CLOSE WINDOW

D2489
བོད་ཡིག

@##/ /rgya gar skad du/ badzra satwa sA d+ha nA ma/ bod skad du/ rdo rje sems dpa'i sgrub thabs zhes bya ba/ dpal rdo rje sems dpa' la phyag 'tshal lo/ /thog mar bdag nyid stan bde ba la 'dug ste/ skyil mo krung gis gnas la/ sems can thams cad 'khor ba'i sdug bsngal las bsgral te/sangs rgyas dang byang chub sems dpa'i sa la dgod par bya'o zhes pa'i sems bskyed pa sngon du song ba'i rjes la/ de nas rang tha mal par gnas pa'i spyi bo'i steng du poM las pad+ma dkar po/ /de'i steng du a las zla ba'i dkyil 'khor gang ba/de'i steng du hUM dkar po yongs su gyur pa las dpal rdo rje sems dpa' sku mdog dkar po 'od zer kha dog lnga 'phro ba/ rin po che'i rgyan sna tshogs kyis brgyan pa/ mtshan bzang po sum cu rtsa gnyis dang / dpe byad bzang po brgyad cus mdzes pa/ phyag g.yas pa rdo rje thugs kar 'dzin pa/g.yon pas dril bu rked par 'dzin pa/ sku rol pas bzhugs pa/ zhabs g.yas pa cung zad brkyang ba'i mtheb chen gyis bdag gi tshangs bug la reg par bsams la/ de'i thugs kar zla ba'i steng du hUM la yi ge brgya pas bskor nas yod par bsams la/de las 'od 'phros pas 'og min na bzhugs pa'i de bzhin gshegs pa'i thugs ka nas bdud rtsi'i chu rgyun 'o ma lta bu drangs nas/ rdo rje sems dpa'i thugs kar zhugs nas zhabs kyi mtheb chen gyi sna brtol nas bdag gi tshangs pa'i bu gnas zhugs pas lus thams cad 'chi med kyi bdud rtsis gang bar bsams te/des bdag gi tshe rabs thog ma med pa nas bsags pa'i mtshams med pa lnga la sogs pa byas pa'i sdig pa thams cad dud khu lta bu rkang mthil nas 'thon par bsams te lus shel dag pa ltar phyi nang sa le bar bsam mo/ /de nas dngos sam yid kyis mchod pa dbul bar bya'o//de nas rig sngags brgya po ji lta ba bzhin dag par brjod do/ /de nas dpal rdo rje sems dpa'i zhal nas rigs kyi bu khyod kyi sdig pa thams cad dag go zhes gsung bar bsams la de nyid du thim par bsam mo/ /bdag nyid nus ldan kun gyi mchog tu gyur par shes par bya'o//lam thams cad kyi dag byed kyi thabs dpal rdo rje sems dpa'i yi ge brgya ba'i sgrub thabs bla ma mngon shes can rdo rje gdan pas mdzad pa rdzogs so// //yul dbus kyi dpe ji lta ba bzhin lo tsA ba shAkya'i dge slong nyi ma rgyal mtshan dpal bzang pos gtsug lag khang chen po dpal thar pa gling du gus pas bsgyur ba'o/