CLOSE WINDOW

D2442
བོད་ཡིག

/mkha' la bya 'phur rten sa med/ /gsungs so/ /mkha' 'gro ma brda'i mgur chung gsang mdzod 'phrul gyi rgya khyad par du gyur pa'i brgyud pa zha ma lo tsA bas bsgyur ba'o//[ ]@##/ /rgya gar skad du/ badzra DA ki nA gI ti nA ma/ bod skad du/ rdo rje mkha' 'gro ma'i brda'i mgur zhes bya ba/ rje btsun ma la phyag 'tshal lo/ /rdo rje mkha' 'gro mas rtogs pa'i lta ba'i brda bstan pa/ gser gyi ral gri til ngar ldan pa da phyung la/ /bung bas me tog rtsi bcud ma lus myang bar gyis/ /chu bran sna tshogs rgya mtshor gcig go lan tshwa'i ro//me long bzhin ni byad yin gud du ma sems cig /chu yi zla ba 'di la byis pa ltad mo byed //bu ram gzugs 'di tha dad snang yang mngar ba'i ro/ /nam mkha' gzugs su mthong ba'i byis pa snying re rje/ /ri bo rlung gis bskyod du med pa shin tu gces/ / ta la'i sdong po bregs na mgo rtsa gnyis ka skam/ /nam mkha'i kha dog rkyen kyis 'gyur ba ngo mtshar che/ /'dab chags mkha' la gnas kyang grib ma sa la rgyu/ /shel gye kong bu'i mar me 'di la dri ma med/ /rmi lam sad pa'i skyes bu 'di ni blo sems bde/ /gzings la gnas pa'i bya rog gang bder 'gro bar gyis//khang stong nang gi khyi rkun 'di ni ltad mor che/ /shel la tshon gyis bskus kyang gting nas 'gyur ba med/ /rang gis bsags pa'i gser la ka 'jis brdar mi dgos/ /ded dpon lam rgyus can dang 'grogs na nor bu lon/ /drang srong nags la chud pa 'di ni ngo mtshar che//ku sha rlung gis bsgul ba'i rtsa ba a re 'khrul/ /gdeng med gyad kyi spyod pa byed pa snying re rje/ /sman dug 'dres pa 'di yi gnyis ka'i nus pa nyams/ /glang po'i gzugs brnyan 'di la khal gyi nus pa med/ /rin chen snod du bzhag nas 'tsho ba grong du slong //nam mkha' gos su gyon nas 'byung ba gnas su thim/ /khur bar chu blugs skyes bu de yis smra ma shes/ /rgyal po'i rjes gnang thob pas gshed ma la mi 'jigs/ /ral gri'i 'khor los mtshon cha gang yin gtub par byed/ /'dab ma gnyis dang ldan pa'i sems can mkha' la 'gro//a ma mthong ba'i byis pa gzhan gyis 'khrid du med/ /sa bon rgyu 'bras gnyis kyi nus pa mkha' la bskams/ /nyi ma mkha' la shar ba'i rgyu skar zil gyis gnon/ /snying phyung de nas yan lag g.yob par ga la nus/ /mtho yor mi ru shes pas de tshe 'jigs dang bral/ / sbrul nag mtshon gyis zin na dug gi gnod pa bral/ /rtsi yi rgyal pos 'bru rnams bcud du sgyur bar byed/ /rgyal bu pha dgos bzang po 'di la rtsol ba med/ /dbul po rin chen gling du sna tshogs thabs kyis zhugs//'thor rlung chen pos stong gsum 'jig rten g.yeng bar byed/ /dus mtha'i me yis srid gsum sreg par the tshom med//bskal pa'i chu yis snod bcud ma lus gzhi nas 'khru/ /zhes gsungs so// //lta ba'i brda rdo rje mkha' 'gro ma'i mgur/ bam po dang po/ sangs rgyas mkha' 'gros ting 'dzin nyams kyi brda bstan pa/ drod gsher ldan pa de tshe sa bon gdab pa'i dus//sa bon skyed med btab pas myu gu bskyed du sla/ /gyen thur lam la chu bo 'bab par 'gyur/ /nags tshal khrod du shing rta 'dren pa'i skyes bu blun/ /rin chen sna bdun ldan na 'khor los sgyur rgyal rgyu/ /so ma btang ba'i rdza ni chu la reg pas 'jig /seng ge'i 'o ma snod ngan nang du blugs mi bya/ /dbul po'i lus 'di dal bar mi bzhag cis kyang bkol/ /sna tshogs rgyu las sgra snyan 'byung ba ngo mtshar che/ /zhun sbyong lags pa'i rin chen 'di ni bkol na bde/ /so mtshams srung ba'i skyes bu 'di la dngul chu blud/ /nad kyis gdungs par gyur na thur ma gtad par bya//nor bu rin chen rgyal mtshan rtse la phyar nas kyang / /mchod pa byas na dgos 'dod sna tshogs 'byung bar 'gyur/ /'a ma srin mos khyer ba 'di ni dran gyis la/ /skyes bu stobs dang ldan pas seng ge'i gsob gon nas/ /nyi zla'i steng du dpa' bo'i gdong la blta bar bya//rgyal po'i rkun mo gang yin de ni rtsad bcad nas/ /gyad kyi nor bu 'di ni thabs kyis btsal bar bya/ /glang chen smyon pa mi rtse yan du bcug pas srun/ /chu yi rnyog ma ma bsgul bzhag pas rim gyis dngas/ /bya ba zin pa'i skyes bu 'di ni blo sems bde//lan tshwa'i rdog po 'di la chu'i thigs pa gzan/ /chab rom nyi mas gdungs pa 'di ni chu ru 'gro/ /dug la sngags kyis btab pa 'di ni sman gyi mchog /lbu ba chu yin 'di la tha dad yod ma yin/ /sprin rnams gtor ba'i rlung po 'di la nan tan bskyed/ /gsal bya gsal byed med pa'i sgron me bde ba che//chu bo cha dang rtag tu 'grogs pa shin tu gces/ /'gro ba bzang mo'i mya ngan 'di ni yid la zhog /nam mkha' yid can 'di ni shar gyi phyogs su 'gro// //zhes bsgom pa'i brda mkha' 'gro ma'i mgur/ bam po gnyis pa/til kyi sgron me bum pa'i nang du sbar bar bya/ /tshes gcig zla ba 'di ni skyed du rim gyis 'phel/ /'gro ba bzang mo rang gi phru gu gso ba mkhas/ /'dab chags sgo nga'i ched du gab pa 'di la ltos/ /chu lud 'dzom pa'i 'bras bu myur du smin/ /'tsho byed mkhas pa sman gyi nus pa sna tshogs brten//nags kyi me la rkyen rnams sna tshogs grogs su 'ong / /gzhon nu ma yi bde ba khyod kyis smra nus sam/ /nam mkha'i ri mo 'di la gces par ma 'dzin cig /skyi ser 'di yis chu yi lbu ba dbyings su bdas/ /nam mkha'i sgron me dus rnams kun du sbar bar bya/ /dngul gyi me long 'di ni yengs pa med par phyi//ri rab mthon po'i rtse la byin pa 'di ci sems/ /bung rtsis myos pa 'di yis ci smras smyon pa'i tshig /nad rnams 'byin pa'i sman mchog skran du gyur pa yod/ /pad+ma'i rtsi bcud 'thungs pa'i bung ba phyir mi lta/ /shel gyi mchod rten ma mthong bar du lta ba gces//sgron me lag na thogs pa'i skyes bu snang lam bde/ /khang du seng ge'i snying gis rtag tu brgyal bar 'gyur/ /gser 'gyur rtsi yis dngos po bzang ngan med par 'joms/ /chu bo chen po zhon nas nam mkha'i bya lam snyag /chu bo'i rgyun chad de dus rang thag 'khor mi nus/ /'khor lo'i srub thag chad pa'i rdza mkhan blo sems bde//sprin gyis nam mkha'i ngang las byung zhing de ru dengs/ /bltas kyi bltas kyi nam mkha' 'di ni mthong ba 'gags// //nyams kyi brda mkha' 'gro ma'i mgur/ bam po gsum pa/ /skyes bu nad kyis zin pa'i blo sems dran gyis la//dur khrod wa mo 'di yi spyod 'gros blta bar bya/ /nags tshal khrod na ri dgas dman ma gnas pa ltos/ /rgyal po'i btsun mo 'di ni su la'ang 'jigs pa med/ /rdo yi mi la 'gran par nus pa ngo mtshar che/ /nags na gnas pa'i spre'u 'di yi spyod pa 'am//yang na rgyal bu gzhon nu 'di la blta bar bya//mkha' la rgyu ba'i bya bran 'di 'dra ci yi phyir/ /'bru yi mdzod du bkres pas nyen pa snying re rje/ /phye ma leb kyi spyod pa 'di 'dra su yis phod/ /dong gi btson 'di thar ram yid la bya bar rigs/ /sdug bsngal rgyan du mthong ba'i glang po sgog la dga'/ /mtsho yi nang nas smig rgyu snyag pa'i ri dgas snying re rje//rin chen gling nas stong log byed pa'i ded dpon blun/ /nam mkha'i rlung dang 'grogs pa phyogs bzhir kun du rgyug /glang chen shugs kyis bag ma tshobs la khyi sha zo/ /smyon pa'i rjes su 'brangs nas nam mkha' sman mchog ster/ / nags la gnas pa'i ri dgas 'di ni yan par bye/ /'dab chags mkha' la rgyu ba 'di yi rkang rjes ltos/ /ral gri lag na thogs pa'i mi de gang phrad gsod/ /gyad kyi spyod pa 'di la sems can phra mo skrag /khyi phag gnyis kyis bram ze'i gsang tshig rlung la bskur/ /mi mgo skam po la ni shing gi skyes bu dga'//gyi ling sgrog dang bral na kun du rgyug par rigs/ /kha ba'i nus pa mtsho la gnas par mi 'gyur ro/ /shing lo rlung gis khyer ba 'di yi rtsad mi chod/ /nyi zla lta bur gyur na skar ma'i tshogs dang 'grogs/ /gru pa 'di yis skya ba nya ra bya bar rigs/ / dug 'di rma bya'i zas yin gzhan rnams phung bar byed/ /'dab gshog med par mkha' la 'gro ba dor bar bya// //spyod pa'i brda mkha' 'gro ma'i mgur/ bam po bzhi pa/ shel sgong yongs su dag na 'od zer nang nas 'char/ /nam mkha'i gter la spyod pa'i skyes bu dbul dang bral//snying gi dbus su pad+ma'i ge sar smin par sla/ /drod tshad ldan pa'i 'o ma rtsol bas mar du 'gyur/ /stong pa'i snod 'di nam chag tshe na nam mkha' 'dres/ /'ja' tshon dus kyi mkha' la yal ba rnyed mi 'gyur/ /nam mkha'i cho 'phrul sna tshogs 'di 'dra ngo mtshar che/ / 'khor los sgyur rgyal sna tshogs gnas nas bsdu ba mdzad/ /rgun 'brum 'bras bu bsgul bas mi smin bzhag na smin/ /nor bu yon tan sus byin 'di yi bsam pa ci/ /nyi zla mkha' la 'char ba 'di la rnam rtog med/ /stong pa'i cho 'phrul 'di yis lo tog 'bras bu smin/ /nam mkha'i dbyings 'di sna tshogs ston pa gang gi rkyen//chu snod du ma'i zla ba'i gzugs brnyan shes par kyis// //'bras bu'i brda mkha' 'gro ma'i mgur/ bam po lnga pa/ mkha' 'gro ma'i brda bam po lnga pa zhes bya ba gsang mdzod na shog dril du gnas pa las/dbyings kyi gtso mo rnams kyis bka' bgros nas rje dam pa rgya gar la gnang / slad kyi ding ri zla 'khor du zha ma lo tsA bas bsgyur nas bla ma byang chub sems dpa' kun dga' la gtad/ 'di khyad par gyi mgur chen po brgyad las brda skor rnam pa bzhi rdzogs so// //