བོད་ཡིག |
266a1 @##/ /rgya gar skad du/ ma hA san ni pA tAd ma hA yA na sU trAtata thA ga ta shrI sa ma ya na nA ma ma hA yA na sU tra/ bod skad du/ 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo/ bam po dang po/ sangs rgyas
266a2 dang byang chub sems dpa' thams cad la phyag 'tshal lo//'di skad bdag gis thos pa dus gcig na/ bcom ldan 'das tshangs pa chen po'i phur bu mtha' yas mu med pa lung bstan pa/ drang srong rnams kyi gnas thub pa'i rten ri ther sgra la nyan thos kyi dge 'dun chen po la 'di lta ste/ bcom
266a3 ldan 'das kyi nyan thos bgrang ba las 'das pa dag dang /byang chub sems dpa'i dge 'dun chen po 'di lta ste/ phyogs bcu'i sangs rgyas kyi zhing thams cad nas der 'dus pa'i byang chub sems dpa' sems dpa' chen po bgrang ba las 'das pa dag dang thabs cig tu bzhugs so/ /de'i tshe 'khor
266a4 'dus pa chen po de na dpal lha mo chen mo chos nyan pa'i phyir/bcom ldan 'das kyi spyan sngar thag mi ring ba zhig na 'dug go/ /de nas dpal lha mo chen mo stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun
266a5 pa bcom ldan 'das 'di ni sbyin pa las byung ba'i bsod nams bgyi ba'i dngos po'i gzings kyis skye ba'i rgya mtsho las sgrol bar mi bgyid pa dag mchis lags so//de ci'i slad du zhe na/ sangs rgyas kyi zhing nyon mongs pa can snyigs ma lnga dang ldan pa 'di na sems can bsod nams su gdags pa dang
266a6 bral ba dag phal che lags te/rgyu de dang rkyen des na byang chub sems dpa' sems dpa' chen po dag 'dir sems can rnams la snying rje chen po dag bskyed par bgyid lags so/ /'di na sems can rnams gang gis na rgyu ma mchis par smra zhing longs spyod dang bral la/ tshol khros sdug
266a7 bsngal zhing nyam thag pa dang /don ma mchis par 'bad pa de dag ni sbyin pa rnam par bged pa ma mchis par yongs su smin par bgyid pa'i rngo mi thogs te/ de lta bas na bdag cag gis sbyin pa'i go bgos te/ brtson 'grus brtsam par bgyi zhing / 'di ltar bdag cag gis sbyin
266b1 pa'i gzings kyis skye ba'i rgya mtsho las bsgral bar bgyi'o zhes byang chub sems dpa' sems dpa' chen po de dag sbyin pa las byung ba'i bsod nams kun tu spyod par bgyi ba'i dngos pos/sangs rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma
266b2 mchis par dbang bskur ba rab tu thob par bgyid pa'i bar du'o//btsun pa bcom ldan 'das 'di na sems can rtag par smra ba 'di dag longs spyod dang / nye bar spyod pa rgya chen po dang bral la tshol khros sdug bsngal zhing nyam thag pa dag mchis te/ de dag tshul khrims rnam par
266b3 bged pa ma mchis par yongs su smin par bgyid par rngo mi thogs pas/'dir sems can rtag par smra ba rnams la byang chub sems dpa' sems dpa' chen po de dag snying rje chen po dag skyed par bgyid cing / tshul khrims kyi go bgos pa'i gzings kyis sems can rtag par
266b4 smra ba 'di dag skye ba'i rgya mtsho 'di las bsgral bar bgyi'o zhes byang chub sems dpa' sems dpa' chen po de dag tshul khrims las byung ba'i bsod nams kun tu spyod par bgyid pa'i dngos pos sems can rnams dge ba bcu'i las kyi lam gyis yongs su smin par bgyid pa dang /sangs
266b5 rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma mchis par dbang bskur ba rab tu thob par bgyid pa'i bar du'o//btsun pa bcom ldan 'das 'di na sems can gang dag phra ma dang / tshig rtsub po dang / chags sems dang / gnod
266b6 sems kun du spyod pa'i yid kyis de dag 'jig tshogs la lta ba dang ldan zhing longs spyod dang /nye bar spyod pa dang bral la tshol khros sdug bsngal zhing nyam thag pa dag mchis te/ sems can de dag rab tu 'byung ba'i tshul khrims dang / sdom pa ma mchis par yongs su
266b7 smin par bgyid par rngo mi thogs pas sems can phra ma dang /tshig rtsub po dang / chags sems dang / gnod sems kun tu spyod cing / 'jig tshogs la lta ba dang ldan pa yang ba spyod pa de dag la byang chub sems dpa' sems dpa' chen po de dag snying rje chen po dag skyed par bgyid
267a1 de/bcom ldan 'das sems can de dag mi rtag pa'i tshul gyis bstan pa la 'jug par bgyid pa dang / rab tu 'byung ba'i sdom pas sems can rnams yongs su smin par bgyid pa yang bdag cag gis bzod pa dang / brtson 'grus brtsams nas bdag cag gis rab tu
267a2 'byung ba'i sdom pa'i gzings kyis skye ba'i rgya mtsho las bsgral bar bgyi'o zhes byang chub sems dpa' sems dpa' chen po de dag tshul khrims las byung ba'i bsod nams bgyi ba'i dngos po rtag pa'i tshul gyis sems can rnams rab tu 'byung ba'i tshul khrims dang /sdom pas yongs su smin par
267a3 bgyid de/des na byang chub sems dpa' sems dpa' chen po de dag sangs rgyas kyi ye shes kyi rgya mtsho bla na ma mchis par 'jug par bgyid pa nas chos kyi rgyal po bla na ma mchis par dbang bskur ba thob par bgyid pa'i bar du'o/ /bcom ldan 'das byang chub sems dpa' sems dpa'
267a4 chen po dag bsam gtan dang po'i pha rol tu phyin pa yongs su sbyong zhing slob pa na bsam gtan gyi yan lag rnams 'tshal ba dang /'dod pa'i khams las yang dag par 'da' ba dang / yan lag lnga dang ldan zhing yan lag lnga spangs pa dang / rdzu 'phrul gyi rkang pa bzhis rnam par
267a5 rtse ba mngon par 'tshal ba dang /sangs rgyas bcom ldan 'das de dag thams cad la mchod pa dang / bkur sti bgyi ba dang / dam pa'i chos mnyan pa'i slad du sangs rgyas kyi zhing thams cad du glog lta bu'i shugs kyis mchi ba la mkhas pa dang / sems can rnams kyi lam
267a6 gsum mo//gsum 'di lta ste/ las kyi lam dang / nyon mongs pa'i lam dang / sdug bsngal gyi lam dag skems par bgyid pa dang / bsgoms pa las byung ba'i bsod nams bgyi ba'i dngos po rdzogs par bgyid pa dag ji lta bu lags/ de bzhin du bsam gtan gyi pha
267a7 rol tu phyin pa yongs su rdzogs par bgyid pa ji lta bu lags/de'i pha rol tu phyin pa drug po yongs su rdzogs par 'gyur ba dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dag ji lta bu lags/ bcom ldan 'das kyis bka' stsal pa/
267b1 dpal cho ga shes legs so legs so/ /dpal cho ga shes khyod kyis gang gi tshe chos bzhi po 'di la yongs su rdzogs par spyad cing goms par byas kyang khyod kyis sems can gzhan dang / gang zag gzhan dag gi don du de bzhin gshegs pa la don 'di 'dri bar sems pa/ dpal cho ga
267b2 shes de'i phyir legs par nyon la rab tu yid la zung zhig dang bshad do//btsun pa bcom ldan 'das de ltar 'tshal lo zhes bya ba nas/ bcom ldan 'das kyis 'di skad ces bka' stsal to zhes bya ba'i bar du'o/ /dpal cho ga shes byang chub sems dpa' sems dpa' chen po dag
267b3 bsam gtan dang po'i pha rol tu phyin pa yongs su sbyong zhing slob pa na bsam gtan gyi yan lag rnams shes pa dang /'dod pa'i khams las yang dag par 'da' ba dang / yan lag lnga dang ldan zhing yan lag lnga spangs pa dang / rdzu 'phrul gyi rkang pa bzhis rtse ba mngon par shes
267b4 pa dang /sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan pa'i phyir sangs rgyas kyi zhing thams cad du glog lta bu'i shugs kyis 'gro ba la mkhas pa dang / sems can rnams kyi lam gsum po las kyi lam dang / nyon
267b5 mongs pa'i lam dang /sdug bsngal gyi lam dag bskams pa dang / bsgoms pa las byung ba'i bsod nams bya ba'i dngos po rdzogs par byed pa dang / bsam gtan gyi pha rol tu phyin pa yongs su rdzogs par byed pa dang / de'i pha rol tu phyin pa drug po yongs su rdzogs par 'gyur ba
267b6 dang /myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dag ji lta bu yin zhe na/ dpal cho ga shes 'di la byang chub sems dpa' sems dpa' chen po dag thams cad kyi dang por dbugs rngub pa dang / dbugs 'byung ba'i mtshan ma'i
267b7 dmigs pa thams cad la sems gtod par byed de/de g.yeng ba med pa'i sems kyis dbugs rngub par byed do/ /dbugs 'byung bar byed do/ /de dang por dbugs rngub pa'i sems kyis sel bar byed pa de dag ni de'i rnam par rtog pa yin no/ /de nges par 'byung ba na dbugs
268a1 'byung ba'i sems kyis sel ba de dag ni de'i rnam par dpyod pa yin no//de la dga' zhing tshim pa gang yin pa dang / sems rtse gcig pa nyid gang yin pa dang / g.yeng ba med pa gang yin pa des na de nges par 'byung ba la gnas shing rnam par rtog pa dang / rnam par dpyod pa
268a2 spong ba'i sems dang ldan pa yin no//de ltar na der des rnam par rtog pa dang / rnam par dpyod pa dang bcas pa'i bsam gtan dang po thob pa yin no/ /de la mtshan ma 'di dag 'byung ste/ de'i lus thams cad g.yo bar 'gyur ro/ /dro bar 'gyur ro/ /der de 'dod pa'i 'dun pa'i sgrib
268a3 pa spong ba yin no//de mi dge ba'i chos thams cad gnon par byed do/ /de gang gi tshe brtson pa drag pos yid la byed cing gnas pa des na de rnam par rtog pa dang / rnam par dpyod pa nye bar zhi ba yin te/ des na rnam par rtog pa dang / rnam par dpyod pa med pa'i bsam
268a4 gtan gnyis pa thob pa yin no//de ltar de'i lus thams cad shin tu sim pa dang / bde ba dang / tshim par 'gyur ba ni dper na'o ma 'jam tsam gyis lus la cig car blugs na bde ba myong ba bzhin no/ /des bdag ni 'di ltar gyur par shes te/ des zang zing med pa'i dga' ba dang
268a5 bde ba de lta bu dang ldan no snyam du shes so//byang chub sems dpa' des dkon mchog gsum la dad pa thob nas/ de 'di snyam du bdag gis ni sems can thams cad kyi don du go cha chen po bgos nas/ bsam gtan la yang mngon par brtson par bya zhing / bdag gis ci
268a6 nas kyang lus dang sems kyi bde ba yang dor bar bya'o snyam du sems so//byang chub sems dpa' sems dpa' chen po de dbugs rngub pa dang / dbugs 'byung ba goms par bya ba sems kyi dmigs pa dag 'dor bar byed do/ /de sna'i rtse mor sems gtod par byed de gang
268a7 gis 'jug pa dang /nges par 'byung ba dbugs rngub pa dang / dbugs 'byung ba la gnas pa'i sems kyis nye bar rtog par byed do/ /de sems de'i skad cig ma la zhig pa dang / skye ba dang / 'jig pa nye bar rtog par byed de/ sems dang / yid dang / rnam par
268b1 shes pa dang /phung po dang / khams dang / skye mched thams cad la chu zla dang / mig yor dang / smig rgyu lta bu dang / glog lta bu dang / bdag po med pa dang / thams cad skad cig ma 'jig pa dang ldan par rtogs te/ de de ltar dga' ba dang / bde ba rab tu gtong bar byed de/ des
268b2 der bsam gtan gsum pa yang thob pa yin no//gang du chos de dag 'phel bzhin du 'gog pa yid la byed pa'i sems kyis bsam gtan bzhi pa rdzogs par byas te gnas pa de la mtshan ma 'di dag 'byung ste/ des mig gnyis ka btsums kyang nyi ma'i snang ba chen po lta bur snang ba dag
268b3 yang dag par lta bar byed pa na/de 'di snyam du mtshan ma'i stobs snang ba'i rkyen las sems can thams cad kyi phung po dang / khams dang / skye mched dang / nyon mongs pa dang / nye ba'i nyon mongs pa rnam par 'phel zhing 'bar bas bdag gis ci nas kyang / yid la byed pa'i sems kyi
268b4 dmigs pa'i snang ba dag dor bar bya'o snyam du sems so//de der de'i tshor ba dang / 'du shes dang / sems pa dang / reg pa gang yin pa yid la byed pa kun 'byung ba dag skye zhing 'jig pa dang / 'gog pa'i tshul gyis rab tu zhi bar byed la/ 'gog pa'i grong khyer shin tu
268b5 yongs su dag par 'jug par yang byed do//de lus dang / ngag dang / yid la byed pa shin tu sbyangs pa la gnas so/ /yang de las kyang ldang ngo / /yang na dbugs rngub pa dang / dbugs 'byung ba'i mtshan ma dag 'dzin par byed la/ reg pa yid la byed pas mtshan ma la nye
268b6 bar rtog par yang byed do//yang stong pa nyid kyi ting nge 'dzin la 'jug par yang byed la/ yang na dbugs rngub pa dang / dbugs 'byung ba'i skye ba dang / 'jig pa'i mtshan ma'i dmigs pa dag yang dag par lta bar yang byed do/ /smon pa'i ting nge 'dzin de la yang gnas la yang
268b7 na dbugs rngub pa dang /dbugs 'byung ba'i zhi ba dang / 'gog pa la yang dag par lta bar yang byed do/ /mtshan ma med pa'i ting nge 'dzin la gnas pa de bzhin du dran pa nye bar gzhag pa bzhi bsgom pa yang yongs su rdzogs par 'gyur ro/ /de la rnam par thar pa gsum bsgom
269a1 pa yongs su rdzogs par yang 'gyur la/yang na dbugs rngub pa dang / dbugs 'byung bar mi smod cing 'jig pa'i tshul gyis dmigs pas nye bar rtog par yang byed do/ /de la yang dag pa'i spong ba bzhi bsgom pa yongs su rdzogs par yang 'gyur la/ yang na dbugs rngub
269a2 pa dang /dbugs 'byung ba'i skye ba dang / nub pa'i mtshan ma la nye bar rtogs par yang byed do/ /de rdzu 'phrul gyi rkang pa bzhi bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba'i mtshan ma la dmigs pas nyi zer gyi rdul dang 'dra bar phye mar
269a3 rlags pa bzhin du rang gi lus la nye bar rtog par yang byed do//de dbang po lnga bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba skye ba dang / nub pa'i tshul gyis 'du byed gsum la nye bar rtog par yang byed do/ /de stobs lnga bsgom
269a4 pa yongs su rdzogs par yang 'gyur la/yang na dbugs rngub pa dang / dbugs 'byung ba'i tshor ba'i mtshan ma gsal ba'i tshul gyis phung po dag la zhi ba dang nye bar zhi bar rtog par yang byed do/ /de bzhin du byang chub kyi yan lag bdun bsgom pa yongs su rdzogs par yang 'gyur la/
269a5 yang na dbugs rngub pa dang / dbugs 'byung ba'i rlung gi rnal 'byor yid la byed pas sa'i khams gzugs su snang ba thams cad rdul du rlags te gtor nas mtshan ma med pa/ lus pa med pa/ brjod du med pa/ mtshan nyid med pa/ rnam par rig pa med pa/ 'du byed gsum zhi ba/
269a6 nye bar zhi ba/ 'gags pa/ dmigs pa med pa'i ting nge 'dzin dag rab tu thob bo/ /bsam gtan la rnam par rtse ba'i ting nge 'dzin de lta bu de ni byang chub sems dpa' sems dpa' chen po rnams kyi bsam gtan gyi pha rol tu phyin pa yongs su sbyong ba thun mong ba yin la/ bsam gtan
269a7 gyi pha rol tu phyin pa yongs su sbyong ba ni nyan thos dang /rang sangs rgyas thams cad kyi yang thun mong yin no/ /gang dag kha cig de la gnas na rgyun du zhugs pa'i 'bras bu la gnas pa yin no/ /brtson 'grus zhan pa kha cig ni nyan thos kyi chos rnams la 'phel lo/ /kha cig ni dgra
269b1 bcom pa'i 'bras bu la gnas pa'i bar du'o//gang dag byang chub sems dpa' sems dpa' chen po snying rje chen po dang ldan pa/ 'bad pa brtan pa/ sems can thams cad la lta la/ bsod nams dang / ye shes kyi tshogs dpag tu med pa goms par byas te/ bsam gtan yongs
269b2 su sbyong bas rnam par rtse ba'i ting nge 'dzin gyi rnal 'byor de lta bu de la gnas nas rnam par ldog par yang mi byed la/nyan thos kyi nges pa la 'jug par yang mi byed do/ /byang chub sems dpa' sems dpa' chen po de dag go cha chen po bgos nas bsam gtan gyi pha rol tu phyin pa dang / so so
269b3 yang dag par rig pa la sbyor ba yongs su sbyong ba la gnas pa nas bsam gtan gyi pha rol tu phyin pa yongs su rdzogs par byed pa dang /de'i pha rol tu phyin pa drug po yongs su rdzogs par 'gyur ba'i bar du'o/ /dpal cho ga shes yul 'khor de na dge slong dang / dge slong ma dang / dge bsnyen
269b4 dang /dge bsnyen ma dang / nyan thos kyi theg pa la yang dag par zhugs pa dang / rang sangs rgyas kyi theg pa la yang dag par zhugs pa dang / theg pa chen po la yang dag par zhugs pa'i rigs kyi bu dang rigs kyi bu mo dag bsam gtan yongs su sbyong bas rnam par rtse ba yid la byed pa
269b5 de lta bu dag gis gnas pa nas yul 'khor de lha'i dbang po thams cad kyis legs par bsrungs par 'gyur ro//yul 'khor de klu'i dbang po dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto
269b6 'phye chen po'i dbang po dang /kyi dbang po dang / sha za'i dbang po thams cad kyis legs par bsrungs par 'gyur ro/ /de na ting nge 'dzin de lta bu dang ldan pa'i sbyin gnas dag 'khod pa'i bar du'o/ /yul 'khor de'i rgyal po yang yid dang 'thad pa'i chos bcu thob par
269b7 'gyur te/bcu gang zhe na/ nad med pa dang / nad thams cad rab tu zhi ba dang / tshe ring ba dang / gzugs bzang ba dang / mdog bzang po dang ldan pa dang / yan lag dang nying lag sdug pa dang / 'khor skye bo bzang ba dang / las kyi mtha' legs par spyad pa spyod pa dang / byams
270a1 pa dang /snying rje la sbyor ba dang / snyan par grags pa dag ste/ ting nge 'dzin de lta bu dag dang ldan pa'i sbyin gnas snod du gyur pa/ mtho ris su 'gro ba'i yul 'khor de ni yon tan dang / phan yon chen po bcu po de dag gis rgyas par 'gyur ro/ /rang gi dpung dang / gzhan gyi
270a2 dpung dang /chom rkun dang / mi rgod dang / dang / stag dang / sbrang ma dang / sha sbrang dang / phye ma leb dang / char ches pa dang / than ches pa dang / dus ma yin pa'i rlung dang / lhags pa dang / nyi mas gdungs pa dang / tsha ba'i reg pa dag gis gnod par mi 'gyur ro/ /
270a3 yul 'khor de sa gzhi mnyam ste/ dgon pa dang gcong rong med do/ /tsha ba dang kha ba med do/ /de na sa bon sna tshogs dag 'phel lo/ /'bru dang / sman dang / rtswa dang / shing dang / shing ljon pa dang / chu dag phun sum tshogs shing chud mi za bar 'byung ngo / /de na me tog dang / sman
270a4 dang /'bru dang / ro rnams chud mi za bar phun sum tshogs par 'gyur ro/ /yul 'khor der yid du mi 'ong ba'i sgra dang / phyi dgra dang / nang 'khrug gi dpung dag dang / lo nyes dang / nad dang / dus ma yin pa'i nad dang / 'chi ba dag mi 'byung ngo / /de na sems can rnams tshe
270a5 ring zhing kha dog dang ldan no//bde ba mang zhing sems la rnyog ma med do/ /rtse dga' dang mtshungs par ldan zhing chos spyod la mtho ris dag la gzhol lo/ /yul 'khor de na sbyin gnas snod du gyur pa dag rnal 'byor yid la byed pa dang 'thun par mngon par dga' ba dang
270a6 bcas pas gnas so//de na bza' btung gi longs spyod ma tshang ba med do/ /'byung ba chen po yid du 'ong ba dag gis brtan to/ /dbang po dang khams dag rgyas shing mi 'thun pa med do/ /yul 'khor de na mi rnams dpa' zhing dran pa dang ldan la/ byams pa dang / snying rje dang
270a7 ldan zhing mtho ris dag la gzhol lo//dpal cho ga shes yul 'khor de chos bcu po de dag gis legs par brgyan pa yin no/ /dpal cho ga shes byang chub sems dpa' rnams kyi las kyi sgrib pa ni 'di yin te/ theg pa chen po gtong ba dang / slu zhing nyan thos kyi sa la
270b1 'jog par byed pa'o//sems can thams cad yongs su smin par bya ba'i phyir nyan thos kyi bsam gtan dang / ting nge 'dzin gyis rnam par rtse ba'i pha rol tu phyin pa ni de lta bu yin no/ /nyan thos gang dag gi bsam gtan gyi yan lag yongs su rdzogs par mi shes pa de dag ni khams
270b2 gsum gyi btson ra'i gnas kyi yan lag lnga ma spangs shing yan lag lnga dang ldan pa yin no//gang dag khams gsum las yang dag par 'das pa/ mi slob pa'i sa la rab tu gnas pa/ rnam par thar pa brgyad la bsam gtan pas rnam par rtse ba/ mngon par shes pa pha rol
270b3 tu phyin pa thob pa/bskal pas nges par 'byung ba/ sangs rgyas bcom ldan 'das thams cad kyi zhal nas skyes pa/ chos dang ldan zhing chos kyi sprul pa de dag gis ni sangs rgyas bcom ldan 'das dag la mchod pa dang / bkur sti bya ba dang / chos mnyan pa'i phyir sangs
270b4 rgyas kyi zhing gzhan dag tu 'gro bar yang mi nus la sems can gzhan dag dang /gang zag gzhan dag gi lam gsum po dag kyang bskam par mi nus so/ /gang na nyan thos bsam gtan gyis rnam par rtse ba mngon par shes pa dag ni de lta bu yin la/ yul 'khor de'i yon tan
270b5 dang phan yon ni de lta bu yin te/sngar ji skad gsungs pa lta bu'o/ /'dus pa chen po theg pa chen po'i mdo bco lnga pa ri'i snying po'i le'u las/ nyan thos mtshon pa ste dang po rdzogs so// //dpal cho ga shes de la ji ltar na byang chub sems dpa' sems dpa' chen po rnams
270b6 dang /nyan thos dang / rang rgyal thams cad kyi bsam gtan gyi pha rol tu phyin pa yongs su sbyong ba thun mong du gzhag pa dang / gang gis byang chub sems dpa' sems dpa' chen po dag pha rol tu phyin pa lhag ma lnga po 'di dag yongs su rdzogs par byed ce na/ dpal cho ga shes byang chub
270b7 sems dpa' sems dpa' chen po 'di dag dbugs rngub pa dang /dbugs 'byung ba thams cad du nye bar len pa'i phung po lnga po dag gi skye ba dang 'jig pa la rtog par byed de/ des na sred pa dang / chags pa dag skems par yang byed la nges pa la 'jug par yang mi byed do/ /rdzu
271a1 'phrul gyi rkang pa bzhis rnam par rtse ba mngon par shes pa yang yin no//sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan pa'i phyir sangs rgyas kyi zhing thams cad du glog lta bu'i shugs kyis 'gro ba la mkhas pa
271a2 yang yin no//sems can rnams kyi lam gsum po/ las kyi lam dang / nyon mongs pa'i lam dang / sdug bsngal gyi lam dag skems par yang byed do/ /'dod pa'i khams las yang dag par 'da' bar yang byed la/ 'dod pa'i khams dag gtong bar yang mi byed do/ /sems
271a3 can thams cad yongs su smin par bya ba'i phyir 'gro ba sna tshogs kyi skye ba'i sa dag ston par yang byed la/mngal gyi nyes pas gos par yang mi byed do/ /sems can rnams kyi nyon mongs pa'i dra ba gcod par yang byed la/ sems can rnams dmigs par yang mi byed do/ /dpal
271a4 cho ga shes 'di la byang chub sems dpa' sems dpa' chen po dag dbugs rngub pa dang /dbugs 'byung ba phan tshun mi 'dra ba la ji lta ba bzhin rtog par yang byed la/ 'phral 'phral du de shes par yang mi byed do/ /dbugs rngub pa dang / dbugs 'byung ba'i gzugs nye bar len pa'i
271a5 phung po dang /de bzhin du tshor ba dang / 'du shes dang / 'du byed rnams dang / de bzhin du dbugs rngub pa dang / dbugs 'byung ba'i rnam par shes pa nye bar len pa'i phung po dag la ji lta ba bzhin du yang rab tu shes shing dbugs rngub pa yang gzhan la/ dbugs 'byung ba yang gzhan no/ /
271a6 dbugs rngub pa so so yang dag par rig pa yang gzhan la/ dbugs 'byung ba so so yang dag par rig pa yang gzhan no/ /dbugs rngub pa'i tshor ba dang / 'du shes dang / sems pa yid la byed pa yang gzhan la dbugs 'byung ba'i tshor ba dang / 'du shes dang /
271a7 sems pa yid la byed pa yang gzhan no/ /dbugs rngub pa'i sems pa yang gzhan la/ dbugs 'byung ba yang gzhan no/ /gang gi tshe dbugs rngub pa so so yang dag par rig pa de'i tshe dbugs 'byung ba so so yang dag par rig pa ma yin no/ /gang gi tshe dbugs 'byung
271b1 ba so so yang dag par rig pa de'i tshe dbugs rngub pa so so yang dag par rig pa ma yin no//'khor ba'i 'khor lo dum bu gsum par tshor ba dang / 'du shes dang / sems pa yid la byed pa yang de lta bu yin te/ 'jug pa'i rgyus na/ bar chad med par/ skye ba'i rgya mtshor
271b2 bdas shing thar bar yang mi byed do//yang dang yang skye bar byed do/ /rga bar byed do/ /'chi bar byed do/ /yang skye bar yang byed do/ /chos gang 'di dag mngon par rdzogs par sangs rgyas pa des na rga shi las nges par 'byung ba dag yang dag pa ji lta ba bzhin rab tu shes
271b3 so//de dag dbugs rngub pa dang / dbugs 'byung ba yang dag pa ji lta ba bzhin nye bar rtog par mi byed do/ /'di ltar srid pa'i rgya mtsho'i sgo dag gi dbugs rngub pa dang / dbugs 'byung ba 'jug pa dang / nges par 'byung bar yang byed do/ /de bzhin du ba spu'i khung bu'i sgo 'bum phrag
271b4 khrag khrig dgu bcu rtsa dgu snyed thams cad kyi dbugs rngub pa dang /dbugs 'byung ba 'jug pa dang / nges par 'byung bar byed kyang ba spu'i khung bu'i sgo 'bum phrag khrag khrig dgu bcu rtsa dgu de dag nyams par yang mi mngon no/ /rgyas par yang mi mngon no/ /sngon gyi mtha' dang /
271b5 phyi ma'i mtha' dang / thog ma dang / bar ma dang / tha ma yang mi mngon no/ /'jug pa dang 'byung ba yang mi mngon no/ /de 'di snyam du bdag gis ci nas kyang ba spu'i khung bu thams cad kyi dbugs rngub pa dang / dbugs 'byung ba de la skye ba dang / 'jig pa'i tshul gyis skye 'jig gi
271b6 mtshan nyid la brtson pa dang ldan par gnas par bya'o snyam du sems te/byang chub sems dpa' sems dpa' chen po de rma'i sgo dgu'i dbugs rngub pa dang / dbugs 'byung ba'i skye ba dang / 'jig pa la sbyor zhing so sor rtog par byed do/ /de bzhin du ba spu'i khung bu'i sgo
271b7 'bum phrag khrag khrig dgu bcu rtsa dgu snyed re re'i ba spu'i khung bu'i dbugs rngub pa dang /dbugs 'byung ba'i skye ba dang / 'jig pa'i mtshan nyid la brtson pa dang ldan par gnas par byed do/ /yang na de ba spu'i khung bu'i sgo skra'i nyag ma tsam du chung bar rtog na yang der dbugs
272a1 rngub pa dang /dbugs 'byung ba rgyu ba de dag la chung bar yang mthong ngo / /yang na che bar rtog na yang yungs 'bru chen po tsam du yang dag par rjes su mthong ngo / /yang na skyu ru ra tsam du rtog na yang skyu ru ra tsam du mthong ngo / /yang na ba spu'i khung bu'i khung bu re re la bil ba'i 'bras bu
272a2 tsam du rtog na yang bil ba'i 'bras bu tsam du mthong ngo //yang na dpag tshad stong tsam du rtog na yang dpag tshad stong tsam du mthong ngo / /yang na gling bzhi pa gcig tsam du rtog na yang gling bzhi pa gcig tsam du mthong ngo / /yang na ba spu'i khung bu re re la rgya che bar rtog na yang rgya che bar yang dag
272a3 par rjes su mthong ngo //de bzhin du mig gi tshad la yang sbyar bar bya'o/ /gang du rga shi dang 'brel ba'i sems can dag bar chad med par 'khor ba'i chu bor bdas pas sdug bsngal rnam pa sna tshogs dag nyams su myong ba na/ de 'di snyam du bdag gis ci nas kyang rnam pa thams cad du
272a4 gzugs kyi 'du shes dag dor bar bya'o snyam du sems te/de rlung gi khams la sems nye bar gtong bar byed do/ /de rnam pa thams cad du gzugs kyi 'du shes dag spong bas des brjod du med pa'i ting nge 'dzin rab tu thob ste/ de ni nyan thos dang / rang rgyal ba thams cad kyi
272a5 sa ma yin no//de la sa'i khams mi dmigs so/ /chu'i khams mi dmigs so/ /me'i khams mi dmigs so/ /rlung gi khams mi dmigs so/ /nam mkha'i khams mi dmigs so/ /rnam par shes pa'i khams mi dmigs so/ /phung po dang / khams dang /
272a6 skye mched rnams rgyu ba mi dmigs so/ /sngon gyi mtha' mi dmigs so/ /phyi ma'i mtha' mi dmigs so/ /'jig rten 'di mi dmigs so/ /'jig rten pha rol mi dmigs so/ /legs par spyad pa dang / nyes par spyad pa'i las rnams kyi 'bras bu rnam par smin pa mi
272a7 dmigs so//skye ba mi dmigs so/ /'jig pa mi dmigs so/ /kun nas nyon mongs pa mi dmigs so/ /rnam par byang ba mi dmigs so/ /byang chub sems dpa' sems dpa' chen po de zhi ba la gnas pa de dag gis gnas so/ /gal te chos thams
272b1 cad stong pa nyid brjod du med pa'i ting nge 'dzin 'dis bskal pa tshad med par byin gyis rlob par 'dod na yang /de bzhin du ting nge 'dzin gyi stobs kyis byin gyis rlob bo/ /de chos thams cad stong pa nyid brjod du med pa'i ting nge 'dzin 'dis bskal pa tshad med par gnas par 'dod na yang de
272b2 bzhin du gnas par byed do//'di ltar sems can yongs su smin par bya ba'i phyir pha rol tu phyin pa drug yongs su rdzogs par byed de/ dper na byang chub sems dpa' sems dpa' chen po sa'i snying po bzhin no/ /dpal cho ga shes byang chub sems dpa' sems dpa' chen po gang gis
272b3 chos thams cad stong pa nyid brjod du med pa'i ting nge 'dzin gyi pha rol tu phyin pa la dbang thob par gyur pa/byang chub sems dpa' sems dpa' chen po de gang gi tshe ting nge 'dzin 'di la 'jug par 'dod pa de'i tshe/ des dang po kho nar sems can yongs su smin par bya ba'i phyir bsod
272b4 nams dang /shes rab kyi stobs kyis smon lam 'di lta bur 'debs par byed de/ 'di ltar bdag yun ji srid du ting nge 'dzin las ma langs pa de srid kyi bar du yul 'di nyid dang / gling bzhi pa 'di nyid ces bya ba nas sangs rgyas kyi zhing 'di nyid kyi sems can zhes bya ba'i
272b5 bar gyi sems can rnams longs spyod dang /yongs su spyod pa dang / yo byad rnam pa sna tshogs dag phun sum tshogs par gyur cig 'di lta ste/ de na sems can rnams kyi gnas dang / lus dang / lus kyi dbyibs mdog dang / yan lag dang / nying lag dang /
272b6 rgyan dang / lhab lhub dang / phyang phrul dang / phreng ba dang / mal cha dang / gos dang / bza' ba dang / btung ba dang / gzugs dang / sgra dang / dri dang / ro dang / reg pa yid du 'ong ba ci dang ci 'dod pa dang / ji lta bu zhig 'dod pa dang / ji snyed cig 'dod pa rnams
272b7 'byung bar gyur cig ces smon lam btab nas/de'i rjes la byang chub sems dpa' sems dpa' chen po de ting nge 'dzin de la 'jug par byed do/ /ting nge 'dzin la zhugs pa'i byang chub sems dpa' sems dpa' chen po de ji srid du snyoms par zhugs pa de srid kyi bar du de na sems
273a1 can rnams kyi longs spyod dang /yo byad de lta bu dag 'byung ba ni sngar ji skad gsungs pa yin no/ /gzhan yang byang chub sems dpa' sems dpa' chen po de smon lam 'di lta bur 'debs par byed de/ 'di ltar bdag yun ji srid du ting nge 'dzin de lta bu dang ldan pa de srid kyi
273a2 bar du tshad bzung ste/sems can rnams kyi lus kyi nad rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / de bzhin du sems kyi nad 'dod chags dang / zhe sdang dang / gti mug la sogs pa dag rab tu zhi bar gyur cig /
273a3 mi dang mi ma yin pa'i gnod pa las 'byung ba'i nad dag rab tu zhi bar gyur cig /dge ba bcu'i las kyi lam dag la gnas par gyur cig ces smon lam btab nas/ de'i rjes la ting nge 'dzin la 'jug par byed do/ /byang chub sems dpa' sems dpa' chen po de 'di ltar yun ji srid
273a4 du ting nge 'dzin de lta bu dang ldan pa de srid kyi bar du tshad bzung ba'i sems can rnams kyi lus dang /sems kyi sdug bsngal gyi nad de lta bu dag rab tu zhi bar byed do/ /gzhan yang byang chub sems dpa' sems dpa' chen po da smon lam 'di lta bur 'debs par byed de/ bdag yun ji srid
273a5 du ting nge 'dzin de lta bu dang ldan par gnas pa de srid kyi bar du sems can dmyal ba rnams dang /dud 'gro rnams dang / gshin rje'i 'jig rten pa rnams kyi sdug bsngal dang / bkres pa dang / skom pa dang / tsha ba dang / grang ba dang / mi sdug pa dang phrad pa dang / sdug pa dang bral ba dang / ngal
273a6 ba'i sdug bsngal dang /tshol khro'i sdug bsngal dag rab tu zhi bar gyur cig /yun ji srid du ting nge 'dzin de lta bu dang ldan pa de srid kyi bar du sems can rnams brtson 'grus dang ldan par gyur cig /dge ba'i chos thams cad dang bral ba rnams dge ba'i chos thams cad la brtson par
273a7 gyur cig /yun ji srid du ting nge 'dzin de lta bu dang ldan pa de srid kyi bar du sems can rnams sems can gzhan dag la byams pa'i sems dang ldan pa dang / phan pa'i sems dang ldan pa dang / mi 'khrugs pa'i sems dang ldan pa dang / khon med pa'i sems dang ldan pa dang /
273b1 rnyog pa med pa'i sems dang ldan pa dang / snying rje'i sems dang ldan pa dang / snying brtse ba'i sems dang ldan pa dang / bsam gtan gyi sems dang ldan pa dang / snyoms par 'jug pa la mkhas par gnas pa'i sems dang ldan pa dang / 'khrul pa med pa'i sems dang ldan par gyur cig /
273b2 ji srid du ting nge 'dzin de lta bu dang ldan pa de srid kyi bar du sems can rnams kyi gti mug gi mun pa dang / rtag pa dang chad par lta ba dag rab tu zhi bar gyur cig /dus thams cad du lta bar 'dzin pa rnams rab tu zhi bar gyur cig /yun ji srid du ting nge 'dzin de lta bu dang ldan pa de srid kyi bar
273b3 du sems can rnams dkon mchog gsum la blo 'jug cing zhe sa dang ri mo byed par gyur cig /phyin ci log bzhi dang bral zhing bden pa bzhi'i rnam pa la gnas pa'i sems dang ldan par gyur cig /'phags pa don dam pa'i bden pa la rnam par gnas pa'i sems dang ldan par gyur cig /
273b4 byang chub sems dpa' sems dpa' chen po de sems can yongs su smin par bya ba'i phyir gang gi tshe ting nge 'dzin la 'jug par 'dod pa de'i tshe/ 'di ltar shes rab dang / bsod nams kyi stobs dang / thabs kyi stobs kyis 'di lta bur byin gyis rlob par byed de/ bdag yun
273b5 ji srid du ting nge 'dzin las ma langs pa de srid kyi bar du yul 'di nyid dang /gling bzhi pa 'di nyid ces bya ba nas sangs rgyas kyi zhing 'di nyid kyi sems can zhes bya ba'i bar dag ji ltar tshad bzung ba rnams la 'di ltar bde bar sbyar bar byin gyis rlob par byed do/ /de'i rjes la chos thams cad
273b6 stong pa nyid brjod du med pa'i ting nge 'dzin de lta bu la 'jug par byed do//byang chub sems dpa' sems dpa' chen po snyoms par zhugs ma thag pa des ji ltar sems can rnams tshad bzung ba de bzhin du/ byang chub sems dpa' ting nge 'dzin gyi stobs kyis bde bar
273b7 sbyar ba yon tan sna tshogs de lta bu dag gis sems can rnams yongs su smin par byed de/byang chub sems dpa' sems dpa' chen po dag chos thams cad stong pa nyid brjod du med pa'i ting nge 'dzin las de srid du ldang bar mi byed do/ /de ltar byang chub sems dpa'
274a1 sems dpa' chen po snyoms par zhugs pa de'i lus la gnod pa dang 'gyur ba mi 'byung ngo //bkres pa dang skom pa'i gnod pa mi 'byung ngo / /me'i gnod pa mi 'byung ngo / /bskal pa'i mes tshig par mi 'gyur ba nas me phal pas tshig par mi 'gyur ro/ /chus khyer bar mi 'gyur
274a2 ro//nad kyi bskal pas zad par mi 'gyur ro/ /mu ge'i dgon par gyur pa'i bskal pas zad par mi 'gyur ro/ /bsam bzhin du tshe'i 'du byed 'dor ba la la ma gtogs par tshe'i 'du byed dang / srog gi dbang po yongs su zad par mi 'gyur ro/ /lus dang / srog la mi dang /
274a3 mi ma yin pa dang / rlung dang / nyi mas gdungs pa dag gis gnod par mi 'gyur te/ de lta bu ni snyoms par zhugs pa yin no/ /ting nge 'dzin de las langs nas kyang 'dod na skra'i rtse mo gcig gi nang du sangs rgyas kyi zhing dpag tu med pa dag gzhug par nus so/ /'dod na
274a4 sangs rgyas bcom ldan 'das 'khor dang bcas pa thams cad dang /byang chub sems dpa' sems dpa' chen po 'khor dang bcas pa thams cad gcig tu bsdoms pa ma lus pa dag sor mo gcig gi sen mo'i nang du blta bar yang nus so/ /'dod na skra'i rtse mo gcig gi nang du
274a5 sems can dpag tu med pa thams cad gzhug par yang nus la/de na de sems can re re'i rang rang gi yul dang spyod yul dag yangs par yang mthong ngo / /'dod na sangs rgyas kyi zhing mtha' yas mu med pa dag gi rlung gi khams thams cad skra'i rtse mo gcig gi nang du
274a6 bcug ste der nam mkha'i gtos yangs pa bzhin du spyod par byed kyang de che bar yang mi mngon no//chung bar yang mi mngon no/ /'dod na byang chub sems dpa' sems dpa' chen po de sangs rgyas kyi zhing thams cad kyi chu'i khams thams cad mon sran sde'u'i 'brum bu gcig gi nang
274a7 du bcug ste/der nam mkha'i gtos yangs pa bzhin du spyod par byed kyang de che bar yang mi mngon no/ /chung bar yang mi mngon no/ /byang chub sems dpa' de rang gi smon lam gyi stobs ma gtogs par yang dang yang mngal gyi gnas su skye bar mi 'gyur ro/ /ngan 'gror skye
274b1 bar mi 'gyur ro//bud med du mi 'gyur ro/ /skye ba dman pa 'thob par mi 'gyur ro/ /yan lag nyams par mi 'gyur ro/ /lus dang / ngag dang / yid kyi spyod pa la 'khrul par mi 'gyur ro/ /sems can yongs su smin par bya ba'i phyir rang gi smon lam gyi stobs ma
274b2 gtogs par sangs rgyas kyi zhing stong pa dag tu skye bar mi 'gyur ro//de rtag par sangs rgyas blta ba dang / chos mnyan pa dang / dge 'dun la bkur sti bya ba dang mi 'bral ba yin no/ /de shes rab dang / bsod nams dang / ting nge 'dzin dang / thabs mkhas pa dag gis
274b3 sems can yongs su smin par byed pa nas yongs su mya ngan las 'das pa bla na med pa'i bar la 'jigs pa med pa dang ma bral ba yin no//dpal cho ga shes byang chub sems dpa' sems dpa' chen pos go cha chen po de lta bu bgos nas bsam gtan dang po'i pha rol tu phyin pa
274b4 yongs su sbyong zhing slob pa na 'dod pa'i khams las yang dag par 'da' bar byed do//de bzhin du bsam gtan gyi yan lag rnams kyang shes par byed do/ /yan lag lnga dang ldan zhing yan lag lnga rnam par spangs pa yin no/ /de bzhin du rdzu 'phrul gyi rkang pa bzhis rtse ba
274b5 mngon par shes pa yin no//sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan pa'i phyir sangs rgyas kyi zhing thams cad du glog lta bu'i shugs kyis 'gro ba la mkhas pa yin no/ /gang gis na sems can thams
274b6 cad kyi lam gsum po las kyi lam dang /nyon mongs pa'i lam dang / sdug bsngal gyi lam dag skems par byed pa yin no/ /byang chub sems dpa' de ltar skems par byed pa'i phyir bsam gtan gyi pha rol tu phyin pa yongs su rdzogs par byed do/ /de bzhin du
274b7 de'i pha rol tu phyin pa drug yongs su rdzogs par 'gyur zhing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro//yang bcom ldan 'das kyis bsam gtan gyi pha rol tu phyin pa yongs su rdzogs par bstan pa na/ 'khor de na sems
275a1 can lnga khri po gang dag gis sngon chos bzhi po 'di dag goms par byas pa de dag gis mi skye ba'i chos la bzod pa rab tu thob pa dang ldan no//de na srog chags brgyad khri bzhi stong dag gis ni dpa' bar 'gro ba'i ting nge 'dzin rab tu thob par gyur to/ /de na srog
275a2 chags khrag khrig stong phrag dgu bcu rtsa dgu dag gis ni bsam gtan gyi pha rol tu phyin pa yongs su rdzogs pa rab tu thob par gyur to//de na sems can sngon byang chub tu sems ma bskyed pa khrag khrig 'bum phrag dpag tu med pa dag gis ni bla na med pa yang dag par rdzogs pa'i
275a3 byang chub tu sems bskyed nas/bla na med pa yang dag par rdzogs pa'i byang chub las phyir mi ldog par gyur to/ /'dus pa chen po theg pa chen po'i mdo bco lnga pa ri'i snying po'i le'u las bsam gtan mtshon pa ste gnyis pa rdzogs so// //de nas de nyid du byang chub
275a4 sems dpa' sems dpa' chen po sa'i snying pos dpal lha mo chen mo la 'di skad ces smras so//dpal cho ga shes gling chen po bzhi pa 'di byang chub sems dpa' sems dpa' chen po de dag thams cad kyis yun ring por shin tu mchod pa cher bya ba dang / rjes su bsrung bar bya
275a5 ba dang /rjes su dran par bya ba dang / phyag bya bar 'os pa dag ji tsam pa ni da ltar de bzhin gshegs pa dgra bcom pa yang dag par rdzogs pa'i sangs rgyas shAkya thub pas byang chub sems dpa' sems dpa' chen po de dag thams cad kyi 'dus pa chen po de lta bu dag bsdus
275a6 pa dang /byang chub kyi lam mtha' dag la 'jug pa dang / phyir mi ldog pa'i 'khor lo'i thabs mkhas pa'i pha rol du 'gro ba dang / sangs rgyas su dbang bskur ba'i sa rab tu bsgrags pa de lta bu dag ltos shig /khyod phyir mi ldog pa'i 'khor lo yongs su rdzogs par byas te/
275a7 sbyin pa'i pha rol tu phyin pa dag la yang dag par mngon du zhen nas khyod kyis sbyin gnas de lta bu dag la bza' ba dang / btung ba'i yo byad dag 'byor par byas pa yin te/ khyod brtson pa des na myur du pha rol tu phyin pa drug yongs su rdzogs par byed dam/ rnam pa thams cad
275b1 mkhyen pa nyid kyi ye shes la gnas par byed dam/de la dpal lha mo chen mos 'di skad ces smras so/ /skyes bu chen po dam pas ji skad smras pa de ltar lags te/ sngon byung ba 'das pa'i dus bskal pa dpag tu med pa dag 'das pa na gang gi tshe byang chub sems dpa' shAkya thub pa de byang
275b2 chub sems dpa'i spyad pa spyod pa na/'di ltar bdag dang gcig la gcig dam tshig bcas pa gang gi tshe khyod bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe/ bdag gling chen po bzhi pa der dpal lha mo chen mo'i go 'phang thob par shog shig pa dang /
275b3 de na sems can rnams la bza' ba dang / btung ba'i yo byad thams cad kyis sbyin pa byed par 'gyur bar bgyis lags so/ /rigs kyi bu khyod bdag las gson cig dang / sngon byung ba 'das pa'i dus bskal pa dpag tu med pa 'das pa gang de'i tshe de'i dus na de bzhin gshegs
275b4 pa dgra bcom pa yang dag par rdzogs pa'i sangs rgyas dbang po'i tog gi rgyal mtshan rgyal po zhes bya ba zhig byung bar gyur to//skye dgu'i tshe lo stong zhes bya ba nas de'i tshe de'i dus na dge bsnyen skar ma dri med dpal zhes bya ba dul ba/ gsal ba/ 'jigs pa med pa/ thos pa mang ba/ 'khor
275b5 bzhi po dag la chos ston pa/'khor mang ba/ 'khor phun sum tshogs pa zhig byung bar gyur to zhes bya ba'i bar du ste/ de'i bu thu bo dri med dpal zhes bya ba zhig byung ba des rang gi pha la tshigs su bcad pas smras pa/ yab cig ci slad rang gi lus srog btang nas kyang / /zhum pa
275b6 med pa'i sems kyis brtson zhing rtsol bar mdzad//yab cig tshe 'dis mya ngan 'das par mi gshegs par/ /sems can rnams la mchog tu srung mdzad shin tu brtson/ /des rang gi bu dri med dpal la tshigs su bcad pas lan smras pa/ sems can 'khor ba'i sdug bsngal
275b7 dag gis rmongs pa dang //lam ngan zhugs shing nyon mongs pa yi me 'bar ba/ /rtag tu sdug bsngal dag gis nyon mongs ngas mthong nas/ /nyon mongs pa yi me dag gsad phyir nga brtson byed/ /shes rab rnam par nyams shing mtha' las 'das pa dang / /lam las
276a1 rab tu nyams shing ngan song 'gro ba dang //'khor ba shin tu bzod rlag chu bor ltung ba rnams/ /rab tu bsgral ba'i phyir ni nga yang spyod par byed/ /sbyin dang dul dang sdom pa rnam par spangs pa dang / /lha dang mi yi bde las rtag tu nyams pa dang / /dge ba'i
276a2 bshes gnyen dag dang rtag tu bral ba rnams//de dag la ni bdag gis lam ston 'gyur bar bya/ /sems can nyon mongs pa yis btson rar rtag bcings pa/ /mgon med gyur pa mig ni rnam par nyams gyur cing / /lta ngan dag la chags pa sha dang khrag za ba/ /de
276a3 dag dag par bya phyir nga ni spyod par byed//sems can re re'i don du mnar med spyod byed pa/ /de 'dra'i snying rje sems can rnams la bskyed par bya/ /ji ltar sems can re re de dag thar bya'i phyir/ /sdug bsngal bzod rlag bzod dka' bdag gis dang du blang / /bu cig nga yis byang
276a4 chub spyod mchog spyad par bya//nyan thos dag gi shes pa btsal bar mi bya zhing / /rang sangs rgyas kyi shes pa'ang btsal bar mi bya ste/ /bla na med pa'i ye shes dag ni btsal bar bya/ /ji srid gang gA'i bye snyed sems can du ma dag /sdug bsngal dag las thar bar
276a5 byas par ma gyur par//de srid byang chub mchog rab 'dir ni 'tshang mi rgya/ /phyi nas byang chub mchog rab de la reg par bya/ /bu cig khyod kyis sems can rnams la mtshungs par ni/ /snying rje 'di lta bu dag bskyed par byas nas kyang / /khyod kyis dge dang rtag tu ldan
276a6 par byas pa rnams//byang chub mchog rab 'phags pa dag tu bsngo bar gyis/ /sems can nyon mongs me las rab tu thar bya'i phyir/ /sdug bsngal bzod rlag bzod dka' ba dag dang du long / /sbyin dang dul dang sdom pa dag la legs spyod cig /rdzogs sangs
276a7 rgyas par 'gyur ba 'di ni the tshom med//gang tshe nga ni byang chub mchog ma thob pa na/ /de tshe khyod ni sems can rnams kyi sbyin por 'gyur/ /nga yis khyod ni byang chub mchog tu lung bstan nas/ /'di la dam bcas brtan por legs par gnas pa yin/ /rigs kyi
276b1 bu de'i tshe bdag gis de bzhin gshegs pa dbang po'i tog gi rgyal mtshan rgyal po'i spyan sngar 'di lta bur dam bcas te/bdag yun ji srid du 'khor ba na 'khor ba de srid kyi bar du brtul zhugs dang / dka' thub dang / dka' ba spyad pa dang / sbyin pa dang / dul ba dang / sdom
276b2 pa dang /bsam gtan dang / thos pa dang / gtong ba dang / zhal ta sna tshogs dag la goms par bgyi'o/ /dka' ba spyad pa dang / yongs su gtong ba rnam pa sna tshogs dag la goms par bgyi'o/ /gang gi tshe skye dgu'i tshe lo brgya pa'i tshe nyon mongs pa dang / nyon mongs
276b3 pa'i rnyog pa dag gis kun tu rmongs par gyur pa'i zhing dag tu bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i zhing der bdag gis kyang dpal gyi go 'phang gi bdag po bla na med pa dag bstan par bgyi'o//de'i bstan pa la bza' ba dang /
276b4 btung ba'i yo byad bla na med pa'i sbyin pa por 'gyur bar bgyi'o/ /de na de bzhin gshegs pa shAkya thub pa 'khor dang bcas pa dag la bdag gis zhal zas dang / btung ba sna tshogs dag gis rim gro bgyi'o/ /der de bzhin gshegs pa shAkya thub pas mngon sum du bdag
276b5 bla na med pa yang dag par rdzogs pa'i byang chub tu lung bstan pa thob par bgyi'o//der sems can gang dag ma rungs pa/ rtsub pa/ snying mi brtse ba/ byas pa mi gzo ba/ mi mnyam pa/ yang bar spyod pa/ sdig pa'i sems dang ldan pa dag 'byung bar 'gyur ba de dag
276b6 gis dus ma yin pa'i rdzi char dang /tsha ba dang / grang ba dang / char mo che dag 'bebs par byed pas gang dag sems can rnams kyi 'bru dang / 'bras bu dang / lo tog dang / sman dang / ljon shing dang / ro dag ma rung bar byed pa/ mdangs 'phrog pa/ sems can
276b7 rnams kyi longs spyod dang /yongs su spyod pa dag chud gzon par byed pa/ mun gnag tu byed pa de dag thams cad bdag gis bsod nams kyi mthu dang shes rab kyi stobs kyis bzlog par bgyi'o/ /dad par bgyi'o// //bam po gnyis pa/ gang gi
277a1 tshe sems can de dag longs spyod dang /nye bar spyod pa dang bral bas sems can de dag mi dge ba bcu la spyod par byed do/ /dge ba bcu'i chos rnams yongs su nyams par byed do/ /'di ltar de ra bcom ldan 'das kyi gdul bya rnams bstan pa dang / dkon
277a2 mchog gsum gyi gdung dang /yo byad dag dang mi ldan pas grags pa med par 'gyur te/ des na der bdag gis longs spyod dang / nye bar spyod pa'i yo byad phun sum tshogs pa'i rgyu dag gis sems can rnams bla na med pa yang dag par rdzogs pa'i byang chub tu yongs su
277a3 smin par bgyi'o//gang gi tshe 'di ltar bdag gis bcom ldan 'das kyi spyan sngar smon lam btab pas ma 'ongs pa'i dus na de ltar bdag gis bsam pa yongs su rdzogs par byas pa de'i tshe bcom ldan 'das des legs so zhes bya ba gnang ste/ de'i tshe ji ltar smon lam
277a4 btab pa bzhin bsam pa yongs su rdzogs par byas pas rigs kyi bu de ltar smon lam btab pa legs so legs so zhes de bzhin gshegs pa dbang po'i tog gi rgyal mtshan rgyal pos legs so zhes bya ba gnang ba yin no//rigs kyi bu khyod la bdag gis 'byor
277a5 byed chu khyim snying po zhes bya ba'i gzungs sbyin gyis/khyod kyis gzungs kyi snying po 'dis de lta bur sems can rnams shin tu yongs su smin par byed nus sam/ sems can tshad med pa dag longs spyod dang / nye bar spyod pa'i yo byad phun sum tshogs pa dang ldan pa dag gis
277a6 nyon mongs pa'i chu bo las sgrol bar byed do//tad ya thA/ dza lam b+ha/ ma hA dza lam b+ha/ anu dza lam b+ha/ sarba dza lam b+ha/ o ga dza lam b+ha/ yak+Sha bri dza lam b+ha/ nA ga bri dza lam b+ha/ u ga ra bri dza lam b+ha/ hasti bri dza lam b+ha/ a dza lam b+ha/ dza lam b+ha/
277a7 man DU ka bri dza lam b+ha/ kha mu bri dza lam b+ha/ pad ka bri dza lam b+ha/ a ma bri dza lam b+ha/ sU ci mu kha bri dza lam b+ha/ ba mra ba mra/ dza la ba mra/ bi dza b+han da/ prata tra puSh+pa pha lam b+ha/ mu k+Shan ri b+hanas/ d+harma/ ya dz+nyA/ briSh+Ti so/ hri lam b+ha/ sha shastu da la/ gung gung
277b1 sa ra gun tsi/dung gung / ba ra dza bai swA hA/ 'byor byed chu khyim snying po zhes bya ba'i gzungs ni de yin te/ gzungs kyi snying po 'dis de lta bur sems can rnams shin tu yongs su smin par byed nus sam/ rigs kyi bu der bdag gis ni de bzhin gshegs pa dbang po'i tog gi
277b2 rgyal mtshan rgyal po de las 'byor byed chu khyim snying po zhes bya ba'i gzungs 'di mnos so//mnos nas kyang de bzhin gshegs pa de la bdag gis mchod pa dang / rim gro rnam pa sna tshogs 'di dag byas te/ tshul khrims dang / thos pa dang / brtul zhugs dag kyang
277b3 spyad do//de'i 'og tu yang sangs rgyas khri snyed la de lta bu'i smon lam dag btab pa des na bdag gis da ltar bskal pa bzang po 'di la dpal chen po'i go 'phang thob pa yin no/ /da ltar bdag 'dir don chen po de lta bu bgyid pa'i tshe mi nyal ba de ci'i slad du zhe na/ de tshun chad klu khro bo
277b4 phal mo che dag byung ba dang /gnod sbyin dang / srin po dang / lha ma yin dang / grul bum dang / dang / sha za ma rungs pa rtsub pa/ ma dad pa/ snying rje med pa/ snying brtse ba med par zhugs pa phal mo che dag lhags pas srog chags su gyur pa rnams la gnod pa dang /
277b5 ya nga bar spyod pa de dag gis dus ma yin pa'i rlung dang / char mo che dang / than chen dang / ser drag 'bebs pa dang / tsha ba dang / grang ba dag 'byin par byed do/ /phyi dgra dang / nang 'khrug dang / phung bar 'gyur ba dang / phas kyi dmag tshogs kyi gnod pa dang / thab mo
277b6 dang /nyi mas gdungs pa dang / rlung dmar dag gtong bar byed do/ /de dag kyang sngon gyi rgyal bas byin gyis ma brlabs la/ de dag 'jig rten pha rol la yang mi lta bas 'byor byed chu khyim snying po zhes bya ba'i gzungs 'di la ri mo mi byed de/ de dag sems can rnams kyi sa
277b7 bon dang /myu gu dang / 'dab ma dang / me tog dang / 'bras bu dang / ro dang / 'bru dang / sman dang / longs spyod dang / nye bar spyod pa dag chud gzon par byed do/ /'jig par byed do/ /mdangs 'phrog par byed do/ /de dag sa'i bcud rnams la dbugs gtong bar byed
278a1 de/de dag gis sa'i bcud rnams skyon dang bcas pa dang / snyigs ma dang bcas pa dang / nad dang bcas pa dang / ldam ldum gyis 'gags pa dang / rtsub pa dang / ro med pa dang / sra ba dang / dri mi zhim pa dag tu byed de/ de dag gis sems can rnams mngon par
278a2 dga' bar mi byed do//sems can gang dag sa'i bcud 'di la rten pa rnams/ sa bon dang / sdong bu dang / lo ma dang / me tog dang / 'bras bu dang / ro dang / 'bru dang / sman dang / longs spyod dang / nye bar spyod pa dag la spyod par byed pas de dag gis sems 'jig rten
278a3 pha rol la mi lta zhing sems can rnams la sems rtsub pa dang /zhe 'gras pa dang / gdug pa dang / sdang ba dang / snying rje med pa dang / snying brtse ba med par zhugs pa yin no/ /nad sna tshogs kyis gzir cing gzugs mi sdug la lus rtsub pa/ nyon mongs pa dang / nang du
278a4 mas nyams smad pa/lta ba ngan par zhugs pa/ skyabs ngan pa la rten pa yin no/ /de dag ces bya ba nas dang bya dag gi bar du dkon mchog gsum la dad pa dang / dang ba dang / dga' ba dang / bla ma dang / zhe sa dang / ri mo byed pa'i sems dag ma thob pa yin te/ de
278a5 dag nad sna tshogs dang /lta ba ngan pas zin cing ngan g.yo can khar bros pas dkon mchog gsum la lus dang / ngag yid 'khrul par spyod pa yin no/ /sdig pa'i sems dang ldan pa/ tshul khrims 'chal pa sdom pa ma yin pa la spyod pa de dag dge slong tshul khrims dang
278a6 ldan zhing yon tan gyis phyug pa/spobs pa grol ba dang ldan pa de dag gis spong bar byed do/ /da ltar 'di na sems can dag /gshe ba dang / spyo ba dang / smod pa dang / bshung ba dang / nyams par byed pa dang / brnyas pa dang / 'drid pa dang / bsdigs pa
278a7 dang /grags pa ma yin par spyod pa dang / ngo tsha shes pa dang khrel yod pa spangs pa dang / mi dge ba bcu'i las kyi lam rnams la mngon par dga' ba'i sems dang ldan pa dang / dge ba thams cad la spyod pa spangs pa'i sems dang ldan pa dang / bsod nams
278b1 dang shes rab dang bral ba dang /tshe thung zhing ngan song du 'gro ba des na sems can 'di dag thams cad de dag gis ni longs spyod dang / nye bar spyod pa thams cad kyis tshim par byed kyang mi nus/ yongs su smin par byed kyang mi nus so/ /'di ltar skyes bu dam pa khyod ni sangs rgyas
278b2 thams cad kyi chos la rag ma lus par shes shing mkhas pa khyod ni ting nge 'dzin dang /gzungs dang / bzod pa thams cad la rnam par spyod pa la mkhas pa'i pha rol tu son pa/ snying rje dang snying brtse bas brgyan pa mkhas pa chen po shes pa'i pha rol tu son pa khyod ni byang chub sems
278b3 dpa'i tshogs thams cad kyi nang na rgyal mtshan gyi mchog tu gyur pa sems can thams cad yongs su smin par byed pa yin pas da khyod kyis gling bzhi pa 'dir snying rje dang snying brtse ba dag skyed cig /gling bzhi pa 'di na klu khro bo dag ji ltar bzlog par nus pa dang / gnod sbyin dang / srin
278b4 po dang /lha ma yin dang / grul bum dang / dang / sha za khro bo dang / lus srul po khro bo dag ji ltar bzlog par nus pa dang / de dag ci nas kyang dus su char 'bebs shing chu 'byin par 'gyur ba dang / lo tog phun sum tshogs pa sgrub par 'gyur ba dang / tsha ba
278b5 dang /grang ba dus su sbyor bar 'gyur ba dag blos rtogs shig dang / gzhi des sems can rnams kyi longs spyod dang / nye bar spyod pa mi nyams la sa'i bcud thams cad la yang skyon med pa dang / nad med pa dang / snying po dang ldan pa dang / dran pa'i rgyu rkyen dang / zhim pa
278b6 dang /dri zhim pa dang / ro zhim po phun sum tshogs par 'gyur ro/ /sa'i bcud 'di la rten pa'i sems can gang dag gi longs spyod dang / nye bar spyod pa la longs spyod pa de dag ni nad med pa dang / dran pa dang ldan pa dang zhes bya ba'i bar du sngar ji skad gsungs pa
278b7 yin no//de nas byang chub sems dpa' sems dpa' chen po sa'i snying pos dpal lha mo chen mo de la 'di skad ces smras so/ /dpal cho ga shes bdag gis ni sangs rgyas kyi zhing 'di thams cad kyi 'byung ba chen po ma lus pa dag lha'i bde bar sprul nas 'dir sems
279a1 can rnams bskal pa 'bum phrag snyed kyi bar du longs spyod par bya bar nus kyang /'dir sems can rnams kyis longs spyod par mi nus so/ /de ci'i phyir zhe na/ sems can 'di dag ni bsod nams dang bral ba ste/ longs spyod dang nye bar spyod pa rgya chen po
279a2 dag la longs spyod pa'i snod ma yin no//bdag gis ni sangs rgyas kyi zhing mi mjed 'di thams cad lha'i gzhal med khang rgya chen por sprul pa dang / lha'i gnas mal dang / rgyan dang / gos dang / lhab lhub dang / spos dang / me tog dang / phreng ba dang / 'bras
279a3 bu dang /shing ljon pa dang / rol mo'i sgra dang / sil snyan dang / glu dbyangs dang / rin po che sna tshogs kyis brgyan pa dag tu sprul par nus kyang / 'dir sems can de dag bsod nams dang bral bas snod du ma gyur pa'i phyir longs spyod par mi nus te/ de bzhin gshegs
279a4 pa dgra bcom pa yang dag par rdzogs pa'i sangs rgyas dang /byang chub sems dpa' sems dpa' chen po sa bcu pa de dag dang / dpa' bar 'gro ba'i ting nge 'dzin la dbang thob pa dag longs spyad par spyod pa ni ma gtogs so/ /bdag gis sems can gyi khams ma lus pa
279a5 dag bsam gtan bzhi la snyoms par zhugs par gzhag par nus na/'di na klu khro bo zhes bya ba nas lus srul po khro bo zhes bya ba'i bar dag zhi bar bya ba lta smos kyang ci dgos/ 'di ltar bdag ni de bzhin gshegs pas ma gnang bar bdag gis rdzu 'phrul gyi yul
279a6 dag bstan pa ni tshul dang 'thun pa ma yin te/dper na 'khor los sgyur ba'i rgyal pos ma gnang bar blon po rin po che dang / khyim bdag rin po che dag gis dpung gi tshogs yan lag bzhi pa shom pa de ni gnas med do/ /de ci'i phyir zhe na/ byang chub sems
279a7 dpa' sems dpa' chen po ma lus pa de dag thams cad ni de bzhin gshegs pa'i sras thugs las skyes pa/gsung las skyes pa/ chos las byung zhing chos kyis sprul pa ste/ de'i phyir de bzhin gshegs pas ma gnang bar rdzu 'phrul gyi yul bstan par ni
279b1 sus kyang mi nus so//dpal cho ga shes 'on kyang chu klung nor bu'i gzhal med khang zhes bya ba'i gzungs kyi tshogs kyi rig sngags dang / gsang sngags kyi tshig mdor bsdus pa dang / dus gsum gyi sangs rgyas bcom ldan 'das de dag thams cad kyi dkon mchog gsum
279b2 gyi gdung gi byin gyi rlabs kyis rnam par 'phrul pa dag yod kyis/dpal cho ga shes da de bzhin gshegs pa de la tshig dag zhus shig dang / da de bzhin gshegs pas khyod la chu klung nor bu'i gzhal med khang zhes bya ba'i gzungs kyi tshogs kyi rig sngags dang / gsang sngags
279b3 kyi tshig mdor bsdus pa dag ston par 'gyur te/bdag kyang rjes su yi rang ngo / /khyod kyis kyang bsam pa thams cad rdzogs par gyis shig /de nas dpal lha mo chen mo dang / lha mo chen mo dbyangs can dang / lha mo chen mo brtan ma dang / lha mo chen mo 'od byed dang /
279b4 lha mo chen mo gzi brjid can dang / lha mo chen mo dge ldan dang / lha mo chen mo ta ma la'i snying po dang / lha mo chen mo nyi ma bdag dang / lha mo chen mo shel can dang / de dag la sogs pa lha gzhan khrag khrig 'bum phrag brgyad cu snyed kyis yongs su bskor cing
279b5 mdun du bdar nas stan las langs te/bcom ldan 'das ga la ba de logs su thal mo sbyar ba btud nas dpal lha mo chen mos de'i tshe tshigs su bcad pas gsol pa/ spyod pa rnam dag dri ma'i dri med pa/ /nyi mas nyon mongs rnyog sel bstan du gsol/ /
279b6 chu klung gzungs kyis bdag cag skom lags na/ /bde gshegs gzungs tshogs zhi bgyid bstan du gsol/ /chu klung rig sngags gsang sngags tshig rab mchog /thub pa rin po che yis bstan du gsol/ /des na rnyog ldan klung dag dad 'gyur bas/ /sa yi bcud
279b7 rnams slan chad chab mi 'tshal//dus min rlung dang nyi mas gdungs pa dang / /rdul dang than chen chen po zhi bgyid la/ /lo tog 'bras bu sus kyang mdangs mi 'phrog /gang dag srung bar 'gyur ba bstan du gsol/ /des na nad med dran dang ldan pa dang / /
280a1 dge ba dag la spyod par gyur nas kyang / /rgyal ba'i bstan la lta ba ngan pa po/ /ya nga ba dag rnam par spong bar 'gyur/ /rgyal bas bdag gi snying la mya ngan dang / /nyon mongs sel bgyid mdangs ni 'grub pa dang / /gang gis bdag ni sems can
280a2 thams cad dag /yongs smin bgyid par rngo thogs bstan du gsol/ /thub pa'i thad na lha rnams 'di dag gsol 'debs pa/ /theg pa chen po zab mo'i lam la gzhug tu gsol/ /sems can yon tan phyug po 'bras bcas 'dus pa po/ /phyogs bcu'i byang
280a3 chub sems dpa' khyod la bsngags pa brjod//chu bo legs 'bab lo tog mi nyams bgyi slad du/ /sdig can klu rnams bzlog phyir 'di dag bstan du gsol/ /de nas bcom ldan 'das kyis bka' stsal pa/ dpal cho ga shes 'dus pa rnams kyi mdun du de bzhin
280a4 gshegs pa ni dus su byin gyis rlob par mdzad la/de bzhin gshegs pa da ni 'dus pa rnams kyi nang du dus gsum gyi sangs rgyas bcom ldan 'das de dag thams cad kyis byin gyis brlabs pa/ 'byor byed chu khyim snying po zhes bya ba'i gzungs ston to/ /phyogs
280a5 bcu nas 'dir lhags pa'i byang chub sems dpa' sems dpa' chen po dag gis de thos nas kyang phyogs bcu'i sangs rgyas kyi zhing snyigs ma lnga can stong pa de na sems can rnams la 'byor byed chu khyim snying po zhes bya ba'i gzungs 'di rab tu ston par byed do//gzungs kyi
280a6 rgyu des na der dus ma yin pa'i rlung dang /nyi mas gdungs pa dang / grang ba dang / tsha ba dang / char mo che dang / than chen dag rab tu zhi bar byed do/ /des na der 'jig rten pha rol la mi lta ba'i lha dang / gnod sbyin dang / srin po dang / lha ma yin dang / grul bum dang /
280a7 dang / sha za dang / srul po dang / lus srul po dang / mi dang / mi ma yin pa dang / tha na dang / bya ma rungs pa/ gtum pa/ sems can rnams la snying brtse ba med pa dang / snying rje med par zhugs pa dag dad pa can du 'gyur ro/ /sems
280b1 'jam par 'gyur ro//dge ba dran par 'gyur ro/ /chos tshol ba la 'dod par 'gyur ro/ /chos srung bar 'gyur ro/ /dkon mchog gsum gyi gdung 'bar ba byed par 'gyur ro/ /gzungs 'di'i mthus de na sems can rnams tshe ring bar 'gyur ro/ /kha dog 'phel
280b2 bar 'gyur ro//lo tog 'phel bar 'gyur ro/ /longs spyod 'phel bar 'gyur ro/ /bde ba 'phel bar 'gyur ro/ /nad med pa 'phel bar 'gyur ro/ /grags pa 'phel bar 'gyur ro/ /tshul khrims 'phel bar 'gyur ro/ /thos pa 'phel bar 'gyur ro/ /gtong
280b3 ba 'phel bar 'gyur ro//byams pa 'phel bar 'gyur ro/ /snying rje 'phel bar 'gyur ro/ /shes rab 'phel bar 'gyur ro/ /thabs 'phel bar 'gyur ro/ /ting nge 'dzin 'phel bar 'gyur ro/ /gzungs 'phel bar 'gyur ro/ /sa rnam par dpyod pa 'phel bar
280b4 'gyur ro//rnam par spong ba 'phel bar 'gyur ro/ /sems can yongs su smin par byed pa 'phel bar 'gyur ro/ /theg pa chen po'i bsngags pa yongs su 'phel bar 'gyur ro/ /smon lam gyi khyad par 'phel bar 'gyur ro/ /sa nas sar 'phar ba 'phel bar 'gyur
280b5 ro//phung po dang / khams dang / skye mched lhag par mthong ba 'phel bar 'gyur ro/ /ngo tsha shes pa dang khrel yod pa 'phel bar 'gyur ro/ /sangs rgyas kyi zhing gi yon tan bkod pa rab tu 'dzin pa 'phel bar 'gyur ro/ /phyogs bcu'i sangs rgyas bcom ldan
280b6 'das thams cad rtag par dus su dgongs pa 'phel bar 'gyur ro//sangs rgyas bcom ldan 'das rnams dang / byang chub sems dpa' sems dpa' chen po dag la rtag tu dge ba'i bshes gnyen yin par 'dzin pa 'phel bar 'gyur ro/ /rdzu 'phrul gyi rkang pas rnam
280b7 par rtse ba 'phel bar 'gyur ro//nyon mongs pa thams cad skye zhing 'phel ba dang / las 'phel ba dag las kun nas sgrol bar byed do/ /mya ngan las 'das pa bla na med pa la thug pa'i bar du dge ba'i chos thams cad kyis nyams par mi 'gyur ro/ /yongs su
281a1 nyams par mi 'gyur ro//tad ya thA/ swa ra bra te/ na ya bra ti/ biSh+Tha tsha ti/ a na ya bra ti/ shAstA ra bra ti/ shA ra Na bra ti/ ku mu da bra ti/ san tsI ra bra ti/ tshe da sa la bra ti/ sa ra bra te/ sa ra pa ri hA re/ sa ra bra ta pa ri hA re/ nA ya na pra ta ba ri hA re/ bi bi
281a2 d+he ka pa ri hA re/yadz+nyA pa ri hA re/ bin+du pa ri ha re/ dza la pa ri hA re/ k+She tra pa ri hA re/ dak+Sha pa ri hA re/ sa na sa pa ri hU re/ shra ba bA ng+rai/ go ma ya ba Ne/ ma da sa khe/ su na yA b+ha dra dza me la/ ban de a ra Na dzU She/ kha ra ba dzA b+he/ nA rA ya Na bi dza b+he/ u ra ga /a ni mi She/
281a3 ku dza ra b+he me/ dza ha ni ma b+he/ karma bi ra le/ shra ma sa li lai/ kha Da ga sha me/ a si nA me/ ag+ni b+ha dre/ nang+ga tum+pu re/ bA ya be/ ba ru Ne/ kan+Tha ni bra/ sha kra dz+nyA ye/ a nA tshe bye nr-I na ya/ ni le trai yad+d+ha/ bud+d+ha ad+hi Sh+Thi te swA hA/ nA rA ya ni nI la ye swA hA/ tsakra
281a4 brta kra me swA hA/bcom ldan 'das kyis 'byor byed chu khyim snying po zhes bya ba'i gzungs 'di bstan ma thag tu de nas de'i mod la sa chen po g.yos par gyur te/ sangs rgyas kyi zhing mi mjed thams cad kyi sa rnam pa drug tu g.yos par gyur to/ /thams cad dang ldan pa'i
281a5 'khor ji snyed lhags pa rnams kyang 'dar shig shig ste/'khrugs shing skyo ba skyes nas sangs rgyas la phyag 'tshal lo/ /sangs rgyas la phyag 'tshal lo zhes 'dzer to/ /de nas bcom ldan 'das kyis dpal lha mo chen mo la 'di skad ces bka' stsal to/ /dpal cho ga shes
281a6 khyod kyis 'byor byed chu khyim snying po zhes bya ba'i gzungs ni de lta bu yin te/de'i mthus rtsod pa dang / 'thab mo thams cad rab tu zhi bar byed do/ /klu khro bo dang / ma rungs pa thams cad zhi bar byed do/ /gnod sbyin dang / mi dang / mi ma yin pa dang / tha na ri
281a7 dgas dang /bya khro bo dang / ma rungs pa thams cad kyang zhi bar byed do/ /dus ma yin pa'i rlung dang / nyi mas gdungs pa dang / grang ba dang / tsha ba dang / than chen thams cad rab tu zhi bar byed do/ /lo tog thams cad 'phel zhing 'grub par byed do/ /sems can
281b1 rnams tshe ring bar byed do//longs spyod 'phel bar byed do/ /las 'phel ba sgrol bar byed pa'i bar du byed do/ /mya ngan las 'das pa bla na med pa la thug gi bar du dge ba'i chos thams cad kyis nyams par mi 'gyur ro/ /yongs su nyams par mi 'gyur ro/ /la la zhig gzungs
281b2 chen po 'di nyan tam/klog gam/ sgrub par byed na de phyis 'gal ba med pa'i chos dang / sdom pa gsum la gnas par 'gyur ro/ /de nas byang chub sems dpa' sa'i snying pos gsol pa/ btsun pa bcom ldan 'das 'dir bdag gis kyang mtshon cha'i stobs zhes bgyi ba'i
281b3 gzungs chen po bshad par bgyi'o//mtshon cha'i stobs zhes bgyi ba'i gzungs des sems can rnams kyi longs spyod dang / yongs su spyod pa thams cad kyi ched du sa'i bcud thams cad nyams par mi 'gyur lags so/ /yongs su nyams par mi 'gyur lags so/ /
281b4 sa'i bcud kyi mdangs rnams gang gis kyang dbrog par rngo mi thogs lags so/ /dbugs gdug pa gtong ba'am/ bskam par yang rngo mi thogs lags so/ /rtsub pa dang / ro ma mchis par bgyi bar rngo mi thogs lags so/ /nyams pa dang ma mchis par bgyi bar
281b5 rngo mi thogs lags so//dog sa las lo thog mi 'khrung bar bgyi bar rngo mi thogs lags so/ /rtsub pa dang / ro ma mchis par bgyi bar rngo mi thogs lags so/ /lo tog gi sa bon dang / myu gu dang / 'dab ma dang / me tog dang / 'bras bu dang / 'bru
281b6 dang /sman rnams kyi mdangs 'phrog par rngo mi thogs lags so/ /de la dbugs gdug pa gtong ba'am/ bskam par yang rngo mi thogs lags so/ /rtsub pa'am/ ro ma mchis par bgyi ba yang rngo mi thogs lags so/ /ma smin pa rnams chab stsal bar
281b7 yang rngo mi thogs lags so//lhags pa dang / tsha ba dag gis tshig pa dang / 'tshal du mi rung bar bgyi bar rngo mi thogs lags so/ /'tshal ba tsam gyis sems can la la'i lus la dbugs gdug pa gtang bar rngo mi thogs lags so/ /gzhi de lta bu las
282a1 sems can rnams kyis zas 'tshol ba slon nas lta bro 'tshal ba dang /yan lag dang nying lag bro 'tshal cing 'khums par bgyi bar rngo mi thogs lags so/ /rims nad dang / brjed byed dang / sems g.yengs pa dang / dran pa nyams par bgyid par rngo mi
282a2 thogs lags so//phan tshun thab mo dang dmag bgyid par rngo mi thogs lags so/ /kha cig srog gcod pa dang / ma byin par len pa la mi sbyor ba nas log par lta ba la mi sbyor ba'i bar gyi chos de dag gis sems can rnams kyi sems la sbyor la/ lha dang / klu
282a3 dang /gnod sbyin dang / srin po dang / grul bum dang / mi 'am ci dang / dri za dang / dang / sha za dang / srul po dang / lus srul po dang / mi dang mi ma yin pa dag gis kyang sems can rnams la gnod pa de lta bu dag bgyi bar rngo mi thogs lags so/ /
282a4 tad ya thA/ nA bi/ ma hA nA bi/ k+Shu k+Sha ra nA be/ a bing gu/ nA be/ sang sho Sha Na/ nA be/ ni rA dza kha be/ a ba ra mu ni/ ta ru Na ru he/ na rA pad tre/ dza ba pra me/ mA su ra tre/ ti mi ra pad tre/ khaN Da ni ra hA re/ tsak+Sho b+ha se/ ga Na bi me/ k+Shi ti/ two ye swA hA/ ang
282a5 gu rak+She swA hA/puSh+pa ma ye swA hA/ pha la ni ma b+he swA hA/ na mo to ye swA hA/ sha rI ra na ba kra ma bI Sha swA hA/ dpal cho ga shes khyod kyi mtshon cha'i stobs zhes bya ba'i gzungs chen po ni de yin te/ mtshon cha'i stobs zhes bya ba'i gzungs chen po'i mthu des ni sems can
282a6 rnams la de lta bur rgyas par byed do//bde ba chen po skyed par byed do/ /rgyu des na des sems can rnams myur du 'dul bar 'gyur ro/ /byang chub sems dpa' sems dpa' chen po sa'i snying po de la thams cad dang ldan pa'i 'khor lhags pa rnams kyis kyang legs so
282a7 zhes bya ba byin zhing /bcom ldan 'das kyis kyang legs so zhes bya ba gnang ste/ rigs kyi bu legs so legs so/ /rigs kyi bu khyod ni sems can rnams kyi rtsi sman yin zhing sems can rnams kyi sman par gyur pa'o/ /'di ltar gling bzhi pa 'di'i sems can
282b1 thams cad kyi 'bru dang /rtsi sman yin zhing sdug bsngal thams cad rab tu zhi bar byed pa'o/ /bde bar sbyar ba thams cad sbyin par byed do/ /snying rje chen po kun nas slong ba dang mtshungs par ldan pa'o/ /mtshon cha'i stobs zhes bya ba'i gzungs chen po shin tu zab pa de lta bu ston
282b2 pa yin no//gzungs chen po des ni 'di na sems can rnams kyi sa'i bcud kyi mdangs dang / sa bon dang / myu gu dang / 'dab ma dang / me tog dang / ro dang / 'bru dang / sman rnams mi nyams shing skyon med la 'phel zhing 'byor par byed do/ /sems can gang dag
282b3 gis zos pa de dag gi rgyud la rtsod pa'i rnyog pa thams cad zhi bar byed do//'dir sems can rnams dge ba'i chos thams cad la spyod par 'gyur ro/ /gling bzhi pa 'dir dus ma yin pa'i rlung dang / nyi mas gdungs pa dang / tsha ba dang / grang ba dang / char mo che dang /
282b4 than chen dang / zla ba dang / nyi ma dang / gza' dang / rgyu skar dang / nyin mtshan dang / zla ba dang / zla ba phyed pa dang / lo dang / dus tshigs log pa thams cad nye bar zhi bar byed do/ /gzungs chen po bstan pa des ni nga'i dkon mchog gsum gyi gdung dang / chos kyi
282b5 tshul yun ring du gnas par 'gyur ro//gal te 'dir mun pa can skal ba chung ba/ rgyags pa dang / dregs pas khengs shing dge ba'i rtsa ba ma bskyed pa/ rgyal rigs gdol pa dang / blon po gdol pa dag gis 'di ltar nga'i bstan pa dka' bas bsgrubs pa dang / nga'i
282b6 dge slong dang /dge slong ma dang / dge bsnyen dang / dge bsnyen ma dag la 'tshe bar byed pa nas rgyu des na lha dang / klu dang / gnod sbyin dag 'khrug par mi byed pa'i bar du'o/ /de bzhin du sems can rnams la bde bar sbyar ba thams cad 'byung ba ni sngar ji skad gsungs pa bzhin no/ /'dus
282b7 pa chen po theg pa chen po'i mdo bco lnga pa ri'i snying po'i le'u las than chen rab tu zhi bar byed pa'i mtshon pa ste gsum pa rdzogs so// //de nas bcom ldan 'das kyis dpal lha mo chen mo la 'di skad ces bka' stsal to/ /dpal lha mo cho ga shes sngon de bzhin
283a1 gshegs pa dbang po'i tog gi rgyal mtshan rgyal po'i spyan sngar bdag cag gnyis kyis phan tshun dam bcas pa de bzhin du/bdag cag gnyis kyi bsam pa yongs su rdzogs shing grub bo/ /de nas dpal lha mo chen mos 'di skad ces gsol to/ /btsun pa bcom
283a2 ldan 'das de lta lags so//btsun pa bde bar gshegs pa de lta lags te/ skol gyi bsam pa rdzogs lags so/ /sngon skol gyis de bzhin gshegs pa dbang po'i tog gi rgyal mtshan rgyal po'i spyan sngar phan tshun dam bcas pa bzhin 'di ltar skol gyi bsam pa
283a3 yongs su grub ste/da ltar khyod nyid ni de bzhin gshegs pa ste 'jig rten du byung la/ da ltar bdag gis ni dpal gyi go 'phang thob pa lags so/ /da ltar bdag gis sems can rnams la sems can yongs su smin par rngo mi thogs par gyur pa de ci'i slad du zhe na/ 'di
283a4 na klu glang po che lta bu dang /klu rta lta bu dang / klu sbrul lta bu dang / klu nya lta bu dang / klu sbal pa lta bu de dag dus 'dir yang bsgrub par bgyid lags so/ /bdag gis 'jig rten snang bar byed pa zab mo dag bstan pa na gang dag dus ma lags pa'i lhags pa dang / tsha ba
283a5 dang /sprin dang / khug rna dang / rdzi char dang / char mo che dang / than chen dag 'byung bar bgyid pa/ sems can rnams kyi lo tog dang / lo ma dang / me tog dang / 'bras bu dang / 'bru dang / sman rnams ma rung bar bgyid pa'i klu dang / klu chen po de dag ma
283a6 bskrad lags so//btsun pa bcom ldan 'das dus 'dir da ltar gling bzhi pa'i 'jig rten gyi khams 'di na klu dang / klu chen po dang / klu'i 'khor dang / skyes pa dang / bud med dang / khye'u dang / bu mo dang / gling bzhi pa 'di na gang kha cig klu'i skye gnas pa
283a7 de dag thams cad da ltar 'dir mchis pa rnams dang /phyogs bcu'i sangs rgyas kyi zhing thams cad nas byang chub sems dpa' sems dpa' chen po de dag da ltar 'dus pa chen po 'dir mchis pa rnams dang / da ltar 'dir lha dang / klu dang / gnod sbyin dang / srin
283b1 po dang /dri za dang / mi 'am ci dang / lha ma yin dang / lto 'phye chen po dang / dang / sha za dang / srul po dang / lus srul po 'dus pa thams cad dang / bcom ldan 'das kyi nyan thos dang / mi dang mi ma yin pa de dag da ltar 'dus pa chen po 'dir
283b2 chos nyan pa'i slad du/bcom ldan 'das kyi spyan sngar mchis pa'i sems can de dag thams cad zas bzhi la rten cing 'tsho bar bgyid lags so/ /btsun pa bcom ldan 'das da lta'i dus su klu khro bo phung bar bgyid pa dag zhi bar mdzad du gsol/ gang dag klu khro
283b3 bo rnams ni bcom ldan 'das kyi bka' la mngon par ma dad pas rtag par yang sgrub par bgyid pa/sems can rnams la tho 'tshams pa/ sems can rnams kyi longs spyod pa dang nye bar spyod pa dag ma rung bar bgyid pa/ 'jig rten pha rol la mi lta ba/ sems can
283b4 rnams la snying brtse ba ma mchis shing snying rje ma mchis par zhugs pa/sdang ba/ rtsub pa lags te/ bdag sems can yongs su smin par bgyid pa la bar chad bgyid pa lags pas/ de dag gi don du bcom ldan 'das kyis thugs rje chen po bskyed du gsol/
283b5 bcom ldan 'das kyis de dag gi sdig pa de thams cad zhi bar mdzad du gsol/ de nas bcom ldan 'das kyis klu'i gnas na gnas pa byang chub sems dpa' sems dpa' chen po ri'i snying po la bka' stsal pa/ rigs kyi bu khyod kyis de bzhin gshegs pa mar
283b6 me mdzad kyi spyan sngar klu yongs su smin par brtson pas smon lam btab pa ci 'dra zhe na/sngon dang / da ltar dang / ma 'ongs pa'i dus kyi klu dang / klu chen po klu khro bo skye gnas bzhi pa dag dbugs gdug pa dang / klu rnams kyi mig gdug pa dang / reg pa gdug pa dang /
283b7 lce gdug pa dang / 'dod chags kyi dug dang / zhe sdang gi dug dang / gti mug gi dug dang / klu khro bo rnams kyi sdig pa'i chos dag ci nas kyang chos dang ldan pas bsal bar nus par bya'o/ /ci nas kyang klu khro bo de dag gis sems can rnams kyi longs spyod dang /
284a1 nye bar spyod pa dang / yo byad sna tshogs dang ldan pa rnams la gnod par mi 'gyur bar bya'o/ /dkon mchog gsum po de dag la dad pa dang / dang ba dang / dga' ba thob par bya'o/ /'jig rten pha rol la lta ba dang bcas shing sdig pa'i chos rnams dang 'bral bar
284a2 'gyur bar bya'o zhes smon lam btab bo//de skad ces bka' stsal pa dang / byang chub sems dpa' sems dpa' chen po ri'i snying pos bcom ldan 'das la 'di skad ces gsol to/ /btsun pa bcom ldan 'das bdag gis gang dag klu khro bo de dag ni gnas der zhugs te mchis
284a3 nas klu rnam par bsgyings pa'i gnas zhes bgyi ba'i ting nge 'dzin la snyoms par zhugs nas gnas par bgyi lags so//ting nge 'dzin gyi mthus bdag gis de dag gi khro ba dang / nga rgyal dang / dregs pa dang / 'dod chags de dag nye bar zhi bar bgyi lags so/ /de dag 'jam
284a4 pa dang /snod du rung ba dang / sems zhi bar 'gyur ba dang / sems 'jig rten pha rol la lta bar 'gyur ba dang / sems can thams cad la sems byams pa dang / snying rje ba dang / snying brtse ba dang / sems brtse ba can du 'gyur bar bgyi lags so/ /klu khro bo dang /
284a5 klu ma rungs pa rnams dad par 'gyur bar bgyi lags so/ /sems can thams cad la mi 'tshe zhing snying brtse ba can gyi sems kyi sa la gnas par bgyi lags so/ /gzhan yang gang dag rdzi char dang / char mo che dang / than chen dang / sprin dang / sprin chen dang /
284a6 lhags pa dang / tsha ba dag gis gnod par gyur pa'i sems can de dag gis thal mo sbyar te/ bdag gi ming brjod nas 'di skad du ri'i snying po thugs rje rgya che ba/ klu yongs su smin par mdzad pa/ bdag cag dran lags so/ /dran lags so/ /bla na med pa'i byang chub
284a7 la spyod par mdzad pa/thabs dang ye shes sna tshogs la brtson pas mi spyod lags sam/ bdag cag sdug bsngal las thar bar mdzad du gsol/ yongs su bskyab tu gsol zhes smra ba dag gis 'di skad du brjod par bgyi'o/ /tad+ya thA/ stam b+ha b+hu dza/ bi re Du b+hu dza/
284b1 go g+ha bi re dzra b+hu dza/ me ru b+hu dza/ ga tu ba b+hu dza/ hUM hUM/ a ne ba b+hu dza/ sma ra b+hu dza/ sma ra a brta b+hu dza/ ni ma ba b+hu dza swA hA/ btsun pa bcom ldan 'das sems can gang kha cig klu khro bo de dag gi rgyus gnod pa dag gis gnod pa bgyis par gyur pa de lta bu de dag gis bdag
284b2 gi ming nas brjod par bgyi zhing /klu khro bo/ nga rgyal can/ dregs pa/ phrag dog dang / 'dod chags kyi sems zhi bar bgyi ba'i slad du gsang sngags 'don pa na bdag gis lha'i rna ba rnam par dag pa mi las 'das pas thos nas skye gnas bzhi pa'i klu dang / klu chen po
284b3 dang /klu rgan po dang / klu'i bu dang / klu'i 'khor rnams dad par ma bgyis sam/ dus ma lags par don ched ya nga ba la zhugs pa dag ma bzlog gam/ de'i tshe dus ma lags pa'i char mo che dang / than chen dang / dus ma lags pa'i lhags pa dang / tsha ba
284b4 dang /rlung dang / sprin dang / 'khrug pa dag rab tu zhi bar ma bgyis sam/ bdag gis bde ba'i yo byad thams cad kyis sems can de dag gi bsam pa dag yongs su rdzogs par ma bgyis na/ bdag gis dus gsum gyi sangs rgyas bcom ldan 'das thams
284b5 cad bslus par gyur cig /bdag nyid kyang bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur cig /btsun pa bcom ldan 'das bdag gis sngon 'di ltar de bzhin gshegs pa mar me mdzad 'khor tshogs pa dang bcas
284b6 pa'i spyan sngar sems can yongs su smin par bgyi ba'i slad du smon lam brtan por btab ste/shin tu gnas par gyur lags so/ /de'i 'og tu yang sangs rgyas bcom ldan 'das sangs rgyas bye ba khrag khrig 'bum phrag snyed 'tsho zhing gzhes pa 'khor tshogs
284b7 pa dang bcas pa'i spyan sngar smon lam brtan po 'di lta bu dag btab ste/bdag gis der rtag par sems can yongs su smin par bgyi ba'i slad du pha rol gnon pa'i brtson 'grus chen pos shin tu brtan par gnas par bgyi'o zhes brtson par bgyis lags so/ /da ltar
285a1 bcom ldan 'das kyi spyan sngar yang klu khro bo rnams yongs su smin par bgyi ba'i slad du rtsol ba brtan por bgyis la/bdag gis de lta bu'i rtsol ba brtan pos brtson 'grus brtsams pa ni bskal pa grangs ma mchis par skad cig tsam yang btang ma myong
285a2 lags so//bdag gis rtag par pha rol gnon pa'i rtsol ba dang / brtson pa brtan pos sems can yongs su smin par bgyis lags pa rnams kyang yang yongs su smin par bgyi lags so/ /gzhan yang bdag gis klu'i dbang po dag theg pa chen po'i spyod pa
285a3 la brtson par bgyis lags te/klu glang po che rnams kyi bdag po klu'i rgyal po shin tu rab gnas 'di dang / klu sbrul rnams kyi bdag po klu'i rgyal po dga' bo dang / bsnyen dga' bo 'di gnyis dang / klu rta rnams kyi bdag po klu'i rgyal po ma dros pa 'di dang / klu
285a4 nya rnams kyi bdag po klu'i rgyal po chu lha dang /klu sbal pa rnams kyi bdag po klu'i rgyal po yid 'di rnams te/ klu de lta bu dag ni sems can rnams la gnod pa bgyid par rngo thogs pa dag go/ /klu'i rgyal po gzhan de lta bu de dag kyang rang rang gi mthus
285a5 sems can rnams la de lta bur gnod pa bgyid par rngo thogs pa dag go//'di ltar theg pa chen po la rab tu zhugs pa'i rgyal po chen po de dag thams cad kyis kyang so so rang rang gi 'khor dang / dpung gi tshogs rnams dus ma lags par de lta bur ya nga ba bsgrubs pas
285a6 rang rang gi 'khor rnams bskyod par bgyid lags so//'di ltar 'dir bcom ldan 'das kyi bstan pa chos sgron ma dang / dkon mchog gsum gyi gdung myur du mi 'chad par bgyi ba'i slad du 'khor der mchis pa rnams kyis byang chub sems dpa' sems dpa' chen
285a7 po ri'i snying po klu'i drang srong la legs sa zhes bgyi ba stsal to//de'i tshe klu'i rgyal po shin tu rab gnas stan las langs te/ bcom ldan 'das ga la ba de logs su thal mo sbyar ba btud nas 'di skad ces gsol to/ /btsun pa bcom ldan 'das bdag la rten
285b1 pa'i klu dang /klu'i rgyal po gang dag sgo nga las skye ba dang / mngal nas skye ba dang / drod dang gsher las skye ba dang / rdzus te skye ba'i klu de dag gang na bcom ldan 'das kyi 'khor nyan thos rnams dang / 'khor byang chub sems dpa' de dag la phan tshun byams pa'i sems dang
285b2 ldan pa dang /yul 'khor der sha khon ma mchis pa'i sems kyis gnas par 'gyur lags so/ /gnod sems ma mchis pa dang / sems mnyam pas gnas par 'gyur lags so/ /gang dag yul 'khor de'i rgyal po de dag kyang / bcom ldan 'das
285b3 kyi bstan pa la sems shin tu dad par 'gyur lags so//de dag bcom ldan 'das kyi bstan pa yang 'dzin par 'gyur lags so/ /dbang phyug gis rgyags pa dang dregs pas bcom ldan 'das kyi bstan pa 'jig par mi 'gyur lags so/ /dge slong dang / dge slong ma
285b4 dang /dge bsnyen dang / dge bsnyen ma dag la 'tshe bar mi 'gyur lags so/ /btsun pa bcom ldan 'das kyi slad du rab tu byung nas skra bregs te gos ngur smrig bgos pa/ snod du gyur pa dang / snod du ma gyur pa lhag pa'i bsam pa can rnams kyang bcom ldan 'das
285b5 kyi bstan pa 'dzin par bgyid lags so//gzhan yang yul 'khor de na gang dag mi rnams bcom ldan 'das kyi bstan pa de'i tsher mar gyur pa de dag chos dang ldan pas skrod par bgyid lags so/ /de nas yul 'khor der dge sbyong dang / bram ze bsod snyoms pa
285b6 rnams la sngon gyi rgyal po dag gis sngon lhag pa'i bsam pas sbyin pa phul ba rnams rgyal rigs dge bas 'phrog par mi bgyid la/rgyal rigs dge ba blon po dang / mdun na 'don dang / skye bo dmag mi rnams dang bcas pas tshogs sbyor ba ni don ched la brtson pa
285b7 lags so//snying po blangs pa lags so/ /lag brkyang nas lhug par gtong ba lags te/ rgyal rigs dge ba de yul 'khor dang bcas par srung bar bgyi lags so/ /yongs su bskyang bar bgyi lags so/ /de'i yul phyogs na rtsod pa'i rnyog pa thams cad
286a1 dang /so so'i 'khor dag sngar ji skad bstan pa bzhin bskrad par bgyi lags so/ /de ci'i slad du zhe na/ chos gos ngur smrig kha bsgyur ba 'di ni sngon gyi sangs rgyas bcom ldan 'das thams cad kyis byin gyis brlabs pa lags so/ /byang chub sems dpa'
286a2 rnams kyi rgyal mtshan lags so//mya ngan las 'das par mchi ba rnams kyi lam lags so/ /nyon mongs pa rnams kyi ral gri lags so/ /mya ngan las 'das pa'i sa bon lags so/ /lam las rab tu nyams pa rnams kyi sgron ma lags so/ /phung po rnams
286a3 kyi sman lags so//ma rig pa'i mun pa'i rlung lags so/ /ngan 'gro rnams kyi srog shing lags so/ /nyon mongs pa'i skyon gyis nyams par gyur pa rnams kyi skyug sman lags so/ /dgra rnams kyi rdo rje lags so/ /dge ba'i rtsa ba thams cad kyi gter lags
286a4 so//sdig pas gos pa rnams kyi chab lags so/ /nongs pa bgyid pa rnams kyi me long lags so/ /sems g.yengs pa rnams kyi ting nge 'dzin lags so/ /ting nge 'dzin rnams kyi za ma tog lags so/ /pha rol tu phyin pa rnams kyi sa gzhi lags so/ /
286a5 gzungs rnams kyi nor bu lags so/ /bzod pa rnams kyi khyim lags so/ /sa rnams kyi snod lags so/ /phas kyi rgol ba rnams kyi mkhar lags so/ /nad pa rnams kyi sman pa lags so/ /bslab pa rnams kyi ri lags so/ /nyon mongs pas kun
286a6 nas gdungs pa rnams kyi zla ba lags so//lta ba ngan par ltung ba rnams kyi nyi ma lags so/ /ye shes kyi rgya mtsho lags so/ /byang chub kyi phyogs pa rnams kyi phreng bar gyur pa lags so/ /thams cad mkhyen pa'i ye shes kyi bum pa bzang po lags so/ /
286a7 chos gos ngur smrig 'di ni yid bzhin gyi nor bu rin po che dang 'dra ba lags so/ /chos gos ngur smrig 'di ni sems can rnams la chos kyi char dbab pa'i don gyi slad du sangs rgyas thams cad kyis byin gyis brlabs pa lags so/ /btsun pa bcom ldan 'das 'di ltar
286b1 gang dag rgyal rigs gdol pa de dag ni/bcom ldan 'das kyi bstan pa 'jig par bgyid cing dge slong dag la tho 'tshams par bgyid pa nas/ bcom ldan 'das kyi slad du rab tu byung ba snod du gyur pa dang / snod du ma gyur pa'i lus la gnod pa bgyid pa dang /
286b2 nor 'phrog pa dang / srog gi bar chad dag bgyid pa'i bar du'o/ /yul 'khor der gang dag sangs rgyas la dad pa'i lha dang / klu dang / gnod sbyin dang / srin po dang / lha ma yin dang / grul bum dang / mthu bo che de dag thams cad kyang rgyal
286b3 rigs gdol pa la gshe bar 'gyur te/de dag gis de'i yul 'khor du thab mo dang / rtsod pa dang / lo nyes dang / nad dang / pha rol gyi dmag tshogs dag 'byung bar bgyid lags so/ /dus ma lags pa'i char mo che dang / than chen dang / lhags
286b4 pa dang /tsha ba dang / rlung dang / nyi mas gdungs pa dag gis sa bon dang / myu gu dang / 'dab ma dang / me tog dang / 'bras bu dang / 'bru dang / sman dang / ro rnams ma rung bar bgyid kyang de na klu rnams la skyon ni ma mchis lags te/ de na klu rnams
286b5 rgyu des na grags pa ma lags pas ni gos par 'gyur lags so//btsun pa bcom ldan 'das dper bgyi na yul gyi bud med bzang mos zas ngan pa 'tshal na dbugs dri mi bda' bar 'gyur lags so/ /de bzhin du rgyal rigs gdol pas kyang rgyal
286b6 rigs kyi chos rnams spangs nas dmangs rigs kyi chos rnams spyod par bgyid na/yul phyogs thams cad srung ba'i lha nas mthu bo che dag gi bar du khros par 'gyur te/ de dag gis yul 'khor ma rung bar bgyid la/ klu dang klu chen po rnams
286b7 grags pa ma lags pas kyang gos par 'gyur lags so//bcom ldan 'das kyis bka' stsal pa/ klu'i bdag po rgyal po rnams rgyal po'i bslab pa'i gzhi gnas par bstan pa de dang de dag mtho ris dang / mya ngan las 'das pa'i bde ba la brtson pa
287a1 yin no//gang dag rgyal rigs gdol pa rgyal rigs kyi bslab pa la mi gnas pa de dag ni sems can dmyal ba mnar med pa'i bar la gzhol ba yin no/ /klu'i bdag po nga rang gi 'khor bslab pa las mi 'da' bar bstan pa des na de dag da ltar gyi dus dang / ma
287a2 'ongs pa'i dus su nga'i bstan pa dang /dkon mchog gsum gyi gdung med par mi byed par 'gyur ro/ /gsol pa/ btsun pa bcom ldan 'das de lta lags so/ /btsun pa bde bar gshegs pa de lta lags so/ /btsun pa bcom ldan 'das yul 'khor gang dang gang
287a3 dag na grong dang /grong khyer dang / grong rdal dang / ljongs dang / ri brags kyi gnas yul 'khor de na bcom ldan 'das kyi nyan thos tshul khrims dang ldan zhing thos pa mang po sbyin gnas de lta bu dag gnas shing mchis pa der bdag gi 'khor gang dag klu dang / klu mo dang / klu rgan
287a4 po dang /klu rgan mo dang / klu'i bu pho dang / klu'i bu mo dang / klu'i 'khor pho dang / klu'i 'khor mo rnams dus ma lags par rdzi char dang / ser drag dang / char mo che dang / than chen dag gtong bar bgyid dam/ lhags mo che dang / shin tu tsha ba dang / nyi mas gdungs
287a5 pa dag 'byung bar bgyid dam/sems can rnams kyi lo tog dang / me tog dang / 'bras bu dang / 'bru dang / sman gyi ro dang / longs spyod dang / yongs su spyod pa dag chab 'tshal bar bgyid na klu de dag gis bdag bslus pas de'i lus thams cad 'khums par gyur cig /
287a6 de dag rdzu 'phrul dang bral nas 'gro mi nus par gyur cig /rims nad kyis gdungs par gyur cig /longs spyod thams cad dang bral bar gyur cig /spobs pa med par gyur cig /don byed mi nus par gyur cig ces mnas bsgag par bgyi'o/ /tad+ya thA/ nA ga dzan du
287a7 she/nA ga me ne/ nA ga d+ha ra gU g+h+ra gU g+h+ra/ dza la gU g+h+ra/ a bi mA ra ge/ sa ha sra mu khe/ ka la ti ma pu se/ nA ga stam b+ha ri/ dza ya ba pha le/ bi mu sha krai swA hA/ thams cad dang ldan pa'i 'khor gyis de nyid du legs so zhes bya ba byin no/ /de nyid kyi tshe thams cad dang ldan pa'i
287b1 klu'i 'khor rnams shugs drag por 'khrugs shing dngangs par gyur to//de'i tshe klu'i rgyal po dga' bo dang / bsnyen dga' bo gnyis stan las langs te/ bcom ldan 'das ga la ba de logs su thal mo sbyar ba btud nas 'di skad ces gsol to/ /btsun pa bcom ldan 'das da ltar
287b2 dang /ma 'ongs pa'i dus su rgyal rigs gdol pa de dag gzhan la sbyin par ma dad cing bdag nyid longs spyod par 'tshal la/ 'jungs pa longs spyod la sems kun du 'dzin cing lag mi rkyong bas dge sbyong dang / bram ze dang / bkren pa dang / phongs pa dang / 'gron po
287b3 slong ba rnams kun nas tshim par mi bgyid lags so//pho brang 'khor dang / ljongs kyi mi dang / 'khor rnams yang dag pa'i bde bas tshim par mi bgyid lags so/ /rgyal rigs gdol pa de dag la yul phyogs srung ba'i lha dang / klu dang / gnod sbyin dang / srin po
287b4 dang /lha ma yin dang / grul bum dang / mthu bo che de dag thams cad kyang khros par gyur te/ de dag gi yul 'khor du thab mo dang / rtsod pa dang / mu ge dang / nad dang / pha rol gyi dmag tshogs dag kun du 'byung bar bgyid lags so/ /'bru dang sman gyi
287b5 bar gyi ro rnams ma rung bar bgyid kyang de na klu dang /klu chen po rnams la skyon ni ma mchis lags te/ de na klu rnams rgyu des na grags pa ma lags pas ni gos par 'gyur lags so/ /btsun pa bcom ldan 'das dper bgyi na phyi sa khung gi dri mi bda' ba bser
287b6 mas 'tshal na dri mi bda' bar 'gyur ba de bzhin du/btsun pa bcom ldan 'das rgyal rigs gdol pa rnams kyis kyang yul phyogs thams cad srung ba dag khros par gyur te/ yul 'khor de ma rung bar bgyid lags so/ /klu rnams kyang grags pa ma lags pas
287b7 gos par 'gyur lags so// //bam po gsum pa ste tha ma/ yang na klu thams cad bdag gi bslab pa las mi 'da' bar bdag gis lung dbog par bgyi ste/ yul 'khor gang dang gang dag na grong dang / grong khyer dang / grong rdal dang / ljongs dang /
288a1 ri brags kyi gnas yul 'khor de na da ltar dang ma 'ongs pa'i dus su bcom ldan 'das kyi nyan thos tshul khrims dang ldan zhing thos pa mang po sbyin gnas de lta bu dag gnas shing mchis pa der bdag gi 'khor gang dag klu dang / klu mo dang / klu rgan pho dang / klu
288a2 rgan mo dang /klu'i bu pho dang / klu'i bu mo dang / klu'i 'khor pho dang / klu'i 'khor mo sgo nga las skye ba dang / mngal nas skye ba dang / drod gsher las skye ba dang / rdzus te skye ba dag dus ma lags par ra rdzi char dang / ser drag dang / char mo che dang / than chen dag gtong bar
288a3 bgyid dam/lhags mo che dang / shin tu tsha ba dang / nyi mas gdungs pa dag 'byung bar bgyid dam/ sems can rnams kyi lo tog dang / me tog dang / 'bras bu dang / 'bru dang / sman dang / ro dang / longs spyod dang / yongs su spyod pa dag chab 'tshal bar bgyid
288a4 na klu de dag gis bdag bslus pas de'i lus thams cad 'khums par gyur cig /de dag rdzu 'phrul dang bral nas 'gro mi nus par gyur cig /rims nad kyis gdungs par gyur cig /longs spyod thams cad dang bral bar gyur cig /spobs pa med par gyur cig /
288a5 don byed mi nus par gyur cig ces mnas bsgag par bgyi'o/ /tad+ya thA/ karna gU me/ kum b+ha rak+She/ bar ma gu Ne/ A ka la k+She/ bai sha ne/ bi mArga k+She/ ku na bi ra ge/ a ta sa le/ na yan tu ma b+he/ kA la ku she/ nang gu pra b+he/ gan d+har pa se swA hA/ de
288a6 nas thams cad dang ldan pa'i 'khor des legs so//zhes bgyi ba stsal lags so/ /de nas klu'i rgyal po ma dros pa zhes bya ba nas sngar ji skad gsungs pa'i bar du'o/ /tad+ya thA/ na ba b+hi she/ na ba na ma b+hi she/ A no k+She/ na ba kuny+dza b+hi k+She/ kha ga bai kha/
288a7 sa ra tro na n+ya/ pA pA ya si le/ na rA ya Na gu Ne/ bi na ste le/ da sha kra mai/ a k+Shu d+hA nye se/ A ni sa be swA hA/ klu'i rgyal po chu lha zhes bya ba nas sngar ji skad gsungs pa'i bar du'o/ /tad+ya thA/ hi ma be me/ pa li k+Shi Na gu Ne/ ru Na bin du tri Nai/ tsa rak+Sha d+ha re/
288b1 me g+ha sang kra me/ bya pu Tu ke she/ dru mo de/ mA ye ta na ku se/ tsa ra ma hi ke /tsa lang ge/ nA nA dat+te/ ka Tu ka tU le swA hA/ sngar ji skad gsungs pa'i bar du'o/ /de'i tshe klu'i rgyal po yid stan las langs te/ bcom ldan 'das ga la ba de logs su thal mo sbyar ba
288b2 btud nas 'di skad ces gsol to//btsun pa bcom ldan 'das bdag la rten pa'i klu dang / klu chen po de dag ni sgo nga las skye ba dang / mngal nas skye ba dang / drod gsher las skye ba dang / rdzus te skye ba dag lags so/ /btsun pa bcom ldan 'das da ltar dang ma 'ongs
288b3 pa'i dus su rgyal rigs gdol pa de dag gis rgyal rigs kyi chos spangs nas dmangs rigs kyi chos rnams spyod par bgyid de/sems can dmyal ba mnar ma mchis pa'i bar dag la gzhol ba lags so/ /rgyal rigs gdol pa de dag gi skyon gyis klu rnams ma
288b4 nongs bzhin du grags pa ma lags pas gos par 'gyur lags so//rgyu des na klu rnams las kyi sgrib pa dag bgyid par 'gyur lags so/ /de lta lags pas bdag cag gis ni bcom ldan 'das kyi bka' la bkur sti bgyi zhing gzung bar bgyi ste/ dper
288b5 bgyi na 'khor los sgyur ba'i rgyal po des yul gyi bud med bzang mo khrus legs par bgyis te spos kyis byugs nas gos mchog tu bzang ba bskon te/yan lag gi dam pa mgo bo la rin po che sna bdun las grub pa'i phreng ba mang po dag btags shing dpung rgyan dang /
288b6 gser skud dang / sor gdub dang / lag rgyan dang / rkang rgyan dag gis brgyan nas glang po che'i bzhon pa la bskyon te/ 'khor phal mo che dang lhan cig khrid pa de bzhin du da ltar 'khor los sgyur ba'i rgyal po chos dang ldan pa/ de bzhin gshegs pas kyang
288b7 bdag cag klu rnams dud 'gro'i skye gnas su bsdus pa'i lus ma snad ma nyams la/mchog tu khro ba dang / nga rgyal dang / dregs pa'i dri mas bsgos pa/ bdag cag klu thams cad rgyags pas myos pa ma mchis pa'i chos kyi chus bkrus lags so/ /
289a1 bdag cag la ngo tsha shes pa dang / khrel yod pa'i gos bskon lags so/ /byang chub kyi phyogs kyi chos sum cu rtsa bdun gyi phreng bas bcings lags so/ /bdag cag gi sems dang / yid dang / rnam par shes pa dag bzod pa dang / gzungs dang / sa
289a2 rnam pa sna tshogs kyis legs par brgyan lags so//theg pa chen po'i shing rta dag gis bteg lags so/ /gang na sangs rgyas kyi zhing snyigs ma lnga dang bral ba shin tu yongs su dag par sangs rgyas bcom ldan 'das byang chub sems dpa'i tshogs yongs su dag pas
289a3 bskor nas theg pa chen po'i chos kyi gtam dag pa dag ston pa der bdag cag mchi lags so//de ci'i slad du zhe na/ da ltar bdag cag bcom ldan 'das kyi bka' la bkur sti bgyid cing 'dzin par bgyid lags so/ /de lta lags pas bdag cag 'khor dang bcas pa
289a4 bcom ldan 'das kyi bka' la shin tu gnas par bgyid lags so//grong dang / grong khyer dang / grong rdal dang / ljongs dang / ri brags kyi gnas gang dang gang na sems can nyan thos kyi theg pa pa dang / rang sangs rgyas kyi theg pa pa dang / theg pa chen po pa dag khyim
289a5 na gnas pa'am/rab tu byung ba'am/ tshul khrims dang ldan pa'am/ tshul khrims 'chal pa'am/ thos pa mang ba'am/ thos pa nyung ba'am/ brtson 'grus brtsams pa'am/ le lo can nam/ mnyam par gzhag pa'am/ mnyam par ma gzhag pa'am/ dran
289a6 pa dang ldan pa'am/dran pa nyams pa rnams bcom ldan 'das dang / chos dang / dge 'dun dang / 'phags pa dgyes pa'i tshul khrims dag la dga' zhing dad pa dang / bkur sti dang / bla mar bgyid pa dang / ri mo bgyid pa dang / byang chub rnam gsum gang yang rung ba dag
289a7 la rab tu zhugs pa/bcom ldan 'das kyi nyan thos sbyin gnas de lta bu dag gnas shing mchis pa de dang der bdag cag yid kyis dga' zhing dad pa dang / bkur sti dang / bla mar bgyi ba dang / ri mo dag gis gnas par bgyi lags so/ /yul 'khor de dang de'i grong dang / grong
289b1 khyer dang /grong rdal dang / ljongs dang / ri brags der bdag gi 'khor klu dang / klu mo dang / klu rgan pho dang / klu rgan mo dang / klu'i bu dang / klu'i bu mo dang / klu'i 'khor pho dang / klu'i 'khor mo dag dus ma lags par rdzi char dang / ser drag dang / char mo che dang / than chen dag gtong bar
289b2 bgyid dam/lhags mo che dang / shin tu tsha ba dag 'byung bar bgyid dam/ sems can rnams kyi lo tog dang / lo ma dang / me tog dang / 'bras bu dang / 'bru dang / sman gyi ro dang / longs spyod dang / yongs su spyod pa dag chab 'tshal bar bgyid na klu de dag gis bdag bslus pas de dag
289b3 thams cad kyi lus 'khums par gyur cig /de dag rdzu 'phrul nyams nas 'gro mi nus par gyur cig /rims nad kyis kun tu gdungs par gyur cig /dbang po thams cad ma tshang bar gyur cig /longs spyod dang yongs su spyod pa thams cad dang bral bar gyur cig /las byed
289b4 mi nus par gyur cig /tad+ya thA/ bud+ha dza ye/ bA la k+She/ a ma ni me/ b+hu ta sa li le/ a na mang d+h+ye/ pra t+ya ni le/ a ba ni la me/ khi la sho me/ nastu pi pA le/ dzi sa dzi hA/ skan d+ha pA le/ b+ha ra ni kri ye swA hA/ der thams cad dang ldan pa'i 'khor ji snyed lhags pa rnams bzhin
289b5 dang mig yid du 'ong bas shin tu dgod cing thal mo sbyar nas legs so zhes bya ba byin te/'di skad du skyes bu dam pa khyod sems can thams cad la phan par 'dod pa yin te/ skyes bu dam pa khyod kyis de ltar bya ba ni legs so legs so zhes smras nas/ thams cad dang ldan
289b6 pa'i klu'i 'khor de dag shugs drag pos 'khrugs shing dngangs la kun tu 'gul zhing mngon par mi dga' ba dang kun tu 'khor bar gyur to//de'i tshe dri za'i drang srong dga' bar 'byung ba zhes bya ba stan las langs te/ bcom ldan 'das ga la ba de logs su thal mo sbyar ba btud
289b7 nas 'di skad ces gsol to//thams cad dang ldan pa'i 'khor dang bcas pa bdag la dgongs su gsol/ da ltar dang ma 'ongs pa'i dus su gang dag rgyal rigs gdol pa blun po mkhas so snyam pa'i nga rgyal can nga rgyal dang rgyags pas nyams pa/ 'jig rten pha rol la mi lta
290a1 ba/g.yo sgyu can/ snying rje ma mchis pa/ dge slong la tho 'tshams par bgyid pa nas tha na bcom ldan 'das kyi slad du skyabs su mchis nas nye bar gnas pa/ skra bregs te gos ngur smrig bgos pa la tho 'tshams pa dag 'byung ste/ bcom ldan 'das kyi slad du
290a2 rab tu byung ba sangs rgyas thams cad kyis byin gyis brlabs pa/dkon mchog gsum gyi gdung 'bar bar bgyid pa dag la tho 'tshams pa'i rgyal rigs gdol pa de dag ting nge 'dzin gyi dbang gis mnas bsgag par bgyi ba ni longs spyod kyis 'khrugs par gyur cig /
290a3 rgyal phran gyis 'khrugs par gyur cig /rgyal pos 'khrugs par gyur cig /nang dmag dang / pha rol gyi dmag tshogs dag gis 'khrugs par gyur cig /chu med pas 'khrugs par gyur cig /nad kyis 'khrugs par gyur cig /gzas 'khrugs par gyur cig /
290a4 bya ma rtas 'khrugs par gyur cig /rtse dgas 'khrugs par gyur cig /pha tshan gyis 'khrugs par gyur cig /'khor gyis 'khrugs par gyur cig /'byung ba chen pos 'khrugs par gyur cig /mthu bo ches 'khrugs par gyur cig ces bgyi ba nas/
290a5 rgyal rigs kyis 'khrugs par gyur cig /bram ze dang / dmangs rigs dang / bud med dang / seng ge dang / stag dang / spyang ki dag gis 'khrugs par gyur cig ces bgyi ba'i bar du rgyal rigs gdol pa de dag mnas bsgag par bgyi lags so/ /tad+ya thA/ ba ne ya
290a6 ba na pa le/ma hA brta na trai/ dru ma ts+tsha te/ ku su ma/ ba ra Te/ yu ga te/ sam b+hA k+She/ b+hI ma dri bA k+She/ sa lo pa nA ya/ pa ri bA rai/ b+hU ma dru kra me/ nai ran ta na/ dza si la me na trai/ bai ma ba ta/ ma shrA khA dze/ na ya na hing ku le/ pi bad tsha/ b+h+ri se/ d+ha na mu tse/ sang ga byo k+Shai/ pa la min d+ha da lai/
290a7 b+hU mi paSh+Te/ ro ma da lai/ ba na ga dzai/ tU Ta pa Te/ A pa Te D+ha/ na ya dri Sh+Ti/ dzi hwA kra ne/ u ta rak+She/ gan d+har b+he si mi swA hA/ gang dag rgyal rigs gdol pa 'jig rten pha rol la mi lta zhing / bcom ldan 'das kyi nyan thos rnams la tho 'tshams pa de dag de ltar gyur cig /de'i tshe
290b1 thams cad dang ldan pa'i dri za'i 'khor rnams kyis 'di skad ces gsol to//bcom ldan 'das kyi bstan pa la tho 'tshams par bgyid pa'i rgyal rigs gdol pa de dag la bdag cag ci dgar bgyid du stsal du gsol/ bdag cag rang rang gi gnas na rtsed mo la chags shing
290b2 yongs su spyod par bgyid dam/dga' skyid nyams su myong bar bgyid na bdag cag kyang mna'i khongs su gtogs par gyur cig /de'i tshe thams cad dang ldan pa'i 'khor ji snyed lhags pa rnams kyis legs so zhes bya ba byin no/ /de'i tshe byang chub sems dpa' sems
290b3 dpa' chen po sa'i snying pos bcom ldan 'das ga la ba de logs su thal mo sbyar ba btud nas 'di skad ces gsol to//btsun pa bcom ldan 'das bdag gis kyang ting nge 'dzin thams cad la rnam par rtse ba mngon par shes pa'i rgyal mtshan gyi srog shing zhes bya ba'i gzungs kyi sgo
290b4 chen po bshad par bgyi ste/rgyal mtshan gyi srog shing zhes bya ba'i gzungs chen po'i sgo gang gi rna lam du grag pa de'i rna ba'i nad dag rab tu zhi bar bgyid do/ /de'i 'dod chags dang / zhe sdang dang / gti mug la sogs pa nyon mongs pa rnams rab tu zhi bar bgyid do/ /gal
290b5 te na bsrabs par 'gyur ro//rgya mtsho'i shun pa man dza na la gsang sngags kyi tshig 'di lan 'bum bzlas brjod bgyis nas rgyal rigs kyi rnga la bskus nas rnga de'i sgra gang dang gang gi rna lam du grag pa de dang de'i 'dod chags dang / zhe sdang dang / gti mug la sogs pa nyon mongs pa
290b6 rnams bsrabs par 'gyur ro//de dang de dag bcom ldan 'das kyi bstan pa la shin tu dga' zhing bkur sti dang / bla mar byed pa dang / ri mor byed pa dag rab tu 'thob par 'gyur ro/ /chos kyi rjes su 'brang bas 'jug par 'gyur ro/ /'jig rten pha rol la lta ba dang / longs
290b7 spyod dang yongs su spyod pa dang mi 'bral la sems can thams cad kyi mig tu 'ong ba dang /snying du sdug par 'gyur ro/ /tad+ya thA/ pUrba mArga a ma lo ma ti/ k+Shit+ti la/ b+h+ru bai pra na kha na/ Dai durma khi lai/ mat+sa tU lai/ gau ra san+d+hai na k+Shu ba ra mai/ bud+d+ha ra sh+m+yi ping+ga la g+h+ri me/ lo ho tA ra b+he/
291a1 nang+ga la sU r+ye/ b+ha ga ba ri Ne/ an d+harba u re/ ka ra hru dze/ ke sha lo hi/ sa mA d+hi d+hu re swA hA/ de nas de nyid du bcom ldan 'das kyis legs so zhes bya ba gnang ngo / /thams cad dang ldan pa'i 'khor des kyang legs so zhes bya ba byin no/ /de'i tshe byang chub
291a2 sems dpa' sems dpa' chen po blo gros mi zad pas 'di skad ces gsol to//bdag gis de bzhin gshegs pa thams cad kyi gsung dbyangs dang / sgra brjod par bgyid pa/ gdugs dang rgyal mtshan gyi smon lam gyi tshul zhes bgyi ba'i gzungs chen po de bshad
291a3 par 'tshal gyis/bcom ldan 'das de bzhin gshegs pa 'khor dang bcas pa rnams bdag la rjes su yi rang bar mdzad du gsol/ de ni mthu che zhing stobs che la pha rol gnon pa snang bar bgyid pa chen po lags te/ bcom ldan 'das kyi nyan thos rnams kyi thos pa
291a4 yongs su rdzogs par bgyid pa'i gter dang /ye shes yongs su rdzogs par bgyid pa'i gter du 'gyur ba lags so/ /btsun pa bcom ldan 'das bcom ldan 'das kyi slad du ji srid 'tsho'i bar du sdom pa la gnas pa 'di lta ste/ dge bsnyen gyi sdom pa dang / dge
291a5 sbyong gi sdom pa dang /bsnyen par rdzogs pa'i sdom pa la gnas pa snod du gyur pa dang / snod du ma gyur pa dag gis gdugs dang / rgyal mtshan gyi smon lam gyi tshul zhes bgyi ba'i gzungs chen po 'di lhag mthong gi sbyor bas nyin mtshan bdun gyi bar du klog na phyir zhing
291a6 nye bar len pa'i phung po lnga po dag la rtog par 'gyur ro//nyin mtshan bdun 'das nas gdugs dang rgyal mtshan gyi smon lam zhes bgyi ba'i gzungs chen po lan 'bum snyed du yang dang yang dran par bgyid pa de ni rgyal rigs rnams dang / bram ze'i rigs rnams dang /
291a7 rje'u rigs rnams dang / dmangs rigs rnams dad par bgyid pa nas sems can thams cad kyi bar du shin tu mngon par dad par bgyid pa lags so/ /thams cad longs spyod pa dang / yongs su spyod pa rgya chen po mchog dang mi 'bral zhing mtho ris la gzhol bar
291b1 'gyur lags so//de sangs rgyas bcom ldan 'das bzhugs pa rnams dang skal ba mnyam par skye bar 'gyur lags so/ /tad+ya thA/ tri Ni sang nyi ke/ bi tri Na bi ma be/ ka ra prA k+She/ b+hu ta sU me tsa/ pa ra dzi me/ a b+ha k+She/ a k+Sha ya lo be/ ad+h+yad ma/ ni mi re/ shrI
291b2 ta bi sta re/ang gu dza d+ha dz+nyA/ dza dza ra no sai a na sa shud+d+he/ mr-i ga g+h+rik+She/ ku la ba Te/ ma ga bA bA/ k+She b+hau ba swa re/ a b+hi ti mab+hu re/ swa ra kha dze smr-iti mo ni swA hA/ de nas bcom ldan 'das kyis byang chub sems dpa' blo gros mi zad pa la legs so zhes bya ba gnang ste/
291b3 skyes bu dam pa khyod kyis gdugs dang rgyal mtshan gyi smon lam gyi tshul zhes bya ba'i gzungs chen po 'di bshad pas sems can dpag tu med pa rnams kyi thos pa'i mig kun tu ston par byed la/ nga'i bstan pa yang rton par byed pa ni legs so legs so/ /de
291b4 nas de nyid du thams cad dang ldan pa'i byang chub sems dpa'i 'khor gyis kyang byang chub sems dpa' blo gros mi zad pa la legs so zhes bya ba byin te/'di skad du skyes bu dam pa khyod kyis gdugs dang rgyal mtshan gyi smon lam zhes bya ba'i gzungs chen po 'di rdzogs
291b5 par bshad pas da ltar dang ma 'ongs pa'i dus su theg pa chen po la yang dag par zhugs pa'i sems can de dag thams cad kyi thos pa mang po'i tshogs rgyas par byed pa dang ston pa ni skyes bu dam pa legs so legs so//de'i tshe 'jam dpal gzhon nur gyur pa stan las
291b6 langs te/bcom ldan 'das ga la ba de logs su thal mo sbyar ba btud nas 'di skad ces gsol to/ /btsun pa bcom ldan 'das bdag gis kyang gling bzhi pa 'di'i me tog dang / 'bras bu dang / shing dang / 'bru dang / sman dang / lo tog dag
291b7 bsrung bar 'tshal lo//sems can rnams kyi longs spyod dang / yongs su spyod pa dang / rtswa dang / 'dab ma dang / lo ma sa la rten pa rnams bsrung bar 'tshal lo/ /bcom ldan 'das nang gu dpal rdul zhes bgyi ba'i gzungs chen po de da ltar
292a1 'dir gling bzhi pa de dag gis sngon ma thos ma mthong bas 'di ltar ngo mtshar rmad du byung bar gyur te/'dus pa chen po de lta bu dag byung bar bgyis lags so/ /nang gu dpal rdul zhes bya ba'i gzungs chen po 'di ni mthu che bas lo tog thams cad 'phel bar bgyid
292a2 pa lags so//sa bon dang / myu gu dang / sdong bu dang / 'dab ma dang / me tog dang / 'bras bu dang / shing dang / 'bru dang / sman dang / ro rnams skyed par bgyid pa dang / 'phel bar bgyid pa dang / snum mchis par bgyid pa dang / 'jam par bgyid pa dang / mang por
292a3 bgyid pa lags so//sems can thams cad dad par bgyid pa dang / tshul khrims can du bgyid pa dang / thos par bgyid pa dang / shes par bgyid pa dang / byams pa dang / snying rje can du bgyid pa dang / thabs dang ldan par bgyid pa nas byang chub kyi
292a4 phyogs kyi chos thams cad kyi bar du ston par bgyid pa lags so//tad+ya thA/ a na n+ya b+hu mi/ ga bAk+Sha bi dze/ gu lo tsa lo me/ phaT k+Sha lo me/ shrI yak+Sha ku su me/ na ba ku mun De/ rA dza bar me/ tsa Ta na ba/ ba ma Te/ bi Shu lang ge /a ba b+ha su
292a5 ne/ha sa ga b+ha k+She/ lo ma b+hu dza k+She/ gam b+hi ra pa su me/ a no ma ya sa re/ pa lA sha to ye swA hA/ btsun pa bcom ldan 'das nang gu dpal rdul zhes bgyi ba'i gzungs chen po 'di rgyal mtshan gyi rtse mo la btags te sgreng bar bgyid dam/ skad chen
292a6 por sgrog gam/gsang sngags kyi tshig 'di chu la lan stong gi bar du bzlas brjod bgyis nas/ zhing dang / shing dang / lo tog sna tshogs la gtor tam/ rnga dang / rdza rnga dang / dung dag la bsngags nas/ de dag gi sgra gang du thos pa'i lo ma dang /
292a7 me tog dang / 'bras bu dang / 'bru dang / sman gyi ro dang / sa la rten pa'i lo tog thams cad sems can rnams kyi sngon gyi las kyi sgrib pa'i rgyu lus pa ma gtogs par lha dang / klu dang / gnod sbyin dang / mthu bo che dang / bdud dang /
292b1 bdud kyi bu dang / bdud kyi 'khor gyi tshogs gang gis kyang gnod par bgyi ba'am/ chud gzon pa'am/ tshig par bgyi ba'am/ bskam pa'am/ mdangs 'phrog pa'am/ mthu chung bar bgyi ba'am/ ma mchis par bgyi ba dag tu rngo mi thogs na sems can dang /
292b2 sems can gyi grangs su gtogs pa gzhan dag gis lta smos kyang ci 'tshal/ de nas bcom ldan 'das kyis 'jam dpal gzhon nur gyur pa de la legs so zhes bya ba gnang ste/ rigs kyi bu khyod gling bzhi pa 'dir sbyin pa chen po'i dpal gyi shing rta la zhon nas/ rigs
292b3 kyi bu 'dir bla na med pa'i byang chub kyi lam du sems can dpag tu med pa rnams rton par byed pa ni rigs kyi bu khyod legs so legs so//de nas de nyid du byang chub sems dpa'i 'khor thams cad kyis kyang 'jam dpal gzhon nur gyur pa la legs so zhes bya ba byin te/ rigs kyi
292b4 bu khyod kyis de ltar byas pa ni legs so legs so//de'i tshe byang chub sems dpa' sems dpa' chen po spyan ras gzigs dbang phyug gis byang chub sems dpa' byams pa la 'di skad ces smras so/ /byams pa khyod la bdag gis dpal me tog sar pa zhes bya ba'i
292b5 gzungs chen po sbyin gyis/gzungs chen po des na rigs kyi bu khyod kyis byams pa chen po'i go bgos nas/ 'dir sems can rnams la tshig gis chos ston na ting nge 'dzin gyi rnam par 'phrul pa'i stobs bskyed pa'i chos de dag sems can gang dag gis thos pa'i
292b6 sdig pa'i sems dang /sdig pa'i lta ba dag spong bar byed do/ /sdig pa'i grogs po dang / sdig pa'i bshes gnyen dag spong bar byed do/ /sems kyis byams pa dang / snying rje dang / dge ba'i rtsa ba dag yid la byed par 'gyur ro/ /sems can thams
292b7 cad la snying brtse ba dang /sems 'jig rten pha rol la lta ba can du 'gyur ro/ /sems mi dge ba bcu'i las kyi lam dag las ldog par 'gyur ro/ /sems dge ba bcu'i las kyi lam dag la rnam par gnas par 'gyur ro/ /sems sems can
293a1 thams cad la mngon par dga' bar 'gyur ro//gzungs chen po 'di ni/ sems can thams cad kyi bsam pa yongs su rdzogs par byed pa'i phyir chos kyi char 'bebs par byed pa'o/ /dgra thams cad rab tu dad par byed cing bshes gnyen thams
293a2 cad mngon par 'phel bar byed pa'o//tad+ya thA/ li ba ta swa re/ kA shA ya/ bar me/ sa me bag g+he/ dwA rang ga dza le/ su to k+She/ su ma hA b+ha k+Sha re/ su ha bung ge /gau a ba lo ka da le/ sid d+hi b+hi ba k+She/ d+h+ya nan bI ba re/ a bi na d+ha lung be/ so
293a3 tsa ra tsa la/a ba b+ha sa re/ ba rA ha shat+te/ e ka hA da to ye/ sa mA d+hi ka ra Ne/ bA la dza bi ti/ ma hA dA b+hu ta ku se/ a ra Na ni le/ mA lA ma sha me/ ni la ku su me swA hA/ dpal me tog ser po zhes bya ba'i gzungs 'di ni byang chub sems
293a4 dpa' sems dpa' chen po khyod kyis byams pa chen po'i go bgos nas sems can rnams la chos ston na/de'i sgra tha na sems can srog chags su gyur pa phra mo chung ngu gang dag gi rna lam du grag pa de dag gi sems kyi rnyog pa nye bar zhi bar byed pa dang / de
293a5 dag gi sems dge ba'i rtsa ba la gnas par yang 'gyur na mir gyur pa rnams la lta smos kyang ci dgos/sems can la la dag gis char dbab pa'i phyir dri za dang / klu'i gnas dag tu gzungs chen po 'di bzlas brjod byas te/ na le sham gyi phye ma
293a6 dang /e raN Da'i mar du bsres pa la des lan stong du bsngags nas/ gos kyi mtha' mar phur ma byas te khron par bcug na/ des na de la klu rnams dga' bar 'gyur te/ char gyi rgyun chen po yang 'bebs par byed do/ /de'i tshe yul der
293a7 'dus pa'i klu dang /klu chen po rnams kyis dpal me tog sar pa zhes bya ba'i gzungs chen po 'di thos nas sems rangs pa dang / sdang sems med pa dang / sems rab tu dga' ba dang / sems byams pa dang ldan pa dang / sems 'jig
293b1 rten pha rol la lta bar gnas par gyur to//sems dkon mchog gsum la dad cing / bkur sti dang / bla mar byed pa dang / ri mor byed pa dag thob par gyur to/ /sems dud 'gror skye ba'i rang gi sdig pa'i las dag rab tu 'chags pa dang / sems theg pa
293b2 chen po bla na med pa la 'jug par gnas par gyur to//klu dang / klu chen po de dag thams cad kyi nang nas mthu ci yod pa dang / ci nus pa dag gis de na bcom ldan 'das la mchod pa bya ba'i phyir/ kha cig ni gser mang po'i char mngon par 'bebs so/ /kha
293b3 cig ni dngul dang /a ga ru dang / rgya spos dang / go shir+Sha dang / tsan dan sbrul gyi snying po'i phye ma dang / ta ma la'i lo ma'i char dag mngon par 'bebs pa nas/ kha cig ni ut+pa la dang / me tog sna tshogs dang / ras bcos bu sna tshogs dang / gdugs
293b4 dang /rgyal mtshan dang / ba dan sna tshogs dang / gser skud dang / mu tig gi do shal gyi bar dag gi char mngon par 'bebs so/ /de nas klu dang / klu chen po de dag thams cad kyis bcom ldan 'das ga la ba de logs su thal mo sbyar ba btud nas
293b5 tshig 'thun par 'di skad ces gsol to//btsun pa bcom ldan 'das da ltar bdag cag ni dkon mchog gsum la sems shin tu legs par rab tu zhugs pa lags so/ /btsun pa bcom ldan 'das kyi spyan sngar bdag cag 'di rnams kyis dam bca' bar bgyi
293b6 ba ni btsun pa bcom ldan 'das grong dang /grong khyer dang / grong rdal dang / ljongs gang dang gang dag na dpal me tog sar pa zhes bgyi ba'i gzungs chen po 'di rab tu sgrogs pa dang / de bzhin du gzungs lhag ma chu khyim snying po zhes bgyi ba dang / mtshon
293b7 cha'i stobs zhes bgyi ba dang /gdugs dang / rgyal mtshan gyi smon lam gyi tshul zhes bgyi ba dang / nang gu dpal rdul zhes bgyi ba dang / dpal me tog sar pa zhes bgyi ba'i gzungs chen po rnams dang / rgyal po chen po bzhis bshad pa'i gzungs
294a1 de dag dang /klu'i snying po bzhi po dag grong dang / grong khyer dang / grong rdal dang / ljongs dang / ri brags kyi gnas gang dang gang dag tu re re tsam yang ston tam/ 'chad dam/ rab tu sgrogs sam/ dran par bgyid pa de dang de dag tu bdag cag
294a2 gis dus dus su char dbab pa dang /gdugs dang / bser ma dag gtong bar bgyi'o/ /dus ma lags par ni ma lags so/ /de dang der bdag cag gis phyi dgra dang / nang 'khrug dang / thab mo dang / rtsod pa dang / gnod sems dang / nad
294a3 dang /mi ngas dang / mu ge dag rab tu zhi bar bgyi lags so/ /de dang der bdag cag gis skyid pa dang / lo legs pa dang / dga' bar 'gyur ba dag bsgrub par bgyi lags so/ /de dang der sems can rnams kyi sa bon dang / myu gu dang / sdong bu dang /
294a4 'dab ma dang / me tog dang / 'bras bu dang / shing dang / 'bru dang / sman dang / ro dag mi nyams par 'phel bar bgyi lags so/ /longs spyod dang / yongs su spyod pa phal cher dri zhim pa dang / ro zhim pa dang / snum pa dang / 'jam pa dag tu
294a5 bsgrub par bgyi lags so//bdag cag gis 'dzam bu'i gling 'di'i rgyal po rnams kyang gcig la gcig byams pa'i sems dang / phan pa'i sems dang / 'khon ma mchis pa'i sems dang / rtsod pa ma mchis pa'i sems su bsgrub par bgyi lags so/ /de
294a6 bzhin du bram ze'i rigs dang /rje'u rigs dang / dmangs rigs dang / gnod sbyin rnams nas dge bsnyen dag gi bar dag tu byams pa'i sems dang ldan par bsgrub par bgyi lags so/ /gang na gzungs chen po 'di rab tu sgrogs pa der ni phan tshun sems
294a7 'thun par bsgrub par bgyi lags so//de nas bcom ldan 'das kyis klu de dag thams cad la legs so legs so zhes bya ba gnang ngo / /thams cad dang ldan pa'i 'khor ji snyed lhags pa rnams kyis kyang legs so zhes bya ba byin no/ /de nas byang chub sems
294b1 dpa' ri'i snying pos kyang legs so zhes bya ba byin no//de nas bcom ldan 'das kyis dpal lha mo chen mo la 'di skad ces bka' stsal to/ /dpal cho ga shes khyod la snying brtse ba'i grogs 'di dag yod na 'dir sems can yongs su smin par bya ba'i phyir da dung du ci'i phyir
294b2 gdul ba'i tshogs rnams gzhug par mi nus/dpal lha mo chen mos gsol pa/ byang chub sems dpa' sems dpa' chen po de ni smon lam gyi khyad par gyis sangs rgyas kyi zhing snyigs ma lnga dang ldan pa thams cad du de lta bur skye ba len cing grogs dge ba'i bshes
294b3 gnyen 'thun pa de lta bu dag dang phrad pa thob lags so//da ltar bdag kyang grogs dge ba'i bshes gnyen 'thun pa khyod lta bu dang phrad pa lags so/ /bla na med pa yang dag par rdzogs pa'i byang chub kyang de'i lag tu thob ste/ de'i pha rol tu phyin pa drug kyang brjod
294b4 par bgyi lags so//byang chub sems dpa' sems dpa' chen po dge ba'i bshes gnyen gyis yongs su zin pa/ brtson 'grus brtsams pa ni thams cad mkhyen pa'i ye shes la shin tu gnas par blta bar bgyi lags so/ /bcom ldan 'das kyis bka'
294b5 stsal pa/dpal cho ga shes khyod kyis ji skad smras pa de ltar yin te/ byang chub sems dpa' sems dpa' chen po de ni smon lam gyi khyad par gyis sems can yongs su smin par bya ba'i phyir sangs rgyas kyi zhing snyigs ma lnga dang ldan pa thams cad du de lta bur skye
294b6 ba len la/bsdu ba'i dngos po bzhi po dag la brtson zhing der brtson pa brtan pa dang / brtson 'grus brtsams pa yin no/ /grogs dge ba'i bshes gnyen de lta bus yongs su zin pa yin no/ /rnam pa thams cad mkhyen pa'i ye shes de'i lag tu thob pa yin te/
294b7 de'i pha rol tu phyin pa drug yongs su rdzogs pa yang brjod par bya'o/ /des rnam par gnon pa yang brjod par bya'o/ /mngal gyi skyon las thar bar yang brjod par bya'o/ /mi slob pa'i sa la gnas pas zag pa zad par yang brjod par bya'o/ /de sangs rgyas bcom ldan
295a1 'das thams cad kyis dgongs pa dang /byin gyis brlabs par yang brjod par bya'o/ /'dod chags dang bral ba'i sa la shin tu gnas par yang brjod par bya'o/ /de nas brgya byin gzi brjid dri ma med pa bcom ldan 'das ga la ba de logs su thal mo sbyar ba
295a2 btud nas 'di skad ces gsol to//btsun pa bcom ldan 'das ci'i slad du 'tsho ba'i 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod par bgyid lags/ bka' stsal pa/ lha'i dbang po rgyu dang /
295a3 rkyen gnyis kyis 'tsho ba'i 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod par byed do/ /gnyis gang zhe na/ 'dod chags kyi dbang dang / khro ba'i dbang gis dus ma yin pa'i sprin dag
295a4 'byung bar byed cing rdzi char dang /ser drag dag 'bebs par byed do/ /lhags pa dang / tsha ba dag 'byung bar byed do/ /des na 'dir sems can rnams kyi sa bon dang / myu gu dang / 'dab ma dang / me tog dang / 'bras bu dang / 'bru dang / sman dang / ro
295a5 dag tshig par byed do//skems par byed do/ /'brul bar byed do/ /ma rungs par byed do/ /des na sems can rnams longs spyod dang / yongs su spyod pa dang mi ldan pas lus dang / ngag dang / yid kyis sdig pa'i las mi bzad pa rnam pa sna
295a6 tshogs dag kun tu spyod par byed do//las kyi sgrib pa mi bzad pa des na sngon dge ba'i rtsa ba bskyed pa thams cad kyang sreg par byed do/ /skems par byed do/ /thal bar rlog par byed do/ /dge ba'i bshes gnyen dag spong zhing ngan song gsum po dag
295a7 la gzhol bar byed do//kha cig gos dang / bza' ba dang / btung ba tsam gyi phyir tshe gcig gis de lta bur sdig pa'i las mtshams med pa dag gi bar du kun tu spyod par byed de/ de bskal pa mang po zhig gi bar du phyir mir skye ba 'thob par mi 'gyur
295b1 ro//gal te de dag yun ring po 'das nas brgya la brgya lam na mi'i lus thob na yang kha cig ni yan lag nyams par 'gyur ro/ /kha cig ni dran pa nyams par 'gyur ro/ /gdol pa'i rigs su yang skye bar 'gyur ro/ /g.yung po'i rigs dang / smyig ma mkhan gyi rigs
295b2 dang /bkren pa dbul po'i rigs rnams su yang skye bar 'gyur ro/ /bza' ba dang btung ba'i longs spyod dang / yongs su spyod pa dag dang yang bral bar 'gyur la/ yang rgyu des na dge ba'i bshes gnyen dang bral nas lus dang / ngag dang / yid kyi las kyi sgrib
295b3 pa mi bzad pa dag kun tu spyod par byed do//yang kha cig ngan song gsum po dang / mnar med pa dag tu yang gzhol bar 'gyur ro/ /rigs kyi bu de ltar longs spyod dang / nye bar spyod pa dang mi ldan pa'i sems can rnams 'khor bar yun ring du nyam thag par 'gyur ro/ /
295b4 ngan song gsum po dag tu sdug bsngal mi bzad pa sna tshogs dag nyams su myong bar 'gyur ro/ /gsol pa/ sdug bsngal gang cung zad ci byung ba thams cad ni zas kyi rkyen las gyur pa lags te/ zas ma mchis na sdug bsngal 'byung ba yang ma mchis lags
295b5 so//de nas de'i tshe brgya byin gzi brjid dri ma med pas tshigs su bcad de 'di skad ces gsol to/ /sred pa'i dug gis bsgyur bas na/ /ngu ba dang ni dgod par bgyid/ /nye bar gnas shing ltung bar bgyid/ /kun tu spyod cing rnam par rgyug /sa gzhi dag la
295b6 til brdungs ltar//sdug bsngal 'khrul 'khor gnod par bgyid/ /lhar bcas 'jig rten thams cad la/ /de ltar sred pas gnod par bgyid/ /kye ma srid pa'i zhags pa yis/ /srid pa'i rtse mo'i mthar gtugs pas/ /de ltar zhags 'di rgya che ba/ /
295b7 kha zas dag gi rgyu las byung / /so so'i skye bo rgyu gnyis kyi/ /sred pa'i rdul gyis yan lag bcings/ /zhags pas bcings pa ltar/ /'bros pa dag tu nus ma lags/ /lhar bcas 'jig rten sems can dag /sred pas gar bgyid rtsol
296a1 ba ltar//gar gzhung dag la gar mkhan brgyas/ /de ni gar bgyid rtsol mi nus/ /sred pa'i dug gis bsgyur bas na/ /ji ltar skye bo myos pa ltar/ /btung ba myos bgyid bslad pa yis/ /myos pa dag tu mi bgyid do/ /sred pa'i gnod sbyin gdon dag
296a2 gis//skye bo brlams nas 'khyal ba ltar/ /'byung po'i gdon gyis myos pa dag /'khyal ba dag tu mi bgyid do/ /nor 'dzin de dag 'dzin pa btang / /sred pa'i 'jigs pa rnam par spangs/ /gang gis sred pa bskams nas kyang / /de dag 'khor bar mi
296a3 gnas so//byang chub sems dpa' spyan ras gzigs dbang phyug gis kyang 'di skad ces gsol to/ /zhe sdang khro bas skye dgu brlams/ /sems kyang g.yeng 'gyur de yis na/ /dge ba thams cad mi 'tshal zhing / /bzod rlag las la spyod par bgyid/ /mi
296a4 dge ba la gnas bgyid pa//pha ma dag la rim gro chung / /gang dag mtshams ma mchis bgyis pa/ /dkon mchog gsum la brnyas par bgyid/ /snying brtse snying rje ma mchis pa/ /'jigs bgyid gtum po drag shul can/ /khro sems dbang gis de dag ni/ /
296a5 sems dmyal mnar ma mchis par gnas/ /sems can 'di dag khro ba'i rgyus/ /gcig la gcig ni za bar bgyid/ /yang dang yang ni ngan song du/ /sdug bsngal du mas rab tu gzir/ /sdig pa'i sems kyis brid gyur cing / /dge ba'i bshes gnyen spangs
296a6 nas kyang //srid pa'i mtshor ni ltung ba ste/ /mun pa mun gnag gzhol ba po/ /de 'dra'i sems can don slad du/ /byang chub sems dpa' snying brtse ba'i/ /bsam pas bdag bde btang nas kyang / /sems can sdig pa bsal slad du/ /byang chub spyad pa spyod pa na/ /bsod nams
296a7 bgyi ba'i dngos sum gyis//sdig pa'i sems can grol bgyid cing / /chos kyi rgyal mtshan bsgreng bar bgyid/ /sems can 'ga' yi don slad du/ /lus dang srog dag btang nas kyang / /dka' thub brtul zhugs spyad ldan pa/ /dka' ba dag ni mang du spyad/ /gang tshe sems can
296b1 'ga' slad du//bskal brgyar sdug bsngal sel bgyid na/ /sems can rnams slad yun ring du/ /'khor bar sdug bsngal bzod par bgyi/ /sems can yongs su smin slad gnas/ /de 'dra'i bsam dang ldan pa yis/ /sems can srid pa'i bsam pa can/ /sems ni byang chub bsngo bgyid stsal/ /
296b2 de nas dpal lha mo chen mos byang chub sems dpa' sems dpa' chen po spyan ras gzigs dbang phyug la bre bo lo tog gis bkang ba de phul nas smras pa/ gling bzhi pa 'di'i sems can rnams kyi longs spyod dang yongs su spyod pa dag gi rgyur sa bon dang / lo tog thams cad 'phel
296b3 bar bgyi ba dang /grub par bgyi ba'i slad du skyes bu dam pa khyod la lhung bzed dbul lo/ /des na dge ba'i rtsa ba yang dag par chad pa/ ma rungs pa/ gtum po/ drag shul can kun sdug bsngal thams cad las bsgral ba dang / byang chub kyi sa bon la bzhag par rngo thogs
296b4 so//de nas byang chub sems dpa' sems dpa' chen po 'phags pa spyan ras gzigs dbang phyug gis bre bo lo tog gis bkang ba de blangs nas phyogs bcur bltas te 'di skad ces smras so/ /sangs rgyas bcom ldan 'das byang chub sems dpa' sems dpa' chen po 'khor dang
296b5 bcas pa thams cad dgongs su gsol/gang gis gling bzhi pa 'dir sa bon dang / myu gu dang / 'dab ma dang / me tog dang / 'bras bu dang / 'bru dang / sman dang / ro dang / sa'i bcud dang / gzi byin dang / sems can gyi gzi byin dang / dam pa'i chos kyi ro dang / snying gu
296b6 dang /gzi byin dag mi nyams shing 'phel bar bgyid pa dang / dam pa'i chos kyi sgron ma dang / dkon mchog gsum gyi gdung rgyun mi gcad par bgyid pa dang / gang gi de longs spyod pa dang / nye bar spyod pa thams cad kyis sems can rnams yongs su smin par bgyid pa dang /
296b7 sdig pa las zlog par bgyid pa dang / byang chub kyi sems la dgod par rngo thogs pa dang / gang gis 'dir sems can de dag thams cad kyis ngan song rnams yongs su spangs nas mtho ris la gzhol bar 'gyur ba dang / gang gis dpal lha mo chen mo de'i bsam pa yongs su rdzogs
297a1 par 'gyur ba de ltar phyogs bcu na gang dag de bzhin gshegs pa ma lus par bzhugs shing 'tsho la gzhes pa thams cad 'dir dgongs su gsol/tad+ya thA/ mu ni shi ba/ mu ni na tre/ mu ni pa la/ mu ni sa le/ san ta u sa k+Shi ti/ k+Sha nu pra Na nI la ba ya ba sarba bI dza ba sti la li swA hA/ de nas bcom
297a2 ldan 'das kyis legs so zhes bya ba gnang nas dpal lha mo chen mo la 'di skad ces bka' stsal to//dpal cho ga shes khyod kyis gling bzhi pa 'dir sa bon dang / myu gu dang / lo tog 'phel bar bya ba dang / sems can yongs su smin par bya ba'i phyir khyod ni sangs rgyas bcom ldan 'das
297a3 'khor tshogs pa dang bcas pa ma lus pa thams cad kyis byin gyis brlabs so//de nas lha'i dbang po brgya byin kau shi kas bcom ldan 'das la 'di skad ces gsol to/ /bcom ldan 'das chos kyi rnam grangs 'di'i ming ci lags/ chos kyi rnam grangs 'di ji ltar gzung bar bgyi lags/
297a4 bcom ldan 'das kyis bka' stsal pa/ de bzhin gshegs pa'i dpal gyi dam tshig ces bya'o/ /ri'i snying pos zhus pa zhes bya'o/ /gzungs kyi za ma tog ces bya'o/ /sa'i bcud 'phel bar byed pa zhes bya'o/ /ting nge 'dzin gyi rnal 'byor sems can yongs su
297a5 smin par byed pa zhes bya'o//bcom ldan 'das kyis de skad ces bka' stsal nas/ dpal lha mo chen mo dang / byang chub sems dpa' sems dpa' chen po ri'i snying po dang / thams cad dang ldan pa'i 'khor rnams/ bcom ldan 'das kyis
297a6 gsungs pa la yi rangs te mngon par bstod do// //'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo rdzogs so// //rgya gar gyi mkhan po sarba dz+nyA de ba dang / zhu chen gyi lo tsA ba ban
297a7 de dpal brtsegs kyis bsgyur cing zhus nas gtan la phab pa// //ye d+harmA he tu pra b+ha bA he tun+te ShAn+ta thA ga to h+ya ba drata/ te ShAny+tsa yo ni ro d+ha e baM bA dI ma hA shra ma NaH/ mang+ga laM// //
CLOSE WINDOW