CLOSE WINDOW

D2471
བོད་ཡིག

/ //gnubs lo tsA bas bsgyur ba'o//[ ]@##/ /rgya gar skad du/ pa ra wa sha mA na/ bod skad du/ pha rol dbang du bya ba/ 'phags pa thugs rje chen po dang ldan pa la phyag 'tshal lo/ /shin tu snying rjes non pa'i yid/ /lus can mya ngan 'das pa la//bsam pa thag pas mgron gnyer ba/ /de yis pha rol bsdu ba bshad/ /nam langs mun pas slebs pa dang / /gnyid du nye dang sad pa'i dus/ /dga' dang gdung ba skyes pa nas/ /de yi cho ga spyan ras gzigs/ /bdag gi lus gang lha yin te/ /ngag ni yi ge bzhi nyid do//rnam par rtog dang mi rtog sems/ /snying rje che dang stong pa nyid/ /mig gnyis nyi zla 'bar ba dang / /lce steng A kA'i phreng bas brgyan/ /lte ba me thab 'khyil pa'i dbus/ /dpal ldan 'dod pa'i lha mo yi/ /mi gang dbang du bya ba de'i/ /smin phrag snying dang lte ba'i dbus//dga' dang dad dang gdung ba nyid/ /thig le pad+mo a yig gzugs/ /byams pa yi ge a yi rgyun/ /bdag gi sprul pa las skyes reg /rab tu mi bzod snying rje can/ /dga' ba'i blta bas rnam par bzhu/ /btang snyoms tshad med blo gros che/ /yi ge lnga brjod pad+mo 'byed//oM AHhri dza hUM/ 'bum phrag lnga rab ma yengs dang / /lhag bsam bar chad spangs bsnyen bsgrub/ /bde gshegs ring bsrel sku khrus sogs/ /brtse ldan rnams kyis sngags chur bcas/ /me tog dmar pos gdong bkrus la/ /lce dkyil sbrang rtsi ldan sngags brjod//oM AHhrI lo ka nA tha ma hA kA ru Ni ka ho sa ma haM/ che ge mo'i tsit+ta mahA sA d+ha tsal tsal pra tsa la pra tsa la dzaHdzaH blo gros bzang po snying rjes myos gyur pa/ /skye bo 'di dag thabs gang phrin las kyis/ /bde bar rung na bdag cir gyur sla'o zhes/ /nyin mtshan rtag tu yid byed mi 'bral na//rnal 'byor rgyal po brtag pa 'dis/ /zhag gsum drug gam dgu nyid na/ /lcags kyus gzhus pa'i yal ga ltar/ /gdon mi za bar de dbang 'gyur/ /pha rol dbang du bya ba gnubs lo tsA bas bsgyur ba'o// //