CLOSE WINDOW

D2323
བོད་ཡིག

/[ ]@#/ /gsang ba thugs kyi sgron ma zhes bya ba/ @##/ /rgya gar skad du/ /tsit+ta gu h+ya pra dI paM nA ma/ bod skad du/ gsang ba thugs kyi sgron ma zhes bya ba/ 'jam dpal smra ba'i seng ge la phyag 'tshal lo/ /dam pa lnga bcu rtsa lnga yis/ /zhabs kyi pad+mar rab btud nas//sdug bsngal zhi bar bya ba'i phyir/ /khyad par lnga yis gdams pa bstan/ /kye ma rnam shes rlung gis 'khrugs / /rlung ni las su rung ba dang / /gtum mo rlung gis sbar bar bya / /'du ba'i nad kyang rlung gis bcos/ /'byung ba ro ni mnyam pa dang / /brtul zhugs spyod pas bar chod sel//'tsho ba'i bcud ni len pa dang / /e waM bde ba'i rlung gis bskyed/ /rten 'brel shes pa 'char ba dang / /rdo rje rkang mgyogs grub par 'gyur/ /ng+hU tIr tshud de phyag rgya che/ /'dab ldan pad+ma ge sar dbus/ /rtsa dang rlung dang byang chub sems/ / stong phrag bdun cu rtsa gnyis ni/ /chags dang 'bri ba bcu gnyis brgya/ /la la ra sa ng+hU tIr bsdu/ /rlung dang byang chub sems kyang de/ /'khor lo bzhi la srog shing tshul/ /mi 'dra sbar bas haM las 'dzag /bcu drug phyed phyed thig le ni/ /dkyil dang bzlog dang dgram zhing bstim//dga' bzhi'i khyad par phyag rgya che/ /skye ba dang ni 'gag pa'o/ /shes pa kho na 'ba' zhig yin/ /sems ni kun gyi sa bon te/ /rang sems rtogs na sangs rgyas la/ /bde ba gzhan du mi btsal lo/ /sems nyid las su rung ba dang / /rnam par mi rtog yang dag don//gnyis med gnyis su med pa las/ /gnyis su byar med spros bral mkha'/ /srid dang mya ngan 'das las grol/ /don gyis dbu ma phyag rgya che/ /snying po'i don las ma yengs par/ /gnyug ma'i yid ni gcig tu gtad/ /rnal ma'i don la rab gnas nas/ / yid la mi dmigs bde ba che/ /lhan cig skyes pa bdud rtsi'i ro/ /mtshon du yod pa ma yin te/ /ston ka'i zla ltar dri med 'od/ /bde gsal stong pa'i ye shes can/ /rang la spras pa mig ltar dbye/ /bde ba che las gzhan med pas/ /phyag rgya'i mchog de phyag rgya che//sdug bsngal zhi bar bya ba dang / /lus sems 'phyan du gzhug pa dang / /'bras bu blo yis ma grub pa/ /shes rgyud nam mkhar 'phang ba dang / /dmigs pa sna tshogs bsgyur shes so/ /chos dang chos min sel ba dang / /rig pa dngas snyigs dbye ba dang / / rnam shes rlung yang bstim pa'o/ /sgyu lus 'od gsal bsre bar bya/ /bag chags sbubs su grol ba dang / /phyag rgya chen po dus 'dir thob/ /des na rnal 'byor brtson par bya/ /sdug bsngal zhi bar byed pa gsang ba thugs kyi sgron ma zhes bya ba/ rnal 'byor gyi dbang phyug chen po ka ma la shI las mdzad pa rdzogs so/