CLOSE WINDOW

D2492
བོད་ཡིག

@##/ /rgya gar skad du/ ga Na tsakra bi d+hiH/ bod skad du/ tshogs kyi 'khor lo'i cho ga /'phags pa spyan ras gzigs dbang phyug la phyag 'tshal lo/ /tshogs rnams bsag par bya ba dang / /bgegs rnams zhi bar bya ba'i phyir/ /bsod nams mthar thug tshogs 'khor lo//lung dang man ngag ji bzhin bri/ /de la re zhig dang po gzhung mthun pa'i tshogs kyi khang pa tsan+dan la sogs pa dri zhim pos bskor ba yid du 'ong ba'i gnas su las thams cad pa'i skyes bu lha'i nga rgyal dang ldan pas chag chag gdab pa dang / /maN+Dal bya ba dang / /me tog dgram pa dang / mchod pa bsham pa dang / phyogs skyong gi gtor ma rgya chen po la sogs pa bsham mo/ /de nas slob dpon spyan drangs la gnas ji ltar rigs pa dang bcas par bzhugs su gsol nas/ las thams cad pa'i bum pa rgyan chas dang ldan pa byin gyis brlab bo/ /mchod pa'i bum pa yang ci rigs par bsham mo//de nas rnal 'byor pa 'du bar 'os pa kun bkug la de dag gis gsol ba gdab po/ /khro bo sngon po mdzes pa ste/ /khyod ni bzang po yid du 'ong / /nor bu rin chen ces bcings pa'i/ /dbyug pa phyag na bsnams pa ste/ /bdag ni 'khor ba las bsgral phyir//dpa' bos gnang gis gtong du gsol/ /rnal 'byor ma yi tshogs dbus su/ /bzang po sgo ni phye ste thong / /zhes gsol ba btab nas nang du bkug ste/ las kyi bum pa'i chus gtor zhing skyor chu blud do/ /de nas gral rim pa bzhin du bkod la rdo rje slob dpon la me tog phul/gsol ba gdab/ rnal 'byor pa kun la yang me tog gtor la bskul bar bya'o/ /de nas slob dpon gyis lhag pa'i lhar bsgoms la mos pa tsam gyis lce lag byin gyis brlab po/ /rdo rje dang dril bu yang hUM gis byin gyis brlabs la mngon par rtogs pa brjod/hUM thog ma med pa'i sems dpa' ni/ /rdo rje sems dpa' de bzhin gshegs/ /kun du bzang po kun bdag nyid/ /rdo rje snyems pa bdag po'i gtso/ /oM ma hA badzra hUM/ dril bu yang / AHsrid pa rang bzhin gyis dag phyir/ /ngo bo nyid kyis gdod nas dag /rang bzhin dag pa'i sems dpa' yis/ /srid pa dam pa mchog tu byed/ /oM badzra g+haN+De a/ de nas mchod pa'i khyad par thams cad 'bru gsum gyi byin gyis brlab bo/ /de nas snying ga'i sa bon gyi 'od zer gyis bla ma dang bcas pa'i lha rnams nam mkha' la bltas la/ yon chab dang / zhal bsil dang / zhabs bkru dbul zhing / me tog nas sgra snyan gyi bar du rim pas mchod do/ /de nas de kho na lnga'am/ gzhung gang yin pas bstod pa bya/ yan lag bdun pa mdo rgyas bsdus gang yang rung ba bya'o/ /yi ge brgya pas bzod gsol byas gshegs su gsol lo//de nas shU n+ya tA'i sngags kyis stong pa nyid du bsgoms la/ yi ge hUM gi snang ba las ra ba dang dra ba dang sa gzhir bsgoms la/ de nas 'byung ba rim brtsegs ri rab rin po che'i rang bzhin bsgoms la/ de'i steng du sna tshogs pad+ma'i lte ba la sna tshogs rdo rje bsams te/de'i lte ba la b+hUM las gzhal yas khang gdan dang bcas par bskyed nas/ der gang yin pa'i lha'i dkyil 'khor bskyed la ye shes kyi lha spyan drangs te mchod nas dbyer med par bstim mo/ /de nas chang la srung ba dang byin gyis brlab pa gzhung bzhin byas te/ yi ge ha dmar pos kha dog sbyangs la/ho dkar pos dri ngan bsal te hrIHmthing gas nus pa bcom nas bdud rtsi'i rang bzhin du gyur par bsams la/ de nyid kyi 'od zer gyis ye shes kyi bdud rtsi bkug ste bstim mo/ /de nas rtsa ba'i dkyil 'khor gyi lha la so so'i ming nas brjod cing mchod de/ /de nas bdud rtsi dang bcas pa'i srin lag gis maN+Dal gru gsum bris la der bdud rtsi gtor bas zla ba'i gdan phyogs mtshams su gyur par bsam mo//der ye shes 'khor lo mos pa tsam gyis bsams la bdud rtsis mchod/ de nas bdag nyid la mchod de 'di ltar mtheb srin gyis lce rtse dang smin ma'i dbus dang spyi bor gtor ro//de nas de dag mi dmigs par bsams la gtso bo'i dkyil 'khor la yon chab la sogs pa'i khyad par gyis mchod de bstod pa byas te gshegs su mi gsol lo/ /de nas zhing skyong rnams la gtor ma rgya chen po btang ste yi ge 'bru gsum gyis sbyang ba dang spar ba dang /rtogs par byas la maN+Dal thig btab pa'i le'u tse dgu par byas te dbus ma la ye shes kyi 'khor lo bsam/ phyogs mtshams la zhing skyong brgyad/ ma mo sum cu gnyis dang bcas pa spyan drangs la mchod do/ /oM shing gcig dang ni dur khrod dang / /ri bo dang ni ri sul phug /grong dang bzhi mdo nyid dang ni/ /khyad par du ni khang stong dang / /rigs ngan khyim dang thang dang ni/ /khyad par du ni chu la gnas/ /nag po drag po drag chen po/ /lha sbyin mnyam du bsten pa dang / /nag po gtsigs dang mi sdug pa/ /dga' las 'das pa'i log 'dren rnams/ / rgan byed mo dang drag mo dang / /mi sdug ma dang dbu ma dang / /rgyal ma rnam par rgyal ma dang / /mi thub gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /rab tu sdang dang 'phyang ba mo/ /'phrog byed ma dang dmar ser ma//'jigs byed grong nas rnal 'byor ma/ /drag mo gzugs dang gzugs chen mo/ /mche ba gtsigs dang thod chen ma/ /thod phreng phreng can kha T+wAM ma/ /sbrul chen ral gri dgra sta can/ /rdo rje de bzhin gzhu can ma/ /de bzhin gshegs pa mkha' chen po/ /las kun rjes su sgrub byed ma//de bzhin rdo rje dbang phyug gtso/ /de bzhin gshegs pa'i sku chen de/ /rdul med rnal 'byor 'byin pa'o/ /rdo rje dbang mo bka' 'di yis/ /thams cad ma lus 'dir 'dus shig /oM kak+ka D+hA na ba ban+d+ha na/ khakh+kha d+ha na/ sarba du Sh+TAM ha na ha na/ g+hA ta ya g+hA ta ya/a mu ka hUM dzaHzhes pas bkug la pad+ma'i gdan la gnas par bsams la/ mchod pa lngar byin gyis brlabs la de nyid dbul te/ so so'i lce hUM las rdo rjer byin gyis brlabs pa'i rdo rje'i sbu gu'i 'od kyis bdud rtsi mchod par bsams la chos bshad de/chos rnams gzugs brnyan lta bu ste/ /zhes bya ba la sogs pa brjod do/ /de nas smon lam gdab ste/ sems can thams cad sdig med cing / /sems can thams cad bde gyur cig /gang gis lam nas 'gro ba yis/ /sangs rgyas nyid dang phrad par shog /ma rgal ba rnams bsgral bar bya/ /ma grol ba rnams bdag gis dgrol/ /de ltar nyid du rjes brtse bas/ /rnal 'byor bstan bcos gnas la dgod/ /ces pas bsngo ba byas la gshegs su mi gsol lo/ /de nas rnal 'byor pa pho mo kun lha'i dkyil 'khor du bltas la dang por dris mchod/de nas me tog dang bdug pa dang / mar mes tshul bzhin du mchod/ de nas bdud rtsi dang bcas pa'i chang gis mchod de/ de nas lag pa g.yas par chang bzung la g.yon pa rtse gsum par byas te tshig 'dis chang sbyin te/ ltos shig mdzes pa dam tshig chos//de la the tshom yod ma yin/ /bram ze khyi dang gdol pa gsum/ /rang bzhin gcig tu rtogs pas bza'/ /zhes brjod la drang ngo / /len pa pos brjod pa/ 'dod chags dri ma dang bral ba'i/ /rin thang med las legs 'ong chos/ /gzung dang 'dzin med rnam par spangs//de kho na nyid bdag phyag 'tshal/ /zhes brjod la pad kor dang bcas pas blang ngo / /de nas 'og ma rnams drang ba la 'di skad brjod de/ sbyor ba'i dngos grub don du ni/ /sbyor kun de nyid de bzhin du/ /rnal 'byor pa yis kun du spyad/ /ji ltar bde ba spyad par bya/ zhes brjod la drang ngo / /de'i 'og tu sha dang mar la sogs pas mchod do/ /de nas bshos so sor drangs la de dag kun gyi phud bsdus la slob dpon la dbul/ slob dpon gyis phud de cha gnyis su bgos la/ cha gcig byin gyis brlabs/ g.yon phyogs su bzhag ste dkyil 'khor gyi lha la dbul/cha gcig g.yas su bzhag la byin gyis brlabs te phyogs skyong gi gtor mar dbul te/ oM a kA ro mu khaM zhes pa'i sngags kyis mchod la/ de nas ci bder rol zhing spyad do/ /skabs der bkra shis kyi glu blang ngo / /de nas dkyil 'khor gyi lha dang phyogs skyong la gnang ba nod pa dang bzod gsol byas la gshegs su gsol lo//de nas ye shes kyi lha la yi ge brgya pas bzod gsol byas la badzra muHzhes pas gshegs su gsol lo/ /dam tshig gi lha la oM At+ma tiSh+Tha hUM zhes brjod la bdag gi snying gar bsdu'o/ /oM sarba du Sh+Ta gr-ih+Na gats+tsha hUM zhes pas phyi rol gyi lha gshegs su gsol lo//de nas lhag ma bsdus te khyim gyi lhag ma ni khyim de nyid kyi mi ma yin pa la bsngo'o/ /rnal 'byor pa rnams kyi lhag ma ni phyi rol gyi sha za la sogs pa'i mi ma yin pa rnams la sbyin te phyi'i sgor bskyal lo/ /lhag ma de lta bu bza' ba'i skal ba med pa la yang slob dpon gyi kha nas bdud rtsi byin no//de nas yon bdag la bkra shis dang smon lam gdab po/ /de nas gtor skyel log pa dang tshogs kyi khang pa'i sgor me long dang bud dkrol dang / chu chan gyi zho dang zan gyis mchod do/ /de nas nang du phyin la rnal 'byor pa pho mo rnams la yang mchod par bya'o//ma 'ongs skye bo gang dag tshogs rnams bsag par 'dod pa dang / /bslab pa'i lam la nges par zhugs pa'i sgrub pa po dag gi /dri med lung dang bla ma'i gdams ngag ltar/ /ma nor bzung ste bdag dang gzhan la phan pa'i phyir du bris pa yin//tshogs kyi 'khor lo'i mchod pa'i cho ga slob dpon nag po pas mdzad pa rdzogs so// //rgya gar gyi mkhan po kr-iSh+Na pa de nyid dang / bod kyi lo tsA ba 'gos lhas btsas kyis bsgyur cing zhus te gtan la phab pa'o// //