CLOSE WINDOW

D2515
བོད་ཡིག

/ //rgya gar gyi mkhan po shrad+d+ha ka ra wa rma dang zhu chen gyi lo tsA ba dge slong rin chen bzang pos bsgyur cing zhus te gtan la phab pa'o//[ ]@##/ /rgya gar skad du/ shrI badzra maN+DalaM kA re ma hA ta n+t+ra pany+tsi kA/ bod skad du/ dpal rdo rje snying po'i rgyan gyi rgyud chen po'i dka' 'grel/sangs rgyas dang byang chub sems dpa' thams cad la phyag 'tshal lo/ /byang chub sems dpa' sems dpa' chen po 'jam dpal gzhon nur gyur pa la phyag 'tshal lo/ /mtha' yas khams gsum rab tu g.yengs la brtse ba dam pa rnam par dag pa'i blo/ /'gro ba'i nyam thag sel cing rab tu 'dod pa'i bde ba ldan par sgrub la brtson//khyab bdag rnams sangs rgyas la rtag par rab tu phyag bgyi bdag gi blo gros [(]'ad[,]'di[)]/ mun pa lta bus brtson pas rgyud kyi don chen so sor dbye bar ga la nus/ /'on kyang spyod yul ma yin yang / /rnam par brtson par byed pa ni/skye bos bzhad gad ched du dang / brtse bas gzhan gyi don du'o/ /rdo rje snying po'i rgyan zhes bya ba'i don gyi ming can 'di ni rgyud do/ /'di ltar rdo rje snying po ni byang chub kyi snying po ste sangs rgyas thams cad kyi gnas so/ /de'i rgyan ni bla na med pa'i khang pa brtsegs pa gang yin pa de de bzhin du brjod par bya'o//yang na rdo rje ni chos kyi sku'i bdag nyid can te/ dbye bar byar med pa nyid kyi phyir ro/ /snying po ni longs spyod rdzogs pa'i sku'i rang bzhin te thams cad kyi snying por gyur pa nyid kyi phyir dang / sems can gyi don rdzogs pa'i snying rje'i phyir yang ngo / /sna tshogs pa'i sprul ba ni rgyan te bcom ldan 'das rnam par snang mdzad do//yang na rdo rje ni dbye bar byar med pa ste khang pa brtsegs pa'o/ /de'i snying po ni 'dzin pa'i phyir rdo rje ste byang chub kyi gdan no/ /de lhag par gnas par rgyas par byed pa'i phyir ro/ /de nyid dkyil 'khor dang phyag rgya la sogs pa'i ngo bo ma lus pa ste/de'i rjod par byed pa po rgyud la yang de'i ming thob par 'gyur te sangs rgyas kyi spyod pa bzhin no/ /de'i phyir yang bcom ldan 'das de 'di'i mngon par rjod par byed par gyur pa'o zhes rjod byed dang brjod bya'i mtshan nyid kyi 'brel pa'o/ /dgos pa yang de skye bo'i bye brag tu rig par byas pas de dang de thos nas thos pa la sogs pa'i rim gyis bla na med pa'i byang chub kyi mtshan nyid mthun pa'i 'bras bu'o zhes rtogs par bya'o//'dir yang yang dag par bsdu bar bya ba'i don du phyag na rdo rjes ji ltar thos pa bstan pa'i phyir thog mar 'di skad bdag gis zhes bya ba la sogs pa gsungs pa/ 'di skad ces bya ba ni rgyud kyi don mchog tu ston pa'i tshig phrad do//bdag gis zhes bya ba ni dngos la ste gzhan las thos pa dang rtogs pa ma yin pa'o/ /dus gcig na zhes pa 'dis gzhan gyi tshe gzhan thos zhes thos pa mang bar 'don par byed do/ /de yang rna bas de dang de'i rnam pa thos shing so sor rtogs pa'i don no zhes rig par bya'o//gang las gang du thos zhes gleng gzhi nges par bstan pa'i phyir gsungs pa bcom ldan 'das zhes bya ba la sogs pa'o/ /rdo rje la sogs pa rnams kyis byin gyis brlabs pa de dam tshig gi ye shes te rgyur gyur ba'i ye shes so/ /ji ltar me long 'di ye shes rang dngos dang brgyud pas de'i gdul bya'i dbye ba las lha'i dkyil 'khor dang phyag rgya la sogs par byas pa ni rnam pa sna tshogs pa'i khyad par ro//des yang dag par ldan par gyur pa ni rjes su son pa'o/ /gang las she na gang gi phyir mnyam pa nyid kyi ye shes kyi byin gyis brlabs pas rin po che'i cod pan gyis khams gsum gyi rgyal por dbang bskur ba thob pa'o//de bzhin du yang ci'i phyir zhe na gsungs pa de bzhin gshegs pa thams cad kyi rdo rje dam tshig ces bya ba la sogs pa ste/ de bzhin gshegs pa rnam pa thams cad yang dag par 'brel ba de las 'god par bya ba ma yin pa nyid kyi phyir ro/ /ye shes ni so sor rtog pa'i bdag nyid can no//de'i don ni rnal 'byor chen po'o/ /ji snyed yod pa de dang ji ltar brjod pa de rnams kyi dbang phyug ste mnga' bdag go/ /don dam pa'i rnal 'byor du bya ba nyid du blta bar bya'o zhes don dam pa nges par bstan par gsungs pa/ de bzhin gshegs pa thams cad ces bya ba la sogs pa'o//ci'i phyir gzhan gyi don kho nar mdzad ce na gsungs pa/ thugs rje chen po zhes pa rnam par snang mdzad chen po ni dri mi ma lus ba dang bral ba'i phyir ro/ /rtag pa ni mi gnas pa'i mya ngan las 'das pa'i tshul las so/ /dus gsum du bzhugs pa ni skad cig rtag pa nyid kyi phyir ro/ /pha rol gyis kyang dbye bar bya ba ma yin pa nyid kyi phyir sku dang gsung dang thugs rdo rje'o//gdul bar bya ba'i rjes su mthun par de bzhin nyid du gnas par gyur pa de bzhin gshegs pa ste de bzhin du yang de'i rgyu can gyi phyag rgya chen po la sogs pa bzhi po bstan to/ /de bzhin du ston pa po'i yon tan du brjod pa'i gnas phun sum tshogs pa gang yin pa nges par bstan pa gsungs pa de bzhin gshegs pa thams cad kyi rten cing zhes bya ba la sogs pa'o//'khor phun sum tshogs pa yang sangs rgyas kyi zhing zhes bya ba la sogs pas ston par byed do/ /yongs su bskor cing ni mnga' bdag tu byas pa'o/ /mdun du bdar te ni thog mar gzhag pa'o/ /thog ma dang bar dang tha ma ni thos pa dang /bsam pa dang / sgom par byed pa'i gnas skabs so/ /de rnams su dge ba ni phan pa la gnas pa'o/ /don bzang po ni byang chub kyi thabs kyi don nyid kyi phyir ro/ /tshig 'bru bzang po ni sgra'i yon tan phun sum tshogs pa'o/ /ma 'dres pa ni gang zag la bdag med par ston pa'i phyir ro//yongs su rdzogs pa ni bla na yod pa dang bla na med pa'i 'bras bu thob pa po nyid kyi phyir ro/ /chos thams cad bdag med pa gsal bar byed pa nyid kyi phyir yongs su dag pa'o/ /the tshom gyi nyes pa thams cad sel ba'i rgyu nyid kyi phyir yongs su byang ba'o/ /chos thams cad kyi tshul ni theg pa thams cad ces pa'o//de rnams kyi thob par bya ba rnam par dag pa ni/ sgrib pa thams cad rab tu bcom pa'i mtshan nyid do/ /de'i sgo ni thabs te ston par byed do ni gsung bar byed pa'o/ /gang gsungs ba rnam pa sna tshogs pa'i khyad par yang dag par ldan par gyur pa zhes so/ /de la chos kyi dbyings kyi dkyil 'khor gyi sgo nas khyad par gang yin pa gsungs pa/de nas bcom ldan 'das zhes pa la sogs pa de bzhin gshegs pa thams cad kyi sku dang gsung dang thugs rdo rje zhes pa la sogs pas me long lta bu la sogs pa'i ye shes lnga'i rang bzhin bstan to/ /ji skad lha'i gtso bo'i sgo dpag med do/ /sprul ba'i sku ni chos kyi rdo rje ma nyid las so//las mnyam pa nyid kyi sku ni gdon mi za ba'i rgyal ba rgyal ba'i gtsug tor nyid las so/ /mi shes can ni gzi brjid phung po nyid las so/ /chen po ni rnam par 'phro ba nyid las so/ /khyab bdag ni rnam par rgyal ba'i gtsug tor nyid las so/ /de lta bu'i ngo bo ci zhe na gsungs pa rnam par snang mdzad ces pa ste rnam par snang ba kho na rnam par snang mdzad de/dri ma med pa nyid las gsal bar byed do zhes pa'i don no/ /bcom ldan 'das ni dbang phyug chen por gnas pa nyid las so/ /nam mkha'i khams thams cad du mnyam par gnas pa'i sku la sogs pa'i rdo rje ni khyab cing dbye ba med pa'i sku nyid kyi phyir ro/ /rdo rje sems dpa' dang rin chen la sogs pa 'khor los sgyur pas ji ltar rang gi dkyil 'khor du 'dus pa bskyed pa'i rim pa dang rang bzhin gyi las 'di gnyis gsungs pa/de bzhin gshegs pa thams cad ces pa la sogs pa ste de bzhin gshegs pa thams cad ni de bzhin gshegs pa thams cad kyi 'od zer ro/ /de nyid yang dag par 'du bar byed pa ni rgyu ste rdo rje sems dpa' gang yin pa de de bzhin du brjod do//bcom ldan 'das rnam par snang mdzad kyis rang gi thugs ka'i rdo rje phyag tu bzhag nas de la de bzhin gshegs pa thams cad kyi 'od zer 'phro bar byed pa'o/ /yang dag par bsdus nas rab tu zhugs pas rdo rje sems dpar yongs su gyur par byed do//de las phyung nas rang gi gnas su kun du gnas so zhes pa'i ji srid par te de'i ngo bo phyung nas so/ /gang rdo rje'i dbyibs sam thams cad khong du chud par byed pa sems can thams cad byang chub kyi sems bskyed byed pa'am rnam par snang mdzad thob par byed pa'o/ /de'i don ni ye shes sems dpa' ste 'dis kyang rtogs par byed pa'i las kyi phyir dang ye shes sems dpa'i rang bzhin nyid du bstan no//nam mkha'i khams thams cad kyi rdul shin tu phra mo yang dag par 'du bar byed pa'i rdo rje ni rdo rje sems dpa' ji lta ba bzhin du brjod do/ /bskyed par byas pa dang spro bar byed pa'i rim pa de nyid kyang byin gyis brlabs te de'i ye shes kyi rang bzhin gyi snying po ni rdo rje rin chen no//de nyid de lta bu'i rim pas rdzogs pa'i rdo rje sems dpa' rnam par snang mdzad kyi thugs ka nas nges par byung ste spros nas rdo rje rin chen gyi gzugs kyis kun du gnas so zhes pa bskyed pa'i rim pa ye shes sems dpa'i rang bzhin nyid du'ang bstan no zhes pa'o/ /rdo rje rin chen chen po'i mngon par dbang bskur ba'i dam tshig ni rgyu ste/rdo rje rin chen chen po'i dbang bskur ba'i dam tshig 'dis kyang de bzhin gshegs pa thams cad mngon par dbang bskur ba'i bdag nyid can gyi las su bstan to/ /de bzhin gshegs pa'i ye shes de bzhin gshegs pa'i phyag na gnas pa'i rdo rje de'i zer rnams kyis kyang nam mkhar thams cad 'phro bar byed pa de'i mngon par byang chub pa rdo rje sems dpa' gang yin pa de de bzhin du gsungs so//de'i phyir mngon par byang chub par gyur pa ni mngon par byang chub pa thob pa'i rdo rje chos so/ /de bzhin du bskyed pa'i rim par bstan no/ /de bzhin gshegs pa thams cad kyi lus rnam par dag pa kho na lus rnam par dag pa nyid de sgrib pa thams cad dang bral ba'o//de yis ni rgyur gyur pa yis so/ /chos thams cad rang bzhin gyis dag pa ni/ rgyu gang gis na de bzhin gshegs pa thams cad kyi lus rnam par dag pa'i chos de'i phyir yang chos thams cad rang bzhin gyis dag go zhes pa ji srid pa'o/ /de kho na rdo rje sems dpa'o nam mkha' thams cad la khyab pa po gzugs thams cad kun du ston pa'i ye shes kyi rang bzhin no//de'i phyir ma lus pa ni 'jig rten gyi khams dang / lus pa med pa ni sems can gyi khams so/ /'dul ba'i spyod pa mchog dang ldan pa ni rdo rje las te 'dis bskyed pa'i rim pa bstan no/ /de bzhin gshegs pa thams cad kyi bka' lung gdon mi za bar byed pa de rnams sems can thams cad la mnyam pa nyid du bla na med pa'i las sna tshogs pa gang yin pa de de bzhin du brjod do//rgyu gang gis de bzhin gshegs pa thams cad kyi bka' lung gdon mi za bar byed pa'i rang bzhin des sems can thams cad la mnyam pa nyid bla na med pa'i las sna tshogs pa'i don no//rdo rje snying por brjod pa'i 'khor lo 'di gnyis ji ltar gtso bo nyid kyi khyad par gang yin pa gsungs pa rnam par snang mdzad ces bya ba la sogs pa ste/ gang gi phyir mi 'gyur ba yin pa de'i phyir mi bskyod pa'o/ /gang gi phyir rab tu snang bar byed pa de'i phyir rin chen tog go/ /gang gi phyir dgra las rgyal ba'i mgon po yin pa de'i phyir 'od dpag med de gzhan du de yang dpag tu med pa'i 'od do//gang gi phyir las thams cad byed pa de'i phyir don yod do/ /dbang chen la sogs pa'i dkyil 'khor gyi sgo nas gsungs pa de bzhin gshegs pa thams cad kyi me long zhes bya ba la sogs pa ste/ me long ye shes kyi bdag nyid can dbang chen gyi dkyil 'khor gyi rang bzhin nyid kyi phyir de bzhin gshegs pa thams cad kyi me long ye shes kyi dkyil 'khor ro//mnyam pa nyid kyi ye shes kyi rang bzhin me lha'i dkyil 'khor gyi ngo bo nyid kyi phyir/ de bzhin gshegs pa thams cad kyi mnyam pa nyid kyi shes rab la rab tu gnas pa'o/ /so sor rtog pa'i ye shes kyi rang bzhin chu lha'i dkyil 'khor gyi bdag nyid can nyid kyi phyir de bzhin gshegs pa thams cad kyi so sor rtog pa'i ye shes kyi gnas dang gnyis su med pa brnyes pa'o//bya ba rjes su sgrub pa'i ye shes kyi rang bzhin rlung lha'i dkyil 'khor gyi rang bzhin gyi phyir de bzhin gshegs pa thams cad kyi bya ba rjes su sgrub pa'i ye shes yang dag par rjes su thob pa'o/ / gtsug tor gyi dkyil 'khor gyi rang bzhin nyid kyi phyir de bzhin gshegs pa thams cad kyi chos kyi dbyings rnam par dag pa'o/ /khro ba'i 'khor lo'i bdag nyid can nyid kyi phyir chos thams cad mnyam pa nyid kyi ye shes kyi spyod yul lo/ /byang chub sems dpa'i dkyil 'khor gyi ngo bo nyid kyi phyir/ de bzhin gshegs pa thams cad kyi gnyis su med pa'i mnyam pa nyid la dmigs pa'i ye shes yongs su dag pa mthar phyin pa'o//gzugs kyi dkyil 'khor gyi bdag nyid can gyi phyir stong pa nyid dang de bzhin nyid nas sangs rgyas thams cad kyi yul zhes pa ji srid pa'o/ /de ltar bcom ldan 'das thams cad du gzhan gyi don kho nar gnas so zhes ston pas gsungs pa/sangs rgyas thams cad mnyam pa nyid/ /ces bya ba la sogs pa ste sangs rgyas rnams kyi mnyam pa nyid stong pa nyid lhag par gnas pa dmigs pa mngon du byas nas so/ /rdo rje rnal 'byor gyi dbang phyug chen po nyid la byin gyis brlabs nas zhes pa ni rang gi shes rab 'jam dpal nyid du mngon par rdzogs nas so//'di nyid thabs bde bas rtsa ba'i rgyud kyis bsdu bar bya ba ni shes rab kyi sgo nas nye bar bstan pa gsungs pa/ de nas yang zhes bya ba la sogs pa ste/ bcom ldan 'das zhes pa ni rnam par snang mdzad do/ /de bzhin gshegs pa thams cad ni sangs rgyas dang rdo rje 'dzin pa la sogs pa rnams so//de rnams kyi bsdu ba'i snying po bud+d+ha dang / badzra sa mA dza'i sgra dag gis de bzhin gshegs pa la bsdus shing bcug pa'o/ /rgyud rab 'byams rgya mtsho'i sprin gyi sgras 'jig rten gyi khams shar la sogs pa'i phyogs su kun du gnas pa'i dbye bas lhag pa'i grangs rab 'byams su brjod pa'i rim pa'i mthar thug pa ni rgyud gnyis pa zhes bya ba la sogs par blta bar bya'o//yang dag par sbyor nas ni 'dres par gyur nas so/ /rdo rje'i blo'i ye shes ni bla na med pa'i shes rab ye shes so/ /yongs su bskyed de ni mngon du bya ste'o/ /gnas rnams thams cad du ni de bzhin gshegs pa thams cad kyi thugs dang thugs ka rnams su'o//bcom ldan 'das rang gi shes rab de'i gzugs kyis byin gyis brlabs pa gang yin pa de'i phyir de nyid du kun du gnas pa'o/ /'khor los sgyur ba chen po'i snying po zhes pa ni gtsug tor gyi snying po yi ge gcig pa'o/ /shes rab kyi pha rol tu phyin pa byin gyis rlob pa po nyid yin la de gtso bo'i nga rgyal gyi sdud pa po nyid 'di'i lus kyi thugs ka'i dpal be'u'i rnam pa ni thugs dpal gyi be'u la'o//bde ba thams cad kun du ston par byed pa ni thams cad bde ba kun du ston par byed pa'o/ /chags pas chags pa rab tu spang ba'i phyir de la spyod pa'i dbang du byas nas rnam par snang mdzad chen po'i dkyil 'khor nges par rtogs par bya ba'i don du gsungs pa shin tu dga' ba rnam par dag pa zhes pa la sogs pa ste/shin tu dga' ba ni dbang po gnyis snyoms par zhugs pa las skyes pa'i bde ba las byung ba'o/ /de'i rnam par dag pa ni bag chags bsal ba'o/ /de'i gnas ni rten te byed pa po'i zhes pa'o//re zhig gang zhe na gsungs pa 'di lta ste zhes bya ba la sogs pa'o/ /'di zhes pa byang chub kyi bdag nyid can gyi sems dpa' gang yin pa 'di rnam par snang mdzad chen po'i gnas te phyag rgya chen po la sogs pa'i tshul lo/ /de'i shin tu dga' ba rnam par dag pa'i gnas so/ /de bzhin du lta ba rnam par dag pa ni mi bskyod pa dang sems ma rdo rje ma dang /rdo rje sems dpa' la sogs pa rnams kyi'o/ /dga' ba rnam par dag pa ni sgeg mo'i'o/ /sred pa rnam par dag pa ni phreng ba ma'i'o/ /'dod chags rnam par dag pa ni glu ma'i'o/ /zhe sdang rnam par dag pa ni gar ma'i'o/ /gti mug rnam par dag pa ni bdug pa ma'i'o//bsnyems pa rnam par dag pa ni me tog ma'i'o/ /mtshan nyid med pa rnam par dag pa ni snang ba ma'i'o/ /yid sim pa rnam par dag pa mi dri ma'i'o/ /snang ba rnam par dag pa ni lcags kyu'i'o/ /lus rnam par dag pa ni zhags pa'i'o/ /ngag rnam par dag pa ni lcags sgrog gi'o/ /yid rnam par dag pa ni 'bebs pa'i'o//gzugs la sogs pa rnam par dag pa yang gzugs la sogs pa rnam par sbyar bar rig par bya'o/ /rim pa ni 'dzin pa'i mthar thug pa de srid du shin tu dga' ba'i don ni bdag tu lta bas na zhen pa'o/ /de nas bdag la dga' 'o/ /de nas don la sred do/ /de bas 'khor la chags so//de nas bdag la sogs pa dang 'gal ba la zhe sdang ngo / /'di dag kun mi shes pa'i phyir rmongs so/ /dga' ba dang srid pa dang chags pa rnams kyis bsnyems so/ /zhe sdang las mi khom mo/ /rab tu byung ba rnams kyi lus las skyes pa la sogs pa'i sdug bsngal rnam par dben pa'i phyir yid tshim pa'o//de nas ye shes kyi snang ba'o/ /de nas khyad par du 'phags pa'i lus dang / ngag dang / yid kyi bdag nyid can dpag tu med pa'i yul rnams kyis/ 'dod chags dang bral ba yang rab tu 'joms par byed do zhes bas gzugs la sogs pa rnams so/ /'di nyid so sor rtogs par bya ba'i phyir gsungs pa/de ci'i phyir zhes bya ba la sogs pa rnams so/ /rnam pa cis she na gsungs pa/ chos thams cad rang bzhin gyis te stong pa nyid kyis zhes pa'o/ /gal te de ltar na thams cad dngos po med par thal bar 'gyur ro zhes gsungs pa/ shes rab kyi pha rol tu phyin pa yongs su dag pa zhes pa don dam par de lta bu yin la kun rdzob tu ni 'gal bar brjod pa'o//de'i phyir yang shes rab kyi pha rol tu phyin pa yongs su dag pa nyid byang chub sems dpa'i gnas so/ /chos thams cad rnam par dag pa bsdus pa ni shin tu dga' ba la sogs pa rnam par dag pa thob pa'o//sgrib pa thams cad dang chod pa la sogs pa de rnams nye bar bsags kyang rnam par snang mdzad chen pos byin gyis brlabs pa las te/ chod pa ni 'dod pa'i 'dun pa la sogs pa rnams so/ /snyom pa'i sgrib pa ni 'dod chags la sogs pa rnams so//chos kyi sgrib pa ni shes bya'i sgrib pa rnams so/ /las kyi sgrib pa ni mtshams med pa'i mtshan nyid te de rnams nye bar bsags pa'o/ /rim pa bzhin du mi bskyod pa la sogs pas byin gyis brlabs pas dmyal ba la sogs pa'i ngan song du lhung bar mi 'gyur ro//byas pa tsam na yang sdug bsngal de zad par 'gyur ro/ /'chang ba la sogs pa ni rab tu 'jug pa'o/ /chos thams cad mnyam pa nyid rdo rje ting nge 'dzin so sor thob pa ni chos thams cad stong pa nyid dbyer med pa'i ting nge 'dzin brnyes pa'o/ /chos thams cad kyi dbang phyug ni rnam par snang mdzad chen por 'gyur ro//dga' ba la sogs pa ni bla na med pa zhi ba de'i'o/ /rang dang gzhan dang gnyis ka'i don la dmigs pa'i dbye bas rnam pa gsungs so/ /byang chub sems dpa' sems dpa' chen po skye ba bcu drug rnams kyi ni rdo rje sems dpa' la sogs pa'i ting nge 'dzin bcu drug thob pa rnams kyis so// //zhi ba la spyod pa'i sems can 'dul ba'i don du rnam par snang mdzad kyi dkyil 'khor gyi don bstan pa gsungs pa/ de nas bcom ldan 'das rnam par snang mdzad zhes pa la sogs pa ste/ de nas kyi sgra ni bar ma chad pa'o//zhi ba'i chos nyid ni de bzhin nyid do/ /de'i mngon par byang chub pa ni de bzhin gshegs pa ye shes mtha' yas pa'o/ /de'i mngon par bsgrub pa ni thob par byed pa'o/ /de ni shes rab kyi pha rol tu phyin pa'i tshul lo/ /rdo rje mnyam pa nyid ni 'dzin pa'i rnam pa stong pa nyid do//de'i mngon par byang chub pa ni rtogs pa'o/ /de kho na byang chub chen po ste rnam par snang mdzad nyid do/ /ci ltar zhe na gsungs pa rdo rje bstan pas zhes te de'i 'dzin pa stong pa nyid du lhag par rtog pa bstan pa nyid kyis so/ /don mnyam pa nyid ni gzung ba'i rnam pa stong pa nyid do/ / de'i mngon par byang chub pa de kho na yang byang chub chen po zhes te sngar bzhin no/ /ji ltar zhe na gsungs pa don gcig pa nyid kyi zhes pa gzung bya stong pa nyid la dmigs pa'i ye shes bstan pa nyid kyis so/ /chos rnams ni lung dang rtogs pa'i mtshan nyid do/ /de mnyam pa nyid ni de stong pa nyid do//de'i mngon par byang chub pa kho na byang chub chen po zhes pa ste/ sngar bzhin no/ /ci ltar zhe na gsungs pa/ rang bzhin rnam par dag pas zhes pa chos rang bzhin gyis rnam par dag pa la dmigs pa'i ye shes bstan pa nyid kyis so zhes pa ji srid pa'o//thams cad mnyam pa nyid ni mig la sogs pa stong pa nyid do/ /de'i mngon par byang chub pa kho na byang chub chen po'i zhes pa sngar bzhin no/ /ci ltar zhe na gsungs pa/ thams cad ces pa la sogs pa ste/ mig la sogs pa'i shes pa rnam par rtog pa stong pa nyid la dmigs pa'i ye shes mchog gis so zhes pa'i don to//de bzhin gshegs pa'i rigs pa la sogs pa yang rdo rje la sogs pa'i sgras brjod par bya'o/ /de rnams kyi mnyam pa nyid ces pa la sogs pa ni sngar bzhin no/ /byang chub chen po'i rim pa bzhin du mi bskyod pa la sogs pa'i go 'phang gi rang bzhin du chud par bya'o//chos bsgrub pa ni snang mdzad la sogs pa'i go 'phang thob par byed pa'am mi bskyod pa la sogs pa sems can nye bar 'dren pa po'o/ /zhe sdang spyod pa rjes su gzung bar bya ba rdo rje hUM mdzad kyi dkyil 'khor gyi don bstan pa gsungs pa/de nas bcom ldan 'das gdug pa thams cad ces bya ba la sogs pa ste/ gdug pa thams cad ni lha chen po la sogs pa rnams so/ /de rnams 'dul bar byed pa gang gis shAkya thub pa rdo rje hUM mdzad kyi gzugs can du byas pa de'o/ /chos thams cad mnyam pa nyid 'dod chags la stong pa nyid kyis so//rnam par rgyal ba ni de'i bsam pa nyid kyis 'dod chags pa rab tu bcom pa'o/ /de'i yang dag par bsdus pa'o/ /gang gis shes rab kyi pha rol tu phyin pa mngon par sgrub pas shes rab kyi pha rol tu phyin pa'i tshig gis de de bzhin du gsungs pa de'o//'dod chags ni zhen pa'i mtshan nyid do/ /de'i spros pa don dam pa nyid du nye bar mi dmigs pa'o/ /ci ltar zhe na gsungs pa/ 'dod chags spros pa med pa nyid de 'dod chags kyi rgyu kha dog la sogs pa nye bar dmigs pa med pa nyid kyis so//zhe sdang ni kun du 'joms pa'i mtshan nyid do/ /de'i spros pa med pa kho na bzhin du/ ji ltar zhe sdang gi spros pa med pa nyid kyis she na kun nas mnar sems pa'i gzhi dgu nye bar dmigs pa med pa nyid kyis so/ /gti mug ni bdag tu lta ba la sogs pa'i mtshan nyid do/ /de'i spros pa med pa sngar bzhin du nye bar dmigs pa med pa'o//ji ltar zhe na/ gsungs pa gti mug gi spros pa med pa nyid kyis ni bdag la sogs pa yongs su dag pa'i zhing rnams nye bar mi dmigs pa'o/ /chos thams cad ni khams gsum pa'i sems dang sems las byung ba'o/ /de rnams kyi spros pa don dam pa nyid du nye bar dmigs pa med pa'o//ji ltar chos thams cad kyi spros pa med pa nyid ce na khams gsum pa'i sems dang sems las byung ba de dag tu yongs su brtags pa rnams kyi dngos po med pa nyid kyis so/ /stong pa nyid la sogs pa'i rang bzhin can mchog tu mthar thug pa 'byed pa'i shes rab ni shes rab kyi pha rol tu phyin pa'o//'di'i spros pa med pa nyid ni de kho na bzhin du nye bar dmigs pa med pa'o/ /ci ltar zhe na gsungs pa/ shes rab kyi pha rol tu phyin pa spros pa med pa nyid kyis te/ rnam par rtog pa dang de'i dbye ba rnams nye bar dmigs pa med pa nyid kyis so//zhe sdang gis de spang ba nye bar bstan nas gti mug la spyod pa'i sems can 'dul ba'i don du/ de nas bcom ldan 'das rang bzhin dag pa zhes pa la sogs pas 'jig rten dbang phyug gi dkyil 'khor gyi don bstan pa gsungs pa/ rang bzhin dag pa'i chos ma lus pa kun du gzigs pa'i phyir/ rang bzhin dag pa'i chos thams cad do/ /chos thams cad ni 'dod chags la sogs pa'o/ /de rnams kun du gzigs pa nyid ni mngon sum du byed pa'o/ /de la dbang byed bas na dbang phyug go/ /de'i ye shes ni dkyil 'khor la sogs pa nges pa'o//de la gang gis rgyas gdab par bya zhing mngon par bya ba yin pas de de bzhin du gsungs te de skad bya ba'i'o/ /'dod chags thams cad ni sngar gsungs pa de rnams kyi rnam par dag pa ste/ mi dge ba bcu'i las kyi lam rnam par dben pa nyid do//de zhe sdang thams cad rnam par dag pa nyid kyis yang dag par 'jug par 'gyur te/ rgyud nyid du 'gyur ro/ /lu dz+ye te zhes pa ni 'dir thob pa dang skye ba'o/ /lta ba thams cad kyi dri ma de rnam par dag pa ste/ don dam par gdod ma nas nye bar dmigs pa med pa nyid kyis so//sdig pa thams cad rnam par dag pa ni mi dge ba'i sems pa nye bar dmigs pa med pas so/ /chos thams cad ni sems dang sems las byung ba rnams so/ /de rnams kyi rnam par dag pa ni 'dzin pa nye bar dmigs pa med pa'o/ /de ni sems can thams cad rnam par dag pa nyid kyi yang dag par 'jug par 'gyur ro//thams cad mkhyen pa'i ye shes ni sdug bsngal dang kun 'byung ba dang 'gog pa dang lam dang / kun rdzob dang / gzhan gyi sems dang / chos dang / rjes su dang / zad pa dang / mi skye ba shes pa rnams so//de rnams kyi yang dag pa ni rnam par rtog pa gnyis med pa'o/ /de ni thams cad mkhyen pa'i ye shes rnam par dag pa nyid kyis yang dag par 'jug pa ni thos pa dang bsam pa las byung ba'i rgyu'i gnas skabs yang dag par bsdus pa'i sems pa'o/ /de'i rnam par dag pa ni nye bar dmigs pa med pa'o//de ni shes rab kyi pha rol tu phyin pa yongs su dag pa nyid kyis/ de bzhin gshegs pa rnams kyis shes rab kyi pha rol tu phyin pa de yang dag par thob par shes par bya'o/ /'dod chags la sogs pa rnams kyis de spong ba nye bar bstan nas ser sna'i gnyen po'i don la lhag par mos pa rnams yang dag par rjes su gzung ba'i don du de nas bcom ldan 'das zhes bya ba la sogs pas rin po che'i rigs kyi dkyil 'khor gyi don nye bar bstan pa gsungs pa/nyon mongs pa can dang / nyon mongs pa can ma yin pa'i ma rig pa dang bral ba las khams gsum pa thams cad kyi bdag po'o//de bzhin gshegs pa thams cad kyi dbang bskur ba rin po che'i cod pan te/ de'i 'byung gnas so/ /gang las she na ye shes las so/ /de nyid kyi snying po gang yin pa de la de skad ces bya'o/ /mngon par dbang bskur ba byin pa ni dkyil 'khor rnams su bkod pa'i lha rnams dang /slob ma rnams la yang phyag rgya rnams kyis mngon par dbang bskur ba'o/ /don ni gser la sogs pa'o/ /chos ni mdo sde la sogs pa'o/ /de'i sbyin pa ni nyon mongs pa med pas ston par byed pa'o/ /zang zing ni bza' ba la sogs pa'o//de ltar rnam par sbyong bar byed pa'i don du sngags kyi tshul nges par sbyar ba rnams kyis sku la sogs pa gcig pa can du byed pa'i mtshan nyid stong pa nyid rjes su dran pa'i phyag rgya bsgrub par bya'o zhes de nas bcom ldan 'das zhes bya ba la sogs pas rdo rje khu tshur gyi dkyil 'khor gyi don nye bar gsal bar byed pa gsungs pa/de bzhin de bzhin nyid bden gang / /de ni rdo rje khu tshur brjod/ /ces pa 'di/ de bzhin gshegs pa thams cad kyi ye shes kyi phyag rgya nyid do/ /rab tu brnyes pa ni lhag par rtogs pa dang ldan pa'o/ /de'i gnas skabs gsal bar byed pa'i dam tshig gi khu tshur gyi phyag rgya ni de bzhin gshegs pa thams cad kyi khu tshur ro//de bzhin gshegs pa thams cad kyi ye shes kyi phyag rgyas byin gyis brlabs pa ni brtan pa can du byed pa'o/ /de nyid rdo rje ste de skad bya ba'o/ /de bzhin gshegs pa thams cad kyi sku'i phyag rgya yongs su 'dzin pa ni/phyag rgya chen po 'ching ba'o/ /gsung gi phyag rgya yongs su 'dzin pa ni lce la zla ba bsgom pa sngon ma can gyi sngags bzla'o/ /chos thams cad so sor thob pa ni so so yang dag pa'i rig pa bzhi brnyes pa'o/ /thugs kyi phyag rgya yongs su 'dzin pa ni rang gi snying gar zla ba la rdo rje rtse lnga ba bsgoms pa sngon ma can gyi dam tshig gi phyag rgya 'ching ba'o//rdo rje'i phyag rgya yongs su 'dzin pa ni rang gi snying gar zla ba la sna tshogs rdo rje sngon du 'dren pas las kyi phyag rgya'i 'ching ba'o/ /shes rab kyi blo bsgrub par bya'o zhes pas de nas bcom ldan 'das chos thams cad spros pa med pa zhes bya ba la sogs pa ste/de'i thabs 'jam dpal gyi dkyil 'khor gyi don nye bar bstan pa gsungs pa/ chos thams cad de'i rgyu dang 'bras bu don du gnyer ba'i bdag nyid can no/ /de rnams kyis spros pa ni 'byung ba'i rtog pa yang dag par gcod pa'o//de'i rjes su ma dmigs pas na spros pa med par byed do zhes pas spros pa med pa'o/ /yi ge'i 'khor lo ni/ a ra pa tsa na la sogs pa'o/ /yongs su skor bar byed pa ni shes rab kyi pha rol tu phyin pa'i tshul gang yin pa de de bzhin du brjod pa de'o//chos thams cad ni 'bras bu'i ngo bo phung po lnga po de rnams don dam par stong par dngos po med pa'i rang bzhin no/ /ci ltar zhe na rang bzhin med pa'i tshul gyis zhes te gang gi phyir de rnams don dam pa nyid du rang bzhin nye bar dmigs par bya ba med do/ /de nyid ni mtshan ma med pa ste/ci'i phyir na/ mtshan ma med pas nye bar bzung ba ste/ gang gi phyir don dam pa nyid du de rnams kyi mtshan ma ste rgyu'i rang bzhin nye bar thob par byar med de de'i phyir mtshan ma med pa'o/ /slar yang kho na smon pa med pa ste don du gnyer ba med pa'o/ /ci ltar zhes smon pa med pa'i tshul gyis te gang gi phyir/de rnams don dam par don du gnyer ba rnyed par mi 'gyur ro/ /de gsung par 'gyur ba 'bras bu'i ngo bo de snyed rang bzhin gyi ston pas 'bras bu med pa'i phyir dang de'i rgyu yang nye bar ma dmigs pa'i phyir mtshan ma med pa dang de'i smon par bya ba'i yul med pa'i phyir smon pa med pa'o//de'i phyir yang rang bzhin gyis 'od gsal ba'o/ /ci ltar na shes rab kyi pha rol tu phyin pa rnam par dag pa ni don dam par na de de bzhin no/ /kun rdzob tu ni rjes su 'jug pa kho na'o zhes so/ /tshig de rnams kyis kyang rim pa las stong pa nyid dang mtshan ma med pa dang smon pa med pa dang /rang bzhin gyis 'od gsal ba'i rnam par thar ba'i sgo bstan pa dang me long la sogs pa'i ye shes bzhi'o zhes khong du chud par bya'o/ /dkyil 'khor du 'jug pa med na grub par mi 'gyur ro zhes pas de nas bcom ldan 'das zhes pa la sogs pas grub pa'i thabs sems bskyed ma thag tu chos kyi 'khor lo bskor ba'i dkyil 'khor gyi don kun du bstan pa gsungs pa/de bzhin gshegs pa thams cad ni sangs rgyas dang byang chub sems dpa' ste/ de rnams kyang 'khor lo ni dkyil 'khor ro/ /de'i nang du gnas pa ni gang du thams cad de rnams su'o zhes de bzhin du brjod par bya'o//gang gis 'khor lo chen po rab tu 'jug pa de 'khor lo chen po rnams su rab tu 'jug pa'o/ /rab tu 'jug pa yang phyi dang gsang ba'i dbye bas rnam pa gnyis te phyi ni phyag rgya rnams kyis so/ /gsang ba ni rab tu zhugs pa dang 'di la dkyil 'khor la sogs pa'i de kho na nyid kun du rtogs pa la de skad ces bya'o//rdo rje mnyam pa nyid ni 'dzin pa'i rnam pa dang bral ba nyid do/ /de la rab tu zhugs pa ni lhag par rtogs pa'o/ /de bzhin gshegs pa thams cad kyi 'khor lo la rab tu zhugs pa'i che du de bzhin gshegs pa la 'jug pa'o//yang dag par 'jug par 'gyur ro ni skye bar 'gyur ro/ /don mnyam pa nyid 'jug pa ni gzung bya'i rnam pa stong par lhag par rtogs pa ste/ de ni byang chub sems dpa' chen po thams cad kyi don du 'khor lo la rab tu zhugs pa'i phyir/byang chub sems dpa' chen po nyid kyi don du 'gyur ro/ /chos ni nyan thos pa'i lung gi chos te stong pa nyid du rtogs pas dam pa'i chos kyi 'khor lo la 'jug pa'i phyir te dam pa'i chos kyi 'khor lo ni lan gsum dang rnam pa gcig nyid kyi mtshan nyid mngon du phyogs par byed pa'i don du skye bar 'gyur ro//las ni mchod pa la sogs pa'i bya ba'o/ /de stong pa nyid du rtogs pas 'jig rten pa'i dkyil 'khor thams cad kyi don rab tu 'jug pa'i don du 'gyur ro/ /de bzhin gshegs pa thams cad mchod pa zhes bya ba la sogs pas zhugs pa'i 'khor lo rnams kyis grub pa'i thabs mchod pa'i dkyil 'khor gyi don bstan pa gsungs pa/de bzhin gshegs pa thams cad mchod pa ni byang chub tu sems bskyed pa la sogs pa'i mtshan nyid do/ /de dag gi cho ga rgyas pa ni rnam pa sna tshogs pa nyid do/ /de'i snod ni rten no//de bzhin gshegs pa thams cad kyi mchod pa nyid dam pa ste de gang la de de bzhin du gsungs pa de la de skad ces bya'o/ /smon pa dang 'jug pa byang chub kyi rang bzhin gyi sems ni byang chub kyi sems so/ /de bskyed pa nyid do/ /ngan song ba la sogs pa'i sdug bsngal dang sgrib pa rnams yongs su skyob pa'o//nyan thos dang byang chub sems dpa' dang / sangs rgyas kyi chos ni dam pa'i chos so/ /de thos pa la sogs pa rnams kyis yongs su bzung ba'o/ /shes rab kyi pha rol tu phyin pa bri ba la sogs pa ni go sla'o/ /de nas bcom ldan zhes pa la sogs pa bgegs kyi gnyen po'i phyogs te rdo rje gnod sbyin gyi dkyil 'khor gyi don bstan pa gsungs pa/gdug pa rnam pa thams cad 'dul ba ste nyes par spyod pa'o zhes pas sgrib pa'o/ /de'i mthas yod pa ni nus pa ste/ sems can thams cad nyes par spyod pa la rab tu zhen pa de rnams 'dul ba ni de dag yongs su spong ba'o//de'i don gyi ye shes ni sems can thams cad 'dul ba'i ye shes te/ khro bo'i gzugs kun du ston par nus pa'o/ /de nyid snying po ste de skad ces bya ba can no/ /sems can thams cad ni dgra bo dang mdza' bo la sogs pa rnams so//mnyam pa nyid kyi ste mtshungs pa nyid kyi khro bo yang mnyam pa nyid de thams cad rig pa rnams su gor ma chag par 'jug pa dang ldog pa'o/ /nam gyi tshe so sor dul bar 'gyur zhe na sems can thams cad 'dul ba nyid pas zhes bya ba la sogs pas gsungs pa/ji srid du sems can rnams thams cad dul bar gyur pa de srid du khro bo'i skabs su dul ba ni khro bo'i yang 'dul ba nyid du mi 'jug par 'gyur ro zhes bya ba'i don to/ /de'i phyir nyes pa'i bdag nyid 'di yang sngon du byas pa'i phyir nyes pa med pa nyid du bstan pa gsungs pa//sems can thams cad chos nyid pas te de kho na ni sems can thams cad ni sems dang sems las byung ba'i rang bzhin no/ /chos nyid ni stong pa nyid de khro ba yang de nyid do/ /de'i phyir yang khro ba yang rdo rje'i sgras brjod do/ /ci'i phyir zhe na gsungs pa/sems can thams cad 'dul ba'i byang chub po zhes pa ni gang gi phyir byang chub kyi mtshan nyid 'di kho na sems can thams cad 'dul ba yin te/ de'i phyir sems can thams cad mnyam pa nyid las khro ba mnyam pa nyid nas ji srid du rdo rje nyid do zhes so// //da ni don yod rgyal po la sogs pa nas rdo rje khu tshur gyi mthar thug pa'i dkyil 'khor gyi don bstan pa gsungs pa/de nas bcom ldan 'das de bzhin gshegs pa thams cad ces bya ba la sogs pas thams cad mnyam pa nyid ni ji ltar gsungs pa'i dkyil 'khor bcu mtshungs pa nyid do/ /de las dkyil 'khor thams cad kyi rang bzhin yongs su gyur par kun du gnas pa ni thams cad mnyam pa nyid las rab tu gnas pa'o//dkyil 'khor thams cad ni chos thams cad mnyam pa nyid do/ /de kho na mchog ste gang du de bzhin du gsungs pa de la de skad ces bya'o/ /thams cad mnyam pa nyid ni dkyil 'khor thams cad mtshungs pa nyid de/des shes rab kyi pha rol tu phyin pa mnyam pa nyid de/ don dam par shes rab kyi pha rol tu phyin pa la dkyil 'khor thams cad lta bur lhag par sgro btags nas de bzhin kho nar brjod par 'gyur ba'i phyir ro/ /dkyil 'khor rnams thams cad ni rten de mngon par byung ba'i mtshan nyid ni don nyid do//gang kho na shes rab kyi pha rol tu phyin pa yin pa yang de kho na'o/ /de rnams kyi chos nyid ni bla na med pa'i byang chub bskyed pa po nyid de de kho na'o/ /de la yang gang dkyil 'khor rnams su mngon pa la sogs pa'i las nyid phun sum tshogs par 'gyur ba de kho na shes rab kyi pha rol tu phyin pa'i rang bzhin no zhes so//'jig rten pa'i lha la lhag par mos pa rnams bstan pa 'di la 'jug par bya ba'i phyir/ /de nas bcom ldan 'das de bzhin gshegs pa thams cad ces bya ba la sogs pas dbang phyug chen po'i dkyil 'khor gyi don bstan pa gsungs pa/dbang phyug de bzhin gshegs pa thams cad du sgom par byed pas byin gyis rlob pa ni shes rab kyi pha rol tu phyin pa'i tshul yin pa de la de bzhin du gsungs so/ /de bzhin gshegs pa ni chos kyi dbyings rnam par dag pa'i bdag nyid can rnam par snang mdzad do//de'i snying po gang yin pa de la de bzhin du brjod par bya'o/ /gang las she na kun du bzang po zhes bya ba la sogs pa ste gsungs pa/ byang chub sems dpa' chen po kun du bzang po ni de bzhin nyid dang ye shes kyi bdag nyid can chos kyi sku rnam par snang mdzad chen po'o//de thams cad kyi bdag nyid nyid pas ni sems can thams cad kyi rjes su 'gro ba nyid kyis so/ /rdo rje ni mi bskyod pa ste de'i snying po gang yin pa ni rdo rje snying po'o/ /ci ltar zhe na rdo rje snying po'i dbang bskur ba nyid pas te me long ye shes kyi bdag nyid can rdo rje'i phyag rgyas mngon par dbang bskur ba ste de ni dbang phyug la sogs pa'i sems can dang thun mong pa nyid kyis so//rin po che ni rin chen 'byung ldan no/ /de gang rnams kyi snying po yin pa zhes pa sngon ma bzhin no/ /ci'i phyir zhe na rin chen snying pos dbang bskur ba nyid kyis te mnyam pa nyid kyi bdag nyid can rin chen gyi mngon par dbang bskur ba ste/de ni dbang phyug la sogs pa'i sems can dang thun mong ba nyid kyis so/ /chos ni 'jig rten dbang phyug gi rgyal po'o/ /ngag thams cad la rab tu 'jug pa nyid pas ni gang gi phyir so sor kun du rtog pa'i ye shes ni ngag thams cad la rab tu 'jug pa ste de yang sems can thams cad kyi rjes su zhugs pa'o//las ni gdon mi za ba ste/ sems can thams cad la kun du gnas so/ /nag po chen po dang dga' byed dbang phyug gi dkyil 'khor gyi don bstan pa'i phyir de nas bcom ldan 'das zhes bya ba la sogs pa gsungs pa/'di la mtha' yod pa ma yin no zhes pas mtha' las 'das pa'o/ /mur thug pa dang mthar phyin pa ni mu med cing mthar phyin pa'o/ /des gang la mu med cing mthar phyin par rig par bya ba de bcom ldan 'das nam mkha'i dbyings thams cad du thams cad kyi tshe kun du gnas pa'i sku dang gsung dang thugs rdo rje nyid kyi phyir ro//rim pa'i mthar mtha' las 'das shing mu med la mthar phyin pa'i tshig rnams kyis de bzhin gshegs pa la sogs pa'i rigs gsum gyi rang bzhin gsal bar byed do/ /mu med cing mthar phyin pa'i chos 'dis kyang las kyi rigs shin tu spyad do zhes pa'o//'di'i rtog pa zhes pa nag po chen po dang dga' byed dbang phyug gi brtag pa'o/ /yongs su mthar thug pa ni yongs su rdzogs pa ste/ de byin gyis brlab pa'i don du'o/ /chos thams cad ni rigs thams cad kyi rang bzhin no//de'i mnyam nyid do/ /yongs su mthar thug pa ni nag po chen po dang dga' byed dbang phyug gi sprul pa ston par byed pa'o/ /de kho na tshad mas gnod pa nyid kyi phyir rdo rje'o/ /ji ltar 'byung po mtha' med par shes par bya bar rtogs pas shes rab kyi pha rol tu phyin pa mtha' yas pa nyid kyis de bzhin gshegs pa mtha' yas pa nyid de/thams cad mkhyen pas gzhal du med pa nyid do/ /de bzhin du shes rab kyi pha rol tu phyin pa mu med pa dang / gcig pa dang yongs su mthar thug pa nyid kyis dbang phyug dang yon tan byed pa thams cad mu med pa dang gcig pa dang mthar phyin pa de nyid de/yongs su mthar thug pa dang shin tu mthar thug pa dang yongs su zad pa med do zhes bya ba'i don to/ /de ni zhes pa 'dzin pa la sogs pa la 'jug pa'i'o/ /mthar phyin pa'i byang chub sems dpa'i spyod pa mthar phyin pa ste yongs su rdzogs pa la gnas pa nyid kyi phyir ro//sgrib pa thams cad las rnam par grol nas zhes pa sgrib pa ma lus pa yongs su zad pas so/ /bcom ldan 'das rnam par snang mdzad ces bya ba la sogs pas ming po gsum gyi dkyil 'khor gyi don yongs su bstan pa gsungs pa de bzhin gshegs pa thams cad kyi gsang ba'i chos nyid ni ming po gsum gyi chos rnams so//chos thams cad ni kho na ste ming po'o/ /de rnams kyi spros pa ni phyag rgya dang dkyil 'khor gyi rnam par rtog pa'o/ /de'i spros pa med pa ni gnyis su med pa'i ye shes lhag par rtogs pa nyid kyis rnam par rtog pa thams cad bral ba'i phyir ro zhes pa spros pa med pa'o//bde ba chen po'i rdo rje ni rnam par snang mdzad chen po ste de kho na don dam pa'i dam tshig ste ming po gsum bskyed pa'i dam tshig rgyur gyur pa de la de skad ces bya'o/ /rdo rje ni de kho na ming po gsum po de rnams kyi chos nyid ni rdo rje'i chos nyid 'bras bu thams cad kyi thog ma nyid do//mnyam pa nyid du yod pa ni shes rab kyi pha rol tu phyin pa'i sgo ste/ /de la de bzhin du gsungs so/ /'dod chags chen po ni snying rje chen po ste/ de'i mchog tu grub pa ni mchog nyid do/ /byang chub sems dpa' chen po rnams kyi zhes pa ni byang chub chen po'i rang bzhin gyi sems dpa' rnams kyi'o//bde ba chen po mchog tu grub par 'jug par 'gyur ro ni rnam par snang mdzad chen po nyid du skye bar 'gyur ro/ /de yang de bzhin gshegs pa thams cad kyi mchog tu grub pa 'dod chags rnam par dag pa'i bdag nyid can tshangs pas sprul pa'i don du 'jug par 'gyur ro//de yang bdud chen po thams cad rab tu 'joms pa mchog tu grub pas khro ba rnam par dag pa'i rang bzhin dbang phyug chen po sprul pa'i phyir 'jug par 'gyur ro/ /de yang 'jig rten gsum po mtha' dag gi dbang phyug ste/ bdag po mchog tu grub pas gti mug rnam par dag pa ni rang bzhin khyab 'jug gi phyir 'jug par 'gyur ro//de 'ang rim pa las ma lus shing lus pa med pa'i sems can gyi khams yongs su skyob pa sems can thams cad la phan pa dang bde ba'i mchog shin tu mthar thug pa bde ba chen po mchog tu grub par 'jug par 'gyur ro//de rgyu ci'i phyir zhe na zhes bya ba la sogs pas sring mo'i dkyil 'khor gyi don nye bar bstan pa gsungs pa/ gang gi phyir mkhas mchog de lta bu ji srid 'khor ba'i gnas su gnas pa de mi gnas pa'i mya ngan las 'das pas gnas par gyur pa de srid du sems can gyi don mnyam med de phul du byung ba mya ngan las mi 'da' bar byed par nus so//de'i phyir sring mo sprul pa rnams kyis kyang sems can gyi khams yongs su skyob pa la sogs pa byed do/ /de kho na yongs su gsal bar byed pa shes rab kyi pha rol tu phyin pa zhes bya ba la sogs pa gsungs pa/shes rab kyi pha rol tu phyin pa kho na thabs dang ye shes te de'i byin gyi rlabs des sring mo rnams 'grub ste las rnams thams cad rnam dag pa ni sems can thams cad kyi las yongs su spyod pa'i sgo ba yis srid pa dag par 'gyur ro/ / 'jig rten pa'i sring mo lta bu zhes pa ni ma yin no zhes so/ /gal te de lta bu dngos las 'dod chags la sogs pa nyid kyis ci ltar sems can 'dul bar 'gyur zhe na chags sogs zhes pa la sogs pas gsungs pa/ dul bar byed pa zhes pa 'dul ba ste 'dod chags la sogs pas 'dul ba'i 'jig rten ni gang las kun nas srid par te 'khor bar sdig pa byed par 'gyur ba de'i phyir/de rnams rnam par sbyang ba'i don du sring mo'i gzugs kyis 'dul bar byed do/ /rang nyid ni bdag kho na ste mkhas mchog ces sbyar bar bya'o/ /de lta mod kyi bud med sprul pas kyang mchog tu 'jug par byed do zhes/ji ltar pad+ma zhes bya ba la sogs pa gsungs pa/ ji ltar shin tu dmar pa'i pad+ma tshon gyi nyes pas gos par mi 'gyur ro/ /de bzhin du 'gro ba la phan pa rnams bud med la sogs pa sprul pas de la phan pa rnams 'dul bar byed pa gang yin pa la srid pa'i bag chags kyi skyon gyis gos par mi 'gyur ro zhes pa'o//gang gi phyir de lta bu yin pa de'i phyir sring mo sprul par byed do zhes dkyus kyi don nye bar bstan pa 'dod chags chen po zhes pa la sogs pa gsungs pa tshig bzhi po yang sring ma bzhi po 'di dag gi sgo nas rim pa bzhin sbyar bar bya'o//oM bo d+hi tsit+ta badzra zhes pa la sogs pa ste shes rab kyi pha rol tu phyin pa'i tshig nyi shu rtsa lnga po rnams kyi rim pas de bzhin gshegs pa thams cad kyi byang chub chen po'i sems skyed par byed pa dang / kun du bzang po'i spyod pa rdzogs par byed pa dang //sems can thams cad kyi don dang 'pho ba dang skye ba'i sa dang / gzhon nu rtse ba kun du ston pa dang / mngon par 'byung ba dang / bya dka' ba spyod pa ston pa dang / byang chub kyi snying por gshegs pa dang / bdud thams cad btul ba dang / byang chub chen por mngon par rdzogs par sangs rgyas pa dang /chos kyi 'khor lo bskor ba dang / mu stegs thams cad tshar gcod pa dang / 'jig rten gsum las rnam par rgyal ba dang lha las babs pa dang / 'dus pa chen pos byin gyis brlabs pa dang / gdug pa thams cad 'dul ba dang / 'dul ba la so sor 'jog pa dang /ngan 'gro thams cad gdon pa dang / mdo sde thams cad kyi mthar thug par gsungs pa dang / rtog pa thams cad byin gyis brlabs pa dang / dngos grub thams cad rab tu stsol ba dang / de bzhin gshegs pa thams cad kyi sku dang gsung dang thugs so sor thob pa rnam par 'byed pa'i sgrub thabs so zhes gsal bar byed do//shes rab kyi pha rol phyin pa'i dkyil 'khor yang 'di rnams kyi nye bar sbyor ba'o zhes rtogs pa'o/ /las kyi sgrib pa dang ldan pa yang sngags sgrub pa la rang gi phyag rgya sdig pa dral bar byed pa'i sngags dang rab tu sbyar bar bya'o//sdig pa dral ba'i phyag rgya dang sngags so/ /chos kyi dkyil 'khor gyi dbang du byas nas bcom ldan 'das zhes bya ba la sogs pa gsungs pa/ 'khor los sgyur ba chen po bzhi po rnams kyi ni mi bskyod pa la sogs pa'i rang bzhin a yig la sogs pa bzhi po rnams kyis so//snying po gnyis pa ni 'dir gtsug tor rgyal po'i rang bzhin te/ de yang bcom ldan 'das rnam par snang mdzad dang tha mi dad par blta bar bya'o/ /gdugs dkar po la sogs pa yang mi bskyod pa la sogs pa'i ngo bo'o/ /gdod ma nas ma skyes pa'i phyir ro zhes pa ni de kho na nyid du yang 'di rnams de'i skyed pa po las 'das par khong du chud par bya'o//dgos pa ni de rnams rgyun du sngags pas ji lta ba bzhin mngon par rdzogs par byang chub pa mi bskyod pa la sogs pa'i de bzhin gshegs pas yongs su bskor te/ lhun po'i khang pa brtsegs par byon nas 'di rnams kyi snying po'i don snang bas so so rang rang gi thugs ka nas phyung nas/mi bskyod pa la sogs pa'i de bzhin gshegs pa'i bdag nyid can rang gi thugs ka'i rdo rje rnams la gzhag par bya'o/ /de nas 'od zer de bzhin gshegs pa lnga'i phra rab kyi bdag nyid phyung ste/spro zhing bsdus nas slar yang thugs kar dgug pa la sogs pa thams cad kyis yongs su gyur pa yang phyung ste/ phyi rol du ji lta ba rang gi lha'i phyag rgya'i gzugs kyis rang gi gnas rnams su nges par dgod par bya'o/ / de bzhin gshegs pa thams cad kyi dkyil 'khor ni/ chos kyi dbyings kyi dkyil 'khor te de'i bkod pa ni de ji lta bu bzhin du gsungs pa'i snying po'i don mngon du byed pa las byin gyis brlabs pa'i ting nge 'dzin gang yin pa de la de skad ces brjod do/ /de la snyoms par zhugs pa ste mngon du mdzad nas so//de bzhin gshegs pa thams cad kyi dam tshig ni dkyil 'khor te de'i 'byung gnas so/ gang gi phyir rdo rje snying po'i spyan sngar gsungs pa'i snying po yin pa'i phyir te/ de bzhin du brjod do/ /de nyid ni byin gyis rlob pa'i ting nge 'dzin gnyis su med pa/chos thams cad mtshan nyid gcig pa la sogs pa de lta bu la dmigs pa gang yin pa de bzhin du brjod par bya'o/ /de la snyoms par zhugs pa ste mngon sum du mdzad nas so/ /phyi rol dkyil 'khor zhes pa snying po'i dkyil 'khor la ltos nas so/ /de'i 'am zhes pa dbang chen gyi phyi'i dkyil 'khor nyid kyi khor yug de'i'o//bdud rtsi 'od ces pa dkar po'o/ /bskor ba zhes pa zlum por bya'o/ /de ltar gyi sgras bskor bar bya zhes pa gzhan la bsgre bar bya'o/ /'khor lo ni dbang chen gyi dkyil 'khor te de 'drab mtshungs pa ste gru bzhi ba nyid la sogs pa'i tshul ni 'khor lo 'dra bar ro//rdo rje'i thig gis yongs su bskor ba ni rdo rje'i phreng bas yongs su bskor ba'o/ /de bzhin du 'khor lo rnam pa gnyis zhes pa zlum pa'i dkyil 'khor gnyis so/ /nang gi dkyil 'khor zhes pa bdun par rig par byed de dbang chen gyi dkyil 'khor la'o zhes pa'i don no//mnyam zhes pa gru bzhi pa la sogs pas mtshungs pa'o/ /rdo rje 'khor los rnam par brgyan/ /zhes pa rdo rje'i thig gis yongs su bskor ba'i snying po'i dkyil 'khor gyis spras pa'o/ /yang na ni 'khor lo 'dra bar zhes pa zlum bo'o/ /rdo rje'i thig gis yongs su bskor ba de bzhin du 'khor lo'i phreng bas yongs su rdzogs pa'o//de ltar 'khor lo rnam pa gnyis pa zlum pa'i dkyil 'khor gnyis so/ /nang gi dkyil 'khor zhes pa sngar brjod pa'i gru bzhi pa'i dkyil 'khor ro/ /de bzhin du snying po'i 'khor lo gnyis pa la chu zhes de ji srid du rdo rje 'khor los rnam par brgyan pa ste snying po'i 'khor los spras pa'o zhes pa ni gzhan no//gru gcig pa zhes pa ni gang 'di'i nang gi dkyil 'khor du mngon par 'dod pa'i dbang chen no/ /zlum po ni de nas chu'o/ /de nas kyang gzhan gru gsum gyi rnam pa me'o//de nas ches pha rol du zla ba phyed pa dang mtshung pa'i rlung ngo / /de nas ches pha rol du yang dkyil 'khor gru gsum gcig pa'o/ /phyi'i dkyil 'khor gyi phyed kyis snying po'i 'khor lo'o/ /de'i tshe tshad kyis gzhan rig par bya'o/ /pad+ma lo ma brgyad pa la sangs rgyas thams cad de rnam par snang mdzad la sogs pa gzhag par bya'o//dkyil 'khor rnams kyi dbus nyid du ni mi bskyod pa la sogs pa dang bdun po rnams kyi'o/ /dam tshig mchog ni sems ma rdo rje ma la sogs pa'o/ /rim gyi mthar zhes pa shar la sogs pa'i phyogs su g.yas skor gyis so//sems ma rdo rje ma'i mdun du seng ge'i gdan gyi gnas su gang zhig rtsibs brgyad pa dang bcu drug pa cig 'khor los sgyur pa'o/ /rgyal ba'i gtsug tor la sogs pa me la sogs pa'i phyogs bral rnams su yongs su bskor ba'o/ /sangs rgyas thams cad ni rtag pa la sogs pa'i de bzhin gshegs pa de rnams kyi rim pa'i mthar thug par gtsug tor lnga po rnams so//dkyil 'khor kun du ni rtag pa'i dkyil 'khor du'o/ /rin chen 'byung ba la sogs pa'i dkyil 'khor ni ljang gu dang dmar po dang / sngon po'i kha dog can du rim pas khong du chud par bya'o//dang po ni kha dog lnga pa'o/ /chu la sogs pa ni gser gyi re khA gcig pa bri/ /'khor lo'i dkyil 'khor zhes pa ni chu'i'o/ /der ni rnam gzigs la sogs pa bri bar bya'o/ /dkyil 'khor kun du ste phyogs bzhi'i dkyil 'khor du'o//phyir ni me'i dkyil 'khor du rig par bya'o/ /'khor lo'i grwa ni legs gnas par/ /zhes pa ni snying po'i dkyil 'khor gyi'o/ /phyi yi 'khor lo'i grwa rnams su/ /zhes pa ni dbang chen gyi dkyil 'khor gyi grwa rnams su'o/ /phyi yi dkyil 'khor grwa rnams su//zhes pa ni de nyid kyi sgo'i grwa rnams su mi bskyod pa la sogs pa dang tha dad pa med pa nyid kyi sa la sogs ming ste de kho na nyid kyi rnam par bstan par blta bar bya'o/ /rnam par snang mdzad dang tha mi dad pa nyid kyi phyir chos kyi dbyings so/ /sgo skyong ni rdo rje lcags kyu la sogs pa rnams so//dkyil 'khor gnyis pa ru zhes pa ni me lha'i dkyil 'khor la ltos nas gnyis pa ste rlung lha'i dkyil 'khor ro/ /der shar la sogs pa'i phyogs rnams su rim pas sangs rgyas kyi yum la sogs pa bri bar bya'o/ /de nas blo ldan des 'thon nas/ /zhes pa ni dkyil 'khor lnga pa rnams su khro bo gzhan gyis mi thub pa la sogs pa'o//de nas kyang 'thon nas drug par rang sangs rgyas rnams so/ /de nas nges par 'thon nas bdun par rgyal ba'i nyan thos rnams dang tshangs pa la sogs pa'i 'jig rten pa rnams so/ /phyi rol gyi zhes pa sgo'i cha la shar la sogs pa'i phyogs su gzhan gyis mi thub pa zhes bya ba la sogs pa'i phyag rgya'o//de lta bu'i gru bzhi pa zhes bya ba la sogs pa rnams kyi dang po dbang chen gyi dkyil 'khor mchog tu 'dzin par byed do/ /'gro ba lnga ni khor yug gi nang du'o/ /rgya mtsho bdun po ni 'og tu bri bar bya'o//rim gyis zhes pa ni lugs ma la sogs pa'i gzugs brnyan gyis so/ /bkod nas ni kun du bzhag nas so/ /nye bar spyod pa thams cad kyi tshogs zhes pa ni me tog gi rab tu byed pa dang / mar me la sogs pa thams cad rab tu sbyin pas so/ / mchod pa byas nas zhes bya ba ni nam mkhar gnas pa rnams kyis gcig pa can du byas nas mchod de'o/ /de nas rgyan mtha' dag la sogs pa rnams kyis rnam par snang mdzad kyi rnal 'byor bstan pa gsungs pa nye bar bzhugs te zhes pa la sogs pa ste/ nye bar 'jug pa la sogs pa'i rnal 'byor gyi rim pas phyag rgya chen po bcings te/ye shes sems dpa' ji lta ba bzhin mdun du dgug pa la sogs pa byas nas byin gyis brlab pa'i phyir de bzhin gshegs pa thams cad legs so zhes bya ba'i sbyor bas bkug ste dbang bskur nas spro ba dang bsdu ba de bzhin gshegs pa thams cad kyi phyag rgya chen po de bsgom par bya'o//de bzhin gshegs pa thams cad ni rnam par snang mdzad de de dag dang tha mi dad pa gnyis kyi phyir ro/ /de kho na rdo rje sems dpa' ste dbyer mi phyed pa'i phyir ro/ /kun du bkang ste zhes pa spros nas dang bsdus nas so//des de bzhin gshegs pa thams cad rab tu 'bab pas te/ yang dag par sdud pa'i rang bzhin gyis rdo rje sems dpa' slar yang rdo rje hUM mdzad kyi phyag rgya chen po rang gi lus la mngon par zhugs nas te de bsgoms nas de'i nga rgyal dang ldan pas hUM yig bzhi 'don cing dkyil 'khor du zhugs nas phreng ba phul ba ste lag pa gar bskor bas blangs la hUM yig bzhis de nyid rang gi spyi bor bzhag la g.yas brkyang dang g.yon brkyang dang mnyam pa dang sa gas phyogs bzhi po rnams su bgegs thams cad la phyag rgyas bsnun par bya'o//rol pa dang bcas de bzhin gshegs pa thams cad la phyag bya'o//de nas sgo so sor g.yon brkyang gis gnas shing yongs su bskor te/ khro bo'i blta bas kun du bltas pas hUM yig bzhi yang dag par bzlas te sgo rnams dbye bar bya'o/ /slar yang rnam par snang mdzad du gyur nas/ ji ltar mngon par 'dus byas pa'i bum pa la oM la sogs pa dang badzra uta kas brgyad lhag pa'i stong rdo rje me tog gi phreng ba nas bzung ste dam tshig gi phyag rgyas rang gi sngags kyang brgyad brgya bzlas par bya ste/gzhan yang so sor rang gi sngags kyis brgyad brgya mngon par bzlas par bya'o/ /gang ba'i bum pa sgor gnas pa'i bum pa la yang gtso bo'i sngags kyis bzlas nas ji lta ba bzhin du gzhag par bya'o//dam tshig gi phyag rgya bcings pa zhes bya ba la sogs pa rnams kyis rnam par snang mdzad kyi rnal 'byor chen pos bsdus te/ rnam par snang mdzad kyi phyag rgya chen po bcings nas/las kyi phyag rgya dang / rang gi snying po AHyi ge dang lhan cig tu 'don par [(]shas [,]shes [)]pa'i nam mkha' thams cad kun du yang dag par 'du ba'i rdo rje kun nas mngon du byas te de la de'i nga rgyal bskyed nas de la yang rnam par snang mdzad bsams nas de la de lta bu'i nga rgyal dang ldan pas rdo rje lcags kyu la sogs pa rnams kyis zhes pa dgug pa la sogs pa can du byas nas rang gi phyag rgya la sogs pa don du gnyer ba'i bka' thob pas mngon par dbang bskur te rdo rje gzung ba la sogs pa byas pas slar yang bdag la byin gyis brlab pa la sogs pa byas nas sdud par bya'o//de nas mngon par bstod la dgug pa la sogs pa sngon du 'gro bas phyag rgya bzhis rgyas btab ste so so rang gi ting nge 'dzin du byas nas/ AHyig la sogs pa'i snying po so so re re la lnga brgya dang bcas pa'i brgya bzla bar bya'o/ /oM sarba ta thA ga ta zhes bya ba la sogs pas gsol ba btab par bya'o//mngon par dbang bskur nas rdo rje'i gar dang bcas pas sgeg mo la sogs pas mchod par bya'o/ /phyag 'tshal ba'i thal mo bcings nas zhes pa ni thal mo kha sbyor du bcings nas so/ /lag pa gnyis kha sbyor du byas te ming med gnyis nang du bcug nas sdigs mdzub zung gung mo khab ltar du byas pa'i tshigs gsum pa nas gang tsam gyis ma reg par gzung bar bya'o//mthe bo dang mthe'u chung zung gnyis de la mngon par phyogs par gzung bar bya'o/ /phyag rgya 'dis 'bebs pa'i sngags gang yin pa dang rab tu sbyar bar bya'o//'jug pa la sogs pa rdzogs nas de bzhin gshegs pa thams cad kyi rdo rje'i mngon par dbang bskur bar bya'o/ /ci ltar zhe na gsungs pa/ gru bzhi zhes bya ba la sogs pa ste/ de bzhin gshegs pa thams cad nyid rdo rje ste de rnams kyi rdo rje slob dpon la de'i tshig go/ / rab tu gzhag nas zhes pa ni de bzhin gshegs pa thams cad kyi mdun du na chu'i dbang bskur ba'i dkyil 'khor byas la slob dpon rang gis badzra bid kyi snying po dang khur lhan cig tu yang dag par bzlas nas dam tshig gi phyag rgyas slob ma la snying bo 'dis dbang bskur bar bya'o/ /badzra satwa/ badzra rat+na badzra d+harmA/ badzra karma i daM che ge mo/ /a d+hi tiSh+Tha sarba ta thA ga ta A tsAr+ya swA hA/ 'dis lan brgyar spyi bo dang snying ga la sogs par bzhag la rim pas thams cad bzlas par bya'o/ /yang na ni de bzhin gshegs pa thams cad kyi rdo rje slob dpon ni de bzhin gshegs pa thams cad kyi rdo rje slob dpon no//de'i go 'phang ni rdo rje sems dpa'i rnal 'byor pa'i mgo bor rdo rje 'chang gi sku gzugs rab tu bzhag nas oM ma hA su kha zhes pa la sogs pa snying po yi ge bcu bdun pa brgyar mngon par bzlas nas so zhes pa 'dis rab tu bzhag nas zhes brjod par 'gyur ro zhes gsungs pas so//cod pan lnga'i dbang gis mngon par dbang bskur te zhes pa de bstan pa gsungs pa/ byin gyis brlab par bya ste/ 'di skad brjod pa yin te ji ltar gsungs pa'i rim pas de bzhin gshegs pa thams cad kyi rdo rje slob dpon gyi go 'phang la rab tu bzhag nas sngags 'di skad 'don cing rdo rje chen pos sangs rgyas lnga'i cod pan gyis mngon par dbang bskur bar bya'o//de yang sangs rgyas rin po che'i cod pan nyid kyis yongs su gyur par byas te de bzhin gshegs pa rnams kyi sangs rgyas kyi cod pan du sbyar bar bya'o/ /rdo rje sems dpa' la sogs pa'i 'khor los sgyur ba rnams kyis legs par dbang bskur ba de la ni sbyar bar mi bya ste/gang gi phyir gang zhig 'khor lo'i dkyil 'khor du 'chad par 'gyur ba rdo rje rin chen gyi mngon par dbang bskur bar bya'o/ /'chad par 'gyur ba zhes pa la sogs pas de 'gog par 'gyur te/ rdo rje chen po'i phyag rgya yang de bzhin gshegs pa rnams kho na'i ste/ de'i phyir skabs 'dir de rnams kho na'i dbang du byas pa'o/ /de nas gzhan la rdo rje phreng ba'i dbang bskur ba dang / rdo rje rin chen gyi dbang bskur ba sbyin par bya'o/ /gang la spyi bor rdo rje bkod pa sngon du 'gro bas chu'i dbang bskur ba ni rdo rje'i dbang bskur ba'o zhes brjod par bya'o//de rnams la de sbyar bar mi bya ste dkyil 'khor gru bzhi pa byas nas zhes bya ba la sogs pa rnams kyis bcom ldan 'das kyis bshad pa'i phyir ro/ /yi ge'i phyag rgya bkod la rang gi lha'i gzugs su rab tu sbyor bar bya'o zhes pa ni spyi bo la sogs pa'i gnas brgyad po rnams su sngags dang dam tshig gi phyag rgyas bkod pa rnams kyis byin gyis brlab par bya'o//sku la sogs pa'i phyag rgya rnams ches myur du sgrub pa'i thabs bstan pa'i ched du/ de la 'di ni zhes bya ba la sogs pa gsungs pa rang gi lus rdo rje sems dpa' ste dbyer mi phyed pa'i ye shes kyi gnas te rgyu'o//ci ltar na rang bzhin gyis dbyer mi phyed pa nyid de rang bzhin rang gi ngo bo gdod ma nas skye ba med pa a'i yi ge'o/ /shes rab kyis phung po bshig par byed pas mchog tu phra mo rnams phan tshun rnam par 'dres pa ma yin pa nyid kyis so//'di zhes pa mthar gnas par sbyar ro/ /lta ba'i thibs po thams cad nges par 'joms pa ni 'jig tshogs la lta ba la sogs pa rab tu bcom pa gang yin pa'o/ /'jug par 'gyur ro zhes pas so/ /rig pa ni zag pa med pa'i ye shes te de la rab tu 'jug pa ni lhag par rtogs pa ste de'i don ni stong pa nyid dang mtshan ma med pa dang smon pa med pa'i rnam pa'i shes rab bsgom bzhin pa'o//ma rig pa ni gang gi tshe dbyer mi phyed pa'i ye shes yin pa de'i tshe rdo rje gnas su 'gyur ro/ /dngos po la lhag par dmigs pa ni ma rig pa nyid do//mthar thug pa med pa ni mtha' ni mthar thug pa med cing grangs med pa'o/ /de kho na rdo rje'i gnas zhes so/ /snga ma bzhin du de ltar gzhan la yang ngo / /rdo rje'i gnas bsdus pa'i don no/ /mngon par 'du byed pa med pa mnyam pa nyid kyis te/ 'dus byas stong pa nyid kyis gdod ma nas skye ba med pa'i rnam pas mnyam pa nyid kyis so zhes pa ji srid par ro//'dod chags dang bral ba'i mtha' mnyam pa nyid kyis zhes pa ni rgyu nye bar dmigs pa med pa'i rnam pas 'dod chags dang bral ba'i bag chags dang mtshungs pa nyid kyis so/ /'dod chags kyis 'dod chags rab tu 'joms pa'i don du'o//byams pa mtha' mnyam pa nyid kyis zhes pa ni zhe sdang sgyu ma lta bu nyid kyi rnam pas byams pa'i mtha' mtshungs pa nyid kyis so/ /skyon yang dag par gcod pa ni zhe sdang rab tu 'joms pa'i don du'o/ /shes rab kyi snang ba mnyam pa nyid kyi zhes pas gti mug gi mtha'i rdul med cing nye bar bral ba'i rnam pa shes rab kyi rang bzhin snang ba mtshungs pa nyid kyis so//mun pa med pa yang nye bar thob pa dmigs pa med pas shes rab kyi snang ba de'i don du skye bar 'gyur ro/ /sems can thams cad gcig tu mnyam pa nyid kyis zhes pa ni rgyu dang bral ba nyid de 'dir bral ba nyid kyi rnam pas sems can rnams thams cad gcig tu mtshungs pa nyid kyis so//sems can rnams kyi rang bzhin de ni rang gi ngo bo'o/ /de rtogs pa ni khong du chud pa'i don du'o/ /sems can thams cad sems su gcig / ces pas ni sems can thams cad gdod ma nas skye ba med pa'i rnam pas sems nyid du gcig par mnyam pa'o/ /sems la 'jug pa'i don ni rnam par rig pa tsam du rtogs pa'i don du'o/ /rang bzhin gyis 'od gsal ba rtogs pa'i don ni rnam pa thams cad nye bar dmigs pa med pa'i ye shes kyi don du'o//sangs rgyas thams cad sangs rgyas su gcig ces pa ni sangs rgyas rnams thams cad 'jigs pa dang bral ba'i stong pa rdul dang bral ba nye bar rtogs pa'i rnam pas sangs rgyas rnams gcig tu mnyam pa nyid do/ /de bzhin gshegs pa bzhugs pa'i don ni ston pa nyid thob pa'i don du'o//mnyam pa nyid kyi ye shes rtogs pa'i don ni thams cad mkhyen pa'i ye shes rtogs pa'i don du'o/ /chos thams cad ni 'jig rten dang 'jig rten las 'das pa ste de rnams bden pa nye bar dmigs pa med cing stong pa dbye ba dang bral ba'i rnam pas sangs rgyas kyi chos rnams te stobs dang mi 'jigs pa la sogs pa rnams mnyam pa'o//thams cad du ye shes rjes su rtogs pa ste thob pa'i ched dang / rdo rje lta bu'i ting nge 'dzin rtogs pa'i don ni rab tu mi gnas pa'i mya ngan las 'das pa so sor brnyes pa'i don du'o/ / bdud kyi las thams cad ni sangs rgyas kyi las zhes pa ni bdud kyi las rnams rgyu ba dang bral ba stong pa rdul dang bral ba la nges par 'byung ba'i rnam pa rnams kyis sangs rgyas thams cad kyi las rnams kyis ni sems can don gyi mtshan nyid kyi mnyam pa nyid do/ /las yang dag par 'da' bar 'gyur ro zhes pa ni las spyod pa zad pa'i don du'o//ngag thams cad ni skye bo tshig tu brjod pa ste/ de bzhin gshegs pa'i gsung ste sangs rgyas pa can gyi dbyangs can ma ste de ni ngag thams cad do/ /dbye ba dang bral ba'i rnam pa sangs rgyas kyi gsung dang mnyam pa'o//sgra ji bzhin pa thams cad ni 'dab chags la sogs pa mngon par rjod par byed pa'o/ /mngon par brjod par bya ba las 'das pa'i de bzhin nyid/ chos thams cad ni gzugs dang tshor ba la sogs pa ste de rnams sgyu ma lta bu nyid kyi phyir ma skyes pa ste skye ba med pa'o/ /'chi 'pho ba med pa la 'jug pa'i don ni de'i thabs lhag ma med pa mya ngan las 'das pa thob pa'i don du'o//nyon mongs pa las 'das pa lhag ma med pa'i mya ngan las 'das pa thob pa'i don du'o/ /chos thams cad ni 'jig rten dang 'jig rten las 'das pa rnams so/ /de rnams kyang mnyam pa nyid kyi rnam pas stobs dang mi 'jigs pa la sogs pa'i sangs rgyas kyi chos rnams kyi rang bzhin no//'gog pa med pa la 'jug pa ni mi gnas pa'i mya ngan las 'das pa thob pa'o/ /chos thams cad ni 'gog pa med pa'i don ni sems can thams cad kyi don chad pa med pa'i don no//'di la rnam gnas zhes pa 'dis byin gyis brlabs pa'i sa bon rang gi snying ga'i mtshan ma la gnas nas ji lta ba bzhin du rang rdo rje'i gnas sgom par byed pa bstan par gyur pa la rnam par gnas pa'i yang dag par rjes su kun du bstan pa bdag gi de nyid zhes pa la sogs pa gsungs pa/byang chub sems dpa'i sa rnams myur du 'grub par 'gyur ro zhes pa ji srid pa'o/ /bdag gi de nyid do zhes pas sems gnyis nyid do/ /da ni yid ni rtse gcig pa zhes pa la sogs pa ste/ sku'i phyag rgya sgom par byed pa bstan pa gsungs pa/ sangs rgyas lus zhes pas de bzhin gshegs pa lnga'i sku'i phyag rgya'o//kun du bzang po la sogs pa'i sku'i phyag rgya ni zla ba'i dkyil 'khor gyi dbus na gnas par bsgom par bya'o/ /byang chub kyi sems ni kun du bzang po'o de'i mchog ni dang po gang yin pa de rnams byang chub sems kyi mchog de rnams bsgom pa ni byang chub sems kyi mchog bsgom pa'o//gtsug tor gyi sku'i phyag rgya ni 'khor lo la sogs pa la gnas par bsgom par bya'o/ /de rnams kyang gtso bo rnams kyi rjes su zhugs pas dkyil 'khor pa thams cad bsgom pa blta bar bya'o/ /rnam par spyod pa ni sgo'o zhes pa la sogs pas dag gi phyag rgya sgom par byed par bstan par bya'o//chos thams cad ni don gzugs la sogs pa rnams te khong du chud pa'i sgo ni nye bar len pa'o/ /de bzhin du gzhan la yang sgo'i don blta bar bya'o/ /rnam par 'byed pa'i phyir rnam par spyod par byed do zhes pa 'di bya ba nyid bya ba'i ngo bor gsal bar byed do//a yig ni chos thams cad gdod ma nas ma skyes pa gsal bar byed do/ /don dam pa'i bde ba de bzhin nyid do/ /chos rnams thams cad ni phung po lnga'i rang bzhin rnam par yongs su shes pa'o/ /sa yig ni phung po lnga'i khong du chud pa'i sgo'o//na yig ni rnam pa thams cad gdod ma nas 'gyur ba med pa dbang du byed pa nyid kyi sgo'o/ /da yig ni chos thams cad 'dul ba la sogs pa ston par byed pa'i sgo'o/ /thogs pa ni nyan thos dang rang byang chub sems dpa' de las yang dag par 'das pa sangs rgyas kyi byang chub po//kun nas nyon mongs pa ni 'khor ba'i chos rnams so/ /rnam par byang ba ni mya ngan las 'das pa'o/ /zag pa dang bcas pa dang zag pa med pa ni yon tan no/ /phung po la sogs pa ni zag pa med pa'i las kyi bden pas 'dus byas pa'i rang bzhin de'i bde ba la phung po la sogs pa don dam pa'i bden pa ni don dam pa'i rang bzhin gyi sems las byung ba'i rang gi ngo bo nyid du brjod de/sa yig ni de'i sgo'o/ /de bzhin nyid kyi rjes su 'gro ba ni gang zag la bdag med par rtogs pa'o/ /chos kyi dbyings la 'jug pa ni chos kyi bdag med pa rtogs pa'o//de nges par ston par byed pa la na yig sgo'o/ /las kyi rnam par smin pa rnam par bral ba ni las kyi 'bras bu las 'das pa'o/ /de gsal bar byed pa la ka yig sgo'o/ /zab mo gting dpag dka' ba nyid de rim pa bzhin phyi rol pa dang /nyan thos la sogs pa rnams nam mkha' lta bu nyid dang nam mkha'i rang bzhin nyid de gsal bar byed pa lag yig sgo'o/ /dza'i bshad pa ni go sla'o/ /chos kyi dbyings kun du mi phyed pa de bzhin nyid do/ /chos rnams thams cad ni gzhan dang ma 'dres pa'o//rdo rje ni go sla'o/ /yongs su rdzogs pa ni dbye ba byar med pa'i shes rab la 'jug par byed pa'o/ /de ston par byed pa la d+ha yig sgo'o/ /zhi gnas ni ting nge 'dzin no/ /lhag mthong ni shes rab bo/ /de yongs su rdzogs pa rab tu gsal bar byed pa la sha yig sgo'o//nam mkha' dang mnyam zhing rang bzhin gyis 'od gsal ba nyid ni gang zag la bdag med pa gsal bar byed pa la kha yig sgo'o/ /'gyur ba med pa ma skyes pa can mi zad pa'i ye shes chos thams cad yongs su dag pa'i don rab tu gsal bar byed pa la k+Sha yig sgor 'gyur ro//thams cad mkhyen pa'i ye shes thogs pa med pa ni rnam par rtog pa thams cad dang bral ba ste de ston par byed pa la nga yig sgo'o/ /sangs rgyas kyi zhing yongs su dag par bya ba'i don du gnas dang gnas ma yin pa la mkhas pa ston par byed pa la tha yig sgo'o//mthar phyin pa ni yongs su rdzogs pa'i 'gog pa'o zhes pa ji srid du de'i mur thug pa med pa ni chos rnams kyi mu med pa'o/ /sgrib pa thams cad rab tu spangs pa ni nyon mongs pa thams cad 'gog pa'o/ /zad pa dang mi skye ba'i ye shes ni byang chub kyi mtshan nyid do//Da yig ni mthar phyin cing mur thug pa med pa sgrib pa dang bral ba'i sgo'o/ /dri ma'i rnam pa ni dri ma dang bral ba can ma yin pa ste/ de nye bar mi dmigs pa ston par byed pa la dz+ha yig sgo'o/ /'dod chags dang bral ba la sogs par rab tu ston pa ma lus rnam par 'byed par brjod par bya ba la ka yig sgo'o//aM yig ni sems rnam par 'byed pa'i don te 'dul bar bya ba gang yin pa'i zhe sdang dang gti mug dag dang bag la nyal rab tu spangs pa/ byang chub tu sems bskyed pa ni smon pa'i mtshan nyid can rang bzhin gyis 'od gsal ba nyid kyang /sgrib pa thams cad dang bral ba'i ye shes kyi rang bzhin rab tu gsal ba'i sgor 'gyur ro/ /ngag gi spros pa chos kyi dbyings rnam par dag par ston par byed pa la ngag khong du chud pa'i ngag can pa yig sgo'o/ /tsha yig gi bshad pa ni go sla'o//gcig tu 'dus pa ma dmigs pa ni gzhan gyis yongs su brtags pa'i cha shas gzugs la sogs pa stong pa nyid do/ /gnyis su med pa nyid ni gzung ba dang / 'dzin pa bral ba nyid do/ /de dag gnyis ka ston pa la g+ha yig sgo'o//ca co dang bral ba nyid ni dril bu'i sgra rjes su 'gro ba'o/ /rdo rje sems dpa' 'dzin pa ni rdo rje'i phyag rgya 'dzin pa ste/ 'di dag gnyis ka'i khyad par gyi snod la Ta yig sgo'o/ /gsang ba'i ye shes ni thams cad mkhyen pa'i ye shes so/ /lhag ma go bar sla'o//'tshe ba ni gzhan gyi 'khor la nye bar 'tshe ba ste de dang bral ba rab tu gsal ba dang / nam mkha'i dngos grub so sor thob pa'i don du Da yig sgo'o/ /grang ba ni kha ba la sogs pa phra mo ste/ de nye bar ma dmigs pa ston par byed pa la ni kha yig sgo'o/ / rab tu 'byams pa ma yin par 'gog pa de rnam par gzhag par byed pa la nye bar zhi bar brjod pa can gyi u yig sgo'o/ /tshul bzhin du gzhag pa ni de'i ngag can la nges par 'byung ba la sogs par byed pa la sgo'o/ /ya yig ni de kho na nyid ni de bzhin nyid kyi ngag can te spros pa spangs pa ni rnam par rtog pa thams cad dang bral ba ste don de rnam par gzhag pa'i rgyur ta yig sgo'o//a yig ni ma skyes pa gsal bar byed pa ste/ rnam par grol ba'i mtshan nyid brjod pa la sgo'o/ /hrI yig ni yongs su gzung ba med pa'i ngag can te 'thab pa dang rtsod pa spangs pa ston pa la sgo'o//ka sde ni kun nas nyon mongs pa med pa'i ngag can te rnam par dag pa mtshan nyid ston par byed pa la sgo'o/ /rang bzhin gyis 'od gsal ba de bzung nas gnas pa gsal bar byed pa tsa ste yang sgo'o/ /Ta sde ni snang ba zhes pa ste rab tu gsal ba ste/rang bzhin gyis 'od gsal ba nyid 'bar bar byed de 'bar bar byed pa la sgo'o zhes rtogs par bya'o/ /yang dag par sbyor ba dang bral ba yang dag par sdud par byed pa mngon par brjod pa la sgom par byed pa'i don du ta sde sgo'o/ /chos ma 'dres par rab tu 'jog pa la gzhi med par brjod pa'i ba sde sgo'o//mthar gnas kyi sde pa ni byang chub kyi don dri ma med pa ston par byed pa la ste/ dri ma med pa gsal bar byed pa la sgo'o/ /sa la sogs pa'i sde pa ni mya ngan las 'das pa'i glo bur ba nges par 'dor ba la sogs pa ston pa la sgo'o//oM baM zhes pa la sogs pa rnams kyis chos kyi yi ge rnams rnam par rig pa'i sgo'o zhes pa la sogs pa de kho na nyid rtogs pa ste/ gang rtag tu 'gro bar brjod pa'i dbang du byed pa'i bsdu ba ni thams cad mkhyen pa'i ye shes rnam par dag pa kho na rnam par phye ba'o//chos kyi sku rnam par nges pa ni chos brjod pa thabs rnam par 'byed pa'o/ /'di ni gtso bo'i dkyil 'khor ba dang bcas pa'i thun mong gi cho ga chos ngag gi phyag rgya'o/ /de'i sgo ni thabs so/ /de rnam par nges pa ni ye shes so/ / sems kyi phyag rgya bsgom pa de dag bstan pa de la rigs thams cad kyi zhes bya ba la sogs pa gsungs pa/ rnal 'byor gnas ni dbang po gnyis kyi snyoms par 'jug pa yongs su rdzogs pa nyid kyang sku'i phyag rgya'i sgrub thabs dang thun mong pa yang ngo / /sangs rgyas kun gyi phyag ni rnam par snang mdzad kyi thugs kyi phyag rgya'o//shin tu 'od gsal gyi dkyil 'khor la ni snying gar nyi ma'i dkyil 'khor dang bcas pa'o/ /rdo rje'i rnal 'byor gyis zhes pa ni de la rdo rje sgom par byed pas mi bskyod pa'i rnal 'byor chen po ste/ de'i rnal 'byor chen po de lta bu kho na rdo rje sgom par byed pa rnams so//bsgom par bya zhes pa ni nyi ma'i dkyil 'khor la gnas pa'i rin chen kun mngon du bya'o/ /yongs su bsgoms nas zhes bya ba ni lhag par mos pa'o/ /mthong zhes bya ba ni nyi ma'i dkyil 'khor la gnas pa'i pad+ma bsgom pa'o//dag pa zhes bya ba ni 'od dpag med do/ /phyag rgya thams cad ni sna tshogs rdo rje'o/ /sna tshogs las kyi sbyor ba zhes pa ni snying gar nyi ma'i dkyil 'khor la gnas pa'i sna tshogs rdo rje la sprul pa sna tshogs pa sems can ma lus pa'i don la lhag par mos pa'o//sna tshogs las byed pa ni don yod pa'i dbang phyug go/ /rdo rje rnal 'byor gyis zhes pa ni zla ba la gnas pa'i rdo rje la sogs pa'i mtshan ma bsgom pa'o/ /rdo rje'i dam tshig ces bya ba ni nyi ma la brjod do/ /nus pa nges par bstan pa gsungs pa/ rdo rje sems dpa' sems dpa' che/ /zhes bya ba la sogs pa'o/ /rdo rje'i rnal 'byor gyis zhes bya ba ni snying gar zla ba'i dkyil 'khor la gnas pa'i rdo rje bsgom mo/ /de ltar rgyal po la sogs pa rnams kyi yang ji lta ba bzhin du rang bzhin du rang gi snying gar zla ba lag nas pa'i mtshan ma bsgom par blta bar bya'o//'di dag kun gyi zhes pa ni sku la sogs pa'i phyag rgya'i sgrub thabs so/ /rab sbyor gyis zhes pa dang rang gi sku'i phyag rgya sgrub pa'i don can du byas pa'i rang gi lha'i rnal 'byor ji skad gsungs pa'i gdan la gnas nas yig rtse gcig tu gyur pas bsgrub par bya'o zhes bya ba 'dis so//chos kyi yi ge'i tshig gis ni/ /zhes pa dag gi phyag rgya'i dngos grub ni lce'i rtse mo'i 'dab ma la rdo rje mdzes pa bsgom pa sngon du 'gro ba can gyi snying ga'i zla ba la ji lta ba bzhin du rang gi oM baM la sogs pa'i chos kyi yi ge rnams rnam par bkod la rnam par rig pa'i sgo zhes bya ba la sogs pa'i de kho na nyid bsgom par bya'o zhes bya ba 'dis so//phyag rgya'i ye shes legs sbyor bas/ /zhes bya ba ni sems kyi phyag rgya bsgom pa'i don can rang gi snying ga'i zla ba la ji lta ba bzhin du rang gi mtshan ma bsgom par bya'o zhes pa 'dis so//'di rnams kyi zhes pa sku la sogs pa rnams kyi sgrub thabs kyi rab tu sbyor ba bdun po ji lta ba bzhin no/ /phyag rgya'i 'khor lo khyad par du/ /zhes pa ni/ sku'i phyag rgya'i tshogs su shes par bya'o//de nyid kyi rab tu sbyor ba bstan pa gsungs pa/ /yi ge zhes bya ba la sogs pa ste/ de gsung par byed pa sku la sogs pa'i phyag rgya bsgrub par bya ba'i don du rang gi sngags kyi yi ge rnams kyis snying ga la sogs pa rnams su yongs su gang ba'i sku'i phyag rgya byas nas phyag rgya thams cad bsgrub par bya'o zhes so//las kyi sgrub thabs nye bar bstan pa gsungs pa/ bsam gtan gyis zhes bya ba la sogs pa ste/ bsam gtan gyis ni sgom par byed pa rnams kyis so/ /thig le gcig ni yi ge gcig ste dbang chen gyi sa bon no//des gyur ba ste yongs su rdzogs pa 'di'i go 'phang ni dbang chen gyi dkyil 'khor ro/ /de nyid bstan pa gsungs pa/ sa zhes pa la sogs pa ste/ sa la rab gnas kyang dkyil 'khor gru bzhi pa la gnas pa'o/ /go 'phang ni gnas te de la gnas pa'o//dbang po gnyis ni mnyam sbyor ba ni rang dang lha gnyis sgom par byed pas dbang phyug kyang ni bsgrub par bya'o/ /dbang chen gyi las ni rgyas pa'i mtshan ma'o/ /dang po'i dkyil 'khor tshul gyis ni/ /zhes pa dbang chen gyi dkyil 'khor tshul gyis rang gi sa bon gang yin pa yongs su rdzogs pa'i dkyil 'khor ro//dbang po gnyis snyoms par zhugs pa'i yang mtha' mar rab tu brtag ste/ 'khor lo lag tu bsam par bya'o/ /dang po zhes pa ni dbang chen gyi dkyil 'khor dang / pad+ma dang rin po che la sogs pa yang ji lta ba bzhin sum mdo ris la sogs pa rnams su rab tu gnas pa'o//las kyi rnal 'byor gyis zhes pa ni sna tshogs rdo rje rnam par gzhag pas so/ /las 'di rnams kyang de nyid bsgoms pas ches myur du 'grub par 'gyur ro/ /phyag rgya ye shes bstan pa'i ched du nye bar bstan pa gsungs pa/bcom ldan 'das zhes bya ba la sogs pa ste/ rnam par grol ba ni sgrib pa thams cad dang bral ba'o/ /de kho na phyag rgya che zhes pa thams cad du rgyas btab cing bsdus pa rtogs par byed pa ste/ de'i rgyas btab pa ni mtshan pa'o//chos thams cad ni 'phags pa dang so so'i skye bo'i rgyud kyi sems dang sems las byung ba'i rang bzhin no/ /gang gi phyir gnyis dang gnyis su med pa'i gnas skabs ni yongs su dag pa ni rnam par grol ba'i lus so zhes pa ji srid pa'o/ /mtha' dang mtha' med pa ni chad pa dang rtag pa'i rnam par rtog pa'o//mtha' las 'das pa ni mtha' med pa'o/ /de'i phyag rgyas rgyas btab pa'o/ /gang la gang gi phyir zhe na dag pa dang ma dag pa'i gnas skabs chad pa dang rtag pa yongs su dag pa ste/ don dam par de dag stong pa'o/ /zad pa dang 'dod chags dang bral ba ni phung bo dang nyon mongs pa 'gag pa'o//de'i phyag rgyas rgyas btab pa'o/ /gang gi phyir na zad pa'i sgo ni skye ba'i gnas skabs so/ /zad pa'i mtha' ni gnas pa'o/ /zad pa'i mur thug pa ni mthar thug pa'o/ /skur ba 'debs pa med pa ni smod pa med pa'o/ gang zag dang chos brtags pa tsam nyid kyis sde de'i phyag rgyas rgyas btab pa'o/ /gang gi phyir mnyam pa nyid kyang rnam par dag pa ni de dag gnyis stong pa nyid kyi rang bzhin no/ /chos thams cad gang yin pa de don dam pa nyid du nam mkha' bzhin du spyan lnga'i lam las yang dag par 'das pa'i phyir nam mkha'i phyag rgyas rgyas btab pa'o//sems can thams cad nam mkha'i khams nyid kyi phyir zhes pa ni don dam par na sems can thams cad nam mkha'i khams kyi rang bzhin yin pa nyid kyi phyir ro/ /dbyer mi phyed pa'i rang bzhin gyi chos kyi dbang dbyings su yang dag par 'du ba ni rjes su zhugs pa'o//de la dbyer med pa'i phyag rgyas rgyas btab pa'o/ /byang chub kyi rang bzhin gyi sems ni byang chub kyi sems te gnyis su med pa'i ye shes so/ /de'i phyag rgyas rgyas btab pa'o/ /gang las she na byang chub kyi sems dang tha mi dad pa nyid kyi phyir te/byang chub kyi sems rdzogs pa nyid kyi gnas skabs su yang chos rnams kyis lhag par kun du 'dres pa'o/ /chos kyi dbyings 'byed pa med pa'i mtshan nyid yin pa'i phyir zhes pa ni rdzogs pa'i gnas skabs na de bzhin nyid la khyad par med pa'i phyir ro//rang bzhin med pa'i phyir zhes pa ni gnas skabs thams cad du gnas su zhes pa mngon par dgongs pa'o/ /bdag med pa'i phyag rgya ni gang zag gi bdag med pa ste de'i rgyas btab pa'o/ /'tshe ba med pa'i phyir ni gzhan gyis yongs su brtags pa'i bdag tshad ma dang bral ba nyid kyi phyir ro//mi rtag pa zhes bya ba la sogs pa'i bshad pa ni go sla'o/ /sngon gyi mtha' ni 'khor ba'i gnas skabs so/ /phyi ma'i mtha' ni mya las 'das pa'i gnas skabs de dag ni de bzhin nyid stong pa nyid dngos po dang dngos po med pa'i rnam par rtog pa med pa'o//mnyam par mtshungs pa nyid kyi phyir/ /zhes pa la 'dus byas dang 'dus ma byas dag dngos po med pa'i rang bzhin yin pa nyid kyi phyir ro/ /mtshan ma med pa'i phyag rgya ni rgyu'i rang bzhin med pa ste de'i phyag rgyas rgyas btab pa'o/ /gang las she na spros pa'i dmigs pa dang bral ba nyid kyi phyir ro ste rgyur rnam par brtags pa dang bral ba nyid kyi phyir ro//smon pa med pa zhes bya ba la sogs pa'i bshad pa ni go sla'o/ /bdag la sogs pa'i dngos po med pa'i phung po lnga po rnams yongs su 'dus pa ste tshogs pa can du byed pa de'i mtshan nyid kyi phyir ro/ /bdag med pa la sogs pa'i bshad pa ni go sla'o//dri ma med pa ni rang bzhin gyis 'od gsal ba nyid de/ de'i phyag rgyas rgyas btab pa'o/ /'tsho ba rab tu mi gnas pa nyid kyi phyir zhes pa ni don dam pa nyid du sgrib pa'i bag chags thams cad dang bral ba nyid kyi phyir ro/ /'khrug pa med pa ni rnam par g.yo ba med pa nyid kyi phyir ro ste de'i phyag rgyas rgyas btab pa'o//bla na med pa'i mthar phyin pa'i phyir ro zhes pa shin tu mthar thug cing mthas klas pa'i chos nyid kyi phyir ro/ /ji lta ba bzhin zhes pa ni rtag tu lhag par gnas pa'i de bzhin nyid de de'i phyag rgyas rgyas btab pa'o/ /gang zag dang chos rnams kyi sgro 'dogs pa dang skur ba 'debs pa med pa'o//gang la zhe na 'jam pa'i dbang du byed pa dang dbang du bya ba med pa'i phyir ro ste tshad ma'i yang rnam par rtog pa don dam pa nyid du med pa'i phyir ro/ /rab tu 'jigs pa zhes pa la sogs pa'i bshad pa ni go sla'o/ /'gog pa med pa nyid kyi phyir ni don dam pa nyid du chos rnams kyi rang gi ngo bo med pa'i phyir ro zhes dgongs so//rtog ge thams cad ni rnam par rtog pa thams cad do/ /mtshan nyid de ni gzugs la sogs pa'o/ /de rnams don dam pa nyid du med pa'i phyir mtshan nyid med pa'i phyag rgyas rgyas btab pa'o/ /gnas ni kun gzhi rnam par shes pa'i rgyun chos thams cad kyi bag chags rnams yang dag par bcad pa'i phyir ro//rjes su sbyor ba med pa ni nyes pa'i tshul gyis phyin ci log tu sbyor ba med pa ste de'i phyag rgyas rgyas btab pa'o/ /ci'i phyir na yon tan gyi tshul rnams kyang gnyen po'i phyogs yin la de nye bar dmigs pa med pa'i phyir ro//thams cad mngon par 'dus ma byas pa nyid kyi phyir ro ste/ don dam par las kyi rnam par smin pa rnams med pa nyid kyi phyir ro/ /skye ba dang gnas pa ste de dang bral ba nyid kyi phyir 'dus ma byas pa'i phyag rgyas rgyas btab pa'o/ /chos thams cad mnyam pa nyid ni stong pa nyid do//mtshan nyid gcig pa ni 'dus byas nyid do/ /de yang gzugs la sogs pa rnams kyi spyi'o/ /phung po ni phung po'o/ /de'i phyag rgyas rgyas btab pa'o/ /gang las she na snying po med pa nyid kyi phyir te/ bdag med pa nyid kyi phyir ro zhes pa ji srid pa'o/ / sangs rgyas kyi sku'i mnyam pa nyid ni mtshungs pa nyid do/ /de so sor rnyed pa ni so sor thob pa'i phyir te nye bar thob cing rjes su thob pa'o/ /'jig rten gyi lam ni 'jig rten pa'i lam ste/ de kho na mtha' gcig tu rnam par dag pa'i phyir ni don dam par phyed pa'i phyir ro/ /phyag rgya chen po zhes bya ba la sogs pa'i bshad pa ni go sla ba'i phyir rnam par bshad par mi bya'o//muH'i yi ge 'di las sgrub pa'i dus su rang gi snying gar dgod par bya'o/ /a'i yi ge la sogs pa rnams kyang snying ga dang mdzod spu dang rna ba dang / spyi bo dang gtsug tor rnams rim pas sbyar bar bya'o/ / gal te yang na hUM yig nyid snying gar zla ba'i mtshan ma la'o/ /yang na khaM yig kho na spyi bor bsam par bya'o/ /sngar bzhin du sku'i phyag rgya la rang gi sngags kyi yi ge rnams kyis kun du bkang ba ji lta ba bzhin du rang gi las bsgrub par bya ba'i don can la ji ltar gsungs pa'i dkyil 'khor 'byung bar 'gyur ba gang yang rung ba la mos pa'i phyag rgyas rgyas btab po zhes pa gang yang rung ba'i tshig gi don bsgoms pas ji ltar 'dod pa'i las rnams skye ba'i phyir ro//a yig la sogs pa ni phyag rgya lnga'i ye shes su bsdus pa can gyi sa bon ma yin no/ / 'di dag sdud pa po ni hUM yig dang khaM yig ste thams cad byin gyis rlob pa'o zhes pa'i dbang du byas pa'o/ /de nas da ni zhes bya ba la sogs pas rnam par snang mdzad kyi sku'i phyag rgya gsang ba'i sgrub thabs ston par byed do/ /pad+ma 'dab ma brgyad pa dang zla ba'i dkyil 'khor gyi dbus su son par khaM yig dkar po nyi ma'i dkyil 'khor rab tu gsal ba de'i steng du 'bar ba'i phreng ba 'khrugs pa ni rdo rje rtse lnga bar nye bar bstan no//shes par bya zhes pa nye ba'i mthar spyod do/ /dbang po gnyis ni snyoms par 'jug pas zhes pa ni lha dang gnyis su med pa can du bsgoms pas phyag rgya ste rdo rje'i bdag nyid can go 'phang ste rten du gyur par man ngag gang yin pa la shes par bya'o//'di'i snying po ni de'i phyag rgya'i go 'phang ngo / /de nyid gnas te kun du gnas pa'i sems gang yin pa de'i gnas so/ /yi ge hUM zhes pas ni hUM yig dgod pa'o//'bar ba ni ra yig las 'bar bar bsgoms nas 'bar ba'i mig can du byas par bsam par bya'o/ /dkar po la sogs pa ni 'bar ba ni snying ga'i rdo rje'i snying po las dbang po thams cad nges par phyung ste 'jig rten thams cad du spros nas bsdus bzhin pas 'khor los sgyur ba lta bu zhes pas rnam par snang mdzad bzhin no//dbang po lngas ni yang dang dmigs/ /zhes pa lha'i mig la sogs pa rnams kyis rang gi mig la sogs pa dang gcig pa can du byas nas so/ /ji ltar dbang po gnyis kyi rab tu sbyor ba brjod par bya ba de bzhin du nye bar bstan pa bkug nas zhes bya ba la sogs pa gsungs pa/ji snyed bud med zhes pa ni lha gang ji snyed pa de dang de sgrub par byed pa'i rnam par snang mdzad kyi rnal 'byor can nyid gnyis su med pa can nyid kyis slar yang 'grogs par bsgoms pas ji ltar rang gi lus kyi phyag rgya gsang ba'i dngos grub kun du thob po//sems kyi phyag rgya gsang ba'i sgrub pa phye ba gsang ba'i zhes bya ba la sogs pa gsungs pa gsang ba ni phyi rol la sogs pa gsang ba nyid kyi phyir ro/ /mchog ni thams cad kyi mchog nyid kyi phyir ro/ /dges pa ni rtog pa thams cad dang bral ba nyid kyi phyir ro//de lta bu'i cho ga bsams nas so/ /chen po zhes pa khyab can no/ /zhi ba'i chos kyi rjes su mthun mchog ni nye ba'i thob pa mnyam pa nyid kyi lugs dang mthun pa dang mchog ste 'dod pa'o/ /rdo rje sems dpa' gang yin pa yang 'grub pa ste rab tu stsol bar byed do//de'i phyir mchog de kho na bar min pa la'o/ /'bras bu'i ngo bo'i dngos po med pa ni stong pa nyid do/ /rgyu'i chos rnam par rtog pa'i mtshan ma med pa'o/ /de'i don du gnyer ba dang bral ba'i phyir yang smon pa med pa'o/ /de kho na yang chos kun bdag med pa nyid do//pha rol phyin pa thams cad thob pa zhes bya ba ni pha rol tu phyin pa'i nang du gtogs pa'o/ /rdo rje sems dpa' mchog ces pa ni shes rab kyi pha rol tu phyin pa'o/ /rgyan rnams kun zhes pa ni mdor bstan to/ /kha dog ljang gu zhes pa ni las ji ltar gser du 'pho ba las//sbyin pa la sogs pa'i pha rol tu phyin pa drug rgyas par bshad do/ /de dang lhan cig gnas zhes pa ni pha rol tu phyin pa gang yang rung ba sngon du byas nas phyi rol gyi bud med dang skyes pa sbyor bar lhag par mos pa bsgom par bya'o/ /rdo rje 'dzin ma yang zhes pa ni shes rab kyi pha rol tu phyin pa yang ngo //dbang po gnyis ni snyoms 'jug pas ni sku dang gsung dang phyag rgya gsang ba bsgrub po zhes brjod do/ /rim pa gang gis der 'gyur na de bstan pa'i phyir dran pa nye bar gzhag pa zhes pa la sogs pa gsungs pa/ skad cig gis rdo rje sems dpa' gzugs brnyan lta bu kun nas mngon du bya ste/rang gi sngags 'don pa sngon du 'gro bas/ dran pa nye bar gzhag pa la sogs pa nas ji srid pa'i bar du bsgoms nas dam du 'khyud par bsgom par bya ste tshogs thams cad nye bar bsags par 'gyur ro//rnam grol gos kyis bsgribs nas su/ /zhes bya ba ni stong pa nyid du bsgoms nas so/ /byang chub sems ni zhes bya ba ni zla ba'i dkyil 'khor ro/ /rdo rje ye shes zhes bya ba ni de'i steng du brda bsgom pa'o/ /brtson 'grus che zhes bya ba ni de la nga rgyal byed pa'o/ /de bzhin gshegs pa thams cad sku la sogs pa'i rdo rje dbyings ni rnam par snang mdzad can no//slar yang bdag brtan pa zhes pa de la brtan pa'i nga rgyal byed pa'o/ /de'i phyir lha'i nang du gtogs pa'i bud med rnams kyi dam tshig ni sngon gyi rim pas bsgom pa'o/ /byed pa bstan pa'i phyir de'i zhes bya ba la sogs pa gsungs pa/de'i nu ma la sogs pa'i cha shas rnams rang gi nu ma la sogs pa rnams kyi nang du chub par bya'o/ /'di yis zhes pa la sogs pa rnal 'byor gyi bdag nyid du gsungs pa ston par byed do/ /bshags pa la sogs pa'i sngon du byas nas so/ / thog ma ni snga dro'o/ /gung ni nyi ma gung ngo / /mtshams ni thun mtshams so/ /sangs rgyas thams cad kyi lha thams cad do/ /rnam par snang mdzad dang mthun pa ye shes kyi sku nyid bstan par bya ba'i don du 'gro ba spro ba zhes pa la sogs pa rdo rje sems dpa' la sogs pa de nyid rgyas par bshad pa gsungs so//dkyil 'khor rdzogs pa la yongs su mnyes pa'i phyir 'di 'jam dpal gyi glu yis bcom ldan 'das la mngon par bstod pa/ oM sarba bud+d+ha par me shwa ra zhes pa la sogs pa'i sngags la bud+d+h+ya bud+d+h+ya zhes pa ni skul bar byed pa'o/ /la la ni zhes pa ni rol pa'i gar ro//hoHni dges pa'o/ /su phag zhes pa ni me long ye shes kyi sgo nas so/ /su ra ta zhes pa ni mnyam pa nyid kyi ye shes kyi sgo nas so/ /su b+ha ba zhes pa ni so sor rtog pa'i ye shes kyi sgo nas so/ /ma hA ma hA zhes pa ni bya ba rjes su sgrub pa'i ye shes kyi sgo nas so/ /sangs rgyas kun la phyag 'tshal bstod pa ni chos kyi dbyings kyi dkyil 'khor gyi sgo nas so//gdod nas zhi la phyag 'tshal bstod/ /zhes pa ni rdo rje snying por brjod pa'i sgo nas so/ /rdo rje kun la phyag 'tshal bstod/ /ces pa ni dbang chen gyi dkyil 'khor gyi sgo nas so/ /byang chub sems dpa' skyob pa po//zhes pa ni chu'i dkyil 'khor gyi sgo nas so/ /de bzhin gshegs pa'i rdo rje che/ /zhes pa ni me'i sgo nas so/ /sangs rgyas sangs rgyas zhes pa ni rlung gi sgo nas so/ /mtha' las 'das pa phyag 'tshal bstod/ /ces pa ni gtsug tor gyi dkyil 'khor gyi sgo nas so//hUM mdzad ces pa ni khro bo'i dkyil 'khor gyi sgo nas so/ /shin tu yongs su mya ngan las 'das zhes pa ni mi gnas pa'i mya ngan las 'das pa'i sgo nas so/ /'jig rten dbang phyug mgon zhes pa ni byang chub sems dpa'i dkyil 'khor gyi sgo nas so/ /rnam par dag pa zhes pa la sogs pa ni gzungs ma'i dkyil 'khor gyi sgo nas so zhes pa'o//rdo rje snying po rgyan las chos kyi dbyings kyi rnam par bshad pa/ rdo rje snying po zhes grags pa'i dkyil 'khor nye bar bstan pa'i phyir de nas bcom ldan 'das zhes bya ba la sogs pa gsungs pa/ sgo rnams su rdo rje'i gzugs brnyan dang de rnams kyi phyag rgya dang ldan pa'o//de bzhin gshegs pa zhes pa ni gtsug tor rnams kho nar bstan pa shar du zhes pa la sogs pa gsungs pa/ sangs rgyas gzugs brnyan 'dzin zhes pa ni rnam par snang mdzad lta bu'i longs spyod rdzogs pa can gyi sku 'chang ba'o/ /'khor lo gnyis pa la mi bskyod pa la sogs pa rnams shar la sogs pa'i phyogs rnams su'o//dbang ldan la sogs pa'i phyogs bral rnams su rdo rje sems dpa' la sogs pa gnyis gnyis bri bar bya'o/ /'khor rnams zla ba'i dkyil 'khor la ste de dag gsal ba'i dkyil 'khor la'o/ /rang gi phyag rgya 'od zer 'bar/ / zhes pa ni ji lta ba bzhin du rang gi rdo rje la sogs pa 'od zer 'bar ba'o/ /de nyid du me la sogs pa'i zur rnams su rdo rje sgeg mo la sogs pa rnams so/ /phyi'i zur rnams su bdug pa ma la sogs pa rnams so/ /sgo'i mtshams rnams su rdo rje gzugs la sogs pa rnams so/ /sgo rnams su rdo rje la lcags kyu la sogs pa rnams bri bar bya'o//dkyil 'khor gnas rnams su zhes pa ni dkyil 'khor gyi cha rnams su'o/ /de nas yang phyi'i dkyil 'khor du 'jig rten skyong ba la sogs pa rnams so/ /de ltar dkyil 'khor bris nas bsdu ba la sogs pa nas dbang bskur ba'i mthar thug mngon par rdzogs par bya ste/ji lta ba bzhin du mchod nas slob ma rnams gzhug par bya'o/ /byang chub bslab pa rjes spyod pa/ /zhes pa ni sdom pa rnams gzung ba'o/ /rdo rje'i dbang bskur sbyor ba zhes pa ni sngar bshad pa'i rdo rje'i dbang bskur gyi rim pas so/ /de nyid la khyad par bstan pa'i phyir/ seng ge'i khri zhes pa la sogs pa gsungs pa/de nas ming gi dbang bskur ba byin nas rdo rje rin chen gyi dbang bskur ba dang chos kyi sku'i dbang bskur ba dang / las sna tshogs kyi mngon par dbang bskur bas so sor dbang bskur la dar dpyangs kyi dbang bskur bar bya'o/ /sbyar mi bya zhes pa ni de la zhen pa mi bya'o/ / de dag la bsngags par mi bya'o/ /sems dpa' zhes pa ni rdo rje sems dpa'o/ /de la mngon par chags par bya ba'i phyir 'dod pa'o/ /chags pa la sogs pa stong pa nyid du bsgoms pas/ skyes pa nyid kyi phyir chags pa la sogs pa 'khrungs pa'o/ /thal mo brtan par bsdam pa ni/ /zhes pa ni mnyam pa'i thal mo'o//me tog kha 'bus pa'i tshul zhes pa ni me tog kha 'bus pa'i tshul du'o/ /de ni pad+ma'i thal mo'o/ /sor mo thams cad rab tu brkyang ba ni pad+ma'i phyag rgya ste/ pad+ma'i rigs rnams kyi'o/ /rdo rje thal mo ni rdo rje'i rigs rnams kyi'o/ /de'i phyir rdo rje bsdams pa bkrol te/ thal mo bkan pa'i sor mo bkug pa'i rtse mo gnyis su med pa ni de bzhin gshegs pa'i rigs rnams kyi'o//khu tshur nang du bya ba ni gtsug tor rnams kyi sde 'di rnams dam tshig gi phyag rgya bzhi'o/ /dam tshig ni zhes pa ni so so re rer 'chad par 'gyur ba'i phyag rgya bcing bar bya'i gzhan du yang ma yin par nges pa'o/ / lha'i rnal 'byor la rdo rje thal mo dang / rdo rje bsdams pa dang / de dral ba dang / dbab pa dang / de brtan pa can du byed pa sngon du 'gro bas phyag rgya thams cad 'ching bar 'dod pa nyid kyi phyir/ kun gyi rtse mor legs par brtag /ces pa ni gung mo khab bzhin du byas nas sdig mdzub rtse mo gnyis rdo rje'i rnam pa bskum ste/mthe'u chung dang mthe bo rab tu brkyang bar bya'o zhes pa rdo rje chen po sangs rgyas thams cad kyi'o/ /mdzub mo rab tu brkyang ste steng du bsgreng ba'i rnam pas gung mo gnyis kyi gzhogs su gzung ba'o/ /gung mo gnyis ni yongs su brtag /ces pa ni gung mo gnyis sdigs mdzub kyi rtse mo khab bzhin du byas pa'i gzhogs su rdo rje ltar gzung bar bya'o//de nyid ces pa gung mo gnyis dang sdigs mdzub rtse mo mnyam par byas pa'o/ /rdo rje zhes pa sdigs mdzub rdo rje'i rnam pa nyid du'o/ /khu tshur snying po ni de nyid gtsug tor gyi rnam pa ni steng 'gro yi'o/ /mchog ni gung mo dang srin lag nang du bcug pa'i gung mo khab bzhin du byas par brjod par bya'o//lcags kyu 'di yi sbyor ba yis/ /zhes pa ni rdo rje bsdams pa nyid do/ /gung mo rdo rje rin chen rtse/ /zhes pa ni gung mo rdo rje dang rtse mo dag rin po cher byas pa'o/ /rtse mo'i rtse mo rnam par 'joms/ /zhes pa ni sdigs mdzub gnyis rab tu brkyang ba'o//gnas su nges par sbyar zhes pa ni rdo rje bsdams pa nyid rgyal mtshan ltar gzung ba'o/ /bzhad pa'i gnas su rab tu sbyar/ /zhes pa ni de nyid do/ /ral gri lta bur zhes pa ni gung mo gnyis ral gri ltar bskum pa'o/ /'khor lo 'dra zhes pa ni 'khor lo'i rnam pa thams cad du 'khyil bar bsdams pa bkrol nas rab tu brkyang bar bya'o//kha ru phye ba zhes pa rdo rje bsdams pa nyid do/ /gar mtshungs zhes pa ni rdo rje bsdams pa gar gyi tshul gyis spyi bor gzung ba'o/ /sna tshogs rdo rje can zhes pa ni rdo rje mda' 'di nyid las kyi rdo rje ma'i'o/ /rdo rje sems dpa' la sogs pa rnams kyi rdo rje sems dpa' dang rdo rje rin chen dang /rdo rje chos dang / rdo rje las kyi phyag rgya kho nar blta bar bya'o/ /chos yongs su sdud pa'i sbyor ba zhes pa ni go cha'i tshul gyis so/ /mche ba rnam par gtsigs zhes pa ni mthe'u chung dang mthe bong che ba zur gnyis su byas pa'o/ /khu tshur bcings pa khu tshur gyis/ /zhes pa ni mthe bong nang du bcug ste mthe'u chung dang ming med kyi rtsa ba'i bar du yang dag par sbyar ba sngon du byas nas sdigs mdzub gnyis kyi mdun dag gis mthe bong gi rgyab tu bcir bar bya'o//'gyed cing sdud par yang dag gnas/ /zhes pa ni kha sbyor gyi thal mo nyid do/ /pad+ma'i thal mo ni pad+ma kha zlum pa ltar legs par 'jog pa'o//steng du yongs brkyang pa zhes pa ni steng du me long lta bur gzung ba'o/ /rdo rje 'bebs par rnam par brtag /ces pa ni bkrol ba'o/ /rnam par snang mdzad la sogs pa nas dril bu'i mthar thug pa rnams kyi ni phyag rgya'o/ /kun du bzang po la sogs pa rnams kyi ni nye ba'i phyag rgya'o//rang gis zhes pa ni rang gi lha gang dang gang yin pa de dang de bdag nyid kyis so/ /rin po che yi rnam pa bcings/ /zhes pa ni rin po che ltar mthe bong la sdigs mdzub kyi rtse mo lto sbyor ba'o/ /de nyid ces pa ni kha sbyor gyi thal mo'o/ /rtse mo'i rtse mo bskum zhes pa ni sdigs mdzub rin po che'i rnam par byas pa ni sems la byams pa bsgom bzhin pa byams pa'i'o//rab bcug nas zhes pa ni kha sbyor gyi nang du sdigs mdzub po/ /ral gri'i rnam par rab tu brtags pa ni ral gri'i tshul 'dzin pa'o/ /kha sbyor gyi thal mo nyid gar las ral gri'i rab tu 'joms par byed pa'i tshul ni rnam sel gyi'o//gar ni sdud pa'i sbyor ba yis/ /zhes pa ni pad+ma'i khu tshur dag gis gar byas nas kun du sdud pas so/ /de nyid ces pa ni pad+ma'i phyag rgya ut+pal ltar brtags pa ni pad+ma sgrol ba yi ste/ pad+ma'i rigs rnams kyis sgrol ba gang yin pa'o zhes pa ni don to/ /pad+ma'i thal mo nyid sdigs mdzub mche ba'i rnam par bskum ste mthe bong nyid kha dang 'dra bar te gyen du bskum par bya'o//'di ni rta mgrin gyi phyag rgya'o/ /rin chen ldan zhes pa ni sdigs mdzub dang mthe bong rin po cher byas pa'o/ /yid bzhin nor bu 'dzin pa'i tshul/ /zhes pa ni sdigs mdzub dang mthe bong dag gis rin po che 'dzin pa'i tshul lo//sngar gsungs pa'i rdo rje rin chen gyi phyag rgya gar sngon du 'gro bas thugs kar gnas pa ni nam mkha' mdzod kyi'o/ /rdo rje chen po legs par brkyang / /zhes pa ni lag pa gnyis phye bar byas nas dbus ma gsum po rdo rjer byas pa'i nang du mthe bong dang mthe'u chung bcug nas lcags sgrog sbrel ba lta bu ni blo gros rgya mtsho'i'o//mdzub mo gnyis po sbyar bar bya/ /zhes pa ni sdigs mdzub khab ltar du byas pa'o/ /rdo rje snying po rnams kyis zhes pa ni de bzhin gshegs pa rnams kyis so/ /shag+ti'i rnam pa ni zhes pa ni sdigs mdzub rtse mo rtsa ba nas rgyas par bya ba ni ut+pala'i phyag rgya ste 'jam pa'i dbyangs kyi'o//snying po'i khu tshur la gung mo gnyis khab lta bu'i steng gi gzhogs su sdigs mdzub gnyis bskyed nas gzung bar byas pa ni mdung ngo / /de nyid gzhogs phan tshun du lto sbyar ba ni mdung chen po'o/ /phyag rgya gnyis po 'di dag gshin rje mthar byed kyi'o/ /de nyid ces pa ni sdigs mdzub gnyis pa'o//ral gri'i tshul las zhes pa khab bzhin du byas pa la yang dag par sbyar ba ral gri ltar gzung bar bya'o/ /snying po'i khu tshur la sdigs mdzub gcig yang dag par bskum pa ni nye ba'i skra can ma'i 'o/ /rdo rje 'dzin pa chen po'i zhes pa ni phyag na rdo rje'i'o/ /mdzub mo mthe bong bcings pa zhes pa ni rdo rje'i phyag rgya gang yin pa sdigs mdzub dang mthe bong gnyis rdo rje bsdams pa'i tshul gyis bcing bar bya'o//rdo rje bsdams pa la sdigs mdzub dag phan tshun lcags sgrog ltar bcing ba byas nas gung mo dag khab bzhin du byas pa ni rdo rje lcags sgrog gi'o/ /rtse mo lnga pa'i rdo rje che ni rdo rje gzegs ma'i phyag rgya'o//rdo rje bsdams pa la sdigs mdzub ni rdo rje rtse mo'i'o/ /lag gnyis legs par brkyang bar bya/ /zhes pa ni lag pa gnyis rab tu brkyang la gcig pa can du byas nas sdigs mdzub dang mthe bong rin po che 'dzin pa'i rnam par bya'o/ /pad+ma'i dbyings zhes pa ni pad+ma bzhin du kha sbyor gyi thal mo byas nas so//sdigs mdzub kyi tshigs par ma bcag pa'i lto la mthe bong gi lto dag mig gi tshul gyis sbyar bar bya'o/ /byin pa g.yon pa'i steng du g.yas pa'i byin pa bkod pa ni bkra shis kyi gdan no/ /'di dag de bzhin gshegs pa rnams las gzhan pa'i dam tshig gi phyag rgya ste lus kyi sgo nas so//sems kyi sgo nas ni sngon bzhin du shes par bya'o/ /phyag rgya chen po ni de rnams kyi rdo rje skyil krung nyid do/ /las kyi phyag rgya ni rdo rje khu tshur las byung ba'i byang chub mchog la sogs pa'o/ /rdo rje sems dpa' la sogs rnams kyi ni bsgyings bcas gsor gnyis ka'i zhes pa la sogs pa rnams so//sgeg mo la sogs pa rnams dang lcags kyu la sogs pa bzhi po rnams kyi rdo rje snyems pa'i rab sbyor gyi bsam pa g.yos pas 'dud par bya zhes bya ba la sogs pa'o/ /lhag ma rnams ni go sla'o//de ltar rang gi phyag rgya la snying gar sna tshogs rdo rje bsgoms nas gar sngon du 'gro bas bcing ngo / /las kyi phyag rgya'i rnam pa ni gdan zhes pa rang lha'i gdan ji lta ba la'o/ /sangs rgyas kun gyi bdag ces pa ni ji ltar bdag nyid lha'i nga rgyal gyi lha rnam pas so//bdag ces pa ni rang nyid kyis 'ching bar bya'o/ /'ching du gzhug ces pa gzhan rnams kyis so/ /mthe'u chung mthe bong nges par bcing / /zhes pa ni mthe'u chung mthe bos mnan pa can no/ /'di nyid lag pa g.yas pa las skyes pa las dbang po'i'o//de nyid ces pa ni sdigs mdzub dang mthe bong dag go/ /sor mo gnyis ni bsgreng ba zhes pa ni sdigs mdzub dang gung mo gnyis las skyes pa'o/ /sdigs mdzub dang mthe bong dag gis mchod phyir thogs kyi tshul ni tshangs pa'i phyag rgya'o/ /dbang ldan gyi gsal shing gi phyag rgya nyid ni drag po'i'o//de nyid bar ma gsum pa T+Ti ba'i rnam pa rab tu brkyang ba ni bgrod dka' ma'i'o/ /sor mo thams cad khar sna'i rnam par dpyangs pa ni tshogs bdag gi'o/ /dkyil 'khor gyi tshul du bya ba'o/ /yang lag pa gnyis kyis 'od zer rab tu ston par byed pa ni nyi ma'i'o//'od kyi dkyil 'khor gyi tshul ni thams cad kyi'o/ /glu len pa'i tshul gyis khar lag pa g.yo bar bya'o/ /gdengs ka'i tshul zhes pa mthe bong gnyis phan tshun bcings nas sor mo lhag ma rnams gdengs ka'i tshul gyis bskum par bya'o/ /gar ni sdud pa'i sbyor ba yis//zhes pa la sogs pa rnams kyi rdo rje'i gar sngon du 'gro bas ji skad gsungs pa'i phyag rgya rnams bcings nas gzhag go/ /de dag kyang dbyangs sna tshogs par blta bar bya'o/ /las kyi sbyor ba 'bad pa yi/ /zhes bya ba ni bya ba'i las la 'bad pa rnams kyi'o//de kho na nyid kyi lam la so sor 'dres pa'i sa dor yang phyag rgya 'grub ba po zhes bstan pa gsungs pa/ phyag rgya dor nas zhes pa la sogs pa ste da la 'di ni rim pa ste/ ji lta ba bzhin du rang gi lha rdzogs pa'i rim pas de'i gzugs kyi bdag nyid du blta ste/ dzaHhUM baM hoHzhes 'don cing byon pa kho na nang du bkug nas sangs rgyas thams cad mchod pa dang sgo rnams gnas ji lta ba bzhin du'o//snying gar 'bar ba dang bcas pa'i chu skyes 'dab ma brgyad pa de la gnas pa'i zla ba'i dkyil 'khor la gnas pa'i nyi ma'i 'od zer gyi thig le dang bcas pa'i ka la sogs pa de'i steng du 'od zer chen po 'bar ba 'khrugs pa'i rdo rje rtse lnga pa de'i dbus kyi rtse mor dbyangs oM bskyed do//rnam par rtog med ces bya ba la sogs pa ni nang du AH'am sgra bsgoms nas mig kyang ra yig las 'bar ba dang / sna'i rtse mor yang de bzhin du hUM yig go/ /de nas ji skad gsungs pa'i dbyangs a rang gi sngags kyi yi ge rang 'bar ba'i nang du kun du 'bar ba dbang po thams cad kyis rtogs par bya ba ma yin pa sna tshogs rnam par sbyong ba byon nas rab tu zhugs te nang dang nang ma yin par mngon du byas pa kho na dbyangs kyi don te ji srid du/rgod ma kha yi mthar thug pa/ /sems kyi rin chen bsam par bya'o//zhes pa ni phyag rgya de rnams shes pa ni de nyid gsal bar byed pa'i gnas lus dang ngag dang yid kyi phyag rgya bcings pas bsams nas bsgom par bya'o/ /ting nge 'dzin gsum ni lus la sogs pa'i phyag rgya'i sgrub thabs so/ /brtags pa ni rnam par gzhag pa yin te sngon du bstan pa bzhin no//don dam par ni phyag rgya dang sngags dang lha rnams gsum po de kho na nyid du stong pa nyid la sogs par rab tu gnas so/ /mtha' yas par shes pa nyid kyi kun du sems pas yang dag par sbyor bas te de kho na rnal 'byor ro/ /des na mtshan nyid gcig pa ste stong pa nyid du rang bzhin gcig par rnam par gzhag go//phyag rgya thams cad dngos po de nyid de don dam pa'i rang bzhin no/ /dngos po med par bshad pa ste brjod pa'o/ /sgom par byed pa dngos po med pa'i rang bzhin ni sgom par byed pa dngos po med pa'o/ /de ni don dam par dngos po med do//gal te de lta bu 'bras bu ci ltar sgrub ce na bsgom pa nyid kyang zhes bya ba la sogs pa gsungs pa/ brtags pa'i tshul gyis ni dngos po med pa ma yin no zhes pas dngos po'o/ /de'i phyir yang dngos po med pa las rnam par grol te/ rnal 'byor ye shes mchog tu bde/ /zhes pa mchog tu bde zhes pa gnas pa'o//skyes par zhes pa ni bstan par 'gyur ba'o/ /de'i tshe phyag dang sngags dang lha rnams sems dang ngag dang lus kyi phyag rgya'i tshul du rnam par gzhag go/ /'on kyang phyag rgya dang sngags phan tshun nyid du mthong ba ma yin pa de srid du lha dang gnyis su med pa'i rnal 'byor gyi rgyu nyid kyis rnam par gnas so//bcom ldan 'das zhes bya ba la sogs pa rnams kyis de bzhin gshegs pa'i rigs rdzogs pa bstan pa ste dga' ldan gyi sar zhugs nas zhes pa ni byang chub sems dpa'i gzugs kyis so/ /de nas rim pas rdo rje gdan du mngon par rdzogs par sangs rgyas pa ji srid par de lta bu yang rnam par snang mdzad kyis 'dul ba'i skye bo gang yin pa gang gis slar yang 'jug par 'gyur zhes rdzogs par bya ba'i ting nge 'dzin de las bzhengs nas dbang chen la sogs pa'i dkyil 'khor gyi don du rdo rje sems dpa' la sogs pa'i sems dpa' 'byung ba'i mdzad pa'am/'dis kyang 'di dag bstan nas te rnam par snang mdzad la sogs pa'i de bzhin gshegs pa rnams bzlas pas tshogs yongs su rdzogs pas dga' ldan gyi sar yongs su gnas pa la sogs pa'i rim pas ji srid oM ya thA sarba tA ga sta thA haM zhes pas rang mngon par rdzogs par byang chub pa mngon du bya'o zhes pa'o//de nas bcom ldan 'das zhes pa la sogs pa dbang chen la sogs pa'i dkyil 'khor nye bar ston par byed do/ /sangs rgyas thams cad ces bya ba ni mi bskyod pa la sogs pa rnams so/ /de dag so so re re'i gzhogs su 'khor los sgyur ba la sogs pa gnyis bri bar bya'o//phyi'i gnas su zhes pa ni sangs rgyas la ltos nas phyi rol gyi cha rnams su'o/ /sangs rgyas sras po zhes pa ni rdo rje snying po la sogs pa'o/ /gzhan du ni dkyil 'khor gyi gleng gzhi'i rjes su 'brangs nas rdo rje sems dpa' la sogs pa rnams kyang de bzhin gshegs pa gnyis gnyis kyi gzhogs dag tu gnyis gnyis kyis yongs su bskor bar rnam par gzhag go//da nas 'khor los sgyur ba la sogs pa rnams re re'o/ /snam bu byas nas zur du bdug pa la sogs pa rnams dang / sgo'i cha rnams su gzugs la sogs pa rnams dang sgo rnams su sgo ba dang nang gi zur rnams su sgeg mo la sogs pa rnams so zhes so//rlung gi dkyil 'khor rnams su rjod par byed pa'i dkyil 'khor thams cad rnam pa sna tshogs pa'i kha dog can gyi re khA'o/ /rdul tshon yang sngags pas yid kyis rab tu brtag par byas te rab tu dgye'o//bsdu ba'i mthar thug par rdzogs par byas nas las kyi dngos grub kyi don du bsgom par bya'o/ /chu lha'i dkyil 'khor gyi don du lha rnams brjod par byas pa nyid kyis cho ga de dang de kho nas me lha'o/ /rdo rje snying po la sogs pa rnams las phyi rol gyi snam bu la khro bo dgod par bya'o//rlung lha la ni shar la sogs pa'i phyogs rnams su rim pas khro bo la sogs pa rnams so zhes pa ni khyad par ro/ /de nas bcom ldan 'das zhes bya ba la sogs pa rnams kyis bzlas pa'i cho ga ston par byed do/ /mchod pa byas nas zhes pa ni bsdu ba dang dbang bskur ba'i mthar thug pa rdzogs nas/sgeg mo la sogs pa rnams kyis yang dag par mchod par bya'o/ /kun zhes pa ni cho ga sum cu rtsa gsum mo/ /sangs rgyas kun gyi sku chen po ni rang gi lha'i gzugs ji lta ba bzhin du rang gi sngags kyi yi ge rnams kyis yang dag par ldan te kun nas gang bar bya'o//'dod par ster ba ni/ mngon par 'dod pa'i don gyi dam tshig go/ /de'i phyir sgra la sogs pa'i bzlas pa bya'o/ /yi ge'i phreng bar rnam par gnas pa ci zhe na/ zla ba'i dkyil 'khor dbus zhes bya ba gsungs pa/dung gi sgra ni de bzhin gshegs pa rnams dang de'i rigs la'o/ /dril bu'i sgra ni 'jig rten dbang phyug dang de'i rigs la'o/ /rdo rje hUM mdzad dang de'i rigs la sprin te sprin gyi hUM yig tsa Ta tsa Ta'i sgra sgrogs pa'o/ /nam mkha'i snying po dang de'i rigs rnams la rnga bo che'i sgra'o//pi wang la sogs pa'i sgra ni thams cad kyi spyi bo'o/ /rang gi snying ga'i mtshan mar rang gi sngags kyi yi ge bltas la rang gi de kho na nyid la lhag par mos nas lag gnyis yang dag par sbyor bas sgra'i bzlas par bya'o/ /de nas lcags kyu la sogs pa rnams kyis dgug pa la sogs pa bya'o//rang gi tshul zhes pa ni yid bde ba'i tshul lo/ /de'i zhes pa ni rang gi lha de'i'o/ /yang dag sbyar bya zhes pa ni kun nas mi phyed pa nyid kyis so/ /phyag rgya sngags ni legs par sbyar/ /zhes pa ni rang gi phyag rgya dang / sngags rnams kyis byin gyis brlabs pa'o//gnyis su med pa'i rnal 'byor pa lag par rang gi mtshan ma dang / snying gar zla ba la son pa'i rang gi mtshan ma'i phyag rgya byas nas de'i 'od zer rnams kyis kun du 'od gsal ba gang yin pa kun nas kyang ba spu'i khung bu thams cad nas byung ba'i 'od zer rnams kyis khyab pa gang yin pa'i bzlas par bya'o//slar yang brtan par byin gyis brlab pa dang / dbang bskur ba dang / ting nge 'dzin dang / mchod pa rnams rdzogs te rang gi gzugs la spro ba dang bsdu ba byas nas snying ga la sogs par ji srid du bzlas pa'i sgra yang mngon par mi 'jug pa ni rnal 'byor gyi bzlas par rnam par brjod do//de nas snying gar zla ba'i dkyil 'khor gang ba la rang gi sngags kyi yi ge'i phreng ba ma chad pa mu tig gi phreng ba ltar dkar ba glog dang mtshungs par gsal ba'i 'od zer rnams kyis rang gi lus kun nas gsal bar byed par bsgoms nas sngags kyi yi ge'i bzlas pa mngon par rdzogs par bya'o//ji lta ji ltar zhes bya ba la sogs pa ni bdag nyid chen por ston par byed do/ /de bzhin gshegs pa thams cad ni rnam par snang mdzad la sogs pa dang de'i rang bzhin nyid kyi rigs rnams kyang de bzhin nyid du brjod par bya'o/ /de rnams kyi bstod pa rin po che ni/de bzhin gshegs pa thams cad kyi bstod pa rin po che'o/ /mi g.yo zhes pa 'dis chos kyi sku nges par bstan no/ /mnyam pa nyid kho na de bzhin nyid do/ /de kho na snying po'i chos te/ gang rnams kyis mnyam par yod pa de mnyam nyid snying po'i chos can te/ 'dis kyang longs spyod rdzogs pa'i sku'o//'gro ba'i sdug bsngal sel bar mdzad/ /ces pa la sogs pa rnams kyis sprul pa'i sku'i sgo nas/ gzhan gyi don phun sum tshogs pa'o/ /gsum pa de rnams kyang mnyam pa med par sdug bsngal sel ba ste/ lta ba dang lta ba ma yin pa sdug bsngal sel bar byed pa'o//mtha' yas ni mtha' med pa gang yin pa'o/ /kun nas dam pa'i yon tan 'jig rten dang 'jig rten las 'das pa thams cad dang dngos grub sbyin pa'i tshul gang yin pa de rnams la de bzhin du gsungs te/ de yi nyam thag sdug bsngal sel/ /yon tan dngos grub sbyin pas kyang //thugs rje'i bdag nyid can zhes gsungs/ /zhes so/ /gal te yang thugs rje'i bdag nyid can yin pa de'i phyir de rnams kyang shin tu zhen par 'gyur ro zhe na gsungs pa/ dri med ces bya ba la sogs pa gsungs pa/ dri med ni sgrib pa thams cad spangs pa nyid kyi phyir ro//mi g.yo ni gzhan mu stegs can gyis rab tu g.yo bar mi nus pa'i phyir ro/ /nyan thos dang rang sangs rgyas rnams dang byang chub sems dpa' dang thun mong ma yin pa'i phyir/ mnyam med dam pa'i chos kyi mchog yin la/ /de 'di rnams la yod pa de rnams ni mnyam med dam pa'i chos mchog can te gang gsungs pa mnyam med ces pa'o//de sgrub par byed pa gsungs pa/ nam mkha' zhes pa la sogs pa ste/ gang gi phyir nam mkha' ste/ nam mkha' la tshad kyi mthar thug pa med pas dpes bskrun du yod pa ma yin no ste gang gi phyir 'di la ma yin no zhes pa ngo bo'o//dpes bskrun du med pa cis she na/ yon tan cha zhes pa la sogs pa ste chung ngu dang / 'bring dang / chen po'i tshad kyis dbye ba yang yon tan la yod pa ma yin no/ /ci rnams kyi zhe na rtag tu zhes bya ba la sogs pa gsungs pa rtag tu sems can gyi khams rnams la/dngos grub mchog rnams stsol bar byed pa'i sangs rgyas de rnams la'o zhes drug pa'i don la bdun pa'o/ /'di dag nyid gang las shes pa gsungs pa rtag tu zhes pa la sogs pa ste/ gang gi phyir de rnams kyi thugs rje'i shugs las byung ba nyid kyi phyir/ /rtag tu dri ma med pa ste nyon mongs pa med pa'o/ / smon lam grub pa ni rab tu mi gnas pa'i mya ngan las 'das pa'o/ /'gag pa med pa'i chos nyid ni kun nas khyab par rtag tu gnas pa'o/ /rnam par snang bar byed do ni 'bar bar byed do/ /thugs rje chen po'i bdag nyid ni sangs rgyas rnams so/ /'di dag kyang gang las she na 'gag par yang mi 'gyur zhes bya ba la sogs pa gsungs pa/gang gi phyir de lta yin pa de'i phyir/ thugs rje chen po 'gag pa'i chos can du mi 'gyur te de'i phyir/ de yang 'gag pa med pa'i chos nyid do/ /ci dang ci zhe na gsungs pa/ tshad med tshad dang bral ba zhes bya ba la sogs pa ste/ tshad med ni nyan thos dang rang sangs rgyas dang byang chub sems dpa' rnams kyis kyang tshad dang bral ba rnams la'o/ /shin tu rdzogs pa ni 'bras bu mthar thug pa'o/ /bde bar gshegs pa'i go 'phang ni yongs su mya ngan las 'das pa'i go 'phang rnams su yang brnyes gyur kyang ste mthong bar gyur kyang ngo //de'i phyir yang e ma'o shin tu bzang po'i chos nyid do/ /dam tshig gsum ni sku gsum gyi bdag nyid can no/ /de'i rgyur mchog gi dngos grub stsol te rab tu stsol bar gyur cig /mchog sbyin pa ni dngos grub rab mchog sbyin pa'o//mchog sbyin rnams kyi nang na go 'phang mchog brnyes pa ste mchog sbyin pa rnams kyi nang na gtso bor gyur pa'o/ /ma lus pa ni lhag ma med pa'o/ /dus gsum mkhyen pa po ni dus gsum pa can no/ /sgrib pa med pa ni sgrib pa thams cad dang bral ba'o/ /'di ni zhes bya ba la sogs pa rnams kyis bstod pa'i bdag nyid chen po ston par byed do//rnam par snang mdzad la sogs pa de bzhin gshegs pa lnga'i bzlas pa rnams dang po'i rnal 'byor gyi rim pas lha'i rnal 'byor bsdus nas da ni de nas bcom ldan 'das zhes bya ba la sogs pa rigs bzhi po de rnams kyi lha'i bzlas pa rnams kyi nges pa bstan pa gsungs pa/ji ltar bshad pa'i cho gas zhes bya ba ni gsum la skyabs su 'gro ba sngon ma can gyis so sor thar pa'i sdom pa yang dag par gzung ba ni bslab pa'i gnas te rang gi nus pa nyid kyis bzung nas cho ga sngon ma can gyis ji ltar gsungs pa'i sngags rnams kyis sdig pa bshags pa la sogs pa bya'o//dngos grub kyi gegs nye bar 'joms pa nyid kyi gtso bor bshags pa la sogs pa rnams kyis sngags nges par bstan gyi gsol ba 'debs pa la sogs pa ni ma yin no/ /sa bcu dbang phyug ces pa ni zla ba'i kha dog can zhes pa la sogs pa rnams kyis yang dag par spel bar bya ste/bsod nams dang ye shes kyi tshogs yongs su rdzogs pa zhes pa'i tshig gis so/ /de nas ji ltar gsungs pa'i seng ge'i gdan gyi steng du bdag nyid rnam par snang mdzad du bsam par bya'o//oM bud+hou0f85haM zhes pas byin gyis brlab par bya'o/ /sa bcu'i dbang phyug de'i seng ge'i gdan de bzhin du rigs pa ma yin no/ /de'i phyir oM swa b+hA pa shud+d+ho zhes pa la sogs pa rnams kyis snang ba med par byas te/ snying gar zla ba la gnas pa'i rdo rje blta'o/ /de las b skyed pa'i rang gi mtshan mar kun du blta'o//oM d+harma d+hA tu swa b+hA ba At+ma kou0f85haM zhes pa ni de nga rgyal byas nas/ de bzhin gshegs pa thams cad kyi sku la sogs pa'i rdo rje dbyings nang du chud par bya'o/ /byin gyis brlab par bya'o/ /zhes pa ni bsgoms nas ye shes kyi sku'i b dag nyid kyi phyir/chos kyi skur oM pra b+ha swa rou0f85haM zhes pas byin gyis brlab po/ chos kyi dbyings rgya chen por spros nas zhes pa ni ji ltar rang gi mtshan ma spros nas/ sems can gyi don mngon par rdzogs nas rang la nye bar bsdu bar bya'o/ /de ltar ye shes sems dpa' m ngon par rdzogs pa byang chub pa mngon du byas nas bud+hou0f85haM zhes nga rgyal bskyed par bya'o//de nas ma hA sa ma ya satwA haM zhes bya ba'i nga rgyal byas nas rang gi dam tshig gi phyag rgya yang / sa ma yo haM zhes 'don pa nyid kyis so/ /sa ma ya satwa A d+hi tiShA maM zhes snying ga dang / mdzod spu dang /mgrin pa dang / spyi bor bzhag la yang rang gi snying gar rang gi sngags dang lhan cig tu de nyid gdon no/ /phyag rgya chen po bcings nas ye shes sems dpa' mdun du bzhag nas blta bar bya'o/ /de bskul nas de nyid dzaH hUM baM hoHzhes 'don cing rang gi lus la rab tu bsgoms nas ji lta ba bzhin du 'od kyi dkyil 'khor mngon par rdzogs par byas te/sa ma ya s+t+waM a haM zhes der bdag nyid bsgoms nas bstan pa'i rdo rje'i lta bas yang dag par ji lta ba bzhin du rang byin gyis rlob pa'i sngags dang phyag rgyas snying gar byin gyis rlob pa yang byas nas dam tshig gi phyag rgyas dzaHhUM baM hoH dang sngar gyi rang gi sngags kyis spyi bo dang mgrin pa la sogs pa rnams su bdag la byin gyis brlab pa'i ched dang tshul ji lta ba snying po dang nye ba'i snying po la sogs pa rnams su yang ngo //legs so zhes pa'i sbyor bas de bzhin gshegs pa thams cad nang du bcug ste de dang de'i yi ges brtan pa can du byas te mngon par dbang bskur nas ji lta ba bzhin du chos dang las kyi phyag rgya bcings pa sngon ma can du byas pa'i ting nge 'dzin mchod pa dang phyag 'tshal ba dang /dar dpyangs sbyin pa dang / spyan drang gsang ba'i mchod pa'i mthar thug pa mngon par rdzogs par bya ste/ji ltar byas pa nyid la sogs pa'i mtshan ma 'dzin pa la sogs pa can no/ /oM badzra At+ma kou0f85haM oM swa b+hA ba shud+d+hahahaM oM sar+b+ba sa mo u0f85 haM zhes rdo rje'i bdag nyid can dang rang bzhin gyis dag pa dang / bdag med par mnyam pa nyid kyis thams cad mnyam par rnam par bsams na s 'gro ba ma lus pa'i nye bar 'tsho ba yang rnam par bsams nas bdag nyid sems nye bar 'phel ba'i bzlas pa bya'o//dus ji lta ba bzhin du zhes pa ni skabs ji lta bar ro/ /thun mtshams bzhi'am gsum dag la brtsam par bya ste yi ge'i rjes su son pa'i yid kyi zhes pa ni snying ga'i mtshan ma'i yi ge la sems gnas par gyur pa'o//dman pa'i dngos grub kyi dbang du byas nas nyi ma re rer zhes bya ba la sogs pa gsungs pa sgrub pa'i dus su thams cad thun mong du rdo rje'i gdan no/ /gzhan gyi tshe sangs rgyas rnams kho na'o/ /de bzhin gshegs pa'i skur gsal ba zhes pa ni rang gi lha'i byin gyis brlabs pa'o//dngos grub 'bring po'i dbang du byas te gsungs pa bya ba bzhin zhes bya ba la sogs pa'o/ /sgrub pa chen po zhes pa ni mchog sgrub pa'o/ /de bzhin gshegs pa'i mtho gang gi tshad kyis de bzhin gshegs pa'i mchod rten 'bum bya'o/ /de ma 'byor pa la ji ltar 'byor ba'i tshad kyis dri'i mchod rten rnams so//bzlas pa yang gnyis ka la stong phrag go/ /bye ba bdun gyi nang ma yin pa ste steng du ni ma yin par rig par bya'o/ /sgrub pa gnyis pa yang rdzas sngon ma can gyi dper brjod pa nyid do/ /de la yang legs par bya ba'i dbye bas dngos grub gsum du reg par bya'o//ci ste 'bum phrag gsum bzlas pas ri bo lhung ba la sogs pa can gyi las byed par grub par ma gyur to/ /yang na gal te 'bum phrag gsum du mi bzlas par zla ba ru mi smra bar rang sangs rgyas thams cad kyi gzugs su bsgom par bya'o/ /sangs rgyas thams cad mthong ba la sogs par 'gyur ro//sgrub pa po thams cad kyi nan tan du bya'o zhes pa'i bar du gsungs so/ /gi waM la sogs pa'i grub pa ni 'chad par 'gyur ba'i lhung bzed dang chos gos la sogs pa nas gal te sgrub pa zhes pa ji srid par ro/ /kun nas gru bzhi pa'i re'u mig can du byas nas kun nas ji lta ba bzhin du bdun pa bdun gyi re'u mig can du 'gyur te de dang de lta bu'i re khA rnams kyis bcad pas re'u mig bzhi bcu zhe dgur 'gyur ro//phreng zung zhes pa ni phreng gnyis la a yig la sogs pa bri bar bya'o/ /phreng gnyis pa'i mtha' ma'i re'u mig la rim pas ma ning gi yi ge gnyis gnyis kun du rtogs par bya'o//phreng gsum pa'i thog ma'i re'u mig nas brtsams nas rten gyi rim pas ka la sogs pa ji srid pa'o/ /phreng gsum pa'i thog ma'i re'u mig drug pa nas brtsams nas ya ra la wa'o/ /bdun pa'i re'u mig nas sha Sha sa ha'o/ /stong pa'i re'u mig la k+Sha yig ste thams cad kyi mthar rdo rje rtse lnga pa bri bar bya'o//'di dag kyang nye bar mtshon par byed pa ste/ gang du snying gar rdo rje med pa de ru ni snying ga'i gnas su rang gi mtshan ma bkod nas bzlas pa'i sku'o zhes pa'o/ /de nyid kyi phyir/ 'khor lo'i dbus su rab tu gnas/ / zhes pa'i tshig go/ /gang du dngos grub med pa der rab tu sbyor ba myur bas dngos grub mngon du bya'o zhes chos kun dbang du 'gyur zhes 'byung ngo / /mchog ni a la sogs pa'i dbyangs bcu po dang gtso bo nyid du nges par bstan to/ /ma ning bzhi po spangs pa de rnams stobs bcur brjod do//yan lag gcig gnyis khyad par ni dbyangs gcig gnyis la gcig gnyis so/ /dbyangs las skyes pa'i sngags kyi yi ger yongs su gyur pa'o/ /dbang bskur bar byad pa ni thig le la sogs par yongs su gyur pa'i ka la sogs par yongs su 'gyur ba'o/ /ya ra la wa ni rim pas rlung la sogs pa dang me la sogs par lugs las brgal ba'o//sha Sha dang ya la sogs pa'i sde pa gnyis ni mi mnyam pa'o/ /ka la sogs pa'i sde pa lnga po ni mnyam pa'o/ /chos kun gyi sdom zhes pa ni chos rnams thams cad kyis yang dag par bsdoms shing bsdus pa'o/ /yang dag par sbyor ba ni gang zhig yi ge gzhan gyis kun du sbyor ba'o//sbyor ba bral ba ni gang du yi ge gzhan gsal ba'o/ /byang chub ni a yig go/ /spyod pa ni a yig go/ /sangs rgyas kyi don ni ma yig go/ /mya ngan las 'das pa'i don ni ma yig go/ /dbyangs rnams a yig la sogs pa'i yi ge rnams ka la sogs pa rnams dang gcig tu bsdus par gyur pa'o//byang chub gzugs ni byang chub kyi rang bzhin no/ /gzhan zhes pa ni thig le rnams so/ /sangs rgyas thams cad kyi bdag nyid can nyid kyi phyir sangs rgyas thams cad kyi sgras bcom ldan 'das rnam par snang mdzad du mngon par 'dod la nga ni de'i gsang sngags de kho na bstan pa gsungs pa thog ma'i dbyangs zhes pa la sogs pa ste/de yang zla ba'i dkyil 'khor dbus su gnas pa'i rdo rje rtse mo lnga pa gnas par bsgom par byas nas thams cad du 'gro ba la sogs pa thob par 'gyur ro/ /de nyid ni byang chub kyi gzugs so/ /bral ba ni thig le'o//gnyis pa'i dbyangs kyis zhes pa ni A yig gis yang dag par sbyar ba'o/ /de'i gzugs kyis yongs su gyur pa de bstan pa shin tu ring po na sa dang pha rol tu phyin par brjod par bya'o dro ba ni tsheg drag go/ /des sbyar ba ni byang chub kyi gzugs mya ngan las 'das par brjod par bya'o//rang gi lhag pa'i phyag rgya ni rang gi lha'i phyag rgya'o/ /thog mar spyod pa ni a yig go/ /gnyis pa'i smra ba po ni wa yig go/ /bzhi ba'i dbyangs ni yI ste des mnan pa'o/ /me'i ming can ni ra yig go/ /rgyu dang bral bar gsal bar byed pa ni ha yig go/ /drug pa'i dbyangs ni u yig go//des tha dad ma yin pa ni 'dres pa'o/ /steng du yang thig le dang bcas pa ni bzhi pa'o/ /chos rnams thams cad mkha' dang mtshungs pa nyid du gsal bar byed pa ni khaM yig ste lnga pa'o/ /'di ni bcom ldan 'das dpa' bo chen po'o/ /gsang sngags so/ /spyod pa ni mi bskyod pa'o/ / byang chub ni rdo rje sems dpa'o/ /chos kun gyis de bzhin nyid gsal bar byed pa ni ta yig go/ /mi'i sa bon ni ra yig go/ /spyod pa yi ni steng du gnas/ /zhes pa des mnan pa'o/ /spyod pa yang rjes su nga rol 'dir blta bar bya ste/ slob dpon man ngag las zhes bya/ /zhes pa'i gsung las so//chos rnams kun gyi rgyu med pa nyid gsal bar byed pa ni ha yig go/ /me'i sa bon ni ra yig go/ /bzhi pa'i dbyangs ni i yig go/ /de yang rjes su nga ro'i dbang du byas pa'o/ /de nyid ces pa ha yig go/ /drug pa'i dbyangs kyis zhes pa u yig gis so/ /de yang rang gi rjes su nga ro bcas pa blta bar bya'o//sde tshan lnga pa'i bzhi pa ni b+ha yig go/ /sde ba lnga pa'i mtha' can ma yig go/ /sgyu ma'i chos la rab tu gnas pa ni sgyu ma'i rang bzhin gsal bar byed pa'o/ /brgyad pa'i dbyangs dang yang dag ldan ni e yig gi don to/ /de nyid ces pa ni ma yig go/ /thig le dang bcas pa ni 'jam pa'i dbyangs kyi'o//lnga pa'i dbyangs ni u yig go/ /des yang dag par ldan pa ni 'jam dpal gyi'o/ /de nyid ni mi yig ste spyod pa rjes su son pa ni rnam sel gyi'o/ /sde tshan lnga pa'i gsum pa ni ba yig go/ /yi ge gsum ni gshin rje mthar byed kyi sngags so/ /de bstan pa'i phyir thog mar zhes bya ba la sogs pa gsungs pa//dgu pa'i dbyangs ni o yig go/ /sku gsum du ni rnam par bsgom ni hUM yig go/ /dang po dang bar ma thig le dang tsheg drag dang bcas par blta bar bya'o/ /sde pa tha ma'i gsum pa sa yig go/ /sde pa dang po'i gsum pa ga yig go/ /de nyid kyang bcom ldan 'das nam mkha' mdzod dang khro bo chen po stobs po che'i'o//sgyu dang bral ba nyid du gsal bar byed pa ni ta yig go/ /dbyangs lnga pa ni u yig go/ /rang gi rjes su nga ro bcas par shes par bya'o/ /des yang dag par sbyar ba ni rdo rje hUM mdzad kyi'o/ /sde pa bzhi pa'i dang po ni ta yig go//me'i rab tu gsal bar byas pa ni ra yig rjes su son par ro/ /bzhi pa'i dbyangs dang yang dag ldan pa ni i yig gi don to/ /de nyid 'ba' zhig ces pa ta yig ni lha mo sgrol ma'i'o/ /bzhi pa'i gnyis pa ni tha yig go/ /shes rab kyi pha rol tu phyin ma'i'o/ /thig le ste rjes su ra ngo'o//sgra ni rjes su sna ldan no/ /gnyis pa'i yi ge gsum pa ni dza yig go/ /bzhi pa'i dbyangs ni yI yig go/ /'di 'jig rten gsum las rnam par rgyal ba dang / 'jig rten dbang phyug de'i'o/ /snying po la tsheg drag dang bcas pa nyid du khong du chud par bya'o//spyod pa'i gar mkhan ming can zhes pa ni dang por gnas pa'i a yig go/ /dgu pa'i dbyangs ni o yig go/ /dbyangs chen ni la yig go/ /sde tshan dang po'i dang po can gyi yi ger nges pa dang po ni ka yig go/ /oM yig dang bcas pa yang rang gi sngags su blta bar bya'o/ /sde tshan lnga pa'i bzhi pa'i sa bon ni b+ha yig go//sgyu ma'i chos la rab tu gnas/ zhes pa ma yig go/ /rgyu nye bar mi dmigs pa gsal bar byed pa ni ha yig go/ /gnas pa'i dbyangs ni a yig go/ /rang gi rjes su nga ro yang 'dir kun du khong du chud par bya'o/ /snying po gzhan nyid kyang dge ba'i rdo rje sgom par byed pa sngon ma can gyi rab tu sbyor bas chos kyi phyag rgya'o//rnam par snang mdzad la sogs pa de bzhin gshegs pa rnams dang rdo rje sems dpa' la sogs pa brgyad po rnams dang lcags kyu la sogs pa bzhi bo rnams kyis rdo rje ye shes zhes bya ba la sogs pa rnams so/ / la yig gis sbyar ba ni rdo rje brtan par yid la bsam bzhin pas rengs par byed do/ /rang gi sa bon gnas pa ni ya yig gnas pa'o/ /de nyid ces pa ni haM yig go/ /rnam par snang mdzad mthun gnas las byung zhes pa ni rnam par snang mdzad dang mthun pa'i rnal 'byor la gnas pa'o/ /rgyu ni ha yig go//drug pa'i dbyangs kyis ni u yig gis yang dag par sbyar ba'o/ /thig le sgra dang bcas pa ra la gnas pas 'grub par byed do/ /rlung gi dkyil 'khor du de'i sa bon gnas pas phye mar byed do/ /rdo rje gnas pa'am 'khor lo dbus su gnas pas rengs pa la sogs pa bya'o//dbang du byed ces pa ni 'grub par byed pa'o/ /snying gar zhes pa ni sgrub par byed pa'i snying ga la'o/ /thob nas zhes pa ni spros nas so/ /bdag nyid bsgoms nas zhes pa/ rtog pa'i gzugs su gnas byas nas/ /zhes pa dang sbrel lo/ /rlung gi sa bon tshon zhes pa ni ya yig gis bskor ba'o//spyod pa'i steng du 'bar byas pa/ /zhes pa ni ya yig gi mthar A yig go/ /rlung la gnas pa me la gnas/ /zhes pa ni rlung la gnas pa dang me la gnas pa'o/ /sde tshan dang po'i dang por gnas pa ni ka yig go/ /sa yig gi steng du gnas pas k+Sha yig tu 'gyur ro/ / sde tshan lnga pa'i tha ma ma yig go/ /dbyangs drug pa u yig go/ /nyi ma'i dkyil 'khor gyi dbus su son pa'i ra yig la gnas pas 'bar bar byed do/ /phyag rgya'i bdag nyid thams cad ces pa ni rang gi lha'i rnal 'byor ji lta ba bzhin pas/ mi yi mdun du gnas nas ni/ /zhes pa me'i dkyil 'khor gnas pa'o//rgyu byed pa mtshungs pa ni hUM yig go/ /ngag gi 'khor lo bsgrub pa'i phyir dkyil 'khor ni gsung gi 'khor lo'i dkyil 'khor ro/ /chu'i dkyil 'khor bsams nas de la gnas pa'i ji ltar gsungs pa'i pad+ma'o/ /de la bdag nyid 'jam dpal lhag par g.yo ba'i 'od zer chen por bsgoms nas rang gi snying gar zla ba la pad+ma de'i yang steng du dung brtag par bya'o//de nas rdo rje'i rtse bsgom pa la sogs pa'i rim pas ji srid du ji skad gsungs pa'i wa yig ji ltar nges par bstan pa'i dus su bsgom par bya'o/ /de ltar byas pa ni sngon du rnyed par ro/ /pad+mas mtshan pa'i chu'i dkyil 'khor sngon por bris nas rnam par snang mdzad kyi rnal 'byor dang ldan pas de la skyil krung gis nye bar 'dug ste/chos kyi dbyings thams cad du rang gi skus de bzhin gshegs pa rnams spros nas yang dag par bsdus te sku la sogs pa'i phyag rgya rnams rang gi sems la rab tu gzhug par bya'o//rang gi lus kyi dkyil 'khor la/ /zhes pa ni rang gi snying gar zla ba'i dkyil 'khor la pad+ma'i ge sar nyid thig le ste de rnams las wa yig gi phreng ba'o/ /mgrin par bsdus nas dbyangs nyid du 'gyur ro/ /de nas mchog la gzhol ba rtsa ba'i yi ge nyid thob po/ /de nas rdo rje'i rang bzhin gyi lce'i yi ge 'bar ba rnams kyis thams cad du gsal bar byas nas don dam pa'i rdo rje'i gsung gi dbyangs kyis nam mkha' kun nas gang bar bzlas par bya ste dngos grub kyi mtshan ma ji srid par ro//yang na de kho na bzhin chu'i dkyil 'khor la gnas pa'i rdo rje sems dpa'i rnal 'byor can gyi lce rdo rje'i rang bzhin can du bsams nas rang gi snying gar zla ba'i dkyil 'khor la a yig bsams te/de'i sde pa rnams kyang a yig la sogs pa'i mthar thug pa nyi ma'i 'od zer dang mtshungs pa dang ka yig la sogs pa'o/ /de'i 'bar ba rnams kyi rang gi don du spros pas lce'i mchog tu dra ba rnam par bkram pa'i rdo rje 'bar ba stong phrag skad cig skad cig la 'byung bar bya'o//de rnams kyang yi ger gyur nas 'gro ba kun du snang bar byas te slar yang byon nas gnas su rgyun bzhin du rjes su 'jug par bsam par bya'o/ /rang gi lus la lha rnams lus can gyi gzugs brnyan no//sems phyag rgya legs par bsam pa byas nas sgra rnams mngon par mi gsal ba'i cha shas kyi yi ge dang / /de las gzhan pa'i rang bzhin lte bar song bar lhag par mos pa'i rim pa las gsang sngags dang rig pa rnams snying gar 'jug par byed pa ji srid par ro zhes par ro//sgom par byed par brtan par byas nas sngar gsungs pa ltar chu'i dkyil 'khor la gnas nas rdo rje lcags kyu la sogs pa rnams kyis dgug pa la sogs pa byas nas bsgrub par bya'o/ /sangs rgyas kun nyid ces pa ni rnam par snang mdzad la sogs pa'i de bzhin gshegs pa nyid do//yi ge zhes pa ni a yig go/ /de nyid ces pa'ang de kho na'o/ /de nas bcom ldan 'das zhes pa la sogs pa rnams kyis gtsug tor rnams dkyil 'khor gsal ba dang / sngags kyi mdzod sgrub thabs kyi le'u gsal bar byed do/ /de la 'khor los sgyur ba'i sgrub thabs bstan pa/de nas zhes bya ba la sogs pa gsungs pa/ de bzhin gshegs pa zhes pa rnam par snang mdzad du mthun par bsgrubs nas de'i gzugs so/ /de ji ltar bcom ldan 'das rgyan dang bcas pa dar la'i stod g.yogs dang smad g.yogs dang rin po che lnga'i cod pan dang /ting nge 'dzin la gnas pa de bzhin du 'di 'ang sangs rgyas de'i gzugs 'chang ba'i phyag gi zhes gsungs so/ /rig pa'i rgyal po'i gzugs zhes khyad par gzhan bstan pa gsungs pa/ 'khor lo'i phreng bas rnam par brgyan/ /zhes pa 'bar ba'i phreng ba rab tu gsal bar 'chang ba 'chad par 'gyur ba'i 'bar ba dang bcas pa'i 'khor lo'i phreng ba'o//mtha' ru rin chen bdun zhes pa ni bdun gyi dbus su 'khor lo rin po che'o/ /de'i g.yas dang g.yon min dag tu khyim bdag dang blon po dang / glang po dang / bcom ldan 'das de bzhin du rim pas bud med dang yid bzhin gyi nor bu dang /myur 'gro rin po che gzhan rnams kyang ngo / /ting nge 'dzin dang / dran pa dang / shes rab dang / dga' ba dang / brtson 'grus dang / btang snyoms dang shin tu sbyangs pa ste byang chub kyi yan lag dang rim pas de byin gyis brlab pa'i dbang du byas pa'o/ /g.yas pa'i gung mo gyen du bsgrengs pas gzung ba'i 'khor lor kun du rtogs par bya'o//de gsungs par 'gyur ro zhes pa'o/ /dkyil 'khor gru bzhi pa'i dbus su ji skad du gsungs pa'i 'khor lo'i phreng ba de la bsdus pa la sogs pa byas nas phyag rgya chen po sgrub pa'i don du de dang gnyis su med par gyur pas gser la sogs pa'i 'khor lo la sogs pa bsgom par bya'o zhes pa'o//phyag rgya zhes pa ni 'khor lo'i phyag rgya'o/ /phra mo zhes pa ni phra mo nyid do/ /che dang ni chen po nyid do/ /dbang phyug ni khyab bdag go/ /rang dbang ni dbang phyug tu gyur pa'o/ /'dod dgur spyod pa ni ji ltar 'dod pa bzhin spyod pa'o//oM sarba ta thA ga to uSh+NI Sha zhes bya ba la sogs pa rnams rtsa ba'i sngags kyis spyi bo la sogs pa byin gyis rlob pa'o/ /snying po'i snying po dang mchog snying po yang nu ma'i bar du yi ge'i gung mo dang snying ga'i 'khor lo'i lte ba la rab tu bzhag nas bzlas pa bsam par bya'o/ /de nas gzi brjid phung po'i sgrub thabs nye bar bstan pa gsungs pa nyi ma'i dkyil 'khor zhes bya ba la sogs pa ste/gru bzhi pa ljang gu skar ma la sogs pa'i rnam pas mdzes pa ste/ nam mkha'i dkyil 'khor la mos par bya'o/ /gnyis su med 'byung ni gnyis su skye ba yod pa ma yin pa'i rnam pas bsam par bya'o//'khor los sgyur ba mchog tu 'bar ni de dang mtshungs pa'o/ /'khor lo'i dkyil 'khor dbus su gnas par zhes pa nyi ma'i dkyil 'khor gyi dbus su gnas pa'i 'khor lo'i lte ba la gnas pa'o/ /'char ka lta bu zhes pa ni dmar po'o/ /phyag rgya zhes pa ni gtsug tor gyi phyag rgya'o//de nam mkha' lta bur snying gar bsgom pa'o/ /rtsa ba'i sngags la sogs pa rnal 'byor dang bral ba yang ji lta ba bzhin gyi rnal 'byor ni thams cad du sngar bzhin du blta bar bya'o/ /bsam par bya ba thams cad ji lta ba ji bzhin pa'i rnal 'byor gzi brjid phung po la sogs pa rnams 'khor los sgyur ba bzhin du rgyan la sogs pa dang ldan par kun du rtogs par bya'o//kun nas snang ba'i sgrub thabs bstan pa kun nas snang ba zhes pa la sogs pa gsang sngags yi ge gsum zhes pa yi ge gsum gtsug tor 'phags shing 'od gsal ba zhes pa ni gtsug tor gyen du byung zhing 'od gsal ba'o//der rang bdag nyid de lha'i gzugs kyis so/ /chos kyi 'khor lo'i phyag rgya che zhes bya ba la sogs pa chos kyi 'khor lo'i sgrub thabs gsungs pa/ rnam pa bcu gnyis nyid gsal bar gsungs pa/rnam gsum zhes pa la sogs pa ste/ 'di ni sdug bsngal bden pa'o zhes bya ba la sogs pa can ni rnam gsum mo/ /de rnams kho na lan gsum du bskor bas yongs su bskor ba gsum mo/ /theg pa gsum ni nyan thos la sogs pa'i theg pa'i dbye bas so/ /chos kyi dbyings zhes pa ni nam mkha'i dbyings so//de kho na nyid du rnam par gzhag pa ci zhig bsgom par bya'o zhe na gsungs pa/ /rten cing zhes pa la sogs pa'o/ /chos kyi phyag rgya che zhes pa ni chos kyi 'khor lo'i phyag rgya chen po'o/ /de nyid sangs rgyas byang chub ste de'i rab tu sgrub par byed pa'o//nyon mongs rdo rje'i sgrub thabs ston par byed pa'i phyir pad+ma rA ga mtshungs zhes pa la sogs pa gsungs pa rnal 'byor sbyor ba'i mchog ces pa lha'i rnal 'byor mchog tu 'phags pa rdo rje'i gzugs brnyan 'bar ba'i rdo rjes nyon mongs sreg par byed pa'o/ /dgra las rgyal bar byed pa ni sdug bsngal la sogs pa'i bden pa'i ye shes thob par 'bar ro//de bzhin gshegs pa thams cad kyi khu tshur gyi sgrub thabs bstan pa dbang chen dkyil 'khor zhes bya ba la sogs pa gsungs pa dbang chen gyi dkyil 'khor du rdo rje la gnas pa'i sangs rgyas kyi gzugs can de'i rgyal gyis bdud bzhi las rgyal bar lhag par mos nas sdug bsngal la sogs pa'i bden pa bzhi po de bzhin gshegs pa'i khu tshur gnyis kyi bdag nyid thams cad bzung nas gnyis su med cing skye ba med pa'i rnam pa bsgom par bya zhing bsgrub par bya'o//gtsug tor gyen 'phags kyi sgrub thabs nye bar bstan pa/dngos po thams cad gyen 'phags pa/ /zhes bya ba la sogs pa gsungs pa dngos po thams cad gyen du 'phags pa zhes pa ni chos thams cad don dam par bsgoms pas bskyed pa'o/ /dkyil 'khor chen po ni dbang chen gyi dkyil 'khor ro/ / de la gnas pa'i rdo rje'i bdag nyid de/ gang gis thams cad rdo rje rdo rje'i bdag nyid do/ /gdugs dkar po'i sgrub thabs bstan pa gdugs dkar zhes bya ba la sogs pa gsungs pa gdugs chen po zhes pa ni/ gdugs chen po dkar po tshad pa skyob pa de zla ba'i dkyil 'khor gyi dbus su gnas par sgom pa des dngos grub zhes pa dang sbrel lo//ci bsgom par bya zhe na gsungs pa/ chu'i zhes pa la sogs pa ste/ de gsung bar 'gyur ba chu'i dkyil 'khor du re khA bdun gyis bskor ba'i dbus su gnas pa'i puN+Da rI ka la gnas par bsgom par bya'o zhes so/ / sngags rnams ni gsal ba'i dkyil 'khor la dgod par bstan pa sngags kyi yi ge zhes bya ba la sogs pa gsungs so/ /gtsug tor rgyal ba'i sgrub thabs nges par bstan pa 'bar ba'i phreng 'khrugs zhes bya ba la sogs pa gsungs pa/ rang nyid gtsug tor rgyal ba'i rnal 'byor dang ldan pas de'i nga rgyal gyis snying ga'i zla ba'i ral gri la gnas pa'i sngags kyi yi ge nges par byung bas rgyal ba'i gtsug tor gyi gzugs kyis tshogs kyi nam mkha'i mthongs rnams bkang la gcig tu dmigs nas bsgom par bya zhing bsgrub par bya'o//kun du gtsug tor gyi sgrub thabs nges par bstan pa sangs rgyas kun dang gnyis med ces bya ba la sogs pa gsungs pa/de dag 'chad par 'gyur ro/ /seng ge'i khri la bzhugs pa ji ltar rang gi dkyil 'khor gyi rnam pas lha dang gnyis su med par bsgoms te snying gar rang gi sngags 'bar bar rnam par bkod de bsgoms pas kun gyi gtsug tor bsgrub par bya'o zhes bya'o//kun gyi gtsug tor gyi sgrub pa'i mthar thug pa 'dis ni zhes pa kun gyi gtsug tor gyi sgrub thabs so/ /yi ge drug pa'i gtsug tor gyi sgrub thabs zhes pa ji srid pa'o/ /rdo rje snying po rgyan du gtsug tor rnams thams cad kyi sgrub thabs rnam par 'byed pa'o//da ni de nas bcom ldan 'das zhes bya ba la sogs pas byang chub sems dpa' rnams kyi sngags la sogs pa'i cho ga rgyas par bstan pa dang / dkyil 'khor gsal bar byed pa gsungs pa/ bdag nyid byin gyis brlabs pas ni de rnams bcug ste bcom ldan 'das rang gi yon tan nyid du byin gyis brlabs so zhes pa'o//'jam pa'i dbyangs kyi sgrub thabs nye bar bstan pa shes rab ye shes zhes bya ba la sogs pa gsungs pa shes rab ye shes kho na rdo rje chen po ste rdo rje rtse lnga pa snying gar zla ba'i dkyil 'khor du bsgom par bya'o//mtha' klas pa la gnas pa ni 'od gsal ba'i dkyil 'khor ro/ /dbang chen me la yang dag 'byung ba ni dbang chen la gnas pa'i me'i dkyil 'khor la gnas pa'o/ /mngon shes drug pa nyid kyis zhal drug pa'o/ /sngags kyi yi ge drug nyid kyis yi ge drug pa'o/ / rjes su dran pa drug gi rnal 'byor gyis phyag drug pa ste gnyis kyis bgrang phreng dang chu skyes sngon po bsnams pa'o/ /gnyis kyis rdo rje dang 'khor lo bsnams pa gnyis kyis sta re dang thod pa bsnams pa'o/ /yang na zhes bya ba la sogs pa 'di kho na'i ting nge 'dzin ni gzhan ston par byed do/ /'dis zhal gcig par yang rjod par byed do//bsam bya zhes pa ni kun nas mngon du bya ba'o/ /rnam thar gsum gyi sgo la gnas/ /zhes pa ni stong pa nyid la sogs pa'i rnam par thar pa'i sgo gsum ni zhal lo/ /pha rol phyin drug mchog tu gsal/ /zhes pa ni rim pa las a la sogs pa pha rol phyin pa'i yi ge'o//ci ltar bsgom par bya zhes ni shes rab nga zhes pa la sogs pa de 'chad par byed do/ /ji ltar dkyil 'khor du gdan la 'dug nas lha'i rnal 'byor byas pa de'i nga rgyal lam de kho na nyid mngon du byed pa sngon du 'gro bas ji lta ba bzhin du bsgom par bya'o zhes pa'o//pad+ma rA ga zhes pa la sogs pa rnams kyis 'jam dpal ston par byed do/ /'di yang ral gri 'dzin pa tshangs par spyod pa'i rang bzhin no/ /muHyig kyang 'di'i sngags so/ /dang por ni shes rab kyi gzugs so/ /'jig rten dbang phyug gi sgrub thabs nye bar bstan pa snying gar zhes pa la sogs pa gsungs pa snying gar pad+ma 'dab brgyad la gnas pa'i zla ba'i dkyil 'khor la gnas pa'i pad+ma 'chang ba'o zhes rtogs par byas pa'o//phyag bzhi zhes pa ni gnyis kyis pad+ma kha 'byed cing snyems par 'chang ba'o/ /gnyis kyis pad+ma'i bgrang phreng dang ril ba spyi blugs 'dzin pa'o//g.yon pa dag pad+ma dang ril ba spyi blugs 'dzin pa'o/ /g.yas pa dag dbyug pa dang bgrang phreng gi srad bu 'dzin pa'o/ /ri dgas e na ya'i pags pa 'phyang ba/ chud ni dkyil 'khor chen po la/ /zhes pa zla ba'i dkyil 'khor la'o/ /chos kyi dbyings las yang dag byung ste stong pa nyid las nges par skyes pa'o//snying gar yongs su bsgom par bya/ /zhes pa ni snying gar zla ba la pad+ma 'bar ba'i phreng ba 'khrugs pa ni 'bar ba'i phreng ba rab tu gsal bas bskor ba'o/ /'jig rten gsum rgyal bstan pa chos kyi dbyings zhes pa la sogs pa gsungs pa/ snang ba'i dngos po ni rab tu gsal ba'o//mi snang ba'i dngos po ni mi snang ba'o/ /de bzhin du 'jig rten gsum las rnam par rgyal ba'i sku rnams kyis spros nas mdun du yang dag par bsdus nas legs so zhes pa'i sbyor bas dgug pa la sogs pa can du byas la yang dang yang du bsgom pas bsgrub par bya'o/ / rdo rje hUM mdzad kyi sgrub thabs bstan pa thams cad rdo rje'i rang bzhin zhes pa la sogs pa gsungs pa/ thams cad du rdo rje 'bar bas 'khrugs pa zhes pa ji srid par ro/ /nor bu yang dag 'byung zhes pa ni 'bar ba dang bcas pa'i rin po che brgyad pa de'o/ /de'i zhes pa ni rin po che'i dkyil 'khor gyi'o//de 'dra zhes pa ni rin po che'i dkyil 'khor dang mtshungs pa'i'o/ /de'i dbus su ji ltar nges par bstan pa ni rnam pa bzhin g.yon pa bsnyems pa dang bcas pa dang g.yas pas thugs kar 'bar ba dang bcas pa'i rdo rje gsor ba'o/ /rdo rje hUM mdzad du bdag nyid bsgom par bya'o//thugs son pa'i zhes pa la sogs rnams kyis 'dod pa'i rgyal po'i sgrub thabs ston par byed do/ /khrag mdog dmar po phyag bzhi pa ste/ gnyis kyis gzhu dang mda' 'dzin pa gnyis kyis bsnyems pa dang bcas pas rdo rje gsor ba la brtson pa'o/ / byams pa'i sgrub thabs bstan pa dbang chen zhes pa la sogs pa gsungs pa/ /snying gar zla ba'i gzugs brnyan zhes pa ni snying gar zla ba'i dkyil 'khor 'dzin pa'o/ /rdo rje 'bar ba'i phreng ba bcas/ /zhes pa ni zla ba'i dkyil 'khor de nyid 'bar phreng dang bcas pa'i rdo rje'o/ /cig car byas nas zhes pa ni khyab pa'o//rang bzhin zhes pa ni rang gi lus kyi rdo rje rnams kyis sems can rnams la spro zhing dbang bskur ro/ /sems can thams cad bdag nyid du gyur pa 'di'o zhes pas sems can kun bdag nyid do/ /mngon par dbang bskur zhes pa dbang bskur ba rdzogs par bya ba'i don to//yang na zhes pa la sogs pas bsgom pa gzhan ston par byed do/ /sems can thams cad la bu gcig pa la sogs par mos nas mi 'pham pa dang gnyis su med par gyur pa de nga'o zhes pa'i nga rgyal gyis bsgom par bya'o/ /thim pa ni yid sa gcig tu dmigs pa nyid do//la sogs pa'i sgras dmigs pa ngag gzhan 'pho ba'o/ /phyogs kyi dbye bas zhes pa ni phyogs gcig tu lhag par mos nas zhes bya ba la sogs pa rnams kyis so/ /pad+ma rA ga mtshungs pa'i 'od/ /ces pa ni de'i kha dog gi 'od kyi dkyil 'khor ro/ / dang po'i rnal 'byor zhes pa la sogs pa rnams kyis 'di'i sngags kyi sngon gyi ting nge 'dzin gyi rab tu sbyor ba nyid ston par byed do/ /gnyis pa yi ni phyi ma can du blta bar bya'o/ /byams pa'i rnal 'byor gyis zhes pa ni byams pa'i ting nge 'dzin gyis so/ /nam mkha'i snying po'i sgrub thabs bstan pa nam mkha'i nga zhes pa la sogs pa gsungs pa ste yang dag bsam zhes pa ni lhag par mos nas so//chos bdag med pa bskyed pa zhes pa ni stong pa nyid kyi ting nge 'dzin mngon du byas nas so/ /nam mkha'i 'od zer rnams ni bai DUr+ya'i 'od zer rnams so//nam mkha' mnyam pa zhes pa ni rang bzhin gyis stong pa'o/ /bdag gi de nyid ces pa ni nam mkha'i snying po nyid do/ /ci 'dra zhig bsgom par bya zhe na/ rin chen dkyil 'khor zhes pa la sogs pa gsungs pa rin chen rnal 'byor gyis zhes pa rin po che spro ba dang bsdu ba'i rim pas so//kun du bzang po'i sgrub thabs bstan pa'i phyir sangs rgyas kun gyi rang bzhin zhes pa la sogs pa gsungs pa/ 'od bzang po zhes pa ni mdzes pa'i 'od do/ /mtshungs par bya zhes pa ni rang gi lus kyi phra rab ji snyed sangs rgyas thams cad kyi sku nyid du yongs su gyur par bya'o//dkyil 'khor 'khor lo ni 'khor dang bcas pa'i dkyil 'khor gyi 'khor lo'o/ /mtshungs bya ste zhes pa ni/ rang gi ba spu'i khung bu'i grangs gang yin pa de rnams su gnas pas mnyam par bya'o/ /'di nyid ces pa ni rang gi ming nyid do//sgrib pa thams cad rnam par sel ba'i sgrub thabs bstan pa zla ba'i dkyil 'khor zhes bya ba la sogs pa gsungs pa/ sngags kyi sbyor ba zhes pa ni gsang sngags kyi don sgom par byed pas so/ /thams cad bsgom par sbyor ba yis/ /zhes pa lha dang bcas pa'i rang gi gzugs mngon du byed pa yis so//phyag rgya kun gyis zhes pa ni sku la sogs pa'i phyag rgya rnams kyis so/ /thams cad du zhes pa rnam pa thams cad kyis so/ /mtshungs byas nas zhes pa ni gdod nas ma skyes pa la sogs pa'i rang bzhin gyi bdag dang rang gi lha tha mi dad par byas nas so//rjes su rnal 'byor gyis zhes pa ni lha nang du bcug nas de'i nga rgyal gyis so/ /me'i yongs su bskor ba zhes pa ni me la dbang chen du de zla ba la gnas pa'o/ /sa'i snying po'i sgrub thabs bstan pa dbang po chen dang zhes pa la sogs pa gsungs pa/rdo rje yi ni dbus na gnas/ /zhes pa dbang chen dang rdo rje de la pad+ma gnas pa'o/ /rdo rje'i phyag rgya snying gar gnas/ /zhes pa ni thugs kar zla ba'i dkyil 'khor la rdo rje'i phyag rgya de'o/ /blo gros mi zad pa'i sgrub thabs nye bar bstan pa'i phyir mi zad ces pa la sogs pa gsungs pa 'dis 'di dag ston par byed do//de bzhin gshegs pa ni zad pa med pa ni dbyer med pa'i shes rab kyi rang bzhin 'dis bcom ldan 'das so/ /me'i dkyil 'khor ni me lha'i dkyil 'khor de la zla ba la gnas par bsam par bya'o//nam mkha' mdzod kyi sgrub thabs bstan pa thams cad gtong ba zhes pa la sogs pa gsungs pa/ me long lta bur byang chub sems/ /zhes pa ni zla ba'i dkyil 'khor ro/ /rdo rje'i rnal 'byor bdag ces pa ni lha dang dbyer mi phyed pa'i nga rgyal can no/ /nam mkha' la rin chen 'byung gnas zhes pa stong pa nyid bsgom pa sngon du 'gro bas rin po che'i mtshan ma rmad du byung ba'o//lag na rin chen gyi sgrub thabs nye bar bstan pa rin chen dkyil 'khor zhes pa la sogs pa gsungs pa/ rin chen dkyil 'khor las byung zhes pa rin po che'i 'od zer 'bar ba las rdzogs pa/rin po che'i gzi brjid kyi mchog rin po che'i 'od gsal ba'i dkyil 'khor ro/ /rdo rje'i rnal 'byor gyis zhes pa rang lha dang dbyer mi phyed pa'i rab tu sbyor bas so/ /dbang chen me las yang dag 'byung / /zhes pa dbang chen gyi dkyil 'khor la gnas pa'i me'i dkyil 'khor la rnam par gnas pa'o//blo gros rgya mtsho'i sgrub thabs nye bar bstan pa chos dbyings zhes pa la sogs pa gsungs pa/ chos dbyings mnyam pa zhes pa don dam pa gnyis su med pa'o/ /bdud rtsi'i chu yis yongs bkang ba/ /zhes pa ni kun rdzob tu bdud rtsi'i rang bzhin gyi mtsho'o//der pad+ma gcig rnam par gnas pa'o/ /chu lha'i lus zhes pa ni chu lha'i dkyil 'khor ro/ /rtse mo brgya pa byung zhes pa ni rtse mo brgya dang ldan pa'o/ /rdo rje snying po'i sgrub thabs bstan pa'i phyir/ dbang chen dkyil 'khor zhes bya ba la sogs pa gsungs pa gang gang la sogs par spro na gtug cing mtho ba zhes pa ni sprin bzhin du mtho ba'o//snying gar rdo rje zhes pa ni snying gar zla ba la rdo rje dang bcas pa'o/ /dgug ces pa la sogs pas gnyis su med pa nyid du bstan to zhes pa'o/ /rdo rje nga zhes pa ste rdo rje snying po nga'o/ /bdag gi rnal 'byor gyis zhes pa ni de dang gnyis su med pa'i rnal 'byor gyis so//rdo rje nyid gyur zhes pa ni rdo rje snying po'o/ /rtse mo drug ces pa ni gnyis kar du rtse mo gsum pa can no/ /rin chen 'byung gnas kyi sgrub thabs bstan pa dbang chen lha zhes pa la sogs pa gsungs pa/ gnas zhes pa ni pad+ma'i gnas la nor bu dang zla ba'i dkyil 'khor gyi gdan la'o/ /mkha' 'dra'i rnam pa zhes pa ni bai DUr+ya'i rnam par ro/ /snying gar gnas zhes pa ni snying gar zla ba'i dkyil 'khor la gnas pa'o/ /rin chen rnal 'byor gyis zhes pa ni rin chen 'byung gnas dang gnyis su med pa'i rnal 'byor gyis so//thams cad rnal 'byor gyis zhes pa ni rin po che thams cad kyi char 'bebs pa'i sbyor bas so/ /rdo rje snying po rgyan du byang chub sems dpa' thams cad kyi sgrub thabs rnam par 'byed pa'o/ /khro bo dang gzugs thams cad kyi phyag rgya dang dkyil 'khor nye bar bstan pa de nas bcom ldan 'das zhes pa la sogs pa gsungs pa me lha'i dbus nas dbus su zhes pa ni rlung gi dkyil 'khor gyi dbus su me lha khro bo thams cad ces pa g.yas brkyang dang g.yon brkyang gis kun nas gnas pa mdung dang dbyug pa la sogs pas rab tu 'joms par byed pa'i rang bzhin can no//gang 'di'i dkyil 'khor du rdo rje hUM mdzad la sogs pa rnams nye bar dgod pa yi ge gcig ces pa la sogs pa gsungs pa hUM yi ges bcom ldan 'das rdo rje hUM mdzad dgod de de'i gzugs ni 'chad par 'gyur ba nyid kyi phyir 'dir ma bstan to//de nyid ces pa ni yi ge gcig pa'o/ /dbyangs bdun pa ni e yig ste des rnam par rgyal ba ni he ru ka'i sngags so/ /dpal he ru ka kho na rdo rje chen po dang dbyer med pa nyid kyi phyir ro/ /'jig pa'i thal ba mchog tu 'bar/ /zhes pa ni zad pa'i dus can gyi thal ba'i mdog go//sngon po 'bar ba'i rang bzhin zhes pa ni 'od zer sngon po'i dkyil 'khor ro/ /me 'bar gsal ba'i dkyil 'khor zhes pa ni de nyid rab tu gsal ba'i dkyil 'khor 'bar ba yang dag par tshogs pa'o/ /'jigs pa chen po'i dus can gyi//char sprin dang ni 'dra ba'i 'od ni sku la'o/ /de nyid la ba spu'i khung bu so so rnams su dmar po 'bar ba 'khyil zhing brel bas kun nas 'bar ba'i rdo rje dang thod pa'i cod pan can rgod mkha'i me bzhin rnam par 'jigs par byed pa'o/ /rab 'bar snang bar gar mdzad pas//zhes pa ni rab tu 'bar ba'i lta bas rnam par skyod par byed pa nyid kyis so/ /cig car gyur pas zhes pa ni gar gyis mnyes par byas pa nyid kyis so/ /de nyid bcom ldan rnal 'byor te/ /zhes pa ni rnal 'byor gyi dbang phyug chen po'o/ / phyag drug rnams kyis ni g.yas pa dang g.yas min rnams mdung dang dbyug pa dang / thod pa dang rdo rje dang dgra sta dang hUM mdzad kyi sor mo'i mtshan ma rnams su shes par bya'o/ /snying po dang nye ba'i snying po dang rtsa ba'i sngags rnams rim pas/ oM AHhUM zhes bya ba la sogs pa rnams so//thugs rje'i khro bo blo ldan ni sangs rgyas de rnams kyi ngang tshul gzhan don gyi mtshan nyid nye bar spyod pa'o zhes pa'o/ /ji srid du khro bo'i gzegs ma ni ut+pal sngon po'i kha dog go/ /dmar po 'bar bcas ni 'od kyi dkyil 'khor ro/ /sangs rgyas kyi cod pan can/rdo rje dang dbyug pa la sogs pa'i mtshan ma can no/ /de'i khro gnyer bsnyer ba ni smin ma dmar po gnyis bsnyer ba'o/ /skad cig skad cig la 'byin par byed pa bsgom par bya'o/ /rdo rje sems dpa' zhes pa dbye bar byar med pa'i sems dpa'o/ /chu'i gnas su me la rnam par gnas pa'i g.yas pa dang g.yas min ngag gis pad+ma dang rdo rje dang hUM mdzad kyi sor mo'i mtshan ma can gyi bcom ldan 'das rta mgrin no//thams cad slong ba zhes pa'i slong ba'i dngos grub po/ /kun sbyor bdag gi rnal 'byor gyis/ /zhes pa ni rdzogs pa'i sangs rgyas dang gcig pa can du bsgoms pas rlung gi gnas su me'i dkyil 'khor gyi dbus su son pa'i g.yas pa dang g.yas min dag gis ral gri dang zhags pa 'dzin pa'i bcom ldan 'das mi g.yo ba'o//rdo rje snying po rgyan du khro ba'i dkyil 'khor rnam par 'byed pa'o//gzungs ma'i dkyil 'khor gyi skabs de nas bcom ldan 'das zhes bya ba la sogs pa gsungs pa gzungs ma'i dbang phyug rgyal po zhes pa ni rnam par snang mdzad do/ /shes rab kyi pha rol tu phyin pa'i dkyil 'khor nye bar bstan pa de nas bcom ldan 'das zhes bya ba la sogs pa rdo rje nyid rin po che ste de rnams kyi 'dab ma'i phyi rnams su brgyan pa'o//sna tshogs las 'dra 'bar rnams la/ /zhes pa 'dab ma kha dog sna tshogs pa rnams su shes rab 'od kyis so/ /shes rab kyi pha rol tu phyin ma ni sgrub par byed pa'i thabs nyid kyi phyir shes rab kyi pha rol tu phyin pa'i sgo rnams te oM bo d+hi tsit+ta badzra zhes bya ba la sogs pa'i tshig rnams so//phyogs cha'i dbye ba ni yi ge de dang de rnams ser po la sogs pa'i kha dog rnams su'o/ /shes rab 'od kyi dkyil 'khor gyis/ /zhes pa ni ral gri'i 'od zer gyi 'khor lo rnams kyis so//de dag kun zhes pa ni gang 'od kyis snang bar gyur pa de la bya'o/ /lha'i gzugs dang yang dag mtshungs/ /zhes pa ni shes rab kyi pha rol tu phyin pa'i gzugs nyid kyis yongs su gyur pa nyid do/ /sngags kyi dkyil 'khor zhes pa ni oM bo d+hi tsit+ta badzra zhes pa la sogs pa'o//kun du zhes bya ba la sogs pa rnams kyis 'di'i khyab pa nyid ston par byed do/ /grol ba de srid du sgrib pa med pa'i sems can rnams la de rnam par gnas so/ /gang gi phyir sgrib pa dang bcas pa rnams la ji ltar zhe na gsungs pa kun rdzob dang zhes bya ba la sogs pa ste rab tu brtags zhes pa ni rnam par gzhag pa'o//de 'chad par 'gyur ba dag pa'i rtag tu sems can rang bzhin med pa'am/ zag pa med pa la sogs pa'i yon dang ldan pa'o/ /sgrib pa dang bcas pa'i rgyud rnams kyi dbang po dang gshin rje la sogs pas bcings pa nyid kyi phyir rig byar rnam par gzhag go zhes pa'o//de nyid kyi nus pa gsungs pa/ /ji ltar bud shing zhes pa la sogs pa ste/ thams cad du sems can rnams thams cad la zhes pa la sogs pa rnams kyi dkyus ma'i don nye bar sdud par byed do//kun mkhyen ye shes kyis zhes bya ba zhes gsungs pa'o/ /de'i dpe rnams kyis yang dag pa'i don gang yin pa gsungs pa rnal 'byor ye shes zhes bya ba la sogs pa ste/ shes rab kyi pha rol tu phyin pa bsgoms te zhes pa ni shes rab kyi pha rol tu phyin pa nyid do//bsam bya zhes pa ni mngon du phyogs par bya'o/ /'di'i yi ge de kho na nyid ces pa ni gsungs pa'i don nye bar sdud par byed pa'o/ /de kho na yi ge bstan pa gsungs pa/ bzhi pa zhes pa la sogs pa ste 'di ni snying po'o/ /sngags kyi sgras snying po dang nye ba'i snying po la yang blta bar bya'o//sangs rgyas sprin gyi sgrub thabs nye bar bstan pa'i phyir gnyis pa zhes pa la sogs pa gsungs pa rnal 'byor ma rnams kyi zhes pa ni gzungs ma rnams kyi'o/ /dbang chen yi ge'i mthar thug pa/ /zhes pa ni rang gi sngags kyi yi ge ser po dang ldan pa'i 'od kyi dkyil 'khor gyi mthar thug pa'o//spyan gyi phyag rgya ni mi gsungs pa'i phyag rgya'o/ /gos dkar mo'i sgrub thabs bstan pa chu'i dkyil 'khor zhes pa la sogs pa gsungs pa/ sngags kyi yi ge'i phreng ba che/ /zhes pa ni rang gi sngags kyi yi ges brgyan zhing 'od gsal bar rab tu 'byung zhing thim pas so//pad+ma'i dkyil 'khor ni chu'o/ /de la sgrub pa'i thabs ni zla ba la sogs pa rnams kyis so/ /'phags ma sgrol ma'i sgrub thabs nges par bstan pa sngo bsangs zhes pa la sogs pa gsungs pa/ /sngo bsangs dkar mo zhes pa spri yang ku'i kha dog go//zla ba'i dkyil 'khor dbus gnas pa/ /zhes pa pad+ma dang zla ba'i dkyil 'khor la gnas pa'o/ /rol pa yi ste sngags kyi yi ge de kho na mchod bzhin pa de rnams kyis so/ /chos kyi phyag rgya zhes pa sngags so/ /mtha' yas mchog ces pa thog ma dang tha ma med pa'o//khro gnyer can gyi sgrub thabs nye bar bstan pa dkyil 'khor chen po'i dbus zhes pa la sogs pa gsungs pa zla ba'i dkyil 'khor dbus zhes pa ni pad+ma la gnas pa'i zla ba'i dkyil 'khor gyi dbus so/ /phyag bzhi zhes pa ni bgrang phreng dang chu skyes dang mchog sbyin dang spyi blugs 'dzin pa'o//sngags kyi phreng bas rnam par brgyan/ /zhes pa ni 'od kyi dkyil 'khor du rang gi sngags kyi phreng bas brgyan pa'o/ /mA ma kI'i sgrub thabs bstan pa nyi ma'i dkyil 'khor dbus zhes pa la sogs pa gsungs pa rdo rjer bcas zhes pa ni dbus su gnas pa'i rdo rje'o//rdo rje'i phreng bas kun du bskor/ /zhes pa rdo rje'i phreng ba bcings pa'o/ /gzi brjid dkyil 'khor bskor ba'o/ /zhes pa ni 'od zer dang bcas bzhin pa'o/ /phyag bzhi zhes pa ni g.yon pa dag gis rdo rje dang spyi blugs 'dzin pa/ g.yas pa dag gis mchog sbyin dang bgrang phreng 'dzin pa'o/ /sngags kyi yi ge phreng ba zhes pa rang gi sngags kyi yi ge'i phreng bas brgyan pa'i sngags kyi dkyil 'khor ro/ /rdo rje'i dbus su rab zhugs zhes pa rdo rje la gnas pa'o/ /rdo rje me yi phreng ba che/ /zhes pa la sogs pa rnams kyi ting nge 'dzin ni gzhan ston par byed do//rdo rje me ni rdo rje 'bar ba ste kho na phreng ba chen po gang yin pa de rdo rje me'i phreng ba che'o/ /rdo rje 'bar bas rnam par brgyan/ /zhes pa ni 'od zer gyis bskor ba'o/ /sngags gnyis la rim pas ting nge 'dzin gnyis kyi tshad du'o/ /rdo rje lcags sgrog gi sgrub thabs nye bar bstan pa'i phyir rlung gi dkyil 'khor zhes pa la sogs pa gsungs pa/des na spros pa las sku zhes pa ni dbus su rab tu gnas pa'o/ /phyag bzhi zhes pa ni g.yon pa bsnyems pas rdo rje lcags sgrog 'dzin pa g.yas pas 'bar ba dang bcas pas rdo rje gsor ba gnyis dag gis kyang hUM mdzad kyi sor mo dang mchog sbyin pa'o//rdo rjes brgyan zhes pa ni rdo rjes mtshan pa'i rgyan gyis brgyan pa'o/ /rdo rje 'bar ba 'khrug ces pa'i 'od kyi dkyil 'khor du'o/ /de yi thugs kar rdo rje che/ /zhes pa'i thugs kar zla ba la gnas pa'i rdo rje rtse lnga pas brgyan pa'o/ /'phags ma skul byed ma'i sgrub thabs bstan pa'i phyir/zla ba'i dkyil 'khor dbus gnas pa/ /zhes pa la sogs pa gsungs pa/ pad+ma dmar por rab tu gnas/ /zhes pa ni zla ba'i dkyil 'khor du pad+ma de la gnas pa'o/ /pad+ma dang bgrang phreng gi srad bu dang lhung bzed dang mchog sbyin pa'i phyag rnams kyis phyag bzhi'o//mang po'i gzugs zhes pa ni dpa' ba'i dbye bas mtha' med pa du ma'i gzugs so/ /snying gar zla ba'i dkyil 'khor du rdo rje dang bcas pa'o/ /sangs rgyas bye ba phrag bdun gyi rang bzhin yin pa nyid kyi phyir sangs rgyas kun gyi bdag nyid skyes so/ /der bdag ces pa ni sangs rgyas bye ba phrag bdun gyi rang bzhin yang dag par sgom par byed pa dang ldan pa'o//sngags kyi yi ge'i phreng bar ldan/ /zhes pa ni 'od kyi dkyil 'khor du rang gi sngags kyi yi ge dang ldan pa can no/ /yongs gang ba zhes pa spros nas so/ /de'i zhes pa nam mkha'i khams su'o//'od zer zhes pa ni 'od zer ro/ /rnal 'byor ye shes ni sgom par byed pa'i rang bzhin de dang des nges par sprul pa'o/ /rdo rje snying po'i rgyan du gzungs ma'i dkyil 'khor rnam par 'byed pa'o/ /da ni bcom ldan 'das rnam par snang mdzad kyi yon tan thams cad kyi bdag nyid can nye bar bstan pa sngags kyi de nyid nges par bstan pa gsang ba zhes bya ba la sogs pa gsungs pa/me long la sogs pa'i ye shes bzhi po'i bdag nyid can nyid kyi phyir/ gsang ba la sogs pa'i rang bzhin byang chub kyi sems la rtag tu gnas zhes pa mi gnas pa'i mya ngan las 'das pas kun gnas pa'o//sangs rgyas kun gyi rgyu can nyid kyi phyir sangs rgyas kun gyi rang bzhin no/ /dbye ba byar med pa nyid kyi phyir rdo rje sems dpa'o/ /rang nyid mngon par byang chub pa'i phyir rang 'byung ngo / /don dam pa gcig po nyid kyis lhag pa'i lha'o/ /gdul bya sna tshogs pa nyid kyi lha gzhan sna tshogs pa'i mthar thug pa sprul pa sangs rgyas kun gyis te lha rnams thams cad kyis mnyam par sbyor ba ste gsal bar byed pa'o//mkha' 'gro ma ni mkha' spyod grub pa thams cad do/ /de dang de rnams kyi dra ba ni tshogs so/ /de'i rang bzhin no/ /bde ba mchog tu bya ba'i phyir/ /zhes pas sangs rgyas thams cad mnyam par sbyor ba mkha' 'gro ma'i dra ba sdom mo//sems can gyi don gyi dbang nyid kyi phyir dang / don dam par ni 'dod chags la sogs pa med pa'i rang bzhin no/ /bud med kun ni lha thams cad kyi phyag rgya chen po'i rang bzhin kho na'o/ /sgyu ma zhes bya ba la sogs pa ni sgyu ma'i rang bzhin don dam par med pa can no//gal te de ltar na don dam par chen po ni gang phyag rgya ni ci brtag par bya'o zhes gsungs pa/ thams cad mtshungs pa nyid ces pa la sogs pa'o/ /ci'i phyir khyad par du 'phags she na gsungs pa ci'i phyir rang bzhin gyi ni rang bzhin gyis ma byas pa'o//gang gis na nus pa yis ni'o/ /rang bzhin nyid kyis te rang bzhin kho nas de 'grub po zhes spel lo/ /de'i phyir yang 'dis bud med de lha rnams bkur bar bya ba yin no/ /sdug bsngal gyis spyod par byed pa de mgu bar byed de zhes pas ngan spyod do/ /thams cad bud med sgyu mas 'grub ste lha'i phyag rgya'i gzugs kyis yongs su gyur pa'o//rang gi ngo bo yongs su bsgyur ba ni bdag med pa'i ngo bo khyad par du dam bcas pa rnams kyis so/ /sna tshogs zhes pa ni rang bzhin du ma rnams kyi'o/ /de bzhin thams cad du sna tshogs phyag rgya ste rnam pa sna tshogs pa'i phyag rgya'o//kun la sna tshogs ston pa yis ni rang bzhin du ma bde ba'i mchog gis so/ /sangs rgyas kun gyi rnal 'byor chen po'i bdag nyid can gyi don dang rjes su mthun pa de srid du bcom ldan 'das phyag rgya la sogs pa'i gzugs nyid kun du bstan te 'jig rten las 'das pa dang 'jig rten pa thams cad kyi nang dang phyi rol gyi dngos po'i rang bzhin nyid du bstan pa'i kun la zhes pa la sogs pa gsungs pa kun la ni yul la'o//kun nas ni rang rang gi lha'o/ /kun du ni dngos po'o/ /kun gyi rnam pa ni thams cad kyi rnam pas so/ /kun tshe ni dus thams cad kyi che'o/ / rang nyid ni bdag nyid te lha thams cad do/ /brtan pa ni ri la sogs pa rnams so/ /g.yo ba ni mi la sogs pa rnams so/ /thams cad dngos po ma lus pa'o/ /mdor bstan pa 'di kho na'i rgyas par bshad pa gsungs pa sems dang zhes pa la sogs pa nas/ kun du de bzhin mtha' yas mchog /chos dbyings mnyam dang mi mnyam pa/ /zhes pa ji srid par ro/ /rdo rje snying po'i rgyan du sngags kyi de nyid rnam par 'byed pa'o/ /da ni shes rab kyi sgo rtsa ba'i rgyud nye bar bsdu ba de nas bcom ldan 'das zhes bya ba la sogs pa gsungs pa/ bcom ldan 'das zhes pa rnam par snang mdzad la gsol ba btab pa dang ldan pa'o//ting nge 'dzin la snyoms par zhugs nas 'phags pa 'jam dpal la theg pa chen po mngon par rtogs pa zhes bya ba'i dkyil 'khor yod pa nyid gsal bar bya ba'i phyir cang mi gsung ba ni ji ltar gsungs pa'i rim pas rnam snang ting nge 'dzin mngon du mdzad nas lha'i gnas su gdan bskyed de srung ba byas nas bdag la don 'di dag la de bzhin gshegs pa thams cad kyis gsol ba btab cing ji srid du 'jam dpal gyis gsol ba btab par dgongs nas slar yang de bzhin gshegs pa thams cad rdo rje'i rnal 'byor gyi dbang phyug nyid du byin gyis brlab pa'i phyir de bzhin gshegs pa thams cad bsdu ba'i don du 'jam dpal la bka' stsal to//de bsdus pa'i de bzhin gshegs pa thams cad kyi lhan cig tu yang dag par mchod de/ de dag rdzogs pa'i rdo rje blo'i ye shes de bzhin gshegs pa thams cad nyid kyi bdag nyid du byin gyis brlab pa'i phyir/de bzhin gshegs pa thams cad kyis lhan cig pa'i 'khor los sgyur ba'i thugs kar byin gyis brlabs te thugs ka'i dpal be'u sngags kyis bskor ba rnams la sgo bzhi po slar yang shin tu dga' ba rnam par dag pa'i gnas zhes pa la sogs pa shes rab kyi pha rol tu phyin pa'i gnas rnams kyis rang chos kyi dbyings rnam par dag pa khong du chud par byas nas slar yang rnam par snang mdzad chen po'i dkyil 'khor rdzogs nas sdud pa la sogs pa sngon ma can gyi lha rnams rang gi las la legs par sbyar bar bya'o zhes pa ni sngon du bya ba'i rim pa'o//de bzhin du gzhan du yang rnal 'byor ji lta ba bzhin du bshad pa'i rim pa rnam par rtogs par bya'o/ /rdo rje rnal 'byor gyi dbang phyug ni rnam par snang mdzad de bzhin gshegs pa rnams thams cad kyi kun du mnyam pa nyid de la ting nge 'dzin gang gis dmigs par bya ba de de bzhin gshegs pa thams cad kyi mnyam pa nyid la dmigs pa'o//de nyid dbyer mi phyed pa nyid kyis rdo rje ste de la de skad ces bya'o/ /de bzhin gshegs pa thams cad kyi thugs zhes pa rnam par snang mdzad dbyer med pa'i thugs la'o//de bzhin gshegs pa rnams thams cad kyi theg pa chen po ni chos kyi dbyings rnam par dag pa'o/ /rtogs par bya'o zhes byas nas gang gi phyir de yang dag par rtogs shing khong du chud pa gang yin pa de la de bzhin du dkyil 'khor chen por brjod do/ /shes rab kyi pha rol tu phyin pa ni shin tu dga' ba rnam par dag pa'i gnas zhes bya ba la sogs pa'i gnas rnams so//de nyid thabs te sgo'o/ /gang gi dkyil 'khor zhes pa ni lus so/ /de bzhin gshegs pa thams cad kyi 'khor lo chos kyi dbyings rnam par dag pa'o/ /de byin gyis rlob par byed pa gang yin pa'i ting nge 'dzin ni de bzhin du brjod par bya'o//'od zer 'bar bas 'khrugs pa'i 'od/ /ces pa ni phyi rol gyi ra ba la 'od zer 'bar ba dang ldan pa'o/ /rdo rje snying pos yongs su bskor/ /zhes pa ni sna tshogs rdo rje'i phreng bas yongs su bskor ba'o/ /rin chen yang yin la rdo rje yang yin pas na rdo rje rin chen te/de rnams kyis so/ /sna tshogs rtse mo ni ba dan bkra ba de rnams so/ /dril bcas ni bdag nyid bcings pa gang yin pa de la de bzhin du brjod par bya'o/ /rlung gis bskyod pa'i mtshan ma yin pa nyid kyis rgyal mtshan nyid rlung gis bskyod pa'o//de rnams gyen du bsgreng ba gang yin pa de la rgyal mtshan gyen bsgreng rlung bskyod pa'o/ /de la yang ni chu'i dkyil 'khor la'o/ /de'i zhes bya ba ni gru bzhi pa de'i'o/ /'khor lo chen po zhes pa ni dkyil 'khor gru bzhi pa'o/ /cha brgyad kyis yongs su bskor ba ni dbus ma'i cha la bskor ba gang yin pa de cha brgyad rnams kyis yongs su bskor ba'o//rdo rje'i thig gis yongs su bskor/ /zhes pa ni rdo rje phreng bas yongs su bskor ba'o/ /rdo rje'i dkyil 'khor zhes pa ni byang chub kyi gdan gru bzhi pa la seng ge'i gdan la'o zhes pa ji srid pa'o//rdo rje chen po rtse mo lnga pa'o/ /rdo rje pad+ma ni dbyer mi phyed pa'i pad+ma ste/ de la rab tu bzhugs pa gang yin pa la rdo rje che zhes pa de bzhin du brjod do/ /gsang ba chen po zhes pa ni sde tshan dang po'i gnyis pa thig le dang bcas pa'o/ /zla bas brgyan zhes pa ni steng du gnas pa'i zla ba'i dkyil 'khor ro//de dag thams cad du yang dung la sogs pa dkar po'o/ /rdo rje phreng bas rnam par spras/ /zhes pa ni sna tshogs pa 'bar ba'i 'od kyi dkyil 'khor du rdo rje'i phreng bas rnam par brgyan pa'o/ /dpral ba'i steng dang mgrin par yang rin po che chen po'i phreng bas spras pa'o//sems ma rdo rje ma la sogs pa rnams ngos bzhi po rnams su dgod par bya'o/ /sde pa gsal byed ni ha ste rgyu zhes pas rgyu'i don rjod par byed do/ /drug pa'i dbyangs kyis zhes pa u yig gis so/ /thig le nA da rnam par brgyan ni rjes su sna ldan dang bcas pa'o//rten cing 'brel 'byung 'khor lo yi/ /zhes pa ni 'dir rten cing 'brel bar bya'o zhes pa'o/ /ye shes 'od zer zhes pa ni rin chen 'byung ldan no/ /'jig rten dbang phyug gi rgyal po ni 'od dpag med do/ /rdo rje rnam par gnon pa ni don yod grub pa'o/ /shAkya thub pa zhes pa rnam par snang mdzad do//phyogs thams cad mnyam pa nyid du dmigs nas zhes pa phyogs rnams kyi skabs ma yin pa med pa nyid du bsgom pa mngon du byas nas 'khod do de nye bar bzhugs pa'o/ /thugs ka'i rdo rje las nges par byung nas zhes pa lhag ma'o/ /de rnams kyang sngon po dang ser po dang ljang gu rnams te gser dang chu skyes dmar po dang /shel dang margad kyi 'od can du chu skyes dang zla ba'i dkyil 'khor la gnas par rig par bya'o/ /de bzhin gshegs pa thams cad kyi kun du bzang po byang chub chen po'i sems dpa' ni rdo rje sems dpa'o/ /de nyid ni 'god par bya ba ma yin pa nyid kyi dam tshig ste de'i 'byung ba'o//gang du na sems dpa' zla ba'i dkyil 'khor la'o/ /de byin gyis brlab par bya'o/ /gang gis ni rdo rje'o/ /de ni sems dpar byin gyis rlob pa'i rdo rje'o/ /de la dmigs pa'i ting nge 'dzin la yang de bzhin du brjod par bya'o/ / de skad ces bya ba la snyoms par zhugs nas te mngon du mdzad nas so/ /dkyil 'khor zhes bya ba ni zla ba'i dkyil 'khor gyi bdag nyid can byang chub kyi sems so/ /ye shes rnam dag pa zhes pa ni rdo rje'i bdag nyid can gnyis su med pa'i ye shes so/ /rdo rje sems dpa' nyid du gyur/ / zhes pa ni rdo rje sems dpa' nyid kyis yongs su gyur pa'o/ /byang chub sems zhes pa stong pa nyid so sor rtog pa la sogs pa rnams su zla ba'i dkyil 'khor nyid do/ /rten bskyed nas ni yongs su rdzogs pa nyid do/ /sangs rgyas ye shes ni de la rdo rje sgom par byed pa'o/ /brten pa nyid ni de'i nga rgyal byed pa'o//sangs rgyas kyi ye shes las nges par skyes pa'i sku ni sangs rgyas sku'o/ /de bzhin gshegs pa thams cad kyi thugs ka zhes pa ni rnam par snang mdzad kyi thugs ka'o/ /rig pa'i mchog ces pa ni rdo rje dbyings kyi dbang phyug ma'o/ /rnam par snang mdzad ces pa la sogs pa rnams kyis ji srid du dkyil 'khor thams cad byin gyis brlab par bya ba'am gang der byin gyis rlob par rab tu bstan pa'i sngags can no//yang byin gyis brlab pa'i don du 'di dag thams cad mngon du bya'o/ /de bzhin gshegs pa thams cad kyi thugs ka zhes pa ni rnam par snang mdzad dang mthun pa'i thugs ka la'o//dkyil 'khor rnams thams cad du zhes pa ni mi bskyod pa la sogs pa'i dkyil 'khor gyi gzugs kyis te bdun pa ni gsum pa'i don nyid kyi phyir ro/ /rdo rje rnams kyi ni de bzhin gshegs pa thams cad rnams kyis mnyam pa nyid gang yin pa de rab tu spro ba ste rab tu gsal bar bya'o//gang gis ni snying po ste de de bzhin du brjod do/ /mtshams rnams thams cad du zhes pa ni sgo'i mtshams rnams su'o/ /rdo rje sgeg mo dang / bdug pa dang lcags kyu la sogs pa rnams rim pas rdo rje sems dpa' dang rgyal po la sogs pa de'i kha dog go//gzugs la sogs pa rnams mi bskyod pa la sogs pa'i kha dog go/ /rdo rje dri la sogs pa rnams/ /zhes pa dgos pa rgyas par bshad pa'o/ /rdo rje bdug pa dang me tog dang mar me dang dri'o zhes pa ji srid par oM badzra gan+d+he hUM oM badzra shi shai rai ho hoHzhes pa'i sngags dag legs par bzlog ste blta bar bya'o//rdo rje phreng ba ma dang bdug pa la sogs pa'i rnal 'byor gyis rjod par byed pa'i phyir ro/ /lha'i phyag rgyas mngon par rgyas gdab par bya ba ni shin tu dga' ba'i rdo rje snying po ste rang gi phyag rgya bcings nas gdon par bya'o//dkyil 'khor thams cad du zhes pa ni mi bskyod pa la sogs pa'i dkyil 'khor rnams su'o/ /sgo'i phrin las zhes pa ni bsdu ba dang bstod par byas nas shar la sogs pa'i sgo rnams su gnas nas dgug pa la sogs pa'i las 'di rnams bya'o//byang chub sems dpa' chen po rnams gzhag par bya'o zhes pa ni snam bu la shar la sogs pa'i phyogs nas brtsams te byams pa dang kun du bzang po dang / phyag na rdo rje dang / rdo rje snying po dang / nam mkha'i snying po dang / lag na rin chen dang / 'khor lo la sogs pa ji ltar gsungs pa de la sogs pa rnams kyis de dag rab tu dbye bas so//rdo rje snying po'i rgyan du rnam par snang mdzad chen po'i dkyil 'khor gyi rnam par 'byed pa'o/ /rnam par snang mdzad dang mthun pa'i dkyil 'khor nges par bstan pa de nas rnam par snang mdzad zhes pa la sogs pa gsungs pa/sum cu rtsa gnyis mchog tu 'bar/ /zhes pa ni mtshan sum cu rtsa gnyis 'chang ba'o/ /gnyis pa'o zhes pa ni e yig go/ /'khor lo can zhes pa ni gtsug tor 'khor los sgyur ba'o/ /'khor lo zhes pa ni gru bzhi pa'i nang du chud pa'i re'u mig brgyad pa can 'bar ba dang bcas pa'o//pad+ma'i rgyal po rab tu gnas ni sangs rgyas zhes pa lhag ma'o/ /dang po'i dkyil 'khor zhes pa ni chos kyi dbyings kyi dkyil 'khor ro/ /rdo rje hUM mdzad kyi dkyil 'khor nye bar bstan pa de nas zhes bya ba la sogs pa gsungs pa/ 'khor lo zhes pa ni rnam par snang mdzad dang mthun pa'i dkyil 'khor bzhin no//sangs rgyas phreng ba sogs pas brgyan/ /zhes pa sangs rgyas lnga'i cod pan no/ /dbyug pa dang ni zhags par brjod/ /ces pa ni de nyid do/ /khro bo'i khu tshur nyid kyi lag pa gnyis mthe chung gnyis kyis phan tshun lcags sgrog tu mdud pa'o//sdigs par mdzad ces pa bsdigs par gyis brtag pa sna tshogs par dgongs pa'o zhes so/ /rdo rje hUM mdzad ces pa 'dir 'jig rten gsum las rnam par rgyal ba gang yin pa de'o/ /de ltar khro bo'i dkyil 'khor thams cad rnam par bkod nas zhes pa 'dis he ru ka la sogs pa'i dkyil 'khor rnams su gtso bo'i phyag rgya chen po'i dbus su gzhag par bya'o//de kho na'i phyag rgya rnams gzhogs thams cad du gzhag par bya'o/ /mchod pa dang sgo ba yang ngo / /'jig rten dbang phyug gi dkyil 'khor nges pa'o/ /bstan pa de nas zhes bya ba la sogs pa gsungs pa/dkyil 'khor chen po chu'i dkyil 'khor zhes pa ni zla ba'i dkyil 'khor ro/ /phyag bzhi zhes pa ni gnyis dag gis bgrang phreng dang bcas pa'i mchog sbyin dang spyi blugs lag tu'o/ /g.yon pas bsnyems pa dang bcas pa'i pad+ma'i sdong po dkur 'dzin pa g.yas pas de'i 'dab ma kha 'byed pa'o//sha Sha'i sde pa'i mtha' zhes pa ni ha yig go/ /dbyangs kyi bzhi pa i yig ste des spyi bo mnan pa'o/ /me'i sa bon ra yig go/ /thig le ni mchog tu zhes pa rjes su sna ldan dang bcas pa'o/ /mdun du pad+ma'o//g.yas su bgrang phreng ngo / /rgyab tu dbyug pa'o/ /g.yon du spyi blugs so/ /de rnams thams cad kyang zla ba la gnas pa'o/ /mchod pa dang sgo ba ni thams cad du sngar bzhin no/ /nam mkha' mdzod dang rin chen 'byung gnas dang 'jig rten dbang phyug dang 'jam dpal dang ngan song kun 'dren dang blo gros mi zad pa dang /sa'i snying po dang sgrib pa thams cad rnam sel dang dra ba can gyi 'od ces pa'i rim pas dgod par bya'o/ /sngar gsungs dkyil 'khor zhes pa chos kyi dbyings kyi dkyil 'khor ro/ /de'i tshogs zhes pa ni rang gi gtso bo'i rnal 'byor gyis sgo phye nas bsdu ba la sogs pa sngon ma can gyi phyag rgya bzhi'i rgyas btab ste dbang bskur zhing mchod pa'i mthar thug pa rdzogs nas zhugs te rang dbang bskur ba la sogs pa can rdzogs nas slob ma bcug ste 'jug pa la sogs pa rdzogs pa 'dis nye bar spyod pa thams cad kyis mchod par bya zhes pa ni nye bar bsdu ba'i dus su'o//de la dang po nyid du zhes pa la sogs pa 'jug pa la sogs pa 'dus byas pa'i dus kho nar ro/ /des zhes pa ni slob dpon gyis so/ /skyil krung zhes pa ni rdo rje skyil krung ngo / /gar sdud pa'i sbyor bas zhes pa ni rdo rje khu tshur gyis badzra satwa su saM gra haM zhes pa la sogs pa'i glus rdo rje'i gar sngon ma can gyis so//rab bkod phyag rgya thams cad du/ /zhes pa ni gang gi lha gang yin pa'i nyams de dang der gnas pas 'di rnams kyi phyag rgya rab tu sbyar bar bya'o/ /bdag nyid rdo rje gar byas zhes pa 'dis phyogs gzhan ston par bya'o//ji skad du gsungs pa'i nyams kun du gnas pa sna tshogs pa'i rdo rje'i gar sngon ma can rang gi lha'i nga rgyal gyis so/ /phyag rgya bcings pa la'ang mchog gi dngos grub tu 'gyur ro zhes pa ji srid par ro/ /skyil krung zhes pa rdo rje'i skyil krung ngo //de'i phyed kyis zhes pa ni rdo rje skyil krung gi phyed sems dpa'i skyil krung ngo / /sdig pa'i rgyu can zhes pa ni sdig pa zhi ba'o/ /chos thams cad kyi rjes su 'jug pa zhes pa ni de dang de'i dngos po rnams thams cad la rjes su zhugs nas chos rnams la 'jug pa'i ngang tshul lo/ / rab tu 'jug pa rnams kyi dga' ba med pa yang de rnams kyi mdangs dang bral ba ni zhes pa ni sgrib pa thams cad rab tu bcom pa rnams kyi dbang po zhi bar blta bar bya'o/ /rdo rje rin chen gyi dkyil 'khor bstan pa de nas zhes bya ba la sogs pa gsungs pa/ rin chen snying po'i zhes pa ni nam mkha'i snying po'i'o//rin chen pad+ma'i zhes pa ni 'dab ma sna tshogs pa'o/ /rin chen phreng bas rnam par mdzes/ /zhes te dbang bskur kun gyi mchog ces pa ni cha brgyad kyi rin po che'o/ /yid bzhin nor bu dang shel la sogs pa rnams so/ /dkyil 'khor kun gyi grwa rnams kyi/ /gnas rnams su ni gzhag par bya//zhes pa ni mchod pa dang sgo ba rnams so/ /sde pa bzhi pa'i dang po ni te yig go/ /ma'i sa bon ni ra yig go/ /dbyangs kyi gnyis pa yis zhes pa ni A yig gis so/ /dbang bsgyur ba ni zhes pa rjes su nga ro'o/ /rgyab bskum ste zhes pa ni mnyam pa'i thal mor byas nas sor mo thams cad kyi rgyab bskum par bya'o//rin chen rnam pa legs 'byung ba/ /zhes pa ni rin po che'i rnam pas yongs su gyur pa'o/ /rdo rje khu tshur gyi dkyil 'khor bstan pa de nas zhes bya ba la sogs pa gsungs pa/ rdo rje phreng bas rnam par brgyan/ /zhes pa ni phyi rol du sna tshogs rdo rje'i phreng bas nye bar brgyan pa'o//zhal bzhi pa yi rdo rje che/ /zhes pa ni sna tshogs rdo rje'o/ /'khor lo bzhin du yongs su bskor/ /zhes pa ni sna tshogs rdo rje'i phreng bas bskor ba'o/ /de'i dbus su zhes pa ni zhal bzhi pa'i rdo rje chen po'i'o/ /kha dog sna tshogs mchog tu 'bar/ /zhes pa ni rnam pa sna tshogs pa'i mchog go//rdo rje sna tshogs zhes pa ni rdo rje khu tshur ro/ /sna tshogs kha dog ces pa ni zhal la dkar po'o/ /brang la dmar po'o/ /lag pa la ljang gu'o/ /lto ba la ser po'o/ /lhag ma nag po'o/ /gzi brjid che zhes pa ni 'bar ba'i phreng ba'o/ /sangs rgyas phreng bas rnam par mdzes//zhes pa ni rdo rje sangs rgyas lnga'i cod pan can no/ /mya ngan 'das don rab gsal byed/ /ces pa'o/ /pa ni a yig go/ /sgeg sogs rig ma thams cad kyis/ /zhes pa ni mchod pa rnams thams cad kyis so/ /de bzhin zhes pa ni rin po che'i dkyil 'khor ji lta ba bzhin du dbang bskur ba la sogs pa'i phyag rgya rnams kyis/sna tshogs mchog tu rnam par bkra/ /zhes pa dang yang dag par sbrel lo/ /rdo rje'i thig les yongs su bskor/ /zhes pa ni sna tshogs thig le'i phreng bas yongs su bskor ba'o/ /sgeg sogs rig ma thams cad kyis/ / phyag rgya thams cad kyis zhes pa 'di kho na'i rim pas nye bar bstan pa/ de la dbang bskur phyag rgya yis/ /zhes bya ba la sogs pa gsungs so/ /'jam dpal gyi dkyil 'khor nye bar ston pa de nas zhes gsungs pa/ shes rab ye shes 'khor lo che/ /zhes pa ni de bzhin gshegs pa'i bla na med pa'i shes rab ye shes kyi rang bzhin rtsibs brgyad pa'i 'khor lo'o//sngags kyi yi ges rnam par brgyan/ /zhes pa ni mu khyud la a ra pa tsa na zhes pa'i yi ge rnams kyis rnam par mdzes pa'o/ /ral grir bcas zhes pa ni phyag bzhi po rnams su'o/ /ral gri'i phreng bas rnam par mdzes//zhes pa ni 'od kyi dkyil 'khor du'o/ /yi ge lnga yi gsang sngags che ni ji skad du gsungs pa rnams so/ /de'i gzhogs su gnas zhes pa ni 'od kor la yang dag par bzhugs pa'o/ /rol zhes pa ni 'khor lo'i phyi rol lo/ /shes rab kyi pha rol tu phyin pa ni stong pa nyid chos thams cad rang bzhin med pa'i rnal 'byor gyis so zhes bya ba la sogs pa can no//de pad+ma'i 'dab ma rnams su bri bar bya'o/ /sngon du bshad pa'i cho ga yis/ /zhes pa ni khu tshur gyi dkyil 'khor du bshad pa'i cho gas so/ /mchod pa'i cho ga rgyas par zhes pa ni sgeg mo la sogs pa rnams dgod pa'o//ngos bzhi po rnams su ral gri'i phyag rgya bri'o/ /'jug pa'i cho ga rgyas pa de kho na bzhin du zhes pa ni chos kyi dkyil 'khor ji lta ba bzhin du'o/ /sems bskyed ma thag tu chos kyi 'khor lo bskor ba'i gnas kyi dkyil 'khor ston pa de nas zhes bya ba la sogs pa gsungs pa chos kyi 'khor lo ni rtsibs bcu gnyis pa'o//rten cing 'brel 'byung phreng ba zhes pa ni ma rig pa'i rkyen gyis 'du byed de zhes pa a yig ste de mu khyud la bri bar bya'o/ /phyag bzhi zhes pa ni gnyis dag gis 'khor lo 'dzin pa'o/ /gnyis dag gis ral gri dang zhags pa 'dzin pa'o//rang gi yi ge'i phreng ba rnams kyis ni hUM yig gi phreng ba'o/ /de yang g.yas pa dang g.yas min gyi gzhogs su 'khor lo gnyis kyis 'od zer dang ldan zhing rnam par mdzes pa'i 'od kyis bskor bar blta bar bya'o/ /de yi zhes pa bcom ldan 'das kyi'o//'khor lo bzhin du rab tu gnas/ /zhes pa ni 'khor lo'i rnam par yongs su gyur pa'o/ /mchod pa zhes pa ni sgeg mo la sogs pa rnams so/ /'khor lo bskor bar bya la sogs/ /zhes pa ni chos kyi dbyings kyi dkyil 'khor gyi rnal 'byor gyis bsdu ba la sogs pa sngon ma can gyis zhugs nas 'jug pa la sogs pa rdzogs par bya'o//nam mkha' mdzod kyi dkyil 'khor nye bar ston pa de nas zhes pa la sogs pa gsungs pa/ thog ma'i dkyil 'khor tshul gyis ni/ /zhes pa chos kyi dbyings kyi dkyil 'khor gyi rigs pa'o/ /dkyil 'khor kun gyi zhes pa gru bzhi pa la sogs pa dang ldan pa phyi'i dkyil 'khor la'o//snang ba che zhes pa ni 'od kyi phreng ba can no/ /mkha' bzhin shin tu 'od gsal ba/ /zhes pa ni bai DUr+ya'i kha dog go/ /zla ba'i kha dog gzi brjid che/ /zhes pa ni 'od kyi dkyil 'khor dkar po'o/ /sna tshogs mtshon cha 'chang ba zhes pa ni sna tshogs rdo rje 'dzin pa'o//sangs rgyas phreng ba sogs pas spras/ /zhes pa ni sangs rgyas lnga'i cod pan dang / dpral ba'i steng dang mgrin par yang rin po che'i phreng ba gzhan no/ /dbyangs kyi dgu pa zhes pa ni oM yig ste ma ning bzhi po med pa nyid kyi phyir ro/ / thig le sgra yis rnam par brgyan/ /zhes pa ni rjes su sna ldan dang bcas pa'o/ /de yang zhes pa ni gang thog ma ste dang po'i sde pa'i gsum pa'o/ /rjes su sna ldan dang bcas pa bstan to/ /pad+ma'i rgyal po'i phyi rol gyi 'dab ma la phreng ba mchog 'chang ba'o/ /rdo rje rin chen gyi phyag rgya las mthe'u chung dang ming med khab bzhin du byas pa 'di tog gi phyag rgya'o//rdo rje gnod sbyin gyi dkyil 'khor bstan pa de nas zhes bya ba la sogs pa gsungs pa/ dkyil 'khor snga ma'i sbyor ba yis/ /dkyil 'khor thams cad thig btab po/ /zhes pa ni bshad ma thag pa'o/ /khro bo'i dkyil 'khor zhes pa ni 'bar ba dang bcas pa'o//der yang zhes pa ni khro bo'i dkyil 'khor gru bzhi par ro/ /me'i rdo rje mchog ces pa ni me'i dkyil 'khor ro/ /sha Sha sa'i sde pa'i mtha' can ni ha yig go/ /de yang tsheg drag dang bcas pa'o/ /khro bo'i dkyil 'khor gyis bskor ba ni gang du sngags kyi yi ge'i phreng ba bri bar byed pa de khro bo'i dkyil 'khor gyis bskor ba'o//don yod rgyal po'i dkyil 'khor bstan pa de nas zhes bya ba la sogs pa gsungs pa lcags kyu'i rnam pa zhes pa ni zur gsum gyi rnam pa'o/ /lcags kyu la ni rab tu bzhugs/ /zhes pa ni 'od zer dang bcas pa'i lcags kyu la yang dag par bzhugs pa gang yin pa'o//phyag bzhi zhes pa ni gnyis gang gis rdo rje khu tshur gyi lcags kyu 'dzin pa'o/ /g.yon pa bsnyems pa dang bcas pa g.yas pas mchog sbyin dang bcas pa'o/ /rdo rje lcags kyu 'dzin par byed pa'i khu tshur chen po gang yin pa de bzhin du brjod do//'bar ba 'phro bas rnam par brgyan/ /zhes pa ni rab tu g.yo ba'i 'od zer 'khrugs pa'o/ /sngags kyi yi ge legs par sbyar/ /zhes pa ni 'od kyi dkyil 'khor du sngags kyi yi ge dgod pa'o/ /lcags kyu'i phyag rgya ni sngar bshad pa'i rdo rje rgyal po'i phyag rgya'o//de'i yang dag par sbyar ba ni de bcings nas kun du 'don pa'o/ /rdo rje rgyal po'i dkyil 'khor la yang thams cad sngar bzhin las khyad par ni zhags pa lcags kyu 'dzin zhes pa la sogs pa ste phyag gnyis kyis zhags pa 'dzin pa'o/ /gnyis kyis lcags kyu 'dzin pa'o zhes ji srid pa'o/ sde tshan gnyis pa'i gsum pa ni dza yig go/ /gnyis 'gyur nyid du rnam par gnas/ /zhes pa ni yang dag par sbyar ba byas pa'o/ myang 'das thig le zhes pa ni tsheg drag go/ /rab tu bskor zhes pa ni 'od kyi dkyil 'khor du gnas pa'o/ /sgeg mo la sogs pa ni sngon bzhin yang ngo / /rdo rje chags pa'i dkyil 'khor la yang phyag bzhin zhes pa ni g.yon pas gzhu 'dzin g.yas pas mda' 'phen pa'o//g.yon gzhan gyis bsnyems pa dang bcas pa g.yas kyis mchog sbyin pa'o/ /sngags kyi phreng bas rnam par brgyan/ /zhes pa ni 'od kyi dkyil 'khor du ho yig ge phreng bas rnam par mdzes pa'o/ /me tog mdas ni yongs su bskor//zhes pa ni ngos bzhi po rnams su me tog gi mnga' rnams kyis yongs su bskor ba'o/ /sgeg mo la sogs pa de dag kyang blta bar bya'o/ /'chad par 'gyur ba'i rdo rje khu tshur gyi dkyil 'khor gyi mthar thug pa rnams su gang ma brjod pa de dang de dag gi rgyud kyang dbang du byas pa'o//rdo rje legs pa'i dkyil 'khor la yang ha yig gi sngon ma/ sems can don ni rab sgrub byed/ /zhes pa sa yig go/ /thig le gnyis ni tsheg drag go/ /sangs rgyas thams cad mnyam par spyod/ /ces pa ni sangs rgyas thams cad bsngags par bya'o/ /rdo rje gzi brjid kyi dkyil 'khor du yang / kun na sangs rgyas nyid mtshungs pa//zhes pa ni thams cad du sangs rgyas nyid sbyin pa'o/ /dbyangs kyi bcu gcig pa ni a yig go/ /sngags kyi phreng bas yongs su bskor/ /zhes pa ni 'od kor la rang gi sngags kyi yi ge'i phreng bas bskor ba'o/ /phyag rgya'i mtshan ma zhes pa ni phyag gnyis kyis nyi ma'i dkyil 'khor dang rin po che'i dkyil 'khor 'dzin pa'o//ngos bzhi po rnams su yang de kho nas yongs su bskor ba'o/ /sangs rgyas thams cad mchod nas zhes pa ni bsdu ba la sogs pa sngon ma can ni lhag ma'o/ /rdo rje rgyal mtshan gyi dkyil 'khor la yang rin chen tog gi dkyil 'khor ni rin po che'i dkyil 'khor ro/ / phyag bzhi zhes pa ni gnyis kyis rgyal mtshan 'chang ba'o/ /g.yon pas bsnyems pa dang bcas pa g.yas kyis mchog sbyin pa'o/ /sde tshan bzhi pa'i dang po la/ /me yi gsal ba can ni tra yig go/ /de yang tsheg drag dang bcas par blta bar bya'o/ /rdo rje bzhad pa'i dkyil 'khor la yang gnyis kyis so'i phreng ba 'dzin pa g.yon gyis bsnyems pa dang bcas pa g.yas kyis mchog sbyin pa'o//rgyu don rab tu sgrub byed pa/ /zhes pa ni ha yig go/ /de yang tsheg drag dang bcas pa'o/ /rdo rje smra ba'i dkyil 'khor la yang dngos grub rab tu ster ba po nyid kyi phyir dngos grub kyi dkyil 'khor ro/ /rdo rje'i thig gis yongs su bskor ba nyid kyi phyir rdo rje'i dkyil 'khor ro//me la yang dag 'byung zhes pa ni me'i dkyil 'khor la gnas pa'o/ /de nyid gsal bar gru gsum zhes bya ba la sogs pa gsungs pa chos kyi dbyings kyi yi ge ni ra yig go/ /de'i sngags nyid kyi phyir chos dbyings yi ge ste bcom ldan 'das kyang ngo / / thams cad gzi brjid rang bzhin zhes pa ni 'od zer sna tshogs pa'i phreng ba'o/ /phyag bzhi zhes pa ni gnyis kyis kyang bsnyems pa dang bcas pa dang mchog sbyin pa'o/ /gnyis pa zhes bya ba la sogs pa rnams kyis ting nge 'dzin gzhan ston par byed do/ /brjod bya'i dbye ba zhes pa ni don 'byed par mngon par dgongs so zhes pa ji srid pa'o//rdo rje srung ba'i dkyil 'khor la yang go cha zhes pa ni go cha'o/ /phyag bzhi zhes pa ni gnyis kyis go cha 'dzin pa'o/ /g.yon pas me tog dmar po 'dzin pa'o/ /g.yas kyis mchog sbyin pa'o/ /sna tshogs kha dog sna tshogs te sngar brjod pa'i rdo rje khu tshur bzhin no/ /gzi brjid che zhes pa ni 'od zer 'bar ba dang ldan pa'o//phyag rgya sngags dang yang dag ldan/ /zhes pa phyag dang ngos bzhi po rnams su'o/ /sngags dang yang dag par ldan pa ni 'od kyi dkyil 'khor la'o/ /sha Sha'i sde mtha' can zhes pa ni ha yig go/ /nA da yis ni steng du brgyan/ /zhes pa ni rjes su sna ldan dang bcas pa'o//sna tshogs kha dog gis bsgoms pas/ /zhes pa ni 'od zer sna tshogs kyis so/ /sngags kyi phreng bas yongs su bskor/ /zhes pa ni 'od kor la'o/ /glog gi phreng bas rnam par brgyan ni de dang de kho na'o/ /rdo rje khu tshur gyis dkyil 'khor la yang rdo rje pad+ma zhes pa ni sna tshogs rdo rje la gnas pa'i pad+ma la'o//phyag bzhi zhes pa ni gnyis kyis khu tshur gyi phyag rgya 'ching ba'o/ /g.yas pas mchog sbyin pa'o/ /de bzhin gshegs pa rnams kun gyi khu tshur zhes pa de dag kho na'i sgrub par byed pa sku dang gsung dang thugs zhes pa gsungs pa/ de bzhin gshegs pa thams cad kyi sku dang gsung dang thugs gcig pa can du byed do zhes pa'i don no//rdo rje sems dpa' zhes pa ni dbye bar byar med pa'i sems so/ /mnyam nyid mchog ces pa kho na bstan pa gsungs pa gnyis nyid med ces pa ste mchog ni sems dpa'i mchog nyid kyi phyir ro/ /gsang ba ni sngags kyi sems dpa' rnams kyis bsrung bar bya ba nyid kyi phyir ro//sdud pa zhes pa ni gcig pa can du byed pa'o/ /sde tshan lnga pa'i gsum pa ni pa yig go/ /de yang rjes su nga ro dang bcas par blta bar bya'o/ /rdo rje sems dpa' dang rin chen dang chos dang las rnams rim pas rnam par snang mdzad chen po dang nam mkha'i snying po dang 'gro ba 'dul ba dang rdo rje khu tshur gyi rang bzhin yin pa nyid kyi phyir dkyil 'khor gsungs so zhes pas 'dir ni nye bar bkod do//'dir phyag rgya dgod pa nye bar ma bkod pa gang yin pa de rnams kyang ngos bzhi po rnams su rang gi mtshan ma'i phyag rgya nyid gzhag par bya'o/ /sngar gsungs pa'i rdo rje la sogs pa rnams kyis kyang de rnams kyi phyag dang kha dog dang ting nge 'dzin la sogs pa'i dbye bas khyad par yod par khong du chud par bya'o//da ni 'jig rten pa'i dkyil 'khor nye bar bstan pa de nas zhes pa la sogs pa gsungs pa/ de la dbang phyug chen po'i dkyil 'khor la/ sgo khyud la sogs rnam par spang / /zhes pa'i sogs kyi sgras rta babs la sogs pa dang bral ba'o//sgo gcig par re khA dkar po'i dkyil 'khor la'o/ /phyag bzhi zhes pa ni gnyis kyis mdung rtse gsum pa dang paT+Tis 'dzin pa'o/ /gnyis kyis dung dang pad+ma 'dzin pa'o/ /chu'i dkyil 'khor dbus su zhes pa ni gru bzhi pa'i dkyil 'khor la chu'o/ /de las khyu mchog go /de la zhon pa'o//mdung rtse gsum pa la sogs pa'i phyag rgya rang gi ngos rnams su dgod par bya'o/ /'di nyid la zhes pa dbang phyug chen po'i dkyil 'khor du dga' byed dbang phyug kyang gar byed pa gzhag par bya'o/ /phyag bzhi zhes pa yang de kho na dang sbrel lo/ /lag pa stong gis zhes pa ni nag po chen po nyid kyi'o/ / rtse gsum gyi phyag rgya ngos rnams su gzhag par bya'o/ /'di nyid kyi ni cho ga yis/ /zhes pa ni sgo khyud la sogs pa rnam par spangs pa'i rigs pas so/ /sbrang rtsir byed pa la sogs pa'i ming po gsum zhes pa sbrang rtsir byed pa dang / rgyal bar byed pa dang grub par byed pa rnams te de rnams rim pas 'dod chags dang zhe sdang dang gti mug gi bdag nyid can tshangs pa dang drag po dang khyab 'jug rnams ji srid par ro//gzhu'i phyag rgya yongs su 'dzin/ /zhes pa ni lag pa g.yon pa na gzhu'o/ /me tog mda' ni yongs su 'phen/ /zhes pa g.yas pas mda' 'dzin pa'o/ /ngos bzhi po rnams su rang gi mda'i phyag rgyas yongs su bskor ba'o//'dod chags sbrang rtsir byed par gsungs/ /zhe sdang rgyal bar byed par dran/ /gti mug grub byed rab tu brjod/ /kun du gsang ba'i ming rnams so/ /zhes pas 'di rnams kyi ming rnams kyi mtshan ma de dag 'dod chags la sogs pa rnams su bsgos pas nye bar mtshon pa'o//de ltar zhes pa ni rdo rje sbrang rtsi la sogs pa'i dkyil 'khor bzhin du 'dab ma bzhi pa zhes pa ni pad+ma 'dab ma bzhi pa la'o/ /rgyal ma dmar po gzhu dang mda' dang ldan pa'o/ /rnam rgyal nag po phub dang ral gri 'dzin pa'o/ /mi pham ser mo gter gyi lag pa'o/ /gzhan gyis mi thub ma dkar mo thod pa dang bcas pa'i gri rings 'dzin pa'o//gzhogs su rang gi mtshan ma de rnams bri bar bya'o/ /go rims ji lta ba bzhin du sngags rnams gzhag par bya'o zhes pa ni rang gi sngags 'di dag 'don cing dgod par bya'o/ /'jig rten pa la yang lag pa g.yon pa'i khu tshur 'di rnams kyi phyag rgya ste de kho na bzhin du lag pa'i rgyab ces pa oM gyi yi ge de nyid dgod do//rdo rje phreng ba zhes 'bar ba'i mthar thug par rdo rje rtse gsum pa'i phreng ba'o/ /yang dag sbyor las zhes pa dbang du byed pa la oM yig dmar po bsgrub bya'i ming dang spel ba bri'o/ /de la bsgrub bya nang du bsgoms nas 'od zer dmar po'i phreng ba can gyi sor mo dpyad par bya'o//rnam par dbye ba yang zhes pa dgug pa las te de kho na bzhin du bsams nas bsgrub bya dgug pa'i tshul gyis de la mngon du phyogs pa'i sor mo'i lcags kyu rnam par dbye bar bya'o/ /phyag rgya zhes pa rmongs pa las te nag por bsams nas phyag rgya bya'o/ /kun spyod ces pa nag po nyid bsams nas bsgrub bya de yi ge nyid kyi nang du bcug nas sor mo'i mdzub mo las gzhan kun du dpyad par bya'o//bsdus pa zhes pa de bcing pa las te de bzhin kho nar bsams nas bsgrub bya nang du bcug ste sor mo'i rtse mos btsir bar bya'o/ /de'i steng du lha'am lha mo blta'o/ /de rnams thams cad dang de thams cad de'o//rmongs pa la sogs zhes pa sogs kyi sgras bskrad pa'o/ /rengs pa sogs kyis 'di las gzhan pa'i las kyang 'di'i nang du'o/ /go rims bzhin zhes pa ji ltar rjes su mthun par ro/ /rdo rje snying po'i rgyan du rtsa ba'i rgyud kyi rnam par 'byed pa'o/ /rgyud phyi ma nye bar mchog tu 'phags pa de nas bcom ldan 'das zhes pa la sogs pa gsungs pa byang chub sems zhes pa nas brtsams nas/rdo rje rnal 'byor dbang phyug mchog /ces pa ji srid rnam par snang mdzad kyi sgo nas so/ /mi bskyod pa dang zhes pa la sogs pa nas thams cad de bzhin gshegs zhes pa srid par mi bskyod pa la sogs pa de bzhin gshegs pa bzhi'i sgo nas so//'khor los sgyur ba gtsug tor gyi sgo nas so/ /rdo rje sems dpa' zhes pa nas brtsams nas/ rdo rje mtshams sbyor legs par bsgrub/ /ces pa ji srid par rdo rje sems dpa' la sogs pa sems dpa'i sgo nas so/ /phyag 'tshal khyod ces pa de bzhin gshegs pa thams cad la phyag byas pa'i sgo nas 'di la bstod pa blta bar bya'o//da ni de nas bcom ldan 'das zhes pa la sogs pa dran pa nye bar gzhag pa la sogs pa nas dpe byad kyi mthar thug pa'i sgrub thabs nye bar bsdu ba gsungs pa/ sangs rgyas thams cad kyi yul rnams ni dran pa nye bar gzhag pa la sogs pa rnams so//de rnams kyi 'jug pa ni gang du shes pa ste/ /de ni sangs rgyas thams cad kyi yul la 'jug pa'i ye shes so/ /de lha dang dbyer med pa nyid kyi phyir rdo rje'o/ /de la dmigs pa'i ting nge 'dzin la yang de bzhin du brjod par bya'o/ /de nyid kyang gang gi ming yin pa de la snyoms par zhugs pa zhes pa mngon du mdzad pa dang ldan pa'o//'jam dpal gzhon nur gyur pa zhes pa ni 'jam dpal gzhon nur gyur pa nyid kyis yongs su gyur par sngar byin gyis brlabs pa las so/ /de bzhin gshegs pa thams cad kyi shes rab ye shes zhes pa ni rnam par snang mdzad kyi thugs so/ /zhugs par gyur to zhes bya ba ni nang du thim pa ste mi bskyod pa la sogs pa'i thugs legs par byung nas zhes pa lhag ma'o//shes rab dang ye shes rnam par sbyangs te zhes pa ni dran pa nye bar gzhag pa rdzogs par bya ste'o/ /byang chub kyi sems bskyed nas zhes pa la sogs pas rdo rje sems dpa' la sogs pa'i byang chub sems dpa' bcu drug gi ting nge 'dzin yang bskyed nas zhes pa bstan pa'o//de bzhin gshegs pa thams cad kyi shes rab ye shes ni rnam par snang mdzad kyi shes rab ye shes kyis so/ /yongs su bskor ba zhes pa ni yongs su bskor bar bskyed nas so/ /rnam par cis sha na gsungs pa/ de bzhin gshegs pa rnams thams cad kyi zhes pa la sogs pa de bzhin gshegs pa thams cad kyi ni mi bskyod pa la sogs pa rnams so//nyi ma'i dkyil 'khor yang 'di rnams kho na'o/ /shes rab kyi pha rol tu phyin pa mdor bstan pa chos kyi tshig ces pa ni dran pa nye bar gzhag pa la sogs pa'i tshig go/ /'jig rten du yang nye bar len pa med do zhes pa ni nye bar thob pa med pa'o//lus la sogs pa'i chos mnyam pa can ni stong pa nyid do/ /gang de kho na gnas te gzhi'i rang bzhin yin pa de yang nye bar thob pa med do/ /rnam par snang mdzad kyi rnal 'byor sngon du byas nas zhes pa ni de'i snying po rang gi snying ga'i rdo rje la bkod nas dran pa nye bar gzhag pa rnams kun rdzob dang don dam pa ji lta ba bzhin du sgom par byed pa'i sku'o//de bzhin du dpe byad rnams kyi mthar thug par ji srid par ro/ /mi spong ba'i ched du ni don dam par chos thams cad dngos po med pa'i phyir ro/ /mi spong ba ma yin pa'i ched du ste ma byung ba yongs su brtags pa rig bzhin pa nyid kyi phyir don dam par gnyis su med pa'o//don dam pa'i sgo nas dngos po mthar thug pa med pa'i phyir dang kun rdzob kyi sgo nas ji ltar snang ba theg pa las so sor 'jug pa'o/ /spros pa med pa ni don dam par gnyis su med pa'i tshul lo/ /chos thams cad mnyam pa nyid la gnas pa ni bcom ldan 'das rnam par snang mdzad nyid do/ / stobs thams cad ces pa ni stobs byed pa dang bral ba'o/ /cis na gdod ma nas spros pa med pa'o/ /ci ru gzhan nye bar lhag pa'i spros pa med par 'gyur zhe na gsungs pa/ gdod ma nas dag pa zhes so/ /ngag so sor yang dag par rig pa zhes pa ni nges pa'i tshig so sor yang dag par rig pa'o/ /ci'i phyir chos thams cad gcig tu rjes su dran zhe na gsungs pa/chos thams cad don dam par stong pa nyid ces pa'o/ /mtshan nyid ni rang bzhin med pa'i bdag nyid can no/ /mtshan nyid med pa ni de las bzlog pa'o/ /de rnams rnam par 'byed pa ni snang ba med par byed pa'o/ /des mnyam pa nyid de khong du chud pa'o//sgo ni thabs te de nyid gang gi ming yin pa de la de bzhin du brjod par bya'o/ /byang chub kyi yan lag bdun po rnams kyi mnyam pa nyid ni stong pa nyid do/ /skye ba med pa nyid kyang mtshon par bya ba ni mngon du bya'o/ /bdag gis sam zhes bya ba de la de bzhin du gsungs so/ /lam zad mi shes pa ni gang du na byang chub kyi sems la ste de'i 'jug pa'o//legs par so sor rig pa zhes pa ni rnam pa thams cad yongs su shes pa'o/ /de'i rang bzhin ni thams cad mkhyen pa'i ye shes su rig par 'gyur ro/ /mtshan nyid gcig pa zhes pa ni gnyis su med pa'i rang bzhin las so/ /chos thams cad ces pa dang rgyu dang 'bras bu'i ngo bo las so//de nyid kyis zhes pa ni 'chad par 'gyur ba'i sngags kyis so/ /legs par so sor rtog pa'i phyir/ /zhes pa ni legs par so sor byed pa'i phyir ro/ /chos thams cad spros pa med pa'i mtshan nyid ni don dam pa'o/ /de'i phyir yang kun nas nyon mongs pa med cing rnam par byang ba med la bsam gtan med cing bsam gtan ma yin pa'ang med la snyoms par 'jug pa med cing snyoms par 'jug pa ma yin pa'ang med pa'o//mi 'jigs pa rnams kyis ni mnyam pa nyid do/ /gang las gang zhig na chos thams cad sgyu ma'i mtshan nyid do/ /de ltar na yang ci'i phyir zhe na gsungs pa/nga'i rnam pa zhes pa la sogs pa ste ngar 'dzin pa dang / nga yi bar 'dzin pa ni bdag dang bdag gi bar mngon par zhen pa dag dang bral ba nyid kyi phyir ro/ /rnam par thar pa brgyad mnyam pa nyid ces pa ni snyoms par 'jug pa brgyad stong pa nyid do/ /rnam par thar pa mnyam pa nyid ces pa ni snyoms par 'jug pa dgu dang gnyis su med pa nyid do//thams cad ces pa ni sbyin pa la sogs pa thabs kyi mthar thug pa'o/ /mi mnyam pa la sogs pa'i mthar phyin pa nyid ni rang bzhin du 'gyur ro/ /ji ltar na brtan par rjes su rtogs pa'i sbyor bas bsgom pa phyi rol gyis so/ /ye shes kyi don to zhes pa ni ye shes kyi rang bzhin no//ci'ang med pa zhes pa ni dmigs pa dang bral ba'o/ /nyon mongs med pa zhes pa ni kun nas nyon mongs pa med pa'o/ /yi ge med pa zhes pa ni sgra dang ldan pa ma yin pa'o/ /de'i phyir don yod pa ste spyod pa dang bral ba'o/ /gdod nas dag pa ni glo bur gyi dri ma dang bral ba nyid kyi phyir ro/ /dri ma dang bral ba dang 'od gsal ba gnyis su med pa dang rnam par rtog pa med pa'i phyir ro//de'i phyir yang mngon par brjod bya ma yin pa ste/ byang chub sems dpa' rnams kyis gang 'di la rnam par gnas pa de rnam par bzhag pa'o/ /gang las gang gi phyir na/ don dam par na gnas pa dang bral ba de yang ci ltar rnam par med pa nyid kyi phyir stong pa nyid gcig tu rnam par gnas pas rnam par gzhag pa gcig go//dbang thams cad pa yang don dam par rang bzhin rnam par dben pa'o/ /kun rdzob tu dbang phyug thams cad la dbang rjes su thob pa'o/ /gang las na chos thams cad legs par so sor rtogs pa nyid kyi phyir ro//thams cad du zhes bya ba ni yul du'o/ /thams cad mnyam pa nyid kyis bya ba ni chos thams cad mtshungs pa nyid kyis so/ /stong pa nyid las yang dag par rjes su rtogs pa nyid kyi phyir te/ de'i phyir yang shes rab yongs su dag pa'o/ /ci'i phyir mtshan mngon par 'grub par blta bar bya ba ma yin zhe na gsungs pa/byang chub ni mtshan nyid med pa nyid kyi phyir zhes pa gang las byang chub la mtshon par bya ba med pa'o/ /gang zhig chos thams cad mtshan nyid med par 'gyur zhe na gsungs pa 'di lta ste/ stong pa nyid kyi mtshan nyid do/ /zhes pa'o/ /stong pa nyid du mnyam pa zhes pa ni de'i rang bzhin no//gang gis na de ltar de bzhin gshegs pa thams cad dang / byang chub dang chos thams cad kyang mtshan nyid gcig pa ste/ 'di lta ste/ nam mkha'i mtshan nyid can zhi ba'i mtshan nyid can no zhes pa'o/ /tshad med pa'i dpe byad mnyam pa nyid la legs par rab tu gnas pa ni don dam par dpe byad rnams kyi dngos po med pa'i phyir ro//kun rdzob dang don dam par gsal byed ma yin pa mnyam pa nyid la legs par rab tu gnas pa ni mngon par zhen pa med pa'o/ /mtshan dang dpe byad rnams sgyu ma'i chos dang ldan pa la legs par rab tu gnas pa dus gsum gyi dpe byad ces pa ni 'das pa la sogs pa'i dus so//de'i mnyam pa nyid kho na rdo rje lta bu'i chos mnyam pa nyid do/ /de thob pa ni stong pa nyid chos kyi dbyings thams cad dang dpe byad mnyam pa nyid rjes su thob pa'o/ /de'i phyir yang gnyis su med pa ni don la yang dag par zhugs pa gnyis su med pa'i rang bzhin du skyes pa'o//de bzhin gshegs pa thams cad ni mi bskyod pa la sogs pa rnams so/ /de la sems dpa' chen po'i don nye bar ston pa'i phyir yongs su tshim par rgyun du legs so zhes pa 'chad par 'gyur ba bzhis rigs can bzhi po rnams kyi dkyil 'khor gyi sgo nas so//phyag bya ba bzhi po rnams ni de bzhin gshegs pa bzhi'i dbye bas khong du chud par bya'o/ /e ma ho zhes pa ni yang dag par rjod par byed pa la ya mtshan pa'o/ /rdo rje rnal 'byor gyi dbang phyug chen po ni rnam par snang mdzad do/ /de bzhin gshegs pa thams cad ni mi bskyod pa la sogs pa rnams so//a ha'i rnam pa la sogs pa bzhi po rnams kyang mi bskyod pa la sogs pa bzhi po de dang de'i rang bzhin no/ /'di nyid ni phyag bya ba yang dag par bsdus te bstan no/ /rigs thams cad kyi 'khor lo zhes pa ni de bzhin gshegs pa la sogs pa'i rigs so/ / rnam par snang mdzad chen po'i gsang ba'i dkyil 'khor nye bar bstan pa gsungs pa/ de nas bcom ldan 'das zhes pa la sogs pa ste/ kun du sna tshogs bya ba rnams/ /zhes pa ni rnam par snang mdzad chen po'i bya ba'am sku de ni rnam par dben pa'i sa las bsgrub par bya'o/ /dngos grub mchog ces pa ni 'khor los sgyur ba'i dngos grub bo//ri'i rtse mo rnams su'am dur khrod la sogs pa rnams su rdo rje 'dzin pa dang rdo rje hUM mdzad dang de'i bya ba rnams so/ /pad+ma'i skyed mos tshal la sogs pa rnams su phyag na pad+mo ste 'jig rten dbang phyug dang de'i bya ba rnams so/ /rgyal po'i pho brang la sogs pa rnams su lag na rin chen zhes pa nam mkha'i snying po'i bya ba de'o//rdo rje sna tshogs kyi bya ba de ni rtags gcig la sogs pa rnams su'o/ /dpal rdo rje sems dpa' ni lha'i mchog nyid ji skad du gsungs pa rnams su'o/ /'di rnams kyi thun mong gi gnas bstan pa'i phyir nam mkha' zhes pa la sogs pa gsungs pa phyogs kun mnyam nyid gnas zhes pa ni phyogs rnams skabs yin pa dang skabs ma yin pa'i rnam rtog yid la mi bya bar ro//shar te shar gyi phyogs so/ /lho ni lho'i phyogs te/ bzhi po rnams su dkyil 'khor gyi thig brgyad po'i phyi ru ni phyi'i thig bzhi la kun nas gru bzhi pa'i byed kyi dkyil 'khor brgyad do//kha dog lnga zhes pa ni/ sngon po dang / ser po dang / dmar po dang / ljang gu dang / dkar po'i bdag nyid can no/ /rnam par snang mdzad chen po'i dkyil 'khor du dgod pa bstan pa dbus kyi dkyil 'khor dbus zhes pa la sogs pa gsungs pa sangs rgyas gzugs brnyan zhes pa ni rnam par snang mdzad chen po'o//sgeg pa zhes pa ni rdo rje rgyal po la sogs pa rnams so/ /rin chen 'bar sogs pa yang dag ldan/ /zhes pa ni rdo rje rin chen rjes su son ba'o/ /sna tshogs rdo rje sogs rnams kyis ni rdo rje la sogs pa rnams so//rdo rje rnal 'byor can gyi dbang phyug gi zhes pa ni rnam par snang mdzad chen po yi'o/ /gal te yang kun du bzang po la sogs pa rnams zhes gsungs pa ni de bzhin du yang byams pa la sogs pa rnams khong du chud par bya'o/ /de bzhin zhes pa ni ji ltar chos kyi dbyings kyi dkyil 'khor du ji lta ba bzhin no//gtso bo gzhan gyi sgrub pa'i dkyil 'khor nyid 'dir bstan pa/ sgrub pa'i thabs ni brtsam par bya/ /zhes pa ste gsungs pa/ kun du sna tshogs skal bzangs la/ /zhes pa ni gru bzhi pa'o/ /kun du sna tshogs 'khor lo can ni rnam par snang mdzad chen po'o//rin chen bdun po nyid mchod pa chen po ste 'khor los sgyur ba gang gis yin pa de bzhin du brjod par bya'o/ /de'i yongs su rdzogs pa ni zla ba bzhin no/ /de nyid kyang sangs rgyas rdo rje 'dzin pa la sogs pa rnams so/ /rin chen gyi zhes pa nam mkha'i snying po'i'o//sna tshogs zhes pa rdo rje sna tshogs kyi'o/ /yan lag kun zhes pa ni spyi bo la sogs pa'i gnas brgyad du'o/ /phyag rgya zhes pa ni rang gi dam tshig gi phyag rgya'o/ /rin po che'i pad+ma 'dab ma brgyad pa la rab tu bzhag nas rnam par rgyal ba'i bum pa'i mthar thug pas yang dang yang du mngon par dbang bskur te thams cad rgyal srid du 'gyur ro//lag ldan la sogs pa rnams su rab tu bzhag nas/ dpal gyi sngags 'don pa 'di dag gis kyang dbang bskur bas 'dir yang de bzhin no/ /mtshon cha la sogs pa la rnam par rgyal ba'i rgyu nyid kyi phyir rnam par rgyal ba ste a pa rA dzi ta dkar po dang /gi ri kar+Ni ka gang yang rung ba 'dis dbang bskur ba ni rgyal bar gyur pa zhes gzhan gyis mi thub pa ste/ de nyid du grags pa gang yin pa de la de bzhin du brjod par bya'o/ /de zhes pa ni 'khor lo dang bcas pa'i gtso bo'i phyag rgya de zhes pa'o//de rnams la zhes pa bum pa la'o/ /'dis de dag bstan pa rang gi lha'i 'khor lo rnam par rgyal ba'i bum pa la'ang ji lta ba bzhin du bsgom par bya'o zhes so/ /mchog gyur pa zhes pa ni gi ri kar+Ni ka'o/ /lhag gnas kun gyi sbyor ba yi/ /zhes pa ni sngar gsungs pa'i mchod pa'i sngags kyis so//rdo rje'i dbang bskur ba ni rnam par snang mdzad chen po'i rnal 'byor pa la ste sngar bzhin du bshad par bya'o/ /ci'i don du rin po che la sogs pa rtog par byed ce na gsungs pa/ sangs rgyas byin rlabs sbyor ba yi/ /zhes gsungs pa/ de dag rtog par byed pa la sangs rgyas kyis byin gyis rlob par byed par 'gyur ro zhes mngon par dgongs so//rdo rje snying po'i rgyan gyi rgyud chen por ji ltar rnyed pa'i rgyud phyi ma'i rnam par 'byed pa'o/ /rgyud kyi rgyal po snying po'i don gyi phung po rgyas pa mi mngon zhing / /shin tu mi rigs blo gros yon tan rgya mtsho'i spyod yul du gyur pa//bdag gis 'dir ni rnam par 'grel phye bzung zhing thob pa sngags las byung / /skye ba med pa rgyud ma ches sngon gyur pa kho na tshad ma yin/ /dka' 'grel 'di ni sbyar ba las/ /'dir ni dge ba nyer bsags des/ /'jig rten ma lus 'di dag tu/ / rab zhi'i bshes gnyen ldan gyur cig /rdo rje snying po rgyan gyi rgyud kyi dka' 'grel slob dpon rab tu zhi ba'i bshes gnyen gyis mdzad pa rdzogs so// //bod kyi lo tsA ba shAkya'i dge slong rin chen grub kyis rgya dpe la bltas nas bsgyur ba'o// //