CLOSE WINDOW

D2254
བོད་ཡིག

slob dpon dga' ba skyong gis mdzad pa rdzogs so// //sa man+ta b+hadra dang / nag tshos bsgyur ba'o//[ ]@##/ /rgya gar skad du/ tat+t+wA da sha ka TI kA/ bod skad du/ de kho na nyid bcu pa'i rgya cher 'grel pa/ dpal rdo rje sems dpa' la phyag 'tshal lo//gang dag ngo bo dam pa bla ma'i cha yi snying rje'i mthu las ni/ /zung du 'jug pa'i dngos po de bzhin nyid kun rdzogs pa'i byang chub 'gyur/ /de dag nyid la gus pas phyag byar 'os shing rtag tu bsten par rigs/ /de la btud de de nyid bcu pa'i rnam bshad yang dag brtsam par bya//de nas slob dpon 'di'i zhal snga nas tshad ma dang dbu ma dang lung gi grub pa'i don la 'jug pa'i rim pa rgyas par bstan nas sngags kyi lugs kyi rjes su mthun pa'i pha rol tu phyin pa'i man ngag mdor bsdus par mdzad par bzhed nas rab tu byed pa'i brjod par bya ba dang bsgrub par bya ba dang sgrub par byed pa dang de kho na nyid kyi bdag nyid gzhan shes rab kyi pha rol tu phyin pa zhes bya ba'i ming can chos nyid kyi bdag nyid kyi sku gsum gyi ngo bo nyid kho na la dang por phyag bya ba'i phyir/gang zhig yod med sbyor ba spangs/ /de bzhin nyid la phyag 'tshal btung //ces bya ba smos te/ chos rnams ji lta ba bzhin du yod pa'i de bzhin nyid de/ de bzhin nyid dang / chos nyid dang / chos kyi dbyings dang yang dag pa'i mtha' dang / don dam pa dang / stong pa nyid ces bya ba la sogs pa ni rnam grangs so/ /mgon po byams pas kyang /stong pa nyid ni mdor bsdu na/ de bzhin nyid dang yang dag mtha'/ /mtshan ma med dang don dam ste/ chos kyi dbyings ni rnam grangs so/ /zhes ji skad gsungs pa lta bu'o/ /yod pa dang med pa dag tu zhen pa ni yod pa dang med pa'i sbyor ba ste/ de dag spangs pa ni bral ba'o/ / de nyid la phyag 'tshal zhing 'dud pa ste/ lhag par mos pas lan gnyis brjod do/ /de la yod pa'i sbyor ba ni yod pa ste/ bden pa dang / dngos po dang 'khor ba dang / skye ba dang / rtag pa zhes bya ba la sogs pa don gcig go/ /med pa'i sbyor ba ni med pa ste/ mi bden pa dang / dngos po med pa dang /ma skyes pa dang mya ngan las 'das pa dang / chags pa zhes bya ba la sogs pa don gcig go/ /de bzhin nyid la ni yod pa dang med pa'i sbyor ba dang bral bas 'gro ba rten cing 'brel par 'byung ba'i mtshan nyid can no/ /dngos po ngo bos skye ba med/ /ma skyes nam mkha'i me tog bzhin/ / ma skyes pa yi rang bzhin gyis/ /skye ba de bzhin nyid du 'dod/ /de'i phyir dngos po yod pa min/ /srid med mya ngan 'das pa min/ /bde ba ma yin mi bde min/ /rtag pa ma yin chad pa'ang min/ /zhes bya ba ni sdug pa'i tshigs su bcad pa'o/ /de nyid klu sgrub kyi zhal snga nas/ blo gros dman pa 'ga' zhig gis//yod pa'ang ni med mthong ba/ /de yis dngos rnams nyer zhi zhing / /dge ba'i blta bya nyid ma mthong / /yod pa zhes bya rtag par blta/ /med pa'o snyam na'ang chad pa ste/ /mtha' de gnyis las rnam grol bar/ /chos 'di rgyal bas bstan pa yin/ /blo gang yod dang med pa las//rnam par 'das shing mi dmigs so/ /de dag mi dmigs zab mo'i blos/ /rten cing 'brel 'byung don sgom byed/ /dngos pos grol ba ma yin la/ /de las dngos med kyis kyang min/ /dngos dang dngos med yang shes na/ /bdag nyid chen po grol bar 'gyur/ / 'khor ba dang ni mya ngan 'das/ /gnyis po nyid ni yod ma yin/ /'khor ba nyid ni yongs shes na/ /mya ngan 'das pa zhes byar brjod/ /ces gsungs so/ /yod dang med pa'i sbyor ba zhes bya ba ji lta bu zhe na/ smras pa/ re zhig 'gro ba 'di dag ni/ /gcig dang du ma bral phyir med/ / ri dang rgya mtshos gzhi dang / /khyim la sogs pa tha dad par/ /sna tshogs 'di dag rab snang phyir/ /rang bzhin gcig par rigs pa min/ /ri la sogs pa so so yang / /so so'i cha yis rigs pa min/ /de lta mod kyi rdul phra rab dag mi phyed pa'i lus can so so re re ba yin no zhe na/ de dag kyang yod pa ma yin te/phyogs cha'i bye brag gis tha dad pa'i phyir ro/ /de skad du yang / klu sgrub kyi zhal snga nas kyis/ phyogs kyi cha shas tha dad pas/ /rdul phran la yang tha dad snang / /cha shas cha shas can rtags gang / /de la rdul phran ji ltar yod/ /ces gsungs pa dang / gzhan las kyang /drug gis cig car sbyar ba yis/ /rdul phran cha shas drug pa nyid/ /drug po rnams ni yul gcig na/ /gong bu rdul phran tsam du 'gyur/ /zhes bshad pa yin no/ /rdul phran rnams ma grub par ni gcig pu cung zad kyang mi 'grub la/ gcig pa nyid ma grub pa'i phyir yang de bsags pa'i ngo bo nyid du ma yang mi 'grub bo//gcig dang du ma dang bral ba'i dngos po gang zhig yod par 'gyur na mthong ba'am 'dod par rung ba yin te/ de yang / dngos po gang la rnam dpyad na/ /de dang de la gcig med pa/ /gang la gcig pa nyid med pa/ /de la du ma'ang yod ma yin//zhes bshad do/ /gcig dang du ma dang bral ba'i gtan tshigs 'di ni gsung rab dang ldan pa ma yin no zhe na/ ji ltar me long la ni gzugs/ /gcig dang gzhan pa rnam spangs pa/ /snang yang de na yod ma yin/ /de bzhin dngos po dngos rnams nyid/ /ces bya ba la sogs pa lang+kar gshegs pa la sogs pa'i mdo las bcom ldan 'das nyid kyis shin tu gsal bar bstan pa'i phyir ro//'gro ba gang la yod pa ma grub pa de la med pa yang ma yin te/ med pa ni yod pa med pa'i rang bzhin yin pa'i phyir ro/ /de yang bcom ldan 'das kyis/ yod pa'i sngon 'gro med pa ste/ /med pa yod pa'i sngon 'gro yin/ /de phyir med par mi bsam ste/ /yod pa ru yang mi rtog go/ /zhes gsungs la/ klu sgrub kyis kyang / stong pa nyid du khas blangs nas/ /rtag dang chad pa'i lta ba ste/ /yod par khas mi len pa la/ /chad pa med cing rtag pa med//med pa yod na yod par 'gyur/ /yod pa yod na med pa nyid/ /dper na ring thung yod pa bzhin/ /med nyid la brten yod pa'o/ /de phyir gang la gnyis ka med/ /ces pa'o/ /yod pa dang med pa'i sbyor ba dang bral ba'i tshig gis mtha' bzhi dang bral ba de bzhin nyid du bstan pa yin no//yod pa dang med pa nyid rnam par bsres pa dgag pa'i bdag nyid yin pa'i phyir phyogs gzhan dag go/ /kye skyes bu de lta na yod pa bkag pa de nyid med pa bkag par yang 'grub par 'gyur te/ ci'i phyir gnyis ka bkag ce na/ de bzhin du yang bcom ldan 'das kyis yod pa bkag pa nyid kyis 'gro ba dngos po med pa tsam du gsungs pa nyid ting nge 'dzin gyi rgyal ba la sogs pa las chos thams cad dngos po med pa/mtshan ma med pa/ mtshan nyid med pa zhes bya ba la sogs pa'i tshig gis so/ /'dir kha cig gis lan smras te/ 'dir chad par smra ba'i yang yod pa'o//de yod pa bkag pas med pa nyid de/ 'gro ba rnams chad pa'i dngos por khas blangs pa'i 'gyur bas/ de gsal bar bya ba'i phyir gnyis ka bkag par ston to zhes zer ro/ /de'i len 'di rigs pa ma yin te/ gnyis ka dang gnyis ka ma yin pa'i smra ba'i yang yod pa dag de bkag pa'i 'thad par thal bar 'gyur ro//'di lan gzhan nyid ni stong pa 'ba' zhig tu smra ba gang gi phyir yod pa bkag pas med pa nyid nam mkha'i me tog ltar 'gro bar 'gyur bar khas blang par 'gyur te/ de'i 'dod pa gsal bar bya ba'i phyir zung du 'jug pa 'di bstan pa nyid do//de yang rtogs par bya ba nyid do/ /gang la yang stong pa 'ba' zhig tu bstan pa ni de la yang shes rab kyi cha gtso bo bstan pa nyid kyi phyir ro/ /bden pa gnyis zung du 'jug pa'i dpral bar bya ba'i phyir ni ma yin no/ /gzhan dag ni gzhan du zlog par byed do bstan pa'i dbye ba 'dir skyon med de/kha cig gis dngos po bkag ste dngos po med pa tsam bstan to/ /kha cig dngos po dang dngos po med pa dang bral ba'o/ /kha cig gis mtha' bzhi dang bral ba'o/ /yang de bzhin nyid tha dad pa ni med do/ /de ltar ni 'gyur mod kyi/ ci'i phyir de bzhin nyid kho na la phyag 'tshal te/sangs rgyas bcom ldan 'das la ma yin zhe na zhes bya ba de'i phyir/ gang la rnyog pa med pa nyid/ /byang chub rtogs pa'i rang bzhin can/ /zhes bya ba smras te/ gang la ni gang gi phyir te/ /de nyid de bzhin nyid do/ /rtogs pa ni khong du chud pa'i sgo nas so/ rnyog pa med pa ni dri ma med pa'o/ /byang chub rang bzhin ni yang dag par rdzogs pa'i sangs rgyas nyid kyi ngo bo yin pa de'i phyir de nyid la phyag bya ba yin te/ tha dad pa med pa'i phyir ro/ /yang gang gi phyir chos kyi rang bzhin gyis dri ma med pa dang rnyog pa med pa nyid ma 'khrul pa'i de bzhin nyid do//de ltar rang gi ngo bo ma rtogs pas phyin ci log gi ngo bor gzhag pa yang nyon mongs pa dang las dang skye ba rnams kyis 'khor ba 'byung ba'i phyir rnyog pa rnams so sor snang bar 'gyur ro/ /'di rnams kyis rang gi ngo bo ma rtogs pa ni glo bur gyi dri ma zhes brjod do/ /glo bur 'di dag shin tu spangs pa ni rnam par dag pa zhes bya'o//de skad du/ mgon po byams pas/ kun nas nyon mongs med rnams dag /de ni drir bcas dri ma med/ /chu khams gser dang nam mkha' bzhin/ /dag pa bzhin du dag par 'dod/ /gal te rnam dag de ma 'gyur/ / lus can thams cad grol bar 'gyur/ /gal te nyon mongs de ma 'gyur/ /'bad pa 'bras bu med par 'gyur/ /zhes pa'o/ /de ltar thams cad 'dir bsgrub par bya ba dang sgrub par byed pa'i tha snyad rnams ni kun rdzob nyid do/ /sangs rgyas nyid dang rdo rje 'dzin pa nyid ni kun rdzob la rab tu bsgrub par bya'o zhes gsung rab las so//don dam par de la de bzhin nyid ni nyon mongs pa dang ldan pa ma yin la rnam par dag pa yang ma yin te/ de skad du yang de nyid kyis/ nyon mongs ma yin mi mongs min/ /de nyid dag dang ma dag min/ /zhes pa'o/ /'dis ni rab tu byed pa'i brjod par bya ba'i dngos po gsum bstan te/yod pa dang med pa'i sbyor ba spangs pa 'di dag nyid kyis chos kyi bdag nyid kyi dngos po'o/ /gang la rnyog pa med pa nyid/ /rtog pa zhes bya ba dag ni rtog par bya zhing bsgom par bya ste/ de nyid sgrub par byed pa'i dngos po'o/ /byang chub rang bzhin zhes bya ba 'di ni mngon sum du bya ba'i don bsgrub par bya ba'i dngos po'o//de ltar ni 'gyur mod kyis tshad ma dang gzhal bya dag gi dngos po yang yin pa'i phyir dngos po lnga sbyar bar mi bstan zhe na/ de ni bden te/ 'on kyang de dag sngar gnas pa'i yod par tshad mas rab tu grub pa'i de bzhin nyid 'dir man ngag gi sgo nas zung du 'jug pa rab tu sgrub pa yin te/de dag ni 'dir ma bstan to/ /gcig dang du ma dang bral ba'i phyir zhes bya ba la sogs pa'i yang rab tu bsgrub pa'i rigs pa nyid dran pa'i phyir ro/ /gang gi phyir spyod pas rab tu grub pa nyid de bzhin nyid de kho na nyid la sogs pa'i dngos po ma yin te/bla ma dam pa'i man ngag dang bral bas shes rab kyi cha 'ba' zhig ni thabs dang bral ba'i phyir ro/ /yang dag 'chad par 'gyur ba yis/ /bla ma'i ngag gis ma brgyan pa'i/ /dbu ma'ang 'bring po tsam nyid do/ / zhes pas gzhan du dngos po gsum po 'di dag bstan to/ /'dir dbu mas ni tshad ma dang gzhal bya 'jug pa ma yin te/ rang dang gzhan zhes bya ba la sogs pa'i rnam par dpyad pa mi bzod pa'i phyir ro zhes snyam du sems so/ /de ni 'thad pa ma yin te/ tshad ma med pa'i phyir bsgrub par bya ba dang sgrub par byed pa'i dngos po gnas pa dka'o//de rnams kun rdzob nyid yin gyi don dam par ni ji ltar 'gyur zhes bya ba'i tshig gis so/ /mtshan ma dang gzhal bya med pa rnams kyang kun rdzob tu yod pa nyid yin na/ de ji ltar rang dang gzhan las zhes bya ba la sogs pa brtag ce na/ji ltar 'gyur ba de ltar khas len pa yin te/ phal cher lam 'di 'dir tshad ma rnams kyi gtsug gi nor bu chos kyi grags pa'i rjes su 'brangs te/ de la brten nas de'i lam gyi rjes su 'brangs nas 'di thams cad kyi rnam par gzhag pa sbyar ba yin te/ rang gi yid kyis de dag 'gegs pa ni ma yin no/ /de'i lam gyi rjes su 'brangs pas yang rang bzhin grub par 'gyur ro zhe na/ ma yin te/ ji lta bu zhe na/ re zhig phyi rol gyi don rgyas pa rnam par gzhag dgos pa'i dbang gis byas kyang gong ma gong ma'i rigs pas rtsad nas phyung ba yin no//de nyid kyi skabs dbye bar bya ste/ gang gis dngos por dpyad bya ste/ de nyid la ni dngos po med/ /gang phyir gcig dang du ma dag /rang bzhin de la yod ma yin/ /'di dag de nges las 'ongs pa/ /gang yang mkhas rnams kyis smras pa/ /ji lta ji ltar don bsams pa/ /de lta de ltar rnam par nyams/des na mtshan nyid stong pa'i phyir/ /rang bzhin med par bstan pa yin/ /zhes bya ba la sogs pa shin tu gsal bar brjod do zhes shin tu spros pas chog go/ /skabs su bab pa'i rjes su 'brel ba brjod par bya ste/ rab tu byed pa 'di'i brjod par bya ba ni de bzhin nyid de kho na nyid do//de yang phyag 'tshal ba'i gtso bo dag gis don bstan to/ /rjod par byed pa ni rab tu byed pa nyid do/ /'di dag gis ni yang brjod par bya ba dang rjod par byed pa'i mtshan nyid kyi 'brel par don gyis bstan to/ /rab tu byed pa'i dgos par yang brjod par bya ba'i don rtogs pa'o//de'i dgos pa'i gtso bo ni sems can gyi don byed pa'o/ /gtso bo ma yin pa ni/ de nyid bsgoms pas sangs rgyas nyid la sogs pa'o/ /de skad du/ gzhan don phun tshogs sangs rgyas rnams/ /'bras bu'i gtso bo lhag par 'dod/ /sangs rgyas nyid sogs gzhan gang ni//de yi don phyir 'bras bur 'dod/ /ces pa'o/ /de lta bur gyur pa'i zung du 'jug pa'i de bzhin nyid yongs su shes pas 'dod pa don du gnyer ba khas blang bar bya bar 'gyur ba dag yin zhes pa la/ de bzhin nyid ni shes 'dod pas/ /rnam bcas ma yin rnam med min//zhes bya ba smras te/ rnam pa dang bcas pa'i 'jug pa ni rnam pa dang bcas pa'i shes pa'o/ /rnam pa dang bcas pa'i gsal ba ni rnam pa med pa'o/ /de la rnam pa dang bcas pa zhes bya ba'i sgras mdo sde pa dang / rnal 'byor spyod pa pa dag gzung ba'o/ /rnam pa med pa zhes bya ba yang bye brag tu smra ba dang / rnal 'byor spyod pa'i bye brag dag bsdus pa'o//'di dag gis ni rnam pa dang bcas pa dang rnam pa med pa'i 'dod pa bsdus pa'o/ /de bzhin nyid ni shes 'dod pa'i skyes bu dag gi blang bya nyid dag tu mi 'gyur te/ gnyis kas kyang rang bzhin du khas blangs pa'i phyir ro//de yang dpyad mi bzod pas kho na nyid kyi mtshan nyid dang bral ba yin no/ /ji ltar yang dag pa'i phyir theg pa chen po la sems can rnams 'jug pa'i phyir gnas pa'i khyad par bstan par mdzad de/ de lta na yang theg pa chen po'i nges don ni ma yin te/ drang ba'i don yin pa'i phyir ro//gtso bo'i nges don ni rang bzhin med pa nyid de/ de nyid thos pa dang bsam pa dag gis bsgom par bya bas nges par 'bras bu 'byung bar 'gyur ro/ /ji ltar du ting nge 'dzin gyi rgyal po las/ nges pa don gyi mdo sde'i bye brag shes/ /bde gshegs ji skad bstan pa'i stong pa nyid/ / slar yang gang zag sems can skyes bu rnams/ /chos rnams thams cad drang ba'i don du shes/ /chos bdag med la so sor rtog par byed/ /so sor rtogs pas gal te sgom par byed/ /de yi rgyu yis mya ngan 'das thob 'gyur/ /gang yang gzhan dag zhi ba'i rgyur mi 'gyur/ /chos kun rang bzhin rtag tu stong pa nyid//rgyal sras dngos po rnam par bsgom pa ni/ /kun gyis kun du thams cad stong par 'gyur/ /nyi tshe'i stong nyid mu stegs can rnams kyi/ /zhes gsungs pa'o/ /dbu ma la 'jug pa las gsungs pa/ de ltar gang phyir shin tu zab mo'i dngos po ni/ / gang gis mi shes de ni rab tu brten bya ba/ /kun gzhi yod cing gang zag stong nyid yod/ /phung po 'di dag gis ni 'ba' zhig dang / /'jig tshogs lta ba spangs pa'i sangs rgyas kyis/ /nga dang bdag ces ji ltar ston pa ltar/ /de ltar dngos po thams cad rang bzhin gyis/ /med pa drang ba'i don ni ston par 'gyur//zhes pa'o/ /yang na/ rnam bcas ma yin rnam med min/ /zhes bya ba ni rnal 'byor spyod pa dag gis 'dod pa'i blang bar bya ba ma yin pa de nye bar len pa'o/ /de dag gis gzung ba dang 'dzin pa'i dngos pos stong pa'i bdag nyid de bzhin du khas blangs pa'i phyir rang bzhin stong pa nyid du khas len pas rang bzhin med pa'i mtshan nyid de bzhin nyid med pa'i phyir drang ba'i don du sems tsam du bstan pa yin no//ji skad du klu sgrub kyi zhal snga nas kyang / 'di dag thams cad sems tsom zhes/ /thub pa chen pos bstan pa yin/ /'jig pa yongs su spangs phyir te//rang gi mtshan nyid de nyid min/ /zhes pa'o/ /yang na/ rnam bcas ma yin rnam med min/ /zhes bya ba ni rnam pa dang bcas pa'i dbu ma dang / rnam pa med pa'i dbu ma gsal bar bya ba'i gtso bo 'di dag go/ /gang gi phyir zhi ba 'tsho'i zhal snga nas la sogs pas rnam pa dang bcas pa'i dbu ma nyid khas len par byed de/de skad du/ bdag dang gzhan smras dngos po yis/ /chos 'di dag ni rang bzhin med/ /gcig dang du ma'i rang bzhin nyid/ /bral ba'i phyir na gzugs brnyan bzhin/ /dngos po gang gang rnam dpyad na/ de dang de yi gcig nyid min/ /gang la gcig nyid yod min pa/ de la du ma nyid kyang med/ /gcig dang du ma rnam spangs pa'i/ /rnam pa gzhan dang ldan pa yi/ /dngos po mi rung de gnyis ni/ /phan tshun spangs te gnas phyir ro/ /de phyir dngos po 'di dag ni/ /kun rdzob pa nyid mtshan nyid 'dzin//gal te 'di dag don 'dod na/ /de la bdag gis ci byar yod/ /ma brtags gcig pu nyams dga' ba'i/ /skye dang 'jig pa'i chos can la/ /rang bzhin kun rdzob la yin rigs/ /rigs pa'i lam gyis rjes 'brangs nas//dngos po kun gyi rang bzhin ni/ /gzhan dag 'dod pa 'gog pa yin/ /rtsod pa ngan pa'i gnas med do/ /ma brtags pa na nyams dga' ba'i/ /bdag rgyu snga ma snga ma la/ /brten nas phyi ma phyi ma yi/ /'bras bu de dang 'dra ba yin/ /de phyir kun rdzob rgyu med na//rung min zhes pa rung ma yin/ /gal te 'di yi nyer len pa/ /yang dag yin na der smros shig /de phyir yang dag nyid du na/ /dngos po gang yang grub pa med/ /de phyir de bzhin gshegs rnams kyis/ /chos rnams thams cad ma skyes gsungs/ /dam pa'i don dang mthun pa'i phyir//'di ni dam pa'i don zhes bya/ /yang dag tu ni spros pa yi/ /tshogs rnams kun las de grol yin/ /rgyu dang 'bras bu'i dngos po 'di/ /kun rdzob nyid du mi bzlog pas/ /kun nas nyon mongs rnam byang sogs/ /rnam par gzhag pa 'khrul pa med/ / rgyu dang 'bras bur gyur pa yang / /shes pa 'ba' zhig kho na ste/ /rang gis grub pa gang yin pa/ /de ni shes par nus ma yin/ /rang nyid grub pa'i rang bzhin yang / /rmi lam sgyu ma'i ngo bo bzhin/ /de yi phyir na gzugs sogs sems/ /phyi rol du yang 'dod pa min/ /sems tsam la ni brten nas su//phyi rol dngos med shes par bya/ /tshul 'dir brten nas de la yang / /shin tu bdag med shes par bya/ /tshul gnyis shing rta zhon nas su/ /rigs pa'i srab skyogs 'dzin byed pa/ /de dag de phyir ji bzhin don/ /theg pa chen po pa gnyis 'thob/ /ces pa'o/ /rnam pa med pa'i dbu ma yang la ba'i na bza' can la sogs pas khas len te/de skad du de yis/ /nyer len las skyes dri ma yang / /bdag nyid dbyer med par bsgribs te/ /blo ni shel sgong dag pa ltar/ /gzhan gyi gzugs su snang ba yis/ /ji ltar shin tu mkhas pa yis/ /de ltar 'di nyid gnyis su snang //sems kyi rnam par 'khrul pa'i phyir/ /gzung dang 'dzin pa tha dad do/ /rtags sogs bdag nyid ma lus pa/ /de phyir bya ba gsum du snang / /don du 'dzin dang don dad pa/ /stong pa nyid dang ldan pa dag /don ston snang ba rang bzhin dang / /log pa'i don 'dzin dngos po ni//gcig tu glang chen gcig pu yis/ /sgyu ma'i rnam pa 'phrul byed de/ /glang chen don dang de snang ba/ /mkhas pa la ni de dngos med/ /rang bzhin brtag pa la sogs pa/ /ji ltar grangs bzhin shes par bya/ /yongs su rdzogs pa'i ye shes ni/ /thams cad ro gcig bdag nyid de//thog mtha' med cing cha med pa/ /rnam pa med cing gzung med pa/ /rang rig rnam par rtog par snang / /rnam par rtog pa gzhan gyi rgyu/ /de nyid don dam pa yin te/ /rnam par rtog pa bzlog pa'o/ /don dam nyid la rnam rtog gi/ /mkhas pas rnam rtog gos pa med//dge ba 'am ni mi dge ba'i/ /gang phyir rnam rtog tha dad pa'i/ /de dag gsal bar bya phyir dmigs/ /slar yang de la stong pa nyid/ /gang phyir lta kun byas pa rnams/ /stong pa nyid kyis rab dbye ste/ /gzung dang 'dzin pa spangs pa'o/ /gal te stong pa nyid du bstan/ /de ni dbyu gu gcig lugs dang //khyad par yod par ji ltar 'gyur/ /rang rig la gnas ma gyur zhes/ /de phyir 'jigs la thub pa yis/ /chos rnams mtha' dag bstan nas ni/ /stong pa'i bdag nyid bstan pa yin/ /thams cad mtshungs pa rab tu dpyad byed nas/ /phra rab lta bas blo yis thar byas nas//sangs rgyas pa dang phyi rol rnam phye ba/ /gcig kyang mi dmigs stong par smra ba byed/ /ces bya ba la sogs pa'o/ /rnam pa med par smra ba'i rnal 'byor spyod pa rnams kyang yongs su grub pa'i shes pa de nyid khas len par byed de/ gzung ba dang 'dzin pa dag gi stong pa'i rang bzhin pa'i ngo bo ni med pa ma yin no//rnam pa med par smra ba'i dbu ma pas ni yongs su grub pa yang rnal 'byor gyi kun rdzob kyi ngo bo yin te/ don dam par ma skyes pa nyid 'di ni bye brag go/ /de'i phyir rnam pa dang bcas pa dang rnam pa dman pa'i phyir/ /de bzhin nyid ni shes 'dod pas//bla mar bya ba ma yin no/ /gang gi phyir dbu ma pa yang rnam pa dang bcas pa nyid dam/ rnam pa med pa 'byung ba nyid ni ma yin te/ rnam par shes pa la brten pa'i phyir ro/ /'di dag ni nges par don ston pa'i shes rab kyi pha rol tu phyin pa la sogs par shes pa cung zad kyang bstan pa yod pa ma yin no//gang gi phyir gzugs la sogs pa med pa'i rnam par shes pa stong pa nyid du gsungs so/ /'on kyang ji ltar rnam par shes pa ni rnam par shes pa'i rang bzhin gyis stong ngo / /de bzhin du gzugs la sogs pa yang gsungs so/ /gang la sems tsam du bstan pa 'di la yang gzugs ni thams cad las rag las pa yin pas gzugs su zhen pa bzlog pa'i phyir de ni drang ba'i don nyid do//de skad du mdo las/ rnam pa sna tshogs sems kyis mthong ba dang / /gang la phyi rol dngos po mthong ba med/ /gzugs su shin tu zhen gang bzlog pa'i phyir//de yang drang ba'i don phyir 'di nyid do/ /ston pa yis ni drang ba'i don yang bstan/ /mdo dang gzhan nas kyang ni rnam par phye/ /drang ba'i don bstan phyir ni lung 'di dag /ji ltar nad kyis na ba la/ sman gyi rdzas ni rab sbyor ltar/ /de bzhin sangs rgyas sems can la/ /sems tsam du ni bstan pa yin//zhes pa'o/ /de'i phyir phung po dang khams dang skye mched dang / khams rnams dbye bas tha dad pa ma yin no/ /rang las ma yin gzhan las min/ /gnyis ka las min rgyu med min/ /dngos po gang dang gang la yang / /skye ba nam yang yod ma yin/ /rang bzhin yod min ma skyes phyir//ji ltar rang las 'byung bar 'gyur/ /rang bzhin grub pa med pa'i phyir/ /gzhan las kyang ni 'byung mi 'gyur/ /rang nyid la brten gzhan nyid 'gyur/ /gzhan la las ni rang nyid do/ /ltos pa'i don ni de dag 'grub/ /tshu rol pha rol bzhin du bstan/ /rang dang gzhan dag mi rigs phyir//gnyis las byung ba yod ma yin/ /rgyu dang bral bar skye ba ni/ /'ga' zhig gang na'ang yod ma yin/ /de nyid kyis na yod med yin/ /rkyen gyi don la sbyor ba ni/ /med pa dag ni gang gi rgyu/ /yod pa yang ni ji ltar skye/ /dngos po kun gyi rang bzhin nyid//skyes pa du ma'ang yod ma yin/ /de nyid kyi dngos thams cad kyis/ /'gag pa dag ni rigs ma yin/ /re zhig gnas pa'i dngos po ni/ /'gag pa ru ni rigs ma yin/ /mi gnas pa yi dngos po gang / /'gag pa ru ni rigs ma yin/ /dngos don las gzhan 'jigs pa med//don gzhan ma yin par yang 'dod/ /don gzhan dngos po rtag par 'gyur/ /don gzhan min yang dngos po med/ /gang du skyes pa de des thob/ /ma skyes de yi rang bzhin yin/ /rang gi rang bzhin ma skyes pa/ /de la skyes zhes ji ltar bya/ /skye ba dang ni 'gag pa dag /'dus byas kyis ni rnam par brtags/ /rten cing 'brel ba'i 'khor lo yi/ /ngo bo nyid de rtog pa med/ /de ltar na dbu ma pa 'phags pa klu sgrub dang / 'phags pa lha dang zla ba grags pa la sogs pas bzhed pa rten cing 'brel bar 'byung ba'i mtshan nyid de/ de bzhin nyid ni 'dod pa'i don yin par 'gyur ro//bcom ldan 'das kyis kyang de nyid don yin par mnyam par gzhag par gsungs te/ /gang zhig rkyen las skyes pa de ma skyes/ /de la skye ba'i rang bzhin yod ma yin/ /rkyen la rag las gang de stong par bshad/ /gang zhig stong nyid shes de bag yod yin/ / gang zhig rten cing 'brel 'byung ba/ /de la rang bzhin cung zad med/ /gang la rang bzhin yod min pa/ /de la skye ba rnam yang med/ /gang gi skye bar 'gyur ba yi/ /chos ni nam yang yod mi 'gyur/ /ma skyes pa yi chos rnams la/ /byis pa rnams ni skye bar 'dod/ / ces bya ba la sogs pa'o/ /de'i phyir/ bla ma'i ngag gis ma brgyan pa'i/ /dbu ma'ang 'bring po tsam nyid do/ /zhes bya ba smras te/ bye brag rnams bkag nas lhag mkhas blangs pa'i yul yin pa'i phyir ro/ /'dir bcom ldan 'das ma bla ma dam pa'i man ngag gi rgyan gyis brgyan pa'i zung du 'jug pa'i de bzhin nyid kyi dgongs pa ni mkhas pa rnams kyi yid 'phrog par byed pa nye bar bsten te/gang gi phyir yang chos thams cad ni ma skyes pa'i de kho na nyid do/ /de ltar yang de ni rten cing 'brel par 'byung ba'i bdag nyid yin pa'i phyir ro/ /nam mkha'i me tog ltar shin tu med pa'i chos ma yin no//dngos po las gzhan stong pa min/ /stong pa las kyang de bzhin min/ /de phyir rten cing 'brel 'byung dngos/ /khyod kyis stong nyid rab tu bstan/ /kun rdzob stong pa nyid du bstan/ /stong pa nyid du kun rdzob bo/ /med na mi 'byung nges pa'i phyir/byas pa dang ni mi rtag bzhin/ /zhes pa'i tshig gis so/ /skyes pa dang ma skyes pa dag gi zung du 'jug pa nyid ni de kho na nyid rtogs bar bya ste/ ma skyes pa tsam ni ma yin no/ /ma skyes pa yi sbyor ba yi/ /skye ba 'dir ni rab tu bshad/ /ces gsungs rab las so/ /de phyir rab rib can gyis mthong ba bzhin du chos thams cad mthong ba ni mi shes pa'o//rab rib gsal ba ltar rnam pa thams cad du mthong ba med pa ni rgyal ba ma yin no/ /yang thams cad du mthong ba med pa la ni kun rdzob kyi bden pa 'byung ba med de/ de med pa'i phyir zung du 'jug par ji ltar 'gyur//byas pa nyid dang mi rtag pa ltar gnyi ga med na mi 'byung ba'i bdag nyid yin te/ shing dang shing sha pa ltar ni ma yin no/ /shing sha pa med kyang dA ba la sogs pa yod pa'i phyir ro/ /byas pa nyid dang mi rtag pa nyid dag ni phan tshun spangs pa ma yin no//de'i phyir de dag bsgrub par bya ba dang sgrub par byed pa nyid du skyes bu'i bye brag gis so sor gnyis ka yang ma spangs pa nyid ni yod do/ /de bzhin du kun rdzob dang don dam pa dag kyang ngo / /de'i phyir chos kyi dbyings mngon sum du byas pa'i dus su bcom ldan 'das la kun rdzob 'gog pa dag kyang med do//de'i phyir ji ltar brjod pa/ /dngos rnams rang bzhin bral te rang bzhin gnyis ka las/ /skye ba yod min rgyu la mi ltos gang las min/ /gang gi gti mug mun pa sprin gyi tshogs mtshungs pa/ /'jig rten pa ni yul des log par nges par snang //'ga' zhig ji ltar log pa'i rab rib kyi stobs kyis/ /skra zla gnyis dang rma bya'i mjug ma sbrang bu sogs/ /'dzin pa de ltar ma lus pa yang gti mug skyon gyis shes/ /gang phyir 'dus byas pa ni rnam pa sna tshogs 'gyur/ / rnam rtog gang gis rab rib stobs kyis skra shad sogs/ /gzugs kyi 'khrul pa de nyid gang gis mthong ba med/ /dag pa'i mig gis de ltar de nyid 'dir shes te/ /de ltar blo yi 'od zer gsal ba'i stobs kyis ni/ /de ni rang gi lag mthil skyu ru ra bzhin rtogs/ /ma lus srid gsum 'di dag ma skyes pa//tha snyad bden pa'i stobs kyis 'gog par 'gyur/ /zhes pa'o/ /skad cig skad cig nyid la 'gog pa 'di dag ni/ /ring du song bas 'di ni thob par 'gyur ba yin/ /thabs kyi pha rol phyin thob 'bar ba snang ba 'dis/ /sngar gyi dge ba la sogs kyis thob mi g.yo ba//phyir mi ldog pa'i bdag nyid chen por 'gyur ba 'di/ /rtogs pa de yang rgyal ba'i 'gog pa la sogs pa/ /ma lus phung po'i bud shing skam po 'di zhi ba/ /bsregs pa'i rang bzhin rgyal ba rnams kyi chos kyi sku/ /skye med 'gag pa med pa'i dus 'dir sems 'gag pa//'di la sogs pa sku ni mngon sum byas pa yin/ /de yang kho bo cag la sogs pa zung du 'jug pa smras pas 'dod pa gang gis kyang ma rtogs te/ de ltar sa bdun pa dang / sangs rgyas kyi sas ni kun rdzob pa 'gog pa dang /sems 'gog pa'i tshogs rnams ni kun rdzob pa bkag pas de la zung du 'jug pa de nyid 'thad par mi 'gyur ro/ /de la gzugs brnyan gyi tshul gyis mthong ba nyid 'gog na de 'gal ba med do/ /gang gi phyir bcom ldan 'das kyis rang bzhin med par rtogs te/gzugs brnyan mthong ba tsam bkag pas ni ma yin no/ /'on kyang rang bzhin gyi gnas skabs so/ /ji ltar mthong ba de la yod pa min/ /zhes gsungs so/ /de la mthong zhes bya ba ni so so'i skye bo'i'o/ /de la yod pa ma yin zhes bya ba ni dza sangs rgyas kyi ye shes la'o//de yang 'thad pa ma yin te/ 'jig rten pas kyang 'dir gzugs brnyan rtogs pa nyid ni rang gi ngo bo rtogs pa'o/ /ji ltar gzhan du gzugs brnyan mthong ba ji ltar bya zhes gnyis ka grub pa nyid kyi dpe yin pa'i phyir ro/ / de'i phyir sangs rgyas kyi rang bzhin nyid kyang 'gro ba'i rang bzhin med pa nyid de/ gzugs brnyan bzhin du rab tu snang ngo zhes bya ba'i tshig gis so/ /yang bden pa gnyis mi 'thad pas rigs pa ma yin te/ des na de nyid brjod par bya ste/ kun rdzob kyi bden pa las don dam pa'i bden pa tha mi dad pa'i phyir zung du 'jug par rnam par gzhag pa bcom ldan 'das nyid kyis dkon mchog brtsegs pa la sogs pa las/stong pa nyid kyi chos rnams stong pa nyid du mi byed de/ chos nyid stong pa nyid do zhes bya ba la sogs pa'i tshig gis so//kun rdzob kyi bden pa 'gog pa yang kun rdzob kyi bden pa las tha mi dad pa'i phyir ro/ /yang 'gog pa zhes bya ba kho bo cag gi ma yin te/ gzhan nyid kyi rang bzhin gyi gnas skabs ni kun rdzob 'dzin pa la med do/ /'on kyang kun rdzob pa 'di nyid ji lta ba bzhin du de yang ma skyes pa nyid de/de nyid kyang 'gog pa yin no/ /de ltar na kho bo cag gi yang zung du 'jug pa mi 'thad pa ma yin no zhes pa'o/ /de yang 'thad pa ma yin te/ gang gi phyir skyes pa nyid rten cing 'brel par 'byung ba nyid de/ /de yang 'gags pa'i dus su med do/ /mo gsham gyi bu la sogs pa med pa'i phyir mo gsham gyi bu la sogs pa skyes pa'i rang bzhin du 'gyur ba ni med do//de rten cing 'brel par 'byung ba khyim dang gos la sogs pa ni ma yin no/ /khyim la sogs pa dang gzugs brnyan la sogs par brten nas skyes pa de nyid zung du 'jug pa de nyid ni spong ba ma yin no//mo gsham gyi bu la sogs pa ni spong bar 'gyur ro/ /de bzhin du kun rdzob 'gog par 'gyur ba yang ma yin te/ ji ltar na 'thad pa ma yin te/ 'dir yang chad pa'i mthar ltung ba gzhan nyid du gsungs te/ chad pa las ni byed pa med//chad pa yang ni rab tu gsal/ /zhes gsung rab las so/ /gzhan dag ni slar yang bla ma'i man ngag gis brgyan pa rjod par byed de/ ji ltar shin tu g.yeng bas phung po dang / skye mched dang / khams rnams stong pa nyid du mthong ste/ de ltar yang / sems tsam nyid la brten nas su/ /phyi rol don la mi rtog go/ /zhes bcom ldan 'das kyis bstan te/ bsgom par bya ba dang rjes su mthun pa'i phyir ro/ /gsang sngags kyi tshul bstan pa'i de bzhin gshegs pa'i rigs yin pa'i phyir dang / gsal bar 'gyur ba'i rigs pa'i stobs kyi rnam par shes pa nyid phung po dang khams dang /skye mched kyi bdag nyid rnams rig pas de yang phal cher rnam pa dang bcas pa dang / cung zad rnam pa med pa yang stong pa nyid kyi ting nge 'dzin nyams su myong bar 'gyur ro/ / ye shes de yang rten cing 'brel par 'byung ba'i phyir dang / rab tu gsal bar 'gyur ba'i phyir med pa ma yin no/ /don dam par dngos po'i ngo bo ma skyes pa'i phyir yod pa ma yin no/ /'o na ji ltar gcig la yod pa dang med pa dag 'dir dgag ce na/ /bden te/ yod pa nyid dngos po'i rten pas 'gal ba'i phyir ro//de skad du/ /gang yang dngos por skye 'gyur ba'i/ /de la tshad ma la sogs 'gyur/ /zhes pa dang / dngos po 'di ni rnam rtog 'gyur/ /zhes pa'o/ /de ltar yang tshad mar bya bar 'gyur ba'i tshul gyi 'di dag gis de ltar yang rnam pa thams cad kyi rang rig pa'i ye shes yod pa nyid rab tu bsgrub pa yin te/ma dag pa nyid ni rang bzhin med pa ma yin te/ ma skyes pa'i rig pas kyang ye shes yod par gsal ba'i phyir ro/ /de ltar phan tshun 'gal bar gyur pa dag rigs pa ma yin no/ /bla ma dam pa'i man ngag gis brgyan pa ni tshad mas nye bar gtad pa dag ni ye shes rang bzhin med pa dag gi de'i bdag nyid nye bar bstan pa ni 'gal ba dag nye bar bsdus nas rig par byas pa yin no//de ltar yang / rnal 'byor spyod pa'i slob dpon gsal ba'i ro yi rang rig yod pa'i mchog /yod pa spangs pas tshad ma'i bdag nyid chen po dpal ldan 'dir yang gzhan/ /de ltar phan tshun 'gal ba sel bar byed pa gcig pu bstan pa gzhan/ /dpal ldan zung 'jug bcings pa rtogs pa'i rgyal sras de ni rgyal gyur cig /ltar yang gang gi phyir dbu ma'i grub mtha' spangs pa dag legs par gnas par 'gyur ro//dbu ma'i sgrub par byed pa dag ji srid 'khor ba rgyun ma chad kyi bar du thabs kyi cha legs par gnas pa nyid do/ /de dag kyang ma skyes pa'i stong pa nyid kyis 'bad pa med pa'i shes rab kyi cha legs par gnas pa'i phyir ro//yung ba dang rdo rgyus kyi spyod pa ltar zung du 'jug pa zhes bya ba'i de kho na nyid gzhan ni dngos po dang dngos po med pa'i bdag nyid de/ de skad du bcom ldan 'das kyis/ dngos dang dngos med bdag nyid de/ /dngos dang dngos med rnam par spangs/ /zhes pa'o/ / klu sgrub kyi zhal snga nas gsungs pa/ dngos po dngos med gnyis las 'das/ 'ga' zhig ji ltar ma 'das 'dod/ /shes pa ma yin shes bya min/ /yod pa ma yin med min gang / /gcig nyid ma yin gnyis med min/ /gnyis ka ma yin gnyis ka min/ / gnas pa med pa gsal ba min/ /sems pa med pa mthong ba med/ /skye ba med pa 'jig pa med/ /chad pa ma yin rtag pa min/ /de ni nam mkha' dang 'dra mtshungs/ /ye shes ye shes spyod yul min/ /gang gis rten cing 'brel 'byung ba/ /de phyir khyod kyis stong par bzhed//dam chos ngo bo de bzhin du/ /de bzhin gshegs pa de dang mtshungs/ /de yi de nyid don dam par/ /de bzhin nyid kyi rjes su bzhed/ /yang dag slu ba med pa'i don/ /de rtogs sangs rgyas su ni brjod/ /sangs rgyas rnams dang sems can khams//don de nyid la tha dad med/ /bdag nyid dang ni gzhan yang 'di/ /des na khyod kyis mnyam par bzhed/ /ces pa'o/ /'dir ni tshul gnas pa tsam nye bar bstan te/ /bla ma dam pa'i man ngag nyid las kyang zung du 'jug pa'i de bzhin nyid gsal bar rtogs par bya'o//da ni de bzhin nyid kyi ngo bo nye bar bstan nas sngar bstan pa'i dbu ma'i bdag nyid byang chub kyi rang gi ngo bo nye bar bstan pa'i phyir/ dngos po 'di ni byang chub 'gyur/ /chags pa spangs pa'i rang bzhin nyid/ /ces bya ba smras te/ 'di ni zhes bya ba ni mngon sum gyi tshad mar rab tu grags pa'o/ /dngos po zhes bya ba ni phung po lnga'i bdag nyid do/ /'o na dngos po zhes bya ba mi bden pa'i rnam par rtog pa las byung ba rnam par rtog pa'i bdag nyid kyi 'khor ba nyi de/ de ji ltar byang chub tu 'gyur/ /de skad du/ mi bden rtog pa las byung ba//dngos po rtog pa'i bdag nyid de/ /byis pa rnams ni rmongs pa'i blo/ /'khor bar 'di nyid bshad pa yin/ /zhes pa'o/ /de'i phyir chags pa spangs pa'i zhes bya ba smras te/ gzung ba dang 'dzin pa'i dngos po ni chags pa zhes kha cig go/ / rnam par rtog pa tsam ni chags pa zhes bya ba ni gzhan dag go/ /de skad du/ dge ba 'am mi dge ba yang rung / /gang gi rnam rtog tha dad pa/ /tsan+dan la sogs yang dag 'byung / /me yi bsreg pa nyid du 'gyur/ /zhes pa'o/ /de ltar de'i phyir gnyis ka yang 'dir chags pa ma yin no//de'i phyir/ rang nyid ces bya ba smras te/ gang 'ga' zhig yod pa dang med pa la sogs pa'i rang bzhin no/ /de yis gang chags pa ni mngon par zhen pa'o/ /de dag spangs te gzung ba dang 'dzin pa'i dngos pos stong pa'i yang rnam par rtog pa'i rang bzhin gyi chags pa yod pa ma yin pa'i phyir de zhes bya ba ni bsam pa'o//dngos po zhes bya ba ni rten cing 'brel par 'byung ba tshogs pa las thob par bya ba yin te/ de yang rnam par rtog pa'am/ rnam par mi rtog pa'am/ thams cad byang chub bo/ /ji skad du/ bla ma dam pa nyid kyi zhal snga nas/bsten nas skyes pa brtags pas dngos su stong / /dngos po yod pa ma yin stong pa ma yin ngo bo nyid/ /chad pa ma yin sems nyid sna tshogs 'di ni ngo bo gcig /gzugs la sogs pa rgyal ba lnga ni rgyal gyur cig /rnam rtog 'di nyid rten cing 'byung / /'brel ba bsgom pa ma yin no//de nyid mya ngan 'das pa ste/ /sems kyis 'khrul par ma byed cig /kun rtog ces pa 'brel pa ltar/ ji ltar bde ba bzhin du gnas/ /zhes bya ba la sogs pa'o/ /de nyid rang bzhin kun gyi chags pa ma yin na gang las skye bar 'gyur//de'i phyir/ chags pa las ni 'khrul par 'gyur/ /zhes bya ba smras te/ 'khrul pa ni rang gi sgro btags pa'o/ /chags pa ni mngon par zhen pa'o/ /'khrul pa ni yod pa dang med pa la sogs pa'i dngos po'i rang bzhin du sgro btags pas yang nas yang du mngon par zhen te/'dir chags pa dang sdang pa rmongs pa nyid do/ /'khrul pa de nyid gang las spang bar bya zhes bya ba de'i phyir/ 'khrul pa gnas ni med par 'dod/ /ces bya ba smras te/ 'dir 'di'i don ni cung zad 'dir skye ba dang 'gag pas tsher ma dbyung ba lta bur ma yin no/ / 'on kyang rang bzhin yongs su shes pa'o/ /rang bzhin yang ma skyes pa nyid yin no/ /ji skad du bcom ldan 'das kyis/ 'jam dpal ma rig pa ni yod pa ma yin pa'i don no zhes pa'o/ /'di la bsal ba ci yang med/ /bsnan par bya ba cung zad med/ /yang dag nyid la yang dag lta//yang dag mthong na rnam par grol/ /zhes bya ba'i tshig gis so/ /da ni de bzhin nyid de kho na nyid brtan pa de yang de bzhin nyid dang de kho na nyid dag tha dad pa'o snyam du byang chub rtogs te/ de yang de kho na nyid dang bral ba'o zhes 'dri ba ni/ de nyid ci nas zhes pa'o/ / dngos po rang bzhin zhes bya ba ni lan no/ /dngos po ni rab tu snang bar gyur pa'o/ /de ltar sems nyid rab tu spros pa'i rnam pa de'i bdag nyid kyi de kho na nyid do/ /dngos po'i rang bzhin yang de kho na nyid yin no/ /rtag par lta ba nyid la rten par 'gyur ba'i phyir/ /dngos po dngos med gang yin pa'i//zhes bya ba smras te/ gang gis gang la ste gang gi phyir dngos po ni rang gi ngo bo yin pa dang dngos med ni stong pa nyid du rab tu bstan pa'o/ /de'i phyir dngos po'i rang gi ngo bo nyid ni de kho na nyid do/ /de skad du bcom ldan 'das kyis/ gzugs ni gzugs kyi rang bzhin gyis stong ngo zhes bya ba nas/ rnam par shes pa'i bar du'o/ /sems de yang sems ma yin zhes pa'o/ /'o na gzugs la sogs pa stong pa nyid kyi phyir chad par lta'o zhe na/ dngos po med par yang dngos por 'gyur/ /zhes bya ba smras te/ rab tu bstan pa 'di ni dngos po ste zung du 'jug pa'i de bzhin nyid kyi de kho na nyid de/ gzhan du ma yin no zhes bstan to//de skad du/ bcom ldan 'das kyis chos thams cad kyi rang bzhin gang zhe na/ gang rang bzhin med pa'o/ /rang bzhin dang rang bzhin med pa dag gis gnyis su med pa 'di ni gnyis su med pas gnyis su mi 'gyur ba'o/ /de ltar ni 'gyur mod kyi/ byang chub nyid ni bsgrub byar gyur pa dngos po'i rang bzhin du byas la/dngos po'i rang bzhin du de kho na nyid ji ltar brjod ce na/ de'i phyir rgyu dang 'bras bu'i rang bzhin gyis zhes bya ba smras te/ gang de nyid bstan pa'i rigs pas bsgrub par bya ba dang sgrub par byed pa dang de kho na nyid kyi bdag nyid kyis nyes pa med do zhes bya ba ni dgongs pa'o//yang na 'bras bu zhes bya ba ni dngos po'i ngo bo yin te/ rang bzhin ni rten cing 'brel bar 'byung ba nyid kyis rang bzhin pa zhes pa'o/ /rgyu dang zhes pa ni de bzhin nyid don dam par ma skyes pa ni lhan cig skyes pa yin pa'i phyir/ dngos po'i ngo bo'o/ /de skad du/ chos kyi dbyings las yang dag byung //mi mthun phyogs ni cung zad med/ /ces pa'o/ /yang bcom ldan 'das kyis gsungs pa/ /chos rnams thams cad dngos po med/ /chos min mtshan nyid rnam par spangs/ /chos bdag med las yang dag byung / /byang chub tshul ni brtan pa'o/ /zhes pa'o/ /rgyu dang 'bras bu'i rang bzhin zhes pa la rang bzhin ni gnyug ma ste/zung du 'jug pa'i ngo bo'o/ /de'i phyir dngos po'i de bzhin nyid ni de kho na nyid du bstan pa'o/ /'di dag ni pha rol tu phyin pa'i man ngag bla ma dam pa'i man ngag gis brgyan pa'o/ /de yang yang dag par shin tu mnyes par byas pa'i bla ma'i zhal gyi pad+ma nyid la gsal bar gzhan du ni ma yin no//da ni/ dngos po kun gyi rang bzhin gyi/ /dag pa'i de bzhin nyid du 'dod/ /ces bya ba'i tshul gyis de bzhin nyid kyi chos thams cad legs par gnas pa yin no/ /de bzhin nyid kyi de kho na nyid bsgom par bya ba sgrub par byed pa'i thabs zhes nye bar bstan pa'i phyir/ de ltar chos rnams ro gcig ste/thogs pa med cing gnas med par/ /ji ltar 'byung ba'i ting 'dzin gyis/ /'di dag thams cad 'od gsal te/ /zhes bya ba smras te/ de ltar ni 'di'i rim pas so/ /ro gcig pa ni de bzhin du ro gcig pa'o/ /chos ni phung po dang skye mched dang khams rnams so/ /gzugs la sogs pa'i mtshan nyid ni gzugs la sogs pa rang gi mtshan nyid 'dzin pa'i phyir ro//thogs pa med cing zhes bya ba ni rang bzhin la sgro btags med pa'o/ /gnas med par zhes bya ba ni ma skyes pa ste/ yod pa dang med pa'i rang bzhin la rab tu mi gnas pa'i phyir ro/ /'od gsal zhes bya ba ni rang bzhin gyis dri ma spangs pas rang rig pa ste/rab tu 'od gsal ba'i phyir ro/ /de ltar gyur pa'i de bzhin nyid kyi bdag nyid kyi de kho na nyid kyi chos rnams ji ltar mthong zhe na/ de'i phyir/ ji ltar 'byung ba'i ting 'dzin gyis/ /zhes bya ba smras te/ zhi gnas dang lhag mthong zung du 'jug pa dang ldan pa'i lam ni ji ltar 'byung ba'i ting nge 'dzin no//'di nyid ni sgrub par byed pa'i dngos po'o/ /'di ltar dngos po gsum du bstan to/ /ji ltar 'byung ba nyid kyi ting nge 'dzin kyang mngon par 'byung ba ni/ ji ltar 'byung ba'i ting 'dzin yang / /rab tu 'jug pa'i sems kyis 'gyur/ /gang phyir de yi gnas rig pas/ /de nyid rgyun mi 'chad las skye//zhes bya ba smos te/ 'di ltar re zhig bsgom pa rab tu grags pa'i sems can thams cad la snying rje chen po nye bar gzhag pa'i byang chub tu sems bskyed par bya'o/ /de yang rnam pa gnyis te/ dang po ni 'dod pa rnams la smon pa'i mtshan nyid do/ /gnyis pa ni 'dod pa'i rnam pa yang pha rol tu phyin pa la sogs pa'i rab tu 'jug pa'i rnam pa byang chub kyi mtshan nyid do//de skad du/ sems bskyed pa ni gzhan don phyir/ yang dag rdzogs pa'i byang chub 'dod/ /smon dang gnas pa'i bya ba 'di/ /'di yi dbye ba rnam pa gnyis/ /de ni mgon pos yang dag bshad/ / dang po 'dod pa'i rnam pa ste/ /sbyin pa la sogs rnam 'jug pa/ /gnyis pa ru ni rnam par grags/ /zhes pa'o/ /'dod pa'i rnam pa yang gsum ste/ 'dun pa dang bcas par 'jug pa'i chos kyis mngon par byang chub par 'dod pa'i mtshan nyid dang / bsam pa dang bcas par 'jug pa'i pha rol tu phyin pa'i spyod pa la 'dod pa'i mtshan nyid dang /lhag pa'i bsam pa dang bcas par 'jug pa'i byang chub kyi phyogs kyi chos sum cu rtsa bdun bsgom par 'dod pa'i mtshan nyid de/ de la yang sems gsum ni chung ngu dang 'bring dang chen po ste/ las dang po pa'i sas bsdus pa pha rol tu phyin pa'i tshul ni mngon par rtogs pa'i rgyan la sogs pa las bstan to//de las gzhan 'jug pa'i sems ni gnas skabs rnam pa gsum ste/ de la las dang po pa 'jug pa'i lam gyis bsdus pa'i sbyor ba'i gnas skabs te/ de yang nges par 'byed pa'i cha dang mthun pa zhes bstan to/ /de la rgyu'i gnas skabs ni sa bcus gsungs pa/ mthong ba dang bsgom pa'i lam gyi spyod yul lo//de nas khyad par can gyi lam gyis sdud pa ni 'bras bu'i gnas skabs so/ /de skad du/ mtha' dag la ni gnyis kyis khyab/ /de las gnas skabs rnam pa bzhi/ /'bras bu rgyu sbyor dang po yi/ /lam gyi gnas skabs tha dad pas/ /zhes bya ba'o/ /gang nas bzung nas yang sdom pa 'dzin pa sngon du 'gro bas sbyin pa la sogs pa bsod nams dang ye shes kyi tshogs la rab tu 'jug pa de ni 'jug pa'i sems so//de skad du/ 'gro bar 'dod pa 'gro ba yi/ /bye brag ji ltar shes pa ltar/ /de bzhin grangs bzhin tha dad pa/ /mkhas pa yis ni shes par bya/ /zhes pa'o/ /de la shes rab kyi pha rol tu phyin pa spangs pa ste sbyin pa la sogs pa'i dge ba mtha' dag mngon par 'byung ba'i chos yang dag par sdud pa'i thabs ni bsod nams kyi tshogs so//shes rab ni de nyid kyis thabs kyi dngos po yongs su gcod pas ye shes kyi tshogs so/ /de lta bas na yang dag pa'i thabs kyis rig pa'i phyin ci ma log pas ji lta ba bzhin du rang dang gzhan gyis don byed do//de ltar na thabs dang shes rab kyi de nyid bstan par bya ste sa la zhugs pas kyang ngo / /de skad du bcom ldan 'das kyis/ rmongs pa'i skyes bu de ni 'di skad smra bar byed/ /tshul gcig nyid kyis byang chub thob par 'gyur/ /gang de stong pa nyid kyi tshul yin te/ / zhes pa'o/ /'di'i yang thabs dang shes rab kyi rang bzhin rtogs pas sgro 'dogs pa dang skur pa 'debs pa dag spangs pa'i dbu ma rab tu mi gnas pa rtogs pa'o/ /shes rab kyi ni sgro 'dogs pa spangs pa'i phyir ro/ /thabs kyis ni skur pa 'debs pa spangs pa'i phyir ro/ /de la dang po thos pa las byung ba'i shes rab bskyed par bya ste lung gi don la nges par bya'o//de nas bsams pa las byung ba'i rigs pa dang lung dag so sor brtags te nges pa dang drang ba'i don la nges pas yang dag pa'i don bsgom par bya'o/ /yang dag par ma skyes pa nyid do/ /de yang bstan pa'i rigs pas rtogs par bya'o/ /de'i phyir rnal 'byor pas dang po sems brtan par bya ba'i phyir zhi gnas grub par bya'o//zhi gnas kyis yang rnyed pa la sogs pa la ltos pa dang bral bas tshul bzhin du gnas te/ sdug bsngal la sogs pa la bzod pas rtsom pa'i brtson 'grus bskyed par bya'o/ /ji skad du/ tshul khrims gang ldan de ni bzod pa yin/ / gang la brtson 'grus brtan pa bag yod pa/ /gang la yang dag rab tu ldan pa yis/ /de yi ting 'dzin myur du rdzogs par 'gyur/ /zhes pa'o/ /de'i phyir tshul khrims la sogs pa'i zhi gnas kyi tshogs la gnas pas yid dang mthun pa'i sa phyogs su lus bsrang ste bde ba'i stan la 'dug nas snying rje chen po sngon du byas te sems rtse gcig pa bskyed par bya'o//de la re zhig dang por rnal 'byor pas ji ltar nus pas phung po dang skye mched dang khams dang gzugs can nam gzugs can ma yin pa tha dad pa'i chos thams cad kyi 'di nyid dmigs par bya ste/ gcig dang du ma'i rang bzhin gyis stong pa nyid du nges par byas la/'di nyid kyi rgyun la yang nas yang du sems brlan par bya'o/ /ji srid du lus dang sems shin tu sbyangs pa 'thob par gyur pa de nyid du'o/ /shin tu sbyangs pa thob par gyur pas zhi gnas rdzogs par 'gyur ro/ /de skad du/ dngos po mtha' dag nye bar dmigs par bya/ /phung po la sogs tha dad nges bzung stong pa nyid//de la rab tu 'jug pa'i yid ni ji bzhin du/ /de srid rab tu ting nge 'dzin dang ldan/ /zhes pa'o/ /de nas slar yang ting nge 'dzin la gnas pas shes rab kyi mig gis chos thams cad dpyad par bya'o/ /dpyad nas slar rim par bsgom par bya'o/ /des the tshom gyi sa bon sel bar 'gyur ro//de bzhin du yang gang zhi gnas la dmigs pas ni sems brtan par 'gyur ro/ /de shes rab kyis dpyad pa las yang dag pa'i ye shes kyi snang ba skye bar 'gyur te/ de la mun pa la snang ba bzhin du ste/ des sgrib pa rnams spong bar 'gyur ro/ /de nyid kyi phyir 'di dag mig gis snang ba bzhin no/ /yang dag pa'i ye shes skye ste/phan tshun so so'i yon tan gyis nges par gnas pa'i phyir ro/ /snang ba dang mun pa bzhin phan tshun 'gal ba dag ni ma yin no/ /ji bzhin mnyam gzhag gyur pa'i shes rab ces bya ba'i tshig gis so/ /gcig tu shes rab kyi rjes su mthun pa'i zhi gnas so/ /de'i don ni zhi gnas dang lhag mthong zung du 'jug pa dang ldan pa'i lam sbyin pa dang tshul [(]khrim [,]khrims [)]la sogs pa thabs dang ldan pa 'jug pa'i sems pha rol tu phyin pa'i tshul la rab tu grags pa'o//'di nyid phul du byung bas snang ba la sogs pa'i ting nge 'dzin gyi rim pas drod la sogs pa'i nges par 'byed pa'i cha dang mthun pa thob ba ni sbyor ba'i gnas skabs so//de nas mthong ba'i lam thob pa ni rgyu'i gnas skabs so/ /de nas bsgom pa'i rim gyis 'bras bu'i gnas skabs so/ /de ltar de nyid 'jug pa'i sems pha rol tu phyin pa'i tshul gyi rab tu dbye ba rnams ni ka ma la shI la la sogs pas bsdus pa dang rgyas pa la sogs pa'i sgo nas bstan te de nyid du rtogs par bya'o//'dir rgyas pas 'jigs pas ma bris so/ /'di lta bur gyur pa'i 'jug pa'i sems ni 'dir dgongs pa ma yin no/ /'dir de dpyad pa las byas pas yongs su ma dag pa'i phyir ro/ /'dir dpyad pa med pa'i sems kyi sngon du bsgom pa bya ba nyid do/ /gang yang pha rol tu phyin pa'i man ngag ni bla ma'i man ngag gis brgyan pa dang bcas pa'i zung du 'jug pa'i dbu ma nges par rtogs pa'o//de ni don dam pa stong pa nyid rnam pa thams cad kyi mchog dang ldan pa'i shes rab nyid lhun gyis grub par rgyan gyis 'jug par 'gyur ba ni zhi gnas te gzhan du ma yin no/ /chos rnams thams cad yongs shes nas//bsgom du med nyid bsgom pa yin/ /zhes bya ba'i tshig gis so/ /de lta bur gyur pa'i zhi gnas dang lhag mthong zung du 'jug pa dang ldan pa'i lam mo/ /'bras bu thob pa la mos par gyur pa'i 'jug pa'i sems ni 'dir dgongs pa ma yin no/ /de skad du/ chos kyi phung po stong phrag rnams//rtogs pa zhes bya stong pa nyid/ /rtogs pa'i don ni dpyad pa yin/ /bla ma dam pa'i dpyad pa med/ /ces pa'o/ /gang gi bum pa la sogs 'dzin/ /bsam gtan de ni de la sbyar/ /rnam pa kun gyi lus gcig po/ /'di rtogs rtogs pa chen por 'gyur/ /zhes bya ba yod do/ /'di dag ni gsal bar bya ba'i phyir//gang phyir de yi gnas rig pas/ /de nyid rgyun mi chad las skyes/ /zhes bya ba bstan te/ de ni 'jug pa'i sems kyi gnas zung du 'jug pa de bzhin nyid kyi bdag nyid/ bla ma dam pa'i man ngag gis rig pa/ de nyid stong pa nyid dang snying rje dbyer med pa don dam pa byang chub sems kyi mtshan nyid do//rgyun mi chad pa ni skad cig ma so so la skye bar 'gyur ba'o/ /de'i bdag nyid kyi phyir rnal 'byor pa zhes bya'o/ /de la 'jug pa byang chub kyi sems gang zhe na/ shes dang shes bya rnam bral ba/ /'gro ba nyid ni gnyis med 'dod/ /ces bya ba smras so/ /yang gnyis med ces bya ba ni rig byed smra ba ltar rtag pa gcig pu ni ma yin no//'on kyang gang gcig kyang ma yin du ma yang ma yin pa'i gnyis pa ni dgongs pa'o/ /de ltar gyur pa ni 'gro ba nyid dngos po dang dngos po ma yin pa dang / 'dod pa zhes bya ba la sogs pa bstan te/ de nyid ji ltar 'gyur zhes bya ba la sogs pa la/shes dang shes bya rnam bral ba/ /zhes bya ba smras te/ dang zhes bya ba ni gang gi phyir gyi don te/ gang gi phyir shes dang shes bya rnam bral ba ni 'gro ba'i bdag nyid yin pa'i phyir gnyis su med pa'o/ /de la shes dang shes bya rnam bral ba ni rnal 'byor spyod pas rab tu bsgrub pa ste/ 'gro ba ye shes tsam du rab tu sgrub par byed pa'i phyir ro//de'i yang shes pa tsam 'gro ba la gsal ba ni ma skyes pa'i phyir med pa ma yin no/ /rang bzhin med pa'i phyir yod pa ma yin no zhes pa'o/ /shes pa'i rang bzhin dang bral ba'i 'gro ba'i bdag nyid ni dbu ma pas rab tu bsgrub pa'o/ /'di lta bu thabs dang shes rab kyi bdag nyid kyi shes pa gnyis su med pa'i de kho na nyid byang chub kyi sems so//de ltar ni 'gyur mod kyi/ 'gro ba nyid gnyis su med pa'i de bzhin nyid kyi byang chub kyi sems zhes bya ba de kho na nyid dpyod pa'i rnam par rtog pa'i rgyu mtshan yin pa'i phyir dang / ji bzhin 'byung ba'i ting nge 'dzin zhes bya ba yang gnyen po'i phyogs la dpyod pa rnam par rtog pa'i rgyu mtshan no//de nyid byang chub rtogs pa'i rang bzhin can zhes pas 'bras bu la dpyod pa'i rnam par rtog pa'i rgyu mtshan gyi phyir ro/ /'di dag ni yang rgyu mtshan gzhan gyis mngon du gyur par gzhan du snang ba 'gyur la/ gzhan ni yid la mi byed pas yongs su spang bar bya zhes bcom ldan 'das kyis bstan te/rnam par mi rtog pa la 'jug pa las bstan pa dang ji ltar mi 'gal zhe na/ de la re zhig kha cig 'di skad smras te/ bsgom pa 'byung ba'i tshogs pas dang por brjod pa nyid de/ bsgrub par bya ba dang sgrub par byed pa dang de kho na nyid do/ /gzhan du na bstan pa 'bras bu med par thal bar 'gyur ba'i phyir ro//phyi nas goms par gyur nas ni bsgrub bya la sogs pa'i rgyu mtshan spangs par bstan pa yin no/ /rgyu mtshan yang ni shes pa'i sbyor ba spangs pa'i phyir zhes pa'o/ /de'i shes pa'i dang por bya ba nyid ji ltar 'gal bar 'gyur/ 'di ni rab kyi lam ma yin te/ 'dis mi bzod pas lan ni gzhan//gnyis dang bral bar rlom pa yang / /gang phyir de ni 'od gsal 'dod/ /ces bya ba smras te/ 'di ni 'dir dgongs pa yin te/ de yongs su shes pas de kho na nyid do/ /de kho na nyid rtogs par bya ba'i phyir dpyod pa gsum rnam par spang bar bya ba bstan pa yin te/ mtha' bzhi yongs su spong ba bzhin no//gnyen po'i phyogs la mi gnas shing / /de nyid la yang mi chags pas/ /gang gi 'ang 'bras bu mi 'dod pas/ /de yis phyag rgya chen po shes/ /zhes bya ba'i tshig gis so/ /'dir yang phyag rgya chen po zhes bya ba ni phyag rgya chen po'i de kho na nyid kyi man ngag ste/ dngos po'i de kho na nyid yongs su shes pa'o//yang dpyad pa gsum po 'di rnams kyang ste/ mtha' bzhi la ni mnyam brten nas/ /mtha' bzhi las ni rnam par dang / /ces bya ba nyid kyi de kho na nyid du ma yin pas 'gal ba ma yin no/ /gnyis dang bral ba ni gnyis med pa'o/ /rlom sems ni de kho na nyid du dpyod pa'i rnam par rtog pa'o//'di yang 'od gsal ba'i rang bzhin las med pas rang bzhin gyis rnam par dag pa'i phyir ro/ /de ltar bsgrub par bya ba dang sgrub par byed pa yang 'od gsal gyi rang bzhin du rtogs par bya'o/ /yang 'dir rgyu mtshan yongs su spangs pas yid la mi byed pa zhes bya ba ni/ 'dir mig btsums pa ltar bum pa dang snam bu la sogs pa ci yang mi mthong ba ni yid la byed pa ni med do//yang ni rnam par dpyad pa'am bla ma'i man ngag gis dngos po mi dmigs pa nyid ni yid la mi byed pa'o/ /de skad du/ 'gro dang gnas dang 'dug pa dang / /nyal ba na yang mnyam par gzhag /nyan dang lta dang de bzhin bsgom//reg pa dang ni myang ba dang / /shes rab nyid ni dag pa yis/ /rnam par dpyad dang man ngag las/ /chos rnams thams cad ma skyes phyir/ /mthong ba yang ni mi mthong 'gyur/ /zhes bya'o/ /de'i phyir rgyu mtshan gyis yid la mi byed la/ /rgyu mtshan med par yongs su shes pa nyid do//yang ni rgyu mtshan la dpyod pa'i rnam par rtog pa zhes pa mtshan mar 'dzin pa'i rnam par dpyod pa'o/ /de yang ma skyes pa nyid de rnam par dag par bcom ldan 'das kyis bstan to/ /ji skad du bcom ldan 'das kyis ting nge 'dzin gyi rgyal po las/ yang dag shes phyir mtshan mar 'dzin//nye bar 'dzin par nges par bstan/ /mtshan mar 'dzin pa med pa yang / /rnam par nges na bstan pa yin/ /mtshan ma'i rang bzhin shes na yang / /de ltar mtshan ma 'byung med 'gyur/ /mtshan ma 'di ni spang bar bya/ /mtshan med mthong pa la 'jug 'gyur/ /mtshan ma spros pa la spyod pas/ / mtshan ma las ni grol ba med/ /gang 'di mtshan ma skyes pa na/ /gang gis mtshan ma skyes pa yin/ /mtshan ma gang la gang gis reg /gang gis mtshan ma 'gog par byed/ /gang gis mtshan ma skye 'gyur ba/ /blo yis chos rnams thob pa med/ /sems 'di yis ni de bzhin sems/ /de phyir mtshan ma 'byung mi 'gyur//gang la mtshan ma ma skyes pa/ /ji ltar mtshan ma 'gag par 'gyur/ /zhes pa'o/ /de ltar gyur pa'i sems med pa dang / /rnam par rtog pa med pa zhes bya ba ni/ sems dang rnam par rtog pa 'di nyid dag ni rang bzhin med pa'i shes pa de dag med pa ni ma yin no/ /de skad du/ zung du 'jug pa'i dbu ma las//sems pa'i rnam rtog sbyor ba yang / /de ni bsam med rtog pa med/ /rnam pa kun mchog thams cad kyi/ /dbang po las 'das rnam pa med/ /dngos dang dngos med bdag nyid de/ /dngos dang dngos med rnam par spangs/ /mtha' bzhi dang ni mnyam ldan pas/ /mtha' bzhi las ni rnam par grol//sna tshogs gzhag pa'i sna tshogs med/ /dogs pa med pas bde ba che/ /'bras bu de nyid rnam rtog rnams/ /dpyod pa nyid ni dpyad pa med/ /de dang de skyes thob pa rnams/ /ma skyes pa yi rang bzhin no/ /de phyir rang rig ma skyes phyir/ /rang gi ma skyes 'dod pa yin/ /dpyod pa'i mtha' la mi gnas so//rtog pa'i mtha' las 'gyur ba med/ /ces pa'o/ /yang bla ma'i zhal snga nas gsungs pa/ rnam rtog 'di ni rten cing 'byung / /'brel pa bsgom pa ma yin no/ /de nyid mya ngan 'das pa ste/ /sems ni 'khrul par ma byed cig /ces pa'o/ /yang / kun rtog dogs pa kun bral nas/ /ji ltar bde ba bzhin du rgyu//zhes pa'o/ /de ltar yang bcom ldan 'das kyis/ gang gis de nyid 'dod pa yis/ /sems pa kun la mi sems pa/ /gang sems gang gis bsam du med/ /de ni bsam du med par 'gyur/ /ji ltar sems can de bzhin sems/ /ji ltar sems pa de bzhin rgyal/ /gang gi blo yis bsam du med//sems 'di nyid ni rab tu brtan/ /gang gi rgyud 'dir sems pa ni/ /nam yang 'byung bar 'gyur ba med/ /gang la sems pa bsam med pa/ /sems pa thams cad rnam par bral/ /sems pa nyid ni bkug nas sems/ /ring po'i dus su rnam sems na/ /sems pa nyid ni yid byed pa//sems pa zad par 'gyur ba med/ /sems pa 'di ni sems pa che/ /chos kyi sems pa bla na med/ /chos kyi sems pa 'di yis ni/ /yang dag sems la 'jug par 'gyur/ /'di dag nyid la dgongs nas bla ma rdo rjes gsungs pa/ ye shes gang zhig 'bad med par/ / bsam du med ces de la brjod/ /bsam nas gang zhig bsam med byed/ /de ni bsam du med min 'gyur/ /zhes pa'o/ /yang na thabs dang shes rab kyi gnyis su med pa de nyid gnyis su med pa'i rnam pa dbyer med pa gcad du med pa ni de nyid ni 'gro ba nyid do/ /de'i phyir thabs dang shes rab kyi bdag nyid ni dngos po dang dngos po med pa dag ro mnyam pa'i dngos po ni gnyis su med pa'i ye shes so//'di nyid kyang mchog gi rnal 'byor ro/ /de'i rnal 'byor nyid ni rnal 'byor pa ste/ de'i spyod pa nye bar bstan pa'i phyir te/ de lta'i de nyid nges rtogs nas/ /ji lta de ltar gang de na/ /rnal 'byor mig ni rgyas 'gyur bas//kun du seng ge de bzhin rgyu/ /zhes bya ba smras te/ 'di'i sngar bstan pa'i gnyis su med pa'i de kho na nyid ni bla ma dam pa'i man ngag gis nges par rtogs pa'i rnal 'byor pas so/ /gsungs par byas pa na de kho na nyid nges par rtogs pa'i rgyu nyid do/ /rang 'dod pa'i spyod pa'i rgyur yang bstan pa yin te/gang zhig dngos med shes rab ste/ /thabs ni dngos po'i mtshan nyid do/ /thabs dang shes rab snyoms 'jug pa/ /rnal 'byor zhes ni bya bar bshad/ /ces bya ba gsung rab las so/ /rnal 'byor gang la yod pa de ni rnal 'byor pa'o/ /rgyu zhes bya ba ni rang 'dod pa'i gnas pas rgyu bar bya'o//gang des zhes bya ba ni zas kyis so/ /bza' dang bza' min de bzhin du/ /ji ltar rnyed pa bza' bar bya/ /'dod dang mi 'dod rnam rtog rnams/ /'dzin pa 'dir ni mi bya'o/ /zhes gsung rab las so/ /ji lta de ltar zhes bya ba ni gang dang de yang lus dang ngag dang yid kyi rnam pas so//ji skad du bcom ldan 'das kyis rkang pa 'khru ba dang / so rtsi za ba dang / 'thor 'thung bza' ba dang / dril phyis dang / lag pa nyed pa dang / gos kyis smad 'gebs pa dang / 'byung ba dang / skad smra ba dang / gro ba dang / dgod pa dang / khro ba dang / ma rig pa dang sdang ba'i sems/ /skad cig kyang ni ga zhan sems med//grub phyir dngos grub 'dod pa yis/ /gang gis blo ni zhen mi bya/ /zhes pa'o/ /mig ni rgyas pa zhes bya ba ni chos thams cad de bzhin nyid kyi bdud rtsi'i rang bzhin gyis gnyen po'i phyogs med pa dang / dbang po ma bsdams pa med pa de 'dod pa'i longs spyod thams cad kyi sgo nas so/ / de skad du/ dka' thub sdom pa mi bzad pas/ /bsnyen kyang grub par mi 'gyur gyis/ /'dod pa'i longs spyod thams cad la/ /bsnyen na myur du 'grub par 'gyur/ /zhes pa'o/ /yang / lus ngag yid ni legs dag pas/ /thob bo byang chub thob par 'gyur/ /zhes pa'o/ /'o na gsang sngags kyi tshul gyis rnal 'byor pa dang bye brag ci yod ce na/phyag rgya bzhi'i rjes su 'gro ba med pa'i phyir dang / lha'i nga rgyal gyi bde ba chen po'i ro med pas/ btang snyoms kyi rnam pas mngon par byang chub pa dus ring pos rdzogs pa'i phyir bsgrub par bya ba dang sgrub par byed pa nyid kyi rnam pa bye brag nyid shin tu che'o/ /gzhan gyis pha rol tu phyin pa'i tshul gyi rnal 'byor pa las 'di khyad par yod de/bla ma dam pa'i man ngag gi dpyad pa'i stong pa nyid zung du 'jug pa'i de bzhin nyid nges par rtog pas shin tu khyad par 'phags pa'i phyir ro/ /de'i phyir 'di nyid dka' ba'i spyod pa med pa 'di nyid stong pa nyid du ro gcig pa'i de kho na nyid shin tu shes pa dag ni yul gyi grong gis sprul 'dzin pa ltar sprul la rtse yang nges 'bigs par mi 'gyur ro//'di nyid la de kho na nyid kyi ye shes phyag rgya chen po zhes kha cig brjod de/ ji skad du/ thabs dang shes rab mnyam sbyor ba/ /bsgom pa nyid ni rnal 'byor mchog /phyag rgya chen por mnyam sbyor ba/ /bsgom pa ru ni rgyal bas bshad//ces pa'o/ /thabs dang shes rab mnyam par sbyor ba bsgom pa tsam ni phyag rgya chen po bsgom pa ma yin te/ pha rol tu phyin pa'i tshul dang sngags kyi tshul dag tha dad me par thal bar 'gyur ba'i phyir ro zhes sngags pa dag go/ /sbyin pa la sogs pa'i bya ba'i sgo nas pha rol tu phyin pa'i theg pa dman pa ma yin te/dbang po rab kyi de'i yang sbyin pa la sogs pa'i sems tsam yin pa'i phyir ro/ /de skad du/ 'bras bur bcas pa'i nor thams cad/ /skye bo kun la btang sems pa/ /de phyir sems nyid de nyid ni/ /sbyin pa'i pha rol phyin par bshad/ /ces pa'o/ /yang ni mig ni rgyas gyur pas/ /zhes bya ba ni de bzhin nyid kyi rang bzhin chos thams cad rtogs pa'i mig 'bru tshugs so//de skad du/ stong pa nyid kyis stong pa ltar/ mig ni 'bru tshugs byed par 'gyur/ /mgo ni dma' bar byed pa dang / /sems dang sems byung brlan par byed/ /ces pa'o/ /seng ge ji bzhin zhes bya ba ni seng ge bzhin du'o/ /kun du zhes bya ba ni thams cad du 'jigs pa med pa'o//rjes su rnal 'byor pa rgyu bar bya zhes bya ba ni/ spyod lam rnam bzhir spyod pas rgyu bar bya'o/ /de skad du/ lus kyi las ni spyod lam yin/ /zhes bya ba la sogs pa'o/ /de skad du/ bcom ldan 'das kyis/ brgya byin dang mtshungs lha min yang / /mdun na nges par gnas gyur kyang / /de la 'jigs par mi bya ste//seng ge'i tshul du rgyu bar bya/ /zhes pa'o/ /slar yang de nyid kyi spyod pa/ /'jig rten chos las rnam log 'dis/ /smyon pa'i brtul zhugs la brten nas/ /dmigs pa med pas thams cad byed/ /rang byin brlabs pas rnam brgyan pa'o/ /zhes bya ba smras te/ 'jig pas na 'jig rten te phung po lnga'o//de'i chos ni rang bzhin no// /de las rnam par log pa ni shin tu 'das pa'o/ /rang bzhin dman pa de nyid kyis nyi tshe ba'i bde ba dang sdug bsngal dang rnyed pa dang ma rnyed pa dang grags pa dang ma grags pa dang bstod pa dang smad pa zhes bya ba 'jig rten pa'i chos kyang shin tu 'das pa yin no/ /de skad du/ gang 'dir 'jig rten la brten nas//phung po 'jig rten ngas bshad do/ /gang 'dir brtan par byas pa yis/ /'jig rten chos las rnam par grol/ /byang chub sems dpa' mkhas pa gang / /'jig rten rang bzhin shes pa nyid/ /phung po nyid kyang yang dag bstan/ /'jig rten chos dang mi ldan pas/ /rnyed pa dang ni ma rnyed pa/ /de bzhin grags dang ma grags pa//bstod dang smad dang bde dang sdug /'jig rten rnams kyis mi g.yos so/ /de ni der bstan shes rab che/ /'jig rten pa yi chos mkhas pa/ /'jig rten pa yis 'jigs par mthong / /'dis ni g.yo bar yang mi 'gyur/ /'jig rten gnyis las kun du byung / /phyin ci log la kun du gnas//de las 'jig rten 'gro shes nyid/ /mkhas pas 'gro ba 'gro bar 'gyur/ /'gro ba drug gi 'jig rten dag /'gro ba de 'dir rnam shes bya/ /de yis 'jig rten 'gro ba thob/ /mi bden skye bo 'gro ba gang / /dpa' bo de ni 'jig rten rgyu/ /gang gis mi gos pad+ma bzhin/ /'jig rten pa yang nyams mi 'gyur//chos dbyings gang phyir legs par gnas/ /'jig rten chos rnams mi shes pa/ /de nyid 'jig rten la spyod do/ /de nyid la ni blo ldan spyod/ /'jig rten mtshan nyid med par shes/ /'jig rten nam mkha'i mtshan nyid de/ /nam mkha' la yang mtshan nyid med/ /des na de rnams 'gro bar shes/ /'jig rten chos kyis mi gos so//ji ltar 'jig rten rab shes pa/ /de ltar srog chags rnams la 'tshe/ /'jig rten pa yang mi nyams par/ /chos rnams kyi ni rang bzhin shes/ /'jig rten chos ni 'di nyid la/ /phung po'i rang bzhin yod ma yin/ /gang zhig de ltar rab shes na/ /de rnams 'jig rten dag tu gnas/ /gang gis phung po yod shes na/ / ma skyes pa yang mi 'byung ba'o/ /'jig rten de yang spyod pa yis/ /'jig rten la yang mi brten no/ /'jig rten chos ni mi shes pa'i/ /mi mkhas pa ni rtsod par byed/ /'di dag bden pa 'am brdzun pa min/ /gang gis gnyis med ming gis gnas/ /rtsod pa 'di ni yod ma yin/ /de bzhin 'jig rten pa yi chos/ /nga yis shes nas yang dag bstan//gang la rtsod pa med pa'i mchog /gang phyir chos ni sangs rgyas bstan/ /'jig rten mnyam pa nyid shes na/ /'di la brdzun med bden pa'ang med/ /bden pa'am gal te brdzun pa'am/ /gal te brtan pa thob pa na/ /nga yi mtha' ru 'dzin par 'gyur/ /mu stegs dang ni khyad par med/ /ji bzhin chos ni 'byung ba'i don//de bzhin bden dang brdzun pa min/ /de phyir 'jig rten pa yi chos/ /gang phyir nga yis gnyis med bstan/ /gang gis 'jig rten 'di shes pa/ /ji bzhin 'jig rten 'di yi chos/ /de ni bden dang brdzun pa yis/ /mkhas pas lta ba mi len to/ /zhes pa'o/ /smyon pa'i brtul zhugs ni yid kyi bsam pa med par byed pa nyid do//de la brten pa'o/ /de skad du/ 'gro ba bsam pa med par 'gro ste/ bgegs dang bral ba la 'jug pa yongs su ngal ba med pas ngal sos bas skye bo yongs kyi gnas rnams sprul pa med de/ 'dod pa dang mi ldan pa la 'jug pa rnams la 'gro ba dang 'ong ba rnams gus pa ni lha'i bu bzhin du gyur te rol bas 'khor bar spyod ces bya'o//thams cad byed ces pa ni 'jig rten pa'i chos las shin tu 'das pas yang mya ngan las 'das pa ni ma yin no/ /yang de nyid 'jig rten las la spyod pa'o/ /bza' ba la sogs pa dang skye ba yongs su 'dzin pa la sogs pa rnams bstan pa'i rigs pas byed pa'o/ / dmigs pa med pas zhes bya ba ni dngos po'i de kho na nyid yod pa dang med pa la sogs pa'i dmigs pa med pas dus thams cad du rang rig pa'i bdag nyid ni dmigs pa med pa ste/ rang rig pa yang ma skyes pa'i phyir ro/ /de skad du/ ma skyes pa nyid blo yi gang skyes skye ba dang bral te/ /zhes pa'o/ /rang byin brlabs pas rnam brgyan pa'o//zhes bya ba ni rang nyid gnyug ma'i de kho na nyid de bzhin nyid kyi bdag nyid rnal 'byor pa'i sems kyi rgyun de'i bdag nyid du byin gyis brlabs pa'o/ /de bzhin nyid kyi rang bzhin las 'phro ba'i rang bzhin gyis brgyan pa ni rgyan no/ /de ltar na de nyid kyis 'jig rten chos las rnam log ces bya ba la sogs pa las khyad par byas pa'i phyir ro//'on kyang bdag nyid chen po sbyor bar bya'o/ /da ni skabs su bab pa'i don nye bar sdud pa'i phyir/ rnyog med de nyid gang bstan cing / /gnyis su med pas gang smras pa/ /mnyam dang mi mnyam spangs pa'o/ /blo gter rnams kyis shes byar rigs/ / zhes bya ba smras te/ de kho na nyid nges par rtogs pa'i bdag nyid yin pa'i phyir rnyog pa med pa nyid kyi chos rnams kyi dngos po'i bdag nyid de/ de yang thabs dang shes rab tha mi dad pa'i phyir gnyis su med pa'o/ /'dir gzhung mkhan po'i ming gis phyogs gcig bstan pas ni rang gi ming gis gzhung mtshon pa'o/ /de lta bur gyur pa'i yang 'dir de kho na nyid kyi snying por gyur pa nyid bstan pa'o//de'i phyir mnyam pa dang mi mnyam pa spangs te/ mya ngan las 'das par 'dzin pa dang 'khor bar 'dzin pa btang ba'o/ /blo gter rnams kyis shes byar rigs/ /zhes pa ni mkhas pa rnams kyis te/ /gzhan dag gi spyod yul ma yin pa'i phyir ro//dge slong dag gam mkhas rnams kyis/ /bsregs bcad bdar ba'i gser bzhin du/ /yongs su brtags nas nga yi bka'/ /blang bar bya yi gus phyir min/ /zhes gsung rab las so/ /mkhas pas yang 'dir dpyod pa nges kyang dam pa'i chos kyi rjes su 'gro bas rab tu 'dzin par bstan to//yang rtog ge skam po 'ba' zhig byis ba'i dmigs pa ni ma yin te/ de kho na nyid shes pa'i skal ba med pa'i phyir ro/ /de nyid yang 'dir rtog ge ngan pas zhes bya bar bstan to/ /de skad du yang bcom ldan 'das kyis/ rang bzhin ma yin brtags pa min/ /dngos po ma yin kun gzhi min/ / gang la byis pa'i rtog pas brtags/ /rtog ge ngan pa ro dang 'dra/ /zhes bya ba la sogs pa'o/ /de'i phyir rtog ge'i spyod yul yang ma yin no/ /rtog ge skam po rnam par spangs/ /zhes bya ba la sogs pa'o/ /de kho na nyid bcu pa'i rgya cher bshad pa paN+Di ta chen po slob dpon lhan cig skyes pa'i rdo rjes mdzad pa rdzogs so// //rgya gar gyi mkhan po badzra pA Ni las mnyan te/ slad kyis paN+Di ta kA l+ya na warma dang / lo tsA ba shAkya'i dge slong dz+nyA na A ka ra mtshur gyis bsgyur ba'o// //gzhung nyung don mang rgya che rab zab mgon po'i gzhung / /snying po len la gzhung mang sbun pas ci zhig bya/ /rdo yi rang bzhin mching bu yin te rin thang chung //rin chen dbyig gi snying po chung yang rin thang che/ /glen pa blo gros zhan pas snying po lan mi nus/ /gzhung mang spros la dga' zhing gzhung mang don du gnyer/ /snying po'i don la skyon brjod log pa'i lam la zhugs/ /nyon mongs snying re rje la kho bos ci byar yod/ /legs sbyar sgra yi 'grel pa bod skad la med phyir//sgra dang don mi 'gal bar bsgyur ba shin tu dka'/ /bla ma rdo rje'i spyan sngar yun ring sbyangs pa yi/ /shAkya'i dge slong dz+nyA na A kar mtshur gyis bsgyur/ /log pa'i nga rgyal ldan zhing sdang bar zhugs pa rnams/ /bsgyur la smod par byed cing phyar ka sgrogs pa ni/ /'di la ma brten rang gis logs shig sgyur//'di las 'chos shing bsgyur na bsam ngan khyed rang shes/ /bdag gis lhag pa'i bsam pa rnam par dag pas bsgyur/ /rnam dag las byung bsod nams dri med bsags pa des/ /'jig rten mtha' dag 'khrul pa rnam spangs snying po'i don/ /zung 'jug dbu ma'i don ni yang dag rtogs par shog/ //