27b4 @##/ /rgya gar skad du/ a nut+ta ra sarba shud+d+he kra maM nA ma/ bod skad du/ bla med sbyor ba'i rim pa zhes bya ba/ dpal he ru ka la phyag 'tshal lo/ /ji ltar pad+ma 'dam las skyes/ /de bzhin ma rig mun pa las/ /gnyis med rig pa skye 'gyur ba'i/ /rang rig de la phyag 'tshal
27b5 nas//bla med sbyor ba'i rim pa yis/ /dri med dam chos bshad par bya/ /stong dang shin tu stong pa ste/ /stong pa chen po gsum pa yin/ /bzhi pa rgyu 'bras thams cad do/ /thabs shes yang dag sbyor ba yis/ /rdzogs rim yang dag nye bar 'gyur/ /rdzogs pa nye bar
27b6 mthong ba yis//thams cad stong pa'i 'od gsal yin/ /rang rig gsum gyi rnal 'byor gyis/ /rgyu gsum rnam par dag par 'gyur/ /stong nyid don ni rtogs pa yin/ /bla na med pa'i gnas thob 'gyur/ /'od gsal stong pa shes rab dang / /sems nyid gzhan gyi rjes
27b7 su 'brang //de la bdag gis 'di ltar ni/ /yang dag 'phros pas bshad par bya/ /rnam par chags shing shin tu chags/ /chags pa chen po de bzhin no/ /gti mug la sogs dug gsum gyis/ /brtan dang g.yo ba'i sems nyid 'di/ /'das dang ma 'ongs da ltar gsum/ /
28a1 zhi dang chags dang rtogs par ldan/ /phyi rol ji ltar nang na gnas/ /'das dang ma 'ongs da ltar ba/ /'das pa'i 'das par bdag gnas so/ /srid pa che dang shin tu srid/ /bkres dang skom pa kun du ldan/ /tshor ba nyal ba'i tshor ba dang / /shin tu tshor ba'i
28a2 skad cig gcig /so sor rtog dang snying rjer ldan/ /ngo mtshar ldan pa'i rnal 'byor la/ /nyams dang phrag dog rnam par bsags/ /de ltar sum cu rtsa gsum gyis/ /rang rig ye shes rnam par 'gribs/ /rnal 'byor ba yi nyams len la/ /nam mkha' bde chen pad+ma'i
28a3 dbus//zla ba'i gdan la haM yig gnas/ /kun rdzob gsal zhing dri ma med/ /'byung 'jug rlung 'dzin ye shes yin/ /zla tshes dmar po shes rab ste/ /dbyangs yig dang po thig ler ldan/ /rlung ni 'dzin phyir bsgom par bya/ /de ni 'od gsal skar chen ltar/ /sems
28a4 nyid stong pa'i thabs yin no//gzugs dang bral zhing kha dog med/ /zhi ba'i rnam pa zung 'jug bral/ /brtan dang g.yo ba'i tha snyad med/ /de ltar bla ma'i drin gyis ni/ /'das dang ma 'ongs da lta ba/ /rdo rje'i bzlas pa'i ting 'dzin gyis/ /ci yang mthong 'gyur je tshom med/ /ji ltar
28a5 bud shing skam po la//me rgyu gnas kyang 'bar ba med/ /de bzhin brda dang rtsol med la/ /byams sems gnas kyang grub pa med/ /de phyir nga rgyal la sogs spang / /brtson 'grus bskyed la bla ma bkur/ /dbang bskur thob nas nyams len gyis/ /rnal 'byor dang po'i sbyor ba
28a6 yis//sa ni brgyad po thob par 'gyur/ /'od gsal gsum ldan rdzogs pa yis/ /yongs su rdzogs pa'i sa thob po/ /dbang bskur thob kyang skur pa 'debs pa dang / /brtson 'grus chung la log lta 'dzin pa dang / /bla ma'i skyon brjod yon tan brjod mi 'gyur/ /rgyal ba'i lam ni de
28a7 yis thob mi 'gyur//bkur sti med cing de nyid thob tu re/ /tshig ni 'jam ste khro tshul bstan nas 'gro/ /mi tshogs mang po gnas pa'i sa ru ni/ /bla ma mthong yang phyag sogs mi byed de/ /snod dang mi ldan gdams ngag mi sbyin no/ /yon tan bzang thob brtson 'grus ldan pa ni/ /
28b1 bla ma 'khor sogs bkur sti ldan pa la/ /sangs rgyas rnams dang mnyam pa'i dga' ba 'dzin/ /rgyal bas gsungs pa'i chos la sred pa che/ /rgyud rten rgyud mang rdo rje sems dpa' ni/ /byang chub sems dpa'i lam du 'gyur ba de/ /dge ba'i rtsa ba gang thob rgyur 'gyur ba/ /'gro ba
drug la bsngo zhing bkra shis shog /