| བོད་ཡིག |
40b1 /stong pa'i btsun mo 'khyud byas te/ /sha ba ri bde chen por gnas/ /stong pa nyid kyi lta ba zhes bya ba slob dpon sha ba ri pas mdzad pa rdzogs so//[ ]@##/ /rgya gar skad du/ su kha duHkha a d+h+ya pa riR+Ya g+ha dr-iSh+Ti nA ma/ bod skad du/
40b2 bde sdug gnyis bral gyi lta ba zhes bya ba/ yum shes rab kyi pha rol tu phyin ma la phyag 'tshal lo/ /sgom las 'das pa sgrub rgyu med/ /mgon po rnams kyi bdag nyid can/ /grub thob rnams kyi bla ma la/ /phyag 'tshal gnyis bral lta ba bshad/ /rang bzhin bsgom rgyu med pa'i
40b3 phyir//rnal 'byor sgom las 'das pa yin/ /dngos dang dngos min gnyis dang bral/ /de phyir kun rdzob grub pa med/ /dngos po sgom med dngos med min/ /rang bzhin dbyer med rgyu las 'das/ /nam yang rang bzhin ye shes te/ /zung 'jug dga' ba gnyis su med/ /
40b4 dran pa dang bral dran med de/ /rnal 'byor pa yi 'khrul pa yin/ /shes rab thabs kyi zung 'jug la/ /rnal 'byor gzhan gyi dgongs pa ni/ /dang po thabs ni bsgom pa'i phyir/ /mi rtog shes rab skad cig la/ /ma grub thabs kyang grub mi 'gyur/ /mthong min de ni bsgom pa
40b5 min//gang zhig thabs ni sgom byed na/ /bla ma'i gdams ngag ldan pa yis/ /yang dag phyag rgya thabs nyid kyis/ /phra zhing rang bzhin ba rgyu ba/ /ye shes kun gyi bdud rtsi 'bab/ /mtshon pa'i 'od gsal skad cig la/ /blo ldan brtan pa'i sems kyis bsgom/ /
40b6 brtags pas ma grub rtog bral yin/ /dper na 'gron po yul 'gro bzhin/ /chos sku'i mtshan mar sems gtad pas/ /rim gyis sleb pas de nyid min/ /sngar bzhin mtshan ma med gyur pas/ /rnam rtog dang bral bde chen 'grub/ /sna tshogs pa yi rigs pa rnams/ /
40b7 rang rig gzhan gyis rig mi 'gyur/ /de rtogs nyin mtshan bde chen mnyam/ /gnyis dang gnyis med spangs gyur pa'i/ /gang la mi gnas rnal 'byor de/ /shes rab pha rol phyin pa rtogs/ /de rtogs bdag med lta ba yin/ /rnal 'byor bde sdug gnyis dang bral/ /gnyis
bral rnal 'byor shAn+ti pa/