180b6 /nyin dang mtshan mo lan gsum du/ /nyin re zhing ni bzla bar bya/ /yan lag gi dam tshig ces bya ba rdzogs so//[ ]@##/ /rgya gar skad du/ /badzra yA na pat+ti many+dza ri nAm/ bod skad du/ rdo rje theg pa'i ltung ba'i snye ma zhes bya ba/ bcom ldan 'das dpal rdo rje sems dpa' la phyag 'tshal lo/ /rdo rje sems dpa'i
180b7 sdom pa 'dzin pa la ltung ba'i sde tshan rnam pa gnyis te/rtsa ba'i ltung ba bshad pa dang / sbom po'i ltung ba bshad pa'o/ /de la bla ma la ma gus pa dang / bde bar gshegs pa'i bka' las 'das pa dang / zhe sdang gis rdo rje spun la skyon 'bru ba dang / byams pa gtong ba dang / byang chub kyi sems gtong ba dang / theg pa gsum la
181a1 smod pa dang /yongs su ma smin pa la gsang ba sgrogs pa dang / de bzhin gshegs pa'i bdag nyid phung po lnga la smod pa dang / chos thams cad rang bzhin med par rnam par dag pa la the tshom zab dang / gdug pa la byams pa dang ldan pa dang / thog
181a2 ma dang /tha ma dang / dbus kyi chos thams cad stong pa la thog ma dang tham dang dbus su rtog pa dang / dad ldan gyi sems sun 'byin pa dang / ji ltar rnyed pa'i dam tshig mi bsten pa dang / bud med la smod pa ste rtsa ba'i ltung ba bcu bzhi'o/ /de la stobs kyis rnal 'byor ma len
181a3 pa dang stobs kyis de'i byang chub kyi sems len pa dang /gsang ba mi spod pa dang / dam tshig la rtsod pa dang / dad pa dang ldan pa la phyin ci log gi chos ston pa dang / nyan thos kyi theg pa pa dang lhan cig zhag bdun du gnas pa dang / rnal 'byor mi shes par rnal 'byor par
181a4 mngon pa'i nga rgyal byed pa dang /mi dad pa la chos ston pa ste sbom po'i ltung ba brgyad do/ /rdo rje sems dpa'i bslab pa la gnas pas rnam pa thams cad du yongs su spang bar bya'o/ /rdo rje theg pa'i ltung ba'i snye ma zhes bya ba mkhas pa chen po a b+h+yA ka ra gup+tas mdzad pa rdzogs
so/