CLOSE WINDOW

D2475
བོད་ཡིག

/[ ]@##/ /rgya gar skad du/ tsa tur r+tha sad b+ha ba lo pa de sha nA ma/ bod skad du/ bzhi pa'i don rnam par nges pa'i man ngag ces bya ba/ dpal rdo rje sems dpa' la phyag 'tshal lo/ /kha che ba la bzhi pa'i gtam/ /sngar yang yod par ma thos la//da ltar yod pa mthong na yang / /bzhi pa rnyed pa ma yin no/ /don du mi gnyer ma dad dang / /zab cing rgya che spang ba'i phyir/ /'dir ni bzhi pa bstan pa yi/ /'jug pa bdag las ma byung ngo / /yul phyogs gzhan na la la dag /gal te skal ldan gyur pa dngos//yod pas gter ni mi nub ces/ /bdag blo nges par dbugs dbyung ngo / /rim pa gnyis kyi dbye ba yis/ /dpal ldan gsang ba 'dus par bstan/ /sbyor ba dang bcas dgyes pa ni/ /rdo rje'i rgyud du mchog tu bstod/ /'khor lo sdom pa zhes bya las/ / bar ma mchog gi tshig gis bshad/ /bskyed pa'i rim pa la gnas nas/ /bdag byin brlab pa rab tu brtag /thabs dang shes rab sbyor ba yis/ /rim pa gnyis kyang bstan pa yin/ /bskyed pa'i rim pas dag de la/ /gsum pa rnam par gnas pa yin/ / rigs pa dang bcas bzhi pa ni/ /mthong nas slob par byed par 'dod/ /gang gi mthu yis rab bskyed pa/ /ye shes rdo rje ngo mtshar can/ /rigs pa dang bral khyad par cung zad med/ /de la bud med las dang nyon mongs skye/ /rigs pa ldan pas rdo rje las 'byung 'gyur/ / de phyir blo dang ldan pas rigs pa btsal/ /yang dang yang du ltos byed pa/ /phyag rgya sbyor ba 'di 'dra ba/ /rigs pas stong phyir de rnams la/ /shes rab ye shes gnas pa med/ /chos kyi grags pas rnam 'grel las/ /phyogs tsam zhig gis rnam par phye/ / gzhan gyi khyad par byed na ni/ /yang 'bad pa la ltos mi 'gyur/ /tshogs pa gcig la ltos na ni/ /dus gcig skyes pa'i dus gzhan du/ /gal te de nyid la ltos na/ /shin tu dman yang 'phel mi 'gyur/ /de la sogs pa'i rgyud kyis na/ /rdzogs pa'i rim pa bsgom pa las//rigs pa med pa'i dbang ni yang / /rigs pa dang bcas blang bar bya/ /rigs pa dang bcas gsum pa ni/ /thob par gyur pa'i de ma thag /bzhi pa yongs su thob pa la/ /dbang ni mdzes par gyur pa yin/ /chu la sogs pa'i dbang rnams ni//dag pa'i don du gsal bar gnas/ /bzhi pa ji ltar gnas pa de/ /'bad pas de bzhin bslab par bya/ /de med na ni sangs rgyas med/ /de bzhin dbang yang med par 'gyur/ /de thob na ni sangs rgyas nyid/ /rang nyid yin pa nyid du rtogs/ /de tshe rdo rje slob dpon 'gyur//de tshe de bzhin gshegs rnams 'dud/ /sangs rgyas kun gyi rang bzhin du/ /grub par 'gyur nyid rang gis mthong / /ma 'ongs pa na sangs rgyas su/ /de nyid mngon sum nyid du mthong / /phyag rgya stang stabs ma yin la/ /de yi rgyu ni bsgom pa'ang min/ / de yi tshe na sad byed pa/ /bla ma'i gdams ngag gcig pu yin/ /mi 'khrul don du lan 'ga' zhig /gzugs dang lang tsho yon tan can/ /shes rab thabs bcas sbyor ba ni/ /de yang rigs pas rnam par spangs/ /mkhas pa rnams la mi dgos shing / /byis pa rtse ba'i 'bras bu can//rigs pa gang dang gang dag gis/ /rnam 'grel tshad mar dbang sun phyung / /slob ma'i dbang du brjod pa ni/ /'di yang ci phyir sun mi dbyung / /rang gi sa bon las byung ba'i/ /nyes pa dag byed mi gsal te/ /slob dpon gyis bshad zab pa yin//rigs pa med na de gsal te/ /de ni bdag kyang 'dod mod kyi/ /'on kyang rigs pas khyad par med/ /rdo rje sems gnas gang dang gang / /gsal zhing 'khrul pa med rnyed pa'o/ /bzhi ba sgrol ma mdzad pa yi/ /shar phyogs kyi ni mkhas pa yis/ /gtam tsam yang ni mi shes so//de yi chos la bdag gis rtogs/ /'on kyang gti mug bsal ba dang / /som nyi rab tu zhi ba dang / /phyin ci log ni bsal ba'i phyir/ /mkhas pas bstan bcos rgyas par mdzad/ /gti mug tu ni rtogs nas spangs/ /som nyi blo ni rang gi rtog pas phye//phyin ci log gi 'khrul par shes nas bsal/ /des na shin tu legs par mdzad pa yin/ /skad cig gsum las bzhi pa ni/ /gzhan de bskyed pa'i rim pa'i phyogs/ /rim pa yongs su btang nas ni/ /dga' dang bral ba yongs su spang / /bzhi pa'i sgra ru brjod pa ni//dgongs pa can du gyur nas gnas/ /gang phyir shes rab ye shes kyi/ /dbang gi rim pa de nyid yin/ /shes rab ye shes gsum pa ni/ /bzhi pa de ni ji ltar 'thad/ /gal te shes rab med gyur na/ /de bzhin zhes kyang ji ltar 'thad/ /gal te shes rab blang byas na//gsum pa yin gyi bzhi pa min/ /mnyam dang rgyud kyi rang bzhin dang / /zag med par chad med pa yi/ /dbang ni gzhan du bshad pa gang / /yang gi sgra yis nges par bstan/ /de yi tshigs bcad las byung ba'i/ /de bzhin sgra yis de 'og bstan/ /gal te gsum pa nyid thos pa//phyag rgya'i dbye bas 'dod pa dang / /phyag rgya grangs la ltos pa dang / /lnga pa la sogs khas blang dgos/ /gal te phyi nang phyag rgya yi/ /dbye bas phye bar 'dod na yang / /phyi rol phyag rgya las byung ba'i/ /gsum pa yin gyi bzhi pa min/ de la zag pa dang bral ba/ /bcos zhes ji ltar rjod par byed/ /lha yi rnal 'byor la dmigs dang / /sgeg pa la sogs nyams dang ldan/ /gang phyir dga' ba rgyas byed pa/ /sngags kyi tshul gyis rnam par gnas/ /bar chad med par ji ltar 'gyur/ /rgyun mi 'chad pa'ang don bzhin ci//dga' ba dang bral dga' ba'i mtha'/ /'bras bu mtha' med gang na yod/ /khyad par can gyi kha dog dbyibs/ /lha mo'i rnam par rnam brtags kyang / /phyi rol las gyur ji 'dra ba/ /dga' bde 'dra rnyed ma yin/ /khyad par can gyi kha dog dbyibs/ / rtogs na khyad par ma yin la/ /gal te mngon sum gyur na lta/ /bden na lha mo lkog tu gyur/ /bla ma slob mas rnam brtags pa/ /brtags pa de las dga' ba gang / /bsgoms pa'i stobs kyis de 'og tu/ /mngon sum nyid du 'byung ba dang / /'bras bu khyad par can 'byung bas//gal te nus na dgos pa la/ /mtha' med zag pa dang bral zhes/ /bya ba la sogs med pa dang / /dman pa'i bud med ji lta bar/ /dga' dang bde ba'ang de bzhin dman/ /mchog la de bzhin mchog yin te/ /gang phyir sgeg pa las byed do//de la rim gyis khyad par ram/ /gang gis grangs khyad gyur pa med/ /sangs rgyas 'dren pa byed pa yi/ /bzhi pa des na yod ma yin/ /ji ltar lo ma lci ba dang / /rtswa sog la sogs du ba gcig /a ga ru dang ga pur dang / /tsan+dan la sogs las byung ba'i/ /du bas me ni dpog byed pa//spyi yin khyad par ma yin no/ /bar bcad med pa'i rgyu la sogs/ /khyad par tshad ma ma yin no/ /khyad par kha cig tsam gyis ni/ /khyad par thams cad 'byung mi 'gyur/ /mtshan nyid mtshan gzhi'i ngo bo yis/ /gang gis dbye brjod byed pa//kun grags pa yi gtan tshigs kyis/ /gsum pa'i mtshan nyid dag tu bshad/ /mtshan gzhir gyur pa'i bzhi pa ni/ /de las bzlog pa yin par 'dod/ /de tshig byis pa dga' byed kyi/ /mkhas pa la ni ma yin no/ /bstan bcos 'jig rten gang du yang / / mtshan nyid 'gal bar mi byed do/ /gang phyir mi rtag zag bcas phyir/ /de phyir gsum par 'dod pa yin/ /mtha' yas zag bcas dge ba'i phyir/ /gcig tu bzhi pa gtso bo yin/ /dam pa'i don du yod pa mchog /mngon du sangs rgyas ster byed pa/ /gang de sgrub pa'i mtshan nyid gang //'chad pa de la phyag 'tshal lo/ /mi shes pa zhig seng ge yi/ /mtshan nyid gal te ston byed na/ /grags pa ci 'dra bu de la/ /de 'dra'i mtshan nyid ston par byed/ /ji ltar shes pa bzhin brjod pas/ /de bzhin 'di las smra byed de/ /gzhan dag sgom par byed pa na//gzhan zhig rnyed pa ma yin no/ /zag bcas sgom par byed pa na/ /zag med rnyed pa ma yin no/ /zag med gal te sgom na yang / /de ni rjes su myong ba med/ /rjes su myong na grub zin pas/ /de la sgom pa ci zhig bya/ /zag pa med la mos pa yis/ /zag bcas gal te sgom na yang //bdud rtsi 'thung bar 'dod pa yis/ /rtsa dag ci phyir 'jib mi byed/ /mi gsal ba nyid sgom pa yis/ /ci phyir gsal ba rnyed par 'gyur/ /mi gsal ba nyid su yis bsgom/ /sgom bzhin pa na de mi gsal/ /gang gsal ba de bsgom bya min/ /sgom bzhin na yang mi gsal ba'o/ /gsal bar mos nas sgom na yang //dang po gsal bar mi 'gyur ro/ /de bzhin gal te 'dir 'dod na'ang / /nyon mongs can la gsal ba med/ /mi gsal ba las gsal 'gyur te/ /bya ba 'di ni bsgoms pa'i stobs/ /nyon mongs med pa bsgoms pa las/ /nyon mongs can du mi 'gyur ro/ / bsgoms pa'i stobs kyis 'di 'dra ba/ /nye bar rnyed pa ma yin no/ /bzhi pa mi rtog pa zhes bya/ /rnam nges 'grel ba yang dag par/ /rnal 'byor mngon sum spyod pas na/ /der ni de bzhin rtogs par bya/ /de ltar shin tu dka' ba'i phyir/ /gsum pa zhes bya bzhi pa yi/ / dpe min pa ni shes bya ste/ /de phyir mnyam par gzhag par bya/ /de ltar min na dpe tsam gyis/ /bsgrub bya bsgrubs pa gang na med/ /bsgrub bya'i rjes 'gro gtan tshigs med/ /dpe yis rab tu bstan par bya/ /tshad ma gnyis kyis rab bsgrubs nas/ /'bral ba yang dag dran par byed//dpe yis nye bar shes gyur la/ /gtan tshigs nyams pas gang du'ang min/ /gcig gis cung zad sgrub byed ces/ /smra ba ltar na'ang rtog ge min/ /tshes dang chos can grub na ni/ /'brel pa'ang bsgrub par bya ba yin/ /gnas bzhir grub par byed pa la//sgrub pa 'jug pa smos ci dgos/ /ma grub pa nyid grub don du/ /sgrub par 'jug pa ma yin nam/ /rtog ge pa ni min pa'i tshig /yod par grub pa med pa'o/ /ma grub pa la dngos po'i chos/ /yod par grub grub rten med chos/ /gnyis ka la brten 'khrul pa yin//dngos med chos dang 'gal bas na/ /de yi yod pa ji ltar bsgrub/ /dpe las byung ba'i mthar thug pa/ /khyod kyi dpe yis grub pa med/ /ji ltar glang la ba men zer/ /dpe yis res 'ga' grub pa'ang srid/ /lung tshig tshad ma yin pas na//'di la de yis 'dod pa bya/ /dpe zhes bya ba'i tshad ma 'di/ /pha rol pos kyang ma bsal tam/ /lung las tha dad med pa de/ /gzhan du nye bar 'jal ba ste/ /gnyis su gzung ba nyid med na/ /de yis bcad pa cung zad med/ /nye phyin ring ba'i yul dag la//dpe zhes bshad par bya ba yin/ /grong khyer du ni ba lang sngon/ /mthong nas dgon par gnas na yang / /ba lang mthong bar 'gyur ba'i tshe/ /'dra'o snyam pa'i shes pa skye/ /de 'dra ba yi ba lang ste/ /grong khyer du ni bdag gis mthong / /blo la 'dra bar zhes pas na//de phyir dpe zhes bya bar gnas/ /ba lang mngon sum mthong bas na/ /sngon gyi ba lang dran 'gyur te/ /da ltar nyid kyi'ang 'dra'o zhes/ /dpe las yongs su gcod par 'gyur/ /de phyir dpe zhes bya ba yang / /gnyis su 'dzin pa sngon 'gro ba'i/ /ji ltar bshad pa'i mthar thug la//gnyis su 'dzin pa yod ma yin/ /yongs su smin pa yongs thob par/ /gal te shes nas de 'dzin te/ /gnyis po shin tu bcom pa'i phyir/ /de tshe gcig pu kho na yod/ /yongs su smin la rgyu med phyir/ /thabs kyang yod pa ma yin no//gzhan zhig brtan bzhin pa na yang / /gzhan dag glo bur 'byung mi 'gyur/ /gzhan zhes bya ba thog mar bshad/ /de phyir blo dang ldan pas bslab/ /bar chad med pa'i rgyu nyid ni/ /shin tu skye bar mi 'gyur ro/ /gal te sgom pa goms pa yi/ /dbang gis de phyir 'dod na yang //de lta na yang dus kun du/ /bar chad med par mi 'grub ste/ /sa bon sna tshogs bsgoms pa las/ /rtag tu skye ba'i blo la ni/ /gang las skye ba'i nges pa med/ /gnod pa med dang yang dag don/ /rang bzhin phyin ci ma log phyir/ /blo ni de phyogs 'gyur ba'i phyir//'bad kyang ldog par mi 'gyur ro/ /blo ni de ltar gyur na go /'di ni bdag kyang 'dod pa la/ /rang bzhin g.yo bar bzod pa dang / /phyin ci log gi rjes su 'jug /blo la de yi phyogs gyur pa'i/ /blo gros chen po brdzun pa'i tshig /de la sogs pa phal che bar//rdzogs pa'i rim pa sgom par bshad/ /de phyir de ru rtogs bya yi/ /yod pa bshad pa'i dgos pa ci/ /'di yi lung dang tshad ma dang / /man ngag gsang ba'i mtha' rtogs nas/ /skal ldan dngos rnams la phan phyir/ /bshad kyis mngon pa'i nga rgyal min//dpal kha che'i slob dpon rin chen rdo rje dang / /mtshan gzhan phra bar rtogs pa'i dpal zhes bya'i/ /yang dag bzhi pa 'byung ba'i gtam tsam 'di la byas pa med/ /bzhi pa med ces log par gyur na mi rung snyam/ /bzhi pa rnam par nges pa'i man ngag gces bya ba'i rab tu byed pa kha che'i slob dpon chen po rig byed kyi mtha' 'dzin pa dpal rin chen rdo rjes mdzad pa rdzogs so/