CLOSE WINDOW

D2321
བོད་ཡིག

/mthar thug 'bras bu'i sgron ma zhes bya ba rje btsun ka ma la shI las mdzad pa rdzogs so// // @##/ /rgya gar skad du/ bo d+hi tsaR+Ya pra dI pa nA ma/ bod skad du/ byang chub spyod pa'i sgron ma zhes bya ba/ 'jam dpal smra ba'i seng ge la phyag 'tshal lo//sgrol ma la ni phyag 'tshal nas/ /dam pa skyes mchog rnams la 'dud/ /'gro ba sdug bsngal gdungs pa la/ /zhi byed bsil ldan dri med bshad/ /'jig rten khams 'di mi rtag ste/ /dper na 'ja' tshon yal dang 'dra/ /lo zla tshes grangs 'chi dang nye//bu tsha la sogs grogs rnams dang / /bor nas gcig pu 'gro dgos na/ /bar do bzhi las 'chi ba'i tshe/ /sdug bsngal ri bos mnan pas sdug /bdun tsho bdun du bar do ru/ /gshed pos 'tshe zhing sdug re bsngal/ /ma rig 'khrul pas lus blangs te//nyon mongs lnga yis sems kyang dkrugs/ /dper na shing rta'i 'khor lo bzhin/ /'gro ba drug gi sdug bsngal myong / /sdug bsngal bzhi sogs sdug bsngal bas/ /de phyir byang chub bsgrub par bya/ /le lo g.yeng ba rab spangs te/ /shes rab gsum la blo sbyangs la//rtag tu dur khrod gnas su 'dug /dran pa bzhi dang ldan pa yis/ /tho rangs langs te khrus byas la/ /dad dang mos gus sngon btang ste/ /byang chub sems dang rab ldan pas/ /'gro ba bu bzhin gdung bar bya/ /gsum la skyabs 'gro ma nyams bya/ /bden pa'i chos la the tshom spang //'dod pa spel phyir chu sbyin gtang / /mchod bshags la sogs kha ton bya/ /gru yi tshul du lus kyang btsal/ /bag yod spyod lam blo gros zab/ /lha dang mi 'bral bsam pa bzang / /dang po byung bas dkon mchog mchod/ /kha zas kun las rnal 'byor bya//lhag ma 'byung bo rnams la bsngo/ /bshang gci rnams kyang sbyin par gtang / /smon lam rgya chen gdab pa'o/ /chos su 'gro ba'i tshig kyang brjod/ /sAts+tsha gdab cing srog kyang gdon/ /bsod nams tshogs ni ci nus bsags/ /ye shes tshogs kyang de bzhin te//sdom pa gsum dang ldan par bya/ /pha rol phyin pa drug spyad de/ /dbang bzhi rdzogs pa'i rnal 'byor bya/ /bskor ba bya zhing lus kyang bcag /'byung ba bzhi ni ro snyoms te/ /mtshan mo nang gi spyad pa bya/ /srod la gtor tshogs chen po gtang / /nam phyed tshogs kyi 'khor lo bskor//phyi bcud nang bcud rang sor gzhag /nam smad dge ba'i gnyid kyang log /spyod lam rnam bzhi'i chos la bsdu/ /ma yengs chu bo'i rgyun ltar spyad/ /sgyu lus 'od gsal bsre ba yang / /sum cu rtsa bzhi'i gdams pa'i don/ /sems nyid las su rung bas ni//rang dbang rgyal po sems la thob/ /de phyir rnal 'byor brtson par spyad/ /byang chub spyod pa'i sgron ma zhes bya ba rje btsun ka ma la shI las mdzad pa rdzogs so// //paN+Di ta kha che dz+nyA na gu h+ya dang / ong po lo tsA bas bsgyur ba'o// //