34a7 /phyi nang nad sel gyi gdams pa slob dpon ti los mdzad pa rdzogs so//[ ]@##/ /rgya gar skad du/ nan+h+ya brta tra ya mu kha A ga ma nA ma/ bod skad du/ g.yung drung 'khyil pa gsum gyi zhal gdams kyi nyams len zhes bya ba/ yum rnal
34b1 'byor ma la phyag 'tshal lo//bla ma'i zhal gdams thob byas nas/ /g.yung drung gsum gyi gdams pa ni/ /stong nyid don ni rtogs pa'i phyir/ kaM ka me kha la bshad bya/ /rang gi lus ni khong stong la/ /spyi bor brtsams nas lte ba'i bar/ /rtsa gsum ser dang dkar dmar ro/ /de
34b2 rnams nang ni khong stong ste//g.yas kyi rtsa la khab rtse tshad/ /rang bzhin bsal ba bsam par bya/ /g.yon par zla ba'i thig le ste/ /dbus kyi rtsa ni khong stong ngo / /de la sems gtad phyi nang stong / /shes pa rgod na g.yas g.yon gyi/ /thig le gnyis la sems gtad la/ /de
34b3 nas dbu bcad d+hU trI'i steng //hrIHlas g.yung drung 'khyil ba ni/ /me yi mdog can rnam bsam bya/ /g.yung drung 'khyil pa'i zur bzhi la/ /oM dang AHdang hUM dang phaT/ /g.yas phyogs ra sa'i steng du ni/ /a las zla ba'i g.yung drung 'khyil/ /byang chub sems kyi chu
34b4 rlung bkag//g.yon pa la na'i steng du ni/ /oM las g.yung drung 'khyil ba dmar/ /bsams pas me yi rlung 'gags so/ /de nas rlung gi 'khor lo nas/ /rlung ni langs te mgrin par sles/ /dbus su bde gshegs rlung rgyu bas/ /sor ni bcu gnyis rtsa 'thon nas/ /
34b5 g.yas g.yon chu rlung me rlung ni/ /nyi zla'i rtsa nas 'byung byas nas/ /lha mo gnyis dag zhal du rngub/ /slar yang gnyis kyis phu byas pas/ /rtsa dag gnyis kyi rtsa bug brtol/ /rnam par rgyu ste g.yung drung 'phog /dbus kyi sems bskor byas nas su/ /gnyis ni g.yas skor g.yon
34b6 skor ro//slar yang rlung gis phu byas nas/ /g.yung drung gnyis la thim byas nas/ /dbus kyi 'khyil pa thim par bsam/ /ye shes me sbar rang lus ni/ /mgrin pa'i gnas nas rkang mthil bar/ /rim gyis zhu ste chos dbyings su/ /mnyam nyid thig ler sems gtad do/ /brtags pas
34b7 ma grub dngos med yin//dmigs pa'i mtshan nyid thams cad bral/ /de ltar ma bsgoms ci byas kyang / /lhan skyes ma rtogs 'khor bar 'khyams/ /thig le de las blangs byas nas/ /bdag nyid dbu bcad yum du bskyed/ /de nas lte bar hriM yig bsam/ /sum mdor rlung ldang gyen
35a1 la rgyu//hri ni thig le gsum du zhu/ /i ni rlung gi thig le ste/ /ha ste byang chub thig le'o/ /rak+ta'i thig le raM yig ste/ /mdor na rim par sngo dkar dmar/ /ma shar rlung gis gyen la 'dod/ /dbu bcad rtsa sbubs rgyu na ni/ /steng du sor bzhi 'thon par bsam/ /
35a2 g.yon pa g.yon skor g.yas pa g.yas/ /dbus kyi thig le 'bar zhing thim/ /lha mo gnyis kyis phus btab pas/ /g.yas g.yon thig le dbus la thim/ /de nyid mar la rngub byas pas/ /snying ga'i hUM la thim par bsam/ /de ni gsal la dri ma med/ /gnyis med thig le rang
35a3 rig ste//bde dang sdug bsngal thams cad bral/ /'khor ba snang ba rang rig stong / /kye ho rnal 'byor bsgoms nas ni/ /gnyis med ye shes thob par 'gyur/ /g.yung drung 'khyil pa gsum gyi zhal gdams yum kad+kal me ka las gsungs rdzogs so// //