CLOSE WINDOW

D2404
བོད་ཡིག

bla med sbyor ba'i rim pa zhes bya ba slob dpon bA da ga dzas mdzad pa rdzogs so/[ ]@##/ /rgya gar skad du/ A li kA li man+t+ra dz+nyA na nA ma/ bod skad du/ a phreng ka phreng gi sngags kyi rim pa zhes bya ba/ dpal he ru ka la phyag 'tshal lo/ dbyangs dang gsal byed bzhi bcu rtsa dgu yi/ /bdag gzhan sgra yi rig pa'i sgra don ni/ /ba rdzi la sogs grangs kyang de don rtogs pa med/ /de phyir gsal don bdag gis bshad par bya/ /sgra yi gnas ni brgyad yin te/ /rkan dang lce dang so rnams te/ /spyi bo mgrin pa mchu dang ni/ / khod pa sna la rnam par gnas/ /de yi dang po a phreng ni/ /thun phyed bcu drug la sogs ldan/ /shes rab me long ye shes te/ /blo dang ldan pas shes par bya/ /de yi thog ma bcu bzhi pa/ /dbyangs can sgra gsal yi ge'o/ /de dag rnams kyi dang po ni/ /bcu ni mnyam pa'i ye shes so//skabs 'byung lnga ni thung ba ste/ /gzhan rnams ring bar shes bar bya/ /dbyangs rnams kyi ni thog ma gnyis/ /spangs te bcu bzhi'i ming can no/ /e ai o au bzhi dag ni/ /don dam kun rdzob 'bral yig go/ /a ni stong pa'i thig le'o/ /zla ba nyi ma gtum mo'o/ / thig le gnyis ldan a yig ni/ /drag po'i sgra ni dbye bar byed/ /r-i r-I l-i l-I 'byung ba bzhi/ /dbye bas sreg byed yi ge'o/ /thung ba'i mig 'dzums skad cig gcig /mig 'dzums ring ba skad cig gnyis/ /skad cig gsum pa 'bod yig yin/ /skad cig phyed pa gsal byed de/ rnal 'byor g.yon gyi phyogs su ni/ /dbyangs can bcu drug shes rab bo/ /de rnams sgra gnas 'di yin te/ a ku ha yig thig le gnyis la lhung / /a ni khong gi yi ge'o/ /i tsu ya sha rkan la gnas/ /l-i tu las so 'byung ngo / /r-i Tu ra Sha spyi bor grags/ /aM ni 'od gsal sna ldan te//lte bar gnas te gyen la rgyu/ /e ai mgrin pa o au mchu/ /de yi thog mar chos dbyings so/ /de ltar a phreng bshad byas nas/ /a ka tsar ta pa ye sha ste/ /rtsa ba'i sgras ni de rnams so/ /ka las brtsams te ha yi mthar/ /g.yas phyogs gsal byed shes par bya//ka phreng lnga tshan lnga po ste/ /bzhi yi sgra yi reg pa'o/ /sha Sha sa ha bcas pa ni/ /thog mar gnyis gnyis grangs min no/ /lhag ma gsum gsum sgra yin te/ /lnga tshan lnga ni sna las 'byung / /mtha' la gnas pa'i 'byung ba bzhi/ /rnal 'byor kun rdzob 'dod pas bcad//mtshan lnga yi nam mkha' la/ /sha Sha sa ha drod can gnas/ /k+Sha ni kA li ma mo 'dus/ /de ni 'khor lo'i rnal 'byor ro/ /bskyed pa'i rim pa'i dbye ba yis/ /rgyu yi yi ge bshad par bya/ /ka nas brtsams nas ha yi bar/ /stir ro yi gdan yin no/ /ya ra la ba ma yis brgyan//mkha' 'gro rnams kyi bskyed thabs so/ /kaM ni thod pa kha T+wAM ga/ /tsha ni keng rus gdugs yin te/ /nga tshan lnga ni nyi ma yin/ /sha Sha dur khrod shes par bya/ /sa bon yi ge bshad byas nas/ /kA li rnal 'byor ngo sprod bstan/ /ka tshan ya dang bcas pa ni/ /zla gam sngon po nang nub la//phu phu sa dang gzhan la chags/ /ji ltar ri mo bri dang mthong / /shar gyi yi ge rlung yin no/ /tsa tshad ra dang sha dang bcas/ /gru gsum dmar dang nyi ma phyed/ /zhe sdang dus su sprul yang bri/ /lho phyogs drag po'i gnas yin no/ /Ta tshan b+ha dang bcas pa ni/ /zlum la dkar te/ snga dro'i dus/ /ka li dzan dang 'bug ka ni/ /gti mug bya yi ri mo can/ /nub kyi phyogs su mo gdon no/ /ta tshan k+Sha dang Na bcas pa/ /gru bzhi ljang ser nam phyed ni/ /sa dang rlung gi khams yin no/ /phrag dog dmar po rgyas pa'i dus/ /rmi lam rta dang stag mthong ba/ /rgyal pos bdag gdon gyi ngo //byang gi phyogs su 'dzin par bya/ /ba tshan sngon po chu rlung ste/ /gru gsum zla gam dbyibs dang ldan/ /nang nub dus su khams lci ba/ /rig pas rnal 'byor brtag par bya/ /de bzhin 'byung chung nyi shu lnga'i/ /gdams pa zhal nas blang bar bya/ /dri med shes rab brgyan pa yi//thabs dang ldan pa'i sbyor ba ni/ /tha snyad mun pa rab bsal ba'i/ /de dag sems nyid stong pa bdag /tha snyad la bkod dge ba des/ /'gro drug sdug bsngal zad phyir bsngo/ /A li kA li'i rnal 'byor zhes bya ba slob dpon gan+d+ha sa mdzad pa rdzogs so// //