CLOSE WINDOW

D2335
བོད་ཡིག

/[ ]@##/ /rgya gar skad du/ bra ti pat+ti sA ra sha ta ka bi ba ra NaM nA ma/bod skad du/ go bar byed pa'i snying po brgya pa rnam par bshad pa zhes bya ba/ dpal he ru ka la phyag 'tshal lo/ /bden pa gcig pu tshad ma la sogs zab mo'i tshul/ /'di ni bsgoms pas rtogs par sla ba'i snying po ste/ /rdzogs pa'i rim pa kun du spyad pa'i drin dag las/ / thams cad la ni go bar byed pa'i snying por gyur/ /gang zhig shin tu phul byung chos kun mnyam nyid rang bzhin yang / /rdo rje rnam par sgeg mo rnams kyis dgyes par gyur rgyal ba/ /sprul pa'i gzugs ni rnam pa mang mdzad dkyil 'khor 'khor lo'i dpal/ /mnyam med he ru ka dpal de yi zhabs ni bsten par bgyi//gang zhig ces bya ba la sogs pa nas/ bsten par bgyi zhes bya ba ni/ gus pa dang bcas pas bar ma chad par so so rang gis rig pa'i bdag nyid du bya ba nyid do/ /he ru ka dpal zhes bya ba la bla na med pa chos mtha' dag gi rang bzhin phyin ci ma log pa'i chos nyid 'jig rten gnyis po'i phun sum tshogs pa mtha' dag mngon par gsal zhing bde bar gshegs pa'i yon tan mtha' dag la rjes su chags pas dpal te/de yis yang dag par bsten pa'o/ /he zhes bya ba ni rgyu yis stong pa ste/ skye ba dang bral zhing dman pa nyid kyis de bzhin nyid lhan cig skyes pa so sor rang snang ba'o//ru zhes bya ba ni phyi dang nang gi dmigs pas stong pa nyid de/ rmi lam dang sgyu ma dang sgra brnyan dang mtshungs pa'i snang ba mtha' dag gzung ba'i mtshan nyid dang sna tshogs pa'i rtog ge dang rnam par bral ba'o//ka zhes bya ba ni gang du'ang mi gnas pa de/ dper bya ba thams cad dang bral zhing dpyod pa med pa'i rang gi ngo bo dmigs pa med pa nyid dmigs pas thams cad gnas pa'o/ /'di nyid ni chos mtha' dag gi gnas lugs dngos po'i mtshan nyid dang bral ba rnam par dpyad par bya ba dang rten med pa yang dag par rdzogs pa'i sangs rgyas kyi shin tu phul du byung ba'i bde ba chen po'i rang bzhin gyi sku de nyid de/gang zhig de bzhin du gyur pa/ /zhes bya bar 'brel to/ /chos kun zhes bya ba ni ngag gi spyod yul las 'das pa'i dag pa'i rang bzhin gyi rang gi mtshan nyid 'dzin pas na chos so//de rnams nyid kyi mnyam pa ni 'dra ba ste/ 'gyur ba med pa'i de bzhin nyid du'o/ /ji srid nyan thos la sogs pa'i bar las shin tu lhag pas shin tu phul du byung ba ste/ bla na med pa'o/ /rang bzhin ni gang sangs rgyas thams cad kyi chos stobs bcu dang mi 'jigs pa la sogs pa'i rten dang nges pa'i gnas zhes bya ba ste chos kyi sku'o//de ltar gyur pas dper bya ba thams cad dang bral yang dgyes pa zhes bya ba ste/ dgyes pa ni dga' ba thob pa'o/ /de ni rgyun chad pa med pa'i sbyin pa la sogs pa pha rol tu phyin pa mtha' dag gi bdag nyid mtshan dang dpe byad kyis rnam par mdzes shing rang dang gzhan la phan pa phun sum tshogs pa la rdzogs par longs spyod pa yang dag par 'byung ba'i sku'o//rdo rje rnam par sgeg mo rnams kyis zhes bya ba la/ brtan pa dang snying po la sogs pa'i mtshan nyid stong pa nyid kyi ye shes ni rdo rje ste/ rang dang gzhan la phan pa phun sum tshogs pa'i ched du rol pas na sgeg pa'o//'di ni 'od gsal ba las gzhan ma yin pas mo ste/ sgeg par gyur pa'i ngang tshul gyis na de rnams kyis zhes bya'o/ /bar ma chad par rnam par mi rtog par skye ba nyid kyis rnam par rtog pa yongs su dag pa rang gi rang bzhin du gyur pas dgyes par gyur pa zhes bya'o//phyin ci ma log pa'i chos nyid ston pas nyan thos la sogs pas zil gyis mi non zhing / 'jigs pa med pas rgyal ba zhes bya ste longs spyod rdzogs pa'i sku'o/ /sprul pa zhes bya ba ni snying rje'i gzhan dbang du gyur pas rnam pa mang po'i mdzad pa sems can gyi bsam pa'i dbang las ston zhing 'jug pa ni sprul pa ste/de'i gzugs kyi rang bzhin ni shin tu rgya che zhing grangs las 'das pa'i dkyil 'khor gyi 'khor lo brnyes pa'o/ /dpal ni gnyis su med pa'i ye shes kyi rang bzhin gang gis zhes bya ba ste/de dang der gsungs pa'i rten dang brten pa'i dkyil 'khor rang gi ngo bo tha mi dad pa rnams ni sprul pa'i sku'o/ /de lta bas na gzhan ma yin pa'i yon tan gyi tshogs kyis gang ba'i zab mo nyid gcig pu ni sku gsum po ro gcig pa'i sku bcom ldan 'das te/ bde ba chen po rtogs pa zhes bya ba'o//de la phyag 'tshal lo zhes bya ba ni lus dang ngag dang yid kyi bag chags nye bar zhi zhing sdom pas de rjes su rtogs par gyur cig pa'o/ /mang po'i rnam par rtog 'di zhes bya ba ni rang bzhin gyis yongs su dag pa'i chos nyid skye ba dang gnas pa dang 'jig pas stong pa nyid de nyid la/'jig rten kun rdzob tu gnyis kyi rang bzhin du lhag par gnas pa la dmigs pa'i yang dag pa ma yin pa'i kun du rtog pa'i tshogs te/ ji ltar zhe na/ shin tu rlom pa lta bu nyid kyis so/ /gang gis spangs pa ni ro gcig tu mnyam pas rnam par dpyod pa nus pa'i tshe rnam pa kun gyi mchog dang ldan pa'i stong pa nyid du yang dag par son par rtogs pa'o//mdzes pa'i dga' ba zhes bya ba ni gang yang mnyam par go bar byed pa'i snying po ni dga' ba ste/ pha rol tu phyin pa lnga'i de kho na nyid do/ /de yis mdzes pas na mdzes pa'o/ /yongs sgyur ched du zhes bya ba ni rnam pa thams cad kyis thams cad du pha rol rjes su bzung ba'i phyir bag chags ma lus pa dang bral zhing g.yo ba med pa'i chos nyid kyi rang gi ngo bo nyid du ste/'di ni de lta bu nyid du/ /zhes bya ba'o/ /ji lta'i don zhes bya ba la/ ji lta ba'i don ni ming ji lta ba'i don te/phyi nas 'chad par 'gyur ba rtogs pa'i don to/ /go bar byed pa ni shes rab ste/ gzhi med par mnyam pa nyid du'o/ /de ni 'di ltar stong pa nyid dang snying rje'i ngo bo nyid rnam pa de dang des bcom ldan 'das su gsungs te/ rnam par rtog pa dag pa gang yin pa'o//'di ni ston pa ste/ shri he ru ka zhes bya ba/ /shrI zhes bya ba ni mdzes pa dang ldan pa'o/ /he zhes bya ba ni hUM yig gi rgyu las byung ba'o/ /ru zhes bya ba ni rang phun sum tshogs pa'o/ /ka zhes bya ba ni rnam par rtog pa dag pa'i sku'o zhes bya ba'i don kyang ngo / /sems nyid kyi yi rdo rje'o//zhes bya ba ni/ gang gi phyir de ltar gyur pa las gzhan ma yin pa'i sems kye'i rdo rje ste/ de'i phyir 'di nyid rtogs par bya zhing bsgom par bya'o zhes bya bar dgongs pa'o/ /de ni chen po stong pa nyid dang snying rje chen po gnyis su med pa'i lhag pa'i rnam pa'i rang bzhin can no/ /kun du rtog med ces pa ni dmigs pa la shes pa dang shes bya'i sgrib pa rab tu bsal zhing bral ba'o//ma 'dres pa zhes bya ba ni ltos pa med par phul du byung ba'i rang bzhin de bzhin nyid snang bzhin pa'o/ /skye ba med ces pa ni ma byung ba ste/ skad cig las kun nas ma skyes par nges pa'o/ / thogs pa med ces bya ba ni nang dang phyi'i dmigs pa dang bral bas mi thogs pa'i chos gcig pur nges pa'o/ /dor dang bsags pa spangs pa zhes bya ba ni ji lta'i rang gi ngo bo nyid kyis rgya che ba bsal ba med pa dang / phyin ci log gi mngon par zhen pa'i bag chags ma lus pas stong pa ste/ de bas na de dang de lta bur gyur pa'i sems ni kye'i rdo rje'o/ /de rnams kyis 'di skad ston te/ rten med pa nyid gzugs su nye bar ston pa ni kye'i rdo rje ste/ bag chags dang bag chags can du yod pa'i gzugs su rtog pas mos shing rlom pa dang mngon par gsal ba dang 'dod pa ni yang dag par nye bar gyur pa ma yin no zhes bya bar brjod do//sna tshogs sprul pa'i gzugs rnams su/ /sna tshogs mos pas rnam rtog pa/ /zhes bya ba ni rnam par rtog pa'i rang bzhin sna tshogs su 'jug pa'i rang gi nyams kyi dbang las zhes bya ba ste/ stong pa nyid bcu drug la mos pas phyag bcu drug pa la sogs pa rnams su stong pa nyid bskyed pa la sogs pa'o//rang gi rang bzhin rtogs pa yis/ /zhes bya ba ni bag chags mtha' dag nub pa'i lhan cig skyes pa'i rang bzhin ni so sor snang ba med pa ste/ de rtogs pa nyid kyis nges pa'i ngo bor de lam la mos pa'ang med pa'o//'di ni rang bzhin zhes bya ba la sogs pa la lhan cig skyes pa rnam par mi rtog pa'i ngo bo nyid 'di ni rang bzhin gyi dkyil 'khor zhes bya ba ste/ rnam pa thams cad kyi mchog dang ldan pa'i stong pa nyid kyi snying po can gyi sems 'od gsal ba rab tu snang ba'i ngang tshul 'dzin pa las so//ye shes lnga zhes bya ba ni ye shes lnga'i bdag nyid de/ de la me long lta bu ni rnam par dag pa'i lhan cig skyes pa la rnam pa mtha' dag gi dbye ba snang bas me long ye shes so/ /rab tu gsal ba yang dmigs pa med par gcig pa nyid kyis mnyam pa nyid kyi ye shes so//phyin ci log par rtogs pas so sor rtog pa'i ye shes so/ /rnam pa thams cad kyi mchog dang ldan pa'i stong pa nyid lhag par rtogs pas bya ba grub pa'i ye shes so/ /dmigs pa mtha' dag nye bar zhi zhing tshogs gnyis po rdzogs pa dang lhag pa'i thar pa ster bas shin tu rnam par dag pa'i ye shes so//'di rnams dag pa'i rang bzhin te/ /ye shes 'ba' zhig pa nyid kyis so/ /dba' rlabs med pa zhes bya ba ni tha snyad kyi bag chags kyis stong pa'o/ /bla na med pa zhes bya ba ni rang las lhag par smra bar 'os pa med pa ste/ de nyid ni nye bar bsdus nas brjod pa'o//spros pa med pa'i rang bzhin gyis/ /zhes bya ba ni sna tshogs pa'i bag chags kyis stong pa'i so so rang gis rig pa'i rang bzhin gyis so/ /lha zhes bya ba ni kye'i rdo rje ste/ de'i gzugs ni de 'dra ba'o/ /ma lus dga' ba yang dag rdzogs/ /zhes bya ba ni gang gi phyir dga' bral gyi dga' ba'i phyir byung ba de yis yang dag par rdzogs pa zhes bya'o//de'i rjes su rang gi ngo bo mngon par gsal bar gyur pa ni thogs pa med cing ltos pa dang bral ba rmi lam la sogs pa'i snang ba lta bu rnam pa thams cad pa'i mtshan nyid can no zhes bya ba yang ston par brjod do//'di nyid kyis nyon mongs pa dang / nye ba'i nyon mongs pa zhi bar byed pa'o/ /gzugs la sogs zhes bya ba ni phung po dang khams dang skye mched rnams te/ de bzhin nyid 'di las bsal ba dang bzhag pa dang bral ba'o/ /ji lta'i rnam pa zhes bya ba ni ji ltar gyur pa ste/ /shin tu gsal zhing ma 'dres pa'i rnam pa ji lta ba de bzhin du rnam par gnas pa'o//gzung bya zhes bya ba ni gnyis kyi ngo bo nyid kyi tha snyad du bya ba ste de ma yin par ro/ /rtogs par bya zhes bya ba ni rab tu gsal bar snang ba sgyu ma dang rmi lam dang mtshungs par yang ngo / /de 'di zhes pa ni 'di lta bu'o zhes ston pa'o//rtogs pas zhes bya ba ni nyams su myong ba nyid de gnyis dang bral bar ro/ /dkyil 'khor zhes bya ba ni dkyil 'khor gyi ji lta ba ston pa ste/ de yang snying po zhes bya ba ni bdag nyid las lhag par gzhan med pa'o/ /stong nyid gcig pu zhes bya ba ni 'ba' zhig pa gang gi phyir ro//de len pas zhes bya bas ni de dang rnam par dbye ba med pa snang bzhin pa ste/ de'i phyir gnyis su med pa nyid dkyil 'khor ro/ /de ltar yang gsungs pa/ dkyil na snying po zhes gsungs te/ /de yi 'khor lo ro zhes brjod/ /de len byed pas dkyil 'khor te/ / thim pa zhes byar 'dod pa'o/ /zhes so/ /de nyid ces bya ba ni gang gong du go bar byas pa de nyid las gzhan ma yin no/ /rnam pa thams cad mtshan nyid bral/ /zhes bya ba ni snang ba mtha' dag sgyu ma dang mtshungs par mtshan nyid khyad par med par nyams su myong ba'o/ /de bzhin du de las kyang /rtsa rnams zhes bya ba ni rtsa'i rgyun rnams so/ /thams cad ces bya ba ni sum cu rtsa gnyis po nyid do/ /mkha' 'gro ma zhes bya ba ni mtshan nyid kyis stong pa nyid bdag med ma la sogs pa'i rnal 'byor ma rnams so/ /phung po lnga yang zhes bya ba ni gzugs la sogs pa'o/ / dkyil 'khor zhes bya ba ni stong pa nyid yang dag par len pa'i sems yin pas so/ /dngos po thams cad mnyam sbyor ba/ /zhes bya ba ni lus pa med pa'i chos thams cad de bzhin nyid du gcig pa nyid kyis rnam pa thams cad du dbyer med pa'i rang bzhin te/ 'di nyid las rnam pa thams cad ston par byed pa'o//bsam med ces bya ba ni sna tshogs pa'i bag chags dang bral ba'o/ /thugs zhes bya ba ni gnyis su med par rtogs pa'o/ /sku zhes bya ba la sogs pa ni rnam pa thams cad nas thams cad du lhun gyis grub par phyi dang nang yang dag par rig pa'i sku gcig pus kyang ste/phyag dang zhabs la sogs pa'i cha shas kyis stong pa'o/ /rigs rnams zhes bya ba ni rigs su snang ba rnam pa gnyis te/ 'gro bar snang ba'i rang bzhin gyi dang / phyin ci ma log pa'i chos kyi bdag nyid kyis kyang ngo / /sku dang rigs ji lta ba de bzhin du mtshan ma dang phyag rgya la sogs pa de lta bus rol pa nyid do//de ni zhes bya ba ni bcom ldan 'das te/ gang gi phyag rgya'i drin gyis rgyas btab pas gnyid mthug dang bral bar byas pa'i bde ba chen po'o/ /de lta zhes bya ba ni 'dir thams cad du rab tu bkod pa la brjod do/ / de ltar zhes bya ba ni phyi rol gyi phyag rgya dang sbyor ba'i ngo bos gnyis su med par nges par sdom pa yongs su rtsom pas 'phel ba nyid kyis zab mor gyur pa'o/ /snyoms 'jug ces bya ba ni kun du rnam pa thams cad pa'i ye shes gang yin pa ste/ thams cad du ni zhes bya ba ni dug dang tsher ma la sogs pa rnams su yang ngo //bde ba chen po'i dga' ston to/ /zhes bya ba ni bde ba chen po'i rnam par sgeg pas rol pa dang ldan pa ste/ de yis snyoms par 'jug pa'o/ /gzugs phun sum tshogs mtha' yas zhes bya ba ni gdul bya rnams kyi bsam pa dang dus dang snang ba ji lta bar yang dag par rdzogs pas kun nas chos ston pa'o//de ni rdo rje can te/ 'gyur ba med pa'i chos nyid kyis yin gyi zhal phyag la sogs par yongs su bgrang bas mdzes pa ni ma yin no zhes bya bar dgongs so/ /ci zhes bya ba ni so so rang gis rig par bya ba nyid kyi tshig gi spyod yul ma yin par ston pa'o//slar yang de nyid bstan par bya ba'i phyir/ de bzhin nyid 'ba' zhig rnam pa thams cad du bdag por gyur pa nyid bsal ba dang bzhag pa dang bral ba ji lta bar rtogs par bya ba yin pas na/ phung po la sogs pa de rnams kye'i rdo rje'i rnam par 'phrul pa ste/des na lhan cig skyes pa nyid dkyil 'khor gyi 'khor lo'o zhes gsal bar bstan to/ /gsal zhing zhes bya ba la sogs pa ni ji lta ba bzhin nye bar dmigs shing yod pa'i gzugs las ma 'das par mngon sum du nyams su myong bas dang / bag chags dang bral ba'i sems rtogs pas dang /dmigs pa med par nyams su myang bar bya ba yin pas so/ /gang du zhes bya ba ni bag chags ma yin pa'i gzhan pa'i ro yis bkra bar ro/ /mtha' dag snang zhing zhes bya ba ni de bzhin nyid rgya che ba nyid kyis so/ /gsal ba ni mngon sum du gsal ba'o//'phro ba ni ji ltar yod pa bzhin du yang dag par 'phro ba ste/ de dang de ma lus pa gang du snang ba la bsnyad do/ /sems dang sems las byung ba'i dbye ba rnam par nyams la zhes bya ba la/ sems ni rang bzhin rtogs pa po'o/ /sems las 'byung ba ni bde ba dang sdug bsngal ba'i sems kyi gnas skabs las byung ba'o//de gnyis kyi dbye ba rnam par nyams pa ni de yongs su dor ba ste/ sems dang sems las byung ba'i mngon par zhen pas stong pa zhes bya ba'i don to/ /thams cad ting nge 'dzin gyur ba//zhes bya ba ni sna tshogs pa'i rgyu ba dang mi rgyu bar bcas pa ting nge 'dzin du gyur pa ste/ mtha' dag gi tha snyad du bya ba las chos kyi dbyings so/ /der ni zhes bya ba ni rnam pa thams cad pa'i dkyil 'khor dang dkyil 'khor pa chen po 'di nyid du ste/ e waM gyi yi ge gnyis kyis zhes bya ba'i don to//bde ba chen po zhes bya ba ni lhan cig skyes pa'i bde ba chen po'o/ /de nyid bag chags dang bral ba dang mi 'pho ba'i rnam pas bdud rtsi ste ro'o/ /de yis dbang bskur ba ni rtog pa'i dri ma mtha' dag bkrus pa'o/ /de las rang bzhin gsal bar gyur pa ni bdag nyid rab dang ba ste/de yang e waM lhan cig skyes pa mchog gi dkyil 'khor dang dkyil 'khor pa chen po nyams su myong ba ste/ rnam par rtog pa dang nye ba'i rtog pa dang bral ba las so/ /dkyil 'khor dang ni dkyil 'khor pa/ /zhes bya ba ni rten dang brten pa'o/ /chen po ni mos pas yongs su gyur pa ma yin par ston pa ste/de bzhin nyid gcig pu'i rgyu las rnam pa thams cad pa dang thams cad mkhyen pa nyid ni chen po'o/ /slar yang rgyu yis de rtogs pa'o/ /zhes bstan pa'i phyir/ rnam dag rtog pa zhes bya ba ni gzhal yas khang la sogs pa'i yang dag pa'i rtog pa'o//de ci ltar rdul yin zhe na/ ji ltar me long la shin tu phra ba'i rdul gyis yun ring bor mnyes pa na dri ma rnams blangs nas med par 'gyur ro/ /de bzhin du de yang dag pa'i rtog pas mnyes shing rnam par dag pa las thams cad du dri ma med cing phul du byung ba'i snang ba 'char ba'o//mtha' yas pa yi snang ba gzugs brnyan zhes bya ba ni rang bzhin med pa nyid kyis snang brnyan dang mtshungs pa'o/ /de rnams kyi tshogs ni zab pa'o/ /sems kyi me long zhes bya ba ni rang bzhin gyis gnyis yongs su dag pa'i sems nyid me long ngo / / mdzes zhes bya ba ni khyad par du gyur pa'i de bzhin nyid kyi rang bzhin gyi snang bas so/ /de zhes bya ba ni rnam pa thams cad kyi mchog go/ /ci zhes bya ba ni tshig gi spyod yul ma yin pa'o/ /'on kyang yang dag pa'i rtog pa dag pa las kyang lhan cig skyes pa mchog tu gsal bar 'gyur ro zhes bstan par bya ba'i phyir/ji ltar me long la sin+d+hu ra'i rdul gyis thams cad du gos pa las yul yod pa'i gzugs kyi snang brnyan 'dzin pa thob par mi 'gyur ba de bzhin du/ lha'i dmigs pas bsgribs pas sems kyi rang bzhin 'od gsal ba rab tu rtogs pa ring ba nyid du byed pa'o//de yang dmigs pa la rtsol bas de rtogs par mi 'gyur ro zhes bya ba'i don te/ rang bzhin gyis yongs su dag pa'i sems 'di rang gi gzugs las gzhan gyis mi rtogs pas na phyi rol gyi dmigs pa ni ngal bar byed pa'o zhes brjod pa yin no/ /rang gzhan nyid du mngon par zhen pas rgyug pa ni//zhes bya ba ni bdag dang gzhan gyi tha snyad sgro 'dogs par brtson pas nye bar gnas pa'i sems so/ /kun du byas nas zhes bya ba ni gnyis kyi bag chags lhag par brtan par byas pas na kun du byas zhes bya'o/ /yang dag 'phel zhes bya ba ni rnam pa sna tshogs pa'i brdzun pa'i kun du rtog pa 'phel ba'o//dub pa ni lhan cig skyes pa'i gnas skabs na bdag dang gzhan med kyang rang gis tha snyad du byas pas sna tshogs su snang ba thob pas so/ /de'i phyir gnyis nyid rang bzhin gyis dag par rtogs pa na rnal 'byor pa 'khor bar gnas kyang 'ching bar mi 'gyur ro zhes bstan pa'i phyir/ji ltar 'dod pa'i kun spyod de ji ltar so so'i skye bo rnams mngon par 'dod pa'i tha snyad sna tshogs pa'i rol par byed pa ji lta ba de bzhin du/ 'khor bar gnas pa na mchog tu gnyis kyis dbang byas pa'i sems pa sna tshogs pa'i rnam par sgeg pas rol par byed kyang gos par mi 'gyur ba dang /de bzhin du gang yang rung ba'i rigs la gang ci yang rung ba'i mi phan pa'i bya bas kyang gnyis su med par spyod pa can gyi rdzogs pa'i rnal 'byor ba dal bar mi 'gyur ba'o/ /mtshar zhes bya ba ni de kho na nyid mthong ba'i dga' ba thob pa las so zhes ngo mtshar ba'o//da ni gnyis su med pa gsal bar nyams su myong ba brjod par bya ste/ gnyis kyi rnam dor rab gsal zhes bya ba ni gzung ba dang 'dzin pa'i rnam pa dang bral bar mngon sum du nyams su myong ba'i bdag nyid do/ /mkhas pa ni nub pa la sogs pa'i skyon gyis stong pa'o//yang dag rig pa ni rnam par 'gyur ba med pa yang dag par rig pa'o/ /skal bzangs ni dbang phyug la sogs pa'i yon tan dang ldan pa'o/ /'di nyid yon tan 'di rnams kyi rten du gyur pa zhes bya ba ni rang gi sgra'i don te de la'o/ /stug po'i dga' bas zhes bya ba ni 'di las dmigs pa dang bral ba nyid kyis bar ma chad par 'dod pa la mngon du phyogs pa'i mtshan nyid kyi dga' ba dang po'o//de yis gang ba ni stobs chen gyur pa ste/ de la mngon du phyogs pa las rab tu stobs su gyur pa'i bde ba 'ba' zhig yang dag par rig pa mchog tu dga' ba'o/ / ro ni de nyams su myong ba goms pas rnam par rtsen pa'o/ /de yis yongs su rdzogs pa ni rnam pa thams cad pa'i stong pa nyid kyis de dmigs pa med pa nyid du gyur pa ste/ rnam pa thams cad kyi mchog nyid du'o/ /de lta mod kyi dang po dang gnyis pa ni 'dod pa'i bde ba yang dag par rig pa'i mtshan nyid kyis yongs su ma rdzogs pa'o zhes de dang de lta bur gsungs pa yin no//nam mkha'i mthil du ni stong pa nyid kyi rang bzhin du'o/ /rnam pa sna tshogs 'phro ba zhes bya ba ni ji zhig ltar 'byung ba nyid kyis snang bzhin pa'i rnam pa sna tshogs 'phro ba gang yin pa'o/ /de rnams bsags pa ni yongs su rdzogs pa'i snang ba ma lus pa'o//nang ni de kho na nyid do/ /son pa ni gang gi gnas skabs te/ de yang 'di ltar gnyis su med pa nyams su myong ba'i man ngag bsgom pa 'di nyid las so/ /yid la zhes bya ba ni rang bzhin rtogs pa'i bdag nyid kyi sems la'o//'jig rten gsum po 'di de zhes bya ba ni kha dog dang dbyibs la sogs pa'i tha snyad kyi tshogs rnam pa mang po de dang de ste/ 'di lta bu'i rang bzhin gyi 'jig rten gsum mo/ /snang ba zhes bya ba ni yongs su dag pa'i rang bzhin gyi snang ba'o/ /thim pa lta bur gnas pa zhes bya ba ni phyi rol du mngon par zhen pa dang bral te nang du son pa nyid las skyon de dang de lta bur mi 'byung ba'i snang ba mtha' dag mngon sum du nyams su myong bas yin gyi/de la thim pa nyid ni ma yin no/ /da ni rnam par 'gyur ba med pa'i rang byin gyis brlab pa'i rim pa bstan pa brjod par bya ste/rang bdag nyid kyis zhes bya ba ni rtogs pa'i don te/ rang byin gyis brlabs pa zhes bya ba ni rang lhag par gnas par nus pa'o/ /de yang rgyu gzhan la ltos pa med pa ste/ lhan cig skyes pa gsal bar rab tu grub pa'i mtshan nyid ni rang byin gyis brlab pa'o zhes so/ /rim pa ni ye shes te/chos thams cad chos kyi dbyings kyi rim pa nyid kyis so zhes bya'o/ /de ltar na gnyis dang rnam par bral ba nyid yang dag par rig pa la rang gi sgra'i zol gyis bstan pa ste/ de'i phyir mngon par zhen pa ma lus pas stong zhing 'gyur ba med pa'i chos nyid rab tu gsal ba g.yo ba med cing brten pa med pa lhan cig skyes pa nyid ni rang byin gyis brlab pa'i rim par brjod pa ste/gzhan ni ma yin no zhes bstan pa yin no/ /sngags med ces bya ba la sogs pa'i tshigs su bcad pa'i don ni go bar sla'o/ /rang byin gyis brlab pa'i rim pa de nyid rgyas par bstan pa'i phyir/gang du zhes bya ba ni rang byin gyis brlab pa'i rim pa'o/ /dngos rnams zhes bya ba ni chos thams cad do/ /rang bzhin zhes bya ba ni lhan cig skyes pa ste/ rang bzhin med pa nyid kyi rang bzhin no/ /rang bzhin nyid kyis zhes bya ba ni dpe thams cad dang bral ba ste/de yis mtshon par byed pa la gsum pa'o/ /rtogs par bya zhes bya ba ni ji ltar byung ba rtogs shing rtogs thob pa ste/ slar mngon par zhen par bya ba ma yin par bstan to zhes bya ba'i don to/ /dga' ba zhes bya ba ni gang du bag chags nye bar zhi bas lhan cig skyes pa'i dag pa ste/rang 'byung ba nyid kyis rang nyid mngon par gsal ba'i rang bzhin no/ /'di zhes bya ba ni so so rang gis rig pa'i spyod yul lo/ /'char zhes bya ba ni gsal bar gyur pa'o/ /de bzhin du de nyid bstan pa'i phyir/ 'dis rtogs pas na rnam par rtog pas te/ gnyis kyi rang bzhin du gzung ba las so//bde sdug ces bya ba ni rtag tu nyon mongs pa ste/ de sbyin par byed pa'o/ /gnyis ni de yi zlas dbye ba'o/ /rnam par mi rtog pa ni rtog pa med cing dpyod pa med pa'o/ /dmigs med ni der te bde ba chen po'o/ /de bzhin du snang ba med ces bya ba ni rnam pa mtha' dag la mngon par zhen pa nye bar zhi ba'o//gsal ba med ces bya ba ni dmigs pa nye bar zhi ba ste/ chos thams cad stong pa nyid kyis so/ /'jug pa med ces bya ba ni sgro btags pa dang bral ba nyid do/ /bsam pa med ces bya ba ni kun du sbyor bas stong pa nyid kyis so zhes bya bar dgongs so//de ltar na 'gro ba'i rnam pa'i tshogs zhes bya ba ni yang dag pa'i tshogs bsags pa ste de ni shel lta bu'o/ /'dis rnam pa thams cad kyi mchog dang ldan par bstan pa brjod pa yin no/ /ci'i phyir 'gro ba 'di dag rang bzhin gyis yongs su dag pa yin zhe na/de mdor bstan pas gsungs pa/ chos thams cad de bzhin nyid kyi rang gi mtshan nyid kyis sgyu ma la sogs pa dang mtshungs par gnas skabs thams cad du nyams su myong bar byas pas na rnam par dag pa'o/ /de'i phyir de rtogs pas gcig tu rig pa'i rnal 'byor bya bar ston pa ste/lhun gyis grub pa ni mngon par zhen pa med pa'o/ /de mngon par gsal bar bya ba'i phyir/ dngos po zhes bya ba la/ de'i sgra 'jug pa'i rgyu mtshan ni gyur pas dngos po dang / rang gi mtshan nyid 'dzin pa'i chos yin pas dang / der mngon par zhen par bya bas kyang dngos po zhes so//de'i gnas skabs mi 'jug cing 'jug bzhin pa ma yin pa ni dngos po med pa ste/ 'di dag dang 'brel pa med pa'i phyir yod par dmigs pas stong pa'i dngos po'o/ /'di mthong ba yang 'dis kun nas mtshungs par thams cad la sgrib par byed pas na 'jig rten gyi tha snyad ni kun rdzob yin la/de la 'dir mthong ba ni de las mchog nye bar dmigs pa'o/ /nye bar dmigs pa med pa nyid dmigs pa las don dam zhes pa yang ste/ 'di ni zhes bya ba ni rjes su ston pa'i tshig las so/ /'o na ci'i phyir 'di lta bu la 'di zhes bya zhe na/srid pa yongs su shes pa nyid las mya ngan las 'das pa gzhan ma yin pa gang las te/ de ltar yang / srid pa yongs su shes pa nyid/ /mya ngan 'das zhes brjod par bya/ /zhes so/ /don dam pa de nyid kyi rang bzhin bstan par bya ba'i phyir gsungs pa/ mtha' gsum zhes bya ba ni rtogs par bya ba dang / rtogs pa dang / rtogs pa po ste/ rtogs pa'i 'khor gsum dang bral ba'o/ /rtogs pa'i ngo bo zhes bya ba ni rnam par rtog pa mtha' dag dang bral bas blun pa'i rang bzhin ma yin pa'o/ /gzhi med pa ni ji ltar gyur pa'i yul rtogs pa'o//dor dang zhes bya ba la sogs pa ni bsal ba dang gzhag pa dang bral bas mnyam par mi 'phrogs pa'o/ /zhi ba zhes bya ba ni gnyis kyi 'drid pa dang bral zhing brdzun pa ma yin pa nyid kyis kun nas nyon mongs pa zhi ba'o/ /dbang phyug min pa zhes bya ba ni 'jug pa'i rnam par shes pa skyed pa po'i rang bzhin ma yin pa'o//dbang phyug ces bya ba ni chos rnams chos kyi dbyings kyi gzhan dbang du gyur pas na de thams cad du 'di bdag por gyur pa'o/ /dbang phyug min zhes bya ba ni chos rnams de'i dbang las zhes pa yang stong pa nyid de dor ba las ma yin pa nyid kyis so//gnas zhes bya ba ni de rnams la yongs su grub pa'i rnam pa dbyer med par ro/ /de bzhin du/ gnas la sogs pa zhes bya ba ni gnas dang gnas pa dang gnas pa po'i dbye ba dang ngo / /bral las zhes bya ba ni bag chags kyis ma gos pa'o/ /blo ni bdag por gyur pa ste/rnam pa gcig nyid gyur pa ni rang bzhin gyis yongs su dag pa 'dzin pa'i chos snang bar mtshungs pa nyid kyis so/ /thogs pa med pa ni mtshon par bya ba'i 'o/ /rnam par 'gyur ba dang bral ba ni lhan cig skyes pas so/ /legs par gnas pa ni g.yo ba med pa nyid kyis so//de bzhin du de nyid mngon par gsal bar bya ba'i phyir yang gsungs pa/ de bzhin sems nyid kyis ni sems/ /gcig ni sna tshogs par rtogs pa/ /de yang gzugs brnyan bdag nyid kyi/ /rnam pa snang ba mtshungs pa'o/ /gzugs brnyan gyi bdag nyid dang mtshungs pa zhes bya ba ni ji ltar gzugs brnyan rang bzhin gyis don dang ldan pas stong pa ste/de bzhin du rnam pa'i chos de rnams kyang ngo / /de nyid rgyas par bstan pa'i phyir rnam pa zhes bya ba ni de dang de lta bur yang dag par rig cing snang ba ni rnam pa ste/ dmigs pa las gzhan pa'i rnam pa ni med pa'o//'on kyang rnam pa med ces bya ba ni nyams su myong ba'i rnam pa med pa yang ste/ bag chags spangs pa las gzhan du nye bar dmigs shing yod pa ma yin pa'i rang 'byung gi dngos po nyams su myong ba gang yin pa des na cung zad kyang skye ba dang 'jig pa med pa'i chos can du grub pa'o//de ltar na rnam pa dang bcas pa dang rnam pa med pa'i chos gnyis su gnas par gyur pa 'di ni rnam rtog 'phel ba ste zhes pa ni de nyid la don gzhan du gsal bar byed pas so/ /snam bu med na zhes sogs ni rtogs par sla'o/ /de bzhin du phul du byung ba'i rang bzhin gyi lhan cig skyes pa spyod yul ma yin zhing g.yo ba med pa las de lta bu nyid kyi rang bzhin du nye bar ston pa gsungs nas/blo bzang gis 'di las gzhan du yongs su rtog pa ni sgrib par byed pa nyid kyis zhes ston pa yin no/ /'di rnams zhes bya ba ni srid pa 'di rnams so//kye ma zhes pa ni skyo ba ste/ gnyis kyi bag chags kyis tha snyad du byas pa de ltar 'khor ba nyid du 'ching bar 'gyur bas so/ /de lta bu'i bag chags dang bral ba nyid bstan pa'i phyir/ rang gi sems kyi kun du rtog pa spangs pa nyid ni thar pa ste grol ba'o/ / de yang yul gzhan rtogs pa las ma yin pa nyid kyis rang gi mtshan nyid kyi don la tsam gyi sgra'o/ /da ni shin tu phul du byung ba ma yin pa'i lhan cig skyes pa'i rnal 'byor pa 'brel pa'i dbang gis dad pa la sogs pas bsgom pa'i bya ba la mngon du phyogs pa las thams cad du de 'di lta bu nyid do zhes phyag rgya'i sbyor ba las rjes su rtogs pa'i man ngag gsungs pa/kak+ko la ni lus kyi tshogs pa'o/ /ka pUr ni ka pUr dang 'dra bas so/ /zhu ba ni ji zhig ltar byung ba nyid kyis te/ gcig dang du ma'i sbyor bas rnam par ma dpyad par mngon par gsal bar gyur pa'o//dri med ces bya ba ni 'di nyid rang bzhin gyis yongs su dag cing shin tu dga' ba'i yid yin pa nyid kyis bag chags bsgo bar byed pa'i rab rib dang bral ba ste/ chos kyi dbyings rtogs pa'o/ /de ni bzang po'i ro ste/ lhan cig skyes pa'i bde ba gzhi med pa'i spyod yul lo//'on kyang kak+ko la'i dang 'dra min zhes bya ba ni phyag rgya'i sbyor bas rnam par rtog pa nyid ma yin pa'o/ /rtse dga' ni de gcig tu rjes su chags pa'o/ /longs spyod ni rnam pa thams cad du de nyams su myong ba'o/ /rnam pa mtha' dag dang bral ba'i chos nyid rnam par dpyod pa nyid kyi shes rab ni rab tu gsal bar grags so//skal bzangs de yis so/ /'on kyang bo la yi dang 'dra ba'ang min/ /zhes bya ba ni rnam par 'gyur ba med pa'i ye shes yin pa nyid kyis so/ /cir yang zhes bya ba ni yul mi 'dor ba la ched du'o/ / bsam bya min pa ni dga' bral gyi dga' bas stong pa ste/ dran pas go bar bya ba'i yul ma yin pa'i rang bzhin gyis so/ /'di ni zhes bya ba ni so so rang gis mngon sum du rig pa'o/ /mtha' dag kun du rtog pa'i tshogs ni bde ba'i longs spyod la mngon par zhen pa'i kun du rtog pa'i bag chags kyi tshogs so//zad pa ni dum bur byas pa'o/ /dmigs pa med pa ni 'di ltar kak+ko la dang bral bas kyang ste/ lhan cig skyes pa rten med pa nyid kyis so/ /de bzhin du yang dag par gsal ba lhag par rtogs pas chen po nyid kyang ste/ de yang rnam par rtog pa ni sgrib pa dang gnod par byed pas mun pa dang 'dra la/de dag ni rab tu gsal ba'i phul du gyur pa gang gis so/ /dga' ba yis zhes bya ba ni mchog dga' dang dga' bral dang bral ba'i lhan cig skyes pa'i rang bzhin 'di tsam nyid de dang de lta bur snang bas chen po yang ngo / / nam mkha' zhes bya ba ni stong pa nyid do/ /de gang ba ni rnam pa thams cad pa'i bdag nyid kyi stong pa nyid de/ 'di ltar thams cad du de rtogs shing yang dag par 'char ba yin no zhes bya ba'o/ /de bzhin du dang po dang gnyis pa yang nye bar bstan pa'i phyir gsungs pa/ rnam par mi rtog bde ba che//'dod pa'i mtshan nyid bdag nyid can/ /dga' 'di bde ba'i khyim gyi ni/ /sgo yi them skas lta bu'o/ /e ma'o bde ba e ma'o bde chen nyid/ /e ma'o ji lta ji ltar longs spyod bgyi/ /'dod pa zhes byar rtsol ba'i sems kyis ni/ /dga' ste sngun du 'gro ba lta bu yin/tshigs su bcad pa gnyis po 'di dag gis ni dga' ba'i mtshan nyid gsungs pa yin la/ yang mchog tu dga' ba'i mtshan nyid bstan pa'i phyir gsungs pa/ dngos po rnams la ngo bo nyid btags pa/ /stong pa nyid kyis rnam par 'joms par byed/ /rang bzhin med pa nyid du sbyor ba las//mchog tu dga' ba yi ni rang bzhin can/ /e ma'o ye shes e ye shes/ /ye shes gsal ba 'di ngo mtshar/ /zhes byar longs spyod rtsol ba'i sems/ /mchog tu dga' ba 'di ngo mtshar/ /ye shes 'di dag ni bag chags longs spyod pa nyid kyis mdzes pa ma yin pa ste/de las 'dir gnyis kyi mtshan nyid rjes su dmigs pas mtshon par bya ba ma yin pa'i lhan cig skyes pa mi blun pa nyid bstan pa'i phyir gsungs pa/ dngos po zhes bya ba ni yod pa nyid de mchog tu dga' ba'o/ /dngos po med pa zhes bya ba ni med pa nyid de dga' bral lo//'ba' zhig nyid dang rnam bral ni/ /de gnyis kyi dbye ba dang bral bar rtogs pa'o/ /de yis rang nyid de/ blun pa'i lhan cig skyes pa la ltos pa med pa nyid do/ /mdzes pa ni bag chags dang bral ba'i snang ba ma lus pa'o/ /stug por gyur pa'i dga' ba zhes bya ba ni stug po ste pha rol tu phyin pa lnga'i de kho na nyid kyi dngos po'o//rab tu rtogs pa zhes bya ba ni kun du 'dod pa'i longs spyod kyi yul dran pa'i rang bzhin gyi dga' ba gsum po rnams las shin tu lhag par rtogs pa ste/ gzhi med cing thogs pa med pa'i rang bzhin ji ltar yod pa lhag par rtogs pa'i bdag nyid kyis so//chen po zhes bya ba ni gang du nye bar bstan pa'i mtshan nyid bzhi po dag gi nang nas de yang dag par rtogs par byed pa nyid kyis chen po'o/ /nam mkha'i nang khyab pa ni stong pa nyid bcu drug gi rang bzhin no//rnam pa sna tshogs ni snang ba sna tshogs pa'o/ /de rnams kyi rgya che ba ni ngang tshul rgya che ba'o/ /dri med ni dri ma dang bral ba nyid kyis so/ /des na de'i dpe gsungs pa ste/ me long ni me long ngo / /dkyil 'khor ni gzugs brnyan no/ /'phro ba ni sna tshogs pa'i rnam pa 'dzin pas mdzes pa ste 'dra ba ni mtshungs pa'o//bde ba kun gyi gzhi ni phun sum tshogs pa'i bde ba ma lus pa'i sa yin pas so/ /de nyid ni 'di ltar gzugs brnyan dang mtshungs pa'i rnam pa thams cad pa'i dngos po rang bzhin gyis 'od gsal ba rang gzhan dang bral ba'i de kho na nyid gcig pu lhan cig skyes pa'i dga' ba ste/stong pa nyid dang snying rje gnyis su med pa'i gnas skabs kyi dam pa'i gzugs ji snyed pa'i rang bzhin rang dang gzhan la phan pa phun sum tshogs pa'i mtshan nyid sku gsum gyis phye ba'i thams cad mkhyen pa nyid kyi rtsa ba 'di'o/ /bzhi pa yin par brjod ces pa ni gsum pa 'di la'o//de bzhin du ni zhes pas kyang ste/ rnam par rtog pa ma lus pa skye ba bcom pas rnam pa thams cad kyi mchog dang ldan pa nyid kyis lus pa med pa'i rang bzhin du gyur pa'i dga' ba'o/ /da ni lhan cig skyes pa snang bzhin pa yang dag par rig pa'i rnal 'byor pa nyams su myong ba gcig nyid du spyod pa nye bar bstan pa'i phyir gsungs pa/e ma'o zhes pa ni bde ba yang dag par rig pa las nyams su myong ba gzhan med pa la ngo mtshar ba ste/ phul du byung ba'i yid dga' ba'o/ /bde chen zhes pa ni rang bzhin med pa nyid las rnam pa thams cad par snang bzhin pa'i 'o//de'i rol pa ni ngal ba med par rnam pa thams cad nas thams cad du de dang de lta bur snang bar gyur pa'o/ /srid pa gsum ni 'jig rten du gdags pa gsum nyid dam lus ngag yid gsum mo/ /gang ba ni khyab pa'o/ /gang gis ni rol pa gang gis so//rang gzhan dbye ba ni bdag dang gzhan gyi dbye ba'o/ /'di zhes bya ba ni bag chags kyis dbang byas bzhin pa'i mngon sum mo/ /skad cig ni lhan cig skyes pa'i skad cig 'di'o/ /dbyer med ni ro gcig pa nyid du'o/ /'gro ba ni rtogs pa'o/ /de yang 'di ltar yid lhan cig skyes pa la mnyam par gzhag bzhin pa'i rnal 'byor pa ni rang dang gzhan du dmigs pa'i rgyu'i dbye bas stong pas de bzhin nyid du ro gcig pa nyid kyis dbye ba med pa de nyid slar yang gsal bar bya ba'i phyir gsungs pa ni rtogs par sla'o//de'i phyir 'du byed pa med par shin tu gsal ba nyid gnyis su med par rtogs so zhes bstan pa'i phyir gsungs pa/dngos po rnams ni chos rnams so/ /dbye ba med pa yang zhes pa ni de bzhin nyid kyi rang bzhin gyis dbyer med yin pa yang ngo / /slar yang zhes bya ba ni gnyis su med pa nyid kyi gnas skabs na yang dbye ba med par 'gyur ba ste/'gyur ba med pa'i chos nyid blang dor dang bral ba rtogs shing khong du chud pas so/ /ci'i phyir 'di de kho na nyid kyi mchog dang ldan pa'i stong pa nyid kyi dngos po rtogs pa las te/ de'i phyir bde ba chen po lhan cig skyes pa'o/ /de la rnam pa mtha' dag spangs nas nam mkha' la stong pa nyid snang bas mdzes pa nyid ni kun du 'dod pa'i rang bzhin gyi skad cig ma gsum las phul du byung bas chen po nyid yin pa gang gi phyir bde ba chen po'i sgras brjod pa yin no//de yang 'di ltar rang dang gzhan la phan pa phun sum tshogs pas rnam par rgyal ba'i rnal 'byor pa'i yid gnyis kyi rnam pa dang bral zhing ro gcig tu gyur pas dbang byas pa las de 'di lta bu nyid du khyad par du snang ba'o zhes bya ba ste/de nyid la bde ba chen po legs par rtogs pa zhes kyang bstan pa yin no/ /da ni rang gzhan lhan cig skyes pa dang rjes su mthun pa'i mos pas zhi gnas su bya ba'i phyir shin tu phra ba'i gtum mo'i sbyor ba khyad par du bya ba gsungs pa/dngos po'i tshogs rnams ni chos kyi tshogs rnams so/ /rnam par dpyod pas ni de'i skye ba med pa la sogs pa rnam par dpyod pa dri ma med pa'o/ /'phel ba ni de rab tu gyur pa'o//shes rab ni de kho na nyid du skye ba dang bral bas 'gyur ba med pa'i chos nyid rtogs pa ste/ bag chags dang bral ba'i rig pa'o/ /rlung ni me'i grogs nyid de/ /des bskul ba dang / yang dag par rnam par dpyod pa'i rgyun yongs su shes pas kyang ngo / / gtum mo ni bar ma chad par ji ltar yod pa rab tu gsal ba nyid kyis rnam par rtog pa'i dra ba mtha' dag sreg pa'i bdag nyid do/ /'bar ba ni bag chags mtha' dag bsregs pas mngon par gsal bar gyur pa'o/ /rab tu gsal ba ni rab tu dngas pa'o/ /rgya che ba ni rgya cher 'phel bzhin pa nyid kyis so//yang dag ye shes te/ bag chags ni blun pa las gzhan ma yin pa nyid kyis so/ /dri ma med pa ni sgrib pa thams cad rab tu bcom pas so/ /de bzhin du de bzhin gshegs pa lngar mos shing mtshon par bya ba gzugs la sogs pa rnams su rnam par rtog pa ste mngon par zhen pa'i phung po bsregs shing nyams par byas pas so//bdud rtsi ni skye ba dang 'jig pas stong pa'i chos thams cad de stong pa nyid do/ /zhu ba ni rab tu gsal bar byed pa ste/ 'bar ba 'ba' zhig gis ma yin par 'dzag pas kyang ngo zhes bya ba'i don to//dmigs med yang dag rig byed pa ni rten med par rtogs pa'o/ /nam mkha' yang ni khyab pa zhes pa ni stong pa nyid kyi tshul gyis so/ /dngos po mtha' dag mnyam pa nyid ni des 'thob pa ste/ mngon par sbyor ba las dang yig phyis pa'o/ /de yang 'di ltar mos pa'i 'bras bu gzhi med pa nyid kun du mtshungs par mngon du gyur pa ni rdzogs pa ste mchog tu lhan cig skyes pa'o//rtsa rnams kyang nye bar btags pa dang bral ba'i lha'i gzugs de bzhin nyid lhan cig skyes pa'i bdag nyid do zhes nye bar bstan pa'i phyir gsungs pa/ rang bzhin gyis ni rtsa rnams ni/ / de kho na las lha nyid min/ /'di rnams kyi ni shin tu dag /rang bzhin med 'di rang ngo bo/ /de bzhin du/ shes rab thabs dag gcig nyid gang / /rnam pa thams cad sdom pa gcig /a wa d+hU tI rnam sel bdag /de ni dbu ma'i rtogs par 'dod/ /gcig pu a wa d+hU tI nyid/ /ces bya ba'i bar du'o//gang du zhes bya ba ni yang dag par rig pa gang du ste dga' ba'o/ /yang dag par rtogs pa ni gnyis su med par rtogs pa'o/ /de ni dag pa ste/ stong pa nyid kyi phyir dag pa'i dngos por yod pa'o/ /nam mkha' che zhes pa ni stong pa nyid kyang stong pa nyid kyi rang bzhin gyis stong pas chen po nyid de/de las lhag pa med pa gnyis su med pa'i don to/ /'di nyid kyi phyir gang du pha rol tu phyin pa lnga'i rang gi ngo bo nyid shes rab kyi pha rol tu phyin pa dang gnyis su med pa nyid ni yongs su dag pa'o/ /rnam kun nye bar bsags pas mtha' dag rdzogs par rtogs bya longs spyod rdzogs//zhes bya ba ni yongs su rdzogs pa la longs spyod rdzogs pa ste/ de'i rtogs bya ni thob par bya ba'o/ /dngos po'i tshogs ni tha snyad du snang bzhin pa rnams te/ de bzhin du ro mnyam pa nyid kyis rmi lam lta bu ni sprul pa'o/ /sgrib pa zhi ba'i ye shes yul de rnam dag a wa d+hU tI'o zhes bya ba ni slar yang sgro btags pa ma yin pa thob pa nyid do//da ni 'khor lo bzhi'i lhag pa'i byed pa gsungs pa/ snying ga dang mgrin pa dang b+ha ga dang spyi bo rnams la 'khor lo bzhi rnams te rim pa ni yongs su bstar ba'o/ /de la blun pa'i rang bzhin gyi 'gro ba 'gyur ba med pa'i de bzhin nyid rtogs pa 'dzin par byed pas chos dang /ngag gi tha snyad kyis rang dang gzhan la phan pa yang dag par nyams su myong bar byed pas longs spyod rdzogs pa dang / sems can gyi bsam pa'i dbang bzhin du sku spro ba ston par byed pas sprul pa dang / 'khor lo gsum las khyad par du g.yo ba med pa'i dga' ba phun sum tshogs pa rtogs par byed pas bde ba chen po'o//de yang 'di ltar 'khor lo bzhi po yang bde ba chen po lhan cig skyes pa'i bdag nyid kyis de bzhin nyid du mtshungs pa'o/ /'on tang dga' ba'i yid 'gyur ba med pa'i chos nyid rtogs pa la ni rnam par dpyod pa med pa'i phyir dbyibs kyi dbye bas grangs su bya ba yang med do zhes gsungs nas/de bzhin nyid 'di la ni khyad par gyi dbye ba'i rnam pa'ang med pa ste/ de ltar yang sna tshogs pa'i rtswa dang shing gi nags bsregs pa na nam mkha' la dbye ba med pa de bzhin du ma lus pa'i bag chags nub pa na de bzhin nyid du dbye ba med pa'o//de ltar na kun rdzob dang don dam pa yang rang bzhin de bzhin nyid 'od gsal bar ro gcig pa nyid kyis dbyer med pa yin la/ 'on kyang kun rdzob tu ji ltar yod pa'i chos rtogs pas dang /de med pa nyid la sogs pas kun rdzob dang don dam pa'i dbye ba blta bar bya ba'o/ /dngos po rnams nyid ces bya ba ni tha snyad du yod pa'i don gyis dngos po nyid do/ /rang bzhin zhes pa ni sngar bstan pa bzhin te/ gzhan ni rtogs par sla'o/ /'di las na gang shin tu phra bar dmigs kyang de kho na nyid du mi 'gyur ro zhes mdor bsdus nas gsungs pa/phra mo'i rang bzhin zhes pas ni dmigs pa brjod pa ste/ sngar nye bar bstan pa las gzhan ma yin no/ /nges par ni nges pa las te/ de kho na nyid ni yang dag pa'i mtha'o/ /de ltar na 'di nyid du bshad pa tsam las de kho na nyid ma yin par brjod pa'o//dmigs pas stong pas na mchog gi bde bar ro gcig pa ste/ bar ma chad pa'i bdag nyid 'ba' zhig pa'o/ /dang ba ni rnam par dag pa'o/ /rgyun ni de lta bur rgyun chags pa'o/ /snang ba ni gang gi ste/ de dang de lta bur gsungs pa rnams so/ /nyams su myong ba'i snying po zhes pa ni so so rang gis rig par bya ba'i ngo bo'o/ /dmigs pas stong zhes pa ni tha snyad sna tshogs kyi dmigs pa mi 'jug pa'o/ /de nyid ni don ji lta ba'i lhan cig skyes pa bde ba chen po zhes bya ba'o/ /de bzhin du bde ba chen po'i sku ste/nges par gcig tu yul gyi 'dod pa med cing mchog la brten pa 'ba' zhig pa'i sems so/ /mchog ni rnam pa dang lha ste/ de'i phyir de la yang dag par brten pa ni ma 'khrul ba yin la/ gang 'khrul pa med pa ni nam mkha'i rang bzhin shin tu 'od gsal ba dmigs pa mtha' dag las 'das shing mi mnyam pa bde ba chen po'i sku'o//rang bzhin med pa'i ngo bo nyid ni dngos po rnams kyi rang bzhin yin la/ rang bzhin med pa nyid las bar ma chad par rnam pa ston pa yang ste/ rtog pa'i rang bzhin can zhes bya ba ni btags pa'i ngo bo nyid do/ /rang bzhin gyis rnam par rtog pa las ma byung zhing stong pas na rang bzhin med pa ste/de chos thams cad kyi rang bzhin yin no zhes bya ba'i don to/ /de lta bas na/ rang gi 'dod pas 'jug pa yis/ /bag chags stobs kyis g.yos pa las/ /rnam par rtog pa skyes gyur pa/ /phyi rol don 'bras nyid lta bu//zhes te/ rang gi 'dod pas zhes bya ba ni rang nyams kyi gzhan dbang gis te/ yang dag par sgro btags pa'i bag chags brdzun pa'i stobs kyis byas pa las/ rnam par rtog pa'i shes pa skyes pa na/ /phyi rol gyi don gyi 'bras bu nyid lta bu ste/ bar ma chad cing dbyer med pa'i bag chags kyi dbang nyid kyis so zhes pa'o//kye ho zhes bya ba ni ched du ngo mtshar ba la ngo mtshar ba'o/ /rnam bkra zhes bya ba ni sna tshogs pa nyid do/ /rnam rtog rjes su song gyur pa/ /zhes pa ni/ ka dam+ba ste gling bu go la ka'i rol mo'i sgra lta bur/ rang gi nyams kyi dbang gis yul gcig nyid la dus gcig tu rnam pa mang por nye bar rtogs pa'o//de bzhin du gcig gi dngos po nyid la zhes bya ba la dngos po ni yul te yang zhes pa'i don can no/ /ni zhes bya ba ni yang yig phyis pa'o/ /rnam pa sna tshogs don du rtogs pa ni/ /lhan cig tu 'byung ba med pas de dang de'i bdag nyid du med kyi/rang gi 'dod pas nye bar btags pa tsam mo/ /de bzhin du yul la ltos pa med par yang 'dod pa skye ba ni zhes bstan pa gsungs pa ni go bar sla'o/ /'o na ji ltar rang bzhin gyis yongs su dag pa'i sems las kun du rtog pa 'byung zhe na/ de bstan pa'i phyir gsungs pa/rigs kyi bu gang byis par gyur pas rang bzhin yongs su ma shes par zwa ldum la reg pas sdug bsngal bar 'gyur ro/ /de bzhin du sems 'di'i yang yongs su dag pa'i rang bzhin ma rtogs pa las/ phyi rol du dmigs pas sdug bsngal bar 'gyur ro/ /de'i phyir sems kyi phyi rol dang don dam pa'i gnas skabs bstan par bya ste/sems de rtog pa'i rnam pa ste/ /phyi rol don du'ang brtags pa nyid/ /rtog pa 'di dag spangs pa na/ /gcig pu nam mkha'i bdag nyid do/ /'on kyang / mi shes pas ni dngos rnams kyi/ /rang bzhin rang bzhin bcas pa nyid//dngos po rnams ni yongs shes pas/ /rang bzhin rang bzhin med pa'o/ /zhes pa ste/ mi shes pa 'di yis ji ltar yod pa nyid du rnam par dpyod la/ dngos po rnams kyi rang bzhin te ngo bo nyid rnam par dpyad pa gang gi tshe 'di rnams shes pa'i rnam pa nyid dang /de'i tshe de rnams rang bzhin med pa'i dngos po yin pa nyid kyis rang gi ngo bo rang bzhin med pa'o/ /de bas na rnal 'byor pas ltos pa med par rnam pa thams cad byed do zhes bstan te/ bya ba de rnams dbye ba dang / /byed pa po yang de bzhin du 'gyur ba med pa'i de bzhin nyid du rtogs pas so//de ltar na sna tshogs pa'i tha snyad kyi 'brel pa'ang cung zad med do zhes bya ba la sogs pa ni rtogs par sla'o/ /bya ba dang byed pa po'i dbye ba cung zad kyang med pa ji lta bar nyon mongs pa spong ba dang gnyen po bsten pa yang yod pa ma yin pas de rab tu go bar bya ba gsungs nas/de'i phyir pha rol tu phyin pa thams cad bsgom par bya ba'o zhes khong du chud par bya ba gsungs pa ste/ shes rab kyi pha rol tu phyin pa 'ba' zhig bsgom par bya ba ma yin gyi 'on kyang lnga po yang bsgom par bya ba yin pa ni/ pha rol tu phyin pa lnga po rnams rnam pa thams cad du bsgoms pas pha rol tu phyin pa'i ye shes slu ba med pa rtogs pa na/pha rol tu phyin pa lnga po rnams bsgoms pa ni shes rab kyi pha rol tu phyin pa bsgom pa'o zhes bya bar gnas pas so/ /de nyid nye bar bstan pa'i phyir gsungs pa/ de nyid ces bya ba ni shes rab kyi pha rol tu phyin pa ste sems las gzhan ma yin pa nyid do//lhun grub ces pa ni mngon par zhen pas stong pa'o/ /lhag ma med pa ni nyams su myong ba'i dngos po gcig nyid kyi phyir ro/ /khyad par med pa ni spyod yul ma yin pas kyang ngo / /dbang po med pa ni dbang po 'jug pas stong pa'o//gzhi med pa ni bya ba'i ngo bo nyid ma yin pa'o/ /'khrugs med ni srid pa dang zhi bas gos pa med pa'o/ /spyod pa med pa ni gnyis su spyod pa med pa ste/ 'di dag gis bde ba chen po 'ba' zhig gi rang bzhin gsal bar byas so/ /rnam pa lnga'i de kho na nyid kyang gsungs pa/'di rnams zhes bya ba ni dngos su tha snyad byas bzhin pa rnams te/ sbyin pa la sogs pa'i pha rol tu phyin pa lnga rnams zhes bya ba ste 'jig rten gyi tha snyad du'o/ /dga' ba ni de kho na nyid de ro gcig rang bzhin can zhes bya ba ni shes rab kyi pha rol tu phyin par rang bzhin dbyer med pa nyid kyis so//'di ltar sbyin pa ni de la rab tu dang zhing rjes su yi rang ba'i bsam pa yang dag par rig pa gcig pu'i ro las te/ de la sbyin pa po dag pa'i sbyin pa la rab tu dang zhing rjes su yi rang ba'i sa bon las ni longs spyod phun sum tshogs pa sna tshogs la rol zhing longs spyod par byed pa dang /'di lta bur rgya che ba'i sku'i phun sum tshogs pa'i 'bras bu la longs spyod pa'i bar du 'gyur ba dang / de nyid sbyin par mi byed pa la sogs pa'i ngan pa'i bsam pa'i dri mas dri mar byas pa las de'i 'bras bu'ang dri ma dang bcas pa nyid de/ gzhan gsod pa la 'jug cing rjes su yi rang ba'i khro ba'i sems bskor ba'i sems kyis 'di nyid du dmyal bar nyon mongs par byed pa la sogs pa'o//de yang pha rol tu phyin pa lnga po rnams kyi dga' ba ni de kho na nyid de/ 'di ltar de yongs su rtogs pa ni shes rab kyi pha rol tu phyin pa'o zhes so/ / de nyid ni mchog ste dbyer med pa'i bdag nyid du bstan pa rgyas par gsungs pa/ dga' zhes bya ba la sogs pa la/ 'di rnams zhes pa ni pha rol tu phyin pa rnams kyi'o/ /'bras bu dga' ba zhes bya ba ni dga' ba pha rol tu phyin pa'i 'bras bu nye bar ston pa'i don to/ /de ni 'di ste dngos po nyid yin la/rtogs pa ni de'i de bzhin nyid khong du chud pa ste/ de ni rang bzhin med pa nyid do/ /gnyis po zhes pa ni bar ma chad par dga' dang rtogs pa dag nges par sdom pa ste/ dbyer med pa ni dbye bas stong pa'o/ /dga' ba nyid ces pa ni gnyis su med pa la rjes su chags pa'o//bde ba che ni de las gzhan ma yin te/ de yang 'di ltar stong pa nyid dang snying rje dag dbye bas stong par rtogs pa ni bde ba chen po'o/ /'o na stong pa nyid dang snying rje dbyer med pa ni sems kyi ngo bo nyid rang bzhin gyis lhan cig skyes pa yin na/ de la stong pa nyid ni chos rnams kyi de bzhin nyid de rang bzhin mngon par gsal ba rab tu rtogs bzhin pa nyid yin la/snying rje ni byed pa po'i 'dod pa'i dbye bas smon lam gyi rnam par rtogs par bya ba yin pa'i phyir lhan cig skyes pa ma yin no/ /de'i phyir de'i dga' ba de yang the tshom med par lus la ltos pa bcos ma la sogs pa mtshan ma'i rgyun la lhag par zhen pa'i bde ba yin pas na de kho na nyid du mi 'gyur ro zhe na/de ni ma yin te/ lhan cig skyes pa ni kun nas nyon mongs pa la brten pa'i 'dod chags la sogs pas stong pa mchog tu zhi ba'i dngos po ste/ de ni nyon mongs pa 'joms par byed pa dang rang bzhin gyis dga' ba nyid de/de bas na 'di ltar stong pa nyid dang dbyer med pa'i snying rje ni byang chub kyi sems so zhes bya bar gnas pas so/ /de ltar na de nyid dbyer med pa'i rang bzhin du rgyas par bstan pa ni sgron ma dang ni snang ba zhes sogs te rtogs par sla'o//gnyis po 'di dag gi che ba'i bdag nyid kyang gsungs pa ni 'di ni zhes bya ba ste/ rang gi bdag nyid stong pa nyid dang snying rje dbyer med par yod pa gang yin pa'o/ /'di ni sems gcig pu'i rang bzhin te/ sems shes rab dang thabs kyi bdag nyid yin pa de'i phyir/he yig gis ni snying rje che/ /badzra shes rab brjod par bya/ /zhes bya ba kye'i rdo rje'o/ /rim pa 'dis de mtha' dag kye'i rdo rje'i rang bzhin yin pa nyid kyis rnam par dbye ba med pa'o zhes ston pa ni dga' ba zhes bya ba la sogs pa ste/ rtogs pa'i don kyang ngo / /'jig rten gyi tha snyad de mtha' dag yongs su dag pa'o zhes bya ba yang bstan pa'i phyir/rnal 'byor ma zhes pa la sogs pa ste/ rnam par rtog pa thams cad kyi rang bzhin yongs su dag pa rnams ni dkar mo la sogs pa'i rnal 'byor ma rnams so/ /srid pa gsum ni lus ngag yid gsum ste/ stong pa nyid kyi snying po nyid kyi phyir dkyil 'khor ro/ /bde ba chen po ni rnam pa thams cad kyi mchog dang ldan pa'i stong pa nyid kyi de kho na'i dga' ba'o/ /der ni dga' ston te rang dang gzhan la phan pa phun sum tshogs pas so/ /de bas na 'di ltar 'gro ba ma lus pa'i don byed par nus pa'i rnal 'byor pa skye ba med bzhin du yang de dang de zhes bya ba la sogs pa ste/de dang de ni tha snyad rnams so/ /lhan cig skyes pa bde ba chen po la yid mnyam par bzhag pas gnyis su med pa'i de bzhin nyid kyi ngo bor dbyer med pa'i snang ba yang dag par rig pa'i rnal 'byor pa ni/ yang dag par lhun gyis grub pa'i rgyun gyi ting nge 'dzin las kye'i rdo rje mchod par byed pa po ste/de'i phyir rnam pa thams cad du ting nge 'dzin la mngon du phyogs pa'i rnal 'byor pa ji ltar mngon par 'dod pa'i longs spyod la sogs pa khyad par du spyod pa ni/ lhag par mos pa bsgom pa 'ba' zhig gis ma yin par phun sum tshogs pa'i bya bas so zhes bya bar dgongs so//rgyu mtshan des na ting nge 'dzin phun sum tshogs pa'i rnal 'byor pas/ thams cad dus su zhes pa ji ltar mngon par 'dod pa rnam par rol pa sna tshogs kyi dus su'o/ /chos thams cad la dogs med de mngon par zhen pas stong pas kun du spyad par bya ba'o//de dogs pa dang gnyis kyi tha snyad 'khor ba'i dbus su gnas kyang de las byung ba'i skyon gyis gos par mi 'gyur te/ mngon par zhen pas skyo ba'i rgyu mtshan gyis 'di nyid du mya ngan las 'da' bar 'gyur ba yin no/ /de nyid mdor bsdus nas gsungs pa ni/ji ltar sgyu ma zhes bya ba la sogs pa ste rtogs par sla'o/ /de nyams su myong ba'i rang gi ngo bo nyid nye bar bstan pa gsungs pa/ bsgom bya med ces bya ba ni 'dir lhan cig skyes pa bsgom pa na mngon par 'dod pa'i sems las gzhan pa'i phyi rol gyi dngos po med pa ste/dmigs pa med pa las gzhan rig par bya ba'i bsgom bya med pa'o/ /de med pas na sgom pa po/ /zhes pa sems te de yang med la/ de gnyis po med pa'i phyir dran pa 'ba' zhig dag tu skye ba'i bsgom pa yang med do/ /de bas na 'di ltar bsgom par bya ba dang sgom pa po dang bsgom pa dang bral ba ni gnyis su med pa'i de bzhin nyid rtogs pa ste de yang sems nyid do//de nyid rgyas par bstan pa'i phyir gsungs pa/ gnyis kyi rnam pa yongs dor bas/ /dbye ba dbye ba med pa spangs pa ni de las skyes pa ste/ de de bzhin du gnas pas nyams shing dub pa med pa na/de bzhin nyid kyi dngos por yod pa'i de kho na nyid ye shes 'ba' zhig pa tsam ni rang bzhin yin pa nyid kyi phyir de bsgom pa la skyon yod pa ma yin no/ /da ni gnyis su med pa'i rang bzhin gyis sngags bzlas pa la sogs pa yang yongs su dag pa'o zhes nye bar bstan pa'i phyir/rnam pa thams cad du 'gro ba lhan cig skyes pas bsdus pas/ sems kyang mnyam pa nyid kyis bsdus pa ste/ rang bzhin zhes pa ni de yang de bzhin nyid du rnam par dag pas so/ /sngags ni 'gro ba'i yid skyob pas te/ bzlas pa ni gsal bar ngag tu thon pa'o//la sogs zhes pa ni dka' thub la 'jug pa la sogs pa'o/ /'di rnams zhes bya ba ni mngon du phyogs shing ma bkag pa'i bya ba rnams te/ lhag pa'i bsam pa'i rgyun las kha thon dang dbyung ba dang 'jug pa gsum la sogs pa'i dmigs pa la brtson pa nyid kyang ngo //de yang gnyis kyi tha snyad mngon par gsal bas sngags bzlas pa la sogs pa ma bkag pa ni ma yin gyi gnyis su med pa'i gnas skabs dag pa yang dag par rig pas 'di rnams thams cad du bya ba'o/ /rnam par dag pa nyid 'di las ni de thams cad byas kyang bkag pa med pa ste/gang gi phyir 'gro ba lhan cig skyes pa'i rnam 'phrul yin pas so/ /de nyid slar yang rab tu rtogs par bya ba ni/ yi ge phyis pas sku gsum gyi rang bzhin ni yi ge hUM ste/ de ltar na rdo rje gsum gyi dbye bas gsungs pa'ang yang dag pa'i tha snyad do//dogs med ces pa ni lhan cig skyes pa'i chos nyid kyi dogs pa dang bral ba'o/ /he ru ka lta bu zhes bya ba ni rgyus stong pa dang sna tshogs pa'i rtog ge dang bral ba dang brten pa med pa nyid kyis kyang ngo / /kun rtog kun du rmongs pa 'joms pa ni dgas par byed pa'o/ /des ni 'di lta bur sngags bzlas pa la sogs pa la skyon yod pa ma yin no zhes bya bar dgongs so//da ni sngags ma lus pa'i rang bzhin ni lhan cig skyes pa rtogs pa'o zhes bstan pa'i phyir/ rtogs pa zhes pa ni gnyis kyi tha snyad de sgrib pa yin la/ de dag kun spangs nas brtags pa ma yin pa nyams su myong ba gang yin pa ni/gsang ba de nyid ces pa tshig tu brjod par bya ba ma yin pas gsang ba'i skad kyang de nyid yin la/ sngags de rnams zhes bya ba ni bsam gyis mi khyab pa bsgom pa de nyid sngags te/ stong pa nyid mchog nyid kyis so/ /de bzhin du de nyid bsrung ba mchog dang /'di ltar ma lus pa'i sngags kyis bsgrub par bya ba thams cad kyang des 'grub par byed pa'o/ /rang bzhin stong pa nyid yin kyang sna tshogs pa'i don gyi bya ba byed do zhes bstan pa'i phyir/ rmi lam lta bu'i chos rnams zhes bya ba la sogs pa ste/ ji ltar rmi lam na don gyi dngos po med kyang don gyi snang ba mngon sum du nyams su myong bas blang dor la sogs pa'i rang bzhin gyi bya ba de dang de skyed par byed do/ /de bzhin du rnam par dpyad pa las stong pa nyid yin yang khu byug la sogs pas bde ba dang / bong bu la sogs pa'i bong bu'i skad kyis sdug bsngal bar byed pa de bzhin du zhi ba dang rgyas pa la sogs pa'i nges par sbyor ba rnams su sngags kyis kyang de dang de'i bya ba skyed par byed pa'o//de yang 'di ltar yang thogs pa med pa'i ting nge 'dzin la mnyam par gzhag pa'i sems ni sngags te de bzlas pas 'grub pa yin no//de yang 'di ni dngos po'i nus pa las so zhes ston pa ni/ dngos po'i nus pa'i rang bzhin 'di/ /kun rdzob las ni nye bar 'thob/ /ces bya ba ste/ 'on kyang sngags ni don dam pa las kyang dngos grub tu 'gyur ba ni/ 'di dag kyang rang bzhin rab tu rtogs pa nyid kyis na kun rdzob rnam par spangs nas don dam par mi 'gyur ba las so//da ni lha ma lus pa'i rang bzhin lhan cig skyes pa yang dag par rig pa'i rnal 'byor pas lha la phyag byas kyang skyon du mi 'gyur ro zhes shes par bya ba ni/ shing la sogs las byung nyid kyi/ /sangs rgyas gzugs brnyan te rnam par bkra ba'i lha rnams la zhes bya ba'i tha tshig go//dor mi bya ba ste/ don gyi dbang las thams cad dmigs pa med pa'i chos nyid lhan cig skyes pa'i rang bzhin du rtogs pa na zhen pa yang de lta bur yang dag par rig pa des sgyu ma dang rmi lam lta bu'i phyag byas pa la skyon 'thob par 'gyur ba yod pa ma yin pa'o//sa sogs te shing dang rdo las byung ba la sogs pa'i lha 'di rnams la rab tu rtogs pas phyag mi bya ste/ de ni de la dmigs pa'i rtsol ba 'gog pa'o/ /phyag ma byas kyang lhan cig skyes pa rtogs par gyur pa ni de nyid phyag yin no zhes ston pa ste/dmigs pa dang bral ba'i chos nyid lhag par shin tu gsal bar mngon sum du nyams su myong bas phyi dang nang mnyam pa nyid kyi ting nge 'dzin phun sum tshogs pas brdzun pa ma yin pa'i chos nyid rtogs pa nyid ni lus pa med pa'i de bzhin gshegs pa thams cad la phyag byas pa yin la/de lta na gang dmigs pa dang bral ba'i rang gi ngo bo nyid rtogs pa 'di nyid ni gus pa dang bcas pa'i yid kyis phyag 'tshal ba bla na med pa yang ngo / /de bzhin du gtor ma dang nyer spyod kyi mchod pa'i rim pa yang rmi lam dang sprul pa lta bu nyid ces pa ste/gang brdzun pa ma yin pa'i chos nyid rang bzhin gyis skye ba la sogs pa'i mtshan nyid dang bral zhing mtshan nyid med pa'ang nub pa/ kun nas thams cad kyi rten dang kun nas nyon mongs pa mtha' dag nye bar zhi ba ngo bo nyid kyis dri ma med pa 'ba' zhig tu lhag par gnas pa mchog tu mya ngan las 'das pa'i rang bzhin gyi sems nyid gcig pu ni chos kyi dbyings te/de la gsal bar snang zhing ngag gi spyod yul ma yin pa nyid kyis dogs pa med pa'i rang bzhin 'dzin pas chos dang / de ltar na'ang lhag par gnas pa nyid ji ltar gyur pa'i gnas skabs de lta bu'i snang bar 'byung bas dbyings so//de bas na 'di ltar gzhi med cing mngon par gsal ba'i sems nyid ni chos kyi dbyings te/ sbyin pa po la sogs pa'i 'khor gsum po de ni de'i rang bzhin du mnyam pa nyid yin pa de'i phyir 'gyur ba med pa'i 'bras bu 'thob pa'o//de dang de lta bu nyid du phyi rol nyer spyod kyi mchod pa dga' ba yang ngo zhes bstan pa'i phyir gsungs pa/ ji ltar gyur pa nyid kyis na de bzhin nyid de ngo bo ni rang bzhin no/ /der dbyer med pa ni rnam pa'i dbye bas stong pa ste/ gzhi med pa'i chos nyid kyis so/ /khams gsum po ni lus dang ngag dang yid do//gcig par yang dag rig pa ni gang 'ba' zhig tu'o/ /rnal 'byor rnams kyi rgyun chad med pa yi/ /zhes bya ba ni 'di ltar ting nge 'dzin la brtan par mngon du phyogs par byas pa rnams kyi gzhi med pa 'ba' zhig pa'i blo ji srid bar ma chad par 'jug pa de srid du'o//dga' ba 'di ni mchod pa'i snying po ste chos kyi dbyings nyid kyis gnas pa mngon sum du yang dag par rig cing nyams su myong bas de bzhin gshegs pa la nye bar spyod pa'i mchod pa chen po nyid du gyur pa'o/ /de ni shes rab dang thabs kyi bdag nyid kyi blo ting nge 'dzin phun sum tshogs pa la gnas pas dus thams cad pa dang rnam pa thams cad pa'i gtor ma chen po'o//de la 'di lta bur rgya chen po'i tshogs gnyis kyang rnam par dag pa'o zhes ston te/ byang chub ni yon tan phun sum tshogs pa yang dag par gsal ba'i sku gsum mo/ / sbyin pa la sogs pa yongs su gyur pas longs spyod chen po la sogs pa dang mchog gi dbang phyug gi sku yang dag pa'i 'bras bu byed pa ni bsod nams kyi tshogs dang / de nyid kyang chos kyi dbyings kyi rang bzhin gyi dngos po nyid kyis ji srid du 'od gsal ba dang dbyer med pa'i de bzhin nyid du gnas pa ni ye shes kyi tshogs so//de dang de lta bu'i tshogs gnyis po yang shes rab kyi pha rol tu phyin par rnam par dag pas phul du byung ba'i nges pa'i 'bras bu byed pa ste/ gang gi phyir de lta yin pa de'i phyir tshogs thams cad kyang dri ma med pa'i lhan cig skyes pa srid pa dang zhi ba la mi gnas shing nyon mongs pa ma lus pa spangs pas rnam par dag pa nyid du gyur pa la brten pa yin no//de bzhin du yon tan shin tu gsal bar yid la byed pas chen po nyid du byed pa rab gnas dang / sngags dang bcas pas bkug nas bsreg za la sreg blugs byed pa sbyin sreg dang /der ji ltar mngon par 'dod pa'i lha la ji ltar rigs pa'i mchod pa'i sbyor ba dang / la sogs pa'i sgras slob ma bsdu ba dang de la dbang bskur ba sbyin pa la sogs pa'o/ /bya ba ni yul gyi tha snyad kyis ji ltar byas pa ste/ sna tshogs pa'i tha snyad nye bar btags pa la mngon par zhen pa brgyud mar 'byung ba kun kyang mi spong bar ting nge 'dzin du byed pas rnam par sbyong bas na dri ma med pa'o//shes rab ni chos mtha' dag 'gyur ba med par rtogs pa'o/ /thabs ni de gzhi med par snang zhing bde ba'i rang bzhin du rtogs pa ste/ gnyis po de dag sbyor ba ni yang dag par kun nas dbyer med cing tha snyad du 'brel par byas pa'o//rdzogs pa'i byang chub ni phun sum tshogs pa'i yon tan mtha' dag yang dag par rtogs pa ste/ de sgrub par byed pa ni de dang de lta bu'i ting nge 'dzin phun sum tshogs pa 'di mtha' dag las tha snyad du rdzogs pa'i byang chub sgrub par byed pa'o//da ni rab tu gnas pa'i de kho na nyid gsungs pa/ phyi rol gyi rnam par yongs su gzung zhing yid la byas pa'i yul dang yid la byed pa thams cad nub pa ni nye bar zhi ba'i dam tshig pa dang ye shes kyi 'khor lo spro zhing bsdu ba dang gzhug pa la sogs pa ste/de'i tshe snang ba mtha' dag sgyu ma dang rmi lam dang mtshungs par snang bzhin pa dri ma med cing gsal ba tsam 'ba' zhig pa yang dag par rig pa la'o/ /rdo rje sems dpa' ni stong pa nyid dang snying rje'i rang bzhin yang ste/ gang gnas pa zhes pa ni gang dbyer med par gnas pa'o//de nyid ni mtha' dag sangs rgyas rnams kyi 'ang rab tu gnas pa ste/ bla na med pa ni ji ltar yod pa rtogs pa nyid kyis so/ /'di dag ni de bzhin gshegs pa rnams kyi mchog tu gsang ba chen po las gzhan ma yin la/ de yang de bzhin gshegs pa yang dag par mchod pa'i ched du 'di ltar cho ga ji lta bas khrus la sogs pa de rnams bya ba de la ni rnam par dag pa'i dad pa'i stobs dang ldan pa las 'di rnams su de bzhin gshegs pa nyid rab tu gnas pa dang byin gyis brlabs pa yang de dang mtshungs par 'gyur ba yin no//de nyid kyi phyir 'di ltar de bzhin gshegs pa'i sku'i rnam par rol pa ni lus pa med pa'i rol pa sna tshogs pas rnam par rtsen pa 'di nyid yang dag par rig pa las tshogs ma lus pa sgrub par byed pa'o zhes ston pa ni/gnyis su med pa'i dag pa yang dag par rig pas chos mtha' dag lha'i bdag nyid du rab tu sad pa rtogs pa'i rnam par rol pa'i tshogs kyi rgyur gyur pa'i rol pa la/bcos ma ma yin pa'i nga rgyal rab tu byed pas mchog gi bde ba'i tshogs nyams su myong ba las rnal 'byor pas tshogs gnyis po rdzogs par byed pa'o/ /de bzhin du mchod pa'i de kho na nyid ni dga' ba ste/de yang 'di ltar lha'i rang bzhin gyis rol pas na/ 'di nyid skyo ba med par rnam pa thams cad pa'i ting nge 'dzin gyi blos rang gi 'dod pa'i ro rab 'byam du gyur pa las phyag rgya chen po'i dngos grub nyid de/ bsam gyis mi khyab sbyor ba'i bdag nyid kyis//zhes bya ba ni kun du rtog pa ma lus pas stong pa'i rang bzhin gyi ting nge 'dzin te/ gnyis kyi dngos por yongs su dmigs pa'i dmigs pa bcom nas sgyu ma dang rmi lam dang mtshungs pa'i sbyor ba rtsom pa'i rim pa mngon par 'phel ba la bde ba'i rol pa yang de dang mtshungs par rab tu gsal ba'o//rdo rje'i dbang phyug ces bya ba ni bcad cing gzhig tu med pa la sogs pa'i mtshan nyid kyis rdo rje dang rang gzhan phun sum tshogs pa'i bdag po nyid kyis dbang phyug ste/ sku gnyis su nus pa 'di nyid las kye'i rdo rje nyid do/ /mchod par bya zhes bya ba ni rtogs par bya ba ste/rtogs par byas pa las rang nyid mngon par 'phel bar 'gyur ba nyid kyis so/ /gzugs la sogs pa lnga ni gzugs dang tshor ba dang 'du shes dang 'du byed dang rnam par shes pa lnga zhes pa'o/ /btags pa ni de la gnyis kyi rnam pas mngon par zhen pa'o//za ba ni de 'joms pa'o/ /dam tshig ni kun du ba'i ye shes te/ de ltar na gnyis spangs nas rang bzhin gyis yongs su dag pa nyid goms pa las kyang kun nas mtha' dag gsal zhing gtugs pa med par ma lus pa'i chos kyi rnam pa thams cad mkhyen pa nyid kyi gnas skabs thob par 'gyur ba 'di nyid ni 'dir dam tshig chen po yin no//gang gi phyir dam tshig de ni rnam par dag pa ste/ rnam par dag pas ni thams cad du ji ltar 'dod pa'i kun du spyod pas gnas par bya ba'o/ /de'i phyir rnam par dag pa ni rdzogs pa'i byang chub sgrub par byed pa yin te/de bas na ji ltar 'dod pa'i kun du spyod pas gnas pa tsam nyid kyis rnam par dag par 'gyur ba ni ma yin pas/ 'di ltar rnam par dag pa'i ye shes la brtson par bya ba'o/ /da ni 'di'i phan yon gsungs pa/ rnam par rtog pa dengs pa yis//lhag par mos pa mi 'byung ba/ /gsal bar snang ba 'di de ni/ /rang rig bde ba chen po'o/ /'ga' zhig bdud rtsi zhes bya ba'i/ /gtam nyid kyis ni tshim mod kyang / /mngon sum nyams myong bdag nyid ni/ /ro la brtson pa'i rnam smin no/ /su zhig gzugs kyi tshogs bsdu ba//dmigs dang bcas la chags med dang / /dmigs pa med par rtse gcig pa'i/ /mchog de rnams ni dkon pa nyid/ /'ga' zhig stong pa nyid la ngang / /la la sbyor ba'i rim par rmongs/ /su zhig bde ba che spro ba'i/ /rang bzhin can 'dir rnal 'byor pa//zhes so/ /go bar byed pa'i snying po rab tu dad pas gsal byas las/ /bsod nams phung po dri ma med pa bdag gis gang thob pa/ /des ni 'jig rten rnam par rtog pa'i dra ba yongs bsal nas/ /rdzogs pa'i byang chub tshogs mchog snying po go bar byed gyur cig /dpe la shin tu rmongs pa ro gcig gyur pa'i yid can rnams kyi dper bya rab gsal pa//gsal bar rig pa bla ma'i bla mar gyur la gal te shes rab rang bzhin can yin kyang / /gzhan las rtogs pa'i 'bras min rdo rje can gyi bka' lung thob pa rgyud dang rjes mthun pa/ /de rig pa la go byed snying po brgya par dpal ldan he ru ka yis brjod pa yin//dngos po'i yid kyi rol pa mang po'i tshogs kyis phal cher brtse ba'i ro yis ni/ /bsnyems pa'i brtsams pas rnam par bsgyings pa'i gus pas 'jug pa ci yang rung ba smros/ /rnam pa thams cad don ni ji lta'i nyams kyis kun du rtog pas gzung ba las//bdag la ches sngar dang ces smra bar bya ba'am ji ltar bya ba de bzhin gyis/ /gang zhig nad pa shin tu skom pa'i gdung ba yis kyang chu/ /mthong nas dang bas der ni bsnyen kyang rnam par dpyod pa yis/ /rmongs pas 'dir ni 'thung dang bsten par yang ni mi byed pa//de la bde ba gcig kyang ga la skom pa nyid ces bya/ /go bar byed pa'i snying po brgya pa rnam par bshad pa zhes bya ba dpal he ru ka de ba'i zhal snga nas mdzad pa rdzogs so// //rgya gar shar phyogs sang+na ga ra'i paN+Di ta chen po shrI ba na rat+na'i zhal sngar/ dge slong chos smra ba bsod nams rgya mtsho'i sde zhes bya bas dpal ngam ring gi yang rtser mnyan zhing bsgyur ba las/