CLOSE WINDOW

D2428
བོད་ཡིག

/rtogs pas phyag rgya chen po thob/ /bde sdug gnyis bral gyi lta ba zhes bya ba slob dpon shAn+ti pas mdzad pa rdzogs so//[ ]@##/ /rgya gar skad du/ a saM ban+d+ha dr-iSh+Ti nA ma/ bod skad du/ 'brel med kyi lta ba bzhes bya ba/'brel med rgyun chad ye shes lha la phyag 'tshal lo/ /'jig dang rten pa'i tha snyad la/ /re zhig rten na 'jig rgyu med/ /'jig dang rten gyis ci zhig bya/ /de phyir 'jig rten pa yis ni/ /rnam par gzhag pa yod min la/ /'jal byed tshad mar shes par bya/ /khyab bya dang ni khyab byed kyi//dbye ba'i dpe yi dbang du ni/ /nyi ma khyab bya zhes bya ste/ /'od zer khyab byar shes par bya/ /dper na 'o mar 'dres pa yi/ /mar ni dang por yod min te/ /khyab bya khyab byed 'thad min la/ /de dag 'brel pa yod min no/ /me yi rgyu ni gang yin la/ /de la 'bras bu ji ltar 'byung //me yi mtshan nyid sreg byed de/ /de nyid khyab byed ces bya ste/ /khyab byang du ba yin par mthong / /pha ni sangs rgyas khyab byed de/ /bu ni dam chos khyab byar gsungs/ /dper na bum pa'i me de ni/ /nang gsal phyi ni gsal mi byed/ /de bzhin sangs rgyas gsal byed me//chos ni ji ltar gsal bar byed/ /dang po chos min sangs rgyas min/ /skye min la ni ji ltar 'brel/ /rgyu rnams 'dra ba'i 'bras bu 'byung / /gsungs pa rgyu med 'bras bu me/ /khyab bya khyab byed ji ltar sgrub/ /g.yo dang mi g.yo rnams kyis ni/ /rten 'jig 'byung ba rnams kyi ste//'byung bzhi mtha' dag rang mi sgrub/ /shing ni khyab bya yal ga dang / /rtsa ba khyab byar ji ltar yod/ /bdag dang bdag gis rtogs pa yis/ /ming dang ming can 'phros pas 'byung / /dang po ming can ming zhe na/ de ltar gang zhig ldog pa ni/ /khyab bya de bzhin ldog pa'o//rten cing 'brel pas 'byung ba ste/ /rten cing 'brel bar 'gog par byed/ /gcig la yang dag 'byung ba ni/ /byis pa rnams kyis smra bzhin byed/ /khyab bya ldog na 'gal ba med/ /de ltar de ni 'jig rten gyi/ /'jal byed tshad mar shes par bya/ /ji ltar ri bong rwa co ni//brtags bzhin yod pa ma yin te/ /de bzhin du ni chos rnams la/ /gang zhig rtogs bzhin yod ba min/ /ba yi rwa co ji ltar ni/ /shar dang nub ni de bzhin du/ /phrad par shes par mi 'gyur te/ /dpe ni de bzhin lta drug pa/ /phyi nang mu stegs rtags can dang / / nad pa sangs rgyas nyan thos dang / /a ti dang ni gcer bu dang / /grub mtha' khyab 'jug tshangs skud can/ /phyi nang gnyis ni sgrub min pa/ /rnams la 'brel ba yod min la/ /sangs rgyas dgongs pa de yin te/ /de dang mi ldan gang zag ni/ /'jig rten 'das zhes mi bya'o//de yi dbang du byas nas ni/ /brtags pas khyab bya gang zag ni/ /bdag gzhan gang zag yod min no/ /bya ba mtho ris ngan song dang / /khyab bya sems nyid gnyis su mthong / /'jig rten 'jig rten 'das pa bzhin/ /bdag gir 'dzin pas 'khor ba ste/ /de nyid bral zhing bde gshegs te//chags pa zhe sdang rmongs pa dang / /bral zhing rgyun chad mya ngan 'das/ /de ltar rtogs pas sangs rgyas te/ /gsungs pa de ni mi rigs so/ /'khor ba de ni mya ngan min/ /mya ngan 'das la mya ngan med/ /rig pa dang ni ma rig pa'o/ /gnas skabs rtogs pas bcing bar byed//mi rtog bkrol bar gsungs pa ste/ /rtog pa rnams la khyad par med/ /yong 'gro dag ni byang chub la/ /nye ring tha snyad yod pa min/ /nyon mongs mun pa byang 'gyur la/ /mthong min de la yod min no/ /sangs rgyas kyis ni lung las gsungs/ /mtha' dbus med pa'i rgya mtsho ni//ji ltar yi dags skams par mthong / /de bzhin ma rig mun pa yis/ /tshig pa rnams kyis sangs rgyas ni/ /yod pa min la mthong ba min/ /rdzogs chen pa yi lung las ni/ /chos nyid gzhi thu'am ma bcos pa/ /khyab byed de la 'byung ba yi/ /'gro drug khyab par gsungs pa'o//cung zad dge ba'i chos rnams la/ /sangs rgyas mi sgrub ci zhig byed/ /dper na dmus long skyes bu la/ /'bar ba'i rin chen lag mthil bzhag /mthong min de yis ci zhig bya/ /nang pa mu stegs dbang du ni/ /rang rig 'od gsal khyab byed de/ rnam par rig pa khyab bya sems/ /dper na chu dang bsres pa yi/ /'o ma snod ni gcig pa ste/ /ji ltar chu ni lus byas nas/ /dang pas 'o ma 'thung bar byed/ /de bzhin nyon mongs 'dres pa ni/ /ye shes snod ni gcig pa ste/ /de bzhin rnal 'byor rig pa 'thung //ma rig pa ni lus par byed/ /nang pa mu stegs rnams kyis ni/ /lta ba de ni gsungs pa'o/ /de la lan gyi dbang du ni/ /sangs rgyas lung las 'di ltar gsungs/ /byed po med la las kyang med/ /de dag med la khyab bya med/ /gsum med 'brel ba ji ltar sgrub//phyi ni bden pa gal te yod/ /nang ni bden par rang bzhin no/ /gang zhig rtogs pa phyi don la/ /de med gang zhig yod pa min/ /rang dang gzhan gyi rig pa min/ /de phyir khams gsum 'brel pa med/ /de phyir rig pa dngos po la/ /mtshan nyid yod pa ma yin no/ /dngos po rig min dngos min bzhin//skye min de ni bdag med pa/ /bdag med pa ni skye mi len/ /de ni kun rdzob mi rigs te/ /gal te rigs na don dam med/ /re zhig rgyu med skye ba med/ /'bras bu med la skye ba med/ /bdag la mi skye gzhan la min/ /gnyis la min phyir kun rdzob min//rang rig bde gsal khyab byed dang / /rnam rig tsam du khams gsum dang / /sems kyi 'dod pa khyab du yi/ /dbang du bshad pa byas nas ni/ /nyan thos rnams kyi dbang du ni/ /kun bzhi rnam shes khyab byed la/ /nyon mongs brgyad khri bzhi stong dang / /rtog pa rnams ni khyab bya'o//dper na na nam mkha' khyab byed ni/ /nyi ma dang ni zla ba dang / /sprin dang glog dang chu sogs dang / /khyab bya mi 'gal yon tan bcu/ /de ltar dpe rnams gnyis yin te/ /tha snyad 'jal byed tshad mar shes/ /de la don dam 'jal byed kyi/ /tshad ma'i dbang du byas nas ni//gong ma'i dpe don rnam gnyis ni/ /kaM pa la yi dgongs pa ni/ /phyi sgrub lus las gsungs pa bzhin/ /sangs rgyas dang ni grub rnams kyis/ /nyams rang rig pa gsal bar gsungs/ /de las lung gi dbang du ni/ /chos kyi bdag ni yod min la/ /khams gsum thams cad stong pa ste//'dus byas thams cad rtag min gsungs/ /de rnams sems nyid rtog pa ste/ /rtog pa de nyid 'khor ba yin/ /gang zhig rtog med grol ba'o/ /chags pa zhe sdang nga rgyal dang / /gzhan yang byis pa rnams kyis ni/ /'khor ba mya ngan 'das pa sogs/ /chos rnams ji srid gsungs pa ste//sems kyi rtog par shes par bya/ /bzang dang ngan pa'i rtog pa la/ /khyad ni yod pa ma yin no/ /dper na shing chen me la ni/ /khyad ni yod pa ma yin la/ /gang la reg pa 'tshig par byed/ /tsan+dan ga bur la sogs kyi/ /'bar ba'i me yis de bzhin 'tshig /de phyir cung zad rtog pa ni/ /lta shes rnal 'byor ba yis spang / /rigs pas brtags pas ma grub ste/ /dbang po'i yul la chags pa med/ /phyi nang sems la yod pa min/ /gzhan la gnas min bdag la min/ /dper na ma rtogs pa yis ni/ /ji ltar thog ni sprin las 'byung //de bzhin zhe sdang nga rgyal dang / /nyon mongs la sogs sems las 'byung / /bdag gis bdag nyid stong pa ste/ /dbang po rnams la rten yang med/ /de med sems ni yod min la/ /bems po 'brel pa ji ltar sgrub/ /khyab bya dang ni khyab byed kyi/ / 'brel pa ha cang ches pa ste/ /skad cig gcig kyang bsgrub pa med/ /nyams kyi dbang du byas nas ni/ /byams dang snying rje mdor bstan nas/ /ma grub pa yi sgo nas bshad/ /skad cig ma ni dang po la/ /zhe sdang skyes pa'i dus su ni/ /byams pa'i ming yang yod ma yin/ / byams pa skyes pa'i dus su ni/ /zhe sdang mun pa yod min no/ /de la brtag pa gsum yin te/ /de rnams sems las byung bar shes/ /sems nyid de ni don dam du/ /lung las gsungs bzhin yod min no/ /rigs kyi bu'am rigs kyi bu mo/ /sems nyid sgyu ma rmi lam 'dra//de yi don ni 'di lta ste/ /dper na gcig dang du ma ni/ /sems nyid rang bzhin chos rnams mthong / /de dag sems nyid sprul pa ste/ /sems nyid med la spros pa med/ /dper na skar ma'i yon tan ni/ /snam bu yod la yon tan yod/ /de nyid med la yon tan med//gcig dang du ma rigs med la/ /snam bu de ni yod min no/ /de ltar dpe yi dbang du ni/ /sems nyid med la byams pa dang / /snying rje btang snyoms dga' sogs ni/ /de dag yod pa ma yin no/ /de la rigs pa'i dbang du ni/ /rgyun ni gcig gam tha dad dam//rgyun ni gcig pa yin na ni/ /thog mar zhe sdang skyes pa na/ /byams pa phyi nas skye mi rigs/ /'on te byams pa sngon las ni/ /zhe sdang phyi nas skyes pa'am/ /yang na de gsum dus mnyam yin/ /yang na las kyi 'bras bu yin/ /mi rtog rnams la 'brel bar 'byung //dper na ras ba la sa bon la/ /ras ba la ji ltar dmar po 'byung / /de bzhin skad cig gcig las ni/ /'byung ba'i phung po rnams las kyang / /gzhan dag rnams la las kyi 'brel/ /ji ltar rigs pa yod pa yis/ /de bzhin rang re rang 'dus la//'brel pa yod par rigs pa'o/ /byams pa'i dus su byams pa ste/ /rang 'dus 'byung ba zhe sdang la/ /ha cang skyon ni mi rigs so/ /lha sbyin byas pa'i las la ni/ /mchod sbyin la ni 'brel pa med/ /de bzhin zhe sdang byams pa la/ /'brel ba yod pa ma yin no//de ltar dgos pa mi rigs so/ /mi rigs pa ni ji ltar na/ /lha sbyin mchod sbyin rigs la ni/ /phan tshun 'brel ba med pa'i phyir/ /dper na kim pa'i bar dag dang / /nas dang 'bras kyi so ba bzhin/ /de bzhin skyes pa'i phung po gzhan/ /gzhan dag phung pos 'brel pa med//de bzhin zhe sdang byams pa la/ /'brel pa yod par mi rigs so/ /gal te sems nyid rgyun gcig na/ /'brel ba yod na rigs so zhes/ /dper na tsha grang bzhin du ni/ /phan tshun spangs pa'i 'gal ba yin/ /snga ma byams pa zhe sdang ni/ / rgyun ni gal te gsungs par rigs/ /grang ba yi ni reg pa las/ /tsha ba'i reg pa 'byung bar 'gyur/ /de yi rgyun ni gzhan zer na/ /skad cig dang po'i gnas ni bsgrub/ /lus dang sems dag ma gtogs pa/ /gzhan yang gang zhig yod min la/ /rgyu zhes gang la dgag tu med//gal te dus mnyam smras pas ni/ /de ni 'thad par med pa'i tshig/ /'gro la sems rgyud gnyis mi 'chang / /de nyid nyams dang lung las gsal/ /de yi rigs pa 'di lta ste/ /phung po khams dang skye mched dang / /brtan dang khyab dang g.yo ba yi/ /de rnams spangs pa'i rang bzhin min//bdag dang skyes bu phung po sogs/ /mu stegs rnams kyis smras pa ni/ /sems ni spangs pa gzhan med de/ /de rnams sna tshogs mi rtag pa/ /gzhan rnams smras pas rtag pa'o/ /cha skyes pa la byams pa dang / /snying rje la sogs rgyun chad pas//thog ma tha ma mi dmigs so/ /gal te rtag na 'di skyon te/ /sa bon myu gu dus gcig tu/ /de phyir don dam 'jal byed kyi/ /tshad ma'i dbang du byas nas ni/ /'jig rten khyab bya khyab byed dang / /dpe don rgyu dang 'bras bu dang / /'brel ba la sogs skad cig kyang / / ma grub par ni gsungs pa'o/ /ma grub pa yi rigs pa ni/ /dang po me dang du ba ni/ /gnyis kyi 'brel pa ma grub ste/ /sreg byed gsal ba'i mtshan nyid ni/ /du ba mun pa mi rigs so/ /rigs na gsal ba med pa yi/ /me la skyon ni 'gel bar byed/ /gang nyid du ba me yin na//mi rigs pa yi gsal ba skyon/ /bud rgyu med la me med pa'o/ /me ni shing la mi gnas so/ /de phyir 'brel ba yod min no/ /yang na bdag nyid gcig pa dang / /de las byung ba'i 'brel pa ste/ /de dag yod pa ma yin no/ /bdag nyid gcig pa'i 'brel yod na/ / phan tshun 'gal ba'i skyon yin no/ /mes ni gsal bar byed pa bzhin/ /du ba de bzhin thal ba'i skyon/ /de las 'byung ba'i 'brel yod na/ /mes ni sreg par byed pa la/ /du bas de bzhin sreg par thal/ /du ba nag po de bzhin du/ /me yang nag por thal ba'i skyon/ /de phyir 'brel pa yod min la//dper na snam bu snal ma la/ /ji ltar 'brel pa yod min la/ /snam bu min la snal ma min/ /snal ma yin la snam bu min/ /snam bu yin na thag pa min/ /thag pas ji ltar snam bu'o/ /de dag phan tshun 'gal ba yin/ /chos dang sangs rgyas 'brel ba med//dang por chos min sangs rgyas min/ /sangs rgyas yin na chos min no/ /bskur ba min la ma skyes so/ /ma skyes pa la 'brel ba med/ /de bzhin pha dang bu la ni/ /lung dang rigs bzhin bshad par bya/ /rlung gi shugs can 'khor lo la//shar nub ji ltar 'grub pa med/ /pha dang bu la 'brel ba yang / /de bzhin yod pa ma yin no/ /gal te kun rdzob bden pa la/ /'di lta'i skyon ni yod min no/ /de la bdag ni shaM pa la'i/ /med pa'i rigs pa 'di yin no/ /yod pa skye min yod pa'i phyir/ /dper na yod pa'i bum pa la//skyes bu'i rtsol bas skye mi nus/ /med pa de bzhin skye min te/ /rgyu dang 'bras bu med pa'i phyir/ /dper na me long sku bzhin no/ /de bzhin yod dang med pa yi/ /rang las ma yin gzhan las min/ /ma skyes rang bzhin bdag nyid med/ /pha dang bu yang ji ltar 'grub//de dag grub pa med la ni/ /pha dang bu yi tha snyad med/ /de yi tha snyad dbang du ni/ /dang po bu ni ma grub pa'i/ /pha yi tha snyad ji ltar 'byung / /bu ni ma grub dus su ni/ /dus kyi mtshan nyid ma grub po/ /de phyir pha yi tha snyad dang / /bu yi 'brel ba ga la yod//gal te gzhan dag dgongs pa ni/ /rigs pas brtags nam grub bzhin/ /yod med 'brel ba yod par 'dod/ /de la bdag gi dgongs pa ni/ /de la bdag nyid gcig pa'am/ /de las 'byung ba'i 'brel pa yod/ /bdag nyid gcig pa'i 'brel pa med/ /pha yi ngo bo ma grub phyir//de las 'byung ba'i 'brel ba ni/ /dper na mar ni 'o ma las/ /ji ltar 'byung yang shes par bya/ /khyod kyis 'dus byas gang smras pa/ /skye 'jig gnas so rim pa las/ /'on te so sor gnas pa'o/ /de las skye ba'i gnas su ni/ /'jig dang gnas pa yod min no//de dag med pa'i skye ba med/ /'brel ba ji ltar grub pa'o/ /gal te gnas pa'i rang bzhin ni/ /so sor gnas pa'i mtshan nyid ni/ /'brel pa ji ltar 'grub pa'o/ /dngos po gnyis ni ma grub na/ /pha zhes gdags su ga la rung / /skad cig dang po pa yis ni//nus pa dngos med de las ni/ /de nyid la ni bu zhes ni/ /tha snyad mi 'grub ce na ni/ /de phyir gnyis ni ma grub na/ /de dag nyid kyis 'grub pa med/ /rgyu lta pha zhes ma grub kyang / /'bras bu bu ni grub po zhes/ /med pa yod par thal ba'i skyon/ /don byed tshad ma yod pa'i skyon//de phyir khyab bya khyab byed dang / /'di yi skabs su grub pa med/ /de dag ji ltar ma grub pa/ /'brel ba de ni grub min no/ /skad cig de bzhin grub pa med/ /dper na myu gu sa bon bzhin/ /myu gu med pa'i skyon la ni/ /gang la ltos nas sa bon bzhag / myu gu la ltos smra zhe na/ /myu gu 'byung ba'i dus su ni/ /sa bon de ni grub pa med/ /sa bon 'byung ba stobs med pa'i/ /nus pa 'bras bu skogs pa'o/ /de phyir sa bon ma grub ste/ /med pa de ni ji ltar 'brel/ /yod pa de ni 'brel lo zhes/ /yod pa de ni de ther zug bstan/ /dngos po can la 'bras bu med//khyab bya khyab byed ji ltar grub/ /ma grub pa ni dngos med de/ /kha dog dbyibs ni yod min no/ /sangs rgyas dgongs pa de yin no/ /de dag med pa de ltar gyis/ /dus kyi skad cig ma grub bo/ /'das pa'i dus na ma 'ongs pa/ /ma grub bdag ni ma yin no/ / dpe dang de bzhin don la ni/ /khyab byed bdag gi gang zag gis/ /brtags pa de ni byed pa po/ /khyab bya mtho ris ngan song la/ /bdag nyid gcig pa'i 'brel ba'am/ /de las 'byung ba'i 'brel pa yod/ /brtag pa byed pa'i ming can rnams/ /mtho ris ngan song bden pa min//brtag pa byed par thal pa'i skyon/ /gal te ci phyir zhe na ni/ /bdag nyid sa ni gcig pa'i phyir/ /dper na snam bu bum pas ni/ /mi rtag par ni bshad pa bzhin/ /dbang bo'i don ni dngos po ste/ /bum pa'i gzugs ni yod par mthong / /med pa'i gzugs ni mthong min te//de phyir gzugs mthong bum pa bzhin/ /de ltar smras pa mi rigs pa/ /bum pa dang ni dbang po dang / /gcig gam 'on te mi gcig pa/ /gal te de nyid mi gcig na/ /dbang po de ni 'brel med la/ /bum pa de ni mthong min la/ /gal te de dag gcig pa ste/ /dbang po med la bum pa min//bdag nyid gcig ba'i 'brel ba med/ /gal te dbang po med la ni/ /bum pa de ni yod ce na/ /de la de dag gcig pa med/ /mi gcig pa ni 'brel med do/ /de las 'byung ba'i 'brel zhe na/ /rtag par bdag nyid byed pa bo//mtho ris ngan song 'byung bar thal/ /mtho ris ngan song de dag kyang / /rtag par byed pa po las ni/ /'byung bar thal ba'i skyon yin no/ /gal te 'brel pa med na yang / /brtag pa gcig pu yin zhe na/ /don 'di sems can rnams kyis ni/ /gzhan don byed dam mi byed do//de ltar mi byed ce na ni/ /rdo dang khyad par med par thal/ /gal te don ni byed do zhes/ /rim gyis byed dam cig car byed/ /de ni rim gyis byed ce na/ /rtag par nyams par thal ba'i skyon/ /cig car byed do zhe na ni/ /bdag gcig skyes pa'i dus su ni/ /'gro drug thams cad skyes par mthong //de bzhin rga shi skye 'gag sogs/ /ci rigs rnams dang 'brel par bya/ /de skabs mu stegs rnams kyis ni/ /bdag med 'brel med lta ba 'dri/ /thams cad mkhyen pa rigs kyi bu/ /phung po 'brel med bstan pa ste/ /phung po 'di la bdag med na//ji ltar 'gro 'ong dgod pa dang / /du dang rol mo khro ba sogs/ /de ltar bdag cag rnams la ni/ /rnam rtog 'byung ste sgrol bar 'dod/ /phung por bdag ni yod min la/ /theg pa chen po'i rigs can ni/ /bdag med 'brel pa ji ltar rigs/ /bdag ni phung po 'di la ni/ / mu stegs yod pa ma yin no/ /yod pa dang ni med pa dang / /de dag gnyis ni smra mi bya/ /bdag nyid yod par smra ba yi/ /med pa de ni mi rigs so/ /gal te yod na 'di rnams la/ /gnas pa ji ltar mi mthong ngo / /skra dang pags pa sen mo dang / /mgo dang sha dang rus pa la//rkang dang tshil dang chub dang / /mkhris pa dang ni rgyu ma la/ /lag pa rkang pa la sogs la/ /phyin nang rnam pa gnyis su ni/ /lta zhing bdag med mi mthong ngo / /de la mu stegs 'dri ba ni/ /bdag med mi gzugs ji ltar 'brel/ /theg pa chen po'i rigs can ni/ /'brel med de la 'di ltar smra//sha yi mig ni ha rdang mes/ /ye shes mig gis ma mthong ngo / /kha dog dbyibs dang gnas 'brel ba'i/ /de ni ji ltar mthong ba'i rigs/ /de la mu stegs 'dri ba ni/ /'o na de ni med do zhes/ /theg pa chen po'i rigs can smra/ /med pa'i tshig ni smra ba yis//yod pa de ni mi rigs so/ /slar yang 'di ltar med na ni/ /tshad ma 'di rnams ji ltar mthong / /sa dang me dang chu dang rlung / /de rnams la brten rol mo'i tshogs/ /de phyir me ni mi rigs so/ /yod pa de yang ma grub bo/ /de la mu stegs 'di ltar smra/ /'o na de brten gang yin na//theg pa chen pa'i rigs can no/ /bdag med 'brel med ji ltar smra/ /rten ni gang yang yod min no/ /mu stegs rgol ba 'di skad smra/ /ji la stong pa'i nam mkha' la/ /theg pa chen po 'di skad smra/ /rtags can de ni de bzhin smra/ /mu stegs pa ni 'di skad smra/ /'o na dngos po can rnams ni/ /du dang dgod dang rol mo'i tshogs//ji ltar shes par bya'o zhes/ /theg pa chen po'i di skad smra/ /sgyu ma dang ni rmi lam dang / /cho 'phrul gzhan du shes par bya/ /mu stegs pa ni 'di skad smra/ /sgyu ma lta bu'i rmi lam dang / /theg pa chen po 'di skad smra/ /sgyu ma nam mkha' lta bu la/ /rmi lam de ni 'dzin byed pa//cho 'phrul de ni brdzun pa'o/ /yul dang yul can 'dus byas te/ /brjod bya'i yul ni ma grub pa'o/ /rtags can ji ltar phyag gis sogs/ /slar yang kun rdzob mthong ba ni/ /don ni dam pa de bzhin no/ /kun rdzob ming can 'di lta ste/ /'di na bdag dang gzhan dag dang / / sems dang skyes bu phung po dang / /tshor ba dang ni byed pa po/ /nor dang bu dang lang tsho sogs/ /de dag don dam 'brel pa med/ /gang la bdag med gzhan med la/ /sems med skyes bu yod min la/ /byed po med la tshor ba med/ /nor dang lang tshos dregs pa sogs/ /don ni dam par shes par bya//de dag rnams la 'brel pa dang / /don ni yod pa ma yin no/ /kun rdzob la ni brten byas nas/ /nyon mongs pa yi dbang thob pas/ /'khor ba ru ni grangs med 'khyams/ /sdug bsngal nyon mongs thob pa yis/ /'gro ba'i lam ni shes min la/ /'jig rten pa bzhin 'khor bar 'khor//dper na nyin mtshan nyi zla bzhin/ /don ni dam par byang chub sems/ /rten med pa la rang bzhin med/ /thams cad stong pa la gnas med/ /spros pa rnams kyi 'brel pa ste/ /don dam byang chub sems nyid la/ /'jam pa ma yin mkhregs pa min//dro ba ma yin bsil ba min/ /rig bya rig min 'dzin pa med/ /phra dang rags pa ma yin te/ /byang chub sems kyi mtshan nyid do/ /mu stegs mthong min sgom las 'das/ /dngos med mthong min sgom med pa'i/ /gsal dang mi gsal nyid dang bral//'brel med de ni byang chub sems/ /thams cad rgya mtsho'i chu bur 'dra/ /snying po med la sbu ba bzhin/ /rtag min bdag med sgyu ma ltar/ /ri dgas smig rgyu lta bu la/ /rdza sa bum pa bzhin du ni/ /cho 'phrul rnams kyis bkang ba la/ /dbus su 'khor lo stong grub min//de ltar don dam kun rdzob ni/ /de dag ji ltar 'brel pa grub/ /sems rtogs rmi lam lta bu la/ /sems ni yod min nam mkha' ltar/ /re zhig sems nyid ji ltar 'brel/ /slob dpon kaM pa la'i 'brel med kyi lta ba 'di rnal 'byor rtogs tshad kyi lta ba rdzogs so/ /