CLOSE WINDOW

D2293
བོད་ཡིག

/[ ]@##/ /rgya gar skad du/ tsar+yA ko Sha gI ta TI pyA Ni pr-i t+ti nA ma/ bod skad du/ spyod pa'i glu'i mdzod kyi 'grel pa zhes bya ba/ dpal rdo rje sems dpa' la phyag 'tshal lo/ /dpal ldan bla ma dam pa'i zhal gyi chu skyes ro myangs rab gsal brtse ba'i thugs mnga' ba//gnyis med blo ldan dpal ldan rdo rje'i dbang phyug dri med zhal mnga' dad pas phyag 'tshal nas/ /dpal ldan lU yi zhabs sogs grub pa rnams kyis gsungs shing ya mtshan spyod pa'i glu yi tshogs//lam mchog dri ma med pa'i tshig ni rtogs par bya phyir de yi 'grel pas gsal bar bya/ /lus ljon shing mchog yan lag rnam lnga la/ /g.yo ba'i sems la sgra gcan rab tu 'jug /brtan par mdzod cig bde chen yongs kyi tshad/ /lU yis smras pa bla ma la zhus mkhyen//ma lus ting 'dzin rnams kyis ci zhig bya/ /bde ba rtsa nas bton na nges par 'chi/ /spongs shig sdeb sbyor byed cing g.yo sgyu'i blo/ /stong nyid phyogs la zhags pas bcing gis kye/ /lU yi bdag gi bsam gtan nyid kyis mthong / /zla ba nyi ma gnyis phab steng du sdong //pa Ta ha'i snye ma zhes bya ba'i glu'i gdangs so// //lus ljon pa'i shing zhes bya ba la sogs pa ni gang zhig dpal ldan bla ma'i zhabs kyi chu skyes kyi sbrang gi thigs pa'i tshogs 'bab pas sems brlan zhing yang dag par tshim nas bden pa gnyis la rmongs shing 'khrul pa'i rgya mtsho chen po'i dbus su bying ba skyabs med la sdug bsngal ba'i skye bo rnams yang dag par gdon par 'dod pa'i phyir//grub pa'i slob dpon lU yi pa'i zhabs kyi smon pas bskul ba rnams gdon pa'i phyir/ lus ljon shing mchog ni dgongs pa'i tshig gis rnam par dag pa'i chos nyid gzhi'i rang bzhin gyi snang ba la sbyor ba gsungs te/gzugs la sogs pa'i phung po rnams dang / dbang po drug po rnams dang / khams rnams dang / yul rnams la gzung 'dzin du 'dzin pas lo ma dang 'dra bar nye bar mtshon pa'i phyir lus ljon shing mchog tu gzung ngo //ci ste sems dang ldan pa'i phyir ji ltar lus ljon pa'i shing mchog ce na/ 'di'i skyon med de/ de bzhin du phyi'i bstan bcos byed pas kyang nye bar blta bar bya ba'i rgyan gzhan la sbyor ba rnams kyis cung zad dbye bar gnas pa de dang 'dra ba nyid la nye bar brjod do//ci'i phyir brtags na rang bzhin du snang ba'i skyon gyi dbang las g.yo ba de yis so/ /tha mal pa'i sems 'dzag pa'i rang bzhin gyis sgra gcan te/ de nyid kyi dus su nag po'i tshes gcig gi skabs su rab tu 'jug go//gang la/ dga' ba dang / bzang po dang / rgyal ba dang / stong pa dang / gang ba rnams tshes kyi rim pas kun rdzob byang chub kyi sems ri dgas mtshan skam par 'gyur ro/ /'di khyad par du slob dpon nag po spyod pa'i zhabs kyis mngon par gsungs te/ri bo mchog gi mgul phug tu/ /'gro rnams ma lus kun chad gyur/ /dri med chu rgyun skams nas 'gro/ /dus kyi me ni rab tu 'jug /de bzhin du ra ti badzra gyis kyang / byang chub sems ni lhung gyur na/ /dngos grub kun gyi gter ni gang / /phung po rnam shes brgyal ba la//'dod pa'i dngos grub gang las 'byung / /de bzhin du saM puT 'byung ba'i rgyud kyi rgyal po las kyang / dpag med rnam rtog mun pas zil gnon pa'i/ /rlung gis g.yo ba'i glog bzhin g.yo ba can/ /'dod chags la sogs bsrung dka' dri ma yi//sems nyid rdo rje can gyis 'khor bar gsungs/ /de'i phyir gang 'ga' zhig phyogs gcig tu bcom ldan 'das kyis dge ba rnams yongs su smin pa/ rim pa lnga pa'i thabs 'dzin pa la zhugs pa sngon du 'gro ba zung 'jug bcings pa'i ngo bo lhan cig skyes pa'i dga' ba'i 'bras bu rtag tu tshol ba na de yang rdo rje lta bu'i ting nge 'dzin mngon sum du byed par 'gyur ro//'phags pa lha'i zhabs kyis gsungs te/ rim pa lnga'i go rims med na rdzogs pa'i rim pa yang dag pa'i byang chub mngon sum du byed pa thob par mi 'gyur ro//brtan par mdzod cig ces bya ba la sogs pa ni 'dis ni dge ba'i bshes gnyen gyis sdom pa la sogs pa'i rim pas go rims ji lta ba bzhin du dbang bskur ba'i mchog rnal 'byor pas dam tshig gi brda'i rdzas kyis bla ma dam pa mnyes par byas nas nam phyed na shes rab dang ye shes kyi dbang bskur ba thob pa ji lta ba bzhin du brtan par bya'o//de bzhin du bde ba chen po dga' ba bzhi pa nyid kun gyi tshad ma'o/ /lU yis smras pa zhes bya ba la sogs pa ni de la rdo rje dang chu skyes yang dag par sbyor bas mi 'dzag pa'i bde ba'i phyir dpal ldan bla ma la zhus na khyad par gyis dga' ba khyab par bya ba dang khyab par byed pa des chos thams cad dmigs pa med pa'i tshul gyis lhan cig skyes pa'i dga' ba bde ba chen po nyin dang mtshan du shes so//de bzhin du dpal gsang ba 'dus pa las kyang /rdo rje bla ma dang bral na/ /nyon mongs ma lus spangs pa dang / /zhi ba myang 'das go 'phang dang / /phyir mi ldog pa thob mi 'gyur/ /de bzhin du yang klu sgrub zhabs kyis kyang rdo rje'i bzlas pa las gsungs te/ 'ga' zhig ri dbang rtse las rab tu lhung gyur na//ltung bar mi 'dod na yang de bzhin rnam par ltung / /bla ma'i drin gyis phan pa'i man ngag thob gyur na/ /grol bar mi 'dod na yang de bzhin grol bar 'gyur/ /sa ra ha'i zhabs kyis bshad sbyar las kyang gsungs te/ gang zhig 'khor ba'i 'khor lo mi sgrub na//bdag nyid ched du yid ni nyer sbyor zhing / /de blo brtan pa dang bas zhugs gyur na/ /spros bral rang gi bdag po'i sa nyid do/ /de yang so so rang rig skye 'gyur te/ /bde ba rtog pa'i dra ba las grol byed/ /dus kun du ni bla ma dam pa yis/ /de yi zhabs zung spyi bos gus par 'dud//de bzhin du dpal dgyes pa'i rdo rje las kyang / bsod nams nyid las bdag gis shes/ /bla ma'i rim pa nyer bstan phyir/ /rkang pa gzhan gyis 'dod chags chen po'i tshul gyi ting nge 'dzin nye bar gsal zhing rjes su bsngags pa gsungs te/ ma lus ting 'dzin zhes bya ba la sogs pa ni bcom ldan 'das nyid kyis mtha' med pa'i ting nge 'dzin rnams kyis tshul gyi dbye ba ni mi dge ba bcu yongs su spangs pa'i phyir dang / dbang po rnams 'gog pa'i phyir nges par gsungs so/ /ting nge 'dzin de rnams kyis 'dir bya ba cung zad kyang med de/'dod chags chen po'i tshul la bde ba dang bral ba'i phyir dka' thub dang smyung gnas la sogs pa'i nges pas so/ /de'i phyir dpal gsang ba 'dus pa las/ dka' spyad nges pa drag po yis/ /lus ni skams shing sdug bsngal te//sdug bsngal las ni sems g.yeng byed/ /rnam g.yeng las ni dngos grub gzhan/ /zhes so/ /de bzhin du dgyes pa rdo rje las kyang / 'dod chags kyis ni 'jig rten 'ching / /'dod chags kyis ni rnam grol pa'i/ /bzlog pa'i bsgom pa 'di nyid ni//sangs rgyas mu stegs kyis mi shes/ /zhes so/ /de bzhin du/ bde ba rtsa nas bton na bde ba chen po'i de nyid dang bral bas sangs rgyas pa'i mu stegs pa rnams ni sdug bsngal mang po nyams su myong zhing skye ba dang yang 'chi bar byed de/ de rnams de kho na nyid kyi skal ba dang mi ldan pas so//de bzhin du yang lung las/ bskal pa bye ba brgya yis kyang / /de nyid bral bas 'grub mi 'gyur/ /zhes pa'i tshig las 'dod chags chen po'i tshul gyi spyod pa'ang gsungs te/ dpal gsang ba 'dus pa las/ dka' thub sdug bsngal bsten mi bya//'dod yon lnga ni spang mi bya/ /rnal 'byor rgyud kyi rjes 'brangs nas/ /bde ba yis ni byang chub bsgrub/ /ces so/ /de bzhin du dpal sa ra ha'i zhabs kyis kyang / gang zhig phra rab sems kyi myu gu la/ /gal te yul bcud dri med kyis ma brlan/ / nam mkha' khyab pa'i 'bras bu sbyin pa yi/ /dpag bsam ljon shing nyid ni ji ltar 'thob/ /chags pa chen po'i tshul gyis spyod pa'i don mi 'dzags pa mngon du gyur pa ni tshad ma'o/ /de rnams kyi log pa'i shes pas mngon par chags pa'i zhen pa 'gog pa'i don ni//rkang pa gsum gsungs pa spongs shig ces pa la sogs pa ni sdeb sbyor drug dang / g.yo sgyu byed pa la sogs pa bcing pa dang bral ba'o/ /stong nyid phyogs zhes pa ni bdag med pa'i chos ni zhags pa ste de la 'dir nye bar 'khyud par gyis shig pa'o/ / kye'i ni bod pa ste/ kye'i thar pa'i ngang tshul lo/ /de bzhin du yang lung las/ de dang de rnams ri rtse yang dag mtho ba yi/ /'jig tshogs lta ba'i ri bo rgya chen gnas pa rnams/ /bdag med rtogs pa'i rdo rjes bdag 'jig cing / /lhan skyes sdug bsngal nyid kyang 'joms par byed//rkang pa bzhi pas ji lta ba bzhin du gyur pa'i chos kyi bdag chen po mthong ba'i rkyen du gsungs te/ smras pa zhes bya ba la sogs pa ni dang po sgrub pa'i slob dpon lU yi zhabs kyis 'di bzhin du gsungs te/ bsam gtan dbang gis zhes bya ba ni grub pa'i slob dpon lU yi pa'i zhabs kyis bdag gis ni/yid dang rnam shes yul dbang thim gyur te/ /dpal gyi bla ma'i bzhi pa'i man ngag thob/ /goms pas zung du 'jug pa'i ngo bo mthong / /de bzhin du lung las kyang / lus ni yang dag bde bas rgyal/ / dbang po rnams ni gnyid log bzhin/ /yid kyang nang du thim pa bzhin/ /sems ni sems med gsal bar snang / /zla ba zhes pa ni dkar po ri bong 'dzin pa rnam par dag pa A li'o/ /nyi ma ni 'od zer stong ldan rnam par dag pa kA li'o/ /de gnyis gdan du byas te rang gi lha'i nga rgyal gyis steng du sdod pa ni mngon sum du byas pa'o//de bzhin du brtag pa gnyis pa las kyang / A li kA li yang dag sbyor/ /rdo rje sems dpa'i gdan du bya/ /zhes so/ /rus sbal 'jo zhing stegs bu gzung du med/ /bse yab ljon pa'i 'bras bu chu srin za//sgo bdun khang bzhugs nyon cig rigs ngan kye/ /mdo phugs khang logs nam phyed rkun mas khyer/ /sgyug mo gnyid song mna' ma gnyid med gyur/ /mdo phugs khang logs rkun khyer gang du tshol/ /nyin mo mna' ma bya rog mthong bas 'jig /mtshan mor song na kA ma rU ru 'gro//'di 'dra'i glu 'di kuk+ku ri pas blangs/ /bye ba'i nang na gcig snying 'jug srid dam/ /chen po zhes bya ba'i glu'i gdangs so/ /de nyid bde ba chen po'i rgyal po rang gi chang gi btung bas yid rab tu dga' nas kuk+ku ri ba'i zhabs kyis dgongs pa'i skad kyis rab tu gsal por gsungs te/du li zhes bya ba la sogs pa'i du ni gnyid kyi rnam pa/ li ni gang la thim par 'gyur te/ bde ba chen po'i rnam pa pad+ma/ du li ni rus sbal te dgongs pa'i skad kyi brdas khong du chud par bya'o/ / las kyi phyag rgya dang rab tu sbyor ba las dga' ba la sogs pa'i rim pa'i sgo nas 'jo ba ste kun rdzob byang chub kyi sems de a wa d+hU tI'i lam gyis 'ong ba'o/ /stegs bu ni rdo rje nor bu las ltung na gzung du med pa ste byis pa'i rnal 'byor pas de 'dzin par mi nus so/ /de bzhin du nag po spyod pa'i zhabs kyis kyang /'di ni gzung dka'i ri bo yis/ /mnyam dang mi mnyam 'dzin par byed/ /kAh+Nas smras pa mtshon dka' dang / /brjod dka' gang gi yid kyis bsgom/ /de'i phyir bla ma brgyud pa'i rim pas rnal 'byor gyi dbang phyug rnams kyis shes te/lus ljon shing gi 'bras bu'i de nyid byang chub kyi sems bse yab kyi 'bras bu bzhin du yod pa'o/ /chu srin zhes pa ni mtshan nyid dang bral bas yongs su sbyangs pa kuM b+ha ga'i ting nge 'dzin gyis rang gis nyams su myong ba'i rim pas de za ba ni rang bzhin med par byed pa'o//d+h+rU'i rkang pas bstan par gsungs te/ sgo mdun zhes pa ni 'byung ba'i rlung la nye bar ltos nas 'jug pa yang khong du chud par bya'o/ /rigs ngan zhes pa ni bdag nyid yongs su dag pa'i a wa d+hU tI'i tshul du grol ba rnal 'byor gyi dbang phyug gis gsungs te/yongs su dag pa'i a wa d+hU tI pa gson dang / dang po rdo rje bzlas pa'i man ngag gis sna tshogs pa'i dga' ba a wa d+hU tI'i khang par gnyis po len pa'o/ /de la khang pa ni slar yang nam phyed la bzhi pa'i mtshams so//mdo phugs khang logs zhes pa ni de nyid 'jug pa la sogs pa'i rlung gi skyon gyi dngos po rnams lhan cig skyes pa'i dga' bas rku bar byed do/ /rkang pa gnyis pas de nyid kyi don rgyas par bshad de/ sgyug mo zhes bya ba la sogs pa ni dang por myur ba'i dbugs te/zhi ba'i dga' ba'i rnal 'byor gyi gnyid du song ba a wa d+hU tIr dgongs pa'i skad kyis so/ /thog ma med pa'i srid pa'i rnam par rtog pa spangs te rang bzhin gyis rnam par dag pa'i a wa d+hU tI'i gzugs kyis rnal 'byor ma nyid kyang nyin dang mtshan du gnyid sad par byed de/mdo phugs khang logs ni 'od gsal gyi rkun pos rab tu 'jug pa la sogs pa'i rlung gi skyon gang gi tshe khyer ba de'i tshe gzung ba la sogs pa'i dngos po med pas rnal 'byor gyi dbang phyug gis phyogs bcu gang du yang cung zad kyang btsal du med pa'o//rkang pa gsum pas yongs su dag pa a wad+hU tI'i dbye bas bden pa gnyis kyi rjes su bsngags pa gsungs te/ nyin mo zhes bya ba la sogs pa ni chung ngu la sogs pa'i lhag pa'i bsam pa'i dbye bas de a wa d+hU tI pa kun rdzob byang chub kyi sems kyi gzugs kyis 'jig rten gsum po sprul nas slar yang rang nyid nyin mo'i rnam par shes pa skyed par byed do//bya rog ces bya ba ni dus kyi skyes bus shin du 'jigs te skrag par byed do/ /de bzhin du lung las kyang / dper na ri mo mkhan gyis ni/ /gnod sbyin shin tu 'jigs byed gzugs//yang dag bris nas bdag nyid skrag /de bzhin mi mkhas 'khor ba pa/ /zhes so/ /mtshan mo zhes bya ba ni shes rab ye shes kyi rang bzhin rnam par dag pa'i a wa d+hU tI pa'i phung po lnga la sogs pa la dbang bskur bar byed do/ /kA ma dU zhes pa ni rang nyid bde ba chen po'i 'khor lo'i rang gi gnas su rnam par mi rtog pas 'gro bar byed do//de bzhin du lung las kyang / rang gnas gnas la lhan skyes kyi/ /rlung gis rtog pa'i dra ba grol/ /zhi ba'i gnas tshim gang gis kyang / /skyed byed de nyid stong pa'i dngos//de'i phyir bla mas gnang ba'i snying rje chen po'i thabs kyi rgya mnos pas 'khor ba 'dir rab tu skyes shing rtag tu dga' bas sems can gyi don mdzad do/ /shin du rnyed par dka' ba rtogs par bya ba'i phyir rkang pa bzhi pa gsungs te/ 'di 'dra'i zhes bya ba la sogs pa ni 'di 'dra ni 'di lta bu spros pa med pa spyod pa'i glu rnal 'byor gyi dbang phyug gis brtan par byed cing spyod pa la sogs pa can kuk+ku ri pa'i zhabs kyis gsungs pa'i de nyid 'di'i don rnal 'byor bye ba rnams kyi nang nas gal te gcig gi snying gi nang du 'jug srid dam zhes so//de bzhin du yang nag po spyod pa'i zhabs kyis kyang / 'jig rten khengs pa'i nga rgyal 'dzin/ /nga yis don dam shes so snyam/ /bye ba'i nang nas gal te gcig /mig sman med pa'i mi snang 'gyur/ /chen po zhes bya ba'i glu'i gdangs so//bi rU pa'i zhabs kyi'o/ /chang ma gcig nyid khyim ni gnyis na chang spyod byed/ /phabs dang rtsi med chu bdag chang ni sbyor bar byed/ /lhan cig skyes pa brtan par bzung kye rnal 'byor chang / /gang gis rgas dang 'chi med phung po 'gyur med brtan//sgo ni bcu par rtags kyis mtshon pa mthong bar 'gyur/ /chang nyo 'ongs pa rang gis chang ni khur nas 'ongs/ /chu tshod drug cu rtsa bzhi'i g+ha TA'i stegs bu bshams/ /chang 'thung rab tu zhugs nas nges par byung ba med/ /chang gi bum pa gcig gi mchu ni shin tu phra//bi rUs smras pa brtan pa nyid du bskyod par gyis/ /yongs su dag pa dang yongs su ma dag pa'i dbye bas de la a wa d+hU tI pa bi rU pa'i zhabs kyis mchog gi snying rjes yang nas yang yid the tshom med par rab tu gsal por gsungs te/ chang ma gcig gis zhes bya ba la sogs pa ni gcig nyid drug gi sbyor ba las de a wa d+hU tI'i chang ma ni steng du sna'i dril bu'i bu ga la zla ba dang nyi ma g.yon dang g.yas pa dag rnal 'byor pa dar mas stobs dang ldan pas gnyis po sbyor bar byed par dbu mar rab tu 'jug par byed do// des ni rang byin gyis brlab pa bstan par byed do/ /slar yang rang nyid de bzhin du 'ongs pa 'og tu sna ni rdo rje nor bu'i rtse mo'i bu gar byang chub kyi sems kyi thig le ni ma rig pa'i sa bon zhe sdang la sogs pa'i dri ma dang bral zhing 'od gsal bas bla ma'i man ngag las dgongs pa'i skad chu bdag chang zhes te/bde bas rab tu tshim pa'i phyir byang chub kyi sems 'ching bar byed do/ /brtan pa'i rkang pas don dam byang chub kyi sems brtan por byed pa gsungs te/ lhan cig skyes pa zhes pa ni rdo rje bla ma'i drin las sna tshogs pa'i dga' ba la lhan cig skyes pa'i dga' ba brtan par bya'o//kya rnal 'byor pa chang zhes pa ni dgongs pa'i skad kyis de kho na nyid kun rdzob byang chub kyi sems su khong du chud par bya'o/ /de'i byang chub kyi sems kyis rang byin gyis brlabs par gyur pas mi 'gyur ba'i bde ba'i zhags pas bcing bar byas nas gang gis goms pa'i khyad par gyis rgas pa dang 'chi ba nyid med pa brtan pa'i phung po 'dis thob par byed do//de bzhin du rnal 'byor rin po che'i phreng ba las kyang / brtan pa'i snying po mi rnyings dang / /mi chod mi 'jigs mtshan nyid do//mi 'tshig pa dang chud mi za/ /stong nyid rdo rje zhes brjod do/ /rkang pa gzhan gyis so sor rgyas par bshad pa gsungs te/ sgo bcu ba zhes bya ba la sogs pa ni rnam par snang mdzad kyi sgor yang chags pa chen po'i bde bas rab tu dga' ba'i rtags bltas nas dri za'i sems can nyid rang nyid 'ongs te sgo nas rab tu zhugs nas bde ba chen po'i chu skyes kyi ro'i btung bas rang gi sems tshim par byed do//de bzhin du nag po spyod pa'i zhabs kyis kyang / e waM yi ge'i sa bon len/ /chu skyes kyi ni me tog la//sbrang rtsi byed pa'i gzugs kyis ni/ /rab dga'i dpa' bo sbrang rtsi snom/ /kAh+Nas smras pa sems nyid ni/ /gang du mi 'jigs chad pa med/ /mi g.yo ba yi rlung nyid kyis/ /khyim mi mo yi khyim na 'khor/ /ji ltar rang nyid kyis ni sgom zhe na/ /de nyid dgyes pa'i rdo rje las kyang /rang nyid byed po rang nyid 'phrog /rang nyid rgyal po rang nyid gtso/ /zhes pa'i tshig las so/ /rkang pa gsum pas dri za'i sems can gyi 'gro ba 'gag pa gsungs te/ chu tshod drug cu rtsa bzhi zhes bya ba la sogs pa'i drug cu rtsa bzhi'i pad 'dab la g+ha TI dgongs pa'i skad kyis sprul pa'i 'khor lor stegs bu ni dgongs pa'i skad kyis de nyid kyang gdan no//de la chags pa chen po'i me 'bar ba las dri za'i sems can rab tu 'jug go/ /de'i 'jug pa ni 'byung ba med pa'o/ /de bzhin du nag po spyod pa'i zhabs kyis kyang /'og dang steng du 'jug gnyis dang / bral zhing de la mi g.yor gnas/ /kAh+Nas smras pa sems nyid ni/ /gang du mi 'gro chad pa me/ /mi g.yo ba yi rlung nyid kyis/ /khyim mi mo yi khyim na 'khor/ /rkang pa bzhi pa gsungs pa ni/ / bum pa gcig gi zhes bya ba la sogs pa'i de nyid sngon du gsungs pa a wa d+hU tI pas kun rdzob dang don dam pa'i bden pa gnyis dbyer med par byed pa'i phyir g+ha TI ste sna gnyis 'gog pa'i phyir shin du phra mo'i gzugs bi rU pa'i zhabs kyis de bzhin nyid gsungs te/ de yis khu ba'i rtsa bla ma'i man ngag las de la mi lhung ba byang chub kyi sems brtan par byas nas dba' rlabs med pa'i tshul gyis bskyod pa'o/ /de bzhin du dbang bshad pa las kyang / ji srid mi ltung 'od gsal rang bzhin te/ /bsil zer byed pa 'dzin pa'i khu ba nyid//lha mo'i pad+ma'i 'dab ma'i nang nyid du/ /ro mnyam gyur pa rgyal ba'i tshogs rnams kyis/ /rdo rje nor bu'i rtse mor 'phro ba yis/ /'jigs pa med pa'i snying rjes 'gro ba byed/ /de nyid dpal gyi snying rje'i stobs kyis ni/ /khyab bdag lhan cig skyes pa'i tshul nyid shes//skya rengs zhes bya ba'i glu'i gdangs guN+Di ri'i zhabs kyi'o/ /ka mgo non la yan lag 'khyud la byin/ /chu skyes rdo rje sbyor tshod dus min dgongs mo gyis/ /rnal 'byor khyod med skad cig kyang mi 'tsho/ /khyod zhal 'o byed chu skyes khu ba 'thung / / 'phangs nas len mi shes pa rnal 'byor ma/ /ma Ni kuN+Da li phyir o D+yan mnyam/ /sgyug mo'i khyim phyin lde kyog lde mig go/ /zla ba nyi ma gnyis kyi sgo glegs can/ /guN+Da rI bdag kun+Da re pa smras/ /mi dang mi mo'i dbus su rtags mtshan btsugs/ /de nyid kyi don dpal he ru ka'i rtogs pa guN+Da ri'i zhabs kyis gzhan rnams la rang bzhin med pa rtogs par byed pa ni ka mgo zhes bya ba la sogs pa brkyang ma dang ro ma dang kun 'dar ma'i rtsa gsum mnan nas shin du gsal snang du byas pa de nyid yongs su dag pa'i a wa d+hU tI pa rnal 'byor ma bdag med ma'o//yan lag 'khyud la zhen pa ni aM ka ni rtags te sgrub pa po la ster bar byed do/ /de yang skyod par byed pa'o/ /yang rnam pa sna tshogs la sogs pa'i mtshan nyid rnal 'byor pas dga' ba la sogs pa'i rim pa ster par byed do/ / slar yang de nyid sgom pa pos rgyun mi 'chad par mngon par sbyor ba las dbugs 'byin pa ster bar byed do/ /chu skyes rdo rje zhes pa ni kye'i mchog gi rnal 'byor pa yang dag par rdo rje dang chu skyes yang dag par sbyor ba la chags pas dga' ba la yang dag par 'jo ba de yis dus min pa zhes pa ni dus dang bral nas bdag la phyag rgya chen po'i dngos grub mngon sum du byed do//de'i phyir bde ba chen po gsal bar grags pa'i bdag ni dgongs pa'o/ /'di bzhin du gsungs te kye'i bdag med rnal 'byor ma khyod med na skad cig kyang bsrung bar dka' ba'i shugs can rab tu g.yo ba'i phyir srog gi rlung bdag gis 'dzin par mi nus so zhes so//de bzhin du lung las kyang / skye dang gnas dang 'jig rnams la/ /bar do'i srid pa gnas pa ste/ /ji srid rnam rtog 'jig rten pa//rlung dang sems kyis rnam par byas/ /khyod zhal ni lhan cig skyes pa'i dga' ba yang 'o byed pa'o/ /chu skyes khu ba zhes pa ni gtsug tor gyi pad+ma'i chang don dam pa'i byang chub kyi sems bla ma'i drin las sna tshogs pa'i dga' ba skal ba dang ldan pa'i dus su byed par 'gyur te/skal med DiN+Di ma ru brjod/ /skal ldan kA liM dza rar 'dod/ /ces so/ /rkang pa gzhan gyis rnal 'byor ma'i bsngags pa gsungs te/ 'phangs nas zhes bya ba la sogs pa ni 'phangs pa ni rang gi gnas su sbyor ba las de byang chub kyi sems kyi gzugs bdag med ma'i rnal 'byor ma mtshan nyid dang bral bas sbyangs pa'i dga' bas nor bu'i rtsa ba nas rmongs pa'i dri mas ma gos par 'gyur ro//slar yang de la rtse ba'i ro nyams su myong ba'i nor bu'i rtsa ba nas steng du 'gro zhing 'ongs pas bde ba chen po'i 'khor lo'i bar du 'gro bar 'gyur ro zhes so//de'i phyir nag po spyod pa pa'i zhabs kyis gsungs te/ de nyid ri bo mchog ces bdag gis smras/ /de nyid bde ba chen po nyid kyi gnas/ /ro gcig nyid gyur chang ni lhan cig skyes/ /ji srid bde ba chen po'i dum bu long / / rkang pa gsum pas gnas yongs su dag pa gsungs te/ sgyug mo'i khyim zhes bya ba la sogs pa ni dang por ji srid rnal 'byor gyi dbang phyug gis lha nyid kyi rnal 'byor sngon du 'gro bas sku rdo rje brtan par byas nas rdo rje bzlas pa'i man ngag gis zla ba dang nyi ma dag gi phyogs su len pa 'gog pas gsung rdo rje brtan par byed do//thugs rdo rje brtan par byed pa'i phyir te sna tshogs pa dga' ba a wa d+hU tI pas lhan cig skyes pa'i dga' ba dang ro gcig pa'i ngo bos dbugs kyi khyim du ri rab kyi rtse mor len par byed do/ /lde kyog ces pa ni lde mig yang dag par sbyor bar byed pa nor bu'i rtsa ba'i sgor dgag par bya'o//bdag nyid yang dag pa'i byang chub rang nyid kyis mngon sum du song ba smra bar byed do/ /de bzhin du nag po spyod pa'i zhabs kyis kyang / gang la yid rlung 'jug pa yin/ /sgo ni sbyor bas brtan par bya//gal te mi zad mun de la/ /nor bu'i sgron me sbar byas nas/ /rgyal ba'i rin chen steng gi ni/ /gal te nam mkha' phrad byas nas/ /'khor ba za bar kAh+Na smra/ /mya ngan 'das pa nyid kyang 'grub/ /rdo rje lta bu'i ting nge 'dzin mngon sum du grub pa'i slob dpon gUN+Da rI bdag nyid de lta bu'i bsngags pa gsungs pa ni smra zhes bya ba la sogs pa ste/de rnams rab tu byin pa las gzhan kha phyir phyogs pa'i rnal 'byor dang rnal 'byor ma rnams kyi nang du kun du ru yis dbang po gnyis snyoms par 'jug pa'i sbyor ba mi 'gyur ba'i bde bas nyon mongs pa'i dgra bcom pas bdag dpa' bo'o//slar yang de rnams kyi nang du rtags mtshan zhes pa ni rnal 'byor gyi dbang phyug gi rtags dbang phyug la sogs pa'i yon tan brgyad dag gi mngon du gyur pa mngon par shes pas mthong ba'i don no/ /gu dz+dza rI zhes bya ba'i glu'i gdangs tsA TI la'i zhabs kyi'o//srid pa'i chu klung klong bcas zab mo rgyug cing 'bab/ /mtha' ma gnyis ni rab 'dred dbus na 'dug gnas med/ /chos dbyings don du tsA TI la yis zam pa byas/ /pha rol 'gro ba'i 'jig rten nges par sgrol bar byed//ma rig ljon shing gshags nas spang leb yang dag bsgrigs/ /gzong gnyis kyis ni brtan par mya ngad 'das pa phug/ /zam pa de la 'gro na g.yas g.yon ma 'gro cig /nye bar bdog pas ring du 'gro bar ma byed cig /gal te khyed rnams 'jig rten pha rol 'gro na yang //bla med byang chub tsA TI la la dri bar gyis/ /de kho na nyid kyi don ji lta ba bzhin du gyur pa'i tsA TI la'i zhabs kyis sgra gzhan gyis rab tu gsal bar gsungs te/ srid pa'i chu klung zhes bya ba la sogs pa ni sngon du bshad pa'i brkyang ma dang ro ma'i rtsa'i snang ba rnams gsum tshu rol pha rol zab pa nyid kyis chu klung dgongs pa'i skad kyis khong du chud par bya'o//nyin mo dang mtshan mo dang thun mtshams su yul la rnam g.yeng skyed pa nyams par byed pa yang ngo / /de'i phyir klong dang bcas pa'i 'jigs su rung ba rang bzhin gyi skyon ni zab mo ste/lam drug gi sgo nas chu dang dri ma la sogs pa rab tu 'bab pa'i phyir ro/ /de'i phyir na de bzhin du mtha' gnyis ni tshu rol dang pha rol te g.yon dang g.yas su shin tu 'dred pa zhes bya'o/ /rang bzhin gyi skyon gyi 'dam gyis ma gos pa dbu ma'i don la bdag nyid de/a wa d+hU tI'i tshad ma'i rang bzhin gyis byis pa'i rnal 'byor pa rnams kyis byed par mi nus so/ /d+hU'i rkang pas bzhi pa'i dga' ba nye bar gsal bar gsungs te/ chos kyi don ni rang gi mtshan nyid 'dzin pa'i phyir chos te/ bum pa dang snam bu dang ka ba dang rdzas la sogs par gyur pa ste rang bzhin gyis med pa'i gzugs zhes so/ /dpal he ru ka'i rgyud kyi de kho na nyid kyi le'u gsungs pa rnam par dpyod pa dmigs pa med pa de yis grub pa'i slob dpon tsA TI li pas zam pa zhes gsungs pa ni kun rdzob dang don dam pa gcig tu byed pa bla ma'i drin gyis nye bar 'byed par byed do//de bzhin du sa ra ha'i zhabs kyis kyang / stong nyid snying rje dag ni sbyor ba med gyur na/ /srid dang myang 'das mi gnas thob par mi nus so/ /gal te snying rje 'ba' zhig sgom par byed gyur kyang //skye ba stong gis thar pa thob par mi 'gyur ro/ /grub pa'i slob dpon gyi thabs 'dis thar pa rang gi lus kyis ni rnal 'byor pas so/ /de rnams kyang nges par rgya mtsho'i pha rol tu 'gro bar byed do zhes so/ /rkang pa gzhan gyis bshad pa'i don gsal bar byed pa gsungs te/gshags nas zhes bya ba la sogs pa ni ma rig pa'i ljon shing ni yul la 'jug pa'i dbang las de la de bzhin du kun rdzob byang chub kyi sems kyi ljon shing bkas nas de'i yul du 'dzin pa'i 'gog pa'i phyir/ rtag tu 'od gsal ni yang spang leb ste lhan cig tu byed pa ni yang dag bsgrigs pa'o//slar yang 'di'i 'bras bu rtogs par bya ba'i phyir zung 'jug gi sta res brtan par byed pa'i phyir ro/ /rkang pa gsum pas lam gyi rjes su bsngags pa gsungs te/ zam pa zhes bya ba la sogs pa ni rang byin gyis brlab pa dang 'od gsal ba dag gcig tu byed pa ni zam pa ste skye bo sems pa rnams 'khor ba'i rgya mtsho las pha rol tu byed pa'i phyir ro//kye rnal 'byor pa de la 'gro na g.yon dang g.yas su zla ba dang nyi mar snang ba dag sngon du rdo rje'i bzlas pas 'gog pa las slar yang phyi nas sgom pas bsam par mi bya'o//'dis goms pa'i dbang gis byang chub pa phyag rgya chen po'i dngos grub mi ring ba ste shin du nye ba nyid do/ /de'i phyir lam ngan pa la 'gro ba la de bzhin du ring du ma 'gro cig ces pa'i don no/ /rnal 'byor gyi gnas rkang pa bzhi pas gsungs te/gal te khyed rnams zhes bya ba la sogs pa ni gsal snang gsum gyis rmongs pa chen po'i rtsa las pha rol tu 'gro bar 'dod pa rnams la kye rnal 'byor pa de'i tshe grub pa'i slob dpon gyi man ngag bdag gis nges par shes so zhes gsungs pa'o//gzhan rnal 'byor pas de bzhin nyid sgrub pa mi shes te po sti bltas pa'i nga rgyal las so/ /de bzhin du nag po spyod pa'i zhabs kyis kyang / do ha mdzod las mngon par gsungs te/ lhan skyes gcig pa'i lam mchog de nyid ni/ / kAh+Na pa yis gsal bar yongs su shes/ /lung dang bstan bcos mang po bklags pa dang / /sbyangs kyang dbyings pas cung zad shes mi 'gyur/ /pa ta ha many+dza ri zhes bya ba'i glu'i gdangs b+hu su ku'i zhabs kyis so/ /gang gis zas la 'dus nas ci ste 'dug/ / mtha' skor rgol ba phyogs bzhi rnams gnas so/ /ri dgas rang shar rang gi dgra ru langs/ /sor rtog skad cig mi 'dor b+hu su ku/ /rtswa la mi reg ri dgas chu mi 'thung / /kye ma ri dgas pho mo gnas mi shes/ /ri dgas smra nyon rtswa med ri dgas ma/ /nags 'di spangs nas 'jigs med gnas su song //mchod zhes rgyug pas ri dgas rkang mi snang / /b+hu su kus smras blun snying la mi 'jug /de lta bu'i don gzhan gyi don du sems snying rjes bskul ba'i b+hu su ku pa'i zhabs kyis ri dgas kyi sgras dgongs pa'i skad kyis gsungs so//gang gis zhes bya ba la sogs pa ni thog ma med pa'i dus nas bzung nas shes bzhin ma yin pa'i skyon gyis 'chi bdag gi bdud kyi dug gis bskor nas 'dug pa sod sod ces rgol ba bdag gi sems kyi ri dgas kyis thos nas/ da ni bla ma dam pa'i zhabs kyi rdul gyi stobs kyis kyis de rnam par spangs la chos thams cad dmigs su med pa de yis gzung ba dang 'dzin pa'i ngo bo nyid du med pa'i phyir cis kyang bzung nas bdag nyid grol bar gnas pa'o//d+h+rU'i rkang pas brtan par byed do/ / rang gi zhes bya ba la sogs pa ni de las de bzhin du rang gis byas pa'i ma rig pa dang ser sna'i skyon gyis g.yo ba de yis yang sems can de nyid ri dgas te/ thams cad kyi dgra yis bskor bas sems kyi ri dgas skad cig nyid kyang spong ba'o/ /b+hu su ku'i zhabs kyi sor rtog ni bla ma dam pa'i zhabs kyi mda' yis gzhan la 'phen pa'o//de lta bu nyid ces de bzhin du byang chub sems dpa'i spyod pa la 'jug pa las kyang / ji srid pags pas btums pa 'di/ /rang gi blo yis gud du gyis/ /sha yang rus pa'i dra ba las/ / shes rab mtshon gyis dbye bar bya/ /rus pa'ang so sor dbye byas nas/ /rkang mar nang du bltas pa las/ /'di la snying po ci zhig yod/ /rang nyid de bzhin rnam par dpyod/ /sems kyi ri dgas the tshom med par rtogs pa gang las bshad na rtswa mi za zhes bya ba la sogs pa ste/dper na phyi'i ri dwags rtswa za zhing 'bab chu 'thung bar byed pa de bzhin du sems kyi ri dwags mi byed do/ /khyad par du rnam par dpyod pa'i rang bzhin gyis de dag sems dang rlung dag gi gnas ni 'dug gnas dbang po'i sgo yis mi rtogs so/ / de bzhin du nag po spyod pa pa'i zhabs kyis do ha mdzod las gsal por gsungs te/ ri mchog rtse mo mthong ba yi/ /thang la sha ba ri dgas bcas/ /gdong lnga pa yang mi mchong zhing / /glang chen mchog ni ring du gnas/ /rkang pa gsum pas lus kyi nags yul la lo ma g.yo ba nye bar sdud pa gsungs te/ri dgas zhes bya ba la sogs pa ni yul gyi chu dang srid pa za bar ri dgas te 'gog pa'i phyir ro/ /ri dgas zhes pa ni dgongs pa'i skad kyis de nyid ye shes kyi phyag rgya bdag med ma sgom pa po goms pas dbang du 'gugs shing dbugs 'byin pa ster bar byed do//kye'i sems kyi ri dgas lus kyi nags 'di'i lus kyi khyim spangs nas gang la bde ba chen po'i pad+ma'i tshal du song nas 'khrul pa'i rnam par rtog pa med pa la spyod do/ /de bzhin du lhan cig skyes pa'i sdom pa las kyang /dmigs med kun du khyab pa yis/ /yid ni snying rje ro gcig pas/ /'dir ni 'dod ldan ma bzhin du/ /cig car stong nyid 'khyud par gyis/ /rkang pa bzhi pas kyang chung ngu dang chen po la sogs pa'i rjes su bsngags pa gsungs te/ mchong zhing rgyug pas ri dgas zhes bya ba la sogs pa ni lhan cig skyes pa'i ye shes khong du chud pa'i rnal 'byor pa de'i rang gi sems kyi ri dgas kyi cha shas la sogs pa'i rnam par rtog pas mi rtog pa'o//'ga' zhig gis kyang phyi'i bstan bcos dang lung gi mngon pa'i nga rgyal gyi mkhas pa de rnams kyis kyang chos 'di la yang dag par rmongs shing shin du ring du gyur pa ste/grub pa'i slob dpon b+hu su ku pa'i zhabs kyis gsungs pa de rnams kyi snying la de kho na nyid du cung zad mig nye bar zhi ba tsam du yang mi 'gyur ro/ /gang du bcom ldan 'das kyis gsungs pa lha mo bzhis zhus pa rnal 'byor chen po'i rgyud las/ thub chen chos kyi phung po ni/ /brgyad khri dang ni bzhi stong la/ /gang gis de nyid mi shes pa/ /de rnams thams cad 'bral med yin/ /rnga'i tshogs pa zhes bya ba'i glu'i dbyangs nag po spyod pa pa'i zhabs kyi'o/ /'jigs byed dus mtshan ma yis lam ni bkag /de mthong kAh+Na sems ni rnam mi dga'/ / kAh+Nas gang du phyin nas gnas 'cha' byed/ /yid kyi spyod yul gang de btang snyoms 'dug /khams gsum gsum pa gsum kyang so sor 'dug /kAh+Nas smras pa srid pa yongs su gcod/ /gang dang gang byung de dang de yang song / /bdag nyid 'ongs nas kAh+Na yid mi bde/ /'di ni kAh+Na rgyal po'i pho brang nye//kA h+Nas smras kyang bdag gi snying mi 'jug /'gro ba'i don la snying rje'i khur gyis thugs brlan pa'i slob dpon nag po spyod pa'i zhabs kyis de kho na nyid kyi don khyad par du 'phags pa gsungs te/ 'jigs byed ces bya ba la sogs pa ni sngon du gsungs pa'i rang gi lha'i rnal 'byor sngon du 'gro bas rdo rje bzlas pa'i man ngag thob pa nag po spyod pa bas 'jigs byed ni ye shes kyi snang ba dang dus mtshan ma ni snang ba mched pa gcig tu byas nas a wa d+hU tI'i lam du brtan pa dang 'gog pa'o//slar yang bla ma dam pa'i drin las rang bzhin gyis yongs su dag pa a wa d+hU tI pa'i gzugs nag po spyod pa'i zhabs kyis yid khyad par du 'phags par gyur pa'o//kAh+Na gang du phyin nas zhes bya ba la sogs pa ni d+h+rU'i rkang pas rang gis gnas su 'gog pas 'gog pa gsungs te/ rang nyid de bzhin du bdag la sogs pa 'bod par byed de/ kye nag po spyod pa pa rdo rje'i tshig khyab par bya ba dang khyab par byed pa'i gzugs kyis bde ba chen pos khyab pa ni 'gro ba zhes so//dpal ldan he ru ka'i rgyud kyi rgyal por gsungs pa'i don mngon du byed pa las gang du gnas 'cha' ba ni bdag nyid kyis gnas par byed pa'o/ /thams cad de'i rang bzhin yin pa'i phyir gang rnams kyis kyang rnal 'byor pa'i yid kyi spyod yul yid kyi dbang pos rtogs pa nyid gtso bor gyur te/de rnams kyang 'dir chos la btang snyoms te de las ring du gyur pa nyid do/ /de bzhin du sa ra ha'i zhabs kyis kyang / gang du yid rlung mi rgyu zhing / /nyi ma zla ba 'jug med der//rmongs pa sems kyis ngal so gyis/ /sa ra ha yis man ngag bstan/ /rkang pa gnyis pas de la gsal bar byed pa gsungs te/ gsum gsum zhes bya ba la sogs pa ni phyi'i mtho ris dang sa stengs dang sa 'og dang / nang gi lus dang ngag dang yid dang / nyin mo dang mtshan mo dang thun mtshams rnams rnal 'byor ma'i rgyud la sogs par khong du chud par bya'o//de rnams phan tshun bde ba chen pos khyab par byed pa nyid kyis dbye ba'i mtshan nyid mi dmigs pa ste/ rnal 'byor pas don dam par rig pas so/ /de bzhin du lung las kyang / mtho ris sa steng sa 'og rnams/ gcig gi gzugs gyur skad cig las/ /shes pa'i tshig las de rnams kyis don spyod pa pa glu dbyangs zhabs kyis gsungs te/ sum cu bdun dang dgu dang sum cu brgyad/ /de rnams dkyil 'khor gsum la khyad par med/ /ces bya ba la sogs pa rgya cher gsungs so/ /chos thams cad khong du chud pa nag po spyod pa'i zhabs kyis/bdag ni srid pa'i rnam rtog gcod pa po/ /zhes gsungs so/ /rkang pa gsum pas rang gi rjes su bsngags pa gsungs te/ /gang dang gang zhes bya ba la sogs pa ni dngos po gang dang gang skyes pa de dang de'i dngos po thim par gyur pa'o/ / de rnams skye ba dang 'jig pa rnams la kun rdzob kyi bden pa'i rang bzhin bla ma'i drin las yongs su shes pas nag po spyod pa'i zhabs kyi yid khyad par du 'phags pa yongs su dag par gyur to/ /de bzhin du lung las kyang / srid pa'i de nyid yongs shes na/ /mya ngan 'das zhes bya bar brjod/ / rkang pa bzhi pas lam gyi rjes su bsngags pa gsungs te/ 'di ni zhes bya ba la sogs pa ni rang nyid kyi bdag la 'bod par byed de kye'i rdo rje nag po zhabs rim pa lnga sngon du song na slar yang rgyal po'i pho brang bde ba chen po'i grong khyer pa dag la shin du nye bar 'gyur ro/ /de bzhin du klu sgrub zhabs kyis kyang /bskyed pa'i rim la legs gnas nas/ /rdzogs pa'i rim pa 'dod rnams kyi/ /de thabs rdzogs sangs rgyas kyis kyang / /skas kyi rim pa bzhin du sprul/ /lha rnams rol pa zhes bya ba'i glu dbyangs la ba'i na bza' can gyi zhabs kyis kyang / snying rje'i gru ni gser gyis rab tu khengs//dngul la gzhag pa'i gnas nyid med par gyur/ /nam mkha' bltas nas la ba pa yis 'gro/ /skye ba song nas slar yang ji ltar 'byung / /gru yi brtod phur thong la nyag thag thong / /bla ma dam pa la dris pa yis 'gro/ /gru yi mjug la zhon pas mtshon zhing 'gro/ /gru skya med par mnyen pa gang gis 'gro//byang dang lho dag bcum nas gru sna zhon/ /bde ba chen po'i grogs dang lam du 'dzom/ /mchog gi snying rje'i dga' ba'i thugs tshim pa'i la ba'i na bza' can gyi zhabs kyi snying rje'i dgongs pa'i skad kyi de kho na nyid kyi don gsal bar mdzad nas gsungs te/ gser zhes bya ba la sogs pa ni snying rje'i zhes bya ba dgongs pa'i skad kyis de la de bzhin du byang chub kyi sems la gru zhes bya ste/gzugs kyi rgyan du gzhan la rtogs par bya'o/ /de dang de'i bdag nyid de yis rnam pa thams cad dang ldan pa'i stong pa nyid dang lhan cig bla ma'i drin gyi bcud kyis gang nas bde ba chen po'i 'khor lor 'gro ba'o//rgya mtsho'i steng du 'gro ba ni bdag nyid la bod pa ste grub pa'i slob dpon la ba'i na bza' can gyi zhabs kyis bsgrod par byed pa'o/ /rU pa zhes bya ba la sogs pa ni gzugs dang tshor ba dang 'du shes dang 'du byed dang rnam par shes pa la sogs pa rnams kyi dbye ba'i gnas med pa ste/thams cad de bzhin nyid de'i rang bzhin yin pa'i phyir ro/ /de rnams bzhi pa'i thab sa la grus 'gro ba ste/ bdag grub pa'i slob dpon du gyur nas skye ba mtha' dag tu ldog par mi 'gyur ro zhes pa'i don no/ /de nyid bdag la bod pa ste la ba'i na bza' can gyi zhabs la rnam par mi rtog pa rab tu 'bab pa goms par gyis shig pa'o//de bzhin du rab tu mi gnas pa gsal bar mdzad pa las kyang / ji srid 'ga' zhig rnam par rtog /rab skyes yid ni spang bya ste/ /de srid du ni gnyis nyid phyir/ / gang yang dga' ba'i ngo bo nyid/ /mchog tu bde bar byed pas so/ /de yang rnam par rtog pa tsam/ /gang yang chags pa dang bral ba'i/ /dngos med de yang de gnyis la/ /de yi dngos por 'dzin pa'i phyir/ /mya ngan 'da' bar mi 'gyur ro/ /'ga' zhig kyang ni yul nyid la/ /rnam par mi rtog bdag sems las//de bzhin du byang chub sems dpa'i spyod pa la 'jug pa las/ /mi yi gru la brten nas ni/ /sdug bsngal chu bo che las sgrol/ /gru 'di phyis nas rnyed dka' bas/ /rmongs pa dus su gnyid ma log /rkang pa gzhan gyis de nyid kyi don gsal bar gsungs te/ brtod phur zhes bya ba la sogs pa ni dang po la snang ba'i nyes pa la bla ma'i gsung gis brtan pa skyed par byed do/ /kye'i mchog gi rnal 'byor pa zhes so/ /nyag thag ni ma rig pa'i srad bu myur du grol bar byas la de yis 'gro bar gyis shig pa'o/ /de rnams kyi snang ba'i khyad par gyis bla na med pa'i chos mngon sum du byed par 'gyur te/'dir the tshom med do/ /rkang pa gsum pas bla ma'i gdams pa dang bral bas phyin ci log tu gyur par gsungs te/ gru'i mjug ces bya ba la sogs pa ni dga' bral gyi lam du song nas phyogs bzhir gzung ba dang 'dzin pa la sogs pa'i rnam par rtog pa la gal te lta zhing rtog par byed na de'i tshe bla ma'i gsung gi mnyen pa dang bral bas lhan cig skyes pa'i dga' ba'i ngo bo nyid kyis rab tu bgrod pa bde ba chen po'i 'khor lor 'gro bar mi nus te/slar yang nges par 'khor bar ltung bar 'gyur te/ de ltar yang nag po spyod pa'i glu dbyangs kyis kyang /dong du lhung na ga pur nyams par 'gyur/ /zhes gsungs so/ /gang zhig slar yang bla ma dam pa'i gsung gis rdo rje dang chu skyes kyi bde ba'i rjes su tshol bar byed pa de 'khor ba'i rgya mtsho'i pha rol du 'gro bar 'gyur ro/ /de bzhin du nag po spyod pa pa glu dbyangs zhabs kyis kyang /gang zhig phug pas yid kyi rin po che/ /nyin re nyin re lhan cig skyes pa 'phro/ /de nyid kyis ni chos kyi gnas nyid shes/ /thub pa rnams kyis gzhan du ci zhig gsungs/ /rkang pa bzhi pas 'bras bu gsal bar byed pa gsungs te/ byang dang lho zhes bya ba la sogs pa ni g.yon dang g.yas kyi snang ba gnyis po dbus su rab tu zhugs pa'i phyir lam sna tshogs pa'i dga' bar gyur pa byang chub kyi sems la rang gi ye shes yongs su sbyangs nas bde ba chen po'i 'khor lo rgya mtshor mtshon nas de'i tshe 'dzom pa ste/de la lam du ni bde ba chen po'i grogs bdag med pa'i ye shes la mngon par 'khyud pa bdag nyid kyis thob par 'gyur ro//pa Da ha'i tshogs pa zhes bya ba'i glu dbyangs nag po spyod pa'i zhabs kyi'o/ /e waM yi ge brtan byas ka gnyis nyed/ /rnam pa sna tshogs khyab byed 'ching ba ston/ /kAh+Na rtse zhing sbrang gi chang gis myos/ / lhan skyes chu skyes tshal zhugs sems med gyur/ /ji lta ji ltar glang chen glang mor chags/ /de lta de ltar de nyid ngos 'gram 'bab/ /'gro drug mtha' dag rang bzhin dag pa ste/ /dngos dang dngos med la chags ma dag pa/ /stobs bcu'i rin chen phyogs bcu rnams su 'phro/ /rig pa'i glang dbang nyon mongs nyid kyis btsal//dga' ba'i tshogs pas khyab pa de yis nag po glu dbyangs zhabs kyi sems kyi glang po che'i dgongs pa'i skad kyis de nyid kyi don gyi gzugs kyi rgyun du gsungs te/ e waM yi ge zhes bya ba la sogs pa'i baM yig zla ba'i snang ba e yig nyi ma ste/ gnyis po nyin mo dang mtshan mo'i shes rab ka ba gnyis mnyes nas snang ba med par byas te/rdo rje bzlas pas gzhan sna tshogs pa'i rab tu byed pa a wa d+hU tI khyab byed 'gog pa phyung nas gsum po de rnams kyi dmigs pa med pa'i chang gi btung bas rab tu myos pa'o/ /yod pa'i shes pa la glang po che'i dbang por spyod pa'i zhabs kyis gsungs so//chu skyes tshal ni bde ba chen po'i chu skyes kyi tshal du phyin na rnam par mi rtog par rol bar byed pa'o/ /de bzhin du 'phags pa klu sgrub zhabs kyis kyang / phyi rol gang de bden med rang bzhin bral/ /shes pa yang ni phyi rol don bzhin no//gang zhig stong par yongs su rtog byed na/ /de yang stong nyid 'dod pa 'ba' zhig min/ /de nyid yongs su rtog pa'i dngos tshogs ni/ /de nyid med la de nyid gcig pa'i blos/ /sgyu ma'i gar mkhan gar gyi bya ba la/ /gar mkhan rnal 'byor dbang phyug rtse bar byed//rkang pa gzhan gyis de nyid gsungs pa ste/ /ji lta ji ltar zhes bya ba la sogs pa ni ji ltar phyi rol du glang po che glang mo la chags pa'i myos pas rgyug par byed do/ /de bzhin du bcom ldan 'das bdag med ma la chags pa de yis sems ni glang po che'i dbang po nag po spyod pa pa'i zhabs kyi de bzhin nyid kyi chang rab tu 'bab par byed do//de'i phyir rkang pa gsum pas dngos po dang dngos po med pa'i dmigs pa gsungs te/ 'gro drug ces bya ba la sogs pa ni sgo nga las skyes pa dang / mngal las skyes pa dang / drod gsher las skyes pa dang / rdzus te skyes pa'i lha dang lha ma yin la sogs pa'i 'gro ba drug po rnams kyi rnal 'byor gyi dbang phyug dngos po thams cad ngo bo nyid kyis yongs su dag pa'i skra'i rtse mo tsam yang ma dag pa med pa'o//de bzhin du dbu ma'i bstan bcos las/ 'di la bsal bya ci yang med/ /gzhag par bya ba cung zad med//yang dag nyid la yang dag lta/ /yang dag mthong na rnam par grol/ /rkang pa bzhi pas dge ba'i rtsa ba yongs su smin pa'i mtshan nyid gsungs te/ stobs bcu zhes bya ba la sogs pa ni stobs bcu dang mi 'jigs pa la sogs pa'i yon tan de bzhin nyid kyi rin po che phyogs bcur khyab pa de yis nyams su myong ba goms pa'i stobs kyis 'phro ba dag nyid kyi'o//de'i phyir de bzhin nyid kyi rin po che'i mthus ma rig pa'i glang po che'i dbang po ma chags pa'i myos pa gang las so/ /de sha kha zhes bya ba'i glu dbyangs nag po spyod pa'i zhabs kyis so/ / grong khyer phyi rol g.yung mo khyod kyi khyim/ /reg gin reg gin 'gro de bram ze'i bu/ /kye'i g.yung mo khyod dang mnyam 'grogs bya/ /kAh+Na thod pa'i rnal 'byor skyug bro spangs/ /gcig nyid pad 'dab drug cu rtsa bzhi la/ /der gnas g.yung mo gar byed pa pu lI'i/ /bdag gis g.yung mo khyod la bden dngos dris//'ong dang 'gro ba gang gi gru la byed/ /rgyud 'tshong g.yung mo gzhan yang me tog stegs/ /khyod kyi ched du 'dam bu'i stan gzhag go/ /kye khyod g.yung mo bdag ni ka pA li/ /khyod kyi ched du bdag gi rus phreng bcas/ /rdzing bu bcom nas g.yung mo pad rtsa zos//g.yung mo blangs nas bdag gi pha rol gsod/ /de kho na nyid kyi don bdag med pa'i chos khong du chud pa nag po spyod pa'i zhabs kyis g.yung mo'i sgras dgongs pa'i skad kyis gsungs te/ grong khyer zhes bya ba la sogs pa ni mi reg pa'i sbyor ba'i phyir te/ g.yung mo ni yongs su dag pa'i a wa d+hU tI bdag med mar khong du chud par bya'o//bram ze zhes pa ni bram ze hUM yig gi sa bon las skyes pa g.yo ba'i sbyor ba las sems ni bram ze'i bu'o/ /man ngag thob pa'i rnal 'byor pas byang chub kyi sems kun rdzob khu ba'i gzugs nor bu'i rtsa ba las dga' bral la reg kyin reg kyin khyod 'gro ste kye bdag med ma'i grong khyer la zhes so//de phyi rol gyi gzugs la sogs pa'i tshogs par shes par bya'o/ /dbang po'i spyod yul ma yin pa nyid kyis bla ma'i man ngag gis khyod kyi khyim ni bde ba chen po'i 'khor lo la bdag grub pa'i slob dpon nag po zhabs kyis rtogs pa zhes so//kye'i g.yung mo zhes bya ba la sogs pa ni kye'i g.yung mo ni bdag med ma khyod dang bdag lhan cig mngon par 'khyud par bya'o/ /gang dang 'dra ba'i gnas de dang 'dra ba dag la bdag ni skyug bro ba dang ngo tsho ba la sogs pa'i skyon dang bral ba'o/ / de bas na bdag rtag tu rgyun mi 'chad par 'dzin pas thabs dang shes rab kyi bdag nyid can phyag rgya chen po'i dngos grub 'thob bo/ /ji ltar dpal dgyes pa'i rdo rje las kyang / thabs dang shes rab bdag nyid rgyud/ /de la bdag gis bshad kyis nyon/ /rkang pa gnyis pas goms pa'i gnas gsungs te/gcig nyid ces bya ba la sogs pa ni sprul pa'i 'khor lor pad+ma 'dab ma drug cu rtsa bzhi dang ldan pa la de la gnas pa'i bcom ldan 'das bdag med ma dang lhan cig ro gcig de yis chags pa chen po'i dga' bas shin tu yid du 'ong ba nyid kyis nag po spyod pa pa gar byed do//de bzhin du dpal dgyes pa'i rdo rje las kyang / gar ni he ru ka gzugs kyis/ /rjes dran thob pa sbyor ba las/ /rkang pa gsum pas bdag med ma khong du chud pa brtan par byed do/ /kye'i khyod ces bya ba la sogs pa ni kye'i bdag med ma bden pa'i dngos po'i rang bzhin gyi bsam pas khyod la bdag gis dris pa'o//chos thams cad bdag med pa de'i gang gis kun rdzob byang chub kyi sems kyi gru'i lam gyis khyod kyis 'gro ba dang 'ong ba byed pa khyod kyis mi byed do zhes pa'i don te/ thams cad lhan cig skyes pa'i ngo bo nyid kyis zhes so//de bzhin du dpal dgyes pa'i rdo rje las kyang / de phyir 'gro kun lhan cig skyes/ /lhan cig skyes pa'i ngo bor brjod/ /ngo bo nyid ni mya ngan 'das/ /rnam dag rnam pa'i sems nyid do/ /rkang pa bzhi pas chos thams cad bdag med pa'i ngo bo nyid du gsungs te/ rgyud ces bya ba la sogs pa ni rgyud ces pa b+ha ga pad+ma'i gnas su ma rig pa'i rang bzhin no//me tog stegs ni de'i 'dab mar yul gyi snang ba'o/ /de dag bla ma'i zhabs kyi drin gyis bdag nyid 'tshong ba ni khyod kyis yongs su spong bar byos kye'i bdag med ma zhes so/ /de'i phyir gar mkhan bzhin du 'khor ba'i mdzod dag gis khyod kyi ched du yongs su spang par bya'o zhes so//rkang pa lnga pas rnal 'byor gyi dbang phyug gi spyod pa rab tu gsal bar gsungs te/ kye'i khyod ces bya ba la sogs pa ni kye'i g.yung mo bdag med ma'i rang bzhin de yis khyod la bzang pos bla ma dam pa'i drin las bdag gis shes so//bdag kyang thod pa can gyi spyod pa 'dzin pa ste/ kaM ni khyod kyi bde ba/ pA ni skyong bar nus pa'o/ /de'i phyir khyod kyi ched du bdag nag po spyod pas de bzhin gshegs pa drug gi 'khor lo dang rna rgyan dang mgul rgyan dang rus rgyan gyi spyod pa bzung nas phyi rol gyi sngags dang rgyud la ltos pa med pa des rigs lnga'i spyod lam bya'o//de bzhin du nag po spyod pa'i zhabs kyis kyang / gal te sngags rgyud cung zad cig med par/ /rang gi chung ma blangs nas rtse bar byed/ /rang khyim chung ma ji srid ma dag pa/ /de srid rigs lnga'i spyod lam gal te ci/ / rkang pa drug pas g.yung mo'i dbye ba rnam pa gnyis gsungs te/ rdzing bu zhes bya ba la sogs pa ni bla ma'i drin gyis rnam par dman pa yis/ /de nyid g.yung mo a wa d+hU tI pa yongs su ma dag pa can no/ /rdzing bu ni lus kyi rdzing bu'o/ /de la rtsa ba de bzhin nyid byang chub kyi sems kun rdzob khu ba'i ngo bos gsod pa ste/bdag gis rang bzhin med par byed pa'o/ /de bzhin du phyi rol gyi bstan bcos las kyang / gang zhig sngags kyis byin brlabs chu/ /snod kyi khyad kyis bskur ba 'thob/ /sbrul gyi kha ru mid gyur na/ /nya phyis las skyugs mu tig gi/ /nA DI pa dang Dom+bi pa'i zhabs kyis stong pa zhes bya ba la sogs pa'i glu ni rnam par ma bshad do//pa Da ha many+dza ri zhes bya ba'i glu dbyangs nag po spyod pa'i zhabs kyi'o/ /nA Di nus ldan brtan gzung kha T+wI ga/ /gzhom med Da ma ru sgrogs dpa' bo'i gdangs/ /kAh+Na thod can rnal 'byor zhugs nas spyod//lus kyi grong khyer zhes byar rigs gcig spyod/ /A li kA li dril bu rkang gdub can/ /zla ba nyi ma rna ba'i rgyan du byas/ /'dod chags zhe sdang gti mug thal bas byugs/ /mchog gi thar thob mu tig do shal bcangs/ /sgyug mo a ne skud po khyim du gsod/ /ma ni gsod pas kA h+Na ka pA li//mchog gi bde ba chen pos brjid pa'i nag po spyod pas slar yang de kho na bzhin du don dam pa rab tu rtogs par bya ba'i phyir gsungs te/ nA DI zhes bya ba la sogs pa ni rtsa sum cu so gnyis la de rnams kyi nang nas nus ldan gyi rtsa ni gtso bo a wa d+hU tIr khyad par gyi dga' ba'i ngo bo bla ma'i drin las nor bu'i rtsa bar rnam par gzung bar bya'o//kha T+wAM ga zhes bya ba ni kha ni stong pa nyid 'od gsal bas lhan cig skyes pa la yang dag par reg pa'o/ /Da ma ru'i sgra ni gzhom du med pa'i dbyangs dpa' bo'i gdangs kyis stong pa nyid seng ge'i sgra sgrogs par gyur pas nag po spyod pa pa ni thod pa can no//lus kyi grong khyer du rab tu zhugs nas rab tu spyod pa ni nyon mongs pa mngon par za ba'i tshul gyis rigs gcig pa de yis spyod lam gyis 'chag par byed ces so/ /rkang pa gnyis pas rnal 'byor pa'i rgyan gsungs te/A li zhes bya ba la sogs pa ni dang por re zhig rnal 'byor gyi dbang phyug gis rdo rje'i bzlas pas yongs su sbyangs pa'i zla ba dang nyi ma la sogs pas dril bu dang rkang gdub la sogs pa rnal 'byor pa'i rgyan du byed pa zhes so/ /rkang pa gsum pas rnal 'byor pa'i rgyan gsungs te/'dod chags zhes bya ba la sogs pa ni de rnams de bzhin du bde ba chen po'i 'dod chags kyi mes 'dod chags dang zhe sdang la sogs pa sreg par byed pa'o/ /thal ba de rnams kyis lus la rnam par byugs shing slar yang rdo rje sems dpa'i rang bzhin gyis bdag la dmigs te/mchog gi thar pa'i mu tig gis brgyan nas 'chag pa'o zhes so/ /rkang pa bzhi pas thod pa can gyi spyod pa gsungs te/ gsod pa zhes bya ba la sogs pa ni sngon du gsungs pa'i rlung ste/ de la yid dang rlung dbang du byas te mig gi dbang po la sogs pa'i rnam par shes pa'i rlung sna tshogs pa'i rab tu byed par khong du chud par bya'o//de la ma rig pa yang rang bzhin med par byas la sgyu ma'i tshul gyis thabs dang shes rab dbyer med pa la nye bar spyod pa nag po'i spyod pa pa ste/ 'gro ba pa la 'gro ba'i don gyi bsam pas rdo rje thod pa can du byas nas 'khyam pa'o//de bzhin du da u Da'i zhabs kyis kyang / /sems can rdo rje 'dzin dang 'gro ba yi/ /bud med thod pa can gyi chung ma mtshungs/ /nga rgyal dang bcas he ru ka gzugs des/ /bcom ldan gang zhig bdag ni dbye ba med//ji ltar dpal gyi pad+ma'i myos byed dang / /go ku da ha nar byas gus par gyis/ /'di yis thams cad blo gros dbang po rnams/ /rtse gcig yid kyi rnal 'byor dbang phyug 'grub/ /rnga bo che zhes bya ba'i glu'i dbyangs nag po zhabs kyi'o/ /snying rje'i rgyal mtshan rgyan po rtse bar byed//bla ma'i gsung gis srid pa'i stobs las rgyal/ /phyogs su Du a bskul na rgyal po la/ /phan thabs kA h+Na rgyal ba'i pho brang nye/ /dang por mi red bton na gsod par 'gyur/ /glang chen bton nas skye bo lnga dang rtses/ /blo yis rgyal po yongs su mya ngan 'das//nges par byas pas srid pa'i dpung las rgyal/ /kAh+Nas smras pa bdag ni bde mchog bzang / /re mig drug cu rtsa bzhi rtsis nas len/ /slar yang de la de lta bu'i don rgyan po 'gyed pa dgongs pa'i skad kyis nag po spyod pa'i zhabs kyis gsal por gsungs te/snying rje'i zhes pa ni rang byin gyis brlabs pa sems kyi ngo bos sems su shes par bya'o/ /rgyal zhes pa ni de'i rten ting nge 'dzin gyi sgrib pa skyon bdun rtogs par bya'o/ /de rnams las rgyal ba ni dmigs pa med ces bya'o/ /rgyan po ni sngags kyi tshul gsang la bzhi pa'i dga' ba'i stobs de la de bzhin du byang chub kyi sems rdo rje bla ma'i man ngag las yang dag par rdo rje dang chu skyes mnyam du sbyor ba gnyis po gcig pa de yis rgyun mi 'chad par dga' ba mngon par sbyor bar rtse bar byed pa ni srid pa'i stobs yul snang ba'i stobs las nyon mongs pa'i dbang gis bdag cag nag po spyod pa pa rgyal ba zhes so//brtan pa'i rkang pas gsal bar gsungs te/ bskul na zhes bya ba la sogs pa ni dang po de bzhin du rdo rje bzlas pa'i rim pas snang ba gnyis po ste bskul ba zhes pa ni gcod par byed pa'o/ / yang rgyal po ni ma rig pa'i sems la phan par byed pa po'i thabs kyis zhes te/ chags pa'i mthar khyad par gyi dga' ba byung ba'i dus su byang chub kyi sems mi 'gyur ba man ngag gi khyad par gyi dga' bas nag po spyod pa rgyal po'i pho brang rang nyid kyis nye bar 'joms par gyur pa zhes so//de bzhin du u Da'i zhabs kyis kyang / /chags pa'i mtha' mar khyad par dga' 'dzug pa/ /bsams pa yis ni rang bzhin gnas par byed/ /gang zhig shes pa'i yid ni rab tu 'jug /gzhan yang rlung dag 'gog par gyur pa yis/ /gang la dus de gzhan du 'byung mi 'gyur//bde ba mngon sum pha rol de yis gnas/ /de la rang gi nyams myong gang de slar/ /phyag rgya chen po'i dngos grub sgrub pa'i phyir/ /rkang pa gnyis pa goms pas shin du 'gro ba gsungs te/ dang por zhes bya ba la sogs pa ni mi reng zhes bya ba dgongs pa'i skad kyis drug cu lhag pa brgya'i rang bzhin dag gis rdo rje bzlas pa'i rim pas dang po la rang bzhin med par byas nas slar yang glang chen zhes pa ni rnal 'byor gyi dbang phyug gi de bzhin nyid kyi sems glang po che'i dbang pos phung po lnga'i bdag nyid dang yul lnga'i dar byed pa dang bdag tu byed pa la sogs pa'i rgyan po rab tu spangs nas bdag med pa mngon sum du byed pa zhes so//rkang pa gsum pas de nyid gsal bar gsungs te/ blo yis zhes pa ni blo gros shes rab kyi pha rol tu phyin mar reg par bya'o/ /rgyal por zhes pa ni nyon mongs pas bskyed pa'i sems yongs su mya ngan las 'da' bar skyed par byed pa'o//de'i phyir srid pa'i dpung gi dngos po'i grong gi stobs gzugs la sogs pa'i yul rnams las rang gi brel ba mtha' dag byas pas bdag rgyal ba'o/ /de bzhin du klu sgrub zhabs kyis kyang /gang gi sems kyis byis de rnams/ /'khor ba nyid du 'ching bar 'gyur/ /rnal 'byor sems de nyid kyis ni/ /bde bar gshegs pa'i go 'phang 'gyur/ /rkang pa bzhi pas bdag rnal 'byor pa'i go 'phang gi rjes su bsngags pa gsungs te/ smras pa zhes bya ba la sogs pa ni nag po spyod pa pas gsungs pa'o/ /bde mchog ni yang dag pa ji lta ba'i bsam pa'i dgongs pas re'u mig drug cu rtsa bzhi sbrul ba'i 'khor lor gnas par byas nas rang sems 'od gsal ba rang gis 'dzin pa'o/ /'dod pa sbyin pa zhes bya ba'i glu dbyangs nag po zhabs kyi'o//skyabs gsum grur byas gzhon nu ma rnams brgyad/ /rang lus snying rje stong pa'i chung ma can/ /srid mtsho las sgrol sgyu ma rmi lam bzhin/ /dbus su rdzing bcas chu rlabs yong mi shes/ /de bzhin gshegs pa lnga yis mnyen pa byas//kAh+Na lus ni sgyu 'phrul las sgrol byed/ /dri reg ro ni ji lta de lta'o/ /gnyid ni med kyang rmi lam de bzhin no/ /sems kyis mnyen pas stong nyid grur 'jug la/ /zhon nas kAh+Na bde ba chen po'i grogs/ /gsungs pa'i don bstan par bya ba'i phyir glu gzhan gyis gsungs te/skyabs gsum zhes bya ba la sogs pa ni gsum ni lus dang ngag dang yid do/ /yid de ni bzhi pa gang la thim par gyur pa'o/ /de la bde ba chen po'i lus la gru'i dgongs pa'i skad du brtag par bya'o/ /de'i phyir stong pa dang snying rje dag gcig pa nyid ni rang lus te/zung du 'jug pa'i ngo bo de yis bde ba chen po'i lus kyis so/ /gzhon nu ma rnam brgyad ces pa ni sangs rgyas kyi dbang phyug la sogs pa'i bde ba nyams su myong ba'o/ /d+h+rU'i rkang pas bzhi pa'i thabs kyi rjes su bsngags pa gsungs te/ sgrol zhes bya ba la sogs pa ni thabs kyi gru de yis srid pa'i rgya mtsho las nag po spyod pa pas sgrol ba'o//sgyu ma'i rang bzhin dang rmi lam gyi dper byas te dbus su rdzing ni lus la mchog tu dga' ba rang byin gyis brlab pa'i sems kyi chu rlabs ni g.yo ba dang bcas pa'i bde ba za ba'i rang bzhin zhes te 'dir ni rang gi tshor ba yang mi dmigs pa'o//de bzhin du klu sgrub zhabs kyis kyang rab tu mi gnas pa gsal ba las/ ji srid 'ga' zhig rnam par rtog /rab skyes yid ni spang bya ste/ /de srid du ni gnyis nyid phyir/ /gang 'dir dga' ba'i ngo po nyid//mchog tu bde bar byed pa'o/ /de yang rnam par rtog pa tsam/ /gang yang chags pa dang bral ba'i/ /dngos med de yang de gnyis la/ /de yis dngos por 'dzin pa'i phyir/ /mya ngan 'da' bar mi 'gyur ro/ /'ga' zhig kyang ni yul nyid la/ /rnam par mi rtog bdag sems las//rkang pa gnyis pas phung po yongs su dag pa gsungs te/ de bzhin gshegs pa lnga zhes bya ba la sogs pa ni rnam par dag pa de bzhin gshegs pa lnga'i bdag nyid rang gi lus mnyam par yongs su shes par bya'o//bde ba chen po'i gru bzung nas bdag nyid la rang gis bod pa ste/ kye'i nag po spyod pa'i zhabs sgyu ma'i dra ba ltar byas pa'i phung po khams la sogs pa'i yul gyi rgya mtsho dgag par gyis shig pa'o/ /de bzhin du sU ta ke las kyang / phung po dang ni khams dang de bzhin dbang po rnams//lnga nyid lnga nyid rab tu dbye ba byas pa las/ /re re yang ni de bzhin gshegs pas byin gyis brlabs/ /'khor ba'i las rnams gang las 'byung ba nyid du 'gyur/ /rkang pa gsum pas the tshom med par rtogs par bya ba'i phyir sgom pa rnam par dag pa gsungs te/dri zhes bya ba la sogs pa ni phyi rol gyi dri dang ro dang reg bya la sogs pa'i yul la ji lta ba de bzhin du chos thams cad kyi ngo bo nyid khong du chud pa de las so sor gnyid dang rmugs pa dang bral ba de yis so/ /gnyid sad pa'i gnas skabs su yang rmi lam bzhin du so sor gsal ba'o//de bzhin du mdo las kyang / gnyid log rab tu sad nas don la dbye ba med/ rmi lam 'bras bu mngon 'dod yang dag rtog byed pa/ /nyin dang mtshan du rmi lam dang ldan skye bo rnams/ /rab tu 'bad pa chen pos yun ni ring pos bsgrub//rkang pa bzhi pas lam gyi rjes su bsngags pa gsungs te/ sems kyi zhes bya ba la sogs pa ni rnam pa thams cad dang ldan pa'i stong pa nyid kyi gru'i lam la sems gdos pa 'dzin par yang dag par bskyed pa dang 'grogs te nag po spyod pa'i zhabs bde ba chen po'i gling dang mtshungs par 'gro bar byed do//d+ha ni sI zhes bya ba'i glu dbyangs Dom+bi pa'i zhabs kyi'o/ /gang+gA dang ni ya mu na dbus gtsang po 'bab/ /der zhugs gdol pa'i bu mo rol pas sgrol bar byed/ /bskyod cig Dom+bi kye'i bskyod cig Dom+bi'i lam ni drang po la/ /bla ma dam pa'i zhabs kyi drin gyis slar yang rgyal ba'i pho brang 'gro//skyab 'dzin pa lnga yis gru 'jug skul byed gdang bu rgyab tu bcings/ /nam mkha'i ko ba chu yis bran pas mtshams nas chu ni 'byung mi 'gyur/ /zla ba nyi ma gnyis kyi 'khor lo bskyed dang sdud pa bu lin+dA/ /g.yon dang g.yas kyi lam mi bsam zhing rgyun mi 'chad par 'bab//Dom+bi 'gron bu mi len rang gi 'dod pas pha rol sgrol bar byed/ /gang zhig de la zhugs nas bgrod mi shes pa phan tshun dogs su 'bying / /de la de lta bu'i don mchog gi snying rjes slar yang grub pa'i slob dpon Dom+bi pas grus bsgrod pa dgongs pa'i skad kyis gsungs te/gang+gA zhes bya ba la sogs pa ni gang+gA dang ni ya mu na dgongs pa'i skad kyis zla ba dang nyi ma'i snang ba gzung ba dang 'dzin pa'i ste/ gang gis khu ba'i rtsa la khyad par gyi dga' ba a wa d+hU tI'i dbus su 'jug pa'o/ / de'i phyir de nyid gru dgongs pa'i skad du rtogs par byed do/ /de la gnas pa'i lhan cig skyes pa'i chang gi btung ba ni gdol pa'i bu mo g.yung mo bdag med mas 'khor ba'i gru la rnal 'byor gyi dbang phyug pha rol du sgrol bar byed pa'o/ /brtan pa'i rkang pas rkyen gyi yang dag par mthong ba las dge ba la goms par byed pa ste/bskyod cig ces bya ba la sogs pa ni lhan cig skyes pas sbyangs pa'i khyad par gyi dga' ba'i lam thob par gyur nas zas dang skom la khyod chags sam kye'i Dom+bi zhes bdag nyid la 'bod par byed de/ ci'i phyir yun ring sdod par byed//bla ma dam pa'i drin gyis rgyun mi 'chad par goms par byed par slar yang rgyal ba'i pho brang bde ba chen po'i grong khyer dang shin tu nye bar gnas pa'o/ /de bzhin nyid kyi rjes su sems pas rgyun mi 'chad par bsgrod cing goms par bya'o/ /rkang pa gnyis pas goms pa'i rjes su bsngags pa gsungs te/lnga zhes bya ba la sogs pa'i skya ba 'dzin pa ni rim pa lnga'i man ngag blangs nas gdang bu ni nor bu'i rtsa bar gyur pa de nyid byang chub kyi sems lhan cig skyes pa'i dga' bas rnam par bzung ste/ dri ma med pa brgya yis 'khor lo'i phyogs su 'bab par bya'o//nam mkha'i go ba ni dbang bzhi pas dbang bskur ba dang ldan pa'i rnal 'byor gyi dbang phyug gi lus la chu ni yul la g.yo ba mi 'jug pa'o/ /rkang pa gsum pas goms pa'i khyad par las snang ba gsum 'gog pa gsungs te/ 'khor ba skyed pa dang sdud pa'i byed pa po'o/ /chos thams cad dmigs pa med pa'i rgya mtsho la 'gro ba na g.yas g.yon dang mdun rgyab tu mi lta ba zhes so/ /kye'i Dom+bi rang gi 'dun pas mtshan nyid dang bral bas rnam par sbyangs pa'i byang chub kyi sems kyis gru la goms par bya'o//rkang pa bzhi pas bdag med pa'i chos kyi rjes su bsngags pa gsungs te/ 'gron bu zhes bya ba la sogs pa ni phyi rol du phan tshun du sgrol bar byed pa la glu dbyangs 'gron bu la sogs pa len par byed pa'o/ /de kho na nyid la gzungs pa dang 'dzin pa de yis bcom ldan 'das ma bdag med ma de mi len pa'o//shes ba tsam du bzung ba de yis srid pa'i rgya mtsho las pha rol du byed pa'o/ /bdag med ma'i chos la 'dris med pa'i phyi'i bstan bcos kyi nga rgyal can gyi rnal 'byor pa gang zhig de rnams kyi lus kyi ngogs su 'khyam par 'gyur te/mi shes pa'i byis pa rnams ngogs su 'bying par 'gyur ro/ /dga' bar byed pa zhes bya ba'i glu dbyangs shAn+ti pa'i zhabs kyi'o/ /rang rig rang bzhin rnam dpyod pa/ /mtshan nyid med la mtshon du med/ /gang gang lam ni drang por song / /de yi lam ni gzhan du song //lus kyi ngo bo mi shes pa/ /rmongs pa'i lam drang 'khor ba pa/ /skra rtse til 'bru gcig ma yo/ /rgyal po yi ni gser lam log /sgyu ma la rmongs rgya mtsho yis/ /mtha' dang gting nyid mi rtogs pa'i/ /mngon du gru skya la rdzas mi mthong / /'khrul pa mgon la cis mi 'dri//stong pa'i lam du mtshan ma mthong / /'khrul pa'i bag chags kyis mi 'gro/ /'di yis dngos grub chen po brgyad/ /drang po'i lam du 'gro bas 'grub/ /lho byang gnyis kyi lam 'phrang spangs/ /shAn+tis nyer sdud gsal bar smras/ /khral sa sho gam 'gag med pa'i//mig gis shes pa'i lam la 'gro/ /shin tu mchog tu dga' ba nyid kyi shAn+ti pas de lta bu'i don gsal bar mdzad do/ /rang rig ces bya ba la sogs pa ni yang dag par rdo rje dang chu skyes mnyam du sbyor ba la rang gis yang dag par rig pa ni nyams su myong ba'i rang bzhin gyis grub pa'i slob dpon sha'+n+ti pas mtshan nyid med pa la sogs pa ni rnam par dpyod pa dang //rnam par rtog par ma song ba'o/ /gang yang 'das pa'i rnal 'byor gyi dbang phyug rnams kyang 'dis khyad par gyi dga' ba a wa d+hU ti'i lam mchog tu gyur pas de rnams kyis kyang phyir mi ldog pa bde ba chen po'i 'khor lo'i rdzing bu'i tshal du sbyor ba'o//de bzhin du ra ti badzra gyis kyang / /theg pa chen po cher 'byung ba'i/ /lam mchog 'di ni dpal dang ldan/ /gang gis khyed rnams 'gro 'gyur bar/ /de bzhin gshegs pa nyid du 'gyur//zhes so/ /brtan pa'i rkang pas de kho na nyid kyi don brtan par byed do/ /lus zhes bya ba la sogs pa ni ku la ste rang gi lus la kye'i rmongs pa byis pa'i rnal 'byor pa 'dir khyad par gyi dga' ba'i thabs lam spangs nas lam gzhan gyi sdom pas mngon par bde bar 'gyur ba yin no//de bzhin du ra ti badzra gyis kyang / thabs gzhan gyis ni sangs rgyas min/ /dag pa 'di ni 'gro ba'i bdag /ces so/ /de nas rdo rje'i lam g.yon dang g.yas su skra'i rtse mo tsam la sogs pa'i rnam par rtog pa yang mi bya'o//kye'i byis pa'i rnal 'byor pa ji ltar 'khor los sgyur ba'i rgyal po gser gyi lam bzung nas skyed mos tshal du rol rtsed la 'jug pa ltar 'dir yang rnal 'byor gyi dbang phyug kyang a wa d+hU ti'i lam gyi rol rtsed kyi bde ba chen po'i 'khor lo'i chu skyes kyi skyed mos tshal du 'jug par byed do//de bzhin du bi rU pa'i zhabs kyis kyang / nyi zlar 'gro ba gzhom pa'i phyir/ /rtag tu rdo rje bslang bar bya/ /gzhan du na ni kun spangs 'char/ /srog gi rlung ni 'jug pa med/ /byis pa'i rnal 'byor pa'i dbang du byas nas rkang pa gnyis pa gsungs te/sgyu ma la rmongs rgya mtsho yi/ /zhes bya ba la sogs pa'i sgyu ma ni shes rab tu brjod de/ de la mngon par chags pa ni rmongs pa'o/ /de nyid rgya mtsho chen po de'i mtha'i tshad byis pa'i rnal 'byor pas mi shes so/ de nas de la bla ma dam pa'i gsung gis gru rkyal rnam par spangs nas gzhan gyi gru'i thabs kyang med de/ kye'i byis pa'i rnal 'byor pa bla ma dam pa'i mgon la ci'i phyir 'khrul pa 'dri bar mi byed/ de'i 'khrul pa'i mtha' rnam par spangs nas dpal gyi bla ma'i zhal las bzhi ba'i dga' ba'i thabs blangs nas de'i sgyu ma la rmongs pa rgya mtsho'i mtha' tshad ma'i ngo bo nyid du bya'o//de bzhin du bla na med pa'i mtshams sbyor las kyang / sgyu ma'i des pa thams cad las/ /bud med sgyu ma khyad par 'phags/ /ye shes gsum gyi rab dbye 'di//'di nyid la ni gsal bar mtshon/ /rkang pa gsum pas lam gyi che ba'i bdag nyid gsungs te/ stong pa zhes bya ba la sogs pa ni 'dir yang lam thob nas 'od gsal stong pa nyid du bya ste chad par thal ba'i 'khrul par mi bya'o/ /kye'i rmongs pa 'dir de nyid 'od gsal bas yang sbyangs shing rang byin gyis brlab pa'i sems la sgom pa pos slar yang dngos grub brgyad nges par thob par 'gyur ro//de bzhin du lung las kyang / /lhan skyes ye shes me yis ni/ /sgyu ma'i grong khyer rab dga' bsregs//rtag tu stong nyid mthong ba yis/ /rnal 'byor pa ni lha mig nyid/ /rkang pa bzhi pas de nyid rgyas par bshad pa gsungs te/ byang zhes bya ba la sogs pa ni grub pa'i slob dpon shAn+ti pas lho byang gi snang ba gnyis yongs su sdud pa gsal por byas nas yul gyi dngos por nye bar sdud par byed do//'dir yongs su dag pa'i a wa d+hU tIr khyad par gyi dga' ba'i lam gyis 'gro bar gyur pa la 'gag dang khral sa dang sho gam dang 'phrang la sogs pa'i 'jigs pa med/ rtsa dang tsher ma dngos la sogs pa'i bar chad med pa'o//de nas mig zim bu mi g.yo ba'i mig zung gis yang dag par mthong ste/ de bzhin du lung las kyang / mig ni g.yo ba med byas te/ /mgo ni cung zad [(]smang [,]smad [)]byas nas/ /sems nyid brlan pa'i sems kyis ni/ /stong nyid stong par mig gis mthong //rnga bo che zhes bya ba'i glu dbyangs sa 'dzin zhabs kyi'o/ /rnam gsum sbyor zhing gzhom med sgra ni rab 'jigs glang chen sgrogs/ /de thos bdud rnams skrag byed kye ma yul gyi dkyil 'khor thams cad 'joms/ /sems nyid myos par gyur pa'i glang chen dbang po rgyug /rgyun mi 'chad par nam mkha'i phyogs su nyi zla 'khor/ /dge sdig gnyis kyi lcags sgrog 'then nas ka ba'i gnas su nyed par byed/ /nam mkha' gzhom med sgra ru gyur nas sems ni mya ngan 'das par bzhugs/ /bcud chen btung myos khams gsum ma lus btang snyoms so//yul lnga 'dren byed gang la gang du'ang mi mthun phyogs mi mthong / /mi bzad nyi mas rab tu gdungs pas nam mkha'i 'khor sar 'gro zhing slob/ /ma hen+d+ra yis smras pa 'di la byin te ci yang ngas ma mthong //ye shes kyi btung bas rab tu myos pa'i grub pa'i slob dpon sa 'dzin gyi thugs nyid glang po che'i dbang po dgongs pa'i skad kyis de kho na nyid kyi don rtogs par bya ba'i phyir rnam gsum ni sku'i dga' ba la sogs pa ste/ de la dbyer med pa nye bar spyod pa bzung nas ye shes kyi btung bas myos pa ni thob pa'o//gsang ba 'dus pa las/ /de bzhin du yang sku'i rnam pas thugs la thugs kyi rnam pas sku la/ thugs las gsung gis rab tu brjod par gsungs so/ /de'i gnas las ye shes kyi sbrang gi btung bas rab tu dgyes pa'i grub pa'i slob dpon sa 'dzin gyi thugs nyid glang po che'i dbang po'o//gzhom med pa zhes pa ni stong pa nyid kyi sgra'o/ /rab tu 'jigs shing skrag pa ni stong pa nyid kyi gdangs thos nas mgrin par sgrogs par byed do/ / de la gzhom du med pa'i sgra thos nas 'khor ba skrag par byed pa glo bur gyi phung po dang nyon mongs pa la sogs pa'i bdud rnams 'joms par byed pa'o/ /de bzhin du ra ti badzra gyis kyang / gsang sngags sbyor ba mnyam med pa/ /gang gis shAkya seng ge sogs//mkhas rnams kyis ni bdud kyi sde/ /mi bzad chen po'i stobs chen bcom/ /brtan pa'i rkang pas de'i shin tu dga' bas rab tu tshim pa gsal bar gsungs te/ myos par gyur pa zhes bya ba la sogs pa ni de kho na nyid kyis myos pa'i phyir sems ni glang po che'i dbang po'o//nyi ma dang zla ba nyin mo dang mtshan mo'i rnam par rtog pa bshig nas nam mkha'i man ngag la bzhi pa'i dga' ba'i man ngag blangs nas rgyug par byed pa ni bde ba chen po'i rdzing bu rgyun mi 'chad pa'o/ /rkang pa gnyis pas de kho na nyid gsal bar gsungs te/dge sdig ces bya ba la sogs pa ni sdig pa dang bsod nams dag 'khor ba'i zhags pa gnyis po 'gog pa'i phyir/ ka ba zhes pa ni ma rig pa'i ka ba 'joms pa'o/ /nam mkhar Ta ge zhes pa ni gzhom du med pa'i sgras bskul bar gyur pas de nyid sems kyi glang po che'i dbang po mya ngan las 'das pa'i mtsho'i tshal du 'gro ba'o//de bzhin du nag po spyod pa'i zhabs kyis kyang / sa chu zhes bya ba la sogs pa gsungs so/ /rkang pa gsum pas rang gi sems dang gnyis su med par gsungs te/bcud chen zhes bya ba la sogs pa ni dngos po dang dngos po med pa dag gcig pa'i gzung ba la rnam par rtog pa mi bya'o/ /de'i yul lnga rnams kyi 'dren pa de nyid drug pa rdo rje 'dzin pa chen po'o/ /slar yang nyon mongs pa'i mi mthun phyogs byed pa mi mthong ba'o//rkang pa bzhi pas rnam par mi rtog pa rab tu rtogs par bya ba'i phyir gsungs te/ mi bzad nyi ma zhes bya ba la sogs pa ni bde ba chen po'i 'dod chags kyi mes bskul bar gyur nas de nyid sems kyi glang po che'i dbang po nam mkhar 'khor ba ni bde ba chen po'i 'khor lo'i rdzing bu 'gro zhing thob pa grub pa'i'o slob dpon sa 'dzin gyis de bzhin nyid gsungs so//'di la byin pa ni bdag gis 'di'i ngo bo nyid ci yang ma mthong ba ste/ rnam par mi rtog pa'o/ /de bzhin du lung las kyang /ji srid ji snyed rnam rtog pa/ /de snyed thams cad brdzun pa ste/ /bden pa de nyid de bzhin 'gyur/ /de nyid rnam par mi rtog pa/ /zhes so/ /pa Ta ha many+dza ri'i glu dbyangs pi wang zhabs kyi'o/ /nyi ma'i ku ba zla ba rgyud la sbyar/ /gzhom med dbyig drang a wa d+hU tIr byas//kye'i grogs he ru ka yi pi wang sgrogs/ /rgyud kyi sbra nyid snying rje sgrogs pa can/ /A laM kA li gnyis kyi gnya' non shes/ /bza' mchog ro mnyam mtshan rnams brtsi byas nas/ /gang la shing dang shing bu mnan gyur na/ /de tshe rgyud kyi sgra yis kun du khyab//rgyal po gang byed lha mo glu len byed/ /sangs rgyas gar ni khyad par nyid du dka'/ /de kho na nyid kyi don he ru ka'i don rtogs pa'i pi wang zhabs kyis pi wang gi sgra'i sgo nas rab tu rtogs par bya ba'i phyir nyi ma zhes bya ba la sogs pa la nyi ma'i snang ba ku ba'i rnam par bltas nas zla ba'i snang bas rgyud du byas te/yul gyi 'khor lo can a wa d+hU tIr lhan cig byas nas gzhom du med pa'i sgra dbyig pa la sbyar te/ kye'i grogs mo bdag med ma pi wang zhabs kyis pi wang gi sgo nas dpal he ru ka'i yi ge bzhi po'i don gzhom du med pa'i sgra'i dbyangs su brjod do//de'i phyir stong pa nyid kyi sgra'i dgongs pa'i skad kyis 'od gsal ba ni gzhom du med pa'i gzugs so/ /de nyid srid pa las rnam par grol bar byed pa ste/ srid par 'ching bar byed pa ni ma yin no/ /de bzhin du dgyes pa'i rdo rje las kyang / dngos por 'ching ba gsad par bya/ /zhes bya ba la sogs pa gsungs te/ de bzhin du glu dbyangs gzhan las kyang / srid pa za yis 'ching ba ma yin glo bur ya mtshan can/ /gang gis 'jig rten 'ching yang rnal 'byor de yis grol ba'ang byed/ /rkang pa gnyis pas de'i don bstan par byed do//A li zhes bya ba la sogs pa A li dang kA li'i yi ge rnams kyi nang nas snying po'i yi ge a yin te/ de bzhin du mtshan yang dag par brjod pa las kyang / /a ni yig 'bru kun gyi mchog /ces pas de la mi 'gyur ba'i ngo bo nyid rtogs pas bza' mchog ni sems kyi rgyal po'i nyes pa'i mtshams kyi bu ga brtsis nas de nyid pi wang zhabs kyi de kho na nyid kyi don gyi sgra'i sgo nas rtogs par bya ba'i phyir gsungs so//de bzhin du lung las kyang / rags par sgra yi dngos por gsungs//de bzhin phra mor sems dngos te/ /sems nyid dang bral gang yin pa/ /de nyid rnal 'byor mi bzad gnas/ /rkang pa gsum pas ngo bo nyid kyi rang bzhin gsungs te/ kA li zhes bya ba la sogs pa ni sna'i shing ni sems te sems kyi rnga mong rtogs par bya'o//shing bu ni phra mo ste snying rje gzhom du med pa'i cha 'od gsal du rtogs par bya'o/ /gang la mtshan nyid dang bral ba'i dus su sems kyi rnga mo des 'od gsal 'dren pas na mnan par gyur pa ni kun du 'gro bas de'i tshe rtsa sum cu so gnyis lha'i gzugs so//sgra zhes pa ni gzhom du med pa bdag med ma'i ye shes kyi thabs dang shes rab kyi bdag nyid dngos po dang dngos po med pa la khyab pa zhes so/ /de bzhin du sa ra ha'i zhabs kyis kyang / de la de nyid ces bya ba la sogs pa gsungs so/ /rkang pa bzhi pas 'bras bu thob pa'i dga' bas rdo rje'i rkang stabs kyi gar byed pa zhes so//gar zhes bya ba la sogs pa ni pi wang zhabs te/ rdo rje 'dzin pa'i go 'phang gi gar byed pa'o/ /de rnams kyi lha mo ni rnal 'byor ma bdag med ma la sogs pas rdo rje'i glus bkra shis par byed pa'o//de'i phyir sangs rgyas kyi gar ni khyad par 'phags shing lhag pa'i cha yis sems can pa rnams mya ngan las 'da' bar 'gyur ro/ /de bzhin du brtag pa gnyis pa las kyang / gal te dga' ba phun sum tshogs/ /thar pa'i rgyu yis gar nyid do/ / zhes bya ba la sogs pas so/ /glu dbyangs chen po zhes bya ba nag po spyod pa'i zhabs kyi'o/ /sa gsum po la bdag ni 'bad med 'jug /bdag ni nyal nas bde ba chen pos rol/ /ji ltar Dom+bi ni khyod skra yags kyi/ /mtha' rigs skye ba'i nang na ka pA li/ /kye ma khyod ni rnam par nyams byed de//bya ba byed pa ri bong 'dzin pa 'joms/ /gang dang gang yang khyod ni ngan par brjod/ /rigs ldan skye bo khyod kyi mgul nas 'khyud/ /'dod pa gtum mo'i glu ni kAh+Nas blangs/ /gdol pa mo las lhag pa'i dmangs rigs med/ / don de nyid don dam pa dang kun rdzob kyi bden pa'i don khong du chud pas nag po spyod pa'i zhabs kyis Dom+bi ni dgongs pa'i skad kyis gsungs te/ gsum zhes bya ba la sogs pa ni nag po spyod pa bdag gis rdo rje'i btsun mo la mngon par chags pas sa gsum gyi lus dang ngag dang yid de/de'i drug cu lhag pa'i brgya'i rang bzhin gyis nyes pa 'bad pa med pas 'gog pa ste/ de'i phyir nyal nas 'jug pa'o/ /rol zhes pa ni rol rtsed kyis rnal 'byor pa gnyid du song ba dang bdag med ma'i chos khong du chud pa'o/ /d+hu'i rkang pas yongs su ma dag pa'i a wa d+hU tI pa khro bar byed pa'o//ji ltar zhes bya ba la sogs pa ni skra yags kye ni mi rtag par sgro 'dogs pas kye'i Dom+bi ni yongs su ma dag pa'i a wa d+hU tI pa khyod kyis ci zhig byed/ /gang zhig lus la thim na gang gis 'od gsal mi shes pa'i dbang gis de rnams phyi rol du byed do//kun rdzob byang chub kyi sems skyong bar byed pa'i phyir ka pA la ni de yis Dom+bi ni yongs su ma dag pa'i a wa d+hU tI pa gang gis lha dang lha ma yin dang mi la sogs pa khams gsum pa thams cad log pa'i shes pas rnam par nyams par byed pa'i phyir ro//gang de nyid 'joms pa ni ri bong 'dzin pa kun rdzob byang chub kyi sems 'od gsal gyi rgyur gyur pa man ngag dang bral ba'i rnal 'byor pas 'joms shing rnam par nyams par byed pa'o/ /de bzhin du glu dbyangs zhabs kyis kyang / dong du lhung na ga pur 'jig par byed/ /ces bya ba la sogs pa gsungs so/ /rkang pa gsum pas Dom+bi ni'i rang bzhin gsungs te/ gang dang zhes bya ba la sogs pa ni gang zhig de rnams kyis kyang rang bzhin gyis mngon par shes pa lhan cig skyes pa'i dga' ba yongs su dag pa'i Dom+bi ni khyod mi shes so//de rnams kyang las kyi dbang gis skye bas 'khor ba'i sdug bsngal nyams su myong zhing 'gal bar smra bar 'gyur ro/ /de rnams las gang phyogs gcig tu rnal 'byor gyi dbang phyug yang dag par rdo rje dang pad+ma mnyam du sbyor ba las mi 'dzag pa'i bde ba de yis khyod rab tu rig par bya'o//de rnams kyis kyang 'gul ba longs spyod rdzogs pa'i 'khor lor nyin dang mtshan du yongs su mi 'dor ba zhes so/ /de bzhin du lung las kyang / kak+ko la dang dga' ba'i po la phrad pa de yis dga' ba 'phro ba kun+du ru//de ma thag tu chu yis sbyor zhing lag pa 'khrid pa skal ba dang ldan 'khor lo can/ /chu yis gsher zhing mdzes pa'i mtsho skyes 'dab ma'i btung bar mchu nyid rnam pa kun du chags/ /dur khrod gnas su gnas par rtag tu rab tu dga' ba 'ga' zhig rnal 'byor pas//rkang pa bzhi pas rnal 'byor ma'i bsngags pa gsungs te kAh+Na zhes bya ba la sogs pa ni 'di 'dra'i las kyi gnas sgrub pa'i thabs gtum mo'i glu dbyangs nag po spyod pa pas gzhan du blangs pa ni gzhan ma yin pas Dom+bi ni dang bral na gzhan dmangs rigs med na yang grong khyer ma nyid yod pa'o//gang gi phyir na sems can gyi dbye bas thob par bya ba'i gnas yod pa'o/ /de bzhin du yang ye shes yang dag par byang chub pa la sems nyid kyi sa bon chen po la srid pa dang mya ngan las 'das pa dag kyang kun rdzob la kun rdzob kyi phyir shin du mya ngan las 'das pa'i ngo bo nyid mi gnas pa'o//b+hai ra bI zhes bya ba'i glu dbyangs nag po spyod pa'i zhabs kyi'o/ /srid dang mya ngan 'das pa paT ha dang rnga bo che/ /yid dang rlung dag gnyis po khar rnga sgrogs par byed//rgyal gyur rgyal gyur mkha' la rnga chen sgra/ /kAh+Nas Dom+bi nI ni bag mar blangs/ /g.yung mos bag ma len pa'i kha zas sbyar/ /zhal mthong ston mo bla med chos nyid do/ /nyin mtshan shin tu dga' ba'i grogs dang 'grogs/ /rnal 'byor ma yi dra bar nams langs gyur//kye'i Dom+bi grogs dang gang gang dga'/ /skad cig mi 'dor lhan cig skyes pas myos/ /de kho na nyid kyi don bstan par byed pa'i nag po spyod pa'i zhabs kyis glu dbyangs gzhan mngon par gsungs te/ srid dang mya ngan 'das zhes bya ba la sogs pa ni 'khor ba dang mya ngan las 'das pa dag yid dang rlung la sogs pa rnam par mi rtog pa sngon du gsungs pa'i rim pas yongs su sbyangs pa rnga pa Ta ha la sogs pa snod du nye bar bltas te bde ba chen po'i grogs bzung nas Dom+bi nI ni de nyid khu ba'i rtsa yongs su ma dag pa'i a wa d+hU tI pa de'i 'dzag pa gzhom pa'i phyir nag po spyod pa'i zhabs gang gi tshe rab tu bskyod pa de'i tshe/rgyal bar gyur cig rgyal bar gyur cig ces pa ni sgra dang me tog gi char dang rnga bo che la sogs pa'i rtags nam mkha' la rab tu byung bar gyur pa'o/ /rkang pa gnyis pas Dom+bi nI bag ma'i 'bras bu gsungs te/Dom+bi zhes bya ba la sogs pa gsungs pa ni de kho na nyid Dom+bi nI rlung gi ngo bo de'i 'gro ba'i sgo nas 'gro ba gzhom par bya'o/ /skye ba'i zhes pa ni skye ba dang 'jig pa la sogs pa'i nyes pa 'joms pa'o/ /de'i phyir zhal mthong ston mo ni nyon mongs pa med pa bla na med pa'i chos nyid mngon sum du byas pa nag po spyod pa bdag gis zhes so//rkang pa gsum pas rnal 'byor ma'i stobs gsungs te/ nyin mtshan zhes bya ba la sogs pa ni 'dis ye shes kyi rgya mtshor lhan cig rnal 'byor gyi dbang phyug gang gis nyin dang mtshan du shin tu dga' ba dang mngon par 'grogs par gyur pa'o//de'i rnal 'byor gyi dbang phyag gi rnal 'byor ma'i dra ba zhes pa ni de'i ye shes kyi 'od zer ro/ /nam zhes bya ba la sogs pa ni nyon mongs pa'i mun pa sangs pa'o/ /de bzhin du lung las kyang /bdag nyid thim gyur bcom ldan 'das ni srog gi bdag po ste/ /dbugs ni 'byung rngub gyur pa rab zhi srog gi me 'di nyid/ /gang gis 'od zer rab brgyad 'od gsal rnal 'byor dbang phyug ste/ /'di yis rang lus nyid las de nyid phyung nas mun pa bcom//zhes pa ni 'jig rten gsum kun du gnon pa'o/ /rkang pa bzhi pas rnal 'byor ma'i drin las rnal 'byor gyi dbang phyug gi spyod pa gsungs te/ Dom+bi zhes bya ba la sogs pa'i Dom+bi'i de nyid ni rang bzhin yongs su dag pa'i a wa d+hU tI pa'i ye shes kyi phyag rgya'o//de'i shin du mngon par dga' ba la mngon par chags pa'i rnal 'byor ba'i dga' ba'o/ /de dang de rnams ye shes kyi phyag rgya bde ba chen po'i dga' ba 'dzin pa'i phyir skad cig kyang yongs su mi 'dor ba zhes bya'o/ /de bzhin du sa ra ha'i zhabs kyis kyang /kun du dngos med gyur ldan 'bab/ /ces bya ba la sogs pa gsungs so/ /pa Ta many+dza rI zhes bya ba'i glu dbyangs kuk+ku rI'i zhabs kyi'o/ /bdag ni chags med nam mkha'i yid kyi bdag /bdag gi nyams myong ji ltar smra rgyu med/ / kye'i mi khyod spangs nas mtha' mar lta/ /gang zhig 'dir na 'bab pa de 'dir med/ /dang por bdag gi rnam shes bag chags gtums/ /rtsa la rnam dpyod de nyid ba pu DA/ /bdag ni gzhon nu dar ma rdzogs par gyur/ /rtsa bar ltung ba nye bar sdud par byed/ / kuk+ku rI pa'i srid pa brtan par smra/ /'di ni gang shes de ni dpa' bo ste/ /shes rab kyi pha rol tu phyin pa'i don gyi bdud rtsi'i btung bas yongs su tshim pa'i kuk+ku rI pa'i zhabs kyis de kho na nyid kyi don gyi bdag nyid bcom ldan 'das ma bdag med ma'i rnal 'byor ma la lhag par mos nas smras pa/bdag ni chags med ces bya ba la sogs pa'i bdag ni bcom ldan 'das ma bdag med ma chags pa med pa ste/ kun nas chags pa dang bral ba'o/ /nam mkha'i yid can zhes pa ni thams cad stong pa la yid kyi bdag po 'di'i shin du bde ba la mngon par chags pas bdag gi khyad par du 'phags pa yang dag pa'i sbyor ba mi 'gyur ba'i bde ba myong ba gang du yang smra ru yod pa ma yin pa'o//d+hU'i rkang pas de'i don brtan par gsungs te/ spangs nas zhes bya ba la sogs pa ni de nyid las mtha' ma ni mthar thug pa'i bde ba chen po'i 'khor lo'i khyim du bltas nas 'phro ba'o//yul la sogs pa'i tshogs pa la bdag gis bdag med pa de'i dus su sel ba de'i mthu las mtshan sum cu rtsa gnyis dang / dpe byad bzang po brgyad cu rdo rje 'dzin pa chen po'i gnas la sku mdzes par gyur pas khyod kye'i sku rdo rje lags so zhes bdag nyid la rang gis bos nas gsungs pa'o//rkang pa bzhi pas mngon sum du byas pas te/ smra bya ba la sogs pa ni 'dir kun rdzob byang chub sems ni srid pa'o/ /brtan pa zhes pa ni brtan por byas nas shes rab kyi chu skyes la rnal 'byor gyi dbang phyug gang dang gang du dmigs pa med pa'i ngo bos khong du chud pa de dang de rnams kyis 'dir srid pa'i dkyil 'khor yul gyi dgra 'joms pa'i phyir dpa' bo'o//de bzhin du nag po spyod pa'i zhabs kyis kyang /gang gis shes pa rgyun chad med pa lhan skyes skad cig gis/ /zhes bya ba la sogs pa gsungs so/ /bra rA DI zhes bya ba la sogs pa'i glu dbyangs 'du shes gsum pa'i zhabs kyi'o/ /mtshan mo mun par byi ba rgyu byed cing / /bdud rtsi'i kha zas byi bas za bar byed//kye'i rnal 'byor rlung byi ma bsad cing / /gang gis 'gro dang 'ong ba ma bkag na/ /srid pa rnam 'joms byi bas rtsig pa 'bugs/ /g.yo ba'i byi bas snod rnams ba zhing 'joms/ /byi ba sgra gcan spu dang kha dog med/ / nam mkha' rkang pas 'gro zhing yid kyi chos/ /de tshe byi ba mchong zhing rab tu 'gro/ /bla ma dam pa'i gsung gis g.yo med bya/ /gang du byi ba 'di yi rkang pa bcad byas na/ /de tshe bcings grol b+hU su ku la smra/ /don de nyid byi ba dgongs pa'i skad kyis 'du shes gsum pa'i zhabs kyis gsungs te/mtshan mo mun pa zhes bya ba la sogs pa ni rku ba'i phyir byi ba dgongs pa'i skad kyis sems dang rlung du rtogs par bya'o/ /mtshan mo ni shes rab las kyi phyag rgya'i yan lag tu rtogs par bya'o/ /de'i las kyi yan lag gang du sna tshogs pa la sogs pa'i skad cig pa'i sku'i dga' ba la sogs pa bya ba'i sgo nas rdo rje dang chu skyes snyoms par sbyor ba'i byang chub kyi sems bdud rtsi'i zas de nyid kyi byi ba sems dang rlung rang nyid kyis byed pa'o//de la khyad par gyi dga' ba'i skad cig la dpal ldan bla ma'i zhal nas thos pa'i thabs kyi myur du de'i rang bzhin med par bya'o//byed pa ni byis pa'i rnal 'byor pas de dang bral bar byas nas 'khor ba'i 'khor lor 'gro ba dang 'ong ba rnam pa gnyis mi 'chad pas sems sdug bsngal bar byed do//de bzhin du lung las kyang / rnam pa gnyis spong rab gsal mkhas pas rang rig skal bzang tshogs pa gcig /dga' bas khyab pa stobs can ro yis gang ba nam mkha'i mthil du'o/ /rnam pa sna tshogs rab 'phro sems 'khrugs zhi ba de nang song ba yis//'dir ni de nyid 'jig rten gsum po thim gyur yid ni gsal bar byed/ /rkang pa gnyis pas byi ba sems kyi tha snyad kyi rjes su bsngags pa gsungs te/ srid pa zhes bya ba la sogs pa ni 'byung bar byed pa'i phyir srid pa rang lus rnam par 'joms par byed pa'o//rang bzhin gyis g.yo ba de yis de nyid sems kyi byi ba gzhan gyi ngo bor byed de/ rtsig pa ni dud 'gro dang dmyal ba la sogs pa ngan 'gro rnams su lhung ba yang rang nyid kyis skyed par byed do/ /de'i phyir sems kyi byi ba'i rang bzhin gyi skyon bgrangs nas/kye'i rnal 'byor pa man ngag thos pa de yis de'i dngos por sgro btags par mi bya'o zhes so/ /rkang pa gsum pas de'i ngo bo gsungs te/ nag po zhes bya ba la sogs pa ni kun rdzob byang chub kyi sems kyi zla ba 'joms pa nyid kyis de nyid sems kyi byi ba sgra gcan no//de'i phung po za bas dbye bas rnam par dpyod pas kye'i rnal 'byor pa gdams pa thob pa la med pa'o/ /nam mkha' zhes pa ni bla ma'i man ngag las bde ba chen po'i chu skyes kyi tshal du song nas slar 'ong ba don dam pa byang chub kyi sems sbrang gi btung ba'i ro myong bar byed pa'o//de bzhin du yang phyi rol gyi lta ba pa mI na nA thas/ bla ma yis ni don dam gsungs pa'i lam gyi rim pa ting 'dzin sgo glegs can/ /chu skyes rnam rgyas gsungs la gshin rje'i rgyal med chu skyes sbrang rtsi bung ba 'thung //rkang pa bzhi pas rdo rje bla ma'i bdag nyid che ba gsungs te/ de'i tshe zhes bya ba la sogs pa ni sems kyi byi ba 'di de srid pa de nyid rmongs pa dang nga rgyal zhi bar mi 'gyur ro/ /gang gi tshe chu skyes kyi tshal du song nas bla ma dam pa'i gsung gi 'khrul 'khor gyis nyams su myong bar byed do//kye'i rnal 'byor pa de'i phyir bla ma'i bzhed pa btsal bar bya'o zhes so/ /de bzhin du sa ra ha'i zhabs kyis kyang / gang gi drin gyi 'od zer gyis/ /zhes bya ba la sogs pa gsungs so//rkang pa lnga pas sems kyi byi ba'i rang bzhin gsungs te/ gang du zhes bya ba la sogs pa ni gang gi tshe lhan cig skyes pa'i dga' ba la sems kyi byi ba rgyu ba'o/ /nga zhes rkyen gyis brtags pa rgyun gcod pa'o/ /de'i tshe 'khor bar 'ching ba gcod pa'o//de bzhin du lung las kyang / /de nyid la ni 'khor ba med/ /lus 'dzin 'ching ba 'dir gang las/ /'ga' zhig gang du 'chi med 'gro/ /de bzhin grol byas grol bar bya/ /log par sgro btags byas de las/ /thag sbrul grib ma sha za 'khrul/ / cung zad ma spangs ma bzung bar/ /rol pas legs gnas skabs ji bzhin/ /guny+dza ri zhes bya ba'i glu dbyangs sa ra ha'i zhabs kyis so/ /rang gi rtogs byas 'khor ba mya ngan 'das/ /log ltas 'jig rten rang nyid 'ching bar byed/ /bdag gis mi shes bsam med rnal 'byor pa//skye dang 'chi ba'i srid pa ji ltar yin/ /ji ltar skye dang 'chi ba de bzhin du/ /gson dang shi ba dag la khyad par med/ /gang 'dir skye 'chi dag la the tshom med/ /de byed gser 'gyur bcud len sgrub par byed//gang gi g.yo dang mi g.yor bcas par 'khyam/ /de rnams rga dang 'chi bar cis mi 'gyur/ /skye las las sam ci ste las las skye/ /sa ra has smras bsam med pa de chos/ /don de nyid chos thams cad khong du chud pa'i sa ra ha'i zhabs kyis gsungs te/rang gis zhes bya ba la sogs pa ni thog ma med pa'i ma rig pa'i bag chags kyi skyon gyis srid pa dang mya ngan las 'das pa rtog par sgro btags shing byas pa'i phyir 'jig rten 'dir 'khyam zhing rang nyid kyis srid par 'ching ba dang grol bar byed pa'i phyir ro//d+h+rU'i rkang pas rang gi ye shes brtan par byed de/ bdag gis zhes bya ba la sogs pa ni grub pa'i slob dpon sa ra ha'i zhabs kyis de lta bu nyid gsungs pa ni bla ma'i zhabs kyi drin las dngos po'i ngo bo nyid yongs su shes pas bsam du med pa'i rnal 'byor pa bdag nyid do//de'i phyir skye dang zhes bya ba la sogs pas 'jig rten pa ji lta ba bzhin du gyur pa zhes pa'o/ /de bzhin du yang tshigs su bcad gcig gis bcom ldan 'das ma la skye ba dang gnas pa dang 'jig pa'i skyon dang bral ba zhes bya ba la sogs pa'o//rkang pa gnyis pas skye ba'i rang bzhin gsungs te/ gang 'dir zhes bya ba la sogs pa ni thams cad bdag med par khong du chud pas gang gi skye ba yod de/ kye'i rnal 'byor gyi dbang phyug rang nyid kyis bdag la 'bod par byed do/ / gang la skye ba med pa de la 'chi ba yang ma mthong ste/ de bzhin du yang gnyis su med pa sgrub pa las/ /rang gi rang bzhin skye med pa/ /de nyid 'jig par ma mthong ste/ /rnam par rtog pa thams cad spangs/ /de ni gnyis med ye shes ming / /de'i phyir skyes bu gson pa dang shi ba dag la lhan cig dbyer mi dmigs pa'i phyir ro//de bzhin du su ta ke las kyang / rmi lam dang ni rab sad gzhan du dbye ba med/ /rnam par rtog byed rmi lam 'bras bu mngon 'dod can/ /rkang pa gsum pas rang nyid kyi rjes su bsngags pa gsungs te/gang la 'chi ba la sogs pa'i 'jigs pa'ang yod pa'i rnal 'byor pa de yang gser 'gyur la sogs pa sna tshogs pa'i cho ga rab tu sbyor bar byed do/ /bdag ni slar yang 'chi ba la sogs pa'i 'jigs pa'i the tshom gyi rnam par rtog pa med pa'i gzugs so//rkang pa bzhi pas slar yang rjes su bsngags pa gsungs te/ gang gi zhes bya ba la sogs pa ni byis pa'i rnal 'byor pa gang 'dzam bu'i gling gi gnas chen por g.yo ba dang mi g.yo bar bcas par 'khyam par byed do/ /yang na sngags dang sman la sogs pa'i nus pas sum cu rtsa gsum gyi gnas su bgrod par byed do//de yang bla ma'i lam thob nas 'chi ba med pa nyid thob pa ma yin no/ /bdag ni gcad du med cing gzhig tu med pa'i gzugs so/ /rkang pa lnga pas lam gyi bdag nyid kyi che ba gsungs te/skye ba las zhes bya ba la sogs pa ni byed pa po dang las bral ba'i rnal 'byor gyi dbang phyug gi skye ba las las su ji ltar 'gyur te las las kyang skye ba yang ngo / /de'i phyir sa ra ha'i zhabs kyis kyang rang gi bzhed pa gsungs te/ don dam par rig pa'i rnal 'byor pa la bsam du med pa'i phyir chos nyid do//ba rA li zhes bya ba'i glu dbyangs 'du shes gsum pa'i zhabs kyi'o/ /gang tshe b+hu su ku khyod rngon 'gro skye bo lnga po song / /pad+ma'i tshal du rab tu 'jug na yid ni gcig tu gyis/ /gson po gsod par ma byed shi ba'i ro ni ma blang cig /sha ni med par b+hu su ku pa khyim du 'jug ma byed/ /sgyu 'phrul dra ba brkyang nas sgyu ma'i ri dgas gsad par gyis/ /bla ma dam pa'i gsung gis go byed gang du gang gis gtam/ /lus ni bdag gi snod yin e ma sa chu me dang zas//dus dang dus min gnyis gzar rlung lam sbyar tshod skyabs dkrug /rgya dang rdo lcags thag pa med par ri dgas rgyag cing bros/ /mchong zhing mchong zhing brgyug pas nam mkha'i mthil du nub par gyur/ /b+hu su ku pa mtshan mo nam ni rab tu langs par gyur//don de nyid lhan cig skyes pa'i dga' bas bskul ba'i yid kyi grub pa'i slob dpon b+hu su ku'i zhabs kyis ri dgas kyi dgongs pa rnam par sgom par byed pa nyid kyis so/ /gang gi tshe khyod ces bya ba la sogs pa ni kye'i b+hu su ku khyod gal te lus rlung gi ri dgas lus kyi rlung gi ngo bo'o//rngon pa zhes pa ni rang bzhin med par byed pa'i thabs tshol bas 'gro bar bya'o/ /de'i tshe yul lnga rnams la gzugs kyi phung por gyur pa me long lta bu'i sa'i khams mig gi dbang po la sogs pa la dkyil 'khor rnams sdud pa'i rim pas gsod pa ni rang bzhin med par byed pa thog mar byed par 'gyur ro//slar yang rdo rje'i bzlas pas snang ba gnyis po 'gog cing yang dag par rdo rje dang chu skyes mnyam du sbyor ba bla ma'i drin las bde ba chen po'i 'khor lor chu skyes tshal du rab tu zhugs pa la//yid gcig tu byed pa ni rnam par rtog pa med par 'gyur ba rang nyid kyis bdag la yang dag par 'bod par byed pa'o/ /de'i phyir d+h+rU'i rkang pas brtan pa la dmigs pa gsal por byed pa gsungs te/gson po zhes bya ba la sogs pa ni rab tu zhugs pa'i dbugs ni gson po la oM yig nyin mo'i shes pas rang bzhin bzhi bcu'i rang bzhin dang ldan pa'o/ /dbyung ba'i dbugs shi ba'i ro hUM yig mtshan mo'i shes pa'i rang bzhin sum cu rtsa gsum gyi rang bzhin gyi ngo bo'o//gnas pa'i dbugs kyi bzhi AHyig ma ning gi shes pa'i rang bzhin bdun gyi rang bzhin dang ldan pa'o/ /de bzhin du phyag na rdo rjes kyang / oM yig gis 'jug sems can rnams/ /sangs rgyas sku nyid mchog tu rtag /hUM yig 'byin byed sems can rnams/ /AHyig gis ni gnas par byed/ /de bzhin du snang ba mtshan mo'i cha nyid kyis zhes bya ba la sogs pa rgya cher gsungs so/ /dang por srog la sogs pa'i shes pa dbu mar rab tu zhugs par byas nas de'i rjes su sha ni dgongs pa'i skad kyi khyad par gyi dga' ba rang byin gyis brlab pa'i ngo bo nyid bzhi pa'i dga' pas ma sbyangs na kye'i b+hu su ku'i zhabs bde ba chen po'i khyim du 'jug par mi byed pa'o//de bzhin du rim pa lnga las kyang / mtshan mo ma yin mtshams kyang min//nyin mo yang ni ma yin no/ /zhes bya ba la sogs pa gsungs so/ /de bzhin du sa ra ha'i zhabs kyis kyang / dbang po gang du nub cing mi gnas rang bzhin la/ /kye'i lhan cig skyes dga' bla ma'i zhabs la dris/ /rkang pa gnyis pas lam gyi thabs gsungs te/sgyu 'phrul dra ba zhes bya ba la sogs pa'i sgyu ma zhes pa ni las kyi yan lag tu rtogs par bya ste/ rnam pa sna tshogs pa la sogs pa'i skad cig la thob pa de'i bde ba la tshogs pa'i lus la dra ba gzhag pa ste/ de yis lus kyi ri dgas 'ching bar byed pa bla ma'i zhabs kyi drin las de'i ngo bo khong du chud par bya'o/ /de'i phyir de la bde ba nyams su myong ba'i ngo bo nyid thob pa de'i tshe gang du yang brjod par mi nus pa'o/ /de bzhin du sa ra ha'i zhabs kyis kyang / dga' bas mnyes gshin 'jig rten zhes bya ba la sogs pa gsungs so//rkang pa gsum pas goms pa'i khyad par du gsungs so/ /lus snod ces bya ba la sogs pa'i lus nyid ni bdag gi snod gzhir gyur pa de las 'byung ba chen po lngar gyur pa'i rdzas bza' bar bya'o//de la dus dang dus min ni zla ba nyi ma dag dang gsum pa a wa d+hU tI rlung la bzhi pa'i dga' bas thams cad yongs su 'joms pa'i phyir/ bza' ba dang btung ba ni rang bzhin med par byed pa'o/ /de bzhin du dpal dus kyi 'khor lo las kyang /gang zhig thig le dkar 'dzin lhung na nyin mtshan zhes bya ba la sogs pa gsungs so/ /rkang pa bzhi pas 'bras bu rdzogs pa gsungs te/ rgya dang rdos zhes bya ba la sogs pa ni de la bde ba chen po'i dga' ba ni rgya zhes te dgongs pa'i skad kyi sku'i dga' ba'i rnam par rtog pa'o//rdos zhes bya ba ni dgongs pa'i skad kyis gsung gi dga' ba'i rnam par rtog pa'o/ /thag pa zhes pa ni thugs kyi dga' ba'i rnam par rtog pa'o/ /de rnams thams cad gzugs la sogs pa yang nam mkha'o//brgyug pa zhes pa ni 'od gsal 'bebs pa de nyid rlung gi ngo bo lus kyi ri dgas so/ /bros pa ni rang bzhin med par gyur pa rtag tu goms pa'i rnal 'byor pas nam mkhar 'od gsal la thim par gyur pa'o/ /de'i phyir b+hu su ku'i zhabs kyis mtshan mo zhes pa ni ma rig pa'i mun pa sangs pa ni bros pa zhes pa'i don to//de bzhin du lung las kyang / bdag nyid de bzhin thig gyur te/ /bcom ldan 'das ni srog gi bdag /ces bya ba la sogs pa gsungs so/ /dpa' bo'i ti la zhes bya ba'i glu dbyangs nag po spyod pa'i zhabs kyi'o//gang tshe zla ba gang ba shar gyur pa/ /de tshe sems kyi rgyal po dri ma med/ /gti mug dri ma gcod pa bla ma'i gsungs/ /yul dang dbang po nam mkhar sleb par 'gyur/ /mkha' mtshungs sa bon gang zhig mkha' mnyam 'gro//rang gi shing las khams gsum grib mas khyab/ /ji ltar nyin byed shar bas mtshan mo sel bar byed/ /srid mtshor gti mug rab rib sel bar byed/ /ji ltar dang pa'i rgyal pos chu bo 'byed/ /srid pa za zhes kAh+Na pa yis smra//don de nyid bde ba chen po'i rgyal po chos thams cad dmigs pa med pa'i ro de yis slar yang nag po spyod pa pa rnam par sgom par byed do/ /zla ba gang ba zhes bya ba la sogs pa ni bla ma'i drin las gang gi dus su cha bcu drug dang ldan pa'i byang chub kyi sems kyi zla ba'i dkyil 'khor shar bar gyur pa de'i dus su rnal 'byor gyi dbang phyug sems kyi rgyal po shin du dri ma med par 'gyur ro//d+hU'i rkang pa don de nyid brtan par byed do/ /gcod pa zhes bya ba la sogs pa ni blo gros dang ldan pas bla ma'i gsung gis gti mug la sogs pa'i sgrib pa 'bros par 'gyur ro//yul dang dbang po zhes bya ba la sogs pa ni nam mkhar 'od gsal la 'jug par byed do/ /de bzhin du sa ra ha'i zhabs kyis kyang / dus mnyam shar ba de la phyag 'tshal lo//zhes bya ba la sogs pa gsungs so/ /rkang pa gnyis pa chos kyi sa bon gyi nus pa gsungs te/ mkha' mtshungs sa bon zhes bya ba la sogs pa ni nam mkha' dang mtshungs pa'i sa bon ni 'od gsal gyi rang bzhin sems las skyes pa ste/ de'i rang bzhin 'od rab tu gsal ba ni rang gi shing ljon pa'i grib ma rnal 'byor gyi dbang phyug ye shes kyi 'od zer gyis 'jig rten gsum po khyab pa'o/ /rkang pa gsum pas de'i khyad par gyi mtshan nyid gsungs te/ mtshan mo sel zhes bya ba la sogs pa ni dper na nyin mor byed pa shar bar gyur na mtshan mo mun pa sel ba bzhin du ji ltar bla ma dam pa'i zhabs kyi rdul gyi tshogs la rab tu 'dud na so sor lta ba las yang dag par skyes pa'i rang bzhin gyi drin las srid pa'i rgya mtshor ye shes kyi gti mug dang zhe sdang la sogs pa'i sgrib pa ring du 'gros par gsungs so//rkang pa bzhi pas rnal 'byor gyi dbang phyug gi spyod pa gsungs te/ ngang pa'i rgyal po zhes bya ba la sogs pa ni dper na phyi rol du ngang pa'i rgyal pos chu dang 'o ma 'dres pa'i chu rnam par phye nas 'o ma 'thung bar byed do//nag po spyod pa nyid la kye'i rnal 'byor pa mchog gi de nyid kyis srid pa'i rang bzhin khong du chud pas srid pa bza' bar bya ba yin gyis khyod srid pa len par ma byed cig pa'o/ /de bzhin du/ ye shes byang chub pa las kyang / /srid pa ma yin myang 'das yin//yang dag ji bzhin rtogs pa las/ /zhes so/ /'di ni thag pa'i zhabs kyi glu dbyangs so/ /chos 'byung rkang rten rdo rje'i gnas kyi skad/ /lan lnga 'thag cing 'thag pas dri med gos/ /bdag ni tha ga'i rang bzhin rgyu rnams dang //spun dog bdag gir mtshon pa mi shes so/ /phyed bcas khru gsum khyim 'thag sun sgron gsum/ /nam mkha' khengs gyur de ni thag 'thag go/ /gzhom med thag bzangs sbra ni bla ma'i gsung bral min/ /gnas gnyis bcad nas rgyun rnams bsgrims shing brtan por skyongs//nor bus son pa stong nyid kyis mtshon stong nyid snying / /thag gi ro rnyed tha ga gti mug dra ba grol/ /chos thams cad khong du chud pa'i don de nyid sems can rnams kyi phyir grub pa'i slob dpon thag pa'i zhabs kyis gsungs te/chos zhes bya ba la sogs pa ni chos 'byung dgongs pa'i skad kyis shes rab kyi chos 'byung du rtogs par bya'o/ /rkang rten zhes pa ni rkang pa bzhi dga' ba bzhi'i rten du gyur pa'o/ /de bzhin du brtag pa gnyis pa las kyang / i yig gang byed lha mo yi//zhes bya ba la sogs pa gsungs so/ /yang na don dam rig pas yang dag pa ji lta ba bzhin du gyur pa'i chos kyi 'byung gnas gang yin pa de ni chos 'byung ngo / /rdo rje zhes pa ni rnal 'byor gyi dbang phyug gi bya ba dang byed pa'i dngos po las de'i gnas kyi skad de ni rnal 'byor ro//de bzhin du sa ra ha'i zhabs kyis kyang / rdo rje 'bebs pas g.yo ba nyid/ /pad+ma yod pas rdo rje'o/ /bya ba byed pas rgyas 'debs pa/ /'di ni bde chen rgyal po'o/ /de la shes rab kyi chu skyes la me long lta bu la sogs pa'i ye shes lnga'i bdag nyid kun rdzob byang chub kyi sems ni stong pa nyid dang snying rje'i bdag nyid rdo rje bla ma'i drin las so//dri med gos zhes pa ni rang bzhin gyis 'od gsal gyis yongs su dag par byed do zhes so/ /de bzhin du brtag pa gnyis pa las kyang /kun rdzob kun+da dang mtshungs pa/ /don dam bde ba'i gzugs can no/ /zhes so/ /d+h+rU'i rkang pas yang dag par rtogs pa brtan par byed do/ /bdag ni thag zhes bya ba la sogs pa ni ngo bo nyid kyi thabs kyi bdag ni tha ga pa'i zhabs so//rgyu dang sbun dag gi gang gi phyir na kun rdzob dang don dam pa'i dbye ba dmigs pas mtshon pa dag gis mi shes so/ /de bzhin du yang / gzung 'dzin dngos po med pa'i phyir/ /sems ni gang du'ang skye ba med/ /gang la sems nyid skye med pa//de nyid mchog gi go 'phang ngo / /rkang pa gnyis pas rten dang brtan pa gsungs te/ phyed bcas khru gsum zhes bya ba la sogs pa ni rang gi lus la bsam gtan gyi khang par grol ba ste/ de la dga' ba gsum pa bskyed pa'o/ / nam mkha' khengs gyur zhes pa ni yongs su dag pa'i 'od gsal gyis yongs su sbyar bar byas pas so sor lta ba dang ldan pas bdag gnas pa'o/ /de bzhin du brtag pa gnyis pa las kyang / lus dang bral ba'i sems nyid ni/ /gzhan du spang bar bya ba med//ces so/ /rkang pa gsum pas yid ches pa'i tshogs pa gsungs te/ gzhom du med pa zhes bya ba la sogs pa'i thags bzangs ni dgongs pa'i skad kyis srog dang rtsol ba thabs dang shes rab kyi bdag nyid kyis rlung gnyis la gzhom du med pa'i sgra dang gzugs brnyan yongs su rtog pa zhes so//lhan cig skyes pa'i sgra brnyan dang / /de nyid kun rdzob byang chub kyi sems bla ma dam pa'i gsung gis bsgrub par bya'o/ /gnas gnyis chad gyur zhes pa ni dngos po dang dngos po med par 'dzin pa dag bcad nas rdo rje dang chu skyes yang dag par sbyor ba bstan pas mi phyed par bdag gis bya'o zhes so//rkang pa bzhi pas rnal 'byor pa'i rjes su bsngags pa gsungs te/ nor bus son pa zhes bya ba la sogs pa ni chos thams cad rang bzhin gyis 'od gsal ba'i khong du chud pa las dar ma'i skye bo dang 'khyud pas de nyid rang bzhin gyis yongs su gyur pa a wa d+hU tI rnal 'byor ma bdag med ma'o//nor bur gnas zhes pa ni 'thag pa'i tshul tha ga'i zhabs bdag gis thob pa'o/ / de'i phyir de'i drin las gti mug gis mngon par 'khyud pa'i srad bus bcings pa rnam par dral bar gyur pa'o/ /thag ces pa ni skyes pa'i chos dang rnam par bral nas rdo rje 'dzin par gyur to zhes pa'o/ /de bzhin du sa ra ha'i zhabs kyis kyang / de ni dpal ldan zhes bya ba la sogs pa gsungs so//sha ba ri zhes bya ba'i glu dbyangs zhi ba'i zhabs kyi'o/ /tshad mas brtags shing brtags pa'i cha shas cha/ /cha shas cha shas brtags na lhag ma med/ /de nyid phyir na gzugs ni ma rnyed do/ /shAn+tis smras pa ci zhig sgom par byed//tshad mas brtags brtags stong pa nyid du song / /slar yang blangs nas rang gi 'gog par byed/ /rnam pa gnyis 'bab lam ni ma mthong ste/ /shAn+tis smras pa skra rtse'i cha mi shong / /bya ba byed pa zung dag yod ma yin/ /rang gis rig pas shAn+ti pa yis smras//ye shes kyi dga' ba'i bde bas gang zhing brlan pa grub pa'i slob dpon shAn+ti pas don de nyid skye bo rnams kyi phyir rab tu gsungs so/ /tul zhes bya ba la sogs pa ni rang bzhin gyis nyes pa nyid tshad mas gzhal bar rig pa ni 'jig rten gsum dang lus ngag yid kyi 'dir g.yo ba dang mi g.yo ba la sogs pa'i dbye bas cha shas can gcig tshad mas skyes par byas pa'i rang bzhin cha shas drug tu bsgrub par byas nas de nyid kyi cha shas rdul phra rab gong bu'i rdul phran cha drug tu dngos po med par phye zhing phye bas cha shas med pa'o//cha shas med pas mtshon pa de nyid kyang rgyu dang bral ba'i phyir de'i sems kyi rgyu'i phyir rjes la thob pa med do/ /shAn+ti'i zhabs kyis gsungs pa/ dngos po de la dmigs pa dang dngos po med pa la ci zhig bsgom par bya ste/ de bzhin du yang shes rab le'u las//rnam par dpyad byas na zhes bya ba la sogs pa gsungs so/ /rkang pa gnyis pas don de nyid brtan par byed do/ /tshad mas brtags zhes bya ba la sogs pa ni de rnam par dpyod pa'i tshad mas yang cha shas la sogs pa 'byin pa'o//stong pa zhes pa ni 'od gsal la sems rab tu zhugs pa'o/ /de la bdag gis 'od gsal bzung nas 'gog pa zhes bya ba la sogs pa ni bdag tu 'dzin pa'i bsgom par bya ba dang / sgom pa po'i ngo bo 'gog pa zhes so/ /de bzhin du brtag pa gnyis pa las kyang /bsgom med sgom pa po yang med/ /ces bya ba la sogs pa gsungs so/ /rkang pa gsum pas lam gyi rjes su bsngags pa gsungs te/ 'bab ces bya ba la sogs pa ni 'dir mchog gi lam la gnyis su med pa'i phyir rnam pa gnyis su med pa'o//de'i phyir shAn+ti'i zhabs kyis gsungs te/ 'dir skra'i rtse mo'i cha'i chos kyis zhugs na de'ang ring ba nyid do/ /yang na skra'i rtse kha'i mtshams kyi cha 'dir med pa'o/ /de bzhin du klu sgrub zhabs kyis kyang / de yi lus la khong seng med//ces bya ba la sogs pa gsungs so/ /rkang pa bzhi pas rang bzhin la dmigs pa gsungs te/ bya ba zhes bya ba la sogs pa ni grub pa'i slob dpon shAn+ti'i zhabs kyis rang nyid bya ba dang byed pa dang bral ba'i phyir bla na med pa'i go 'phang du gsungs so//'di nyid tshad ma'i rigs pas bskyed pa bla ma dam pa'i drin las bla na med pa'i go 'phang rang nyid kyis mkhyen pa'o/ /de bzhin du brtag pa gnyis pa las kyang / bla ma'i rim pa nyer bsten pas/ /gya nom pa nyid bdag gis shes//'dod pa sbyin pa zhes bya ba'i glu dbyangs 'du shes gsum pa'i zhabs kyi'o/ /nam phyed chu skyes khengs rgyas sum cu gnyis/ /rnal 'byor ma rnams de la yan lag tshim/ /ri bong 'dzin lam a wa d+hU tIr bskyod/ /rin chen tshig ni lhan cig skyes pa smra//ri bong 'dzin bskyod mya ngan 'das par 'gro/ /pad+ma can ni pad+mar 'bab pa'i chu/ /khyad par dga' ba mtshan nyid dang bral ba/ /gang gis de shes de ni sangs rgyas so/ /b+hu su kus smras bdag gis tshogs pa shes/ /lhan cig skyes dga' bde ba chen por rol//don de nyid lhan cig skyes pa'i ros yongs su gang ba'i grub pa'i slob dpon b+hu su kus gsungs te/ nam phyed ces bya ba la sogs pa ni de la dbang gi le'ur gsungs pa'i cho ga las/ nam phyed kyi thun mtshams bzhi la shes rab ye shes kyi dbang ster ba'i dus su rdo rje nyi ma'i 'od zer gyi chu skyes ni bdag gi gtsug tor gyi chu skyes su rnam par rgyas pa'o//de'i dus la rnal 'byor ma sum cu rtsa gnyis zhes pa ni sum cu rtsa gnyis byang chub kyi sems 'bab pa la la nA dang ra sa nA dang /a wa d+hU tI mi phyed ma phra mo'i gzugs la sogs par rtogs par bya'o/ /de'i gnas su 'bab par byed do/ /de rnams kyi dga' ba la sogs pa'i tshogs pas yan lag yang dag par tshim par gyur pa'o/ /b+h+rU'i rkang pa dang lhan cig pa'i bla ma'i stobs gsungs te/dus der de'i rgyus ri bong 'dzin pa byang chub kyi sems kyi zla ba a wa d+hU tI'i lam gyi rdo rje'i rtse mor son pa bla ma dam pa'i gsung gi de nyid rin po che'i mthu las de dag la lhan cig skyes pa'i dga' ba ston par byed do/ /de bzhin du sa ra ha'i zhabs kyis kyang /sems kyi dbang po'i mda' zhes bya ba la sogs pa gsungs so/ /rkang pa gnyis pas don de nyid gsungs te/ bskyod ces bya ba la sogs pa ni ri bong 'dzin pa byang chub kyi sems a wa d+hU tI'i lam gyis gang du yongs su skyod par byed pa de nyid bla ma'i drin gyis rdo rje'i rtse mo mchog la mya ngan 'das pa 'od gsal bar gyur pa'o//pad+ma'i ro la bde ba chen po'i ro de yod pa'i phyir ro/ /pad+ma can ni de nyid rang bzhin yongs su dag pa a wa d+hU tI pa bdag med ma chu skyes kyi ro de nyid byang chub kyi sems bde ba chen po'i ros sku rdo rje rgyas pa'i phyir bde ba chen po'i 'khor lor steng du 'bab pa'i phyir ro//de bzhin du nag po spyod pa'i zhabs kyis kyang / rab tu 'bab pas rang sems 'ching / /zhes bya ba la sogs pa gsungs so/ /rkang pa gsum pas don de nyid gsungs te/ khyad par gyi dga' ba la sogs pa mtshan nyid dang bral ba bzhi pa'i dga' ba dag pa 'di khyad par gyi dga' ba gang gi rnal 'byor gyi dbang phyug gi rtogs pa bla ma'i drin gyis nyin mtshan du gyur pa de nyid bcom ldan 'das rdo rje 'dzin pa mtshan sum cu rtsa gnyis dang ldan pa dpe byad bzang po brgyad cus brgyan pa'o//'dir de nyid rnams kyi ma rig pa'i skabs med pa'i phyir ro/ /de bzhin du rdo rje Da DI zhabs kyis kyang / ba lang khu rig ces bya ba la sogs pa gsungs so/ /rkang pa bzhi pas rang gi rtogs pa brtan par byed do/ / b+hu su kus smras zhes bya ba la sogs pa ni b+hu su ku'i zhabs kyis bdag gis bshad pa ste/ thabs dang shes rab sbyor bas lhan cig skyes pa'i dga' ba bde ba chen po bla ma dam pa'i drin gyis khong du chud pas rol pa'o/ /bar Di zhes pa'i glu dbyangs sa ra ha'i zhabs kyi'o//mtho zhing mtho pa'i ri bo der/ /sa wa ri yi bu mo 'dug /rma bya'i mdongs ni lus la gyon/ /ma ru'i phreng ba mgul du dpyangs/ /smyon pas wa ri ni 'khrul/ /gu li ma byed sa wa ri/ /khyod kyi rang gi khyim mi mo/ /ming ni lhan skyes mdzes ldan ma//sna tshogs shing mchog rtse mo ni/ /nam mkha'i mthil du yal ga reg /gcig pur sa wa ri nyid 'gro/ /rna rgyan 'khor lo rdo rje 'dzin/ /khams gsum po yi khri nyid bshams/ /bde ba chen po'i nyal sa byas/ /sa wa ri sprul bdag med ma//gzugs 'tshong dga' bas nam langs gyur/ /sems ni so rtsi bde ba che/ /ga bur za ba stong pa yi/ /bdag med ma yis mgul nas 'khyud/ /bde chen mtshan mo nam langs gyur/ /bla ma'i gsung gi gzhu dang ni/ /rang gi yid kyi mda' yis phug /mda' gcig nyid ni bsdogs byas nas/ /mchog gi mya ngan 'das pa phug /smyon pa sha wa ri pa ni/ /cher khros ri bo mchog rtse yi/ /mtshams su zhugs nas sha wa ri/ /bdag gis ji ltar mchong bar byed/ /grub pa'i slob dpon sa wa ri pa'i zhabs kyis don de nyid snying rje chen po'i ros phug pas 'jig rten pa'i don du gsungs so//mtho zhes bya ba la sogs pa ni rnal 'byor gyi dbang phyug gi rang lus sgal tshigs kyi dbyig pa mtho ba'i ri rab kyi rtse mo la bde ba chen po'i 'khor lor sa yig gi pha rol ha yig de nyid 'dzin pa de nyid sa wa ri'o//de'i khyim ye shes kyi phyag rgya bdag med ma a yig las skyes pa la 'dug par byed do/ /rma bya'i mdongs zhes pa ni rnam pa sna tshogs pa'i phyogs kyi rnam par rtog pa'i gzugs kyis lhag par gnas pa de la gos dang rgyan du byas pa'o//ma ru ni guny+dza ste mgrin pa longs spyod kyi 'khor lo la gu h+ya'i gsang sngags lhag par rnam par 'dzin pa'o/ /rkang pa gzhan gyi rkang pas d+hU'i rkang par shes par bya'o/ /rkang pa gnyis pas goms pa'i rang bzhin gsungs so//smyon pa zhes bya ba la sogs pa ni bcom ldan 'das bdag med ma'i ngo bos dbugs 'byin pa ster bar byed do/ /kye'i smyon pa yul la 'khrul pa'i sems sa wa ri thabs dang shes rab gcig pa'o/ /gu li zhes pa ni dga' ba la sogs pa'i rnam par rtog pa ma byed cig pa'o//bdag nyid khyod kyi khyim mi mo ni ye shes kyi phyag rgya lhan cig skyes pa ni mdzes pa can no/ /sna tshogs zhes bya ba la sogs pa ni de'i lus kyi ri rab bo/ /shing mchog ni ma rig pa'i gzugs la dga' ba la sogs pa'i sngags kyi sna tshogs pa'i rab tu byed pa'i rgyas pa rang gi gzugs su gyur pa'o//'di'i yal ga yang phung po lnga nam mkha' la 'od gsal la reg pa'o/ /de'i phyir de bdag med ma gcig pu'o/ /rna rgyan zhes pa ni sna tshogs pa'i gnas la 'khor lo la sogs pa'i phyag rgya lnga rus pa'i rgyan gyis brgyan par byas nas/rdo rje ni thabs kyi ye shes rnam par 'dzin pa zung 'jug gi tshul gyis 'dir lus kyi ri bo la 'gro ba ni rol par byed pa'o/ /rkang pa gsum pas rol pa'i bde ba'i stobs gsungs te/ khams gsum zhes bya ba la sogs pa'i khams gsum ni lus dang ngag dang yid rnams nam mkha' la 'od gsal ba brkyang nas de yis gzung ba'i bde ba chen por nyal bar byas nas sa wa ri sems kyi rdo rje ni ltos 'gro dang lhan cig gzugs 'tshong ma zhes bya ba ni nyon mongs pa 'joms pa'i phyir dA ri ka ste/bdag med ma gzugs 'tshong ma'o/ /dga' bas zhes pa ni rol pa'i dpe med pa 'phel bar 'gyur ro/ /mtshan mo zhes pa ni mun par thabs dang shes rab kyi rnam par rtog pa 'joms pa'o/ / de bzhin du sa ra ha'i zhabs kyis kyang / dpal gyi rdo rje bdud rtsi nyid kyang 'khor/ /zhes bya ba la sogs pa gsungs so/ /rkang pa bzhi pas rgyu dang 'bras bu'i ngo bo gsungs te/ rma bya'i mdongs zhes bya ba la sogs pa ni snying gi 'od gsal go lar mos pa dang ga bur ni zung du 'jug pa'i ngo bos rgyu dang 'bras bu nyid kyis de yis der mos pa'o//stong pa zhes pa ni de nyid rnam pa thams cad kyi mchog dang ldan pa'i stong pa nyid do/ /bdag med ma'i ye shes rnal 'byor mas/ mgul pa ni longs spyod kyi 'khor lor rnam par 'dzin pa bde ba chen po'i ye shes 'od zer gyis/nam zhes pa ni rang gi lus la nyon mongs pa'i mun pa rang nyams pa'o/ /de bzhin du yad sU ta ke las kyang / rgyu dang 'bras bu rgyas gdab pa/ /zhes bya ba la sogs pa gsungs so//rkang pa lnga pas rdo rje bla ma'i bdag nyid che ba gsungs te/ bla ma'i gsung gi zhes bya ba la sogs pa'i bla ma dam pa'i gsung gzhur byas nas rang gi yid byang chub kyi sems kyi mda'o/ /mda' gcig nyid ni bsdogs byas nas/ /zhes pa ni gnyis po dag gcig tu byas nas dbyangs gcig nges par sgrogs pas de la goms par byas par gyur pa de yis mya ngan las 'das pas sa ra ha'i zhabs bdag gis thog ma med pa'i ma rig pa'i bag chags kyi skyon bcom pa'o//rkang pa drug pas sems kyi yang dag par ji lta ba'i ngo bo gsungs te/smyon pa zhes bya ba la sogs pa ni lhan cig skyes pa'i chang gis rab tu myos pa dag gi sems rdo rje nyid sa wa ri'o/ /cher khros pa zhes pa ni ye shes kyi dga' ba'i dris bskul bar gyur pa bde ba chen po'i 'khor lor pad+ma bzhin du gyen du rab tu bskyod pa las de la nub par gyur pa'o//ri mchog ces bya ba ni gsungs pa'i don grub pa'i slob dpon bdag gis ji ltar btsal bar bya/ de bzhin du lung las kyang / ji srid sems ni rab 'jug pa/ /bgrod pa rnams kyi mthar thug med//sems nyid log par gyur pa la/ /bgrod bya dang ni bgrod byed med/ /pa Ta ha many+dza ri zhes bya ba'i glu dbyangs lU yi pa'i zhabs kyi'o/ /dngos po ma yin dngos po med pa'ang ma yin pa'i/ /'di 'dra'i sangs rgyas gang gis yid ni ches par byed//lU yis smras pa rmongs pa ya mtshan mtshon du med/ /khams gsum nyid du rol pa dbyibs dang spyod lam med/ /gang gi kha dog mtshan ma gzugs ni mi shes so/ /de ni ji ltar lung dang rig byed dag las bshad/ /gang gis ji ltar smra ba bdag gis dri bar bya//chu yi zla ba ji bzhin bden dang brdzun pa'ang min/ /lU yis smras pa bdag gi bsgom pa ji lta bu/ /gang zhig blangs 'dug de ni bdag gis ma mthong ngo / /ye shes kyi dga' bas brjid pa'i lU yi pa'i zhabs kyis de kho na nyid kyi don khyad par du 'phags pa'i phyir gsungs te/dngos po zhes bya ba la sogs pa ni dngos po de nyid de kho na nyid ma yin no/ /gang gi phyir na ril por 'dzin pa'i dbye ba med pa la rnam par dpyod pas dngos por dmigs pa med de ci ste dngos por thob par 'gyur//dngos po med pa yang ma yin te/ bden pa ma yin pa'i ngo bo'i phyir 'di 'dra ba'i rdzogs pa'i sangs rgyas kyang sems can gang gis kyang de nyid yid ches par byed ces so/ /d+h+rU'i rkang pas ngo bo nyid kyi rang bzhin thob par dka' ba gsungs te/ lU yis smras pa zhes bya ba la sogs pa'i grub pa'i slob dpon lU yi pa'i zhabs nyid kyis te/ 'di nyid mtshon par dka' ba'i de nyid byis pa'i rnal 'byor pas mtshon mi nus pa'o/ /gang gi phyir khams gsum ni lus ngag yid gsum rnam par rol pa ni rtse bar byed pa'o//de'i rgyud la ring po dang thung ngu dang zlum po la sogs pa dbyibs mi shes pas gang du nges par gnas par byed ces pa'o/ /rkang pa gnyis pas gsungs pa'i don de nyid gsal bar byed do/ /gang gi zhes bya ba la sogs pa ni gang gi de nyid kyi mtshan ma'i gzugs rtogs pa med pa ste/de yang ji ltar sna tshogs pa'i snyan dngags dang / 'dul ba dang lung dang bstan bcos dang rig byed rnams kyis bshad pa'o/ /de bzhin du klu sgrub zhabs kyis kyang / dmar po ma yin ser po dang //btsod kha'i kha dog de mi dmigs/ /zhes bya ba la sogs pa gsungs so/ /rkang pa gsum pas de kho na nyid kyi rang bzhin gsungs te/ gang gi zhes bya ba la sogs pa ni gang gis ci zhig grol te so so'i skye bo'i phyir bar gyi grub mtha' ci zhig sbyin par bya/ji ltar chu zla bden pa yang ma yin mi bden pa yang ma yin pa'o/ /de nyid rnal 'byor gyi dbang phyug sgom pa'i grong khyer gyi gzugs brnyan no/ /de ji ltar sbyar te bshad par bya/ yang na de la ji ltar yid ches par byed de smrar med pa'i phyir ro//rkang pa bzhi pas sems kyi ngo bo gsungs te/ lU yis smras pa zhes bya ba la sogs pa ni lU yi pa'i zhabs kyis gsungs pa ste/ bdag gis bsgom par bya ba dang sgom pa po dang sgom pa rnams ngo bo med pas ci zhig bsgom par bya/ de'i phyir rkang pa bzhi pa bzung nas bdag gnas pa ste/de yang bla ma'i gsung gis rnam par dpyad nas de'i dbyibs mngon du bstan pa med de ma mthong ba'o/ /de bzhin du yang / sems ni nges par rtogs pa yis/ /gang gi tshe na goms byed pa//de tshe sems ni ngas ma mthong / /gang du song zhing gang nas 'gyur/ /mal la re zhes bya ba'i glu dbyangs b+hu su ku'i zhabs kyi'o/ /snying rje'i sprin ni rgyun mi 'chad par 'phro/ /dngos po dngos med rtog cing rtog cing sel/ /ya mtshan che ba nam mkha'i mthil du shar//lhan skyes rang bzhin ltos shig b+hu su ku/ /gang gi yid la mig 'phrul chad gyur pa/ /rang gi yid la dga' ba ster bar byed/ /yul ni rnam dag bdag gi dga' ba rtogs/ /nam mkha'i mthil du ji ltar zla ba shar/ / der ni khams gsum po ni rnam par brkyang / /gang shar b+hu su ku yi mun pa sel/ /de kho na nyid kyi don bde ba chen po'i dga' bas rab tu tshim pa'i 'du shes gsum pa'i zhabs kyis gsungs so/ /snying rje zhes bya ba la sogs pa ni dngos po dang dngos po med par gzung ba'i rnam par rtog pa sel ba ste rang bzhin med par byas nas yongs su dag pa'i longs spyod rdzogs pa'i sku rnal 'byor gyi dbang phyug gi bla ma'i drin las 'phro ba'o//de'i phyir b+h+rU'i rkang pas de'i mthu gsungs te/ shar ba zhes bya ba la sogs pa de las de kho na nyid rtogs pa ste/'od gsal ya mtshan che ba zung 'jug gi 'bras bu shar bar gyur pa'o/ /de'i phyir kye'i rnal 'byor pa 'du shes gsum pa'i zhabs bla ma'i drin las dga' ba gsum pa la lhan cig skyes pa'i dga' ba'i rang bzhin ltos shig ni shes par gyis shig pa ste/bdag nyid la rang gis 'bod par byed pa'o/ /rkang pa gnyis pas de'i mthu ston par byed de/ /gang zhig zhes bya ba la sogs pa ni gang gi lhan cig skyes pa'i dga' ba so sor blta bas mig 'phrul ni dbang po'i tshogs chad cing med par byed pa'o//de bzhin du sa ra ha'i zhabs kyis kyang / gang du dbang po thim gyur pa/ /zhes bya ba la sogs pa gsungs so/ /rang gi zhes bya ba la sogs pa ni 'byung bas rnam par mi rtog pa'i rnam pas rang gi yid byang chub kyi sems rdo rje bla ma'i drin gyis lhan cig skyes pa'i dga' ba ster bar byed do//de bzhin du sa ra ha'i zhabs kyis kyang / sems dang sems med yongs sdud pa/ /zhes bya ba la sogs pa gsungs so/ /rkang pa gsum pas lam gyi rjes su bsngags pa gsungs te/yul ni zhes bya ba la sogs pa ni dper na zla bas nam mkha' 'od gsal bar byed do/ /de bzhin du bdag gi yul rnams kyi rnam par dag pa las so/ /dga' ba zhes pa ni khyad par gyi dga' ba dang mchog dga' khong du chud pas lhan cig skyes pa'i dga' ba'i zla bas gti mug gi mun pa 'joms par byed pa'o//rkang pa bzhi pas 'bras bu thob pa'i phyir de'i mthu gsungs te/ der ni zhes bya ba la sogs pa ni de la 'jig rten gsum du dga' ba bzhi dang bral na thabs gzhan med pa'o/ /gang zhig shar bas grub pa'i slob dpon 'du shes gsum pa'i zhabs kyis nyon mongs pa'i mun pa bsal ba'o//de bzhin du sa ra ha'i zhabs kyis kyang / gang shar de la phyag 'tshal lo/ /zhes bya ba la sogs pa gsungs so/ /pa Da ha many+dza ri zhes bya ba'i glu dbyangs 'phags pa lha'i zhabs kyi'o//gang la yid dang dbang po rlung rnams zhugs gyur na/ /bdag gis mi shes gang du song dang gang du sleb/ /ya mtshan snying rje Da ma ru nyid sgrogs par byed/ /'phags pa lha ni dmigs pa med la rnam par mdzes/ / zla ba zla ba'i 'od zer ji bzhin yongs su shes/ /sems kyi rnam 'gyur de la 'phangs nas yongs su zhugs/ /spangs gyur srid pa'i skyug bro 'jig rten spyod pa rnams/ /blta zhing lta bas stong pa nyid la rnam par dpyad/ /'phags pa lha ni kun la rnam par dpyod par byed//'jigs pa dang ni skyug bro ring du zad par byas/ /de kho na nyid kyi don gyis rab tu dgyes pa'i 'phags pa lha'i zhabs kyis gsungs te/ gang la zhes bya ba la sogs pa ni gang du 'od gsal dkyil 'khor la sogs pa sdud pa'i rim pas yul dang rlung dang dbang po la sogs pa rang bzhin med par gyur pa de la rab tu zhugs par gyur na/bdag gis zhes bya ba ni sems kyi rgyal po mtshon pa yang mi shes shing gang du song ba nyid kyang ngo / /d+h+rU'i rkang pas dga' ba brtan par byed do/ / ya mtshan zhes pa ni rmad du byung ba'i snying rje zhes te kun rdzob byang chub kyi sems bla ma'i drin las/ Da ma ru zhes pa ni gzhom du med pa'i sgrar byed pa ste/ gzhom du med pa'i sgra'i ye shes rnam par rtogs pa'o/ /de'i phyir 'phags pa lha'i zhabs dmigs pa med pa chos thams cad mi dmigs pa la rnal 'byor gyi dbang phyug gis mdzes shing brjid pa'o//rkang pa gnyis pas yul gyi rang bzhin gsungs te/ zla ba zhes bya ba la sogs pa ni dper na zla ba nub pa na der zla ba'i 'od zer yang de la nub par 'gyur ba'i phyir ro//rnam 'gyur zhes pa ni de bzhin du sems kyi rgyal po yang gang gi tshe sems med pa 'od gsal la thim par 'gyur ro/ /de'i tshe de'i rnam par rtog pa thim zhing / de la nub par 'gyur ro/ /de bzhin du lung las kyang / zla ba nub par gyur pa ji bzhin du/ /chu yi zla ba ji snyed nub par 'gyur//de bzhin sems kyang lhan skyes la ni nub/ /de bzhin rnam par rtog pa kun kyang ngo / /rkang pa gsum pas dngos po cha shas med pa gsungs te/ spangs nas zhes bya ba la sogs pa ni de'i phyir grub pa'i slob dpon bdag gis 'jigs pa dang ngo tsha ba la sogs pa 'jig rten gyi spyod pa yongs su spangs nas bla ma'i gsung gi lam gyis stong pa nyid la nges par lta ba'o//dngos po ni bdag med pa'i gzugs la lta ba'o/ /rkang pa bzhi pas bdag nyid kyi rjes su bsngags pa gsungs te/ 'phags pa lha zhes bya ba la sogs pa'i 'phags pa lha'i zhabs kyis bla ma dam pa'i drin las bdag med pa'i chos thams cad mngon sum du mdzad nas 'khor ba'i skyon thams cad sun phyung nas 'bras bu med par mdzad do zhes so/ /de sha kha zhes bya ba'i glu dbyangs sa ra ha'i zhabs kyi'o//nA da thig le nyi zla'i dkyil 'khor med/ /sems kyi rgyal po ngo bo nyid kyis grol/ /drang po'i lam spangs gzhan ni ma len cig /byang chub nye'o ring du ma 'gro re/ /lag gdub lta la me long ma len cig/ /bdag gis bdag nyid nges par shes pas so//pha rol tshu rol 'gro ba de yis so/ /sdug pa'i skye bo dang 'grogs 'chi bar 'gyur/ /gang gi g.yas g.yon dag ni dong dang g.yang / /sa ra has smras drang po'i lam mo kye/ de kho na nyid kyi don chos thams cad khong du chud pa grub pa'i slob dpon sa ra ha'i zhabs kyis skye bo rnams kyi phyir gsungs so//nA da zhes bya ba la sogs pa ni bla ma dam pa'i gsung gi bdud rtsi'i rlabs kyis mthus don dam pa rig pa sems kyi rin po che nA da dang thig le la sogs pa'i rnam par rtog pa yongs su spangs pa'i rang bzhin gyis yongs su grol ba ni thog ma med pa'i ma rig pa'i shes pa'i rab rib las so//slar yang gzhan gyi ngo bo blta ba'i phyir ro/ /de bzhin du sa ra ha'i zhabs kyis kyang / a ho shin du zhes bya ba la sogs pa gsungs so/ /d+hU'i rkang pas lam gyi rjes su bsngags pa gsungs te/drang po zhes bya ba la sogs pa de ni de'i phyir a wa d+hU tI'i lam rnam par spangs nas rnal 'byor gyi dbang phyug gi thabs gzhan med pa'o/ /de yis 'gro na byang chub rgyal po'i pho brang nye bar gnas pa'o/ /de ni yang dag par bod pa'o//kye byis pa'i rnal 'byor pa lam kyog po la lhung bas slar yang 'khor ba'i srid pa ma len cig pa'o/ /rkang pa gnyis pas rang gi rkyen nyid du byed pa gsungs so/ /lag pa zhes bya ba la sogs pa ni lag pa'i gdu bu la me long gis ci zhig byed pa ste/ kye byis pa'i rnal 'byor pa khyed kyis so//rang gis de nyid rdo rje bla ma'i drin las rang gi yid kyi byang chub kyi sems kyi rang bzhin shes pa'i phyir ro/ /de lta bas na khyod bla na med pa'i chos nyid mngon sum du byed par 'gyur ro zhes so/ /rkang pa gsum pas byang chub kyi sems kyi rjes su bsngags pa gsungs te/pha rol tshu rol zhes bya ba la sogs pa ni pha rol don dam pa de kho na nyid byang chub kyi sems mchog gi rnal 'byor pas rtogs par 'gyur ba'o/ /de'i rjes su de bla ma'i drin las phyag rgya chen po'i dngos grub thob par 'gyur ba'i phyir 'khor ba'i srid par de so so'i skye bos khong du chud par 'gyur ro//de bas na gti mug la sogs pa gdug pa'i skye bo dang 'grogs na 'khor ba'i rgya mtshor bying bar 'gyur ro/ /rkang pa bzhi pas slar yang lam gyi rjes su bsngags pa gsungs te/ g.yas g.yon zhes bya ba la sogs pa ni rtogs par sla'o/ /de'i phyir sa ra ha'i zhabs kyis kyang / bde ba chen po'i grong khyer du ni bgrod pa'i phyir/ /kun spangs lam bzhin 'bras bzang ma yor gyis/ /de bzhin du glu dbyangs gzhan las kyang / khral sa 'gag dang shog ma med pa yis//mig gis mthong ba'i lam la 'gro bar gyis/ /pa Da ha many+dza ri zhes bya ba'i glu dbyangs Te Na Te Na pa'i zhabs kyi'o/ /grong khyer dbus na bdag gi khyim ste khyim tshes med/ /khru ba la ni zan med rtag tu [(]'drim [,]'brim [)]par byed/ /sbal pa yis ni sbrul nyid 'dod pa nyid du byed//'o ma bzhos pas nu ma la ni zhugs par 'gyur/ /glang ni skyes gyur pa ni mo gsham la/ /'bri ni 'jo bar byed de thun mtshams gsum/ /gang de blo ldan de ni blo med pa/ /gang de chom po de ni mkhar srungs so/ /rtag tu ce spyang seng ge mnyam du 'dzin//Te Na Te Na zhabs kyi glu ni sus kyang go ba nyung / /don de nyid mchog tu dga' ba'i tshogs kyis tshim pa'i grub pa'i slob dpon Te Na Te nas dgongs pa'i skad kyis gsungs te/ grong khyer dbus zhes bya ba la sogs pa ni DA zhes pa ni DA ma la mi bden pa'i gzugs te lus dang ngag dang yid gsum gyi gsum gyi drug cu lhag pa'i brgya'i rang bzhin gyi nyes pa gang du bde ba chen po'i 'khor lo la thim par gyur pa de nyid bdag gi khyim tshes su gnas pa zla ba nyi ma nyid rdo rje bzlas pa'i rim pas de nyid la thim par gyur pa'o//phru ba zhes pa ni lus kyi gzhi la/zan ni de'i kun rdzob byang chub kyi sems rnam par shes pa'i ngo bo bla ma'i drin gyis de la de'i dmigs pa yod pa ma yin pa'o/ /de'i phyir bdag med pa'i ngo bo nyid de yis rnal 'byor gyi dbang phyug rtag tu rgyun mi 'chad par zhugs nas yang dang yang du sems la rtog par byed do//d+h+rU'i rkang pas don de nyid brtan par byed do/ /sbal pa be ma ga la sogs pa ste/ bi ga ta yan lag med pa ste/ de sbal pa'o/ /yan lag med pa stong pa nyid de la 'od gsal du rig par bya'o/ /yan lag ni 'gro ba drug tu brkyang zhing 'gro ba'i phyir sbrul lo//de nyid rlung gi ngo bo de yis yan lag dang bral ba'i 'od gsal gyis rnam par shes pa'i rlung gis bskul ba'o/ /'o ma bzhos pas zhes pa ni las kyi phyag rgya dang yang dag par 'khyud pas rdo rje'i rtse mor byang chub kyi sems gang rnal 'byor gyi dbang phyug gi nu ma zhes pa rdo rje'i rtsa ba nas bde ba chen po'i 'khor lor 'gro ba'i phyir ro//ci ste ngo mtshar ba zhes so/ /rkang pa gnyis pas goms pa'i khyad par gsungs te/ glang zhes bya ba la sogs pa la ba la ni sha'o/ /de ha lus la ster bar byed pa'i phyir ro/ /ba la de nyid byang chub kyi sems la snang ba gsum rab tu skyes par gyur par ro//ba zhes pa ni rnal 'byor gyi dbang phyug gi khyim du mo gsham bdag med ma de la dbang du byed pa'o/ /'bri ni rang gi rdo rje'i rtse mor bla ma'i drin las de'i snang ba'i skyon gnyis 'jo ba zhes pa ni rang bzhin med pa'i bya bar byed pa'o//thun mtshams gsum zhes pa ni nyin dang mtshan du rnal 'byor pas zhes so/ /de bzhin du sa ra ha'i zhabs kyis kyang / rdo rje dang ni chu skyes yang dag sbyor/ /rnal 'byor dri med mchog gi bde chen 'gyur/ /de yi tshe na dga' ba'i dbye ba ni/ / de la mtshon du med pa yongs kyi tshad/ /rkang pa gsum pas rang bzhin yongs su 'jal ba gsungs te/ gang de blo zhes bya ba la sogs pa ni byis pa'i rnal 'byor pa rnams kyi blo gang yin pa de rnam par rtog pa'i shes pa'o/ /de don dam pa rig pa rnams kyis so sor bla ma'i drin las dmigs pa med pa'i ngo bo nyid do//de bzhin du sa ra ha'i zhabs kyis kyang / gang 'dir mtshan bcas bde ba de nyid ni/ /chen po rnams kyi mtshan ma yongs su zhi/ /zhes so/ /de'i phyir na yang gang de nyid sems kyi rgyal po ni chom po ste ma byin par len par byed do//de nyid kyis dngos po rnam par spyod pa dang ldan par gyur pa de'i mi mthun phyogs don dam pa'i ngo bo nyid do/ /de'i phyir byis pa'i rnal 'byor pa rnams kyis bsgrub par dka' ba don dam pa'i bden pa sdug bsngal de sdug bsngal gyis bsgrub pa zhes so//rkang pa bzhi pas rang bzhin ngo bo nyid gsungs te/ rtag tu zhes bya ba la sogs pa ni 'chi ba la sogs pa rgyun du 'jigs par byed pa de nyid dang bcas pa'i sems ni ce spyang dang mtshungs pa'o/ /gang gi tshe dge ba'i bshes gnyen gyi byin gyis brlabs pa las 'od gsal rnam par dag par byed do//de'i tshe zung 'jug seng ge dang 'dra bar byed do/ /Te Na Te Na'i zhabs kyi glu dbyangs 'di 'dra sems kyis yongs su rtogs pa nyung ste/ rtag tu lta ba'i sems can chen po gang zhig gis kyang don khong du chud par byed par 'gyur ram zhes so//bar Di zhes bya ba'i glu dbyangs dA ri ka pa'i zhabs kyi'o/ /stong pa dang ni snying rje dag /dbye ba med pas lus ngag yid/ /rnam par rol pa dA ri ka/ /pha rol mchog gi 'gram du song / /mtshan nyid med pa'i mtshan nyid sems/ /bde ba chen pos rnam par rol/ /dA ri ka pa nam mkha' la//pha rol mchog gi 'gram du song / /khyod kyi sngags gang khyod rgyud dang / /khyod kyi bsam gtan ci zhig bshad/ /rang gnas bde ba chen por thim/ /mtshon dka' don dam mya ngan 'das/ /bde sdug gcig tu byas nas ni/ /mig 'phrul dra ba za bar byed/ / rang gzhan gzhan nyid dA ri ka/ /ma lus bla na med par shes/ /rgyal po rgyal po nyid kyi rgyal/ /gzhan yang rgyal po rmongs pas 'ching / /lU yi pa zhabs drin gyis ni/ /dA ri ka pas sa bcu thob/ /don de nyid chos zab mo khong du chud pa'i grub pa'i slob dpon dA ri kas gsungs so stong pa dang ni snying rje zhes bya ba la sogs pa ni snying rje zhes pa ni kun rdzob byang chub kyi sems dang /stong pa zhes pa ni de yongs su rdzogs pa'i gzugs don dam pa'i bden pa'o/ /gnyis po dbyer med par nye bar spyod pas gzungs nas rdo rje bla ma'i drin las grub pa'i slob dpon dA ri kas so//nam mkha' zhes pa ni snang ba la sogs pa stong nyid gsum du shes par bya'o/ /de'i pha rol 'od gsal ba bde ba chen pos yongs su gang ba lus dang ngag dang yid rnams rang bzhin dang bral ba'i nges pas rnam par rol par byed do/ /de bzhin du lung las kyang /dngos po rnams las stong pa nyid/ /gzhan dngos gnas pa ma yin no/ /zhes bya ba la sogs pa gsungs so/ /d+h+rU'i rkang pas don de nyid brtan par byed do/ /mtshan nyid med ces pa ni ma skyes pa mtshan nyid med pa sems kyi mtshan nyid do/ /de yis 'od gsal ba'i sems kyis rnam par rol par byed de bde ba'i pha rol du 'gro ba'o//rkang pa gnyis pas gzhan ma yin par 'bod par byed do/ /khyod kyi zhes bya ba la sogs pa ni sngags zhes pa ste phyi'i sngags bzlas pas kye'i byis pa rmongs pa'i rnal 'byor pa ci ste/ khyod kyi rgyud kyi zhes te de la klog pa dang bsam gtan dang bshad pa 'dis kyang ci zhig byed/ rab tu mi gnas pa'i bde ba chen por thim pa'i phyir khyod kyis mya ngan las 'das pa mtshon dka' ba bla ma'i zhabs kyi rdul gyi 'od zer gyi drin las rab tu grub pa de nyid do/ /de bzhin du sa ra ha'i zhabs kyis kyang /sngags dang rgyud ces bya ba la sogs pa gsungs so/ /rkang pa gnyis pas lam gyi rjes su bsngags pa gsungs so/ /sdug bsngal zhes bya ba la sogs pa ni sdug bsngal ni 'khor ba'i bde ba dang sdug bsngal zhes te/ don dam pa'i bden pas lhan cig tu byas nas kye'i byis pa'i rnal 'byor pas bla ma'i drin la yul dang dbang po nye bar longs spyod par gyis shig pa'o//'di'i thabs kyis thams cad bla na med par gyur pa grub pa'i slob dpon dA ri ka'i zhabs kyis so/ /'khor ba la rang dang pha rol dang gzhan gyi cha shas dang dbye ba ma mthong ba'i phyir ro//de bzhin du d+ho ka Da'i zhabs kyis kyang / 'khor bar mang du yang dag 'khor gyur kyang / /blo gros dang ldan 'di yi mthu yis ni/ /dngos po dngos med zung du rnam par dpyad/ /thams cad rang gi shes rab yang dag gnas//phyogs dang phyogs min lta zhing smra gyur pa/ /bdag gis cung zad kyang ni ma mthong ngo / /gzung ba dang ni 'dzin pa spangs pa'i phyir/ /dga' dang sdug bsngal ji bzhin de nyid do/ /rkang pa bzhi pas rang gi rjes su bsngags pa gsungs te/rgyal po zhes bya ba la sogs pa gsungs pa gsum gyis rang gi bya ba dbang phyug la sogs pa'i yon tan mtshon no/ /gzhan du gang la lha dang klu'i dbang po la sogs pa yul la rmongs pas bcings nas gnas so/ /bdag ni slar yang lU yi pa'i zhabs kyis drin las sa bcu gnyis pa'i rgyal ba dang mtshungs pa'o//mal la ri zhes bya ba'i glu dbyangs b+ha dra'i zhabs kyi'o/ /de tsam dus su 'dug kyang bdag ni shin tu rmongs/ /da ni bla ma dam pa'i gsung las bdag gis rtogs/ /da ni bdag gi sems kyi rgyal po zhi bar gyur//nam mkha' rgya mtshor rab tu bskyod pas sleb par gyur/ /bdag gis bltas pas phyogs bcu thams cad stong pa nyid/ /sems dang rnam par bral bas sdig dang bsod nams med/ /rA hu la yis bdag la mtshan ma smras nas byin/ /nam mkha'i rgya mtshor bdag gi sems ni stor bar gyur//b+ha dras smras pa cha shas med pa rab tu long / /bdag gi sems kyi rgyal po nyid ni stor bar gyur/ /ye shes kyi dga' bas rab tu tshim pa dang ldan pa'i grub pa'i slob dpon b+ha dra'i zhabs kyis don de nyid gsungs te/ de tsam dus su zhes bya ba la sogs pa ni thog ma med pa'i 'khor ba la dge ba'i bshes gnyen dang phrad pa las so/ /rmongs pa zhes pa phyi rol yul la chags pas dpag tu med pa'i bskal par de srid du gnas par gyur nas/ da ni sangs rgyas kyis mthus bla ma dam pa dang phrad pas bdag gi sems kyi rang bzhin de kho na nyid du 'gyur ro//d+h+rU'i rkang pas don de nyid brtan par byed do/ /da ni zhes bya ba la sogs pa ni da ni rdo rje dang pad+ma yang dag par sbyor bas mi 'gyur ba'i bde bas bdag gi sems kyi rgyal po med par gyur te/ rang bzhin gyis 'od gsal la rab tu zhugs so zhes pa'o//rkang pa gnyis pas goms pa'i rang bzhin gsungs te/ bdag gis bltas pas zhes bya ba la sogs pa ni chos thams cad dmigs pa med pa'i rnal 'byor gyis phyogs gang dang gang du bltas pa de dang de thams cad stong pa nyid 'od gsal gyi rang bzhin du bdag la so sor rab tu gsal ba'o//de'i phyir bzhi pa shar bas sdig pa dang bsod nams la sogs pas kyang / 'khor bar 'ching bar bdag gis shes pa zhes so/ /de bzhin du sa ra ha'i zhabs kyis kyang / sngon dang phyi ma zhes pas so/ /rkang pa gsum pas rdo rje bla ma'i mthu gsungs te/rA hu la zhes bya ba la sogs pa ni rdo rje'i rigs la zhes te/ rdo rje bla mas mtshon nas dngos po las grol nas bzhi pa'i dga' ba'i thabs rab tu sbyin nas bdag gis slar yang gus pa dang bcas pas goms pas nam mkha' la zhes te/'od gsal gyi rgya mtshor ster bar byas pa zhes so/ /rkang pa bzhi pas rang gi ngo bo nyid gsungs te/ smras pa zhes bya ba la sogs pa ni cha shas med pa zhes te/ ma skyes pa'i cha bzang po'i zhabs bdag gis blangs pa'o/ /gang thog ma med pa'i srid pa'i rnam par rtog pa'i gzhi sems kyi rgyal po bdag gis chos thams cad dmigs pa med pa'i rgya mtshor rab tu zhugs pa'o//stong pa'i khyim ni yon por de nyid nges pa can/ gti mug mdzod ni blangs nas thams cad bskor bar gyur/ /gnyid yur sems med rang dang gzhan dag rnam par bral//lhan cig skyes pa'i gnyid du kAh+Na pa ni song / /sems med tshor ba med bar shin du gnyid du song / /thams cad grol bar byas nas bde bar gnyid du song / /bdag gi rmi lam na ni khams gsum stong par mthong / / 'dres par byas nas 'gro dang 'ong ba bral bar 'gyur/ /dzA lan+d+ha ra'i zhabs las mngon sum nyid du byas/ /bdag gis rtsar yang paN+Di ta yis lta mi byed/ /lhan cig skyes pa'i dga' bas brjod pa'i phyir nag po glu dbyangs zhabs kyis don de nyid gsungs so/ /stong pa zhes bya ba la sogs pa'i stong pa zhes pa ni snang ba thob pa la dgongs pa'i shes pa de bzhin du bag chags la chags par rig par bya'o//rnal 'byor gyi dbang phyug gis de'i bag chags kyi skyon de bzhin nyid kyi ral gris rang bzhin gyi gti mug gi yul la chags pa'i mtshan nyid thams cad gcod pa zhes so//d+hU'i rkang pas bsam gtan gyi mtshan nyid gsungs te/ gnyid yur ba zhes bya ba la sogs pa ni lhan cig skyes pa'i dga' ba'i rnal 'byor pas gnyid du song ste khyod la sems med pa'o/ /de la nyams pa ni ma yin no/ /de'i phyir nag po spyod pa pa brjid pa'i phyir lhan cig skyes pa'i dga' ba'i rnal 'byor pas gnyid du song ba'o//de bzhin du brtag pa gnyis pa las kyang / gnyid yur dug rnams za bar byed/ /ces so/ /de'i lhan cig skyes pa'i dga' ba gnyid do/ /rkang pa gnyis pas de nyid gsungs te/sems med ces pa ni sems kyi rnam par mi rtog pa'o/ /tshor ba yang de rnam par mi rtog pa'o/ /de'i phyir de'i ye shes kyi mtha' dag ces pa ni 'jig rten gsum po shin tu yongs su sbyangs pas ji lta ba bzhin du gyur pa de lta bu'i ye shes kyi gnyid du song ba'o//rkang pa gsum pas rang gi dgongs pa'i ye shes gsungs so/ /rmi lam zhes bya ba la sogs pa'i 'gro ba dang 'ong ba zhes pa ni sngon du gsungs pa'i rim pas zla ba dang nyi ma dag 'gro ba dang 'ong ba 'gog pa'i phyir 'dres mar byas pa zhes pa ni a wa d+hU tIr rlung dang lhan cig skyes pa'i dga' ba la rab tu zhugs pa'i phyir bdag gi rmi lam dang 'dra bar sa gsum po stong par mthong ba'o//de bzhin du lung las kyang / ji ltar bu mo gzhon nu'i rmi lam mthar/ /de'i bu skye dang shi ba mthong gyur pa/ /skyes nas dga' dang shi nas mi dga' ba//chos rnams thams cad de bzhin shes par gyis/ /rkang pa bzhi pas rdo rje bla ma'i bdag nyid che ba gsungs te/ mngon sum zhes bya ba la sogs pa ni dpal gyi bla ma dzA lan+d+ha ri'i zhabs kyis gang la chos nyid mngon sum du mdzad pa de'i zhabs kyi chu skyes kyi rdul la reg pa'i drin las so//gang dang gang rnams po sti bltas par gyur pa'i paN+Di ta'i slob dpon de dang de rnams kyis bdag gi rtsa bar yang nye bar ma mthong ba'o/ /dga' ba ster ba zhes ba'i glu dbyangs tA Ta ka'i zhabs kyi'o/ / rang nyid med pas bdag gi the tshom gang / /'dam dang dong rtse'i 'dod pa bral bar 'gyur/ /nyams myong lhan skyes ma 'khrul rnal 'byor kye/ /mtha' bzhi dang bral ji bzhin yin/ /ji ltar 'dod pa de ltar yod par gyis/ /lhan skyes lam ni rnal 'byor 'khrul ma byed//snod spyad sgrol pa po ni nyid kyis shes/ /ngag gi lam las 'das pa ji ltar bshad/ /tA Da ka yis 'di smra'i go skabs med/ /gang shes de yi mgul du zhags pas bcings/ /ye shes kyi btung bas rab tu tshim pa'i grub pa'i slob dpon tA Da ka nyid kyis don de nyid gsungs so//rang nyid med pas zhes bya ba la sogs pa ni bla ma'i zhabs kyi rdul gyi drin las de bzhin gshegs pa'i gsung gi thabs kyi sgo nas rang gi lus rnam par dpyad pas bdag dang bdag gi 'grel pa cung zad kyang med pa'i phyir ro/ /de'i phyir glo bur gyi phung po dang nyon mongs pa dang 'chi bdag gi bdud la sogs pa rnams kyi som nyi za ba yang bdag la med pa'o//de bzhin du lung las kyang / /bdag ni 'jug par byed ces bya ba la sogs pas so/ /de la nga ni bdag gi srid pa'i don gyi rnam par rtog pa'i ngo bo la phyag rgya chen po'i dngos grub 'dod pa rnams ni shin du ring du byas pa'o//de bzhin du lung las kyang / /'ga' zhig sngon du bcings med cing / /da ni grol bar gyur pa med/ /'dir ni bcings grol rnam rtog pa/ /gang de ye shes mtshan nyid min//d+h+rU'i rkang pas gsungs pa'i don de nyid gsal bar byed do/ /nyams myong zhes bya ba la sogs pa ni bdag la yang dag par 'bod par byed do/ /kye'i tA Da ka nyams su myong ba'i don ji ltar brjod par nus te/ de'i phyir nyams su myong ba ni lhan cig skyes pa zhes ji ltar rjod par byed/nye bar sgom pa kun rdzob tu mi 'gog pas gzhan la mos par byed/ rang bzhin ni ma yin no/ /de bzhin du lung las kyang / tshig tu sbyor ba ston pa yis/ /sangs rgyas gnyis su med par brtag /bsam med mchog la sbyor ba yis/ / sangs rgyas kyang med gnyis med med/ /de'i phyir mtha' bzhi las grol ba'i ngo bo las slar yang de'i rab tu byed pas gnas pa zhes so/ /de bzhin du lung las kyang / yod min med min yod med min/ /zhes bya ba la sogs pas so/ /rkang pa gnyis pas don de nyid so sor rgyas par ston par byed do//ji bzhin zhes bya ba la sogs pa ni gang skye ba'i dus su grub pa'i bdag med pa la mngon par chags pa las bde ba chen po'i rang bzhin du rgyas pa'i nga rgyal ni rdo rje 'dzin pa chen po'o/ /slar yang rdo rje bla mas de la nges pa'i don bstan par byed do//de'i phyir kye'i grub pa'i slob dpon lhan cig skyes pa dang tha dad ma byed cig pa ste/ the tshom med pas seng ge'i tshul gyis 'gro ba la bgrod par byed do/ /rkang pa gsum pas rnal 'byor gyi dbang phyug gi mtshan ma gsungs te/ snod spyad ces bya ba la sogs pa ni dper na pha rol tshu rol du sgrol bar byed pas sgrol ba'i gla len pa'i phyir pha rol gyi 'gro gnas su rnam par thar par 'dod pa rnams 'gro ba la lta bar byed do//de rnams kyi snod spyad la sogs pa 'gog pa'i bye brag kyang lta bar byed do//phyi'i don las 'das pa rang rig pa'i mtshan nyid dang ldan pa'i chos 'jig rten gyi tshig gi sgo nas ji ltar bstan par bya/ de bzhin du yang dag la yid ches pa'i chos rtogs pa byas pa las yon tan nyis 'gyur gyi rtags 'jig rten pas nges pa rnal 'byor gyi dbang phyug gi'o//de bzhin du lung las kyang / du ba las ni mer shes bzhin/ /zhes bya ba la sogs pas so/ /rkang pa bzhi pas shin du rnam par mi rtog pa gsungs so/ /smra ba'i zhes bya ba la sogs pa ni grub pa'i slob dpon tA Da kas de bzhin du smra bar byed do//'di'i chos la byis pa'i rnal 'byor pas go skabs tsam yang med do zhes so/ /gang zhig yang don dam par rig pa de rnams kyang gal te smra bar byed na'ang 'dis chos khong du chud par byas nas de'i tshe de nyid kyi mgul par 'khor ba'i zhags pas bcings pa'o//de bzhin du lung las kyang / til dang sbun pa tsam gyi dug gi lo mas kyang / /zhes pa la sogs pas so/ /b+hai ra bi zhes bya ba'i glu dbyangs sa ra ha'i zhabs kyi'o/ /lus ni gru yi dum bu yid ni skya ba ste/ /bla ma dam pa'i gsung gi skya ba 'dzin pa'o//sems nyid brtan pa nyid du bzung gis gru pa rnams/ /thabs gzhan gyis ni pha rol 'gro ba med/ /gru ni 'bab pa gru shing mnyen pa'i yon tan yin/ /tshogs zhing tshogs pas lhan cig skyes pas gzhan du shes/ /lam ni 'gog pa'i 'jigs pa rnam par 'ong bar gyur//srid pa'i dba' rlabs thams cad rnam par 'khrugs par gyur/ /pha rol tshu rol chu rgyun drag po rab tu 'bab/ /sa ra ha yi zhabs kyis smras pa nam mkha'i ting nge 'dzin/ /byams pa'i rang bzhin can sa ra ha'i zhabs kyis kyang don de nyid lus la glu dgongs pa'i skad kyis gsungs so//lus ni gru'i dum bu zhes bya ba la sogs pa ni rten dang brten pa'i 'brel bas lus la grur yongs su brtags so/ /yid ni rnam par shes pa gru'i skya ba nyid kyang ngo / /bla ma dam pa'i gsung gi mnyen pas bzung nas rdo rje dang chu skyes mnyam par sbyor bas srid pa'i chu gter gyi dbus su ye shes lnga'i bdag nyid mtshan nyid dang bral bas rnam par sbyangs pa'i kun rdzob byang chub kyi sems brtan par byed pas lus kyi gru mi 'gyur bar gyis shig pa'o//kye'i sa ra ha'i zhabs srid pa'i rgya mtsho las sgrol ba'i thabs gzhan med do zhes pa'o/ /de bzhin du u Da'i zhabs kyis kyang / lnga po 'di yis gti mug 'gram las sgrol bar byed/ /pha rol du ni zhes bya ba la sogs pas so/ /rkang pa gnyis pas lam gyi rjes su bsngags pa gsungs te/gru ni 'bab dang zhes bya ba la sogs pa ni dper na phyi rol du gru 'gro ba skya ba 'dzin pa'i yon tan gyis 'dren par byed do/ /de bzhin du 'dir gru ni yang nyams su myong ba'o/ /kye'i rnal 'byor pa rdo rje bla ma'i lhan cig skyes pa'i dga' ba'i thabs zung la gru ni yongs su ma spong cig pa'o//gang gi de ma thag tu bde ba chen po'i gling du song cig pa'o/ /rkang pa gsum pas bdud kyi las su gnas pa gsungs te/ lam du zhes bya ba la sogs pa ni zas dang skom dang yul la sgrub pa po chags pa nyid kyi tshe lam nyams par 'gyur ro//a wa d+hU tIr song bas spang ba'i phyir ro/ /'gog pa'i zhes pa ni de'i tshe zla ba dang nyi ma gnyis stobs dang ldan par gyur pa'o/ /rgyu de'i phyir srid pa'i rgya mtshor yul gyi dba' rlabs kyi bdag med pa'i chos la thams cad kyis rab tu byed pas 'khrul bar gyur pa zhes so//rkang pa bzhi pas a wa d+hU tI'i lam gyi rjes su bsngags pa gsungs te/ pha rol tshu rol zhes bya ba la sogs pa ni kun la zhes pa lam ngan pa zla ba la sogs pa ste gang du a wa d+hU tI la thim par gyur pa'o//de ni rang bzhin gyi yongs su dag pa a wa d+hU tI'i sgras rtogs par bya'o/ /la ya zhes pa ni de gzung nas so/ /rgyun drag po zhes pa ni bde ba chen po'i 'dod chags kyi rgyun gyis 'jug pas don dam pa rig pa gang byang chub kyi sems kyi rdo rje ste de steng du 'gro bar byed do//nam mkha' zhes pa ni dri ma med pa'i 'khor lo'i gling du thim par 'gyur ro zhes gsungs so/ /mA la lA si zhes bya ba'i glu dbyangs sa ra ha'i zhabs kyi'o/ /stong nyid lag pas hrol cig kye/ /khyod kyi rang gi yid kyi skyon/ /bla ma'i gsung gi spyod lam kye/ /khyod nyid slar sdong ji lta bu//rmad byung hUM skyes nam mkha' la/ /kyog por 'gro ba bslang gyis la/ /pha rol 'gro ba 'joms pa yis/ /khyod kyi g.yo sgyu sna tshogs pa/ /ngo mtshar srid pa'i gti mug la/ /kye ma rang dang gzhan dag mthong / /'gro 'di chu yi chu bur 'dra/ /lhan cig skyes pa'i stong pa bdag /bdud rtsi yod bzhin dug med kyi/ /gzhan dbang sems kyi bdag khyim na/ /btung ba bdag gis go'o kye/ /bdag ni ma rungs gnyen 'dun za/ /sa ra ha sa smras mchog yin gyur/ /bdag ci ma rungs glang la ni/ /gcig pus 'gro ba 'joms par byed//kye ma bdag ni rang 'dod spyod/ /grub pa'i slob dpon sa ra ha'i zhabs kyis don de nyid dngos po'i ngo bo nyid rtogs nas 'jig rten pa'i ched du gsungs so/ /stong nyid ces bya ba la sogs pa ni kye'i rang gi yid sems kyi rgyal po khyod ma rig pa la sogs pa'i nyes pa rnams bde ba ma yin pa'i ngo bor rtogs pa'i phyir/rmi lam gyi rjes la yang mngon par 'dod pa de yis dper na lha thams cad lag tu rnam par brkyang ba bzhin dang gnyid sad pa bzhin du de rnams kyi slar yang gang ji ltar smra zhes so/ / de la da ni sangs rgyas kyi bsod nams kyi mthus bdag gi bla ma dam pa'i gsung gi zla ba'i 'od zer gyi rang bzhin gyis 'jig rten gsum po rab tu gsal ba'o/ /de'i phyir gnas gang du khyod gnas byed de kye'i sems kyi rgyal po zhes so/ /d+hU'i rkang pas don de nyid brtan par byed do//rmad du byung ba ni ngo mtshar ba bla ma'i zhabs kyi pad+ma'i drin las rol pa'i phyir bdag gis rtogs pa hUM yig sa bon las byung ba/ kye'i sems kyi rgyal po nam mkha' la zhes te 'od gsal la rab tu zhugs pa'o/ /da ni ma rig pa'i skyon sna tshogs pa 'gyod pa bcom pa khyod nyid de//rkang pa gnyis pas sems can shin tu chen po'i rjes su bsngags pa gsungs te/ ngo mtshar zhes bya ba la sogs pa ni srid pa'i sems can gyi ci ste gti mug la gang ngo mtshar ba gang las bdag gis ngo bo mi shes pa'i phyir rang dang gzhan dang pha rol tu 'byed pa'i rnam par dbye ba lta bar byed do//de'i phyir de'i nga rgyal byed pas yid la don dam pa sems la 'char ba khyod len par byed do/ /de bzhin du lung las kyang / nga rgyal dang bcas yid mi bzang / /skye bar 'jug cing 'ching bar byed//nga rgyal dang bral 'gro ba yang / /sems la bdag lta de nas bral/ /ston pa gzhan med 'gro ba la/ /rgyal ba med cing bdag med smra/ /gzhan min de las nye bar zhi/ /bsgrub pa de la 'di yid lam/ /de nyid rig la chu zla sogs/ / dpe ni bcu gnyis sgo ru gyis/ /thams cad stong pa'i tshad ma yis/ /skye ba med la sgrub por byed/ /ces so/ /rkang pa gsum pas dga' ba bzhi'i bdag nyid che ba gsungs te/ bdud rtsi zhes bya ba la sogs pa ni lhan cig skyes pa'i dga' ba la gnas pa yod na gzugs la sogs pa yul gyi dug ji ltar spyod par byed/kye'i las kyi dbang phyug sems kyi rnam par dpyod pa can/ /khyim zhes pa ni rang gi lus kyi btung ba can zhes te/ 'dod chags zhe sdang gti mug la sogs pa'i tshogs la khyod kyi rang gi khyim mi mo ye shes kyi phyag rgya bdag med ma la yang dag par 'khyud pa de'i btung ba ni rang bzhin med par bdag gis byed pa'o//de bzhin du sa ra ha'i zhabs kyis kyang / khyim mi mo la gzhan gyi dug ni za bar byed/ /ces pa la sogs pas so/ /rkang pa bzhi pas rang gi 'dod pa'i spyod pa gsungs te/grub pa'i slob dpon sa ra ha'i zhabs kyis kyang / sa ra has smras zhes bya ba la sogs pa ni ma rungs glang la zhes pa ni ma rungs pa yul gyi stobs ster ba'i phyir duSh+Ta ba lad sems kyi rgyal por rig par bya'o/ /gcig pu de yis ma rungs 'jig rten gsum 'joms pas//de lta bas na ma rungs pa'i glang pos bdag gis ci zhig bya/ /go zhes pa ni glang po'o/ /de'i dmigs pa dang bcas pa lus la stong pa 'od gsal gyi gzugs su byas nas bla ma'i gsung gi drin las rang gi 'dun pas 'gro ba gsum du rnam par spyod par byed do//de bzhin du zhi ba lha'i zhabs kyis kyang / rang gi 'dun pas spyod pa'i gnas/ /zhes bya ba la sogs pas so/ /mA la sa'i go Da la zhes bya ba'i glu dbyangs nag po spyod pa'i zhabs kyi'o/ /gang zhig yid kyi spyod yul mig 'phrul 'dra/ / lung dang po ste brdzun gyi phreng ba yin/ /ji ltar smra bas lhan skyes brjod par nus/ /lus ngag yid la gang du mi 'jug go/ /bla mas brdzun gyi thabs kyis slob ma la/ /ngag gi lam nas 'das pa ji ltar smra/ /gang de smra ba de dang de rnams brdzun/ /bla ma'i thabs kyis slob ma 'khrul bar byas//kAh+Nas rgyal ba'i rin chen ji ltar smra/ /lkugs pas 'on par smra ba ji bzhin no/ /lhan cig skyes pa'i dga' bas tshim pa'i nag po glu dbyangs zhabs rab tu dga' bas gsungs so/ /gang zhig yid kyi zhes bya ba la sogs pa ni gang yid dang dbang po'i spyod yul ni rtog pa dang rnam par rtog pa'i dra ba'o//lung dang sngags dang bstan bcos la sogs pa'i shes pa yang de thams cad kyang ngo / /de bzhin du yang lung dang rig byed rnying ma zhes bya ba la sogs pas so/ /d+hU'i rkang pas lhan cig skyes pa smra dka' ba gsungs te/de'i phyir rig byed du ji ltar lhan cig skyes pa bla na med pa'i ye shes brjod par nus te/ so so'i skye bo rnams kyi lus dang ngag dang yid lhan cig skyes pa gang la thim par gyur pa'o/ /de bzhin du ti lo pa'i zhabs kyis kyang / so so rang rig 'bras bu ni//ti lo pa yis zhabs kyis smras/ /gang zhig yid kyi spyod yul sbas/ /de ni don dam ma yin no/ /rkang pa gnyis pas de kho na nyid kyi rang bzhin gsungs so/ /brdzun pa zhes bya ba la sogs pa ni bden pa ma yin pas bla mas slob ma la man ngag ster bar byed do/ / gang yang lhan cig skyes pa de rig byed ma yin pas so/ /de bas na bla mas ji ltar smra bar byed ces so/ /de bzhin du sa ra ha'i zhabs kyis kyang / /de med bla mas ji ltar smra/ /zhes bya ba la sogs pas so/ /rkang pa gsum pas don de nyid brtan par byed do/ /gang de zhes bya ba la sogs pa ni de las byung ba'i tshig tsam du gyur pa gang las smra bar byed de/lhan cig skyes pa de thams cad brdzun te rang bzhin bden pa ma yin pa'o/ /gang yang rdo rje bla ma des kyang 'dir chos la tshig gis phongs nas rigs pas so/ /de'i slob mas kyang tshig nyid kyis cung zad kyang thos pa med do//de'i phyir de yang 'on pa ste der zab mo'i chos la blo gros rtogs pa'o/ /smras pa zhes bya ba la sogs pa nag po spyod pa pa nyid kyis gsungs pa'o/ /ci 'dra na rgyal ba'i rin po che dga' ba mtha' yas pa bla na med pa'i bde ba rgya chen po'i phyir rin po che bzhi po'i dga' bar rtogs par bya'o//dper na 'on pa la brda la sogs pas lkugs pa'i rtogs pa smra bar byed do/ /de bzhin du ring du bla ma dam pas slob ma la dga' ba'i mthus bde ba chen po rgya cher ston to/ /de bzhin du Da u Da'i zhabs kyis kyang / ring ba ma yin ring ba zhes bya ba la sogs pas so/ /guny+dza ri'i zhes bya ba'i glu dbyangs b+hU su kU pa'i zhabs kyi'o/ /dang po ma skyes pa nyid kyis/ /'gro rnams de yis 'khrul par shes/ /thag pa sprul mthong skrag pa yis/ /ji ltar gang gi khams kyi zas/ /ngo mtshar gang zhig rnam par dpyod//lag pas sgre bar ma byed cig /de ltar rang bzhin gal te 'gro/ /shes na khyod kyi bag chags za/ /mya ngan smig rgyu dri za'i grong / /chu zla gzugs brnyan ji bzhin no/ /rlung ni 'khor bas brtan par 'gyur/ /chu ni rdo ba ji bzhin no/ /mo gsham bu ni ji ltar rtse ba ltar//rtsed mo rnam pa mang po rtse bar byed/ /bye ma'i mar khu ri bong rwa dang ni/ /nam mkha'i me tog rgyas pa ji bzhin no/ /rU u ta yi dam gtam b+hu su ku/ /dngos tshogs rang bzhin mtha' dag gtam nyid do/ /gang du rmongs pa 'khrul pa yod gyur na/ /bla ma dam pa'i zhabs la dri bar gyis//lhan cig skyes pa'i dga' bas tshim pa nyid kyis b+hu su ku'i zhabs kyis don de nyid gsungs te/ dbang po zhes bya ba la sogs pa ni thog mar dngos po rnams ma skyes pa nyid kyis 'gro ba rnams 'dir rang dang gzhan don shes pas khong du chud pa des de rnams la dngos po gzhan du mi 'gro ba'o//de bzhin du lung las kyang / /a'i yi ge'i sgo chos thams cad skye ba med pa'i phyir ro/ /de nas 'khrul pa ma rig pa ni rab rib can gyi mig gis nag po dang ser po la sogs pa'i gzugs kyis so/ /kye'i byis pa'i rnal 'byor pas dngos po nyid du shes so//de bzhin du slob dpon ni dA ta kAs/ skra shad ji bzhin nam mkha' la/ /rab rib can gyi skye bos mthong / /de bzhin snang sogs nyes pa yis/ /byis pa rnams kyi dngos por rtog /thag pa la ni sbrul du shes/ /gang zhig shin du skrag byas ltar/ / de yang de yi thag sbrul gyis/ /bden par de yis ci zhig rmug /d+h+rU'i rkang pas lam gyi rjes su bsngags pa gsungs te/ ngo mtshar zhes bya ba la sogs pa'i ngo mtshar ni mtshar du brtsis te/ kye'i byis pa'i rnal 'byor pa 'dir lag pas sgro bar mi dgos te/ 'di 'dra'i dngos pos gal te 'gro ba'i rang bzhin rtogs par gyis shig pa'o//de'i tshe khyod kyis thog ma med pa'i srid par rnam par rtog pa'i bag chags kyi nyes pa gzung ba rnams 'bros par 'gyur ro/ /rkang pa gnyis pas don de nyid kun rdzob tu dpe yis gsal bar byed do/ /mya ngan smig rgyu zhes bya ba la sogs pa ni ri dgas sred dang dri za'i grong khyer mthong ba la sogs pa ji bzhin du gzugs brnyan tsam du dngos po rnams mchog gi rnal 'byor pas mthong ngo //de bzhin du lung las kyang / sgyu ma ji bzhin rmi lam bzhin/ /de bzhin du ni bar srid do/ / zhes pa la sogs pas so/ /de thams cad ma rig pa'i bag chags kyi skyon gyis log par byis pa'i rnal 'byor pa rnams kyis rnam par rtog pa byed do/ /dper na rlung 'khor bas chu yang brtan par gyur pa de bzhin du dngos po'i grong khyer rnal 'byor gyi dbang phyug gis shes par bya'o/ /de bzhin du lung las kyang /stong nyid de nyid gyur pa yis/ /dngos po'i bag chags kyis bsgos 'gyur/ /rlung ni 'khor bas brtan gyur pa'i/ /chu yis de nyid tshogs pa 'bros/ /rkang pa gsum pas shin tu med pa mtshon no/ /mo gsham bu zhes bya ba la sogs pa'i mo gsham ni bcom ldan 'das bdag med ma de'i bu ni don dam pa'i bden pa dper na bye ma'i mar khu'am dper na ri bong gi rwa bzhin no//de rnams skye ba med pa'i ngo bo nyid kyi de'i mtshon pa'o/ /de rnams skye ba med pa'i phyir don dam pa'i bden pa bde ba chen po ye shes lnga'i bdag nyid do/ /'gro ba la sna tshogs pa'i rab tu byed pas rol pa'i bde ba nyams su myong ba'i phyir ro//de bzhin du sU ta ke las kyang / sangs rgyas lnga bdag 'gro kun pa/ /zhes bya ba la sogs pas so/ /rkang pa bzhi pas ngo bo nyid yongs su dag pa gsung ste/ b+hu su ku zhes bya ba la sogs pa ni 'du shes gsum pa nyid kyis gsungs te/dngos po rnams kyi 'dir ngo bo nyid bdag gis bshad pa'o/ /kye'i byis pa'i rnal 'byor pa gal te khyod kyi 'dir 'khrul ba yod pa de'i tshe bla ma dam pa'i zhabs la gus par bya'o/ /'dod pa sbyin pa zhes bya ba'i glu dbyangs nag po spyod pa'i zhabs kyi'o/ /sems kyi lhan skyes stong nyid rdzogs//phung po dang bral sdug bsngal med/ /smras pa ji ltar kAh+Na me/ /bdag ni khams gsum gtan du 'phro/ /rmongs pa brtan nyams 'jig bcas mthong / /rlabs bral rgya mtsho ji ltar skam/ /yod bzhin 'jig rten rmongs mi mthong / /'o ma mar yod bzhin mi mthong / /'gro 'ong med pa'i srid pa 'di yang gang //kAh+Na rnal 'byor ngo bo nyid bzhin rol/ /ye shes kyi bdud rtsis yongs su tshim pa'i nag po spyod pa'i zhabs kyis de nyid kyi don gsungs so/ /sems zhes bya ba la sogs pa ni lhan cig skyes pa zhes te rang bzhin gyi ngo bo nyid kyi lha thams cad stong pa nyid bcu drug gis yongs su rdzogs pa 'di dag gi sems kyi rgyal po'o//de'i phyir phung po dang bral ba zhes te/ kye'i skye bo rnams bdag gi phung po dang bral ba la sdug bsngal ma byed cig ces so/ /de bzhin du dgyes pa'i rdo rje las kyang / phung po dngos med bde ba'i mchog /ces so/ /d+h+rU'i rkang pas ngo bo gsungs te/kye'i byis pa'i rnal 'byor pa smras pa ji ltar nag po spyod pa med par 'gyur te/ 'jig rten gyi ngo bo de'i bsgom par bya'o/ /rtag tu 'phro bar byed de don dam pa'i chu gter la rol par byed do zhes pa'i don to/ /de bzhin du lung las kyang / ji ltar chu klung chu dngas las/ / bdag gi ngo bo myur du bskyed/ /de bzhin stong nyid kun dngas las/ /sgyu 'phrul dra ba ston par byed/ /rkang pa gnyis pas dpe'i sgo nas don de nyid gsal bar byed do/ /rmongs pa zhes bya ba la sogs pa ni sngon po dang ser po la sogs pa'i dbyibs dang kha dog nyid kyi gang gis dngos po de'i 'jig pa mthong ba'i rmongs pa ci'i phyir 'jig par byed de//ci ste rgya mtsho'i rlabs zhig pas rgya mtsho skams par 'gyur ram zhes so/ /rkang pa gsum pas de nyid brtan par byed do/ /rmongs pa zhes pa ni de bzhin du blun pos yod bzhin pa yang 'o ma'i nang na mar mi mthong ba'o/ /de bzhin du 'jig rten gsum mthong bzhin pa yang mi mthong ba'o//rkang pa bzhi pas yongs su grub pa gsungs te/ srid par 'gro ba med ces bya ba la sogs pa ni bla ma dam pa'i chu skyes kyi rdul gyis byed pa'i phyir ro/ /'dir srid pa'i rang bzhin yongs su shes pa nag po spyod pa'i zhabs la srid pa la 'dir rol par byed de rtse bar byed do zhes pa'o/ / baM ga la zhes bya ba'i glu dbyangs b+hu su ku'i zhabs kyi'o/ /lhan cig skyes pa'i shing chen 'jig rten gsum na 'phro/ /nam mkha' dang mtshungs rang bzhin bcings nas grol ba gang / /dper na chu la chu bzhag dbye bar mi nus ltar/ /de bzhin yid kyi rin chen ro mnyam nam mkhar zhugs/ /gang la gang la bdag nyid med pa de la gzhan dag dang //thog ma mtha' med skye dang 'chi ba'i srid pa med/ /b+hu su kus smras ngo mtshar rjes smras ngo mtshar kun/ /'gro 'ong dang bral de la dngos dang dngos med med/ /lhan cig skyes pa'i bde bas tshim pa'i 'du shes gsum pa'i zhabs kyis de kho na nyid kyi don gsal bar mdzad do//lhan cig skyes pa zhes bya ba la sogs pa ni bla ma'i zhabs kyi rdul la reg pas rdo rje dang pad+ma yang dag par sbyor bas bde bar byas pa'i sa bon bzung nas 'jig rten gsum khyab par byed pa rnal 'byor gyi dbang phyug gi lhan cig skyes pa'i sems su byed pa de ni nam mkha' dang mtshungs pa'i dpe ste/bde ba chen po'i rang bzhin gyis 'jig rten gsum gang du yang bcings pa dang grol ba med pa zhes so/ /de bzhin du brtag pa gnyis pa las kyang / khyab bya khyab byed ngo bo yis/ /bde ba yis ni 'gro ba khyab/ /tshig phyi ma'i rkang pas d+h+rU'i rkang par rig par bya'o//rkang pa gnyis pas dpe yis nye bar 'jal bar byed do/ /dper na chu la chu zhes bya ba la sogs pa ni dper na phyi rol gyi chu la chu bzhag na dbyer med par blo dang ldan pas shes so/ /de bzhin du yid nyid byang chub kyi sems rin po che dang rnal 'byor pa'i dbang po ro gcig tu gyur pa nam mkhar zhes te 'od gsal la rab tu zhugs pa'o//de la de'i ye shes dmigs pa ni ma yin no/ /de bzhin du lung las kyang / /ji ltar chu la chu bzhag ltar/ /de bzhin ye shes 'khor lo gnas/ /zhes so/ /rkang pa gsum pas dngos po'i rang bzhin gsungs te/ gang la zhes bya ba la sogs pa ni gang rnal 'byor gyi dbang phyug gi bdag dang bdag gir 'dzin pa'i 'brel pa med pa'i phyir de'i gzhan gyi 'brel pa shin tu ring du gyur pa'o//gang gi dang por ma skyes pa'i dngos po gang rnams la de rnams kyi skye ba dang gnas pa dang 'jig pa ma mthong ste grub pa'i skyes bu rnams kyis so//de bzhin du lung las kyang / /skye med 'chi med de bzhin nyid/ /gzugs min gzugs med pa'ang min/ /'khor ba ma yin myang 'das min/ /byed pa dang bral de yis mtshon/ /rkang pa bzhi pas dngos po'i rang bzhin gsungs te/ b+hu su kus smras zhes bya ba la sogs pa'i ngo mtshar zhes pa ni mngon sum du gsungs pa'i 'du shes gsum pa'i zhabs kyis gsungs te/dngos po mtha' dag rnams kyi de'i rang bzhin ni 'dir zab mo lhan cig skyes pa'i dga' ba'i ngo bo las dngos po dang dngos po med pa'i rnam par rtog pa yongs su bsdus pas 'khor bar skye ba dang spyod pa khyim du 'jug pa dang /'ong ba gang yang rnal 'byor pas ma mthong ba'o/ /de bzhin du sa ra ha'i zhabs kyis kyang / zab mo nyid kyang mtshon du med/ /rang dang gzhan du mi dmigs so/ /lhan cig skyes pa'i dga' ba yi/ /'bras bu rang rig nyid kyis shes/ /mal+la rI zhes bya ba'i glu dbyangs kaM ka Na'i zhabs kyi'o//stong par stong nyid gang tshe mthun gyur pa/ /chos rnams thams cad de tshe 'char bar 'gyur/ /yod pa'i skad cig bzhi la yang dag rtogs/ /dbus su 'gog pas bla med byang chub bo/ /thig len da snying la 'jug pa med/ /gzhan du bltas pas gzhan ni rnam par nyams//ji ltar 'ongs pa de ltar shes par gyur/ /dbu ma ru ni thams cad rnam par spong / ki ka na smras ka la ya yi drin/ /thams cad rnam bshig de nyid gzhom med dbyangs/ /mchog gi snying rje'i bdud rtsi'i btung bas rab tu tshim pa nyid kyis grub pa'i slob dpon keng rus zhabs kyis de kho na nyid kyi don sgra gzhan gyis gsungs te/stong pa zhes bya ba la sogs pa gsungs pas byin gyis brlabs pa stong pa rdo rje bla ma'i byin gyis brlabs pa las bzhi pa'i go 'phang stong pa nyid la gang gi tshe mthun par byed pa rang nyid de'i tshe de'i dus su chos thams cad ces te zung 'jug gi 'bras bu 'char bar 'gyur ro zhes so//d+h+rU'i rkang pas de kho na nyid kyi don gsungs so/ /skad cig bzhi pa zhes pa de las sna tshogs pa la skad cig gis dga' ba bzhi pa yang dag par rtogs pa'i phyir rang byin gyis brlabs pas dbu mar 'gog pa zhes so//rang bzhin bdun gyi nyes pas ting nge 'dzin gyi dri ma'i gzhi las bla na med pa'i byang chub thob pa'o/ /de bzhin du brtag pa gnyis pa las kyang / de la dga' ba skye bar 'gyur/ /zhes bya ba la sogs pas so/ /rkang pa gnyis pas goms pa'i 'bras bu gsungs te/ nA da zhes bya ba la sogs pa ni hUM yig ring po thabs 'dzin pa'i shes pa'i rnam par rtog pa la thig le zhes so//shes rab gzung ba'i shes pa'i rnam par rtog pa la ni nA da'o/ /de gnyis kar rnam par rtog pas de'i dus su spong ba'o/ /de'i phyir chos thams cad dmigs pa med par mthong ste/sems rtogs pa yang so sor mi dmigs par mos pa'o/ /rkang pa gsum pas kun rdzob byang chub kyi sems kyi byed pa nyid gsungs te/ ji ltar zhes bya ba la sogs pa ni dang po gang las byang chub kyi sems skyes par gyur pa de la rang gi byang chub kyi sems dbang po dang yul gyi rnam par rtog pa dang bral nas/gang la bzhi pa'i bde ba rang rig pa'i ngo bo shes pa'i phyir ro/ /de bzhin du sa ra ha'i zhabs kyis kyang / gang la sems nyid brtan gyur rnam bzlog 'gyur/ /rlung dang ro mnyam nyid du gyur pa yi/ /dbang po yul dang mtshungs nyid ji bzhin du//gzhan du gang gis mtshungs pa nyid du 'gyur/ /rkang pa bzhi pas rang nyid kyi mthu gsungs te/ smras pa zhes bya ba la sogs pa ni grub pa'i slob dpon kaM ka na'i zhabs nyid kyis gsungs te/ rnam pa dang bcas pa dang rnam pa med pa la sogs pa byis pa'i rnal 'byor pa'i ca co ste mnyam pa nyid gzhom du med pa'i sgra yis bcom pa'o//de bzhin du lung las kyang / stong nyid seng ge'i sgra yis ni/ /sgra rnams thams cad skrag par byed/ /ces so/ /ma l+lA ri zhes bya ba'i glu dbyangs nag po spyod pa'i zhabs kyi'o/ /yid ljon dbang lnga'i yal ga can de la//'dod pa 'bab pa'i lo 'bras 'bab par byed/ /mchog gi bla ma'i gsung gi sta res bcad/ /kAh+Nas smras pa shing ljon slar mi skye/ /shing de dge dang mi dge'i chu yis 'phel/ /mkhas pas dpyod pa bla ma'i tshad kyis ni/ /shing gang gcod dang gtub pa mi shes na/ /rul nas ltung zhing rmongs nyid srid par mos//stong pa'i shing mchog nam mkhar sta re yis/ /shing de'i yal ga rtsa ba nyid nas gcod/ /de kho na nyid kyi don mchog gi dga' bas rab tu tshim pa'i nag po spyod pa nyid kyis gsungs so/ /yid ljon zhes bya ba la sogs pa ni thog ma med pa'i srid pa'i bag chags kyi yal ga la brten pa'i phyir nag po spyod pa'i zhabs kyis rang gi sems ljon shing nyid du nye bar blta'o//de'i sems kyi ljon pa ni dbang po lnga'i yal ga las grol ba'o/ /'dod pa de'i lo ma dang 'bras bus 'bab pa zhes so/ /d+h+rU'i rkang pas de'i skye ba med pa mtshon par byed do//mchog gi bla ma zhes bya ba la sogs pa ni bla ma dam pa'i gsung gi sta res de'i bag chags gcod cing nyams par byed pa nag po spyod pa pas gsungs so/ de nyid sems ljon shing bzhin du sa gzhir slar skye ba med do/ /de bzhin du brtag pa gnyis pa las kyang /gzhan du sangs rgyas thob mi 'gyur/ /zhes bya ba la sogs pas so/ /rkang pa gnyis pas bla ma'i gsung gi mthu gsungs te/ 'phel zhes bya ba la sogs pa ni de yang sems kyi ljon shing dge ba dang mi dge ba'i chu blangs nas rang gi yid la sogs pa 'khor ba'i sa gzhir 'khor bar byed do//de nas dpal gyi bla ma la dris nas de'i gsung nyams su myong bar byas nas rig pa dang ldan pa'i skye bos zhes te/ rnal 'byor gyi dbang phyug de'i sems kyi ljon shing gcod par byed do/ /rkang pa gsum pas man ngag dang bral ba'i rnal 'byor pa 'khor ba nyid du gsungs te/shing gang zhes bya ba la sogs pa ni gang yang byis pa'i rnal 'byor pas sems kyi shing ljon pa gcod pa zhes te/ rang bzhin med par byed mi shes pa'o/ /de rnams kyang 'khor ba'i sdug bsngal gyis 'khor zhing 'gro ba drug tu ltung bar 'gyur ro/ /slar yang de la srid pa len par byed cing thar pa'i lam mi shes so//rkang pa bzhi bas bla ma'i gsung gi lam gyi rjes su bsngags pa gsungs te/ stong pa'i shing mchog ces bya ba la sogs pa ni de las ma rig pa stong pa'i shing ngo / /kye byis pa'i rnal 'byor pa nam mkha' zhes te rang bzhin gyis 'od gsal ba'o//sta re yis ni bla ma'i gsung gi drin las bag chags yang dag par gcod pa zhes so/ /gang gis slar yang dbang po'i dbang du mi byed pa'o/ /sham+ba rI zhes bya ba'i glu dbyangs dza yA nan+de'i zhabs kyi'o/ /rmi lam gzugs brnyan ji bzhin blta bar gyis//bar gyi srid pa nyid kyang de bzhin no/ /gal te yid ni rmongs las rnam grol na/ /de tshe 'gro dang 'ong ba rgyun chad 'gyur/ /tshig pa ma yin gsher min rgyun mi 'chad/ /sgyu ma la rmongs skra dkar gnyer 'jigs ltos/ /lus ni grib ma sgyu ma dang mtshungs pa//phyogs ni gnyis po der ni sna tshogs mthong / /sems kyi de nyid rang bzhin sbyang bar gyis/ /dza ya nan+tis smras pa gsal byed gzhan min no/ /mchog gi snying rje bsags pa'i phyir de kho na nyid kyi don mngon par shes pa dang ldan pa'i dza ya nan+ta'i zhabs kyis gsungs te/blta bar gyis zhes bya ba la sogs pa ni dper na rmi lam gyi skyes bu dang me long gi gzugs brnyan bzhin du de bzhin du bar srid kyi rnam par shes pa mthong ngo / /de bzhin du lung las kyang / ji ltar chu nang zla ba bzhin du yod med min/ /zhes bya ba la sogs pas so//kye'i gal te khyod kyis lam ma rtogs na rnam par shes pas yang dag par 'gro ba'i dus la yang bla ma dam pa'i gsung rjes su dran pas rang gi sems kyi rmongs pa las rnam par grol bar khyod gyis shig pa'o/ /de'i dngos po med pas 'khor ba'i 'gro ba dang 'ong ba rgyun 'chad par 'gyur ro//de'i phyir rang gi ngo bo nyid la log par rmongs pas so/ /ci'i phyir 'bras bu med pa la 'gog par byed/ de bzhin du yang b+hu su ku'i zhabs kyis kyang / nyon mongs yul rnams la zhes bya ba la sogs pas so/ /rkang pa gsum pas don dam pa'i sems kyi rjes su bsngags pa gsungs te/tshig pa ma yin zhes bya ba la sogs pa ni bla ma dam pa'i zhabs kyi chu skyes kyi rdul la reg pa las de nyid las 'khor ba'i yid gang du rmongs pa las rnam par grol bar 'gyur ro/ /de'i tshe mes tshig par mi 'gyur zhing chus kyang khyer bar mi 'gyur ro//mtshon gyis chod par yang mi 'gyur te/ don dam pa'i sems rtags kyi nga rgyal gyis so/ /de bzhin du mthong bar gyur pa de nyid kyang blo gros dman pa rmongs pas mchog tu 'ching bar byed do/ /de bzhin du phyi'i bstan bcos las/ 'bad pa yis ni sdig pa yang dag spyod//bsod nams zhar la byung yang spyod mi byed/ /mi yi 'jig rten 'di dag ya mtshan che/ /'o ma yongs su spangs nas dug 'thung byed/ /rkang pa gnyis pas don dam pa'i bden pa'i mtshan nyid gsungs te/ grib ma zhes bya ba la sogs pa la gti mug las grol ba gang gi tshe don dam par rig par 'gyur ro//de'i tshe sgyu ma dang 'dra bar rang gi lus shes nas mig gis mthong bar 'gyur ro/ /phyogs dang phyogs ma yin pa dbyer med pa dpal he ru ka lnga rtog par byed do zhes so/ /de bzhin du sa ra ha'i zhabs kyis kyang / lha mo sgyu ma chen mo zhes bya ba la sogs pas so//rkang pa bzhi pas sems kyi 'bras bu'i ngo bo gsungs te/ sems kyi zhes bya ba la sogs pa'i de nyid ces pa ni shes rab kyi pha rol tu phyin pa'i don gyi bcud chen pos sems kyi bag chags kyi nyes pa rnam par sbyong bar gal te mkhas pas byed pa de'i tshe dza ya nan+ta'i zhabs nyid smra bar byed de/sems ni gzhan ma yin te dngos po med pa ma yin no/ /rnam dag de bzhin nyid gang las/ /de nyid gzhan du ma yin no/ /de bzhin du brtag pa gnyis pa las kyang / dngos rnams kun gyi nges pa ni/ /rnam dag de bzhin nyid du 'dod/ /du dz+dza ra zhes bya ba'i glu dbyangs chos pa'i zhabs kyi'o//rdo rje pad+ma'i dbus su gyur pa blangs/ /mnyam nyid sbyor bas gtum mo 'bar bar gyur/ /Dom+b+hi ni yi khang pa me yis tshig nas 'bar/ /ri bong 'dzin pa'i chu ni long la gtor bar gyis/ /rtswa ni 'bar ba ma yin du ba mthong ba med/ /ri rab steng du blangs nas nam mkhar rab tu zhugs//rje btsun khyab 'jug dbang phyug tshangs pa rnams ni tshig /yon tan dgu dang yul gyi grong khyer rnams kyang tshig /d+harmas smras pa gsal por blangs nas rab tu shes/ /rtsa phran lnga las chu ni steng du song bar gyur/ /de kho na nyid kyi don la mchog gi snying rje dang byams pa'i thugs kyis grub pa'i slob dpon chos pa'i zhabs nyid kyis gsungs te/rdo rje pad+ma zhes bya ba la sogs pa ni thabs dang shes rab mnyam pa nyid du yang dag par sbyor bas bde ba chen po 'dod chags kyi me 'bar bdag gi lte ba sprul pa'i 'khor lor gtum mo'i me 'bar ba'o//d+h+rU'i rkang pas don de nyid rnam par gsal bar byed do/ /mes tshig ces pa la sogs pa ni bde ba chen po'i 'dod chags kyi sred pa dang ldan pas me nyid do/ /Dom+bi ni yongs su dag pa'i a wad+hU tI'i khyim du sbyong ba'o/ /de bas na bde ba chen po'i mes bdag gi yul la sogs pa'i tshogs pa la brten pa mtha' dag bsreg pa'o//ri bong 'dzin pa zhes pa ni bla ma dam pa'i drin las mtshan nyid dang bral bas rnam par sbyangs pa'i kun rdzob byang chub kyi sems bzung nas de'i me rab tu zhi bar byed pa'i phyir ro/ /de bzhin du brtag pa gnyis pa las/ lte bar gtum mo spar ba yis//zhes bya ba la sogs pas so/ /rkang pa gnyis pas ye shes kyi me'i rang bzhin gsungs te/ rtsa ni 'bar ba ma yin zhes bya ba la sogs pas dper na phyi rol du me drag po 'bar ba de'i du ba la sogs pa mthong ba de bzhin du ye shes kyi me ni mi mthong ste/'on kyang dngos po dang dngos po med pa bsreg pa sngon du gsungs pa'i ri rab kyi steng du me ni nam mkha' la zhes te bde ba chen po'i 'khor lor thim pa zhes so/ /rkang pa gnyis pas gsungs pa'i don so sor rgyas par bshad do/ /sreg pa zhes bya ba la sogs pa ni tshangs pa zhes pa dgongs pa'i skad kyis dri chen gyi rtsar rig par bya'o//khyab 'jug ces pa ni dri chu'i rtsa'o/ /dbang phyug ces pa ni khu ba'i rtsa ste de rnams tshig pa'o/ /steng du ni la la nA dang ra sa nA'o/ /yon tan dgu dang yul gyi zhes pa ni mig gi dbang po la sogs pa dang yul du bshad pa rnams bsreg pa'o//de nyid 'dod chags kyi mes rang bzhin med par gyur pa'o/ /sa ra ha'i zhabs kyis kyang / /yid ni 'chi ba med pas so/ /zhes bya ba la sogs pas so/ /rkang pa bzhi pas dga' ba bzhi pa'i rkyen du gsungs te/ d+harmas smras pa zhes bya ba la sogs pa chos pa'i zhabs nyid kyis gsungs so//kye'i lam ma rtogs pas/ dpal gyi bla ma'i zhabs kyis yang dag par rdo rje dang chu skyes mnyam du sbyor ba gsal bar mdzad nas lhan cig skyes pa'i dga' ba shes rab gyis shig pa'o/ /de'i bde ba chen po chu skyes las 'ong ba nyid gang byang chub kyi sems nor bu'i rtse mor son pa bzhi pa'i dga' bas sbyangs pa nA da dang bcas pa pad+ma'i nA da la zhes te a wa d+hU ti'i lam gyis slar yang de nyid du 'gro ba'o//pa Da ha zhes bya ba'i glu dbyangs kuk+ku rI pa'i zhabs kyi'o/ /rdo rje chu skyes g.yul ngor zhugs/ /mnyam nyid sbyor ba'i dmag dpung tshogs/ /yul dang dbang po'i grong rnams bcom//stong nyid rgyal po bde chen ming / /rnga sgra dung skad gzhom du med pa'i dbyangs rnams sgrogs/ /gti mug srid pa'i dpung rnams ring du 'da' bar byas/ /dkyil 'khor gsum gyi skyon rnams me yis bsreg par byas/ /bde ba'i grong khyer rtse mor gnas nas thams cad bsdus//sor mo gyen du bslang nas kuk+ku rI pa smra/ /'di ni 'jig rten gsum du bde ba chen pos rgyal/ /de kho na nyid kyi don sgra gzhan gyis kuk+ku rI pa'i zhabs kyis gsungs te/ rdo rje zhes bya ba la sogs pa ni yul gyi sgra'i g.yul ngo 'gog pa'i phyir rdo rje dang chu skyes de bzhin du thabs dang shes rab bde ba chen po'i rang bzhin kuk+ku rI'i zhabs kyis 'dren par byed do//mnyam nyid ces pa ni rang bzhin gcig tu bde ba chen po'i ngo bo nyid rnal 'byor gyi dbang phyug gi mnyam pa nyid du sbyor ba de nyid de'i dA ri kA'o/ /de bzhin du lung las kyang //dngos po gcig gi de nyid gang gis mthong / /dngos kun de nyid nges mthong ngo bo gcig /dngos po kun gyi ngo bo rang bzhin rnams/ /dngos kun gcig gi rang bzhin ngo bo nyid/ /d+h+rU'i rkang pas bde ba chen po'i mthu gsungs te/ bcom zhes pa ni bde ba chen po zhes pa thos pa tsam gyis srid pa'i dkyil 'khor gyi yul dang dbang po 'di dag bcom pa'o//rkang pa gnyis pas don de nyid gsal bar mdzad do/ /sgrogs pa zhes bya ba la sogs pa'i gzhom du med pa'i dbyangs zhes pa ni rnga sgra dang dung sgra g.yul ngor sgrogs te/ gang stong pa nyid kyi dbus su bskyed pas kye'i rnal 'byor pas srid pa'i g.yul gyi dpung rang bzhin med par gyis shig pa'o//rkang pa gsum pas don dam pa byang chub kyi sems kyi rjes su bsngags pa gsungs te/ gsum zhes pa la sogs pa'i gsum ni bde ba chen po'i mes lus la sogs pa dkyil 'khor gsum gyi nyes pa bsregs nas bde ba chen po'i 'khor lo'i rtse mor gnas pas mi ltung ba'i bde ba chen po'i byang chub kyi sems kyi mes sdud par byed pa'o//de bzhin du ra ti badzra gyis kyang / byang chub sems ni spang mi bya/ /rdo rje pad+mas rgyas 'dabs pas//zhes so/ /rkang pa bzhi pas 'bras bu'i ngo bo gsungs te/ gyen du zhes bya ba la sogs pa kuk+ku rI pa'i zhabs kyis/ kye'i rnal 'byor pas sor mo'i steng du byas pa ni gsungs pa'i don 'dis 'jig rten gsum zhes te/ lus dang ngag dang yid kyi snang ba'i skyon las bde ba chen pos rgyal ba'o//de bzhin du sa ra ha'i zhabs kyis kyang / khyim ni yod bzhin nags su 'gro bar ma byed cig /ces pa la sogs pas so/ /mal+lA ri tA la gcig pa zhes bya ba'i glu dbyangs b+hu su ku'i zhabs kyi'o/ /rgyal po'i gru ni pad+ma'i tshal nas 'bab//brtse ba med pas baM ga la yul khyer/ /de ring b+hu su ku pa nang 'khrug shor/ /rang gi khyim mi mo ni gtum pos khyer/ /rnam pa lnga po bsregs shing yul rnams brlag /rang sems rin chen gar 'gro sleb mi shes/ /gser dngul bdag la ci yang mi gnas na//rang gi 'khor gyis rin chen blangs nas gnas/ /bdag mdzod bye ba phrag bzhi ma lus khyer/ /gson po dang ni shi la khyad par med/ /shes rab kyi pha rol tu phyin pa'i chu gter yongs su bsrubs pa'i de kho na nyid kyi bdud rtsis yongs su tshim pa grub pa'i slob dpon b+hu su ku'i zhabs kyis nang 'khrug gi dgongs pa'i skad kyis de kho na nyid kyi don rab tu gsal bar mdzad de/shes rab kyi chu skyes kyi sgo'i bu gar bla ma dam pa'i zhabs kyi thabs kyis rab tu 'jug go/ /de la dga' ba la sogs pa'i sgras zhes bya ba la sogs pa ste/mi 'gyur ba'i bde ba gnyis su med pa ni baM ga lar 'bab pa zhes te dbyer med pa nyid du byas pa'o/ /de bzhin du lung las kyang / nyon mongs byang chub so sor min/ /byang chub nyon mongs las byung min/ /'khrul pa las ni nyon mongs rtog/ / 'khrul pa'i rang bzhin dri ma med/ /d+h+ru'i tshig gis de kho na nyid kyi don mngon par gsal bar mdzad de/ de ring zhes bya ba la sogs pa ni bdag nyid rang la yang dag par 'bod par gsungs te/ kye'i b+hu su ku'i zhabs bsam gtan yongs su smin pa'i gnas skabs na sbyor ba dang bral bas de ring nyid nang 'khrug shor bar gyur pa ste/gang gi phyir nang gi khyim mi mo zhe na/ sems yongs su dag pa a wa d+hU tI ni rlung gi gzugs so/ /gtum pos khyer zhes pa ni reg bya rang bzhin gyis 'od gsal gyis len pa'o/ /rkang pa gnyis pas ngo bo nyid 'gyur ba med pa gsungs te/bsregs shing zhes bya ba la sogs pa ni de'i bde ba chen po'i mes rnam pa lnga po bsregs pa ni phung po lnga las byung ba'i bdag dang bdag gir 'dzin pa'i phyogs rnams bsregs te dbang po dang yul lnga'o/ /de'i phyir rang gi rtog pa yongs su spangs pas rang gi sems rin po che mi shes pa'o//de bzhin du sa ra ha'i zhabs kyis kyang / ji ltar zhes bya ba la sogs pas gsungs so/ /rkang pa gsum pas de nyid rgyas par bshad de/ gser dngul zhes bya ba la sogs pa ni so na zhes pa ni stong pa nyid 'dzin pa'o//rU pa zhes pa ni gzung ba'i ngo bo ste/ rnam par rtog pa gnyis ka'i rang bzhin rnam par dpyad par gyur na cung zad kyang mi gnas pa'o/ /rang gi 'khor gyis zhes pa ni de nyid las nges par rnam par rtog pa spangs pas bde ba chen po'i rin po cher bdag nyid thim pa'o//de bzhin du lung las kyang / don gnyer skye bo med na blo gros mchog gis ring du len/ /gang zhig skyes bu dam pa de rnams rgyal ba'i longs spyod dang 'grogs te/ /blo gros mchog dang ldan pas nyin dang mtshan du bsam gtan sgom par byed/ /bdag blo rmongs pas bsgom pa bde ba'i go 'phang la brten nyin mi mthong //sems can don phyir snying rje'i ro yis ma rig thibs por slar 'dod pa/ /rkang pa bzhi pas shin tu bsgoms pa gsungs te/ bye ba phrag bzhi zhes bya ba la sogs pa ni gzhan gang la mtha' bzhis rnam par dpyad pa'i mdzod bdag gi'o//gnyis su med pas na nang 'khrug pa de yis khyer ba'o/ /de'i phyir bdag ni gson pa dang shi ba ni bsam gtan la sogs pa la rnam par rtog pa med pa'o/ /de bzhin du yang dpal ldan dgyes pa rdo rje nyid las/ de yi bde ba nyid thob ces bya ba la sogs pas so//dga' bas rtse ba zhes bya ba'i glu dbyangs ri khrod zhabs kyi'o/ /nam mkha' nam mkhar son pa lta zhing sta res gcod/ /mgul du bdag med gzhon nu ma ni sad nas rnyed/ /sgyu ma la rmongs ma rung yan lag can ni spongs shing spongs/ /sa wa ri ni bde chen gyis sgeg stong pa'i mi mo len//bdag gis ldum ra bltas pas nam mkha' dang mtshungs mnyam zhing 'dra/ /ras bal me tog shin tu rgyas pas rab tu dga' bar gyur/ /kaM gu tsa ni smin gyur rngon pa pho mo bzi bar gyur/ /nyin mtshan sha wa ri pa cir yang bsam med bde chen myos//phyogs bzhi rnams su smyug ma'i rib mas legs par bskor nas byin/ /sa wa ri yis de byas bya dang ce spyang rnams ni ngu / /khyod kyis bsad byas phyogs bcur gtor ma dkar po gtong ba ltos/ /sa wa ri ni mya ngan 'das gyur srid rtsa thams cad zhig /de kho na nyid kyi don dam pa'i bden pa mngon sum du mdzad pas 'gro ba'i don gyi phyir grub pa'i slob dpon sa wa ri'i zhabs kyis gsungs te/ nam mkha' nam mkhar zhes bya ba la sogs pa ni nam mkha' zhes lan gnyis gsungs pas stong pa nyid dang shin tu stong pa zhes bya bar rig par bya'o//de la sbyar zhing bsdus pa'i rigs pas gsum pa stong pa chen po dang snying po zhes te/ 'od gsal bzhi pa stong pas sta rir byas nas de la bsnun pa la sogs pa stong pa gsum po'i skyon gcod pa nyid do/ /mgul du zhes pa ni longs spyod kyi 'khor lor bdag med pa'i chos rtag tu khong du chud pas gang du yang rnal 'byor pa rab tu sad pas de 'jig rten gsum du gsal bar byed do zhes so//d+h+rU'i rkang pas grogs yongs su spong bar byed de/ spongs shig ces bya ba la sogs pa ni sgyu ma zhes te/ ma rungs yan lag can ni las kyi yan lag can no/ /kye'i rnal 'byor pa rnal 'byor chen pos phyag rgya chen po'i dngos grub sgrub par gyis shig pa ste/ bdag la mtshon cha rnam pa gnyis gsungs so/ /de bzhin du sa ra ha'i zhabs kyis kyang / /'gro ba zhes bya ba la sogs pas so//de'i phyir sa wa ri ni bde ba chen po'i ngo bo stong pa nyid bdag med pa'i ye shes kyi phyag rgya 'dzin pa'i phyir sgeg cing rol pa'o/ /rkang pa gnyis pas bya ba byed pa gsungs te/ bdag gi ldum ra dben pa ste bdag gi gsum pa a wa d+hU tI pa'o/ /nam mkha' dang mtshungs pa ni bla ma'i zhabs kyi drin gyis 'od mtshungs par gyur pa'o//ka pA sa zhes bya ba ni ka yig gi rtsa bar 'jug pa ni kha yig ste stong pa bzhi pa bdag nyid 'dir gsal bar gyur pa'o/ /slar yang gzhan gyi ngo bo nyid du 'gyur ro/ /de bzhin du yang / /dud 'gro mgon shar dri med pa'i/ / zla ba ji bzhin lhan skyes spro/ /rkang pa gsum pas de nyid kyi khyad par gsungs te/ ldum ra'i rtsa ba zhes bya ba la sogs pa ni stong pa gsum pa la gnyen po ste/ zla ba shar ba zhes ye shes kyi zla ba'i dkyil 'khor de shar bar gyur pa'o/ /de'i tshe nyon mongs pa'i mun pas sel te bros pa'o/ / nam mkha' zhes pa ni kaM bde ba kun rdzob byang chub kyi sems des gang gi yan lag tu gyur pa'o/ /kaM gu tsa na zhes pa ni bzhi pa skye ba med pa rang bzhin gyis 'od gsal ba'i gzugs bla ma'i drin gyis mchog gi rnal 'byor pas gnyis po gcig tu gyur par yongs su rtog go/ /de'i phyir rngon pa ni thugs rdo rje'o//rngon pa mo zhes pa ni ye shes kyi chang gis myos pa ye shes kyi phyag rgya 'dzin pa'i phyir thogs pa med pa'i nA da'i dga' bas rab tu myos pas rtag tu cung zad kyang bsam du med pa'o/ /de'i phyir bde ba chen pos sa wa ri ni sems med par gyur nas nyal ba'o/ /rkang pa lnga pas rab tu 'jug pa'i thabs gsungs te/bzhi zhes bya ba la sogs pa ni de mtshams bzhir dga' ba bzhi las kyi phyag rgya las rig par bya'o/ /bskor nas zhes pa ni rnal 'byor gyi dbang phyug gis brtan par bya'o/ /de bzhin du lung las kyang / de la dga' ba skye bar 'gyur/ /zhes pa la sogs pas so//de'i steng du gtum mo zhes pas yul dang dbang po'i phyir ro/ /sa wa ri zhes pa ni de byed pa'i phyir pha rol gang la stobs kyis byed pas rngub ces te/ 'di ra sa wa ri'i zhabs grub pa'i slob dpon 'chi ba med pa nyid mthong nas ce spyang la sogs pa'i bya'i tshogs mtha' dag ngu bar gyur pa'o/ / 'dis sa wa ri'i zhabs bdag gis brtsir ba zhes pa'o/ /rkang pa drug pas rigs rdzogs par gsungs te/ bsad byas zhes pa ni yul la spro ba ste/ sems kyi rgyal po bla ma dam pa'i gsung gi ral gris mi snang bar byas nas phyogs bcu'i sangs rgyas rnams la bdag gi de kho na nyid kyis mchod par bya'o//de bzhin du lung las kyang / gtor ma'i mchod pa'i yo byad ni/ /gtor ma chen po dga' ba yin/ /zhes so/ /de'i phyir sa wa ri ni sems kyi rdo rje'o/ /bdag dang bdag gir 'dzin pa yongs su btang nas nges par rig par gyur pa'o/ /de lta bur gyur pa ni thog ma dang tha ma med pa'i bag chags kyi don bdag gis bsal zhing bros par gyur pa'o zhes so//de bzhin du sa ra ha'i zhabs kyis kyang / rtog pa rnams nyams nyams las sangs rgyas su/ /blo ngan rnams kyis rjes su ston par byed/ /bdag las de nyid blo ldan rnams kyis ni//cis kyang mkhas las lhag tu ster bar byed/ /dpal ldan he ru ka'i rgyud kyi rgyal po'i chu gter zab mo 'dus pa la sogs las/ /dpal ldan bla ma dam pa'i mgon gyi gsung bsrubs pa las grub pa gang zhig 'khrungs pa ni/ /dpal ldan de nyid bdud rtsi'i ro ru gyur pa rang la ston par byed pa'i mthar gnas pa/dpal ldan de nyid dpung gnyen kyang ni rtag tu yang dag bsdus pa rnam par spyad pa rnams/ /bsdus pa de la rnam par dpyod byed pa/ /nye bar bsdus pa spyod pa'i glu brgya la/ /sems can rnams kyis byang chub rtogs bya'i phyir/ /blo gros dad ldan rnams kyis dang mdzod mdzad//de phyed thub pas byin gyis rnam dpyad nas/ /slob mas yang dag rtogs par bya phyir dang / /kun gyis kyang ni shes par bya ba'i phyir/ /mdzod kyi don ni rab tu gsal bar byas/ /skyes bu dam pa bshes rnams la/ /thub pas byin gyis 'grel mdzad pa'i/ /bdag gi bsod nams gang de yis/ /skyes bu dam pa brgyal gyur cig /spyod pa'i glu'i mdzod grub pa rnams kyi rdo rje'i glu de kho na nyid gsal bar shes pa'i skye bo rnams la slob dpon thub pas byin gyis 'grel pa mdzad pa las grub pa rnams kyi rdo rje'i glu 'grel pa dang bcas pa rdzogs so// //paN+Di ta chen po kIrti tsan+d+ra'i zhal snga nas gdams pa dang bcas pa legs par zhus shing /chos kyi rje dpal ldan sa skya pa khu dbon rnams kyi sku drin la brten nas bal yul yam bu'i grong khyer du bod kyi lo tsA ba ban+de grags pa rgyal mtshan gyis bsgyur ro// //