བོད་ཡིག |
50a4 / //rgya gar gyi mkhan po A tsAr+ya bud+d+ha shrI shAn+ti dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o//[ ]@##/ /rgya gar skad du/ badzra satwa u da ya nA ma sA d+ha no pa yi ka/ bod skad
50a5 du/rdo rje sems dpa' 'byung ba zhes bya ba'i sgrub pa'i thabs/ bcom ldan 'das 'jam pa'i rdo rje la phyag 'tshal lo/ /dpal rdo rje sems dpa' la phyag 'tshal/ /rdo rje sems dpa' 'gro ba'i mgon/ /yang dang yang du phyag byas nas/ /rdo rje sems 'byung dge
50a6 ba yi//sgrub pa'i thabs ni bshad par bya/ /de la de kho na nyid bsdus pa'i rgyud chen po'i cho gas/ /rdo rje dbyings kyi dkyil 'khor du dam tshig la sogs pa thob pa can gyi rnal 'byor pa'i phyir/ 'phags pa rdo rje sems dpa' mnyes par byed pa'i cho ga bsdu bar
50a7 bya'o//dang por re zhig bdag med pa la lhag par mos pas nang gi khrus byas nas/ lkog ma'i phyogs su yi ge hrIHlas pad+ma 'dab ma brgyad pa dang / lce'i pad+ma'i 'dab ma la yi ge hUM las rdo rje rtse lnga pa bskyed la/ badzra dzi hwA zhes bya ba 'dis byin gyis brlab par
50b1 bya'o//lag pa dag la yi ge a dag las zla ba'i dkyil 'khor gnyis dang / de'i steng du yi ge hUM dag las rdo rje rtse lnga pa gnyis dang / lag pa'i sor mo dag rtse mor bsams nas/ bgegs bsal ba la sogs pa bya'o/ /de la yi ge hUM las rdo rje me ltar 'bar bar
50b2 bdag nyid sprul la/oM gr-i h+Na badzra sa ma ya hUM baM zhes bya ba brjod nas/ khro bo ti rIn+ti ri'i phyag rgya bcing bar bya ste/ rdo rje bsdams pa bcings nas ni/ /yid kyis khros nas dgab bya ba'i/ /rdo rje mthe bong dam po ste/ /khro bo ti rIn+ti rir bshad/ /de nas rdo rje skyil mo krung
50b3 phyed du 'dug la/rdo rje ti rIn+ti ri bcing bar bya ste/ oM badzra dz+wa la a na lA rka hUM a b+hiShiny+tsa mAM zhes bya bas rdo rje phreng ba'i dbang bskur ba blang bar bya'o/ /rdo rje bsdams pa nang du bcing ba'i mthe bong gnyis gshibs te bsgreng pas blang bar bya'o/ /rdo rje bsdams pa steng nas
50b4 dgab pa'i tshul du bzhag pa ni rdo rje ti rIn+ti ri'i phyag rgya'o//oM TuM zhes bya ba'i yi ge gnyis kyi go cha 'dis go bgos nas/ oM badzra dz+wa la a na lA ha hUM zhes bya ba brjod cing / g.yon pa'i rdo rje khu tshur snying gar bzhag nas/ g.yas pa'i rdo rje khu tshur bsor zhing bgegs thams
50b5 cad la bsnun par bya'o//de nas rdo rje me'i phyag rgya dang bcas pas bgegs bsreg pa la sogs pa ni/ hUM badzra a na la ha na da ha pa tsa ma tha b+hany+dzar Na hUM phaT ces brjod cing bya'o/ /de nas rdo rje bsdams pa nang du bcings la/ sor mo 'bar ba'i snying po can mthe bong rdo
50b6 rjer bsgrengs pa 'di ni rdo rje me'i dam tshig gi phyag rgya'o//de'i rjes la badzra nai tri ban+b+ha sar+b+ba bi g+h+nAM zhes bya ba phyag rgya dang ldan pas bgegs thams cad bcing bar bya'o/ /rdo rje bsdams pa bcings la mthe bong gnyis brkyang ste/ mnyam la gzhag pa ni rdo rje spyan gyi phyag rgya'o/ /
50b7 rdo rje bsdams pa brkyang ba sa la bzhag ste/ oM badzra dr-i D+ho me b+ha wa rak+Sha sarbaM swA hA zhes bya ba dang bcas pas 'og bcing bar bya'o/ /rdo rje 'jigs byed spyan gyi phyag rgya dang / oM hu lu hu lu hUM phaT ces bya ba dang bcas pas steng bcing bar bya'o/ /rdo rje khu tshur gnyis bcings
51a1 la mgal me'i 'khor lo bzhin du bskor te/mgo bo'i steng du mdzub mo lcags kyu'i tshul du bzhag pa ni/ rdo rje 'jigs byed spyan gyi phyag rgya'o/ /rdo rje gnod sbyin gyi phyag rgya oM badzra yak+Sha hUM zhes bya ba dang bcas pas de'i 'og tu yang de nyid bcing bar
51a2 bya'o//rdo rje thal mo'i mthe bong gnyis brkyang la mdzub mo gnyis mche ba lta bur byas pa ni rdo rje gnod sbyin gyi phyag rgya'o/ /rdo rje gtsug tor gyi phyag rgyas oM druM ban+d+ha haM zhes bya ba'am/ hUM zhes bya ba dang bcas pas shar phyogs bcing bar bya'o/ /rdo rje khu tshur gnyis kyi
51a3 mthe'u chung lu gu rgyud du sbrel la/mdzub mo gnyis kyi rtse mo sbyar te bzlog nas spyi bor bzhag ste rdo rje gtsug tor gyi phyag rgya'o/ /rdo rje zhags pa dang oM hUM badzra pA sha hrIHzhes bya bas de nyid bcing bar bya'o/ /rdo rje khu tshur gnyis kyi mkhrig ma gnyis mdud pa byas pa ni rdo rje
51a4 zhags pa'i phyag rgya'o//rdo rje ba dan dang oM badzra pA taM ke pA taM ke ni ra tra Ta zhes bya bas nub bcing bar bya'o/ /rdo rje bsdams pa las mthe bong sems dpa'i skyil mo krung du byas te/ mdzub mo gnyis mnyam por gshibs te phye la/ mthe'u chung gnyis ba dan ltar bya ba ni rdo rje ba dan
51a5 gyi phyag rgya'o//rdo rje nag mo dang hrIHbadzra kA li ru Ta ma Ta zhes bya bas byang bcing bar bya'o/ /rdo rje gnod sbyin gyi phyag rgya snying gar bstan par byas pa ni rdo rje nag mo'i'o/ /rdo rje rtse mo dang oM badzra shi kha ri ru Ta ma Ta zhes bya bas lho bcing bar bya'o/ /rdo rje khu tshur gnyis kyis ri bo 'degs pa'i
51a6 tshul du bya'o//rdo rje las dang hUM badzra kar+m+ma zhes bya bas dkyil 'khor bcing bar byas la rab bya'o/ /yang nang du rdo rje hUM mdzad dang hUM zhes bya bas rab bya ste/ rdo rje khu tshur gnyis bcings la mkhrig ma bsnol te mthe'u chung lu gu rgyud du sbrel la/ khams gsum rnam par rgyal ba zhes bya
51a7 ba mdzub mo gnyis sdigs mdzub tu byas pa'o//rdo rje hUM mdzad de nyid las mdzub mo dang gung mo gnyis rdo rjer byas pa ni rdo rje las kyi'o/ /rdo rje bsdams pa dang badzra ban+dz+ra baM zhes bya ba ni rdo rje dra ba bya'o/ /de nas rdo rje gnod sbyin yongs su bzlas pa'i dri'i chu'i snod las lha'i khang pa'i
51b1 sgor bsang gtor bya zhing /gzhan yang rdo rje rtse mos yongs su bzlas pa'i dri chu dang / rdo rje me'i phyag rgya dang bcas pa bzlas pas mchod pa'i yan lag thams cad bsang gtor bya'o/ /oM badzra puSh+pe hUM zhes bya ba dang me tog gi phyag rgyas me tog go/ /oM badzra gan+d+he hUM zhes bya ba dang /
51b2 dri'i phyag rgyas dri'o/ /oM badzra d+hU pe hUM zhes bya ba dang bdug pa'i phyag rgyas bdug spos so/ /a kA ro mu khaM sarba d+har+m+mA NAM/ Ad+ya nu t+pan+na twA ta ces bya bas ral gri'i phyag rgyas ni lha bshos dang gtor ma'o/ /rdo rje bsdams pa las ral gri 'debs pa'i tshul du bya ba ni ral gri'i
51b3 phyag rgya'o//oM badzra A lo ke hUM zhes bya ba dang / mar me'i phyag rgyas mar me'o/ /til dang so ba dang ku sha dang / me tog dkar po dri zhim pa dang / 'bras yos dang / tsan+dan dang / chu dag dung chos la sogs pa'i nang du bcug pa la rdo rje snyim pa'i me tog kha phye ba'i mchod yon
51b4 gyi phyag rgya dang /oM badzra satwa hUM zhes bya ba lan gsum mam bdun nam nyi shu rtsa gcig yongs su bzlas la/ de dag thams cad gzhag par bya'o/ /rdo rje 'khor lo'i phyag rgya dang / oM badzra tsakra hUM zhes bya bas rdo rje dbyings kyi dkyil 'khor chen po'i mdun du sprul par
51b5 bya ste/rdo rje khu tshur gnyis bcings nas/ /mdzub mo mthe'u chung rdo rje mdud/ /rdo rje 'khor lo zhes grags te/ /dkyil 'khor thams cad sgrub byed yin/ /'dis phyogs thams cad du g.yas su bskor bas dkyil 'khor thams cad sprul par 'gyur ro/ /'di nyid khar bzhag
51b6 la blta bzhin du/rdo rje 'khor lo'i sngags brgya rtsa brgyad bzlas na dkyil 'khor thams cad du zhugs par 'gyur ro/ /de nas dkyil 'khor blos mngon sum lta bur dmigs nas/ me tog la sogs pas yang dag par mchod de/ phyogs thams cad nas dkyil 'khor
51b7 lnga pa dang /oM sarba ta thA ga ta kA ya wAka tsit+ta pra Na men badzra ban+da nAM ka ro mi zhes bya ba 'dis phyag bya'o/ /de nas phyag bzhi bya ste/ 'di ltar shar phyogs nas rdo rje thal mo spyi bor brkyang la lus thams cad sa la phab ste/ oM sarba ta thA ga ta pU dzo pas+thA nA ya At+ma nAM ni r+yA ta
52a1 yA mi sarba ta thA ga ta badzra satwa a d+hi tiSh+Tha swa mAM zhes bya ba 'dis phyag bya'o//de nas lho phyogs nas de bzhin du gnas pa las rdo rje thal mo snying gar sbyar te/ dpral bas la reg par byas la/ oM sarba ta thA ga ta pU dza a b+hi She ka ya At+ma nAM ni r+yA ta yA mi sarba ta thA
52a2 ga ta badzra rat+na a b+hi Shiny+tsa mAM zhes bya ba 'dis phyag bya'o//de nas nub phyogs nas de bzhin du gnas pa las rdo rje thal mo spyi bor bzhag ste/ kha sa la reg pa dang / oM sarba ta thA ga ta pU dza pra brta nA ya At+ma nAM ni r+yA ta yA mi sarba ta thA ga ta badzra d+har+m+ma pra brta ya mAM zhes bya ba 'dis phyag bya'o/ /
52a3 de nas byang phyogs nas de bzhin du gnas pa las rdo rje thal mo spyi bo nas phab te snying gar sbyar la spyi bos la reg par byas te/ oM sar+b+ba ta thA ga ta pU dza kar+m+ma Ne At+ma nAM ni r+yA ta yA mi sarba ta thA ga ta badzra kar+m+ma ku ru mAM zhes bya ba 'dis phyag bya'o/ /de nas pus mo gnyis kyi lha ngas la
52a4 btsugs te/rdo rje thal mo snying gar sbyar nas sdig pa thams cad bshags par bya ste/ phyogs bcu'i sangs rgyas dang byang chub sems dpa' thams cad dang / de bzhin gshegs pa dang / rdo rje dang / rin po che dang / pad+ma dang / las kyi rigs su bzhugs pa thams
52a5 cad dang /snying po dang / phyag rgya dang / gsang sngags dang / rig sngags kyi lha thams cad bdag la dgongs su gsol/ bdag rdo rje che ge mo zhes bgyi ba phyogs bcu'i sangs rgyas dang byang chub sems dpa' thams cad dang / de bzhin gshegs pa dang / rdo rje
52a6 dang /rin po che dang / pad+ma dang / las kyi rigs su bzhugs pa thams cad dang / snying po dang / phyag rgya dang / gsang sngags dang / rig sngags kyi lha thams cad kyi spyan sngar sdig pa thams cad so sor bshags par bgyi'o/ /phyogs bcu na 'das pa
52a7 pa dang /ma byon pa dang / da ltar bzhugs pa'i sangs rgyas dang / byang chub sems dpa' thams cad dang / rang sangs rgyas dang / 'phags pa nyan thos yang dag par song ba dang / yang dag par zhugs pa rnams dang / sems can gyi tshogs thams cad kyi
52b1 bsod nams thams cad la rgya cher rjes su yi rang bar bgyi'o//phyogs bcu'i sangs rgyas bcom ldan 'das chos kyi 'khor lo bskor bar mi mdzad pa thams cad la/ chos kyi 'khor lo bskor bar bya ba'i phyir bskul bar bgyi'o/ /phyogs bcu'i sangs rgyas bcom
52b2 ldan 'das yongs su mya ngan las 'da' bar bzhed pa thams cad la/yongs su mya ngan las mi 'da' bar gsol bar 'tshal lo/ /de nas me tog gi phyag rgya bcings la 'di skad ces brjod par bya ste/ gang yang 'jig rten gyi khams 'di'am/ gang yang phyogs bcu'i
52b3 'jig rten gyi khams thams cad na/lha dang mi rnams kyi me tog gi bye brag yid las byung ba'am/ chu las skyes pa'am/ thang las skyes pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya
52b4 ba'i phyir/phyogs bcu'i sangs rgyas dang / byang chub sems dpa' rigs lnga dang bcas par bzhugs pa thams cad dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sar+b+ba ta thA ga ta puSh+pe pU dza me g+ha sa mu dra s+pha ra Na
52b5 sa ma ye hUM/bdug pa'i phyag rgya bcings la/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi bdug pa'i bye brag lhan cig skyes pa'am/ yang dag par sbyar ba'am/ yongs su gyur pa gang dag
52b6 yod pa de rnams 'di lta ste/ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang phyag rgya dang gsang sngags dang rig sngags kyi lha'i khyad par
52b7 thams cad la dbul bar bgyi/oM sar+b+ba ta thA ga ta d+hU pe pU dza me g+ha sa mu dra s+pha ra Na sa ma ye hUM/ mar me'i phyag rgya bcings la/ gang yang 'jig rten khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi snang ba'i bye
53a1 brag yid las byung ba'am/rin po che'i 'od dam/ mar me'i snang ba la sogs pa gang dag yod pa de rnams/ 'di lta ste ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang
53a2 chub sems dpa' rigs lnga dang bcas par bzhugs pa thams cad dang /phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sar+b+ba ta thA ga ta A lo ke pU dza me g+ha sa mu dra s+pha ra Na sa ma ye hUM/ dri'i phyag rgya
53a3 bcings la/gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi dri'i bye brag lhan cig skyes pa'am/ yang dag par sbyar ba'am/ yongs su gyur pa can gang dag yod pa de rnams 'di lta ste/ ma
53a4 lus shing lus pa med pa'i de bzhin gshegs pa thams cad la mchod pa'i las bya ba'i phyir/phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / phyag rgya dang gsang sngags dang / rig sngags kyi lha'i khyad
53a5 par can thams cad la dbul bar bgyi'o//oM sar+b+ba ta thA ga ta gan+d+he pU dza me g+ha sa mu dra s+pha ra Na sa ma ye hUM/ zhes brjod par bya'o/ /thal mo khong stong du sbyar ba bcings la/ gang yang 'jig rten gyi khams 'di'am/ gang yang phyogs bcu'i 'jig rten gyi khams
53a6 thams cad na/rin po che'i ri bo'am/ rgya mtsho'i rin po che gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang / byang chub sems dpa' rigs
53a7 lnga dang bcas par bzhugs pa thams cad dang /phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta bo d+h+yaM ga rat+na A laM ka ra pU dza me g+ha sa mu dra s+pha ra Na sa ma ye hUM/ bzhad pa'i phyag rgya bcings la/ gang
53b1 yang 'jig rten gyi khams 'di'am/gang yang phyogs bcu'i 'jig rten gyi khams thams cad na/ lha dang mi rnams kyi dgod pa dang / sgeg pa dang / dga' ba dang / rtsed 'jo'i bde ba'i bye brag gang dag yod pa de rnams/ 'di lta ste ma lus shing lus pa med pa'i de bzhin
53b2 gshegs pa thams cad la mchod pa'i las bya ba'i phyir/phyogs bcu'i sangs rgyas dang / byang chub sems dpa' rigs lnga dang bcas par bzhugs pa thams cad dang / phyag rgya dang / gsang sngags dang / rig sngags kyi lha'i khyad par can thams cad la dbul
53b3 bar bgyi'o//oM sarba ta thA ga to hA s+ya lA s+ya rA ti krI Da sau khya a nut+ta ra pU dza me g+ha sa mu dra s+pha ra Na sa ma ye hUM/ bzhad pa'i phyag rgya de nyid rdo rje thal mo bskor ba 'di spyi bor bzhag la/ yang thal mo khong stong du sbyar ba bcings nas 'di skad ces brjod par bya ste/ gang yang 'jig
53b4 rten gyi khams 'di'am/gang yang phyogs bcu'i 'jig rten gyi khams thams cad na/ dpag bsam gyi shing ngam/ gos kyi shing gang dag yod pa de rnams/ 'di lta ste ma lus shing lus pa med pa'i de bzhin gshegs pa thams cad la mchod pa'i las bya ba'i
53b5 phyir phyogs bcu'i sangs rgyas dang /byang chub sems dpa' rigs lnga dang bcas par bzhugs pa thams cad dang / phyag rgya dang / gsang sngags dang / rig sngags kyi lha'i khyad par can thams cad la dbul bar bgyi'o/ /oM sar+b+ba ta thA ga ta a nut+ta ra bo d+hi A laM ka ra
53b6 wa s+t+ra pU dza me g+ha sa mu dra s+pha ra Na sa ma ye hUM/bcom ldan 'das rdo rje sems dpa'i las kyi phyag rgya bcings la/ sems can thams cad kyi 'khor ba'i sdug bsngal rjes su dran par byas nas/ snying rje'i dbang gis sems can thams cad bsgral ba'i phyir/ byang chub tu
53b7 sems bskyed par bya'o//oM sarba ta thA ga ta badzra bo d+hi tsit+ta pU dza me g+ha sa mu dra s+pha ra Na sa ma ye hUM/ zhes brjod par bya'o/ /sgeg mo'i phyag rgya bcings la/ sems can thams cad yo byad thams cad kyis yang dag par 'byor cing / phun sum tshogs pa thams cad 'dod pa
54a1 tsam gyis rag lus par gyur cig /oM sarba ta thA ga ta ma hA badzrod b+ha ba dA na pA ra mi ta pU dza me g+ha sa mu dra s+pha ra Na sa ma ye hUM/ zhes brjod par bya'o/ /rdo rje phreng ba ma'i phyag rgya bcings la/ sems can thams cad mi dge ba'i lus dang ngag dang yid kyi
54a2 las kyi mtha' thams cad dang yang dag par bral bar gyur cig /dge ba'i lus dang ngag dang yid kyi las kyi mtha' thams cad dang yang dag par ldan par gyur cig /oM sarba ta thA ga ta a nut+ta ra ma hA bog+h+ya hA ra shI la pA ra mi ta pU dza me g+ha sa mu dra s+pha ra Na sa ma ye hUM/ zhes brjod
54a3 par bya'o//glu ma'i phyag rgya bcings la/ sems can thams cad mtshan dang dpe byad kyis lus la yang dag par brgyan par byas pa dang / rtag tu phan tshun 'jigs pa med pa dang / zhe 'gras pa med par bzhugs shing mig dang yid mngon par dga' ba dang / chos
54a4 zab mo la bzod pa dang ldan par gyur cig /oM sarba ta thA ga ta a nut+ta ra ma hA d+har+m+ma a ba bo d+hi k+ShA n+ti pA ra mi ta pU dza me g+ha sa mu dra s+pha ra Na sa ma ye hUM/ zhes brjod par bya'o/ /gar ma'i phyag rgya bcings la/ sems can thams cad byang chub sems dpa'i spyod pa la mngon par
54a5 brtson pa dang ldan pa dang /sangs rgyas nyid du yongs su gzhol zhing 'khor ba yongs su mi spong ba'i brtson 'grus dang ldan par gyur cig /oM sar+b+ba ta thA ga ta sa na sA ra a pa ri t+yaM ga a nut+ta ra ma hA bI r+ya pA ra mi ta pU dza me g+ha sa mu dra s+pha ra Na sa ma ye hUM/ zhes brjod par
54a6 bya'o//me tog gi phyag rgya bcings la/ sems can thams cad nyon mongs pa dang / nye ba'i nyon mongs pa rnams dang bral bar gyur cig /bsam gtan dang rnam par thar pa dang / ting nge 'dzin dang / snyoms par 'jug pa dang / mngon par shes pa rnams dang / rig
54a7 pa thams cad dbang du gyur pa phun sum tshogs par gyur cig /oM sarba ta thA ga ta a nut+ta ra mahA sau khya bi hA ra d+h+yA na pA ra mi ta pU dza me g+ha sa mu dra s+pha ra Na sa ma ye hUM/ zhes brjod par bya'o/ /bdug spos kyi phyag rgya bcings la/ sems can thams cad 'jig rten dang 'jig rten
54b1 las 'das pa'i shes rab dang /mngon par shes pa rnams dang yang dag par ldan par gyur cig /so so yang dag par rig pa bzhi thob ste/ bzo dang bstan bcos thams cad shes shing / sgyu rtsal dang ldan la gsang ba'i cho ga shes pa dang de kho na nyid mthong ste/ nyon
54b2 mongs pa dang shes bya'i sgrib pa thams cad dang yang dag par gcod pa'i ye shes thob par gyur cig /oM sarba ta thA ga ta a nut+ta ra kle sha ts+tshe da sarba d+har+m+ma sa man+ta dz+nyA na mahA pradz+nyA pA ra mi ta pU dza me g+ha sa mu dra s+pha ra Na sa ma ye hUM/ zhes brjod par bya'o/ /lus kyis bsnyen bskur bya ba'i phyir/
54b3 bdag nyid phyogs bcu'i 'jig rten gyi khams ma lus pa'i de bzhin gshegs pa thams cad kyi zhabs drung du phyin par lhag par mos par byas la/ oM sarba ta thA ga ta kA ya nit+yA ta na pU dza me g+ha sa mu dra s+pha ra Na sa ma ye hUM/ thams cad du lce brgya stong phrag snyed kyi sgo nas/ mnyam
54b4 nyid mi g.yo zhes bya ba la sogs pa'i bstod pa'i mchod pas lhag par mos par byas la/oM sarba ta thA ga ta wA ka ni r+yA ta na pU dza me g+ha sa mu dra s+pha ra Na sa ma ye hUM/ byang chub sems dpa' thams cad dang bsam pa gcig pa'i sbyor bas chos thams cad mnyam pa nyid la lhag par mos
54b5 par byas la/oM sarba ta thA ga ta tsit+ta ni r+yA ta na pU dza me g+ha sa mu dra s+pha ra Na sa ma ye hUM/ chos thams cad dngos po med pa'i ngo bo nyid dang / stong pa nyid dang / mtshan ma med pa dang / smon pa med pa'i rnam par lhag par mos par byas la/ oM sarba ta thA ga ta gu h+ya pU dza
54b6 me g+ha sa mu dra s+pha ra Na sa ma ye hUM/zhes brjod par bya'o/ /de ltar mchod pa rnam pa nyi shus de bzhin gshegs pa thams cad la yang dag par mchod la/ bdag nyid dbul bar bya ste/ sangs rgyas dang byang chub sems dpa' thams cad la bdag nyid dbul gyis/ bdag
54b7 dus thams cad dang rnam pa thams cad du so sor bzhes su gsol/thugs rje chen po dang ldan pa'i mgon po khyed rnams kyis/ dam tshig chen po'i dngos grub bdag la stsal du gsol/ zhes brjod la/ dge ba'i rtsa ba de yang sems can thams cad dang thun mong du byas
55a1 te/dge ba'i rtsa ba 'di dag gis bdag dang sems can thams cad 'jig rten dang / 'jig rten las 'das pa'i rgud pa thams cad dang yang dag par bral bar gyur cig /'jig rten dang 'jig rten las 'das pa'i phun sum tshogs pa thams cad dang
55a2 yang dag par ldan pa'i bde ba nyid dang /yid bde ba nyid kyis mi'i mchog sangs rgyas su tshe 'di nyid la gyur cig /bdag gi dge ba'i las rnams 'di dag gis/ /'jig rten du ni myur du sangs rgyas shog /'gro la phan phyir chos rnams ston bgyid cing / /sems can
55a3 sdug bsngal mang pos gzir las sgrol//bde bar gshegs pa sngags la mkhas pa yi/ /chos rgyal rtag tu lhun gyis grub pa ni/ /'gro ba'i tshogs kyis thob par bya ba'i phyir/ /da 'dir bdag ni mkha' 'drar gnas par bgyi/ /zhes bla na med pa yang dag par rdzogs
55a4 pa'i byang chub tu yongs su bsngos la sdom pa gzung bar bya'o//ji ltar dus gsum mgon po rnams/ /byang chub tu ni nges mdzad pa/ /byang chub sems ni bla med pa/ /dam pa bdag gis bskyed par bgyi/ /sangs rgyas rnal 'byor sdom pa la/ /sdom pa yi ni tshul khrims dang / /
55a5 dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /rdo rje rig mchog chen po yi/ /rdo rje dril bu phyag
55a6 rgya yang //yang dag nyid du gzung bar bgyi/ /slob dpon dag kyang gzung bar bgyi/ /rin chen rig mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rab tu sbyin/ /byang chub chen po las byung ba'i/ /pad+ma'i rigs chen dag pa la/ /
55a7 phyi dang gsang ba theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis
55b1 bskyed bgyis nas//sems can kun gyi don gyi phyir/ /bdag gis sdom pa ma lus gzung / /mgron ba ni dgrol bar bgyi/ /ma rgal ba ni bsgral bar bgyi/ /dbugs ma phyin pa dbugs dbyung zhing / /sems can mya ngan 'das la dgod/ /de nas gzugs brnyan la
55b2 sogs pa'i sbyor bas phyag rgya bcing ba ni/ji srid 'tsho'i bar du 'da' bar mi mdzad do zhes nges pa bskyed nas las ston par byed pa'i sngags kyi las gang yin pa ste nges pa nyid du sgrub par byed do/ /phyag rgya dang sngags thams cad brjod par 'dod pa'i sems dang ldan
55b3 pas/mngon sum dang 'dra bar rang gi phyag rgya dang / lha'i nga rgyal 'chang bas phyag rgya thams cad bcing ba dang / cho ga thams cad nan tan du bya'o/ /a n+yo n+ya a nu ga tAHsar+b+ba d+har+m+mAH zhes bya bas thal mo kha sbyor bcing bar bya'o/ /s+pha ra s+pha ra a nu ga ta sar+b+ba d+har+m+mAHbadzra any+dza li zhes bya
55b4 bas rdo rje thal mo bcing bar bya'o//a t+yan+ta a nu pra biSh+TAHsar+b+ba d+har+m+mAHbadzra ban+d+ha zhes brjod de rdo rje bsdams pa bcing bar bya'o/ /badzra ban+d+ha tra Ta zhes bya bas/ rdo rje bsdams pa snying gar dral bar bya'o/ /badzra A be sha zhes bya bas rdo rje dbab pa'i dam tshig gi phyag rgya bcings nas/
55b5 yi ge aHsa bdag nyid la dbab par bya'o/ /de yang tiSh+Tha badzra dr-i D+ho me b+ha wa shA shwa to me b+ha ba/ hr-i da yaM me/ a d+hi tiSh+Tha sarba sid+d+hi m+me pra yats+tsha hUM ha ha ha ha hoHzhes bya ba 'dis brtan par bya'o/ /badzra muSh+Ti zhes bya bas rdo rje khu tshur gyi dam tshig gi phyag rgya bcings la/ oM badzra muSh+Ti baM zhes
55b6 brjod par bya'o//de nas rang gi snying gar tshud pa'i rdo rje'i lte bar badzra satwa zhes bya ba rnam par bsams la/ de nyid yid kyis brjod cing chos thams cad bdag med par bsgom par bya'o/ /de nas snying po de nyid dang dbyangs kyi yi ge bcu drug dang bcas pa las/ rang gi sems
55b7 zla ba'i dkyil 'khor gyi rnam pa dang /de'i steng du snying po de nyid dang yi ge ka la sogs pa skar ma'i rnam pa lta bu yongs su gyur pa las zla ba'i dkyil 'khor gnyis pa dang / yang de'i snying po dang bcas pa yongs su gyur pa las dang po'i rdo rje dang / de'i dbus su snying po rnam
56a1 par bsams la/badzro haM zhes bsgom par bya'o/ /rdo rje de las de bzhin gshegs pa'i rigs su sprul la/ des sems can gyi don byas nas bsdu ba'i sbyor bas de la gzhug par bya'o/ /de nas badzra satwa haM zhes brjod cing / sems dpar byin gyis
56a2 brlab pa'i sbyor bas//bdag nyid rdo rje sems dpar lhag par mos par byas nas/ bsnyems pa dang bcas pas rdo rje bsor zhing yang badzra satwa haM zhes brjod par bya'o/ /de yang thog ma dang tha ma med pa chos kyi dbyings kyi rgyu mthun par rnam par bsgoms la/ mahA sa ma ya satwa haM
56a3 zhes brjod par bya'o//de la sems dpar byin gyis brlab pa'i sbyor ba ni/ kun bdag sems dpa' bdag nyid grags/ /bdag nyid kyang ni bdag la gnas/ /zhes byin gyis brlabs nas/ badzra satwa haM zhes bya ba'i nga rgyal du bsgoms nas/ grub par 'gyur ro zhes bya ba
56a4 'di/bcom ldan 'das rdo rje 'chang gis gsungs so/ /de nas rdo rje sems dpa'i dam tshig gi phyag rgya bcings nas/ sa ma ya haM zhes brjod par bya'o/ /de nyid dang sa ma ya satwa a d+hi tiSh+Tha swa mAM zhes bya bas snying ga dang / mdzod spu dang / lkog ma dang / spyi bo byin gyis
56a5 brlab par bya'o//de nas rdo rje sems dpa'i phyag rgya chen po bcings nas/ badzra satwa aHzhes brjod de/ /mdun gyi nam mkha'i phyogs su phyag rgya dang / badzra aM ku sha dzaH/ badzra pA sha hUM/ badzra s+pho Ta baM/ badzra A be sha aH/ zhes bya ba'i snying po de rnams kyis/ dgug pa
56a6 dang /gzhug pa dang / bcing ba dang / dbang du bya'o/ /de nas de dag gi las kyi phyag rgya ni/ mdzub mo lcags kyu bcing ba ni/ /mthe'u chung las te lcags kyu che/ /mkhrig ma mdud pa mdzub gnyis gdub/ /rgyab gnyis kyang ni mnyam du mnan/ /zhes bya ba yin no/ /de
56a7 nas badzra dr-iSh+Ti zhes bya ba mig gnyis su bkod la/bcom ldan 'das kyi dam tshig gi phyag rgya bcings nas/ badzra satwa dr-i sh+ya zhes brjod de/ /ye shes sems dpa' de mthong nas/ /rang gi lus la rab tu bsgoms/ /dzaHhUM baM hoHzhes brjod de/ bkug cing bcug la bcing
56b1 ba dang //dbang du byas la bsgrub par bya/ /sa ma ya s+t+waM zhes brjod pas/ /rgyab tu zla ba bsgrubs nas ni/ /sa ma ya s+t+waM a haM brjod/ bcom ldan 'das bcug nas sa ma ya s+t+waM a haM badzra satwa zhes bya ba lan gsum brjod cing / bdag nyid dang gcig tu gyur par bsam par bya ste/
56b2 bzhad pa dang bcas pa zla ba'i mdog dang / zla ba'i 'od can sangs rgyas lnga'i cod pan can/ rdo rje dril bu bsnams pa/ sems dpa'i skyil mo krung gis bzhugs pa/ rab tu dgyes pas spyan gdangs pa/ phyag rgya chen po'i tshul du bzhugs pa'o/ /de nas chos
56b3 dang las dang phyag rgya chen pos rgyas btab pa bsdu ba'i phyag rgya bcings nas dzaHhUM baM hoHzhes brjod de/yid kyi legs pa'i sbyor bas rang gi lus la/ de bzhin gshegs pa thams cad rab tu bcug cing / dam tshig gi phyag rgya dag gis rab tu bsgrubs la/ chos dang las dang
56b4 phyag rgya chen po dag gis rgyas gdab par bya'o//sbyor ba 'dis rnam par snang mdzad la sogs pa'i rang gi dam tshig gi phyag rgya bcings nas/ badzra d+hA tu dr-i sh+ya dzaHhUM baM hoHsa ma ya s+t+waM sa ma ya s+t+waM a haM zhes brjod do/ /spyi'i snying po rnam par snang mdzad la sogs pa de bzhin
56b5 gshegs pa thams cad kyi spyi'i snying po badzra d+hA tu zhes bya ba dang /rang gis lan gsum gyi bar du brjod par bya'o/ /oM sar+b+ba ta thA ga ta ma hA yo gI shwa ri hUM zhes bya ba ni rnam par snang mdzad kyi rang gi sngags so/ /oM badzra satwa hUM zhes bya ba ni mi bskyod pa'i'o/ /oM badzra rat+na hUM zhes bya ba ni
56b6 rin chen 'byung ldan gyi'o//oM badzra d+harma hUM zhes bya ba ni 'od dpag tu med pa'i'o/ /oM badzra kar+m+ma hUM zhes bya ba ni don yod grub pa'i'o/ /de nas rnam par snang mdzad la sogs pa'i dam tshig gi phyag rgya la sogs pa dang sngags brjod par bya ste/ thal mo dam du bsdams pa las/ /
56b7 sor mo thams cad bsnol ba ni/ /rdo rje thal mo bka' stsal te/ /rab tu bsdams phyir rdo rje bsdams/ /dam tshig phyag rgya thams cad ni/ /rdo rje bsdams las byung bas na/ /de dag bsdams pa rdo rje yi/ /bsdams pa bla med bshad par bya/ /rdo rje bsdams pa dam byas la/ /
57a1 gung mo myu gu ltar mnyam bsgreng / /gung mo nang du gshibs pa ni/ /sangs rgyas gnyis pa yin par bshad/ /gung mo rin chen 'dra ba dang / /gung mo pad+ma 'dra bar dgug /sangs rgyas lnga pa'i phyag rgya ni/ /de bzhin mdzub mo bkug pa'o/ /zla ba
57a2 lta bu lag gnyis kyis//gung mo btang bar gyur pa dang / /mthe bong mthe'u chung so sor bsgrengs/ /sems dpa'i rdo rje bsgreng rdo rje/ /dam tshig gi phyag rgya thams cad kyang / rang gi snying gar rdo rje rnam par bsams la sbyar bar bya'o/ /de nas rang gi lci la snga ma
57a3 bzhin du rdo rje'i rnam par bsams nas/de bzhin gshegs pa thams cad kyi ljags la/ /badzra dz+nyA na zhes bya ba dang / rang gi lce la sa ma ya s+t+waM zhes bya ba'i chos kyi phyag rgya bsam par bya'o/ /yi ge aHlas rang gi snying gar sna tshogs rdo rje bsams la/ las kyi phyag rgya
57a4 bcings na/las kyi phyag rgya bcing bar 'gyur ro/ /rdo rje khu tshur gnyis bcings te/ /mnyam par gzhag pas gnyis su bya/ /rdo rje phyag rgya gnyis bcings te/ /de nas bcing ba rab tu bshad/ /g.yon pa'i rdo rje mdzub mo ni/ /g.yas pa'i nang du
57a5 bsgreng bar bya//phyag rgya byang chub mchog yin te/ /sangs rgyas byang chub sbyin byed pa'o/ /rnam par snang mdzad kyi'o/ /g.yon pa'i rdo rje khu tshur chos gos kyi mtha' ma 'dzin pa'i sbyor bas nyid kyi thugs kar 'jog cing / g.yas pas sa gnon pa'i
57a6 sbyor ba 'di ni mi bskyod pa'i'o//de nyid las phyag g.yas pa mchog sbyin pa'i tshul du 'jog pa 'di ni rin chen 'byung ldan gyi'o/ /ting nge 'dzin mchog ni 'od dpag tu med pa'i'o/ /mi bskyod pa'i phyag rgya nyid las/ phyag g.yas pa mi 'jigs pa sbyin pa'i
57a7 tshul du 'jog pa 'di ni/don yod grub pa'i'o/ /bsgyings bcas gsor ba gnyis ka yis/ /zhes bya ba ni rdo rje sems dpa'i'o/ /rang gi snying gar sems dpa'i rdo rje rnam par bsams la/ phyag rgya chen po bcing bar bya'o/ /ji skad du bshad pa'i byang
57b1 chub sems mchog ni rnam par snang mdzad kyi phyag rgya chen po'o//mi bskyod pa'i ni phyag g.yon pa brla la bkan te/ ting nge 'dzin gyi sbyor ba dang / g.yas pas sa gnon par byed pa'o/ /rin chen 'byung ldan gyi ni de nyid las phyag g.yas pa mchog sbyin la
57b2 mngon du phyogs pa'o//'od dpag tu med pa'i ni ting nge 'dzin no/ /mi bskyod pa'i phyag rgya de nyid las phyag g.yas pa mi 'jigs pa sbyin pa'i tshul du 'dzin pa 'di ni don yod grub pa'i phyag rgya chen po'o/ /rnam par snang mdzad dang mi bskyod pa dag ni de bzhin
57b3 gshegs pa'i rdo rje bsnams pa'o//lhag ma rnams ni rdo rje rin po che dang / rdo rje pad+ma dang / sna tshogs rdo rje bsnams pa'o/ /rdo rje sems dpa' ni g.yon pa'i rdo rje khu tshur rdo rje dril bu dang bcas pas bsgyings pa/ phyag g.yas pas dang po'i rdo rje bsor
57b4 zhing rang gi snying gar bstod pa'i tshul gyis bsnams pa'o//de nas de bzhin du sems ma rdo rje ma la sogs pa bcings nas/ bdag nyid kyi gnas bzhir byin gyis brlab par bya ste/ rang gi snying gar satwa badzri a d+hi tiSh+Tha swa mAM zhes bya ba dang / rin chen rdo rje ma bcings
57b5 la/dpral ba'i phyogs su rat+na badzri a d+hi tiSh+Tha swa mAM zhes bya ba dang / chos kyi rdo rje ma bcings la lkog ma'i phyogs su d+har+m+ma badzri e d+hi tiSh+Tha swa mAM zhes bya ba dang / las kyi rdo rje ma bcings la spyi bor kar+m+ma badzri a d+hi tiSh+Tha swa mAM zhes bya bas byin gyis brlab par bya'o/ /de nas
57b6 oM badzra satwa sa ma ya/ma nu pA la ya/ badzra satwa twe no pa/ tiSh+Tha dr-i D+ho me b+ha ba/ su to Sh+yo me b+ha ba/ a nu ra k+to me b+ha ba/ su po Sh+yo me b+ha ba/ sar+b+ba sid+d+him+me pra yats+tsha sarba kar+m+ma su tsa me/ tsit+taM shre yaHku ru hUM/ ha ha ha ha hoHb+ha ga bA na sarba ta thA ga ta badzra mA me muny+tsa badzrI b+ha ba ma hA
57b7 sa ma ya satwa aHzhes pa'i yi ge brgya pa 'di lan gsum bzlas pas brtan par byas la/phyag 'tshal ba'i thal mos bcom ldan 'das la phyag 'tshal bar bya'o/ /de nas dbang bskur ba blang bar bya ste/ rdo rje dbyings kyi dbang phyug ma bcings la/ spyi gtsug tu yi ge
58a1 AHlas rnam par snang mdzad sku mdog dkar po byang chub mchog gi phyag rgyas bzhugs pa bskyed la/oM badzra d+hA twI shwa ri hUM badzri Ni hU~M a b+hiShiny+tsa mAM zhes bya ba dang / mi bskyod pa'i phyag rgya bcings la/ dpral ba'i dbus su yi ge hUM las mi bskyod pa sku
58a2 mdog sngon po sa gnon pa'i phyag rgyas bzhugs pa dang /oM badzra badzri Ni hUM a b+hi Shiny+tsa mAM zhes bya ba dang / rin chen 'byung ldan gyi phyag rgya bcings la/ rna ba g.yas pa'i steng du yi ge trAM las rin chen 'byung ldan gser btso ma'i mdog can/ mchog sbyin pa'i phyag rgyas
58a3 bzhugs pa dang /oM rat+na badzri Ni hUM a b+hiShiny+tsa mAM zhes bya ba dang / 'od dpag tu med pa'i phyag rgya bcings la/ mgo bo'i rgyab tu yi ge hrIHlas 'od dpag tu med pa sku mdog dmar po ting nge 'dzin mchog gi phyag rgyas bzhugs pa dang / oM d+har+m+ma badzri Ni hUM a b+hiShany+tsa mAM
58a4 zhes bya ba dang /don yod grub pa'i phyag rgya bcings la/ rna ba g.yon pa'i steng du yi ge a las don yod grub pa sku mdog ljang gu mi 'jigs pa sbyin pa'i phyag rgyas bzhugs pa bskyed/ oM kar+m+ma badzri Ni hUM a b+hiShiny+tsa mAM zhes bya ba brjod par bya'o/ /rdo rje thal mo bcings pa
58a5 las//mthe bo gnyis ni bsnol byas la/ /mdzub mo'i rtse mo bkug nas ni/ /gung mo mnyam pa'i tshigs su sbyar/ /rdo rje dbyings kyi dbang mor bshad/ /de nyid las dbus ma rdo rjer byas pa dang / gung mo gnyis bkug ste rin po che 'dra bar byas pa dang / gung mo dang
58a6 srin lag dang mthe'u chung pad+ma 'dra bar byas pa dang /sor mo brkyang ba'o/ /de'i rjes la oM TuM zhes bya ba phyag rgya dang bcas pa 'dis go cha bcing bar bya ba ni/ rdo rje khu tshur gnyis snying gar mdud pa bcing ba'i tshul du bya zhing / de bzhin du mgrin pa dang ltag pa dang / yang snying ga dang
58a7 nu ma'i bar dang yang snying ga dang mgrin pa dang rgyab dang /dpral ba'i phyogs su mdud pa bcing ba'i tshul du byas la/ mgo bo la phreng ba bcing ba'i tshul du byas te/ sgeg pa dang bcas pas mtha' ma la sogs pa'i sor mo thams cad bkrol te/ mthar mnyam pa'i thal mo dang badzra tu Sh+ye hoHzhes bya
58b1 bas mnyes par bya'o//de nas lag pa g.yas pas dang po'i rdo rje dang lag pa g.yon pas dang po'i rdo rje dang bcas pa'i dril bu blangs te/ sangs rgyas rnams kyi rdo rje'i dbang / /de ring khyod la bskur bar bya/ /sangs rgyas kun du rab grub phyir/ /rdo rje 'di
58b2 ni khyod kyis long //oM badzra a d+hi pa ti twaM a b+hiShiny+tsa mi tiSh+Tha badzra sa ma ya s+t+waM zhes bya ba 'dis rdo rje'i dbang bskur ba dang / bdag po'i dbang bskur ba blang bar bya'o/ /de nas rdo rje dang dril bu rang gi mgor bzhag la/ oM badzra satwa twa twaM a b+hi Shiny+tsa mi badzra nA ma a b+hi She ka
58b3 ta kye rdo rje kun du bzang po zhes bya bas ming gi dbang bskur ba blangs la/'di de sangs rgyas thams cad de/ /rdo rje sems dpa'i lag na 'dug /khyod kyis kyang ni rtag tu bcang / /phyag na rdo rje'i brtul zhugs brtan/ oM sarba ta thA ga ta sid+d+hi badzra sa ma ya tiSh+Tha e Sha
58b4 twaM d+ha ra ya mI badzra satwa hi hi hi hi hUM zhes bya ba 'dis dngos grub kyi rdo rje'i brtul zhugs blang bar bya'o//de nas sgeg mo la sogs pa'i gsang ba'i mchod pa bzhis bdag nyid la yang dag par mchod nas/ bcom ldan 'das kyi phyag rgya chen po bcings la/ yi ge
58b5 hUM las grub pa'i rdo rje de kho na nyid kyis gzung bar bya ste/thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje bsnyems tshul bdag po'i bdag /bcom ldan 'das dpal mchog dang po'i skyes bu'o zhes bya ba ni
58b6 de kho na nyid do//yi ge a las byung ba'i dril bu chos kyis dkrol bar bya ste/ bcom ldan 'das de bzhin gshegs pa srid pa'i bdag po/ dam pa kun gyi mchog /dbang phyug gi dam pa de nyid kyis chos kyi mchog gi bka' yang dag par gsungs pa de ni/ srid pa ngo
58b7 bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa'i mchog ni mdzad pa yin/ /mchog tu gsang ba'i chos nyid 'bebs pa ni dril bu'o/ /de bas na de bzhin gshegs pa thams cad la mchod pa byas nas sam/ lha rnams
59a1 dgyes par byas nas dkrol na/chos thams cad de kho na nyid rab tu rtogs pa 'bebs pas sgrib pa thams cad rnam par dag par byed cing / /rdo rje thams cad 'bebs pa dang / 'phel bar byed pa dang / dbang du byed pa dang / sems dang bsgrub par byed do/ /
59a2 de nas srid pa rnam par dag pa'i thabs kyi mchod pas thams cad kyi gsang ba chen po rtag tu bsten par bya ba yin no/ /de la khyod kyi/ srid pa'i bde ba shin tu chung / /sdug bsngal chen po dag pa'i phyir/ /shin tu bde ba dam pa'i thabs/ /dam tshig 'di ni rtag tu bskyed/ /'dod
59a3 pa'i longs spyod thams cad ni//ci 'dod par ni bsten bzhin du/ /rang gi lha yi sbyor ba yis/ /bdag dang gzhan la mchod par bya/ /de ltar na de bzhin gshegs pa thams cad kyi bla na med pa'i mchog tu gsang ba zhes bya ba'i theg pa chen po'i dam tshig gi sbyor ba
59a4 ni bcom ldan 'das kyi dam tshig go//de ci'i phyir zhe na/ 'di ltar/ bcom ldan 'das rdo rje 'chang gis/ /de bzhin gshegs pa thams cad kyis/ 'da' ba ru ni mi mdzad pas/ /phyag rgya'i dam tshig ces su bsgrags/ /yid kyi gzugs ni bstan phyir ro/ /zhes bya ba
59a5 dang /mchog tu gsang ba zhes bya ba gsungs so/ /de la bcom ldan 'das rdo rje sems dpas/ ji srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus/ /gsang ba dang
59a6 bcas dam tshig thabs//bsod nams byin rlabs sgrub byed cing / /rtag tu dngos grub kun dbang phyug /rtag tu 'gro ba'i don byed do/ /dam tshig 'di yis nges par ni/ /ci bde bar ni mchog sgrub byed/ /sems can skal ngan spyod ngan pas/ /thams cad du ni
59a7 'grub mi 'gyur//dam tshig dbang phyug kun gyi bdag /rdo rje 'dzin pa kun gyi rgyal/ /dam pa'i dbang phyug kun mchog tu/ /'dod chags chen pos grub par byed/ /las kyi tshogs rnams 'grub pa yis/ /dngos grub ma lus 'grub par 'gyur/ /rang
59b1 gzhan phyag rgya'i rnal 'byor dag /bsgrub par bya ba thams cad ni/ /don yod par ni mchog 'grub can/ /thams cad rnal 'byor 'grub byed yin/ /dam tshig sdug bsngal kun sel zhing / /dpal ldan 'da' bar dka' ba yin/ /zhes mchog tu gsang ba 'di gsungs
59b2 so//de'i rjes la oM badzra satwa hUM zhes bya ba rang gi snying gar gnas pa'i rdo rje'i dbus su bkod la rdo rje'i tshig gis brjod do/ /phyag rgya chen po bcings nas yid kyis nam mkha'i phyogs su gnas te/ a kA ro mu khaM sar+b+ba d+ham+mA NI/ Ad+ya nut+panAtwA ta ces bya ba yid kyis
59b3 brjod la/sangs rgyas kyi zhing thams cad nam mkha' lta bur bsam par bya'o/ /de nas nam mkha'i phyogs der yi ge yaM las rlung gi dkyil 'khor dang / de'i steng du baM las chu dang / de'i steng du laM las gser dang / de'i steng du baM las rgya mtsho chen po
59b4 dang /rgya mtsho chen po'i dbus su hUM suM hUM zhes bya ba las ri rab chen po sna bzhi'i rang bzhin can/ zur bzhi pa rin po che thams cad kyis nye bar spras pa bskyed la/ oM badzra dr-i D+ho me b+ha ba rak+Sha sar+b+baM swA hA/ zhes bya bas snga ma bzhin du byin gyis brlab par bya'o/ /de'i steng
59b5 du sngar bshad pa'i rdo rje 'khor los gzhal yas khang du sprul la/de'i dbus su yi ge a las seng ge'i gdan/ de'i steng du yi ge hrIHlas pad+ma rnam par bsams nas/ nam mkha'i phyogs nas babs nas seng ge'i gdan la yid kyis nub tu mngon par phyogs
59b6 par 'dug par bya'o//mdun du yi ge a las byung ba'i zla ba'i dkyil 'khor gyis gnon pa'i seng ge'i gdan de bzhin du bsams la/ badzra d+hA tu zhes brjod de/ byang chub mchog bcings nas bdag nyid rnam par snang mdzad du bskyed la/ badzra satwa zhes bya ba brjod
59b7 cing rang gi snying ga las rdo rje sems dpa' sprul la mdun na gnas pa'i seng ge'i gdan la gzhag par bya'o//badzra satwa zhes brjod cing rdo rje sems dpa'i phyag rgya chen po bcings la/ bdag nyid rdo rje sems dpar rnam par bsams la/ yi ge hUM las bdag
60a1 nyid rdo rje hUM mdzad du sprul te/rdo rje la sogs pa'i sgo bzhi oM badzra ut+ga Ta ya sa ma ya pra be sha ya hUM zhes bya ba dang yid kyis dbye bar bya'o/ /phyag rgya ni/ rdo rje mdzub mo yang dag sbyor/ /sbyar la bkan te bsdams nas su/ /rab tu
60a2 khros nas dbye ba ni//sgo dbye ba yi mchog yin no/ /zhes bya ba 'di yin no/ /de nas sa man+ta b+ha Da badzro haM zhes bya ba rang gi ming brjod cing bdag nyid rdo rje sems dpar rnam par bsams nas/ rdo rje slob dpon sems dpa' yi/ /rdo rje lcags kyu bcings nas ni/ /se
60a3 gol mang po brdab byas la//sangs rgyas thams cad bsdu bar bya/ /oM badzra satwa sa mA ya dzaHdzaHhUM baM hoHzhes brjod bzhin du'o/ /de nas rdo rje sems dpa' yi/ /phyag rgya chen po sgom byed cing / /mtshan brgya rtsa brgyad dam pa 'di/ /lan gcig rab tu brjod par bgyi/ /rdo rje sems
60a4 dpa' sems dpa' che//rdo rje de bzhin gshegs pa kun/ /kun bzang rdo rje chen po ste/ /phyag 'tshal phyag na rdo rje la'o/ /rdo rje rgyal po sangs rgyas mchog /rdo rje lcags kyu de bzhin gshegs/ /don yod rgyal po rdo rje mchog /phyag 'tshal rdo rje 'gugs khyod la'o/ /
60a5 rdo rje chags pa bde chen po/ /rdo rje mda' ni dbang byed pa'o/ /bdud kyi 'dod pa rdo rje che/ /phyag 'tshal rdo rje gzhu khyod la'o/ /rdo rje legs pa sems dpa' mchog /rdo rje mgu ba dga' ba che/ /rab dgyes rgyal po'i rdo rje mchog /phyag 'tshal rdo rje dgyes khyod
60a6 la'o//rdo rje rin chen rdo rje don/ /rdo rje nam mkha' nor bu che/ /nam mkha'i snying po rdo rje phyug /phyag 'tshal rdo rje snying khyod la'o/ /rdo rje gzi brjid cher 'bar ba/ /rdo rje nyi ma rgyal ba'i 'od/ /rdo rje 'od zer gzi brjid che/ /phyag 'tshal rdo rje 'od khyod la'o/ /rdo rje
60a7 dpal rab sems can don//rdo rje rgyal mtshan rab dga' byed/ /rdo rje chen po rin chen dpal/ /phyag 'tshal rdo rje dpal khyod la'o/ /rdo rje bzhad mo bzhad pa che/ /rdo rje 'dzum pa ngo mtshar che/ /dga' zhing rab dga'i rdo rje ston/ /phyag 'tshal rdo rje de dga' ba la'o/ /
60b1 rdo rje chos rab de nyid don/ /rdo rje pad+mo rab dga' byed/ /'jig rten dbang rab rdo rje spyan/ /phyag 'tshal rdo rje spyan khyod la'o/ /rdo rje rnon po theg pa che/ /rdo rje ral gri mtshon chen po/ /'jam dpal rdo rje rab tu zab/ /phyag 'tshal rdo rje blo khyod la'o/ /rdo rje rgyu dang
60b2 snying po che//rdo rje 'khor lo tshul chen po/ /rab bskor rdo rje las byung ba/ /phyag 'tshal rdo rje snying po la'o/ /rdo rje srung ba rang rig mchog /rdo rje bzlas pa rab bsgrub sbyin/ /mi gsungs rdo rje mchog sgrub pa/ /phyag 'tshal rdo rje gsungs khyod la'o/ /rdo rje las
60b3 rab rdo rje bka'//las kyi rdo rje kun rab sgrol/ /rdo rje nges pa rgya che ba/ /phyag 'tshal rdo rje kun khyod la'o/ /rdo rje srung ba brtan pa che/ /rdo rje go cha rab tu sra/ /brtson 'grus mchog ni thub par bka'/ /phyag 'tshal rdo rje brtson 'grus la'o/ /rdo rje gnod
60b4 sbyin thabs po che//rdo rje mche ba gtsigs pa che/ /bdud 'joms rdo rje mi bzad pa/ /phyag 'tshal rdo rje drag po la'o/ /rdo rje mtshams sbyor rab btud nyid/ /rdo rje 'ching ba rab grol byed/ /rdo rje khu tshur dam tshig mchog /phyag 'tshal rdo rje khu tshur
60b5 la'o//su zhig mi rnams 'chang ba ni/ /zhi ba brgya po rtsa brgyad 'dis/ /rdo rje ming dbang bskur la sogs/ /mchog rnams kun gyis de dbang bskur/ /gang zhig yon tan ming rnams kyis/ /rdo rje 'chang ba chen po la/ /rtag tu dbyangs kyis bstod pa ni/ /
60b6 de yang rdo rje 'chang 'drar 'gyur/ /de nas rdo rje lcags kyu la sogs pas snga ma bzhin du bcom ldan 'das rdo rje sems dpa' dgug pa dang / gzhug pa dang / bcing ba dang / dbang du byas la/ rdo rje gnod sbyin gyi phyag rgyas bgegs bsal ba byas nas/
60b7 de nyid kyis rdo rje'i ra ba dang dra ba byas te/ rdo rje khu tshur gyi dam tshig gi phyag rgyas sgo bcad cing / rdo rje gnod sbyin gyi dam tshig gi phyag rgyas bsrung ba thams cad yang dag par bsrungs nas bcom ldan 'das la phyag bya'o/ /oM badzra satwa hUM zhes bya bas mchod yon
61a1 phul la/snga ma bzhin du rang gi dam tshig gi phyag rgyas rab tu bsgrubs te/ chos dang las dang phyag rgya chen po dag gis rgyas btab nas dbang bskur la phyag bya ste/ bzlas par bya ba brjod cing yang mchod yon phul la me tog la sogs pa mchod pa'i
61a2 yo byad lngas yang dag par mchod nas/oM rdo rje sems dpa' bsdus pas na/ /rdo rje rin chen bla na med/ /rdo rje chos ni glu blangs pas/ /rdo rje las ni byed par 'gyur/ /zhes rdo rje'i glu blangs shing re re zhing rdo rje'i gar byas la/ sgeg mo la sogs pa rnam pa
61a3 brgyad kyi las kyi phyag rgya dang /badzra lA s+ya/ badzra mA le/ badzra gI ti/ badzra nri t+ya/ badzra d+hU pe/ badzra puSh+pe/ badzra A lo ke/ badzra gan+d+he zhes bya ba'i snying po dag gis yang dag par mchod par bya'o/ /de la rdo rje khu tshur gnyis las byung ba'i las kyi phyag rgya ni/ rdo rje
61a4 bsgyings pa'i tshul gyis su//bsam pa g.yo bas 'dud par bya/ /phreng ba bcing dang kha nas dbyung / /gar las thal sbyar spyi bor gzhag /'og tu ldug dang gyen du 'thor/ /mthe bo gshibs te bsgreng ba nyid/ /dris byug pa yi tshul du ni/ /mchod pa'i phyag rgyar
61a5 rab tu brtag /slob dpon gyis dbang bskur ba thob pa gang yin pa des ni rnal 'byor chen po byas la/ cho ga thams cad rjes su spyad de/ mchod pa brgyad dang / las kyi dkyil 'khor las gsungs pa'i phyag rgya'i mchod pa bcu drug gis kyang mchod par bya'o/ /bdag nyid
61a6 chen po gang gang gis//phyag rgya gang dang gang bcings pa/ /bzlas pa'i snying po'i don du ni/ /bdag nyid chen po de bsgom bya/ /zhes bya ba ni/ phyag rgya thams cad kyi dam tshig go/ /de nas chos nyid kyi nges pa ni/ /phyag rgya chen po bsgoms nas kyang / /dngos grub
61a7 thams cad bsgrub par bya//'di ni de bzhin gshegs rigs kyi/ /chos nyid dngos grub dam pa stsol/ /zhes bya ba'o/ /de'i rjes la yi ge oM las rin po che sna bdun dang dpag bsam gyi shing dang / kha zas ro brgya pa'i bkod pa sprul nas/ oM sar+b+ba 'di pU ra pU ra su ra su ra a brta
61b1 ya a brta ya ho//zhes bya ba brjod cing de dag gis yang dag par mchod par bya'o/ /phyag bzhi byas nas bcom ldan 'das kyi phyag rgya chen po bcings te/ oM badzra At+ma kou0f85haM zhes bya bas bdag nyid rdo rje'i bdag nyid can dang / oM swA b+hA ba shud+d+hou0f85haM zhes bya bas chos thams cad bdag me
61b2 d pa nyid dang /sar+b+ba sa mou0f85haM zhes bya ba brjod do/ /bdag med pa'i mnyam pa nyid kyis mdun na bzhugs pa'i bcom ldan 'das rdo rje sems dpar gyur pa dang / sems can thams cad rdo rje sems dpar gyur pa dang bcas par de nyid gcig tu gyur par bsam par b
61b3 ya'o//de nas gal te bzlas pa byed par 'dod na/ bzlas pa'i don du rang gi snying gar chud pa'i zla ba'i dbus su badzra satwa zhes bya ba'i ming bris nas/ oM badzra satwa hUM zhes bya ba rdo rje'i tshig gam yid kyis brjod cing thams cad gcig tu rdo rje'i rang bzhin gzugs
61b4 brnyan lta bu'am/tshig thams cad la so so'i bdag nyid du dmigs par bya ste/ g.yon pa'i rdo rje khu tshur gyis rdo rje bzung zhing / lag pa g.yas pas phreng ba snying gar yang dag par bzung ste/ rang gi snying ga'i zla ba'am/ lha'i thugs ka'i zla ba la bzlas
61b5 pa'i don du mu tig gi phreng ba lta bu dus mtha'i me dang 'dra ba'i 'od zer can bkod la/brgya rtsa brgyad dam stong rtsa brgyad du bzlas par bya'o/ /de nas gal te sbyin sreg byed par 'dod na/ brgya rtsa brgyad kyi bar du bzlas pa byas nas/ sbyin sreg gi cho gas sbyin sreg
61b6 bya'o//gal te phyag rgyas skyo'am rang nyid stong par 'dod na/ yi ge brgya pa yang nas yang du bzlas par bya'o/ /de de ltar ji srid skyo bar ma gyur pa de srid kyi bar du bsgom pa dang bzlas pa bya'o/ /skyo bar gyur na yang mtshan brgya rtsa brgyad pas bstod pa dang /
61b7 mchod pa dang / phyag bzhi byas nas mngon par 'dod pa'i dngos grub kyi phyir/ dge ba'i rtsa ba yongs su bsngo bar bya'o/ /badzra satwa zhes bya ba brjod cing phyag rgya bcing ba dgrol bar byas nas mchod yon phul te/ oM khyed kyis 'gro ba'i don kun
62a1 mdzad//rjes su mthun pa'i dngos grub stsol/ /sangs rgyas yul du gshegs nas ni/ /slar yang 'byon par mdzad du gsol/ /zhes bskul nas/ badzra satwa muHzhes brjod de/ 'di ltar sems dpa' rdo rje ma gyen du bkrol na bcom
62a2 ldan 'das gshegs su gsol bar 'gyur ro//ji ltar sprul pa'i bcom ldan 'das dam tshig gi phyag rgya dang / dzaHhUM baM hoHzhes brjod cing rang gi lus la bcug nas/ rdo rje srung ba dang / rdo rje gnod sbyin dang / rdo rje khu tshur dang / rdo rje las kyi phyag rgya dag
62a3 gis bdag nyid bsrung ba byas la/rdo rje sems dpa' dang / yi ge brgya pa brjod de ldang bar bya'o/ /de ltar nyin re zhing thun bzhir bya'o/ /rdo rje sems dpa' 'byung byas la/ /dge ba bdag gis gang bsags pa/ /de yid kun dga' snying po ni/ /rigs mchog rdo rje 'chang
62a4 gyur cig /bcom ldan 'das rdo rje sems dpa'i rdo rje sems dpa' 'byung ba zhes bya ba'i sgrub thabs slob dpon chen po kun dga' snying po'i zhal snga nas mdzad pa rdzogs so// //'di gzhung tshad ni brgya phrag gnyis dang / rkang pa gcig dang bcas pa yin
no/