141b7 /gang shar sor bzhag dran pa yin/ /dran pa rang grol bral ba ste/ /bral ba ro mnyam lhun gyis grub/ /snying po'i gseb lam rnam pa gsum/a+th-i+i/[ ]@##/ /rgya gar skad du/ swa tsit+ta yo gi gran+tha ka to pa de sha /bod skad du/ rnal 'byor pa rang
142a1 gi sems mdud pa 'grol ba'i man ngag /bcom ldan 'das 'phags pa spyan ras gzigs dbang phyug la phyag 'tshal lo/ /e ma ho gdod nas ma skyes pa/ /'khor dang 'das pa'i byed rgyu can/ /gzhan min rang gi snying dbus gnas/ /bla
142a2 ma'i zhal las shes par 'gyur//kye ho bzhin bzang nga la nyon/ /gang gis 'ching bar byed pa'i rgyu/ /de nyid grol bar byed pa'i lam/ /'di na 'ching ba gang yang med/ /rmi lam grong khyer yangs pa na/ /sgyu ma'i skyes bu longs spyod pa/ /longs spyod dus na longs
142a3 spyod med//snang sems de ltar shes par bya/ /sna tshogs snang ba rang gi sems/ /de ni sprul pa'i tshogs 'dus bzhin/ /rang sems dbang po'i gzhu 'dra ba/ /gnyug ma 'od gsal lhun gyis grub/ /gang shar thams cad de yin te/ /de ni gang du'ang ma shar ba'o/ /
142a4 de phyir gang skyes de ma skyes/ /ma skyes pa nyid skye ba'i tshul/ /me long gzugs dang pi wang sgra/ /dge slong sprul pa rdzu 'phrul bzhin/ /yod dang med dang skye 'gag dang / /'gro 'ong mtshan nyid rtogs par gyis/ /sgyu ma yi ni rta glang ltar/ /snang ba rten cing 'brel par
142a5 'byung //de nyid ston gyi mkha' bzhin du/ /'od gsal chos gsum sbyar bar bya/ /e ma'o rnal 'byor rgyal po che/ /e ma'o ma bcings ma grol ba'o/ /e ma'o ma spangs lhun gyis grub/ /e ma'o e ma'o bde ba che/ /ma rtogs 'gro la rang dbang du/ /snying rje
142a6 chen po'i dbang gis na//dmigs med rnam kun yongs rdzogs pa'i/ /bsod nams ye shes phun tshogs 'gyur/ /rang gi sems kyi mdud pa 'grol ba'i gdams pa rdzogs so// //bla ma mi tra A nan+da zhes bya ba sbas pa'i sangs rgyas de nyid bod yul kha ba can gyi
mthil bkra shis kyi tshong 'dus chen po 'gur mo rin po che'i gling du byon pa'i tshe mdo sngags kyi bdag po chen po/