| བོད་ཡིག |
90a4 /da dus la bab po sa ma yA/ /zhes gsungs te skul ba chen po'i sgra bskal pa'i 'brug bzhin du bsgrags te nam gyi mtha' dang mnyam du mi snang bar dengs so/ /mkha' 'gro ma'i 'byam glu ring mo zhes bya ba rdzogs so//[ ]@##/ /rgya gar skad du/ ma hA mu
90a5 dra rat+na gI ta tsa kra nA ma/bod skad du/ phyag rgya chen po rin po che dbang gi 'khor lo zhes bya ba/ bcom ldan 'das bdag med ma la phyag 'tshal lo/ /gser la ra med ka 'ji'i rdo la rtogs par 'gyur/ /'dra man rnams ni tshong 'dus dag tu rgyug par 'gyur/ /gser zol skor zhing 'khor
90a6 nas gnas po'i lag tu 'bab pa yin//phra men ma ni ma bsten 'gyur te rten 'brel thams cad su yis bsgrigs/ /ded dpon mkhas pa grong dang gling phran tshong spangs rin chen gling nas nor bu len/ /phyi ba dar byas tshe rgyal mtshan rtse la mchod pas dgos 'dod 'byung / /rin chen
90a7 gsum ngo shes pa'i ded dpon 'dzam bu'i gling na dkon//srad la zhal lce bcol bas che chung med par gcod de rtsod dang bral/ /'gron po lam zhugs bar gyi grong dang grong khyer ri sul bgrod nas don 'grub pa/ /gi ling rta po mgyogs kyang lcag gis brabs na de bas mgyogs
90b1 par 'gyur//ltas ngan chen po byed pa'i mi de su yi rigs rgyud yin/ /dmigs med tshogs sog byed pa rgya mtsho chen po mkhas/ /bya yi tshogs la mda' 'phangs gang la phog pa de dag 'gum/ /ri mtsho tsan+dan gsum gyis bya glang sbrul gsum skyabs 'og bcug pa shes
90b2 lags sam//ras yug dkar po tshur nas bton nas tshos ma'i lag tu btang bas gang 'dod 'byung / /mdzub bsgreng srin mtheb nang du mdzub mo bcug cing mkha' la bsgreng ba'i don ldan brdar shes par chad med/ /bung ba khri snyan phyi ba gsum gyis shes rab gsum gyi sbyor ba ngo
90b3 mtshar che//'du ba gso byed sman pa'i rgyal po mnyes pa yis/ /rin chen bdun sbyor spyi bo gtsug bshal btang nas ni/ /sha rus khrag sogs smin cing lus kyi 'byung ba rtas par byed/ /tshangs pa chen po'i gsung dbyangs khyod kyis mnyan par gyis/ /seng ge'i 'o ma btsun
90b4 mos bzhos pa'i bcud mchog ngo mtshar can//'di ni gang gis 'thungs dang lce la reg pa tsam gyis ni/ /rtsa grol rlung zin thig le dros pa'i nus mthu 'byung / /u ma de ba len pa'i glu de mchog tu snyan pa yin pas gson/ /snang ba thob nas dben pa'i sa phyogs der ni
90b5 rang gi gnas btsal la//rgyan gyis spras shing mdzes ldan bdag med yum gyi zhabs la 'dud/ /gtan gyi bde ba blangs pa nam mkha' rdo rje grong du gzhug /srid pa'i rgyal mo len pa'i glu la yid gtad bya bar rigs/ /rang byung shel gyi mchod rten skyon bral ye nas dag pa la/ /
90b6 snang srid gsal byed 'phrul gyi me long phyis te blta bar bya/ /mo gsham bu yis bden pa mthong ba'i don de gang yin khyod kyis smros/ /khyab 'jug chen po rang gis blangs pa'i glu la yid brtan byed/ /khrus khang dag na dri mas dri ma ma lus dag par byed/ /med bzhin snang ba mkha'
90b7 la bris pa'i 'ja' ltar gzungs sku rnam gnyis gang zhig yin//sbrang rgod zos pa'i rtsa la byin rlabs rgyas par byed/ /skyur nad can dang rma dkris gnyis la chags pa'i zhen pa cang gda' 'am/ /dri dang sgog pa g.yer ma phyed par snang ba gzugs brnyan 'di 'dra rtogs lags sam/
91a1 chu zla bzhin du snang la rang bzhin med pa mig gi rnam shes nyams su myong bas gzigs/ /'byung ba 'khrugs pa'i nad la sman pa rnams kyis drod tshad 'dzin/ /bshal rjes mi srung rtag tu bsrung ba ma lags sam/ /gnam lcags sa la bab na gang la babs
91a2 pa'i yul de 'jig par byed//mkha' la 'brug gi sgra bsgrags dbyar dgun shan 'dang de yis phyed par 'gyur/ /sprul pa'i dge slong mkhas pa 'gro 'chag nyal du ston kyang skyo dub med/ /gser gyi ri la brten pa'i bya yang de yi mdog tu 'gyur/ /snang yang de bzhin spyod pa'i sgyu ma
91a3 mkhan dang rtag tu 'grogs//zhing pa'i lo tog rten 'brel rab tu 'dzom pas 'bras bu ston rnams sdud/ /mchod sdong nyi zla nor bus rtog pa med bzhin 'gro ba'i don la brtson/ /so btang bum par chu bskyed mi 'chag snod kyi bya ba byed/ /ka la pid+ka'i sgra bzhin tshangs pa'i
91a4 gsung gis bag chags sgrib pa 'dag /rlung gi rta la dran pa'i srab kyis mkha' la btags la dbu ma'i khyim du gzhug /lo zla 'das pa'i ma bu phrad bzhin nges pa'i shes pa skye/ /nya dang chu las 'byung ba gos su gyon pas zhen pa cang gda' 'am/ /me long shel bzhin khong
91a5 ras gsal stong byas pa med pa lta ba mchog /dngas ma'i chu la bzhin gyi dkyil 'khor gsal dngas phyed par snang / /'gron po lam zhugs nye ring med par phyin nas 'dod pa'i mi dang phrad/ /rgyal po'i khrims la 'bangs kyis dam tshig gces par bsrungs pa legs/ /rma bya'i
91a6 zas su btsan dug zos pas stobs su 'gyur ba ngo mtshar che//rin chen gser de sa la gnas kyang 'od zer mkha' la 'char/ /bag ma bung ba seng ge smyon pa bzhi po spyod pa 'dzol/ /rlung dang yi ge rnam shes gsum po 'grogs la tshangs pa'i mthong lam snyogs/ /sa 'gus
91a7 mchod sdong btsugs pa'i sa der klu yi 'jigs pa mi bdog go//rin po che la rtog pa med kyang gsol ba btab na dgos 'dod 'byung / /mkha' la sprin tshogs 'dus nas char gyis 'gro don mdzad/ /rgyal bu rgyal sar bzhag nas 'bangs rnams kun gyis 'khur bar byed/ /mkha'
91b1 la nyi ma shar ba'i mun pa'i tshogs la bsdad dbang med mod kyi//nyi zla ngos gzung chu bo gyen la zlog pa grangs pas gangs dkar rtse nas zhu ba ngo mtshar che/ /ma ga d+ha ru rdo rje'i gdan du bsdad pa'i rgyal ba sprul pa'i sku de su yin lo/ /drang srong rnams ni kham gyi zas la ma brten bsam
91b2 gtan thun gyis 'tsho//rdo rje gdan la dbang po bstan pas nam mkha'i bsgrub bya med par rtogs/ /myong zhing smra ma nus pa'i bcu drug lon pa'i bde ba su la bslangs/ /mkha' la shar ba'i rgyu skar rnams kyis nam zla dus bzhi'i drod tshad 'dzin/ /bzhin gyi dri ma sel ba'i
91b3 me long 'di la sgeg mes gces par 'dzin//rgyal po'i khang bzangs dag na btsun mo 'dod yon rtag tu spyod kyang de la zhen pa med/ /gang gis 'joms par mi nus pha lam rdzas kyi rdo rje yin/ /drang srong rnams kyis tshe yi rig 'dzin grub pa gang gi stobs las byung / /btsog
91b4 pa'i chol zangs snying po bor nas rin chen snod mdzes tshol ba thabs la mkhas//rdo yi skyes bu srin mo'i gling la nyam nga med de gang gi rtog /nam mkha'i mdzod la longs spyod nus na dbul ba'i sdug bsngal bral/ /dmyal ba la sogs rigs drug dag la bde gshegs sku gdung
91b5 'brul//dug la sngags kyis thebs pas 'du ba'i nad rnams thams cad 'joms/ /mkha' la nyi ma shar ba skar ma la sogs snang gzhan zil gyis mnan pas nam mkha'i dkyil ltar mthong / /ka ra Na bcings chu yi 'gro 'od chad nas gzhon nu me long blta zhing nam mkha'i
91b6 dkyil na 'dug /rab rib mig ser sol ba dung la ser por mthong ba'i 'khrul pa dus der zhig /gshed mas khrid pa'i mi de thar nas dpa' mdzangs de yi lag tu cang 'gro'am/ /nam mkha' dag pa'i 'khor ba mya ngan 'das pa'i gzugs su bris pa gang na med/ /nam zhig
91b7 mu ge'i dus su bu sha zos kyang de la chags pa cang skye'am//bla ma'i dus thabs bsten pas yin min rten 'brel thams cad rtogs/ rdo yi mi la sdom pa dam tshig phog kyang bsrung dang nyams pa'i rig byed med/ /rtog bral ro de gang la mi 'jigs nus mthu su yis byin
92a1 pa yin//dngas pa'i mkha' la gza' dang rgyu skar 'byung ba shes pa'i drang srong mkhas pa yin/ /ri dgas drang srong lta bu gcig pur 'dug pa'i mi des bden pa myur du thob/ /'byung ba gyes pas dngul chu mkha' la 'phur bar gang nas 'ongs/ /rnyog ma'i
92a2 dri ma can gyi chu la nor bu bcug pa'i stobs kyis dngas par 'gyur//bde gshegs bems po ltar snang sman dang sman dang chu stegs dang zam pa de mchod kyis/ /rtog med 'byung bas 'gro drug 'dod pa dus su skong ba ngo mtshar che/ /rin chen gling du phyin nas sa rdo btsal med ci
92a3 snyed thams cad rin po che//mkha' la sprin gyis 'khrigs na nyi ma'i 'od zer snang ba min/ /gang rdugs lam de bsal na chu de 'dod pa'i gnas su 'gro/ /kha brag lam na 'dug pa'i mi de grogs kyi rkyen gyis gar 'gro'i cha yang med/ /nor bu rin chen len pa'i tshong pa bsgugs
92a4 la de dang sbrag /rdo yi mi la rmi lam ci zhig dris kyang lan de 'od des med/ /na tsha sdug bsngal che dus rtsa ba de rang yin te thabs gzhan med/ /snang ba'i gzugs rnams sdigs su byung yang de nyid snying rje'i yul te logs na med/ /gshog gnyis rgyas pa'i rtsal des nam mkha'
92a5 gar byas rkyen gnyis dbang du bsdus//gangs dkar rtse la nyam nga med pa'i seng ge rtsal la gsum rdzogs/ /sgo gnyis khyim spangs bsam gtan thun gyi zas bsten nam mkha' mdzod du byas/ /lce dang mtheb mo gnyis ka brag la seng ge bu dang sbrag /nam zhig 'brug la zhon nas
92a6 'jig rten gsal bar byed//lan tshwa'i rgya mtshor chu rnams ro gcig tha dad med/ /rgya mtsho dngas pa'i nang na gza' skar gzugs brnyan snang ba su yis bzhag /byang lta'i phug pas nyi ma ma mthong gang gis len/ /dgos 'dod 'byung ba'i nor bu'i nus pa su la blangs/ /
92a7 zhes gsungs so/ /mchog gi brgyud pa las byung ba zab mo'i don to/ /bcom ldan 'das bdag med ma'i brda rin po che dbang gi 'khor lo gsal ba zhes bya ba dur khrod rgyu skar dpal gyi rol par gsungs pa rdzogs so// //dpang gtso bor bstan pa'o/ /