CLOSE WINDOW

D2516
བོད་ཡིག

@##/ /rgya gar skad du/ badzra d+hA tu ma hA maN+Da lo pi ka sarba badzro dA ya nA ma/ bod skad du/ rdo rje dbyings kyi dkyil 'khor chen po'i cho ga rdo rje thams cad 'byung ba zhes bya ba/ bcom ldan 'das 'jam dpal gzhon nur gyur pa la phyag 'tshal lo//dpal rdo rje sems dpa' la phyag 'tshal lo/ /khyab bdag rdo rje sems dpa' la/ /kun nas dang bas phyag 'tshal te/ /rdo rje kun 'byung dge ba yi//dkyil 'khor cho ga bshad par bya/ /de la 'phags pa de kho na nyid bsdus pa'i rgyud chen po'i cho gas dam tshig la sogs pa thob/ rnal 'byor pa'i don du dkyil 'khor gyi cho ga bsdu bar bya'o//dang por re zhig bdag med pa la lhag par mos pas nang gi bdag nyid can gyi khrus byas la/ lkog ma'i phyogs su yi ge hrIHlas pad+ma 'dab ma brgyad pa bsams pa'i lce'i pad+ma'i 'dab mar hUM las rdo rje rtse lnga pa dkar po bskyed la/badzra dzi hwA zhes bya ba 'dis lce byin gyis brlab par bya'o/ /lag pa gnyis su yang a las zla ba'i dkyil 'khor re re bsams te/ / de gnyis kyi steng du hUM gnyis las rdo rje rtse lnga pa dkar por bsams shing / lag pa'i sor mo rnams kyang rdo rje'i rtse mor bsams la/ bgegs bsal ba la sogs pa bya'o/ /de la yang yi ge hUM las rdo rje me ltar 'bar bar bdag nyid bsams la/oM gr-ih+Na badzra sa ma ya hUM baM zhes brjod la/ khro bo ti rIn+ti ri'i phyag rgya bcing bar bya ste/ rdo rje bsdams pa nang bcing nas/ /yid kyis khros nas dgab bya ba'i/ / rdo rje mthe bong dam po ste/ /khro bo ti rIn+ti rir bshad/ /de nas rdo rje skyil mo krung phyed du 'dug la/ rdo rje ti rIn+ti rir bcing ste/ oM badzra dz+wa la a na lArka hUM/ a b+hi Shiny+tsa mAM/ zhes bya ba dang / rdo rje bsdams pa nang du bcings pa'i mthe bong gnyis gzhibs te bsgreng ba sor mo'i steng nas dgab pa'i tshul du gzhag pa 'di ni ti rIn+ti ri'i phyag rgya ste/'dis spyi bo nas brtsams nas/ phyogs ba zhir rdo rje phreng ba'i dbang bskur ba blangs la/ oM TuM zhes bya ba'i yi ge gnyis kyi go chas go bgos la/ oM badzra dz+wa la a na lArka hUM/ zhes brjod cing g.yon pa'i khu tshur snying gar bzhag nas/ g.yas pas rdo rje khu tshur gsor zhing / bgegs thams cad la bsnun par bya'o//de nas rdo rje me'i phyag rgya dang bcas pas bgegs sreg pa la sogs pa bya ste/ oM badzra dz+wa la a na la ha na da ha pa tsa ma tha b+hany+dza ra Na hUM phaT ces brjod par bya ste/ rdo rje bsdams pa nang du bcings la/ sor mo rnams nang du 'bar ba lta bur byas te/ mthe bong rdo rje sgreng ba 'di ni/ rdo rje me'i phyag rgya'o//de'i rjes la badzra Ni Ti ban+d+ha sarba big+h+nAM zhes bya ba'i phyag rgya dang ldan pas bgegs thams cad bcing bar bya'o/ /rdo rje bsdams pa bcings la mthe bong gnyis brkyang ste/ bsnyams la bzhag pa ni rdo rje spyan gyi phyag rgya'o/ /rdo rje bsdams pa brkyang las la bzhag ste/ oM badzra D+r-i D+ho me b+ha wa rak+Sha sarbAM swA hA zhes bya bas 'og bcing bar bya'o//rdo rje 'jigs byed spyan gyi phyag rgya/ oM hu lu hu lu hUM phaT ces bya ba dang bcas pas steng bcing bar bya'o/ /rdo rje khu tshur gnyis bcings la/ /mgal me'i 'khor lo bzhin du bskor te/ mgo bo'i steng du mdzub mo lcags kyu'i tshul du gzhag pa ni rdo rje 'jigs byed can gyi phyag rgya'o//rdo rje gnod sbyin gyi phyag rgya/ oM badzra yak+Sha hUM zhes bya ba dang bcas pas de'i 'og tu yang de nyid du steng bcing bar bya'o/ /rdo rje thal mo'i mthe bong gnyis brkyang la mdzub mo gnyis mche ba lta bur byas pa ni rdo rje gnod sbyin gyi phyag rgya'o/ /rdo rje gtsug tor gyi phyag rgya dang bcas pas shar phyogs bcing bar bya ste/oM druM ban+d+ha haM zhes bya ba'am/ druM zhes bya ba ni sngags so/ /rdo rje khu tshur gnyis kyi mthe'u chung lu gu rgyud du sbrel la/ mdzub mo gnyis rtse mor sbyar te/ bzlog nas spyi bor gzhag pa 'di ni rdo rje gtsug tor gyi phyag rgya'o/ /yang rdo rje zhags pas de nyid bcing bar bya ste/oM hUM badzra pA sha hrIH rdo rje khu tshur gnyis kyi mkhrig ma mdud par byas pa ni rdo rje zhags pa'i phyag rgya'o/ /rdo rje ba dan gyis nub phyogs bcing bar bya ste/ oM badzra pa taM ke pa taM ke ni ra ta/ rdo rje bsdams pa las mthe bong gnyis sems dpa'i skyil mo krung du byas pa la/mdzub mo gnyis mnyam par gshibs te/ phye la mthe'u chung gnyis ba dan ltar bya ba ni rdo rje ba dan gyi phyag rgya'o/ /phyogs dang mtshams dang steng dang 'og gi bgegs rnams tshar bcad par byas nas/ rdo rje dus kyi byang phyogs bcing bar bya ste/ hri badzra kA li ruT maT/ rdo rje gnod sbyin gyi phyag rgya nyid khar brtan par byas pa ni rdo rje dus kyi phyag rgya'o//rdo rje rtse mos lho phyogs bcing bar bya ste/ oM badzra shi kha ra ruT maT/ rdo rje khu tshur gnyis kyis ri bo 'degs pa'i tshul du bya ba ni rdo rje rtse mo'i phyag rgya'o/ /rdo rje las kyi dkyil 'khor bcing bar byas la ra ba bya'o//hUM badzra karma/ yang rdo rje hUM mdzad kyis nang du ra ba byas ste/ rdo rje khu tshur gnyis bcings la/ mkhrig ma gnyis bsnol te/ mthe'u chung gnyis kyi lcags kyu sprel la/ khams gsum rnam par rgyal ba zhes bya ba mdzub mo gnyis sdigs mdzub tu bsgreng ba ni rdo rje hUM mdzad kyi phyag rgya'o/ /'di nyid las mdzub mo dang gung mo gnyis rdo rjer byas pa ni rdo rje las kyi phyag rgya'o//rdo rje bsdams pa dang badzra ban+d+ha baM zhes bya ba 'dis rdo rje'i dra ba bya'o/ /de nas rdo rje 'khor lo'i phyag rgya dang / oM badzra tsakra hUM zhes bya bas rdo rje dbyings kyi dkyil 'khor chen po'i mdun du sprul par bya ste/ rdo rje khu tshur gnyis bcings nas//mdzub mo mthe'u chung rdo rje mdud/ /rdo rje 'khor lo zhes grags te/ /dkyil 'khor thams cad sgrub byed yin/ /'dis phyogs thams cad du g.yas phyogs nas bskor bas/ dkyil 'khor thams cad sprul bar bya'o/ /'di nyid khar gzhag la lta bzhin du/rdo rje 'khor lo'i sngags lan brgya rtsa brgyad bzlas la dkyil 'khor thams cad du zhugs par 'gyur ro/ /de nas dkyil 'khor blos mngon sum lta bur dmigs la me tog la sogs pas yang dag par mchod de/ phyogs thams cad nas dkyil 'khor lnga pa la 'dis phyag bya'o//oM sarba ta thA ga ta kA ya wAka tsit+ta pra Na me na badzra ban+d+ha naM ka ro mI/ de nas phyag bzhi bya ste/ 'di ltar shar phyogs nas rdo rje thal mo brkyang la lus thams cad phab ste/ oM sarba ta thA ga ta pu dzo pa s+tha nA ya At+mA nAM nIr+yA ta yA mi sarba ta thA ga ta badzra satwa a d+hi tiSh+Tha swa mAM zhes bya ba 'dis phyag bya'o//de nas lho phyogs nas de bzhin du gnas pa las/ rdo rje thal mo snying gar sbyar te dpral ba sa la reg par byas la/ oM sarba ta thA ga ta pU dza a b+hi She ka ya At+ma nAM nir+yA ta yA mi sarba ta thA ga ta badzra rat+na a b+hi Shiny+tsa mAM zhes bya ba 'dis phyag bya'o/ /de nas nub phyogs nas ji skad bshad pa'i rdo rje thal mo spyi bor bzhag ste/kha sa la reg pa dang / oM sarba ta thA ga ta pU dza pra brtan ya At+ma nAM nir+yA ta yA mi sarba ta thA ga ta badzra d+harma pra brta yA mAM zhes bya ba 'dis phyag bya'o/ /de nas byang phyogs nas de bzhin du gnas pa las/ rdo rje thal mo spyi bo nas phab ste/ snying gar bzhag la spyi bo sa la reg par phyag bya ste/oM sarba ta thA ga ta pU dza karma Ne At+ma nAM ni r+yA ta yA mi sarba ta thA ga ta badzra karma ku ru mAM zhes bya ba 'dis phyag bya'o/ /de nas pus mo'i lha nga gnyis sa la btsugs te rdo rje thal mo snying gar bzhag nas/ sdig pa thams cad bshags par bya ste/ phyogs bcu'i sangs rgyas dang byang chub sems dpa' rnams dang / de bzhin gshegs pa dang / rdo rje dang / rin po che dang / pad+ma dang / las kyi rigs su bzhugs pa thams cad dang / snying po dang / phyag rgya dang / gsang sngags dang / rig sngags kyi lha thams cad bdag la dgongs su gsol lo//bdag rdo rje ming 'di zhes bya ba phyogs bcu'i sangs rgyas dang byang chub sems dpa' thams cad kyi spyan snga dang / de bzhin gshegs pa dang / rdo rje dang / rin po che dang / pad+ma dang las kyi rigs su bzhugs pa thams cad dang / snying po dang phyag rgya dang gsang sngags dang rig sngags kyi lha thams cad kyi spyan sngar/sdig pa thams cad bla na med pa'i so sor bshags pas so sor bshags par bgyi'o/ /phyogs bcu na 'das pa dang / ma 'ongs pa dang / da ltar byung ba'i sangs rgyas dang / byang chub sems dpa' rnams dang / rang sangs rgyas dang 'phags pa'i nyan thos yang dag par song ba dang / yang dag par zhugs pa rnams dang / sems can thams cad kyi tshogs kyi bsod nams thams cad la rgya cher rjes su yi rang bar bgyi'o/ /phyogs bcu'i sangs rgyas bcom ldan 'das chos kyi 'khor lo bskor bar mi mdzad pa de dag thams cad la/chos kyi 'khor lo bskor bar bya ba'i phyir bskul bar bgyi'o/ /phyogs bcu'i sangs rgyas bcom ldan 'das yongs su mya ngan las 'da' bar bzhed pa gang dag yin pa de dag thams cad la mya ngan las mi 'da' bar gsol bar 'tshal lo/ / de nas me tog gi phyag rgya bcings la/ 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi me tog gi bye brag yid las byung ba'am/ chu las skyes pa'am/ thang las skyes pa gang dag yod pa de rnams 'di lta ste/ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta puSh+pa pU dza me g+ha sa mu dra s+pha ra Na sa ma ye hUM/ bdug pa'i phyag rgya bcings la 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/lha dang mi rnams kyi bdug pa'i bye brag lhan cig skyes pa'am/ yang dag par sbyar ba'am/ yongs su gyur pa can gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang phyag rgya dang / gsang sngags dang rig sngags kyi lha'i khyad par thams cad la dbul bar bgyi'o/ oM sarba ta thA ga ta d+hU pa pU dza me g+ha sa mu dra s+pha ra Na sa ma ye hUM/mar me'i phyag rgya bcings la 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na lha dang mi rnams kyi snang ba'i bye brag yid las byung ba'am/ rin po che'i 'od dam/ mar me'i snang ba la sogs pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang phyag rgya dang gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta A lo ke pU dza me g+ha sa mu dra s+pha ra Na sa ma ye hUM/ dri'i phyag rgya bcings la 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi dri'i bye brag lhan cig skyes pa'am/ yang dag par sbyar ba'am/ yongs su gyur pa can gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta gan+d+he pU dza me g+ha sa mu dra sba ra Na sa ma ye hUM/thal mo khong stong du sbyar ba bcings la 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ rin po che'i ri bo'am/ rgya mtsho'i rin po che'i tshogs gang dag yod pa de dag thams cad kyang //'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang phyag rgya dang gsang sngags dang /rig sngags kyi lha'i khyad par thams cad la dbul bar bgyi'o/ /oM sarba ta thA ga ta bo d+h+yaM ga A laM ka rat+na pU dza me g+ha sa mu dra s+pha ra Na sa ma ye hUM/ de nas bzhad pa'i phyag rgya bcings la/ 'di skad ces brjod par bya ste/ gang 'jig rten gyi khams 'di'am/gang yang phyogs bcu'i 'jig rten gyi khams thams cad na/ lha dang mi rnams kyi dgod pa dang / sgeg pa dang / dga' ba dang / rtse 'jo'i bde ba'i bye brag gang dag yong pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o//oM sarba ta thA ga ta ha s+ya la s+ya ra ti kr-I Ta sau khya a nut+ta ra pU dza me g+ha sa mu dra s+pha ra Na sa ma ye hUM/ de nas bzhad pa'i phyag rgya de nyid rdo rje thal mo bskor ba 'di spyi bor gzhag la/ yang thal mo khang stong du sbyar ba bcings nas 'di skad ces brjod par bya ste/ gang 'jig rten gyi khams 'di'am/gang yang phyogs bcu'i 'jig rten gyi khams thams cad na/ dpag bsam gyi shing ngam/ gos kyi shing gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang phyag rgya dang gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta a nut+ta ra bo d+hi a laM ka ra bas+t+ra pU dza me g+ha sa mu dra s+pha ra Na sa ma ye hUM/de nas ting nge 'dzin gyi phyag rgya bcings te sems can thams cad kyi tshangs pa chen po'i gnas bzhi thob par gyur cig /ces brjod la de 'bul te/ oM sarba ta thA ga ta tsa tur ma hA brah+ma bi hA ra pU dza me g+ha sa mu dra s+pha ra Na sa ma ye hUM/de nas bcom ldan 'das rdo rje sems pa'i las kyi phyag rgya bcings la/ sems can thams cad kyi 'khor ba'i sdug bsngal dran par byas nas/ snying rje'i dbang gis sems can thams cad bsgral ba'i phyir byang chub kyi sems bskyed de/ ma bsgal ba rnams bsgral bar bya ba'i phyir dang /ma grol ba rnams dgrol bar bya ba'i phyir dang / dbugs ma phyin pa rnams dbugs dbyung bar bya ba'i phyir dang / yongs su mya ngan las ma 'das pa rnams yongs su mya ngan las 'da' bar bya ba'i phyir dang / sems can gyi khams ma lus pa 'khor ba'i rgya mtsho las yang dag par bsgral bar bya ba'i phyir byang chub tu sems bskyed par bgyi'o//oM sarba ta thA ga ta badzra po d+hi tsit+ta pU dza me g+ha sa mu dra s+pha ra Na sa ma ye hUM/ sgeg mo'i phyag rgya bcings la 'di skad ces brjod par bya ste/ sems can thams cad yo byad thams cad kyis yang dag par 'byor cing phun sum tshogs pa thams cad 'dod pa tsam la rag lus par gyur cig /oM sarba ta thA ga ta ma hA badzrod b+ha ba dA na pA ra mi tA pU dza me g+ha sa mu dra s+pha ra Na sa ma ye hUM/ rdo rje phreng ba ma'i phyag rgya bcings la/ 'di skad ces brjod par bya ste/ sems can thams cad mi dge ba'i lus dang ngag dang yid kyi las kyi mtha' thams cad dang yang dag par bral bar gyur cig /dge ba bcu'i lus dang ngag dang yid kyi las kyi mtha' thams cad dang yang dag par ldan par gyur cig /oM sarba ta thA ga tA nut+ta ra ma hA bo d+hi hA ra shI la pA ra mi tA pU dza me g+ha sa mu dra s+pha Na sa ma ye hUM/rdo rje glu mkhan ma'i phyag rgya bcings la 'di skad ces brjod par bya ste/ sems can thams cad mtshan dang dpe byad thams cad kyis lus la yang dag par brgyan par byas pa dang / rtag tu phan tshun 'jigs pa med pa dang / zhe 'gras pa med par zhugs shing /mig dang yid mngon par dga' ba dang / chos zab mo la bzod pa dang ldan par gyur cig /oM sarba ta thA ga ta a nut+ta ra ma hA d+harma a ba bo d+hi k+Shan+ti pA ra mi ta pU dza me g+ha sa mu dra s+pha ra Na sa ma ye hUM/ rdo rje gar mkhan ma'i phyag rgya bcings la/ 'di skad ces brjod par bya ste/ sems can thams cad byang chub sems dpa'i spyod pa la mngon par brtson pa dang ldan pa dang / sangs rgyas nyid du yongs su gzhol zhing / 'khor ba yongs su mi spong ba'i brtson 'grus dang ldan par gyur cig /oM sarba ta thA ga ta san sA ra a pa ri t+yaM kU nut+ta ra ma hA bIr+ya pA ra mi ta pU dza ma g+ha sa mu dra s+pha ra Na sa ma ye hUM/me tog gi phyag rgya bcings la 'di skad ces brjod par bya ste/ sems can thams cad nyon mongs pa dang nye ba'i nyon mongs pa rnams dang bral bar gyur cig /bsam gtan dang rnam par thar pa dang / ting nge 'dzin dang snyoms par 'jug pa dang /mngon par shes pa rnams dang / rigs pa thams cad dbang du gyur pa phun sum tshogs par gyur cig /oM sarba ta thA ga tA nut+ta ra sau k+Sha bi ha ra d+h+ya na pA ra mi tA pU dza me g+ha sa mu dra s+pha ra Na sa ma ye hUM/ bdug spos kyi phyag rgya bcings la/'di skad ces brjod par bya ste/ sems can thams cad 'jig rten dang 'jig rten las 'das pa'i shes rab dang / ye shes rnams dang yang dag par ldan par gyur cig /so so yang dag par rig pa bzhi thob ste/ bzo dang bstan bcos thams cad shes shing sgyu rtsal dang ldan la/gsang ba'i cho ga shes pa dang / de kho na nyid mthong ste nyon mongs pa dang / nye ba'i nyon mongs pa dang / shes bya'i sgrib pa thams cad yang dag par gcod pa'i ye shes thob par gyur cig /oM sarba ta thA ga tA nut+ta ra kle sha ts+tshe da sarba d+harmAH sa man+ta dz+nyA na ma hA pradz+nyA pA ra mi ta pU dza me g+ha sa mu dra spa ra Na sa ma ye hUM/lus kyis bsnyen bkur bya ba'i phyir/ bdag nyid phyogs bcu'i 'jig rten gyi khams ma lus pa'i de bzhin gshegs pa thams cad kyi zhabs drung du phyin par lhag par mos par byas la/ oM sarba ta thA ga ta kA ya ni r+yA ta na pU dza me g+ha sa mu dra s+pha ra Na sa ma ye hUM/thams cad du lce brgya stong phrag snyed kyi sgo nas mnyam med mi g.yo zhes bya ba la sogs pa'i bstod pas mchod par lhag par mos par byas la/ oM sarba ta thA ga ta wAka nir+yA ta na pU dza me g+ha sa mu dra s+pha ra Na sa ma ye hUM/ byang chub sems dpa' thams cad dang bsam pa gcig pa'i sbyor bas/chos thams cad mnyam pa nyid la lhag par mos par byas la/ oM sarba ta thA ga ta tsit+ta ni r+yA ta na pU dza me g+ha sa mu dra s+pha ra Na sa ma ye hUM/ chos thams cad ni dngos po med pa'i ngo bo nyid dang / stong pa nyid dang / mtshan ma med pa dang /smon pa med pa'i rnam par lhag par mos par byas la/ oM sarba ta thA ga ta gu h+ya pU dza me g+ha sa mu dra s+pha ra Na sa ma ye hUM/ zhes brjod par bya'o/ /de ltar mchod pa rnam pa nyi shus de bzhin gshegs pa thams cad la yang dag par mchod la/ bdag nyid dbul bar bya ste/ /sangs rgyas dang byang chub sems dpa' thams cad la bdag nyid 'bul gyis/ bdag dus thams cad dang / rnam pa thams cad du so sor bzhes su gsol/ thugs rje chen po dang ldan pa'i mgon po khyed rnams kyis dam tshig chen po'i dngos grub bdag la stsal du gsol zhes brjod la/dge ba'i rtsa ba de yang sems can thams cad dang thun mong du byas te/ dge ba'i rtsa ba 'di dag gis bdag dang sems can thams cad 'jig rten dang 'jig rten las 'das pa'i rgud pa thams cad dang bral bar gyur cig /'jig rten dang 'jig rten las 'das pa'i phun sum tshogs pa thams cad dang yang dag par ldan pa'i bde ba nyid dang yid bde ba nyid kyis mi'i mchog sangs rgyas su tshe 'di nyid la gyur cig /bdag gi dge ba'i las rnams 'di dag gis/ /'jig rten du ni myur du sangs rgyas shog /'gro la phan phyir chos rnams ston bgyid cing / /sems can sdug bsngal mang pos gzir las sgrol/ /zhes bla na med pa yang dag par rdzogs pa'i byang chub tu yongs su bsngos la/ sdom pa gzung bar bya ste/ ji ltar dus gsum mgon po rnams//byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ / bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spong ngo / /rdo rje rigs mchog chen po yi/ /rdo rje dril bu phyag rgya yang / /yang dag nyid du gzung bar bgyi//slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin ni dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba theg pa gsum//dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed bgyis nas//sems can kun gyi don gyi phyir/ /bdag gis sdom pa ma lus gzung / /ma grol ba ni dgrol bar bgyi/ /ma bskal ba ni bsgral bar bgyi/ /dbugs ma dbyung ba dbugs dbyung zhing / /sems can mya ngan 'das la dgod/ /ces brjod do/ /de nas gzugs brnyan la sogs pa'i sbyor bas/phyag rgya bcing ba sngon du 'gro ba dang / cho ga thams cad rjes su spyad par bya ste/ /thal mo dam du bsdams pa las/ /sor mo thams cad bsnol ba ni/ /rdo rje thal mor bka' stsal te/ /rab tu bsdam phyir rdo rje bsdams/ /badzra any+dza li zhes bya ba ni rdo rje thal mo'i sngags so//badzra ban+d+ha zhes bya ba ni rdo rje bsdams pa ste/ badzra ban+d+ha traT ces brjod cing snying gar lan gsum dral bar bya'o/ /badzra A be sha aHzhes bya bas rdo rje dbab pa'i dam tshig gi phyag rgya bcings la/ aHzhes bya bas bdag nyid la dbab par bya'o/ /babs pa de yang 'dis brtan par bya'o//tiSh+Tha badzra dr-i D+ho me b+ha ba/ shA shwa to me b+ha ba/ hr-i da ya me/ a d+hi tiSh+Tha sarba sid+d+him+me pra yats+tsha hUM ha ha ha ha ho/ /badzra muSh+Ti zhes bya ba dang / dam tshig gi rdo rje khu tshur bcings la 'di skad ces brjod par bya'o/ /oM badzra muSh+Ti baM/ de'i rjes la/ oM sarba pA paM A kaR+Sha Na bi sho d+ha na badzra sa ma ya hUM phaT/ces bya ba dang phyag rgya dang bcas pas ngan 'gro thams cad dgug par bya'o/ /rdo rje phyag rgya gnyis nang du/ /mdzub mo gnyis ni bcings nas su/ /legs par gyen du 'phangs pa ni/ /ltung ba slong ba'i dam pa'o/ /oM badzra pA Ni bi s+pho Ta ya/ sarba a pa ya/ban+d+ha ni prA mo k+Sha ya/ sarba a pa ya/ ga te b+h+yaH sarba satwAM/ sarba ta thA ga ta badzra sa ma ya tra T+wa/ ces brjod cing sdig pa dral ba'i phyag rgya bcings la/ sdig pa thams cad dral bar bya'o/ /rdo rje bcings pa bsdam byas te/ /gung mo gnyis ka sbyar nas ni/ / tha ma bzhi yi rtse mo sbyar/ /sdig pa 'joms par grags pa yin/ /de nas rnam par snang mdzad la sogs pa'i dam tshig gi phyag rgya bcings la/ de rnams kyi sngags lan bdun bdun brjod de/ 'dis rang gi snying gar dgrol bar bya'o/ /oM badzra muH de ltar byas pas phyag rgya thams cad dbang du byas par 'gyur ba dang /'di byas pas rnal 'byor pa bskal pa gsum gyis nges par 'byung ba'i byang chub sems dpa' dang 'dra bar 'gyur ro/ /de nas rang gi snying gar gnas pa'i rdo rje'i dbus su rang gi lha'i snying po dam tshig gis bris la/ chos thams cad bdag med par bsgom par bya'o//de nyid dbyangs kyi yi ge bcu drug dang bcas pa/ zla ba'i dkyil 'khor gyi rnam par yongs su gyur par bsams la/ yang de'i steng du de nyid dang / yi ge ka la sogs pa skar ma'i rnam pa lta bu yongs su gyur pa las/ zla ba'i dkyil 'khor chen po'i gzugs can gnyis pa nyid du bsam mo//de las byung ba gang yin pa de la ni/ yang de'i snying po dang bcas pa las rdo rje rtse lnga pa 'od zer gyi phreng ba dang bcas par bsam mo/ /gzhan dag gi ni rdo rje las byung ba'i rang gi phyag rgya'o/ /de nas rang gi phyag rgya'i dbus su rang gi snying po bkod la/rang gi phyag rgya'i nga rgyal du bsgom par bya ste/ gaN+Dau0f85haM zhes bya ba nas/ badzrou0f85haM zhes bya ba'i bar du'o/ /rang gi snying po yang bzlas shing / /de bzhin gshegs pa thams cad kyi sku dang gsung dang thugs rdo rje'i dbyings rang gi ph yag rgyal zhugs par bsam mo//de nas badzra d+hA tu zhes zlos shing phyag rgya'i gzugs de sems dpar byin gyis rlob pa'i sbyor bas/ rdo rje sems dpar bsgoms la/ snyems pa dang bcas pas rdo rje gsor zhing / badzra satwa haM zhes brjod par bya'o/ /de nas rang gi sngags kyis rang gi lha'i sku de nyid du bsams la/'di skad ces brjod do/ /ma hA sa ma ya satwa haM/ rang gi dam tshig gi phyag rgya bcings la/ 'di skad ces brjod par bya ste/ sa ma you0f85haM/ de nyid kyis snying ga dang / dpral ba dang / lkog ma dang / spyi bo rnams byin gyis b rlab par bya'o//sa ma ya satwa a d+hi tiSh+Tha swa maM/ de nas rang gi lha'i phyag rgya chen po bcings la/ rang rang gi snying po dang / sngags kyang bzlas par bya'o/ /yang rang gi snying ga'i zla bar rdo rje glu'i las kyi phyag rgyas rdo rje dbyings kyi dkyil 'khor chen po sprul la/ sa ma ya s+t+waM zhes brjod de/ rdo rje sems ma'i phyag rgya bcings la/ de nyid gung mo gnyis kyis phreng ba blang ste/ sa ma ya hUM zhes bya ba 'dis/ rang gi snying gar gnas pa'i dkyil 'khor du 'jug par bya zhing / phreng ba de yang pra tIts+tsha badzra ho zhes bya ba 'dis rang gi spyi bor dor bar bya'o//de nas phreng ba de oM pra ti gr-ih+Na swa mi maM satwa ma hA ba la zhes bya ba 'dis rang gi mgo la bcing bar bya'o/ /de nas oM badzra satwa sa yan te ha tsa k+ShU da g+ha Ta tang par/ ung g+ha Ta ya ti sarba ak+Sho/ badzra tsak+Shur nut+ta ra he badzra pA sh+ya zhes bya ba 'dis gdong g.yogs dgrol bar bya'o//de nas rdo rje lcags kyu nas brtsams te/ bcom ldan 'das rnam par snang mdzad kyi bar du/ rang gi lus la gnas pa'i dkyil 'khor blta bar bya'o/ /yang rdo rje sems dpa'i phyag rgya bcings la/ tiSh+Tha badzra zhes zlos zhing snying gar dgrol bar bya'o/ / de nas rdo rjes byin gyis brlabs pa'i bum pa las rdo rje khu tshur gyis chu blangs la/ badzra a b+hi Shiny+tsa zhes bya ba 'dis chus dbang bskur ba blang bar bya'o/ /de nas sangs rgyas lnga'i cod pan dang dar dpyangs kyis dbang bskur ba rdo rje dbyings kyi dbang phyug ma la sogs pas blang bar bya ste/rdo rje thal mo las byung ba/ /mthe bong gnyis ni bsnol byas la/ /mdzub mo'i rtse mo bkug nas ni/ /gung mo bsnyams pa'i tshigs su sbyar/ /rdo rje dbyings kyi dbang mor bshad/ /ces bya ba 'di dang / oM badzra d+hA twI shwa ri hUM badzri NI a b+hi Shiny+tsa mAM zhes bya bas spyi bor rnam par snang mdzad sku mdog dkar po byang chub mchog gi phyag rgyas bzhugs par bsam par bya'o//de nyid las dbu ma rdo rjer byas pa 'di dang / oM badzra badzri Ni hUM zhes bya ba 'dis/ dpral ba'i steng du mi bskyod pa sku mdog sngon pos gnon gyi phyag rgyas bzhugs par bya'o/ / gung mo gnyis bkug ste rin po che 'dra bar byas pa 'di dang / oM rat+na badzri Ni hUM zhes bya bas rna ba g.yas pa'i steng du rin chen 'byung ldan sku mdog ser po mchog sbyin pa'i phyag rgya can bsam mo/ /gung mo dang srin lag dang mthe'u chung pad+ma 'dra bar byas pa 'di dang / oM d+harma badzri Ni hUM zhes bya ba 'dis/ltag par 'od dpag tu med pa sku mdog dmar po ting nge 'dzin mchog gi phyag rgya can bsam mo/ /sor mo brkyang ba 'di dang / oM karma badzri Ni hUM a b+hi Shiny+tsa mAM zhes bya ba 'dis/ rna ba g.yon pa'i steng du don yod grub pa sku mdog ljang gu mi 'jigs pa sbyin pa'i phyag / rgyas bzhugs par bsam par bya'o/ /'di thams cad kyang rdo rje dbyings kyi dbang phyug ma'i phyag rgya las byung ba yin no/ /de'i rjes la oM TuM zhes bya ba dang / rdo rje khu tshur gnyis kyis snying gar mdud pa bcing pa'i tshul gyis go bgo bar bya zhing / de bzhin du mgrin pa dang / ltag pa dang /snying ga dang / nu ma'i bar dang / yang snying ga dang / mgrin pa dang / rgyab dang dpral ba'i steng du mdud la/ dar dpyangs bcing ba'i tshul du byas te/ sgeg pa dang bcas pas tha ma la sogs pa nas bkrol te/ mthar mnyam pa'i thal mo dang / badzra tu Sh+ya ho zhes bya bas mnyes par bya'o//de nas/ sangs rgyas rnams kyi rdo rje'i dbang / /de ring khyod la bskur bar bya/ /sangs rgyas kun du rab bsgrub phyir/ /rdo rje 'di ni khyod kyis long / /oM badzra a d+hi pa ti twaM a b+hi Shiny+tsA mi tiSh+Tha badzra sa ma ya s+t+waM zhes bya ba 'dis rang gi rdo rje'i dbang bskur ba blang bar bya'o/ /rang gi rdo rje zhes bya ba ni de bzhin gshegs pa'i rdo rje ni sor bcu gnyis pa rtse mo lnga pa gser la sogs pa las byas pa'o//rdo rje 'chang chen po'i rdo rje ni tshad nges pa med de/ rtse mo lnga pa cung zad gyes pa 'od zer dang bcas pa/ cha gsum pa'i chang zung can/ pad+ma rA ga la sogs pa las bya'o/ / rdo rje rgyal po la sogs pa'i yang de nyid yin no/ /rdo rje gnod sbyin dang rdo rje hUM mdzad kyi ni gnam lcags shin tu sbyangs pa las byas pa/ sor bcu gnyis pa'i tshad la rtse mo lnga po rno ba/ rdo rje de yang chang zung cha gsum pa dang ldan pa yin no/ /rdo rje ming gi dbang bskur ba yang / rdo rje de rang gi mgo bor gzhag la/oM badzra satwa twaM a b+hi Shiny+tsA mi badzra nA ma a b+hi She ka ta/ kye rdo rje che ge mo zhes bya ba 'dis blang bar bya ste/ rang gi ming gang yin pa de la kye zhes bya ba dang sbyar bar bya'o/ /de nas/ 'di de sangs rgyas thams cad de/ /phyag na rdo rje'i lag na 'dug /khyod kyis kyang ni rtag tu bcang / /phyag na rdo rje'i brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha/ e Sha twaM/ d+ha ra yA mi badzra satwa hi hi hi hi hUM zhes bya ba 'dis/ rdo rje'i brtul zhugs blang bar bya'o/ /de ltar bdag byin gyis brlab pa la sogs pa byas nas bsgrub par bya'o//de la dang por re zhig rang gi snying gar zla ba'i dkyil 'khor de gcig tu gyur par bsam mo/ /de nas rang gi lus la sa ma ya a zhes zlos shing / lha thams cad kyi gnas su zla ba'i dkyil 'khor bskyed la/ rang gi gnas na gnas pa'i zla ba'i dkyil 'khor gyi steng du yang rdo rje sems dpa'i phyag rgya chen po bcings te/sngags de nyid kyis mdun gyi nam mkha'i phyogs su zla ba'i dkyil 'khor de'i steng du/ badzra satwa a zhes bya ba 'dis rdo rje'i bdag nyid du dbab par byas nas/ badzrou0f85haM zhes bya ba 'dis d e'i nga rgyal yang bsgoms la/badzra satwA haM zhes bya bas de nyid rdo rje sems dpa' sku mdog dkar por bsam mo/ /de la de nyid du rdo rje lcags kyu la sogs pas/ dgug pa dang / gzhug pa dang / bcing ba dang / dbang du byas la/ bcom ldan 'das rdo rje sems dpa' rang gi dam tshig gi phyag rgya dang /badzra satwa dr-i sh+ya zhes bya ba 'dis blta bar bya'o/ /yang dam tshig gi phyag rgya de nyid dang / dzaHhUM baM hoH zhes brjod pas/ rang gi snying ga'i zla bar/ dgug pa dang / gzhug pa dang / bcing ba dang dbang du bya'o/ /sa ma ya s+t+waM zhes brjod pas/ rgyab tu zla ba grub nas ni//sa ma ya s+t+waM a haM zhes brjod pas/ der bdag sems dpa'i lus su bsgom/ badzra satwa zhes bya ba'i snying po dang / oM badzra satwa hUM zhes bya ba'i sngags kyang brjod par bya'o/ /de bzhin du rdo rje rgyal po la sogs pa'i phyag rgya chen po bcings la/ de phyag rgya'i gzugs kyis bdag nyid du snying po 'dis dbab par bya'o//badzra rA dza a/ badzra rA ga a/ badzra sA d+hu a/ badzra rat+na a/ badzra te dza a/ badzra ke tu a/ badzra hA s+ya a/ badzra d+harma a/ badzra tIk+Sh+Na a/ badzra he tu a/ badzra b+hA Sha a/ badzra karma a/ badzra rak+Sha a/ badzra yak+Sha a/badzra san+d+hi a/ badzra lA s+ya a/ badzra mA le a/ badzra gI ti a/ badzra nIrti a/ badzra d+hU pa a/ badzra puSh+pA+e a/ badzra A lo ke a/ badzra gan+d+he a/ badzra aM ku sha a/ badzra pA sha a/ badzra s+pho Ta a/ badzra A be sha a/ de nas de rnams kyi phyag rgya'i nga rgyal bsgom par bya ste/ oM ku sho haM/ sha ro haM/ tuSh+Ti ra haM/ rat+na ma haM/ badzra sU r+yo haM/ ke tu ra haM/ smi ta ma haM/ pad+mo haM/ khaDa go haM/ tsakra ma haM/ dzi hwA haM/ karma badzro haM/ ba ra mo haM/ daM Sh+To haM/ mu Sh+Ti ra haM/ badzra dwa ya ma haM/ rat+na mA la haM/ bI na haM/ badzra nri t+ya ka ra pal+la bo haM/ d+hU po haM/ puSh+po haM/ dI po haM/ g+han+d+ho haM/ aM ku sho haM/pA sho haM/ s+pho To haM/ g+haN+To haM/ phyag rgya'i gzungs de yang rang rang gi lha'i skur bsgom par bya ste/ badzra rA dzo haM/ badzra rA go haM/ badzra sA d+hu ra haM/ badzra gar+b+ho haM/ badzra pra b+ho haM/ badzra yaSh+Ti ra haM/ badzra prI ti ra haM/ badzra Ne tro haM/ badzra bud+d+hi ra haM/ badzra maN+Do haM/ badzra pA tsa haM/ badzra bi shwa haM/badzra bI r+yo haM/ badzra tsaN+do haM/ badzra muSh+Ti ra haM/ badzra lA s+ye haM/ badzra mA le haM/ badzra gI ti haM/ badzra nI rti haM/ badzra d+hU po haM/ badzra puSh+po haM/ badzra dI po haM/ badzra gan+d+ho haM/ badzra aM ku sho haM/ badzra pA shA+o haM/ badzra s+pho To haM/ badzra g+hanoT haM/ de nas rdo rje lcags kyu la sogs pa'i las kyi phyag rgya dang /snying po 'di rnams kyis 'di nyid du dgug pa dang / gzhug pa dang / bcing ba dang dbang du bya ba'o/ /badzra aM ku sha dzaHbadzra pA sha hUM/ badzra s+pho Ta baM/ badzra gaN+De a/ de nas rang rang gi dam tshig gi phyag rgya bcings la/ snying po 'di rnams kyis blta bar bya ste/badzra rA dze dr-i sh+ya/ badzra rA ga dr-i sh+ya/ badzra satwa dr-i sh+ya/ badzra rat+na dr-i sh+ya/ badzra te dza dr-i sh+ya/ badzra ke tu dr-i sh+ya/ badzra hA sa dr-i sh+ya/ badzra d+harma dr-i sh+ya/ badzra tIk+Sh+Na dr-i sh+ya/ badzra he tu dr-i sh+ya/ badzra b+hA Sha dr-i sh+ya/ badzra karma dr-i sh+ya/ badzra rak+Sha dr-i sh+ya/ badzra yak+Sha dr-i sh+ya/ badzra san+d+hi dr-i sh+ya/ badzra lA se dr-i sh+ya/ badzra mA le dr-i sh+ya/ badzra gI ti dr-i sh+ya/ badzra nr-i ti dr-i sh+ya/ badzra d+hU pe dr-i sh+ya/ badzra puSh+pe dr-i sh+ya/ badzra A lo ke dr-i sh+ya/ badzra gan+d+he dr-i sh+ya/ badzra aM ku sha dr-i sh+ya/ badzra pA sha dr-i sh+ya/ badzra s+pho Ta dr-i sh+ya/ badzra A be sha dr-i sh+ya/ /de nas rang gi dam tshig gi phyag rgya de rnams nyid dang /dzaHhUM baM hoH/ zhes brjod la/ gnas ji lta bar dgug pa dang / gzhug pa dang / bcing ba dang / dbang du bya ba'o/ /sa ma ya s+t+waM zhes brjod pas/ rgyab tu zla ba grub nas ni/ /sa ma ya s+t+waM a haM zhes brjod do/ /der bdag sems dpa'i lus su bsgom/ / de la snying ga'i g.yas su ni rdo rje rgyal po gser gyi mdog can/ g.yon phyogs su ni chags pa sku mdog dmar po/ snying ga'i rgyab tu ni legs pa sku mdog ljang gu/ dpral bar ni rin chen sku mdog ser po/ mgo bo'i rgyab tu rdo rje gzi brjid nyi ma'i mdog can/ phrag pa gnyis su ni rdo rje dpal nam mkha'i mdog can/so'i phreng ba gnyis su ni bzhad pa dung dang pad+ma'i rtsa ba ltar dkar ba/ lkog mar ni chos dkar dmar/ nu ma gnyis kyi bar du ni rnon po nam mkha' ltar sngo bsangs/ lte bar ni rdo rje rgyu gser gyi mdog can/ lce la ni smra ba zangs kyi mdog can/ spyi bor ni rdo rje las sna tshogs pa'i mdog can/ nam tshong du rdo rje srung ba gser gyi mdog can/ khar ni rdo rje gnod sbyin nag po/ dku gnyis su ni khu tshur ser po/ rdo rje sems dpa'i g.yon phyogs su ni sgeg mo dkar ba/ rdo rje rin chen gyi g.yon phyogs su ni phreng ba ma ser po/ rdo rje chos kyi g.yon phyogs su ni glu mkhan ma dkar dmar/rdo rje sna tshogs kyi g.yon logs su ni gar mkhan ma ljang gu/ sgrub pa po'i gsang ba'i gnas kyi phyogs su ni bdug pa ma sku mdog dkar mo/ mgo bor ni me tog ma ser mo/ mig gnyis su ni mar me ma dmar skya/ /nu ma dang brang dang snying gar ni byug pa ma ljang gu/lag pa g.yas su ni lcags kyu ma dkar po/ lag pa g.yon par ni zhags pa ma ser po/ byin pa g.yas par ni lcags sgrog ma dmar skya/ byin pa g.yon par ni dril bu ma ljang gu'o/ /de nas 'di rnams kyi snying po dang sngags ni 'di yin te/ badzra rA dza/oM badzra rA dza dza/ badzra rA ga /oM badzra rA ga ho/ /badzra sA d+hu/ oM badzra sA d+hu sa/ badzra rat+na/ oM badzra rat+na oM/ badzra te dza/ oM badzra te dza a/ badzra ke tu oM badzra ke tu traM/ badzra hA s+ya/ /oM badzra hA s+ya ha/ badzra d+harma/ oM badzra d+harma hriH/ badzra tIk+Sh+Na/ oM badzra tIk+Sh+Na d+haM/ badzra he tu/oM badzra he tu maM/ badzra b+hA Sha/ oM badzra b+hA Sha raM/ badzra karma/ oM badzra karma kaM/ badzra rak+Sha/ oM badzra rak+sha haM/ badzra yak+sha/ oM badzra yak+sha hUM/ badzra san+d+hi/ oM badzra san+d+hi baM/ badzra lA s+ye/ oM badzra lA s+ye hUM/ badzra mA le/ oM badzra mA le trAM/ badzra gI ti/ oM badzra gI ti hrIH/badzra nr-i ti/ oM badzra ni rti a/ badzra d+hU pe/ oM badzra d+hU pe hUM/ badzra puSh+pe/ oM badzra puSh+be trAM/ badzra A lo ke/ oM badzra A lo ke hrIMH/ badzra gan+d+he/ oM badzra gan+d+he A/ badzra aM ku sha /oM badzra aM ku sha dzaH/ badzra pA sha /oM badzra pA sha hUM/ badzra s+pho Ta/ oM badzra s+pho Ta baM/ badzra A be sha /oM badzra A be sha a/ de nas rang gi lus dang rdo rje sems dpa' la sogs pa'i sku la/ rdo rje bsdu ba'i phyag rgya bcings te/ dzaHhUM baM hoH/ zhes brjod de/ yid kyis legs par sbyor ba yis/ /sangs rgyas thams cad gzhug par bya/ /de nas sbyor ba 'dis de rnams rang gi dam tshig dang /chos dang / las dang / phyag rgya chen pos rgyas gdab par bya'o/ /rdo rje dbyings kyi dam tshig gi phyag rgya bcings la/ badzra d+hA tu dr-i sh+ya/ dzaHhUM baM hoH/ sa ma ya s+t+waM/ sa ma ya s+t+waM/ a haM zhes brjod do/ /de nas badzra d+hA tu zhes lan gsum brjod la/ oM sarba ta thA ga ta ma hA yo gI shwa ra hUM zhes bya ba bcom ldan 'das rnam par snang mdzad kyi sngags lan gsum du brjod par bya'o//de bzhin du mi bskyod pa dang / rin chen 'byung ldan dang / 'od dpag tu med pa dang / don yod grub pa'i phyag rgya bcings la/ 'di skad brjod de/ badzra d+hA tu dr-i sh+ya dzaHhUM baM hoH//sa ma ya s+t+waM/ sa ma ya s+t+waM/ a haM zhes bya ba dang / badzra d+hA tu zhes bya ba'i spyi'i snying po lan gsum gsum brjod par bya zhing / oM badzra satwa hUM zhes bya ba mi bskyod pa'i snying po dang / oM badzra rat+na trAM zhes bya ba rin chen 'byung ldan gyi snying po dang / oM badzra d+harma hrIHzhes bya ba 'od dpag tu med pa'i snying po dang /oM badzra karma kaM zhes bya ba don yod grub pa'i snying po yang lan gsum brjod par bya'o/ /de nas chos dang las dang phyag rgya chen po la sbyar bar bya'o/ /de'i rjes la satwa badzri a d+hi tiSh+Tha swa mAM zhes bya bas snying ga dang /mdzod spu dang / lkog ma dang / spyi bo byin gyis brlabs la/ rdo rje sems dpa' la sogs pa'i thugs ka'i zla ba la/ rdo rje rtse lnga pa'i gzugs su bsam par bya'o/ /rat+na badzri a d+hi tiSh+Tha sra mAM zhes bya bas/ rdo rje rin chen ma ni dbang bskur ba'i gnas su rin po che'i rnam par ro//d+harma badzra a d+hi tiSh+Tha swa mAM zhes bya bas rdo rje chos ma lkog ma'i phyogs su rdo rje pad+ma'o/ /karma badzri a d+hi taSh+Thi swa mAM zhes bya bas rdo rje las ma spyi bor sna tshogs rdo rje'i phyag rgya dang ldan par bskyed par bya'o/ /de bzhin gshegs pa'i zlos pa pos ni/ mngon par byang chub pa lnga'i rim pas de bzhin gshegs pa'i phyag rgya chen po bskyed nas/cho ga thams cad rjes su spyad par bya'o/ /de nas rdo rje dbyings kyi dbang phyug ma'i phyag rgya bcings la/ snying ga dang / mdzod spu dang / lkog ma dang / spyi bor byin gyis brlab po/ /de nas dam tshig gi phyag rgya rnams 'byung ste//dam tshig phyag rgya thams cad ni/ /rdo rje bsdams las byung bas na/ /de dag bsdams pa rdo rje yi/ /bsdams pa bla med bshad par bya/ /rdo rje bsdams pa dam byas la/ /gung mo myu gu ltar bsnyams bsgreng / /gung mo nang du gzhibs pa ni/ /sangs rgyas gnyis pa yin par bshad//gung mo rin chen 'dra ba dang / /gung mo pad+mo 'dra bar dgug /sangs rgyas lnga pa'i phyag rgya ni/ /de bzhin mdzub mo bkug pa'o/ /de nas de bzhin gshegs pa yi/ /rigs kyi dam tshig 'dzin pa yis/ /phyag rgya bsdams dang dngos grub dang / las rnams yang dag bshad par bya/ /zla ba lta bu'i lag gnyis kyis/ /gung mo btang bar gyur pa yi/ /mthe bong mthe'u chung so sor bsgreng / /sems dpa'i rdo rje bsgreng rdo rje/ /mdzub mo lcags kyu mdzub mo sbyar/ /legs so sbyin pa 'dra ba ni/ /rdo rje sems dpa' bzhi po yi//phyag rgya mang po'i dngos grub 'di/ /mthe bong gzhibs te mdzub gnyis bcag /rtse sprad rdo rje rin chen yin/ /de nyid gung mo srin lag dang / /mthe'u chung rnams ni bsnol brkyang pa'o/ /de las srin lag mthe'u chung gnyis/ /mnyam par gzhibs pa rgyal mtshan no/ / de nyid las ni bskor nas kyang / /kha yi phyogs su gzhag pa'o/ /mthe bong gnyis ka mnyam par gzhibs/ /mdzub mo gnyis ka bkug pa dang / /gung mo bsgreng ba'i rtse mo dgug /de nyid rdo rje ral gri'o/ /de nas srin lag mthe'u chung gzhibs/ /'khor lo yin par bshad pa yin//bsdams pa mthe bong gnyis bkrol ba/ /bkan te kha phyogs bzhag pa'o/ /mthe bong mthe'u chung rtse sprad bskyed/ /las kyi rdo rje yin par bshad/ /de las mdzub mo gnyis gzhibs la/ /snying gar bkan te bzhag pa'o/ /mdzub mo rtse mo gnyis bkug la//mthe'u chung brkyang ba mche ba'o/ /mthe'u gnyis par mthe bong gnyis/ /mdzub mo gnyis kyis btsir ba'o/ /snying gar mthe bong mnyam la bzhag/ /rab tu brkyang ba phreng ba'o/ /thal mo sbyar rtse kha nas dbyung / /gar la thal sbyar spyi bor gzhag/ /rdo rje bcings pa thur du blugs//thal mo sbyar ba gyen du gtor/ /mthe bong mnyam ste rab tu bsdams/ /rab tu brkyang nas byug pa'o/ /mdzub mo gcig po bkug pa dang / /mthe bong gnyis ni mdud pa bor/ /mthe bong mdzub mo gdu bur bcings/ rdo rje bcing ba mdzub mor bsdams/ / zhes bya ba yin te/ sems dpa' rnams kyi dam tshig gi phyag rgyal yang / rang gi snying gar yi ge hUM las rdo rje rtse lnga pa bskyed la sbyar bar bya'o/ /de nas de bzhin gshegs pa la sogs pa'i ljags la/ chos kyi phyag rgya dgod par bya ste/ badzra dz+nyA na zhes bya ba ni sangs rgyas rnams kyi yin no//sa ma ya s+t+waM/ A na ya swa/ a ho su kha/ sA d+hu sA d+hu/ su ma hAd traM/ rU po d+yo ta/ ar+tha pra pa ti/ ha ha hUM he/ sarba kA ri/ duHkha ts+tshe da/ bu d+d+ha bo d+hi/ pra ti shap+da/ su ba shi s+t+waM/ nir b+ha ya s+t+waM/ sha truM ba k+Sha/ sarba sid+d+hi/ ma hA ra ti/ ru pa sho b+he/ shro tra sau/ khye/ sarba pA dze/ pra hA da ni pha la gA mi/ su te dzA gri/ su gan d+hAM gi/ a ya hi dzaH/ a ya hi hUM hUM/ he s+pho Ta baM/ g+ha N+Ta a a/ zhes bya ba thams cad ni/ chos kyi phyag rgya yin te/ snga ma bzhin du lce la rdo rje bsams la sbyar bar bya'o/ /de nas las kyi phyag rgya bcing ba 'byung ste/rdo rje khu tshur dam bcings te/ mnyam par gzhag pa gnyis su bya/ /rdo rje phyag rgya gnyis bcings te/ /de nas bcings pa rab tu bshad/ /g.yon pa rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya che/ / sangs rgyas byang chub sbyin byed pa'o/ /mi g.yo ba yi sa reg pa/ /rin chen gyi ni mchog sbyin pa'o/ /tshe dpag med pa'i ting 'dzin mchog /gdon mi za ba'i mi 'jigs sbyin/ /de nas las kyi phyag rgya rnams/ /mdor bsdus rab tu bshad par bya/ /rdo rje sems sogs sems dpa' rnams//rdo rje las rnams byed pa ste/ /bsgyings bcas bsor ba gnyis ka yis/ /lcags kyu 'dzin ltar gnas pa dang / /mda' 'phangs pa yi tshul dang ni/ /legs so zhes pa snying gar gzhag /dbang bskur ba ni rdo rje gnyis/ / snying gar nyi ma brtan par bya/ /g.yon pa la ni gru mo gzugs/ /de bzhin kha phyogs bskor bar bya/ /g.yas pa yis ni g.yon par dbye/ /snying gar g.yon pa ral gri mdung / /mgal me 'khor lo bskor ba dang / /rdo rje snying ga kha nas dbyung / /rdo rje gar bskor bkrol ba yis//thal mo 'gram pa spyi bor gzhag /go cha mthe'u chung phye ba dang / /khu tshur gnyis ni mnan pa'o/ /rdo rje bsgyings pa'i tshul gyis su/ /bsam pa g.yos pas 'dud par bya/ /phreng ba bcings dang kha nas dbyung / /rdo rje gar ni bskor ba yis//rdo rje khu tshur gnyis kyis ni/ /gdug pa la sogs de bzhin sbyin/ /sangs rgyas kun la mchod pa yi/ /phyag rgya'i mchod pa byed pa'o/ /mdzub mo lcags kyu bcings pa ni/ /mthe'u chung las te lcags kyu che/ /mkhrig ma mdud la mdzub gnyis mdud/ /rgyab gnyis kyang ni bsnyams te mnan//de nas phyag rgya chen po bcing ba 'byung ste/ ji skad du bshad pa'i byang chub mchog ni/ rnam par snang mdzad kyi'o/ /ting nge 'dzin phyogs bcings la/ lag pa g.yas pa sa la reg pa'i tshul du byas pa ni/ mi bskyod pa'i'o/ / de nyid kyi lag pa g.yas pa mchog sbyin pa'i tshul du bya ba ni/ rin chen 'byung ldan gyi'o/ /ting nge 'dzin mchog gi phyag rgya ni/ 'od dpag tu med pa'i'o/ /de nyid las lag pa g.yas mi 'jigs pa sbyin pa'i tshul du bzhag pa ni/ don yod par grub pa'i'o/ /g.yon pa'i rdo rje khu tshur gyis dril bu dang bcas pa bsnyen pa'i tshul du dkur brten la/lag pa g.yas pas rdo rje bsor te/ rang gi snying gar bstod pa'i tshul du 'dzin pa ni/ rdo rje sems dpa'i'o/ /rdo rje lcags kyu'i de bzhin gshegs pa thams cad dgug pa'i tshul du gnas pa ni rdo rje rgyal po'i'o//rdo rje mdas de bzhin gshegs pa thams cad 'bigs pa'i tshul du byed pa ni/ rdo rje chags pa'i'o/ /rdo rje khu tshur dang bcas pa'i lag pa gnyis legs so zhes pa'i tshul gyis de bzhin gshegs pa thams cad mnyes par byed pa ni/ rdo rje legs pa'i'o/ / g.yas pa'i rdo rje khu tshur gyis rin po che rang gi dbang bskur ba'i gnas su 'jog cing / g.yon pa'i dril bu dang bcas pa dkur brten pa ni rdo rje snying po'i'o/ /rdo rje nyi ma'i dkyil 'khor gyi 'od kyis de bzhin gshegs pa thams cad snang bar byed pa ni/ rdo rje nyi ma'i'o/ / yid bzhin gyi nor bu rgyal mtshan gyis sbyin pa'i pha rol tu phyin pa la nges par sbyor bar byed pa ni rdo rje rgyal mtshan gyi'o/ /rdo rje 'dzum pas rab tu dga' bar byed pa ni/ rdo rje bzhad pa'i'o/ /g.yon pa bsnyems pa dang bcas pas pad+ma'i sdong bu 'dzin cing / phyag g.yas pas rang gi snying gar pad+ma 'byed pa ni rdo rje can gyi'o//g.yon pa'i rdo rje khu tshur gyis thugs kar shes rab kyi pha rol tu phyin pa'i glegs bam bsnams shing / phyag g.yas pas rdo rje ral gri bsnams te/ 'debs pa'i tshul du 'jog pa ni rdo rje blo'i'o/ /phyag g.yas pa'i gung mo la 'khor lo rtsibs brgyad pa bskor ba'i tshul du 'jog pa ni/rdo rje rgyu'i'o/ /rdo rje ljags kyis smra ba'i tshul du mdzad pa ni/ rdo rje smra ba'i'o/ /g.yon pa dkur brten pas sna tshogs rdo rje dang bcas pa'i dril bu bsnams shing phyag g.yas pas sna tshogs rdo rje thugs kar bstod pa'i tshul gyis 'dzin pa ni/rdo rje sna tshogs kyi'o/ /rdo rje go cha 'dzin pa ni rdo rje srung ba'i'o/ /rdo rje mche ba'i mtshon cha rang gi zhal du bzhag pas bsdigs pa'i tshul du mdzad pa ni/ rdo rje gnod sbyin gyi'o/ /dam tshig gi rdo rje khu tshur gyis bzung ba'i rdo rje rtse lnga pa dam tshig gi rdo rje khu tshur gyis btsir ba ni/rdo rje khu tshur gyi'o/ /rdo rje bsnyems pa'i tshul gnyis kyis rdo rje gnyis 'dzin pa rdo rje sgeg mo'i'o/ /rin po che'i phreng ba 'dzin pa ni phreng ba ma'i'o/ /pi wang brdebs pa ltar byed pa ni pi wang ma'i'o/ /phyag gnyis kyis rdo rje rtse gsum bsnams te gar mdzad pa ni gar mkhan ma'i'o//phyag na spos snod bsnams pa ni bdug pa ma'i'o/ /phyag na me tog gi za ma tog bsnams pa ni me tog ma'i'o/ /phyag na mar me'i sdong bu bsnams pa ni mar me ma'i'o/ /phyag na dri'i dung phor bsnams pa ni byug pa ma'i'o//phyag na lcags kyu dang zhags pa dang / lcags sgrog dang / dril bu bsnams pa ni/ rdo rje lcags kyu la sogs pa rnams kyi'o/ /de ltar phyag rgya bzhis rgyas btab nas dngos grub thams cad stsol bar 'gyur ro/ /phyag rgya chen po'i sbyor ba thams cad la yang rang gi snying gar sems dpa'i rdo rje bsgom par bya'o//bdag nyid chen po gang gang gi/ /phyag rgya gang dang gang bcings pa/ /bzlas pa'i snying po'i don du ni/ /der ni bdag nyid bsgom par bya/ /dam tshig gi phyag rgya thams cad la/de bzhin gshegs pa'i phyag rgya la ni sa ma ya s+t+waM zhes brjod par bya'o/ /de bzhin gshegs pa'i rigs kyi phyag rgya bcings pa la ni/ su ra ta s+t+waM zhes brjod par bya'o/ /de'i rjes la yi ge brgya pa lan gsum bzlas pas brtan par byas nas/ dbang bskur ba thams cad dang /rdo rje brtul zhugs kyang de bzhin du blangs la/ badzra satwa su saM gra hA ta/ badzra rat+na ma nut+ta raM/ badzra d+harmA kA ya me/ badzra karma ka rod b+ha be/ zhes bya ba rdo rje glur blangs shing / re re zhing rdo rje'i gar byas la/ rdo rje sgeg mo la sogs pas mchod pa brgyad kyis las kyi phyag rgyas yang dag par mchod de/lag pa g.yon pas rdo rje dril bu blangs la/ g.yas pas rdo rje bsor zhing / rdo rje'i tshig tu 'di skad brjod par bya'o/ /Tak+ki hUM dzaH yang rdo rje rang gi snying gar bstod pa'i tshul gyis 'jog cing / Tak+ki dza ho zhes brjod par bya'o//de ltar byas pas ni lus dang ngag dang sems rdo rje sems dpa' dang 'dra bar 'gyur ro/ /yi ge hUM gi rdo rje de rdo rje sems dpar bsams la/ de kho na nyid kyis gzung bar bya'o/ /thog mtha' med pa'i sems dpa' ni/ /rdo rje sems dpa' dga' ba che//kun du bzang po kun bdag nyid/ /rdo rje bsnyems tshul bdag po'i bdag /bcom ldan 'das dpal mchog dang po'i skyes bu'o zhes bya ba ni de kho na nyid do/ /chos kyi dril bu dkrol bar bya ste/ bcom ldan 'das de bzhin gshegs pa srid pa'i bdag po dam pa kun gyi mchog /dbang phyug gi dam pa de nyid chos kyi mchog gi bka' yang dag par stsol bar mdzad pa ni/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa'i mchog ni grub par byed/ /d+harmA a zhes bya ba ni//dril bu'i sa bon no/ /dam tshig gi phyag rgya chen por byin gyis brlab par bya ste/ srid pa'i bde ba shin tu chung / sdug bsngal chen po dag bya'i phyir/ /shin tu bde ba dam pa'i thabs/ /dam tshig 'di ni rtag tu bskyed/ /'dod pa'i longs spyod thams cad ni//ci 'dod par ni brten bzhin du/ /rang gi lha yi sbyor ba yis/ /bdag dang gzhan la mchod par bya/ /de bzhin gshegs pa thams cad kyi bla na med pa'i mchog tu gsang ba'i theg pa chen po'i dam tshig gi sbyor ba ni/ bcom ldan 'das kyi dam tshig go//de ci'i phyir zhe na/ 'di ltar/ de bzhin gshegs pa thams cad kyis/ /'da' ba ru ni mi mdzad pas/ /phyag rgya'i dam tshig ces su bsgrags/ /yid kyi gzugs ni brtan phyir ro/ /de nas dril bu dkrol zhing dam tshig gsum gyi glu'i mchod pa bya ba ni 'di yin te/oM nam mkha' las byung mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /rdo rje sems dpa' deng grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal//mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas grol ba de bzhin gshegs//kun du bzang po kun bdag nyid/ /byang chub sems dpa' bdag grub mdzod/ /dngos grub chen po kun gyi mchog /dbang phyug chen po rgya mchog gis/ /grub pa'i rdo rje cher bstod la/ rdo rje bsnyems bdag bdag mdzod cig /de ltar bdag nyid rdzogs par byas nas/phyag rgya chen pos nam mkha'i phyogs su gnas la/ oM a kA ro mu khaM sarba d+harmA NAM/ A d+ya nu t+pan+na twA ta ces brjod la de'i don la lhag par mos pas 'jig rten gyi khams mtha' dag stong pa nyid du bsgom par bya'o/ /de nas yi ge hUM las byung ba'i rdo rje rlung gi dkyil 'khor nas brtsams te/rgya mtsho chen po'i bar du bsams la/ de'i dbus su hUM suM hUM zhes bya ba las/ ri'i rgyal po ri rab rin po che sna bzhi'i rang bzhin can zur bzhi pa/ rin po che thams cad kyis rnam par brgyan pa bskyed la/ oM badzra dr-i D+ho zhes bya ba la sogs pa dang /rdo rje bsdams pas snga ma bzhin du byin gyis brlab par bya'o/ /de'i steng du rdo rje rgyu'i las kyi phyag rgyas khang pa brtsegs pa/ rtse mo rdo rje dang nor bu rin po che las byas pa sprul la/ rnam par snang mdzad kyi gnas su a siM a zhes bya bas seng ge'i gdan/ mi bskyod pa'i gnas su hUM gaM hUM zhes bya bas glang po che'i gdan/ rin chen 'byung ldan gyi gnas su tra pA tra zhes bya bas rta'i gdan/ 'od dpag tu med pa'i gnas su/ hrIHmaM hrIHzhes bya bas rma bya'i gdan/ don yod par grub pa'i gnas su/ a gaM a zhes bya ba las nam mkha' lding gi gdan bsam par bya'o//seng ge'i gdan la sogs pa la yang yi ge a las zla ba'i dkyil 'khor bskyed nas/ dbus su sems dpa'i skyil mo krung gis 'dug ste/ bsam gtan dang gzugs med pa'i snyoms par 'jug pa mngon du byas pa'i yid kyi rang bzhin gyi lus kyis/'og min du bskal pa grangs med pa gsum las nges par 'byung ba'i byang chub sems dpa' sems dpa' chen po don thams cad grub pa'i gzugs su bdag nyid bskyed par bsams la/ de bzhin gshegs pa thams cad kyis sangs rgyas kyi zhing 'di thams cad til gyi gang bu bzhin du yongs su gang bar bsam par bya'o//de nas de bzhin gshegs pa thams cad kyi gzugs kyi sku nyid dang chos nyid dran par bya'o/ /de nas theg pa chen po nges par 'byung ba'i chos so/ /de'i rjes la theg pa chen po'i byang chub sems dpa'i dge 'dun rjes su dran par bya'o//de nas 'jig rten gyi khams thams cad kyis bsdus pa'i sems can thams cad dang / 'gro ba thams cad la lhag par byams pa bskyed par bya ba dang / ngan 'gro la sogs pa'i sdug bsngal gyis gdung ba thams cad la snying rje ba dang /'phags pa thams cad la dga' ba dang / 'jig rten gyi chos thams cad la btang snyoms su bya ba dang / chos thams cad la yang dngos po med pa'i ngo bo nyid dang / sgyu ma dang mtshungs pa nyid dang / mig yor dang mtshungs pa nyid du lhag par mos par byas la/byang chub tu sems bskyed pa dang / shes rab kyi pha rol tu phyin pa dang / thabs la mkhas pa'i spyod pa dang / rigs lnga dang rdo rje dril bu dang / phyag rgya dang slob dpon nyid dang / byams pa dang / mi 'jigs pa dang / zang zing dang / chos kyi sbyin pa dang /sngags kyi tshul thams cad ston pa dang / theg pa gsum gyis nges par 'byung ba dang / gsang sngags kyi sgo'i spyod pa rnams mngon du byas la/ sems can thams cad la phan pa dang / bde ba bsgrub par bya ba'i phyir/ /sangs rgyas su 'gyur bar bya'o zhes bsams nas/mi g.yo ba'i ting nge 'dzin la snyoms par 'jug par bya'o/ /de nas rim pa 'dis mngon par byang chub pa sngon du bya'o/ /de ni 'di yin te/ rdo rje skyil mo krung bcas la/ /de'i steng du rdo rje bsdams pa bkan te bzhag la/ rang gi snying gar sems dpa'i rdo rje rnam par bsams nas/'di ltar bsgom par bya ste/ de nas de bzhin gshegs pa thams cad kyis sangs rgyas kyi zhing 'dir dper na til gyi gang bu bzhin du yongs su gang bar gyur to/ /de nas de bzhin gshegs pa thams cad 'dus te/byang chub sems dpa' sems dpa' chen po don thams cad grub pa zhes bya ba/ byang chub kyi snying por 'dug pa gang na bder gshegs te/ byang chub sems dpa' de la ched du rdzogs longs spyod pa'i sku bstan nas/ 'di skad ces bka' stsal to/ / rigs kyi bu khyod kyis gang gi phyir de bzhin gshegs pa thams cad kyi de kho na nyid mngon par ma rtogs par/ dka' ba spyod pa thams cad la spro ba bskyed cing ji ltar bla na med pa yang dag par rdzogs pa'i byang chub mngon par rdzogs par byang chub par bya snyam/ de nas byang chub sems dpa' sems dpa' chen po don thams cad grub pa de bzhin gshegs pa thams cad kyis bskul bas/mi g.yo ba'i ting nge 'dzin las bzhengs te/ de bzhin gshegs pa thams cad la phyag byas nas/ 'di skad ces gsol to/ / bcom ldan 'das de bzhin gshegs pa rnams de kho na nyid ji lta bu lags/ ji ltar na bsgrub par bgyi/ bka' stsal du gsol/ de skad ces gsol pa dang / de bzhin gshegs pa de dag thams cad kyis gsung gcig tu 'di skad ces bka' stsal to/ /rigs kyi bu rang gi sems la so sor rtog cing mnyam par zhog la rang bzhin gyis grub pa'i sngags 'di ci dga' bar zlos shing 'grub par gyis shig /oM tsit+ta pra ti bya d+haM ka ro mi/ de nas byang chub sems dpa' des de bzhin gshegs pa thams cad la 'di skad ces gsol to//bcom ldan 'das de bzhin gshegs pa rnams bdag gi snying ga nas zla ba'i dkyil 'khor lta bur gda' ba bdag gis rtogs so/ /de bzhin gshegs pa rnams kyis bka' stsal pa/ rigs kyi bu sems de ni rang bzhin gyis 'od gsal bas na/de ni ji lta bu sbyangs pa de lta bur 'gyur te/ dper na ras dkar po tshon gyis bsgyur ba bzhin no/ /de nas de bzhin gshegs pa thams cad kyis rang bzhin gyi 'od gsal ba'i sems shes pa rgyas par bya ba'i phyir/ oM bo d+hi tsit+to t+pa dA yA mi zhes bya ba rang bzhin gyis grub pa'i sngags 'dis kyang byang chub sems dpa' de byang chub tu sems bskyed par gyur to//de nas byang chub sems dpas kyang de bzhin gshegs pa thams cad kyi bkas byang chub kyi sems bskyed nas/ 'di skad ces gsol to/ /zla ba'i dkyil 'khor lta bur mthong ba gang lags pa de ni zla ba'i dkyil 'khor nyid du mthong ngo /de nas de bzhin gshegs pa thams cad kyis bka' stsal pa/ de bzhin gshegs pa thams cad kyi snying po sems bskyed pa kun du bzang po khyod kyis mngon sum du gyur gyis/ de legs par sgrubs shig /de bzhin gshegs pa thams cad kyi sems bskyed pa kun du bzang po de brtan par bya ba'i phyir/ sngags 'dis rang gi snying ga'i zla ba'i dkyil 'khor la rdo rje dbyings su soms shig /oM tiSh+Tha badzra/ byang chub sems dpas yang gsol pa/ bcom ldan 'das de bzhin gshegs pa rnams/ zla ba'i dkyil 'khor gyi steng na rdo rjer bdag gis mthong ngo / /de bzhin gshegs pa thams cad kyis bka' stsal pa/ de bzhin gshegs pa thams cad kyi kun du bzang po'i sems rdo rje 'di sngags 'dis brtan par gyis shig /oM badzra At+ma kou0f85haM/ de nas nam mkha'i dbyings thams cad du mnyam par 'jug pa'i de bzhin gshegs pa thams cad kyi sku dang /gsung dang thugs rdo rje'i dbyings ji snyed pa de dag thams cad de bzhin gshegs pa thams cad kyis byin gyis brlabs kyi/ sems dpa'i rdo rje der zhugs so/ /de nas de bzhin gshegs pa de dag thams cad kyis bcom ldan 'das byang chub sems dpa' chen po don thams cad grub pa de la/rdo rje'i dbyings rdo rje'i dbyings zhes bya ba'i rdo rje ming gi dbang gis dbang bskur ro/ /de nas byang chub sems dpa' chen po rdo rje dbyings kyis/ de bzhin gshegs pa de dag thams cad la 'di skad ces gsol to//bcom ldan 'das de bzhin gshegs pa rnams de bzhin gshegs pa thams cad kyi sku ni bdag lags par mthong lags so/ /de nas de bzhin gshegs pa thams cad kyis bka' stsal pa/ sems dpa' chen po de lta bas na sems dpa'i rdo rje de rnam pa'i mchog thams cad dang ldan pa'i sangs rgyas kyi skur bdag nyid rang bzhin gyis grub pa'i sngags 'di dag ci dgar zlos la soms shig /oM ya thA sarba ta thA ga ta s+thA a haM/ de ltar bsgoms pa'i rjes thogs la rnam par snang mdzad du gyur par bsam par bya'o//sems so sor rtogs pa dang / byang chub kyi sems bskyed pa la sogs pa'i dus su mi bskyod pa dang / rin chen 'byung ldan dang / 'od dpag tu med pa dang / don yod par grub pa dang / rnam par snang mdzad kyi phyag rgya chen po bcing bar bya'o/ /de nas de bzhin gshegs pa thams cad la phyag byas te/'di skad ces gsol to/ /bcom ldan 'das de bzhin gshegs pa thams cad kyis bdag la byin gyis rlobs la/ mngon par byang chub pa 'di brtan par mdzod cig /de nas de bzhin gshegs pa thams cad lus kyi nang du zhugs par gyur pa dang /snying ga dang / smin mtshams dang / lkog ma dang / spyi bor rdo rje sems dpa' la sogs pas byin gyis brlab par bya'o/ /skad cig ma de nyid kyi tshe na de bzhin gshegs pa thams cad kyis mnyam pa nyid kyi ye shes mngon par rdzogs par sangs rgyas so//de bzhin gshegs pa thams cad kyi rdo rje mnyam pa nyid kyi ye shes gsang ba'i dam tshig tu zhugs so/ /yang de bzhin gshegs pa thams cad kyi dbang bskur ba'i ting nge 'dzin rtog pa'i rin po che'i dbang bskur ba thob bo/ /de bzhin gshegs pa thams cad kyi chos mnyam pa nyid ye shes rtog pa rang bzhin gyis dag go//de bzhin gshegs pa thams cad kyi lam mnyam pa nyid kyi rang bzhin gyis 'od gsal ba'i ye shes kyi 'byung gnas su gyur pa'i de bzhin gshegs pa dgra bcom pa yang dag par rdzogs pa'i sangs rgyas su gyur par bdag nyid bsam par bya'o//de nas de bzhin gshegs pa thams cad kyis/ oM badzra rat+na a b+hi Shiny+tsa zhes bya bas rdo rje rin po che'i cod pan dang / dar dpyangs kyis dbang bskur bas dbang bskur ba dang / kun du spyan ras gzigs dbang po'i chos kyi ye shes ni bskyed de bzhin gshegs pa thams cad kyi phrin las la rab tu bzhag nas babs te/sngar bskyed pa'i ri'i rgyal po ri rab kyi rtse mo na gnas pa'i khang pa brtsegs pa/ rtse mo rdo rje dang nor bu dang / rin po che las byas pa'i dbus na/ de bzhin gshegs pa thams cad kyi bsod nams las nges par byung ba'i seng ge'i gdan la/de bzhin gshegs pa thams cad nyid du byin gyis brlabs te/ zhal bzhi pa'i tshul du bzhag par gyur par bsam par bya zhing / mi bskyod pa la sogs pa'i de bzhin gshegs pa rnams kyang / phyogs bzhir re re zhing de bzhin gshegs pa thams cad du byin gyis brlabs la bzhugs par bsam par bya'o//de ltar na 'di ni dang po'i sbyor ba zhes bya ba'i ting nge 'dzin to// //de'i rjes la rdo rje dbyings kyi dbang phyug mas gnas bzhir byin gyis brlabs la/ byang chub mchog gi phyag rgya bcings te/thugs ka na gnas pa'i rdo rje sems dpa' badzra satwa zhes bya bas bskul bar bya'o/ /de nas de bzhin gshegs pa thams cad kyi thugs ka nas zla ba'i dkyil 'khor du de byung bas/ 'jig rten gyi khams thams cad kyi sems can thams cad bdag med par rtogs par bya ste/zla ba'i dkyil 'khor gyi rnam par sems rtse gcig pa nyid du gyur nas lhar log ste/ lha thams cad kyi gnas su zla ba'i dkyil 'khor nyid du gyur nas gnas par bsam par bya'o/ /de nas de rnams las ye shes kyi 'od zer byung nas/rang gi thugs kar gnas pa'i rdo rjer zhugs te/ de bzhin gshegs pa thams cad kyi byin gyi rlabs kyis gcig tu 'dres par gyur nas/ nam mkha'i khams rab 'byams tsam gyi tshad dang mnyam pa'i tshad tsam gyi rdo rje rtse lnga pa'i gzugs chen por gyur nas/yang sngar gyi thugs kar gnas pa'i thugs ka'i rdo rje'i tshad tsam nyid du gyur to/ de las byung nas rang gi phyag gnyis su gnas par bsam par bya'o/ /de las kyang yang rdo rje lta bu'i 'od zer gzugs sna tshogs pa dang / kha dog sna tshogs pa byung ste/nam mkha'i khams thams cad khyab par byas nas/ de rnams las yang rdo rje sems dpa' la sogs pa'i gzugs kyi sems can gyi khams thams cad dang / de bzhin gshegs pa thams cad kyi mnyam pa nyid kyi ye shes mngon par rdzogs pa'i byang chub pa la sogs pa la/nges par sbyar nas slar yang bsdu ba'i sbyor bas sems dpa'i sku gcig tu gyur nas/ rang gi thugs kar gnas pa'i rdo rjer zhugs te/ der gnas nas ched du brjod pa 'di ched du brjod par bsam par bya'o/ /e ma'o bdag ni rang byung ba'i/ /kun du bzang po'i sems dpa' brtan//de ni brtan phyir lus min yang / /sems dpa'i lus su gyur pa yin/ /de nas thugs ka nas byung nas mi bskyod pa'i spyan sngar 'dug ste/ bka' nod cing bzhugs par bsam par bya'o/ /de nas de bzhin gshegs pa thams cad kyi rigs kyi 'khor los sgyur ba nyid du sangs rgyas lnga'i dbu rgyan dang /cod pan gyi dbang gis dbang bskur nas/ sems can gyi khams ma lus shing lus pa med pa rnams kyis bla na med pa'i tshul khrims nas/ de bzhin gshegs pa thams cad kyi mnyam pa nyid kyi ye shes mngon par byang chub pa'i bar du rdzogs par bya ba'i phyir/de rdzogs par byed pa'i dang po'i rdo rje dang / dang po'i rdo rjes mtshan pa'i dril bu dang bcas par kun du bzang po'i lag tu byin no/ /de nas ming gi dbang bskur ba la sogs pa byin no/ /de'i rjes la phyag na rdo rje'i nga rgyal gyis ched du brjod pa ched du brjod do//sangs rgyas kun gyi grub pa yi/ /rdo rje bla na med pa 'di/ /bdag ste bdag gi lag tu byin/ /rdo rje la ni rdo rje gnas/ /de bzhin du rdo rje khu tshur gyi mthar thug pa'i bar du bskyed pa dang / spro ba dang / bsdu ba dang / gnas pa dang / brtan par gyur pa dang /rnam par snang mdzad kyi thugs ka na gnas pa'i rdo rje'i dbus su 'dug ste/ ched du brjod pa ched du brjod pa dang / dbang bskur ba'i rjes thogs la/ ched du brjod par blta bar bya'o/ /rdo rje rgyal po la sogs pa ched du brjod pa ni 'di yin te/e ma'o rdo rje las byung ba'i/ /lcags kyu nges pa'i rgyal po bdag /gang phyir kun du sangs rgyas khyab/ /grub phyir kun nas spyan 'dren no/ /sangs rgyas kun gyi rdo rje yi/ /ye shes bla na med pa 'di/ /sangs rgyas kun gyi don bsgrub phyir/ /kun nas spyan drangs dam pa'o//e ma'o bdag ni rang bzhin bdag /rang byung ba dag dgyes byed na/ /'dod chags bral rnams dag bya'i phyir/ /'dod chags kyis ni 'dul bar byed/ /sangs rgyas kun gyi 'dod chags kyis/ /ye shes 'di ni dri ma med/ /'dod chags kyis ni chags bral bcom//bde ba thams cad sbyin par byed/ /e ma'o thams cad mkhyen kun gyis/ /legs byin nang na bdag mchog pas/ /rnam rtog bral ba de dag gis/ /nges par dgyes pa bskyed pa yin/ /sangs rgyas kun gyis legs byin pa'i/ /'di ni rab tu 'jug byed pas//rdo rje thams cad dgyes par byed/ /lha rdzas dgyes pa sprel pa'o/ /e ma'o chags med rgyal ba yang / /khams gsum dbang pos dgongs pas na/ /rdo rje rin chen dam pa yi/ /dbang gi mchog ni bdag yin no/ /sangs rgyas kun gyi sems dpa'i dbyings//dbang bskur de ni bdag yin te/ /bdag gi lag tu byin pas na/ /rin chen la ni rin chen bzhag /e ma'o sems can khams kun du/ /snang byed gzi brjid dpe med bdag /gang phyir sangs rgyas dag pa yi/ /'dren pa rnams kyang sbyong bar byed//sangs rgyas kun gyi snang ba 'di/ /mi shes mun nag 'joms mdzad pa/ /shin tu phra rdul ji snyed pa'i/ /nyi ma'i 'od pas shin tu lhag /e ma'o don kun grub pa dang / /dgongs pa thams cad rdzogs pa yi/ /don rnams thams cad rdzogs byed pa'i//dri med par ni bdag yin no/ /sangs rgyas kun gyi dgongs pa kun/ /yongs su rdzogs par byed pa yi/ /yid bzhin nor bu'i rgyal mtshan 'di/ /sbyin pa'i pha rol phyin pa'i tshul/ /rtag tu mnyam par gzhag rnams kyis/ /sangs rgyas don la rab sbyor phyir//e ma'o bdag ni kun mchog gi/ /bzhad chen rmad du byung ba yin/ /'di de sangs rgyas thams cad kyis/ /rmad byung bskyed pa ston pa po/ /dgyes chen bskyed pa'i ye shes te/ /gtsug lag gzhan gyis shes mi nus/ /e ma'o rang byung gdod nas dag /dam pa'i don ni bdag yin te/ /gang phyir gzings 'dra'i chos rnams la/ /rnam par dag par dmigs par gyur/ /sangs rgyas kun gyi 'dod chags kyi/ /de yi kho na rtog pa 'di/ /bdag ste bdag gi lag tu byin/ /chos la chos ni gnas par 'gyur//e ma'o sangs rgyas thams cad kyi/ /'jam dbyangs bdag ni yin par dgongs/ /gang phyir shes rab gzugs med kyang / /dbyangs nyid du ni dmigs pa yin/ /'di ni sangs rgyas thams cad kyi/ /shes rab pha rol phyin pa'i tshul/ /dgra rnams thams cad tshar gcod cing //sdig pa thams cad 'joms pa'i mchog /rdo rje dam pa chos can gyis/ /e ma'o rdo rje 'khor lo bdag /gang phyir sems bskyed tsam gyis kyang / /chos kyi 'khor lo bskor bar 'gyur/ /'di ni sangs rgyas thams cad kyi/ / chos rnams thams cad rnam par sbyong / /phyir mi ldog pa'i 'khor lo yang / /byang chub snying po yin par dgongs/ /e ma'o rang byung rnams kyis gsang / /ldem po dag tu bdag dgongs te/ /gang phyir dam pa'i chos 'chad pa/ /tshig gi spros las rnam par bral/ / 'di ni sangs rgyas thams cad kyi/ /rdo rje bzlas par brjod pa yin/ /de bzhin gshegs pa thams cad kyi/ /sngags 'di myur du grub par 'gyur/ /e ma'o sangs rgyas rnams kyis nges/ /phrin las mang po kun bdag yin/ /sangs rgyas don kun lhun grub phyir/ /rdo rje las ni 'jug par 'gyur//'di ni sangs rgyas thams cad kyi/ /las rnams thams cad byed pa'i mchog /bdag ste bdag gi lag tu byin/ /las rnams kun ni byed du bcug /e ma'o brtson 'grus go cha ni/ /brtan pa'i bdag nyid rab brtan bdag /de ni brtan phyir lus min yang //rdo rje'i lus su byed pa'i mchog /'di ni sangs rgyas thams cad kyi/ /byams pa'i go cha dam pa ste/ /brtson 'grus brtan pas srung ba che/ /grogs po chen por brjod pa yin/ /e ma'o bdag ni sangs rgyas rnams/ /thugs rje can gyi thabs chen te//zhi yang sems can don du ni/ /ma rungs par ni ston par 'gyur/ /'di ni sangs rgyas thams cad kyi/ /ma rungs thams cad 'dul ba'i mchog /kun gyi mchog ni 'dul byed pa/ /rdo rje mche ba'i mtshon rno ste/ /thabs dang snying rje'i bdag nyid do/ /e ma'o rab tu brtan bcings pa'i//dam tshig bdag ste bstan pa dag /bsam pa thams cad rab 'grub phyir/ /grol ba rnams kyang bcing bar byed/ /'di de sangs rgyas thams cad kyi/ /phyag rgya bcing ba che zhing brtan/ /sangs rgyas kun du myur 'grub phyir/ /dam tshig shin tu 'da' bar dka'//de nas mi bskyod pa'i nga rgyal gyis rdo rje sems ma bskyed par bya'o/ /rin chen 'byung ldan gyi nga rgyal gyis rin chen sems ma bskyed par bya'o/ /'od dpag tu med pa'i nga rgyal gyis chos kyi sems ma bskyed par bya'o/ /don yod par grub pa'i nga rgyal gyis las kyi sems ma bskyed par bya'o//'di rnams kyi ched du brjod pa ni/ /'di yin te/ e ma'o sangs rgyas thams cad kyi/ /sems dpa'i rdo rje brtan pa'i bdag /gang phyir brtan pas lus med kyang / /rdo rje'i lus su gyur pa yin/ /e ma'o sangs rgyas thams cad kyi//rdo rje rin chen bdag nyid grags/ /gang phyir sangs rgyas thams cad kyi/ /dbang gi tshul ni brtan po yin/ /e ma'o sangs rgyas thams cad kyi/ /chos kyi rdo rje gtsang ma bdag /gang phyir rang bzhin rnam dag pas/ /'dod chags yin yang dri ma med/ / e ma'o sangs rgyas thams cad kyi/ /las kyi rdo rje mang po bdag /gang phyir gcig kyang sems can khams/ /ma lus par ni las zad byed/ /yang rnam par snang mdzad kyi nga rgyal gyis/ sgeg mo la sogs pa bzhi bskyed de/ 'di rnams kyi ched du brjod pa ni 'di yin te/ e ma'o rang byung rnams kyi ni/ /mchod pa bdag 'dra gzhan med de/ /gang phyir 'dod pa dga' mchod pas/ /mchod pa thams cad byas par 'gyur/ /e ma'o rin chen mchod pa bzhes/ /bdag dang 'dra ba grags pa med/ /gang phyir khams gsum rgyal mchog kyang //rab tu mchod pa byed par 'gyur/ /e ma'o bdag ni kun gzigs pa'i/ /glu mchog tshul gyi mchod pa yin/ /gang phyir sgra brnyan 'dra ba yi/ /mchod pa rnams kyis mnyes par byed/ /e ma'o mchog kun don mdzad pa'i/ /mchod pa rgya cher bdag yin te/ gang phyir rdo rje gar cho gas/ /sangs rgyas mchod pa rab tu byed/ /yang mi bskyod pa la sogs pa'i nga rgyal gyis/ rdo rje bdug pa mo la sogs pa bzhi bskyed de/ 'di rnams kyi ched du brjod pa ni 'di yin te/ e ma'o bdag ni mchod pa che/ /rab tu tshim ldan dge ba yin/ /gang phyir sems can dbang ldan pas//myur du byang chub thob par 'gyur/ /e ma'o me tog mchod pa'i bdag /thams cad kyis ni rgyan byed de/ /gang phyir mchod nas de bzhin gshegs/ /rin chen nyid du myur du 'grub/ /e ma'o mchod pa'i mar me ni/ /rgya chen dge ba bdag yin te//gang phyir gnas bcas myur du ni/ /sangs rgyas kun gyi spyan yang thob/ /e ma'o dri yi rang bzhin gyi/ /mchod pa'i lha rdzas yid 'ong ba/ /de bzhin gshegs pa rnams kyi dri/ /lus rnams kun la 'byin par 'gyur/ /de nas rnam par snang mdzad kyi nga rgyal gyis/rdo rje lcags kyu la sogs pa bzhi bskyed de/ 'di rnams kyi ched du brjod pa ni/ e ma'o sangs rgyas thams cad kyi/ /yang dag spyan 'dren brtan pa'i bdag /gang phyir bdag gis spyan drangs pas/ /dkyil 'khor kun la brtan par 'gyur/ / e ma'o sangs rgyas thams cad kyi/ /rdo rje zhags pa dam po'i bdag /rdul phran zhugs pa thams cad kyang / /bdag gis slar yang drang bar bya/ /e ma'o sangs rgyas thams cad kyi/ /rdo rje lcags sgrog dam po'i bdag /bcings pa kun las grol ba rnams/ /sems can don kun bcing bar 'dod//e ma'o sangs rgyas thams cad kyi/ /rdo rje dbab pa brtan pa'i bdag /kun gyi bdag tu gyur nas kyang / /bran du yang ni gyur pa yin/ /zhes bya ba yin no/ /'di tsam gyis dkyil 'khor rgyal mchog gi ting nge 'dzin brtan pa yin no// // de nas bdag nyid rnam par snang mdzad dang tha mi dad par bsams la bsdu bar bya'o/ /de nas bsdu bas byin pa'i de bzhin gshegs pa byang chub sems dpa'i dkyil 'khor dang bcas pa thams cad/ oM sarba ta thA ga ta pA da ban+d+ha naM ka ro mi zhes brjod cing / e ma'o kun du bzang po yi//byang chub sems dpa'i spyod pa mchog /de bzhin gshegs pa'i 'khor lo yi/ /dbus na de bzhin gshegs pa mdzes/ /zhes ched du brjod pa ched du brjod par bsam par bya'o/ /de nas rnam par snang mdzad kyi thugs kar zhugs te slar byung nas/ rdo rje sems ma la sogs pa dang gcig tu gyur te/yang ched du brjod pa ched du brjod pa mdzad de/ e ma'o sangs rgyas thams cad kyi/ /rgya chen gdong nas skye ba med/ /rdul phran thams cad ji snyed kyi/ /sangs rgyas rnams ni gcig tu gyur/ /de nas dpal rdo rje sems dpa'i gnas na gnas pa'i rnal 'byor pas/de bzhin gshegs pa thams cad las phreng ba'i dbang bskur ba la sogs pa blangs nas/ rdo rje lcags kyu la sogs pas dgug pa dang / gzhug pa dang / bcing ba dang / dbang du byas la/ rnam par snang mdzad la sogs pa'i phyag rgya bzhis rgyas btabs nas/sangs rgyas thams cad gcig tu bsdus pa dang / rigs thams cad la rgyas gdab pa dang / byang chub tu sems bskyed pa dang / de bzhin gshegs pa thams cad spyan drang ba dang / rjes su mnyes par bya ba dang /dgyes pa dang / dbang bskur ba dang / 'od kyis snang bar bya ba dang / sbyin pa'i pha rol tu phyin pa la nges par sbyor ba dang / 'dzum pa rmad du byung ba la nges par sbyor ba dang / shin tu rnam par dag pa'i ting nge 'dzin rdzogs par bya ba dang / nyon mongs pa dang nye ba'i nyon mongs pa gcod pa dang /dkyil 'khor chen por 'jug pa dang / spros pa med pa'i chos la nges par sbyor ba dang / mchod pa ma lus shing lus pa med pas de bzhin gshegs pa la mchod pa dang / theg pa gzhan la 'dod pa dang / sems can nyon mongs pa la sogs pa'i 'jigs pa rnams las bsrung ba dang /srung ba thams cad las yongs su bskyab pa dang / sku dang gsung dang thugs gcig tu byas pa nyid kyi bcing ba nyid kyi khu tshur dang / de bzhin gshegs pa thams cad bskyed pa dang / sbyin pa dang / tshul khrims dang / bzod pa dang /brtson 'grus dang / bsam gtan dang / shes rab dang / smon lam dang / thabs rdzogs par bya ba dang / rdo rje lcags kyus sems can thams cad thar pa chen po'i grong khyer du dgug pa dang / pha rol tu phyin pa bcu'i spyod pa la gzhug pa dang / theg pa gzhan 'dod pa la sems dral ba dang /rang bzhin gyis 'od gsal zhing skye ba med par dbab pa dang / dam pa'i chos kyi grong khyer bskyang ba nyid la sbyar bar bya'o/ /'di ni las kyi rgyal mchog ces bya ba'i ting nge 'dzin yin no// //de nas rdo rje gnod sbyin yongs su bzlas pa'i spos chus/mchod pa'i yan lag rnams bsangs la/ rdo rje me'i phyag rgya dang bcas pas yongs su bzlas la/ badzra puSh+pe hUM zhes bya ba dang / me tog gi phyag rgyas me tog /badzra gan+d+he hUM zhes bya ba dang / dri'i phyag rgyas dri/ badzra d+hU pe hUM zhes bya ba dang / bdug pa'i phyag rgyas bdug pa dang / a kA ro mu khaM sarba d+harmA NAM/ Ad+ya nut+pa n+na twA ta ces bya ba dang / ral gri'i phyag rgyas ni bshos te/ rdo rje bsdams pa las ral gris 'debs pa'i tshul du byed pa ni ral gri'i phyag rgya'o/ /badzra A lo ke zhes bya ba dang / mar me'i phyag rgya ni mar me'o//oM badzra satwa hUM zhes bya ba dang / til dang / nas dang / ku sha dang / 'bras yos dang / me tog dkar po dri zhim pa dang / tsan+dan dkar po'i chu dung la sogs pa'i snod du blugs la/ rdo rje thal mo kha phye ba'i mtshan nyid can gyis mchod yon gyi phyag rgya dang lan gsum mam bdun nam/nyi shu rtsa gcig yongs su bzlas la gzhag par bya'o/ /de nas ji lta ba bzhin du sgo dbye ba byas la/ dpal rdo rje sems dpa'i phyag rgya chen po bcings te/ oM badzra satwa hUM zhes bzlas la/ rdo rje sems dpa'i sbyor bdag nyid/ lag ngar gnyis ni rdo rje btsir/ /rdo rje se gol brdabs pa yis//sangs rgyas thams cad bsdu bar bya/ /g.yon pa'i se gol brdabs pa dang / /g.yas pa yis ni grub par 'gyur/ /g.yas pa thal mo zhes bya ste/ /'dus pa yang ni gnyi ga yin/ /zhes bya ba ni rdo rje bsdu ba'i phyag rgya'i mtshan nyid do/ / oM badzra sa mA dza/ dzaHhUM baM hoH zhes bya ba ni rdo rje bsdu ba'i phyag rgya'i snying po'o/ /'di ni bka' tsam gyis bsgrags pas/ 'khor lo'i tshogs ni 'khor bcas pa'i/ /sangs rgyas thams cad gshegs 'gyur na/ /gzhan lta smos kyang ci zhig dgos/ /de nas rdo rje sems dpa' yi//phyag rgya chen po sgom byed cing / /ming brgya rtsa brgyad dam pa ni/ /lan cig rab tu brjod par bgyi/ /de nas sgo rnams thams cad du/ /lcags kyu la sogs las bgyis nas/ /las chen mchog gi phyag rgya yis/ /dam tshig rnams ni gzhag par bgyi/ /dam tshig mchog gi phyag rgya dang //sems dpa'i rdo rje la sogs pas/ /de ltar sems dpa' chen po bsgrub/ /dzaHhUM baM hoHzhes byar brjod/ 'di skad ces ston te/ rdo rje gnod sbyin gyis bgegs bskrad pa dang / srung ba yang byas la/ rdo rje khu tshur gyis sgo yang bcad de/ rdo rje sems dpas mchod yon phul la/ rdo rje dbyings la sogs pa'i dam tshig gi phyag rgya bcings te/ badzra d+hA tu dr-i sh+ya zhes bya ba la sogs pas thams cad blta bar byas la/ dzaHhUM baM hoH sa ma ya s+t+waM sa ma ya ho a haM zhes bya ba dang /dpal rnam par snang mdzad la sogs pa'i snying po dang / sngags lan gsum brjod la chos dang las dang phyag rgya chen po rnams kyis kyang / de rnams la rgyas btab ste/ dbang bskur ba'i phyag rgya rnams kyis sangs rgyas la sogs pas dbang bskur la/ mchod yon phul nas mchod par bya ste/ oM sarba ta thA ga ta puSh+pa pU dza me g+ha sa mu dra s+pha ra Na sa ma ye hUM zhes bya ba dang / me tog gis so/ /oM sarba ta thA ga ta gan+d+ha pU dza me g+ha sa mu dra s+pha ra Na sa ma ye hUM zhes bya ba dang dris so/ /oM sarba ta thA ga ta d+hU pa pU dza me g+ha sa mu dra s+pha ra Na sa ma ye hUM zhes bya ba dang bdug pas so//oM a kA ro mu khaM sarba d+harmA NAM A d+ya nu t+pan+na twA ta ces bya ba dang bshos kyis so/ /oM sarba ta thA ga ta dI pa pU dza me g+ha se mu dra s+pha ra Na sa ma ye hUM zhes bya ba dang mar mes mchod pa bya zhing / sgeg mo la sogs pa mchod pa brgyad kyis yang dag par mchod la/oM sarba ta thA ga ta At+ma naM ni r+yA ta na pU dza s+pha ra Na karma badzri hUM aH oM sarba ta thA ga ta sarba At+ma naM ni r+yA ta na pU dza s+phar Na karma gr-i dzaH oM sarba ta thA ga ta sarba At+ma naM ni r+yA ta na a nu rA ga Na pU dza s+pha ra Na karma bA Ne hUM hoH oM sarba ta thA ga ta At+ma naM ni r+yA ta na sA d+hu ka ra pU dza s+pha ra Na karma tuSh+Ti aH oM na maHsarba ta thA ga ta kA ya aM b+hiShe ke rat+ne b+h+yo badzra ma Ni oM/oM sarba ta thA ga ta sU r+ye b+h+yo badzra te dza ni dz+wA la hrIH oM namaHsarba ta thA ga ta A sha pa ri pU ra Na tsih+na ma Ni d+h+wa dzA gre b+h+yo badzra d+h+wa dza gre trAM/ oM na maHsarba ta thA ga ta ma hA prI ti pra mo d+ya kA re b+h+yo badzra hA s+ya hAH oM sarba ta thA ga ta a nu ga ta badzra d+harma ta sa mA ti b+hi stu no mi ma hA d+harma gr-i hrIH oM sarba ta thA ga ta pradz+nyA pA ra mi tA nir ha rai tu no mi ma hA g+ho Sha nu ge d+haM/oM sarba ta thA ga ta tsakra ak+Sha pa ri bA ra ta di sarba sU trAn tra na yai stu no mi sarba maN+Dale hUM/ oM sarba ta thA ga ta san+d+ha b+hA Sha bud+d+ha saM gI ti pi rge yaM stu no mi badzra bA rtse bAM/oM sarba ta thA ga ta d+hU pa pU dza me g+ha sa s+pha ra Na pU dza karme ka ra ka ra/ oM sarba ta thA ga ta pu Sh+pa pra sar s+pha ra Na pU dza karme ki ri ki ri/ oM sarba ta thA ga ta A lo ka dz+wa la s+pha ra Na pU dza ka rme ka ra ka ra/ oM sarba ta thA ga ta gan+d+ha sa mu dra s+pha ra Na pU dza karme ku ru ku ru zhes bya bas sems dpa' bcu drug dang 'dra ba'i rig ma las kyi phyag rgya dang ldan pa rnams kyis mchod par bya'o//de'i phyag rgya ni 'di rnams yin te/ rdo rje bsdams pa dkur bzhag ste/ /btsir ba gnyis su byas pa yis/ /rdo rje khu tshur gnyis kyis ni/ /bsgyings bcas bsor ba gnyis ka yis//lcags kyu 'dzin ltar gnas pa dang / mda' 'phangs pa yi tshul dang ni/ /legs so zhes pa snying gar bzhag /dbang bskur ba ni rdo rje gnyis/ /snying gar nyi ma bstan par bya/ /g.yon pa la ni gru mo gzugs/ /de bzhin kha phyogs bskor bar bya//g.yas pa yis ni g.yon par dbye/ /snying gar g.yon pa ral gri 'dud/ /mgal me 'khor lo bskor ba dang / /rdo rje gnyis ka kha nas dbyung / /rdo rje gar bskor bkrol ba yi/ /thal mo 'grom pa spyi bor gzhag /go cha mthe'u chung phye ba dang //khu tshur gnyis ni mnan pa'o/ /de nas phyag bzhi byas la/ dpal rdo rje sems dpa'i phyag rgya chen pos gnas te/ oM badzra At+ma kou0f85haM zhes bya ba 'dis/ de bzhin gshegs pa thams cad kyi sku dang gsung dang thugs rdo rjer bdag nyid bsgom mo/ / de nas oM swa b+hA ba shur+d+hou0f85haM zhes bya bas rang bzhin gyis dag par mos par byas la/ oM sarba sa ma you0f85 haM zhes bya bas bdag med pa'i mnyam pa nyid kyis rnam par snang mdzad la sogs pa'i lha thams cad kyi ngo bo nyid du bsam par bya'o/ /de nas dpal rdo rje sems dpa'i yi ge b rgya pa rdo rje'i tshig gam yid kyis bzlas la/thams cad bdag yin no zhes bsgoms la/ lha thams cad kyi zhal nas sngags kyi sgra 'byung bar bsam zhing / bzlas pa la brtson par byas na de lta bus ni thams cad kyis bzlas par 'gyur ro/ /ji srid skyo bar ma gyur pa de srid kyi bar du bsgoms la skyo bar gyur na yang mtshan brgya rtsa brgyad kyis bstod la/mchod yon phul te mchod la phyag bzhi byas nas/ phyag rgya gang dang gang nas byung ba de dang de nyid las bkrol la/ rdo rje sems ma la sogs pa'i phyag rgyas badzra muHzhes bya ba dang /dgrol bar bya'o/ /dpal rdo rje sems dpa' la sogs pa'i gnas kyi nges pa ni bshad zin to/ /mi bskyod pa la sogs pa'i gnas ni/ rdo rje sems dpa' dang / rdo rje rin chen dang / rdo rje chos dang / rdo rje las kyi gnas nyid yin no/ /rnam par snang mdzad kyi gnas ni spyi gtsug yin no//de nas rdo rje rin chen gyi dam tshig gi phyag rgya snying gnas byung ba/ rang gi dbang bskur ba'i gnas su gnas pa dang / oM badzra rat+na a b+hi Shiny+tsa zhes bya bas phyag rgya thams cad dbang bskur bar bya'o/ /de'i rjes la sarba mu traM mai tri ku ru ba ra ka ba tse na baM zhes bya ba dang /mdzub mo gnyis kyis snga ma bzhin du go cha bgos la/ tha mar mnyam pa'i thal mos snga ma bzhin du mnyes par byas la/ rdo rje sems dpa' dang yi ge brgya pa bzlas nas/ mngon par 'dod pa'i dngos grub kyi phyir/ dge ba'i rtsa ba yongs su bsngo ste/ bdag gi cho ga ma tshang ba gang dag bgyis pa de bzod par mdzod cig ces gsol ba btab la/mchod yon phul nas/ oM kr-i to ba sarba satwA r+tha sid+d+he ma dat+t+wa ya thA nu ga gats+tsha twAM bud+d+hA bi Sha yaM/ pu na ra ga ma na yats+tsha zhes bya bas sangs rgyas dang byang chub sems dpa' rnams gshegs pa'i phyir bskul bar bya zhing /oM badzra satwa muHzhes bya ba'i snying po 'dis/ rdo rje sems ma'i phyag rgya gyen du dgrol bar bya'o/ /de ltar na thams cad kyang gshegs su gsol bar 'gyur ro/ /ji lta ba bzhin du sprul pa'i 'khor lo'i tshogs dang bcas pa rnams ni/ de bzhin du yid kyis legs pa'i sbyor bas rang gi lus la bcug la/rdo rje srung ba dang / rdo rje gnod sbyin dang / rdo rje khu tshur dang / rdo rje las kyi phyag rgya rnams kyis bdag nyid bsrung ba byas nas langs te/ dkyil 'khor gyi las dang / glegs bam bklag pa la sogs pa bya'o//de ltar nyin re zhing thun bzhir zla ba gcig gam/ zla ba drug gam/ lo gcig gam/ dus ji srid kyi lha rnams las gnang ba thob par gyur pa de srid kyi bar du bya'o/ /yang na snga ma bzhin du rnal 'byor chen po dang /mchod pa la sogs pa byas la/ de nyid kyis ni rdo rje gzung / /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla/ /de nas badzra At+ma ko la sogs pa'i snying po gsum bzlas la/ de'i don gsum po rnam par bsgoms nas/phyag rgya bzhi'i dkyil 'khor la sogs pa'i sngags lnga pos rang gi snying gar/ rdo rje dbyings kyi dkyil 'khor sprul la/ sngar bshad pa'i snying pos dpal rnam par snang mdzad la sogs pa'i gnas ji lta ba bzhin du bkod de/ nam mkha' dang mnyam pa'i sbyor bas zhugs la/badzra At+ma ko la sogs pa'i sngags kyis de rnams dang gcig tu gyur par byas la/ badzra d+hA tu ra haM swa yaM zhes bya bas/ rdo rje dbyings kyi dkyil 'khor chen por bdag nyid nges par byas te/ thams cad kyang bdag nyid kho na yin no zhes bsgoms la/dpal rdo rje sems dpa'i snying po'am/ sngags zlos shing lha thams cad kyi zhal nas kyang sngags kyi sgra 'byung bar yang bsam par bya'o/ /phyogs de lta bu la sogs pas kyang rnam par snang mdzad la sogs pa 'grub par 'gyur ro/ /ngal zhing dub na mtshan brgya rtsa brgyad kyis bstod pa dang /mchod pa dang / phyag bzhi byas la/ thun bzhi'i tha mar yang mtshan brgya rtsa brgyad kyi bstod pa sngon du 'gro ba'i mchod pa byas la gshegs su gsol bar bya'o/ /'jig rten dang 'jig rten las 'das pa'i gsang sngags rnams ni/rnal 'byor chen pos bsgrub par bya ba yin pas/ dkyil 'khor bsgom par mi nus pa gang yin pa des ni rnal 'byor chen po byas la/ thams cad kyi sngags re re zhing bzlas brjod 'bum 'bum byas la/ badzro tiSh+Tha zhes lan 'bum bzlas la rdo rje slong ba'i phyag rgya bcings nas/mtshan thog thag bzlas brjod byas na 'grub par 'gyur ro/ /de nas brtsams te des bum pa la sogs pa de nam mkha' la 'jog par nus par 'gyur ro/ /rdo rje mdzub sor gnyis legs par/ /rab mnyam gzhag pas bsnyams nas ni//shi ba thams cad slong ba ste/ /rdo rje slong ba zhes bya'o/ /badzra A be sha a zhes bya ba yang bzlas brjod 'bum byas la/ rdo rje dril bu mar la byugs te/ sreg blugs stong gis mngon par sbyangs la/ rdo rje 'bebs pa'i phyag rgyas bzung la mtshan thog thag bzlas brjod byas na de 'grub par 'gyur la lag na thogs pa thams cad 'bebs par 'gyur ro//sngon du bsnyen pa'i cho ga'o// //de ltar sngon du bsnyen pa byas nas/ gtsug lag khang ngam/ kun dga' ra ba 'am/ yul lam/ grong khyer gyi shar ram/ byang gi phyogs kyi char ram/ rang yid dang mthun pa der dkyil 'khor bri bar bya'o/ /der shin tu mnyam zhing snum la shar du gzhol ba/ tshad dang ldan zhing tsha sgo can ma yin pa'i sa'i char rgyal pos ni khru brgya 'am lnga bcu'o/blon po dang blon po chen pos ni khru lnga bcu'am nyi shu rtsa lnga'o/ /tshong dpon nam ded dpon gyis ni khru nyi shu'am de'i phyed do/ /sgrub pa pos ni khru bcu gnyis sam drug pa bya'o/ /de la dang po kho nar mngon par 'dod pa'i dkyil 'khor gyi sa'i dbus su/ mi rus kyi phye ma khrag dang dug dang bcas pa dang /mngon spyod kyi sbyin sreg gyi cho gas dkyil 'khor gyi bgegs bzlog la/ bdag dang slob ma dang sa bdag la sogs pa zhi bar byed pa'i zhi ba'i sbyin sreg bya'o/ /de nas sa sbyang du gzhug par bya ste/ 'dom gang tsam la lkog ma'am lte ba'am pus mo nub pa tsam du 'og tu brkos la/spos chu dri zhim pos sbrus pa'i sas bkang la/ rdo rje rtse mo yongs su bzlas pa'i spos chus chag chag btab ste/ 'thas par bcags la shin tu mnyam par byas pa/ khang pa brtsegs pa'i nang du chud pa/ rta babs bzhis mdzes par byas pa/sgo bzhi dang skar khung gis yongs su bskor ba/ tha mar dril bu legs par btags pa dang bcas pa'i rgyal mtshan dang / bla re'i mchod pa sna tshogs bres pa/ sangs rgyas rin po che la sogs pa'i ras ris dang sku gzugs kyis nye bar brgyan pa/ grwa bzhir spos snod gzhag pa/me tog dang mar me dang gos la sogs pas nye bar mdzes par byas la dris byugs te/ rdo rje gnod sbyin yongs su bzlas pa'i spos chus yongs su bsangs la/ rdo rje sems dpa'i yi ge brgya pa lan bdun bzlas par bya'o/ /sa sbyang ba dang yongs su gzung ba'i cho ga'o// //de nas bdag nyid khrus byas shing lus dris byugs la/ ji snyed pa'i gos dang rgyan gdags shing / shin tu dmar ba'i gos bgos la/ /me tog gi phreng ba gdags shing gdong dri zhim par byas la/ yar gyi ngo'i tshes brgyad nas brtsams te/tshes bcu'am/ tshes bcu gsum mam bcu bzhi nas brtsams te/ bco lnga'i bar du dkyil 'khor gyi las bya'o/ /gnyug mar gnas pa'i sa'i char Ti phyag dar dang / skyang nul byas la/ de bzhin du lag pas reg par byas nas/ rdo rje sems dpa' bzla bar bya'o//de nas cho ga thams cad spyad par bya'o/ /yang na tshes bco lnga'i snga dro nas brtsams te bya'o/ /dkyil 'khor du 'jug pa'i zhag ni/ slob dpon slob ma dang bcas pas smyung bar gnas par bya'o/ /de la re zhig dkyil 'khor gyi sa'i dbus su 'dug la/bdag bsrung ba dang / bgegs gzhom pa la sogs pa bya'o/ /de nas rdo rje'i 'khor los dkyil 'khor sprul la/ phyag 'tshal ba la sogs pa sngon du 'gro ba dang sdom pa bzung la/ rnal 'byor chen po dang khang pa brtsegs pa dang /gdan la sogs pa bskyed la/ sems dpa'i skyil mo krung gis 'dug ste/ bdag nyid spro ba bskyed par bya'o/ /deng dus bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig gis mnyam par//gyur par bdag ni som nyi med/ /byang chub sems dang sems gcig las/ /mi ldog par ni bdag gyur te/ de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas//deng bdag 'dus pa mchog yin no/ /de nas yan lag thams cad kyis phyag byas te/ spos snod lag tu thogs te/ sangs rgyas thams cad spyan drang bar bya'o/ /ma lus phyogs na bzhugs pa yi/ /sangs rgyas thams cad dgongs su gsol//bdag ming 'di zhes bgyi ba yis/ /rdo rje can gyi dkyil 'khor bri/ /deng 'dir sangs rgyas kun gshegs te/ /dngos grub 'di ni stsal du gsol/ /zhes brjod la/ dang po'i sbyor ba dang / dkyil 'khor rgyal mchog dang las kyi rgyal po'i mchog rnam par bsgoms nas/yang sgo dbye ba sngon du 'gro bas/ rdo rje sems dpa'i gnas su dpal rdo rje sems dpa'i phyag rgya chen pos gnas pa'i bar du byas nas/ de'i sngags zlos pa la brtson pa'i rnal 'byor pa la/ sgrub pa'i grogs mchog de bzhin gshegs pa'i nga rgyal dang ldan pas dkyil 'khor bri ba'i phyir/mtshan brgya rtsa brgyad pas gsol ba gdab par bya'o/ /de nas langs la de bzhin gshegs pa thams cad kyi zhabs la phyag byas la/ de bzhin gshegs pa thams cad kyis nam mkha'i khams gang bar mngon sum du bsams la/bdag ni rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag yin/ /bdag ni rnal 'byor dbang phyug rgyal/ /phyag na rdo rje brtan bdag yin/ /bdag po rdo rje chen po bdag / byin gyis brlabs pa mi 'dor ro/ /de nas badzra dr-iSh+Ti ma Ta zhes bya ba mig gnyis su bkod la/ yi ge a las rkang mthil gnyis su sna tshogs rdo rje bskyed la/ rang gi dam tshig gi phyag rgya bcings te/ badzra satwa ut+tiSh+ThA zhes bya bas dkyil 'khor de nam mkha'i steng du bteg go/ / de nas rang gi dam tshig gi phyag rgya des bdag nyid lan cig byin gyis brlabs la/ yang phyag rgya chen po bcings te/ phyag rgya la gnas de bzhin langs/ /kun du rnam par bltas nas ni/ /rdo rje sems dpa' zhes brjod nas/ /bsgyings pa'i tshul gyis yongs su bskor//rdo rje'i lta bas phyogs dang mtshams dang / dkyil 'khor bcing ba dang / rab dang dra ba byas nas/ rkang mthil nas yongs su gzung ste/ sa gzhi nas ri rab kyi rtse mo'i bar du/ rdo rje'i rang bzhin du byas la/ /yang bgegs gzhom pa la sogs pa byas nas/sngags dang phyag rgya 'di dang ldan pas/ gsang ba'i dkyil 'khor dgug par bya'o/ /oM badzra sarba maN+Da la hUM dzaH rdo rje khu tshur gnyis mdzub mo dang / mthe bong rdo rjer bya ba ni/ /dkyil 'khor thams cad dgug pa yin no/ /rdo rje 'khor lo'i phyag rgya dang / ma hA badzra tsakra a d+hi tiSh+Tha sid+d+h+ya hUM zhes bya ba 'dis yang dkyil 'khor byin gyis brlab par bya'o/ /rdo rje rgyu'i las kyi phyag rgya nyid 'di'i phyag rgya yin no/ /de nas seng ldeng las byas pa'i rdo rje'i phur bu/ dbus dang grwa bzhir rdo rjes brdung bar bya ste/ oM badzra ki la ya sarba big+h+naM ban+d+ha hUM zhes bya ba'i snying po brgya rtsa brgyad bzlas la/g.yon pa'i rdo rje khu tshur gyis bzung ste/ rdo rje rtse lnga pa blangs la/ hUM zlos shing de dang dkyil 'khor gyi grwa bzhi dang dkyil 'khor gyi lte bar phur bu lnga bskyed la/ lag pa g.yas pa rdo rje rtsa gsum par byas pas brdung zhing 'di skad ces bzlas par bya'o//oM g+ha g+ha g+hA ta ya g+hA ta ya sarba duSh+TAn phaT/ ki la ya ki la ya sarba pA paM phaTaHbadzra ki la ya/ badzra d+ha rod Adz+nyA pa ya ti swA hA/ de nas rdo rje gnod sbyin yongs su bzlas pa'i bsang chu'i bum pa dkyil 'khor gyi sgor bzhag la/ rdo rje khu tshur gyi las kyi phyag rgyas bsrung ba thams cad brtan par byas la/ rdo rje go chas go bskon par bya ste/ de yang bcing ba'i cho ga'i sbyor ba la/ /rdo rje khu tshur rab tu brtan/ /rdo rje go chas go bskon pas/ /dkyil 'khor kun nas bsrung bar bya/ /zhes gsungs pa yin no//yang dkyil 'khor gyi dbus su 'dug la/ dkyil 'khor yongs su brtag ste/ dkyil 'khor gyi gnas dris nye bar byugs la/ de bzhin gshegs pa lnga'i gnas su tsan+dan dang gur gum la sogs pa'i lde gus dkyil 'khor gru bzhi par byas la/ lhag ma rnams ni zlum por bya zhing rang rang gi sngags kyang lan bdun bdun du bzla bar bya'o//de nas nam mkha'i phyogs nas de bzhin gshegs pa la sogs pa dgug pa dang / gzhug pa dang / bcing ba dang mnyes pa la sogs pa byas la rang gi snying gar bcug ste/ mchod pa lnga pos legs par mchod do//de nas dbang bskur ba'i bum pa 'bru la sogs pa thams cad dang ldan par chu nyung zad cig blugs la/ rdo rje sems dpa' la sogs pa bzlas pa'i mchod yon phul te/ spos chu dang me tog kyang bcug la spos kyis bdugs te/ cho ga bzhin du lhag par gnas par bya'o//nyin zhag gnyis pa la thun gsum du yang dag par bzlas par bya zhing / des dbang bskur bar bya'o/ /yang dkyil 'khor du bzlas la/ 'og nas bshad pa'i de'i mtshan nyid bdag nyid chen pos shes par byas la/ rdo rje sems dpa'i spyan sngar gzhag par bya'o//de nas rdo rje gnod sbyin dang / rdo rje sems dpa' dang / sangs rgyas spyan la re re zhing mar la sogs pa'i sreg blugs dbul bar bya'o/ /lhag par gnas pa'i sbyin sreg gi cho ga'o// //de nas phyi rol du gtor ma byin la/ nye reg byas nas/mtshan brgya rtsa brgyad pas bstod de/ me tog la sogs pa dang sgeg mo la sogs pas de bzhin gshegs pa la mchod la/ phyag byas nas slob ma lhag par gnas par bya'o/ /de la re zhig dang por khrus legs par bya'o/ /gos gtsang ma bgo zhing / lag na me tog thogs pa'i slob mas slob dpon la phyag byas la/ 'di skad smrar gzhug go/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa'i tshul bstan pa/ /mgon po chen po bdag 'tshal lo/ /dam tshig de nyid stsal du gsol//byang chub sems kyang bdag la stsol/ /sangs rgyas chos dang dge 'dun te/ /skyabs gsum dag ni bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /de nas sdig pa bshags pa la sogs pa byed du gzhug ste/ rtog pa rnams ni legs par bsdus nas ni/ /shin tu bsam pa bzang por ldan pas nyon/ /brjod ngas blo la rdo rje sems sogs pa'i/ /bde bar gshegs pa rnams kyis byin mi rlob/ /dbang med bdag gis mi dge bgyis pa dang / /rjes su yi rang yang na bgyid stsal gang //de dag thams cad byang chub mchog gi ni/ /spyan sngar ma lus da ltar so sor bshags/ /bde gshegs sras kyi tshogs gnyis zab pa dang / /rgya ches 'gro ba ma lus pa yi don/ /sgrub par byed dang de las gzhan la yang / rtag tu bdag ni rjes su yi rang ngo / / thugs rjes khyab pa'i thugs dang ldan gyur cing / /blo gros sdig bral gti mug tshogs kun bcom/ /ma lus rigs kyi pad+ma'i nang zhugs pa/ /bde bar gshegs pa rnams la skyabs su mchi/ /blo mchog rnams kyi kun dga' rab ste/ /dman pas 'jigs pa rnams kyi rgyal byed tshal//srid pa'i 'byor ba zil gyis gnon pa'i mchog /gsung mchog chos la bdag ni skyabs su mchi/ /'dod chags la sogs sbrul gyi dug bcom zhing / /blo gros rnams rgyal thugs rje cher ldan pa'i/ /brtul zhugs bzang po'i tshogs la skyabs mchi zhing //srid dang bral ba rnams la bdag phyag 'tshal/ /rgyu yi rjes la bdag po'i yul bdag nyid/ /'bras bu'i stobs kyis dgra las rgyal gyur pa/ /snying rje'i rtsa ba zug cing yang dag rtogs/ /mnyam med byang chub rnam par gzung bar bgyi/ /sems can rnams ni yongs su smin pa'am//yang na yongs su bskyab par bya phyir ram/ /rang gi sems ni dag par bya ba'i phyir/ /'di dag thams cad rtswa sogs bzhin du btang / /de bzhin tshul khrims bzod dang brtson 'grus dang / /bsam gtan shes rab bla na med pa ni//bdag dang gzhan rnams dag par bya ba'i phyir/ /skad cig re re zhing yang bsgom par bgyi/ /bde bar gshegs pa'i sngags la mkhas pa yis/ /chos rgyal rtag tu lhun gyis grub pa ni/ /'gro ba 'di yis thob par bya ba'i phyir/ /khyad 'phags gnas la bdag ni gnas par bgyi//zhes lan gsum brjod do/ /bdag gis de skad ces brjod pa'i dge ba'i rtsa ba 'dis/ /bdag gis bdog pa thams cad yongs su gtang bar bgyi'o/ /bdag gis sems can thams cad la mnyam pa'i sems bskyed par bgyi'o//bdag gis sems can thams cad theg pa thams cad dang / thabs kyi bye brag thams cad kyis btul nas/ mi gnas pa'i mya ngan las 'das pa'i dbyings la rab tu gzhag par bgyi'o/ /bdag gis sems can thams cad yongs su mya ngan las 'das par gyur kyang /sems can 'ga' yang yongs su mya ngan las 'da' ba med do zhes sems bskyed par bgyi'o/ /bdag gis chos thams cad skye ba med pa nyid du rjes su rtogs par bgyi'o/ /bdag gis ma yengs pa'i sems dang / thams cad mkhyen pa'i ye shes kyi sems kyis pha rol tu phyin pa drug la bslab par bgyi'o//bdag gis theg pa gcig gi tshul du gnas par yang rtogs par bgyi'o/ /bdag gis byang chub kyi phyogs kyi chos sum cu rtsa bdun la gnas par so sor rtogs par bya ba'i phyir bslab par bgyi'o/ / bdag gis stobs bcu dang mi 'jigs pa dang / so so yang dag par rig pa dang / sangs rgyas kyi chos ma 'dres pa rnams so sor rtogs par bya ba'i phyir mngon par brtson par bgyi'o/ /de bzhin du bdag gis sangs rgyas kyi chos tshad med pa ma lus pa'i bar la mngon par gnas par bya ba'i phyir mngon par bsgrub par bgyi'o//'di nyid ni byang chub sems dpa' chen po rnams kyi byang chub chen por sems bskyed par rdo rje lta bu yin te/ de bzhin gshegs pa thams cad kyi yab dang / de bzhin gshegs pa thams cad kyi bka' bzhin byed pa dang /de bzhin gshegs pa thams cad kyi sras kyi thu bo ste 'di nyid ni bcom ldan 'das kun du bzang po'o/ /de'i dge ba'i rtsa ba rnams kyis ji lta ba bzhin du yang dag par rdzogs par byas pa'i stobs kyis bdag sems bskyed pa 'di la gnas pas kun du bzang po'i spyod pa zhes bya ba sgo mtha' yas pa la gnas pa mtha' med par gyur pa rdzogs par byas nas/gdul bya'i 'gro ba'i tshogs ma lus pa rnams la spyod pa'i rab tu dbye ba'i sgo mang po bstan pas yang dag par mgu bar bya ba dang / yang dag par dga' bar bya ba dang /yang dag par gzengs bstod pa la nges par sbyar bar bgyi'o/ /de nas sa ma ya a zhes bzlas pas slob ma'i snying gar zla ba'i dkyil 'khor bskyed la/ de'i steng du rdo rje rtse lnga pa de bzhag la/ su ra ta sa ma ya s+t+waM a ho/ /badzra sid+d+h+ya ya thA su khaM zhes bya ba'i snying po yang snying gar bzlas la/spyi bor spos chus brlan pa'i lag pa bzhag ste/ rdo rje sems dpa' bzlas shing / rdo rje bsam par bya'o/ /dpral bar yi ge traM las rin po che/ lkog mar yi ge hraM las pad+ma/ spyi bor kaM las sna tshogs rdo rje bsams la/ badzra satwa badzra rat+na/ badzra d+harma/ badzra karma zhes zlos shing / rang gi snying ga la sogs pa byin gyis brlab par bya'o/ /de nas rdo rje dris de rnams kyi lag par dri sbyin par bya ste/ me tog gis me tog go/ /bdug pas bdug spos dbul lo/ /mar mes mar me'i snang ba bya'o/ /de nas u dum+WA ra dang a shwad+tha la sogs pa'i so shing sor bcu gnyis pa rtse mor me tog bcings pa/rdo rje bzhad pa bzlas la sbyin par bya'o/ /des kyang shar ram byang du bltas te rtse mo nyid nas bca' bar bya'o/ /de nas ku sha sar pa la rdo rje rnon po dang / rdo rje sems dpa' yongs su bzlas pa byin nas/ 'dis ni gdan du gding zhing / 'dis ni sngags su gyis la nyol cig ces bsgo'o/ /de nas dpung pa g.yon par ni/ /rdo rje srung ba bzlas pa yi/ /srung skud mdud pa gsum ldan pa'i/ /bdag nyid kyis ni legs par bcing / /de nas zab cing rgya che ba'i chos ci nus par bstan pas/thams cad la gzengs bstod pa byas nas/ bzhin bzangs dag longs shig /nang par dkyil 'khor chen po mthong bar 'gyur ro zhes bsgo ba lhag par gnas pa'i cho ga'o// //de nas nyi ma shar kar dkyil 'khor de de bzhin du steng du nam mkha' la bzhag la thig gdab par bya'o//de la dang por re zhig tshon rtsi sngon po dang / ser po dang / dmar po dang / ljang gu dang / dkar po dri zhim pos bsgos pas srad bu so sor bsgyur la/ go rims 'di nyid kyis bzhag nas/ de la hUM drAM hrIHa oM zhes bya bas rang rang gi sa bon las mi bskyod pa la sogs pa srad bu la bkod de/dIp+ta dr-iSh+Ti aM ku sha dzaHzhes bya ba mig gnyis su bkod la/ /rab tu g.yo zhing 'bar ba'i mig /mig gi rdzi ma 'dren pa ni/ /zhes bya ba'i 'bar ba'i lta bas/ mi bskyod pa la sogs pa la bskul zhing /bcom ldan 'das dkyil 'khor chen po'i thig gdab par bya ba'i phyir/ rdo rje'i thig bdag la stsol cig /ces bya bas kyang bskul bar bya'o/ /de nas rang gi sa bon gyi 'od kyis bskul ba'i mi bskyod pa la sogs pas btab pa'i srad bu 'bar ba'i lcags kyus bkug ste/rang gi lag na gnas pa la/ /srad bu des gang bar byas la/ a n+yo n+ya a nu ga ta sarba d+harmAHspa ra spa ra a nu pra biSh+Ti sarba d+harmAHa t+yan ta/ a nu pra biSh+Ta/ sarba d+harmAHoM badzra satwa hUM zhes zlos shing bsgril bar bya'o/ /bsgril nas mig g.yas dang g.yon gnyis su ma dang Ta las nyi ma dang zla ba bskyed la/badzra dr-iSh+Ta ma Ta zhes bya bas brtan par byas la/ srad bu de dris byugs pa'i gser la sogs pa'i snod du legs par bzhag la/ dri dang me tog dang bdug spos la sogs pas mchod la/ oM badzra sa ma ya sU traM mA ti kra ma hUM zhes bya ba rdo rje bsdams pas bzung ste/lan brgya rtsa brgyad bzlas par bya'o/ /de nas sems dpa' bcu drug bzlas pa'i dris/ dkyil 'khor gyi sa gzhi yang byugs la/ phyi rol kun du me tog gis mdzes par byas nas/ bar snang la bzhugs pa'i rigs thams cad la mchod yon phul te/me tog la sogs pa dang / sgeg mo la sogs pas thams cad mchod la/ phyag byas te/ mig g.yas dang g.yon du yi ge dza ser po bkod la/ nyi ma dang zla ba ser por snang ba bskyed de/ glu dang rol mo la sogs pa dang bcas pas dkyil 'khor brtag par bya'o//de la re zhig sngar sngags bzlas pa'i srad bu dri zhim pa tha ma dkar po dang ldan pa/ yid kyis badzra d+hA tu zhes bya ba'i rdo rje'i tshig gis bzlas la rnam par snang mdzad du gyur par byas nas/ sgrub pa po'i grogs mchog badzra karma zhes brjod de rang gi snying gnas rdo rje las kyi gzugs su sprul bar bya'o//de nas badzra satwa zhes brjod de/ rdo rje sems dpar bdag nyid bsams la srad bu de g.yon pa'i rdo rje khu tshur gyis bzung la/ dza zhes bya bas sgrub pa'i grogs mchog rdo rje las kyi gzugs can gyi lag tu srad bu de btang la/phyogs thams cad du mnyam pa nyid du bsgom zhing / shar phyogs su bltas te/ rdo rje srad bus gdab par bya'o/ /yang slob dpon lhor 'dug la byang du bltas te/ gnyis pa gdab par bya'o/ /de nas me'i phyogs kyi char gnas pa la/byang du bltas te phyi'i dkyil 'khor gyi shar du thig gdab po/ /rlung gi phyogs su gnas te/ lho phyogs su bltas la nub kyi thig gdab po/ /de nyid du 'dug ste byang gi thig gdab po/ /yang me'i phyogs su 'dug ste lho phyogs kyi thig gdab par bya'o//kha khyer gyi thig kyang gdab par bya'o/ /yang me'i mtshams su gnas te rlung gi mtshams kyi bar gyi thig gdab pa dang / yang bden bral gyi mtshams su gnas te dbang ldan gyi mtshams kyi bar du thig gdab par bya zhing / slob dpon dang sgrub pa'i grogs mchog bskor phyogs su 'gro bar bya'o//de la re zhig srad bu'i sngags ni/ oM badzra sa ma ya sU traM mA ti kra ma hUM zhes bya ba dang / dza dza dza zhes bya ba gsum gyis sgrub pa'i grogs mchog gis drang bar bya'o/ /de la sgo ni cha brgyad pa'o/ /sgo khyud ni sgo'i tshad kyi phyed do//kha khyer phyi'i thams cad dang nang gi kun ni sgo'i phyed do/ /tshon sna lnga'i sa ni kha khyer gyi phyed kyi tshad du bya'o/ /rta babs ni sgo'i sum 'gyur du bya'o/ /nang gi dkyil 'khor ni phyi'i dkyil 'khor gyi phyed la zur bzhi pa sgo bzhi pa kha khyer gyis yongs su bskor ba/ ka ba brgyad dang ldan par thig btab la/seng ldeng gi phur bu 'og rdo rje rtse gcig pa lta bu la/ steng rdo rje rtse lnga pa'i dbyibs can gyi phur bu la/ rdo rje phur bu'i sngags bzlas la/ rdo rje tho bas brdungs te snga ma bzhin du btab la/ de la brtod pa'i srad bus nang gi dkyil 'khor dang /phyi'i rdo rje'i phreng ba dbang ldan gyi phyogs nas brtsams te g.yas nas bskor ba'i rim gyis gdab par bya'o/ /dkyil 'khor gyi tshad kyi nyis 'gyur la/ mtha' skor khru drug par bya ba ni tshad chung ngu yin te/ gzhan dag tu ni ji tsam 'tsham par bya'o/ /da ni lung las gsungs pa'i thig gi mtshan nyid brjod par bya ste/sar pa las ni bkal nas kyang / /tshad dang ldan pa mdzes pa yi/ /thig gis mkhas pa ci nus kyis/ /dkyil 'khor gyi ni thig gdab po/ /gru bzhir bgyi zhing sgo bzhi dang / /rta babs bzhis ni mdzes bgyis la/ /thig bzhi dang ni ldan gyur pa//dar dang me tog phreng bas brgyan/ /grwa yi phyogs ni thams cad du/ /sgo khyud kyi ni nang rnams su/ /rdo rje rin chen spras par ni/ /dkyil 'khor phyi rol thig gdab po/ /de li rim pa'i nang zhugs la/ /'khor lo 'dra bar rdo rje yi/ /thig gis yongs su bskor bya zhing //ka ba brgyad kyis mdzes bgyis par/ /phyogs kun mnyam pa nyid dmigs la/ /shes rab can gyis thig gdab po/ /shar dang nub dang byang dang lhor/ /thig bzhi btab pas dkyil 'khor brgyad/ /nang dang phyi rol gyi kha khyer dang / dra ba dang dra ba phyed pa dang / rnga yab dang zla ba dang nyi ma'i dkyil 'khor yang bri ba dang / dkyil 'khor gyi grwa'i mtshams thams cad du/ rlung gis bskyod pa'i dril bu btags pa'i ba dan sna tshogs btags pa dang / de'i sgo rnams kyi ni khyud kyi mtshams rnams su/ zla ba phyed pa la gnas pa'i rdo rje rin po ches mdzes par bri bar bya'o//gal te bgegs byung ba bzlog par 'dod na/ phur bu'i sngags len 'bum bzlas pa'i phur bu dkyil 'khor gyi lte bar lan brgya rtsa brgyad bzlas te gdab par brtan pa dang / dbyibs 'dra ba'i phur bus bgegs thams cad la gdab par bya'o//de yang ji skad du bshad pa'i dkyil 'khor gyi lte ba la btags nas/ shar nas bskor phyogs su zlum por bskor ba'i 'od kyi dkyil 'khor thig btab pa de'i phyi rol tu khor yug chen po/ de bzhin du zlum por thig btab la/ 'od kyi dkyil 'khor der grog mkhar gyi sa la sogs pa las bgegs kyi gzugs brnyan byas la/brgya byin gyi gzugs brnyan shar phyogs na gnas pa la/ yi ge i las brgya byin mdog ser po'o/ /me la sogs pa'i gzugs brnyan la yang de bzhin te/ raM las me lha dmar po/ oM haM las gshin rje mdog nag po/kaM las srin po nag po/ /baM las chu lha dkar po/ yaM las rlung lha dud ka /phaT las lus ngan po ser po/ sum+b+ha zhes bya ba las dbang ldan dkar po bskyed la/ rdo rje lcags kyu la sogs pas bkug ta bcug la bcings te dbang du byas nas phur bus gdab po//shin tu yang yun ring du bgegs med par byed 'dod pas sas dgab par bya'o/ /de lta na yang gal te bgegs byed na/ rdo rje hUM mdzad kyi sbyor ba byas la 'dod pa'i rgyal pos bkug nas/ lcags kyu la sogs pas kyang dgug pa la sogs pa byas te/ rdo rje hUM mdzad kyi phyag rgya bcings te/ rkang pa g.yon pas bgegs kyi gzugs brnyan mnan te/ hUM baM hUM zhes bya ba la sogs pas spel ba'i tshul gyis/ g.yon pa brkyang ba'i gnas pas 'dug la/ bgegs byed pa'i sprin la sogs pa la mngon par bltas te/ phyag rgya 'phangs te bstan la nam mkha'i khams thams cad du spros pas 'od zer 'bar ba kun du 'khrug pa'i rdo rje hUM mdzad kyis/rkang pa bteg cing bsnun pas/ sprin la sogs pa thal bar byas par bsam par bya ste/ de lta bus ni bcom pa nyid du 'gyur ro//yang na stong pa nyid kyi ting nge 'dzin mngon du byas la/ de'i 'og tu a las rnam par snang mdzad du gyur nas/ rgyud las bshad pa'i rnam par snang mdzad kyi skur nges par byas la haM las 'phags pa mi g.yo ba yid kyis thugs ka nas phyung ste/ badzra haM ban+d+ha zhes yid la brjod la/phyi'i dkyil 'khor gyi phyi rim du rlung gi phyogs su dri'i thig le bdun byas te/ thig le re re zhing yang re re'i nang du chud par byas la/ dbus ma dang tha ma yang thig le bdun dang ldan par byas te/ thig le bdun po de dag kyang rlung lha bdun po ri dwags la zhon pa mdog nag po/'phags pa mi g.yo bas zhags pas bkug nas bcings par gyur par bsams la/ de rnams kyi dbus ma gcig ni gtso bo yin la/ lhag ma thig le drug po ni de bskor te kun nas gnas par bsam mo/ /de nas kham phor a las ri rab tu bsams la/ de'i steng du a nyid las dbang chen gyi dkyil 'khor thams cad du rdo rjes g.yogs pa/dbus su yang rdo rje rtse lnga pa yi ge hUM gi sa bon las byung ba mtshams rnams su mdung rtse gsum pa rnam par bsams la/ de bzhin du badzra haM ban+d+ha zhes brjod de/ kham phor des ji skad du bshad pa'i thig le bdun dgab par bya'o//de nas kham phor dang ri rab kyi steng du oM las bcom ldan 'das rnam par snang mdzad bsams te/ 'phags pa mi g.yo ba dang / bcom ldan 'das kyi spyan sngar g.yon brkyang bas ri rab mnan nas/ ral gri dang zhags pas rlung rnams la sdigs mdzub mdzad par bsams te/de lta bus ni rlung rnams thams cad bcing ba byas par 'gyur ro/ /de la chu la sogs pa'i bgegs bzlog par bshad par bya ste/ haM las rlung dang me'i dkyil 'khor la gnas pa'i 'phags pa mi g.yo bar bdag nyid bskyed la/grog mkhar gyis 'am/ ba glang gi lci ba sa la ma lhung bas bgegs kyi gzugs brnyan byas nas/ khaM las ral gri/ raM las me'i snying po bskyed la/ kiM las zhags pa dang / lcags kyu bskyed de/ lag pa g.yon pas bzung la/ lag pa g.yas pas lcags kyu dang zhags pas drangs nas/bgegs kyi gzugs brnyan gyi nang du bcug ste/ g.yon brkyang ba'i gnas pas gnas la/ rkang pa g.yon pas spyi bo nas btsir la/ 'di skad ces brjod do/ /na maHsa man+t+ra badzrA NAM/ tsaN+Da ma hA ro Sha Na s+pho Ta ya hUM/ tra ka haM maM zhes brjod nas gzugs brnyan de ral gris gtub par bya'o/ /dug dang ske tshe dang lan tshwa la sogs pas gzugs brnyan bskus la mes gdung bar bya'o/ /me yis gdungs pas de nyid kyang / /gdungs par 'gyur bar the tshom med/ /tshangs pa'am brgya byin yin na yang /de yi mod la myur du 'tshig /ces bcom ldan 'das rnam par snang mdzad kyis gsungs so/ /las 'di dag kyang 'phags pa mi g.yo ba'i rnal 'byor gyis de'i gsang sngags khri bzlas pa'i sngon du bsnyen pa byas nas de'i 'og tu las bya'o/ /yang oM AHhUM zhes bya ba 'dis 'phags pa 'jam dpal gshin rje gshed sku mdog nag po zhal bzhi pa/phyag bzhi pa/ zhabs drug pa/ phyag g.yas gnyis na ral gri dang dgra sta bsnams pa/ phyag g.yon gnyis na zhags pa gtun shing bsnams pa/ lho phyogs su gzigs pa/khro bo'i tshogs rnams kyis nam mkha'i khams kun du gang bar mdzad pa rnam par bsams la/ mdung thung gi phyag rgya bcings la/ sprin la sogs pa bzlog pa'i bsam pas/ tsham ngam dang bcas pas rab tu sbyar bar bya'o/ /rdo rje bsdams pa nang du bcings la/mdzub mo gnyis sbyar ba ni mdung thung gi phyag rgya'o/ /de ltar na yang gal te bgegs rnams zhi bar ma gyur na/ kham phor som btang ba gnyis kyi nang du khrag dang dur khrod kyi sol ba dang / dug dang / ske tshe dang / da du ra'i lo ma'i khu bas sngags bris la/yungs kar la brgya rtsa brgyad bzlas brjod byas nas/ kham phor kha sbyar te/ de'i nang du bzhag la/ me'i bgegs la sogs pa bsams la/ sreg blugs brgya'am sreg blugs bdun sbyin sreg bya'o/ /de nas de dag 'jig pa'am/'chi ba'am/ mi ma yin pas gzung bar 'gyur ro/ /yang na rdo rje hUM mdzad kyi sbyor bas yi ge hUM bzlas brjod 'bum byas la/ /mi rus kyi rgyu las byas pa'i phur bu sor bzhi pa'i tshad tsam la/ lan brgya rtsa brgyad bzlas la/ de bzhin du rdo rje lcags kyu la sogs pas bkug cing bcug ste bcings nas/gzugs brnyan la phur bus gdab bo de nas me'i tshe ba zhi bar bshad par bya ste/ me'i steng du baM las chu'i dkyil 'khor/ de'i steng du pad+ma'i dbus su gnas pa'i 'khor lo/ de'i steng du baM gnyis nas bcom ldan 'das rnam par snang mdzad dung dang kun+da ltar dkar bar bzhugs te/mtsho chen po ma dros pa 'dra ba'i rgya mtsho chen po bzhi las/ chu bo bzhi 'bab pa lta bu'i char gyi rgyun babs pas phyogs bcur 'gengs par gyur par bsam par bya'o/ /rdo rje can dang rdo rje me ltar 'bar bas kham phor gyi ri rab dang /phur bu yang dag par bsrungs la/ rdo rje gnod sbyin dang / rdo rje 'jigs byed can dag gis/ de rnams kyi nam mkha' bcing bar byas la/ rdo rje bcings pas dra ba bya'o/ /yang na mngon spyod kyi sbyin sreg gis bgegs bzlog par bya'o/ /de nas dkyil 'khor gyi dbus na gnas pa'i phur bu hUM bzhis bton la/'og nas bshad pa'i tshon sna lngas phur bu'i bu ga bkang la/ mnyam por gzhag go/ /de nas hi zhes bya bas mig g.yas pa dang / g.yon par nyi ma dang zla ba bskyed la/ khro bo'i lta bas kun du bltas la/ sgo rnams bya'o de nas tshon rtsi byin gyis brlab par bya ste/oM badzra tsi tra sa ma ya hUM zhes bya ba 'dis phyag rgya dang ldan pas tshon rtsi thams cad la lan bdun gyi bar du mngon par bzlas na/ rdo rje'i rang bzhin du 'gyur ro zhes bcom ldan 'das rdo rje 'chang chen pos gsungs so/ /de la phyag rgya ni 'di yin te/ rdo rje'i phyag rgya gnyis las ni//mdzub mo rtse mo mnyam sbyar ba/ /byas nas tshon rtsi thams cad ni/ /'bar ba'i lta bas dgug par bya/ /hi zhes bya ba dang / rdo rje nyi ma'i khro bo'i dam tshig gi phyag rgya dang / g.yon pa'i rdo rje khu tshur gyi mtha' sbyar bar bya'o/ /oM badzra tsitra sa ma ya hUM zhes zlos shing dbang ldan phyogs nas brtsams te/g.yas nas bskor bas g.yon pa'i rdo rje khu tshur gyis tshon rtsi dgye bar bya ste/ phyis ci bder bya'o/ /de'i rim pa ni 'di yin te/ sngon po dang ser po dang dmar po dang ljang gu dang dkar ba'i rim pa 'dis ci bder dgye'o/ / khru drug par bya ba ni tshon rtsi'i ri mo chung tshad yin te/ de phan chad khru bskyed pas rkang pa yang bskyed par bya'o/ /de yang rdo rje rtse mo'i rgyud las/ sngon po rdo rje rtse rang bzhin/ /gnyis pa gser la dmigs pa ste/ /pad+ma rA ga'i rang bzhin gzhan/ /de bzhin gzhan dag mar gta 'dra/ / dkar po nang du shes bya ste/ /'di ni tshon gyi rim par bshad/ /ces bcom ldan 'das rdo rje 'chang chen pos gsungs so/ /shar phyogs su ni sngon po che/ /lhor ni ser po dang ldan pa/ /nub kyi phyogs ni dmar po ste/ /byang ni ljang gur yang dag ldan/ /dbus kyi sa yi cha nyid ni/ /shel ltar snang ba bla na med//rtag tu rdo rje dril 'chang zhing / /rab mnyam gzhag ste de yis bri/ /rdo rje ka ba'i nang logs su/ /zla ba'i dkyil 'khor lngas brgyan la/ /dbus kyi dkyil 'khor dbus su ni/ /sangs rgyas kyi ni gzugs gzhag cing / /sangs rgyas kyi ni phyogs kun gyi//dkyil 'khor rnams kyi dbus rnams su/ /rim bzhin du ni dam tshig mchog /bzhi po legs par gzhag par bya/ /dkyil 'khor bzhi po de dag tu/ /rdo rje gom pas song nas ni/ /mi g.yo ba la sogs pa yi/ /sangs rgyas bzhi po thams cad gzhag /mi g.yo ba yi dkyil 'khor du//rdo rje 'dzin sogs mnyam par gzhag /rin chen 'byung ldan dkyil 'khor du/ /rdo rje snying sogs rdzogs par gzhag /tshe dpag med pa'i dkyil 'khor du/ /rdo rje spyan sogs rdzogs par bzhag /gdon mi za ba'i dkyil 'khor du/ /rdo rje rgya gram la sogs gzhag /'khor lo yi ni grwa rnams su/ /rdo rje lha mo rnams kyang gzhag /dkyil 'khor phyi rol grwa rnams su/ /sangs rgyas mchod pa rnams kyang gzhag /sgo rnams kun gyi nang du ni/ /sgo srung bzhi yang gzhag par bya/ /dkyil 'khor phyi rim phyogs su ni//sems dpa' chen po rnams kyang gzhag /de la rdo rje shugs kyi snying po ni 'di yin te/ oM badzra be gA kra ma hUM/ de la 'di'i phyag rgya ni 'di yin te/ yid kyis ri mo bteg nas ni/ /rdo rje srad bu'am gzhan yang rung / /phyir byung nang du zhugs kyang rung / dam tshig nyams pa de mi 'gyur//de la bcom ldan 'das rnam par rdo rje snang mdzad ni/ sku mdog dkar po seng ge'i gdan la rdo rje'i skyil mo krung gis bzhugs pa/ byang chub mchog gi phyag rgyas rdo rje rtse lnga pa bsnams pa/ nyi ma'i dkyil 'khor gyi 'od mnga' ba/ dar la'i stod g.yogs dang /smad g.yogs man bas pa/ rin po che'i cod pan dang / dar dpyangs kyi dbang bskur ba dang ldan pa/ zhal bzhi pa zhal dang po shar du gtsigs pa'o/ /de bzhin du mi bskyod pa la sogs yang de bzhin te/ sku mdog kyang sngon po dang / ser po dang / dmar po dang / ljang gu dang / glang po che la sogs pa'i gdan la rdo rje skyil mo krung gis bzhugs pa/ rdo rje rtse lnga pa dang / rdo rje rin po che dang / rdo rje pad+ma dang / sna tshogs rdo rje la sogs pa bsnams pa'o/ /nyi ma'i dkyil 'khor gyi 'od mnga' ba/ rin po che'i cod pan dang / dar dpyangs kyi dbang bskur ba dang ldan pa/ zhal gcig pa rnam par snang mdzad la mngon sum du phyogs pa rnams rang rang gi phyag rgya chen po dang badzra d+hA tu zhes bya ba de bzhin gshegs pa lnga'i snying po zlos shing bzhugs su gsol la/ bris pa ltar bar snang la mngon du bzhugs pa rnams kyang de bzhin du phab ste gcig tu bya'o//de bzhin du bcom ldan 'das rnam par snang mdzad kyi spyan sngar/ satwa badzra zhes bya bas rdo rje sems ma sku mdog sngon mo/ rdo rje rtse lnga pa dmar po bkod la/ badzra A be sha a zhes bya bas dbab par bya'o/ / g.yas su rat+na badzri zhes bya bas rin chen sems ma sku mdog ser mo/ yid bzhin gyi nor bu rin po che rtse mo rdo rje rtse lnga pas mtshan pa'o/ /rgyab tu d+harma badzri zhes bya bas rdo rje chos ma sku mdog dmar mo/ pad+ma dkar dmar 'dab ma bcu drug pa la 'dab ma brgyad thur du gyes pa/ 'dab ma brgyad gyen du bltas pa/ kha ma bye ba'i nang na rdo rje rtse lnga pa chud pa'o/ /g.yon du karma badzri zhes bya bas/ rdo rje las ma sku mdog ljang gu/ /sna tshogs rdo rje rtse mo bcu gnyis pa/ kha dog lnga pa'o/ /rdo rje sems dpa' la sogs nas bskal pa bzang po'i mthar thug pa'i bar ni/phyag rgya chen pos rang rang gi mtshan ma rdo rje la sogs pa bsnams pa/ rab tu dgyes pas spyan gdangs pa/ sems dpa'i skyil mo krung gis bzhugs pa yin no/ /rnam par snang mdzad ni de bzhin nyid kyi ngo bo nyid yin la/ 'di dag thams cad kyang chos kyi dbyings la dmigs pa'i ye shes kyi ngo bo nyid yin pa'i phyir/rnam par snang mdzad la mngon par phyogs par bya'o/ /mi bskyod pa'i mdun du ni rdo rje sems dpa'o/ /g.yas su ni rdo rje rgyal po'o/ /g.yon du ni rdo rje chags pa'o/ /rgyab tu ni rdo rje legs pa'o//rin chen 'byung ldan gyi mdun du ni rdo rje rin chen la sogs pa yang de bzhin du shes par bya'o/ /lhag ma ni shes pa kho nar zad do/ /phyi'i dkyil 'khor gyi khyams la byams pa la sogs pa/ bskal pa bzang po'i byang chub sems dpa' bzhis stong du ma tshang ba/shar phyogs la sogs pa'i phyogs su cha mnyam po go rims bzhin du bri bar bya'o/ /de la shar phyogs pa rnams ni rdo rje rtse lnga pa bsnams pa'o/ /lho phyogs pa rnams ni rdo rje rin po che bsnams pa'o/ /nub phyogs pa rnams ni rdo rje pad+ma bsnams pa'o//byang phyogs pa rnams ni sna tshogs rdo rje bsnams pa'o/ /de nas 'di rnams kyi dgod pa'i rim pa dang / mtshan ni 'di dag yin te/ oM sarba saM skA ra pa ri shud+d+ha d+harma te ga gnas mud+ga te ma hA na ya pa ri wA re swA hA/ zhes bya ba 'di ni rig pa'o/ /de la de rnams kyi mtshan ni/byams pa/ seng ge / rab gsal/ thub pa/ me tog /me tog gnyis pa/ spyan legs/ ded dpon/ lag chen/ stobs chen/ rgyu kar rgyal po/ rtsi sman/ snyan pa/ tog /'od chen po/ grol ba'i phung po/ rnam par snang mdzad/ nyi ma'i snying po/ zla 'od 'phro/ 'od bzang / mya ngan med/ skar rgyal/ rab gsal/ phreng thogs/ yon tan 'od/ don gzigs/ mar me/ mthu ldan/ sman pa/ des pa/ mdzod spu/ bstan ldan/ lha'i dpal/ gdul dka'/ yon tan rgyal mtshan/ sgra gcan/ tshogs can/tshangs pa'i dbyangs/ tshig brtan/ mi 'gying pa/ 'od mdzad/ lhun chen/ rdo rje sdom pa can/ mi bsnyengs pa/ rin chen/ pad+ma'i spyan/ stobs sde/ me tog 'od zer/ ye shes dgyes/ gzi chen/ tshangs pa/ 'od dpag med/ klu sbyin/ brtan par gshegs/ don yod mthong / brtson 'grus sbyin/ bzang skyong / dga' bo/ 'chi med/ seng ge'i rgyal mtshan/ rgyal ba/ chos/ mchog tu dga' ba'i rgyal po/ kha lo sgyur/ dgyes par gshegs/ chu lha/ yon tan lag /spos kyi glang po/ rnam par gzigs/ 'brug sgra/ legs sems/ yid bzangs/ dri med/ zla ba grags chen/ gtsug na nor bu/ drag shul can/ seng ge stabs/ ljon pa/ rnam par rgyal ba can/ shes rab brtsegs/ legs gnas/ blo gros/ yan lag skyes/ blo mtha' yas/ gzugs bzang / mkhyen ldan/ 'od zer/brtul zhugs brtan/ bkra shis/ bden pa'i tog /pad+ma/ sred med kyi bu/ lag bzangs/ ye shes 'byung gnas/ yon tan 'od 'phro/ tshangs pas byin/ rin chen 'byung gnas/ lha'i me tog /don legs sems dpa'/ chos kyi dbang phyug /blo gros grags pa/ spobs pa brtsegs pa/rdo rje rgyal mtshan/ phan par bzhed pa/ rnam par rol ldan/ mun pa dang bral ba/ sgra gcan lha/ ri bo'i rgyal mtshan/ tshogs can 'od/ rin chen snying po/ /shin tu mthor gshegs/ skar rgyal/ ru rings/ yon tan grags/ nyi zla/ nyi ma'i 'od/ skar mkhan/ seng ge'i tog /dus mkhyen rgyal po/ dpal gyi snying po/ srid mtha' gzigs pa/ glog gi 'od/ gser gyi 'od/ seng ges byin pa/ gzhan gyis mi thub pa'i rgyal mtshan/ mchog dga' grags pa/ brtson 'grus brtan pa/ grags pa rdzogs pa/ bsnyengs pa dang bral ba/ mchod 'os lha/ sgron ma chen po/ 'jig rten 'od/ spos dri zhim pa/ yon tan mchog 'dzin/ mun pa dang rnam par bral ba/ seng ge'i 'gram pa/ rin chen grags pa/ skyon rab zhi ba/ bdud rtsi 'chang ba/ /mi'i zla ba/ shin tu gzigs pa/ rab tu brgyan pa/ nor bu'i 'od/ ri bo brtsegs pa'i tog / chos kyi 'byung gnas/ tshe sbyin/ rin chen 'byung gnas/ skye dbang mtshungs pa/ stobs kyis gshegs pa/ blo gnas/ gdugs mdzes pa/ gtso bo shin tu 'phags dpal/ seng ge'i sgra/ rnam rol ldan pa/ klu'i 'od/ me tog ri bo/ klu dga'/ spos kyi dbang phyug /shin tu grags pa/ stobs kyi lha/ yon tan phreng ldan/ klu'i lag pa/ mig brgyan pa/ legs par sbyang ba'i blo/ zil gnon ye shes/ mtha' yas pa'i spyan/ bden bar gsung / nyi ma'i 'od/ nges pa'i blo/ mtha' yas gzugs/ rnam par snang mdzad/rin chen tog /the tshom rnam par spangs pa/ 'jig rten 'das pa/ don yod/ rnam par gnon pa/ rtog par mdzad pa/ me tog rgyal mtshan/ ri dbang rgyal po/ gzi brjid chen po/ don mdzad gzigs pa/ grags pa mtha' yas/ rin chen lha/ don gnas mkhyen pa/blo rdzogs pa/ mya ngan med pa/ dri ma dang bral ba/ tshangs lha/ sa'i dbang phyug /me tog spyan/ rnam par 'byes pa'i sku/ chos kyi 'od/ kun gzigs/ yon tan/ 'od gsal/ zla ba'i zhal/ rin chen 'od/ rin chen tog /grags pa'i bla ma/ 'od byed//gzi brjid dpag med/ dus mkhyen/ seng ge'i sku/ mkhas blo/ /rgyal bar dka'/ yon tan phung po/ zla ba'i tog /mthu thob/ mthu stsal mtha' yas/ zla ba/ dri med/ don thams cad gzigs pa/ dpa' bo/ 'byor ldan/ bsod nams/ sgron ma/ yon tan 'od 'phro/blo yangs/ legs skyes/ nor lha/ yid gnyis spong / 'dzin pa dpag med/ mchog sred/ chom med/ mi gnas pa/ der gnas/ tshogs can gtso bo/ 'gro ba'i 'od zer/ phal chen rgyal ba/ gzi brjid mtha' yas/ don gyi blo gros/sman pa'i rgyal po/ tha ba spangs pa/ rims nad med pa/ legs sbyin/ grags sbyin/ me tog byin/ skyes bus byin/ rdo rje sde/ phal chen sbyin/ zhi ba'i blo gros/ spos kyi glang po/ sred med kyi bu/ des pa/ mi tshugs pa/ nyi zla/ glog gi tog /mchod pa zhes bya ba ste/nyis brgya lnga bcur gcig gis ma tshang ba ni shar phyogs kyi khyams kyi nang du bri bar bya'o/ /dpal sbas/ ye shes nyi ma/ don grub/ lhun po brtsegs/ dgra 'dul/ pad+ma/ dgra bcom grags pa/ ye shes 'gros/ nyon mongs bral/ 'dam bu/ spos bzangs/ yul 'khor rangs/ lha grags/ srid mtha' gzigs/ zla ba/ sgra gcan/ rin chen zla ba/ seng ge'i rgyal mtshan/ bsam gtan dgyes/ rdzogs ldan/ rnam par rol pa/ yon tan rin chen/ dgra bcom grags pa/ pad+ma'i ngos/ mdzod spu ldan/ spobs pa grags/ rdo rje nor bu/ tshe dpag med/ nor bu bkod/ dbang chen/ yon tan 'byung gnas/ lhun po grags/ 'od zer bcu pa/ ma smad pa/ glang po'i 'gros/ yid 'thad/ rin chen zla ba/ zhi ba/ rab gsal rgyal po/ kha lo sgyur/ dga' ba'i dbang phyug /gtsug na rin po che/ bsnyengs bral/ rin chen snying po/ zla zhal/ dri ma med par grags pa/ zhi ba'i gzi brjid/ dga' ba'i tog /sgra gcan lha/ na tshod bzang po/ lha dga'/ rin chen phung po/ mdzes par gshegs/ seng ge'i phyogs pa/ shin tu mthor gshegs/skye ba'i dbang po/ blo gros bzang po/ 'jig rten 'od/ rin chen gzi brjid/ skal ldan/ shing rta/ kun du rgyal ba/ dga' ba bkod pa/ stegs mdzad pa/ spos kyi glang po/ blo gros 'od 'phro/ ri bo'i rgyal mtshan/ rin chen spos bzangs/ chos brtan/ gzi brjid drag shul can/ chos kyi nor bu/ bzang pos byin pa/ bde gshegs zla ba/ tshangs pa'i dbyangs/ seng ge'i zla ba/ /tshungs pa med pa'i dpal/ legs par skyes pa/ thub pa med pa'i tshogs/ grags pa'i bshes gnyen/ bden pa/ dka' thub chen po/lhun po'i 'od zer/ yon tan brtsegs pa/ mchod pa grags pa/ chos grags/ sbyin pa'i 'od/ glog 'byin/ bden par gsung ba/ 'tsho byed/ na tshod bzang po/ legs pa'i tshogs can/ rnam par nges pa'i blo gros/ srid mtha' nor bu'i spos/ rgyal bas dgyes pa/ seng ge'i 'od zer/ rnam par snang mdzad/ grags pa mchog /thugs rab tu gzhungs pa/ nor bu'i zla ba/ drag shul 'od zer/ brtul zhugs thub med/ 'gro bas mchod pa/ nor bu'i tshogs/ 'jig rten bla ma/ glang chen seng ge / zla ba/ rin chen 'od zer/sgra gcan sped pa/ yon tan rgya mtsho/ 'od zer ldan pa/ rab tu zhi ba'i stobs/ 'jig rten bzang po/ mya ngan med pa/ shugs bcu pa/ stobs la dgyes pa/ mthu dpal/ mthu thob pa/ mthu chen po/ yon tan snying po/ bden par spyod pa/ dge mchog rgyal po/skar rgyal/ 'od zer chen po/ glog gi 'od/ yon tan rgya chen rin po che/ dpal 'od/ bdud 'dul bar mdzad pa/ go cha bgos pa/ seng ge'i phyag /me tog bzang po/ rin chen mthon po/ rgya mtsho/ sa 'dzin/ don gyi blo mnga' ba/ yon tan bsags pa/ yon tan tshogs/rin chen me/ 'jig rten 'das pa/ 'jig rten zla ba/ dbyangs snyan pa/ tshangs pa'i tog /tshogs can gtso bo/ seng ge'i stabs/ drag shul gyis byin pa/ chos kyi dbang phyug /gzi brjid 'od/ 'od zer chen po/ rin chen snying po/ rin chen grags pa/ tshogs can gsal ba/grags pa mtha' yas/ 'od zer don yod/ lha'i drang srong / skye ba'i dbang po/ dge 'dun brtan/ phyogs bzangs/ tog /yul 'khor me tog /chos kyi blo gros/ rlung gi shugs ltar gshegs pa/ legs bsam grags pa/ snang ldan/ lha tshogs/ yon tan srung / don gyi blo gros/ bsnyengs med/ grogs brtan/ 'od gnas/ mtshungs med/ nor bu'i zhabs/ thar pa'i gzi brjid/ ngos bzangs/ blo bzangs/ kun du gzi brjid/ ye shes mchog /tshangs par gnas/ bden pa gsung ba/ blo bzangs/stobs byin/ seng ge stabs/ me tog /ye shes 'byung gnas/ me tog byin/ yon tan snying po/ rin chen grags pa/ grags pa rmad du byung ba/ mi mtshungs pa/ bsnyengs med/ nyi ma'i 'od/ tshangs par gshegs pa/ lha'i mthu rtsal/ ye shes dgyes/ lha bden/nor bu'i snying po/ ye shes dpal/ bcings med/ brtul zhugs brtan/ lha'i gzi brjid/ tshangs pa thub/ dal gyis bzhud/ brtul zhugs/ dka' thub/ 'od zer phung po/ gzi brjid chen po/ tsam pa ka /dga' mdzad/ tshogs can bzang po/ dbang po'i rgyal mtshan/dgyes pa chen po/ /sna ma'i me tog 'od/ tshogs can 'od/ bskrun par mdzad/ mdangs 'gro/ don legs nges/ khyu mchog /lag bzangs/ 'od zer chen po/ bsam pas byin/ bsod nams 'od/ rin chen dbyangs/ rdo rje'i sde/ 'byor ldan/ seng ge'i stobs/ dri ma med pa'i spyan/ 'od srungs/ blo gsal/ ye shes blo gros/ gzi brjid drag shul can/ 'od zer chen po/ nyi ma'i 'od/ dri ma med pa'i 'od/ gzi brjid rnam par 'byes pa/ khengs med/ sbrang rtsi'i zhal/ zla 'od glog sbyin/ rab tu zhi bar gshegs/mi 'khrugs pa/ dgra bcom grags pa/ chos kyi yon tan/ zhing bzang po/ bkod pa'i rgyal po/ mngon par 'phags pa/ sbyin sreg 'od 'phro/ pad+ma'i dpal/ rin po che'i bkod pa/ shin tu bzang po/ rin po che'i mchog /thugs shin tu gzhungs pa/ 'od dpag med/ rgya mtshos byin/ tshangs pa'i tog /zla ba'i gdugs/ 'od 'phro ba/ dri med rgyal po/ 'di rnams ni lho phyogs kyi khyams kyi nang du bri bar bya'o/ /ye shes grags pa/ kun las rgyal ba/ yon tan 'od/ sgra rnam par grags pa/ zla ba rgyas pa/ pad+ma'i 'od zer/ brtul zhugs bzang po/ sgron ma rgyal po/ glog gi tog /'od zer rgyal po/ skar mkhan/ grags pa rdzogs ldan/ pad+ma'i snying po/ rgyal spyan mdzes/ rnyog pa med pa'i don/ drag shul sde/ bsod nams gzi brjid/ mthu rtsal can/ thogs med blo/ sgra gcan lha/ ye shes phung po/ kha lo sgyur ba/ skye dbang mtshungs pa/ me tog tog /sgra gcan 'dzin/ rtsi sman chen po/ /rgyu skar rgyal po/ /sman pa'i rgyal po/ /bsod nams glang po/ gcod par mdzad pa/ rnam par grags pa'i rgyal po/ nyi ma'i 'od zer/ chos kyi mdzod/ blo gros bzang po/ /yon tan dbang mtshungs/ rdo rje'i sde/ shes rab brtsegs/ legs par gnas/ blo sbyangs/ tshangs pa'i dbyangs/ yon tan mchog /'brug sgra dbyangs/ mngon par shes pa'i tog /tog gi 'od/ mi 'dren dge ba/ tshangs pa/ skyes mchog spyan sdug / klus byin/ bden pa'i tog /brgyan pa/ zhum pa med dbyangs/ rin chen 'od/ dbyangs byin/ seng ge 'od zer sna tshogs/ ye shes dpa' bo/ /pad+ma'i phung po/ me tog rgyas pa/ mthu rtsal stabs/ bsod nams phung po/ gzugs mchog /skar mkhan/ zla ba'i sgron ma/ gzi brjid phung po/ byang chub rgyal po/ mi zad pa/ mngon par rtogs pa'i spyan/ yan lag brgyad pa/ yul 'khor shes rab/ mchog /gzi brjid tshim mdzad/ shes rab byin/ 'jam dbyangs/ chags pa med mdzad/ gtso bos byin/ gtso bo/ ye shes mthu tsal/'od 'phro can/ dbang po/ shugs 'chang / skar rgyal/ 'od bzang po/ grags pas byin pa/ gzugs bzang po/ /rgyal po/ don grub pa/ seng ge'i sde/ nor lha'i bu/ grags pa/ rgyal ba/ brgya byin snying po/ bsod nams 'od zer/ 'od zer bzang po/smrang 'don/ sgron ma'i rgyal po/ ye shes brtsegs/ lha mchog /sa'i bdag po/ rnam par grol ba brnyes pa/ gtsug gi gser/ sgra gcan bzang po/ thub dka'/ thub gsal/ zla ba'i 'od zer/ gser gyi 'od/ legs byin/ lha'i yon tan dbang po/chos kyi gdugs/ bsod nams lags/ chags pa med pa/ ye shes gya nom/ blo gros zhib mo/ gzi byin thams cad pa/ rtsi sman rnam par grol ba'i tog /'od kyi mdzod/ ye shes rgyal po/ 'jigs mdzad/ chu bo'i spong ba/ thogs med grags pa/ bden pa'i phung po/ dbyangs snyan pa/ ri dbang mtshungs/ chos brtsegs/ thar pa'i gzi byin/ legs mdzad/ rab tu zhi ba'i sku/ yid du 'ong ba'i gsung / blo sbyangs/ chu lha/ 'gro bas mchod/ seng ge'i legs/ chos kyi mthu stsal/ skal pa bzang po/mi 'khrugs pa'i mdog /gzi brjid rgyal po/ rtog mdzad spyan legs/ don la gnas pa'i blo mnga' ba/ snang ba'i 'od zer/ spos kyi gzi brjid/ kun du dga' bar mdzad pa/ don yod par gshegs pa/ khro ba bcom pa/ gzugs mchog / legs gshegs/ rab tu sbyin par grags pa/ 'od bzangs/ lha'i nyi ma/ shes rab byin/ mnyam par bzhag pa'i bdag nyid/ gzi mdangs/ rgyal rigs/ skal ldan shing rta/ gser mchog /rnam par grol ba'i gtsug /chos ldan/ spos gnas/ dregs pa spangs/ye shes kyi mdzod/ tshangs par gshegs/ tsan dan mya ngan med pa/ seng ge'i 'od zer/ yul 'khor tog /pad+ma'i snying po/ gzi brjid mtha' yas/ lha'i 'od zer/ shes rab me tog /mkhas pa/ ye shes 'byor ldan/ tshangs pa dbyig /phyag na rin chen dbang ldan rdzogs par gsung ba/mchog gsung / mchod 'os/ skar rgyal nyi ma/ 'dam las rgal ba/ ye shes brnyes/ grub pa/ rma bya/ mchod sbyin/ phan par bzhed pa/ ye shes ldan pa/ grags pa 'od zer gyi dra ba/ rnam par bcom pa/ bai DUr+ya'i snying po/ me tog lha'i rgyal po//zla ba dran pa'i 'od/ dge ba'i 'od/ /yon tan mchog ma/ kun 'od rin po che'i dpal/ skyes bu zla ba/ sgra gcan/ bdud rtsi'i 'od/ 'jig rten mchog /skar ma'i 'od/ zhi ba'i stabs/ ye shes rgya mtsho/ ri'i dbang po/ rab tu zhi ba/ yon tan mtha' stobs/lha'i dbang po/ dbyangs snyan pa/ ngos bzang / don la gnas pa/ yon tan gzi brjid dpal/ mkhyen ldan zla med/ nga ro dpag med/ 'od bzangs/ shin tu thugs gzhungs pa/ don dgongs gti mug bral/ dbyangs kyi yan lags khyad 'phags/mchog tu mdzes par gshegs pa/ zhi ba'i don// skyon med blo/ dbyangs dge ba/ pad+ma'i mdzod/ 'od zer bzang po/ spobs pa'i mdog /stegs bzang po/ tshogs kyi dbang po/ bsnyengs pa dang bral ba/ ye shes bzhed pa/ spobs pa'i spyan/blo'i mchog /zla ba/ rin chen zla 'od/ bsnyengs pa med pa/ gzi brjid chen po/ tshangs pa'i dbyangs/ dbyangs bzang po/ shes rab chen po'i stegs/ blo gros zla med/ rdo rje mkhregs pa/ byang chub blo gros/ ljon shing dbang po/ gdangs snyan pa/ bsod nams stobs/ mthu'i dpal/ 'phags pa dgyes pa/ mthu stobs/ skar ma la dgyes pa/ sprin gyi rnga sgra/ 'di rnams ni nub phyogs kyi khyams kyi nang du bri bar bya'o/ /spyan sdug pa'i zhal/ ye shes bzang ldan/ 'byor par ldan pa/ yon tan phung po/ gsal ba/ chos kyi rgyal mtshan/ ye shes nga ro/ /nam mkha'/ mchod sbyin nga ro/ /shes rab rnam dgod nga ro/ /yon tan 'od zer gzi brjid/ drang srong dbang po/ /blo dang ldan pa/ spobs pa'i tshogs/ mchod sbyin/ bzang po/ zla ba'i zhal/ shin tu gzigs pa/ rdul dang bral ba/yon tan tshogs/ tog dang ldan pa/ bsod nams rgyal mtshan/ yul 'khor spobs pa/ rin chen rab sbyin/ zla ba dgyes pa/ seng ge'i stobs/ dbang sgyur rgyal po/ bdud rtsi gsal ba/ bsam gtan snyoms pa/ 'khrugs pa med pa/ dri ma rab zhi/phyogs ma bslad pa/ mdzes pa zhal bzangs/ shugs gnas/ ye shes ldan pa/ gsungs pa'i dbang po/ gzi brjid chen po/ blo gros zab mo/ bdud rtsi/ chos kyi stobs/ mchod par ldan/ me tog 'od/ khams gsum mchod gnas/ sgra gcan nyi ma'i snying po/lha'i mchod pa/ thar pa'i rgyal mtshan/ dge ba'i gtsug /bdud rtsi 'od/ rdo rje brtan pa/ rin chen phung po/ mdzes par gshegs pa/ nyi ma ltar gshegs pa/ dga' ba'i 'od/ yon tan gtsug /dpal rdzogs/ seng ge'i stabs/ gyen du 'phags pa/me tog byin/ 'od 'gyed/ pad+ma/ ye shes dgyes/ bkod pa mdzes/ gti mug med par gnas pa/ rma med pa/ tog gi rgyal mtshan/ bde bar dgongs/ gti mug med pa'i rgyal po/ /cho ga mkhyen/ dag pa'i rgya mtsho/ rin chen mnga'/ mi mnga' ba/ skye bo dga' bar mdzad pa/rma bya'i nga ro/ ma zhum pa/ srid pa'i sred pa/ dri ma spangs pa/ spyod pa'i stegs/ lha mang pos snyan par grags pa/ rin po che'i stabs/ phyag na pad+ma bsnams pa/ dpal/ dgra las rgyal ba/ 'byor ldan grags pa/ yul 'khor bzang po/ me tog 'od/ seng ge'i nga ro/ zla ba ltar shar ba/ 'joms pa'i mchog /mi g.yo ba/ phan pa dang ldan par gshegs pa/ bsod nams sgron ma'i rgyal po/ dbyangs kyis bskul ba/ gau ta ma/ mdangs stobs/ blo gnas pa'i rang bzhin/ zla ba bzang po/ byang chub yan lag me tog /bkra shis legs don/ ye shes gzi brjid/ stobs/ dge ba'i sgrol ma/ mthu stsal brtan po/ lha sgra/ rab tu zhi ba/ nyi ma'i zhal/ thar pa'i brtul zhugs/ tshul khrims 'od/ brtul zhugs gnas/ rdul med snying po 'phags/ mig sman/ 'phel bar mdzad pa/spos kyi 'od/ dus mkhyen 'od/ dran pa'i dbang po/ /thogs pa med pa'i rgyal mtshan/ byang chub mchog bgrod/ spyod pa gsal/ rin chen dgyes/ chos kyi dbang phyug /lha thams cad pa/ bshes gnyen chen po/ bshes gnyen bzang po/ /rab tu zhi ba'i stabs/ bdud rtsi'i bdag po/ /lhun po'i 'od/ 'phags pas bstod pa/ snang ldan/ gzi brjid 'bar ba/ snang ba gzigs/ legs spyad rnam par smin/ legs dgyes/ mya ngan bral/ rin chen 'od/ spyod pa dang ldan pa/ bsod nams stobs/ yon tan rgya mtsho/ rmad du byung ba/nga rgyal spong / bdud brlab par mdzad pa/ bag chags las rgal ba'i stobs/ mi phyed pa'i blo mnga' ba/ rgya mtsho/ dag par mdzad pa/ tshogs can grol ba'i rgyal po/ dga' ba'i 'od/ byang chub rgyal mtshan/ ye shes rin chen/ shin tu bsil ba/ tshangs pa rgyal ba/ ye shes dgyes/ rdzu 'phrul tog /skye dbang mtshungs pa/ sa'i dbang phyug /nyi ma dgyes/ sgra gcan zla ba/ me tog 'od/ sman pa'i bdag po/ mdangs mnga'/ bsod nams dgyes/ dga' ba'i stobs/ dbyangs snyan pa/ chos kyi dbang phyug /tshangs pa'i dbyangs/ spyod pa bzang po/ /'khrul pa med pa'i blo/ dbyangs chen po/ snyan par grags pa/ tog ldan/ gzi brjid/ rnam par grags pa/ 'gro ba'i dbang phyug /ljon pa/ gti mug rab zad/ dpag tu med pa/ zla ba bzang po/ spobs pa mtha' yas tog /brtul zhugs bstar ba/ mchod pa'i gnas/ mya ngan rgal/ dge ba dgyes pa/ 'gro ba'i blo gros/ dgyes par gshegs pa/ zhabs mdzes/ ut+pal/ dul gnas me tog /spobs pa mtha' yas/ 'od zer/ drang srong gsal ba/ yon tan brtson 'grus/snying po/ lha'i bdag po/ rin chen mthon po/ gsal ba/ skal ldan shing rta can/ bsod nams blo gros/ sbyin sreg 'od 'phro/ yon tan mtha' yas/ gzi brjid phung po/ seng ge'i stabs/ mi g.yo ba/ rab gsal/ 'od spyod pa/ glu dbyangs/ 'khor lo 'dzin pa/ dbyig gi mchog /'jig rten dga' ba/ dga' ba mtha' yas grags pa/ sprin gyi tog /shes rab 'gros/ spos bzangs/ nam mkha'i dbyings/ lha'i rgyal po/ nor bu gsal ba/ nor bzangs/ sgron ma/ rin chen nga ro dbyangs/skye dbang rgyal po/ sgra gcan sped pa/ dge ba mdzad/ seng ge'i blo gros/ rin chen grags pa/ don mdzad pa/ mdzad mtha' gzigs pa/ srid pa'i me tog /mdzod spu ldan pa/ spobs pa mtshungs med/ rgyal po/ ye shes rnam 'byed nga ro/ seng ge'i mche ba/ mdzes par gshegs pa/ bsod nams sgron ma/ bkra shis ldan pa/ yul 'khor mya ngan med pa/ blo gros sems dpa'/ blo dang ldan pa/ chos kyi sgron ma/ spyan/ shin tu gzigs pa/ shugs kyis 'dor ba/ stobs chen/ shes rab me tog /brtan pa'i dbyangs/ bde dang ldan pa/ don gsung ba/ dgyes pa gsal ba/ seng ge'i zhal/ gtsug phud snang bar mdzad pa/ 'di rnams ni byang phyogs kyi khyams kyi nang du bri bar bya'o/ /yang na byams pa dang / mthong ba don yod dar/ ngan song kun 'dren dang / mya ngan dang mun pa thams cad nges par 'joms pa'i blo gros/ spos kyi glang po/ dpa' bar 'gro ba/ nam mkha'i mdzod/ ye shes tog /'od dpag tu med pa/ zla ba'i 'od/ bzang spyod/ dra pa can gyi 'od/ rdo rje snying po/ blo gros mi zad pa/ spobs pa brtsegs pa/kun du bzang po zhes bya ba/ bcu drug po ji ltar mngon par dga' ba'i sku mdog dang / rgyan dang ldan pa/ rin po che'i cod pan dang / dar dpyangs kyi dbang bskur ba dang ldan pa dgod par bya'o/ /phyogs bzhir yang rta babs bzhi dang ka ba brgyad/ khru drug gam bdun gyi tshad tsam rin po che la sogs pa'i rgyu las byas pa/me tog gi phreng ba dang / dril bu dang dar la sogs pas brgyan pa/ rdo rje sems dpa' mngon par bzlas par bya'o/ /dkyil 'khor gyi phyi rol gyi shar la sogs pa'i phyogs kyi char/ 'phags pa shes rab kyi pha rol tu phyin pa dang / sdong pos brgyan pa dang / de bzhin gshegs pa'i gsang ba bsam gyis mi khyab pa dang / gser 'od dam pa klog tu gzhug go/ /chos smra ba de dag kyang sangs rgyas ltar ci nus pas mchod par bya'o/ /de lta bus ni bgegs thams cad nye bar zhi ba dang / dkyil 'khor grub par 'gyur ro/ /phyogs mtshams brgyad du spos snod brgyad las ga pur dang /a ga ru dang / tu ru ska dang tsan+dan la sogs pa rgyun mi 'chad par gtul bar bya'o/ /de ltar dkyil 'khor legs par bkod nas/ phyi rol nye 'khor kun du dris nye bar byugs la/ me tog gi sil ma bkram nas/ dgongs ka'i dus su/ rdo rje sems dpa'i dam tshig gi phyag rgyas me tog gi phreng ba blangs la/ rdo rje shugs kyis dkyil 'khor du 'jug par bya zhing / oM badzra satwa hUM/ zhes kyang brjod par bya'o/ /yang dkyil 'khor thams cad kyi lhag pa dang / ma tshang ba'i nyes pa zhi bar bya ba'i phyir bltas la/ rdo rje dril bu dkrol zhing dkyil 'khor lan bdun bskor ba byas nas/ bcom ldan 'das rdo rje sems dpa' la/ phreng ba phul te/ rdo rje gar byas nas blangs la rang gi mgo la bcing bar bya'o/ /oM badzra satwa hUM zhes kyang rgyun mi 'chad pa kho nar bzla bar bya'o/ /de yang / rdo rje dril bu rab bskul bas//sangs rgyas ma tshang yongs su bskor/ /lhag pa gang yin 'dor mdzad pas/ /'grub 'gyur smad par mi bya'o/ /zhes gsungs pa yin no/ /de'i rjes la yi ge hUM las bdag nyid rdo rje hUM mdzad du bsam par bya'o/ /de nas dbus su 'dug nas ni//rdo rje slob dpon mnyam gzhag pas/ /rdo rje sgo ni rnam bzhi'o/ /yid kyis su ni dbye bar bya/ /oM badzro g+ha TA sa ma ya/ prA be sha hUM/ rdo rje mdzub mo yang dag sbyar/ /sbyar ba bkan te bsdams nas su/ /rab tu khros nas dbye ba ni/ /sgo dbye ba yi mchog yin no/ /de nas rin po che'am/sa las byas pa'i bum pa/ rtsa ba mi gnag pa gsus pa che ba mgrin pa ring ba/ mchu 'phyang ba/ byi ru dang / gser dang / dung dang / mu tig dang / pad+ma rA ga ste rin po che thams cad dang / br-i ha ti dang / kaN+Da ka ri dang / ha sa dang / daN+Do ta pa la dang / shwe ta a pa ra dzi ta ste sman thams cad dang /'bras dang / nas dang / gro dang / til dang / ma sha ste/ 'bru thams cad dang / spos chu dri zhim pa dang / me tog dkar po dri zhim pas yongs su bkang la/ dris kun du byugs pa'i me tog gi phreng ba btags la/ mgul pa ras dkar po bzang pos bcings pa/'dab ma dang 'bras bu dri zhim pas kha brgyan pa/ sngar bsnyen pa byas pas mchod yon phul la/ rdo rje bsdams pa la sems ma rdo rje mas yongs su gzung ba'i rdo rje me tog gi lcug ma las/ oM badzra satwa hUM/ zhes lan brgya rtsa brgyad bzlas nas/ badzrod ka hUM zhes bya ba yang bzlas brjod stong rtsa brgyad byas la/ bcom ldan 'das rdo rje sems dpa'i spyan sngar gzhag go/ /gnyis pa la yang rdo rje sems dpa'i sngags brgya rtsa brgyad bzlas te/ 'jug pa'i sgor mngon par phyogs par bya zhing / chu des bdag nyid dbang bskur bar bya'o//'jug pa'i dus su slob ma byang chub sems ma'i phyag rgya bcings pa'am/ 'ching du gzhug go/ /dpal rnam par snang mdzad la sogs pa'i bum pa la yang / so so rang rang gi mtshan mas mtshan la/ de rnams kyi rang rang gi sngags brgya rtsa brgyad yongs su bzlas la/ dkyil 'khor gyi phyi rol gyi mtshams su gzhag par bya'o//de rnams kyi yang phyi rol du ni bum pa gang ba'o/ /ma rnyed par gyur na bcu las nyung bar mi bya'o zhes gsungs pas/ dpal rdo rje sems dpa' dang / de bzhin gshegs pa lnga'i bum pa dang / bum pa gang ba yang dbul bar bya ste/ rdo rje sems dpa' dang /rin po che dang / chos dang / las kyi rdo rjes mtshan la/ rang gi rigs kyi sngags brgya rtsa brgyad mngon par bzlas pa'i bum pa bzhi dang / bum pa gang ba bzhi dbul bar bya'o/ /de nas dkyil 'khor gyi lha thams cad mngon sum lta bur bsams la/ me tog la sogs pas yang dag par mchod de/phyag bzhi la sogs pa sngon du 'gro bas/ sdom pa gzung la/ rdo rje sems ma ji lta ba bzhin du bcings la 'jug par bya'o/ /de nas rdo rje'i chu ji lta bar 'thungs la/ bdag nyid la dbab par bya ste/ g.yon pa'i khro bo'i khu tshur gyis lag pa g.yas pa'i sems ma rdo rje ma'i gung mo yang dang yang du dral zhing /a zhes bya bas ji lta ba bzhin du brtan par byas la/ dbab pa nas/ de nyid kyis ni rdo rje gzung / /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla//zhes bya ba'i bar gyi cho ga sngar bshad pa rnams byas la/ 'og nas bshad pa'i tshigs su bcad pa lngas rjes su gnang ba dang / gzengs bstod pa dang / lung bstan pa dang / dpal rdo rje sems dpa'i sngags kyang blang bar bya'o/ /de nas bdag la byin gyis brlab pa la sogs pa byas nas/bdag rab tu dga' ba'i rdo rje zhes bya ba la sogs pa ming gang yang rung ba brjod la/ rnam par snang mdzad kyi phyag rgya chen po bcings te/ de'i gnas su badzra d+hA tu a zhes pas/ de bzhin gshegs pa'i rdo rje'i bdag nyid du phab la/ badzra haM zhes brjod do//de nas badzra d+hA tu ra haM byas pas rdo rje dbyings su bsgom par bya'o/ /de bzhin du rdo rje 'bebs pa'i bar gyis phyag rgya chen po bcings la/ de'i gnas su badzra A be sha aHzhes bya bas/ rdo rje dril bu bdag nyid la phab ste/ badzra g+haN+Dou0f85haM/ de nas badzra A be+e shA haM zhes bya bas dril bu d er bsgom par bya ste/de ltar na rdo rjes bsgrub par 'gyur ro/ /rdo rje slob dpon sems dpa' yi/ /rdo rje lcags kyu bcings nas ni/ /se gol mang po brdabs bgyis la/ /sangs rgyas thams cad bsdu bar bgyi/ /oM badzra sa ma ya dza dzaHhUM baM hoHzhes brjod do/ /de nas rdo rje sems dpa' yi//phyag rgya chen po sgom byed cing / /mtshan brgya rtsa brgyad dam pa ni/ /lan cig rab tu brjod par bgyi/ /de bzhin du rdo rje lcags kyu la sogs pas/ dgug pa dang gzhug pa dang / bcing ba dang / dbang du byas la/ rdo rje gnod sbyin gyis bgegs thams cad bskrad pa dang / ra ba dang dra ba byas te/dam tshig gi rdo rje khu tshur gyis dkyil 'khor gyi sgo bcad la/ yi ge gnyis kyis go cha'i srung bas thams cad yang dag par bsrungs nas/ mchod yon phul la sngon du 'gro ba'i dam tshig gi phyag rgya rnams kyis blta ba byas la/ dzaHhUM baM hoHsa ma ya s+t+waM sa ma ya s+t+waM/ a haM zhes brjod par bya zhing /rang rang gi snying po dang / sngags kyis kyang mthar yang dag par bskul la/ chos dang las kyi phyag rgya chen po rnams kyis kyang phyag rgyas btab ste/ de bzhin gshegs pa la sogs pa nas/ bskal pa bzang po'i mthar thug pa'i bar du dbang bskur ba'i phyag rgya rnams kyis kyang dbang bskur bar bya'o//de la rdo rje sems ma la sogs pa'i rang gi snying po nyid chos kyi phyag rgya yin no/ /rdo rje dang / rin po che dang / chos dang las ma rnams kyi phyag rgya dang / phyag rgya chen po ni rdo rje la sogs pa'i nang du tshud pa'i bud med kyi gzugs 'dzin pa dang /yang na de rnams rdo rje sems dpa' la sogs pa'i gzugs can no/ /g.yon pa'i de bzhin gshegs pa'i khu tshur bkan la/ lag pa g.yas pa'i mthe bong dang mdzub mo gnyis kyi mthe'u chung nas brtsams nas phye la/ thal mo khong stong du byas pa 'di ni/byams pa la sogs pa'i dam tshig gi phyag rgya ste/ 'di rnams kyi rig pa ni sngar bshad pa yin no/ /rig pa de dag nyid de rnams kyi ljags la bkod pa 'di ni de rnams kyi chos kyi phyag rgya'o/ /yi ge a las rang gi thugs kar sna tshogs rdo rje bskyed la/ bris pa dang de'i rjes su mthun par/de rnams phyag rgya chen por bcing ba ni/ de rnams kyi las kyi phyag rgyar 'gyur ro/ /rang gi snying gar rdo rje rtse lnga par bsams la/ bris pa dang rjes su mthun pa kho nar de rnams kyi phyag rgya chen po bcing bar bya'o/ /rig pa de nyid kyang spyi'i yin nom/ /de nas mchod yon phul nas mchod par bya ste/ ras zung 'bum mam/ zung khri'am/ zung stong ngam/ zung brgya'am/ zung re re'am/ thams cad la spyir zung gcig dbul ba'am/ bla re rnam pa sna tshogs pa dang / grwa bzhir ba dan rnam pa sna tshogs gdags pa dang / gdugs dang rgyal mtshan dang ba dan rnams kyang yi ge oM dang rdo rje sems dpa' lan bdun bzlas la dbul bar bya'o//me tog gi shing brgya'am/ bzhi'am me tog thams cad kyang snga ma bzhin du mngon par bzlas la/ oM badzra s+pha ra Na khaM zhes bya bas dbul bar bya'o/ /dril rig pa bzlas pa'i dris byugs la/dri zhim pa'i dri bzang po thams cad dang / bdug spos kyi rig pa bzlas pa'i/ ga pur a ka ru dang tu ru ska dang / tsan+dan la sogs pa legs par sbyar ba'i bdug pa gtul ba'i spos snod 'bum mam/ khri'am/ stong ngam/ brgya dbul bar bya ste/ bcu las nyung ba ni mi bya'o//mar me'i snod 'bum mam/ khri'am stong ngam brgya'am bcu'am bzhi la snga ma bzhin du mar me'i sngags bzlas pa dang / swa sti ka la sogs pa'i lha bshos kyi kha zas bza' ba dang / bca' ba rnam pa sna tshogs pas gang ba'i snod 'bum mam/ khri'am/ stong ngam/ brgya'am/ bcu la a kA ro mu khaM zhes bya ba la sogs pa snga ma bzhin du bzlas te/ lha thams cad la dbul bar bya'o/ /rol mo'i cha byad stong phrag bcu snying la yi ge hUM dang rdo rje khu tshur gnyis kyi lag pa'i sor mo rnams kyis rol mo brdungs pa lta bu'i phyag rgya rnams kyis/rol mo bcu po 'di lta ste/ pi waM dang / gling bu dang / rnga dang / cang te'u dang / cha lang dang / rnga bo che dang / rdza rnga dang / rnga rings dang / guny+dza dang / ti mi li dang / brdung ba'i tshul du byed pas dbul bar bya'o/ /phyi rol du gar mkhan dang / rol mo dang /cod pan dang / gdu bu dang / rna rgyan la sogs pa'i mchod pa rnams kyang / oM dang hUM mngon par bzlas la dbul bar bya'o/ /de bzhin du dar dpyangs dpyang bar bya ba dang / me tog gi phreng ba dang / rnga yab kyis brgyan cing / dra ba dang dra ba phyed pas spras pa/ zla ba phyed pas nye bar mdzes par byas pa/ rta dang glang po che dang / ba lang gi khyu shin tu btags pa rnams kyang dbul bar bya'o/ /rta babs yid du 'ong ba'i dril bu la sogs pa dang bcas pa yang dbul bar bya'o/ /de nas sgeg mo la sogs pas kyang yang dag par mchod la/ dngos grub thams cad grub pa'i phyir/ sems can thams cad kyi don mdzod cig ces de bzhin gshegs pa thams cad la gsol ba gdab par bya'o/ /de nas sgrub pa'i grogs mchog dkyil 'khor du bzhag la/ phyi rol du gtor ma sbyin par bya ste/ 'bras yos bcas shing til dang bcas//'bras chan me tog chu dang bcas/ /sran chen bcas shing mang du bya/ /snum khur la sogs bza' ba rnams/ /zhes bya ba'i gtor ma la/ a kA ro zhes bya ba la sogs pa bzlas nas/ shar phyogs nas brtsams nas/ gtor ma gsum gsum gtor bar bya zhing /dri dang spos dang / me tog dang / mchod yon rnams kyang thog ma dang mtha' mar dbul bar bya'o/ /de la dang por re zhig maN+Dal rnams byed du gzhug par bya'o/ /de nas spyan drang ngo / /de nas dam tshig bstan la/ mchod yon yang phul te/ dri la sogs pas legs par mchod la gtor ma phul te/de nas gshegs su gsol bar bya'o/ /de la sngags dang phyag rgya ni 'di rnams yin te/ shar phyogs su kha bltas te/ rkang pa g.yas pa brkyang ba'i tshul gyis 'dug nas/ lag pa g.yon pa'i rdo rje'i phyag rgya bstan la/g.yas pa rdo rje'i phyag rgya sta zur phyogs su bzhag ste g.yas pa'i mdzub mo'i lcags kyus spyan drang ba ni/ brgya byin spyan drang ba'i phyag rgya'o/ /de mdzub mo lcags kyu ltar ma byas pa ni brgya byin gyi dam tshig gi phyag rgya'o/ /rkang pa g.yon brkyang ba'i tshul gyis 'dug la/ spyan drang ba'i phyag rgya las mdzub mo gnyis brkyang pa ni slar btang ba'i phyag rgya'o/ /de nas de'i sngags ni/ na mo badzra s+ya tsa di shi di shi badzra pA Ni rak+Sha rak+Sha swA hA/ me'i phyogs su bltas nas/ lag pa g.yas pa'i mdzub mo zlum por bkug ste/ gung mo'i tshigs gsum par btsugs la/mthe bong lag mthil du bzhag pa 'di ni/ me lha spyan drang ba'i phyag rgya'o/ /spyan drang ba'i phyag rgya las mthe bong gi ngos la/ mdzub mo btsugs pa ni/ me lha'i dam tshig gi phyag rgya'o/ /phyag rgya de nyid las mdzub mo mthe bong ngos la btsugs te/phyir drag tu brkyang ba ni slar btang ba'i phyag rgya'o/ /'di'i sngags ni ag+ni e h+ye hi ka pa li a ka pa li/ dz+wa la dz+wa la da ha shi khi tod rU pA k+Sha swA hA/ gshin rje'i phyogs su bltas nas snyim pa mdun du bzhag ste/ sor mo phan tshun bsnol ba la khu tshur bcings nas srin lag gnyis bsgrengs te gshibs la g.yabs te/de nang du bzhag pa ni/ gshin rje spyan 'dren pa'i phyag rgya'o/ /srin lag gnyis yang phyi rol du de bzhin du gshibs te/ bsgrengs la snying gar gzhag pa ni dam tshig gi phyag rgya'o/ /de nyid las srin lag sbyar ba ni slar btang ba'i phyag rgya'o//sngags ni ya ma ye swA hA/ bden bral gyi phyogs su bltas te/ rkang pa mnyam par 'dug la/ lag pa g.yas pa'i khu tshur bcangs pa las/ mdzub mo dang gung mo ral gri 'dra bar gshibs te/ bsgreng la bzhag /lag pa g.yon pa yang de ltar byas te/sta zur logs su bzhag la/ g.yon pa'i mdzub mo bkug ste/ g.yab pa ni bden bral spyan drangs pa'i phyag rgya'o/ /phyag rgya de nyid las g.yon pa sta zur logs su ral gri 'dra bar bzhag pa ni/ bden bral gyi dam tshig gi phyag rgya'o/ /spyan drangs ba'i phyag rgya las mdzub mo brkyang ba ni/slar btang ba'i phyag rgya'o/ /sngags ni sarba b+hU ta b+ha yaM ka ra ku ru ku ru swA hA/ chu lha'i phyogs su rkang pa mnyam par 'dug la/ lag pa g.yas pa khu tshur bcings nas/ mthe bong dang mdzub mo gnyis gcig tu sbyar te/ zhags mig ltar byas la g.yon pa'i khu tshur yang de ltar byas te/ snying gar bzhag ste/ g.yas pa'i mdzub mo'i lcags kyus g.yab pa ni/ chu lha spyan drang ba'i phyag rgya'o/ /phyag rgya de nyid las g.yon pa'i mdzub mo khu tshur gyi tshul du bzhag pa las/ zhags mig ltar byas pa ni chu lha'i dam tshig gi phyag rgya'o//g.yon pa'i phyag rgya las/ mdzub mo brkyang ba ni slar btang ba'i phyag rgya'o/ /sngags ni tri tri pu sha/ tri tri shi gi to li bi ru pA k+Sha swA hA/ rlung lha'i phyogs su bltas te 'dug la/ lag pa g.yon pa khu tshur bcangs te/gung mo bsgreng ba'i tshigs dang por/ mdzub mo bkug pa'i thor to btsugs la/ lag pa g.yas brkyang de bzhin du bya ste/ sta zur logs su bzhag cing / mthe bong bsgul ba ni/ rlung lha spyan drang ba'i phyag rgya'o/ /de nyid las mthe bong snga ma bzhin du gzhag pa ni rlung lha'i dam tshig gi phyag rgya'o//spyan drang ba'i dam tshig gi phyag rgya las mthe bong brkyang ba ni/ slar btang ba'i phyag rgya'o/ /sngags ni/ oM sA saM khA khA khu kha swA hA/ ku be ra la mngon du bltas te/ 'dug nas/ lag pa gnyis thal mo sbyar la/ rdo rje bcing pa nang du bzlog ste/mthe'u chung gnyis gshibs la brkyang / de'i rgyab tu srin lag gnyis so sor bzhag nas/ gung mo gnyis rdo rje ltar bkug ste/ g.yabs pa ni ku be ra spyan drang ba'i phyag rgya'o/ /phyag rgya de nyid las gung mo gnyis nang du rdo rje bcings pa'i tshul du bzhag pa de ni/ku be ra'i dam tshig gi phyag rgya'o/ /spyan drang ba'i phyag rgya las/ gung mo gnyis brkyang ba ni/ slar btang ba'i phyag rgya'o/ /sngags ni/ oM ku be rA ya swA hA/ dbang ldan gyi phyogs su bltas te 'dug la/ lag pa gcig tu sbyar te/thal mo sbyar ba byas la/ srin lag dang mthe'u chung nang du bkug ste/ bsnol ba gung mo gnyis gshibs te/ bsgreng ba'i rgyab logs su mdzub mo gnyis rdo rje 'dra bar bya/ mthe bong gnyis par du gshibs te bzhag la/ de nyid las mdzub mo gnyis phan tshun rtse mo sprad nas nang du g.yab pa ni/dbang ldan gyi spyan drang ba'i phyag rgya'o/ /de nyid las snga ma bzhin du mdzub mo rdo rje'i tshul du bzhag pa ni/ dbang ldan gyi dam tshig gi phyag rgya'o/ /spyan drang ba'i phyag rgya las mdzub mo brkyang ba ni slar btang ba'i phyag rgya'o/ / sngags ni/ oM dzum dzum shi ba swA hA/ steng gi phyogs su bltas te 'dug la/ g.yon brkyang pa'i gnas pas 'dug la thal mo khong stong du sbyar te bzhag la steng du bltas te mdzub mo gnyis kyi lcags kyus ni/ tshangs pa la sogs pa spyan drang bar bya'o/ /de nyid las mdzub mo gnyis snga ma ltar bzhag pa ni/dam tshig gi phyag rgya'o/ /spyan drang ba'i phyag rgya las mdzub mo gnyis brkyang ba ni/ slar btang ba'i phyag rgya'o/ /sngags ni 'di yin te/ oM u r+b+haM brah+ma ne swA hA/ sUr+ya ya gra ha a d+hi pa ta ye swA hA/ tsan+d+ra ya na k+Sha tra ya a d+hi pa ta ye swA hA/rkang pa gnyis mnyam par gnas pas 'dug la/ lag pa gnyis gcig tu sbyar te sor mo rnams par mtshams med par rtse mo phan tshun sbyar te/ mthe bong zlum por byas la/ 'og gi phyogs su bltas te/ sa'i lha mo la sogs pa mdzub mo'i lcags kyus spyan drangs pa ni/'og gi sa'i lha mo spyan drang ba'i phyag rgya'o/ /spyan drang ba'i phyag rgya las/ snga ma bzhin du mdzub mo bzhag pa ni/ dam tshig gi phyag rgya'o/ /mdzub mo gnyis btang ba ni slar btang ba'i phyag rgya'o/ /sngags ni/ a d+hi pri th+wi de bya swA hA/ a su re b+h+yaHswA hA/ nA ge b+h+yaHswA hA/de nas rang gi sngags de nyid kyis thams cad la 'thor 'thung phul la/ bdag dang slob ma'i tshogs su bcas pa la/ bgegs med par mdzod cig /las kyi dngos grub kyang bdag la stsol cig ces brjod la thams cad slar gtang ngo / /yang na dpung bzangs kyis zhus pa las byung ba'i tshigs su bcad pa rnams kyis gtor ma dbul bar bya ste/lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyi rigs rnams dang / /gang dag sa la gnas pa'i rdzu 'phrul can/ / bu smad tshogs bcas g.yog 'khor bcas rnams la/ bdag gi pus mos la btsugs nas su/ /thal mo sbyar te khyod la gsol 'debs kyis/ gsan nas phan gdags phyir ni 'dir spyon cig /'byung po gang dag ri rab steng gnas dang / /dga' ba'i tshal dang lha yi gnas rnams dang //shar nub ri dang nyi zla'i khyim rnams dang / /ri bo kun la gang dag gnas pa dang / /chu bo kun dang chu bo'i mdo rnams dang / /rin chen gnas na lhag par gnas pa dang / /mtsho dang rdzing dang ldeng ka'i chu ngogs dang / /g.ya' chu sil ma can na gang gnas dang //grong dang phyugs lhas grong khyer stong pa dang / /khang stong dag dang lha yi khang pa dang / /gtsug lag khang ngam grong khyer gnas dag gam/ /dka' thub gnas dang glang chen bres dang ni/ /rgyal po'i dkor khang dag na gang gnas dang / /lam srang bzhi mdo dag dang sum mdo dang //gang dag lam chen dang ni shing gcig drung / /dur khrod chen po nags tshal chen po'am/ /seng ge dred dang gcan gzan gnas dag dang / /'brog chen 'jigs su rung bar gang gnas dang / /gang dag gling mchog dag na gnas pa dang /lhun po dur khrod dag na gnas pa rnams/ /rab tu dgyes te mgu bar gyur nas su/ /me tog phreng dang dri dang bdug pa dang / /bstod dang gtor ma mar me gus 'bul bas/ /'di dag bzhes te btung zhing bsnams nas su/ /las 'di rnams kyi 'bras bu mchis par mdzod//de ltar gdon la mchod pa byas nas ni/ /de nas phyogs skyong rnams la gtor ma sbyin/ /shar phyogs rdo rje can de lha tshogs bcas/ /gtor ma phul ba 'di dag bzhes su gsol/ /me dang gshin rje bden bral srin po'i bdag /chu bdag rlung bdag nor gyi bdag po ste/ /dbang ldan lha de 'byung po'i bdag po dang / /steng gi nyi zla tshangs pa chen po dang / /lha rnams dang ni sa yi klu rnams dang / /ri yi lha dang gnod sbyin tshogs rnams la/ /sa sa so sor gtor ma phul ba rnams/ /rab tu dgyes pa yis ni bzhes nas kyang //rang rang phyogs su legs par bzhugs nas su/ /rang gi bu smad mdza' bshes gnyen 'dun dang / /nang mi dmag dang dpung bcas thabs cig tu/ /me tog dri dang byug pa gtor mar bcas/ /'di rnams btung zhing legs par gsol nas kyang //bdag gi las 'di 'bras bu mchis par mdzod/ /de nas nye reg byas la/ dpal rdo rje sems dpas zhi ba'i sbyin sreg gi cho gas/ sbyin sreg brgya rtsa brgyad dbul lo/ /dpal rnam par snang mdzad la sogs pa'i snying pos ni/ sreg blugs bdun bdun dbul yo/ /de nas kyang de bzhin gshegs pa thams cad la phyag byas la/bdag ming 'di zhes bgyi ba yis/ /rdo rje slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyid/ /bcom ldan 'das dkyil 'khor chen po 'dir zhugs pa la/ snod du gyur pa dang /ma gyur pa brtag mi 'tshal lo/ /de ci'i phyir zhe na/ sems can kha cig ni/ sdig pa chen po bgyis pa yang mchis te/ de dag gis rdo rje dbyings kyi dkyil 'khor chen po 'dir zhugs te mthong na ngan song thams cad dang bral bar 'gyur ro/ /bcom ldan 'das nor dang bza' ba dang /btung ba dang / 'dod pa'i yon tan thams cad la sogs pa dang dam tshig la mi dga' ba dang / sngar bshad pa la sogs pa mi nus pa'i sems can yang mchis te/ de dag kyang 'dir ji ltar 'tshal ba bzhin du bgyid cing zhugs pa rnams kyis bsam la thams cad rdzogs par 'gyur ro//bcom ldan 'das sems can kha cig ni gar dang glu dang gad mo dang / rtsed mo dang / kha zas spyod pa la dga' ba rnams de bzhin gshegs pa thams cad kyi theg pa chen po mngon par rtogs pa'i chos nyid khong du ma chud pas/lha gzhan gyi rig sngags dang / dkyil 'khor du 'jug gi / de bzhin gshegs pa thams cad kyi dkyil 'khor re ba thams cad yang dag par rdzogs par gyur pa/ bla na med pa'i dga' ba dang / mgu ba dang / rangs pa rnams 'byung ba der ni/ bslabs pa'i tshig gis 'jigs shing skrag nas mi 'jug pa dag kyang mchis te/de dag ngan song gi dkyil 'khor gyi lam du 'jug par kha bltas shing / gnas pa rnams kyang dga' ba dang mgu ba'i dam pa thams cad 'grub cing / bde ba dang yid bde ba myang ba bgyis pa dang / ngan song gi rgyud thams cad 'jug par kha bltas pa'i lam las bzlog par bgyi ba'i slad du/rdo rje dbyings kyi dkyil 'khor chen po 'dir 'jug tu rung ngo / /bcom ldan 'das chos can gyi sems can/ de bzhin gshegs pa thams cad kyi tshul khrims kyi phung po dang / ting nge 'dzin dang / shes rab dam pa grub pa'i thabs kyis/ sangs rgyas rnams kyi byang chub tshol ba na/ bsam gtan dang / rnam par thar pa dang / sa rnams kyang 'bad cing nyon mongs pa dag kyang mchis te/ de dag kyang rdo rje dbyings kyi dkyil 'khor chen po 'dir zhugs ma thag tu/ de bzhin gshegs pa thams cad dkyil 'khor re ba thams cad yang dag par rdzogs par gyur pa/bla na med pa thams cad du 'grub par dka' ba yang ma lags na/ dngos grub gzhan lta smos kyang ci 'tshal zhes zhu bar bya'o/ /de nas slob ma gzhug par bya ste/ de la bslab pa'i gzhi lnga yongs su gzung ba'i dge bsnyen nam/dge sbyong ngam/ dge slong gi sdom pa yongs su blangs pa/ slob dpon du dbang bskur bar 'os pa/ slob dpon gyi zhabs gnyis la phyag byas te/ 'di skad ces brjod par bya'o/ /dga' chen khyod bdag ston pa bas//slob dpon khyod ni dgongs su gsol/ /byang chub sems dpa'i tshul brtan pa/ /mgon po chen po bdag 'tshal lo/ /dam tshig de nyid bdag la stsol/ /sdom pa rnams kyang bdag la stsol/ /de nas rdo rje slob dpon gyis/ /rdo rje srung ba yongs su bzlas la/stod g.yogs dang smad g.yogs bskon zhing / rdo rje gnod sbyin dang / rdo rje lcags kyu la sogs pa'i sgo srung bzhis/ bzlas pa'i gdong g.yogs bcings la/ phyag bzhi byed du gzhug par bya'o/ /yang lag na me tog thogs pa'i slob mas/ slob dpon la phyag byas la/lag na me tog thogs pa de nyid dang / bshags pa dang / rjes su yi rang ba dang / bskul ba dang / gsol ba yang byas la/ 'di skad ces brjod par bya'o/ /gtso bo bdag la sdom pa stsol/ /thub pa'i nyi ma ma lus pa'i/ /sangs rgyas rnams ni bdag la dgongs//bdag ming 'di zhes bya ba ni/ /slob dpon dbang du gnas pa la/ /sangs rgyas rol mo las byung ba/ /mi ldog pa yi 'khor los 'byor/ /thar pa'i rang bzhin grong khyer cher/ /gsang ba chen por 'jug par bgyi/ /gsang ba chen por bsdus pa ni/ / slob dpon chen po bdag 'jug mdzod/ /mi ldog pa yi dbang bskur ba/ /skal ba chen po bdag la stsol/ /mtshan rnams kyis ni rgyas btab cing / /dpe byad rnams dang yang dag ldan/ /sangs rgyas kun gyi yid 'ong ba/ /slob dpon chen po bdag la stsol/ /dbang bskur chen po rmad byung ba//sems can kun gyi don bgyid phyir/ /bdag ni rtag tu slob dpon gyur/ /slob dpon chen po bdag la stsol/ /de nas slob dpon gyis rigs thams cad la gsol ba gdab par bya ste/ che ge zhes bya 'di nyid ni/ /byang chub sems ni yongs 'dzin zhing //dam tshig sdom dang gsang ba yi/ /'khor lo 'dir yang 'jug par 'tshal/ /de nas yang slob dpon gyis 'di skad ces brjod par bya ste/ gsang ba chen po'i rigs dag pa'i/ /gsang ba yongs su 'dzin par ni/ /bdag nyid chen po khyod 'dod dam//des kyang 'tshal zhes brjod par bya/ /yang slob dpon gyis 'di skad ces brjod par bya ste/ sangs rgyas chos dang dge 'dun te/ /dkon mchog gsum la skyabs su song / /'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu'i phyag rgya dag /blo chen khyod kyis gzung bar bgyi/ /byang chub sems gang de rdo rje/ /shes rab dril bu zhes brjod do/ /slob dpon dag kyang gzung bar bya/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par gsungs/ /rin chen rigs mchog chen po la//nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /'di ni rin chen rigs dag pa'i/ /dam tshig sdom pa yin par gsungs/ /phyi dang gsang ba theg pa gsum/ /dam chos khyod kyis gzung bar bya//'di ni pad+ma'i rigs dag pa'i/ /dam pa'i sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar gyis/ /mchod pa'i las kyang ci nus bya/ /gzhan yang bcu bzhi 'di dag ni/ /phas pham par ni rab tu bshad//spang zhing dor bar mi bya'o/ /rtsa ba'i ltung bar shes par bya/ /nyin dang mtshan mo lan gsum du/ /nyin re bzhin ni bklag par bya/ /gang tshe nyams na rnal 'byor pa/ /kha na ma tho sbom por 'gyur/ /khyod kyis srog chags gsad mi bya/ /ma byin par ni blang mi bya//'dod pa log par mi spyad cing / /brdzun du smra bar mi bya'o/ /phung khrol kun gyi rtsa ba yi/ /chang ni rnam par spang bar bya/ /sems can gdul phyir ma gtogs pa/ /bya ba ma yin thams cad spang / /dam pa nye bar bsten bya zhing / /rnal 'byor ba rnams bsnyen bkur bya//lus kyi las ni rnam gsum dang / /ngag gi rnam pa bzhi rnams dang / /yid kyi rnam pa gsum dag ni/ /ci nus par ni rjes su skyong / /theg pa dman pa 'dod mi bya/ /sems can don la rgyab mi phyogs/ /'khor ba dag kyang yongs mi spang / /rtag tu mya ngan 'das mi chags//lha dang lha min gsang ba la/ /khyod kyis brnyas par mi bya zhing / /phyag rgya bzhon pa mtshon cha dang / /mtshan ma 'gom par mi bya'o/ /'di dag dam tshig yin par bshad/ /khyod kyis rtag tu bsrung bar bya/ /des kyang 'di skad brjod par bya ste/slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal/ /ji ltar dus gsum mgon po rnams/ /byang chub tu ni nges mdzad pa/ /zhes bya ba la sogs pa nas/ /sems can mya ngan 'das la dgod//ces bya ba'i bar du brjod par bya'o/ /gang zhig sdom pa 'dzin par mi byed pa de la/ deng khyod ces bya ba la sogs pa yang brjod par mi bya ste/ slob dpon du rjes su gnang ba dang / dbang bskur ba yang mi bya'o/ /'jug pa tsam cig byed du gzhug go/ /de nas oM sarba yo ga tsit+ta ut+pA da yA mi zhes bya ba 'dis/byang chub sems ni bla med pa/ /dam pa bdag gis bskyed nas su/ /de yi snying gar snying po ni/ /rdo rje rab tu gzhag par bya/ /su ra te sa ma ya staM ho badzra sid d+h+ya ya thA su khaM/ de nas rdo rje sems dpar byin gyis brlabs la/ dri dang me tog la sogs pas mchod de/me tog gi phreng ba gdags shing / gdong dri zhim par byas la/ yon gyi mchog blangs la/ des phyi rol na gnas pa'i bum pa'i chus dbang bskur la/ sa ma ya s+t+wAM zhes bya ba 'dis/ rdo rje sems ma'i phyag rgya 'ching du gzhug go/ /de nas gung mo gnyis kyis me tog gi phreng ba 'dzin du bcug la/sa ma ya hUM zhes bya ba 'dis gzhug par bya'o/ /rdo rje lcags kyu la sogs pas kyang / rang rang gi sgo nas badzra aM ku sha dzaH/ badzra pA sha hUM/ badzra s+pho Ta baM/ badzra A be sha aH/ zhes bya bas dgug pa dang / gzhug pa dang / bcing ba dang / dbang du bya'o/ /de nas yang shar phyogs kyi sgo nas/de bzhin du bcug la/ 'di skad ces brjod par bya ste/ deng khyod de bzhin gshegs pa thams cad kyi rigs su zhugs kyis/ ngas khyod la ye shes gang gis de bzhin gshegs pa thams cad 'grub pa yang thob na/ dngos grub gzhan lta smos kyang ci dgos te/de lta bu'i rdo rje ye shes bskyed par bya yis/ khyod kyis dkyil 'khor chen po ma mthong ba rnams la smra bar ma byed cig /khyod dam tshig nyams par gyur ta re/ de nas slob dpon rang nyid kyis sems ma rdo rje ma'i phyag rgya kha thur du bstan pa dang / gyen du bstan pa bcings la rdo rje slob ma'i spyi bor bzhag la/'di skad ces brjod par bya'o/ /'di ni khyod kyi rdo rje'i dam tshig yin gyis/ gal te 'ga' zhig la smras na klad pa 'gas par 'gyur ro/ /de nas dam tshig gi phyag rgya de nyid dang / mna'i snying po 'di lan cig bzlas pa'i chu rdo rje slob ma 'thung du bcug la/'di skad ces brjod par bya'o/ /de la dam tshig gi snying po ni 'di yin te/ rdo rje sems dpa' deng khyod kyi/ /snying la yang dag zhugs par mdzad/ /gal te tshul 'di smras na ni/ /de ma thag tu dral te gshegs/ /oM badzra u da ka Tha zhes bya'o/ /de nas slob ma la 'di skad ces brjod par bya ste/deng nas brtsams te khyod kyi phyag na rdo rje nga yin gyis/ ngas 'di byos shig ces bsgo ba gang yin pa de bya dgos so/ /khyod kyis nga la brnyas par ma byed cig /mi bde ba ma spangs par khyod dus byas nas dmyal bar ltung bar gyur ta re/ de nas yi ge a zhes bya bas bdag nyid rdo rje sems dpa' sku mdog dkar por bsam par bya'o//de'i rjes la rang gi snying gar yi ge a rdo rje'i 'od zer gyi phreng ba dang ldan pa bsam par bya'o/ /yi ge hUM gis kyang slob ma rdo rje sems dpa' rdul dang bral zhing shin tu dang bar bsams la/ snying ga dang dpral ba dang lce dang spyi bor/ hUM hrIM hrIHkaM zhes bya ba las rdo rje dang rin po che dang pad+ma dang sna tshogs rdo rjes mtshan par byas la/ sgo dbye ba'i phyag rgyas rang gi snying ga dang / slob ma'i snying gar dbye bar bya'o/ /de nas rang gi snying gar gnas pa'i rdo rje a zhes bya bas phyung la/slob ma'i snying gar gnas pa'i rdo rje'i dbus su blos bcug ste/ lus thams cad gang bar gyur par bsams la/ 'di skad ces brjod par bya'o/ /de bzhin gshegs pa thams cad kyis byin gyis rlobs la rdo rje sems dpa' bdag la dbab par gyur cig / ces smros shig /de nas slob dpon gyis myur du rdo rje sems ma'i phyag rgya bcings la/ de'i snying gar gzhag ste/ 'di skad ces brjod du gzhug go/ /'di ni rdo rje dam tshig ste/ /rdo rje sems dpa' yin par grags/ /rdo rje ye shes bla med ni/ /de ring nyid du 'bab par shog /badzra A we sha aHzhes bya ba bcu nas lan brgya'i bar du brjod na nges par 'bab par 'gyur ro/ /de nas gal te 'bab par ma gyur na de'i tshe khro bo'i khu tshur bcings la/ rdo rje sems ma'i phyag rgya dral bar bya zhing / badzras twa A A A AHzhes bya ba 'di yang brjod la/bcom ldan 'das rdo rje sems dpa' 'od zer dmar po 'bab pas kun du khyab pas kun du gang bar bsams la/ lan brgya'i bar du bzla bar bya'o/ /de lta bus kyang gal te 'bab par ma gyur na/ de'i tshe rdo rje 'bebs pa'i dam tshig gi phyag rgya dril bu dang bcas pa bcings la/rkang pa g.yon pas de'i rkang pa g.yas pa mnan la/ nam mkha'i phyogs su rdo rje sems dpa'i steng na dpal rnam par snang mdzad de la dbab par bya ba'i phyir bris pas/ yi ge hUM gi 'od zer gyi tshogs kyis 'bebs par mdzad pa dang / 'og nas kyang rdo rje rlung gi dkyil 'khor dang /yi ge hUM gis bteg par bsam pa dang / de bzhin du mi bskyod pa la sogs pa shar phyogs la sogs par bzhugs pas/ hUM hrIM hrIHa zhes bya ba'i rang rang gi sa bon gyi 'od zer gyi tshogs yang dag par 'bebs par mdzad par bsams la/ badzra satwa A A A AHzhes bya ba yang de bzhin du bzla bar bya'o//gal te sdig pa shin tu che bas de lta bus kyang 'bab par ma gyur na/ de'i tshe sdig pa dral ba'i phyag rgyas yang dang yang du sdig pa dral la/ yam shing dmar po rnams kyi me/ /rab 'bar rdo rje khro bo yi/ /mnyam par gzhag pas snyoms zhugs la/til sreg pas ni sdig bsregs shing / /oM sarba pA paM da ha na badzrA ya swA hA/ zhes bya ba dang / lag pa g.yas pa'i mthil du til nag po las sdig pa'i gzugs brnyan byas la/ hUM dbus su bsam pa'i mdzub mo dang mthe bos sbyin sreg bya'o/ /de nas sbyin sreg gi thab khung las byung ba'i 'bar ba'i phreng ba kun du 'khrugs pa'i rdo rje de'i lus la 'bab pas/sdig pa rnams bsregs par gyur par bsams na nges par 'bab par 'gyur ro/ /yang de lta bus kyang 'bab par ma gyur na/ de la dbang bskur bar mi bya'o/ /babs na skad cig ma de nyid la mngon par shes pa lnga la sogs pa rtogs par 'gyur ro//de nas babs par shes nas/ slob dpon gyis kye rdo rje sems dpa'/ kye rdo rje rin chen/ kye rdo rje chos/ kye rdo rje las zhes bya bas/ rdo rje sems dpa'i dam tshig gi phyag rgya 'ching du gzhug go//yang nri r+t+ya badzra zhes bya bas sems dpa'i gar bya'o/ /gal te babs na dpal rdo rje sems dpa'i phyag rgya 'ching du bcug la/ de'i tshe slob dpon gyis rdo rje khu tshur gyi phyag rgya nye bar bstan par bya'o/ /de bzhin du rdo rje bzhad pa'i phyag rgya 'ching du bcug la/ de'i tshe rdo rje chos kyi phyag rgya nye bar bstan pa'i bar du'o//de lta bus ni dpal rdo rje sems dpa' la sogs pa thams cad dgongs pa mdzad par 'gyur ro/ /de nas 'dis mngon par 'dod pa thams cad bri bar bya ste/ babs pa de'i lce la rdo rje bsams la/ bru hi badzra zhes brjod par bya ste/ de nas thams cad smra bar 'gyur ro/ /de nas pra tIts+tsha badzra hoHzhes bya bas phreng ba de dkyil 'khor chen por dor bar bya'o/ /de nas gang du phreng ba de babs par gyur pa de 'di la 'grub par 'gyur ro/ /de nas oM pra ti gr-i h+Na twaM i maM satwa ma hA ba la zhes bya bas phreng ba de de'i mgo la bcing bar bya'o//de nas/ /oM rdo rje sems dpa' deng khyod kyi/ /mig 'byed par ni brtson par mdzad/ /mig ni thams cad 'byed mdzad de/ /rdo rje'i mig ni bla na med/ /he badzra pA sh+ya zhes bya ba 'dis gdong g.yogs dgrol bar bya'o/ /de nas rdo rje lcags kyu nas brtsams te/ bcom ldan 'das rnam par snang mdzad kyi bar du dkyil 'khor chen po bstan par bya'o//de nas tiSh+Tha badzra zhes bya ba la sogs pas/ dbab pa'i phyag rgya slob ma'i snying gar dgrol du gzhug par bya'o/ /de nas phyi rol gyi phyag rgya'i dkyil 'khor gyi nang ngam/ phyi rol du shar phyogs kyi sgo la mngon par phyogs par zla ba'i dkyil 'khor bris la/rdo rje sems ma la sogs pa'i phyag rgya bzhi dang / rang gi dam tshig gi phyag rgyas slob ma dpal rdo rje sems dpa' la sogs pa'i gzugs su bsams la/ rang gi phyag rgya chen pos zla ba'i dkyil 'khor la bzhag ste/dbang bskur ba la mchod yon bstabs nas dri dang me tog la sogs pas mchod de/ gdugs dang rgyal mtshan dang / ba dan la sogs pa dang / dung dang rol mo la sogs pa'i sgra rnams kyis mchod par bya'o/ /de nas bkra shis kyi tshigs su bcad pa la sogs pas mngon par dga' bar bya zhing /dang por re zhig chu'i dbang bskur ro/ /de nas ni phyag rgya'i dbang bskur ba dang / cod pan dang / dar dpyangs dang / rdo rje dang / bdag po dang ming gi dbang bskur nas/ yang me tog la sogs pa dang / sgeg mo la sogs pa mchod pa brgyad kyis yang dag par mchod nas/ slob mas rdo rje thal mo bskor bas slob dpon la phyag byas la yon gyi mchog phul te/ me tog la sogs pa'i dbang bskur ba blang bar bya'o/ /slob dpon gyis dbang bskur ba la ji skad bstan pa'i gnas su dpal rdo rje sems dpa'i phyag rgya chen pos bzhag la/de'i lus la dam tshig gi phyag rgya rnams kyis rdo rje sems dpa' la sogs pa bkod de/ spyi bor dpal rdo rje sems dpa'i sku gzugs bzhag la/ oM ma hA su kha badzra satwa dzaHhUM baM hoHsu ra ta s+t+waM zhes bya ba'i sngags 'di lan brgya rtsa brgyad bzlas shing chus dbang bskur ba sbyin par bya'o//de nas cho ga thams cad rjes su spyad la/ slob ma la mtshan brgya rtsa brgyad pas bstod de/ tshigs su bcad pa lngas rjes su gnang ba sbyin zhing / gzengs bstod pa dang lung bstan pas slob ma thams cad la lung bstan par bya'o//de nas gsang ba'i dbang bskur ba bshad par ste/ slob dpon du dbang bskur bar 'os pa bcug la/ dkyil 'khor dang lha thams cad kyi de kho na nyid thams cad dang / slob dpon gyis las thams cad slob par bya ste/ 'di tsam gyis ni gsang ba'i dbang bskur bar gyur pa yin te/mdor bsdus pa'i rim pa'o/ /de nas rim pa bar ma brjod par bya ste/ rtsa ba'i dkyil 'khor las khru gnyis tsam yongs su dor bas/ dbus ma'i dkyil 'khor gyi phyed tshad kyi gru bzhi pa sgo nub tu bltas pa 'jug pa'i sgo la mngon par phyogs pa'i dkyil 'khor tshon sna lngas bris la/de'i dbus su pad+ma 'dab ma brgyad pa bris shing / de'i dbus su rdo rje rtse lnga pa kha dog dmar po 'od zer dmar po 'phro ba bri bar bya'o/ /de nas dkyil 'khor de me tog la sogs pas yang dag par mchod la/ seng ge'i khri'am khri'u zla ba'i dkyil 'khor dar gyis bkab la/rdo rje gnod sbyin yongs su bzlas te/ slob ma snga ma bzhin du rdo rje sems dpar byin gyis brlabs la/ rdo rje sems dpa'i phyag rgya chen pos der bzhag nas seng ge'i khri'i steng du bla re bre ba dang / g.yas logs su dar dang me tog gi phreng bas brgyan par bya'o//gdugs dkar po rin po che'i tog can la yi ge hUM bzlas pa dang / gos sna tshogs dang / rgyal mtshan dang ba dan sna tshogs la/ nam mkha'i mdzod yongs su bzlas te/ g.yon logs su bzhag la/ mchod yon byin nas me tog la sogs pa dang /sgeg mo la sogs pas yang dag par mchod cing / dung dang / rnga bo che dang / rnga rings dang / zangs dung la sogs pa'i rol mo'i phyag rgyas byin gyi brlabs pa dang / phyi rol du glu dang gar la sogs pas mchod par bya'o/ /yon gyi mchog kyang blangs la/ rdo rje sems dpa'i sku gzugs de'i mgo bor bzhag ste bkra shis gdon par bya'o//phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa'i/ /sangs rgyas pad+ma rgyas pa'i 'dab 'dra'i spyan mnga' ba/ /bkra shis des ni skye dgu zhi byed dang po'o//de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /de ni 'jig rten dge zhing bkra shis gnyis pa'o/ /dge 'dun dam pa'i chos ldan thos pa'i bkra shis phyug /mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi gzhi/ /de ni 'jig rten dge ba'i bkra shis gsum pa'o/ /sems can kun la phan zhing byang chub mnga' ba po/ /don rnams thams cad 'grub par brtul ba yongs ldan pa//tshogs kyi las dgyes thub pa'i bkra shis gang byung ba/ /bkra shis des ni skye dgu rnams la zhi byed shog /'gro la phan phyir de bzhin gshegs pa dga' ldan lha'i/ /gzhal med khang gi snying po nas ni 'dir gshegs te//dbang bcas lhas bskor ba yi bkra shis gang byung ba'i/ /bkra shis des ni skye dgu rnams la zhi byed shog /lo ma me tog 'od 'bar nyams dga' lum+bi'i tshal/ /lha mang dag gis bstan par mgon po bltams pa na/ /srid pa mthar phyin pa yi bkra shis gang byung ba'i/ / bkra shis des ni skye dgu rnams la zhi byed shog /grong khyer ser skya'i gnas nas rgyal po'i pho brang du/ /lhums nas bltams pa ston pa bde gshegs zas gtsang sras/ /myur bskrun bdud rtsi'i chus gtor ba yi bkra shis gang / /bkra shis des ni skye dgu rnams la zhi byed shog/ /grong khyer dam pa ser skya'i gnas zhes bya ba ni//rmad du grags pa chen po lha yis mngon bstod pa/ /bsam yas dge bsgrubs bsod nams phung po'i bkra shis gang / /bkra shis des ni skye dgu rnams la zhi byed shog /dgyes shing nam phyed grong khyer mchog nas mngon byung ste/ /dka' thub tshal du mngon par gshegs shing tshangs la sogs//lha yi tshogs kyis yongs su bskor ba'i bkra shis gang / /bkra shis des ni skye dgu rnams la zhi byed shog /rab tu 'od 'bar gser dang 'dra ba'i sku mnga' zhing / /bai DUr+ya ltar sngon pa'i rtswa bting steng bzhugs te/ /skyil mo krung bcas mi g.yo mchog gi bkra shis gang //bkra shis des ni skye dgu rnams la zhi byed shog /chu bo'i 'gram na rtswa Sha'i phreng gis yongs bskor ba/ /shin tu rmad byung ba yi sred pa sel mdzad pa/ /klu yi rgyal pos phyag byas pa yi bkra shis gang / /bkra shis des ni skye dgu rnams la zhi byed shog /shing rgyal drung gshegs byams pa'i stobs kyis bdud kyis phyogs/ /mang po btul tshes steng dang ni nam mkha' la/ /bcom ldan bkra shis rnam pa sna tshogs gang byung ba/ /bkra shis des ni skye dgu rnams la zhi byed shog /sdug bsngal mtha' dag gzhig phyir rdo rje'i gdan bzhugs te//nam gyi tho rangs bdud bzhi po dag rnams btul ba/ /ston pa bde bar gshegs pa'i bkra shis gang yin pa/ /bkra shis des ni skye dgu rnams la zhi byed shog /grong khyer bA rA Na sIr drang srong mchog bzhugs nas/ /chos kyi 'khor lo phyogs bstan pa yi bkra shis gang / / lha yul dang 'dir shin tu rmad du byung gyur pa/ /bkra shis des ni skye dgu rnams la zhi byed shog /bkra shis gang zhig phan byed dam pa dag byed pa/ /bsod nams bya byed 'phags pa'i skye bos mngon bstod pa/ /bcom ldan shAkya thub pa'i seng ges gang gsungs pa/ /bkra shis des ni skye dgu rnams la zhi byed shog /mu stegs byed pa kun gyi nga rgyal gzhom par byed pa dang / /'gro la bde ba skyed phyir cho 'phrul dam pa dag /nye bar ston pa rgyal ba'i bkra shis gang yin pa/ /bkra shis des ni skye dgu rnams la zhi byed shog/ /'gro la phan phyir mtho ris nas ni 'dir gshegs te//tshangs pa la sogs lha tshogs lag na rnga yab gdugs/ /sna tshogs thogs pas yongs su bskor ba'i bkra shis gang / /bkra shis des ni skye dgu rnams la zhi byed shog /de bzhin gshegs pa zhi ba mchog tu nyer gshegs pa/ /man+dA ra yi me tog mang pos mngon mchod pa//lha tshogs rnams kyis mngon par bstod pa'i bkra shis gang / /bkra shis des ni skye dgu rnams la zhi byed shog /lha dbang klu dang mi yi dbang pos phyag byas pa/ /mkha' lding gnod sbyin dri za'i dbang pos mchod gyur pa/ /de bzhin gshegs pa stobs bcu ldan pa'i bkra shis gang /bkra shis des ni skye dgu rnams la zhi byed shog /mtshan brgya rtsa brgyad pas kyang bstod la/ dang po ni bum pa gang bas so/ /de nas rdo rje lcags kyu la sogs pa'i snying po zlos shing de'i bum pas so/ /de'i rjes la rnam par rgyal ba'i bum pa las rdo rje khu tshur gyis chu blangs la//des dbang bskur zhing 'thung du yang gzhug pa dang / bum pa lhag ma rnams kyis kyang chu'i dbang bskur bas dbang bskur ro/ /de la sbyor ba ni 'di yin te/ oM badzra aM ku sha oM badzra satwa a b+hiShiny+tsa zhes bya ba nas/ oM badzra satwa a b+hi Shiny+tsa zhes bya ba'i bar dang /oM ma hA su kha zhes bya ba la sogs pa snga ma bzhin du bzlas par bya'o/ /lhag ma rnams ni snga ma dang 'dra ba yin te/ rim pa bar ma'o/ /de nas dbang bskur ba'i rim pa rgyas par brjod par bya ste/ de bzhin du thams cad byas la/ sgeg mo la sogs pa'i mchod pa brgyad kyis kyang yang dag par mchod par bya'o//de nas rin po che'i mig thur ram/ gser la sogs pa'i thur ma thogs la mdun du 'dug ste tshig 'di skad du gsal bar brjod par bya ste/ ji ltar mig mkhan rgyal po yis/ /'jig rten ling tog bsal ba ltar/ /bu khyod kyis ni mi shes pa'i//rab rib rgyal ba rnams kyis bsal/ /de la 'di'i snying po ni/ /oM badzra Ne tra a pa ha ra pa Ta laM hrIHzhes bya ba yin no/ /de la me long blangs la chos kyi mtshan nyid bstan par bya'o/ /chos rnams gzugs brnyan lta bu ste/ /dag cing gsal la rnyog pa med/ / gzung du med cing brjod du med/ /rgyu dang las las kun du 'byung / /ngo bo nyid med gnas med par/ /de ltar chos 'di shes par gyis/ /sems can don ni mnyam med byos/ /'on kyang sangs rgyas sras su skye/ /de nas dril bu blangs la dkrol te/ chos rnams nam mkha'i mtshan nyid de/ / nam mkha' la yang mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal/ /zhes bya bas dril bu sbyin no/ /a zhes bya ba ni dril bu sbyin pa'i snying po yin no/ /de nas de bzhin gshegs pa thams cad mnyes par gyis shig ces brjod de/ ho zhes bya bas gzhu byin la/ phyogs bzhir mda' bzhi dang / steng du gcig dang 'og tu gcig 'phen du gzhug par bya'o/ /yang me long blangs la 'di skad ces brjod bya'o/ /rdo rje sems dpa' me long bzhin/ /dag cing gsal la rnyog pa med/ /sangs rgyas kun bdag rang nyid ni//bu khyod kyi ni snying la zhugs/ /gang 'di de bzhin gshegs pa thams cad kyi bdag po byang chub kyi sems ni 'di yin par shes par gyis shig ces brjod par bya'o/ /de la me long 'di 'dzin du gzhug pa'i sngags so/ /a badzra satwa zhes bya'o/ /de nas rkang pa gnyis kyi bar du chos kyi 'khor lo bzhag la/lag pa g.yas par dung byin la 'di skad ces brjod par bya ste/ deng nas brtsams te sems bskyed pa/ tsam gyis chos kyi 'khor lo bskor/ /de ring phan chad 'jig rten la/ /skyob pa rnams kyis 'khor lo bskor/ /chos kyi dung ni bla med pas//kun du ma lus gang bar gyis/ /som nyi yid gnyis mi bya zhing / /dogs pa med pa'i sems kyis su/ /gsang sngags spyad pa'i tshul gyi mchog /'jig rten 'di la rab tu sgrogs/ /de ltar byas na sangs rgyas la/ /phan thogs drin du gzo zhes bya/ /rdo rje 'dzin pa de kun kyang //kun du khyod la srung bar byed/ /ces bya ba rdo rje 'khor lo dang / rdo rje smra ba'i chos kyi yi ge dang bcas pa sbyin par bya'o/ /yang / 'jig rten kun las khyad par du/ /sems can kun la phan pa'i phyir/ /ji ltar sna tshogs 'dul gyur pa/ /chos kyi 'khor lo rab tu bskor//de bzhin du rdo rje dang / 'khor lo dang / pad+ma dang / nor bu'i 'khor lo rab tu bskor zhes tshigs su bcad pa lngas rjes su gnang ba sbyin no/ /de nas dngos po thams cad kyi rang gi ngo bo'i bdag nyid can gyi gzengs bstod nas/ kun sangs rgyas su bdag bsgrub pa'o//rdo rje ming dbang bskur bas kyang / /de bzhin gshegs par lung bstan nyid/ /oM 'di ni ngas khyod lung bstan yin/ /rdo rje sems dpa' de bzhin gshegs/ /srid pa kun du bsgrub pa'i phyir/ /srid pa'i ngan 'gro rnams las bton/ /kye rdo rje che ge mo zhes bya ba'i de bzhin gshegs pa sid+d+ha sa ma ya s+t+waM b+hUr b+hu wa swaHde la gzengs bstod pa ni 'di yin te/de bzhin gshegs pa'i khu tshur gnyis bcing ste/ g.yon pas chos gos 'dzin pa'i tshul du byas la/ g.yas pa mchog sbyin pa'i tshul du bya'o/ /de nas slob ma rnams la 'di skad ces brjod par bya ste/gang la gzengs bstod par byas pa 'di dag phyag rgya chen po mchog tu gsang ba'i cho gas lung bstan par byas pa de la rdo rje sems dpa' la sogs pa de bzhin gshegs pa thams cad dang / rdo rje 'dzin pa thams cad dang / byang chub sems dpa'i 'khor gyi dkyil 'khor dang bcas pa'i de bzhin gshegs pa thams cad rang gi dam tshig gi slob dpon dang mgrin gcig tu bla na med pa yang dag par rdzogs pa'i byang chub tu lung ston par mdzad do//de ltar gzengs bstod pa dang / phyag rgya chen po'i mchog tu gsang ba dam pa'i dngos grub byin gyis brlab pa dang sngags kyi stobs yin no zhes dad par bya'o//dbugs dbyung ba lhag ma ni dpal mchog dang po las shes par bya'o/ /de nas thams cad la dkyil 'khor gyi gsang ba'i ye shes thams cad bslab pa nyid du bya ste/ 'dod chags bral ba lta bu yi//khams gsum na ni sdig med de/ /de bas 'dod la chags bral bar/ /khyod kyis nam yang ma byed cig /ma hA sa ma ya ha na phaT ces bya ba'i dam tshig chen po'i sngags 'di yang brjod par bya'o/ /de nas rang gi lha'i sngags byin la/ phyag rgya bzhi'i ye shes bslab par bya'o//de nas khyod kyis gzhan phyag rgyal mi mkhas pa gang la yang phyag rgya gcig kyang ston par ma byed cig /de ci'i phyir zhe na/ 'di ltar sems can de rnams kyis dkyil 'khor ma mthong bar sems dpa'i phyag rgya 'ching ba la sbyor bar byed kyang / de rnams kyis dngos grub ji lta ba bzhin du thob par ma gyur pa dang /de nas de som nyi za bar gyur pas/ yang ba ma spangs pas myur ba nyid du dus byas nas/ sems can dmyal ba chen po mnar med par ltung bar 'gyur la/ rgyu des khyod kyang ngan 'gror 'gro bar 'gyur ro zhes brjod par bya'o//de nas sgeg mo la sogs pa'i mchod pa brgyad dang / me tog la sogs pas de bzhin gshegs pa thams cad la yang dag par mchod la/ slob ma rnams la de bzhin gshegs pa thams cad la ci nus par mchod cig ces bsgo ste/ de bzhin gshegs pa thams cad la gsol ba gdab cing bdug spos la sogs pa ci 'dod par mchod pa byed du bcug la/ji lta ba bzhin du zhugs pa rnams la 'byor ba ci yod pa'i bza' ba dang btung ba la sogs pa thams cad dang / dkyil 'khor chen por phul ba'i yo byad thams cad kyis tshim par byas la/'di de sangs rgyas thams cad de/ /zhes bya ba la sogs pas dngos grub kyi rdo rje'i brtul zhugs sbyin par bya'o/ /de nas yang thams cad la su la yang smra bar ma byed cig ces bsgo la mna'i snying po brjod par bya'o/ /de nas zhugs pa rnams slar btang la/yang mtshan brgya rtsa brgyad pas bstod la/ sgeg mo la sogs pas yang dag par mchod la phyag bya ste/ mchod yon phul nas dge ba'i rtsa ba mngon par 'dod pa'i dngos grub kyi don du bsngos la/ phyag rgya dgrol bar byas nas/ sems ma rdo rje ma bcings te/dkyil 'khor lan gsum mam/ lan bdun bskor ba byas la/ snga ma bzhin du gshegs su gsol ba la sogs pa byas nas/ a kA ro mu khaM zhes bya ba la sogs pas dkyil 'khor phyags la/ dman ma la sogs pa chu bor dor bar bya'o/ /de nas hUM bzhis phur bu thams cad bton la/oM ru ru s+phu ru dz+wa la tiSh+Tha sid+d+ha lo tsa ni sarba ar+tha sA d+ha ne swA hA/ zhes brgya rtsa brgyad bzlas pa'i 'o mas phur bu dang gzugs brnyan thams cad bkrus la bu gu yang dgang bar bya'o/ /de nas 'jug pa'i sgo la mngon par phyogs pa'i las thams cad pa'i thab khung byas la/bdag dang slob ma dang / sa bdag dang sems can thams cad la dmigs te/ zhi ba'i sbyin sreg bya'o/ /de nas slob ma'i gtso bo g.yon logs su bzhag ste/ rdo rje sems dpa'i sngags kyis mar gyi sbyin sreg brgya rtsa brgyad bya'o/ /de nas sangs rgyas spyan gyis brgya rtsa brgyad bya'o//de nas phyag rgya de nyid bcings la mar dang zho dang 'dres pa'i til gyis sbyin sreg brgya bya'o/ /de nas rdo rje gnod sbyin bzlas pa'i chus spyi bor gtor nas de nyid bzlas pa'i srung skud mkhrig ma g.yon par bcing bar bya'o/ /de nas de'i snying khar lag pas gtugs te spyan gyi sngags lan brgya bzla bar bya'o//gzhan dag la ni ji skad du bshad pa'i sbyin sreg lan bdun bdun bya'o/ /de nas bsang gtor dang srung skud bcing ba dang snying gar gtugs pa dag kyang bya'o/ /rdo rje sems sogs sems dpa' mchog /dngos grub thams cad stsol mdzad pa/ /rdo rje thams cad 'byung byas las/ /bdag gis dge ba gang bsags pa/ /des ni 'jig rten ma lus pa/ /kun dga' snying po rig pa mchog /sems can kun gyi gnyen gcig po/ /gtso chen rdo rje 'dzin gyur cig / dpal de bzhin gshegs pa thams cad kyi de kho na nyid bsdus pa/ theg pa chen po mngon par rtogs pa'i rgyud chen po las btus pa/ rdo rje dbyings kyi dkyil 'khor chen po'i cho ga /rdo rje thams cad 'byung ba zhes bya ba/ rdo rje slob dpon chen po kun dga' snying po'i zhal snga nas kyis mdzad pa rdzogs so/