267b2 / //rgya gar gyi mkhan po dz+nyA na gu h+ya dang / zhu chen gyi lo tsA ba bla ma lo btsun chung gis bsgyur cing zhus te gtan la phab pa //[# #]@##/ /rgya gar skad du/ pradz+nyA pA ra mi tA sA d+hA naM/ bod skad du/ shes rab kyi pha rol tu phyin pa'i sgrub
267b3 thabs/'jam dpal smra ba'i seng ge la phyag 'tshal lo/ /yum gyi sgrub pa bshad par bya/ /shes rab pha rol phyin 'byung ba'i/ /gang zhig bsgoms pa tsam gyis ni/ /rgol ba thams cad tshar gcod pa/ /zhal gcig phyag ni gnyis pa ste/ /sku mdog dkar zhing
267b4 yid 'ong ma//skra bcings pa la cung zhig 'phyang / /chu skyes dkar la legs gnas pa/ /phyag g.yas su ni pad+ma ste/ /kha dog dmar ba'i rnam par bsgom / /shes rab pha rol phyin pa g.yon/ /rdo rje skyil krung legs par bcas/ /rgyan kun gyis ni legs par brgyan/ /
267b5 lte ba'i dkyil 'khor dag tu bsgom/ /a yig yi ge la zhugs shing / /mchog tu dga' bar byed pa'o/ /dam tshig sems dpa' rnam bskyed la/ /ye shes sems dpa' rnam par bsgom/ /zla ba drug gi sbyor ba yis/ /shes rab pha rol phyin par 'gyur/ /mtshan ma
267b6 bdun gyi sbyor ba yis//bstan bcos kun la mkhas par 'gyur/ /zla ba shar ba'i rim gyis ni/ /zla ba phyed ni bsgom par bya/ /bzlas pa 'bum byas sbyor ba yis/ /nyin re bzhin du tshigs bcad brgya/ /'bad pa med par sbyor ba 'byung / /gzhung yang brgya tsam 'dzin
267b7 par 'gyur//de la sngags ni 'di yin te/ /oM pi tsu pi tsu pradz+nyA bar+d+ha ni/ dz+wa la dz+wa la me d+ha bar+d+ha ni/ /d+hi ri d+hi ri bud+hi bar+d+ha ni swA hA/ bya rog gi skad ma grag par sngags 'di lan bdun du mngon par bsngags par byas nas/ ma brlangs pa'i skyur po'i khu ba 'thungs na zla ba drug tu
gang 'thung bar byed pa/