CLOSE WINDOW

D2446
བོད་ཡིག

/ //le phran lnga bcu rtsa lnga pa phyag rgya rin po che brda'i man ngag rje dam pa la mkha' 'gro mas gtad de zha ma lo tsA bas bsgyur ba'o//[ ]@##/ /rgya gar skad du/ DA ki ni badzra gu h+ya gI ti nA ma/ bod skad du/ mkha' 'gro ma rdo rje gsang ba'i glu zhes bya ba/ bcom ldan 'das dpal lha mo bdag med ma la phyag 'tshal lo/ /u dum+bA ra'i ut+pal rgyun du 'khrungs pa dkon/ /g.yul ngo mi ldog gyad kyi dgos pa stor/ /nor bu'i gling nas stong 'dab byed nus sam/ /'khor lo'i rtsibs la zhon pa'i skyes bu brel//chu bo chen po'i rgyun 'di bcad mi nus/ /lcags kyi pha wang gyen la 'dril bar dka'/ /nyi zla'i 'khor lo rlung gis bzlog mi nus/ /mig ser nad kyis btab na dung yang ser/ /byang blta'i phug par nyi zla'i 'od mi 'char/ /skyes bu rang srog dor ba'i dpa' bo blun//dug ni srog gi bdud yin mngar yang dor/ /rba la 'byol ba'i mnyan pa bya btang bskyed/ /nad la phan pa'i sman ni kha yang bza'/ /puN+Da rI ka'i sa bon ma mthong ngam/ /lha sras bzod pa che na kun gyis 'khur/ /tshong dus 'gron po 'brel med tshogs kyi 'gyes//sbrang ma rtsi bcud mang bas sdug bsngal skyed/ /ngal sar mkhar len byed pa'i skyes bu blun/ /sgyu ma'i yul la mkhan po chags mi skye/ /brag ca'i sgra 'di stod smad smra mi byed/ /rmi lam bde sdug 'di ni sad pas stong / /phyag rgya chen po brda'i mgur las brul tsho dang po'o// //a ma mthong ba'i bu chung gzhan la yid mi 'chor/ /skyes bu skam gyis gdungs pa kha zas gzhan mi 'dod/ /mkha' la 'brug sgra bsgrags pas dus kyi yid ches byas/ /khyim bdag khe mthong las la ngal ba med/ /nad kyis nyen pa'i mi ni dpyad la dga'//ded dpon nor bu 'dod phyir rtsol ba byed/ /nye zho med pa'i tshang tshol khu rta sgrim/ /drang srong rigs ldan ya nga'i kha zas spong / /dor sdebs mthun pa'i glang po rol du bde/ /dge slong gzhon nu'i bsam pa dran gyis la/ /til ngar ldan pa'i gri thogs kun du rgyug /mar me'i 'od la btsal thabs legs su gyis/ /gdan sar bton pa'i rgyal bu 'di la ltos/ /bung bas rtsi bcud ma lus ro gcig sdud/ /gyad ni dpung bzhir bcas te dgra dpung 'joms/ /rgol ba mi ldog stobs ldan ci yi phyir/ /gsang tshig mi sgrub blon po gros mi dbang / / bka' bzhin mi bsgrub rgyal po'i gshed mas spong / /srog rgol dgra la bzod par mi rung bsre/ /rig byed mkhan po'i rgyud ni shi yang slob/ /khrims la gnas pa'i rgyal po sems rgya bskyed/ /phyag rgya chen po brda'i mgur las brul tsho gnyis pa'o// //yid bzhin nor bu khur du khur nas kyang //stobs dang ldan pa'i glang po zhon byas te/ /bdud rtsi gangs kyi zhun ma btung bar bya/ /chu bo sgrol ba'i gru la zag lhan gdab/ /sgo lnga mdangs dang ldan pa'i gzugs brnyan ltos/ /srog dang bral ba'i skyes bu de ci sems/ /mkhan bzos ma byas bse ru'i gzugs la lta//btso sreg ma byas sa bon myu gu'i rgyu/ /bram ze skud pa 'khal ba'i drung du sdod/ /na bun thibs po 'di ni rlung gis gtor/ /glang chen smyon pa 'di ni lcags su gzhug /bung bas me tog rtsi thob phyir mo blta/ /mkha' la 'ja' tshon skyon bral rang sar yal//'grul pos chu sgrol gru yi gces 'dzin zhig /mthong byed mig dang bral bas yul rnams 'gags/ /rgyal po'i bka' la brnyas na chad pa'i gnas/ /mthon po'i rtse ni lhung ba'i gnas yin gzabs/ /'dab gshog ya 'gal gyis ni 'phur mi nus/ / nam mkha'i cho 'phrul skye 'gro'i dpal du shar/ /mkha' la char rgyun bab pas rtsi thog 'khrungs/ /ded dpon rgan po'i gling don gzhan gyi ched/ /phyag rgya chen po brda'i mgur las brul tsho gsum pa'o// //dig mas tshig tu smras pa med//chu shal zla ba su yis byas/ /nam mkha'i cho 'phrul sna tshogs ngo mtshar che/ /nam mkha'i dbyings dang kha dog su yis mthong / /bar snang dngas pa'i nus pa gang gi mthu/ na bun 'di la ngos gzung 'dug gam ci/ /rna dbang sgra la zin pa'i ri dgas blun/ /dbang po yul gyis non pa'i ri dgas ltos//gnyen po 'phrig dang ldan pas sha ba ltos/ /chu yi zla ba ma bsgul bzhag na drungs/ /til gyi mar me gsal dngas dar dang ldan/ /rmi lam bde ba'i nyams ni sad pas stong / /rgyal pos sa srung ral gris rgol ba 'joms/ /khro bo'i gzugs brnyan 'di yis byis pa sdigs//gnam lcags thog gi shugs la sra snyi med/ /chu yi zla ba 'di la yid mi gtad/ /'ja' tshon ngo bos stong pas spang blang med/ /na bun mkha' la yal ba'i byung sa ltos/ /dngos med mun pas khyab pa'i nam mkha' las/ /sna tshogs mdangs dang ldan pa'i lho sprin 'thibs//char rgyun du mas 'gro ba'i lo tog rgyas/ /phyag rgya chen po brda'i mgur las brul tsho bzhi pa'o// //myu gu mgo rtsa gnyis su gyes kyang gcig gi stobs/ /chu nang zla ba cha med nam mkha'i cho 'phrul yin/ /ga bur nus pa 'di yi sman dug byas pa med//chab rom snang yang chu las gud na grub pa med/ /na bun 'di yi rang bzhin cha med gzung bas stong / /me long nang du gzugs med rkyen shar snang ba tsam/ /mo gsham bu yi pham khyod kyis mthong ngam ci/ /skad cig 'di la dus gsum khong nas dag pa yin//lits+tsha bI yis smras pa khyod kyis ji ltar go/ /a lu ngo shes byis pa de dus brid du med/ /'a tsi ba la'i mtshang rtogs nas ni 'jigs mi dgos/ /nor bu lag tu lon pa'i ded dpon dbul dang bral/ /shel gyi rang bzhin mi 'gyur tshon gyis bcos su med/ /nam mkha' ma grub phyir na sprin gyis gang la sgrib//gser la gzugs brnyan du ma byas kyang gser nyid yin/ /grib ma gzugs las byung bar shes pas spang blang med/ /drang srong rnams kyi rig pas sman dug dbyer ma phyed/ /dbul mo gter dang phrad tshe bcol pa'i las mi byed/ /nam mkhas nam mkha' bsten pas nam mkha' phyi nang 'dres//spang blang med pa'i nam mkha' la ni 'byung bzhi shar/ /'byung bzhi'i rtsal du 'gro ba gso bskyed byas/ /phyag rgya chen po brda'i mgur las bzla ba'i brul tsho ste lnga pa'o// //zhing pa brtson 'grus ldan pa la//lus ngag las la du ba pa med/ /mtshan dpes brgyan pa 'khor los sgyur/ /gdan sar gdon pa'i bya ba gces/ /lha yi bu mo yid 'ong ma/ /sgyu ma tsam du brtse bar bya/ /mdung rtse lnga la ngar blud de/ /nam mkha'i 'o ma dbug par bya/ /them skas gdang bu bzhi la dbab/ / gzhon dus byis pa zas kyis bkol/ /gangs kyi thigs pa mi dbo bar/ /dpyang thag 'dren pa'i thag pa bzung / /rlung gis mkha' la sbar nas kyang / /chu bran yur ba gzung bar bya/ /chab rom smin pa rdo yi mi/ /skye dang 'chi bas slu mi shes/ /des ni mchog gi nor bu'i gter/ / rma bya'i zas ni btsan dug nyid/ /me yis tshig la me nyid sman/ /'dod can rnams kyi don du ni/ /thabs kyi khyad par gzhan las 'phags/ /phyag rgya chen po brda'i mgur las rtsa ba'i de nyid bstan pa ste brul tsho drug pa'o// //rnam par shes pa nam mkha'i gzugs/ / srid dang zhi ba'i byed pa'o/ /srid pas gzugs su bzung pas 'ching / /zhi bas der 'dzin spros dang bral/ /srid pas dbus su bcug pa yis/ /lhan cig skyes pa 'dzin par byed/ /rtsa gsum 'khor lo bzhi sogs kyis/ /lus rnams kun la khyab par gnas/ / 'byung dang 'jug dang gnas dang gsum/ /yi ge gsum gyi sbyor ba yis/ /dgu brgya bcu gcig grangs them na/ /rtog pa rlung gis za bar byed/ /mi rtog lnga po shar ba yis/ /las kyi rmang rdo lnga po bcom/ /'od gsal ba yi don mthong nas/ /bar do'i grong khyer 'joms par byed//phyag rgya chen po brda'i mgur las rlung gi de nyid bshad pa ste brul tsho bdun pa'o// //phyag rgya chen po brda'i man ngag mkha' 'gro ma rdo rje gsang ba'i mgur brul tsho bdun du bstan pa'o// //mkha' 'gro ma'i gsang mdzod na gnas pa las dbyings kyi gtso mo rnams kyi bka' bgros nas/