CLOSE WINDOW

D2518
བོད་ཡིག

/rgya gar gyi mkhan po su bud+ha shrI shAn+ti dang / bod kyi lo tsA ba rma dge ba'i blo gros kyis bsgyur ba'o//[ ]@##/ /rgya gar skad du/ badzra satwa sA d+ha no pa yi ka/ bod skad du/ rdo rje sems dpa'i sgrub thabs/ bcom ldan 'das 'jam pa'i rdo rje la phyag 'tshal lo//dpal rdo rje sems dpa' la phyag 'tshal lo/ /rdo rje sems dpa' 'gro ba'i mgon/ /yang dang yang du phyag byas nas/ /rdo rje sems dpa' stsol mdzad pa'i/ /sgrub pa'i thabs ni bshad par bya/ /de la rdo rje dbyings kyi dkyil 'khor du zhugs pa'i rnal 'byor pas/der bsrung ba'i dam tshig yongs su bsrungs la/ sems dag pa dang ldan pas khrus byas kyang rung / ma byas kyang rung / yid dang rjes su mthun pa'i gnas su yod na dri la sogs pa'i dkyil 'khor byas shing / me tog gis gtor la/ras ris la sogs pa'i rnam pa can gyi bcom ldan 'das rdo rje sems dpa'i sku bzhugs te/ oM sarba ta thA ga ta kA ya wAka tsit+ta pra Na me na badzra ban+da nAM ka ro mi/ zhes brjod cing yan lag lngas phyag bya'o/ /de nas phyag bzhi byas la/ pus mo gnyis sa la btsugs te/snying gar rdo rje thal mo yang dag par sbyar nas/ dbang med bdag gis mi dge bgyis pa dang / /bgyid stsal rjes su yi rang gang yin pa/ /de dag thams cad byang chub mchog can gyi/ /spyan sngar ma lus da ltar so sor bshags/ /bde bar gshegs pa'i sras kyi tshogs gnyis po//zab pa dang ni rgya chen 'gro kun gyi/ /don ni sgrub par byed pa de dag la/ /gzhan pa la yang bdag ni rjes yi rang / /thugs rjes thugs ldan blo gros sdig bral ba'i/ /gti mug bcom pa'i sku ni phun sum tshogs/ /ma lus rigs kyi pad+ma'i nang bzhugs pa//bde bar gshegs pa rnams la skyabs su mchi/ /blo mchog rnams kyi kun dga' ra ba dang / /dman pa 'jigs byed nyid kyi rgyal byed tshal/ /srid pa'i 'byor pa zil gyis gnon pa'i mchog /gsung mchog chos la'ang bdag ni skyabs su mchi//srid pa'i 'ching ba dag dang rnam bral ba/ /'dod chags la sogs sbrul gyi dug bcom zhing / /blo gros rnam rgyal thugs rjer ldan pa yi/ /brtul zhugs bzang po'i tshogs la skyabs su mchi/ /rgyu yi rjes la bdag po'i yul bdag nyid/ /'bras bu'i stobs kyis dgra las rgyal gyur ba'i//so sor rtogs nas snying rje'i rtsa ba can/ /mnyam med sems ni byang chub sems bskyed bgyi/ /sems can rnams ni yongs su smin pa'am/ /yang na yongs su bskyab par bya phyir ram/ /rang gi sems ni dag par bya phyir ram//'di kun thams cad rtswa sogs bzhin du gtang / /de bzhin tshul khrims bzod pa brtson 'grus dang / /bsam gtan shes rab bla na med pa 'di/ /bdag dang gzhan rnams dag par bya ba'i phyir/ /skad cig re rer zhing yang bsgom par bgyi/ / bde bar gshegs pa'i sngags la mkhas pa yis/ /chos rgyal rtags tu lhun gyis grub pa ni/ /'gro ba'i tshogs kyis thob par bya ba'i phyir/ /'dir ni bdag gis mkha' 'drar gnas par bgyi/ /zhes brjod par bya'o/ /de nas nga rgyal gyis 'dug ste/lag pa bskor zhing / sarba bi shud+d+haHsar+b+ba d+har+m+maHswa b+hA wa shud+d+hou0f85haM/ zhes bya ba dor la mos shing brjod do/ /de'i 'og tu sems can thams cad la phan pa'i phyir/ badzra satwa b+ha ba yang zhes bya ba mngon du byas nas/ gzugs brnyan gyi sbyor bas phyag rgya bcing bar b ya'o//de la thal mo dam du bsdams pa las/ sor mo thams cad bsnol ba ni/ /rdo rje thal mo bka' stsal pa/ /rab tu bsdams phyir rdo rje bsdams/ /badzra any+dza li zhes bya ba ni rdo rje thal mo'i sngags so/ /badzra ban+d+ha zhes bya ba ni rdo rje bsdams pa yin te/ badzra ban+d+ha traT ces lan gsum brjod cing /rdo rje bsdams pa snying gar dral bar bya'o/ /oM badzra A be sha zhes bya bas rdo rje dbab pa'i dam tshig gi phyag rgya bcings la/ yi ge aHsa bdag nyid la dbab par bya'o/ /rdo rje 'bebs pa'i dam tshig gi phyag rgya ni/ rdo rje bcings pa mdzub gnyis bsdams//zhes bya'o/ /de nas dbab pa ste/ tiSh+Tha badzra dr-i D+ho me b+ha wa shA shwa to me b+ha ba/ hr-i da yaM me a d+hi tiSh+Tha sarba sid+d+hi m+me pra yats+tsha hUM ha ha ha ha hoHzhes bya ba 'dis brtan par bya'o/ /snying gar zla ba dang rdo rje brtan par byas nas/ badzra muSh+Ti zhes pas dam tshig rdo rje khu tshur bcings la/oM badzra muSh+Ti baM zhes bya bas phyag rgya'i de kho na nyid dang ldan par bsam mo/ /des na dam tshig gi phyag rgya min pa gsum po la/ su ra ta s+t+waM zhes brjod do/ /rdo rje de la badzra satwa zhes bya ba bkod la/ de nyid yid kyis brjod de/ bdag ni nam mkha' dang mtshungs pa'o zhes bsam par bya'o/ /de nas zla ba'i dkyil 'khor gyi rnam pa de'i steng du/ de nyid las yang zla ba'i dkyil 'khor gnyis pa de badzra satwa zhes bya ba dang bcas pa las rdo rje rtse lnga pa'i 'od zer gyis khyab pa'i snying po dang bcas pa la/de'i steng du nga rgyal du bsgom par bya zhing / rdo rje de la de bzhin gshegs pa thams cad kyi phra rab bzhugs par bsam par bya'o/ /de nas/ kun bdag sems dpa' bdag nyid grags/ /bdag nyid kyang ni bdag la gnas/ /zhes bya bas byin gyis brlabs nas/rdo rje de badzra satwa a haM zhes brjod cing / rdo rje sems dpar nges par bskyed la/ sgeg pa dang bcas pas rdo rje bsor te/ badzra satwa hUM zhes brjod par bya'o/ /de nas ma hA sa ma ya satwa haM zhes bya ba dang / yang rdo rje sems dpa'i dam tshig gi phyag rgya bcings nas sa ma yo haM zhes brjod do//de nas de nyid dang sa ma ya satwa a d+hi tiSh+Tha swa mAM zhes bya bas snying ga dang / mdzod spu dang / lkog ma dang / spyi bo dag tu byin gyis brlab po/ /de nas bcom ldan 'das kyi phyag rgya bcings nas/ badzra satwa oM badzra satwa hUM zhes brjod la/sku gsung thugs kyi rdo rje yis/ /rdo rje sems dpa' bdag nyid grags/ /de nas phyag rgya bcings byas nas sa ma ya aHzhes brjod de/ mdun du zla ba'i dkyil 'khor sprul la/ de'i steng du badzra satwa aHzhes bya ba 'dis rdo rje'i bdag nyid dbab par bya'o//de nas badzro haM zhes bya ba'i nga rgyal bskyed la/ de nyid badzra satwa haM zhes brjod de/ rdo rje sems dpar bsgom par bya'o/ /de nyid du rdo rje lcags kyu la sogs pa'i snying po/ badzra aM ku sha dzaHbadzra pA sha hUM/ badzra s+pho Ta baM/ badzra A be sha aHzhes bya ba phyag rgya dang bcas pas dgug pa dang /gzhug pa dang / bcing ba dang / dbang du bya'o/ /de nas de dag gi phyag rgya rdo rje khu tshur las byung ba/ mdzub mo lcags kyu bcing ba ni/ /mthe'u chung las te lcags kyu che/ /de ni rdo rje lcags kyu'o/ /mkhrig ma mdud pa zhags pa'o//mdzub gnyis mdud pa lcags sgrog go/ /rgyab gnyis kyang ni mnyam ste mnan/ /de ni rdo rje 'bebs pa'o/ /de nas dam tshig gi phyag rgya bcings la badzra satwa dr-i sh+ya zhes bya ba brjod de bltas la/ ye shes sems dpa' de mthong nas/ / rang gi lus la rnam shes bsgoms/ /rdo rje sems dpa'i dam tshig gi phyag rgya de nyid dang / dzaHhUM baM hoHzhes bya ba 'dis dgug cing gzhug la bcing ba dang / dbang du byas te bsgrub par bya/ de nyid dang sa ma ya s+t+waM zhes brjod pas/ rgyab tu zla ba grub nas ni//sa ma ya s+t+waM a haM brjod/ der bdag sems dpa'i lus su bsgom/ /badzra satwa oM badzra satwa hUM/ zhes brjod do/ /bzhad pa dang bcas sku mdog dkar/ /zla ba'i gdan dang zla ba'i 'od/ /sangs rgyas lnga yi cod pan can/ sems dpa'i skyil mo krung gis bzhugs//rab tu dgyes pas spyan gdangs pa/ /mgon po rdo rje dril bu bsnams/ /phyag rgya chen po rnam par bzhugs/ /badzra dr-iSh+Ti ma Ta zhes bya ba mig la bkod de/ yang sems ma rdo rje la sogs pas/ snying ga dang / mdzod spu dang / lkog ma dang / spyi bor byin gyis brlab par bya ste/satwa badzre a d+hi tiSh+Tha mAM zhes bya ba dang / sems ma rdo rje mas snying gar/ rat+na badzri a d+hi tiSh+Tha mAM zhes pa dang / rin chen rdo rje mas dpral bar/ d+harma badzri a d+hi tiSh+Tha mAM zhes bya ba dang chos kyi rdo rje mas lkog ma dang / karma badzri a d+hi tiSh+Tha mAM zhes bya ba dang /las kyi rdo rje mas spyi bor ro/ /sems ma rdo rje ma ni rdo rje bsdams pa las gung mo myu gu ltar snyoms te bsgreng ba'o/ /rin chen rdo rje ma'i de nyid las gung mo rin po che lta bur bkug pa'o/ /chos kyi rdo rje ma'i de nyid las gung mo dang srin lag pad+ma lta bur bkug pa'o/ /las kyi rdo rje ma ni de nyid las mdzub mo dgug pa'o//de dag gis rang gi snying ga dang / mdzod spu dang / lkog ma dang / spyi bo dag tu rdo rje dang / rin po che dang / pad+ma dang / sna tshogs rdo rje bskyed par bya'o/ /yi ge hUM las snying gar rdo rje rtse lnga pa bskyed la/ sa ma ya s+t+waM zhes brjod de dam tshig gi phyag rgya thams cad la rab tu sbyor zhing /phyag rgya chen po la sogs pa'i phyag rgya thams cad bcing bar bya'o/ /bsdu ba'i phyag rgya bcings la/ dzaHhUM baM hoHzhes brjod do/ /yid kyi legs pa'i sbyor bas rang gi lus la sangs rgyas thams cad bcug la/ oM badzra satwa sa ma ya/ma nu pA la ya/ badzra satwa twe no pa/ tiSh+Tha dr-i D+ho me b+ha ba/ su to Sh+D+yo me b+ha ba/ a nu ra k+to me b+ha ba/ su po Sh+D+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM she yaHku ru hUM/ ha ha ha ha hoHb+ha ga bAn sar+b+ba ta thA ga ta badzra mA me muny+tsa 'adzrI b+ha ba ma hA sa ma ya satwa aHzhes bya ba'i yi ge brgya pa 'dis brtan par byas nas/bdag nyid la dbang bskur bar bya ste/ rdo rje thal mo bcings pa las/ mthe bo gnyis ni bsnol byas la/ /mdzub mo rtse mo bkug nas ni/ gung mo snyoms pa'i tshigs su sbyar/ /rdo rje dbyings kyi dbang mor bshad/ / ces bya ba 'di dang / oM badzra d+hA twI shwa ri hUM badzri Ni a b+hi Shiny+tsa mAM zhes brjod pas/ spyi gtsug tu rnam par snang mdzad sku mdog dkar po nyi ma'i 'od can/ byang chub mchog gi phyag rgyas bzhugs par bsam par bya'o/ /de nyid las/ gung mo gnyis ni rdo rjer byas/ /zhes bya ba 'di dang /oM badzra badzri Ni hUM a b+hi Shiny+tsa mAM zhes bya bas/ dpral ba'i steng du mi bskyod pa sku mdog sngon po nyi ma'i 'od can sa gnon gyi phyag rgyas bzhugs par bsam par bya'o/ /de nyid las/ gung mo gnyis ni nor bur bya/ /zhes bya ba 'di dang oM rat+na badzri Ni hUM a b+hi Shiny+tsa mAM zhes bya bas rna ba g.yas pa'i steng du rin chen 'byung ldan gser btso ma'i mdog can nyi ma'i 'od dang ldan pa/mchog sbyin pa'i phyag rgyas bzhugs par bsam par bya'o/ /de nyid las gung mo dang srin lag dang mthe'u chung pad+ma ltar byas pa 'di dang / oM d+har+m+ma badzri Ni hUM a b+hi Sh-iny+tsa mAM zhes bya bas/mgo bo'i rgyab tu 'od dpag tu med pa sku mdog dmar po nyi ma'i 'od can ting nge 'dzin gyi phyag rgyas bzhugs par bsam par bya'o/ /de nyid las lag pa'i sor mo brkyang pa 'di dang / oM karma badzri N-i hUM a b+hi Shiny+tsa mAM zhes bya ba 'dis rna ba g.yon pa'i steng du/don yod grub pa sku mdog ljang gu nyi ma'i 'od can mi 'jigs pa'i phyag rgyas bzhugs par bsam par bya'o/ /de nyid las zhes bya ba ni thams cad rdo rje dbyings kyi dbang phyug ma'i phyag rgya yin no/ /oM TuM zhes bya ba dang / rdo rje khu tshur gnyis kyis bskor zhing snying gar mdud pa bcing ba'i tshul du byas la/de bzhin du mgrin pa dang / ltag pa dang / snying ga dang / nu ma'i bar dang / yang snying ga dang / mgrin pa dang / rgyab dang / dpral bar go cha bgo bar bya'o/ / de nas phreng ba bcing ba dang / dar dpyangs pa'i tshul du byas nas/ sor mo thams cad tha ma la sogs pa nas bkrol te/ mthar mnyam pa'i thal mo dang / badzra tu Sh+ya hoHzhes bya ba 'dis dgyes par bya'o/ /lce la yi ge hUM las rdo rje rtse lnga pa dkar po rnam par bsgoms la/sa ma ya s+t+waM zhes bya ba'i chos kyi yi ge bsam par bya'o/ /snying gar yi ge aHlas sna tshogs rdo rje bskyed la/ las kyi phyag rgya bcing bar bya ste/ rdo rje khu tshur gnyis bcings nas/ bsgyings bcas gnyi ga bsor ba'o/ /zhes bya ba ni bcom ldan 'das kyi las kyi phyag rgya'o//oM rdo rje sems dpa' bsdus pas na/ /rdo rje rin chen bla na med/ /rdo rje chos ni glur blangs pas/ /rdo rje las ni byed par 'gyur/ /zhes brjod cing re re zhing rdo rje'i gar byas la/ rdo rje sgeg mo la sogs pa gsang ba'i mchod pa brgyad kyis bdag nyid la mchod par bya'o//de nas bsgyings pa dang bcas pas rdo rje bsor zhing / rang gi snying gar rdo rje bstod pa'i tshul gyis gzung ste/ rang gi snying po dang sngags brjod pa 'di ni bcom ldan 'das kyi phyag rgya chen po'o/ /de ltar bdag nyid bskyed nas yid kyis bar snang la 'dug ste/khams gsum ma lus pa nam mkha' lta bur bsam par bya'o/ /de nas nam mkha'i phyogs der yi ge yaM las rlung gi dkyil 'khor dang / de'i steng du baM las chu'i dkyil 'khor/ de'i steng du laM las gser gyi dkyil 'khor dang / yang de'i steng du yi ge baM las rgya mtsho chen po dang /de nas hUM suM hUM zhes bya ba las ri rab zur bzhi pa/ rin po che sna bzhi'i rang bzhin can rin po che rnam pa sna tshogs pas brgyan pa/ gser gyi ri bo la sogs pas yongs su bskor ba bskyed la/ rdo rje bsdams pa kha sbub pa sa la reg pa dang / oM badzra draM d+ho me b+ha ba rak+Sha sarbAM swA hA/ zhes bya ba 'dis rdo rje dang 'dra bar byin gyis brlab par bya'o/ /yi ge hUM las rtse mo rdo rje dang rin po ches spras pa'i gzhal yas khang bskyed la/ de'i dbus su oM siM aHzhes bya ba las seng ge'i gdan la a las byung ba'i zla ba'i dkyil 'khor gyi rnam pa bskyed cing /nam mkha'i phyogs nas babs te/ de nyid du 'dug la mdun du gdan gnyis pa de bzhin du bsam par bya'o/ /gdan de la badzra satwa zhes bya ba 'dis bcom ldan 'das sprul la/ oM badzra sa mA ya dzaHdzaHhUM baM hoHzhes brjod do/ /bsdu ba'i phyag rgyas spyan drang bar bya'o//lag ngar rdo rje bcings nas ni/ /rdo rje se gol brdab byas nas/ /sangs rgyas thams cad yang dag bsdu/ /gzhan dag ji ltar 'jug mi 'gyur/ /g.yon pa'i se gol brdabs pa dang / /g.yas pa yis ni 'grub par 'gyur/ /g.yas pa thal mo zhes bya ste//'dus pa yang ni gnyis ka yin/ /zhes bya ba 'di bsdu ba'i phyag rgya'i mtshan nyid do/ /de nas rdo rje sems dpa' yi/ /phyag rgya chen po sgom byed cing / /ming brgya rtsa brgyad dam pa ni/ /lan cig rab tu brjod par bgyi/ /su zhig ming rnams 'chang ba ni/ /zhi ba'i rgyal po rtsa brgyad 'dis//rdo rje ming dbang bskur la sogs/ /mchog rnams kun gyis de dbang bskur/ /gang zhig yon tan ming rnams kyis/ /rdo rje 'chang ba chen po la/ /rtag tu dbyangs kyis bstod pa ni/ /de yang rdo rje 'chang 'drar 'gyur/ /de nas sprul pa de la/ bcom ldan 'das kyi rang gi dam tshig gi phyag rgya dang /badzra satwa dri sh+yas blta bar byas la/ dzaHhUM baM hoHzhes bya ba dang / sngar bshad pa'i rdo rje lcags kyu la sogs pas/ dgug pa dang / gzhug pa dang / bcing ba dang / dbang du byas te bsgrubs nas/ sa ma ya s+t+waM/ sa ma ya s+t+waM a haM/badzra satwa/ oM badzra satwa hUM/ zhes bya ba yang brjod par bya'o/ /de la zla ba lta bu'i lag gnyis kyis/ /gung mo btang bar gyur pa dang / /mthe bong mthe'u chung mdzub mo bsgreng / /sems dpa'i rdo rje bsgreng rdo rje/ /zhes bya ba 'di yin no/ /de nas chos dang las dang phyag rgya chen pos bcom ldan 'das la rgyas btab la dbang bskur te/tshogs pa yod na bzla bar bya ba brjod cing / mchod pa'i yo byad lnga po dag gis yang dag par mchod la/ gar las byung ba'i sgeg mo la sogs pa'i las kyi phyag rgya brgyad dang / badzra lA s+ye/ badzra mA le/ badzra gI ti/ badzra nri r+t+ya/ badzra d+hU pe/ badzra pu sh+pe/ badzra A lo ke/ badzra gan+d+he/ zhes bya ba'i snying po de dag gis mchod par bya'o/ /sgeg mo'i phyag rgya ni rdo rje khu tshur gnyis bcings nas/ rdo rje bsgyings pa'i tshul gyis su/ /bsam pa g.yos pas 'dud par bya//phreng ba ma yi phyag rgya ni/ /phreng ba 'ching ba'i tshul du'o/ /glu ma'i phyag rgya ni tshig kun nas slong ba'i tshul gyis kha nas 'byin pa'o/ /gar mkhan ma'i phyag rgya ni/ gar byas rdo rje thal sbyar spyi bor gzhag /bdug spos kyi phyag rgya ni/ bdug spos 'bul ba'i tshul du 'og tu ldug pa'o//me tog gi phyag rgya ni/ me tog 'bul ba'i tshul gyis gyen du 'thor ba'o/ /mar me'i phyag rgya ni/ mthe bong gnyis gshibs te bsgreng ba'o/ /dri'i phyag rgya ni/ rang gi snying gar rab tu brkyang ste byug pa'o/ /bdag nyid chen po gang gang gis//phyag rgya gang dang gang bcings pas/ /bzlas pa'i snying po der bdag ni/ /bdag nyid chen po bsgom par bya/ /zhes bya ba 'di phyag rgya thams cad kyi dam tshig go/ /de'i rjes la yi ge oM las gdugs dang / rgyal mtshan dang / ba dan dag dang /rna cha dang / dpung rgyan dang / cod pan dang / gos dang / rgyan dang / kha zas ro brgya pa dang / rin po che sna bdun las byas pa'i tshogs sprul te de dag gis bcom ldan 'das la yang dag par mchod la phyag bgyi'o/ /'di ltar shar phyogs nas rdo rje thal mo spyi bor brkyang la lus thams cad dang /oM sarba ta thA ga ta pu dzo bas+tha nA ya/ At+ma nAM ni r+yA ta yA mi sarba ta thA ga ta badzra twa a d+hi tiSh+Tha swa mAM zhes bya ba 'dis phyag bya'o/ /de nas lho phyogs nas de bzhin du gnas pa las rdo rje thal mo snying gar sbyar te/ dpral ba sa la reg par byas nas/oM sarba ta thA ga ta pU dza a b+hi She ka ya At+ma nAM ni r+yA ta yA mi sarba ta thA ga ta badzra rat+na a b+hi Shi ny+tsa mAM zhes bya ba 'dis phyag bya'o/ /de nas nub phyogs su de bzhin du gnas pa las rdo rje thal mo spyi bor bcings te/ kha sa la reg par byas te/ oM sarba ta thA ga ta pU dza pra brta nA ya At+ma nI ni r+yA ta yA mi sarba ta thA ga ta badzra r+m+ma pra rta ya mAM/zhes bya ba 'dis phyag bya'o/ /de nas byang phyogs su de bzhin du gnas pa las/ rdo rje thal mo spyi bo nas phab ste snying gar sbyar la/ spyi bo sa la reg par byas te/ oM sarba ta thA ga ta pU dza kar+m+ma Ne A t+na nAM nir+yA ta yA mi sarba ta thA ga ta badzra kar+m+ma ku ru mAM/zhes bya ba 'dis phyag bya'o/ /de nas phyag rgya chen po bcings la/ badzra satwa haM zhes nga rgyal bskyed de/ de nas bcom ldan 'das kyi thugs ka'i zla ba'am/ rang gi snying ga'i zla ba la badzra satwa haM zhes bya ba'am/ oM badzra swatwa hUM zhes bya ba mu tig gi phreng ba lta bu rnam par bkod la/ji srid skyo bar ma gyur gyi bar du bzlas pa dang bsgom pa byas te/ phyag rgya chen po'am/ dam tshig gi phyag rgya 'am/ chos kyi phyag rgya'am/ las kyi phyag rgya bsdu bar bya'o/ /gal te phyag rgyas skyo bar gyur tam/ rang nyid stong par 'dod na yi ge brgya pas brtan par bya'o/ /gshegs su gsol ba'i tshe yang / mtshan brgya rtsa brgyad kyis bstod pa dang / mchod pa dang / phyag bzhi byas nas/ mngon par 'dod pa'i dngos grub kyi phyir dge ba'i rtsa ba yongs su bsngos la/ bcom ldan 'das bdag gis cho ga ma tshang ba gang lags pa de bzod par mdzod cig ces gsol nas/phyag rgya thams cad la dbang bskur ba dang rdo rje bya ba'i bsam pas badzra satwa badzra satwa zhes bya ba yang mang du bzlas te/ bcom ldan 'das dam tshig gi gtso bo/ /oM khyed kyis sems can don kun mdzad//rjes su mthun pa'i dngos grub stsol/ /sangs rgyas yul du gshegs nas ni/ /slar yang 'byon par mdzad du gsol/ /zhes bskul nas badzra satwa badzra muHzhes brjod de/ 'di ltar sems ma rdo rje gyen du bkrol na gshegs su gsol bar 'gyur ro/ / ji ltar sprul pa'i bcom ldan 'das de bzhin du yid kyis legs par sbyor bas rang gi lus la bcu gnas/ yi ge brgya pa dang badzra satwa zhes brjod de ldang bar bya'o/ /de ltar thun bzhi dag tu bya'o/ /sgrub pa'i thabs ni byas pa yi/ /bdag gis dge ba gang bsags pa//de yis kun dga' snying po ni/ /kun mchog rdo rje 'chang gyur cig /slob dpon kun dga' snying pos mdzad pa'i dpal rdo rje sems dpa'i sgrub thabs rdzogs so// //rgya gar gyi mkhan po su bud+d+ha shrI shAn+ti dang / lo tsA ba dge slong dge ba'i blo gros kyis bsgyur cing zhus te gtan la phab pa'o/