14b1 /[ ]@##/ /rgya gar skad du/ sha ta ak+Sha ra b+h+T+TAT+TA ra ka s+ya sa twaM trai ya d+hA ba na/ bod skad du/ rje btsun yi ge brgya pa'i sems dpa' gsum gyi bsgom pa'i thabs/ bla ma rje btsun rnams la phyag 'tshal lo/ /dus gsum rgyal ba rnams kyi lam/ /dge ba gsum gyi
14b2 bdag nyid can//sku gsung thugs la phyag 'tshal te/ /blo dman dang ldan sgrub brtson zhing / /bla ma'i gdams ngag dang bral la/ /phan phyir sgrub thabs gsum bsres brtsam/ /oM shrI badzra he ru ka sa ma ya/ ma nu pA la ya/ he ru ka twe no pa tiSh+Tha dr-i D+ho me b+ha ba/ su toSh+yo me b+ha ba/
14b3 a nu rak+to me b+ha ba/ su po Sh+yo me b+ha ba/ sarba sid+d+him+me pra yats+tsha/ sarba karma su tsa me/ tsit+taM shre yaHku ru hUM ha ha ha ha hoHb+ha ga wAn/ badzra mA me muny+tsa/ he ru ka badzrI b+ha ba ma hA sa ma ya satwa AHhUM phaT/ de la bsgom pa'i man ngag ni/ /rang snying dbus gur phra ba yi/ /hUM gi dkyil
14b4 du mthe bo tshad//TaM yig dkar 'od lta bu ni/ /de yi spyi bor gnas par bsam/ /hUM las byung ba'i 'od zer ni/ /ting 'dzin sems dpa'i snying ga yi/ /kha sbyor nam mkha'i dbus su ni/ /'od kyi dkyil 'khor bsgom par bya/ /oM dang hUM gi sbyor ba las/ /pad+ma rdo rje rnam par
14b5 bsgom//oM ni du ba'i mdog lta bu/ /dam tshig sems dpa' shes par bya/ /de gnyis nye bar sbyor ba las/ /a ni ye shes sems dpa' bsgom/ /rang bzhin 'od gsal stong pa nyid/ /thig le'i ngo bo yi ge med/ /gnyis dang gnyis min zhi ba nyid/ /nam mkha'
14b6 lta bur dri ma med//'di lta bu ni mgrin par bsgom/ /gnyis kyang 'od zer gcig la spro/ /du ba me khyer mar me'i nang / /mkha' snang dang ni smig rgyu'o/ /kha dog lnga pa'i 'od zer ni/ /dbang po'i gzhu 'dra'i ngo bo nyid/ /rnam snang rdo rje nyi ma dang / /pad+ma gar dbang rdo rje rgyal/ /
14b7 rdor sems drug pa he ru ka /mgrin par bsdus te rnam par gnas/ /de ltar bla med rgyud rnams la/ /bsnyen pa'i sems dpa' gsum gyis ni/ /sgrub pa'i gdams ngag zhal gyi lung / /rim pa ji bzhin bshad byas nas/ /da ni rnal 'byor rgyud bzhin du/ /sgrub pa'i zhal
15a1 gdams bshad par bya//rnal 'byor rgyud du dbang thob pa'i/ /shes rab ldan pa'i rnal 'byor pas/ /bde bar stan la 'dug byas la/ /oM AHhUM gi sems dpa' ni/ /gsum gyi don la 'di ltar brtsam/ /thog mar rdo rje skyil krung bcas/ /ting
15a2 'dzin rgyal bcas sna rtser lta//oM AHhUM ni brjod byas pas/ /gnas gsum du ni rnam par bsam/ /de nas so so'i kha dog gi /'od zer lcags kyu lta bu ni/ /spros pas sangs rgyas sras bcas rnams/ /mdun gyi nam mkhar spyan drang zhing / /de la lnga'am bdun pas
15a3 mchod//gsum la skyabs 'gro la sogs bya/ /de nas sprin bral nam mkha' la/ /gnas pa'i skar ma lta bu ni/ /yig brgya'i sngags ni 'di yin te/ /oM shrI badzra la sogs pa/ /de nas 'di lta'i sngags brjod bya/ /oM dang swa b+hA ba shud+d+haH/ /sarba d+harmA swa b+hA ba/ /
15a4 shud+d+hou0f85haM zhes brjod byas pas/ /skar ma ltar gsal dag par bsam/ /oM dang tsit+ta pra ti be/ /d+hAM dang ka ro mi brjod pas/ /de la nam mkhar hUM las ni/ /sna tshogs pad+ma bsam par bya/ /de nas yi ge oM gyis ni/ /nam mkhar zla ba'i dkyil 'khor bsam/ /de yi
15a5 steng du A brjod pas//rang nyid skar ma ltar gsal ba/ /zla ba'i steng du rnam par bsam/ /der rjes oM dang bo d+hi tsita/ /ta dang u t+pA da yA mi/ /brjod de rang nyid yi ge A/ /byang chub sems ni bskyed par bya/ /de yi rang bzhin gsal ba yi/ /byang chub kyi ni sems yin
15a6 pas//'gro ba rnams la khyab byed cing / /gsal bar byed pa'i bdag nyid bsam/ /de rjes gsum pa yi ge ni/ /haM zhes brjod pas spyi bo yi/ /tshangs pa'i bu gar hUM bsams la/ /de las byung ba'i rdo rje ni/ /rtse lnga pa ni rnam bsams te/ /brtan byed sngags 'di brjod par bya/
15a7 oM dang tiSh+Tha badzra hUM/ /de zhu ba las rdo rje sems/ /bdag nyid 'di yi rigs can ni/ /yin par yang ni rab bsams te/ /zhal gcig phyag gnyis sku mdog dkar/ /phyag gnyis rdo rje dril bu 'dzin/ /de la shrI ni dpal gyi don/ /de ni rdo rje sems dpar brjod/ /de ltar
15b1 oM gyi yi ge yis//dam tshig sems dpar rnam par bstan/ /yang na 'di ltar shes par bya/ /oM ni zla ba de ster du/ /hUM las rdo rje rtse lnga pa/ /de yi dbus kyi rtse mo la/ /dbyangs yig dang po las byung ba'i/ /rdo rje sems dpa' sku mdog dkar/ /zhal phyag la sogs snga
15b2 ma bzhin//de ni oM ste dam tshig sems/ /thog mar dge ba bkra shis pa'o/ /da ni ting 'dzin sems dpa' ni/ /bsgom pa rnam par brtsam par bya/ /oM dang ya ta te ta thA/ /ga ta ta thA haM zhes pa/ /brjod pas mdun du hUM sngon bsam/ /de byung 'khor lo bcu drug
15b3 rtsibs//de yi dbus byung rdo rje ni/ /rgya gram de dbus paM las kyang / /sna tshogs pad+ma 'dab brgyad pa/ /de yi ge sar steng du ni/ /hUM byung rdo rje sems dpar bsam/ /de nas shar gyi 'dab ma la/ /tshangs yig dang po bris pa yi/ /mA me muny+tsa'i sngags brjod pas/ /
15b4 rang gi sa bon las byung ba'i/ /mi bskyod mgon po bsam par bya/ /rang gi sa bon las byung ba'i/ /rin chen 'byung ldan g.yas 'dab la/ /oM dang badzra satwa twe/ /no pa tiSh+Tha brjod pas so/ /oM dang dr-iD+ho me b+ha ba/ /brjod pas rgyab dkyil pad 'dab la/ /sa bon las byung 'od dpag med/ /g.yon gyi pad+ma'i
15b5 'dab ma la//oM dang su toSh+yo me b+ha ba/ /brjod pas don grub sa bon las/ /me yi phyogs kyi 'dab ma la/ /rnam snang yi ge dang bcas pa'i/ /a nu rak+to me b+ha ba/ /brjod pas rang gi sa bon las/ /rdo rje sems ma skud mdog dkar/ /zhal gcig spyan gnyis g.yon du gzigs/ /phyag gnyis dkur brten gtso dang
15b6 mtshungs//g.yas pa'i phyag na rdo rje 'bar/ /bden brel oM dang su poSh+yo/ /me b+ha ba brjod rigs can ma/ /sa bon las byung sku mdog ser/ /phyag g.yon sngar bzhin g.yas pa yis/ /rin chen 'dzin cing g.yon du gzigs/ /rlung oM sarba sid+d+him+me/ /pra yats+tsha brjod chos ma
15b7 dmar//g.yas bdag g.yon pa snga ma bzhin/ /g.yon du gzigs te dbang ldan du/ /rig byed tshig gi dang po dang / sarba karma su ca ma/ /tsit+taM shre yaHku ru brjod/ /sa bon las byung las ma ni/ /ljang ser sna tshogs rdo rje g.yas/ /phyag g.yon mthun la g.yon
16a1 du gzigs//yum bzhi'i dbu rgyan rigs kyi bdag /de rjes 'khor lo'i rtsibs la ni/ /dbang ldan las brtsams g.yon skor du/ /rdo rje sems dpa' la sogs pa/ /sems dpa' bcu drug rim bzhin bskyed/ /hUM ha ha ha ha ho/ /b+ha ga bA na badzra satwa
16a2 ni//kun la khyab par byed pa'i tshig /ma ni 'dren pa'i don yin te/ /me ni bdag tu rnam par bshad/ /muny+tsa 'dzin par brjod cig pa'o/ /de phyir bdag ni gzung la drangs/ /khyad par byung ba rdo rje sems/ /sku mdog ljang gu g.yon du gzigs/ /g.yas pa rdo rje rtse lnga
16a3 pa//g.yon pa dril bu dkur brten te/ /pad+ma'i gdan la brten pa'o/ /dzrA las rdo rje rgyal po ser/ /phyag g.yas rdo rje g.yon lcags kyu/ /kha cig g.yas pa lcags kyu ste/ /phyag g.yon dkur ni brten pa 'chad/ /sa byung chags pa sku mdog dmar/ /g.yas mda'
16a4 g.yon ni gzhu 'dzin pa'o//s+t+waM las legs pa ma rgad mdog /skyabs sbyin g.yas la g.yon dkur brten/ /b+ha 'byung rdo rje rin chen ser/ /dbang bskur phreng ba gnyis kyis 'dzin/ /ga las rdo rje nyi ma dmar/ /snying gar phyag gnyis nyi ma 'dzin/ /bA na las rgyal mtshan
16a5 nam mkha'i mdog//yid bzhin nor bu'i rgyal mtshan ni/ /phyag gnyis kyis ni 'dzin pa'o/ /ma byung bzhad pa sun+d+ha ri/ /mdog can rgyal mtshan so yi ni/ /phreng bas mtshan pa 'dzin pa'o/ /hA las chos ni dkar dmar mdog /g.yon gyi pad sdong g.yas kyis 'byed/ /sa
16a6 byung rnon po gur gum mdog//phyag g.yon po ti g.yas ral gri/ /ma las byung ba'i rdo rje rgyu/ /sku mdog ser la chos 'chad rgya/ /ya las rdo rje 'od mdog dmar/ /g.yon du g.yas bas lce 'dzin pa/ /sa las rdo rje las ljang ser/ /phyag gnyis rdo rje rtse gsum pa/ /
16a7 gar stabs kyis ni spyi bor 'dzin/ /twa las bsrung ba sku mdog ser/ /gnyis kyis rdo rje go cha 'dzin/ /twa byung rdo rje gnod sbyin nag /phyag gnyis kyis ni zhal phyogs su/ /mche 'dzin bdud rnams 'jigs byed rgyal/ /a las rdo rje khu tshur dkar/ /rdo rje 'ching byed
16b1 gnyis kyis 'dzin//de ni hUM gi rang bzhin can/ /ting 'dzin sems dpar shes par bya/ /a ni ye shes sems dpa' ste/ /de yi sbyor ba bshad par bya/ /phyag rgya snga ma la gnas nas/ /rdo rje lcags kyu'i phyag rgya las/ /'od zer spro ba'i sbyor ba yis/ /oM shrI badzra satwa
16b2 dang //sa ma ya haM zhes brjod pas/ /dam tshig sems dpar bdag nyid bsam/ /sa ma ya s+t+waM zhes brjod pas/ /rang mdun nam mkhar zla dkyil la/ /gnas pa'i ye shes sems dpa' dgug /yang ni sa ma ya s+t+waM zhes/ /ting nge 'dzin dang ye shes phreng / /de yang
16b3 mdun gyi nam mkha' la//zla steng a ni dkar po yi/ /ngo bor zhugs pa'i ye shes sems/ /bkug ste gtso bo'i thugs kar bstim/ /yang na phyag rgya snga ma yis/ /'di lta'i rdo rje sems dpa' dgug /a ni zla ba'i dkyil 'khor ste/ /hUM ni rdo rje rtse lnga pa/ /de yi dbus
16b4 kyi rtse mo la//oM ni ye shes sems dpa' ste/ /de nyid rdo rje sems dpar bshad/ /rtse mo bzhi la rigs bzhi ste/ /mtshams bzhir lha mo rnam pa bzhi/ /'od kyi tshul du rnam par gnas/ /de nas zla ba rdo rje la/ /rdo rje hUM ni oM la ste/ /de la rtse bzhi'i 'od dbus la/ /
16b5 mtshams kyang dbus la thim pa dang / /de ni ting 'dzin sems dpa' la/ /thim par gyur par rnam bsam bya/ /de ni dam tshig sems dpa' la/ /de yang gnyis med don du bshad/ /de rjes yi ge hUM gyur pas/ /rdo rje lce ni rdo rje yis/ /'od der spro bar rnam bsam bya /de yis
16b6 phyi nang dag byas nas//bdag nyid la ni dbang bskur te/ /de rjes bzlas pa ci nus bya/ /bzas pa'i rig pa 'di lta ste/ /oM shrI badzra satwa sa ma ya/ ma nu pA la ya/ badzra sa twa twe no pa tiSh+Tha/ dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra yats+tsha/
16b7 sarba karma su tsa me/ tsit+taM shre yaHku ru hUM/ ha ha ha ha hoHb+ha ga bA na/ badzra satwa mA me muny+tsa/ badzrA b+ha ba/ ma hA sa ma ya sa twa aH/ des ni dam tshig bsrung bar gsungs/ /yi ge brgya pa btus pa yi/ /sgo nas sems dpa' gsum gyi don/ /sgrub thabs dge ba gsum ldan
17a1 pa//rnal 'byor rgyud dang mthun par bstan/ /da ni bya ba'i rgyud gsungs pa'i/ /sems dpa' gsum gyi sbyor ba brtsam/ /thog mar rnal 'byor dbang phyug gis/ /phung po lnga yi nga rgyal bya/ /de rjes sngags ni 'di ltar brjod/ /oM ma Ni d+ha ri badzrI Ni/
17a2 ma hA pra ti sa re/ rak+Sha rak+Sha hUM hUM phaT phaT swA hA/ /lus kyi dkyil 'khor bsgom byas la/ /de rjes byams sogs dran byas nas/ /mdun du lam skyes gru bzhi ste/ /de dbus sna tshogs pad+ma bsam/ /de steng oM las byung ba yi/ /zla ba'i dkyil 'khor rnam par bsam/ /ut+pal
17a3 phyag rgyas bkug pa yi//ut+pal rigs brgya bsam par bya/ /phyag rgya de ni dam tshig gi /sems dpar yang ni rnam par bshad/ /de rjes ye shes sems dpa' ni/ /sngags 'di yis ni dgug par bya/ /oM e h+ye hi b+ha ga ba ti/ pra sA d+ha na tsa d+ha yaM ku ru a/ pU dzaM gr-ih+Na/ a
17a4 tra san+ni hi to b+ha ba/'di brjod ad+ku'i phyag rgya yis/ /ye shes sems dpa' spyan drang bya/ /da ni ting 'dzin sems dpa' yi/ /sbyor ba 'di ltar shes par bya/ /oM b+ha ga ba ti sa ma ye shwa ri sarba bud+d+ha ma te/ tA re a d+hi Sh+Tha nA ny+tsa me ku ru swA hA/ tAM yig hUM gis brgyan pa las/ /
17a5 byung ba'i sgrol ma ljang gu ni/ /zhal gsum phyag drug spyan gsum ste/ /mi bskyod pa yi dbu rgyan can/ /rgyan rnams kyis ni legs par spras/ /g.yas zhal dkar la g.yon zhal gnag /g.yas gsum phyag mtshan rim par ni/ /mi 'jig sbyin dang mda' dang ni/ /rdo
17a6 rje rtse lnga rnam par 'dzin//g.yon gsum rim bzhin sdigs mdzub dang / /gzhu dang ut+pal shes par bya/ /sna tshogs pad+ma'i steng du ni/ /pad+ma'i stegs rgya'i bzhugs stabs kyis/ /mkha' lding lnga la brten pa'o/ /dbus kyi mkha' lding dkar po ste/ /lag pa gnyis
17a7 kyis bum pa 'dzin//g.yas su nag dang ser po ste/ /g.yon pa ljang dang dmar po yang / /rim pa bzhin du shes par bya/ /de ni ting 'dzin sems dpar bshad/ /rang lus la ni rnam dag don/ /yi ge gsum gyi byin gyis brlabs/ /oM dkar spyi bo'i gtsug tu ste/ /mgrin
17b1 bar AHyig dmar po bsam//hUM nag snying ga'i pad+ma ru/ /de ltar rang lus rnam bsam bya/ /sa bon rnams la legs bskor ba'i/ /yi ge brgya pa bzlas par bya/ /oM b+ha ga wa ti tA re/ sa ma ya ma nu pA la ya/ tA ra ka twe no pa tiSh+Tha/ dr-i D+ho me b+ha ba/ su to Sh+yo me b+ha ba/ a
17b2 nu rak+to me b+ha ba/su bo Sh+yo me b+ha ba/ sarba sid+d+hi m+me pra ya ts+tsha/ sarba karma su tsa me/ tsit+taM shre yaHku ru hUM/ ha ha ha ha hoHb+ha ga ba tI badzra tA re mA me muny+tsa tA ra/ b+ha ga wa ti ma hA sa ma ya sa t+pa aH/ 'di ltar mi skyo'i bar du bzlas/ /smon lam rgya chen btab byas la/ /oM gats+tsha s+t+waM bud+d+ha
17b3 bi Sha yaM pu na ra ga ma na yats+tsha/dzaHhUM baM hoHzhes bya ba'i don ni/ oM khyed ni sangs rgyas gnas su gshegs/ /slar yang 'byon par mdzad du gsol/ /zhes pa'o/ /hUM gis gdug cing dzaHyis gshegs/ /baM gyis bcings shing hoHsa dgyes pa'o/ /de ltar bya ba'i rgyud la
17b4 ni//brten pa'i sems dpa' gsum don bshad/ /da ni rgyu yi theg pa las/ /grags pa'i sems dpa'i don bshad bya/ /yang na gcig kyang ldan pas kyang / /'jig rten chos la blo ldog ste/ /rnam par dben pa'i sa phyogs su/ /bde bar stan la 'dug nas su/ /'di
17b5 ltar bsgrub pa'i sbyor ba brtsam//dang po maN+Dal la sogs bsham/ /sems bskyed sngon du song ba yis/ /dkon mchog gsum la skyabs su 'gro/ /skyabs kyi dam pa bla med pa'i/ /dkon mchog gsum la skyabs su mchi/ /zhes brjod lus yid sbyor ldan bya/ /des ni
17b6 byang chub sems dpa' yi//dge bsnyen du ni ming 'gyur te/ /de rjes byang chub sems bskyed de/ /bdag dang tha mi dad pa yi/ /byams dang snying rje dga' ba dang / /btang snyoms kyang ni bsgom par bya/ /de yi rjes la bla ma la/ /dang ba bskyed de dad pa bsgom/ /de ltar byas
17b7 bas 'bras bu ni//'khor ba las ni grol 'gyur te/ /bar chad rnams kyang mi 'byung ngo / /gdams ngag don ni rnam pa gnyis/ /bsgom dang de bzhin bzlas pa'o/ /sgom don dang po ma la nas langs byas te/ /de rjes dkon mchog gsum ni rjes dran bya/ /de nas bdag nyid thog
18a1 mar khrus byas te//rang gi lag mthil g.yon par oM las ni/ /zla ba'i dkyil 'khor de yi steng du hrIH/ /de las byung ba'o ma'i mdog can gyi/ /bdud rtsi'i chu bsam oM hrIHswA hA yi/ /byin gyis brlab bya chu dang rang nyid la/ /dbang bskur tshul du sngags
18a2 'di brjod par bya//oM sarba ta thA ga ta a b+hi She ka ta sa ma ya shri ye hUM/ zhes bya'i sngags brjod spyi bor gtor/ /sgrub pa'i gnas la sogs la gtor bar bya/ /de rjes yig gsum gnas ni gsum du dgod/ /spyi bor tshangs pa'i yi ge dkar po ste/ /mgrin par ye shes yi ge AH
18a3 dmar bsam//khro yig sngon po snying ga'i dbus su dgod/ /de ni sems dpa' rnam pa gsum du bshad/ /de yi man ngag khro yig pad+ma ste/ /a ni zla ba rig byed dang bo'i tshig /bcom ldan shAkya thub pa yin zhes bsam/ /de ni gnas gsum bsrung zhing dag pa'o/ /de rjes shar
18a4 gyi phyogs su kha bltas la//gser sogs snod du chu ni gtsang ma bltam/ /shar gyi phyogs su nam mkhar hUM yig bsam/ /de gyur las byung pad+ma'i ge ser la/ /a las zla ba de yi rigs skyes mtshon/ /de steng rnam snang yig gyur nyid dkyil 'khor/ /'od kyi dkyil 'khor lta
18a5 bur rnam par bsam//zla dbus bcom ldan shAka thub chos 'chad rgya/ /nyi 'od thub dang gnyis su med par bsam/ /de yi rjes la gsang sngags 'di brjod de/ /oM na mo ta thA ga ta s+ya phaT phaT/ /mr-iSh+TaM aN+Na pa naM/ pra yats+tsha me swA hA/ me tog re blangs sngags re brjod byas
18a6 pas//sngar bshams chu la nyi shu rtsa gcig dor/ /yang na rig pa de nyid brjod byas la/ /snga ma'i me tog re re blangs nas kyang / /maN+Dal la sogs sa phyogs gtsang mar ni/ /bcom ldan shAkya thub la dbul bar bya/ /de rjes dpal ldan yi ge brgya pa ni/ /mi skyo'i
18a7 yid kyis ci nus bzlas par bya//oM b+ha ga ba te mu ne ye sa ma ya ma nu pA la ya/ shAkya mu ne twe no ma tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaHku ru hUM/ ha ha ha ha hoHb+ha ga bA na
18b1 shAkya mu ne mA me mu ny+tsa/bud+d+ha b+ha ga bA na/ ma hA sa ma ya sa twa AH/ de ni thog mar gti mug yi ge la/ /bar du sgra can tha mar dbyangs yig las/ /yi ge a ste sems dpa' gsum du grags/ /de rjes dge ba'i rtsa ba bsngo byas te/ /dzaHhUM baM hoHsa gshegs su gsol
18b2 bar bya//rig gnas lnga la mkhas pa rnams kyis kyang / /dpyad par rtogs dka' rdo rje 'chang gi dngos/ /rtsa ba'i grub chen lU yi nas brgyud pa/ /gdams pa phyi nang gsang ba'i sems dpa' gsum/ /sgrub thabs slob ma mchog gis gsol btab dor/ /bla ma'i gdams
18b3 ba bum rgyun 'thungs lags pa//brtson shugs 'bar ba'i snying rjes sna drangs te/ /nyam chung gzung phyir rin chen phreng bar bsdebs/ /ji srid thub pa'i bstan pa gnas bar du/ /mtha' 'khob phyogs su dar zhing rgyas gyur cig /rje btsun gyi yi ge brgya ba'i sems dpa'
gsum gyi bsgom pa'i thabs slob dpon nA ro bas mdzad pa rdzogs so/