127b1 / //kr-iSh+Na paN+Di tas rang 'gyur du mdzad pa'o// @#/ /dngos po sbyong ba zhes bya ba/[# #]@##/ /rgya gar skad du/ b+ha ba sany+tsar nA ma/ bod skad du/ dngos po sbyong ba zhes bya ba/ sangs rgyas la phyag 'tshal lo/ /dngos po med la dngos
127b2 por shes//dngos med skye ba yod ma yin/ /rtag tu skye ba dngos po nyid/ /dngos 'khrul nam mkha'i me tog bzhin/ /mkha' dang mnyam pa'i chos rnams ni/ /skye ba mkha' dang mnyam nyid mchog /thams cad rang bzhin gyis mkha' mnyam/ /des na srid
127b3 pa dam pa'i dngos//rgyu med 'bras bu med pa ste/ /las kyi rang bzhin yod ma yin/ /'jig rten pa med 'jig rten med/ /'di dag thams cad bden ma yin/ /ma skyes pas ni dngos po gang / /ji ltar gzhan las shes par 'gyur/ /mo gsham gyi ni
127b4 bu nyid kyang //de tshe skye bar 'gyur ma yin/ /'jig rten gzod nas ma skyes te/ /gang gis kyang ni sprul ma yin/ /don med 'khrul pa'i 'jig rten 'di/ /zla ba bzang po'i grong khyer bzhin/ /'jig rten rnam par rtog las 'byung / /rnam rtog sems
127b5 las byung ba ste//gang phyir lus las sems byung bas/ /de phyir lus la rnam par brtag /gzugs stong tshor ba rang bzhin med/ /'du shes med cing 'du byed med/ /sems byung med cing dngos po med/ /de phyir mi rtog rang bzhin no/ /des na sems
127b6 min chos kyang min//lus min khams la sogs pa min/ /gnyis su med pa'i lam 'di ni/ /de nyid rig pa rnams kyis gsungs/ /dmigs pa med pa'i chos 'di kun/ /dmigs pa med par rab tu bstan/ /dmigs pa med pa'i blo byas na/ /dmigs
127b7 pa med par 'gyur ba yin//sbyin dang tshul khrims bzod brtson 'grus/ /bsam gtan las byung bsten par bya/ /dus mi ring ba nyid na ni/ /bla med byang chub thob par 'gyur/ /shes rab thabs la gnas gyur pas/ /sems can kun la brtse bar bya/ /
128a1 thams cad mkhyen pa'i go 'phang mchog /lha nyid dus mi ring bar 'thob/ /'di dag thams cad ming tsam ste/ /tha snyad tsam du rab tu 'jug /dngos po med la tha dad pa'i/ /brjod bya yod pa ma yin te/ /bdag nyid gang dang gang
128a2 gis ni//chos rnams gang dang gang brtags pa/ /de ni de la yod min te/ /chos rnams kyi ni chos nyid de/ /ming gis ming nyid stong pas na/ /ming la ming ni yod ma yin/ /chos rnams thams cad ming med pas/ /ming ni btags pa tsam nyid do/ /
128a3 mi bden par gyur chos 'di dag /brtags pa nyid du rab tu 'jug /gang la brtags pa de med na/ /stong pa nyid du brtags pa gang / /mig gis mthong ba'i gzugs rnams ni/ /de nyid rig pa zhes de bshad/ /'jig rten log pa'i nga rgyal can/ /kun rdzob
128a4 bden pa zhes 'dir 'jog /gang du tshogs pa'i rkyen mthong ba/ /'dren pa gsal bar gyur pa yin/ /blo dang ldan pas don dam la/ /brtags te grags pa nges par mthong / /gzugs ni mig gis mi mthong zhing / /yid kyis chos rnams mi rig
128a5 pa//'di ni mchog tu bden pa ste/ /'jig rten gang gis kyang mi shes/ /dngos po sbyong ba zhes bya ba slob dpon chen po 'phags pa klu sgrub kyi zhal snga nas mdzad pa rdzogs so// //rgya gar gyi mkhan po badzra pA Ni dang / /bod kyi lo tsA ba rma ban chos
'bar gyis bsgyur cing zhus te gtan la phab pa'o/