CLOSE WINDOW

D2395
བོད་ཡིག

de bcings gang yang gser du 'gyur/ /zos pas thams cad rdo rje'i sku ru 'gyur/ /gser 'gyur rtsi'i gdams pa slob dpon na lis mdzad pa rdzogs so//[ ]@##/ /rgya gar skad du/ tsit+ta tsi ti la sha pa no pA yaM/ bod skad du/ sems dang sems nyid 'dul ba'i thabs zhes bya ba/dpal he ru ka la phyag 'tshal lo/ /spu mdog sna tshogs ri dgas te/ /rkang pas rdeg cing phyogs bzhir 'gro/ /brdas nas nam mkhar bsad par byas/ /rang gi sha yis rang lus la/ /rnam pa kun du dgra ru song / /b+hu su ku yi rngon pa yis/ /skad cig gcig kyang gtong pa med//ri dgas mo ni pho la smra/ /nags su gnas na bde bar 'dug /de nas byung nas gsod par byed/ /rang gi sha yis rang lus la/ /rnam pa kun du dgra ru song / /b+hu su ku yi rngon pa yis/ /skad cig gcig kyang gtong ba med//pho ni mo la 'di skad smra/ /su la bdag gis gnod ma byas/ /ci yang bdag gis zos pa med/ /su la'ang gnod pa ma byas na/ /ci yis phyir na sod cig smra/ /rang gi sha yis rang lus la/ /rnam pa kun tu dgra ru song / /b+hu su ku yi rngon pa yis/ /skad cig gcig kyang gtong pa med//rtswa dang chu la mi gnod pa'i/ /gang du gnas kyang ltogs pa med/ /rtag tu btsal kyang ma rnyed pa'i/ /ri dgas pho mo 'di gnyis ni/ /bdag gis rnyed par ma gyur to/ /rang gi sha yis rang lus la/ /rnam pa kun du dgra ru song / /b+hu su ku yi rngon pa yis//skad cig gcig kyang gtong ba med/ /rgyug cing 'gro ba'i ri dgas ni/ /de yi rjes ni rnyed pa med/ /brdas pas nam mkha'i dbyings su stor/ /b+hu su ku yi rngon pa yis/ /skad cig gcig kyang gtong pa mad/ /sems dang sems nyid 'dul ba'i man ngag ces bya ba slob dpon shAn+ta de ba nas brgyud pa slob dpon me ko las gsungs pa rdzogs so/