CLOSE WINDOW

D2448
བོད་ཡིག

@##/ /rgya gar skad du/ tsit+ta gu h+ya gam+b+hI rAr+tha gI ti nA ma/ bod skad du/ sems kyi gsang ba zab don brda'i glur blangs pa zhes bya ba/ sha ba ri dbang phyug la phyag 'tshal lo/ /kye ho chu dang 'o ma so sor nam mkha'i mthongs su bsres pa rtog med dang pa'i mchu des bsdus nas song //'dab chags 'ug pa'i mig gis sna tshogs mun pa'i khrod na snang ba so sor mthong ba phyi rol min/ /'dab chags ne tsos nyi ma'i 'od la rtsi shing nags khrod mthong la dga' zhing rtse la lhag par chags/ /rma bya dug gi lo ma zos pas spu sdug lhag par mdzes pa'i kha dog mdongs ni su yis bris//sgeg mo bzhin gyi dri ma dag pa'i gdong can me long ba lta la rab tu brtson pa shes par gyis/ /srin po'i gling las thar pa'i ded dpon dri za'i grong mthong de la gnas bcas don chen 'grub pa mtshar/ /drang srong chu yi zla ba blta zhing nyi zla'i phreng ba bgreng la brtsen pa gtsang sbra lhag par che//rgyal pos dgra thabs kyis ni bkug ste bcings nas bsad pas srid dang bcas pa thob ste g.yon can min/ /ging pa srog gcod mkhas pa nyin bzhin srog gcod de la sdig pas mi gos gshin rje gshed/ /rdzi bo thabs mkhas lcags kyus stobs ldan glang po'i kha lo ji ltar 'dod bzhin bsgyur pa phyi rol min//mig 'phrul mkhan pos nyi zla brkus te mun khung nang du sbas pas gza' skar thams cad dbang du 'dus/ /tshangs pa'i ril ba chus bkang mi 'dzag dag byed rgyud du 'chang ba shes na rten 'brel che ba yin/ /dpyid dus me tog mgul chad lhung ba shing thog ro ldan 'gyur bar re ba'i mi de 'ja' tri yin//rdza so ma btang snod der chu blugs mi 'dzag min pas me nang bcug la ti tsha mkhas par bya/ /khu rta skom yang sa nang 'bab pa'i chu ni mi 'thung nam mkha'i char rgyun 'dzed par shes par bya/ /lkugs par sdod pa'i mi des khab len rdo yis lcags phye bsdus pas rgya mtsho ra zla ba gza' yis bzung //dus mtha'i mdung rtser 'bab pa'i tshangs pa'i dngul chu de la gzugs mdzes brtan pa'i rgyal po lhag par dga'/ /zo chun 'khor los khron pa'i chu rnams gyen du drangs pas mchog gi lo tog smin pa e ma ho/ /zab mo brda'i glu gsang ba'i bdud rtsi zhes bya ba rdzogs so/