CLOSE WINDOW

D2274
བོད་ཡིག

rgya gar gyi mkhan po shrI bai ro tsa na rak+Shi tas rang 'gyur du mdzad pa'o//[ ]@##/ /rgya gar skad du/ /dwa da sha u pa de sha gA thA/ bod skad du/ man ngag gi tshigs su bcad pa bcu gnyis pa/ dpal rdo rje sems dpa' la phyag 'tshal lo/ /byang chub sems ni zhi ba ste//de la gnas pa gang yin pa/ /nam mkha' bzhin du zhi bar 'gyur/ /lus ngag yid las byung ba yi/ /de la cung zad 'gyur ba med/ /yang dag ye shes las 'das pa/ /rnam par mi rtog zhi bar 'gyur/ /rtog pa zhi ba sangs rgyas nyid/ /de nyid rnam pa mkhyen nyid do//dngos po dngos po mthong nas ni/ /de ltar rnam rtog gang byung ba/ /de ni rtog med ye shes yin/ /'gro ba tha dad 'dzin phyir ro/ /dngos po kun gyi rang bzhin no/ /thams cad du ni so sor gnas/ /de dag la ni khyad par du/ /nga rgyal med cing rmongs pa med//de phyogs phyogs gcig dngos po la/ /bdag tu 'dzin pa ji ltar yin/ /dud 'gro la sogs rang bzhin no/ /phyogs gcig tsam las gang byung ba/ /de yi ngo bor bshad par bya/ /yang dag sems kyis gzung bar byos/ /stag ni phug na gnas pa dang //sbal pa stong pa chen po dang / /byi la ba spu ldang ba dang / /ba lang la sogs lus po sprug /sbrul la bza' ba med pa dang / /bya rnams mkha' la 'gro ba dang / /srin bu me khyer 'od 'phro dang / /rnga mos sbrul rnams 'gugs pa dang / /rma bya skom las rgyal ba dang //bung bas dug rnams zos pa dang / /chu byas dbang po bsdams pa dang / /seng ge 'jigs pa med pa dang / /'ug pas mtshan mo mthong ba dang / /bya rgod rin chen rtogs pa dang / /sbrul gyi dug ni byed pa dang / /rma byas dug rnams za ba dang //ngur pas ma 'ongs shes pa dang / /ni tsho tshig la mkhas pa dang / /sbrang bus rjes rnams sdud pa dang / /dud 'gro la sogs rang rig 'gro/ /ngang pas chu dang 'o ma 'byed/ /bung ba'i skad ni shin du snyan/ /chu skyar mchil mas sems can 'dzin/ /sbrul gyi mig gis thos pa dang //ri dgas las ni gla rtsi 'byung / /gu na sa ni mig gis snom/ /chu yi nang na gnas pa'i nya/ /srog dang rtsol bas 'gog par byed/ /tshul ngan bzlas pa bram ze yis/ /ye shes mchog tu thal bar 'gyur/ /stag la sogs pa'i srog chags kun//snga ma'i bag chags las byung ba'i/ /rang bzhin yon tan 'byung bar 'gyur/ /de dag 'jig rten ye shes can/ /dka' thub ma yin grol ba min/ /snga ma'i bag chags las byung ba'i/ /de dag so sor gnas pa yin/ /de tsam ye shes yin na ni//dud 'gro rnams kyang grol bar 'gyur/ /de ltar shes te zhen spangs nas/ /yang dag ye shes spyad par bya/ /gang gis byang chub dam pa dag /dngos grub dam pa 'byung bar 'gyur/ /man ngag gi tshigs su bcad pa bcu gnyis pa bram ze chen pos ra ha'i zhal nas gsungs pa rdzogs so/