CLOSE WINDOW

D2267
བོད་ཡིག

/ //yul ko sa lar sku 'khrungs pa'i bla ma rnal 'byor pa chen po bai ro tsa na badzra'i zhal snga nas rang 'gyur du gsungs pa'o/ /[ ]@##/ /rgya gar skad du/ ka kha ha la do ha ti pa na/bod skad du/ ka kha'i do ha'i bshad pa bris pa/ dpal he ru ka la phyag 'tshal lo/ /ka ni yum gyi pad+ma'i nang na gnas pa 'di yin te zhes pa'am/ ka ste ka ma la ni pad+ma ste yum gyi'o/ /de nas pa'i ka yig ni ka ku li sha rdo rje ste/ rdo rje dang pad+ma mnyam par sbyor ba'o/ / ka ka ni ka ya na lus te/ thabs dang shes rab kyi lus so/ /bsdums pa ni 'khyud pa la sogs pa'o/ /bdud rtsi 'dzag ces pa de'i stobs kyis ri bong can 'dzag pa'o gang gi zhe na/ DoM bi nI gzhon nu ma ste g.yung mo'o/ /de yang g.yung mo ni phyi ltar na lha mo'o/ /nang ltar na g.yung mo ni shes rab kyi cha'o//'khyud pa ni thabs dang shes rab gnyis su med pa'o/ /ka ni ka bur na ga pur te byang chub kyi sems dga' ba bzhi'i rang bzhin la bya/ 'dzag pa ni rgyun du dga' ba bzhi'i bde ba dang mi 'bral ba'o/ /de'i dus su dpyid kyi yal ga ni/ dper na dpyid kyi dus su ljon shing la yal ga dang lo ma dang me tog rgyas pas sems can rnams dga' ba skyed pa ltar/ 'dir rnal 'byor pa'i rgyud la dga' ba bzhi'i mthar lhan cig skyes pa'i dga' ba skyes pa'i dus su de kho na nyid kyi don rtogs pas bde ba chen po'i 'od gsal ba'i don mngon du byas pa'o//ka'i don to/ /kha ni kha sa ma ste nam mkha'o/ /nam mkha' ni stong nyid kyi rang bzhin no stong pa de gang na gnas she na/ dpral ba ste bde ba chen po'i 'khor lo la gnas zhes pa'i don to/ /kha ni kha ma ste gcer bu'o/ /gcer bu ni gcer bu ba ste/dper na phyi rol pa'i gcer bu pa'i dka' thub pa la gos dang nor la sogs pa ci yang med pa bzhin du/ 'dir yang kha dog dang dbyibs dang lus dang yan lag dang / cha dang bral bas gcer bu ste/ lhan cig skyes pa'i sems la bya'o/ /de lta bu'i gcer bu'i rnal 'byor gang gis rtogs nus na dga' ba dang bde ba dang tshim par 'gyur gyi//gzhan gyis ni ma yin no zhes pa'i don to/ kha'i don to/ /ga ni ga ga na ste nam mkha'o/ /nam mkha' ni stong pa nyid kyi rang bzhin te/ des nam mkha' ltar thams cad khyab pa'o//de lta bu'i nam mkha'i don rtogs na brtan por 'gyur ba ste/ rang gi sems la rkyen gzhan gyis gnod par mi 'gyur ba'o/ /ga ni ga ma na ste nam mkha'o/ /nam mkha' lta bu'i stong pa nyid kyi don te/ 'jo zhing 'jo zhing de yang dang yang goms par byas nas chos thams cad stong pa nyid kyi rang bzhin du rtogs par 'gyur te/de lta bu'i don rtogs na skom pas gdungs pa chu 'thung ba bzhin du/ rnal 'byor pa ngoms shing tshim par 'gyur ro/ /ga ni gang gA ste dper na gang gA dang ya mu na gnyis gcig tu 'dres pa bzhin du/ 'dir sems can gyi rgyud la mi bskyod pa dang snang ba mtha' yas rgyu ba bkag ste/med par byas nas lus la thim nus na rgas pa la sogs par mi 'gyur ba'o/ /yang na byang chub kyi sems so sor 'dzag pa de gnyis bkag nas/ rtsa la sogs par 'grems nus na mi 'gyur zhes pa'o//yang na gang gA ni thabs ya mu na ni shes rab bo/ /de gnyis bcings pa ni gnyis med du byed nus na phyag rgya chen po mngon du byed do zhes bya ba'i don to/ /ga ni ga ma ste 'gro ba'o/ /A ga ma na ste mi 'gro bar 'ong ba ste/ de ltar phyag rgya chen po'i don de rtogs na srid pa ste/'dod yon lnga la brten nas 'gro 'ong 'chad par 'gyur te/ skye ba dang 'chi ba la sogs pa nyams par byas pa'o/ /ga'i don to/ /g+ha ni g+ha Na Ta na dril bu ste/ dril bu ni shes rab kyi rang bzhin stong pa nyid do/ /dpal ldan he ru ka ni phyi ltar na he ru ka'o//nang ltar na he ru ka ste rang gi sems kyi rang bzhin no/ /mnyes zhes pa ni de stong pa nyid kyis mnyes shing tshim par 'gyur gyi/ gzhan gyis ni ma yin pas na stong pa nyid kho na bsgom par bya'o zhes pa'i don to/ /g+ha ni g+ha na ha na ste yang nas yang du'o/ / bdag med ma ni phyi ltar lha mo bdag med mas mgul nas 'khyud pa bzhin du'o/ /nang ltar na bdag med ma ni stong nyid snying rje dbyer med pa'i don to/ /don de 'khyud pa ste yang nas yang du bsgoms na phyag rgya chen po thob par 'gyur ro zhes bya ba'i don to/ /de ltar rtogs tsam na g+ha ni g+ha na ha na yang dang yang ngo //yang nas yang du goms par byas na rnal 'byor pa'i rlung dang yid gnyis 'pho zhes pa a wa d+hU tIr chud par 'gyur ba'o/ /g+ha ni g+ha ra ni khyim bdag mo ste khyim thab dang 'dra ba'i rlung yang yid gnyis kar yang mi rgyu zhing gnyug ma'i yid de lhan cig skyes pa'i rang bzhin du 'gyur ba'o//g+ha'i don to/ /nga ni Na log dang 'brel lo/ /Na ni Na ya ste gnyug ma'o/ /gnyug ma'i sems kyi rang bzhin ni rang rig gis stong par rtogs pa ste blos stong par byas pa ma yin zhes pa'i don to/ / Na ni Na ya ste gnyug ma'o/ /gnyug ma'i khyim thab mo lhan cig skyes pa'i yid de 'byongs par byas pa'i tshe na/ dge ba dang mi dge ba'i skyon la sogs pas mi gos pa ste gnod par mi nus pa'o/ /Na ni Ni ran ta ra ste rgyun du'o/ /de yang rnal 'byor pas rgyun du lhan cig skyes pa'i ngang du byed nus na/bde ba ste rnam par rtog pa dang spros pa thams cad zhi bar 'gyur ro zhes pa'o/ /de'i tshe na Na ni Na si ste nub mo'o/ /nub mo'i mun pa ni gti mug gi sdug bsngal lo/ /so so skye bo'i snang ba de med pas na chad pa ste/ sdug bsngal te sdug bsngal gyi snang ba 'di 'gags nas rnal 'byor pa'i snang ba 'od gsal stong pa nyid kyi rang bzhin du 'gyur ro//nga'i don to/ /tsa ni tsa u tha ste bzhi'o/ /de gang gis yin na dga' ba bzhi ste/ dga' ba dang mchog dga' dang / dga' bral dang / lhan cig skyes pa'i dga' ba'o//de yang lhan cig skyes pa'i dga' ba ni mchog dang / dga' bral gyi dbus su shes par bya'o/ /tsa ni tsa u tha ste bzhi'o/ /de yang mtha' bzhi la bya ste/ rtag pa dang / chad pa dang / dngos dang dngos med kyi mtha'o/ /de dang bral ba'i sems lhan cig skyes pa'i rang bzhin yin pas na/zung shig ces pa blang bar gyis shig pa'o/ /tsa ni tsa u ste bzhi'o/ /de yang skad cig ma bzhi ste/ rnam pa sna tshogs dang rnam par smin pa dang / rnam par nyed pa dang / mtshan nyid dang bral ba'o/ / mtshan nyid dang bral ba'i skad cig ma de bla ma'i gsung las go bar gyis zhes pa ste/ yang dag pa'i bla ma'i gsung las shes par bya'o zhes pa'i don to/ /tsa ni tsa u ste bzhi'o/ /de yang thig le bzhi ni gnyis bzung / gnyis nyams kyi dbus su rtogs par bya ste/ rmongs pa rnams kyis gzung 'dzin gyis ni mi shes so/ /tsa'i don to/ /tsha ni tsha Da ste thong zhes pa'o/ /ci btang zhe na dbang po lnga yul la zhen pa'o/ /'o na gang zhe na/ dag pa'i rang bzhin zhes pas bla ma'i gdams ngag gis thams cad dag par gyis shig pa'o/ / tsha ni tsha Da ste spongs shig pa'o/ /gang yang 'dod yon lnga la zhen pa dang / dngos dang dngos med du zhen pa thams cad spongs shig pa'o/ /tsha ni tsha Da hUM ste dor cig pa'o/ /gang dor na cal col te/ 'jig rten pa'i rnam par gzhag pa dang / grub mtha' ngan pa dang bshad pa thams cad do//tsha ni tsha Da ste thong shig pa'o/ /gang btang na ra sa nA ste zhen pa'am/ chags pa thams cad thong la lhan cig skyes pa'i sems nam mkha' lta bu'i rang bzhin du gnas par gyis bya bar dgongs so/ /tsha'i don to/ /dza ni dza ri ste rgas pa med pa a ma ri ste/'chi ba med pa'i sems de nam mkha' dang 'dra bas de rtogs na gang gis kyang gnod par mi 'gyur ba'o/ /dza ni dzA dz+ha ste gang nas gang du'o/ /gang nas gang du ste/ gang nas gang du bltas kyang de dang de ru nam mkha' ste/ thams cad du nam mkha' lta bu stong pa nyid kyi rang bzhin du mthong bas de la glo bur ba'i rtog pa ni gang yang med do//dza ni dzi seng ste gang dang gang ngo / /gang dang gang du bsams kyang de kho na nyid las gzhan med pas na de nyid do zhes pa'o/ /dza ni dzo ste gang snang ba'o/ /gzugs la sogs pa gang snang ba de thams cad don dam pa ste/stong pa nyid do/ /dza'i don to/ /dz+ha ni Na ste Na ba hu li mang po ste/ de'ang ku su ma ste me tog mang po bsten na yid dga' ba dang tshim pa bzhin du/ 'di rang byung gi me tog ste/ de rtag tu bsten na phan yon ni dz+ha se ba dz+ha na grub pa ste/ sna tshogs kyi tshul du phung po rgas pa dang /rgud pa dang / skra dkar dang / gnyer ma la sogs pa mi 'byung zhing grub par 'gyur ro/ /dz+ha na Na se ste sna'o/ /snas sbrang rtsi dang mar 'thung nus na/ dz+ha ni Ni hi na med pa ste 'khrul pa med pas yun ring por 'tsho bar 'gyur ro zhes bya'o/ /yang na sna ni gsang ba'i sna rtse ste//gsang ba'i sna rtser byang chub kyi sems rnam pa gnyis dbab pa dang / bzlog pa dang / dgod pa dang / 'grems par nus na yun ring por 'tsho ba la the tshom med ces bya'o/ /dz+ha'i don to/ /nya ni nga dang mtshungs so/ /Ta ni Ta la ste phob cig pa'o/ /gang dbab na thig le ste ri bong can no//gang gis dbab na bla ma dam pa'i gdams ngag gis dbab ste/ de ltar na lhan cig skyes pa rtogs par 'gyur ro zhes bya ba'i don to/ /yang na Ta lI na 'gul ba'o/ /gang 'gul na phung po dang khams dang skye mched do/ /de bsgul zhing bskyod pa thig le 'dzag go//de yang nam mkha' la ste spyi bo bde ba chen po'i haM las 'dzag par 'gyur la/ de ltar gyur na stong pa nyid don dam pa rtogs par 'gyur ro zhes pa'o/ /Ta ni Ta la ma la na cal col te nam mkha' lta bu'i don rtogs pa'i tshe na/ cal col te rnam par rtog pa sgom pa la sogs pa thams cad ma byed cig /kye rnal 'byor pa zhes bos pa'o/ /ci'i phyir zhe na/ Ta ni Ta ma la ni cal col te/ sems dang sems las byung ba'i rnam par rtog pa bsgoms kyang byang chub thob par mi 'gyur ba'i phyir ro zhes bya ba'i don to/ /Ta'i don to/ / Tha ni Tha Tha ste srub pa dang srub pa'i skad kyis sngags brjod pas lhan cig skyes pa rtogs par bya'o/ /phyi rol gyi sngags bzla ba ni ma yin no/ /Tha ni Tha Tha sta srub pa dang srub pa'i sbyor ba las byung ba'i lhan cig skyes pa'i dga' ba mchog tu blang bar bya ste/ des yang dag pa'i gnas phyag rgya chen po thob par 'gyur ba'o/ /mchog tu gang gi sgo nas blang zhe na/ Tha ste Tha Na ni tshul bzhin no/ /tshul bzhin du nyams su len shes na ting nge 'dzin 'phro bar 'gyur ba'o/ /tshul bzhin ni bla na med pa'i gdams ngag go/ /'phro ba ni spros pa dang bral ba'i ting nge 'dzin rtogs par 'gyur ba'o//Tha ni Tha ste nam mkha' lta bu'i zlum pa'o/ /de yang lhan cig skyes pa'i rang bzhin stong pa nyid nam mkha' lta bu yang dag pa'i bla ma'i gdams ngag gis shes par bya ste/ de ltar na byang chub ste mi gnas pa'i mya ngan las 'das pa thob ces pa'i don to//Tha'i don to/ /Da ni DoM bi nI ste g.yung mo'o/ /g.yung mo blangs nas sngags brjod pa/ /g.yung mo dang thabs dang shes rab gnyis snyoms par zhugs pa'i nyams dang ldan pa'i sngags de mchog tu bsngags pa'i don to/ / ji ltar bsregs na gtum mos phung po dang khams dang skye mched bsregs pa'o/ /bsregs nas yang cha rnams 'dzag ces pa ste/ haM las byang chub kyi sems 'dzags shing slar gsos pa'o/ /Da ni Da ma ru ste shes rab kyi rang bzhin no/ /shes rab ni mi shigs pa ste aM dang haM phrad pas stong pa nyid kyi sgra grag pa'o//Da ni Da ma ru ste shes rab bo/ /stong pa nyid shes rab kyi rang bzhin rnal 'byor ma'o/ /sgra grag pa ni stong pa nyid mtshon pa'o/ /Da'i don to/ /D+ha ni D+ha li ya ste 'pho ba'o/ /gang 'pho na ril 'pho ba ste/ lus dang ngag dang yid ril ba dang 'dra ba 'pho ba ste/de gsum zhu zhing dbyer med par gyur pa'o/ /D+ha ni D+ha li ya ste 'pho ba'o/ /gang 'pho zhe na/ rnam par rtog pa dang bcas pa'i sems de 'pho ba ste/ lhan cig skyes pa'i sems kyi rang bzhin dang tha mi dad par 'dres nas gcig tu gyur pa'o//D+ha ni D+ha li ya ste 'pho ba'o/ /dbang po lnga dang yul lnga 'pho ba ste/ gang du 'pho zhe na/ rgya mtsho dang 'dra ba'i lhan cig skyes pa'i sems der zhugs shing dbyer mi phyed par 'gyur ba'o/ /D+ha ni D+ha D+ha ste ga pa'am sbas pa'o/ /gang sbas na khyim bdag mo ste lhan cig skyes pa'i sems so//de sems can thams cad kyi rgyud la gnas kyang rnam par rtog pas bkab pas/ de'i rang bzhin cung zad kyang mi mthong bas sbas pa'o/ /gal te bla ma dam pa'i gdams ngag gis sems dang sems las byung ba'i rtog pa dang lhan cig skyes pa'i yid gnyis dbyer med par nyams su myong na mthong ba'o//D+ha'i don to/ /Na ni Na ya'am Ni dza ste gnyug ma'i sems so/ /gnyug ma'i yid de ni gdod ma nas rgyu dang rkyen gyis ma bskyed ma bcos pa rnam par rtog pa rang bzhin gyis 'od gsal ba'o/ /de lta bu'i sems kyi rang bzhin ni ngo bo nyid kyi stong pa ste/gzhan pas stong par byas pa ni ma yin zhes bya ba'i don to/ /Na ni Ni ya ma na ste gnyug ma'i yid do/ /gnyug ma'i rang bzhin rtogs pa'i tshe na/ dge ba dang mi dge ba la sogs pa gang yang med pa ste/ rnam par rtog pa med pas na mi gos pa'o//Na ni Na ya g+ha ri ste gnyug ma'i khyim thab mo ni lhan cig skyes pas spangs zhes pa mnyes par 'gyur gyis/ rnam par rtog pa'i bsgom pas dga' zhing mnyes par mi 'gyur zhes bya'o/ /lhan cig skyes pa yang Na ste/ Ni ba ra ste rgyun du'o/ /rgyun du de'i rang bzhin du gnas na skye ba dang /rgas pa dang / 'chi ba la sogs pa med par 'gyur te/ 'khor bar ni rnam par 'ching ba yin pa'i phyir ro zhes dgongs so/ /Na'i don to/ /ta ni ta tra ya ste sku gsum mo/ /de gang yin na sku dang / gsung dang thugs kyi rang bzhin dkyil 'khor ro//gzhung gsum ni sku dang gsung dang thugs dang mtha'o/ /mtha' gsum la brten te dbyer med par shes par bya'o/ /ta ni tri ste yi ge gsum mo/ /yi ge gsum ni rdo rje gsum dbyer mi phyed pa'i bdag nyid de sar ha'i tshig ste/ sa ra ha'i gdams ngag gis bsgom par bya'o zhes pa'o//ta ni tul+la ste mnyam pa'o/ /gang mnyam na sems mnyam pa ste/ 'khor ba dang mya ngan las 'das pa'i sems gnyis dbyer mi phyed pa'i bsam gtan gyis mnyam par gyis shig pa'i don to/ /ta ni tat+t+wa ste de kho na nyid do//de nyid blta'i zhes pa kho na nyid kyi don 'di kho na la blta bar bya'o/ /gzhan bshad pas ci zhig bya ste/ de kho na nyid rtogs par mi 'gyur zhes bya ba'i don to/ /ta'i don to/ /tha ni tha thi ra ste brtan pa'o/ /gang brtan par bya zhe na/ nam mkha'i zla ba zhes gsungs te/nam mkha' dang 'dra ba'i bde ba chen po'i 'khor lo'i haM la gnas pa'i byang chub brtan par bya ba'o/ /phyi ltar na nam mkha' zla ba ste stong pa'i snying rje'o/ /tha ni tha na ste gnas so/ /byang chub kyi sems gnas pa de bor nas dga' bral la sogs par gyur nas legs pa'i lus su ji ltar 'gyur te/phung po dang dngos grub dang rdzu 'phrul la sogs pa gang las 'grub ste/ mi 'grub ces bya ba'i don to/ /tha ni thi ra ste brtan pa'o/ /gang brtan par bya zhe na/ byang chub kyi sems de gnas brtan par bya ste/ de ltar byed nus na/ rlung gis skems par 'gyur zhes te/ skam pa'i rlung a wa d+hU tIr chud par 'gyur ba'o/ /tha ni thi ra ste brtan pa'o/ /brtan par gtad pa ni ting nge 'dzin gyis thig le la brten te/ dga' ba bzhi'i don brtan por byed nus na tshe la sogs pa 'phel bar 'gyur ba'o//tha'i don to/ /da ni da ha ste sregs shig pa'o/ /gang bsregs na phung po dang khams dang skye mched la sogs pa thams cad gtum mos sregs shig ces pa ste/ de yang sa ra ha'i gdams ngag gis sregs shig ces pa'o/ /'chi med 'gyur zhes pa ni de ltar bsregs nus na/rgas pa dang 'chi ba la sogs pa thams cad nyams par byed pa'o/ /da ni du li ste rus sbal lo/ /phyi ltar na rang rang gi lha la 'o ma la sogs pa dkar gsum mngar gsum dang bdud rtsi la sogs pas khrus byed pa bzhin du/ 'dir rnal 'byor pas rus sbal gyi 'o ma ni mi srid cing med pa ltar/stong pa nyid kyi 'o mas/ bde mchog ste thabs dang shes rab kyi rang bzhin la khrus byas pa ni gnyis med du byas pa'o/ /da ni du yi ste gnyis so/ /gang zhe na thig le gnyis te/ thig le gnyis ni thabs dang shes rab kyi rang bzhin no//gal te dbyer med par shes nus na/ dga' ba'i rang bzhin du gyur na 'khor ba dang mya ngan las 'das pa tha mi dad par 'gyur ba'o/ /de ltar gyur na da ni duHkha ste/ sdug bsngal gdug pa can no/ /gdug pa can ni dngos po dang dngos po med pa'i rnam par rtog pa'o//de'i tshe ni dngos po dang dngos po med pa'i rnam par rtog pa ci yang med pa'o/ /da'i don to/ /d+ha ni d+ha DoM bi ni khrus mkhan ma'o/ /khrus mkhan mo ni 'jig rten pa'i gos la sogs pa thams cad bkrus nas dag par byed cing gnas pa bzhin du/khrus mkhan mo lta bu'i lhan cig skyes pa'i ye shes des rnam par rtog pa thams cad dag par byed pa'o/ /d+ha ni d+ha ban+ta ni ste khrus byed pa ste/ khrus byed kyang mi mthong ba ni/ lhan cig skyes pa'i yid khrus mkhan mo lta bu de sems can thams cad kyi rgyud la yod de/de'i rang bzhin rtogs na sems can gyi rgyud la yod pa'i sdig sgrib dang rnam par rtog pa thams cad dag par byed pa'o/ /mi mthong zhes pa dag par byed kyang 'ong ba dang / 'gro ba dang gnas pa mi mthong ste/ sems can de nyid rang bzhin med pa'i phyir ro//d+ha ni d+ha DoM bi ste khrus mkhan ma'o/ /de ji ltar nyams su blang zhe na/ sa ra ha'i tshig gis zhes gsungs te/ bla ma dam pa'i gdams ngag gis shes par bya'o zhes bya ba'i don to/ /d+ha ni d+hu ta ste g.yo sgyu'o/ /g.yo sgyu ni sdig pa dang rnam par rtog pa dang nyon mongs pa la spyod pa'o//de lta bu'i sems de nam mkha' ste phyag rgya chen po'i rang bzhin du shes par bya'o zhes pa'o/ /d+ha'i don to/ /na ni na na ste sna tshogs so/ /sems nyid gcig pu sna tshogs kyi tshul du 'phro ba ste/ 'khor ba dang mya ngan las 'das pa'o/ / de sems gcig pu las 'phro bas gang la bla ma dam pa'i gdams ngag gis khyab na rnam par rtog pa thams cad zad par 'gyur ba'o/ /na ni na bu tshe ste mi go ba'o/ /gang ma go na thig le 'dzag pa ste gnyug ma'i yid do/ /de ma go bas 'jig rten pa rnams du mar 'dod pa'o//na'i don go na ci'i ngo bor yang ma grub pa ste/ don dam pa la gcig dang du ma gang yang mi snang ba'o/ /na ni na se ste med par byed pa'o/ /gang med par byed na 'jigs pa med par byed pa ste/ gang gis med par byed ce na/sho gam 'jal zhes gsungs te/ dper na 'gron po lam ring por 'gro ba'i dus na/ rgyal po dang rkun ma la sogs pa med par bya ba'i phyir sho gam gzhal nas bde bar 'gro ba bzhin du/ 'dir rnal 'byor pa yang phung po yod na nad dang sdug bsngal dang nyon mongs pa dang 'khor ba'i 'jigs pa yod do//de las thar bar bya ba'i phyir na/ na 'gog pa'i tshig ste skye ba med pa'i don de bsgoms na/ bdud bzhi bcom pa ste phung po mi len te/ bde bar byang chub chen po mngon du byed do zhes bya ba'i don to/ /na ni na mu ste med pa'o//gang med na gong ma'i don de rtogs na 'khor ba dang mya ngan las 'das pa'ang med/ de las ma gtogs pa'i chos gang yang med pa ste/ chos thams cad rang bzhin med pa yin pa'i phyir ro zhes dgongs so/ /na'i don to/ /pa ni pany+tsa ste sde lnga'o/ /de yang bdud rtsi rnam pa lnga'o//gal te bdud rtsi rnam pa lnga snas 'thung nus na/ rgas pa dang rgud pa la sogs pa nyams par byed pa'o/ /yang na rang gi lus las bdud rtsi rnam pa lnga 'dzag pa ste/ ting nge 'dzin gyi stobs kyis lus de nyid la thim nus na/ zag pa med pa'i bde ba rgyud la skye bar 'gyur zhes pa'o//pa ni pa u ma ste pad+ma'o/ /pad+ma dang rdo rje mnyam par sbyar bas thams cad dang dus mnyam pa'i ro 'grub par 'gyur ba'o/ /yang na thabs dang shes rab mnyam par sbyor bas shes na byang chub chen po 'grub par 'gyur ro zhes bya ba'i don to//pa ni pa u ma ste pad+ma'o/ /pad+ma'i me tog gi rdo rje gdan ni mchod par gyis zhes gsungs te/ rdo rje gdan ni thabs kyi rang bzhin rdo rje sems dpa'o/ /rdo rje sems dpa' de pad+ma stong pa nyid kyi me tog gis mchod pa byas na mnyes par 'gyur ba'o//de ltar thabs shes rab gnyis su med par rtogs na phyag rgya chen po'i dngos grub thob ces bya ba'i don to/ /pa ni pu u ma ste pad+ma'o/ /pad+ma'i don mi shes pas bde chen rgyal po ga la rtogs te mi rtogs so/ /gal te pad+ma'i don shes na phyag rgya chen po'i go 'phang mngon du byed do zhes bya ba'i don to//pa'i don to/ /pha ni phi ra ste spro ba dang bsdu ba'o/ /gang spro zhing bsdu zhe na/ lha dang lha mo'i dkyil 'khor spro zhing yang dang yang du de nyid la bsdu ba'o/ /yang na bde ba chen po thams cad du spros nas stong pa nyid kyi rang bzhin du sdud pa'o/ /pha ni pha ra na ta ste/yid kyang mi mthong ba'o/ /ci'i phyir mi mthong zhe na/ don dam pa stong pa nyid kyi rang bzhin nam mkha' lta bu yin pa'i phyir/ dbang po lnga dang dmigs pa'i spyod yul med pas na mi mthong ba ste/ pha ni phaT ka ra ste phaT kyi yi ge dang hUM gi yi ge'o/ /ji ltar 'phro na stong pa nyid kyi ngang du 'phro ba ste/'phro yang stong pa nyid la 'phro/ /sdud kyang stong pa nyid la sdud pa'o/ /pha ni pha ri ste spro ba'o/ /ci spro zhe na/ ji ltar dpag bsam gyi shing gi sdong po las sems can gyi don 'byung ba de/ rang bzhin lhun gyis grub pa'i tshul du 'byung gi/ dmigs pa dang bcas pa ni ma yin no/ /pa'i don to/ /ba ni ba na ste nags so/ /dper na nags kyi nang gi tshangs pa'i me tog las/ /dpyid kyi dus su lo 'dab la sogs pa rgyas pas skye bo rnams dga' ba dang bde ba skyed pa ltar/ rang gi lus phung po khams dang skye mched nags dang 'dra ba'i nang du/thabs dang shes rab kyi thig le'i rnam pa me tog lta bu bsgoms na de las dga' ba bzhi la sogs pa skye bar 'gyur ba'o/ /bye ba'i ljid ni yon tan dpag tu med pa yod pa'o/ /ba ni ba dza ste rdo rje'o/ /de lta bu'i rdo rje ye shes bzung nas bsgoms na 'dod pa'i 'bras bu ste/byang chub kyi lam du 'gyur ro/ /dpyid kyi dus su ljon shing las yal ga dang lo ma skye ba bzhin du/ rnal 'byor pa'i rgyud la dga' ba dang bde ba skyed par byed pa'o/ /ba ni ba sa ste dbang du byed pa'o/ /gang dbang du byed na/tshe la dbang ba la sogs pa dbang bcu'i don dbang du byas nas dga' ba'i rang bzhin gyis gar byed pa'o/ /ba ni bi ha ra na hi ste 'chag pa'o/ /su 'chag ce na/ rnal 'byor pa ste/ rnal 'byor pas rnal 'byor ma stong pa nyid kyi rang bzhin lus la bzung na 'chag pa ste/stong pa nyid kyi ngang la rol pa'o/ /ba'i don to/ /b+ha ni b+ha ga ste btsun mo'i pad+ma'o/ /b+ha ga'i rang bzhin ni stong pa nyid kyi rnam par gnas so/ /de lta bu'i stong pa nyid kyi don sgoms shig ces pa ste/ de bsgom shes na b+ha ga'i don rtogs pa'o/ /b+ha ni b+ha na yi ste smra ba'o//sus smra zhe na/ sa ra has smras pa'o/ /ji ltar smras she na/ b+ha ga stong pa nyid kyi don rtogs na dge ba dang mi dge ba la sogs pa'i dri mas gos par mi 'gyur ba'o zhes smras pa'o/ /b+ha ni b+huny+tsa ste longs spyod pa'o/ /gang la longs spyod ce na/ 'dod pa'i yon tan lnga la longs spyod pa ste/de yang bla mas bstan pa bzhin du longs spyod kyis zhes pa ste/ 'dod pa'i yon tan lnga la ma chags ma zhen par longs spyod par bya'o zhes dgongs pa'o/ /b+ha ni b+ha ti ste 'khrul pa'o/ /de mi byed ces gsungs te/ rang gi sems nyid stong pa nyid nam mkha' lta bu 'di la 'khrul par ma byed ces pa ste/tha snyad la sogs pas ma bslad par bya'o zhes pa'i don to/ /b+ha'i don to/ /ma ni ma ya ste chang ngo / /chang ni byang chub kyi sems te/ ji ltar glang po che'i dbang po sgo dgu nas chang 'dzag cing smyo ba'i dus na ci yang yid la mi 'ong ba bzhin du/rnal 'byor pas bla ma'i gdams ngag gis byang chub kyi sems phab cing lus la 'grems nus na/ nyon mongs pa zad cing bde ba chen po'i rang bzhin du gyur nas nad dang sdug bsngal la sogs pa med cing phyi dang nang gi dngos po gang yang yid la mi byed do//ma ni mU la ste rtsa ba'o/ /ci'i rtsa ba yin zhe na/ chos thams cad kyi gzhi ma'am rtsa ba lta bu lhan cig skyes pa'i yid kyi rang bzhin te/ dpal ldan bla ma dam pa mnyes par byas pa las rtogs par bya ste/ gzhan pos ni rtogs par mi 'gyur ro zhes bya ba'i don to//ma ni mU la ste rtsa ba'o/ /ci'i rtsa ba yin zhe na/ blo dang sems kyi rtsa ba ste/ gal te blo dang sems gnyis dbyer med par gcig tu byed nus na/ de la rnal 'byor pa zhes bya'o zhes pa'o/ /gang shi na sems kyi rnam par rtog pa thams cad zhi bas na shi ba'o/ /de'i tshe cir 'gyur zhe na/rang dang gzhan du 'dzin pa'i rnam par rtog pa thams cad chod nas gcig tu gyur pa'o/ /ma'i don to/ /ya ni ya bing ste gang tshe'o/ /gang gi tshe dang thig le 'dir 'dres nas gcig tu gyur pa'o/ /de'i tshe na yo gi nI ste rnal 'byor ma'o/ /rnal 'byor ma ni lhan cig skyes pa'i ye shes so//lhan cig skyes pa'i ye shes kyi don mngon du rtogs pas na sgra'o/ /ya ni ye seng ste ji ltar ro/ /gang dang gang ji ltar bsams kyang de kho na nyid de/ de'i phyi rol du gyur pa ni gang yang med do zhes dgongs pa'o/ /de'i tshe na ya ni ya ma ste skye ba'o//skye ba dang 'chi ba la sogs pa'i 'jigs pa thams cad kyang med do zhes dgongs so/ /ya'i don to/ /ra ni ra bi ste nyi ma'o/ /sha si ni zla ba byang chub kyi sems rnam pa gnyis so/ /gang gi tshe nyi ma dang zla ba gnyis 'dres shing gcig tu gyur na/ lhan cig skyes pa'i don rtogs par 'gyur bas na/de'i tshe nam mkha' bzhin du shi ba med ces pa ste/ skye shi med pa phyag rgya chen po 'thob par 'gyur ba'o/ /ra ni ra bi ste nyi ma'o/ /nyi ma dang zla ba gnyis ro mnyam par 'gyur bas na bde ba skye la/ de la rnam par mi rtog pa'i ye shes skye'o//shin du mdzes pa ni ji lta ba'i don rtogs pas so/ /ra ni ra sa tsA ste sna bug g.yas pa'i rtsa gsal byed kyi rnam par dag pa nyi ma byang chub kyi sems dmar po thabs kyi rang bzhin srog gi rlung rgyu ba ste ro ma'o/ /la la nA ste sna bug g.yon pa'i rtsa dbyangs yig gi rnam par dag pa/ zla ba byang chub kyi sems dkar po shes rab kyi rang bzhin srog gi rgyu ba ste brkyang ma'o/ /srog gi rlung dang byang chub kyi sems dkar dmar gyen du drangs te bde ba chen po'i 'khor lor sleb pa'i tshe na/ ri bong can dang 'dres nas slar 'dzags pas ba spu'i bu ga tshun cad lus thams cad rgyas shing gang bar byed pa'o//de ltar bde ba chen po skyes pa'i tshe na/ ra ni rA trin mtshan mo ste/ bde ba la brten nas rnam par mi rtog pa'i ye shes gnyug ma'i don rgyud la rang bzhin gyis skye bas na/ nyin dang mtshan du gnyug ma'i yid ces pa ste/gnyug ma'i yid gcig pu la sems gtod cig dang / phyag rgya chen po'i don mngon du byed par 'gyur ro zhes bya ba'i don to/ /ra'i don to/ /la ni le hUM ste kye long shig pa'o/ /gang blang zhe na/ rlung khyim bdag me dang 'dra ba de long zhes pa'o/ /gang du zhe na/khyim du long zhes smos te/ khyim ni lus so/ /lus kyi sgo dgu las rgyu ba'i rlung dang yid mnyam par 'gag par bya ste/ de'i tshe na rlung a wa d+hU tI ra chud par 'gyur ba'o/ /la ni le hUM ste long shig pa'o/ /gang blang zhe na/ nA da dang thig le gnyis te/ de gnyis dbyer mi phyed par haM la thim pa'i tshe na/chos nyid kyi don rtogs par 'gyur zhes pa'o/ /la ni la la nA ste rtsa g.yon pa'o/ /ra sa nA ni rtsa g.yas pa'o/ /a wa d+hU tI ni rtsa dbus ma'o/ /'gro ba'i lus rtsa dpag tu med par bshad kyang gtso bo ni de gsum mo/ /rlung gnyis po de a wa d+hU tIr 'jug nus na cir 'gyur zhe na/la ni lam b+hi ste 'bab pa'o/ /gang 'bab na thig le ste ri bong can 'bab pa'o/ /de 'thung cig pa ni byang chub kyi sems 'thung cig pa ste/ de 'thung shes na dga' ba dang bde ba rgyud la skye ba'o/ /de yang rtsed mo'i tshul du 'thung zhes pa ste/rtsed mo ni byang chub kyi sems dbab pa dang / bzlog pa dang / dgod pa dang / 'grems pa bya'o/ /la'i don to/ /wa ni wa ra ste mchog go/ /mchog gang yin chang ste byang chub kyi sems so/ /de rol pas de dga' ba dang bde bas 'thung shes na/ lhan cig skyes pa rtogs par 'gyur ro zhes pa'o//yang na rol pas te thabs shes rab rol pas so/ /wa ni badzra ni ste rdo rje rnal 'byor ma'o/ /rdo rje rnal 'byor ni stong pa dang snying rje'i bdag nyid do/ /de 'phro ba ni lus ngag yid gsum dbyer mi phyed par gnas pa'o/ /wa ni bi ra ste rtogs par dka' ba'i rnal 'byor ma ste rang gi sems so//gang gi tshe na lhan cig skyes pa'i dga' bas rnal 'byor ma de bde ba dang tshim par byed nus na/ de'i tshe kho na nyid kyi don mngon sum du 'gyur ba'o/ /wa ni wa ba dzi ste grag pa'o/ /ci grag ce na Da ma ru ste mi shigs pa'i sgra grag pa'o//mi shigs pa ni thabs dang shes rab gcig tu 'dres te dbyer mi phyed pa'o/ /wa'i don to/ /sha na sha ya ste rang rig pa'o/ /rang rig pa ni gang gis kyang mi shigs pa'o/ /sha ni sha sha ha ra na thig le ste/ byang chub kyi sems dkar po'o/ /de 'dzag pa ni thabs shes rab snyoms par 'jug pa'i tshe na/rnal 'byor ma'i mgon te lhan cig skyes pa rtogs par 'gyur ba'o/ /sha ni shi ta ta ka ra ste bsil bar byed pa'o/ /bsil ba ni dper na sos ka'i dus na nyin mtshan gyi nang nas sems can bkres pa dang / skom pa tsha bas gdungs pa ltar 'khor ba'i sems can gyi sdug bsngal yang de dang 'dra bas/de zhi bar bya ba ni byang chub kyi sems phab pas zhi bar bya ste/ byang chub kyi sems phab pas dga' ba bzhi'i mthar lhan cig skyes pa'i don rtogs pa'i dus na/ nad dang sdug bsngal dang rnam par rtog pa thams cad zhi bar 'gyur bas so//sha ni sha sha d+ha ra ste ri bong can no/ /de 'thung ba ni nam mkha' zhes gsungs te/ nam mkha' de spyi bo las byang chub kyi sems phab ste/ lus dang ngag dang yid bde ba nyams su myong ba'o/ /'jo ba ni 'jo bar byed pa ste gtum mo la sogs pas so//yang na nam mkha' stong pa nyid kyi rang bzhin no/ /'thung ba ni yang dang yang du goms par bya ba'o/ /sha'i don to/ /Sha ni sa ha dza ste lhan cig skyes pa'o/ /gang gi tshe lhan cig skyes pa'i mchog gis mnyes pa ste/ sems tshim par nus na/ Sha ni Sha ba ra a ba ra ste/ rang dang gzhan du 'dzin pa'i rnam par rtog pa'i bag chags 'gag par 'gyur ro zhes pa'o/ /Sha ni sa ma ste mnyam pa'o/ /a sa ma ste mi mnyam pa'o/ /rnal 'byor ma la mnyam pa dang mi mnyam pa'i rnam par rtog pa med cing /byang chub chen po 'grub pa la the tshom med do/ /Sha ni sa ra ha ste mda' bsnun no/ /mda' bsnun gyis ci smras she na/ kye ho nga zhes nga bos nas lhan cig skyes pa'i don rtogs na phyag rgya chen po'i dngos grub 'thob pa la the tshom med do zhes smras so/ /Sha'i don to/ / sa ni sa ya ste ma lus pa'o/ /ma lus pa ni dngos po 'di kun zhes pa ste/ gzung ba dang 'dzin pa thams cad lung rigs man ngag gis dpyad na chos nyid kyi ngo bor mnyam pa'o/ /sa ni su mya ste stong pa nyid do/ /chos thams cad stong pa nyid dang snying rje dbyer mi phyed pa'i don to//'khrul pa log par rtogs pas tha dad du mi bya ste/ de ltar na 'ching bar 'gyur ro zhes bya ba'i don to/ /sa ni sa ha dza ste lhan cig skyes pa'o/ /lhan cig skyes pa'i dga' bas ma lus pa thams cad lhan cig skyes pa'i rang bzhin du byed pa'o/ /sa ni sa ha dza ste lhan cig skyes pa'o//lhan cig skyes pa'i mchog 'di nyams su myong ba'i tshe na/ rnal 'byor pa gang gis kyang 'ching mi nus pa zhes pa ste/ rnam par rtog pas 'ching ba yin pa las/ /de med pas 'ching bar mi 'gyur ro/ /sa'i don to/ /ha ni hA sa ste dgod pa'o//ci la dgod ce na/ gang gi tshe de kho na nyid kyi don rtogs pa'i tshe na/ rang gi sems la dga' ba dang bde ba skye zhing tshim par 'gyur bas so/ /ha ni ha ri ya ste 'phrog pa'o/ /ci 'phrog ce na/ rnam par rtog pa ste rnam par rtog pa sems las byung zhing sems kyi rang bzhin du sdud do//spro bsdu byas nas bkang yang dga' ba med de/ de stong pa nyid kyi rang bzhin yin pas bde sdug gi zhen pa med pa'o/ /ha ri ni 'phrog pa'o/ /ci 'phrog ce na/ sdig pa thams cad 'phog pa'o/ /ha ni ha ra ha ra ste dbang phyug chen po'o/ /dbang phyug chen po ni lhan cig skyes pa'i sems so//de lta bu'i sems ni kha dog dang dbyibs dang cha shas dang bral ba'o/ /de rang gi lus la chings shig pa ste/ rang gi sems dang gnyis su med par gyur na yon tan ci yod ce na/ ha ni he le ste ku re dang rtsed mo'o/ /dka' spyod la sogs pa tshogs mi dgos pas ku re dang rtsed mo tsam gyi sgo nas bla na med pa'i go 'phang legs par 'grub par 'gyur ba ste/phyag rgya chen po'i dngos grub thob par 'gyur ba'o/ /ha'i don to/ /k+Sha ni k+Sha le ste yul lo/ /yul ni pad+ma la sogs pa'o/ /sgo dgu las byang sems lhung na chud zos pa ste/ye shes la sogs pa mi skye ba'i phyir ro/ /k+Sha ni k+Sha k+Sha ste zad pa'o/ /gang zad par byed na/ 'khor ba'i rgya mtsho'am rnam par rtog pa thams cad do/ /gang gis she na/ k+Sha k+Sha'i sgra byed nus na ste ye shes stong pa nyid des zad par byed nus kyi/dngos po'i rtog pas ni slar 'phel bar 'gyur gyi zad pa'am skems par mi nus zhes dgongs pa'o/ /k+Sha ni k+Sha ra sa na ste bdar rtsub mo'o/ /dper na bye ma reg chod la gang bdar yang gcod par byed pa de bzhin du bla ma'i gdams ngag bdar rtsub mo dang 'dra ba'i ting nge 'dzin la dga' bar gyis shig dang /rnam par rtog pa thams cad zad par byas nas byang chub chen po mngon du byed do zhes bya ba'i don to/ /k+Sha ni k+Sha man na gcer bu ste lhan cig skyes pa'i sems te rtog pa dang / sdig sgrib dang / kha dog dang dbyibs dang /yan lag dang / cha dang bral bas na gcer bu'o/ /de lta bu'i gcer bu des 'khor ba dang 'khrul pa thams cad bslus pa ste/ bslus pa ni de rnams kyi skyon gyis ma gos shing phyag rgya chen po'i dngos grub 'thob pa'o/ /rnal 'byor gyi dbang phyug thams cad kyi gtsug gi nor bu lta bu dpal sa ra ha sa mdzad pa'i ka kha'i do ha'i bshad pa bris pa 'di/