltag pa dang yang snying ga dang / nu ma'i bar dang slar yang snying ga dang / mgrin pa dang / rtag pa dang dpral ba'i steng du mdud pa'i tshul du byas la/ mgo bor phreng ba bcing ba'i tshul du byas la/ mtha' ma la sogs pa nas dgrol ba'i tshul gyis dar dpyangs bya ba'i thabs su byas la/ de mnyam pa'i thal mo badzra tu Sh+t+ya hoHzhes bya bas mnyes par bya'o//de nas rdo rje thal mo bskor la bcom ldan 'das rdo rje hUM mdzad la phyag byas nas/ yi ge hUM las bskyed pa'i rdo rje gzung bar bya'o/ /sangs rgyas kun gyi rdo rje'i dbang / /deng 'dir khyod la bskur bar bya/ /sangs rgyas kun du rab bsgrub phyir/ rdo rje 'di ni khyod kyis long / /oM badzra a d+hi pa ti twaM a b+hi Shiny+tsA mi tiSh+Tha badzra sa ma ya s+t+waM/ oM badzra pA Ni badzra karma ka rod+b+ha zhes bya ba 'dis/ rdo rje spyi bor bzhag la ming gi dbang bskur ba blang bar bya'o/ /oM badzra kro d+ha twaM a b+hi Shiny+tsA mi badzra nA ma a b+hi She ka ta/ kye hUM mdzad rdo rje zhes bya ba la sogs pas so//de nas sgeg mo la sogs pa'i gsang ba'i mchod pa bzhis bdag nyid ji lta ba bzhin du yang dag par mchod la yang bcom ldan 'das kyi phyag rgya chen po bcings la de kho na nyid kyi rdo rje gzung bar bya'o/ /rdo rje sems dpa' btul bas na/ /khro bo rtag tu chags las byung //rdo rje me ltar 'bar ba ni/ /bdag ni rab tu 'jigs byed pa'o/ /zhes bya ba ni de kho na nyid do/ /a las byung ba'i chos kyi dril bu dkrol bar bya'o/ /thams cad nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam rnal 'byor pas//thams cad myur ba nyid du 'grub/ /ces bya ba ni chos so/ /dam tshig gi phyag rgya chen por byin gyis brlab par bya ste/ thams cad nam mkhar sbyor ba yis/ /thams cad nam mkha' zhes smra zhing / /rdo rje phyag rgyas rgyas btab la/ /khams gsum pa ni bza' bar bya//zhes pa ni dam tshig go/ /de nas 'dis rdo rje brtul zhugs blang bar bya ste/ 'di de sangs rgyas thams cad de/ /phyag na rdo rje'i lag na 'dug /khyod kyis kyang ni rtag tu bcang / /phyag na rdo rje'i brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra ya mi badzra satwa hi hi hi hi hUM/gal te rnal 'byor chen po byed 'dod na/ /snga ma bzhin du dam tshig sems dpar byin gyis brlabs pa dang / phyag rgya chen po bcings pa'i bar gyi cho ga'i rjes su spyad la/ rang gi lus la yid kyis nam mkha' dang mnyam pa'i sbyor bas snying gar stong gsum pa'i cha dang mnyam pa'i sangs rgyas kyi zhing gi tshad tsam gyi zla ba'i dkyil 'khor de'i steng du khams gsum rnam par rgyal ba'i phyag rgya bzhi pa'i dkyil 'khor las gsungs pa'i snying po lngas khams gsum rnam par rgyal ba'i dkyil 'khor chen po ji lta ba bzhin du sprul la/bdag nyid rdo rje hUM mdzad du bsams te/ khro bo ti rIn+ti ri'i phyag rgya ji lta ba bzhin du bcings nas/ de nyid kyis me tog gi phreng ba bzung la/ 'jug pa'i sngags zlos shing rang gi snying gar gnas pa'i dkyil 'khor der 'jug par bya'o/ /de nas me tog dor ba'i sngags kyis rang gi spyi bor me tog gi phreng ba dor la/phreng ba'i dbang bskur ba'i sngags kyis rang gi mgo la bcings nas gdong g.yogs dgrol ba'i sngags kyis gdong g.yogs bkrol la/ rdo rje lcags kyu nas brtsams te rang gi snying ga'i dkyil 'khor bltas la/ tiSh+Tha badzra zhes bya ba la sogs pa'i 'jug pa'i phyag rgya snying gar bkrol la chu'i dbang bskur ba de'i snying po yid kyis blangs nas/sangs rgyas lnga'i cod pan gyis dbang bskur ba'i phyag rgyas bdag nyid dbang bskur la/ rdo rje phreng ba'i dbang bskur ba'i phyag rgyas dbang bskur bar bya'o/ /de nas rdo rje dang bdag po dang ming gi dbang bskur ba blangs te/rdo rje brtul zhugs bzung nas dkyil 'khor de rang gi snying ga'i zla bar thim par bsam par bya'o/ /de nas sa ma ya a zhes zlos shing rang gi lus la lha thams cad kyi gnas su zla ba'i dkyil 'khor bskyed la phyag rgya chen po bcings te/ mdun gyi nam mkha'i phyogs su yang de bzhin du zla ba'i dkyil 'khor de'i steng du/oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+Na pa ya gr-ih+NA pa ya hUM/ A na ya ho/ b+ha ga bAn badzra hUM phaT AHzhes bya bas de bzhin du 'bar ba'i rdo rje bdag nyid dbab par byas te/ rdo rje'i nga rgyal rnam par bsgoms nas/rdo rje hUM mdzad du bsgom chopa yang byas nas/ dgug pa dang / gzhug pa dang / bcing ba dang / dbang du bya ba dang / blta ba byas nas rang gi lus la bcug la 'od kyi dkyil 'khor bskyed de/ sa ma ya s+t+waM hrIHsa ma ya s+t+waM a haM zhes bya ba dang / hUM bzhi yang brjod la/ rdo rje hUM mdzad bsgrub par bya'o//de bzhin du khro bo rdo rje 'bebs pa'i phyag rgya chen po bcings la/ oM badzra A be sha ma hA kro d+ha A be sha ya sarba sa ma yaM hUM aHzhes bya ba 'dis mdun du rdo rje dril bu'i gzugs su bdag nyid dbab par byas nas/ badzra g+han+Do haM zhes bya bas dril bu'i nga rgyal bsgom par bya'o//de nas yang badzra A be sha mahA kro d+ho haM/ zhes bya bas khro bo rdo rje'i 'bebs pa'i nga rgyal byas la/ de nyid rdo rje lcags kyu la sogs pas dgug pa dang / gzhug pa dang / bcing ba dang / dbang du byas nas khro bo chen po rdo rje 'bebs pa'i phyag rgya bcings la/'di skad ces brjod do/ /badzra A be sha mahA kro d+ha A be sha ya sarba sa ma yaM hUM a dr-i sh+ya/ yang dam tshig gi phyag rgya de nyid dang / dzaHhUM baM hoHzhes brjod do/ /rdo rje 'bebs pa rang gi gnas su dgug pa dang / gzhug pa dang / bcing ba dang / dbang du byas la/sa ma ya ste hri zhes zlos shing rgyab tu 'bar ba'i phreng ba 'khrugs pa'i 'od kyi dkyil 'khor bskyed la/ sa ma ya s+haM zhes bya ba dang / de'i sngags kyang zlos shing der bdag nyid khro bo rdo rje 'bebs par bsgom par bya'o/ /de bzhin du rdo rje sems dpa' dang chos dang las dang phyag rgya chen po rnams kyis rgyas gdab bo//de nas snga ma bzhin du lha rnams kyi sku dang / rang gi lus la yid kyis legs pa'i sbyor ba de bzhin gshegs pa thams cad bcug la/ phyag rgya bzhis rgyas gdab par bya'o/ /de'i rjes la khams gsum rnam par rgyal ba'i phyag rgyas snga ma bzhin du bdag nyid byin gyis brlabs la yi ge brgya pas brtan par bya'o//de nas rdo rje sems dpa'i gtsug tor dang gzi brjid phung po'i gtsug tor yang bkod la/ yi ge brgya pa yang bzlas nas rdo rje brtul zhugs kyi bar gyi cho ga rjes su spyad par bya'o/ /de nas gnas kyi nges pa bshad par bya ste/ sgrub pa po'i mdun gyi snying ga'i zla bar rdo rje hUM mdzad dang khro bo rdo rje sems dpa'/ g.yas logs su khro bo'i rgyal po/ g.yon logs su chags pa/ rgyab tu legs pa/ dpral bar rin chen hUM mdzad dang / khro bo khro gnyer can/ rgyab tu nyi ma/ phrag pa dag tu rgyal mtshan/ so'i phreng ba gnyis la bzhad pa/lkog mar chos kyi hUM mdzad dang khro bo rdo rje chos/ nu ma gnyis kyi bar du rnon po/ lte bar rgyu/ lce la smra ba/ spyi bor las kyi hUM mdzad dang / khro bo rdo rje las/ nam tshong du rdo rje srung ba/ khar rdo rje gnod sbyin/ dkur khro bo rdo rje khu tshur/ khro bo rdo rje sems dpa' dang /rin chen dang / chos dang / las kyi g.yon logs su sgeg mo dang / phreng ba ma dang / glu ma dang / gar ma bzhugs so/ /yang sngags pa'i gsang ba'i gnas kyi phyogs su bdug spos ma/ mgo bor me tog ma/ mig gnyis su mar me ma/ nu ma dang brang dang /snying gar byug pa ma/ lag pa g.yas su rdo rje lcags kyu/ g.yon du zhags pa/ byin pa g.yas su lcags sgrog /byin pa g.yon du 'bebs pa'o/ /de bzhin gshegs pa rnams ni yan lag gi cha thams cad du bzhugs so/ /de nas phyag bzhi byas la/ oM badzra At+ma kou0f85haM/ oM swa b+hA ba shud+d+hou0f85haM/ oM sarba sa mou0f85haM/ zhes bya ba'i snying po gsum zlos shing rdo rje'i bdag nyid can dang / rang bzhin can gyi dag pa dang / bdag med pa'i mnyam pa nyid kyi lha thams cad dang mnyam par bdag nyid bsgom par bya'o/ /yang na rdo rje hUM mdzad ky i phyag rgya chen po ji lta ba bzhin du bcings la 'og nas bshad pa'i tshul du lha chen po'i chung ma dang bcas pa bkug ste/rkang pa gnyis ji lta ba bzhin mnan la rang gi snying gar gnas pa'i rdo rje dbus su bzlas par bya ba'i sngags yid kyis bris nas/ de bzhin gshegs pa thams cad 'dus pa'i dbus na gnas shing bzlas pa'i don yid la sems bzhin du rdo rje'i tshig gam/khro bo'i tshig gis zlos shing / 'dod chags nyid las yang dag byung / /khro bo bdag ces bsgom par bya/ /snying po phyag rgya sngags rig pa/ /myur du 'grub par byed pa yin/ /zhes bya ba'i ting nge 'dzin 'di bsgom par bya'o//yang na rang gi snying gar gnas pa'i zla ba la sngar bshad pa'i rdo rje 'khor los khams gsum rnam par rgyal ba'i dkyil 'khor chen po sprul la/ oM badzra dz+wa lA g+ni pra ti bta A kaR+Sha ya sarba ta thA ga ta ma hA badzra sa ma ye hUM dzaHzhes bya ba nas oM badzra A be sham hA kro d+ha A be sha ya sarba sa ma yaM hUM aHzhes bya ba'i bar gyi sngags kyis dpal rnam par snang mdzad la sogs pa nas rdo rje 'bebs pa'i bar du seng ge'i gdan la sogs pa la bzhugs pa dang /nam mkha' dang mnyam pa'i sbyor bas de rnams dang bdag nyid lhan cig tu gyur par rnam par bsams la/badzra At+ma ko la sogs pa'i snying po gsum zlos shing / de'i don gsum bsgoms la khams gsum rnam par rgyal ba'i dkyil 'khor ni bdag yin no zhes nga rgyal bskyed par bya'o/ /de nas de bzhin du sngags zlos shing bsgom par bya'o/ /lha thams cad kyi zhal nas kyang sngags kyi sgra mngon par sgrogs par mdzad par lhag par bsam par bya ste/de lta bus ni bzlas pa thams cad bzlas par 'gyur ro/ /de nas bzlas pa'i don ni oM zhes bya ba ni de bzhin gshegs pa thams cad do/ /sum+b+ha zhes bya ba ni bod pa'o/ /ni sum+b+ha ni zhes bya ba ni de rnams rjes su thul cig pa'o//hUM zhes pa ni des sod cig pa'o/ /phaT ces bya ba ni ngan 'gro'i 'gro ba 'pho bar bya'o/ /lhag ma ni go bar zad do/ /hUM bzhi pa ni lan bzhi brjod par ston pa'i rang bzhin no/ /de yang oM ni de bzhin gshegs pa'o/ /sum+b+ha ni sum+b+ha zhes bya ba ni de bzhin gshegs pas rjes su thul cig ces gsungs pa'o//'dis ni 'di skad ston te/ bcom ldan 'das ni de bzhin gshegs pa rnams kyang 'dul bar mdzad na lha la sogs pa lta smos kyang ci dgos/ 'dul ba'i sdug bsngal 'jig pa ste/ /srid pa'i sdug bsngal gcod pa yin//hUM zhes bya ba gsod pa'i mchog /gdug pa skrag pa gsod pa yin/ /zhes pa dang / nyon mongs gdug pa ltung byed cing / /zhi bas 'gugs pa yin par bshad/ /phaT ces bya ba ltung ba'i sgra/ /ngan 'gro'i 'gro ba ltung ba'o/ /yang na ting nge 'dzin gsum bsgom par bya ste/dngos grub kyi rdo rje brtul zhugs kyi mthar thug pa'i cho ga rnams rjes su spyad la/ rnal 'byor chen po dang ldan pa'am/ rnal 'byor gcig dang ldan pa'i phyag rgya chen po bcings la/ blos nam mkha'i phyogs su gnas te/ stong gsum pa'i sangs rgyas kyi zhing thams cad yi ge a'i don bsgom pas/nam mkha' dang mnyam par bsams la/ nam mkha'i phyogs der yi ge yaM las rlung gi dkyil 'khor/ de'i steng du yi ge baM las chu'i dkyil 'khor/ de'i steng du yi ge laM las gser gyi dkyil 'khor/de'i steng du yi ge baM las rgya mtsho chen po/ /chu dang gser gyi dkyil 'khor der/ /hUM suM hUM zhes bya ba las ri'i rgyal po ri rab zur bzhi pa rin po che sna bzhi'i rang bzhin can/ rin po che thams cad kyis brgyan par bsams la/ oM badzra dr-i D+ho me b+ha ba/ rak+Sha sarbaM swA hA/zhes zlos shing rdo rje bsdams pas gzhi la reg pas rdo rje'i rang bzhin du byin gyis brlab par bya'o/ /de nas sngar bshad pa'i rdo rje 'khor los gzhal yas khang sprul la/ bgegs gzhom pa la sogs pa nas/ rnam par snang mdzad kyi gnas su a siM zhes bya ba las seng ge'i gdan mi bskyod pa'i gnas su hUM gaM hUM zhes bya ba las glang po che'i gdan/rin chen 'byung ldan gyi gnas su trA baM trA zhes bya ba las rta'i gdan/ 'od dpag tu med pa'i gnas su hrIHmaM hrIHzhes bya ba rma bya'i gdan/ don yod grub pa'i gnas su aHmaM AHzhes bya ba las nam mkha' lding gi gdan la a las byung ba'i zla ba'i dkyil 'khor gyis mnan pa rnam par bsams nas sems dpa'i skyil mo krung bcas te 'dug la/de bzhin gshegs pa thams cad kyi gzugs kyi sku nyid dang / chos nyid dang / theg pa chen pos nges par 'byung ba'i chos dang /phyir mi ldog pa'i byang chub sems dpas yang dag par bsdus pa'i dge 'dun rjes su dran par bya'o/ /de nas 'jig rten gyi khams thams cad 'gro ba thams cad kyis bsdus pa'i sems can thams cad la lhag par byams pa bskyed par bya ba dang / ngan 'gro la sogs pa'i sdug bsngal gyis bsdus pa thams cad la snying rje ba dang /'phags pa thams cad la dga' ba dang / 'jig rten gyi chos thams cad yang btang snyoms su bya ba dang / chos thams cad kyang dngos po med pa'i ngo bo nyid dang / sgyu ma dang mtshungs pa nyid dang / mig yor du mtshungs pa nyid du lhag par mos par bya ba dang / byang chub kyi sems dang / shes rab kyi pha rol tu phyin pa dang / thabs la mkhas pa'i spyod pa dang / rigs lnga dang / rdo rje dang / dril bu dang phyag rgya dang / slob dpon nyid dang / byams pa dang / mi 'jigs pa dang /zang zing dang chos kyi sbyin pa mngon du bya ba dang / gsang sngags kyi sgo'i spyod pa rnams dang bcas pa'i chos thams cad kyi tshul thams cad ston pa dang / bslab pa dang / sdom pa thams cad nan tan du byas shing cho gas yongs su rdzogs pa dang / sems can rnams bskyab pa dang /de bzhin gshegs pa rnams mchod cing bsnyen bkur bya ba yang mngon du byas nas bdag nyid cod pan gyi dbang bskur ba'i byang chub sems dpa' sems dpa' chen po don thams cad grub par lhag par mos pas 'og min du mngon par byang chub pa mngon du byas nas mi bskyod pa la sogs pas yongs su bskor te/ri'i rgyal po ri rab kyi rtse mo na gnas pa'i rdo rje dang / nor bu dang rin po che las byas pa'i khang pa brtsegs pa na de bzhin gshegs pa thams cad kyi bsod nams las nges par 'byung ba'i seng ge'i gdan la zhal thams cad pas bzhugs par bsams la/rdo rje dbyings kyi dbang phyug mas bdag nyid byin gyis brlabs nas byang chub mchog gi phyag rgya bcings te/ badzra satwa zhes zlos shing zla ba'i dkyil 'khor rnams rang gi snying ga nas phyung la lha thams cad kyi gnas su ji lta ba bzhin du yang dag par bzhag nas/rdo rje sems dpa' nyid bdag byin gyis brlab pa'i bar du byas nas ched du brjod pa 'dis ched du brjod par bya'o/ /'di de sangs rgyas thams cad kyis/ /grub pa'i rdo rje bla na med/ /bdag de bdag gi lag tu byin/ /rdo rje la ni rdo rje gnas//dang po sbyor ba'i ting 'dzin no/ /de nas de bzhin gshegs pa thams cad kyi khams gsum las rnam par rgyal bar bya ba'i phyir/ rdo rje sems dpa' rdo rje che/ /zhes bya ba nas brtsams te/ rang gi rigs ni bskyed par mdzod/ /ces bya ba'i bar gyi mtshan brgya rtsa brgyad pas bdag nyid la gsol ba gdab par bsam par bya'o//de nas rdo rje bdag nyid kyi snying gar bzhag ste/ de bzhin gshegs pa thams cad la bos nas 'di skad ces gsol to/ /bcom ldan 'das de bzhin gshegs pa ma 'tshal to/ /de bzhin gshegs pa thams cad kyis bka' stsal pa/ci'i phyir rdo rje 'dzin pas smras pa/ bcom ldan 'das dbang phyug chen po la sogs pa ma rungs pa'i sems can dag kyang mchis te/ de bzhin gshegs pa khyed rnams kyis kyang zhi bas 'dul bar mi spyod pa de dag la bdag gis ji ltar bsgrub par bgyi/de nas bdag nyid bcom ldan 'das rnam par snang mdzad dang tha mi dad pa lhag par mos par byas la/ de bzhin gshegs pa thams cad rang gi snying gar zhugs par bsam par bya'o/ /de nas byang chub mchog gi phyag rgya bcings nas hUM zhes bya bas rdo rje sems dpa' bskul bar bya'o//de nas phyag na rdo rje'i thugs ka'i rdo rje la kun du 'bar ba'i snying po khro gnyer can smin ma btsums shing dpral ba gnyer ba/ mche ba lhag ge phyung zhing so gtsigs pa/ rdo rje dang lcags kyu dang / ral gri dang / zhags pa la sogs pa'i rdo rje'i me lce 'bar ba'i mtshon cha lag na thogs pa rnam pa du ma'i kha dog dang /rgyan sna tshogs kyi cha lugs 'dzin pa'i phyag na rdo rje'i skur gyur nas sku las byung ste/ 'jig rten gyi khams thams cad du shin tu ma rungs pa thams cad 'dul bar byas nas/ bcom ldan 'das rnam par snang mdzad kyi phyogs kun du rdo rje dbyings kyi dkyil 'khor chen po'i tshul du zla ba'i dkyil 'khor la 'dug ste ched du brjod pa 'di ched du brjod do//kye ma thams cad 'dul ba yis/ /thabs chen ldan pa bdag yin te/ /gang phyir sems can gdul thabs phyir/ /dri ma med pa'i khro bor gyur/ / yang bdag nyid bcom ldan 'das rnam par snang mdzad dang tha mi dad par lhag par mos la/ byang chub mchog gi phyag rgya bcings te/ oM sum+b+ha ni sum+b+ha hU~M/ gr-ih+Na gr-ih+Na hU~M/ gr-ih+NA pa ya gr-ih+NA pa ya hU~M/ A na ya ho/ b+ha ga bAn badzra hU~M phaT/ ces zlos shing de bzhin gshegs pa thams cad kyi thugs ka nas phyag na rdo rje'i gzugs su gyur te byung nas/'jig rten gyi khams rab 'byams rgya mtsho'i sprin thams cad na de bzhin gshegs pa byang chub sems dpa'i 'khor gyi dkyil 'khor dang bcas pa thams cad kyis byin gyis brlabs te spyan drangs nas/ rdo rje dam tshig gi dkyil 'khor chen por bcug ste/dam tshig bcings nas yang gcig tu 'dus te/ rdo rje khro bo chen po'i lus su gyur nas bcom ldan 'das rnam par snang mdzad kyi thugs kar 'dug ste ched du brjod pa 'di ched du brjod do/ /e ma'o byang chub sems 'di ni/ / kun du gzung zhing sdig med de/ /gang phyir sems can 'dul don du/ /khro bo yang ni yid 'ong 'gyur/ /de nas bcom ldan 'das kyi thugs ka nas byung ste/ de bzhin gshegs pa thams cad kyi spyan sngar zla ba'i dkyil 'khor la gnas te bka' nod cing 'dug go/ /bcom ldan 'das de bzhin gshegs pa thams cad bdag ni khro bo'i dbang du bgyis la tshar gcad par 'os pa rnams tshar bcad par bgyi na/bcom ldan 'das de la ji ltar 'grub par bgyi ba bka' stsal du gsol/ de nas hU~M Tak+ki dzaHzhes bya ba'i rnam par snang mdzad kyi bkas khro bo'i 'khor lo thams cad kyang rang gi snying gnas phyung ste/gnas ji lta ba bzhin du bzhag la/ hUM Tak+ki dzaHzhes bya ba 'dis phyag rgya dang ldan pas lha chen po la sogs pa 'jig rten gsum po thams cad dgug par bya'o/ /phyag rgya ni 'di yin te/ mthe'u chung gnyis lcags kyur bcing / / rdo rje gnyis ka bla 'og tu/ /dam tshig lcags kyu'i phyag rgya 'dis/ /skad cig gis ni thams cad 'gugs/ /oM ni sum+b+ha badzra hUM phaT/ ces bya ba'i de bzhin gshegs pa'i bkas khams gsum rnam par rgyal ba bcings la/ hUM zhes bya bas thams cad kun du brgyal zhing kha spub tu 'gyel la lha chen po ni shi bar bsam par bya'o//lha chen po grags pa khyab 'jug la sogs pa ni/ oM badzro tiSh+Tha zhes bya ba'i phyag rgya dang bcas pas gsum la skyabs su 'gro ba la bzhag ste blang ngo / rdo rje mdzub mo gnyis legs par/ /rab mnyam bzhag la snyoms na ni//shi ba thams cad slong ba ste/ /rdo rje slong ba zhes bya'o/ /gsos na 'di yang skyes bu dam par 'gyur ro/ /zhes bya ba'i rnam par snang mdzad kyi bkas badzra A yu zhes bya ba'i snying po dang bcas pas lha chen po gso bar bya'o/ /rdo rje mdzub mo gnyis legs par//rdo rje bcing pa bcings nas su/ /bsgyur te gtsug tu gzhag pa ni/ /tshe dang nad med 'phel ba'o/ /oM pA da A kaR+Sha Na badzra hUM zhes bya bas rkang pa'i mthil nas khro bo rkang pas 'gugs pa'i kun du 'bar ba'i rdo rje'i snying po'i khro gnyer byas pas mche ba rnam par gtsigs pa/gdon chen po phyung nas bka' nod cing 'dug par bsam par bya'o/ /oM pA da A kaR+Sha ya sarba badzra d+ha ra a nu ra tsa kad+d+ha badzra hUM dzaHzhes bya ba 'di phyag rgya dang bcas pas lha chen po chung ma dang bcas pa bkug ste sngags pa'i rang gi rkang pa'i drung du gzhag go/ /rdo rje bcings ba dam byas te//mthe bo snyoms pa'i nang du gzhug /mdzub mo dang por bkug nas su/ /gcus pa zhabs su bkug pa'o/ /oM badzra ma hA kro d+ha zhes zlos shing khams gsum rnam par rgyal ba'i phyag rgya bcings la/ rkang pa g.yon pas lha chen po mnan la/ g.yas pas u ma'i nu ma'i bar steng nas btsir ba/oM badzra A be sha ha na pa Ta ta Ta zhes bya ba lha chen po 'bab pa'i phyag rgya dang bcas pas dbab par bya'o/ /rdo rje phyag rgya gnyis bcings te/ /gcig la gcig ni gdab pa ni/ /sems can gang gi lus la yang / /babs nas de yang rdob par byed/ /oM bud+d+ha mai tri badzra rak+Sha haM/zhes bya ba 'dis phyag rgya dang bcas pas babs pa'i sdug bsngal bsal bar bya'o/ /rdo rje phyag rgya gnyis bcings te/ /bdag gam pha rol go char bya/ /mdzub mo gnyis kyis bcings byas nas/ /rtag pa nyid du srung bar 'gyur/ /de nas lha chen po'i lus las ched du brjod pa 'byung bar mos par bya'o//e ma'o sangs rgyas thams cad kyi/ /sangs rgyas ye shes bla na med/ /yi ge'i tshig gis mnan nas su/ /mya ngan las ni 'das par gzhag /yang thams cad gsum la skyabs su 'gro ba dang / bslab pa dang / dam tshig dang sdom pa dang / byang chub kyi sems nyid bkod nas/'jug pa'i dam tshig chen po'i phyag rgya bcing ba byas nas 'dis 'ching du gzhug go/ /oM badzra sa ma ya gr-ih+Na baT+d+ha sa ma ya ma nu sma ra sarba ta thA ga ta sa ma ya s+t+waM/ dr-i D+ho me b+ha ba a h+ya ro me b+ha ba a pra ti ha r+yo me b+ha ba/ sarba karma su tsa me tsi t+taM shre yaHku ru ha ha ha ha hoH de bzhin du 'dis khro bo tirIn+ti ri'i phyag rgya bcings la/lag pa gnyis su dbab par bya'o/ /oM sa ma ya pra be sha mi/ de nas dkyil 'khor chen po thams cad go rims ji lta ba bzhin du bstan te/ oM badzra rat+na a b+hi Shiny+tsa zhes bya ba 'di'i 'og nas bshad pa'i rdo rje rin chen gyi dam tshig gi phyag rgya dang ldan pas lha chen po la sogs pa la dbang bskur bar bya'o//de nas 'dis khams gsum rnam par rgyal ba la sogs pas rdo rje'i mtshan ma lag tu sbyin no/ /oM badzra a b+hi Shiny+tsa sarba ta thA ga ta badzra d+ha ra tre badzra pA Ni hi ha ha ha ha/ de'i rjes la ming gi dbang bskur ba sbyin par bya'o//de nas ming rnams bshad par bya ste/ 'di lta ste dbang phyug chen po ni rig pa'i rgyal po'i khro bo'o/ /khyab 'jug ni rig pa'i rgyal po'i sgyu ma'o/ /gzhon nu kArti ka ni rig pa'i rgyal po'i dril bu'o/ /tshangs pa ni rig pa'i rgyal po'i thub pa'o/ /dbang po ni rig pa'i rgyal po'i mtshon cha zhes bya'o//bar snang la spyod pa rnams la nyi ma ni khro bo rdo rje 'khyil pa'o/ /zla ba ni khro bo rdo rje 'od do/ /spen pa ni khro bo rdo rje dbyug pa'o/ /mig dmar ni khro bo rdo rje gser smug ces bya'o/ /nam mkha' la spyod pa rnams la stobs bzang ni tshogs kyi bdag po rdo rje glang po'i sna'o//sbrang rtsi byed pa ni tshogs kyi bdag po rdo rje phreng ba'o/ /rgyal ba ni tshogs kyi bdag po rdo rje dbang po'o/ /rgyal bar byed pa ni tshogs kyi bdag po rnam par rgyal ba zhes bya'o/ /sa bla ba rnams la nor sbyin ni pho nya rdo rje thob pa'o/ /rlung lha ni pho nya rdo rje rlung ngo / /me lha ni pho nya rdo rje me'o/ /lus ngan ni pho nya rdo rje 'jigs pa zhes bya'o//sa 'og na gnas pa rnams la phag ni bran rdo rje lcags kyu'o/ /gshin rje ni bran rdo rje dus so/ /tshogs kyi bdag po ni bran rdo rje bgegs kyi gtso bo'o/ /chu lha ni bran klu'i rdo rje zhes bya'o/ /u ma ni rdo rje'i rgyal mo khro mo rdo rje me'o/ /rug ma ni rdo rje rgyal mo'i rdo rje gser ro//drug ldan ma ni rdo rje rgyal mo rdo rje gzhon nu ma'o/ /tshangs ma ni rdo rje rgyal mo rdo rje zhi ba ma'o/ /dbang mo ni rdo rje rgyal mo'i rdo rje khu tshur zhes bya'o/ /bar snang la spyod pa'i bud med rnams la mi 'am ci ni khro bo rdo rje mi 'chi ma'o/ /rdo rje ro hi ma ni khro bo rdo rje mdangs so//dbyug 'dzin ma ni khro bo rdo rje dbyug mchog ma'o/ /skye ba 'phrog ma ni khro bo rdo rje rked 'chi ma zhes bya'o/ /nam mkha' la spyod pa rnams la gsod ma ni gtso mo rdo rje 'dzum ma'o/ /za ba ma ni gtso mo rdo rje za ba ma'o/ /mgo ba ma ni gtso mo rdo rje mgo ba ma'o/ / dga' ba ma ni gtso mo rdo rje dbang mo zhes bya'o/ /sa la spyod pa rnams la zhi ba mo ni pho nya mo'o/ /rlung mo ni pho nya rdo rje mgyogs ma'o/ /me mo ni pho nya mo rdo rje 'bar ma'o/ /lus nga mo ni pho nya mo rdo rje 'khyor ma'o/ /sa 'og na gnas pa'i ma mo rnams la/ phag mo ni bran mo rdo rje can ma'o/ / tsa muN+DI ni bran mo rdo rje dus ma'o/ /sna can ma ni rdo rje rul pa ma'o/ /chu lha ma ni rdo rje chu srin ma zhes bya'o/ /de nas/ rdo rje 'di ni rdo rje che/ /sangs rgyas kun gyis byin gyis brlabs/ /dam tshig 'di las 'das na ni/ /rigs rnams myur du thal bar byed/ /oM ha n+na sa ma ya hUM phaT/ ces bya ba dang /phyag rgya dang bcas pa 'dis lha chen po la sogs pa ma mo'i tshogs dang bcas pa rnams dam tshig 'dzin du gzhug go /sems dpa' rdo rje dam bya ste/ /mthe bong gnyis ni bar gnan cing / /mthe chung rdo rje rtse mor ni/ /rnon po dam tshig 'dzin pa'o/ /oM ba li ta ba li ta badzra A kaR+Sha ya hU~M dzaH zhes bya ba phyag rgya dang bcas pas lha chen po la sogs pa'i rgyal po rnams bka' bsgo ba la sbyar bar bya'o//de la phyag rgya ni 'di yin te/ rdo rje'i phyag rgya gnyis bcings te/ /mdzub mo lcags kyur bcings nas ni/ /gcu zhing phyir yang gcu bar bya/ /lha rnams dgug pa dam pa yin/ / hUM badzra a kri pa ta ya sa ma ya hUM zhes bya bas ni khro bo rnams so/ /'di'i phyag rgya ni/ rdo rje bcing ba dam byas te/ /mdzub mo bkug nas rab tu mnan/ /mthe bong gnyis ka mtshams sbyar nas/ /gung mo gnyis ka rab tu mnan/ /oM badzra ma la a kra baM zhes bya ba phyag rgya dang bcas pa ni tshogs rnams so//phyag rgya ni 'di yin te/ rdo rje phyag rgya gnyis ka yi/ mthe'u chung sor mo bcings nas ni/ /mdzub mo sor mo rgyab nas mdud/ /bzlog ste mgo bor gzhag par bya/ /oM badzra b+han+d+ha haM zhes bya ba phyag rgya dang bcas pas ni pho nya rnams so/ /phyag rgya ni 'di yin te/ rdo rje bsrung ba dam bcings te/rdo rje bsdams pa des mnan pa/ /'di ni sa yi dam tshig ste/ /sems can thams cad bsrung ba'o/ /oM badzra pA lA b+hany+tsa b+hany+tsa hUM phaT/ ces bya ba ni bran rnams so/ /'di'i phyag rgya ni/ /rdo rje phyag rgya gnyis bcings te/ /g.yon pa'i rdo rje mdzub mos mnan/ / gcu zhing slar gcu byas nas ni/ mthe'u chung gnyis ni brdab par bya/ /oM he ru ka badzra sa ma ye hUM phaT/ sarba duSh+Ta sa ma ya mudz+dza pra b+ha ny+tsa ka hU~M phaT/ 'di ni dbu ma la sogs pa'i ma mo'i tshogs rnams so/ /'di'i phyag rgya ni/ rdo rje bcing ba sbrel pa ni/ /mdzub mo gnyis ni dam por bya//mthe bong gung mo rtse mo gnyis/ /rdo rje phyag rgya bcings nas kyang / /yongs su bzlog ste dpral bar gzhag /mthe bo khar ni gzhag par bya/ /oM sum+b+ha ni sum+b+ha hUM phaT/ ces bya ba de bzhin gshegs pa'i bka' dang / oM badzra sa ma ya A kaR+Sha ya sarba duSh+Ta maN+DalaM badzra d+ha ra sa t+yaM mA ti kra ma hUM phaT/ces bya ba 'di phyag rgya dang bcas pas ma rungs pa'i dkyil 'khor dgug par bya'o/ /rdo rje lcags kyu gnyis bcings te/ /snying gar yongs su bskor bar bya/ /mdzub gnyis lcags kyu phyi rol gyi/ /dkyil 'khor dgug pa'i mchog yin no//yang oM sum+b+ha ni sum+b+ha hUM phaT/ ces bya ba'i rnam par snang mdzad kyi bka' dang / oM duSh+Ta badzra kro d+ha ha na da ha pa tsa pid+h+wa n+sa ya bi ki ra sarba du Sh+TAM sa ma ya mu da na maN+Dal b+ha ny+dza b+hany+dza marda marda kha d+ha kha d+ha ba ra man+t+raM badzra hUM phaT/ ces bya ba ni phyag rgya dang bcas pas ma rungs pa'i dkyil 'khor rnam par gzhig par bya'o//rdo rje khro bo mdzub legs par/ /sen mo sprad de dkris nas kyang / /rtse mo gnyis ni dam sbyar ba/ /phyag rgya 'di ni ma rungs 'joms/ /oM ni sum+b+ha ha na da ha pa tsa gr-ih+Na b+han+d+ha hUM phaT/ ces bya ba de bzhin gshegs pa'i bka' dang / oM mahA badzra krU ra kro d+ha pa ta ye sarba du Sh+TAM maN+DalaM bi nA sha ya/ sarba duSh+Ta sa ma yaM ba ki ra bi d+h+wang+sa ya s+pho Ta ya/ b+ha ny+dza sarba duSh+TAM sa ma ya mu dra ban+d+ha/ gr-ih+Na ha na da ha pa tsa sarba duSh+TAM sa ma ya sa twAM badzra sa ma ya hUM phaT ces bya ba dang khro bo chen po gdug pa phyag dang zhal stong mnga' bas ma rungs pa thams cad bcom nas rgya mtsho chen por ltung bar byas par bsam mo//de nas 'di'i phyag rgya bshad de/ g.yon pa'i rdo rje mdzub mo la/ /g.yas pa'i mdzub mo bkug pas gzung / /rab tu khros nas drag gtogs nas/ /ri rab kyang ni lhung bar byed/ /oM ha na ha na badzra hUM phaT/ces bya ba'i de bzhin gshegs pa'i bka' dang / oM badzra A kaR+Sha ya shI g+h+raM sarba duSh+TAM da ha na badzra d+ha ra sah+ye na hUM dzaHzhes bya ba'i phyag rgya dang bcas pas phra men la sogs pa gdon ma rungs pa thams cad dgug par bya'o/ /phyag rgya ni 'di yin te/ g.yon pa'i rdo rje mdzub mo la/ / g.yas pa'i mdzub mo lcags kyus gzung / /rab tu khros shing dgug pa yis/ /gdon rnams thams cad dbang du byed/ /oM badzra pra ti gr-i h+nahr-i da ya A kaR+Sha Ad+ya yan satwa ar+d+he na mri ya te ta s+ya hra da yaM niSh+Tha ma tu sa ma ya hUM dza zhes bya ba dang / phyag rgya 'dis 'chi bar gyur pa de rnams kyi mtshan mo snying chung ba la phra man ma gdon rnams la sbyin no//de rnams dga' ste thams cad mkhyen pa'i ye shes grub par byed do/ /phyag rgya de ni 'di yin te/ rdo rje bcing ba byas nas ni/ /lag ngar snying gar shin tu bsdams/ /rdo rje mdzub mo rang mchan khung / /brud pa yi ni snying sbyin no//oM hUM phaT ces bya ba de bzhin gshegs pa'i bka' dang / oM badzra sa ma ya a na ya sarba duSh+Ta dz+wa rA di na A kaR+Sha ya hUM phaT/ ces zlos shing phyag rgya dang bcas pas rims la sogs pa dgug par bya'o/ /phyag rgya ni 'di yin te/ mdzub mo gnyis kyi rtse mo ni/ /mthe bong gnyi ga'i drung du ni//yid kyis khros nas btsir bar bya/ /rims la sogs par dgug par bya/ /oM badzra karma bi sho d+ha ya sarba A ba ra Na ni bud+d+ha sat+ye na sa ma ya hUM zhes bya ba 'dis phyag rgya dang bcas pas rang ngam gzhan gyi rims la sogs pa'i nad bsal bar bya'o/ /de la phyag rgya ni 'di yin te/rdo rje thal mo dam sbyar te/ /gung mo gnyis ka bkug nas su/ /mthe bo rab tu mnyam sbyar bas/ /mnan pa de ni sdig 'phrog pa'o/ /oM k+Sha pa ya badzra swA hA/ zhes bya ba de bzhin gshegs pa'i bka' dang / oM sarba a pa ya A kaR+Sha Na bi shwa d+ha na badzra sa ma ya hUM phaT ces bya ba 'dis phyag rgya dang bcas pas ngan song gsum po dgug par bya'o//phyag rgya ni 'di yin te/ rdo rje phyag rgya gnyis nang du/ /mdzub mo gnyis ni bcings nas kyang / /legs par gyen du 'phangs pa ni/ /ltung ba slong ba'i dam pa'o/ /oM badzra pA Ni bi s+pho Ta ya sarba A pa ya ban+d+ha nA ni pra mo k+Sha ya sarba A pa ya ga ti b+h+yaHsarba twA na sarba ta thA ga ta badzra sa ma ya traT ces bya ba 'dis ngan 'gro'i 'gro ba thams cad rnam par sbyangs la/bcom ldan 'das rnam par snang mdzad kyi zhabs drung du skyes par bsam par bya'o/ /de nas 'di'i phyag rgya bshad de/rdo rje bcing ba dam bcings te/ /gung mo ga nyi ga ngos sbyar nas/ /tha ma bzhi yang rtse phrad pa/ /skad cig du ni sdig dral lo/ /rdo rje khro bo'i dkyil 'khor gyi rgyal po'i mchog ces bya ba'i ting nge 'dzin to/ /de nas bsdu ba byas la sangs rgyas thams cad kyis bdag nyid ji lta ba bzhin du dbang bskur bar bya'o//yang dgug pa dang gzhug pa dang / bcing pa dang / dbang du byas la/ ji ltar yongs su bsgom pa'i dkyil 'khor gyi gnas su lha thams cad phyag rgya bzhis rgyas gdab par byas nas phyag rgya chen pos rang gi las mdzad pa la sbyar bar bya'o//rdo rje khro bo las kyi mchog/ /ces bya ba'i ting nge 'dzin to/ /dang por sbyor ba dang dkyil 'khor gyi rgyal po mchog dang las kyi rgyal po'i mchog gi ting nge 'dzin la mnyam par gzhag pas snyoms par 'jug par bya'o zhes gsungs pas ting nge 'dzin gsum po 'di dag ni nges par bsgom par bya'o//yang bsdu ba byas la mtshan brgya rtsa brgyad pas ji lta ba bzhin du bstod par bya'o/ /de nas lcags kyu la sogs pas las byas la mchod yon phul nas thams cad rang gi phyag rgya bzhis rgyas btab la/ dbang bskur la me tog la sogs pa dam pa brgyad dam mchod pa bcu drug gis yang dag bar mchod la/phyag bzhi byas nas phyag rgya chen po ji lta ba bzhin du bcings nas rdo rje bdag nyid can dang rang bzhin gyis dag pa dang / bdag med pa'i mnyam pa nyid kyis sems dpa' thams cad dang bdag nyid rnam par bsgoms nas/khro bo'i tshig gam rdo rje'i tshig gam/ yid nyid kyis hUM bzhi zlos shing chos bdag med pa'i mnyam pa nyid kyis ye shes kyi dbang du byas la/ ji srid so sor snang ba'i sbyor bas khro bo'i 'khor lor gtogs pa thams cad bsgom par bya'o/ /lha thams cad kyi zhal nas kyang hUM bzhi'i sgra byung bar lhag par mos par bya'o//bsgom pa nye bar sdud pa'i dus su yang de bzhin du yid kyis legs par sbyor bas rang gi lus la gzhug par bya zhing bdag nyid de bzhin gshegs pa thams cad 'dus pa'i dbus na bzhugs ba'am/rdo rje hUM mdzad gcig por bsgom par bya ba'am/ mdun du de bzhin gshegs pa thams cad 'dus pa'i na gnas pa'i bcom ldan 'das rdo rje hUM mdzad bsgom par bya'o/ /sbyor ba 'dis ni/ /sangs rgyas bka' yi 'gro kun don/ /dngos grub kun gyi cho ga yis//phyag rgya chen po bsgoms na ni/ /tshe 'di nyid la 'chad rgya'o/ /gal te gang gi tshe phyag rgyar byin gyis brlabs pa lhod par gyur tam bdag nyid gtong bar 'dod par gyur na da'i tshe yi ge brgya pas brtan par bya'o/ /bsgom pas dub par gyur na mtshan brgya rtsa brgyad kyis bstod pa dang /mchod pa rnam pa brgyad dang phyag bzhi bya'o/ /de ltar ji srid skyo bar ma gyur pa de srid kyi bar du bsgom par bya'o/ /skyo bar gyur na mtshan rtsa brgyad kyis bstod pa dang mchod pa thams cad dang / phyag bzhi byas nas/ oM badzra sa twa hUM dzaH zhes bya ba phyag rgya dang ldan pas lha chen po gso bar bya'o//de yang 'di yin te/ gsang ba'i lcags kyu bsdams byas te/ /tha ma mnyam du brkyang nas ni/ /shi ba'i mgo bor bzhag na ni/ /srog ni phyir yang thob par 'gyur/ /rdo rje bsdams pa nang du gzhibs nas mdzub mo gnyis lcags kyur bya ba ni gsang ba'i lcags kyu'o//de nas oM badzra muHzhes bya ba 'di phyag rgya dang ldan pas lha chen po chung ma dang bcas pa rkang pa'i 'og nas gtang bar bya'o/ /de ni 'di yin te/ rdo rje khro bo mdzub legs par/ /zur sprad bsdams te gzhag pa ni/ / rdo rje de dag bsgyur byas shing / /'og nas yang dag 'byin par byed/ /badzro t+tiSh+Tha zhes bya bas kyang slar dbang bskur bar bya'o/ /oM tsan+d+ro t+ta re sa man+ta b+ha dra kir Ni m+b+hA badzrI ni hUM zhes bya ba ni phyag rgya dang bcas pa bya ste/ de ni 'di yin te/ rdo rje bcing ba dam byas te/ /mthe bong mthe'u chung mnyam por ni//mnyam nas legs par brkyang ba ni/ /zla ba'i ri mo zhes kyang grags/ /lha mo u ma yang sngar bshad pa'i rdo rje rin chen gyi dbang bskur bas dbang bskur la/ lha chen po gsang ba'i mchod pa bzhis legs par mchod de/ mngon par 'dod pa'i dngos grub kyi phyir dge ba'i rtsa ba bsngos nas mchod yon phul la/phyag rgya de dgrol bar byas nas bcom ldan 'das de bzhin gshegs pa thams cad dang bcas pa la bzod par gsol bar bya'o/ /bcom ldan 'das bdag so so'i skye bor gyur pas cho ga lhag chad du gyur pa gang ci bgyis pa de thams cad bdag la bzod par mdzod cig ces bzod pa gsol bar bya'o//de nas gshegs su gsol ba'i phyir bskul bar bya ste/ oM khyod kyis 'gro ba'i don kun mdzad/ /rjes su mthun pa'i dngos grub stsol/ /sangs rgyas yul du gshegs su gsol/ /slar yang gshegs par mdzad du gsol//zhes pa dang khro bo ti rIn+ta ri'i hUM bzhis muHzhes bya ba'i mtha' dang ldan pa gyen du dgrol lo/ /de lta bus ni thams cad gshegs su gsol bar 'gyur ro/ /ji ltar sprul pa'i rigs kyi dkyil 'khor dang bcas pa thams cad kyang de bzhin du yid kyis legs par sbyor bas/rang gi lus la bcug la yi ge brgya pas brtan par bya ste/ rdo rje sems dpa' lan cig bzlas shing / rdo rje go cha dang / rdo rje gnod sbyin dang / rdo rje sems pa'i gtsug tor dang / rdo rje khu tshur gyi bdag nyid srung ba byas nas/ rang gi lha'i nga rgyal dang ldan pa nyid kyis ldang bar bya'o//de ltar nyin re bzhin thun bzhir zla ba gcig gam zla ba drug gam/ lo gcig gam/ dus ji srid kyi lha rnams kyi rjes su gnang ba stsal ba de srid kyi bar du bsgom par bya'o/ /mi nus pas ni rnal 'byor chen po nyin re bzhin lan cig bsgoms la sngags thams cad kyi bzlas brjod 'bum bya'o//sngon du bsnyen pa'i cho ga'o/ /de'i rjes la dkyil 'khor bri bar bya ste/ nyin re'am ni zla ba re/ /lo ni re re nyid dag tu/ /yar gyi ngo la cho ga bzhin/ /bsgrub bya ji ltar mngon 'dod bri/ /de la rgyal po ni khru brgya'am lnga bcu pa'o//blon po'am blon po chen po ni khru lnga bcu pa'am nyi shu rtsa lnga pa'o/ /tshong dpon nam ded dpon gyi ni khru nyi shu rtsa lnga'am de'i phyed do/ /sgrub pa po khru bcu gnyis sam/ khru drug gam ji tsam nus pa la bya'o/ /de la dang po re zhig yo byad thams cad dang ldan pas/mngon par 'dod pa'i dkyil 'khor gyi sa'i dbus su/ mi rus kyi phye mas dkyil 'khor gyi bgegs bsal nas/ bdag dang slob ma la sogs pa zhi bar byed pa'i sbyin sreg bya'o/ /de nas sa sbyang bar bya ste/ zabs su 'dom gang tsam la khru gang tsam brkos la/dri zhim pos bran pa'i sas bkang nas/ rdo rje rtse mo mngon par bzlas pa'i chus chag chag btab la legs par bcags te/ shin tu mnyam par byas la sgo bzhi dang skar khung gis yongs su bskor ba rta babs bzhis mdzes par byas pa'i khang pa brtsegs pa'i nang du chud par byas la mtha' mar legs par bris shing dril bu btags pa'i rgyal mtshan dam pa dang /bla re mchog bres pa/ sangs rgyas rin po che la sogs pa'i ras ris kyis mdzes par byas la/ ba'i lci bas legs par sbyangs la/ dris byugs nas mtshams bzhir spod snod bzhi dang me tog dang mar me la sogs pas nye bar mdzes par byas la/sa la lag pas reg par bya ste/ hUM bzhi dang yi ge brgya pa lan bdun yongs su bzlas par bya'o/ /de nas bdag nyid khrus byas shing dris byugs la gos dang stod g.yogs sngon po bgos shing sems dpa'i gtsug tor dang /me tog gi phreng ba btags pa kha dri zhim par bya ba dang / gdu bu dang / rna cha la sogs pas brgyan par byas la/ zla ba'i nya nas phyi ma'i nya'i bar du dkyil 'khor gyi las bya ba'am/ yar gyi ngo'i tshes gcig nas brtsam pa'am/ de bzhin du tshes brgyad dam dgu 'am bcu 'am bcu gsum mam/bcu bzhi la brtsams nas nya'i bar bya ba'am/ snga dro'i dus nas brtsams te bya'o/ /gal te nus par gyur na ni smyung bar bya'o/ /'on te ma nus na de'i tshe rdo rje chos yongs su bzlas pa'i spos chus bsangs pa'i dkar gsum bza' bar bya ste/spyan 'dren pa'i zhag smyung bar gnas pa'am/ chos dang ldan pa'i zas la brten par bya'o zhes bcom ldan 'das rdo rje 'dzin pas gsungs so/ /de la re zhig dkyil 'khor gyi sa'i dbus su 'dug la/ bgegs gzhom pa la sogs pa ji lta ba bzhin du bya'o//de nas rdo rje 'khor lo'i phyag rgyas de bzhin du dkyil 'khor sprul la/ phyag bya ba la sogs pa sngon du 'gro bas sdom pa bzung nas lha'i rnal 'byor dang khang pa brtsegs pa dang / gdan rnams bskyed la dkyil 'khor gyi sa'i dbus su sems dpa'i skyil mo krung gis 'dug la/bdag nyid spro ba bskyed par bya'o/ /deng du bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig gis mnyam par/ /gyur par bdag nyid som nyi med/ /byang chub sems dang sems gcig las/ / mi ldog par ni bdag gyur te/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /de nas yan lag thams cad kyis phyag byas la spos snod lag tu thogs te/sangs rgyas thams cad spyan drang bar bya'o/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi ba yis/ /rdo rje can gyi dkyil 'khor bri/ /deng 'dir sangs rgyas kun gshegs te/dngos grub 'di ni stsal du gsol/ /de'i rjes la sngar bshad pa'i rim pas de bzhin du ting nge 'dzin gsum bsgom par bya'o/ /de nas/ de nyid kyis ni rdo rje gzung / /chos kyi dril bu dkrol bar bya/ /dam tshig gi ni phyag rgya cher//byin gyis brlabs nas snying po bzla/ /de ltar dam tshig gsum mchog tu thob pa'i slob dpon gyis rang gi phyag rgyas/ 'khor lo kun gyi cho ga ni/ /rdo rje dril bu 'dzin pas bya/ /dkyil 'khor thams cad sgrub byed pa'i/ /rtog pa kun la yang dag 'jug / dam tshig che gsum zhes bya ba/ /rgya 'di gsang sngags sgrub byed yin/ /dngos grub kun gyi cho ga la/ /rdo rje dril bu rab sgrub yin/ /cho ga lhag gam ma tshang yang / /'grub 'gyur smad par mi bya'o/ /bcom ldan 'das la yang gsol ba gdab par bya ste/ /bcom ldan 'das sems can gyi khams ma lus pa lus pa med pa'i skyabs dang /phan pa dang / bde ba thams cad myong bar bgyi ba nas/ de bzhin gshegs pa thams cad kyi de kho na nyid kyi grub pa dam pa'i 'bras bu thob par bgyi ba'i bar du stsol cig par bdag la bcom ldan 'das de bzhin gshegs pa thams cad kyis grub pa'i rdo rje stsal te/de bzhin gshegs pa thams cad kyis bka' stsal na/ mi 'di rnams ji ltar bgyi ba de bzhin gshegs pa thams cad kyis bka' stsol cig /de nas de bzhin gshegs pa thams cad yang gcig tu 'dus nas 'di skad ces bka' stsal to//oM badzra pA Ni ma hA ma da laM/ pra be sha ya sarbaM duSh+TAM ro tran ni ba ra ya ba be bya/ pra mo k+Sha ya dur dr-iSh+Ta par+ya ban+d+ha bi sho d+ha ya nA sha ya/ bi nA sha ya ha ha ha ha hUM/ de ltar rjes su gnang ba thob pa dang / /khams gsum rnam par rgyal ba'i phyag rgyas dkyil 'khor steng du nam mkha' la bzhag nas/de nyid kyi bdag nyid byin gyis brlabs te/ phyag rgya de nyid rang gi snying gar bzhag la de'i nga rgyal dang ldan pas khro bo'i lta bas blta zhing dbang ldan nas brtsams te/ bgegs thams cad bskrad pa la brtson par bya'o/ /yi ge a las rang gi rkang mthil gnyis su sna tshogs rdo rje bkod la/rang gi rkang mthil gyis yongs su bzung nas/ rlung gi dkyil 'khor nas brtsams te ri rab kyi steng gi bar du dkyil 'khor gyi gnas de rdo rje'i rang bzhin du gyur par mos pas hUM bzhi zlos shing / g.yas nas bskor bas 'gro bar bya'o//de nas khro bo'i lta bas dkyil 'khor bcing ba dang / ra ba dang / rdo rje dra ba bya'o/ /yang hUM zhes zlos shing rdo rje hUM mdzad kyi gzugs nyid kyis de bzhin gshegs pa thams cad kyi thugs ka nas byung ste/ 'jig rten gyi khams thams cad rdo rje sems dpa'i khro bo la sogs pa rdo rje 'bar ba 'jigs su rung ba kun du 'khrugs pa/hUM zhes bya ba'i dgra 'jigs su rung bas lkog ma'i phyogs kun du gang ba dang / khro bo'i sku mchog gis mi g.yo ba rdo rje 'bebs ba'i tshul gyis nam mkha' nas babs te/ gar las byung ba'i me tog gi thal mos de bzhin gshegs pa thams cad yang dag par mchod la/dkyil 'khor gyi lte bar g.yon brkyang pas 'dug ste/ bskal pa'i me dpung ltar 'bar ba'i khro bo'i tshogs 'byin pas bdud thams cad kun du skrag par bya'o/ de nas dga' bas yongs su bskor ba'i tshul gyis shar phyogs su 'gro bar bya'o//de nas des g.yon brkyang ba'i gnas pa nyid kyis 'dug la/ bgegs thams cad bskrad par bya'o/ /de nas gnas de nas lho phyogs su song la g.yas brkyang ba'i gnas pas de bzhin du bgegs rnams rjes su bskrad par bya'o//de nas gnas de nas g.yas brkyang ba dang / g.yon brkyang bdag gis nub phyogs su song la/ zlum po'i 'dug stangs bcas nas de bzhin du bgegs rnams bskrad par bya'o/ /de nas gnas de nas nam mkha'i khams ma lus par khyab par gtogs pa'i 'jig rten gyi khams rnams g.yo bar byed pa'i rdo rje'i 'gros kyis byang phyogs su 'gro bar bya'o//de nas g.yas brkyang ba dang mthun pa'i rkang stabs dang / zlum po'i 'dug stangs dang / sa ga'i 'dug stangs rnams kyis bgegs rnams nges par bskrad par byas nas/rdo rje'i 'gros kyis shar phyogs su 'gro bar bya'o/ /de ltar na stang stabs bzhis bgegs thams cad gzhom par bya'o/ /yang rdo rje'i 'gros kyis dkyil 'khor gyi lte ba bskor bar byas la/ shar phyogs su mngon par bltas te/ mchod nas dkyil 'khor gyi lte ba phur bu'i 'gros su 'gro bar bya'o/ /de bzhin du gzhan gyis mi thub pa zhes bya ba'i khro bo'i phur bus dkyil 'khor gyi gnas su phur bus gdab par bya'o/ /stang stabs byed pa'i dus 'dir khro bo'i tshig gis hUM zhes bya ba'i sgra rgyun mi 'chad par gdon par bya'o//de nas rdo rje'i 'dug stangs phyed kyis 'dug la/ oM badzra dz+wa la a na lA rka hUM zhes zlos shing g.yon pa'i rdo rje khu tshur snying gar bzhag nas/ g.yas pas rdo rje bsor zhing bgegs rnams la bsnun par bya'o/ /yang rdo rje me'i phyag rgya dang bcas pas kyang bgegs rnams bsreg pa la sogs pa bya ste/hUM badzra a na la ha na da ha pa tsa ma tha b+hany+dza ra Na hUM phaT rdo rje bsdams pa nang du bcings la/ sor mo rnams nang du 'bar ba ltar byas la mthe bo rdo rje ltar bsgreng ba ni rdo rje me'i phyag rgya'o/ /oM badzra ne tri ban+d+ha sar ba big+h+TA zhes bya ba phyag rgya dang ldan pas bgegs rnams bcing bar bya'o//rdo rje bsdams pa las mthe bong gnyis brkyang ste snyoms la bzhag pa ni rdo rje spyan dang ldan pa'i phyag rgya'o/ /rdo rje bsdams pa brkyang la bzhag ste/ oM badzra dr-i D+ho me b+ha ba rak+Sha sarbaM swA hA/ zhes bya ba dang 'og bcing bar bya'o/ rdo rje gnod sbyin gyi phyag rgya dang sngags/ oM badzra yak+Sha hUM zhes bya ba phyag rgya dang bcas pas nam mkha' bcing bar bya'o/ /rdo rje thal mo mthe bong gnyis brkyang la mdzub mo gnyis mche ba lta bur bya ba ni rdo rje gnod sbyin gyi phyag rgya'o/ /yang rdo rje 'jigs byed kyi spyan gyis rdo rje gnod sbyin gyi steng du nam mkha' bcing bar bya'o/ / oM hu lu hu lu hUM phaT/ rdo rje khu tshur gnyis bcings la/ /mgal me'i 'khor lo bzhin du bskor te/ mgo bo'i steng du mdzub mo gnyis lcags kyu'i tshul du gzhag pa ni rdo rje 'jigs byed kyi spyan gyi phyag rgya'o/ /rdo rje gtsug tor gyi phyag rgya dang bcas pas shar phyogs bcing bar bya ste/oM hUM zhes bya ba'i sngags so/ /rdo rje khu tshur gnyis bcings la/ mthe'u chung gnyis lu gu rgyud du sbrel/ mdzub mo gnyis rtse mo sbyar la bzlog ste spyi bor gzhag pa 'di ni rdo rje gtsug tor gyi phyag rgya'o/ /yang rdo rje zhags pas de nyid bcing bar bya ste/ hUM badzra pA sha hrIHrdo rje khu tshur gnyis kyi mkhrig ma mdud pa byas pa ni rdo rje zhags pa'o//rdo rje ba dan gyis nub phyogs bcing bar bya ste/ oM badzra pA tang ki pA tang ki ni ra Ta rdo rje bsdams pa'i mthe bong gnyis sems dpa'i skyil mo krung du byas la/ mdzub mo gnyis mnyam nas srin lag phye ste/ mthe'u chung gnyis ba dan gyi rtse mo ltar byas pa ni ba dan gyi phyag rgya'o//de nas rdo rje nag mos byang phyogs bcing bar bya ste/ oM hrIHbadzra kA li ru Ta ma Ta rdo rje gnod sbyin gyi phyag rgya nyid snying gar bzhag la brtan par byas pa ni rdo rje nag mo'i'o/ /rdo rje rtse mos lho phyogs bcing bar bya ste/ oM badzra shi Sha ra ru Ta ma Ta rdo rje khu tshur gnyis kyis ri bo 'degs pa'i tshul du bya ba ni rdo rje rtse mo'i phyag rgya'o//rdo rje las kyi dkyil 'khor bcing bar bya'o/ /hUM badzra karma yaM hUM zhes bya ba rdo rje hUM mdzad kyi rab byas nas rdo rje bsdams pas rdo rje dra ba bya'o/ /sngags ni badzra b+han+d+ha baM/ de'i rjes la sgo dbye ba'i phyag rgyas sgo phye la/rdo rje'i rgyu'i rang bzhin can gyi gsang ba'i dkyil 'khor zhal bzhi pa/ phyag bzhi pa badzra maN+Da la hUM dzaHzhes bya ba'i phyag rgya dang bcas pas dgug par bya'o/ /rdo rje khu tshur gnyis kyi mdzub mo dang mthe bong rdo rjer bya ba ni dkyil 'khor thams cad 'gugs pa'o//rdo rje 'khor lo'i phyag rgya/ oM ma hA badzra tsakra a d+hi tiSh+Tha sid+d+ha hUM zhes bya ba dang bcas pas dgug pa ni dkyil 'khor des byin gyis brlab par bya'o/ /rdo rje khu tshur gnyis 'khor lo bskor ba'i tshul gyis bskor ba ni 'di'i phyag rgya'o/ /de nas seng ldeng gi rdo rje phur bu yi ge hUM las mtha' yas dang rnam par rgyal ba dang /sprin sgra dang / gsus po che zhes bya/ stod khro bo'i gzugs la smad rdo rje rtse gcig pa'i rnam par bsams la tsan+dan dmar po'i byug pas byugs shing / sras bu dmar pos bcing bar byas la/ oM kro d+ha ya sa hi Ta Ta Ta Ta tri ta ma Ta zhes bya ba brgya rtsa brgyad zlos shing g.yon pa'i rdo rje khu tshur gyis bzung la/dkyil 'khor gyi grwa bzhir rdo rjes brdung bar bya ba'am/ g.yon pa'i rdo rje khu tshur gyis rdo rje rtse lnga pa blangs la/ lag pa g.yas pa rdo rje rtse gsum pa lta bur byas pas dbang ldan gyi phyogs nas brtsams te/dkyil 'khor gyi grwa bzhir ji skad du bshad pa'i phur bu bzhi sngags 'dis skyed cing brdung par bya'o/ /oM g+ha g+ha g+hA ta ya g+hA ta ya sarba du Sh+TAM phaT/ kI la ya kI la ya sarba pA paM phaT/ badzra kI la ya badzra d+ha ro A dz+nyA pa ya ti swA hA/yang na oM badzra kI li kI lA ya sarba big+h+nAM hUM phaT/ ces bya ba phur bu bzhi la yongs su bzlas la 'di nyid zlos shing g.yon pa'i rdo rje khu tshur gyis bzung la g.yas pa'i 'bar ba'i rdo rjes brdung zhing dkyil 'khor gyi grwa bzhir gdab par bya'o/ /de nas rdo rje gnod sbyin gyis bgegs bsal ba dang /ra ba dang dra ba yang byas la/ dam tshig gi rdo rje khu tshur gyis sgo bcad de/ rdo rje go cha'i phyag rgya oM truM zhes bya ba'i sngags dang bcas pas lha rnams dang bsrung ba thams cad yang dag par bsrungs nas/ rdo rje gnod sbyin bzlas pa'i bum pas bsang gtor bya ba'i phyir dkyil 'khor gyi khang pa'i sgor bzhag la rdo rje gnod sbyin zlos shing bdag nyid dam/grogs dang bcas pas dkyil 'khor gyi shar nas brtsams te byug par bya'o/ /de nas slob dpon gyis bdag po lnga'i gnas su tsan+dan dang gur gum la sogs pas dkyil 'khor gru bzhi pa bya/lha lhag ma rnams kyi gnas su ni dkyil 'khor zlum por bya zhing rang rang gi sngags lan bdun bdun bzlas par bya'o/ /de nas dkyil 'khor gyi dbus su 'dug la yid kyis dkyil 'khor thams cad yongs su brtag par byas nas nam mkha'i phyogs nas de bzhin gshegs pa la sogs pa dgug pa dang /gzhug pa dang / bcing ba dang / dbang du byas la gur gum la sogs pa'i thig le de rnams su rnam par snang mdzad la sogs pa'i rang rang gi sngags kyis bzhugs su gsol la mchod pa rnam pa lngas yang dag par mchod par bya'o/ / de nas phyi rol du gtor ma byin la nye reg byas nas/ mchod yon la mchod yon gyi phyag rgya dang / yi ge hUM brgya rtsa brgyad bzlas nas/ 'di skad du bshad pa'i mtshan nyid dang ldan pa'i bum par spos chu cung zad blugs la/ hU~M las rdo rje gnod sbyin bskyed de/ rang gi phyag rgya bzhis rgyas btab la dbang bskur ba'i phyag rgyas dbang bskur nas/mchod yon phul nas mchod pa rnam pa lnga dang / sgeg mo la sogs pa'i phyag rgya rnams kyis kyang yang dag par mchod nas/ rdo rje gnod sbyin gyi phyag rgyas yongs su bzung ba'i rdo rje dang me tog gi lcug ma las oM badzra yak+Sha hUM zhes brgya rtsa brgyad bzlas nas me tog gis sil mar gtor nas spos kyang gtul bar bya'o//de bzhin du rdo rje me dang rdo rje hUM mdzad gnyis yongs su bzlas pa'i bdug spos dbul bar bya zhing / dkyil 'khor gyi zhag ni thun gsum du bzla'o/ /de nas rdo rje hUM mdzad kyi spyan sngar gzhag par bya'o//bum pa lhag par gnas pa'i cho ga'o/ /de nas rdo rje gnod sbyin dang / rdo rje me dang / rdo rje hUM mdzad dang / mA ma kI la re re zhing mar la sogs pa'i rdzas las brgya rtsa brgyad dbul bar bya'o/ /lhag par gnas pa'i sbyin sreg gi cho ga'o/ /de nas bcom ldan 'das 'khor dang bcas pa la mtshan brgya rtsa brgyad pas bstod de/sgeg mo la sogs pa'i mchod pa brgyad dang / me tog la sogs pas kyang yang dag par mchod la phyag byas nas mchod yon phul la/ slob ma lhag par gnas par bya'o/ /de la re zhig dang por legs par khrus byas la/gos gtsang ma bgos shing lag par me tog thogs pa'i slob mas/ slob dpon la phyag byas la 'di skad ces brjod du gzhug go/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen pos tshul brtan pa/ /mgon po chen po bdag 'tshal lo//dam tshig de nyid stsal du gsol/ /byang chub sems kyang stsal du gsol/ /sangs rgyas chos dang dge 'dun te/ /skyabs gsum dag kyang stsal du gsol/ /thar pa chen pos grong mchog tu/ /mgon po bdag ni 'jug par bgyi/ /de nas slob dpon gyis slob ma'i snying gar hUM las rdo rje bskyed la/khu tshur g.yas pas rdo rje bzung ste/ snying po de'i snying gar gzhag par bya'o/ /su ra ta sa ma ya s+t+waM ho sid+d+hi badzra ya thA su kha zhes bya ba brjod nas de nas sdig pa bshags pa la sogs pa byed du gzhug par bya ste/rtog pa ma lus legs par bsdus nas ni/ /shin tu bsam pa bzang po ldan pas gson/ /brjod pas blo la rdo rje sems sogs pa'i/ /bde bar gshegs pa rnams kyis byin mi rlob/ /dbang med bdag gis mi dge bgyis pa dang / /rjes su yi rang yang na bgyid stsal gang //de dag thams cad byang chub mchog gi ni/ /spyan sngar ma lus so sor bshags par bgyi/ /bde gshegs sras kyi tshogs gnyis zab pa dang / /rgya chen 'gro ba ma lus pa yi don/ /sgrub par byed dang de las gzhan pa la'ang / rtag tu bdag ni rjes su yi rang ngo //thugs rjes khyab pa'i thugs dang ldan gyur cing / /blo gros sdig bral gti mug tshogs kun bcom/ /ma lus rigs kyi pad+ma'i nang bzhugs pa/ /bde bar gshegs pa rnams la skyabs su mchi/ /blo mchog rnams kyi kun dga' rab ste/ /dman pa'i 'jigs pa nyid kyi rgyal byed tshal//srid pa'i 'byor pa zil gyis gnon pa'i mchog /gsung mchog chos la bdag ni skyabs su mchi/ /'dod chags la sogs sbrul gyi dug bcom zhing / /blo gros rnam rgyal thugs rje cher ldan pa'i/ /brtul zhugs bzang po'i tshogs la skyabs su mchi//srid dang bral ba rnams la bdag phyag 'tshal/ /rgyu yi rjes la bdag po'i yul bdag nyid/ /'bras bu'i stobs kyis dgra las rgyal gyur pa/ /snying rje'i rtsa ba zug cing yang dag rtogs/ /mnyam med byang chub rnam gsum gzung bar bgyi/ / sems can rnams ni yongs su smin pa'am/ /yang na yongs su bskyab par bya phyir ram/ /rang gi sems ni dag par bya ba'i phyir/ /'di dag thams cad rtswa sogs bzhin du btang / /de bzhin tshul khrims bzod dang brtson 'grus dang / /bsam gtan shes rab bla na med pa ni//bdag dang gzhan rnams dag par bya ba'i phyir/ /skad cig re re zhing yang bsgom par bgyi/ /bde bar gshegs pa'i sngags la mkhas pa yi/ /chos rgyal rtag tu lhun gyis grub pa ni/ /'gro ba 'di yis thob par bya ba'i phyir/ /khyad 'phags gnas la bdag ni gnas par bgyi//zhes bya ba lan gsum brjod do/ /bdag ni de skad ces brjod pa'i dge ba'i rtsa ba 'dis/ bdag gis log pa'i bsam pa thams cad yongs su gtang bar bgyi'o/ /bdag gis sems can thams cad la snyoms pa'i sems bskyed par bgyi'o/ / bdag gis sems can thams cad theg pa thams cad dang / thabs kyi bye brag thams cad kyis btul nas/ mi gnas pa'i mya ngan las 'das pa'i dbyings la rab tu gzhag par bgyi'o/ /bdag gis sems can thams cad yongs su mya ngan las 'das par gyur kyang / sems can 'ga' yang yongs su mya ngan las 'das pa med do zhes sems bskyed par bgyi'o/ /bdag gis chos thams cad skye ba med pa nyid du rjes su rtogs par bgyi'o/ /bdag gis ma yengs pa'i sems dang thams cad mkhyen pa'i ye shes kyi sems kyis pha rol tu phyin pa drug la bslab par bgyi'o//bdag gis theg pa gcig gi tshul du gnas par yang rtogs par bgyi'o/ /bdag gis byang chub kyi phyogs kyi chos sum cu rtsa bdun la gnas pa'i so sor rtogs par bya ba'i phyir bslab par bgyi'o/ /bdag ni stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa rnams so sor rtogs par bya ba'i phyir mngon par brtson par bgyi'o/ /de bzhin du bdag gis sangs rgyas kyi chos tshad med pa ma lus pa'i bar la mngon par gnas par bya ba'i phyir mngon par bsgrub par bgyi'o/ / 'di nyid ni byang chub sems dpa' rnams kyis byang chub chen por sems bskyed pa rdo rje lta bu yin te/ de bzhin gshegs pa thams cad kyi yab dang / de bzhin gshegs pa thams cad kyi bka' bzhin byed pa dang / de bzhin gshegs pa thams cad kyi sras kyi thu bo ste/'di nyid ni bcom ldan 'das dpal kun du bzang po'o/ /de'i dge ba'i rtsa ba rnams kyis ji lta ba bzhin du yang dag par rdzogs par byas pa'i stobs kyis bdag sems bskyed pa 'di la gnas pas kun du bzang po'i spyod pa zhes bya ba sgo mtha' yas pa la gnas pa mtha' med par gyur pa rdzogs par byas nas gdul bya'i 'gro ba'i tshogs ma lus pa rnams la spyod pa'i rab tu dbye ba'i sgo mang po bstan pas yang dag par mgu bar bya ba dang /yang dag par dga' bar bya ba dang / yang dag par gzengs bstod pa la nges par sbyar bar bgyi'o//sdom pa don du gnyer ba la bslab pa'i gzhi lnga 'dzin du gzhug go/ /de nas slob ma'i lag tu rdo rje dris dri/ me tog gis me tog sbyin zhing bdug pas kyang slob ma yang dag par bdugs la/ mar me mas mar mes snang bar bya'o/ /de nas u dum bA ra'am a shwad+tha'i so shing spos dang /me tog la sogs pa dang ldan pa la khro bo rdo rje bzhad pa bzlas pa dang / ku sha sar pa ma nyams pa la khro bo rdo rje rnon po bzlas la de la sbyin par bya'o/ /de nas khro bo rdo rje srung ba bzlas pa'i srung skud mdud pa gsum dang ldan pa/ de'i dpung pa g.yon par bdag nyid kyis bcing bar bya zhing /rdo rje sems dpa'i gtsug tor gyis yang dag par bsrung ba dang / byams pa'i go cha bskon la 'di skad ces brjod par bya ste/ bzhin bzangs longs la de bzhin gshegs pa thams cad la phyag byos shig /nang par dkyil 'khor chen po mthong bar 'gyur ro//de nas nyi ma 'char ka'i dus su lha thams cad de bzhin du bar snang la bzhag ste/ dkyil 'khor gyi gnas spos chus byugs la me tog la sogs pas kyang mdzes par byas nas/ tshon sngon po dang / ser po dang / dmar po dang / ljang gu dang / dkar po dri zhim pos bsgos pas srad bu so sor kha bsgyur la go rims 'di nyid kyis bzhag nas hUM hrAM hrIHa A zhes bya ba rang gi sa bon 'di las byung ba'i thig gi 'od zer gyis mi bskyod pa la sogs pa rang rang gi phyogs na bzhugs par yang dag par btang ba dang /'bar ba'i lcags kyus drangs te rang gi lag na gnas pa'i srad bu legs par dgang bar bya zhing / oM a n+yo n+ya a nu ga ta sarba d+harmAHs+pha ra s+pha ra a nu pra biSh+Ta sarba d+harmAHa t+yan+ta a nu pra biSh+Ta sarba d+harmA hU~M zhes zlos shing bsgril bar bya'o/ /de nas srad bu de tsan+dan bzang po la sogs pas byugs pa'i gser gyi snod la sogs par bzhag la/me tog gis mchod de rdo rje bsdams pas bzung la thig gdab pa'i sngags lan brgya rtsa brgyad bzlas par bya'o/ /de nas rdo rje hUM mdzad la sogs pa bdag po rnams kyi sngags kyang brgya rtsa brgyad bzla bar bya'o//de nas yang de bzhin gshegs pa thams cad la mchod la phyag byas nas langs te yid kyis rnam par snang mdzad du gyur nas/ phyag na rdo rje'i thugs ka nas rdo rje'i grogs mchog hUM zhes bya ba 'dis khro bo'i rdo rje las kyi gzugs su dbyung bar bya'o/ /yang de nyid rdo rje hU~M mdzad du gyur pa la mig g.yas dang g.yon gnyis su yi ge dza las zla ba dang nyi ma ser po snang ba bskyed la/dza zhes bya bas sgrub pa'i grogs mchog gi lag du srad bu de btang la/ srad bu dang po g.yon pa'i rdo rje khu tshur gyis bzung la phyis ni ci bder bya zhing phyogs thams cad mnyam pa nyid du bsam mo//phyogs kun mnyam pa nyid dmigs la/ /mkhas pas dkyil 'khor thig gdab ste/ /shar dang nub dang byang dang lhor/ /thig bzhi btab pas dkyil 'khor brgyad/ /oM badzra sU tra mA ti kra ma hUM zhes bya ba 'di dang / sangs rgyas kyi zhing thams cad na bzhugs pa'i de bzhin gshegs pa rnams sems can gyi don gyi phyir 'dir gshegs su gsol zhes bskul bar bya'o//grwa bzhir bya zhing sgo bzhir gdod/ /rta babs bzhis kyang rab tu brgyan/ /srad bu bzhi dang ldan pa ste/ /dar dang phreng bas shin tu brgyan//zla ba phyed par rab gnas pa'i/ /khyams kyis yongs su bskor ba dang / /dra ba dra phyed dag gis spras/ /sgo rnams dang ni rgyan cha can/ /rlung gis bskyod pa sna tshogs mchog /ba dan dril bu sgra sgrogs pa/ /khyams ni med par gyur pa'i sgo/ /me tog chun 'phyang rgyan gyis bskor//dkyil 'khor kun gyi grwa rnams dang / /sgo khyud kyi ni mtshams rnams su/ /rdo rje rin chen brgyan par ni/ /dkyil 'khor phyi rim srad bu bre/ /shes rab can gyis de nang du/ /rdo rje rin chen gyis brgyan te/ /gru bzhi pa la sgo bzhi pa//ka ba brgyad dang rta babs bcas/ /rdo rje ka ba'i nang logs su/ /dkyil 'khor lnga yis brgyan pa ste/ /de ltar dkyil 'khor srad bu bre/ /srad bu bres pa tshon gyis dgang / /lhag ma ni phyi'i dkyil 'khor yin par blta'o/ /gal te bgegs zlog par byed 'dod par gyur na seng ldeng gi phur bu stod rdo rje rtse lnga pa'i rnam pa la/smad rdo rje rtse gcig pa lta bu la snga ma bzhin du rdo rje phur bu'i sngags bzlas te dkyil 'khor gyi lte bar rdo rjes brdung bar bya'o/ /yang dkyil 'khor gyi lte ba'i dbus su sngar bstan pa'i phur bu dang 'dra ba'i phur bu gzhan dag la phur bu'i sngags lan brgya rtsa brgyad bzlas pas go rims 'di bzhin du bgegs thams cad la phur bus gdab par bya'o//ji skad du bshad pa'i dkyil 'khor gyi lte ba la btags pa'i srad bus bskor phyogs su/ phyi'i dkyil 'khor zlum po dang /'od kyi dkyil 'khor thig gdab pa'i yang phyi rol du/ de bzhin du 'khor yug chen por zlum por thig legs par gdab par bya'o/ /'od kyi dkyil 'khor der grog mkhar gyi sa la sogs pas bgegs kyi gzugs brnyan byas nas brgya byin gyi gzugs brnyan rang gi phyogs na gnas pa la i las brgya byin ser po/me la sogs pa'i gzugs brnyan la'ang de bzhin te/ raM las me lha dmar po'o/ /oM haM las gshin rje nag po'o/ /kraM las srin po nag po/ bam las chu lha dkar po/ yang las rlung lha dud ka /phaT las lus ngan po ser po/sum+b+ha las dbang ldan dkar po bskyed la 'dod pa'i rgyal pos bkug ste/ rdo rje lcags kyu la sogs pas dgug pa dang / gzhug pa dang / bcing ba dang / dbang du byas nas phur bus gdab bo/ /shin tu yun ring du bgegs med par byed 'dod nas sa dgab par bya'o//de ltar na yang gal te bgegs byed na rdo rje hUM mdzad kyi sbyor ba byas la 'dod pa'i rgyal pos bkug nas rdo rje lcags kyu la sogs pas kyang dgug pa la sogs pa byas la/ rdo rje hUM mdzad kyi phyag rgya bcings te/ rkang pa g.yon pas bgegs kyi gzugs brnyan mnan te/hUM baM hUM zhes bya ba la sogs pa spel ba'i tshul gyis zlos shing g.yon brkyang ba'i gnas pas gnas na/ de lta bus bgegs bcom par 'gyur ro/ /yang na stong pa nyid kyi ting nge 'dzin sngon du bya ba'i rjes thogs la/ a las rnam par snang mdzad du gyur nas/ rgyud las gsungs pa'i rnam par snang mdzad kyi skur nges par bsams la/rang gi snying gnas haM las 'phags pa mi g.yo ba yid kyis phyung ste/ badzra haM ban+d+ha zhes yid la zlos shing / phyi'i dkyil 'khor gyi phyi rol du rlung gi mtshams su dris thig le bdun byas te/ thig le re re zhing yang nang du chud par byas la/dbus ma dang thig le bdun dang ldan par bya'o/ /thig le bdun po de dag kyang rlung lha bdun po mdog nag po ri dwags la zhon par bsams la/ 'phags pa mi g.yo bas bkug nas zhags pas bcings par gyur par bsam mo/ /de rnams kyi dbus ma gcig ni gtso bo yin la/lhag ma rlung lha drug ni de'i 'khor du kun nas gnas pa yin no/ /de nas kham phor a las ri rab tu bsams la/ de'i steng du a nyid las dbang chen gyi dkyil 'khor thams cad du rdo rjes g.yogs la/ dbus su yi ge hUM gi sa bon las byung ba'i rdo rje rtse lnga pa mtshams rnams su mdung rtse rnam par bsams la/de bzhin du badzra haM ban+d+ha zhes zlos shing kham phor des ji skad bshad pa'i yi ge yaM bdun po dgab par bya'o/ /de nas kham phor dang ri rab kyi steng du yi ge oM las sngar bshad pa'i bcom ldan 'das rnam par snang mdzad bsams la/'phags pa mi g.yo ba yang bcom ldan 'das kyi spyan sngar g.yon brkyang ba'i gnas pas ri rab bzung nas ral gri dang zhags pas rlung lha rnams la bsdigs pa mdzad par bsam par bya ste/ de lta bus ni rlung lha thams cad bcing bar byas par 'gyur ro//de nas chu la sogs pa'i bgegs bzlog pa bshad par bya ste/ yi ge hUM las 'phags pa mi g.yo ba rlung dang me'i dkyil 'khor la gnas par bdag nyid bskyed la/ grog mkhar gyi sa'am/ ba'i lci ba sa la ma lhung ba las bgegs kyi gzugs brnyan byas nas/yi ge khaM las ral gri dang / raM las nang na me yod par bskyed cing / k+ShaM las zhags pa dang / lcags kyu bskyed de/ de lag pa g.yon pas bzung la/ lag pa g.yas pas ral gri dang / zhags pas drangs nas bgegs kyi gzugs brnyan gyi nang du bcug ste/g.yon brkyang ba'i gnas pas gnas la/ rkang pa g.yon pas spyi bo nas btsir nas/ na maH sa man+ta badzrA NAM tsaN+Da ma hA ro Sha na s+pho Ta ya hUM Ta ga haM maM zhes zlos shing gzugs brnyan de ral gris gtub par bya ba'am/ dug dang ske tshe dang lan tshwa la sogs pas gzugs brnyan la bskus la me yis gdung bar bya'o//me yis gdungs pas de nyid kyang / /zhi bar 'gyur bar the som med/ tshangs pa'am brgya byin yin na yang / /de'i mod la myur du tshig /ces bcom ldan 'das rnam par snang mdzad kyis gsungs so/ / las 'di yang 'phags pa mi g.yo ba'i rnal 'byor gyis gsang sngags 'di khri bzlas pa'i sngon du bsnyen pa byas nas de'i 'og tu las brtsam par bya'o/ /yang na oM AHhU~M zhes bya ba 'dis 'phags pa 'jam dpal gshin rje gshed sku mdog nag po zhal bzhi pa phyag bzhi pa zhabs drug pa/phyag g.yas gnyis na ral gri dang dgra sta bsnams pa/ phyag g.yon gnyis na zhags pa dang gtun shing bsnams pa/ lho phyogs su khro bo'i tshogs rnams kyis nam mkha'i gtos kun du gang bar mdzad pa bsams la/ mdung thung gi phyag rgya bcings te/sprin la sogs pa bzlog pa'i bsam pas tsham rngam dang bcas pas rab tu sbyar bar bya'o/ /rdo rje bsdams pa nang du bcings la/ mdzub mo gnyis nang sbyar ba ni mdung thung gi phyag rgya'o/ /de ltar na yang gal te bgegs rnams zhi bar ma gyur na/ kham phor so ma btang ba gnyis kyi nang du khrag dang dur khrod kyi sol ba dang /dug dang / ske tshe dang / da du ra'i lo ma'i khu bas gsang sngags bris la/ yungs kar la lan brgya rtsa brgyad bzlas brjod byas la/ kham phor kha sbyar te de'i nang du bzhag la/ mi'i bgegs la sogs pa bsams te/sreg blugs brgya'am sreg blugs bdun sbyin sreg bya'o/ /de nas de dag 'jigs pa'am/ 'chi ba'am/ mi ma yin pas gzung bar 'gyur ro/ /yang na rdo rje hUM mdzad kyi sbyor bas yi ge hUM bzlas brjod 'bum byas la/ mi rus kyi rgyu las byas pa'i phur bu sor bzhi pa'i tshad tsam la lan brgya rtsa brgyad bzlas nas de bzhin du rdo rje lcags kyu la sogs pas dgug pa dang /gzhug pa dang / bcing ba byas nas gzugs brnyan phur bus gdab par bya'o/ /de nas me'i tsha ba zhi ba bshad par bya ste/ me'i steng du yi ge baM las chu'i dkyil 'khor/de'i steng du pad+ma'i dbus na gnas pa'i 'khor lo de'i steng du yi ge baM de nyid las bcom ldan 'das rnam par snang mdzad dung dang kun da ltar dkar ba steng na bzhugs te/ mtsho chen po ma dros pa 'dra ba'i rgya mtsho chen po bzhi las chu bo chen po bzhi 'bab pa lta bu'i char gyi rgyun sar pas phyogs bcur 'gengs par 'gyur bar bsam par bya'o rdo rje spyan can dang rdo rje me ltar 'bar bas kyang kham phor gyi ri rab dang phur bus yang dag par bsrungs la rdo rje gnod sbyin dang rdo rje 'jigs byed kyi spyan dag gis de rnams kyi nam mkha' bcing bar byas la rdo rje bsdams pas rdo rje dral bar bya'o//yang na mngon spyod kyi sbyin sreg gis bgegs rnams bzlog par bya'o/ /de nas dkyil 'khor gyi dbus na gnas pa'i phur bu hUM bzhis bton la/ rang gi lag na gnas pa'i rdo rje bcug ste 'og nas bshad pa'i tshon sna lngas phur bu'i bu ga bkang la mnyam por byas nas thig skud tshon dkar po dri zhim par spangs pa gdab par bya'o//de ltar thig legs par btab nas hi zhes bya ba las mig g.yas pa dang g.yon par nyi ma dang zla ba bskyed la khro bo'i la bas kun du bltas la sgo rnams dbye'o/ /de nas tshon rtsi byin gyis brlab par bya ste/oM badzra tsi tra sa ma ye hUM/ zhes bya ba 'dis phyag rgya dang ldan pas tshon rtsi thams cad la lan bdun bzlas na rdo rje'i dbang bzhin du 'gyur ro zhes bcom ldan 'das rdo rje 'chang chen pos gsungs so/ /phyag rgya ni 'di yin te/ rdo rje'i phyag rgya gnyis las ni/ mdzub mo'i rtse mo mnyam sbyar ba/ /byas nas tshon rtsi thams cad ni/ /'bar ba'i lta bas dgug par bya'o/ /hi zhes bya ba dang rdo rje nyi ma'i dam tshig gi phyag rgya mthar spar bar bya'o/ /de la 'bar ba'i lta ba ni 'di yin te/ rab tu 'bar ba mig bsgul zhing / /mig gi rdzi ma 'gugs byed pa//lta ba gzi can yin par bshad/ /'gro ba thams cad 'gugs byed pa'o/ /dI p+ti dr-i Sh+Ta aM ku sha dzaHzhes bya ba 'di yang mig tu dgod do/ /oM badzra tsi tra sa ma ya hUM zhes zlos shing g.yon pa'i rdo rje khu tshur gyis dbang ldan gyi phyogs nas brtsams te g.yas nas bskor bas tshon rtsi dgye bar bya ste/phyis ci bde bar bya'o/ /de la rim pa ni 'di yin te/ sngon po dang / ser po dang / dmar po dang / ljang gu dang / dkar po'o/ /de yang / sngon po rdo rje rtse rang bzhin/ /gnyis pa gser la dmigs pa ste/ /pad+ma rA ga'i rang bzhin gzhan/ /de bzhin gzhan dag ma rgad 'dra//dkar po nang du shes bya ste/ /'di ni tshon gyi rim par bshad/ /ces bcom ldan 'das rdo rje 'chang chen pos gsungs so/ /shar phyogs su ni sngon po ste/ /lhor ni ser po dang ldan pa/ /nub kyi cha ni dmar po ste/ /byang ni ljang gu yang dag ldan/ / dbus kyis yi cha nyid ni/ /shel ltar snang ba bla na med/ /rtag tu rdo rje dril 'chang zhing / /rab mnyam gzhag pas bri bar bya'o/ /yang na snga ma bzhin du rdo rje lcags kyu la sogs pas las byas nas/ gser ram dngul las byas pa 'am/ sa yang rung ste legs bris pa'i/ /pha gu gru bzhir byas pa la//sangs rgyas gzugs ni gzhag par bya/ oM badzra dz+wa la ag+ni pra dIp+ta A kaR+Sha ya sarba thA ga ta ma hA badzra sa ma ya hU~M dzaH sangs rgyas spyan sngar rdo rje ni/ /'bar bas bskor ba gzhag par bya/ /de bzhin rin chen 'od bskor ba/ /pad+mo rdo rje kun de bzhin/ / snying po ni 'dis bya'o/ /oM badzra satwa badzri dz+wa la mA la hU~M phaT/ oM rat+na badzri dz+wa la mA la hUM trAM/ oM d+ha rma badzri dz+wa la mA la hUM trIH/ oM karma badzri dz+wa la mA la hUM AHrdo rje shugs kyis brgal nas ni/ /sangs rgyas spyan sngar de bzhin du/ /mkhas pas cho ga bzhin bri ba/ /rdo rje hU~M mdzad dkyil 'khor ro//de la rdo rje shugs kyi snying po ni 'di yin no/ /oM badzra be gA kra ma hU~M/ de nas 'di yi phyag rgya bshad/ /yid kyis ri mo bteg nas ni/ /rdo rje srad bu'am gzhan yang rung / /phyir byung nang du zhugs kyang ni/ /dam tshig 'gal bar de mi 'gyur/ /de yi dbus su sems dpa' che//phyag na rdo rje bri ba ni/ /ut+pal che sngo mtsher ba'i mdog /rdo rje hUM mdzad bsdus pa ni/ /khro dang bcas pas 'dzum pa'i zhal/ /g.yon brkyang tshul du gnas pa ste/ /'bar ba'i phreng bas 'khrigs pa'i 'od/ /g.yon pa'i zhabs kyi mthil gyis ni/ /dbang phyug chen po mnan par bya//g.yas pa'i zhabs kyis u ma yi/ /nu ma'i steng du gnon pa bri/ /'di yi snying po 'di yin no/ /hU~M oM ni sum+b+ha badzra bid+yot+ta ma hUM phaTaHces bya ba dang / oM badzra shUl zhes bya ba'i snying po gnyis ni lha chen po'i'o/ /oM kro d+ha badzra ag+ni dz+wA la ya tri shU laM b+hin+da badzra hr-i da yaM badzre Na hU~M phaT/ces pa ni u ma'i'o/ /de yi phyogs ni thams cad du/ /rdo rje khro bo gzhag pa ni/ /khros pa mche ba 'byung ba ste/ /'bar ba'i phreng bas 'khrigs pa'i 'od/ /de nas de dag gi snying po ni 'di yin no/ /oM badzra satwa kro d+ha hU~M phaT/ oM badzra kro d+ha A kaR+Sha ya hU~M phaT/ oM badzra karma kro d+ha rA gA ya hU~M phaT/ oM badzra tuSh+Ti kro d+ha sA d+hu sA d+hu hU~M phaT/ rdo rje shugs kyis brgal nas ni/ /dkyil 'khor dam pa gnyis par yang / /der ni rdo rje dbang bskur ba/ /rdo rje khro bos bskor ba bri/ /de nas de rnams kyi snying po ni 'di yin no//trAM oM badzra bi shud+d+he kro d+ha ha ra ha ra hU~M phaT/ oM badzra sU r+ya ma hA dz+wa la ma la kro d+ha dz+wa la ya sarban hU~M phaT/ oM badzra kro d+ha ke tu de hi hUM phaT/ oM badzra At+ta sa ta kro d+ha ha ha ha ha hU~M phaT/ rdo rje shugs kyis brgal nas ni/ /dkyil 'khor dam pa gsum pa yang //rdo rje'i sde ni bri bar bya/ /khro bo bdag nyid chen pos bskor/ /de nas de rnams kyi snying po bshad do/ /hrIHoM badzra d+harma kro d+ha bi nA sha ya bi sho d+ha ya hU~M phaT/ oM badzra tIk+Sh+Na kro d+ha ts+tshin+da ts+tshin+da hUM phaT/ oM badzra ke tu kro d+ha pra be sha ya maN+Dale sarba na hU~M phaT/oM badzra kro d+ha b+hA Sha ba da ba da hU~M phaT/ rdo rje shugs kyis brgal nas ni/ /dkyil 'khor dam pa bzhi par yang / /rdo rje dbab pa bri ba ni/ /rdo rje khro bo'i tshogs kyis bskor/ /de nas de rnams kyi snying po bshad do/ /aHoM badzra karma hUM phaT/ oM badzra ka pa tsa kro d+ha rak+Sha hU~M phaT/oM badzra ya k+Sha kro d+ha khA da khA da hUM phaT/ oM badzra kro d+ha muSh+Thi sA d+ha ya sa ma ya hU~M phaT/ dkyil 'khor gyi ni grwa rnams su/ /rdo rje dbyings kyi tshul bzhin du/ /ji ltar go rims bzhin du ni/ /gsang ba'i mchod pa kun bri'o/ /de nas de rnams kyi snying po ni 'di yin no/ / oM badzra lA s+ya rA ga ye hU~M phaT/ oM badzra mA le a b+hiShiny+tsa hU~M phaT/ oM badzra gI te ga ta hU~M phaT/ oM badzra nr-i t+ye ba shaM ku ru hU~M phaT/ rdo rje shugs kyis brgal nas ni/ /dkyil 'khor dam pa'i phyi rol tu/ de yi grwa rnams nyid du ni/ /mchod pa'i lha mo bzhi rnams bzhag /de nas de rnams kyi snying po ni 'di yin no//oM badzra d+hU pe pU dza s+pha ra Na sa ma ye hU~M phaT/ oM puSh+pe pU dza s+pha ra Na sa ma ye hU~M phaT/ oM badzra A lo ke pU dza s+pha ra Na sa ma ye hUM phaT/ oM badzra gan+d+he pU dza s+pha ra Na sa ma ye hUM phaT/ sgo rnams kun gyi dbus su ni/ /lcags kyu la sogs gzhag par bya/ /dkyil 'khor phyi rol gnas rnams su//phyi'i rdo rje'i rigs rnams so/ /de nas de dag gi snying po bshad de/ /oM badzra oM ku sha ma hA kro d+ha A kaR+Sha ya sarba sa ma ya na hUM dzaH/ oM badzra ma hA kro d+ha pra be sha ya sarba sa ma ya na hUM hU~M oM badzra s+pho Ta ma hA kro d+ha ban+d+ha ban+d+ha sarba sa ma ya na hUM baM/ oM badzra A be+e sha ya ma hA kro d+ha A be sha ya sarba sa ma ya na hUM hoH/phyi'i dkyil 'khor gyi khyams la/ shar phyogs su byams pa dang / mthong ba don yod dang / ngan song thams cad sbyong ba dang / mya ngan dang mun pa thams cad nges par 'joms pa'i blo gros rdo rje rtse lnga pa bsnams par bri'o/ / lho phyogs su spos kyi glang po dang / dpa' bar 'gro ba dang / nam mkha' mdzod dang / ye shes tog rin po che bsnams par bri'o/ /nub phyogs su 'od dpag tu med pa dang / zla ba'i 'od dang / bzang skyong dang / dra ba can gyi 'od pad+ma bsnams par bri'o/ /byang gi char rdo rje snying po dang /blo gros mi zad pa dang / spobs pa brtsegs pa dang / kun du bzang po sna tshogs rdo rje bsnams par bri'o/ /yang na 'khor ba 'jig dang / gser thub dang / 'od srungs dang / shAkya thub pa zhes bya ba'i de bzhin gshegs pa bzhi po ma gtogs pa/ byams pa la sogs pa bskal ba bzang po'i byang chub sems dpa' bzhis stong du ma tshang bar shar phyogs nas brtsams te khyams la'o//oM sarba saM skA ra pa ri shud+d+ha d+harma te ma hA na ya pa ri bA re swA hA/ zhes bya ba'i rig pa 'dis rdo rje dbyings kyi dkyil 'khor bri bar bya'o/ /yang phyi'i dkyil 'khor gyi khyams la shar phyogs su sgyu ma'i rdo rje/rdo rje dril bu/ thub pa'i rdo rje/ rdo rje mtshon cha chung ma dang bcas pa/ lhor bdud rtsi 'khyil pa/ rdo rje 'od/ rdo rje dbyig pa/ rdo rje gser smug chung ma dang bcas pa'o/ /nub tu rdo rje glang po sna/ rdo rje phreng ba/ rdo rje dbang / rdo rje rnam par rgyal ba/rdo rje gtun shing / rdo rje rlung / rdo rje me/ rdo rje 'jigs pa chung ma dang bcas par ro/ /byang phyogs su ni rdo rje lcags kyu/ rdo rje dus/ rdo rje bgegs kyi gtso bo/ rdo rje chu klung chung ma dang bcas pa bri bar bya'o/ /khyab 'jug la sogs pa 'di dag thams cad 'jig rten las 'das pa'i lha rnams kyi sku'i phyed kyi tshad tsam du thams cad khyams la brten par bya'o zhes rdo rje rtse mo las gsungs pa yin no//de nas rdo rje gser la sogs pa 'di rnams kyi snying po dang rig pa rnams bshad do/ /oM badzra tsakra hUM/ oM badzra he me tshin+d+ha tsakre na badzri Ni hUM phaT/oM badzra g+haN+Da ke hUM/ oM badzri ni kau ma rI shI g+h+raM A be sha ya gan+d+ha sha b+de na/ badzra pA Ni pI ye badzra sa ma ye ma nu smra ra ra Na hUM phaT/ oM badzra dan+ta tiSh+Tha hUM/ oM badzra shAn+ti dza pa dze pa a k+Sha ma la ya sarba na mA ra ya shAn+ta tiSh+Tha hUM phaT/ oM badzra a yu d+ha hUM phaT/ oM badzra muSh+Ti ha na ha na badzre Na b+hi n+da b+hin+da pi Da ya sarba du Sh+TAM hr-i da ya ni oM sum+b+ha hUM phaT/oM sum+b+ha ni sum+b+ha hUM phaT/ oM dz+wa li ta dIp+ta badzra hUM phaT/ oM a mr-i te sarba du Sh+TAM gr-i h+na ban+d+ha na ha na pa tsa bid+h+wa n+sa ya bi nA sha ya tshin+da b+hen+da b+hasmi ku ru murta na ha da ya/ badzre Na ye ke tsita ma ma a mu ka s+ya bi g+h+na bi nA ya ka s+t+waM da ma ya dIp+ta kro d+ha badzri Ni hUM phaT/oM badzra so mya hUM/ oM badzra kan+ti mA ra ya so mya rA pe pra dIp+ta rA ge na shI g+h+raM s+pho Ta ya hr-i da yaM/ badzra d+ha ra sa t+ye na ma hA badz+yo da na ka ra li shi ta ra sh+mi badzri Ni hUM phaT/ oM badzra da N+Da hU~M phaT/ oM badzra daN+Da ag+hi g+ha ta ya hU~M phaT/ oM badzra bi kr-i ta hU~M phaT/oM badzra me kha le kha Ni kha Nu sha b+de na bi sha ku ru triSh+Ta mA ra ya bi sha ni hUM phaT/ oM badzra ma de hU~M phaT/ oM badzra bi la ye hU~M/ tshin+da a si na b+hin+da badzre Na mA ra ya un+ma da ya bi ba pi ba hU~M phaT/ oM badzra mA ya hU~M/ oM badzra A sha na ni b+ha k+Sha ya sarba du Sh+TA na badzra da sha ni shak+ti da ra Ni ma nu Sha mAM sa A ha re na/na ra ru d+hi rab sa pri ya madz+dza sa mu le ba Na bi lip+ta ga te a na ya sarba d+ha na d+ha n+ya hi ra n+ya su bar+Na a tri Ni saM tra ma ya ba ra te bak+Shi ni hU~M phaT/ oM badzra ma d+ha hU~M/ oM badzra ba shi ni a na ya b+ha smiM ku ru sarba pu ru Sha d+ha si ku ru truM d+ha ma pra sA da ya bya ba ha ra b+h+yo/ b+hU ta ba ra bi dza yaM ka ri badzra pa ti ka ra Ni hU~M phaT/ oM badzra ma si hU~M/ oM badzra ba si ni a na ya sarba bas+t+raM/ aN+Na ba na di t+yu pa ka ra NA Ni shI g+h+raM ba shI kurbi dam+me pra yats+tsha a bi sha sa t+yaM ka tha ya/ badzra ko sha d+ha ri Ni hU~M phaT/ oM mu sa la hU~M phaT/ oM badzra d+hu ti a na ya sarbaM maN+DalaM pra dza sha ya/A be sha ya/ ban+d+ha ya ban+d+ha ya/ sarba karma Ni me ku ru shI g+h+raM shI g+h+raM/ la g+hu la g+hu trA sa ya mA ra ya/ na rA be Na badzra kha T+wAM ga d+ha ri Ni hU~M phaT/ oM badzra pa ta hUM phaT/ oM badzra bi ga badzri ni g+hu g+hu g+hu g+hu sha b+de na mA ra ya/ bi ga ri bi d+h+wa n+sa ya badzra pa ta d+ha ri Ni hUM phaT/ oM badzra dz+wa la ni hUM/oM badzra dz+wa la ya sarbaM badzra dz+wa la ya da ha da ha b+ha smiM ku ru hUM phaT/ oM badzra gra ha hUM/ oM badzra bste pra bak+ta daMSh+T+ra ka ra ya b+hi Sha Na na bak+te shI g+h+raM gr-i h+Na A be sha ya/ b+ha k+Sha ya ru d+hi ra Na pi ba ma hA ya k+Sha Ni badzra pA sha d+ha ri Ni hUM phaT/ oM badzra daMSh+Ta hUM/ oM badzra mu kha a na ya badzra daM Sh+T+re ba ya Na ke pA tA la ni ba si ni kha kha/khA hi khA hi/ sarba mu khe/ pra be sha ya/ s+pho Ta ya/ marma NI sarba duSh+TA na badzri Ni sid+d+ha a d+ha ri Ni hU~M hU~M phaT/ oM badzra ma ra Na hU~M/ oM badzra kA li ma hA pre ta rU bi ni ma nu Sha/ mAM sa ru d+hir bri ye e h+ye hi gr-i h+Na gr-i h+Na gr-ih+Na b+ha k+Sha ya badzra DA ki ni badzra shaM ka le sarba de ba ga Na ma tra b+hU te ha ra ha ra prA NA na a mu ka s+ya ka pA la a laM kr-i ta sarba kA ye ki ny+tsir ya si/badzra kha T+wAM d+ha ri Ni pre ta ma Nu Sha/ sha rI re shI g+h+raM/ A be sha ya/ pra be sha ya/ ban+d+ha ya ba shi ku ru mA ra ya badzra rak+Sha si hU~M hU~M hU~M hU~M phaT/ oM badzra big+h+naM hU~M/ oM badzra b+hU ta ne ma nu Sha mAn+sa ba sa ru d+hi ra mu tra pu ri sh+le Sh+ma shiM g+ha na/ka re to gar+b+ha hA ri NA ya hi shI g+h+raM i daM a mu ka s+ya ku ru badzra sho d+ha ni ka da ri ni sarba karma Ni me/ ku ru ku ru hU~M phaT/ oM badzra ha ra Na hU~M phaT/ oM badzra ma ka re gra sa shI g+h+raM/ pra be sha ya/ pA tA laM b+ha k+Sha ya badzra ma ka ra d+ha ra ni hU~M phaT/me'i mtshams nas brtsams te/ bskor phyogs su b+hi ma dang / dpal mo dang / dbang ldan ma dang / dka' thub bzlog ma yang 'dis bri bar bya'o/ /oM sarba ga mi ni sarba b+ha k+She sA d+ha ya gu h+ya badzra Ni hU~M phaT/ bcom ldan 'das rnam par snang mdzad zla ba'i mdog can zhal bzhi pa/rdo rje skyil mo krung dang / phyag gnyis byang chub mchog gi phyag rgya can/ bcom ldan 'das rdo rje hU~M mdzad sngon po ji skad bshad pa'i phyag rgyas rdo rje dang dril bu bsnams pa/ khro bo rdo rje sems dpa' yang sku mdog sngon po/ rgyal po gser gyi mdog can/chags pa dmar po/ legs pa margad kyi mdog can/ rin chen hUM mdzad dang / rdo rje rin chen gser gyi mdog can/ nyi ma mdog dmar po/ rgyal mtshan nam mkha'i mdog can bzhad pa dkar ser/ chos kyi hU~M mdzad dang / rdo rje chos kyang sku mdog dkar dmar/rnon po nam mkha'i mdog can/ rgyu gser gyi mdog can/ smra ba zangs kyi mdog can/ las kyi hU~M mdzad dang / khro bo rdo rje las sna tshogs pa'i mdog can/ srung ba gser gyi mdog can gnod sbyin nag po/ khu tshur ser po/ khro bo sgeg mo sngon mo/ khro mo khu tshur gnyis kyis rdo rje gnyis bsnams te/rdo rje bsnyems pa'i tshul gyis chung zad 'dud pa/ cha lang brdung ba la sogs pa'i lha mo bzhis bskor ba/ phreng ba ma ser mo khu tshur gnyis kyis rdo rje phreng ba 'dzin pa/ man ta li ka brdung ba'i lha mo bzhis bskor ba/glu ma mdog dmar gyi pi wang len pa la brtson pas gnas pa'i lha mo bzhis bskor ba/ gar ma sna tshogs pa'i mdog can/ phyag gnyis kyis rdo rje rtse gsum pa bsnams te gar byed pa la brtson pa/ mu kun da thogs pa gnas pa'i lha mo bzhis bskor te gnas pa'o/ /bdug pa ma mdog sngo ba g.yon pa'i khro bo khu tshur sdigs mdzub bsgreng ba/g.yas pa'i rdo rje khu tshur gyis spos khang bsnams pa/ ru dung 'bud pa la brtson pa'i lha mo bzhis bskor ba/ me tog ma ser ba/ phyag g.yon pa me tog gi snod thogs nas/ g.yas kyis me tog gi char 'bebs pa/pa Ta ha thogs pa'i lha mo bzhis bskor te bzhugs pa/ mar me ma mdog dkar dmar/ g.yon pa'i khu tshur sdigs mdzub/ g.yas pa'i rdo rje khu tshur gyis mar me'i sdong bu bsnams pa/ ti mi la bdug pa la brtson pa'i lha mo bzhis bskor ba/ byug pa ma sna tshogs pa'i mdog can/ phyag g.yon pas dris gang ba'i dung chos bsnams pa/ g.yas pas dri 'thor ba d+ha ka brdung ba la brtson pa'i lha mo bzhis bskor ba/ lcags kyu sngon po zhags pa ser po/ lcags sgrog dkar dmar/ dril bu sna tshogs pa'i mdog can/bskal ba bzang po'i mthar thug pa 'di dag thams cad kyang gang la khyad par gyi bdag med pa der ni g.yon brkyang ba'i gnas pas bzhugs pa/ thugs kar khro bo'i sdigs mdzub bsgreng ba la brtson pa/ g.yas pa rdo rje khu tshur gyis rang gi mtshan ma bsnams te tsham ngam gyi tshul gyis bzhugs pa'o//gzhan yang drag po la sogs pa phyi rol gyi rdo rje'i rigs yang dag par bri bar bya'o/ /de la drag po ni mdog dkar po lag pa bzhi pa/ g.yas kyi lag pa gcig gis u mal 'khyud pa/ gnyis pa rdo rje rtse gsum pa dang bcas pas mchog sbyin pa/g.yon pa gcig gis mdung rtse gsum pa/ gnyis kha T+wAM ga 'dzin pa khyu mchog la zhon pa/ sbrul gyi mchod phyir thogs pa yod pa/ rin po che'i cod pan zla ba phyed pas brgyan pa/ mgrin pa sngo bar bri bar bya ste/ /pa shu pa ti nI la kaN+Tha u ma bri ya zhes smos pa'i phyir ro//khyab 'jug mdog nag po lag pa bzhi pa/ g.yas pa gnyis na dbyig pa dang rdo rje thogs pa/ g.yon gnyis na dung dang 'khor lo thogs pa/ nam mkha' lding la zhon pa'o/ /rdo rje ser mo ni gser gyi mdog can/ lag pa na mtshon cha dang / stan khyab 'jug dang 'dra'o//rdo rje dril bu ni mdog dmar po gdong drug pa/ lag pa g.yas gnyis na mdung thung dang rdo rje thogs pa/ g.yon gnyis na khyim bya dang dril bu thogs pa/ rma bya la zhon pa'o/ /rdo rje gzhon nu ma ni rdo rje dril bu dkrol bar shes par bya'o/ /thub pa'i rdo rje ni gser gyi mdog can/gdong bzhi pa lag pa bzhi pa/ g.yas gnyis na rdo rje dang bgrang phreng thogs pa/ g.yon gnyis na dbyug pa dang spyi blugs thogs pa/ ngang pa la zhon pa'o/ /rdo rje zhi ba ma ni tshangs pa dang 'dra bar shes par bya'o/ /rdo rje mtshon cha ni mdog ser ba lag pa g.yon na rang gi rdo rje thogs pa/g.yas na 'jig rten las 'das pa'i rdo rje thogs pa/ glang po che dkar po la zhon pa/ rdo rje khu tshur ni rdo rje mtshon cha dang 'dra bar shes par bya'o/ /khro bo rdo rje 'khyil pa ni mdog dmar po/ lag pa g.yas kyis pad+ma dang bcas pa'i rdo rje thogs pa/ g.yon na pad+ma dang bcas pa'i nyi ma'i dkyil 'khor bsnams pa/rtas drangs pa'i shing rta la zhon pa'o/ /rdo rje mi 'chi ba ni khro bo rdo rje 'khyil pa dang 'dra ba nyid do/ /khro bo rdo rje 'od ni mdog dkar po/ lag pa g.yas na rdo rje thogs pa/ g.yon pad+ma dang bcas pa'i zla ba thogs pa/ ngang pa la zhon pa'o/ /rdo rje mdangs ni khro bo rdo rje 'od dang 'dra ba'o/ /khro bo rdo rje dbyig pa ni mdog sngon po/ /g.yas na rdo rje thogs pa/ g.yon na dbyig pa thogs pa/ rus sbal la zhon pa'o/ /dbyug mchog ma ni khro bo rdo rje dbyug pa dang 'dra'o/ /khro bo rdo rje ser smug ni/ mdog dmar po lag pa g.yas na rdo rje thogs pa/ g.yon na mi mgo thogs nas za zhing gnas pa/ rdo rje rked 'chings ma ni khro bo rdo rje ser smug dang 'dra'o/ /rdo rje glang po'i sna ni tshogs kyi bdag po ste/ mdog dkar po lag pa g.yas na rdo rje thogs pa g.yon na gshol thogs te gnas pa glang po che la zhon pa/rdo rje 'ju ma ni glang sna dang 'dra ba las khyad par ni 'di yod de/ 'di ltar lag pa g.yon na kha T+wAM ga thogs pa'o/ /tshogs kyi bdag po khro bo rdo rje phreng ba ni mdog ljang gu/ lag pa g.yas na rdo rje thogs pa/ g.yon me tog gi phreng ba 'dzin pa/khu byug la zhon pa'o/ /rdo rje za ba mo ni rdo rje phreng ba dang 'dra ba las/ de las khyad par ni 'di yod do/ /'di ltar lag pa g.yon na mdung rtse yod pa'o/ /rdo rje dbang ni mdog ser po lag pa g.yas na rdo rje thogs pa/ g.yon na chu srin gyi rgyal mtshan 'dzin pa phag la zhon pa'o//rdo rje rta mgo ma ni rdo rje dbang dang 'dra ba las/ khyad par ni 'di yod de 'di ltar kha dog dmar ba yin no/ /tshogs kyi bdag po ni rnam par rgyal ba ni mdog dmar po/ lag pa g.yas na rdo rje thogs pa/ g.yon na ral gri thogs pa tsan du ka la zhon pa'o//rdo rje dga' mo ni rnam par rgyal ba dang 'dra'o/ /pho nya rdo rje tho ba ni mdog ser po lag pa g.yas na rdo rje thogs pa/ g.yon na gtun thogs pa/ me tog can gyi dri la zhon pa'o/ /rdo rje pho nya mo ni rdo rje tho ba dang 'dra ba las khyad par ni 'di yod de/ 'di ltar lag pa g.yon na kha T+wAM ga thogs pa'o//pho nya mo rdo rje rlung ni mdog sngon po/ lag pa g.yas na rdo rje thogs pa/ g.yon na ba dan thogs pa ri dwags la zhon pa'o/ /pho nya rdo rje ma ni mdog dmar po lag pa g.yas gnyis na rdo rje dang dgang gzar thogs pa/ g.yon gnyis na dbyug pa dang spyi blugs thogs pa/'od zer gyen du 'bar ba 'bar ba'i rtse gsum pa/ ra skyes la zhon pa/ rdo rje 'bar ba mo ni pho nya rdo rje 'bar ba dang 'dra'o/ /mgyogs ma rdo rje ma ni pho nya rdo rje rlung dang 'dra'o/ /pho nya rdo rje 'jigs pa ni mdog sngon po/ lag pa g.yas na rdo rje g.yon na dbyig pa thogs pa mi ro la zhon pa'o//pho nya mo rdo rje 'khyor ma ni rdo rje 'jigs pa dang 'dra ba las/ khyad par ni lag pa g.yon na zhags pa thogs pa'o/ /bran mo rdo rje lcags kyu ni/ mdog sngon po/ lag pa g.yas pa rdo rje thogs pa/ g.yon na lcags kyu thogs pa klu'i rgyal po she sha la zhon pa'o//bran mo rdo rje kha ni mdog sngon mo/ phag gi mgo can lag pa g.yas na rdo rje/ g.yon na ral gri thogs pa mi la zhon pa'o/ /bran mo rdo rje dus ni mdog nag po lag pa g.yas na rdo rje/ g.yon na gshin rje'i dbyug pa thogs pa/ ma he la zhon pa'o//bran mo rdo rje dus ma ni mdog nag mo/ lag pa g.yas na rdo rje g.yon na kha T+wAM ga thogs pa ro langs la zhon pa'o/ /bran rdo rje bgegs kyi gtso bo ni mdog dkar po glang po'i mdog can/ lag pa g.yas gnyis na rdo rje dang dgra sta thogs pa/ g.yon gnyis nam dung rtse gsum pa dang so thogs pa/lug thug la zhon pa'o/ /pho nya mo rdul ma ni mdog sngon mo/ lag pa g.yas na rdo rje thogs pa/ g.yon na sen ma dza ka ni ka thogs pa/ byi ba la zhon pa'o/ /bran rdo rje glu ma ni mdog dkar po lag pa g.yas na rdo rje thogs pa/ g.yon na rdo rje zhags pa thogs pa/gdengs ka brgyad yod pa/ chu srin la zhon pa'o/ /bran mo chu srin ma ni mdog dkar po/ lag pa g.yas na rdo rje thogs pa/ g.yon na rdo rjes mtshan pa'i chu srin thogs pa/ chu srin la zhon pa'o/ /'jigs ma mdog ljang gu lag pa g.yas na rdo rje thogs pa/g.yon na ral gri dang phub thogs pa'o/ /dpal mo mdog ser mo lag pa g.yas na rdo rje/ g.yon na pad+ma thogs pa'o/ /dbyangs can ma mdog dmar mo/ /lag pa g.yas na rdo rje/ g.yon na pi wang thogs pa'o/ /dka' thub bzlog pa mdog ljang gu/ lag pa g.yas gnyis na rdo rje dang 'khor lo thogs pa/g.yon gnyis na pa ti sa dang ral gri thogs pa ma mo thams cad dang / drag po la sogs pa nas chu lha'i mthar thug pa rnams kyi lag pa g.yas na rdo rje thogs pa gang yin pa de rtse gsum pa yin pa shes par bya'o/ /'jig rten dang 'jig rten las 'das pa'i lha rnams ni bcom ldan 'das rnam par snang mdzad la mngon sum du phyogs par bri'o//de nas dgongs ka'i dus la babs pa na/ rdo rje ti rIn+ti ri'i phyag rgyas me tog gi phreng ba blangs la/ yi ge hU~M bzhi zlos shing dkyil 'khor du 'jug par byas la/dkyil 'khor thams cad kyi lhag pa dang / mtshang ba nye bar zhi ba'i phyir bltas la/ rdo rje dril bu dkrol zhing rdo rje shugs kyis dkyil 'khor lan bdun bskor ba byas nas bcom ldan 'das la phreng ba 'di phul te/ rdo rje'i gar byas la blangs la yi ge hU~M bzhis rang gi mgo la bcing bar bya'o//de yang / rdo rje dril bu rab bskul bas/ /mkhas pas mtshang yongs su bskang / /lhag pa gang yin 'dor mdzad pa/ /'grub 'gyur smad par mi bya'o/ /zhes gsungs pa yin no/ /de nas dbus su 'dug nas ni/ /rdo rje slob dpon mnyam gzhag pas//rdo rje sgo ni rnam bzhi po/ /yid kyis su ni dbye bar bya/ /oM badzrod g+ha Ta ya sa ma ya pra be sha hU~M/ 'di'i phyag rgya ni/ rdo rje mdzub mo yang dag par/ /sbyar la bkan te bsdams nas su/ /rab tu khros nas dbye ba ni/ /sgo 'byed pa yi mchog yin no/ /de nas rdo rje lcags kyu la sogs pas bya'o//de nas rin po che sna bdun nam/ sa las byas pa'i bum pa rtsa ba mi gnag pa/ gsus pa che ba/ mgrin pa ring ba/ mchu 'phyang ba/ chu bzang po dang / rin po che dang / sman dang / 'bru thams cad kyis yongs su dgang zhing / 'bras bu dang bcas shing lo ma dang bcas pa'i ldum bus kha brgyan pa/mgrin pa ras dkar pos bcings nas srung ba byas la phyi rol kun du dri zhim pos byugs te/ steng du rdo rjes mtshan pa'i me tog gi phreng ba dang / rdo rje chen pos byin gyis brlab par bya zhing / khro bo ti rIn+ti ris yongs su bzung ba'i rdo rje dang /me tog gi lcug ma las/ oM badzrod ka hUM/ zhes bya ba 'dis lan stod rtsa brgyad bzlas pa dang / hU~M bzhi pa lan brgya rtsa brgyad mngon par bzlas pa byas nas bcom ldan 'das rdo rje hU~M mdzad kyi spyan sngar legs par gzhag go/ /bum pa gnyis pa la hUM bzhi lan brgya rtsa brgyad bzlas nas/'jug pa'i sgor mngon par phyogs par gzhag go/ /chu des bdag nyid dang slob ma dbang bskur bar bya ba'am/ 'jug pa'i phyag rgya bcing bar bya'o/ /byi ru dang ni sa le sbram/ /dung dang mu tig nor bu dang / /rin chen kun zhes bya ba la/lnga po 'di dag shes par bya/ /sing ha byA g+h+ri ki ri kar+Ni/ ha sa sa ha de ba ste/ /sman rnams kun zhes bya ba la/ /lnga po 'di dag shes par bya/ /'bras kyi so ba mon sran gre'u/ /nas dang gro dang til dag ste/ /'bru rnams kun zhes bya ba la/ /lnga po 'di dag shes par bya//de'i rjes la phyag bzhi la sogs pa sngon du 'gro bas/ sdom pa gzung bar byas nas ras sngon po la rdo rje gnod sbyin yongs su bzlas te/ sems dpa'i gtsug tor gyi gtsug tor bcing ba dang / gdong g.yogs byas la/ rdo rje go chas stod g.yogs dang / gtsug tor la brtsegs pa bgos nas/slob dpon khro bo ti rIn+ti ris me tog gi phreng ba sngon po bzung la/ oM badzra sa ma ya pra be sha mi zhes zlos shing zhugs la/ bcom ldan 'das dbang phyug chen po la sogs pa ma rungs pa'i sems can dag kyang mchis te/ zhes bya ba la sogs pa de bzhin gshegs pa thams cad la gsol ba gdab par bya'o//de nas rdo rje'i chu 'thungs la bdag nyid la dbab par byas nas/ me tog de dkyil 'khor chen por dor la rang gi mgo la bcings nas gdong g.yogs bkrol te/ dkyil 'khor ji lta ba bzhin du bltas nas/ tiSh+Tha badzra zhes bya ba la sogs pas 'jug pa'i phyag rgya dgrol bar byas la/ chu'i dbang bskur ba dang / sangs rgyas lnga'i cod pan dang / dar dpyangs dang / rdo rje phreng ba dang / rdo rje'i bdag po dang / rdo rje ming gi dbang bskur bas yang bcom ldan 'das la phyag byas te/bcom ldan 'das las de blangs nas/ /de kho na nyid dang / chos dang dam tshig dang / rdo rje brtul zhugs kyang blangs nas me tog la sogs pa dang / sgeg mo la sogs pas bdag nyid yang dag par mchod de tshigs su bcad pa rnam pa lngas rjes su gnang ba dang / hU~M bzhi pa dang gzengs bstod pa dang /lung bstan pa yang blangs la/ yang bdag la byin gyis brlab pa la sogs pa byas nas ji ltar mngon par 'dod pa bzhin du bzlas pa byas nas bdag gi hU~M mdzad rdo rje'o zhes rang gi ming nas brjod pa byas la/ rnam par snang mdzad kyi phyag rgya chen po bcings te/de'i sngags a zhes bya ba'i mtha' dang bcas pa rnam par snang mdzad kyi gnas su de bzhin gshegs pa'i rdo rje'i bdag nyid dbab par bya'o/ /badzra haM zhes rdo rje'i nga rgyal du rnam par bsgoms la/ rdo rje de badzra d+ha tu ra haM zhes bya bas rnam par snang mdzad du bsgom par bya'o//de bzhin du rdo rje 'bebs pa'i bar gyi phyag rgya chen po bcings la/ byang phyogs kyi sgor/ de'i sngags a zhes bya ba'i mtha' dang bcas pas rdo rje dril bur bdag nyid dbab par byas la/ badzra g+haN+De ho zhes nga rgyal bskyed nas/ de badzra A be sha kro d+ha haM zhes khro bo rdo rje 'bebs pa bsgom par bya ste/de ltar na rdo rje bsgrub par 'gyur ro/ /rdo rje slob dpon sems dpa' ni/ /rdo rje lcags kyu bcings nas ni/ /se gol mang po brdab bgyis la/ /sangs rgyas thams cad bsdu bar bgyi/ /oM badzra sa ma ya dzaHdzaHhU~M baM hoHzhes lan nyi shu rtsa gcig bzla bar bya'o/ /de nas rdo rje khro bo yi//phyag rgya chen po sgom byed cing / /mtshan brgya rtsa brgyad dam pa ni/ /lan cig rab tu brjod par bgyi'o/ /de nas rdo rje lcags kyu la sogs pas rang rang gi sgo nas dgug pa dang / gzhug pa dang / bcing ba dang / dbang du byas la/ hU~M bzhi pas mchod yon phul la/ dpal rnam par snang mdzad la sogs pa bzlas nas bskal pa bzang po'i mthar thug pa'i bar du dam tshig gi phyag rgya bsgrub par bya ste/rang gi sngags brjod la/ dr-i sh+ya dzaHhUM baM hoH sa ma ya s+t+waM/ A ha zhes brjod do/ /de nas rang gi sngags dang snying po brjod par bya ste/ de ltar na 'grub par 'gyur ro/ /de nas dam tshig gi phyag rgya rnams bshad de/rdo rje gnyis las byung ba ni/ /dam tshig mchog tu grags pa yin/ /de dag bcing ba bshad bya ba/ /khro bo bcing ba bla na med/ /lag ngar rdo rjer byas nas su/ /mthe'u chung lcags kyur bcing bar bya/ /mdzub mo gnyis kyis bsdigs pa ni/ /'jig rten gsum las rgyal zhes bya//de bzhin mdzub mo ngos sbyar te/ /nor bu 'dra bar rab tu dgug /gung mo mnyam bsgreng pad+mar bya/ /gung mo mdzub mo gnyis kas bsdigs/ /mdzub mo gnyis ka rdo rjer bya/ /g.yas pa lcags kyu dgug par bya/ /de nyid hU~M zhes bya bar 'dud//legs pa sbyin pa de bzhin te/ /mdzub gnyis dpral ba'i gnyer mar gzhag /snying gar mdzub mos nyi mar bskor/ /lag pa brkyang ste spyi bor gzhag /mdzub mo kha nas dgod ltar byas/ /mdzub mo'i sen mo sbyar bar bya/ /g.yas pas ral gri bcings pa'o/ /gung mdzub mnyam bsgreng 'khor lo yi//kha yi nang nas dbyung ba dang / /mdzub mo gung mor rdo rjer bya/ /mdzub mo yis ni mgul bar bskor/ /mdzub mo gnyis ni mche ba che/ /mdzub mo gnyis ni rdo rjer bcings/ /sgeg mo la sogs pa'i ni rdo rje dbyings la sogs pa nyid la hU~M zhes bya bas rdo rje bsdams pa de ji lta ba bzhin du bcings so//snying gar mthe bo bsnyams la gzhag /rab tu brkyang ba phreng ba'o/ /thal mo sbyar te kha nas byung / /gar las thal sbyar spyi bor gzhag /rdo rje bcings pa thur du blugs/ /rang gi thal sbyar gyen du gtor/ /mthe bong mnyam ste rab tu bsdams//rab tu brkyang ste byug pa'o/ /mdzub mo gcig po dgug pa'o/ /mthe bo gnyis ni mdud pa dor/ /mthe bo mdzub mo gdu bur bcing / /rdo rje khu tshur mdzub mo bsdams/ /thugs kar yi ge hUM las rdo rje rtse lnga pa rnam par bsams la/ yi ge hU~M nyid zlos shing phyag rgya thams cad bcing bar bya'o//de nas phyag rgya'i nges pa bshad de/ /rdo rje hU~M mdzad kyi phyag rgya dang / rnam par snang mdzad dang / rdo rje hU~M mdzad dang / rin chen hUM mdzad dang / chos kyi hU~M mdzad dang / las kyi hU~M mdzad kyi gnas nyid do/ /de nas rin chen hU~M mdzad la sogs pa'i sngags bshad de/oM badzra b+h+r-i ku Ti kro d+ha na ya sarba rat+na ma hrIHphaT/ oM badzra dr-iSh+TI kro d+ha dri shu mA ra ya hU~M phaT/ oM badzra bi shwa kro d+ha ku ru sarba bi shwa rU pa tra ya sa da ya hU~M phaT/ 'di'i phyag rgya ni sems ma rdo rje ma nas brtsams te blta bar bya'o/ /de yang / rig pa dam pa thams cad kyi//'jig rten gsum las rgyal zhes bshad/ /ces bshad pa yin no/ /rdo rje de dang hU~M mdzad kyis phyag rgya'i tshogs bsdus pa ni/ 'dir bcom ldan 'das rdo rje hU~M mdzad yin par bshad kyi/ /rdo rje hU~M mdzad gzhan du gyur pa ni mi rigs te/ rgyud thams cad las khams gsum rnam par rgyal ba nyid rdo rje hU~M mdzad yin par bstan to//de'i rjes la de bzhin du ljags la rdo rje bkod de/ go rims ji lta ba bzhin du sangs rgyas dang rdo rje 'dzin pa la sogs pa'i chos kyi yi ge dgod par bya'o/ /de ni 'di yin te/ hU~M ni rdo rje sems dpa' 'o//trAM ni rin chen sems ma'i 'o/ /hrIHni chos kyi sems ma'i 'o/ /a ni las kyi sems ma'i 'o/ /hU~M badzra satwa badzri/ trAM rat+na badzri hrIH/ d+harmA badzri/ a karma badzri hU~M he traM ta/ hi hi de ha d+hika/ /d+hi hU~M/ graM kri/ baM dri aHzhes bya ba ni rdo rje sems dpa' la sogs pa'i 'o/ /ma hA ra he hU~M/ rU pa shwo b+he hU~M/shro tra sau khye hU~M/ sarba pU dze hU~M/ pra h+la da ni hUM/ pha la ga me hUM/ su ti dzA tri hU~M/ su gan+d+ha ki hU~M/ a ya hi dza hU~M/ a hi hU~M hU~M hUM he s+pho Ta baM hUM/ g+haN+Da a a hU~M zhes bya ba ni rdo rje sgeg mo la sogs pa nas/ rdo rje 'bebs pa'i bar gyi yin no/ /de'i rjes la yi ge a las thugs kar sna tshogs rdo rje bskyed la las kyi phyag rgya bcing bar bya'o//de ni 'di yin te/ khro bo'i khu tshur gnyis byas la/ /g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya 'di/ /sangs rgyas byang chub sbyin byed pa'o/ /bsgying bcas bsor bas gnyis ga yis//zhes pa ni rin chen hU~M mdzad dang / rdo rje sems dpa' dang / sems ma rdo rje ma'i'o/ /lcags kyu 'dzin ltar gnas pa dang / /mda' 'phang ba yi tshul dang ni/ /legs so zhes pa snying gar bshad/ /dbang bskur ba ni rdo rje gnyis/ /zhes bya ba ni rin chen hU~M mdzad dang / khro bo rdo rje khro gnyer can dang / rin chen sems ma'i'o/ /snying gar nyi ma brtan par bya/ /g.yon pa la ni gru mo gzugs/ /de bzhin kha phyogs bskor bar bya/ /g.yas pa yi ni g.yon pa dbye/ /zhes bya ba ni chos kyi hU~M mdzad dang / rdo rje chos dang / chos kyi sems ma'o/ / snying gar g.yon pa ral gri mdung / /mgal me'i 'khor lo bskor ba dang / /rdo rje gnyis ka kha nas dbyung / /rdo rje gar bskor dgrol ba yis/ /thal mo 'gram pa spyi bor gzhag /ces bya ba ni las kyi hU~M mdzad dang / rdo rje las dang / las kyi sems ma'o/ /go cha mthe chung mche ba mchog /khu tshur gnyis ni mnan pa'o/ /rdo rje bsgyings pa'i tshul gyis su/ /bsam pa g.yos pas sdud par bya'o/ /phreng ba bcings pa kha nas dbyung / /gar las thal sbyar spyi bor bzhag /thur du blugs dang gyen du gtor/ /mthe bong mnyam te rab tu bsdams//rab tu brkyang nas byug pa ni/ /mchod pa'i phyag rgya rab tu bstan/ /mdzub mo lcags kyu bcing ba ni/ /mthe chung las te lcags kyu che/ /mchod pa'i mdud pa mdzub gnyis gdub/ /rgyab gnyis kyang ni mnyam ste mnan/ /sgo srung gi ni phyag rgya kun//las kyi phyag rgya gar las byung / /de nas rnam par snang mdzad la sogs pa'i phyag rgya chen po ni ji ltar bris pa'i rjes su 'brangs te bcing bar bya'o/ /de nas rdo rje sems dpa' dang / rin chen dang / chos dang / las kyi khro bo rnams kyi phyag rgya chen po gang yin pa de ni sems ma rdo rje dang /rin chen ma dang / chos ma dang / rdo rje las ma yang yin pa las 'di rnams ni rdo rje'i nang du chud pa'i lha mo'i gzugs 'dzin ma yin/ /bdag nyid chen po gang gang gis/ /phyag rgya gang dang gang bcings pa/ /bzlas pa'i snying po'i don du ni/ /der ni bdag nyid bsgom par bya//zhes bya ba'i phyag rgya thams cad kyi dam tshig go/ /g.yon pa'i de bzhin gshegs pa'i khu tshur bkan la/ lag pa g.yas pa'i mdzub mo dang / mthe bo gnyis kyi mthe'u chung nas brtsams te/ phye nas thal mo khang stong du bya ba 'di ni byams pa la sogs pa'i dam tshig gi phyag rgya ste/'di rnams kyi rig pa yang sngar bshad pa yin no/ /rig pa de nyid de rnams kyi ljags la bkod pa 'di ni de rnams kyi chos kyi phyag rgya'o/ /yi ge a las rang gi snying gar sna tshogs rdo rje bskyed la bris pa dang / rjes su mthun par de rnams kyi phyag rgya chen po bcing ba ni las kyi phyag rgyar 'gyur ro//rang gi snying gar rdo rje rtse lnga pa bsams la bris pa dang rjes su mthun pa kho nar de rnams kyi phyag rgya chen po bcing bar bya'o/ /rig pa de nyid kyang spyi yin no/ /mthe bos mthe'u chung bcings nas ni/g.yon pa sor mo dbus ma gsum/ /rtse gsum pa yi dbus ma rtse/ /rdo rje phyag rgyar bzung ba ste/ /rdo rje rig pa dam pa ste/ /rdo rje mthu zhes bya ba'o/ /de nas rab tu bshad pa ni/ /rdo rje sgyu ma la sogs btags/ /rdo rje bcing ba dam bcas te//g.yon pa rdo rje bcing bar bya/ /rdo rje khu tshur zhes bshad de/ /rdo rje rigs ni kun gyi 'di'o/ /rdo rje de ni gnyis byas te/ mtshan ma kun ni nges gzhag go/ /rdo rje rigs ni thams cad kyi/ /phyag rgya rnams kyang 'byung ba de/ /mdun du brkyang ste bzhag pa dang / / mdzub mo mtheb bstan bcas pa dang / /oM zhes bya ba spyi bor sbyar/ /rdo rje steng du bzhag pa'o/ /rig pa'i rgyal po'i phyag rgya chen po'i tshogs rnams so/ /rab tu brkyang nas lag gnas pa/ /lag pa'i rgyab tu de bzhin te/ /khu tshur brkyang la lag ngar bskum/ /kha phyogs su ni bskor bar bya//rdo rje khro bo'i phyag rgya'i tshogs so/ /g.yon pa'i mthe bo'i steng du gzhag /phreng ba bcings pa'i thabs su sbyar/ /nor sbyin par ni g.yas pa ste/ /ral gri phyag rgya khu tshur gcig /tshogs kyi bdag po chen po'i phyag rgya'i tshogs so/ /g.yas pa mdun du mdung ring 'dzin//lag pa brkyang pa'ang de bzhin te/ /g.yas pa 'od ni 'bar ba bstan/ /rdo rje khu tshur bskyod pa'o/ /pho nya'i phyag rgya chen po'i tshogs so/ /bsgyings bcas mdzub mo khar mche ba/ /dbyug pa bsnun cing mnan pa dang / /dpung pa bskum zhing bcar ba dang //g.yas pa g.yon gyi 'dren pa'o/ /bran gyi phyag rgya chen po'i tshogs so/ /de nas u ma la sogs pa'i ma mo rnams kyi phyag rgya bshad par bya ste/ g.yon pa rdo rje mdzub bcings pas/ /rtse gsum mtshan ma mnan par bya/ /'di bcings pas ni yang dag par//rig pa dam pa rang 'grub 'gyur/ /rdo rje rigs ni thams cad kyi/ /g.yon pa rdo rje gtso bor 'dus/ /dam tshig go na ji bzhin par/ /phyag rgya bcing bar bshad par bya/ /thams cad 'khor lo sor rtse gsum/ /dril bu'i phyag rgya de bzhin no//de bzhin oM gyi phyag rgya dang / /seng ge'i rnam par yongs su bzung / /rig pa'i rgyal po'i phyag rgya rnams so/ /'bar ba kun du 'dzin pa dang / /'di ni yang dag 'dus pa nyid/ /dbyig pa'i khu tshur 'dzin pa dang / /kha 'gram phyag rgya bskor ba'o/ /khro bo'i dam tshig rnams so//btud pa'i phyag rgya dang phrad pa/ /rdo rjes mnan nas btud pa ste/ /spyi bor gzhag pa tshogs kyi ste/ /dkyil 'khor gyi ni bsrung ba'o/ /tshogs rnams kyi ni dam tshig go/ /lag pa bskum pa khar bzhag ste/ /rgyab tu yang ni bskor bar bya/ / 'bar dang me stag stong pa ste/ /de nas khar yang gnas par bya/ /pho nya mo'i dam tshig rnams so/ /mtha' ma gnyis ni khar bcug dang / /gcod cing rab tu gnon pa'o/ /dpung pa bsnol bas bsnol ba dang / /myur du phyogs pa'ang de bzhin no/ /bran mo rnams kyi dam tshig go//de nas lha chen po la sogs pa'i lce la de'i sngags dgod pa 'di ni de rnams kyi chos kyi phyag rgya'o/ /yi ge a las rang gi snying gar sna tshogs rdo rje de bzhin du bskyed la/ de rnams kyi phyag rgya chen po bcing ba ni/ las kyi phyag rgyar 'gyur ro/ /rang gi snying gar rdo rje rtse lnga pa bsgoms la/phyag rgya chen po bris pa dang rjes su mthun par bya'o/ /de nas bcom ldan 'das rnam par snang mdzad dang / bskal pa bzang po rnams dang / phyi rol gyi rdo rje'i rigs rnams ni rdo rje rin chen gyi dbang bskur bas dbang bskur bar bya'o/ /dpal hU~M mdzad la sogs pa ni sangs rgyas lnga'i cod pan dang /rdo rje phreng ba dang / dar dpyangs kyi dbang bskur bas dbang bskur bar bya'o/ /de nas mchod yon phul la mchod pa bya ste/ de la re zhig rin po che la sogs pa'i rgyu las byas pa'i bum pa sngar bshad pa'i mtshan nyid dang ldan pa/ rdo rje la sogs pa rang rang gi mtshan ma can la rnam par snang mdzad la sogs pa'i rang gi sngags brgya rtsa brgyad bzlas pa dang bum pa gang ba rnams phyi'i dkyil 'khor gyi phyi rol du dbul bar bya'o/ /ras zung 'bum mam/ khri 'am/ brgya 'am/ stong ngam/ re re zhing ngam/thams cad la spyir zung gcig dbul ba'am/ bla re rnam pa sna tshogs pa dang / grwa bzhir ba dan sna tshogs btags pa dang / gdugs dang / rgyal mtshan dang / ba dan rnams kyang oM dang rdo rje hUM mdzad yongs su bzlas shing badzra s+phar Na khaM zhes bya ba 'dis lha thams cad la dbul bar bya'o//me tog gi shing brgya'am/ stong ngam/ bzhi'am/ shing dang me tog thams cad kyang rdo rje me'i phyag rgya dang bcas pa dang / oM badzra puSh+pe hU~M zhes bya ba me tog gi phyag rgya dang bcas pas me tog la mngon par bzlas pa dang / byug pa ni dri zhim zhing dri bzang pos bsgos pa'i dri bzang po thams cad la dbul bar bya'o//rdo rje me dang / oM badzra gan+d+he zhes bya ba 'di'i phyag rgya dang bcas pa dang / ga bur dang / a ga ru dang / tu ru ska dang / tsan+dan la sogs pa legs par sbyar ba la/ rdo rje me dang / oM badzra d+hU pe hUM zhes bya ba 'dis bdug spos kyi phyag rgya dang ldan pas/spos snod 'bum mam/ khri'am/ stong ngam/ brgya'am/ ci 'byor pa rnams dang / mar me 'bum mam/ khri'am stong ngam/ brgya'am/ de bzhin du mar me'i snod chen po sdong bu 'bar ba dang bcas pa stong ngam/ brgya'am/ bcu 'am gcig la rdo rje me dang oM badzra A lo ke/ zhes bya ba 'di mar me'i phyag rgya dang ldan pas yongs su bzlas la/ badzra s+phar Na khaM zhes zlos shing dbul bar bya'o/ /swe b+hi ka la sogs pa lha bshos kyi zhal zas 'bum mam/ khri'am stong ngam/ brgya'am/ grangs bcu snyed dang /bza' ba dang / bca' ba rnam pa sna tshogs pa la de bzhin du rdo rje me yongs su bzlas la/ a kA ro mu khaM sarba d+harmA NAM Ad+ya nut+pa natwA ta ces zlos shing dbul bar bya'o/ /rol mo'i cha byad bcu po'am/ stong phrag brgya 'am stong ngam/ rol mo'i cha byad bcu po hUM zhes bya ba dang /rol mo'i phyag rgya rdo rje khu tshur gnyis kyi sor mo rnams kyis de'i tshul du byed pas dbul bar bya'o/ /rol mo'i cha byad bcu bo ni pi wang gling bu dang / mu ra dza dang / mu kun da dang / ka na sam dang / ma rI dang / mr-i tang ga dang / pa Ta ha dang / kuny+dza dang / ti mi li brdung ba'i tshul du byed pa'o//phyi rol du gar dang rol mo bya ba dang / cod pan dang gdu bu dang / rna rgyan la sogs pa'i mchod pa rnams kyang / oM zhes bya ba mngon par bzlas te dbul bar bya'o/ /de bzhin du dar dpyangs par bya ba dang / me tog chun 'phyang gi rnam par brgyan pa dang /dra ba dang dra ba phyed pa dang zla ba phyed pas nye bar mdzes par byas pa dang / rta dang glang po che dang / ba lang gi khyu shin tu btags pa rnams kyang dbul bar bya'o/ /rta babs yid du 'ong ba dril bu la sogs pa btags pa yang badzra s+pha ra Na khaM zhes bya ba 'dis 'bul lo//oM badzra satwa su saM gra ha ta/ badzra rat+na ma nut+ta raM/ badzra d+harma ga ya ne/ badzra karma ka rot+b+ha be/ zhes zlos shing gar byas la/ rdo rje sgeg mo la sogs pa mchod pa rnam pa brgyad khro bo'i khu tshur gnyis ma gtogs pa'i las kyi phyag rgya rnams kyis dkyil 'khor thams cad mchod par bya'o//rdo rje khu tshur gnyis bcings la/ mdzub mo gnyis brkyang ba ni khro bo'i khu tshur gnyis su 'gyur ro/ /yang rdo rje rigs kyi las kyi dkyil 'khor las gsungs pa'i las kyi phyag rgya bcu drug gis yang dag par mchod la/ khro bo'i rigs thams cad la dngos grub thams cad 'grub pa'i phyir/sems can thams cad kyi don mdzod cig ces gsol ba gdab par bya'o/ /de nas sgrub pa'i grogs mchog dkyil 'khor du bzhag la/ phyi rol du gtor ma sbyin par bya ste/ 'bras yos bya zhing til dang bcas/ /'bras chen me tog chu dang bcas//sran chan bcas shing mang du bya/ /snum khur la sogs bza' ba rnams/ /zhes bya ba'i gtor ma la a kA ro zhes bya ba la sogs pa bzlas nas/ shar phyogs nas brtsams te gsum gsum gtor bar bya zhing dri dang me tog dang / bdug pa dang / mar me dang / mchod yon rnams kyang thog ma dang tha mar 'bul lo/ /de la dang por re zhig maN+Dal rnams byed du gzhug par bya'o/ /de nas ni spyan drang ngo / /de nas dam tshig bstan la mchod yon phul te/ dri la sogs pas legs par mchod la gtor ma phul te de nas gshegs su gsol bar bya'o//de nas sngags dang phyag rgya ni 'di rnams yin te/ shar phyogs su kha bltas te/ rkang pa g.yas pa brkyang ba'i tshul gyis 'dug nas/ lag pa g.yon pa rdo rje'i phyag rgya bstan la/ g.yas pa'i rdo rje phyag rgya sta zur phyogs su bzhag ste/g.yas pa'i mdzub mo lcags kyu ltar spyan drangs pa ni brgya byin gyi spyan drangs pa'i phyag rgya'o/ /de la mdzub mo lcags kyur ma byas pa ni brgya byin gyi dam tshig gi phyag rgya'o/ /rkang pa g.yon brkyang pa'i tshul gyis 'dug la/ spyan drangs pa'i phyag rgya las mdzub mo brkyang ba ni slar btang ba'i phyag rgya'o/ /de nas 'di'i sngags na mo badzra s+ya tsa di shi di shi badzra pa Ne rak+Sha rak+Sha swA hA/ me'i phyogs su bltas nas lag pa g.yas pa'i mdzub mo zlum por bkug ste/ gung mo'i tshigs gsum par btsugs la/mthe bo lag mthil du bzhag pa ni me lha spyan drangs pa'i phyag rgya'o/ /spyan drangs pa'i phyag rgya las mthe bo ngos la mdzub mo btsugs pa ni me lha'i dam tshig gi phyag rgya'o/ /phyag rgya de nyid las mdzub mo mthe bo'i ngos la btsugs te phyir drag tu brkyang ba ni slar btang ba'i phyag rgya'o//de'i sngags ni ag+na ye hUM e h+ya kA ba li dz+wa la dz+wa la dA ha shi khi to li pi rU pak+Sha swA hA/ gshin rje'i phyogs su bltas nas snyim pa mdun du bzhag ste/ sor mo phan tshun bsnol la khu tshur bcangs nas srin lag gnyis bsgrengs te/ gshibs la g.yab ste nang du bzhag pa ni gshin rje spyan drangs pa'i phyag rgya'o//srin lag gnyis ka yang phyi rol tu de bzhin du gshibs te bsgreng ba snying gar bzhag pa ni dam tshig gi phyag rgya'o/ /de nyid las srin lag sbyar ba ni slar btang ba'i phyag rgya'o/ /sngags ni ya mA ya swA hA/ bden bral gyi phyogs su rkang pa mnyam pas 'dug la/lag pa g.yas pa'i khu tshur bcangs pa las mdzub mo dang gung mo ral gri 'dra bar gshibs te bsgreng la bzhag /lag pa g.yon pa de ltar byas te/ sta zur phyogs su bzhag la/ g.yon pa'i mdzub mo bkug ste g.yab pa ni bden bral spyan drangs pa'i phyag rgya'o//phyag rgya de nyid las lag pa g.yon pa sta zur phyogs su ral gri 'dra bar bzhag pa ni bden bral gyi dam tshig gi phyag rgya'o/ /spyan drangs pa'i phyag rgya las mdzub mo brkyang ba ni slar btang ba'i phyag rgya'o/ /sngags ni sarba b+hu ta ba yaM ka ra ku ru ku ru swA hA/chu lha'i phyogs su rkang pa mnyam pas 'dug la/ lag pa g.yas pa khu tshur bcangs la/ mthe bo dang mdzub mo gcig tu sbyar te/ zhags mig ltar byas la g.yon pa'i khu tshur yang de ltar byas te/ snying gar bzhag la g.yon pa'i mdzub mo lcags kyur byas pa ni chu lha spyan drangs pa'i phyag rgya'o//phyag rgya de nyid las g.yon pa'i mdzub mo khu tshur gyi tshul du bzhag pa las zhags mig ltar byas pa ni chu lha'i dam tshig gi phyag rgya'o/ /g.yon pa'i phyag rgya las mdzub mo brkyang ba ni slar btang ba'i phyag rgya'o/ /sngags ni oM trIng tI bu tra trI trI shi khi ti/li pi rU pa k+Sha swA hA/ rlung lha'i phyogs su bltas te 'dug la/ lag pa g.yon pa khu tshur bcangs te gung mo bsgreng ba'i tshigs dang por mdzub mo bkug pa'i thor to btsugs la/ lag pa g.yas pa yang de bzhin du byas te/ sta zur logs su bzhag cing mthe bong bsgul ba ni rlung lha spyan drangs pa'i phyag rgya'o//de nyid las mthe bong snga ma bzhin du bzhag pa ni rlung lha'i dam tshig gi phyag rgya'o/ /spyan drangs pa'i phyag rgya las mthe bo brkyang ba ni slar btang ba'i phyag rgya'o/ /sngags ni oM swa sa kha kha mu kha swA hA/ ku be ra la mngon du bltas te 'dug nas lag pa gnyis thal mo sbyar la rdo rje bcing ba nang du bzlog ste/ mthe'u chung gnyis gshibs la brkyang de'i rgyab tu srin lag gnyis so sor gnas nas/ gung mo gnyis rdo rje ltar bkug ste g.yab pa ni ku be ra spyan drangs pa'i phyag rgya'o/ / phyag rgya de nyid las gung mo gnyis nang du rdo rje bcing ba'i tshul du bzhag pa ni ku be ra'i dam tshig gi phyag rgya'o/ /spyan drangs pa'i phyag rgya las gung mo gnyis brkyang pa ni slar btang ba'i phyag rgya'o/ /sngags ni oM ku be rA ya swA hA/ dbang ldan gyi phyogs su bltas te 'dug la lag pa gcig tu thal mo sbyar ba byas la/srin lag dang mthe'u chung nang du bkug ste bsnol la/ gung mo gnyis gshibs te bsgreng ba'i rgyab logs su mdzub mo gnyis rdo rje 'dra ba bya/ mthe bo gnyis rab tu gshibs te bzhag la/ de gnyis las mdzub mo gnyis phan tshun rtse sprad nas nang du g.yab pa ni dbang ldan spyan drangs pa'i phyag rgya'o//de nyid las snga ma ltar mdzub mo rdo rje'i tshul du bzhag pa ni dbang ldan gyi dam tshig gi phyag rgya'o/ /spyan drangs pa'i phyag rgya las mdzub mo brkyang ba ni slar btang ba'i phyag rgya'o//sngags ni dzruM dzruM shi ba dzruM swA hA/ g.yon pa brkyang ba'i gnas pas 'dug la/ lag pa thal mo khong stong du sbyar te bzhag la/ steng du bltas te mdzub mo gnyis kyi lcags kyus ni/ tshangs pa la sogs pa spyan drang bar bya'o/ /de nyid las mdzub mo gnyis snga ma ltar bzhag pa ni dam tshig gi phyag rgya'o//spyan drangs pa'i phyag rgya las mdzub mo gnyis brkyang ba ni slar btang ba'i phyag rgya'o/ /sngags ni 'di yin te/ ur+d+haM brah+ma Ne swA hA/ sU r+ya gra ha a d+hi pa ta ye swA hA/ tsan+d+ra ya na k+Sha tra a d+hi pa ta ye swA hA/ rkang pa mnyam par gnas pas 'dug la/lag pa gnyis gcig tu sbyar te/ sor mo rnams mtshams med par rtse mo phan tshun sbyar/ mthe bo zlum por byas la/ 'og tu bltas te sa'i lha la sogs pa mdzub mo lcags kyus spyan drang ba ni 'og gi lha spyan drangs pa'i phyag rgya'o/ /spyan drangs pa'i phyag rgya las snga ma bzhin du mdzub mo bzhag pa ni dam tshig gi phyag rgya'o//mdzub mo gnyis btang ba ni slar btang ba'i phyag rgya'o/ /sngags ni a d+ho pri thi b+h+yaHswA hA a su re b+h+yaHswA hA/ na ge b+h+yaHswA hA/ de nas rang gi sngags de nyid kyis thams cad la 'thor 'thung phul ba bdag dang slob ma'i tshogs su bcas pa la bgegs med par mdzod cig /las kyi dngos grub kyang bdag la stsol cig /ces brjod la thams cad slar btang ngo / /yang na dpung bzangs kyis zhus pa las 'byung ba'i tshigs su bcad pa rnams kyis gtor ma dbul bar bya ste/lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyi rigs rnams dang / /gang dag sa la gnas pa'i rdzu 'phrul can/ /bu smad tshogs bcas g.yog 'khor dang bcas la//bdag gis pus mo sa la btsugs nas su/ /thal mo sbyar nas khyed la gsol 'debs kyis/ /gsan nas phan gdags slad du 'dir byon cig /'byung po gang dag ri rab steng gnas dang / /dga' ba'i tshal dang lha yi gnas rnams dang / /shar nub ri dang nyi zla'i khyim rnams dang //ri bo kun la gang dag gnas pa dang / /chu bo kun dang chu bo'i mdo rnams dang / /rin chen gnas na lhag par gnas pa dang / /mtsho dang rdzing bu lteng ka chu ngogs dang / /g.ya' chu sil ma can na gang gnas dang / /grong dang phyugs lhas grong khyer stong pa dang //khang stong dang ni lha yi khang pa dang / /gtsug lag khang ngam grong khyer gnas dag gam/ /dka' thub gnas dang glang chen bres dang ni/ /rgyal po'i dkor khang dag na gang gnas dang / /lam srang bzhi mdo dag dang sum mdo dang / /gang dag lam chen dang ni shing gcig dang //dur khrod chen po'am nags tshal chen po'am/ /seng ge dred dang gcan gzan gnas dag dang / /'brog chen 'jigs su rung bar gang gnas dang / /gang dag gling mchog dag na gnas pa dang / /lhun po dur khrod dag na gnas pa rnams/ /rab tu dgyes shing mgu bar gyur nas su//phreng ba me tog dri dang byug pa rnams/ /bstod dang gtor ma mar me gus 'bul bas/ /'di dag bzhes te btung zhing bsnams nas su/ /las 'di rnams kyi 'bras bu mchis par mdzod/ /de ltar gdon la mchod pa byas nas ni/ /de nas phyogs skyong rnams la gtor ma sbyin//shar phyogs rdo rje can de lha tshogs bcas/ /gtor ma phul ba 'di dag bzhes su gsol/ /me dang gshin rje bden bral srin po'i bdag /chu bdag rlung bdag nor gyi bdag po ste/ /dbang ldan lha ste 'byung po'i bdag po dang //steng gi nyi zla tshangs pa chen po dang / /lha rnams kun dang sa yi klu rnams dang / /ri yi lha dang gnod sbyin tshogs rnams la/ /so so so sor gtor ma phul ba rnams/ /rab tu dgyes pa yis ni bzhes nas kyang / /rang rang phyogs su legs par bzhugs nas su//rang gi bu smad mdza' bshes gnyen 'dun dang / /nang mi dmag dang dpung dang thabs cig tu/ /me tog dri dang byug pa gtor mar bcas/ /'di rnams btung zhing legs par gsol nas kyang / /bdag gi las 'di 'bras bu mchis par mdzod/ /de la 'di ni phyi dang nang du bcas pa'i gtor ma sbyin pa'i sngags so//a kA ro mu khaM sarba d+harma NAM A d+ya nut+pan natwa ta/ de nas nye reg byas la shar phyogs kyi sgo la mngon par bltas te/ gnas pa'i las thams cad pa'i thab khung gi dbus su dpal khams gsum rnam par rgyal ba'i dkyil 'khor gyi lha thams cad kyi sngags zlos shing me tog gis bzhugs su gsol la/sbyin sreg gi cho gas dpal rdo rje hUM mdzad kyi sngags kyis pa'i mar las sbyin blugs brgya rtsa brgyad dbul lo/ /dpal rnam par snang mdzad la sogs pa'i sngags kyis kyang khro bo rdo rje 'bebs pa'i mthar thugs pa'i bar yang sreg blugs bdun bdun dbul lo//de nas rnam par snang mdzad la sogs pa me thab las me tog gis spyan drangs te rnam par snang mdzad la sogs pa'i sngags kyis bris pa'i dkyil 'khor du rang rang gi gnas su bzhugs su gsol bar bya'o//de nas de bzhin gshegs pa thams cad la phyag byas la/ bdag ming 'di zhes bgyi ba yis/ /rdo rje slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyi/ /de la bcom ldan 'das kyi dkyil 'khor chen po 'dir zhugs pa la snod du gyur pa dang /ma gyur pa brtag mi 'tshal lo/ /de ci'i phyir zhe na/ sems can kha cig ni sdig pa chen po bgyid pa yang mchis te/ de dag gis rdo rje hUM mdzad kyi dkyil 'khor chen po 'dir zhugs te mthong na ngan song thams cad dang bral bar 'gyur ro//bcom ldan 'das nor dang bza' ba dang / btung ba dang / 'dod pa'i yon tan thams cad la sogs pa dang / dam tshig la mi dga' ba dang / sngar spyad pa la sogs mi nus pa'i sems can dag kyang mchis te/ de dag kyang 'dir ji ltar 'tshal ba bzhin du bgyid cing zhugs pa rnams kyi bsam pa thams cad rdzogs par 'gyur ro//bcom ldan 'das sems can kha cig ni gar dang / glu dang gad mo dang / rtsed mo dang / kha zas dang / spyod pa la dga' ba rnams dang de bzhin gshegs pa thams cad kyi theg pa chen po mngon par rtogs pa'i chos nyid khong du chud pas lha gzhan gyi rigs dang dkyil 'khor du 'jug gis/de bzhin gshegs pa thams cad kyi dkyil 'khor re ba thams cad yang dag par 'gyur ba bla na med pa'i dga' ba dang / mgu ba dang / rangs par 'gyur ba der ni bslab pa'i tshig gis 'jigs shing skrag nas mi 'jug pa dag kyang mchis te/de dag ngan song gi dkyil 'khor gyi lam du 'jug par kha bltas shing gnas pa rnams kyang dga' ba dang / mgu ba'i dam pa 'grub cing / bde ba dang / yid bde ba myong bar bgyi ba dang / ngan song gi rgyud thams cad du kha bltas pa'i lam las bzlog par bgyi ba'i slad du/rdo rje hU~M mdzad kyi dkyil 'khor chen por 'jug tu rung ngo / /bcom ldan 'das chos can gyi sems can de bzhin gshegs pa thams cad kyi tshul khrims dang / ting nge 'dzin dang / shes rab dam pa 'grub pa'i thabs kyis 'bad cing /nyon mongs pa dag kyang mchis te/ de dag kyang rdo rje hU~M mdzad kyi dkyil 'khor 'dir zhugs ma thag tu/ de bzhin gshegs pa thams cad kyang 'grub par dka' ba ma lags na/ dngos grub gzhan lta smos kyang ci 'tshal zhes zhu bar bya'o//de nas slob ma gzhug par bya ste de la bslab pa'i gzhi lnga yongs su gzung ba'i dge bsnyen nam/ dge sbyong ngam dge slong gi sdom pa yongs su blangs la/ slob dpon du dbang bskur bar 'os pas slob dpon gyi zhabs gnyis la phyag byas te/'di skad ces brjod par bya ste/ dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /sdom pa rnams kyang stsal du gsol/ / de nas slob ma la rdo rje srung ba yongs su bzlas pa'i ras sngon po'i stod g.yogs dang smad g.yogs bskon zhing / rdo rje lcags kyu la sogs pa'i sgo srung bzhi bzlas pa'i gdong g.yogs bcings la/ phyag bzhi byed du gzhug par bya'o/ /yang lag na me tog thogs pa'i slob mas/slob dpon la phyag byas la/ lag na me tog thogs pa nyid dang / bshags pa dang / rjes su yi rang ba dang / bskul ba dang / gsol ba yang byas nas/ 'di skad ces brjod par bya'o/ /gtso bo bdag la sdom pa stsol/ /thub pa'i nyi ma ma lus pa/ /sangs rgyas bdag la dgongs su gsol//bdag ming 'di zhes bgyi ba ni/ /slob dpon dbang du gnas pa la/ /sangs rgyas rol mo las byung ba'i/ /mi ldog 'khor lo'i 'byor par ldan/ /thar pa chen po'i grong khyer mchog /gsang ba chen por 'jug par bgyi/ /gsang ba'i rigs mtho thams cad du//slob dpon chen po bdag 'jug mdzod/ /mi ldog pa yi dbang bskur ba/ /skal ba chen po bdag la stsol/ /mtshan rnams kun gyis rgyas btab cing / /dpe byad rnams dang yang dag ldan/ /sangs rgyas kun ni yid 'ong ba/ /slob dpon chen po bdag la stsol//dbang bskur ba ni rmad byung che/ /sems can kun gyi don bgyid phyir/ /bdag ni rtag tu slob dpon gyur/ /slob dpon chen po bdag la stsol/ /de nas slob dpon gyis rigs thams cad la gsol ba gdab par bya ste/ che ge zhes bya 'di nyid ni/ byang chub sems ni yongs 'dzin cing //dam tshig sdom dang gsang ba yi/ /'khor lo 'dir yang 'jug par 'tshal/ /de nas slob dpon gyis 'di skad ces brjod par bya ste/ gsang ba chen po'i rigs dag pa/ /gsang ba yongs su 'dzin par ni/ /bdag nyid chen po khyod 'dod dam//des kyang 'tshal zhes brjod par bya/ /sangs rgyas chos dang dge 'dun te/ /dkon mchog gsum la skyabs su song / /'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu phyag rgya yang / /blo chen khyod kyis gzung bar gyis/ / byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar bya/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par gsungs/ /rin chen rigs mchog chen po dang / /nyin dang mtshan mo lan gsum du//zang zing mi 'jigs chos dang byams/ /sbyin pa rnam bzhi rab tu sbyin/ /phyi nang gsang ba'i theg pa gsum/ /dam pa'i chos kyang gzung bar bya/ /'di ni pad+ma'i rigs dag pa'o/ /dam tshig sdom pa yin par gsungs/ /las kyi rigs mchog chen po la//sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bya/ /de las gzhan pa bcu bzhi 'di/ /phas pham par ni rab tu bshad/ /spang zhing dor bar mi bya ste/ /rtsa ba'i ltung ba zhes bshad do/ /nyin dang mtshan mo lan gsum du//nyin re zhing ni bzla bar bya/ /gang tshe nyams gyur rnal 'byor pa/ /kha na ma tho sbom por 'gyur/ /khyod kyis srog chags gsad mi bya/ /ma byin par yang mi blang ngo / /'dod pa log par mi spyad cing / /brdzun du smra bar mi bya'o/ /phung khrol kun gyi rtsa ba yi//chang ni rnam par spang bar bya/ /sems can 'dul phyir ma gtogs pa/ /bya ba ma yin thams cad spang / /dam pa nye bar bsten bya zhing / /rnal 'byor pa rnams bsnyen bkur bya/ /lus kyi las ni rnam gsum dang / /ngag gi rnam pa bzhi rnams dang / /yid kyi rnam pa gsum dag ni//ci nus par ni rjes su skyong / /theg pa dman la 'dod mi bya/ /sems can don la rgyab phyogs min/ /'khor ba dag kyang yongs mi spangs/ /rtag tu mya ngan 'das mi chags/ /lha dang lha min gsang ba la/ /khyod kyis brnyas par mi bya zhing //phyag rgya bzhon pa mtshon cha dang / /mtshan ma 'gom par mi bya'o/ /'di dag dam tshig yin par bshad/ /khyod kyis rtag tu bsrung bar bya/ /des kyang 'di skad brjod bya ste/ /slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal//ji ltar dus gsum mgon po rnams/ /byang chub tu ni nges mdzad pa/ /zhes bya ba la sogs pa nas/ /sems can mya ngan 'das la dgod/ /ces bya ba'i bar du brjod par bya'o/ /gang zhig sdom pa 'dzin par mi byed pa de la/ deng khyod ces bya ba la sogs pa brjod par mi bya ste/slob dpon gyis rjes su gnang ba dang / dbang bskur bar yang mi bya zhing / 'jug pa tsam zhig byed du gzhug go/ /de nas oM sarba yo ga tsit+ta ut+pA da yA mi zhes bya ba 'dis/ byang chub sems ni bla med pas/ /dam pa dag ni bskyed nas su/ / de yi snying gar snying pos ni/ /rdo rje rab tu gzhag par bya/ /su ra te sa ma ya s+t+waM hoHbadzra sid+d+h+ya ya thA su khaM/ de nas rdo rje sems dpar byin gyis brlabs la/ dri dang me tog la sogs pas mchod de/ /me tog gi phreng ba gdags shing gdong dri zhim par byas la/ yon gyi mchog blangs la/phyi rol na gnas pa'i bum pa'i chus dbang bskur la/ oM gr-ih+na badzra sa ma ya hU~M zhes bya ba 'dis khro bo ti rIn+ti ri'i phyag rgya rang nyid kyis bcings la/ slob ma rnams 'ching du gzhug go/ /rdo rje bsdams pa nang bcings nas/ /yid kyis khros pa dgab bya zhing / /rdo rje mthe bo dam pa ste//khro bo ti rIn+ti rir bshad/ /de nas de nyid mthe bo gnyis kyis me tog gi phreng ba 'dzin du bcug la/ oM badzra sa ma ya pra be sha ya mi zhes bya ba'i snying po 'dis gzhug par bya'o/ /shar phyogs kyi sgo nas rdo rje lcags kyus dgug par bya zhing / lho phyogs nas zhags pas gzhug par bya'o//nub phyogs nas lcags sgrog gis bsdam par bya'o/ /byang phyogs nas rdo rje 'bebs pas dbab par bya'o/ /de nas yang shar phyogs kyi sgo nas de bzhin du bcug la 'di skad ces brjod par bya ste/ deng khyod de bzhin gshegs pa thams cad kyi rigs su zhugs kyis//ngas khyod la ye shes gang gis de bzhin gshegs pa thams cad 'grub pa yang thob na dngos grub gzhan lta smos kyang ci dgos te/ de lta bu'i ye shes bskyed par bya yis/ khyod kyis dkyil 'khor chen po ma mthong ba rnams la smra bar ma byed cig /khyod dam tshig nyams par gyur ta re/ de nas slob dpon rang nyid kyis khro bo ti rIn+ti ri'i phyag rgya kha thur du bstan pa dang gyen du bstan pa bcings la/ slob ma'i spyi bor bzhag la 'di skad ces brjod par bya'o/ /'di ni khyod kyi rdo rje'i dam tshig yin gyis gal te 'ga' zhig la smras na klad pa 'gas par 'gyur ro//de nas dam tshig gi phyag rgya de nyid dang / mna'i snying po 'di lan cig brjod pa'i chu rdo rje slob ma de nyid 'thung du bcug la 'di skad ces brjod par bya'o/ /de la mna'i snying po ni 'di yin te/ rdo rje sems dpa' deng khyod kyi//snying la yang dag zhugs par mdzad/ /gal te tshul 'di smras na ni/ /de ma thag tu dral te gshegs/ /oM badzra u da ka Tha/ de nas slob ma la 'di skad ces brjod par bya ste/ deng nas brtsams te khyod kyi phyag na rdo rje nga yin gyis/ /ngas 'di byos shig ces bsgo ba gang yin pa de bya dgos so//khyod kyis nga la brnyas par ma byed cig /mi bde ba ma spangs pas khyod dus byas nas dmyal bar ltung bar gyur ta re/ de'i rjes la yi ge a rdo rje 'od zer gyi phreng ba dang ldan pa rang gi snying gar bsam par bya'o/ /de nas slob ma'i snying ga dang dpral ba dang /lkog ma dang spyi bo rnams su zla ba'i dkyil 'khor la gnas pa'i hU~M hrAM hrIHa 'di dag las rdo rje rtse lnga pa 'bar ba dang / rin po che dang / pad+ma dang / sna tshogs rdo rje go rims ji lta ba bzhin du bsam par bya'o/ /de nas sgo dbye ba'i phyag rgyas rang dang slob ma'i snying gar dbye bar byas nas rang gi snying ga las yi ge a phyung nas/slob ma'i snying ga la gnas pa'i rdo rje'i dbus su blos bcug ste/ lus thams cad kun du gang bar gyur par bsams la 'di skad ces brjod par bya'o/ /de bzhin gshegs pa thams cad kyis byin gyis rlobs la rdo rje sems dpa' bdag la dbab par gyur cig ces smros shig /de nas rdo rje slob dpon gyis myur du khro bo ti rIn+ti ri'i phyag rgya bcings la 'di skad ces brjod du gzhug go/ /'di ni rdo rje'i dam tshig ste/ /rdo rje sems dpa' yin par grags//rdo rje ye shes bla med 'di/ /de ring nyid du dbab par shog /oM badzra A be sha zhes bcu'am/ nyi shu'am/ sum cu'am/ bzhi bcu'am/ lnga bcu'am/ drug bcu'am/ bdun cu'am/ brgyad cu'am/ dgu bcu'am/ brgya bzlas nas bcom ldan 'das rdo rje hU~M mdzad sku mdog dkar po 'od zer dmar po kun du 'khrugs pas yongs su gang bar bsams na nges par dbab par 'gyur ro//yang gal te babs par ma gyur na de'i tshe rdo rje 'bebs pa'i dam tshig gi phyag rgya dril bu dang bcas pa bcings la/ rkang pa g.yon pas de'i rkang pa g.yas pa mnan nas de nyid la dbab par bya ba'i phyir/steng gi nam mkha'i phyogs su rnam par snang mdzad rdo rje hUM mdzad kyi steng na khros pas yi ge hUM gi 'od zer gyi tshogs kyis mnan par mdzad pa dang / 'og nas kyang rdo rje rlung gi dkyil 'khor yi ge hU~M gis 'degs par gyur la/ de bzhin du mi bskyod pa la sogs pa shar phyogs la sogs par bzhugs pas/ hU~M trA~M hrIHa/ zhes bya ba'i rang rang gi sa bon gyi 'od kyi tshogs yang dag par 'bebs par mdzad par bsam zhing hUM badzra A be sha a zhes lan brgya zlos shing de dbab par bya'o/ /gal te sdig pa shin tu che bas babs par ma gyur na sdig pa dral ba'i phyag rgyas sdig pa dral bar bya'o//de nas/ yam shing dmar po rnams kyi me/ /ral par rdo rje khro bo yi/ /mnyam par gzhag pas snyoms zhugs la/ /til bsregs pas ni sdig bsregs shis/ /oM sarba pA paM da ha na badzrA ya swA hA/ zhes bya ba dang lag pa g.yas pa'i steng du til nag po las sdig pa'i gzugs brnyan byas la/hU~M dbus su bsam pa'i mdzub mo dang mthe bos sbyin sreg bya'o/ /de nas sbyin sreg gi thab khung las byung ba'i 'bar ba'i phreng ba kun du 'khrugs pa'i rdo rje'i lus la 'bar bas sdig pa rnams bsreg par gyur par bsam par bya'o//de nas yang rdo rje 'bebs pa'i phyag rgya de bzhin du bcings la dbab pa byas na nges par 'bab par 'gyur ro/ /de lta bus kyang 'bab par ma gyur pa gang yin pa de la dbang bskur bar mi bya'o/ /babs nas skad cig ma de nyid la mngon par shes pa lnga la sogs pa rdzogs par 'gyur ro//de nas babs par shes pa dang / oM rdo rje sems dpa' bsdus pas na/ /zhes bya ba la sogs pas glu blangs la/ khro bo'i khu tshur gyis de bzhin du sems ma rdo rje ma'i phyag rgya dral bar bya'o/ /gal te babs nas rdo rje sems dpas khro bo'i khu tshur bcings nas de'i tshe slob dpon gyis rdo rje khu tshur gyi khro bo'i khu tshur bcing bar bya'o//de bzhin du gal te rdo rje bzhad pa'i khro bo'i khu tshur bcings nas de'i tshe rdo rje chos kyi khro bo'i khu tshur gyi phyag rgya bcing bar bya ste/ de lta bus ni byin gyis brlab par 'gyur ro//de nas de'i lce la rdo rje bsams la smros shig /rdo rje zhes brjod par bya'o/ /de nas ni thams cad smra bar 'gyur ro/ /de nas pra tIts+tsha badzra hoH/ zhes bya bas phreng ba de dkyil 'khor chen por dor bar bya'o/ /de nas gang du babs par gyur pa de nyid la 'bab par 'gyur ro//de nas oM pra ti gr-i h+Na s+t+waM hi mAM satwa ma hA ba la zhes bya bas phreng ba de de'i mgo la bcing bar bya'o/ /de nas/ oM rdo rje sems dpa' deng khyod kyi/ /mig 'byed par ni brtson par mdzad/ /mig ni thams cad 'byed mdzad de/ /rdo rje'i mig ni bla na med/ /he badzra pA sh+ya zhes bya ba 'dis gdong g.yogs dgrol bar bya'o//de nas rdo rje lcags kyu nas brtsams te/ bcom ldan 'das rnam par snang mdzad kyi bar du dkyil 'khor chen po bstan par bya'o/ /de nas tiSh+Tha badzra zhes bya ba la sogs pas slob ma'i snying gar dbab pa'i phyag rgya dgrol du gzhug par bya'o//de nas phyi'i dkyil 'khor gyi nang ngam phyi rol du zla ba'i dkyil 'khor shar sgo la mngon par phyogs par bris la der slob ma bzhag ste/ dpal rdo rje hUM mdzad kyi phyag rgya dang / dpal rdo rje sems dpa' la sogs pas phyag rgya chen por byin gyis brlabs la dbang bskur bar bya ba ni/mchod yon bstab nas/ dri dang me tog la sogs pas mchod de/ gdugs dang rgyal mtshan dang ba dan la sogs pa dang / dung dang rol mo la sogs pa'i sgra rnams kyis mchod par bya'o/ /de nas bkra shis kyi tshigs su bcad pas mngon par dga' bar bya zhing /dang por re zhig chu'i dbang bskur ro/ /de nas ni phyag rgya'i dbang bskur ba dang / cod pan dang / dar dpyangs dang / rdo rje dang bdag po dang / ming gi dbang bskur bas dbang bskur nas yang me tog la sogs pa dang sgeg mo la sogs pa mchod pa brgyad kyis yang dag par mchod par bya'o//slob mas kyang thal mo bskor te/ slob dpon la phyag byas la yon gyi mchog phul te me tog la sogs pa'i dbang bskur ba yang blang bar bya'o/ /slob dpon gyis dbang bskur ba ni ji skad du bstan pa'i gnas su rdo rje hUM mdzad kyi phyag rgya chen po bzhag la/de'i lus la dpal rdo rje hUM mdzad la sogs pa dam tshig gi phyag rgyas bkod de/ oM badzra a d+h+ri pa ti twaM a b+hi Shiny+tsa mi dr-i D+h+ro me b+ha ba dzaHhU~M baM hoH hU~M phaT ces bya ba 'dis yang rnam par rgyal ba'i bum pa la stong rtsa brgyad bzlas par bya'o//de nas 'di nyid zlos shing rnam par rgyal ba'i bum pa las rdo rje khu tshur gyis chu blangs la/ oM badzra a b+hi Shiny+tsa zhes bya ba zlos shing chu'i dbang bskur ba sbyin par bya'o/ /'di skad kyang brjod par bya ste/ 'di ni khyod kyi dmyal ba'i chu/ /dam tshig 'das na sreg par byed//dam tshig bsrungs na dngos grub ster/ /rdo rje bdud rtsi'i chus 'grub bo/ /rdo rje dril bu'i phyag rgya rnams/ /gal te dkyil 'khor ma mthong smras/ /skye bo 'dus pa'i nang gnas na/ /dad pa med pas bgad par 'gyur/ /de nas cho ga thams cad rjes su spyad la/slob ma la mtshan brgya rtsa brgyad pas bstod de/ tshigs su bcad pa lngas rjes su gnang ba byin nas gzengs bstod pa dang / lung bstan pas slob ma thams cad la lung bstan par bya'o/ /de nas gsang ba'i dbang bskur ba bshad par bya ste/ slob dpon du dbang bskur bar 'os pa bcug nas dkyil 'khor dang lha rnams kyi de kho na nyid thams cad dang / slob dpon gyi las thams cad bslab par bya'o/ /'di tsam gyis ni gsang ba'i dbang bskur bas dbang bskur bar 'gyur ba yin no/ /yang na rtsa ba'i dkyil 'khor las khru gnyis tsam yongs su dor bar dbus ma'i dkyil 'khor gyi phyed kyi tshad tsam gyi khru bzhi pa la 'jug pa'i sgo la mngon par phyogs/sgo nub tu bltas pa'i dkyil 'khor tshon sna lngas bris pa de'i dbus su pad+ma 'dab ma brgyad pa bris nas/ de'i steng du rdo rje rtse lnga pa 'bar ba legs par bris nas rtsa ba'i dkyil 'khor bzhin du dkyil 'khor de mchod la glang po che'i gdan la zla ba'i dkyil 'khor dar gyis bkab pa la/rdo rje gnod sbyin yongs su bzlas la de'i dbus su bzhag la/ dbang bskur bar 'os pa de yang de bzhin du byin gyis brlabs nas/gdan gyi steng na g.yon brkyang ba'i gnas pas dbang phyug chen po'i steng du ji lta ba bzhin du bzhag nas/ glang po che'i steng du bla res bres pa dang / g.yas logs su rdo rje hU~M mdzad bzlas pa'i dar dang me tog gi chun 'phyang dang / rin po che'i tog can gyi gdugs kyis brgyan pa dang /g.yon logs su yi ge oM bzlas pa'i gos sna tshogs dang / rgyal mtshan dang ba dan sna tshogs bsgreng ba bzhag ste/ mchod yon byin nas me tog la sogs pas yang dag par mchod de/ dung dang rnga bo che dang / rnga rings dang / zangs dung la sogs pa rol mo'i phyag rgyas byin gyis brlabs pa dang /phyi rol du gar dang glu dang rol mo la sogs pas yang dag par mchod la/ yon gyi mchog blangs nas bkra shis kyi tshigs su bcad pa dang / mtshan brgya rtsa brgyad pa'i bstod pas bstod la/ dang por ni bum pa gang bas so/ /de nas rdo rje lcags kyu la sogs pa'i sngags zlos shing de'i bum pas so//de'i rjes la rnam par rgyal ba'i bum pa las rdo rje khu tshur gyis chu blangs la des dbang bskur zhing 'thung du yang bcug nas/ bum pas yang dbang bskur ba ni chu'i dbang bskur ba nyid do/ / de la sbyor ba ni 'di yin te/ oM badzra oM ku sha ma hA kro d+ha A kaR+Sha ya sarba sa ma ya hUM dzaHbadzra a b+hi Shiny+tsa zhes bya ba nas de bzhin du/ oM badzra dz+wa la ag+ni prA dI p+ti A kaR+Sha ya sarba ta thA ga taM ma hA badzra sa ma ya hUM dzaHbadzra a b+hi Shiny+tsa zhes bya ba'i bar ni rnam par rgyal ba'i bum pa'i dbang bskur ba ste/sbyor ba lhag ma ni sngar bshad pa nyid yin no/ /de nas phyag rgya dang / cod pan dang / dar dpyangs dang / rdo rje dang bdag po dang / ming gi dbang bskur ba byin la/ de kho na nyid dang / chos dang dam tshig kyang byin nas me tog dang sgeg mo la sogs pas yang dag par mchod de/rin po che'i mig thur ram/ gser la sogs pa'i thur ma thogs la/ mdun du 'dug nas tshig 'di skad du gsal bar brjod par bya ste/ /de ji ltar mig mkhan rgyal po yis/ /'jig rten ling tog bsal ba ltar/ / bu khyod kyis ni mi shes pa'i/ /rab rib rgyal ba rnams kyis bsal/ /de la 'di'i snying po ni/ /oM badzra nai tra a pa ha ra pa Ta laM hrIHzhes bya ba yin no/ /de nas me long blangs la chos kyi mtshan nyid bstan par bya'o/ /chos rnams gzugs brnyan lta bu ste/ /dag cing gsal la rnyog pa med//gzung du med cing brjod du med/ /rgyu dang las la kun du 'byung / /ngo bo nyid med gnas med par/ /de ltar chos 'di shes nas su/ /sems can don ni mnyam med byos/ /'on kyang sangs rgyas sras su skye/ /de nas a las byung ba'i chos kyi dril bu dkrol du gzhug par bya'o//chos rnams nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal/ /de nas de bzhin gshegs pa thams cad mnyes par byos/ shig ces brjod de/ gzhu byin la phyogs bzhir mda' bzhi dang / steng du gcig 'og tu gcig 'phen du gzhug par bya'o/ /ho zhes bya ba ni mda' sbyin pa'i snying po'o/ /yang me long blangs la 'di skad ces brjod par bya ste/ rdo rje sems dpa' me long bzhin/ /dag cing gsal la rnyog pa med//sangs rgyas kun bdag rang nyid ni/ /bu khyod kyi ni snying la zhugs/ /'di skad ces kyang brjod par bya'o/ /gang 'di de bzhin gshegs pa thams cad kyi bdag po byang chub kyi sems ni 'di yin par shes par gyis shig /de la me long gi sngags ni oM badzra satwa zhes bya'o//de nas rkang pa gnyis kyi bar du chos kyi 'khor lo bzhag la lag pa g.yas su dung byin la 'di skad ces brjod par bya ste/ deng nas brtsams te sems bskyed pa/ /tsam gyis chos kyi 'khor lo bskor/ /di ring phan chad 'jig rten la/skyob pa rnams kyis 'khor lo bskor/ /chos kyi dung ni bla med pas/ /kun du ma lus gang bar gyis/ /som nyi yid gnyis mi bya zhing / /dogs pa med pa'i sems kyis su/ /gsang sngags spyod pa'i tshul gyi mchog /'jig rten 'di la rab tu sgrogs//de ltar byas na sangs rgyas la/ /phan 'dogs drin du gzo zhes bya/ /rdo rje 'dzin pa de kun yang / /kun du khyod la srung bar byed/ /ces bya bas rdo rje 'khor lo dang rdo rje smra ba'i chos kyi yi ge dang bcas pa sbyin par bya'o/ /yang / 'jig rten kun la thams cad du//sems can kun la phan pa'i phyir/ /ji ltar sna tshogs 'dul 'gyur bar/ /chos kyi 'khor lo rab tu bskor/ /de bzhin du rdo rje dang / pad+ma dang nor bu'i 'khor lo rab tu bskor zhes tshigs su bcad pa lngas rjes su gnang ba yang sbyin par bya'o/ / de nas thams cad gzengs bstod pas/ /kun du sangs rgyas bdag bsgom pa'o/ /rdo rje ming dbang bskur bas kyang / /de bzhin gshegs par lung bstan nyid/ /oM 'di ni ngas khyod lung bstan yin/ /rdo rje sems dpa' de bzhin gshegs/ /srid pa shin tu grub pa'i phyir//srid pa'i ngan 'gro rnams las bton/ /kye rdo rje che ge mo zhes bya ba'i de bzhin gshegs pa/ sid+d+hi sa ma ya s+t+waM b+hur b+hu ba swAHde la gzengs bstod pa ni 'di yin te/ de bzhin gshegs pa'i khu tshur gnyis bcings te/ /g.yon pas chos gos 'dzin pa'i tshul du byas la/g.yas pas mchog sbyin pa'i tshul du bya'o/ /de nas slob ma rnams dbugs dbyung ba byas la/ thams cad la gsang ba'i ye shes bslab par bya'o/ /'dod chags bral ba lta bu yi/ /khams gsum na ni sdig med de/ /de bas 'dod la chags bral bar//khyed kyis nam yang ma byed cig /mahA sa ma ya ha na phaT/ de nas sngags byin la rang gi lha'i phyag rgya bzhi'i ye shes bslab par bya'o/ /cho ga 'di skad ces brjod par bya ste/ khyod kyis gzhan phyag rgya mi mkhas pa gang la yang phyag rgya gcig tsam yang ston par ma byed cig /de ci'i phyir zhe na/'di ltar sems can de rnams kyis dkyil 'khor ma mthong bar sems dpa'i phyag rgya bcing ba la sbyor bar byed kyang / de rnams kyis dngos grub ji lta ba bzhin du thob par mi 'gyur ba dang de nas da som nyi za bar gyur pas yang ba ma spangs par myur ba nyid du dus byas nas sems can dmyal ba chen po mnar med par ltung bar 'gyur la/rgyu des khyod kyang ngan 'gror 'gro bar 'gyur ro/ /de nas sgeg mo la sogs pa'i mchod pa brgyad dang me tog la sogs pas de bzhin gshegs pa thams cad la yang dag par mchod la thams cad la ci nus par mchod do zhes de bzhin gshegs pa thams cad la gsol ba btab nas bdug spos la sogs pas ci 'dod par mchod pa byed du bcug la/ji lta ba bzhin du zhugs pa rnams la 'byor ba ci yod pa'i bza' ba dang btung ba la sogs pa thams cad dang / dkyil 'khor chen por phul ba'i yo byad thams cad kyis tshim par byas nas/'di de sangs rgyas thams cad de/ /zhes bya ba la sogs pas dngos grub kyi rdo rje brtul zhugs sbyin par bya'o/ /de nas yang thams cad sul yang smra bar ma byed cig /ces bsgo la mna'i snying po brjod par bya'o/ / de nas zhugs pa rnams slar btang nas/ yang de bzhin gshegs pa thams cad la mtshan brgya rtsa brgyad pas bstod de/ sgeg mo la sogs pas yang dag par mchod la phyag byas nas lha chen po chung ma dang bcas pa snga ma bzhin du blangs la mchod nas/ bcom ldan 'das 'khor dang bcas pa la mchod yon phul te/dge ba'i rtsa ba rnams mngon par 'dod pa'i dngos grub kyi don du bsngos la/ rnam par snang mdzad la sogs pa'i dam tshig gi phyag rgya bcings te badzra muHzhes bya ba 'dis phyag rgya gang dang gang nas byung ba'i gnas de dang de nyid nas dgrol bar bya'o//de nas oM badzra rat+na a b+hi Shiny+tsa sarba mu dra mu baM zhes bya ba 'dis snying gnas byung ba rdo rje rin chen gyi phyag rgya rang gi dbang bskur ba'i gnas su gnas pas dbang bskur la/ mdzub mo gnyis kyis phreng ba bcing bar byas nas de bzhin du go cha bgo bar bya'o/ /de la rdo rje rin chen 'dis rdo rje rin chen gyi phyag rgya mthe bong snyoms mdzub mo gnyis kyi rtse mor sbyar nas go cha'i mthar phreng ba bcing bar byas la badzra tu Sh+ya ho zhes bya ba 'di dang mnyam pa'i thal mos mnyes par bya'o//yang phyag byas la bdag gis cho ga ma tshang bar bgyis pa gang lags pa de thams cad bdag la bzod par mdzod cig /ces de bzhin gshegs pa thams cad la gsol ba btab nas khro bo ti rIn+ti ri'i phyag rgya bcings te/ yi ge hUM bzhi zlos bzhin du dkyil 'khor la bskor ba lan gsum byas nas gshegs su gsol ba'i phyir/ yang dag par bskul bar bya'o/ /oM kr-i twa ba sarba satwa ar+tha sid+d+hi yA tha nu ga /gats+tsha d+ha rma bud+d+ha bi shwa yaM/ pu na rA ga ma na ya du ma'i mtha' dang bcas pa'i hU~M bzhi zlos shing khro bo ti rIn+ti ri'i phyag rgya gyen du dgrol bar bya'o/ /de lta bus ni thams cad gshegs su gsol bar 'gyur ro//ji lta ba bzhin du sprul pa'i 'khor lo'i tshogs 'khor dang bcas pa ni yid kyi legs pa'i sbyor bas rang gi lus la bcug la yi ge brgya pa dang / rdo rje sems dpa' yongs su bzlas nas rdo rje srung ba dang / rdo rje gnod sbyin dang / rdo rje khu tshur gyis bdag nyid bsrung bar bya'o//de nas a kA ro mu khaM sarba d+harma NAM A d+ya nu t+pan+na t+TA ta ces zlos shing dkyil 'khor phyis la dman pa la sogs pa chu bor dor bar bya'o/ /de nas hUM bzhis phur bu bton la oM ru ru s+phu ru dz+wa la tiSh+Tha sid+d+ha lo tsa ni sarba ar+tha sA d+ha ni swA hA zhes bya ba lan brgya rtsa brgyad bzlas pa'i 'o mas phur bu dang /gzugs brnyan thams cad bkru bar bya zhing khung bu yang dgang bar bya'o/ /dkyil 'khor cho ga byas pa las/ /bdag gis dge ba gang bsags de/ /kun dga' snying po drag po mchog /'jig rten kun mkhyen nyid gyur cig /dpal khams gsum rnam par rgyal ba'i dkyil 'khor gyi cho ga 'phags pa de kho na nyid bsdus pa las btus pa/ slob dpon kun dga' snying po'i zhal snga nas kyis mdzad pa rdzogs so// //'di'i gzhung tshad ni sh+lo ka stong nyis brgya nyi shu rtsa lnga yod do/ /rdo rje ye shes mngon 'dod pa'i/