CLOSE WINDOW

D2327
བོད་ཡིག

de shes rab chen po dang ldan par 'gyur ro/ /shes rab kyi pha rol tu phyin pa'i sgrub thabs/ /rje btsun ka ma la shI las mdzad pa rdzogs so//[ ]@#/ /rje btsun ma 'phags ma sgrol ma'i sgrub thabs/ @##/ /rgya gar skad du/ b+haT+TA ra kAr+ya tA rA sA d+ha naM/ bod skad du/ rje btsun ma 'phags ma sgrol ma'i sgrub thabs//smra ba'i seng ge la phyag 'tshal lo/ /ye shes dri med sgrol ma gsal ba'i thugs/ /smra bsam brjod med shes rab phar phyin gsungs/ /stong nyid snying rje'i rdo rje phag mo'i sku/ /rje btsun sgrol ma'i sku gsung thugs la 'dud/ /sgrol ma gsum dang tshul mthun rnal 'byor pas//rtag tu lha mo 'di bsgom bya phyir bshad/ /dang po rten gyi gang zag gis/ /gdong la sogs pa khrus byas nas/ /yid du 'ong ba'i gnas de ru/ /maN+Dal byi dor legs byas la/ /bde ba'i stan la 'dug nas ni/ /snying gar zla dkyil yi ge tAM/ / lcags kyu 'dra ba'i 'od 'phros pas/ /bla ma lha mo spyan drangs la/ /phyag 'tshal ba dang mchod cing bshags/ /rjes su yi rang bskul zhing gsol/ /dge ba cung zad ci bsags pa/ /byang chub thob phyir bdag gis bsngo/ /de nas tshangs pa'i gnas bzhi bsgom/ /sngags 'di bzlas pas stong par bsgom//oM shU n+ya tA dz+nyA na badzra swa b+hA wa At+ma kou0f85haM/ paM las pad+ma 'dab brgyad steng / /tAM las rje btsun sgrol ma ni/ /zhal gcig phyag gnyis sku mdog ljang / /g.yas na mchog sbyin phyag rgya can/ /g.yon na ut+pal sngon po 'dzin/ /rin chen rgyan rnams m dzes pa'i tshul//smra ba'i seng ges dbu brgyan pa/ /zhabs gnyis skyil krung phyed par bzhugs/ /dar gyi stod g.yogs smad g.yogs byas/ /de ltar dam tshig bskyed byas la/ /thugs ka'i tAM las 'od 'phros pas/ /ye shes sems dpa' spyan drangs la/ /dad pa'i stobs kyis phyag byas te//de nas mchod pa sngags 'dis dbul/ /oM badzra puSh+pe pU dza hUM/ oM badzra d+hU pe pU dza hUM/ oM badzra dI pe pU dza hUM/ oM badzra gan+d+he pU dza hUM/ oM badzra na bi d+ye pU dza hUM/ oM gI ti pU dza hUM/ ji srid mi skyo'i bar du bsgom/ /skyo na bzlas pa 'di ltar bya/ / oM tA re tut+tA re tu re swA hA/ sngags phreng snying ga nas phyung ste/ /ye shes thugs la mnyes pas mchod/ /byin rlabs tshur 'dus zhal nas 'thon / /bdag la thim zhing 'od 'phros pas/ /bar chad sel dang sgrib sbyangs bsam / /des skyo gtor ma gtang bya ste/ /mi rtog oM las rin chen snod//AHlas bdud rtsi sna tshogs bsam/ /hUM las thim zhing sna tshogs gsol/ /sngags 'dir snying po btags te dbul/ /ba liM ta pU dza ar+g+haM pU dza ba liM i daM gr-ih+na kha kha khA hi khA hi ar+g+ha pra tIts+tsha pU dza khA hi swA hA/ dad pa'i stobs kyis bstod par bya/ /oM stong nyid snying rje phag mo che//sgrol ma'i sku la phyag 'tshal bstod/ /smra bsam brjod med pha rol phyin/ /sgrol ma'i gsung la phyag 'tshal bstod/ /dri med ye shes gsal ba'i thugs/ /sgrol ma'i thugs la phyag 'tshal bstod/ /zla 'od srid pa'i mun sel ba/ /'joms byed nyi ma'i dkyil dang mtshungs//thabs dang shes rab yon tan ldan/ /sgrol ma la ni rtag tu 'dud/ /'gro la bu bzhin rtag tu 'dun / /srid gsum rnam thar gsum la 'god/ /seng ldeng nags la rab gnas shing / /'jigs pa brgyad las shin tu skyob/ /sgrol ma la ni phyag 'tshal bstod//mngon par dga' ba'i zhing khams su/ /rdo rje mkha' 'gro'i skur ston cing / /skye shi med pa'i chos kyang ston/ /sgrol ma la ni phyag 'tshal bstod/ /dpal dang ldan pa'i zhing khams su/ /rin chen mkha' 'gro'i skur ston cing / /'gro ba'i sdug bsngal nad rnams sel//sgrol ma la ni phyag 'tshal bstod/ /bde ba can gyi zhing khams na/ /pad+ma mkha' 'gro'i skur ston cing / /bde ba chen po'i ngang la gnas/ /sgrol ma la ni phyag 'tshal bstod / /rnam par dag pa'i zhing khams na/ /las kyi mkha' 'gro'i skur ston cing //phrin las bzhi yi don yang sgrub/ /sgrol ma la ni phyag 'tshal bstod / /mtha' dbus med pa'i zhing khams na/ /pha rol phyin ma'i skur ston cing / /phyogs bcu'i sangs rgyas tshogs dang bcas/ /sgrol ma la ni phyag 'tshal bstod / /de nas nyal ba'i dus na ni//stong pa nyid kyi ngang la nyal/ /las dang spyod lam ci spyod pa/ /lha mo'i nga rgyal du ni bsgom / /'di brtsams pa yi dge ba gang / /rje btsun sgrol ma'i thugs rje dang / /dam pa rnams kyi byin rlabs kyis/ /rje btsun sgrol ma 'grub par shog /rje btsun ka ma la shI las mdzad pa'i sgrol ma'i sgrub thabs rdzogs so/