བོད་ཡིག |
33a1 @##/ /rgya gar skad du/ Ar+ya pa ra mAr+tha d+harma bi dza ya nA ma ma hA yA na sU tra/ bod skad du/ 'phags pa don dam pa'i
33a2 chos kyis rnam par rgyal ba zhes bya ba theg pa chen po'i mdo/sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mngon par rdzogs par sangs rgyas nas ring po ma lon par ga yA'i ri la dge
33a3 slong mngon par zhugs pa mngon par zhugs pa rnams dang /byang chub sems dpa' bye ba phrag dgu bcu rtsa dgu dang thabs cig tu bzhugs te/ lha bye ba phrag nyi shu rtsa brgyad dang / dge slong dang / dge slong ma dang / dge bsnyen dang / dge bsnyen ma brgyad khri drug stong dang /
33a4 gyad drug khri dang / gcer bu pa bye ba phrag bcu gnyis dang / drang srong chen po mngon par shes pa lnga dang ldan pa/ gdung ba lngas yan lag chog pa lnga brgya yan lag dkar ba/ sha med cing rus mgo pags kyis yog pa/ lto zhar zhing skra'i khur khyer ba/ lus rgu ba/ g.yang bzhi
33a5 dang shing shun gyon pa/lag na ril ba thogs pa brgyad khri bzhi stong dang yang thabs cig go/ /rgal bar 'dun pa rnams dang yang thabs cig go/ /de nas bcom ldan 'das ri nag po rnams kyi nang na ri'i rgyal po ri rab ltar drang srong rnams kyi nang na lham me/ lhan ne/ lhang nge ste/
33a6 lug rnams kyi nang na glang po che'i rgyal po mche ba drug pa 'dra la/ srin bu me khyer gyi drung na nyi zla dang mtshungs shing / rtswa ka shi'i me tog gi nang na man dA ra ba'i yal ga dang 'dra la/ nam mkha' lding gi rgyal po bya rog gis bskor ba dang 'dra bar bcom ldan 'das drang srong rnams kyi
33a7 nang na nyis 'gyur du mdzes so//de nas bcom ldan 'das rin po che'i gtong ba zhes bya ba'i ting nge 'dzin la snyoms par zhugs te/ rdzu 'phrul gyi cho 'phrul dpag tu med par mdzad cing glo g.yas g.yon gnyis nas 'od zer phyung ste/ de bzhin gshegs pa bye ba dpag tu med pa
33b1 phyung /byang chub sems dpa' bye ba dpag tu med pa dang / brgya byin dang / tshangs pa dang / 'jig rten skyong ba dpag tu med pa phyung / dgra bcom pa brgya stong dpag tu med pa phyung / dge slong dang / dge slong ma dang / dge bsnyen dang / dge bsnyen ma brgya stong
33b2 dpag tu med pa phyung /'khor los sgyur ba dang / stobs kyi 'khor los sgyur ba dang / khams kyi rgyal po dang / rig sngags 'chang dpag tu med pa phyung / rgya dang / ri brags pa dang / 'gro lding ba dang / lho phyogs pa dang / nags khrod pa dpag tu med pa phyung /
33b3 rgyal rigs shing sA la chen po lta bu dang / bram ze dang khyim bdag shing sA la chen po lta bu dang / mi gzugs dang / cha byad dang / mdog dang / smra ba'i skad sna tshogs pa ji snyed pa dang / lha'i ris ji snyed pa de dag thams cad de bzhin gshegs pa'i sku las phyung
33b4 ngo //de nas 'khor chen po de the tshom du gyur nas phan tshun gdong du lta'o/ /byang chub sems dpa' rnams rab tu dga' ste/ rin po che'i char 'bebs pa nas rgyan thams cad kyi bar gyi char 'bebs so/ /de nas bcom ldan 'das rin po che gtong ba'i ting nge 'dzin
33b5 las bzhengs te/seng ge bsgyings pas phyogs bcur rnam par gzigs so/ /bcom ldan 'das kyis phyogs bcur gzigs ma thag tu de nas phyogs bcu'i sangs rgyas kyi zhing dag nas sangs rgyas bcom ldan 'das ji snyed sangs rgyas kyi spyan la snang ba de dag thams cad lag
33b6 mthil du bzhag pa bzhin du mi mjed kyi 'jig rten gyi khams su kun tu snang ngo //de bzhin gshegs pa thams cad kyis kyang bcom ldan 'das shAkya thub pas ji ltar phyung ba de 'dra ba'i rdzu 'phrul gyi cho 'phrul phyung ste/ de bzhin gshegs pa rnams kyi sprul pa phyung ba ji snyed pa
33b7 de dag thams cad kyang bcom ldan 'das ga la ba de logs su dong ste phyin nas bcom ldan 'das kyi 'khor gyi nang du 'dus par gyur to//byang chub sems dpa' dpag tu med pa dag kyang / dge slong dang / dge slong ma dang / dge bsnyen dang / dge bsnyen ma gang gA'i bye
34a1 ma snyed dag dang lhan cig tu de bzhin gshegs pa la mchod pa chen po dpe med pa thogs te 'dir lhags so//de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi
34a2 dang mi ma yin pa du ma de dag kyang bcom ldan 'das kyi rdzu 'phrul gyi cho 'phrul de mthong nas bcom ldan 'das ga la ba der dong ngo //de nas gang dag phyogs bcu nas lhags pa'i byang chub sems dpas de dag gis mchod pa bla na med pas bcom ldan 'das la bsnyen bkur byas te/
34a3 pha rol tu phyin pa drug gis yongs su bsgrubs pa'i stan dag la 'khod do/ /mi dang mi ma yin pa'i bar du yang ci rigs pa'i stan dag la 'khod do/ /gang dag bcom ldan 'das kyis sprul pa phyung ba de dag kyang mnar med pa yan chad 'og min gyi gnas man chad du mngon par
34a4 byung ste slar yang log go//phyogs bcu'i sangs rgyas rnams kyi sprul pa phyung ba ji snyed pa de dag thams cad ni bcom ldan 'das shAkya thub pa'i spu'i khung bu thams cad du nub bo/ /gang dag bcom ldan 'das kyis sprul pa phyung ba de dag ni sangs rgyas thams cad kyi sku rnams
34a5 su nub bo//de nas byang chub sems dpa' sems dpa' chen po rgyal ba'i phung po zhes bya ba stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom
34a6 ldan 'das la tshigs su bcad pa 'di dag gis mngon par bstod do//kye ma mi rnams kyi ni 'dren pa yis/ /sngon chad ma byung mdzad pa sna tshogs 'di/ /skye dgu kun la myur du kun bstan pa/ /de yis bdud sde thams cad mog mog bgyis/ /phan tshun dag tu tshig tu
34a7 smra bgyid pa//kye ma'o shin tu ngo mtshar che zhes mchi/ /bdag cag ci zhig phyir ni 'dir lhags kye/ /bdag cag bcom mo bdag cag bcom zhes mchi/ /dka' thub can bdag dka' thub can min gyur/ /nyam chung lus la pags pa tsam zhig las/ /bdag
34b1 'khogs bdag skams bde ba rnams las nyams//bdag cag rdzu 'phrul thob par gyur ma yin/ /yi ge ma mchis rdzu 'phrul gsum rnams kyis/ /bstan pa'i dgra rnams mog mog gyur par mdzad/ /bstan pa'i 'dren pa khyod kyis de ring ni/ /sangs
34b2 rgyas sras la dus ston chen po mdzad//'khor 'di thams cad the tshom 'tshal bar gyur/ /dga' ba skyes shing sems kyang rab dga' ste/ /gang zhig gnas nas lha tshogs bdag cag kyang / /'jig rten mgon po sangs rgyas gyur cig mchi/ /'jam dbyangs
34b3 sangs rgyas mang po bsnyen bkur bgyis//sangs rgyas sras po mtha' yas rnams kyis bskor/ /'jam pa'i dbyangs ni 'khor gyi nang na mchis/ /cho 'phrul rnam par phye ste bstan du gsol/ /'di dag chos ni gang gi ltas shig lags/ /thub pa
34b4 chos ni gang zhig gsung bar bzhed//'khor 'di thams cad 'bod cing mchis lags na/ /sems can thugs brtse'i slad du bdag la gsungs/ /de nas sangs rgyas kyi byin gyi rlabs kyis 'khor de'i nang nas drang srong chen po me sgron zhes bya ba gcig gis byang chub
34b5 sems dpa' rgyal ba'i phung po la 'di skad ces smras so//kye gzhon nu re shig kha rog shig kho bos dri ba dri bar bya'o/ /gal te kho bo'i dri ba khong du chud par byed na ni de thams cad mkhyen pa zhes bya ba'i ming dang yang 'thun no/ /'on te sred med kyi bu dang / dbang phyug chen
34b6 pos phyung ba'i 'gro lding ba rnams kyis sprul pa byed du bcug na 'dir ngo mtshar yang mi che ste/skyes bu ngan pa dang / sgyu ma mkhan rnams kyis 'di 'grub bo/ /de nas bcom ldan 'das kyis 'dzum pa'i zhal gyis drang srong gi tshogs la kun tu gzigs nas drang srong chen po
34b7 me sgron la 'di skad ces bka' stsal to//tshe dang ldan pa drang srong chen po ci nus kyis dri ba dris shig dang rnam par sbyar bar bya'o/ /de nas bcom ldan 'das la drang srong chen po me sgron gyis 'di skad ces gsol to/ /kye gau ta ma sems can gyi skye ba gang nas byung /
35a1 ci'i slad du bskal pas sreg par 'gyur/ sems can rnams gnas gang du 'du bar 'gyur/ nang na sems can phra ba khru gang tsam mam/ mtho gang tsam mam/ mdzub mo tsam mam/ mthe bo tsam mam/ nas dang / gro dang / mon sran sde'u dang / mon
35a2 sran gre'u dang /til dang / yungs 'bru tsam mam/ sems can ji tsam zhig nang na mchis bka' stsol cig /de nas bcom ldan 'das kyis drang srong chen po me sgron la drang srong chen po legs so legs so/ /zhes bya ba byin no/ /drang srong chen po tshe bskal pa drug
35a3 cu pa'i dri ba dri ba 'di ni 'thun pa'o//de nas drang srong chen po rnams ngo mtshar du gyur te/ drang srong chen po me sgron gyi tshe'i tshad ni ma brjod par bdag cag lhan cig gnas gnas pa rnams kyis kyang ma shes na 'dis ji ltar shes snyam mo/ /bcom ldan 'das kyis bka'
35a4 stsal pa/drang srong chen po de'i phyir legs par rab tu nyon la yid la zung shig dang bshad do/ /drang srong chen po gang nga la sems can gyi skye ba gang nas byung zhes smras pa de ni yi ges brjod pa ma yin pa'o/ /sems can zhes bya ba ni ma rig pa'i rkyen nas skye ba dang / rga shi'i
35a5 bar du byung ba'o//drang srong chen po yang rgyu rkyen las sems can skyes te rgyu rkyen ni pha ma'o/ /drang srong chen po yang pha ma 'grogs pa ni de'i rgyu'o/ /gang gi tshe yongs su rtog pas kun nas bslang ba'i las kyi rlung rnams kyis bud med kyi grong du 'jug pa de ni rkyen no/ /
35a6 drang srong chen po yang sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa ni sems can no/ /nye bar len pa'i phung po lnga dang khams brgyad ni sems can
35a7 no//drang srong chen po sems can yang gzhan la las kyang gzhan ma yin/ las kyang gzhan la sems can yang gzhan ma yin no/ /drang srong chen po sems can ni 'grib pa ma yin/ 'phel ba ma yin no/ /drang srong chen pos gsol pa/ kye gau ta ma gal te sems can
35b1 'grib pa ma mchis/'phel ba ma mchis na/ ci'i slad du sems can khyi'i skye gnas nas shi 'phos te dbang sgyur du 'gyur/ bcom ldan 'das kyis bka' stsal pa/ drang srong chen po de ni ji skad smras pa de bzhin du ma yin no/ /gal te dbang sgyur dbang sgyur yin du zin
35b2 na ni dbang med par 'chi bar mi rigs so//drang srong chen po gang rang gi lus kyi gtso bo ma yin pa de ji ltar dbang sgyur du 'gyur/ drang srong chen po 'di lta ste/ dper na srin bu me khyer 'di snyam du bdag gis 'dzam bu'i gling snang bar bya'o/ /snyam du sems pa'i rkyen
35b3 gyis srin bu me khyer gyis 'dzam bu'i gling snang bar byed dam/sems ma dul ba'i dbang sgyur yang dag pa ma yin no/ /drang srong chen po yang gal te dbang sgyur nyon mongs pa 'bri bar gyur na ni khyi la nyon mongs pa shas che bar 'gyur ro/ /gang gi tshe dbang sgyur dang nyon mongs
35b4 pa dag khyi la yang yod cing dbang sgyur la yang yod pa de'i tshe sems can 'grib pa yang mi dmigs/'phel ba yang mi dmigs so/ /drang srong chen pos gsol pa/ gau ta mas nyon mongs pa 'grib par mdzad dam/ bcom ldan 'das kyis bka' stsal pa/ drang srong chen po
35b5 ngas phyin ci log dag bzlog pa yang med/'grib par byas pa yang med do/ /drang srong chen pos gsol pa/ gal te de ltar na khyod kyang dbang sgyur ma lags so/ /bcom ldan 'das kyis bka' stsal pa/ drang srong chen po de de bzhin te/ ma byung ba'i phyir nga yang dbang sgyur ma
35b6 yin no//drang srong chen pos gsol pa/ gau ta ma bka' mchid 'di re zhig zhog /gau ta ma'i sras kyis pha ma 'grogs pa las sems can skye'o zhes gsungs na/ sems can mang du 'grogs pa la sems can skye ba nyung bar gyur pa 'di ci lta bu/ bcom ldan 'das
35b7 kyis bka' stsal pa/khyod la dpe bstan par bya'o/ /drang srong chen po 'di lta ste/ dper na sa bon gcig las shing skye bar 'gyur te/ 'bras bu gcig las kyang 'bras bu mtha' yas par 'gyur ro/ /de la res 'ga' ni gcig sa bon gyi 'os su 'gyur gyi lhag ma sa bon gyi
36a1 'os su mi 'gyur ba de ji lta bu/drang srong chen pos gsol pa/ kye gau ta ma rlung dang nyi mas shing tog rnams ma rung bar bgyis so/ /bcom ldan 'das kyis bka' stsal pa/ drang srong chen po de de bzhin te/ las kyi rlung gis kyang sems can gyi 'bras bu rnams ma
36a2 rung bar byas so//drang srong chen po kha cig ni mngal na gnas pa nyid kyi tshe srin bu rnams kyis zos so/ /kha cig ni las kyi rlung rnams kyis phye mar byas so/ /drang srong chen po shing gi nyes pa ni nyung ngo / /sems can gyi nyes pa ni mang ngo / /drang srong chen po yang sems can
36a3 gyi khams ni yongs su rtog pas kun nas bslang ba ste/drang srong chen po sems can rnams kyi sems dang sems las byung ba 'jug pa ji snyed pa de snyed du srid pa la dmigs te/ drang srong chen po de'i phyir sems can gyi khams ni yongs su rtog pas kun nas bslang ba'o zhes nga
36a4 smra'o//drang srong chen pos gsol pa/ kye gau ta ma de de bzhin te/ zhu ba brjod pa 'di ni rnam par dag go/ /ci'i slad du bskal pas sreg par 'gyur ba bka' stsol cig /bcom ldan 'das kyis bka' stsal pa/ drang srong chen po chos kyi dbyings 'dus ma byas pa'i phyir bskal
36a5 pas sreg par 'gyur ro//drang srong chen po gal te bskal pas sreg par mi 'gyur na chos kyi dbyings gnyis su 'gyur te/ la la mi rtag la/ la la rtag par 'gyur ro/ /de'i tshe de bzhin gshegs pa bden pa smra bar mi 'gyur ro/ /drang srong chen po gang gi phyir 'di thams cad
36a6 rtag pa ma yin/brtan pa ma yin/ dbugs phyin pa ma yin pa de'i tshe de bzhin gshegs pa thams cad mkhyen pa zhes bya ba de'i ming thob bo/ /drang srong chen pos bram ze'i khye'u la smras pa/ 'di thams cad mkhyen par mtshan gsol pa ni 'thun no/ /bcom ldan 'das
36a7 kyis bka' stsal pa/drang srong chen po gal te bskal pas bsregs par ma gyur na 'di ni dus bzang po'o/ /'di ni dus ngan pa'o zhes bya bar dus tha dad pa med par 'gyur ro/ /drang srong chen po gal te yang bskal pas bsregs par ma gyur na legs par byas pa dang /
36b1 nyes par byas pa'i las rnams kyi rnam par smin pa tha dad pa med par 'gyur ro/ /drang srong chen po yang 'di lta ste/ bskal pas sreg pa 'di ni de bzhin gshegs pa rnams kyi thabs mkhas pa ste/ drang srong chen po sems can ji snyed bskal pas sreg par 'gyur ba thos
36b2 nas dad par 'gyur ba'i sems can de snyed de bzhin gshegs pas bsdu ba'i dngos pos sdud par 'gyur ro//drang srong chen po 'di lta ste/ dper na kha chu ldag pa'i sbrul ni mig gis kyang rdub/ rna ba dang / sna dang / kha'i sgo nas kyang rdub bo/ /drang srong chen po de bzhin
36b3 gshegs pa la yang de ltar blta ste/sbyin pas kyang sdud/ snyan par smra bas kyang sdud/ don spyod pas kyang sdud/ don 'thun pas kyang sdud do/ /drang srong chen po 'di lta ste/ dper na gser la gnod par bya ba'i phyir mer 'jug pa ma yin gyis/ gser dul ma ma yin pa
36b4 'di ji ltar na dul mar 'gyur snyam nas de'i phyir mer 'jug ste/shin tu bsregs pa'i phyir rin po che'i 'os su 'gyur ro/ /rin po ches spras pa de'i rin thang med par 'gyur te/ drang srong chen po de'i phyir gser brdung ba dang bsreg pas rnam par sbyong ngo / /drang srong chen
36b5 po de bzhin du sangs rgyas bcom ldan 'das rnams kyang rgyu med par sreg pa'i bskal pa mi 'byin te/'dir sems can gang la yang gnod par mi 'gyur ro/ /de nas bcom ldan 'das la drang srong chen po me sgron gyis 'di skad ces gsol to/ /bcom ldan 'das bskal
36b6 pas sreg pa'i me phyung yang sems can gang la yang gnod par mi 'gyur ba ni ngo mtshar to//bcom ldan 'das kyis bka' stsal pa/ drang srong chen po de bzhin gshegs pa rnams ni sems can gang la yang gnod par mi mdzad do/ /drang srong chen po 'di lta ste/ dper na
36b7 phyogs bcu rnams su char phra mo'i rgyun 'bab pa de bas ni drang srong chen po de bzhin gshegs pa rnams dang /sa bcu la gnas pa'i byang chub sems dpa' rnams nye bar gnas te/ rang gi lag gis sems can thar par byed pa ni ches mang ngo / /drang srong chen po de'i tshe
37a1 sems can de dag gis de bzhin gshegs pa dang /byang chub sems dpa' de dag gi gzugs kyang mthong / kha dog mdzes pa yang mthong / bskal pas bsregs pa'i 'jigs pa las bdag nyid sgrol ba yang mthong nas dga' ba dang / mchog tu
37a2 dga' ba skyes te 'di skad ces bdag cag kyang 'di ltar sgrol ba por gyur cig /bdag cag kyang 'di ltar gzugs mdzes par gyur cig /bdag cag kyang 'di ltar kha dog mdzes par gyur cig ces 'dzer te/ kha cig ni yid byung nas sems rnam par grol te rgyun du zhugs
37a3 pa'i 'bras bu mngon sum du byed/kha cig ni lan cig phyir 'ong ba'i 'bras bu dang / phyir mi 'ong ba'i 'bras bu mngon sum du byed/ kha cig ni dgra bcom pa nyid/ kha cig ni rang byang chub/ kha cig ni mi skye ba'i chos la bzod pa rab tu thob/ kha cig ni phyir mi ldog pa'i sa
37a4 gnon/kha cig ni rgyal chen bzhi'i ris kyi lha rnams kyi nang du skye/ kha cig ni sum cu rtsa gsum du/ kha cig ni mtshe mar/ kha cig ni dga' ldan du/ kha cig ni 'phrul dgar/ kha cig ni gzhan 'phrul dbang byed kyi lha rnams kyi nang du skye'o/ /drang srong chen po rnam grangs
37a5 'di lta bur 'og min gyi bar gyi lha rnams kyi nang du skye'o//de bzhin du 'khor los sgyur ba rnams dang / stobs kyi 'khor los sgyur ba rnams dang khams kyi rgyal po rnams su 'gyur te/ drang srong chen po rgyal rigs dang / bram ze dang / khyim bdag rnams kyi bar du yang 'gyur
37a6 ro//drang srong chen po rnam grangs 'di lta bus de bzhin gshegs pa'i gzugs kyi sku mthong zhing bdag nyid kyang 'jigs pa chen po las grol bar mthong nas/ de bzhin gshegs pa la byas pa gzo zhing byas pa shes par 'gyur ro/ /de bzhin gshegs pa la chos nyid thos
37a7 nas bslab pa'i gnas rnams la bag byed par 'gyur ro//thabs 'dis na ngan song du 'gro bar mi 'gyur ro/ /drang srong chen po yang sa bcu la gnas pa'i byang chub sems dpa' rnams kyi mig la sa'i khams ji snyed snang bar 'gyur ba de bas ni sems can gyi khams gang 'khor bar
37b1 chags pa'i skyon chags par shes nas phung po ma lus pa'i mya ngan las 'das pa'i dbyings su yongs su mya ngan las 'da' bar byed pa ches mang ste/drang srong chen po de'i phyir bskal pas sreg par 'gyur ro/ /de nas drang srong chen po me sgron gyis rang gi yid kyis rnam
37b2 par dpyad nas tshig tu smras pa/kye ma'o gang bdag drang srong chen po zhes 'bod pa shAkya'i sras 'di'i che ba nyid ni rgya che ba'o/ /bdag gis 'di la bgams pas kyang chog ste/ 'di ni thams cad mkhyen par mngon gyis/ bdag gis kyang 'di la yang dag pa'i ming gis bod par
37b3 bya'o zhes smras so//de nas bcom ldan 'das la drang srong chen po me sgron gyis 'di skad ces gsol to/ /yon tan gyi 'byung gnas su gyur cing mkhyen pa dpag tu ma mchis pas thams cad mkhyen pa zhes mtshan gsol pa/ sems can gnas gang du 'du bar 'gyur ba
37b4 bdag la bka' stsol cig /bcom ldan 'das kyis bka' stsal pa/ drang srong chen po gnas med pa la sems can 'du bar 'gyur ro/ /mnyam pa nyid la sems can 'du bar 'gyur ro/ /drang srong chen po theg pa gcig gis 'byung ba la sems can 'du bar 'gyur
37b5 ro//byang chub kyi snying po la sems can 'du bar 'gyur ro/ /drang srong chen po phung po ma lus pa'i mya ngan las 'das pa'i dbyings su sems can 'du bar 'gyur ro/ /drang srong chen po 'di lta ste/ dper na chu klung chen po tha dad pa dang / klung phran dang / klung chen po dag
37b6 rgya mtsho chen por bab nas ro gcig tu 'gyur ro//drang srong chen po de bzhin du sems can gyi khams ji snyed zag pa zad par byed pa de dag thams cad rnam par grol ba'i ngang du gyur pas 'du bar 'gyur ro/ /drang srong chen po 'khor bar 'du bas sems can 'du bar 'gyur
37b7 ba ni 'du ba ma yin pa'o zhes nga smra'o//drang srong chen po 'di lta ste/ dper na rlung gis bdas nas phye ma leb phyi phyi zhwa la 'du bar 'gyur te/ rlung med na so sor 'gyes so/ /drang srong chen po de bzhin du sems can dmyal bar 'gro bar 'gyur bas phan tshun las 'brel pa'i
38a1 sems can gyi khams de dag kyang der 'du bar 'gyur ro//drang srong chen po rnam grangs 'di lta bur phan tshun las kyis 'brel ba dag su skye bar 'gyur/ dud 'gror skye bar 'gyur te/ der de dag 'du bar 'gyur ro/ /drang srong chen po lha dang mi
38a2 rnams su de dag 'du bar 'gyur ro//drang srong chen pos gsol pa/ thams cad zil gyis gnon pa/ thams cad mkhyen pa/ mir skyes pa 'di sems can che ge mo zhes bgyi ba zhig dang 'dus par gyur to/ /dud 'gror skyes pa 'di zhes bgyi ba nas su skyes pa 'di
38a3 'dus par gyur to zhes bgyi ba'i bar du ji ltar 'tshal bar bgyi ba bka' stsol cig /bcom ldan 'das kyis bka' stsal pa/ drang srong chen po sems can gang zhig sems can gang dang lhan cig tu sems can dmyal bar skyes nas 'dus par gyur pa des de mthong na yid mi
38a4 bde bar 'gyur/zhe sdang bar 'gyur/ des de mthong nas gal te na de klad pa na bar yang 'gyur/ bshang ba dang / gci ba 'byung bar yang 'gyur te/ drang srong chen po 'di ni sems can dmyal bar skyes pa rnams kyi 'du ba'i mtshan nyid do/ /gang la la de ltar gyur pa des kyang
38a5 bdag dang 'di lhan cig tu sems can dmyal ba rnams na gnas gnas par mngon no zhes de ltar khong du chud par bya'o//drang srong chen pos gsol pa/ rigs gsal bar mdzad pa/ thams cad mkhyen pa/ dud 'gro dang lhan cig gnas gnas pa rnams kyi mtshan mar
38a6 'gyur ba ji lta bu lags/bcom ldan 'das kyis bka' stsal pa/ mir skyes pa'i sems can rnams gang gi tshe phan tshun mthong ba na khon du mdud par 'dzin cing / 'di las bdag gis skyon ji ltar rnyed snyam du skyon tshol ba 'di ni drang srong chen po dud 'gror skyes pa'i sems can
38a7 rnams kyi 'du ba'i mtshan nyid de/bdag dang 'di lhan cig tu dud 'gro'i nang na gnas gnas par mngon no zhes de ltar shes par bya'o/ /drang srong chen po su skyes pa rnams ni dri nga ba 'dod cing kha zas la shin tu sred par 'gyur ro/ /pha rol la sbyin par bsams kyang
38b1 chags pa skye bar 'gyur ro//gang dang de su skyes nas lhan cig 'dus par gyur pa de'i dbang phyug mthong nas phrag dog skye bar 'gyur/ gzhan gyi nor la 'dod par 'gyur te/ 'di ni su skyes pa rnams kyi 'du ba'i mtshan nyid do/ /de la bdag dang 'di
38b2 lhan cig tu kyi nang na gnas gnas par mngon no zhes de ltar shes par bya'o//drang srong chen po mir skyes pa gang la la zhig tshe rabs gzhan dag nas 'dus par gyur pa ni des de mthong na 'dod chags kyi sems skye bar 'gyur te/ drang srong chen po 'di ni mir
38b3 skyes pa'i sems can rnams kyi 'du ba'i mtshan nyid do//de la bdag dang 'di mi rnams kyi nang na gnas gnas par mngon no/ /zhes de ltar shes par bya'o/ /drang srong chen pos gsol pa/ bcom ldan 'das gang dag lhar skyes te 'dus par gyur pa las mir
38b4 skyes pa de dag gi ji lta bu lags/bcom ldan 'das kyis bka' stsal pa/ drang srong chen po gang dag lhar skyes te/ 'dus par gyur pa de dag ni/ phan tshun mthong na lta ba la 'jug par 'gyur te/ des na bdag dang 'di lhar skyes te lhan cig 'dus par gyur to zhes
38b5 shes par bya'o//drang srong chen po rnam pa de lta bu dag tu sems can 'du bar 'gyur ro/ /de nas drang srong chen po me sgron dga' mgu ste yi rangs nas bcom ldan 'das la 'di skad ces gsol to/ /bcom ldan 'das gang dag thams cad mkhyen pa nyid du smon pa mi
38b6 bgyid pa'i sems can de dag ni bslus pa'o zhes bdag 'chad do//de nas yang bcom ldan 'das kyis drang srong chen po me sgron la 'di skad ces bka' stsal to/ /drang srong chen po gang na sems can zhes bya ba phra ba ji tsam zhig yod ces nga la de skad zer ba ni drang srong
38b7 chen po gang sems can du dmigs pa de sems can phra mor rnam par 'byed do//drang srong chen po 'di lta ste/ dper na la la zhig gis dmus long zhig la 'di skad du/ kye skyes bu kha dog dkar po zhes bya ba ci 'dra zhes smras na/ drang srong chen po 'di ji snyam du sems/
39a1 ma mthong ba'i phyir kha dog dkar po 'di 'dra'o zhes de smra bar nus sam/ drang srong chen pos gsol pa/ 'brel pa ga la mchis/ bcom ldan 'das kyis bka' stsal pa/ drang srong chen po de bzhin du ngas kyang dmus long ltar ma mthong ba'i phyir sems can zhes bya
39a2 ba ni phra mo 'di lta bu zhig go zhes sems can brjod par mi nus so//drang srong chen po yang mig la sems can zhes bya ba mi rnyed de/ rna ba dang / sna dang / lce dang / lus dang / yid la sems can zhes bya ba mi rnyed do/ /drang srong chen po nye bar len pa'i phung po lnga po dag la
39a3 sems can zhes bya ba mi rnyed do//drang srong chen po khams brgyad dang / rten cing 'brel par 'byung ba yan lag bcu gnyis pa dang / nang stong pa nyid la sems can zhes bya ba mi rnyed/ phyi stong pa nyid dang / phyi nang stong pa nyid la sems can zhes bya ba mi rnyed do/ /drang srong
39a4 chen po mig ni ngan pa'o//'jig pa'o/ /skad cig kyang mi gnas pa'o/ /de bzhin du rna ba dang / sna dang / lce dang / lus dang / yid kyang ngan pa'o/ /'jig pa'o/ /skad cig kyang mi gnas pa'o/ /drang srong chen po nye bar len pa'i phung po lnga yang ngan pa'o/ /
39a5 'jig pa'o/ /skad cig kyang mi gnas pa'o/ /drang srong chen po mi gtsang ba'i rdzas sum cu rtsa drug kyang ngan pa'o/ /'jig pa'o/ /skad cig kyang mi gnas pa'o/ /sems can zhes bya ba yang med/ gzugs kyang med de/ drang srong chen po rdzas 'dus pa ni sems can
39a6 zhes bya ba'i grangs su 'gro'o//yongs su rtog pa pa gang dag rdzas rnams rnam par 'byed pa de dag ni/ srog dang / gso ba dang / skyes bu dang / gang zag dang / shed las skyes dang / shed bu mi dmigs so/ /drang srong chen po gal te sems can yod du zin na/ de
39a7 bzhin gshegs pa 'phags pa'i bden pa bzhi po dag gis shin tu chos ston par mi 'gyur ba zhig na drang srong chen po gang gi phyir sems can med pa'i phyir de bzhin gshegs pa nyid 'thob ste/de'i phyir ji lta ji ltar yang dag par sgrub par byed pa de lta de ltar yang dag par 'grub bo/ /
39b1 de nas bcom ldan 'das la drang srong chen po me sgron gyis 'di skad ces gsol to/ /bcom ldan 'das deng slan chad drang srong chen po me sgron bdag thams cad mkhyen pa nyid du smon par bgyid do/ /bcom ldan 'das gal te bdag bskal pa dpag tu ma mchis par sems can
39b2 dmyal ba'i zhugs kyi 'obs su gnas par 'gyur ba'am/ri rab 'og min gyi gnas tsam du gyur pa mthon po'i kha de nas bdag gis bdag 'dor bar 'gyur ba'am/ gdung ba lnga bskal pas bsreg pa lta bur 'gyur ba'am/ nyi ma bskal par gnas par 'gyur ba'am/
39b3 bskal pa sum cu'i zla ba gcig tu smyung bar 'gyur ba de lta bu'i dka' ba spyad par ni bcom ldan 'das bdag spro ste 'dun gyi/ thams cad mkhyen pa nyid kyi slad du ni brtson 'grus nyams par mi bgyi'o/ /drang srong chen po mngon par shes pa lnga dang ldan pa ji snyed bcom ldan
39b4 'das kyi gan du lhags pa de dag kyang stan las langs te bcom ldan 'das la 'di skad ces gsol to//bcom ldan 'das bdag cag kyang deng slad chad bla na med pa yang dag par rdzogs pa'i byang chub tu smon par bgyi'o/ /rngo ci thogs kyis brtson 'grus brtsam par
39b5 bgyi'o//drang srong rnams kyis tshig de dag smras ma thag tu/ bcom ldan 'das kyi smin mtshams nas 'dul ba can zhes bya ba'i 'od zer phyung / phyogs bcu'i sangs rgyas thams cad kyis kyang smin mtshams nas 'dul ba can zhes bya ba'i 'od zer phyung ste/ 'od zer de dag
39b6 gi mthus sa chen po 'di rnam pa drug tu g.yos/rab tu g.yos/ 'gul/ rab tu 'gul/ ldeg rab tu ldeg ste/ shar phyogs mtho na lho phyogs dma'/ nub phyogs dma' na byang phyogs mtho/ shar phyogs dma' na lho phyogs mtho/ nub phyogs mtho na byang
39b7 phyogs dma'o//phyogs bcu'i sangs rgyas thams cad kyis kyang de bzhin gshegs pa'i steng du me tog gi char phab/ rnga bo che rnams brdungs so/ /dri za'i bdag po yid du 'ong ba rnams kyis kyang yan lag lnga pa'i sil snyan gyis bcom ldan 'das la mngon par bstod
40a1 do//lha'i bdug pa dri rab tu zhim po dag kyang rlung gis ngad bslang ste/ de bzhin gshegs pa'i gan du ngad ldang bar byed do/ /byang chub sems dpa' rnams rab tu dga' ste mchog tu bde ba'i sems kyis de bzhin gshegs pa'i steng du do shal
40a2 dang /se mo do rnams 'thor zhing rin po che'i char yang 'bebs/ me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dag gis kyang mchod par byed do/ /lha'i tshogs
40a3 rnams kyang rab tu dga' nas me tog man dA ra ba dang /man dA ra ba chen po'i char 'bebs so/ /thams cad dang ldan pa'i 'khor de yang dga' mgu yi rangs te/ ji ltar gyon gyon pa'i gos rnams de bzhin gshegs pa'i sku la gsol to/ /de nas 'dul ba can zhes bya
40a4 ba'i 'od zer des 'og min gyi gnas man chad/sems can dmyal ba chen po mnar med pa yan chad snang bar byas te/ phyogs bcu'i sangs rgyas thams cad la bskor ba byas te/ slar log ste bcom ldan 'das kyi dbu'i gtsug tu nub bo/ /de nas bcom ldan 'das la tshe
40a5 dang ldan pa rab 'byor gyis 'di skad ces gsol to//rgyu ma mchis par shAka thub de ring 'dir/ /phyogs bcu dag tu 'od zer mi gtong ste/ /'khor 'di thams cad the tshom gyur lags na/ /thub pas rgyu dang byed de bdag lung ston/ /mi yi 'dren pa'i rnam par 'phrul
40a6 mthong nas//dga' bar gyur cing spro ba che gyur te/ /rab tu dga' bas legs par bstod bgyid nas/ /kha cig 'di na bcom ldan legs zhes mchi/ /brgya byin tshangs pa 'jig rten skyong ba rnams/ /nam mkha'i gnas nas 'byung po'i tshogs kyang bstod/ /
40a7 mkha' las lha yi me tog char du 'bebs/ /ma brdungs rnga chen dag ni sgra yang 'byin/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor khyod kyis drang srong chen po me sgron mthong ngam/ rab 'byor gyis gsol pa/
40b1 bcom ldan 'das mthong lags so/ /bcom ldan 'das kyis bka' stsal pa/ rab 'byor drang srong chen po me sgron 'di ma 'ongs pa'i dus na sangs rgyas stong 'das pa'i 'og tu bskal pa bzang po 'di nyid la zla ba can gyi 'jig rten gyi khams su de bzhin gshegs pa dgra bcom
40b2 pa yang dag par rdzogs pa'i sangs rgyas rnam par gzigs zhes bya bar 'gyur ro//rab 'byor de bzhin gshegs pa rnam par gzigs kyi ming yang yid bzhin gyi nor bu rnam par dag pa'i bya ba byed par 'gyur ro/ /rab 'byor drang srong chen po brgyad khri bzhi stong gis chos
40b3 kyi rnam grangs 'di thos ma thag tu phyir mi ldog pa'i sa rjes su thob ste/rab 'byor de dag thams cad ni de bzhin gshegs pa byams pa'i gsung rab las sa bcu la gnas par 'gyur ro/ /bskal pa sum brgya'i 'og tu de bzhin gshegs pa dgra bcom pa yang dag par
40b4 rdzogs pa'i sangs rgyas bdag bka' blo bde ba zhes bya bar 'jig rten du 'byung bar 'gyur ro//rab 'byor byang chub sems dpa' tshad med pa dag gis kyang chos kyi rnam grangs 'di thos ma thag tu dpa' bar 'gro ba'i ting nge 'dzin thob ste/ skad dang skad ma yin par shes
40b5 pa'i ting nge 'dzin dang /rgyal ba dbang bskur ba'i ting nge 'dzin dang / sgyu ma lta bu'i ting nge 'dzin dang / khams rnam par 'byed pa'i ting nge 'dzin dang / blo gros rgyal po'i ting nge 'dzin dang / rgya mtsho snying po'i ting nge 'dzin dang / mnyen pa'i sa'i ting nge 'dzin dang / bsam
40b6 pa'i snying po'i ting nge 'dzin dang /'od gsal ba'i ting nge 'dzin 'thob bo/ /rab 'byor lha bye ba phrag gang gA'i klung gi bye ma snyed dag gis mi skye ba'i chos la bzod pa thob bo/ /dge slong dang / dge slong ma dang / dge bsnyen dang / dge bsnyen ma stong phrag tshad med pa
40b7 dag gis dgra bcom pa nyid mngon sum du byas so//rab 'byor lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa gang gA'i bye ma snyed dag gis bla na med pa yang
41a1 dag par rdzogs pa'i byang chub tu sems bskyed do//rab 'byor de bzhin gshegs pas don gyi dbang de mthong nas 'dul ba can zhes bya ba'i 'od zer rnams phyung ngo / /de nas bcom ldan 'das kyis nyid kyi ljags kyi dbang pos zhal khebs par mdzad de/
41a2 ljags kyi dbang po de las kha dog du ma/ kha dog tha dad pa'i 'od zer 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu dag byung ste/ de dag 'jig rten gyi khams mtha' yas mu med pa dag
41a3 tu mngon par byung nas slar log ste/bcom ldan 'das la lan gsum bskor ba byas nas bcom ldan 'das kyi zhabs gnyis su nub bo/ /de nas byang chub sems dpa' sems dpa' chen po blo gros mi zad pa stan las langs te/ bla gos phrag pa gcig tu gzar nas pus
41a4 mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas/bcom ldan 'das la 'di skad ces gsol to/ /sangs rgyas bcom ldan 'das rnams ni rgyu ma mchis par 'dzum pa mi mdzad na/ bcom ldan 'das 'dzum pa mdzad pa'i
41a5 rgyu gang lags/rkyen gang lags/ de skad ces gsol pa dang / bcom ldan 'das kyis byang chub sems dpa' blo gros mi zad pa la 'di skad ces bka' stsal to/ /rigs kyi bu ma dad pa rnams kyi don du ljags 'di lta bu ni mi gsung ngo snyam du bya ba'i phyir ljags kyi
41a6 dbang pos 'dzum pa mdzad do//de nas bcom ldan 'das la byang chub sems dpa' blo gros mi zad pas 'di skad ces gsol to/ /bcom ldan 'das gang gis chos kyi rnam grangs 'di las tha na tshigs su bcad pa gcig tsam lung 'bogs na rigs kyi bu'am/ rigs kyi
41a7 bu mo de dag bsod nams kyi phung po ji tsam skyed par 'gyur/bcom ldan 'das kyis bka' stsal pa/ rigs kyi bu phyogs bcu'i sangs rgyas bcom ldan 'das kyis sangs rgyas kyi spyan la snang bar 'gyur ba ji snyed pa de dag la yongs su mya ngan las ma 'das kyi bar du gang zhig
41b1 gis bde bar sbyar ba thams cad kyis bsnyen bkur byas te/yongs su mya ngan las 'das nas kyang rin po che sna bdun gyi mchod rten byed pa de bas gang zhig chos kyi rnam grangs 'di las tha na tshigs su bcad pa gcig tsam yang lung 'bogs na/ 'dis bsod nams ches mang du
41b2 skyed do//rigs kyi bu chos kyi rnam grangs 'di 'chad pa na gang zhig dad pa'i sems kyis legs so/ /zhes bya ba sbyin pa de la/ sangs rgyas thams cad kyis bstod par 'gyur ro/ /gang gis 'di la rim gro byas pa des nga la rim gro byas par 'gyur ro/ /
41b3 de nas bcom ldan 'das kyis thams cad dang ldan pa'i 'khor de la rnam par gzigs nas/ 'di skad ces bka' stsal to/ /rigs kyi bu dag nga ni bden pa smra ba ste/ sa phyogs gang na chos kyi rnam grangs 'di grags pa'i sa phyogs de la/ sangs rgyas thams
41b4 cad dgongs par 'gyur ro//rigs kyi bu dag chos kyi rnam grangs 'di ni 'dzam bu'i gling pa'i sems can rnams kyi sman du gyur par 'gyur ro/ /gang gis chos kyi rnam grangs 'di lan gsum brjod dam/ brjod du bcug na/ des ston pa la chos kyi 'khor
41b5 lo rab tu bskor bar bskul bar 'gyur ro//rab 'byor gang zhig chos kyi rnam grangs 'di yi ger 'dri 'am/ yi ger 'drir 'jug pa de bde ba dang bcas shing / yid bde ba dang bcas bzhin du/ byang chub mngon par rdzogs par 'tshang rgya bar 'gyur ro/ /des
41b6 sangs rgyas thams cad kyi mdzod kyang bzung bar 'gyur ro//rigs kyi bu dag chos kyi rnam grangs 'di ni sems can dmyal bar 'gro ba'i sems can rnams kyi rna lam du grag par mi 'gyur ro/ /gang dag mi'i skye gnas nas shi 'phos te/ yongs su dag pa'i
41b7 sangs rgyas kyi zhing rnams su skye ba de dag gi rna lam du chos kyi rnam grangs 'di grag par 'gyur ro//rab 'byor gang gis sangs rgyas stong la dge ba'i rtsa ba bskyed pa de'i rna lam du/ chos kyi rnam grangs 'di grag par 'gyur ro/ /rab 'byor rigs kyi bu'am/
42a1 rigs kyi bu mo gang chos kyi rnam grangs 'di thos nas dad dam/ 'chang ngam/ klog gam/ kun chub par byed dam/ gzhan dag la yang rgya cher yang dag par rab tu ston par 'gyur ba de'i lag tu byang chub song ngo zhes bshad do/ /des mig lnga thob
42a2 par 'gyur/dbang po ma tshang bar mi 'gyur/ dran pa brjed pa med par 'chi ba'i dus byed par 'gyur/ sangs rgyas thams cad sgrub pa'i ting nge 'dzin thob par 'gyur/ rnam par snang mdzad rnam par sprul pa'i ting nge 'dzin dang / gzungs kyi snying po'i ting nge 'dzin
42a3 dang /gtsug gi nor bu'i phyag rgya'i ting nge 'dzin dang / dbang bskur ba'i ting nge 'dzin dang / spyan ras gzigs kyi phyag rgya'i ting nge 'dzin rab tu thob par 'gyur/ yi ge med pa'i za ma tog gi gzungs thob par 'gyur/ chos thams cad la rnam par rgyal ba thob pa'i
42a4 gzungs dang /the tsom rnam par sbyong ba'i gzungs dang / don dam pa'i rnam par nges pa'i gzungs thob par 'gyur te/ de la sogs pa gzungs dang ting nge 'dzin gyi sgo brgya stong mtha' yas pa thob par 'gyur ro/ /mngon par shes pa lnga dang ldan par 'gyur ro/ /bsams
42a5 bzhin du 'chi 'pho dang skye ba yongs su 'dzin par 'gyur ro//de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal sangs rgyas mang po la bsnyen bkur byas pa khyod la chos kyi rnam grangs 'di yongs su gtad kyis yang dang yang rgya cher
42a6 yang dag par rab tu shod cig /'jam dpal khyod kyis de bzhin gshegs pa ji snyed cig la bsti stang byas pa dang / btsun par byas pa dang / rim gror byas pa dang / mchod pa byas pa de ji snyam du sems/ 'jam dpal dge ba'i rtsa ba de la mtha' 'am mu yod dam/
42a7 dge ba'i rtsa ba de dpag par nus sam/ 'jam dpal gyis gsol pa/ bcom ldan 'das ma lags so/ /bde bar gshegs pa ma lags so/ /bcom ldan 'das kyis bka' stsal pa/ 'jam dpal gang gis snyigs ma lnga'i dus na chos kyi rnam grangs 'di 'jig
42b1 rten gyi khams mi mjed 'dir rgyas par byed par 'gyur ba de dag de las dge ba'i rtsa ba chen por 'gyur ro//'jam dpal gal te khyod de bzhin gshegs pa mang po de snyed cig la na bza' dang / zhal zas dang / gzims cha dang / snyun gsos kyi sman dang / yo byad
42b2 rnams kyis bsnyen bkur byed kyi chos kyi rnam grangs 'di ston par mi byed na/khyod da dung du yang de bzhin gshegs pa rnams la nyes pa dang bcas par 'gyur ro/ /'jam dpal gal te khyod de bzhin gshegs pa gcig la'ang phyag mi byed kyi/ chos kyi rnam grangs
42b3 'di rgyas par byed na de bzhin gshegs pa thams cad la khyod kyis mchod pa'i bar du byas par 'gyur ro//bcom ldan 'das kyis de skad ces bka' stsal nas/ 'jam dpal gzhon nur gyur pa dang / drang srong chen po me sgron dang / dge slong de dag dang / lha dang /
42b4 mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa don dam pa'i chos kyi rnam par rgyal ba zhes bya ba theg pa chen po'i mdo rdzogs so// //
rgya gar gyi mkhan po dzi na mi tra dang / dA na shI la dang / zhu chen gyi lots+tsha ba ban de ye shes sdes bsgyur cing zhus te skad gsar chad kyis bcos nas gtan la phab pa
CLOSE WINDOW