བོད་ཡིག |
1a1 @#/
1a1 /mdo sde zha bzhugs so/ /
1b1 @##/ /rgya gar skad du/ Ar+ya d+harma sang gI ti nA ma ma hA yA na sU tra/ bod skad du/ 'phags pa chos yang dag par sdud pa zhes bya ba theg pa chen po'i mdo/ bam po dang po/
1b2 sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das khang pa brtsegs pa dpe med pa/ nam mkha'i
1b3 spyod yul chos kyi dbyings kyi dkyil tha mi dad pa kun nas yangs pa rang gi bsod nams dang ye shes kyi tshogs kyi rdzu 'phrul gyis sprul pa/gnas gsum gyi mngon par 'du byed pa dang mi 'dra
1b4 ba/dpe thams cad las shin tu 'das pa/ de bzhin gshegs pa'i rnam par smin pa/ bsam gyis mi khyab pa las byung ba na/ dge slong stong nyis brgya lnga bcu'i dge slong gi
1b5 dge 'dun chen po phal cher dgra bcom pa/so so yang dag par rig pa thob pa/ gnyis ka'i cha las rnam par grol ba sha stag dang / byang chub sems dpa' sems dpa' chen po shin
2a1 tu rnam par dag pa/ting nge 'dzin la rtag tu spyod yul ba/ thams cad mkhyen pa'i ye shes kyi yul dang spyod yul la gnas pa/ chos kyi dbyings mtha' dang dbus med pa dam pa'i pha rol du phyin pa/ byang chub sems dpa'i brnag pa dang
2a2 bsam pa thams cad yongs su rdzogs pa/byang chub sems dpa'i dbang thams cad shin tu rtogs par khong du chud pa/ mthar thug pa'i gnas bcu thob pa/ yon tan gyi rgyan dpag tu med pas brgyan pa/ byang chub sems dpa'i ting nge 'dzin dang /
2a3 gzungs dang bzod pa dang so so yang dag par rig pa rtogs par khong du chud pa sha stag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs
2a4 pa dang /'jig rten skyong ba gzi brjid che ba brgya stong dang / g.yog brgya stong du ma dang yang thabs cig tu bzhugs te/ de'i tshe na bcom ldan 'das chos thams cad kyi tshul gyi sgo la 'jug pa zhes bya ba'i chos kyi rnam grangs chen po ston to/ /'di
2a5 lta ste/'phags pa rnams mthong bas dad pa thob par 'gyur ro/ /dad pa thob pas dge ba'i chos la 'dun pa thob par 'gyur ro/ /dge ba'i chos la 'dun pas rgyun du chud pa thob par 'gyur ro/ /rgyun du chud pa thob pas don rnyed par 'gyur ro/ /don
2a6 rnyed pas bdag po thob par 'gyur ro//bdag po thob pas sbyin pa thob par 'gyur ro/ /sbyin pas longs spyod chen po thob par 'gyur ro/ /tshul khrims kyis mtho ris thob par 'gyur ro/ /bzod pas kun tu mdzes par 'gyur ro/ /brtson 'grus kyis
2b1 mngon par shes pa myur bar 'gyur ro//bsam gtan gyis sems las su rung bar 'gyur ro/ /shes rab kyis 'jig rten thams cad las mngon par 'phags par 'gyur ro/ /thabs kyis thams cad las 'byung bar 'gyur ro/ /smon lam gyis tshegs med par
2b2 'gyur ro//stobs kyis mi tshugs par 'gyur ro/ /ye shes kyis 'jig rten thams cad ston par 'gyur ro/ /mngon par 'byung bas 'phags pa nyid thob par 'gyur ro/ /rab tu byung bas gnod sems thams cad rab tu zhi bar 'gyur ro/ /bsod snyoms spyod
2b3 pas kha na ma tho ba med par 'gyur ro//dgon pa la gnas pas 'jigs pa med par 'gyur ro/ /nang du yang dag 'jog pas bsam gtan dang / mngon par shes pa dang / tshangs pa'i gnas pa thob par 'gyur ro/ /ji ltar thos pa'i chos la so sor rtog pa dang /
2b4 yang dag par rab tu ston pas so sa yang dag par rig pa thob par 'gyur ro/ /dran pa la mkhas pas gzungs thob par 'gyur ro/ /spobs pa la mkhas pas khyad par lung ston pa'i ye shes thob par 'gyur ro/ /blo gros la mkhas pas chos dang don rab tu dbye ba'i ye shes
2b5 thob par 'gyur ro//mos pa la mkhas pas mi 'jigs pa thob par 'gyur ro/ /phung po la mkhas pas shes rab rab tu dbye bar 'gyur ro/ /khams la mkhas pas rten cing 'brel par 'byung ba phra mo shes pas rab tu 'byed par 'gyur ro/ /skye mched la mkhas pas phyi
2b6 nang la shin tu rmongs pa spong bar 'gyur ro//bden pa la mkhas pas sems can thams cad la mi slu bar 'gyur ro/ /yid la byed pa la mkhas pas sangs rgyas thams cad mnyes par byed par 'gyur ro/ /zhi gnas la mkhas pas sems zhi bar 'gyur ro/ /lhag mthong
2b7 la mkhas pas sems dul bar 'gyur ro//nga rgyal med pas thams cad mkhyen pa'i ye shes yongs su rdzogs par 'gyur ro/ /khengs pa med pas yid rton par 'gyur ro/ /sems can thams cad la mi slu bas dbang gcig par 'gyur ro/ /dam bcas pa la
3a1 brtan pas lha dang mi mgu bar byed par 'gyur ro//ji skad smras pa de bzhin du byed pas skyes bu dam pa'i chos yongs su rdzogs par 'gyur ro/ /nang du sems pas bde bar khong du chud par 'gyur ro/ /sems 'chos pas chos kyi rgyal srid thob par
3a2 'gyur ro//lus bsrung ba dang lus la mi blta bas sangs rgyas kyi sku thob par 'gyur ro/ /'jam zhing snyan la phan par smra bas tshangs pa'i sgra skad sgrogs pa'i dbyangs thob par 'gyur ro/ /dkon mchog gsum la dad pa mi phyed pas gnas dang gnas ma yin pa
3a3 mkhyen pa'i stobs thob par 'gyur ro//thams cad du legs par bya ba'i las byed pas las kyi rnam par smin pa mkhyen pa'i stobs thob par 'gyur ro/ /sems can ye shes kyi lam la sbyor ba dang / pha rol mi shes pa la mi brnyas pas dbang po mchog dang mchog
3a4 ma yin pa mkhyen pa'i stobs thob par 'gyur ro//rten cing 'brel bar 'byung ba phra ba khong du chud pas khams sna tshogs mkhyen pa'i stobs thob par 'gyur ro/ /sems can thams cad dkon mchog gsum la 'dzud pa dang / mos par byed pas mos pa sna tshogs
3a5 mkhyen pa'i stobs thob par 'gyur ro//thams cad du spyod lam rnam par mi 'khrugs pa dang / sems can thams cad la mtshungs par chos ston pas thams cad du 'gro ba'i lam mkhyen pa'i stobs thob par 'gyur ro/ /sems can bsam gtan gyi lam la sbyor bas bsam
3a6 gtan dang ting nge 'dzin dang /snyoms par 'jug pa'i kun nas nyon mongs pa rnam par byang ba dang / ldang ba mkhyen pa'i stobs thob par 'gyur ro/ /sems can lam stor ba rnams la lam nye bar ston pas lha'i mig mkhyen pa'i stobs thob par 'gyur ro/ /sems can
3a7 thams cad la dran pa rab tu sbyin pas sngon gyi gnas rjes su dran pa mkhyen pa'i stobs thob par 'gyur ro//sems can thams cad la rnam par byang ba'i lam nye bar ston pas zag pa zad pa mkhyen pa'i stobs thob par 'gyur ro/ /sems can mang du thos pa la sbyor bas mi
3b1 'jigs pa thob par 'gyur ro//sems can theg pa chen po la sbyor bas sangs rgyas kyi chos ma 'dres pa thob par 'gyur ro/ /stong pa nyid sgom pas bag chags kyi mtshams sbyor ba spong bar 'gyur ro/ /mtshan ma med pa sgom pas chos thams cad la sgrib pa med pa'i ye
3b2 shes thob par 'gyur ro//smon pa med pa sgom pas chos thams cad la so sor rtog pa'i ye shes thob par 'gyur ro zhes de ltar bcom ldan 'das chos thams cad kyi sgo la 'jug pa zhes bya ba'i chos kyi rnam grangs chen po ston to/ /'khor de na byang chub sems
3b3 dpa' gnyis khang pa brtsegs pa'i nang na g.yog mang po dang gnas shing 'khod de/gcig ni rtsom pa med ces bya/ gcig ni blo gros rnam par gnon ces bya'o/ /de gnyis der 'dus nas blo 'di snyam du gyur te/ byang chub sems dpa' rnams kyi chos yang dag
3b4 par brjod pa blo gros yangs pa zhes bya ba yod de/bdag cag gis yang dag par brjod par bya'o zhes smras nas/ byang chub sems dpa' sems dpa' chen po blo gros rnam par gnon gyis byang chub sems dpa' sems dpa' chen po rtsom pa med la 'di skad ces smras so/ /
3b5 rigs kyi bu byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi 'byung ba ji ltar khong du chud par bya/ byang chub sems dpa' sems dpa' chen pos de bzhin gshegs pa rnams kyi ngo bo nyid ji ltar
3b6 khong du chud par bya/de bzhin gshegs pa rnams kyi gzhan gyi rkyen gyis 'byung ba ji ltar khong du chud par bya/ rigs kyi bu byang chub sems dpas de bzhin gshegs pa rnams kyi gnas pa ji ltar khong du chud par bya/ rigs kyi bu byang chub sems dpas de bzhin gshegs
3b7 pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po ji ltar khong du chud par bya/'jug pa ji ltar khong du chud par bya/ dpe dang 'dra ba ji ltar khong du chud par bya/ rigs kyi bu ji ltar byang chub sems dpas sangs rgyas
4a1 rnams du yod par khong du chud par bya/byang chub sems dpas de bzhin gshegs pa dgra bcom pa yang dag par rdzogs pa'i sangs rgyas rnams kyi tha snyad du ston pa ji ltar khong du chud par bya/ rigs kyi bu byang chub sems dpas stong pa nyid ji ltar khong du
4a2 chud par bya/stong pa nyid kyi mi 'thun pa'i phyogs ji ltar khong du chud par bya/ byang chub sems dpas stong pa nyid smra bar ji ltar khong du chud par bya/ byang chub sems dpas chos smra ba po ji ltar khong du chud par bya/ de rnams kyis chos smra ba ji ltar khong du chud par bya/
4a3 byang chub sems dpa' rnams kyi mi 'grogs pa ji ltar khong du chud par bya/ byang chub sems dpa' rnams kyi 'phrul pa chen po ji ltar khong du chud par bya/ dge ba rnams kyi rnam par smin pa'i dbang ba ji ltar khong du chud par bya/ rigs kyi bu byang chub sems dpas zag pa
4a4 med pa'i dge ba rnams kyi rnam par smin pa thob pa'i dbang ba ji ltar khong du chud par bya/de skad ces smras pa dang / byang chub sems dpa' sems dpa' chen po rtsom pa med kyis byang chub sems dpa' sems dpa' chen po blo gros rnam par gnon pa la 'di skad ces smras so/ /
4a5 rigs kyi bu khyod kyis byang chub sems dpa' sems dpa' chen po rnams kyi chos yang dag par brjod pa yang dag phul 'di dris pa 'di lta ste/ chos yang dag par brjod pa blo gros rgya chen po 'di ni yang dag phul gyi gtam mo/ /rigs kyi bu nyon cig dang / sangs rgyas kyi byin gyi
4a6 rlabs kyis chos yang dag par brjod pa blo gros chen po 'di bshad par bya'o//rigs kyi bu byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi 'byung ba khong du chud par bya ste/ bcu
4a7 gang zhe na/'di lta ste/ rtsom pa'i rnam par rtog pa thams cad kun chad pa'i skye bar 'jug pa dang / sems dang yid dang yid kyi rnam par shes pa gnas gyur pa thams cad 'jug pa dang / skye ba dang / 'jig pa las phyir ldog pa'i skye ba dang 'jig pa 'jug pa
4b1 dang /sngon gyi mngon par 'du byed pa'i gnod pas non pa'i rnam par smin pa thams cad 'jug pa dang / chos kyi dbyings chags pa med pa yongs su sbyong ba bsags pa'i bsogs pa thams cad dang / smon lam grangs med pa brgya stong phrag bcus bstan pa'i ston pa thams
4b2 cad dang /de bzhin gshegs pa thams cad kyi byin gyi rlabs kyis byin gyis brlabs pa'i sangs rgyas kyi byin gyi rlabs dang / ji ltar yongs su smin par byas pa'i dge ba'i rtsa ba'i shugs kyis 'phangs pa'i 'phen pa thams cad dang / byams pa chen po dang / snying rje chen po'i rgyu
4b3 'thun pa shin tu rgyas pa dang /dus dang gnas dang / sems can gyi bsam pa dang dge ba yang dag par 'dod pa ji lta ba dang / lhag pa'i bsam pa'i dbang ji lta ba de bzhin du rnam pa tha dad par 'byung ba yin te/ rigs kyi bu byang chub sems dpas chos kyi tshul la 'jug
4b4 pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi 'byung ba khong du chud par bya'o//rigs kyi bu byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i
4b5 sangs rgyas rnams kyi ngo bo nyid khong du chud par bya ste/bcu gang zhe na/ 'di lta ste/ rang bzhin gyis dri ma med pa'i phyir de bzhin nyid kyi ngo bo nyid dang dbyer med pa'i phyir chos kyi dbyings kyi ngo bo nyid dang / thams cad du song ba'i phyir yang dag pa'i mtha'i ngo bo nyid dang / ngo bo nyid
4b6 kyis dben pa'i phyir stong pa nyid dang mtshan ma med pa dang smon pa med pa'i ngo bo nyid dang /gzhan gyi rkyen gyi dbang gis zhugs pa'i phyir sgyu ma dang smig rgyu dang chu zla dang sprul pa dang brag ca dang dri za'i grong khyer dang mgal me bskor ba'i ngo bo nyid dang / rdzas med pa'i phyir skye ba med cing 'byung
4b7 ba med pa'i ngo bo nyid dang rang bzhin gyis 'od gsal ba'i phyir chos thams cad kyi rang bzhin gyi ngo bo nyid dang /rgyun ma chad pa'i phyir sngon gyi mthar ma byung ba dang lus med pa'i phyir phyi ma'i mthar mi 'pho ba dang / sngon gyi mtha' dang phyi ma'i mtha' med pas da ltar byung ba la mi
5a1 gnas pa ste/rigs kyi bu dag byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi ngo bo nyid khong du chud par bya'o/ /rigs kyi bu byang chub sems dpas chos
5a2 kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi gzhan gyi rkyen gyis 'byung ba khong du chud par bya ste/bcu gang zhe na/ 'di lta ste/ chos kyi 'bras bu'i phyir bag yod pa'i sa bon dang / kha na ma tho ba med pa'i
5a3 phyir shes rab dang thabs kyis bskyed pa dang /legs par 'gro ba'i phyir tshul khrims kyi pha rol tu phyin pa'i rkang pa dang / bdud rtsi'i phyir byang chub kyi sems kyi 'tsho ba'i dbang po dang / las legs par byed pa'i phyir zhi gnas dang lhag mthong gi lag pa dang / me long lta bu'i
5a4 ye shes phun sum tshogs pa'i phyir las kyi rnam par smin pa 'jug pa'i mig dang /legs par zhugs pa'i phyir pha rol tu phyin pa thams cad sgrub pa'i lte ba dang / nan tan snying por byed pa'i phyir bsdu ba'i dngos po'i sgal tshigs dang / rnam par mi rtog pa'i phyir stong pa nyid sgom
5a5 pa'i yan lag gi dam pa mgo dang /sems can thams cad kyi bya'o cog mi 'dor ba'i phyir yid ma bsad cing skrag pa med la spro ba ste/ rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i
5a6 sangs rgyas rnams kyi gzhan gyi rkyen gyis 'byung ba khong du chud par bya'o//rigs kyi bu byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi gnas pa khong du chud par bya ste/ bcu gang
5a7 zhe na/'di lta ste/ nga yi ba med cing yongs su 'dzin pa med pa'i phyir gnod sems dang zhe sdang thams cad dang bral ba dang / rtsi sman lta bu'i phyir sems can thams cad rtag tu nye bar 'tsho ba dang / sngon dam bcas pa las ma nyams pa'i phyir bden pa yongs su skyong ba
5b1 dang /snying rje chen po yongs su sbyangs pa'i phyir sems can la lta ba dang / sems can gyi don 'ba' zhig la brtson pa'i phyir de 'ba' zhig gis bsam pa dang / gzhan gyi sdug bsngal gyis gnod pa'i phyir bdag gi bde ba la mi lta ba dang / 'khor ba dang mya ngan las
5b2 'das pa ro gcig pa'i phyir mya ngan las 'das par rnam par rtog pa dang bral ba dang /lhun gyis grub pas bya ba byed pa bsal ba'i phyir yongs su mi skyo ba'i mtshan nyid dang / sha'i lus med pa'i phyir tshol ba thams cad dang bral ba dang / thams cad du mya ngan las 'das pa
5b3 kun tu ston pa'i phyir thogs pa med pa'i mtshan nyid de/rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi gnas pa khong du chud par bya'o/ /rigs kyi bu
5b4 byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/bcu gang zhe na/ 'di lta ste/ nyon mongs pa dang / shes bya'i
5b5 sgrib pa thams cad spang ba'i mthar 'gro ba dang /gang zag dang chos dang yul la bdag med par khong du chud pa dang skye ba dang chos kyi gnas gyur pa rnyed pa dang / sems can thams cad la sangs rgyas kyi mdzad pa byed pa lhun gyis grub pa rgyun ma bcad pa'i ye shes thob pa
5b6 dang /de bzhin gshegs pa thams cad kyi chos kyi sku dbyer med pa thob pa dang / 'khor ba dang mya ngan las 'das pa rnam pa gnyis su bsam pa dang bral ba dang / chos thams cad kyi rtsa ba yongs su dag pa dang / chos thams cad skye ba med cing 'gag pa med pa
5b7 de'i dngos po bsgoms pa dang /de bzhin nyid dang chos kyi dbyings dang yang dag pa'i mtha' mnyam pa'i ye shes thob pa dang chos thams cad kyi rang bzhin dang / mya ngan las 'das pa'i rang bzhin mnyam pa'i ye shes thob pa ste/ rigs kyi bu byang chub sems dpas
6a1 chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o//rigs kyi bu gzhan yang byang chub sems dpas chos kyi tshul la
6a2 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/bcu gang zhe na/ 'di lta ste/ nyon mongs pa thams cad kyi rtsa ba ni smon pa yin te/ smon pa las byung ba'o/ /
6a3 de bzhin gshegs pa la ni smon pa med de/ smon pa dang bral bas de bzhin gshegs pa yongs su mya ngan las 'das pa zhes bya'o/ /smon pa med pas de bzhin gshegs pa ni chos gang yang mi len to/ /mi len pas mi 'jug mi ldog ste/ len pa med pas de bzhin gshegs
6a4 pa yongs su mya ngan las 'das pa zhes bya'o//gang 'jug pa dang ldog pa yang dag par chad pa de ni chos kyi sku ste/ mi skye mi 'gag go/ /skye ba dang 'gag pa dang bral bas de bzhin gshegs pa yongs su mya ngan las 'das pa zhes bya'o/ /gang skye ba med pa dang / 'gag
6a5 pa med pa de ni cir yang brjod par bya ba ma yin te/brjod par bya ba med pas de bzhin gshegs pa yongs su mya ngan las 'das pa zhes bya'o/ /bdag dang sems can med de chos tsam 'di skye zhing 'gag pas chos kyi gnas gyur pa'i phyir de bzhin gshegs pa yongs su mya ngan
6a6 las 'das pa zhes bya'o//nyon mongs pa dang nye ba'i nyon mongs pa thams cad ni glo bur ba yin te/ chos kyi dbyings ni 'ong ba med cing 'gro ba med pas de glo bur yang ma yin gnas pa yang ma yin te/ chos kyi dbyings mnyam pa'i phyir de bzhin gshegs pa yongs su mya ngan las
6a7 'das pa zhes bya'o//de bzhin nyid ni bden pa ste/ de bzhin nyid ma gtogs pa'i chos gzhan rnams ni pa'o/ /bden pa'i ngo bo nyid ni de bzhin te/ de bzhin nyid kyi ngo bo nyid ni de bzhin gshegs pa yongs su mya ngan las 'das pa zhes bya'o/ /yang dag pa'i
6b1 mtha' ni spros pa med pa/chos gzhan ni spros pa'i ngo bo nyid de/ yang dag pa'i mtha' mnyam pa'i phyir de bzhin gshegs pas yongs su mya ngan las 'das pa zhes bya'o/ /skye ba med pa ni bden pa ste/ skye ba la sogs pa'i chos gzhan rnams ni mi bden pa log pa
6b2 pa slu ba'i chos can no//de bzhin gshegs pa ni pa slu ba'i chos can ma yin te/ bden pa'i ngo bo nyid ni de bzhin gshegs pa yongs su mya ngan las 'das pa zhes bya'o/ /yang dag pa ma yin pa ni mngon par 'du byed de/ yang dag pa la ni mngon
6b3 par 'du bya ba med do//yang dag pa ni de bzhin gshegs pa'i chos kyi sku ste/ 'dus ma byas pa ni yongs su mya ngan las 'das pa zhes bya ste/ rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa
6b4 yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o//rigs kyi bu gzhan yang byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi
6b5 yongs su mya ngan las 'das pa chen po khong du chud par bya ste/bcu gang zhe na/ 'di lta ste/ sbyin pa dang sbyin pa'i 'bras bu bdag med cing bdag gi ba med pa dang / sbyin pa dang sbyin pa'i 'bras bu yongs su shes pas rnam par rtog pa gnas gyur pa phyin ci ma log pa ni
6b6 de bzhin gshegs pa yongs su mya ngan las 'das pa zhes bya'o//tshul khrims dang tshul khrims kyi 'bras bu bdag med cing bdag gi ba med pa dang / tshul khrims dang tshul khrims kyi 'bras bu yongs su shes pas rnam par rtog pa gnas gyur pa phyin ci ma log pa ni de
6b7 bzhin gshegs pa yongs su mya ngan las 'das pa zhes bya'o//bzod pa dang bzod pa'i 'bras bu bdag med cing bdag gi ba med pa dang / bzod pa dang bzod pa'i 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa
7a1 yongs su mya ngan las 'das pa zhes bya'o//brtson 'grus dang brtson 'grus kyi 'bras bu bdag med cing bdag gi ba med pa dang / brtson 'grus dang brtson 'grus kyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin
7a2 gshegs pa yongs su mya ngan las 'das pa zhes bya'o//bsam gtan dang bsam gtan gyi 'bras bu bdag med cing bdag gi ba med pa dang / bsam gtan dang bsam gtan gyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin
7a3 gshegs pa yongs su mya ngan las 'das pa zhes bya'o//shes rab dang shes rab kyi 'bras bu bdag med cing bdag gi ba med pa dang / shes rab dang shes rab kyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs
7a4 pa yongs su mya ngan las 'das pa zhes bya'o//sems can thams cad sems can ma yin pa dang / chos thams cad bdag med pa dang / sems can du 'du shes pa'i phyin ci log dang bral zhing chos su 'du shes pa'i phyin ci log dang bral ba ni de bzhin gshegs
7a5 pa yongs su mya ngan las 'das pa zhes bya'o//gang bdag la sdug par 'gyur ba de ni tshol bar 'gyur ro/ /tshol ba la brtson pa de ni nyon mongs so/ /bdag la sdug pa dang bral zhing tshol ba thams cad dang bral ba ni phyir nyon mi mongs te/ nyon mongs pa med pa ni de bzhin
7a6 gshegs pa yongs su mya ngan las 'das pa zhes bya'o//'dus byas ni tshad dang ldan pa yin te/ 'dus ma byas ni tshad med pa'o/ /'dus byas dang 'dus ma byas kyi chos las rnam par grol zhing 'dus ma byas kyi chos nyid thob pa tshad med pa'i chos ni de bzhin gshegs pa
7a7 yongs su mya ngan las 'das pa zhes bya'o//de bzhin gshegs pas ni gang stong pa nyid las rnam par grol ba'i chos sam/ sems can gang yang ma gzigs te/ stong pa nyid ni chos so/ /chos kyi sku ni de bzhin gshegs pa yongs su mya ngan las 'das pa zhes bya ste/
7b1 rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o/ /rigs kyi bu byang chub sems dpas chos kyi tshul
7b2 la 'jug pa bcus/de bzhin gshegs pa dgra bcom pa yang dag par rdzogs pa'i sangs rgyas rnams kyi 'jug pa khong du chud par bya ste/ bcu gang zhe na/ 'di lta ste/ chos shin tu rnam par dag pa'i phyir chos kyi gnas la gnas pa dang / rang gis dam
7b3 bcas pa nyams su len pa'i phyir snying stobs che ba'i gnas la gnas pa dang /don mtshungs pa'i phyir bdag dang gzhan gyi don ro gcig pa dang / rnam par mi rtog pa'i dbyings shin tu rnam par dag pa'i phyir shel gyi nor bu ltar rnam par mi rtog pa dang gnod pa bsal ba'i
7b4 phyir bde ba thob pa dang /nyon mongs pa'i dgra rab tu bcom pa'i phyir 'jigs pa med pa thob pa dang / chos thams cad la the tshom med pa'i phyir mi 'jigs pa thob pa dang / sems can thams cad la bsam pa mnyam pas phyir rgol ba bcom pa dang / mthu shin tu rnam par
7b5 dag pa'i phyir sprul pa brgya stong du ma 'gyed pa la mkhas pa dang /nam mkha' ltar shin tu rnam par dag pa'i phyir sgrib pa med par gzugs thams cad kun tu ston pa la mkhas pa ste/ rigs kyi bu byang chub sems dpas chos kyi tshul la 'jug pa bcu po de dag gis de
7b6 bzhin gshegs pa dgra bcom pa yang dag par rdzogs pa'i sangs rgyas rnams kyi 'jug pa khong du chud par bya'o//rigs kyi bu gzhan yang byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams
7b7 kyi 'jug pa khong du chud par bya ste/bcu gang zhe na/ 'di lta ste/ de bzhin gshegs pa 'di snyam du 'khor ba ni nyes pa mang po'o/ /skyon chags pas mya ngan las 'das pa ni yon tan dang ldan pa'o snyam du mi dgongs te/ gzhan du na 'khor ba dang mya ngan las 'das pa
8a1 mnyam pa nyid brnyes pas de bzhin gshegs pa mi 'khor zhing yongs su mya ngan las mi 'da' la sems can gyi don la mi phyogs pa yang ma yin no//de bzhin gshegs pa 'di snyam du sems can 'di dag gi blo ni phyin ci log pa nyon mongs pa dang / nye ba'i nyon
8a2 mongs pas nyon mongs pa ste/de dag ngas dgrol bar bya'o snyam du mi dgongs mod kyi/ gzhan du na sngon sgro btags pas 'phangs pa'i dbang gis/ sems can de dang de dag gi khams dang dbang po dang / mos pa ji lta ba bzhin du de bzhin gshegs pa'i mdzad
8a3 pa de dang de dag lhun gyis grub cing rnam par mi rtog par 'jug go//de bzhin gshegs pa 'di snyam du ngas mdo'i sde'am/ dbyangs kyis bsnyad pa'i sde'am/ lung du bstan pa'i sde'am/ tshigs su bcad pa'i sde'am/ ched du brjod pa'i sde'am/ gleng gzhi'i
8a4 sde'am/rtogs pa brjod pa'i sde'am/ de lta bu byung ba'i sde'am/ skyes pa rabs kyi sde'am/ shin tu rgyas pa'i sde'am/ rmad du byung ba'i sde dang / rnam par gtan la phab pa'i chos kyi sde 'di bstan to snyam du mi dgongs mod kyi/ lhun gyis grub cing rnam par mi rtog
8a5 par sems can de dang de dag la de bzhin gshegs pa'i chos ston pa 'jug go//de bzhin gshegs pa 'di snyam du nga grong ngam/ grong khyer ram/ grong rdal lam/ tshong 'dus 'dir bsod snyoms kyi phyir 'jug go snyam mam/ rgyal rigs sam/ bram ze'i rigs sam/
8a6 rje'u rigs sam/ dmangs rigs sam/ rgyal po'am/ rgyal bu'am/ rgyal po'i blon po'am/ sems can gang yang rung ba'i gan du gshegs so snyam du mi dgongs mod kyi/ de bzhin gshegs pa'i ye shes sngon du 'gro ba'i sku dang gsung dang / thugs kyi phrin las
8a7 de dag de bzhin du 'jug go//de bzhin gshegs pa la sbribs pa dang skyems pa mi mnga'/ bshang gci mi mnga'/ sku nyam chung ba ma yin mod kyi/ bsod snyoms spyod de/ zhal zas kyang gsol la/ yongs su gsol ba yang mi mnga' ste/ thams cad du lhun gyis grub
8b1 cing rnam par mi rtog par sems can yongs su smin par bya ba'i mdzad pa yang mi gtong ngo //de bzhin gshegs pa 'di snyam du sems can 'di ni tha ma/ 'di ni 'bring / 'di ni rab ste/ 'di la ni tha ma/ 'di la ni 'bring / 'di la ni rab kyi gtam mdzad do snyam du mi dgongs
8b2 mod kyi/rnam par mi rtog par snod ji lta ba de bzhin du de bzhin gshegs pa'i chos ston pa de lhag chad med par 'jug go/ /de bzhin gshegs pa 'di snyam du sems can 'dis nga la bsti stang du ma byas/ mchod pa ma byas te mi snyan pa byas kyis/ nga 'di dang lhan cig tu cung
8b3 zad kyang smra bar mi bya'i/'dis ni nga la bsti stang du byas/ mchod cing ri mor byas/ bstod cing bsngags kyis nga 'di dang lhan cig smra bar bya'o snyam du mi dgongs te/ de bzhin gshegs pa ni dgra zin la thugs snyoms par 'jug go/ /de bzhin gshegs pa ni rgyags
8b4 pa ma yin/bag med pa ma yin/ rjes su chags pa ma yin/ khong khro ba ma yin/ brkam pa ma yin/ brkam par 'gyur ba ma yin/ zhen pa ma yin/ bsten par mdzad pa ma yin/ nye ba'i nyon mongs pa ma yin mod kyi/ spyod yul dben pa/ 'dod
8b5 pa rnams las dben pa/dben pa la mngon par dga' ba rnams kyi bsngags pa yang gsung ngo / /me long lta bu'i ye shes dang ldan pas/ de bzhin gshegs pa ni shes bya thams cad la mi mkhyen pa'am/ mi rig pa'am/ thugs su ma chud pa gang yang
8b6 med de/bya ba dang mi bya ba dag gzigs nas sems can de dang de dag la de bzhin du 'jug go/ /de bzhin gshegs pa ni sems can gyi don phun sum tshogs pa la yang dgyes par mi 'gyur/ ma 'byor ba la yang mi dgyes par mi 'gyur te/ yang dag par zhugs pa
8b7 rnams la ni sgrib pa med pa'i byams pa chen po 'jug /log par zhugs pa rnams la ni sgrib pa med pa'i thugs rje chen po 'jug ste/ rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs
9a1 pa'i sangs rgyas rnams kyi 'jug pa khong du chud par bya'o//rigs kyi bu byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi dpe dang 'dra ba khong du chud par bya ste/
9a2 bcu gang zhe na/ 'di lta ste/ dper na nyi ma ni sems can tha ma dang / 'bring dang mchog dang dad pa dang ma dad pa thams cad la mtshungs par 'char zhing mtshungs par snang bar byed do/ /de bzhin du de bzhin gshegs pa dgra bcom pa yang dag par rdzogs pa'i sangs
9a3 rgyas kyang sems can tha ma dang 'bring dang mchog dang dad pa dang /ma dad pa thams cad la mtshungs par 'char zhing mtshungs par ye shes snang bar mdzad do/ /'di lta ste/ dper na nam mkha' ni thams cad du sems can thams cad la mi sgrib pa'i ngo bo nyid de/ gzhan
9a4 du na glo bur gyi du ba dang /sprin dang rdul dang khug rna dag gis sgrib pa dang bcas par kun tu snang ngo / /de bzhin du de bzhin gshegs pa yang nam mkha' ltar sems can thams cad la mi sgrib pa'i ngo bo nyid de/ gzhan du na glo bur gyi du ba dang sprin dang rdul dang khug rna
9a5 lta bu'i ngar 'dzin pa dang /nga yir 'dzin pas bsgribs par sems can rnams kyis de bzhin gshegs pa mthong zhing myong bar mi 'gyur ro/ /'di lta ste/ dper na me ni shing thams cad la yod mod kyi/ rkyen dang rtsol ba ma tshang na mi 'bar zhing rang gi dgos pa rnams mi
9a6 byed do//de bzhin du de bzhin gshegs pa yang shes bya thams cad la gnas mod kyi/ dad pa la sogs pa'i rkyen dang rtsol ba ma tshang na mi 'byung ste/ sangs rgyas kyi bya ba rnams kyang mi mdzad do/ /'di lta ste/ dper na tshon tha dad pa snod gcig gi nang du blugs te/
9a7 tshon mang po de'i nang du ras tha gu tha dad pas phur te bcug na phur ma'i dbang ji lta ba bzhin du tshon chags kyang tshon de dag mi rtog /rnam par mi rtog go/ /de bzhin du de bzhin gshegs pa dge ba'i rtsa ba sna tshogs kyi tshogs mang po yang mos pa'i tha gus ji ltar phur ba bzhin du
9b1 sems can rnams kyis de bzhin gshegs pa mthong ste/de bzhin gshegs pa'i yon tan yang len par byed do/ /'di lta ste/ dper na chus gang ba'i klung ni bstod kyang dma' bar 'bab bo/ /zhe sdang zhing ngan du smras kyang dma' bar 'bab pa yin no/ /de bzhin du de bzhin
9b2 gshegs pa yang bstod dam ngan du smras kyang ye shes kyis gshegs pa yin gyi/nga rgyal gyis gshegs pa ni ma yin no/ /'di lta ste/ dper na bu ram shing gtubs gshags la gtubs gshags nas 'chas kyang mngar ba'i ro de mi 'dor ro/ /de bzhin du de bzhin
9b3 gshegs pa yang mchod kyang rung ma mchod kyang rung ste/bsnyen pa na rnam par grol ba'i mngar ba'i ro de mi 'dor ro/ /'di lta ste/ dper na sa ni rnam par mi rtog cing 'gyur ba med par gnas te/ de la khe 'dod pa gang dag gis rmos nas yongs su sbyang ba byas te sa bon
9b4 btab pa de dag gi lo tog phun sum tshogs par 'gyur ro//gang dag mi rmod/ yongs su sbyang ba mi byed/ sa bon mi 'debs pa de dag gi lo tog ni phun sum tshogs par mi 'gyur ro/ /de bzhin du de bzhin gshegs pa yangs ltar rnam par mi rtog cing 'gyur ba med par
9b5 gnas te/de la yon tan 'dod pa gang dag de bzhin gshegs pa la dad pa dang dang ba dang / gus pa bskyed pa de dag gi yon tan gyi lo tog phun sum tshogs par 'gyur ro/ /gang dag de bzhin gshegs pa la dad pa dang dang ba dang / gus pa mi skyed pa de dag gi yon
9b6 tan gyi lo tog ni phun sum tshogs par mi 'gyur ro//'di lta ste/ dper na la la zhig gis tsan dan dang / ga pur la mi snyan pa byas te ngan du brjod nas rang gi lus la bskus kyang / de la tsan dan dang ga pur de dri zhim par byed kyi dri nga bar mi byed do/ /de bzhin du de bzhin
9b7 gshegs pa dgra bcom pa yang dag par rdzogs pa'i sangs rgyas kyang ngan du smra ste mi snyan par brjod nas bsnyen cing bsten te bsnyen bkur byed pa de dag de bzhin gshegs pas sangs rgyas kyi yon tan gyi dri dang ldan par mdzad do//'di lta ste/ dper na zam pa dang /
10a1 stegs dang / khri lam ni sems can tha ma dang / 'bring dang mchog thams cad la mi thogs pa dang / bde bar 'gro bar byed pas mtshungs par gnas so/ /de bzhin du de bzhin gshegs pa yang sems can tha ma dang 'bring dang mchog thams cad la mi
10a2 mnyam pa med cing sgrib pa med pa dang /bde bar 'gro bas mtshungs par 'jug go/ /'di lta ste/ dper na ri'i rgyal po gangs ri la rtsi'i rgyal po mthong na mdzes pa zhes bya ba yod de/ de mthong ma thag tu sems can thams cad kyi nad thams cad med par 'gyur ro/ /
10a3 de bzhin du de bzhin gshegs pa yang mthong ma thag tu sems can thams cad kyi nad thams cad sel bar 'gyur te/ rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs
10a4 rgyas rnams kyi dpe dang 'dra ba khong du chud par bya'o//rigs kyi bu byang chub sems dpas chos kyi tshul la 'jug pa bcus sangs rgyas khong du chud par bya ste/ bcu gang zhe na/ 'di lta ste/ rgyu 'thun pa'i sangs rgyas dang / rnam par smin pa las byung ba'i sangs rgyas
10a5 dang /ting nge 'dzin gyi sangs rgyas dang / smon lam gyi sangs rgyas dang / sems kyi sangs rgyas dang / ngo bo nyid kyi sangs rgyas dang / longs spyod rdzogs pa'i sangs rgyas dang / sprul pa'i sangs rgyas dang / btags pa'i sangs rgyas dang / mdun du
10a6 gzhag pa'i sangs rgyas so//de la rgyu 'thun pa'i sangs rgyas gang zhe na/ gang pha rol tu phyin pa rnams kyi rgyu 'thun pa dang pha rol tu phyin pa'i chos sgrub par byed pa yin te/ 'di gnyis las gang grub pa de ni sgrub pa'i sangs rgyas te/ de'i phyir rgyu 'thun pa'i sangs rgyas
10a7 zhes bya'o//de la rnam par smin pa las byung ba'i sangs rgyas gang zhe na rgyu 'thun pa gang pha rol tu phyin pa rnams kyi rnam par smin pa yin te/ rnam par smin pa de las gang rnam par smin pa'i sangs rgyas kyi gzugs su 'byung ngo / /de yang sems can gyi byin gyi rlabs dang
10b1 chos kyi byin gyi rlabs kyi phyir 'byung ste/'di ni rnam par smin pa las byung ba'i sangs rgyas zhes bya'o/ /de la ting nge 'dzin gyi sangs rgyas gang zhe na/ de bzhin gshegs pa'i ting nge 'dzin gang la snyoms par 'jug cing ting nge 'dzin gang la snyoms par zhugs nas lhun gyis grub cing
10b2 rtsol ba mi mnga' bar sangs rgyas brgya stong 'byung ste/ting nge 'dzin gyi byin gyi rlabs des ting nge 'dzin las byung bas na ting nge 'dzin gyi sangs rgyas zhes bya ste/ 'di ni ting nge 'dzin gyi sangs rgyas zhes bya'o/ /de la smon lam gyi sangs rgyas gang zhe na/ byang chub sems dpas gang
10b3 sems can gang dang gang gzugs dang kha dog dang spyod lam ji lta ji lta bu gang dang gang gis 'dul bar 'gyur ba de dang de la de lta bu'i gzugs dang kha dog dang spyod lam gyis 'dul bar gyur cig ces smon lam btab nas/de sangs rgyas kyis 'dul ba rnams ni sangs rgyas kyi
10b4 gzugs kyis 'dul te/smon lam de las byung bas smon lam gyi sangs rgyas zhes bya ste/ 'di ni smon lam gyi sangs rgyas zhes bya'o/ /de la sems kyi sangs rgyas gang zhe na/ gang byang chub sems dpas sems la dbang rab tu thob nas/ de sems la dbang ba des gang dang
10b5 gang bsams pa de dang de bzhin du 'gyur te/de sangs rgyas kyis 'dul ba'i sems can rnams mthong nas bdag sangs rgyas kyi gzugs su gyur cig ces mos par byed de/ de sems las byung bas na sems kyi sangs rgyas yin te/ 'dul ba de dag kyang rang gi sems yongs
10b6 su dag pas sangs rgyas mthong zhing shes te/'di ni sems kyi sangs rgyas zhes bya'o/ /de la ngo bo nyid kyi sangs rgyas gang zhe na/ ngo bo nyid kyi sangs rgyas ni gnas ngan len gyi gnas gyur pa bsam gyis mi khyab pa/ dri ma med pa gzugs sna tshogs can/ chos kyi
10b7 dbyings rnam pa tha dad pa/gzugs dang byad dang dbyibs sna tshogs pa/ skyes bu chen po'i mtshan sum cu rtsa gnyis dang ldan pa'i sangs rgyas kyi gzugs su snang ba 'di ni ngo bo nyid kyi sangs rgyas zhes bya'o/ /de la longs spyod rdzogs pa'i sangs rgyas gang zhe na/
11a1 gang byang chub sems dpa' rnams dang longs spyod dang / kun tu spyod pa mtshungs pa dang rnam pa dang zas dang smra ba dang cho ga dang spyod pa mtshungs pa 'di ni longs spyod rdzogs pa'i sangs rgyas zhes bya'o/ /de la sprul pa'i sangs rgyas gang zhe na/ 'di la
11a2 sangs rgyas dang byang chub sems dpas gzugs thams cad ston pa'i ting nge 'dzin thob pa de dag ting nge 'dzin de la snyoms par zhugs te/dbang thob cing snying rje chen pos bskul bas sangs rgyas kyi gzugs su sprul nas sems can rnams 'dul ba 'di ni sprul pa'i sangs
11a3 rgyas zhes bya'o//de la btags pa'i sangs rgyas gang zhe na/ 'di la la la zhig slob dpon nam mkhan po la sangs rgyas bzhin du blta/ sangs rgyas bzhin du bsnyen bkur byed de/ de slob dpon dang / mkhan po de la sangs rgyas bzhin du blta zhing sangs rgyas bzhin
11a4 du bsnyen bkur byas pas de sangs rgyas kyi chos rnams rab tu 'dzin la yongs su rdzogs par byed de/yongs su bsgrub pa 'di ni btags pa'i sangs rgyas zhes bya'o/ /de la mdun du gzhag pa'i sangs rgyas gang zhe na/ 'di la la la zhig gis sangs rgyas kyi sku gzugs byas
11a5 sam/byed du bcug ste/ mchod cing rim gro bya ba thams cad kyis bsti stang du byed/ bla mar byed/ ri mor byed cing / de sangs rgyas kyi chos rnams rab tu 'dzin la yongs su rdzogs par byed de/ yongs su sgrub pa 'di ni mdun du gzhag pa'i sangs rgyas zhes bya ste/
11a6 rigs kyi bu byang chub sems dpas chos kyi tshul la 'jug pa bcu po de dag gis sangs rgyas khong du chud par bya'o/ /rigs kyi bu byang chub sems dpas de bzhin gshegs pa dgra bcom pa yang dag par rdzogs pa'i sangs rgyas rnams kyi tha snyad du ston pa rnam pa bcu khong du chud
11a7 par bya ste/rnam pa bcu gang zhe na/ 'di lta ste/ phung po ston pa dang / khams ston pa dang / skye mched ston pa dang / sems can ston pa dang / las ston pa dang / skye ba ston pa dang / rga ba ston pa dang / 'chi ba ston pa dang / shi ba'i nying mtshams sbyor ba ston
11b1 pa dang /de rab tu zhi bar 'gyur ba'i mya ngan las 'das pa ston pa'o/ /de la ji ltar na phung po ston pa tha snyad du ston ce na/ gzugs kyi phung po ni don dam par yod pa ma yin no/ /gal te gzugs kyi phung po don dam par yod du zin na ni de yongs su btang bas srid pa 'chad par
11b2 'gyur te/gang yongs su btang nas grol ba de la gnas pa'am/ 'gro ba yod par 'gyur ba zhig na/ de lta ma yin pas de'i phyir gzugs kyi phung po ston pa tha snyad du ston pa'o/ /de bzhin du tshor ba'i phung po ston pa dang / 'du shes kyi phung po ston pa dang / 'du byed kyi phung po
11b3 ston pa dang /rnam par shes pa'i phung po ston pa tha snyad du ston pa yin te/ rnam par shes pa'i phung po ni don dam par yod pa ma yin no/ /gal te rnam par shes pa'i phung po don dam par yod du zin na ni de yongs su btang bas srid pa 'chad par 'gyur te/ gang yongs su btang
11b4 nas grol ba de la gnas pa'am/'gro ba yod par 'gyur ba zhig na/ de lta ma yin pas de'i phyir rnam par shes pa'i phung po ston pa tha snyad du ston pa'o/ /de bzhin du khams ston pa dang skye mched ston pa ni tha snyad du ston pa'o/ /de la ji ltar na sems can du ston pa tha snyad du ston
11b5 pa yin zhe na/sems can ni don dam par yod pa ma yin te/ de ni chos tsam du zad pas sems can med do/ /gal te sems can yod du zin na ni phung po 'gags pas nam mkha' bzhin du sems can phung po med par 'gyur la/ phung po bzhin du sems can yang 'dus
11b6 byas su 'gyur ba zhig na/de lta ma yin pas de'i phyir sems can ston pa tha snyad du ston pa'o/ /de la ji ltar na las ston pa tha snyad du ston pa yin zhe na/ las rnams byed pa yod pa yang ma yin/ med pa yang ma yin no/ /gal te las rnams byed pa zhig yod du zin na ni las
11b7 rnams byed pa nam mkha' bzhin du ma byas par 'gyur la/phung po bzhin du 'dus byas su yang 'gyur ba zhig na/ ma byas pa ni nam mkha' dang mtshungs te/ ma byas pa rnams byed par mi 'gyur ro/ /de'i phyir las gang la yang byed pa med do/ /de med pas na las yod par ga la
12a1 'gyur te/de'i phyir las ston pa tha snyad du ston pa'o/ /de la ji ltar na skye ba ston pa tha snyad du ston pa yin zhe na/ skye ba ni don dam par yod pa ma yin no/ /gal te skye ba don dam par yod du zin na ni rtag par 'gyur te/ de ltar na skye ba ni skye ba med par 'gyur ro/ /
12a2 gang skye bas skye ba dang / skyes pas gzir bar gyur pa de yang med par 'gyur te/ de'i phyir skye ba ston pa tha snyad du ston pa'o/ /de la ji ltar na rga ba ston pa tha snyad du ston pa yin zhe na/ rga ba ni don dam par yod pa ma yin no/ /gal te rga ba don dam par yod du zin na ni gang yang
12a3 rgas par mi 'gyur te/gang rgas pa de ni gzhon nu yang ma yin/ rgan po yang ma yin/ rnying pa yang ma yin la/ byis pa la yang rga ba med de/ de'i phyir byis pa ni rga bar mi 'gyur ro/ /rga ba med na ji ltar na rga bar 'gyur/ de ltar ma rgas pa ni rga bar mi 'gyur ro/ /
12a4 gal te rgas pa rga bar 'gyur na rga ba gzhon nur yang ji ste mi 'gyur/ de'i phyir rga ba ston pa yang tha snyad du ston pa'o/ /de la ji ltar na 'chi ba ston pa tha snyad du ston pa yin zhe na/ 'chi ba ni don dam par yod pa ma yin no/ /gal te 'chi ba don dam par yod du zin na ni
12a5 gzung bar 'gyur te/gcig gis bzung bas srog chags gzhan thams cad mi 'chi bar 'gyur ba'i rigs na/ mi 'chi bar yang mi 'gyur te/ 'chi ba ni ga las kyang mi 'ong / gang du yang mi 'gro bas 'chi ba ni ston pa ste/ de'i phyir 'chi ba ston pa tha snyad du ston pa'o/ /de la
12a6 ji ltar na shi ba'i nying mtshams sbyor ba ston pa tha snyad du ston pa yin zhe na/shi ba'i nying mtshams sbyor ba ni don dam par yod pa ma yin no/ /gal te shi ba'i nying mtshams sbyor ba don dam par yod du zin na ni gang 'chi ba de nyid skye bar 'gyur ro/ /de ltar shi ba nyid skye bar
12a7 'gyur na ni gang nying mtshams sbyor ba dang /gang du nying mtshams sbyor ba'i lus gnyis su 'gyur ro/ /gal te nying mtshams sbyor ba zhig yod du zin na ni phung po lnga rnams kyang yod par 'gyur ro/ /de ci'i phyir zhe na/ phung po las rnam par grol ba'i rnam par shes pa
12b1 'jug pa med de/gzugs la nye bar 'gro zhing rnam par shes pa 'jug go/ /rnam par shes pa ni tshor ba la nye bar 'gro/ 'du shes la nye bar 'gro/ 'du byed la nye bar 'gro zhing de la rten/ de la dmigs te rnam par shes pa 'jug go/ /mi rten pa'i rnam par shes
12b2 pa ni skad cig tsam yang 'jug pa med do//ji ltar chos gnas pa bzhin du sa bon dang myu gu ltar 'byung bas de'i phyir shi ba'i nying mtshams sbyor ba ston pa ni tha snyad du ston pa'o/ /de la ji ltar na de zhi bar 'gyur ba'i mya ngan las 'das pa ston pa tha snyad du ston pa yin zhe na/ mya ngan las
12b3 'das pa ni don dam par yod pa ma yin te/'khor ba nye bar zhi ba ni mya ngan las 'das pa zhes bya'o/ /'khor ba nyid mya ngan las 'das pa yang ma yin la/ 'khor ba las mya ngan las 'das pa tha dad du gyur pa yang ma yin te/ 'khor ba de yang rmi lam lta bu sgyu ma lta bu ste/
12b4 yod pas kyang ma yin/ med pas kyang ma yin/ yod med du gyur pas kyang mi 'byung ngo / /ji ltar de yod pas kyang ma yin/ med pas kyang ma yin/ yod med du gyur pas kyang mi 'byung ba de bzhin du/ yod pas kyang ma yin/ med pas kyang ma yin/ yod med du gyur
12b5 pas kyang mi ldog ste/gzhan du na 'du shes dang tshor ba 'gog pa ni mya ngan las 'das pa zhes bya'o/ /'du shes de ni smig rgyu lta bu'o/ /tshor ba ni chu'i chu bur lta bu'o/ /smig rgyu dang / chu'i chu bur gyi 'byung ba dang ldog pa ji lta bar 'khor ba dang / mya ngan las 'das pa
12b6 yang de bzhin te/de'i phyir de zhi bar 'gyur ba'i mya ngan las 'das pa ston pa ni tha snyad du ston pa yin te/ byang chub sems dpas bcu po de dag ni de bzhin gshegs pa dgra bcom pa yang dag par rdzogs pa'i sangs rgyas rnams kyi tha snyad du ston par khong du chud par bya'o/ /rigs
12b7 kyi bu byang chub sems dpas chos kyi tshul la 'jug pa bcus stong pa nyid khong du chud par bya ste/bcu gang zhe na/ 'di lta ste/ bdag med pa dang / sems can med pa dang / srog med pa dang / gang zag med pa dang / rje med pa dang / skye ba med pa dang / 'gags pa
13a1 med pa dang /mngon par 'du mi byed pa dang / byed pa med pa dang / bdag po med pa'o/ /de la ji ltar na bdag med pas stong pa nyid khong du chud par bya zhe na/ stong pa nyid ni dngos po yang ma yin/ dngos po med pa yang ma yin no/ /gal te stong pa nyid dngos
13a2 po yin du zin na ni stong pa nyid 'dus byas dang mi rtag par 'gyur ro//ci ste stong pa nyid dngos po med pa yin du zin na ni stong pa mi stong par 'gyur te/ de'i phyir stong pa nyid dngos po yang ma yin/ dngos po med pa yang ma yin te/ de ltar bdag med pas stong pa nyid khong du chud
13a3 par bya'o//ji ltar na sems can med pas stong pa nyid khong du chud par bya zhe na/ sems can ni stong pa yang ma yin/ mi stong pa yang ma yin no/ /gal te sems can stong pa yin na ni srog gcod pa byas kyang sdig par mi 'gyur ro/ /'on te stong pa ma yin na ni rtag par
13a4 'gyur ro//de lta bas na bcom ldan 'das kyis kyang sems can ni rtag pa yang ma yin/ mi rtag pa yang ma yin/ 'dus byas kyang ma yin/ 'dus ma byas kyang ma yin zhes gsungs te/ de ltar na sems can med pas stong pa nyid khong du chud par bya'o/ /ji ltar na srog
13a5 med pas stong pa nyid khong du chud par bya zhe na/stong pa nyid ni mi 'tsho mi 'chi'o/ /de la mig ni bdag dang bdag gis stong ngo / /gang bdag dang bdag gis stong pa de ni mi 'tsho mi 'chi'o/ /de bzhin du rna ba dang sna dang lce dang lus dang / yid ni bdag dang bdag gis stong
13a6 ngo //gang bdag dang bdag gis stong pa de ni mi 'tsho mi 'chi ba ste/ de ltar na srog med pas stong pa nyid khong du chud par bya'o/ /de la ji ltar na gang zag med pas stong pa nyid khong du chud par bya zhe na/ stong pa nyid ni gang zag tu bgrang ba ma yin/ stong pa nyid ni chos su
13a7 bgrang ba ma yin no//phung po dang khams dang skye mched rnams ni stong pa yin te/ de dag bzung nas gang zag ces btags so/ /gang bzung nas btags pa de ni yod pa dang med pa zhes brjod par bya ba ma yin te/ de ltar gang zag med pas stong pa nyid khong du chud par
13b1 bya'o//ji ltar na rje med pas stong pa nyid khong du chud par bya zhe na/ stong pa nyid las rnam par grol ba'i chos gang yang med pas gang stong pa nyid kyi rjer 'gyur ba'i chos gang yang med de/ de ltar rje med pas stong pa nyid khong du chud par bya'o/ /de la ji ltar na skye ba med pas stong
13b2 pa nyid khong du chud par bya zhe na/stong pa nyid ni mi skye ste/ gal te stong pa nyid skye na ni stong pa nyid du mi 'gyur te/ de ltar na stong pa ni stong pa ma yin par 'gyur ro/ /gal te skyes pa mi stong ste/ stong pa nyid bdag nyid kyis skye na ni ma skyes pa de mi stong par mi 'gyur te/ de ltar
13b3 skye ba med pas stong pa nyid skye na ni stong pa nyid khong du chud par bya'o//ji ltar 'gag pa med pas stong pa nyid khong du chud par bya zhe na/ gang skye ba de ni 'gag ste/ stong pa nyid ni skye ba ma yin no/ /gang mi skye ba de ji ltar 'gag par 'gyur te/ de ltar 'gag pa med pas stong
13b4 pa nyid khong du chud par bya'o//ji ltar mngon par 'du mi byed pas stong pa nyid khong du chud par bya zhe na/ stong pa nyid ni mi bya mi byed do/ /phung po dang khams dang skye mched rnams ni stong pa yin te/ de dag bzung nas stong pa nyid du 'dogs so/ /de ltar mngon par 'du mi byed
13b5 pas stong pa nyid khong du chud par bya'o//ji ltar na byed pa med pas stong pa nyid khong du chud par bya zhe na/ stong pa nyid ni gang gis kyang 'di lta 'di lta bur gyis shig ces byed du gzhug pa ma yin te/ de ltar byed pa med pas stong pa nyid khong du chud par bya'o/ /ji ltar na
13b6 bdag po med pas stong pa nyid khong du chud par bya zhe na/stong pa nyid ni yul ma yin zhing yul med pas/ sems dang yid dang yid kyi rnam par shes pa dang bral ba ste/ de ltar bdag po med pas stong pa nyid khong du chud par bya'o/ /rigs kyi bu byang chub sems dpas chos
13b7 kyi tshul la 'jug pa bcu po de dag gis stong pa nyid khong du chud par bya'o//rigs kyi bu byang chub sems dpas chos kyi tshul la 'jug pa bcus stong pa nyid kyi mi 'thun pa'i phyogs khong du chud par bya ste/ bcu gang zhe na/ 'di lta ste/ ma rig pa mi 'thun pa'i phyogs dang /
14a1 sred pa mi 'thun pa'i phyogs dang / las mi 'thun pa'i phyogs dang / rnam par shes pa mi 'thun pa'i phyogs dang / len pa mi 'thun pa'i phyogs dang / lta ba mi 'thun pa'i phyogs dang / the tshom mi 'thun pa'i phyogs dang / mchog tu 'dzin pa mi 'thun
14a2 pa'i phyogs dang /nga rgyal mi 'thun pa'i phyogs dang rgod pa mi 'thun pa'i phyogs te/ rnam pa bcu po de dag ni stong pa nyid kyi mi 'thun pa'i phyogs so/ /de la ma rig pa ni gnyis su bgrang ba dang / rnam pa bzhi'o/ /gnyis su bgrang ba gang zhe na/ nyon mongs pa'i
14a3 sgrib par bgrang ba dang /shes bya'i sgrib par bgrang ba'o/ /de la rnam pa bzhi gang zhe na/ 'dod pa la mngon par chags pa'i rgyu las byung ba dang / gzugs la mngon par chags pa'i rgyu las byung ba dang / gzugs med pa la mngon par chags pa'i rgyu las byung ba
14a4 dang /dngos po med pa la mngon par chags pa'i rgyu las byung ba'o/ /de la sred pa ni gzhi gnyis dang / rnam pa bzhi ste/ gzhi gnyis gang zhe na/ srid pa'i gzhi dang / longs spyod kyi gzhi'o/ /rnam pa bzhi gang zhe na/ 'dod pa la sred pa dang / gzugs la sred pa
14a5 dang /gzugs med pa la sred pa dang / dngos po med pa la sred pa'o/ /de la las ni ldang ba gcig dang / rnam pa gsum dang / rnam par smin pa gsum ste/ de la ldang ba gcig gang zhe na/ yid kyi las so/ /rnam pa gsum gang zhe na/ lus las byung ba dang /
14a6 ngag las byung ba dang / sems las byung ba'o/ /de la rnam par smin pa gsum gang zhe na/ gnag la rnam par smin pa gnag pa dang / dkar la rnam par smin pa dkar ba dang / dkar gnag 'dren ma la rnam par smin pa dkar gnag 'dren ma'o/ /de la rnam par shes
14a7 pa ni rnam pa drug ste/mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'o/ /rnam pa drug po de dag ni rnam par shes pa ste/ phyin ci log
14b1 la dmigs pa dang /phyin ci ma log pa la dmigs pa dang / dmigs pa med pa'o/ /de la phyin ci log la dmigs pa ni byis pa so so'i skye bo rnam par g.yengs pa sems phyin ci log tu gyur pa rnams kyi 'dod pa dang / gzugs dang gzugs med pa'i rgyu las byung
14b2 ba'o//phyin ci ma log pa la dmigs pa ni nyan thos dang rang sangs rgyas rnams kyi mya ngan las 'das pa'i rgyur 'gyur ba'o/ /de gnyi ga las rnam par grol ba ni byang chub sems dpa' rnams kyi dmigs pa med pa ste/ sangs rgyas kyi chos kyi rgyur 'gyur ba'o/ /
14b3 de la len pa ni srid pa'i rgyu rnam pa bzhi ste/ 'dod pa'i len pa dang / lta ba'i len pa dang / tshul khrims dang brtul zhugs kyi len pa dang / bdag tu smra ba'i len pa'o/ /de la lta ba ni rnam pa gnyis te/ log pa'i shes pa can dang / dmigs pa can no/ /
14b4 de la log pa'i shes pa can ni log par lta ba'o/ /dmigs pa can ni tha na mya ngan las 'das pa la yang dmigs shing mngon par dga' ba ste/ 'di ni dmigs pa can sangs rgyas rnams kyis smad pa'o/ /de la the tshom ni rnam pa gnyis te/ theg pa'i bar du gcod pa
14b5 dang /nges par gyur pa'i bar du gcod pa'o/ /de la theg pa'i bar du gcod pa'i the tshom ni the tshom gang gis myur du mngon par rdzogs par byang chub pa la the tshom za ba ste/ ha cang yang yun ring por bsdad pa 'dis ci zhig byas/ nyan thos kyi theg pa'am/ rang sangs rgyas kyi
14b6 theg par myur ba myur bar sdug bsngal mthar dbyung ngo snyam nas theg pa chen po spong ba 'di ni theg pa'i bar du gcod pa'i the tshom mo//de la nges par gyur pa'i bar du gcod pa'i the tshom gang zhe na/ the tshom gang gis nges par gyur pa la mi 'jug pa ste/ nges pa'i sa khong du chud par
14b7 mi 'gyur ba 'di ni nges par gyur pa'i bar du gcod pa'i the tshom ste/'di ni the tshom rnam pa gnyis so/ /de la mchog tu 'dzin pa ni sbyin pa la sogs pa legs par spyad pa rnams la 'bras bu la smon pa ste/ bdag sbyin pa dang / tshul khrims la sogs pa 'di dag gis lha
15a1 'am lha la la zhig tu gyur cig ces bya ba la sogs pa thams cad ni log par smon pa ste/'di ni mchog tu 'dzin pa zhes bya'o/ /de la nga rgyal zhes bya ba ni snyems pas nga rgyal zhes bya ste/ 'di ni ngan no/ /bdag ni btsun no/ /bdag ni de dang mnyam mo zhes
15a2 bya ba la sogs pa ste/snyems pa ni nga rgyal zhes bya'o/ /de la rgod pa ni rnam pa gnyis te/ nyon mongs pa skyed pa dang shin tu snyems pa'o/ /de la nyon mongs pa skyed pa ni gzugs la gtsang bar yongs su brtags nas lus dang ngag dang yid kyis 'gal bar spyod pa ste/
15a3 gang 'phags pa rnams kyis smad pa yin no/ /de la shin tu snyems pa ni nges par 'byin pa'i lam de nyid la shin tu snyems pa dang / shin tu rgyug pa dang / bdag nyid snyems pa ste/ 'di ni rgod pa zhes bya'o/ /byang chub sems dpas chos kyi tshul la 'jug pa bcu po
15a4 de dag gis stong pa nyid kyi mi 'thun pa'i phyogs khong du chud par bya'o// //bam po gnyis pa/ rigs kyi bu byang chub sems dpas chos kyi tshul la 'jug pa bcus stong pa nyid smra ba khong du chud par bya ste/ bcu gang zhe na/ 'di lta ste/ mi 'phrogs
15a5 pa dang rnam par mi 'gro ba dang /chags pa med cing chags pa dang bral ba yang ma yin pa dang / 'jug pa med cing ldog pa med pa dang / 'thab pa med cing rtsod pa med pa dang bri ba med cing gang ba med pa dang / 'du byed thams cad rang bzhin gyis 'gags par bzod pa dang /
15a6 chos gang yang so so'i skye bo rnams kyis ma bskyed/ sangs rgyas rnams kyis ma bkag go zhes thos na mi skrag pa dang / 'khor ba'i rang bzhin dang mya ngan las 'das pa'i rang bzhin de dag mtshungs so zhes thos na the tshom mi za ba dang / de bzhin gshegs pa'i sku ni rtag pa/ chos
15a7 rnams ni mi zad pa'o zhes thos na 'jug pa'o//de la ji ltar na mi 'phrogs pas stong pa nyid smra ba khong du chud par bya zhe na/ stong pa nyid smra ba ni mi gnas pa'i phyir 'jig rten gyi chos rnams kyis mi 'phrogs te/ rnyed pas dga' ba yang med ma rnyed pas mi dga' ba yang med/
15b1 grags pas yi sos pa yang med/ ma grags pas sro shi ba yang med/ smad pas zhum pa yang med/ bstod pas dga' bar sems pa yang med/ bde bas chags par 'gyur ba yang med/ sdug bsngal bas yid 'byung bar 'gyur ba yang med de/ gang de ltar
15b2 'jig rten gyi chos rnams kyis mi 'phrogs pa de ni stong pa nyid shes pa ste/de ltar mi 'phrogs pas stong pa nyid smra ba khong du chud par bya'o/ /ji ltar na rnam par mi 'gro bas stong pa nyid smra ba khong du chud par bya zhe na/ stong pa nyid smra ba ni gang nas kyang rnam par mi 'gro/ gang
15b3 du yang rnam par mi 'gro//de gang nas rnam par 'gro ba dang / gang du rnam par 'gro ba de stong pa nyid du mthong / stong pa nyid du shes so/ /gang mi 'gro rnam par mi 'gro ba de yang stong pa nyid du shes te/ de ltar rnam par mi 'gro bas stong pa nyid smra ba khong du chud par bya'o/ /ji
15b4 ltar na chags pa med cing chags pa dang bral ba yang ma yin pas stong pa nyid smra ba khong du chud par bya zhe na/stong pa nyid smra ba ni gang du yang chags pa'am/ mi chags pa med de/ de gang la chags pa dang gang la mi chags pa de stong pa nyid du shes/ stong pa nyid du mthong zhing /
15b5 gang chos gang la chags pa dang / chags pa med pa de yang stong pa nyid du shes te/ de ltar chags pa med cing chags pa dang bral ba yang ma yin pas stong pa nyid smra ba khong du chud par bya'o/ /de la ji ltar na 'jug pa med cing ldog pa med pas stong pa nyid smra ba khong du chud par bya zhe na/
15b6 stong pa nyid smra ba ni gang du yang mi 'jug /gang nas kyang mi ldog ste/ de gang la 'jug pa dang / gang nas kyang ldog pa de stong pa nyid du shes/ stong pa nyid du mthong yang byang chub kyi tshogs rnams la mi 'jug pa yang ma yin te/ gang de ltar 'jug pa de ni stong pa nyid shes pa yin te/
15b7 de ltar 'jug pa med cing ldog pa med pas stong pa nyid smra ba khong du chud par bya'o/ /ji ltar na 'thab pa med cing rtsod pa med pas stong pa nyid smra ba khong du chud par bya zhe na/ gang la la 'thab cing rtsod par byed pa des ni stong pa nyid mi shes te/ de gang dang 'thab cing rtsod par byed pa de stong
16a1 pa nyid du shes/stong pa nyid du mthong ste/ de ltar 'thab pa med cing rtsod pa med pas stong pa nyid smra ba khong du chud par bya'o/ /ji ltar na bri ba med cing gang ba med pas stong pa nyid smra ba khong du chud par bya zhe na/ stong pa nyid smra ba ni chos gang yang bri ba'am gang bar
16a2 mi mthong ste/des chos gang stong pa de bri ba'am 'phel bar yang dag par rjes su mi mthong ngo / /su chos gang 'bri ba'am 'phel bar yang dag par rjes su mthong ba de ni stong pa nyid shes pa ma yin te/ de ltar bri ba med cing gang ba med pas stong pa nyid smra ba khong du chud par
16a3 bya'o//ji ltar na 'du byed thams cad rang bzhin gyis 'gags par bzod pas stong pa nyid smra ba khong du chud par bya zhe na/ stong pa nyid smra ba ni chos yang dag pa'am/ yang dag pa ma yin par yang rjes su mi mthong ngo / /gang yang dag pa yang ma yin/ yang dag pa ma yin pa yang ma
16a4 yin pa de ni ngo bo nyid kyis 'gags pa'o//gang ngo bo nyid kyis 'gags pa de ni rang bzhin gyis 'gags pa zhes bya'o/ /stong pa nyid smra ba ni chos gang yang skye ba'am/ 'gags par yang dag par rjes su mi mthong ste/ de ltar 'du byed thams cad rang bzhin gyis 'gags
16a5 par bzod pas stong pa nyid smra ba khong du chud par bya'o//de la ji ltar na chos gang yang so so'i skye bo rnams kyis ma bskyed/ sangs rgyas rnams kyis ma bkag ces thos na mi skrag pas stong pa nyid smra ba khong du chud par bya zhe na/ stong pa nyid smra ba ni 'di ltar 'di dag ni so so'i skye bo 'di
16a6 dag ni sangs rgyas so snyam du mi sems mod kyi/sangs rgyas kyi chos mnyam pa nyid kyis so so'i skye bo'i chos mnyam pa nyid du shes so/ /gang so so'i skye bo'i chos ni tha ma/ sangs rgyas kyi chos rnams ni rgya che bar mthong ba de ni stong pa nyid shes pa ma yin te/ de ltar chos
16a7 gang so so'i skye bo rnams kyis ma bskyed/sangs rgyas rnams kyis ma bkag ces thos na mi skrag pas stong pa nyid smra ba khong du chud par bya'o/ /ji ltar na 'khor ba'i rang bzhin dang mya ngan las 'das pa'i rang bzhin de dag mtshungs so zhes thos na the tshom mi za bas stong pa nyid
16b1 smra ba khong du chud par bya zhe na/gang 'khor ba'i rang bzhin dang mya ngan las 'das pa'i rang bzhin tha dad par mthong ba de ni stong pa nyid shes pa ma yin no/ /de ci'i phyir zhe na/ 'di lta ste/ 'khor ba'i de bzhin nyid dang mya ngan las 'das pa'i de bzhin nyid de gnyi ga yang 'dus
16b2 ma byas kyi mtshan nyid du mtshan nyid gcig ste/gang 'di ltar 'khor ba'i de bzhin nyid dang / mya ngan las 'das pa'i de bzhin nyid mtshungs shing bye brag med par mthong ba ni the tshom mi za ste/ de ltar 'khor ba'i rang bzhin dang mya ngan las 'das pa'i rang bzhin de dag mtshungs so
16b3 zhes thos na the tshom mi za bas stong pa nyid smra ba khong du chud par bya'o//ji ltar na de bzhin gshegs pa'i sku ni rtag pa chos rnams ni mi zad pa'o zhes thos na 'jug pas stong pa nyid smra ba khong du chud par bya zhe na/ gang de bzhin gshegs pa'i sku rtag pa mi zad pa zhes thos na mi 'jug pa de ni stong
16b4 pa nyid shes pa ma yin no//de ci'i phyir zhe na/ de bzhin gshegs pa'i sku ni de bzhin nyid dang stong pa nyid do/ /glo bur gyi nyon mongs pa dang nye ba'i nyon mongs pa'i sku ma yin no/ /gang de de ltar shes pa de ni stong pa nyid shes pa ste/ de ltar de bzhin gshegs pa'i sku ni rtag pa/
16b5 chos rnams ni mi zad pa zhes thos na 'jug pas stong pa nyid smra ba khong du chud par bya ste/ rigs kyi bu byang chub sems dpas chos kyi tshul la 'jug pa bcu po de dag gis stong pa nyid smra ba khong du chud par bya'o/ /rigs kyi bu byang chub sems dpas chos kyi tshul la 'jug pa bcus chos smra ba
16b6 po khong du chud par bya ste/bcu gang zhe na/ 'di lta ste/ mang du thos pa dang / thos pa 'dzin pa dang / thos pa rgya mtsho dang / thos pa bsags pa yang yin la thos pa des mtho bar yang mi sems/ dma' bar yang mi sems pa dang / don dang / chos dang / nges pa'i
16b7 tshig dang /spobs pa phun sum tshogs pa yang yin la thos pa yongs su tshol ba'i brtson 'grus kyang mi nyams pa dang / dus shes pa dang / tshod shes pa dang / sman shes pa dang / chos shes pa dang / don shes pa yang yin la rgan pa rnams la bsten par yang mi 'dor ba dang /
17a1 bstan bcos shes pa dang de kho na shes pa dang / 'dul ba shes pa yang yin la gzhan la 'dri ba'i sbyor ba yang mi gtong ba dang mgu sla ba dang gso sla ba dang / cho ga dang spyod pa mdzes pa phun sum tshogs pa yang yin la/ bla ma la rim gro byed pa'i spyod pa yang mi gtong
17a2 ba dang /dul ba dang / zhi ba dang / byang ba dang / mi 'jigs pa yang yin la khrel yod pa dang / ngo tsha shes pa'i sbyor ba yang mi gtong ba dang / zab pa dang gting dpag dka' ba'i don la mkhas pa yang yin la 'jig rten gyi 'jug pa rags shing sla ba la yang 'jug pa
17a3 dang /sems can dang 'thun par bya ba'i phyir rang bzhin gyis drang ba dang / mnyen pa dang 'grogs na bde ba yang yin la sems can sdang ba dang rab tu sdang ba dang / tshul khrims 'chal pa rnams dang lhan cig tu yang mi gnas pa dang sbyin pa dang dul ba dang mi 'gyur ba dang /
17a4 des pa dang cho ga dang / gnas pa la mngon par dga' ba yang yin la thams cad du yang yid mi gnas pa dang spyod yul yang rnam par mi rtog pa dang bag la nyal ba dang / kun nas dkris pa dang mdud pa dang / zug rngu 'byin pa yang yin la sems can gzhan gyi nyon mongs
17a5 pa dag spong ba'i brtson 'grus kyang mi gtong ba ste/rigs kyi bu byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o/ /gzhan yang byang chub sems dpas chos kyi tshul la 'jug pa bcus chos smra ba po khong du chud par bya ste/
17a6 bcu gang zhe na/ 'di lta ste/ 'dod pa thams cad dang bral ba yang yin la byang chub sems dpa'i tshogs thams cad la brtson 'grus kyang nyams par mi byed pa dang / chos rnams mi 'pho bar yang shes la bdog pa thams cad yongs su gtong ba'i brtson 'grus kyang nyams
17a7 par mi byed pa dang /mi zad pa'i chos mngon sum du gyur pa yang yin la bzod pa dang des pa yang nyams par mi byed pa dang / rtag tu ting nge 'dzin spyod yul ba yang yin la sems can thams cad kyi dge ba bya ba'i rtsom pa yang nyams par mi byed pa dang / zhi ba dang nye bar zhi
17b1 ba la spyod yul ba yang yin la rnam par g.yengs te sems phyin ci log tu gyur pa'i sems can yongs su smin par bya ba la rab tu brtson pa yang nyams par mi byed pa dang /gzungs dang so so yang dag par rig pa thob pa yang yin la thos pa tshol ba'i brtson 'grus kyang
17b2 nyams par mi byed pa dang /chos kyi gter yang yin la legs par brjod pa gcig gi phyir dpag tshad brgya stong du 'gro ba'i brtson 'grus kyang nyams par mi byed pa dang / chos thams cad la gzhan gyi dring la mi 'jog pa yang yin la slob dpon dang bla ma tshol ba'i brtson 'grus kyang
17b3 nyams par mi byed pa dang /chos thams cad ma skyes ma 'gags pa la the tshom med pa yang yin la dam pa'i chos yongs su 'dzin pa'i brtson 'grus kyang nyams par mi byed pa dang / sems can dang sems can du btags pa yang mi dmigs la/ sangs rgyas kyi byang chub
17b4 khong du chud par bya ba'i brtson 'grus kyang nyams par mi byed pa ste/rigs kyi bu byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o/ /gzhan yang rigs kyi bu byang chub sems dpas chos kyi tshul la 'jug pa bcus
17b5 chos smra ba po khong du chud par bya ste/bcu gang zhe na/ 'di lta ste/ sbyin pa dang / snyan par smra ba dang / don spyod pa dang / don 'thun par byed pas de'i tshig gzung ba yin/ byams pa chen pos bskyed pas de'i tshig 'jam pa yin/ dben pa'i rjes su 'thun zhing 'dod
17b6 chags med pa'i rjes su 'thun la thar pa'i rjes su 'thun pas de'i tshig rjes su 'thun pa yin/zhi gnas dang 'thun zhing lhag mthong dang 'thun la lam dang 'thun pas de'i tshig 'thun pa yin/ gsang ba rnam par 'byed pas de'i tshig gsal ba yin/ sgra ngan pa med pa dang don
17b7 rdzogs pas de'i tshig gi don dang yi ge mi 'dor ba dang ldan pa yin/gti mug gi mun pa dang 'khrul pa rnam par 'joms pas de'i tshig g.yo dang sgyu med pa yin/ chos thams cad mngon sum du gyur pa'i rgyu las byung bas de'i tshig the tshom med pa yin/ nyon mongs pa dang nye
18a1 ba'i nyon mongs pa thams cad spong ba'i rgyu las byung bas de'i tshig bag la nyal med pa yin/dri ma med cing rtsom pa med pas de'i tshig kun nas ldang ba med pa yin te/ rigs kyi bu byang chub sems dpas chos kyi tshul la 'jug pa bcu po de dag gis chos smra ba po
18a2 khong du chud par bya'o//gzhan yang rigs kyi bu byang chub sems dpas chos kyi tshul la 'jug pa bcus chos smra ba po khong du chud par bya ste/ bcu gang zhe na/ 'di lta ste/ de'i chos ston pa dam pa'i chos yongs su gzung ba la rten pa yin gyi/ rnyed pa dang bkur sti la rten pa
18a3 ma yin pa dang /de'i chos ston pa sangs rgyas thams cad la rten pa yin gyi/ rang dga' la rten pa ma yin pa dang / de'i chos ston pa byams pa chen po dang / snying rje chen po'i rtsa ba can yin gyi/ nyon mongs pa dang nye ba'i nyon mongs pa'i rtsa ba can ma yin pa dang / de'i
18a4 chos ston pa so so'i skye bo'i rgyun gcod pa yin gyi/sangs rgyas dang chos dang dge 'dun gyi tshul gcod pa ma yin pa dang / de'i chos ston pa snying rje chen po'i rlan gyis brlan pa yin gyi/ bdag bde ba'i rlan gyis brlan pa ma yin pa dang / de'i chos ston pa stong pa nyid dang /
18a5 mtshan ma med pa dang smon pa med pa la nges par rtogs pas zab pa dang / de'i chos ston pa'i chos kyi 'khor lo rab tu bskor ba dang 'thun pas skye bo dge ba rnams dang 'thun pa dang / de'i chos ston pa phung po dang 'chi bdag dang / nyon mongs pa dang lha'i bu tshar gcod pas bdud thams
18a6 cad rnam par 'joms pa dang /de'i chos ston pa 'jig rten thams cad kyis mchod par 'os pas byang chub kyi snying por 'gro ba dang / de'i chos ston pa stobs dang / mi 'jigs pa dang sangs rgyas kyi chos ma 'dres pa thob par byed pas thams cad mkhyen pa'i ye shes kyi rjes su 'gro ba
18a7 yin te/rigs kyi bu byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o/ /gzhan yang byang chub sems dpas chos kyi tshul la 'jug pa bcus chos smra ba po khong du chud par bya ste/ bcu gang zhe na/ 'di lta ste/ tshangs par
18b1 spyod pa'i yo byad la dga' ba yin gyi/'jig rten pa'i yo byad la dga' ba ma yin pa dang / 'phags pa'i skye bo'i tshul la mngon par dga' ba yin gyi/ 'phags pa ma yin pa'i skye bo'i tshul la dga' ba ma yin pa dang / 'phags pa ma yin pa'i skye bo yongs su smin par bya ba la
18b2 dga' ba yin gyi/bya ba ma yin pa dang / bya ba ngan pa la dga' ba ma yin pa dang / chos kyi zas la mngon par dga' ba yin gyi/ zang zing gi zas la mngon par dga' ba ma yin pa dang / dgon pa dang bas mtha' la mngon par dga' ba yin gyi/ grong dang grong khyer dang
18b3 tshong 'dus kyi spyod yul la mngon par dga' ba ma yin pa dang /sangs rgyas kyi byang chub la mngon par dga' ba yin gyi/ nyan thos dang rang sangs rgyas kyi byang chub la mngon par dga' ba ma yin pa dang / shes bya'i sgrib pa spong ba la mngon par dga' ba yin gyi/ nyon mongs
18b4 pa'i sgrib pa spong ba tsam la mngon par dga' ba ma yin pa dang mtshan dang dpe byad bzang po dang /gzugs kyi lus mngon par bsgrub pa la mngon par dga' ba yin gyi/ chos kyi sku mngon par rtogs pa tsam la dga' ba ma yin pa dang stobs dang / mi 'jigs pa dang / sangs
18b5 rgyas kyi chos ma 'dres pa yang dag par bsgrub pa la mngon par dga' ba yin gyi/'phags pa'i bden pa mngon par rtogs pa tsam la mngon par dga' ba ma yin pa dang / sems can pha rol gyi dge ba'i rtsa ba yang dag par bsgrub pa la mngon par dga' ba yin gyi/ bdag
18b6 gi dge ba'i rtsa ba yang dag par bsgrub pa la mngon par dga' ba ma yin pa dang /bag chags kyi mtshams sbyor ba spong ba la mngon par dga' ba yin gyi/ nyon mongs pa'i sgrib pa spong ba tsam la mngon par dga' ba ma yin pa ste/ rigs kyi bu byang chub sems dpas chos kyi
18b7 tshul la 'jug pa bcu po de dag gis chos smra ba po khong du chud par bya'o//byang chub sems dpas chos kyi tshul la 'jug pa dpe dang ldan pa bcus chos smra ba po khong du chud par bya ste/ bcu gang zhe na/ 'di lta ste/ dper na sa chen po ni sems can thams cad kyi
19a1 'tsho bar gyur kyang su las kyang lan cung zad kyang mi tshol lo//de bzhin du byang chub sems dpas chos smra ba yang sa ltar sems can thams cad kyi 'tsho ba yin te/ su las kyang lan cung zad kyang mi tshol lo/ /'di lta ste/ dper na chu ni rang gi
19a2 yon tan rnams kyis sems can thams cad bde bar byed kyang su las kyang lan cung zad kyang mi tshol lo//de bzhin du byang chub sems dpa' chos smra ba yang rang gi yon tan rnams kyis sems can thams cad bde bar byed de/ su las kyang lan cung zad kyang mi tshol lo/ /
19a3 'di lta ste/ dper na me'i khams ni rang gi yon tan rnams kyis sems can thams cad kyi 'tsho ba yin te/ sems can thams cad kyi 'tsho ba lo tog thams cad yongs su smin par byed kyang su las kyang lan cung zad kyang mi tshol lo/ /de bzhin du byang chub sems dpa'
19a4 chos smra ba yang rang gi shes rab kyi yon tan rnams kyis sems can thams cad kyi 'tsho ba yin te/sems can thams cad kyi 'tsho ba dge ba'i rtsa ba'i lo tog rnams yongs su smin par byed kyang su las kyang lan cung zad kyang mi tshol lo/ /'di lta ste/ dper na rlung gi
19a5 khams ni rtswa dang /shing gel ba dang / sman gyi tshogs dang / sems can gyi rgyud rnams rnam par skyed kyang rnam par mi rtog cing mi 'gyur ro/ /de bzhin du byang chub sems dpas chos smra ba yang sems can thams cad kyi skye ba'i lus dang / chos kyi sku rnam par skyed kyang su
19a6 las kyang lan cung zad kyang mi tshol lo//'di lta ste/ dper na nam mkha'i khams ni mtha' yas shing mu med la sgrib pa med pa'i rang bzhin te/ sems can thams cad nye bar 'tsho yang rnam par mi rtog cing 'gyur ba med de gang la yang mi chags so/ /de bzhin du byang chub sems
19a7 dpa' chos smra ba yang yon tan mtha' yas shing mu med la thams cad du sgrib pa med pa'i rang bzhin te/sems can thams cad nye bar 'tsho yang rnam par mi rtog cing 'gyur ba med de/ gang la yang mi chags so/ /'di lta ste dper na zla ba ni thams cad du sems can thams cad
19b1 la rtag tu des par snang zhing 'jig rten skyong yang 'jig rten gyi chos rnams kyis mi gos so//de bzhin du byang chub sems dpa' chos smra ba yang thams cad du sems can thams cad la rtag tu des par snang zhing 'jig rten skyong yang 'jig rten gyi chos rnams kyis mi gos so/ /'di
19b2 lta ste/dper na nyi ma shar bas mun pa mun nag thams cad med par gyur te/ de'i 'od kyis snang bar byas nas sems can dag rang rang gi las rnams byed kyang nyi ma ni mi rtog rnam par mi rtog ste/ su las kyang lan cung zad kyang mi tshol lo/ /de bzhin du byang chub sems dpa' chos
19b3 smra ba byung bas sems can thams cad kyi ma rig pa'i mun pa mun nag med par gyur te/de'i 'od kyis snang bar byas nas sems can dag rang rang gi dge ba'i rtsa ba rnams byed kyang chos smra ba ni mi rtog rnam par mi rtog ste/ su las kyang lan cung zad kyang mi tshol lo/ /'di lta ste/
19b4 dper na gru sra zhing brtan pa legs par sbyar ba ni mi zhig par chu bo chen po las sems can rnams sgrol nus te/ su las kyang gru btsas cung zad kyang mi tshol lo/ /de bzhin du byang chub sems dpa' chos smra ba yang shes rab brtan cing pha rol tu phyin pa sra ba snying rje chen pos legs
19b5 par sbyar ba'i chos can yang sems can rnams 'khor ba'i chu bo chen po las sgrol nus te/mi zhig kyang su la yang gru btsas cung zad kyang mi tshol lo/ /'di lta ste/ dper na 'bab chu drag po 'jigs pa la zam pa dang / stegs ni sems can tha ma dang 'bring dang / mchog
19b6 rnams la mtshungs par bde bar bya ba'i phyir gnas pa yin te/de gang la yang ngar 'dzin pa med cing nga yir 'dzin pa med do/ /de bzhin du byang chub sems dpa' chos smra ba yang 'khor ba rgal dka' ba mi bzad pa/ ma rungs pa ngan song du gzhol bar 'bab pa la stegs dang /
19b7 zam pa chen por gyur cing sems can tha ma dang / 'bring dang mchog rnams la mtshungs par bde bar bya ba'i phyir gnas pa yin te/ de gang la yang ngar 'dzin pa med cing nga yir 'dzin pa med do/ /'di lta ste/ dper na sgron ma ni mun nag gi nang na sems can tha ma dang /
20a1 'bring dang mchog rnams la mtshungs par snang bar byed de/ de gang la yang ngar 'dzin pa med cing nga yir 'dzin pa med do/ /de bzhin du byang chub sems dpa' chos smra ba yang ma rig pa'i mun nag 'khor ba'i khyim gyi nang du shes rab kyi sgron ma phyung nas sems
20a2 can tha ma dang 'bring dang /mchog rnams la mtshungs par snang bar byed kyang / de gang la yang ngar 'dzin pa med cing nga yir 'dzin pa med de/ byang chub sems dpas chos kyi tshul la 'jug pa dpe dang ldan pa bcu po de dag gis chos smra ba po khong du chud par bya'o/ /rigs
20a3 kyi bu chos kyi tshul la 'jug pa bcus byang chub sems dpa' rnams kyi mi 'grogs pa khong du chud par bya ste/bcu gang zhe na/ 'di lta ste/ dman pa la sems pa dang / dman pa la smon pa'i sems can dman pa rnams dang lhan cig mi 'grogs pa dang / sems can
20a4 mi brtson pa/mi 'grus pa/ le lo can brtson 'grus med pa rnams dang lhan cig mi 'grogs pa dang nga rgyal dang che ba'i nga rgyal dang / nga rgyal las kyang nga rgyal dang nga'o snyam pa'i nga rgyal dang cung zad snyam pa'i nga rgyal dang / mngon pa'i nga rgyal dang / log pa'i nga
20a5 rgyal dang /nga rgyal gyis khengs pa'i sems can rnams dang lhan cig mi 'grogs pa dang ser sna dang 'chal pa'i tshul khrims dang / gnod sems dang le lo dang rnam par g.yengs pa dang / 'chal ba'i shes rab kyi rang bzhin can gyi sems can rnams dang lhan cig mi
20a6 'grogs pa dang /'dod pa la 'dun pa dang / gnod sems dang rnam par 'tshe ba'i rnam par rtog pa rnams dang lhan cig mi 'grogs pa dang / rtog pa dang rnam par rtog pa dang kun tu rtog pa thams cad dang lhan cig mi 'grogs pa dang sgrib pa dang / chod pa dang kun nas dkris pa
20a7 thams cad dang lhan cig mi 'grogs pa dang /nyan thos dang / rang sangs rgyas kyi yid la byed pa thams cad dang lhan cig mi 'grogs pa dang / rnyed pa dang bkur sti dang tshigs su bcad pa la mngon par dga' ba'i yid la byed pa thams cad dang lhan cig mi 'grogs pa dang /
20b1 ngar 'dzin pa dang nga yir 'dzin pa rnams dang lhan cig mi 'grogs pa ste/ chos kyi tshul la 'jug pa bcu po de dag gis byang chub sems dpa' rnams kyi mi 'grogs pa khong du chud par bya'o/ /rigs kyi bu gzhan yang byang chub sems dpa' ni yal bar 'dor ba bcu dang lhan cig mi
20b2 'grogs te/bcu gang zhe na/ 'di lta ste/ dam pa'i chos yongs su 'dzin pa yal bar 'dor ba dang lhan cig mi 'grogs so/ /dam pa'i chos nyan pa yal bar 'dor ba dang lhan cig mi 'grogs so/ /sems can yongs su smin par byed pa yal bar 'dor ba dang lhan
20b3 cig mi 'grogs so//dam pa'i chos kyi sbyin pa yal bar 'dor ba dang lhan cig mi 'grogs so/ /bla ma thams cad la rim gro bya ba la yal bar 'dor ba dang lhan cig mi 'grogs so/ /bdud kyi las yal bar 'dor ba dang lhan cig mi 'grogs so/ /mu stegs can
20b4 dkrug pa yal bar 'dor ba dang lhan cig mi 'grogs so//dam pa'i chos rab tu rnam par 'jig pa yal bar 'dor ba dang lhan cig mi 'grogs so/ /pha rol tu phyin pa yal bar 'dor ba dang lhan cig mi 'grogs so/ /phung po gsum pa'i yongs su bsngo ba yal
20b5 bar 'dor ba dang lhan cig mi 'grogs te/byang chub sems dpa' ni yal bar 'dor ba bcu po de dag dang lhan cig mi 'grogs so/ /byang chub sems dpa' rnams kyi 'phrul pa chen po rnam pa bcur khong du chud par bya ste/ rnam pa bcu gang zhe na/ 'di lta ste/ 'khor
20b6 los sgyur bar 'phrul pa dang /brgya byin du 'phrul pa dang / tshangs par 'phrul pa dang / nyan thos su 'phrul pa dang / rang sangs rgyas su 'phrul pa dang / byang chub sems dpar 'phrul pa dang / sangs rgyas su 'phrul pa dang / sangs rgyas kyi zhing du 'phrul pa dang /
20b7 byang chub kyi snying por 'phrul pa dang / 'khor chen por 'phrul pa ste/ bcu po de dag ni byang chub sems dpa' rnams kyi 'phrul pa chen por khong du chud par bya'o/ /byang chub sems dpa' rnams kyi 'phrul pa chen po 'di dag thams cad ni gzhan gyi bsam pa las gyur par
21a1 blta'o//de la nam 'jig rten 'khor los sgyur ba'i rgyal po gtso bor byed cing tshul khrims yang dag par 'dzin pa dang / spyod pa gtso bor byed pa de na byang chub sems dpa' sems dpa' chen po 'khor los sgyur ba'i bkod pa rnams sprul nas sems can gyi don
21a2 byed do//de la 'khor lo rin po che ni rtsibs stong yod la/ lha dang mi'i las shin tu 'das pa/ 'dzam bu chu bo'i gser las grub pa/ mgar bas ma brdungs pa/ rang gi smon lam dang bsod nams kyi rdzu 'phrul gyi mthu las byung ba blta bas mi ngoms pa'i gzugs
21a3 can nam mkha' la 'gro ba ste/'khor los sgyur ba phal gzhan rnams kyi lta bu ma yin no/ /glang po rin po che ni chu zheng phun sum tshogs pa/ thal kar mche ba drug yod pa/ blta bas mi ngoms pa'i gzugs can/ nam mkha' la 'gro ba/ mgyogs pa'i shugs
21a4 phun sum tshogs pa/sa srung gi bu dang nam mkha' lding ltar mgyogs pa/ legs par spyad pa'i las kyi mthu las byung ba ste/ 'khor los sgyur ba phal gzhan rnams kyi lta bu ma yin no/ /rta rin po che ni thams cad sngo ba/ cang shes pa/ rta'i rgyal po sprin gyi
21a5 shugs can dang mtshungs pa/rlung ltar mgyogs pa/ yid bzhin gyi nor bu ltar bsams pa tsam gyis phyin par byed pa nam mkha' la 'gro ba ste/ 'khor los sgyur ba phal gzhan rnams kyi lta bu ma yin no/ /nor bu rin po che ni zur brgyad pa/ mkhan bzos ma byas pa/
21a6 'od phun sum tshogs pa/ me dang nyi ma'i 'od zil gyis non pa/ gang dga' dgur 'gro ba/ phun sum tshogs pa 'dod dgu phun sum tshogs par sbyin pa/ bsam pa thams cad yongs su rdzogs par byed pa ste/ 'khor los sgyur ba phal gzhan rnams kyi lta bu ma yin no/ /
21a7 bud med rin po che ni ha cang yang mi dkar/ ha cang yang mi sngo/ ha cang yang mi ring / ha cang yang mi thung / ha cang yang mi skem/ ha cang yang mi sbom pa/ 'dul ba'i cho ga phun sum tshogs pa/ bstan bcos dang / bzo dang / snyan dngags dang / sgyu rtsal sna tshogs
21b1 mngon par shes pa/mnyen zhing zab la snyan pa'i smra ba phun sum tshogs pa/ yid bzhin gyi nor bu dang mtshungs pa/ 'dzum pa dang tshul phun sum tshogs pa/ chos spyod pa la dga' ba/ mtshungs pa med pa'i gzugs can te/ 'khor los sgyur ba phal gzhan rnams kyi lta bu ma
21b2 yin no//khyim bdag rin po che ni lag na rdo rje dang 'dra ba/ chu zheng rnam thos kyi bu dang sred med kyi bu dang 'dra ba/ rtag tu mnyen zhing snyan la 'jam zhing yid du 'ong ba'i tshig 'byin pa/ sha'i mig sgrib pa med pa dang ldan pa/ byams pa dang snying rje mang ba/ yid bzhin gyi nor bu ltar
21b3 'dod dgur 'dzud pa/mig rin po che dge ba'i rtsa ba skal ba mnyam pas grub pa ste/ 'khor los sgyur ba phal gzhan rnams kyi lta bu ma yin no/ /blon po rin po che ni rin po che rigs ma lta bu/ dge ba'i rtsa ba rnams kyi gzugs brnyan du gyur pa/ sngar ldang zhing bsam pa dge ba/
21b4 bltas pa dang mig rig rig byas pas don go ba/ las bzang po dang rgyas pa dang rdzogs pa dang ma smad pa byed pa/ nam mkha' la 'gro ba/ 'dod dgur 'gro ba 'byor pa ste/ 'khor los sgyur ba phal gzhan rnams kyi lta bu ma yin no/ /de la sogs pa 'khor los sgyur
21b5 ba'i rin po che bkod pa thams cad sprul nas byang chub sems dpa' sems la dbang ba/sems can thams cad la phan pa dang bde ba'i lhag pa'i bsam pa can/ mi rin po che kha na ma tho ba med pa'i las zab pa/ snum pa/ phan pa'i lhag pa'i bsam pa dam pa/ chos chen po
21b6 la gzhol ba/'khor los sgyur ba chen po/ dge ba bcu'i las kyi lam la bsten pa/ skyes bu chen po'i mtshan sum cu rtsa gnyis dang ldan pas sems can rnams yongs su smin par byed de/ 'di ni byang chub sems dpa'i 'khor los sgyur bar 'phrul pa chen po zhes bya'o/ /
21b7 nam 'jig rten na brgya byin gtso bor byed pa de na brgya byin gyi gzugs su sprul nas sum cu rtsa gsum gyi khang par zhugs te bag yod pa'i gtam gyis lha rnams yongs su smin par byed do/ /nam 'jig rten na tshangs pa gtso bor byed pa de na tshangs pa'i gzugs su sprul nas rab
22a1 tu zhi ba'i bsam gtan dang /tshad med pa'i bsam gtan rnams kyis tshangs pa'i ris kyi lha rnams yongs su smin par byed do/ /nam sems can rnams nyan thos kyis 'dul ba yin gyi/ rang sangs rgyas kyis 'dul ba ma yin/ sangs rgyas kyis 'dul ba ma yin
22a2 pa de na nyan thos kyi gzugs su sprul nas sdug bsngal zad par bya ba dang /mya ngan 'das pa thob par bya ba'i phyir chos ston to/ /nam sems can rnams rang sangs rgyas kyis 'dul ba yin gyi/ nyan thos kyis 'dul ba ma yin/ sangs rgyas kyis 'dul ba ma
22a3 yin pa de na rang sangs rgyas kyi gzugs su sprul nas rang sangs rgyas kyi byang chub kyi lam yang dag par rab tu ston te/dben pa'i gtam dang / 'dod chags dang bral ba'i gtam dang / bsam gtan dang / ting nge 'dzin dang / snyoms par 'jug pa dang / rnam par thar
22a4 pa dang /rdzu 'phrul gyi rkang pa'i gtam dang / sbyin gnas chen por dbang skur ba'i gtam dang / rten pa'i gtam dang / rnam par thar pa'i tshul gyis sems can rnams yongs su smin par byed do/ /nam sems can rnams byang chub sems dpas 'dul bar 'gyur ba de na rang
22a5 gi gzugs su gnas nas pha rol tu phyin pa drug dang byin gyi rlabs bzhi dang /byams pa chen po dang / snying rje chen po dang / gzungs dang / dbang dang / bzod pa dang / sa'i gtam gyis sems can de dag yongs su smin par byed do/ /nam sangs rgyas kyis 'dul ba'i
22a6 sems can dbang po dang /khams rgya che zhing rgyas par gyur pa de na sangs rgyas kyi gzugs su bsgyur nas stobs dang / mi 'jigs pa dang / sangs rgyas kyi chos ma 'dres pa'i gtam rnams dang / sangs rgyas kyi rdzu 'phrul gyi cho 'phrul chen po rnams kyis sems can
22a7 de dag yongs su smin par byed do//nam sems can rnams sangs rgyas kyi zhing rgya chen pos 'dul bar 'gyur ba de na stong gsum gyi stong chen po'i 'jig rten gyi khams lag mthil ltar mnyam pa/ 'jam pa ka tsa lin di ka ltar reg na bde ba bai dUr+ya sngon por gyur la/ shel
22b1 du gyur pa/tsan dan sbrul gyi snying por gyur pa/ 'dzam bu chu bo'i gser du gyur pa/ rdo dang / gseg ma dang / gyo mo med pa/ mtho dma' med pa/ ngan song log par ltung ba med pa/ bud med rgyu ba med pa/ ri nag po med pa/ rin po che sna tshogs kyi ri rnams kyis mdzes
22b2 par byas pa/tsher ma dang ngam grog dang g.yang sa med pa dang / rin po che'i shing ljon pa dang / spos kyi shing sna tshogs kyis mdzes par byas pa sprul nas sems can de dag yongs su smin par byed do/ /nam sems can rnams byang chub kyi snying po rgya chen pos 'dul bar 'gyur
22b3 ba de na byang chub kyi shing dpag tshad bcu gnyis kyi tshad du mngon par sprul te/rtsa ba shin tu zug pa/ sdong po ni 'dzam bu'i chu bo'i gser/ yal ga ni gser dang dngul dang bai dUr+ya dang shel dang rin po che tha dad pa/ rin po che sna tshogs kyi lo mas mdzes par byas pa/ lha'i bu mo brgya
22b4 stong du ma gnas pa sprul nas sems can de dag yongs su smin par byed do//nam sems can rnams 'khor rgya chen pos 'dul bar gyur pa de na lha dang klu dang gnod sbyin dang dri za dang lha ma yin dang nam mkha' lding dang mi'am ci dang / lto 'phye chen po dang / brgya byin dang tshangs pa dang /
22b5 'jig rten skyong ba dang gzi brjid che ba gzi brjid che ba sprul/ nyan thos so so yang dag par rig pa thob pa/ gnyi ga'i cha las rnam par grol ba dang / byang chub sems dpa'i sa bcu la gnas pa/ dpa' bar 'gro ba'i ting nge 'dzin thob pa rnams sprul nas sems can de dag yongs su smin
22b6 par byed de/rigs kyi bu chos kyi tshul la 'jug pa dang bcu po de dag gis byang chub sems dpa' rnams kyi 'phrul pa chen po khong du chud par bya'o/ /rigs kyi bu byang chub sems dpas chos kyi tshul la 'jug pa bcus dge ba rnams kyi rnam par smin pa'i dbang ba khong du chud par bya
22b7 ste/bcu gang zhe na/ 'di lta ste/ dper na chu zla ni nam mkha'i zla ba'i gzugs brnyan yin mod kyi/ chu zla ni yod pa ma yin no/ /de bzhin du dge ba mngon par 'du byed pa'i rkyen las rnam par smin pa dge ba sna tshogs yid du 'ong ba 'byung ste/ ji ltar nam mkha'i zla ba chu'i
23a1 nang du mi 'pho ba de bzhin du dge ba'i las kyi srid pa 'du byed rnams kyang srid pa 'du byed rnams su 'pho ba yang ma yin la/las kyi srid pa'i rkyen las kyang srid pa'i rnam par smin pa'i dbang ba nyid kyang 'byung ngo / /'di lta ste/ dper na rma bya'i mdongs gcig las srog
23a2 chags rnams la gzugs du mar snang ngo //de bzhin du byang chub sems dpa' rnams kyi dge ba mngon par 'du bya ba gcig las rnam par smin pa rnam pa du mar snang ste/ las kyi srid pa'i 'du byed de dag rma bya'i mdongs su mi 'pho mod kyi/ de'i rkyen las rma bya'i mdongs kyi rnam par
23a3 smin pa'i dbang ba nyid kyang 'byung ngo //de bzhin du dge ba'i las kyi srid pa bsags pa yang srid par 'pho ba ma yin yang / dge ba'i las kyi srid pa la brten nas yang srid pa'i rnam par smin pa'i dbang ba nyid kyang 'byung ngo / /'di lta ste/ dper na shin tu ngo mtshar rmad du
23a4 byung ba'i dge ba mngon par 'du bya ba mngon par 'du byed pas nam mkha' las me tog gi char 'bab cing me tog de dag gzugs dang dri la sogs par dbang ba nyid du 'gyur yang /gang dge ba'i rtsa ba ngo mtshar rmad du byung ba byas pa de dag nam mkha'i me tog de dag tu mi 'pho ste/ ngo
23a5 mtshar rmad du byung ba'i mtshan nyid kyang gzhan la/me tog de dag gi mtshan nyid kyang gzhan no/ /de bzhin du dge ba'i las kyi srid pa yang yang srid pa'i dge bar 'pho ba yang ma yin la/ dge ba'i las kyi srid pa'i las kyi rnam par smin pa'i dbang ba nyid kyang 'byung ngo / /'di
23a6 lta ste/dper na shin tu chos spyod pa rnams la sil snyan rnams ma bskyod par mchod pa'i las kyi phyir rang sgra 'byung yang chos spyod pa de sil snyan rnams su 'pho ba ma yin te/ chos spyod pa'i mtshan nyid kyang gzhan la/ sil snyan de dag gi mtshan nyid kyang gzhan mod kyi/ chos spyod pa'i
23a7 rkyen gyis sil snyan rnams ma bskyod par rang sgra 'byung ngo //de bzhin du rab tu byas pa'i dge ba'i las kyi srid pa'i 'du byed rnams yang srid pa'i 'du byed rnams su 'pho ba ma yin te/ rab tu chos spyod pa'i rkyen gyis rab tu yang srid pa'i rnam par smin pa'i dbang ba nyid kyang 'byung ngo / /
23b1 'di lta ste/ dper na 'byung ba chen po'i dbang gis nam mkha' la 'ja' 'byung yang der 'byung ba chen po rnams 'pho ba yang ma yin la/ 'byung ba chen po'i rkyen gyis 'ja'i gzugs kyi rnam par smin pa'i dbang ba nyid kyang 'byung ste/ de la gang kha dog skya bor snang ba de ni
23b2 sa'i khams kyi dbang ngo //de la gang kha dog sngon por snang ba de ni chu'i khams kyi dbang ngo / /de la gang kha dog dmar por snang ba de ni me'i khams kyi dbang ngo / /gang gzhu'i dbyibs ltar 'dug pa'am/ zlum por 'dug pa de ni rlung gi khams kyi dbang ngo / /de bzhin
23b3 du dge ba'i las kyi 'du byed byas pa rnams kyi dge ba'i las kyi srid pa'i dbang gis yang srid pa'i rnam par smin pa'i dbang ba nyid 'byung ngo //'di lta ste/ dper na 'khor los sgyur ba'i dge ba bcu'i las kyi lam gyi sdom pa'i rkyen gyis rin po che sna bdun dang 'bras sa bon ma btab ma rmos
23b4 par 'byung yang /dge ba bcu'i las kyi lam gyi sdom pa rkyen du gyur pa de rin po che de rnams dang 'bras rnams su 'phos pa yang ma yin la/ dge ba bcu'i las kyi lam gyi sdom pa'i rkyen gyis 'khor los sgyur ba'i dbang ba nyid kyang 'byung ngo / /de bzhin du dge ba legs par byas pa
23b5 shin tu mthar phyin pa legs par brtsams pa las yang srid pa'i dge ba'i rnam par smin pa 'byung yang las kyi srid pa yang srid par 'pho ba ma yin te/de'i phyir rnam par smin pa mi 'dra ba zhes bya'o/ /'di lta ste/ dper na lha rab tu dge ba dang ldan pa rnams kyi me tog man dA ra ba bskyed mi dgos
23b6 pa dang gzhal med khang bya mi dgos pa dang /bdud rtsi'i zas bsgrub mi dgos par 'byung yang dge ba'i 'du byed kyi las kyi rnam par smin pa de dag 'pho ba ma yin te/ dge ba'i 'du byed kyi rkyen gyis lha'i rnam par smin pa'i dbang ba 'byung ngo / /'di lta ste/ dper na rdzu 'phrul chen po rnams
23b7 kyi rdzu 'phrul mngon par 'du byed pa'i rkyen gyis sgrib pa med par dbang ba nyid 'byung yang rdzu 'phrul mngon par 'du byed pa sgrib pa med par 'pho ba yang ma yin la/rdzu 'phrul mngon par 'du byed pa'i rkyen gyis rdzu 'phrul dang ldan pa rnams kyi sgrib pa med pa yang 'byung ste/ ri la sogs pa 'pho ba
24a1 yang ma yin/bsams pa tsam gyis sgrib pa med par 'byung ba yang ma yin no/ /de bzhin du bag yod pa rnams kyi dge ba mngon par 'du byed pa'i rkyen gyis yang srid pa'i rnam par smin pa'i dbang ba nyid 'byung ngo / /'di lta ste/ dper na rlung gi rkyen gyis me 'byung gi /
24a2 de med na mi 'byung ste/ me byung nas tshos par bya bar snang ba la sogs par rnam par smin pa'i dbang ba nyid 'byung yang / me'i dbang ba de rlung dang shing rnams la mi 'pho la/ me la me'i dbang ba nyid yod pa yang ma yin no/ /de bzhin du rkyen thams cad las skyes pa'i dge ba dang mi dge ba'i
24a3 rnam par smin pa yang so sor khong du chud par bya'o//'di lta ste/ dper na rnal 'byor spyod pa'i dge slong dge ba zad pa med pa'i tshogs rnam par dag pa/ dbang rab tu thob pas zad par nam mkha' bsams pa tsam gyis de bzhin du 'gyur te/ sra ba dang / gsher ba dang / tsha ba dang /
24a4 g.yo ba rnams dang / sngon po dang / ser po dang / dmar po dang / dkar po rnams kyi sgrib pa med par 'gyur yang / sems kyi sgrib pa med pa nam mkha'i sgrib pa med par 'pho ba yang ma yin/ bsams pa tsam gyis sgrib pa med par 'gyur ba yang ma yin/ sems kyi sgrib pa
24a5 med pa de dang mi ldan par sra ba la sogs pa'i sgrib pa med par 'gyur ba yang ma yin no//de bzhin du rkyen las byung ba'i dge ba dang mi dge ba thams cad kyi rnam par smin pa'i dbang ba nyid khong du chud par bya ste/ byang chub sems dpas chos kyi tshul la 'jug pa bcu po de dag
24a6 gis dge ba rnams kyi rnam par smin pa'i dbang ba nyid khong du chud par bya'o//rigs kyi bu byang chub sems dpas chos kyi tshul la 'jug pa bcus zag pa med pa'i dge ba rnams kyi rnam par smin pa 'thob pa'i dbang ba nyid khong du chud par bya ste/ bcu gang zhe na/ 'di lta ste/ mngon par
24a7 shes pa drug dang /rig pa gsum dang / rnam par thar pa brgyad dang / zil gyis gnon pa'i skye mched brgyad dang / zad par gyi skye mched bcu dang / dbang bcu dang / bden pa bcu dang / mthar gyis gnas pa'i snyoms par 'jug pa dgu dang / stobs bcu dang / shes pa bcu'o/ /
24b1 de la mngon par shes pa drug gang zhe na/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa'i shes pa dang / rdzu 'phrul bya ba shes pa dang / zag pa zad pa shes pa ste/ 'di dag ni byang chub sems dpa' rnams kyi mngon par shes
24b2 pa drug go//de la byang chub sems dpa'i lha'i mig gang zhe na/ dge ba'i tshogs thams cad bsags pa ma nyams pa/ chags pa med pa/ tshad med pa/ sgrib pa med pa/ gnas pa med pa/ rma med pa/ 'khrul pa med pa/ bstan du med pa/ kha na ma tho ba med pa/
24b3 'jig rten thams cad dang nyan thos dang / rang sangs rgyas rnams dang thun mong ma yin pa/ bag chags kyi mtshams sbyor ba thams cad yang dag par bcom pa/ phyad par mthong ba/ phyad par lung ston pa ste/ lha'i mig des sems can rnams mthong ste/ 'chi 'pho dang / skye ba dang /
24b4 kha dog bzang po dang / kha dog ngan pa dang / tha ma dang / mchog dang / las nye bar 'gro ba ji lta ba dang / rgyu dang bcas pa dang rnam par smin pa dang bcas pa yang dag pa ji lta ba bzhin du mthong ngo / /de'i lha'i mig de ni sangs rgyas kyi ye shes thob par byed pa ste/ der nges pa yin
24b5 no//de la byang chub sems dpa'i lha'i rna ba ni de lha'i rna ba sgrib pa med pa/ dge ba'i tshogs thams cad bsags pa/ byis pa so so'i skye bo dang / brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam
24b6 mkha' lding dang /mi'am ci dang / lto 'phye chen po thams cad dang / nyan thos dang rang sangs rgyas thams cad las khyad par du 'phags pa/ chod pa med pa 'od gsal bas sgra thams cad thos te/ lha dang / klu dang / gnod sbyin dang / dri za dang / lha ma yin dang /
24b7 nam mkha' lding dang / mi'am ci dang / lto 'phye chen po'i sgra dang / tha na sbrang bu dang / grog ma dang / sha sbrang dang / 'phags pa dang 'phags pa ma yin pa'i sgra rnams kyang thos te/ thos nas kyang 'phags pa ma yin pa'i sgra rnams la khong khro bar yang mi byed/ 'phags pa'i
25a1 sgra rnams la rjes su chags par yang mi byed/so so'i skye bo'i sgra rnams la tha mar 'du shes pa yang ma yin/ nyan thos dang rang sangs rgyas kyi sgra rnams la dam par 'du shes pa yang ma yin/ 'phags pa ma yin pa'i tshul la khong khro bar yang mi byed/ 'phags pa'i
25a2 tshul la rjes su chags par yang mi byed/sgra gang la yang yon tan du 'du shes pa'am/ nyes par 'du shes pa ma yin te/ gzhan du na sgra thams cad brag ca lta bu dang / stong pa dang / g.yo ba med pa dang / bdag dang bdag gi med cing dben par rab tu shes kyang rna ba'i skye
25a3 mched 'bad pa yang ma yin/sgra'i skye mched 'bad pa yang ma yin te/ byang chub sems dpa'i lha'i rna ba ni 'di lta bu yin no/ /de la byang chub sems dpa'i pha rol gyi sems shes pa ni rang gi sems yongs su shes pa dang ldan pa yin te/ de rang gi sems yongs su shes pa dang
25a4 ldan pas sems can thams cad kyi sems dang spyod pa rab tu shes te/sems can gzhan rnams dang gang zag gzhan dag gi 'dod chags dang bcas pa'i sems kyang 'dod chags dang bcas pa'i sems su yang dag pa ji lta ba bzhin du rab tu shes/ 'dod chags dang bral
25a5 ba'i sems kyang 'dod chags dang bral ba'i sems su yang dag pa ji lta ba bzhin du rab tu shes te/shes nas kyang gang 'dod chags dang bcas pa'i sems de la khong khro bar yang mi byed/ gang 'dod chags dang bral ba'i sems de la rjes su chags par yang mi byed de/ gzhan
25a6 du na 'dod chags dang bcas pa rnams la snying rje chen po rnyed do//'dod chags dang bral ba rnams la byams pa chen po rnyed do/ /de bzhin du zhe sdang dang bcas pa dang / zhe sdang med pa dang / gti mug dang bcas pa dang / gti mug med pa dang / sred pa dang bcas pa
25a7 dang /sred pa med pa dang / len pa dang bcas pa dang / len pa med pa dang / nyon mongs pa dang bcas pa dang / nyon mongs pa med pa dang / tshad dang ldan pa dang / tshad dang mi ldan pa dang / mnyam par bzhag pa dang / mnyam par ma bzhag pa dang / rnam par grol ba'i
25b1 sems dang /rnam par ma grol ba'i sems kyang yang dag pa ji lta ba bzhin du rab tu shes te/ shes nas kyang sems can sems rnam par ma grol ba rnams la khong khro bar yang mi byed/ sems rnam par grol ba rnams la rjes su chags par yang mi byed de/ gzhan du na sems
25b2 rnam par grol ba rnams la byams pa chen po rnyed do//sems rnam par ma grol ba rnams la snying rje chen po rnyed do/ /sems can thams cad shes kyang sems de la sems des snyems pa yang med/ rlom sems kyang med do/ /de pha rol gyi sems shes pa des sems can
25b3 thams cad kyi sems dang spyod pa rab tu shes so//sems can de dag gis ni byang chub sems dpa' des skabs ma phye'i bar du mi shes te/ nyan thos dang rang sangs rgyas kyi lha'i ye shes kyis kyang mi shes na phal pa gzhan rnams kyis shes par 'gyur ba lta ci smos te/ 'di
25b4 ni byang chub sems dpa'i pha rol gyi sems shes pa'o//de la byang chub sems dpa' ni bdag dang sems can gzhan rnams kyi sngon gyi gnas rnam pa du ma rjes su dran te/ de skye ba gcig kyang rjes su dran no/ /skye ba gnyis dang skye ba brgya dang skye ba stong dang / skye ba
25b5 brgya phrag stong nas/skye ba bye ba khrag khrig brgya stong dpag tu med grangs med pa rjes su dran no/ /'jig pa'i bskal pa yang rjes su dran no/ /'chags pa'i bskal pa yang rjes su dran no/ /'jig pa dang 'chags pa'i bskal pa yang rjes su dran pa nas bskal pa chen po bye ba
25b6 khrag khrig brgya stong dpag tu med grangs med pa'i bar du rjes su dran te/dran pa de la de bzhin gshegs pa dang byang chub sems dpa' sa bcu la rab tu gnas pa rnams ma gtogs par lha dang bcas pa'i 'jig rten myos par 'gyur ro/ /'di ltar bdag che ge mo zhig tu 'di 'dra bar gyur
25b7 te/rigs ni 'di zhes bya/ rus ni 'di zhes bya/ mdog ni 'di lta bu/ ming ni 'di zhes bya/ kha zas ni 'di lta bu zhig za za/ tshe'i gnas pa ni 'di srid cig thub/ chu zheng ni 'di lta bu bde ba dang sdug bsngal ni 'di lta bu zhig myong ste/ bdag de nas shi 'phos nas ga ge mo zhig tu skyes/
26a1 de nas kyang shi 'phos nas 'dir skyes te/ rigs ni 'di zhes bya/ rus ni 'di zhes bya/ mdog ni 'di lta bu/ ming ni 'di zhes bya/ kha zas ni 'di lta bu zhig za za/ tshe ni 'di tsam zhig tu thub/ chu zheng ni 'di lta bu/ bde ba dang sdug bsngal ni 'di lta bu zhig myong ngo zhes
26a2 rjes su dran te/bdag gi ji lta bar sems can thams cad kyi yang de bzhin te/ tha na sbrang bu dang grog ma rnams kyi yang rjes su dran no/ /de'i dran pa de chags pa med pa/ rgyun mi 'chad pa/ sgrib pa med pa/ thogs pa med la/ dus su bskul pa med pa/ byams pa chen po dang /
26a3 snying rje chen po dang rab tu ldan pa zab pa gting dpag dka' ba/ bag la nyal med pa/ bag chags kyi mtshams sbyor ba rnam par dag pa bsod nams dang / ye shes kyi tshogs thams cad kyis brgyan pa ste/ 'di ni byang chub sems dpa'i sngon gyi gnas rjes su dran pa'i shes pa zhes
26a4 bya'o//de la byang chub sems dpa' rnams kyi rdzu 'phrul bya ba'i shes pa ni bsod nams dang ye shes thams cad kyis bstan pa/ sgrib pa med pa/ lhun gyis grub pa/ rnam par ma brtags pa/ bskal pa bye ba khrag khrig brgya stong grangs med par sbyin pa dang dul ba dang mi 'gyur
26a5 ba dang /yang dag par sdom pa dang / nges pa dang bsam gtan dang ting nge 'dzin dang snyoms par 'jug pas yongs su sbyang ba byas pa bdag dang sangs rgyas dang lha'i dbang dang ldan pa ste/ de rdzu 'phrul mngon du gyur pa/ mngon par 'du bya ba med pa/ sgrib pa med pa 'jig rten
26a6 thams cad las khyad par du 'phags pa des sems can rnams kyi don byed de/ji ltar 'dod pa de ltar byin gyis rlob bo/ /ji ltar 'dod pa de bzhin du yul rnams ston to/ /byang chub sems dpa' de'i rdzu 'phrul gyi dbang ni thams cad du thogs pa med par 'jug ste/ de gal te
26a7 sems can gcig cig sems can thams cad kyi gzugs kyis 'dul bar gyur na/sems can gcig po de'i mdun du sems can thams cad kyi gzugs snod ji lta ba bzhin du ston te/ sprul pa de dag thams cad kyang byed pa dang / kha zas dang / smra ba dang / spyod pa tha
26b1 dad du 'jug go//de 'dod na sems can thams cad kyi gzugs sangs rgyas kyi gzugs su mos na yang sems can thams cad kyi gzugs sangs rgyas kyi gzugs su 'gyur ro/ /sangs rgyas kyi gzugs sems can thams cad kyi gzugs su mos na yang sangs rgyas kyi gzugs sems
26b2 can thams cad kyi gzugs su 'gyur ro//'jig pa'i bskal pa 'chags pa'i bskal par mos na yang 'jig pa'i bskal pa 'chags pa'i bskal par 'gyur te/ sems can de dag gis kyang 'chags pa'i bskal par shes so/ /'chags pa'i bskal pa 'jig pa'i bskal par
26b3 mos na yang 'chags pa'i bskal pa 'jig pa'i bskal par 'gyur te/sems can de dag gis kyang 'jig pa'i bskal par shes so/ /'jig pa dang 'chags pa yang gzhan du gyur pa ma yin te/ mos pa de ltar yang 'gyur ro/ /de bzhin du bskal pa gcig snga dro tsam du mos
26b4 na yang de na sems can de dag gis bskal pa gcig snga dro tsam du shes so//snga dro bskal pa tsam du mos na yang de de bzhin du 'gyur te/ de na sems can de dag gis de bzhin du shes te/ 'di ni byang chub sems dpa'i mos pa las byung ba'i rdzu 'phrul zhes bya'o/ /de la mngon
26b5 du gyur pa'i rdzu 'phrul ni gang byang chub sems dpa'i bsam gyis mi khyab pa'i bsod nams dang ye shes kyi dbang dang lhun gyis grub pas bsgrim pa med par phun sum tshogs pa thams cad mngon du 'gyur zhing 'grub pa ste/'di ni byang chub sems dpa'i mngon du gyur pa'i rdzu 'phrul zhes
26b6 bya'o//de la byang chub sems dpa'i mngon par 'du byed pa med pa las byung ba'i rdzu 'phrul ni gang byang chub sems dpa' mi sems mi 'jug cing lhun gyis grub pas sems can de dag gi mos pa ji lta ba bzhin du byang chub sems dpa' de gzugs dang spyod lam tha dad par mthong
26b7 zhing shes te/'di ni byang chub sems dpa'i mngon par 'du byed pa med pa las byung ba'i rdzu 'phrul zhes bya'o/ /de 'jig rten gyi khams ji snyed na sems can rnams sangs rgyas 'byung bas 'dul ba'i 'jig rten gyi khams de snyed du sangs rgyas 'byung ba ston te/ dga' ldan gyi
27a1 gnas nas 'chi 'pho ba dang /mngal du 'jug pa dang / btsas pa dang / mngon par 'byung ba dang / dka' ba spyod pa dang / byang chub kyi snying por 'gro ba dang / bdud 'dul ba dang / byang chub rnam par 'tshang rgya ba dang / chos kyi 'khor lo rab tu bskor ba dang /
27a2 yongs su mya ngan las 'das pa chen po ston pa rnams kyis sems can dag yongs su smin par byed do/ /de ltar na byang chub sems dpa' rdzu 'phrul gyi yul tshad med pa yin te/ 'di ni byang chub sems dpa'i rdzu 'phrul bya ba shes pa zhes bya'o/ /de la byang chub sems dpa'i zag pa zad pa shes
27a3 pa gang zhe na/'di dag ni zag pa bzhi ste/ bzhi gang zhe na/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ byang chub sems dpa' ni zag pa de dag yongs su spangs pa yin ma 'ongs pa na mi skye ba'i chos can du 'gyur zhing phyir mi skye
27a4 mi 'gag ste/'dul ba ji lta ba bzhin du sems can rnams la thams cad du skye ba yang ston pa 'di ni byang chub sems dpa'i lam lhun gyis grub pas rgyun mi 'chad par 'jug pa zhes bya ste/ 'di dag ni byang chub sems dpa'i mngon par shes pa drug go/ /de la byang chub sems dpa'i
27a5 rig pa gsum gang zhe na/'di lta ste/ lha'i mig gi rig pa dang sngon gyi gnas rjes su dran pa'i rig pa dang / zag pa zad pa'i rig pa ste/ rig pa ni shes pa zhes bya'o/ /de la lha'i mig gi shes pa ni lha'i mig gi rig pa yin no/ /lha'i mig gi rig pa gang yin pa de ni rnam par
27a6 dag pa'i lha'i mchog rnams kyi yin te/byang chub sems dpa' ni lha'i mig gi rig pa de dang ldan pa yin no/ /rnam par dag pa'i lha ni nyan thos dang rang sangs rgyas dang byang chub sems dpa' rnams te/ de dag ni rnam par dag pa'i lha'o/ /rnam par dag pa'i lha de dag gi mchog
27a7 ni de bzhin gshegs pa dgra bcom pa yang dag par rdzogs pa'i sangs rgyas rnams te/rnam par dag pa'i lha'i mchog rnams zhes bya'o/ /byang chub sems dpas ni rnam par dag pa'i lha'i mchog rnams kyi lha'i mig gi rig pa gang yin pa de 'thob ste/ nyan thos dang rang sangs rgyas
27b1 rnams kyi ltar ma yin pa de ni rig pa dang po'o//de la sngon gyi gnas rjes su dran pa'i rig pa ni de bzhin gshegs pa la sngon gyi mtha' mi mkhyen pa'am/ mi rig pa'am/ mi rtogs pa gang yang mi mnga'o/ /byang chub sems dpa' ni rig pa de thob ste/ nyan thos dang rang sangs
27b2 rgyas rnams kyi ltar ma yin pa 'di ni rig pa gnyis pa'o//de la zag pa zad pa'i rig pa gang zhe na/ zag pa bzhi ste/ bzhi gang zhe na/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ zag pa de dag byang chub sems
27b3 dpas bag chags dang bcas par spong ba'i lam gyis mngon par rtogs te/nyan thos dang rang sangs rgyas rnams kyi ltar nyon mongs pa'i sgrib pa spong ba'i lam gyis ni ma yin no/ /de zag pa zad nas sems can yongs su smin par bya ba'i phyir skye ba'i gnas thams cad du skye ba
27b4 yongs su 'dzin pa thogs pa med pa yin te/'di ni byang chub sems dpa'i zag pa zad pa'i rig pa zhes bya'o/ /'di dag ni byang chub sems dpa'i rig pa gsum mo/ /de la rnam par thar pa brgyad gang zhe na/ gzugs can gzugs rnams la lta ba 'di ni rnam par thar pa
27b5 dang po'o//nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug par mos pa 'di ni rnam par thar pa gsum pa'o/ /de rnam pa thams cad du gzugs kyi 'du shes rnams las yang dag par 'das te thogs pa'i
27b6 'du shes rnams nub par gyur cing /sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las
27b7 yang dag par 'das te rnam par shes pa mtha' yas so snyam nas rnam shes mtha' yas skye mched rdzogs par byas te gnas pa 'di ni rnam par thar pa lnga pa'o//de rnam pa thams cad du rnam shes mtha' yas skye mched las yang dag par 'das te ci yang med do snyam nas ci yang med pa'i
28a1 skye mched rdzogs par byas te gnas pa 'di ni rnam par thar pa drug pa'o//de rnam pa thams cad du ci yang med pa'i skye mched las yang dag par 'das te 'du shes med 'du shes med min skye mched rdzogs par byas nas gnas pa 'di ni rnam par thar pa bdun pa'o/ /
28a2 de rnam pa thams cad du 'du shes med 'du shes med min skye mched las yang dag par 'das te 'du shes dang tshor ba 'gog pa rdzogs par byas nas gnas pa 'di ni rnam par thar pa brgyad pa'o/ /de la ji ltar gzugs can gzugs rnams la blta zhe na/ rten cing 'brel par
28a3 'byung ba dang stong pa dang g.yo ba med par blta ba ste/de ltar lta bas rnam par grol te/ de'i phyir rnam par thar pa zhes bya'o/ /nang gzugs med par 'du shes pas phyi rol gyi gzugs rnams la blta ba ni stong pa nyid dang rten cing 'brel par 'byung ba dang / g.yo ba med pa de ltar
28a4 blta bas rnam par grol te/de'i phyir rnam par thar pa zhes bya'o/ /sdug par mos pa yin te/ sdug pa zhes bya ba ni stong pa'o/ /mi sdug pa ni lta bar gyur pa'o/ /sdug par mos pas rnam par grol te/ de'i phyir rnam par thar pa zhes bya'o/ /de rnam pa thams cad du gzugs
28a5 kyi 'du shes rnams las yang dag par 'das te thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas so zhes bya ba la nam mkha' mtha' yas so zhes bya ba'i nam
28a6 mkha' ni stong pa'o//de ltar mthong bas rnam par grol te/ de'i phyir rnam par thar pa zhes bya'o/ /rnam pa thams cad du nam mkha' mtha' yas skye mched las yang dag par 'das te rnam par shes pa mtha' yas so snyam nas rnam shes mtha' yas skye mched rdzogs par byas te gnas
28a7 zhes bya ba la rnam shes mtha' yas zhes bya ba'i rnam par shes pa de ni thog ma med pa can du bshad de/gang thog ma med pa can de ni stong pa'o/ /de ltar mthong bas rnam par grol te/ de'i phyir rnam par thar pa zhes bya'o/ /de rnam pa thams cad du rnam shes mtha' yas skye mched las yang
28b1 dag par 'das te ci yang med do snyam nas ci yang med pa'i skye mched rdzogs par byas te gnas zhes bya ba la ci yang zhes bya ba ni 'dod chags dang zhe sdang dang gti mug rnams so//ci yang med pa zhes bya ba ni de dag med pa'o/ /de ltar mthong bas rnam par 'grol te/ de'i phyir rnam par
28b2 thar pa zhes bya'o//de rnam pa thams cad du ci yang med pa'i skye mched las yang dag par 'das te 'du shes med 'du shes med min skye mched rdzogs par byas nas gnas zhes bya ba la 'du shes med ces bya ba ni stong pa'i phyir ro/ /'du shes med min zhes bya ba ni rten cing 'brel
28b3 par 'byung ba'i phyir ro//de ltar mthong bas rnam par 'grol te/ de'i phyir rnam par thar pa zhes bya'o/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa rdzogs par byas nas gnas zhes bya ba ni de 'di
28b4 snyam du sems te/'du shes ni smig rgyu lta bu/ tshor ba ni chu'i chu bur lta bu ste/ 'du shes nyid tshor ba tshor ba nyid 'du shes yin pas 'di la shes pa po med/ tshor ba po med do snyam nas de ltar mthong bas rnam par 'grol te/ de'i phyir rnam par thar pa zhes bya ste/ 'di dag ni
28b5 rnam par thar pa brgyad do//de la zil gyis gnon pa'i skye mched brgyad gang zhe na/ gzugs can gzugs rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched dang po'o/ /nang gzugs med par
28b6 'du shes pas phyi rol gyi gzugs kha dog bzang po dang kha dog ngan pa rnams la blta zhing de dag zil gyis mnan nas shes/zil gyis mnan nas mthong ba 'di ni zil gyis gnon pa'i skye mched gnyis pa'o/ /nang gzugs med par 'du shes pas phyi rol gyi gzugs tshad med
28b7 pa dang chen por gyur pa kha dog bzang po dang /kha dog ngan pa rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs chung ngu /
29a1 kha dog bzang po dang kha dog ngan pa rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched bzhi pa'o/ /nang gzugs med par 'du shes pas phyi rol gyi gzugs sngon po/ kha dog sngon po/
29a2 sngon po lta bur ston pa/ 'od sngon po 'byung ba rnams la blta ste/ dper na zar ma'i me tog sngon po kha dog sngon po/ sngon po lta bur ston pa/ 'od sngon po 'byung ba de bzhin du nang gzugs med par 'du shes pas phyi rol gyi gzugs sngon po/ kha dog sngon po/ sngon po lta bur
29a3 ston pa/'od sngon po 'byung ba rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched lnga pa'o/ /nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od
29a4 ser po 'byung ba rnams la blta ste/dper na dong ka'i me tog ser po/ kha dog ser po/ ser po lta bur ston pa/ 'od ser po 'byung ba de bzhin du nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba
29a5 rnams la blta zhing de dag zil gyis mnan nas shes/zil gyis mnan nas mthong ba 'di ni zil gyis gnon pa'i skye mched drug pa'o/ /nang gzugs med par 'du shes pas phyi rol gyi gzugs dmar po/ kha dog dmar po/ dmar po lta bur ston pa/ 'od dmar po 'byung ba
29a6 rnams la blta ste/dper na ban du dzi ba ka'i me tog dmar po/ kha dog dmar po/ dmar po lta bur ston pa/ 'od dmar po 'byung ba de bzhin du nang gzugs med par 'du shes pas phyi rol gyi gzugs dmar po/ kha dog dmar po/ dmar po lta bur ston pa/ 'od
29a7 dmar po 'byung ba rnams la blta zhing de dag zil gyis mnan nas shes/zil gyis mnan nas mthong ba 'di ni zil gyis gnon pa'i skye mched bdun pa'o/ /nang gzugs med par 'du shes pas phyi rol gyi gzugs dkar po/ kha dog dkar po/ dkar po lta bur ston pa/
29b1 'od dkar po 'byung ba rnams la blta ste/ dper na skar ma pa ba sangs dkar po/ kha dog dkar po/ dkar po lta bur ston pa/ 'od dkar po 'byung ba de bzhin du nang gzugs med par 'du shes pas phyi rol gyi gzugs dkar po/ kha dog dkar po/ dkar po lta bur ston pa/
29b2 'od dkar po 'byung ba rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched brgyad pa'o/ /de la zad par gyi skye mched bcu gang zhe na/ 'di lta ste/ zad par sa dang / zad par chu dang / zad par me
29b3 dang /zad par rlung dang / zad par nam mkha' dang / zad par sngon po dang / zad par ser po dang / zad par dmar po dang / zad par dkar po dang / zad par rnam par shes pa ste/ 'di dag ni zad par gyi skye mched bcu'o/ /khams thams cad sa'i khams su mos na
29b4 yang thams cad khams gcig tu 'di lta ste/sa'i khams nyid du 'gyur ro/ /thams cad chu'i khams su mos na yang thams cad khams gcig tu 'di lta ste/ chu'i khams nyid du 'gyur ro/ /thams cad me'i khams su mos na yang thams cad khams gcig tu 'di lta ste/
29b5 me'i khams nyid du 'gyur ro/ /thams cad rlung gi khams su mos na yang thams cad khams gcig tu 'di lta ste/ rlung gi khams nyid du 'gyur ro/ /thams cad nam mkha'i khams su mos na yang thams cad khams gcig tu 'di lta ste/ nam mkha'i khams nyid du
29b6 'gyur ro//thams cad sngon por mos na yang thams cad sngon po nyid du 'gyur ro/ /thams cad ser por mos na yang thams cad ser po nyid du 'gyur ro/ /thams cad dmar por mos na yang thams cad dmar po nyid du 'gyur ro/ /thams cad dkar por mos na yang thams
29b7 cad dkar po nyid du 'gyur ro//thams cad rnam par shes par mos na yang sa dang / chu dang / me dang / rlung dang / nam mkha' dang / sngon po dang / ser po dang / dmar po dang / dkar po thams cad rnam par shes pa nyid du 'gyur te/ de'i phyir zad par gyi skye
30a1 mched ces bya'o//zad par gyi skye ba 'phel bar byed pas de'i phyir zad par gyi skye mched ces bya'o/ /re re yang skye mched thams cad du 'gyur bas de'i phyir zad par gyi skye mched ces bya'o// //bam po gsum pa/ de la byang chub
30a2 sems dpa' rnams kyi dbang bcu gang zhe na/'di lta ste/ tshe la dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / rdzu 'phrul la dbang ba dang / mos pa la dbang ba dang / smon lam la dbang ba dang /
30a3 ye shes la dbang ba dang / chos la dbang ba ste/ de dag ni dbang bcu'o/ /de la bdud rtsi thob pa'i phyir tshe la dbang ba'o/ /sems tsam du yongs su shes pa'i phyir sems la dbang ba'o/ /lag na rin po che dang nam mkha'i mdzod rab tu rnyed pa'i phyir yo byad la dbang ba'o/ /
30a4 bag chags dang bcas pa'i las kyi lam kun chad pa'i phyir las la dbang ba'o/ /ting nge 'dzin rnam par bzlog pa'i bsam gtan rnyed pa'i phyir skye ba la dbang ba'o/ /lhun gyis grub par bya ba la 'jug pa thob pa'i phyir rdzu 'phrul la dbang ba'o/ /zad par gyi skye mched thob par bya
30a5 ba'i phyir mos pa la dbang ba'o//bsams pa tsam gyis don thob par bya ba'i phyir smon lam la dbang ba'o/ /ye shes sngon du 'gro ba'i lus dang ngag dang yid kyi las thob pa'i phyir ye shes la dbang ba'o/ /de bzhin nyid dang chos kyi dbyings dang / yang dag pa'i mtha' mnyam pa'i
30a6 ye shes dri ma med pa'i phyir chos la dbang ba'o//gzhan yang rigs kyi bu 'jig rten ni 'chi bas 'jigs skrag ste/ de'i gnyen por tshe la dbang ba'o/ /'jig rten ni sems kun nas nyon mongs pas 'jigs skrag ste/ de'i gnyen por sems la dbang ba'o/ /'jig rten ni yo byad kyis
30a7 'jigs skrag ste/de'i gnyen por yo byad la dbang ba'o/ /'jig rten ni nyes par spyod pas 'jigs skrag ste/ de'i gnyen por las la dbang ba'o/ /'jig rten ni ngan 'gros 'jigs skrag ste/ de'i gnyen por skye ba la dbang ba'o/ /'jig rten ni kun nas tshol ba'i phongs
30b1 pas 'jigs skrag ste/de'i gnyen por rdzu 'phrul la dbang ba'o/ /'jig rten ni dam pa'i chos kyis phongs par 'gyur ba'i las kyis 'jigs skrag ste/ de'i gnyen por mos pa la dbang ba'o/ /'jig rten ni 'dod pa'i 'ching bas 'jigs skrag ste/ de'i gnyen por smon
30b2 lam la dbang ba'o//'jig rten ni the tshom gyi zug rngus 'jigs skrag ste/ de'i gnyen por ye shes la dbang ba'o/ /'jig rten ni 'khor gyi nang na bag tsha bas 'jigs skrag ste/ de'i gnyen por chos la dbang ba'o/ /gzhan yang rigs kyi bu srog gcod pa spangs shing sems
30b3 can thams cad la khong khro ba'i sems med pa ni tshe la dbang ba thob par bya ba'i rgyu'o//bde ba rnams la sgrib pa med pa'i byams pa chen po dang / sdug bsngal ba rnams la sgrib pa med pa'i snying rje chen po ni sems la dbang ba thob par bya ba'i rgyu'o/ /sems snyoms shing dngos po thams
30b4 cad yongs su gtod pa byang chub tu bsngo ba ni yo byad la dbang ba thob par bya ba'i rgyu'o//las dang bya ba la zhugs nas lus dang ngag dang yid yongs su dag pa'i las kyis las kyi bya ba las bdag gir bya ba la 'jug par ston pa ni las la dbang ba thob par bya ba'i rgyu'o/ /byang chub
30b5 kyi sems kyis yang dag par bsdus pa'i dge ba bcu'i las kyi lam ni skye ba la dbang ba thob par bya ba'i rgyu'o//rnyed pa dang bkur sti dang / tshigs su bcad pa thams cad sbyin pa dang / bzhon pa sbyin pa ni rdzu 'phrul la dbang ba thob par bya ba'i rgyu'o/ /sems can thams cad dkon
30b6 mchog gsum la 'god cing 'dzud de mos par byed pa ni mos pa la dbang ba thob par bya ba'i rgyu'o//sems can thams cad kyi lus dang ngag dang / yid yongs su dag par sgrub pa ni smon lam la dbang ba thob par bya ba'i rgyu'o/ /zang zing med pa'i sems kyis chos sbyin pa ni
30b7 ye shes la dbang ba thob par bya ba'i rgyu'o//sems can thams cad la chos mnyam pa nyid khong du chud par byed pa dang / chos mtshungs par ston pa dang / de bzhin gshegs pa'i sku ni chos kyi sku ste/ zang zing gi sku ma yin no zhes yongs su 'byed pa ni chos la dbang ba thob
31a1 par bya ba'i rgyu'o//rigs kyi bu 'di dag ni byang chub sems dpa' rnams kyi dbang bcu'o/ /de la byang chub sems dpa' rnams kyi bden pa bcu gang zhe na/ 'di lta ste/ kun rdzob kyi bden pa dang / don dam pa'i bden pa dang / mtshan nyid kyi bden pa dang /
31a2 rnam par dbye ba'i bden pa dang / phye ste rtog pa'i bden pa dang / dngos po'i bden pa dang / nus pa'i bden pa dang / zad pa dang mi skye ba shes pa'i bden pa dang / lam la 'jug pa shes pa'i bden pa dang / de bzhin gshegs pa'i ye shes kun 'byung ba'i bden pa ste/ 'di
31a3 dag ni bden pa bcu'o//de la kun rdzob kyi bden pa ni tshad dang 'brel ba/ yul yongs su chad pa kun du tha snyad gdags pa'i phyir gzhan gyi rkyen gyi dbang gis ston pa/ chung ba rgya chen po ma yin pa ste/ 'di ni kun rdzob kyi bden pa'o/ /de la don dam pa'i bden pa ni zab pa/
31a4 stong pa nyid dang rab tu ldan pa/ yul yongs su ma chad pa/ gzhan gyi rkyen gyis ma yin pa/ mnyam pa dang mi mnyam pa med pa/ ma 'khrugs pa/ rtsod pa med pa'i mtshan nyid dang chos thams cad de bzhin nyid kyi mtshan nyid de/ 'di ni don dam pa'i bden pa'o/ /de la mtshan
31a5 nyid kyi bden pa ni gnod pa'i mtshan nyid ni sdug bsngal ba/rab tu skye ba'i mtshan nyid ni kun 'byung ba/ zhi ba'i mtshan nyid ni 'gog pa/ nges par 'byin pa'i mtshan nyid ni lam ste/ 'di ni mtshan nyid kyi bden pa zhes bya'o/ /gzhan yang chos thams cad rang bzhin gyis bdag med
31a6 pa'i mtshan nyid du shes nas nges par gyur pa la 'jug ste/mtshan nyid las gyur pa'i nges par gyur pa ni mtshan nyid kyi bden pa zhes bya'o/ /de bzhin du chos thams cad rang bzhin gyis zhi ba'i mtshan nyid dang / rang bzhin gyis dben pa'i mtshan nyid dang / rang bzhin gyis stong
31a7 pa'i mtshan nyid dang /rang bzhin gyis mi skye mi 'gag pa'i mtshan nyid du shes nas nges par gyur pa la 'jug ste/ mtshan nyid las gyur pa'i nges par gyur pa ni mtshan nyid kyi bden pa zhes bya'o/ /de la rnam par dbye ba'i mtshan nyid ni chos thams cad mtshan nyid gcig pa las
31b1 gzhan gyi dbang gis rnam par phye ste bstan pa'o//mtshan nyid gcig ces bya ba ni stong pa nyid kyi mtshan nyid de/ de ltar chos thams cad stong pa nyid dang / mtshan ma med pa/ smon pa med pa/ mngon par 'du mi byed pa/ ma skyes pa ma byung ba/ ma 'gags pa 'di ni
31b2 stong pa nyid de'i rnam par dbye ba ste/rnam par dbye ba de dag thams cad kyang stong pa nyid kyi mtshan nyid do/ /de ltar stong pa nyid la slu bar mi byed pa de'i phyir rnam par dbye ba'i bden pa zhes bya ste/ 'di ni rnam par dbye ba'i bden pa zhes bya'o/ /de la phye ste rtog pa'i bden pa gang zhe na/
31b3 phral nas rtog pa ni phye ste rtog pa ste/ nges par sems pa/ rig pa mthong ba/ khong du chud pa/ mngon par rtogs pa/ shes pa zhes bya la mi slu ba ste/ de'i phyir phye ste rtog pa'i bden pa zhes bya'o/ /de la dngos po'i bden pa ni dngos po shes pa ste/ dngos po de dag ni phung po dang /
31b4 khams dang / skye mched rnams so/ /phung po dang / khams dang / skye mched de dag rten cing 'brel par 'byung ba dang / stong pa dang dngos po med par shes pa ste/ de ltar shes nas nges par gyur pa la 'jug pas de'i phyir dngos po'i bden pa zhes bya'o/ /de la nus pa'i bden
31b5 pa ni ye shes de dang /spong ba de dang lam des nyon mongs pa spong bar byed pa dang / stobs dang mi 'jigs pa dang / sangs rgyas kyi chos ma 'dres pa khong du chud pa dang / de bzhin gshegs pa thams cad kyi dbang po nyid khong du chud par nus pa ste/ de'i phyir nus pa'i bden pa
31b6 zhes bya'o//de la zad pa dang mi skye ba shes pa'i bden pa ni 'dus byas thams cad zad pa can du ston te/ zad pa de yang mi zad la zad pa la zad pa med do/ /gal te zad pa la zad pa yod du zin na 'gog pa yang zad par 'gyur te/ de'i phyir zad pa zad par mi 'gyur ro/ /gang
31b7 zad par mi 'gyur ba de mi skye ste/'di ni zad pa dang mi skye ba shes pa'i bden pa zhes bya'o/ /de la lam la 'jug pa shes pa'i bden pa gang zhe na/ ye shes kyi lam bsod nams dang ye shes kyi tshogs bsags pa gang gis chos thams cad ma skyes ma 'gags par shes pa des
32a1 'jug cing 'dzud pa ste/de'i phyir lam la 'jug pa shes pa'i bden pa zhes bya'o/ /de la de bzhin gshegs pa'i ye shes kun 'byung ba'i bden pa gang zhe na/ chos kyi sprin gyi sa dang / de bzhin gshegs pa'i sa'i bar ni de bzhin gshegs pa'i ye shes kun 'byung ba'i
32a2 bden pa ste/de bstan pa'i lam gyis mngon par rtogs pa'o/ /'di dag ni byang chub sems dpa' rnams kyi bden pa bcu'o/ /de la byang chub sems dpa' rnams kyi mthar gyis gnas pa'i snyoms par 'jug pa dgu gang zhe na/ 'di la byang chub sems dpa' ni 'dod pa dag
32a3 las dben pa/sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de la 'dod pa rnams ni bsam gtan dang po'i mi
32a4 'thun pa'i phyogs yin te/gang sred pa de dag las dben pa'o/ /de la sdig pa mi dge ba'i chos rnams ni chags pa dang / zhe sdang dang gti mug ste/ gzhi de las srog gcod pa dang / ma byin par len pa dang / 'dod pa la log par g.yem pa dang / smra ba dang /
32a5 phra ma dang / ngag rtsub po dang / tshig kyal pa dang / brnab sems dang / gnod sems dang / log par lta ba'o/ /'di ni sdig pa mi dge ba'i chos rnams zhes bya ste/ de dag las dben pa ni bsam gtan dang po'o/ /rtog pa dang lhan cig pa ni rtog pa dang bcas
32a6 pa ste/rtog pa de dag gang zhe na/ gang dag bsam gtan dang po dang 'thun pa'i rtog pa ste/ de cho ga bzhin du rtog cing de dag kyang dul bas na de dag ni rtog pa zhes bya ste/ shes pa dang khong du chud pa dang / dpyod pa dang / rab tu rtog pa dang / ting nge 'dzin du byed pa ni rtog
32a7 pa'o//de la dpyod pa gang zhe na/ bsam gtan dang po dang 'thun pa'i rtog pa de dag nyid la dpyod pa dang / rnam par dpyod pa dang / nye bar dpyod pa dang / kun tu longs spyod pa dang / ting nge 'dzin du byed pa dang / sems rjes su 'gro ba ni dpyod pa zhes bya ste/
32b1 de dag dang lhan cig pa ni rtog pa dang bcas pa/ dpyod pa dang bcas pa bsam gtan dang po'o/ /dga' ba dang bde ba dben pa las skyes pas de'i phyir dben pa las skyes pa'i dga' ba dang bde ba zhes bya'o/ /rdzogs par byas te gnas zhes bya ba la rdzogs par byas zhes bya ba ni sdom pa
32b2 dang /sdom par byed pa dang sbed pa dang / sba bar byed pa dang / ro myang ba dang / mngon par dga' ba ste/ bsam gtan dang po de la gnas pa'i byang chub sems dpa' ni mi skye ba'i chos la bzod pa khong du chud par bya ba'i 'dun pa dang 'dod pa 'thob ste/ de mi skye ba'i chos la bzod
32b3 pa'i 'dun pa dang 'dod pa des bsam gtan dang po la snying por 'du shes pa yin no//de bsam gtan gnyis pa la rtsom ste/ de bsam gtan dang po'i rtog pa dang dpyod pa de dag zhi bar byed/ nye bar zhi bar byed/ de dag las sems rab tu zhi bar byed cing bsam gtan gnyis pa
32b4 yongs su 'grub pa'i rgyu tshol te/de rtog pa dang dpyod pa dang bral bas nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ dga' ba dang ldan pa bsam gtan gnyis pa rdzogs par byas te gnas so/ /de la nang yongs su dang ba ni de'i
32b5 bsam gtan gnyis pa'i mi 'thun pa'i phyogs kyi chos gang yin pa de dag nye bar zhi ba dang dang ba yin te/de'i phyir nang yongs su dang ba zhes bya'o/ /rgyud gcig tu gyur ces bya ba ni bsam gtan dang po'i rtog pa dang dpyod pa de dag thams cad rab tu zhi nas rgya mtsho'i chu ltar ro gcig tu
32b6 'gyur ba 'thob pa'o//'di lta ste/ dper na rgya mtsho chen por chu 'bab pa rnams ni 'di lta ste/ lan tshwa'i ror ro gcig par 'gyur ba de bzhin du byang chub sems dpa' bsam gtan gnyis pa la snyoms par zhugs pa'i bsam gtan dang po'i rtog pa dang dpyod pa de dag thams cad zhi nas
32b7 ro gcig tu 'gyur te de ting nge 'dzin ces bya'o//ting nge 'dzin de las de sangs rgyas dang chos dang dge 'dun la dga' ba skye ste/ de dkon mchog gsum la dga' bas dge ba'i chos rnams rdzogs par 'gyur ro/ /de las mi skye ba'i chos la bzod pa thob pa'i 'dun pa shin tu
33a1 'bar ba dang /shin tu 'od gsal ba dang shin tu yid du 'ong ba 'thob bo/ /de mi skye ba'i chos la bzod pa la 'dun pa des bsam gtan gnyis pa de la mi chags te bsam gtan gsum pa kun tu tshol lo/ /de 'di snyam du sems te/ dga' ba ni bsam gtan
33a2 gsum pa'i sgrib pa yin no snyam nas/de dga' ba de las 'dod chags dang bral nas btang snyoms can dran pa yongs su dag pa/ 'phags pa rnams kyis gang de dga' ba med pa/ bde ba la gnas pa zhes brjod pa bsam gtan gsum pa rdzogs par byas te gnas so/ /
33a3 ting nge 'dzin las skyes pa'i dga' ba la 'dod chags dang bral ba thob pa de/ gang de dga' ba med pa'i bde ba de ni gtan du bde ba ma yin gyi/ zad pa'i chos can 'jig pa'i chos can te/ de mi rtag cing mi brtan la ther zug ma yin zhing de yid brtan du mi rung ngo snyam pa'i sems
33a4 de lta bu 'thob bo//de de ltar shes nas mi skye ba'i chos la bzod pa rab tu 'thob pa'i 'dun pa drag po chen po 'thob bo/ /de mi skye ba'i chos kyi 'dun pa drag po des bde ba dang sdug bsngal la mngon par chags pa mi skye'o/ /de bde ba yang spangs te snga nas sdug bsngal yang
33a5 spangs shing /yid bde ba dang yid mi bde ba yang nub pas bde ba yang ma yin sdug bsngal ba yang ma yin pa/ btang snyoms dang dran pa yongs su dag pa bsam gtan bzhi pa rdzogs par byas te gnas so/ /de bas ma gtan bzhi pa la snyoms par zhugs pas mnyen pa'i sems
33a6 so//yid du 'ong ba'i sems so/ /las su rung ba'i sems so/ /'od gsal ba'i sems so/ /drang ba'i sems so/ /bde ba de sems can thams cad kyir mngon par sman to/ /de sems can thams cad la phan pa dang bde ba la mngon du phyogs pas mi skye ba'i
33a7 chos la bzod pa'i snang ba skye'o//de mi skye ba'i chos la bzod pa'i snang ba skyes pa des bsam gtan bzhi pa sdug bsngal yang ma yin/ bde ba yang ma yin pa mang ba de la dga' bar mi 'gyur ro/ /gang btang snyoms dang dran pa yongs su dag pa'i bde ba de la yang chags par mi byed do/ /
33b1 de la mi chags pas de la nam mkha' nyid snang bar 'gyur ro/ /de thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha'
33b2 mtha' yas so snyam nas nam mkha' mtha' yas skye mched rdzogs par byas te gnas so//de 'di snyam du sems te/ mdor na 'di la gzugs ni rnam pa gnyis te/ 'byung ba dang 'byung ba las gyur pa'o/ /de la 'byung ba'i gzugs ni sa'i khams dang / chu'i khams dang / me'i khams dang / rlung gi
33b3 khams so//'byung ba las gyur pa'i gzugs ni kha dog dang / dri dang / ro dang / reg pa ste/ de ltar gzugs rnam pa brgyad de/ gzugs de dag gi 'du shes rnams las yang dag par 'das nas/ thogs pa'i 'du shes mi 'byung ste nub par 'gyur ro/ /gang
33b4 na gzugs su 'du shes pa de na thogs par 'du shes pa ste/de bas na gzugs kyi 'du shes rnams las yang dag par 'das nas thogs pa'i 'du shes rnams nub par 'gyur ro/ /thogs pa'i 'du shes rnams nub na sna tshogs kyi 'du shes rnams yid la byed pa mi 'jug go/ /
33b5 sna tshogs kyi 'du shes rnams yid la mi byed pas nam mkha' mtha' yas so snyam du 'jug go/ /de nam mkha' mtha' yas so snyam nas nam mkha' mtha' yas skye mched rdzogs par byas te gnas so/ /de la byang chub sems dpa' nam mkha' mtha' yas skye mched la snyoms
33b6 par zhugs pa 'di snyam du sems te/nam mkha' ni mtha' med pas mtha' yas so/ /gang la mtha' med pa de'i thog ma yod par ga la 'gyur/ dbus yod par ga la 'gyur te/ de ltar chos thams cad ni thog ma dang tha ma dang dbus med do snyam mo/ /de ltar
33b7 snyoms par zhugs pa'i byang chub sems dpa' sems can rnams la ni snying rje chen po bskyed/chos rnams la ni nam mkha' dang mtshungs pa nyid kyi shes pa 'jug ste/ de ni don de'i mi skye ba'i chos la bzod pa rtsom pa'o/ /de rnam pa thams cad du nam mkha' mtha' yas skye
34a1 mched las yang dag par 'das te/rnam par shes pa mtha' yas so snyam nas rnam shes mtha' yas skye mched rdzogs par byas te gnas so/ /de 'di snyam du sems te/ gang nam mkha' 'du shes pa 'di ni rnam par shes par 'gyur ba'o snyam nas de 'di snyam du 'di thams
34a2 cad ni rnam par shes pa tsam ste/rnam shes mtha' yas de yang yod pa yang ma yin/ med pa yang ma yin no snyam du sems so/ /de de ltar snyoms par zhugs pas mi skye ba'i chos la bzod pa thob pa yin te yongs su grub pa ni ma yin no/ /de rnam pa thams cad du rnam shes mtha' yas
34a3 skye mched las yang dag par 'das te ci yang med do snyam nas ci yang med pa'i skye mched rdzogs par byas te gnas so//ci yang med ces bya ba la ci yang zhes bya ba ni 'dod chags dang / zhe sdang dang / gti mug dang / rtog pa dang / rnam par rtog pa dang / yongs su rtog pa dang /
34a4 'dus byas kyi chos thams cad dang yang dag pa ma yin pa kun tu rtog pa las byung ba rnams ni ci yang med ces bya'o/ /ci yang med pa ni ji skad du brjod pa de dag las chung ngur gyur phra bar gyur pa ni ci yang med pa zhes bya'o/ /de la gnas pa'i byang chub sems dpa'i mi skye ba'i chos la
34a5 bzod pa shin tu 'bar ba/shin tu 'od gsal ba yin no/ /de rgyu de dang rkyen de dang / gzhi de dang thob pa de'i phyir ci yang med pa'i skye mched la mi chags te/ de gong du rtsol lo/ /de gong du rtsol ba na 'di snyam du sems te/ 'di ni gang 'du byed rnams kyi phra ba la
34a6 ci yang med par yongs su brtags pa ste/de ni 'du shes med 'du shes med pa yang ma yin no snyam mo/ /de la 'du shes med pa ni stong pa'i phyir ro/ /'du shes med pa yang ma yin pa ni rten cing 'brel par byung ba'i phyir ro/ /de 'du shes med 'du shes med min skye mched mngon du 'gyur
34a7 te/de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas so/ /de de la gnas nas 'di snyam du sems te/ gang la 'du shes med 'du shes med min de la dga' ba ci zhig yod snyam
34b1 nas de blo de las gong du bskyod do//de blo de las gong du bskyod nas skye ba med pa dang / 'gag pa med pa'i chos mngon du 'gyur te/ de chos thams cad ma skyes pa dang / ma 'gags par mthong ngo / /de chos thams cad rang bzhin gyis 'gags par mthong nas yang mi 'jug mi ldog
34b2 go//de de'i phyir mi skye ba'i chos la bzod pa yongs su dag pa yin no/ /de de las gong du lhun gyis grub pa rgyun mi 'chad par 'jug ste/ 'di dag ni byang chub sems dpa' rnams kyi mthar gyis gnas pa'i snyoms par 'jug pa dgu'o/ /de la byang chub sems dpa'i stobs
34b3 bcu gang zhe na/'di lta ste/ mos pa'i stobs dang / so sor rtog pa'i stobs dang / bsgom pa'i stobs dang / bzod pa'i stobs dang / ye shes kyi stobs dang / spong ba'i stobs dang / thos pa'i stobs dang / spobs pa'i stobs dang / bsod nams kyi stobs dang / sgrub pa'i stobs so/ /
34b4 de la mos pa'i stobs gang zhe na/ 'di la byang chub sems dpa' ni gang dang gang mos pa de'i de de bzhin du 'gyur ro/ /de'i mos pa'i stobs de ni lha dang bcas pa'i 'jig rten gyis zil gyis gnon mi nus te/ 'di ni byang chub sems dpa'i mos pa'i stobs zhes bya'o/ /
34b5 de la byang chub sems dpa'i so sor rtog pa'i stobs gang zhe na/ gang gi phyir byang chub sems dpa' ni 'dod chags skyes pa mi sdug pa bsgoms pas zhi bar byed do/ /zhe sdang skyes pa byams pa bsgoms pas zhi bar byed do/ /gti mug skyes pa rten cing 'brel par 'byung ba bsgoms
34b6 pas zhi bar byed do//gshe ba dang mi snyan par zer ba rnams ni brag ca dang mtshungs par shes pa yongs su shes pas zhi bar byed do/ /gsod pa dang 'ching ba dang / go rar 'jug pa rnams ni las bdag gir bya ba shes pas zhi bar byed do/ /lus la bsdigs pa dang lus la
34b7 gnod pa dang lus la nyam nga ba rnams ni gzugs brnyan dang mtshungs par shes pas zhi bar byed do//de ltar kun nas nyon mongs pa'i sgo ji snyed par byang chub sems dpa'i rnam par dag pa'i sgo yang de snyed du mthong ste/ 'di ni byang chub sems dpa'i so sor rtog pa'i stobs zhes bya'o/ /
35a1 de la byang chub sems dpa'i bsgom pa'i stobs gang zhe na/ gang mos pas spyod pa'i sa dang / mthong ba'i sa la bar du gcod par byed pa'i chos de dag gis byang chub sems dpa' de la bar chad byed mi nus so/ /des mthong ba de dang lam de las lhar bcas pa'i
35a2 'jig rten gyis dbral bar mi nus te/'di ni byang chub sems dpa'i bsgom pa'i stobs zhes bya'o/ /de la byang chub sems dpa'i bzod pa'i stobs gang zhe na/ gang gi phyir byang chub sems dpa' ni spyos kyang brag ca'i sgra dang mtshungs par shes pa'i stobs kyis slar spyo bar mi byed
35a3 do//bsdigs shing brdegs kyang gzugs brnyan dang mtshungs pa nyid du shes pas slar mi sdigs mi rdeg go/ /gshe yang sems sgyu ma dang mtshungs pa nyid du shes pa'i stobs kyis slar mi gshe'o/ /khros kyang nang rnam par dag par shes pa'i stobs kyis slar mi khro'o/ /
35a4 'jig rten gyi chos rnam par dag par shes pa'i stobs kyis 'jig rten gyi chos rnams kyis mi 'phrogs so/ /rten cing 'brel bar 'byung ba rnam par dag par shes pa'i stobs kyis nyon mongs pa thams cad kyis mi rdzi'o/ /de ltar byang chub sems dpa' ni 'khrug pa'i sgo ji snyed mthong
35a5 bar rab tu zhi ba'i sgo yang de snyed du mthong ste/'di ni bzod pa'i stobs zhes bya'o/ /de la byang chub sems dpa'i ye shes kyi stobs gang zhe na/ byang chub sems dpas gang phung po dang khams dang skye mched shes pa de dag ni stong pa/ ma skyes pa/ ma 'gags pa'o/ /ye shes
35a6 gang gis sangs rgyas kyi byang chub yang dag par bsgrub pa de las mu stegs can dang /dmigs pa can thams cad dang / bdud thams cad sangs rgyas kyi gzugs su gnas pas kyang ye shes de la the tsom za bar byed mi nus pa 'di ni byang chub sems dpa'i ye shes kyi stobs
35a7 zhes bya'o//de la byang chub sems dpa'i spong ba'i stobs gang zhe na/ gal te byang chub sems dpa' gnas gcig na gnas pa'i gan du sems can thams cad lhags te kha ngan zer/ mi snyan par brjod/ tshig brlang ba rtsub po smra/ sangs rgyas dang chos dang dge 'dun gyi mi
35b1 bsngags pa brjod kyang de sems can de dag la mi 'khrug cing yid mi bde bar mi 'gyur ro//'gyod par mi 'gyur ro/ /bag la nyal bar mi byed do/ /lus gshags gtubs kyang de bzhin du bag la nyal mi skyed do/ /sems can de dag kyang dkon mchog gsum la rab tu 'god
35b2 de/'di ni byang chub sems dpa'i spong ba'i stobs zhes bya'o/ /de la byang chub sems dpa'i thos pa'i stobs gang zhe na/ 'di la byang chub sems dpa' ni mang du thos pa/ thos pa 'dzin pa/ thos pa rgya mtsho/ thos pa bsags pa yin te/ byang chub sems dpa' ni thos
35b3 pa'i stobs de lta bu dang ldan pa yin no//gal te stong gsum gyi stong chen po'i 'jig rten gyi khams su gtogs pa'i sems can thams cad the tshom bzung ste/ byang chub sems dpa'i gan du lhags nas/ gang sems can gcig gi 'dri ba de bzhin du gzhan mi 'dri bar thams
35b4 cad kyis the tshom tha dad par lhan cig tu dris kyang byang chub sems dpa' thags thogs med par lhan cig tu lan 'debs so//bskal pa brgya stong du dris kyang de bzhin du lung ston te/ 'di ni byang chub sems dpa'i thos pa'i stobs zhes bya'o/ /de la byang chub sems dpa'i
35b5 spobs pa'i stobs gang zhe na/gal te byang chub sems dpa' 'khor bye ba khrag khrig brgya stong du ma'i nang du chos ston na/ de mi sems mi rtog par sems can gang dang gang gi 'dod pa ji lta ba bzhin du chos ston cing thogs par byed kyang byang chub sems dpa'i chos ston pa de don nyams
35b6 par mi 'gyur/tshig 'bru nyams par mi 'gyur/ tshig zlos par mi 'gyur/ thogs par mi 'gyur/ gcod par mi 'gyur ba 'di ni byang chub sems dpa'i spobs pa'i stobs zhes bya'o/ /de la byang chub sems dpa'i bsod nams kyi stobs gang zhe na/ gal te byang chub
35b7 sems dpa'i shing drung na gnas kyang rung /gtsug lag khang na gnas kyang rung / khyim stong pa na gnas kyang rung / bdud thams cad 'khor dang bcas te lhags nas bgegs bya ba dang / gtse ba'i phyir nan tan byed na/ de la bdud de dag bdag nyid 'jigs skrag myos
36a1 shing gyes te/bdag mgon med par shes nas 'bros par 'gyur ro/ /gang bdud de dag gi ral gri dang mtshon rtse gnyis pa dang / mdung rtse gsum pa dang / rdo ba dang sta re 'bab pa de dag byang chub sems dpa'i bsod nams kyi byin gyi rlabs kyis man
36a2 dA ra ba'i me tog dang /tsam pa ka dang sna ma'i me tog dang / ut+pa la dang pad mar gyur nas 'bab bo/ /gang bdud de dag gi tshig rtsub po dang / tshig brlang po de dag ni byang chub sems dpa' la bstod par grag go/ /byang chub sems dpa' la ni nam yang yid du mi 'ong ba'i
36a3 yul drug snang bar mi 'gyur ro//bsams pa tsam gyis de'i phun sum tshogs pa thams cad nam mkha' las 'byung ngo / /de yang de'i rang gi bsod nams kyi dbang gis nam mkha'i mdzod dang / lag na rin po che las phun sum tshogs pa thams cad 'byung ste/ sems can
36a4 thams cad kyi 'tsho bar 'gyur ro//de'i rang gi bsod nams kyi dbang lag na rin po che de ni tshe'i tshad bskal par gnas te brjod kyang byang chub sems dpa'i bsod nams kyi stobs kyi mtha' rtogs par sla ba ma yin te/ 'di ni byang chub sems dpa'i bsod nams kyi stobs zhes bya'o/ /
36a5 de la byang chub sems dpa'i sgrub pa'i stobs gang zhe na/ byang chub sems dpa'i sgrub pa'i stobs ni rnam pa bcu'o/ /rnam pa bcu gang zhe na/ 'di lta ste/ sbyin pa sgrub pa dang / tshul khrims sgrub pa dang / bzod pa sgrub pa dang / brtson 'grus sgrub pa dang /
36a6 bsam gtan sgrub pa dang / shes rab sgrub pa dang / thabs sgrub pa dang / smon lam sgrub pa dang / stobs sgrub pa dang / ye shes sgrub pa ste/ 'di ni byang chub sems dpa'i sgrub pa rnam pa bcu zhes bya'o/ /byang chub sems dpa' rnams kyi pha rol tu phyin pa dang ldan pa'i sgrub
36a7 pa gang ji snyed pa de dag thams cad ni sgrub pa bcu po 'di'i nang du 'dus par blta'o//de la byang chub sems dpa'i sbyin pa sgrub pa gang zhe na/ byang chub sems dpa' ni sbyin pa'i chos gang gis sems can rnams la gnod par 'gyur ba ma gtogs par sems can rnams la mi
36b1 sbyin pa gang yang med do//byang chub sems dpa'i sems gang gis sbyin pa byin pa'i sems de la ni de bzhin gshegs pa dang / byang chub sems dpa' bzod pa thob pa ma gtogs par sems can gzhan rnams kyis dad par sla ba yang ma yin na/ shes par 'gyur ba lta ci smos
36b2 te/'di ni byang chub sems dpa'i sbyin pa sgrub pa zhes bya'o/ /de la byang chub sems dpa'i tshul khrims sgrub pa gang zhe na/ byang chub sems dpa' rnams kyi tshul khrims sgrub pa ni rnam pa bcu'o/ /rnam pa bcu gang zhe na/ 'di lta ste/ nyan thos kyi sdom pa'i tshul khrims sgrub
36b3 pa dang /rang sangs rgyas kyi sdom pa'i tshul khrims sgrub pa dang / byang chub sems dpa'i sdom pa'i tshul khrims sgrub pa dang / dge ba'i chos thams cad sdud pa'i tshul khrims sgrub pa dang / dge ba'i bshes gnyen kun tu tshol ba mi gtong ba'i sdom pa'i tshul khrims sgrub pa dang /
36b4 dam pa'i chos yongs su 'dzin pa'i sdom pa'i tshul khrims sgrub pa dang / rtag tu gzhan gyi don sgrub pa'i sdom pa'i tshul khrims sgrub pa dang / byang chub tu yongs su bsngo ba'i sdom pa'i tshul khrims sgrub pa dang / rtag tu mnyam par bzhag pa'i sdom pa'i tshul khrims sgrub pa dang /
36b5 bag chags kyi mtshams sbyor ba yang dag par 'joms pa la bzod pa'i sdom pa'i tshul khrims sgrub pa'o/ /byang chub sems dpa' rnams ni rnam par mi rtog pa'i tshul khrims can yin te/ de dag gi tshul khrims sgrub pa ni thams cad mkhyen pa ma yin pa rnams kyis shes par sla ba ma
36b6 yin te/'di ni byang chub sems dpa'i tshul khrims sgrub pa zhes bya'o/ /de la byang chub sems dpa'i bzod pa sgrub pa gang zhe na/ byang chub sems dpa' rnams kyi bzod pa sgrub pa ni rnam pa gsum mo/ /rnam pa gsum gang zhe na/ 'di lta ste/ sdug bsngal dang du len pa'i
36b7 bzod pa dang /gzhan gyis gnod par byas pa la mi mjed pa'i bzod pa dang / chos la nges par sems pa'i bzod pa'o/ /de la sdug bsngal dang du len pa'i bzod pa ni las bdag gir bya ba shes pa la 'jug pa'o/ /gzhan gyis gnod par byas pa la mi mjed pa'i bzod pa ni
37a1 sems can thams cad la bu gcig pa bzhin du byams pa la 'jug pa'o//chos la nges par sems pa'i bzod pa ni chos thams cad skye ba med par shes pa la 'jug pa ste/ 'di ni byang chub sems dpa'i bzod pa rnam pa gsum zhes bya'o/ /gang bzod pa 'di dag
37a2 sgrub pa 'di ni byang chub sems dpa'i bzod pa sgrub pa zhes bya'o//de la byang chub sems dpa'i brtson 'grus sgrub pa gang zhe na/ 'di la byang chub sems dpa' ni gang dang gang du ji lta ji ltar dge ba'i chos rnams yongs su 'grub par bya ba'i phyir sbyor ba de dang der 'du shes
37a3 'di ltar sbyor te/bdag gis sems can thams cad kyi dge ba'i chos 'di yongs su bsgrub par bya'o snyam pa 'di ni byang chub sems dpa'i brtson 'grus sgrub pa zhes bya'o/ /de la byang chub sems dpa'i bsam gtan sgrub pa gang zhe na/ byang chub sems dpa' ni mnyam par ma
37a4 bzhag pa'i chos gang yang dag par rjes su mi mthong ste/de chos thams cad ni rang bzhin gyis snyoms par zhugs pa/ zhi ba sems dang yid dang yid kyi rnam par shes pa dang bral ba/ ma skyes ma 'gags shing mi g.yo ba thob par mthong ngo / /de bdag ni mnyam par
37a5 bzhag pa/gzhan ni rnam par g.yengs pa'o snyam du mi sems so/ /bdag dang gzhan las rnam par grol ba'i ting nge 'dzin gzhan yang dag par rjes su mi mthong la/ byang chub yang dag par sgrub pa'i brtson 'grus kyang mi nyams pa 'di ni byang chub sems dpa'i bsam gtan sgrub pa'o/ /
37a6 de la byang chub sems dpa'i shes rab sgrub pa gang zhe na/ 'di la byang chub sems dpa' ni gang rten cing 'brel par 'byung ba las rnam par grol ba dang / gang stong pa nyid las rnam par grol ba dang / gang mtshan ma med pa las rnam par grol ba dang / gang smon pa med pa
37a7 las rnam par grol ba dang /gang nam mkha' las rnam par grol ba'i chos de yang yang dag par rjes su mi mthong la/ byang chub kyi lam dang sems can yongs su smin par bya ba'i brtson 'grus kyang mi nyams pa 'di ni byang chub sems dpa'i shes rab sgrub pa'o/ /de la
37b1 byang chub sems dpa'i thabs sgrub pa gang zhe na/gang byang chub sems dpa' ni bdag kyang mi dmigs la rtag tu bdag nyid kyis sbed pa yang spyod do/ /sems can yang mi dmigs la rtag tu sems can yongs su smin par byed pa'i brtson pa yang spyod do/ /nyon mongs pa yang
37b2 mi dmigs la rtag tu dbang po rnams sbed pa yang spyod do//de la gang sangs rgyas kyi gzugs ma yin pa'i gzugs cung zad kyang snang bar mi 'gyur la rtag tu sangs rgyas mthong bar 'dod pa yang yin no/ /de la gang chos kyi sgra ma yin pa'i sgra gang yang grag par mi 'gyur la rtag
37b3 tu chos nyan pas ngoms mi myong ba yang yin no//'khor ba yang mi dmigs la rtag tu 'khor bas 'jigs pa'i yid dang ldan pa yang yin no/ /mya ngan las 'das pa yang yang dag par rjes su mi mthong la mya ngan las 'das pa khong du chud par bya ba'i phyir bdog pa thams cad yongs
37b4 su gtong bar yang byed do//sangs rgyas dang byang chub kyang mi dmigs la sangs rgyas kyi byang chub khong du chud par bya ba'i phyir smon lam brgya stong mang po yang mngon par sgrub ste/ 'di ni byang chub sems dpa'i thabs sgrub pa zhes bya'o/ /de la byang chub sems dpa'i
37b5 smon lam sgrub pa gang zhe na/'di la byang chub sems dpa' ni chos gang yang 'bri ba'am 'phel bar yang dag par rjes su mi mthong la sems can thams cad kyi dge ba'i rtsa ba rnams la yang rjes su yi rang nas bla na med pa yang dag par rdzogs pa'i byang chub tu sngo bar byed do/ /
37b6 rang gi dge ba'i rtsa ba rnams sems can thams cad dang thun mong du byas nas 'dis bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bdag gi sangs rgyas kyi zhing 'di 'dra bar gyur cig /'khor phun sum tshogs pa ni 'di 'dra
37b7 bar gyur cig ces bla na med pa yang dag par rdzogs pa'i byang chub tu yongs su sngo bar byed do//de'i smon lam de yang yang dag par 'grub pa ste mi 'grub par mi 'gyur ro/ /de tshul khrims ma zhig pa/ ma nyams pa/ 'dren ma ma yin pa/ sra srer ma gyur pa/ mkhas
38a1 pas bsngags pa bsrung ngo //de tshul khrims de la rab tu gnas pas sems kyis smon pa 'grub par 'gyur te/ 'di ni byang chub sems dpa'i smon lam sgrub pa zhes bya'o/ /de la byang chub sems dpa'i stobs sgrub pa gang zhe na/ gal te la la zhig sangs
38a2 rgyas kyi gzugs su bsgyur nas byang chub sems dpa'i gan du 'ongs te/sangs rgyas kyi byang chub las zlog par byed/ 'dun pa zlog par byed/ dbral bar byed kyang byang chub sems dpa' de 'dun pa ldog par mi 'gyur te/ byang chub nyid rjes su dran no/ /byang chub
38a3 kyi snying po rjes su dran no//bdud 'dul ba dang chos kyi 'khor lo rab tu bskor ba dang / snying rje chen po mngon du byed pa'o/ /sems can gang byang chub sems dpa' de 'dun pa zlog par byed/ dbral bar byed/ rnam par zlog par byed na/ sems can de la
38a4 yang byang chub sems dpa' khong khro bar mi 'gyur gyi/sems can de la byams pa chen po dang / snying rje chen po skyed de/ dad pa dang brtson 'grus dang dran pa dang ting nge 'dzin dang / shes rab kyi stobs las kyang mi nyams te/ de'i phyir mi ldog pa'i stobs des
38a5 sems can dpag tu med grangs med pa dag sangs rgyas kyi byang chub la rab tu 'god rab tu 'dzud de/'di ni byang chub sems dpa'i stobs sgrub pa zhes bya'o/ /de la byang chub sems dpa'i ye shes sgrub pa gang zhe na/ 'di la byang chub sems dpa' ni 'di la skye ba'am/
38a6 'chi ba'am/ rga ba gang yang med do/ /'di dag ni chos tsam du zad de/ bdag dang bdag gi dang bral ba'o zhes chos thams cad yang dag pa ji lta ba bzhin du rab tu shes te/ de ye shes kyi stobs de nyid kyis sems can dpag tu med grangs med pa dag ye shes kyi stobs
38a7 de la rab tu 'god do//de sems can thams cad kyis chos nyid de las rnam par bzlog nas 'jig rten gyi chos rnams la rab tu 'jog mi nus te/ 'di ni byang chub sems dpa' ye shes sgrub pa'o/ /'di ni sgrub pa rnam pa bcu ste/ 'di dag ni byang chub sems dpa'i
38b1 stobs bcu zhes bya'o//de la byang chub sems dpa' rnams kyi shes pa bcu gang zhe na/ 'di lta ste/ sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / sdug bsngal la chos shes shing kun 'byung ba dang / 'gog
38b2 pa dang lam la chos shes pa dang phung po shes pa dang /khams shes pa dang skye mched shes pa dang / 'das pa dang ma 'ongs pa shes pa dang / lam dang 'bras bu shes pa ste/ 'di dag ni byang chub sems dpa' rnams kyi shes pa bcu'o/ /de la sdug bsngal shes pa
38b3 gang zhe na/gang sdug bsngal la sdug bsngal du shes pa/ sdug bsngal la kun 'byung bar shes pa/ sdug bsngal la 'gog par shes pa/ sdug bsngal la lam du shes pa'o/ /gzhan yang sdug bsngal stong par shes pa/ sdug bsngal mtshan ma med par shes pa/
38b4 sdug bsngal smon pa med par shes pa/ sdug bsngal rten cing 'brel par 'byung bar shes pa 'jig rten skye ba 'di sdug bsngal bar shes pa ni sdug bsngal shes pa'o/ /gzhan yang ma rig pa shes pa/ sred pa shes pa/ len pa shes pa ni sdug bsngal shes pa ste 'di ni sdug
38b5 bsngal shes pa zhes bya'o//de la kun 'byung ba shes pa gang zhe na/ gang gis sdug bsngal de kun 'byung bar 'gyur ba de shes pa ni kun 'byung ba shes pa'o/ /kun 'byung ba de sdug bsngal nyid du shes pa ni kun 'byung ba shes pa'o/ /gzhan yang sred pa shes pa ni kun 'byung ba
38b6 shes pa yin te/'di ni kun 'byung ba shes pa zhes bya'o/ /de la 'gog pa shes pa gang zhe na/ gang sngon gyi mthar mi 'pho bar shes pa/ phyi ma'i mthar mi 'byung bar shes pa/ dbus la mi gnas par shes pa'o/ /gzhan yang gang la 'das pa'i chos 'gags pa ma yin
38b7 pa dang ma 'ongs pa dang /da ltar byung ba'i chos 'gags pa ma yin par shes pa 'di ni 'gog pa shes pa zhes bya'o/ /de la lam shes pa gang zhe na/ gang sdug bsngal shes pa dang / kun 'byung ba shes pa dang / 'gog pa shes pa la tshol ba'i shes pa dang / thob par
39a1 byed pa'i shes pa 'di ni lam shes pa zhes bya'o//de la sdug bsngal la chos shes shing kun 'byung ba dang / 'gog pa dang lam la chos shes pa gang zhe na/ de 'di snyam du sems te/ sdug bsngal gang yin pa dang / kun 'byung ba gang yin pa dang / 'gog pa
39a2 gang yin pa dang /lam gang yin pa de dag ni chos tsam du zad do snyam pa 'di ni sdug bsngal la chos shes pa dang / kun 'byung ba dang 'gog pa dang lam la chos shes pa zhes bya'o/ /de la phung po rnams shes pa ni gang phung po rnams la sgyu ma dang rmi lam lta bur shes pa/ gong
39a3 bur shes pa/phung por shes pa/ brtsegs par shes pa 'di ni phung po shes pa zhes bya'o/ /gzhan yang gzugs kyi phung po la dbu ba rdos pa lta bur shes pa dang / tshor ba'i phung po la chu'i chu bur lta bur shes pa dang / 'du shes kyi phung po la smig rgyu ba lta bur shes pa dang /
39a4 'du byed kyi phung po la chu shing lta bur shes pa dang / rnam par shes pa'i phung po la sgyu ma lta bur shes pa 'di ni phung po shes pa zhes bya'o/ /de la khams shes pa gang zhe na/ sa'i khams ni chos kyi dbyings te chos kyi dbyings sra ba ni ma yin no/ /de bzhin du chu'i khams ni chos kyi
39a5 dbyings te/chos kyi dbyings gsher ba ni ma yin no/ /me'i khams ni chos kyi dbyings te/ chos kyi dbyings tsha ba ni ma yin no/ /rlung gi khams ni chos kyi dbyings te/ chos kyi dbyings g.yo ba ni ma yin te/ gang de ltar shes pa 'di ni khams shes pa zhes bya'o/ /gzhan yang
39a6 phra ba shes pa dang /rags pa shes pa dang / chung ngu shes pa dang / chos thams cad kyi rtsa ba shes pa ni/ khams shes pa zhes bya'o/ /gzhan yang sdug bsngal shes pa dang / kun 'byung ba shes pa dang / 'gog pa shes pa dang lam shes pa 'di ni khams
39a7 shes pa zhes bya'o//gzhan yang khams ni gnyis te/ 'dus byas kyi khams dang / 'dus ma byas kyi khams so/ /de la 'dus byas dang 'dus ma byas shes pa ni khams shes pa'o/ /gzhan yang mig gi khams dang / gzugs kyi khams dang / mig gi rnam par
39b1 shes pa'i khams ni chos kyi dbyings te/chos kyi dbyings ni lta ba'i ngo bo nyid ma yin/ rdzas kyi ngo bo nyid ma yin/ rnam par shes pa'i ngo bo nyid ma yin no/ /rna ba'i khams dang sgra'i khams dang / rna ba'i rnam par shes pa'i khams ni chos kyi dbyings te/ chos kyi dbyings ni
39b2 sgra 'dzin pa'i ngo bo nyid ma yin/sgra gzung ba'i ngo bo nyid ma yin/ sgra rnam par shes pa'i ngo bo nyid ma yin no/ /sna'i khams dang dri'i khams dang / sna'i rnam par shes pa'i khams ni chos kyi dbyings te/ chos kyi dbyings ni snom pa ma yin/ bsnam pa ma yin/ rnam par
39b3 shes pa ma yin no//lce'i khams dang ro'i khams dang / lce'i rnam par shes pa'i khams ni chos kyi dbyings te/ chos kyi dbyings ni ro la spyod yul pa ma yin ro bro ba ma yin/ lce'i rnam par shes pas thob pa ma yin no/ /lus kyi khams dang reg bya'i khams dang / lus
39b4 kyi rnam par shes pa'i khams ni chos kyi dbyings te/chos kyi dbyings ni gong bu'i mtshan nyid ma yin/ reg pa'i mtshan nyid ma yin/ smig rgyu'i mtshan nyid ma yin no/ /yid kyi khams dang chos kyi khams dang / yid kyi rnam par shes pa'i khams ni chos kyi dbyings te/
39b5 chos kyi dbyings ni skye ba dang / gnas pa dang 'jig pa'i mtshan nyid ma yin te/ gang de ltar shes pa 'di ni byang chub sems dpa'i khams shes pa zhes bya'o/ /de la byang chub sems dpa'i skye mched shes pa gang zhe na/ skye mched rnams la rgya che bar shes pa dang / zad
39b6 par shes pa dang /dka' bar shes pa dang / mdud par shes pa dang / zug rngur shes pa dang / 'jig par shes pa dang / chu bor shes pa dang / sbyor bar shes pa dang / rnam par 'ching bar shes pa ni skye mched shes pa ste/ 'di ni byang chub sems dpa'i skye mched shes
39b7 pa zhes bya'o//gzhan yang gang skye mched rnams la grong stong du shes pa ste/ dper na grong stong pa bdag nyid kyis bdag ni grong stong pa'o snyam du mi shes pa de bzhin du/ skye mched de dag kyang bdag nyid kyis bdag cag ni grong stong pa'o snyam du mi shes te/ gang 'di dag de ltar shes pa
40a1 de ni byang chub sems dpa'i skye mched shes pa zhes bya'o//gzhan yang byang chub sems dpa' ni 'di snyam du sems te/ skye mched bcu gnyis ni mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched
40a2 dang /dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang / chos kyi skye mched de 'di dag thams cad ni de tsam du zad de/ 'di la bdag dang bdag gi zhes bya ba med do snyam mo/ /gang
40a3 de ltar shes pa 'di ni byang chub sems dpa'i skye mched shes pa zhes bya'o//de la byang chub sems dpa'i 'das pa dang ma 'ongs pa'i shes pa gang zhe na/ gang 'das pa la 'gro ba med par shes pa dang / ma 'ongs pa la 'ong ba med par shes pa 'di ni 'das pa dang ma 'ongs pa shes pa zhes
40a4 bya'o//gzhan yang 'das pa la zad par shes pa dang / ma 'ongs pa la byed pa med par shes pa 'di ni rigs kyi bu byang chub sems dpa'i 'das pa dang ma 'ongs pa shes pa zhes bya'o/ /de la lam dang 'bras bu shes pa gang zhe na/ pha rol tu phyin pa drug po rnams shes pa 'di ni lam
40a5 shes pa zhes bya'o//gang byang chub sems dpa'i sa bcu po rnams dang / de bzhin gshegs pa'i sa shes pa 'di ni 'bras bu shes pa zhes bya ste/ gang 'di shes pa 'di ni byang chub sems dpa'i lam dang 'bras bu shes pa zhes bya'o/ /rigs kyi bu 'di dag ni byang chub sems dpa'
40a6 rnams kyi shes pa bcu ste/rigs kyi bu byang chub sems dpas chos kyi tshul la 'jug pa bcu po de dag gis zag pa med pa'i dge ba rnams kyi rnam par smin pa thob pa'i dbang ba nyid khong du chud par bya'o/ /chos yang dag par brjod pa 'di yang dag par brjod pa na byang chub sems
40a7 dpa' sngon yongs su sbyang ba byas pa stong phrag bdun cu rtsa drug mi skye ba'i chos la bzod pa thob par gyur to//de nas byang chub sems dpa' blo gros rnam par gnon gyis byang chub sems dpa' rtsom pa med la 'di skad ces smras so/ /rigs kyi bu khyod kyis byang chub sems dpa' rnams kyi
40b1 pha rol tu phyin pa dang rab tu ldan pa'i chos yang dag par brjod pa spobs par gyis shig /de ci'i phyir zhe na/ rigs kyi bu 'di lta ste/ pha rol tu phyin pa'i gtam 'di ni yang dag phul gyi gtam mo/ /rigs kyi bu de la pha rol tu phyin pa rnams ni gang / de dag yang dag
40b2 par brjod pa ni gang /de skad ces smras pa dang / byang chub sems dpa' rtsom pa med kyis byang chub sems dpa' blo gros rnam par gnon la 'di skad ces smras so/ /rigs kyi bu pha rol tu phyin pa zhes bya ba ni sbyin pa'i pha rol tu phyin pa dang / tshul khrims kyi pha rol tu
40b3 phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang /
40b4 ye shes kyi pha rol tu phyin pa ste/ rigs kyi bu pha rol tu phyin pa ni 'di dag go/ /de la pha rol tu phyin pa de dag yang dag par brjod pa ni 'di lta ste/ sbyin pa'i rlom sems med pas sbyin pa'i pha rol tu phyin pa ste/ rgyun mi 'chad par bdog pa thams cad yongs su gtong bar mi byed pa
40b5 yang ma yin no//tshul khrims kyi rlom sems med pas tshul khrims kyi pha rol tu phyin pa ste/ tshul khrims dang bslab pa dang sbyangs pa'i yon tan dang / yo byad bsnyungs pa thams cad la mi 'jug pa yang ma yin no/ /bzod pa'i rlom sems med pas bzod pa'i pha rol tu phyin pa ste/
40b6 rtag tu bzod pa dang des pa la yang mi 'jug pa ma yin no/ /brtson 'grus kyi rlom sems med pas brtson 'grus kyi pha rol tu phyin pa ste/ rgyun mi 'chad par dge ba'i rtsa ba thams cad yang dag par mi sgrub pa yang ma yin no/ /bsam gtan gyi rlom sems med pas bsam gtan gyi
40b7 pha rol tu phyin pa ste/rtag tu nges par sems pa lhur mi len pa yang ma yin no/ /shes rab kyi rlom sems med pas shes rab kyi pha rol tu phyin pa ste/ rtag tu thos pa tshol ba la mngon par mi brtson pa yang ma yin no/ /thabs kyi rlom sems med pas thabs kyi pha rol tu phyin
41a1 pa ste/mu stegs can gyi gnas thams cad dang sems can thams cad kyi dge ba'i rtsa ba bya ba'i rtsom pa rnams ni mi snang ba yang ma yin no/ /smon lam gyi rlom sems med pas smon lam gyi pha rol tu phyin pa ste/ sems can thams cad kyi dge ba'i rtsa ba dang / bdag
41a2 gi dge ba'i rtsa ba sna tshogs kyi sgo rnams sems can thams cad dang thun mong du byas te bla na med pa yang dag par rdzogs pa'i byang chub tu yongs su mi bsngo ba yang ma yin no//stobs kyi rlom sems med pas stobs kyi pha rol tu phyin pa ste/ sred med kyi bu dang lag na rdo rje'i gzugs
41a3 rnams kyis nga rgyal dang rgyags pa dang /dregs pas khengs pa'i sems can rnams mi 'dul ba yang ma yin no/ /ye shes kyi rlom sems med pas ye shes kyi pha rol tu phyin pa ste/ bzo'i gnas dang / sbyor ba'i gnas dang / las kyi gnas thams cad la mi 'jug pa yang ma
41a4 yin te/rigs kyi bu 'di ni byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ /gzhan yang rigs kyi bu rnam par smin pa la yang re ba med la/ rnam pa thams cad kyis dngos po thams cad yongs su gtong ba'i phyir yang
41a5 brtson pa dang /tshul khrims la yang rnam par mi rtog la srog gi phyir yang bslab pa mi 'dral ba dang / mi 'khrugs pa'i chos nyid kyang yin la gnod sems kyi tha ba dang zhe sdang yang mi skyed pa dang / 'dod pa yang med la dge ba'i rtsa ba thams cad kyang rtsom pa dang / rnam
41a6 par rtog pa yang med la bsam gtan dang mngon par shes pa yang kun tu tshol ba dang /chos thams cad la the tsom yang med la thos pa dang bsam pa dang / bsgom pa'i sbyor ba yang kun tu tshol ba dang / chos thams cad don du gnyer ba yang med la/ dge ba'i rtsa ba sna tshogs
41a7 thams cad la yang dmigs pa dang /sems gang la yang mi gnas la smon lam thams cad kyang mngon par bsgrub pa dang / nga rgyal dang / rgyags pa dang / dregs pa yang bcom la sra ba rdo rje ltar mi phyed pa'i lus kyang sgrub pa dang / bstan bcos thams cad kyang shes pa slob
41b1 dpon dang bla ma thams cad kyang kun tu tshol ba 'di ni rigs kyi bu byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o//gzhan yang rigs kyi bu sbyin pa la yang dga' la sems can ser sna can dang 'thun par yang 'jug pa dang tshul khrims
41b2 la yang dga' la sems can tshul khrims 'chal pa dang 'thun par yang 'jug pa dang /bzod pa la yang dga' la sems can gnod sems can sems phyin ci log tu gyur pa dang 'thun par yang 'jug pa dang / brtson 'grus la yang dga' la sems can le lo can brtson 'grus chung ba
41b3 brtson 'grus nyams pa dang 'thun par yang 'jug pa dang /bsam gtan la yang dga' la sems can bya ba mang pos g.yengs pa sems phyin ci log tu gyur pa dang 'thun par yang 'jug pa dang / shes rab la yang dga' la sems can blun pa lug ltar lkugs pa'i rang bzhin can
41b4 rtag tu ma dad pa dang 'thun par 'jug pa dang /thabs la yang dga' la bya ba thams cad kyang don du mi gnyer ba dang / smon lam la yang dga' la sems can 'khor bas mus byung ba dang 'thun par 'jug pa dang / stobs la yang dga' la sems can nyam chung ba mthu med pa dang 'thun
41b5 par yang 'jug pa dang /ye shes la yang dga' la sems can 'khor ba la mngon par dga' ba dang 'thun par yang 'jug pa 'di ni rigs kyi bu byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ /gzhan yang rigs kyi bu
41b6 byang chub sems dpa' sbyin pa'i pha rol tu phyin pas ni lag na rin po che dang /nam mkha'i mdzod 'thob bo/ /tshul khrims kyi pha rol tu phyin pas ni ngan song thams cad las shin tu 'da' ba dang / 'chi 'pho dang skye ba la dbang ba dang cang shes pa'i sems 'thob bo/ /bzod pa'i
41b7 pha rol tu phyin pas ni de bzhin gshegs pa'i sku mtshan dang dpe byad bzang pos legs par brgyan pa/blta bas mi ngoms pa 'thob bo/ /brtson 'grus kyi pha rol tu phyin pas ni mngon par shes pa myur ba dang chos thams cad la dbang byed pa 'thob bo/ /bsam gtan gyi pha rol
42a1 tu phyin pas ni lus dang sems yid du 'ong ba dang /gzungs dang spobs pa rnam pa tha dad pa dang / nyon mongs pa'i sgrib pa spong ba 'thob bo/ /shes rab kyi pha rol tu phyin pas ni mi 'jigs pa dang / so so yang dag par rig pa bzhi 'thob bo/ /thabs kyi pha
42a2 rol tu phyin pas ni bya sla ba dang /lus dang ngag dang yid kyi las kyi mtha' kha na ma tho ba med pa 'thob bo/ /smon lam gyi pha rol tu phyin pas ni skye ba thams cad du skye ba dran pa dang / ji ltar 'dod pa bzhin du 'gro ba dang / ji ltar 'dod pa bzhin du dga' bar 'gyur ba
42a3 'thob bo//stobs kyi pha rol tu phyin pas ni nyon mongs pa thams cad dang / bdud dang phas kyi rgol ba thams cad kyis mi rdzi ba dang 'jig rten thams cad las mngon par 'phags pa 'thob bo/ /ye shes kyi pha rol tu phyin pas ni phung po dang / 'chi bdag dang nyon mongs pa
42a4 dang /lha'i bu'i bdud las yang dag par 'da' ba 'thob ste/ rigs kyi bu 'di ni byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ /gzhan yang rigs kyi bu byang chub sems dpa' ni sbyin pa'i bsngags pa smra ba yang yin la sbyin pas
42a5 dag go snyam du yang mi snyems so//de bzhin du tshul khrims dang / bzod pa dang / brtson 'grus dang / bsam gtan dang / shes rab dang / thabs dang / smon lam dang / stobs dang / ye shes kyi bsngags pa smra ba yang yin la ye shes kyis dag go snyam du yang mi
42a6 snyems so//de ci'i phyir zhe na/ chos de dag thams cad ni yang dag par bsgrubs nas spang bar bya'o/ /'di dag thams cad ni yongs su brtags pa las byung ba'o/ /de bas na gang yongs su rtog pa dang / yongs su rtog pa las byung ba'i chos de dag ni spang bar bya'o/ /
42a7 de bas na byang chub sems dpa' ni yongs su rtog pa dang yongs su rtog pa las byung ba'i chos rnams kyis dag go snyam du mi snyems te/ gzhan du na rnam par mi rtog pa spros pa med pa'i yul gyis ye shes thob nas byang chub mngon par rdzogs par 'tshang rgya'o/ /smras pa rigs kyi bu
42b1 byang chub ces bya ba 'di chos gang gi tshig /byang chub sems dpa' rtsom pa med kyis smras pa/ rigs kyi bu byang chub ces bya ba 'di ni rnam par mi rtog pa/ spros pa med pa'i chos kyi tshig so/ /de la ngar 'dzin pa'i spros pa ni byang chub ma yin te/ ngar 'dzin
42b2 pa nye bar zhi zhing spros pa med pa ni byang chub bo//nga yir 'dzin pa'i spros pa ni byang chub ma yin te/ nga yir 'dzin pa nye bar zhi zhing spros pa med pa ni byang chub bo/ /rga ba dang / na ba dang / 'chi ba dang / sdug bsngal gyi rgyun gyi spros pa ni byang chub ma yin te/ rga ba dang / na ba
42b3 dang /'chi ba dang / sdug bsngal gyi rgyun nye bar zhi zhing spros pa med pa ni byang chub bo/ /ser sna dang / 'chal pa'i tshul khrims dang / gnod sems dang / le lo dang / rnam par g.yeng ba dang / 'chal ba'i shes rab kyi spros pa ni byang chub ma yin te/ sbyin pa dang /
42b4 tshul khrims dang / bzod pa dang / brtson 'grus dang / bsam gtan dang / shes rab spros pa med pa ni byang chub bo/ /lta ba dang rnam par rtog pa dang / smon lam gyi spros pa ni byang chub ma yin te/ stong pa nyid dang / mtshan ma med pa dang / smon pa med pa dang /
42b5 spros pa med pa ni byang chub bo/ /gzhan yang rigs kyi bu chos thams cad ni byang chub bo/ /chos thams cad ni byang chub ma yin no/ /smras pa rnam grangs gang gis na chos thams cad ni byang chub yin la/ chos thams cad byang chub kyang ma yin/ smras pa/ chos thams cad kyi mnyam pa
42b6 nyid dang /chos thams cad kyi de bzhin nyid khong du chud pa ni byang chub bo/ /chos thams cad la ngar 'dzin pa dang / nga yir 'dzin pa la mngon par chags pa ni byang chub ma yin no/ /gzhan yang rigs kyi bu byang chub ces bya ba de ni nye bar zhi ba'i tshig so/ /nye bar zhi
42b7 zhes bya ba de ni chos thams cad kyi de bzhin nyid kyi tshig so//smras pa/ rigs kyi bu de bzhin nyid de bzhin nyid ces bya ba de gang gi tshig / smras pa/ rigs kyi bu de bzhin nyid de bzhin nyid ces bya ba de ni stong pa nyid kyi tshig te/ stong pa de ni mi skye mi 'gag
43a1 go//smras pa/ gang bcom ldan 'das kyis kyang 'di skad du chos thams cad ni stong pa'o zhes gsungs te/ de bas na chos thams cad ni mi skye mi 'gag go/ /byang chub sems dpa' rtsom pa med kyis smras pa/ rigs kyi bu de de bzhin no/ /ji ltar khong du chud pa
43a2 bzhin te/chos thams cad ni mi skye mi 'gag go/ /smras pa/ gang 'di bcom ldan 'das kyis 'dus byas kyi chos thams cad ni skye'o/ /'gag go zhes gsungs na/ de bzhin gshegs pas 'di ci las dgongs te gsungs/ smras pa/ rigs kyi bu 'jig rten gnas pa
43a3 skye ba dang 'gag pa la mngon par chags pas de la de bzhin gshegs pa thugs rje chen pos 'jig rten dang nga ba'i gnas bsal ba'i phyir tha snyad kyi dbang gis skye'o//'gag go zhes gsungs te/ 'di la chos gang yang skye ba dang 'gag pa med do/ /de bas na rigs kyi bu byang chub
43a4 sems dpas sangs rgyas shes par bya/sangs rgyas kyi chos rnams shes par bya/ sems can rnams shes par bya/ sems can gyi chos rnams shes par bya/ bdag shes par bya/ bdag gi chos rnams shes par bya'o/ /de nas byang chub sems dpa' sems dpa' chen
43a5 po rtsom pa med kyis de'i tshe don de nyid tshigs su bcad pa 'di dag gis smras pa/byang chub sems dpa' bag yod pas/ /sangs rgyas 'byung dang sangs rgyas dang / /sangs rgyas chos dang de dag ni/ /rang bzhin ci 'dra rab tu shes/ /sangs rgyas 'jig rten mkhyen mchog ni/ /
43a6 zag med dge ba'i phung po ste/ /sems can bsam pa'i dbang gis 'byung / /sngon gyi 'du byed rgyu las skye/ /gang gis sangs rgyas rnams rtogs pa/ /dpa' bo de ni pha rol phyin/ /des ni thams cad yongs su shes/ /des ni thams cad khong du chud/ /byang chub sus kyang ma
43a7 byin te//gang gis kyang ni bzung ba med/ /bdag gi chos rnams yongs shes pas/ /sangs rgyas la ni sangs rgyas brjod/ /gang gis bdag ni rang bzhin gyis/ /'du shes tsam du rnam rig pa/ /de ni sangs rgyas ci 'dra dang / /byang chub rang bzhin ci 'dra shes/ /'gro
43b1 ba thams cad 'du shes tsam//yongs su rtog pa rnams kyis brjod/ /rmi lam sgyu ma la sogs mtshan/ /byang chub sems dpas rnam par rig /ji ltar tshul 'di shes 'gyur zhes/ /gang zhig de snyam sems 'gyur na/ /dbang po'i rta rnams rab btul ba/ /mnyam bzhag
43b2 des ni rab tu shes//de la dgra dang zin med de/ /dgos pa dang ni mi dgos med/ /dor ba med cing gzung ba med/ /yang dag chos brjod 'di 'dra'o/ /chos rnams kun la yang dag tshig /chos rnams yang dag brjod ces bya/ /de dag yang dag tshig min pa/ /
43b3 de ni skyon chags chos zhes brjod/ /'dod chags chos dang 'dod med ni/ /dag pa rnams kyis mnyam par mthong / /de bzhin zhe sdang gti mug ste/ /'di ni chos rnams yang dag brjod/ /sems can kun la phan pa'i phyir/ /snying rje'i bdag nyid go bgos pa/ /gang
43b4 zhig rang bzhin stong min pa//sems can rab tu mi mthong ste/ /de ltar chos nyid gang shes shing / /rtag tu kun tu dri med la/ /'jigs med thang la phyin de dag /sangs rgyas khong du chud par 'gyur/ /dper na sgyu ma mkhan po zhig /sprul pa thar par bya phyir brtson/ /
43b5 des ni snga nas de shes pas/ /sprul pa de la chags pa med/ /srid gsum sprul pa 'dra bar ni/ /rdzogs pa'i byang chub mkhas pas shes/ /'gro ba'i ched du go bgos te/ /'gro ba de ltar snga nas shes/ /bdag ni yang dag ma yin zhing / /sems can rang bzhin stong par
43b6 mthong //kun tu song ba'i chos mthong nas/ /bzod pa thob ste thang la gnas/ /gang du'ang 'jug pa ma yin te/ /gang nas kyang ni ldog med pa/ /de ni 'jug med ldog med de/ /thang la gnas pa'i bram ze'o/ /nam zhig bsam pa mnyam pa yis/ /yang dag chos kyi dbyings
43b7 la gnas//de tshe sangs rgyas rnams kyis 'di/ /rdzogs pa'i sangs rgyas 'gyur lung ston/ /nam zhig bdag ni ji lta bar/ /de bzhin sangs rgyas lung bstan dag /mthong ba'i dri ma bor ba ni/ /rgyal ba rnams kyis lung ston to/ /sgrib pa med pa'i dbyings gnas nas/ /
44a1 de nas mya ngan 'das la spyod/ /snying rje chen po'i bdag nyid ni/ /kun tu kha na ma tho med/ /byang chub sems dpa' blo ldan gang / /chos rnams yang dag brjod 'dod cing / /yang dag chos brjod don gnyer de/ /yang dag chos brjod 'di bgrod do/ /
44a2 sems can chen po des tshigs su bcad pa bstan pa 'di bshad pa na byang chub sems dpa' sum khri nyis stong ni mi skye ba'i chos la bzod pa thob par gyur to/ /lha'i bu brgyad stong ni chos rnams la chos kyi mig rdul dang bral zhing dri ma med pa rnam par dag go/ //
44a3 bam po bzhi pa/ gzhan yang byang chub sems dpa' sems dpa' chen po rtsom pa med kyis byang chub sems dpa' sems dpa' chen po blo gros rnam par gnon la 'di skad ces smras so/ /rigs kyi bu byang chub sems dpas ni bden pa gces su bya ste/ rigs kyi bu bden pa yang
44a4 dag par brjod pa ni byang chub sems dpa' rnams kyi chos yang dag par brjod pa'o//rigs kyi bu de la bden pa gang zhe na/ gang byang chub sems dpa' bla na med pa yang dag par rdzogs pa'i byang chub tu sems bskyed nas sems de srog gi phyir yang yongs su mi 'dor zhing /
44a5 sems can rnams la log par yang mi sgrub pa ste/ 'di ni byang chub sems dpa'i bden pa'o/ /gang byang chub sems dpa' bla na med pa yang dag par rdzogs pa'i byang chub tu sems bskyed nas/ phyis sems de 'dor zhing sems can thams cad la log par sgrub pa 'di ni byang chub
44a6 sems dpa'i rab tu smad pa'i du smra ba'o//smras pa/ ji ltar na bla na med pa yang dag par rdzogs pa'i byang chub tu sems bskyed nas/ sems de phyis yongs su mi 'dor zhing sems can thams cad la log par mi sgrub pa yin/ smras pa/ nam byang chub sems
44a7 dpa' sdug bsngal gyi bden pa shes shing /kun 'byung ba'i bden pa dang / 'gog pa'i bden pa dang / lam gyi bden pa shes pa na de sems de yongs su mi 'dor zhing sems can thams cad la'ang log par mi sgrub pa yin no/ /de ci'i phyir zhe na/ byang chub sems
44b1 dpa' bden pa yongs su shes pa dang ldan pa ni sangs rgyas kyi byang chub las phyir mi ldog go//smras pa/ sdug bsngal ni gang shes pa ni ji lta bu/ smras pa/ len pa'i phung po lnga rnams la yid du 'ong ba dang / yid du mi 'ong ba'i rnam par smin pa ni sdug bsngal te/ 'di ni sdug bsngal
44b2 zhes bya'o//nam sdug bsngal de rten cing 'brel par 'byung ba dang / stong pa dang g.yo ba med pa dang / bdag dang bdag gi dang bral ba shes pa 'di ni sdug bsngal shes pa zhes bya'o/ /nam sdug bsngal de kun 'byung ba tsam dang / rdzas med pa dang rdzas ma yin pa dang / snying
44b3 po med pa dang bdag po med par mthong ba 'di ni kun 'byung ba shes pa zhes bya'o//nam sdug bsngal de sngon gyi mtha' nas kyang ma 'ongs/ phyi ma'i mthar yang mi 'pho/ da ltar byung ba la yang mi gnas te/ thog ma med pa can yin la/ rang bzhin gyis 'gags pa/ rang bzhin
44b4 gyis stong pa/rang bzhin gyis dben par shes pa 'di ni 'gog pa shes pa zhes bya'o/ /smras pa/ rigs kyi bu 'gog pa zhes bya ba 'di gang gi tshig / smras pa/ rigs kyi bu 'gog pa ni cir yang brjod par bya ba ma yin no/ /smras pa/ rigs kyi bu gal te 'gog pa ni
44b5 cir yang brjod par bya ba ma yin na/de ci'i phyir 'gog pa zhes bya/ smras pa/ rigs kyi bu 'gog pa zhes bya ba ni glo bur sgrib pa med pa/ yang dag pa ma yin pa yod pa ma yin pa/ kun brtags pa ste/ nam yang dag pa ma yin pa de la kun tu mi rtog pa de ni 'gog pa zhes bya'o/ /yang
44b6 dag pa ma yin pa kun tu rtog pa 'gag pa na chos gang yang 'jig par mi 'gyur te/de'i phyir chos thams cad ni shin tu 'gags pa zhes bya'o/ /smras pa/ rigs kyi bu bcom ldan 'das kyis kyang byang chub sems dpa' 'gog pa mngon sum du mi byed do/ /byang chub sems dpa'
44b7 gang 'gog pa mngon sum du byed pa de ni nyan thos dang /rang sangs rgyas kyi sar ltung ngo zhes gsungs na/ bcom ldan 'das kyis de ci las dgongs te gsungs/ smras pa/ rigs kyi bu mngon sum du byed ces bya ba 'di ni bstan du med pa/ mngon sum du mthong ba'i tshig so/ /
45a1 bcom ldan 'das kyis kyang 'gog pa ni bstan du med pa'i chos so zhes gsungs so/ /chos gang bstan du med pa de ni mngon sum du bya bar mi nus so/ /de bas na bcom ldan 'das kyis byang chub sems dpa' 'gog pa mngon sum du mi byed mi mthong ngo zhes gsungs te/
45a2 de la dgongs nas byang chub sems dpa' ni 'gog pa mngon sum du byed do/ /nyan thos ni chos la mtshan mar 'dzin pa'i blos 'gog pa mngon sum du byed do/ /gnas so/ /kun shes so zhes gsungs so/ /dmigs pa dang yid la byed pa gang dag gis 'di ltar shes/
45a3 'di ltar mthong / 'di ltar nges par byed pa 'di ni lam shes pa zhes bya'o/ /gzhan yang rigs kyi bu sdug bsngal zhes bya ba ni ngar 'dzin pa'o/ /nga yir 'dzin pa de'i rgyu dang bcas par gang 'byung ba 'di ni kun 'byung ba zhes bya'o/ /nam de'i 'byung ba'i chos gang yang so sor
45a4 nges pa ma yin par mthong ba 'di ni 'gog pa shes pa zhes bya'o//gang de ltar rnam par mthong zhing tshol ba 'di ni lam shes pa zhes bya'o/ /gzhan yang rigs kyi bu gang snyems pa de ni sdug bsngal ba'o/ /de ci'i phyir zhe na/ rigs kyi bu bcom ldan 'das kyis snyems pa'i rang
45a5 bzhin ni sdug bsngal lo zhes gsungs so//snyems pa ni thams cad du yang dag pa ma yin pa'o/ /de bas na snyems pa kun 'byung ba ni sdug bsngal kun 'byung ba'o/ /sdug bsngal med pa ni 'gog pa'o/ /ye shes gang gis snyems pa de la mi snyems pa de ni lam mo/ /rigs kyi bu
45a6 bdag gis bskal pa'am/bskal pa las lhag par byang chub sems dpa' rnams kyi bden pa shes pa bstan pa 'di'i mtha' rtogs par mi nus so/ /bden pa bstan pa 'di bshad pa na byang chub sems dpa' drug stong gis bden pa yongs su bsgoms pa phyir mi ldog pa'i sa khong du
45a7 chud do//bar snang la gnas pa'i lha'i bu mo stong phrag bcu ni chos rnams la chos kyi mig rdul dang bral zhing dri ma med pa rnam par dag go/ /de nas byang chub sems dpa' sems dpa' chen po blo gros rnam par gnon gyis byang chub sems dpa' sems dpa' chen po rtsom pa med la 'di
45b1 skad ces smras so//rigs kyi bu byang chub sems dpa'i dran pa nye bar gzhag pa ni gang / dran pa ni gang / dran pa'i gnas ni gang / de skad ces smras pa dang / byang chub sems dpa' sems dpa' chen po rtsom pa med kyis byang chub sems dpa' sems dpa' chen po blo gros rnam
45b2 par gnon la 'di skad ces smras so//rigs kyi bu byang chub sems dpa' rnams ni chos thams cad la mi skye ba shes pa dran pa yin no/ /byang chub sems dpa' rnams ni mi skye ba shes pa'i smon lam can yin te/ de dag gi dran pa de yang mi skye ba shes pas yongs su sbyang ba byas pa/
45b3 thams cad du mi bskyod pa/ drang ba/ mi g.yo ba/ gting dang 'gram mi rtogs pa/ 'jig rten pa dang nyan thos dang rang sangs rgyas thams cad kyis shes par dka' ba ste/ byang chub sems dpa'i dran pa gang gis sangs rgyas thams cad kyis gsungs pa kun 'dzin pa'i dran pa de ni de
45b4 bzhin gshegs pa dgra bcom pa yang dag par rdzogs pa'i sangs rgyas kyi mngon sum mo//byang chub sems dpa'i dran pa de ni 'di 'dra'o/ /byang chub sems dpa'i dran pa de'i gnas ni rnam pa bcu ste/ lus dran pa nye bar gzhag pa dang / tshor ba dran pa nye bar gzhag pa dang /
45b5 sems dran pa nye bar gzhag pa dang / chos dran pa nye bar gzhag pa dang / sangs rgyas rjes su dran pa'i dran pa nye bar gzhag pa dang / chos rjes su dran pa'i dran pa nye bar gzhag pa dang / dge 'dun rjes su dran pa'i dran pa nye bar gzhag pa dang / tshul khrims rjes su dran
45b6 pa'i dran pa nye bar gzhag pa dang /gtong ba rjes su dran pa'i dran pa nye bar gzhag pa dang / lha rjes su dran pa'i dran pa nye bar gzhag pa ste/ 'di dag ni dran pa nye bar gzhag pa bcu'o/ /de la byang chub sems dpa' rnams kyi lus dran pa nye bar gzhag pa gang zhe na/ 'di la
45b7 byang chub sems dpa' 'di ltar lus 'di ni sngon gyi mtha' nas ma 'ongs/phyi ma'i mthar mi 'pho/ sngon gyi mtha' dang phyi ma'i mtha' la mi gnas te/ gzhan du na yang dag pa ma yin pa/ phyin ci log las byung ba/ byed pa po dang tshor ba po med pa/ thog ma dang tha ma
46a1 dang dbus med pa/rtsa ba gnas pa med pa/ bdag po med pa/ nga yi ba med pa/ yongs su 'dzin pa med pa ste/ tshogs zhes bya ba dang / lus zhes bya ba dang / longs spyod ces bya ba dang / gnas zhes bya ba dang / ro zhes bya ba dang / skye mched ces
46a2 bya ba ni glo bur gyi tha snyad rnams kyis tha snyad du btags pa'o//lus 'di ni snying po med pa ste/ pha ma'i khu ba dang khrag las byung ba/ mi gtsang ba/ rul pa/ rang bzhin gyis dri mi zhim pa/ 'dod chags dang / zhe sdang dang / gti mug dang / 'jigs pa dang / sgyid lug
46a3 pa'i rkun pos dkrugs pa/rtag tu 'jig pa/ 'brul ba/ 'bral ba/ rnam par 'thor ba/ rnam par 'joms pa'i chos can/ nad tha dad pa brgya stong gi tshang ngo snyam du lus la dran pa nye bar 'jog go/ /gzhan yang rigs kyi bu byang chub sems dpa' ni 'di ltar lus 'di ni rkang pa dang /
46a4 rkang sor dang / byin pa dang / brla dang / gru do dang / lto ba dang / lte ba dang / sgal tshigs dang / snying dang / rtsib logs dang / rtsib ma dang / lag pa'i thal mo dang / dpung pa dang / thal gong dang / mgrin pa dang / 'gram pa dang / dpral ba dang / mgo'i thod pa 'dus pa tsam ste/
46a5 las 'byung ba'i byed pas bsags pa/ nyon mongs pa dang / nye ba'i nyon mongs pa dang / kun tu rtog pa dang / rnam par rtog pa tha dad pa brgya stong gi gnas so/ /'di ni rdzas mang po 'dus pa 'di lta ste/ skra dang / spu dang / sen mo dang / so dang / rus pa dang / pags pa dang /
46a6 sha dang / lus dang / rgyus pa dang / tshil dang / zhag dang / chu ser dang / mcher pa dang / gcin dang / phyi sa dang / pho ba dang / long ka dang / khrag dang / ngar snabs dang / mkhris pa dang / rnag dang / mchil ma dang / klad pa dang / klad rgyas rnams te/ de de
46a7 ltar rdzas mang po 'dus pa yin no//de la lus zhes ji skad du bya snyam du lus la dran pa nye bar 'jog go/ /de la so sor rtog pa na 'di snyam du sems te/ lus 'di ni nam mkha' dang mtshungs so snyam nas de lus la nam mkha' ltar dran pa nye bar 'jog go/ /de thams cad nam mkha'
46b1 ltar mthong ngo //de lus yongs su shes par bya ba las gang la yang dran pa mi 'jug go/ /mi ldog go/ /mi 'jug mi ldog pas dran pa la gnas pa zhes bya'o/ /de ltar dran pa la gnas pa ni 'di ltar lus ji lta bar byang chub kyang de bzhin du shes te/ 'di la thogs par bya ba
46b2 med do//de ci'i phyir zhe na/ gang du thogs pa de thams cad ni tshul bzhin ma yin pa ste/ 'di ni byang chub sems dpa'i lus dran pa nye bar gzhag pa zhes bya'o/ /de la byang chub sems dpa'i tshor ba dran pa nye bar gzhag pa gang zhe na/ 'di la byang chub sems dpa' 'di snyam
46b3 du sems te/tshor ba zhes bya ba ni khong du chud pa ste/ reg pa de yang phyin ci log pa dang / phyin ci ma log pa dang / de gnyi ga las rnam par grol ba'o snyam mo/ /de la byis pa so so'i skye bo sems g.yengs pa phyin ci log tu gyur pa rnams kyi tshor ba ni phyin ci log ste/ de dag
46b4 ni mi rtag pa la rtag par tshor ro//sdug bsngal ba la bde bar tshor ro/ /bdag med pa la bdag tu tshor ro/ /mi gtsang ba la gtsang bar tshor te/ 'di ni phyin ci log gi tshor ba'o/ /gang mi rtag pa la mi rtag par tshor ba dang / sdug bsngal la sdug bsngal du tshor ba dang /
46b5 bdag med pa la bdag med par tshor ba dang / mi gtsang ba la mi gtsang bar tshor ba 'di ni nyan thos rnams kyi tshor ba'o/ /gang mi rtag pa la mi rtag pa dang mi rtag pa yang ma yin par tshor ba dang / sdug bsngal la sdug bsngal yang ma yin bde ba yang ma yin par tshor ba dang /
46b6 bdag med pa la bdag med pa dang bdag med pa yang ma yin par tshor ba dang / mi gtsang ba la mi gtsang ba dang mi gtsang ba yang ma yin par tshor ba 'di ni byang chub sems dpa' rnams kyi tshor ba'o/ /byang chub sems dpa' de ltar tshor ba ni tshor ba po yang dag par rjes su mi mthong ngo / /
46b7 de mi mthong bas tshor ba yang yang dag par rjes su mi mthong ngo / /de 'di snyam du sems te/ bcom ldan 'das kyis kyang 'dus byas thams cad ni tshor ba'o zhes gsungs so/ /gal te 'dus byas thams cad tshor ba ma yin na ni 'di la tshor ba po zhes bya ba ci zhig yod/ tshor ba ni tshor bar
47a1 byed pa ma yin/tshor bar bya ba dang / tshor ba dang / tshor bar byed pa ma yin/ 'dus ma byas kyang 'dus byas tshor bar byed pa ma yin/ 'dus byas dang 'dus ma byas las rnam par grol ba'i tshor bar byed pa gang yang med de/ de ltar tshor ba de dag tshor ba med par yang
47a2 dag par rjes su mthong ngo //'di la tshor bas rtsol ba gang yang yang dag par rjes su mi mthong ste/ byang chub ji lta bar tshor ba yang de bzhin du yang dag par rjes su mthong ba 'di ni byang chub sems dpa'i tshor ba dran pa nye bar gzhag pa zhes bya'o/ /de la byang chub sems dpa'i sems
47a3 dran pa nye bar gzhag pa gang zhe na/'di la byang chub sems dpa' 'di snyam du sems te/ gang tshor ba de ni sems tsam mo/ /sems de yang gnas pa med pa/ gzung ba med pa/ lus med pa'o/ /gang gnas med pa/ gzung ba med pa/ lus med pa de'i gnas ji
47a4 lta bu zhig yod snyam mo//sems kyis sems mi shes so/ /sems kyis sems mi mthong ngo / /gang la brten nas byung ba'i sems de yang gzhan la rag las pa/ rang dbang med par mthong ngo / /sems ma rtogs par byang chub kyang mi shes so/ /de la byang chub
47a5 sems tsam du shes pas sems la dbang thob bo//de sems la dbang bas theg pa chen po la dbang byed pa dang / sems can thams cad la'ang sems snyoms pa dang / theg pa chen po la gzhan gyi dring la mi 'jog pa yin te/ 'di ni byang chub sems dpa'i sems dran pa nye bar
47a6 gzhag pa zhes bya'o//de la byang chub sems dpa'i chos dran pa nye bar gzhag pa gang zhe na/ 'di la byang chub sems dpa' dge ba'am/ mi dge ba'am/ kha na ma tho ba dang bcas pa'am/ kha na ma tho ba med pa'am/ zag pa dang bcas pa'am/ zag pa med pa'am/ 'jig rten pa'am/ 'jig
47a7 rten las 'das pa'am/nyan thos kyi chos sam/ rang sangs rgyas kyi chos sam/ so so'i skye bo'i chos sam/ chos gang dang gang la dran pa nye bar 'jog pa'i chos de shin tu bzung ba/ shin tu yongs su sbyang ba byas pa/ shin tu bsags pa'am/ shin tu chub pa rang gi kha na las pa/ shin tu
47b1 dbang byed pa'i dran pa des skye ba med pa dang /'gag pa med pa mnyam par byed de/ gang skye ba med pa dang / 'gag pa med pa las rnam par grol ba dang / gang rten cing 'brel par 'byung ba las rnam par grol ba dang / gang stong pa nyid dang / mtshan ma med pa dang / smon pa med pa
47b2 las rnam par grol ba'i chos de yang dag par rjes su mi mthong ngo //de 'di snyam du sems te/ chos thams cad ni bdag po med pa ste/ dben pa'i rang bzhin can/ chos thams cad ni bdag med pa ste/ gnyis su med pa'i rang bzhin can/ chos thams cad ni sgrib pa med pa ste/ nam
47b3 mkha'i rang bzhin can/chos thams cad ni rnam par mi rtog pa ste/ sems dang / yid dang / yid kyi rnam par shes pa dang bral ba/ chos thams cad ni rnam par grol ba'i ngo bo nyid de/ nyon mongs pa med pa'i rang bzhin can/ chos thams cad ni smra ba med pa ste/ brjod du med pa'i
47b4 rang bzhin can/chos thams cad ni yi ge med pa ste/ 'dus ma byas pa'i rang bzhin can/ chos thams cad ni grangs med pa ste/ grangs thams cad las shin tu 'das pa/ chos thams cad ni drang ba ste/ spros pa thams cad las shin tu 'das pa/ chos thams cad ni sa bon med pa'i
47b5 phyir rtsa ba med pa/chos thams cad ni rtsa ba rnam par byang ba'i phyir skyon med pa/ chos thams cad ni lus med pa'i phyir 'ong ba med pa/ chos thams cad ni gnas pa med pa'i phyir song ba med pa/ chos thams cad ni rang bzhin gyis stong pa'i phyir chags pa med pa/ chos thams cad ni rten
47b6 cing 'brel par 'byung ba'i phyir stong pa/chos thams cad ni rnam par mi rtog pa'i phyir nges par 'byung ba/ chos thams cad ni ji ltar 'dod pa bzhin khong du chud pa'i phyir rang gi kha na las pa/ chos thams cad ni shes bya'i ngo bo nyid kyi phyir byang chub pa/ chos thams cad ni rdzas med pa'i
47b7 phyir ming tsam pa/chos thams cad ni bstan du med pa'i ngo bo nyid kyi phyir lta ba dang bral ba/ chos thams cad ni lus med pa'i phyir bcings pa med pa/ chos thams cad ni ngo bo nyid med pa'i phyir grol ba med pa/ chos thams cad ni de bzhin nyid kyi ngo bo nyid kyi phyir thibs po med pa/
48a1 chos thams cad ni chos kyi dbyings dbyer med pa'i phyir dbyings gcig pa/ chos thams cad ni yang dag pa'i mtha' dang mnyam pa'i phyir tha mi dad do snyam du de ltar chos la chos kyi rjes su lta zhing gnas so/ /de ltar chos la chos kyi rjes su lta zhing gnas pa'i byang chub
48a2 sems dpa' ni sems can tha dad du mi byed/chos tha dad du mi byed/ theg pa tha dad du mi byed/ sangs rgyas tha dad du mi byed/ sangs rgyas kyi zhing tha dad du mi byed/ tha ma dang / mchog dang / bcings pa dang / thar pa dang / 'khor ba dang / mya ngan las 'das pa yang dag
48a3 par rjes su mi mthong /spong ba med/ 'dzin pa med/ 'jug pa med/ ldog pa med/ len pa med/ 'dor ba med de/ mi g.yo ba thob cing gnas pa yin te/ byang chub sems dpa' sems dpa' chen po zhi ba la gnas pa de sangs rgyas kyi zhing tha dad pa na gnas pa'i sangs rgyas
48a4 bcom ldan 'das rnams kyis gzigs nas bla na med pa yang dag par rdzogs pa'i byang chub tu lung ston te/de ni byang chub sems dpa'i chos dran pa nye bar gzhag pa zhes bya'o/ /de la byang chub sems dpa'i sangs rgyas rjes su dran pa'i dran pa nye bar gzhag pa gang zhe na/ 'di la
48a5 byang chub sems dpa' sangs rgyas rjes su dran pa'i dran pa nye bar gzhag pa sgom ste/sems can thams cad mngon sum du byas nas bdag kyang sems can thams cad kyi ched du bla na med pa yang dag par rdzogs pa'i byang chub yang dag par bsgrub bo/ /'di ltar gang de bzhin gshegs pa
48a6 dgra bcom pa yang dag par rdzogs pa'i sangs rgyas rnams kyi de bzhin gshegs pa'i stobs bcu dang /mi 'jigs pa bzhi dang / sangs rgyas kyi chos ma 'dres pa brgyad po de dag bdag gis bsgrub par bya'o snyam du dran pa nye bar 'jog go/ /dran pa des gang sangs rgyas bcom
48a7 ldan 'das rnams kyi dran pa bsam gyis mi khyab pa/dri ma med pa/ rnam par dag pa/ 'od gsal ba/ bag la nyal med pa/ bag chags kyi mtshams sbyor ba thams cad yang dag par chad pa/ ye shes sngon du 'gro ba/ ye shes kyi dbang du gyur pa/ sangs rgyas thams cad kyi
48b1 dbang du gyur pa/chos kyi dbang du gyur pa/ lha'i dbang du gyur pa/ nges par gyur pa thams cad thob pa/ shes bya'i sgrib pa'i dri ma med pa/ nyan thos dang / rang sangs rgyas thams cad kyis mi rtog pa/ rang bzhin gyis rnam par mi rtog pa/ lhun gyis grub pa/ mthu sgrib pa
48b2 med pa/thogs pa med par gnas pa/ sems can thams cad kyi bsam pa rgyas par byed pa/ nam mkha' ltar 'gyur ba med pa'i sangs rgyas rjes su dran pa de dag rjes su dran no/ /dran pa rin po che sangs rgyas rnams kyi nor/ sangs rgyas rnams kyi mdzod de dag rjes su
48b3 dran te/de'i phyir sangs rgyas rjes su dran pa zhes bya'o/ /sangs rgyas dran pa yang ma yin/ mi dran pa yang ma yin par thams cad du lhun gyis grub cing rnam par mi rtog pa'i dran pa de dag rjes su dran te/ de'i phyir sangs rgyas rjes su dran pa zhes bya'o/ /sangs rgyas ni sems
48b4 can dang chos la tha dad pa'i 'du shes mi mnga' ba ste/de dag gi dran pa rjes su dran pas de'i phyir sangs rgyas rjes su dran pa zhes bya'o/ /sangs rgyas ni mi rtog rnam par mi rtog /mi len mi 'dor mi 'khor yongs su mya ngan las mi 'da'/ mi skye mi 'gag pa ste/ de dag rjes su
48b5 dran nas/de'i phyir sangs rgyas rjes su dran pa zhes bya'o/ /gzhan yang sangs rgyas bcom ldan 'das rnams ni bsod nams dang ye shes kyi tshogs chen po mnga' ba/ byams pa chen po dang / snying rje chen po'i spyod yul can/ sems can gyi phung po chen po'i skyabs su gyur pa/
48b6 mgon du gyur pa/ sman pa chen po zug rngu 'byin pa/ sems can thams cad la sems snyoms pa/ rtag tu ting nge 'dzin gyi spyod yul ba/ 'khor ba dang mya ngan las 'das pa las rnam par grol ba/ nyon mongs pa dang / shes bya'i sgrib pa thams cad kyi pha rol tu phyin pa/
48b7 sems can chen po'i gnas sems can chen po'i rten/ rnam par 'dren pa/ chos kyi sku spyod yul ba/ thams cad du khong khro ba med pa'i sems dang ldan pa/ rtag tu sems can gyi don la dgyes pa/ sku dang / gsung dang / thugs rgya che ba/ phyad par lung ston pa/
49a1 sku dang / gsung dang / thugs kyi phrin las kyi mtha' kha na ma tho ba med pa/ bag chags dang bcas pa'i 'dod chags dang / zhe sdang dang / gti mug dkrugs pa/ bdud dang phyir rgol ba thams cad bcom pa/ rtsod pa med pa'i chos kyi mchog dang ldan pa/
49a2 rgya mtsho thams cad pas ches zab pa/ ri rab thams cad pas ches mtho ba/ sa bas ches brtan pa/ chu bas ches mnyen pa/ me bas ches 'bar ba/ rlung bas ches chags pa med pa/ nam mkha' bas ches dri ma med pa/ yid kyi 'gro ba bas ches mgyogs pa/ yid bzhin
49a3 gyi nor bu bas ches khyad par du 'phags pa/thams cad mkhyen pa/ sems can thams cad la mtshungs par sbyor ba/ chags pa thams cad dang bral ba/ sems can thams cad la phan par brtson pa'i rgyun ma bcad pa/ gzugs tshad med pa/ sgra tshad med pa/ yon tan
49a4 tshad med pa/yul tshad med pa/ bsam gyis mi khyab pa/ sangs rgyas kyi chos bsam gyis mi khyab pa dang ldan pa/ sems dang / yid dang / yid kyi rnam par shes pa'i yul las yang dag par 'das pa/ rig pa dang zhabs kyi sems dang ldan pa/ lam
49a5 gsum gyi sdig pa rnams yang dag par chad pa/snying rje chen po'i lhag pa'i bsam pa can/ sems can thams cad dang thun mong ba'i yon tan can/ sems can thams cad kyi pha ma lta bur gyur pa/ dgra zin la sems snyoms pa/ ste'u dang tsan dan du mtshungs pa/ sems
49a6 can tha ma dang /'bring dang / mchog thams cad la thams cad du rtag tu gsal bar byed pa'i chos can/ pha rol dpag par dka' ba sems can chen po/ longs spyod chen po/ rig pa dang zhabs su ldan pa chen po/ chos gsung ba chen po/ 'dul ba gsung ba chen po/
49a7 skyes bu chen po/ skyes bu chen po'i mtshan dang ldan pa/ 'jig rten thams cad zil gyis gnon pa/ 'jig rten thams cad kyi snang bar gyur pa/ rnal 'byor chen po la rnal 'byor pa/ bsam gtan chen po spyod yul ba/ rnam par grol ba chen po phun sum tshogs pa/
49b1 bdag nyid che ba/ skye bo chen po'i zham ring ba dang ldan pa/ skye bo khyad par can gyi zham ring ba dang ldan pa/ lta ba dang / nyan pa dang / sten pa dang / bsnyen bkur byed pa mi ldog pa/ bdag bde ba la mi lta ba/ gzhan gyi sdug bsngal zhi bar byed pa la dgyes pa/ chos la gzhol
49b2 ba/chos kyi nor can/ chos kyi zas can/ chos kyi sman can/ chos kyi gter can/ chos kyi dbang phyug /chos kyi bdag po/ chos kyi sbyin bdag rtag tu gtong ba la mngon par dgyes pa/ rtag tu bag yod pa/ rtag tu dben pa la mngon par dgyes pa/ thams cad du
49b3 stegs dang /zam par gyur pa/ rgyal po'i lam chen po dang 'dra ba/ nyi ma chen po dang 'dra ba/ tshangs pa chen po 'dra ba dang / ye shes chen po'i rdo rje 'chang ba/ chos chen pos dbugs 'byin pa/ gzugs lta bas mi ngoms pa/ mthong bas mi ngoms pa ste/ sangs rgyas
49b4 bcom ldan 'das de dag de ltar rjes su dran no//de ltar de dag rjes su dran pas de dag gi yon tan yongs su bsgrub pa'i phyir sbyor ro/ /dran pa nye bar 'jog go/ /brtson 'grus brtsam mo/ /de'i phyir sangs rgyas rjes su dran pa zhes bya ste/ 'di ni byang chub sems dpa'i
49b5 sangs rgyas rjes su dran pa'i dran pa nye bar gzhag pa zhes bya'o//de la byang chub sems dpa'i chos rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang sangs rgyas bcom ldan 'das de dag ni yon tan mtha' yas
49b6 mu med pa ste/de dag ni chos las skyes pa chos kyi bgo skal la spyod pa/ chos kyis sprul pa/ chos bdag por gyur pa/ chos las byung ba/ chos kyi spyod yul/ chos la rton pa/ chos kyis grub pa ste/ gang sangs rgyas bcom ldan 'das rnams kyi mtshan dang dpe
49b7 byad bzang po de dag kyang chos las skyes pa/chos kyis rnyed pa/ chos kyis grub pa'o/ /gang de bzhin gshegs pa rnams kyi de bzhin gshegs pa'i stobs bcu dang mi 'jigs pa bzhi po de dag kyang chos las skyes pa/ chos kyis rnyed pa/ chos kyis grub pa'o/ /
50a1 gang de bzhin gshegs pa rnams kyi sangs rgyas kyi chos ma 'dres pa brgyad po de dag kyang chos las skyes pa/ chos kyis rnyed pa/ chos kyis grub pa'o/ /gang 'jig rten pa dang 'jig rten las 'das pa'i bde ba yod pa de dag kyang chos las skyes pa/
50a2 chos kyis rnyed pa/ chos kyis grub pa'o/ /de lta bas na bdag sangs rgyas kyi byang chub tshol bas chos gtso bor bya'o/ /chos spyod yul ba dang / chos la rton pa dang / chos la gzhol ba dang / chos snying por byed pa dang / chos kyi rjes su 'thun pa'i chos bsgrub par
50a3 bya'o snyam pa 'di ni byang chub sems dpa'i chos rjes su dran pa'i dran pa nye bar gzhag pa zhes bya'o//gzhan yang byang chub sems dpa' 'di snyam du sems te/ chos ni sems can thams cad la mnyam par 'jug pas chos ni tha ma dang / 'bring dang / rab mthong nas
50a4 'jug pa ma yin te/de ltar bdag gis kyang chos dang 'dra ba'i sems su bya'o/ /gnas ni phyogs su ma lhung bas chos ni ngo bor lta zhing 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni dus chad pa med pa 'di mthong ba la don
50a5 yod pa rang gis rig pas chos ni dus la lta zhing 'jug pa ma yin te/de ltar bdag gis kyang chos dang 'dra ba'i sems su bya'o/ /chos ni mthon dman med pas chos ni rgya chen po la 'jug pa ma yin/ dman pa la 'jug pa ma yin te/ de ltar bdag gis kyang chos dang
50a6 'thun pa'i sems su bya'o//chos ni mchog dang tha ma dang bral bas chos ni rnam par dag pa la 'jug pa yang ma yin/ nyams pa la 'jug pa yang ma yin te/ de ltar bdag gis kyang chos dang 'dra ba'i sems su bya'o/ /chos ni zhing dang zhing ma yin pa'i lta ba dang bral
50a7 bas chos ni 'phags pa la 'jug pa yang ma yin so so'i skye bo la 'jug pa yang ma yin te/de ltar bdag gis kyang chos dang 'dra ba'i sems su bya'o/ /chos ni rtag tu rgyun mi 'chad par 'jug pas chos ni nyin mo 'jug la mtshan mo mi 'jug pa ma yin/ mtshan mo 'jug
50b1 la nyin mo mi 'jug pa ma yin te/de ltar bdag gis kyang chos dang 'dra ba'i sems su bya'o/ /chos ni gang la yang nam yang sdod pa ma yin pas chos ni 'dul ba'i dus las kyang mi 'da' ste/ de ltar bdag gis kyang chos dang 'dra ba'i sems su bya'o/ /chos
50b2 ni thams cad du 'dod pa med pas chos ni sdang ba rnams la zhe 'gras pa yang med dad pa rnams la rjes su chags pa yang med de/de ltar bdag gis kyang chos dang 'dra ba'i sems su bya'o/ /chos ni bri ba yang ma yin/ gang ba yang ma yin te/ dpag tu med/
50b3 grangs med pas nam mkha' ltar 'bri ba yang ma yin/ 'phel ba yang ma yin te/ de ltar bdag gis kyang chos dang 'dra ba'i sems su bya'o/ /chos ni sems can rnams kyis srung ba ma yin gyi chos kyis sems can rnams srung ba ste/ de ltar bdag gis kyang
50b4 chos dang 'dra ba'i sems su bya'o//chos ni skyabs yongs su tshol ba ma yin pas chos ni 'jig rten thams cad kyi skyabs yin te/ de ltar bdag gis kyang chos dang 'dra ba'i sems su bya'o/ /chos ni thogs pa med pa'i mtshan nyid pas chos ni gang la yang
50b5 thogs pa med de/de ltar bdag gis kyang chos dang 'dra ba'i sems su bya'o/ /chos ni bag la nyal med pas bag la nyal la mi 'jug ste/ de ltar bdag gis kyang chos dang 'dra ba'i sems su bya'o/ /chos ni rtag tu rnam par mi rtog pas chos ni 'khor bas
50b6 'jigs skrag pa yang ma yin/mya ngan las 'das pa la rjes su chags pa yang ma yin te/ de ltar bdag gis kyang chos dang 'dra ba'i sems su bya'o snyam mo/ /de ltar na byang chub sems dpa' chos la chos ltar dran pa nye bar 'jog pas de'i phyir chos rjes su
50b7 dran pa zhes bya ste/rigs kyi bu 'di ni byang chub sems dpa'i chos rjes su dran pa'i dran pa nye bar gzhag pa zhes bya'o/ /de la byang chub sems dpa'i dge 'dun rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du
51a1 sems te/dge 'dun ni chos smra ba/ chos spyod pa/ chos sems pa/ chos kyi zhing / chos 'dzin pa/ chos la rton pa/ chos la mchod pa/ chos kyi bya ba byed pa/ chos spyod yul ba/ chos spyod pa phun sum tshogs pa/ rang bzhin gyis
51a2 drang ba/rang bzhin gyis dang ba/ snying rje ba'i chos can/ snying rje dang ldan pa/ rtag tu dben pa spyod yul ba/ rtag tu chos la gzhol ba/ rtag tu dkar po spyod pa'o snyam mo/ /gzhan yang byang chub sems dpa' 'di snyam du sems te/ bcom ldan 'das
51a3 kyis dge 'dun rnam pa du mar gsungs pa ni 'di lta ste/kun rdzob kyi dge 'dun dang / don dam pa'i dge 'dun dang / ngo tsha shes pa'i dge 'dun dang / ngo tsha med pa'i dge 'dun dang / 'phags pa'i dge 'dun dang / cang shes kyi dge 'dun dang / phyir mi ldog pa'i
51a4 dge 'dun no snyam mo//de la byang chub sems dpa' ni kun rdzob kyi dge 'dun bsdu ba'i phyir nan tan byed do/ /don dam pa'i dge 'dun la bsten pa'i phyir nan tan byed do/ /ngo tsha shes pa'i dge 'dun rnam par thar bar bya ba'i phyir nan tan byed do/ /ngo tsha med pa'i dge
51a5 'dun yongs su gdul ba'i phyir nan tan byed do//'phags pa'i dge 'dun la mchod cing bsti stang bya ba'i phyir nan tan byed do/ /cang shes kyi dge 'dun la sangs rgyas bzhin du nan tan byed do/ /phyir mi ldog pa'i dge 'dun la chos kyi gtam gyi phyir nan tan byed do/ /gzhan
51a6 yang byang chub sems dpa' 'di snyam du sems te/rigs 'dzin pa'i phyir sangs rgyas kyi sras rnams kyi dge 'dun no/ /yid du 'ong ba'i 'bras bu rab tu sbyin pa'i phyir zhing bzang po rnams kyi dge 'dun no/ /gnas ngan len dang bral ba'i phyir 'jigs pa med pa
51a7 rnams kyi dge 'dun no//yongs su 'dzin pa gtong zhing 'dor ba'i phyir sems rnam par grol ba rnams kyi dge 'dun no/ /shin tu dul ba'i phyir cang shes pa rnams kyi dge 'dun no/ /ma 'dres pa'i phyir nyon mongs pa med pa rnams kyi dge 'dun no/ /sdig pa dang
51b1 bral ba'i phyir ngo tsha shes pa rnams kyi dge 'dun no//bka' blo bde ba'i phyir slob ma rnams kyi dge 'dun no/ /bdag yongs su shes pa dang ldan pa'i phyir bdag gi ba med pa rnams kyi dge 'dun no/ /zhi ba'i phyir rgyags pa med pa rnams kyi dge 'dun no/ /'dod pa
51b2 nyung ba'i phyir phyin ci ma log pa rnams kyi dge 'dun no//rnam par rtog pa yang dag par chad pa'i phyir nad med pa rnams kyi dge 'dun no/ /pha rol tu son pa'i phyir thang la gnas pa rnams kyi dge 'dun no/ /thang la gnas pa'i phyir bde ba thob pa rnams kyi dge 'dun no/ /
51b3 de kho na mthong ba'i phyir bag yod pa rnams kyi dge 'dun no/ /skyon ma chags pa'i phyir dgon pa pa rnams kyi dge 'dun no/ /rgya che ba'i phyir byang chub la gzhol ba rnams kyi dge 'dun no/ /bslab pa gsum gyi bya ba shes par bya ba'i phyir bslab pa 'dod pa rnams kyi dge
51b4 'dun no//dran pa nye bar gzhag pa spyod yul ba'i phyir dran pa dang ldan pa rnams kyi dge 'dun no/ /yang dag par spong ba spyod yul ba'i phyir brtson 'grus brtsams pa rnams kyi dge 'dun no/ /rdzu 'phrul gyi rkang pa spyod yul ba'i phyir ngal ba med pa rnams kyi dge 'dun
51b5 no//dbang po spyod yul ba'i phyir mi phyed pa rnams kyi dge 'dun no/ /stobs spyod yul ba'i phyir tsher ma dkrugs pa rnams kyi dge 'dun no/ /byang chub kyi yan lag spyod yul ba'i phyir bsgribs pa med pa rnams kyi dge 'dun no/ /lam spyod yul ba'i phyir yang dag par
51b6 lta ba rnams kyi dge 'dun no//bden pa spyod yul ba'i phyir 'phags pa rnams kyi dge 'dun no/ /bsam gtan spyod yul ba'i phyir mnyam par gzhag pa rnams kyi dge 'dun no/ /rten cing 'brel par 'byung ba spyod yul ba'i phyir chos kyi 'khor lo rab tu bskor ba
51b7 rnams kyi dge 'dun no//snying rje chen po dang ldan pa'i phyir phyir mi ldog pa rnams kyi dge 'dun no/ /bsod nams thams cad kyi tshogs bsags pa'i phyir skye ba gcig gis thogs pa rnams kyi dge 'dun no snyam mo/ /de la byang chub sems dpa' 'di ltar dge 'dun
52a1 rjes su dran pas 'di snyam du sems te/gang dge 'dun gyi yang dag pa'i yon tan de dag ni bdag dang sems can thams cad kyis kyang bsgrub par bya'o snyam pa 'di ni byang chub sems dpa'i dge 'dun rjes su dran pa'i dran pa nye bar gzhag pa zhes bya'o/ /
52a2 de la byang chub sems dpa'i tshul khrims rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang 'jig rten pa dang / 'jig rten las 'das pa'i phun sum tshogs pa gang ci yang rung ba de dag thams cad ni
52a3 tshul khrims las byung bar blta'o//de ci'i phyir zhe na/ tshul khrims ni phun sum tshogs pa de dag thams cad kyi gnas yin no/ /'di lta ste dper na/ sa ni sman dang / rtswa dang / nags tshal thams cad kyi gnas yin no/ /de bzhin du tshul khrims kyang phun sum
52a4 tshogs pa de dag thams cad kyi gnas yin no//byang chub sems dpa' tshul khrims kyi gnas la rab tu gnas pa ni lha dang bcas pa'i 'jig rten gyi sbyin gnas yin no/ /sbyin pa'i chos yongs su rdzogs par yang byed do/ /tshul khrims kyi gnas la rab tu gnas
52a5 pa'i byang chub sems dpa' ni dga' ba skye'o//yid dga' bas 'gyod pa med do/ /'gyod pa med pas mchog tu dga' ba 'thob bo/ /mchog tu dga' bas lus dang sems shin tu sbyangs par 'gyur ro/ /lus dang sems shin tu sbyangs pas bde ste ting nge 'dzin thob bo/ /
52a6 yid mnyam par bzhag pas yang dag pa ji lta ba bzhin du mthong ba yin no/ /yang dag pa ji lta ba bzhin du mthong ba'i byang chub sems dpa' ni sems can rnams la snying rje chen po 'jug go snyam mo/ /de yang 'di snyam du sems te/ bdag gis sems can thams
52a7 cad la ting nge 'dzin gyi sgo 'di dang /chos rnams yang dag pa ji lta ba bzhin du mthong ba bsgrub par bya'o snyam mo/ /de snying rje chen po des bskul bas lhag pa'i tshul khrims dang / lhag pa'i sems dang / lhag pa'i shes rab la bslab pa yongs su rdzogs nas bla na
52b1 med pa yang dag par rdzogs pa'i byang chub mngon par rdzogs par 'tshang rgya'o//de bas na bdag gis kyang tshul khrims la gnas pa mi bskyod pa mi lhod par bya'o/ /sems can thams cad mngon du byas nas tshul khrims bsrung bar bya'o snyam mo/ /de ci'i phyir zhe na/
52b2 byang chub sems dpa'i tshul khrims de ni sems can thams cad la phan pa dang / bde ba'i gnas la mi gnas pa ma yin no/ /gzhan yang byang chub sems dpa' 'di snyam du sems te/ byang chub sems dpa'i mngon par 'byung ba'i tshul khrims ni gnod sems med pa yongs
52b3 su rdzogs par byed do//byang chub sems dpa'i rab tu byung ba'i tshul khrims ni bdog pa thams cad yongs su gtong ba rdzogs par byed do/ /byang chub sems dpa'i bslab pa dang sdom pa yang dag par 'dzin pa'i tshul khrims ni lus dang / ngag dang / sems yongs su dag
52b4 pa yongs su rdzogs par byed do//byang chub sems dpa'i nges par sems pa'i tshul khrims ni mngon par shes pa drug yongs su rdzogs par byed do/ /byang chub sems dpa'i nang du yang dag 'jog pa'i tshul khrims ni byang chub kyi phyogs kyi chos rnams yongs su rdzogs
52b5 par byed do//byang chub sems dpa'i chos nyan pa'i tshul khrims ni so so yang dag par rig pa bzhi yongs su rdzogs par byed do/ /byang chub sems dpa'i thos pa yongs su tshol ba'i tshul khrims ni nga rgyal med pa yongs su rdzogs par byed do/ /byang chub sems dpa'i
52b6 dge ba'i bshes gnyen la bsnyen bkur byed pa'i tshul khrims ni yon tan gyi chos thams cad chud mi za ba yongs su rdzogs par byed do//byang chub sems dpa'i pha rol tu phyin pa'i tshul khrims ni thams cad mkhyen pa'i ye shes yongs su rdzogs par byed do/ /byang chub sems dpa'i
52b7 ji ltar thos pa'i chos rnams ston pa'i tshul khrims ni chos smra ba nyid yongs su rdzogs par byed do//byang chub sems dpa'i ji ltar thos pa'i chos rnams sems pa'i tshul khrims ni gzungs dang spobs pa thob pa yongs su rdzogs par byed do/ /byang chub sems dpa'i byang chub kyi
53a1 sems kyi tshul khrims ni skye ba thams cad las yang dag par 'da' ba yongs su rdzogs par byed do//byang chub sems dpa'i sems can thams cad la khong khro ba med pa'i tshul khrims ni byang chub kyi sems chud mi za bar yongs su rdzogs par byed do/ /
53a2 byang chub sems dpa'i byang chub kyi sems chud mi za ba'i tshul khrims ni dkon mchog gsum chud mi za ba yongs su rdzogs par byed do snyam mo/ /de yang 'di snyam du sems te/ tshul khrims bsrungs pas bsrungs pa thams cad bsrungs pa yin no snyam pa 'di ni rigs kyi bu
53a3 byang chub sems dpa'i tshul khrims rjes su dran pa'i dran pa nye bar gzhag pa zhes bya'o//de la byang chub sems dpa'i gtong ba rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang ci gtong ba de thams cad ni 'di lta ste
53a4 zang zing gi gtong ba dang /chos kyi gtong ba dang / gtong ba rnam pa gnyis kyi nang du 'dus so snyam mo/ /de la zang zing gi gtong bas ni byang chub sems dpa'i mtshan dang dpe byad bzang po yongs su skong ba dang / sangs rgyas kyi zhing yongs su dag pa dang / sems can
53a5 yongs su smin par byed pa rnam par dag pa yongs su rdzogs par byed do//chos kyi gtong bas ni stobs bcu dang / mi 'jigs pa bzhi dang / sangs rgyas kyi chos ma 'dres pa brgyad yongs su rdzogs par byed do/ /bag chags kyang yang dag par 'joms par
53a6 byed do//gzhan yang zang zing gi gtong bas ni phung po thams cad nges par 'dor bar byed do/ /chos kyi gtong bas ni nyan thos dang / rang sangs rgyas thams cad kyis las yang dag par 'da'o/ /gzhan yang zang zing gi gtong bas ni skye ba'i lus yongs su sbyong bar
53a7 byed do//chos kyi gtong bas ni chos kyi skur yongs su sbyong bar byed do/ /gzhan yang rigs kyi bu byang chub sems dpa' sems dpa' chen po zang zing gi gtong bas ni pha ma las byung ba'i stobs sgrub par byed de/ stobs de ni de bzhin gshegs pa dang / sa bcu la
53b1 gnas pa'i byang chub sems dpa' rnams ma gtogs par su la yang med do//chos kyi gtong bas ni rdzu 'phrul gyi stobs sgrub par byed de/ stobs de ni de bzhin gshegs pa dang / sa bcu la gnas pa'i byang chub sems dpa' rnams ma gtogs par su la yang med do/ /
53b2 gzhan yang zang zing gi gtong bas ni yongs su smin par byed do/ /chos kyi gtong bas ni rnam par thar bar byed do/ /gzhan yang zang zing gi gtong bas ni tshogs sogs so/ /chos kyi gtong bas ni sgrol lo/ /gzhan yang zang zing gi gtong bas ni nor yongs su gtong ngo / /chos
53b3 kyi gtong bas ni thams cad gtong ngo //gzhan yang zang zing gi gtong bas ni nyon mongs pa'i sgrib pa las rnam par grol ba sgrub par byed do/ /chos kyi gtong bas ni shes bya'i sgrib pa las rnam par grol ba sgrub par byed do/ /gzhan yang gtong ba gtong ba zhes bya ba 'di ni yongs
53b4 su rtog pa gtong ba'i tshig so//'di lta ste yongs su rtog pa gtong ba de ni gtong ba rnams kyi dam pa'o/ /de ci'i phyir zhe na/ yongs su rtog pa btang bas byang chub sems dpa' dag pa zhes bya'o/ /smras pa/ rigs kyi bu yongs su rtog pa zhes bya ba 'di gang gi tshig
53b5 smras pa/rigs kyi bu yongs su rtog pa zhes bya ba 'di ni yang dag pa ma yin zhing med pa las sgro btags pa'i tshig so/ /smras pa/ ji ltar na yang dag pa ma yin zhing med pa las sgro btags pa yin/ smras pa/ nam 'di ltar bdag ni chags pa/ bdag ni zhe sdang
53b6 ba/bdag ni gti mug pa/ bdag ni nyon mongs pa/ bdag ni rnam par dag pa/ bdag ni bcings pa/ bdag ni grol ba/ bdag ni 'khor ba/ bdag ni yongs su mya ngan las 'das pa'o snyam pa la sogs par sgro btags pa thams cad ni yang dag pa ma yin zhing med pa las
53b7 yongs su brtags pa'o//de ci'i phyir zhe na/ 'di dag thams cad ni rgyu dang rkyen tsam ste/ 'di la bdag dang bdag gi med/ sems can med/ srog med/ gang zag med/ shed las skyes med/ shed bu med do/ /rgyu dang rkyen de dag kyang rang bzhin gyis stong pa/ rang bzhin gyis
54a1 dben pa/sems dang yid dang yid kyi rnam par shes pa dang bral ba/ mi sems pa/ yongs su mi rtog pa/ kun nas nyon mongs pa ma yin pa/ rnam par byang ba ma yin pa/ 'khor ba ma yin pa/ yongs su mya ngan las 'das pa ma yin pa'o/ /de la byang chub
54a2 sems dpa' yod pa ma yin pa la sgro mi 'dogs shing /de sgro 'dogs pa btang bas gtong ba phun sum tshogs pa zhes bya'o/ /nam chos de dag rjes su dran pa de ni de'i gtong ba rjes su dran pa zhes bya'o/ /gzhan yang rigs kyi bu byang chub sems dpa' rnams kyi gtong ba rnam pa
54a3 gsum ste/gtong ba dang gtong ba chen po dang / shin tu gtong ba'o/ /de la byang chub sems dpa' rnams kyi gtong ba gang zhe na/ 'di lta ste/ bza' ba 'dod pa rnams la bza' ba sbyin pa dang / btung ba dang / bzhon pa dang / gos dang / mar me dang / bdug spos dang / spos dang / phreng
54a4 ba dang /byug pa dang / phye ma dang / gos dang / gdugs dang / rgyal mtshan dang / ba dan dang / shing rta dang rgyan la sogs pa sbyin pa ste/ sbyin pa gang sems can rnams la gnod pa dang / phongs par 'gyur ba de ma gtogs par byang chub sems dpa' dag sems can rnams la mi sbyin
54a5 pa gang yang med de/'di ni byang chub sems dpa' rnams kyi gtong ba zhes bya'o/ /de la byang chub sems dpa' rnams kyi gtong ba chen po gang zhe na/ 'di la byang chub sems dpa' gtong ba phun sum tshogs nas gtong ba chen po byed de/ 'di lta ste chung ma dang / bu dang / bu mo dang /
54a6 yid du 'ong ba'i bran pho dang / bran mo dang / las byed pa dang / zho shas 'tsho ba dang / khyim dang / rgyal srid rnams yongs su gtong ba 'di ni byang chub sems dpa'i gtong ba chen po zhes bya'o/ /de la byang chub sems dpa' rnams kyi shin tu gtong ba gang zhe na/ 'di la byang chub
54a7 sems dpa' gtong ba dang gtong ba chen po phun sum tshogs nas shin tu gtong ba byed de/'di lta ste/ lag pa dang / rkang pa dang / rna ba dang / sna dang / sha dang / rus pa dang / pags pa dang / mig dang / lce dang / mgo rus dang / rkang la sogs pa yongs su gtong ba ste/ 'di ni byang chub
54b1 sems dpa'i shin tu gtong ba zhes bya'o//de la byang chub sems dpa' des gtong ba dang / gtong ba chen po dang shin tu gtong ba de dag rjes su dran nas/ bdag gis kyang dran pa de dag yongs su rdzogs par bya'o snyam pa de ni de'i gtong ba rjes su dran pa zhes bya ste/ 'di ni byang chub
54b2 sems dpa'i gtong ba rjes su dran pa'i dran pa nye bar gzhag pa zhes bya'o//de la byang chub sems dpa'i lha rjes su dran pa'i dran pa nye bar gzhag pa gang zhe na/ 'di la byang chub sems dpa' ni gang rnam par dag pa'i lha/ nyan thos dang / rang sangs rgyas dang / byang chub sems
54b3 dpa' dang /yang dag par rdzogs pa'i sangs rgyas de dag rjes su dran no/ /'di ltar de dag rjes su dran te/ bsgrub pa dang yon tan dang / skye ba dang longs spyod dang / kun dpyod pa dang / rtsom pa dang / rab tu 'thob pa dang / yongs su 'grub pas kyang rjes su dran pa 'di ni lha rjes su
54b4 dran pa'i dran pa nye bar gzhag pa zhes bya'o//gang lha gzhan de dag kyang rjes su dran no/ /'di ltar de dag rjes su dran te lha 'di dag ni las dge ba'i 'bras bu las byung ba'o/ /dge ba'i las de dag ni 'di lta ste/ dge ba bcu'i las kyi lam mi dge ba las bzlog pa rnams so/ /
54b5 de las lha gang rnams kha dog dang ldan pa/ bde ba mang ba/ dbang po tshim pa/ de dag thams cad ni dge ba bcu'i las kyi lam gyi rnam par smin pa'o snyam ste/ de la byang chub sems dpa' lha'i bde ba de la rjes su yi rang nas sems can thams cad la phan pa'i phyir bla na med pa
54b6 yang dag par rdzogs pa'i byang chub tu yongs su bsngo'o//lha'i bde ba de yang sems can thams cad kyir 'dod do/ /bde ba de sems can thams cad kyir 'dod pas dge ba'i rtsa ba yongs su grub par bya ba'i phyir brtson 'grus chen po rtsom mo/ /ngan song rnams su skyes
54b7 pa'i sems can dag la snying rje chen po rnyed de/de 'di snyam du bdag gis 'di ltar sems can thams cad lha'i 'jig rten du skye bar 'gyur ba'i las byed du gzud do/ /sems can gang dag lhar gyur pa de dag ni bla na med pa yang dag par rdzogs pa'i byang chub mngon par
55a1 rdzogs par 'tshang rgya bar bya'o//gang gis sems can rnams lha'i bde ba thob nas phyis nyams par mi 'gyur ba dang / bde bar gyur nas 'di lta ste/ de bzhin gshegs pa'i nye bar zhi ba'i bde ba'i bde ba thob par 'gyur ba'i las de dag sems can rnams byed
55a2 du gzhug go snyam du sems pa 'di ni byang chub sems dpa'i lha rjes su dran pa'i dran pa nye bar gzhag pa zhes bya ste/rigs kyi bu de dag ni byang chub sems dpa' rnams kyi dran pa nye bar gzhag pa bcu'o/ /de nas byang chub sems dpa' sems dpa' chen po rtsom pa med kyis de'i
55a3 tshe don de nyid tshigs su bcad pa dag gis smras pa/gang phyir sdug bsngal ma gtogs par/ /stong pa nyid ni mi dmigs pas/ /sdug bsngal sdug bsngal mi lta ste/ /sdug bsngal stong par blta bar bya/ /stong pa nyid ni lta 'dod pas/ /sdug bsngal yang dag blta bar
55a4 bya//sdug bsngal stong pa nyid kyi don/ /stong pa de ni 'dus ma byas/ /sdug bsngal byas pa ma yin pas/ /sdug bsngal la ni byed pa med/ /sdug bsngal bral ba'i byed pa po/ /ma byung 'byung bar mi 'gyur ro/ /gal te sdug bsngal yang dag tu/ /kun nas sgrib pa med
55a5 gyur te//gal te sdug bsngal byas min na/ /'di la kun 'byung ga la yod/ /sdug bsngal la ni 'ong med de/ /gang du yang ni 'gro min na/ /gang gis de yi chags 'byung ba/ /sdug bsngal med na ga la yod/ /gal te sdug bsngal kun 'byung ste/ /sred pa kun 'byung bshad
55a6 na ni//sred can sred yod ma yin na/ /med na kun 'byung ji ltar 'gyur/ /sdug bsngal la ni 'ong med de/ /'ong ba med na ci zhig 'gro/ /'ong dang 'gro ba med par ni/ /'gog pa zhi ba zhes bstan to/ /chos rnams ngo bo nyid kyis zhi/ /rtsa ba dag cing 'od kyang gsal/ /'gog
55a7 po dang ni chos rnams mtshungs//thams cad mtha' gnyis rab tu spangs/ /sngon du skyes pa'i chos rnams kyang / /de ma thag tu 'gag par 'gyur/ /'gag pa med par skye ba med/ /skye ba med par zad pa med/ /de ltar gang gi blo tshol ba/ /de ni chags med zad med lam/ /
55b1 lam ni gzings dang 'dra bar bstan/ /mdor na gzings ni spang bar bya/ /gang bsags spang bar bya ba yi/ /chos de la ni ci zhig dga'/ /lam spangs thang la gnas pa de/ /rnal 'byor pa ni grol zhes brjod/ /des ni lam gyi ye shes kyis/ /gang phyir chos kun bsgoms
55b2 pas na//grol ba'i mtshan nyid rab bstan pa/ /de ni gang du'ang rtsod pa med/ /skra dang ba spu sen mo so/ /sha dang rus pa khrag dang zhag /tshil dang shas rgyas phyi sa dang / /mkhris pa bad kan klad pa dang / /mtsher pa rgyus pa gnye ma dang / /gcin gyi phung po lus zhes brjod/ /rnal
55b3 'byor pas ni lus rnams la//yod min kun brtags tsam du mthong / /'di la byed dang tshor ba dang / /mthong ba po ni gang yang med/ /lus zhes bya bar rang bzhin gyis/ /grong stong dang ni 'dra ba'o/ /tshor ba myong bar rab bstan pa/ /tshor ba po las tshor ba gzhan/ /gud na
55b4 yod pa ma yin na//gang gis de ni myong bar 'gyur/ /byang chub ci 'dra de bzhin du/ /zhi zhing dag la 'od gsal bar/ /tshor ba 'di la mkhas rnams kyis/ /dran pa de la nye bar gzhag /lus las sems ni mi mthong ste/ /sems la yang ni sems de bzhin/ /de ltar shes nas
55b5 'khrug pa med//grol ba po ni dga' ba'ang med/ /sems tsam du ni rab mthong ste/ /kun tu rtog pa kun spangs kyang / /sgrib pa med pa'i spyod yul can/ /rnal 'byor gtong ba'ang ma yin no/ /chos rnams rang 'byung ma yin te/ /gang gis kyang ni bsgrubs pa med/ /grangs med
55b6 cing ni yi ge med//de ni nam mkha' 'dra ba'i mtshan/ /chos 'di rtogs par khong chud nas/ /chos shes pa yi rnal 'byor can/ /mnyam pa nyid la rab gnas pa/ /'jug pa med cing ldog pa'ang med/ /gang gis chos dran 'di 'dra ste/ /thams cad chos las mi g.yo ba/ /de dag
55b7 pha rol phyin pa brtan//sangs rgyas bstan la sbyin pa sbyong / /sangs rgyas don rnams kun la mkhas/ /sgrib pa kun gyi dri ma med/ /dkar po thams cad yang dag spyod/ /sems can kun la phan par bzhed/ /rigs dang gzugs dang yon tan las/ /rdzogs pa'i byang chub
56a1 mkhas pa gang //yang dag dran pa de dag ni/ /dkar po'i chos kyis rab tu rgyas/ /gang zhig rtag tu mnyam gzhag cing / /chos la dran pa mi g.yeng ba/ /des ni 'das dang ma 'ongs pa'i/ /sangs rgyas thams cad mnyes par byas/ /dam pa'i chos la brten
56a2 chos can//chos rjes dran pa spyod yul ba/ /byang chub sems dpa' brtul zhugs brtan/ /rdzogs pa'i byang chub rtogs par 'gyur/ /chos rnams ci 'dra de bzhin du/ /bdag 'gyur snyam du gang dran pa/ /byang chub sems dpa' mnyam gzhag des/ /chos dran pa 'di shes
56a3 par bya//nga yi med cing ngar 'dzin med/ /chos rnams ci 'dra de ltar bdag /'gyur ro snyam du dran pa ni/ /chos rjes dran pa 'di bsgom yin/ /bla na med pa bsod nams zhing / /dge 'dun sangs rgyas slob ma rnams/ /sangs rgyas byang chub 'gyur ba dag /rtag tu yang dag
56a4 rjes su dran//rgya mtsho lta bur dpag dka' rnams/ /bdag gis rjes su dran pa yi/ /bsod nams rab tu gang bsags des/ /sems can de bzhin gshegs gyur cig /mi ldog ngang tshul can rnams kyi/ /tshul khrims yang dag rjes dran pa/ /sems can kun la
56a5 phan sems pa//mchog gi bsod nams gang bskyed pa/ /sems can rnams la phan 'dod phyir/ /de dag rdzogs pa'i byang chub bsngo/ /sems can kun la phan byed pa/ /de ni tshul khrims dran zhes bya/ /zang zing med pas chos btang dang / /nyon mongs spangs pa'i gang dge
56a6 ba//sems can kun la phan pa'i phyir/ /snying rje'i bdag nyid sngo bar byed/ /gtong ba rjes dran phun sum tshogs/ /zhing dang skye la rab gnas pa/ /mtshan ma med cing rtsol med par/ /nyi ma bzhin du kun du shar/ /lha rnams kun gyi dge ba gang / /dge ba'i las las rab byung
56a7 ba//bde der sems can thams cad phyir/ /snying rje'i bdag nyid de ltar 'dod/ /gang gis 'jig rten lhar gyur nas/ /sangs rgyas bla na med gyur pa/ /bde ba de dag rtag tu bya/ /bdag gis de lta de ltar bsgrub// //bam po lnga pa/ de nas byang chub sems
56b1 dpa' sems dpa' chen po rtsom pa med dang /byang chub sems dpa' sems dpa' chen po blo gros rnam par gnon dang gnyi ga g.yog dang bcas te/ bcom ldan 'das ga la ba der dong nas lhags pa dang / bcom ldan 'das kyi zhabs la mgo bos phyag 'tshal nas/ lan
56b2 du ma bskor ba byas te bcom ldan 'das kyis gnang nas phyogs gcig tu 'dug ste/g.yog dang bcas te phyogs gcig tu 'dug nas/ skyes bu dam pa de gnyis kyis bcom ldan 'das la 'di skad ces gsol to/ /bcom ldan 'das bdag cag gnyis 'dir gcig tu
56b3 'dus nas chos yang dag par brjod pa bgyis na/sangs rgyas bcom ldan 'das rnams ni mi mkhyen pa'am/ mi rig pa'am/ rnam par mi mkhyen pa cung zad kyang mi mnga' ba lags na/ bcom ldan 'das bdag cag gnyis kyis chos yang dag par brjod pa dang 'thun
56b4 pa bgyis pa lags sam/bcom ldan 'das kyis bka' stsal pa/ rigs kyi bu dag de de bzhin te/ ji skad smras pa de lta'o/ /sangs rgyas bcom ldan 'das rnams ni mi mkhyen pa'am/ mi rig pa'am/ rnam par mi mkhyen pa cung zad tsam yang mi mnga' ste/ sangs rgyas
56b5 bcom ldan 'das rnams ni thams cad du sgrib pa mi mnga' ba'i ye shes can te/rigs kyi bu khyed gnyis kyis chos yang dag par brjod pa dang 'thun par byas so/ /rigs kyi bu dag byang chub sems dpa' rnams kyi gang ci smra ba dang / kun smra ba de thams cad ni de bzhin gshegs
56b6 pa'i byin gyis brlabs su rig par bya'o//rigs kyi bu dag legs so legs so/ /ji ltar khyod gnyis kyis byas pa de bzhin du chos yang dag par brjod par bya'o/ /rigs kyi bu khyed gnyis kyis chos yang dag par brjod pa 'dis sangs rgyas kyi bya ba byas so/ /de bzhin
56b7 gshegs pa yang khyed gnyis kyis chos yang dag par brjod pa la rjes su yi rang ngo //de nas tshe dang ldan pa shA ri'i bus byang chub sems dpa' rtsom pa med la 'di skad ces smras so/ /rigs kyi bu khyod ci'i phyir rtsom pa med ces bya/ byang chub sems dpa' rtsom pa med kyis
57a1 smras pa/btsun pa sha ra dwa ti'i bu gang byang chub sems dpa'i lus dang / ngag dang / yid kyi las kyi mtha' ni shin tu byang ba/ bya ba thams cad la mi chags pa/ gang yang mi tshol ba/ cung zad kyang spang bar mi 'dod pa/ thob par mi 'dod pa/
57a2 'das pa dang / ma 'ongs pa dang / da ltar byung ba de bzhin nyid du mnyam par mthong ba/ tha ma dang / 'bring dang / rab kyi chos cung zad kyang yang dag par rjes su mi mthong ba de ni rtsom pa med ces bya'o/ /btsun pa sha ra dwa ti'i bu chos thams cad ni gzod ma nas med
57a3 par gyur na rtsom pa med pa'o//btsun pa sha ra dwa ti'i bu gal te chos 'ga' zhig gzod ma nas yod par gyur na ni de brtsam par bya na chos gang yang gzod ma nas yod pa ma yin te/ gzod ma nas med pa'i phyir chos thams cad ni brtsams pa med pa'o/ /tshe dang ldan pa
57a4 shA ra dwa ti'i bus smras pa/de lta yin na khyod kyis chos yang dag par brjod pa de ji ltar byas/ byang chub sems dpa' rtsom pa med kyis smras pa/ btsun pa sha ra dwa ti'i bu brtsams pa med pa nyid bdag gis chos yang dag par brjod pa byas pa'o/ /btsun pa shA ra dwa
57a5 ti'i bu 'di ji snyam du sems/gang khyod kyis dri ba dris pa 'di ci khyod kyis 'di brtsams te dris sam/ 'on te ma brtsams par dris/ de gal te khyod kyis brtsams te dris na ni ci la rten te brtsams/ gang rtsom pa dang bcas pa de ni 'dri ba ma yin no/ /rtsom pa
57a6 yang gzhan la 'dri ba yang gzhan zhes ni bya bar mi 'thad do//ci ste ma brtsams par dris na ni khyod gtam 'di la zhugs pa yin no/ /tshe dang ldan pa shA ra dwa ti'i bus smras pa/ rigs kyi bu gang bdag dang khyod kyi brjod pa de ji ltar blta bar bya/ byang chub sems dpa'
57a7 rtsom pa med kyis smras pa/btsun pa sha ra dwa ti'i bu 'di lta ste/ dper na sgyu ma sprul pa'i brjod pa ji lta bar de bzhin nyid dang / chos kyi dbyings la gnas pa'i byang chub sems dpa'i brjod pa yang de ltar blta bar bya'o/ /btsun pa sha ra dwa ti'i bu sgyu ma sprul pa la ni sems dang
57b1 sems las byung ba'i chos rnams med do//gang la sems dang sems las byung ba'i chos rnams med pa de ci zhig rtsom par 'gyur/ btsun pa sha ra dwa ti'i bu sgyu ma mkhan gyi 'phen pa'i dbang gis sgyu ma sprul pa'i brjod pa 'byung ba ji lta bar de bzhin nyid dang / chos kyi dbyings la gnas
57b2 pa'i byang chub sems dpa'i brjod pa yang de ltar blta bar bya'o//tshe dang ldan pa shA ri'i bus smras pa/ rigs kyi bu sgyu ma sprul pa ni byung ba yang ma yin/ ma byung ba yang ma yin na/ ci khyod kyang byung ba yang ma yin/ ma byung ba yang ma yin nam/ byang chub sems dpa' rtsom pa
57b3 med kyis smras pa/btsun pa shA ri'i bu de bzhin gshegs pas chos thams cad sgyu ma lta bur mngon par rdzogs par sangs rgyas nas rab tu ma bshad dam/ smras pa/ rigs kyi bu de de bzhin te/ de bzhin gshegs pas chos thams cad sgyu ma lta bur mngon par rdzogs par
57b4 sangs rgyas nas rab tu bshad do//byang chub sems dpa' rtsom pa med kyis smras pa/ btsun pa shA ri'i bu ji ltar sgyu ma byung ba yang ma yin/ ma byung ba yang ma yin pa de bzhin du sgyu ma lta bu'i chos de dag thams cad kyang byung ba yang ma yin/ ma byung ba yang ma yin par blta
57b5 bar mi bya'am/btsun pa shA ri'i bu gal te byung ba'am/ ma byung ba zhig yod na ni sgyu ma lta bur yang bstan par mi 'gyur ro/ /tshe dang ldan pa shA ri'i bus smras pa/ rigs kyi bu khyod su'i ched du spyod/ byang chub sems dpa' rtsom pa med kyis smras pa/ btsun pa shA ri'i bu kho bo ni don
57b6 nam don ma yin pa'i ched la yang mi spyod do//de ci'i phyir zhe na/ gang don gyi ched la spyod pa de ni dmigs pa la spyod pa'o/ /dmigs pa la spyod pa de ni sangs rgyas rnams mnyes par byed pa ma yin no/ /de ci'i phyir zhe na/ dmigs pa la spyod pa de ni rjes su 'thun pa'i bzod pa yang mi
57b7 'thob ste/bzod pa med na sangs rgyas mnyes par byed pa ma yin no/ /'on te don ma yin pa'i ched la spyod na ni log par lta ba la spyod pa'o/ /log par lta ba ni don med pa'o/ /tshe dang ldan pa shA ri'i bus smras pa/ rigs kyi bu gang dag don dang don ma yin pa'i ched la mi
58a1 spyod pa de dag gang du spyod/byang chub sems dpa' rtsom pa med kyis smras pa/ btsun pa shA ri'i bu byis pa so so'i skye bo rnams gang la spyod pa de nyid la de dag spyod do/ /smras pa/ rigs kyi bu byis pa so so'i skye bo rnams gang la spyod/ byang chub
58a2 sems dpa' rtsom pa med kyis smras pa/btsun pa shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams gang la spyod pa de nyid la byis pa so so'i skye bo thams cad kyang spyod mod kyi/ de bzhin gshegs pa dgra bcom pa yang dag par rdzogs
58a3 pa'i sangs rgyas rnams gang la spyod pa de nyid la bdag cag kyang spyod do snyam du mi sems so//tshe dang ldan pa shA ri'i bus smras pa/ rigs kyi bu sangs rgyas kyi yul la ni byis pa so so'i skye bo rnams kyi go skabs med pa ni/ ji ltar de bzhin gshegs pa dgra bcom pa yang dag
58a4 par rdzogs pa'i sangs rgyas rnams gang la spyod pa de nyid la byis pa so so'i skye bo rnams kyang spyod de 'di ni 'gal lo//byang chub sems dpa' rtsom pa med kyis smras pa/ tshe dang ldan pa shA ri'i bu sangs rgyas kyi yul shes sam/ shA ri'i bus smras pa/ sbrang bu 'dra ba bdag lta bus
58a5 sangs rgyas kyi yul shes par ga la nus mod kyi/'on kyang rigs kyi bu de bzhin gshegs pa las thos nas ni nyan thos rnams kyis kyang shes te/ rigs kyi bu sangs rgyas kyi yul ni mtha' yas mu med do/ /sangs rgyas kyi yul las rnam par grol ba'i yul ni gang yang med
58a6 do//byang chub sems dpa' rtsom pa med kyis smras pa/ btsun pa shA ri'i bu gal te sangs rgyas kyi yul las rnam par grol ba'i yul med na ci'i phyir khyod kyis sangs rgyas kyi yul la byis pa so so'i skye bo rnams kyi go skabs med ces smras/ tshe dang ldan pa shA ri'i bus smras pa/
58a7 de bzhin gshegs pa rnams ni 'jig rten gyi yul las yang dag par 'das pa'o/ /byis pa so so'i skye bo rnams ni 'jig rten nyid ni spyod pa'o/ /de bas na sangs rgyas kyi yul la byis pa so so'i skye bo rnams kyi go skabs med do/ /byang chub sems dpa' rtsom pa med kyis smras
58b1 pa/btsun pa shA ri'i bu 'di ji snyam du sems/ de bzhin gshegs pas ci zhig mngon par rdzogs par sangs rgyas gang du bzhugs nas su'i don mdzad/ smras pa/ rigs kyi bu gang de bzhin gshegs pas mngon par rdzogs par sangs ma rgyas pa'i chos gang yang med de/
58b2 chos thams cad mngon par rdzogs par sangs rgyas nas sems can rnams kyi don mdzad cing 'dus byas nyid la spyod do/ /byang chub sems dpa' rtsom pa med kyis smras pa/ gal te de ltar shes na ci'i phyir de bzhin gshegs pa 'jig rten gyi yul las yang dag par 'das
58b3 zhes smras/de ni gnas brtan shA ri'i bus khong du ma chud do/ /btsun pa shA ri'i bu gal te de bzhin gshegs pa rnams 'jig rten gyi yul las yang dag par 'das su zin na de bzhin gshegs pas ci zhig mngon par rdzogs par sangs rgyas shing / gang du bzhugs nas
58b4 su'i don mdzad par 'gyur te/'di la gnas brtan shA ri'i bus smras pa ni shin tu nyams so/ /de skad ces smras pa dang / tshe dang ldan pa shA ri'i bus byang chub sems dpa' sems dpa' chen po rtsom pa med la 'di skad ces smras so/ /rigs kyi bu bdag ni 'di ltar byang chub kyi
58b5 sems dang thams cad mkhyen pa'i ye shes las shin tu nyams shing /nyan thos kyi sa la yang shin tu gnas pas bdag ni sngon nas kyang nyams so/ /rigs kyi bu bdag ni khyod kyi spobs pa 'di la rjes su yi rang ngo / /sems can thams cad kyang khyod kyi spobs pa 'di
58b6 lta bu thob par gyur cig /gtam brjod pa 'di bstan pa na byang chub sems dpa' brgyad khri ni mi skye ba'i chos la bzod pa thob par gyur to/ /lha'i bu drug stong ni chos rnams la chos kyi mig rdul dang bral zhing dri ma med par rnam par dag go/ /dge slong lnga stong ni nyan thos kyi
58b7 sems las log nas bla na med pa yang dag par rdzogs pa'i byang chub tu sems bskyed de/de dag bcom ldan 'das kyis sangs rgyas kyi zhing tha dad pa rnams su byang chub mngon par rdzogs par 'tshang rgya'o zhes lung bstan to/ /de nas bcom ldan 'das la byang chub
59a1 sems dpa' sems dpa' chen po rtsom pa med kyis 'di skad ces gsol to//bcom ldan 'das byang chub sems dpa' sems dpa' chen po ji ltar na gzung ba dang 'dzin pa la mkhas pa lags/ bcom ldan 'das kyis bka' stsal pa/ gang gi tshe byang
59a2 chub sems dpa' rnams kyis thams cad yang dag par shes pa de'i tshe gzung ba dang 'dzin pa la mkhas pa yin no//byang chub sems dpa' rtsom pa med kyis gsol pa/ bcom ldan 'das thams cad ji ltar shes par bgyi/ bcom ldan 'das kyis bka' stsal pa/ rigs kyi
59a3 bu rmi lam dang /sgyu ma dang / dri za'i grong khyer dang / smig rgyu dang / mgal me bskor ba dang / skra shad 'dzings pa dang / sprul pa dang / brag ca dang / gzugs brnyan lta bur thams cad blta bar bya'o/ /byang chub sems dpa' rtsom pa med kyis gsol pa/ bcom ldan 'das
59a4 gang rmi lam dang /sgyu ma dang / dri za'i grong khyer dang / smig rgyu dang / mgal me bskor ba dang / skra shad 'dzings pa dang / sprul pa dang / brag ca dang / gzugs brnyan lta bur blta ba thams cad gang lags/ bcom ldan 'das kyis bka' stsal pa/ rigs kyi bu thams cad
59a5 ces bya ba ni mig dang /gzugs dang / rna ba dang sgra dang / sna dang dri dang / lce dang ro dang / lus dang reg bya dang / yid dang chos rnams te/ rigs kyi bu de dag ni gang rmi lam dang / sgyu ma dang / dri za'i grong khyer dang / smig rgyu dang / mgal me bskor ba dang / skra shad 'dzings pa lta
59a6 bu dang /sprul pa dang / brag ca dang / gzugs brnyan lta bur blta bar bya ba'i shes pa thams cad do/ /de la 'dzin pa ni mig dang / rna ba dang sna dang / lce dang lus dang / yid rnams so/ /gzung ba ni gzugs dang / sgra dang / dri dang ro dang / reg bya dang chos rnams te/ gzung ba dang
59a7 'dzin pa'i chos 'di dag rnam pa dang /tshul thams cad kyis shes pa dang / khong du chud pa dang / ston nus pa de ni thams cad mkhyen pa zhes bya'o/ /thams cad mkhyen pa gang yin pa de ni bag la nyal ba med pa nyon mongs pa med pa/ ngar 'dzin pa med pa/ nga yir 'dzin pa
59b1 med pa/nam mkha' dang mtshungs pa/ mi 'gyur ba/ sems can thams cad la sems mnyam pa/ sems can thams cad la phan pa'i sems dang ldan pa/ thams cad du dben pa'i sems dang ldan pa thams cad du lhun gyis grub pa/ lhun gyis grub pa'i chos can sems can
59b2 gyi snying po sems can thams cad kyi don la sgrib pa med pa'i chos can/snying rje chen po dang ldan pa/ mi bskyod pa'i chos can/ yang dag par rdzogs pa'i sangs rgyas zhes bya'o/ /byang chub sems dpa' rtsom pa med kyis gsol pa/ bcom ldan 'das byang chub sems dpa' sangs
59b3 rgyas bcom ldan 'das rnams kyi chos nyid 'di khong du chud par 'tshal bas ji lta bur bgyi/bcom ldan 'das kyis bka' stsal pa/ rigs kyi bu byang chub sems dpa' sangs rgyas bcom ldan 'das rnams kyi chos nyid 'di khong du chud par 'dod pas sems can thams cad kyis ngan du byas pa dang /
59b4 mi snyan pa thams cad bzod par bya ba'i phyir sems sa dang mtshungs par bya'o/ /bdag dang sems can gzhan rnams kyi rtog pa dang / rnam par rtog pa'i nyon mongs pa'i dri ma thams cad bkru ba'i phyir sems chu dang mtshungs par bya'o/ /shes rab kyis bdag dang sems can gzhan rnams
59b5 kyi las dang /nyon mongs pa'i rtsi shing bsreg pa'i phyir sems me dang mtshungs par bya'o/ /chags pa thams cad dang dbral ba'i phyir sems rlung dang mtshungs par bya'o/ /thams cad du sgrib pa med pa'i ngo bo nyid kyis sems nam mkha' dang mtshungs par bya'o/ /thams cad du
59b6 'jigs pa med cing skrag pa med pas byang chub sems dpas seng ge dang mtshungs par bya'o//shin tu dul ba'i sems kyis sems can thams cad kyi khur khyer ba'i phyir byang chub sems dpas glang po che dang mtshungs par bya'o/ /dam pa'i chos kyi char 'bebs pa'i phyir byang chub
59b7 sems dpas sprin lta bur bya'o//sems can thams cad la ye shes kyis snang bar byed pa'i phyir byang chub sems dpas nyi ma lta bur bya'o/ /thams cad du sems can thams cad la rtag tu bde bar snang ba'i phyir byang chub sems dpas zla ba lta bur bya'o/ /thams cad mkhyen
60a1 pa'i ye shes kyis rin po che'i gling chen por phyogs pa'i phyir byang chub sems dpas ded dpon lta bur bya'o//sems can thams cad kyi nyon mongs pa'i nad thams cad gso ba'i phyir byang chub sems dpas sman pa lta bur bya'o/ /sems can thams cad kyi chos la the
60a2 tshom za ba'i zug rngu 'don pa'i phyir byang chub sems dpas zug rngu 'byin pa lta bur bya'o//thams cad mkhyen pa'i ye shes kyi phyogs la mkhas pa'i phyir byang chub sems dpas gdos pa 'dzin pa lta bur bya'o/ /'khor ba'i rgya mtsho las sems can sgrol ba la mkhas pa'i phyir byang chub
60a3 sems dpas gru lta bur bya'o//sems can thams cad kyi 'tsho bar gyur pa'i phyir byang chub sems dpas stegs lta bur bya'o/ /sems can thams cad mtshungs par 'jug pa'i phyir byang chub sems dpas lam po che lta bur bya'o/ /byang chub kyi phyogs kyi chos rin po che thams cad
60a4 phun sum tshogs pa'i phyir byang chub sems dpas rin po che'i gling lta bur bya'o//yid bzhin gyi nor bu rin po che 'dra bar bsam pa thams cad yongs su skong ba'i phyir byang chub sems dpas yid bzhin gyi nor bu rin po che lta bur bya'o/ /legs par byas pa'i las byed pa'i phyir byang chub
60a5 sems dpas cang shes su bya'o//shes rab zab cing gting dpag dka' ba'i phyir byang chub sems dpas rgya mtsho lta bur bya'o/ /sangs rgyas kyi byang chub las bsam pa mi g.yo ba'i phyir byang chub sems dpas ri rab dang mtshungs par bya'o/ /kun nas mdzes pa'i phyir byang chub sems
60a6 dpas dpag bsam gyi shing lta bur bya'o//mthong bar dka' ba'i phyir byang chub sems dpas 'dzam bu'i chu bo'i gser 'dra bar bya'o/ /chos la dbang thob pa'i phyir byang chub sems dpas brgya byin lta bur bya'o/ /rab tu zhi ba'i spyod lam phun sum tshogs pa'i phyir byang chub
60a7 sems dpas tshangs pa lta bur bya'o//dam pa'i chos yongs su skyong ba'i phyir byang chub sems dpas 'jig rten skyong ba lta bur bya'o/ /dge ba bcu'i las kyi lam la bsten pa'i phyir byang chub sems dpas 'khor los sgyur ba lta bur bya'o/ /sangs rgyas bcom ldan 'das
60b1 rnams kyi gsang ba 'dzin pa'i phyir byang chub sems dpas blon po chen po lta bur bya'o//dge sbyong la gnas pa'i phyir byang chub sems dpas mngon par 'byung ba la dga' bar bya'o/ /lus dang ngag dang sems zhi ba'i phyir byang chub sems dpas dge sbyong du bya'o/ /bsam gtan
60b2 dang ting nge 'dzin dang snyoms par 'jug pa dang mngon par shes pa dang rig pa dang rnam par grol ba phun sum tshogs pa'i phyir byang chub sems dpas dgon pa par bya'o//stong pa nyid rtogs pa khong du chud pa'i phyir byang chub sems dpas bsam gtan par bya'o/ /mi'am ci dang lto
60b3 'phye chen po dang rig sngags 'chang grub pa 'dul ba la mkhas pa'i phyir byang chub sems dpas dben pa la mngon par dga' bar bya'o//rig pa gsum rtogs par khong du chud pa'i phyir byang chub sems dpas rig sngags 'chang du bya'o/ /mngon par shes pa drug thob pa'i phyir byang chub
60b4 sems dpas mngon par shes pa'i ye shes su bya'o//phung po dang khams dang skye mched la mkhas pa'i phyir byang chub sems dpas mang du thos par bya'o/ /bstan bcos thams cad la mkhas pa'i phyir byang chub sems dpas slob dpon du bya'o/ /zang zing med par chos ston pa'i
60b5 phyir byang chub sems dpas chos smra bar bya'o//'dod chags dang zhe sdang dang gti mug btul ba'i phyir byang chub sems dpas 'dul ba 'dzin par bya'o/ /thams cad du rung ba la tshod shes pa'i phyir byang chub sems dpas ma mo 'dzin par bya'o/ /tshol ba thams cad dang bral ba'i phyir
60b6 byang chub sems dpas dul bar bya'o//'dod chags dang bral ba'i phyir byang chub sems dpas mi rgod par bya'o/ /zhe sdang dang bral ba'i phyir byang chub sems dpas ma khengs par bya'o/ /gti mug dang bral ba'i phyir byang chub sems dpas mu cor mi smra bar bya'o/ /ngag bsdams
60b7 pa'i phyir byang chub sems dpas tshig 'chol bar mi smra bar bya'o//theg pa chen po la 'dzud pa'i phyir byang chub sems dpas ded dpon du bya'o/ /byang chub tu dam bcas pa nyams 'og tu chud pa'i phyir byang chub sems dpas khur rtsa ba
61a1 lta bur bya'o//sems can thams cad brten pa'i phyir byang chub sems dpas skyed mos tshal 'dra bar bya'o/ /thams cad mkhyen pa'i ye shes kyi zong yongs su rdzogs pa'i phyir byang chub sems dpas grong khyer lta bur bya'o/ /sems can thams cad la bu gcig pa bzhin du byams pa dang ldan pa'i phyir
61a2 byang chub sems dpas phan pa 'dod par bya'o//sems can thams cad kyis ci bya ba yongs su thob par bya ba'i phyir byang chub sems dpas bran lta bur bya'o/ /rigs kyi bu gzhan yang byang chub sems dpa' rnams ni rmu rgod dag la drang ba rnams yin no/ /khengs pa dag
61a3 la nga rgyal med pa rnams yin no//g.yo can dag la g.yo med pa rnams yin no/ /thibs po spyod pa dag la sgyu med pa dang ldan pa rnams yin no/ /log par zhugs pa dag la snying rje dang ldan pa rnams yin no/ /ngo tsha med pa dag la ngo tsha dang ldan pa rnams yin no/ /mu
61a4 cor smra ba dag la khrel yod pa phun sum tshogs pa rnams yin no//phas kyi rgol ba thams cad la sems spa ma gong ba rnams yin no/ /'khor thams cad la bag tsha ba med pa rnams yin no/ /'jig rten gyi chos thams cad kyis mi gos pa rnams yin no/ /bdud thams cad
61a5 kyis mi 'phrog pa rnams yin no//phas kyi rgol ba thams cad kyis mi thul ba rnams yin no/ /bla ma dag la gus pa dang bcas pa rnams yin no/ /'phags pa dag la zhe sa dang bcas pa rnams yin no/ /mang du thos pa dag la ri mor byed pa rnams yin no/ /bsam gtan
61a6 pa dag la ngo mtshar thob pa rnams yin no//mkhas pa dag la lhag pa'i bsam pa 'jug pa rnams yin no/ /chos smra ba dag la sangs rgyas tsam du phangs par sems pa dang ldan pa rnams yin no/ /byang chub sems dpa' dag la skyabs su song ba rnams yin no/ /sangs
61a7 rgyas dag la bsam pa thams cad kyis zhugs pa rnams yin no//nan tan dag la snying por 'du shes pa rnams yin no/ /nyon mongs pa thams cad kyis mi 'jigs pa rnams yin no/ /snying rje chen po la phyogs pas mya ngan las 'das pa la mi lta ba rnams yin no/ /sems
61b1 can thams cad yongs su smin par byed pa la mngon par dga' bas 'khor ba la phyogs pa rnams yin no//rnyed pa dang bkur sti thams cad la mi lta bas zang zing med par chos ston pa rnams yin no/ /mi rtag pa dang sdug bsngal ba dang bdag med pa dang mi gtsang ba yongs
61b2 su shes pas sems phyin ci ma log pa rnams yin no//yul thams cad la mi lta bas sems rnam par grol ba rnams yin no/ /'phags pa'i rigs su skyes pas rigs phun sum tshogs pa rnams yin no/ /rab tu byung ba mang bas blo phun sum tshogs pa rnams yin no/ /sdug
61b3 bsngal dang kun 'byung ba dang 'gog pa dang /lam shes pas 'phags pa rnams yin no/ /tshul khrims dang / thos pa dang / bag yod pa la gnas pas skyes bu dam pa rnams yin no/ /'du byed bdag med par yongs su shes pa dang ldan pas sems can thams cad la
61b4 sems mnyam pa rnams yin no//'phags pa'i phyag rgyas btab pas log par mi ltung ba'i chos can rnams yin no/ /phyir mi ldog pa'i phyag rgyas btab pas byang chub kyi snying por gzhol ba rnams yin no/ /spyod lam mdzes pa phun sum tshogs pas byang chub sems
61b5 dpa' rtag tu gtsang ma yang dag par spyod pa rnams yin no//'jig rten gyi gsang tshig la mngon par dga' ba ma yin no/ /sdig pa'i grogs po la mngon par dga' ba ma yin no/ /rnyed pa dang / bkur sti dang / tshigs su bcad pa la mngon par dga' ba ma yin no/ /'du 'dzi
61b6 dag la chags pa ma yin no//yul rgyus kyi gtam dang / rgyal po'i gtam dang / chom rkun gyi gtam dang / bud med kyi gtam dang / bzhad gad kyi gtam dang / dmag gi gtam dang / 'thab cing rtsod pa'i gtam la chags pa ma yin no/ /yul ngan pa dang / ljongs ngan pa dang /
61b7 yul 'khor ngan pa dang / grong dang / grong khyer dang / tshong 'dus dang / ri brags ngan pa rnams la chags pa ma yin no/ /gar dang / bro dang / bzhad gad dang / glu la chags pa ma yin no/ /gzhan yang rigs kyi bu byang chub sems dpa' rnams sems can ser sna can rnams la chags pa
62a1 ma yin no//tshul khrims 'chal pa rnams dang / mtshams so sor bcad pa rnams dang / rgyun sman du gyur pa rnams la chags pa ma yin no/ /gnod sems kyi tha ba dang / zhe sdang mang ba rnams la chags pa ma yin no/ /le lo can rnams dang / brtson
62a2 'grus chung zhing brtson 'grus btang ba rnams la chags pa ma yin no//g.yeng zhing phyin ci log tu gyur la rnam par 'phro ba'i sems la chags pa ma yin no/ /shes rab 'chal pa rnams dang / blun pa lkugs pa'i rang bzhin can rnams la chags pa ma yin no/ /byang chub
62a3 sems dpa' rnams ni chos dang /zang zing dang / mi 'jigs pa rab tu sbyin pa la mngon par dga' ba yin no/ /'dod chags dang / zhe sdang dang / gti mug yang dag par chad pa'o/ /rnal 'byor chen po'i rnal 'byor pa/ sgra bsnyungs pa la dga' ba'o/ /tshig mi mang zhing
62a4 dul ba'o//zhi zhing nye bar zhi ba la dben pa dang / nags tshal thibs po dang / rtswa dang / shing dang / ldam ldum yod pa dang / sa khyon chung ngu dang / chu ngogs dang / ri khrod dang / phug sna tshogs dang / ri dang / rdo dang / rtse mo dang / g.ye'i phyogs rnams la mngon par dga' ba yin
62a5 no//zhi ba dang / rab tu zhi ba dang / nye bar zhi ba'i phyogs de dag la rab tu dga' ba yin te/ gnas bcas pa'i phyogs de dang de dag tu nam gyi cha stod dang / nam gyi cha smad la mi nyal bar rnal 'byor la brtson par gnas pa dang / thos pa dang / sems pa dang / sgom pa stug
62a6 po'i mthong na gnas pa dang /bsam gtan dang / ting nge 'dzin dang / gzungs dang / dbang dang / bzod pa'i sgo brgya stong la rnam par rgyu ba dang / chos kyi sgo brgya stong dpag tu med pa dag rab tu rnam par 'byed pa dang / sangs rgyas brgya stong yang mthong ba dang / ting nge 'dzin gyi
62a7 sgo brgya stong yang thob pa dang /gzungs kyi sgo brgya stong yang mngon du byed pa dang / sems can bye ba khrag khrig brgya stong yang yongs su smin par byed pa de lta bu de dag la mngon par dga' ba yin te/ rigs kyi bu byang chub sems dpas de 'dra bar bya'o/ /de lta bus ni sangs
62b1 rgyas bcom ldan 'das rnams kyi chos nyid khong du chud par nus so//de nas bcom ldan 'das la byang chub sems dpa' sems dpa' chen po rtsom pa med kyis 'di skad ces gsol to/ /bcom ldan 'das theg pa chen po ni bag mchis par gnas shing sgrub pa nyid snying por bgyid pa
62b2 rnams kyi lags so//de la sgrub pa ni byang chub tu smon pa'o/ /bag mchis pa ni smon lam yongs su skong ba'o/ /gzhan yang sgrub pa ni sbyin pa la sbyor ba'o/ /bag mchis pa ni rnam par smin pa la mi re ba'o/ /sgrub pa ni tshul khrims kyi sdom pa yang dag par blangs pa ma nyams pa'o/ /
62b3 bag mchis pa ni phyir mi ldog pa'i tshul khrims sgrub pa'o/ /sgrub pa ni bzod pa rtsom pa'o/ /bag mchis pa ni mi skye ba'i chos rtogs pa'o/ /sgrub pa ni dge ba'i rtsa ba thams cad kun du tshol bas yongs su mi skyo ba'o/ /bag mchis pa ni rtsom pa thams cad yongs su 'dor ba'o/ /sgrub
62b4 pa ni bsam gtan rtsom pa'o//bag mchis pa ni mi gnas pa'i bsam gtan pa'o/ /sgrub pa ni shes rab yongs su skong ba'o/ /bag mchis pa ni chos thams cad spros par mi bgyid pa'o/ /sgrub pa ni dam pa'i chos yongs su 'dzin pa'o/ /bag mchis pa ni chos thams cad
62b5 mi dmigs pa'o//sgrub pa ni sems can rnams byang chub la rab tu 'god pa'o/ /bag mchis pa ni sems can rnams mi dmigs pa'o/ /sgrub pa ni dge ba'i rtsa ba thams cad bgyis nas byang chub tu yongs su sngo ba'o/ /bag mchis pa ni chos thams cad byang chub kyi ngo bo nyid
62b6 du rtogs pa'o//sgrub pa ni mi skye ba'i chos la bzod pa thob pa'o/ /bag mchis pa ni bsams bzhin du srid pa yongs su 'dzin pa'o/ /sgrub pa ni byang chub kyi snying por 'gro ba'i bkod pa kun tu ston pa'o/ /bag mchis pa ni bskal pa dpag tu ma mchis grangs ma mchis pa na
62b7 mngon par rdzogs par 'tshang rgya ba'o//sgrub pa ni byang chub mngon par 'tshang rgya'o/ /bag mchis pa ni sngar bgyi ba bgyis pa'o/ /sgrub pa ni yongs su mya ngan las 'das pa chen por nye bar mchi ba'o/ /bag mchis pa ni chos shin tu yongs su mya ngan las 'das par 'tshal ba ste/
63a1 bcom ldan 'das byang chub sems dpa' sgrub pa 'di lta bu dang / bag mchis pa 'di lta bu dang ldan pa ni byang chub rnyed par dka' ba ma lags so/ /bcom ldan 'das de lta bas na byang chub sems dpas sgrub pa 'di dang / bag mchis pa 'di la brtson par bgyi
63a2 ste/bcom ldan 'das 'di ni chos yang dag par brjod pa lags so/ /de nas bcom ldan 'das la byang chub sems dpa' sems dpa' chen po blo gros rnam par gnon gyis 'di skad ces gsol to/ /bcom ldan 'das 'di la byang chub sems dpa' rnams chos yang dag par
63a3 'dzin pa zhig la gnas nas sangs rgyas kyi byang chub yang dag par sgrub ste/de la kha cig ni 'di snyam du gang sangs rgyas sangs rgyas zhes bya ba 'di chos gang gi ming du sangs rgyas zhes btags snyam du sems te/ de dag de ltar rtog pa na gang 'di sangs rgyas zhes bgyi ba'i chos de dag
63a4 yang dag par rjes su mi mthong ngo //de dag sangs rgyas ji lta ba de bzhin du chos thams cad khong du chud do/ /de dag de ltar yongs su shes pa dang ldan pas gang ci yid la bgyid pa de dag thams cad sangs rgyas thob par bgyid pa lags so/ /la la ni 'di snyam du sems te/ gang chos
63a5 chos zhes bya ba'i chos 'di ni yul na mi gnas phyogs na mi gnas te/gzhan du na chos rang gi sems la rag las pa ni med pa ma yin no/ /de bas na bdag gis rang gi sems shin tu bzung ba dang / shin tu mthar gtugs pa dang / shin tu thul ba dang / shin tu mnyam par
63a6 brtsam pa dang /shin tu tshar gcad par bya'o/ /de ci'i phyir zhe na/ sems gang yin pa de la ni yon tan dang nyes pa rnams yod kyis sems med pa la ni yon tan dang nyes pa rnams med do snyam ste/ de la byang chub sems dpa' nyes pa rnams las sems bzlog nas yon tan
63a7 rnams la 'jug ste/de bas na chos ni sems la rag las byang chub ni chos la rag las zhes bya'o/ /bcom ldan 'das 'di chos yang dag par 'dzin pa lags te/ bde bar mngon par rdzogs par byang chub par 'gyur/ bcom ldan 'das byang chub sems dpa' kha cig
63b1 gi yang dag par 'dzin pa ni 'di lags so//gang sems can thams cad la phan pa dang / bde bar mtshungs par 'jug pa'i sems de ni sems te/ gang sems 'di 'dra ba dang mi ldan pa de ni sems can rnams la log par zhugs pa'o/ /de ci'i phyir zhe na/ sems can gyi
63b2 zhing ni byang chub sems dpa'i sangs rgyas kyi zhing ngo //sangs rgyas kyi zhing gang la sangs rgyas kyi chos rnams rnyed cing thob par 'gyur ba de la log par 'jug par bya ba'i mi rigs so snyam mo/ /de yang 'di snyam du sems te/ legs par spyod pa dang / nyes par spyod pa thams
63b3 cad kyang sems la brten nas 'byung ste/nyes par spyod pa la gnas pa ni ngan song du skye'o/ /legs par spyod pa la gnas pa ni lha dang mir skye'o/ /de gnyi ga yongs su spangs pa ni sangs rgyas bcom ldan 'das rnams su 'gyur ro snyam pa 'di ni byang chub sems
63b4 dpa' rnams kyi chos yang dag par 'dzin pa lags te/myur du mngon par rdzogs par byang chub par 'gyur ba'o/ /kha cig ni chos yang dag par 'dzin pa ni 'di lta bu lags te/ 'di dag thams cad ni rten cing 'brel bar 'byung ba tsam du zad de/ rten cing 'brel bar
63b5 'byung ba las rnam par grol ba'i chos gang yang med do//gang rten nas 'byung ba'i chos de gang zhe na/ gang rten te byung ba ni ma skyes pa ste ngo bo nyid kyis yongs su grub pa'i chos de gang yang med de/ gzhan du na bstan pa tsam dang / tha snyad tsam dang / btags pa tsam dang / brda tsam
63b6 dang /don dam par mngon par byed pa tsam ni med pa ma yin no snyam mo/ /'di ni ston pa po'i chos yang dag par 'dzin pa ste/ sangs rgyas thams cad kyi chos bstan pa'i snying po lags so/ /bcom ldan 'das byang chub sems dpa' kha cig ni 'di snyam du sems te/ skye ba zhes bya ba
63b7 'di chos gang gi ming du skye ba zhes bya snyam nas/des gang 'di skye ba zhes bgyi ba'i chos de yang dag par rjes su mi mthong ngo / /de 'di snyam du sems pa dang ldan pas chos thams cad ni ma skyes so snyam du bzod pa skyes so/ /kha cig ni 'di snyam du sems te/ gang 'chi ba zhes
64a1 bya ba 'di 'dir chos ci zhig 'gags/gang 'gags pas 'chi ba zhes bya snyam ste/ de de ltar so sor rtog pa na gang 'gags pas 'chi ba zhes bgyi ba'i chos de dag yang dag par rjes su mi mthong ngo / /'di ni chos yang dag par 'dzin pa ste/ bdud rtsi khong du chud
64a2 par 'gyur ba'o//bcom ldan 'das sangs rgyas bcom ldan 'das rnams kyi thugs ni chos thams cad la mi chags pa lags te/ de dag ni yid dang gnas pa ma mchis pa rnams kyis mnyes par bgyi'o/ /bcom ldan 'das chos ni sgrib pa ma mchis pa lags te/ de ni
64a3 sems sgrib pa ma mchis pa rnams kyis 'thob bo//bcom ldan 'das chos mnyam pa ni byang chub lags te/ de ni sems mi mnyam pa ma mchis pa rnams kyis rtogs pa'o/ /bcom ldan 'das ji tsam du tshol ba de tsam du 'ching ba'o/ /mi tshol ba ni thar pa'o/ /de bas na thar
64a4 pa tshol bas tshol ba thams cad mi btsal bar bgyi ste/bcom ldan 'das 'di ni chos yang dag par brjod pa lags so/ /bcom ldan 'das gzhan yang chos yang dag par brjod pa zhes bgyi ba 'di ni mnyam pa'i tshig go/ /'di ni zab pa'i tshig go/ /'di ni len pa ma mchis
64a5 pa'i tshig go//'di ni gzhi ma mchis pa'i tshig go/ /'di ni kun gzhi ma mchis pa'i tshig go/ /'di ni rten ma mchis pa'i tshig go/ /'di ni de kho na dang / de bzhin nyid dang / ma nor ba de bzhin nyid kyi tshig ste/ bcom ldan 'das 'di ni chos yang dag par brjod pa lags so/ /
64a6 de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das ji ltar bcom ldan 'das kyis gsungs pa'i don bdag gis 'tshal ba ltar na byang chub sems dpa' sems dpa' chen po gang dag de bzhin gshegs pa dang / byang chub sems
64a7 dpa' sems dpa' chen po 'di dag gis bshad pa rnams thos sam/thos nas kyang dad cing de bzhin nyid du sgrub pa de dag la chos yang dag par brjod pa ma mchis snyam bgyid do/ /de ci'i slad du zhe na/ mi mos pa mang ba la ni chos yang dag par brjod pa ma mchis/ bgyi ba
64b1 ma brtsams pa la ni chos yang dag par brjod pa ma mchis kyi/gang 'phags pas bshad pa'i chos rnams la dkon par 'du shes pa dang / rin po cher 'du shes pa dang / sman du 'du shes pa de dag la ni chos yang dag par brjod pa mchis/ bcom ldan 'das gang bdag la mi stod pa dang /
64b2 gzhan la mi smod pa de dag la chos yang dag par brjod pa mchis/ bcom ldan 'das gang 'phags pa rnams la byams pa'i sems dang / 'phags pa ma yin pa rnams la rjes su 'dzin pa'i sems dang ldan pa de dag la chos yang dag par brjod pa mchis/ gang bdag rgya che bar yang
64b3 dag par rjes su mi mthong /gzhan dman par yang dag par rjes su mi mthong ba de dag la chos yang dag par brjod pa mchis/ bcom ldan 'das gang mnyam pa rnams la yang mnyam/ mi mnyam pa rnams la yang mnyam/ mnyam pa dang mi mnyam pa rnams la yang mnyam
64b4 zhing /mnyam pa dang mi mnyam par yang mi rtog pa de dag la chos yang dag par brjod pa mchis/ bcom ldan 'das gang tshig gcig thos pas tshig brgya stong gi don dang le'u la 'jug cing khong du chud de/ don dang gzhung la gnyis su 'du shes mi 'gyur ba de dag la chos yang
64b5 dag par brjod pa mchis/bcom ldan 'das gang chos thos nas zhi bar yang mi 'gyur/ g.yeng bar yang mi 'gyur ba dang / gang chos thos nas 'ching bar yang mi 'gyur/ thar par yang mi 'gyur ba dang / gang chos thos nas 'jug par yang mi 'gyur/ ldog par yang mi 'gyur ba
64b6 dang /gang chos thos nas bri bar yang mi 'gyur/ gang bar yang mi 'gyur ba dang / gang chos thos nas dad par yang mi 'gyur/ khro bar yang mi 'gyur ba dang / gang chos thos nas 'khor bar yang mi 'gyur/ yongs su mya ngan las 'das par yang mi 'gyur ba dang / bcom ldan
64b7 'das gang chos yang dag par brjod pas chos nyid 'di rjes su rtogs pa de dag la chos yang dag par brjod pa mchis pa snyam bgyid na/bcom ldan 'das bdag mchi ba lta bu chos yang dag par brjod pa dang 'thun pa lta lags sam/ bcom ldan 'das kyis bka' stsal pa/ shA ri'i
65a1 bu khyod kyi 'di ni chos yang dag par rjod pa dang 'thun pa yin no//shA ri'i bu gang khyod kyis bshad pa 'di ni 'das pa dang / ma 'ongs pa dang / da ltar byung ba'i de bzhin gshegs pa rnams kyi chos rnams rjes su shes pa yin no/ /de nas bcom ldan 'das la tshe
65a2 dang ldan pa maud gal gyi bu chen pos 'di skad ces gsol to//bcom ldan 'das byang chub sems dpa' gang 'di snyam du bdag gis chos yang dag par brjod par bya'o snyam du sems pa de ni chos yang dag par brjod pa bgyi bar rngo mi thogs so/ /de ci'i slad du zhe na/ bdag tu lta bar
65a3 gyur nas 'di snyam du bdag ni 'chad do//'di ni nyan no snyam du sems pa'i slad du'o/ /gang bdag tu 'du shes pa dang bral ba de dag ni bdag tu sgro btags nas chos ston pa ma lags/ gzhan du sgro btags nas ma lags/ gnyi gar sgro btags nas ma lags/ bag la nyal
65a4 du btags nas ma lags so//de ci'i slad du zhe na/ bcom ldan 'das sgro btags pa thams cad ni ma mchis pa las sgro btags pa'i slad du'o/ /bcom ldan 'das chos gang sgro btags pa de ni rdzas su ma mchis pa lags so/ /de la sgro btags pa rnams yongs su 'tshal
65a5 ba'i byang chub sems dpa' sems dpa' chen po rnams kyis gang sgro btags pa de ni chos so//de ci'i slad du zhe na/ bcom ldan 'das 'di lta ste/ dper na sgyu ma sprul pa'i brjod pa bzhin du sgro btags pa yongs su 'tshal ba'i byang chub sems dpa'i sgro btags pa yang
65a6 de bzhin no//bcom ldan 'das sgro btags pa sgro btags pa zhes bgyi ba bcom ldan 'das ji tsam gyis na sgro btags pa zhes bgyi zhe na/ sgro btags pa gang stong pa nyid dang / rten cing 'brel par 'byung ba mi spong ba dang / mi skye ba dang mi 'gag pa dang 'thun pa rtog pa dang rnam par
65a7 rtog pa dang /yongs su rtog par 'dor ba/ ngar 'dzin pa dang / nga yir 'dzin pa yang dag par gcod pa/ lta bar gyur pa thams cad sel ba de ni sgro btags pa yongs su 'tshal ba'i byang chub sems dpa' sems dpa' chen po rnams kyi sgro btags pa lags so/ /gang sgro btags
65b1 pa 'di de ltar khong du chud pa de ni chos yang dag par brjod pa lags so//bcom ldan 'das gang chos yang dag par brjod pa dang / gang chos yang dag par brjod pa po dang / gang dag la chos yang dag par brjod pa de dag thams cad ni 'di lta ste/ chos kyi dbyings kyi mtshan nyid du
65b2 mtshan nyid gcig go//gang 'di ltar chos yang dag par brjod pa 'di ni chos yang dag par brjod pa lags pa snyam bgyid na/ bcom ldan 'das bdag gi chos yang dag par brjod pa dang 'thun pa lta lags sam/ bcom ldan 'das kyis bka' stsal pa/ maud gal gyi bu khyod
65b3 kyi 'di ni chos yang dag par brjod pa dang 'thun no//de nas bcom ldan 'das la tshe dang ldan pa byams ma'i bu gang pos 'di skad ces gsol to/ /bcom ldan 'das gang bsod nams tshol bas chos yang dag par brjod par bgyid pa de ni de'i chos yang dag par brjod par skyon
65b4 chags pa lags so//de ci'i slad du zhe na/ bcom ldan 'das bdag tu mngon par chags pas mngon par zhen pa ni bsod nams dang / bsod nams ma lags pa dang / mi g.yo ba'i 'du byed mngon par 'du bgyid do/ /bdag tu mngon par chags pas mngon par zhen pa
65b5 ni lta ba rnams dang /lta bar gyur pa rnams las rnam par ma grol te/ bdag la sman pa dang / gzhan la sman par bgyid pa rngo mi thogs so/ /bcom ldan 'das gang bdag la yang mi sman/ gzhan la yang mi sman pa ji ltar chos yang dag par brjod par bgyid par 'gyur/
65b6 bcom ldan 'das gang chos 'tshal ba de ni bsod nams dang / bsod nams ma lags pa dang / mi g.yo ba'i 'du byed tshol ba yang ma lags/ mi tshol ba yang ma lags so/ /gang chos kun 'tshal ba de ni phung po rnams tshol ba yang ma lags/ mi tshol ba yang ma
65b7 lags so//khams rnams tshol ba yang ma lags/ mi tshol ba yang ma lags so/ /skye mched rnams tshol ba yang ma lags/ /mi tshol ba yang ma lags so/ /de ni sems can rnams tshol ba yang ma lags/ mi tshol ba yang ma lags so/ /de ni chos
66a1 rnams tshol ba yang ma lags/mi tshol ba yang ma lags so/ /de ni bden pa tshol ba yang ma lags/ pa tshol ba yang ma lags so/ /de ni yul tshol ba yang ma lags/ yul rnams las 'byung ba tshol ba yang ma lags so/ /de ni 'dod chags
66a2 dang /zhe sdang dang / gti mug tshol ba yang ma lags/ 'dod chags dang / zhe sdang dang / gti mug spong ba tshol ba yang ma lags so/ /de ni 'khor ba tshol ba yang ma lags/ mya ngan las 'das pa tshol ba yang ma lags so/ /de ni 'thab pa dang rtsod pa dang 'gyed pa tshol
66a3 ba yang ma lags/cang mi smra ba tshol ba yang ma lags so/ /stong pa nyid tshol ba yang ma lags/ lta bar gyur pa rnams tshol ba yang ma lags so/ /mtshan ma ma mchis pa tshol ba yang ma lags/ rnam par rtog pa tshol ba yang ma lags so/ /smon pa tshol ba yang ma
66a4 lags/smon pa ma mchis pa tshol ba yang ma lags so/ /sangs rgyas kyi chos rnams tshol ba yang ma lags/ so so'i skye bo'i chos rnams tshol ba yang ma lags so/ /chos tshol ba yang ma lags/ chos ma lags pa tshol ba yang ma lags so/ /'phags pa'i
66a5 dge 'dun tshol ba yang ma lags/mu stegs can gyi dge 'dun tshol ba yang ma lags so/ /bcom ldan 'das chos yongs su 'tshal ba dang ldan pa'i byang chub sems dpa' sems dpa' chen po ni/ 'byung ba kun du mi tshol te/ chos thams cad de'i 'byung ba lags so/ /
66a6 thar pa yang kun du mi tshol te/ chos thams cad de'i shin tu rnam par grol ba lags so/ /gang du yang dag par rjes su chags pa yang ma mchis/ khong khro ba yang ma mchis te/ chos thams cad bdag gi'am/ gzhan gyi yang ma lags so/ /chos gang yang yongs su
66a7 'dzin pa yang ma mchis/'dor ba yang ma mchis te/ yongs su 'dzin pa dang / 'dor ba de gnyi ga skyon chags pa lags so/ /'jug pa yang ma mchis/ ldog pa yang ma mchis te/ 'jug pa dang ldog pa de gnyi ga skyon chags pa lags so/ /gang du yang dga' ba
66b1 yang ma mchis/yid mi bde ba yang ma mchis te/ dga' ba dang yid mi bde ba de gnyi ga skyon chags pa lags so/ /bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang 'thun par
66b2 bgyid pa lags sam/bcom ldan 'das kyis bka' stsal pa/ gang po khyod kyi 'di ni chos yang dag par brjod pa dang 'thun no/ /de nas bcom ldan 'das la tshe dang ldan pa kA t+yA'i bu chen pos 'di skad ces gsol to/ /bcom ldan 'das gang chos dang chos ma lags pa'i
66b3 'du shes la spyod cing chos yang dag par brjod pa bgyid pa'i sems can de ni ma rig pas khengs pa lags pa snyam bgyid do//de ci'i slad du zhe na/ bcom ldan 'das chos tshol ba'i rigs kyi bus ni chos ma lags pa yang dag pa ji lta ba bzhin du blta bar bgyi'o/ /bcom ldan
66b4 'das byang chub sems dpa' chos ma lags pa yang dag pa ji lta ba bzhin du mthong ba de nyid de'i chos lags so//bcom ldan 'das chos ni gang nas kyang blangs pa ma lags/ gang du yang bkur ba ma lags so/ /chos ni su la yang rag las pa yang ma lags/ rang
66b5 dbang can yang ma lags so//bcom ldan 'das chos ni gang dang yang ring ba yang ma lags/ gang dang yang nye ba yang ma lags so/ /chos ni yul na yang ma lags/ phyogs na yang ma lags so/ /chos ni rgya chen po rnams la 'jug gi tha ma dang 'bring rnams
66b6 la mi 'jug pa yang ma lags/chos ni tha ma dang 'bring rnams la 'jug gi rgya chen po rnams la mi 'jug pa yang ma lags so/ /bcom ldan 'das chos ni 'du shes kyis rab tu phye ba yang ma lags/ 'du shes ma mchis pas rab tu phye ba yang ma lags so/ /
66b7 de ci'i slad du zhe na/ 'phags pa rnams kyis ni 'du shes 'ching ba dang / 'du shes ma mchis pa 'ching ba dang bral bar mi mthong ba'i slad du'o/ /bcom ldan 'das chos ni spang bar bgyi ba yang ma lags/ bsgom par bgyi ba yang ma lags te/ spang ba dang / bsgom
67a1 pa'i chos yang dag par 'das pa ni chos dang ldan pa'o//bcom ldan 'das chos ni gang gi slad du sbyin par bgyi ba'ang ma lags/ sbyin par mi bgyi ba yang ma lags te/ bdag po ma mchis pa'i slad du ji lta ji lta bur 'tshal ba de lta de lta bur sgrub pa'o/ /bcom
67a2 ldan 'das chos ni sangs rgyas bcom ldan 'das rnams dang mdza' ba'i dngos por yang mi 'jug /byis pa so so'i skye bo rnams dang mi mdza' ba'i dngos por yang mi 'jug ste/ bcom ldan 'das chos ni rnam par mi rtog pa spros pa ma mchis pas rab tu phye ba'o/ /chos ni sangs rgyas
67a3 rnams dang nye ba yang ma lags/so so'i skye bo rnams dang ring ba yang ma lags te/ gang ji lta ji lta bur 'tshal ba de lta de lta bur chos khong du chud do/ /bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod
67a4 pa dang 'thun par bgyid pa lags sam/bcom ldan 'das kyis bka' stsal pa/ kA t+yA'i bu khyod kyi 'di ni chos yang dag par brjod pa dang 'thun no/ /de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das gang dben pa tshol
67a5 bas chos yang dag par brjod par bgyid pa de ni chos yang dag par brjod pa ma lags so//bcom ldan 'das chos thams cad ni gnyis su ma mchis pas dben pa la gnas pa'o/ /sems dang / yid dang / yid kyi rnam par shes pa dang bral bas gcig gis cig shos 'tshal
67a6 ba ma lags so//tshol ba dang bral bas gcig gis cig shos tshol ba ma lags so/ /bgyi ba ma mchis pas gcig la cig shos kyis bstang ba ma lags so/ /bcom ldan 'das gzhan yang dben pa dben pa zhes bgyi ba 'di ni mi gnyis pa'i tshig te/ mi gnyis pa
67a7 las gud na chos gang yang ma mchis so//bcom ldan 'das chos thams cad ni gnyis su ma mchis pa stong pa nyid kyi rang bzhin/ mtshan ma ma mchis pa'i rang bzhin smon pa ma mchis pa'i rang bzhin mngon par 'du mi bgyid pa'i rang bzhin/ ma skyes ma byung ba'i rang bzhin
67b1 te/rnam par dag pa'i mtshan nyid kyis thob pa yang ma lags/ rnam par ma dag pa'i mtshan nyid kyis kyang ma lags/ ser sna can rnams kyis thob pa yang ma lags/ sbyin pa la mos pa rnams kyis kyang ma lags/ tshul khrims 'chal pa rnams kyis thob pa yang ma lags/
67b2 tshul khrims dang ldan pa rnams kyis kyang ma lags/ gnod sems can rnams kyis kyang ma lags/ bzod pa phun sum tshogs pa rnams kyis kyang ma lags/ le lo can rnams kyis kyang ma lags/ brtson 'grus brtsams pa rnams kyis kyang ma lags/ sems rnam par
67b3 g.yengs pa rnams kyis kyang ma lags/mnyam par gzhag pa rnams kyis kyang ma lags/ shes rab 'chal pa rnams kyis kyang ma lags/ shes rab dang ldan pa rnams kyis kyang thob pa ma lags te/ gang chos thams cad thob pa ma mchis pa de dag chos rnams kyi thob
67b4 pa zhes bgyi'o//thob pa 'di 'dra ba 'di ni 'du byed spyod yul ba rnams kyis ma lags/ sems spyod yul ba rnams kyis ma lags/ gnyis pa la spyod yul ba rnams kyis ma lags/ dmigs pa la gnas pa rnams kyis ma lags/ mngon par rtogs pa 'dod pa rnams
67b5 kyis ma lags/spong ba 'dod pa rnams kyis ma lags/ 'byung ba'i sems dang ldan pa rnams kyis ma lags/ sangs rgyas su dmigs pa can rnams kyis ma lags/ chos dang dge 'dun du dmigs pa can rnams kyis ma lags/ 'khor ba dang mya ngan las
67b6 'das pa gnyis su lta ba can rnams kyis ma lags so//bcom ldan 'das gzhan yang chos tshol ba gang lags pa de ni ci yang tshol ba ma lags so/ /bcom ldan 'das chos thams cad mi tshol ba ni chos tshol ba'o/ /yang dag par zhugs pa'i byang chub sems dpa' ni
67b7 chos sam/chos ma lags pa mi dmigs so/ /de bzhin du 'di snyam du sems te/ gang rlom sems thams cad dang bral ba de ni chos so/ /gang chos su sgro btags pa thams cad dang bral ba de ni chos so/ /gang yid kyis smon pa thams cad dang bral ba de ni chos so/ /
68a1 gang spros pa thams cad nye bar zhi ba de ni chos so snyam mo/ /gang 'di skad du smra ba 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang 'thun par bgyid lags sam/ bcom ldan 'das kyis bka'
68a2 stsal pa/'od srung chen po khyod kyi 'di ni chos yang dag par brjod pa dang 'thun no/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das chos chos zhes bgyi ba ni sgra ma mchis pa'i tshig te/ gang sgra mi 'byin pa ni de'i
68a3 chos so//bcom ldan 'das de la mig gis gzugs rnams la sgra mi 'byin/ rna bas sgra rnams dang / snas dri rnams dang / lces ro rnams dang / lus kyis reg bya rnams dang / yid kyis chos rnams la sgra mi 'byin pa de ni chos so/ /de la ji ltar na mig gis gzugs rnams la
68a4 sgra mi 'byin ce na/phrad pa ma mchis pa'i slad du'o/ /mig ni gzugs la phrad par mi bgyid/ rna bas sgra la ma lags/ snas dri la ma lags/ lces ro la ma lags/ lus kyis reg bya la ma lags/ yid kyis chos la phrad par mi bgyid do/ /gang phrad par mi bgyid pa
68a5 de ni sgra mi 'byin pa'o//bcom ldan 'das gnyis su ma mchis na chos la sgra 'byin pa ma mchis so/ /bcom ldan 'das chos thams cad ni gnyis su ma mchis pa ste/ gcig gis gcig ma 'tshal/ rnam par ma 'tshal/ mi rtog rnam par mi rtog /'byung bar mi
68a6 bgyid/'jig par mi bgyid/ 'bri bar mi bgyid/ 'phel bar mi bgyid/ chags par mi bgyid/ mi chags par mi bgyid/ 'khor bar mi bgyid/ yongs su mya ngan las 'da' bar mi bgyid de/ 'di dag ni su'i yang ma lags/ 'di dag ni ci yang ma lags so/ /
68a7 bcom ldan 'das chos 'di dag ni skyo bar yang mi bgyid/ chags par yang mi bgyid de/ bcom ldan 'das chos 'di dag ni kun nas nyon mongs par yang mi 'gyur/ rnam par byang bar yang mi 'gyur ro/ /bcom ldan 'das bdag gis de ltar 'tshal to/ /bdag gis
68b1 de ltar rtogs so//bcom ldan 'das gang bdag gis 'di ltar 'tshal/ 'di ltar rtogs so zhes de skad mchi ba 'di ni skye mched rnams kyi 'gyur ba'o/ /bcom ldan 'das skye mched rnams ni 'di snyam du 'di ni bdag cag gi 'gyur ba'o snyam du mi sems so/ /gang de
68b2 ltar 'tshal ba de ni su dang yang mi rtsod do//gang mi rtsod pa de ni dge slong gi chos kyi rjes su 'jug pa'o/ /gang dge sbyong gi chos kyi rjes su 'jug pa de ni gang nas kyang 'jug par yang mi bgyid/ mi 'jug par yang mi bgyid/ sbyor bar yang mi bgyid/ mi sbyor bar
68b3 yang mi bgyid/'gro bar yang mi bgyid/ sdod par yang mi bgyid/ 'bri bar yang mi bgyid/ 'phel bar yang mi bgyid de/ thams cad chos kyi tshul du mthong ngo / /thams cad rnam par rig pa'i tshul du mthong ngo / /chos kyi dbyings nyid du mthong ngo / /de ltar
68b4 thams cad 'byung bar mthong ste/gang 'byung ba de yang dag par rjes su mi mthong ngo / /gzhan du na ming tsam dang / btags pa tsam dang / tha snyad tsam du mthong ba ni ma mchis pa ma lags so/ /ming de yang ming ma mchis pa'o/ /btags pa yang btags pa ma
68b5 mchis pa'o//tha snyad kyang tha snyad ma mchis pa'o/ /chos mthong bas sangs rgyas mthong ngo / /sangs rgyas mthong bas sems can thams cad mthong ngo / /sems can thams cad mthong bas rgyu dang rkyen mthong ngo / /rgyu dang rkyen mthong bas stong pa nyid mthong ngo / /stong pa nyid
68b6 mthong ba ni mthong ba ma mchis pa'o//bcom ldan 'das chos thams cad ma mthong ba ni yang dag pa mthong ba'o/ /bcom ldan 'das gang de ltar mthong ba dang ldan pa de ni sangs rgyas rnams mnyes par yang mi bgyid/ mi mnyes par yang mi bgyid do/ /de chos mnyes par yang
68b7 mi bgyid/mi mnyes par yang mi bgyid do/ /de dge 'dun mnyes par yang mi bgyid/ mi mnyes par yang mi bgyid do/ /bcom ldan 'das bzod pa de lta bu dang ldan pa'i byang chub sems dpa' ni bdud rnams dang yang mi rtsod na/ chos 'thun pa rnams dang mi rtsod pa lta
69a1 smos kyang ci 'tshal te de ni gnas ma lags so//brjod pa thams cad bdag gi phyogs su 'grub par mthong bas gang dang yang rtsod par mi 'gyur ro/ /rtsod pa ma mchis pas su dang yang lhan cig sgra 'byin par mi 'gyur ro/ /sgra ma mchis pa'i chos dang ldan pa ni
69a2 chos thams cad dang ldan pa'o//chos thams cad dang ldan pa zhes bgyi ba ni chos thams cad bdag bzhin du gyur pa/ mnyam par gnas pa mnyam par bzod pa ste/ de bas na chos thams cad dang ldan pa zhes bgyi'o/ /gang du yang mi mchi/ gang nas kyang ma mchis pas de'i slad
69a3 du ldan pa zhes bgyi'o//bcom ldan 'das de ltar chos thams cad dang ldan pa'i byang chub sems dpa'i gang cung zad smra ba dang / kun smra ba de thams cad ni chos yang dag par brjod pa ste/ sems can thams cad la phan pa thob par bgyid pa'o/ /bcom ldan 'das bdag
69a4 mchi ba 'di lta bu chos yang dag par brjod pa dang 'thun pa lta lags sam/bcom ldan 'das kyis bka' stsal pa/ rab 'byor khyod kyi 'di ni chos yang dag par brjod pa dang 'thun no/ /rab 'byor gyis chos yang dag par brjod pa 'di brjod pa na dge slong lnga stong ni chos rnams
69a5 la chos kyi mig rdul dang bral zhing dri ma med pa rnam par dag go//lha'i bu lnga stong ni bla na med pa yang dag par rdzogs pa'i byang chub tu sems skyes so/ /gang khyod kyi chos yang dag par brjod pa 'di thos pa'i byang chub sems dpa' de dag ni chos kyi rgya mtsho thob bo snyam du
69a6 bdag nyid kyis shes so//don yod cing 'bras bu dang bcas par bdag nyid kyis mthong ngo / /rab 'byor 'di ni de bzhin gshegs pa thams cad kyi chos yang dag par brjod pa dam pa yin no/ /de nas bcom ldan 'das la tshe dang ldan pa ma 'gags pas 'di skad ces gsol
69a7 to//bcom ldan 'das chos thams cad yi ger yang dag par brjod pa ni chos yang dag par brjod pa lags so/ /de ci'i slad du zhe na/ yi ge ni mi 'gyur bas de'i slad du yi ge zhes bgyi'o/ /bcom ldan 'das gang brjod pa de ni yi ge tsam du bas te/ bcom ldan 'das
69b1 yi ge'i 'bru de dag ni khong nas kyang sgra mi 'byin/slad rol nas kyang sgra mi 'byin te/ sgra 'byin pa de dag kyang 'di ltar bdag cag ni sgra 'byin to snyam du mi sems so/ /bcom ldan 'das yi ge'i 'bru rnams ni zad par yang mi 'gyur/ 'phel bar yang mi 'gyur te/ byang chub
69b2 sems dpas yi ge mnyam pa nyid kyis chos thams cad mnyam pa nyid du khong du chud par bgyi'o//de ltar chos thams cad mnyam pa nyid du khong du chud pa'i byang chub sems dpa' ni sgra thams cad la khong khro ba ma mchis te/ gzhan du na sgra thams cad chos kyi sgrar thos pa dang / stong
69b3 pa nyid kyi sgra dang /mtshan ma med pa'i sgra dang / smon pa med pa'i sgra dang / chos kyi dbyings kyi sgra dang / yang dag pa'i mtha'i sgrar thos so/ /de'i chos gang yang thams cad mkhyen pa rtogs par 'gyur ba dang 'gal ba ma lags so/ /de chos gang yang sangs rgyas kyi byang chub
69b4 dang 'gal bar mi mthong gi /de chos thams cad sgrib pa ma mchis par mthong / sangs rgyas kyi byang chub dang skal ba mnyam pa dang ma 'gags par mthong ngo / /de gang las ldog pa dang / gang du 'jug pa'i chos de yang dag par rjes su mi mthong ngo / /de sems can de dag
69b5 kyang yang dag par rjes su mi mthong la/sems can gyi don bgyi ba la mi phyogs pa yang ma lags so/ /bcom ldan 'das bzod pa de lta bu dang ldan pa'i byang chub sems dpa' sems dpa' chen po ni spobs pa zab mo 'thob ste/ spobs pa zab mo de gang zhe na/ gang nyan
69b6 thos dang /rang sangs rgyas rnams kyis kyang mi rtogs pa'o/ /phan pa'i spobs pa yang 'thob ste/ phan pa'i spobs pa gang zhe na/ gang gis sems can thams cad la phan pa nyid du 'gyur gyi/ mi phan par mi 'gyur ba'o/ /ran pa'i spobs pa yang 'thob ste/ ran pa'i
69b7 spobs pa gang zhe na/gang ji tsam gyi gtam gyis sems can bde bar 'gyur ba de tsam gyi gtam bgyis pa 'di ni ran pa'i spobs pa zhes bgyi'o/ /myur ba'i spobs pa yang 'thob ste/ myur ba'i spobs pa gang zhe na/ gang gis myur du sems can rnams 'dul ba'o/ /'bras
70a1 bu mchis pa'i spobs pa yang 'thob ste/'bras bu mchis pa'i spobs pa gang zhe na/ gang gis rgyun mi 'chad par sems can thar bar bgyid pa'o/ /lhan cig pa'i spobs pa yang 'thob ste/ lhan cig pa'i spobs pa gang zhe na/ gang gis sangs rgyas rnams
70a2 dang lhan cig smra ba'o//skye ba'i spobs pa yang 'thob ste/ skye ba'i spobs pa gang zhe na/ gang gis tshig gcig bstan pas tshig brgya stong las lhag pa'i spobs pa skye ba'o/ /yang ba'i spobs pa yang 'thob ste/ yang ba'i spobs pa gang zhe na/ gang gis brda bgyis pa
70a3 tsam gyis thams cad shes nas ston pa'o//bde ba'i spobs pa yang 'thob ste/ bde ba'i spobs pa gang zhe na/ bde ba'i spobs pa gang gis 'dul ba rnams nyan pas ngoms par mi 'gyur ba'o/ /cang shes kyi spobs pa yang 'thob ste/ cang shes kyi spobs pa gang zhe na/
70a4 gang gis sangs rgyas kyi dgongs pa las mi 'da' ba'o/ /dul ba'i spobs pa yang 'thob ste/ dul ba'i spobs pa gang zhe na/ gang gis rgyags pa dang / bag med pa mi skyed pa'o/ /zhi ba'i spobs pa yang 'thob ste/ zhi ba'i spobs pa gang zhe na/ gang gis bdag dang gzhan
70a5 rnams zhi bar bgyid pa'o//sgra'i spobs pa yang 'thob ste/ sgra'i spobs pa gang zhe na/ gang gis sems can rnams nyan thos kyi theg pa la 'dul ba'o/ /dben pa'i spobs pa yang 'thob ste/ dben pa'i spobs pa gang zhe na/ gang gis sems can rnams rang sangs
70a6 rgyas kyi theg pa la 'dul ba'o//mtho ba'i spobs pa yang 'thob ste/ mtho ba'i spobs pa gang zhe na/ gang gis sems can rnams theg pa chen po la 'dul ba'o/ /thun mong ma lags pa'i spobs pa yang 'thob ste/ thun mong ma lags pa'i spobs pa gang zhe na/ gang
70a7 gis ma 'dres pa dang /stobs dang / mi 'jigs pa'i gtam yang dag par rab tu ston pa'o/ /zhi gnas kyi spobs pa yang 'thob ste/ zhi gnas kyi spobs pa gang zhe na/ gang gis byang chub kyi phyogs kyi gtam rnams bgyid pa'o/ /ma smad pa'i spobs pa yang 'thob ste/ ma smad pa'i
70b1 spobs pa gang zhe na/gang gis sems can thams cad tshim par bgyid pa'o/ /rgyu dang rkyen gyi spobs pa yang 'thob ste/ rgyu dang rkyen gyi spobs pa gang zhe na/ gang gis phas kyi rgol ba thams cad tshar gcod pa'o/ /ston pa'i spobs pa yang 'thob ste/ ston pa'i spobs pa gang zhe na/
70b2 gang gis 'khor bzhi la bag mi tsha bar chos ston pa'o/ /bcom ldan 'das 'di ni chos yang dag par brjod pa lags pa snyam bgyi na/ bcom ldan 'das bdag chos yang dag par brjod pa dang 'thun par bgyid dam/ bcom ldan 'das kyis bka' stsal pa/ ma 'gags
70b3 pa khyod kyi 'di ni chos yang dag par brjod pa dang 'thun no// //bam po drug pa/ de nas bcom ldan 'das la tshe dang ldan pa sgra gcan zin gyis 'di skad ces gsol to/ /bcom ldan 'das chos yang dag par brjod pa tshol ba'i byang chub sems dpa' chos 'dzin
70b4 pa btsal bar bgyi'o//de ci'i slad du zhe na/ bcom ldan 'das chos 'dzin pa rnams las chos rtogs par 'gyur ro/ /de bas na chos btsal ba de la brtson par gyur pas chos 'dzin pa rnams las btsal bar bgyi'o/ /de ci'i slad du zhe na/ bcom ldan 'das chos lhur
70b5 len pa rnams las chos skye'i zang zing lhur len pa rnams las ma lags so//lus dang srog la mi lta ba rnams dang / 'jig rten pha rol la lta ba dang bcas pa rnams dang / dben pa 'dod pa rnams las skye'i/ grong dang / grong khyer dang / grong rdal la mngon par dad
70b6 pa rnams las ma lags so//'grogs na bde ba rnams las skye'i/ 'grogs na mi bde ba rnams las ma lags so/ /nga rgyal ma mchis pa rnams las skye'i/ nga rgyal gyis khengs pa rnams las ma lags so/ /des pa rnams las skye'i/ mgu dka' ba rnams
70b7 las ma lags so//sems mnyen zhing 'jam pa rnams las skye'i/ sems kyi rgyud rman can du gyur pa rnams las ma lags so/ /sems dben pa rnams las skye'i/ sems chags pa rnams las ma lags so/ /sdig pa rnam par 'byed pa rnams las skye'i/ sdig
71a1 pa 'chab pa rnams las ma lags so//bcom ldan 'das sbyin pa la mngon par dga' ba rnams las chos skye'i/ ser sna can rnams las ma lags so/ /tshul khrims dang ldan pa rnams las skye'i/ tshul khrims 'chal pa rnams las ma lags so/ /
71a2 bzod pa dang ldan pa rnams las skye'i/ gnod sems can rnams las ma lags so/ /brtson 'grus brtsams pa rnams las skye'i/ le lo can rnams las ma lags so/ /sems rtse gcig pa rnams las skye'i/ sems rnam par g.yengs pa rnams las ma
71a3 lags so//shes rab dang ldan pa rnams las skye'i/ shes rab 'chal pa'i rnams las ma lags so/ /mang du thos pa rnams las skye'i/ thos pa nyung ba rnams las ma lags so/ /tshul bzhin yid la brtson pa rnams las skye'i/ ngan pa'i bsam pa sems
71a4 pa rnams las ma lags so//legs par bgyid pa'i las bgyid pa rnams las skye'i/ ngan par bgyid pa'i las bgyid pa rnams las ma lags so/ /legs par bshad pa la dga' ba rnams las skye'i/ 'jig rten rgyang pa na pa'i gsang tshig la mngon par dga' ba
71a5 rnams las ma lags so//stong pa nyid la mngon par dga' ba rnams las skye'i/ lta bar gyur pas rnam par bsgribs pa rnams las ma lags so/ /bslab pa 'tshal ba rnams las skye'i/ bstan bcos 'tshal ba rnams las ma lags so/ /bcom ldan 'das gzhan
71a6 yang gang bslab pa 'tshal ba ni de'i chos lags so//bslab pa de dag kyang gang zhe na/ bcom ldan 'das bslab pa thams cad kyi nang na bslab pa gsum du bslab pa thams cad 'du bar 'gyur ro/ /gsum gang zhe na/ lhag pa'i tshul khrims kyi bslab pa dang / lhag pa'i sems
71a7 kyi bslab pa dang /lhag pa'i shes rab kyi bslab pa'o/ /bcom ldan 'das byang chub sems dpa' sems dpa' chen po gang bslab pa gsum po 'di dag la slob pa de ni theg pa chen po thams cad la slob pa lags so/ /bcom ldan 'das de la byang chub sems dpa' sems dpa'
71b1 chen po'i lhag pa'i tshul khrims kyi bslab pa gang zhe na/byang chub sems dpa' ni gang so sor thar pa'i sdom pas bsdams pa yang lags la/ so sor thar pa tsam gyis dag par yang mi sems te/ byang chub sems dpa'i sdom pa la rton pa lags so/ /cho ga dang spyod yul
71b2 phun sum tshogs pa yang lags la/cho ga dang spyod yul tsam gyis dag par yang mi sems te/ byang chub sems dpa'i cho ga dang spyod yul la rton pa yang lags so/ /kha na ma tho ba rab tu phra ba dag la 'jigs par lta ba yang lags la/ byang chub sems dpa'i ye shes la
71b3 rton pa yang lags so//de la byang chub sems dpa'i ye shes gang zhe na/ byang chub sems dpa' rnams chos thams cad kyi de kho na 'tshal bas las dang nyon mongs pas 'jigs shing skrag pa ma mchis pa de ni byang chub sems dpa'i de kho na 'tshal ba lags so/ /de la byang
71b4 chub sems dpa'i spyod yul gang zhe na/byang chub sems dpa' ni stong pa nyid spyod yul ba rnams lags te/ rtog pa dang / rnam par rtog pa dang / yongs su rtog pa spyod yul ba ma lags so/ /yang dag par blangs nas bslab pa'i gzhi rnams la slob ste/ stong pa
71b5 nyid du mnyam pa nyid yang dag par blangs nas slob pa 'di ni yang dag par blangs nas slob pa zhes bgyi'o//mtshan ma ma mchis par mnyam pa nyid dang / smon pa ma mchis par mnyam pa nyid dang / mngon par 'du mi bgyid par mnyam pa nyid dang / ma skyes pa dang / ma byung bar
71b6 mnyam pa nyid yang dag par blangs nas slob pa 'di ni yang dag par blangs nas/bslab pa'i gzhi rnams la slob pa zhes bgyi'o/ /bcom ldan 'das gzhan yang byang chub sems dpa' 'di snyam du sems te/ so sor thar pa'i sdom pa'i tshul khrims 'di la sems can
71b7 rnams dgod par bya'o//snyam pa 'di ni byang chub sems dpa'i lhag pa'i tshul khrims kyi bslab pa lags so/ /de la byang chub sems dpa'i lhag pa'i sems kyi bslab pa gang zhe na/ gang rnam par thar pa brgyad rnams la slob pa lags so/ /de la byang chub
72a1 sems dpa' 'di snyam du sems te/bdag gis lhag pa'i sems kyi bslab pa 'di la sems can thams cad bsgrub par bgyi'o snyam pa 'di ni byang chub sems dpa'i lhag pa'i sems kyi bslab pa lags so/ /de la byang chub sems dpa'i lhag pa'i
72a2 shes rab kyi bslab pa gang zhe na/gang stong pa nyid rnam pa brgyad la slob pa lags so/ /de la byang chub sems dpa' 'di snyam du sems te/ stong pa nyid rnam pa brgyad 'di sems can thams cad kyi khong du chud par bya'o snyam pa 'di ni byang chub sems dpa'i
72a3 lhag pa'i shes rab kyi bslab pa lags te/bslab pa gsum po 'di dag tu byang chub sems dpa'i bslab pa thams cad 'dus lags so/ /bcom ldan 'das gzhan yang byang chub sems dpa' gang sems can rnams srung ba de ni tshul khrims srung ba lags so/ /
72a4 gang tshul khrims srung ba de ni tshul khrims mi snyems pa ste/ de tshul khrims des sems can thams cad kyi bsam pa yongs su rdzogs par bgyid do/ /bcom ldan 'das byang chub sems dpa' ni mngon par 'byung ba'i ngang tshul can te/ yongs su 'dzin pa thams cad la mi
72a5 chags so//byang chub sems dpa' ni dben pa'i ngang tshul can te/ 'du 'dzi thams cad la mi chags so/ /byang chub sems dpa' ni nang du yang dag 'jog pa'i ngang tshul can te/ bya ba thams cad la mi chags so/ /byang chub sems dpa' ni bsam gtan gyi ngang tshul
72a6 can te/yul thams cad la mi chags so/ /byang chub sems dpa' ni rnam par grol ba'i ngang tshul can te/ skye ba'i skye mched thams cad la mi chags so/ /byang chub sems dpa' ni chos nyan pa'i ngang tshul can te/ 'jig rten pa'i gtam thams cad la mi chags so/ /
72a7 byang chub sems dpa' ni chos ston pa'i ngang tshul can te/ dpag tshad brgyar yang song nas chos ston pas yongs su mi skyo ba'o/ /byang chub sems dpa' ni dam pa'i chos yongs su 'dzin pa'i ngang tshul can te/ sdug bsngal dang yid mi bde ba'i log par lta ba thams
72b1 cad kyis yongs su mi skyo ba'o//byang chub sems dpa' ni byang chub kyi sems kyi ngang tshul can te/ sems can thams cad la phan pa'i phyir rtsol gyi/ bdag la phan pa'i phyir ma lags so/ /byang chub sems dpa' ni bsam pa'i ngang tshul can te/ thog ma kho nar
72b2 sems can rnams byang chub par 'tshal gyi bdag ni ma lags so//byang chub sems dpa' ni lhag pa'i bsam pa'i ngang tshul can te/ gzhan yang don phun sum tshogs pas rab tu nor dang ldan pa lags kyi/ bdag gi phun sum tshogs pas ni ma lags so/ /byang chub
72b3 sems dpa' ni sbyor ba'i ngang tshul can te/byang chub kyi phyogs kyi chos kyi dge ba re re'i phyir yang bskal pa grangs ma mchis par yongs su sgrub par spro zhing yongs su mi skyo ba'o/ /byang chub sems dpa' ni sbyin pa'i ngang tshul can te/ yan lag gi dam pa mgo yang yongs su
72b4 gtong zhing sems can gyi don yang bgyid do//byang chub sems dpa' ni tshul khrims kyi ngang tshul can te/ sems can tshul khrims 'chal pa rnams yongs su mi gtong ngo / /byang chub sems dpa' ni bzod pa'i ngang tshul can te/ bdud thams cad kyis mi 'jigs so/ /
72b5 byang chub sems dpa' ni brtson 'grus kyi ngang tshul can te/ sems can thams cad la byang chub yang dag par sgrub pas yongs su mi skyo'o/ /byang chub sems dpa' ni bsam gtan gyi ngang tshul can te/ sgra thams cad dang bya ba'i brtsam pa thams cad kyis mi 'khrugs
72b6 so//byang chub sems dpa' ni shes rab kyi ngang tshul can te/ chos thams cad sangs rgyas kyi byang chub dang mtshungs par mthong ngo / /byang chub sems dpa' ni stong pa nyid kyi ngang tshul can te/ 'khor ba la mi gnas so/ /byang chub sems dpa' ni snying rje chen po'i ngang
72b7 tshul can te/yongs su mya ngan las mi 'da'o/ /bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang 'thun par bgyid dam/ bcom ldan 'das kyis bka' stsal pa/ sgra
73a1 gcan zin khyod kyi 'di chos yang dag par brjod pa dang 'thun no//de nas bcom ldan 'das la tshe dang ldan pa nye bar 'khor gyis 'di skad ces gsol to/ /bcom ldan 'das byang chub sems dpa' gang bdag dul ba de sems can gzhan 'dul ba'i slad du
73a2 sems can gyi khams ji tsam pa dang /chos kyi dbyings ji tsam pa dang / 'dod chags dang / zhe sdang dang / gti mug gi khams su gdags pas btags pa ji tsam pa de srid kyi dus su sems can 'dul yang yongs su mi skyo'o/ /de 'di snyam du sems te/ chos thams
73a3 cad ni shin tu dul ba yin na/de dag sems can rnams kyi khong du mi chud do snyam mo/ /de ci'i slad du zhe na/ chos thams cad ni stong pa nyid kyis dul ba ste/ de la lta bar gyur pa thams cad dang / brtson pa thams cad mi spyod do/ /chos thams cad ni mtshan ma ma mchis
73a4 pas dul ba ste/de la rnam par rtog pa dang dpyod pa mi spyod do/ /chos thams cad ni smon pa ma mchis pas dul ba ste/ de la yid kyis smon pa dang / smon lam thams cad mi spyod do/ /chos thams cad ni bdag ma mchis pas dul ba ste/ de la chags pa thams cad
73a5 mi spyod do//chos thams cad ni sems can ma mchis pas dul ba ste/ de la sems can tha dad pa mi spyod do/ /chos thams cad ni srog ma mchis pas dul ba ste/ de la 'chi 'pho dang / skye ba mi 'jug go/ /chos thams cad ni bden pas dul ba ste/ de la slu ba thams
73a6 cad mi 'jug go//chos thams cad ni rten cing 'brel bar 'byung bas dul ba ste/ de la bdag po mi 'jug go/ /chos thams cad ni dran pa nye bar gzhag pas dul ba ste/ de la dran pa dang yid la bgyid pa mi 'jug go/ /chos thams cad ni yang dag pa'i spong bas dul ba ste/
73a7 de la blang ba dang dor ba mi 'jug go/ /chos thams cad ni rdzu 'phrul gyi rkang pas dul ba ste/ de la 'ong ba dang 'gro ba mi 'jug go/ /chos thams cad ni dbang pos dul ba ste/ de la dman pa mi 'jug go/ /chos thams cad ni stobs kyis dul ba ste/ de la 'joms pa
73b1 mi 'jug go//chos thams cad ni byang chub kyi yan lag gis dul ba ste/ de la mi shes pa mi 'jug go/ /chos thams cad ni lam gyis dul ba ste/ de la bya ba ngan pa dang / sems pa ngan pa mi 'jug go/ /chos thams cad ni stobs bcus dul ba ste/ de la bag
73b2 chags thams cad mi 'jug go//chos thams cad ni mi 'jigs pas dul ba ste/ de la 'jigs pa dang skrag pa thams cad ma mchis so/ /chos thams cad ni ma 'dres pas dul ba ste/ de la rtsol ba thams cad mi 'jug go/ /chos thams cad ni ye shes kyis
73b3 dul ba ste/de la ma rig pa mi 'jug go/ /chos thams cad ni byed pa po ma mchis pas dul ba ste/ de la 'du byed mi 'jug go/ /chos thams cad ni dmigs pa ma mchis pas de la rnam par shes pa mi 'jug go/ /chos thams cad ni sems pa ma mchis pas de la
73b4 ming dang gzugs mi 'jug go//chos thams cad gnas ma mchis pas de la skye mched drug mi 'jug go/ /chos thams cad ni mi gnyis pas de la reg pa mi 'jug go/ /chos thams cad ni rnam par reg pa ma mchis pas de la tshor ba mi 'jug go/ /chos thams cad
73b5 ni nga'i ma mchis pas de la sred pa mi 'jug go//chos thams cad ni mthu rtsal ma mchis pas de la len pa mi 'jug go/ /chos thams cad ni lus ma mchis pas de la srid pa mi 'jug go/ /chos thams cad ni 'chi 'pho ma mchis pas de la skye ba mi 'jug go/ /
73b6 chos thams cad ni snying po can lags pas de la rga ba mi 'jug go/ /chos thams cad ni mi zad pas de la 'chi ba mi 'jug ste/ bcom ldan 'das 'di ni byang chub sems dpa' rnams kyi sgrib pa ma mchis pa'i lam lags so/ /lam 'di la rnam par gnas pa'i
73b7 byang chub sems dpa' ni bdud thams cad kyis mi 'phrogs pa lags so//phas kyi rgol ba thams cad kyis mi thul ba lags so/ /nyon mongs pa thams cad kyis mi rdzi ba lags so/ /sangs rgyas thams cad kyis bsngags pa lags so/ /lha thams cad
74a1 kyis phyag bgyi ba lags so//bcom ldan 'das byang chub sems dpa' sems dpa' chen po ye shes de lta bu dang ldan pa ni chos kyi gter chen po rnyed pa zhes bgyi'o/ /mi dbul ba zhes bgyi'o/ /de bzhin gshegs pa rnams kyis thugs brtan
74a2 pa zhes bgyi'o//de bzhin gshegs pa rnams kyi mdzod 'dzin pa zhes bgyi'o/ /bya ba byas pa dang / byed pa byas pa dang / bdag gi don rjes su thob pa zhes bgyi'o/ /rgya mtsho ltar gting tshod yas pa dang / ri rab ltar mi g.yo ba zhes bgyi'o/ /bcom ldan 'das
74a3 'di ni chos yang dag par brjod pa lags pa snyam bgyid na/bcom ldan 'das bdag chos yang dag par brjod pa dang 'thun par bgyid lags sam/ bcom ldan 'das kyis bka' stsal pa/ nye bar 'khor khyod kyi 'di chos yang dag par brjod pa dang 'thun te/ chos yang
74a4 dag par brjod pa 'di la brten nas byang chub sems dpa' sems dpa' chen po mngon par rdzogs par 'tshang rgya'o//de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das dam pa'i chos yongs su 'dzin pa ni byang chub
74a5 sems dpa' rnams kyi chos kyi gtso bo lags so//dam pa'i chos yongs su 'dzin pa la brtson pa'i byang chub sems dpa' ni byang chub sems dpa' sangs rgyas mnyes par bgyid pa'o/ /de ci'i slad du zhe na/ sangs rgyas bcom ldan 'das rnams ni chos bla mar gyur pa'o/ /
74a6 bcom ldan 'das dam pa'i chos yongs su 'dzin pa gang zhe na/ 'di lta ste/ de bzhin gshegs pas gsungs pa'i mdo sde zab pa rnams lung nod pa dang / kha ton bgyid pa dang / don dang tshig sems pa ni byang chub sems dpa'i dam pa'i chos yongs su 'dzin pa lags
74a7 so//bcom ldan 'das gzhan yang sgrub pa yongs su 'dzin pa ni byang chub sems dpa'i dam pa'i chos yongs su 'dzin pa lags so/ /de la byang chub sems dpa' rnams kyi sgrub pa gang zhe na/ bcom ldan 'das byang chub sems dpa' rnams kyi lus kyi las gang ci
74b1 yang rung /ngag gi las gang ci yang rung / yid kyi las gang ci yang rung ste/ de thams cad ni sems can thams cad la lta bas 'jug go/ /snying rje chen po sngon du 'gro'o/ /snying rje chen po chen po'i dbang du gyur pa'o/ /sems can thams cad la phan pa'i gnas kyi rgyu'o/ /
74b2 sems can thams cad la phan pa dang bde ba'i lhag pa'i bsam pa las byung ngo / /de la phan pa'i bsam pa 'di lta bus 'du shes 'di ltar 'gyur te/ gang sems can thams cad la phan pa sgrub pa dang / bde ba sgrub pa'i sgrub pa de bdag gis bsgrub bo snyam mo/ /de phung
74b3 po rnams la sgyu ma lta bur so sor rtog pa sgrub kyang phung po yongs su dor bar yang mi 'tshal lo//khams rnams la sbrul gdug pa lta bur sa sor rtog pa sgrub kyang / khams yongs su dor bar yang mi 'tshal lo/ skye mched rnams la grong stong lta bur so sor rtog pa sgrub
74b4 kyang skye mched yongs su dor bar yang mi 'tshal lo//de bzhin du gzugs la dbu ba rdos pa lta bur so sor rtog pa sgrub kyang de bzhin gshegs pa'i gzugs kyi sku rnam par sgrub pa yang mi 'dor ro/ /tshor ba la chu'i chu bur lta bur so sor rtog pa sgrub kyang de bzhin gshegs
74b5 pa'i bsam gtan dang /ting nge 'dzin dang / snyoms par 'jug pa'i bde ba sgrub pa'i sbyor ba la mi rtsom pa yang ma lags so/ /'du shes la smig rgyu lta bur so sor rtog pa sgrub kyang de bzhin gshegs pa'i ye shes sgrub pa mi sgrub pa yang ma lags so/ /'du byed rnams
74b6 la chu shing lta bur so sor rtog pa sgrub kyang /sangs rgyas kyi chos mngon par 'du bya ba mi sgrub pa yang ma lags so/ /rnam par shes pa la sgyu ma lta bur so sor rtog pa sgrub kyang ye shes sngon du 'gro ba'i lus dang / ngag dang / yid kyi las sgrub pa mi sgrub pa yang ma
74b7 lags so//sbyin pas rnam par smin pa la mi re ba sgrub bo/ /tshul khrims kyis sems can tshul khrims 'chal pa yongs su skyob pa sgrub bo/ /bzod pas dul ba dang zhi ba sgrub bo/ /brtson 'grus kyis dge ba'i chos sgrub pa thams cad sgrub bo/ /bsam gtan
75a1 rnams kyis lus dang sems yongs su las su rung ba sgrub bo//shes rab kyis chos thams cad snang ba sgrub bo/ /dran pa nye bar gzhag pa rnams kyis rnam par gzhag pa sgrub bo/ /yang dag par spong ba rnams kyis lus dang sems dri ma med pa sgrub
75a2 bo//rdzu 'phrul gyi rkang pa rnams kyis chags pa med pa'i ye shes sgrub bo/ /dbang po rnams kyis theg pa'i mchog sgrub bo/ /stobs rnams kyis phyir mi ldog pa'i byang chub sems dpa' sgrub bo/ /byang chub kyi yan lag rnams kyis the tsom med pa sgrub bo/ /lam gyis
75a3 kha na ma tho ba med pa sgrub bo//tshangs pa'i gnas pa rnams kyis drang po sgrub bo/ /bcom ldan 'das gzhan yang gang stong pa nyid sgom pa de dam pa'i chos yongs su 'dzin pa lags so/ /de la stong pa nyid ni spros pa ma mchis pa'o/ /bcom ldan 'das spros pa la dga' ba
75a4 ni dam pa'i chos yongs su 'dzin pa la dga' ba ma lags so//stong pa nyid ni mtshan ma ma mchis pa'o/ /bcom ldan 'das mtshan ma ma mchis pa la spyod pa ni dam pa'i chos yongs su 'dzin pa lags te/ mtshan ma la spyod pa ni dam pa'i chos yongs su 'dzin pa ma
75a5 lags so//stong pa nyid ni smon lam yang dag par chad pa'o/ /bcom ldan 'das smon pa ma mchis pa la spyod pa ni dam pa'i chos yongs su 'dzin pa lags te/ smon lam la gnas pa ni dam pa'i chos yongs su 'dzin pa ma lags so/ /bcom ldan 'das dmigs
75a6 pa can ni dam pa'i chos yongs su 'dzin pa ma lags so//ngar 'dzin pa dang / nga yir 'dzin pa la gnas pa ni dam pa'i chos yongs su 'dzin pa ma lags so/ /mngon pa'i nga rgyal can ni dam pa'i chos yongs su 'dzin pa ma lags so/ /rnyed pa dang bkur sti dang / tshigs
75a7 su bcad pa la gnas pa la ni dam pa'i chos yongs su 'dzin pa ma lags so//phrag dog dang / ser sna la gnas pa ni dam pa'i chos yongs su 'dzin pa ma lags so/ /'dod pa dang gnod sems dang rnam par 'tshe ba med pa ni dam pa'i chos yongs su 'dzin pa ma lags
75b1 so//bcom ldan 'das gang dag sems can rnams la tha dad pa'i 'du shes ma mchis pa de dag dam pa'i chos yongs su 'dzin pa lags so/ /bcom ldan 'das gang dag chos rnams skye ba ma mchis pa dang / 'gag pa ma mchis par mthong ba de dag dam pa'i chos yongs su
75b2 'dzin pa lags so//bcom ldan 'das gang dag sems can rnams 'ong ba ma mchis pa dang / 'gro ba ma mchis par mthong ba de dag dam pa'i chos yongs su 'dzin pa lags so/ /bcom ldan 'das gang dag bdag kun nas nyon mongs pa yang ma lags/ rnam par byang
75b3 ba yang ma lags par mthong ba de dag dam pa'i chos yongs su 'dzin pa lags so//gang dag sangs rgyas kyi chos rnams la rjes su chags pa yang ma mchis/ mu stegs can gyi chos rnams la khong khro ba yang ma mchis pa de dag dam pa'i chos yongs su 'dzin pa lags so/ /gang
75b4 dag chos kyi phung po brgyad khri bzhi stong 'dzin kyang chos su 'du shes pa yang ma mchis pa de dag dam pa'i chos yongs su 'dzin pa lags so//gang dag nyon mongs pa dang / nye ba'i nyon mongs pa thams cad dang / sdig pa mi dge ba'i chos thams cad dang lhan cig mi gnas kyang chos ma
75b5 lags pa'i 'du shes kyang ma mchis pa de dag dam pa'i chos yongs su 'dzin pa lags so//gang dag sems rnam par grol yang bdag gi sems can rnam par grol ba'o snyam du rlom sems ma mchis pa de dag dam pa'i chos yongs su 'dzin pa lags so/ /gang dag sangs
75b6 rgyas thams cad la bsnyen bkur bgyid kyang lus dang /ngag dang / sems kyi brtul ba yang ma lags pa de dag dam pa'i chos yongs su 'dzin pa lags so/ /gang dag chos thams cad la dbang sgyur yang chos dang chos ma lags pa'i 'du shes la mi spyod pa de dag dam pa'i chos yongs
75b7 su 'dzin pa lags so//gang dag chos thams cad gzung ba'i slad du'am/ spang ba'i slad du yang ma zhugs pa de dag dam pa'i chos yongs su 'dzin pa lags so/ /gang dag thob par bgyi ba'i slad du'am/ mngon sum du bgyi ba'i slad du yang ma zhugs pa de dag dam pa'i chos
76a1 yongs su 'dzin pa lags so//gang dag yongs su 'dzin pa thams cad la sems mi 'dzin pa de dag dam pa'i chos yongs su 'dzin pa lags so/ /gang dag so so'i skye bo yang ma lags/ slob pa yang ma lags/ dgra bcom pa yang ma lags/ gang
76a2 la yang gnas pa ma lags la/'dod chags dang / zhe sdang dang / gti mug kyang zad pa de dag dam pa'i chos yongs su 'dzin pa lags so/ /gang dag byang chub tu lung bstan kyang sangs rgyas nyid du yang mi smon pa de dag dam pa'i chos yongs su 'dzin pa lags so/ /gang
76a3 dag byang chub kyi snying por mchi yang thams cad du yang byang chub kyi snying por 'du shes pa ma mchis pa de dag dam pa'i chos yongs su 'dzin pa lags so//gang dag bdud las rnam par rgyal bar bgyid kyang bdud dang bdud kyi ris rnams kyang mi dmigs pa de dag dam pa'i chos yongs
76a4 su 'dzin pa lags so//gang dag byang chub mngon par rdzogs par 'tshang rgya yang snga na ma mchis pa'i chos kyang mi 'thob pa de dag dam pa'i chos yongs su 'dzin pa lags so/ /gang dag chos kyi 'khor lo rab tu bskor yang sems can dang chos gang yang 'jug pa ma mchis
76a5 ldog pa yang ma mchis pa de dag dam pa'i chos yongs su 'dzin pa lags so//gang dag mu stegs byed pa thams cad tshar gcod kyang rtsod pa yang de ma mchis pa de dag dam pa'i chos yongs su 'dzin pa lags so/ /gang dag skye ba yang gsar pa yang ma lags/
76a6 rnying pa yang ma lags pa de dag dam pa'i chos yongs su 'dzin pa lags so/ /gang dag 'chi ba yang ma mchis/ zad pa yang ma mchis pa de dag dam pa'i chos yongs su 'dzin pa lags so/ /gang dag khams gsum pa las yang dag par 'da' yang gang du yang
76a7 mi 'chi ba de dag dam pa'i chos yongs su 'dzin pa lags so//gang dag brjod pa thams cad rjod kyang mngon par rjod pa yang ma mchis pa de dag dam pa'i chos yongs su 'dzin pa lags so/ /bcom ldan 'das gang dag chos thams cad la yang mi chags la gang dag
76b1 kyang slar mi phyogs pa de dag dam pa'i chos yongs su 'dzin pa lags so//bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang 'thun par bgyid pa lags sam/ bcom ldan 'das
76b2 kyis bka' stsal pa/kun dga' bo khyod kyi 'di ni chos yang dag par brjod pa dang 'thun no/ /kun dga' bos chos yang dag par brjod pa 'di brjod na lha'i bu brgyad khri ni bla na med pa yang dag par rdzogs pa'i byang chub tu sems skyes so/ /byang chub sems dpa' sum khri nyis
76b3 stong ni mi skye ba'i chos la bzod pa thob bo//dge slong lnga brgya ni len pa med par zag pa las sems rnam par grol lo/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das 'di lta ste/
76b4 dper na phub ma bor nas 'bras len pa de bzhin du chos ma lags pa bor nas chos 'dzin to/ /de la byang chub sems dpa' ser sna bor nas sbyin pa dang / 'chal pa'i tshul khrims bor nas tshul khrims dang / gnod sems bor nas bzod pa dang / le lo bor nas
76b5 brtson 'grus dang /rnam par g.yeng ba bor nas bsam gtan dang / 'chal pa'i shes rab bor nas shes rab 'dzin pa 'di ni chos yang dag par brjod pa lags so/ /bcom ldan 'das gzhan yang yid kyis smon pa ni chos ma lags so/ /gang mi smon pa de ni mi
76b6 'dzin to//gang mi 'dzin pa de mi srung ngo / /gang mi srung ba de kun nas nyon mi mongs so/ /gang kun nas nyon mi mongs pa de mi rtsod do/ /gang mi rtsod pa de mi bzod do/ /gang mi bzod pa de rma mi phyin to/ /gang rma mi phyin pa de mi 'jug mi ldog ste/ de ni phyir mi ldog
76b7 pa lags so//bcom ldan 'das byang chub sems dpa' phyir mi ldog pa la de bzhin gshegs pa rnams kyis bla na med pa yang dag par rdzogs pa'i byang chub tu lung ston pa 'di ni bcom ldan 'das chos lags te/ bcom ldan 'das 'di ni chos yang dag par brjod pa
77a1 lags so//bcom ldan 'das gzhan yang byang chub sems dpa' sems dpa' chen po 'di snyam du sems te/ bdag ni phyir mi ldog pa ste bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam pa 'di ni de bzhin gshegs
77a2 pas lung mi ston to//de ci'i slad du zhe na/ bcom ldan 'das 'dod pa ni nyon mongs pa thams cad kyi rtsa ba lags pa'i slad du'o/ /bcom ldan 'das 'dod pa dang bral na nyon mongs pa dang bral te/ nyon mongs pa dang bral ba la lung ston to/ /bcom ldan 'das gzhan
77a3 yang byang chub sems dpa' 'di snyam du 'jig rten dang mi 'thun pa smra ba ni lung bstan pa'o snyam du sems so//de ci'i slad du zhe na/ gang lung bstan pa de ni 'di la ma mchis te/ gang lung ston pa de yang de bzhin du ma mchis so/ /gal te gang lung bstan pa de yang ma
77a4 mchis/gang lung ston pa de yang de bzhin du ma mchis na 'di la lung bstan par ga la 'gyur/ gzhan du na bcom ldan 'das thugs rje chen po dang ldan pa 'jig rten dang 'thun par 'jug pa ni 'di skad du/ sangs rgyas su 'gyur zhes gsung ngo snyam du byang chub sems
77a5 dpa' gang de ltar shes pa de la lung ston to//bcom ldan 'das 'di lta ste/ dper na sgyu ma sprul pas sgyu ma sprul pa la lung bstan kyang sgyu ma sprul pa de 'di ltar bdag sangs rgyas su 'gyur bar lung bstan to snyam du mi sems pa de bzhin du/ bcom ldan 'das byang chub
77a6 sems dpa' sgyu ma sprul pa yang 'gyur ba ma mchis pa lags so//de yang 'di snyam du sems te/ byang chub ni thob pa'i mtshan nyid kyang ma lags/ dor ba'i mtshan nyid kyang ma lags/ byang chub ni skye ba'i mtshan nyid kyang ma lags/ 'gog pa'i mtshan nyid kyang
77a7 ma lags/byang chub ni lus kyis kyang mngon par rdzogs par 'tshang mi rgya ste/ sems kyis kyang ma lags/ byang chub ni nang nas kyang ma lags/ slad rol nas kyang ma lags/ gnyi ga ma mchis pa'i bar nas kyang mi dmigs te/ byang chub ni 'di snyam du bdag
77b1 byang chub bo//bdag la byang chub sems dpa' mngon par rdzogs par 'tshang rgya'o snyam du mi sems so snyam pa 'di ni bcom ldan 'das chos yang dag par brjod pa lags so/ /bcom ldan 'das gzhan yang byang chub sems dpa' sa rab tu dga' ba la ni dga' ba yang ma
77b2 lags/mi dga' ba yang ma lags so/ /dri ma med pa'i sa la ni mi 'phel mi 'bri'o/ /'od byed pa'i sa la ni mi rmongs mi lta'o/ /'od 'phro can gyi sa la ni mi spong mi 'thob bo/ /shin tu sbyang dka' ba'i sa la ni mi skye mi dga'o/ /mngon du gyur gyi sa la ni chags par
77b3 yang mi 'gyur/mi chags par yang mi 'gyur ro/ /ring du song ba'i sa la ni mi 'gro mi ldog go/ /mi g.yo ba'i sa la ni mi 'gul mi skyod do/ /legs pa'i blo gros kyi sa la ni mi 'grub mi sgrub bo/ /chos kyi sprin gyi sa la ni mi rtogs rtogs par mi bgyid do/ /sangs rgyas
77b4 kyi sa la ni thams cad mdzad kyang rtsom pa thams cad mi mnga' ste/de bas na de bzhin gshegs pa ni lhun gyis grub pa spros pa thams cad mi mnga' ba zhes bgyi'o/ /bcom ldan 'das 'di ni chos yang dag par brjod pa lags so/ /bcom ldan 'das ye shes de lta bu dang ldan
77b5 pa'i byang chub sems dpa' ston pa la dbang 'thob ste/ston pa la dbang ba des brjod pa thams cad la mi chags so/ /rnam par dag pa la dbang 'thob ste/ des thams cad du kun nas nyon mi mongs so/ /spobs pa la dbang 'thob ste/ des rgyun du chos kyi tshul re re
77b6 brtsams nas bskal pa brgya stong du ston kyang yongs su mi bas so//ye shes la dbang 'thob ste/ des chos kyi tshig re re las rnam pa brgya stong du ston to/ /skye ba la dbang 'thob ste/ des gang dang gang du sems can gyi don du 'gyur ba de dang der skye'o/ /ting nge 'dzin
77b7 la dbang 'thob ste/des sems kyi skad cig gi sems kyi skad cig la ji lta ji lta bur 'tshal ba de lta de lta bur snyoms par 'jug go/ /byin gyis rlabs la dbang 'thob ste/ des dang / bya dang rtswa dang shing dang rtsig pa yang rung ste/ ji ltar byin gyis brlabs pa
78a1 de thams cad sangs rgyas kyi chos rnams ston to//g.yog la dbang 'thob ste/ des g.yog mang po dang / g.yog mi phyed par 'gyur ro/ /lta ba la dbang 'thob ste/ des yid du mi mchi ba mi mthong ngo / /nyan pa la dbang 'thob ste/ des rnar
78a2 mi mchi ba mi thos so//mnom pa la dbang 'thob ste/ des dri thams cad chos kyi dri nyid du mnom mo/ /lce la dbang 'thob ste/ des chos kyi zas su 'gyur gyi/ zang zing gi zas su ni ma lags so/ /lus la dbang 'thob ste/ des chos kyi skur 'gyur gyi/ zang zing
78a3 gi lus su ma lags so//sems la dbang 'thob ste/ des sems can thams cad la tha na sbrang bu dang / grog ma rnams kyi sems dang spyod pa yang rab tu 'tshal te/ bcom ldan 'das 'di ni chos yang dag par brjod pa zhes bgyi'o/ /de nas bcom ldan 'das
78a4 la byang chub sems dpa' mthong dgas 'di skad ces gsol to//bcom ldan 'das byang chub sems dpas gang sems can rnams kyis mthong ma thag tu dga' bar 'gyur ba de lta de ltar bsgrub par bgyi'o/ /de ci'i slad du zhe na/ bcom ldan 'das byang chub
78a5 sems dpa'i bgyi ba gzhan ma mchis kyi/sems can yongs su smin par bgyi bar bas te/ bcom ldan 'das 'di ni byang chub sems dpa'i rtsa ba'i chos yang dag par brjod pa lags so/ /bcom ldan 'das de bas na byang chub sems dpa' dga' bar
78a6 bgyi ba'i chos rnams la 'jug par bgyi'o//bcom ldan 'das de la byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ lan du phan 'dogs pa la mi re ba'i sbyin pa dang / sems can thams cad la mnyam pa'i sems kyis
78a7 snyan par smra ba dang /sems can thams cad kyi don ma lags pa sel cing don sgrub pa'i don sbyor ba dang / sems can thams cad la dga' ba'i bdag nyid kyi don 'thun pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /
78b1 gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ nga rgyal ma mchis pa'i mang du thos pa dang / zang zing ma mchis pa'i sems kyis chos ston pa dang / ye shes tshol bas bla ma la gus pa dang / sems can thams cad yongs su
78b2 smin par bgyid pa don du gnyer bas brtson 'grus brtsams pa ste/chos bzhi po de dag ni byang chub sems dpa' rnams kyi dga' bar bgyi ba'o/ /gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ tshul khrims phun
78b3 sum tshogs pas chos sbyin pa dang /'dod pa nyung bas dben pa la gnas pa dang / dben par gnas pas bsam gtan thob pa dang / grong dang / grong khyer dang / grong rdal du 'jug pas spyod lam mi 'khrugs pa ste/ chos bzhi po de dag ni byang chub sems dpa' rnams
78b4 kyi dga' bar bgyi ba'o//gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ bden par smra bas spobs pa dang / chos smra bas stong pa nyid brjod pa dang / bzod pa smra bas sems can thams cad la sems mnyam pa
78b5 dang /'dul ba smra bas dbang po sdom pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ legs dgu mchis pas gsong por smra ba dang /
78b6 ngan ngon tsam gyis chog par 'dzin pas mgu sla ba dang / ji skad smras pa de bzhin bgyid pas g.yo ma mchis pa dang / sems can thams cad la mi slu bas sgyu ma mchis pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /gzhan yang
78b7 byang chub sems dpa' rnams kyi dga' bar bgyi ba'i chos bzhi ste/bzhi gang zhe na/ nang zhi bas gnod par mi sems pa dang / phyi rol tu phyin ci ma log pas ma rmongs pa dang / dngos po thams cad la mi rtag par so sor rtog pas mi brkam pa dang / yang dag pa ji
79a1 lta ba bzhin du yongs su shes pa dang ldan pas ma khengs pa ste/chos bzhi po de dag ni byang chub sems dpa' rnams kyi dga' bar bgyi ba'o/ /gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ zab pa yang lags
79a2 la gsong por yang smra ba dang /sred pa yang ma mchis la mnyen zhing snyan par yang smra ba dang / lta ba yang ma mchis la byang chub kyi sems kyang mi 'dor ba dang / don dam pa spyod yul ba yang lags la kun rdzob kyi bslab pa'i rjes su yang 'jug pa ste/ chos bzhi
79a3 po de dag ni byang chub sems dpa' rnams kyi dga' bar bgyi ba'o//bcom ldan 'das 'di ni chos yang dag par brjod pa lags so/ /bcom ldan 'das gzhan yang byang chub sems dpa' ni don dam pa'i stong pa nyid kyis nges par byung ba/ mngon par shes pa chen po
79a4 dang rig pas nges par byung ba/dbang chen po thob pa/ chos yang dag par rjod pa la mkhas pa/ chos zab mo la dga' ba/ sems can thams cad dang 'thun par 'jug pa/ bsam gyis mi khyab cing rmad du byung ba'i chos dang ldan pa/ cang shes kyi chos thob pa/
79a5 mngon par shes pa chen po/ chos smra ba chen po/ chos kyi rgyal po chen po/ bgyi ba chen po bgyid pa/ skye bo chen po rten pa/ mngon par shes pa chen pos rnam par rtsen pa/ sems can yongs su smin par bgyi ba'i slad du 'chi 'pho ma mchis kyang skye la/
79a6 skye ba ma mchis kyang 'chi ba/ bgyi ba bgyis kyang mngon par rdzogs par 'tshang rgya ba/ sems grol yang brtson 'grus rtsom pa/ yongs su mya ngan las 'das kyang spyod pa ngoms kyang tshol ba/ don du gnyer ba ma mchis kyang sbyor ba thams cad shes kyang gzhan
79a7 la 'dri ba lags so//bcom ldan 'das rgya mtsho thams cad kyi gting ni rtogs par rngo thogs kyi/ sems can chen po de dag gi theg pa chen po'i ye shes kyi rgya mtsho'i gting ni rtogs par rngo mi thogs so/ /bcom ldan 'das nam mkha' ni gzhal bar rngo thogs
79b1 kyi/sems can chen po de dag gi sems ni gzhal bar rngo mi thogs so/ /bcom ldan 'das rlung ni gzung bar rngo thogs kyi/ sems can chen po de dag gi yul ni spyod par rngo mi thogs so/ /bcom ldan 'das smig rgyu la ni chu rnyed par rngo thogs kyi/ sems can chen po de
79b2 dag las ngar 'dzin pa dang /nga yir 'dzin pa ni rnyed par rngo mi thogs te/ bcom ldan 'das 'di ni chos yang dag par brjod pa lags so/ /de nas bcom ldan 'das la byang chub sems dpa' mig 'di skad ces gsol to/ /bcom ldan 'das byang chub
79b3 kyi sems las chos thams cad khong du chud par bgyi'o//de ci'i slad du zhe na/ bcom ldan 'das chos thams cad ni yongs su rtog pa'i snying po tsam du bas te/ sems tsam mo rdzas ma lags pa'o/ /rdzas ma mchis pa'o/ /sgyu ma ltar rtsa ba ma mchis pa'o/ /'dod pas
79b4 rnam par bsgrubs pa'o//byed pa po dang tshor ba po dang bral ba'o/ /mi gnas pa'o/ /gnas pa dang bral ba'o/ /bcom ldan 'das chos thams cad ni thog ma dang ldan pa ma lags pa'o/ /gnyis su ma mchis pa'o/ /gnyis dang bral ba'o/ /bcom ldan 'das
79b5 chos thams cad ni nga'i ba ma mchis pa/yongs su 'dzin pa ma mchis pa'o/ /chos thams cad ni bdag po ma mchis pa/ chos kyi dbyings dang mnyam pa'o/ /chos thams cad ni glo bur du byung ba/ mi gnas pa/ 'dod chags dang bral ba'o/ /chos thams cad
79b6 ni kun du rtog pa dang /rnam par rtog pa dang bral ba/ rtog pa sel ba dang bral ba'o/ /chos thams cad ni shes par bgyi ba tsam dang / shes pa po stong pa'i phyir blang du ma mchis/ bkur du ma mchis te/ yongs su 'tshal bar bgyi ba tsam du bas na/ 'di la byis pa so so'i
79b7 skye bo bdag ma mchis pa rnams la bdag tu 'du shes/sems can ma mchis pa rnams la sems can du 'du shes pa 'di dag chos nyid 'di lta bu 'di khong du chud par bya'o snyam nas/ byang chub sems dpa' gang sems skye ba de ni byang chub sems
80a1 dpa'i byang chub kyi sems zhes bgyi'o//sems can thams cad la phan pa'i sems dang / bde ba'i sems dang / bla na med pa'i sems dang / chos kyi dbyings las skyes pa'i sems dang / sems can gyi khams thams cad la brten nas skyes pa 'di ni byang chub kyi sems zhes bgyi'o/ /
80a2 bcom ldan 'das gzhan yang sbyin pa'i pha rol tu phyin pas nye bar zhi ba'i sems dang / tshul khrims kyi pha rol tu phyin pas zhi ba'i sems dang / bzod pa'i pha rol tu phyin pas rma mi phyin pa'i sems dang / brtson 'grus kyi pha rol tu phyin pas phyir mi ldog pa'i sems dang /
80a3 bsam gtan gyi pha rol tu phyin pas rnam par mi g.yeng ba'i sems dang / shes rab kyi pha rol tu phyin pas rnam par rtog pa'i sems dang / byams pas mnyan pa'i sems dang / snying rje chen pos mi zlog pa'i sems dang / dga' ba chen pos 'gyod pa ma mchis pa'i sems dang /
80a4 btang snyoms chen pos dri ma ma mchis pa'i sems dang / sbyin pas 'jungs pa ma mchis pa'i sems dang / snyan par smra bas thibs po ma mchis pa'i sems dang / don spyod pas mnyam pa'i sems dang / don 'thun pas ltag nam mchis pa'i sems dang / stong pa nyid
80a5 kyis mi 'gyur ba'i sems dang /mtshan ma ma mchis pas sgrib pa ma mchis pa'i sems dang / smon pa ma mchis pas mi g.yeng ba'i sems dang / byang chub kyi phyogs kyi chos rnams kyis nges par 'byung ba'i sems dang / sangs rgyas rjes su dran pas mi phyed pa'i sems
80a6 dang /chos rjes su dran pas chos kyi dbyings kyi sems dang / dge 'dun rjes su dran pas smon pa ma mchis pa'i sems dang / tshul khrims rjes su dran pas mchog tu 'dzin pa ma mchis pa'i sems dang / gtong ba rjes su dran pas chags pa ma mchis pa'i sems
80a7 dang /lha rjes su dran pas dge ba'i tshogs thams cad yang dag par 'grub pa'i sems 'di ni byang chub sems dpa' rnams kyi byang chub kyi sems zhes bgyi'o/ /bcom ldan 'das bdag gis byang chub kyi sems las brtsams te/ bskal pa'am bskal pa las lhag
80b1 par bstan kyang mtha' rtogs par mi 'gyur ro//bcom ldan 'das de ltar na byang chub sems dpa' rnams kyi byang chub kyi sems bskyed pa ni tshad ma mchis pa'i rgyu las byung ba lags so/ /bcom ldan 'das de lta bas na byang chub sems dpas byang chub kyi sems las dge ba'i
80b2 chos thams cad gzung bar bgyi ste/bcom ldan 'das 'di ni chos yang dag par brjod pa lags so/ /de nas bcom ldan 'das la byang chub sems dpa' legs par skyes kyis 'di skad ces gsol to/ /bcom ldan 'das chos thams cad ni rtsa ba yongs su dag pas
80b3 ma skyes pa'o//bcom ldan 'das de la chos rnams kyi rtsa ba ci lags zhe na/ mngon par ma zhen pa ni chos rnams kyi rtsa ba'o/ /bcom ldan 'das stong pa nyid ni chos thams cad kyi rtsa ba ste/ de la lta bar gyur pa thams cad ma mchis so/ /mtshan ma ma mchis pa ni
80b4 chos thams cad kyi rtsa ba ste/de la rnam par rtog pa thams cad ma mchis so/ /smon pa ma mchis pa ni chos thams cad kyi rtsa ba ste/ de la khams gsum pa rnams kyi nyon mongs pa rnams ma mchis so/ /mngon par 'du mi bgyid pa ni chos thams cad kyi rtsa ba ste/
80b5 de la byed pa po ma mchis so/ /bdag ma mchis pa ni chos thams cad kyi rtsa ba ste/ de la bdag tu lta ba mi 'byung ngo / /sems can ma mchis pa ni chos thams cad kyi rtsa ba ste/ de la sems can du lta ba kun tu mi 'byung ngo / /srog ma mchis pa ni chos thams cad
80b6 kyi rtsa ba ste/de la srog tu lta ba kun du mi 'byung ngo / /chos thams cad ni ma skyes pa ste/ de la ther zug tu lta ba kun tu mi 'byung ngo / /chos thams cad ni ma 'gags pa ste/ de la chad par lta ba kun tu mi 'byung ngo / /chos thams cad ni dngos po ma mchis pa ste/
80b7 de la 'byung bar lta ba kun tu mi 'byung ngo / /chos thams cad ni mya ngan las 'das pa dang mnyam pa ste/ de la 'jig par lta ba kun tu mi 'byung ngo / /chos thams cad ni byang chub pa ste/ de la sangs rgyas su lta ba kun tu mi 'byung ngo / /chos thams cad ni ma
81a1 bgyis pa ste/de la chos su lta ba kun tu mi 'byung ngo / /chos thams cad ni 'dus pa ma mchis pa ste/ de la dge 'dun du lta ba kun tu mi 'byung ngo / /bcom ldan 'das 'di ni chos yang dag par brjod pa lags so/ /byang chub sems dpa'
81a2 ded dpon gyis gsol pa/bcom ldan 'das byang chub sems dpa' ni thog ma kho nar sems can thams cad byang chub par 'tshal gyi bdag nyid ni ma lags so/ /gang sems can gyi slad du thams cad rtsom yang sems can yang mi dmigs la/ byams pa chen po dang /
81a3 snying rje chen po yang mi 'dor ro/ /de la byang chub sems dpa' rnams kyi byams pa chen po gang zhe na/ gang byang chub sems dpa' sems can yang mi dmigs la dge ba'i rtsa ba thams cad mngon par 'du bya ba'i go cha yang mi 'dor zhing / dge ba'i rtsa ba de dag kyang byang chub tu
81a4 yongs su bsngo ba 'di ni byams pa chen po zhes bgyi'o//gang sems can gyi bgyi ba rgyun mi gcod pa 'di ni de'i snying rje chen po lags so/ /gang 'khor ba nyid mya ngan 'das par yang dag par rjes su mthong la yang dag par sgrib pa'i brtson 'grus kyang mi 'dor ba 'di ni de'i
81a5 byams pa chen po lags so//gang sems can mi gtong ba 'di ni de'i snying rje chen po lags so/ /gang bdag byang chub tu go bgos pa 'di ni de'i byams pa chen po lags so/ /gang sems can gzhan yang go cha 'tshal bar bgyid pa 'di ni de'i snying rje chen po lags so/ /
81a6 gang bdog pa thams cad yongs su gtong bar bgyid pa 'di ni de'i byams pa chen po lags so/ /gang bdog pa thams cad yongs su gtong ba la dge ba'i rtsa ba sems can thams cad sangs rgyas nyid thob par bgyi ba'i slad du yongs su sngo ba 'di ni de'i snying rje chen po lags so/ /
81a7 gang tshul khrims dang bslab pa dang / dam bcas pa thams cad mi nyams pa 'di ni de'i byams pa chen po lags so/ /gang bdag gi tshul khrims kyis sems can gzhan gyi tshul khrims srung bar bgyid pa 'di ni de'i snying rje chen po lags so/ /gang bdag nyid bzod pa dang des
81b1 pa phun sum tshogs pa 'di ni de'i byams pa chen po lags so//gang bzod pa dang des pas sems can 'dul ba 'di ni de'i snying rje chen po lags so/ /gang sangs rgyas kyi byang chub thob par bgyi ba'i slad du bdag nyid brtson 'grus shin tu brtsams pa 'di ni de'i byams pa chen
81b2 po lags so//gang brtson 'grus des sems can gzhan dag kyang brtson 'grus la rab tu dgod pa 'di ni de'i snying rje chen po lags so/ /gang bdag nyid sems nges par rtog pa la gnas pa 'di ni de'i byams pa chen po lags so/ /gang nges par rtog pa des gzhan
81b3 yang nges par rtog tu 'jug pa 'di ni de'i snying rje chen po lags so//gang bdag shes rab yongs su rtog par bgyi ba'i slad du rtsol ba 'di ni de'i byams pa chen po lags so/ /gang rang gi shes rab kyis sems can gzhan rnams kyi shes rab 'phel bar bgyid pa 'di ni
81b4 de'i snying rje chen po lags so//gang brtson pa yang ma lags/ mi brtson pa yang ma lags pa 'di ni de'i byams pa chen po lags so/ /gang bgyid pa yang ma lags/ mi bgyid pa yang ma lags pa de ni de'i snying rje chen po lags so/ /gang skye yang mi 'pho ba 'di ni de'i
81b5 byams pa chen po lags so//gang 'pho ba yang mi g.yo ba 'di ni de'i snying rje chen po lags so/ /gang smra yang brjod pa ma mchis pa 'di ni de'i byams pa chen po lags so/ /gang grol yang 'ching ba yang mi 'dor ba 'di ni de'i snying rje chen po lags so/ /gang 'tshang rgya yang
81b6 khong du chud pa yang ma mchis pa 'di ni de'i byams pa chen po lags so//gang yongs su mya ngan las kyang 'da' la nub par yang mi 'gyur ba 'di ni de'i snying rje chen po lags so/ /gang lus kyi ring bsrel phye mar 'gyur la/ rus pa dang / rgyus pa dang / khrag dang / lus
81b7 kyang ma mchis pa 'di ni de'i byams pa chen po lags so//gang ring bsrel de dag bas par yang mi 'gyur/ 'phel bar yang mi 'gyur ba 'di ni de'i snying rje chen po lags so/ /gang sbyin pa yang sbyin la gtong ba yang mchis pa 'di ni de'i byams pa chen po lags so/ /gang
82a1 smon lam yang 'debs la 'jog pa yang ma mchis pa 'di ni de'i snying rje chen po lags so//gang srung yang sgrub par yang mi bgyid pa 'di ni de'i byams pa chen po lags so/ /gang 'phel ba yang 'phel la lhag par yang mi 'gyur ba 'di ni de'i snying rje chen po lags
82a2 te/bcom ldan 'das 'di ni chos yang dag par brjod pa lags so/ /byang chub sems dpa' 'od rtog gis gsol pa/ bcom ldan 'das byang chub sems dpa' nges par rtog par bgyi'o/ /bcom ldan 'das nges par rtog pa'i byang chub sems dpa' la sangs rgyas
82a3 kyi chos gzhan rnams bdag nyid kyis mngon sum du 'gyur ro//nges par rtog pa gtso bor bgyid pa'i byang chub sems dpa' ni bde bar mngon par rdzogs par 'tshang rgya ba 'thob ste/ de ni gzungs lags so/ /de la byang chub sems dpa' rnams kyi gzungs gang zhe na/ gang
82a4 gis ji ltar thos pa'i chos rnams chud mi gzon pa dang /ji ltar thos pa'i chos rnams 'dzin pa dang / ji ltar thos pa'i chos rnams khong du chud pa dang / gzhan dag kyang khong du chud par bgyid pa 'di ni gzungs zhes bgyi'o/ /gang gis mi g.yo ba dang / mi rtog pa
82a5 dang /gang gis chos kyi phung po brgyad khri bzhi stong 'dzin pa dang / dran par yang mi bgyid/ bskyud par yang mi bgyid pa dang / gang gis sems can thams cad kyi spyod pa 'tshal te/ 'tshal nas kyang sems can de dag la de bzhin du 'jug pa dang / gang gis sems
82a6 can thams cad kyis smras pa thos te/thos nas kyang 'phags pa ma lags pa'i sgra rnams la snying rje chen po rnyed pa dang / 'phags pas smras pa rnams la byams pa chen po rnyed pa dang / gang gis chos kyi tshig gcig bzung nas bskal par bstan kyang de'i spobs pa
82a7 mthar mi phyin cing bas par mi 'gyur ba dang /gang gis brjod pa dang mi brjod pa thams cad 'tshal ba dang / gang gis smras pa thams cad sangs rgyas kyis gsungs par 'tshal ba dang / gang gis phyogs bcu'i 'jig rten gyi khams dag na bzhugs pa'i de bzhin gshegs
82b1 pa dgra bcom pa yang dag par rdzogs pa'i sangs rgyas rnams kyis gsungs pa thos te/thos nas kyang thams cad yongs su 'dzin pa dang / de bzhin gshegs pa gcig gi thad na chos nyan kyang de bzhin gshegs pa gnyis kyis chos bstan pa la sgrib par yang mi 'gyur
82b2 ba 'di ni byang chub sems dpa' rnams kyi gzungs zhes bgyi'o//mngon par bsgrub pa'i gzungs kyang 'thob ste/ des chos thams cad mngon du ston pa dang / chos kyi tshig gcig ji lta ba de bzhin du chos kyi dbyings ma lus par ston kyang des de rgyags par mi 'gyur/ bag ma
82b3 mchis par mi 'gyur ro//lhag par bsdu ba'i gzungs kyang 'thob ste/ des 'jig rten thams cad kyi bla mar gyur pa'i gtam brjod cing / 'jig rten thams cad kyi bla mar gyur pa yang lags so/ /sel ba'i gzungs kyang 'thob ste/ des sems can thams cad kyi the
82b4 tsom thams cad dang /nye ba'i nyon mongs pa thams cad sel to/ /lhag par bsdu ba dang / sel ba'i gzungs kyang 'thob ste/ des dkar po'i chos rnams 'phel bar bgyid cing nag po rnams zad par bgyid do/ /sgrub pa'i gzungs kyang 'thob ste/ des chos thams
82b5 cad kyi sgrub pa yang 'tshal cing de sgrub kyang /rnam par rtog par yang mi bgyid/ spyod kyang lus dang sems kyis brtson par yang mi bgyid/ 'chad kyang yi ge rnams sgro 'dogs par yang mi bgyid/ spong bar yang sel bar yang mi bgyid/ yongs su rdzogs par bgyid kyang
82b6 gang du chos gang yang sdud par yang mi bgyid/nyung ngur yang bgyid la 'grib par yang mi bgyid/ rjod par yang bgyid la mngon par brjod pa yang ma mchis/ mya ngan las kyang 'da' la 'khor ba las kyang mi g.yo/ 'phags pa nyid kyang 'thob la so so'i skye bo'i
82b7 sa las kyang mi g.yo/bdud las rnam par rgyal bar yang bgyid la lus dang sems dang ngag gis pha rol kyang mi gnon pa 'di ni bcom ldan 'das byang chub sems dpa' rnams kyi chos yang dag par brjod pa lags so/ /byang chub sems dpa' rnam par grol ba'i zla bas
83a1 gsol pa/bcom ldan 'das chos thams cad ni rnam par grol ba'i mtshan nyid de/ de la byang chub sems dpas bcings pa'am grol bar yongs su brtag par mi bgyi'o/ /de ci'i slad du zhe na/ bcom ldan 'das rnam par grol ba ni gang gi yang
83a2 ma lags so//rnam par grol ba yang gang yang ma lags so/ /bcom ldan 'das rnam par grol ba ni chos gang yang 'phel bar yang mi bgyid 'bri bar yang mi bgyid do/ /bcom ldan 'das rnam par grol ba ni gang nas kyang mi mchi/ bcings pa ni gang du yang mi
83a3 mchi'o//bcom ldan 'das dge slong sems rnam par grol ba 'di ltar bdag ni sems rnam par grol ba'o snyam du mi sems te/ gzhan du na ji ltar rnam par grol ba de bzhin du chos thams cad 'tshal to/ /bcom ldan 'das gang 'di ltar 'khor ba ni skyon chags
83a4 pa mya ngan las 'das pa ni rnam par grol ba'o snyam du sems pa 'di ni sems rnam par grol ba ma lags so//de ci'i slad du zhe na/ bdag tu 'dzin pa ni de ltar sems pa'i slad du'o/ /bcom ldan 'das gang 'di ltar bdag gi phung po dang / khams dang / skye mched
83a5 kyis chog gis yongs su mya ngan las 'da'o snyam pa de ni sems rnam par grol ba ma lags so//de ci'i slad du zhe na/ bdag tu 'dzin pa ni de ltar sems pa'i slad du'o/ /bcom ldan 'das sems rnam par grol ba'i dge slong ni 'di ltar chos thams cad ni rnam
83a6 par grol ba'i mtshan nyid ni byis pa so so'i skye bo rnams kyis mi shes te/bdag gis de ltar chos nyid khong du chud par bya'o snyam du sems lags so/ /bcom ldan 'das sems rnam par grol ba'i dge slong ni bdag gis sems rnam par grol ba thob par bya'o snyam du
83a7 mi sems mod kyi/de yang 'di ltar shin tu rnam par grol ba'i chos thams cad la rnam par grol ba kun du tshol ba de rnams la snying rje chen po bya'o snyam du sems lags so/ /de ci'i slad du zhe na/ gang rnam par grol ba kun du tshol ba de dag ni rnam par grol ba mi 'thob pa'i
83b1 slad du'o//bcom ldan 'das de bas na rnam par grol ba tshol ba'i dge slong gis bcings pa btsal bar bgyi'o/ /gang gis bcings pa yang dag pa ji lta ba bzhin du mthong ba de rnam par grol ba la mi rtog ste/ de sems rnam par grol ba zhes bgyi'o/ /bcom ldan
83b2 'das 'di ni byang chub sems dpa' rnams kyi chos yang dag par brjod pa lags so//de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das byang chub sems dpas nyon mongs pa rnams la 'jigs par mi
83b3 bgyi'o//de ci'i slad du zhe na/ gang na nyon mongs pa mchis pa de na byang chub mchis shing nyon mongs pa ma mchis pa la byang chub kyang ma mchis pa'i slad du'o/ /stong pa nyid dang nyon mongs pa ni mi gnyis te gnyis su dbyer ma mchis so/ /bcom ldan 'das byang chub dang
83b4 nyon mongs pa ni mi gnyis te gnyis su dbyer ma mchis so//gzhan du na phyin ci log tu lhung ba'i sems kyi rgyun gyis byis pa so so'i skya bo rnams bdag ni nyon mongs so/ /rnam par dag go snyam du 'tshal ba ni ma mchis pa lags so/ /bcom ldan 'das yang
83b5 dag par bzhugs pa'i byang chub sems dpa' ni nyon mongs pa yang mi sel nyon mongs pa ma mchis pa yang mi sgrub bo//byang chub sems dpa' nyon mongs pa'i sgo la so sor rtog pa ni ting nge 'dzin dang gzungs kyi sgo 'thob bo/ /bcom ldan 'das de bas na nyon mongs
83b6 pa nyid byang chub sems dpa' dag gi sangs rgyas kyi chos rnams kyi rigs lags so//nyon mongs pa de dag la g.yengs shing phyin ci log tu gyur pa'i blo can byis pa de dag ni ngan song du gzhol ba sdug bsngal myong bar 'gyur ba'o/ /byang chub sems dpa' ni yang dag par
83b7 so sor rtog pas sangs rgyas kyi byang chub khong du chud do//bcom ldan 'das de bas na byang chub sems dpas rgyun las bzlog ste/ 'jug par bgyi rgyun gyi rjes su 'jug par mi bgyi'o/ /bcom ldan 'das byang chub sems dpa' ni mya ngan las 'das pa las rnam
84a1 par grol gyi/'khor ba las ni ma lags so/ /de ci'i slad du zhe na/ byang chub sems dpa' mya ngan las 'das pa la 'jigs par bgyi'o/ /'khor ba la ni ma lags so/ /'khor ba la so sor brtags na sems can rnams la snying rje chen po 'thob bo/ /
84a2 sangs rgyas kyi byang chub kyang 'thob bo/ /mya ngan las 'das pa la yongs su brtags na 'khor ba la zhe 'gras par 'gyur ro/ /byang chub sems dpa' 'khor ba la zhe 'gras pa ni sangs rgyas kyi byang chub las yongs su nyams so/ /'khor ba na gnas pa rnams la byang chub sems
84a3 dpa'i byams pa chen po dang snying rje chen po skye'i/mya ngan las 'das pa la gnas pa rnams la ni ma lags so/ /bcom ldan 'das mya ngan las 'das pa mya ngan las 'das pa zhes bgyi ba ni yang dag pa ma lags pa yongs su rtog pa rab tu zhi ba'i tshig lags so/ /
84a4 bcom ldan 'das de bas na mya ngan las 'das pa tshol ba'i byang chub sems dpas yongs su rtog pa nye bar zhi ba btsal bar bgyi ste/ de las mya ngan las 'da' ba 'thob par 'gyur ro/ /bcom ldan 'das 'di ni chos yang dag par brjod pa lags so// //bam po
84a5 bdun pa ste tha ma/de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das byang chub sems dpa' chos shin tu mang po la bslab par mi bya'o/ /bcom ldan 'das byang chub sems dpas chos
84a6 gcig rab tu bzung zhing rab tu rtogs par bgyis na/bcom ldan 'das sangs rgyas kyi chos thams cad de'i lag mthil du mchis pa lags so/ /chos gcig po gang zhe na/ 'di lta ste snying rje chen po'o/ /bcom ldan 'das snying rje chen pos ni sangs rgyas kyi chos thams
84a7 cad byang chub sems dpa' rnams kyi lag mthil du mchis pa lags so//bcom ldan 'das 'di lta ste/ dper na 'khor los sgyur ba'i rgyal po'i 'khor lo rin po che gang du mchi ba der dpung gi tshogs thams cad mchi'o/ /bcom ldan 'das de bzhin du byang chub
84b1 sems dpa'i snying rje chen po gang du mchi ba der sangs rgyas kyi chos thams cad mchi'o//bcom ldan 'das 'di lta ste/ dper na gdugs shar na sems can rnams kyi bgyi ba thams cad shin du mang bar 'gyur ro/ /bcom ldan 'das de bzhin du snying rje chen po gang du shar bar
84b2 gyur pa der byang chub bgyid pa'i chos kyi bgyi ba gzhan rnams kyang shin du mang bar 'gyur ro//bcom ldan 'das 'di lta ste/ dper na srog gi dbang po mchis na dbang po gzhan rnams 'byung bar 'gyur ro/ /bcom ldan 'das de bzhin du snying rje chen po mchis na byang chub bgyid
84b3 pa'i chos gzhan rnams kyang 'byung bar 'gyur te/bcom ldan 'das 'di ni chos yang dag par brjod pa lags so/ /byang chub sems dpa' blo gros brtan pas gsol pa/ bcom ldan 'das bsam pa phun sum tshogs pa ni chos rnams kyi rtsa ba ste/ gang la bsam pa ma
84b4 mchis pa de la sangs rgyas kyi chos thams cad ring ba lags so//bcom ldan 'das bsam pa phun sum tshogs pa la ni gal te sangs rgyas mi bzhugs na yang nam mkha'i dkyil dang / rtsig pa dang / shing rnams las chos 'byung ngo / /byang chub sems dpa' bsam pa dag pa ni
84b5 rang gi yid kyi dpyod pa nyid las gdams ngag dang rjes su bstan pa thams cad 'byung ngo //bcom ldan 'das de bas na byang chub sems dpas bsam pa phun sum tshogs par bgyi'o/ /bcom ldan 'das 'di lta ste/ dper na gang la rkang pa mchis pa de la 'gro ba mchis so/ /
84b6 bcom ldan 'das de bzhin du gang la bsam pa mchis pa de la sangs rgyas kyi chos rnams mchis so/ /bcom ldan 'das 'di lta ste/ dper na yan lag gi dam pa mgo gang la mchis pa de la 'tsho ba mchis so/ /bcom ldan 'das de bzhin du bsam pa gang la mchis pa de
84b7 la sangs rgyas kyi byang chub mchis so//bcom ldan 'das 'di lta ste/ dper na gang la 'tsho ba mchis pa de la rnyed pa mchis so/ /bcom ldan 'das de bzhin du gang la bsam pa mchis pa de la sangs rgyas rnyed pa mchis so/ /bcom ldan 'das 'di lta ste/ dper na zhugs
85a1 shing mchis na zhugs 'bar gyi zhugs shing ma mchis na zhugs mi 'bar ro//bcom ldan 'das de bzhin du bsam pa mchis pa'i byang chub sems dpa' la sangs rgyas kyi chos rnams 'bar gyi bsam pa ma mchis pa la mi 'bar ro/ /bcom ldan 'das 'di
85a2 lta ste/dper na sprin chags na char 'bab kyi/ sprin ma chags na char mi 'bab po/ /bcom ldan 'das de bzhin du bsam pa mchis na sangs rgyas kyi chos rnams 'byung gi bsam pa ma mchis na mi 'byung ngo / /bcom ldan 'das 'di lta ste/ dper na zhugs shing gang rtsa
85a3 ba nyams pa de la me tog dang 'bras bu rnams mi 'khrung ngo //bcom ldan 'das de bzhin du gang bsam pa log par zhugs pa de dag la dge ba'i chos thams cad mi 'byung ngo / /bcom ldan 'das de bas na byang chub sems dpa' sangs rgyas kyi byang chub tshol bas rang gi
85a4 bsam pa shin tu gzung ba dang /shin tu bsrung ba dang / shin tu sbyang bar bgyi ste/ bcom ldan 'das 'di ni chos yang dag par brjod pa lags so/ /byang chub sems dpa' tshul bzang gis gsol pa/ bcom ldan 'das byang chub sems dpas chos gang yang 'khrugs
85a5 par mi bgyi'o//bcom ldan 'das byang chub sems dpas rang gi sems shin tu gzung bar bgyi'o/ /bcom ldan 'das byang chub sems dpa'i sangs rgyas kyi chos thams cad ni rang gi sems la rag las pa'o/ /bcom ldan 'das byang chub sems dpa' gang chos
85a6 'ga' zhig 'khrugs par bgyid na/de tshegs chen pos mi skye ba'i chos la bzod pa 'thob par 'gyur ro/ /bcom ldan 'das byang chub sems dpa' gang chos gang yang 'khrugs par mi bgyid pa dang / bsam gtan du bgyid pa de ma nyams par gnas pa ste/ de bzhin
85a7 gshegs pa rnams la nongs pa ma mchis par 'gyur ro//rang gi sems las sangs rgyas kyi chos thams cad rab tu rtogs te/ sems de yang 'khrugs par mi bgyid do/ /ji ltar sems de rten cing 'brel bar 'byung ba de bzhin du chos thams cad kyang rten cing 'brel
85b1 bar 'byung bar mthong ngo //ji ltar sems de sgyu ma lta bur mthong ba de bzhin du chos thams cad kyang sgyu ma lta bur mthong ngo / /ji ltar sems de nang dang / phyi rol dang / gnyi ga ma mchis par yang yang dag par rjes su mi mthong ba de bzhin du chos thams cad yang dag par rjes
85b2 su mi mthong ngo //ji ltar sems de gzugs ma mchis/ bstan du ma mchis/ thogs pa ma mchis/ snang ba ma mchis/ rnam par rig pa ma mchis/ rten pa ma mchis/ gnas ma mchis par mthong ba de bzhin du chos thams cad kyang mthong ngo / /de ltar mthong ba'i byang
85b3 chub sems dpa' ni sems snyoms pa nyid thob bo//de sems snyoms pa nyid thob pas yang mi rtog /mi ldog mi 'dor/ mi 'dzin mi smon to/ /gang mi smon pa de mi 'dzin to/ /gang mi 'dzin pa de yongs su mi 'dzin te/ yang nyon mongs par mi 'gyur ro/ /nyon mongs pa
85b4 ma mchis pa'i byang chub sems dpa' ni sangs rgyas kyi chos thams cad kyis ston te/bcom ldan 'das 'di ni chos yang dag par brjod pa lags so/ /byang chub sems dpa' nam mkha' mdzod kyis gsol pa/ bcom ldan 'das byang chub sems dpas gang gis sems
85b5 can rnams la gnod par 'gyur ba'i tshig de smra bar mi bgyi'o//gang gis gzhan la gdung bar 'gyur ba'i tshig de smra bar mi bgyi'o/ /byang chub sems dpa' gang gzhan gyis 'tshal bar mi 'gyur ba'i tshig de smra bar mi bgyi'o/ /gang gzhan gyi don ma lags pa dang / don ma mchis
85b6 pa'i tshig de smra bar mi bgyi'o//gang gis rig pa mi skyed pa'i tshig de smra bar mi bgyi'o/ /gang sems can rnams kyi snying la mi 'bab pa dang / 'khor go ba ma lags pa dang / rnar mi snyan pa'i tshig de smra bar mi bgyi'o/ /gang gnyis la spyod par 'gyur ba'i tshig de smra bar mi
85b7 bgyi'o//bcom ldan 'das byang chub sems dpas gang stong pa nyid khong du chud par mi 'gyur ba'i tshig de smra bar mi bgyi'o/ /de ci'i slad du zhe na/ gang stong pa nyid khong du chud par bgyid pa'i tshig de ni tshig thams cad kyi mchog go/ /bcom ldan 'das gang chos thams cad
86a1 stong pa dang /g.yo ba ma mchis pa dang / mi gnyis pa dang / gnyis dang bral bar mthong yang sems can gyi bgyi ba thams cad kyang mi 'dor ba 'di ni de'i sgrib pa ma mchis pa'i snying rje chen po lags so/ /yang sgrib pa ma mchis pa'i snying rje chen pos spyod
86a2 pa de sangs rgyas kyi bslab pa rnams la slob bo//gang sangs rgyas kyi bslab pa rnams la slob pa de ni nam mkha'i mdzod 'thob bo/ /de nas nam mkha'i mdzod thob pas ci 'tshal ba rnams yongs su gtong bar bgyid kyang gtong ba dang ser sna la gnyis su 'du shes pa ma
86a3 lags/tshul khrims la ma lags/ 'chal ba'i tshul khrims la ma lags/ bzod pa la ma lags/ gnod sems la ma lags/ brtson 'grus la ma lags/ le lo la ma lags/ bsam gtan la ma lags/ rnam par g.yeng ba la ma lags/ shes rab
86a4 la ma lags/'chal ba'i shes rab la ma lags te/ de sangs rgyas kyi chos la yang mi smon/ so so'i skye bo'i chos kyang yongs su mi 'dor ro/ /bcom ldan 'das 'di lta ste/ dper na rgya mtsho chen por chab 'bab po 'tshal ba ni 'di lta ste/ lan tshwa'i ror ro gcig
86a5 go//de bzhin du byang chub sems dpa' don dam pa la mkhas pa la chos gang dag snang bar 'gyur ba de dag thams cad ni 'di lta ste/ rnam par grol ba'i ror ro gcig par 'gyur ro/ /bcom ldan 'das 'di lta ste/ dper na gdugs ni dngos po thams cad snang bar
86a6 bgyid do//bcom ldan 'das de bzhin du byang chub sems dpa' yang shes rab kyis chos thams cad snang bar bgyid do/ /bcom ldan 'das chos thams cad ni stong pa nyid du 'gal ba ma mchis te/ bcom ldan 'das byang chub sems dpa' gang de ltar 'tshal ba de
86a7 chos thams cad byang chub tu yang dag par rjes su mthong ngo //gang chos thams cad byang chub tu yang dag par rjes su mthong ba de gang cung zad smra ba de thams cad sangs rgyas kyi gsung du 'tshal to/ /gang de ltar 'tshal ba de chags pa ma mchis par ston to/ /gang chags
86b1 pa ma mchis par ston pa de spobs pa thogs pa ma mchis pa zhes bgyi ste/bcom ldan 'das 'di ni chos yang dag par brjod pa lags so/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpas
86b2 pha rol tu phyin pa rab tu phye ba lags na/bcom ldan 'das 'jig rten log par 'dzin pa ni 'di skad du pha rol tu phyin pas byang chub sems dpa' rab tu phye'o zhes mchi'o/ /bcom ldan 'das gal te pha rol tu phyin pas byang chub sems dpa' rab tu phye ba lags na ni sems
86b3 can thams cad kyang byang chub sems dpar 'gyur ro//bcom ldan 'das byang chub sems dpa' ni pha rol tu phyin pa skyed pa dang khong du chud pa lags te/ bskyed nas kyang gzhan dag la yang yang dag par rab tu ston te/ de'i slad du bcom ldan 'das byang chub sems
86b4 dpa' ni ma skyes pa'i lam skyed pa/ma byung ba'i lam 'byin pa/ ma brjod pa rjod pa'o zhes bgyi'o/ /bcom ldan 'das byang chub sems dpa' dag ni pha rol tu phyin pa rnams kyis bsrung ba ma lags kyi/ byang chub sems dpa' rnams pha rol tu phyin pa srung ba bgyid de/
86b5 de'i slad du byang chub sems dpa' rnams dam pa'i chos 'dzin pa zhes bgyi'o/ /bcom ldan 'das byang chub sems dpa' dag ni pha rol tu phyin pa rnams kyis kun du bzung ba ma lags kyi/ byang chub sems dpa' rnams pha rol tu phyin pa kun tu 'dzin par bgyid de/ de'i slad
86b6 du chos 'dzin pa zhes bgyi'o//bcom ldan 'das chos thams cad ni ngo bo nyid kyis dri ma ma mchis pas skyon ma mchis pa'o/ /bcom ldan 'das chos thams cad ni sems can dang bdag dben pas gnas pa ma mchis pa'o/ /bcom ldan 'das chos thams cad ni blang ba dang
86b7 dor ba ma mchis pas sems ma mchis pa'o//bcom ldan 'das chos thams cad ni brtsams pa ma mchis pas yid ma mchis pa'o/ /bcom ldan 'das chos thams cad ni brtsams pa dang bral bas rnying pa ma lags pa'o/ /bcom ldan 'das chos thams cad ni mi
87a1 g.yo zhing g.yo ba ma mchis pas 'gro ba dang bral ba'o//chos thams cad ni srog ma mchis pas mi 'chi ba'o/ /chos thams cad ni zas ma mchis pas gso ba ma mchis pa'o/ /chos thams cad ni 'dus nas 'grub pas rdzas ma mchis pa'o/ /chos
87a2 thams cad ni chos kyi dbyings dang dbyer ma mchis pas dman pa ma lags so//chos thams cad ni lus ma mchis pas dbyer ma mchis pa'o/ /chos thams cad ni yang dag pa'i mtha' dang mtshungs pas rdo rje lta bu'o/ /bcom ldan 'das byang chub sems dpa' gang
87a3 'di ltar 'tshal ba de chos thams cad kyi chos nyid 'tshal to//gang chos rnams kyi chos nyid 'tshal ba de stong pa nyid 'tshal ba'o/ /gang stong pa nyid 'tshal ba de su dang yang mi rtsod do/ /gang su dang yang mi rtsod pa de dge sbyong gi chos la gnas pa'o/ /gang dge sbyong gi
87a4 chos la gnas pa de gnas pa ma mchis pa'i gang gnas pa ma mchis pa de yul rnams la mi zag go//gang yul rnams la mi zag pa de skyon ma mchis pa'o/ /gang skyon ma mchis pa de chos kyi sku'o/ /chos kyi sku gang lags pa de de bzhin gshegs pa'o/ /de bzhin
87a5 gshegs pa gang lags pa de mi gnyis pa gsung ba'o//gang mi gnyis pa gsung ba de 'khor ba yang mi spong / mya ngan las 'das pa yang mi sgrub ste/ gzhan du na yongs su rtog pa thams cad spang ba ston te/ bcom ldan 'das 'di ni chos yang dag par brjod
87a6 pa'o//phyin ci ma log pa yang dag par brjod pa'o/ /stong pa nyid yang dag par brjod pa'o/ /mtshan ma ma mchis pa dang / smon pa ma mchis pa dang / mngon par 'du mi bgyid pa dang / ma skyes pa dang / ma byung ba yang dag par brjod pa'o/ /skye ba ma mchis
87a7 pa yang dag par brjod pa'o//theg pa chen po yang dag par brjod pa'o/ /chos kyi 'khor lo rab tu bskor ba chen po yang dag par brjod pa'o/ /pha rol tu phyin pa chen po yang dag par brjod pa'o/ /sa chen po yang dag par brjod pa'o/ /chos thams cad phyin ci ma
87b1 log pa yang dag par brjod pa'o//bcom ldan 'das chos yang dag par brjod pa 'di thob pa'i byang chub sems dpa' ni gang du dge ba bcu'i las kyi lam la rab tu 'god pa'i 'khor los sgyur bar 'gyur ro/ /sems can thams cad dge bar bgyid pa'i tshong
87b2 dpon du 'gyur ro//khyim gyi skyon rnam par brjod pa'i khyim bdag chen por 'gyur ro/ /lha rnams bag mchis pa la rab tu sbyor ba'i lha'i rgyal po brgya byin du 'gyur ro/ /bsam gtan dang tshad ma mchis pa rnams la rab tu 'god pa'i tshangs par 'gyur ro/ /
87b3 'jig rten gyi chos rnams kyis yid mi gos pa'i 'jig rten skyong bar 'gyur ro/ /mchog tu rtsod pa ma mchis pa'i dge sbyong du 'gyur ro/ /tshangs pa'i yul la mkhas pa'i bram zer 'gyur ro/ /dul zhing g.yog kyang dul bar 'gyur ro/ /zhi zhing g.yog kyang zhi bar 'gyur
87b4 ro//cang shes shing g.yog kyang cang shes par 'gyur ro/ /dbang chen po thob pa'i thams cad du 'gro bar 'gyur ro/ /the tshom thams cad gcod pa'i chos smra ba chen por 'gyur ro/ /nyon mongs pa zad pas mi 'jigs par 'gyur ro/ /bcom ldan 'das 'di ni chos
87b5 yang dag par brjod pa lags so//de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal khyod dang byang chub sems dpa' 'di dag dang nyan thos chen po rnams kyis smras pa 'di sems can gang dag gis khong du chud pa de dag
87b6 ni dge ba'i rtsa ba chung ngu dang ldan pa ma yin no//sangs rgyas gcig la bsnyen bkur byas pa ma yin no/ /dge ba'i rtsa ba gcig gi rgyu las byung ba ma yin no/ /de ci'i phyir zhe na/ 'jam dpal de bzhin gshegs pa rnams kyi byang chub ni zab ste/ brtags pa'i mkhas
87b7 pa dang mdzangs pas rig pa'o//'jam dpal chos kyi rnam grangs 'di ni sems can dge ba'i rtsa ba chung ngu rnams kyis thos par mi 'gyur te/ gang dag gis thos kyang dad par mi 'gyur ro/ /'di la gang lus mngon sum du 'gyur ba dang / gang dge ba'i bshes gnyen
88a1 gyis yongs su zin pa de dag gis thos par 'gyur/'dzin par 'gyur te/ bzod pa yang thob par 'gyur ro/ /'jam dpal chos kyi tshul 'di la ma brten par sangs rgyas pa gang yang med do/ /'jam dpal sangs rgyas bcom ldan 'das gang
88a2 dag byang chub mngon par rdzogs par sangs rgyas pa gang gA'i klung gi bye ma snyed po de dag thams cad kyang chos kyi rnam grangs 'di la brten nas mngon par rdzogs par sangs rgyas so//'jam dpal gang chos kyi rnam grangs 'di la ma brten par byang chub 'dod pa de dag ni nam
88a3 mkha' la rnyeb pas rnyeb par rig par bya'o//chos kyi rnam grangs 'di la ma brten par rjes su 'thun pa'i bzod pa yang thob par mi nus na/ bla na med pa yang dag par rdzogs pa'i byang chub lta smos kyang ci dgos/ nga'i nyan thos gang gnyi ga'i cha las rnam par grol ba/ rnam
88a4 par thar pa brgyad la bsam gtan pa/so so yang dag par rig pa thob pa de dag kyang chos kyi tshul 'di la brten nas so/ /'jam dpal chos kyi rnam grangs 'di thos nas ngan du bsams te ngan song du skye ba ni sla'i gtam gzhan rnams la dad par byas te mtho ris su skye ba
88a5 ni de lta ma yin no//de ci'i phyir zhe na/ 'jam dpal gang tshul 'di thos nas sems can dmyal bar skyes pa de dag ni rab tu myur ba de rnam par thar bar 'gyur te/ mtho ris su skyes pa de dag ni de lta ma yin no/ /'jam dpal chos bzhi dang ldan na byang chub sems
88a6 dpas tshul 'di thos par 'gyur te/bzhi gang zhe na/ des sngon yang tshul 'di thos par gyur la/ thos nas kyang rjes su yi rang ba dang / dge ba'i rtsa ba chen pos brten par 'gyur ba dang / dge ba'i bshes gnyen gyis yongs su zin par 'gyur ba dang / thos pa dang tshul
88a7 khrims phun sum tshogs par 'gyur ba ste/'jam dpal byang chub sems dpa' chos bzhi po de dag dang ldan na tshul 'di thos par 'gyur ro/ /'jam dpal gzhan yang byang chub sems dpa' chos bzhi dang ldan na tshul 'di thos par 'gyur te/ bzhi gang zhe na/ tshul 'di
88b1 ni yid la byed pa la rab tu brtson par 'gyur ba dang /las kyis 'jigs pa dang ldan par 'gyur ba dang / smon lam btab par 'gyur ba dang / rang bzhin gyis drang zhing mnyen la 'grogs na bde bar 'gyur ba ste/ 'jam dpal byang chub sems dpa' chos bzhi po de dag
88b2 dang ldan na tshul 'di thos par 'gyur ro//'jam dpal chos bzhi dang ldan na tshul 'di thos nas spong bar mi 'gyur te/ bzhi gang zhe na/ byang chub tu smon lam btab pa yin/ bzod pa thob pa yin/ lta ba yang dag par zhugs pa yin/ bla na med pa yang dag
88b3 par rdzogs pa'i byang chub las phyir mi ldog pa yin te/chos bzhi po de dag dang ldan na/ tshul 'di thos nas spong bar mi 'gyur ro/ /'jam dpal chos bzhi dang ldan na tshul 'di thos nas dad par 'gyur te/ bzhi gang zhe na/ thos pa phun sum tshogs pa yin/ shes
88b4 rab phun sum tshogs pa yin/stong pa nyid kyi bsam gtan pa yin/ gzungs thob pa yin te/ chos bzhi po de dag dang ldan na tshul 'di thos nas dad par 'gyur ro/ /chos bzhi dang ldan na tshul 'di thos nas rab tu rtogs par 'gyur te/ bzhi gang zhe na/ bsod
88b5 nams kyi tshogs bsags pa yin/thos pa'i tshogs bsags pa yin/ ye shes kyi tshogs bsags pa yin/ bsam gtan rnams kyis sems las su rung ba yin te/ chos bzhi po de dag dang ldan na tshul 'di thos nas rab tu rtogs par 'gyur ro/ /
88b6 chos bzhi dang ldan na tshul 'di thos nas bla na med pa yang dag par rdzogs pa'i byang chub tu lung bstan pa thob ste/ bzhi gang zhe na 'di lta ste/ gzugs thams cad sangs rgyas kyi gzugs su yang dag par rjes su mthong ba dang / tshul thams cad sangs rgyas kyi
88b7 tshul du thos pa dang /'dod pa thams cad dang bral te chad na sangs rgyas kyi byang chub 'dod par 'gyur ba yang med pa dang / snying rje chen po las kyang rnam par mi ldog pa ste/ 'jam dpal byang chub sems dpa' chos bzhi po de dag dang ldan na bla na med pa yang dag
89a1 par rdzogs pa'i byang chub tu lung ston to//'jam dpal de bas na byang chub sems dpas tshul 'di rgyun mi 'chad par mnyan par bya'o/ /myur du nges par 'byung bar 'dod pas kyang tshul 'di mnyan par bya'o/ /lung bstan pa'i sa 'dod pa'i byang chub sems
89a2 dpas kyang tshul 'di mnyan par bya'o//las kyi sgrib pa byang bar 'dod pa dang / nyon mongs pa'i sgrib pa dang / shes bya'i sgrib pa dang / 'gro ba'i sgrib pa byang bar 'dod pas kyang tshul 'di mnyan par bya'o/ /de bzhin gshegs pa la bla na med pa'i mchod pa byed par 'dod pas kyang
89a3 tshul 'di mnyan par bya'o//dam pa'i chos yongs su gzung bar 'dod pas kyang tshul 'di nyid mnyan par bya'o/ /'jam dpal gang chos kyi tshul 'di thos nas 'jug pa dang / mi spong ba dang / mi smod par 'gyur ba'i sems can de dag ngas bla na med pa yang dag par rdzogs pa'i
89a4 byang chub tu lung bstan par bya'o//de nas byang chub sems dpa' sems dpa' chen po rtsom pa med kyis de'i tshe mu tig gi do shal brgya stong ri ba mgul nas bkrol te/ bcom ldan 'das ga la ba de logs su gtor nas tshig 'di skad du bcom ldan 'das sbyin pa'i chos 'dis
89a5 sems can thams cad de bzhin gshegs pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig ces smras so//de nas mu tig gi do shal de bcom ldan 'das kyi dbu'i gtsug gi drang thad na khang pa brtsegs pa rnam par bkra ba/ gru bzhi lha ma pa/
89a6 lha dang mis lta bar byed pa/ nyan thos chen po de dag dang / byang chub sems dpa' de dag dang / brgya byin dang / tshangs pa dang / 'jig rten skyong ba rnams kyis sngon ma mthong ma thos pa 'dug par gyur te/ de bcom ldan 'das gshegs pa'i rjes su 'gro zhing bzhugs pa'i rjes
89a7 su gnas so//de'i tshe lha dang mi phal cher ngo mtshar du gyur rmad du byung bar gyur te/ ya mtshan du bya ba skyes nas spyi bor thal mo sbyar te/ bcom ldan 'das la phyag 'tshal nas mig mi 'dzums par gnas par gyur to/ /de nas byang chub sems dpa' sems dpa' chen po rtsom
89b1 pa med ngo mtshar du gyur nas dga' ba skyes te/bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das kyi zhabs la gtugs nas phyag 'tshal te/ bcom ldan 'das ga la ba de logs su thal mo sbyar ba btud nas bcom ldan 'das
89b2 la mngon sum du tshigs su bcad pa 'di dag gis mngon par bstod do//yon tan mang po kun gyi snod gyur pa/ /sa dang lha yul 'gro ba'i mgon gcig pu/ /bde gshegs zhi zhing rab tu zhi la dgyes/ /khyod mtshungs 'jig rten ma mchis ga la lhag /blo gros mnyam
89b3 zhing g.yo med mtshungs par sbyor//bdag po thugs rjes rab tu zin pa'i thugs/ /nam mkha'i dkyil ltar thugs ni ma gos te/ /phan ran yang dag bka' mchid gsung zhing spyod/ /khyod la dgra dang zin ni mi mnga' ste/ /bdag po dgyes dang mi dgyes yong mi mnga'/ /
89b4 sman pa bzhin du 'gro ba gso mdzad cing / /thugs rje bskyed nas rnam par mi rtog spyod/ /lha min lha dang klu dang nam mkha' lding / /gnod sbyin khyod la skyabs mchis zhi ba thob/ /mgon po srid pa gsum na phan mdzad pa/ /thub pa khyod la bdag ni skyabs su mchi/ /
89b5 bde gshegs khyod ni 'dus ma bgyis mi gzigs/ /zhi thugs zhi la'ang yon tan mi gzigs te/ /gnyi ga'i tshul spangs rnam rtog mi mnga' bar/ /bdag po mya ngan 'das nas 'jig rten spyod/ /rab zhi'i yon tan rgya mtsho gting tshod yas/ /stobs bcu nyid du
89b6 yon tan mkhyen par gyur//sa dang nam mkha' lta bur tshad med chos/ /mgon la thal mo sbyar te mgos phyag 'tshal/ /srid pa'i chu bor mi rkyal mi nub cing / /sems can mchog ni me khyer mi bzhugs so/ /khyod mi gcig pu srid mtsho'i pha rol gshegs/ /
89b7 dpe med rgya mtsho'i blo la phyag 'tshal lo/ /pad ma bzhin du chu yis mi gos pa/ /sa la 'jig rten chos grol rab tu gsung / /khyod kyi mkhyen pa su dang mi mtshungs te/ /mtshungs med blo gros khyod la bdag skyabs mchi/ /khyod ni mi mkhyen cung zad 'dir mi mnga'/ /
90a1 stobs bcu ldan pas kun du yong mi bsnyengs/ /'khor la nga 'dra su yang med ces gsung / /de slad khyod ni dpa' bo gcig pu rgyu/ /mi gang khyod bka' bdud rtsi snod gyur pa/ /de dag mdor na srid pa'i 'jigs dang bral/ /sman pa dam pa mchod 'os 'jig
90a2 rten mgon//thugs rje ldan pa khyod la bdag skyabs mchi/ /de nas bcom ldan 'das la byang chub sems dpa' rtsom pa med kyis 'di skad ces gsol to/ /bcom ldan 'das kyis bdag gi bsam pa mkhyen te/ bcom ldan 'das bdag ni bdag gi slad du mchod pa mi
90a3 bgyid kyi/gang bdag gis de bzhin gshegs pa dgra bcom pa yang dag par rdzogs pa'i sangs rgyas la mu tig gi do shal phul zhing bstod pa dang / mchod pa'i dge ba'i rtsa ba 'dis bcom ldan 'das sems can thams cad sangs rgyas nyid thob par gyur cig /bcom ldan
90a4 'das 'di ni bdag gi bsam pa lags so//de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de gang gi tshe sangs rgyas bcom ldan 'das 'dzum pa mdzad pa de ni/ bcom ldan 'das kyi zhal gyi sgo nas 'od zer
90a5 kha dog tha dad pa kha dog du ma 'di lta ste/sngon po dang / ser po dang / dmar po dang / dkar po dang / btsod kha dang / shel gyi kha dog lta bu byung ste/ de dag gis 'jig rten gyi khams mtha' yas mu med pa 'od kyis snang bar byas nas ngan song du skyes pa'i sems can rnams
90a6 kyi gdung ba yang rab tu zhi bar byas/lha dang mi rnams kyang sim par byas nas slar log ste/ bcom ldan 'das la lan du mar bskor ba byas nas/ bcom ldan 'das kyi dbu'i gtsug tu nub par gyur to/ /'od zer de dag mthong ba'i 'khor de thams cad kyang yid 'dun cing rab tu
90a7 dga' ba dang /bde ba dang / yid bde ba skyes nas thal mo sbyar te/ bcom ldan 'das ga la ba de logs su lus btud nas 'dug ste/ /bcom ldan 'das 'dzum pa mdzad pa'i rgyu ci yin snyam mo/ /de nas tshe dang ldan pa kun dga' bo stan las langs te/ bla gos phrag pa
90b1 gcig tu gzar nas pus mo g.yas pa'i lha nga sa la btsugs te/bcom ldan 'das ga la ba de logs su thal mo sbyar ba btud nas tshigs su bcad pa 'di dag gis bcom ldan 'das la 'dzum pa mdzad pa'i don zhus pa/ dpa' chen khyod kyis 'dzum mdzad pas/ /lha
90b2 dang mir bcas 'jig rten 'di//khyod kyis 'dzum pa mdzad pa la/ /the tshom 'tshal nas lta zhing mchis/ /'dod chags bral ba dpa' bo khyod/ /thams cad mkhyen pa rnam par 'dren/ /rgyu ma mchis par 'dzum mi mdzad/ /skyon mi mnga' ba 'dzum don gsungs/ /thub pa'i
90b3 zhal nas 'od btang ba//gsal zhing dag la yid du mchi/ /lha mi ngan song mchis pa rnams/ /de yis reg pas bde bar gyur/ /sems can chen po khyod zhal nas/ /'od zer dag ni rab/ /btang ba/ /de ni ci zhig don du bstan/ /thugs rje can gyis lung bstan gsol/ /
90b4 'od zer kha dog dkar po dag /tshems kyi phrag nas mdzes byung ba/ /de dag gis ni nyi ma'i zer/ /shin tu mdzes par shar ba dag /gang slad 'jig rten dgar 'gyur bar/ /deng du snag tsha'i mdog bzhin bgyis/ /mgon khyod gang la thugs rje zhing / /su yi bskal
90b5 pa nye bar gnas//rgyu dang don ni ma mchis par/ /'dod chags bral ba 'dzum mi mdzad/ /thugs rje thugs kyis lung ston te/ /the tshom rnam par bsal bar mdzod/ /ji ltar khyod kyi zhal nas su/ /'od zer byung nas slar log ste/ /'od ni 'jig rten mgon po yi/ /
90b6 dbu yi gtsug tu nub gyur pa/ /glog ris bzhin du nam mkha' la/ /dge ba dpag med bkra bgyid pa/ /rnam par 'dren pa de dag gis/ /thams cad mkhyen pa'i spyod pa ston/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga'
90b7 bo byang chub sems dpa' sems dpa' chen po rtsom pa med pa 'di bskal pa bcu gnyis na/lhas mngon par bstod pa'i bskal pa la dga' ba chen po'i 'jig rten gyi khams su 'od chen po zhes bya ba'i sangs rgyas su 'gyur te/ rig pa dang zhabs su ldan pa bde bar gshegs
91a1 pa 'jig rten mkhyen pa skyes bu 'dul ba'i kha lo sgyur ba/bla na med pa lha dang mi rnams kyi ston pa sangs rgyas bcom ldan 'das su 'gyur ro/ /kun dga' bo de bzhin gshegs pa 'od chen po'i tshe'i tshad ni bskal pa gcig thub par 'gyur ro/ /byang chub
91a2 sems dpa' de dag gi tshe'i tshad ni bar gyi bskal pa bcu gnyis thub par 'gyur ro//kun dga' bo 'di lta ste/ dper na gzhan 'phrul dbang byed kyi lha rnams kyi longs spyod dang kun spyod pa ltar/ sangs rgyas kyi zhing de'i sems can rnams kyi longs spyod dang kun spyod pa yang
91a3 de 'dra bar 'gyur ro//de nas tshe dang ldan pa rab 'byor gyis byang chub sems dpa' sems dpa' chen po rtsom pa med la 'di skad ces smras so/ /rigs kyi bu khyod bcom ldan 'das kyis sangs rgyas su 'gyur ro zhes lung bstan pa ni khyod kyis rnyed pa legs par rnyed do/ /byang chub
91a4 sems dpa' rtsom pa med kyis smras pa/btsun pa rab 'byor 'di la su zhig sangs rgyas su 'gyur shes sam/ rab 'byor gyis smras pa/ rigs kyi bu kho bos ni gang sangs rgyas su 'gyur ba'i chos de yang dag par rjes su mi mthong ngo / /smras pa/ btsun pa rab 'byor gal
91a5 te gang sangs rgyas su 'gyur ba'i chos de yang dag par rjes su mi mthong na khyod sangs rgyas su 'gyur bar lung bstan to zhes bya bar de mi bsting ngam/rab 'byor gyis smras pa/ rigs kyi bu khyod bcom ldan 'das kyis sangs rgyas su 'gyur ro zhes lung ma bstan tam/ smras pa/
91a6 btsun pa rab 'byor don yongs su mkhyen pa bcom ldan 'das kyis 'di skad du sangs rgyas su 'gyur ro zhes gsungs so/ /de la de bzhin gshegs pa'i don yongs su mkhyen pa gang zhe na/ byang chub sems dpa' gang byang chub tu smon pa de de bzhin gshegs pa rnams kyis lung
91a7 mi ston to//byang chub sems dpa' gang byang chub tu mi smon pa de de bzhin gshegs pa rnams kyis lung ston to/ /de bas na don yongs su mkhyen pa bcom ldan 'das kyis ni sems can rnams kyi dge ba'i rtsa ba bskyed pa'i phyir 'di skad du sangs rgyas su 'gyur ro zhes
91b1 gsungs na/khyod ci zhig la ltos bsams nas 'di skad du sangs rgyas su 'gyur ro zhes smra/ smras pa/ rigs kyi bu bcom ldan 'das kyi nyan thos kyi tha snyad 'di ni 'jig rten gyi tha snyad do/ /smras pa/ btsun pa rab 'byor 'phags pa rnams la 'jig rten gyi tha snyad kyis
91b2 gdags su med do//de ci'i phyir zhe na/ 'phags pa tha snyad 'dogs pa ni bden pa'o/ /'jig rten tha snyad 'dogs pa ni log pa'o/ /btsun pa rab 'byor de bas na 'jig rten gyi tha snyad log pa 'phags pa rnams la rjod par mi 'os so/ /btsun pa rab 'byor 'jig
91b3 rten ni bsrung bar bya ba yin te/don dam pas dngangs su 'ong zhes de la 'phags pa rnams snying rje chen pos bden pa yang dag pa btang nas byis pa rnams la log par tha snyad 'dogs kyi/ 'phags pa rnams la ma yin te/ 'phags pa rnams ni bden pa yang dag pa la
91b4 dga' ba'o zhes 'phags pa rnams la bden pa brjod do//'phags pa rnams kyi bden pa gang zhe na/ btsun pa rab 'byor shin tu mngon par rdzogs par byang chub pa ni 'phags pa rnams kyi bden pa'o/ /chos thams cad ni byang chub kyi rang bzhin te/ 'di ni 'phags pa
91b5 rnams kyi bden pa'o//smras pa/ rigs kyi bu sdug bsngal 'phags pa'i bden pa dang / kun 'byung ba 'phags pa'i bden pa dang / 'gog pa'i bden pa dang / lam gyi bden pa dang / bden pa bzhi med dam/ byang chub sems dpa' rtsom pa med kyis smras pa/ btsun pa
91b6 rab 'byor sdug bsngal 'dus byas ma yin nam/smras pa/ de de bzhin te sdug bsngal ni 'dus byas so/ /byang chub sems dpa' rtsom pa med kyis smras pa/ btsun pa rab 'byor bcom ldan 'das kyis 'dus byas thams cad pa slu ba'i chos so zhes ma gsungs sam/
91b7 smras pa/ rigs kyi bu de lta bu'o/ /byang chub sems dpa' rtsom pa med kyis smras pa/ gal te sdug bsngal ni 'dus byas te de pa yin na/ khyod 'di ltar ci zhig las sdug bsngal 'phags pa'i bden pa'o snyam du sems/ rab 'byor gyis smras pa/ rigs kyi bu sdug
92a1 bsngal ni 'dus byas te pa'o//sdug bsngal yongs su shes pa ni bden pa'o/ /smras pa/ gal te sdug bsngal ni 'dus byas pa slu ba'i chos can te yang dag pa ma yin na de yongs su shes pa yang bden par rung ngam/ rab 'byor gyis smras pa/
92a2 rigs kyi bu de lta'o/ /byang chub sems dpa' rtsom pa med kyis smras pa/ btsun pa rab 'byor khyod kyi sdug bsngal yongs su shes pa 'phags pa'i bden par ga la 'gyur/ rab 'byor gyis smras pa/ rigs kyi bu 'gog pa ni 'dus ma byas pa yin na/ de ci'i phyir 'phags
92a3 pa'i bden par mi 'gyur/byang chub sems dpa' rtsom pa med kyis smras pa/ btsun pa rab 'byor ci 'gog pa de nyid 'gog pa'i bden pa'am 'on te chos gzhan 'ga' zhig 'gags pa lags sam/ ci zhig 'gags pas 'gog pa'i bden par yid ches/ rab 'byor
92a4 gyis smras pa/rigs kyi bu sdug bsngal 'gog pas 'gog pa'i bden pa zhes brjod do/ /byang chub sems dpa' rtsom pa med kyis smras pa/ gnas brtan rab 'byor gyis sdug bsngal ni 'dus byas te/ pa slu ba'i chos so zhes ma smras sam/ rab 'byor gyis smras
92a5 pa/rigs kyi bu de lta'o/ /byang chub sems dpa' rtsom pa med kyis smras pa/ btsun pa rab 'byor chos gang pa yang dag par ma yin pa de la ni 'gog pa med na khyod kyi sdug bsngal de 'gog par ga la 'gyur/ de skad ces smras pa dang / tshe dang ldan pa rab
92a6 'byor gyis byang chub sems dpa' sems dpa' chen po rtsom pa med la 'di skad ces smras so//rigs kyi bu khyod kyi spobs pa la bdag rjes su yi rang ngo / /sems can thams cad kyis kyang khyod kyi spobs pa thob par gyur cig /rigs kyi bu byang chub sems dpa'
92a7 rnams kyi bden pa ni gang /bden pa mngon par rtogs pa ni gang / byang chub sems dpa' rtsom pa med kyis smras pa/ btsun pa rab 'byor chos thams cad ni bden pa'i tshul dang 'gal ba ma yin no/ /de bas na chos thams cad mngon par rtogs pa ni bden pa mngon par rtogs
92b1 pa'o/btsun pa rab 'byor chos thams cad ni rten cing 'brel bar 'byung ba ste/ rten cing 'brel bar 'byung ba mngon par rtogs pa ni bden pa mngon par rtogs pa'o/ /chos thams cad ni stong pa ste/ stong pa nyid khong du chud pa ni bden pa'o/ /stong pa nyid mngon par rtogs pa ni bden pa
92b2 mngon par rtogs pa'o//chos thams cad ni ma skyes pa ste mi skye ba khong du chud pa ni bden pa'o/ /mi skye ba mngon par rtogs pa ni bden pa mngon par rtogs pa'o/ /btsun pa rab 'byor gang du bden pa mngon par rtogs pa de la chos gang yang sgrub pa'am spang ba med do/ /btsun
92b3 pa rab 'byor byang chub sems dpa' rnams kyi bden pa mngon par rtogs pa ni chos gang yang mngon par mi sgrub ste/btsun pa rab 'byor 'di ni byang chub sems dpa' rnams kyi bden pa mngon par rtogs pa'o/ /btsun pa rab 'byor bden pa bden pa zhes bya ba 'di ni 'gyur ba med
92b4 pa'i chos kyi tshig so//btsun pa rab 'byor ci tsam du rtog pa de tsam du log pa ste/ rtog pa dang bral ba ni thar pa'o/ /btsun pa rab 'byor gang gi phyir bcom ldan 'das kyis sangs rgyas su 'gyur ro zhes lung bstan pas khyod rnyed pa legs par rnyed do zhes smras pa ni
92b5 btsun pa rab 'byor gang dag rnyed pa legs par rnyed pa de dag la ni lung mi ston to//gang dag rnyed pa legs par ma rnyed cing rnyed pa med pa de dag la ni lung ston to/ /gang dag rnyed pas dga' bar mi sems shing ma rnyed pas sro shi bar mi 'gyur ba de dag la lung ston to/ /
92b6 gang dag 'khor ba las kyang mi g.yo la mya ngan las 'das pa yang thob par 'gyur ba de dag la lung ston to/ /gang dag so so'i skye bo'i chos rnams las kyang mi g.yo la nges par gyur pa yang thob par 'gyur ba de dag la lung ston to/ /gang dag lung bstan pa thos na dga'
92b7 bar mi sems pa de dag la lung ston to//rab 'byor gyis smras pa/ rigs kyi bu khyod kyis khong du chud pa 'di zab po/ /smras pa/ btsun pa rab 'byor gang dag rtogs pas khong du chud pa mthong ba de dag gi khong du chud pa zab po/ /rab 'byor gyis smras pa/ khong du chud
93a1 pa 'di blta dka'o//smras pa/ btsun pa rab 'byor lta 'dod pa rnams kyis so/ /rab 'byor gyis smras pa/ khong du chud pa 'di rtogs par dka'o/ /smras pa/ btsun pa rab 'byor mi brtson pa rnams kyis so/ /smras pa/ rigs kyi bu tshul 'di la su zhig
93a2 'jug par 'gyur/smras pa/ gang dag sangs rgyas mang po la bsnyen bkur byas par 'gyur ba dang / dge ba'i rtsa ba ma bskyed pa ma yin pa dang sangs rgyas byung ba la bsnyen bkur byas pa rnams kyi rna lam du chos kyi rnam grangs 'di grag par 'gyur ro/ /rab 'byor gyis smras pa/
93a3 rigs kyi bu ji ltar na sangs rgyas la bsnyen bkur byas pa yin/ smras pa gang sgrub pa sten pa'o/ /smras pa/ rigs kyi bu sgrub pa la gnas pa ji ltar rig par bya/ smras pa/ gang sems can rnams la log par mi sgrub pa'o/ /smras pa/ sems can rnams la log
93a4 par mi sgrub pa ji lta bu/smras pa/ gang byams pa chen po dang / snying rje chen po mi 'dor ba'o/ /rab 'byor gyis smras pa/ byang chub sems dpa' rnams kyi byams pa chen po gang / smras pa/ gang lus dang srog dang / dge ba'i rtsa ba thams cad sems can thams cad la
93a5 byin yang lan du phan 'dogs pa la mi re ba'o//smras pa/ byang chub sems dpa' rnams kyi snying rje chen po gang / smras pa/ gang thog ma kho nar sems can rnams byang chub par 'dod kyi bdag ni ma yin no/ /bstan pa 'di bshad pa na srog chags bdun khri drug stong ni/ bla na
93a6 med pa yang dag par rdzogs pa'i byang chub tu sems bskyed do//dge slong nyis brgya ni len pa med par zag pa las sems rnam par grol lo/ /yang de'i tshe lha'i bu bzang sems zhes bya ba 'khor de nyid du 'dus par gyur nas 'dug pa des/ bcom ldan 'das la 'di skad
93a7 ces gsol to//bcom ldan 'das byang chub sems dpa'i sangs rgyas kyi byang chub kyi rtsa ba'i rten gyi gnas gang lags/ bcom ldan 'das kyis bka' stsal pa/ lha'i bu sangs rgyas kyi byang chub kyi rtsa ba'i rten gyi gnas ni bsam pa phun sum tshogs pa'i sems bskyed pa'o//
93b1 lha'i bu bzang sems kyis gsol pa/ de ltar byang chub tu sems bskyed pa'i spyod yul gang lags/ bcom ldan 'das kyis bka' stsal pa/ gang sbyin pa yang spyod yul la rnam par smin pa la re ba med pa la yang mngon du phyogs pa yin/ tshul khrims ma nyams pa
93b2 yang spyod yul la rnam par mi rtog pa'i tshul khrims la yang mngon du phyogs pa yin/bzod pa yang spyod yul la mi gnyis pa'i chos la yang mngon du phyogs pa yin/ brtson 'grus kyang spyod yul la brtsam pa med pa la yang mngon du phyogs pa yin/ bsam
93b3 gtan yang spyod yul la shin tu snyoms par zhugs pa'i chos thams cad la yang mngon du phyogs pa yin/shes rab kyang spyod yul la spros pa med pa la yang mngon du phyogs pa yin/ thos pa yongs su tshol ba la yang spyod yul la brjod du med pa yang mngon du phyogs
93b4 pa yin/zhi gnas kyang spyod yul la shin tu zhi ba dang / rab tu zhi ba la yang mngon du phyogs pa yin/ lhag mthong yang spyod yul la chos thams cad bstan du med pa la yang mngon du phyogs pa yin/ dran pa nye bar gzhag pa yang spyod yul la dran pa med cing yid la
93b5 byed pa med pa la yang mngon du phyogs pa yin/yang dag par spong ba yang spyod yul la mngon par 'du mi byed pa la yang mngon du phyogs pa yin/ rdzu 'phrul gyi rkang pa yang spyod yul la smon pa thams cad yang dag par chad pa la yang mngon du phyogs pa yin/ dbang po
93b6 yang spyod yul la dbang po las 'das pa'i chos rnams la yang mngon du phyogs pa yin/stobs kyang spyod yul la dbyer med pa'i chos la yang mngon du phyogs pa yin/ byang chub kyi yan lag kyang spyod yul la sangs rgyas kyi byang chub la yang mngon du phyogs pa yin/
93b7 lam yang spyod yul la lam ngan par zhugs pa'i sems can yongs su bskyab pa la yang mngon du phyogs pa yin/ sems can yongs su smin par bya ba yang spyod yul la chos thams cad la yang mngon du phyogs pa yin/ 'dul ba yang spyod yul la chos thams cad
94a1 shin tu dul bar bsgom pa la yang mngon du phyogs pa yin/pha rol tu phyin pa yang spyod yul la pha rol dang tshu rol la mi chags pa la yang mngon du phyogs pa yin/ 'khor ba yang spyod yul la mya ngan las 'das pa la yang mngon du phyogs pa yin
94a2 mya ngan las 'das pa yang spyod yul la mngon par 'du byed pa la yang mngon du phyogs pa yin/skye ba yang spyod yul la ma skyes pa dang ma byung ba yang mngon du phyogs pa yin/ phung po yang spyod yul la nyon mongs pa med pa la yang mngon du phyogs pa yin/ khams
94a3 kyang spyod yul la dbyer med pa la yang mngon du phyogs pa yin/skye mched kyang spyod yul la 'phags pa'i skye mched la yang mngon du phyogs pa yin/ chos nyan pa yang spyod yul la nges par sems pa la yang mngon du phyogs pa yin/ chos ston pa yang spyod yul la brjod du
94a4 med pa la yang mngon du phyogs pa yin/gzugs kyi sku rnam par sgrub pa yang spyod yul la chos kyi sku la yang mngon du phyogs pa yin/ chos kyi 'khor lo rab tu skor ba yang spyod yul la 'jug pa med pa dang / ldog pa med pa la yang mngon du phyogs pa yin/ nyan thos
94a5 kyang spyod yul la sangs rgyas kyi chos rnams la yang mngon du phyogs pa yin/rang sangs rgyas kyang spyod yul la sangs rgyas dang byang chub sems dpa'i spyod pa la mngon du phyogs pa yin te/ lha'i bu 'di ni byang chub sems dpa'i spyod yul zhes bya'o/ /lha'i bu bzang sems
94a6 kyis gsol pa/byang chub sems dpa'i cho ga gang lags/ bcom ldan 'das kyis bka' stsal pa/ bdag bde ba la mi lta ba dang / sems can gzhan bde ba la gtong ba dang / 'khor ba na gnas shing tshul khrims dang / thos pa dang / bag yod pa dang / mya ngan las
94a7 'das pa la gnas shing snying rje chen po las phyir mi ldog pa dang /mya ngan las 'das pa lag mthil du 'ongs kyang thob par mi byed pa dang / sems can yongs su smin par bya ba'i phyir 'khor ba nyid kyi rjes su 'brang ba dang / sems can thams cad rjes su srung ba dang / sems
94b1 can thams cad la dang ba mtshungs pa dang /sems can thams cad mtshungs par dad par byed pa dang / sems can thams cad la bsam pa mtshungs pa dang / bged pa'i rang bzhin can dang / zang zing med pa'i chos ston pa dang / rung ba la tshod shes pa dang / dben pa la mngon
94b2 par dga' zhing tshul bzhin yid la byed pa dang /skye bo mang po'i drung du gnas shing chos yang dag par ston pa la snyom las med pa dang / grong dang / grong khyer du zhugs nas byams pa la mngon par phyogs pa dang / rnyed pa dang bkur sti la mngon par mi dga' ba dang / 'jig rten
94b3 pa'i 'du 'dzi las 'byol ba dang /rigs pa dang bcas shing snyan pa dang / 'jam por smra ba dang / sangs rgyas dang / chos dang / dge 'dun rnams la dngos po thams cad kyis phyag 'tshal ba dang / gsong por smra ba dang / khro gnyer med pa dang / rtag tu gzhan gyi don la dga' ba
94b4 dang /thams cad du sems chags pa med pa dang / yongs su 'dzin pa thams cad la mngon par mi dga' ba dang / 'phags pa'i skye bo dang 'grogs pa dang / 'phags pa ma yin pa'i skye bo rnam par spong ba dang / sangs rgyas la bdag nyid tsam du phangs par sems
94b5 pa dang /chos la srog tsam du gces par 'dzin pa dang / sgrub pa la yan lag gi dam pa mgo tsam du gces par sems pa dang / chos gos dang / bsod snyoms dang / mal cha dang / na ba'i gsos sman dang / yo byad ngan ngon gyis chog par sems pa dang / slob dpon
94b6 dang mkhan po rnams la ston pa tsam du phangs par sems shing srog gi phyir yang yongs su mi gtong ba dang /lung nod pa dang / kha don la brtson pa dang / nam gyi cha stod dang / nam gyi cha smad la mi nyal bar rnal 'byor la brtson pa dang / bsam gtan dang / ting nge 'dzin dang /
94b7 snyoms par 'jug pa mngon du byed pa dang / ji ltar thos pa'i chos rnams tshul bzhin so sor rtog pa dang / shes rab kyis rab tu rtogs par byed pa dang / sems la rnyog pa med pa dang / bdog pa thams cad yongs su gtong ba dang / nang du so sor rtog pa dang / phyi rol du
95a1 mi rgyug pa dang /lus yongs su gtong ba dang / zhe sdang rnam par spong ba dang / gti mug rnam par 'joms pa dang / shes rab 'bar bar byed pa dang / so sor thar pa'i sdom pa dang / 'dul ba las phyir mi 'da' ba dang / thams cad du sems cang shes pa
95a2 dang /thams cad du shes bzhin dang ldan pa dang / sems phyin ci ma log pa dang / sems dri ma med cing 'od gsal ba dang / rtag tu pha rol tu phyin pa rnams la rab tu brtson pa dang / brtson pa mi 'dor ba dang / rtag tu dge ba gang yin tshol zhing ji ltar thos pa'i chos rnams
95a3 chud mi gzon pa dang /gzhan dag la yang yang dag par rab tu ston pa dang / sems zang zing med pa dang / rtag tu dbang po bsdams pa dang / rtag tu sems mnyam par bzhag pa dang / mya ngan las 'das pa la gzhol ba dang / 'khor ba mi gtong ba dang / rnyed pa dang ma
95a4 rnyed pa dang /grags pa dang / ma grags pa dang / bstod pa dang / smad pa dang / bde ba dang / sdug bsngal gyis mi sgul ba dang / thams cad du tshod shes pa dang / thams cad du dran pa nye bar gzhog pa dang / sbyin pas longs spyod che ba dang / tshul khrims kyis lha dang mir skye
95a5 ba dang /bzod pas mdzes pa dang / brtson 'grus kyis nyon mongs pa yongs su 'dor ba dang / bsam gtan rnams kyis sems las su rung ba dang / shes rab kyis 'jig rten pa dang 'jig rten las 'das pa'i chos rnams rab tu rtog pa dang / bsdu ba'i dngos po
95a6 rnams kyis kha na ma tho ba med pa dang /tshangs pa'i gnas pa rnams kyis dul ba dang / bden pa dang / gtong ba dang / nye bar zhi ba dang / shes rab kyi byin gyi rlabs rnams kyis sems shin tu dul ba dang / bsam gtan rnams kyis sems yid du 'ong ba dang / ting nge 'dzin
95a7 rnams kyis zab pa dang /'phags pa'i bden pa rnams kyis yang dag pa ji lta ba bzhin du yongs su shes pa dang / stong pa nyid sgom pas lta ba dang bral ba dang / mtshan ma med pa sgom pas rnam par mi rtog pa dang / smon pa med pa sgom pas yongs su 'dzin pa med pa dang /
95b1 pha rol tu phyin pa sgom pas theg pa chen po rtogs par khong du chud pa dang / thabs kyi pha rol tu phyin pas thams cad mkhyen pa'i ye shes la gtod pa dang / byang chub sems dpa'i sa bcu po rnams kyis byang chub sems dpa'i spyod pa yongs su skong ba dang / dge
95b2 ba'i bshes gnyen yongs su tshol bas yon tan thams cad skye ba'i sgo dang /slob dpon dang / mkhan po dang / bla ma la sri zhu byed pas sangs rgyas thams cad mnyes par byed pa dang / rang gi lus dang sems yongs su shes pas thams cad shes pa nyid dang / nga
95b3 rgyal med pas gzi brjid dang ldan pa dang /sems can thams cad la 'dud cing phyag 'tshal bas spyi gtsug bltar mi mthong ba dang / cho ma cho dgu byin pas mtshan yongs su rdzogs pa dang / sems can thams cad dang 'thun par 'jug pas dpe byad bzang po yongs
95b4 su rdzogs pa dang /theg pa chen po yang dag par rab tu ston pas cang shes pa'i sa dang / byang chub kyi sems yang dag par rab tu ston pas phyir mi ldog pa'i sa dang / stong pa nyid rab tu ston pas bag chags yang dag par 'joms pa dang / chos byin pas so so yang dag
95b5 par rig pa thob pa dang /dran pa rab tu byin pas gzungs thob pa dang / chos khong du chud pas spobs pa thob pa dang / spobs pa nye bar sgrub pas phyad par lung ston pa dang / nyam chung ba rnams la bzod pas sred med kyi bu'i lus thob pa dang / tshul khrims 'chal
95b6 ba rnams la bzod pas mthong ma thag tu sems can thams cad dang bar 'gyur ba dang /gzhan dag gis gnod sems rab tu zhi bar byed pa dang / rtag tu mnyam par bzhag pa dang / brtson 'grus brtsams pa mngon par shes par 'gyur ba dang / ting nge 'dzin rab
95b7 tu 'byin pas mdoms kyi sba ba sbubs su nub pa dang /spyod lam yang dag par rab tu byin pas kun du mdzes pa dang / dge ba'i bshes gnyen la sbyor bas sangs rgyas dang byang chub sems dpa' dang / nyan thos dang rang sangs rgyas rnams dang 'grogs pa dang / 'dod pa
96a1 yongs su gtong bas 'jig rten thams cad yid ches pa dang /khro ba yongs su 'dor bas 'jig rten thams cad dga' ba dang / phrag dog yongs su 'dor bas rnyed pa thams cad kyi mchog dang grags pa'i mchog dang / gnas byin pas 'jig rten
96a2 thams cad rton pa dang /rnyed pa dang / bkur sti dang / tshigs su bcad pa rab tu byin pas chos la rab tu dga' ba dang / grags pa'i sgra dang / gsong por smra bas ngag yongs su dag pa dang / snyan par smra bas tshangs pa'i sgra dang / 'jam por smra bas bya ka la ping
96a3 ka'i sgra skad dang /khong khro ba med pa'i sems kyis 'jig rten thams cad du grags pa dang / sems can thams cad la mi slu bas dpang gcig por 'gyur ba dang / ltung ba mi gleng bas mngal gyi gnas las yang dag par 'da' ba dang / srog gcod pa spong bas tshe dpag
96a4 tu med pa dang /rkun po yongs su spong bas nam mkha'i mdzod dang / sdug pa'i dngos po yongs su gtong bas lag na rin po che dang / byang chub tu yongs su sngo bas longs spyod mi zad pa dang / 'dod pas log par g.yem pa yongs su spong bas skyes bu chen po dang /
96a5 du smra ba yongs su spong bas ngag gi gsang ba thob pa dang / phra ma yongs su spong bas 'jig rten thams cad kyi ston pa dang / ngag rtsub po yongs su spong bas 'jig rten gyis bstod pa'i snod dang / tshig kyal pa mi smra bas g.yog mi phyed pa dang / brnab sems
96a6 yongs su spong bas gter chen po rnyed pa dang /gnod sems yongs su spong bas stegs su gyur pa dang / log par lta ba yongs su spong bas 'jig rten thams cad rton pa dang / chos rgya chen po la spyod pas stobs bcu nyid dang / sbyin pa thams cad kyi rnam par smin
96a7 pa la mi re bas/sangs rgyas kyi chos phyir mi ldog pa thob pa dang / kun du 'dzin pa thams cad yongs su gtong bas/ mi 'jigs pa thob pa ste/ rigs kyi bu ngas bskal pa'am/ bskal pa las lhag par byang chub sems dpa'i cho ga bstan kyang mthar
96b1 phyin par mi 'gyur ro//de ltar byang chub sems dpa' rnams kyi cho ga tshad med de/ 'di ni byang chub sems dpa'i cho ga zhes bya'o/ /rigs kyi bu de ltar na cho ga dang spyod yul phun sum tshogs pa yin no/ /de ltar cho ga dang spyod yul phun sum tshogs pa'i byang chub sems
96b2 dpa' ni sangs rgyas kyi byang chub rnyed par dka' ba'i 'du shes can ma yin no//lha'i bu bzang sems kyis gsol pa/ bcom ldan 'das ji ltar na/ byang chub sems dpa' shes bzhin dang ldan pa zhes bgyi/ bcom ldan 'das kyis bka' stsal pa/ lha'i bu gang byang chub sems
96b3 dpa' rtag tu ting nge 'dzin mi 'dor la/ting nge 'dzin gyi dbang gis kyang mi skye ba dang / ting nge 'dzin las log nas/ gang du sems can gyi don bya ba der skye ba ste/ rigs kyi bu de ltar na byang chub sems dpa' shes bzhin dang ldan pa zhes bya'o/ /lha'i bu bzang sems kyis gsol
96b4 pa/bcom ldan 'das ji ltar na byang chub sems dpa' dben pa zhes bgyi/ bcom ldan 'das kyis bka' stsal pa/ lha'i bu byang chub sems dpa' gang thams cad de bzhin nyid dang / yang dag pa'i mtha' dang / chos kyi dbyings su mthong ba de skye bo mang po'i nang du
96b5 song yang dben par shes par bya ste/rigs kyi bu de ltar na byang chub sems dpa' dben pa zhes bya'o/ /gang gnyis la blo mi 'jug pa de ni shin tu dben pa zhes bya'o/ /lha'i bu bzang sems kyis gsol pa/ bcom ldan 'das ji ltar na/ byang chub sems dpa'
96b6 mnyam par bzhag pa zhes bgyi/bcom ldan 'das kyis bka' stsal pa/ lha'i bu nam byang chub sems dpa'i yid kyis smon pa thams cad bral zhing / chos gang yang gzung bar ram/ spang bar yang yang dag par rjes su mi mthong la/ de gang dang gang yang
96b7 dag par rjes su mthong ba de dang de stong pa dang /yang dag pa ma yin par mthong ba ste/ lha'i bu de ltar na/ byang chub sems dpa' mnyam par bzhag pa zhes bya'o/ /lha'i bu bzang sems kyis gsol pa/ bcom ldan 'das ji ltar na/ byang chub
97a1 sems dpa' thams cad du 'gro ba zhes bgyi/bcom ldan 'das kyis bka' stsal pa/ lha'i bu byang chub sems dpas gang bdag dang sems can thams cad stong pa nyid du mnyam par yang dag par rjes su mthong ba'o/ /lha'i bu
97a2 de ltar na/byang chub sems dpa' thams cad du 'gro ba zhes bya'o/ /lha'i bu bzang sems kyis gsol pa/ bcom ldan 'das ji ltar na/ byang chub sems dpa' dul ba zhes bgyi/ bcom ldan 'das kyis bka' stsal pa/ gang rnam par rtog pa
97a3 rnams kyis mi 'phrogs pa'o//lha'i bu bzang sems kyis gsol pa/ ji ltar na zhi ba zhes bgyi/ bcom ldan 'das kyis bka' stsal pa/ gang kun nas nyon mongs par yang mi 'gyur/ rnam par byang bar yang mi 'gyur ba de zhi ba zhes bya'o/ /lha'i
97a4 bu bzang sems kyis gsol pa/ji ltar bcom ldan 'das kyis gsungs pa'i don bdag gis 'tshal ba ltar na/ byang chub sems dpa'i byang chub ni rang gi kha na las pa lags so/ /byang chub sems dpa' ni ji lta ji ltar kun nas nyon mongs pa yongs
97a5 su spong ba de lta de ltar sangs rgyas kyi chos rnams yongs su 'dzin to//bcom ldan 'das sangs rgyas kyi chos rnams ni/ gang nas kyang blang ba ma lags/ gang du yang bskur ba ma lags so/ /bcom ldan 'das chos thams cad la ye shes rnam par dag
97a6 pa ni byang chub ste/bcom ldan 'das de ltar bzod pa'i rjes su zhugs pa ni byang chub kyi spyod pa lags so/ /gang 'di ltar 'tshal ba de ni/ thams cad mkhyen pa lags so/ /bcom ldan 'das gang dag mnyam pa nyid 'di la zhugs pa de dang de dag ni/ bcom ldan
97a7 'das sbyin pa phun sum tshogs pa lags so//gang dag chos mnyam pa nyid 'di la sten pa de dang de dag ni/ tshul khrims phun sum tshogs pa lags so/ /gang dag chos mnyam pa nyid 'di nyid la bzod pa de dang de dag ni/ bzod pa phun sum tshogs pa lags
97b1 so//gang dag chos kyi rnam grangs 'di la thos pa dang / sems pa dang / sgom pa la brtson pa de dang de dag ni/ brtson 'grus phun sum tshogs pa lags so/ /gang dag chos mnyam pa nyid 'di la nges par rtog pa de dang de dag ni/ bsam gtan phun
97b2 sum tshogs pa lags so//gang dag chos mnyam pa nyid 'di rnam par dpyod pa de dang de dag ni/ shes rab dang ldan pa lags so/ /bcom ldan 'das chos kyi rnam grangs 'di la gang dad pa rnyed pa de dag gis de bzhin gshegs pa mthong ngo / /de dag gis
97b3 chos mngon sum du bgyis so//bcom ldan 'das de dag gis bdud btul to/ /bcom ldan 'das gang dag chos kyi rnam grangs 'di rab tu ston pa de dag de bzhin gshegs pa'i chos kyi 'khor lo rab tu bskor ba lags so/ /bcom ldan 'das gang
97b4 dag gis chos kyi rnam grangs 'di khong du chud pa de dag chos rtogs pa lags so//de nas bcom ldan 'das kyis lha'i bu bzang sems la legs so zhes bya ba byin te/ bzang sems legs so legs so/ /de de bzhin no/ /ji skad smras pa de bzhin te/
97b5 bzang sems gang de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub ni/ chos kyi rnam grangs 'di las rab tu bstan to/ /gang de bzhin gshegs pa thams cad kyi dgongs pa de thams cad kyang / chos kyi rnam
97b6 grangs 'di las bshad do//byang chub sems dpa' gang dag chos kyi rnam grangs 'di thos par 'gyur ba de dag ni/ rnyed pa chen po 'byor par 'gyur ro/ /chos kyi rnam grangs 'di gang dag gi lag tu song ba de dag ni/ chos kyi gter chen po thob par 'gyur
97b7 ro//gang dag chos kyi rnam grangs 'di yongs su 'dzin pa de dang de dag ni/ de bzhin gshegs pas yid brtan pa'o/ /de dang de dag ni gsang ba 'dzin pa'o/ /de dang de dag ni de bzhin gshegs pa la bla na med pa'i mchod pas mchod par byed pa'o/ /
98a1 de dag ni dam pa'i chos yongs su 'dzin pa'o/ /gang dag chos kyi rnam grangs 'di thos shing thos nas kyang mos pa de dang de dag ni lha'i bu nga la lan du phan 'dogs pa'o/ /lha'i bu de dag ni phyogs thams cad du mun pa med par byed par
98a2 'gyur ba'o//de'i tshe bcom ldan 'das kyis 'khor thams cad la bka' stsal pa/ khyed las su dag phyi ma'i tshe phyi ma'i dus/ lnga brgya pa tha ma la chos kyi rnam grangs 'di yang dag par rab tu ston par su spro/ de nas byang chub sems dpa' rtsom
98a3 pa med stan las langs te/bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag ni slad ma'i dus na/ chos kyi
98a4 rnam grangs 'di yang dag par rab tu bshad par spro'o//bcom ldan 'das rtsom pa mang pos ni/ dam pa'i chos yongs su 'dzin par rngo mi thogs so/ /bdag ni sems 'dzin pa ma mchis/ rtsom pa ma mchis shing / sems can thams cad la sems
98a5 snyoms pa ste/zang zing ma mchis pa'i sems dang / rnyed pa dang / bkur sti dang / tshigs su bcad pa thams cad la re ba ma mchis pas/ chos zab mo la bzod pa 'di yang dag par bshad par bgyi'o/ /de ci'i slad du zhe na/ bcom ldan 'das
98a6 rnyed pa dang /bkur sti la gnas pas ni/ dam pa'i chos yongs su 'dzin par rngo mi thogs pa'i slad du'o/ /bcom ldan 'das/ sems can gang dag bcom ldan 'das yongs su mya ngan las 'das nas/ chos kyi rnam grangs 'di nyan pa dang / 'dzin
98a7 pa dang /'chang ba dang / yi ger 'dri ba dang / klog pa dang / bris te glegs bam du bgyis nas 'chang bar 'gyur ba de dag ni/ bcom ldan 'das byang chub sems dpa' rtsom pa med kyi byin gyi brlabs su rig par bya'o/ /de nas bcom ldan 'das kyis
98b1 byang chub sems dpa' rtsom pa med la legs sa zhes bya ba byin te/rigs kyi bu legs so legs so/ /sems de 'dra bas dam pa'i chos yongs su gzung bar nus so/ /byang chub sems dpa' spyan ras gzigs dbang phyug gis gsol pa/ bcom
98b2 ldan 'das gang snying rje chen po dang /ma bral ba des/ dam pa'i chos yongs su 'dzin par rngo thogs so/ /bdag ni snying rje chen po la dmigs nas/ chos kyi rnam grangs 'di bshad par bgyi'o/ /byang chub sems dpa' byams pas gsol pa/
98b3 bcom ldan 'das byams pa'i sems kyis dam pa'i chos yongs su 'dzin par rngo thogs so/ /de ci'i slad du zhe na/ gnod sems mang po la dam pa'i chos yongs su 'dzin pa ma mchis pa'i slad du'o/ /bcom ldan 'das bdag ni byams pa'i
98b4 sems kyis/chos kyi rnam grangs 'di bshad par bgyi'o/ /byang chub sems dpa' mthong na dgas gsol pa/ bcom ldan 'das byang chub sems dpa' gang sems can rnams kyis mthong na ngoms par mi 'gyur ba des/ dam pa'i chos yongs su
98b5 'dzin par rngo thogs te/bcom ldan 'das bdag ni sems can thams cad la khong khro ba ma mchis pa'i sems kyis chos kyi rnam grangs 'di yongs su gzung bar bgyi'o/ /byang chub sems dpa' ded dpon gyis gsol pa/ bcom ldan 'das
98b6 byang chub sems dpa' gang sems can rnams kyi don du sdug bsngal thams cad la spro ba dang /gang yang sems can rnams sangs rgyas nyid yang dag par bsgrub par 'tshal zhing / sems can thams cad bsgral nas slad kyis bdag rgal bar 'tshal
98b7 ba de chos kyi rnam grangs 'di 'dzin par 'gyur te/bcom ldan 'das bdag ni sems can thams cad kyi don du sangs rgyas nyid yang dag par bsgrub par 'tshal lo/ /bcom ldan 'das bdag ni sems can thams cad bsgral nas/ slad kyis
99a1 bdag rgal bar 'tshal lo//bsgral bar bgyi ba dang / sgrol ba po dang / bsgral ba yang mi dmigs par bgyi'o/ /bcom ldan 'das bdag ni de lta bu'i sems dang ldan pas/ chos kyi rnam grangs 'di gzung bar bgyi'o/ /
99a2 'jam dpal gzhon nur gyur pas gsol pa/ bcom ldan 'das gang 'di ltar bdag gis dam pa'i chos yongs su gzung ngo snyam pa 'di ni/ 'jig rten gyi phyin ci log go/ /bcom ldan 'das byang chub sems dpas ni/ re zhig bdag nyid dul bar
99a3 bgyi/bdag nyid zhi bar bgyi'o/ /de bdag nyid dul zhing zhi la nye bar zhi nas/ chos kyi ngo bo nyid kyis dam pa'i chos yongs su gzung bar rngo thogs te/ bcom ldan 'das bdag ni bdag nyid dul zhing zhi la nye bar zhi nas/ chos kyi ngo bo nyid kyis
99a4 dam pa'i chos yongs su gzung bar bgyi'o//de nas bcom ldan 'das kyis/ byang chub sems dpa' dam pa'i chos yongs su zin pa de dag la legs so zhes bya ba byin te/ skyes bu dam pa dag 'di ltar khyod cag sems can thams cad la
99a5 phan pa dang bde ba'i phyir/dam pa'i chos yongs su gzung bar spro ba ni/ legs so legs so/ /'di ni khyod dang 'tsham mo/ /dam pa'i chos yongs su 'dzin pa ni/ byang chub sems dpa' rnams kyi yang dag phul gyi chos so/ /
99a6 byang chub sems dpa' rtag tu dam pa'i chos yongs su gzung ba la brtson par bya'o/ /rigs kyi bu dag /chos yang dag par brjod pa dang rab tu ldan pa'i chos kyi rnam grangs 'di bzung ba dang / bklags pa dang / kun chub
99a7 par byas pa'i byang chub sems dpa' sems dpa' chen po ni skye ba med pa/'gag pa med pa'i sku ni chos kyi sku'o/ /chos kyi sku ni sangs rgyas kyi sku'o zhes/ sangs rgyas la snang ba chen po thob par 'gyur ro/ /chos thams
99b1 cad ni ma byas pa 'dus ma byas pa'o zhes chos la snang ba chen po thob par 'gyur ro//nga'i ba med pa dang / yongs su 'dzin pa med pa ni/ bcom ldan 'das kyi slob ma'i dge 'dun no zhes dge 'dun la snang ba chen po thob par 'gyur ro/ /snying rje
99b2 chen po ni/byang chub sems dpa'i bslab pa'i rtsa ba'o zhes/ byang chub sems dpa'i bslab pa rnams la snang ba thob par 'gyur ro/ /nges pa'i tshig thams cad ni skye ba med pa'i ngo bo nyid do zhes spobs pa'i snang ba thob par 'gyur ro/ /rigs kyi bu
99b3 dag chos kyi rnam grangs 'di ni/klu'i rgyal po rgya mtsho'i gnas dang / brgya byin gyi gnas dang / klu'i rgyal po ma dros pa'i gnas su spyod par 'gyur/ de'i 'og tu 'dzam bu'i gling du spyod par 'gyur te/ sems can gang dag sangs rgyas kyis yongs
99b4 su bzung ba dang /byang chub sems dpas yongs su gzung bar 'gyur ba/ drang ba/ g.yo med pa/ des pa/ chos zab mo la mos pa/ de dag gi lag tu 'gro bar 'gyur ro/ /bcom ldan 'das kyis de skad ces bka' stsal nas/ byang chub sems dpa' rtsom pa med dang / byang chub
99b5 sems dpa' blo gros rnam par gnon dang /byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom
99b6 ldan 'das kyis gsungs pa la mngon par bstod do// //'phags pa chos thams cad yang dag par sdud pa stong phrag brgya pa'i mdo las rtsom pa med kyi le'u ste bcu gnyis pa rdzogs so// //rgya gar gyi mkhan po many+dzu shrI
99b7 gar+b+ha dang /bi dza ya shI la dang / shI len dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te/ skad gsar cad kyis kyang bcos nas gtan la phab pa//
CLOSE WINDOW