CLOSE WINDOW

D2453
བོད་ཡིག

@##/ /rgya gar skad du/ yo ga sarba tat+t+wa u mu tri A lo ka nA ma bi ka la badzra gI ta/ bod skad du/ rnal 'byor pa thams cad kyi de kho na nyid snang ba zhes bya ba grub pa rnams kyi rdo rje'i mgur/ bla ma dam pa rnams la phyag 'tshal lo/ /rgyu sems can la 'bras bu sangs rgyas thob par byed pa'i lam tshogs gnyis las phyir gyur pa med la/bsod nams tshogs kyi mthar thug ni chos kyi 'khor lo'o/ /de bskor ba'i gnas ni skye bos bgrod pa dka' ba'i sa phyogs/ 'byung po ro langs rgyu ba'i srang / 'jig rten gyi mi ma yin rgyu ba'i sa/ mthong ba tsam gyis bdud ba spu ldang zhing srin po skyi g.ya' ba las kyi mkha' 'gro ma'i gnas/ dur khrod chen po brgyad du rtogs pa mthar phyin pa'i rnal 'byor pa rnams dang / chos nyid skye ba med pa la blo 'byangs pa'i rnal 'byor pa rnams rab tu tshogs nas/ rang rang gi rgyud la don dam pa'i bden pa 'jug pa'i yul nges pa'i shes pa gang la skyes pa dang /gnyug mngon gyi lhan cig skyes pa rang la gnas pa'i ye shes ngo gang la sprad pa dang / rtog pa gang gi sgo nas shar ba de tshogs kyi mchod pa byin gyis rlob pa la nyams myong gi mgur bzhengs pa/ gnas de dang de na gnas pa'i mkha' 'gro ma su kha ta skal ba bzang mo la sogs pa rnams kyis mi bsnyel ba'i gzungs kyis phyi rabs kyi don du yi ge rigs su dkar shog la btab pa 'di rnams so//dka' thub mthar phyin pa lU yi pa'i zhal snga nas/ tshe 'di'i che thabs 'khor ba'i rgyu/ /bya ba ma mang thar lam 'gag /'dod pa'i blo bral bya ba'i yul/ /sa phyogs de na byang chub nye/ /zhes gsung ngo / /bde ba'i mdangs ldan ma shrI su kha'i zhal snga nas/ 'jig rten bya ba bdud kyi yul/ /tshe 'di'i blo log 'phags pa'i lam/ /'dod pa'i dug sbrul gtses pa yis/ /rjes ni sdug bsngal nyid du 'gyur//zhes gsung ngo / /nor bu gling pa la li ta badzra'i zhal snga nas/ ting 'dzin shes rab dri ma sel/ /rang rig ye shes 'od gsal sku/ /bde ba thob byed dbang gi lam/ /mngon du gyur tshe rtog pa grol/ /zhes gsung ngo / /'dod chags lam du slong ba mo tsan+d+ra bi ma la'i zhal snga nas/shes rab rno ngar ting 'dzin gyis/ /ma mthong 'khor ba'i sgrog mi chod/ /rin chen dbang gi nus pa yis/ /zag pa bde chen nyid du 'gyur/ /zhes gsung ngo / /nus pa'i mthar thug bI R+Ya ba'i zhal snga nas/ 'dam bral pad+ma skam pa bzhin//dug lnga med na ye shes 'gag /'dod yon lam khyer sa lam 'dums/ /spangs nas grol 'dod dman pa'i lam/ /zhes gsung ngo / /zad zing gi sbyin bdag mo ru ru su ka'i zhal snga nas/ drang srong shes rab mig can gyis/ /nad gzhi lus kyi zungs su bsgyur//de bzhin thabs dang ldan pa yis/ /dug lngas ye shes skyed par byed/ /ces gsung ngo / /'gro ba'i mgon po klu sgrub kyi zhal snga nas/ rmi lam rang bzhin med pa bzhin/ /chos rnams rang gi ngo bos stong / /'khor ba dang ni mya ngan 'das/ /don la grub pa ma yin no/ /zhes gsung ngo //so sor rtog pa'i ye shes thugs su chud pa'i dz+nyA na d+ha ra'i zhal snga nas/ ngo bos stod pa snang ba'i mtshang / /gang la rang bzhin med pa yi/ /brjod du med pa'i bdag nyid do/ /zung 'jug ma mthong grol mi nus/ /zhes gsung ngo / /rnal 'byor gyi dbang phyug sa ra ha'i zhal snga nas/ snga nas ma dran rdo rje'i gdan//smra bar ma nus yid 'pham pa/ /'od gsal 'gro 'ong med pa'i bdag /gnyis snang grol ba phyag rgya che/ /zhes gsung ngo / /rdo rje bzlas pa'i rnal 'byor ma a nu ki ra'i zhal snga nas/ dngas ma snang stong rkyen dang bral/ /tshogs drug yul du ma bcad pa'i//'gro 'od med pa gnyug ma'i dang / /dran brjed mtshams su sems ngal sos/ /zhes gsung ngo / /ri khrod dbang phyug sa ra ha'i zhal snga nas/ 'khrul pa rkyen snang glo bur ba/ /dus gsum skye 'jig gis stong pa/ /gzhi la ma grub ngo mtshar yul/ /de mthong ba ni grol ba'i yul//zhes gsung ngo / /skyabs kyi sbyin bdag mo su ka b+ha'u'i zhal snga nas/ dran rig rnam par rtog pa ni/ /ma rig pa yi stobs las 'byung / /sna tshogs med shar ngo bos stong / /rtsa bral nam mkha'i rjes thob can/ /zhes gsung ngo / /mi las 'das pa AR+ya de ba'i zhal snga nas/'od gsal gdod nas dag pa'i dang / /mtha' bzhi las ni rnam grol ba'i/ /rang gnas rtsa ba 'dus ma byas/ /spros bral 'di ni gzigs mor che/ /zhes gsung ngo / /dran pa gcig pa'i rnal 'byor ma b+ha su ri ka'i zhal snga nas/ kun la khyab pa 'od gsal dang / / 'gro 'od med pa'i bdag nyid can/ /spros bral dus rnams thams cad pa/ /chos sku 'gro ba mi 'dor ro/ /zhes gsung ngo / /smra ba'i seng ge ka la a le ba'i zhal snga nas/ grub mtha'i lta ba ming du brjod/ /ming rnams rnam par rtog pa ste/ /de nyid stong pa chos kyi sku/ /ming las grol ba phyag rgya che//zhes gsung ngo / /rtse gcig gi rnal 'byor ma ka ri d+ha ri ma'i zhal snga nas/ bde gshegs btsun mo ming med ma/ /nam mkha'i 'o ma rab 'thungs nas/ /smra bsam blo yi yul las 'das// gnyis snang za zhing nam mkha' 'jo/ /de mthong bas ni grol bar 'gyur//zhes gsung ngo / /blo gros mi bzad pa shAn+ta de ba'i zhal snga nas/ tshe 'di'i blo log thar pa'i lam/ /snang phyir ma 'brang 'khrul pa grol/ /dus gsum chig chog gnad kyi mtshang / /dri med rang snang phyag rgya che/ /zhes gsung ngo / /chos kyi sbyin bdag mo a nu tA ra'i zhal snga nas/go cha 'jig rten pa yi sgrog /ma grol 'phags lam zin mi 'gyur/ /de srid bde ba dang mi 'phrad/ /rang snang dag tshe zhing khams 'char/ /zhes gsung ngo / /brtul zhugs mthar phyin Dom+bi pa'i zhal snga nas/ dmigs pas ched du ma bzung ba'i/ / shes pa yul las ma 'phros pa/ /bde gsal mi rtog dri ma med/ /dngas ma yid 'bral la phyag rgya che/ /zhes gsung ngo / /'dod pa la blo log pa rnal 'byor ma dz+nyA na bi ma la'i zhal snga nas/ sgom blo'i 'dun pa dri ma ste/ /rig pa so la bzhag pa yi/ /ma byas shes pa skyon las grol//'dzin rtog dmigs pa'i steng du ni/ /spros bral 'char bar mi 'gyur ro/ /zhes gsung ngo / /shes rab spyan ldan ka ma la'i zhal snga nas/ dngos don rang rig ye shes kyi/ /lhan cig skyes pa'i nyams myong ni/ /tshig gi spyod yul ma yin te/ /brda yis mtshon pa seng ge'i gsung //zhes gsung ngo / /bdag med kyi sgra sgrogs ma pad+ma d+ha nu'i zhal snga nas/ gnyug ma ngo bo nyid kyi gshis/ /blo yi yul na gnas pa min/ /mtshon du yod la ngos gzung bral/ /yang dag bla ma'i brda las rig /ces gsung ngo //'khrul pa'i sgrog grol ba b+hi na pa'i zhal snga nas/ ji ltar chu zla'i dkyil 'khor bzhin/ /snang ba'i rang mtshang ngo bos stong / /dngos por 'dzin pa 'khrul pa ste/ /der 'dzin grol bas phyag rgya che/ /zhes gsung ngo / /sdom pa'i tshul khrims can me kha la'i zhal snga nas/ji ltar dri za'i grong khyer bzhin/ /chos rnams rang bzhin brtags na dben/ /bden zad brdzun zad yi ge zad/ /tshig gi lam chad blo las 'das/ /zhes gsung ngo / /sbas pa'i rnal 'byor go rak+Sha'i zhal snga nas/ rtog pa yid bzhin nor bu la/ goms 'dris phyi bdar byas pa yis//brtan pa thob pa mdog phyin te/ /de tshe dgos 'dod mngon du 'gyur/ /zhes gsung ngo / /'khor ba'i yid phyung ba mo ku ma la sUR+ya'i zhal snga nas/ rang snang sprin rum ma dngas na/ /dpal gyi be'u'i 'od mi gsal/ /rnam rtog rgyang du ma bsrings na/ / ye shes nye ru mi 'dod do/ /zhes gsung ngo / /rlung la dbang phyug pa tso bo ri ka'i zhal snga nas/ zung 'jug gnas pa'i yi ge ni/ /'gros kyi rnam shes yi ge sel/ /nyams myong gsal bas bdag 'dzin zhig /'di yis nyams kyi 'phen len 'jig /ces gsung ngo / /dpal mi'i seng ge'i spyod pa can u mu ka ri'i zhal snga nas/bde chen chos dang sprul pa yi/ /'khor lo gsum gyi lte ba la/ /gnas pa'i yi ge bde gshegs kyi/ /ma lus kun gyi sku gsung thugs/ /zhes gsung ngo / /brda la rang ngo mthong ba na du ba'i zhal snga nas/ snying gi dbus su ngo sprad pa'i//bla mas bstan pa mchog gi don/ /lhun grub rang ngo shes pa ni/ /gnad de nges pa'i shes pas mthong / /zhes gsung ngo / /dge ba'i chos sdud tshul khrims can b+ha tsa la'i zhal snga nas/ bzhi rdzogs rang byung ye shes su/ /tshos ma'i rkyen la rag mi las/ /rang rig 'od gsal dngos po'i gshis//rten 'brel gang gi thabs kyi sa rig /ces gsung ngo / /lung rigs gnyer gyi dbang phyug te pa'i zhal snga nas/ bla ma'i gsung gas ldongs pa bsal/ /de mthong ming gi sde snod la/ /bltas tshe gdams par ma gyur pa'i/ /yi ge gcig kyang bor du med//ces gsung ngo / /gsal ba'i mdangs ldan ma karma li ka'i zhal snga nas/ nam mkha' dbyings kyi glegs bam la/ dkar dmar sna tshogs yi ge rnams/ /rnam rtog 'khrul pa blo yi chos/ /don la glegs bam yi ges stong / /zhes gsung ngo / /bde ba lam khyer thabs la byed pa dan+ti ba'i zhal snga nas/nang gros phyi yi rkyen zhu bas/ /rtsol ba ma byas dang gis su/ /khams 'dus rang la gnas pa yis/ /ye shes shar bas las las grol/ /zhes gsung ngo / /bde ba lam du slong ba na ka ra'i zhal snga nas/ rmi lam dbang gis sgo nga ru//grol lam bskyed rdzogs 'dab gshog rgyas/ /mos gus dad pas sbubs phye pas/ /ma rig 'khrul pa'i rgya las grol/ /zhes gsung ngo / /rtog pa byin rlabs las shar ba tsa ra'i zhal snga nas/ mchog gi nor bu rin po che/ /snying la bcangs pa'i brtse gdungs gis//dpal gyi gter mdzod yongs su 'gengs/ /grogs dag nor bu'i gces 'dzin gyis/ /zhes gsung ngo / /sems can gyi don byed tshul can b+hi ka la'i zhal snga nas/ ded dpon med par rgya mtsho yi/ /mchog gi gling don mi 'grub bzhin/ /yon tan du mas rab brgyan kyang //bla ma med par srid mthar min/ /zhes gsung ngo / /rtog pa shing bzo la shar ba kha pa'i zhal snga nas/ dngos rnams sgyu ma'i rang bzhin te/ /bden med ltos dang 'khrul pa 'jig /'khor ba'i mtshang mthong rang bzhin med/ /spang bya ma rnyed gnyen po stor/ / zhes gsung ngo / /bya ba nan tan gyi ye shes khong du chud pa mo rdzu nu ta ri'i zhal snga nas/ 'khor ba ma grub gzhi yis stong / /myang 'das ma grub blo yis stong / /sa lam ma grub bden pas stong / /'bras bu ma grub yul gyis stong / /zhes gsung ngo / /re dogs kyi dri ma dang bral ba ka na pa'i zhal snga nas/gzhi med rtsa ba bral ba yis/ /chos rnams gdod nas stong ba las/ /'khor ba gang yin myang 'das ci/ /'bras bu ma mthong nyams len grol/ /zhes gsung ngo / /sems la dmigs pa'i rnal 'byor ma ga da ra'i zhal snga nas/ji ltar chu shing sdong po la/ /nam zhig snying po yod gyur tshe/ /de yi dus su gsal ba las/ /'bras bu gzhan du mthong ba min/ /zhes gsung ngo / /ye shes kyi spyan dang ldan pa ka na ra'i zhal snga nas/ /phyi rol lha yi byin rlabs min/ /nang du rig pa dngas las 'byung //'dzin pa chad pas nyams myong 'bar/ /rig pa dngas pa'i stobs las ni/ /sgyu rtsal sna tshogs 'char bar 'gyur/ /zhes gsung ngo / /sdug bsngal dang du len pa'i bzod pa dang ldan pa badzra sid+d+hi'i zhal snga nas/ man shel ma dag phyi rol rkyen/ /mi 'jug g.ya' dag ngos der ni//sna tshogs dar gyi kha dog len/ /sems pa'i las kyang de bzhin no/ /zhes gsung ngo / /de kho na nyid snang ba rdo rje'i mgur las ma rig pa sgo nga'i sbubs rnam par phye ba zhes bya ba'i le'u ste dang po'o// //yi ge lam du 'khyer ba ta ka na'i zhal snga nas/ mtha' bzhi las ni grol ba yi/ /sangs rgyas skye 'gag dri ma bral/ /rnam par rtog med bde gsal dang / /gnyis snang bral ba phyag rgya che/ /zhes gsung ngo / /rtog pa rang grol gyi rnal 'byor ma hu lu ka'i zhal snga nas/ gang gis ma bcos ma bslad pa/ /dbyer med dbyings su gcig pa yi//chos kyi sku yis kun la khyab/ /rnam rtog gis bcings mngon mi 'gyur/ /zhes gsung ngo / /bden pa gzigs pa ti lo pa'i zhal snga nas/ dran rtog tha mal shes pa ni/ /'ching ba mtha' dag nyon mongs 'gyur/ /dran rig ldang rlung bde ba bcad/ /de tshe shes pa yul mi gso//zhes gsung ngo / /chu bo rgyun gyi rnal 'byor pa ma ti la'i zhal snga nas/ lha yi lus kyis tha mal gyi/ /rtog pa yang ni bden par byed/ /rlung gi ngag la bde ba yis/ /yid kyi tha mal shes pa spong / /zhes gsung ngo / /bla ma'i byin rlabs zhugs pa nA ro pa'i zhal snga nas/dpal ldan yon tan kun gyi gzhi/ /'di med par ni rnyed mi 'gyur/ /mos gus med par byin brlabs la/ /'jug pa'i yul med smin mi 'gyur/ /zhes gsung ngo / /gnod pa byed pa la ji mi snyam pa'i bzod pa dang ldan pa karma ka ri'i zhal snga nas/ rang gi don du chos kyi sku//gzhan gyi don du gzugs sku gnyis/ /bla ma'i dus thabs bsten las byung / /'di med mchog gi dngos grub stor/ /zhes gsung ngo / /nus pa la thugs rjes brgyan pa sa li pa'i zhal snga nas/ byams pa snying rje byang chub sems/ /'di med byang chub mchog gi lam//nam du yang ni phrad mi 'gyur/ /grogs dag gces pa dor mi bya/ /zhes gsung ngo / /bde ba'i gos kyis dros ta ra a ling gi zhal snga nas/ phan bde'i sa bon bskrun pa'i gzhi/ /byams pa'i sa gzhi snying rje chu/ /bdas pa'i ser la byang sems kyi/ /myu gu skye 'gyur gzhan du min//zhes gsung ngo / /spros bral sgra 'gros la shar ba tsa ta la'i zhal snga nas/ rno la dar chags drag po'i mig /gsal dngas phyar bas bying rmugs sel/ /rtog pa chod rjes chos nyid kyis/ /rang ngo rjes kyi shes pa zin/ /zhes gsung ngo / /tshe 'di'i so tshis zhig pa a nu se ra'i zhal snga nas/res gsor rje ba dum bu'i 'gros/ /lta stangs 'jog 'dor rnam gnyis kyis/ /brjes pas nang phrad ngos gzung bral/ /des ni gnyug ma'i rang ngo mthong / /zhes gsung ngo / /dpa' gdeng lam du khyer ba b+hi ta'i zhal snga nas/ lhan cig skyes pa seng ge'i gsang //smra bsam blo yi yul ma yin/ /ma skyes mi 'gag 'od gsal dang / /rang rig spros bral phyag rgya che/ /zhes gsung ngo / /zab mo'i chos la bzod pa ru pa ti'i zhal snga nas/ gnyug ma rang la gnas pa yi/ /ye shes khu ba 'thungs pa'i ros/ / myos pa gyad kyi spyod lam 'dzin/ /gdeng ldan 'khor ba'i g.ya' dang bral/ /zhes gsung ngo / /mi'i khyu mchog te kho na ti pa'i zhal snga nas/ sna tshogs rkyen las shar ba yi/ /snang ba'i chos rnams stong pa las/ /ma 'das rang gi ngo bos dben/ /gnyis med de ni phyag rgya che/ / zhes gsung ngo / /gtsang sme dor ba phag gi spyod pa can bi ga ma'i zhal snga nas/ dngos po sna tshogs sems nyid de/ /snang ba las ni gzhan 'gyur pa'i/ /phyi rol don ni yod ma yin/ /chu bo'i mthong snang de yis shes/ /zhes gsung ngo / /bdag nyid chen po a lu ki'i zhal snga nas/gdol pa'i lag na mtshon thogs bzhin/ /tsan ta li yi rtog pa 'joms/ /bde gsal pheng gis gzung ba yis/ /dri med dngas ma sems la 'phel/ /zhes gsung ngo / /pheng gi sgra sgrog sa ma b+hi tu ra'i zhal snga nas/ bung ba'i sgra skad pheng gi dbyangs//dpal gyi be'u'i nang na sgrogs/ /'di yis gzung 'dzin rtog pa 'joms/ /sems pa'i 'od zer yid pham byed/ /ces gsung ngo / /lta stangs lam du khyer ba la bya de ba'i zhal snga nas/ srid gsum mi g.yo ye shes kyi/ /skye ba'i zhing ni bcing ba'i gdan/ / phra rags gcod pa ka ra Na/ /dpal gyi rdo rje'i mig las 'khrungs/ /zhes gsung ngo / /go cha'i brtson 'grus can su ka ma la'i zhal snga nas/ g.yas su mnyam par bzhag nas ni/ /de yi thugs rjes g.yon du gzung / /mdun du rnam par lta ba ni/ /rdo rje lta bu'i ting nge 'dzin/ /zhes gsung ngo //mi rtog pa'i mdangs dang ldan pa rat+na a ling gi zhal snga nas/ thabs kyis ma chun shes rab kyis/ /lam mi 'dod de shes rab kyis/ /ma zin thabs kyang de bzhin no/ /gnyis 'dzom mkha' lding gshog pa 'dra/ /zhes gsungs ngo / /sbyangs pa'i las can ka d+ha pa'i zhal snga nas/thabs kyi gzhu la shes rab mda'/ /ma bral dad pas bskul ba yi/ /bsod nams ye shes tshogs bsags pas/ /dam pa gnyis ni thob par byed/ /ces gsung ngo / /'gyu ba stod la gnon pa ka ma la'i zhal snga nas/ rig pa sor bzhag rgyal sa 'dzin/ /dar med rlung gis 'phro rgod 'dul//shes pa gzengs smad rma bya'i mig /don gyi gnad rig der 'dzin pas/ /dam pa gnyis ni thob par byed/ /ces gsung ngo / /nga rgyal lam du slong ba mo kun ma si ta mo'i zhal snga nas/ mdun du zug pas rtsa ba zin/ /drug pa'i lta stangs rkyen mi g.yo/ /mthong mthong rma byas gzhan snang 'gags//shes pa chig tshugs mi rtog lam/ /zhes gsung ngo / /bsod nams kyi tshogs lam du khyer ba'i DA ki sa la'i zhal snga nas/ rdul med zhabs la bsnyen bkur ba'i/ /rnam par smin pa skar mda' bzhin/ /ma rig mun sel sprin bral lam/ /der ni dpal gyi be'u mthong //zhes gsung ngo / /sbyor ba'i brtson 'grus dang ldan pa b+ha ri d+ha ra'i zhal snga nas/ mchog gi nor bu rin po che/ /yid la dran pa tsam gyis kyang / /'khor pa'i rgyun chags rab bcom nas/ /bla med byang chub thob par byed/ /ces gsung ngo / /'khrul pa rkyen thog tu grol ba b+ha do de ba'i zhal snga nas/rtog pa thugs phrad yul mi dmigs/ /shes pa so mas 'khrul pa sel/ /rig pa yul rjes mi 'brang ba'i/ /chig chod ye shes skye ba'i rten/ /zhes gsung ngo / /me long lta bu'i ye shes khong du chud pa mo so ri saM g+ha pa'i zhal snga nas/ dran snang chig chod so ma'i rtsal//'khrul pa'i snang ba thugs phrad sel/ /dmigs med rten bral 'dzin pa'i rten/ /rig pa sor bzhag rgyal sa 'dzin/ /zhes gsung ngo / /'dod pa'i blo log tan+d+ha ba'i zhal snga nas/ sgrub pa 'dod blo mi zhugs pa'i/ /dmigs med 'khor gsum dag pa'i lam//'bras bu re ltos bdud kyi yul/ /mchog don spu ris med pas 'grub/ /ces gsung ngo / /sgyu lus kyi rnal 'byor ma kun+d+ha li'i zhal snga nas/ 'khrul 'khor las dang shing gi mi/ /bya ba rnams la 'dod pa med/ /de bzhin 'dod pa'i blo bral ba/ /'dzin med skyes pa 'phags pa'i lam//zhes gsung ngo / /nam mkha' lam du 'khyer ba ku ku ri pa'i zhal snga nas/ nam mkha'i bdud rtsi byung ba yis/ /grub mtha'i 'dod pa ji snyed tshem/ /ma bcos rnal ma'i steng du ni/ /rig pa mdung tshugs 'dzin rtog grol/ /zhes gsungs ngo / /yongs su mthar phyin pa'i brtson 'grus can badzra bi ma la'i zhal snga nas/shes pa tha mal yul mi dmigs/ /gnyug ma'i ngo bo 'dzin rtog med/ /zhen med rang grol ngo bo gshis/ /rnal 'byor ma yi gzigs mo sa/ /zhes gsung ngo / /rnal 'byor pa su ka d+ha nu'i zhal snga nas/ 'gron bu'i spyan gyis dri med 'dzin//snang bag cung la bor ba yis/ /rang nyid nyams myong 'gyur med gsal/ /ngo bo mthong tshe rang snang grol/ /zhes gsung ngo / /'od gsal rang ngo phrad pa d+harma b+ha dra'i zhal snga nas/ sems nyid 'od gsal dngos bo'i don/ / rang bzhin ngo bos sangs rgyas rgyu/ /dmigs med gdod nas dag pa yi/ /ye shes de mthong ma rig sel/ /zhes gsung ngo / /du ma ro gcig gi rnal 'byor pa b+ha ta li'i zhal snga nas/ ngo bo spros bral dri ma med/ /'gro ba kun la rang bzhin gnas/ /shel gong 'dam gyis gos pa bzhin//glo bur 'khrul pa'i rtog pas 'gribs/ /zhes gsung ngo / /mnyam gzhag dngas pa ma ti pa'i zhal snga nas/ snying gi dbus su dran pa'i gling / /pha wang mig gis rab tu 'dzin/ /yul snang mi dmigs phra rags 'gags/ /ma bcos rang lugs spros bral lam//zhes gsung ngo / /yon tan mngon par grub pa'i bsam gtan dang ldan pa ma a re ta la'i zhal snga nas/ ka ra Na bcings lcags sgrog gis/ /srid pa gsum po g.yo mi 'gyur/ /rgyal po brtson du bzung ba yis/ /'bangs rnams 'phra bar mi nus so/ /zhes gsung ngo / / yul snang sgyu mar ngos zin pa a b+hi ta'i zhal snga nas/ rus sbal mig gis rnam rtog bcad/ /de dus chos rnams nam mkha'i dang / /rjes thob yul snang rang bzhin med/ /bden med mthong bas 'khrul pa grol/ /zhes gsung ngo / /ting 'dzin zas kyis 'tsho ba'i rnal 'byor ma tsaN+Da bi ma la'i zhal snga nas/gyen gyi lta stangs tshangs pa'i gsang / /dbang po rang snang phyag rgya che/ /chos nyid ngo bo thabs kyis zin/ /spros bral 'char ba yi ge'i gnad/ /ces gsung ngo / /gzhan don la bsnyel ba mi mnga' ba sa ha la'i zhal snga nas/ pha dang ma ru ma gyur pa'i//srid pa gsum na sems can med/ /bde med 'khor bar gnas pa la/ /snying rje mi skye smyon pa yin/ /zhes gsung ngo / /bsgrub pa lhur 'dzin mo ru ru su ka'i zhal snga nas/ spros bral 'char ba gsang gi gnad/ /'phags lam gzhung ni byang chub sems/ / gzhan don lhur blangs rang don rdzogs/ /'di la dngos grub nye bar gnas/ /zhes gsung ngo / /rtsa rlung las su rung ba ni la pa'i zhal snga nas/ dran rtog 'od gsal la bcings pas/ /rang rig ye shes lnga yi mdangs/ /sa chu me rlung nam mkha' yi/ /snang ba rgyu lam 'bras bu'i rtags//zhes gsung ngo / /mi g.yo ba'i bsam gtan dz+nyA na d+ha ra'i zhal snga nas/ dngas ma'i 'od zer du bar snang / /smig rgyu ltar snang bde ba'i 'od/ /gsal ba srin bu me khyer 'ong / /mi rtog 'od zer mkha' ltar snang / /zhes gsung ngo / /de kho na nyid rab tu snang dang rdo rje'i mgur las gser gyi nyi ma rnam par snang ba zhes bya ba'i le'u ste gnyis pa'o// //dbang phyug dam pa'i mnga' bdag in+d+ra b+hu ti'i zhal snga nas/ 'dod chags kyis ni bde ba 'dzin/ /zhe sdang gis ni gsal ba sbor/ /gti mug gis ni mi rtog 'babs/ /nga rgyal phrag dog yon tan rgyu//zhes gsung ngo / /lha'i rgyal po de ba ra mi'i zhal snga nas/ grong khyer rnams kyi mi gtsang lud/ /zhing la 'bru rnams skyed par byed/ /de bzhin rnal 'byor rgyud la ni/ /nyon mongs kyis ni ye shes 'phel/ /snang ba rang grol de ltos dang / /zhes gsung ngo //gsang spyod mthar phyin me go ba'i zhal snga nas/ mchog gi dngos grub sbas pa'i lam/ /ma gsangs bgegs chen skye bar 'gyur/ /gang 'dir mngon sum med pa'i gzugs/ /rtogs pa gong du 'phel bar 'gyur/ /zhes gsung ngo / /nyin mtshan med pa ce spyang gi spyod pa can a nu shri'i zhal snga nas/lha yi thig le ma bstan par/ /phyag rgya'i 'od zer phyir mi spro/ /rigs ngan gdol pa'i spyod lam gyis/ /bdud rtsi 'thungs na bcud du 'gyur/ /zhes gsung ngo / /na ba la rtog ba shar bkod ta ri tog tse pa'i zhal snga nas/ rtog pa spang bar mi bya'o/ / mi mthun lam du bslang ba yis/ /'gal ba'i rkyen rnams grogs su 'char/ /thabs 'dis gnyen po'i bya ba stor/ /zhes gsung ngo / /e waM gi glu len pa de ba su kha'i zhal snga nas/ ji ltar nags la mched pa'i me/ /rlung gis rab tu sbor ba ltar/ /brtan pa thob pa'i rnal 'byor la/ / de tshe rkyen ngan grogs su 'gyur/ /zhes gsung ngo / /sems can don byed kyi bsam gtan dang ldan pa d+ha ra ni'i zhal snga nas/ yid kyi yul du gyur pa yi/ /blo snang ri mo su bas pa'i rjes/ /dran bas ma gos spu ris bral/ /dngas ma'i ye shes 'char ba'i sa/ /zhes gsung ngo / /dus skad cig mas 'das par rtogs pa shar badzA lan+d+ha ra'i zhal snga nas/mi rtog spros bral 'dus ma byas/ /rang bzhin med pas skye 'gag bral/ /gnyis snang grol ba'i de nyid ni/ /gnyug ma lhan cig skyes pa'i dang / /zhes gsung ngo / /dga' ba'i mdangs ldan ma bi ka su ra'i zhal snga nas/ ma bcos shes rab 'byung ba'i sa//gnyis snang rkyen dang bral ba'i dbus/ /mtshan ma rang sar grol ba de/ /dran brjed mtshams su ma bu phrad/ /ces gsung ngo / /bya ba'i rnal 'byor pa rA hu la'i zhal snga nas/ dngos rnams sgyu ma'i rang bzhin te/ /phug khrus tshe 'di'i mngon zhen bzlog /bden 'dzin grol ba 'khrul lam chad//des ni ye shes 'bar bar byed/ /ces gsung ngo / /phrag dog lam du slong ba mo dza ki ri'i zhal snga nas/ ngal ba don med tshe 'di'i ched/ /rtsol sgrub tshi chad sdug bsngal rgyu/ /don dam spyod lam ma spangs pa'i/ /'khrul pa bzlog par mi 'gyur ro/ /zhes gsung ngo / /'ching ba las grol ba d+harma pa'i zhal snga nas/chos rnams ngo bo gzhi rtsa bral/ /gnyug ma rang ngo rtog pa yis/ /'dam gyis ma gos dngas pa'i dang / /gnas lugs snang stong rkyen dang bral/ /ces gsung ngo / /thos pa shes rab can dzo ki a ling gi zhal snga nas/ sna tshogs rang bzhin med pa'i gshis/ /der ni gzhi lam 'bras gsum mnyam/ / snang ba med pa'i chos nyid ni/ /de ni snang ba rang gis bstan/ /zhes gsung ngo / /thugs rje'i rgyan dang ldan pa gser gling pa'i zhal snga nas/ 'dod pa'i 'bras bu ster ba yi/ /yid bzhin nor 'dra byang chub sems/ /sangs rgyas ma bcos lhun grub sku/ /'gro ba kun la rang bzhin gnas/ /zhes gsung ngo //mnyam pa nyid kyi ye shes khong du chud pa pad+ma bi ma la'i zhal snga nas/ rtogs pa'i bum pa bzang po nas/ /ched 'dzin rtsol ba ma byas pa'i/ /chos kyi sku dang gzugs sku gnyis/ /rang gzhan don du dang gis 'byung / /zhes gsung ngo / /dran pa so la 'jog pa d+ho ka ri pa'i zhal snga nas/ rkyen phyir mi 'brang tshangs pa'i spyan/ / dran pa sor gzhag der 'dzin bral/ /yengs pa'i shes pas yul mi 'dzin/ /ka ra Na bcings bde ba'i stan/ /zhes gsung ngo / /'od gsal gyi rnal 'byor ma karma sid+d+hi'i zhal snga nas/ 'jig rten gsum bdag gyen la blta/ /rdo rje gtsug tor spros bral dang / /dri ma med pa'i phyag rgya che/ / dbang po rang snang der ltos dang / /zhes gsung ngo / /rgyud rnam pa bzhi yis grol bas ga dza'i zhal snga nas/ thos pas grol ba tshig gi gnad/ /mthong bas chog pa dong yi gnad/ /'dra man ma zhugs seng ge'i gsang / /ru tra'i sel med smin rjes grol/ /zhes gsung ngo / /bsam pa'i shes pa can sa li ta su ka'i zhal snga nas/snang la rang bzhin med pa'i sgra/ /snying la zhen pa 'khrul pa 'jig /sgyu ma'i mtshang rig bden 'dzin bral/ /gser la ra med 'dod dgur bsgyur/ /zhes gsung ngo / /grub chen brgyad ldan me di ni'i zhal snga nas/ byas pa don med sdug bsngal gyi//khur bor bde 'dod thar pa'i lam/ /sgrub pa nan tan dngos grub rgyu/ /yun du bsrings na mngon du 'gyur/ /zhes gsung ngo / /dag rnam par dben pa'i rnal 'byor ma a nu ki ri'i zhal snga nas/ /rtsol sgrub mi chad 'bras bu stor/ /chu la thug srub thon mi bya//gser mtshon mthong ba'i sa la ni/ /ngal dung spangs na mngon du 'gyur/ /zhes gsung ngo / /rtogs pa'i ye shes dbang nyams las shar ba g+ha d+ha pa'i zhal snga nas/ ma bcos zla ba tshes pa'i spyan/ /rnam pa'i lta stangs spros dang bral/ /'jam pa'i rlung gzung gnyug ma'i dang //ye shes rgyud la 'char bar byed/ /ces gsung ngo / /bde chen zung 'jug gi rnal 'byor ma su ni d+ha ri'i zhal snga nas/ zhun thar 'byongs pas 'phro rgod 'dul/ /des ni dngas gsal dri med 'dzin/ /phra rags mi mthong zla tshes mig /yul snang ma gzigs 'dzin rtog bral//zhes gsung ngo / /bden pa gzigs pa a dzu ba'i zhal snga nas/ bla mas ngo sprad gnyug ma'i don/ /rgyud la 'jug pa byin rlabs mthu/ /rtogs na yon tan kun gyi gzhi/ /'di yis lam 'khor los bstung / /zhes gsung ngo / /bsgom pa'i shes rab shrI a pa ka'i zhal snga nas/khyud ni ma yi me drod kyis/ /shin tu sgo nga rgyas bar byed/ /dbugs kyang rgya las grol la khad/ /bya phrug nam 'phang gcod par 'gyur/ /zhes gsung ngo / /rtog pa mkha' 'gro brda las byung ba kam+pa la'i zhal snga nas/ji ltar dra ba dbang po'i gzhu/ /mkha' la shar pa 'byung ba'i dngas/ /snang la rang bzhin med pa'i bdag /'di yis chos rnams rang mtshan bstan/ /zhes gsung ngo / /sems la dbang thob pa'i rnal 'byor ma b+hi nu ka ri'i zhal snga nas/ sna tshogs snang ba dngos po'i chos//rang gi ngo bo rnam par dben/ /ji ltar chu snang zla ba bzhin/ /khong du chud pas 'khrul pa 'jig /ces gsungs ngo / /lta stangs lam du khyer ba kun+d+ha ri'i zhal snga nas/ rno dar chags pa khyab 'jug mig /rkyen la gzigs pa gnyis snang 'joms/ /yul snang ma mthong nam mkha'i dbyings//der 'dzin grol bas spros dang bral/ /zhes gsung ngo / /snang ba sgyu mar 'byongs pa legs smin ka ra'i zhal snga nas/ ku ma'i ri yi rnam pa la/ /mi gnyis mtshungs par bsnol mar blta/ /steng dang 'og gi rnam pa ni/ /de dus gang yang mthong mi 'gyur//zhes gsung ngo / /thos pas mtha' chod pa k+Sha na'i zhal snga nas/ nges pa'i don mthong sgro 'dogs chod/ /mos gus phyin ci ma log pa'i/ /blo la khams rnams dang gis 'du/ /gcig la yon tan kun mtha' yas/ /zhes gsung ngo / /rang gi skyon gcud ba la mkhas pa mo su ka b+hi ru'i zhal snga nas/thos dang sgom dang bsam pa'i mtha'/ /rig pa snyems dang bral bas 'bad/ /de yi rgyu ni yid ches te/ /rtsa ba mos gus mchog las byung / /zhes gsung ngo / /rang gnas kyi ye shes ngos zin pa ku li pa'i zhal snga nas/ sor bzhag dus gsum chig chod kyi/ /snang phyir mi 'brad dus gsum grol/ /rnal ma'i rang khang spros bral 'dzin/ /ma bcos pa ni chos kyi sku/ /zhes gsung ngo / /ched du mi 'dzin smyon ma lta bu'i rnal 'byor ma dzanyA na b+hi nu'i zhal snga nas/ rma bya rgya ru chud pa bzhin/ /rig pa so la bzhag pa yis//bde ba gsal ba sgrog tu 'jug /rnam rtog rlung gis bskyod mi 'gyur/ /zhes gsung ngo / /rtogs pa'i ye shes dbang nyams la shar ba dza yin+ta'i zhal snga nas/ ma yengs rig pa dran pa'i rtsis/ /spyod 'gros bzhi la bzung ba yis/ /bden pa zad pa don gyi gsang //mthong pas 'khrul pa yul la 'jig /ces gsung ngo / /ka ki dung 'bud ma a u da ra'i zhal snga nas/ mchog don dran pa la ma chags/ /yengs pa'i sems la de nyid stong / /gang la rang bzhin med pa yi/ /mtshang brjed 'khrul pa'i dri ma 'go/ zhes gsung ngo / /rtog pa glegs bam bltas pa la shar ba rtsa ba ri'i zhal snga nas/ yi ge bzhi yis bka' rgyud khrol/ /thub pa'i spyod lam rnam gsum gyis/ /bde gshegs lung gi rgyud pa zin/ /gnad rig gsang ba'i gter mdzod brtol/ /zhes gsung ngo / /sems 'jug par byed pa la mkhas pa mo ku la tsaN+Da'i zhal snga nas/bdag med don mthong yul ngos der/ /chos rnams ma lus zad pa'i sa/ /rig byed 'dzin pa bram ze'i bu/ /gsang tshig pha yi gsung las rnyed/ /ces gsung ngo / /phra rags bcad pa tsam pa ka'i zhal snga nas rtsa dang rlung dang rig byed gsum//shes pa lung khyer spros bral gyis/ /steng du bcings pa gsang gi gnad/ /bshig rjes bde gsal mi rtog 'char/ /zhes gsungs ngo / /snying rje'i mdangs ldan ma shrI sid+d+hi'i zhal snga nas/ bde dang stong ba gsal ba'i nyams/ /rtog pa'i g.yo 'gul las grol ba//rig pa chig tshugs lam khyer gyis/ /lta stangs dor shul spros bral dang / /zhes gsung ngo / /'gro rnams gzigs ba ri ri'i zhal snga nas/ gnyis med gnyis su snang ba yi/ /blo de 'khrul pa'i snang ba de/ /'di yis srid pa'i nying mtshams sbyor//snang ba rang grol de ltos dang / /zhes gsung ngo / /zung 'jug gi rnal 'byor ma d+ha ri su kha'i zhal snga nas/ ma dag dri ma can gyi blo/ /nya phyis 'od kyi snang ba la/ /dngul 'dzin shes pa skyes pa'i tshe/ /nya phyis dngul gyis stong par byos// zhes gsung ngo / / de kho na nyid rab tu snang ba rdo rje'i mgur las ye shes kyi mdangs rnam par dngas pa zhes bya ba'i le'u ste gsum pa'o// //spu ris yid la mi byed gtum ma la'i zhal snga nas/ yul gyis ma bslad so ma'i rang / /mdzod spu'i bar na dbang po dngas//snang ba rang grol yi ge mig /'di yis yid la byed pa 'jig /ces gsung ngo / /myur du mngon par rdzogs par byang chub pa'i thabs la mkhas pa me ti ta'i zhal snga nas/ yul gyi gsal cha ma 'gags la/ /shes pa der 'dzin bral ba can/ /rtog pa'i 'phen las rnam grol ba//smin ma'i mtshams na rab tu gnas/ /zhes gsung ngo / /snang ba dpe char shar ba me kha la'i zhal snga nas/ lam la gang 'phen rten 'brel 'gros/ /'di la gdam ngag yul gyis ston/ /tshogs drug dpe char shar ba yi/ /rtogs pa'i rkyen bskul snang bas byed//ces gsung ngo / chos kyi dbyings kyi ye shes thugs su chud pa mo b+hi ma la si ti'i zhal snga nas/ lam gyi grogs su 'gyur ba ni/ /gcig tu ngas pa ma yin te/ /rtog pa'i rten du gang gyur pa/ /de ni las kyi phyag rgya yin/ /zhes gsung ngo / / dmigs med nyams su myong ba ka li pa'i zhal snga nas/ mnyam gzhag mi bskyar bshig rjes blta/ /dmigs bral shes pa 'dzin las grol/ /de tshe dus kyi rjes mi 'brang / /rnam rtog chos nyid dang du grol/ /zhes gsung ngo / /gti mug lam slongs pa mo b+ha la ta'i zhal snga nas/bying rgod bya ras ma slebs pa'i/ /gsal dngas phyed pa'i 'phro la bshig /rjes srong ba ni bsgom gyi gnang / /'di yis phra rags dri ma sel/ /zhes gsung ngo / /brda la go ba longs pa ka na pa'i zhal snga nas/ rtsa ba rang dro brda yis rtogs/ /nges pa bla ma'i gsung las skyes//don mthong bas ni sgro 'dogs chod/ /mkha' 'gro mthu yis bar chod sel/ /zhes gsung ngo / /rang gi tshig rgyun du byed pa'i smon lam la gnas pa mo mo ha ri su ka'i zhal snga nas/ yang dag don la yi ge med/ /smra bsam brjod pa'i yul las 'das//bla ma'i brda thabs che ba yis/ /rtags pa'i 'char sgo 'byed par 'gyur/ /zhes gsung ngo / /rtog pa gru bzo la mkhas pa kan+ti pa'i zhal snga nas/ dmigs pa ma bcos blo rten zhig /mtshan ma rang grol sgom dang bral/ /'dzin med spros bral rnam rtog nub/ /nyams len grol bas grol ba thob//ces gsung ngo / /sems rnam par dben pa'i rnal 'byor ma shI ma nu ra'i zhal snga nas/ blo rtogs ma zhugs tha mal gyi/ /shes pa de nyid gnyug ma yi/ /rang kha bcos bslad dang bral ba/ /bsam du med do sgom dang bral/ /zhes gsung ngo //rang rig blo rten dang bral ba da'u ba ri'i zhal snga nas/ chos rnams gzhi yis stong pa'i sar/ /shes pa yul med blo rten shig /dbyings der rtog pa'i rtsa ba bra/ /yid la mi byed rtsol las 'das/ /zhes gsungs ngo / /gnyis med ye shes kyi rnal 'byor ma kaM ka d+ha ri'i zhal snga nas/thog ma tha ma dbus mi dmigs/ /rig pa mkha' lding rten mi 'tshol/ /rtsa bral nam mkha'i rjes thob can/ /bsam med nyams myong dmigs dang bral/ /zhes gsung ngo / /rnam rtog gzhi med du mthong ba u ti ba'i zhal snga nas/ chos rnams gzhi med skye 'gag grol//rtog bral blo yis ma gos pa/ /dri med mtshan ma rang sar dngas/ /rig pa gcer bu de ltos dang / /zhes gsung ngo / /sems kyi don dang rjes su 'bral par byed pa'i ye shes kyi mdzod 'dzin ma shrI si su ba'i zhal snga nas/ rig pa bsgrims nas glod pa yi//dang der phra rags rtog pa yal/ /spu ris med pa dran med dbyings/ /dri med ye shes 'char ba'i sa/ /zhes gsung ngo / /gnyug ma srangs su chung pa kam+ba la'i zhal snga nas/ yul gyi gsal cha ma 'gags pa'i/ /shes pa der 'dzin bral ba'i gnas//rtog pa'i yal sa sna yi rtse/ /ma yengs srangs der ye shes 'chang / /zhes gsung ngo / /smon lam la gnas pa mo na ru ta'i shal snga nas/ ma skyes pa la 'chi ba med/ /chos rnams rang gi ngo bos dben/ /ma dran pa la brjed pa med/ /blo yis mtha' grol yid byed bral//zhes gsung ngo / /ngo sprad gnad la phog pa d+ha ka ri'i zhal snga nas/ yid la mi byed gnyug ma'i lam/ /spu ris ma dmigs rtog pa chad/ /blo rten dri ma snying la dag /rnam rtog chos nyid ngang du grol/ /zhes gsung ngo //chos brgyad dang bral ba mo shrI d+ha ni'i zhal snga nas/ sna tshogs yul snang gzhi med du/ /phug khrus 'khrul pa yul las ldog /yengs med nam mkha' mdung tshugs kyi/ /srangs der rtog pa skye lam chad/ /zhes gsung ngo / /rtog pa'i dri ma dag pa sa pa ka ra pa'i zhal snga nas/rtog ba grol ba'i rjes thob ni/ /yid kyi spu ris ngos gzung bral/ /dmigs med dang der blo mtha' grol/ /gnyug ma ngos gzung med par sangs/ /zhes gsung ngo / /'khrul pa'i sgrog grol ba mo su kha sid+d+hi'i zhal snga nas/ /tshogs drug yul du ma spyad pa'i//dran med mya ngan 'das pa'i lam/ /rnam par mi rtog chos kyi dbyings/ /yid dang bral bas phyag rgya che/ /zhes gsung ngo / /chags sdang grol ba sarba b+ha ga la'i zhal snga nas/ gzung 'dzin lam gyi sa bon gyi/ /de nyid skye ba med pa'i ngang / /chos rnams rtsa bral gzhi yis stong //gnyis snang grol bas 'khor 'das med/ /ces gsung ngo / /sangs rgyas kyi zhing yongs su dag par byed pa'i smon lam la gnas pa mo badzra ha lu'i zhal snga nas/ rig pa bsgrims nas klod pa yis/ /dad der yid 'pham sems ngal sos/ /rtog pa chos nyid ngang du grol//de yis ye shes lnga rdzogs byed/ /ces gsung ngo / /gdams pa lha la gsan pa kam+pa la'i zhal snga nas/ rnam par rtog pa'i rang bzhin ni/ /ngo bo chos skur grol gyur kyang / /skye bos mthong bar mi 'gyur ro/ /rang gsal thabs kyis chod pa ni/ / bla ma dus thabs bsten par rig /ces gsung ngo / /rtog bral ro'i spyod pa can pu tra li'i zhal snga nas/ 'jig rten bde sdug skyes pa'i rgyu/ /de ni las yin sems la bsags/ /de yi ngo bo yid kyi las/ /rig pa sems nyid gdod nas dag /ces gsung ngo / /las kyi sa bon bsregs pa su ka to'i zhal snga nas/yengs na gnas pa'i bar du ni/ /rig pa so zin dran pa 'khyim/ /ngo bo 'dzin rtog las grol ba/ /blo yi snang ba gzhi rtsa bral/ /zhes gsung ngo / /ha ha ha'i gad rgyangs can a ha ra'i zhal snga nas/ 'khor ba spangs pa'i pha rol na//mya ngan 'das pa yod ma yin/ /'khor ba rang bzhin med pa yi/ /mtshang de mya ngan 'das pa'o/ /zhes gsung ngo / /'gro ba thugs rjes 'dzin pa nA ga bo d+hi'i zhal snga nas/ ngo bo ci yang snang ba ste/ /rang bzhin cir yang ma yin no/ /mtshan nyid gzhi rtsa bral ba can/ /skye med ngo bo nyid ltos dang //zhes gsung ngo / /las dang 'jug pa'i stobs dang ldan pa mo shrI sid+d+hi'i zhal snga nas/ dran nas brjed pa'i mtshams de na/ /blo dang bral ba'i ye shes gnas/ /rkyen bral dbus na rab tu 'ging / /de mthong na ni grol bar 'gyur/ /zhes gsung ngo //bden 'dzin mi brten ma dbang na'i zhal snga nas/ yul snang dkar dmar sna tshogs la/ rkyen gyis snang ba'i dus nyid du/ /skye ba med dang bral ba yin/ /bden pa zad pa mig gis stong / /zhes gsung ngo / /ye shes kyi spyan dang ldan pa d+ha ri su kha'i zhal snga nas/ dngos po gcig la tha dad du//snang ba'i nad kas dngos po'i chos/ /sems las phyis gyur pha rol na/ /don de yod pa ma yin no/ /zhes gsung ngo / /blo'i mtha' grol bar ta na'i zhal snga nas/ ma skyes dngos gzhi rtsa ba bral/ /gzhi med blo 'das de kho na/ /dran med dbyings na gnas pa ni//dngas ma rkyen gyis bslad mi bya/ /zhes gsung ngo / /nyon mongs pa mi sdud par byed pa'i stobs dang ldan pa mo ta di la'i zhal snga nas/ tshogs drug ji ltar shar gyur kyang / /bden 'dzin bcad pas bag mi chags/ /'khrul pa'i rgyu grol las mi sog /'khor ba rang sar grol bar 'gyur/ /zhes gsung ngo / /dpa' bo rdo rje a ka ra'i zhal snga nas/ 'khor bar skye ba'i rgyu de las/ /de ni nyon mongs pas bskyed de/ /nyon mongs yid yin gzhi rtsa bral/ /de mthong srid pa'i 'khor lo 'jig /ces gsung ngo / / rdzu 'phrul gyi 'od dang ldan pa mo shrI pa ra na'i zhal snga nas/ skye med ngang la sna tshogs shar/ /shar ba de nyid skye med las/ /ma 'das chu dang 'khyag pa bzhin/ /dbyer med rtogs na phyag rgya che/ /zhes gsung ngo / /snang ba'i rang mtshan gzigs pa la lan+ta li zhal snga nas/gzugs ni gzugs kyis stong pa ste/ /rang bzhin med pa'i chos rnams la/ /'khor ba dang ni mya ngan 'das/ /rmi lam du yang ma mthong ngo / /zhes gsung ngo / /mi rtog pa'i ye shes dang ldan pa mo ta pa sa ri'i zhal snga nas/ ma dang sring mo bu mo yi/ / tha dad sgo nas bos pa'i ming / /'gro ba bzang mo'i ngo bo las/ /ma gyur pa ni ngo mtshar yul/ /zhes gsung ngo / /rtsol ba dang bral ba sa mu dra'i zhal snga nas/ /mthun 'jug bkrol ba'i rjes de la/ /snang ba rtsa bral mtshan ma grol/ /'dzin med rang gi blo rten zhig /ma byas shes pa de ltos shig /ces gsung ngo / /bdud dang gzhan smra bar byed pas mi tshugs pa'i stobs dang ldan pa mo bi ma si ta'i zhal snga nas/ 'jig rten sna tshogs las las byung / /sna tshogs rang gi ngo bos stong / /rgya mtsho nang gi gza' skar bzhin/ /bden par 'dzin pa 'khrul pa'i blo//zhes gsung ngo / /chos rnams rang bzhin med par shes pa bya tri pa'i zhal snga nas/ nyams su myong bas ngos gzung bral/ /sems nyid rtsa bral der ngos zin/ /sna tshogs snang la rang bzhin med/ /chos rnams gzhi med der ngos zin/ /zhes gsung ngo //rnam par rtog pa 'bigs pa'i ye shes dang ldan pa mo rat+na sid+d+hi'i zhal snga nas/ gzugs ni dri za'i grong khyer 'dra/ /sgra rnams brag ca'i rnam pa can/ /yid ni rmi lam 'phar ma bzhin/ /rang bzhin gang yang ma mthong ngo / /zhes gsung ngo / /thabs las mi 'da' ba'i ye shes can dz+nyA na ka ra'i zhal snga nas/dmigs pas bzung ba yid kyi las/ /bshig pas dngas ma gsal bar 'gyur/ /dper na 'phrul gyi me long bzhin/ /blo 'dzin dri ma bsten mi bya/ /zhes gsung ngo / /shes rab kyi pha rol tu phyin pa la rang bzhin gyis goms pa'i rnal 'byor ma de ba sa ri'i zhal snga nas/lhan cig skyes pa'i ye shes ni/ /gang gi rgyud la skyes pa'i tshe/ /nyams su myong ba brjod mi nus/ /brda yis mtshon pa thabs kyi gnad/ /ces gsung ngo / /ye shes kyi mdzod 'dzin ma si ra nu sa'i zhal snga nas/ rig pa bsgrims nas klong pa yi//dang der phra rags rtog pa yal/ /spu ris med pa dran med dbyings/ /dri med ye shes 'bar ba'i sa/ /zhes gsung ngo / /dpal gyi mdzod 'dzin ma ra si ni'i zhal snga nas/ gnyug ma rgyud la skyes pa yi/ /shes pa 'di 'dra brjod mi shes/ /chos rnams ngo bos dben pa yis//gshis de blo yi yul ma yin/ /zhes gsung ngo / /de kho na nyid rab tu snang ba rdo rje'i mgur las gnyug ma rang gi ngo bo gzigs pa zhes bya ba'i le'u ste bzhi pa'o// //'jig rten gyi bya ba btang zhing rgyal rigs dman pa'i sa bzung ba dA ri ka'i zhal snga nas/'di ltar 'di la sems gnas pa/ /de ni mnyam par gzhag pa'o/ /blo ldan dpa' bos 'dus byas dang / /'dus ma byas kyi gnad la blta/ /zhes gsung ngo / /thugs rje'i dpal ldan li ta pu ki'i zhal snga nas/ kye ma mtshan ma'i 'du shes ni/ /bshig nas mtshan med la gnas na//de yis chos rnams ma lus pa/ /stong pa rab tu shes par 'gyur/ /zhes gsung ngo / /'jig rten gyi bya ba gnas su btang ba u na la na'i zhal snga nas/ gdod nas ma skyes rang gi sems/ /'od gsal ba yi rang bzhin can/ /kye ma don dam byang chub sems//nam mkha' dang mtshungs 'dus ma byas/ /zhes gsung ngo / /bde ba'i 'byung gnas ma shrI la li ta'i zhal snga nas/ sgyu ma'i rta dang glang po ltar/ /snang ba'i dus na ngo bos stong / /kye ma rnam rtog gis brtags pa'i/ /zhen yul de nyid gzhi yis stong //zhes gsung ngo / /sgrol ma'i byin rlabs zhugs pa kam+pa la'i zhal snga nas/ dang po shes bya rnam rtog tu/ /ma shes 'khor ba stong mi 'gyur/ /ngo bo gzhi med rtsa ba bral/ /'di la rang bzhin yod ma yin/ /zhes gsung ngo / /dad pa'i stobs ma su ka rat+na'i zhal snga nas/chu shing gi ni snying po bzhin/ /chos rnams snying po med pa can/ /bdag med rtogs pa don gyi mchog /de mthong srid pa hru la por byed/ /ces gsung ngo / /brda la shes rab kyi mig phye ba ka na ye na pa'i zhal snga nas/ kye ma rang bzhin ma bcos pa'i//shes pa rang rkya mi 'gyur ro/ /ma byas shes pa so ma ni/ /gnyen po ma bral lhug par gnas/ /zhes gsung ngo / /rgya mtsho'i mdangs len ma dz+nyA na sid+d+hi'i zhal snga nas/ shes pa rten med bdag po bral/ /gcer bu blo yis ma gos pa/ /shes pa rang kha skye 'gag grol//rtog pas ma gos dri ma med/ /ces gsung ngo / /rtog pa phyag rgya ma la shar ba a nan+ta'i zhal snga nas/ chos rnams rang bzhin dngos med la/ /don de byis pas mi shes pas/ /rang bzhin skye ba med pa'i bdag /bla ma'i gsung las nges mthong 'gyur/ / zhes gsung ngo / /dpal gyi 'od zer dzam+b+ha la'i zhal snga nas/ skye med mtshan ma'i dngos po yis/ /'du shes rnam par grol 'gyur na/ /phyi dang nang gi skye mched la/ /kun du spyod par mi 'gyur ro/ /zhes gsung ngo / /dbang la rtog pa shar ba u ti ku pa ti'i zhal snga nas/ gzugs dang tshor ba 'du shes dang / /'du byed rnam par shes pa ni/ /rang gi ngo bos rnam par dben/ /gzhi med rtsa bral de ltos dang / /bden pa rang 'dzin gzhi la 'jig /ces gsung ngo / /shes rab 'byung gnas ma shrI du ka ri'i zhal snga nas/ glo bur rkyen las skyes pa yi/ / dran rig rtog pa bden pa stong / /'gro 'ong med pa'i 'od gsal la/ /'di la 'khor 'das yod re skan/ /zhes gsung ngo / /bdag med mas byin gyis brlabs pa sa ga la ba'i zhal snga nas/ dpal ldan thugs kyi dkyil 'khor gyi/ /ye shes me long de ltos dang / /'das dang ma 'ongs da ltar gyi//chos rnams stong par gsal bar 'gyur/ /zhes gsung ngo / /bde ba'i stobs dang ldan ma sing+ga sing nga'i zhal snga nas/ kye ma yongs su skyo ba'i yid/ /ma skyes bla med mchog gi lam/ /rnyed par gyur pa ma yin pas/ /'khor ba las ni yid dpyang bya/ /zhes gsung ngo //khar sa pA Ni la bskor ba byas pas dbugs phyin pa na ri pa'i zhal snga nas/ bla ma'i brda las nges rnyed pas/ /des ni chos rnams stong par rig /byis pas med pa'i chos la rtog /des ni las las grol mi 'gyur/ /zhes gsung ngo / /'gro ba'i dug sel ma d+harma lang ge'i zhal snga nas/dngos po yi ni mtshang rig pas/ /dngos med yongs su shes par 'gyur/ /chos rnams sgyu ma'i rang bzhin las/ /ma 'das bden par 'dzin pas 'khrul/ /zhes gsung ngo / /'od gsal nang phrad pa tsan+ti ba'i zhal snga nas/ 'od gsal 'gro 'ong med pa yi/ / bsam med sgom dang bral ba ni/ /gnyug ma srangs su chud pa las/ /'char 'gyur gzhan gyi spyod yul min/ /zhes gsung ngo / /nor bu'i spyan ldan ma b+ha ra a ra li'i zhal snga nas/ sna rtser yid bcings gnad kyi gsang / /ma yengs mi rtog skye ba'i sa/ /ka ra Na yis bde rlung bzung //bde chen thig le gnas par byed/ /ces gsung ngo / /zag med bde ba la rgyal ba shrI k+Shu ti'i zhal snga nas/ bskal pa gang+gA'i bye snyed du/ /gser gyi rgyal ba'i mchod pa gus/ /bla ma'i ba spu khung gcig la/ /sku ma nyed song la khyad par 'phags/ /zhes gsung ngo / /thugs rje'i 'od zer can su ka d+ha na'i zhal snga nas/bsod nams til dang ri rab khyad/ /su zhig thar pa'i grong mchog 'dod/ /bla ma gtsug tu bkur bar bya/ /'di brjed mchog gi dngos grub yal/ /zhes gsung ngo / /ma rig sgo nga'i sbubs 'byed pa'i a li pa'i zhal snga nas/ snang ba gzugs kyi ngo bos stong //chos rnams sgyu mar blo thag bcad/ /bden 'dzin rgyud la brten mi bya/ /grub mtha'i lta ba 'dod pa spang / /zhes gsung ngo / /brtson 'grus kyi stobs ldan ma ri d+ha ru'i zhal snga nas/ gang la mngon par zhen pa yi/ /blo de thong cig bdud yin no/ /gnyis snang shes pa grol gyur na//'khrul pa chos nyid dang du dngas/ /zhes gsung ngo / /brda las don mthong bas 'khrul pa'i sgrog bcad pa su ta la li pa'i zhal snga nas/ nyon mongs gnyen por ma song ba'i/ /chos kyis sangs lam rnyed ma yin/ /kye ma rgyud dang ma 'brel pa'i/ /lta bsgom ming yin ci phyir rung //zhes gsung ngo / /bsod nams kyi rgyan ldan su ri ka ri'i zhal snga nas/ ma bcos rnal ma'i thig le ni/ /snying la brten nas 'khrul pa 'jig /shes pa rkyen gyis mi bslad do/ /yul gyi rjes su 'brangs gyur na/ /khro bo'i rig pa rten par byed//ces gsung ngo / /dur khrod kyi keng rus mthong ba la rtog pa shar ba kum+pa ri pa'i zhal snga nas/ ji ltar lha dbang brgya byin gyi/ /ming de gang la 'ongs btsal kyang / /phyogs rnams kun nas mi rnyed ltar/ /lus la bdag kyang de bzhin no/ /zhes gsung ngo / /zab mo dpal gyi 'od ldan ma'i zhal snga nas/rmi lam du yang yod pa ru/ /ma mthong btsal bas ma rnyed pa/ /byang chub lam yin brtag par rigs/ /bdag med sgom dang rnal 'byor pa/ /zhes gsung ngo / /sems la dbang thob pa kha d+ha ga ga ti pa'i zhal snga nas/ 'od gsal dngos med ngo bos stong //chos dbyings ye shes de ltos dang / /stong nyid rig pa'i rang bzhin du/ /'dug pa nus pa'i rtsal yin te/ /me long lta bu'i ye shes so/ /zhes gsung ngo / /thar pa'i lam ston ma dz+nyA na badzra'i zhal snga nas/ me long lta bu'i ye shes zung / /rig dang stong pa gnyis med las//ma 'das pa nyid ye shes yin/ /gsal ba so sor rtog pa la/ /rtsal ni bya ba grub pa'o/ /zhes gsung ngo / /rtsa rlung las su rung ba dben pa i la pa'i zhal snga nas/ chos rnams rang bzhin ngo bos stong / /gang gis rmi lam lta bur shes//de la 'ching ba mtha' dag bral/ /skye dang 'chi ba mi mthong ngo / /zhes gsung ngo / /rtog pa'i dpal dang ldan pa ma ba su d+ha ri'i zhal snga nas/ stong pa dag kyang ma mthong ba'i/ /mig des dngos po'i gnas thabs mthong / /'khrul snang dag pa'i dus der ni/ / sku gsum zhing khams 'char bar 'gyur/ /zhes gsung ngo / /gnas ngan len dang bral ba ke du a la pa'i zhal nas/ ji ltar ded dpon rgya mtsho las/ /ma phyin gling don mi 'grub ltar/ /'khor ba'i blo sna ma log par/ /thar pa'i lam rnyed ma yin no/ /zhes gsung ngo / / legs pa'i 'byung gnas ma su kha ku le'i zhal snga nas/ byis pa tshe 'di mig bltas nas/ /'jig rten che thabs bsgrub pa ni/ /phyi ma rnam smin sog pa'i rgyu/ /rang mgo rang gis 'tshogs par bas/ /zhes gsung ngo / /rtog pa khyad par 'phags pa ga na pa'i zhal snga nas/chos rnams dngos po med pa yi/ /ngo bo nyid kyi ye shes ni/ /gdod ma nas ni rang bzhin gyis/ /rnam par dag pa'i rang bzhin can/ /zhes gsung ngo / /dpa' mo blo gros bzang mo b+ha ga d+ha ri'i zhal snga nas/ ma skyes mi 'gag yi ge med/ /mtshan ma med cing mtshan nyid med//rjes su mi mthong mi dmigs pa/ /yang dag rdzogs pa'i byang chub mthong / /zhes gsung ngo / /bsags sbyangs sngon du song ba'i rten las 'phro can tsa dur ki pa'i zhal snga nas/ snang stong skye ba med pa yis/ /rkyen dang bral ba'i shes pa ni/ /blos ma byas kyi rang kha ste//ma bcos rnal ma spros dang bral/ /zhes gsung ngo / /pad+ma 'od ldan ma su d+ha ra'i zhal snga nas/ 'di la rtag dang chang la sogs/ /grub mtha'i lta bas reg mi nus/ /blo 'das smra bsam yul ma yin/ /yi ges stong bas ming las grol/ / zhes gsung ngo / /mthong lam ye shes rgyud la shar ba'i man pa'i zhal snga nas/ chos rnams dngos po med pa las/ /byung ba ngo mtshar rmad kyi chos/ /ltos dang skal ldan rigs kyi bu/ /mthong na mchog gi skal bar ldan/ /ces gsung ngo / /bde ba'i 'dod 'dzom shrI sa ba ri'i zhal snga nas/nges par yang dag brtan gyur pa/ /'di ni lam gyi dam pa ste/ /spangs pa mthar thug sangs rgyas kyi/ /ye shes bla med yongs rdzogs byed/ /ces gsung ngo / /ma dad pa'i snang ba sgyur nus pa ka na ku na pa'i zhal snga nas/ skye bo 'khrul pa'i ngo gang la//'khor ba rang rgyud pa ru snang / /de ni 'phags pa'i snang ba la/ /sgyu ma tsam du rab tu gzigs/ /zhes gsung ngo / /bzang mo dge ba'i 'od ldan ma su kha d+ha ri'i zhal snga nas/ rnal 'byor pa yi snang ba la/ /bden brdzun gnyis snang grol ba yis/ /'khor ba mthong par mi 'gyur te//gzod nas zhi zhing dag pa'i dbyings/ /zhes gsung ngo / /gnyid kyi sgrib pa dag pa ang tsing pa'i zhal snga nas/ mkha' la zla ba chu nang du/ /nam du yang ni 'phos pa med/ /chu zla rang gi ngo bos stong / /chos rnams der shes 'khrul pa 'jig /ces gsung ngo / /rig pa'i rgyal mo a su d+ha la'i zhal snga nas/ yod pa dang ni med pa yi/ /blo 'dzin de ni dri ma ste/ /rnal 'byor mtha' gnyis rnam spangs la/ /dbus la gnas par mi bya'o/ /zhes gsung ngo / /de kho na nyid rab tu snang ba rdo rje'i mgur las snying gi me long rnam par dag pa zhes bya ba'i le'u ste lnga pa'o// //drod kyi ye shes thob pa bo d+hi pi pa'i zhal snga nas/ skye bo 'khrul pa ma khegs pas/ /gzung 'dzin gnyis su lta ba'o/ /sems byung de yi khams kyis ni/ /mtshan nyid gzung bas log rtog khegs//zhes gsung ngo / /shes rab kyi stobs ldan ma d+hi ri d+ha la'i zhal snga nas/ rtog pas gzung bas skye mched kyi/ sgo dbye dbang po rnam lnga shar/ /de yis yul la zhugs gyur pas/ /dug lnga skyes nas las bsags pas/ /srid pa'i 'khor lo grub par byas//zhes gsung ngo / /'jigs pa lnga dang bral ba seng ge ba'i zhal snga nas/ ji ltar mun pa'i rgya rum ni/ /snang byed nyi mas bsal ba ltar/ /spros med lhan cig skyes pa yis/ /dang der chos rnams dag par 'gyur/ /zhes gsung ngo / /byin rlabs kyi dpal ldan ma su ka ta'i zhal snga nas/chu 'dzin dag ni nam mkha' la/ /dngas tshe gud na yib min ltar/ /mtshan ma rang sar grol ba yi/ /dbyings na 'khor ba yod ma yin/ /zhes gsung ngo / /gnyis 'dzin mdud pa khrol ba ki la la ki'i zhal snga nas/ bdag tu 'dzin pa 'khor ba'i rgyu//bdag 'dzin nyon mongs zhing yin te/ /bdag 'dzin las kyi sa bon no/ /bdag tu 'dzin pa 'khrul pa'i lam/ /zhes gsung ngo / /dpa' mo shes rab bzang mo dz+nyA na li ta ra'i zhal snga nas/ bdag 'dzin rtog pa'i gzhi yin te/ bdag 'dzin rnam rtog ma mo yin//bdag 'dzin bag chags snod yin phyir/ /ma spangs mya ngan 'das mi thob/ /ces gsung ngo / /'khor ba'i bde ba la snying rje'i gnas su gzigs pa tsan+d+ha li pa'i zhal snga nas/ 'di ltar chos rnams thams cad kyi/ /rang bzhin mnyam pa nyid yin te/ / sgyu ma lta bur shes par bya/ /rmi lam smig rgyu brag ca dngos/ /zhes gsung ngo / /gyad kyi stobs ldan ma d+ha ra ma hA'i zhal snga nas/ mi g.yor sprul pa chu zla dang / /chos rnams gzugs brnyan las ma 'das/ /nam mkha' lta bur shes gyur na/ /dus gsum mi dmigs spros bral 'char//zhes gsung ngo / /mkha' 'gro'i byin rlabs zhugs pa dza la si pa'i zhal snga nas/ 'dzin bral rig pa nyams las grol/ /phyag rgya chen po blo bral la/ /brtags na 'khrul la bsams na ldang / /bsgoms na 'tshal la btsal na 'jig /ces gsung ngo / /bkra shis dpal 'dzin ma bi ma la sid+d+hi'i zhal snga nas/dpyad na stong la rig pa 'gag /snang dang stong pa'i rkyen dang bral/ /brjod du med pa'i tshig tu brjod/ /chos rnams ming med yi ge bral/ /tshig gi lam las 'das pa can/ /zhes gsung ngo / /nor bu'i 'od ldan ma su kha d+ha ri'i zhal snga nas/mtshan ma rang zhi skye 'gag brla/ /mtshan nyid med pa'i mtshan nyid can/ /bsam yid bral ba de ltos dang / /'di ni ngo mtshar gzigs mor che/ /zhes gsung ngo / /rtogs pa'i mthar phyin karma badzra'i zhal snga nas/ blos byas bsam gtan gzugs brnyan te//rtog pa nyid 'bru 'khrul pa'i mkhar/ /bsgoms na yod la ma bsgoms med/ /de ni rkyen la rag lus so/ /zhes gsung ngo / /pad+ma'i mdangs ldan ma b+ha su ka ra'i zhal snga nas/ don gyi lhan cig skyes pa yi/ /phyogs su gang zhen nye mi nus/ /rang bzhin gnyug ma'i bsam gtan ni//rang la babs pas rgyun mi 'chad/ /ces gsung ngo / /gnyis snang gi dri ma dag pa pad+ma badzra'i zhal snga nas/ 'khor ba thog ma med pa ru/ /yang nas yang du 'khyam pa'i rgyu/ /byis pas rtog pa don du bzung / /des ni srid pa dra ba btags/ zhes gsung ngo / /bde ba'i rgyan dang ldan pa mo dz+nyA na sa ga'i zhal snga nas/ chos rnams rang bzhin spros dang bral/ /gang yang yod pa ma yin te/ /smig rgyu chu yis dben pa bzhin/ /chos rnams der shes grol bar 'gyur/ /zhes gsung ngo / /yi ge bdun pas nyon mongs kyi dug thon pa a nan+ta badzra'i zhal snga nas/rlung sems 'od gsal la bcings pas/ /gnyug ma srangs su chud par byed/ /rig pa yul gyi rjes mi 'brang / /phyi rol chags zhen bzlog par 'gyur/ /zhes gsung ngo / /bzang mo dad pa'i stobs can ma su ni bi ka'i zhal snga nas/rig pa byi 'phur dum bu'i gnad/ /lta stangs 'jog 'dor res gsor gyis/ /mi rtog ltengs ka bslang nas ni/ /tha mal mngon zhen ldog par byed/ /ces gsung ngo / /bla ma'i brda las don gyi rang ngo shes pa ba su d+ha ra'i zhal snga nas/ kye ma mthong bar dka' ba'i chos//phra zhing zhi ba'i bdag nyid can/ /chos rnams dmigs su med pa la/ /yi ger 'jug pa nus ma yin/ /zhes gsung ngo / /rdzu 'phrul dpal ldan ma su ka ra ki'i zhal snga nas/ yid la byed pa dang bral ba/ /der 'dzin rtog med 'du shes grol/ /bdag ces bya ba gang yang btsal//ngo bo stong pas mi rnyed do/ /zhes gsungs ngo / /rtog pa rkyen thog tu khel ba pra dz+nyA pha la'i zhal snga nas/ dngos 'dzin grol na bde ba che/ /thabs kyis mchog tu gyur pa'i sman/ /'khor ba'i nad rnams 'joms par byed/ /'di las lhag pa'i sems yod min//zhes gsung ngo / /ye shes kyi 'byung gnas ma shrI a li ta'i zhal snga nas/ ji srid gces 'dzin ma zhig par/ /'ching ba'i rgyu dang bral ba min/ /bdag tu 'dzin pa grol ba dang / /srid pa'i 'khor lo 'jig par 'gyur/ /zhes gsung ngo / /'bras bu rang chas su gzigs pa tsar+ya ba'i zhal snga nas/skye ba'i chos rnams ma lus pa/ /kun gyi rang bzhin 'gro 'ong med/ /rtog med spros bral yang dag mtha'/ /'dus ma byas shing lhun gyis grub/ /ces gsung ngo / /tshul khrims kyi rgyan dang ldan ma sing g+ha d+ha li'i zhal snga nas/ tshig gis gtan la mi phebs te//bla ma'i brda las nges mthong bya/ /nyams su myong ba ngos gzung bral/ /'di ni rnal 'byor ma yi yul/ /zhes gsung ngo / /rtsa ba'i don dbang bzhi las rnyed pa a ba d+hU tI pa'i zhal snga nas/ mi mthun lam du ba slang pa yis// / 'gal ba'i rkyen rnams grogs su 'gyur//'dis ni sna tshogs lam du slongs/ /bgags sol snang ba rang sar grol/ /zhes gsung ngo / /zla ba'i 'od zer ma g+ha ma li ti'i zhal snga nas/ nam mkha' mdung tshugs bsam gtan mkhar/ /rig pa sor bzhag gnad kyi mtshang / /bde gsal rgyun mi 'chad par byed//yul la yengs par mi bya'o/ /zhes gsung ngo / /rten 'brel gyi 'gros la byang ba kr-iSh+Na pa'i zhal snga nas/ kye ma ngo bo nyid kyis zla ba/ /gzugs kyi rang bzhin de ltos dang / /stong pa'i tshan nyid gsal 'gyur gyis/ /gzugs kyi mtshar mthong de nyid shes//zhes gsung ngo / /lha'i rgyan ldan par ba ki ri'i zhal snga nas/ /de rig mya ngan 'das rtogs byed/ /dngos po med la dngos po ru/ /'dzin pa'i dmigs pa can rnams la/ /thar pa nam yang yod ma yin/ /zhes gsung ngo / /spros bral gyi ye shes ngos zin pa ko sha pa'i zhal snga nas/chos rnams thams cad ngo bos stong / /bden zad brdzun zad yi ge zad/ /don zad nam mkha'i rang bzhin can/ /bsam du ma btub bsgoms las grol/ /zhes gsung ngo / /dpal gyi 'od 'dzin ma rat+na li ti'i zhal snga nas/ rtog bral yul gyi rjes mi 'brang //snang ba had pos der 'dzin grol/ /sor bzhag tshogs drug lhug pa'i ngang / /bsgom blo 'dun pa dri ma yin/ /zhes gsung ngo / /mos gus kyis rgyud smin pa Ar+ya sing+ga'i zhal snga nas/ chos rnams ma lus rnam kun ni/ /rjod byed tshig dang brjod bya'i don/ / rnam pa gnyis kyis stong 'gyur bas/ /gzhi rtsa med pa'i bdag nyid can/ /zhes gsung ngo / /bzod pa'i stobs ldan ma na ta ra'i zhal snga nas/ /tshogs drug yul gyi snang ba ni/ /sna tshogs rkyen gyi snang ba ste/ /rkyen snang sgyu ma las ma 'das/ /rang bzhin med de ngo mtshar yul//zhes gsung ngo / /dngos rnams bden med du gzigs pa rat+na badzra'i zhal snga nas/ ji srid 'bras bu 'dod pa'i blo/ /ma grol mya ngan las mi 'da'/ /gang gi mthar thug ngos zin pa'i/ /blo de nyid ni rnam rtog go/ /zhes gsung ngo / /dpal gyi 'od zer shrid+d+hA na'i zhal snga nas/mchog tu 'dzin pa'i dri ma de/ /lam gyi bdud du shes par bya/ /re ba med pa'i snying dkyil na/ /bla med nor bu rin chen gnas/ /zhes gsung ngo / /gnyen po'i 'phrang chod pa dza ra na'i zhal snga nas/ dpa' bo blo gros ldan pa yis/ /chos kyi rang bzhin zhi ba ru//shes tshe ring du mi thogs par/ /srid pa'i 'khor lo 'jig par byed/ /ces gsung ngo / /bde ba'i mdangs ldan ma shrI ka su ta'i zhal snga nas/ 'das dang ma 'ongs da ltar gyi/ /thub pa'i gsung gi sde snod rnams/ /rnam grangs tha dad don gcig par//bla ma'i brda las rab tu blang / /zhes gsung ngo / /go yul rjes la 'khyil ba ra tri ta'i zhal snga nas/ yid la ma byas dngas ma'i dang / /gang yang ma skyes gnyug ma'i gshis/ /ma bcos rnal ma chos kyi sku/ /bdag med gnyis sdus chos kyis stong / /zhes gsung ngo //byin rlabs kyi 'byung gnas ma su ri su ka'i zhal snga nas/ mtshang mthong ched 'dzin blo mi 'char/ /chos rnams bden pa zad pa ru/ /mthong pa'i dus bden pa grol/ /des ni srid pa hrul por byed/ /ces gsung ngo / /re dogs shigs pa tsan+d+ra go mi'i zhal snga nas/ gzugs ni gzugs kyis stong pa ste/ /chu shing bzhin du snying po med/ /khams rnams rang gi ngo bos dben/ /chu yi sbu ba lta bu'o/ /zhes gsung ngo / /bde ba'i stobs ldan ma b+ha ta ra'i zhal snga nas/ smig rgyu bzhin du skye mched rnams/ /rang bzhin ma grub ngo bos stong //snang ba rang sar grol ba'i mtshang / /de nyid ltos dang rnal 'byor pa/ /zhes gsung ngo / /'bras bu la bsgrub blo bral ba a sho ka ra'i zhal snga nas/ rtog pa btsal pas mi rtog pa/ /nam du yang ni mi rnyed de/ /tshol ba'i dus nyid rtog pa las/ /ma 'das dran pa'i spu ris so//zhes gsung ngo / /dpal gyi 'od ldan ma su ka to'i zhal snga nas/ kye ma rtog pa'i rang bzhin ni/ /rang bzhin ngo bos stong gyur pa/ /de tshe rtog pa ma spangs par/ /de tshe rtog pa ma spangs par/ /rang bzhin gyis ni gro bar 'gyur/ /zhes gsung ngo / /shrI tsan+d+ra pa'i zhal snga nas/ mi rtog 'dod pa'i blo de nyid/ /ngo bo rtog pa'i bdag nyid de/ /rtog dang mi rtog gnyis med pa/ /de ni rtsa ba'i don yin no/ /zhes gsung ngo / /rnal 'byor pa thams cad kyi de kho na nyid rab tu snang ba grub pa thob pa rnams kyi rdo rje'i mgur las dpal gyi 'od zer rnam par shar ba zhes bya ba'i le'u ste drug pa'o// //nyams myong tshogs drug gis bskor ba b+hu ta'i zhal snga nas/ phyag rgya che la bsgom du med/ /blo yis 'dun ba mi rten te/ /bsgom pa bdag po la gtod cig/ /ces gsung ngo / /bde ba'i 'od zer can sing+ga li'i zhal snga nas/ mi bsgom shes pa de ltos dang //skye 'gag 'phel 'grib med pa yi/ /ma byas pa yi shes pa ni/ /ngo mtshar ltang mo'i yul yin no/ /zhes gsung ngo / /rig pa dngas pa la rten 'brel gyi gnas gzigs pa dzai ta ri'i zhal snga nas/ ji ltar rgyal po rigs ngan gyi/ /spyod pa byas na bya ba bzhin//sgrub pa po ni don med pa'i/ /spyod pa gzhi dang bcas la spang / /zhes gsung ngo / /rtog pa'i 'byung gnas ma ma d+ha ro ha'i zhal snga nas/ zil dang ra bcud len sman gyi mchog /skyugs na nad du 'gyur ba bzhin/ /sgom nyams mu cor smras pa na/ /yongs su yal bar 'gyur ba yin//zhes gsung ngo / /byings rmugs rno ngar gyis bsal ba b+hi ta ka ma'i zhal snga nas/ snang ba stong pa'i ngo bo ru/ /grol bar mthong ba'i mig de ni/ /dri ma med pa'i ngo bo'i rtsal/ /de ni rtogs pa'i gdeng yin no/ /zhes gsung ngo / /dbang phyug gi stobs dang ldan ma bu ga d+ha la'i zhal snga nas/stong pa'i rang bzhin 'gag med du/ /'char ba gang gis shes 'gyur ba/ /blo ldan de ni skal ba bzang / /las grol med na thar bar byed/ /ces gsung ngo / /stong nyid rang gi ngo bo rjes la zin pa rat+na dza la'i zhal snga nas/ skyes la ma 'gags gsal ba yi//shes pa skad cig dang po la/ /yul dang sgong phrad pa bzhin/ /de nyid brtags pas rang bzhin med/ /ces gsung ngo / /bde ba'i mdangs ldan ma a dzu li'i zhal snga nas/ stong pa nyid kyis yongs su 'dzin/ /rig pa spros bral 'dus byas min//rtog med sems kyi ngo bo la/ /'khor dang mya ngan 'das ma grub/ /ces gsung ngo / /lta ba ming las grol bas grub mtha'i 'dod pa zhig pa b+ha dra pa'i zhal snga nas/ sna rtser yid bcings 'gyu ba dang / /yul snang ma mthong der 'dzin bral/ /dus gsum yid la ma byas pa'i//de tshe dran ba'i rim mo 'jig /ces gsung ngo / /bde ba'i mdangs ldan ma si ri bye na'i zhal snga nas/ shes pa mdung tshugs spros pa zhi/ /de yis rtog pa'i 'gro 'ong tshad/ /'di ltar dbang po rang sna gi / yul na bsam med bsgom dang bral/ /zhes gsung ngo //rlung sems lta stangs kyis 'ching ba kun du ru'i zhal snga nas/ thar lam dgra med mi 'ong bas/ /sgrub pa rkyen khar gtang mi bya/ /las mtha' ma log rab tu gces/ /grogs ni chags sdang skye ba'i rgyu/ /zhes gsung ngo / /thugs rje dpal gyi sgron ma su ka pa'i zhal snga nas/ri dgas smas ma ji bzhin du/ /u pa gcig pur gnas par bya/ /skye bo'i dbus su rtogs pa 'grib/ /mchog gi don gnyer bas mthar song / /zhes gsung ngo / /gnyen po stobs su gyur pas nyon mongs pa la btsan chod kyi rdzis byed pa dza m+bu ta'i zhal snga nas/kye ma 'jig rten che thabs ni/ /thar lam sgrub pa'i mi mthun phyogs/ /klu mchog rnams kyi mgo bo ni/ /de nyid sdug bsngal rten yin bzhin/ /zhes gsung ngo / /stobs ldan rgyal mo sUr+ya kha d+hi'i zhal snga nas/ dngos po'i zhen chags 'khor ba'i rgyu/ / zhe na med mya ngan 'das pa'i lam/ /'dod pa'i blo yis thar pa 'dor/ /'dod pa dang bral bde ba'i mchog /ces gsung ngo / /nyon mongs pa rang sar grol bas 'khrul ba'i sgrog chod pa dzi na mi tra'i zhal snga nas/ phra rags chod pa seng ge'i mig /'di yi nang na mi rtog pa'i//rang rig ye shes dri med gnas/ /mig ni zum par mi bya'o/ /zhes gsung ngo / /byin rlabs kyi 'od zer can b+ha nu d+hA ra'i zhal snga nas/ dri med dngos 'dzin bcings pa'i gnas/ /rlung sems 'od gsal la 'jug pa/ /bde chen rgyal po mchog gi lam/ /'di ni thabs kyi rgyal mo yin//zhes gsung ngo / /yul snang brda ru shar bas don gyi gnad rig pa so na shri'i zhal snga nas/ nges pa'i shes pa sma skyes par/ /bden pa mthong par mi 'gyur te/ /bsnyems sel khu 'phrig dag pa'i dbyig /mchog tu gces pa'i gter yin no/ / zhes gsung ngo / /dbyings kyi gtso mo dz+nyA na ro ha'i zhal snga nas/ rnal 'byor nges shes gces 'dzin bya/ /so ma nyid bdud kyis byin rlabs so/ /the tshom gyis ni dngos grub 'dor/ /yid ches yon tan kun gyi gzhi/ /zhes gsung ngo / /rig pa so la bzhag pas bde gsal rgyun mi 'chad pa dza ba ri ba'i zhal snga nas/ka ra na bcings yon tan gyis/ /rig pa srangs su chud pa yis/ /yul gyi gsal cha ma 'gags pa/ /dar 'dzin shes pa grol bar byed/ /ces gsung ngo / /dpal mo pad+ma kha d+ha'i zhal snga nas/ des ni phra rags rtogs pa spong //bde rlung rig pa thog babs su/ /'dzin par byed pa'i gnad 'di la/ /lta stangs so ma brje ba gces/ /gsung ngo / /spros bral ye shes tshogs bsags pa las byung ba shrI sA ga rA zhal snga nas/ rtog pa bsal nas mi rtog pa/ /rgyud la 'gal na 'khrul pa ste//rtog pa med na ye shes la/ /skye ba'i thabs med ye shes 'gag /ces gsung ngo / /bzang mo nor bu'i 'od ldan ma b+hi ga si'i zhal snga nas/ rtog pa gang skye mi dmigs par/ /spyad pas shes rab zas su 'gyur/ /thabs des rnam par rtog pa'i rtsal/ /ye shes chen por 'char bar byed//ces gsung ngo / /ngo sprod cig car phog pas phyir mi ldog pa'i sa de nyid du thob pa sUR+ya shrI dz+nyA na'i zhal snga nas/ snying rje'i mda' med stong pa'i gzhus/ /rgyud la myong ba mi skye ste/ /thabs dang bral ba'i shes rab ni/ /go ba'i yul du ltung bar 'gyur/ /zhes gsung ngo //dpal gyi 'byung gnas sa la dza d+ha ra'i zhal snga nas/ gzhu med snying rje'i mda' yis kyang / /don byed nus pa ma yin te/ /shes rab dang bral thabs kyis ni/ /lag tu lon pa ma yin no/ /zhes gsung ngo / /shes pa bden med du slong bas 'khrul pa'i rkyen las grol ba shrI ta ra'i zhal snga nas/thub pa'i spyan gyis rlung sems bcings/ /snang ba ma dmigs der 'dzin grol/ /de tshe shes pa yul mi phrogs/ /dus gsum chig chod 'gro 'ong med/ /ces gsung ngo / /bde chen rgyal mo su la kha d+ha'i zhal snga nas/ mi g.yo rtse gcig dang ba'i ngang //rtog pa rang grol chos sku/ /rig pa gcer bu sgrib g.yogs bral/ /shes pa rang lugs phyag rgya che/ /zhes gsung ngo / /'khor gsum yongs su dag pa'i rtsis 'bras bu la 'dod blo bral ba g+hu d+he ri ba'i zhal sngas nas/ sku bzhi thob tu mi ster ba'i//bgegs de 'dod pa'i blo yin no/ /'di yong sgrib pa mi 'dag pas/ /zhing khams gsal bar mi 'gyur ro/ /zhes gsung ngo / /dpal gyi sgron me su ka tsan+d+ha'i zhal snga nas/ 'dod pa'i blo bral bde chen gyis/ /dus der sdug bsngal bral bar byed/ /'dod pa'i blo rnams log pa yis//zag pa 'dam rdzab skam par 'gyur/ /zhes gsung ngo / /nges pa'i shes pas the tshom gyis dri ma sel ba shrI pa ra nA'i zhal snga nas/ kun la khyab pa chos kyi sku/ /rang bzhin skyes ma 'gags pa'i/ /spros dang bral ba'i mtshan nyid de/ /ye shes rang gnas rgyun chad med//ces gsung ngo / /bde ba'i ngos 'dzin ma b+ha nu ro ho'i zhal snga nas/ nam mkha'i ngang can gdod nas dag /mtha' bzhi las ni rnam par grol/ /'das dang ma 'ongs da ltar gyi/ /dus kyis ma bsdus phya rgya che/ /zhes gsung ngo / /nyon mongs pa rang thog tu grol bas gnyen po'i bya ra zhig pa sa ra d+hi ba'i zhal snga nas/shes pa ngar can de ltos dang / /nam mkha'i dbyings kyi dbus gnas par/ /rig pa dri med lam gyi mchog /thig le grol na rnam par mthong / /zhes gsung ngo / /bde ba'i sgron la d+ha li'i zhal snga nas/ sems la ye shes skye 'gyur ba//rig pa drungs pa khro bo'i spyan/ /sor bzhag rnam rtog rlung mi bskyod/ /rten 'brel gyis ni yang dag 'grub/ /ces gsung ngo / /nyams myong snang ba las grol bas sgom thun 'jog zhig pa nA ga badzra'i zhal snga nas/ bla ma'i byin rlabs ma zhugs pa'i/ /rgyud la rtog pa 'char ba min//nges pa'i shes pa ma skyes par/ /de nyid zab mo'i don mi mthong / /zhes gsung ngo / /'bar ba'i gtso mo a ma ka pa la'i zhal snga nas/ gnyug ma ras su ma chud pa'i/ /rten 'brel che ba bla ma'i brda/ /'di la nges pa stor pa na/ /mtshon byed yi ge mang du 'gyur//zhes gsung ngo / /dus gsum skye 'gag gis stong pa'i rig pas rnam rtog rang sar dngas pa pad+ma badzra'i zhal snga nas/ bden par mthong ba 'khrul pa'i blo/ /yang dag bden pa de shig cig/ /'di yis blo mtha'i lta ba gro la/ /des ni gnyis snang mi gnas so//zhes gsung ngo / /legs pa'i dpa' mo se ri te ra'i zhal snga nas/ rten 'brel rtsa ba phyin pa yis/ /'khor ba'i sa bon mi gnas te/ /ma rig pa nas rga shi'i bar/ /rten cing 'brel pas 'khor ba stong / /zhes gsung ngo / /spros bral gyi don dran pas bzung bas rjes la yul rjes mi 'brel pa badzra dz+nyA na'i zhal snga nas/tha ma la rnam rtog nub pa yi/ /rten la thabs kyi lam mi dgos/ /'khrul pa dag pa'i shes pa la/ /'di la lta ba dgos pa min/ /zhes gsung ngo / /dpal gyi rgyal mo su ka ra li'i zhal snga nas/ rtog pa'i spu ris spangs pa yi//shes pa la ni bsgom mi dgos/ /rang snang grol bar gyur pa la/ /sgrub pa nyams su blang mi dgos/ /shes gsung ngo / /yul snang sgyu mar ngos zin pas shes pa la deng 'dzin zhig pa bi ma la g+hi ti'i zhal snga nas/ tshogs drug yul la ma 'phros pa//dus gsum rang sar grol bar 'gyur/ /bde chen go 'phang mchog 'dod pas/ /rtse gcig rten las 'da' mi bya/ /zhes gsung ngo / /rdzu 'phrul gyi 'od zer can pad+ma wa ti'i zhal snga nas/ yengs na de nyid mthong mi 'gyur/ /ma yengs pa ni thabs kyi gnad//bde gsal stong pa'i rang bzhin can/ /'di yis rab tu rnyed par byed/ /ces gsungs ngo / // brda don khong du chud pas 'khrul pa yul thog tu chod pa gir ti dz+nyA na'i zhal snga nas/ le lo 'khrul snang grong khyer dang / /'dres pa 'dis ni sa ni thar ba'i lam//dus gsum na yang rnyed pa med/ /brtags na 'khrul pa gzhi yod min/ /zhes gsung ngo / /dpal gyi bde ster ma sa ri d+ha ri'i zhal snga nas/ 'di ni rang snang glo bur ba/ /rtsa bral rang bzhin ni med pa yi/ /mtshang de ltos dang rnal 'byor ba/ /de mthong 'khrul ba 'jig par 'gyur//zhes gsung ngo / /rnal 'byor pa thams cad kyi de kho na nyid rab tu snang ba rdo rje'i mgur las mi zad pa'i rin po che'i gter mdzod rnam par rdol ba zhes bya ba'i le'u ste bdun pa'o// //mi mthun pa lam du slong bas 'gal rkyen grogs su 'char ba shrI badzra ba la'i zhal snga nas/'khor ba pa la bde ba med/ /chug yi gnyer ma ji bzhin du/ /sdug bsngal gcig phyir gcig gis sleb/ /tshe 'di ci byas sdug bsngal rgyu/ /zhes gsungs ngo / /bde ba'i rol myos ma b+hu ga la ma'i zhal snga nas/ bltar ru med pa de mthong na/ /gzung du med pa'i don zin te//de ni rtsol ba'i nad las grol/ /bde chen rgyal po thob par byed/ /ces gsung ngo / /rtog pa snga phyis long ma brtags pas ma bsgoms pas shes pa spros bral du gyur pa dz+nyA na tsa kra'i zhal snga nas/ rtogs na yon tan ma rtogs skyon/ /gang gis gos par mi 'gyur ba'i/ /rang 'byung ye shes 'dus ma byas//gnyis med shes bya dngos po'i gshis/ /zhes gsung ngo / /nyin mongs pa'i skyon gyis ma gos ba b+ha nu ha ri'i zhal snga nas/ rtog pa 'dzin pa'i nyer len byed/ /des ni srid pa'i 'khor lor bcug/ /chos rnams thams cad stong pa ru/ /mi rig pa yis bdag tu bzung //zhes gsungs ngo / /don gyi gnad rig pas 'dzin rtog grol pa pradz+nyA tsan+d+ra'i zhal snga nas/ gnyug ma don gyi lhan cig skyes/ /ma bcos rnal ma rang kha la/ /dran pa'i spu ris brten mi bya/ /blo dpyad zhugs na rtog pa'i gzhi/ /zhes gsung ngo / /'khrul pa'i sgrog las grol ba mo su ka le'i zhal snga nas/las dang nyon mongs bag chags kyis/ /rten de grub pa ma yin te/ /'khor ba gzhi med rang grol la/ /mya ngan 'das pa ji ltar sgrub/ /ces gsung ngo / /'khrul pa'i sgrog chad pa las ye shes shar ba shrI rat+na ma ti'i zhal snga nas/chos rnams gzhi med rang gi ngo bos stong / /don dam kun rdzob gang gis gnyis su phye/ /'khor 'das rmi lam nyid du'ang med gyur na/ /grub mtha' zhig pa'i lta ba ji ltar smra/ /zhes gsung ngo / /brda'i go ba longs pa mo ra li d+ha ri'i zhal snga nas/ spros pa med cing skye ba med//rnam par mi rtog ma bcos pa/ /snying rje chen po'i rang bzhin te/ /lhan cig skyes pa'i ngo bor rtogs/ /zhes gsungs ngo / /snang ba'i mtshang mthong bas shes pa rkyen dang bral ba ka mo ro'i zhal snga nas/ sna tshogs snang ba'i gzugs 'dzin te/ /ma bcos lhan cig skyes pa yi//ngo bo las ni ma 'das te/ chos kyi dbyings kyi rang bzhin can/ /zhes gsungs ngo / /zab mo don gyi dpal 'dzin ma g+ha dzu d+hA ri'i zhal snga nas/ rags pa'i dngos por snang ba kun/ /stong pa nyid kyi rang bzhin te/ /ce ra ce ra snang ba'i dus nyid du/ /phyug rgyu chen po mthong nas yod//ces gsungs ngo / /gnyug ma'i rang ngo mthong bas rtog pas bcing du med pa rA dzA me tog ha li'i zhal snga nas/ dang po 'di ltar snang ba kun/ /phyag rgya chen po'i ngo bo ste/ /rang bzhin med pa'i bdag nyid can/ /chu zla'i dkyil 'khor ji bzhin no/ /zhes gsung ngo / /zag med bde ba'i mdangs ldan ma ru ka li'i zhal nas/mtshon byed dpe i ldan skyes kyis/ /mtshon bya don gyi lhan skyes rtogs/ /des ni 'gro 'ong med pa'i bdag/ /sems nyid gnyug ma'i rang bzhin no/ /zhes gsung ngo / /zag med kyi shes pa yul gyis ma phrogs pa shrI dz+nyA na'i zhal snga nas/snang ba'i bla mas dngos rnams gdams par ston/ /sngar 'dris mi de mthong bas ngo shes bzhin/ /bla ma'i ngo sprod gnad la zug pa yis/ /chos rnams rang bzhin skye ba med par rig /ces gsung ngo / /rang rig 'od gsal gyi mdangs can ma gang+ga le'i zhal snga nas/ dbang po drug gi spyod yul du//gang gang snang ba'i dngos po la/ /rang bzhin bden bas dben pa'i phyir/ /stong nyid ci phyir mi gzigs zhes/ /zhes gsung ngo / /tshe 'di'i zhen ba log pa tsan+d+ra sing nga'i zhal snga nas/ bla ma'i byin rlabs zhugs pa'i mthus/ /e waM snying gi dkyil du zhu//de yis snang ba'i dngos po 'di/ /rtog ba skye med dang du 'jug /ces gsung ngo / /dpa' mo ye shes kyi mdangs 'phrog ma b+ha ga d+ha ra'i zhal snga nas/ tshogs drug yul snang sgyu ma la/ /ngos zin 'khrul ba yul la ldog /gzhi med rang gis stong ba'i mtshang //mthong bas bag chags gnas su 'joms/ /zhes gsung ngo / /rang gi bde sdug khyad du bsad nas gzhan don 'dzin pa pradz+nyA pa la'i zhal snga nas/ rjes la gnyen po bya rab shig /bde ba'i ro la chags pa na/ /sgom pa nyams kyi 'ching ba ste/ /lha ni bdud du bab par 'gyur//zhes gsung ngo / /bzang mo dpal gyi 'od zer can rat+na ro ha'i zhal snga nas/ re ba dang ni dogs ba yis/ /mtshan ma'i chos la rtog pa ni/ /nyams su ma myong skyon yin pas/ /gnyis med rtsi yis zin par bya/ /rang snang rang sar grol bar bya/ /zhes gsung ngo / / snang ba'i mtshang gis gnyug ma'i ngo bo mthong ba de ba shrI sUr+ya'i zhal snga nas/gang zag lam pa'i rgyud la ni/ /re dogs gnyis su byung gyur na/ /lta ba ma rtogs skyon yin pas/ /'khor ba dang ni mya ngan 'das/ /rang gi sems su blo thag bcad/ /ces gsung ngo / /dpa' mo lha'i sgrol ma b+ha ga dzu lu'i zhal snga nas/blang bya dor bya gnyis byung na/ /spyod pa goms par ma byas pa'i/ /ro ma snyoms pa'i skyon yin pas/ /dang bzhin sems las phyir gyur ba'i/ /'khor 'das med par shes par bya/ /zhes gsung ngo / /shes pa rkyen dang bral bas rtog pas mi 'ching ba dA na shrI rA dzA'i zhal snga nas/'phags lam bgrod pa'i dus der ni/ /bsgom bya sgom byed gnyis byung na/ /gnas lugs ngo yis ma zin pa'i/ /rkyen gyi dri ma 'thas pa yin/ /sems ngo skye med shes par bya/ /zhes gsung ngo / /spros bral gyi rgyan dang ldan pa b+ha ba de ba'i zhal snga nas/mchog gi 'bras bur gyur pa na/ /ma rtogs skyon gyis gol ba min/ /kye ma gang la re ba de'i/ /ma spangs dri ma mi 'dag pas/ /re ba med pa bde ba'i mchog /ces gsung ngo / /phrin las kyis gdul bya'i re ba skong ba badzra raSh+mi'i zhal snga nas/ /snang ba la ni chags gyur na//lam khyed ma shes skyon yin pas/ /bden brdzun dngos po'i chos la blta/ /gang la mngon par zhen pa ni/ /'ching ba'i rgyud de bor de sgrim/ /zhes gsung ngo / /phyir mi ldog pa'i phyag rgya can rat+na kha d+ha'i zhal snga nas/ lam du mthong ba'i rtags rnams la/ / bdag brod re bas sngon bsu nas/ /dmigs med rtsi yis ma zin pa'i/ /blo bral ma dag skyon yin pas/ /shes ba'i phu thag gcad par bya/ /zhes gsung ngo / /thos pa'i mtha' tshig gi thog tu bcad ba tsan+d+ra hr-i da'i zhal snga nas/ 'khor ba sdug bsngal du mthong bas/ /dogs pas skyo na gol ba ste//yul ma 'byongs pa'i skyon yin pas/ /mkhas pas dogs pa spangs pa na/ /bde ba'i tshad du chud pa yin/ /zhes gsung ngo / /'khrul ba chos nyid du shar ba mo ha ra d+ha na'i zhal snga nas/ rtsol ba med pa'i brtson 'grus kyis/ /ngos gzung bral ba'i nyams myong bskyang //bying rgod la sogs byung gyur kyang / /de yi skyon ngo shes byas la/ /kho na nyid la glod la bzhag /ces gsung ngo / /don gyi gnad rig pas bsam pa'i mtha' chod pa badzra d+ha li ba'i zhal snga nas/ kye ma kye ma tha mal gyi/ /ma bcos shes pa ngos gzung dang / /rang gi rang bzhin nyid la blta//'di yi dus su rang snang gi /chos la brtag dpyad spang bar bya/ /zhes gsung ngo / /'dod pa'i blo log ma ra sa b+hi'i zhal snga nas/ cir snang ngo bos rang grol bas/ /nyon mongs bag chags kyis mi 'og /chos dang sems su ro mnyam bas/ /sna tshogs gzugs med rtsa bral du//grol bas smyon pa lta bu'o/ /zhes gsung ngo / /byin rlabs kyi nyams 'bar bas bsgom thog babs su 'char pa raSh+mi sUr+ya'i zhal snga nas/ thams cad sgyu ma las ma 'das/ /rang bzhin med pa'i mtshang go bas/ /nang gis phyi rol byin brlabs nas//mtsho la 'khyag dar zhig pa bzhin/ /snang ba rang sar grol bar 'gyur/ /zhes gsung ngo / /rig pa snyems las grol ba mo b+ha ga da nu'i zhal snga nas/ 'khor 'das ro gcig rtogs pa las/ /des ni gnyis 'dzin shes pa grol/ /'bad rtsol med par gdul bya yi//don 'byung yid bzhin nor bu ltar/ /'bras bu rang las rnyed par 'gyur/ /zhes gsung ngo / /tshe 'di'i rtsis bshig pas ci byas chos su song ba rat+na pa li'i zhal snga nas/ gzhi la gnas pa'i 'bras bu ni/ /e ma rang byung bsam mi khyab/ /rang sems skye med do shes pas//sku gnyis bsgrub pa'i 'dun ma grol/ /thob bya'i 'bras du phyi nang med/ /ces gsung ngo / /nyon mongs pa rang thog tu [(]brnyil [,]bsnyil [)] ba mo ri b+ha na di'i zhal snga nas/ 'di ni gzugs can ma yin pas/ /dus gsum 'gyur ba med par gnas/ /'khor ba dang ni myang 'das kyi//chos rnams phyag rgya chen po las/ /ma 'das kun la khyab pa'i bdag /ces gsung ngo / /lta stangs kyi gzengs smad pas 'jam rlung thog babs su zin pa gi rti ping nga'i zhal snga nas/ gdod nas stong zhing bdag med pa/ /rin chen sems ni phyag rgya che//rgyu las ma byung skye 'jig med/ /ma skyes ngo bo de mthong bas/ /'khor ba'i thog mtha' chod par 'gyur/ /zhes gsung ngo / /dus gsum rang sar grol ba mo b+ha ga ta'i zhal snga nas/ sems nyid ngo gsal ngo bos dben/ /sangs rgyas dang ni sems can gyi/ /khyad par yod pa ma yin te//mar me dang ni 'od bzhin no/ /'di shes 'khor 'das 'dzin rtog bral/ /zhes gsung ngo / /rtog pa byin rlabs las 'khrungs pa tsan+d+ra pradz+nyA li zhal snga nas/ yid la mi byed don 'di la/ /skye dang 'gag dang 'gro 'ong med/ /rang snang ba ni rang gi sems/ / tha dad par ni mi rtog go/ /gnyis 'dzin bral na phyag rgya che/ /zhes gsung ngo / /rtog pa rang grol nga ra b+he na'i zhal snga nas/ stong pa nyid la bden pa yi/ /blor 'jog bdag 'dzin mdud par 'gyur/ /byed mkhan ngos 'dzin 'khrul pa 'jig /de ni gnad kyi gdams pa yin/ / zhes gsung ngo / /ngo sprod kyi gnad la nges pa'i shes pa skyes pa rat+na bo d+hi'i zhal snga nas/ rtogs pa'i don la mchog 'dzin spang / /'dag par dka' ba'i dri ma ni/ /ngo bo mthong ba'i rang nyid de/ /mtha' dang bral ba lta ba yin/ /zhes gsung ngo / /dbang gi nyams kyis bzi ba mo b+ha tsa la'i zhal snga nas/glo bur rkyen las skyes pa yi/ /dran rig rnam par rtog pa ni/ /de nyid ngo bo gzhi med de/ /rang bzhin ma skyes ba yi gzhi/ /de mthong 'khrul pa'i snang ba 'jig /ces gsung ngo / /'od gsal gyi rang ngo mkha' 'gro ma'i brda las phrad ba kan+d+ha ri pa'i zhal snga nas/rnam par rtog pa chos nyid du/ /ma shes dbyings kyi ye shes ni/ /mtshang ma mthong bas ngos ma zin/ /e ma de nyid ltos dang kye/ /zhes gsung ngo / /mi rtog pa'i gnyid log ma sid+ha d+ha na'i zhal snga nas/ de nyid ngo bo 'dus ma byas/ /'gro 'ong med pa'i bdag nyid can//spros pa nyer zhi 'od gsal dang / /gdod nas dag pa de ltos dang / /zhes gsung ngo / /gnyis snang gi shes pa grol ba bIr+ya dza la'i zhal snga nas/ ma skyes mi skye skye ba med/ /stong nyid las byung skye ba med/ /skye med skye ba'i ngo bos stong / /rgyu rkyen byed pa po ma grub//ces gsung ngo / /bde ba'i ros myongs pa mo g+ha dzu li'i zhal snga nas/ skye med dbyings las shar ba yi/ /chos rnams skye ba med pa'i bdag /rang bzhin las ni ma 'das te/ /dngos rnams skye ba med pa'o/ /zhes gsung ngo / /dge ba'i dpal 'dzin bi li ta'i zhal snga nas/bya ba btang ba'i skyes bu bde/ /'jig rten pa la sdug bsngal du/ /ma song ba yi dngos po gang / /de ni 'phags pas gzigs mi 'gyur/ /zhes gsung ngo / /rnal 'byor pa rnams kyi de kho na nyid rab tu snang ba grub pa rnams kyi rdo rje'i mgur las dpal gyi be'u'i bcud rnam par 'thigs pa zhes bya ba'i le'u ste brgyad pa'o// //snang ba rgyud la nges skyes pa sa rdza na'i zhal snga nas/ las kyi phyag rgya mtshon byed de/ /chos kyi phyag rgya sgom pa'i lam/ /phyag rgya chen po 'bras bu ste/ /dam tshig phyag rgya phrin las so/ / zhes gsung ngo / /seng ge'i rtsal dang ldan pa sid+d+ha na'i zhal snga nas/ mtshon byed med na don mi mthong / /bsgom bya med na lam dang bral/ /'bras bu med na bsgrubs nas ci/ /phrin las med na dgos pa stor/ /zhes gsung ngo / /don rgyud la sgro 'dogs chod pa de ba sha ri'i zhal snga nas/bde ba nyams myong dga' ba ste/ /'dzin grol nyams myong mchog tu dga'/ /bde stong dbye ru med pa ni/ /lhan cig skyes ba'i dga' ba'o/ /nyams las grol na dga' bral lo/ /zhes gsung ngo / /bde ba'i 'od zer can bi ma lad+ha'i zhal snga nas/myong bas lus sems rnal du gsol/ /zhon med nyams myong 'dzin pa grol/ /spros bral stong pa bde ba'i nyams/ /shes pa der 'dzin bral ba can/ /zhes gsung ngo / /byin rlabs kyi rgyud pas chod sel ba shrI sa ra ba'i zhal snga nas/ /rang gnas rtsa ba 'dus ma byas//skad cig ma yi mtshang gis rig /tol skyes shes pa snga phyir bral/ /der ni gnyis snang mdud pa grol/ /zhes gsung ngo / /bzang mo nor bu'i 'od ldan ma d+ha na la'i zhal snga nas/ dran rig rnam par rtog pa ni/ /dmigs pa med par mchod na//bag chags gnas pa'i rten mi 'jig /mtshan ma rang grol de ltos shig /gsung ngo / /blo rten ma bcas pas mtshan ma rang sar grol ba ga dzu d+ha ri'i zhal snga nas/ nye bar len pa'i phung po lnga/ /sgyu ma lta bur mtshan nyid med/ /gang la rang bzhin med pa ni/ /mtshan nyid med pa'i mtshan nyid gcig /ces gsung ngo / /rdzu 'phrul gyi 'od zer can rad+naM ta'i zhal snga nas/ chos rnams sgyu ma'i ngo bo la/ /rang bzhin yid la ma yin kyang / /lam du 'khrul pa ma bsal na/ /sgyu mar mthong bas grol ba min/ /sgyu mas sgyu ma 'ching bar 'gyur/ /zhes gsung ngo / /dus gsum ma dmigs pas rtog pa chad pa tha rin+d+ha pa'i zhal snga nas/chun rjes bshig pa shes rab lam/ /chos nyid spros bral 'char ba'i sa/ /rig pa sgrim glod thabs kyi mchod/ /ma rig bsgom gyis gnad mi rtogs/ /zhes gsung ngo / /dpal gyi bde ster ma su ka ri'i zhal snga nas/ma chun gnad du chud mi 'gyur/ /ma shigs rjes kyi ngos mi zin/ /ma bsgribs log shes tshar mi chod/ /ma glod spros bral 'char ba'i lam/ /zhes gsung ngo / /rtsa ba gzhi med mthong bas gnyis 'dzin grol bag ga d+ha ra'i zhal snga nas/ /chos rnams ming du shes par gyis//de yis bden 'dzin grol ba yin/ /gnas lugs gzhi med mthong bar gyis/ /'di yis zag pa'i zug rngu grol/ /zhes gsung ngo / /dpal gyi sgron ma ka na li'i zhal snga nas/ 'khor ba'i rang mtshan mthong bar gyis/ /de yis myang 'das 'dod pa grol//dran rig ye shes ngo bor mthong / /'di yis sangs rgyas sgrub blo 'jig /ces gsung ngo / /'dod pa yid la zhig pas zag med kyi bde ba 'bar bashrI sUR+ya'u zhal snga nas/ ji ltar til gyi 'bru gu la/ /mar gyis khyab par gnas mod kyang / /skam lam gcun khu ba med//til gyi mar gyis don mi nus/ /zhes gsung ngo / /bum 'dzin ma d+ha na ru'i zhal snga nas/ rigs drug 'khor ba'i sems can la/ bde gshegs snying po yod gyur kyang / /ma bsgrubs grol ba thob mi 'gyur/ /zhes gsung ngo / /rnam rtog gzhi med du mthong bas gnyen po'i byar las grol ba su ga de ba'i zhal snga nas/rig pa mdung khyer bsgom gyi gnad/ /ma bsgoms shes pa gnyug ma'i ngang / /bsgoms dang ma bsgoms gnyis med pas/ /shes pa zung 'jug ngo mtshar che/ /zhes gsung ngo / /bde ba'i mdangs ldan ma b+ha a ra d+ha'i zhal snga nas/shes pa mtha' bral lta ba'i gnad/ /tha mal shes pa blo rtog bral/ /ma bcos pa ni chos kyi sku/ /bsgrub blo zhig pa ngo mtshar che/ /zhes gsung ngo / /lam la gang phan grogs su ston shes pas snang ba dpe char shar ba b+ha na sUR+ya'i zhal snga nas/ji ltar sol ba'i sdong po la/ /lo 'bras me tog mi 'byung ltar/ /de bzhin dad pa med pa la/ /yon tan nor bu 'byung mi 'gyur/ /zhes gsung ngo / /ye shes spyan ldan ras ma d+ha na'i zhal snga nas/ mngal du 'phyes pa'i gling po yis/ /'dam bu'i tshal du mi rtol ltar//rang bzhin brtson 'grus mi ldan pas/ /thar pa'i grong khyer phyin mi 'gyur/ /zhes gsung ngo / /seng ge'i lta stangs la rig pa dngas pa da ra tsa'i zhal snga nas/ ji ltar rmi lam sgyu ma bzhin/ /kun rdzob snang ba'i rang bzhin stong //dri za'i grong khyer ji bzhin du/ /skye dang gnas pas de bzhin no/ /zhes gsung ngo / /lha'i mdangs 'phrog ma ma ni la'i zhal snga nas/ 'di dag yang dag ma yin pas/ /khams gsum do pos rnam par dben/ /chos rnams don du ma grub pas/ /rang bzhin dag pa ngo mtshar che//zhes gsung ngo / /dran pa'i rtsal ngo bo skyes pa tsaN+Da lI'i zhal snga nas/ chos rnams rang bzhin rnam par dag /rgyu med 'khor ba mthong mi 'gyur/ /ma mthong mya ngan 'das pa'i gnad/ /de rtogs nas ni grol ba thob/ /e ma mkha' 'gro gsang ba'i gnad/ /ces gsung ngo //'bar ba'i gtso mo b+ha nu hi ri'i zhal snga nas/ blo yi mtha' bral gnyug ma'i dang / /sgom dang bsgom bya las grol te/ /phyag rgya che la bsgom du med/ /ma byas shes pa ngar dang bcas/ /rig pa rten med nam mkha' 'dra/ /zhes gsung ngo / /shes pa yul la ma 'phros pas rtog pa chad pa a su ra d+he'i zhal snga nas/rtog pa mthar phyin 'bras bu'i sa/ /re dogs gol ba dbyings su dag /don rtogs rnal 'byor nyam da bral/ /'khor ba rang grol ngo mtshar che/ /zhes gsung ngo / /ye shes kyi spyan ldan ma b+ha nu ha ri'i zhal snga nas/ bden gnyis ngo bo tha mi dad//snang stong gnyis med zung du 'jug /snang stong grol ba'i rnal 'byor pa/ /'khor 'das med pa ngo mtshar che/ /zhes gsung ngo / /rtsa ba'i gnad kyis rang ngo brda las phrad pa g+ha tsa li pa'i zhal snga nas/ nges pa'i shes pas skyes pa la/ /the tshom som nyi yid gnyis bral//ye shes rgyun chad med pa la/ /skad cig ma yi chos mi gnas/ /zhes gsung ngo / /dpal gyi 'od 'jom su ka d+ha na'i zhal snga nas/ bar do med pa'i chos nyid la/ /'gro dang 'ong ba'i chos mi gnas/ /blo dang bral ba'i ye shes la/ /'khrul pa'i dri ma rnam par dag/ / ces gsung ngo / /shes pa so la bzhag pas 'khrul pa'i snang ba la sgrog chad ba tsan+d+hi pa'i zhal snga nas/ rtsi yis zin pa'i lcags bzhin du/ /ngo bo gser du 'gyur ba bzhin/ /bde gsal mi rtogs zin pas/ /dran rig ye shes nyid du 'gyur/ /zhes gsung ngo / /dbyings kyi gtso mo b+ha ta ha'i zhal snga nas/gang tshe gnad kyi ngo bor rig /de dus ma rig mun pa dngas/ /gang du 'khrul pa'i snang ba dag /de ni sku gsum zhing zhes shes/ /gsung ngo / /A li kA li'i gnad kyis bka' rgyud kyi don grol ba sho sa ri ba'i zhal snga nas/ gang la gter gyi khron yod na//de la chags pa'i blo 'byung gis/ /gter med pa la chags blo med/ /so bya nags kyi khrod mi snyag /ces gsung ngo / /rdzu 'phrul gyi rgyan dang ldan pa'i than mo'i zhal snga nas/ rtsi med sprad ma bde bar gnas/ /nya btang skyar mo sems ngal sos/ /chog med blo ni dbul po yin//zhes gsung ngo / /dka' thub kyi srangs tshar bas 'phags pa'i rgyud pa zin pa rat+na de ba'i zhal snga nas/ rgyu yi rnal 'byor rkyen las byol/ /lam pa'i rnal 'byor rkyen dang bral/ /'bras bu'i rnal 'byor rkyen thog 'bab/ /rtog pa'i rkyen du gang ma song / /zhes gsung ngo //thugs rje'i 'od ldan ma su ri d+ha na'i zhal snga nas/ rgya mtsho nang gi sems can la/ /chu srin zas su ma gyur gang / /de bzhin brtan pa thob pa la/ /grogs su ma gyur gang yang med/ /ces gsung ngo / /'khrul pa ngos zin pas tshogs drug rtog pa'i rkyen bskul du shar ba a mo g+ha tsan+d+ra'i zhal snga nas/lta med lta dang bral ba la/ /lta ba 'di yin ji ltar smra/ /gzhon nu ma yi bde ba bzhin/ /nyams myong brjod par nus ma yin/ /zhes gsung ngo / /bde ba'i stobs ldan ma sa na li'i zhal snga nas/ gang gis mkhur bar chu blugs na/ /smra brjod nus pa ma yin no//don gyi rtsi 'thungs rnal 'byor pas/ /phyag rgya chen po brjod mi shes/ /zhes gsung ngo / /gnad kyi rang mtshang go bas rig pa'i rtsal 'byongs pa su kha dz+nyA na'i zhal snga nas/ chu rnams thams cad rgya mtsho ru/ /lan tshwa'i ro ru gcig pa ltar/ /gdams pa'i gnad kyi ngo sbrod du//chos rnams don gcig go bar 'gyur/ /zhes gsung ngo / /sems la dbang thob par nu d+ha ra'i zhal snga nas/ mig ser gyis ni gzir ba yi/ /sa gzhig ser du mthong ba bzhin/ /de ltar don gyi rtsi 'thungs pas/ /cir snang gdams par mthong bar 'gyur//zhes gsung ngo / /ye shes bshig rjes la ngos zin pa bi med ba'i zhal snga nas/ skyes bu bdud kyis khyer ba ni/ /de tshe bdag bstod gzhan la smod/ /rmongs pa'i grub mtha' mngon zhen can/ /'di ni lta ba'i bdud yin no/ /zhes gsung ngo / /dpa' mo khyung bya'i lde ma ru can pa li pa da'i zhal snga nas/mkhas pas khas len spang bar bya/ /thos pas rang rgyud dul ba ni/ /'di yi yon tan dgos pa stor/ /rig byed mthar phyin zhi zhing dul/ /zhes gsung ngo / /sna rtser yid bcings pas 'gyu ba srangs su chud par nu tsan+d+ra'i zhal snga nas/ ji ltar yol bas bcad pa'i rgyab/ /bum pa la sogs mi mngon bzhin/ /de ltar 'dod pa'i mig btsums pas/ /zag pa phyi ru mthong mi 'gyur/ /zhes gsung ngo / /yid 'phrog rma bya'i lde ru can b+ha ga su na'i zhal snga nas/ gang du gnyis 'dzin grol ba'i tshe/ /de dus 'khrul pa rang sar dag /chos nyid snang ba shar ba la/ /bden pa mthong zhes rab tu brjod/ /ces gsung ngo / /ngo sprod gnad la phog pa'i phyag rgya chen po thog babs su shar ba mo tsi ra de ba'i zhal snga nas/ /blo mtha' ma mthong lta ba ni/ /shes bya mu las grol bas zhig /snang stong rkyen dang bral ba las//skye ba med pa'i phyag rgyas bcings/ /zhes gsung ngo / /bde ldan ma dung gi thor cog can ba ta mi'i zhal snga nas/ 'dzin blo thong la rtog pa chod/ /chos rnams gzhi ru mnyam pa la/ /brgyad dang bral ba rnal 'byor yin/ /ye shes sku ni las las grol/ zhes gsung ngo / / ngo sprod gcig gi thog tu chos rnams kun gyi don rig sa g+ha dzu de ba'i zhal snga nas/ ji ltar dbang po dngas pa'i mig /long na gzugs rnams mi mthong bzhin/ /de ltar 'dod pa'i blo med na/ /sgrib pas mthong bar mi 'gyur ro/ /zhes gsung ngo / /gtum mo 'brug gi slag pa can bi ta la'i zhal snga nas/gang zhig gzugs med bar du ni/ /de la gri ba ma 'ong ba bzhin/ /de ltar 'dod ba'i blo yod phyir/ /sgrib pa spangs par 'gyur ma yin/ /grogs dag 'dod pa'i blo dang bral/ /zhes gsung ngo / /nyams kyi man ngag mar me gcig nas gcig tu spel ba'i lugs de kho na nyid rnal du mtshon pa las bdud rtsi'i char rnam par phab pa zhes bya ba'i le'u ste dgu pa'o// //rgyal sras mi'i sang ge rjed ma pa rgya gar rin po che'i zhal snga nas rang 'gyur du mdzad pa/ phyag rgya chen po dum bu khrigs/ /tshig tu nyung la don du 'gril/ /nyams myong skyes ba rdo rje'i mgur/