CLOSE WINDOW

D2460
བོད་ཡིག

@##/ /rgya gar skad du/ /sa mAd+hi sam+b+har pa ri brta/ bod skad du/ ting nge 'dzin tshogs kyi le'u/ 'jig rten mgon po la phyag 'tshal lo/ /dang po'i snying rje'i stobs las byung / /rdzogs pa'i byang chub sems brtan bya/ /srid pa'i longs spyod bde ma chags/ /yongs su 'dzin pa rgyab kyis phyogs//dad sogs nor ni phun sum tshogs/ /bla ma sangs rgyas dang mnyam gus/ /des bstan dam tshig spyod pa ni/ /yongs su bskyed la rab tu brtson/ /bum pa gsang ba'i dbang bskur ba/ /bla ma'i drin gyis yongs su thob/ /lus ngag sems ni rnam dag pa'i//sgrub pa po de dngos grub snod/ /ting 'dzin yan lag las byung ba'i/ /tshogs ni yongs su rdzogs pa las/ /myur du dngos grub thob 'gyur ba/ /de ltar gsang sngags tshul gnas yin/ /ting 'dzin yan lag nyams gyur cing / /de yi mi mthun phyogs gnas na//skye ba bye ba stong gis kyang / /ting 'dzin rab tu grub mi 'gyur/ /ting nge 'dzin ni rab grub phyir/ /gsang sngags spyod gnas rnal 'byor pas/ /de las gzhan pa'i sems spangs te/ /g.yeng med brtson pas 'bad par bya/ /ting nge 'dzin gyi yan lag dang //mi mthun phyogs gang nges bya'i phyir/ /ting 'dzin yan lag mi mthun phyogs/ /de ni mdor bsdus nas bshad bya/ /tshul khrims phun sum tshogs pa dang / /longs spyod rnams la ltos med nyid/ /bzod ldan dam bca' brtan pa dang / /skye bo 'du 'dzi rnam par spang / / lus dang ngag yid las rnams la/ /shes bzhin dang ni ldan pa dang / /sangs rgyas skur 'dogs dran pa yi/ /lus kyi rjes dran yang dag ldan/ /dus gang du ni bya ba yi/ /rjes dran de la brtan pa dang / /sgrib pa lnga ni spang ba dang / /zas kyi tshod rig spyod lam ran/ / 'jig rten chos ni thams cad la/ /rtag tu sems ni btang snyoms dang / /yo byad bsnyungs 'di yan lag ste/ /go bzlog pa ni mi mthun phyogs/ /ting 'dzin tshogs kyi le'u bkod pa'i bsod nams des/ /'gro bas ting 'dzin rdo rje lta bu thob par shog /ring nge 'dzin gyi tshogs kyi le'u slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so/