CLOSE WINDOW

D2265
བོད་ཡིག

snying po bla na med pa gtan la dbab pa do ha mdzod ces bya ba/ rnal 'byor gyi dbang phyug dpal sa ra ha pas mdzad pa rdzogs so// //rgya gar gyi mkhan po badzra pA Ni dang / bla ma a sus zhus//[ ]@##/ /rgya gar skad du/ do ha ko Sha tsA ma tsAr+ya gri ti at+pa pra dI pa nA ma TI kA/ bod skad du/ do ha mdzod ces bya ba spyod pa'i glu'i 'grel pa don gyi sgron ma zhes bya ba/ 'phags pa 'jam dpal gzhon nur gyur pa la phyag 'tshal lo/ /rtog med spros bral bde ba chen po'i dbyings/ /yid la mi byed phyag rgya chen po'i ngang //rkyen bral rnam gsum sku gsum lhun grub pa'i/ /don ston bla ma gong ma rnams la 'dud/ /don dam spros bral sku bzhis bdud bzhi 'joms/ /thig le gsum gyis sku gsum ngo sprad pa'i/ /dran med gnyis kyis bden gnyis gtan la 'bebs//zab mo'i don ston do ha'i don 'grel 'di/ /rkyen gsum bral ba'i bla ma gong ma dang / /brgyud pa dang ldan snying po'i don rtogs la/ /bdag gis gdams pa 'di brtsam mi rigs te/ /bdag 'dra blo dman skye bo'i don du rtsom/ / gzhan rnams rtsa ba'i rjes la 'grel pas 'chad/ /bdag lugs gdams ngag rjes la rtsa bas 'ching / /bka' rgyud lung rnams bris pas rdzogs med pas/ /lung dang mi 'gal bla ma'i gdams ngag bri// //rgyal ba'i mchod gnas bram ze chen po de//snod dang ldan pas mkha' 'gros byin gyis brlabs/ /spyod pa mdzad pas brda don thugs su chud/ /mtshan nyid rtogs pas mda' mkhan mo dang 'grogs/ /don la ma dgongs rgyal pos bka' bkyon mdzad/ /tshig don bzhi bcu'i lan la mgur bzhengs pa'i//chos sku gtsor ston rA dza'i do ha las/ /mtshon byed dpe yis mtshon bya sku bzhi ston/ /bsdus pa'i don ni nyi shu rtsa gsum gyis/ /gzhung gi don rnams mdor bsdus gsal bar byed/ /gzhung gi tshad ni tshigs bcad bzhi bcu yin/ / tshig rkang bzhi bzhis 'bru don gsal bar byed// //de la re zhig rgyal po'i don du mgur du bzhengs pa'i tshigs su bcad pa bzhi bcu pa 'di la don rnam pa gnyis te/ dang po bram ze chen po'i thugs dam la phyag 'tshal ba dang / de'i gzhung rnams gsal bar bstan pa'o//de yang bram ze chen po'i thugs dam ni bdud bzhi 'joms pa'i sku bzhi yin te/ de la bdud bzhi ni phung po'i bdud dang / nyon mongs pa'i bdud dang / 'chi bdag gi bdud dang / lha'i bu'i bdud do/ /de la phung po'i bdud ni/ pha ma gnyis kyi thig le dkar dmar las/rnam par shes pa a'i tshul du zhugs nas phung po grub pa ni phung po zhes bya la/ phung po des sdug bsngal gyi rnam pa mang po nyams su myong ba ni bdud ces bya'o/ /sdug bsngal gyi dbang du phung po gyur pas stobs che ba'o/ / de 'joms par byed pa ni/ pha ma gnyis kyi thig le dkar dmar gnyis ni rkyen gyis bskyed pa yin la/ de la rnam shes ar zhugs pa ni/ ma skye ba med pa las rkyen snang gi phung por grub kyang / phung po nyid med bzhin du sprul pas sgyu ma yin pa'i phyir sgyu ma de la rlom sems dang bral ba'o//gang rlom sems dang bral ba ni don gyi lus 'gyur ba med cing rnam par rtog pa med pa dran pa med pa'i dbyings yin te/ de nyid ni sprul pa'i sku'o/ /sprul sku la bde ba dang sdug bsngal la sogs pa ci yang snang yang / nam mkha'i sprin pa gzhan du yal te 'gro ba'i phyir phung po'i bdud bcom pa'o/ /nyon mongs pa'i bdud ni phung po la brten nas dbang po lnga la chags/ dbang po lngas ni phyi nang gi yul la bzung nas nyon mongs pa skye ba'i bdud yin la/ nyon mongs pa'i dbang du gyur nas de la spyod pa ni stobs che ba'o//de 'joms pa ni nyon mongs nyid dran pas chags sdang skyes pa yin la/ dran pa nyid dran med las skyes pas/ dran ma dran gnyis nyon mongs pa'i rtsa ba yin pas/ de'i phyir dran ma dran gnyis 'joms pa ni rkyen las skyes la/dran med kyang ltos pa'i chos yin te/ de gnyis kas mtshan pa'i dus su ci yang mi skye ba'i don gyi ngag brjod pa dang bral bas/ tshig dang tha snyad las 'das pas skye ba med pa'i dbyings yin te/ de thams cad la khyab cing longs spyod pa'i phyir longs spyod rdzogs pa'i sku ste/longs sku la nyon mongs pa ci skyes kyang longs spyod pa yin te/ nyon mongs pa'i 'dam gyis skye med la ma gos pas/ pad+ma 'dam las skyes kyang 'dam gyi nyes pa'i skyon gyis ma gos pa dang 'dra ba'i phyir nyon mongs pa'i bdud bcom pa'o// //phung po la brten pa'i dran pa 'di 'chi ba'i bdag po yin te/ dran pa 'dis phung po mi 'dra ba du ma btsal nas/ skye rga na 'chi'i sdug bsngal las mi thar bas bdud yin la/ dus rtag tu skye shi'i dbang du gyur pas stobs che ba'o//de 'joms pa ni phung po rkyen las skyes pa la dran rig glo bur brten pa ni gzhi med pa la brten pa ste/ phung po rkyen gyis skyes pas 'jig /dran pa glo bur ba yin pas yal 'gro ste/ don gyi yid thos bsam bsgom gsum dang bral ba'i dbyings blo las 'das pa ste/blo las 'das pa'i dbyings su blos byas pa sna tshogs yal te/ dper na rgya mtsho'i nang du kha ba babs pa ltar rang bzhin med par shes nas/ spros pa dang bral bar gnas pa ni chos sku'o/ /chos kyi sku rtogs pas ni 'chi bdag gi bdud bcom mo// //lha'i bu'i bdud ni/ rtsa dang nA da thig le stong pa nyid kyi zhi gnas bsgoms pas zag pa dang bcas pa'i bde ba skyes pa ni lha yin la/ de nyid rtsol sgrub dang bcas nas dran pa bsgom dgos te/ dran pa ni bsam pa/bsam pa ni rnam par rtog pa/ rnam par rtog pa ni 'khor ba yin pas bdud ces bya'o/ /zag bcas kyi bde ba la re ba la re ba byas nas/ zag med kyi sku thob po snyam pa'i dbang du gyur pas stobs zhes bya'o/ /de 'joms pa ni mtshan ma dang bcas pa'i bde ba ni lus dran pa gnyis 'dus pa las bde ba skyes pa yin la/lus med na bde ba skye ba'i gnas med la/ dran pa med na lus la sgom mkhan mi 'ong bas/ de'i phyir lus dang sems gnyis kyi bde ba ni glo bur ba rkyen las skyes pa rgyu nyi tshe ba gnas nyi tshe/dus nyi tshe ba yin pas/ lus zhig pa'i dus su lus la brten pa'i bde ba yang 'jig pa'o/ /zag pa med pa'i bde ba ni sku gsum gyi ngo bo tha mi dad pa rang bzhin gyis rnam par dag pa/ spros pa'i mtha' brgyad dang bral ba'i dbyings de la/rgyu dang 'bras bu yang ma grub la/ 'khor bar dogs pa dang mya ngan las 'das pa la yang re ba med pa ste/ de ni 'dam gyis ma gos shing rgyas pa/ don gyi lus ngag yid gsum dbyer med cing tha mi dad pa/ ngo bo nyid kyi sku yin te de la rlom sems kyi yul du ma gyur pa'i phyir/lha'i bu'i bdud bcom pa'o/ /de'i phyir bram ze chen po'i thugs dam/ bdud kyi stobs rab tu 'joms pa la phyag 'tshal lo// //gzhung gi don gsal bar bstan pa la dpe nyi shu rtsa gsum ste/ 'gal ba'i dpe bcu gsum mi 'gal ba'i dpe bdun 'gal mi 'gal 'dres ma'i dpe gnyis/tha ma rgyal po la lan btab pa dang nyi shu rtsa gsum las/ dang po 'gal ba'i dpe rgyal pos g.yo ba med pa'i don ma rtogs pas/ g.yo 'gul can gyi dpe chu dang rlabs kyis bstan par bya ste/de yang mi g.yo ba'i don ni/ dran pa med pa la dran rig gis g.yo mi nus te/ dran pa'i bsam bsgom la sogs pas yid la ma byas pa'i dbyings la g.yo 'gul med do/ /skye ba med pa'i dbyings la skye rga na 'chis g.yo mi nus te/skye ba sna tshogs kyang skye med las skyes shing skye med la thim pa'o/ /blo las 'das pa'i dbyings la blos byas pa sna tshogs kyis g.yo mi nus te/ thos bsam bsgom gsum yang blo las 'das pa'i dbyings su thim pa'o/ /de ltar na mi g.yo ba rnam pa gsum ni/rgya mtsho'i gting lta bu'i rdo rje lta bu'i ting nge 'dzin/ yid la g.yo ba rnam pa gsum ni/ rlung lta bu sgyu ma lta bu'i ting nge 'dzin rgya mtsho'i kha lta bu yin te/ de'i phyir ji ltar rlung gis brgyab pas mi g.yo ba'o/ /gal te lus ngag yid gsum gyi bsam bsgom gyis phan btags pa'am/gnod pa skyel ba ci byung yang / chos sku las byung zhing chos skur thim pa yin te/ dper na chu la rlung gis brgyab pas chu'i kha g.yos nas dba' rlabs du ma byung yang / gting la g.yo 'gul med de/ de bzhin du dran pa rlabs dang 'dra ba 'di/dran med kyi kha na lding zhing g.yo ste/ dran med kyi gting skye med blo 'das yin te/ de gnyis la g.yo 'gul med pa'o/ /de'i phyir dran pa'i rlabs ni 'khor ba rnam pa gsum yin te/ de la zhen du med de/ chu'i rlabs tsam du shes par bya'o//de yang chu lta bu ni dran pa la/ rlabs lta bu'i rkyen gyis snang ba sna tshogs so/ /de ltar rtogs tsam na yid la ma byas pa phyag rgya chen po'i don las/ longs sprul rnam pa gnyis dba' rlabs tsam du shar ba'i phyir/ chu las g.yo ba rlabs rnams su 'gyur/de ltar na don gcig la rtogs ma rtogs kyis bye brag du mar snang ba shar ba ste/ chos sku gcig pu las sems can gyi rnam rtog gis sku gsum mam bzhi'am sku lnga la sogs par bzung ste/ dbyings rnam par dag pa rkyen gang gis kyang ma bslad pa de'i bye brag go//dper na sa ra ha lta bu la/ rgyal pos gnas skabs kyis bram ze dang / paN+Di ta dang / rnal 'byor pa dang / rigs ngan la sogs pa so sor mthong yang gcig las ma 'das pas/ de ltar rgyal po mda' bsnun snang ba yang //dpe de bzhin du yid la ma byas pa'i dbyings las 'khor 'das gnyis ka shar ba'o/ /'o na 'khor ba yang yid la ma byas pa las shar bas/ yid la ma byas pa nyid kyang 'khor bar mi cha'am zhe na de ni mi cha ste/ dper na nam mkha' las sprin shar ba'i dus su/nam mkha' nyid kyang sprin bar song ba ma yin te/ de las shar cing der nub pa'o/ /de bzhin du 'khor ba 'di thams cad kyang dran pa yin la/ dran pa nyid dran med las shar cing dran med du nub pa'o/ /de'i phyir/ gcig nyid na yang rnam pa sna tshogs byed// //da ni sems dang sems las byung ba gnyis med ma rtogs pas lta ba log par go ba'i dpe mar me gcig las gnyis su mthong ba lta bu ston te/ de yang yang dag pa'i lta ba ni/ blo'i yul las 'das pa sems dang sems las byung ba mi rgyu ba yin la/de ltar ma rtogs pa'i gang zag gi dran pa dang rig pa la mngon par zhen nas/ dran rig la dran rig gis brtags pas de'i mtshan nyid stong pa tsam la lta ba zer te/ de ni blun po zhes bya ba la/ blun po zhes bya ba ni don ma yin pa la yin par mthong /yin pa la ma yin par mthong bas bzlog pa'i bsgom pa ste/ de'i dpe ni mig legs par mi lta bar/ mig gi ya phugs mnan nas lta ba'i phyir/ /ji ltar rmongs pas bzlog nas bltas pa yis/ /dper na mig bzlog nas bltas pa'i phyir/mar me'i dngos po gcig la mig gi rkyen gyis mar me gnyis su mthong ba bzhin du/ yang dag pa'i lta ba blo'i yul las 'das pa las bzlog nas/ dran rig rnam rtog gi lta ba la sangs rgyas kyi dgongs pa yin zer te/ snang stong gnyis glo bur ba yin pas bcos ma'o//ma bcos pa'i gang zag gis mar me la gnyis su mi mthong ba dang 'dra bar/ blo 'das kyi don rtogs pas snang ba yang glo bur ba ste/ rkyen las skyes pa'i phyir ro/ /stong pa yang glo bur ba ste/ byas pa'i stong pa nyid 'jig pa'i phyir ro//des na snang stong gnyis ka blo las 'das pa'i dbyings las ma 'das pa la rtog pas gnyis su bzung bas/ mar me gcig nyid gnyis su snang bar 'gyur/ /de'i phyir blta bar bya ba'i yul dang / lta bar byed pa'i shes pa gnyis ka glo bur ba yin pas/ don dam pa'i chos sku de la dran ma dran gnyis med 'khor 'das gnyis med sangs rgyas dang sems can gnyis med pas de ltar blta bya lta byed gnyis med la/ ma rtogs pa'i gang zag gis zag bcas kyi phung po lnga dang / zag med kyi phung po lnga dang / dran ma dran dang 'khor 'das gnyis dang dge sdig gnyis la sogs pa blos so sor 'byed pas/kye ma blo ni gnyis kyi dngos por snang // //da ni lhan cig skyes pas 'khor 'das thams cad la khyab kyang de nyid ma rtogs pas/ dmus long la mar me'i 'od kyis khyab kyang 'od ma mthong ba'i dpes bstan te/de yang phyi ma'i khyim 'dod pa'i yon tan la yengs pa'i dus su/ dran pa med pa ye shes kyi mar mes khyab ste/ brgyud pa dang mi ldan pas ma rtogs/ nang gi khyim ni phung po lnga ste/ phung po lnga'i pha rol na rnam par rtog pa gang yang med pa'i ye shes mar me dang 'dra ba de yang ma rtogs/gsang ba'i khyim dran med kyi dbyings la skye med kyi mar me 'od kyis rgyas btab pa de yang ma rtogs pas/ khyim du mar me mang po sbar gyur kyang / /dper na mar mes mi 'gal bar byed pa dang 'dra bar/ brgyud pa dang ldan pa'i dran pa med pas ye shes kyi mig gis dran pa'i mun nag nyon mongs pa thams cad sel bar byed pa yin la/brgyud pa med pa'i dran rig la mngon par zhen pa rnams la/ dran med ye shes kyi mig med pas/ dran pa 'ba' zhig la gnas te 'khor ba'i mun pa la sangs pa'i dus med pa'o//dper na long ba la mar me'i 'od kyis khyab kyang long bas ma mthong bas/ mun nag la sangs pa'i dus med pa bzhin no/ /de'i phyir/ mig med pa la mun par gnas pa bzhin/ de bzhin du snang ba'i lhan cig skyes pa sprul pa'i sku dang /stong pa'i lhan cig skyes pa longs spyod rdzogs pa'i sku dang / skye ba med pa'i lhan cig skyes pa chos kyi sku dang / sku rnam pa gsum po des 'khor ba dang mya ngan las 'das pa thams cad la khyab pas/ lhan cig skyes pas thams cad khyab byas pa'i//sku gsum po de dag bral ma myong bar dus rtag tu rang dang 'grogs te/ dper na sbrang rtsi dang sbrang rtsi'i ro bzhin du 'grogs pa la/ dran pa nyid dran med kyis rgyas btab nas shin tu nye bar ma rtogs pas/ nye yang rmongs pa dag la shin du ring // // da ni mi 'gal ba kun rdzob kyi bden pa du ma dag kyang / don dam pa'i bden pa gcig gis 'joms pa chu bo dang mun pa'i dpes bstan te/ chu bo gang gA dang / ya mu na dang / si ta na ra la sogs pa'i chu bo thams cad byung yang rgya mtsho las byung / thim yang rgya mtshor thim/ dpe de bzhin du 'khor ba'i chos dang mya ngan las 'das pa'i chos thams cad byung yang blo las 'das pa las byung / thim yang blo las 'das pa'i dbyings su thim pa'o/ /de yang chu thams cad ro gcig pa dang 'dra bar/ 'khor 'das kyi chos thams cad du mar snang yang blos ma reg pa'i dbyings su ro gcig pas/chu bo sna tshogs pa yang rgya mtshor gcig nyid dang / dran pa bzung ba'i 'khor lo yin te/ bskyed rim rdzogs rim thams cad dran pas byas pas 'jig pa'i chos can du ma dag kyang / don dam par mi slu ba'i dbyings/ yid la ma byas shing blos ma reg pa de/smrar btub ma bsam du yang ma btub pa des/ mi bden pa'i dran pa'am/ rig pa'am/ blos byas pa thams cad 'joms pa ste/ dper na brdzun po che cig gis brdzun mang po byas kyang / rgyus yod pa cig gis rangs pa mi bden par tshor bas/brdzun pa du ma dag kyang bden pa cig gis 'joms/ 'joms lugs ji ltar gyis 'joms na/ bla ma dam pa'i gdams ngag nyi ma lta bu'i rang bzhin gyis rnam par dag pa spros pa thams cad dang bral ba de ni/ rkyen rnam pa gsum gyis ma bslad pa de ni/ nyi ma ltar gsal ba thams cad la khyab pa yin pas/ nyi ma gcig dang snang bar gyur pa yin/ rtsa dang rlung dang thig le la sogs pa thams cad mun pa lta bu yin te/ thams cad blos byas pa yin pas don dam pa blo'i spyod yul las 'das pa mi mthong ste/ don dam pa de mthong bar byed pa ni/bla ma dam pa'i gdams ngag rkyen gsum dang bral ba des/ sku gsum mthong nas dri ma gnyis dag par byed cing / dran pa thams cad dran med du 'joms par byed pas/ mun pa du ma dag kyang 'joms par byed// //da ni mi 'gal ba'i dpe 'phel 'grib med pa rgya mtsho lta bus bstan te/de la rgya mtsho las rlangs byung / rlangs pa sprin du song / sprin las char pa babs lo tog rgyas par byed/ dpe de bzhin du rgya mtsho lta bu'i chos sku las rlangs pa lta bu'i longs sku shar sprin pa lta bu'i sprul sku las char pa lta bu'i sprul pa sna tshogs 'char bas/ji ltar chu 'dzin gyis ni rgya mtsho las/ /char pa de yang snod kyi khyad par gyis kha ba dang mngar ba dang skyur ba'i khyad par gyis 'gro ste/ char pa la ngas de ltar byas so ba'i bsam pa med do/ /dpe de bzhin du chos sku blo las 'das pa las longs sku skye ba med pa dang /sprul sku dran pa med pa gnyis shar te chos sku las longs sprul gnyis shar ba'i bsam pa med pa dang / 'di ni 'khor ba'o/ /'di ni mya ngan las 'das pa la sogs pa dang rang rang rnam rtog gi khyad par gyis so sor bzung ba'o/ /dper na char pas sa gzhi thams cad bangs nas rtsi shing dang nags tshal skyed pa dang /des sems can gyi don byed do/ /dpe de bzhin du bla ma'i gdams ngag dran med 'char ba'i rlan dang 'dra ba des nyon mongs pa'i thab thams cad skye med du bangs nas/ blo 'das kyi dbyings las sems can gyi don du/ sprul pa mi 'dra ba du ma dag kyang 'char te/ sprul pa de rnams la sems kyi rtog pa'i khyad par gyis/ ji ltar yang 'byung du rung ba'i phyir/ chu blangs nas ni sa gzhi gang byas kyang / /dper na char pa de rgya mtsho las byung yang rgya mtsho de nyung du ma song bas rgya mtsho la gnod pa med/de bzhin du dran med kyi dbyings las dran pa du ma shar yang / dran med de la nyams pa med de/ dran pa de byung yang dran med la thol gyis byung / gnas kyang dran pa'i mtshan nyid yid la ma byas pas dran med du gnas thim yang dran med kyi ngang du thim pas/dran med de nyid nam mkha' dang 'dra ste/ dus rtag tu dran med rgyun mi 'chad par gnas pas/ de nyid ma nyams nam mkha' dag dang mnyam/ /de phyir chos sku blo las 'das pa de la tshogs gnyis kyi phan ma nus te/ blo las 'das pa la tshogs gnyis bsags rgyu med pas so/ /mi dge ba'i tshogs kyis sgrib mi nus te/ blo 'das la sgrib rgyu med pas so/ /chos sku las sku gnyis byung yang / chos sku la zad pa med cing 'phel ba med do/ /de yang ma zad mi zad zad pa med pa'i dbyings yin pas/'phel ba med cing 'grib pa dag kyang med// //da ni rgyal ba'i yon tan mtshan bzang po dang dpe byad bzang pos brgyan pa yang lhan cig skyes pa'i rang bzhin yin par bstan te/ de la rgyal ba'i yon tan ni gnyis te/ 'jig rten pa'i rgyal ba'i yon tan dang 'jig rten las 'das pa'i rgyal ba'i yon tan no//'jig rten pa'i rgyal ba'i yon tan ni/ mtshan bzang po sum cu rtsa gnyis sam/ dpe byad bzang po brgyad cu'am/ mi 'jigs pa bzhi 'am/ 'od 'dom gang ba la sogs pa de 'jig rten las 'das pa'i phun sum tshogs pa ma yin te/de dag thams cad glo bur ba yin pa'i phyir/ rgyal ba'i phun sum tshogs pa yongs gang ba/ /'jig rten las 'das pa'i rgyal ba'i yon tan ni/ don gyi lhan cig skyes pa yin te/ de yang dran pa dran med las byung ba/der gnas der thim pa ni lhan cig skyes pa'i stong pa'o/ /dran med skye med las byung der gnas der thim pas stong pa'i lhan cig skyes pa ni skye ba med pa/ skye med blo las 'das pa las byung yang / der gnas der thim pas skye ba med pa'i lhan cig skyes pa ni blo'i yul las 'das pa'o//blo las 'das pa de las sems can gyi mos pa tha dad kyis/ gzugs sku gnyis kyi snang ba shar du rung ba nyid de kho na 'jig rten las 'das pa'i rgyal ba'i yon tan yin pas/ lhan cig skyes pa gcig gi rang bzhin nyid//lhan cig skyes pa'i rang bzhin des brtan pa dang g.yo ba'i 'gro ba thams cad la yang khyab cing de'i ngang du 'gags pa ste/ dran pa dran med las skyes shing der 'gags pas/ de las 'gro ba skye zhing 'gag pa ste/ /'o na lhan cig skyes pa de dran pa'i snang ba dang dran med kyi stong pa gnyis la zer ram zhe na/de ni ma yin te/ dran pa dang dngos po'i chos dkyil 'khor bsgom pa la sogs pa de yang ma yin/ dngos po med pa'i chos dran med kyi stong pa nyid kyi zhi gnas bsgom pa de yang ma yin par/ dran ma dran gnyis kas ma gos pa'i/skye med de lhan cig skyes pa yin pas de la/ dngos dang dngos po med pa yang med// //da ni 'gal ba'i dpe rkyen las skyes pa'i bde ba la re ba med pa'i skyes bus brag gi sbrang rtsi 'thung ba'i dpes ston te/ de yang rkyen gyis ma bskyed pa'i bde ba ni/skye med kyi ngo bo bsam du ma btub pa'i dbyings blo las 'das pa don dam pa de sangs rgyas kyi dgongs pa yin te/ de ni zag pa med pa'i bde ba yin te/ 'khor 'das gnyis ka'i 'dam gyis ma gos pa de ma rtogs pa rnams kyis spangs nas/ zag pa dang bcas pa'i bde ba las kyi phyag rgya la zhen nas/'dod pa'i khams su 'gro/ /dam tshig phyag rgya'i bde ba lha dang lha mo'i dkyil 'khor la zhen pas gzugs khams su 'gro/ /chos kyi phyag rgya stong pa nyid kyi zhi gnas la mngon par zhen pas gzugs khams su 'gro//chos kyi phyag rgya stong pa nyid kyi zhi gnas la mngon par zhen pas gzugs med pa'i khams su 'gro bas/ dam pa'i bde ba spangs nas gzhan du 'gro/ /shes rab ma la brten pa'i bde ba de yang rkyen las skyes pa yin/ thig le nA da sgom pa yang rkyen las skyes pa'i bde ba yin/lha dang lha mo'i dkyil 'khor bsgom pa de yang rkyen las skyes pa'i bde ba yin/ de rnams la re ba byed na khams gsum las mi thar zhing grol ba mi thob par/ mtho ris lha'i go 'phang tsam thob pas/ /rkyen las skyes pa'i bde la re ba byed//don dam pa'i bde ba ni ma rtogs/ rkyen gyis bskyed pa'i bde ba la lhan cig skyes pa'i bde ba yin zer ba'i dpe ni/ brag mthon po cig la bung tshang yod pa la/ de'i steng na glang po che gnyis 'thab 'og na mtsho chen po yod pa de'i bar na 'jag ma'i phung po cig la skyes bu sbrang rtsi 'dod pa cig gis lag pa 'jus nas sbrang rtsi 'thung te/byi ba dkar nag gnyis kyis 'jag ma bcad pas/ kho steng du bros na glang po che'i bar du cha/ 'og tu bros na mtshor 'gro bas shin tu sdug bsngal lo/ /dpe de bzhin du sangs rgyas kyi dgongs pa'i sku gsum gyi ro rang la yod pa ni ma go//rkyen las skyes pa'i bde ba logs na yod pa la re ba byed pa de ni sbrang rtsi brag la yod pa lta bu/ 'jag ma phung po ni tshe yin la/ byi ba gnyis ni nyin mtshan gyis tshe rku bar byed pa/ glang po che gnyis ni gzugs khams dang gzugs med pa'i khams gnyis/'og gi mtsho ni 'dod pa'i khams te/ gar bros kyang khams gsum las mi thar ba'i phyir/ rang gi khar bcug sbrang rtsi nye ba ni dus rtag tu rang dang 'grogs pa'i sku gsum por chu bo'i rgyun dang 'dra ba de la ngoms par mi 'thung bar/ blos byas pa'i chos rkyen skyes smig rgyu'i chu la re ba byas shing brtags kyang shin tu ring bar 'gyur bas/ 'thung bar mi byed shin tu ring bar 'gyur// //da ni 'gal ba'i dpe don la mkhas pa rnams yul la chags la/ mi mkhas pa rnams chags pa'i dpe ston te/de yang dper na byol song rnams khal dang khur la sdug bsngal du mi mthong bar/ kha zas zhad tsam la bde bar mthong / de bzhin du so so'i skye bo rnams 'dod chags dang zhe sdang dang gti mug la sogs pa nyon mongs pa la bde bar mthong bas longs spyod/ dge ba'i las ka'am dam pa'i chos la sdug bsngal du mthong nas 'bad nas 'byol ba'am/ dran med skye med blo 'das kyi don dam pa ma nor ba yin pa la de la byol nas dran rig 'khor ba'i rgyu sdug bsngal gyi phung po la sdug bsngal du mi byed par bde bar mthong bas byol song dag gis sdug bsngal mi byed pa//brgyud pa'i gdams ngag dang ldan pas/ /dran med skye med la mkhas pa'i gang zag gis/ rtsa rlung gi sdom dang thig le dang bskyed rim la sogs pa thams cad sems kyi sdug bsngal du mthong ba'i phyir mkhas pa rnams kyis de ni sdug bsngal byed/don rtogs pa'i mkhas pa des ni/ sangs rgyas kyi dgongs pa blo'i yul las 'das pa bzlas su ma btub/ brjod du ma btub ming gdags su ma btub pa/ yid la ma byas pa'i bsam gtan rgyun mi 'chad pa'i rang bzhin/ skye shi'i mtha' las 'das pa/ rtag chad kyi mtha' las 'das pa/ nam mkha' lta bu'i de dang mi 'bral bas/ /cig shos nam mkha'i bdud rtsi 'thung bar byed/ /de ltar ma rtogs pas phyi'i yul 'dod yon lnga la dran pa rig pa chags/ nang gi yul rtsa dang rlung dang stong pa nyid kyi zhi gnas la chags/gsang ba'i yul dran med skye med blo las 'das pa la chags/ chags rgyu'am zhen rgyu thams cad don dam pa'i bden pa rang las tha dad par tshol ba yin te/ de yis mi grol bas/ gzhan ni yul rnams dag pa rnam par chags// // da ni de ltar chags pa thams cad mya ngan las 'das pa spangs nas/ 'khor ba'i bde ba la mos pa'i dpe bshad pa'i srin bu lta bus ston te/ dper na mi gtsang ba'i srin bu de mi gtsang ba'i dri mi zhim pa la chags/ de bzhin du 'khor ba'i sems can rnams 'dod yon lnga la chags/ma rtogs pa'i gang zag rnams mtshan ma dang bcas pa'i bde ba la chags pas/ bshang ba'i srin bu dri la chags pa ni/ /de yang mi gtsang ba'i srin bu de tsan+dan ga pur gla rtsi'i dri tshor ba tsam gyis mi gtsang ba'i bar 'dzin cing 'ching bar byed/de bzhin du mtshan ma can la brten pa'i rnal 'byor rnams/ mtshan ma med pa'i don la log par lta zhing brgyal te 'gro bas/ tsan+dan dag la dri ngan dag tu sems/ /mtshan ma med pa'i don blo las 'das pa de rtogs na/ blos byas pa'i 'khor ba mya ngan gyi phung po de spangs nas/don dam pa'i mya ngan las 'das pa gsum thob pa yin la/ ma rtogs pa'i chos rnams byas pa'i chos la don dam par 'dzin pas/ de ltar mya ngan las 'das pa spangs nas ni/ dran rig gi nyams su snang stong gi bde ba la mngon par zhen pas khams gsum du 'khor nas/dran pa las sdug bsngal du srid nas/ 'khor ba 'byung ba'i rgyu dang / 'khor ba gnas pa'i rten du 'gyur te/ 'khor ba las phral ba'i dus med pas/ srid pa'i 'byung gnas mthug pos chags par byed// //da ni 'gal ba'i dpe phun sum tshogs pa yang dag pa ma yin pas/ skams pa ba lang gi rkang rjes kyi chu lta bus bstan pa ni/ dper na rgya mtsho ma mthong ba'i gang zag gis/ ba lang gi rkang rjes kyi chu la/ rgya mtsho yin snyam nas/ rin po che btsal yang mi rnyed/dpe de bzhin du rtags dang mtshan ma dang nyams su myong ba'i bde ba de yang dag pa yin snyam nas don dam pa mi rnyed pas/ ba lang rkang rjes chu yis gang byas kyang / /dper na ba lang rjes kyi chu nas brgya la rin po che cig rnyed kyang chung bas stor te 'gro bas/de bzhin du blos byas pa'i chos thun mong gi dngos grub byung yang yal te 'gro ste mi rtag pa'i phyir/ ji ltar de yang skal pa 'gyur ba bzhin du/ sangs rgyas kyi mtshan bzang po sum cu rtsa gnyis sam/ dpe byad bzang po brgyad cu'am/ yon tan du ma snang yang glo bur ba yin pas yal te 'gro//dper na rmi lam gyi gnas skabs na/ lha'i gzhal yas khang la sogs par phyin pa rmi ste/ gnyid sad pa'i dus su mi bden pas mi brten te yal te 'gro ba'i phyir/ phun tshogs ma yin phun tshogs brtan pa'i sems//brtan pa'i sems ni chos sku 'gyur ba med cing rnam par rtog pa med pa rkyen gsum gyis ma bslad pa de/ phun sum tshogs pa brtan pa'i sems yin la/ /de ma rtogs pas sngags dang phyag rgya'i nus pa la phun sum tshogs pa yin zer te/de yang glo bur ba yin pa'i phyir/ yang ni phun sum tshogs pa skams par 'gyur// //da ni mi 'gal ba'i dpe mi 'gyur ba'i don rtogs nas/ yul sna tshogs spyad kyang skyon du mi 'gyur ba'i dpe bstan te/ mi 'gyur ba'i don dran pa med pa sprul pa'i sku dang /skye ba med pa longs spyod rdzogs pa'i sku dang / blo las 'das pa chos kyi sku gsum rtogs na/ phyis 'khor bar mi skye ste/ dper na rgya mtsho la ba tshwa can gyi chu la spyad du mi btub pas rtsi shing dang nags tshal la sogs pa mi skye/ de bzhin du blo 'das la blos dpyad du mi btub/blo dpyad du med pas 'khor bar mi skye bas/ ji ltar rgya mtsho ba tshwa can gyi chu/ /'o na ba tshwa can gyi chu de dpyad du ye mi btub bam zhe na/ de ma yin te/ rgya mtsho las rlabs byung de sprin du song / sprin las char pa babs pas/ lo togs thams cad smin par byed do//de yang snod kyi khyad par gyis nya phyis kyi khar song bas mu tig tu 'gro/ /pad+ma'i khar song bas dngul chur 'gro/ /de bzhin du dran med las dran pa'i sprul pa byung bas/ ma rtogs pa rnams la 'khor ba'i 'bras bu smin par byed/ brgyud pa dang ldan pa rnams la sku gsum du smin par byed pas/ nya phyis pad+ma'i mu tig gam dngul chu bzhin du snod dang ldan pa dang mi ldan pa bye brag gis 'khor 'das gnyis byed pas/ chu 'dzin kha yis blangs pas mngar bar 'gyur/ / dran med skye med blo 'das gsum las cir yang shar ba ni sprul pa sna tshogs te/ sprul pa la mngon par zhen pa ni ma brtan pa'o/ /sprul pa'i 'char sa blo'i yul las 'das pa de ni blos bsgyur du mi btub ste/ de nyid kho na don dam pa'i sems rang bzhin gyis rnam par dag pa/de las sems can gyi don ci yang 'byung du rung ste/ dpag bsam gyi shing ngam bum pa bzang po lta bu yin pas/ bstan pa'i sems kyis gzhan gyi don byed pa/ skye ba med pa'i don rtogs na phyi nang gi yul thams cad kyi skye sa gnas sa thim sa dang gsum rtogs pas/nyon mongs pa dug dang 'dra ba de yang / ye shes kyi bdud rtsir 'gyur du btub ste/ dper na snying rlung can la btsan dug btang bas/ snying rlung sos pa bzhin du/ don du na snying rlung gis dran pa med pa bzhin du/ sangs rgyas kyi dgongs pa dran pa med pa'o//de las dran pa sna tshogs skyes pa yang / /dngos por bzung na dug 'gyur la/ /dran pa de nyid kyi mtshan nyid shes na dran rig la spyad kyang rang bzhin med par rtogs pas/ yul gyi dug kyang bdud rtsir 'gyur ba yin// //da ni mi 'gal ba'i dpe brjod du med pa'i don rtogs na/brjod du med pa'i sgras sngags kyang / don 'byung ba dpe 'brug gi sgra lta bu bstan pa ni/ yid la ma byas pa'i dbyings la brjod du med kyang / dper na gzhon nu ma'i bde ba la bzlas su med pa'o/ /brjod du 'am rig rgyu ni dran pa yin te/ji srid dran pa dang bcas pa de nyid du/ sdug bsngal gyi bden pa'o/ /dran pa med pa kun 'byung gi bden pa'o/ /skye ba med pa lam gyi bden pa/ blo'i yul las 'das pa 'gog pa'i bden pa/ bden pa gsum la brjod du med pa'i phyir/ /brjod du med na sdug bsngal ma yin te//brjod du med pas bsgom du yang med de/ /bsgom pa ni bsam pa yin la/ bsam pa ni rnam par rtogs pa/ rnam par rtog pa ni 'khor ba yin pas/ don dam pa blo'i yul las 'das pa de las blos bsgom pa'am/ ngag gis kyang brjod du med pa'o//de ni 'dam gyis ma gos pa'i bde ba chen po yin la/ blos bya rgyu gcig byung na byas pa'i phyir sdug bsngal gyi rgyu yin pas/ bsgom du med na de nyid bde ba yin/ /blo chung ba'i gang zag la bsgom du med byas pa'i sgra de la sngangs te/skrag kyang de'i don rtogs na 'khor ba las thar pa'i don 'byung ste/ dper na glog dang 'brug drag pos blo chung ba rnams sngangs yang / lo tog smin pa'i don byed pa ltar/ ji ltar sprin gyi sgra yis sngangs na yang / /'brug dang glog byung ba ni char pa'i snga ltas yin te/char pa bab pas lo tog dang shing tog thams cad smin par byed pa bzhin du/ brjod du med pa'i don de las sems can gyi don shugs kyis dran pa dran med du smin par byed/ dran med skye med du smin par byed/ skye med blo 'das su smin par byed pas/ blo las rtogs na 'khor ba dang mya ngan las 'das par smin par byed pas/char pa bab pas lo tog smin par byed// //da ni mi 'gal ba'i dpe dus gsum tha mi dad pa la/ snang stong gnyis su med par bstan pa ni/ dang po dran pa'i dus su tha ma mi dran/ tha ma dran pa'i dus su bar mi dran/de'i phyir dran pa la gnas med de/ gnas med pa de kho na nyid don dam pa'i gnas yin te/ dran med kyi dbyings 'ga' zhig las dran pa 'di thog mar yang skyes/ bar du yang gnas/ tha mar yang thim pas/ rtogs pa'i rnal 'byor pa la dran pa'i dus rnam pa gsum du dran med du gnas pas/thog ma tha ma bar du gnas pa ste/ /de ltar rtogs pa la 'das pa dang ma 'ongs pa dang / da ltar byung ba gsum mi dmigs te/ blo las 'das pa'i dbyings la/ de gsum tha dad med pa'i phyir/ /dang po tha ma de bzhin gzhan na med/ /de ltar ma rtogs pas/snang bar rtogs stong par rtogs te snang stong gnyis su 'dzin pa ni yang dag pa ma yin te/ gnyis ka glo bur ba yin pa'i phyir ro/ /glo bur ba la lta bar byed pa ni rmongs pa yin pa'i phyir/ kun du rtog pa rmongs pa'i yid can la/ /snang stong gnyis rang gang zhe na//stong pa ni bcos ma'i stong pa dang / ma bcos pa'i stong pa'o/ /bcos ma ni stong par bsgom pa'o/ /ma bcos pa'i stong pa ni dran med rtogs pa tsam mo/ /bcos ma'i stong pa ni byas pa'i phyir 'jig rten glo bur ba'o/ /ma bcos pa'i stong pa'i dran med tsam la zer ba de yang /nyams su myong ba'i phyir 'jig pa'o/ /snang ba ni tha mal pa'i snang ba dang / grub mthas blo bsgyur ba'i snang ba'o/ /tha mal gyi snang ba ni dngos por 'dzin pa 'di yin te/ dngos por snang ba 'di ma brtags na nyams dga' tsam du snang la/ brtags na sgyu ma tsam mig yor rmi lam yin no//grub mthas blo bsgyur gyi snang ba ni/ snying rje rnam pa gsum ste/ sems can la dmigs pa'i snying rje yang byas pa'i phyir 'jig chos la dmigs pa'i phyir 'jig /dmigs pa med pa'i snying rje ni/ dmigs rgyu med pa la snying rje rgyu med pas rang bzhin grub/ de'i phyir snang stong gnyis la rig rgyu'am brjod rgyu byung bas don dam pa ma yin pa'i phyir/ stong pa dang ni snying rje brjod pas so/ /da ni mi 'gal ba'i dpe/ 'khor 'das tha mi dad pa mkhas pas shes/ /rmongs pas mi shes dpe lo tog dang bung ba dang sbal pas bstan par bya ste/ dper na mtsho las skyes pa'i me tog nang na sbrang rtsi yod pa bya dang ngang pa nya dang sbal pa la sogs pas rtsa na yod kyang mi shes/ de bzhin du dran pa'i bskyed rim dang rdzogs rim dang / rtsa nA da thig le la sogs pa'i nyams myong la mngon par zhen pas dran pas ma gos pa'i dran med kyi nang skye ba med pa dang blo las 'das pa'i sbrang rtsi yod pa de/dran rig la zhen pa des ma shes pas/ ji ltar me tog nang gnas sbrang rtsi ni/ /dper na bung ba thag ring ba las 'ongs pas/ mtsho la ma thogs/ lo 'dab la ma thogs par sbrang rtsi 'thungs nas 'gro/ /de bzhin du mkhas pa dran pa'i rnam rtog la ma zhen pas/dran med skye med blo las 'das pa gsum shes pa'i phyir/ bung ba nyid kyis shes par gyur pa yin/ /dran med skye med blo 'das kyi don shes na/ 'khor 'das gnyis tha mi dad de/ 'dod khams dang / gzugs khams dang gzugs med pa'i khams gsum ni 'khor ba gsum yin la/phung po lhag bcas dang lhag med dang / mi gnas pa gsum ni mya ngan las 'das pa gsum yin te/ de gnyis ka blo las 'das pa'i dbyings la mi dmigs shing / mi dmigs pa nyid kyi ro ma stor bar rang bzhin du gnas pas/srid dang mya ngan 'das pa mi byed do/ /de lta bu'i don dran rig la mngon par zhen pa'i/ dran med la rmongs pas sku gsum gyi don mi shes pa'i phyir/ rmongs pa dag gis ji ltar yongs su shes// //da ni 'gal ba'i dpe bstan pa spangs nas mi bden pa la chags pa'i dpe gzugs brnyan lta bus ston te/dper na bu chung gis me long la bltas pas/ rang gi gzugs brnyan mthong nas de la 'dzin du 'gro/ /de bzhin du ma rtogs pa rnams dran rig gi mtshan bcas kyi bde ba la don du zhen nas gnas pa ni/ gzugs bzung yang mi zin pa dang 'dra bas/ ji ltar me long ngos kyi bzhin gyi gzugs/ /dper na ri bong rnams kyis gcan gzan gyi rgyal po seng ge khron pa'i khar khrid nas/ kho'i gzugs brnyan khron pa'i khar shar du bcug pas/ kho zhe sdang gis khros pas mchongs pa bzhin du/ma rtogs pas dran pa'i gzugs brnyan lha dang lha mo'i dal la chags pas/ de rang gis 'ching ba'i phyir/ rmongs pa mi shes pa yis bltas pa ltar/ /don dam pa'i bden pa snying po'i don blo'i yul las 'das pa/ 'khor 'das gnyis kyi 'dam gyis ma gos pa de/dran pa la mngon par zhen pas spang ba'i phyir/ de ltar bden pa spangs pa'i sems de ni/ /mtshan ma dang bcas pa'i bde ba dang / las kyi phyag rgya'i bde ba dang / chos kyi phyag rgya'i stong pa nyid kyi zhi gnas dang / dam tshig gi phyag rgya lha'i dkyil 'khor la mngon par zhen pa rnams de la brten te/de yang byas pa'i bsam gtan/ 'jig pa'i chos can mi bden pa yin te/ don ma rtogs pa rnams la brten pas/ mi bden pa la mang du rten par byed/ /da ni mi 'gal ba'i dpe sku gsum 'khor lo rtogs na/bsam gtan rgyun mi 'chad pa'i dpe bstan te/ de yang dper na me tog tsam pa ka la phar rgyab lta bu na yod kyang / dris tshur ngos lta bur rdol nas 'ong / dpe de bzhin du yang dag pa'i lta ba bsgom du med pa de dran pa dang rig pa'i phar rgyab na yod kyang / rtogs pa'i dus su dran pa dang rig pa'i mdun du yang khyab la/ dran rig rang la yang khyab pa'o/ /khyab pa'i don de la bsgom du yang med la brjod du med/ de'i phyir blta ru med pa ni yang dag lta ba'o/ /yang na dran pa dang rig pa ni me tog lta bu/ dri lta bu ni dran med de/dran med la gzugs med pas/ dngos po dang mtshan ma'i la la thogs rdugs med par gar yang khyab pas/ me tog dri ni gzung du med na yang / /me tog dri la gzugs med kyang / /mngon sum dang 'dra bar kun du khyab/ dpe de bzhin du yid la ma byas pa gang yang khyab pa de/bla mas mngon sum du brda dang thabs kyis bstan du btub ste/ dran pa dang dbang po'i mngon sum du bstan du btub/ dran med yid kyi mngon sum du bstan du btub/ skye med dang rig pa'i mngon sum du bstan du btub/ blo las 'das pa rnal 'byor gyi mngon sum du bstan du btub/des na dran med skye med blo las 'das pa gsum po des dngos po mtshan ma'i chos thams cad la khyab pas/ mngon du kun du khyab par byed pa ltar/ de yang dran med sprul pa'i sku dang / skye med longs spyod rdzogs pa'i sku dang / blo las 'das pa chos kyi sku dang / de gsum tha mi dad pa ngo bo nyid kyi sku dang / bzhi ni rang bzhin gyis rnam par dag pa/ dngos po dang mtshan ma med pa gzugs dang / gzugs kyi rang bzhin med pa/ de la mtshan nyid bzhi dang ldan pa yin te/ sprul sku dran med ni kun la khyab pa/ longs sku skye med ni gzugs can ma yin pa/ chos sku blo 'das ni 'gro 'ong med pa tha mi dad pa/ngo bo nyid kyi sku ni dus thams cad yin pas/ de bzhin nyid kyang yin la/ de bzhin nyid de la ni gzugs dang gzugs kyi rang bzhin med pa'i phyir/ de bzhin gzugs med pa'i rang bzhin gyis/ mtshan ma las 'das pa'i de bzhin nyid de la ni/'khor ba'i dkyil 'khor dang / mya ngan las 'das pa'i dkyil 'khor mtha' dag shar du rung ste/ gdul bya'i bsam pa ni phyi nang gi dkyil 'khor thams cad yid la ma byas pa'i dbyings las shar zhing dbyings su nub la/ dbyings de la ni dri ma gnyis kyis ma gos la/'khor 'das gnyis kyis ma gos pas/ dkyil 'khor 'khor lo dag kyang shes par bya// //da ni 'gal ba'i dpe dran pa la dngos por zhen pas/ rnam par rtog pa sra zhing mkhregs par gyur pas khyab rom lta bus bstan te/ dran pa 'gyur ba can 'dis dran med dbyings dkrugs pas/rnam par rtogs cher 'gro/ /dper na dgun gyi lhags pas chu la dkrugs pas khyab rom du 'gro ste/ de bzhin du rtog med la rtog pa zhugs pas/ 'khor ba brtas su 'gro ba'i phyir/ /rlung gis chu la zhugs shing dkrugs pa yis//de yang chu la lhags pa ma zhugs na/ /'jam zhing zug rngu med pa la/ /rkyen lhags pa zhugs pas khyab rom rdo ba bzhin du 'gro ste/ de bzhin du dran med la dran pa'i rnam rtog ma zhugs na/ nyon mongs pa'i zug rngu med la/ mtshan ma'i rtog pa med pas 'jam la/dran med las dran pa shar/ de dngos po ther zug tu bzung bas nyon mongs pa je che je che la/ rnam par rtog pa bshig pas mi rigs par 'gro bas/ 'jam pa'i chu yang rdo yi gzugs ltar 'gro/ /de yang dran pa nyid dang po dran med las skyes/bar du yang dran med du gnas/ tha ma yang dran med du thim par shes na/ dran pa ci skyes thams cad mtsho'i nang du kha ba bab pa lta bu yin pa/ ma rtogs pa rnams kyis dran pa rang rgyud pa rtag pa ther zug par bzung bas/ gangs kyi thog tu kha ba bab pa dang 'dra ste/rnam par rtog pa je che je cher 'gro bas/ ma rtogs pa'i gang zag gi dran pas dran med dkrugs pas 'khor ba'i rgyu 'ba' zhig sogs pas/ rtog pas dkrugs pas rmongs pa gzugs med las/ de yang rtsa nA da thig le gtum mo stong pa nyid kyi zhi gnas la sogs pa bsgom pa yang don dam rtogs na rnam par rtog pa mang du bsams pas rtog pa mi shigs par 'gro ba'i phyir/shin tu sra zhing mkhregs pa nyid du 'gyur// //da ni mi 'gal ba'i dran med skye med blo las 'das pa la skyon gyis ma gos pa'i dpe rin po che la 'dam gyis ma gos pa lta bus ston te/dper na nam mkha' la sprin dang 'ja' tshon byung ste/ nam mkha' la gnod pa med/ me long la gzugs brnyan shar te me long la gnod pa med/ de bzhin du sems nyid dngas ma dran med las/dran pa glo bur du byung ba de/ byung yang dran med las byung / gnas kyang der gnas/ thim yang der thim pas/ thug phrad kyi rnal 'byor yin pas/ dran pa rjes med yin pa'i phyir/ dran pas byas pa'i dge ba dang mi dge ba dang / phyi ma gnyis kyis yid la ma byas pa la phan gnod med pa de'i phyir/sems gang dri ma med pa'i rang bzhin la/ /khams gsum dang mya ngan las 'das pa gsum ni 'khor 'das gnyis la/ 'khor 'das gnyis su 'dzin pa rang rnam par rtog pa dran pa yin la/ dran pa de nyid dri ma gnyis kyi 'dam du chud de/'khor ba gsum ni nyon mongs pa'i dri ma/ myo ngan las 'das pa gsum ni shes bya'i dri ma'o/ /de'i dri ma yid la byas pa'i dbyings dri ma med pa de la/ 'khor 'das gnyis su gdags rgyu yang med pas/ 'dam gang gis kyang ma gos pa'i phyir/ srid dang mya ngan 'das pa'i 'dam gyis mi gos so//dper na rin po che 'dam rdzab tu bcug kyang / rin po che'i yon tan la 'dam gyis gos pa med/ de bzhin du dran med rtogs pa'i rnal 'byor de/ dran pa'i 'dam du bcug kyang / dran pa'i skyon gyis cung zhig kyang gos pa med/ut+pal 'dam nas skyes kyang / nyes pas ma gos pa dang 'dra ba'i phyir/ 'dam du bcug na mchog gi rin po che/ /dper na nor bu rin po che 'dam rdzab tu bcug pas/ rin po che'i 'od mi gsal/ yon tan la gsal mi gsal med de/ de bzhin du dran med kyang dran pa'i 'dam rdzab tu bcug nas/dran pa la zhen pas mi rtogs/ dran med rang la gsal mi gsal gyi tha snyad med/ rtag mi rtag gi tha snyad med de/ rin po che'i 'dam rdzab bkrus nas rin po cher shes pa dang 'dra bar/ dran pa'i 'dam rdzab bla ma dam pa'i gdams ngag gis/glo bur bar ngo bstan nas/ dran med kyi dbyings su bkrus na sku gsum mthong la/ dran pa'i 'dam rdzab ma bkrus na mi mthong bas/ de yi 'od kyang gsal ba ma yin no// //da ni 'gal ba'i dpe kun gzhi sa bon las/ 'khor 'das gnyis su smin pa'i dpes sa bon gang yin pa las myu gu 'byung ba ston te/de yang lus kyi rnam par shes pa dbang po sgo lnga la thim/ dbang po yid kyi rnam par shes pa la thim/ yid nyon mongs pa la thim/ nyon mongs pa kun gzhi la thim nas/ byas pa'i stong pa stong sang de bsgom pa de ni gti mug yin te/des don dam pa'i ye shes blo las 'das pa de mi gsal ba'i phyir/ gti mug gsal bas ye shes mi gsal te/ kha cig gis oM AHhUM gzigs la gcig la gcig thim nas/ thig le lta bu'am thig le nyid kyang sgom par sgom pa de ye shes yin zer te/de ni yid kyis bcos pa'i phyir gti mug yin la/ yang dbang gsum pa'i nyams myong la don gyi ye shes yin zer ba'am/ phra mo dang sbom po dang bcos pa'i stong pa gang sgom yang / kun gzhi rnam par shes pas gti mug yin la/des khams gsum las mi grol bas sdug bsngal sna tshogs su smin pas/ gti mug gsal bas sdug bsngal bsal ba yin/ dper na sa bon gyi rgyu rtsa ba'am 'bras bu la sogs pa ma btab na mi skye la/ btab pas gang 'dod pa skye/ de bzhin du dang po rgyu ma rig pa de las kun gzhi rnam par shes pa de la dran pa rang rig pa byung bas/ de ltar sa bon las ni myu gu 'byung / /sa bon gyi rgyu de ma spyad na yal ga dang lo 'dab la sogs pa rgyas par 'gro/ /de bzhin kun gzhi rtsa ba ma chod na/ 'khor ba'i bde sdug gi yal ga sna tshogs 'byung bas/ myu gu'i rgyu las yal ga 'byung ba'o// //da ni 'gal ba dran med skye med blo 'das rtogs kyang / snang ba dran pa la mngon par zhen pa'i dpe ni/ mthong yang dong du mchongs pa lta bu ni/ chos nyid rnal ma gnyug ma lhan cig skyes pa'i ye shes sems nyid kyi dngas ma de la gtan tshigs sam/rig pa'i sgo nas gtan la dbab tu mi btub ste/ de yang gcig dang du ma dang bral ba'i phyir yang rang bzhin med/ zhen pa la sogs pa brjod kyang / don dam par rang bzhin med pa de ma rtogs pa'i phyir/gcig dang du mas sems la dpyad pa yis/ /don dam pa'i sangs rgyas kyi dgongs pa dran pa med cing yid la byar med pa'i ngang du/ dge ba thams cad 'dus pas dge 'dun dkon mchog dang / skye ba med cing 'gag pa med pa'i ngang las/ chos kyi sgo mo brgyad khri bzhi stong shar du rung bas chos dkon mchog blo las 'das shing bsam du med pa'i ngang du/rnam par rtog pa thams cad sangs shing de kho na nyid kyi don rgyas shing 'byung bas/ sangs rgyas dkon mchog dang gsum ni/ rang la gsal zhing nye ba yin pa la/ de ltar ma rtogs pas dran rig gi sgom pa la/dkon mchog gsum la nye bas ni 'khor ba gsum las thar pa med pas/ gsal ba spangs nas srid pa dag tu 'gro/ /de yang dran pa la gnyis gnyis te/ dge ba'i las ka byas na mtho ris gnas gsum thob la/ mi dge ba bcu spyad na ngan song gnas gsum du 'gro bas/cha yod nyes kyang mi dge ba la spyod pa dang 'dra bar/ bla ma dam pas yid la ma byas pa'i don bstan nas yid la byed pa'i chos la 'bad pa ni/ dper na me'i dong mthong bzhin du/ me dong du mchongs pa dang 'dra bas/ mthong bzhin du dong du 'gro ba las/de lta bu'i gang zag de las snying rje ba'i gnas med de/ snying rje byas nas chos la bcug kyang / mi dge ba la 'bad du 'gro/ /rkyen bral gsum gyi don bstan kyang rkyen gsum gyi steng du 'gro bas/ de las snying rje ba ni ci zhig yod// //da ni rmongs pa las kyi phyag rgya la chags pa'i dpe ni/skyes bu g.yem pas kA ma rU pa'i gtam 'dri ba lta bu ni/ spyi bo bde ba chen po'i 'khor lo ni/ yi ge haM dkar po mgo thur du bstan pa cig nas/ mgrin pa longs spyod kyi 'khor lo na/ yi ge e ser po gyen la blta ba cig gnas/ snying ga chos kyi 'khor lo na yi ge hUM sngon po mgo thur du bstan pa cig gnas/ lte ba sprul pa'i 'khor lo na/ yi ge a dmar po mgo gyen la blta ba cig gnas/ de ltar na 'khor lo bzhi la/ spyi bo mgrin pa kha sbyor snying ga dang lte ba gnyis kha sbyor du byas te/ thig le dkar po ba thag tsam cig gis 'khor lo bzhi rim gyis gang nas/de'i bde ba la bsgoms nas chags pa'am/ las kyi phyag rgya'i shes rab ma dang kha sbyor du byas nas/ lus lha'i 'du shes sems chos kyi 'du shes ngag sngags kyi 'du shes byas te/ byang sems dbab pa dang /bzung ba dang / bzlog pa dang / gnas su bskyal ba'i bde ba la chags pas/ kha sbyor ba de la yongs su chags nas ni/ bde ba de ni don dam pa ma yin zhing zag pa dang bcas pa yin te/ de ci'i phyir zhe na/ rgyu nyi tshe ba/ gnas nyi tshe ba/ dus nyi tshe ba yin te/de yang rgyu mchil ma dang / snabs la sogs pa la mi skye ba'i phyir/ gnas rdo rje pad+ma ma yin pa/ gzhan nas mi skye ba'i phyir dang / dus rdo rje dang pad+ma 'dzom pa'i dus ma yin pa gzhan du mi skye bas byas pa'i chos can 'gyur ba can glo bur ba yin te/ de'i phyir don dam pa ma yin pa la/don dam par rmongs pa rnams 'dzin pa'i phyir/ 'di nyid don dam yin zhes rmongs pa smras/ /don dam pa zhes bya ba ni dus gsum 'du bral du med pa'i yid la mi byed pa'i dbyings te/ de'i ngang la dran pa'i sprul pa shar nas/ dran pa'i 'khor lo bzhi sgom pa dang /dran pa'i rdo rje pad+ma las 'du 'phro las mngon du zhen nas thar pa thob tu re ba ni/ dper na khyim na rang la yod pa'i ka ca bzhag nas/ sgo na med pa tshol ba dang 'dra bas/ gang zhig khyim nas byung nas sgo drung du/ / las kyi phyag rgya'i kha sbyor gyi bde ba la chags pa ni/ dper na skyes bu shin du g.yem pa cig gis/ grogs mo ni ma rnyed/ sgor song grogs po kun la g.yem pa'i gtam byas pas bde ba skyes nas/ de la 'dod chags kyi re ba byed pa bzhin du/ mtshan bcas kyi bde bas dam pa'i bde ba ma rnyed par byas pa'i chos la mngon par 'bad pas/khams gsum las mi thar te kA ma 'dod pa'i khams dang / rU pa gzugs dang / a rU pa gzugs med pa'i khams yin pa'i phyir/ kA ma rU pa'i gtam ni 'dri bar byed// //da ni rmongs pa rlung la chags pa'i dpe ni/gdung bas rgyal bar byed pa lta bus bstan te/ de yang rlung gi rnal 'byor pas steng rlung bsdams/ 'og rlung gyen la 'then nas lus sbyang ba lta bu stong sang nge bar 'bad pas bsgoms te/ stong pa de'i khyim du bde ba bsgoms pas/ rlung gi rgyu la stong pa'i khyim du ni//bde ba'i bsgom lugs ni rtsa la la nA dang / ra sa nA'i rlung gnyis bsdams nas/ dbus kyi a wa d+hU tIr rlung phra mo khab tsam pa dmar po cig bcug nas/ des spyi bo nas byang chub sems dkar po bab nas/ nyams myong gi bde ba skye ba ni/thabs rnam pa mang po'i sgo nas bcos ma yin pa/ bcos ma ni 'dus byas yin pas mi grol te de'i phyir/ rnam pa du ma'i tshul gyis bcos ma pas/ yang na lus nam mkha' ltar stong par bsgoms nas/ sems thig le dkar po byang chub sems kyi rang bzhin bsgoms nas/zag pa dang bcas pa'i bde ba skyes pa de la don dam par 'dzin pa ni sgom pa nyes pa yin pa'i phyir/ nam mkha' lus babs nyes pa dang bcas pa'i/ zag pa dang bcas pa'i bde ba la gdung ba bskyed nas re ba byas te/ 'bad nas bsgoms pas 'khor ba las/rgyal bar gyur par 'dod pa rnal 'byor pa ni bcos ma yin pa'i phyir/ gdung bas rgyal bar gyur pa'i rnal 'byor pa'o// //da ni 'dres pa'i dpe 'gal ba re ba dang bcas pa'i dpe bram ze'i sbyin sreg dang mi 'gal ba don gyi sbyin sreg bstan te/ dper na bram ze sbyin sreg byed pa'i rdzas ni/mar dang 'bras dang til sreg pa'o/ /mi 'gal ba'i sbyin sreg ni/ skye ba med pa'i thab khung du dran pa'i til dang / stong pa'i mar dang snang ba'i 'bras la sogs pa sreg pa'i phyir/ ji ltar bram ze mar dang 'bras kyis su/ /de yang bram zes dkyil 'khor gyi dbus su shing bcer nas me sbar nas/ rdzas gong ma bsregs nas sdig pa sreg par 'dod na ni/phyi'i sbyin sreg yin la lte bar gtum mo'i rang bzhin spar nas/ rnam par rtog pa sreg par 'dod pa ni nang gi sbyin sreg go/ /snying gar lha'i dkyil 'khor bsgoms nas/ kha hom khung du byas lag pa gnyis dgang gzar blugs gzar du byas te/kha zas sreg rdzas su byas nas/ snying gar yi dam gyi lha mnyes par sems pa ni gsang ba'i sbyin sreg go/ /blo las 'das pa'i thab khung du blos byas pa sna tshogs sreg rdzas su dbul ba ni/ de kho na nyid kyi sbyin sreg yin pa'i phyir ro//'bar ba'i me la sbyin sreg rdzas su byas nas/ de yang bram ze'i bsam pa ni bdag nyid kyang nam mkha' stong par bsgom/ rdzas rnams kyang stong par bsgoms nas/ sbyin sreg byas pas/ nam mkha' lta bu'i stong pa nyid kyi lha dang / sreg rdzas kyi bcud kyis mnyes nas grol ba thob zer/don gyi dbang du byas na/ nam mkha' ni stong pa yin la rdzas kyi bcud ni snang ba yin te/ gnyis ka bsam du med pa'i dbyings su bskyed cing thim par byed pas/ nam mkha'i bcud kyi rdzas ni skyed par byed pa ste/ bcos ma'i sbyin sreg dang /byas pa'i stong pa nyid kyis ni 'khor ba nyid du zhen par byed pa yin la/ don gyi sbyin sreg rtogs na/ chos nyid kyi dbyings dang bral du med par zhen pas/ 'di de nyid du zhen par shes pa yin// //da ni bcos ma'i rnal 'byor bzhad gad du bstan te/de la spyi bor he ru ka yab yum sbyor ba byas pa las/ lte ba nas gtum mo sbar nas byang chub sems phab ste/ tshangs pa'i bu ga na mar zhugs pa las/ bde ba skyes pa la don dam pa yin zer ba ni bcos ma yin pa'i phyir/ kha cig tshangs pa'i gnas su 'od sbar nas/de'i dus su rang gi lce rkan la brud pa g.ya' ba'am za ba'i bde ba cig 'byung ste/ de yang don dam pa yin zer bas/ lce ni kun du ru'i lce cung bskyod/ /de lta bu'i bde ba de ni zag pa dang bcas pa'i bde ba bcos ma yin pas 'khor ba gsum du 'ching bas/don ma yin pa la don du bzung bas/ don gyi sems skrag par byed pas/ 'chi bar byed shin du dkrugs par byed de/ dbang gi rten 'brel las byung ba'i bde ba nyams su myong ba de la/ nga rgyal dbang gis don dam pa yin zer te/ de ni bcos ma'i rnal 'byor pa yin pas/nga rgyal dbang gis rnal 'byor pa zhes zer// //da ni 'gal ba nyams myong gzhan la ston pa/ mching bu dang margad kyi dpes bstan par bya ste/ dran pa rig pas bsgoms pa'i thig le dang / gtum mo dang lha dang lha mo'i dal la sogs pa'i nyams su myong ba'i bde ba de la/rang gis don dam par byas nas/ rang gi nyams myong de rig pa dang sbyar nas/ gzhan la yang ston pas/ rang rig de nyid rig pa gzhan la ltos/ /dran pa'i bsam bsgom la sogs pa la ji tsam cig kyang 'bad nas grol byar te/de ni rang gis rang bcings pa yin te/ dper na dar gyi srin bu rang gi kha chus bcings pa bzhin no/ /des na 'ching ba'i rgyu la grol ba'i rgyu 'dod pa ni/ mi mkhas pa'i gang zag yin te dper na mi khong nad can la bu ram dang bca' sga btang na phan/phyis mi chus khyer ba la yang bu ram dang bcas pa'i bca' sga thong dang phan gyi zer ba lta bu'o/ /de'i phyir gang gis bcings pa de nyid grol zhes zer/ dper na rin po che margad tshol ba la/ nor bu mching bu btsal nas 'dra bar mthong ste/ de ni kha dog dang dbyibs 'dra yang yon tan mi 'dra ba'o/ /de bzhin du sems nyid kyi dngas ma dran med skye med blo 'das gsum ni/ rin po che margad lta bu dang sems las byung ba'i dran pa dang rig pa mching bu lta bu gnyis te/ 'dra 'dra 'dra ste yon tan mi 'dra ba'i phyir/kha dog dbye bas mching bu ma rgad zer/ /rmongs pas rin po che ngo ma shes pas/ mching bu la rin po che byas pas/ rin ma khugs pa dang 'dra bar/ ma go ba rnams kyis sems nyid dngas ma yid la byar ma btub pa rnam par mi rtog pa'i dbyings dang /sems las byung ba'i dran rig rtog pa'i rgyu gnyis ngo ma shes pas/ rmongs pas rin chen brtag pa ma shes pas// //da ni nyams myong la don dam du 'dzin pa'i dpe ra gan lta bus ston te/ dper na nor bu ngo ma shes pas ra gan la gser du byed/gser la ra gan du mthong ba bzhin du chos nyid ma bcos pa blos ma reg pa de la don ma rtogs pas/ don du mi 'dzin dran pa'i rnam rtog gi chos spros pa dang byas pa'i chos la don dam par 'dzin pas/ de ni ra gan gser gyi blo yis len/ /de yang dran pa'i chos snang stong dang /rig stong dang / rtsa rlung dang / thig le gnyis shor gnyis mnyam gyi/ nyams su myong ba'i bde ba la don dam pa zer zhing / de la rtsol sgrub drag tu byed pas/ nyams myong khyer nas don dam sgrub par byed/ /nyams myong bag chags dang bcas pa de ni/'jig pa'i chos can yin te/ dper na rmi lam gyi dus su skyes pa la chags pa'i 'du shes kyis pha dang ma dang legs pa dang nyes pa slob ste/ gnyid sad pa'i dus su gang yang mi bden/ de bzhin du las kyi phyag rgya'i bde ba dang / rtsa dang gtum mo la sogs pa'i bde ba la chags/bcos ma yin pa'i 'jig pa'i phyir/ /rmi lam bde la rjes su chags par byed/ /yid las byas pa'i chos thams cad rmi lam dang 'dra bar ni ma rtogs pas/ dran rig gi bde ba zag pa dang bcas pa la mngon par zhen nas/ phung po zhig pa'i dus su sems bde ba dang 'grogs zer ba te/de ni phung po mi rtag pa la brten pa rtag pa mi srid de/ chos can dbang che ba'i phyir/ phung po mi rtag bde ba rtag ces zer// //da ni 'dres pa'i dpe 'gal ba'i dpe/ e waM la chags pa me long gi gzugs brnyan lta bu dang /mi 'gal ba don gyi e waM don gyi phyag rgya bzhis bstan par bya ste/ de yang shes rab ma'i mkha' chos kyi 'byung gnas/ e gru gsum du yod pa de la/ thabs kyi rdo rje waM gyi tshul du gnas te sbyor ba byas pas/ bde ba dang stong pa'i ngos zin te/de yang bde ba'i gnas su mi snang ba la/ de'i mtshan nyid yid la ma byas pa'i stong pas rgyas btab ste snang stong dbyer med pa ni zung 'jug rab tu mi gnas pa ste/ de ltar go ba ni lta ba'o/ /de la bde ba la stong pas rgyas btab par go ba ni sgom pa'o//de'i dus su snang ba thams cad rig par grol/ rig pa la stong pas rgyas btab par go bar byed pa ni stong pa'o/ de ltar bsgoms pas sku gsum gyi rang bzhin thob par byed pa ni 'bras bu ste/ de ni 'gal ba dpe'i e waM mo/ /mi 'gal ba don gyi e waM ni/e rkyen rnam pa gsum dang bral ba'i dbyings/ rang bzhin gyis rnam par dag pa de la/ waM rkyen gyis snang ba gsum glo bur du shar ba'o/ /yang na e dran pa med pa'i dbyings las/ waM dran pa sprul pa tsam du shar te/ brjod bya yi ge'i tshogs mang po byung yang /dran pa dang ma dran pa gnyis kyi rang bzhin ma skyes pa tsam na/ de bzhin nyid kyi don skye med go ba yin te/ e waM yi ges rang nyid go bar byed/ /ma rtogs pa'i gang zag gis dbang gsum pa'i nyams su myong ba la/ kha phyir bltas pas skad cig bzhi ngos bzung /kha nang du bltas pas dga' ba bzhi ngos bzung ste/ de'i dus su dga' ba dang po ni las kyi phyag rgya mchog dga'i nyams myong skyes pa'i chos kyi phyag rgya/ lhan cig skyes pa'i dga' ba'i dus su/ phyag rgya chen por 'dod pa ni dpe'o/ / don gyi dbang du byas na/ dran pa'i thabs dang / ma dran pa'i shes rab ma gnyis/ bla ma dam pas brdas bstan pa'i dus su sbyor ba byas pa las/ don gyi skad cig ma bzhi dang / don gyi dga' ba bzhi dang / don gyi phyag rgya bzhi skyes pa ste/ gang yang rung ba cig dran pa'i dus su/ skad cig ma gcig la rnam pa sna tshogs kyi sprul pa byung bas/rnam pa sna tshogs kyi skad cig ma dang de la dga' dang mi dga' ba gnyis skyes pas dga' ba dang po'o/ /dran pa de snang ba sna tshogs las mi 'da' bas las kyi phyag rgya'o/ /dran pa de glo bur bar rtogs pas/skye sa gnas sa thim sa gsum dran med kyi dbyings yin par shes pa ni/ dran pa dran med du smin pa'i skad cig ma'o/ /dran med yid la ma byas pa'i gong na gzhan med pas mchog dga'o/ /yid la ma byas pa'i dbyings las chos kyi phung po brgyad khri bzhi stong 'byung du rung bas chos kyi phyag rgya'o//dran ma dran gnyis ka skye med kyi dbyings la thim nas de gnyis kyi mtshan nyid med pa ni/ mtshan nyid bral ba'i skad cig ma'o/ /dran ma dran gnyis skye med kyi ngang du lhan cig skyes pas lhan cig skyes pa'i dga' ba'o//skye med kyi ngo bo dran ma dran gnyis mi skye ba las mi 'da' bas dam tshig gi phyag rgya'o/ /dran ma dran med skye med dang gsum ka blo 'das kyi dbyings su med pas rnam par med pa'i skad cig ma/ de nyid la rlom sems dang bral bas dga' bral gyi dga' ba'o//blo las 'das pa'i dbyings kyis thams cad la khyab pas/ phyag rgya chen po yin pa'i phyir/ skad cig dbye bas phyag rgya bzhi bkod cing / /brgyud pa dang mi ldan pa'i gang zag gis/ las kyi phyag rgya'i bde ba'am/ rtsa rlung gi bde ba nyams su myong ba la/ don gyi lhan cig skyes pa yin zer te/nyams myong ni dran pa yin la/ dran pa ni sprul pa yin te sprul pa nyid 'jig pa'o/ /de'i phyir nyams myong gi lhan cig skyes pa ni/ don dam pa ma yin no/ /de'i phyir/ nyams su myong ba lhan cig skyes pa zer/ /don dam ni bla mas brda dang thabs du mas bstan du yod la/ngos bzung dang bral ba'i dbyings rkyen gsum dang bral ba dri ma med pa me long lta bu yin la/ nyams su myong ba ni rkyen gyis snang ba dri ma dang bcas pa/ me long gi gzugs brnyan lta bu yin te/ dper na khron pa'i nang du zla ba'i gzugs brnyan shar ba la spre'us 'khar sder du mthong nas blangs pas ma lon pa bzhin du/dran pa'i gzugs brnyan dran med kyi ngang du shar ba la/ 'bad rtsol byas kyang don med pas/ gzugs brnyan zhen pas me long lta ba bzhin// //da ni 'gal ba'i dpe kun rdzob kyi bde ba la don dam pa'i sgrub pa'i dpe/smig rgyu'i chu lta bus bstan pa ni/ dper na dpyid kyi smig rgyu la/ ri dgas skom gyis gdungs pa'i sems can rnams/ /chu yin snyam nas brnyegs pas mi slebs/ de bzhin du chos nyid snying po'i don/rkyen gyis ma bslad pa ngo ma shes pas/ rkyen gyis snang ba'i dran pa la mngon par zhen nas/ bcos ma'i bde ba la sangs rgyas kyi dgongs pa yin snyam nas zhen cing chags nas/ ji ltar ma rtogs smig rgyu'i chu la ni/ /ri dgas la sogs pa chu ma yin pa la yin snyam par 'khrul/de bzhin du dran pa'i bde ba ni don dam pa ma yin pa la don dam par bzung bas 'khrul te/ ma rtogs pa rnams dran pas 'khrul pa'i dbang du gyur pas/ 'khrul pa'i dbang gis ri dgas rgyug par byed/ /dran rig gi bde ba la mngon par zhen pa rnams ni don dam pa la rmongs pa yin la/don dam pa blo'i yul las 'das pa ni/ dran rig gi gdung ba byas kyang thob par mi 'gyur ro/ /'khor ba gsum du 'ching bar 'gyur bas/ rmongs pas skom la mi ngoms 'ching bar 'gyur//zag pa dang bcas pa'i bde ba la don dam pa zer zhing / 'bad pa byas kyang yal te 'gro ba'i phyir/ /don dam zer zhing gang zhig bde ba len/ /de yan chod kyis log par rtogs pa sun dbyung ba bstan nas// //da ni rang gzhung sgrub par byed pa pad+ma bca'i sgo nas bstan/des de yang dang po lta ba 'gyur ba med pa'i sgo nas/ dran ma dran skye med blo las 'das pa bzhi ston pa ni bden pa gnyis te/ de la kun rdzob kyi bden pa dang / don dam pa'i bden pa gnyis te/ kun rdzob kyi bden pa la yang gnyis te/log pa'i kun rdzob dang yang dag pa'i kun rdzob gnyis so/ /log pa'i kun rdzob la yang 'khrul pa dang 'khrul pa'i shes pa'o/ /'khrul pa ni 'di ltar snang ba thams cad do/ /'khrul par 'dzin pa'i shes pa ni dran pa dang rig pa ste/ de gnyis sangs rgyas kyi dgongs pa ma 'khrul pa las/log cing 'jig pa'i chos can yin pa'i phyir/ log pa'i kun rdzob/ yang dag pa'i kun rdzob ni dran pa rig pa des/ brda dang thabs kyis bstan nas/ ngos bstan du yod la ngos bzung rgyu dang bral ba'o/ /dran pa med pa'i dbyings sprul pa sku'i ngo bo de yin te/de la ci'i phyir yang dag pa'i kun rdzob ces bya zhe na/ sku'i ngos nas ni yang dag pa yin la/ sprul pa'i sgo nas ni kun rdzob po/ /yang ngos bzung bral bas ni yang dag pa yin la/ ngos bstan du yod pas kun rdzob yin pa'i phyir/kun rdzob bden pa dran pa med pa ste/ don dam pa'i bden pa ni dran pa'i sems dang / dran pa med pa'i sems gnyis ka skye ba med pa'i dbyings su med par gyur tsam na/ 'gyur ba med cing rnam par rtog pa med pa/ skye ba med cing 'gag pa med pa/dpa' bar 'gro ba'i ting nge 'dzin/ longs spyod rdzogs pa'i sku'i ngo bo yin pas sems gang sems ni med par gyur pa'o/ /dran med sprul pa'i sku dang / skye med longs spyod rdzogs pa'i sku gnyis ka/ blo las 'das pa chos kyi sku'i ngang du thim par gyur pa tsam na/chos nyid rkyen gyis ma bslad pa'i de'i gong na gzhan med pas/ de ni yongs su gyur pa mchog gi mchog de ltar sku gsum po yang rkyen gyis tha dad du snang yang ngo bo tha dad med de/ dper na bum pa nang gi nam mkha' dang / snyim pa'i nam mkha' dang nam mkha' rang dang gsum rkyen gyis tha dad kyang /bum pa dang snyim pa'i rkyen zhig tsam na/ nam mkha' de gsum tha dad med do/ /de bzhin du snang ba'i rkyen gyis sprul sku dang / stong pa'i rkyen gyis longs sku dang skye ba med pa'i rkyen gyis chos sku dang gsum las/rkyen gsum gyis ma bslad pa'i dus su tha dad cing so so ma yin tha mi dad do/ /tha dad med pa'i dbyings de las 'dam gang gis kyang ma gos te/ de ltar rtogs tsam na 'dam gyis ma gos pa'i bde ba chen po'i sku yin te/ de las 'phro dang ldan pa'i grogs po la ston pas/mchog gi dam pa grogs dag shes par gyis// //da ni dran med ting nge 'dzin du rtogs nas/ 'dam gyis ma gos pa'i dpe'i sgo nas sgom pa zhen pa med pa ston te/ de yang dran pa'i sems de ni glo bur ba rkyen las skyes pa/chu nang gi sbur ma lta bu'am/ med bzhin du snang bas rmi lam lta bu snang yang rang bzhin med pas sgyu ma lta bu'i ting nge 'dzin yin te/ de gang las sprul na dran pa med pa'i dbyings las sprul pa yin te/ sprul yang dran med las sprul la/ thim yang dran med du thim nas/dran pa sna tshogs rtsed mo tsam du shes shing / dran pa'i chos rnams dran med kyi zil gyis gnon pas/ dran med seng ge rnam par rtse ba'i ting nge 'dzin dang / dran ma dran gnyis ka skye med kyi dbyings su 'byor tsam na/ dran pa 'khor ba'i chos dang /dran med mya ngan las 'das pa'i chos gnyis ka bcom nas/ skye med dpa' bo dang 'dra bas/ skye med dpa' bar grol ba'i ting nge 'dzin dang / dran ma dran skye med gsum ka'i tha snyad kyang ma grub par blo las 'das pa'i dbyings su thim nas/ blo dang rig par gzhig par mi nus pa ni/blo las 'das pa rdo rje lta bu'i ting nge 'dzin te/ de ltar na ting nge 'dzin bzhi rtogs pas dran pa dran med du 'byor/ dran med skye med du 'byor/ skye med blo 'das su 'byor te/ sems ni dran med ting nge 'dzin du 'byor/ de ltar yid la byas pa'i chos thams cad/yid la ma byas pa'i dbyings su 'byor par shes tsam na/ nyon mongs pa'i dri ma 'dod chags zhe sdang la sogs pa thams cad kyang / yid lam byas pa'i dbyings su dag nas/ ngan song rnam pa gsum gyi rgyu zad de/ sdug bsngal dang bral ba'o//shes bya'i dri ma lha dang lha mo'i dkyil 'khor ram/ rtsa rlung gi bde ba'am/ stong nyid kyi zhi gnas la mngon par zhen pa thams cad kyang yid la ma byas pa'i dbyings su dag nas/ mtho ris lha dang mi'i rgyu yang zad nas/ 'gro ba rigs drug gi gnas su skye ba mi len cing /mchog gi mya ngan las 'das pa thob pa'i phyir/ nyon mongs yongs su dag pas de nyid do/ /de ltar yid la ma byas pa'i dbyings la dri ma gnyis skyes kyang / chu dang chu bur ram/ brag gam brag ca'am/ nam mkha' dang sprin pa lta bur shes nas/dbyings la shar cing dbyings su nub par rtogs te/ de tsam na nyon mongs pa la gnas kyang / nyon mongs pas ma gos te/ dper na ut+pal 'dam nas skyes kyang 'dam gyi skyon gyis ma gos pa'i phyir/ ji ltar 'dam skyes 'dam gyis mi tshugs bzhin//dpe de bzhin du yid la ma byas pa'i dbyings rtogs tsam na/ 'khor ba rnam pa gsum gyi nyes pa dang / mya ngan las 'das pa rgyal ba'i chos gang gis kyang / dbyings rnam par dag pa la gos pa med de/ yid la ma byas pa la 'khor 'das gnyis ka ma grub pa'i phyir/srid 'byung nyes pa rgyal chos mi gos so// //da ni dran pa sgyu mar shes pas mi g.yo ba bsam gyis mi khyab pa'i sgo nas/ spyod pa nges pa med pa bstan pa ni/ de yang 'khor ba'i chos dang / mya ngan las 'das pa'i chos dang /dran pa'i chos dang / dran pa med pa'i chos dang / 'dus byas kyi chos dang / 'dus ma byas kyi chos thams cad ni/ sgyu ma tsam du grags par zad kyi/ don dam par gang yang ma grub pas/ gang yang mi len mi 'dor ba'i tshul gyis gnas par bya ste/snang grags kyi chos thams cad ni yid la byas pa yin la/ yid la byas pa ni dran pa ste/ dran pa de nyid kho na sprul pa sna tshogs te/ sprul pa la ci yang 'byung ba'i phyir nges pa med par blta bar bya'o/ /de'i phyir de yang thams cad sgyu mar nges par blta bar bya ste/sprul pa nges med du shar ba'i gzhi ni/ yid la ma byas pa'i dbyings yin te/ yid la ma byas pa ni/ rkyen gsum gyis ma bslad pa'o/ /rkyen gsum dang bral ba ni sku gsum ste/ rkyen gsum po de ni 'jig rten las 'das pa/ dran pa rig pa las 'das pa/'dam gang gis kyang ma gos pa/ de bla ma dam pas brda dang thabs khyad par can la brten nas/ skad cig ma gcig la rtogs su btub la/ rtogs pa'i don des 'khor 'das kyi chos thams cad mi len mi 'dor bar btang snyoms su byed pas/'jig rten 'das pa skad cig len dang btang snyoms byed/ bla mas bstan pa'i sku gsum de ni/ 'gyur ba med cing rnam par rtog pa med pa yin te/ de ni tshig dang tha snyad kyis brjod du yang med la/ blo dang rig pas ma shigs shing / 'dod chags dang zhe sdang gti mug la sogs pa nyon mongs pas 'ching ba med cing /blos byas pa'i chos kyis g.yo 'gul med pa'i phyir/ brtan po'i blo can de ni gti mug 'ching bar 'gyur/ sku gsum po de ni logs nas btsal ba ma yin zhing / rgyu las bskyed pa ma yin te/ bsam bsgom tha snyad dang bral ba'i/rang 'byung gi ye shes bsam gyis mi khyab pa de rang bzhin du/ rang la gnas shing lhun gyis grub par bla ma dam pas/ brda dang thabs du ma'i sgo nas bstan pa'i phyir/ rang 'byung bsam gyis mi khyab rang bzhin grub pa yin// // da ni dran pa yid la byas pa don dam pa ma yin pa'i sgo nas/ kun rdzob yin par bstan te kun rdzob thams cad kyang skye ba med pa'i rang bzhin du gnas par bstan pa ni/ dran pa rig rig po nyams su myong ba 'di dang po nas yod pa ma yin te/ rkyen gyis glo bur du snang zhing / glo bur du rkyen gyis 'jig pa'o/ /chos nyid rkyen gyis ma bskyed pa ni/ skye ma myong 'gag ma myong / rig ma myong ba'i rang bzhin la/ snang ba 'di shar yang dper na me long gi gzugs brnyan tsam du snang ste/ me long la gzugs brnyan shar ba'i rtog pa med pa'i phyir ro/ /me long lta bu ni skye med kyi dbyings yin la/gzugs brnyan du snang ba ni sprul pa tsam ste/ sprul pa nyid rkyen snang glo bur ba yin te/ skye med kyi dbyings la sprul pa dang / glo bur ba tsam du yang ma grub cing ma skyes pa'i phyir ro/ /snang ba 'di gsal ba dang po nyid nas ma skyes te/ skye med kyi dbyings nyid brjod du ma btub pas/blo las 'das te blo las 'das pa nyid phyag rgya chen po'o/ /de la mtshan nyid bzhi dang ldan te kun la khyab pa/ gzugs can ma yin pa 'gro 'ong med pa/ dus thams cad pa ste/ kun la khyab pa ni kun gyi dngos gzhi yin te/ 'khor ba dang mya ngan las 'das pa dang /rgyu dang 'bras bu dang snang ba dang stong pa la sogs pa thams cad la khyab pa'o/ /gzugs can ma yin pa ni/ rten cing 'brel pa'am/ rkyen gyis bskyed nas phung po dang khams la sogs pa'i chos thams cad snang yang ngos bzung dang bral ba ste/rang bzhin gyis ma skyes pa'o/ /'gro 'ong med pa ni/ skye 'gag med pas/ chos nyid la thams cad kyis khyab pa ste/ res 'ga' ba ma yin zhing thams cad de kho na nyid kyi rang bzhin nyid do/ /dus thams cad pa ni ma hA mu dra de ri bong gi rwa'am/ mo gsham gyi bu ltar chad pa'am med pa ma yin te/ stong pa nyid dang snying rje dbyer med par/ /ma hA mu dra de dus thams cad du gnas pa'o/ /de'i phyir gzugs can ma yin gzugs kyi rang bzhin rnam par spangs/ ma hA mu dra de dus rgyun du sa ma ti bzhi'i tshul du gnas nas/sgom du ni med la yengs su med par/ rgyun mi 'chad par bsam gtan byed pas/ de nyid rgyun du gnas shing bsam gtan gcig po byed/ bsgom du yod cing yid la byas pa'i bsam gtan ni dri ma dang bcas pa yin la/ don dam pa'i sems ma yin te/bsgom du med cing yid la byar med pa ni dri ma med pa'i bsam gtan yin te/ de nyid don dam pa'i sems yin pa'i phyir/ yid la mi byed dri med bsam gtan sems ma yin// //da ni sems dang sems las byung ba dang / nyon mongs pa rnams rtog pa'i rnal 'byor pa la/tha mi dad pa'i sgo nas thams cad ma hA mu dra'i bdag nyid du bstan pa ni/ blo'i chos yid la byas pa rnams kyang logs na ma yin te/ blo dang sems ni dran pa med pa'i dbyings las glo bur du shar nas/ rkyen gyi stobs kyis dkar ba dang dmar ba la sogs par snang yang /dran med kyi dbyings su thim pa'i phyir/ blo dang sems dang sems kyi snang ba de dag nyid/ lo ka'i khams dang lo ka las 'das pa'i mya ngan las 'das pa gsum yang / don rtogs na sku rnam pa gsum las dbyer mi phyed/ sku gsum gyi rang bzhin yang ngo bo nyid kyi skur dbyer mi phyed/ngo bo nyid kyi sku la ni bsam brjod dang smra brjod bsgom pa las 'das te/ de nyid kyis snang ba dang stong pa dang / zag bcas dang zag med thams cad la khyab cing ma hA mu dra de'i rang bzhin du gnas pas/ 'jig rten gang gang gzhan du snang ba de bdag nyid/snang ba dang stong pa la lta bar byed pa'i sna tshogs 'khor ba'i chos dang / mya ngan las 'das pa'i chos ma lus pa mthong ba ni yul/ mthong bya'i yul can la sogs pa thams cad la chos nyid skye ba med pa'i bdag nyid kyis khyab pas/ sna tshogs ma lus mthong ba mthong bya de bdag nyid//bu lta bu'i snying du sdug pa la sogs pas 'dod chags/ dgra lta bu'i snying du mi sdug pa la sogs pas zhe sdang / de gnyis dang bral ba gti mug ste/ de gsum ga chos nyid skye ba med pa'i ngang du ma chud pa med cing / sems nyid nam mkha' lta bu yang ma hA mu dra'i bdag nyid yin pas/chags sdang gti mug byang chub sems kyang bdag nyid do// //da ni kun gzhi rnam par shes pa dran pa sgron mar khyer ba bstan pa ste/ de yang dran pas snang bar bsgoms pa'i yid la byas pa'i stong pa de ni gti mug yin la/des sangs rgyas kyi dgongs pa yid la ma byas pa/ blo dang rig pa mi rgyu ba de mi mthong bas/ mun pa dang 'dra ba/ 'o na ji ltar bya zhe na/ dran pa ni sgron me tsam du shes par bya ste/ bla ma'i brda dang thabs du ma dran pa la brten nas/ sku gsum bstan du btub pa'o//dper na mun nag tu 'dod pa'i ka cha tshol ba la/ mar me'i 'od la brten nas ka cha btsal du btub pa bzhin no/ /yang na rang gi snying ga'i pad+ma kha phye na/ thig le shin du phra ba gcig bsgoms nas/ de rtog pa med par bsgom pas/ sangs rgyas kyi dgongs pa yin zer te/de ni me long gi gzugs brnyan tsam du shes par bya/ de'i pha rol na dran med la mnyam pa nyid du shes par bya/ de gnyis ka ma skyes mi 'gag pa'i phyir/ so sor rtog pa dang / bya btsal thams cad dang bral ba bya ba nan tan gyi ye shes dang / rig pa'am rtog dpyod dang bral ba chos kyi dbyings kyi ye shes su rtog par byed pa ni/sgron ma tsam yin pa'i phyir/ gti mug mun pa sgron mar spar/ /dran pa sgron mar ma shes pas/ /rang rgyud du bzung nas 'di ni 'khor ba'o/ /'di ni mya ngan las 'das pa'o la sogs pa'i bzang rtog dang ngan rtog tu byed pas ni/'khor ba gsum du 'ching la/ 'khor ba las blo'i dbye ba bsam gyis mi khyab pas ji srid blo'i dbye bas phye/ rtogs pa'i rnal 'byor pa la 'di ni bsgom pa'o/ /'di ni mi bsgom pa la sogs pa'i blo'i dbye ba bsam gyis mi khyab par skyes kyang /bla ma dam pa'i gdams ngag gis/ sprul pa tsam du shes nas/ sprul pa nyid glo bur ba yin la glo bur dbyings su dus rtag tu yal bar shes na/ dri ma gnyis kyis kyang ma gos pas/ de srid sems kyi dri ma spangs/ /sprul pa yal ba'i dbyings de ni/dran pa rig pa ma slebs shing 'khor 'das kyi 'dam gyis gos/ thos bsam bsgom gsum las 'das pa/ de la blo dang rig pas zhen du med pa'i phyir/ ma zhen rang bzhin gang gis bsam// //da ni rtogs na dgag bsgrub med par bstan pa ni/ /dran pa rkyen las skyes pa 'di dgag mi dgos te/nam mkha'i sprin bzhin yal te 'gro ba'o/ /dran med bsgrub mi dgos te/ rang bzhin gyis 'char ba'o/ /de'i phyir sems can ma bkag la bud+d+ha ma bsgrubs pas/ dgag pa med cing bsgrub pa med/ / dran pa dang ma dran pa gnyis ka skye med du dag tsam na/ skye ba med pa nyid ngos bzung dang bral ba'o/ /sems can spang bar bya ba'am/ mya ngan las 'das pa blang bar bya ba'i bsam pa med pa'o/ /bsam brjod las 'das pa de nyid bsam gyis mi khyab pa'i dbyings/ bde ba chen po 'dam gang gis kyang ma gos pa yin pas/ 'dzin pa med de bsam gyis mi khyab/ de ltar ma rtogs pa'i rmongs pa rnams kyis/ 'di ni 'khor ba 'di ni mya ngan las 'das pa'o/ /'di ni mnyam par gzhag pa'o zhes pa la sogs pa gnyis 'dzin gyi shes pa mang po la chags pas ni/'khor ba rnam pa gsum du 'ching bas/ blo yi dbye bas rmongs rnams bcings/ don rtogs pa yi rnal 'byor gyis na/ 'khor ba dang mya ngan las 'das pa dbyer med du rtogs/ 'dus byas dang 'dus ma byas kyi chos dbyer med du rtogs/ zhi gnas dang lhag mthong gi shes pa la sogs pa'i gnyis 'dzin gyi shes pa thams cad snang ba'i lhan cig skyes par dag tsam na/rgyu dag pa zhes bya ba rgyu thams cad stong pa'i lhan cig skyes par dag tsam na/ lam dag pa zhes bya/ rgyu lam gnyis ka ma skyes pa'i dbyings su dag tsam na 'bras bu dag pa zhes bya/rgyu lam 'bras bu gsum ka blos ma reg par rtogs tsam na/ thams cad dbyer med du dag pas/ dbyer med lhan cig skyes rnam dag/ //da ni rtogs pas bsgom du med pa sems grol bar bstan pa ni/ dbu ma dang tshad ma'i gcig dang du bral la sogs pa'i gtan tshigs kyis stong par brtags pa'i/chos nyid stong pa de yang dag pa'i blo las 'das pa de min pas/ gcig dang du mas rnam brtags gcig nyid min/ /'o na chos nyid kyi don ji ltar shes par bya na/ dran pas mtshon nas dran med shes/dran med shes pas dran pa glo bur bar rtogs/ dran pa glo bur bar rtogs pas/ dran pa gzhi dang rtsa ba bral bar shes/ dran med kyi mtshan nyid skye med du shes/ skye med kyi ngo bo blo las 'das par shes/ de ltar rtogs tsam na dran med skye med blo las 'das pa gsum sku gsum du shes nas de gsum gyi ngang du rtogs pa'i rnal 'byor pa grol ba yin te/de yang dran pa dran med stong pa nyid du grol dran med mtshan ma med pa skye med du grol/ skye med smon pa med pa blo 'das su grol bas/ shes pa tsam gyis 'gro ba rnam par grol/ sku gsum po de nyid la rkyen gang gis kyang ma gos shing bsgom du med pa ste/ bsgom pa gsal na ni rtog pa gsal ba yin la/ mi gsal na bsgoms pa la don med pa'i phyir/ don dam pa de bsgom du mi btub la/ rgyun mi 'chad par chu bo rgyun gyi rnal 'byor du/ dus rtag tu gnas pas/gsal ba gang zhig shes pas bsgom pa bstan/ /sems las byung ba'i dran pa sna tshogs ni/ /g.yo 'gul can yin la/ sems nyid kyi dngas ma dran med skye med blo 'das ni/ mi g.yo ba rdo rje lta bu'i ting nge 'dzin yin te/ de'i ngang du sems las byung ba'i dran pa rig pa g.yo 'gul can 'di/rang bzhin gyis thim par shes tsam na/ dran pa dran med du bzung / dran med skye med du bzung / skye ba med pa blo 'das su bzung ba yin pas/ mi g.yo ba'i sems ni bdag nyid de ru bzung // //da ni bde ba chen po thob pas yul gyis mi gnod par bstan pa ni/dran med skye med blo 'das gsum la/ 'khor 'das kyi 'dam gyis ma gos pas/ sdug bsngal dang bral ba'i dga' ba yin pa sku gsum po de 'khor ba rnam pa gsum las rgyal ba'i yul yin pas/ dga' bas rgyas pa'i yul thob pas/chos nyid skye ba med pa 'gag pa med pa de/ bla ma dam pas brda dang thabs du mas bstan nas rtogs pa khong du chud pa de ni/ khams gsum sku gsum dus gsum rnams mnyam pa nyid du rgyas par byed pas/ mthong bas sems ni rnam par rgyas/ /bla mas brda dang thabs kyis sangs rgyas kyi dgongs pa bstan pas/ji lta ba bzhin du sku gsum gyi don mthong bas/ de las sems can gyi don gang la gang 'dod pa'i 'bras bu 'byung ba'i dgos pa byed pa yin pas/ de yis de ru dgos pa yin/ /rtog pa med par sems can gyi don byed par rtog pa'i dus su/dran pa 'di sna tshogs su 'phro yang / sprul pa sna tshogs gang la gang mos 'byung ba'i phyir/ dran med las shar cing dran med kyi ngang la gnas nas/ dran med kyi dbyings su thim pa yin pas/ dran pa dang dran med gnyis tha mi dad pa ma yin te/ dper na sa la spyad cha mi 'dra ba byas pa dang / lha dang lha mo'i gzugs brnyan mang po byas pa dang yul mkhar la sogs pa ji tsam byas kyang sa las ma g.yos pa bzhin du/ dran pa la gzugs sgra dri ro reg bya la sogs cir snang yang dran pa las ma 'das/ dran pa nyid skyes dang gnas dang thim pa gsum dran med las ma 'das pas/yul la bros kyang tha dad min// //da ni bde ba chen po'i chos sku spros pa med pa las/ gzugs sku gnyis spros kyang / 'bras bu gcig par bstan pa ni/ /'khor 'das kyi 'dam gyis ma gos pa'i blo las 'das pa de las/ sems can gyi don 'byung du rung ba ni/ myu gu'i rgyu yin pa'i phyir/ dga' ba bde ba'i myu gu dang / /sems can gyi don byed pa'i gzugs sku gnyis kyi nang na yang / longs sku skye ba med pa las skye ba'i cho 'phrul 'byung ba'i phyir/ sprul sku la ltos pa'i longs sku de mchog yin la/ sprul sku gang la gang 'dul du snang ba ni/ chos sku longs sku'i 'dab ma tsam yin pa'i phyir/ mchog gi 'dab ma skyes pa ste/ longs sku dang sprul sku gnyis/ sems can gyi don du sna tshogs su 'phro la/ chos sku las 'das pa la sems can gyi don byed pa dang mi byed pa mi mnga' zhing /gang du yang mi 'phro ba'i phyir/ ji srid phyogs bcur mi 'phro ba'o/ /spros pa dang bcas pa'i bde ba ni/ zag pa dang bcas pa'i 'bras bu yin la/ chos sku spros pa dang bral ba ni/ 'dam gyis ma gos par re dogs dang bral ba'i 'bras bu dang zag pa med pa'i 'bras bu yin pas/spros pa med pa'i 'bras bu nyid// //da ni don dam par sems can dang sangs rgyas bya ba gang yang ma grub par bstan pa ni/ mi dge ba'i las gang gis sems can du lhung ba'am/ gang sems can du ltung ba'am/ gang yang sems can du lhung ba don dam pa la med do//dge ba gang gis sangs rgyas pa'am/ gang sangs rgyas pa'am/ gang yang sangs rgyas pa don dam pa la med pas/ gang gis gang du gang la de dag med/ /'o na sangs rgyas kyi dgongs pa rtogs pa la dgongs pa med do zhe na/ don dam par sangs rgyas dang sems can gnyis ka med par rtogs pas/re dogs med pa'i dbyings des sems can thams cad smin cing grol bar byed pa'i dgos pa byed pas/ de yis de ru de la dgos pa byas/ /sems can gyi don bya'o snyam pa'i sems ni/ bag chags dang bcas pa'i sems yin la/ sems can gyi don mi byed pa ni bag chags med pa'i dran pa yin te/ de gnyis ka skye med dbyings la gang yang mi len mi 'dor ba ni/ mnyam pa nyid kyi ngang la gnas pa yin pas/ rjes su chags pa dang ni ma chags pa'i/ /snang ba sna tshogs ni glo bur ba yin pa'i phyir rang bzhin gyis stong pas/snang ba yang stong pa yin la stong pa nyid las kyang sems can gyi don du sprul pa du ma 'byung bas/ stong pa nyid kyang snang ba yin te/ de gnyis ka bsam du med pa'i ngang du dbyer mi phyed pas/ gzugs nyid dang ni stong pa nyid yin no// //da ni tha ma rgyal pos srid pa'i sa ra ha pa khyod la blang dor gang yang med pas phag dang 'dra byas pa ni/dang po khyod bram ze yin pas de nas rab tu byung ba/ de nas gtsang btsog med zer bas/ khyod srid pa gsum las mi thar bar 'khor bar zhen te/ khyod dang phag pa la khyad par med do zhes gsungs pas ni/ srid pa'i 'dam zhen phag lta bu//de'i lan du ngas chos nyid kyi don rtogs pa la/ nyon mongs pa'i dri ma dang shes bya'i dri ma gnyis kyis ma gos pas/ gtsang bar 'dzin pa dang mi gtsang bar 'dzin pa med de/ skyon gang gis kyang ma gos pa'i phyir/ dri med sems gyur skyon ci yod/ / ci'i phyir skyon med na/ 'dod yon lngas kyang don la gos pa med pa'i phyir/ gang yang gang gis ma gos pa/ /chos nyid skyon gyis ma bslad pa de la/ nyon mongs pa lngas kyang bcings pa med pas/ de yang de yis ci phyir 'ching / /de ltar dpe nyi shu rtsa gsum gyis gzhung gi don rnams ma lus par bstan nas/da ni mtshan gyi don bstan par bya ste/ gnyug ma rnal ma lhan cig skyes pa dang ma bral ba'i dbyings su/ dus gsum dang khams gsum thams cad 'byor cing / dus gsum gyi bde bar gshegs pa'i dgongs pa thugs su chud pa'i phyir/rnal 'byor gyi don dam pa blo las 'das pa'i dbyings su mnga' brnyes shing / khams gsum sku gsum du bsgyur bar mdzad cing / ma hA mu dra'i don khong du chud pas/ dbang phyug chen po/ chos thams cad gnyis su med par ston pa dang / bde ba chen por ston pa dang /bri ba dang bral bar ston pa dang / bri ba dang gang ba med par ston par mdzad pas dpal sa ra ha'o/ /de lta bu'i don rnams sangs rgyas nas da lta'i bar du brgyud pa rgyun ma chad par ma 'ongs pa'i don du gdams ngag tu mdzad pas zhal snga nas mdzad pa/ gang mdzad na gnyis snang ma lus pa bcom nas/gnyis snang la bka' bskyon pa dang / mi slu ba'i chos nyid bri ba dang gang ba med pa mgur du bzhengs pa de/ rgya rim pa bdun gyis btab nas shin tu rub pa'i don/ spros bcas dang spros med shin tu spros med gsum las/ 'di ni shin tu spros med du mdzad pa dang /dran pa'i yid thams cad dran med kyi ngang du yid 'phrog par byed pas/ do ha mdzod ces bya ba spyod pa'i glu/ chos nyid kyi don brda dang thabs ma lus pa'i sgo nas gtan la phab pa rdzogs so zhes bya ba'i tha tshig go/ /dus gsum bde gshegs dgongs pa blo yi spyod yul ma yin yang //mnyam pa nyid kyi thugs rjes sems can kun la khyab par mdzad/ /re dogs med pa'i sku gsum lhun grub 'khor ba rang bzhin dag /'bad rtsol bral ba'i rtog pa rang rgyud grol ba snying po'i don/ /dran pa'i rjes su 'brang ba'i spyod yul ma yin don dang ring //rang bzhin gnas lugs don la sems can sangs rgyas ma grub pa/ /ri khrod byams mgon badzra pA Ni thugs las bdag gis rnyed/ /skye med bde chen smyon pa'i ngag la bden par gang 'dzin pa/ /tshig dang don la 'brel med brda don cung zhig brtsams pa 'dis/ / khams gsum ma lus dran pa'i 'od 'bar sku gsum thob par shog /do ha mdzod ces bya ba'i spyod pa'i glu'i 'grel ba don gyi sgron ma zhes bya ba/ rnal 'byor gyi dbang phyug chen po skye med bde chen gyi zhal snga nas mdzad pa rang 'gyur du bsgyur nas gtan la phab pa rdzogs so/ /