CLOSE WINDOW

D2490
བོད་ཡིག

/[ ]@##/ /rgya gar skad du/ shrI sarba gu h+ya bi d+hi gar+b+ha a lang+ka ra nA ma/ bod skad du/ dpal gsang ba thams cad kyi spyi'i cho ga'i snying po rgyan zhes bya ba/ dpal rdo rje sems dpa' la phyag 'tshal lo//dus gsum rgyal ba mchog rnams kyi/ /ye shes blo gros chen po'i sku/ /sems can kun la phan bskyed pa/ /'jam dpa'i mgon la phyag 'tshal te/ /theg mchog gsang ba thams cad kyi/ /cho ga'i snying po rgyan gyur pa/ /dang po'i las can rjes gzung phyir//rnal 'byor chen po'i tshul 'di bshad/ /rtsa ba bzhi dang dag pa dang / /tshogs dang yan lag kun bsdus pa/ /rdo rje ye shes 'thob byed pa/ /lam gyi 'khor lor shes par bya/ /blo ldan thar pa'i bdag nyid sems/ /bzod ldan dul ba'i slob ma yis/ /grub pa'i rtsa ba mchog gcig pu//bla ma bsten bya dang por brtag /snying rje med cing khro la gdug /khengs shing chags la ma bsdams dang / /bcom dang bcas pa nyid dang ni/ /brkam bcas slob ma dge las bzlog /ral gri til dang snag tsha dang / /khyim gyi las la mngon brtson zhing / / rang gi don sems rnyed pa 'dod/ /bla ma brnyas byed sems can la/ /nyer 'tshe 'gro la ngan pa sbyor/ /sngags dang phyag rgya'i cho ga yis/ /rtag tu 'tsho ba sgrub byed cing / /'jig rten chos phyir dge la 'jug /chang dang smad 'tshong la gdungs shing / /de nyid gnyis po mi shes par//rtag tu slob dpon nyid du sems/ /tshangs spyod brtan par ma gyur pa/ /na chung bde la mngon par zhen/ /de nyid bcu la mi gnas par/ /dkyil 'khor las la 'jug byed cing / /dbul ba'i slob ma la sdang zhing / /dam chos dman la sbyor ba dang / / rtag tu rnyed pa don gnyer bas/ /skal min gsang ba la 'god dang / /sdom pa gsum po mi 'dzin cing / /rtsa ba'i ltung ba nyer gnas pa/ /chos la ser sna kun spyod cing / /dam min las la sbyor byed pa'i/ /slob dpon ring nas spang bar bya/ / de bsten dmyal sogs 'bras la sbyor/ /brtan zhing dul la blo gros ldan/ /bzod ldan drang la g.yo rgyu med/ /sngags dang rgyud kyi sbyor ba shes/ /snying rjer ldan zhing bstan bcos mkhas/ /de nyid bcu ni yongs shes shing / /dkyil 'khor 'dri ba'i las la byang / / dran gsal brtson 'grus dang ldan zhing / /thig le che la rtag tu dga'/ /blo sbyangs rig pa lnga 'dzin cing / /sngags bshad sbyor ba gnas mkhas dang / /de nyid lung thob rim brgyud ldan/ /'gro ba'i thar pa la sems shing / /kun du dge la 'god pa po/ /tshong sogs bya ba rnams dor nas//sdom gsum dge la 'jug pa dang / /de nyid sgom la tshangs spyod sgrub/ /skal dang skal min sems can la/ /tshul dang tshul min cho ga shes/ /ser sna rnam spangs dman mi mos/ /rnyed sogs chos la mi blta zhing / /bla ma lha la rab dad mchod/ /dman sogs sems can sun mi 'byin//zhum med khengs sems rnam spangs pa/ /slob dpon mchog tu shes par bya/ /rtsod pa'i du ni 'di nyid na/ /rnam rgyas nyon mongs dbang gis ni/ /slob dpon skyon dang yon tan 'dres/ /dge la rnam brten yon tan dag /shas cher gyur pa rnam par gzung //'gro mgon bla ma bsten par bya/ /bla ma gnas pa'i mdun dag tu/ /gcer bu dang ni dbugs sgrogs dang / /chags pa'i las dang tsug tsug dang / /snabs dang lud pa mdun 'dor dang / /g.yan pa 'phrug dang g.yal chen dang / /drag tu langs 'dug rdul sprug dang //tshig nyed pa dang rkang rkyong dang / /gding ba drag 'ding gzhan rdeg dang / /'greng dang don med 'chag la sogs/ /bag med lus ni ma bsdams pa/ /rnam pa kun du mi bya'o/ /'phya dang lta ba gad byed pa dang / /ma 'brel smra dang 'gram chal dang / /brdzun dang / brnyas te zlos pa dang / /phra ma dang ni ras chod dang / /mi gzhan zher 'debs la sogs pa/ /byed pa ngag gi ma bsdams pa'i/ /sgra yi skyon rnams spang bar bya/ /srog dang lus dang longs spyod dang / /de yi don dang grags pa la/ /ltos med ngan du sems pa dang / /mi sdug par blta brnyas pa dang //de yi skyon rtog gus mi byed/ /rtag tu bral bar sems pa dang / /de yi tshig la bdud skyed byed/ /rtag tu bslu ba'i sems ldan zhing / /g.yo sgyu kun du spyod pa dang / /khong khro skad cig gis chags byed/ /tshul min las kyi bsam pa kun/ /bag med sems ni ma bsdams pa//g.yeng ba chen por gyur pa ste/ /nam du yang ni mi bya'o/ /bla ma las ni bka' blang zhing / /gus pas 'dud pa'i sems bya ste/ /mnyan na bde ba'i ngag dag gis/ /brtul zhugs can gyis don rnams gsol/ /ston pa mchod dang rang rnal 'byor/ /bza' btung bshang gci 'dor ba dang //mtshams nang 'gro dang gnyug ma'i las/ /bya ba ma gtogs gzhan rnams dri/ /slob ma rgyal mtshan dang ldan pas/ /bla ma khyim pa'i rtags 'dzin na/ /khrus dang smad pa'i nyes pa dang / /chos las ma gtogs phyag mi bya/ /dman pa'i las dang phyag byas na//'jig rten smad pas nyams byas shing / /sangs rgyas chos dang dge 'dun la/ /smad pa'i las ni byas par 'gyur/ /de nyid bcu ni shes gyur pa'i/ /brtul zhugs 'dzin pa yon gnas su/ /dbang bskur rab gnas sbyin sreg dang / /tshogs kyi 'khor lo sogs dpon du//gos dkar can ni mi dga'o/ /brtul zhugs 'dzin pa rmongs gyur na/ /yon tan dus las ma gtogs par/ /las kyi rdo rje'am 'khor du min/ /de ltar de dag ma byas kyang / /bla ma la brnyas mi 'gyur te/ /rdzas dang bkur 'os kun gyis mchod/ /de yi grags pa bsgrag bya zhing //lus srog longs spyod kun bsrung zhing / /lus srog longs spyod kun gyis bsten/ /mngon sum du'am lkog tu yang / /dge ba bsgo ba'i bka' las ni/ /nam du yang ni 'da' mi bya/ /de la sems kyis mngon phyogs shing / /kun du de yi sems bsrung ngo //longs spyod rnams las dang por te/ /nyin re'am zla ba lo la sogs/ /dus 'das bla ma ma bsten par/ /grub par 'dod pa'i sgrub pa ni/ /smig rgyu'i chu la 'thung 'dod cing / /phub ma brdungs las 'bras 'dod dang / /rgya mtsho'i chu las mar bzhin no//byas bar nges par bsten dgos na/ /rgyal mtshan dge 'dun la phul te/ /khyim pa'i cha lugs gnas byas nas/ /'bad de bla ma mnyes par bya/ /de yi mtshan nas mi brjod cing / /grib ma'ang 'gom par mi bya la/ /phyag rgya mthong bar gyur pa na/ /khengs pa'i lta bas blta mi bya/ /brnab sems kun du spang ba dang //thal sbyar zhe sa dang bcas pas/ /tshig brjod kun du 'da' bar bya/ /don rnams thams cad sgrub pa dang / /'jig rten spyod dang mi mthun pa'i/ /las la slob dpon gnas na yang / /bdag nyid 'khrul zhes bsam pa'am/ /bsam mi khyab dran gus ldan pas/ /rtag tu de dang 'bral mi bya//na ba la sogs sgrub dka' ba dang / /mi dge la sbyor tshig dag la/ /bdas par gsol te btang snyoms bzhag /de ltar bya dang bya min pa/ /thams cad du ni brtags byas nas/ /nyes pa kun dang bral bar spyad/ /rtsa ba'i cho ga'i rnam par phye ba ste dang po'o// //dngos grub thams cad 'byung ba'i gnas/ /lnga bcu rtsa gnyis sbyor ba las/ /sgrub pa pos ni gzung bar bya/ /de la rdo rje slob dpon sogs/ /dor ba'i kha na ma tho ba/ /lci dang yang dang dag pa dang / /cha 'dra ba ni shes par bya/ /yul bsam sbyor ba'i bye brag dang //dus dang nyes pa lan grangs dang / /zla ba dang ni bkra shis nyid/ /de ni rim par rnam phye ba/ /dbang sogs slob dpon rim par gnas/ /bla med rgyud sogs de bzhin te/ /dbang sogs spun ni nges par gzung / /sbyor dang sdang bas dor ba yis/ /yon tan sdug bsngal zhing khyad dang //mnar sems tshul min dor ba las/ /sdom gsum mi yi 'gro ba dang / /gcig gnyis gsum gyi mthar thug par/ /don dam lhag bsam thig le'i gzugs/ /rnal 'byor chen po sogs rim ltar/ /thams cad nyams kyang ma rdzogs par/ /dbang bzhi po ni 'dzin pa yi//snod ni rab tu brtag par bya/ /gang zag chos la bdag med dang / /rnam rig shes pa'i rang bzhin las/ /rim par gyur te rang bzhin dang / /rkyen dang dregs pa'i bdag nyid dang / /rtag la sogs pa'i rang bzhin rim/ /dad sogs chen po chung ngu'i mtha'//bsrung dang bsten pa bza' ba shes/ /gnyis gsum rig pa'i brtul zhugs ldan/ /yul gyi sbyor ba la brten nas/ /mnar sems chags rmongs che sogs rim/ /mnar sems 'khrugs dang mdud par 'dzin/ /brkam dang chags dang 'dod par dga'/ / skur 'debs log rtog rmongs pa rnams/ /gsum gnyis gcig gi lus ngag yid/ /sbyor ba'i nyes pa rab rdzogs byed/ /gcig gnyis gsum gyi lor gnas las/ /dus kyi che sogs rnam par gzhag /rnam dag thos bsam bsgom pa'i dus/ /srog dang lus dang longs spyod dang //ltung dang sbom lci nyes byas rim/ /srog sogs nyes ba'i khyad par shes/ /byang chub srog dang lus kyi rim/ /yul gsum bral dang bla med sogs/ /dor dang skyugs dang ngan du brjod/ /zab dang dbang sogs cho ga'i mtha'i/ /gsang dang ma rungs ngan du sems//phal cher mi bden snyam dang bden/ /'phel dang dga' dang btang snyoms dang / /yul las rim par bzlog pa dang / /ldog dang mi 'jug ma dad dang / /yul dang bral dang srog sogs rim/ /gcig gnyis gsum las nges par skyes/ /de ltar lag pa mda' dang mig / nges par sbyor ba sogs 'byung shes/ /lha yi tshul sogs thams cad la'ang / /sbyor ba rnams ni brtag par bya/ /na dang dbang nyams bya ba dang / /gzhan gyi don dang don chen dang / /skye med brtan pa dgos ldan dang / /nus pa rnyed dang gnas pa dang / /bka' bsgo ba dang bar chad dang / / nyes pa med par shes par bya/ /ji srid ltung ba ma spyad cing / /gong ma'i yon tan mngon ma gyur/ /bslab dang 'gal ba'i las mi spyad/ /dam tshig rtog las ma grol ba/ /de srid sbyor ba nges par gnas/ /sgra sogs nyan dang 'chad pa dang / /nyan thos sogs dka' rang rgyal sogs//dri chen sogs te nyan thos sogs/ /ma gus byol song gzhan gyi lus/ /thabs kyi lam dang dregs par ldan/ /kun rdzob brjod bcas dad brtan dang / /bgrang phreng sogs dang bud med rnams/ /yul gyi 'dra bar shes par bya/ /slob dpon dang ni slob ma dag /'khon 'dzin gus pa rnam par bral/ /sdom gsum 'dzin pa'i blo med cing / /dgongs pa'i don shes mi byed cing / /shar gnyer don la skyo sems dang / /chags dang 'dod pas bstod las bzlog /'dod don gnyer dang mchod yul du/ /dad pas 'du shes mi 'jug cing //bdag med gus pa rnam spangs dang / /mel tshe 'dul bar mi sems te/ /dman la gus pa'i blo bskyed cing / /'dod phyir gzhan sems bsrung blo med/ /ma dad bsrung ba'i blo bskyed dang / /phyag rgya mi mthun log blor byed/ /bsams pas thams cad 'drar shes bya//srog sogs 'tshe las ma bzlog dang / /bsams bzhin du ni ma bshags dang / /sbyor ba log par byed pa dang / /mtho btsams pa dang chags sbyor dang / /cung zad pa yang tshul min zhes/ /lam dang rgyan po 'gyed sogs sar/ /chad dang cung zad ngal la sogs//the tshom za zhes mngon brjod dang / /ngan du smra las zlog mi byed/ /dngos po bden zhes mngon brjod bya/ /grogs dang kha zas bag yangs dang / /drag po'i sbyor ba ma sbas pa/ /mtshan ma 'gom dang ming brjod dang / /bud med phan tshun mi smra ba/ /rig ma la khengs sems dman pas//gtam gyi sbyor ba ma byas pa/ /nyes pa dag ni 'dra bar 'gyur/ /chung ngu'i nyes pa yun ring po/ /che dang kun la 'dra ba yin/ /de ltar nyes pa'i rnam pa kun/ /'phel dang ltung sogs rab rdzogs pas/ /lo gcig dang ni thun mtshams las/ /'gyur bar rnal 'byor pas shes bya//nyin mtshan kun du rab bsgrims nas/ /nyes pa'i gnas ni shes par bya/ /gal te ltung sogs byung gyur na/ /yi ge brgyas ni byin gyis brlab/ /ji srid dus las ma 'das par/ /dag pa'i las la nyer gnas bya/ /'gyod bcas nyes pa 'phel mir 'gyur//gnyen po'i dge las ma g.yos na/ /sman pa'i gnas ni bsgrubs pa min/ /mchog gi sems ni sngon 'gro bas/ /rang gi lam ni nges par gzung / /lam bral mnar med sogs 'gro bas/ /sngags pa rtag tu bag med par/ /nyes pa btang snyoms mi bzhag cing //bag yod pas ni kun du bsgrub/ /bla ma dang ni grogs po dang / /tshangs pa mtshungs par spyod rnams dang / /kun du lta bas dam tshig gzung / /slob dpon la sogs dam tshig la/ /'tsho ba phrogs la sogs pa yis/ /yan lag gtso bo byung gyur na//lhag par nyes pa 'phel 'gyur bas/ /dngos de byin gyis brlabs nas ni/ /'bad pas myur du sbyang bar bya/ /sbom sogs phra ba'i phra ba mthar/ /nyes pa rtag tu bsam par bya/ /sgra tsam la ni rab gzhol ba'i/ /sngags pa mnar med sogs 'gro bas/ / nga ni sngags pa zhes sgrogs shing / /gsang ba'i lam la brten nas kyang / /tshul khrims yal bar dor mi bya/ /dkar po'i gos la rab gnas te/ /ngo tsha rnam par dor nas su/ /log par g.yem la mngon par zhen/ /ngu 'bod sems can dmyal bar ltung / /yul min pa la drag shul dang //'dod pa yis ni ma byin len/ /gzhan dang byang chub don med par/ /brdzun dang phra ma tshig rtsub par/ /smyo sogs glu dang bre mo'i gtam/ /sems can rnams la rab sdang dang / /gzhan gyi rdzas la bdag gir sems/ /skur 'debs lam la log 'dzin pa/ / mnar med sogs par ltung ba'i rgyu/ /sngags pas rtag tu spang bar bya/ /nus pa brtan pa ma thob cing / /'du ba'i rdzas las ma gtogs pa/ /chang gis bag med byed pa dang / /rang nyid shi dang smad pa dang / /bdag la ma byin ma blangs par/ /snod du ltung las ma gtogs par/ / sha za kha na ma thor 'gyur/ /bstan pa'i don las ma gtogs par/ /rigs rgyud rab tu 'phel 'dod dang / /na chung bde la brkam pa yis/ /sngags pa rtag tu nyams par 'gyur/ /sems brtan tshul la bshad mthong nas/ /nga ni sngags pa mchog ces te/ /dge slong la sogs phyag ma byed//brtul zhugs 'dzin pa'i phyag la sogs/ /rmongs pa gang zhig dang du len/ /ngur smrig gos la sogs pa rnams/ /mal stan la sogs longs spyod du/ /byas na sngags sogs 'grub mi 'gyur/ /dge slong gsang ba 'dzin 'gyur zhing //kha na ma tho rnam spangs pa/ /'jig rten gsum gyis phyag bya'i 'os/ /theg gsum thos pa 'dzin pa dang / /sdom pa gsum la rab gnas shing / /rnam kun nyes pa las bzlog dang / /thams cad mkhyen pa'i rgyal mtshan ldan/ /thub pas rgan po nyid gsungs pa//kun gyi nang na dge slong mchog /gang gis chos gos mthong ba na/ /bdud la sogs pa rnam skrag pas/ /de ni ston pa'i bdag nyid 'gyur/ /nga ni dge slong zhes brjod cing / /theg pa gsum po ma thos dang / /lus ngag spyod pa ma bsdams par/ /rgyan po pa bzhin gnas byed cing //bud med bsten pa'i lam dga' bas/ /sngags pa zhes ni rlom byed pa'i/ /brtul zhugs 'dzin pa'i 'jig rten na/ /ngan skyugs ka shi pas g.yogs 'dra/ /rang gis bslab pa mi 'dzin par/ /gsang ba thos la sngon brten nas/ /lung bong bzhin du mngon spyod pa//dge slong rnams dang gnas gcig tu/ /longs spyod dam pa rnams dang ni/ /bya ba gcig la dbang ba min/ /gal te de dang lhan cig na/ /dpa' bo sgrub las nyams par byed/ /mgon po'i mtshan ma rnam spangs te/ /gal te khyim pa'i rtags 'dzin na/ /des ni de lta'i nyes mi skyed//lan mang nyes par gyur na yang / /gnyen po'i stobs ni dor mi bya/ /rnam pa kun du rab bsdams te/ /rnal 'byor la ni brtson par bya/ /sems can kun la phan bsams shing / /rang gi dam tshig gzung ba dang / /mchod pa'i las la mngon brtson bya/ / ma dad pa ni spang bya zhing / /dam tshig bzhi la rim gyis 'jug /zas la sogs la ltos med par/ /chos kyi sbyin sogs nges par bya/ /sems can gnod pa la sogs pa/ /sdom gsum 'dzin pas rab tu spang / /dngos sam yang na brgyud nas kyang / /'gro la gnod pa yongs spangs te//rigs rgyud dam bca' brtan 'dzin pa/ /so sor thar pa yin zhes bya/ /sems can don du dge sogs dang / /sangs rgyas 'bras la nyer sems shing / /rjes gzung bya ba gang byed pa/ /byang chub sems dpa'i tshul khrims shes/ /sku dang gsung thugs phrin las kyis//'gro ba tshar bcad rjes 'dzin par/ /mkhas pas dam bca' brtan blangs te/ /bdud 'joms rig 'dzin sdom par 'dod/ /sdom gsum dge la rnam brten nas/ /sngags dang phyag rgya'i sbyor ba yis/ /'tsho ba sgrub pa'i las mi spyad/ /rtag tu glo bur mgon mchod de//sangs rgyas chos dang dge 'dun dang / /gsang sngags rig pa'i tshogs rnams la/ /rtag tu mchod pa'i las bya zhing / /shes rab pha rol phyin la sogs/ /theg pa chen po bklag pa dang / /de don bsam par bya ba ste/ /dam tshig can dang bla ma dang / /lha rnams mchod cing sdang mi bya//yi ge 'dri mchod sbyin pa dang / /klog dang nyan dang 'chad la sogs/ /dge ba'i las la mngon brtson pas/ /nyi ma don med mi bya zhing / /glegs bam la sogs gsang ba'i tshogs/ /dam tshig med la mi sbyin te/ /sngags rgyud gus pas rab tu gsang / /mtshon cha til dang tshong la sogs//mkhas pas rtag tu spang bar bya/ /rgyan po 'gyed dang lta ba dang / /smad 'tshong ma dang chang la gdungs/ /'jig rten smad pa'i las dang ni/ /gzhan sems mi bder 'gyur ba yi/ /lus dang ngag gi spyod pa kun/ /rab tu bsgrims te spang bar bya/ / 'du 'dzi'i nang du gsang ba yi/ /chos dang ma rdzogs sems can dang / /rdo rje'i tshig la rtsod pa dag /sngags pa dam tshig nyams byed pas/ /'bad de kun du mi bya'o/ /bzhad gang gtam gyi sbyor ba las/ /rang gi dpal nyams byed pa yi/ /tshig dag sngags pas brjod mi bya/ / dpal nyams brnyas pas ngan song ltung / /mi snang mkha' la 'gro sogs kyi/ /dngos grub don du mi sems shing / /dbang po'i sgo ni rab bsdams te/ /de bzhin kha zas tshod shes pas/ /shes bzhin du ni gnas bya ste/ /mtshan mo mi nyal mngon brtson pas/ /rnal 'byor gsum la gnas par bya//dus kyi mchod pa dang ldan zhing / /tshogs kyi mchod la rtag 'jug bya/ /rtag tu bla ma bsten bya zhing / /lo yi mtshon mtshams thams cad du/ /dbang bskur ba ni yang dag blang / /maN+Dal mchod rten bskor ba'i las/ /sbyin sreg dang ni rab gnas dang //'byung po che dang dman pa yi/ /gtor ma'i las la brtson byas na/ /tshe dang bsod nams 'phel 'gyur bas/ /byang chub kyi ni rgyu nyid phyir/ /'bad de de yi las bya'o/ /bsod nams tshogs kyi rgyu yin te/ /dus bzhir dge slong chos ston gsol/ / byis pa rnams la kha zas dang / /dman pa slong la khro med cing / /snying rjes non pa'i sems kyis ni/ /zas la sogs pa cha bgos te/ /kun la snyoms par sbyin par bya/ /so sor thar sogs sdom bcas pa'i/ /nyes pa shin tu phra mo la/ /dpa' bos khyad du bsad min te/ /gru dang skas la 'dzeg bzhin gnas//chos la ser sna mi spyod cing / /chos min pas ni brid mi bya/ /sngags pas nga rgyal cher bskyed de/ /khengs pa med pa'i sems kyis su/ /kun la bran bzhin gnas byas nas/ /'tshe ba med par bsgrub par bya/ /ri lu la sogs dam tshig dang / / rdo rje phreng sogs yo byad rnams/ /gsang ba'i rdzas su rnam brtags te/ /nam du yang ni 'bral mi bya/ /tshul ldan thar pa'i bdag nyid sems/ /'jig rten na ni rnyed dka' bas/ /sngags pas rtag tu gus byas te/ /phyag la sogs pas mngon mchod bya/ /sdom gsum cho ga mi ldan par//sngags pa'i bdag nyid mi 'gyur te/ /dang po so sor thar pa yi/ /sdom pa legs par ma bzung bar/ /gsang sogs tshul la gnas byed pa/ /tha ba las 'bras bskyed bzhin no/ /rtsa ba rnyed par mi 'gyur bas/ /dang po skyabs 'gro nas brtsams te/ /sdom gsum cho ga rab tu brtag /de ltar sngags pa tshul ldan pas/ /dngos grub la ni dogs med de/ /ston pa sangs rgyas sogs bstod cing / /lha sogs 'jig rten kun gyis bkur/ /gzhi rnam par dbye ba ste gnyis pa'o// //nyon mongs pas ni zil non zhing / /gal te dam tshig las 'das na//sdug bsngal mang po skye 'gyur te/ /de bas dag pa'i las rnams spyad/ /ltung sogs nyes pa'i rim pa las/ /dang por bdag sems sun phyung ste/ /yul mdun snyan gsan phab nas kyang / /gsum bslang gsum gyi sbyor ba las/ /sdom gsum 'gal ba bshags pa dang //bde gshegs kun gyi snying pos bya/ /dpral ba snying gar phyag rgya sngags/ /sdig pa thams cad rnam dag byed/ /phyi nang lha dbang bdud rtsis bkru/ /hUM yaM yi ge gsum gyis bsdu/ /lte bar gru gsum me yis bsreg /dmigs pas stong pa mi dmigs gsum//rang gi cho ga bzhi yi dbang / /tshogs ni 'du ba'i dkyil 'khor la/ /mkhyen par gsol te gnang bar nod/ /rten la smre bshags bzlas par ldan/ /zhing khams kha dog lnga ldan pa/ /cho ga bzhin du dbul bar bya/ /che dang tse ti'i sbyor ba yis/ /sdig pa kun las rnam grol zhing //dus min 'chi ba'ang bslus par 'gyur/ /de bas mchod rten las rnams bya/ /til la sdig pa'i gzugs dmigs te/ /me yi las kyis rnam par sbyang / /nyes pa'i rim pa shes byas nas/ /gtor mas dag pa nyid du bya/ /ji skad bshad pa'i dam tshig rnams//gang du nyams par gyur pa des/ /rang gi lha yi snying po'i sngags/ /'bum phrag gsum du bzlas brjod bya/ /yang na kha dog dbyibs med cing / /rigs dang mtshan ma mi dmigs shing / /rnam thar chags sogs las grol ba/ /zab mo'i bsam gtan nyid dmigs bya//yang na bshad sogs rgyar tshud cing / /rang gi las kyis 'chi 'gyur dang / /rkyen zad pa yi sems can rnams/ /dag pa'i don phyir srog bskyab bya/ /gzhan yang mdo sogs gsang ba'i bka'/ /ma lus pa ni bklag pa dang / /mchod cing rab tu gnas byas na//sdig pa kun dang bral bar 'gyur/ /me dang chu dang sbrul gdug dang / /seng ge stag dang chom rkun dang / /glang chen smyo dang sha za dang / /bkren dang rgyal po'i chad pa dang / /nad dang spa bkong zhum pa dang / /'dod bral grags pa ma yin dang / /skal ngan rab tu 'jig byed cing //bgegs med 'tshe ba med pa dang / /sangs rgyas kun gyi rab dgongs shing / /rdo rje 'dzin rnams bsrung ba dang / /zhi sogs mi snang la sogs dang / /rdo rje ye shes 'thob byed cing / /skye bo kun gyis bkur 'gyur ba/ /de lta'i yon tan 'thob byed pa'i//bla ma la ni bkur sti dang / /rnyed pa dang ni rim gro dang / /gus pa chen pos rab bsten nas/ /sdig kun rnam dag bdag nyid 'gyur/ /dpa' bos don yod rdo rje can/ /bsnyen sogs rim pa sngon 'gro bas/ /cho ga rab tu rdzogs byas nas/ /dkyil 'khor bzhengs te bdag 'jug go//yang na chu yi nang zhugs dang / /yang na mig btsums gyur pa'am/ /yang na sku gzugs la bltas te/ /rgyal ba'i tshogs la rnam gtad nas/ /stong phrag lngar ni sangs rgyas kyi/ /snying po rab tu bzlas par bya/ /dkar po'i brgyad dang bco lnga la/ / dag pa'i bdag nyid byas nas kyang / /rgya chen mchod pa sngon 'gro bas/ /bzlas brjod brtan pa byas nas ni/ /sdig pa thams cad rnam dag par/ /rgyal ba dam pas gsungs pas na/ /the tshom dang ni bral 'gyur bas/ /sngags pas rtag tu spyad par bya/ /mtshan mo mi nyal rnal 'byor gyis//mkha' la rgyal ba'i tshogs dmigs te/ /phung po gsum pa'i mdo sde dag /gal te cho ga bzhin sbyad na/ /kha na ma tho sbom po yang / /zla ba gsum gyis rnam dag par/ /thub pas gsungs par shes byas te/ /dad pa yis ni kun du spyad/ /sangs rgyas kun gyi sku gcig po/ / pad dkar zla ba'i dbus gnas shing / /rdo rje dril bu rgyan spras pa'i/ /rdo rje sems dpa' legs dmigs shing / /yi ge brgya pa cho ga bzhin/ /nyi shu rtsa ni re re bzlas/ /ltung sogs byin gyis brlabs gyur pa/ /'phel pa ru ni mi 'gyur zhes/ /grub pa mchog rnams kyis bshad pas/ / thun mtshams su ni spyad par bya/ /'bum phrag tu ni bzlas gyur na/ /rnam par dag pa'i bdag nyid 'gyur/ /rang gi lha yi rnal 'byor gyis/ /dag pa'i bla ma brten byas te/ /sku dang gsung thugs rgyal ba yi/ /rdo rje bzlas pa nyer gnas na/ /rnam dag lam gyi rang bzhin 'gyur/ /sems ngal sos nas rang gi lus//bdag po'i rang bzhin gnas byas te/ /'khor lo drug gam bzhi gnyis gcig /char bya rkyang pa'i gnas nyid las/ /bde sogs rnam par yang dag gnas/ /dag pa la dmigs dag par 'gyur/ /rdo rje 'khor lo rin chen dang / /ral gri phra ba'i bdag nyid bsam//sems brtan tshul la gnas byas na/ /sdug bsngal bskyed rtsa kun las grol/ /mdor na lus ngag spyod pa kun/ /rab tu bsgrim dang ldan pa yis/ /gnyen po'i sdom pa la sems shing / /mchod sogs rnal 'byor tshul ldan na/ /nyes pa kun dang rnam bral zhing / /dpa' bos lam ni rdzogs par byed//rtag tu bag med par gnas na/ /nyes pa chung ngu phra mo yang / /sbrul gyi mche bas btab bzhin du/ /lus ngag sems ni nyams par byed/ /de yi dbang gis sdug bsngal dang / /'tshe ba dag ni 'byung 'gyur zhing / /lam las nyams pa nyid du 'gyur/ /de bas na rdo rje slob dpon nas brtsams te rim gyis lci ba rnams shes par bya zhing dri ma las ldang bar bya'o//las kyi dkyil 'khor gcig tu zhugs pa la sogs pa'i nyes pa phra ba'i rnams kyang rnal 'byor pas yal bar dor bar mi bya'o/ /gzhan du drang srong chen po bi shwa mi tra dang / rig sngags 'chang gi slob dpon gzhon nu'i sde dang /rgyal ba'i zhabs dang / rin chen ldan dang / bram ze bzang po'i bshes gnyen la sogs pa rnams chos thams cad rang bzhin gyis rnam par dag pa ni log par rtog pa dgag pa las blang bar bya ba ma yin te/ sangs rgyas ni bsod nams kyis nye bar bsgrub pas so//lam bskyed pa'i rim pas tha mal pa'i dngos po spangs te/ gzugs kyi skus sems can rnams kyi don byed pa ni yang dag par rdzogs pa'i sangs rgyas nyid du 'gyur bas lha'i rnam pa dang spyod pa phyin ci ma log par bsgrub par bya'o zhes zer ba dang / gzhan yang bram ze stong nyid blo dang /kha che'i mkhan po rab snang byed dang / A nan+da badzra dang / dge bsnyen sid+d+hi ka ra dang / mkhas pa chen po dpal gyi seng ge dang / snang mdzad rdo rje dang / dge slong theg dpal dang / legs sbyin bzang po dang / dpal sham thabs sngon po can dang /dge slong ma dga' mo la sogs pa rnams bskyed pa'i rim pa dang / spyod pa'i tshul gsungs pa ni chad par smra ba dgag pa dang / rten 'brel gyis rten 'brel gyi 'bras bu grub pa dang / zab mo'i don gyis 'jigs pa'i 'jig rten pa rnams re zhig gzung ba'i thabs su gsungs pa las yang dag par rdzogs pa'i sangs rgyas nyid ni gnyis su med pa'i ye shes bsam gyis mi khyab pa ste/de ni mi mthun pa'i rgyu las skyes pa ma yin pas 'dir stong pa nyid mtshan ma ma mthong ba bsam gyis mi khyab cing / spros pa rnam par chad pa ni rnal 'byor pas mi bsam pa'i tshul gyis brten na 'bras bu'i mchog dang ldan no zhes zer ba ni re zhig phyogs tsam mtshon pas bzhugs pa ste/yang dag par rdzogs pa'i sangs rgyas kyi lam nges par rnyed pa ma yin pas de'i phyogs su rnam par lta ba dang bral bas gnas par bya ste/lta ba'i tshul spros pa dang bral ba rtogs pa dang / rdzogs pa'i rim pa'i ting nge 'dzin la rim gyis 'jug pa dang / dam tshig rnams nye bar bsten pa dang / rim gyis 'jug pas spyod pa'i tshul shes pa rnams ni theg pa mchog la nges pa bskyed pa ste/ rdo rje 'dzin pa'i lam gyis de nyid mngon du rtogs nas 'dod pa'i don dang ldan par 'gyur bas/lam gyi rim pa dang sbyar te tshul gnyis dang ldan pa 'di nye bar gzung bar bya'o/ /rdo rje theg pa la rab tu zhugs te dngos po la mngon par zhen pa dang / rten cing 'brel par 'byung ba'i lam khyad du bsang nas dge ba la mi sbyor bar gnas pa dang /dus dang dgos pa la sogs pa la mi ltos par rang bzhin dang bcas pa las 'da' bar byed pa dang / gzhan ma dad pa bzlog par mi nus pas yul gyi spyod pa dang 'gal bar byed pa dang / rang dbang med pa dang / don chen po gtso bor byas pa las ma gtogs par rang gi rnal 'byor dang spyod pa'i tshul 'dor ba ni tshul ma yin pas gnas te/de de bzhin gshegs pa'i bka' las 'das shing ltung ba dang lhan cig pa zhes bya bar 'gyur bas 'bras bu las nyams pa'i bdag nyid yin te/ 'bad pa'i dam tshig las ma nyams pa'i tshul gsum gyis 'gro bar bya'o//dag pa'i cho ga rnam par phye ba ste gsum pa'o// //sdig pa thams cad rnam dag cing / /rgya cher 'bras la nyer sbyor ba/ /rnal 'byor spyod pa'i mchog rim dag /nya sogs brgyad la rab tu spyad/ / grags sogs bsam pa dor nas su/ /dben pa'am sum rim khang pa ru/ /bgegs bsal shis pa rab brjod nas/ /'byor ba thams cad yongs su brtag /de nas las kyi rdo rje yis/ /ba yi rnam lngas legs byugs te/ /dam tshig che dang ldan byas nas/ /shing shun la sogs dri bzang dang //tsan+dan sogs pas chag chag gdab/ /sa ni le tser byas nas kyang / /kha dog sna tshogs pa yi ras/ /pad+ma'i ri mo dang ldan pa/ /thams cad kyi ni gdan du sbyin/ /dbus su dpal ldan na ra li/ /pags pa ma nyams pa yi gdan/ / shar dang me la khyi yi ste/ /lho ru rta nyid dpa' bos gsungs/ /nub tu glang chen pags pa ste/ /byang du ba lang nyid yin no/ /yang na thams cad mi yi bsngags/ /de lta bu yi stan dang ni/ /shing dang nya phyis dag dang ni/ /na ri ke la sa yi snod/ /mi yi thod pa dag bsham mo/ /thun mong snod ni thod pa ste//yang na thams cad la yang shing / /rgyan dang cha lugs 'chang ba yi/ /dbyug sngon po ni sgo la dgod/ /phyi dang nang dang thams cad du/ /las kun byed pa thab sbyor te/ /rnal 'byor ma yi cho ga la/ /sgron ma la sogs nye bar dgod/ /dri yi chus ni khrus bya ste/ /las kyi rdo rjes yongs bskul nas//dbang gi thu bo gang yin nas/ /rim gyis sgo drung 'ongs nas kyang / /rnal 'byor ma dang bdag thang sogs/ /dbyug sngon po la gsol btab nas/ /'du ba'i khang par legs 'ongs te/ /slob dpon la ni phyag byas pa/ /bsgo ba thos nas gral la 'khod//dpa' bo dpa' mo rnams rdzogs nas/ /re re yi yang mdun nyid du/ /dkyil 'khor rdzogs par dbul bar bya/ /de nas las kyi rdo rje yis/ /rab dang bas ni phyag byas nas/ /kun nas gsol ba gdab par bya/ /sems can don du sems dge bas/ /rnal 'byor rnal 'byor ma rnams kun//tshul bzhin cho ga ldan pa yis/ /rnal 'byor la ni nyer gnas mdzod/ /de rjes rdo rje slob dpon gyis/ /chags dang de bzhin sdang ba dang / /khengs pa med pa'i sems kyis su/ mgon po rdzogs sangs rgyas kun dang / /rnal 'byor ma rnams rab mnyes kyis//kun la dga' dang ldan par mdzod/ /de ltar rjes su gnang thob nas/ /dam tshig thams cad dran byas te/ /yi ge brgya pa mngon brjod cing / /rnam kun dag pa'i bdag nyid bya/ /dpa' bos bsrung bas brtan byas te/ /rang gi cho ga yongs rdzogs par//g.yeng ba med pa'i sems kyis su/ /de nas rab tu bzlas byas te/ /lha rnams cho ga bzhin du mchod/ /de ltar bya ba brtan byas nas/ /tshogs kyi longs spyod thams cad ni/ /las kyi rdo rjes 'dus byas te/ /'bar 'bud sogs kyis byin gyis brlab/ /phud du 'ong ba legs dmigs te//bla ma mchog rnams rab tu mchod/ /de nas dkyil 'khor dbang po sogs/ /re re nas ni mchod par bya/ /bla med rgyud kun las byung ba'i/ /rigs ni sum cu rtsa drug lha/ /bdag po'i ming ni mngon byas te/ /'khor dang bcas zhes brjod nas mchod//'jig rten gsum na rab gnas pa'i/ /sngon du grub pa thams cad la/ /me tog ro yi mthar thug pa/ /shis pa'i don du mchod par bya/ /de nas zhing skyong la sogs pa'i/ /chen po rab tu mchod byas la/ /rnal 'byor rnal 'byor ma rnams ni/ /dang por me tog sngon 'gro bas//sngon mchod de nas gzugs la sogs/ /rang rang gi ni sngags brjod nas/ /go rims bzhin du dbul bar bya/ /dur khrod rgyan dang ldan pa yis/ /brda skad ces ni mngon brjod do/ /dpa' mo rnams kyi longs spyod phyir/ /skyes pa'i thod pa cha gcig par/ / ma da na ni rab tu brtag /dpa' bo rnams kyi longs spyod phyir/ /g.yas pa rtse gsum phyag rgya yis/ /sha chen po ni legs bzung ste/ /g.yas g.yon steng 'og tu byas nas/ /tshig 'dis dam tshig rab tu brtag /gzigs shig mdzes pa dam pa'i chos/ /'di la the tshom mi bya ste/ /bram ze khyi dang gdol pa rnams//rang bzhin gcig tu rtogs la zo/ /sku gsung thugs kyi yi ge las/ /so so ru ni mngon brjod nas/ /a la la ho mthar swA hA/ /dpa' bo bsam gtan brtan 'dzin cing / /pad+ma'i skor ba sngon 'gro bas/ /g.yas g.yon steng 'og byas nas ni//tshig 'di yis ni blang bar bya/ /'dod chags dri ma bral ba yis/ /rin thang med pa legs 'ongs chos/ /gzung dang 'dzin pa rnam spangs pa/ /de kho na la phyag 'tshal lo/ /'bru gsum po ni mngon brjod cing / /gtso bos gnang ba byin nas ni/ /dpa' bo rnal 'byor ma rnams kyi//rang gi longs spyod gang yin pa/ /so sor rab tu spyad byas nas/ /de nas kun la thun mong ngo / /chang ni dpa' mos ma spyad par/ /dpa' bo la ni skal med de/ /sha la de bzhin dpa' bos so/ /go rims bzhin du spyang bya zhing / /ro yi longs spyod mthar phyin nas//chags bral 'jig rten chos dor te/ /'dod pa'i bstan bcos las byung ltar/ /gnyis ka'i longs spyod la rab gnas/ /phan tshun dam tshig gtam smra zhing / /dga' ba'i sems kyis 'ongs pa dang / /dor na rtsa ba nyams 'gyur bas/ /'bad pas dam tshig legs dran bya//longs spyod gsum po nyid med par/ /tshogs kyi bya bar 'gyur ma yin/ /bla mas rjes su gnang min par/ /glu dang gar sogs mi bya'o/ /ji ltar mchod dang longs spyod dag /tshim pa ru ni ma byas par/ /bre mo'i gtam dang 'du 'dzi'i sems/ /rnam pa kun du mi bya ste//byas na dmyal sogs 'bras thob 'gyur/ /'tshod tshe bshung dang ngu 'bod de/ /sred pas yi dwags nges par 'gyur/ /rang gi bsam gtan bral 'gyur na/ /dud 'gro'i gnas su ltung phyir dang / /bsam pa rab tu brtan pa yis/ /sku gsung thugs kyi rdo rje dang / /sa gsum po ni rab tu mchod//ji srid gtor ma ma btang bar/ /'khor lo'i phyi rol 'gro mi bya/ /gang du dpa' bo rnal 'byor ma/ /tshim pa ru ni mi nus na/ /de dag snyan gsan dbab mi bya/ /gang du tshim par ma gyur pa/ /des ni bsod nams rab zad byed/ /de bas kun du rnal 'byor pa//zas sogs kyis ni tshim par bya/ /ser sna med cing dga' ba yis/ /gtor ma rab tu sbyin byas la/ /'dod pa'i las ni rab tu bsgo/ /yi ge brgya pas brtan byas nas/ /rab tu dang ba'i sems kyis ni/ /'dod pa'i yon tan thams cad ni/ / legs par gsol ba gdab par bya/ /bzod par gsol ba sngon 'gro bas/ /thams cad kyang ni gshegs su gsol/ /bsod nams yongs su bsngos byas te/ /dga' bas rab tu gnas par bya/ /tshogs kyi cho ga'i rnam par phye ba ste bzhi pa'o// // dkyil 'khor gyi ni las rnams la/ /sa gzhi bgegs bral yid 'ong bar/ /khru gang tshad du sa bcad de/ /'thas shing srog chags med par bya/ /dag byed lnga ni legs bskol bas/ /snyoms par zhugs te rab tu mnye/ /sor ni nyi shu bzhi ldan par/ /dkar dang ser dang de bzhin dmar//sngo dang ljang gu rdul med pas/ /nyer byugs de la rin chen nam/ /'bru mar me tog skyon bral bas/ /ri dang gling dang nyi zlar bcas/ /zhing ni rab tu dag byas nas/ /'khor lo rin chen rta glang po/ /dmag mi khyim gyi bdag po dang / /bud med rin chen rang gi lus//rang gi yon tan kun ldan par/ /rnam bkod mgon po la rab dbul/ /dag pa'i sa la bdag nyid dang / /rin chen bdun ni bkod pa 'am/ /dag pa'i zhing ni bco lnga dang / /lus ngag yid dang 'dod pa'i tshogs/ /lnga ni rab tu dbul ba dang / /rdo rje pad+ma rA ga dang / /margad dang ni karke ta//chu shel spug dang bai DUr+ya/ /dbang sngon po dang ldan par dbul/ /dung dang dung chen pad+ma dang / /pad+ma che dang bum pa dang / /gter dang 'dod pa'i ba nyid dang / /dpag bsam shing chen rab rgyas pa/ /dpa' bos mgon po la rab 'bul/ /ri dang nyi zla gling bzhi po/ / badzra re khe hUM brjod nas/ /dag pa'i sems kyis dbul bar bya/ /sman dang rin chen ma gtogs par/ /lan mang du ni dgod mi bya/ /mu yi sngags ni sngon brjod pas/ /gtsang ma'i gnas su dor bar bya/ /dpa' mo mchog gi sems dmigs nas/ /rang gi lha yi bsam gtan gyis//sa ni skyon dang bral gyur pa/ /brkos te rab tu spyad par bya/ /rin chen dri yi chur bcas pas/ /gong bu dag ni sngon byas nas/ /sngags 'dis byin gyis brlab par bya/ /na mo b+ha ga ba te bai ro tsa na pra b+hA rA dzA ya/ ar+ha te samyak+saM bud+d+ha ya/ tad+ya thA/ oM sU k+Sh+me sU k+Sh+me sa me sa ma/shAn+te dA n+te a sa mA ro pe/ a nA la m+be/ ta ra m+be ya sho ba ti ma hA te dza ni rA ku le/ nirba Ne sarba ta thA ga ta hr-i da ya/ a d+hi Sh+ThA na a d+hi Sh+Thi te swA hA/ nyi shu rtsa gcig mngon brjod pas/ /sku yi de nyid rab dran bya/ /de nas dum bu ci rigs par/ /chos gang rgyus 'byung sogs brjod nas//rgyas ni rab tu gdab par bya/ /de nas mgon po rnam snang dpal/ /gangs chen mtshor ni rab dmigs nas/ /mchod de me tog rab tu dor/ /'gro ba gzung phyir gsol btab nas/ /rgya cher yongs su bsngo bar bya/ /chos gang rgyus 'byung la sogs pa//thams cad du ni bsngags par bya/ /des ni 'gro ba'i 'tsho byed cing / /sdig kun rnam dag byed pa dang / /las dang yang dag grub ster ba'i/ /las la dga' dang ldan pa yi/ /sngags pas rtag tu 'bad par bya/ /gang du yid 'jug bgegs spangs pa/ /dkar zhing snum pa'i sa gzhi la//bslang dang mchod pa sogs byas te/ /zlum po khru gang tshad byas la/ /sor ni bcu gnyis tshad du brko/ /sor gnyis bskyed de bzhi yis yang / /legs byas shin tu dkar bar byug /phyi nas pad+ma'i phreng byas te/ /dbus su pad dbus pad dkar nyid//steng du rdo rje'am pad dkar phreng / /yid du 'ong ba bri bar bya/ /sgo dang rta babs dang ldan par/ /re gas yongs su bskor bar bya/ /ku shas g.yas skor nyid byas nas/ /tsan+dan sgron shing n+ya gro d+ha/ /thang shing la sogs 'o ma can/ /thab kyi dbyibs bzhin cung zad dma'//yam shing sor ni bcu gnyis la/ /lo ma me tog dang ldan zhing / /tsan+dan dkar po chus btags te/ /dkar po'i snod du legs par gzhag /mchod yon zhal bsil la sogs dang / /til dang yungs kar 'bras chan zho/ /zan dang 'o ma ku sha dang / /dUr ba 'bras dang nas dang gro//so ba dang ni ma sha sogs/ /dngul sogs snod du legs par gzhag /bram ze'am dge 'dun khyim las skyes/ /me ni rlung yab kyis sbar zhing / /rig byed yi ge sngon 'gro bas/ /dz+wa la dz+wa la hUM zhes brjod/ /thab ni khang pa nyid byas nas//de dbus raM las bskyed pa yis/ /las kyi lha ni bsam par bya/ /mdog dkar zhal gcig phyag bzhi pa/ /pad dkar rab tu rgyas pa dang / /chu shel phreng ba legs 'dzin cing / /spyi blugs dang ni dung bsnams te/ /ra skyes pad dkar gdan la bzhugs/ /gos dkar shel sogs rgyan dkar dang //gos dkar zhi bas gzigs pa po/ /legs dmigs sngags 'dis spyan drang bya/ /oM tshur spyon tshur spyon 'byung po che/ /lha yi drang srong bram ze mchog /sreg blugs zhal zas bzhes slad du/ /chen po 'bar ba'i gdan la bzhugs/ / badzra d+ha ra Adz+nyA pa ya ti swA hA/ las kyi chu yis bsangs nas kyang / /dgug sogs las kyi ro mnyam bya/ /sku yi de nyid sngon 'gro bas/ /mchod yon zhal bsil la sogs kun/ /swA hA dang ni rab ldan pas/ /ma lus pa ni dbul bar bya/ /thab 'dra'i gdan la legs gnas te//byang gi phyogs su mngon phyogs pas/ /lag gnyis rdo rje khu tshur gyis/ /gzar bu legs par bzung nas su/ /zhi ba'i sems ni sngon 'gro bas/ /yam shing mar nas brtsams nas kyang / /rdzas rnams thams cad rab tu dbul/ /oM ag+na ye swA hA/ til ni grangs mthar tshang bar bya/ /dang bas me ni 'bar byas nas/ /de nas rang gi lha rnams ni/ /rang rang gi ni cho ga ltar/ /bskyed dang spyan drang sogs spyad nas/ /mchod de yam shing mar la sogs/ /snying po zhi ba'i las rab bskul/ /dgang blugs bdun ni kun du dbul//me yi lha la las kyi sngags/ /oM sarba pA paM da ha na badzrA ya sarba pA paM shAn+tiM ku ru swA hA/ lha ni gshegs gsol la sogs pa/ /spyad byas me yi lha rab mchod/ /las dang dngos grub rnams bslangs nas/ /gshegs su gsol byas rab tu bsdu/ /yang na dpal ldan rdo rje sems//sangs rgyas kun gyi sku gcig pu/ /pad dkar zla ba'i dkyil 'khor la/ /rdo rje skyil krung gis gnas te/ /sku ni drang po'i bdag nyid la/ /sum cu rtsa gnyis mtshan mnga' zhing / /dpe byad bzang po brgyad cur ldan/ /dung dang kun+da 'dra ba dang / /dang po rdo rje dril 'dzin zhing //cod pan sogs pas rnam par mdzes/ /'od dkar zla ba la brten cing / /sems can rnams la rab brtse'i bdag /bskyed de spyan drang mchod sogs bya/ /yi ge drug ni mngon brjod nas/ /mgon po'i las la de nas bskul/ /mthar ni las rnams thams cad spyad//yi ge brgya ni rab brjod nas/ /don rnams gsol zhing nye bar spyad/ /de ltar sngags dang mchod pa rnams/ /zung du ma thim pa nyid gces/ /gzar bu la sogs mi 'byor na/ /g.yas pa'i mthe bes mtha' mnan te/ /g.yon gyi sor mo lnga gzhibs nas/ /mchod sbyin rab spyad de nas ni//ci bde bar yang gsungs pa nyid/ /yang na thab khung la sogs pa/ /bri ba la sogs bde bar spyad/ /mar dang til dang yam shing rnams/ /med par sbyin sreg las rnams ni/ /zhi sogs dag pa nyid mi 'gyur/ /de bas mkhas pa tshul shes pas/ /cho ga thams cad spyad par rigs//thams cad du ni sems dge bas/ /spyod bcu rab gnas bdag nyid bya/ /sems dge rab tu bsgrubs pa yis/ /las rnams thams cad don chen du/ /'gyur bar gsungs pa shes byas na/ /byang chub sems ni sngon 'gro bas/ /nyin dang mtshan mo nam du yang //dus 'das don med mi bya ste/ /sbyang dang tshogs ni 'phel bar bya/ /sa gzhi yid 'ong bdag can du/ /sems dge me tog sil mas bkang / /gdan la sogs pas rab brgyan te/ /sku gzugs gsung rab mchod rten dang / /rdo rje dril bu rig pa sogs/ /yid du 'ong ba legs par dgod//de la phyag sogs gus byas te/ /mchod yon zhal bsil me tog sogs/ /mar me dri dang bza' ba dang / /sgra dang gar dang glu dbyangs rnams/ /rgya cher rab tu dbul bar bya/ /de ltar dge ba rnams brten nas/ /yang dag yid du 'ong ba rnams/ /'byor ram yang na sprul pa yis//nam mkha' gang bar byas nas kyang / /yon tan ldan la thams cad du/ /tshad med sems kyis dbul bar bya/ /de ltar dge la rnam brten nas/ /dpag med 'gro ba'i don gyi phyir/ /tshad med bsam gyis mi khyab pa'i/ /'bras bu yongs su bsngo bar bya//sbyin pa dang ni yon gnas dang / /bdag dang rdzas dang 'bras bu dang / /rang ngam gzhan nam gnyi ga'am/ /rgyu med par yang skye min pas/ /rang bzhin gyis ni mi dmigs shing / /snang ba med pa'i bdag nyid las/ /sems ni brtan par rab tu bzhag /de las langs nas sems dpa' mchog /gos pa med cing dri ma bral/ /'khor ba dag pa'i chos brjod bya/ /de ltar gnas pa'i mi mchog ste/ /tshangs dang dbang phyug dbang po dang / /khyab 'jug dang ni gzhon nu dang / /dga' byed nor sbyin la sogs pa/ /dregs pa chen po dang ldan pa'i/ / 'jig rten skyong ba thams cad kyang / /brtse dang ldan pas bsrung ba dang / /don sgrub rtag tu phyi bzhin 'brang / /man ngag shin tu rnyed dka' bas/ /de yi lag na nye bar gnas/ /sa steng grags pa dang ldan zhing / /dgos pa thams cad yid bzhin du/ /skye bo mang pos rab tu bsgrub//dbul ba dang ni sdug bsngal dang / /nad dang bkren pa nye zad byed/ /dag byed sgrub po'i pho nya dag /'bad pa med par mdun du gnas/ /de yi spyod pa mi nyams shing / /rnam gsum grol ba'i bdag nyid 'gyur/ /de ni skye bos mthong gyur na/ /sdig pa thams cad rab zhi zhing / / thar pa'i lam la 'jug par 'gyur/ /las kun 'bras bu dang ldan zhing / /mtho ris mi yul sa 'og tu/ /spyod cing sems can rjes 'dzin byed/ /bcu gsum sa la rdo rje 'dzin/ /rgyal mchog de ni chags shing gnas/ /'khor ba'i rgya mtsho srid pa'i dba' rlabs drag po dang ldan zhing / / nyon mongs sbrul dang chu srin sogs ni gdug pa'i 'tshe bar ldan/ /tshe 'di mi rtag dbang med rnam rtog rlung gis g.yos mthong nas/ /dpal 'byung 'chi med dam pa'i chos la 'bad pas nyer gnas kyis/ /dri med lung las bshad mthong mgon pos rjes bzung bas/ /kun bzang spyod la snang ba rab skyes dga' dang ldan//log par ltung la nyer phyogs 'gro la rnam brtse bas/ /snying po rgyan gyur cho ga rgyud kun tshul 'di byas/ /dad pas nyer bsgrubs skyon bral dge ba rnam rgyas pas/ /'gro bas lam rtogs dri med 'bras la nyer gnas shog /dad pas spyod pa'i tshul byas la//don dang sgra yig 'khrul gyur pa/ /bla ma mkha' 'gro grub kun gyis/ /nyer brtses bdag la bzod par mdzod/ /gsang ba thams cad kyi spyi'i cho ga'i snying po rgyan zhes bya ba slob dpon 'jam dpal grags pas mdzad pa rdzogs so// //bal po'i mkhan po ka na ka shrI dang /