CLOSE WINDOW

D2297
བོད་ཡིག

/[ ]@##/ /rgya gar skad du/ a bo d+ha bo d+ha kaH/ bod skad du/ ma rtogs pa rtogs par byed pa/ bla ma dang sangs rgyas la phyag 'tshal lo/ /skyon med yon tan rgya mtsho yi//mgon po 'jam dpal la btud nas/ /ma rtogs rtogs byed de nyid ni/ /brtse bas bdag gis bri bar bya/ /'di na gzhan gyis brtags pa de rtogs pa ni chos kyi de kho na nyid do/ /gzhan gyis brtags pa de gang yin zhe na/ bdag brtag pa khyab pa kun du 'gro zhing gzugs can ma yin pa'i gcig pu yod pa'o//bdag brtag pa ji lta bu zhe na/ re zhig phung po ni bdag ma yin te/ skye ba dang 'jig pa'i chos can yin pa'i phyir ro/ /phung po las gzhan pa yang ma yin te/ bum pa bzhin tha dad par mi dmigs pa'i phyir ro/ /de bzhin du yang ji ltar bum pa dang chu bzhin rten dang brten pa'i dngos por yang med de/'bras dang phol mig ltar phung po dang nye bar gyur pa yang yod pa ma yin no/ /phung po dang 'dul ba yang ma yin te/ phung po las phyi rol pa ma yin pa'i phyir ro/ /de bzhin du ji ltar lha sbyin ba lang can bzhin phung po dang ldan pa yang ma yin no//'dir pha rol rgol ba na re bdag med na ni de'i tshe las dang 'bras bu 'brel ba don med par 'gyur ba ste/ ba lang shi na rwa dang rmig pa dang / rnga ma la sogs pa yang ldog par 'gyur ba bzhin no zhe na/ smras pa 'dir khyad par can gyi dpe nyon cig /nam mkha'o zer gyur pa na thag pa la sprul du shes pas skrag pa nyid du gyur nas de ltar mar me khyer te bltas pa'i tshe 'di thag pa yin gyi sbrul ni ma yin no//'on kyang mi bden par sgro btags pa dang bral lo snyam pa de bzhin du mdor bsdus na gang zag gi bdag med pa'o/ /'dir brjod pa/de lta mod kyi thag pa'i dngos po yod do zhe na/ smras pa/ 'di thag pa ma yin te/ gnyis bsgril ba'o/ /gnyis bsgril ba yang yod pa ma yin te/ snal ma'i tshogs yin pa'i phyir ro/ /de yang yod pa ma yin te rdul phra rab 'dus pa'i phyir ro/ /rdul phra rab kyang yod pa ma yin te phyogs cha tha dad pas phye na rdul phra rab kyang tha dad par mthong ba'i phyir ro//gang la cha shas cha can du gtogs pa de ji ltar rdul phra mor 'gyur/ de lta bas na thams cad med par 'gyur ro zhe na/ dngos po yod pa ma yin pas/ /gang zhig med par 'gyur ba yin/ /yod dang med pa'i chos bral bas//yod dang med par bsam du med/ /'di dag ni chos bdag med pa'o/ /de lta na ni skye ba dang gnas pa dang 'jig pa ji lta zhe na/ smras pa/ thog mar 'byung ba gang yin brjod pa skye ba'o/ /smras pa/ gnas pa dang 'jig pa dang bral na gang zhig gis skye ba yin/gal te gnas pa dang 'jig pa med pa'i skye ba de'i tshe rus sbal gyi spu yang skye bar 'gyur ro/ /smras pa/ de lta yin mod kyi gnas pa yin no zhe na/ skye ba dang 'jig pa dang bral nas gang zhig gnas pa yin/ gal te skye ba dang 'jig pa med par gnas na de'i tshe mgo bo gnyis dang lag pa gsum po ma skyes pa nyid la yang mthong bar 'gyur ro//'on te 'jig pa ma yin no zhe na/ gal te skye ba dang gnas pa dang bral ba'i 'jig pa yod pa de'i tshe mo gsham gyi bu la yang ji ltar zlog par byed/ 'on te cig car du 'jug go zhe na/ ma yin te/ phan tshun 'gal ba'i phyir mun pa dang snang ba bzhin no/ /'on te rnam par rig par smra ba na re 'di ltar rnam par shes pa ni yod do zhe na/ smras pa/ gal te yod pa de'i tshe ngo bo nyid dpyad par bya ste/ gcig cig gi rang bzhin yin nam du ma'i rang bzhin yin/ re zhig gcig gi rang bzhin ni ma yin te/phyogs cha du mas tha dad pa'i phyir ro/ /gcig gi rang bzhin med na du ma'i rang bzhin yod pa ma yin no/ /kha dog gam dbyibs dmigs pa ma yin gyi 'on kyang skye ba'o zhe na/ de yang mi 'thad de rang ngam gzhan nam gnyi ga las sam rgyu med par mi rung ba'i phyir ro//de lta na ni gal te thams cad med pa de'i tshe na phyi rol dang nang du snang ba 'di dag ci zhig yin zhe na/ smras pa/ mgal me'i 'khor lo sprul pa dang / /rmi lam sgyu ma chu zla dang / /sgra brnyan dang ni smig rgyu dang / /du ba'i mtshan ma la sogs bzhin/ /de skad du yang /'di la bsal bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong na rnam par grol/ /zhes gsungs so/ /dmigs pa med pa'i chos 'di kun/ /dmigs pa med par rab tu bshad/ /dmigs pa med pa'i blor byas nas//dmigs pa med par 'gyur ba yin/ /sbyin dang tshul khrims bzod brtson 'grus/ /bsam gtan la sogs rtag tu brten/ /dus mi ring ba nyid du ni/ /bla med byang chub thob par 'gyur/ /ma rtogs pa rtogs par byed pa slob dpon chen po dpal gnyis med rdo rjes mdzad pa rdzogs so/