CLOSE WINDOW

D2278
བོད་ཡིག

/[# #]@##/ /slob dpon klu sgrub snying po'i zhal snga nas/ /re ba'i dpe ni ser skya 'dra/ /dog pa rgyal bu gzhon nu ste/ /gzhan du 'dzin pa smig rgyu chu/ /bdag 'dzin phung byed nyi zer gzugs/ / snang ba gnyis ldan ne tso'i bya/ /dor ba thur ma 'khrul pa'i gzugs/ /lta bas nga rgyal chos kyi wa/ /sgom la der 'dzin a nu lta/ /spyod pas nga rgyal 'dzin na pa/ /dka' bas rlom sems bzang skyong bu/ /dbang gi bu grol 'dod kos la/ / rtogs pas chog zer dpal gyi bu/ /bla ma bla bral bla med gang+gA mo/ /bka' la skur 'debs kr-iSh+Na pa/ /bde bas grub 'dod thangs bzangs glu / /stong pas de bzhin gdol pa dza / /de rnams bral ba'i shes pa ni/ /nor bu rin chen thob pa 'dra/ /sngon yul wA rA Na sIr khyim bdag pra mo ha dang //ser skya mo gru spyan mo gnyis/ /chu bo nai rany+dza na'i 'gram ne'u sing pos ngad can du dus byas pa las/ mos nyin mtshan lnga zhig tu bsdad kyang 'ongs par ma gyur to/ /de nas yi mug ste ma'i drung du phyin pa dang / mas smras pa/ kye bu mo mdangs rab tu zhum par gyur pa ci'i phyir zhes pa dang / bu mos smras pa/ kye mtshan mo gnyis dang gnyis gsum bar/ /khyim bdag gzhon nu la bsdad pas/ /yid gdungs pas ni yi chad gyur/ /zas dang bral ba lto ba ltogs//zhes zer ba la/ mas 'bras chan pa na li gang byin pas/ /myur du zos pas glo ba'i sul du song nas mgo 'khrugs so/ /de nas sman pa bshes gnyen chen po la bltas pa dang / /'di dag ni tshul ji lta bu yin zhes pa dang / gong gi tshul bshad do//sman pas smras pa/ gang gis gang la re ba ni/ /zhi bar mi 'gyur bder mi 'gyur/ /sdug bsngal sna tshogs 'phel ba ste/ /re ba med pas bde ba'i mchog /'di dag ni re bas phung bar 'gyur ba bstan pa ste/ re ba med par bya ba'i man ngag ste dang po'o// //sngon gyi dus na rgyal bu mgron bzangs zhes bya ba zhig la/ yab thu bo'i stobs kyi rgyal rigs spyi bo nas dbang bskur te/ kye rgyal bu sgo srung la nan tan gyis shig khri gzhan la ma shor bar bya ba la brtson par gyis shig ces smras nas tshe'i dus byas par gyur to//de nas chos sbyin byed pa'i dus su bram ze mdun na 'gro rgyal po'i pho brang du byung ba la khri phrogs kyis dogs te langs nas sgor bya ba la phyin pa dang / nu bo 'gro bas rten pas khri phrogs so/ /de nas ser skya mas/ khyod 'o na 'bad par 'gyur ba ci'i phyir zhes pa dang / rgyal po nas babs kyis smras pa/ bdag la yab kyis gdams pa bzhin/ /khri stan shor gyis dogs pa na/ /sgo yi bya ba la phyin pas/ /nu bos bdag gis bde ba phrogs//zhes pa dang bram zes smras pa/ dogs pa dang bcas sems kyis bde mi rnyed/ /nyam nga dang bcas rtag tu bde mi 'gyur/ /gang la dogs yod de 'jig yod pa'i phyir/ /mkhas pa rnams kyis dogs pa spang bar bya/ /dog pa dang bral bar bya ba'i man ngag ste gnyis pa'o// //sngon ri bya rkang la/ dge slong sog ma med kyis phyin pa dang / rab tu skom gyis gdungs par gyur pa la/ smig rgyu zhig chu ru 'khrul te/ 'thung du phyin pa dang / rab tu ngal bar gyur nas sngo'i ldum bu za zhing 'dug pa la/drang srong rkang mig gis smras pa/ bgrod dka' 'khor ba'i thang chen la/ /gzhan du btsal 'dod mi dag ni/ /nyon mongs tho bas gdungs 'gyur te/ /skom pa smig rgyu'i chu 'tshol 'dra/ /zhes so/ /de dag ni bsgom bya spang par bya ba'i man ngag ste gsum pa'o// //sngon rgyal po brla skyes la/ btsun mo lnga brgya la bu stong yod de/ sras nam ga ru drang srong dpal dga' mo bslangs te/ /de gcig bu med pas rab tu gces par byas/ rgyal bu yang bdag la ni gces pa med de/bdag la ni sdug bsngal zug rngu cung zad tsam yang byung bar phangs pas/ bdag tshe'i dus byas na 'khor thams cad phung bar 'gyur ro snyam sems so/ /de nas nang par zhig khrus byas te/ khang bzangs kyi rtse mor kha shar phyogs su bltas te/ nyi zer la mig cung zad btsums nas bsdad pa dang /nyi zer gyi gya gyu la dur khrod byung bar mthong nas/ bdag la dri mas gos par 'gyur snyam nas bros pa dang / khang bzangs kyi rtse mo nas ltung ste/ tshe'i dus byas so/ /de nas dge bsnyen blo gros bzang pos smras pa/bdag tu 'dzin pa ches pas sdug bsngal 'byung ba ste/ /bdag bde 'dod pas gzhan gyis gnod pa byung / /bdag tu 'dzin pa yongs su dor byas nas/ /sems can kun kyang sman pa bzhin du bya/ /bdag tu 'dzin pa dang bral bar bya ba'i man ngag ste bzhi ba'o// //sngon dze ta'i tshal du rgyal bu don thams cad grub pa dang / bdud nag po lha sbyin gnyis bya ne tso'i lus gcig las/ mgo bo gnyis su gyes pa cig tu skyes par gyur to/ /de nas lha sbyin mgo bo gnyid log pa'i dus su/ don grub kyis shing gi rtsa ba srog pa dang /sman yang smra dang / dug ha la gnyis rnyed pa la/ bcud ni mnyam por phan ro ni bdag rang myang ngo / /zhes nas sman zos pa dang / bdud lha sbyin sman gyi sgregs pa byung ngo / /de nas rab tu khros pas lha sbyin gyis dug zos pas gnyis ka phung bar gyur to//de nas lha'i dbang po brgya byin gyis smras pa/ de nyid mthong ba'i mkhas pa yis/ /sman lha'i bsod nams mi bslang zhing / /dug lta mi mthun dor mi bya/ /blang dang dor bas phung bar 'gyur/ /blang dor dang bral bar bya ba'i man ngag ste lnga pa'o// //sngon grong khyer ser skyar bram ze nyi ma sbyin zhes bya ba la/ rims nad sel bar nus pa'i/ nor bu chen po mu sa ra ga la ba zhes bya ba yod de/ khyim bdag de la khyim thab gnyis yod pa las/ gnyis ka la bu med par gyur nas/grong khyer bde ba can du khyim bdag mo sa man+ta zhes bya ba dang / 'dod pa'i dus btab nas phyin pa dang / sngar gyi khyim bdag mo gnyis phyi bzhin du byung bar gyur to/ /de nas shing sdong po rul pa cig gi khong du gab bo/ /de nas khyim thab gnyis phyir log pa dang /khyim thab mos man+ta dang sprad nas nyal po byas pa dang / khyim bdag gi mgo'i cod pan la gser gyi thur ma gnyis gyen du 'greng ba la/ mig yor gyi mi gnyis su 'khrul te bram ze la smras pa/ kye bzhin bzangs 'o skol ni mi gnyis kyis nye ba nyid du non nas gda'o zhes pa dang /bram ze la smras pa/ de ni nga'i khyim bdag mo gnyis lags te/ 'o skol gyi spyod lam rgyal po la smras na/ nges par chad pa gcod par gyur pas sa phyogs gzhan zhig tu bros la gshegs so zhes na//na dpe'i tshal du phyin pa dang / /thur ma yin par ngo shes te sa man+ta rab tu 'khrul pa la 'gyod pas smras pa dang / /khyim bdag mo sa man+tas glu blangs pa/ 'o skol mi yis skrag nas bros pa dang / /'khor ba dor bar 'dod na sgrub pa 'dis/ /dang po gzhi stong pa nyid nas sdug bsngal byung ste/gnyis med la gnyis su brtags pas gdungs par 'gyur/ /blang dor dang bral bar bya ba'i man ngag ste drug pa'o// //sngon mi yul ma ga d+ha na tshos ma ko'u ri ma zhes bya ba grong khyer gyi mtha'i spyil po cig na/ngur smrig gi tshos blugs pa'i bur snod cig gi nang du kha shing los bcad de/ mo rang gi me tog thur phyin pa dang / dur khrod kyi wa cig gis tshos kyi steng du phyin pas sdib ste/ lus tshos kyi mdog gis sbangs so/ /dur khrod du phyin pa dang / spyang ki dang phrad nas/kye che zhe mchog tu gyur pa khyed su yin zhes pa la/ mo na re bdag ni lha'i ri dgas sha ra na zhes bya ba yin te/ lus dri dang mdog tu ldan pa'o/ /de nas dom dang stag dang spre'u dang / seng ge rnams la spyang kis ched du brjod pas kun kyang 'khor gyur to//de nas zla ba rgyas pa nya'i dus su ma'i drung du phyin te/ nga ni mchog go/ /bla na med pa'o/ /phul lo/ /ri dgas kyi rje mor gyur pa'o/ /zhes pa las/ mas smras pa/ kye bu mo/ /tshad ma'i chu las khrus byas nas/ /dman pa'i sa la gnas na bde//rgyud ngan lpags pas nga rgyal ba/ /yun du 'grogs na phung bar nges/ /zhes brjod pa la/ pags pa'i nga rgyal gtong du ma btub pa'o / /de nas log ste gcan gzan gyi tshogs su phyin pa dang / rang gis skad btang bas war gyur cing / seng ge'i skad btang bas brgyal lo//de nas ri dgas gcan gzan thams cad kyi spu tshom pa re btogs te rtug pa dang bsres so/ /de nas lha'i bu rnams kyis tshigs su bcad de smras pa/ sems kyis stobs kyis mi 'gro zhing / /pags pas nga rgyal 'gro byed pa//rgyun du bde bar ma gyur te/ /spu dang bral bas wa nyid phung / /bde bas 'bras bu bsgrubs pa la/ /zhe 'dod med pas mi 'gro zhing / /grub mtha' nga rgyal 'gro byed pa/ /lnga bzhin thal bar brlag par 'gyur/ /rang gi lta ba nga rgyal ba dang bral bar bya ba ste bdun pa'o// //sngon ko sa la'i yul du/ dge slong ya shu ha zhes bya ba cig gis/ tshogs drug 'gegs pa'i bsam gtan byas pa las rlung 'byung 'jug 'pho ba dang bral bas lo lnga brgya rnyed thub po/ /de nas 'khor los sgyur ba'i rgyal po dga' sbyangs mdangs kyis smras pa/dge slong khyod kyis sems la ltos/ /shes rab pha rol phyin drug ma/ /tsam du mi gnas 'di sgoms la/ /'gog pa'i snyoms par 'jug pa thong / /zhes pa la don la slar skur ba btab nas sngar gyi 'du shes med pa la zhen pas/lha tshe ring por skyes so/ /de nas mtha' 'khob rgyal por skyes so/ /de nas yang skye ba dran pas bstan pa la skur pa btab nas/ sngar gyi 'du shes med pa la zhen pas/ lha tshe ring por skyes so/ /de nas yang skye ba dran pas bstan pa la skur pa btab pa dang /dngos su sas thongs phye nas/ mnar med pa'i dmyal bar song / de dag ni sgom pa dmigs pa dang bral bar bya ba ste brgyad pa'o// //sngon bram ze 'dzin na pa zhes bya ba bsil khang na nyal ba'i rmi lam na/ rigs kyi bu gtsang ma'i spyod pa long cig las byang chub mchog tu bskyed nas/shes rab dang bral ba'i pha rol tu phyin pa lnga ni mchog ma yin no/ /pha rol tu phyin pa'i ming tsam yang mi thob po/ /de ci'i phyir zhe na/ chos thams cad ni brjod du med pa'i phyir ro/ zhes brjod kyang mngon pa'i zhen pa dang ma bral lo/ /de bdud dga' rab dbang phyug gis byin gyis brlabs nas/ srid pa'i rtse mo'i bde ba thob ste/ slar ngan song du lhung ngo / /spyod pa'i zhen pa dang bral bar bya ba ste dgu pa'o/ / sngon rgyal po bzang skyong bya ba'i bu mos/ dge slong ma skye dgu'i bdag mo zhes bya ba la/ lus ngag yid gsum longs spyod kyi sgo nas/ lo drug tu bsnyen bkur byas so/ /tshogs kyi lam rtags bcu gsum dang ldan pa'i spyod pa bcu phrag gnyis su byas so//dus ji snyed du thos pa yang de snyed du sbyangs pa las/ dge slong ma dpal mo zhes bya bas smras pa/ kye bdag gis 'khor ba thams cad kyi snying po/ mya ngan las 'das pa'i de kho na nyid khyod la sbyin gyi/ khyod 'khor ba'i dogs pa las yongs su grol bar 'gyur ro zhes pa dang /bu mos smras pa/ kye dge slong ma snga ma'i dga' ba de rnams kyi 'bras bu mchog go/ /de las mchog tu gyur pa'i 'bras bu ni mi 'byung ba'i phyir/ kho mo mi 'dod do zhes pa dang / dpal mos smras pa/ chos kyi gsung nyid mi shes par//'bras bu 'dod pa'i dka' thub dag /rgyal po dag gi pho nya bzhin/ /dka' bas mang yang don chung 'gyur/ /dka' bas mang po byas pas chog par 'dzin par bya ba ste bcu pa'o// //dpal mchog dang po'i rgyud las/ dpal mchog dang po dbang las 'byung //lus ngag yid kyi tha ba dag /dbang gis rab tu smin byas na/ /dpal mchog dang po thob par 'gyur/ /zhes bya ba la rgyal po ko sa las mthong nas/ rgyal po in+d+ra b+hU ti la/ dbang lan bcu bdun du byas so/ /de nas rgyal po in+d+ra b+hU ti /kye rgyal po dam pa ni sa bon lta bu'o/ /rgyun du goms pa ni chu lud kyis myu gu skyed pa lta bu'o/ /spyod pa ni lo tog 'os su rung bar byed pa lta bu'o/ /des na rgyal po chen po sgom pa goms par bya bar rigs so zhes brjod kyang / sngar gyi lung gis nges par kha lo sgyur du ma btub po/ /der mkha' 'gro mas tshigs su bcad pa smras pa/ dbang gis ye shes mtshon byas shing / /'os su rung bar byar 'dod kyang / /goms bral chu shing 'bras bu ltar/ /lan cig skyed na zad 'gyur nyid//zhes pa'i phyir na goms par bya'o/ /dbang kho nas chog par 'dzin pa dang bral bar bya ba ste bcu gcig pa'o// //dpal DoM bi he ru ka'i slob ma shrI sing nga zhes bya ba zhig gis/ mkha' 'gro ma dang / rnal 'byor pa pho mo tshogs kyi 'khor lo tshogs pa'i dus su smras pa/chos rnams stong par rtogs pa yis/ /de yi mtha' la sgom du med/ /gal te sgom na dman 'gyur te/ /dper na rgyal po rgyal por ni/ /slar yang 'dod pa med pa bzhin/ /bud+d+ha thams cad stong pa nyid du gcig par rtogs nas sgom mi dgos/sgom sogs sbyin sreg thal ba 'dra/ /zhes pa/ rdo rje mkha' 'gro ma thams cad kyis/ kye bud+d+ha'i gsang ba yongs su 'phrogs par byed pa'i log sred can khyod nyon cig /tshes gcig gi zla ba mthong bas/ nya gang ba yin nam byis pa btsas thog nas stobs rdzogs pa nyid dam/sa bon btab pa nyid nas 'bras bu phun sum tshogs pa nyid dam/ rgya mtsho nang gi nor bu mthong bas lag tu yod pa nyid dam/ sems bskyed pa tsam gyis sems can gyi don nus pa nyid dam/ zas mthong ba tsam gyis bkres pa sos pa nyid dam/ma rig pa'i phyir/ rtogs pa'i gtso bo la gags goms pa'i 'khor gyis mnyes par bya na/ zung du 'jug pa'i ye shes thob par 'gyur ba'o/ /rtogs pas chog par 'dzin pa ni srun pa'o/ /phyi rol pa'o/ / bdud kyis mngon sum du byin gyis brlabs pa'o/ /rang nyid phung bar byas pa'o/ /zhes nas bsad de mkha' 'gro ma'i longs spyod du byas so/ /rtogs pas chog par 'dzin pa dang bral bar bya ba ste bcu gnyis pa'o// //rgyal po d+harma pA la'i bu mo gang+gA mo zhes bya ba zhig gis/de bzhin gshegs pa'i mdo rgyud thams cad bltas pa las/ rtogs pa ji lta ba skyes te bsgoms so/ /de nas byang chub chen po la srin pos mchod pa'i nub mo/rnal 'byor pa thams cad tshogs kyi 'khor lo byed pa'i sar gang+gAs phyin pa dang /rnal 'byor pa thams cad mkha' 'gro mas byin gyis brlabs nas/ lus 'degs so/ /ngag gis spro ba byas so/ /yid kyis kun du zhe sdang bar byas so/ /de nas gang+gA mo'i sngar gyi rtogs pa med par gyur nas/rnal 'byor pa rnams la smras pa/ kye bdag gis 'os su ma rung ba ci byas pa/ khyed kyis bshad du gsol zhes pa dang / rnal 'byor pa rnams kyis gsung mgrin gcig tu smras pa/ bla ma las ni dngos grub rnyed/ /rig ma las ni bde ba 'byung //bla ma bral ba'i dngos grub ni/ /khri phrag 'bad kyang thob mi 'gyur/ /gzhan gyis dngos grub 'byung byed pa/ /dug dang bcas pa'i zas bzhin no/ /mkha' 'gro kun gyis 'tshe ba dang / /bar chad sna tshogs 'byung bar 'gyur/ / zhes bya bas dad par byas so/ /bla ma la ma ltos pa spang bar bya ba ste bcu gsum pa'o// //karna'i rgyal po'i bu kr-iSh+Na zhes bya bas/ dbu ma mchog tu byas te/ bka' dang bstan bcos thams cad la skur pa btab pa dang / byang phyogs kyi gnod byin gyis bzung nas/smyo bar gyur te/ de nas yab rgyal pos sngags mkhan rnams la zhu ba byas te/ bgegs bskrad pa'i sbyor ba byas pa dang / dpal na ro pa'i zhal nas/ sangs rgyas dgongs pa dpag bsam shing lta bu'i gsung dag la//sems can blo'i theg pa sna tshogs byas/ /phyogs med phyogs su 'dzin pa'i bdud chen gyis/ /'di dang ma 'ongs gnyis kar slu bar 'gyur/ /'gro ba'i blo la thams cad bden pa nyid/ /don dam yul du gang yang yod ma yin/ /de nyid rnal 'byor sems su dbyer mi phyed//bka' la skur pa 'debs pa dmyal ba'i gnas su 'gro/ /de'i phyir bka' mtha' dag la skur pa mi bya ba ste bcu bzhi pa'o// //rgyal po thang bzangs glu zhes bya ba zhig /dpal kam+ba la la dbang blang ste/ An+yan gyi dur khrod na/ bde ba bsgom zhing 'dug pa las/ dur khrod kyi yi dags thams cad kyis/ bar du gcod cing sems rab tu g.yengs so/ /de rnal 'byor ma legs smin ka ra la zhus pa dang / des smras pa/ las kyi phyag rgya bde ba'i gru/ /stong pa'i skam sa rnyed nas ci byar yod//bcos ma'i bde la bcos ma'i yid zhen na/ /'khor ba'i mtsho chen rgal bar nus ma yin/ /zhes pa/ lha lcam la rnal 'byor pa thams cad kyis ched du brjod pa byas so/ /bde ba la zhen pa spang bar bya ba ste bco lnga ba'o// //gdol pa dza zhes bya ba zhig gis/ slob dpon chen po ku ku ri pa la brten te/ don dam sems la dmigs pa'o/ /rdzogs pa'i rim pa phyogs gcig pa bsgoms pa las/ chos thams cad brten med du zhen par 'gyur ro//de nas yul dzA lan d+ha rar/ rims nad kyis mi phal cher tshe'i dus byas so/ /lo tog thams cad ser bas bcom mo / /lo lngar char ma bab nas/ bram ze gsang tshig mkhan la dris pa dang / sa phyogs 'di ni mi nang pa sangs rgyas pa gnas nas/phyi rol gyi grub mtha' gsang par smra ba la phyogs te gnas pas/ bkra mi shis pa sna tshogs byung ste/ 'jig rten 'di la gzhan phung zhing / /ma 'ongs pa la rang phung bar byed do zhes pa dang / dpal ku ku ri pas thos te/gdol ba dza'i drung du byon nas smras pa/ dang po dngos po'i chos rnams ni/ /stong pa nyid kyis bzlog par bya/ /stong pa nyid la zhen ches nas/ /dngos 'dzin pas kyang phung bar gyur/ /dug sbrul shi na dar ya kan/ /dug la sngags btab sman gyi mchog /gang la rgyas btab bde 'gyur phyir/ /zhen pa thong la gnyis med sgoms / /zhes nas dbang gsum pa mdzad do/ /de ltar slob dpon klu sgrub kyis 'das pa'i dpe bcu brjod pas/ mdo rgyud dang mthun pa'i phyir/sangs rgyas sangs rgyas su rig par bya'o/ /ma 'ongs pa'i dpe drug brjod pas grub pa thob pa dang mthun pa'i phyir/ thams cad mkhyen par rig par bya'o/ /rkyen bcu drug dang bral ba'i shes pa ni/ sangs rgyas kyi dgongs pa yin pa'i phyir nor bu rin po che dang 'dra'o//slob dpon klu sgrub snying po'i zhal snga nas gsungs pa'i tshigs su bcad pa phyed dang lnga zhes bya ba rdzogs so// //dpal gyi ri la mnga' bdag chen pos/ rje btsun ri khrod kyis gnang ba'o/ /des rje btsun ka ro pa la brgyud do/