CLOSE WINDOW

D2498
བོད་ཡིག

/[ ]@##//sa dang shing dang rdo'i cho ga bzhugs/ @#/ /dpal rdo rje sems dpa' la phyag 'tshal lo/ /lha yi rnal 'byor dang ldan pas/ /sa gzhi mchod pa mchog bsgrubs te//lha las ldang bar byas nas ni/ /de nas sa gzhi sbyar bar bya/ /de la slob dpon gyis rang gi 'dod pa'i lha'i rnal 'byor byas te mtshan mo'i dus su gzhon nu ma gcig gdong shar du phyogs pa la mchod pa byas te bstod nas/ kye bcom ldan 'das ma dge ba dang mi dge ba smros shig ces brjod de/a/ ka/ pa/ ta/ tsa/ sa/ ha/ ba/ dza rnams tshig gi thog mar byung ba'i de'i brjod pa ma 'khrul par rjes su dpag par bya'o/ /de mig dgu pa'i sa rnams la der gal te byang du a yig thog mar gyur pa de'i tshe nges par shar gyi phyogs su rkang pas lhag pa'i khru gang gi 'og na srog chags gnyis kyi zug rngu'o//de ma phyung na rigs rgyud dang rang gi chung ma 'chi ba dang me'i 'jigs pa'i skyon 'byung ngo / /ka dang por brjod na byang du me'i zug rngu ste rgyal rigs kyi rus pa rkang pa gnyis kyis lhag pa'i khru gang gi 'og na yod do//de gal te ma phyung na de'i tshe nad sna tshogs dang / me'i 'jigs pa dang don nyams pa rgyal pos gzir ba rab tu 'byung bar 'gyur ro/ /pa dang por brjod na byang dang lho'i phyogs su rkang pas dman pa'i khru gnyis kyi 'og na rje'u rigs kyi rus pa'i dum bu'o//de ma phyung na phyi dang nang du tsha gdung dang don nyams par 'gyur ro/ /ta dang po dang phyi mar brjod na srin po'i phyogs na dmangs rigs kyi rus pa'i dum bu mtho gnyis kyi 'og na'o/ /de gal te ma phyung na de'i tshe nad sna tshogs kyis gzir ba dang me'i 'jigs pa dang khyim gyi bdag po 'chi'o//tsa dang por brjod na chu'i phyogs su bram ze'i rus pa'i zug rngu rkang pas lhag pa'i khru gnyis kyi 'og na'o/ /de ma phyung na khyim mes 'jig par 'gyur ro/ /sa dang po dang phyi mar yod na rlung gi phyogs su sa'i bdag po'i rgyud kyi rus pa'i zug rngu 'byung ste phyed dang bcas pa'i mtho gnyis kyi 'og nas so//de ma phyung na mdza' ba yun thung ba nyid dang mya ngan du 'gyur ro/ /ha dang por brjod na byang gi phyogs su rkang pa gsum gyis lhag pa'i khru gnyis kyi 'og na rje'u rigs kyi skye bo'i rus pa'i zug rngu ste 'dis ni skyes pa dang bud med rnams tshe thung ba nyid du 'gyur ro//ba yig dang po dang phyi mar yod na dbang ldan du mtho gsum na dmangs rigs kyi rus pa'o/ /yang na byi la'i rus pa dang lcags dang sol ba yod do/ /de ma phyung bar bzhag na rgyud kyi nor nyams par 'gyur ro/ /dza dang po dang phyi mar brjod na de'i dbus na bram ze'i rus pa'i zug rngu ste de ma phyung na rgyal po'i chad pas gzir ba dang nor zad pa'i skyon 'byung bar 'gyur ro//de'i phyir thams cad du nyes pa du ma 'byung ba'i phyir zug rngu rnams dbyung bar bya'o/ /de nas gzhon nu ma mchod de mdun du yungs kar dkar po dang nim pa'i lo ma la sogs pa g.yas pa'i khu tshur gyis g.yas su bskor zhing g.yon pa'i khu tshur gyis g.yon du bskor nas me la lan gsum du dor bar bya'o//sngags ni 'di yin te/ oM sarba pA pa da ha na badzra sarba pA baM da ha swA hA/ de nas arka'i ras bal gyis mar me'i sdong bu byas te/til nag po'i snum gyis mar me spar te zug rngu brtag par bya'o/ /de la phyogs gang du mar me'i rtse mo rgyug pa der nges par zug rngu yod do zhes rtogs par bya'o/ /gang du mar me rdul gyis bskor ba der zug rngur 'gyur ro/ /de nas gtor ma dang mchod pa la sogs pa byas nas me tog dang bcas pa'i 'bras yos sa la gtor bar bya'o// //shing gi las zhes gsungs pa de brjod par bya'o/ /nags kyi 'khrul 'khor de 'dren pa/ /mkhas pas yang dag blangs nas ni/ /shing gi mgo bor legs bzhag ste//bdud rtsi'i me la sbyin sreg bya/ /de la tshes dang gza' dang rgyu skar bzang po la mchod rten bzhengs pa dang gtsug lag khang la sogs pa'i mchod sdong dang / sgo dang / ka ba la sogs pa shing gi rtse mo'i mthar thug pa rnams kyi chu dang zheng dag phya mkhan dang thig skud 'dzin pa la sogs pa rnams kyis yang dag par brtags te/shing bzo ba'i 'khor rnams tshogs pa dang mchod sbyin byed pa'i slob dpon dag dang lhan cig nags su 'khrul 'khor gyis 'gro bar bya'o/ /nags tshal dang nye bar slebs pa'i dus su bdag nyid las thams cad pa'i gzugs su brtags shing bsams te/rkang pa g.yas mdun du byas nas shar dang byang gi phyogs su gdong phyogs pa'i slob dpon nags tshal gyi phyogs su rab tu zhugs te/ lo nyis brgya ma lon pa'i shing rnams ni nye bar mi blang ngo / /de la shing rnams ni dwi ke sha ra dang /mA lU ra dang / tit+ta sA ra dang / lha'i shing dang / sing lding dang / gam+bA ri dang / sbrang rtsi can dang / mya ngan med dang / ba ku la dang / rnam par rgyal byed dang / sa'i tsan+dan dang / tsam+ba ka dang / tsan+dan dang / kid+shu ka dang /pa lA sha dang / pits+tshi la dang / tsa la da la dang / sha ra sA la dang / tA la dang / gran+thi la dang / ardzu na dang / dzam+bu dang / b+haN+Di la dang / ro hi NI la sogs pa shing bzang po du ma gang dang gang du skyes pa'i shing de dag legs par brtags te mtshan mo'i dus su las thams cad pa'i rnal 'byor dang ldan pa'i slob dpon spro ba dang ldan pas shing bzo ba grogs dang bcas pa legs par bsrung ba byas te/nyer spyod lngas bla ma dang sangs rgyas dang byang chub sems dpa' dang phyogs kyi bdag po dang / nags kyi shing gi lha la sogs pa rnams yang dag par mchod de/phyogs kyi gtor ma yang byin nas shing bzo ba grogs dang bcas pa bza' ba dang / bca' ba dang / zas dang / skom dang / tAm+bU la la sogs pa rnams kyis yang dag par mgu bar byas nas/'dod pa'i lha la bcom ldan che ge zhes bya ba la sogs pa'i tshigs su bcad pa rnams kyis gsol ba btab pas thugs mnyes te/ shing bzo ba grogs dang bcas pa dang lhan cig 'dod pa'i lha'i rnal 'byor dang zhi ba'i yid kyis nyal bar bya'o/ /de la rmi lam bzang po nges par mthong na legs par grub par 'gyur ro//rmi lam ngan pa thams cad zhi ba'i sngags bzla bar bya'o/ /de nas snga bar mchod pa thams cad dang yang dag par ldan pa'i slob dpon rnam par snang mdzad chen po'i rnal 'byor dang ldan pas der gnas pa'i shing gi lha mo'i gzugs kyi shing gi rgyal po yang dag par mchod par bya'o//de la shing gi lha mo de rnams dang zhing skyong de rnams kyang 'di yin te/ lha'i shing dang / dwi ke sha ra dang / tsam+pa ka dang / mya ngan med pa'i shing rnams la shing gi lha mo gsang ba ma'o/ /zhing skyong stobs po che'o/ /ne mI dang /shA la dang / sha ra la'i shing rnams kyi ni 'jig rten gyi ma'o/ /zhing skyong ri bo chen po'o/ /a ru ra'i shing dang / ba Ta dang / ra shing rnams kyi ni rna ba nyed ma'o/ /zhing skyong shin tu stobs so/ /tsu ta'i shing la ni am+bi kA'o/ /zhing skyong stobs can no//ta la'i shing la bde byed ma'o/ /zhing skyong skra gyen brdzes so/ /kan+da pa'i shing la bzhin bzang ma'o/ /zhing skyong dril bu chen po'o/ /ka rany+dza la ni ka rany+dzar gnas ma'o/ /zhing skyong gtum pa'i dril bu'o/ /sbrang rtsi'i shing la dbang bskur ma'o/ /zhing skyong skyes pa'i dbang phyug go//gser shing la gtum mo'o/ /zhing skyong su dza ne tA'o/ /shri go ra'i shing la dpal chen mo'o/ /zhing skyong me'i kha'o/ /de nas las dang rjes su mthun par shing gi lha mo rnams dang zhing skyong rnams kyi yang rnam pa bsgoms nas rang rang gi sngags kyis mchod par bya'o//de la/ oM na maHswA hA/ zhing skyong gi'o/ /oM eM gu h+ya kA yi na maHswA hA/ de bzhin du oM maM ma hA me ra we na maHswA hA/ oM lAM lo ka mA tri kA yai na maHswA hA/ oM aHa ti ba lA ya na maHswA hA/ oM kAM kar+N+Na mo Ti kA yai na maHswA hA/oM baHba lA ya na maHswA hA/ oM aM aM bi kA yai na maHswA hA/ oM UM UM r+d+ha ke shA ya na maHswA hA/ oM shaM shaM ka ri kA yai na maHswA hA/ oM g+haM ma hA g+ha N+TA ya na maHswA hA/ oM suM su mu khA yai na maHswA hA/ oM tsaM tsaN+Da g+haN+DA ya na maHswA hA/ oM kaM ka raM dza bA si n+yai na maHswA hA/oM puM puM se shwa rA ya na maHswA hA/ oM shaM shai kA yai na maHswA hA/ oM suM su dza ne te na maHswA hA/ oM tsaM tsaN+DA l+yai na maHswA hA/ oM baM bah+ni mu khA ya na maHswA hA/ oM lAM ma hA la k+Sh+m+yai na maHswA hA/ gtsug lag khang gi rgyu yi phyir/ /bdag ni ljon shing gcad par 'dod//da ni khyed rnams shing gzhan la/ /gnas te bdag la bzod par mdzod/ /ces bya ba'i tshigs bcad lan gsum du brjod de/ /shing la gnas pa'i lha la gsol te/ de nas me tog la sogs pas legs par mchod de/ shing gzhan la gnas par bsam par bya'o//de nas bsrung ba'i ched du rma bya chen mo bklag par bya'o/ /de nas las thams cad pa'i gzugs can gyi shing bzo ba gser dang ras dang tA m+bU la la sogs pa rnams kyis yongs su mgu bar byas te/ dgra sta sbrang rtsis byugs te dge ba'i sems kyis shing bzo ba lag pa g.yas pa gyen du phyogs pa dang /kha byang shar du bltas te nyi ma la bltas nas shing gcad par bya'o/ /der yang dge ba dang mi dge ba'i mtshan ma blta bar bya ste mi dge ba'i mtshan ma byung na spang bar bya zhing / dge ba'i mtshan ma byung na gzung bar bya'o//gal te shing byang phyogs su lhung bar gyur na de'i tshe mchod sbyin byed pa la nor dang las kyi dngos grub tu 'gyur ro/ /dbang ldan gyi phyogs su lhung na rig pa dang ye shes kun du 'gro bar 'gyur ro/ /gal te dbang po'i phyogs su shing lhung na de'i tshe dpal dang 'byor pa dang rgyas par 'gyur ro//gal te shing gzhan rnam par nyid pa'i bar du lhung bar gyur pa de'i tshe dge ba dang bde ba nyid du 'gyur ro/ /gal te shing gzhan ma bcom par lhung na mchod sbyin byed pa la 'jigs pa chen por 'gyur ro//me dang bden bral dang gshin rje dang chu dang rlung gi phyogs rnams su lhung na grangs bzhin du me'i 'jigs pa dang nad dang 'chi ba dang chu dang rlung gi 'jigs pa 'byung bar 'gyur ro/ /bskyod pa na sgra mi gsal ba ring du grag cing lhung na mchod sbyin byed pa po la sdug bsngal gyi mtshan mar 'gyur ro//gcod pa'i dus su gal te rnga mo dang rta dang ce spyang dang bong bu dang sbrul dang phag dang bya rog la sogs pa gdug pa'i 'dab chags mthong bar gyur na de'i tshe nges par gsad pa dang bcing ba dang bgegs du ma 'byung bar 'gyur ro/ /gal te shing las khrag 'dzag na de'i tshe mchod sbyin byed pa 'chi bar 'gyur ro//zho dang mar dang sbrang rtsi dang 'o ma 'dzag na gsad pa dang bcing ba la sogs pa'i 'jigs pa 'byung bar 'gyur ro/ /'on kyang shing rnams la rang bzhin pa'i mngar ba dang tsha ba dang kha ba dang bska ba'i bcud 'byung ba de la ni nyes pa med do//sbal pa le brgan gyi mdog can byung na des ni nad 'byung ba rjes su dpag par bya'o/ /de bzhin du shing gi khong nas byi ba mdog ser skya byung na des chom rkun gyi 'jigs pa dang swA sha'i nad 'byung bar rjes su dpag par bya'o/ / shing gi bar nas rtsangs pa mdog ser po byung na des ni nor nyams par rjes su dpag par bya'o/ /de'i khong nas khyim gyi rtsangs pa phug ron gyi mdog can byung na des mchod sbyin byed pa dbul por 'gyur bar rjes su dpag par bya'o/ /kha dog dmar po'i na kU ka lA sha byung na des ni nad 'byung bar rjes su dpag par bya'o//khong nas sbrul sngo bsangs byung na des kyang nor zad pa nyid do/ /kha trU'i mdog can gyi chu byung na des ni chu'i 'jigs pa nyid rjes su dpag par bya'o/ /gdugs dang / rgyal mtshan dang / g.yung drung dang / dpal be'u dang / bum pa dang / rnga yab dang / 'khor lo dang / pad+ma dang / dga' ba 'khyil pa dang / sdong ris dang ku sha rnams ni mtshan ma bzang po ste de lta bu la sogs pa dge ba dang mi dge ba'i mtshan ma rnams yongs su shes par byas nas shing gcad par bya'o//de nas shing de dag yang dag par rnam par phye nas rtsa ba dang sked pa dang rtse mo'i mtshams rnams phye ste cha gcig gis lhag pa'i cha bcu'i tshad du bya ste/ shing rnams ji lta bar nags kyi 'khrul 'khor yang de bzhin te mchod rten dang bim+pa la sogs pa'i phyir du nags kyi 'khrul 'khor de rnams kyis drang bar bya'o// //rdo ba yang shis pa rnams gzung bar bya zhing mi shis pa rnams spang bar bya'o/ /de la ri'i ljongs dang ngam grog dang chu 'gram la sogs par gnas pa'i rdo ba mkhregs pa dang sra ba dang dri zhim pa dang shin tu reg na mnyen pa dang dri nga ba med cing 'jam pa dang snum pas ni tshe dang ldan no//'di la shis pa gnyis te dkar po dang ser po dang dmar po dang ljang gu dag dang / rdo ba nag po la gal te ri mo dkar po phra mo dang thig le dang ldan pa de'i tshe blon dang ldan pa dang / bza' mi'i rgyud dang rigs dang rgyal srid dang nor dang 'bangs rnams la shis so//steng dang byang dang dbang ldan dang shar gyi phyogs su gdong phyogs pas ni grangs bzhin du mkha' spyod kyi dngos grub dang skye bo dang nor dang rigs rgyud 'phel lo/ /thar pa dang mngon par 'dod pa'i dngos grub sbyin pa'i rdo ba rnams gzung bar bya'o//shin tu 'jam pa'i gzong gis bsnun pa na bye ma dang bcas pa dang / /rtsub pa dang bral ba dang gog sgra can gyi rdo ba rgan po 'di dag yongs su spang ngo / /de ltar shis pa dang mi shis pa'i rdo ba rnams shes par byas nas shis pa'i rdo ba rnams pa yi rnam lngas byugs te dri bzang po'i chus khrus byas nas dri la sogs pa rnams kyis rgyas pa'i sems kyis mngon par mchod de shing gi skabs su bshad pa'i las rnams thams cad 'dir yang bya'o//de nas grong khyer du 'jug pa'i dus su shing rnams dang /rdo ba rnams rgyal po'i skyes bu rnams kyis rgyas pa'i sems kyis drang bar bya zhing snga ma bzhin du mar me dang sil snyan sna tshogs kyi sgra dang ca co dang bcas te shin tu gus pa dang bcas pas zhugs te/ rgya che zhing mnyam pa'i sar bkod de pad+ma'i dbus su gzhag par bya'o//gtsug lag khang sogs bzhengs pa la nye bar mkho ba'i sa brtag pa dang shing dang rdo ba'i cho ga 'di sngags kyi gzhung lugs che ba zhig gis dum bur mngon no/ /'di'i rgya dpe gnyal gyi phyogs nas rnyed de lha dang bcas pa'i skye dgu mtha' dag gi gtsug gi nor bus zhabs rten gyi pad+ma la phyag byas pa'i 'dren pa dam pa chos kyi rje rin po che zhwa dmar cod pan 'dzin pa bzhi pa'i zhal snga nas bsgyur cig ces gsung ba bzhin du zha lu lo tsA bas dpal sne'u gdong rtser bsgyur ba'o// //