CLOSE WINDOW

D2264
བོད་ཡིག

/gang yang dag gis ma gos pa/ /de yang de yis ci phyir 'ching / /rnal 'byor gyi dbang phyug chen po dpal sa ra ha'i zhal snga nas mdzad pa/ do ha mdzod ces bya ba spyod pa'i glu rdzogs so//[ ]@##/ /rgya gar skad du/ do ha ko Sha u pa de sha gI ti tsA ma/bod skad du/ mi zad pa'i gter mdzod man ngag gi glu zhes bya ba/ 'jam dpal gzhon nur gyur pa la phyag 'tshal lo/ /e ma mkha' 'gro gsang ba'i skad/ gnyis med rang bzhin phyag rgya chen po'i gnas/ /sangs rgyas chos dang dge 'dun de rang bzhin/ / byang chub sems dpa' bde ba'i mgon po la/ /phyag bzang po yis btud de bshad par bya/ /skye bo srid pa'i 'khri shing lta bus bkris pa rnams/ /bdag tu 'dzin pa'i mya ngan thang la rab tu skams/ /rgyal bu gzhon nu srid med pha dang bral ba bzhin/ / bde ba'i go skabs med pas sems la zug rdzur gyur/ /dpyad pas ma 'ongs de bzhin nyid kyi ye shes ni/ /byas pa rnams dang bral zhing bsags pa'i las min zhes/ /rang nyid shes pa'i mda' bsnun gyis ni de skad smras/ /mkhas pa thams cad snying la dug gis khyab par gyur//sems nyid rnal ma'i don ni kun gyis rtogs dka' ba/ /mtha' yis ma gos dri ma med pa'i snying po ni/ /rang bzhin gdod nas rnam pa kun gyi dpyad bya min/ /gal te dpyad na dug sbrul gtses pa kho nar zad/ /blo yis gzhag pa'i chos 'di thams cad rang gis stong //rkyen dang bral phyir brtag pa thams cad yod ma yin/ /rang bzhin gnas su grol ba'i de bzhin nyid shes na/ /mthong thos la sogs med cing de yis mi mthun bral/ /dngos por rtog pa thams cad phyugs dang 'dra bar brjod/ /dngos med rtog pa de bas shin tu blun 'gyur zhes//mar me 'bar dang bsad pa'i dpe yis brjod pa dag /gnyis med rang bzhin phyag rgya chen por gnas/ /dngos por skyes pa dngos po med par rab zhi zhing / /de yi phyogs dang bral ba mkhas pa de nyid ni/ /blun po rnams kyi blo la rang gis dpyad byas na//skad cig grol ba de la chos kyi sku zhes bya/ /grol ba de las gzhan pa'i bde chen sa yod ces/ /byis pa rnams kyis smras kyang smig rgyu'i chu dang mtshungs/ /sa dang lam dang sangs rgyas thams cad go gcig pa'i/ /gnyug ma'i ye shes 'di nyid yin gyi yid la dris//de ltar rtogs pa'i mi de la ni 'ching ba med/ /rdul ma spangs shing rdul gyis cung zad gos pa med/ /nyon mongs gnyen po gnyis su 'byed pa ga la yod/ /de ltar brtson pa'i skye bu de ni 'khor bar 'ching / /sa dang chu dang me dang rlung dang nam mkha' rnams/ /lhan cig skyes pa'i ro gcig las ni gzhan yod min//srid dang mya ngan 'das pa gnyis su mi rtogs pa/ /'di ni chos kyi dbyings kyi gnas lugs yin par bshad/ /rlu ma mkha' 'gro gsang ba'i skad/ /kye ma rang la rang gis de nyid mtshon te ltos/ /ma yengs pa yi sems kyis lha dang bral gyur na//yengs pa'i sems kyis de nyid rtogs par mi 'gyur te/ /dngos po'i tshang tshing gseb tu de nyid nor bu stor/ /kye ma 'dod pa'i dngos po gang la'ang khyod nyid chags ma byed/ /gal te chags par bya ba'i yul la yid chags na/ /'di ni bde chen sems mchog gzir ba'i nad rab ste//dri ma med pa'i sems la 'dod pa'i mchod gyis btab/ /kye ma rgyu dang 'bras bu gnyis su ma lha cig /dngos por skye ba'i rgyu dang 'bras bu yod min te/ /re dang dogs pa'i dug gis rnal 'byor sems myos na/ /lhan cig skyes pa'i ye shes gnas de 'ching bar 'gyur//kye ma rang bzhin bral ba'i de nyid bsgom du yod ma zer/ /gal te bsgom par bya dang sgom byed gnyis rtogs na/ /gnyis su 'dzin pa'i yid kyis byang chub sems spangs te/ /skyes du de yis rang gis rang la sdig pa byas//kye ma bla ma'i zhal gyi bdud rtsi'i thigs pa ji snyed pa/ /nges shes sngon 'gro pa yis rab tu blang bar bya/ /dus dang thabs la mkhas pas dus su ma bsten na/ /long bas rgyal po'i bang mdzod rku dang 'dra bar 'gyur/ /kye ma rin chen dbang dang bral ba'i skyes du ni//gdol pa dman pa zhig gis rgyal por re smon bzhin/ /rig pa 'dzin pa'i rgyud rnams der bslus pas/ /mkha' 'gros chad pa bcad nas rdo rje'i dmyal bar lhung / /kye ma dge ba'i bshes gnyen dag las mchog gi don blangs nas/ /dam par mi 'dzin dman pa'i sems kyis yongs spong ba//skye bo rab rib gzeb kyis khyer bar gyur pa na/ /bskal pa chen por rang la sdug bsngal byas par zad/ /kye ma brtan pa'i sa la phyin nas dam tshig mi ldan na/ /rgyal pos chad pa gcod pa'i mi ni bzung ba lhar/ /rnam smin lcags kyus srog gi rlung ni bzung byas nas//khro chu khol ma khar blugs pa ni bzod par dka'/ /kye ma gnas lugs rtogs kyang dman pa'i spyod pa nyid byed na/ /rgyal po khri las bab nas phyag dar byed pa bzhin/ /zad mi shes pa'i bde ba chen po nyid spangs nas//'khor ba'i bde ba dag la reg pa nyid kyis 'ching / /kye ma spros pa rnams dang bral ba'i rang gi sems mthong nas/ /spros pa rnams la ched du 'bad pa'i rnal 'byor ni/ /nor bu rin chen rnyed nas 'ching bu tshol ba bzhin/ /'bad pa byas kyang snying po'i sa ni nam yang min//e ma mkha' 'gro gsang ba'i skad/ /byang chub sems zin pa dang byang chub sems rtogs dang / /'bad pa dang bcas 'bad pa bral ba'i ye shes ni/ /dam pa rnams kyi zhal gyi bdud rtsi las byung ba/ /nyi ma zla ba gnyis kyi dbus su gsal bar byed/ / tshad dang ldan pa'i skyes bu'i sna rtse las byung zhing / /mtshan dang ldan pa'i phyag rgya las ni de sems gcig /gzugs sogs dngos po'i chos rnams de yis mdog bsgyur nas/ /zhi ba dang bcas man ngag gis ni shes par bya/ /'od gsal ba yi chos nyid de ni nges mthong nas//bla ma'i dus thabs bsten pa de ni cher rtogs la/ /shes rab pha rol phyin dang mdo gzhan las rnyed cing sku/ /kun la sbyar ba'i sems ni rab tu bsgom par bya/ /phyi dang nang du balha ba med pa'i sems de ni/ /gang gis mi bsam gang la yang ni sems ma yin/ /rang bzhin gnas pa rdo rje rtse mor klu blangs pa//bde chen gzab gtad bral ba chu bo lha bur bsgom/ /'dus pa'i tshogs su spros pa kun gyis g.yengs pa'i sems/ /'pho dang 'jug pa med pa'i rang bzhin brtan pa nyid/ /sems kyi snying po rang dga' bar ni legs btang ste/ /smyon pa lta bu'i sems ni bya ba dang zal ba//mtha' yis ma gos ye shes de ni bsgom par bya/ /sgom dang bsgom bya med pa'i sems ni rang bzhin bral/ /re dogs med pa'i mthar thug pa ni rdo rje'i sems/ /dmyal bar song srid na yang de la sdug bsngal med/ /srid dang 'bras bu mchog la gnas kyang lhag pa rnyed min pas//bde dang sdug bsngal gnyis kyis phan dang gnod spangs nas/ /bzang dang ngan pa'i spyod pas de la 'phel 'grib med/ /rtog pa'i ye shes gnyis bral 'di las ma gtogs pa/ sangs rgyas che bar 'dod na rmongs par shes par bya//bya ba med pa'i yid kyis gang yang ma btsal na/ /yon tan btsal mi dgos shing de yi mi mthun bral/ /rgyu dang bstan bcos kun las de nyid rnyed min pas/ /zhe 'dod med pa'i sems la rgyu yi dri ma bral/ /gang du'ang ma lta ye shes chen po nyid myong ba//'khor ba'i dug rnams zhi bar nus pa'i rnal 'byor pas/ /dge slong gzhu 'dra rgyal srid kun la dbang sgyur byed/ /mig ni mi 'dzums bsgom du med pa'i rnal 'byor pa/ /dben pa'i gnas dang gnas mal med pa'i gnas nyid du/ chags dang sdang ba spangs pa'i dri ma med pa'i yid//don dam sems kyi ngo bo de ni bsgom par bya/ /e ma mkha' 'gro gsang ba'i skad/ /dkyil 'khor pa dang sbyin sreg pas stong zhing / /sngags dang phyag rgya rab gnas la sogs rnam bral ba/ /rgyud dang bstan bcos kun gyi bsgrub par mi nus pa'i/ /rdo rje ye shes 'di ni rang bzhin gnas na mdzes//gcig gis go bar nus pa rin chen brda yi mchog /sbrul gyi gzeb ltar gzhan la mdzes pa yod ma yin/ /snying pos snying po mtshon pa bla ma mchog dag las/ /rtogs pas gzhan la mtshon te de nyid rang la mtshon/ / nam mkha' nor bu nyi ma lta bu'i mthu mnga' ba/ /thig le gsum dang yid dran pa dang dran med dang / /sbyor ba'i sgra sogs gang la'ang spyod par nus rung ba'i/ /gser 'gyur rtsi ltar chos rnams thams cad ro mnyam 'gyur/ /lam sbyang ba la gnyug ma'i ye shes gcig pu gcig / lam nyid brdas ston pa ni bla ma mchog dag la/ /gzugs sgra dri ro reg dang chos la brten par bya/ /chos rnams thams cad rkyen med par ni skye ma yin/ /ma skyes pa la mkhas pa'i skal ldan de dag gis/ /skyes pa thams cad la ni shugs kyis mkhas par 'gyur/ / tha mi dad pa'i ye shes kho na gcig pu nyid/ /rang bzhin gzhag pa'i sems kyis rang la khyab par 'gyur/ /bdag dang gzhan du snang ba'i rang bzhin gcig shes shing / /de nyid kho na ma yengs pa yis yongs bzung ste/ /de nyid sems kyi zug rngu yin phyir btang nas kyang //gang la'ang zhan pa med pas bde ba len par byed/ /sems la gnod pa'i las ni thams cad kyis stong zhing / /rnyed dang len pa'i bya ba gang gis gos pa med/ /rtsol dang bral zhing gnas skabs glo bur rkyen med par/ /snang ba sna tshogs phyag rgya 'di ni gzigs mor che//thams cad thams cad dam pa'i dus su nyer mthong nas/ /bla mar ma gyur chos ni gang yang yod ma yin/ /bar snang mdzub mos mtshon pas bar snang mthong ba med/ /bla mas mtshon pa'i bla ma de yang de bzhin no/ /brtul zhugs spyod pa'i rnal 'byor pa ni grong khyer sems//rgyal po'i pho brang 'jug cing bu mo dang rtse yang / /sgyur ba sngar zos pa yis sgyur ba mthong ba bzhin/ /yul rnams thams cad de bzhin nyid du rig /tshogs kyi 'khor lo nye bar brgyan pa'i gnas nyid du/ /kun du ru yi skabs su bde ba che mthong nas//brda dang dam tshig ldad pa'i rnal 'byor rnams kyis ni/ /srid dang zhi ba mnyam pa nyid legs phyag rgya che / /e ma mkha' 'gro gsang ba'i skad/ /ye shes skyes pa'i rnal 'byor gang la'ang dogs med pas/ /dbang phyug thabs dang ldan pas mthar skyes btsal bar bya//dman pa'i grong khyer zhugs nas gang dang mthun pa la/ /chung ngu chung ngus brid cing chen po de la sbyin/ /de yis bsnyen bkur byas pa'i rdzas ni ji snyed pa/ /bdag gir med pa'i sems kyis de la gtad par bya/ /kun du 'khyam zhing mtshan ma rab tu brtag bya ste/ / rigs dang kha dog mtshan ma'i tshogs kyis rim shes bya/ /rang gi bu mo ma dang sring mo tsha mo dang / /g.yung mo tshos ma smad 'tshong gso ras kyis 'tsho ba/ /sngo bsangs dang ni dkar sham dmar ser sprug nag ma/ /sme ba can la rgyud sbyar sla ba'i phyag rgya ni/ /bcu drug lo lon rab tu mdzes pa skra ser li//ut+pal yi dris khyab nu ma sra mkhregs rked pa phra/ /smad kyi zheng rgyas b+ha ga rub cing chags pa'i mdangs/ /rkyang ma dang bcas gsang thub gus pas rab tu gzhol/ /dad pa rab tu brtan zhing rtog pa chung gyur pa/ /rtags gsum ldan pa'i phyag rgya dbang gis smin par bya//yon tan bzung na rang gis rig pa'i ye shes sbyin/ /skabs su ro snyoms gnyug ma'i ye shes phyag rgya bzung / /btsun mo'i shu kra dgug pa'i phyag rgya chen mo ni/ /dus kyis bsdu ba byas nas rtog med mkha' la bstim/ /res 'ga' tshong dus gnas na ji ltar 'dug / don gyis don la bltas nas don nyid gar dgar btang / /res 'ga' dur khrod zhugs nas sgron ma dag la spyod/ /nyam nga med pa'i sems kyis yi dwags gnas su nyal/ /gdol pa rnams dang 'grogs te ro yi 'khor lo drang / /'di bya med pa'i spyod pa tshad du gzung mi bya//glu gar gling du rtsed 'jo rol mo'i tshogs su 'jug /he ru ka yi gar dang drug la skyes sogs grus/ /sems la gzengs bstod cung zad skyo bar mi bya'o/ /rgyab tu la ba bgo zhing yan lag zangs mas spras/ /'khor lo ldan pa'i thor tshugs spyi gtsug dag tu gzung //rus pa'i dum dus yan lag kun la brgyan byas nas/ /glang chen stag gi pags pas stod dang smad dkris te/ /kha TI dril bur ldan pa lag tu thogs par bya/ /glang chen smyon pa'i spyod pa skugs pa byas nas ni/ /bya med mi bya med pa'i spyod pa rang shugs kyis//glang chen mtsho ru zhugs 'dra rtag tu spyon sems kyis/ /dman pa'i chos rnams spyad na grol bar mda' bsnun zad/ /me ma mkha' 'gro gsang ba'i skad/ /sna tshogs chos rnams thams cad ro gcig par/ /ston par byed pa bla ma dam pa nyid yin te//ngang pa'i mchu dang mtshungs pa'i rje btsun mchog de ni/ /gus pa'i sems kyis gtsang ma'i spyi bor blang bar bya/ /gcig tu bsdus pa'i sems ni mtshon byed bla ma ste/ /mtshon par bya ba'i gzhi ni slob ma'i snying nyid do/ /de rtogs pa yis sdug bsngal thams cad skad cig la//'joms par byed pa'i dpa' bo de ni drin can pas/ /don la bltas nas byas pa drin du gzo ba'i phyir/ /sman pa'i rgyal po de ni rtag tu gzung bar bya/ /'khor ba'i rgya mtsho zab cing rgya che las//sgrol ba'i gru mchog de ni gzhan med de/ /dam pa'i gru la brten nas bde chen rnyed gyur pa'i/ /stobs chen gnyen pa de ni g.yo med kun gyis bkur/ /ye shes nyi ma lha bu'i 'od zer dag pa yis/ /ma rig rig par byed pa'i skyes bu mchog de ni/ / gser 'gyur rtsi ltar chos rnams thams cad bde bar sgyur mdzad pa'i/ /thabs la mkhas pa 'khor los sgyur rgyal rtag tu bsten/ /chu bo lta bu'i sems kyis gnyis lha zil gnon cing / /gang yang ma spangs gos pa med pa'i ye shes ldan/ /blo ma bcos shing blo yi rnam pa gnas gyur pa//bla ma dam pa'i zhal gyi bdud rtsi las ni byung / /sems dang sems las byung zhes tha snyad pa rnams kyis/ /brtag pa 'di ni rnal 'byor pa yi grogs rnams su/ /sgyur bar byed pa bla ma'i zhal gyi pad+mo ste/ /thams cad dge ba'i bshes su bsgyur ba de las byung //rgyud rnams kun du spras shing tha snyad kyis dben pa/ /sangs rgyas rnams kyi gsang ba sus kyang shes mi 'gyur/ /man ngag mig gis mthong zhing dbang ba'i ros khyab pa/ /zhabs kyi rdul la reg na ye shes rig par 'gyur//sna tshogs dngos po'i chos la stong pa'i mda' 'phen dang / /stong pa snang ba'i thabs kyis myos bar 'gyur byed pa/ /shes rab shes pas snang ba gzhal byar mthong ba ste/ /shes rab de ni bla med slob dpon dag las 'byung / /nyon mongs thams cad thabs kyis mchog tu sgyur byed dang //rtog pa'i zug rngu gang gis sgyur bar mi nus pa/ /'di ni man ngag snying po las ni nges 'byung dang / /de yang rje btsun mthu las nges par rnyed par 'gyur/ /de phyir rgyud par ldan pa'i byin rlabs gang ldan pa/ /dus thabs bsten pa mkhas pas rtag tu bsten par bya//e ma mkha' 'gro gsang ba'i skad/ /thabs dang shes rab rang bzhin mnyam pa nyid rtogs nas/ /'od gsal las ni lhan cig skyes pa rnyed par 'gyur/ /zla ba rgyas 'dra ba ni goms pa las byung ste/ / gsal bar byed pa sA lu nyi zla'i 'od 'drar spyod/ /dngos grub kun gyi rtsa ba rdo rje slob dpon yin/ /legs par sbyangs pa rgyu nyid 'bras bu kun gyi lus/ /bde bar gshegs pa'i bka' dang mthun par bya ba'i phyir/ /byang chub sems dpa' bde ba'i mgon pos legs gsungs pa//chos kyi sku dang longs spyod rdzogs dang sprul pa'i sku/ /ngo bo nyid kyi sku ni rgyu 'bras rab shes bya/ /sgro skur gnyis kyis stong pa gnyis med chos yin te/ /ngo bo nyid kyi bde ba de ni longs spyod che/ /sna tshogs pa yis 'gro ba thams cad sprul pa las//dbyer med ye shes nyid ni kun gyi bdag /skyed par bya dang byed pa'i rang bzhin mi dmigs kyang / /goms pa'i mthu yis dogs pa thams cad zil mnan nas/ /'bras bu gnyis ni rang dang gzhan don phun tshogs yin/ /rgyu dang 'bras bur btags kyang ngo bo de dbyer med//smon lam snying rje'i stobs kyis gzugs sku rnam gnyis 'byung / /bum pa bzang dang dpag bsam shing dang nor bu rin ched ltar/ /gang gis bzung ba med pa'i sku ni rab tu mdzes/ /gdul bya rnams la sna tshogs pa yi gzugs shar bas//de dag thams cad bsam mi khyab pa'i sprul pa ste/ /bsam du med pa'i ye shes rang byung gang bsgom pa/ /der ni 'bras bu ma lus bsgom par 'gyur ba yin/ /theg pa chen po bla med snying po'i lam 'di ni/ /'bras bu lam du khyer nas gdod nas 'bras bur gnas//gzhan don phun sum tshogs pa 'bras bu'i mchog yin te/ /sbyangs pa gtso bor gyur pa sogs las de ni 'byung / /grol ba chen po las sbyangs re ba med pa'i sems/ /rgyun mi 'chad pa'i mthu las nges pa rnyed par 'gyur/ /skyes bu rin chen gang la lha rdzas 'di skyes pas//gdug pa ma lus thams cad skad cig nyer zhi thim/ /seng+ge glang chen snyon dang stag dang dred mo dang / /gcan zan khro bo dug sbrul me dang g.yang sa dang / /rgyal po'i chad pa dug dang thog dang lce 'bab pa/ / thams cad ngo bo de nyid yin phyir gnod pa med/ /rnam rtog dgra chen choms pas dgra 'di thams cad choms/ /bdag lta'i gdug pa thul bas gdug pa thams cad thul/ /de phyir sems kyi nor bu 'di ni dam par byos/ /e ma mkha' 'gro gsang ba'i skad/ / sku dang gsung dang thugs kyi gsang ba gang rig pa/ /skyes bu de la gdug pa'i lkugs pa yod ma yin/ /las rnams gang la'ang dge dang sdig pa gnyis rtogs pa/ /gang zhig rtsol ba de ni gdug pa'i sbyor bar bshad/ /gang zag gis spyod de ni rang gis rang bcings pa'o//mos pa rgyun chags pa yi nad kyis 'khor bar lhung / /rtog ges dgos pa med cing snga mas chog par zad/ /gang la dmigs kyang dmigs pa de yis thar pa sgrib/ /bzang por rtogs kyang de yi nad kyis 'khor bar lhung / /dman pa'i las la brtag na rnam smin rgyun mi 'chad//brtag pa med pa'i sems ni nam mkha' lta bur gnas/ /nam mkha' gnas pa med pa de nyid tha snyad bral/ /bral ba'i sems la brtag dang dpyad pa mi dgos kyi/ /rang bzhin gzhag pa ji lta bu nyid de lta nyid/ /'bras bu thogs pa med pa gdod nas rang la gnas//de phyir re dang dogs pa'i gnyen pos 'ching mi dgos/ /brda dang tha snyad btags pa kun kyang de bzhin te/ /yang dag ma yin yin pa mkhas pa kun gyi yul/ /rgyu dang 'bras bu dbyer med 'di ni snying po'i sems/ / de myong ba yi 'bad pas kun las btsal mi dgos/ /dam pa bsten dang nyen dang thos pa lhur len dang / /yon tan dbang las 'byung zhes byin rlabs nod pa dang / /ting 'dzin blor gzhag nas ni sbyor dang sgom pa dang / /phan nges sngon du song nas brtul zhugs gang spyod pa//de dag thams cad log rtog bcos ma la spyod yin/ /snying po'i sems ni skyon dang yon tan rnams dang bral/ /don de nyid ni bya ba gang yang mi dgos kyi/ /bya ba btang ba'i sems ni bde ba che mchog nyid/ /lnga rig la sogs zhe 'dod gdon gyis zin//dngos por 'dzin pa'i dug gis rang gi sems la khyab/ /phyi rol spangs pa'i sems ni nang du 'jog pa can/ /snying po la spyod rnams kyis 'di nyid bsam par rigs/ /rtog ge spros pa'i spun pa phyir bsal nas/ /gnyug ma'i dbang po dag las skyes pa yi//don gyi snying po bla na med pa 'di/ /rtogs pas bcu bzhi'i sa la gnas par 'gyur/ /rnal 'byor ye shes chen po gang 'dod pa/ /rim dang cig car 'jug pa'i rim chos kyis/ /ye shes mchog gi go 'phang snying po rnams/ /bkod pas 'gro rnams phyag rgya che thob shog /