CLOSE WINDOW

D2461
བོད་ཡིག

/rgya gar gyi mkhan po de nyid dang / zhu chen gyi lo tsA ba dge slong shAkya blo gros kyis bsgyur cing zhus te gtan la phab pa'o//[ ]@##/ /rgya gar skad du/ loka a ti tasap+ta ka bid+hiH/bod skad du/ 'jig rten las 'das pa'i yan lag bdun pa'i cho ga /sangs rgyas dang byang chub sems dpa' thams cad la phyag 'tshal lo/ /dpal rdo rje sems dpa' la phyag 'tshal lo/ /phyag gnas phyag byed phyag rnams ni/ /gang tshe tha dad mi dmigs pa//de 'dir sngags pa'i phyag yin te/ /rdo rje'i phyag ces brjod pa yin/ /mchod gnas mchog byed mchod pa rnams/ /gang cho sna tshogs mi dmigs pa/ /de tshe mchod pa chen po ste/ /rdo rje'i mchod pa zhes brjod do/ /bshags bya 'chag byed bshags pa rnams//gang tshe rnal 'byor pas ma mthong / /rang bzhin dag par yang dag mthong / /de 'dir bshags pa'i mchog yin no/ /rjes yi rang bya thams cad dang / /bdag dang rjes su yi rang ba/ /rnal 'byor pa yis mnyam par mthong / /rjes su yi rang dam pa yin/ /sgyu mas sprul pa'i sangs rgyas la//sgyu mas sprul pa'i lus can phyir/ /brag ca lta bu'i chos rnams ni/ /bstan par yang dag skul 'debs pa/ /sprul pa dag dang mtshungs par ni/ /thal mo sbyar nas skul byed cing / /rdo rje rnal 'byor mnyam par mthong / /skul bar byed pa'i mchog tu 'dod//mya ngan 'das bzhed sangs rgyas rnams/ /'khor bar sprul pa bzhin du ni/ /sems can sprul ba'i don gyi phyir/ /bzhugs par gsol 'debs de nyid rig /'jig rten 'das pa nyid kyi phyir/ /de 'dir gsol 'debs mchog tu 'dod/ /dmigs pa can du 'jug pa nyid//thams cad 'jig rten pa nyid yin/ /rdzogs pa'i byang chub rmi 'dra la/ /de nyid rig pas rmi 'drar rig /rmi 'dra'i srid par gnas pa yin/ /sems can rnams la phan btags pas/ /chos dbyings bzhin du dpag med par/ /dge ba thams cad yongs bsngo na//de 'dir bsngo ba dam pa ste/ /sangs rgyas kun gyis rab tu bsngags/ /'jig rten las 'das pa'i yan lag bdun pa'i cho ga slob dpon mkhas pa chen po dpal mar me mdzad ye shes kyis dpal bsam yas lhun gyis grub pa'i gtsug lag khang chen por mdzad pa rdzogs so/